22-1-1


ཇོ་ནང་ཆོས་མཛོད་ཆེན་མོ་ལས། 
རྗེ་བཙུན་ཏཱ་ར་ནཱ་ཐའི་གསུང་འབུམ། 
༼ཟ༽
22-1-2


22-1-3


22-1-4


22-1-5


༄༅། །མྱང་ཡུལ་སྟོད་སྨད་བར་གསུམ་གྱི་ངོ་མཚར་གཏམ་
གྱི་ལེགས་བཤད་མཁས་པའི་འཇུག་ངོགས་
ཞེས་བྱ་བ་བཞུགས། 
༄༅། །ཤྲཱི་ཡ་སི་སྟུ། ཚོགས་གཉིས་ཆུ་འཛིན་སྟུག་པོའི་འཛུམ་ཞལ་ལས། །ལེགས་
འཁྲུངས་འཆི་བ་མེད་པའི་བདུད་རྩིའི་ཆར། །འགྲོ་ཚོགས་སྲིད་འཁྱམས་གདུང་བས་ཆེར་དུབ་
རྣམས། །སེལ་བྱེད་དམ་པའི་སྨན་ཆབ་ཐུབ་དབང་རྒྱལ། །དེ་ཡི་བརྩེ་ལྡན་ཟླ་བའི་འོད་དཔལ་
གྱིས། །ས་གསུམ་ཤུགས་ལས་སྲིད་སྒྲོལ་གཟུགས་ཤར་བ། །འཕགས་པའི་ཞིང་མཆོག་ངོ་
མཚར་གངས་རིའི་ལྗོངས། །སའི་ཐིག་མྱང་ཡུལ་ལྷ་གནས་འདྲ་བའི་གཏམ། །ཤེས་བྱའི་རང་
བཞིན་མ་ལུས་ཆོས་ཡངས་པར། ༡ (།གཞི་གཅིག་པའི་བསྡུས་བརྗོད་ཀྱི་རྒྱན་མཚར་དུ་དངར་བ།) །མཐའ་ཡས་
འབྱོར་པའི་ལང་ཚོ་རྒྱས་པ་མོའི། །ཡིད་འོང་སྙིང་ཁར་རེག་པའི་དོ་ཤལ་འདི། ། དཔྱོད་ལྡན་
མཁས་པ་ལས་གཞན་སུ་ཞིག་བསྟེན། །སྐར་ཚོགས་ཕྲ་མོའང་ཀུན་གསལ་ཡངས་པའི་ངོས། །
ཉི་ཟླའི་གཟི་བརྗིད་བསྙེམས་ནས་ཟོལ་གྱི་རྒྱུ། །རྣམ་དཔྱོད་རང་འོས་དཔལ་གྱི་མདངས་བྲལ་
ཡང༌། །ཤར་ཕྱོགས་རི་བོའི་ཕྲག་པར་ངོམས་ཤིང་འཆར། །སྔོན་བྱོན་བློ་གྲོས་སྤྱན་ཉིད་ཨུཏྤལ་
དུ། ༢ (།གཟུགས་ཅན་འཕར་མའི་དཀྱུས་དཔེ་རྒྱན་མཚར་དུ་དངར་བ།) །ཡངས་པའི་ལེགས་བཤད་འདབ་
བརྒྱ་ལྷའི་རྔ་ཡབ། །འཛུམ་པར་མཚུངས་ཙམ་མ་ཡིན་མཁས་རྣམས་ཀྱི། །སྙིང་ཁ་བདུད་རྩིའི་
རྒྱ་མཚོ་རྒྱས་ལ་འགྲན། །མང་ཐོས་རིག་པའི་གནས་ཀྱི་ཕ་མཐའ་རུ། །སོན་ཞེས་མིང་ཙམ་མ་
ཡིན་དཔྱད་གསུམ་གྱི། །རྣམ་དག་བློ་གྲོས་ནོར་གྱིས་ཆེས་ཕྱུག་ཀྱང༌། །སྙིགས་དུས་སྐྱེ་བོས་
22-1-6


མི་ཤེས་བླུན་ཁྲོད་རྒྱུ། །དེ་ཕྱིར་དམ་པའི་རིང་ལུགས་མྱང་ཡུལ་གྱི། །སྔར་བྱུང་བསྟན་གཞི་དེ་
འཛིན་སྐྱེས་བུ་དང༌། །སྐུ་གསུང་ཐུགས་རྟེན་ངོ་མཚར་གྱིས་བསྐྲུན་རྣམས། །རྟོག་བཟོ་སྤངས་
ཏེ་བློ་ཡི་ཆུ་གཏེར་ལས། །ལེགས་བཤད་ནོར་བུ་ཡིད་ཀྱི་རེ་སྐོང་དུ། །འབྱུང་ཡང་འཁྱོག་པོའི་
བློ་ཅན་རྣམས་ལ་ཅི། །དྲི་མེད་ཡེ་ཤེས་སྤངས་པ་བློ་ཡི་ཡུལ། །འགལ་འཁྲུལ་ཆད་ལྷག་ནོངས་
པའི་ཚོགས་མཆིས་ན། །འཕགས་དང་མཁས་རྣམས་བཟོད་གསོལ་ལྷག་བསམ་གྱི། །གྱོན་
གོས་ལེགས་ཉེས་དཔྱད་ནས་འདིར་འགོད་པ། །དམ་པའི་མཛད་མཆོག་ཅོད་པན་མཛེས་
པར་བཅིངས། །བོད་ཡུལ་དབུས་ཀྱི་ལྟེ་བ་འདོད་རྒུ་འབྱིན་པའི་དཔག་བསམ་གྱི་རྐང་འཐུང་
ལ་གཞན་དྲིང་མི་འཇོག་པ། ནོར་འཛིན་གྱི་དཀྱིལ་འཁོར་ཡངས་པའི་སྙིང་པོ་ཕྱུངས་པ་འདྲ་
བའི་བདུད་རྩི་སའི་ཞག་ཏུ་ཆགས་པ། མྱང་སྟོད་རིག་པའི་འབྱུང་གནས་ལྷ་ཆོས་དང་མི་ཆོས་
ཀྱི་དཔལ་དང་ལྡན་པའི་ཡུལ། ཡ་རབས་སྐྱེ་བོ་བཟང་པོའི་བློ་ཅན་འབའ་ཞིག་དགེ་བའི་ལས་
ལམ་བཅུ་ལ་མངོན་དུ་ཕྱོགས་པས་འཆི་བ་མེད་པའི་གྲོང་ཁྱེར་དུ། རབ་དཀར་ཤེལ་གྱི་ཐེམ་
སྐས་བཙུགས་པར་ལེགས་པར་འཛེགས་པའི་ཤེས་པ་ཅན་གྱི་སྐྱེ་འགྲོ་ཤ་སྟག་ཡོད་པའི་ས་
ཡུལ། ཕུ་ཧ་བོ་གང་བཟང་ཞེས་པ། ཡབ་གནོད་སྦྱིན་གྱི་རྒྱལ་པོ་གང་བ་བཟང་པོ། སྲས་ནོར་
བུ་བཟང་པོ་གནས་པ་ན། མདའ་བཅུག་དཔེ་ཡུ་བ་གདོང་ཡན་གྱི་ས་དཔྱད་བཟང་ངན་ཇི་
ལྟར་ལྡན་ཚུལ། སྔོན་དུས་གཙུག་ལག་ཁང་དང་དགེ་འདུན་གྱི་སྡེ་བཙུགས་ནས། ཕན་བདེའི་
རྩ་ལག་བསྟན་པ་ཆེས་ཆེར་འཕེལ་ཚུལ་དང༌། མཁས་པ་ལ་གྲུབ་པའི་དངོས་གྲུབ་མཆོག་
བརྙེས་པ་རྣམས་འཁྲུངས་པ་དང༌། ཞབས་ཀྱིས་བཅགས་ནས་ས་གཞི་བྱིན་གྱིས་བརླབས་པ་
དང༌། རྟེན་དང་གསུང་རབ་མང་པོ་བཞེངས་ནས་མངོན་མཐོ་ངེས་ལེགས་ཀྱི་གཞི་མ་བཏང་
ཚུལ་སོགས་ཀྱི་ལོ་རྒྱུས་རང་བློར་གསལ་བ་རྣམས་བཀོད་པ་དེ་ལ་ཡང་ཐོག་མར་ས་གཞི་བྱིན་
གྱིས་བརླབས་པའི་སྐྱེས་བུ་དམ་པས་རྒྱ་སྐད་རྭ་རྒྱ་ཞེས་པ་རོ་མྱངས་པའི་སྒྲ་དོན་གྱི་ངེས་ཚིག་
22-1-7


བཤད་པ། ཡུལ་གྱི་ཆེ་བ་དང་འདོད་ཡོན་བཤད་པ། ཡུལ་འཛིན་པའི་གང་ཟག་གི་སྐྱེས་བུ་
ཁྱད་པར་བ་རིམ་པར་བྱུང་ཚུལ་དང་གསུམ་མོ། །
དང་པོ་ནི། བྱ་རྒོད་སྤུངས་པའི་རི་བོ་ཆེ། བོད་དུ་འདོད་ཡོན་སྤུངས་པའི་རི་བོ་ཆེ་ཞེས་
བཤད་པ་ལས། རི་བོ་ཆེ་འདི་ཉིད་ཀྱི་རྩེར་སློབ་དཔོན་པདྨ་འབྱུང་གནས་རྗེ་འབངས་ཉི་ཤུ་
རྩ་ལྔ་དང་བཅས་པ་ཕེབས་ཏེ་ས་གཞི་རྣམས་བྱིན་གྱིས་བརླབས། དེའི་དུས་སུ་ལྷའི་དབང་
པོ་བརྒྱ་བྱིན་གྱིས་ཤེལ་གྱི་བུམ་པ་བདུད་རྩིས་གང་བ་ཞིག་བསྣམས་ནས་བྱོན་ཏེ་བདུད་རྩིའི་
བུམ་པ་སློབ་དཔོན་གྱི་ཕྱག་ཏུ་ཕུལ་ནས་ལྷའི་བདུད་རྩིའི་རོ་མྱང་དུ་གསོལ་ཞུས་པ་དང༌། སློབ་
དཔོན་གྱིས་བདུད་རྩིའི་བུམ་པ་ཟད་མི་ཤེས་པར་བྱིན་གྱིས་བརླབས། རྗེ་འབངས་ཉི་ཤུ་རྩ་ལྔ་
ལ་བུམ་པའི་བདུད་རྩི་སྐྱེས་ཏེ། རིགས་ཀྱི་བུ་ལྷའི་བདུད་རྩིའི་རོ་མྱང་བར་བྱའོ་ཞེས་གསུངས་
པས། ཡུལ་གྱི་མིང་ལ་ལྷའི་བདུད་རྩི་མྱང་བས་མྱང་ཞེས་བྱའོ། །དེ་ནས་ལྷའི་བདུད་རྩི་མང་
པོ་སྤེལ་ནས་སློབ་དཔོན་རྗེ་འབངས་བཅས་པས་བདུད་རྩིའི་བུམ་པ་ཐོགས་ཏེ་གནོད་སྦྱིན་
གང་བཟང་གི་རྩེར་བདུད་རྩི་ནས་བླུགས་ཏེ་གངས་རི་འདི་ཡང་ལྷའི་བདུད་རྩིས་བྱིན་གྱིས་
བརླབས་པས། དེ་དག་ཆུ་བོ་ཆེན་པོ་འདི་ལ་མྱང་གི་ཆུ་ཞེས་དང༌། ལྷའི་བདུད་རྩིའི་རོ་མྱང་
བཞིན་པ་མྱང་གསེར་གཞུང་རིང་མོ་ཞེས་བྱ། སྒོས་ཡུལ་གྱི་གངས་རི་རྣམས་ལ་ཡང་ལྷའི་
བདུད་རྩི་ནས་བླུགས་པ་མཛད་ཟེར་བ་ཡང་གྲགས་ལ། སློབ་དཔོན་པདྨའི་དངོས་སློབ་ཕལ་
ཆེར་ལ་བདུད་རྩི་དེ་ནས་ཕྱག་ཏུ་མ་བྱུང་བ་མེད་ཅིང༌། བདུད་རྩི་དེ་ལ་སྔགས་པ་ཆེ་ཞིང་མཐོང་
ཆེ་བས་ན་བདུད་རྩི་གཉེར་བཅག་མཛད་ཅིང༌། དེའི་ཡང་སློབ་མ་རྣམས་ལ་བདུད་རྩི་དེའི་
ཆུ་རྒྱུན་གྱི་རོ་མྱང་རྒྱུ་བྱུང་བ་རྣམས་ལ་མྱང་མྱང་ཞེས་གདུང་རུས་ལ་ཡང་མཚན་གསོལ་བར་
འདོད་ཅིང༌། དེ་ལྟར་འཐད་པར་གོ །མྱང་པོ་ནས་ཕེབས་པའི་རྣལ་འབྱོར་པ་གཅིག་གིས་བྱིན་
གྱིས་བརླབས་པས་མྱང་ཞེས་ཟེར་བ་ནི་བླུན་ཚིག་ཁོ་ན་ཡིན་ཅིང་མི་འཐད་ལ་ཁུངས་གང་ཡང་
22-1-8


མེད་དོ། །
བདུད་རྩི་མྱང་པས་མྱང་ཞེས་པ་ཡིད་ཆེས་ཤིང་ཁུངས་བཙུན་པའི་གནས་སུ་གྱུར་པ་ཡིན་
ལགས། དེའི་ཚེ་ལུང་དམར་ཡར་སྟབས་གངས་ཀྱིས་ཆོད་པ་དང༌། གཞན་ལུང་པ་ཐམས་ཅད་
ནགས་ཀྱིས་ཆོད་པ་ཡོད་པ་ལ་སློབ་དཔོན་གྱི་རྫུ་འཕྲུལ་གྱིས་ནགས་ཐམས་ཅད་ཡེ་ཤེས་ཀྱི་
མེས་བསྲེགས། གནོད་སྦྱིན་གང་བཟང་གི་བདུད་རྩིའི་ཆུ་རྒྱུན་མྱང་ཆུ་འདི་ཡང་སྒང་ལ་གཏོང་
བ་མཛད་ནས། ཆུ་བོ་འདིས་བསྟན་པ་དང་སེམས་ཅན་ལ་ཕན་པ་ཁོ་ནའི་རྒྱུར་གྱུར་ནས་ཡུལ་
འདིར་ལོངས་སྤྱོད་དང་འབྲུ་སྣ་དང་ཤིང་སྣ་ལ་སོགས་པ་སྨིན་ཅིང་རྒྱས་པའི་སྨོན་ལམ་བདེན་
སྟོབས་ཡང་དག་པ་གསུངས་པའི་མཐུ་ཡིན་ལགས། གཉིས་པ། ཡུལ་གྱི་ཆེ་བ་དང་འདོད་
ཡོན་བཤད་པ་ནི། དེ་ལྟར་སྐྱེས་བུ་དམ་པ་རྣམས་ཀྱི་བྱིན་གྱིས་བརླབས་པའི་གནས་འབྲུ་སྣ་
ལྔ་སྨིན་ཞིང༌། ལྗོན་ཤིང་གི་རིགས་དང༌། རྩི་ཐོག་ཕུན་སུམ་ཚོགས་པ་སྐྱེ་བས་འདོད་དགུའི་
དཔལ་ཡོན་ཕུན་སུམ་ཚོགས་པ། སངས་རྒྱས་ཀྱི་བསྟན་པ་འཕེལ་བས་ན་ཆོས་ཚིགས་ཀྱི་ཡུལ་
དབུས་ཡིན་ནོ། །མྱང་སྟོད་གཞུང་ན་བསྟན་པ་སྔ་དར་གྱི་དགོན་པ་བདུན་ཡོད། རྩིས་ཀྱི་རྒྱལ་
པོའི་ལྷ་ཁང་ཡོད། རྒྱ་ཕིབས་གསུམ་ཡོད། རྒྱལ་པོ་ཁྲི་སྲོང་ལྡེའུ་བཙན་ཡན་(སྤྱི་ཡི་ལུགས་ལ་མངའ་
བདག་ཁྲི་རལ་ཡན་སྔ་དར་དུ་བཞེད་)ལ་སྔ་དར་འཆའ། རྒྱ་ཕིབས་ཤར་མ་འདི་རྒྱལ་པོ་སྲོང་བཙན་སྒམ་
པོ་ཡིན། དེའི་འོག་གྱི་རྒྱ་ཕིབས་འདི་མངའ་བདག་ཁྲི་སྲོང་ལྡེའུ་བཙན་ཡིན། དེའི་འོག་གྱི་རྒྱ་
ཕིབས་འདི་རྒྱལ་པོ་རལ་པ་ཅན་གྱི་ཡིན། རྒྱལ་པོ་ཁྲི་སྲོང་ལྡེའུ་བཙན་གྱི་སྐབས་ཡོན་ལྗོངས་
ལྷག་མ་ལ། རྟག་རྩེ་ན་རྟེ་ར་དགོན་པ་ལྔ། བཙས་ཕུ་ན་བདེ་ཕུ་དགོན་པ་ལྔ། བྱེ་མའི་མདའ་
ན་བྱེ་མདའ་རྒྱ་ཕིབས་ལྔ། རྒྱང་རོ་ན་རྐྱང་བུའི་ལྷ་ཁང་ལྔ། རྒྱང་མཁར་ན་བ་འུག་ལྷ་ཁང་ལྔ། 
རྒྱལ་པོ་ཁྲི་རལ་གྱི་སྐབས་ཡོན་ལྗོངས་ལྷག་མ་ལ། སྤོས་ཁང་གི་མདའ་ན་ལྷ་ཆུང་དགོན་པ་
ཡོད། ཁྲི་རལ་གྱི་སྐབས་སྤས་ལུང་དགོན་པ་ལ་ལྷ་དོ་ལྔ། ཉི་མའི་ནུབ་ཕྱོགས་ན་རྡོ་རྗེ་གདན་
22-1-9


ལྔ། སྤོས་ཁང་ན་འཇའ་ལུང་ལྔ། ནོར་བུ་ཁྱུང་རྩེའི་ལྟག་ན་ག་ཕུ་དགོན་པ་ལྔ། བསྟན་པ་ཕྱི་
དར་གྱི་སྐབས་སུ་རྒྱལ་པོའི་མཁར་ལ་སྔ་བ་བོད་ཆོས་རྒྱལ་གདུང་རྒྱུད་རྗེ་གྲི་གུམ་བཙན་
པོས་གནང་བའི་ཕོ་བྲང་རྩེ་ཆེན་ལྔ། དེ་རྗེས་ཆོས་རྒྱལ་གདུང་རྒྱུད་རྗེ་དཔལ་མགོན་བཙན་གྱི་
མཁར་ལ་ཤེལ་དཀར་རྒྱལ་རྩེ་ལྔ། ཆོས་རྒྱལ་གདུང་རྒྱུད་ཀྱི་ཐོག་མ་དབྲ་རྒོད་གདོང་བཙན་
གྱི་ལུང་རྒྱུགས་པ། དེ་རྗེས་དཔོན་ཡིག་འཕགས་པ་དཔལ་ལ་རྒྱ་རྒྱལ་པོས་གནང་བའི་ལྕང་
ར་ལྔ། བྱང་རི་སེ་བྲག་པདྨ་འདབ་བརྒྱད་ཁ་ཕྱེ་བ་འདྲ། དེ་ན་བླ་མ་སྙུག་སྟོན་གྱིས་བསྲེ་བྲག་
གཡའ་ལུང་གི་དགོན་པ་བཏབ་ཅིང༌། བྱ་གནམ་ལ་འཕུར་བ་ལ་སྒོམ་ཐེབས། ནམ་ཕྱེད་ཆུ་
གཉིད་དུ་འགྲོ་བ་ལ་འབྱུང་བའི་རླུང་འོག་ཏུ་ནོན། རླུང་སེམས་ལ་རང་དབང་ཐོབ་པའི་བླ་མ་
ཡིན། བསེ་བྲག་གཡའ་ལུང་འདི་ཨོ་རྒྱན་པདྨ་འབྱུང་གནས་ཀྱིས་ངན་དགུ་བཟློག་ནུས་པའི་
གཏོར་མ་འདྲ་སྟེ་ས་བཀྲ་ངན་པ་བཟློག་ནས་བཟང་པོར་འགྱུར་རོ་ཞེས་གསུངས་སོ། །མྱང་
སྟོད་ལ་ལྟས་ངན་གྱི་རི་བཅུ་གསུམ་ཡོད། འབྲོང་རྩེའི་རི་འདི་འབྲོང་པོ་ར་བརྡར་བ་འདྲ། དྲན་
མའི་རི་འདི་གཅེས་ཕྲུག་ཐང་ལ་བསྐྱུར་བ་འདྲ། སྦལ་གདོང་གི་རི་འདི་རྔ་མོང་གྭ་པ་ཆུ་འཐུང་
བ་འདྲ། ཤམ་བུ་རྩེ་དགུའི་རི་འདི་གློ་བ་ཆུས་བཤལ་བ་འདྲ། རྗེ་གྲི་གུམ་བཙན་པོའི་རི་འདི་
རྟ་སྒ་སྐེད་ཉག་འདམ་ལ་བཞག་པ་འདྲ། སྤ་ལུང་གི་རི་འདི་བལ་མོ་ཕྱག་འཚལ་བ་འདྲ། རྩ་
འཁོར་གྱི་རི་འདི་མཛེ་ཕོ་སྦྲ་ཕུབ་པ་འདྲ། རྒྱལ་མཁར་རྩེའི་རི་འདི་སྤྲེའུ་རྒྱབ་ལག་ཏུ་བསྐྱིགས་
པ་འདྲ། བཙས་ནང་གྱི་རི་ཆུང་གསུམ་པོ་འདི་འགོང་པོ་བལ་འདབ་རྒྱག་པ་འདྲ། བཙས་ནང་
གི་རི་བོ་ཆེ་འདི་ཟངས་མོ་ཆེ་ཁ་སྦུབས་པ་འདྲ། ཆུ་རག་གཙོག་པོའི་རི་འདི་ཨ་དཀར་པོ་མགོ་
གཞུག་སློགས་པ་འདྲ། ས་བཀྲ་དང་རི་བཀྲ་ངན་པ་ཐམས་ཅད་བྱང་རི་པདྨ་འདབ་བརྒྱད་
ཁ་ཕྱེ་བ་འདྲ་ལ། བཀྲ་ཤིས་རྟགས་བརྒྱད་ཀྱི་རྟགས་མཚན་བཟང་པོ་ཚང་བ་འདིས་ངན་པ་
ཐམས་ཅད་ནོན་པས་མི་རྣམས་ཚེ་རིང་ཞིང༌། མི་ནོར་དར་རྒྱས་ཆེ་བ། ཕྱོགས་བཞི་མཚམས་
22-1-10


བརྒྱད་ཀྱི་ནོར་རྣམས་འདིར་འདུས། བླ་མ་སོ་སོ་སྐུ་ཚེ་རིང་ཞིང་ཆོས་འཕེལ་བ། བར་ཆད་མི་
ལྡང་བ་སོགས་བཀྲ་ཤིས་གྲངས་ཀྱིས་བརྒྱན་པས་ཕུན་སུམ་ཚོགས་ཚུལ་ཆེས་མང་ངོ༌། །
བྱམས་པའི་རྣམ་འཕྲུལ་ཆོས་ཀྱི་རྒྱལ་པོ་ཆེན་པོ་རབ་བརྟན་ཀུན་བཟང་འཕགས་ཀྱིས་
བཏབ་ཅིང༌། དེ་དག་གི་ཐོས་བསམ་སྒོམ་གསུམ་གྱི་སྒོ་ནས་བཤད་སྒྲུབ་ཀྱི་དགོན་པ་ཁྱད་
པར་ཅན་ཆོས་གྲྭ་ཆེན་པོ་དཔལ་འཁོར་བདེ་ཆེན་དང༌། དུས་ཀྱི་འཁོར་ལོའི་སྙན་བརྒྱུད་ཟབ་
མོ་སྦྱོར་བ་ལ་ཉིང་ལག་དྲུག །ཉེ་བརྒྱུད་རིང་བརྒྱུད་ཀྱི་ཉམས་ལེན་ལ་རྟག་ཏུ་གཞོལ་བ་སྒྲུབ་
སྡེ་རི་ཁྲོད་དགའ་ལྡན་དང་རྒྱུད་བརྟག་གཉིས་ལས། །ཆུ་བོའི་རྒྱུན་ནི་རབ་འབབ་དང༌། །མར་
མེའི་རྩེ་མོ་རབ་བཅིངས་ལྟར། །རྟག་ཏུ་དེ་ཉིད་རྣལ་འབྱོར་པས། །ཉིན་དང་མཚན་དུ་མཉམ་
པར་བཞག །ཅེས་པའི་དོན་ལྟར་ཆུ་བོ་རྒྱུན་གྱི་རྣལ་འབྱོར་ལ་གནས། སྐྱེས་བུ་མཆོག་སྟེ་
བཅོས་མའི་འཆིང་བ་ཐམས་ཅད་རྡོག་བརྫིས་སུ་མཛད། དེ་སངས་རྒྱས་ཐམས་ཅད་མངོན་
པར་ཚངས་རྒྱ་བའི་ཆོས་ཟབ་མཛུབ་བཙུགས་སུ་བསྟན་པས། རྡོ་རྗེ་སློབ་མ་ཐམས་ཅད་འཇིག་
རྟེན་ཆོས་བརྒྱད་ཀྱི་བསྡུ་ཚོམ་ཞིག །རིའི་བུ་བྱས། ན་བུན་གྱི་གོས་གྱོན། ལྟོ་གོས་ལ་གྱོང་སྐུར། 
གཏམ་ལ་གཙིགས་སུ་མི་བྱེད་པ། ཕྱི་དབེན་པ། ནང་མལ་སྟན། གསང་བ་ལུས་གནད། དེ་ཁོ་
ན་ཉིད་ལ་དམིགས་པ་གར་གཏད་ཀྱི་སྟེང་དུ་སྤང་ལ་བེ་ཕུར་བཏབ་པ་བཞིན་སྡོད་ཚུགས་པ་
དེ་བླ་མའི་བྱིན་རླབས་སྙིང་ལ་ཞུགས་ནས། སྲིད་པའི་རྭ་བ་དུམ་བུར་གཏུབ་པ་ལ་མངོན་པར་
ཕྱོགས་པའི་དབེན་གནས་རིན་ཆེན་སྒང༌། གདན་ས་ཆེན་པོ་གནས་རྙིང་དང༌། གདན་ས་ཆེན་
པོ་རྭ་ལུང་དང༌། རྩེ་ཆེན་ཆོས་སྡེ་དང༌། ལྕང་ར་ལྷ་ཁང་དང༌། འཁྲུངས་ཡུལ་དཔལ་ཆེན་དང༌། 
བྱེ་མདའ་ལྷ་ཁང་དང༌། གནས་གསར་ལྷ་ཁང་དང༌། འབྲོང་རྩེ་ཆོས་སྡེ་དང༌། རྒྱལ་གནས་ལྷ་
ཁང་ལ་སོགས་ཏེ་ཆོས་སྡེ་དང་ལྷ་ཁང་ཡང་བསམ་གྱིས་མི་ཁྱབ་པ་གནས་ཤིང༌། དེ་དག་གི་
བྱིན་རླབས་ཀྱིས་ཚོང་འདུས་ཀྱི་འདོད་ཡོན་ཆེ་བས་ཡོ་བྱད་མ་ཚང་བ་མེད་པས་ཡུལ་གྱི་ཆེ་
22-1-11


བའོ། །
གསུམ་པ། ཡུལ་འཛིན་པའི་གང་ཟག་གི་སྐྱེས་བུ་མི་རབས་རིམ་པར་བྱུང་བ་བཤད་པ་
ནི། མྱང་སྟོད་འདྲེ་དང་ཁྱུང་གིས་འཛིན། མྱང་བར་བཙད་པོ་འ་ཞྭས་འཛིན། མྱང་སྨད་ལྕེ་དང་
དཔྱལ་གྱིས་འཛིན། ཟེར་བའི་འཛིན་ཚུལ་དང༌། དེ་ནས་ཧོར་གྱི་ཁྲིམས་བྱུང་ཚུལ་དང༌། དེ་
ནས་དཔལ་ལྡན་ས་སྐྱ་བའི་ལུང་རྒྱུགས་ཚུལ་དང༌། དེ་ནས་ཆོས་རྒྱལ་ཆེན་པོའི་གདུང་རབས་
ཀྱི་ཡིག་ཆ་ལས་གསལ་བ་འདིར་མ་བྲིས། དེ་ཡང་ཕུ་གནོད་སྦྱིན་གང་བཟང་དང༌། མདའ་
བཅུག་ས་ཡུ་བ་གདོང་ཡན་མྱང་གསེར་གཞུང་རིང་མོ་དངོས་བཤད་པ་ལ། མཐའ་ཡས་བསྐལ་
པར་རྒྱལ་བའི་བསྟན་པ་ལ། །རྒྱལ་དང་གསང་བདག་རྣམ་མང་ཐོས་སྲས་ཀྱིས། །བཀའ་ལས་
མི་འདའ་ནོར་སྦྱིན་བསྟན་པ་སྐྱོངས། །གནོད་སྦྱིན་དབང་པོ་གང་བ་བཟང་པོའི་གནས། ཞེས་
པའི་གང་བ་བཟང་པོའི་བཞུགས་གནས་གངས་རི་དཀར་པོ་གུར་ཕུབ་ལ་ཏོག་ཤེལ་དཀར་གྱི་
མཆོད་རྟེན་རྩེ་ལྔ་བཞག་པ་འདྲ་བ་ལ་མྱང་ཡུལ་རྒྱ་གར་གཉིས་པ་འདི་ལ་ཕུ་གཏད། མདའ་
བཅུག་ས་ཡུ་བ་གདོང་ཉ་མོ་ཆབ་ལ་འཛུལ་བ་འདྲ་བ་ལ་གཞུག་གཏད་པའི་ཡུལ་འདི་ལ་མྱང་
སྟོད་སྨད་བར་གསུམ་དུ་བཤད་པའི་སྟོད་ཀྱི་ཡུལ་ནི་ཕུ་རི་ནང་སྤང་ཁར་ལ་གཏད། མདའ་
གཤམ་ཕུ་རྩེ་དགུ་ལ་གཏད་པ་འདི་ལ་ཚོང་འདུས་ཆེན་པོ་གཅིག །མི་རིགས་མི་གཅིག་པ་
གཉིས། འབྲོག་སྡེ་ཆེན་པོ་གསུམ། ཟོང་སྣ་མི་གཅིག་པ་གསུམ་ཡོད་ལགས། །ཚོང་འདུས་
ཆེན་པོ་ནི་སྔར་རྒྱང་རོ་ས་མ་ན་ཡོད། དེ་རྗེས་གནས་རྙིང་དུ་འདུས་པ་ཡིན། ད་ལྟ་ནི་མྱང་སྟོད་
དང་བར་གཉིས་ཀྱི་ཚོང་འདུས་དཔལ་འཁོར་ཆོས་སྡེར་འདུས་པ་སྣང༌། མི་རིགས་གཉིས་ནི་
དྲག་པ་རྣམས་དགེ་བ་དཀར། སངས་རྒྱས་ལ་དད་པའི་ཤས་ཆེ། ཞན་པ་རྣམས་དམྱལ་བར་
ལྷུང་ངེས་པའི་སྡིག་ཤས་ཆེ། འབྲོག་སྡེ་གསུམ་ནི་རྒྱང་རོ། ཉིང་རོ། གང་རོ་གསུམ། ཟོང་སྣ་
གསུམ་ནི་ཞྭ་མོ། རྔ་མ། སྣམ་བུ་གསུམ་གཙང་ཁད་བྲག་གདོང་ཡན་གྱི་ཞིང་པས་ཕུའི་འབྲོག་
22-1-12


པ་མ་ཐེག་སྟེ། ཚག་པོ་ཁོག་ཚོང་དུ་བྱེད་པ་དེ་ན་ཡོད། བར་གྱི་ཡུལ་ནི་ཕུ་ས་མ་ས་ཕུ་ལ་གཏད། 
མདའ་གབ་ཕྱ་དཀར་ལ་གཏད་པ་འདི་ལ་ཚོང་འདུས་ཆེན་པོ་གཅིག་ཡོད་པ་སྔར་ཐུ་གུ་ན་
ཡོད། ཕྱིས་འདུས་བྱུང་དུ་འདུས། མི་རིགས་གཉིས་ནི་དྲག་པ་བླུན་ལ་རང་འདོད་ཆེ་བ་ཁོ་
ན་འཛིན་པ་ཕྱུག་ཤས་ཆེ། ཞན་པ་སྤྱང་ལ་སྨྲ་ཆུ་རྒོད་པ་དབུལ་ཤས་ཆེ། འབྲོག་སྡེ་གསུམ་ནི་
རྒྱང༌། དཀྱིལ། མང་གསུམ། ཟོང་སྣ་གསུམ་ནི་སླེའུ་དང༌། གྲུམ་ཟེ། འཕྱིང་པ་གསུམ། སྐུ་
རི་ཡན་གྱི་བོད་འབྲོག་འཚོགས་པས་ཤས་ཕྱེད་ཚོང་དུ་བྱེད་པ་དེ་ན་ཡོད། མྱང་སྨད་ཀྱི་ཡུལ་གྱི་
ཕུ་འཁོར་སྟོད་ལ་ཁ་ལ་གཏད། མདའ་ཆུ་སྒོའི་གཞུང་ལ་གཏད་པ་འདི་ལ་ཚོང་འདུས་ཆེན་པོ་
གཅིག་ཡོད་པ། སྔར་ཚོང་འདུས་མགུར་མོ་ན་ཡོད། ཕྱིས་ཞྭ་ལུ་རུ་འདུས། ད་ལྟ་བསམ་རྩེར་
ཚོང་འདུས་པ་འདི་ག་ཡིན། མི་རིགས་གཉིས་ནི་དྲག་པ་མཛངས་ཤིང་སྙིང་རྗེ་ཆེ་བ་སོགས་
ཤེས་རབ་ཀྱི་ནོར་བདུན་ཚང་བ་ཤས་ཆེ། ཁྲེལ་ཞན་པ་ངོ་ཚ་གཞུང་དང་ཕྱི་ཐག་མེད་པ་ཁྲམ་
ཤས་ཆེ་བ། འབྲོག་སྡེ་གསུམ་ནི་སྒྲོ་ལུང་པ་དང༌། ལྕགས་པ། ར་དང་གསུམ། ཟོང་སྣ་གསུམ་
ནི་སྐེད་རག་དང༌། ཐེར་མ། ལྷམ་ཟོན་གསུམ། བཅུག་ས་ཡུ་བ་གདོང་ཡར་སྟབས་ཀྱི་འབྲོག་
པས་མདའི་ཞིང་པའི་གྱ་མ་ཐེག་སྟེ་ཤ་གཟུག་ཚོང་དུ་བྱེད་པ་དེ་ན་ཡོད། དེ་ལྟར་ཡུལ་ལྗོངས་
གསུམ་གྱི་ཕུ་ཤར་ལ་གཏད། མདའ་ལྷོ་ནུབ་ལ་གཏད་ཡོད་ལགས། དེ་ཡང་ཕུ་ནས་བལྟས་
ན། མདའ་མཐོང༌། མདའ་ནས་བལྟས་ན་ཕུ་མཐོང་བའི་གསེར་ལུང་རིག་པའི་འབྱུང་གནས་
འདི་ལ་གྲོང་བརྡལ་དང༌། གྲོང་ཁྱེར་བསམ་གྱིས་མི་ཁྱབ་པ་ཡོད་པའི་ཡུལ་ལྗོངས་ཁྱད་པར་དུ་
འཕགས་པ་ཡིན་ལགས། འདི་ཡན་གྱི་ལུང་བཤད་བདག་ཆེན་རབ་འབྱོར་བཟང་པོས་མཛད་
པ་ཡིན་ལགས། ཕུ་ཧ་བོ་གང་བཟང་ཞེས་གནོད་སྦྱིན་མཆེད་གསུམ་ནི། གང་བ་བཟང་པོ། ཆོ་
བོ་བཟང་པོ། ནོར་བུ་བཟང་པོ་དང་གསུམ་མོ། །སྲས་མཁའ་རོའི་སྟག་བཙན་ལྔ་བརྒྱ་དང་
བཅས་གནོད་སྦྱིན་ཆེན་པོ་བཞུགས་པའི་བསྟི་གནས་གངས་རི་དཔལ་དང་ལྡན་ཞིང༌། ཡིད་
22-1-13


འོང་ལྷུན་སྡུག་རབ་དཀར་མདངས་སུ་བཀྲ་བའི་མཆོག་ས་འཛིན་གྱི་གཙོ་བོར་མིང་དུ་གྲགས་
ཏེ། འབྲུག་པ་ཐམས་ཅད་མཁྱེན་པས། །ས་ཡ་གིའི་ཉི་མ་ནུབ་ཀྱི་ཕྱོགས། །སྤྲིན་དཀར་པོ་ལྡིང་
ཞིང་འཁྲིགས་པའི་འོག །གངས་གྲུ་གསུམ་གནམ་ལ་འཕྱོང་འདྲ་བ། །ལྷ་གནོད་སྦྱིན་དབང་པོ་
གང་བ་བཟང༌། །ཞེས་བྱང་ཤར་ངོས་སུ་ཚ་ལམ་ཙམ་ཕྱིན་པའི་གང་བཟང་འདི་ཉིད། (གངས་རི་
འདི་ལ་ཤེས་རབ་བཟང་པོའི་སློབ་མ་དུས་འཁོར་སྦྱོར་དྲུག་གི་ཉམས་མཐར་ཕྱིན་པ་ཞིག་གིས་ག་མོ་ལུང་དུ་སྒྲུབ་པ་མཛད། མཐར་
སྐུ་ལུས་མ་སྤངས་པར་འཇའ་ལུས་སུ་གྲུབ་ནས་གང་བཟང་གི་ཆོས་གནས་སུ་བཞུགས། རྟོགས་ལྡན་སྔོ་ཉལ་མར་གྲགས། ཕྱི་རུ་
ཡུལ་ལ་ཅེར་གྱི་ལྟོས་དང༌། སྣང་བ་ཆོས་སྐུའི་རྒྱ་ཡན་མ་འདི་ཤེས་སོ།།)རི་འདིའི་ནུབ་ལྡེབས་ལ་སློབ་དཔོན་རིན་
པོ་ཆེ་པདྨ་འབྱུང་གནས་ཀྱིས་ཡང་དག་ཐུགས་ཀྱི་སྒྲུབ་པ་ལ་རྒྱུན་རིང་བཞུགས་པའི་གནས་ག་
མོ་ལུང་ན་པདྨའི་སྒྲུབ་ཕུག་དང༌། སྒྲུབ་ཆུ་ཚེ་ཆུ་མར་གྲགས་པ་དྲི་ཞིམ་འོ་མའི་ཁ་དོག་འདྲ་བ་
རྒྱུན་དུ་འབབ་པ། ལྷོ་སྟོད་གུ་རུ་ལྷ་ཁང་གི་ཇོ་བོ་ཐུགས་རྗེ་ཆེན་པོར་གྲགས་པ་རང་བྱོན་བྱིན་
རླབས་ཀྱི་བདུད་རྩིའི་གཏེར་རྒྱར་འཛུམ་པའི་ཁྱད་པར་ཅན་དེ། རྒྱ་གར་ནས་སྤྱན་དྲངས་ནས་
ཉིང་རོ་སྣ་ཐོད་སེང་ཕུག་སྨན་ཆུ་ཟེར་བའི་ས་སྐོར་དེར་གཏེར་དུ་བཞུགས་པ། སླར་པདྨས་
ཇོ་བོ་རིན་པོ་ཆེ་གཏེར་ནས་སྤྱན་དྲངས་ཏེ་ག་མོ་ལུང་དུ་གཏེར་དུ་སྦས་པ་དེ་ཉིད་ཆོས་དབང་
གིས་ཁ་བྱང་རྣམས་སློབ་མ་ལ་གཏད། གཏེར་བདག་རིན་ཆེན་གྱིས་བཀུག་ནས་བཀའ་བསྒོ་
འདི་ལ་གཏོད་གསུངས། ལེན་མི་ལ་བཀའ་ལུང་གནང་བ། གཡས་རི་བཙན་དམག་ཆས་པ་
འདྲ་བ། གཡོན་རི་བདུད་དམག་ཆས་པ་ལྟ་བུ། རྫ་རི་ཕྱུགས་གླུ་ལེན་པ། མཚོ་མཎྜལ་ལྟ་བུ། 
གངས་ཀྱི་སྦུགས་འདོམ་བཅོ་བརྒྱད་ཙམ་བགྲོད་པའི་སྒྲུབ་ཕུག་ལྷོ་བསྟན་གྱི་ནང་ནས་རྡོ་སྐུའི་
སྒྲུབ་ཐབས། ལྷུང་བཟེད། མཁར་གསིལ། པོ་ཏི། ཆོས་གོས་སོགས་རབ་བྱུང་མཛོད་ལྔའི་
སྒྲུབ་ཐབས་གདན་དྲངས། ཇོ་བཙུན་སོགས་ར་ལུང་པ་རྣམས་ཀྱིས་ས་བཅུད་འཆོར་བས་མ་
སྟོན་ཟེར་བཀག་ན་ཡང་བགེགས་མེད་དུ་ཐོན། ཆོས་དབང་རང་ལ་ཕུལ། ནང་རྭ་ལུང་པ་ཁ་
22-1-14


དྲག་པ་རེ་ཞིག་ཁ་མོ་ཁྱུང་དཀར་གྱི་ཁྱུང་ཆུའི་འོག་ཏུ་སྦས། དེ་རང་ལ་བཀའ་བབས་དང༌། ང་
རང་དང་སློབ་དཔོན་སྦེད་མཁན་ཡིན་པས་རང་ནོར་རང་གི་ལེན་པས་ཁྱེད་རྣམས་ཀྱི་བཀག་
པས་མི་ཁེགས་གསུངས། ཐོང་ལྕགས་རྫོང་གི་བྱང་འབུམ་ཐང་དུ་བཞུགས་པའི་རྟེན་འབྲེལ་
བསྒྲིགས་པས། ས་བདག་རྒན་པོ་ཞིག་ལ་འདིར་རྟེན་ཁྱད་པར་ཅན་འདི་འགྲོ་བ་སེམས་ཅན་
ཚོགས་གསོག་པའི་རྟེན་དུ་བཞུགས་པའི་ལྷ་ཁང་ཞིག་རྩིག་པའི་ས་བླངས་པས། རྒན་མོ་ལ་
དྲིས་ཡི་ཟེར་ནས་རྟེན་འབྲེལ་མ་འགྲིགས་པ་སོགས་ལྷོ་སྟོད་གུ་རུ་ལྷ་ཁང་བསམ་འགྲུབ་བདེ་
བ་ཆེན་པོའི་ལྷ་ཁང་དུ་བཞུགས་སོ། (ཞིབ་པར་ཆོས་དབང་གི་གཏེར་འབྱུང་དུ་གཟིགས་ཤིག) གངས་རི་འདི་
ལ་སློབ་དཔོན་གྱི་སྒྲུབ་ཕུག་དང་གནས་གཞི་ཡོད་པ་སྟེ། ནུབ་ན་ག་མོ་ལུང༌། བྱང་ན་ཟམ་
འདྲ། ཤར་ན་མཁའ་རོ་ལ་སྐྱ་ཕུག་གངས་ཉུག་གི་མདའ། ལྷོ་ན་ཆང་གཡོ་སྟེ་བཞིའོ། །མངའ་
བདག་གུ་རུ་ཆོས་དབང་གིས་གཏེར་ནས་བཏོན་པ་ད་ལྟ་ལྷོ་སྟོད་གུ་རུ་ལྷ་ཁང་གི་རྟེན་གཙོར་
བཞུགས་པ་དེ་ཡིན་ནོ། །
ནུབ་ཆུ་ལྡན་མའི་ཕྱོགས་མི་རིང་བའི་ས་ན་གནས་མཆོག་ར་ལུང་ཞེས་པ་དེ། སེམས་ཉིད་
ལྟ་བ་གནམ་གྱི་ཤེ་མོང་དེས། །ཐམས་ཅད་མཁྱེན་པའི་གོ་སར་དབང་བསྐུར་བ། །དུས་གསུམ་
ཆོས་ཀྱི་རྒྱལ་པོ་ར་ལུང་པ། །ཕན་བདེའི་ལུང་རྣམས་འགྱེད་མཁན་དེ་ལ་བསྔགས། །གྲུབ་
གནས་གང་བའི་ཟླ་རྒྱས་འདི་ནང་དུ། །སྦྱིན་པའི་སྤྱན་རས་དྲང་སྲོང་ལ་གཟིགས་དེའི། །ངང་
ཚུལ་རི་མོ་ཐུགས་རྗེ་ལྷའི་ནོར་བུས། །བྲིས་པ་ཐུབ་བསྟན་རྒྱ་མཚོའི་དཔལ་ཅིས་མིན། །འདི་
སྐོར་མི་ཟད་འཁོར་བའི་འཇིགས་བྲལ་པར། རྡོ་ལ་བྲིས་མཚུངས་དམ་པས་ཞལ་བཞེས་པ། །
ཤེས་ལྡན་དགེ་བའི་གཏེར་འཛིན་ཐམས་ཅད་དང༌། །འདིར་ཤོག་ལེགས་བྱས་ཀུན་གྱི་དགའ་
སྟོན་དཔལ། །ཞེས་བསོད་ནམས་བསགས་པའི་ཞིང་མཆོག་དམ་པར་གྱུར་པ་ནི་གདན་ས་
ཆེན་པོ་དཔལ་ར་ལུང་ཐིལ་ཞེས་བྱ་བ་གྲུབ་པའི་གནྡྷོ་ལ་(བོད་སྐད་དུ་དྲིའི་གཙུག་ལག་ཁང་ཟེར།)ཆེན་
22-1-15


པོ་འདི་ཐམས་ཅད་ལས་ཁྱད་པར་དུ་འཕགས་པ་བཅུ་གསུམ་གྱི་ངོ་མཚར་བར་གྱུར་བས་སོ། །
དང་པོ། གནས་འདི་ཁྱད་པར་དུ་འཕགས་པའི་སའི་དཔྱད་དང་ལྡན་པ་ནི། ས་གཞི་པདྨ་
འདབ་བརྒྱད་ཁ་བྱེ་བ་ལྟ་བུ། གངས་དང༌། རྫ་དང༌། ཤེ་དང༌། སྤང་གི་རི་ཐམས་ཅད་ཀྱི་ཀུན་
ནས་བསྐོར་ཏེ་འདུད་པ་ལྟ་བུ་ཆུ་ཕྲན་བརྒྱ་ཕྲག་དུ་མ་ནང་དུ་འདུ་བ། དེའི་གནམ་ཡང་འཁོར་
ལོ་རྩིབས་བརྒྱད་པར་གྲུབ་བོ། །
ལོགས་བཀྲ་ཤིས་པའི་རྟགས་བརྒྱད་ཀྱིས་ཉེ་བར་བརྒྱན་པ་ཡིན་ཏེ། དགོན་སྡེའི་གདོང་
རི་དུང་དཀར་པོ་གཡས་སུ་འཁྱིལ་བ་ལྟ་བུ། རྭ་ལའི་རྩེ་མོ་རིན་པོ་ཆེའི་གདུགས་ཕུབ་པ་ལྟ་བུ། 
སྤོས་སྐྱའི་རྒྱབ་རི་བུམ་པ་གང་བ་ལྟ་བུ། བཙན་ཆུའི་རི་རྒྱལ་མཚན་སྒྲེང་བ་ལྟ་བུ། ཡང་དགོན་
གྱི་རི་དང་དེའི་མདུན་གསེར་ཉ་མ་འཁྱིལ་ལྟ་བུ། སྒོ་མོའི་ཐང་གསེར་གྱི་འཁོར་ལོ་བསྐོར་བ་
ལྟ་བུ། སྤེན་ཐང་ཕྱོགས་ཀྱི་རི་པདྨའི་སྡོང་པོ་ཁ་བྱེ་ལ་ཆུ་ཕྲན་རྒྱ་བྱ་ཁ་སྤྲོད་འགྱིང་བ་ལྟ་བུ། རྒྱ་
མོ་ན་ག་ཐུགས་དཔལ་བེའུ་ལྟ་བུ། དེ་ལྟ་བུའི་ས་གནས་ལ་རྟེན་ནས་སྒྲུབ་གནས་འདི་ཆགས། 
དེའི་རྟེན་འབྲེལ་ལས་ཁ་བ་ཅན་གྱི་ལྗོངས་འདིར་སྙིང་པོ་དོན་གྱི་བསྟན་པ་འཛིན་པའི་སྒྲུབ་གྲྭ་
བྱེ་བ་སྙེད་ཆགས་པ་ཡིན་ཏེ། ཆོས་རྗེའི་གསུང་ལས་ཀྱང་ངས་དགོན་པ་ངམ་ཤོད་དུ་བཏབ་ན་
ཁ་དྲག །སྐྱིད་ཤོད་དུ་བཏབ་ན་འདུ་ལོང་ཆེ། ཁུ་ལེ་ན་མཐིལ་དུ་བཏབ་ན་ནོར་ཆེ་ཡང་བསྟན་
པ་ལ་དེ་ཙམ་ཕན་ཁེབས་མ་མཐོང༌། འདིར་བཏབ་ན་སྒྲུབ་རྒྱུད་ཀྱི་བསྟན་པ་ཉིན་མོ་ལྟར་
འགྱུར་བ་ཡིན་གསུངས་པས་ཁྱད་པར་དུ་འཕགས་པའོ། །
གནས་དེ་ལ་གནས་པའི་ལྷ་ཁྱད་པར་དུ་འཕགས་པ་ནི། སྒྲུབ་གནས་ཆེན་པོ་དེའི་རྒྱབ་
འོམ་ཐང་ནས་སྟག་མའི་བར་གྱི་གངས་རིའི་འཕྲེང་བ་ལ་གནོད་སྦྱིན་ནོར་བུ་བཟང་པོ་ཞེས་
གྲགས་ཏེ། དེའི་རྒྱུ་མཚན་བྱང་ཆུབ་སེམས་དཔའ་ཀུན་ཏུ་བཟང་པོ་བསྐལ་པ་བཟང་པོ་འདིའི་
སངས་རྒྱས་རྣམས་ཀྱིས་བསྟན་པ་བསྲུང་བ་ལ། གནོད་སྦྱིན་རྣམས་ཀྱི་རྒྱལ་པོ་གང་བ་བཟང་
22-1-16


པོའི་སྲས་སུ་ལེགས་པར་འཁྲུངས་ཤིང༌། དེའི་མཚན་གནོད་སྦྱིན་ནོར་བུ་བཟང་པོ་ཞེས་བྱ་བ་
ཡིན་ལ། དེ་སངས་རྒྱས་ཐམས་ཅད་ཀྱིས་མཐུ་སྟོབས་ཀྱི་རྡོ་རྗེ་ལག་ཏུ་གཏད་ནས། གསང་བ་
ཐམས་ཅད་ཀྱི་བདག་པོར་དབང་བསྐུར་བའི་གསང་བའི་བདག་པོ་ཕྱག་ན་རྡོ་རྗེ་ཞེས་བྱའོ། །
དེ་ལྟ་བུའི་བྱང་ཆུབ་སེམས་དཔའ་ཆེན་པོ་དེས་བོད་ཁ་བ་ཅན་གྱི་འདྲེ་སྲིན་གདུག་པ་
ཅན་གྱི་ཁ་ནོན་དུ་སྤྲུལ་པའི་སྐུ་རེ་བཞུགས་ཤིང་དེའི་དབང་གིས་གནས་འདི་བྱིན་རླབས་ཀྱི་
མཐུ་ཆེ་ཞིང་བཀྲ་ཤིས་ལགས། གཡང་ཆགས་པ་ཡིན་ནོ། །དེའི་ཡབ་གང་བ་བཟང་པོས་ཀྱང་
ཧ་འོའི་གངས་མདུན་སར་མཛད་པ་གཉིས་ཀྱིས་འདིར་བོད་ཁམས་ཐམས་ཅད་ལོངས་སྤྱོད་
འབྱུང་བ་ལ་ཡིད་བཞིན་གྱི་ནོར་བུ་རྒྱལ་མཚན་གྱི་རྩེ་ལ་བཀོད་པ་དང་མཚུངས་པས་ཁྱད་པར་
དུ་འཕགས་པ་ཡིན་ནོ། །
མིང་འདོགས་པའི་རྒྱུ་མཚན་ནི། ཡུལ་འདི་ལ་འབྲོག་ཁུ་ལེ། དབུས་གཙང་གི་མི་བཅུའམ་
བཅུ་གཉིས་ཀྱི་ནང་ཚན་ཚོང་ཁེ་ཤེས་རབ་སེང་གེ་མྱང་སྟོད་ཁུ་ལེ་བཏབ་ཅིང་བཟུང་ཟེར་བ་
ཡིག་ཆ་ཁུངས་ཐུབ་ན་ཡོད་པ་དེ། ཡོལ་ཐོག་འབེབས་ཀྱི་ཁུ་ལེའི་རི་ལ་རྨོག་པའི་དགོན་པ་
བཏབ་པ་དེ་ཉེ་ལོགས་ཤིག་ན་ཡོད་དོ། །བྱང་ཆུབ་སེམས་དཔའ་དམ་པ་ཀུན་དགས་བློ་གཏད་
ཀྱི་ཇོ་མོ་ཉི་ཤུ་རྩ་བཞིའི་ནང་ཚན་ཇོ་མོ་ཆོས་སྐྱབས་ནི་ཡུལ་མྱང་སྟོད་ཁུ་ལེར་འཁྲུངས། ཕ་
དམ་པ་སངས་རྒྱས་དང་མཇལ། གདམས་པ་ཐོབ། དཀའ་ཐུབ་ཆུ་ཐུང་ཁོ་ན་ལ་ལོ་བཅུ་གཉིས་
བྱས། ཉམས་སུ་བླངས་པས་གྲུབ་པ་ཐོབ་བོ། །ཇོ་བོ་རྗེ་ཨ་ཏི་ཤཱའི་སློབ་མ་ཡོལ་སྟོན་སྐུ་མཆེད་
གསུམ་དུ་གྲགས་པའི་ཡོལ་ཆོས་དབང༌། དྲང་སྲོང༌། ཐོག་འབེབས་གསུམ་གྱི་ཁུ་ལེའི་རི་ལ་
རྨོག་པའི་དགོན་པ་བཏབ། ཁུ་ལེའི་འབྲོག་པ་ཆགས། རི་རྒྱ་ཀླུང་རྒྱ་དམ་པོ་བཙུགས། བོད་
འབྲོག་དེ་རྣམས་དང་ཡོན་མཆོད་སྦྲེལ་ཟེར་བ་གནས་རྙིང་པའི་གང་མདོ་ན་ཡོད་ཅིང༌། དགོན་
རོ་ཡང་ད་ལྟ་ཡོད་དོ། །རྩའོ་ནང་གི་འདྲེ་ཡུལ་ཨེ་ཁ་ལ་བཙས་ཡན་ལ་ཁུ་ལེར་མིང་དུ་གྲགས། 
22-1-17


མྱང་སྟོད་འདྲེ་དང་ཁྱུང་གི་འཛིན་ཅེས་ཟེར་བ། བོད་གནམ་གྲུ་བཞི་ན་འདྲེའི་མ་ཎི་ཟེར་
བའི་བྱིན་རླབས་ཅན་ཡིན་པ་འདུག་ནའང༌། ཕྱིས་བློན་པོ་རྣམས་ཀྱིས་རྨོག་འདྲེ་ཅན་གྱི་དཔེས་
བགེགས་ལ་ངོས་འཛིན་པར་གནང༌། ཞེས་མིང་དུ་ཆགས་པ་ལས་ཕྱིས་སྤྲུལ་པའི་ར་མ་དཀར་
མོ་ཞིག་ཕྱུགས་རྫིས་ཉིན་གྱི་རི་ལ་བརླགས་པ་ནམ་ཞིག་རྩད་ཆོད་པ་ན། ད་ལྟའི་གཙུག་ལག་
ཁང་ཆེན་མོ་ཡོད་པའི་ཐད་འདིར་རྡོ་ཞིག་ལ་འོ་མ་འཐོར། དེ་དྲོད་ཀྱིས་བསྲོ་ཀྱིན་འདུག་པ་
མཐོང་ནས། དེར་ཕྱིན་པས་ཡི་གེ་ཨཱ༔ཧཱུྃ་རང་བྱོན་འབུར་དུ་དོད་པ་རྙེད། དེ་དུས་གྲུབ་ཐོབ་
གླིང་ཕེབས་པ་དང་འགྲིགས་ནས་དེ་ལ་ཕུལ། གད་ངོས་ལ་སྒྲུབ་ཕུག་བཟོས་ནས་རྣལ་འབྱོར་
དབང་ཕྱུག་ཆེན་པོ་དེར་བཞུགས། སྤྲུལ་པའི་ར་མས་ལུང་བསྟན་པས།(བྱོན་པའི་རྡོ་གཞོང་ད་ལྟ་མོ་
དགོན། གཞོན་པ་རྣམས་ཀྱིས་ཐུག་སྡོར་བརྡུངས)ར་ལུང་ཞེས་དེ་ནས་གྲགས་ཤིང༌། རང་བྱོན་འདི་སྣ་ཕུ་
ཆོས་ལུང་གི་ཁྱད་འཕགས་གསུམ་གྱི་གྲལ་དུ་ད་ལྟ་ཡང་བཞུགས་སོ། །
སྐྱེས་བུ་དམ་པས་བྱིན་གྱིས་བརླབས་པས་ཁྱད་པར་དུ་འཕགས་པ་ནི། གྲུབ་ཐོབ་ཆེན་
པོ་གླིང་ཆོས་ཀྱི་རྒྱལ་པོ་གཙང་པ་རྒྱ་རས་ནས་དུས་དེང་སང་གི་བར་ཞིང་འདི་ཉིད་ཀྱི་རྡུལ་
གྱི་གྲངས་དང་མཉམ་པའི་རྣལ་འབྱོར་བ། རྡོ་རྗེ་ཐེག་པའི་སྒོ་ནས་ཚེ་གཅིག་ལུས་གཅིག་གི་
རིགས་ཐམས་ཅད་ཀྱི་ཁྱབ་བདག་སྐྱེས་བུ་ཆེན་པོ་དེ་དག་གིས་བྱིན་གྱིས་བརླབས་པ་ཡིན་
པས་ཁྱད་པར་དུ་འཕགས་པ་རྒྱ་གར་རྡོ་རྗེ་གདན་བཞིན་ནོ། །
ནང་རྟེན་ཁྱད་དུ་འཕགས་པ་ལ། སྐུ་རྟེན་ནི། ཆོས་རྗེའི་སྐུ་འབག་ཁམས་གསུམ་ཟིལ་
གནོན་དགེ་བ་དང་མི་དགེ་བའི་ལྟས་ཞལ་རས་ལ་མངོན་སུམ་དུ་བཞུགས་པ་ལྟ་བུར་གསལ་
བ། ཚེ་འདིའི་ཞེན་པ་ཅན་གྱི་སྐྱེ་བོ་ལ་ཡང་ཡུད་ཙམ་ཆགས་པ་མེད་པ་ཞི་གནས་ཀྱི་ཏིང་ངེ་
འཛིན་སྐྱེས་ནུས་པ་དེ་དང༌། གཞན་ཡང་སངས་རྒྱས་དབོན་ལ་སོགས་པའི་ཞལ་ངོའི་ནང་
རྟེན། སྨད་འབྲུག་གི་བསྟན་པའི་མངའ་བདག་རྒྱལ་བ་ལོ་རས་པའི་ནང་རྟེན་མགོན་པོ་ཙ་
22-1-18


རི་རས་ཆེན་གྱིས་བཞེངས་ཤིང་རབ་ཏུ་གནས་པ་མཛད་པ་དང༌། སྟོད་འབྲུག་གི་བསྟན་པའི་
མངའ་བདག་རྒྱལ་བ་རྒོད་ཚང་བའི་ནང་རྟེན་གྲུབ་ཐོབ་ཨོ་རྒྱན་པས་བཞེངས་ཤིང་རབ་
གནས་མཛད་པ་བརྩམས་ཏེ། སློབ་དཔོན་ཆེན་པོ་ཀླུ་སྒྲུབ་ཀྱི་ཐུགས་དམ་མགོན་པོའི་རྡོ་སྐུ་
དཔལ་རྒ་ལོས་སྤྱན་དྲངས་པ་དང༌། ཡེ་ཤེས་ཀྱི་མགོན་པོ་ཕྱག་བཞི་པ་དངུལ་ལྗང་བརྡུངས་
ཀྱི་སྐུ་རྒྱན་རྣམས་གསེར་ལྗང་བརྡུངས་དང་གཡུ་སྦྱང་སྤེལ་ལེགས་ཀྱི་ཕྲས་མཛེས་པ། རྒྱབ་ཐོ་
ལྔ་པ་པདྨ་དཀར་པོས་བཞེངས་པའི་བར་གྱི་གཙུག་ལག་ཁང་གོང་འོག་ཏིལ་གྱི་གང་བུ་ལྟར་
བཀང་བ་རྣམས་སོ། །
གསུང་རྟེན་ནི། རིན་པོ་ཆེ་བཻཌཱུརྱ་སྔོན་པོས་བྲིས་པའི་གླེགས་བམ། གན་ཤོག་མཐིང་ཤུན་
ལ་གསེར་བཟང་པོས་བྲིས་པའི་བཀའ་འགྱུར། འབུམ་ཤོག་མོ་ཆེ་ལ་སོགས་པའི་སྐྱ་པོད་བརྒྱ་
ཕྲག་མང་པོ་དང༌། ཁྱད་པར་རྒྱུད་སྡེ་བཞིའི་ཁོང་པའི་སྙིང་ལྟ་བུའི་མན་ངག་རྣམས་ཨོ་རྒྱན་གྱི་
དྷརྨཱ་གཉྫོ་དང་མཚུངས་པར་བཞུགས་པ་ཡིན་པས་ཁྱད་པར་དུ་འཕགས་པ་ཡིན་ནོ། །
ཐུགས་རྟེན་ཁྱད་པར་འཕགས་པ་ནི། ཆོས་རྗེའི་ཞལ་ནས་ཁོ་བོའི་ཤུལ་ཏུ་རྟེན་བཀྲ་ཤིས་
སྒོ་མངས་སུ་བགྱིས་ན་དཀར་རྒྱུད་ཀྱི་བསྟན་པ་མཐའ་རྒྱས་སུ་འགྱུར་བ་ཡིན། ཞེས་ལུང་
བསྟན་པ་ལྟར་སངས་རྒྱས་དབོན་གྱིས་གསེར་འབུམ་འཛམ་བུ་གླིང་གི་རྒྱན་བཞེངས་པའི་
ནང་ན་ཆོས་རྗེའི་ཐུགས་དང༌། དབུ་སྟོད་ལ་བྱོན་པའི་རིགས་གསུམ་མགོན་པོ་དང༌། དཀར་
རྒྱུད་གོང་མ་ལ་སོགས་པའི་བྱིན་རླབས་ཀྱི་རྟེན་ཚད་མེད་པ་བཞུགས་པས། འདིའི་རྟེན་
འབྲེལ་ལས་སྒྲུབ་གནས་འདི་གདན་ས་མར་གྱུར་པ་ཡིན་ནོ། །ཕྱི་རྟེན་དུ་མཆོད་རྟེན་བཀྲ་
ཤིས་སྒོ་མངས་འདི་བཞེངས་པ་ཡིན་ཞིང༌། འདི་ཕལ་ཆེར་གྲུབ། གཉྫི་ར་ཉི་མའི་སྙིང་པོ་ཞག་
འགའི་བར་དུ་བཟོ་བོས་སྐྱོན་མ་ཚུགས་ཤིང༌། ཐ་མའི་ཉིན་དེ་དག་གྲོ་ལ་ལོག་པའི་ཤུལ་དུ་
སངས་རྒྱས་དབོན་ལྟག་རིར་བཞུགས་དུས་མངོན་པར་མཁྱེན་པས་གཟིགས་ནས། རྐྱང་མོ་
22-1-19


གྲུས་མ་ཞིག་ལ་བཅིབས་ཏེ་རྫུ་འཕྲུལ་གྱིས་འདིར་བྱོན་ནོ། །གཉྫི་ར་ལེགས་པར་སྐྱོན། ཕྱིར་
ཡང་རྐྱང་ལ་བཅིབས་ནས་ཐེགས་ལ་ཁད་པ་ཁོང་རྣམས་གྲོ་གྲོལ་བས་མཐོང་སྟེ་རྒྱུགས་པས་
མ་ཟིན། ཆིབས་པའི་ཕ་བོང་དེ་ལ་རྐྱང་གི་རྨིག་རྗེས་གསལ་བར་བྱོན། དེ་རྙེད་པ་ད་ལྟའི་བར་
དུ་ཡོད་དོ། །དེ་ནས་རབ་ཏུ་གནས་པའི་དུས་སུ་གནས་གསུམ་གྱི་དཔའ་བོ་མཁའ་འགྲོ་ཐམས་
ཅད་ནམ་མཁའ་ལ་ལྷགས་ནས་ཤིས་པ་བརྗོད་པ་ཀུན་གྱིས་མཐོང་བ་བྱུང༌། ཞེས་གྲགས་
ཤིང་མཆོད་རྟེན་དེའི་སྐུ་ཆེ་བའི་ཡོན་ཏན་རྒྱལ་བ་རྒོད་ཚང་པས་ངའི་སྒོམ་མ་སླེའུ་ཐུལ་ཅན་
འདི་རྣམས་ཉིན་མོ་ང་ལ་ཆོས་ཞུས། ནུབ་མོ་ར་ལུང་གི་ན་རོ་པའི་ཕྱི་རྟེན་ལ་སྐོར་བ་བསྐོར་
ནས། ནུབ་ཕྱོགས་ཨོ་རྒྱན་གྱི་ཡུལ་དུ་ཚོགས་ཀྱི་བསྐལ་པ་ལེན་པ་ལ་རྒྱུན་དུ་འགྲོ་བ་ཡིན་ཞེས་
གསུངས་པ་ལྟར་དུ་གྲུབ་ཆེན་ཨོ་རྒྱན་དུ་བྱོན་པ་ན་ཡུལ་དེའི་བུ་མོ་རྣམས་ཀྱི་ངང་ཚུལ་རྒྱལ་བ་
རྒོད་ཚང་བས་ཇི་ལྟར་གསུངས་པ་ལྟར་དུ་གཟིགས་ནས། མཆོད་རྟེན་འདིའི་བསྔགས་པ་ཆེ་
ཆེར་བརྗོད་པར་མཛད་དོ། །
གཞན་ཡང་རྒྱལ་བ་ཡང་དགོན་པ་ར་ལུང་བསྐོར་ལ་ཕེབས་དུས་མནལ་ལམ་དུ་མཆོད་
རྟེན་ཆེན་པོ་འདིའི་བུམ་ནང་དུ་རྡོ་རྗེ་འཆང་ནས་རྒྱལ་བ་རྒོད་ཚང་བ་ལ་ཐུག་གི་བར་དུ་དཀར་
རྒྱུད་ཀྱི་བླ་མ་ཐམས་ཅད་གྲལ་མཐར་ཆགས་སུ་བཞུགས་པ་ལས་མི་ལ་རས་པའི་བཞུགས་ཁྲི་
སྟོང་པར་འདུག་པ་ལ་ཁྱོད་སྡོད་རྒྱུ་ཡིན་ཞེས་གཟིགས་པ་སོགས་ཀྱི་ཆེ་བ་བརྗོད་པར་མཛད་
ཅིང༌། ད་ལྟ་སྐོར་མི་ཉུང་དུས་སུ་ཡང་སྐོར་ལམ་མང་པོས་ཕྱིན་པ་ལྟར་བྱང་བར་འགྱུར་བ་ཀུན་
མཐུན་སྣང་གྲུབ་པ་ཡིན་ནོ། །གཞན་ཡང་རྗེས་བཞེངས་པའི་རྒྱལ་དབང་རྗེའི་དངུལ་འབུམ་
དང་གསེར་འབུམ། རྒྱལ་ཚབ་དམ་པ་ངག་གི་དབང་ཕྱུག་གིས་བཞེངས་པའི་སྒྲ་སྒྱུར་གྱི་རྒྱལ་
པོ་མར་པ་ལོ་ཙཱའི་རྣམ་འཕྲུལ་མན་ངག་ལན་ཅིག་ཐོས་པས་ཀྱང་སྲིད་པའི་རྒུད་པ་ཐམས་
ཅད་ཞི་བར་མཛད་པ་ངག་དབང་ཆོས་ཀྱི་རྒྱལ་པོའི་སྐུ་གདུང་རིལ་པོ་གཅིག་ཏུ་བཞུགས་
22-1-20


པའི་གསེར་འབུམ་བཀྲ་ཤིས་དཔལ་འབར་ཐོག་ཚད་གསུམ་ལྷག་པ་རྒྱུ་དང་བཟོ་དང་རབ་ཏུ་
གནས་པ་ལ་སོགས་པ་ཕུལ་དུ་ཕྱིན་པ་དེ་ལ་སོགས་པའི་མཆོད་རྟེན་གྱིས་སྤོས་སྐྱའི་གཙུག་
ལག་ཁང་ཆེན་མོ་ཡོངས་སུ་གང་བ་རྣམས་སོ། །
རང་བྱོན་ཁྱད་པར་དུ་འཕགས་པ་ནི། ཆོས་རྗེ་གཙང་པ་རྒྱ་རས་ཀྱི་སྐུ་ཚིགས་ཉི་ཤུ་རྩ་
གཅིག་ལ་སྤྱན་རས་གཟིགས་ཉི་ཤུ་རྩ་གཅིག་བྱོན་པའི་གསུམ་རང་བྱོན་ཁྱད་འཕགས་ཀྱི་
གྲལ་དུ་བཞུགས། གཞན་གདན་ས་འདི་ཉིད་ཀྱི་ཕྱི་རྟེན་ནང་རྟེན་གཉིས་སུ་རེ་རེ། ཆོས་རྗེ་
གཞོན་ནུའི་ནང་རྟེན་དགོན་ཁང་གི་མཆོད་སྡོང་གསེར་ར་བྲེ་གང་གསོལ་བའི་ནང་དུ་གཅིག་
འབྲུག་གི་ལྷ་མོ་ཆེད་དང་མཆོད་རྟེན་གཉིས་སུ་རེ་རེ། མདོ་མཁར། དང་ཆོས་རྫོང་གི་གདུང་
རྟེན་ལ་རེ་རེ། བྱང་ཨུ་རི་དང་ལྷོ་བྲག་མཁོ་མཐིང་ལྷ་ཁང་དུ་རེ་རེ་ཡོད་པའི་ཕྱི་མ་ད་ལྟ་བྱ་ཡུལ་
གྱི་གསལ་རྗེའི་སྒྲུབ་སྡེ་ན་བཞུགས་སོ། །སྦུ་ཏྲ་དང་ནི་རིང་ན་རེ་རེ་དང༌། ཏི་སིའི་ཆོས་[ ]ཀྱི་
དཀའ་དུམ་ན་གཅིག་ཡོད་པ་དང་ད་ལྟ་གུ་གེར་བྱོན་ཞེས་གྲགས། གནས་རྙིང་དང་ཆོས་ལུང་
ཚོགས་པ་ལ་རྟེན་རྗེས་མཛད་པ་རེ་རེ། འབྲས་མོ་ཇོ་བཙུན་ལ་གཉིས་ཡོད་པའི་གཅིག་འབྲས་
མོའི་མཆོད་རྟེན་ན་དང༌། གཅིག་ལྷོ་དགོན་པ་ཡུལ་གྱི་ལྗོངས་པའི་ལག་ནང༌། དཔོན་གྲགས་
པ་ཡེ་ཤེས་ཀྱི་རྟེན་སྐལ་དུ་ཁམས་རོང་པ་གསེར་བར་གཅིག་བརྫངས། ཧོར་རྒྱལ་ཐོ་གན་ཐེ་
མུར་གྱིས་ཆོས་རྗེ་བཙུན་པ་བླ་མའི་མཆོད་གནས་སུ་བཏེགས། ཧོར་དུད་སྟོང་དགུ་བརྒྱ་འཇའ་
ས་དང་བཅས་གཙུག་ལག་ཁང་གོང་འོག་ལ་ཐིག་རྩ་བླངས་པས། དིང་ཕོན་གྱིས་བླ་བྲེ་པདྨ་
འབུམ་ལྡན་དང༌། སྟོང་ལྡན། དར་ཁྲ། ཨ་ཀ་རུ་ནག་པོ་དང་། ཉ་ལྕིབས་ཀྱི་ལྕོག་ཙེ་ལ་སོགས་
པའི་མཆོད་རྫས་དཔག་ཏུ་མེད་པ་ཕུལ་བའི་གདབ་ལན་དུ་གཅིག་བརྫངས་པ་རྣམས་ཡིན་
ལགས། དེ་དག་ལས་མཆོག་ཏུ་གྱུར་པ་ཆོས་རྗེ་ཉིད་དང་གཉིས་སུ་མེད་པར་རང་བྱོན་ཁ་སརྤ་
ཎི་འདི་ཡིན་ལ། འདི་ཡང་སངས་རྒྱས་དབོན་གྱི་སྐུ་ཐོག་ལ་ཞིག་པོ་ཉི་མ་སེང་གེས་བསྣམས་
22-1-21


ནས་ལས་སྟོད་ཕྱོགས་ལ་འབུལ་རྒྱུ་ལ་བྱོན། མཆོད་རྟེན་ཆེན་མོའི་གཉྫི་ར་གདུགས་ཟ་ར་
ཚགས་དང་བཅས་ལེགས་པར་བསྒྲུབས་ནས། ཕྱིར་ལོག་ཁར་ཁྲོམ་ཆེན་མོའི་སར་ཞིག་པོ་
ཉམས་འབར་བས་རྟེན་གཟིགས་པ་རྒན་རྒོན་དབུལ་པོ་གཉིས་ཀྱིས་རྙེད། དེ་གཉིས་ལོངས་
སྤྱོད་ཅན་དུ་གྱུར། དེ་གཉིས་ཀྱིས་རྒྱལ་བ་རྒོད་ཚང་བ་ལ་འབུལ་སྐབས་སུ་རྒྱལ་བ་རྒོད་ཚང་
བའི་ཞལ་ནས་འོ་སྐོལ་གྱི་འདི་རུ་དེ་ཞག་ཆོས་རྗེ་གཙང་པ་རྒྱ་རས་འབྱོན་པར་འདུག ད་ལྟ་
བསུ་བ་ལ་འགྲོ་གསུངས་པ་དང་རྒན་རྒོན་གཉིས་དང་ཕྲད་པས་ཕྱག་མཛད་པ་སོགས་རྒོད་
ཚང་བའི་ཕྱག་ཏུ་བྱུང༌། ཆོས་རྗེ་རྒོད་ཚང་བས་གདན་ས་ར་ལུང་དུ་འབུལ་ཆེན་གསུམ་མཛད་
པའི་ཕྱི་མ་ར་ལུང་གདན་སར་ཕུལ། རང་བྱོན་འདི་དང་པོ་འབྲུག་ལྷ་བས་བཅོམ་པའི་དུས་
བཅར་གྱིས་ཟིམ་པ་དང༌། འབྲི་ཁུང་གླིང་ལོག་གི་དུས་སུ་སྐུ་སྔོ་སངས་སུ་གྱུར་པ་བྱུང་ཞེས་
གྲགས་ཤིང༌། ཕྱིས་རྗེས་སུའང་ཁྲོམ་གྱི་དབུས་སུ་ཡལ་བ། ཞག་བདུན་གསོལ་བ་བཏབ་
པས་སླར་ཕེབས་པ་དང༌། མི་དགེ་ན་སྐུ་ཡོ་བ་དང༌། ནོགས་པ་དང༌། དགེ་ན་ཤེལ་དྲི་མ་མེད་
པ་ལྟ་བུར་ཡོང་བ་དང༌། ད་ལྟ་ཀུན་གྱི་མཐོང་སྣང་དུ་གྲུབ་བོ། །ད་ལྟའི་བཞུགས་ཁང་ག་ཛ་
མུ་ཏིག་ལ་སོགས་རིན་པོ་ཆེ་སྣ་བདུན་ལས་གྲུབ་པ་འདི་དགེ་སློང་པདྨ་དཀར་པོ་བདག་གིས་
རྒྱུ་སྦྱར་དཔལ་རེག་པ་མེད་པའི་མཆོད་རྟེན་གྱི་དབྱིབས་སུ་བཀོད་པའི་ཁྱད་པར་ཅན་ཐམས་
ཅད་ཀྱིས་འཕགས་པར་བྱས་པ་འདིའི་རྒྱུ་ལ་རིན་ཐང་རྩི་ན་གསེར་ཞོ་སྟོང་ཕྲག་གསུམ་དུ་ལོང་
པ་ཙམ་སོང་ངོ༌། །ཆོས་རྗེའི་སྐུ་ཚིག་ལས་བྱོན་པའི་འཕགས་པ་བཅུ་གཅིག་ཞལ་བཞུགས་
ཁང་བཀྲ་ཤིས་སྒོ་མངས། ཡང་སྐུ་ཚིག་ལས་བྱོན་པའི་འཕགས་པ་ཞལ་གཅིག་ཕྱག་བཞི་པ་
བཞུགས་ཁང་ཆོ་འཕྲུལ་མཆོད་རྟེན་རིན་པོ་ཆེ་སྤོས་སྐྱའི་སྐུ་གདུང་ལས་བྱོན་པའི་ཁར་སརྤ་
ཎི་བཞུགས་ཁང་ལྷ་བབས་མཆོད་རྟེན། རྗེ་ཀུན་དགའ་སེང་གེའི་ཞུན་ཐིགས་ལས་བྱོན་པའི་
དབང་པོའི་སྐུ་ངོ་མཚར་བ་བཞུགས་ཁང་བྱང་ཆུབ་མཆོད་རྟེན། ཡང་ཀུན་དགའ་སེངྒེའི་ཞུན་
22-1-22


ཐིགས་ལས་བྱོན་པའི་སྤྱན་རས་གཟིགས་དོན་ཡོད་ཞགས་པ་བཞུགས་ཁང་དབྱེན་འདུམ་
མཆོད་རྟེན། པཎ་ཆེན་ཤཱཀྱ་ཤྲཱིའི་སྐུ་གདུང་ཞུན་ཐིགས་ལས་བྱོན་པའི་རྡོ་རྗེ་རྣལ་འབྱོར་མ་
བཞུགས་ཁང་རྣམ་རྒྱལ་མཆོད་རྟེན། བླ་མ་ཡུ་མོ་ཆེ་བའི་དབུ་ཐོད་ལས་བྱོན་པའི་དགྱེས་པ་རྡོ་
རྗེ་ཞལ་བརྒྱད་ཕྱག་བཅུ་དྲུག་པ་བཞུགས་ཁང་མྱང་འདས་མཆོད་རྟེན། སངས་རྒྱས་ཀྱི་འཕེལ་
གདུང་བཞུགས་ཁང་གཉིས་མེད་ཡེ་ཤེས་མཆོད་རྟེན། འདི་རྒྱལ་མཁར་རྩེའི་འཕེལ་གདུང་
ལས་མཆེད་པ་རྗེ་མར་པའི་ཚེམས་གདུང་ལོགས་འཕེལ་གདུང་གིས་བརྒྱན་པ་གདན་ས་གྲོ་བོ་
ལུང་ནས་བྱུང་བ་བཞུགས་ཁང་ལྷ་བབས་མཆོད་རྟེན་ཡང་རྗེ་མར་པའི་ཚེམས་ལོགས་འཕེལ་
གདུང་བཞུགས་ཁང་དབྱེན་འདུམ་མཆོད་རྟེན། ཡང་རྗེ་མར་པའི་སྐུ་གདུང་ལས་བྱོན་པའི་
འཕེལ་གདུང་འདི་གཞིས་ཀ་སྣེ་པའི་ཕྱག་ན་གདུང་ཤཱ་རི་རམ་སྲན་མ་སྦོམ་ཤོས་ཙམ་གཅིག་
ཡོད། ཕྱིས་སྣེའུ་འཐོར་ཞིག་ལ་སོང་སྐབས་དཀོན་གཉེར་བས་འཁྱེར་ནས་སྟོད་ལུང་སྒང་
དུ་སླེབས། དེ་ནས་འབྲུག་པ་རིན་པོ་ཆེས་དེར་ཕེབས་དུས་གཟིགས་ཕུལ་བས་ཕྱག་མཐིལ་
རང་དུ་དེ་ལས་རིང་བསྲེལ་བདུན་ཅུ་འཛག་པ་མ་གོད་པར་འདིར་བཞུགས་པ་ཡིན་ལ། དེ་
ནས་བཟུང་མ་བུ་ཐམས་ཅད་ལས་རིང་བསྲེལ་ཚད་མེད་འཕེལ་བས། ད་ལྟ་མར་པའི་རིང་
བསྲེལ་གར་བཞུགས་ཡང་འདི་ལས་མཆེད་པར་སྣང༌། བཞུགས་ཁང་ཆོ་འཕྲུལ་མཆོད་རྟེན། 
ཆོས་རྗེའི་འཕེལ་གདུང་བརྒྱད་བཞུགས་ཁང་བཀྲ་ཤིས་སྒོ་མངས། འདི་རྗེ་འབྲུག་པ་རིན་
པོ་ཆེ་ངག་དབང་ཆོས་ཀྱི་རྒྱལ་པོས་ཁྱད་འཕགས་བཞུགས་ཁང་བཟོ་དུས་ཁ་སརྤ་ཎི་ཕྱག་ཏུ་
བཞེས། སྐུ་ཁྲུས་གསོལ་བས་ཕྱག་ཏུ་རིང་བསྲེལ་དགུ་བབས་པས་གཅིག་ཕྱི་ལ་ཤོར། ལྷག་
མ་འདིར་བཞུགས། ཡང་ཆོས་རྗེའི་ཚེམས་འཕེལ་གདུང་བཞུགས་ཁང་ཆོ་འཕྲུལ་མཆོད་རྟེན། 
ཡང་ཆོས་རྗེའི་ཚེམས་འཕེལ་གདུང་བཞུགས་ཁང་དབྱེན་འདུམ་མཆོད་རྟེན། ཡང་ཆོས་རྗེའི་
གདུང་ཤཱ་རི་རམ་བཞུགས་ཁང་དབྱེན་འདུམ་མཆོད་རྟེན། ཡང་ཆོས་རྗེའི་དབུ་ཐོད་ལས་བྱོན་
22-1-23


པའི་རིང་བསྲེལ་གསུམ་བསྒྲིགས་བཞུགས་ཁང་རྣམ་རྒྱལ་མཆོད་རྟེན། སངས་རྒྱས་དབོན་གྱི་
ཚེམས་འཕེལ་གདུང་བཞུགས་ཁང་པད་སྤུངས་མཆོད་རྟེན། རྗེ་ཉི་མའི་ཚེམས་འཕེལ་གདུང་
བཞུགས་ཁང་རྣམ་རྒྱལ་མཆོད་རྟེན། འཇམ་དབྱངས་ཀུན་དགའ་སེང་གེའི་ཚེམས་ལས་བྱོན་
པའི་དུང་དཀར་གཡས་འཁྱིལ་བཞུགས་ཁང་རྣམ་རྒྱལ་མཆོད་རྟེན། རྒྱལ་བའི་དབང་པོ་སྐུ་
སོགས་གཡས་པ་ལས་བྱོན་པའི་འཕགས་པ་ཁ་སརྤ་ཎི་བཞུགས་ཁང་བྱང་ཆུབ་མཆོད་རྟེན། 
ཡང་རྒྱལ་བའི་དབང་པོའི་ཚེམས་གསུམ་དང་འཕེལ་གདུང་གསུམ་ལ་བཞུགས་ཁང་མཆོད་
རྟེན། པད་སྤུངས། དབྱེན་འདུམ། བྱང་ཆུབ་མཆོད་རྟེན། ངག་དབང་ཆོས་ཀྱི་རྒྱལ་པོའི་ཚེམས་
དུང་གཡས་འཁྱིལ་གསུམ་ཚོགས་སུ་བྱོན་པ་བཞུགས་ཁང་རྣམ་རྒྱལ་མཆོད་རྟེན། འཇམ་
དབྱངས་ཆོས་ཀྱི་གྲགས་པའི་ཚེམས་ལ་དུང་དཀར་གཡས་འཁྱིལ་གཅིག་བྱོན་པ་བཞུགས་
ཁང་དབྱེན་འདུམ་མཆོད་རྟེན། འཇམ་དབྱངས་ཆོས་ཀྱི་གྲགས་པའི་ཚེམས་འཕེལ་གདུང་
བཞུགས་ཁང་རྣམས་རྣམ་རྒྱལ་མཆོད་རྟེན། ཕལ་ཆེར་རྗེ་འབྲུག་པ་རིན་པོ་ཆེ་ངག་དབང་ཆོས་
ཀྱི་རྒྱལ་པོས་བཞེངས་པར་འདུག །དྲུག་ཙམ་ད་ལྟར་འཚོ་ཞིང་གཞེས་པའི་རྒྱལ་སྲས་དབོན་
གྱིས་བཞེངས་པ་དེ་དག་ཀྱང་བུམ་པ་གསེར་ལྗང་བརྡུངས་ལ་གཡུ་དང་མུ་ཏིག་གི་ཕྲ་ཚོམས་
བང་རིམ་དང༌། བྲེ་དངུལ་དཀར། སེང་ཁྲི་གསེར་ཟངས། གདུགས་སྤོས་ཤེལ་ལས་བསྲུབས་
པ། ཕྱི་ལྗང་གསེར་གྱི་དྲྭ་མིག་གིས་བསྐོར་བ། ཆེ་ཆུང་རྗེ་འབྲུག་པ་རིན་པོ་ཆེའི་ཕྱག་ཐོ་རེ་མ་
ཡིན་ཏེ་ཁྲུ་ཚད་ཀྱིས་རྐང་གང་བ་རེ་འདུག་གོ ། 
ཞར་ལ་འགྲོ་བའི་མགོན་པོའི་སྤུར་ཁང་རྡོ་ལ་འཁྲུངས་པའི་ཨཱ་གཉིས། ཧྲི་གཅིག་
བཞུགས་ཁང་ཟིའུ་ལྷ་ཁང༌། སངས་རྒྱས་དབོན་གྱི་ཕྱག་རྗེས་རྡོ་ནག་ལ་བྱོན་པ་བཞུགས་ཁང་
ཟིའུ་ལྷ་ཁང༌། རྣལ་འབྱོར་ཆོས་འབྱུང་གི་དབུ་ཐོད་ལས་ཨཱཿཧཱུྃ་གསལ་བར་བྱོན་པ་བཞུགས་
ཁང་རྒྱ་ཕིབས་ཏོག་དང་བཅས་པ་ལྗང་སེར། རྒྱ་གར་རྡོ་རྗེ་གདན་གྱི་བཀོད་པ་བྱང་ཆུབ་
22-1-24


ལྗོན་ཤིང་ལས་གྲུབ་པ་བཞུགས་ཁང་རྒྱ་ཕིབས་ཏོག་དང་བཅས་པ་འགྲོ་བའི་མགོན་པོ་ཞལ་
བཞུགས་པའི་ཐུགས་དམ་བདེ་མཆོག་ཞལ་བཞི་ཕྱག་བཅུ་གཉིས་པ་ཡུམ་དང་བཅས་པ་
བཞུགས་ཁང་ཟིའུ་ལྷ་ཁང༌། པཎ་ཆེན་ཤཱཀྱ་ཤྲཱིའི་ཐུགས་དམ་རྡོ་རྗེ་རྣལ་འབྱོར་མ་བཞུགས་
ཁང་ཟིའུ་ལྷ་ཁང༌། ན་རོ་པའི་ཕྱག་མཁར་ཆུ་ཤིང་ནག་པོ་སོགས་སོ། །གང་དར་བའི་བསྟན་
པ་ཁྱད་པར་དུ་འཕགས་པ་ནི། ཤིན་ཏུ་རྨད་དུ་བྱུང་བའི་རྒྱུད། བསྲེ་འཕོ་གནད་ཀྱི་མཚམས་
སྦྱོར་ཞེས་བྱ་བ་ཇོ་བོ་ན་རོ་པའི་ཁྱད་པར་གྱི་ཆོས་སུ་གྲགས་པ་རྗེ་བཙུན་མར་པས་བསྲེ་བ་
དང་འཕོ་བ་མ་གཏོགས་པའི་ཁྱད་ཆོས་བརྒྱ་དང་རྩ་བརྒྱད་ཤེས་གསུངས་པའི་གཞུང་བཀའ་
ཡང་དག་པ་ཞེས་གཙང་པ་རྒྱ་རས་ཀྱིས་གཏེར་ནས་བཞེས་པའི་ཆོས་སྐོར་ཟབ་མོ་རྣམས་
དང༌། འཆད་ཚུལ་ལས་བླ་མེད་ཀྱི་རྒྱུད་སྡེ་བརྒྱ་ཕྲག་གཅིག་གི་ལམ་རིམ་བརྒྱ་ཕྲག་གཅིག་གི་
ཁོངས་སུ་གནས་པ་དང༌། དཔལ་འཁོར་ལོ་སྡོམ་པའི་མན་ངག་སྙན་རྒྱུད་ནོར་བུ་སྐོར་གསུམ་
ཞེས་གྲགས་པའི་ཁྱད་པར་ཅན་དེ་དང༌། ཀྱེའི་རྡོ་རྗེ་རྫོགས་རིམ་འབྱུང་བར་རོ་སྙོམས་ཞེས་
གྲགས་པ་དང༌། ཕ་རྒྱུད་གསང་བ་འདུས་པའི་མན་ངག་རིམ་ལྔའི་ཁྲིད།(འདི་མར་པའི་ཐུགས་རྒྱུད་ལ་
མངའ་བའི་རྫོགས་རིམ་བརྒྱ་རྩ་བརྒྱད་ལས་གསང་འདུས་རིམ་ལྔ་མར་ལུགས་འདི་ཤིན་ཏུ་ཟབ་སྟེ་མར་པ་ལོ་ཙཱའི་གསུང་ལས་
རིམ་ལྔར་དམར་ཁྲིད་མ་གཏོགས་པའི་ཞེས་གསུངས) མ་ཧཱ་མ་ཡའི་རྣལ་འབྱོར་པ།(གསུང་མགུར་འདྲ)(གདན་
བཞི་པ་ལ་རྫོགས་རིམ་ཆུ་ཤིང་སྙེ་མ་)(མར་ལུགས་ཀྱི་དམར་ཁྲིད་བརྒྱ་རྩ་)(མར་ལོའི་གསུང་ལས་ཁྲིད་ཆེན་བརྒྱ་
དང་རྩ་བརྒྱད་ཤེས་གྲོགས་སྒོམ་ཆེན་ཚོགས་ཀྱང་ད་རེ་བྲོད་)དང་དཔལ།(ནུབ་ཕྱོགས། ཨོ་རྒྱན་ཡུལ་དུ་གྲུབ་ཐོབ་ཨོ་རྒྱན་
པས་ཡེ་ཤེས་མཁའ་འགྲོ་ལ་དངོས་གྲུབ་གསན་པའི་)དུས་ཀྱི་འཁོར་ལོའི་མན་ངག་རྡོ་རྗེ་གསུམ་དང་རྡོ་རྗེ་
བཞིས་བསྙེན་སྒྲུབ་སྦྱོར་བ་ཡན་ལག་དྲུག་རྒྱས་བསྡུས་ཀྱི་བཞག་པ་དང་གསང་བ་འདུས་པ་
དང༌། སམ་བྷཱུ་ཊི་ལས་བྱུང་བ་ལམ་ཟབ་བླ་མར་བསྒྲུབས་པ་མདོ་རྒྱུད་གཅིག་ཏུ་བསྲེ་བ་རྟེན་
འབྲེལ་གྱི་སྐོར། གྲུབ་པ་སྡེ་བདུན། སྙིང་པོ་སྐོར་དྲུག་ལ་སོགས་པའི་མན་ངག་གི་སྙིང་པོ་ཕྱག་
22-1-25


རྒྱ་ཆེན་པོ། ཆོས་རྗེ་ཉིད་ཀྱི་གསུང་ཟིན་བྲིས་ལས་འཕྲོས་ནས་སྟོད་འབྲུག་ལ་གྲགས་པ་ཁྲིད་
ཆེན་བརྒྱད། སྨད་འབྲུག་ལ་གྲགས་པ་ཐུབ་པ་ལྔ། བར་འབྲུག་ལ་གྲགས་པ་དགེ་སྦྱོར་བདུན་
པ། གཞན་ཡང་བདེ་དགྱེས་ལ་སོགས་པ་རྒྱུད་འགྲེལ་དབང་དང་བཅས་པ། གསང་བ་བསྟན་
པ་དང་དངོས་གྲུབ་འབྱུང་བའི་རྒྱུད་ལ་སོགས་པའི་རྗེས་སུ་འབྲང་ནས་སྒྲུབ་ཐབས་ལེགས་
ཚོགས་བཅས་པའི་གདམས་ངག་ཐམས་ཅད་ཀྱི་གང་ཟག་ཅིག་ཅར་བ་དང༌། ཐོད་བརྒལ་བ་
དང་རིམ་གྱིས་པ་རང་རང་གིས་རྡོ་རྗེ་འཆང་གི་ས་ཆ་བཀྲའི་བར་མཛད་པ་ཡིན་ཏེ། དེ་ལྟར་
ཡང་རྒྱལ་དབང་ཆོས་རྗེས་ཆོས་ཟབ་དགུ་འདུས་པའི་ཕོ་བྲང་ལ་འབྲུག་དང་ར་ལུང་མི་ཟེར་
རམ་ཞེས་གསུངས་ཤིང༌། སྐྱེས་བུ་གསུམ་གྱི་ལམ་དྭགས་པོའི་ཆོས་བཞི་ཞེས་གྲགས་པ་དག་
ཀྱང་སྣང་ངོ༌། (འདིའི་འགབ་ཏུ་མར་པའི་གསུང་མགུར་འབྲི།) ། 
དེ་ལས་འོངས་པའི་རྒྱུད་པ་ཁྱད་པར་དུ་འཕགས་པ་ནི། དེ་ལྟ་བུའི་ཆོས་ལུགས་འདི་དག་
ཀྱང་རྡོ་རྗེ་འཆང་ནས་རྩ་བའི་བླ་མའི་བར་དུ་བརྒྱུད་པ་མ་ཆད་ཅིང༌། གཞན་ལ་མ་བལྟོས་
པས་ན། ཕ་རྗེས་བུས་ཟིན་པ་ཤ་སྟག་སྟེ། རྒྱལ་དབང་ཆོས་རྗེ་སངས་རྒྱས་ཀྱི་དགོངས་པ་
བཅོས་མ་མ་ཡིན་པ་ཟབ་གསལ་ལྷན་ཅིག་སྐྱེས་པའི་ཡེ་ཤེས་མངོན་སུམ་དུ་ངོ་སྤྲོད་པར་བྱེད་
པ་རྟོགས་པ་དོན་གྱི་དབང་ཆོག་སེམས་ལ་བསྐུར་བས། སྣང་སྲིད་སྐུ་གསུམ་གྱི་རྒྱལ་སྲིད་ལ་
དབང་བསྒྱུར་བའི་རྒྱུད་པ་ཟམ་མ་ཆད་པའི་དབང་གིས་ཆུ་བོ་གཞུང་མ་ཉམས་པ་སོགས་རྒྱུད་
པ་འདི་ཡང་རྒྱ་གར་ཡུལ་དབུས་སུ་བྲམ་ཟེ་ས་ར་ཧ་ནས་བརྩམས། ལཱུ་དྲིལ་ནག་སོགས་དང༌། 
ནུབ་ཕྱོགས་ཨོ་རྒྱན་ཡུལ་དུ་ཕྱག་རྡོར་སྤྲུལ་པ་དྲང་སྲོང་འགྲོ་བ་དབུགས་འབྱིན། རྒྱལ་པོའི་བུ་
མོ་རོལ་བ་མོ་ནས་སློབ་དཔོན་ལཱ་ཝ་པའི་བར་དང༌། རྒྱ་གར་ལྷོ་ཕྱོགས་སུ་ཀླུ་སྒྲུབ། ཤ་ཝ་རི་
དབང་ཕྱུག་སོགས་དང༌། ཤར་ཕྱོགས་སུ་སློབ་དཔོན་ཏི་ལླི་པ། བྱང་ཕྱོགས་སུ་ན་རོ་པ་སྟེ་རྒྱ་
གར་གྲུབ་ཐོབ་བརྒྱད་ཅུ་རྩ་བཞི་ཕལ་ཆེ་བ་ལ་བརྒྱུད་པ་ཁོ་ནར་སྣང༌། བོད་དུ་མར་པས། རྗེ་
22-1-26


བཙུན་ལ། བུ་སློབ་མ་བས་ཀྱང་ཡང་སློབ་བཟང༌། །ཉིང་སློབ་ནམ་མཁའི་མཐའ་དང་མཉམ། །
ཞེས་ལུང་བསྟན་པའི་བུ་ནི་རྗེ་ཟླ་འོད་གཞོན་ནུ་དང༌། རྗེ་བཙུན་རས་ཆུང་པ་ལ་སོགས་པ་
སློབ་མ་ནི་རྗེ་སྒམ་པོ་པ་དང༌། དཔལ་ཕག་མོ་གྲུ་པ། དབུ་ལོ། ལོ་གསུམ་ལ་སོགས་པ་དང༌། 
ཡང་སློབ་ནི་གྲུབ་ཆེན་གླིང༌། འབྲི་སྟག །ཚལ་པ། གཡའ་བཟང་པ། ཁྲོ་ཕུ་ལ་སོགས་པར་
གྱེས་པ་རྣམས་སོ། །ཉིང་སློབ་ནི་ཆོས་ཀྱི་རྒྱལ་པོ་གཙང་པ་རྒྱ་རས་པ་སྟེ་འདི་ལས་སྟོད་འབྲུག་
གནམ་གྱི་སྐར་མ་ལྟ་བུ། སྨད་འབྲུག་སའི་དྲེགས་པ་ལྟ་བུ། བར་འབྲུག་དབུ་ཆེ་ཉིས་སྟོང་བརྒྱ་
ལས་རྒྱུད་པ། སངས་རྒྱས་དབོན་ནས་གདན་ས་རྒྱུད་དེ་བཞིར་གྱེས་ཤིང༌། འདིའི་བསྟན་པས་
བྱ་རྒོད་ཀྱི་ཉིན་ལམ་བཅོ་བརྒྱད་ཁྱབ་པར་གྲགས་སོ། །
དེ་འཛིན་པའི་སྐྱེས་བུའི་ཁྱད་པར་འཕགས་པ་ནི། གཙང་པ་རྒྱ་རས་ཀྱི་རིགས་ཀྱི་ཆེ་བ་
ནི་ཆོས་རྒྱལ་སྲོང་བཙན་སྒམ་པོ་བཞུགས་དུས་རྒྱ་ནག་ཡུལ་ནས་ཇོ་བོ་སྤྱན་འདྲེན་པའི་གྱད་
མཆོག་གཉིས་འོངས་པའི་མིང་ལྷ་དགའ་དང་ཀླུ་དགའ་གཉིས། ལྷ་དགའི་དབོན་སྲས་ལས་
རིམ་རྒྱུད་ཁྲི་སྲོང་ལྡེའུ་བཙན་གྱི་དུས་སུ་རྒྱ་སང་ཤི་དང༌། གསལ་སྣང་ཞེས་ཆོས་བསྒྱུར་བའི་
ཆེད་དུ་དཀའ་ལས་མཛད་པས་རྒྱལ་པོའི་ཐུགས་ལ་གཅེས་(གཅེས་པའི་མིང་སྦ་ཞེས)བཏགས་སོ། །
སྦ་གསལ་སྣང་རབ་ཏུ་བྱུང་ནས་བསམ་ཡས་སུ་མཁན་པོའི་དངོས་ཀྱི་གདན་ས་མཛད། བོད་
རྒྱལ་པོའི་བླ་མར་གྱུར། སང་ཤིའི་ཚ་བོ་ཁྲི་རལ་གྱི་དུས་སུ་རྒྱ་འཇམ་དཔལ་གསང་བ་ཞེས་
གྲགས་པས། སློབ་དཔོན་ཆེན་པོ་པདྨ་ལ་སོགས་པ་ལ་གཏུགས་ནས་རིགས་སྔགས་འཆང་
ཐམས་ཅད་ཀྱི་རྩེ་མོར་ཐོན་པ་བྱུང༌། དེས་མྱང་སྟོད་དུ་དཔལ་སྐྱེགས་ཀྱི་སྐྱེ་གནས་བཏབ་པས། 
ད་ལྟ་གནས་རྙིང་དུ་གྲགས་པ་འདི་ཡིན། དེ་ནས་དུས་ཀྱི་དབང་གིས་དབོན་སྲས་སྟག་ཚལ་དུ་
འཕོས། དེ་ནས་བསྟན་པ་ཕྱི་དར་གྱི་དུས་སུ་རྒྱ་བརྩོན་འགྲུས་སེང་གེ་ཞེས་བྱ་བ་མཁས་པ་ཇོ་
བོ་རྗེ་བོད་དུ་གདན་འདྲེན་པ་པོ་དེ་བྱུང་བ་ཡིན་ནོ། །དེའི་དབོན་སྲས་ཁུ་ལེར་འཕོས་པའི་རྒྱུད་
22-1-27


དུ་ཆོས་རྗེ་འདི་འཁྲུངས་པ་ཡིན་ནོ། །དེ་ཡང་གུ་རུ་ཆོས་དབང་གི་གཏེར་མ་སློབ་དཔོན་པདྨ་
དང་ཁ་རིའི་ཞུས་ལན་དུ་ས་རལ་ཞེས་པའི་ལུང་གསུམ་མདོར། (ས་རལ་གྱི་འོག་འདི་ན་ར་ཤག་བོན་
ཅེས། ཐང་ཡིག་ལས་ར་ཤག་བོན་པོ་མདོས་ལ་མཁས་པ་འབྱུང་ཞེས་ལུང་བསྟན་པའི་འཁྲུངས་ས་སྟོང་གོག་གཅིག་ཡོད) ནོར་
བུ་འཛིན་པའི་སྤྲུལ་པ་ཞིག་ཕ་བོང་ཤོ་འདྲའི་ཁ་ནས་ཆོས་འཆད་རྩོམ་ཞེས་སྤྱན་རས་གཟིགས་
ཡིན་པ་དང༌། རཏྣ་གླིང་པ་དང་པདྨ་གླིང་པའི་གཏེར་ཡིག་ཏུ་སློབ་དཔོན་གྱིས་ན་རོ་པཎ་ཆེན་
སྒྱུ་མའི་གར་བསྒྱུར་བས། གཙང་པ་རྒྱ་རས་འབྲུག་དང་ར་ལུང་དུ་འབྱོན་ཞེས་གསུངས་ཤིང་
ཆོས་རྗེ་བརྟེན་རས་པ་ལས་ཕྱིས་བསྟན་པ་ལ་ཕན་པར་དགོངས་ནས་བསྙེན་པར་རྫོགས་པའི་
དུས་སུ་བླ་མ་ཞང་གཡུ་བྲག་པས་ན་རོ་པཎ་ཆེན་གྱི་སྐྲ་གཅོད་མཁན་ང་མིན་པ་སུ་ཡོད། ཅེས་
རྒོད་མ་དཀར་མོ་བཞོན་ནས་བརྒྱུགས་པ་དང༌། གྲུབ་ཆེན་གླིང་གི་ཐོལ་གྱི་གནས་སྟོད་དུ་
དཔྲལ་བའི་དཀྱིལ་ན་མདོངས་གཅིག་ཡོད། །མདོངས་དེ་གླིང་ཆེན་རས་པ་ཡིན། །མདོངས་
ཀྱི་དཀྱིལ་ནས་འཁྱུག་ཅིག་བྱུང༌། །འཁྱུག་སྟེ་ན་རོ་པཎ་ཆེན་ཡིན། ཞེས་ན་རོ་པར་ལུང་བསྟན་
པ་དང༌། ཆོས་རྗེ་ཉིད་ཀྱིས་ཀྱང་དེ་ལྟར་ཞལ་གྱིས་བཞེས་པ་ཡིན་ནོ། །
དེ་ལྟ་བུའི་དབོན་རྒྱུད་ལ་གདན་རབས་བརྒྱད་ཅུ་རྩ་བཞིའི་བར་དུ་བྱུང་ཞིང༌། དེ་དག་གི་
བསྟན་པ་ཉག་ཕྲ་བའི་སྐབས་སུ་སྔར་རྒྱལ་དབང་རྗེ་བྱོན་པ་ལྟ་བུ་ཆོས་རྗེ་རང་གི་སྤྲུལ་པ་དགུ་
བྱུང་བ་ཡིན་ཏེ། ཆོས་རྗེའི་ཞལ་ཆེམས་སུ། འདིར་ཡང་གདུང་གསོབ་བརྒྱད་ཅུ་རྩ་བཞི་དགུས། 
བླ་མའི་གདུང་འཛིན་བསྟན་པ་རྒྱ་ཆེར་འགྱུར། ཞེས་གསུངས་པས་སོ། །དེ་ལྟར་བརྒྱད་ཅུ་རྩ་
བཞི་པོ་ཐམས་ཅད་ཀྱང་སྤྱན་རས་གཟིགས་ཀྱི་སྤྲུལ་པ་ཤ་སྟག་འབྱུང་བ་ཡིན་ཏེ། རྒྱ་འཇམ་
དཔལ་གསང་བས། ས་བྱང་ཕྱོགས་བོད་ཀྱི་ཞིང་ཁམས་སུ། །ང་ཐུགས་རྗེ་ཆེན་པོ་རྒྱུད་པ་ལ། །
ཁྱད་པར་ལྷ་ཡི་རྣམ་འཕྲུལ་ནི། །བཅུ་ཕྲག་བརྒྱད་ཀྱི་བར་དུ་འབྱུང༌། །ཞེས་དེ་ཉིད་ཀྱི་དབོན་
རྒྱུད་ལ་སྤྱན་རས་གཟིགས་ཀྱི་སྤྲུལ་པ་བརྒྱད་ཅུ་དངོས་སུ་གསུངས་ཤིང༌། །བཞི་ཞར་གྱིས་
22-1-28


བསྟན་ནོ། །
དེ་ལྟར་སྐྱེས་བུ་དམ་པ་འབའ་ཞིག་སྟོན་པ་པོར་གྱུར་པའི་ཉན་པ་པོའི་སློབ་མ་དག་ཀྱང་
ཟབ་མོའི་ཆོས་ལ་མི་སྐྲག་ཅིང༌། སྐལ་པ་དང་ལྡན་པ་ལ་རྣམ་པ་ཐ་དད་ཀྱང་རང་བཞིན་གཅིག་
པ་རྡོ་རྗེ་སློབ་དཔོན་དང་རྒྱུད་གཅིག་པ་ལྟ་བུས་འཁོར་ཕུན་སུམ་ཚོགས་པ་ཡིན་ནོ། །དེ་ནང་
ནས་རྡོ་རྗེ་སློབ་དཔོན་གྱི་བཀའི་གནང་བ་ཐོབ་ཅིང་གསུང་གི་མཛོད་འཛིན་པ་ལ་ཕྲ་རགས་
གོང་དུ་དངོས་སམ། །སྦས་པའི་གྲུབ་ཐོབ་རེ་དང་ཕྱོགས་སུ་འགྲན་ཟླ་མེད་པའི་བསྟན་པའི་
གསལ་བྱེད་རེ་འབྱུང་ཞེས་གཏམ་དུ་གྲགས་སོ། །
ཚུལ་ཇི་ལྟར་བཟང་བ་ཁྱད་པར་དུ་འཕགས་པ་ནི། དེ་ལྟ་བུ་ཉན་བཤད་མཛད་པའི་
སྐྱེས་བུ་དམ་པ་དེ་དག་གི་དང་པོར་བླ་མ་དམ་པ་ལས་ལེགས་པར་ཐོས། དེ་ཉན་པའི་མདོ་
ཉིད་དུ་སེམས་དཔའ་དང་སྒོམ་པ་ཁོ་ནས་དུས་འདའ་བའི་མཐུ་དཔལ་གྱིས་བསྟན་པའི་སྙིང་
པོ་བཀའ་བརྒྱུད་ཀྱི་སྒྲུབ་པའི་ངེས་པ་ལ་གཞོལ་བས་ཁྱད་པར་དུ་འཕགས་སོ། །འཇིག་རྟེན་
དབང་པོའི་སྤྲུལ་པས་བྱིན་བརླབས་པས། །མཆོག་གཟིགས་མང་པོའི་རིམ་པར་འབྱོན་པའི་
ཞིང༌། །གདན་ས་ཆེན་པོ་ར་ལུང་མཐིལ་ཞེས་པ། །ལྷ་མིའི་མཆོད་སྡེ་ཆེན་པོ་ཡིད་འོང་འདིའོ། །
དེས་ན་འདི་ལ་མཐོང་ཐོས་རེག་དྲན་པའི། །འབྲེལ་བས་སྦྲེལ་རྣམ་དག་པའི་སྐྱོ་ཐང་གི །སྔོན་
ལས་ཀྱིས་འཕངས་དེ་དེ་ནས་དྲངས་ནས། །མཐོ་རིས་སུ་བཅུག་ཐར་པ་འདྲེན་གྱུར་ཅིག །
གཙང་པ་རྒྱ་རས་འབྲོག་ཁུ་ལེ་མཐིལ་ལྡིང་དུ་འཁྲུངས། (ས་རལ་རྒྱ་གྲོང་གི་ལྷོ། འབྲོག་ལྷས་གན་ལོག་
ཞེས་ར་ལུང་ནས་ཉིང་ར་ལ་འགྲོ་ལམ་ལ་ཡོད། འབྲོག་པ་སྐྱས་སྐྱེད་ཁར་གྲོད་ཕུར་འཁྲུངས། མ་འཇིགས་པས་བསྐྱུར་ནས་བཞག །
ན་མཐིལ་དུ་སླེབས་པ་དང་ཨ་ཁུ་མ་མཛེས་ཀྱིས་ཁྱོད་ཀྱི་སྐྱེ་རྒུ་གར་སོང་སྨྲས་པས། གྲོད་པུར་སྐྱེས་པར་འཇིགས་ནས་བསྐྱུར་ཚུལ་
སྨྲས་པ་དང༌། ཨ་ཁུས་ཆོས་གསུངས་པའི་ཕ་བོང་ཤོ་འདྲ་ནི་ས་རལ་སློབ་དཔོན་བྱང་བ་ཞེས་གྲོང་སྔགས་ཤིག་གི་ཁང་པའི་བྱང་བ་
སྐྱོར་ན་ཡོད་དོ། །
22-1-29


སྒོ་བཞི་དང་ར་ལུང་གི་བར་ལུང་དམར་གྱི་ཤར་ན། གཡུ་ཐོག་ཤེས་པ་རྒྱ་བྲག་རྐང་འཕྲང་གི་ནད་སོས་པའི་གཏང་རག་ཏུ་
བུད་མེད་མགོ་རྒྱན་མའི་རོ་ཕུལ་བའི་དེའི་རྒྱུ་མཚན་གྱིས་གཡུ་ཐོག་ཅེས་ཡོངས་སུ་གྲགས་པ་དེ་ཡོད། ལུང་དམར་གྱི་འོག་གཞིས་
སྡོད་ཅེས་པ་ན་བོན་བོའི་གྲུབ་ཐོབ་ཀུན་བཟང་གི་སྤྲུལ་པ་ལྷ་རྗེ་བར་སྒོམ་ཞིག་པོ་ཞེས་ཨ་དཀར་གྲུབ་ཐོབ་ཀུན་བཟང་ཨ་བསྐོར་
གྱི་རྒྱུད་པའི་ཆུ་མགོ་གངས་ཐུག་སྐུ་འཇའ་ལུས་སུ་གྲུབ་པ་དེ་འཁྲུངས་པ་གླང་རོ་གང་པ་ཕུག་ཅེས། བོན་པོ་མདོ་ཁམས་ནས་ཀྱང་
མཇལ་མི་ཡོང་གི་འདུག །རི་ཤིང་པ་དང་སྨན་རི་བ་འཇའ་དར་སྡིང་པ་སོགས་ནས་མཇལ་མཁན་ཡོང་བར་འདུག)ར་ལུང་གི་
ཆོས་གཞིས་ར་ཐང༌། (དགེ་བའི་བཤེས་གཉེན་ར་ཐང་བ་ཞེས་གཙང་པ་རྒྱ་རས་རབ་ཏུ་བྱུང་བ་ཡིན་ཀྱང་ཟེར་)གི་ཐད་
ཀྱི་ལྷ་རིའི་རྒྱབ་ན་འུ་བྲག་ཅེས་པའི་ལུང་པར་ཕ་དམ་པ་སངས་རྒྱས་དངོས་ཀྱི་སློབ་མ་སྒོམ་པ་
དམར་སྒོམ་ལ་ཆིག་ཆོད་གསུམ་གྱི་གདམས་པ་སོགས་གནང་བའི་གྲུབ་ཐོབ་དམར་སྒོམ་པ་
ཁྱད་པར་ཅན་བྱུང་བ་དེའི་དགོན་པ་ཡོད། འདི་ཉིད་གོང་དུ་སྒོམ་པ་ལྟར་ཡིན་ཅིང༌། དམར་
སྒོམ་གྱི་མཚན་གཞོན་ནུ་ཤེས་རབ་ཉེ་གནས་ཁྱད་པར་ཅན་དགེ་བཤེས་ངང་པ། འུ་བྲག་གི་
ཤིང་རྣམས་ལྷོ་ནས་ཆག་གི་བརྡུངས་པས། ཕུ་ཁྲོལ་ལ་ཁྲོལ་སྒྲ་དང་བཅས་བབས་པས་ཁྲོ་
ལར་གྲགས། དམར་སྟོང་སྟོང་ཕྲག་བརྒྱད་པ་ལ་གྲྭ་པ་ཉིས་སྟོང་བརྒྱད་བརྒྱ། པོད་ཏི་ཉིས་
སྟོང་བརྒྱད་བརྒྱ་མཉམ་པར་བྱུང་བས། དེ་གཉིས་གང་རུང་ཞིག་མང་ཡང་བསྟན་པ་འཕེལ་བ་
ཡོང་འདུག་པ་ལ། རྟེན་འབྲེལ་འཕྱུགས་པས་དར་པོ་མ་བྱུང༌། བདེ་མཆོག་གི་ལྷ་སྐུ་བརྒྱ་ཁྱེའུ་
ལོ་བརྒྱད་ཀྱི་ཚད་ཙམ་བཞུགས་ཤིང༌། དགོན་པ་གཅིག་ལ་གསུང་རབ་འདི་ལས་མང་བ་མི་
འདུག་ཅེས་གྲགས། དམར་སྒོམ་ལ་བོན་པོ་ཞིག་གིས་ཆགས་སྡང་བདུད་ཀྱི་བསྡུས་པས་རྒན་
མོ་ལ་གཡུ་བྱིན་ཏེ་གསོལ་བ་ངན་པ་ཞུས་པས་མཁྱེན་ཏེ་མི་ལ་ངང་ཚུལ་མཐུན་པར་ཕྱིས་ཏེ། 
ཉིང་རོ་སྣ་ཐོད་ཀྱི་སྨན་ཆུ་མཁའ་འགྲོས་ལུང་བསྟན། སློབ་དཔོན་གྱིས་སྨན་ཆུ་བརྒྱ་རྩ་སྦས་
པ་གཏེར་ནས་བཏོན། སྨན་ཆུ་འདི་ཁྱད་པར་དུ་དུག་ལ་ཕན་པ་གསུངས་སོ། །ཕྱིས་སྙུན་གཞི་
ལས་གྲོལ། རྣམ་གྲོལ་གྱི་ལམ་ལ་གཤེགས་སོ། །
22-1-30


གསེར་འབྲུ་སེང་གེ་རྩེ་བས་གདན་དྲངས། ལྷ་ཁང་ཆེན་པོའི་དབུ་རྩེ་བཞུགས། ཆོས་
སྐྱོང་དང་གཞིས་བདག་གི་འཁུ་བཟློག་གི་སེར་བ་ཤོར། སེང་གེ་རྩེ་པ་གདུང་རབས་ཆད་པ་
འདི་པས་ལན་པ་ཡིན་ཀྱང་ཟེར་རོ། །ལྷ་ཁང་ནང་ན་(བླ་མ་བྲན་གྱི་དགོན་པ་སྐྱིད་ཁུང་ཟེར་བ་འདི་གཞིས་
སྡོད་པར་སྒོམ་འཁྲུངས་པའི་འོག་ཆུ་ཚན་དང་ཉེ་བ་ན་ཡོད་ཅིང༌། ཆུ་ཚན་འདི་ཉིད་ཀྱང་ཕོ་རོག་རྐང་ཆག་གིས་རྙེད་ཅིང༌། བླ་མ་
བྲན་དོན་མཐའ་བྲལ་གྱི་གྲུབ་པས་ཁྱད་པར་རྐང་པའི་ནད་ལ་ཕན་ཅིང༌། ཟམ་གདོང་གི་གད་པ་འབྲུ་གསུམ་གྱི་གནས་གོག་འདིར་
ཤོ་སྒམ་བསྡུས་ཅིང་ལྷ་ས་དང་ལག་སྤྲེལ། ཁྱད་པར་ར་ལུང་པ་ལ་ཤིན་ཏུ་གནོད་པ་འབྱུང༌། འབྲུག་པའི་བསྟན་པ། རྒོད་ཀྱི་ཉིན་
ལམ་བཅོ་བརྒྱད་སྒོ་བཞི་ཚལ་ལམ་ལ་འདུག་པ་ཡིན་ཞེས་དང༌། གཙང་པ་རྒྱ་རས་ཀྱི་དབུ་སྐྲ་ཡང་སྐྱིད་ཁུང་ལྷ་ཁང་གི་ཐེམ་པའི་
འོག་ན་མནན་ཡོད། འབྲུག་རིས་རྣམས་རྡོག་པ་མི་རྒྱག །ཕྱི་སྐུ་གཉེར་འབྲུག་པ་ལ་མོས་པས་སྒོ་བྱང་དུ་སྦོས་པས་དད་སྐོར་མི་
འགྲོ་ལྷ་ཁང་འདི་ན་བྲན་གྱི་སྐུ་གསུང་བྱོན་མ་ཐམས་ཅད་མཁྱེན་པ་དགེ་འདུན་གྲུབ་ལ་བྲན་མཐའ་བྲལ་དོན་སྩལ་ཞེས་པའི་གསུང་
བྱོན་པ་རེ་ཞིག་གོ་བ་མ་བྱུང༌། མདོ་སྨད་དུ་རྟག་ཏུ་ཕེབས་པ་ན་གསུང་དང་མཐུན་པའི་རྟོགས་པ་འཁྲུངས་གསུང་བ་འདུག་མངའ་
བདག་ཁྲི་སྲོང་གི་དུས་བྲན་ཀ་མུ་རུ་ཏི། སངས་རྒྱས་གསང་བ་གདན་འདྲེན་མིར་བཏང་བ་མཚོ་མ་ཕམ་ནས་ལོག་བྱོན་པ་དེ་དང་ཁྲི་
རལ་གྱི་དུས་བན་ཆེན་པོ་དང༌། བྲན་ཁ་དཔལ་གྱི་ཡོན་ཏན་དང་སྐུ་རུས་ཀྱི་མིང་དུ་འདུག་ཅིང༌། བླ་མ་མི་སྙོན་ཟན་ཆུང་རྒྱ་གྲོང་ཕུ་
གསུམ་ན་ཡོད་ཅིང་ཞིང་ལ་ཤྭ་བ་བྱུང་དུས་ལྷ་མོ་དུས་མཚན་མ་ཞིང་ལ་ཤྭ་པ་སྲུངས་ཤོག་གསུངས་པ་དང༌། འུར་རྡོ་རྟོག་གེ་བསྲུང་
བ་བྱུང་ཞིང༌། དེའི་སྲས་བྲན་སྟོན་མཐའ་བྲལ་ཞེས་བརྒྱ་སྲན་དམར་གསུམ་ཞེས་ཕུ་ན་བླ་མ་གདུགས་ཐོགས་པ་གསུམ། བར་དུ་
བོན་པོ་རྔ་ཐོགས་པ་གསུམ། བར་སྒོམ། གུར་སྒོམ་ད་རེ། གུར་སྒོམ། དགྲ་བོ་སྟེ་བོན་པོ་རྔ་ཐོགས་པ་གསུམ། མདའ་རུ་བཤན་
པ་གྲི་ཐོགས་པ་གསུམ། བྲན་སྟོན་མཐའ་བྲལ་གྱི་ཕྱག་ནས་མ་རྨེ་རུ་སྐྱེས་དང༌། རི་བོ་འཛིན། སྤང་ལེབ་འཛིན་ཏེ་གཤན་པ་གྲི་
ཐོགས་པ་གསུམ་ཞེས་ཟེར་)བྲན་སྟོན་མཐའ་བྲལ་གྱི་ཕྱག་ནས་མ་གཙོ་བོ་ཐོག་ས་གང་ཙམ་གྱི་དུས་
གསུམ་སངས་རྒྱས་དེ་ལ་དེང་སང་སྐྱིད་ཁུང་གི་ཇོ་བོ་ཟེར་ནས་བྱིན་རླབས་ཆེ་ཞིང་ལོ་དུས་ཀྱི་
སྐོར་ཆེན་བྱེད། དེའི་འགྲམ་དུ་བྲན་སྟོན་མཐའ་བྲལ་དང༌། དེའི་སྐྱེ་བ་མན་ལུང་གུ་རུའི་སྐུ་མི་
ཚད་ཙམ་དང༌། དེའི་ལོགས་བྲིས་ལ་མན་ལུང་གུ་རུའི་རྣམ་ཐར་ཞིབ་བཀོད་པོ་ཊ་ལར་ཕེབས་
22-1-31


པ་ཚུན་ཆད་ཐ་གཙང་བལ་རིས་དངོས་ཤིན་ཏུ་གཙང་བ་ཁུངས་ཐུབ་ཡོད། མན་ལུང་བྲན་སྟོན་
མཐའ་བྲལ་གྱི་དགོན་པ་ཡིན་ལ། དེང་སང་བྲན་སྟོན་མཐའ་བྲལ་གྱི་དབོན་རྒྱུད་དང་བཅས་
པ་མྱང་སྟག་རྩེ་ན་མན་ལུང་ཟེར་བ་དེར་ཡོད་པ་ཡིན། བྲན་སྟོན་གྱི་སྐྱེ་བ་མན་ལུང་གུ་རུས་
ཀྱང་དགོན་པ་འདིའི་གདན་ས་མཛད་པས་མིང་མན་ལུང་དུ་ཐོགས་སོ། (མཐའ་བྲལ་གྱི་སྲས་བྲན་
ཤེས་རབ་སེང་གེ་ལ་ཡབ་ཀྱིས་ལུང་བསྟན། སྟག་རྩེར་མཚན་ལྡན་གྱི་མཁའ་འགྲོ་མ་བན་བཙུན་གྱི་ཚུལ་དུ་ཡོད་པས་དེས་རྗེས་སུ་
བཟུང་དང༌། ངའི་སྐྱེ་བ་ཞིག་འོང་བ་ཡིན་གསུངས། གསུངས་པ་དང་མཐུན་པར་རྗེས་སུ་བཟུང་ནས་སྐུ་ལུས་སྦྲུམ་པ་སྦས་ཐབས་སུ་
གཡུང་གི་ཕུ་སྟག་ལུང་དགོན་པར་མན་ལུང་གུ་རུ་སྐུ་འཁྲུངས། གཡུང་བ་རྣམས་དུས་བཟང་ལ་མཇལ། དགུང་ལོ་ཉེར་ལྔ་བཞེས་
པ་ལ་མཐོང་སྐོར་གྱི་གནས་རྫོང་འདིས་ར་ལུང་པ་ལ་སོགས་འགྲོ་བ་མང་པོར་གནོད་པ་འདུག་པས་སྐྱེས་གསུངས་པ་ལ་གྲྭ་པས་
མ་ཉན་པས་ཐུགས་ངེས་པར་འབྱུང་སྟེ་རྒྱ་གར་ལ་གཤེགས། ཕྱིས་གྲྭ་རིས་དད་པ་ཅན་དང༌། སློབ་མ་ཡོན་བདག་རྣམས་ལ་ཞལ་
ཏ་ཐ་ཚིག་གསུངས་ཏེ་སླར་རྒྱ་གར་དང་པོ་ཏ་ལ་རུ་གཤེགས་པ་གདའ། མན་ལུང་ནང་རོལ་སྟག་ཚང་ན་ཡོད་ཅིང༌། བཀའ་བསྲུང་
ཀྱང་ཨ་ལྕི་མ་ཞེས་གཤིན་རྗེ་དུས་མཚན་མ། འོད་ཅན་འབར་མ་ཞལ་གཅིག་ཕྱག་གཉིས་མ་གཡས་ཁྲམ་ཤིང་དང༌། གཡོན་ནད་
རྐྱལ་དང་ཞགས་པ་བསྣམས་པ་གཅིག་འོང་གི་འདུག །རྗེས་གནང་བཀའ་གཏད་ཞུ་བ་ལ་ཡང་གྲི་རེ་ཕྱག་རྟེན་དུ་འབུལ་གྱི་འདུག་
པ་སྐབས་ཤིག་ཏུ་རྒྱུད་པ་ཆད་འདུག་ན། ཞལ་སྔ་ནས་དབྱེ་བ་ཞེས་དགེ་ལྡན་མའི་བླ་མ་ཞིག་གིས་ཁམས་ནས་རྙེད་དེ་རྒྱུད་པ་
གསོས་གདའ། ཞིབ་པར་མན་ལུང་གུ་རུའི་རྣམ་ཐར་དུ་གཟིགས་ཤིག) །དེའི་འོག་ཅིག་ན་ཁ་མོ་ཟེར་བའི་དགོན་
པ་འདི་ཀ་མ་བའི་ཞང་བུ་གཅིག་པའི་སློབ་མའི་མཆོག་ལུམ་པ་བ་ཡེ་ཤེས་བྱང་ཆུབ་ཞེས་སམ། 
ཁུ་ལེའི་ཁ་མོ་ཟེའུ་སྟོན་ཞེས་ཀྱང་བྱ། ཆུ་མིག་པ་ཆེན་པོ་ཞེས་གྲགས་པ་མཚན་དངོས་ཤེས་
རབ་གྲགས་དང་གཉིས་བྱུང༌། ཁུ་ལེའི་ཁ་མོ་ཟེའུ་སྟོན་པ་ཞེས་བྱ་བ་ཁོང་རྫ་རར་ཟེའུ་རྒྱུད་དུ་
འཁྲུངས། (ཟེའུ་པག་ཤི་ནི་སྒོ་བཞི་རྒྱ་རི་གདོང་གི་ཕར་ཐད་ཟེ་ཐང་དུ་འཁྲུངས། དགོན་པ་ཡང་རྒྱལ་རྩེའི་ཆུ་ལྷོ་རིན་ཆེན་གླིང་
ན་ཡོད་ཅིང༌། ཆོས་སྐྱོང་ཕྱག་བཞི་པ་རྩེ་འཚུབ་ཤིན་ཏུ་ཆེ་བ་ཡོད་ཅིང༌། ཆུ་མིག་ན་ཟེའུ་རང་གི་སྐུ་གདུང་བཞུགས་པའི་ས་འབུམ་
དང༌། གསུང་རབ་མང་དུ་བཞུགས། ཆུ་མིག་ནི་རྩ་བོ་ནང་འབྲེལ་ཡུལ་གྱི་བྱང་ན་ཡོད། འདིའི་ནུབ་ལུང་ཆུང་གླིང་བུ་ན་པཎྜི་ཏ་སྨྲི་
22-1-32


ཏིའི་ཕྱག་བཟོ་མ་ཁམ་པ་ལས་གྲུབ་པའི་དཔལ་ཆེན་གྱི་སྐུ་ར་མས་རྙེད་པ། སྨྲི་ཏིས་ལུག་རྫི་མཛད་ནས་ང་རིག་པའི་གནས་ལྔ་ལ་
མཁས་པའི་པཎྜི་ཏ་ཡིན་པས། ལྷ་བཟོ་བརྗོད་དམ་མ་བརྗོད་གཟིགས་ནས་ཕྱག་དལ་དུ་སྒྲུབ་པ་འཇིམ་ཁུང་དུ་སྦས། ཕྱིས་ར་མས་
རྙེད་པ་དེ་བཞུགས)འབྲེ་ཤེས་རབ་འབར་ལ་རབ་ཏུ་བྱུང༌། ཁྱུང་རིན་ཆེན་གྲགས་ལ་དབུ་ཚད་དང་
སྤྱོད་ཕྱོགས་གསན། རྒྱ་དམར་ས་སྟག་པ་ཁ་ཆེ་ལའང་རྒྱ་ཆེར་གསན། འབྲེ་ལ་ཕར་ཕྱིན་ལོ་
དྲུག་གསན། དེ་ནས་དགེ་བཤེས་ལུམ་པ་བ་ལོ་ལྔ་བསྟེན། དེ་ནས་ཤ་ར་བ་ལོ་གསུམ་བསྟེན། 
དགེ་བཤེས་བྲག་དཀར་བ་ལོ་ཉི་ཤུ་བསྟེན། དེ་ནས་རང་ཡུལ་གྱི་རི་ཤེས་སླས་ཁ་དང་སྲམ་བུ་
ལ་སོགས་པར་བཞུགས། དེ་ནས་ཁ་མོ་དགོན་པ་བཟུང་བས་ཁ་མོ་ཟེའུ་སྟོང་དུ་གྲགས། (ཁ་མོ་
ནི་ཕྱིས་ཆོས་དབང་གིས་བཟུང་ཡང་དགོན་བདག་རང་བླ་མ་སེ་འབྲེ་བན་དྷེ་ཡིན་ཞིང༌། ཡང་དག་གིས་སྒྲུབ་པ་མཛད་པས་བུམ་
ཆུ་ཁོལ་བས་བུམ་པ་བསྣམས་ཏེ་བར་སྣང་ལ་འཕུར་ཏེ་བུམ་ཆུ་ཐིགས་པ་རེ་ལ་ཤུག་པ་རེ་འཁྲུངས། ཤུག་སྡོང་བཅུ་གཅིག་ཡོད་
པ་ཕལ་ཆེར་སྐམས། ད་ལྟ་གསུམ་ཡོད། བཅུ་གཅིག་ཡོད་པའི་མཐར་ལྕམ་མོ་ཞིག་ལ་སྐུ་སྒྲེན་མོར་ཡོད་པས་ཞལ་སྐྱེངས་ཏེ་ཕྱིར་
ལོག་པས་ཤུག་པས་མ་འཁོར། གོང་དུ་སྨོས་པའི་སྒུར་སྒོམ་སྒྲ་འོད་ཅེས་བོན་པོའི་གྲུབ་ཐོབ་ཕུར་པ་ཟ་ཧོར་དབུ་དགུ་ལ་གྲུབ་པ་
བརྙེས་པ་དང་འབྲས་པས་སྒུར་སྒོམ་གྱིས་ཁྱུང་དཀར་ཞེས་པའི་བྲག་རྩ་ནས་ཕུར་པ་གདེངས་པས་སེར་བ་ཕབ་སྟེ་བླ་མ་རང་གི་
སྒྲུབ་ཕུག་ལ་འཁྱེར། ཉེ་བསྐོར་གྲོག་པོར་བཏང༌། ཕྱིས་རྒྱུད་འཛིན་མེད་པས་ཡང་དག་གི་དཔེ་རྣམས་ཤོག་དྲིལ་དུ་བསྒྲིལ་ནས་
རྫ་མ་གསུམ་བཀང་ཁ་ཡང་དག་ལྷ་དགུའི་དཀྱིལ་འཁོར་རྡོ་གཡམ་ལ་མཚལ་གྱིས་བྲིས་པས་བཅད། གླེགས་ཤིང་རྣམས་ཤ་རྐྱལ་
དུ་བཅུག་ནས་ལྷ་མོ་ནམ་གྲུ་མ་ལ་གཏད་དེ་གཏེར་དུ་སྩལ་བ། ཕྱིས་སྔགས་བརྩེགས་པ་གུར་སྒོམ་སྒྲ་བོའི་རྒྱུད་པ་ཞིག་གིས་རྙེད། 
གཏེར་རྣམས་འཇོལ་ཉོག་ཏུ་བྱུང་པས་མི་ངོ་ལ་གྲོན་ཆད་དང་འཁུ་ལྡོག་ཤིན་ཏུ་ཆེ་བ་བྱུང་བས། གཏེར་ཚབ་ཅི་རིགས་སྦས་འདུག་
ནའང་ད་དུང་རྒྱུད་པ་དེ་ལ་སྟོན་དུས་ཀྱི་ཟླ་བ་ལ་བསྐངས་བཤགས་རྒྱས་པ་དགོས་སོ། )དེ་ནས་གཙང་པོ་ནང་དུ་སྟོན་
མོ་ཞིག་གི་གྲལ་དབུ་ལ་བྱོན་པས། འདིའི་ཕུ་ན་བསྡད་པ་ལྟར་ཡོད་དྲིས་པས། འདི་ལྟ་བུ་ཡོད་
ཟེར་ཆུ་མིག་བཟུང་ངོ༌། །སྣར་ཐང་གི་རྡོར་སྟོན་ཆེན་པོ་ཡང་འདིའི་སློབ་མ་ཡིན་ནོ། །དེང་སང་
ཁ་མོ་འདི་གུ་རུ་ཆོས་དབང་གི་གདུང་རྒྱུད་ཀྱི་འཛིན་པ་དེ་གཙུག་ལག་ཁང་གསར་དུ་བཟོས་པ་
22-1-33


གཅིག་དང༌། དེར་གུ་རུ་ཆོས་དབང་ལྷོ་སྟོད་ལ་བྱོན་པ་ལ་ཡོན་བདག་དད་པ་ཅན་གཅིག་ཤིན་
ཏུ་འཕྲེང་བ་དང་དེ་ལ་ཆུ་འགྲམ་ནས་རྡོ་ལོངས་ཤིག་གསུངས། དེ་ལ་ཞབས་གཉིས་ཀྱི་རྗེས་
ཡོད། ནང་མཇལ་ཀྱང་ཁ་ཤས་ཡོད། དགོན་པ་མ་དེ་དཔལ་རྣམ་གྱི་གུར་སྡིངས་ཡིན་ནོ། །
དེའི་འོག་ཙམ་ན་སྒོ་བཞིའི་ཡུལ་འདི་ན། (སྒོ་བཞི་ནི་ཤར་སྒོ་ར་ལུང་ཆོས་ཀྱི་སྒོ། ལྷོ་སྒོ་ཉིང་རོ་ཤིང་གི་
སྒོ། བྱང་སྒོ་རྡོ་ལྕགས་ལྕགས་ཀྱི་སྒོ། ནུབ་སྒོ་རྒྱ་བྲག་ནས་ཀྱི་སྒོའོ། ) མགོན་པོའི་གནས་རང་བཞིན་ལྷུན་གྲུབ་
ཡོད་དོ། །ས་ཡུལ་འདི་ཆོས་འབྱུང་གྲུ་གསུམ་གྱི་དབྱིབས་ས་གྲུ་གསུམ། གནམ་གྲུ་གསུམ། ཆུ་
འབབ་གྲུ་གསུམ། ཕྱི་མི་འགྱུར་བའི་རྟགས་ལ་ལྷོ་ཕྱོགས་ཀྱི་རི་ལ་གུར་ལྷ་བརྒྱད་གསལ་བར་
བཞུགས་པ། ནུབ་ཕྱོགས་ཀྱི་རི་ལ་བཀྲ་ཤིས་རྟགས་བརྒྱད། བྱང་ཕྱོགས་ཀྱི་རི་ལ་བྱང་ཆུབ་
མཆོད་རྟེན། ཤར་ཕྱོགས་ཀྱི་རི་ལ་གཏོར་མ་རུ་གཏོས་རྒྱན་འདྲ། ཟམ་པའི་འཁྲིས་ཀྱི་རི་འཁོར་
བཤན་པ་གྲི་ཐོགས་སོགས་ཀྱིས་དབྱིབས་ལ་དགོངས་ནས། ཐོང་ལྕགས་རྫོང་གི་མགོན་ཁང་
ན་བདག་ཆེན་བློ་གྲོས་རྒྱལ་མཚན་དཔལ་བཟང་པོའི་གཏོར་གཞི་རྟགས་གཏོར་ལས་ཁུངས་
ཟེར་བ། (དཔལ་ལྡན་ས་སྐྱ་པ་ལ་མགོན་པོའི་བཀའ་བབས་ཚུལ་ཆེས་མང་ཡང་བསྡུས་ཙམ་བརྗོད་ན། མཁའ་འགྲོ་མ་རྡོ་རྗེ་
གུར་གྱི་སྲུང་མ་ཆེན་པོ། པཎ་ཆེན་ག་ཡ་དྷ་ར་ལས་འབྲོག་མི་ལས་རིམ་པར་བརྒྱུད་པའི་ལྷ་ལྔ་དཔའ་བོ་གཅིག་པ་དང༌། བ་རི་ལོ་
ཙཱ་ནས་བརྒྱུད་པའི་མགོན་རྐྱང་དང་ཞུ་ཆེན་གྱི་ལོ་ཙཱ་བ་རིན་ཆེན་བཟང་པོ་ནས་བརྒྱུད་པའི་རྐྱང་སྒྲུབ་ལྕམ་དྲལ་སྦགས་ཏེ་སྒྲུབ་པ། 
སྤྱིར་མགོན་པོ་ཚོགས་བདག་ལྟར་སྒྲུབ་པ། བཀའ་སྡོད་ལྟར་སྒྲུབ་པ། ཕོ་རྐྱང་དུ་སྒྲུབ་པ། མོ་རྐྱང་དུ་སྒྲུབ་པ། ལྕམ་དྲལ་དུ་སྒྲུབ་པ། 
མཁའ་འགྲོ་ལྟར་སྒྲུབ་པ། གུར་ལྷ་བཅུ་བདུན་མའི་དབང་གི་ལྗགས་ལུང༌། གུར་ལྷ་བརྒྱད་ཀྱི་སྟེང་དུ་སྒོ་མ་བཞི་བསྣན་པས་གུར་
ལྷ་བཅུ་གཉིས་ཀྱི་དབང་ཀླུ་སྒྲུབ་ལུགས། གུར་ལྷ་ལྔ་མ་ཞེས་པ་སྐུ་དང་གསུང་ཐུགས་དང་ཡོན་ཏན་དང་འཕྲིན་ལས་ཀྱི་མགོན་པོའི་
དཀྱིལ་ཐང་ལ་དབང་བཞི་ལེན་པའི་རྒྱུན་བོ་དོང་པར་ཡོད། ཡོངས་གྲགས་གུར་ལྷ་བརྒྱད་མའི་རྗེས་གནང༌། མགོན་པོ་གུར་ལ་ཕྱི་
ཁྲིད་ནང་ཁྲིད། གསང་ཁྲིད་ཕྱི་ཁྲིད་གསུམ། འཁོར་དྲག་རྫོང་མ་ལ་ཡང་ཕྱི་ནང་གསང་གསུམ་གྱི་ཁྲིད། མགོན་པོའི་དབང་ལྔ་མལ་
གྲོ་བློ་གྲོས་གྲགས་པ་སྟེ་མལ་ལོ་ཙཱ་བ་ཆེན་པོས་ས་ཆེན་ཀུན་སྙིང་ལ་གནང་བ་ནི་རྒྱ་གར་རྡོ་རྗེ་གདན་གྱི་བྱང་སྒོའི་སྲུང་མར་སངས་
22-1-34


རྒྱས་ཀྱི་བཀའ་བསྒོས་པའི་རྡོ་རྗེ་གུར་གྱི་མགོན་པོ་དངོས་སུ་བཞུགས། འདྲ་འབག་མགར་ཆོས་དར་སར་སྲུང་བ་ལ་ནམ་མཁའ་
ལ་འཕུར་ཏེ་ཕེབས་པར་ཡོངས་ལ་གྲགས་པ་དེ་སྐུའི་རྟེན་དུ་བསྲེ་འབག་ནག་པོ་འཕུར་ཤེས། གསུང་གི་རྟེན་དུ་དར་ནག་ལ་ཤ་ས་
ནའི་སྔགས་བྲིས་པ། ཐུགས་རྟེན་ལྕགས་ཀྱི་རྡོ་རྗེ་རྩེ་དགུ་པ་རྣམས་གནང་ཞིང་ས་ཆེན་དང་བསེ་འབག་གཉིས་ཀར་བཀའ་བསྒོ་
མཛད། ཏ་ཐཱ་ག་ཏ། རཀྵི་ཏ། འབུམ་ཕྲག་གསུམ་པ། རི་སུལ་གྱི་རྣལ་འབྱོར་མ་ལས་བརྒྱུད་པའི་གཉན་མགོན་གདོང་བཞིའི་ཆོས་
སྐོར། ཞལ་ལ་འཁྲིད་གཉིས། ནག་པོ་ཆེན་པོ་བྱ་རོག་གདོང༌། དཀར་མོ་ཉི་ཟླའི་འཕྲེང་བ་ཅན། བདུད་རྒྱལ་དུར་ཁྲོད་བདག་པོ་
སོགས། ས་སྐྱ་པར་བཀའ་བབས་སོ། །ལས་མཁན་པུ་ཏྲ་ལ། གཏེར་ཀ་བ་ནས་བཏོན་པའི་པུ་ཏྲ་ཀོལ་མ། པུ་ཏྲའི་ལས་ཚོགས་ཁ་ཆེ་
པཎ་ཆེན་པཎྜི་ཏ་ལ་གནང་བ)ལས་བཞི་མཛད་པའི་ཁུངས་ཡིན་གུར་གྱི་སྐུ་ཐང་དང༌། བདག་ཆེན་རིན་
པོ་ཆེ་རང་གི་སྐུ་འདྲ་ཐང་སྐུ་གསོལ་ཕོད་སོགས་ཆ་ཚང་ཡོད། གཟིམ་མལ་ཆས་ཕྱག་རྔ་སོགས་
མཐའ་ཚང་བཞུགས་སོ། །
སྒོ་བཞིའི་ཆུ་འབབ་པའི་ཕུ་ཉིང་རོར། (ལུང་པ་འདིར་ཕུ་ཤར་ན་བོན་རི་ཁྱུ་ནག་ཞེས་བོན་གྱི་གྲུབ་ཐོབ་
ཆེན་པོ་འབྲི་ཁུང་སྤྱན་སྔ་དང་དུས་མཚུངས་བོན་པོ་གཡུང་དྲུང་ཉི་ཤར་བའི་ཡབ་མེས་བྲན་སྟོན་མཐའ་བྲལ་དང་འབྲས་པ་དེ་
ཉིང་རོ་ཆུ་བཟང་དུ་བྱོན། འདི་ནི་བོན་ཕྱོགས་ལ་གྲགས་སོ། །དེ་འཁྲུངས་ས་ཡོད་པས་བོན་པོ་རྣམས་ལ་དྲིས་ཤིག) །སྟོད་
ལུང་བ་རིན་ཆེན་སྙིང་པོའི་སློབ་མ་ཁྱུང་ཁམས་པ་ཆེན་པོ་ལ་སྟོད་ལུང་པའི་ཞལ་ནས་ཁྱོད་
ཀྱི་གདུལ་བྱ་གཙང་ན་ཡོད་པས་དེར་སོང༌། དགོན་པ་ཐོབས་ལ་སློབ་མ་བསྡུས་ལ་བདེན་
གཉིས་ཤོད་གསུངས། གཙང་ལ་འབྱོན་ཁར་སྟོད་ལུང་བའི་ཞལ་ནས་བདེན་གཉིས་དང་ཁྱུང་
ཁམས་གཙང་ལ་བཞུད། བདེན་མི་བདེན་ཕ་བོང་ཕེན་གཡག་ལ་དྲིས་གསུངས། ཕྱག་འཁར་
བརྡབས་པས་ཕ་བོང་ཚལ་པར་གས། དེ་ནས་གཙང་ལ་བྱོན་ནས་ཉིང་རོ་ཐལ་བ་ཚལ་དུ་སྡིང་
ཕུ་དགོན་པ་བཏབ་པས་དགེ་བཤེས་སྡིང་ཕུ་བར་གྲགས། བདེན་གཉིས་ཆོས་ཚན་བཅུ་གཉིས་
སུ་བསྡུས་ནས་གསུངས་པའི་གནས་མཆོག་དམ་པ་ཡང་འདི་ཡིན་ནོ། །
གཙང་པ་རྒྱ་རས་ཀྱི་སློབ་མ་དང་པོར་ཆེ་བ་སྤ་རྐྱང་གཉིས། བར་དུ་ཆེ་བ་རྒྱ་འབྲས་
22-1-35


གཉིས། ཐ་མར་ཆེ་བ་ལོ་རྒོད་གཉིས་ལས། བར་དུ་ཆེ་བའི་རྒྱ་འབྲས་ཀྱི་འབྲས་མོ་བའི་དགོན་
པ་(འབྲས་མོ་དགོན་པའི་མདའ་ན། རྒྱལ་རབས་ན་ལྷོར་སྨྱལ་སྣང་གྲོལ་ལྷ་ཁང་མེའི་ཁ་གནོན་དུ་བཞེངས་ཟེར་བའི་གྲོང་གླིང་
རླུང་མཚོའི་ལྷ་ཁང་ཞེས་པ་སྟོང་གོག་ཏུ་སོང༌། ཇོ་བོ་སྐུ་སྟོད་ལི་དཀར། ཕྱག་སེན་རྫི་ཁྱིམ། ལྷ་སའི་ཇོ་བོ་རིན་པོ་ཆེ་ལས་ཆུང་རྒྱུ་མེད་
པ་ཁྱད་ཅན། ཉམས་ཅན་རྣམས་འདི་འདྲ་ལུང་ཀྱོག་ཏུ་བཞུགས་པ་ཡ་མཚན། འདི་ལ་དཀར་ཆག་ལོ་རྒྱུས་སོགས་ཡོང་ཐང་ཟེར་
བ་མང་བར་གདའ། ད་ལྟ་ཇོ་བཙུན་གྱི་དགོན་པ་འབྲས་མོ་ན་བཞུགས)ཡོད། གཙང་པ་རྒྱ་རས་ཀྱི་སྐུ་ཚིགས་ཉེར་
གཅིག་ལ་སྤྱན་རས་གཟིགས་ཉེར་གཅིག་བྱོན་པ། འབྲས་མོ་ཇོ་བཙུན་ལ་གཉིས་ཡོད་པའི་
འབྲས་མོ་དགོན་པ་ཚོ་ཟེར་དུས། གཅིག་འབྲས་མོའི་མཆོད་རྟེན་ནང་དུ་བཞུགས། གཅིག་
སངས་རྒྱས་ཀྱི་སྐུའི་གཟུངས་བཞུགས་ལ་ཞུགས་པ། དེང་སང་འབྲས་མོའི་ཇོ་བོ་ཟེར། ར་
ལུང་བ་ཚོས་ཟེར་དུས། གཉིས་ཡོད་པ་ལ་གཅིག་འབྲས་མོའི་མཆོད་རྟེན་ནང་ན་ཡོད། གཅིག་
ལྷོ་དགོན་པ་ཡུལ་གྱི་ཡོན་རྫོང་པའི་ལག་ན། དཔོན་གྲགས་པ་ཡེ་ཤེས་ཀྱི་རྟེན་སྐལ་དུ་ཡོད་པ་
དེ་ཧོར་རྒྱལ་པོ་ཐོག་གན་ཐེ་མུར་གྱི་ཕྱག་ཏུ་ཡོད་པ། མིང་སྭ་ཁྲབ་ཏུ་གྲགས་པ་དེ་ཡིན། དེའི་
འོག་ཙམ་ན་ལུམ་པའི་ཕུ་གྲའུ་ལུང་གི་སྦུག་ན་གྲུབ་ཐོབ་གླིང་རས་ཀྱིས་གཟོང་གིས་བརྐོས་
པའི་བྲག་གི་ཕུག་པ་བྱིན་རླབས་ཅན་དེ་ལ་གཟོང་ཆུང་ཕུག་ཏུ་གྲགས། དེ་གྲའུ་ལུང་གི་ཕུ་ན་
ཡོད། རྔ་འདོགས་ས་ཆུ་བསགས་ས་སོགས་ཕྱག་གིས་བརྐོས་པའི་ཕུག་པ་ངོ་མཚར་ལ་བྱིན་
རླབས་ཆེ་བ་ཡོད། ཆགས་མའི་ལྷོ་ཕྱོགས་ན་ལུང་པའི་མིང་ལ་གཡུ་ཤེལ་རི་དཀར་པོ་གླང་རི་
རྒྱལ་ཆེན་རྒྱལ་པོ་གདན་ལ་བཞུགས་པ་འདྲ། རི་འདིར་བཀྲ་ཤིས་རྟགས་བརྒྱད་ཚང༌། སློབ་
དཔོན་པདྨའི་བཞུགས་ཕུག་སྒྲུབ་ཁང་ཟེར་བ་ཡང་ཡོད། འདིར་སློབ་དཔོན་པདྨས་རྩ་གསུམ་
དྲིལ་སྒྲུབ་གཏེར་དུ་སྦས་པ། གུ་རུ་འཇམ་དབྱངས་བླ་མས་བཏོན་ཏེ། དེའི་ལོ་རྒྱུས་ཟུར་ཙམ་
གླེང་བ། གཟོང་ཆུང་ཕུག་གི་མདའ་ན་ཆོས་དབང་རྒྱུད་པས་འཛིན་པའི་གྲའུ་ལུང་ཞེས་པའི་
དགོན་པའི་བྲག་ཕུག་ན་སྒྲུབ་པ་པོ་བཞུགས་པས་གཏོར་མ་མ་ཆག་པར་གཏོང་བ་ལ་རྒྱ་ཕྱེད་
22-1-36


བྲག་ནག་པ་སྒྲོལ་བྱེད་ནག་པོ་གཏོར་མ་ལ་ཡོང་བ་ལ་འཇམ་དབྱངས་བླ་མས་ཁྱེད་ཀྱི་གཏོར་
མས་མགོ་སྐོར་ཞིག་ང་ཡིས་གཏེར་སྦྱིན་[འབྱིན་]ཞེས་བགྲོས་ནས་བྲག་ནག་པ་གཏོར་མགྲོན་
ལ་ཡོད་སྐབས་གཏེར་སྩལ་བས། ཁོས་ཟག་བཅས་ཀྱི་མངོན་ཤེས་ཀྱིས་ཤེས་ཏེ། འོད་ཟེར་
དེ་མྱུར་བར་ལོག་པས་གཏེར་མཇུག་ལུས་པར་བྱེད། འདི་གསོལ་འདེབས་ལས་བྱང་གི་ཚུལ་
དུ་སྒྲུབ་པ་དེ་ཡིན་པར་འདུག །འདི་ལ་ཆོས་ཚན་མང་བར་ཡོད་པར་ཤེས་ཏེ་མ་གྲགས་འདུག །
ལྕགས་ཕུར་བྱིན་རླབས་ཅན་ཞིག་ད་ལྟ་གྲའུ་ལུང་ན་ཡོད་པ་འཁྱར་ནས་འགའ་ཞིག་གི་ལག་
ཏུ་འཁྱར། གུ་རུ་འཇམ་དབྱངས་བླ་མའི་སྐུ་སྐྱེ་འམ་སྤྲུལ་པ་ཞིག་རྟ་ནག་སྒྲོལ་མ་བ་ལ་འབྱོན་
པར་འདུག །རྒྱད་ཕྱེད་གཡུ་ཤེར་གྱི་སོ་བ་ཞེས་པའི་གྲོང་ན་འཇམ་དབྱངས་བླ་མ་འཁྲུངས། 
ཕྱིས་ཀྱི་གྲོང་དེར་གནས་སྙིང་གི་ཤར་ན་ཆོས་དབང་བརྒྱུད་པས་འཛིན་པའི་བསམ་གཏན་
སྒང་གི་དགོན་པ་ཟླ་ཆར་[མདའ་ཕྱར]གྱི་ཕུར་པའི་སྒྲུབ་པ་མཛད་པའི་སྒྲུབ་ཕུག་གི་སྒོའི་རུ་
བཞི་ཞིག་པོ་པའི་སྒོ་སྒྲིབ་ལ་ཡོད་པ། ཕྱིས་འཁྱར་བས་རི་ཐག་ཉེ་བས་ཀྱོག་རར་ལུག་བཞག་
པ་ལ་སྤྱང་ཀི་སྡང་བར་བྱུང༌། སྒོ་སྒྲིབ་ཡོད་དུས་དགྲ་ཇག་ཆོམ་རྐུན་གཅན་གཟན་སོགས་
མ་བྱུང་ཞེས་ཟེར། ད་ལྟ་ཕུར་པ་འདོམ་པ་གང་ལ་རད་པ་བསྐོན་ནས་བསམ་གཏན་སྒང་ལ་
བཞུགས། སོ་སོའི་ཁང་ལྟག་ན་འབན་གུང་རྒྱལ་གྱི་བེར་སྲོ་མ་ཅན་བཞུགས་པའི་འབུམ་པ་
ཡོད། དེ་ད་ལྟར་འཁྱར། འབན་གུང་རྒྱལ་གྱི་འཁྲུངས་ཡུལ་ཆོས་རྒྱལ་གྱི་གདུང་ཡིན་ཅིང༌། 
འབན་གྲོང་ཞེས་སྔོ་ཚལ་འོག་ན་ཡོད། འབན་གྲོང་གདུང་རིན་པོ་ཆེར་གྲགས། རྩ་རྣམས་
(བཙད་རྣམ)རིན་པོ་ཆེ་སྡེ་བཞི་ལ་འབན་གྲོང་རིན་པོ་ཆེ། རྩ་རྣམས་བདེ་ཆེན་གྱི་མཆོད་རྟེན་ན། 
རིན་པོ་ཆེ་གསེར་གྱི་གླེགས་བམ་བཞུགས་པས་བདེ་ཆེན་ཆོས་རིན་ཆེན། གྲོ་ས་ན་གསེར་གྱི་
གཉའ་ཤིང་ཡོད་པས་གྲོ་ས་གསེར་རིན་པོ་ཆེ། ཉི་ཐི་ན་གཡུ་གཡང་ཞག་འཁྱིལ་བ་ཡོད་པས་
ཉི་ཐི་གཡུ་རིན་པོ་ཆེ་ཞེས་གྲགས། མྱང་སྟོད་གཞུང་གི་རི་བཀྲ་ངན་པ་རྣམས་འདིས་ནོན་ཞིང་
22-1-37


རི་བཀྲ་ཤིས་ཤིང་ཕུན་སུམ་ཚོགས་པ་ཡིན། གཙང་པོ་ནང་དུ་འབྲེ་ཆེན་པོ་ཤེས་རབ་འབར་གྱི་
འཁྲུངས་ཡུལ་ཡིན་ནོ། །འཆད་མང་འདི་ཀླུ་མེས་ཀྱི་བུ་བཞིའི་ནང་ཚན། རྔོག་བྱང་ཆུབ་འབྱུང་
གནས་ཀྱི་མཁན་བུ་བྷེ་[སྒོམ་]པོ་སྐོར་བ་ཡིན། བྷེ་[སྒོམ་]མཁན་པོ། (འཆད་མང་ཞེས་མིང་དུ་བཏགས་
པ་ཡང་འབྲེས་མངོན་པ་འཆད་པ་ལ་མང་བས་འཆད་མང་པོ། བྱེ་མདའི་དགོན་ལག་ཡིན་ཞིང༌། ཉིང་རོ་གཤོང་མགུར་ན་བླ་འབུམ་
སྐྱ་པོད་སྒམ་བཞི་ཞེས། འབྲེའི་ཕྱག་བྲིས་ཀྱི་འབུམ་དུམ་པ་བཞི་ལ་འདུས་པ་ད་ལྟ་བཞུགས། རྒྱབ་རི་བོན་པོའི་སྒྲུབ་གནས་རྒྱལ་
ཆེན་རྨུག་རི་ཞེས་གུར་སྒོམ་འཇའ་ལུས་སུ་གྲུབ་བྱས་)ཡམ་ཤུད་ཀྱིས་སློབ་དཔོན་བྱས་ནས་གྲྭ་པ་མངོན་ཤེས་
རབ་ཏུ་བྱུང༌། དེ་ནས་གཡོ་རུ་གྲ་ཐང་བཏབ་གྲྭ་པ་མངོན་ཤེས་ཀྱི་མཁན་པོ་འབེ་གཡོ་རོང་
བཙུན་བྱ་བས་མྱང་སྟོད་འཆད་མང་བཏབ། དེར་འབྲེ་ཆེན་པོ་ཤེས་རབ་འབར་གྱིས་ཆོས་ཤིན་
ཏུ་མང་པོར་བཤད་ཅིང༌། མེ་ཏོག་གི་ཆར་ཆེན་པོ་བབས་སོ། །
འབྲེ་ཆེན་པོ་ཤེས་རབ་འབར་གྱིས་ཆོས་འཆད་པ་འདི་ལས་མང་བ་མེད་པས་འཆད་
མང་དུ་གྲགས། གཡའ་བཟང་ལྷ་མོ་ཡང༌།(གནས་རྙིང་པའི་གྱེད་མདོ་ན། ཡོལ་ཐོག་འབེབས་ཀྱིས་ཕྱོ་མདའ་དང་
རྨོག་པའི་བར་ལ་གཤེགས་བཞུད་ཡང་ཡང་མཛད་དུས་གྲ་མ་ཡོད་པ་གཅིག་ཏུ་གྲོ་གསོལ་བ་ལན་འགའ་བྱུང་བས་གྲོ་ས་དགོས་
པ་འདུག་གསུངས་ནས་གྲྭ་ཐང་བཏབ། བཙད་རྣམ་སྡེ་ཆེན་ཡིན། ཞག་ས་དགོས་པ་འདུག་གསུངས་ནས་འཆད་མང་དང་ཟེ་ཐང་
གཉིས་བཏབ་བོ། །འཆད་མང་དང་ཟེ་ཐང་དང༌། གྲྭ་ཐང་དང༌། གཤོང་མགུར་རྨོག་པོ་རྣམས་ལ་ལྕགས་རི་དང་ཁྱམས་སོགས་རྒྱ་
ཆེན་མཛད་པ་ལས་སྟོད་དཀོན་མཆོག་མཁར་བ་ཆེན་པོ་ཡིན་ནོ། །དེའི་རྗེས་སུ་འཆད་མང་དུ་གནས་རྙིང་མཁན་པོ་དབང་ཕྱུག་
རིན་ཆེན་གྱིས་དུས་གསུམ་སངས་རྒྱས་ཀྱི་སྐུ་བཞེངས)ཆོས་རྗེ་སྣུབས་འདུལ་བ་འཛིན་པ་ཆེན་པོ་ལ་གཡའ་
བཟང་བ་ཟེར་བ་དེས་ལྷ་མོ་འདི་ནས་སྤྱན་དྲངས་པའི་ལོ་རྒྱུས་ཞུས་པ་སྟེ། བུད་མེད་གཞོན་
ནུ་ཞིག་གསོན་པོར་པགས་བཤུས་བྱས་པའི་ཚིགས་པ་རེ་རེའི་མཚམས་སུ་མདའ་རེ་འགགས་
པའི་པགས་པ་དེ་གཡའ་བཟང་ན་ད་ལྟ་ཡང་ཡོད་དོ། །དེའི་ཐད་འོག་ལྷོ་ཕྱོགས་ན་གཡུ་ཐོག་
པ་འཁྲུངས་པ་རྒྱ་ཕྱེད་ཀྱི(རྒྱ་ཕྱེད་ཐང་དུ་ད་ལྟ། སྨན་པ་ཡོད་པ་སྐུ་རྒྱུད་དུ་བྱེད་ན། ཤེལ་རྩག་དང༌། སྨན་སྐྱོངས་རུས་སྦལ་
22-1-38


མ་འཁྱར་འདུག །གཡུ་ཐོག་རང་དེ་ལུང་དམར་ལྟག་གོང་དུ་སྨོས་པ་དེ་ཡིན། ལུང་དམར་དཔོན་པོ་འདི་ཡང་བརྒྱུད་པར་ངོས་འཛིན་
ཅིང་ཁུངས་བཙུན)གཡེ་མཛོད་དུ་འཁྲུངས། དེར་མཇལ་རྒྱུ་གཡུ་ཐོག་པའི་དབུ་ཞྭ་སོགས་ཡོད་དོ། །
དེའི་འོག་ཙམ་ན་མྱང་སྟོད་ཆུ་མིག་ཅེས་རྒྱ་གར་གྱི་པཎ་ཆེན་འབུམ་ཕྲག་གསུམ་པ་
ཕེབས་པ་དེ་ཡིན། རྒྱ་འདུལ་འཛིན་གྱི་དགོན་པ་ཆུ་མིག་ལུང་འཛིན་པ་མཛད། ཆོས་གཞིས་
མང་དུ་བསྐོར་བ། འདུལ་བའི་བཤད་པ་རྒྱ་ཆེན་མཛད། ནེ་རིང་པ་ཀྱི་སྟོན་ཆོས་གྲགས་ཀྱིས་
རྒྱ་འདུལ་ལ་ཆུ་མིག་རིང་པོར་ཞབས་ལ་གཏུགས་པ་ཡིན། ཁུ་ལེའི་ཁ་མོ་ཟེའུ་སྟོན་པས་ཆུ་
མིག་བཟུང་དར་རྒྱས་ཆེན་པོ་འབྱུང་བ་ཡིན་ཞིང༌། ཆུ་མིག་དགོན་པ་དེའི་སྔོན་དུ་ཡོད་པ་
བཞིན་ལ་ཡིན་ནོ། (ཞྭ་ལུ་བུ་སྟོན་རིན་པོ་ཆེའི་དགུང་ལོ་དྲུག་ཅུ་རྩ་གཉིས་བཞེས་པ་ལྕགས་མོ་ཡོས་བུ་ལོ་ལ་གཡའ་ཕག་
གཉིས་འཁྲུག་འདུམ་ལ་ཉི་མ་དབུས་ཀྱི་རྒྱལ་ཁམས་ལ་བརྒྱུད་ནས་བྱོན་པའི་ལམ་དུ་མྱང་སྟོད་ཆུ་མིག་ཏུ་ཐེག་པ་ཆེ་ཆུང་གི་ཆོས་
མང་དུ་གསུངས། རྒྱ་གར་པཎ་ཆེན་དང་བོད་མཁས་པ་འབྲེའི་དགོན་པ་རུ་ང་འགྲོ་བ་ལ་ཆེས་རིངས་ཡང་སྡོད་པ་ལ་སྤྲོ་གསུངས་
ནས་ཟླ་སྐོར་ཞིག་བཞུགས་སོ། །འདི་ལ་ཡང་ཆུ་མིག་རིང་མོ་ཞེས་གྲགས་པས་སྣར་ཐང་ཉེ་འགྲམ་གྱི་ཆུ་མིག་དང་འཁྲུལ་པར་
མི་བྱའོ། །བོད་སྐད་དུ་དྲིའི་གཙུག་ལག་ཁང་ཟེར།) དེའི་འོག་ན་སྨྲི་ཏིའི་ཕྱག་བཟོ་དཔལ་ཆེན་པོའམ་ཡང་
དག་བྱིན་རླབས་ཅན་ཡོད་དོ། །རྡོ་གཞི་མ་ནག་པོ་ལ་རྡོ་དཀར་པོས། རུ་ལུ་རུ་ལུ་རང་བྱོན་དུ་
གྱུར་པ་ཁྱད་པར་ཅན་བཞུགས། སྤྱིར་སྒྲུབ་པ་ཆེན་པོ་བཀའ་བརྒྱད་ཀྱི་ནང་ནས་ཡང་དག་
ཐུགས་འདི་ལ་ཁྲག་འཐུང་འདུས། རུ་ལུ་རང་བྱོན་འདི་རྡོ་ཁ་སྐྱ་ལ་བརྐོས་པ་འདྲ་ཟེར་བའི་
རྒྱུད་ལེའུ་སུམ་ཅུ་པ། འཇིག་རྟེན་ལས་འདས་པའི་མདོ་དང་ཁྲ་བོ་སུན་དྷ་རི་ཀའི་རྒྱུད་ལེའུ་ཉི་
ཤུ་རྩ་གཅིག་དང༌། ཧེ་རུ་ཀ་གལ་པོའི་རྒྱུད་ལེའུ་བཅུ་བདུན་པ་དང༌། ཡང་དག་སྒྲུབ་པའི་རྒྱུད་
ལེའུ་བཅུ་པ། རྡོ་རྗེ་གསང་བ་ལས་ཀྱི་རྒྱུད་ལེའུ་བཅུ་གཉིས་པ། རྒྱུད་སྡེ་རྣམས་ལ་བརྟེན་པའི་
སྒྲུབས་ཐབས་ནི། ཟླ་གམ་དྲུག་ཅུ་རྩ་བརྒྱད་པ། ཟླ་གམ་ལྔ་བཅུ་རྩ་བརྒྱད་པ། ཟླ་གམ་དགུ་
པ། ཟླ་གམ་གཅིག་པ། སྲིན་མོ་མ་ཏྲམ་ཞལ། དུག་གསུམ་བང་རིམ་གསུམ་པ་རྣམས་བོད་དུ་
22-1-39


བསྒྱུར་རོ། །སྔགས་གསར་མ་ལ་ཡང༌། ཡང་དག(ཁ་ཆེ་པཎ་ཆེན་གྱི་ཟབ་ཆོས་ལ་བདེ་མཆོག་དཀར་པོ་ལ་
བརྟེན་ནས་མཆོག་སྒྲུབ་པ། འཇམ་དབྱངས་དཀར་པོ་ལ་བརྟེན་ནས་ཤེས་རབ་སྒྲུབ་པ། ཡང་དག་མ་གཅིག་ལྷ་གཅིག་ལ་བརྟེན་
ནས་རས་ཐུབ་པ། ཛམ་བྷ་ལ་ནག་པོ་ལ་བརྟེན་ནས་ནོར་སྒྲུབ་པའོ།།)མེ་གཅིག་ལྷ་གཅིག་དགུ་ལ་སོགས་ཀྱི་སྒྲུབ་
སྐོར་ཟབ་མོ་དབང་དང་བཅས་པ་ཡོད་དོ། །
བོད་དུ་སྒྱུར་ཚུལ་ནི། རྒྱལ་པོ་ཁྲི་སྲོང་ལྡེའུ་བཙན་གྱིས་སྣུབས་ནམ་མཁའི་སྙིང་པོ། འབྲེ་
རྒྱལ་བའི་བློ་གྲོས། ལང་འགྲོ་དཀོན་མཆོག་འབྱུང་གནས་སོགས་དགེ་སློང་མི་ལྔ་དཔོན་དང་
བཅས་པ་དྲུག་བརྫངས། རྒྱ་གར་ཡུལ་དུ་སློབ་དཔོན་ཧཱུྃཾ་ཀ་ར་དང་མཇལ། སློབ་དཔོན་ཧཱུྃ་ཀ་
རས་ཟླ་གམ་དྲུག་ཅུ་རྩ་བརྒྱད་པོའི་དཀྱིལ་འཁོར་བཞེངས་ནས་དབང་བསྐུར། ཁྲག་འཐུང་
དྲུག་ཅུ་རྩ་བརྒྱད་པོའི་ཞལ་བསྟན། དེ་ནས་ཟླ་གམ་ལྔ་བཅུ་རྩ་བརྒྱད་ནས་ཟླ་གམ་དགུ་པ། ཟླ་
གམ་གཅིག་པ། དུག་གསུམ་བང་རིམ་གསུམ་པ་དང༌། ལྔ་བཅུ་རྩ་བརྒྱད་ཟེར། དཀྱིལ་འཁོར་
རིམ་པར་ཞལ་ཕྱེ་ནས་བསྟན། སྨན་གྱིས་སྒྲུབ་པའི་དཀྱིལ་འཁོར་གསུམ་དང་ཚེ་སྒྲུབ་པ་
གསུམ་གྱི་དཀྱིལ་འཁོར་དང་དབང་བསྐུར་བས། བྱང་ཆུབ་སེམས་ཀྱི་སྒྲུབ་པ་གསུམ་གསང་
སྔགས་སྤྱོད་པས་དབང་བསྐུར་བ་སོགས་ཡང་དག་རྫོགས་པར་གནང་ནས། ཡང་དག་སྒྲུབ་
པ་རྩ་བ་ལྟ་བུ་ལ་(འགྲེལ་)ཆེན་སྒྲོན་མེ་ལྟ་བུ་ཁོག་སྙིང་དང་འདྲ། མེ་གཅིག་ཐོད་གཅིག་གནང་
ནས་སྣུབས་ནམ་མཁའི་སྙིང་པོས་བོད་དུ་དར་བར་མཛད་པས། བོད་ཀྱི་གྲུབ་ཐོབ་བསྟན་པ་
སྔ་དར་ལ་ཆེས་མང་བ་དེ་ཡང་དག་གི་ཁྱད་ཆོས་སོ། །ཕྱིས་སུ་བི་མ་ལ་མི་ཏྲ་དང༌། ལོ་ཙཱ་བ་
བཻ་རོ་ཙ་ན་ཚ་བ་རོང་ནས་སྤྱན་དྲངས་ཏེ། ཁམས་ལྷུང་བྱང་ཆེན་གྱིས་ཀྱང་དབེན་དུ་ལོ་པཎ་
གཉིས་ཀྱི་ཡང་དག་བདག་དོན་སོགས་སྒྲུབ་སྡེའི་ཆོས་མང་དུ་བསྒྱུར་རོ། །
ཡང་དག་གི་སྐུ་བཞེངས་མི་པཎྜི་ཏ་སྨྲི་ཏི་ནི་ཤཱན་ཏི་པ་དང་ན་རོ་པའི་སློབ་མ་ཡིན། རྒྱ་གར་
ཤར་ནུབ་གུང་གསུམ་ན་མཁས་པ་རྩོད་བྲལ་དཔྱལ་ལོའི་གསུང་ལས་འདི་ཤིན་ཏུ་མཁས་
22-1-40


པས་མུ་སྟེགས་ཚོགས་ཀྱིས་རྩོད་པར་མི་ནུས། མུ་སྟེགས་ཀྱི་བསྟན་པ་བསྣུབས་དགོས་པས་ན། 
མུ་སྟེགས་པ་ངན་སྔགས་བསྐྲད་འཁོར་གྱི་སྐྱོན་གྱིས་པཎྜི་ཏ། (ཕྲ་ལ་རི་མོ་དང་བསྡེབས་བོད་ལ་བྱོན་པ། ལོ་
ཙཱ་བ་ལ་ཕུག་ཟོས་པས་ཕོ་ལོག་གིས་བལ་བོར་ཤི་པའི་པཎྜི་ཏ།) གཉིས་འཁྱམས་དགོས་པ་བྱུང་དུས།(ངེས་དོན་དུ་སྨྲི་
ཏི་ཛྙཱ་ན་དེ་ཉིད་ལ་མངོན་ཤེས་ཐོགས་མེད་མངའ་བས་དེས་ཡུམ་གྱི་དོན་དུ་བོད་དུ་བྱོན་སྐབས་གུང་ཐང་དུ་ཕྱུག་རྫིའི་ཚུལ་བཟུངས། 
དེའི་དགོས་པ་མ་གྲོང་པ་གཅིག་གིས་སྒྱེད་པུའི་ནང་དུ་སྡིག་པར་སྐྱེས་པ་འདོན་ཕྱིར་དུ་བརྫུས་པ་ཡིན། དེའི་ཚེ་དཔལ་འབྱོར་རྒྱ་
གར་ནས་འཁོར་བ་ལ་ཐམས་ཅད་དད་དད་རུབ་རུབ་བྱེད། པཎྜི་ཏ་ལ་མཐོང་མི་བྱེད་པས་གུང་ཐང་གི་སྒོའི་ཡ་ཐེམ་ལ་སམ་སྐྲི་ཏའི་
སྐད་ཀྱིས། རི་བོང་འཛིན་པ་རྒྱུ་སྐར་འཕྲེང་བ་ཅན། །མཚན་མོ་མཁའ་ལ་རྒྱུ་བ་འདི་དོར་ནས། །དྭངས་པའི་ཆུ་ནང་འདི་ན་ཟླ་བ་
བཞིན། །གཟུགས་ལ་ཚད་མར་འཛིན་པ་བྱིས་པའི་བློ། །ཞེས་ཏེ་གླན། དེ་ལོ་ཙཱ་བས་གཟིགས་ནས་ལཉྪ་ཤིན་ཏུ་ལེགས་པས་ཡིག་
ངོ་མཁྱེན། སྨྲི་ཏི་ཡིན་སྙམ་ཕྱུགས་འཁོར་བ་གདོང་དུ་བསྒུགས་པས་མཇལ། སྔར་སློབ་དཔོན་དུ་སོང་བས་ལོ་ཙཱ་བས་བཤུམས་
ནས་འདི་ལྟ་བུའི་འོ་རྒྱལ་བ་ཞུས་པས། ངས་མའི་དོན་དུ་དེ་ལྟར་བྱས་པ་ཡིན། མ་ག་རེ་འདི་ནའོ་གསུངས། །དེར་ལོ་ཙཱ་བས་ཁོང་
རང་གི་ནོར་གྱིས་བསླུས་སོ།) །ཡང་ཡུམ་གྱི་དོན་དུ་རྟ་ནག་ཏུ་ཕྱུགས་རྫི་མཛད་སྐབས་སུ་གཙུག་ལག་
ཁང་བཞེངས། རི་ཁུད་ཀྱི་རྔ་བོ་ཆེ་སོགས་ཤངས་ཕུ་ལྷ་བུའི་ས་ཕྱོགས་ཤངས་སྐྱོར་མོ་ལུང་དུ་
ཡུམ་ཁྱི་མོར་འཁྲུངས་པ། ཁྱི་མོ་དེ་ཚ་ངར་རྩུབ་འགྱུར་ཆེ་ཞིང་སེམས་རྒྱུད་མ་རུང་ཞིང་མི་སྡུག་
པ་དང་ལྡན་པས་ན་ཡུམ་ཁྱི་མོ་ལ་བརྩེ་དུང་ཆེ་བས་ཁྱི་མོར་སྐྱེས། དེ་འདྲེན་ཕྱིར་ཡང་གཡག་
རྫི་མཛད་སྐབས། ཉིན་མཚན་ཐུགས་དམ་སྐྱོང་པ་ལ་སྒྲུབ་ཕུག་ཏུ་བཞུགས་པའི་སྐུ་སྐེད་མན་
གྱི་རྗེས་བྲག་ལ་གསལ་བར་ཡོད་ཅིང༌། སྨྲི་ཏིའི་ཞབས་ལྷམ་དང་དོམ་ར་ཤངས་སྐྱོར་མོ་རྫོང་
ན་ཡོད་དོ། །ཡང་ཡུམ་ཁྱི་མོ་ནས་ཚེ་འཕོས་ནས། ཐོབ་རྒྱལ་མདར་མེ་ཐབ་ཅེས་པའི་ས་ཡུལ་
ཡུམ་སྒྱེད་པུའི་ནང་དུ་སྐྱེས། དེ་འདོན་ཕྱིར་ལུག་རྫི་མཛད་སྐབས། ཆུ་བོ་ལོ་ཧི་ཏའི་ཉེ་འགྲམ་
བྱེ་མ་གཡུའི་ཟུར་ཕུད་ཅན་ནས་རང་བྱོན་ཇོ་བོ་མཆེད་གསུམ་དང་མ་ཎི་རང་བྱོན་སྤྲེལ་སོགས་
སྤྲུལ་པའི་ར་མས་འོ་མའི་མཆོད་པ་ཕུལ་བ་ལ་བརྟེན་ནས་དེ་རྣམས་རྙེད་ཀྱང་སྤྲེའུ་ལ་འུར་
22-1-41


རྡོ་ཕོག །དེ་ནས་སྨྲི་ཏི་སྤྱན་དྲངས་པའི་སྐབས། ཇོ་བོ་གཅིག་དགའ་ལྡན་ལ་ཕེབས། ཇོ་བོ་
གཅིག་ཐོག་མར་གཙང་འགྲམ་བྱེ་མའི་ལྷ་ཁང་དུ་རེ་ཞིག་བཞུགས། དེ་ནས་ཞྭ་ལུར་ཕེབས། 
ཇོ་བོ་གཅིག་དང་མ་ཎི་ཐོབ་རྒྱལ་ན་བཞུགས་པ་དེ་ཡིན། (སྤྲེའུ་རང་བྱོན་དུ་བྱོན་པའི་རྒྱུ་མཚན་ན་སྐུ་རྟེན་
སྤྱན་རས་གཟིགས། གསུང་རྟེན་མ་ཎི། ཐུགས་རྟེན་སྤྲེའུ་སྟེ་འཕགས་པ་སྤྱན་རས་གཟིགས་ཀྱི་ཐུགས་རྣམ་པར་མི་རྟོག་པའི་ཡེ་
ཤེས་ཀྱི་ངོ་བོ་སྤྲེའུ་བྱང་ཆུབ་སེམས་དཔར་མཛད་ནས་ཟོ་དང་གོང་པོ་རིའི་ཕུག་པར་བཞུགས་པས། སྤྲེའུ་ཕུག་པར་ཐོག །བོད་དུ་
མའི་འགྲོ་བ་སྤེལ་ནས་དམ་པའི་ཆོས་ཚུལ་ཕུན་སུམ་ཚོགས་པ་འབྱུང་བའི་གཞི་བཏིང་ནས་སླར་འཕགས་པའི་ཐུགས་རྣམ་པར་
མི་རྟོག་པའི་ཡེ་ཤེས་དེའི་ངོ་བོར་སྤྲེའུ་བྱང་ཆུབ་སེམས་དཔའ་ཐིམ་པས་ཐུགས་རྟེན་ཡིན་ཞིང༌། བོད་ལ་རྟེན་འབྲེལ་ཟབ་མོ་འབྱུང་
བ་ལ་དགོངས་ནས་བོད་འབྱུང་བའི་གླེང་གཞི་སྤྲེའུ་རང་བྱོན་དུ་བྱོན་པའོ། །དབོན་པོ་སྨོན་སྐྱིད་པའི་གསུང་དངོས་ལས་ཤོག་བུར་
བྲིས་པའོ།) །ཡང་ཡུམ་ཁྱི་མོ་ནས་ཚེ་འཕོས་པས་མྱང་གི་ཁྱིམ་ཐབ་ཕྱུག་པོ་མེ་ཉིན་མཚན་འཁོར་
ཡུག་གཏོང་ཞིང་རྒྱུན་དུ་བཀལ་ནས་འཇོག་པའི་ཁྲོ་ཆེན་པོ་ཞིག་གི་ཁྲོ་ཞབས་ཀྱི་སྲུབས་ཤིག་
ཏུ་ལས་ངན་པས་འཁྲུངས། དེ་འདོན་པའི་ཕྱིར་མྱང་སྟོད་དུ་ཕྱུག་རྫི་མཛད་སྐབས་སུ་ཕྱུགས་
གླ་སོགས་ལ་བརྟེན་པའི་ཡང་དག་གི །སྐུ་འདི་ཕྱག་བཟོ་མར་བཞེངས་ཤིང༌། ཡུམ་ཡང་མཐོ་
རིས་སུ་འདྲེན་ཐུབ་པས་དེང་སང་ཡུལ་དེ་ལ་བློ་བདེར་མིང་ཐོགས། དེ་ནས་ཉི་མ་དབུས་ཀྱི་
རྒྱལ་ཁམས་ལ་ཐེགས་སོ། །སྨྲི་ཏི་ལས་བརྒྱུད་པ་གསང་འདུས་འགྲེལ་པ་དང་གསང་འདུས་
ལྷ་ཉི་ཤུ་རྩ་ལྔ་མའི་དབང༌། སྨྲི་ཏི་ནས་ཚོང་དགེ་ངག་གི་དབང་ཕྱུག་ལ། དེས་རྔོག་ཆོས་རྡོར་ལ་
བརྒྱུད་པའི་འཇམ་དཔལ་གསང་ལྡན་ཀྱི་དབང༌། མཚན་བརྗོད་འགྲེལ་པ། སྒེག་པའི་རྡོ་རྗེའི་
འགྲེལ་པ། མན་ངག་དང་བཅས་པ་གཞན་ཡང་དབང་བརྒྱུད་ཕྱག་ལེན་སོགས་ཆེས་མང་བར་
དར་རོ། །དེའི་འོག་ན་བློ་བདེའི་གོང་ཙམ་གྱི་འབན་གྲོང་ཟེར་བར་གངས་པ་ཤེའུ་གདུང་རིལ་
པོར་བཞུགས་པ་ས་འབུམ་ཡོད་པ་དེ་ཡིན་ནོ། །
འདིར་སྟོད་ཀྱི་འབན་གུང་རྒྱལ་ཁྲུངས་ས་ཡང་འདི་ཡིན་ནོ། །སྨད་ཀྱི་འབན་གུང་རྒྱལ་
22-1-42


འཁྲུངས་ས་ཕན་ཡུལ་རྒྱལ་འདི་ཡིན་ནོ། །དེའི་འོག་ན་རི་བོ་ཆེར་གྲགས་པའི་ཁྱད་པར་ཅན་
སློབ་དཔོན་པད་མ་རྗེ་འབངས་ཉི་ཤུ་རྩ་ལྔ་དང་བཅས་པ་རི་དེའི་རྩེར་ཕེབས་པ་ལྟ་བུའི་བདུད་
རྩི་སོགས་ཀྱི་རྒྱུན་མྱང་ཆུ་ལ་ཡོད་ཚུལ་གྱི་ལོ་རྒྱུས་གོང་དུ་བཀོད་པ་ལྟར་ཡིན་ནོ། །རི་དེའི་སྐེད་
འོག་ཙམ་ན་སྒྲུབ་པ་བཀའ་བརྒྱད་གནང་བའི་བཞུགས་གནས་དང་སྟེགས་བུ་ཡོད། འདིའི་རི་
ནས་བླངས་པའི་འཇིམ་པ་བྱིན་རླབས་བྱེད་མི་དགོས་པ་སོགས་རི་འདི་བྱིན་རླབས་ཀྱི་གཟི་
འོད་ཆེས་འཕྲོ་བའོ། །དེའི་འོག་ཙམ་གྱི་ལུང་པའི་ཕུག་གི་རི་ནང་ན་རིའི་ལྡེབས་ལ་ད་རང་
བྱོན་ཡོད་པ་དང༌། མི་ལ་དང་རོང་སྟོན་ལྷ་དགའ་མཇལ་བ་སོགས།(ནུ་མ་ཆོས་ལུང་ན་མི་ལའི་ཕུག་ཡོད། 
དགོན་པའི་རྒྱབ་རི་ལ་བྲག་ཁྱུང་དཀར་པོ་ད་འགྲེང་བུ་འདྲ་བ་ཡོད། ལུང་པ་དེ་འདྲ་བའི་ནང་དུ་མི་དེ་འདྲ་བ་ཡོད་ཟེར། ལུང་པ་ནུ་
མ་དེ་འཛིན་པ་མི་གཞན་པས་རྒོད་པ་ཡོད་ཟེར་བ་རྒན་པོའི་ངག་རྒྱུན་ལ་འདུག)ཆེས་མང་བ་ཡོད་དོ། །
དེའི་འོག་ཙམ་ན་གླིང་རས་ཀྱི་དགོན་པ་ཆོས་ལུང་ཞེས་གླིང་རས་དགོན་པ་དང་གླིང་རས་
ཕུག་པ་ཡོད། ལོ་གསུམ་སྒྲུབ་པ་མཛད། རྟོགས་པ་ཕུལ་དུ་བྱུང་བ་སྐྱེས་པ་ན་གནས་འདི་བྱིན་
རླབས་ཤིན་ཏུ་ཆེ་བ། (ཆོས་ལུང་གི་ནུབ་རིན་ཆེན་སྒང་འདིར་བླ་མ་ཨ་རྒྱས་གདན་ས་ཡང་མཛད་འདུག །བླ་མ་འཕགས་
པ་ཧོར་ཡུལ་དུ་ཕེབས་པའི་གསོལ་བ་འདེབས་མི་དྲན་ཤེས་སེང་གེའི་གྲོགས་ཀྱི་བླ་མ་དེའི་དགོན་པ་ཡིན་འདུག)།ཡིན་ནོ། །
རྩ་རྣམས་རི་བོ་ཆེའི་བྱང་གི་ལུང་པ་རི་ནང་དུ་གྲགས་པ་དེའི་ཕུ་ན་འབྲི་ཁུང་སྤྱན་ལྔའི་སློབ་མ་
ལ་དྲུག་པ་རྗེ་འཛམ་གླིང་མགོན་པོའི་དགོན་པ་ལས་དྲུག་ཅེས་གྲགས། འདི་ནས་རྩ་རི་མ་ཆེན་
འཛིན་པའི་རི་ས་རྫོང་ས་ཡང་བྱུང་ཞིང༌། སྒོམ་ཆེན་ལས་དྲུག་ཅེས་པའི་གུ་རུ་ཆོས་དབང་གིས་
ཆོས་དྲུག་སྲས་མཁར་མའི་གཏེར་གྱི་ཁ་བྱང་བསྐུར་ཏེ་གྲོ་བོ་ལུང་སྲས་མཁར་མར་གྲགས་
པ་དང༌། འཁོལ་པོ་དར་ཐོད་ཅན་གྱི་སྒྲུབ་པ་དང་དུད་སོལ་མའི་སྐོར་རྣམས་སྤྱན་དྲངས་ཆོས་
དབང་ལ་ཕུལ། དེའི་ཕུ་ཤངས་དཀར་མགོན་དཀར་སྒྲུབ་པ་རྩེ་གཅིག་ཏུ་མཛད་པས་སྙན་བྲ་
བས་ཟོས་པས་ཁྱོད་ཟ་བར་འདོད་ན་ངའི་ལུས་འདི་ཆོས་ཕྱིར་དུ་གཏོང་བ་ལ་འགྱོད་པ་མེད་
22-1-43


པས་ཟོ་ཞིག་གསུངས་པས། སྙན་གཡས་པ་བྲ་བས་ཟོས་པ་དེ་བྱོན། འཛམ་གླིང་མགོན་པོ་
འདི་ཉིད་དང༌། དྲན་དོན་ཤེས་རབ་སེང་གེ་དང༌། རིན་ཆེན་སྒང་པ་སོགས་ཀྱིས་སེམས་ཅན་
གྱི་བདེ་ཐབས་ལ་འགྲོ་བའི་མགོན་པོ་འཕགས་པ་ཧོར་ཡུལ་དུ་བྱོན་པའི་གསོལ་བ་ནན་ཏན་
བཏབ་པ་ལ་དྲུག་པ་སྟོན་ཤག་ཅེས་པས་གནས་རྙིང་ཆོས་གྲྭར་གསན་སྦྱངས་མཛད། ཕྱིས་
དགེ་ལྡན་པར་འགྱུར་འདུག་འབྲི་ཁུང་སྐྱོབ་པ་ཡན་གྱི་དཀར་རྒྱུད་ཀྱི་བླ་མའི་སྨན་སྐུ་ཤིན་
ཏུ་མཚར་བ་དང༌། ཤར་ཕྱོགས་ཀྱི་ཆོས་སྐྱ་པོད་ཡིག་ཤོག་དཔེ་ཐུབ་ལས་དྲུག་ལེགས་པ་མ་
མཐོང་ཟེར་བའི་གསུང་རབ་མང་པོ་བཞུགས། ཞལ་ངོ་གཅིག་གི་དཔལ་འཁོར་ཆོས་སྡེ་དགེ་
འཕེལ་གྲྭ་ཚང་གི་བླ་མ་མཛད། ཕྱིས་ལས་དྲུག་གྲྭ་ཚང་དུ་གྲགས། ལྷ་མོ་ཡང་རི་མ་ཏི་ཤིན་ཏུ་
འཚུབ་པ་བཞུགས། 
དེའི་འོག་ཏུ་རི་ནང་དཔོན་པོ་སྒྲ་ཆེན་པོའི་ཕོ་བྲང་རི་ནང་ཡང་དཀར་ཞེས་སྣང་ས་འོད་
འབུམ་གྱི་གྱོན་པ་དེ་ཡོད། དེའི་ལྷོ་ལོགས་བློ་སྤྱོང་གི་བརྒྱུད་པའི་བླ་མ་ལྷ་ལྡིང་དབོན་གྱི་
དགོན་རོ་དང་རྔོག་ཡེ་ཤེས་འབྱུང་གནས་ཀྱི་དགོན་རོ་ཡོད། དེའི་འོག་ན་རྔོག་ཚ་ཆོས་སྐུས་
མན་ལུང་དྲན་དོན་མཐའ་བྲལ་ལ་ཕུལ། དྲན་གྱིས་རྔོག་ཚ་ཆོས་སྐུ་ལ་ཀྱཻ་རྡོར་གྱི་དབང་ཞུས། 
ཕྱིས་དགོན་པ་དེ་ལ་སྤྱང་ལུང་ཟེར། ཆོ་འཕྲུལ་ཟླ་བ་ལ་མེ་ཏོག་གི་ཆར་ཉི་མ་རེ་བབ་ཀྱི་འདུག །
ཚེས་གྲངས་ལ་ངེས་པ་མི་འདུག ། 
དེའི་འོག་ན་སྦས་ཆོས་བཏོད་པའི་དགོན་རོ་ཡོད། གནས་གོག་ཤིན་ཏུ་ཆེ། དེའི་ལྷོ་ཙམ་
ན་བློན་པོ་སྦས་སྟག་པའི་རྒྱུད་དུ་སྐུ་འཁྲུངས་པའི་རྒྱལ་ཚབ་དར་མ་རིན་ཆེན་དེ་མཛོ་ཆད་སྟོང་
གོག་ཏུ་འཁྲུངས་ཟེར་ཀྱང་ལྷོའི་དུང་རེང་བྱུང་བས་རི་བོ་ཆེར་འཁྱུད། རི་རྩེར་ཉི་མ་ཤར་བ་
དང་མཉམ་དུ་འཁྲུངས། དེའི་ལྷོ་ཀུན་ཞེས་པའི་ལུང་ཆུང་དུ་ཇོ་མཚོ་ཞེས་པར་ཞྭ་ལུའི་བླ་མ་
འཕགས་པ་འཁྲུངས། རི་ནང་གི་བྱང་གི་ཕུག་གཉིས་ཡོད་པའི་བྱང་གི་སེར་འཕྲེང་བ་ཡེ་ཤེས་
22-1-44


རྒྱལ་མཚན་གྱིས་དགོན་པ་སེར་འཕྲེང་དང་ལྷོའི་ལུང་པའི་ཕུ་ན་མེས་སྟོན་གྱི་དགོན་པ་རྫི་ལུང་
ཞེས་ན་མཧཱ་ཀ་ལ་ཕྱག་བཞི་པ་བྱིན་རླབས་ཅན་བཞུགས། ལུང་པ་དེ་གཉིས་ལ་ཕོ་ལུང་མོ་
ལུང་དུ་གྲགས། དེའི་འོག་ན་ཚུལ་ཆེན་ཞེས་རྒྱལ་བ་རིགས་ལྔ་སྐུ་མཆེད་ཁྱེའུ་ལོ་བཅུ་ལོན་པ་
ཙམ་བཞེངས། སྐུ་ཤིན་ཏུ་ངོ་མཚར་བ་བཞུགས། 
ཁྲོ་ཕུ་དཀར་རྒྱུད་ཅེས་ཕྱག་རྡོར་འཁོར་ཆེན་གྱི་གྲུབ་ཐོབ་དགོན་ལག་རོང་གནས་རྙིང༌། 
རྒྱལ་རི་ཁྲོད་གཙང་པོ་ནང་གི་བུ་གཉིས་རྣམས་ཡིན། དེ་རྣམས་ན་བལ་མོ་སྤྱང་རྒྱལ་ལྷ་མོ་
རེ་བཞུགས། ཚུལ་ཆེན་འདིར་གླིང་རས་ཀྱི་ཟུར་པ་བཅུ་གསུམ་བསྲུངས་པ་དེ་ཡིན། འདིའི་
འཁྲིས་ན་གཙང་ན་འགྱིང་མཆོག་སེང་གེ་སྒང་ཡོད། རོང་ན་ནག་པོ་སེང་གེ་སྒང༌། དབུས་ན་
འཕྲང་པོ་སེང་གེ་སྒང༌། དེའི་འོག་ཙམ་ན་རྒོད་པོ་ལུང་དུ་གྲགས་པའམ་རི་ཁྲོད་དགེ་ལྡན།(སྔོན་
རྒྱན་དཀར་གོང་མའི་མིད་པ་དགོན་པ་ཡང་ཟེར། ཕྱིས་འབྲེ་ཆེན་པོ་ཤེས་རབ་འབར་ལ་རྒོད་ཀྱི་ཁུང་བསྟན་པས་དགོན་པའི་མིང་
ལ་རྒོད་པོ་ཁུང་ཟེར། སླར་ཆོས་རྒྱལ་རབ་བརྟན་ཀུན་བཟང་འཕགས་ཀྱི་རི་ཁྲོད་དགེ་ལྡན་དུ་མིང་བཏགས་པ་ཡིན་ནོ།)ཞེས་པ་
འདིར་སྔོན་འབན་སྣ་བོ་ཆེ་ཞེས་ཀྱང་བྱ། སྣ་ནག་པ་ཞེས་ཀྱང་བྱ་བའི་དགེ་སློང་ས་བདག་ཀླུ་
གཉན་གྱིས་གནོད་པས་ཤིན་ཏུ་སྐུ་བསྙེལ་བས་རྒྱ་གར་ལ་ཕེབས། ནཱ་ལེན་དྲའི་གཙུག་ལག་
ཁང་དུ་ཇོ་བོ་ཨ་ཏི་ཤ་དང་མཇལ་བས་སྣོད་ལྡན་དུ་གཟིགས། དཔལ་ཕྱག་རྡོར་མདོ་ལུགས་
ཀྱི་ཆོས་སྐོར།(དཔུང་བཟང་ལས་གསང་སྔགས་མདོ་སྡེའི་ཚུལ་དུ་བཤད་ཀྱིས་ཉོན་ཞེས་བྱ་རྒྱུད་ལ་མདོ་སྡེ་ཞེས་མིང་དུ་
བཏགས་པའོ།)གདམས་ངག་དང་བཅས་པ་གནང་སྟེ། རྒྱ་བརྩོན་སེང་གེ་ལོ་ཙཱ་བགྱིས། འབན་
སྣ་བོ་ཆེས་ཞུ་བ་པོ་བགྱིས་ནས་ལེན་དྲར་བསྒྱུར། དབང་དང་རྗེས་སུ་གནང་བ་མཛད། ཆིག་
བརྒྱུད་དུ་གདམས། འབན་སྣ་བོ་ཆེས་པུ་ཧྲང་གི་ཞེར་བྱ་བའི་གནས་གཞི་ཡོད་པར་བཞུགས། 
སྒྲུབ་པས་ནད་ལས་གྲོལ་ཞིང་ཕྱག་རྡོར་གྱི་ཞལ་གཟིགས། དེས་རྟ་སྒོམ་དཀོན་མཆོག་འབྱུང་
གནས་ལ་གསུངས། རྟ་སྒོམ་གྱི་ཡུལ་ནི་མྱང་སྟོད་ཡིན། སྐུ་མཆེད་གཉིས་ཡོད་པའི་རྟ་སྒོམ་
22-1-45


དཀོན་མཆོག་འབྱུང་གནས་ལ་ཀླུ་ནད་བྱུང་ནས་རྒྱ་གར་ལ་གཤེགས་པས། ལམ་དུ་མི་གཞན་
གྱིས་ཁུངས་བསྟན། སླར་ལོག་ནས་པུ་ཧྲང་གི་ཞེར་དུ་གྲུབ་ཐོབ་འབན་སྣ་བོ་ཆེ་དང་མཇལ། 
ཕྱག་རྡོར་གྱི་གདམས་པ་ཟབ་མོ་ཆིག་བརྒྱུད་དུ་གསན། ལྷ་སྒོམ་གྱི་ཡུལ་དུ་བྱོན། རྒྱན་དཀར་
གོང་མའི་མིད་པ་དགོན་པ་བྱའམ་རྒོད་པོ་ཁྱུང་(ཁུང་)ཡང་ཟེར། རྒོད་པོ་ལུང་ཡང་ཟེར། དེང་
སང་རི་ཁྲོད་དགེ་ལྡན་གྱི་དགོན་པ་བྱ་བར་བཞུགས། སྒྲུབ་པས་ཕྱག་རྡོར་ཡང་ནས་ཡང་དུ་
ཞལ་གཟིགས་པ་འདི་ཡིན། གྲུབ་པ་བརྙེས་པ་ཡང་འདི་ཡིན་ནོ། །
བླ་མ་གྲུ་གོ་ཆ་རྡོ་རྗེས་ལྷ་སྒོམ་དཀོན་མཆོག་འབྱུང་གནས་དང་མཇལ་བའི་ཐོག་མ་ཡང་
མིད་པ་དགོན་པ་འདིར་ཡིན། རྟོགས་གྲོལ་ཐོབ་པ་ཡང་མིད་པ་འདིར་ཡིན། དོན་ལ་རི་ཁྲོད་
དགེ་ལྡན་གྱི་མིང་གི་རྣམ་གྲངས་ཡིན་ནོ། །དེ་ནས་གྲུ་གོ་ཆ་རྡོ་རྗེས་ལོ་གསུམ་མཚམས་བཅད་
པ་ཁྱུང་རི་ན་ཡོད་པའི་དུག་ལུང་ཕུ་རུ་སྐུ་མཚམས་ལོ་གསུམ་མཛད་ཀྱང་རྟོགས་པ་དོན་གྱི་
མཐར་ཐུགས། རྟོགས་པ་རི་ཁྲོད་དགེ་ལྡན་གྱི་གནས་འདི་རང་ཡིན་ནོ། །ལོ་ཙཱ་བ་བློ་ལྡན་
ཤེས་རབ་ཀྱི་བཀའ་བབས་ཀྱི་སློབ་མ་བཞི་ནི་ཞང་ཚེས་སྤོང་བ་ཆོས་ཀྱི་བླ་མ། གྲོ་ལུང་པ་བློ་
གྲོས་འབྱུང་གནས། ཁྱུང་རིན་ཆེན་གྲགས་པ། འབྲེ་ཤེས་རབ་འབར་དང་བཞི་ལས་ཤེས་རབ་
ཀྱི་ཕ་རོལ་ཏུ་ཕྱིན་པའི་བཀའ་བབ་པ། འབྲེ་ཤེས་རབ་འབར་གྱིས། ཚུལ་གནས་ཐོས་དང་
བསམ་གཏན་གྱིས། །སྒོམ་པ་ལ་ནི་རབ་ཏུ་སྦྱོར་ཞེས་དང༌། སྐྱེས་རབ་ལས། ཐོས་པའི་རྗེས་
འཇུག་སྒྲུབ་པ་སྙིང་པོ་སྟེ། །ཞེས་གསུངས་པ་ལྟར་སྒྲུབ་པ་མཛད་དགོངས་པ་ཁོ་ན་ཐུགས་ལ་
བཞུགས་དུས། བྱེ་མདར་ཆོས་ཀྱི་འཁོར་ལོ་རྒྱ་ཆེན་པོ་བསྐོར། དེ་སྐབས་ཐུགས་དམ་གཏོར་
མའི་ས་ཏེབ་བྱ་རྒོད་ཀྱིས་ཁྱེར་ནས་གནས་འདིར་བཞག་པས་སྒྲུབ་པ་བྱེད་པའི་གནས་ཁྱད་
པར་ཅན་དུ་དགོངས། སྒྲུབ་པ་མཛད་པ་ཡང་རི་ཁྲོད་དགེ་ལྡན་འདི་ཉིད་ཡིན་པས་འབྲེའི་
བཞུགས་ཁྲི་དང་ཐུགས་དམ་འབུམ་པ་ཡང་མངོན་སུམ་མཇལ་རྒྱུ་ཡོད་པ་འདི་ཡིན་ཞིང༌། (པཎ་
22-1-46


ཆེན་ནགས་ཀྱི་རིན་ཆེན་མིད་པ་བྱ་བའི་ནང་རྒོད་ཁུང་དུ་བཞུགས་པའི་ཚེ་མཚན་མོ་རྨི་ལམ་བཟུང་ནས་གྲུབ་ཆེན་ཀུན་བློ་དགོན་
པ་ལྷུན་གྲུབ་བདེ་ཆེན་ན་བཞུགས་པ་དེར་ཕེབས་པས་ཟམ་ཆུང་དེ་ཚུན་དགོན་པའི་སྐོར་རྣམས་དུས་འཁོར་གྱི་གཞལ་ཡས་ཁང་
དང་དེར་གནས་པའི་མི་རྣམས་དུས་འཁོར་གྱི་ལྷ་ཚོགས་དེའི་དབུས་ཀྱི་གཙོ་བོ་ལ་ཆོས་རྗེ་གྲུབ་ཆེན་ཉིད་བཞུགས་འདུག་པ་ལ་
པཎ་ཆེན་ནགས་ཀྱི་རིན་ཆེན་གྱིས་རེ་ཞིག་བཞུགས་ཤིང་རྨི་ལམ་བཟུང་བར་མཛད་པ་ཡང་རི་ཁྲོད་དགེ་ལྡན་འདི་ཉིད་ཡིན་ནོ། །)
ཀུན་མཁྱེན་དོལ་བུས་ཉི་མ་དབུས་ཀྱི་རྒྱལ་ཁམས་ཀྱི་སྐྱེ་འགྲོ་སྨིན་གྲོལ་དུ་བཀོད་ནས་ཡར་
བྱོན། མྱང་སྟོད་ལྕང་རར་སྐུ་ཤ་འབྱོར་བས་སྐས་ལ་མ་ཕེབས་པར་གཡུལ་ཐང་དུ་བཞུགས་
སྐབས་ལུང་བསྟན་པའི་གནས་མཆོག་འདི་ཉིད་དུ།(སྒྲུབ་པ་བསམ་གཏན་གྱི་འཁོར་ལོའི་བསྟི་གནས་འདེབས་
པར་དགོངས་ནས་པཎ་ཆེན་ཤྲཱི་ཤཱ་རི་པུ་ཏྲ་ཕེབས་པའི་དུས་སུ་ས་འདུལ་བ་དང་བུམ་གཏེར་འཇུག་པ་སོགས་བྱིན་རླབས་ལེགས་
པར་མཛད་པའི་གནས་འདིར་)སྦྱོར་དྲུག་གི་ཉམས་ལེན་ཁོ་ན་སྐྱོང་བའི་དགེ་འདུན་གྱི་སྒྲུབ་པ་བ་བརྒྱ་
དང་བརྒྱད་སོགས་སྒྲུབ་བརྒྱུད་ཀྱི་བསྟན་པ་བཙུགས། སྔོན་མངའ་བདག་རྒྱལ་པོའི་ཕོ་བྲང་
བཏབ་པའི་ས་ཡུལ་འདིར་རྨད་དུ་བྱུང་ཞིང་བཀྲ་ཤིས་པའི་དགེ་མཚན་གྱི་དཔལ་དང་ལྡན་
པའི་རི་བོ་ཆེན་པོ། ཤར་ཕྱོགས་འབྲས་ལུགས་འགེལ་བ་འདྲ་བ། ལྷོ་བལྟས་སེང་གེ་གནམ་དུ་
མཆོང་བ་འདྲ་བ། ནུབ་དར་དཀར་གྱི་ཡོལ་བ་བརྐྱངས་པ་འདྲ་བ། བྱང་ཕྱོགས་ཧོར་ཕྲུག་ཞེ་ས་
འབུལ་བ་འདྲ་བའམ། དེའི་མདའ་ན་སྔོན་བོད་ཆོས་རྒྱལ་དཔལ་འཁོར་བཙན་གྱིས་བཞུགས་
སོ། །
ཤེལ་དཀར་རྒྱལ་རྩེ་ཞེས་གྲགས་པ་(རྫོང་རི་ངོས་རིན་ཆེན་ཤེལ་ལས་གྲུབ་པའི་བྲག །དབུས་རིན་པོ་ཆེ་སྣ་
ཚོགས་དུ་མའི་གཏེར་གྱིས་ཡོངས་སུ་གང་བའི་རྩེར་ཕོ་བྲང་ཆེན་པོ་རྒྱལ་མཁར་རྩེར་གྲགས་པ་འདི་ཉིད་ནང་ཆེན་འཕགས་པ་
དཔལ་དགུང་ལོ་བཞི་བཅུ་ཞེ་བརྒྱད་ཞེས་པ་སྣ་ཚོགས་དབྱིག་གམ། ཤིང་མོ་སྦྲུལ་གྱི་ལོ་ཟླ་བ་གཉིས་པའི་ཚེས་ཉི་ཤུ་ལ་ཕོ་བྲང་)
འདི་ཉིད་བཏབ། མྱང་སྟོད་གསེར་གཞུང་རིང་མོར་གྲགས་པའི་མཐིལ། །སྣ་ཚོགས་འབྲུ་དང་
མེ་ཏོག་རྒྱས་པའི་གླིང༌། །བྱང་ཆུབ་ལྗོན་ཤིང་ཚུལ་དུ་ནགས་ཚལ་དབུས། །བཀྲ་ཤིས་བརྒྱད་
22-1-47


ཀྱིས་ཕྱོགས་མཚམས་བརྒྱན་པ་ཡི། །གསེར་ཁྱིམ་བརྒྱ་ཕྲག་བརྒྱད་ཀྱི་མཛེས་པའི་རྩེར། །
དཔལ་འཁོར་བཙན་གྱི་ཕོ་བྲང་གཏེར་གྱི་མཛོད། །བྲག་རི་རྡོ་རྗེ་སྤུངས་འདྲའི་གདེངས་ཅན་
འདི། །ཚངས་པ་དབང་པོའི་གྲོང་ཁྱེར་སྐྱེངས་བྱེད་པ། ཞེས་དང༌། བོ་དོང་ཕྱོགས་ལས་རྣམ་
རྒྱལ་གྱིས། སྐྱེ་དགུ་མཛེས་པར་བྱེད་པའི་མགུལ་རྒྱན་དུ། །རྣམ་རྒྱལ་ལྷ་ཡི་གྲོང་ཁྱེར་ས་གཞི་
ལ། །གསར་དུ་བབས་པ་ལྟ་བུའི་རྒྱལ་མཁར་གནས། །ཡིད་འོང་ཕོ་བྲང་གྲངས་མེད་གསེར་
ཁྱིམ་ལ། །མཚུངས་མེད་རྒྱལ་ལྡན་བལྟ་བས་ཆོག་མི་ཤེས། འཛམ་གླིང་ས་ཡི་ཐིག་ལེ་ལྟ་བུའི་
གནས། །དཔལ་འབྱོར་རྒྱ་མཚོའི་འཕྲེང་བས་མཚན་པ་ཅན། །མཁས་གྲུབ་དང་པོ་དཔག་མེད་
འདུ་བའི་གནས། །རྒྱལ་མཁར་རྩེ་མོར་སོན་པ་འདི་ཉིད་ཡིན། །ཞེས་ནང་ཆེན་འཕགས་པ་
དཔལ་དང་ནང་ཆེན་འཕགས་པ་རིན་ཆེན་པ་སྐུ་མཆེད་ཀྱི་སྲས་མ་གཅིག་པདྨ་པ་དང༌། བདག་
པོ་ཆེན་པོ་ནང་ཆེན་ཀུན་དགའ་འཕགས་འཁྲུངས་པ་དེ་ཉིད་ཀྱི་དགུང་ལོ་སོ་བཞི་བཞེས་པ་
ལྕགས་ཕོ་རྟ་ལ་འདི་ཉིད་ཀྱི་ཐུགས་དམ་དུ་རྒྱལ་མཁར་རྩེའི་གཙུག་ལག་ཁང་བསམ་འཕེལ་
རིན་པོ་ཆེའི་གླིང་བཞེངས་ཤིང་གྲུབ་པར་མཛད། རྟེན་གཙོ་ཐུབ་དབང་དགུང་ལོ་བརྒྱད་ཀྱི་
ཚད། ཐུགས་རྟེན་རིན་པོ་ཆེ་ལས་གྲུབ་པའི་ལྷ་བབས་པདྨ་སྤུངས་པ། བྱ་ཆེན་ཆོ་འཕྲུལ། རྣམ་
རྒྱལ་སྒོ་མངས། དབྱེན་ཟླུམ། མྱང་འདས་བཞེངས། །ཁྲི་རྒྱབ་ཡོལ་རྣམས་ཀྱང་བརྐོས་མ་
གསེར་གྱིས་སྤྲས་པ་བསྒྲུབས། གཞན་ལོགས་བྲིས་གཙང་ཁང་དུ་སངས་རྒྱས་སོ་ལྔ། རི་ཁྲོད་
མ། འོད་ཟེར་ཅན། རྣམ་ཐོས། ཛམ་ལྷ། ལམ་འབྲས་བླ་བརྒྱུད། ཁྱམས་ལ་བྲིས་པ་སྐུ་ཆེན་
མོ་མཐོང་བ་དོན་ལྡན། འདས་པའི་སངས་རྒྱས་མར་མེ་མཛད། མ་བྱོན་བྱམས་པ། བདེ་བ་
ཅན་གྱི་ཞིང་བཀོད། མངོན་དགའི་ཞིང་བཀོད་སངས་རྒྱས་སྨན་བླ། ཐུབ་དབང་གནས་བརྟན། 
མཛད་པ་བཅུ་གཉིས། སྐྱེས་རབས། གཞོན་ནུ་ནོར་བཟང་གིས་བླ་མ་བསྟེན་པའི་ཚུལ། སྒྲོལ་
མ། རྣམ་རྒྱལ། སྒོ་བསྲུངས་རྒྱལ་ཆེན་བཞི་སོགས་ལ་འཁོར་ཚོགས་ཇི་འོས་པ་སྒྲུབ་ཐབས་
22-1-48


དང་མདོ་རྒྱུད་ལས་བཤད་པ་དང་མཐུན་པ། བསྐོར་ཁང་ལའང་རིགས་ལྔ། རིགས་གསུམ་
མགོན་པོ་སོགས་སངས་རྒྱས་དང་བྱང་སེམས་ཀྱི་སྐུ་གཟུགས་དུ་མས་བསྐོར་བ། གཞལ་ཡས་
ཁང་དུ་དཔལ་དུས་ཀྱི་འཁོར་ལོས་ཐོགས་དྲངས་པའི་དཀྱིལ་འཁོར་ཆེན་པོ་རྣམས་རི་མོར་
བཀོད། མགོན་ཁང་དུ་ཆོས་སྐྱོང་ལྕམ་དྲལ་རྣམ་སྲས་སོགས་འཆམ་སྐུའི་ཚུལ་དུ་བཞེངས་པའི་
ཞལ་བཀོད་མཛད་པ་ཐམས་ཅད་ནི་འཇམ་དབྱངས་རིན་ཆེན་རྒྱལ་མཚན་ཡིན། རབ་གནས་
མཁན་པོ་མཁན་ཆེན་རིན་པོ་ཆེ་གྲགས་པ་བཤེས་གཉེན་པས་མཛད་དོ། །ཕྱིས་སུ་རྟེན་གཙོ་
ཐུབ་དབང་གི་སྐུའི་གཡོན་དུ་ཐུགས་དམ་གྱི་རྟེན་འོད་དཔག་མེད་ཀྱི་གསེར་སྐུ་སྐུ་ཚད་གཙོ་བོ་
དང་མཉམ་པ་ཁྲི་རྒྱབ་ཡོལ་གྱི་དབུས་ན་བཞུགས་པ། རྟེན་དེ་རྣམས་ཀྱི་སྤྱན་སྔར་མར་མེ་ཁོར་
ཡུག་ཏུ་འབར་བ་བཅུ་ཕྲག་གཅིག་འབུལ་བའི་ས་གཞི་རྒྱ་ཆེན་པོ་བཙུགས་སོ། །མཛད་འཕྲིན་
འདི་ལ་དགོངས་ནས་བོ་དོང་ཕྱོགས་ལས། སྟོབས་ཀྱི་འཁོར་ལོས་བསྒྱུར་བའི་རྒྱལ་བརྒྱུད་
དང༌། གསུང་གི་རྡུལ་ཚུབ་ཉི་མའང་ཕམ་བྱེད་པ། །ཕྱོགས་ལས་རྣམ་པར་རྒྱལ་བའི་སྟོབས་པོ་
ཆེ། །མཆོག་གྱུར་མི་དབང་ཀུན་དགའ་འཕགས་དེ་ཉིད། །ཅེས་བསྔགས་པར་མཛད་དོ། །ནང་
ཆེན་ཀུན་དགའ་འཕགས་དེ་ཉིད་དང༌། ཡུམ་བྱང་སེམས་བཟང་མོ་དཔལ་ལ་ས་མོ་སྦྲུལ་ལོ་
ཧོར་ཟླ་དྲུག་པའི་ཡར་གྱི་ངོ་ལ་ཆོས་རྒྱལ་རབ་བརྟན་ཀུན་བཟང་འཕགས་འཁྲུངས། མཚན་
འདི་ཉིད་དཔྱལ་སྟོན་ཆེན་པོ་ཀུན་དགའ་རྒྱ་མཚོ་པས་འདོགས་པར་མཛད་དོ། །མཁས་གྲུབ་
བློ་གྲོས་མི་ཟད་པས་ཆོས་རྒྱལ་རྣམ་ཐར་ལས། དཔལ་ལྡན་ཤར་ཁའི་གནས་འདིར་དགྲ་ལས་
ནི། །རྣམ་པར་རྒྱལ་བའི་རྒྱལ་ཆེན་མང་བྱུང་ཡང༌། །ཆོས་དང་འཇིག་རྟེན་ཕུན་ཚོགས་མ་ལུས་
པ། །ཀུན་བཟང་རབ་འཕགས་རྒྱལ་ཆེན་འདི་ཉིད་ཡིན། །ཞེས་སྐུ་གཞོན་ནུའི་དུས་སུ་བཀའ་
དྲིན་ཆེ་བའི་བླ་མ་དམ་པ་རྣམ་པ་གསུམ་ལ་བརྟེན་པའི་ཐུགས་བརྒྱུད་སེམས་དཔའ་ཆེན་པོ་
ཆོས་ཀྱི་རིན་པོ་ཆེ་སྣུམ་པར་མཛད། ཡང་བདག་པོ་ཆེན་པོ་ནང་ཆེན་ཀུན་དགའ་འཕགས་ཀྱི་
22-1-49


ཐུགས་དམ་རྟེན་ཐུབ་དབང་གསེར་སྐུ་དགུང་ལོ་བརྒྱད་པའི་ཚད་ཁྲི་རྒྱབ་ཡོལ་དང་བཅས་པ་
བསམ་འཕེལ་ནོར་བུའི་གླིང་གི་རྟེན་གཙོ་ཐུབ་དབང་གི་གཡས་ན་བཞུགས་སོ། །
ཆོས་རྒྱལ་རབ་བརྟན་ཀུན་བཟང་ཞེས་ཆོས་ཀྱི་རྒྱལ་པོ་དེ་ཉིད་དགུང་ལོ་ཉི་ཤུ་རྩ་ལྔ་
བཞེས་པ་རྒྱ་གར་བ་རྣམ་རྒྱལ་ཞེས་པའི་ལོ་ལ་ལྕང་རར་ཆོས་གཞི་བཏིང༌། ལུང་རིགས་སྨྲ་
བ་བརྒྱ་ཕྲག་བཞིའི་གཙོ་བོར་སྔོན་གྱི་མཁས་གྲུབ་ཆེན་པོ་ལྷའི་དབང་བོ་སྐུ་སྐྱེ་བ་མཁས་
གྲུབ་དགེ་ལེགས་དཔལ་བ་བྱང་ནས་གདན་དྲངས་ཏེ་ཆོས་དཔོན་དུ་མངའ་གསོལ། ཡབ་ཀྱི་
དགོངས་པ་རྫོགས་ཐབས་ལ་རྡོ་རྗེ་ཐེག་པའི་དཀྱིལ་འཁོར་ཟབ་མོ་རྣམས་ཞལ་ཕྱེ་བའི་གསང་
སྔགས་ཀྱི་སྒྲུབ་མཆོད་ཁྱད་པར་ཅན་མཛད་པ་འདི་ཚོ་ཐོག་མར་ལྕང་རར་འཛུགས་པར་
མཛད་པ་ཡིན་ནོ། །ཆོས་རྒྱལ་དགུང་ལོ་ཉི་ཤུ་རྩ་དྲུག་བཞེས་པ་ཤིང་ཕོ་རྟའི་ལོ་ལ་རྒྱལ་མཁར་
རྩེའི་མདུན་གྱི་མྱང་ཆུ་ལ་ཟམ་ཆེན་མིག་དྲུག་དང་ལྡན་པའི་དབུས་ན་བྱང་ཆུབ་ཆེན་པོའི་
མཆོད་རྟེན་ཁྲི་ལམ་ཅན་དུ་བཞུགས་པའི་ནང་ན་དཀྱིལ་འཁོར་ཆེན་པོ་དགུ་ཡོད། ལོགས་
རྣམས་ལ་སངས་རྒྱས་བྱང་སེམས་ཀྱི་སྐུ་བྲིས་ཡོད་དོ། །
རྒྱ་གར་གྱི་པཎྜི་ཏ་ཆེན་པོ་ཤཱ་རིའི་པུ་ཏྲ་དེ་ཉིད་རྒྱ་ནག་རྒྱལ་པོ་ཏ་ཞིན་གྱིས་སྤྱན་དྲངས་
སྐབས་ལྕང་རར་ཟླ་བ་གཉིས་བཞུགས་པའི་བར་ལ་ཟམ་ཆེན་ལ་རབ་ཏུ་གནས་པ་མཛད་དོ། །
ཆོས་རྒྱལ་དེ་ཉིད་དགུང་ལོ་སུམ་ཅུ་པ་ས་ཕོ་ཁྱི་ལོ་ལ་ཐེག་ཆེན་ཆོས་ཀྱི་རྒྱལ་པོའི་བཀའ་ཤོག་
ཕེབས། ས་སྐྱར་ཕེབས་ནས་ཏཱའི་སི་ཏུ། ནང་ཆེན། ཐུས་དཀོན་རྣམས་ཀྱི་འཇའ་ས་བསྒྲགས། 
ས་ཁྱི་ཟླ་བ་གསུམ་པའི་གནམ་གང་གི་ཉིན་ནས་བཟུང་གོས་བཟོ་བ་སུམ་ཅུ་སོ་བདུན་གྱིས་
ཞག་ཉི་ཤུ་རྩ་བདུན་བར་ལ་གོས་སྐུ་ཆེན་མོ་མཐོང་བ་དོན་ལྡན་བཞེངས། དབུས་སུ་སྟོན་པ་
སངས་རྒྱས་ཁྲུ་བརྒྱད་ཅུ་པ། འཁོར་མཆོག་ཟུང་གཉིས། ལྷ་མགྲོན། མར་མེ་མཛད། (མཐོང་
བ་དོན་ལྡན་དུ་མིང་བཏགས་པ་ཡིན་གྱི་བྲིས་སྐུ་མཐོང་བ་དོན་ལྡན་གྱི་བཀོད་པ་བྲིས་པ་ནི་མ་ཡིན་ནོ།།)བྱམས་པ་གནས་
22-1-50


བརྟན་བཅུ་དྲུག །སྟེང་ཕྱོགས་ཐད་ལྷའི་བུ་བ་དན་འཛིན་པ། ཁྲིའི་དཀྱིལ་ན་མགོན་པོ་བེང་གི་
སྐུ་བཞུགས། རབ་གནས་འཇམ་དབྱངས་རིན་ཆེན་རྒྱལ་མཚན་གྱིས་མཛད་སྐབས་ཤིག་ན་
ཆོས་གྲྭ་དཔལ་འཁོར་བདེ་ཆེན་འདི་ཉིད་འདེབས་པའི་ཐད་ཀྱི་ནམ་མཁའ་ལ་གནས་གཙང་
མའི་ལྷ་འགའ་ཞིག་གིས་ས་གཞི་ལ་སྤོས་ཆུས་ཆག་ཆག་འདེབས་ཤིང༌། མེ་ཏོག་གི་ཆར་
འབེབས་པ་ལ་སོགས་མངོན་སུམ་གཟིགས་པའི་བཀོད་པའི་ཚུལ་ཅུང་ཟད་ཙམ་གཟིམ་ཁང་
མཁའ་སྤྱོད་གཡབ་ཀྱི་ཤར་སྐྱ་ལ་བྲིས་ཡོད་པ་ལྟར་དགེ་འདུན་འདུས་པ་རྒྱ་མཚོའི་བཞུགས་
གནས། རི་བོ་རྩེ་ལྔ་དང་ལྡན་པ་ཟུར་ཕུད་ལྔ་པའི་བསྟི་གནས། དབྱིབས་པདྨ་འདབ་སྟོང་ཁ་
ཕྱེ་བ་ལྟ་བུར་འདི་རྒྱ་གར་བ་རྣམ་འཕྱང་ཞེས་པ་ས་ཕོ་ཁྱིའི་ལོ་དབྱར་ཟླ་འབྲིང་པོའི་ཆུ་སྟོད་
ཟླ་བའི་ཡར་ངོའི་ཚེས་གཉིས་རྒྱལ་ཕུར་འཛོམས་པར་ཆོས་སྡེ་འདི་ཉིད་གཙུག་ལག་ཁང་
དང་བཅས་པའི་འགྲམ་བཏིང༌། ལྕང་རའི་ཆོས་གཞི་བཏབ་ཚུལ་སྔོན་དུ་སྨོས་པ་དར་རྒྱས་སུ་
བཞུགས་པའི་ཆོས་གཞི་འདིར་བཞུགས་པར་མཛད་དེ། མཁས་གྲུབ་འཇིགས་མེད་གྲགས་
པས་སྐྱེ་རྒུ་མཛེས་བྱེད་མགུལ་རྒྱན་དུ། །ཕན་བདེ་མ་ལུས་ཀུན་གྱི་འབྱུང་གནས་ནི། །རྒྱལ་
བའི་བསྟན་པ་ཡིན་པར་རབ་དགོངས་ནས། །འཇིག་རྟེན་སྐྱེས་བུ་དཔག་མེད་འདུ་བའི་
གནས། །ཆོས་གྲྭ་ཆེན་པོ་དཔལ་འཁོར་བདེ་ཆེན་བཞེངས། །རྒྱ་གར་བ་སྒྱུར་བྱེད་ཅེས་པ་ས་
མོ་ཕག་ལོ་ཆོས་རྒྱལ་དགུང་ལོ་སོ་གཅིག་བཞེས་པའི་དུས་ན་ནག་ཟླ་བཅོ་ལྔའི་དུས་ཆེན་ཉིན་
ནས་གན་གོས་གསེར་མ་ཡུག་བཅུ་ཕྲག་གཉིས་དང་གསུམ། ཁ་འཁྱར་དགུ །ནང་གི་གཞི་ལ་
གོས་ཡུག་གཉིས་ཀྱིས་ལྷག་པའི་བཅུ་ཕྲག་གཉིས། མཚམས་སྦྱོར་སྐུ་རྒྱུ་ལ་གོས་དར་ཁ་བཞི་
བཅུ་ཞེས་གཉིས་རྣམས་ལས་གྲུབ་པའི་གསེར་འཕན་ཆེན་མོར་དཔངས་སུ་རྩེ་ཁྲུ་སོ་གསུམ། 
ཞེང་དུ་གན་གོས་བརྒྱད་བསྒྲིལ་ཡོད་པའི་དབུས་ན་བྱམས་པ་བཞེངས། སྐུ་དཔངས་ཁྲུ་བཅོ་
བརྒྱད། ལྡེབས་སྤྱན་རས་གཟིགས། འཇམ་དབྱངས། ཉན་ཐོས་ཤེས་རབ་ཅན་གྱི་མཆོག་
22-1-51


ཡེ་ཤེས་འོད། རྫུ་འཕྲུལ་ཅན་གྱི་མཆོག་བརྩོན་འགྲུས་བརྟན་དཔུང་ཟུར་གཉིས་ན་ལྷ་མགྲོན་
ཐུབ་པ། མི་འཁྲུགས་པ། ཁྲིའི་འོག་ན་མགོན་པོ་གྲི་གུག་མ་སྟེ་གཙོ་འཁོར་བདུན་བཞུགས། 
གཞན་ཡང་གོས་དར་ཁ་སྟོང་ཕྲག་གཅིག་དང་གཉིས་ཀྱིས་ལྷག་པའི་བརྒྱ་ཕྲག་ལྔ་སྦྱོར་བྱེད་
ཀྱི་སྐུད་རྒྱུ་ཁ་ལ་དྲུག་ཅུ་རེ་ལྔ་རྣམས་ལས་གྲུབ་པའི་འཕན་ཁྱད་པར་དུ་འཕགས་པ་སངས་
རྒྱས་བྱང་སེམས་ཀྱི་སྐུ་བཞུགས་པ་སོགས་གཉིས། དབུས་ཀྱི་གསེར་འཕན་དང༌། བཅས་པ་
ཟླ་བ་གཅིག་དང་ཞག་བརྒྱད་ཀྱི་བར་ལ་བཞེངས་པ་ནི། སྔོན་ཆད་སྐྱེ་བོ་ཀུན་གྱི་བློ་ཡུལ་དུ། །
གང་གིས་བཀོད་པ་ཙམ་གྱིས་མི་ཤར་བའི། །གོས་བཟང་དུ་མ་ལས་གྲུབ་མཛེས་པའི་སྐུ། །
ཡིད་འཕྲོག་འཕན་གྱི་གཟུགས་སུ་བཞུགས་པ་རྣམས། །ཕུན་ཚོགས་བཅོ་བརྒྱད་པ་ཡི་བརྒྱད་
པ་རུ། །བྱམས་ཆེན་མཚུངས་པ་མེད་པའི་གསེར་འཕན་དང༌། །ཉེ་བའི་སྲས་ཆེན་བརྒྱད་ཀྱང་
མངོན་སུམ་བྱོན། །འདི་ནི་ཕུན་ཚོགས་རྣམས་ཀྱི་བརྒྱད་པ་ཡིན། །ཞེས་དང༌། ལོ་དེའི་ཟླ་བ་
དགུ་པའི་ནང་དུ་རིན་ཆེན་རྩེར་ཕྱག་ཕེབས། དགོན་ལོགས་ཀྱི་གྲྭ་བ་ལྷོ་པའི་ནང་དུ་བཞུགས་
མཚེར་མཛད། ཐུགས་དམ་ལ་བཞུགས་པའི་སྒང་ལ་སྐུ་དཔང་དུ་ཤོག་རིལ་རྒན་སོང་བ་ཞིག་
བྱུང༌། གཟིགས་པས་རྒྱ་གར་རྡོ་རྗེ་གདན་གྱི་མ་ཧཱ་བོ་དྷི་བཞེངས་ཚུལ་སྐུའི་ཚད་རྒྱུ་སོང་སོགས་
ཞིབ་པར་འདུག་པས་བརྡའི་སྒོ་ནས་ལུང་བསྟན་པར་དགོངས། རང་རེའང་ཆོས་སྡེ་གསར་
དུ་བཞེངས་པའི་རྟེན་གཙོའི་སྐུ་ཚད་ཀྱང་འདི་དང་མཐུན་པར་བཞེངས། དེ་བཞིན་དུ་གཙུག་
ལག་ཁང་སྔར་བརྩིགས་པ་ཁྱོན་ཆུང་འདུག་པས་སླར་ཁྱོན་མ་ཆུང་བ་ཞིག་བསྒྲུབས་པ་ནི་ད་
ལྟའི་གཙུག་ལག་ཁང་ཉིད་དེ་གཙང་ཁང་ཀ་ཆེན་བརྒྱད། ཕིབས་བརྒྱད་ཆོས་སུ་མཛེས་ཤིང༌། 
ཁྱམས་ཀ་བ་བཞི་བཅུ་ཞེ་བརྒྱད་ཀྱི་ས། གློ་འབུར་ཤར་ནུབ་ཀ་བ་དྲུག་རེ་དང་ལྡན་པ། ཡོངས་
སུ་ཀ་བ་བརྒྱ་དང་ལྔ་བཅུའི་ས་ཕྱི་འབུར་ཆེན་བཅུ་གཉིས་མདའ་གཡབ་ཀྱི་ཁོར་ཡུག་ཏུ་མཛེས་
པ་གཙང་ཁང་ཆེན་མོའི་དབུས་སེང་གེས་བཏེགས་པའི་ཁྲི་བྱང་ཆུབ་ཆེན་པོའི་སྐུ་འདི་རྒྱ་གར་
22-1-52


རྡོ་རྗེ་གདན་གྱི་མ་ཧཱ་བོ་དྷིའི་སྐུ་ཚད་ཇི་ལྟ་བ། རྒྱུ་ཟངས་ཁལ་སྟོང་ཕྲག་གཅིག །གསེར་ཞོ་བརྒྱ་
ཕྲག་བརྒྱད་ལས་གྲུབ་པ། ཐུགས་ཀར་པཎ་ཆེན་ཤཱ་རི་པུ་ཏྲས་སྤྱན་དྲངས་པའི་རྒྱ་ལྷ་ཐུབ་པའི་
སྐུ་ངོ་མཚར་བ་སོགས་གཟུངས་བཞུགས་བརྗོད་ཀྱིས་མི་ལངས་པ་བཞུགས་སོ། །
ཕུན་ཚོགས་བཅོ་བརྒྱད་པའི་དང་པོ་ལ། གཙང་ཁང་དབུས་ན་ཐུབ་ཆེན་འཛམ་གླིང་རྒྱན། །
བཀྲ་ཤིས་དཔལ་འབར་སྲིད་གསུམ་འོད་ཀྱིས་འགེངས། །མཚུངས་མེད་བྱང་ཆུབ་ཆེན་པོ་
དེ་ཉིད་ནི། །ཕུན་ཚོགས་བཅོ་བརྒྱད་རྣམས་ཀྱི་དང་པོ་ཡིན། །དེ་ལྟ་བུའི་སྐུའི་རྒྱབ་ཡོལ་དུ་ན་
དྲུག་རྒྱན་གྱིས་རབ་ཏུ་མཛེས་པའི་གནྡྷོ་ལར་གཡས་གཡོན་ལྡེབས་འཇམ་དབྱངས་དང་སྤྱན་
རས་གཟིགས་གསེར་ཟངས་ལས་གྲུབ་པ། གཞན་ཡང་གཡས་གཡོན་གཉིས་སུ་ཁྲི་རྒྱབ་ཡོལ་
དབུས་ན་འདས་མ་འོངས་ཀྱི་སངས་རྒྱས་མར་མེ་མཛད་དང་བྱམས་པ། ཤར་ནུབ་ཀྱི་ངོས་
པད་སྡོང་བཅུ་དྲུག་ལ་འཇམ་དཔལ་རྩ་བའི་རྒྱུད་ནས་གསུངས་པའི་སེམས་དཔའ་བཅུ་དྲུག་
བཞུགས་པ་རྣམས་ཀྱི་རབ་གནས་འཇམ་དབྱངས་རིན་ཆེན་རྒྱལ་མཚན་དཔལ་བཟང་གིས་
མཛད་དོ། །
ནུབ་ཕྱོགས་ཀྱི་གློ་འབུར་རྡོ་རྗེ་དབྱིངས་ཀྱི་ལྷ་ཁང་གི་དབུས་ན་ཆོས་རྒྱལ་དགུང་ལོ་སོ་
བཞི་བཞེས་པ་ཆུ་ཕོ་སྟག་ལ་ཐུགས་དམ་དུ་བཞེངས་པའི་རྣལ་འབྱོར་རྒྱུད་ཀྱི་རྩ་བརྒྱུད། དེ་
ཉིད་འདུས་པ་ལ་དུམ་བུ་བཞི་ཡོད་པའི་དུམ་བུ་དང་པོ་འདོད་ཆགས་ཀྱིས་འདོད་ཆགས་
སྤངས་པའི་ཕྱིར་བསྟན་པ། རྡོ་རྗེ་དབྱིངས་ཀྱི་དུམ་བུ་ལ་ཡང་གསུམ་ཡོད་པའི་དང་པོ་རྒྱ་ཆེན་
པོ་ལ་དགའ་བའི་སེམས་ཅན་རྗེས་སུ་བཟུང་བའི་ཕྱིར་དཀྱིལ་འཁོར་རྒྱས་པ་ཕྱག་རྒྱ་ཆེན་པོ་
གཙོ་བོར་གྱུར་པ་རྩ་བའི་དཀྱིལ་འཁོར་གྱི་ལྷ་ཚོགས་རྣམས་བཞུགས་ཏེ། དབུས་སུ་བཅོམ་
ལྡན་འདས་རྣམ་པར་སྣང་མཛད་ཞལ་གཅིག་ཕྱག་གཉིས་པ་བྱང་ཆུབ་མཆོག་གི་ཕྱག་རྒྱ་
ཅན་བཞུགས་པའི་ཕྱོགས་བཞིར་སེམས་མ་བཞི། བཅོམ་ལྡན་འདས་མི་བསྐྱོད་པ་ལ་རྡོ་རྗེ་
22-1-53


རིགས་ཀྱི་སེམས་དཔའ། རྡོ་རྗེ་སེམས་དཔའ་སོགས་ཀྱིས་བསྐོར་བ། བཅོམ་ལྡན་འདས་རིན་
ཆེན་འབྱུང་ལྡན་ལ་རིན་ཆེན་རིགས་ཀྱི་སེམས་དཔའི་རྡོ་རྗེ་རིན་ཆེན་སོགས་བཞིས་བསྐོར་
བ། བཅོམ་ལྡན་འདས་འོད་དཔག་མེད་ལ་པདྨའི་རིགས་ཀྱི་སེམས་དཔའ་རྡོ་རྗེ་ཆོས་སོགས་
བཞིས་བསྐོར་བ། བཅོམ་ལྡན་འདས་དོན་ཡོད་གྲུབ་པ་ལ་ལས་ཀྱི་རིགས་ཀྱི་སེམས་དཔའ་རྡོ་
རྗེ་ལས་རབ་སོགས་བཞིས་བསྐོར་བ་དང༌། སྒེག་མོ་མ། འཕྲེང་བ་མ་སོགས་ནང་སྒེག་བཞི། 
བདུག་པ་མ་སོགས་ཕྱི་སྒེག་བཞི། སྒོ་བ་རྡོ་རྗེ་ལྕགས་ཀྱུ་མ་སོགས་བཞི། རྡོར་དབྱིངས་རྩ་
བའི་ལྷ་སོ་བདུན་འབུར་དུ་དོད་པར་བཞུགས་སོ། །མགྲོན་ཐབས་ལ་བསྐལ་བཟང་གི་སེམས་
དཔའ་བྱམས་པ་ལ་སོགས་པ་ཤར་ཕྱོགས་ཀྱི་སེམས་དཔའ་ཉིས་བརྒྱ་བཞི་བཅུ་ཞེ་དགུ་པོ་
ཐམས་ཅད་རྡོ་རྗེ་རིན་ཆེན་སེམས་དཔའ་འདྲ་བ། སྤོས་ཀྱི་གླང་པོ་སོགས་ལྷོ་ཕྱོགས་ཀྱི་སེམས་
དཔའ་ཉིས་བརྒྱ་བཞི་བཅུ་ཞེ་དགུ་པོ་ཐམས་ཅད་རིན་ཆེན་འདྲ་བ། འོད་དཔག་མེད་སོགས་
ནུབ་ཕྱོགས་ཀྱི་སེམས་དཔའ་ཉིས་བརྒྱ་བཞི་བཅུ་ཞེ་དགུ་པོ་ཐམས་ཅད་རྡོ་རྗེ་ཆོས་འདྲ་བ། རྡོ་
རྗེ་སྙིང་པོ་སོགས་བྱང་ཕྱོགས་ཀྱི་སེམས་དཔའ་ཉིས་བརྒྱ་བཞི་བཅུ་ཞེ་དགུ་པོ་ཐམས་ཅད་རྡོ་
རྗེ་ལས་རབ་དང་འདྲ་བ། དེ་སྔར་བསྐལ་བཟང་གི་སེམས་དཔའ་སྟོང་དུ་བཞིས་མ་ཚང་བ་
ལོགས་བྲིས་ལ་བཞུགས་སོ། །
མདོར་ན་དཀྱིལ་འཁོར་རྒྱས་པའི་ལྷ་ཚོགས་སྟོང་དང་སུམ་ཅུ་སོ་གསུམ་ཚང་བར་
བཞུགས་པ་འདི་ཚོའི་རབ་གནས་ཞྭ་ལུ་པ་སྐུ་ཞང་ཆོས་རྗེ་ནམ་མཁའི་མཚན་ཅན་གྱིས་མཛད་
དོ། །ཕུན་ཚོགས་བཅོ་བརྒྱད་པའི་གཉིས་པར། །རི་རབ་རྩེ་མོར་ལྷ་ཡི་གཞལ་ཡས་ཁང༌། །
རྒྱལ་ཆེན་རྡོ་རྗེ་དབྱིངས་སོགས་གཙོ་བོ་ལྔ། །འཁོར་ལོ་བསྒྱུར་བའི་བློན་ཆེན་བཞི་བཞིར་
ལྡན། །འཁོར་བཅས་ཕུན་ཚོགས་བཅོ་བརྒྱད་གཉིས་པ་ཡིན། གཙང་ཁང་གི་གཡོན་ཕྱོགས་
ཤར་གྱི་འབུར་ཆེན་ཆོས་རྒྱལ་ལྷ་ཁང་གི་དབུས་སུ་ཆོས་རྒྱལ་དགུང་ལོ་སོ་ལྔ་བཞེས་དུས་ཆུ་
22-1-54


མོ་ཡོས་ལོ་ཟླ་བ་གསུམ་པ་ལ་ཐུགས་དམ་དུ་བཞེངས་པ་སྤྱན་རས་གཟིགས་བཅུ་གཅིག་ཞལ་
ཀླུ་སྒྲུབ་ལུགས་རྩ་ཕྱག་ཞེ་གཉིས་པ་འབུར་སྐུ་འཁོར་གྱི་ལྷ་དང་རྒྱུད་པའི་བླ་མ་རྣམས་དང་
བཅས་པ་རི་མོར་བྲིས་པས་བསྐོར་བའི་གཡས་ཕྱོགས་སུ་འཇམ་དབྱངས། མཁན་ཆེན་བོ་དྷི་
ས་ཏྭ། སློབ་དཔོན་པདྨ་འབྱུང་གནས། ཀ་མ་ལ་ཤཱི་ལ། ཨ་ཏི་ཤ། གཡོན་ཕྱོགས་ཕྱག་ན་རྡོ་
རྗེ། ཁ་ཆེ་པཎ་ཆེན། སྲོང་བཙན་སྒམ་པོ། ཁྲི་སྲོང་ལྡེའུ་བཙན། ཁྲི་རལ་རྣམས་ཀྱི་སྐུ་གཟུགས་
འབུར་དོད་པ། ངོས་གཡས་གཡོན་རྣམས་ལ་མགོན་པོ་ཚེ་དཔག་མེད་སོགས་སྐུ་སྟོང་རྩས་
བསྐོར་ཅིང༌། ལྷོ་བྱང་གི་སྟོད་ཀྱི་ཆ་ལ་སངས་རྒྱས་སོ་ལྔ་རི་མོར་བཀོད་པ་བཞུགས། རབ་
གནས་འཇམ་དབྱངས་རིན་ཆེན་རྒྱལ་མཚན་གྱིས་མཛད་དོ། །
ཀླུ་སྒྲུབ་བློ་མཚོ་དྭངས་པར་ཤར་བ་ཡི། །སངས་རྒྱས་ཀུན་གྱི་ཐུགས་རྗེའི་གཟུགས་
གཅིག་པུ། །བལྟ་བས་མི་ངོམས་ཞལ་ཕྱག་ཡོངས་རྫོགས་པ། །འདི་ནི་ཉེ་བའི་ཕུན་ཚོགས་
གསུམ་པ་ཡིན། དེ་རྣམས་བཞུགས་པའི་ཕྱིའི་རིམ་པ་ཁྱམས་བསྐོར་ཁང་དང་བཅས་པ་ལ་
སྐུ་གཟུགས་བྲིས་པའི་ཚུལ་བཞུགས་པ་ནི་རྣམ་ཐར་སྒོ་གསུམ་གྱི་གཡས་ཀྱི་གདོང་ལ་འཇམ་
དཔལ་རྩ་རྒྱུད་ལས་གསུངས་པའི་རས་བྲིས་མཐོང་བ་དོན་ལྡན་རྒྱས་པའི་ཞིང་ཁམས། འདི་
དང་བསྐོར་ལམ་གྱི་གཡས་ངོས་སུ་སངས་རྒྱས་རྣམ་པར་སྣང་མཛད་སྤྲུལ་སྐུ་ལ་འཁོར་སྲས་
དང་སློབ་མར་བཅས་པས་བསྐོར་བའི་ཞིང་ཁམས། གུང་གི་སྒོ་གདོང་གཡོན་ལ་བྱམས་པ་
ལ་གནས་བརྟན་བཅུ་དྲུག་གིས་བསྐོར་བའི་ཞིང་ཁམས་སོགས་སངས་རྒྱས་བྱང་སེམས་ཀྱི་
ཞིང་ཁམས་དང་མདོ་ལུང་སོ་སོ་ནས་གསུངས་པའི་ཞིང་བཀོད་བསམ་གྱིས་མི་ཁྱབ་པ་ལྡེབས་
རིས་སུ་བཀོད་པ་འདི་རྣམས་ཆོས་རྒྱལ་དགུང་ལོ་སོ་བཞི་པ་ཆུ་ཕོ་སྟག་གི་ལོ་ལ་བཞེངས་སོ། །
རབ་གནས་གནས་རྙིང་མཁན་ཆེན་འཇམ་དབྱངས་རིན་ཆེན་རྒྱལ་བས་མཛད་དོ། །གཙུག་
ལག་ཁང་རྩེགས་འབུར་ཆེན་བཞི་ཡིས་མཛད། །རིན་ཆེན་ཤིང་རྩེགས་བརྒྱ་ཡིས་རྣམ་བཀྲ་
22-1-55


བ། །གཞལ་ཡས་ཁང་པ་སྐྱེངས་པར་བྱེད་པ་འདི། །ཕུན་ཚོགས་བཅོ་བརྒྱད་རྣམས་ཀྱི་གསུམ་
པ་ཡིན། །གཙང་ཁང་གི་སྟེང་གཞལ་ཡས་ཁང་ཆེན་མོ་ཀ་བ་བརྒྱད་དང་ཤིང་རྩེགས་རིམ་པ་
བཅུ་དང་ལྡན་པའི་རི་མོ་ལ་ཆོས་རྒྱལ་དགུང་ལོ་སོ་བདུན་བཞེས་པ་ཤིང་མོ་སྦྲུལ་ལ་ཐུགས་
དམ་དུ་བཞེངས་པ་ནི་རྣལ་འབྱོར་གཉིས་སུ་མེད་པའི་ཐབས་ཤེས་གཉིས་སུ་མེད་པའི་རྒྱུད་
ཀྱི་རྒྱལ་པོ་ལས་གསུངས་པའི་དཔལ་དུས་འཁོར་སྐུ་གསུང་ཐུགས་ཡོངས་རྫོགས་ཀྱི་དཀྱིལ་
འཁོར་གཡས་ཕྱོགས་རྣལ་འབྱོར་ཆེན་པོ་ཐབས་ཀྱི་རྒྱུད་གཙོ་བོར་སྟོན་པའི་དཀྱིལ་འཁོར་ནི་
དང་པོར་དཔལ་གསང་བ་འདུས་པ་མི་བསྐྱོད་རྡོ་རྗེ་འཕགས་ལུགས་ཀྱི་དཀྱིལ་འཁོར་ཆེན་
པོ་གཉིས་མ། དེའི་གཡས་ངོས་སྐུའི་རིགས་རྡོ་རྗེ་འཇིགས་བྱེད་སྤྱོད་ལུགས་ལྷ་བཅུ་གསུམ་
པའི་དཀྱིལ་འཁོར། དེའི་གཡས་ནུབ་ཕྱོགས་ཀྱི་ངོས་ལ། མི་བསྐྱོད་པའི་རིགས་གསང་འདུས་
འཇམ་པའི་རྡོ་རྗེ་ཡེ་ཤེས་ཞབས་ལུགས་ལྷ་བཅུ་དགུ་མའི་དཀྱིལ་འཁོར། དེའི་གཡས་ངོས་
རྡོ་རྗེ་འཇིགས་བྱེད་རྭ་ལུགས་ལྷ་བཅུ་གསུམ་མའི་དཀྱིལ་འཁོར། དེའི་གཡས་སུ་དེ་བཞིན་
གཤེགས་པའི་རིགས་གཤིན་རྗེ་གཤེད་དམར་པོ་དཔལ་འཛིན་ལུགས་ལྷ་བཅུ་གསུམ་པའི་
དཀྱིལ་འཁོར། དེའི་གཡས་སྐུའི་རིགས་ཀྱི་ཁྲོ་བོ་གཤིན་རྗེ་གཤེད་འཇམ་དཔལ་ཞལ་དྲུག་
གི་གདོང་དྲུག་ལྷ་བཅུ་གསུམ་མའི་དཀྱིལ་འཁོར། དེའི་གཡས་ཡར་ཁྱུའི་ཆ་ལ་ཕུར་པ་རྩེ་དུམ་
གྱི་རྒྱུད་ལས་བཤད་པའི་རྡོ་རྗེ་རིགས་ཀྱི་ཁྲོ་བོ་དཔལ་རྡོ་རྗེ་གཞོན་ནུའམ་ཕུར་པ་ས་ལུགས་ཀྱི་
དཀྱིལ་འཁོར། གོང་དུ་བཤད་པའི་དུས་ཀྱི་འཁོར་ལོའི་གཡོན་ངོས་ལ་ཤེས་རབ་གཙོ་བོར་
སྟོན་པ་ཧེ་རུ་ཀའི་རིགས་རྣམས་བཞུགས་ཏེ། མ་རྒྱུད་འཁོར་ལོ་བདེ་མཆོག་གི་ཐུན་མོང་མིན་
པའི་བཤད་རྒྱུད་མཁའ་འགྲོ་རྒྱ་མཚོ་ལེའུ་ང་གཅིག་པ། ང་གཅིག་པ་དེ་ཉིད་ལའང་རབ་བྱེད་
ཉི་ཤུ་རྩ་ལྔར་ཕྱེ་བའི་རྒྱུད་ལེའུ་བཅོ་ལྔ་པ་ལས་བྱུང་བའི་དཔལ་མཁའ་འགྲོ་རྒྱ་མཚོ་ཧེ་རུ་ཀ་
ཞལ་བཅུ་བདུན་ཕྱག་བདུན་ཅུ་དོན་དྲུག་པས་གཙོ་བྱས་པའི་དཀྱིལ་འཁོར་རྩ་བའི་ལྷ་བརྒྱ་
22-1-56


དང་བཞི། མགྲོན་ཐབས་བསྐལ་བཟང་སངས་རྒྱས་སྟོང་དང་བཅས་པའི་དཀྱིལ་འཁོར་ཆེན་
པོ་སྒོ་བཞི་སྦྲགས་སྟོན་པ། དེའི་གཡོན་བདེ་མཆོག་གྲུབ་ཆེན་ལོ་ཧི་པའི་ལུགས་ལྷ་དྲུག་ཅུ་རྩ་
གཉིས་ཀྱི་དཀྱིལ་འཁོར། དེའི་གཡོན་ཤར་ཕྱོགས་ཀྱི་ངོས་ལ་བསྡུས་རྒྱུད་དམ་ཐུན་མོང་མ་
ཡིན་པའི་བཤད་རྒྱུད་མཁའ་འགྲོ་མ་རྡོ་རྗེ་གུར་ལས་རིགས་བསྡུས་དང༌། རིགས་རྐྱང་གཉིས་
གསུངས་པའི་རིགས་བསྡུས་མཁའ་འགྲོ་ལྔའི་དཀྱིལ་འཁོར་ས་ལུགས། དེའི་གཡོན་དུ་རྒྱུད་
གུར་བརྟག་གཉིས་ལས་འབྱུང་བ་སྙིང་པོ་ཀྱཻ་རྡོར་ལྷ་དགུ་མ་གྲུབ་ཆེན་བིར་ཝ་པའི་མན་ངག་
ལུགས་སུ་གྲགས་པའི་དཀྱིལ་འཁོར། དེའི་གཡོན་ངོས་སུ་རྣལ་འབྱོར་མའི་རྒྱུད་ཀུན་གྱི་རྩ་
བ་རིགས་དྲུག་མཉམ་པར་སྟོན་པ་སྐུ་དྲུག་ལྷུན་གྲུབ་མཁའ་འགྲོ་མ་སྒྱུ་མ་བདེ་བའི་མཆོག་
སངས་རྒྱས་ཐམས་ཅད་མཉམ་པར་སྦྱོར་བའི་དཀྱིལ་འཁོར། དེའི་གཡོན་དུ་རྣམ་སྣང་གི་
གདན་བཞིའི་རྒྱུད་ལས་གསུངས་པའི་གདན་བཞི་ལྷ་མང་གི་དཀྱིལ་འཁོར་སློབ་དཔོན་བྷ་
ཝ་བྷ་དྲའི་རྒྱ་གཞུང་ལ་བརྟེན། བླ་མ་དམ་པ་གྲགས་པ་རིན་པོ་ཆེ་ཡི་དགོངས་པ་དང་མཐུན་
པར་བཞུགས། དེའི་གཡོན་ངོས་ཡར་ཁྱུའི་ཆར་རྣལ་འབྱོར་བླ་མེད་ཀྱི་རྒྱུད་ཐམས་ཅད་ཀྱི་
བཤད་རྒྱུད། སམ་བྷུ་ཊིའི་བརྟག་པ་གསུམ་པའི་རབ་བྱེད་བཞི་པ་ནས་འབྱུང་བའི་རྡོ་རྗེ་
དབྱིངས་དང་དུར་ཁྲོད་ལ་དགེས་པའི་ཧེ་རུ་ཀ (ཀྱཻ་རྡོར་མཚོན་ཆ་ཅན་གྱི་མིང་གི་རྣམ་གྲངས་)ཧེ་རུ་ཀ་དྲག་
པོ་གདོང་ཅན་གསུམ་གསུངས་པའི་ནང་ཚན་རྡོ་རྗེ་དབྱིངས་ཀྱི་དཀྱིལ་འཁོར་ལྷ་སོ་བདུན་མ་
རྣམས་བཞུགས། དཀྱིལ་འཁོར་ཆེན་པོ་དེ་དག་གི་བར་མཚམས་གཡས་ཕྱོགས་སྟོད་ཀྱི་ཆ་
ལ་གཤེད་དམར་ལྷ་ལྔ་མ་གྲུབ་ཆེན་བིར་ཝ་པའི་ལུགས། གསང་འདུས་སྤྱན་རས་གཟིགས་
ལྷ་དགུ་མ་ཇོ་བོ་ཨ་ཏི་ཤ་ནས་ལྷ་བཙུན་བྱང་ཆུབ་འོད་ཀྱི་ངོར་གནང་བ་ཇོ་བོ་ལུགས་འཇིགས་
བྱེད་རོ་ལངས་བརྒྱད་སྐོར་རྒྱུད་དང་འབྲེལ་བར་བཤད་ཀྱང་དེང་སང་ས་སྐྱ་པའི་ལུགས་སྲོལ་
དུ་གྲགས། དུས་འཁོར་ལས་གསང་འདུས་རིགས་དྲུག་ཏུ་བཤད་པའི་ནང་ཚན་གསང་འདུས་
22-1-57


ལྷ་དགུ་མའི་དཀྱིལ་འཁོར། ཕྱག་རྡོར་འཁོར་ཆེན་ལྷ་ཉེར་ལྔའི་དཀྱིལ་འཁོར་གསང་འདུས་
རིགས་དྲུག་ཏུ་བཤད་པའི་ནང་ཚན་གསང་འདུས་ལྷ་ཉེར་ལྔའི་དཀྱིལ་འཁོར། དུས་འཁོར་
ལས་སྒྱུ་འཕྲུལ་དྲྭ་བ་རིགས་གསུམ་གྱི་ནང་ཚན་སྒྱུ་འཕྲུལ་དྲ་བ་ལྷ་ཞེ་གསུམ་མའི་དཀྱིལ་
འཁོར། འཕྲེང་བར་གསུངས་པའི་བདུད་རྩི་ཧེ་རུ་ཀའི་དཀྱིལ་འཁོར། འཕྲེང་བར་གསུངས་
པའི་བདུད་རྩིའི་དཀྱིལ་འཁོར་རྣམས་དང༌། འོག་སྟར་ལ་ཕྱག་རྡོར་གཏུམ་པོ་ཁྱུང་ལྔ་མ། རས་
ཆུང་བས་གྲུབ་ཆེན་ཝ་ལ་ཙན་དྲ་ལ་ཞུས་བླ་མེད་དུ་བཀྲལ་རས་ཆུང་ལུགས་དགྲ་ནག་ལྷ་བཅུ་
གསུམ་མ་རྭ་ལུགས། རྡོ་རྗེ་ཕྲེང་བ་ལས་བཤད་པའི་སངས་རྒྱས་ཐོད་པ་ལྷ་དགུ་མ། ཕག་མོ་
མངོན་བྱུང་ལས་བཤད་པའི་ཕག་མོ་ལྷ་ཉེར་ལྔའི་དཀྱིལ་འཁོར་བཤད་བརྒྱུད་བདེ་མཆོག་
སྡོམ་འབྱུང་ལས་འབྱུང་བའི་གཙོ་བོ་ཞལ་གསུམ་ཕྱག་དྲུག་ལྷ་བཅུ་མའི་དཀྱིལ་འཁོར། དུས་
འཁོར་ལས་བཤད་པའི་འཇམ་དཔལ་སྒྱུ་འཕྲུལ་དྲ་བའི་ལྷ་ཞེ་ལྔའི་དཀྱིལ་འཁོར། དུས་
འཁོར་ལས་བཤད་པའི་གསང་འདུས་ལྷ་སོ་གཉིས་མའི་དཀྱིལ་འཁོར། དུས་འཁོར་ལས་
བཤད་པའི་གསང་འདུས་ལྷ་བཅུ་གསུམ་མའི་དཀྱིལ་འཁོར། ཕྲེང་བར་གསུང་པའི་བདུད་
རྩིའི་དཀྱིལ་འཁོར། གསུམ་ལས་བདུད་རྩི་ཧཱུྃ་མཛད་ཀྱི་དཀྱིལ་འཁོར། བདེ་མཆོག་རེག་
ཚིག་རྣམས་ཀྱི་དཀྱིལ་འཁོར། གཡོན་ཕྱོགས་སྟོད་ཀྱི་ཆ་ལ་བདེ་མཆོག་ནག་པོ་སྤྱོད་པའི་
ལུགས་ལྷ་དྲུག་ཅུ་རྩ་གཉིས་ཀྱི་དཀྱིལ་འཁོར། མཻ་ཏྲི་ལུགས་བདེ་མཆོག་ལྷ་བཅུ་གསུམ་མའི་
དཀྱིལ་འཁོར། བརྟག་གཉིས་ལས་གསུངས་པའི་སྐུ་ཀྱཻ་རྡོ་རྗེ་ཞལ་གཅིག་ཕྱག་གཉིས་པའི་
དཀྱིལ་འཁོར། གསུང་གི་རྡོ་རྗེ་ཞལ་གསུམ་ཕྱག་དྲུག་པའི་དཀྱིལ་འཁོར་སམ་བྷུ་ཊིའི་བརྟག་
པ་གསུམ་པའི་རབ་བྱེད་དང་པོ་ནི་རབ་ཏུ་བྱེད་པ་དགུ་པ་ལས་གསུངས་པའི་ཀྱཻ་རྡོར་མཚོན་ཆ་
ཅན་ལྷ་བཅུ་བདུན་མའི་དཀྱིལ་འཁོར། སྙིང་པོ་ཀྱཻ་རྡོ་རྗེ་ཞལ་བརྒྱད་ཕྱག་བཅུ་དྲུག་པ་རྩེགས་
གདན་སྟེང་ན་བཞུགས་པ་འགྲེལ་པ་ལུགས་ལྷ་དགུ་མ། སངས་རྒྱས་ཐོད་པའི་རྒྱུད་རང་ལས་
22-1-58


བཤད་པའི་སངས་རྒྱས་ཐོད་པ་ལྷ་ཉེར་ལྔ་མ། འཕྲེང་བ་ནས་བཤད་པའི་ཀུ་རུ་ཀུལླེ་ལྷ་བཅོ་
ལྔ་མའི་དཀྱིལ་འཁོར། རྒྱ་གར་གྱི་པཎ་ཆེན་ལ་བུ་སྟོན་རིན་པོ་ཆེ་ནས་ཞྭ་ལུར་གསན་པའི་བླ་
མེད་ཐུགས་རྗེ་ཆེན་པོ་པདྨ་དྲ་བ་རྣམས་ཀྱི་དཀྱིལ་འཁོར་འོག་སྟར་ལ་བདེ་མཆོག་རྡོ་རྗེ་མཁའ་
འགྲོ། སློབ་དཔོན་དྲིལ་བུ་ལུགས་ལྷ་ལྔའི་དཀྱིལ་འཁོར། རྔོག་ལུགས་མ་ཧཱ་མ་ཡ་ལྷ་ལྔའི་
དཀྱིལ་འཁོར་ཐུགས་ཀྱི་རྡོ་རྗེ། ཞལ་བཞི་ཕྱག་བརྒྱད་པའི་དཀྱིལ་འཁོར་བརྟག་གཉིས་ལས་
གསུངས་པའི་བདག་མེད་ལྷ་མོ་བཅོ་ལྔའི་དཀྱིལ་འཁོར། སྒྲོལ་མ་བླ་མེད་ལྷ་བཅུ་བདུན་མའི་
དཀྱིལ་འཁོར། སམ་བྷུ་ཊིའི་རྟོགས་པ་གསུམ་པའི་རབ་བྱེད་གཉིས་པའམ་རབ་བྱེད་བཅུ་པ་
ལས་གསུངས་པའི་ཡེ་ཤེས་མཁའ་འགྲོ་ལྷ་བཅུ་གསུམ་མ། འཕྲེང་བ་ནས་བཤད་པའི་རྡོ་རྗེ་
སྒྲོལ་མ་ལྷ་གཅིག་མའི་དཀྱིལ་འཁོར། འཕྲེང་བ་ནས་བཤད་པའི་ཧཱུྃ་མཛད་ཁྲོ་བོ་བཅུ་གཅིག་
གི་དཀྱིལ་འཁོར། རྡོ་རྗེ་གུར་ལས་གསུངས་པའི་རྡོ་རྗེ་ནག་པོ་ཆེན་པོའི་དཀྱིལ་འཁོར་སོགས་
ཡོངས་སྡོམས་ལྔ་བཅུ་རྩ་ལྔ་བཞུགས་པའི་གྲྭ་རྣམས་ནས་རང་རང་གི་དབང་བཀའ། བཤད་
བཀའ། མན་ངག་གི་བཀའ་བབས་པའི་བླ་མ་རྒྱུད་པས་བསྐོར་ཞིང་མདོར་ན་གོ་མཚམས་
མེད་པ་ཏིལ་གྱི་གང་བུ་བཞིན་ཡོངས་སུ་གང་བར་གྱུར་ཏོ། །
དེའི་ཕྱི་རོལ་བསྐོར་ལམ་གོང་མའི་གཡས་གཡོན་གྱི་ངོས་ཐམས་ཅད་ལ་བསྐལ་བཟང་
གི་སངས་རྒྱས་སྟོང་ལ་མདོ་སྡེ་བསྐལ་བཟང་ལས་བཤད་པ་ལྟར་རེ་རེ་ལའང་ཡབ་ཡུམ་སྲས་
རིམ་གྲོ་བ། རྫུ་འཕྲུལ་ཅན་སོགས་བཅུ་གསུམ་བཅུ་གསུམ་གྱི་བཀོད་པ་ཕུན་སུམ་ཚོགས་
པ། ནུབ་ཀྱི་གློ་འབུར་གྱི་སྟེང་ལམ་འབྲས་བླ་མ་རྒྱུད་རིམ་འབུར་དོད་དེ་རྣམས་གོང་དཀྱིལ་
ན་ལུ་ཨི་ལུགས་ཀྱི་བདེ་མཆོག་གི་དཀྱིལ་འཁོར་ཆེན་པོ་བློས་བླངས་རྒྱུ་རིན་པོ་ཆེ་ལས་གྲུབ་
པ། སྟེང་ཕྱོགས་ཀྱི་ངོས་ཀྱི་རི་མོ་ལ་གྲུབ་ཐོབ་བརྒྱད་ཅུ་རྩ་བརྒྱད། ས་སྐྱ་འཁོན་གྱི་གདུང་
རྒྱུད་བཟང་རིམ་བྱོན་པ་རྣམས་གདུང་རབས་ཆེན་མོ་དང་མཐུན་པར་བཞུགས། བྱང་ཕྱོགས་
22-1-59


ངོས་ཀྱི་རི་མོ་ལ་པཎ་ཆེན་གྱིས་མུ་སྟེགས་འཕྲོག་བྱེད་ཚར་བཅད་པའི་བཀོད་པ། ལྷོ་ཕྱོགས་
ཀྱི་རི་མོ་ལ་ཆོས་རྒྱལ་འཕགས་པའི་རྣམ་ཐར། མར་ཁྱུའི་བྱང་གི་ཆར་རྣམ་སྲས་ཞི་བ་བདེ་
བྱེད་འཁོར་ལོ་བཅས་ཕོ་བྲང་དབུས་ན་བཞུགས་པ་དང༌། དེའི་གཡོན་ན་མགོན་པོ་ཡབ་ཡུམ་
ལས་མཁན་ལྔ། གཎྜི་ལས་སྤྲུལ་པའི་ཁྲོ་ཚོགས་ཀྱིས་བསྐོར་བ། ཡར་ཁྱུའི་སྒོའི་གཡོན་ལ་
ལྷ་མོ་རུ་འདྲེན་བཞིས་བསྐོར་བའི་གཡོན་དུ་དཀར་མོ་ཉི་ཟླ། བདུད་རྒྱལ་ནག་པོ་ཐོད་པའི་
ཕྲེང་བ་ཅན། དུར་ཁྲོད་བདག་པོ་ཡབ་ཡུམ་རི་མོར་བཞུགས་པ་འདི་ཐམས་ཅད་ཅུང་ནང་ཆེན་
རབ་འབྱོར་བཟང་པོའི་དྲུང་གི་ཐུགས་དམ་དུ་བཞེངས། རབ་གནས་བསམ་ལྡིང་རིན་པོ་ཆེ་
ཆོས་དཔལ་བཟང་པོས་མཛད། དཔལ་ལྡན་བདེ་མཆོག་འཁོར་ལོའི་དཀྱིལ་འཁོར་ནི་རྟེན་
དང་བརྟེན་པ་རིན་པོ་ཆེ་ལས་གྲུབ། མཁའ་སྤྱོད་གནས་ཀྱི་དཀྱིལ་འཁོར་མངོན་སུམ་བཞིན་
གང་འདི་ཉེ་བའི་ཕུན་ཚོགས་བཞི་པ་ཡིན་ཞེས་ཤར་གྱི་འབུར་ཆེན་ཆོས་རྒྱལ་ལྷ་ཁང་གི་སྟེང་
གནས་བརྟན་བཅུ་དྲུག་འབུར་དོད་པར་བཞུགས་པས་གནས་བརྟན་ལྷ་ཁང་ཞེས་པར་ཐོགས། 
གཞན་ཡང་འབུར་དོད་འཇམ་དབྱངས་སྨྲ་བའི་སེང་གེ་གཙོ་འཁོར་ལྔ། སེང་ལྡེང་ནགས་སྒྲོལ་
ལ་འཇིགས་བརྒྱད་ལས་སྐྱོབ་པའི་སྒྲོལ་མ་རྣམས་དང༌། རིགས་བདག་འོད་དཔག་མེད་ཀྱི་སྐུ་
གཟུགས་འབུར་དོད་པར་བཞུགས། སྟེང་ཕྱོགས་ཀྱི་ཆའི་རི་མོ་ལ་ཇོ་བོ་རྗེའི་བྱང་ཆུབ་ལམ་
རིམ་གྱི་བླ་རྒྱུད་རྣམས་དང༌། རྒྱན་དྲུག་མཆོག་གཉིས། མི་འཁྲུགས་པ། འོད་དཔག་མེད། སྲས་
བྱང་ཆུབ་སེམས་དཔའ། སྒོ་སྲུང་རྒྱལ་ཆེན་བཞི་རྣམས་རི་མོར་བཞུགས་སོ། །ཁྱམས་ཆེན་
གྱི་སྟེང་འཁོར་རྣམས་གནམ་གཡབ། བར་བསྐོར་གྱི་ལོགས་དང་བཅས་པ་ལ་སྐུ་གཟུགས་
རི་མོར་བཞུགས་པ་ནི་གཙང་ཁང་ལྷ་ཁང་གི་ཞལ་རས་ལྷ་ཁང་གི་གཡས་ཕྱོགས་ཞལ་ཤར་
གཟིགས་ཀྱི་གདོང་ཆུང་ལ་ཁ་ཆེ་པཎ་ཆེན་ལ་བསྙེན་རྫོགས་སྡོམ་པའི་བླ་མ་རྒྱུད་པས་བསྐོར་
བ། དེའི་གཡས་ཀྱི་གདོང་ཆེན་ལ་སངས་རྒྱས་ལ་མ་ག་དྷ་བཟང་མོའི་རྟོགས་བརྗོད་ཀྱིས་
22-1-60


བསྐོར་བ། དེའི་གཡས་ཕྱོགས་ན་ཐུབ་དབང་ལ་བསྟན་པའི་གཏད་རབས་ཀྱིས་བསྐོར་བ། 
ནུབ་ཀྱི་གུང་ལམ་འབྲས་ལྷ་ཁང་གི་སྒོའི་གཡོན་ངོས་ལ་ཐུབ་དབང་ལ་དཔག་བསམ་འཁྲི་
ཤིང་ལས་བྱུང་བའི་སྤྲིན་བཞོན་རྟོགས་བརྗོད། སྒོ་གོང་ན་མདོ་མཛངས་བླུན་ལས་འབྱུང་བའི་
གསེར་གྱི་འབུམ་པའི་རྟོགས་བརྗོད། ལྷ་ཁང་གི་སྒོའི་གཡས་ངོས་ལ་ཐུབ་དབང་ལ་གཞོན་
ནུ་ཀུ་ན་ལའི་རྟོགས་བརྗོད། དེའི་གཡས་ཕྱོགས་སུ་ད་ལྟར་གྱི་སངས་རྒྱས་ལ་རྟག་ཏུ་ངུ་ཤེར་
ཕྱིན་ཚོལ་བ་བྱང་ཆུབ་སེམས་དཔའ་ཆོས་འཕགས་ལས་ཐོབ་སོགས་ཀྱི་བཀོད་པ། ཞལ་རས་
ལྷ་ཁང་གི་གཡོན་ནུབ་ཏུ་ཕྱོགས་པའི་གདོང་ཆུང་ལ་ཇོ་བོ་ཨ་ཏི་ཤ་ཡབ་སྲས་ལ་བློ་སྦྱོང་རྒྱུད་
པའི་བླ་མ་རྣམས་ཀྱིས་བསྐོར་བ། དེའི་གཡོན་གྱི་གདོང་ཆེན་ལ་ཐུབ་དབང་ལ་ཆོ་འཕྲུལ་ཚེས་
གཅིག་ནས་བཅོ་ལྔའི་བར་བསྟན། མུ་སྟེགས་བཏུལ་བ་མཛངས་བླུན་དང་མཐུན་པའི་བཀོད་
པས་བསྐོར་བ། དེའི་གཡོན་ཕྱོགས་ན་ཐུབ་དབང་བྱང་སེམས་སྡོམ་རྒྱུད་བླ་མས་བསྐོར་བ། 
ཤར་གུང་གནས་བརྟན་ལྷ་ཁང་གི་སྒོའི་གཡས་ཕྱོགས་ལ་ཐུབ་དབང་ལ་རྒྱལ་པོ་དཔལ་སྡེའི་
རྟོགས་བརྗོད་ཀྱིས་བསྐོར་བ། སྟོན་པ་ཐུབ་དབང་ལ་རྒྱལ་བྱེད་ཚལ་ཡོངས་སུ་བཟུང་བའི་
གཏམ་འདུལ་ལུང་ནས་འབྱུང་བ་ལྟར་བཀོད་པ། 
དེའི་འོག་ཙམ་ན་སྔོན་ཁྲི་རལ་པ་ཅན་གྱིས་བྱེ་མདའ་ལྷ་ཁང་བཞེངས་པའི་ཞལ་བཀོད་པ་
རྒྱ་འཇམ་པའི་གསང་བ་ཡིན་ཟེར་བ་འདུག །བྱེ་མདའ་འདིར་འབྲེ་ཆེན་པོ་ཤེས་རབ་འབར་
གྱིས་ཆོས་འཁོར་སྐོར་བའི་མཐིལ་རང་ཡིན་ནོ། །
ཡང་འབྲེ་ཆེན་པོ་ཤེས་རབ་འབར་གྱིས་མྱང་སྟོད་བྱེ་མདར་ཆོས་ཀྱི་འཁོར་ལོ་རྒྱ་ཆེན་པོ་
སྐོར་དུས་སྔགས་འཆང་རིན་ཆེན་འབྱུང་གནས་དེས་ཤངས་ཀྱི་གད་ཕུར་དུ་ཡང་ཕུར་སོགས་
ཆོས་བཀའ་མང་དུ་གསན་དུ་བྱོན། དེའི་ཕྱག་ཕྱིར་ཇོ་མོ་ཆུང་བའི་སྲས་དཀོན་མཆོག་མཁར་
མཆེད་གསུམ་པོ་འབྲེ་ཤེས་རབ་འབར་ལ་རབ་ཏུ་བྱུང༌། ལྷག་པར་དཀོན་མཆོག་མཁར་པ་ལ་
22-1-61


བུམ་པ་གང་བྱོའི་སློབ་མའི་མཆོག་ཡིན་ནོ། །སྔོན་གྱི་དགེ་བཤེས་མང་པོས་འཆད་ཉན་མཛད་
པ། བྱེ་མདར་གྲགས་པ། རྭ་ལོས་བྱེ་མདའ་པ་ལ་མདོ་སྡེ་སྣ་གྲངས་པུ་ཏི་བརྒྱ་དང་སྒྲོན་ཟན་
རྒྱུན་གྱི་ཆ་རྐྱེན་ཁལ་ཁྲི་ཚོ་གསུམ་སྦྱར་རོ། །བྱེ་མདར་ཇོ་བོ་ཨ་ཏི་ཤ་བྱོན་པའི་ལམ་ཁར་རྒྱ་
བརྩོན་སེང་གེ་ཡུལ་ཕུམ་བུ་རི་བགྱི་བ་ཕ་གི་ལགས་སོ་བགྱིས་པས་སློབ་མའི་ཡུལ་དུ་སླེབས་
པས་སློབ་མ་མེད་པ་གསུངས་ནས་སྤྱན་ཆབ་འབྱུང་ངོ་ཞེས་བྱེ་མདའ་ཡང་ཇོ་བོ་ཨ་ཏི་ཤ་
ཕེབས་པ་དང་ངེས་ཅན་ཡིན་ནོ། །
ལས་སྟོད་དཀོན་མཆོག་མཁར་གྱིས་ལྷ་ཁང་གསོས། བྱེ་མདར་ཉ་མས་ལྷ་ཁང་བཞེངས་
ནས་ཕུལ། ལྕགས་རི་མཛད་འདིར་སྡོད་པ་དགའ་གསུངས་ནས་ཤོང་མགུར་བཏབ། དེར་
ཡོལ་སྐུ་མཆེད་གསུམ་གར་གྱིས་བཞུགས་སོ། །འབྲེ་ཆེན་པོས་ཀྱང་གཙོ་ཆེར་ཤོང་མགུར་
རང་དུ་བཞུགས་སོ། །ཕྱིས་ཡོལ་ཐོག་འབེབས་ཀྱིས་བྱེ་མདའ་དགེ་རྒྱས་བཞེངས། གནས་
རྙིང་མཁན་པོ་སངས་རྒྱས་རིན་ཆེན་པས་བྱེ་མདའ་ལྷ་ཁང་གསར་འཆོར་བར་བཞེངས། དེའི་
གདན་ས་མཁན་པོ་བཟང་བཟང་པདྨ་རིན་ཆེན་བས་བྱེ་མདར་ཁྱམས་མཆོད་བཞེངས། དེང་
སང་གཙུག་ལག་ཁང་གི་ཤུལ་དང༌། བྱེ་མདའ་སྔགས་པ་ཞེས་ཟེར་བའི་ལྕེ་དམར་གྱི་རྒྱུད་
སྔགས་པ་གཅིག་ཡོད། 
ཤེལ་དཀར་རྒྱལ་རྩེའི་ལྷོ་ནུབ་ཀྱི་ཕྱོགས་ལུང་ནག་ཞེས་པའི་ས་ཡུལ་ན་ཞང་སྐྱེ་མེད་དམ་
སྐྱེ་མེད་ཇོ་གདན་དུ་གྲགས་པ་ནི་སྐམ་ཡེ་ཤེས་རྒྱལ་མཚན་དང་དེའི་བླ་མ་ཆགས་བྲག་དམར་
བ་གཉིས་ཀའི་སློབ་རྒྱུན་ལ་སྐྱེ་མེད་ཞང་བྱོན། ཁོང་དམ་ཆོས་སྡུག་བསྔལ་ཞི་བྱེད་ལ་ཤིན་ཏུ་
མཁས་ཤིང་ཐུགས་སུ་ཆུད། སྙན་རྒྱུད་བཞི་ཚོ་དགུའི་གདམས་པ་ལ་ཡིག་ཆ་མཛད་པ་སོགས་
ཁྱད་པར་ཅན་གྱི་སྐྱེ་བོ་དམ་པ་སྐྱེ་མེད་ཞང་གི་སྤུར་རིལ་པོར་བཞུགས་པའི་ས་འབུམ་ཡོད། 
མ་གཅིག་གི་དགོན་པ་ཁམས་ཆེན་གཅིག་ཀྱང་ཡོད། མྱང་ཆུ་ནུབ་ཕྱོགས་རྒྱང་རོའི་ས་ཁུལ་དུ་
22-1-62


གཏོགས་ཙམ་ཐག་རིང་པོ་ན་རྒོད་ཚང་པའི་སྒྲུབ་ཚུགས་རང་དང་མཉམ་པའི་བ་རི་སྤྱི་དཀར་
བས་བཏབ་པའི་འགོས་ཡུལ་འབྲི་མཚམས་ཀྱི་དགོན་པ་དང༌། ཁོང་རང་གི་སྐུ་འདྲའི་སྐུ་ལ་
རྡུལ་མི་ཆགས་པ་ཡོད། མྱང་སྟོད་རྒྱང་རོའི་ཐག་རིང་སར་གཙུག་ལག་ཁང་གཅིག་ན་ཀླུ་ཡུལ་
ནས་སྤྱན་དྲངས་པ་ཡིན་ཟེར་བའི་འབུམ་གཅིག་བཞུགས། དེའི་འོག་ཙམ་ན་བསྟན་པ་སྔ་དར་
གྱི་སྐབས་རྒྱལ་པོ་སྲོང་བཙན་སྒམ་པོས་བཏབ་པའི་རྒྱང་བུའི་ལྷ་ཁང་ཐོག་སྔ་ལ་བྱིན་རླབས་
ཆེའོ། །
ཕྱིས་སུ་རྒྱང་རོ་སྤེའུ་དམར་གྱི་རྐྱང་[རྒྱང་]བུ་ཆོས་བློ་ལོ་ཆེན་རིན་ཆེན་བཟང་པོས་ཁ་
ཆེ་ནས་ལན་གྲངས་དང་པོ་འཁོར་ནས་རིང་པོར་མ་སོང་བ་དང་མཇལ་ནས་ལོ་ཆེན་རིན་
ཆེན་བཟང་པོ་ལ་རྡོ་རྗེ་འབྱུང་བའི་དབང་བཀའ་ཤྲདྡྷཱ་ཀ་ར་ནས་བརྒྱུད་པ་དེ་ཉིད་བསྡུས་
པའི་འགྲེལ་པ་ཀོ་ས་ལའི་རྒྱན་བཏགས་པ་གསན། དཔལ་མཆོག་ཧོར་ཀོང་ཅན་ཕྲེང་ཆད་
མ་བསབས་པ་དེའི་དབང་བཀའ་ལུང་བཀའ་མཐའ་དག་གི་ལག་ལེན་དོལ་པོ་སྒོམ་ཆེན་ལ་
ཞུས། བཤད་པ་ལོ་ཆུང་ལེགས་ཤེ་ལ་ཞུས། ཕྱིས་སུ་ལོ་ཆེན་རིན་བཟང་གིས་ཁ་ཆེ་ནས་ལན་
གྲངས་གཉིས་པ་འཁོར་ནས་མཇལ་ཏེ་དཔལ་མཆོག་གིས་ཕྲེང་ཆད་པ་བསབས་པ་གསན་ནོ། །
དགེ་བཤེས་རྐྱང་[རྒྱང་]བུ་ཆོས་བློས་བཞེངས་པའི་མྱང་སྟོད་ཀྱི་རྒྱང་རོ་སྤེའུ་དམར་གྱི་དགོན་
པ་རྐྱང་[རྒྱང་]བུ་ཟེར་བའི་གཙུག་ལག་ཁང་འདིར་ཡོ་ག་དང་གསང་འདུས་ཡེ་ཤེས་ཞབས་
ལུགས་ཀྱི་བཤད་གྲྭ་རྐྱང་[རྒྱང་]བུ་ཡང་མྱང་སྟོད་རྒྱང་རོ་སྤེའུ་དམར་གྱི་མཁས་པ་རྐྱང་[རྒྱང་]
བུ་ཆོས་བློར་གྲགས་པ་དེའི་འཁྲུངས་ཡུལ་ཀྱང་རྐྱང་[རྒྱང་]བུའི་ཉེ་འགྲམ་གྱི་གྲོང་ཁ་ཤས་སྤེའུ་
དམར་ཟེར་བ་དེ་ཡིན་ནོ། །
རྣལ་འབྱོར་རྒྱུད་ལ་བཀའ་དྲིན་ཤིན་ཏུ་ཆེ་བའི་ཟངས་དཀར་འཕགས་པ་ཤེས་རབ་ཀྱིས་
ལོ་ཆུང་ལེགས་ཤེ། ཟུར་ཆོས་པ་ཨན་སྟོན། པཎྜི་ཏ་གཞོན་ནུ་བུམ་པ། ཛྙཱ་ན་ཤྲཱི་སོགས་བསྟེན་
22-1-63


ནས་མཁས་པར་གྱུར་ནས་ཟངས་དཀར་གྱི་རྩེ་མོ་ལ་འགྲེལ་པ་མཛད་པ་དང་པཎྜི་ཏ་ཐུགས་
རྗེ་ཆེན་པོ་དང་ཟངས་དཀར་གྱི་སྨད་འགྲེལ་དུམ་བུ་གསུམ་པ་བསྒྱུར་བ་ཡང་མྱང་སྟོད་རྒྱང་
རོའི་སྤེའུ་དམར་གྱི་དགོན་པ་རྐྱང་[རྒྱང་]བུ་ཡིན་ནོ། །
རྒྱ་གར་པཎ་ཆེན་གཞོན་ནུ་བུམ་པ་དང་པཎྜི་ཏ་ཐུགས་རྗེ་ཆེན་པོ་བཞུགས་པའི་མཐིལ་
ཡང་རྐྱང་[རྒྱང་]བུ་ཡིན་ཞིང༌། དེ་ཉིད་འདུས་པའི་སྟོད་འགྲེལ་ནི་སྔོན་དུ་ལོ་ཆེན་རིན་ཆེན་
བཟང་གིས་བསྒྱུར་ཟིན་ན། དེ་ཉིད་འདུས་པའི་སྨད་འགྲེལ་ནི་པཎྜི་ཏ་བལ་པོ་ཐུགས་རྗེ་ཆེན་
པོ་དང་ཟངས་དཀར་ལོ་ཙཱས་མྱང་རོའི་སའི་ཆ་དགོན་གནས་གཡེ་ཐང་ཞེས་བྱ་བར་ཇོ་སྲས་
ལྕེའི་འབར་གྱི་ཡོན་བདག་བྱས་ནས་བསྒྱུར་རོ། །དེ་ཉིད་འདུས་པའི་འགྲེལ་པ་འདི་ཉིད་སྣང་
བ་ཀུན་སྙིང་གིས་མཛད་པ་དེ་ཡིན། ཤོ་ལོ་ཀ་སྟོང་ཕྲག་བཅོ་བརྒྱད་ཡོད་པའི་འགྱུར་བྱང་དུ་འོ་
མའི་རྒྱ་མཚོ་ལྟ་བུའི་མྱང་རོ་གཡུ་ཁམས་ཀྱི་པདྨའི་སྙིང་པོ་ལྟ་བུའི་དགོན་གནས་གཡར་[གཡེ་]
ཐང་དུ་མགོན་པོ་བྱམས་པ་ལྟ་བུའི་མཁས་པ་ཐུགས་རྗེ་ལ་ཚངས་པའི་རྒྱལ་པོ་ལྟ་བུའི་ལྷ་རྗེས་
གསོལ་བཏབ་ནས་ཚོང་དཔོན་ནོར་བཟང་བཞིན་དུ་དགའ་བས་བསྒྱུར་བ་ལགས་ཞེས་དང༌། 
ར་ལོས་(ཡོ་ག་ལ་མཁས་པ་མི་གསུམ་གྱིས་ཡོ་ག་དེ་ཉིད་འདུས་པ་ལ་འགྲེལ་པ་རྩིས་པ་ནི་དེ་ཉིད་གནང་བ་ཨ་ཝ་ར་ར། ཀོ་ས་
ལའི་རྒྱན་ནོ།) ཐུགས་རྗེ་ཆེན་པོ་རྒྱ་གར་ལ་ཐེགས་ཁར་གསེར་སྲང་སྟོང་འབུལ་ས་ཡང་རྐྱང་བུ་
ཡིན། ཙན་དན་དཀར་པོ་ལས་གྲུབ་པའི་ཟ་མ་ཏོག་དེའི་ནང་ན་ཟངས་དཀར་ལོ་ཙཱའི་ཐུགས་
བཞུགས། བྱང་སེམས་ཟླ་རྒྱལ་གྱི་སློབ་མ་གྲུབ་ཐོབ་ཉི་ཕུགས་པས་ཟངས་དཀར་ལོ་ཙཱ་ཅན་
དུ་བདེ་མཆོག་དང༌། རྣམ་སྲས་སོགས་ལོ་དྲུག་བཞུགས་ནས་ཆོས་རྒྱ་ཆེ་གསན་པ་ཡང་རྒྱང་
རོ་སྤེའུ་དམར་གྱི་དགོན་པ་རྐྱང་[རྒྱང་]བུ་ཡིན་ནོ། །ཁ་ཆེ་པཎ་ཆེན་ཤཱཀྱ་ཤྲཱིའི་རྒྱལ་སྲས་ལམ་
རིམ་བསྡུས་པ་ཆུང་ངུ་གཅིག་དགེ་བཤེས་རྐྱང་པོས་[རྒྱང་]ལྷ་ཁང་དེར་བརྩམས་སོ། །
སྣར་སླས་མོ་ཆེར་འདི་རྒྱས་པར་བརྩམས་སོ། །རྐྱང་བུ་ཟེར་བའི་གཙུག་ལག་ཁང་དུ་
22-1-64


གྲུབ་ཆེན་ཀུན་དགའ་བློ་གྲོས་ཀྱིས་ཀྱང་བཞུགས་པ་མཛད། ཉམས་རྟོགས་དཔག་ཏུ་མེད་པ་
གནས་དེར་འཁྲུངས་ཤིང༌། །སྒྲུབ་པའི་རྒྱལ་མཚན་འཛུགས་པ་ལ། །ཁྱེད་མཁའ་འགྲོ་ཆོས་
སྐྱོང་དགྱེས་པར་མཛོད། ཁྱེད་དགོངས་པ་ཅན་ཀུན་དགྱེས་པར་མཛོད། །ཐམས་ཅད་དགྱེས་
པའི་ངང་ཉིད་ནས། །བསམ་པའི་དོན་ཀུན་འགྲུབ་པར་ཤོག །ཅེས་དགྱེས་མཛད་བསམ་དོན་
འགྲུབ་པའི་མགུར་འདི་ལོ་པཎ་མཁས་གྲུབ་དུ་མས་བྱིན་གྱིས་བརླབས་པའི་གནས་མཆོག་
རྐྱང་[རྒྱང་]བུ་ལྷ་ཁང་དུ་མཚམས་དམ་པོར་བཞུགས་པའི་ཚེ་སྨྲས་པ་དགེ་ལེགས་སུ་གྱུར་
ཅིག་གསུངས་སོ། །བཙན་པོ་སད་ན་ལེགས་མཇིང་ཡོན་གྱི་བློན་པོ་དཔྱལ་པ་གཡུ་སྒྲ་དཔལ་
ལེགས་ཀྱིས་རྒྱང་རོར་བྱོན། རྐྱང་ཆུའི་སྨན་ཆུར་སྐུ་མཁར་བཏབ་ནས་བཞུགས། སྲས་ཆུང་
བཟང་དཔལ་དཀར་པོ། དཔལ་ལེགས་འཕེན་ནག་པོ། འཕེན་ལེགས་རྩེགས་གྲ་བོ་གསུམ་
ཡང་འདིར་འཁྲུངས། རྒྱལ་པོ་སད་ན་ལེགས་མཇིང་ཡོན་ཀྱང་སྐུ་མཁར་འདིར་སྤྱན་དྲངས་
ནས་རྒྱལ་པོས་སྲས་གསུམ་ལ་གོས་དཀར་ནག་ཁྲ་གསུམ་ལ་བརྟེན་པའི་ལུང་བསྟན་མཛད་
པས་དཔྱལ་པའི་ཆོས་དང་འཇིག་རྟེན་གྱི་མཛད་སྲོལ་བཟང་པོའི་ལུང་བསྟན་པ་ཡུལ་འདི་རུ་
ཐོབ་བོ། །
དེའི་འོག་ཙམ་ན་འབྲས་ཁུང་ཟེར་བའི་གཙུག་ལག་ཁང་ཡོད། དེའི་འོག་ཙམ་ན་རྒྱ་
གནས་ཟེར་བའི་གཙུག་ལག་ཁང་ཡོད། དེའི་འོག་ཙམ་ན་ཁ་ཆེ་པཎ་ཆེན་ཤཱཀྱ་ཤྲཱིའི་སྐུ་གོང་
མ་ལྷ་རྗེ་ཆོས་བྱང་གིས་བཞེངས་པའི་གཙུག་ལག་ཁང་ཡོད་པའི་རྒྱུ་མཚན་ལོ་རྒྱུས་ནི་གངས་
ཅན་གྱི་ལྗོངས་འདིར་མྱང་སྟོད་རིག་པའི་འབྱུང་གནས་སུ་གྲགས་པའི་ཆ་རྒྱང་རོ་གཡེ་དམར་
ཞེས་བྱ་བར་ཁ་ཆེ་པཎ་ཆེན་ལྷ་རྗེ་ཆོས་བྱང་ཞེས་བྱ་བར་སྐུ་སྐྱེ་བ་ཞེས་བྱ་སྟེ་དེའི་ཚེ་ལའང་
མདོ་སྔགས་བསྡུས་པའི་ཡོན་ཏན་གྱི་རྒྱ་མཚོར་བསྟན་ལ་བསྟན་པ་རིམ་དུ་གནས་པའི་གཞིར་
དགོངས་ནས་ཕུན་སུམ་ཚོགས་པའི་ལྷ་ཁང་བཞེངས་ཤིང༌། གསུང་རབ་མང་དུ་བཞེངས་པ་
22-1-65


ལ་སོགས་པའི་སྒོ་ནས་ཕན་པ་རྒྱ་ཆེན་པོ་མཛད་དེ། ཁྱོད་སྔོན་ཆོས་བྱང་འོད་སྟོང་ཅན་དུ་གྱུར། །
རྒྱང་རོར་ལྷག་བསམ་འོད་ཟེར་རབ་བཀྱེ་ནས། །གཙུག་ལག་དམ་པའི་ཆོས་རྒྱ་རབ་རྒྱས་ཏེ། །
གདུལ་བྱ་བུང་བ་ཚིམས་པར་མཛད་ལ་འདུད། །ལྷ་རྗེ་ཆོས་བྱང་གི་སྐྱེ་བ་རྟིང་མ་ཁ་ཆེ་པཎ་
ཆེན་ཤཱཀྱ་ཤྲཱི་ཡིན། དེ་སངས་རྒྱས་བདུན་པ་རབ་གསལ་ཡིན་ཏེ་ཁྲོ་ལོས། བདེ་ལེགས་འབྱུང་
གནས་བསྟན་པ་རིན་ཆེན་སྒྲོན། །བསྐལ་བཟང་སངས་རྒྱས་སྟོང་གི་མདུན་སར་གྲགས། །ས་
ཆེན་སྟེང་ན་འགྲན་གྱི་ཟླ་མེད་པ། །ཤཱཀྱའི་མཚན་ཅན་བླ་མའི་ཞབས་ལ་འདུད། །ཅེས་ཁ་ཆེ་
པཎ་ཆེན་ཚུར་བོད་དུ་ཕེབས་སྐབས་རྒྱང་རོ་ལུང་པར་ཕེབས་པ་དང༌། ལུང་པ་འདི་ན་ངའི་སྐྱེ་
བ་སྔ་མས་ལྷ་ཁང་མཎྜལ་ཙམ་ཞིག་བཞེངས་པ་ཡོད། དེ་ཙ་ན་སྐྱེ་བོ་རྣམས་དད་པ་ལྷག་པར་
ཆེ་ཞིང་འབྲི་ཀློག་ཉན་བཤད་ཀྱང་དར་ན་དེང་སང་པཎྜི་ཏ་འོངས་པ་ལ་བསོད་སྙོམས་འབུལ་
ཞིང་ངའི་ཐད་དུ་འོང་པར་རིགས་ན་དད་པ་ཉམས་པར་འགྱུར་བ་ཞིག་གྱིས་ཞེས་གསུངས་སོ། །
ཐམས་ཅད་བསྙེལ་གསོས་ཏེ་རྒྱང་རོ་ཡུལ་སྟོད་སྨད་ཀྱིས་སྣ་བྱས། ཐམས་ཅད་ཀྱིས་ཆོས་
འབྲེལ་ཞུས། །རྒྱང་རོ་གྲུའི་ལྷ་ཆེན་རྡོ་རྗེ་སེམས་དཔའི་རབ་གནས་མཛད་དེ་སྲིན་ལག་ལས་
བདུད་རྩི་འཛགས་པར་གྲགས་སོ། །
དེའི་འོག་ན་ཁྲོ་ལོ་བྱམས་པའི་དཔལ་གྱིས་ཁ་ཆེ་པཎ་ཆེན་སྤྱན་འདྲེན་གྱི་ཕྱིར་ལམ་དུ་
བཞུད་དུས། རྒྱང་རོ་གུད་ཆུང་ན་དགེ་བཤེས་རྒྱ་བྱ་བ་བླ་མ་ཞང་གི་དངོས་སློབ་ལ་ཞང་གིས་
ཆོས་བསྐོར་ཞུས་ཤིང་དོན་འགྲུབ་པའི་ལུང་བསྟན་ནོ། །དོ་ཆེན་དང་དོ་ཆུང་གཉིས་སུ་གྲགས་
པའི་གནས་གཞིའི་ཤུལ་ཡོད་པ་དེ་ཁྲོ་ལོ་ཕར་བྱོན་དུས་བཞེངས་སོ། །དེའི་འོག་ན་རྙིང་མའི་
གནས་གཞི་ཡིན་ཟེར་བའི་མན་ལུང་ཟེར་བའི་གཙུག་ལག་ཁང་ཞིག་ཡོད། དེའི་འོག་ན་
ཞོ་ནང་གི་གཙུག་ལག་ཁང༌། དེའི་འོག་ན་གཞོན་ནུ་འོད་ནི་སུམ་པ་སྐྱིལ་མཁར་བའི་གྲྭ་པ། 
འདུལ་བྱུང་དཀར་མོ་ལ་བསྙེན་རྫོགས་མཁན་པོ་ཞུས། གཙང་ནག་པ་ཡང་བླ་མར་བསྟེན། 
22-1-66


ཁ་ཆེ་པཎ་ཆེན་སླས་མོ་ཆེར་མཇལ། གཙང་བ་སར་རྦོས་རྣམས་བསྟེན། གསང་འདུས་ཀྱི་
རྒྱུད་ཀྱང་མན་ངག་ཏུ་འདྲིལ་ནས་གནང་བའི་བླ་མ་ཐང་སེ་བ་འཕགས་པ་སྐྱབས་ཡིན། སེར་
སྡིངས་པ་གཞོན་ནུ་འོད་ཀྱིས་སེར་བུ་དབེན་ཚར་བཞུགས་ཏེ་རྒྱང་རོ་སེར་སྡིངས་བཏབ་ནས་
རྒྱུད་མན་ངག་བཤད་དོ། །
རྒྱང་རོ་སེར་སྡིངས་ཀྱི་གནས་གཞི་འདིར་སེར་སྡིངས་པ་གཞོན་ནུ་འོད། དེ་རྗེས་དེའི་
སྲས་སུ་བརྫུས་ཀྱང་ཟེར། སྲས་དོན་པོ་ཡིན་ཡང་ཟེར། སེར་སྡིངས་བཏབ་ནས་ལོ་དགུ་
སོང་བ་ན་སློབ་མ་མགར་གྲགས་པ་དབང་ཕྱུག་གི་སྲིང་མོ་ལ་སྲས་བསྐྲུན་པའི་ཆོ་ག་མཛད་
ནས་ཀུན་མཁྱེན་ཆོས་སྐུ་འོད་ཟེར་བྱུང་ཡང་ཟེར་གང་ལྟར་ན་ཁ་ཆེ་པཎ་ཆེན་གྱི་སྐྱེ་བ་ཀུན་
མཁྱེན་ཆོས་སྐུ་འོད་ཟེར་མཚན་འདོགས་མཁན་བླ་མ་འཕགས་པ་ཡིན་ཀྱང་ཟེར་མཁན་ཡོད་
པ་སོགས་གསང་འདུས་ཀྱི་རྒྱུད་མན་ངག་ཐམས་ཅད་ཀྱི་འབྱུང་གནས་གཅིག་པུར་གྱུར་པ། 
རྒྱང་རོ་སེར་སྡིངས་པ། འདིར་བྱོན་པ་ཡིན་ལ་དེའི་ལོ་རྒྱུས་ཙམ་སྨོས་ན་ཁ་ཆེ་པཎྜི་ཏ་ཤཱཀྱ་
ཤྲཱི་བྷ་དྲས་རྒྱ་གར་ནས་རྒྱང་རོ་ན་མར་བྱོན་དུས་སེར་ལྡིངས་ཀྱི་རི་ནང་པདྨ་ཁ་ཕྱེ་བ་ལྟ་བུ་ལ་
གཟིགས་ནས་མ་འོངས་པ་ན་འདིར་ངས་སྐྱེ་བོ་རྣམས་ལ་ལམ་སྟོན་པ་འགྱུར་རོ། །ཞེས་ཞལ་
གྱིས་བཞེས་པ་བཞིན་རྒྱང་རོ་སེར་སྡིངས་ཞེས་བྱ་བར། སེར་སྡིངས་པ་གཞོན་ནུ་འོད་ཟེར་
ཞེས་བྱ་བ་ཡོན་ཏན་རྒྱ་མཚོའི་ཕ་རོལ་ཏུ་སོན་པ་ཞིག་སྲས་སུ་འཁྲུངས་ཚུལ་འོག་ཏུ་བཤད་པ་
ལྟར་ཡིན། དགུང་ལོ་བཅུ་གསུམ་པ་ལ་གནས་རྙིང་མཁན་པོ་ཆོས་རྗེ་རིན་ཆེན་དཔལ་དྲུང་དུ་
རབ་ཏུ་བྱུང༌། མཚན་ཆོས་སྐུ་འོད་ཟེར་དུ་གསོལ། དེའི་ཚེ་བར་སྣང་དུ་འཇའ་འོད་མེ་ཏོག་དང་
བཅས་ནས་རྗེ་བཙུན་མ་སྒྲོལ་མ་བྱོན་ཏེ་ཨེ་མ་ཧོ། བདེ་ལེགས་སུ་གྱུར་ཅིག བསྐལ་བཟང་
བདུན་པ་འཇིག་རྟེན་དུ། །ཁ་ཆེ་པཎ་ཆེན་ཤཱཀྱ་ཤྲཱི། །འདི་ན་ཆོས་སྐུ་འོད་ཟེར་འགྱེད། །ཅེས་
གསུངས་ཏེ་མི་སྣང་བར་གྱུར་ཏོ། །
22-1-67


དེ་རྗེས་འདུལ་འབྱུང་རྐྱང་འདུར་དུ་ཆོས་རྗེ་འཇམ་དབྱངས་གསར་མ་ལ་གཏུགས། 
གཤེད་དམར་གྱི་དབང་ཞུ་དུས་བླ་མ་གཤེད་དམར་དུ་གཟིགས། དབུ་ཚད་བྱམས་པའི་ཆོས་
ལྔ། དུས་འཁོར་འབྲོ་ལུགས་རྒྱུད་འགྲེལ་མན་ངག་དང་བཅས་པ་གསན་ནས་མཛད་པ་མཛད་
པས་ཀུན་ཧ་ལས་ཞིང༌། ཆོས་རྗེ་པས་རང་བརྒྱུད་པར་མི་འདུག་གསུངས་ནས་ཤིན་ཏུ་མཉེས་
ཏེ་འཆད་པར་གྱུར་ན་ཐུབ་པའི་དབང་པོ་བཞིན། །རྩོད་ན་འཇམ་པའི་དབྱངས་ཀྱང་འདར་བ་
འདྲ། །རྩོམ་ལ་ཀུན་གསལ་ཀུན་མཁྱེན་ཆགས་ཐོགས་མེད། །མཁས་པའི་བྱ་བ་གསུམ་ལ་
མཁས་པས་བསྔགས། ཞེས་དེའི་ཚེ་ཀུན་མཁྱེན་དུ་གྲགས་སོ། །
ས་པཎ་ལའང་ཀྱཻ་རྡོ་རྗེའི་སྐོར་སོགས་མང་དུ་གསན། ཆོས་རྒྱལ་འཕགས་པ་ལ་ཕར་ཆོས་
གསུངས་པ་དང་ཉན་པ་དང༌། ཆག་ལོ། ལོ་རས། རྒ་ལོ་སོགས་ལ་ཆོས་ཞུས། ལྷ་སའི་ཇོ་བོའི་
གསུང་དངོས་སུ་བྱོན་ནས་ལྷས་བསྐོར་རྒྱལ་བས་བཀའ་བསྩལ་པ། ཁྱོད་ཀྱི་དང་པོ་བསམ་པ་
ན། །བརྩོན་པས་བསྒྲུབས་ན་ལུས་འདི་ཡི། །སངས་རྒྱས་མཆོག་ཐོག་འགྱུར་བ་ལ། །བརྩོན་
པ་དར་བ་མ་ལེགས་སོ། །སླར་ཡང་སྦྱིན་བསྲེག་བརྒྱ་རྩ་བརྒྱད། སྐྱེ་བོ་མང་པོ་ཚོགས་པར་སྐུ་
བཞེངས་པ་གསང་སྔགས་ཀྱི་གཞུང་མང་པོ་བཤེས་གཉེན་བཟང་ལ་ལུང་ཐོབ་བྱ། །མི་རྣམས་
ཀྱིས་ནི་མགོན་སྐྱབས་བྱ། །དེ་ལྟར་བྱས་ན་ལས་གྲིབ་སེལ། །འཇིག་རྟེན་གསུམ་གྱི་མགོན་
པོ་དང༌། །འགྲོ་བའི་ཡིད་བཞིན་ནོར་བུར་གྱུར། །གསུངས་པ་ལྟར་སེར་སྡིངས་སུ་སྦྱིན་བསྲེག་
བརྒྱ་ཚར། དགེ་སྡིང་དུ་གཙུག་ལག་ཁང་གི་འགྲམ་བཏིང༌། ཇོ་བོ་ཤཱཀྱའི་སྐུ་འཇམ་པའི་རྩ་
རྒྱུད་བཞིན་གཙོ་བོའི་ལྷ་ཚོགས་དང་བཅས་བཞེངས། སློབ་མ་བཙས་པའི་བུ་བཞི་ནི། །ཆེ་བ་
ཐུགས་རྗེ་བརྩོན་འགྲུས་དང༌། །ཆུང་བ་ཡོན་ཏན་རྒྱ་མཚོ་གཉིས། །བར་བ་རིན་ཆེན་གངས་པ་
དང༌། །བློ་ལྡན་སེང་གེ་བཞི་རུ་ཡོད། །ཆེན་པོའི་སློབ་མ་བསམ་མི་ཁྱབ། །ཅེས་མཁས་གྲུབ་
དེ་རྣམས་དགོན་གནས་སེར་སྡིངས་ན་ཀུན་མཁྱེན་ཆོས་སྐུའི་ལྗགས་སེར་སྡིངས་གདུང་ཁང་
22-1-68


ན་བཞུགས་སོ། །དེའི་འོག་ཙམ་ན་རྔོག་ལོ་ཙཱ་བ་བློ་ལྡན་ཤེས་རབ་ཀྱི་བཀའ་བབས་ཀྱི་སློབ་
མ་བཞིའི་ནང་གི་དབུ་ཚད་ལ་བཀའ་བབས་ཤིང༌། མཁས་པ་མཆོག་ཏུ་གྱུར་པ་ཁྱུང་རིན་ཆེན་
གྲགས་ཀྱི་བཞུགས་པའི་མཐིལ་དང་འཆད་ཉན་བསྐྱངས་པའི་གནས་གླང་པ་འཕང་ཐང་(གླང་
པ་གསེར་གླིང་གི་ཉེ་འགྲམ་ན་ཡོད) དགོན་པ་ཡིན་ལ་དེ་འཛིན་མི་བླ་མ་སུ་བྱུང་ཡང་ཁྱུང་གི་གདན་ས་
ཟེར་རོ། །འདིར་བཤད་ཉན་གྱི་མཐིལ་མཛད་པའི་སློབ་མ་སྟོད་ལུང་རྒྱ་དམར་བ་དང༌། རྟག་
པ་ཁ་ཆེ་སོགས་མཁས་པ་མང་དུ་བྱུང་བ་ཡང་ཡིན། གྲུབ་ཐོབ་ཉི་ཕུག་པས་ཀྱང་ཁྱུང་རིན་
ཆེན་གྲགས་ལ་མཁན་པོ་ཞུས། རབ་ཏུ་བྱུང་ནས་མཚན་ཆོས་ཀྱི་གྲགས་པར་བཏགས་པ་ཡང་
གླང་པ་འཕང་ཐང་ཡིན། ཕྱིས་གནས་རྙིང་མཁན་པོ་ཆོས་ཀྱི་རིན་ཆེན་གྱི་དགོན་པའི་ཁ་གསོ་
ཡར་འཕེལ་མཛད་ནས་དགོན་གནས་འཕང་ཐང་དུ་མྱ་ངན་ལས་འདས་སོ། །དེའི་འོག་ན་
གསེར་གླིང་གི་གདོང་ལུང་ནག་རྒྱང་རོ་གཉིས་ཀྱི་མདོ་ན་ཁ་ཆེ་པཎ་ཆེན་གྱི་ས་འབུམ་རྡོ་ཕུད་
ལ་བཞེངས་ཟེར་བའི་ས་ཕུད་ལྷ་ཁང༌། དེའི་ཕུ་ན་གནས་རྙིང་དགོན་ལག་འཕུར་ལྡིང་དགོན་
པ་ཡོད། འདི་ཇོ་བོ་ཨ་ཏི་ཤའི་སྤྲུལ་པའམ་སྐྱེ་བར་གྲགས་པ་མཁན་པོ་ཆོས་ཀྱི་རིན་ཆེན་གྱིས་
བཏབ་བོ། །
དེའི་འོག་ཏུ་ལུང་ནག་ཏུ་སྦས་ཁང་རིན་ཆེན་རྒྱལ་མཚན་འཁྲུངས། ལུང་ནག་གླང་པ་
གསེར་གླིང་འདེབས་མཁན་སྤོས་ཁང་པ་འཇམ་དབྱངས་རིན་ཆེན་རྒྱལ་མཚན་མ་ཡིན། རྗེ་
བཙུན་གྲགས་པ་ཙམ་གྱི་དུས་ས་སྐྱ་པའི་དགེ་བཤེས་རིན་ཆེན་རྒྱལ་མཚན་གྱིས་བཏབ་པའི་
གླང་བ་གསེར་གླིང་ཟེར་བའི་གནས་གཞི་བཙུགས་ཡོད། དེང་སང་གྲུབ་མཐའ་དགེ་ལྡན་པ་
ཡིན། དེའི་འོག་ཙམ་ན་རི་བོ་དགེ་ལྡན་པའི་དགོན་པ་གཙང་བྲག་ཟེར་བ་གཅིག་ཡོད། སྤྱིར་
ནི་རྒྱང་རོར་བླ་མ་ཁྱད་པར་ཅན་ཤིན་ཏུ་མང་བར་འཁྲུངས་པ་ཞབས་ཀྱིས་བཅགས་པ་ཡིན་ཏེ། 
རྔོག་བློ་ལྡན་ཤེས་རབ་དང༌། པ་ཚབ་ཉི་མ་གྲགས་གཉིས་ཀའི་སློབ་མ་གང་པ་ཤེའུའི་བཞུགས་
22-1-69


ཡུལ་དང་འཆད་ཉན་མཛད་པའི་མཐིལ་རྒྱང་རོ་ཞྭ་མའི་མིང་པོ་རྗེ་མཁོན་བུར་གྲགས་པའི་
སློབ་མ་ཁྱད་པར་ཅན་ཡང་རྒྱང་རོར་བྱུང༌། དགོན་གྱི་བུ་བཞིའི་ནང་ཚན་རིན་པོ་ཆེ་སྣེའུ་ཟུར་
པའི་སློབ་མ་རྒྱང་རོ་དར་བརྩོན་ཡང་རྒྱང་རོར་འཁྲུངས་ཤིང་དགོན་པ་ཡང་ཡོད། ཞང་སྟོན་
གཉོས་སྒོམ་གྱི་སློབ་མ་སེ་སྟོན་ཇོ་ཁྲོ་གཙང་གི་རྒྱང་རོར་འཁྲུངས། རྒྱང་རོར་གཞོན་རིན་ཡང་
འཁྲུངས། སྣུབས་འདུལ་འཛིན་ནམ་གཡའ་བཟང་པའི་བླ་མ་རྒྱང་རོ་དར་མགོན་ཁྱད་པར་
ཅན་དུ་གྲགས་པ་དེ་ཡང་རྒྱང་རོར་འཁྲུངས། བླ་མ་གྲུའི་གདུང་རབས་འདི་དང་པོ་ཁམས་ཀྱི་
ཀློང་ཐང་སྒྲོལ་མའི་ལྷ་ཁང་ན་བཞུགས་ཤིང་མི་རབས་མང་པོ་ནས་གསང་སྔགས་རྙིང་མའི་
དགེ་བའི་བཤེས་གཉེན་གྱི་རྒྱུད་པ་ཡིན། དེ་ནས་བོད་རྒྱལ་བཙད་པོའི་མཆོད་གནས་ལ་སྤྱན་
དྲངས། དེ་ནས་རིམ་གྱི་མྱང་སྟོད་རྒྱང་རོར་གདུང་རྒྱུད་རིམ་པར་བཞུགས་སོ། །
དེའི་རྒྱུད་ལ་གྲུ་ཚུལ་ཁྲིམས་ཆོས་ཀྱི་འབྱུང་གནས་བྱ་བ་གསང་སྔགས་རྙིང་མ་ལ་ཤིན་
ཏུ་མཁས་པས་མྱང་སྟོད་རྒྱང་རོར་གྲྭ་པ་མང་པོ་བསྡུས་ནས་བཤད་པ་མཛད་ཅིང༌། ལྷ་ཁང་
དམར་པོ་བྱ་བའི་གཙུག་ལག་ཁང་བཞེངས། དེ་ལ་སྲས་གསུམ་བྱུང་བ་ལ་བླ་མ་གྲུ་ནག་བྱང་
ཆུབ་རྒྱལ་མཚན་བྱ་བའི་རྒྱུད་ཡིན། བླ་མ་གྲུ་གོ་ཆ་རྡོ་རྗེས་ཉ་རི་སྒོ་ཕུག་གི་མདའ་ཚ་ཧོར་པོ་
ལ་ཕྱག་རྡོར་མགོན་པོ་ལྷ་ལྔའི་དབང་ལུང་ཞུས་ནས། མྱང་སྟོད་རྒྱང་རོར་ལོ་བཅུ་བཞི་ལོན་པ་
གཅིག་གིས། ཟེར་མོ་ལུང་བྱ་བའི་བྲག་གསེབ་ཏུ་བཞུགས་ཏེ་སྒྲུབ་པ་མཛད། སླར་བླ་མ་རྟ་
སྒོམ་དང༌། མིད་པ་དགོན་པ་སྟེ་རྒྱལ་རྩེའི་རྒོད་ཁུང་ཡང་ཟེར། རྒོད་ལུང་ཡང་ཟེར། ངོ་བོ་རི་
ཁྲོད་དགེ་ལྡན་དུ་མཇལ་ནས་ཕྱག་རྡོར་ལ་བརྟེན་པའི་གྲུབ་ཐོབ་ཏུ་གྱུར། ཡང་བླ་མ་གྲུ་གོ་ཆ་རྡོ་
རྗེས་ཡི་དམ་གྱི་ལྷའི་ཞལ་མང་དུ་གཟིགས་པ་དང༌། ཡེ་ཤེས་ཀྱི་མེ་ལྗང་དམར་དུ་འབར་བའི་
གསེབ་ན་ཕྱག་རྡོར་དངོས་སུ་བྱོན་ནས་དབྱངས་དང་ཚིགས་བཅད་གསུངས་པ་ཡང་རྒྱང་རོའི་
བྲག་དམར་རྫོང་ཆུང་དུ་བསྒྲུབ་པ་མཛད་པའི་དུས་སུའོ། །ཡང་གྲུ་བན་ནམ་མཁའ་རྡོ་རྗེས་
22-1-70


རྒྱང་རོའི་བུ་ལུང་དབེན་རྩ་རུ་འཕགས་པ་དོན་ཡོད་ཞགས་པ་ལྷ་ལྔ་དངོས་སུ་ཞལ་གཟིགས། 
རྒྱ་གར་གྱི་པཎྜི་ཏ་ལུམ་ཐེ་བ་བྱ་བ་རྒྱང་རོར་བྱོན་པ་དེས་གྲུ་བན་ནམ་མཁའ་ལ་མཇལ་ནས་
བོད་ཀྱི་གྲུབ་ཐོབ་ཆེན་པོ་ཞེས་གསུངས་པའི་ལོ་རྒྱུས་རྒྱ་ཆེར་(གྲུབ་ཀྱང་འདི་ལ་བདེ་མཆོག་གསན་ནོ།)
ཡོད་དོ། །
གྲུ་ཇོ་བསོད་ཀྱིས་རྒྱང་རོར་སྤེ་མོ་ཆེ་བཞེངས། གསེར་འབུམ་བཞེངས། གཙང་བྲག་
ཟེར་བའི་འོག་ཙམ་ན། གནས་རྙིང་གི་སྟོད་ཙམ་ན། གནས་གོག་ཅེས་པར་ས་འབུམ་ནང་ན་
དཀོན་མཆོག་མཁར་གྱི་སྤུར་རིལ་པོར་བཞུགས་སོ། །ལས་སྟོད་པ་དཀོན་མཆོག་མཁར་ཞེས་
མཁས་གྲུབ་ཁྱུང་པོའི་བླ་མ་མཆོག་ཏུ་གྱུར་ཞིང་མགོན་པོའི་བཀའ་བབས་ནས། བླ་མ་ཁྱུང་
པོའི་མི་འབྲལ་པའི་རྟེན་མངའ་བདག་མཻ་ཏྲིའི་ཤངས་མཚལ་འབྲི་བ་པོ་ཡང་མཻ་ཏྲིས་མཛད་
པའི་ཡེ་ཤེས་སེམས་དཔའ་དངོས་སུ་བཞུགས་པའི་ཞལ་ཐང་རྒྱ་རིས་རྩོད་མེད་ཕྱག་དྲུག་ཡེ་
ཤེས་མགོན་པོ་དང་ཡུམ་འཁོར་བཞི་དང་བཅས་པའི་ཁྱད་པར་ཅན་དེ་ཁྱུང་པོས་གནང་བ། མི་
འབྲལ་བའི་བླ་མའི་རྟེན་སློབ་མས་འཁུར་བ་མི་ཡོང་དགོངས། མ་བསྣམས་པ་ཤངས་མགྲོན་
ཁང་དུ་ཕེབས་པའི་དགོང་མོ་ནམ་མཁའ་ལ་འཕུར་ནས་པང་དུ་བྱུང་བས་ན། དུས་དེང་སང་
འཕུར་ཐང་དུ་གྲགས་པ་དེ་གནས་རྙིང་གི་ལི་མ་ལྷ་ཁང་ན་བཞུགས་སོ། །སྤྱིར་ལས་སྟོད་པ་
དཀོན་མཆོག་མཁར་ལ་བཀའ་བབས་པ་ནི་གུ་ཆོས་དྲུག་གི་དབང་བྱིན་རླབས་ཁྲིད་བཅས་
དང་འབྲེལ་བ་བཀའ་སྲུང་མགོན་པོའི་སྐོར་ལ། བླ་མ་མགོན་པོ་དབྱེར་མེད་ཀྱི་བྱིན་རླབས། 
གྲིབ་སེལ། གནས་དབབ་ལྷ་བཞི་བླ་མར་དྲིལ་ནས་སྒྲུབ་པ། མགོན་མཐིང༌། གཏོར་དབང་
བར་ཆད་ཀུན་སེལ། མགོན་དཀར་ཡིད་བཞིན་ནོར་བུ། མགོན་དམར་དབང་གི་རྒྱལ་པོ། 
མགོན་ལྗང་ཚེའི་བདག་པོ། མགོན་སེར་གུར་གུམ་མདོག་ཅན། མགོན་པོ་འཆིང་ཁ། གསང་
སྒྲུབ་ཡུམ་ཅན་མགོན་པོ་རྒྱན་ཅན་སོགས་མགོན་བཀའ་བཅུ་གསུམ། བླ་མ་མགོན་པོ་དབྱེར་
22-1-71


མེད་ཀྱི་ཁྲིད། རཱ་ཧཱུ་ལ་ནས་བརྒྱུད་པའི་སྐུ་དངོས་ལ་རྟེན་པའི་ལྔ་ཁྲིད། མཻ་ཏྲི་པ་ནས་བརྒྱུད་
པའི་འཁོར་ལོ་བཞི་ཁྲིད། མཻ་ཏྲི་ནས་བརྒྱུད་པའི་མཁའ་སྤྱོད་དཀར་མོ་དང་མགོན་དཀར་
ཡིད་བཞིན་ནོར་བུ་གཉིས་ཀྱི་འཁོར་ལོ་བཞི་ལ་རྟེན་པའི་ཚེ་ཁྲིད་སོགས་དང༌། ཕྱག་དྲུག་ཡེ་
ཤེས་མགོན་པོའི་རྣམ་གྲངས་ཙམ་ཞིག་བཤད་ན། སློབ་དཔོན་མདོག་སྟོད་པ་དང་དགེ་སློང་
ལྷུན་གྲུབ་གྲགས་པས་བསམ་ཡས་མཆིམས་ཕུའི་བྲག་རྟ་མགོ་གདོང་གི་འོག་ནས་སྤྱན་དྲངས་
པའི་རྟ་མགྲིན་བདེ་གཤེགས་འདུས་པ་ཞི་ཁྲོ་རིགས་འདུས་བཀའ་བརྒྱད་ཡོངས་རྫོགས་སུ་
བསྒྲུབས་པའི་སྐོར་གྱི་ཆ་ལག་ལ་ཕྱག་དྲུག་པ་ཡོང་སྟེ། རྒྱས་པ་ཛམ་བྷ་ལ་དཀར་པོ་འབྲུག་
བཞོན་ལྷ་ཞེ་ལྔ། རྒྱལ་པོ་ཁམས་གསུམ་རྣམ་རྒྱལ་དང༌། ཤཱཀྱ་ཐུབ་པ་སོགས་ཐོག་མར་དགེ་
བའི་ལྷ་དྲུག །ལས་ཀྱི་རྟ་མགྲིན་དང༌། སྲས་རྟ་ཕུར་ཏེ་བར་དུ་དགེ་བའི་ལྷ་གཉིས། ལྷ་མོ་རིག་
བྱེད་བཞི་སོགས་མཐའ་མར་དགེ་བའི་ལྷ་བཅུ། གསང་བ་མ་ཧཱ་ཀ་ལ་ལ། ཕྱག་དྲུག་པ་ལྷ་བཅུ་
གསུམ་གྱི་དབང་སོགས་སོ། །ལས་སྟོད་དཀོན་མཆོག་མཁར་ནས་མཁས་གྲུབ་ཁྱུང་པོས་ཀྱང་
ཐུགས་སྲས་དང་བཀའ་བབས་ཀྱི་སློབ་མ་འབྲེ་ཆེན་པོ་ཡང་ཐུགས་སྲས་ཀྱི་མཆོག་ཡིན་ནོ། །
དེའི་འོག་ཙམ་ན་མྱང་སྟོད་རྒྱ་གར་གྱི་གླིང་གནས་རྙིང་རྡོ་རྗེ་གདན་མཚུངས། དོག་ས་
པདྨ་འདབ་བརྒྱད་འདྲ་བའི་སྟེང༌། གནམ་འཁོར་ལོ་རྩིབས་བརྒྱད་འདྲ་བའི་འོག །ལོགས་
བཀྲ་ཤིས་རྟགས་བརྒྱད་ཡོད་པའི་སྦུབས། རྒྱབ་རི་གླང་ཆེན་ཉལ་བ་འདྲ་བའི་མདུན། དབུས་
ནས་དཔལ་འབར་ཞིང༌། མཐའ་ནས་གཡང་ལུད་པའི་གནས། སྐྱེགས་ཀྱི་གནས་རྙིང་ཟེར་
བ། སྔོན་བསྟན་པ་སྔ་དར་གྱི་དུས་བསམ་ཡས་སུ་རྒྱལ་པོ་ཁྲི་སྲོང་ལྡེའུ་བཙན་གྱིས་བསམ་
ཡས་ཀྱི་ཉེ་འགྲམ་རི་ཟངས་མདོག་ནས་སྔགས་པ་བཟའ་མི་རྙེད་ནས་རྒྱལ་པོའི་སྐུ་རིམ་པ་
མཛད་པས་རྒྱ་འཇམ་དཔལ་གསང་བ་ཞེས་གྲགས། རྒྱལ་པོས་སད་ན་ལེགས་ཀྱི་རྩ་བའི་བླ་
མ་མཛད། བསམ་ཡས་ཀྱི་མདོ་སྔགས་ཀྱི་སྡེ་གཉིས་ཡོད་པ་ལས་སྔགས་ཀྱི་དབུ་སྡེའི་གཙོ་བོ་
22-1-72


སྟེ་བླ་མ་མཛད། དེའི་སྲས་མངའ་བདག་ཁྲི་རལ་ཅན་གྱི་རྩ་བའི་བླ་མ་ཡིན། རྒྱལ་པོས་འོན་
འཆང་རྡོ་(ཅང་དོ་)དཔེ་མེད་ཀྱི་ལྷ་ཁང་རྒྱ་ཕིབས་དགུ་ཐོག་མས་གཙོ་བྱས་གཙུག་ལག་ཁང་
སྟོང་རྩ་གཉིས་བཞེངས་པའི་དུས་སུ། ཞལ་བཀོད་གནང་མཁན་དང་རབ་གནས་ཐམས་ཅད་
རྒྱ་འཇམ་པའི་གསང་བས་མཛད་ནས། སྒྲགས་ཀྱི་ཕུ་ཟངས་མདོག་ཏུ་སྒྲུབ་པ་མཛད་སྐབས། 
སྔོན་རྒྱལ་པོ་ཁྲི་སྲོང་ལྡེའུ་བཙན་གྱི་ནང་བློན་ཆེན་པོ་འགོས་ཁྲི་བཟང༌། (འདི་འགོས་པདྨ་གུང་བཙན་
ཡིན་པས་དཔྱད་པར་ཞུ། སྔོན་རྒྱལ་པོ་ཁྲི་སྲོང་ལྡེའུ་བཙན་གྱི་ནང་བློན་ཆེན་པོ་འགོས་ཁྲི་བཟང་ངམ་འགོས་ཁྲི་འབྲིང་ཁང་བཟང་
ཞེས་པ་ཡབ་ཡིན་ལ། ཆོས་བློན་དེའི་བུ་འགོས་ཀྱི་པདྨ་གུང་བཙན་ཅེས་བློན་པོ་བྱེད་པ་འགོས་པདྨ་གུང་བཙན་ཡིན་ནོ། །ཡང་
འགོས་ཁྲི་བཟང་ཡབ་ལྷག་དེ་ཉིད་པདྨ་གུང་བཙན་གྱི་མེས་པོ་ཡིན་ཞིང་ཁྲི་འབྲིང་ཁང་བཟང་གི་ཕའོ།)ཡབ་ལྷག་ལ། དང་
པོ་ཁྱོད་ཀྱིས་བོད་ཡུལ་འདིར་ཆོས་དར་བའི་ཐབས་ཀྱི་བློ་བཏོན། ད་རེས་ཁྱོད་ཀྱིས་བཞེངས་
པའི་ལྷ་ཁང་མཆོད་རྟེན་ཁོ་ན་ངོ་མཚར་བས་ད་ཁྱོད་ཀྱི་བྱ་དགའ་ལ་མོན་སྐྱེར་ཆུ་ལྷ་ཁང་ཚུན། 
ཀ་ལ་མཚོ་གཞུག་ཡན་ཆད། འབྲི་མཚམས་སྨུག་པོ་ཚུན་གྱི་ས་ཆ་རྣམས་གནང་ངོ༌། །བློན་
པོ་འགོས་ཀྱིས་བཟུང་བ་ལ་བརྟེན་ནས་འགོས་ཡུལ་སྟོད་གསུམ་ཞེས་གྲགས་སོ། །བློན་པོ་
འགོས་ཀྱི་སྲས་ཁྱུང་རྒོད་རྩལ་སྤྱན་འདྲེན་ལ་བརྫངས་པས་སློབ་དཔོན་པད་མའི་དངོས་སློབ་
ཡིན་ངེས་ཤེས། རྒྱ་འཇམ་དཔལ་གསང་བ་སྒྲགས་ཀྱི་ཕུ་རི་ཟངས་མདོག་ནས་སྤྱན་དྲངས། རྒྱ་
འཇམ་དཔལ་གྱིས་རྒྱལ་པོ་ཁྲི་རལ་གྱི་སར་བྱོན་ནས། ངེད་ལ་གཞི་འཆའ་བའི་ས་ཆ་གཅིག་
ཞུས་པས་རྒྱལ་པོས་སྟོད་ན་རུ་ལག་ཁང་གསུམ། སྨད་ན་ཤེའུ་ལུང་གསུམ། བར་སྐྱེགས་རུ་
གསུམ་ས་ཆ་དང་བཅས་པ་འབྲེ་ཁྱུང་རྗེ་འབངས་དང་བཅས་པ་རྣམས་བླ་མ་བརྒྱུད་བཅས་ལ་
ཤེས་སུ་ཆུག་གསུངས་འཇའ་ས་གནང་ནས་འགོས་ཀྱི་སྲས་ཁྱུང་རྒོད་རྩལ་གྱི་ཉེ་གནས་ཀྱི་ཚ་
བ་མཛད་ནས། སྐྱེགས་གནས་སྙིང་དུ་གནས་གཞི་བརྩིགས་ཤིང་གནས་རྙིང་ལྕགས་རི་དབུ་
མས་བསྐོར་བ་དང་། བླ་མའི་གཟིམ་ཁང་ལྷ་ཁང་དང་བཅས་བཞེངས། དབེན་དགོན་དུ་དབུས་
22-1-73


ལུང་ཐང་ཁུང་ལ་གཟིམ་ཁང་བརྩིགས། སྐྱིད་སྒོར་བླ་མའི་སྒྲུབ་ཁང་བརྩིགས། རྒྱའི་ལས་
ཐབས་ཆེན་པོ་གསུམ་མཛད། རྒྱ་འཇམ་དཔལ་གསང་བའི་ནང་རྟེན། སྲས་ཡང་དག་སྐྱབས་
ཀྱིས་སྤྱན་རས་གཟིགས་ཀྱི་སྐུ་ལི་མ་བཞེངས། ད་ལྟ་གནས་རྙིང་འདུ་ཁང་སྟེང་གི་མན་ཁང་ན་
ཡོད་པ་དེ་ཡིན། ཕྱི་རྟེན་གནས་རྙིང་ལྷ་ཁང་ནང་གི་མཆོད་རྟེན་བཀྲ་ཤིས་སྒོ་མངས་བཞེངས་
པའི་ནང་ན་སྐུ་གདུང་རིལ་པོ་བཞུགས། དེའི་ནང་ན་མཁན་པོ་བོ་དྷི་ས་ཏྭའི་མ་མགལ་དང་
ཁྲི་རལ་གྱི་འཇའ་ས་ཡང་དེར་བཞུགས། རྒྱ་འཇམ་དཔལ་གསང་བའི་སྲས་ཡང་དག་སྐྱབས། 
དེའི་སྲས་ཇོ་སྲས་བདུད་འཇོམས། དེའི་སྲས་གཉིས་ལས་ཆེ་བ་ཕུར་པ་སྐྱབས་སམ། ཇོ་སྲས་
རྡོ་རྗེ་དབང་ཕྱུག་གཞོན་པ་ལ་ཇོ་སྲས་ཕུར་པ་འཕེལ་ལོ། །གཅེན་གྱིས་གྲུབ་པ་ཐོབ་ནས་ད་ལྟ་
ཚ་མོ་དང་གཉིས་ཀ་བསེ་རག་བྲག་ལ་སྐུ་ལུས་མ་སྤང་པར་བཞུགས། གཅུང་ཕུར་པ་འཕེལ་
ཀྱང་གྲུབ་ཐོབ་ཏུ་གྱུར་པ་དེའི་ཚེ་དབུས་ལུང་ཐང་ཁུགས་ཀྱི་རི་སྣ་གནས་རྙིང་མཐོང་སར་
གཟིམ་ཁང་ཕྱི་རྟེན་དབུས་ལུང་རི་གདོང་གི་འབུམ་པ་ཐོག་ཕུབ་མའི་ནང་ན་གདུང་རིལ་པོར་
བཞུགས་སོ། །
གནས་རྙིང་གི་གནས་གཞི་འདི་ཆེ་བ་བཅུའི་སྒོ་ནས་ཁྱད་པར་དུ་འཕགས་ཏེ་བཅུ་ནི། 
རྒྱལ་པོ་ཁྲི་སྲོང་ལྡེའུ་བཙན་གྱིས་འཇའ་ས་གནང༌། རྒྱ་འཇམ་དཔལ་གསང་བས་ལུང་བསྟན། 
ཇོ་བོ་རིན་པོ་ཆེ་དཱི་བཾ་ཀ་རས་ལུང་བསྟན་རབ་གནས་གནང༌། ཡོལ་སྟོན་མཆེད་གསུམ་གྱིས་
གྲུབ་རྟགས་བསྟན། སྤྱན་རས་གཟིགས་ཀྱིས་ལུང་བསྟན། ཕྱག་དྲུག་ཡེ་ཤེས་མགོན་པོའི་
བཀའ་བབས། འབྲེ་ཆེན་པོ་ཤེས་རབ་འབར་གྱི་གདན་ས། བསྟན་སྲུང་མ་ཧཱ་ཀ་ལའི་ཞལ་
བཞེས། སློབ་མའི་མཆོག་གྱུར་གྲུབ་ཐོབ་རྣམ་གསུམ། བརྒྱུད་པའི་མཆོག་གྱུར་བྱང་སེམས་
བྱོན་ཚུལ་ལོ། །ཆེ་བ་དང་པོ་འཇའ་ས་གོང་དུ་བཀོད་གྲུབ། ཆེ་བ་གཉིས་པ་རྒྱ་འཇམ་དཔལ་
གསང་བས་གོས་ཆེན་ཁ་གང་ལ་དབུས་སུ་ཁོ་རང་གི་ཞབས་གཉིས་ཀྱི་རྗེས་བཞག མཐའ་
22-1-74


ལ་དགུང་ལོའི་གྲངས་དང་མཉམ་པ་བླ་མའི་སྐུ་བརྒྱད་ཅུ་གྱ་བརྒྱད་བྱོན། གདུགས་ཡོད་པ་སོ་
གཉིས། པདྨ་ཡོད་པ་ཉི་ཤུ་རྩ་བརྒྱད། གདུགས་དང་པདྨ་མེད་པ་ཉི་ཤུ་རྩ་བརྒྱ྄ད་པའོ། །ཅིའི་
ལྟས་ལགས་ཞུས་པས། མ་འོངས་པར་གནས་རྙིང་འདིར་སྤྱན་རས་གཟིགས་ཀྱི་སྤྲུལ་པ་
བརྒྱད་ཅུ་གྱ་བརྒྱད་བར་མ་ཆད་པར་འབྱོན་པའོ་གསུངས། ཞབས་རྗེས་དངོས་བྱ་མོ་མགུལ་
ན་བཞུགས། གནས་རྙིང་ན་ཡོད་པ་ཞལ་ཡིན་ནོ། །ཆེ་བ་གསུམ་པ། ཡོལ་མཆེད་གསུམ་ལ་ཇོ་
བོ་ཨ་ཏི་ཤས་ལུང་བསྟན་ཏེ་མྱང་ཆུའི་རྒྱུད་ལ་བཞུགས་ལ་ཡར་རྒྱུགས། ས་པདྨ་འདབ་བརྒྱད། 
གནམ་འཁོར་ལོ་རྩིབས་བརྒྱད། ལོགས་བཀྲ་ཤིས་རྟགས་བརྒྱད། རྒྱབ་རི་གླང་ཆེན་ཉལ་འདྲ་
ཡོད། དེར་རྒྱུགས་ལ་གནས་རྒྱོབས། ཕྱིས་བསྟན་པའི་རྒྱུན་ལ་ཕན་གསུངས་པ་ལ་བརྟེན། 
མཆེད་གསུམ་གྱིས་ཡར་བྱོན་ནས་ཡོལ་ཆོས་དབང་གིས་ལུང་བསྟན་གྱི་ས་ཆ་འདི་ཡིན་པར་
འདུག་དགོངས་ནས་གནས་རྙིང་དུ་བྱོན། ཇོ་སྲས་ཕུར་པ་འཕེལ་ལ་བསམ་གཏན་སྒོམས་
པའི་ས་ཆ་གཅིག་བསླངས་པས་རི་གདོང་ཡ་གི་ཡོལ་ཙམ་ནས་ཕུག་གཅིག་བདོག་པས་དེར་
བཞུགས་ཟེར། ས་ཕུག་དེ་ལ་ཨ་མེས་ཡོལ་ཞེས་དེང་སང་གི་བར་དུ་གྲགས་པ་དེ་ཡིན། དེ་
ནས་ཇོ་སྲས་ཕུར་པ་འཕེལ་སོགས་གནས་རྙིང་པ་རྣམས་ཀྱིས་གྲོགས་དན་ཡོལ་ཆེན་པོས་
མཛད་ནས། ཇོ་བོ་དཱི་པཾ་ཀ་རས་རབ་གནས་ཉན་འཚོ་ནས་མཛད་པས་དུས་ཚེས་སྟེང་རབ་
གནས་ཀྱི་མེ་ཏོག་གནས་རྙིང་དུ་བབས་སོ། །ཐུགས་དམ་ཚ་ཚ་མང་བར་བསྐུར་བར་མཛད་
དོ། །ཡོལ་ཆོས་ཀྱི་དབང་ཕྱུག་གིས་ཇོ་སྲས་ཕུར་པ་འཕེལ་ལ་ཁྱེད་ཀྱི་དགོན་པར་ངེད་ཀྱི་དགེ་
འདུན་གྱི་སྡེ་ཞིག་བཙུགས་ན་མི་མཉེས་པ་མི་འབྱུང་ངམ་ཞུས་པས། ཇོ་སྲས་ཤིན་ཏུ་དགྱེས། 
ངའི་བསམ་པའི་དོན་གྲུབ་གསུངས་ནས། སྐྱེགས་གནས་སྙིང་གི་ས་ཆ་མ་ལག་དགོན་པ་རྟེན་
གསུམ་གྱི་ནང་གི་རྟེན་དང་ཡོན་བདག་དང་བཅས་གཏད། རྒྱའི་ལས་ཐབས་གསུམ་གྱི་སྲོལ་
མི་ནུས་པའི་བརྗིད་བཀལ་བ་སོགས་ཡོལ་ཆེན་པོའི་ཕྱག་ཏུ་ཕུལ་ལོ། །
22-1-75


ཡོལ་གྱིས་བཀའ་གདམས་ཀྱི་གྲྭ་ས་བཟང་པོ་གཙུགས། རྦ་ཚོ་ཉི་ཤུ་རྩ་བཞིའི་མཁན་པོ་
མཛད། འབྲེ་ཆེན་པོ་ཤེས་རབ་འབར་གྱིས་ཡོལ་ཆོས་ཀྱི་དབང་ཕྱུག་ལ་རབ་བྱུང་ཞུས་ཤིང་
ཆོས་དང་གདམས་པ་མཐའ་དག་གསན་ནོ། །ཆེ་བ་བཞི་པ་ཆོས་དབང་གིས་ཆོས་གོས་ཉི་ཟེར་
བཀལ། ཤམྦུའི་རྩ་བརྒྱད་འགྲོལ་ལམ་དུ་ཁྲིད། ཡོལ་དྲང་སྲོང་གིས་ལྗོན་དམར་གྱི་རྡོ་རྗེ་བཅུ་
པས་ཁྲག་བྱུང༌། ཡོལ་ཐོག་འབེབས་ཀྱིས་བྲག་དཀར་གྱི་རི་སེངྒེ་ཁ་གདངས་པ་འདྲ་བ་ལ་རྟ་
ཟླ་ལ་ཐོག་མ་སྨད་དགུ་ཕབ་ནས་བྲག་དཀྱིལ་ནས་ཤེལ་གྱི་མཆོད་རྟེན་མི་གང་པ་གཅིག་དང་
ཁྲུ་གང་པ་གཅིག་བྱུང་ངོ༌། །ཡོལ་སྐུ་མཆེད་གསུམ་ཀའི་ནང་རྟེན་གནས་རྙིང་གི་གཙུག་ལག་
ཁང་རྙིང་པ་དང་ལྕང་ར་གཉིས་ན་བཞུགས་སོ། །ཡོལ་ཆོས་ཀྱི་དབང་ཕྱུག་ལ་སློབ་མའི་མཆོག་
དུ་མ་ཞིག་ཡོད་ཀྱང་འབྲེ་ཆེན་པོ་ཤེས་རབ་འབར་སློབ་མའི་མཆོག་ཏུ་གྱུར་ཞིང༌། འབྲེ་ཆེན་
པོའི་བླ་མ་རྒྱ་གར་གྱི་འབུམ་ཕྲག་པ་རྔོག་བློ་ལྡན་ཤེས་རབ་སོགས་རྒྱ་བོད་ཀྱི་མཁས་གྲུབ་
དུ་མ་བསྟེན། བྱམས་པ་མགོན་པོས་རྗེས་སུ་བཟུང་བའི་སྐྱེས་ཆེན་དེ་ལ་ཡོལ་ཆོས་དབང་གི་
གདན་ས་རྦ་ཚོ་ཉི་ཤུ་རྩ་བཞི་དང༌། ཇོ་སྲས་ཕུར་པ་འཕེལ་གྱིས་ཕུལ་བའི་ས་ཆ་དབང་རིགས་
ཐམས་ཅད་གཏད་ནས་གདན་ས་བསྐོས་སོ། །
འབྲེ་ཆེན་པོ་དེ་ལ་སློབ་མ་མཆོག་གྱུར་ཁྱུང་རིན་ཆེན་གྲགས། ཨར་བྱང་ཆུབ་ཡེ་ཤེས། 
གཉལ་བ་བསྲེགས་སྟོན། མདོག་པ་བྱང་ཆུབ་གྲགས། བྱ་འདུལ་བ་འཛིན་པ་བརྩོན་འགྲུས་
འབར་སོགས་གྲྭ་པ་དཔེ་འགྲེམ་པ་སྟོང་ཕྲག་ཙམ་བྱུང་བའི་དཀྱིལ་གྱི་སློབ་མའི་མཆོག་གྱུར་
ལ་སྟོད་པ་དཀོན་མཆོག་མཁར་ཡིན་པས་ཁོངས་ལ་འབྲེའི་ཁྱད་འཕགས་བཅུ་གསུམ་གྱིས་
ཐོག་དྲངས། གནས་རྙིང་དགོན་པ་མ་ལག་ས་ཆ་ཡོན་བདག་དང་བཅས་པ་ལ་སྟོད་པ་དཀོན་
མཆོག་མཁར་ལ་གཏད་ནས་གདན་ས་བསྐོས་སོ། །
ལ་སྟོད་དཀོན་མཆོག་མཁར་གྱི་གདུང་དཔྱལ་ཡིན། དང་པོ་ལ་སྟོད་བྱང་གི་ས་ཐུབ་དེའི་
22-1-76


རི་ཁྲོད་དུ་སྔགས་འཆང་དཔྱལ་རྒྱལ་བ་གྲུབ་པ་ནས་བཟུང་སྔགས་འཆང་ནུས་པ་ཅན་གྱི་རྒྱུད་
པའོ། །སྤྱན་རས་གཟིགས་ཀྱི་སྤྲུལ་པ་གདུང་རྒྱུད་ལ་བར་མ་ཆད་པར་བརྒྱད་ཅུ་གྱ་བརྒྱད་དུ་
བྱོན་པའི་ལྟས་ནི། དཔྱལ་ཞང་ཁྲོམ་རིན་ཆེན་འབྱུང་གནས་ཀྱི་འོད་གསལ་དག་པའི་སྣང་ངོར་
ཐུགས་རྗེ་ཆེན་པོའི་སྤྲུལ་པ་མི་དཀར་པོ་ཞིག་འོངས་ནས། ས་བྱང་ཕྱོགས་བོད་ཀྱི་རྒྱལ་ཁམས་
འདི། །ང་ཐུགས་རྗེ་ཆེན་པོའི་གདུལ་བྱ་ཡིན། །ཁྱད་པར་ལྷ་ཡི་རྣམ་འཕྲུལ་དངོས། །སྐལ་
ལྡན་ཁྱོད་ཀྱི་རྒྱུད་ལ་འཇུག །བྱང་ཆུབ་སེམས་དཔའི་གདུང་རྒྱུད་བཟུངས། ཞེས་མི་དཀར་
པོ་དེ་སྔགས་འཆང་དཔྱལ་རིན་ཆེན་འབྱུང་གནས་ལ་ཐིམ་པས་ལ་སྟོད་པའི་གདུང་རབས་དེ་
ཐུགས་རྗེ་ཆེན་པོའི་སྤྲུལ་པ་ཡིན་པར་ཐེ་ཚོམ་བྱར་མེད་དོ། །མཚན་གྱི་རྣམ་གྲངས་དཔྱལ་ཞང་
ཁྲོམ་རིན་ཆེན་འབྱུང་གནས་སམ་སྔགས་འཆང་རིན་ཆེན་འབྱུང་གནས་ཀྱིས་ཤངས་ཀྱི་གད་
ཕུར་དུ་ཡང་ཕུར་ལ་སོགས་ཟབ་ཆོས་མང་པོ་གསན་དུ་བྱོན། དེའི་ཕྱག་ཕྱིར་ཇོ་མོ་གཞོན་པ་
ལ་འཁྲུངས་པའི་སྲས་དཀོན་མཆོག་མཁར་སྐུ་མཆེད་གསུམ་པོ་ཡང་ཁྲི་བྱོན་དུས་འབྲེ་ཆེན་པོ་
མཁས་པའི་སྙན་གྲགས་དབུས་གཙང་ཁམས་གསུམ་ལ་ཁྱབ་འདུག་པ་ལ་ཡབ་ཀྱིས་དཀོན་
མཆོག་མཁར་སྐུ་མཆེད་གསུམ་རབ་ཏུ་འབྱུང་བར་བརྫངས། དེའི་ཚེ་འབྲེ་ཆེན་པོ་བྱེ་མདར་
ཆོས་འཁོར་བསྐོར་བ་དང་མཇལ། མཆེད་གསུམ་རབ་ཏུ་བྱུང༌། ཐོས་བསམ་མཐར་ཕྱིན་པར་
མཛད་དོ། །ལ་སྟོད་པ་དཀོན་མཆོག་མཁར་གྱིས་གཞན་ཡང་བླ་མ་ལོ་ཙཱ་བ་རིན་ཆེན་བཟང་པོ་
བསྟེན་ཟེར་རྣམ་ཐར་ལ་བཀོད་འདུག་ཀྱང་དུས་མི་འགྲིག །ཁྱུང་རིན་ཆེན་གྲགས་བསྟེན། ས་
སྐྱ་པ་ཀུན་དགའ་སྙིང་པོ་བསྟེན། ཤངས་ཞོང་ཞོང་དུ་མཁས་གྲུབ་ཁྱུང་པོའི་སློབ་མའི་ཚོགས་
ཁྲི་ཚོ་བརྒྱད་ཡོད་པའི་ནང་ནས་བདེ་མཆོག་དང་མགོན་པོ་གཉིས་ལ་བུ་ཆེན་གྱི་མཆོག་ཏུ་གྱུར། 
མཻ་ཏྲི་པའི་ཐུགས་དམ་ཆོས་སྐྱོང་ཐང་སྐུ་ཤངས་ལོ་མར་གྲགས་པ་དེ་གནང་ནས་མ་བཞེས་པ་
ལ་ཐང་སྐུ་ནམ་མཁའ་ལ་བྱོན་ནས་བྱེ་མདར་གྲོ་གསོལ་གྱིན་བཞུགས་པས་ཐང་སྐུ་ཐུ་བར་
22-1-77


བྱོན་པ་སོགས་ཕྱག་དྲུག་ཡེ་ཤེས་མགོན་པོའི་བཀའ་བབས་ཀྱི་ཆེ་བ་ཡིན་ནོ། །སླར་ཕྱག་དྲུག་
པའི་ཞལ་དངོས་སུ་བསྟན་ནས་ཐུགས་འཁྲིགས་མི་འཚལ། །དགོན་པའི་བདག་གཉེར་དང་
རང་གིས་བྱེད་གསུངས་པས་ལྷའི་ཞལ་བཞེས་ཀྱིས་ཆེ་བ་ཡིན། ལ་སྟོད་པ་དཀོན་མཆོག་
མཁར་པས་ཇོ་སྲས་དཔལ་ཆེན་སྐྱབས་ཀྱི་བྲག་མོའི་མགྲོན་ཁང་ཡོད་པ་དེ་ཆུ་མདོ་པས་དེར་
དགོན་པ་བཏབ། གནས་གཞི་བརྩིགས། ལྕགས་རི་དང་གཙུག་ལག་ཁང་སོགས་མཛད་པ་
འདི་ལ་གནས་གསར་རམ་གནས་གོག་ཏུ་ཡང་གྲགས། ལ་སྟོད་པ་དཀོན་མཆོག་མཁར་གྱི་
སློབ་མ་དཔལ་ཕག་མོ་གྲུ་པ། གྲུབ་ཐོབ་ཉི་ཕུག་པ་ཆོས་ཀྱི་གྲགས་པ། མཁན་པོ་དབང་ཕྱུག་
རིན་ཆེན་སོགས་བསམ་གྱིས་མི་ཁྱབ་པའི་སློབ་མའི་ཆེ་བའོ། །ལ་སྟོད་པ་གོ་དགུ་ལ་གཤེགས་
པ་ཡང་ཁོང་རང་གིས་བཏབ་པའི་དགོན་པ་གནས་གསར་རམ་གནས་གོག་ཏུ་ཡིན་ཞིང༌། སྐུ་
གདུང་ཡང་རིལ་པོར་མཆོད་རྟེན་དུ་བཞུགས་ཤིང༌། ད་ལྟ་གནས་གོག་ཏུ་གྲགས་པའི་ལྷ་ཁང་
ཆུང་ངུའི་ནང་ན་མཆོད་རྟེན་གཉིས་བཞུགས་པའི་གཅིག་ཡིན་ནོ། །མཆོད་རྟེན་གཅིག་གི་ནང་
ན་འབྲེ་ལས་རབ་ཏུ་བྱུང་བ་རང་གི་གཅེན་པོ་དཀོན་མཆོག་མཁར་མཆེད་ལ་སྡེ་སྣོད་མཐའ་
དག་གསན་པ་མཁན་པོ་ཀུན་སེང་གི་སྐུ་གདུང་རིལ་པོར་བཞུགས་པར་ཡིན་ནོ། །
འབྲེའི་ཁྱད་འཕགས་བཅུ་གསུམ་ནི་རྒྱ་གར་གྱི་ལྷ་གསེར་སྐུ་ཐུབ་པ་དམར་པོ། བླ་འབུམ་
སྐྱ་པོད་རྣམ་བཞི་གསེར་འབུམ་གྱི་བྱིན་རླབས་ཆར་འབེབས། འབྲེའི་གདུགས་དཀར་པོ། 
མཆོད་དུང་བཀྲ་ཤིས་དར་ལུང༌། བླ་ཡོལ་འགྲན་ཟླ་ཀུན་བྲལ། སྦུབ་ཆལ་ཉི་མ་རྒྱང་གྲགས། 
བུམ་པ་བཀྲ་ཤིས་འགྱིང་རིང༌། བེར་སེང་གེ་འགྱིང་བསྣོལ། དཀར་ཡོལ་ཟླ་བ་ཁྲོན་ཆུང༌། 
གྲུམ་ཙེ་གནམ་སྔོན་པོ། བསེ་སྒ་བཀྲ་ཤིས་འོད་འབར། ཆིབས་པ་ངང་པ་འཕུར་ཤེས། ཐོག་
མའི་མཁན་རབས་ནི་ཡང་ཕུར་གྲུབ་ཐོབ་འཇམ་དཔལ་གསང་བ། རིགས་གསུམ་སྤྲུལ་པ་
ཡོལ་སྟོན་མཆེད་གསུམ། རྒྱ་གར་པཎ་ཆེན་འབུམ་ཕྲག་གསུམ་པ། བྱམས་པས་རྗེས་བཟུང་
22-1-78


འབྲེ་ཆེན་ཤེས་འབར། སྤྱན་རས་གཟིགས་སྤྲུལ་པ། ལ་སྟོད་དཀོན་མཆོག་མཁར། སེམས་
དཔའ་ཆེན་པོའི་རིན་ཆེན་རྒྱལ་མཚན། དེ་ལ་སོགས་ཏེ་གནས་རྙིང་མཁན་བརྒྱུད་དོ། །
རྦ་ཚོ་ཉི་ཤུ་རྩ་བཞི་ནི་སྐྱེགས་གནས་རྙིང་ནས་མཆེད་པ་ཚོ་ལ་རྦ་ཚོ་སྟོད་པ། ལྕང་ར་དང་
ལྕེ་སྤེ་གཉིས་ནས་མཆེད་པ་ཚོ་ལ་རྦ་ཚོ་བར་པ། རྩིས་ནས་མཆེད་པ་ཚོ་ལ་རྦ་ཚོ་སྨད་པ་ཟེར་
རོ། །
དེའི་མཆེད་པའི་ཁུངས་ཀྱི་རྩ་བ་ནི་ཇོ་བོ་ཨ་ཏི་ཤས་ཆོས་རྒྱགས་གནང་ནས་ཡོལ་སྐུ་
མཆེད་གསུམ་པོས་རྦ་བཙུན་བསོད་ནམས་དབང་ཕྱུག་ལ་བསླབ་པ་ལེན་དུ་བཅུག །རབ་ཏུ་
བྱུང༌། འདིའི་སྡོམ་བརྒྱུད་ཐུབ་པ༌། ཤཱ་རིའི་བུ། སྲས་སྒྲ་གཅན་འཛིན། བྲམ་ཟེ་སྒྲ་གཅན་འཛིན། 
ཀླུ་སྒྲུབ། ལེགས་ལྡན་འབྱེད། དཔལ་སྦས། ཡེ་ཤེས་སྙིང་པོ། ཞི་བ་འཚོ། རཏྣ་གརྦྷ། གཡོ་
དགེ་འབྱུང༌། དགོངས་པ་རབ་གསལ། ཡ་[སྤང་]གོང་ཡེ་ཤེས་གཡུང་དྲུང༌། གྲུམ་ཡེ་ཤེས་རྒྱལ་
མཚན། ཚོང་བཙུན་ཤེས་རབ་སེང་གེ།རྦ་བཙུན་བསོད་ནམས་དབང་ཕྱུག །ཡོལ་སྟོན་ཆོས་
ཀྱི་དབང་ཕྱུག །འབྲེ་ཆེན། ལ་སྟོད་པ་དཀོན་མཆོག་མཁར་སོགས་སོ། །གནས་རྙིང་མཁན་
པོ་དབང་ཕྱུག་རིན་ཆེན་པའམ་མཁན་པོ་དབང་རིན་པའི་བླ་མ་བཀའ་དྲིན་མཆོག་ཏུ་ཆེ་བ། 
རང་གི་ཁུ་བོ་ལ་སྟོད་དཀོན་མཆོག་མཁར་ལ་མདོ་སྔགས་མཐའ་དག་གསན་སྦྱངས་མཛད། 
སུར་ལྕེ་ལོ་ཙཱ་བ་ལ་ལོ་ཙཱ་བསླབ། ས་སྐྱ་གྲགས་པ་རྒྱལ་མཚན་ལ་བརྒྱུད་གསུམ་སོགས། བྱང་
སེམས་ཟླ་བ་རྒྱལ་མཚན་ལ་དོན་ཞགས་དང་བཀའ་གདམས་ལམ་རིམ། ཤངས་པ་གཏེར་
སྟོན་དུ་གུ་རིན་ཆེན་ལ་གསང་སྙིང་སོགས་གསན། ཡང་ཕྱག་དྲུག་ཡེ་ཤེས་མགོན་པོ་དངོས་སུ་
བྱོན་ཞབས་གཅིག་གུར་ཅོག་རྩེ་ལ་བཞག་ནས་ཐུགས་ཟེམ་མི་འཚལ། དགོན་པ་གནས་རྙིང་
འདི་ང་རང་གིས་བདག་གཉེར་བྱེད་གསུངས་པ་ལ་སོགས་གནས་རྙིང་དགོན་པ་འདི་གཞན་
མ་སྤྱི་དང་གཏན་མི་འདྲ་སྟེ། ཡེ་ཤེས་མགོན་པོ་ཕྱག་དྲུག་པས་བདག་མཛད། ལྷ་མི་གཞན་ལ་
22-1-79


དབང་རིགས་མེད་པས་ཁྱད་པར་འཕགས་སོ། །
མཁན་པོ་དབང་རིན་པ་དགུང་ལོ་བརྒྱད་ཅུ་སྐོར་ལ་དབུ་སྐྲ་ནག་པོར་སོང་བ་དང་ཟད་
པར་ཏིང་ངེ་འཛིན་ལ་མངའ་བརྙེས་ཤིང་རླུང་སེམས་དབང་དུ་འདུས་པ་དང༌། བདེ་དགྱེས་
གསང་གསུམ་སོགས་ལྷ་མང་པོའི་ཞལ་གཟིགས་སོགས་ངོ་མཚར་གྱི་གཏམ་མང་ཞིང༌། 
འདིས་ཟབ་མོའི་གཙུག་ལག་ཁང་དུ་རྟེན་སྤྱན་རས་གཟིགས་གསེར་སྐུ་དང༌། འཇམ་དཔལ་
གྱི་སྐུ་མདོ་ནས་སྤྱན་དྲངས་སོ། །དེའི་གདན་ས་བཟང་བཟང་པ་པད་མ་རིན་ཆེན་གྱིས་གནས་
རྙིང་དུ་མཁན་པོ་དབང་རིན་པའི་ཕྱི་རྟེན་ཁྱད་པར་ཅན་དེ་བཞེངས། གྲོགས་རར་མཁར་ལན་
མཛད། བྲག་ཆུང་གཞི་ནས་(གནས)བརྩིགས། གཞན་ཡང་ཝ་རི། ཤབ་ཚ། སླེ་ར། ཡུ་ལུ་ཆུང༌། 
ཆོས་སྡིངས་རྣམས་བཏབ། གྱུ་མོ། མཐིང་ཆུང༌། གླང་རི། རྟ་རྔ། དབེན་པ་རྣམས་ཀྱི་འཁྱམས་
ཆོས་ལེགས་པར་མཛད། བྲག་ཏུ་གསེར་སྐུ་བཀྲ་ཤིས་འོད་འབར་བལ་ཡུལ་ནས་སྤྱན་དྲངས། 
དེའི་གདན་ས་སློབ་དཔོན་ཆོས་ཀྱི་དབང་ཕྱུག་པ། དེའི་གདན་ས་མཁན་པོ་ཆོས་ཀྱི་རིན་ཆེན་
ནི་ཇོ་བོ་ཨ་ཏི་ཤའི་སྤྲུལ་པར་སློབ་དཔོན་པད་མས་ལུང་བསྟན་ནས་ཅུང་པ་མཆོག་དཀར་ཞེས་
བྱ་རུ། །ཆོས་ཀྱི་རིན་ཆེན་ཞེས་བྱ་བ། །ཇོ་བོ་རྗེའི་བདུན་མཐར་འབྱུང་ཞེས། དེས་ལྷའི་བུའི་
བདུད་གཅིག་འདུལ་བར་ལུང་བསྟན། འདིའི་ཐོས་བསམ་མཛད་པའི་བླ་མ་བཀའ་དྲིན་ཆེ་བ། 
བཟང་བཟང་བའི་ཡབ་བཟང་ཇིང་ཡོལ་ཐང༌། སྟོན་བསོད། སྤྱི་བོ་ལྷས་པ། བྱང་ཆུབ་འོད། 
དོན་མོ་རིའི་དགེ་བཤེས་བཟང་ཁ་བ། ཁྲོ་ལོ་བྱམས་པ་དཔལ། ས་སྐྱ་པཎྜི་ཏ། ཞང་རྒྱལ་བ་
དཔལ། སྣར་ཐང་པ་སངས་རྒྱས་སྒོམ་པ། འཇམ་དབྱངས་གསར་མ་སོགས་མཐའ་ཡས་པ་
བསྟེན་ཞིང་གསན་སྦྱངས་མཛད། མཁན་པོ་ཆོས་ཀྱི་རིན་པ་འདི་ཉིད་ཀྱིས་དབུས་གཙང་དུ་
ཧོར་དམག་སྔ་མ་དོར་རྟས་སྐྱེགས་གནས་གསར་དུ་མཁར་ཕབ། མི་མང་པོ་བསད། གཙུག་
ལག་ཁང་ཞུགས་ལ་སོང་བའི་རྟེན་རྣམས་ཀྱི་དོད་ལ་ཐུབ་པ་ཆེན་པོ་སྐུ་རྒྱབ་མཐོ་བཅུ་བཞི་
22-1-80


ཡོད་པ་གཅིག་བཞེངས་པའི་ནང་རྫོངས་ལ་བྲམ་ཟེ་དྲི་མེད་སྙིང་པོའི་སྤུར་ཤ་དང༌། མཁན་
ཆེན་དབང་ཕྱུག་རིན་ཆེན་ལ་བྱོན་པའི་དུང་གཡས་འཁྱིལ། ཡོལ་སྟོན་ཆེན་པོས་ཉི་ཟེར་ལ་
བཀལ་བའི་ཆོས་གོས། དྲང་སྲོང་རྡོ་རྗེ་བཅུས་པས་ཁྲག་བྱུང་བའི་རྡོ་རྗེ། ཐོག་འབེབ་ཀྱིས་ཐོག་
ཕབ་པ་ལས་བྱུང་བའི་ཤེལ་གྱི་མཆོད་རྟེན་ཁྲུ་གང་པ་སོགས་བཅུག་པ་དེ་དབུ་རྩེ་སོ་མའམ་
གསར་པ་ན་བཞུགས་སོ། །གསུང་རབ་རྣམས་ཀྱང་བསབ་བོ། །འབྲི་ཁུང་ནས་ཀྱང་ཆོས་སྤྱན་
དྲངས། མཁན་པོ་ཆོས་དབང་གི་ཕྱི་རྟེན་གནས་གསར་དུ་འབུམ་མོ་ཆེ་བཞེངས། འཕང་ཐང་
དུ་གཟིམ་ཁང༌། གྲོང་ཆུང་དུ་དཀར་འཕིགས། རི་ཁྲོད་དུ་ཕུར་སྡིངས་དང་ལྷ་དོ་བཏབ། སློབ་
མའི་མཆོག་རྒྱལ་བ་རིན་ཆེན་གངས་པ་དང་གསེར་སྡིངས་པ་ཀུན་མཁྱེན་ཆོས་ཀྱི་འོད་ཟེར་
སོགས་མཁན་ཆེན་རིན་ཆེན་དཔལ་བས་བཀའ་དྲིན་ཆེ་བའི་བླ་མ་ཀུན་མཁྱེན་བཟང་བཟང་
བ། ཆག་ལོ་ཆོས་རྗེ་དཔལ། མཁས་པ་བུ་སྟོན། རྒྱལ་བ་རྒོད་ཚང་པ། འགྲོ་མགོན་འཕགས་
པ་སོགས་ཆེས་མང་ཟེར་ཡང་བུ་སྟོན་དེ་རྣམས་དང་ཐོག་མི་མཚུངས་པ་འདྲ། བུ་སྟོན་སེང་གེ་
འོད་ཅེས་པ་བྱུང་ཡང་དེའི་སྔོན་དུ་བྱོན་གྲུབ་བོ། ། མཁན་པོ་འདིའི་རིང་ལ་གནས་རྙིང་པ་ལ་
སྟོང་སྐོར་གཅིག་ཏུ་བཅས་སོ། །
མཁན་པོ་རིན་ཆེན་དཔལ་བ་འདིས་གནས་རྙིང་གི་ལྕགས་རི་མཆོད་རྟེན་བརྒྱ་ཕྲག་མང་
པོས་སྐོར་བའི་ལྕགས་རི་བཞེངས། ཚོགས་པ་ཐམས་ཅད་ཐོས་བསམ་སྒོམ་གསུམ་གྱི་སྲོལ་དུ་
བཅུག དགེ་འདུན་གྱི་བཅའ་ཁྲིམས་དམ་དུ་བཅས། ཁོང་གི་ཞལ་ནས་གནས་རྙིང་པ་སྐྱེད་པ་
ཉག་དུས་སུ་ང་རང་ཡོངས་གསུངས། འདིའི་དུས་ཆོས་སྟོན་དུ་གྲགས་པ་དེ་ཡིན་ནོ། །མཁན་
ཆེན་བདག་ཉིད་ཆེན་པོ་བྱམས་པ་དཔལ་བའི་གནས་རྙིང་དུ་ཕར་ཚད་ཀྱི་གྲྭ་ས་བཙུགས། དཔེ་
འགྲེམས། བརྒྱ་སྐོར་བསྡུས་སོ། །
མཁན་ཆེན་རིན་ཆེན་བཟང་པོ་བས་སྐྱེགས་གནས་རྙིང་དུ་གཙུག་ལག་ཁང་ཆེན་མོ་
22-1-81


བཞེངས། དབུས་རི་ལྷ་དོར་ལོ་བཅུ་གཉིས་སྒྲུབ་པ་ལ་བཞུགས་སོ། །འདིའི་དུས་ཆོས་ད་ལྟ་
གསེར་ཆོས་སུ་གྲགས་པ་དེ་ཡིན་ནོ། །གདན་ས་བཀའ་བཞི་པ་ཆེན་པོ་རིན་ཆེན་འབྱུང་གནས་
དཔལ་བཟང་པོས་བཀྲ་ཤིས་ལྡིངས། གླང་ཟས། ལྷ་ཁུད། ལྕགས་གཞོང༌། དཀྲུ་བཞི་ཆུ་
སྐྱར་རུབ་མོ་ཚལ་རྣམས་བཞེངས། འོར་ཁ་རྣམས་སུ་ཆང་མའི་ཚོགས་རྣམས་བཏོན་ནས་ཆང་
ཁྲིམས་བཅས། ཟུལ་ཕུར་འདུལ་བ་གསན་ནས་གནས་རྙིང་དུ་འདུལ་བའི་བཤད་གྲྭ་བཙུགས། 
བཤད་པའི་རྒྱུན་ཟུལ་ཕུ་ལ་ཐུག་པ་ཡིན་ནོ། །སླར་བཀའ་བཞིན་བཤད་པ་མཐིལ་ཕྱིན་པའི་
གྲྭ་ས་ཚུགས་སོ། །འོན་ཀྱང་གཙུག་ལག་ཁང་རྙིང་པ་འདི་བསྟན་པའི་རྩ་བ་ཡིན་གསུངས་ནས་
སྤེན་བད་གོག་པ་རྣམས་གསོས། ཡོལ་ཆེན་པོའི་སྐུ་འདྲ་དང་ལོགས་རིས་ལ་སོགས་པ་མཛད། 
སྡེ་དར་བའི་རྟེན་འབྲེལ་དུ་བ་གཞུག་གི་ཀ་ཎི་ཡང་མཛད། མཁན་ཆེན་རིན་ཆེན་དཔལ་བཟང་
པོ་འདི་ཤར་ཁ་བའི་ཞལ་ངོ་ཏའི་སི་ཏུ་འཕགས་པ་སྐུ་མཆེད་ཀྱི་རྩ་བའི་བླ་མ་མཆོག་ཏུ་བཟུང༌། 
འདིའི་གནས་རྙིང་གི་ལྕགས་རི་ཆེན་མོ་ལོ་གསུམ་ལ་གྲུབ་པར་མཛད། དུས་མཆོད་རི་སྤེ་
མཆོད་པར་གྲགས། འདིའི་ནང་རྟེན་གསེར་ཟངས་ལས་གྲུབ་པའི་ཚེ་དཔག་མེད་ཁྲི་རྒྱབ་ཡོལ་
དང་བཅས་པ་བཞེངས། མཁན་ཆེན་བཀའ་བཞི་འཛིན་པ་རིན་ཆེན་བསམ་གཏན་འཕེལ་
བཟང་པོ་འདི་རྒྱལ་བ་རིན་ཆེན་གངས་པའི་སྐྱེ་བ་ཤིན་ཏུ་གསལ། འདིས་གནས་རྙིང་དུ་བསྟན་
འགྱུར་བཞེངས་ཤིང༌། དེ་སྐབས་དབུས་པའི་ཁྲི་སྐོར་དྲུག་གིས་ལྕང་རར་དམག་དྲངས། ཡོན་
མཆོག་གཅིག་ཡིན་ཟེར་བའི་ལོགས་ཕོག་པར་བརྟེན། གནས་རྙིང་པར་བསྟན་པ་ཉམས་ཤིན་
ཏུ་སྨད་ཡིད་འབྱུང་དུ་གྱུར་པའི་ཚེ་མཁན་པོ་འདིས་གསོས་པས་ཡར་ལྡན་སྔར་ལུགས་བཞིན་
དུ་ཤིན་ཏུ་དར་ཆེ་བར་མཛད་པ་སོགས་སྐྱེགས་གནས་རྙིང་སྔོན་རྒྱ་འཇམ་དཔལ་གནས་གཞི། 
ཡོལ་སྐུ་མཆེད་གསུམ་གྱི་བསྟི་གནས། ལ་སྟོད་དཀོན་མཆོག་མཁར་བཞུགས་གནས། དེའི་
རྒྱུད་འཛིན་འཕགས་པ་སྤྱན་རས་གཟིགས་ཀྱི་སྤྲུལ་པ་བརྒྱད་ཅུ་གྱ་བརྒྱད་བྱོན་པ། སྐྱེགས་
22-1-82


གནས་རྙིང་གི་རྒྱ་སྒོའི་ནང་ཙམ་ན་འབྲེ་ཆེན་པོའི་བཞུགས་ཁྲི། ས་པཎ་གྱིས་ཐུགས་བསྐྱེད་
མཛད་པའི་བཞུགས་ཁྲི། མཁན་ཆེན་ཆོས་རིམ་པའི་བཞུགས་ཁྲི་ཡོད་ཅིང༌། རྒྱ་གར་གྱི་པཎ་
ཆེན་འབུམ་ཕྲག་གསུམ་པས་འདིའི་མཁན་པོ་མཛད། འབྲེ་ཆེན་པོ་ཤེས་རབ་འབར་གྱིས་
འདིར་བཤད་གྲྭ་བསྐྱངས། ཁྱུང་གིས་ཀྱང་བསྐྱངས་པ་སོགས་མཁས་བཙུན་བཟང་གསུམ་
རིམ་པར་བྱོན་པ་སོགས་ལོ་རྒྱུས་དང་གདུང་རབས་རྒྱས་བསྡུས་གཉིས་ལས་ཤེས་པར་བྱའོ། །
དེའི་འོག་ཙམ་ནས་སྐུ་ལུས་མ་སྤངས་པར་མཁའ་སྤྱོད་ལ་གཤེགས་པའི་སྐྱེས་བུ་ཁྱད་
པར་ཅན་སྣང་བཟའ་འོད་འབུམ་གྱི་འཁྲུངས་ཡུལ་ཕས་ཁུར་ཡོད། དེའི་འོག་ཙམ་ན་གྲུབ་
ཐོབ་གླིང་རས་འཁྲུངས་པ་ཞང་གི་གླང་པོ་སྣ་ན། གླིང་སྟོད་གླིང་སྨད་གཉིས་ལས་སྨད་པར་
འཁྲུངས་པ་ཡིན། དེའི་ཉེ་ལོགས་ན་རྒྱ་གྲོང་གནས་ཟེར་སར་ཡུམ་མ་གཅིག་བཟང་མོ་དཔལ་
གྱི་བཞུགས་ས་ཆོས་རྒྱལ་རབ་བརྟན་ཀུན་བཟང་འཕགས་འཁྲུངས་ཤིང༌། གྲུབ་ཆེན་ཀུན་བློ་
ཡང་འཁྲུངས་པ་ཡིན་ནོ། །
དེའི་འོག་ཙམ་ན་ལྕང་ར་ཟེར་བ་འདི་ཐོག་མར་ཡང་ཕུར་གྱི་གྲུབ་ཐོབ་རྒྱ་འཇམ་དཔལ་
གསང་བས་གནས་གཞི་བཟུང༌། ནང་རྟེན་བྱིན་རླབས་ཅན་བཞུགས་ཤིང༌། དེ་རྗེས་ཇོ་བོ་
ཨ་ཏི་ཤས་སློབ་མ་ཨོལ་དྲང་སྲོང་གི་ལྕེ་སྤེ་ལྷ་ཁང་བརྩིགས། ལྕང་རར་དགེ་འདུན་གྱི་སྡེ་
བཙུགས། འདུ་ཁང་ལྕགས་རི་མཛད། གཙུག་ལག་ཁང་ཡོལ་སྐུ་མཆེད་གསུམ་གྱི་ནང་རྟེན་གྱི་
བྱིན་རླབས་བཞུགས། ལྕང་ར་འདི། (དཔོན་ཡིག་མ་གཅིག་མཁའ་འགྲོ་རྒྱ་གར་ཞེས་ཡེ་ཤེས་ཀྱི་མཁའ་འགྲོ་བྱེ་བའི་
གཙོ་མོར་གྲགས་པ་དེའི་སྲས་མོ་ལྷ་མོ་དཔལ་ཁབ་ཏུ་བཞེས་པ་ལ་སྲས་གསུམ་འཁྲུངས་པའི་གཅེན་དཔལ་ལྡན་བཟང་པོ་ཡི་གེ་
ལེགས་པར་མཁྱེན། དགུང་ལོ་བཅུ་དྲུག་པ་ལ་ས་སྐྱར་ཕེབས། བླ་མ་ཁང་གསར་པའི་ཞབས་ལ་གཏུགས། ཁང་གསར་བས་བཞི་
ཐོག་བླ་བྲང་པའི་ཕྱག་ཕྱིར་བསྒྲགས་ནས་ཡིག་མཁན་གྱི་འགོ་མི་འགྱུར་བས་དཔོན་ཡིག་འཕགས་པ་དཔལ་བཟང་ཐོག་འཕགས་
པ་ཟེར་བ་བཀའ་དྲིན་ཆེ་བའི་བླ་མ་དཔྱལ་སྟོན་ཆེན་པོ་འཕགས་རྒྱལ་བའི་མཚན་གྱི་ཟུར་བཅུག་པ་ཡིན།) དཔོན་ཡིག་འདི་
22-1-83


ཉིད་ས་སྐྱ་བ་བཞི་ཐོག་བླ་བྲང་ནས་བདག་ཆེན་དོན་ཡོད་རྒྱལ་མཚན་བཞུགས་པ་དེའི་བཀའ་
གནང་ནས་ལྷོ་དུང་ཁང་གནོན་ལ་བསྐོས་པ་ལྷར་དུང་རེངས་རྣམས་དབང་དུ་འདུས། གདན་
སའི་ཁམས་པའི་ལས་མཚན་བཞིའི་ནང་ནས་ཤར་ཁ་ལས་མཚན་བསྐོས་པས་དཔལ་ལྡན་
ཤར་ཁ་པ་གྲགས། ཕྱིས་ཏའི་དབོན་བློ་གྲོས་རྒྱལ་མཚན་པས་བཞི་ཐོག་བླ་བྲང་གི་ནང༌། (གོན་
གྱོ། གླིང་ཚང༌། ཤར་ཁ། འདན་མ)ཆེན་པ་བསྐོས་པའི་ནང་ཆེན་ཐོག་དཔོན་ཡིག་ནང་ཆེན་འཕགས་པ་
དཔལ་བཟང་དགུང་ལོ་སོ་གསུམ་པ་ལ་ཞྭ་ལུ་སྐུ་ཞང་ཧོར་རྩ་ཀུན་དགའ་དོན་གྲུབ་ཀྱི་སྲས་མོ་
པདྨ་ཁབ་ཏུ་བཞེས་པས་ལྕང་རའི་གཞིས་གཙུག་ལག་རྟེན་མཆོད་ཀྱི་གཙོ་བྱས་པ་རྣམས་བུ་
མོ་པདྨའི་ནོར་སྐལ་གྱིས་གསུངས་ནས་གནང༌། གཅུང་འཕགས་རིན་པས་ལྕང་རའི་གཉེར་
མཛད། ཡོས་ལོ་ལ་ཕག་རི་རྣམ་རྒྱལ་དཀར་པོ་བརྩིགས། འབྲུག་ལོ་ལ་གན་པ་ལྷུན་གྲུབ་
རྫོང་བརྩིགས། མ་གཅིག་པད་མའི་སྲས་ཀུན་དགའ་འཕགས་ལྕང་རར་སྐུ་འཁྲུངས་ཤིང༌། 
ལྕང་རའི་བདེ་ཡངས་སོགས་མང་པར་བཞེངས་ནས་ཐམས་ཅད་མཁྱེན་པ་བུ་སྟོན་རིན་ཆེན་
གྲུབ་སྤྱན་དྲངས། རབ་གནས་རྒྱས་པ་མཛད་གསེར་སྲང་དགུའི་ཚོམ་བུ་བཀོད་ནས་མཎྜལ་
ཕུལ་ནས་དབང་ཞུས། འཕགས་པ་དཔལ་རྒྱ་ནག་རྒྱལ་པོས་གནང་བ་ཡིན་ལ། ལྕང་ར་ལྷ་
ཁང་གནས་གཞི་དང་བཅས་པ་འདིར་འཕགས་པའི་གནས་བརྟན་བཅུ་དྲུག་གི་ཞབས་ཀྱིས་
བཅགས་པའི་ས་ཡིན་པའི་ལོ་རྒྱུས་ཡོད་ཅིང༌། འདིར་འབྲེ་ཆེན་པོས་ཆོས་འཁོར་བསྐོར་བ་
དང༌། ནང་ཆེན་འཕགས་རིན་པས་བུ་སྟོན་མྱང་སྟོད་ལྕང་རར་གདན་དྲངས་ནས། གསེར་
འབུམ་གྱིས་ཐོག་དྲངས་པའི་གསུང་རབ་མང་པོའི་རབ་གནས་མཛད། དབུ་མ་ལུགས་ཀྱི་
སེམས་བསྐྱེད་ཆོ་ག་མཛད། མཁན་ཆེན་གནས་རྙིང་པ་དང་ནང་ཆེན་པ་སྐུ་མཆེད་ལ་སོགས་
པ་ཐེག་པ་ཆེན་པོའི་ཆོས་ཀྱི་ཐུགས་ཚིམ་པར་མཛད་པ་དང༌། ཁྱད་པར་བུ་སྟོན་ཐམས་ཅད་
མཁྱེན་པས་རྒྱུད་སྡེ་ཟབ་མོའི་དཀྱིལ་འཁོར་མང་པོའི་ཞལ་ཕྱེ་བར་མཛད་པའི་གནས་ཡིན་པ་
22-1-84


དང༌། བྱང་ཤམྦྷ་ལའི་རིགས་ལྡན་ཆེན་པོ་ཇོ་ནང་བ་ཆོས་རྗེ་ཀུན་མཁྱེན་ཆེན་པོ་དོལ་པོ་ཞབས་
ཀྱིས་དབུས་ཕྱོགས་ཕེབས་པའི་རྟིང་མ་རོང་ནས་ལྷ་ས་ཡན་ལ་སྦྱོར་དྲུག་ཁྲིད་མི་སྟོང་ལྷག་
ལ་བསྐྱངས་པའི་ཕར་ལམ་ཡེ་འབྲོག་ནས་ཉིང་རོ་སྨད་ཆབ་པ་ལ་བྱོན་པའི་ཚུར་ལམ་བསུ་བ་
མཛད། དེའི་གོང་དུའང་ནང་ཆེན་འཕགས་པ་དཔལ་བཟང་སྐུ་མཆེད་ཀྱི་ཆོས་འབྲེལ་ཞུས་
མོད་པ་ཆུད་ཡོད་པར་སྣང་བས་ལྕང་རར་གདན་འདྲེན་པས་སྐས་ལ་འོ་རྒྱལ་ནས་རྫིང་ཁུའི་
གཡུལ་ཐང་དུ་དཔལ་དུས་ཀྱི་འཁོར་ལོའི་དར་དཀྱིལ་ཆེ་མོ་ཞལ་ཕྱེ་ནས་སྒྲུབ་མཆོད་མཛད། 
དབང་རྒྱས་པར་གནང་ཞིང་ལྕང་རར་རྒྱུན་རིང་བཞུགས་ཤིང༌། རྩེ་ཆེན་གྱི་རི་ལྡེབས་ལ་ཤམ་
བྷ་ལའི་ཕོ་བྲང་ཡིན་པའི་མཐོང་སྣང་ཤར་རོ་ཞེས་རྩེ་ཆེན་ཆོས་སྡེ་བྱུང་བར་ལུང་བསྟན་པ་ལྕང་
རའི་གཡུལ་ཐང་ཡང་ཡིན་ནོ། །
ནང་ཆེན་འཕགས་པ་དོལ་པོ་ཞབས་གནས་སར་བར་སྐྱེལ་མ་མཛད་དུས་སངས་རྒྱས་
རྟག་པ་དང༌། ཆོས་བདེན་པ། དགེ་འདུན་མི་བསླུ་བ་ལ་བདེན་པར་གུས་པ་མཛོད། འཕྲལ་
ཕུག་ཐམས་ཅད་དུ་ཕན་ཞིང་སྡེ་སྲིད་ཀྱང་བརྟན་པར་ཡོང་གསུངས་མཆིད་གནང་ནས་ཇོ་
ནང་ལ་ཐེགས་སོ། །རྒྱ་གར་གྱི་པཎྜི་ཏ་ཆེན་པོ་ཤཱ་རི་པུ་ཏྲའི་ཞབས་ཀྱི་ལྕང་རར་ཟླ་བ་གཉིས་
བཞུགས་ཤིང༌། པུ་ཏྲ་ཆོས་དྲུག་རྒྱས་པར་འདིར་གསུངས་སོ། །རྭ་ལོས་ཉན་འཚོ་དང༌། ལྕང་
ར་གཉིས་སུ་འབུམ་གྱི་པུ་ཏི་ལྔ་བཅུ་དང༌། འགྲོན་ཟན་ཟླ་བ་རེའི་ཆ་རྐྱེན་ཁལ་ཁྲི་ཚོ་གཅིག་
སྦྱར། ལྕང་རའི་ཁྲི་རྒྱ་འཇམ་དཔལ་གསང་བས་བཞེངས་པའི་རྩ་བརྒྱད་མཆོད་རྟེན། (ཆོས་རྗེ་
དཔལ་ལྡན་བླ་མ་བསོད་ནམས་རྒྱལ་མཚན་དཔལ་བཟང་པོའི་ཞལ་སྔ་ནས་དབུས་ལ་ཕེབས་པ་དང་མཐུན་ནང་ཆེན་འཕགས་པ་
ལྕང་རར་སྤྱན་དྲངས་རབ་གནས་མངའ་གསོལ་གནང་ཞིང་གནས་རྙིང་ཚོགས་པའང་སྤྱན་དྲངས་ནས་འཇའ་ས་བསྒྲགས) ལྕང་
རིའི་ཕུ་ཡིན་པར་གངས་ཞེས་པར་པ་ཚབ་ལོ་ཙཱ་བ་ཉི་མ་གྲགས་ཀྱི་སློབ་མ་ཀ་བ་བཞིའི་ཚིག་
ལ་མཁས་པ་གངས་པ་ཤེའུའི་དགོན་པ་དང་ཕུག་པ་བྱིན་རླབས་ཅན་དང༌། རི་རྩེར་མཆོད་
22-1-85


རྟེན་ཡོད་ལ་མི་མ་ཡིན་གྱིས་སྐོར་བྱེད་ཟེར་ལམ་བྱང་བར་ཡོད། གངས་པ་ཤེའུའི་འཆད་ཉན་
མཛད་པའི་མཐིལ་རྒྱང་རོ། དེ་སློབ་མ་ཞྭ་མའི་མིང་པོ་རྗེ་འཁོན་བུ་བར་གྲགས་པའི་གང་ཟག་
ཁྱད་པར་ཅན་ཡང་རྒྱང་རོར་བྱུང༌། གངས་པ་ཤེའུའི་གདུང་རིལ་པོར་བཞུགས་པ་བློ་བདེའི་
གོང་ཙམ་གྱི་འབན་གྲོང་ཟེར་སར་ས་འབུམ་ཡོད་པ་དེ་ཡིན་ནོ། །གངས་ཀྱི་གངས་རོ་ཞེས་
པའི་གཙུག་ལག་ཁང་རྟེན་གསུམ་དང་བཅས་པར་ཡང་གྲུབ་ཆེན་ཀུན་བློས་རབ་གནས་རྒྱས་
པ་ཅན་མཛད་དོ། །
དེའི་འོག་ཙམ་ན་ཤམ་བུ་རྩེ་དགུ་ཡང་རྩེ་ཆེན་ཡང་ཟེར་ས་འདིར་རྒྱལ་པོ་གྲི་གུམ་བཙན་
པོའི་ཕོ་བྲང་ཡོད་ཅིང༌། སྔོན་དུས་བོད་རྒྱལ་པོ་རྣམས་རྒྱལ་སྲིད་ཀྱི་བྱ་བ་ལེགས་པར་བསྐྱངས་
འགྲུབ་རྗེས་ལྷའི་དམུ་ཐག་ལ་བྱོན་ནས་ལྷ་ལུས་རོ་མེད་དུ་བྱོན་པ་ཤ་སྟག་ཡིན་པ་ལ་རྒྱལ་པོ་
གྲི་གུམ་བཙན་པོའི་ཐུགས་ལ་གདོན་བཞུགས་རང་གི་འབངས་ལ་འཐབ་ཟླ་བྱེད་དགོས་སྨྲས་
ནས་རང་གི་རལ་གྲི་གུ་ཟི་ཀླད་ལ་བསྐོར་བས་ལྷའི་དམུ་ཐག་དང་རྐྱང་ཐག་བཅད་པ་དང༌། 
རྒྱལ་པོ་འཐབ་གྲལ་དུ་བཀྲོངས་པ་སོགས་ཤམ་བུ་རྩེ་དགུ་པ་འདི་བྱུང་བ་ཡིན་ནོ། །འབངས་
ཀྱི་དཔོན་བྱས་མཁར་བཟུང་སྐབས་མཛོ་པ་ཀྱི་ཏུ། [མཛེངས་ཀྱི་རུ་]ལ་སྐྱེས་ཀྱི་ངར་གསོས་
ཀྱི་ཤམ་བུ་རྩེ་དགུའི་རི་ལ་རྒོད་ཚང་དུ་བསྡད་ནས་མཁར་ཕབ་ནས་ཕོ་བརྒྱ་བསད། མོ་བརྒྱ་
སོགས[གསོག་]ཀྱི་ལོ་རྒྱུས་འབྱུང་བ་ཡང་རྩེ་ཆེན་འདིའི་སྔོན་དུ་བརྗོད་ཟིན་པ་ལྟར། (དཔོན་
ཡིག་འཕགས་པ་དཔལ་བཟང་པོ་དང་འཕགས་པ་རིན་ཆེན་སོགས་ལྕང་རར་བཞུགས་སྐབས་ས་ཕོ་ཁྱི་ལོ་ལ་ཀརྨ་པ་རང་བྱུང་རྡོ་
རྗེ་རྒྱ་ནག་ཐེགས། ཕྱག་ཕྱིར་ལྕང་ར་ནས་དམིགས་པ་པག་ཤི་ཀུན་དགའ་དཔལ་བ་ཡབ་སྲས་དང་བཅས་ཤམ་བུ་རྩེ་དགུའི་རི་
ལ་ལྷ་ཁང་བཞེངས་ཆོག་པའི་ལུང་ཞུ་བར་བརྫངས་པས། ཧོར་རྒྱལ་པོ་ཐོག་གན་ཐི་མུར་གྱིས་ནང་ཆེན་གྱི་འཇའ་ས་དང་ཤམ་
བུ་རྩེ་དགུ་ལ་ལྷ་ཁང་བརྩིགས་ཆོག་པའི་ལུང་གནང་བྱིན་དང་བཅས་སྔ་རིམ་དུ་པག་ཤི་ཆོས་འོད་ཀྱིས་ཁྱེར་ནས་སློབ་པས་ནང་
ཆེན་འཕགས་པ་དཔལ་བཟང་པོ་དགུང་ལོ་བཞི་བཅུ་ཞེ་བརྒྱད་བཞེས་པ། ཤིང་མོ་སྦྲུལ་གྱི་ལོའི་ཟླ་བ་གཉིས་པའི་ཚེས་ཉི་ཤུ་ལ་
22-1-86


རྩེ་ཆེན་མཁར་ཁ་པ་རྣམ་ལྷུན་གྲུབ་རྩེ་རྣམས་ཀྱི་འགྲམ་གདིང་པའི་སྐར་འཛིན་དུས་མཉམ་དུ་མཛད། ཁྱད་པར་རྩེ་ཆེན་ཆོས་སྡེ་)
ཀུན་མཁྱེན་དོལ་བུས་རྩེ་ཆེན་འདི་ཤམ་བྷ་ལའི་ཕོ་བྲང་དུ་གཟིགས་ནས་དེས་བཀའ་སྩལ་
གནང་བ། ཅོད་པན་དུ་བཅིངས་པར་མཛད་པས (ནང་ཆེན་དཔལ་བཟང་པོ་དགུང་ལོ་ཞེ་དགུ་བཞེས་དུས་
ཀྱི་མེ་ཕོ་རྟ་ལ་རྩེ་ཆེན་ཆོས་སྡེའི་གཙུག་ལག་ཁང་གི་འགྲམ་བཏིང་ལྕགས་རི་དང་ལྕོག་རྣམས་གྲུབ་ཟེར། ནང་ཆེན་འཕགས་པ་
དཔལ་བཟང་པོའི་གཅུང་འཕགས་པ་རིན་ཆེན་དུ་དབེན་ཤས། ལྕགས་ཕོ་ཁྱི་ལོ་ཟླ་བ་བཞི་པའི་ནང་དུ་གཅེན་ནང་ཆེན་འཕགས་
པ་དཔལ་གྱི་རྒྱལ་མཚན་ཁྲི་ཐོག་ཏུ་ཕེབས་ནས་སྡེ་སྲིད་བསྐྱངས། ཟླ་བ་ལྔ་པ་ལ་རྩེ་ཆེན་ཆོས་སྡེའི་བླ་བྲང་ཚོགས་ཁང་དང་བཅས་
པ་བཞེངས། དགུང་ལོ་ང་གཉིས་པ་ལྕགས་མོ་ཕག་གི་ལོ་ཟླ་བ་བརྒྱད་པའི་ནང་དུ་རྩེ་ཆེན་ཆོས་སྡེར)ཉ་དབོན་ནི་ས་སྐྱའི་
མཁས་མཆོག་ཉ་བརྩོན་གཉིས་ཟེར་བའི་ཉ་དང༌། དབུས་གཙང་མཁས་པ་མི་དྲུག་གི་གཙུག་
ན་ཟླ་བའི་ཟླ་བ་དང༌། དཔལ་ལྡན་བླ་མས་ལམ་འབྲས་སྲོལ་འཛིན་མཁས་པ་མི་བརྒྱད་ཟེར་
བའི་བརྒྱད་ཀྱི་གཙོ་བོ་དང་དོལ་བུས་འགྲན་ཟླ་བྲལ་བའི་སློབ་མ་གཅིག་ཟེར་བའི་མཁས་པ་
ཉ་དབོན་ཀུན་དགའ་དཔལ་གྱིས་(ཞལ་སྔ་ནས་དཔོན་སློབ་དྲུག་བརྒྱ་ཙམ་སྤྱན་དྲངས་ནས་གྲུབ་ཆེན་ཀུན་བློའི་རྣམ་
ཐར་ནང་ན)རྩེ་ཆེན་ཆོས་སྡེ་བཏབ་ནས་གནས། འདིར་འཆད་རྩོད་རྩོམ་གསུམ་གྱི་ཆོས་འཁོར་དྲི་
མ་མེད་པ་བསྐོར་ནས་བཤད་གྲྭ་ལེགས་པར་བཙུགས། དབུས་གཙང་ཁམས་གསུམ་གྱི་དགེ་
བའི་བཤེས་གཉེན་ཚན་ཆེ་བ་འདུས། རིག་པའི་ལྕགས་ཀྱུ་བྱེ་རྫིང་པ་ཤེས་རབ་འཕགས་དང༌། 
ཆོས་དཔལ་མགོན་པོ་སོགས་ཆེན་པོ་ལ་བསྐོས། སློབ་མ་ཡང་རེ་མདའ་བ་གཞོན་ནུ་བློ་གྲོས། 
(ཟེར་བ་ཡོད་ཅིང༌། ཆོས་རྒྱལ་རྣམ་ཐར་ལས་མཁན་པོར་མངའ་གསོལ)མཚམ་[མཚལ་]མིན་པའམ་གཉགས་ཕུ་
བ། བསོད་ནམས་བཟང་པོ། ཤངས་པ་ཀུན་དགའ་རིན་ཆེན། ཤེས་རབ་འོད་ཟེར། བློ་གྲོས་
ཡངས་པ། གྲུབ་ཆེན་ཀུན་དགའ་བློ་གྲོས། རྗེ་བཙུན་ཙོང་ཁ་པ་བློ་བཟང་གྲགས་པ་སོགས་
མཐའ་ཡས་སོ། །རྩེ་ཆེན་ཆོས་སྡེ་དེའི་ཉ་དབོན་གྱི་གདན་ས་གྲུབ་ཆེན་ཀུན་བློའི་དགུང་ལོ་
བཅུ་དགུ་བཞེས་པ་ཤིང་ཕོ་སྟག་གི་ལོ་ལ་མཛད་དེ། ཀུན་བློ་འདི་སྐྱེ་བ་གོང་མའི་གོང་མ་རིམ་
22-1-87


བཞིན་ལྷ་རྗེ་ཆོས་བྱང༌། དེ་རྗེས་ཁ་ཆེ་པཎ་ཆེན་ཤཱཀྱ་ཤྲཱི། (དེ་རྗེས་ཀུན་མཁྱེན་ཆོས་སྐུ་འོད་ཟེར་)དེ་རྗེས་
བུ་སྟོན། མཁྱེན་བརྩེ་རྒྱ་མཚོའི་ཕ་རོལ་མཐར་སོན་པའི། །བུ་ཞེས་གྲགས་པ་དམ་པ་ཁྱེད་ཉིད་
དེ། །ཆོས་ཀྱི་སྤྱན་ལྡན་ཉི་མའི་མཚན་ཅན་ནི། །འདི་ལ་ཚད་མར་གྱུར་ཅིང་དཔང་དུ་བཞུགས། །
སྔ་མ་དྲན་པའི་མངོན་ཤེས་ཚད་མ་དང༌། །ཉིད་ཀྱི་ཞལ་གྱིས་བཞེས་པའི་ལུང་ཚིག་དང༌། །
དཔྱོད་ལྡན་རྣམས་ལ་གྲགས་པའི་ཚད་མ་ཡིས། །གྲུབ་པ་དེས་ན་དངོས་གྲུབ་རིན་ཆེན་གྲུབ། །
བུ་སྟོན་གྱི་སྐྱེ་བ་གྲུབ་ཆེན་ཀུན་དགའ་བློ་གྲོས་དེ་ཉིད་ལ་བཀའ་དྲིན་ཆེ་བའི་བླ་མ་མཆོག་ཏུ་
གྱུར་པ་ཉ་དབོན། དེ་རྗེས་དཔལ་ལྡན་བླ་མ་དམ་པ། བུས་ཆོས་སྐོར་མཐའ་དག་ཁྱུང་པོ་ལྷས་
པ། དུས་འཁོར་གོང་གསུམ་བདེ་ཆེན་པ། ཇོ་ནང་པའི་ལུགས་ཇོ་ནང་ཕྱོགས་པ། འཁོན་རྡོ་
རྗེ་རིན་ཆེན། ཆོས་རྗེ་ཇོ་བཟང་བ་ཆེན་པོ། ལོ་ཙཱ་བ་རིན་ཆེན་རྣམ་རྒྱལ། སྤོས་ཁང་བ་འཇམ་
དབྱངས་རིན་ཆེན་རྒྱལ་མཚན། དཔྱལ་སྟོན་ཀུན་དགའ་རྒྱལ་མཚན། ཐེག་ཆེན་ཆོས་རྗེ་
སོགས་ལ་མདོ་སྔགས་ཀྱིས་བསྡུས་པའི་ཆོས་མཐའ་དག་གི་གསན་པ་རྒྱ་ཆེར་མཛད། པཎ་
ཆེན་ནགས་རིན་མིག་པ་བྱ་བའི་ནང་རྒོད་ཁུང་དུ་བཞུགས་པའི་ཚེ་མཚན་མོ་རྨི་ལམ་བཟུང་
ནས་གྲུབ་ཆེན་བློ་དགོན་པ་ལྷུན་གྲུབ་བདེ་ཆེན་གྱི་བཞུགས་གནས་དེར་ཕེབས་པས་ཟམ་ཆུང་
དེ་ཚུན་དགོན་པའི་སྐོར་རྣམས་དུས་འཁོར། (གཞལ་ཡས་ཁང་དང༌། དེར་གནས་པའི་མི་རྣམས་དུས་འཁོར་
གྱི་ལྷ་ཚོགས་དེ་དག་གི)གྱི་དབུས་ཀྱི་གཙོ་བོ་ལ་ཆོས་རྗེ་གྲུབ་ཆེན་བཞུགས་འདུག་པ་ལ། པཎ་ཆེན་
ནགས་རིན་གྱིས་དུས་འཁོར་གྱི་དབང་ཞུས། སླར་ངོས་ཀྱི་མཇལ་བསྟུན་གྲུབ་ཆེན་ཀུན་བློ་ལ་
དབང་ཐོབ་པར་ལོས་འགྲོ་འམ་ཞུས་པས། དཔེར་ན་གྲུབ་ཐོབ་ཨོ་རྒྱན་པས་ཆོས་རྗེ་རྒོད་ཚང་
པ་མནལ་ལམ་དུ་དུས་འཁོར་གྱི་དབང་ཞུས་པ་བཞིན་ནོ། །
སླར་པཎ་ཆེན་ནགས་རིན་པས་གྲུབ་ཆེན་ཀུན་བློ་ལ་སྦྱོར་དྲུག་སེམས་ཉིད་ངལ་གསོ། 
སྙིང་པོ་དོན་གྲུབ། ཚེ་ཁྲིད་སོགས་ཆོས་བཀའ་མང་དུ་གསན་ནོ། །ཡང་ཁམས་པ་བླ་མ་ཀུན་
22-1-88


སྤང་བ། གྲུབ་ཆེན་ཀུན་བློ་གྲགས་ཆེ་བས་ཅི་མཛད་ཀྱིན་ཡོད་དགོངས་རྨི་ལམ་བཟུང་ནས་
སྐུ་གཞོགས་བྱོན་པས་རྗེ་ཉིད་མ་མཐོང༌། རེ་ཞིག་འཇའ་ལུས་ཀྱི་ངོས་ནས་བདེ་མཆོག་ལུས་
དཀྱིལ་གཟིམ་མལ་ན་བཞུགས་པ་མཐོང་ངོ༌། །དེ་རྗེས་ཕྱག་ན་རྡོ་རྗེ་འཁོར་ཆེན་དུ་མཐོང་
བས། ངས་རྒྱལ་ཁམས་ར་མཐའ་མཐའ་བཞིན་བསྐོར་ཀྱང་བོད་གངས་ཅན་ཁྲོད་ན་ཆོས་རྗེ་
ཉིད་ལས་བཟང་བ་མི་གདའ་ཞེས། དང་འདོད་ཡིད་གསུམ་གྱི་མོས་པ་དང་ཞིབ་པར་གླེང་
བའི་ལོ་རྒྱུས་ཡོད། གྲུབ་ཆེན་ཀུན་བློ་འདིས་ངོ་མཚར་བའི་མཛད་པ་མངོན་པར་ཤེས་པ་ལ་
དགྲ་བཅོམ་པ་ལྟར་བསམ་གཞིགས་མི་དགོས་པར་ཐོགས་རྡུགས་མེད། རེས་ཞབས་ས་ལ་མི་
རེག་པ་མངོན་སུམ་དུ་མཐོང༌། རེས་སྣང་ཚུལ་ལྷ་སྐུར་མཐོང༌། རེས་གཏན་ནས་མི་མཐོང༌། 
རེས་དགོན་པ་སོ་སོ་ཐ་དད་དུ་དུས་གཅིག་ལ་ཆོས་གསུངས་པའི་སྐུ་གཟུགས་ཐམས་ཅད་
མཐོང༌། བསྐྱེད་རིམ་མཐར་ཕྱིན་པས་ཚེམས་ཐོན་པ་ཙམ་ལ་ཡང་ལྷ་སྐུ་རང་འབྱོན་དུ་བྱོན་པ་
ཐིག་ལེ་བྱང་ཆུབ་ཀྱི་སེམས་བརྟན་པར་མཛད་པས་རིང་བསྲེལ་ཡུང་འབྲུ་ལྟ་བུ་འབྱུང་བ་དང༌། 
སླ་དག་[ས་དྲུག་པ་]ཐོབ་པའི་རྟགས། གངས་རྡིབ་པ་དང་ཆུ་བོ་ཆེ་བ་སོགས་གྱེན་བཟློག་པར་
ཡང་ཡང་མཛད་པ་དང༌། ཉི་ཟླ་ཕྱི་རོལ་གནོན་པ་སོགས་ཡོན་ཏན་བསམ་གྱིས་མི་ཁྱབ་པ་ལ་
མངའ་བརྙེས་པ་འདིའི་དགོན་གནས་ཀྱི་མཆོག་རྩེ་ཆེན་ཆོས་སྡེ་འདི་ཡིན་ནོ། །
རྩེ་ཆེན་གྱི་འཁྲིས་རྒྱབ་ན་མཆོད་རྟེན་ཡོད་པ་ཡོལ་དབང་གིས་གྲུབ་རྟགས་བསྟན་ནས་
མཆོད་རྟེན་རྟ་ཆགས་ཙམ་གྱི་སར་ཁྲིད་པས། དེང་སང་རྩ་བརྒྱད་མཆོད་རྟེན་ལྕང་རའི་འོག་
འཁྲིས་ན་ཡོད། རྩེ་ཆེན་གྱི་ལྷོ་ན་སྔགས་འཆང་འབྲོམ་པ་འབྲོམ་རྒྱལ་བའི་འབྱུང་གནས་ཀྱི་
རྒྱུད་པ་ཡིན་ཟེར་བ་ཡོད་ཅིང༌། ＜རྩེ་ཆེན་གྱི་རྩེ་དང་རྩེ་ཆེན་ཆོས་སྡེའི་གཙུག་ལག་ཁང་སོ་སོར་སྐུ་གསུང་ཐུགས་
རྟེན་དང་རྒྱུད་སྡེའི་དཀྱིལ་འཁོར་ཟབ་མོ་བཞེངས་པ་ཇི་ཙམ་ཡོད་ཚུལ་ཟུར་ཙམ་བཀོད་ན། ས་ཕོ་སྤྲེའུའི་ལོ་ལ་ནང་ཆེན་འཕགས་
པས་རྩེ་ཆེན་གྱི་གཙུག་ལག་ཁང་ཁྱམས་ཀ་བ་སུམ་ཅུ་སོ་དྲུག་གཙང་ཁང་ཀ་བ་བརྒྱད་ཀྱི་ས་རྣམས་བསྒྲུབ་པའི་གཙང་ཁང་གུང་
22-1-89


ལ་ཐུབ་དབང་སྐུ་རིན་པོ་ཆེ་ལས་གྲུབ་པ་དགུང་ལོ་བཅུ་གཉིས་པའི་ཚད་ལྡན་ན་དྲུག་རྒྱན་གྱིས་མཛེས་པའི་གནྡྷོ་ལ། སེང་གེས་
བཏེགས་པའི་ཁྲི་ལ་བཞུགས་པའི་གཡས་གཡོན་དུ་སྐྱིད་གྲོང་གི་ཇོ་བོའི་མཆེད་རང་བྱོན་དུ་གྲགས་པའི་ཙན་དན་གྱི་ཇོ་བོ་གཉིས་
དྲུ་བུ་(གླིང་མུན)་ནས་སྤྱན་དྲངས་ཏེ་བཞུགས། དེ་མཐུན་འབྲི་མཚམས་རྒྱ་རྟགས་ནས་སྒྲོལ་མའི་སྐུ་སྤྱན་དྲངས་པ་གསེར་ཟངས་
ལས་གྲུབ་པའི་སྐུ་དེ་ཁ་ཆེ་པཎ་ཆེན་གྱི་ཕྱག་བཟོ་བ་ཡིན་པ། ང་རྒྱ་གར་པཎ་ཆེན་གྱི་རྒྱ་རྟགས་སུ་བཞེངས་པས་ཡུལ་དེ་ལ་ཡང་རྒྱ་
རྟགས་སུ་གྲགས། གཙང་ཁང་གི་གུང་གི་དངོས་ལ་གྲུབ་ཆེན་བརྒྱད་ཅུའི་སྐུ་དང༌། ཁྱམས་ཀྱི་ངོས་གཡས་ཕྱོགས་རྣམས་ལ་སྨན་
བླའི་ལྷ་ཚོགས་ཚང་མར་བཞུགས་པའི་ཞིང་ཁམས་དང༌། དེ་བཞིན་དུ་བྱམས་པ། འོད་དཔག་མེད། མར་མེ་མཛད། སྤྱན་རས་
གཟིགས། རྡོ་རྗེ་རྣམ་འཇོམས། སྒོ་སྲུང་རྟ་མགྲིན། མི་གཡོ་བ། སྒོ་གོང་ལ་གྲྭ་ལྔའི་གཙོ་བོ་རྣམས་དང༌། གཡོན་ཕྱོགས་ངོས་ལ་རས་
བྲིས་མཐོང་བ་དོན་ལྡན། འཇམ་དབྱངས། བྱམས་པ། མི་འཁྲུགས་པ། ཡུམ་ཆེན་མོ། སྒྲོལ་མ། རྣམ་རྒྱལ། འདོད་ཅན། རི་ཁྲོད་
མ་རྣམས་གཙོ་བོར་བཞུགས་པའི་ཞིང་ཁམས་ཡར་ཁྱུའི་གཡོན་ངོས་ལ་མ་གྷ་དྷ་བཟང་མོའི་རྟོགས་བརྗོད་དང༌། སོ་སོར་འབྲང་མ། 
གཡས་ཕྱོགས་ལ་མདོ་ཟ་མ་ཏོག་ནས་གསུངས་པའི་ཞིང་བཀོད་དང༌། སྲིད་པ་འཁོར་ལོ། སེང་གཡབ་ཀྱི་ངོས་ནང་བསྐོར་ལ་གྲུབ་
ཆེན་བརྒྱད་ཅུ་སྐུ་རྣམས་རི་མོར་བྲིས་པ། རབ་གནས་འཁོན་གྱིས་གདུང་རྒྱུད་དྷརྨའི་མཚན་ཅན་དང་ཆོས་རྗེའི་བཟུང་(གཟུངས)གི་
དཔལ་པ་སོགས་ཀྱིས་རྒྱས་པར་མཛད་དོ། །
ནང་ཆེན་འཕགས་པ་དཔལ་བཟང་པོའི་ནང་རྟེན། གཅུང་འཕགས་རིན་གྱིས་བཞེངས་པ་སྟོན་པའི་སྐུ་ཁྲི་རྒྱབ་མ། གཙང་
ཁང་ཀ་བ་བརྒྱད་མའི་གདུང་(གུང་)་ལ་སྔོན་དུ་བཞེངས་པའི་ཐུབ་དབང་དེའི་གཡོན་གྲྭལ་ལ་བཞུགས་ཡོད། གཡས་ངོས་ན་སི་
ཏུ་འཕགས་པ་རིན་པོ་ཆེའི་ནང་རྟེན་མཆོད་རྟེན་བྱང་ཆུབ་ཆེན་པོ་ཡོད། ཡང་དེའི་ནང་རྟེན་ཐུབ་པའི་ཁྲི་རྒྱབ་ཡོལ་དང་བཅས་པ་
བཞུགས། སྐུ་རྟེན་དང་ཐུགས་རྟེན་འདི་གཉིས་རབ་གནས་མཚུངས་མེད་འདི་དབོན་གྱིས་མཛད＞དེའི་འོག་ན་གྲུབ་ཆེན་
ཀུན་བློའི་གདུང་རིང་བསྲེལ་བཞུགས་པའི་དགོན་པ་ཤོ་མ་ཞེས་པ་ཡོད། 
དེའི་འོག་ན་འབྲོང་རྩེར་བོད་རྒྱལ་པོའི་གདུང་རྒྱུད་འབྲོང་རྩེ་ལྷ་བཙུན་གྱི་དགོན་པ་
སྐུ་རྟེན་ཐུགས་རྟེན་དང༌། ཇོ་བོ་ཨ་ཏི་ཤའི་ཕྱག་ནས་ཕོག་ངེས་པ་ཅན་གྱི་མཆོད་རྟེན་ཡོད། 
གཞན་ཡང་འབྲོང་རྩེ་ཆོས་རྗེ་ནུས་པ་ཅན་དེས་བཟོ་བོ་བཀུག མགོན་པོ་ཕྱག་དྲུག་པ་བཞེངས་
22-1-90


རྩིས་ལས་བཟོ་བོས་ལྡེར་བཟོ་ལ་མགོན་པོ་གུར་བཞེངས་པ་དེ་ལ་མཐུ་སྟོབས་ཅན་བདག་
ཆེན་རིན་པོ་ཆེ་རྒྱ་གར་བྱང་ཆུབ་སེམས་དཔར་གྲགས་པས་རབ་གནས་མཛད། མགོན་པོའི་
སྐུ་འདིས་འབྲུག་པ་ཐམས་ཅད་མཁྱེན་པ་མི་ཕམ་པད་མ་དཀར་པོ་ལ་ང་ཁྱོད་ཀྱི་བར་ཆད་
བསྲུང་བ་ལ་འོང་བ་ཡིན་ཟེར་དངོས་ཉམས་ལྟ་བུར་སྣང་བ་ཐོབ་པའི་བྱིན་རླབས་ཅན་དེ་ཡང་
བཞུགས། འབྲོང་རྩེའི་ཕུ་ན་རྒྱལ་བྱེད་ཚལ་ཞེས་པ་སྔོན་མཁས་གྲུབ་གཉིས་ལྡན་གྲུབ་ཆེན་
ཀུན་བློས་ས་གཞི་བྱིན་གྱིས་བརླབས་པ་གནས་གཞི་བཏབ་པ། གཙང་རང་གི་ཀླུ་སྡིངས་ལ་
སྐྱེད་པར་གྲགས་པ། སེ་བ་དང་བསྐྲུན་ཤིང་གི་ནགས་ཡིད་དུ་མཆིས་པ་མྱང་ལུང་པའི་ལྟེ་བ། 
རི་བོ་ཆེན་པོ་ལྷ་དོན་ཅན་གྱི་ཞོལ་བཀྲ་ཤིས་ཤིང་གཡང་ཆགས་པ་ལ་ཕྱི་རྟོགས་ལྡན་ཁྱད་པར་
ཅན་དེས་ལུང་བསྟན་པའི་ས་ཡུལ་དེར་འབྲུག་པ་ཐམས་ཅད་མཁྱེན་པས་དགོན་པ་མ་བཏབ་
གོང་རྒྱལ་བྱེད་ཚལ་དུ་ཞག་བདུན་ཙམ་བཞུགས་པའི་ཞག་ལྔའི་དགོང་མོ་མནལ་ལམ་ལ་དེ་
ན་མཚོ་ཆེན་པོ་ཞིག་འདུག རི་ངོས་ཁ་ལྷོར་བསྟན་ཞིག་ལ་ངེད་བསྡད་འདུག་པར་མཚོ་དེའི་
དབུས་ལྦུ་བ་རུག་རུག་འཁོལ་བའི་ནང་ནས་ཨ་ཙ་ར་སྔོ་སིང་སིང་བ་གཅིག་འཕུར་ཏེ་ཐོན། 
ངེད་ཀྱི་གམ་དུ་སླེབས་ཕྱག་བཙལ་ནས་ངའི་ས་ཆ་འདི་ཁྱེད་ལ་འབུལ། འདིར་སྒྲུབ་སྡེ་ཞིག་
འདེབས་རོགས་མཛོད་ཟེར་ནས་མཚོ་ལ་ཐིམ་སོང་ངོ༌། །དེའི་སང་ཉིན་འབྲོང་རྩེ་སྡེ་པ་ལ་
མགོན་པོའི་རྗེས་གནང་གནང་བའི་སྐབས་བྱ་རོག་ཤིན་ཏུ་ཆེ་བ་བློ་ཡུལ་ལས་འདས་པ་ཞིག་
གིས་སྐད་སྙན་པར་གྲགས་པ་ཀུན་གྱིས་མཐོང་ཞིང༌། དེ་སྐབས་རྒྱལ་བྱེད་ཚལ་ཕུལ། དེ་ལོ་
བླ་བྲང་དང་སྤྱིལ་པོ་ཉི་ཤུ་ཙམ་གྲུབ་བོ། །
ཡང་ཆོ་འཕྲུལ་གྱི་དུས་ཆེན་ལ་འཇམ་དཀར་གྱི་བསྙེན་པ་མཛད་དུས་ཚེས་བརྒྱད་ཀྱི་
ཐོ་རངས་རྒྱལ་བྱེད་ཚལ་གྱི་ནུབ་ཕྱོགས་ཀྱི་མཁའ་ལ་འཇའ་སྤྲིན་གྱི་ཕུབ་པའི་ནང་ན་འཇམ་
དབྱངས་སྨྲ་བའི་སེང་གེས་ལྷའི་བུ་དང་བུ་མོ་ལ་ཆོས་འཆད་པ་གཟིགས་པས་གནས་འདིར་
22-1-91


མཁས་བཙུན་བཟང་གསུམ་མང་དུ་འབྱོན་ནོ་གསུང་ངོ༌། །ཡང་གནས་འདིར་གཟིམས་སྤྱིལ་
གོང་མར་མཚམས་བསྡམས་དེ་དུས་ལྕེ་རྩེ་རྐན་སྦྱར་ལ་ཟིན་བྲིས་བྱེད་སྐབས་ཤ་བ་རིའི་བུམ་
ཆུ་ཡིན་ཟེར་བ་བཏུངས་ཏེ་སྐྱུགས་པ་རྨིས། དེ་ནས་ཕག་མོ་ལྷ་ཁྲིད་བརྩམས་དེ་ནས་ཕྱེད་གྲུབ་
པ་ན་སྙན་རྒྱུད་ཡི་གེར་བྲིས་པ་ལ་རང་སྐྱེ་མེད་བསམ། བཤོལ་བརྩིས་ལ་རྨི་ལྟས་བཟང་བས་
སྙན་རྒྱུད་ཚང་མ་རྒྱལ་བྱེད་ཚལ་འདིར་བྲིས་ཤིང༌། ལེགས་གསུངས་འབྲུག་སྒྲ་འབུམ་གྱིས་
འབད་པའི་ཤུགས། །མོས་པའི་རིམ་པ་གཡས་སུ་འཁྱིལ་བ་ནས། །དབྱངས་ཅན་མ་ཡིས་
སྐད་གསང་མཐོན་པོ་ཡིས། །ཕ་རོལ་ཉི་མའི་སྤུན་ལ་ཞུམ་པ་སྦྱིན། །དེ་ཡིས་མཐའ་བཞིའི་
དགེ་འདུན་ཀུན་འདུས་པའི། །ངུར་སྨྲིག་ཚོན་གྱིས་མཐོ་རིས་ས་དང་འོག །འཇིག་རྟེན་བྲོ་
གར་གྲགས་པའི་ཡིག་ཕྲེང་དག །གསལ་པོར་བྲིས་འདི་རྟག་ཏུ་སྙམས་པ་མིན། ཞེས་རྒྱ་གར་
གྱི་ན་རོ་པཎ་ཆེན་གྱི་སྤྲུལ་པ་མཁས་གྲུབ་མི་ཕམ་པདྨ་དཀར་པོས་བཤད་སྒྲུབ་གཉིས་ཀྱི་གྲྭ་
བཟང་པོ་བཙུགས་ཤིང༌། གཙུག་ལག་ཁང་རྟེན་གསུམ་དང་བཅས་པ་བཞུགས་ཚུལ་ཙམ་ཞིག་
བཀོད་ན་དེའི་ཕུ་ཕྱོགས་ན་རི་ཆེན་པོ་དེ་ལ་ལྷ་དོ་ཟེར། བསྟན་པ་སྔ་དར་རྒྱལ་པོ་ཁྲི་སྲོང་ལྡེའུ་
བཙན་གྱིས་བཏབ་པ་སྦས་ལུང་གི་དགོན་པ་ལ་ལྷ་དོ་ཟེར་བ་ཐོགས་ཤིན་ཏུ་སྔ། གནས་རྙིང་
མཁན་པོ་ཆོས་ཀྱི་རིན་ཆེན་པས་ཀྱང་ལྷ་དོ་དགོན་པ་བཏབ། གནས་རྙིང་མཁན་ཆེན་རིན་ཆེན་
བཟང་པོ་བས་དབུས་རི་ལྷ་དོར་ལོ་བཅུ་གཉིས་སྒྲུབ་པ་ལ་བཞུགས་པའི་གནས་དེའོ། །
དེའི་འོག་ཙམ་ན་ཁང་དམར་ཞེས་པ་རྒྱལ་པོ་ཁྲི་སྲོང་ལྡེའུ་བཙན་གྱི་བློན་པོ་སྒྲོ་རིངས་
ལྡོང་བཙན་གྱིས་ཁང་དམར་གྱི་ལྷ་ཁང་བཞེངས་པ་ཡིན་ལ་དུས་དེང་སང་སངས་རྒྱས་འཕེལ་
གདུང་བཞུགས་ཤིང༌། དཔོན་སྐྱ་ཁང་དམར་བ་ཞེས་འབྲུག་པ་ཐམས་ཅད་མཁྱེན་པ་ལ་དད་
པ་ཐོབ་པའི་གང་ཟག་ཁྱད་པར་ཅན་དེས་འབྲོང་རྩེ་པ་དང་ཡོན་མཆོད་དུ་སྦྲེལ་ནས་རྒྱལ་བྱེད་
ཚལ་རྒྱག་པའི་རྐྱེན་ཆེན་པོ་མཛད་པའོ། (ཞིབ་ཏུ་བཤད་ན་བསྲེ་བྲག་གཡའ་ལུང་གི་རི་བོ། །ཤར་ཁ་རས་ཆེན་
22-1-92


དཔལ་འབར་གྱི་བཏབ་པའི་དགོན་གནས་སུ་ཆོས་རྫོང་མཁན་པོ་ཆོས་རྗེ་བསམ་གཏན་དབང་ཕྱུག་པས་འབྲུག་པ་ཐམས་ཅད་
མཁྱེན་པ་སྤྱན་དྲངས། དེར་དེད་ཚོ་ལ་འབྲོང་རྩེ་སྡེ་པ་ཚེ་དབང་མགོན་པོས་ཇ་ཞུས་སྐྱེལ་བར་ཁང་དམར་པ་སླེབས་བྱུང་བ་དེ་ནས་
མཆོད་ཡོན་གྱི་རྟེན་འབྲེལ་འགྲིགས་པས་གོང་ལྟར་རོ།།)དེའི་འོག་ཙམ་ན། རྩིས་གནས་གསར་ཞེས་སྤྲུལ་
པའི་རྒྱལ་པོ་སྲོང་བཙན་སྒམ་པོས་གཙུག་ལག་ཁང་བརྒྱ་རྩ་བརྒྱད་བཞེངས་པར་དམ་བཅས་
ཀྱང༌། གཙུག་ལག་ཁང་ཞེ་གཉིས་བཞེངས་གྲུབ་པའི་ཡ་གྱལ་གཅིག་ཡིན་པ། དེང་སང་མགོན་
ཁང་ཆེན་མོར་གྲགས་པ་དེ་ཡིན་ནོ། །མགོན་ཁང་ཆེན་མོར་གྲགས་པའི་ཁྱམས་རིམ་པ་གསུམ་
བྱས་པའི་ཕུག་ན་རྣམ་པར་སྣང་མཛད་ཀྱི་ཐུགས་ཁ་དེ་ལ་མགོན་པོ་སྟག་བཞོན་འཆས་ཀྱི་
ཡོད། ད་ལྟ་རྩིས་དགོན་དུ་གྲགས་པ་དེ་ཡིན། ལྷ་མོའི་མགོན་ཁང་དེའི་ཟུར་ན་ཡོད། མགོན་
པོ་ལྕམ་དྲལ་དེ་གཉིས་ལ་འཁོར་ལས་མཁན་རྣམ་གསུམ་དུ་གྲགས་པ་མགོན་ཁང་སྤྱིའི་རྩ་བ། 
སྤྱན་གཟིགས་ཀྱི་ནང་ན་རྭ་ཅོའི་ཕུང་པོ་ལ་སྲོག་བདུད་གནས། ཕྱིའི་ཤིང་སྡོང་གོག་པོ་ཆེན་
མོ་ལ་ཀླུ་བདུད་གནས། ཉེ་འགྲམ་ཞིང་ཞིག་གི་འགྲམ་ན་གཟའ་བདུད་གནས་པར་གྲགས། 
འཁོར་བྱིངས་རྣམས་ཕྱིའི་ལྕགས་རི་ལ་གནས་པར་བཤད། རྩིས་གནས་གསར་གྱི་གཙུག་
ལག་ཁང་ཤར་ནུབ་གཉིས་ཡོད་པའི་ཤར་མ་དེ་རྒྱལ་པོ་ཁྲི་སྲོང་ལྡེའུ་བཙན་གྱིས་བཞེངས་པའི་
གཙུག་ལག་ཁང་ཡིན། དེང་སང་ཧོར་ཕིག་ཟེར། དེར་ཡུམ་ཆེན་མོ་ལ་ཕྱོགས་བཅུའི་སངས་
རྒྱས་ཀྱིས་བསྐོར་བ་དང༌། རྟ་མགྲིན་རྟ་སྐད་མར་གྲགས་པ་སློབ་དཔོན་པདྨས་ཕྱག་ནས་ཕོག་
པའི་བྱིན་རླབས་ཅན་དང༌། སློབ་དཔོན་པདྨའི་ཤངས་མཚལ་དང༌། སློབ་དཔོན་རང་གི་ཕྱག་
བྲིས་ངོ་མས་གྱང་ལྡེབས་སུ་མགོན་པོ་བེང་གི་སྐུ་དེ་འབུར་དུ་འགྲོ་ཡི་འདུག་པའི་འབུར་དོད་
མའི་གཙུག་ལག་ཁང་དུ་གྲགས་སོ། །
མགོན་པོ་བེང་འདི། (འདི་ལ་ཐོག་མར་ཡི་དམ་གྱི་སྨིན་བྱེད་ལ་རིགས་འདུས་ཉི་ཤུའི་དབང་སྟེ་རིགས་ཐམས་ཅད་
ཀྱི་བདག་པོ་རྡོ་རྗེ་འཆང་ཆེན་པོའི་དབང༌། བཅོམ་ལྡན་འདས་སྨན་བླ། ཚེ་དཔག་མེད། རྣམ་སྣང༌། མི་སྐྱོད་པ། རིན་འབྱུང༌། དོན་
22-1-93


གྲུབ། འཇམ་དབྱངས། སྤྱན་རས་གཟིགས། རྡོ་རྗེ་སེམས་དཔའ། རྡོ་རྗེ་འཇིགས་བྱེད། རྟ་མགྲིན། ཕྱག་རྡོར། དམེ་བརྩེགས། 
སངས་རྒྱས་མཁའ་འགྲོ། རྡོ་རྗེ་མཁའ་འགྲོ།རིན་ཆེན་མཁའ་འགྲོ།པདྨ་མཁའ་འགྲོ། ལས་ཀྱི་མཁའ་འགྲོ་རྣམས་ཀྱི་དབང་རེ་
རེ་རྒྱས་པར་སྩལ་རྗེས་མགོན་པོ་ཕྱི་ནང་གསང་གསུམ་གྱི་དབང༌། མགོན་པོ་འདུན་ཚོགས་ཀྱི་དབང༌། བེང་དམར་པོ་འཆི་མེད་ཀྱི་
དབང༌། གཤིན་རྗེ་ལག་སྦྲེལ་གྱི་དབང༌། དྲག་པོ་གསུམ་དང་སྡེ་བརྒྱད་ཀྱི་དབང༌། བཀའ་བསྒོ་བ་དང་བཅས་པ་རིགས་འདུས་འདུ་
བ་གཅིག་པའི་དབང༌། འགྲོ་བདུན་གྱི་སྲོག་དབང་སོགས་རྒྱས་པར་ནོས་རྗེས། ལུང་ལ། གུཪྻ་ཨོ་རྒྱན་རྩ་རྒྱུད་ལེའུ་སུམ་ཅུ་པ། ཀུན་
སྣང་ལྷའི་ལེའུ་བཅུ་གཅིག་པ་འཕྲིན་ལས་རྒྱ་མཚོའི་རྒྱུད་ལ་སྦྱོར་བ་སྟོད་ལ་ལེའུ་ལྔ། སྨད་ལ་སྐབས་གསུམ་གྱི་གྲི་གུག་བརྩེགས་
པའི་རྒྱུད་ལ་ལེའུ་གཅིག་པ། སྐྱེ་རྒྱུད་ལེའུ་ཉེར་དྲུག་པ། བཀོལ་རྒྱུད། རྒྱུད་ཀྱི་ལས་ཐམས་ཅད་དབྱེ་བ། དྲག་པོའི་སྒྲུབ་ཐབས་
མཐར་ཕྱིན། ལོ་རྒྱུས་ཆེ་ཆུང་གསང་བ་མཛོད། དེའི་ལས་བྱང༌། དཀྱིལ་འཁོར་གཞུང་ཆུང༌། ཞལ་གདམས་ཆེ་འབྲིང་ཆུང་གསུམ། 
ཡིག་སྣང་ཆེ་འབྲིང་ཆུང་གསུམ། འཕྲིན་ལས་བཀའ་རྒྱ་ཅན། ལས་ལྔའི་མན་ངག་དངོས་དང༌། འཁོར་ལྔའི་མན་ངག །ཤོག་རིལ་
སྐོར་ལ་སློབ་དཔོན་རོ་ལངས་བདེ་བའི་ཤོག་རིལ་བཅུ་བདུན། བྲམ་ཟེའི་ཤོག་རིལ་ལ་མིང་གི་གབ་ཡིག་དེའི་བརྡའ་འགྲེལ། བླ་མ་
དང་མགོན་པོའི་ཞལ་ལུང༌། རིམ་གཉིས་ཀྱི་གསོལ་བཏབ། རྒྱུད་ཀྱི་དོན་འགྲེལ། ཕན་གནོད་ནོར་བུའི་ཤོག་རིལ། ལག་ལེན་ཉལ་
ཆོག་གི་ཤོག་རིལ། དགྲ་བགེགས་གདུག་པ་འདུལ་བའི་མན་ཏྲ། གསང་བ་སྡེབས་ཀྱི་མན་ངག །མགོན་པོ་འཆི་མེད་ཀྱི་ཤོག་རིལ། 
དཀོར་སྲུང་དང་དཀོར་འགྲེལ་ཤོག་རིལ། བརྟན་གཡོ་སྣ་ཚོགས་ཕྱག་རྒྱ་འཛིན་གྱི་འགྲེལ་པ། རྫོགས་རིམ་ཀྱི་མན་ངག་དང་འཁྲིད་
ཀྱི་ཤོག་རིལ། བདུན་ཚོགས་ཀྱི་ཤོག་རིལ། དེའི་འཁོར་གྱི་ཤོག་རིལ། བདུན་ཚོགས་དབང་གི་ཤོག་རིལ། ཁྱད་པར་གྱི་ཤོག་རིལ། 
རིགས་འདུས་ཉི་ཤུའི་མངོན་རྟོགས་ཀྱི་ཤོག་རིལ། ཁྲོ་བཞིའི་ཁྱད་པར་གྱི་ཤོག་རིལ། ལས་གཤིན་གྱི་ཤོག་རིལ། ངག་འགྲོལ་གྱི་
ཤོག་རིལ། བྲམ་ཟེས་མན་ཚུལ་ཤེས་ལ་གདམས་པའི་ཤོག་རིལ། ལུས་རྒྱའི་འདེགས་དང་འབྱུང་བ་རྒྱས་འདེགས་ཀྱི་ཤོག་རིལ། 
དམ་ཚིག་འདུས་པའི་དབང་གི་ཤོག་རིལ། ལས་གཤིན་གྱི་ཤོག་རིལ། དྲུག་ཅུ་པའི་ཤོག་རིལ། དྲག་པོ་སྒྲོལ་དབང་གི་ཤོག་རིལ་
ནང་རྒྱས་ཞི་བར་བྱེད་པའི་མན་ངག་གི་ཤོག་རིལ། རྩ་བའི་མན་ངག་གི་ཤོག་རིལ་སོགས་དང༌། བོད་གཞུང་སྐོར་ལ་བླ་མ་རིན་
ཆེན་འོད་པས་མཛད་པའི་རིགས་འདུས་ཉི་ཤུའི་མངོན་རྟོགས་ཐོ་ཚེ་སོགས་སོ།) ཁྲི་རལ་གྱི་གཙུག་ལག་ཁང་སྟོང་རྩ་
བརྒྱད་བཞེངས་པར་དམ་བཅས་པའི་ནང་ཚན་རྟིང་མའི་མཇུག་རང་དུ་བཏབ་ནས། གཙུག་
22-1-94


ལག་ཁང་སྟོང་རྩ་བརྒྱད་ཚང་མ་ཚངས་ཀྱི་གྲངས་རྩིས་ས་ཡང་འདིར་ཡིན་པས། རྩིས་གནས་
གསར་དུ་ཐོགས་པའི་གཙུག་ལག་ཁང་ནུབ་མ་འདི་ཁྲི་རལ་གྱིས་བཏབ་པ་ཡིན་ལ་དེང་སང་
རྒྱ་ཕིབས་ཟེར། དེར་གཙོ་བོ་རྣམ་པར་སྣང་མཛད་མི་བཞི་རྒྱབ་སྤྲོད་དང་ཉེ་བའི་སྲས་བརྒྱད་
ཡོད་དོ། །
སྤྱིར་རྣམ་པར་སྣང་མཛད་གཙོ་བོར་བཞུགས་པ། ལྷ་སུམ་ཅུ་སོ་བདུན་ཏེ་རྡོར་དབྱིངས་
ཀྱི་དཀྱིལ་འཁོར་འདི་དེ་ཉིད་འདུས་པའི་རྩ་རྒྱུད་ལེའུ་བཞི་ཡོད་པའི་ལེའུ་དང་པོ་ནས་བཤད། 
འདི་འགྲེལ་བྱེད་མཁས་པ་མི་གསུམ་སྟེ་ཚིག་དོན་གཉིས་ཀ་ལ་མཁས་པ་སློབ་དཔོན་ཀུན་
དགའ་སྙིང་པོས་འགྲེལ་པ་དེ་ཉིད་གནང་བ་སྟེ་སྟོད་ཆ་སྨད་ཆ་ཡོད་པ། སྟོད་ཆ་ལོ་ཙཱ་བ་རིན་
ཆེན་བཟང་པོའི་དུས་བསྒྱུར། སྨད་ཆ་བལ་པོ་ཐུགས་རྗེ་ཆེན་པོ་དང༌། ཟངས་དཀར་ལོ་ཙཱ་བའི་
སྐབས་སུ་བསྒྱུར་རོ། །
དོན་ལ་མཁས་པ་སངས་རྒྱས་གསང་བ་དང༌། །ཚིག་ལ་མཁས་པ་ཤཱཀྱ་བཤེས་གཉེན་
གཉིས་ཀྱི་འགྲེལ་པ་ཨ་བ་ཏ་ར། །ཀོ་ས་ལའི་རྒྱན་གཉིས་ཡོད་པ་ལས་ནུབ་མའི་གཙུག་ལག་
ཁང་འདིའི་རྣམ་པར་སྣང་མཛད་འདི་ནི་རྡོར་དབྱིངས་ཀྱི་དཀྱིལ་འཁོར་གྱི་གཙོ་བོ་རྣམ་པར་
སྣང་མཛད་ཡིན་ལ་ཤཱཀྱ་བཤེས་གཉེན་གྱི་བཞེད་སྲོལ་ལྟར་གྱི་རྣམ་སྣང་མི་བཞི་རྒྱབ་སྤྲོད་
ཀྱི་བཞུགས་ཚུལ་ལོ། །སྔོན་གཏེར་བཏོན་གུ་རུ་ཡེ་ཤེས་ཁྱུང་གྲགས་ཀྱིས་དཀོན་གཉེར་གྱི་
གཡོག་ཏུ་བརྫུས། ལོ་གཅིག་ལྷག་པ་གཡོག་བྱས་རྗེས་མགོན་ཁང་ཆེན་མོར་གྲགས་པའི་ཕུག་
གི་རྣམ་སྣང་གི་ཐུགས་ཀྱི་སྐུ་རྒྱབ་ཕྱོགས་ནས་སྐྱེ་བདུན། (བྲམ་ཟེ་སྐྱེ་བདུན་པའི་སྤུར་ཤ་ད་ལྟའང་ཡོད་
ཟེར་རོ།)གྱི་རྩ་བ་བྲམ་ཟེའི་སྤུར་ཤ་སྤྱན་དྲངས་ཚུལ་གུ་གུ་ཡེ་ཤེས་ཁྱུང་གྲགས་ཀྱི་རྣམ་ཐར་ནང་
ན་ཡོད་ལ། གུ་རུ་ཡེ་ཤེས་ཁྱུང་གྲགས་ཀྱིས་དབོན་རྒྱུད་སྐྱི་མཁར་གུར་སྡིངས་པ། གུ་རུ་ཆོས་
དབང་གི་གཏེར་བྱུང་ལས་ཆོས་དབང་མདུན་མ་བརྩིས་ནས་བྱུང༌། དངོས་གྲུབ་ཤེལ་བུམ་ནང་
22-1-95


ནས་བྱུང་ཞེས་པ། གཏེར་དེ་སྤྱན་འདྲེན་པར་ཆོས་དབང་རང་དངོས་སུ་ཕེབས་མ་ཐུབ་པར་
གཏེར་བདག་རྩིས་མགོན་བཀུག་སྟེ་བཀའ་བསྒོས་ནས་སློབ་མ་གཉེན་སྟོན་ཛམ་བྷ་ལ་དང༌། 
སྒོམ་ཆེན་འབྲུག་པ་ཞེ་གཉིས་ལ་དེ་ཕྱོགས་རྒྱུས་ཞིབ་པར་ཡོད་པ་ལ་བརྟེན་ནས་འདོན་པར་
གནང༌། ཁོང་གཉིས་ཀྱི་བརྩིས་ལྷ་ཁང་གི་མགོན་ཁང་ཆེན་མོ་ན་བཞུགས་པའི་རྣམ་པར་སྣང་
མཛད་ཀྱི་སྐུའི་ནང་ན་སློབ་དཔོན་པད་མས་དབང་བསྐུར་གྱི་བུམ་པ་ཤེལ་ལས་གྲུབ་པ་ནང་
ཟབ་པ་སྐོར་དགུའི་ཤོག་སེར་གྱིས་གང་བ་ཡོད་པ། སྐུའི་ཕྱི་རྒྱབ་ནས་ཐིག་ཚད་བྱས་བཀོད་
ནས་སྤྱན་དྲངས་ཏེ་ཆོས་དབང་རིན་པོ་ཆེའི་ཕྱག་ཏུ་ཕུལ། དབང་བུམ་དེ་ཉིད་ཕྱིས་ཀྱང་གཏེར་
དུ་སྦས་ཏེ་མ་འོངས་ཆོས་དབང་སྤྲུལ་པ་གུ་རུ་ཆོས་ཀྱི་བཤེས་གཉེན་ཞེས་བྱ་ལོ་པ་ཞིག་གིས་
འདོན་ནོ། །ཟབ་པ་སྐོར་དགུ་སྐལ་ལྡན་ཆོས་སུ་དེང་སང་བཞུགས་པ་འདིའོ། །
རྩིས་གནས་གསར་གྱི་མྱང་ཆུ་དང་ཉེ་བའི་སར་ཁྲི་སྲོང་ལྡེའུ་བཙན་དུས་ཀྱི་གཙུག་ལག་
ཁང་ཁྲི་སྲོང་ལྡེའུ་བཙན་གྱི་བློན་པོ་ལྕེ་ཁྲི་བཟང་ལྷ་བྱིན་གྱིས་རྩིས་ཀྱི་ལྷ་ཁང་བཞེངས་པ་དེའི་
ཞིག་ཤུལ་ཞིག་ཀྱང་ཡོད། ཨ་མེས་ཚོང་བཙུན་གྱིས་རྩིས་ཀྱི་ཡང་དབེན་བཟུང་བའི་དུས་སུ་
རྩིས་ལྷ་ཁང་ཕུལ། དེའི་ཉེ་གནས་སྦ་བཙུན་བློ་གྲོས་ཡོན་ཏན་ལ་གཏད་དེ་དེས་མཁན་པོ་
བྱས་ནས་བསྐྱངས་པ་ཚོ་ལ་སྦ་ཚོ་ཟེར། དེའི་མཁན་པོ་ཡོལ་ཆོས་དབང་གིས་སྐྱེགས་གནས་
རྙིང་བཟུང༌། དེ་ནས་མཆེད་པ་ལ་སྦ་ཚོ་སྟོད་པ་ཟེར། ཡོལ་ཐོག་འབེབས་ཀྱིས་ལྕང་ར་བཟུང༌། 
སྟག་པ་ཇོ་བཙུན་གྱིས་ལྕེ་དཔེ་བཟུང་བ་དེ་གཉིས་ལ་སྦ་ཚོ་བར་པ་ཟེར། རྩིས་ནས་མཆེད་པ་
ལ་སྦ་ཚོ་སྨད་པ་ཟེར་རོ། །
ཕྱིས་སུ་རྩིས་གནས་གསར་འདིར་ལྕེ་བཙུན་རྒྱ་གར་ནས་ནམ་འཁོར་བར་གྱི་ཞྭ་ལུའི་
གདན་ས་མཛད་པའི་ལྕེ་བཙུན་ཤེས་རབ་འབྱུང་གནས་ཀྱི་སློབ་མའི་མཆོག་ཡིན་ཞིང༌། མཁན་
པོ་མགོ་བ་ཡེ་ཤེས་གཡུང་དྲུང་གིས་རྩིས་ལྷ་ཁང་བཟུང༌། དེ་ཚུན་རྩིས་གནས་གསར་གྱི་རབ་
22-1-96


ཏུ་འབྱུང་བའི་སྡོམ་རྒྱུན་སྡོམ་པ་རྒྱ་གར་མར་གྲགས་པ་ཁོ་ན་ཡིན། རྩིས་གནས་གསར་དེའི་
ཕུ་བསྟན་པ་སྔ་དར་གྱི་དགོན་པ་ཁྱད་པར་ཅན་བཙས་ཕུ་ན་བདེ་ཕུ་དགོན་པ་ཤིན་ཏུ་ཐོགས་
སྔའོ། །དེའི་ཕུ་ན་རྩིས་ཕུའི་ཡང་དབེན་ཡོད་དེ་ཇོ་བོ་ཨ་ཏི་ཤས་སློབ་མ་སྒོམ་པ་བུ་བཞིར་
གྲགས་པའི་ནང་ཚན་ཇོ་བོས་བླ་མཆོད་དུ་མངའ་གསོལ་བ་དགོན་པ་བ་འཛེང་དབང་ཕྱུག་
རྒྱལ་མཚན་གྱི་སློབ་མ་དགོན་གྱི་བུ་བཞིར་གྲགས་པའི་ནང་ཚན་ཞང་ཀ་བའམ་ཞང་བུ་གཅིག་
པར་གྲགས་པ་ཁྱད་པར་ཅན་དེའི་སློབ་མ་ལུམ་པ་བ་ཡེ་ཤེས་བྱང་ཆུབ་བམ་དགེ་བཤེས་
གངས་པར་ཡང་གྲགས་པ། པུ་ཏོ་བ་དང་ཀརྨ་པ་གཉིས་ཀའི་སློབ་མ་མྱང་སྟོད་རྩིས་ཕུལ་ཡང་
དབེན་དུ་བཞུགས་ནས་སློབ་མ་སུམ་ཅུ་ཙམ་སྨིན་པར་མཛད། དེའི་ནང་ནས་སློབ་མའི་མཆོག་
ཁུ་ལེའི་ཁ་མོ་ཟེའུ་སྟོན། ཡང་རྩིས་གནས་གསར་ཕུལ་ཡང་དབེན་དུ་སྨིན་པར་མཛད། མཚན་
ལུམ་པའམ་གངས་པར་ཡང་གྲགས་ཤིང༌། གངས་རོ་ལྷ་ཁང་དུ་ཆོས་འཆད་དུས་གྲྭ་པ་བརྒྱད་
བརྒྱ་ཙམ་འདུས་ཟེར་བ། པ་ཚབ་ཀྱི་སློབ་མ་གངས་པ་ཤེའུ་དང་གཅིག་གམ་སྙམ་མོ། །རྩིས་
གནས་གསར་གྱི་འོག་ན། སྒྲོལ་མ་བྲག་ནས་དམ་རྫས་མྱོང་གྲོལ་བསྟན་གཉིས་གླིང་པས་སྤྱན་
དྲངས། དེའི་འོག་ཙམ་ན་རྒྱལ་མཁར་ལུང་པ་དྲིལ་བུ་འདྲ་སྟེ་མདའ་དགའ། སྐྱི་མཁར་ལུང་པ་
གདུགས་འདྲ་སྟེ་ཕུ་དགའ། མག་ནས་འདྲ་སྟེ་སྐེད་པ་དགའ། ལུང་པ་གསུམ་གྱི་མངའ་ཐང་
ལ་མཁར་ཅིག་བརྒྱབ་པ་ཨར་མོ་འདུས་ཆུང་ཡོད། པ་ཚབ་བསམ་གྲུབ་རྩེ་ཡི་གཉའ་གནོན་
ཡིན། (རྔོག་བློ་ལྡན་ཤེས་རབ་ནི་མགོན་པོ་སྔོན་བྱུང་གི་རྒྱུད་ལས། ཤར་ཕྱོགས་རྒྱ་མཚོར་བརྟེན་ནས་ནི། །དེ་འདིར་འབྲོག་
མི་མཐར་ཐུག་པར། །བློ་ལྡན་ལོ་ཧི་ཏ་ལས་གཞན། །དེ་མིན་ཤེས་རབ་མཐར་གནས་ཤིང༌། །བྱང་དུ་དེ་བཞིན་ཁ་བ་ཅན། །ཞེས་
ལུང་བསྟན་པའི་རྔོག་ལོ་ཙཱ་བ་དེ་རྒྱ་གར་དུ་ཌོམ་བྷི་ཧེ་རུ་ཀ་དང་མཇལ། སྟག་རྒྱབ་ཏུ་བཞོན་མཁའ་སྤྱོད་ལ་བྱོན་པ་ལ་བོད་མུན་
གླིང་དུ་གཟིགས་ནས་འཆད་ཉན་གྱི་ཉི་མ་ཤར་བ་ལྟ་བུར་བགྱིད་དགོངས། བབས་ནས་ཆོས་ཀྱི་འཁོར་ལོ་སྐོར་བའི་དང་པོ་མྱང་
སྟོད་འདུལ་ཆུང༌། དེ་ནས་བོ་དོང༌། །དེས་ནས་ལྷ་ས་སོགས་དང༌། དབུ་རུ་དང་གཡོན་རུའི་ས་ཕྱོགས་སུ་ཆོས་འཁོར་རྒྱས་པར་
22-1-97


བསྐོར་རོ།) འདུལ་ཆུང་གི་ཕྱོགས་བཞིར་སྔོན་དུས་ཀྱི་དགོན་གནས་ཁྱད་པར་ཅན་ཡོད་དེ་ལྷོ་ན་
XXXནུབ་རྐྱང་འདུར་ལྷ་ཁང༌། བྱང་ན་ངང་སྐྱ་ལྷ་ཁང༌། ཤར་ན་འདྲེ་ལྷ་ཁང་རྣམས་ཡོད་དོ། །
འདྲེའི་ལྷ་ཁང་བསྟན་པ་སྔ་དར་གྱི་གཙུག་ལག་ཁང་ཡིན། འདུལ་ཆུང་གི་ཉེ་ལོགས་ན་འདྲེ་
ལྷ་ཁང་ཡོད་དེ་དེར་ལོ་སྟོན་རྡོ་རྗེ་དབང་ཕྱུག་གི་མཁན་བུ་ཉི་ཤུ་རྩ་བཞིའི་ནང་ཚན་མགོ་བ་ཡེ་
ཤེས་གཡུང་དྲུང་གིས་བཤད་ཉན་བསྐྱངས། ལྕེ་བཙུན་རྒྱ་གར་ལ་བྱོན་པར་མགོ་བ་ཡེ་ཤེས་
གཡུང་དྲུང་གིས་ཞྭ་ལུ་བཟུངས། ཕྱིས་འདུས་ཆུང་གིས་འདྲེ་ལྷ་ཁང་བཟུང་ཞིང་བཤད་ཉན་
བསྐྱངས། ལོ་སྟོན་གྱི་དངོས་སློབ་ཨ་མེའི་མཁན་བུ་ཀོང་པོ་ཐར་པ་རིན་ཆེན་ལ་མཁན་བུ་བཞི་
བྱུང་སྟེ། གཟུ་སྟོན་འཕན་གྲགས་ཀྱིས་འདྲེའི་ལྕེ་མཚམས་དང༌། རྒྱ་གར་སྟག་ལུང་བཟུང༌། དེ་
ནས་རབ་ཏུ་བྱུང་བ་མཆེད་ཅིང་འཕེལ་པ་ལ་གཟུ་ཚོ་ཟེར། ལྕེ་བཙུན་དཀར་པོས་ཨང་ཡིག་
བཟུང་ངོ༌། །ཕུ་སྐྱིན་མཁར་ཕྱོགས་ན་སྐྱིན་མཁར་ལོག་པ་ཕུ་རུ་མཁས་པ་ན་རིམ་བྱོན། ལྷག་
པར་ཏྲི་རིན་ཆེན་དབང་ཕྱུག་གསང་འདུས་རྒྱུད་མན་ངག་དགྱེས་རྡོར་རྒྱུད་གསུམ་ལ་མཁས་
པ་དེ་བྱོན་པ་ཡིན་ནོ། །ལྷ་རྗེ་ལྕེ་སྟོན་རྒྱ་ནག＜རྒྱུད་པ་གུར་སྡིངས་པ་ཡིན་ནོ།＞ གི་མེས་པོ་འཕངས་
བྱང་བརྩོན་བྱ་བ་ཁམས་སུ་བྱོན་ནས་ཡར་ལོག་སྟེ་ཀློང་ཐང་སྒྲོལ་མའི་གཙུག་ལག་ཁང་ལ་
དཔེ་བླངས་ནས་སྐྱི་མཁར་ལྷ་ཁང་བཞེངས། ལྷ་རྗེ་ལྕེ་སྟོན་རྒྱ་ནག་ནི་ལྷ་རྗེ་སྒྲོ་ཕུག་པ་ཆེན་
པོའི་ཐུགས་ཟིན་པའི་སློབ་མ་བཞི་གསུམ་བཅུ་གཉིས་བྱུང་བ་ལ་མེ་བཞི་ནག་བཞི་སྟོན་བཞི་
བཅུ་གཉིས་ཀྱི་ནང་ཚན་ལྷ་རྗེ་ལྕེ་སྟོན་རྒྱ་ནག་གི་སྐྱིས་མཁར་ལྷ་ཁང་དེར་སྤྱིར་རྙིང་མའི་ཆོས་
དང་ཁྱད་པར་སྒྱུ་འཕྲུལ་ཞི་ཁྲོའི་དབང་རྒྱུད་བཅས་མན་ངག་དང་བཅས་བཤད་པས་སློབ་མ་
བསམ་གྱིས་མི་ཁྱབ་པ་ཐོན་པའི་གནས་ཁྱད་པར་བ་ཡིན་ནོ། །
ལྷ་རྗེ་ལྕེ་སྟོན་རྒྱ་ནག་གི་ལོ་རྒྱུས་ཞིབ་པར་བཤད་ན་ཟུར་པོ་ཆེ་དང་ཟུར་ཆུང་པ་གཉིས་སུ་
གྲགས་པ་ལས་ཟུར་ཆུང་བའི་མིང་ཤེས་རབ་གྲགས། བྲག་རྒྱ་བོ་དགུ་འདུས་སུ་ལོ་བཅུ་བཞི་
22-1-98


སྒྲུབ་པ་ཁོ་ན་ལ་བཞུགས་པས། མཚན་ལ་ལྷ་རྗེ་བདེ་གཤེགས་རྒྱ་བོར་གྲགས་པ་དེ་ལ་ཇོ་མོ་
སྔ་མ་བཙད་མོ་དར་མ་བོ་དྷི་ལ་བཙད་ཚ་ལྕམ་སྲིང་གཉིས་འཁྲུངས། ཇོ་མོ་རྟིང་མ་མདར་ཏིག་
ཇོ་བོ་ཤཱཀྱ་ཡི་ལྕམ་མོ་ཡིན་པ་ཆོས་ཉིན་པ་ལ་བྱོན་སྐབས་སུ་བླ་མ་ཟུར་ཆུང་བའི་ཇོ་མོ་ལྟར་
སོང་ནས་སྲས་འཁྲུངས་པའི་མིང་ཡང་ཤཱཀྱ་སེང་གེའམ་མདའ་ཚ་ཧོར་པོ་ཡང་གྲགས་ཤིང༌། 
ལྷ་རྗེ་སྒྲོ་ཕུག་པ་ཆེན་པོར་ཡང་གྲགས་པ་དེ་ལ་སློབ་མ་དགེ་བའི་བཤེས་གཉེན་ཆེན་པོ་གྲྭ་
ས་འཛིན་ཞིང༌། བསྟན་པ་སྐྱོང་བ། གདུགས་ཐོགས་པ་སྟོང་ཐོན་ཞིང༌། དེའི་ནང་ནས་ཀྱང་
ཐུགས་ཟིན་གྱི་སློབ་མ་བཞི་གསུམ་བཅུ་གཉིས་བྱུང་བ་ལ་མེ་བཞི། ནག་བཞི། སྟོན་བཞིའོ། །
མེ་བཞི་ནི་དབོན་སྟོན་ལྕགས་ཀྱུ། ཤབ་རྩེ་གསེར་བ། བྱང་སྟོན་རྡོ་རྗེ་གྲགས། གཡུ་སྟོན་ནོ། །
ནག་བཞི་ནི་ལྕེ་སྟོན་རྒྱ་ནག །ཟུར་ནག་འཁོར་ལོ། མྱང་ནག་མདོ་པོ། མདའ་ནག་གཙུག་
ཏོར་དབང་ཕྱུག་གོ །སྟོན་བཞི་ནི་རྒྱ་སྟོན། གྱབ་སྟོན། ཉེ་སྟོན། ཞང་སྟོན་ནོ། །ནག་པོ་བཞིའི་
ནང་ནས་མཆོག་ཏུ་གྱུར་པ་ལྕེ་སྟོན་རྒྱ་ནག་གི་མེས་པོ་འཕངས་བྱང་རྩོན་བྱ་བ་ཁམས་སུ་བྱོན་
ནས་ཡར་ལོག་སྟེ་ཀློང་ཐང་སྒྲོལ་མའི་གཙུག་ལག་ཁང་ལ་དཔེ་བླངས་ནས་སྐྱི་མཁར་ལྷ་ཁང་
བཞེངས། དེའི་སྐུ་ཚ་ལྷ་རྗེ་རྒྱ་ནག་གིས་ཤིན་ཏུ་མཁས་པར་གྲགས་པ་ཁྱུང་པོ་གྲགས་སེ། །
འབན་ཐམས་ཅད་མཁྱེན་པ། སྟག་པ་ཁ་ཆེ་རྣམས་ལ་ཕར་མངོན་དབུ་ཚད་གསན། ལྷ་རྗེ་སྒྲོ་
ཕུག་པའི་ཞབས་དྲུང་དུ་བཞུགས་སྐབས་རྒྱ་བརྩོན་སེང་དཔོན་གཡོག་གིས་རྩོད་པ་བཙུགས་
དུས་རྒྱ་བརྩོན་ཕམ་པར་བྱས་པས་ལྷ་རྗེ་སྒྲོ་ཕུག་པ་ཤིན་ཏུ་མཉེས། བསྐྱེད་རྫོགས་གསུམ་གྱི་
གཞུང་གདམས་ངག་སོགས་བུམ་པ་གང་བྱོ་དང༌། ཁྱད་པར་གྱི་གདམས་པ་ཟབ་མོ་གནང་བ་
ཆོས་ཁ་ཚང་བས་ལོ་རྒྱུས་རྒྱུ་མཚན་ཡང་དེ་ཡིན་ནོ། །
དེའི་དབོན་པོ་ལྕེ་སྟོན་ཇོ་གཟུངས་སོགས་ལྕེ་སྟོན་རྒྱ་ནག་གམ་ལྷ་རྗེ་ཁང་པའི་རྒྱུད་པ་
སྐྱིན་མཁར་བ་སྒྱུ་འཕྲུལ་གྱི་དབང་བཤད་བདུད་རྩི་ཡོན་ཏན། ཕུར་པ་རྩ་བ་སོར་བཞག་དང༌། 
22-1-99


སྤྱི་ལུགས་རྫོགས་པ་ཆེན་པོ་རྫོགས་ལུགས་དང༌། སློབ་དཔོན་ཨ་རོའི་ཐུགས་ཀྱི་ཡང་བཅུད་
རྫོགས་ཆེན་ཁམས་ལུགས་ཀྱི་ཁྲིད་དང་དེའི་སྐོར་གྱི་གདམས་ངག །རྫོགས་ཆེན་བྲམ་ཟེའི་
སྐོར། སྐྱེ་ཚང་མའི་སྐོར། བདུད་རྩི་སྒྲུབ་པ་རྒྱ་ནག་གིས་མཛད་པས་སྨན་གྱི་ཕོ་བྲང་ནས་ལྷ་
མོ་ཞིག་བཏོན་ནས་བྱུང་སྟེ་དཀྱིལ་འཁོར་ལ་སྐོར་བ་ལན་གསུམ་བྱས་ནས་ཕོ་བྲང་ལ་ཐིམས་
པ་ཀུན་གྱིས་མཐོང་བ་སོགས་གསང་སྔགས་རྙིང་མའི་རྒྱུད་ལུང་མན་ངག་གི་ཟབ་དགུ་ཐམས་
ཅད་ཀྱི་འབྱུང་གནས་དམ་པ་སྐྱིན་མཁར་ལྷ་ཁང་དང༌། དེ་འཛིན་པའི་ལྷ་རྗེ་རྒྱ་ནག་གི་རྒྱུད་
པ་འདི་རྣམས་ཡིན་ནོ། །ལྷ་རྗེ་རྒྱ་ནག་གི་རྒྱུད་པ་གུར་སྡིངས་པ་ཡིན་ཞིང༌། གཏེར་བཏོན་གུ་
རུ་ཡེ་ཤེས་ཁྱུང་གྲགས་ཀྱང་དེའི་རྒྱུད་དུ་བྱོན་པ་ཡིན་ནོ། །མག་དགེ་སྡིངས་ཟེར་བའི་དགོན་
པ་འདི་ཀུན་མཁྱེན་ཆོས་སྐུ་འོད་ཟེར་གྱིས་བཏབ་པ་(དགེ་སྡིངས་ཀྱི་གནས་གཞི་འདི་ཀུན་མཁྱེན་ཆོས་སྐུ་འོད་
ཟེར་གྱིས་འགྲམ་བཏིང་དགེ་སྡིངས་ཀྱི་ཇོ་བོ་ལ་རབ་གནས་དང་པོ་ཀུན་མཁྱེན་ཆོས་སྐུ་འོད་ཟེར། བུ་རིན་པོ་ཆེ། གྲུབ་ཆེན་ཀུན་
བློ་གསུམ་ཅར་གྱིས་རབ་གནས་མཛད་པ་སོགས་སྐུ་སྐྱེ་བའི་རིམ་པ་སྤྱིར་བྱུང་ཚུལ་ནི་མདོ་སྡེ་རྒྱན་ལས། །ཟག་མེད་དབྱིངས་ནས་
སངས་རྒྱས་རྣམས། །མཁའ་ལྟར་ལུས་ནི་མེད་ཕྱིར་དང༌། །སྔོན་གྱི་ལུས་རྗེས་འབྲངས་པའི་ཕྱིར། །སངས་རྒྱས་གཅིག་མིན་དུ་
མའང་མིན། །ཞེས་དང་པོར་ལྷ་རྗེ་ཆོས་བྱང༌། དེ་ནས་ཁ་ཆེ་པཎ་ཆེན། དེ་ནས་ཀུན་མཁྱེན་ཆོས་སྐུ་འོད་ཟེར། དེ་ནས་བུ་རིན་པོ་
ཆེ། དེ་ནས་གྲུབ་ཆེན་ཀུན་བློའོ། )ཡིན་ཞིང་མག་དགེ་སྡིངས་ཀྱི་ཇོ་བོ་འདི་ཀུན་མཁྱེན་ཆོས་སྐུ་འོད་ཟེར་
ལ་ལྷ་སའི་ཇོ་བོ་རིན་པོ་ཆེས་གསུང་དངོས་སུ་བྱོན་ནས་སྤྱིར་བསླབ་སྟོན་གྱིས་ཕེབས་སྒོ་མང་
དུ་བསྩལ། ལྷག་པར་སྦྱིན་བསྲེག་བརྒྱ་རྩ་གྱིས། མཆོད་རྟེན་བརྒྱ་རྩ་བཞེངས་ཤིག ཁྱད་པར་
མག་དགེ་སྡིངས་སུ་ང་ཡི་ནུ་བོ་འབྱོན་པར་ཡོད་དོ་གསུངས་པ་ལྟར་དུ་རྒྱ་གར་ནས་འཕུར་བྱོན་
ནས་མག་དགེ་སྡིངས་སུ་(གྲུབ་ཆེན་ཀུན་བློའི་རྣམ་ཐར་ནང་དུ་སྐུ་སྐྱེ་བ་གསུམ་གྱིས་རབ་གནས་མཛད།) ཕེབས། 
ཇོ་བོས་འཕུར་བྱོན་པའི་ས་ཡུལ་ལ་ཡང་དུས་དེང་སང་ཡང་འཕུར་ལུང་དུ་ཐོགས་སོ། །ཀུན་
མཁྱེན་ཆོས་སྐུའི་ཐུགས་རིལ་པོ་མག་དགེ་སྡིངས་ན་བཞུགས། གདུང་ཕལ་ཆེ་བ་བྱ་བཏང་
22-1-100


གི་མཆོད་རྟེན་ན་བཞུགས་སོ། །ཀུན་སྤང་ཆེན་པོ་ཀུན་ཏུ་བཟང་པོས་དགེ་སྡིངས་སུ་ནང་རྟེན་
སྟོན་པའི་གསེར་སྐུ་དང་ཕྱི་རྟེན་རྣམ་རྒྱལ་མཆོད་རྟེན་བཞེངས་པ་རྣམས་ད་ལྟའང་ཡོད། མག་
དགེ་སྡིངས་ཀྱི་གོང་ཙམ་གྱི་དགོན་པ་རྡོ་རྗེ་གདན་ཟེར་བ། (ལྕགས་ཕོ་ཁྱི་ལོ་ལ་མཁས་གྲུབ་ལྷའི་དབང་
པོའི་དྲུང་དུ་གཅུང་འཕགས་པ་རིན་ཆེན་གྱིས་དགོན་པ་རྡོ་རྗེ་གདན་འདེབས་པར་གསོལ་བ་བཏབ། སྤྱིལ་པོ་བདེ་ལྡན་བརྩིགས། 
དབང་དང་ཆོས་བཀའ་མང་དུ་གསན།)ཆོས་རྒྱལ་རབ་བརྟན་ཀུན་བཟང་འཕགས་ཀྱི་བླ་མ་ཁྱད་པར་
ཅན་པཎ་ཆེན་ལྷའི་དབང་པོས་བཏབ་པའི་དགོན་པ་ཡིན། དགོན་པ་དེར་རྒྱལ་རྩེ་བདག་པོ་
རྣམས་ཀྱིས་མཇལ་བར་ལོ་ལྟར་དུ་ཕེབས་པས་བྲང་ཁང་མིང་ལ་ཡང་ཐོགས་སོ། །
ཐུར་ལ་པ་འཁྲུངས་ས་ཡང་མག་ཐུར་ལྷ་ཡིན། བྱ་ཁང་པ་འཁྲུངས་ས་ཡང་འབྲོག་པ་བྱ་
ཁང་མ་ཡིན། མག་བྱ་ཁང་ཡིན། ཐང་སྤེ་བ་འཁྲུངས་ས་མག་ཡིན་ཞིང༌། གཞན་ཡང་དགེ་
བཤེས་མག་འདིར་འཁྲུངས་པ་ཤིན་ཏུ་མང་བས་ན་མག་ལྷ་ཡི་ལུང་པ་ཟེར་རོ། །འདུས་ཆུང་
གི་ཕུ་ན་རྒྱང་མཁར་ཟེར་བའི་ལུང་པར་བསྟན་པ་སྔ་དར་གྱི་ལྷ་ཁང་རྒྱལ་པོ་སྲོང་བཙན་སྒམ་
པོས་བཏབ་པ། བ་འུག་ལྷ་ཁང་ཞེས་ཐོགས་ཤིན་ཏུ་སྔ། རྒྱང་མཁར་སྟག་ལུང་ཟེར་བ་དེར་
མཐུ་སྟོབས་ཕན་གྲགས་ཀྱིས་རྒྱ་མཁར་སྟག་ལུང་བཟུང༌། དེ་ནས་རབ་ཏུ་བྱུང་བ་མཆེད་ཅིང་
འཕེལ་བ་ལ་གཟུ་ཚོ་ཟེར། ཕྱིས་རྒྱང་མཁར་སྟག་ལུང་གི་དགོན་པའི་སྡོམ་རྒྱུན་ལྕེ་བཙུན་ཤེས་
རབ་འབྱུང་གནས་ཀྱི་སྡོམ་པ་རྒྱ་གར་མ་ཡིན་ནོ། །རྒྱང་མཁར་ཟེར་བའི་ལུང་པ་ན། ཐུག་གུ་ཉེ་
བ་ན་སྤེའུ་ཞིག་ལ་བུ་རིན་པོ་ཆེས་ཡོ་ག་མཐའ་དག གསང་འདུས་ལུགས་གཉིས་རྒྱུད་འགྲེལ་
མན་ངག་སོགས་དང༌། དུས་འཁོར་འབྲོ་ལུགས་ཀུན་སྤངས་པ་ནས་བརྒྱུད་པ་སོགས་མཐའ་
དག་གི་ཟབ་ཁུ་གསན་པའི་བླ་མ་ཀུན་མཁྱེན་འཕགས་འོད་ཡོན་ཏན་རྒྱ་མཚོའི་བཞུགས་
གནས་ཐུག་གུའི་སྤེའུ་དེ་ཡིན། (ལོ་ཆེན་རིན་ཆེན་བཟང་པོའི་སློབ་མ་མྱང་གི་སྟོད་ནས་མྱང་སྟོད་ཀྱི་རྐྱང་བུ་ཆོས་ཀྱི་བློ་
གྲོས་ཀྱིས་རྒྱང་རོ་སྤེའུ་དམར་ཞེས་པ་བཞེངས་ཤིང༌། དེར་བཟང་པོ་ལོ་ཙཱ་བའི་གུང་བཞུགས་ལོ་ཆེན་རིན་ཆེན་བཟང་པོའི་སློབ་མ་
22-1-101


མྱང་སྨད་པའི་སློབ་མ་སྤེའུ་ཆུང་བས་མྱང་གི་རྐྱང་འདུར་ན་རྡོ་རྗེ་དབྱིངས་ཀྱི་ལྷ་ཚོགས་བཞུགས་པའི་ལྷ་ཁང་ཆེན་པོ་ན་དབུས་ན་
ལོ་ཆེན་གྱི་ནང་རྟེན་ཤཱཀྱ་ཐུབ་པའི་གསེར་སྐུ་རྒྱབ་མཐོ་བཅོ་བརྒྱད་ཁྲི་རྒྱབ་ཡོལ་དང་བཅས་པ། ལོ་ཆེན་གྱི་དབུ་སྐྲ། རྣམ་སྦྱར། ན་
བཟའ། རྒྱ་གར་ཤར་ནུབ་ཀྱི་མཁས་གྲུབ་དུ་མའི་ཐུགས་དམ་བྱིན་རླབས་དང་བཅས་པ། རྟེན་རྫོངས་སུ་བཞུགས་ཤིང༌། ལོ་ཆེན་
གྱི་ནང་རྟེན་ཆེ་བ་ནི་བོད་ན་འདི་ཁོ་ན་ཡིན་ལ།)ཞིག་པོ་བུ་དགུའི་ནང་ཚན་དང་དུས་འཁོར་འབྲོའི་བཀའ་
བབས་པ། སྤྲུལ་སྐུ་འཇམ་དབྱངས་གསར་མ་དང༌། ས་པཎ་གྱི་དགུང་ལོ་ཉི་ཤུ་པ་ལ་རྐྱང་
འདུར་དུ་རྣམ་ངེས་སོགས་གསན་པ་དང་བླ་མ་བཀའ་དྲིན་ཆེ་བ། དགེ་བཤེས་མཚུར་གཞོན་
ནུ་སེང་གེ་སོགས་རྣམས་ཀྱི་བཞུགས་གནས་དགོན་པའི་ཤུལ་མཆོད་རྟེན་དང་བཞུགས་
ཁྲིའི་ཤུལ་ཡོད་པ་དེར་རྐྱང་འདུར་ཟེར་རོ། །ཀུན་མཁྱེན་ཆོས་སྐུ་འོད་ཟེར་གྱིས་རྒྱུན་རིང་དུ་
བཞུགས་ནས་སྤྲུལ་སྐུ་འཇམ་དབྱངས་གསར་མ་ལ་ཆོས་མང་དུ་གསན་ནོ། །
ཀུན་སྤངས་ཀུན་ཏུ་བཟང་པོ་མཚན་དངོས་ཐུགས་རྗེ་བརྩོན་འགྲུས་ཀྱིས་ཀྱང་རྐྱང་འདུར་
དེར་འཆད་ཉན་མཛད། ཐུར་ལ་ཟེར་བའི་དགོན་པ་སྡེ་པ་འདུས་ཆུང་གི་ས་ཁུལ་ན་མག་ཟེར་
པའི་ལུང་པའི་ཕུ་དང་རྒྱང་མཁར་གཉིས་ཀྱི་མཚམས་ན་ཡོད་པ་དེར་དོལ་གྱི་མཚུར་སྟོན་
དབང་ངེས། དང་པོར་མདོ་སྔགས་སོགས་ཡོན་ཏན་གྱི་གཞི་མ་བསྐྱེད་པར་མཛད་པ་གཟེད་
ཀྱི་ལྕེ་ཡབ་སྲས་ཡིན་ལ། ལྕེས་ཟླ་མགོན་གྱི་དུས་འཁོར་བསྒྱུར་བའི་སྦྱིན་བདག་མཛད་ཅིང༌། 
ཡེར་པ་ལྷ་རི་སྙིང་པོར་ཕ་དམ་པའི་དྲུང་དུ་ལྕེ་ཙནྡྲ་ཀིརྟིས་བྱོན་ཞི་བྱེད་རྒྱུད་ཕྲན་གྱི་བཀའ་
བབས་དང་གཞན་གདམས་ངག་བརྒྱ་རྩ་བརྒྱད་སོགས་ཕ་དམ་པ་ལས་ཐོབ་བོ། །གསང་
འདུས་ཀྱི་རིམ་ལྔ་སོགས་མན་ངག་ཟབ་མོ་རྣམས་ལྷོ་བྲག་མར་པ་ལོ་ཙཱ་ལ་ཞུས། གསང་
འདུས་རྒྱུད་བཤད་འགྲེལ་བ་དང་བཅས་པའི་བཤད་པ། འགོས་ཁུག་པ་ལྷས་བཙས་ཀྱི་སློབ་
མའི་མཆོག་མང་ར་བ་སེང་གེ་རྒྱལ་མཚན་དང༌། རྔོག་དབུས་པ་གེ་སར་གཉིས་ལ་ཞིབ་པར་
གསན་པའི་མཚུར་སྟོན་དབང་ངེའི་སློབ་མའི་མཆོག འཁོན་གང་པ་ཀིརྟིས་དང༌། བྱ་ཁང་པའི་
22-1-102


ཐུར་ལར་ང་ཡ་གྲགས་པ་སྟེ་གཉིས་ཡིན། འདི་གཉིས་ཡུམ་གཅིག་པའི་སྤུན་ཡིན། བྱ་ཁང་
པས་ཐུར་ལའི་ཆོས་ཁང་སོགས་བཏབ། རྒྱང་མཁར་སྟོད་དུ་སྲད་པའི་རྟ་བས་མི་གནོད་པའི་
ཁ་གནོན་ལ་བྱ་ཁང་པའི་སྤུར་རིལ་པོ་ཐུར་ལའི་ཆོས་ཁང་ན་བཞུགས་པས་དེ་ཕྱིན་གནོད་པ་
ལས་གྲོལ། བྱ་ཁང་པས་ཐུར་ལ་པ་ཚུལ་ཁྲིམས་སྐྱབས་ལ་བཤད། དེས་ཐང་སྤེ་བ་འཕགས་པ་
སྐྱབས་ལ། དེས་སེར་སྡིངས་པ་གཞོན་ནུ་འོད་ལ། དེས་ཀུན་མཁྱེན་ཆོས་སྐུ་འོད་ཟེར་ལ། དེས་
འཕགས་འོད་ཡོན་ཏན་རྒྱ་མཚོ་ལ། དེས་བུ་སྟོན་རིན་པོ་ཆེ་ལ་རྒྱུད་འགྲེལ་པ་མན་ངག་དང་
བཅས་པའི་བཀའ་བབས་སོ། །ཡང་ཐུར་ལའི་དགོན་པར་སྟག་སྡེ་པ་སེང་གེ་རྒྱལ་མཚན་གྱི་
སློབ་མ་གདུགས་ཐོགས་པ་བཅུ་གསུམ་གྱི་ཟླ་ཚང་ཐུར་ཤེ་ཆེ་ཆུང་གཉིས་ཀྱང་བྱུང་ངོ༌། །ཡང་
ཚོ་སྟོད་ནས་མཆེད་པའི་མཁན་བུ་གཞོན་ནུ་འབྱུང་གནས་ཀྱིས་རྒྱང་མཁར་ཐུར་ལ་བཟུང༌། དེ་
ལས་གྱེས་པ་ལ་གཟུ་ཚོ་ཟེར་རོ། །མྱང་སྨད་ཀྱི་སྒྲོ་ལུང་སེར་ཆུང་པའི་ཁུ་ལུང་དུ་གངས་པར་
གྲགས་པའི་སློབ་མ་ཁྱད་པར་ཅན་བསམ་གླིང་རིན་པོ་ཆེ་འཁྲུངས། བསམ་གླིང་རིན་པོ་ཆེ་
མྱང་སྨད་བསམ་གླིང་བཏབ། བསམ་གླིང་ཟེར་བ་རྔོག་སྟོན་གྱི་དགོན་པ། ད་ལྟ་དཔལ་འཁོར་
བདེ་ཆེན་གྱི་ཁང་གསར་གྲྭ་ཚང་གིས་བདག་མཛད་པ་འདུས་ཆུང་གི་ནུབ་ན་ཡོད། བསམ་གླིང་
རིན་པོ་ཆེས་དཔྱལ་ཆོས་བཟང་གི་ཟུར་འཆད་པ་ཡང་མཛད། འདུས་ཆུང་གི་ལུང་པའི་མདའ་
ན་དཔྱལ་མཁན་པོ་རཏྣ་ཤྲཱི་ཡབ་མེས་ཀྱི་ཆོས་རྣམས་མཁྱེན། སྣུབས་སངས་རྒྱས་ཡེ་ཤེས་རིན་
པོ་ཆེའི་ཞབས་པད་བསྟེན། གནས་རྙིང་མ་ལ་མཁས་གྲུབ་ཏུ་གྲགས་པ། སྣ་ནམ་ཡུལ་ཞབས་
སུ་རྒྱ་གླིང་ལྷ་ཁང་ཁྱད་པར་ཅན་བཞེངས་པ་དེ་ནོར་ཁྱུང་གི་སྟོད་ཀྱི་རྒྱ་གླིང་འདི་ག་ཡིན་ནོ། །
ནོར་ཁྱུང་གི་སྟག་གི་རི་ལྡེབས་ལ་སྔར་མདོ་སྔགས་ལ་མང་དུ་སྦྱངས། ཕྱིས་དུས་འཁོར་ལ་
ཆིག་སྒྲིལ་བྱས་ནས་བུ་རིན་པོ་ཆེ་དང་དབུ་སྔས་སྦྲེལ་ནས་ལོ་བཅོ་བརྒྱད་བསྟེན། དུས་འཁོར་
རྒྱུད་འགྲེལ་ཚར་བཅུ་བདུན་གསན། དུས་འཁོར་རང་ལས་མཁས་པ་གོང་གསུམ་བདེ་ཆེན་
22-1-103


ཆོས་ཀྱི་དཔལ་བའི་(གོང་གསུམ་བདེ་ཆེན་ཆོས་ཀྱི་དཔལ་བའི་དངོས་སློབ་ཞྭ་ལུ་ན་མཁས་པའི་མཆོག་ཏུ་གྲགས་པ་རིན་
ཆེན་བསོད་ནམས་འཕེལ་ཡིན། དེའི་དངོས་སློབ་ཞབས་འབྲིང་ལོ་བཅུ་གསུམ་དུ་བསྟེན་ནས་དུས་འཁོར་རྒྱུད་མན་ངག་ས་རིས་
དང༌། ཞྭ་ལུ་པའི་ལུགས་ཀྱི་ཡི་གེ་ན་གཅིག་མ་ལུས་པ་གསན་སྦྱངས་མཛད་པའི་མཁས་པ་ཆེན་པོ་སྨྲ་བ་ཤེས་རབ་རིན་ཆེན་ཡིན་
ནོ།)དགོན་པ་གོང་གསུམ་ཟེར་བ་དེ་ཡོད། དེང་སང་དམུ་རྫིང་པས་འཛིན་ནོ། །
ནོར་ཁྱུང་གི་འོག་ན། ལོ་ཙཱ་བ་མཆོག་དམ་པ་འཇིག་རྟེན་གྱི་མིག་ཏུ་གྱུར་པ། ཉི་མ་ལྟར་
གྲགས་པའི་སྐྱེས་བུ་གངས་ཅན་གྱི་དཔལ་ལས་འཁྲུངས་པ། སྐ་ཅོག་ཞང་གསུམ་གྱི་ནང་ཚན་
ཅོག་རོ་ཀླུའི་རྒྱལ་མཚན་གྱི་དགོན་གནས་ལ་ཅོག་རོ་གསུམ་སྟེ་དབུས་ཀྱི་ཅོག་རོ། ཤངས་ཀྱི་
ཅོག་རོ། མྱང་གི་ཅོག་རོའོ། །
ནོར་ཁྱུང་འོག་མྱང་ཆུ་གཡུ་འབྲུག་འདྲ་བའི་ཉེ་འགྲམ། རྒྱབ་རི་ཁྱུང་གཤོག་འདྲ་བའི་
ངོགས། རྒྱང་ནས་བལྟས་ན་གཤོང་བ། འཁྲིས་སུ་སླེབས་ན་ས་འབོར་བ། དུང་དཀར་གྱི་ལྟོ་
བ་དེར་ཅོག་རོ་ཀླུའི་རྒྱལ་མཚན་འཁྲུངས་ས་ཡིན། གནས་གཞི་ཡང་ཡིན། འཁྲུངས་པའི་གང་
ཟག་གི་མིང་གནས་ལ་ཐོགས་ནས་ཅོག་རོ་དགོན་པར་ཐོགས་ཤིག །ལྷ་མོ་ཁྱད་པར་ཅན་ཁམ་
བུག་མ་ཡང་བཞུགས་སོ། །ནོར་བུ་ཁྱུང་རྩེ་སྟེ་ཆེན་པོ་དབང་རྒྱལ་འཕགས། ནང་ཆེན་ཀུན་
དགའ་འཕགས། ཨ་ཆེན་དཔལ་བཟང་གསུམ་གྱིས་རྒྱ་རྒྱལ་པོའི་ཕྱག་ནས་ཚེ་རིང་གནམ་གྱི་
ཤེ་མོང་ཞུས། འཇའ་ས་ལོངས་པའི་སྟོབས་ལ་བརྟེན། རྒྱལ་མཁར་གྱི་སྐེད་པ་རུ་དབང་ལྡན་
གྱི་རྩེ་བཏབ། མདའ་རུ་ནོར་བུ་ཁྱུང་རྩེ་བཏབ། བར་དུ་མྱང་སྟོད་ཀྱི་ལྟེ་བ་ལ་འབྲོང་རྩེ་བཏབ། 
དགེ་བཅུ་ཚང་བའི་ལྗོངས་གསུམ་ཡིན་ནོ། །ནོར་བུ་ཁྱུང་རྩེའི་ལྟག་ན་བསྟན་པ་སྔ་དར་གྱི་
དགོན་པ་ཐོག་སྔ་ལ་བྱིན་རླབས་ཆེ་བ་ཕུ་དགོན་པ་ཡོད། མྱང་སྟོད་སྟག་རྩེའི་ཕུ་ན།(ནང་རོལ་གྱི་
ནང་ན།)སྟག་ཚལ་ཟེར་(ནང་རོལ་གྱི་ཉེ་བའི་མདའ་ན་མཁར་དགའ་སྨོན་སྤྲོ་ཟེར་བ་དེ་ཡོད་)བ་ཡོད་དེ་ཆོས་རྒྱལ་
མེས་དབོན་རྣམ་གསུམ་གྱི་བླའི་མཆོད་གནས་དགེ་བའི་བཤེས་གཉེན་མཆོག་དམ་པ་རྣམས་
22-1-104


ཀྱི་ཐུགས་དམ་དུ་བཞེངས་པ། ཁྱད་པར་རྒྱལ་པོ་ཁྲི་སྲོང་ལྡེའུ་བཙན་གྱི་བླའི་མཆོད་གནས་
དགེ་བའི་བཤེས་གཉེན་མཆོག་དམ་པ་རྣམས་ཀྱི་ཐུགས་དམ་དུ་བཞེངས་པ་ནི་པད་མ་དང་བི་
མ་ལ་མི་ཏྲས་དངོས་སློབ་གྲུབ་པ་ཐོབ་པའི་སྐྱེས་མཆོག་མྱང་ཏིང་འཛིན་བཟང་པོ་དེས་ཀླུང་
ཤོད་ཞྭའི་ལྷ་ཁང་དང༌། གྲོག་གི་ལྷ་ཁང་བཞེངས། རོལ་མོ་སྐྱིད་གཡུང་དྲུང་གིས་དེའི་ཞལ་
སྤྲོ་བྱས། རྒྱལ་པོ་ཆེན་པོ་སྡེ་ལྔ་བཅར་དེའི་བཀའ་སྲུང་དུ་མངའ་གསོལ་ཞིང་པད་མས་དམ་
ལ་བཞག་གོ །ཕྱིས་བསྟན་པ་ཕྱི་དར་གྱི་ཨ་མེས་ཚོང་བཙུན་ལོ་སྟོན་གྱི་དངོས་སློབ་དེས་སྟག་
ཚལ་གྱི་བྱ་ཆོས་མཁར་པོ་ཆེ་བཟུང་ནས་བཤད་གྲྭ་བསྐྱངས། ཨ་མེས་ཚོང་བཙུན་ལ་མར་ཤུལ་
ས་ཡོན་བདག་མོ་སྙོས་སྨོས་སྨོན་འགྲོ་ཕུལ། དེ་ལ་མཁན་བུ་མར་པ་རྡོ་རྗེ་ཡེ་ཤེས་ཏེ་མཚན་
གྱི་རྣམ་གྲངས་སྨོན་འགྲོ་ལོ་ཙཱ་བ་མར་པ་རྡོ་ཡེ་ལ་སྨོན་གྲོ་གཏད། ཕྱིས་མར་པ་རྡོ་ཡེ་ལ་ཨ་
མེས་ཕྱུག་མཚམས་ཀྱིས་སྟག་ཚལ་དཀྱུས་ཐང་བཞེངས་ནས་ཕུལ། མར་པས་བྲན་མ་སྒང་
པོ་བརྩིགས། ལན་འགྲོའི་སྟག་ཚང་དང་བཞི་ལ་སྨོན་འགྲོའི་མ་དང་མཉམ་པའི་བུ་བཞིར་
གྲགས་པའི་ལྷ་ཁང་གནས་བཞི་ཡིན་ཏེ་དེ་རྣམས་ལ་སྨོན་གྲོ་སྐོར་ཟེར་རོ། །མར་པའི་བཀའ་
བབས་བཞིའི་སློབ་མ་གཙང་རོང་གི་མེས་སྟོན་ཚོན་པོའི་འཁྲུངས་ས་སྟག་ཚལ་ཡིན། 
མྱང་སྟོད་སྟག་ཚལ་དེར་གཙོ་བོར་ཁྱུང་རིན་ཆེན་གྲགས་ཀྱི་སློབ་མ་མཆོག་ཏུ་གྱུར་པ་ཡང་
ཡིན་ཞིང༌། གྲོ་ལུང་པས་ཀྱང་སློབ་མ་སྟོད་ལུང་རྒྱ་དམར་(འཕགས་ཆོས་ཀྱི་སེང་གེ་བཀའ་དྲིན་ཆེ་བའི་བླ་
མ་ཡིན།)བ་དང༌། རོག་མངོན་པ་ན་གཉིས་ཀྱིས་ཆོས་འཆད་ཅིང་ཆོས་འཁོར་རྒྱ་ཆེན་པོ་བསྐོར། 
ཆོས་ཀྱི་འབྱུང་ཁུངས་ཆེན་པོ་ཡིན་ཞིང༌། དེར་རས་ཆུང་པའི་སློབ་མ་རྗེ་བཙུན་གཙང་པའམ་
སུམ་པར་གྲགས་པ་དེས་སྟག་ཚལ་དུ་རབ་ཏུ་བྱུང༌། ཐུགས་གཉེར་ལ་ལོ་གཅིག་བཞུགས། །
རས་ཆུང་པའི་གདན་ས་བཟུང༌། །ཆུ་བོ་གངྒཱའི་རྒྱུན་ལ་བཟང་བར་གྲགས། གདམས་ངག་
རྒྱ་བོད་གཉིས་ཀ་ན་ཆེ་བར་གྲགས་སོ། །བྱང་སེམས་ཟླ་བ་རྒྱལ་མཚན་གྱི་སློབ་མ་གྲུབ་ཐོབ་
22-1-105


ཉི་ཕུག་པས་སྟག་ཚལ་གྱི་མར་པ་ལོ་ཙཱ་ལ་བྱམས་ཆོས་ལྔ་སོགས་མང་བར་གསན་ཟེར་བ་དེ་
མར་པ་དངོས་ཡིན་ནོ། །ཡོལ་ཆོས་དབང་དྲང་སྲོང་ཐོག་འབེབས་གསུམ་འཁྲུངས་པའི་ས་
ཡུལ་སྟག་ཚལ་ཡོལ་ལྕགས་པ་ཡིན། ཡོལ་སྟོན་ཆེན་པོ་ཆོས་དབང་ནི་བརྒྱད་སྟོང་འགྲེལ་ཆེན་
གསུང་སྒྲོག་འཕྲོ་ལ་ཆོས་ཁྲིའི་ཐོག་དེ་གར་སྐུ་གཤེགས། མཆོད་རྟེན་ཡང་དེ་གར་བརྩིགས་
པའི་ནང་ན་སྐུ་གདུང་རིལ་པོ་གཅིག་ཏུ་བཞུགས་སོ། །རིང་བསྲེལ་ཟམ་མ་ཆད་དུ་ཕྱིར་ཐོན་
པས་ཕྱིས་གསེར་འབུམ་དུ་བཏང་ནས་ད་ལྟ་ཡོལ་གྱི་གཙུག་ལག་ཁང་བྱང་མ་ན་བཞུགས། 
འཕགས་པ་འཇིག་རྟེན་དབང་ཕྱུག་དང་གཉིས་སུ་མ་མཆིས་པ་ཞལ་བཅུ་གཅིག་པའི་ངོ་བོར་
བཞུགས་པ་བྱང་ཆུབ་སེམས་དཔའ་ཟླ་བ་རྒྱལ་མཚན་གྱི་ཕྱག་སྟོང་སྤྱན་སྟོང་དང་ལྡན་པའི་
སྒྲུབ་ཐབས་ཆ་ལག་ཟབ་ཆོས་དང་བཅས་པའི་བཀའ་བབས་ཤིང༌། སློབ་མའི་མཆོག་དམ་
པ་གྲུབ་ཐོབ་ཉི་ཕུག་པ་ཆོས་ཀྱི་གྲགས་པ། དེས་གྲང་ཕུ་ལུང་པ་ཡོན་ཏན་རྒྱ་མཚོ། དེས་སྐྱེས་
མཆོག་པར་གྲགས་པ་འཕགས་པ་ཀླུ་སྒྲུབ། དེས་འགྲོ་བའི་མགོན་པོ་བཀའ་བཞི་པ་དཀོན་
མཆོག་གཞོན་ནུ། དེས་འཕགས་པ་དོན་ཞགས་པ་ཆེན་པོ་ཤེས་རབ་བརྩོན་འགྲུས་ཀྱིས་སྟག་
ཚལ་བྱ་ཀན་དུ་དོན་ཞགས་བསྒྲུབས་པ་སྟོང་ཕྲག་གཅིག་སྨྱུང་གནས་རེས་འཇོག་གིས་མཉེས་
པའི་བརྩོན་འགྲུས་དྲག་པོས་ལོ་བཅོ་བརྒྱད་ཀྱི་བར་དུ་སྒྲུབ་པ་མཛད་པས། སྐྱེ་བོ་ཕལ་ཆེར་
གྱིས་སྤྱན་རས་གཟིགས་དངོས་སུ་མཐོང་ཞིང༌། དེ་ནས་སྐྱེགས་ཀྱི་གནས་རྙིང་དབེན་གནས་
དགའ་ལྡན་དུ་ཕེབས་ནས་དོན་ཡོད་ཞགས་པའི་དཀྱིལ་འཁོར་ཆེན་པོའི་ཁྲུས་ཀྱི་ཆོ་གས་སྐྱེ་
བོའི་ཚོགས་ལ་བྱིན་གྱིས་རླབས་པར་མཛད་པས། ད་ལྟ་ཡང་ཕྱག་ལེན་རྒྱུན་མི་ཉམས་པའི་
གནས་རྙིང་གི་གཟུངས་སྒྲུབ་ཅེས་དེང་སང་ཡང་གྲགས་སོ། །སྟག་ཚལ་བྱ་ཀན་གྱི་གནས་ལ་
པོ་ཊ་ལ་ཞེས་ཡོངས་སུ་གྲགས་སོ། །
ལོ་ཙཱ་བ་རྒྱ་བརྩོན་འགྲུས་སེང་གེ་ནི་ཐུགས་གཉེར་མཛད་ས་དང་གྲྭ་ས་སྟག་ཚལ་ཡིན། 
22-1-106


འཁྲུངས་ས་མྱང་སྟོད་ཕུམ་བུ་རི་རྒྱ་སྟོད་ཡིན་ནོ། །སྟག་ཚལ་དུ་དོལ་པས་ཀྱང་བདེ་མཆོག་གི་
རྒྱུད་དང་མན་ངག་གཉིས་ཀ་བཤད་ཅིང༌། གྲུབ་ཐོབ་ཉི་ཕུག་པས་ཀྱང་སྟག་ཚལ་དུ་རྒྱུན་རིང་
བཞུགས་ནས་རྒྱ་ཆེར་གསན་ནོ། །
སྟག་རྩེའི་མཁར་ཁའི་སྨོན་འགྲོར་ཟངས་དཀར་ལོ་ཙཱའི་བུ་བཞིའི་ནང་ཚན་སྨོན་འགྲོ་
ལོ་ཙཱ་བ་མར་པ་རྡོ་ཡེ་འཁྲུངས་སོ། །མན་ལུང་དགོན་པ་དེ་ཐོགས་ཤིན་ཏུ་སྔ་སྟེ་ལོ་སྟོན་རྡོ་རྗེ་
དབང་ཕྱུག་གི་མཁན་བུ་ཀྱི་ཨཱ་ཙརྱ་ཡེ་ཤེས་དབང་པོའི་མཁན་བུ་ཕྱི་ཚར་བཞིའི་ནང་ཚན་མོན་
བཙུན་གཡུ་སྟོན་དང༌། ཕུག་སྟོན་ཡེ་ཤེས་ཡོན་ཏན་གཉིས་ཀྱིས་མན་ལུང་བཟུང་ངོ༌། །
མན་ལུང་གུ་རུའི་སྐྱེ་བ་གོང་མ་མྱང་སྟོད་སྟག་ཚལ་གྱི་མན་ལུང་པ་བཤེས་གཉེན་ཆེན་པོ་
བྲན་སྟོན་མཐའ་བྲལ་བྱ་བ་མཁྱེན་པ་ཆེ་ཞིང་རྟོགས་པ་མཐོ་བ། མངོན་པར་ཤེས་པ་ཐོགས་
མེད་དུ་མངའ་བ་དེའི་མནལ་ལམ་དུ་བླ་མ་ན་རོ་པ་བྱོན་པར་གཟིགས་ནས་ནང་པར་བང་
ཆེན་པ་མྱང་སྨད་ཕྱོགས་སུ་བལྟར་བཏང་བས། རྗེ་མི་ཏྲ་ཆེན་པོ་བྱོན་པར་ཤེས་ནས་ཡབ་སྲས་
གཉིས་ཀས་ཚོང་འདུས་མགུར་མོར་མཇལ་དུ་བྱོན། བྱིན་རླབས་དང་གདམས་པ་ཞུས་སོ། །
ཡང་བྲག་སྟོན་གྱིས་ཁྲོ་ཕུ་ལོ་ཙཱ་བ་བྱམས་པའི་དཔལ་གྱི་དྲུང་དུ་བྱོན། དེ་སྐབས་པོ་ཏཱ་ལའི་
ལམ་ཡིག་རྙེད་པ་ཚོགས་བྱས་རྒྱས་བཏབ་ནས་སླར་སྐྱེ་བ་རྟིང་མ་ལ་མན་ལུང་གི་དགོན་པ་དེ་
བཟུང་ཞིང༌། པོ་ཊ་ལར་ཕེབས་སོ། །
དེ་ལྟ་བུའི་སྐྱེས་བུ་ཆེན་པོ་བྲན་སྟོན་མཐའ་བྲལ་གྱི་དགོན་པ་མན་ལུང་ཟེར་བ་གནས་
གཞི་དང་བྲན་སྟོན་གྱི་དབོན་རྒྱུད་དང་བཅས་པ་ཡོད་དོ། །ཀོ་བྲག་པའི་སློབ་མ་ས་ཆེན་གྱི་
ཡང་སློབ་མ་ཡིན་ཟེར། 
ཕོ་རོག་མདོ་སྡེ་དགོན་གྱིས་དགོན་པ་བྱ་སྐྱུང་དེར་ཁོང་རང་གི་སྐུ་བྱིན་རླབས་ཅན་
ཕྱག་ན་ཚེའི་བུམ་པ་ཡོད་པ་ལས་ཆོ་འཕྲུལ་རྟ་ཟླ་ལ་ལྗང་པ་སྐྱེས་པ་ལ་ལོ་ལེགས་ཉེས་ཀྱི་
22-1-107


བརྟག་དཔྱད་བྱེད། དཔྱལ་ལོ་ཆོས་བཟང་གཅེན་པོ་བ་སྟག་གི་སྲས་རྣམས་ཀྱི་དང་པོ་སློབ་
དཔོན་དབང་ཕྱུག་སྟེ་ཤེས་རབ་ཆེ་ཞིང་ཡིད་གཞུང་དད་བརྩོན་དང་ལྡན་པས་ཕོ་རོག་མདོ་
སྡེ་དགོན་ཐུགས་ཕྲོགས་ཏེ་བླ་མ་ལ་ནན་གྱིས་ཞུས་ནས་བྱ་ཁྱུང་གི་གདན་སར་དབང་བསྐུར་
རོ། །མཁར་ཁའི་བྱང་ཤར་ཕུའི་རི་ལ་སློབ་དཔོན་པད་མའི་གཟིམ་སྦུག་ནང་རོལ་ཅོང་སྟོད་ན་
ཡོད། བསྟན་གཉིས་གླིང་པས་སྤྱིར་གཏེར་ཁ་བརྒྱ་རྩ་བརྒྱད་འདོན་པར་ལུང་བསྟན་ཀྱང༌། རྩ་
བའི་གཏེར་ཁ་ནས་སངས་རྒྱས་དགོངས་འདུས་སྤྱན་དྲངས་པ་སྟག་རྩེའི་ཕུ་བྲག་དམར་གཏེར་
ཁུང་དུ་གྲགས་པ་དེ་ཡིན་ནོ། །
བསྟན་པ་སྔ་དར་དགོན་པ་ཁྱད་པར་ཅན་སྲོང་བཙན་སྒམ་པོས་བཏབ་པ་སྟག་རྩེ་ན་
སྟེ་[པྲེ་]ཏ་དགོན་པ་ཐོགས་ཤིན་ཏུ་སྔའོ། །མཁར་ཁའི་ནང་གི་བྲག་དཀར་ལྷ་བུ་ཟེར་བ་དེ་
མཆེད་གསུམ་གྱི་གདུང་རྒྱུད་ཡིན་ནོ། །སྟག་རྩེའི་མདའ་ན་བསྟན་པ་སྔ་དར་གྱི་དགོན་པ་
ཁྱད་པར་ཅན་ཁྲི་རལ་གྱིས་བཏབ་པ་ཉན་ཚོའི་ལྷ་ཁང་དང༌། དགོན་པ་ཐོགས་ཤིན་ཏུ་སྔ་
ཞིང༌། བྱིན་རླབས་ཅན་ནོ། །ཉན་ཚོ་དེ་ཇོ་བོ་རིན་པོ་ཆེ་ཨ་ཏི་ཤ་རྒྱ་གར་ནས་ཕེབས་གོང་ཨ་
མེས་ཚོང་བཙུན་ལ་ཉན་ཚོ་ཕུལ་ནས་མཁན་བུ་ར་བློ་གྲོས་བཟང་པོ་དང་ཁམས་པ་གཉིས་ལ་
ཉན་ཚོ་གཏད། རས་ངུར་སྨྲིག་བཟུང༌། ཁམས་པས་ལྕགས་མཁར་བཟུང་སྟེ་དེ་གཉིས་ལ་
ར་ཚོ་དང་ཁམས་ཚོ་ཟེར་ཞིང༌། གཉིས་ཀ་ལ་ཉན་སྐོར་དུ་གྲགས་སོ། །ཉན་ཚོར་ཇོ་བོ་རྗེ་ཨ་
ཏི་ཤ་ཕེབས། ཆོས་འཁོར་ཟླ་བ་གསུམ་མཛད། ཇོ་བོས་ཉན་ཚོར་ཆོས་ཟླ་བ་གསུམ་མཛད་
པའི་སྐབས་འགོས་ལོ་ཙཱ་བ་ཁུག་པ་ལྷས་བཙས་ཀྱིས་མཇལ་ནས་ཆོས་མང་བར་གསན་པས། 
གཙང་གི་སློབ་མའི་མཆོག་མགར་འགོས་ཡོལ་གསུམ་ཞེས་ཟེར་རོ། །ཉན་ཚོར་རྣལ་འབྱོར་
པ་ཆེན་པོ་ཨ་མེས་བྱང་ཆུབ་འབྱུང་གནས་དང་མཇལ། ཇོ་བོའི་ཆིབས་པ་གསོ་བ་ནང་ལས་
རྣམས་ཀྱང་བྱས་ནས་ཆོས་རྣམས་གསན། སྐུ་དང་འབྲལ་མེད་མཛད། ཇོ་བོའི་བཞེད་པ་
22-1-108


བདེན་གཉིས་ལ་འབྲོམ་ལས་འདི་མཁས་པར་གྲགས། འབྲོམ་གྱི་རྭ་སྒྲེང་གདན་ས་ལོ་བཅུ་
གཉིས་མཛད། རྭ་སྒྲེང་གི་ཁྱམས་སྨད་ཀྱི་མཁར་ལས་ལྷག་རྣམས་ཁོང་གིས་མཛད། སློབ་མ་
སྟོད་ལུང་པ་རིན་ཆེན་སྙིང་པོ། ལྷབ་མི་ཆེན་པོ། དགེ་བཤེས་མང་ར་བ་སོགས་སོ། །ཉན་ཚོར་
དགོན་པ་བ་འཛེང་དབང་ཕྱུག་རྒྱལ་མཚན་ཁམས་ནས་བྱོན། ཉན་ཚོར་མཇལ་ནས་དར་ཡུག་
བརྒྱ་ཕུལ། ཇོ་བོའི་ཞལ་ནས་ངའི་ཟན་མི་ཟ་ན་སྒོམ་མི་སྟེར་གསུངས། དེ་ནས་བཟུང་སྟེ་ཆོས་
གནས་མཛད། རྭ་སྒྲེང་གི་གདན་ས་ལོ་ལྔ་མཛད། སློབ་མ་སྒོམ་པ་བའི་བུ་བཞིར་གྲགས་པ་
སོགས་བྱུང་ངོ༌། །ཇོ་བོ་ཨ་ཏི་ཤ་ཉན་ཚོ་གནས་སུ་ཕེབས་དུས་ཇོ་བོའི་ཞལ་ནས་ད་ནངས་ཐོ་
རེངས་ནམ་མཁའ་ལ་ཧྲཱིཿདཀར་པོ་སྒྲ་དང་བཅས་པ་ཞིག་བྱུང༌། དེ་བཅུ་གཅིག་ཞལ་གྱི་སྐུ་ལི་
མ་འདི་ལ་ཕོག །དེ་ལས་འོད་འཕྲོས། བོད་ཐམས་ཅད་འོད་ཀྱིས་ཁྱབ་ནས་དེ་བན་ཆུང་གཞོན་
ནུ་གཅིག་ལ་ཕོག་པས་དེའི་སྒྱུ་ལུས་འོད་གསལ་དུ་ཤར་བ་རྨིས་གསུངས། ཉི་མ་རྩེ་ཤར་ལ་
ཡོལ་ཆོས་དབང་བཙུན་ཆུང་ལོ་བཅུ་དྲུག་ལོན་པ་གཅིག་གིས་དར་སེར་པོ་ཞིག་ཕུལ། བདག་
ལ་ཐུགས་རྗེ་ཆེན་པོའི་གདམས་པ་ཞིག་ཞུ་ཟེར་བས་ཇོ་བོ་དགྱེས་ནས་བཅུ་གཅིག་ཞལ་གྱི་
སྐུ་དེ་ཡང་གནང༌། སྤྱན་རས་གཟིགས་ཀྱི་ཆོས་སྐོར་རྣམས་རྫོགས་པར་གནང༌། དེ་ནས་རང་
གི་གནས་སུ་ཇོ་བོ་སྤྱན་རས་གཟིགས་ཀྱི་ཆོས་སྐོར་རྣམས་རྫོགས་པར་གནང༌། དེ་ནས་རང་
གི་གནས་སུ་ཇོ་བོ་སྤྱན་དྲངས་ཏེ་ཟླ་བ་གསུམ་དུ་ཞབས་ཏོག་མཛད། དེའི་ཚེ་ཚོགས་ཆོས་སུ་
ཕ་རོལ་ཏུ་ཕྱིན་པ་གསུངས། ལྐོག་ཆོས་སུ་ཡོལ་མཆེད་གསུམ་ལ་ཀྲ་ཡའི་སྒྲུབ་ཐབས་རྣམས་
གསུངས། ཡོལ་གྱིས་ཇོ་བོ་ཨ་ཏི་ཤ་ལ་སྲུང་བ་ཟབ་པ་ཞིག་ཞུ་ཞུས་པས་མ་ཎི་གསུངས། 
དེས་མི་འོང་ཞུས་པས་མི་གཡོ་བ་གསུངས། བྱིན་རླབས་ཆེ་བ་ཞིག་ཞུས་པས་ཡི་གེ་དྲུག་པ་
དང་ཞལ་བཅུ་གཅིག་པ་གསུངས། ལོ་ཙཱ་བས་མཐུ་ཆེ་བ་ཞིག་ཞུས་པས་གཤིན་རྗེ་གསུངས། 
སྒྲུབ་ཐག་ཉེ་བ་ཞིག་ཞུས་པས་སྒྲོལ་མ་གསུངས། ཡོལ་གྱིས་ཐུགས་རྗེ་ཆེན་པོ་ཞི་ཁྲོའི་སྐོར་
22-1-109


ཞུས་ནས་སྒྲུབ་པ་མཛད་པས་ཟླ་བ་དྲུག་ནས་ཞི་བའི་ཞལ་གཟིགས། དེ་ནས་ཁྲོ་བོའི་ཞལ་
གཟིགས། ཐུགས་རྗེ་ཆེན་པོའི་ཆོས་སྐོར་ལ་ཡོལ་ལས་མཁས་པ་མེད་གསུངས། ཡོལ་ལ་
བརྟེན་ནས་ཐུགས་རྗེ་ཆེན་པོ་གཙོ་འཁོར་གསུམ་གྱི་གདམས་པ་མང་དུ་འཕེལ་ལོ། །རྟ་མགྲིན་
ཤྭ་ན་བཞི་སྐོར་གྱི་སྒྲུབ་ཐབས་དེ་ལོ་ཙཱ་བ་ཚུལ་ཁྲིམས་རྒྱལ་བ། ལྷ་བཙུན་བྱང་ཆུབ་འོད། 
འབྲོམ་རྒྱལ་བའི་འབྱུང་གནས་སོགས་ཀྱིས་ཞུས་ཀྱང་མ་གནང་སྟེ་ཡོལ་ཆོས་དབང་ལ་གནང་
ངོ༌། །ཡོལ་སྙིང་རྗེ་ཆེ་བས་འདི་སྙིང་རྗེའི་ལྷ་ཡིན་གསུངས། གཞན་ཡང་སྤྱན་རས་གཟིགས་
ཕྱི་ནང་གསང་གསུམ་གྱི་སྒྲུབ་ཐབས་སོགས་གནང་བས་ཁོང་རྣམ་པས་ཞལ་འཁང་ཆེན་པོ་
མཛད། ལན་པ་སྤྱིལ་བུར་བཞུགས་ཚེ་བྲན་ཀས་ཇོ་བོ་ལ་བར་ཆད་བརྩམས་པས་རྟ་མགྲིན་
ཤྭ་ན་བཞི་སྐོར་གྱི་སྒྲུབ་ཐབས་མཛད་ནས་བྲན་ཀ་བཏུལ་ལོ། །ཉན་ཚོར་ཡོལ་མཆེད་གསུམ་
སྟེ་ཡོལ་ཆོལ་དབང༌། ཡོལ་དྲང་སྲོང༌། ཡོལ་ཐོག་འབེབས་གསུམ་གྱིས་ཆོས་མང་དུ་ཞུས་པའི་
གནས་ཁྱད་པར་ཅན་ནོ། །
རྭ་ལོས་ཉན་ཚོར་འབུམ་གྱི་སྣ་དྲངས་པུ་ཏི་ལྔ་བཅུ་དང་མགྲོན་ཟན་ཟླ་བ་རེའི་ཆ་རྐྱེན་
ཁལ་ཁྲི་ཚོ་གཅིག་སྦྱར། ཉན་ཚོར་མར་པ་ལོ་ཙཱ་རྒྱ་གར་དུ་ཕེབས་པའི་རྟིང་མ་རང་ལ་འདིར་
ཇོ་བོ་དང་མཇལ། ན་རོ་པ་སྤྱོད་པ་ལ་གཤེགས་ཚུལ་དང་ངའི་ལོ་ཙཱར་སྡོད་གསུངས་པའོ། །ཇོ་
བོས་གནས་རྙིང་ལ་ཕྱག་ནས་འཐོར་པ་ཡང་འདིའོ། །ཁྲོ་ལོ་བྱམས་པ་དཔལ་མྱང་སྟོད་ཉན་
ཚོར་ཟླ་བ་ཁ་ཤས་བཞུགས་རིང་ཁ་ཆེ་པཎ་ཆེན་རང་གིས་ཞལ་བསྐོས་མཛད་པ་ལྟར་རྒྱ་གར་
ཁ་ཆེ་ནས་པཎ་ཆུང་གཉིས་དབུའི་གདུང་ཐམས་ཅད་དང་རིང་བསྲེལ་གསུམ་བོད་དུ་གདན་
དྲངས། རིང་བསྲེལ་སུམ་ཅུ་གསུམ་དུ་འཕེལ་བ་དང་བཅས་མྱང་སྟོད་ཉན་ཚོར་ལོ་ཙཱ་བའི་ཕྱག་
ཏུ་རྟགས་མཚན་ཁྱད་པར་ཅན་དང་བཅས་སྨིན་པའོ། །དུས་དེང་སང་ཉན་ཚོའི་དགོན་པ་དེ་
མངའ་དག་མྱང་གི་གདུང་བརྒྱུད་ཀྱིས་འཛིན་ནོ། །སྟག་རྩེའི་ཕུ་མཁར་ཁ་དང་ཉེ་བ་ན་བསམ་
22-1-110


ཡས་ཐོག་མར་ཆགས་གྲབས་ཀྱི་དེང་སང་རྒྱལ་པོ་ཆེན་པོ་སྐུ་མཁར་ཆབས་ཅིག་པར་གནས་
པ་འདི་ཁོ་ནའོ། །རྒྱལ་པོ་གནས་པ་རང་སྔོན་དུས་སྨོན་འགྲོ་ལོ་ཙཱ་བ་མར་པ་རྡོ་ཡེའི་དགོན་པ་
སྟག་ཚལ་སྨོན་འགྲོའི་ལྷ་ཁང་ཟེར་བ་དེ་ཡིན། ལོ་ཙཱ་བ་རྒྱ་བརྩོན་སེང་འཁྲུངས་ཡུལ་དངོས་
ཕུམ་བུ་རེ་པ་ཡིན། སློབ་གཉེར་མཛད་ས་ཡང་མྱང་སྟོད་སྟག་ཚལ་ཡིན། སྣར་ཐང་པ་མཆིམས་
ནམ་མཁའ་གྲགས་མྱང་སྟོད་སྟག་ཚལ་དུ་འཁྲུངས། དེའི་འོག །གིས་མཆིམས་བློ་བརྟན་དང༌། 
ཕྱིས་ཀྱི་མཆིམས་བློ་བཟང་གྲགས་ཀྱང་སྟག་ཚལ་སྨོན་འགྲོའི་ཕུ་ཁ་འུར་འཁྲུངས་སོ། །ཉན་
ཚོའི་འོག་ན་རིན་ཆེན་སྒང་ཡོད་ལ་དེའི་ཕུ་ན་ཇོ་གདན་བླ་མ་ཁྱད་པར་ཅན་རིམ་པར་འཕེལ་
བའི་སྤོས་ཁང་ཡོད་དོ། །
སྤོས་ཁང་ཕུ་ན་འབའ་ར་བ་རྒྱལ་མཚན་དཔལ་བཟང་གིས་སྒྲུབ་པ་མཛད་པའི་ཕུག་པ་རྟ་
ལམ་དང༌། དེའི་ཕུ་ན་སློབ་དཔོན་པད་མའི་ཕུག་པ་ཡོད། སྤོས་ཁང་གི་མདའ་ན་རྒྱལ་པོ་ཁྲི་
རལ་གྱི་གཙུག་ལག་ཁང་སྟོང་རྩ་བརྒྱད་བཞེངས། གྲུབ་རྗེས་སུ་ཡོན་རྫོངས་ལྷག་མ་ལ་གཙུག་
ལག་ཁང་བཞེངས་པ་ལྷག་ཆུང་དགོན་པ་ཡོད། དེའི་འོག་ཙམ་ན་བོན་གྱི་གྲུབ་ཐོབ་བོན་བཞི་
ཁྱུང་ནག་ལ་སྙན་བརྒྱུད་ཀྱི་བཀའ་བབས་པ་གཡུང་དྲུང་ཉི་ཤར་ཡོད། 
དེའི་འོག་ན་ལྕེ་དཀར་ནག་ཁྲ་གསུམ་ལས་ལྕེའི་ཁྲི་དགོན་པ་ཡང་དགོན་ཟེར་བ་ཡོད། ལྕེ་
ལ་དཀར་ནག་ཁྲ་གསུམ་ཡོད་དོ། །བཀྲ་ཤིས་རྫོང་དགའི་ཉེ་འགྲམ་ན་འཁོར་རེ་ལྷ་ཁང་ཡོད། 
དེའི་ཉེ་འདབས་ན་ལྕགས་མཁར་བ་ཟེར་བའི་སྔགས་པ། ལྕེ་དཀར་ནག་ཁྲ་གསུམ་གྱི་ནང་
ཚན་ལྕེ་ནག་གི་བརྒྱུད་པ་ཡོད། ལྕེ་ནག་དེས་སྔོན་སྒྲོལ་མ་དྲུག་སྐོར་གཏེར་ནས་སྤྱན་དྲངས། 
ལྕེ་དམར་གྱི་བརྒྱུད་པ་བྱེ་མདའ་ན་ཡོད། མྱང་རོ་ལུང་པ་ན་རི་བཀྲ་ངན་ཞིང་བཀྲ་མི་ཤིས་
པའི་རི་བཅུ་གསུམ་ཡོད་པའི་ཁ་གནོན་ལ་བྱང་རི་བསེ་བྲག་པད་མ་འདབ་བརྒྱད་ཁ་ཕྱེ་བ་འདྲ་
ཞིང༌། རི་བཀྲ་ཤིས་ལ་གཡང་ཆགས་པའི་ས། རི་བཀྲ་ངན་པ་ཐམས་ཅད་ཟིལ་གྱིས་མནན་
22-1-111


པའི་བྱང་རེ་བསེ་བྲག་གི་རི་འདི་ལ་མྱང་ཏིང་འཛིན་བཟང་པོ་སྐུ་ལུས་མ་སྤངས་པར་ད་ལྟ་ཡང་
བཞུགས་པར་ཡང་གྲགས། འབྲུག་པ་སྤྲུལ་སྐུ་མི་ཕམ་པད་མ་དཀར་པོ་ལ་མཇལ་བར་དངོས་
སུ་བྱོན་པ་ཡོངས་ལ་གྲགས་ཤིང་རྣམ་ཐར་དུའང་ཐེབས་ཡོད། རྒྱ་འཇམ་དཔལ་གསང་བའི་
སྲས་ཇོ་སྲས་ཡང་དག་སྐྱབས། དེའི་སྲས་ཇོ་སྲས་བདུད་འཇོམས། དེའི་སྲས་ཇོ་སྲས་ཕུར་བ་
སྐྱབས། དེའི་རྒྱན་གོང་དུ་ལོ་སྟོན་ལ་དགེ་བསྙེན་གྱི་སྡོམ་པ་ཞུས། མཚན་རྡོ་རྗེ་དབང་ཕྱུག་ཏུ་
བཏགས། སྐུ་བགྲེས་པོར་བྱོན་ནས་ལྷོ་བྲག་མཁར་ཆུར་ཕེབས། གཏེར་ཐོན་ནས་རྟག་ངུའི་
བཅུད་ལེན་ཐོན། གྲུབ་པ་ཐོབ། ཚེའི་རིག་འཛིན་བརྙེས་ནས་ཚ་མོ་དང་གཉིས་ཀར་བསེ་བྲག་
གི་རི་ལ་ད་ལྟ་ཡང་བཞུགས་སོ། །བྱང་རི་བསེ་བྲག་གི་རྩེ་ལ་ཀོ་བྲག་པ་བསོད་ནམས་རྒྱལ་
མཚན་གྱི་གཟིམ་ཕུག་ཆུ་མིག་དམར་གསོལ་དུ་གྲགས་པ། དབུས་པ་སྟོན་ཤཱཀྱ་ནི་ལྷ་རྗེ་ཉ་
རི་བའམ་སྒྲོ་ཕུག་པའི་གྲྭ་སར་ཡི་གེ་འབྲིར་བྱོན། དད་པ་ཐོན་ནས་སློབ་གཉེར་མཛད་ཅིང༌། 
དབང་ལུང་རྒྱུད་གདམས་ངག་གི་རྒྱུད་སྨིན་ནས་སློབ་མ་མཆོག་ཏུ་གྱུར་པ་བཞི་གསུམ་བཅུ་
གཉིས་ཀྱི་ནང་ཚན་སྟོན་བཞི་ཡ་གྱལ་དབུས་པ་སྟོན་ཤཱཀ་གོང་དུ་སྨོས་པ་བཞིན་ཁྱད་པར་དུ་
འཕགས་པའི་སྐྱེས་བུ་དེ་ལྷ་རྗེ་རྒྱ་ནག་གི་ཕྱིར་རྗེས་སུ་འབྲངས་ནས་བྱོན། རྒྱུད་གདམས་ངག་
ཐམས་ཅད་མ་ལུས་པར་གསན་ནས་སྒོམ་སྒྲུབ་མཛད་པར་དགོངས་ཏེ་བྱང་རི་ལ་དགོན་པ་
འཚོལ་དུ་བྱོན་པས། ཡོལ་བ་བྲག་ལ། ཡོལ་ཆུང་བ་བྲག་རྡོ་བཞིན་འདུག་སྐད། འདིར་དགོན་
པ་མཛད་པ་ལགས་སམ་ཞུས་པས། ཡིན་ཏེ། འདི་མིན་པ་བྱ་ས་མི་གདའ་བྱས་པས་ཕར་ངོས་
ཀྱི་བྲག་བསེ་བ་ཁ་སྤྲད་ཅན་དེ་ན་འོང་བ་འདུག་ཟེར། དེ་བས་འདི་བཙན་པར་འདུག་པས་
ངས་འདིར་བྱེད་པ་ཡིན། དེ་མིན་པ་བྱ་ས་མི་འདུག་སྟེ། དེ་ནས་དམ་པ་སྟོན་ཤཱཀ་གིས་བྲག་
བསེ་པ་ཁ་སྤྲད་སྐྱེས་པ་དེར་བྱོན་ཙ་ན་དེའི་ཆུ་མིག་འགྲམ་ན་དབྱུ་གུ་གཅིག་འདུག་གམ་ཡང་
ཟེར། ཟན་རྡོག་ལྔ་འདུག་གམ་ཡང་ཟེར་ཏེ་བཟང་ལྟས་ཤིག་བྱུང༌། དེ་ནས་དེར་བཞུགས་ཏེ་
22-1-112


སྒོམ་སྒྲུབ་མཛད་པས་དགོངས་པ་ཚད་དུ་སྐྱོལ། ལྷ་འདྲེ་དམ་ལ་ཐོགས། གདུལ་བྱ་མང་པོའི་
དོན་ནུས་པ་བྱུང་སྟེ་དམ་པ་བསེ་བྲག་པ་ཞེས་གྲགས་པ་ཡིན་ནོ། །
བསེ་བྲག་གཡའ་ལུང་གི་དགོན་པ་བཏབ་ཅིང༌། བྱ་གནམ་ལ་འཕུར་བ་ལ་སྒོམ་ཐེབས། 
ནམ་ཕྱེད་ཆུ་གཉིད་དུ་འགྲོ་བ་ལ་འབྱུང་ལྔའི་རླུང་འོག་ཏུ་གནོན། རླུང་སེམས་ལ་རང་དབང་
ཐོབ་པའི་བླ་མ་ཡིན། བསེ་བྲག་གཡའ་ལུང་ནི་ཨོ་རྒྱན་པད་མ་འབྱུང་གནས་ཀྱི་གཏོར་མ་འདྲ་
སྟེ་རི་བཀྲ་ངན་པ་ཐམས་ཅད་འདིས་ནོན། དེའི་ཉེ་འདབ་ན་དམ་པ་ཡུལ་ཆུང་པའི་གཟིམ་ཕུག་
ནང་ན་ཨ་ལྕེ་སྣང་ས་འོད་འབུམ་གྱི་དབུ་དང་སྤྱི་ཁྱབ་ཀྱི་རྗེས་ཡོད་པ་ཡོ་བ་ཤར། (འདི་ཕྱིས་ཤར་ཁ་
རས་ཆེན་པས་བཏབ་པའི་དེང་སང་འབྲུག་པའི་ཆོས་སྲོལ་འཛིན། བསེ་བྲག་གཡའ་ལུང་གི་རི་བོ་ཤར་ཁ་རས་ཆེན་པས་བདེ་ཆེན་
དཔལ་འབར་གྱིས་བཏབ་པའི་དགོན་པ་ཡིན། ཤར་ཁ་རས་ཆེན་པ་རྒྱལ་དབང་རྡོ་རྗེའི་སློབ་མ་ཡིན་ནོ། །སྤྱིར་རྒྱལ་དབང་རྗེའི་
སློབ་མ་ལ་རྟོགས་ལྡན་ལྷ་བཙུན་པ་དང༌། ཤར་ཁ་རས་པ་དགེ་སློང་རྣམ་གཉིས། འབའ་ར་བ་སྔ་ཕྱི་སོགས་སོ། །དེང་སང་འབའ་
ར་བ་རྒྱལ་མཚན་དཔལ་བཟང་གི་ཆོས་སྲོལ་གྱི་རྒྱུད་འཛིན) ནུབ་ཀྱི་དགོན་པ་ཡོལ་ཤར་ནུབ་ཀྱི་གོང་ན་དམ་
པ་ཆུང་པའི་གཟིམ་ཕུག་གོང་དུ་བཤད་པ་ཁོ་ཡོད། དེའི་འོག་ཏུ་བསེ་བྲག་སྒྲུབ་སྡེ། དེའི་འོག་
དམ་པ་བསེ་བྲག་པའི་སློབ་མ་མཁའ་འགྲོ་མ་འོད་འབུམ་གྱིས་དགོན་པ་བརྒྱབས་པ་དགོན་
མིང་བླ་མ་ཞང་གི་བཏགས་པའི་ཆོས་སྡིངས་ཟེར་བའི་དགོན་རོ་ཡོད། བསེ་བྲག་རང་ཟེར་བ་
གཅིག །ལྷ་རྗེ་རྒྱ་ནག་པའི་སློབ་མ་དབུས་པ་སྟོན་ཤཱཀ་གིས་བརྒྱབ་པའི་དགོན་པ་དངོས་གཞི་
བསྒྲུབས་ཏེ་བླ་མ་ཞང་སྤྱན་དྲངས་པས་ཆོས་སྡིངས། ལྷ་འདྲེ་དམ་ལ་བཏགས་པ། དེང་སང་ལྷ་
དགེ་བསྙེན་འབར་ར་གནས་པ། བསེ་བྲག་རང་དང་གསུམ་དཀར་དབུས་པ་སྟོན་ཤཱཀ་གིས་
བརྒྱབས། མཚན་ལའང་དམ་པ་བསེ་བྲག་པར་ཐོགས། ཆོས་སྡིངས་ཟེར་བའི་གོང་དུ་བཤད་
མ་ཐག་པའི་ཉེ་ལོགས་ན་སྣང་ས་འོད་འབུམ་གྱི་གཟིམ་ཕུག་ཡོད་པ་འདི་ནས་མཁའ་སྤྱོད་ལ་
གཤེགས། དེའི་འོག་ན་པ་སྣམ་ཞོལ་པོའི་ཕུ་ན་ཀོ་བྲག་པ་བསོད་ནམས་རྒྱལ་མཚན་གྱི་སྒྲུབ་
22-1-113


ཕུག་བྱིན་རླབས་ཅན་རྒྱལ་བའི་དབང་པོ་དབང་ཕྱུག་རྡོ་རྗེས་གནས་སྒོ་གསར་དུ་ཕྱེ་བ་ཡིན། 
དེའི་འོག་བོན་གོང་གི་ཕུ་ན་གཉན་ལོ་ཙཱ་བའི་གནས་གཞི་གཉན་ཕུར་གྲགས་པ་ཡོད། གཉན་
ཕུའི་བྱམས་པ་ཐོག་མར་རྒྱལ་བྱེད་ཚལ་དུ་སྤྱན་དྲངས། དེ་ནས་ཕོ་བྲང་བསམ་འགྲུབ་རྩེར་
སྤྱན་དྲངས་པའི་གཞིས་སྡེའི་བྱམས་པ་འདི་ཡིན། དེའི་ཕུ་ན་བྱང་བདུད་ཟེར་བའི་རི་ལ་བོན་
གྱི་ཚེ་དབང་བོད་ཡུལ་མའི་གྲུབ་ཐོབ་ཀྱི་གནས་གཞི་དང་ཕུག་པ་ཡོད། ལོ་རས་པའི་སློབ་མ་
མཆོག་འཇམ་དབྱངས་མགོན་པོ་འཁྲུངས་ཡུལ་མྱང་སྟོད་ཁམས་གྲོགས་(གངས་དང་ཁྲོ་ཟེར་བའི་ནང་
ན་ཡོད།)ཡིན། མཁས་པ་མཆོག་ཏུ་གྱུར་པ། རྒྱ་ནག་རི་བོ་རྩེ་ལྔར་ཡང་བྱོན། 
སྨད་འབྲུག་རྣམས་ཀྱི་དགོན་པ་རྒྱག་པར་གསོལ་བ་བཏབ་པའི་ངོར་མྱང་སྟོད་སྨད་
གཉིས་ཀྱི་མཚམས་སུ་ཀུ་རུ་ལུང་དུ་དགོན་པ་བཏབ། ད་ལྟ་བོན་གོང་གི་ལྟག་ཙམ་གྱི་དགོན་
རོ་དེ་ཡིན་ནོ། །
ཁྲོ་ལོ་བྱམས་པ་དཔལ་གྱི་སྐབས་སུ་དབུས་དང་གཙང་གཉིས་ན་འདུལ་བ་འཛིན་པ་
ཆེན་པོ་མང་དུ་ཡོད་ཀྱང༌། མཆོག་ཏུ་གྲགས་པ་མྱང་སྟོད་སྨད་ཀྱི་མཚམས་ན་གཙང་ན་འདུལ་
འཛིན་བྱ་བ་ངོ་མཚར་ཅན་གཅིག་བཞུགས་པས། མྱང་སྟོད་སྨད་མཚམས་ཀྱི་དགོན་གནས་
དེ་ཁྲོ་ལོས་བྱོན། ལོ་ཧྲིལ་པོ་གཉིས་སུ་འདུལ་བ་མདོ་རྩ་དང༌། སོ་སོར་ཐར་པ་དང༌། འོད་
ལྡན་སོགས་མཐར་ཕྱིན་བསླབ་བོ། །འདི་ཀུ་རུ་ལུང་གི་དགོན་པ་ཡིན་ནོ། །སྨད་དེ་གཙང་
ནག་འདུལ་འཛིན་ལ་འདུལ་པ་ཉན་པར་སྟབས་ཅིག་ཏུ་མཁས་པ་བསོད་རྒྱལ་བ་ཞེས་དྲེགས་
པ་ཅན་དེ་སྒྲ་ཚད་གཉིས་ཀྱི་སྟེང་བཀའ་བཞི་བསྣན་པ། སྤོས་ཀྱི་གླང་པོ་མཆེ་བ་དྲུག་ལྡན་
བྱ་བ་ཡིན་གསུངས་པ་སོགས་ཁེངས་ཚིག་གསུང་སྐབས། ཁྲོ་ལོ་དགུང་ལོ་བཅུ་དགུ་པས་
ཚིགས་བཅད་འདི་གནས་འདིར་གཙང་ནག་འདུལ་འཛིན་གྱི་དྲུང་དུ་མཁས་པ་བསོད་རྒྱལ་
ལ་གསུངས། ཚོགས་གཉིས་ལས་ཅན་བཀའ་བཞི་སྒྲ་ཚད་ཀྱི། །མཆེ་བ་དྲུག་ལྡན་གླང་ཆེན་
22-1-114


གྲགས་མྱོས་ཀྱང༌། ཁོ་བོ་ལུང་རིགས་མཆེ་སྡེར་རྣོན་པོ་ཅན། །སེང་ཕྲུག་རྩོད་པའི་རྩལ་གྱིས་
ཀླད་པ་འགེམས། །ཞེས་གསུངས་པས་སློབ་དཔོན་ཆེན་པོ་སོགས་ཐམས་ཅད་དགྱེས་སོ། །
དེའི་འོག་ཙམ་ན་བསམ་སྡིངས་དགོན་པ་ཡོད་དོ། །དེ་ནི་ནི་གུ་(སྤྱིར་ནི་གུ་ལ་རྒྱུད་སྡེ་ལྔའི་དཀྱིལ་
འཁོར་ཆེན་པོར་དབང་བཀུར། ནི་གུའི་ཁྲིད་བཀའ་བཅུ་གསུམ། ལུགས་དེ་ལ་རྒྱས་པ་ན་དབང་བཀའ་དྲུག་ཅུ་རེ་བརྒྱད། འབྲིང་
པོ་དབང་བཀའ་ཉི་ཤུ། མགོན་པོའི་དབང་བཀའ་ཉེར་ལྔ་ཡོད།) ཆོས་དྲུག་གི་བཀའ་རྒྱ་བདུན་རྒྱུད་དུ་གདམས་
པའི་རིན་ཆེན་སྣ་བདུན། རྡོ་རྗེ་འཆང་ནི་གུ་སྟ་ཟུར་ཆགས་པའི་ནི་གུ་མ་མཁས་གྲུབ་ཁྱུང་པོ་
རྣལ་འབྱོར། རྨོག་ལྕོགས་པ་རིན་ཆེན་བརྩོན་འགྲུས། འབལ་ཐམས་ཅད་མཁྱེན་པའམ་བལ་
ཚད་མའི་དབོན་པོ། དབོན་སྟོན་སྐྱེར་སྒང་པ་སངས་རྒྱས་གཉན་སྟོན། སངས་རྒྱས་སྟོན་པའོ། །
སངས་རྒྱས་སྟོན་པའི་སློབ་མ་མཁས་གྲུབ་ཤངས་སྟོན་གྱིས་འཇག་བཏབ། སངས་རྒྱས་
སྟོན་པའི་སློབ་མ་མཁས་བརྩོན་གཞོན་ནུ་འཁྲུངས་ས་མྱང་སྨད་ཅུང་ཡུ་བ་གདོང་ཡིན། བླ་མའི་
ལུང་བསྟན་དང་བསྟུན་པའི་ཇོ་མོ་ལྷ་རི་ཆས་པའི་མགུལ། བསམ་གཏན་སྒོམ་པའི་གནས་དང་
མཐུན་པའི་དབེན་པར་བསམ་སྡིངས་དགོན་པ་བཏབ་བོ། །
པ་སྣམ་འདིར་སྔོན་གྱི་དུས་སུ་སྤྲུལ་པའི་རྒྱལ་པོ་གེ་སར་བཞུགས་ཚུལ། བསྟན་པ་སྔ་
དར་ལོ་པཎ་གྱི་བཞུགས་ཚུལ། ཕྱི་དར་མཁས་གྲུབ་རྣམས་བཞུགས་ནས་བསྟན་ལ་བྱ་བ་
མཛད་ཚུལ་དང་གསུམ་མོ། །དང་པོ་ནི་རྒྱལ་པོས་རྒྱ་ཁྲི་ཤིང་ཁྲི་བསྐོར་འབྱེད་པ་ལ། །སྨད་
ཡུལ་གླིང་དཀར་སྟོད་ཅིག་བྱུང༌། །ཧོར་ཡུལ་ཡོལ་མར། (ཡོ་དམར)སྡིངས་ཆེན་དུ། །ཧོར་གེ་
སར་རྒྱལ་པོ་འདུལ་པ་ལ། །སྟོད་ཡུལ་གླིང་དཀར་སྟོད་ཅིག་བྱུང༌། །འདྲེ་ཀླུ་བཙན་ཐོས་ཞེས་
བྱ་བ་དང༌། ། འབྲོང་ཀ་ཀ་རྭ་རིང་འདུལ་བ་ལ། །བར་ཡུལ་གླིང་དཀར་སྟོད་ཅིག་བྱུང༌། །ཞེས་
པ་གསུངས་པའི་བར་གྱི་གླིང་དཀར་སྟོད། པ་སྣམ་གྱི་ས་ཡུལ་ཡིན་ཏེ། གླིང་གི་གྲ་མ་སྨུག་གུ་
22-1-115


ནི་པ་སྣམ་རྫོང་གི་ནུབ་བྱང་གི་ཕྱོགས་ཐམས་ཅད་སྔོག་དུས་ཞིང་མེད་གྲ་མ་ཁོ་ནས་ས་ཡུལ་
རྣམས་ཁེངས་ཡོད་པ་ཕྱིས་ཞིང་དུ་བཅོས་ཀྱང༌། ཞིང་དཀྱིལ་ཀྱི་སྟོངས་རྣམ་གྲ་མ་ཁེངས་ཡོད་
དོ། །གླིང་གི་འཇག་ཐང་སྐྱ་མོ་ནི་པ་སྣམ་གྱི་བྱང་ཤར་ཉིན་ལམ་ཙམ་ཀྱི་ས་ཡུལ་ཐམས་ཅད་
འཇག་མས་ཁེངས་ཡོད་ཀྱང༌། ཕྱིས་ཉེ་བའི་ས་ཡུལ་སྐྱེ་ཚེར་བཏབ་པ་ཡིན་ལ། ཐག་རིང་པོའི་
ཐང་ལ་ད་ལྟ་ཡང་འཇག་མ་ཡོད་དོ། །གླིང་གི་ཟམ་པ་དགུར་མོ་ནི་པ་སྣམ་མདུན་གྱི་ཟམ་པ་དེ་
ཡིན། རྒྱལ་པོའི་ཕོ་ལྷ་གྱེར་ཚོན་དཀར་པོ་མ་ཎི་དགོན་པའི་ལྟགས་ཀྱི་ལྷ་གཙུག་དེར་གནས་
ཤིང༌། པ་སྣམ་རྩེ་ཞོལ་གྱི་ལྷ་མཆོད་རྒྱས་པ་སྟོན་བཙས་གོང་རྒྱུན་དུ་བྱེད། མོ་ལྷ་གུང་སྨན་
རྒྱལ་མོ་ནི་ཇོ་མོ་ལྷ་རི་དེ་ཡིན། ཚང་རོག་དུག་སྤྲུལ་ནག་པོ་ལྷོའི་ཕྱོགས་ན་གནས་པའི་དེང་
སང་སྐབས་གཟའ་བདུད་པ་ཟེར་བ་སོགས་ཡིན། སྤྲུལ་པའི་རྒྱལ་པོས་པ་སྣམ་དེར་ཞབས་
ཀྱིས་བཅགས་ཤིང་བཞུགས་པའི་གནས་མཛད་པའི་ས་ཡུལ་ཁྱད་པར་ཅན་དུ་འཕགས་སོ། །
གཉིས་པ་བསྟན་པ་སྔ་དར་ལ་ལོ་པཎ་གྱི་བཞུགས་ཚུལ་ནི་པ་སྣམ་ཟེར་བ་ཡིན། བསྟན་
པ་སྔ་དར་གྱི་པ་ཚབ་ལོ་ཙཱ་བ་ཚུལ་ཁྲིམས་རྒྱལ་པོ་(ཆོས་འཁོར་བསྐོར་ཅིང་བསྟན་པ་རིན་པོ་ཆེར་བྱ་བ་མཛད་
པའི་བྱ་རྒྱུད་སྒ་གདོང་དགོན་པར་བཞུགས་ཀྱང་སྣ་སྣམ་དང་ཐུགས་ཤིན་ཏུ་མཛའ་ཞིང་གཅུགས་ལ)དང་སློབ་དཔོན་པད་
མའི་དངོས་སློབ་(རྗེ་འབངས་བརྒྱད་ཀྱི་སྒྲུབ་ཆེན་བཀའ་བརྒྱད་ཀྱི་དཀྱིལ་འཁོར་ལ་མེ་ཏོག་ཕོག་པའི་རྗེ་འབངས་གྲངས་ཀྱི་
ཁོངས་སུ་མེད་ཀྱང༌། འདི་འཕྲིན་ལས་ཕུར་པའི་རིག་འཛིན་ཡིན་ཞིང་འཕྲིན་ལས་ཕུར་པ་ལ་མེ་ཏོག་ཕོག་པ་ཡིན་ཞིང༌། ལར་རྗེ་
འབངས་ཉེར་ལྔ་པོ་ཐམས་ཅད་སྒྲུབ་ཆེན་བཀའ་བརྒྱད་བདེ་གཤེགས་འདུས་པའི་དཀྱིལ་འཁོར་མེ་ཏོག་ཕོག་ཅིང་སྨིན་པར་མཛད་
པ་ལས་རྗེ་འབངས་རེར་དཀྱིལ་འཁོར་རེ་ཡོད་པ་འདི་ལ་གསུངས་སོ། །གསོལ་འདེབས་ལེའུ་བདུན་མའི་གསོལ་འདེབས་སྣ་སྣམ་
པར་གསུངས་པ་ལས། བསམ་ཡས་མཆིམས་ཕུའི་བྲག་དམར་ཀེའུ་ཚང་དུ༔ སྒྲུབ་ཆེན་བཀའ་བརྒྱད་གསང་སྔགས་དཀྱིལ་འཁོར་
རུ༔ ལས་ཅན་རྒྱལ་པོ་རྗེ་འབངས་སྨིན་པར་མཛད༔ གསུངས་པ་ལྟར་རོ། །རྗེ་འབངས་ཉེར་ལྔའི་དཀྱིལ་འཁོར་བཅོ་བརྒྱད་ཀྱི་སློབ་
མའི་གྲངས་ལ་གཏོགས་པའི་མཐུ་སྟོབས་ཀྱི་དབང་ཕྱུག་ཚང་རོག་དུག་སྦྲུལ་ནག་པོའི་ཁ་གནོན་ལ་བཞུགས་སོ།) སྣ་(ལོ་རྒྱུས་
22-1-116


ཁུངས་ཐུབ་ཅིང་ཡོངས་སུ་གྲགས་པར་སློབ་དཔོན་རིན་པོ་ཆེ་པདྨ་སྤྱན་འདྲེན་པ་ཁྱད་པར་དུ་འཕགས་པའི་མི་གསུམ་པོ་ཁོ་ན་ཡིན་
ཏེ། ཇོ་མོ་མཚོ་རྒྱལ་དང་སྤྱན་འདྲེན་པ་མི་གསུམ་ལ། ཟབ་ཆོས་ཕུར་བའི་ཆོས་བསྐོར་ཚར་བ་གནང་བས། ཕུར་པ་ཇོ་མོ་ལུགས། 
ཕུར་པ་སྣ་སྣམ་ལུགས། ཕུར་པ་མཆིམས་ལུགས། ཕུར་པ་ཤུད་བུ་ལུགས་སུ་བོད་འབངས་ཡོངས་གྲགས་སོ། )སྣམ་(བུ་སྟོན་
ཆོས་འབྱུང་ལས། མཁན་པོ་བོ་དྷི་ས་ཏྭས་བོད་ཀྱི་རྒྱལ་པོ་ལ་བཀའ་བསྩལ་ནས། བོད་ལྷ་སྲིན་མ་ཐུལ་བས་ཆོས་བྱེད་དུ་མ་སྟེར་
ཞིང་བཙན་པོ་སྐུ་ཚེ་ཐུང་བ་དེས་ལན་པས། འདུལ་བ་ལ་སློབ་དཔོན་པདྨ་སམྦྷ་ཝ་ཞེས་བྱ་བ་མཐུ་རྩལ་དང་ལྡན་པ་ཞིག་ཡོད་པས། 
དེ་སྤྱན་དྲོངས་ཤིག་གསུངས་པ་དང་བཙན་པོས་རྨི་ལམ་དུ་བྱུང་བ་སྐད་བགྱིས་ཏེ། སྦ་གསལ་སྣང་དང༌། སེང་གོང་ལྷ་ལུང་གཉིས་
ལས། གཡོག་སྣ་སྣམ་རྡོ་རྗེ་བདུད་འཇོམས། ལྕེ་ཛྙཱ་སིདྡྷི། མཆིམས་ཤཱཀྱ་པྲ་བྷཱ། བྲང་ཏི་ཛ་ཡ་རཀྵི་ཏ། ཤུད་ཕུ་དཔལ་གྱི་སེང་གེ་དང་
ལྔ་བཏང་བས་སློབ་དཔོན་གྱི་མངོན་པར་ཤེས་པས་མཁྱེན་ཏེ་མང་ཡུལ་གུང་ཐང་དུ་བྱོན་པ་དང་མཇལ་ནས་རིམ་གྱིས་སྤྱན་དྲངས་
སོ་གསུངས།)རྡོ་རྗེ་བདུད་འཇོམས་གཉིས་ལྷན་དུ་བཞུགས་པ། པ་སྣམ་རྫོང་འདི་རང་ཡིན་པས་
ན་གང་ཟག་གི་མིང་གནས་ལ་ཆགས་པས་པ་སྣམ་ཞེས་གྲགས་སོ། །སློབ་དཔོན་པད་མའི་
དངོས་སློབ་རྒྱལ་པོ་ཁྲི་སྲོང་ལྡེའུ་བཙན་གྱི་ཆོས་གནས་ཁམས་གཡེར་མོ་ཐང་གི་རྒྱུད། (ཕུར་པའི་
བཀའ་བབས་པས་ཕུར་བ་རྒྱུད་ལུགས་སུ་གྲགས་སོ།)བྱང་ཆུབ་གཞོན་ནུ་བྱུང་བ་དེའི་གདུང་རབས་གསུམ་
པ་བྱང་ཆུབ་རྒྱ་མཚོ་དང༌། ཆོས་རྒྱལ་རྒྱ་མཚོ་གཉིས་ཀྱི་གཡོག་རྡོ་རྗེ་ཀུན་ཐུབ་ཁྲིད་མྱང་སྨད་
པ་སྣམ་དུ་ཕེབས་ཚེ་ཨར་ཚོ་བན་དེ་བཅོ་བརྒྱད་ཀྱིས་ཁོང་དཔོན་གཡོག་གསུམ་བཟུང༌། དེ་
སྐབས་སྦྱོར་སྒྲོལ་དར་བས་མཁའ་འགྲོའི་མཆོད་རྫས་བྱེད་ཟེར་རྐང་ལག་ཕུར་པས་བརྒྱངས་
པས་གཅེན་གྱིས་རྟ་སྐད་ཐེངས་གསུམ་བསྒྲགས། གཅུང་པོས་ཕུར་པས་ཁྲབ་ཤོན་བྱས་ཐམས་
ཅད་བརྒྱལ་རྨོངས་རེངས་ལ་སོགས་པའི་རྫུ་འཕྲུལ་བསྟན་པ་ཡང་པ་སྣམ་འདི་རང་དུ་བྱུང་བ་
ཡིན། པ་སྣམ་གྱི་རྒྱབ་ཀྱི་བྱ་རྒྱུད་ཟེར་བའི་དགོན་པ་དེ་ཐོག་མར་སྒ་གདོང་དང་དུས་བསྟན་པ་
སྔ་དར་ལ་བཏབ་པ་ཡིན་ནོ། །གསུམ་པ་ཕྱི་དར་ལ་མཁས་གྲུབ་རྣམས་བཞུགས་ནས་བསྟན་
ལ་བྱ་བ་མཛད་ཚུལ་ནི་མ་ཎི་དགོན་པའི་ཉེ་འགྲམ་ལྟག་ན་རྭ་ལོས་(རྭ་ལོ་ཙཱ་བ་རྡོ་རྗེ་གྲགས་ཀྱི་བླ་མ་བྷ་
22-1-117


རོ་འམ་པཉྫ་གླིང་པ་ལ་བལ་པོར་གསན་པ། རྭ་ལོས་བལ་པོ་ཐུགས་རྗཻ་ཆེན་པོ་བལ་བོད་གཉིས་ཀར་ཞབས་ལ་གཏུགས་ཤིང་དགྲ་
ནག་འཇིགས་སྐོར་གསུམ་དང་ཧེ་རུ་ཀ་མངོན་འབྱུང་གི་སྐོར་ལ་སོགས་པ་བསྒྱུར་རོ། དབོན་པོ་རྭ་ཆོས་ཀྱི་པཎྜི་ཏ་ས་མནྟ་ཤྲཱི་བོད་
ལ་སྤྱན་དྲངས་ཏེ་དུས་འཁོར་འཕགས་མོ་མངོན་འབྱུང་མགོན་པོ་མངོན་བྱུང་སོགས་བསྒྱུར་ཞིང་གསན་ནོ། །རྭ་ལུགས་ལྷ་བཅུ་
གསུམ་མ་གཙོ་བོར་གསན་པ་ཡིན་ཞིང་རྭ་པ་ལའང་རོ་ལངས་བརྒྱད་སྐོར་ཡང་ཡོད་དོ། །
དཔལ་ལྡན་ས་སྐྱ་པ་ལ་རོ་ལངས་བརྒྱད་སྐོར་དང་ལྷ་ཞེ་གཉིས་ལ་རོ་ལངས་བརྒྱད་ཀྱིས་བསྐོར་བའི་ལྷ་དགུ་མ་མི་རྒྱུད་དང་
ཤིན་ཏུ་མཐུན་ནོ། །ཞང་ལོ་ཙཱ་བ་གྲུབ་པ་དཔལ་བཟང་པོས་རྒྱ་གར་དུ་ལ་ལི་ཏ་བཛྲ་ལ་གསན་པ་འཇིགས་བྱེད་ལྷ་ཞེ་དགུ་མ་ལལི་
ཏ་བཛྲ་ཡིས་མཛད་པའི་ཞེ་དགུ་མའི་སྒྲུབ་ཐབས་ཡོད་དོ། །སྨྱོས་[སྐྱོས་]འོད་འབྱུང་གི་པཎྜི་ཏ་ཨ་མོ་གྷ་ཆུང་བ་ལ་གསན་པའི་
འཇིགས་བྱེད་ལྷ་བཅུ་བདུན་མ་དང༌། སྐྱོས་བོད་དུ་ཞང་ལ་གསན་པའི་ཞེ་དགུ་མའང་བཞེད་དོ། །ཞང་ཤེས་རབ་བླ་མས་ཀྱང་པཎྜི་
ཏ་ཨ་མོ་གྷ་བཛྲ་བོད་ལ་སྤྱན་དྲངས་ཏེ་དགྲ་ནག་གི་སྐོར་རྒྱས་པར་བསྒྱུར་རོ། །གཉོས་ལོ་ཙཱས་དར་པཱན་ཨཱ་ཙརྱ་ལ་གསན་པའི་
གཉོས་ལུགས་ལྷ་དགུ་མ། ཤངས་པ་ལུགས་ལ་འཇིགས་བྱེད་ལྷ་བཅུ་གསུམ་མ་འདི་ལ་རྒྱ་གཞུང་ཡང་ཡོད་དོ། །འཇིགས་བྱེད་ཀྱི་
ཁྲིད་ལ་མཚན་མོའི་རྒྱུ་བའི་ཁྲིད། མཚན་མོ་གྱེན་བསྒྲེངས་ཀྱི་ཁྲིད། རྭ་ཁྲིད་རྡོ་རྗེ་མཁའ་འགྲོའི་ཁྲིད་སོགས་སོ། །འཇིགས་བྱེད་ཀྱི་
རྒྱུད་ལ་རྟོག་པ་བདུན་པ། རྟོག་པ་གསུམ་པ། རྟོག་པ་བཅུ་གཅིག་པ། ལས་མཁན་ཏིའུ་ལོ་པའི་རྟོག་པ། རྒྱུད་ཀྱི་འགྲེལ་པ། བོད་
འགྲེལ་ཡོད་ཚུལ་ནི་རྭ་ལོ་ཙཱ་བའི་འགྲེལ་པ་གསུམ། རྒྱ་སྟོན་གྱི་འགྲེལ་པ། གཉན་རིན་པོ་ཆེ་བསྟན་པའི་འགྲེལ་པ། འབྲི་ཁུང་ལོ་
ཙཱ་བ་མ་ཎི་ཤྲཱི་ཀའི་འགྲེལ་པ། ཇོ་གདན་ཁྲོ་ཡོན་པའི་འགྲེལ་པ། འབྲི་ཁུང་དཔལ་འཛིན་གྱི་རྟོག་གསུམ་གྱི་འགྲེལ་པ་སོགས་སོ།)
པ་སྣམ་རྫོང་གི་སྐེ་འོག་དེང་སང་རྟ་རའི་འོག་ཙམ་ན་ཁྱུང་པོ་ཆོས་བརྩོན་ཟེར་བ་མངའ་བདག་
རྩེ་ལྡེའི་མེས་པོ་འབྲུག་གི་ཆོས་འཁོར་ལ་དབུས་གཙང་ཁམས་གསུམ་གྱི་སྡེ་སྣོད་འཛིན་པ་
ཆེན་པོ་རྣམས་བྱོན། མཁས་པར་རྭ་ལོ། གཉན་ལོ། ཁྱུང་པོ་ཆེས་བརྩོན། བཙན་ཁ་བོ་ཆེ། 
རྔོག་བློ་ལྡན་ཤེས་རབ། མར་ཐུང་དད་པ་ཤེས་རབ། ཟངས་དཀར། (ཟངས་དཀར་གྱིས་དེའི་སྐབས་སུ་
ཚད་མ་རྒྱན་བསྒྱུར།)ལོ་ཙཱ་བ་འཕགས་པ་ཤེས་རབ་སོགས་ལོ་ཙཱའི་འགྲུལ་ཚན་ཤིན་ཏུ་ཆེ་བར་བྱུང་
བའི་ཟླ་ཚན་ཁྱུང་པོ་ཆོས་བརྩོན་དེས་མངའ་བདག་རྩེ་ལྡེས་ཁ་ཆེ་ཛྙཱ་ན་ཤྲཱི་སྤྱན་དྲངས་ཏེ་ཁྱུང་
22-1-118


པོ་ཆོས་བརྩོན་གྱིས་ལོ་ཙཱ་བྱས་ནས་རྒྱུད་རྡོ་རྗེ་རྩེ་མོ། སྦྱོང་རྒྱུད། ཚད་མ་རྣམ་ངེས། དེའི་ཊིཀྐ་
ཁོང་རང་གིས་མཛད་པ་སོགས་བསྒྱུར་རོ། །
དེ་སྐབས་གཉལ་པ་ཉི་མ་ཤེས་རབ་ཀྱིས་ལོ་བདུན་ཁ་ཆེ་ཛྙཱ་ན་ཤྲཱི་ལ་ཆོས་ཞུས། ཡོ་ག་
རྩེ་མོ་ལ་མཁས་པར་བྱས་པ་སོགས་ཀྱི་ལོ་རྒྱུས་དང་འབྲེལ་བའི་ཁྱུང་པོ་ཆོས་བརྩོན་གྱིས་
སྒྲུབ་གནས་ཕུག་པ་(གྲུབ་ཐོབ་ཁྱུང་པོ་རྣལ་འབྱོར་ཕུག་ཡིན་ཟེར་བ་མ་དག་གོ །)ཡིན་ནོ། །དུས་དེ་སྐབས་ཀྱི་
ཚེ་ཤིན་ཏུ་མཁས་པར་གྲགས་པ་ཤེ་ཁྱུང་(ཁྱུང་པོ་གྲགས་སེ།)གཉིས། དབེན་འབྲེ་(འབན་ཐམས་ཅད་
མཁྱེན་པ་དབོན་སྟོན་སྐྱེར་ཁང་པའི་ཁུ་བོ་)གཉིས། རྒྱ་སྟག(སྟག་པ་ཁ་ཆོས་) གཉིས་ཏེ་དྲུག་གི་ནང་ཚན་ཁྱུང་
པོ་གྲགས་སེ། ལྷ་རྗེ་རྒྱ་ནག(ལྷ་རྗེ་ལྷ་ཁང་པ་)གིས་ཕར་ཕྱིན་གསན་ནོ། (ཤེས་རབ་འབར། བརྩོན་སེང༌། 
སྟག་པ་ཁ་ཆོས་)མཚན་གྱི་རྣམ་གྲངས་ཁྱུང་པོ་ཆོས་བརྩོན། ཁྱུང་པོ་གྲགས་སེང༌། ཁྱུང་པོ་གྲགས་
སེ་རྣམས་དོན་གཅིག་མིང་གི་རྣམ་གྲངས་ཡིན་ནོ། །རྒྱ་བརྩོན་སེང་གེའི་ཉེ་གནས། ཁྱུང་པོ་
གྲགས་སེ་ཡིན་ཞིང༌། དེ་ཙ་ན་ཁ་ཆེ་ཛྙཱ་ན་ཤྲཱི་སྤྱན་དྲངས་ཏེ་ལོ་ཙཱ་བ་གཟུ་དགའ་རྡོར་གྱིས་
མཛད་ཚེ་བོད་པ་ཁྱུང་པོ་གྲགས་སེས་སྣ་དྲངས་པའི་བརྩམས་ཆོས་ཉན་དུ་བྱོན་པའི་གསེབ་ཏུ་
རྔོག་ལོ་སོགས་མང་པོར་ཡོད་དོ། །པོ་ཏོ་བའི་སློབ་མ་དོལ་པ་ཆེན་པོས་ཁྱུང་པོ་གྲགས་སེ་ལ་
ལོ་ལྔའི་བར་དུ་དབུ་ཚད་གསན་ནོ། །
ལྕེ་བཙུན་ཤེས་རབ་འབྱུང་གནས་ཀྱི་ཕ་གཡུ་འབུམ་གྱིས་ཇོ་མོ་སྟག་གི་རྒྱལ་མཚན་གྱི་
བུ་གཡུ་ཐོག་སྒྲ་གསེར་བཟང་བྱ་བ་ལྕེ་བཙུན་ལ་མཇལ་དུ་བྱུང་བས་ལྕེ་བཙུན་གྱིས་བཙུན་
པར་བཅུ་གཅིག་ཉེ་གནས་བཅོལ། སླར་ཞྭ་ལུའི་གདན་ས་ཡང་གཡུ་ཐོག་སྒྲ་གསེར་བཟང་
གིས་བྱས་པ། བསླབ་པ་འཆལ་ནས་དཔོན་བརྒྱུད་དུ་སོང༌། ཞྭ་ལུའི་གདན་ས་ཁྱུང་པོ་གྲགས་
སེང་ལ་གཏད། ཁོང་རང་གིས་དཔོན་བྱས་མངའ་རིས་བསྐྱངས། གཡུ་ཐོག་སྒྲས་རྒྱན་གོང་ལ་
དམག་འདྲེན་པ་ཁྱུང་པོས་བཀག་ཀྱང་མ་ཁེགས་པར་རྒྱན་གོང་བཅོམ་ནས་མཆོད་ཆ་ཐམས་
22-1-119


ཅད་ཞྭ་ལུར་དྲངས་པ་ལ་ཁྱུང་པོ་གྲགས་སེང་མ་མཉེས་པར་ལྷ་སར་བྱོན་ནས། དྭགས་པོ་
དབང་རྒྱལ་དང་ཁྱུང་པོ་གཉིས་ཀྱིས་དམར་པོ་རི་དང་ལྕགས་པོ་རི་བཟུང་ནས་ཕར་ཕྱིན་ལ་
འགྲན་བཤད་མཛད་པར་གྲགས་ཤིང༌། ཕྱིས་ཁྱུང་པོ་གྲགས་སེང་ཞྭ་ལུར་བྱོན་ནས་གདན་
ས་སྔར་བཞིན་མཛད་པ། མཁས་པ་ཁྱད་པར་ཅན་དེའི་སྒྲུབ་ཕུག་དང༌། ཆོས་འཆད་པ་ཡང་
པ་སྣམ་འདིར་མཛད། པ་སྣམ་རྫོང་ཤར་ངོས་ཀྱི་ཕུག་པ་དེ་གཙང་སྨྱོན་གྱི་གཟིམ་ཕུག་བྱིན་
རླབས་ཅན་ཡིན། པ་སྣམ་གྱི་ཉེ་འཁྲིས་བྱ་རྒྱུད་དགོན་པ་དེ་ཐོག་མར་བསྟན་པ་སྔ་དར་ལ་
བཏབ་པའི་དགོན་པ་ཡིན། སྣ་སྣམ་དང་པ་ཚབ་ལོ་ཙཱ་བའི་ཕྱིས་རྟེན་བྱིན་རླབས་ཅན་དུ་
གྲགས་པ་མཆོད་རྟེན་དབུས་མ་གཉིས་ཡིན་ཟེར་རོ། །ཕྱི་དར་ལ་དབུས་གཙང་གི་མཁས་པ་
མི་བཅུའམ་བཅུ་གཉིས་ཀྱི་ནང་ཚན་གཙང་པ་གཉིས་ཀྱི་ཡང་ཚོང་ཁེ་(ཚོང་ཁེ་ཐོག་མར་རང་ཆོས་བསྐོར་
བ་དེ་ཡིན་ནོ།)ཤེས་རབ་སེང་གེས་མྱང་སྨད་ཁྲིས་དང་བྱ་རྒྱུད་གཉིས་བཟུང་ངོ༌། ། ཡང་ལོ་སྟོན་རྡོ་
རྗེ་དབང་ཕྱུག་གི་སློབ་མའམ་མཁན་བུ་མཆོག་དམ་པ་ཉི་ཤུ་རྩ་བཞིའི་ཡ་གྱལ་ཨ་མེའི་མཁན་
བུ་ཞང་སྟོན་ཚུལ་འཕགས་ཀྱིས་བྱ་རྒྱུད་བཟུང་བཤད་པ་བསྐྱངས་སོ། །
ཡང་ཞང་བརྩོན་བསོད་ནམས་གྲགས་ཀྱིས་བྱ་རྒྱུད་བཟུང་གི་འཚོ་བར་པ་ཟེར་རོ། །ཕྱིས་
སུ་ཞྭ་ལུ་པ་ཆེ་བ་ནི་ཀ་བ་བཞི། གདུང་མ་བརྒྱད། བྱང་དུ་སེང་གེ་རལ་པ་ཅན་དང་དགུ །ལྕམ་
བདུན་ཅུ་ཐམ་པ་ཞེས་གྲགས་པའི་ཀ་བཞིའི་ནང་ཚན་ཀུ་རི་ཇ་སྐྱུས་ཁ་དྲག་དཔུང་བའི་ཀ་བ་
ཟེར་རོ། །སྒ་གདོང་ནས་པ་སྣམ་རྒྱབ་རྒྱུད། (ཕྱིས་བྱ་རྒྱུད་པ་འདིར་ཁ་ཆེ་པཎ་ཆེན་གྱིས་ཀྱང་ཆོས་བསྐོར་རོ།)
བར་ལ་དགོན་པ་ཡོད་དེ་ཀུན་ར་ཟེར་བའི་རྒྱུ་མཚན་ལས་རྟོགས་ཤིང༌། སྔོན་སངས་རྒྱས་
གསང་བའི་རྒྱུད་དཔུང་བཟང་གསང་བ་སྤྱི་རྒྱད། བསམ་གཏན་ཕྱི་མ། རྣམ་སྣང་མངོན་བྱང༌། 
ཕྱག་རྡོར་དབང་བསྐུར་སོགས་བོད་ལ་བྱ་སྤྱོད་རྒྱུད་ཀྱི་བཤད་གྲ་དང༌། དཀྱིལ་ཆོག་ཕྱག་ལེན་
བཤད་པ་ལག་ལེན་དགོན་གནས་འདིར་རང་དགའ་ཟེར་ཞིང༌། དགོན་གནས་དེ་ནས་བྱ་སྤྱོད་
22-1-120


རྣལ་འབྱོར་དང་བཅས་པའི་རྒྱུད་མན་ངག་ཕྱོགས་སྒྲིག་ཕྱག་ལེན་དང་བཅས་དབུས་གཙང་
ཁམས་གསུམ་ལ་སོ་སོར་ལྗོན་ཤིང་གི་ཡལ་ག་ལྟ་བུར་གྱེས་ཤིང༌། ལྗོན་ཤིང་གི་རྩ་བའམ་
སྡོང་པོ་ལྟ་བུའི་དགོན་ནས་དེ་ཡིན་པས་སྡོང་ཞེས་རྒྱུ་མཚན་བཏགས་མིང་དུ་དགའ་སྡོང་ཡང་
ཟེར། ཡང་ན་རི་རྟ་སྒ་འདྲ་བའི་གདོང་གནས་ཡོད་པས་སྒ་གདོང་ཡང་ཟེར། པ་སྣམ་དགའ་
སྡོང་བསྟན་པ་སྔ་དར་གྱི་དགོན་གནས་ཁྱད་པར་ཅན་བྱིན་རླབས་ཀྱི་གཟི་འོད་འཕྲོ་བའི་
གནས་གཞི་ཡིན་ཏེ་རྒྱལ་པོ་ཁྲི་སྲོང་ལྡེའུ་བཙན་(ཁྲི་སྲོང་གི་ཡབ་མེས་ཨག་ཚོམ་གྱི་དུས་ཡིན་པ་རྒྱལ་རབས་
ཁུངས་ན་ཡོད།) གྱི་སྐབས་སློབ་དཔོན་སངས་རྒྱས་གསང་བ་གངས་ཏི་སི་ན་བཞུགས་དུས་རྒྱལ་
པོ་ཁྲི་སྲོང་ལྡེའུ་བཙན་གྱིས་སློབ་དཔོན་སངས་རྒྱས་གསང་བ་སྒྲུབ་པ་མཛད་ཅིང་བཞུགས་
པ་གསན་ནས་སྤྱན་འདྲེན་(དང་པོ་སློབ་དཔོན་སངས་རྒྱས་ཞི་བ་གཉིས།) ལ་བརྫངས་པས། (སྤྱན་འདྲེན་མི་
གཉིས་ལ་ཡང་པཱ་ཚབ་ལོ་ཙཱ་བ་ཡོད་དོ། སློབ་མ་བྱོན་པར་ཆོས་རྣམས་སློབ་དཔོན་སངས་རྒྱས་གསང་བའི་དྲུང་དུ་བསྒྱུར་ནས་
རྒྱལ་པོ་ལ་སྐྱེས་སུ་བསྣམས་བྱོན་པ་ཡིན། ཕྱི་ནང་གཉིས་ཀྱི་ལག་ལེན་མང་པོ་ཀུན། །གཅིག་ཀྱང་མ་ལུས་དགོས་པ་ཐམས་ཅད་
བརྫངས། །གཟིགས་རྟོགས་མཛོད་ལ་གཞན་ལ་ཤོ་རེ་རེ། །ཞེས་བང་ཆེན་གཉིས་ལ་ཕྱི་ནང་གཉིས་ཀྱི་དབང་གདམས་པ་རྣམས་
གསུངས་ཤིང༌། ཆོས་རྣམས་བསྒྱུར་ཟེར་བས་བོད་ཀྱི་དཔེ་དང་དབང་གདམས་པ་ཆོས་དང་བཅས་རྒྱལ་པོ་དང་རབ་བྱུང་དགེ་
བཤེས་རྣམས་ལ་སྐྱེས་སུ་ཕུལ་བ་ཡིན་ཞིང༌། དེ་ལྟ་བུའི་དབང་ཆེན་གཉིས་ཀྱི་གཙོ་བོ་པཱ་ཚབ་ལོ་ཙཱ་བ་ཚུལ་ཁྲིམས་བཟང་པོ་ཡིན།)
སློབ་དཔོན་གྱི་གསུང་ལས། ཡས་ཀྱི་ས་གནས་བདག་འདྲ་སྤྱན་འདྲེན་པ། །སྐུ་གཉེར་ལགས་
ཏེ་བདག་ལ་དབང་མ་མཆིས། །འཕགས་པ་འཇམ་དཔལ་ཞལ་ནས་བོད་ཡུལ་དུ། །ཁྱོད་ཀྱིས་
ཕྱིན་ན་སྲོག་དང་བྲལ་བར་གསུངས། །བདག་ལ་དབང་མེད་ཁྲི་ལན་སྐྱེས་ལན་དུ། །མན་
ངག་ཡོ་ག་ཨ་བ་ཏ་ར་བརྫངས། །བང་ཆེན་མི་གཉིས་པོ་ཡི་བརྩེ་ལན་དུ། །མངོན་པར་བྱང་
ཆུབ་པ་ཡི་ཏན་ཏྲ་བཤད། །ཕྱི་ནང་གཉིས་ཀྱི་ལག་ལེན་མང་པོ་ཀུན། །གཅིག་ཀྱང་མ་ལུས་
དགོས་པ་ཐམས་ཅད་བརྫངས། །གཟིགས་རྟོགས་མཛོད་ལ་གཞན་དུ་ཤོ་རེ་རེ། །སྒྲུབ་ཐབས་
22-1-121


ཀྱི་ཚད་རྣམ་པར་བཞུགས་པ་རྒྱུད་ཀྱི་དོན་ལ་འཇུག་པ་རྡོར་དབྱིངས་སྒྲུབ་ཐབས་དང༌། རྣམ་
སྣང་མངོན་བྱང་བསྡུས་དོན། བསམ་གཏན་ཕྱི་མའི་འགྲེལ་པ་དང་གསུམ་བསྐུར། སླར་ཡང་
རྒྱལ་པོས་དབས་ཐེ་ལེན་དང་སློབ་དཔོན་བྲན་ཀ་མུརྟི། དབས་མཉྫུ་ཤྲཱི་གོ་ཆ་དང་དེ་རྣམས་ཀྱི་
ལོ་ཙཱ་བ་མྱང་སྨད་དགའ་བ་སྡོང་ནས་པ་ཚབ་ལོ་ཙཱ་བ་ཚུལ་ཁྲིམས་རྒྱལ་པོས་སྤྱན་དྲངས་པ་
གངས་ཏི་སེར་བྱོན་ནས་གཙོ་བོར་སྤྱོད་རྒྱུད་མངོན་པར་བྱང་ཆུབ་པ་ཁྲོ་བོ་དམ་པ་རྒྱན་འཕྲེང་
ལུང་སོགས་གསང་སྔགས་གསར་རྙིང་མང་དུ་བསྒྱུར་ཅིང་གཏན་ལ་ཕབ་པའི་ལོ་ཙཱ་བ་མཆོག་
ཏུ་གྱུར་པ་པཱ་ཚབ་དེས་སློབ་དཔོན་སངས་རྒྱས་གསང་བའི་ལོ་ཙཱ་བྱས། ཆོས་ཟབ་མོ་དཔག་
ཏུ་མེད་པ་བསྒྱུར་བའི་ལོ་ཙཱ་བ་པ་ཚབ་(འཁྲུངས་ཡུལ་མྱང་སྟོད་སྟག་རྩེའི་ནང་སྟག་ཚལ་ནས་ཡིན། བརྒྱུད་འཛིན་
གྱི་གདུང་བརྒྱུད་ད་ལྟ་ཡོད་བཞིན་པ་ཡིན་ནོ།)ཚུལ་ཁྲིམས་རྒྱལ་པོ་ཞེས་པ་བཞུགས་པའི་མཐིལ་པ་སྣམ་
རྫོང་རྩེ་དང༌། ཆོས་འཆད་པའི་དགོན་པ་དགའ་སྡོང་དེ་ཡིན། དཔལ་ལྡན་བླ་མ་དམ་པས་
དགེ་བའི་བཤེས་གཉེན་སོ་སོ་ལ་གནང་བའི་ཆབ་ཤོག་ལས་བླ་མ་དམ་པ་ཉིད་དགའ་སྡོང་དུ་
བཞུགས་སྐབས་ཉ་དབོན་ལ་བཀའ་ཤོག་གནང་བའི་དབུ་ན་རྒྱལ་བའི་མྱུ་གུ་བསམ་བཞིན་སྐྱེ་
ཞེས་པའི་སྔོན་དུ་ཆོས་རྒྱལ་རིང་ལུགས་རྨ་མེད་གང༌། མཛད་པའི་སྙིང་པོ་བསྟན་པའི་རྩ་ལག་
མཆོག །རྟེན་དང་བརྟེན་བཅས་དགའ་བའི་སྡོང་ཉིད་དང༌། །ཕྱིས་དུས་བསྟན་རྩ་འདུལ་བ་
བདུད་རྩིའི་བཅུད། །གཅིག་འདུས་འཁྱིལ་བ་སླར་ཡང་དགའ་སྡོང་ཞེས། །དམ་པའི་གནས་
ནས་འཕྲིན་ཡིག་ཨུཏྤ་ལ། །ལེགས་བཤད་གེ་སར་གཏམ་གྱིས་ཕྱུག་པ་ཞིག །དགེ་བཤེས་
ཀུན་དགའི་གཙུག་གི་རྒྱན་དུ་སྤྲོས། །ཞེས་དང༌། བསྟན་པ་ཕྱི་དར་ལ་སོགས་འདུལ་འཛིན་
ལ་འདུལ་བ་བསླབས། གཞན་ཡང་སྣེ་བོ་གྲགས་རྒྱལ་ལ་ཡང་གསན་པ་རྒྱ་ཆེར་མཛད་པའི་
རྒྱ་འདུལ་བ་འཛིན་པ་ཆེན་པོ་དེས་སྨད་འདུལ་གྱི་བཤད་རྒྱུན་ཀླུ་མེས་གཙོ་ཆེ་སྟེ་ཀླུ་མེས་རང་
ལ་གཟུས་ཀྱི་ཐུག་ཅིང་ཆོས་གསན། ཁྱད་པར་ཀླུ་མེས་ཀྱི་དངོས་སློབ་གྲུ་མེར་གྱི་སློབ་མ་རླུང་
22-1-122


སྐྱོགས་གཟུས་གསུམ་གྱི་ནང་ཚན་གཟུས་རྡོ་རྗེ་རྒྱལ་མཚན་གྱི་སློབ་མ་གསུམ་དང༌། ཁྱད་པར་
སྐམ་གསལ་བའི་སྙིང་བུ་བརྟེན་པའི་རྒྱ་འདུལ་བ་འཛིན་པ་དབང་ཕྱུག་ཚུལ་ཁྲིམས་ཀྱི་དགུང་
ལོ་སོ་ལྔ་ནས་བརྒྱད་ཅུ་རྩ་ལྔའི་བར་ལ་འཆད་ཉན་རྒྱ་ཆེན་པོ་ཁོ་ན་མཛད་པ་དགའ་སྡོང་འདི་
ཡིན་ཞིང༌། གྲྭ་པ་འདུལ་བའི་བཤད་ཉན་འཕེར་བ་སྟོང་ལྷག་བྱུང་སྟེ་བོད་ཡུལ་དུ་འདུལ་བའི་
བཤད་གྲྭ་རྣམས་དང་འདུལ་འཛིན་གསེར་རིའི་ཕྲེང་བ་ལྟ་བུ་བྱོན་པ་རྣམས་ཕལ་ཆེར་མཆེད་
པའི་ས་ཡུལ་ཡང་དགའ་སྡོང་འདི་ཡིན་ཞིང༌། སློབ་མ་དེ་རྣམས་ཀྱི་ནང་ནས་མཆོག་གྱུར་ཀ་
བ་བཞི་གདུང་མ་བཅུ་ལས་ཀ་བ་བཞི་ནི་རྨ་བྱ་བྱང་རྡོར། མཐའ་བཞི་འདུལ་འཛིན། (མཐའ་
བཞི་འདུལ་འཛིན་ནི་མཐའ་བཞི་བརྩོན་འགྲུས་འབར་གྱི་གནས་གཞི་འུ་ཕུག་ཡིན།)མདའ་འདུལ་འཛིན། (གནས་གཞི་
མདོག་ལམ་ཡིན།)ཇོ་གདན་ནག་པོ་དར་ཚུལ། (ཕྱིས་གནས་གཞི་ཡར་ལུང་ཚ་མོ་རང་ཡིན།) སོགས་གདུང་མ་
བཅུ་སོགས་བསམ་གྱིས་མི་ཁྱབ་པ་བྱུང་ཞིང༌། རྒྱ་འདུལ་བ་འཛིན་པ་དབང་ཕྱུག་ཚུལ་ཁྲིམས་
འཁྲུངས་ཡུལ་མྱང་སྟོད་མང་རབ་པ་ཡིན་ནོ། །
དགེ་བཤེས་དོལ་པ་ཆེན་པོས་ཀྱང་དགའ་སྡོང་དུ་ཕེབས། རྒྱ་འདུལ་བ་འཛིན་པ་དབང་
ཕྱུག་ཚུལ་ཁྲིམས་ལ་འདུལ་བ་མཐིལ་ཕྱིན་པ་བསླབས། མདོ་རྩ་ཐུགས་ནས་བཏོན། ཟུར་ཆད་
པ་ཡང་མཛད། རྒྱ་འདུལ་བ་འཛིན་པ་བརྩོན་འགྲུས་འབར་གྱིས་ཀྱང་དང་པོར་སོག་འདུལ་
འཛིན་ཚུལ་ཁྲིམས་བླ་མ་བསྟེན། བར་དུ་དགའ་སྡོང་དུ་ཕེབས། རྒྱ་འདུལ་འཛིན་བསྟེན། 
མཐའ་མར་རྨ་ཚོ་བྱང་རྡོར་བསྟེན་ནོ། །
སྟེང་ལོ་ཙཱ་བ་ཚུལ་ཁྲིམས་འབྱུང་གནས་དགུང་ལོ་བཅོ་ལྔ་ལ་པ་སྣམ་དགའ་སྡོང་དུ་རྒྱ་
འདུལ་འཛིན་ལ་རབ་ཏུ་བྱུང༌། བཅུ་དགུ་ལ་དགའ་སྡོང་དུ་རྒྱས་མཁན་པོ་མཛད་ནས་བསྙེན་
རྫོགས་སྒྲུབ་སྐབས་སུ་དགའ་སྡོང་གི་བྱམས་པས་ཁྱོད་རྒྱ་གར་ལ་སོང་དང་བསྟན་པ་དང་འགྲོ་
བ་ལ་ཕན་ཆེའོ་ཞེས་གསུང་བྱོན་པ་ལྟར་རྒྱ་གར་དུ་ཕེབས། སྤྱིར་ཆོས་ཚུལ་མཐའ་དག་ལ་
22-1-123


བྱང་ཆུབ་པར་ཐུགས་སུ་ཚུད་པར་མཛད་ཅིང༌། ཁྱད་པར་རྒྱ་གར་ཤར་ནུབ་གུང་གསུམ་ལ་ཆུ་
བོ་ལྟར་མྱུལ་བར་མཛད། བསྟན་པའི་འཁུར་ཆེན་ཕྲག་པར་བཞེས་པའི་དཀའ་བ་བརྒྱ་ཕྲག་
དང་དུ་བླངས་དེ་རྒྱལ་བའི་བཀའ་འགྱུར་རོ་ཅོག་གི་ལུང་རྒྱུན་ལེན་པར་མཛད་ནས་བོད་ཡུལ་
དུ་སྤེལ་བས། ད་ལྟ་བཀའ་འགྱུར་གྱི་ལུང་བཞུགས་པ་དེ་སྟེང་ལོའི་བཀའ་དྲིན་ནོ། །དེ་ནས་
བྱམས་པའི་སྐུ་འདི་ཐོག་སྔ་མོ་ནས་དགའ་སྡོང་ན་བཞུགས་པར་སེམས་སོ། །དགའ་སྡོང་གི་
བྱམས་པ་རྒྱ་གར་ཤར་ལི་རྩོད་བྲལ་གྱི་བྱོན་ལེགས་པ་བྱིན་རླབས་ཀྱི་གཟི་འོད་འཕྲོ་བ་འདིའི་
ལོ་རྒྱུས་ཟུར་ན་ཡོད། 
གངས་ཅན་ཡོངས་ལ་གྲགས་པའི་མཁས་པ་ཆེན་པོ་དབྱར་ཉི་མ་བརྩོན་འགྲུས་ཀྱི་དགའ་
སྡོང་གི་མཁན་པོ་མཛད་ནས་འཆད་ཉན་རྒྱ་ཆེན་པོའི་ཆོས་འཁོར་བསྐོར་བ་མཛད་པ་ཡང་
དགའ་སྡོང་འདི་ཉིད་ཡིན་ནོ། །དབྱར་ཉི་ལ་སྣར་ཐང་པ་རིགས་རལ་གྱིས་གསན་པ་རྒྱ་ཆེན་པོ་
མཛད་པ་དང༌། ཐུགས་གཉེར་ལ་ཤིན་ཏུ་བརྩོན་པའི་ཐོས་པ་མཛད་ས་ཡང་དགའ་སྡོང་ཡིན་
ཞིང༌། རིགས་རལ་ལ་འདིར་བསྙུན་མཛེ་ཡང་བྱུང་ངོ༌། །ཁ་ཆེ་པཎྜི་ཏ་ཆེན་པོའི་མཁན་བུ་ཡིན་
ལ་ཆོས་ཀྱང་རྫོགས་པར་གནང་ཞིང༌། མཁན་བརྒྱུད་ཀྱི་གདན་ས་འཛིན་པ་པོ་ལྷོ་བྲག་པ་བྱང་
ཆུབ་དཔལ་ཡིན་ལ་མཁན་བུ་བདེ་བ་དཔལ་བཟང་པོས་དགའ་སྡོང་དུ་དབྱར་ཉི་མ་བརྩོན་
འགྲུས་ལ་ཕར་ཕྱིན་གསན་ཞིང་མདོ་ཆོག་ལེགས་པར་སྦྱངས། སྟན་གཅིག་པའི་བརྟུལ་ཞུགས་
ལ་གནས་པའི་མཁན་བརྒྱུད་ཀྱི་གདན་ས་བཟུང༌། མཁན་པོ་བདེ་བ་དཔལ་འདི་ལ་བྱ་ཆད་ཁ་
བ། སེ་སྤྱིལ་ལས་རིམ་བརྒྱུད་སློབ་དཔོན་ཡོན་ཏན་དཔལ་དེས་མཁན་པོ་བདེ་བ་དཔལ་ལ་བློ་
སྤྱོང་དོན་བདུན་མའི་བཀའ་བབས་སོ། །
གཏུམ་སྟོན་བློ་གྲོས་གྲགས་ཀྱི་ཐུགས་གཉེར་མཛད་ས་ཡང་དགའ་སྡོང་ཡིན། དགའ་
སྡོང་དུ་རྒྱ་འདུལ་ལ་རྭ་ལོས་འབུམ་གྱིས་སྣ་དྲངས་འབུལ་བ་དང༌། རྒྱ་སོགས་ཀྱི་ཆོས་འཁོར་
22-1-124


བཙུགས་སོ། །མཁས་གྲུབ་མང་པོས་བྱིན་གྱིས་བརླབས་པའི་གནས་དགའ་སྡོང་གཙུག་
ལག་ཁང་དུ་དཔལ་ལྡན་བླ་མ་བསོད་ནམས་རྒྱལ་མཚན་དཔལ་བཟང་པོའི་མཁན་པོ་མཁྱེན་
བརྩེའི་དབང་ཕྱུག་ཉ་དབོན་དུ་གྲགས་པས་སློབ་དཔོན་མཛད། གྲུབ་ཆེན་ཀུན་བློ་དགུང་ལོ་
བརྒྱད་པ་ལ་རབ་ཏུ་བྱུང༌། 
ས་ཧོར་ཡོན་མཆོད་ཀྱིས་བོད་ཁྲི་སྟོང་ལ་སོགས་བཅས་པ་ནི། ཁྲི་སྟོང་རྐང་གྲངས་ཅུང་
ཟད་ནི། ཞེས་དབུས་གཙང་མངའ་རིས་གསུམ་ལུས་ཀྱི་རྣམ་པ་བྱས། ཡན་ལག་ཁྲི་སྐོར་བཅུ་
གསུམ་ལས་གཙང་ལ་དྲུག །དབུས་ལ་དྲུག་གཙང་མིན་དབུས་མིན་ལ་ཁྲི་སྐོར། ཁྲི་སྐོར་རེ་
རེ་ལ་ལྷ་སྡེ་སྟོང་སྐོར་བཞི་ཡོད། ཁྲོ་ཕུ་བ། སྣར་ཐང་པ། བར་སྡིངས། དཔལ་སྡིང་དང་གྲང་
ཕུ་ལུང་པ་གཉིས་གཅིག་ཏུ་བསྡོམས་པས་སྟོང་གཅིག །སྟོང་བཞི་སྟེ་ཆུ་ཕྱོགས་སྟོང་སྐོར་ཟེར། 
ཞལ་ཕྱོགས་སྟོང་སྐོར་བཞི་ནི་ཐར་པ། གནས་རྙིང༌། དགའ་སྡོང༌། བར་ཕྱར་སྟོང་སྐོར་རེ་
རེའོ། །ཞེས་དགའ་སྡོང་པ་ལ་སྟོང་སྐོར་གཅིག་བཅས་སོ། །ཞྭ་ལུ་བའི་ཀ་བ་བཞི། གདུང་མ་
བརྒྱད། བྱང་དུ་སེང་གེ་རལ་པ་ཅན་དང་དགུ། ལྕམ་བདུན་ཅུ་ཐམ་པ་ཞེས་ཡོངས་སུ་གྲགས་
པའི་དགའ་སྡོང་དམ་པ་ཆོས་ཀྱི་ཀ་བ། ཀུ་རི་བྱ་སྐྱུས་ཁ་དྲག་དཔུང་པའི་ཀ་བ། གཡུས་སྒྱུ་མ་
ནོར་གྱི་ཀ་བ། ནེ་སེར་མཐུའི་ཀ་བ། གདུང་མ་བརྒྱད་ནི་ཤར་དུ་ཀྱི་གྲུ་ཤ བྱར་ཚངས། ལྷོར་
འོར་མུག་པ། འབྲི་མཚམས། ནུབ་ཏུ་སྡོག །བྱང་དུ་གཉན་རྗེ་འབངས་ཅོག་རོ་སྤན་ནོ། །བྱང་
གི་སེང་གེ་རལ་པ་ཅན་འུ་ཡུག་གོས་སྔོན་ཅན་གྱི་ལུང་པ་ཡིན་ནོ། །
མི་ཏྲ་ཛོ་ཀིས་ཤཱ་རི་པུ་ཏྲ་ལ་གསུངས་པའི་ཆོས་དྲུག་ཁྱད་པར་བཀའ་བབས་པའི་ཤཱ་རི་པུ་
ཏྲའི་སློབ་མ་མི་ཉག་གྲགས་པ་རིན་ཆེན་གྱིས་དགའ་སྡོང་གི་མཁན་པོ་མཛད་ནས་བཤད་གྲྭ་
རྒྱུན་རིང་བསྐྱངས་པས་བཀའ་དྲིན་འདི་མཆོག་ཏུ་ཆེའོ། །
སྟག་གཟིག་གི་བྲག་ལ་སློབ་དཔོན་པད་མའི་སྒྲུབ་ཕུག་བྱིན་རླབས་ཅན་ཡོད། པ་སྣམ་གྱི་
22-1-125


ལྷོ་བརྒྱུད་ནས་ཀརྨ་པ་རང་བྱུང་རྡོ་རྗེའི་སྒྲུབ་པ་མཛད་པའི་གཟིམ་ཕུག་ཐར་པའི་གོང་ཙམ་ན་
སྤོ་ཐོ་ལེ་ཡོད་དོ། །སྤྱིར་པ་སྣམ་ལུང་པའི་ས་ཁོངས་ན་རི་བཀྲ་ཤིས་པ་བརྒྱ་རྩ། ཆུ་མིག་རྟགས་
མཚན་ཅན་བརྒྱ་རྩ། ཤིང་སྣ་བརྒྱ་རྩ། རྩྭ་སྣ་བརྒྱ་རྩ། དགོན་པ་བརྒྱ་རྩ་ཡོད། དཔའ་བོ་བརྒྱ་རྩ་
ཡོད། དཔའ་མོ་བརྒྱ་རྩ་ཡོད་པས་ཡུལ་ལྗོངས་ཁྱད་པར་དུ་འཕགས་ཟེར་རོ། །དགོན་པ་ཕལ་
ཆེར་འབྲུག་པ་རྒྱལ་དབང་རྗེའི་སློབ་མ་རྟོག་ལྡན་ལྷ་བཙུན་པས་དགོན་པ་བརྒྱ་རྩ་བཏབ་ཟེར་
བས་དགོན་པའི་ནང་ཚན་ཤས་ཆེར་མང་བ་ཙམ་ཡོད་དོ། །
དགོན་གནས་ཁྱད་པར་ཅན་པའི་ལོ་རྒྱུས་ཞིབ་ཙམ་བཤད་ན། མཐུ་སྟོབས་ཀྱི་དབང་
ཕྱུག་དཔྱལ་རཏྣ་ཤྲཱི་ལ་སྲས་ལྔའི་གཅུང་ཆུང་ཤོས་མཁན་པོ་འཕགས་པ་དབང་ཕྱུག་གི་སྲས། 
དཔྱལ་པེ་ཙ་དམར་བ་རུ་དང་འོད་གསལ་པོ། པེ་ཙ་དམར་རུས་སྨན་ལུང་ན་ཞང་ཅོག་ཏུ་བྱང་
ཆུབ་འབྱུང་གནས་བཞུགས་པ་དེར་སློབ་གཉེར་ལ་བྱོན། 
ཞང་གིས་དཔྱལ་འབྱུང་གནས་རྒྱལ་མཚན་དུ་བཏགས། ལང་འགྲོ་དཀོན་མཆོག་འབྱུང་
གནས་དང་ལྷན་དུ་ཆོས་གསང་སྔགས་སྔ་འགྱུར་གྱི་རྒྱུད་འགྲེལ་སྒྲུབ་ཐབས་ལས་བྱང་དང་
བཅས་ཁྱད་པར་ཡང་དག་ཐུགས་(རྒྱལ་པོ་ཁྲི་སྲོང་ལྡེའུ་བཙན་གྱིས་སློབ་དཔོན་ཧཱུྃ་ཀ་ར་རྒྱ་གར་ནས་བོད་དུ་སྤྱན་
དྲངས་ཀྱང་མ་འདྲོངས་པར་རྒྱལ་པོ་ཁྲི་སྲོང་ལྡེའུ་བཙན་གྱིས་སྣུབས་ནམ་མཁའ་སྙིང་པོ། འབྲེ་རྒྱལ་བའི་བློ་གྲོས། བསྒྱུར་བའི་
ལོ་ཙཱ་བ་ཡང་འབྲེ་དཀོན་མཆོག་འབྱུང་གནས་སོགས་དགེ་སློང་མི་ལྔ་བརྫངས། རྒྱ་གར་སློབ་དཔོན་ཧཱུྃ་ཀ་ར་དང་མཇལ། ཡང་
དག་པའི་ཆོས་སྐོར་རྣམས་གསན་བསྒྱུར་མཛད་པའི་ལོ་ཙཱ་བ།) ཀྱི་སྒྲུབ་པ་གཙོ་བོར་བྱེད་པ་མཆིམས་ཕུའི་
ཕྱག་བཞེས་དང་བཅས་དགུ་སོགས་མཐར་ཕྱིན་པར་བསླབས་སོ། །སྨན་ལུང་དེ་ཞང་ན་
རིམ་གྱིས་བཟུང༌། ཞང་ཅོག་ཏུ་བྱང་ཆུབ་འབྱུང་གནས་ཀྱི་ཞལ་བཀོད་མཛད་པར། དཔྱལ་
འབན་འབྱུང་གནས་རྒྱལ་མཚན་འདི། །ང་དང་དགོངས་པ་གཉིས་པ་ལ། །གྲུབ་ཐོབ་བརྒྱུད་
པ་མང་བྱུང་བས། །ང་ཡི་གདན་ས་འདི་ཡིས་བཟུང༌། ཞེས་སོ། །སླར་པེ་ཙ་དམར་རུའི་ཞང་
22-1-126


གི་སློབ་མ་མཆོག་ཟ་རི་ཡེ་ཤེས་འཕགས་པ་བརྒྱུད་དྲུག་ལེ་ལག་བཅུ་གཉིས་ཕྲ་མོ་ཉི་ཤུ་རྩ་
བཞི་མཆིམས་ཕུའི་ཕྱག་བཞེས་དགུ་སོགས་མཐིལ་ཕྱིན་བསླབས་སོ། །དེ་སྨན་ལུང་ན་སྲས་
སུམ། (ཡུམ)བཅུ་བདུན་གསེར་ཆོས་ཀྱི་པུ་ཏི་སུམ་ཅུ་བཞེངས་ཡོད། པེ་ཙ་དམར་རུས་ར་ཛ་
གད་ཐོག་གི་མཆོད་རྟེན་དཀར་པོ་བཞེངས། ཡང་པེ་ཙས་སྨྲི་ཏི་སྨན་ལུང་དུ་སྤྱན་དྲངས། སྒྲ་
ཚད། སྒྱུ་འཕྲུལ་དྲྭ་བ་ཁྲི་དྲུག་སྟོང་པ་དང༌། དེའི་སྙིང་པོ་མཚན་བརྗོད། དེའི་འགྲེལ་པ་བར་
མ་ལ་སོགས་གསན་ཞིང་བསྒྱུར་རོ། །ལོ་ཙཱར་གྲགས་སོ། །པེ་ཙས་དགུང་ལོ་བདུན་ཅུ་པ་ལ་
སྨན་ལུང་འཕྲུལ་གྱི་ལྷ་ཁང་བཞེངས་པ་རྒྱའི་གཙུག་ལག་ཁང་གནམ་གྱི་ཐེའུ་ལ་དཔེ་བྱས་བྱ་
སྐྱིབས་ཉིས་རིམ། རྒྱ་ཕིབས་རྩེ་མོ་ལྔ་ལ་གསེར་ཏོག །རྟེན་གཙོ་རྣམ་པར་སྣང་མཛད། དུས་
མཆོད་པྲ་ཏི་ཧ་ར་བཙུགས་སོ། །པེ་ཙའི་སྲས་གསལ་རབ་དང་མཆོག་རབ་གཉིས། སྲས་རབ་
ཀྱི་སྲས་གསུམ་གྱི་མཐའ་ཆུང་ཆོས་ཀྱི་གྲགས་པས་སྨན་ལུང་ལྷ་ཁང་གི་ཁྱམས་དང་སྒོ་ཁང་
བརྩིགས། དེས་བསེ་ཕུག་གི་ཀུན་དགའ་རྭ་བ་བཞེངས་ཤིང་བྱམས་མཆོད་བཙུགས། པེ་ཙའི་
སྲས་གསལ་རབ་ཀྱི་སྲས་གསུམ་གྱི། གཅེན་རྒྱལ་བའི་བློ་གྲོས་ཀྱི་སྲས་མཆེད་གཉིས་ལས་ཆེ་
བ་བསོད་ནམས་རྒྱལ་མཚན་གྱིས་བལ་པོར་ཕམ་མཐིང་བ་འཇིགས་མེད་གྲགས་པས། (དཔལ་
ན་རོ་པ་ཆེན་པོས་བདེ་མཆོག་དང་དགྱེས་རྡོར་བཀའ་བབས་པའི་སློབ་མ་ཕམ་མཐིང་པ་སྐུ་མཆེད་བཞིའི་ཆེ་བ་ཡིན་སྟེ་ལོ་བཅུ་
གཉིས་འབྲལ་མེད་དུ་ན་རོ་པ་སྟེན་པ་ཡིན། དེའི་འོག་ཕམ་མཐིང་པས་ན་རོ་པ་ལོ་དྲུག་བསྟེན། དེའི་འོག་ཕམ་མཐིང་པས་ན་རོ་
པར་ལོ་གསུམ་བསྟེན།) དགྱེས་རྡོར་ཡབ་ཡུམ་བཀའ་བརྒྱུད་གསུམ་འགྲེལ་པ་བཅོ་ལྔ། གཞན་ཡང་
བདེ་མཆོག་སོགས་གདམས་པ་ཁྱད་པར་ཅན་མང་དུ་བཀའ་བབས་པས་ལྷུག་པར་གནང་
ཞིང་བསྒྱུར་བས་བདེ་མཆོག་དཔྱལ་འགྱུར་དུ་གྲགས། སྨན་ལུང་དུ་དངུལ་གྱི་རྡོ་རྗེ་སེམས་
དཔའི་སྐུ་གར་བུ་མི་ཚད་ཙམ་བཞེངས་སོ། །
བླ་མ་ཆེན་པོ་བསོད་ནམས་རྒྱལ་མཚན་གྱི་སྲས་བླ་མ་ཀུན་དགའ་རྡོ་རྗེ་ནི་རྒྱ་གར་པཎ་
22-1-127


ཆེན་གནས་ལྔ་རིག་པ་པཎྜི་ཏ་ཨ་མ་ར་ཙནྡྲ། སུ་ཀ་ཤྲཱི་བྷ་དྲ་ལ་སྒྲ་ཚད། དགྱེས་རྡོར་བདེ་
མཆོག་དང་དུས་འཁོར་སོགས་རྒྱུད་འགྲེལ་མང་པོ་གསན། ཁྱད་པར་བླ་མ་ཧ་ངུ་དཀར་པོ་ལ་
རྡོ་རྗེ་རྣལ་འབྱོར་མའི་བྱིན་རླབས་གཞུང་དྲུག་སྦྱིན་བསྲེག་དང་བཅས་གདམས་པ་ཞུས་གྲུབ་
པས་ཡི་དམ་ཞལ་གཟིགས། དངོས་གྲུབ་གནང༌། གནས་སྨན་ལུང་གི་ས་ཡུལ་ལུང་བསྟན། 
བླ་མ་ཧ་ངུ་མཉེས། གསུང་གི་རྟེན་དུ་ཕག་མོའི་སྐོར་གྱི་རྒྱ་དཔེ་གནང༌། སྐུའི་རྟེན་དུ་ཕག་མོའི་
སྐུ་ཐང་གནང༌། དམ་ཚིག་མི་འབྲལ་བའི་རྟེན་དུ་ཐོད་སྐུ། རུས་རྒྱན། ཏིང་ཤག་སོགས་བྱིན་
རླབས་ཀྱི་དམ་ཚིག་གནང༌། སླར་ཡང་ལུང་ཡང་བསྟན། དཔྱལ་པ་ཀུན་དགའ་རྡོ་རྗེ་པཎྜི་ཏ་
སྟོང་ཉིད་ཏིང་འཛིན་བོད་ལ་གདན་དྲངས། ཁྱད་པར་སྨན་ལུང་དུ་གཞི་ཕབ་སྟེ་གསང་སྔགས་
ཀྱི་ཆོས་སྐོར་མང་པོ་དང་མན་ངག་མང་པོ་ཞུས་ཤིང་བསྒྱུར་བ་ཤིན་ཏུ་མང་བར་ཡོད་རྣམས་ལ་
དཔྱལ་བ་ཀུན་དགའ་རྡོ་རྗེའི་འགྱུར་དང་དཔྱལ་བའི་ཆོས་སྐོར་ཞེས་ཡོངས་སུ་གྲགས་སོ། །
བླ་མ་ཀུན་དགའ་རྡོ་རྗེའི་སྲས་བླ་མ་ཀུན་དགའ་གྲགས་རྒྱ་གར་ཡུལ་དབུས་ལ་བྱོན། 
པཎ་ཆེན་མཁས་དགུའི་ཞབས་པད་ལ་གཏུགས། ལོ་བཅུ་གསུམ་བཞུགས། བོད་ལ་བྱོན་ཁར་
རི་བྱ་རྐང་(དགྲ་བཅོམ་པ་འོད་སྲུང་ཆེན་པོའི་སྐུ་གསུང་བཞུགས་པའི་རི་བྱ་རྐང་དང་ཐོགས་མེད་ཀྱི་ལོ་བཅུ་གཉིས་པ་བྱམས་
པ་སྒྲུབ་པའི་རི་བྱ་རྐང་དང་གཅིག་གོ །)དུ་བླ་མ་དང་མཁའ་འགྲོ་ལ་ཚོགས་མཆོད་ཕུལ་གསོལ་བ་བཏབ། 
བཞིན་བཟང་དམ་པ་ཡིད་འོང་མ། །སྔོ་བསངས་རུས་སོགས་རྒྱན་གྱིས་སྤྲས། །སྐྲ་བཟང་
གཟུགས་དང་ལང་ཚོར་ལྡན། །ཡེ་ཤེས་མཁའ་འགྲོ་དངོས་དང་མཇལ། །སྒྲུབ་པ་བྱས་ན་ཕུན་
སུམ་ཚོགས། །སྒྲུབ་པའི་གནས་སུ་སྨན་ལུང་མཆོག །ས་ཡུལ་མཆོག་ཉིད་དེ་ཡིན་ནོ། །ཞེས་
གནས་ལུང་བསྟན་ནོ། །བླ་མ་ཀུན་དགའ་རྡོ་རྗེའི་དྲག་པོ་རྩལ་གྱིས་རྒྱ་གར་དུ་པཎྜི་ཏ་བྲམ་ཟེ་
དཔལ་འཛིན་(པཎྜི་ཏ་ག་ཡ་དྷ་ར་དང་ཆོས་སྐབས་གཅིག་ཏུ་གསན། འགོས་ཁུག་པ་ལྷས་བཙས་ཀྱི་གསང་འདུས་གསན་
པའི་བླ་མ་ནག་ཆུང་དེ་ཡིན།)ལ་ནག་པོ་ཞབས་ཆུང་བ་སོགས་མང་བར་བསྟེན་ནས་ལོ་བཅུ་གཉིས་
22-1-128


བཞུགས། དགྱེས་པ་རྡོ་རྗེའི་རྒྱུད་འགྲེལ་བསྒྱུར་བས་ན་དཔྱལ་འགྱུར་དུ་གྲགས་སོ། །
བླ་མ་ཀུན་དགའ་རྡོ་རྗེའི་སྲས་གསུམ་གྱི་གཅེན་བླ་མ་དམ་པ་ལོ་ཙཱ་ཀུན་དགའ་གྲགས་
ཀྱི་སྲས་ལྔའི་བར་པ་དཔྱལ་ལོ་ཆོས་བཟང་གིས་རྒྱ་གར་དུ་པཎ་གྲུབ་མང་པོ་བསྟེན། ཆོས་
མང་པོ་གསན། རྒྱ་གར་གྱི་རྒྱལ་པོ་ཆེན་པོ་དང་མཁས་པ་རྣམས་ཀྱི་བཀའ་ནན་ལྗི་བས་རྒྱ་
གར་དུ་བཞུགས་པར་ཐག་བཅད་སྐབས། འཕགས་པ་རིན་ཆེན་དབང་ཕྱུག་གི་ཞལ་དངོས་སུ་
གཟིགས་ཤིང༌། གནས་མཆོག་ཐར་པ་འདེབས་པར་བསྟན་པ་ནི། རྒྱ་གར་ཡུལ་དུ་དེ་ཙམ་གྱི། །
ཆོས་ཚིག་དོན་ཆ་ལ་ངེས་ཐོབ་པས། །ད་འདི་རུ་མ་སྡོད་བྱང་ཕྱོགས་སོང༌། །དབྱིངས་ཐར་པ་
ཆེན་པོ་གྲོང་ཁྱེར་དུ། །ཐར་པ་ཆེན་པོའི་ཐེམ་སྐས་ཚུལ། །ཀྱེ་འགྲོ་བ་དཔག་མེད་ཐར་པར་
འགྲོ། །བསྟན་དང་འགྲོ་བའི་དོན་དུ་དེ་ཆེའོ། །ས་གང་ཡིན་གནས་བཞིའི་ཅོད་པཎ་མཛེས། །
ཞེས་དགོན་གནས་བར་པའི་མིང༌། རྒྱ་ནག་ཡུལ་བསྟན་པ་དང་འགྲོ་བ་ལ་ཕན་པ་རྒྱ་ཆེན་
པོར་འགྱུར་བའི་ལུང་བསྟན་ཐོབ་ཅིང༌། རྒྱ་གར་གི་པཎ་གྲུབ་རྣམས་ལ་དབང་དང་གདམས་
ངག་ཟབ་མོ་ཐོབ། རྒྱ་གར་དུ་ལོ་བཅུ་གཉིས་བཞུགས། བོད་དུ་ཐར་པ་འདི་རི་ཁྲོད་ཀྱི་ཚུལ་དུ་
ལུང་བསྟན་ལྟར་བཏབ་བོ། །ཁ་ཆེ་པཎ་ཆེན་སྤྱན་དྲངས་ནས་པཎ་ཆེན་ཤཱཀྱ་ཤྲཱིས་(ཁ་ཆེ་པཎ་ཆེན་
ཤཱཀྱ་ཤྲཱི་བྷ་དྲ་ལ་བོད་དུ་སློབ་མ་མཆོག་ཏུ་གྱུར་པའི་བཀའ་ཟབ་མོ་བབས་པ་ནི། ས་པཎ་ལ་ཚད་མའི་བཀའ་བབས། བྱང་རྡོར་
རྣམ་གཉིས་ལ་འདུལ་བའི་བཀའ་བབས། ཁྲོ་ལོ་བྱམས་པ་དཔལ་ལ་མན་ངག་གི་བཀའ་བབས། དཔྱལ་ལོ་ཆོས་བཟང་ལ་རྒྱུད་ཀྱི་
བཀའ་བབས་སོ། །དཔྱལ་ལོས་ན་རོ་འགྲེལ་ཆེན་བསྒྱུར་བ་སོགས་རྒྱུ་འགྲེལ་མང་དུ་བསྒྱུར་རོ།།)དགོན་པའི་མཚན་ཡང་
དཔལ་བྱང་ཆུབ་ཐར་པ་གླིང་དུ་མཚན་གསོལ། རྡོ་རྗེ་གདན་ས་ཆེན་པོ་ཉིད་ལ་སྒང་བཛྲ་སྤྱན་
དྲངས་ཡུན་དུ་ཐར་པའི་ས་ཡུལ་དུ་བཞུགས་སྐབས། བདེ་མཆོག་དབང་རྒྱུད་མན་ངག་དང་
གཤིན་རྗེ་གཤེད་དམར་པོའི་སྐོར་རྣམས་ཞུས་ཏེ་བསྒྱུར་རོ། །ཐར་པའི་ས་ཡུལ་འདིར་བྱིན་
གྱིས་བརླབས་སོ། །
22-1-129


ལོ་ཙཱ་དཔྱལ་ཆོས་བཟང་གི་གཅེན་པོ་བ་སྟག་གི་སྲས་གསུམ་ལས་གཅེན་པོ་པད་མ་ཅན་
གྱི་བླ་མ་ལོ་ཙཱ་བའི་ཐུགས་སྲས་སུ་གྱུར། གསང་(དཔལ་ན་རོ་པའི་ཐུགས་དམ་གྱི་རྟེན་གུར་རིགས་བསྡུས་
ཀྱི་དཀྱིལ་ཐང་དང་རྡོ་རྗེ་ཕག་མོའི་སྐུ་ཐང་བྱིན་རླབས་ཅན་གཉིས་ཀྱང་དཔྱལ་ཆོས་བཟང་གིས་རྒྱ་གར་ནས་སྤྱན་དྲངས་པའོ།།)
འདུས་རྒྱུད་བདུན་དགྱེས་རྡོར་རྒྱུད་གསུམ་པོ་རྒྱུད་མཐའ་དག་གི་བཀའ་གནང་ཞིང༌། ཐུགས་
སུ་ཆུད་ནས་ཐར་པའི་གཙང་ཁང་ཁྱམས་དང་བཅས་བཞེངས། རྟེན་བྱང་ཆུབ་ཆེན་པོ་བཞེངས། 
བལ་པོར་དེའི་རྒྱབ་ཡོལ་བཞེངས་པ་སོགས་དེ་གསུམ་དུས་གཅིག་ལ་གྲུབ་པའི་ངོ་མཚར་བ། 
གཙུག་ལག་ཁང་རྡོ་རྗེ་གདན་དང་མཚུངས། གསེར་སྐུ་མ་ཧཱ་བོ་དྷི་དང་མཚུངས་ཞེས་རྒྱ་བོད་
གཉིས་ཀར་གྲགས་སོ། །ཆོས་སྐུའི་རྟེན་གདུང་ཁང་བཀྲ་ཤིས་འོད་འབར་དང༌། འབུམ་ཁང་
ཆེན་མོ་ཡང་བཞེངས། དེའི་དབོན་བརྒྱུད་སློབ་དཔོན་རྒྱལ་མཚན་མཐུ་གཏད་གཟེར་གསུམ་
ཐོགས་མེད་གྲུབ་པ་དེས་སྨན་ལུང་ནག་ཚང་བྱང་བཟུངས་སོ། །སློབ་དཔོན་ཨཱཪྻ་རིན་ཆེན་
གྱིས་སྨན་ལུང་ནག་ཚང་ལྷོ་བཟུངས་སོ། །
དེའི་དབོན་བརྒྱུད་བླ་མ་དམ་པ་རིན་ཆེན་བཟང་པོས་ཀྱེ་རྡོར་གྱི་བློས་བསླངས་གཞལ་
ཡས་ཁང་བཞེངས་ཤིང༌། བྱང་ཆུབ་ཆེན་པོའི་གདན་ཁྲི་བརྐོས་ལེགས་གསེར་གྱིས་བྱུགས་
པ་མཛད་དོ། །དེ་རྗེས་ཐར་པ་ལོ་ཙཱ་བ་ཨ་མོ་གྷ་སིངྷ་དང༌། དེ་རྗེས་ཐར་ལོ་ཉི་མ་རྒྱལ་མཚན་
གྱིས་རྒྱ་གར་རྡོ་རྗེ་གདན་གྱི་མཁན་པོ་ལོ་དྲུག་མཛད། རྒྱ་གར་ཤར་ནུབ་དབུས་འགྱུར་འཆང་
རྣམས་ན་བོད་ཀྱི་བཙུན་གཅིག་མོར་གྲགས་པ་ཐུགས་དམ་ཟབ་མོའི་དོན་ལ་མངའ་བརྙེས་
པ། འཇིག་རྟེན་གྱི་མིག་ཏུ་གྱུར་པ་དེས་བལ་པོའི་ནགས་གསེབ་ཏུ་སྒྲ་དབྱངས་ཀྱི་ཆོས་གསན། 
བོད་དུ་སློབ་མ་བསམ་གྱིས་མི་ཁྱབ་ཅིང༌། མཆོག་གྱུར་པ་རོང་པ་ཤེས་རབ་སེང་གེ་དང༌། རོང་
པ་རྡོ་རྗེ་རྒྱལ་མཚན། བུ་སྟོན་ཐམས་ཅད་མཁྱེན་པ་རིན་ཆེན་གྲུབ་སོགས་སོ། །བུ་སྟོན་གྱིས་
ལོ་ཙཱ་དེའི་ཞབས་དྲུང་དུ་ཟླ་བ་བཅུ་བཞིའི་རིང་བར་མ་ཆད་བསྟེན། ཟླ་བ་གཉིས་རེ་ཙམ་
22-1-130


དང༌། གསུམ་བཞི་རེ་ཙམ་དང་བཅས་པ་ཡོངས་སུ་དྲིལ་བ་ལོ་བཞི་ལྷག་གི་བར་དུ་ཐར་པ་རུ་
བཞུགས་ནས་གཙོ་བོར་སྒྲ་ཙནྡྲ་པའི་མདོ་འགྲེལ་དང་བཅས་པ་དང༌། ཕལ་པའི་ཚུལ་དུ་སྒྲ་ཀ་
ལཱ་པའི་མདོ་འགྲེལ་པ་དང་བཅས་པའི་ཐུགས་སྦྱོར་མཐར་ཕྱིན་པར་མཛད། ཚེ་གཅིག་ལུས་
གཅིག་ལ་སངས་རྒྱས་པའི་གདམས་པ་དཔེ་མེད་མཚོའི་སྦྱོར་དྲུག་ལ་སོགས་པ་སྦྱོར་དྲུག་གི་
སྐོར། རྒྱུད་ཕྱི་མ་སོགས་དུས་འཁོར་གྱི་སྐོར། རྡོ་རྗེ་སྙིང་འབྲེལ་དང༌། ན་རོ་འགྲེལ་ཆེན་དང༌། 
བཟང་པོ་ཡོངས་གཟུགས་ལ་སོགས་ཀྱཻ་རྡོར་གྱི་སྐོར། རྡོ་རྗེ་མཁའ་འགྲོ་དང༌། ཕྱག་རྡོར་སྟོད་
འགྲེལ་སོགས་བདེ་མཆོག་གི་སྐོར། གདན་བཞིའི་རྒྱུད་ལ་སོགས་གདན་བཞིའི་སྐོར་དང༌། 
གཤེད་དམར་བཅུ་གསུམ་ལ་སོགས་གཤིན་རྗེ་གཤེད་ཀྱི་སྐོར། གཞན་ཡང་མི་གཡོ་བླ་མེད་
ལ་སོགས་པའི་རྒྱུད། དབྱངས་ཅན་དཀར་དམར་ལ་སོགས་པའི་སྒྲུབ་ཐབས་ལ་སོགས་པ་
སྔགས་སྐོར་ཚན་ཆེན་པོ་གསན། གནད་ཀྱི་ཟླ་ཟེར་ལ་སོགས་པའི་མཚན་ཉིད་ཕྱོགས་སྙན་
ངག་སྡེབ་སྦྱོར་ལ་སོགས་མང་པོ་གསན་ནོ། །
ཐར་པའི་གཙུག་ལག་ཁང་གི་རྟེན་གཙོ་བྱང་ཆུབ་ཆེན་པོའི་སྐུའི་གཞོགས་གཡས་ལ་གོང་
དུ་སྨོས་པའི་ལོ་ཙཱ་བ་བསོད་ནམས་རྒྱལ་མཚན་གྱིས་བཞེངས་པའི་དངུལ་སྐུ་རྡོ་རྗེ་སེམས་
དཔའ་སྨན་ལུང་ནས་སྤྱན་དྲངས་པ། དེའི་གཞོགས་ན་དཔྱལ་ཆོས་བཟང་གི་ནང་རྟེན་ཐུབ་
དབང་ཟངས་སྐུ་ཆེ་བ་དེའི་གཡས་ཕྱོགས་རིམ་བཞིན་འཇིམ་སྐུ་ཁ་ཆེ་པཎ་ཆེན་ཤཱཀྱ་ཤྲཱི་བྷ་དྲའི་
སྐུ་པཎ་ཆེན་རང་གི་ཕྱག་ནས་མ་དབུ་ཞྭ་པཎ་ཆེན་རང་གིས་ངོ་མ་བསྣམས་པ། དཔྱལ་ལོ་
ཆོས་བཟང་གི་སྐུ། དཔྱལ་ཉི་མ་རྒྱལ་མཚན་གྱི་སྐུ། དཔྱལ་འགྲོ་མགོན་ཀུན་དགའ་ཉི་མའི་
སྐུ། སྤྱིར་ཐར་པ་ལ་ཆོས་ཀྱི་བཀའ་བབས་ཚུལ་བསམ་གྱིས་མི་ཁྱབ་ཀྱང༌། རག་པ་ཙམ་ལས་
སྔ་འགྱུར་ལ་རྒྱུད་དྲུག་ལེ་ལག་བཅུ་གཉིས། ཕྲ་མོ་ཉི་ཤུ་རྩ་བཞི་གཙོ་བོ་ཡང་དག་ཐུགས་ཀྱི་
སྒྲུབ་པ་བྱེད་པ་སོགས་མཆིམས་ཕུའི་ཕྱག་བཞེས་དང་བཅས་པ་དགུ ཁྱད་པར་ཕུར་པ་བསྐྱེད་
22-1-131


རྫོགས་ཀྱི་ཉམས་ལེན། (དཔྱལ་ལུགས་ཕུར་པར་གྲགས་) གསར་མ་ལ་ཐར་པ་བའི་ཐུགས་དམ་ལྷ་
བཞི། (དགྱེས་རྡོར་དང༌། བདེ་མཆོག །རྡོ་རྗེ་ཕག་མོ། གཤིན་རྗེ་གཤེད་བཅས་བཞིའོ།) དང༌། ཁྱད་པར་ལྷ་བཞིའི་
ཆོས་སྐོར་གྱི་དབང་སྐུར་བྱིན་རླབས་དང༌། རྗེས་གནང་བཅས་པ་རྡོ་རྗེ་རྣལ་འབྱོར་མའི་བྱིན་
རླབས་གཞུང་བདུན་ཞལ་གདམས་(བདེ་མཆོག་དཀར་པོ། ཕག་མོ་སེར་མོ། མཁའ་སྤྱོད་དམར་མོ། རྗེ་བཙུན་སེང་
གེ་སྒྲ།) དང་བཅས་པའོ། །གནས་བཞི་སྨན་ལུང༌། (གནས་ཕྱོགས་སྨན་ལུང་དེར་)དཔལ་དགྱེས་པ་རྡོ་
རྗེའི་བཀའ་སྲོལ་ཆེན་པོ་མི་འདྲ་བ་བཞི་བབས་ཏེ། དཔྱལ་ལོ་བསོད་ནམས་རྒྱལ་མཚན་གྱིས་
བལ་པོར་ཕམ་མཐིང་པ་ཆེན་པོ་འཇིགས་མེད་གྲགས་པ་ལ་དགྱེས་རྡོར་ཡབ་བཀའ་ཡུམ་
བཀའ་རྒྱུད་གསུམ་གྱི་འགྲེལ་བ་བཅོ་ལྔ་དང་གདམས་པ་ཁྱད་པར་ཅན་གསན་པས་ན་རོ་ཆེན་
པོའི་བཀའ་སྲོལ་ལོ། །དཔྱལ་པ་ཀུན་དགའ་རྡོ་རྗེ་རྒྱ་གར་པཎ་ཆེན་གནས་ལྔ་རིག་པའི་པཎྜི་
ཏ་ཨ་མ་ར་ཙནྡྲ་ལ་དགྱེས་རྡོར་རྒྱུད་འགྲེལ་སྐོར་ཚང་རྒྱས་གསན་པས་ཨ་མ་ར་ཙནྡྲ་མི་ཏྲ་པའི་
བཀའ་སྲོལ་ལོ། །
སྐྱེག་ཚ་རྡོ་རྗེ་དྲག་པོ་རྩལ་གྱིས་རྒྱ་གར་པཎ་ཆེན་བྲམ་ཟེ་དཔལ་འཛིན་ལ་དགྱེས་རྡོར་ཆ་
ཚང་གསན་བས་པད་མ་བཛྲ་ཡི་བཀའ་སྲོལ་ལོ། །ཡང་སྐྱེག་ཚ་རྡོ་རྗེ་དྲག་པོ་རྩལ་གྱིས་ནག་
པོ་ཞབས་ཆུང་བ་ལས་དགྱེས་རྡོར་གསན་པས་དམ་ཚིག་རྡོ་རྗེའི་བཀའ་སྲོལ་ལོ། །སློབ་དཔོན་
ཡན་ལག་མེད་པའི་རྡོ་རྗེ་པད་མ་བཛྲ་ཨིན་དྲ་བྷི་ལཀྵ་མ་ཀི་(བྲམ་ཟེ་དཔལ་འཛིན་ག་ཡ་དྷ་ར་འབྲོག་མི་
སོགས་ས་སྐྱ་བར་བབས་སོ། །རྡོ་རྗེའི་བཀའ་སྲོལ་ལོ།།)ཐར་པ་དང་བཅས་པ་འདིར་བསྟན་པ་སྔ་དར་ཕྱི་
དར་སོགས་ལ་མཁས་གྲུབ་དཔག་ཏུ་མེད་པ་བྱོན་ནས་བསྟན་པ་རིན་པོ་ཆེ་སྒོ་དུ་མ་ནས་དར་
ཞིང་རྒྱས་ལ། བསྟན་རྩ་དགེ་འདུན་དང་དེ་བཞུགས་པའི་གཙུག་ལག་ཁང་སོགས་འཕེལ་
རྒྱས་སུ་བྱུང་བ་ཡིན་ཀྱང་ཕྱིས་དུས་ཞིག་ན་ཉམས་གྲིབ་ཙམ་བྱུང༌། དཔྱལ་བརྒྱུད་མ་ཉམས་
པར་བཞུགས་ཀྱང་གནས་གཞི་སེར་ཁྱིམ་པ་ལྟ་བུའི་གནས་གོག་པོར་སོང་བ་སོགས་ཉག་ཕྲ་
22-1-132


མའི་སྐབས་སུ་དཔྱལ་སྟོན་ཆེན་པོ་བསམ་བཞིན་དུ་སྐྱེ་བ་བཞེས་སམ་ཡང་ཟེར། གང་ལྟར་
མཁྱེན་རབ་བློ་གྲོས་ཀྱི་རྒྱ་མཚོའི་རྫིངས་ཆེན་པོ་ལ་གནས་ཤིང༌། རྣམ་དཀར་གྱི་ལྦུ་བ་མུ་ཏིག་
ཆུན་པོར་མཛེས་པ། ཁྲིམས་གཉིས་སྙན་གྲགས་གདུགས་དཀར་སྲིད་པ་གསུམ་དུ་གཡོ་བ། །
གངས་ཅན་བསོད་ནམས་ཀྱི་དཔལ་དུ་འཁྲུངས་པ། །མི་དབང་ཀརྨ་བསྟན་སྐྱོང་དབང་པོས་
སྤྱིར་སངས་རྒྱས་ཀྱི་བསྟན་པ་འཕེལ་ཐབས་ཀྱིས་ཁུར་ཆེན་པོ་ཕྲག་པའི་རྒྱན་དུ་མཛེས་ལ། 
ཁྱད་པར་དགོན་གནས་ཐར་པ་འདིར་རབ་ཏུ་བྱུང་བའི་ཚོགས་དང༌། དྲིའི་གཙང་ཁང༌། དགེ་
འདུན་གྱི་ཀུན་དགའ་རྭ་བ་སོགས་བསྟན་པའི་ཁ་གསོ་ཡར་ལྡན་དུ་མཛད་ཚུལ་སོགས་དཀར་
ཆགས་སོགས་སུ་བལྟའོ། །
ཚོང་འདུས་མགུར་མོའི་གཙུག་ལག་ཁང་ནི་སྔོན་རྒྱལ་པོ་ཁྲི་སྲོང་ལྡེའུ་བཙན་གྱི་སྐབས་ཀྱི་
བློན་པོ་རྣམས་ཀྱིས་གཙུག་ལག་ཁང་བཞེངས་པ་ལྕེ་ལྷ་བཟང་གྲགས་པས་ཚོང་འདུས་མགུར་
མོའི་ལྷ་ཁང་བཞེངས། ལྕེ་ཁྲི་བཟང་བྱིན་གྱིས་རྩིབས་ཀྱི་ལྷ་ཁང་བཞེངས། དབུས་གཙང་གི་
མཁས་པ་མི་དྲུག་གམ་བཅུ་འམ་བཅུ་གཉིས་ཀྱི་ནང་ཚན་ལོ་སྟོན་རྡོ་རྗེ་དབང་ཕྱུག་འཁྲུངས་ས་
ཚོང་འདུས་མགུར་མོའི་རབ་ཁ་ཡིན་ཞིང༌། ཚོང་འདུས་མགུར་མོའི་གཙུག་ལག་ཁང་འདིར་
འཆད་ཉན་བསྐྱངས་སོ། །
རྗེ་མི་ཏྲ་ཆེན་པོ་ཚོང་འདུས་བཞུགས། དབུས་གཙང་གི་དགེ་བཤེས་གྲགས་པ་ཅན་མང་
དུ་འདུས། དེ་ནས་ཚོང་འདུས་མགུར་མོར་བྱོན་ནས་ཟླ་བ་གསུམ་བཞུགས་ཏེ། འགྲོ་བ་མཐོ་
དམན་བར་གསུམ་གྱི་དོན་བསམ་གྱིས་མི་ཁྱབ་པ་མཛད། དགེ་བཤེས་ཆེན་པོ་གཙོ་མཛད་
དབང་བྱིན་རླབས། སྡོམ་འཛིན། སེམས་བསྐྱེད། རྒྱས་གདབ་ཞུས་པ་ལ་གྲངས་མེད་ཅིང༌། 
ཁྱད་པར་དབུས་གཙང་དུ་གྲགས་པའི་དགེ་བའི་བཤེས་གཉེན་ཆེན་པོ་དྲུག་སྟེ་རྒྱ་འགྲེལ་ལམ་
ལོ་གྲོ་གཤེན་དང་དྲུག་གོ །དེ་དྲུག་པོས་ཟབ་དོན་གྱི་བསྟན་བཅོས་ཞུས་པས་རྣལ་འབྱོར་
22-1-133


བདུན། སེམས་མདུད་གྲོལ་བ་སོགས་མང་བར་གསུངས། ཇོ་བོ་ཁ་སརྤ་ཎིས་སེམས་ཉིད་
ངལ་གསོའི་གདམས་པ་ཇོ་བོ་སྤྱན་རས་གཟིགས་ཉིད་ཀྱིས་གནང་བའི་ཡི་དམ་དུ་བཀའ་བསྒོ་
མཛད་པའི་ཨེ་ཀ་ཛ་ཏི་བྱ་བ་ཡོད། དེས་གནང་བའི་རྡོ་རྗེ་སྦས་པའི་གསང་ལམ། ཆོས་སྤྱོད་
ཡན་ལག་བཞི་པ། ལམ་འཁྱེར་རྣམ་གསུམ། མི་ཏྲའི་ཆོས་དྲུག །མི་ཏྲ་ཛོ་ཀི་ལུགས་ཀྱི་བསམ་
པ་གསུམ་ལྡན་གྱི་བསྙེན་གནས་ཟུང་འཇུག་བཞི། སྐྱེས་བུ་བཞིའི་ལམ་རིམ། རྡོ་རྗེ་ལམ་རིམ། 
རིན་ཆེན་འབྲུ་དགུ་དང༌། མཐར་ཐུག་དགུ །རྡོ་རྗེ་སེམས་དཔའི་སྒོམ་དོན་སོགས་གནས་
འདིར་ཆོས་འཁོར་རྒྱ་ཆེན་པོ་བསྐོར་རོ། །རྗེ་མི་ཏྲས་ཚོང་འདུས་མན་ལ་མ་བྱོན་ནོ། །
གཙང་གི་ཚོང་འདུས་མགུར་མོ་རུ་གཡུ་ཐོག་པའི་བརྒྱུད་བཞི་འཆད་པའི་མགོ་བཏིང་
ཚེ། ཨ་རུ་རའི་ཆར་པ་བབས། གཡུ་ཐོག་པའི་སྐུ་དཔང་དུ་ལྷ་ཚངས་པས་ཕུལ་བའི་ཨ་རུ་ར་
སྙིམ་པ་ཁ་སྦྱར་ཙམ་ཞིག་བབས་སོ། །ཚོང་འདུས་མགུར་མོར་ཁ་ཆེ་པཎ་ཆེན་གྱིས་ཀྱང་ཟླ་
ཕྱེད་སྐོར་བཞུགས་ནས་མདོ་རྒྱུད་ཀྱི་ཆོས་གསུངས། སྔོན་འགྲོའི་ཆོས་སྤྱོད་མེད་ཐབས་མེད་
གསུངས་ནས་ཆོས་སྤྱོད་བསྡུས་པ་གཅིག་བརྩམས། ཕྱིས་རྒྱས་ཤོས་དེ་སྣར་སླད་མོ་ཆེར་
བརྩམས་པར་མཛད་དོ། །
པཎ་ཆེན་བུདྡྷ་ཤྲཱི་ཚོང་འདུས་མགུར་མོར་སྤྱན་དྲངས་གཞུང་མང་པོ་གསུངས། རྒྱན་གོང་
ལྷ་ཁང་དུ་བྱོན་ནས་ལྟས་བརྟག་པ་དང་བཅས་མཛད། ཆུ་ཕོ་བྱི་བའི་ལོ་ཆོས་རྗེ་བུ་སྟོན་ཉིད་
ཀྱིས་དགུང་ལོ་ཉི་ཤུ་རྩ་གསུམ་བཞེས་པའི་དུས་སུ་དོན་གྱི་སླད་དུ་མཚན་ནས་སྨོས་ཏེ་མཁན་
ཆེན་གྲགས་པ་གཞོན་ནུ་དཔལ་བཟང་པོ་ཞེས་གྲགས་པ་པཎ་ཆེན་གྱི་མཁན་བརྒྱུད་བཞི་པ་
གནས་བརྟན་ཆེན་པོ་བཅུ་དྲུག་གི་གྱ་གཅིག་ཏུ་གྲགས་པ་དེ་དང༌། སློབ་དཔོན་ལས་བྱེད་པ་
བསོད་ནམས་ཞེས་གྲགས་པའི་བྱང་ཆུབ་སེམས་དཔའ་ཆེན་པོ་དེ་དང༌། སློབ་དཔོན་གསང་
སྟེ་སྟོན་པ་འདུལ་བ་འཛིན་པ་ཆེན་པོ་བསོད་ནམས་བཟང་པོ། དད་པའི་དགེ་འདུན་སྡེ་སྣོད་
22-1-134


འཛིན་པ་ཆེན་པོ་དཀོན་མཆོག་བཟང་པོས་ཐོག་དྲངས་པ་ཉི་ཤུ་རྩ་གཉིས་ཀྱི་དབུས་སུ་ཡུལ་
སྣ་ཚོགས་ཀྱི་མི་དང༌། ཟོང་ཚོང་དུ་མ་འདུ་བའི་གཙང་ཚོང་འདུས་མགུར་མོའི་བླ་བྲང་ཤར་
དུ་བསྙེན་པར་རྫོགས་པར་མཛད་ནས་དགྲ་བཅོམ་པ་ཆེན་པོའི་རྣམ་པར་གྱུར། མཁན་པོ་དེ་
ལ་གཙོ་བོར་སོ་སོར་ཐར་པའི་མདོ་ལ་སོགས་པ་གསན་གཙུག་ཏོར་རྣམ་རྒྱལ་དང༌། ཤེར་
སྙིང་མདོ་སྒྲུབ་སོགས་ཞོར་ཉན་དུ་མཛད། སློབ་དཔོན་བྱང་ཆུབ་སེམས་དཔའ་ཆེན་པོ་བསོད་
ནམས་གྲགས་ལ་གཙོ་བོར་འདུལ་བ་མདོ་རྩ་ལ་བྱ་ཏིག་བཏབ་པས་བཤད་བཀའ། སྡོམ་ཚིག་
གི་བཤད་པ། སོ་ཐར་གྱི་མདོའི་བཤད་པ་ལས་བརྒྱ་རྩ་གཅིག་པའི་བཤད་པ་ལ་སོགས་པ་
རྣམས་གནས་འདིར་གསན་ནོ། །གཞན་ཡང་སྨོན་པ་སེམས་བསྐྱེད། འཇུག་པ་སེམས་བསྐྱེད། 
དོན་ཞགས་བློ་སྦྱོང་སོགས་ཞོར་ཉན་དུ་མཛད། ཁྱད་པར་དུའང་བློ་སྦྱོང་གསན་པས་ངེས་
འབྱུང་དང་བྱང་ཆུབ་ཀྱི་སེམས་རིན་པོ་ཆེའི་གསོལ་ཐེབས་པ་ཡང་གནས་འདི་ཡིན་ནོ། །
ཚོང་འདུས་མགུར་མོའི་གྲོང་ཁྱེར་དང་ཉེ་བར་ཆོས་ལུང་ཚོགས་པའི་མཁན་པོ་བཀའ་
བཞི་པ་གྲགས་པ་གཞོན་ནུ་དཔལ་བཟང་གི་སྐུ་གདུང་རིལ་པོ་མྱང་སྨད་འབེ་ལུང་ནས་བུ་
སྟོན་རིན་པོ་ཆེས་ཐོག་དྲངས་རྣམ་སྦྱར་གྱོན་པའི་དགེ་སློང་ཉིས་བརྒྱས་སྤྱན་དྲངས་ནས་ཚོང་
འདུས་ཀྱི་གྲོང་ཉེ་འགྲམ་དུ་གདུང་བཞུས། དེར་མཆོད་རྟེན་ཁང་བུ་བརྩེགས་པ་དེའི་ནང་དུ་
གདུང་ཐལ་བཞུགས་པའི་རིང་བསྲེལ་མང་དུ་འཛགས་པའི་བྱིན་རླབས་ཅན་དེ་ཡོད། ཚོང་
འདུས་ཁྲི་ཁང་གི་ཉེ་ལོགས་ཀྱི་ལྷོ་ནུབ་ཕྱོགས་ཀྱི་རི་ལ་རྒྱལ་བ་ལོ་རས་ཀྱིས་སྒྲུབ་པ་མཛད་
པའི་ཕུག་པ་ཡོད། རྒྱལ་བ་ལོ་རས་པ་འདི་གཙང་པ་རྒྱ་རས་ཀྱི་སློབ་མ་མཆོག་ལོ་རྒོད་གཉིས་
ཀྱི་ལོ་རས་དེ་ཡིན། འཁྲུངས་ཡུལ་དབུས་ཀྱི་གཞུང་ཡིན། ལོ་དུ་མར་སེ་མོ་དོ་ལ་བཞུགས། 
ཆོས་ཉིད་མངོན་སུམ་དུ་རྟོགས། མི་ལ་རས་པའི་སྐྱེ་བར་ཡང་གྲགས། འདི་ནས་མཆེད་པ་
ལ་སྨད་འབྲུག་ཟེར་རོ། །སྨད་འབྲུག་གི་ཆོས་ཟབ་མོ་ཐུགས་ལ་མངའོ། །ཚོང་འདུས་ཀྱི་འགོ་
22-1-135


ཙམ་གྱི་ཉེ་འགྲམ་ན་དབོན་གནས་བོན་གྲོང་དུ་ཞང་ལོ་ཙཱ་བ་གྲུབ་པ་དཔལ་བཟང་པོ་རྒྱང་
ཙམ་བཞུགས་དུས་དཔལ་འཁོར་ལོ་སྡོམ་པའི་ཞལ་གཟིགས་ཤིང༌། མི་རྟོགས་པའི་ཏིང་ངེ་
འཛིན་བཟང་པོ་འཁྲུངས་པ་ཡང་དེ་ཡིན་ཞིང༌། དེས་མགུར་འདི་གསུངས་པ། ཆོས་བདེན་པ་
གཉིས་ཀྱི་དབྱིངས་རྟོགས་པས། །དབྱིངས་འགག་མེད་ཡི་དམ་མངོན་སུམ་མཐོང༌། །ཆོས་མི་
རྟོག་ཏིང་འཛིན་ཟབ་མོའི་དོན། །བརྗོད་མེད་དུ་རྟོགས་པས་གནས་འདིའང་མཚར། ཞྭ་ལུའི་
ཕུ་རཱ་ཛ་ཤར་ཕྱོགས་ན་ཀོ་བྲག་པ་བསོད་ནམས་རྒྱལ་མཚན་གྱི་བཞུགས་ཡུལ་ཀོ་བྲག་རང་དུ་
ཡོད། དེ་སྐབས་སུ་བོད་ན་ཀོ་བྲག་པ་བསོད་ནམས་རྒྱལ་མཚན་ཡོངས་ལ་འགྲོ་ཕན་ཆེ་ཞིང་
གྲགས་པ་ཆེ་བས་ཆོས་གཉེར་ལྷོའི་དིར་རིར་བོས་ནས་ཤ་ཝ་རིའི་(ཤ་ཝ་རིའི་ཆོས་དྲུག་སྐོར་སྔ་འགྱུར་ནི་
པཎྜི་ཏ་བི་བུདྡྷ་ཙནྡྲས་བོད་འཁོར་ནས་བལ་པོར་ཕེབས་སྐབས་རྣལ་འབྱོར་དབང་ཕྱུག་ཤ་ཝ་རི་དངོས་དང་མཇལ་ནས་ཤ་ཝ་རིའི་
ཆོས་དྲུག་སྐོར་ཆ་ལག་ཁ་ཚང་གསན་ནས་བོད་དུ་འགྲོ་ཕན་ནུས་པ་ཞིག་གནང་དགོངས་ཏེ།)ཆོས་སྐོར་མཐའ་དག་ཚང་
བའི་བཀའ་བབས་པ་དང༌། ལམ་འབྲས་སེ་སྟོན་རིག་ནས་རྒྱུད་ལུགས་ལ་ཡང་རབ་ཏུ་ཐོབ་
པ། ཞང་སྟོན་སྐུ་མཆེད། འབྲིང་དུ་ཐོབ་པ་ཞ་མ་ལྕམ་སྲིང༌། མཐའ་མར་ཐོབ་པ་སེ་མདོག་
བྱང་ཡེའོ། །ཞྭ་ལུགས་ལའང་ཕོ་ལུགས་མོ་ལུགས། འདྲེས་པའི་ལུགས་ལ་ཀོ་བྲག་བསོད་
ནམས་རྒྱལ་མཚན། ལས་སྟོད་པ་དབང་རྒྱལ། ཀུན་སྤངས་ཀུན་ཏུ་བཟང་པོ། ཕྱག་ན་དབང་
ཕྱུག་རྒྱལ་མཚན། ཀོ་བྲག་པ་ལ་ལམ་འབྲས་ཀྱི་ཡང་བཀའ་བབས་ཤིང་གེགས་སེལ་གྱི་ཡང་
བཀའ་བབས་སོ། །རས་ཆུང་པ་དང་དབུས་སྟོན་གྱི་བླ་མ་ཁྱད་པར་ཅན་བཞུགས་པ་སྨོན་ལམ་
མཁར་ཞེས་བྱ་བ་ཡང་ཡོད་དོ། །
ཡང་དབུས་གཙང་མཁས་པ་མི་བཅུའི་ནང་ཚན་ལོ་རྡོ་རྗེ་དབང་ཕྱུག་གིས་བསྟན་པ་ཕྱི་
དར་གྱི་མགོ་མེ་[ས་]མོ་བྱ་ལོ་ལ་རྒྱན་གོང་དེ་བཏབ་པ་ཡིན་ལ་ལོ་སྟོན་རྡོ་རྗེ་དབང་ཕྱུག་གི་
ཆོས་ཀྱི་ཁུངས་རྒྱུད་འབྱུང་ཚུལ་ཐུང་ཙམ་བཤད་ན་ནེལ་པ་པཎྜི་ཏས་མཛད་པའི་ལོ་རྒྱུས་དེ་
22-1-136


ཡི་གེ་རྙིང་མ་མང་པོ་དང་བསྟུན་ནས་བསྒྲིགས་ཤིང༌། མཁས་མང་ལ་བསྲེགས་བཅད་བརྡར་
གསུམ་གྱིས་གསེར་ལྟར་གཏུགས་ཤིང་དཔྱད་ནས་དག་པར་བསྒྲིགས་གསུངས་པའི་ལོ་རྒྱུས་
ལྟར་བཀོད་པ་ནི་བོ་དོང་པ་གཡོ་དགེ་འབྱུང༌། མཇེད་འཁྱེལ་བ་གཙང་རབ་གསལ། སྟོད་
ལུང་པ་དམར་སྟོན་ཤཱཀྱ་མུ་ནི་དང་གསུམ། དཔལ་ཆུ་བོ་རིའི་སྒོམ་གྲྭ །སྔོན་གྱི་སྒོམ་གྲྭ། བཅུ་
གཉིས་རྒྱལ་པོས་བཏབ་པའི་ནང་ཚན་དེར་སྒོམ་ལ་བཞུགས་པའི་ཚེ་བཙུན་པ་ཁྱི་འཁྲིད་
ཅིང་རྔ་བཤང་རྡུང་པ། མགོ་ལ་བྱ་རྒོད་ཀྱི་སྒྲོ་བཙུག་པ། རི་དྭགས་ལ་མདའ་འཕེན་པ་མཐོང་
ནས། བན་རྒན་འཕྲུལ་ལམ་བཙུན་པ་སྨྱོ་ཟེར། དེ་ལས་གླང་དར་གྱིས་བསྟན་པ་བསྣུབས་
པ་གོ་བས་འདུལ་མངོན་གྱི་དཔེ་ཆ་དྲེའུ་རྒྱབ་གཉིས་བཀལ་ཏེ་ཧོར་ཡུལ་དུ་བྱོན། དེར་ཆོས་
ལ་འགོད་མ་ནུས། རྒྱལ་པོ་གླང་དར་བསད་པའི་གཏམ་ཐོས། ཧོར་ཡུལ་ནས་ཧོར་གྱི་དགེ་
གཉེན་ཤཱཀྱ་ཤེས་རབ་བྱ་བ་གཅིག་དང་སྡེབས། ཁམས་སུ་ཕེབས་ནས་ཨན་ཆུང་གནམ་རྫོང་
གི་བྲག་ཕུག་བཟུང་ནས་བཞུགས། གཙང་རབ་གསལ་གྱིས་ཁང་པ་གསར་མ་རིའི་ཕུག་གི་
དགོན་པ་བཟུང༌། ཀ་འོད་མཆོག་གྲགས་པས་བལ་ཡུལ་ནས་ཚུར་འོང་བའི་ལམ་དུ་གཏམ་
ཐོས་ཏེ་མངོན་པ་དྲེའུ་རྒྱབ་གཅིག་བཀལ་ནས་བྲོས་ཏེ་དཔལ་བཟང་མཁར་ཆགས། དྲིལ་བུའི་
དགོན་པ་བཟུང༌། ལྷ་ལུང་དབྱངས་རབ་འབྱོར་དང་རོང་སྟོན་སེང་གེ་གྲགས་གཉིས་ཀྱིས་ཡེར་
པའི་བྲག་ནས་འདུལ་མངོན་གཉིས་ཀྱི་དཔེ་མང་དུ་འཁྱེར་ནས་ནགས་ཤོད་ལ་བྲོས། ལྷ་ལུང་
དབྱངས་རབ་འབྱོར་གྱིས་ཟླ་ཤོད་ཚ་རོང་གི་དགོན་པ་བཟུང༌། རོང་སྟོན་སེང་གེ་བྲག་གིས་
བྱང་ཚ་བྱེ་རོང་གི་དགོན་པ་བཟུང་སྟེ་བཞུགས་སོ། །མི་དྲུག་ཅར་མཁན་པོ་བོ་དྷི་ས་ཏྭའི་མཁན་
བུ་དངོས་རང་ཡིན་པས། སྦ་རཏྣ་འམ་སྦ་གསལ་སྣང་ངམ། དབའས་ཡེ་ཤེས་དབང་པོ་བསྲུང་
གི་མཁན་བུ་དངོས་ཡིན་པས་ན། མཁན་ཆེན་ཞི་བ་འཚོ་ནས་བརྒྱུད་དོ། །ལོ་ཙཱ་བ་སྐ་ཅོག་ཞང་
གསུམ། པཎྜི་ཏ་དཱ་ན་ཤཱི་ལ། ཛི་ནཱ་མི་ཏྲའི་མཁན་པོ་དངོས་ཡིན་ཞིང༌། བོད་དུ་འགྱུར་བའི་ཆོས་
22-1-137


ཐམས་ཅད་ཀྱི་ལུང་ཡང་ཡོད་པས། བརྒྱུད་ཚུལ་སོ་སོ་བ་ཡིན་ནོ། །
བླ་ཆེན་དགོངས་པ་རབ་གསལ་ཡང་ཁམས་སུ་འཁྲུངས་ཟེར་ཞིང༌། བོན་པོའི་བུ་དམུ་ཟུ་
གསལ་འབར་ཞེས་བྱ་བ་ར་ལུག་འཚོ་བས་སློབ་དཔོན་དེ་གསུམ་མཐོང་ནས་དད་པ་སྐྱེས་ནས་
ཆོས་ཞུས་པས། འདུལ་བ་འོད་ལྡན་གཏད་ནས་འདི་ལ་ལྟོས། དད་ན་རབ་ཏུ་སྦྱིན་གསུངས་
ནས་བལྟས་པས་དད་པ་ཐོབ་ནས་རབ་ཏུ་བྱུང་བའི་ལོ་རྒྱུས་དང་བསྙེན་པ་རྫོགས་པའི་མཁན་
པོ་གཙང༌། སློབ་དཔོན་གཡོ། གསང་སྟོན་དམར། ཁ་སྐོང་ཧ་ཤང་གཉིས་སོགས་ཡིན་པའི་
ངག་བརྒྱུད་གཡམ་རྒྱུགས་སུ་འཆད་པ་མང་སྟེ་ཤིན་ཏུ་མ་དག་པ་སྟེ་བླ་ཆེན་འཕན་ཡུལ་གཞོང་
པ་རུ་དམུ་ཟུ་གསལ་འབར་ཞེས་བྱ་བའི་བོན་པོ་གཅིག་གི་སྲས་དམུ་ཟུ་དགེ་འབར་ཞེས་སུ་
འཁྲུངས། ལོ་བཅུ་དྲུག་ལོན་ནས་སྣང་གསལ་ལྷ་ཁང་དུ་ཕྱིན་ནས། རབ་བྱུང་ཆོས་འཆད་པ་
དང་ཉན་པའི་གཟུགས་གྱང་རིས་ལ་འདུག་པ་མཐོང་ནས་འདི་ཅི་ཡིན་དྲིས་པས། རྒས་མོ་
གཅིག་ན་རེ། རབ་ཏུ་བྱུང་བའི་གཟུགས་ཡིན་ཟེར། ལས་འཕྲོའི་སྟོབས་ཀྱིས་དད་གུས་སྐྱེས་
ཏེ། འདི་འདྲ་བ་གང་ན་ཡོད་དྲིས་པས། རྒས་མོ་དེ་ན་རེ། གཞན་ནི་ཁུངས་མ་ཐོབ། ཆུ་བོ་རི་
ནས་བྲོས་པའི་དམར་གཡོ་གཙང་གསུམ་ནི་ངེས་པར་འདུག་ཟེར་རོ། །དེའི་ཚེ་ལས་འཕྲོ་སད་
དེ་ཆོས་མིན་པ་ཡིད་ལ་མི་དྲན་པའི་དད་པ་སྐྱེས། མདོ་སྨད་དུ་འཚོལ་དུ་བྱོན་ཏེ། ལམ་དུ་བོན་
པོ་གཅིག་གི་སར་བསྡད་ནས་གཏམ་དྲིས་པས། དེ་ཀུན་ཨན་ཆུང་གི་གནམ་རྫོང་བྲག་ཕུག་
ན་ཡོད། འདི་ཡང་ཆོས་སུ་འདུག་གི་འཁྱེར་རམ་ཟེར་ནས། འདུལ་བ་འོད་ལྡན་གྱིས་པུ་ཏི་
གཅིག་སྦྱིན། ལམ་བར་ལ་བལྟ་ཡི་བྱོན་པས་དད་པའི་ཤུགས་དྲག་པོ་རང་འཁྲུངས་སུ་སྐྱེས། 
ཨན་ཆུང་དུ་བྱོན་ཏེ་དབུས་པ་མི་དྲུག་དང་ཧ་ཤང་གཉིས་ཏེ་བརྒྱད་པོ་འཚོགས་ནས། ལྷ་ལུང་
དབྱངས་རབ་འབྱོར་གྱིས་མཁན་པོ་བྱས། རོང་སྟོན་སེང་གེ་གྲགས་ཀྱིས་སློབ་དཔོན་དང་
གཙང་རབ་གསལ་གྱིས་ལས་སློབ་བྱས། གཞན་མ་རྣམས་ཀྱི་དད་པའི་དགེ་འདུན་མཛད་དེ་
22-1-138


བསྙེན་པར་རྫོགས་པར་མཛད་དོ། །
དེ་ནས་ཐོས་པ་མཛད་ཚུལ་ནི་མཁན་པོ་ལ་འདུལ་བ་ལུང་སྡེ་བཞི། ཀྭ་ལ་རྒྱས་པའི་
བསྟན་བཅོས་སྡེ་ལྔ། དམར་གཡོ་གཉིས་ལ་འདུལ་བ་མདོ་མན་ཆོད་ཀྱིས་ཕྲན་ཚེགས། རོང་
སྟོན་ལ་སྡོམ་རྣམ་གཉིས། མཛོད་དབུ་མ། གཙང་ལ་པྲ་ཀ་ར་ཎ་བརྒྱད་སྡེ་བརྒྱད་སོགས་ཐོས་
པ་མཛད་དོ། །དེ་ནས་རྒྱ་དང་བོད་ཀྱི་མཚམས་རི་བོ་དན་ཏིག་དགོན་པར་སྒོམ་སྒྲུབ་མཛད། 
ཡུལ་ཕྱོགས་དེའི་མི་སྤུན་བདུན་ཐོག་རྡིབས་ནས་ཤི་བ་བཙན་དུ་སྐྱེས། ལོངས་སྤྱོད་ཆེན་པོ་
ཡོད་པའི་གྲིབ་བཙན་སྤུན་བདུན་གྱིས་ཡོན་བདག་བྱས་ནས་ཡོ་བྱད་སྦྱར། དབུས་ནས་སྲིང་
མོས་གཡོག་བྱས། སྒོམ་པས་མངོན་ཤེས་ལ་སོགས་པ་བསམ་གཏན་གྱི་ཡོན་ཏན་མང་དུ་ཐོབ་
སྟེ། བླ་ཆེན་དགོངས་པ་རབ་གསལ་ཞེས་གྲགས། 
དེ་ནས་བྱོན་ཏེ་ཟོག་པོ་མི་དྲུག་གིས་སྣ་བླངས་ནས་ཞབས་ཏོག་བྱས་ནས་ཆོས་བཙུགས་
ཏེ་ཡིག་ཆ་ཕལ་ཆེར་ལས་སོག་པ་མི་དྲུག་ཟེར་བ་ཡོད་ཀྱང༌། ཟོག་པོ་མི་དྲུག་ཟེར་བའི་རྒྱུ་
མཚན་ནི་དམར་གཡོ་གཙང་ལ་རབ་ཏུ་སྦྱིན་པར་ཞུས་པས། དགེ་འདུན་མ་འཚོགས་པ་དེའི་
བར་དུ་གཟུགས་བཙུན་དུ་བྱས་པས་ཟོག་པོ་མི་དྲུག་པར་གྲགས་ལ། བླ་ཆེན་པོ་དེར་བྱོན་
སྐབས་དགེ་འདུན་འཚོགས་ཏེ་རབ་ཏུ་འབྱིན་པར་ཞུས་པས། མཁན་སློབ་ཀུན་ན་རེ། བཅོམ་
ལྡན་འདས་ཀྱི་ཞལ་ནས། གླང་པོ་སྨྱོན་པའི་སྣ་ལ་རལ་གྲི་བཏགས་ནས་སེམས་ཅན་གསོད་
དུ་བཅུག་པ་ནི་བླའི། རབ་ཏུ་བྱུང་ནས་མ་བསྐྱངས་པ་ནི་དེ་ལྟར་མ་ཡིན་ནོ། །ཞེས་བཀའ་
བསྩལ་ཏོ། །ངེད་རྒས་པས་མཁན་བུ་མི་སྐྱོང༌། ཁྱེད་ཀྱིས་གྱིས་ཤིག་གསུངས། ངས་བསྙེན་
པར་རྫོགས་ནས་ལོ་ལྔ་ལས་མ་ལོན་པས་མི་འོང་ཞུས་པས། དེ་ལ་ཉེས་བྱས་ཤིག་འོང་སྟེ། 
སངས་རྒྱས་བསྟན་པ་སྤེལ་བའི་དགོས་པ་ཆེ་བ་ལ་གནང་གིས་ཅི་ཡང་གྱིས་གསུངས་ནས་
ཁས་བླངས་ཏེ་བླ་ཆེན་པོས་མཁན་པོ་མཛད། གཙང་གིས་སློབ་དཔོན་མཛད། གཞན་རྣམས་
22-1-139


ཀྱིས་དད་པའི་དགེ་འདུན་བྱས་ནས་རབ་ཏུ་བྱུང་ནས། སྔར་ཟོག་པོ་མི་དྲུག་པོ་དེ་ཕྱིས་མཁས་
བཙུན་མི་དྲུག་ཏུ་གྲགས་སོ། །
དྲུག་པོ་ནི་འལ་སྣུབས་གཉིས། སྤང་ཅོག་གཉིས། ཤོང་འབར་གཉིས་ཏེ་དྲུག་གོ །དེ་ཡང་
འལ་རྡོ་དབང་ཕྱུག་དང༌། སྣུབས་དཔལ་གྱི་དབང་ཕྱུག་གཉིས་མཁས་པའོ། །སྤང་གོང་ཡེ་
ཤེས་གཡུང་དྲུང་དང༌། ཅོག་རོ་ཤེས་རབ་བྱང་ཆུབ་གཉིས་མཁས་བཙུན་འཛོམས་པའོ། །ཤོང་
ཆུང་བ་ཤེས་རབ་གྲགས་དང༌། ཨན་འབར་བ་བྱང་ཆུབ་གཉིས་བཙུན་པའོ། །གཞན་ཡང་སྒྲོ་
མཉྫུ་ཤྲཱི་ལ་སོགས་པ་ཤིན་ཏུ་མང་བ་ལ་བཀའ་དྲིན་ནོས་སོ། །
མདོ་སྨད་དུ་བསྟན་པའི་མེ་རོ་བསླངས་ནས་ཤིན་ཏུ་རྒྱས་པར་གྱུར་ཏེ། དེའི་ཚེ་སྤང་གོང་
ཡེ་ཤེས་གཡུང་དྲུང་གིས་གྲུམ་ཡེ་ཤེས་རྒྱལ་མཚན་རབ་ཏུ་ཕྱུང་སྟེ་མཁས་སློབ་ཀྱི་གྲྭ་བཙུགས་
ནས་བཙུན་པའི་ཕུལ་དུ་ཕྱིན་ཏེ། གྲུབ་ཨཱ་ཙརྱ་ཡེ་ཤེས་རྒྱལ་མཚན་ཞེས་གྲགས་ལ། མཁན་
བུ་རྣམས་ལའང་བཙུན་བརྒྱུད་དུ་གྲགས་སོ། ། སྣུབས་དཔལ་གྱི་དབང་ཕྱུག་དང་ཨན་འབར་
བ་བྱང་ཆུབ་ཀྱིས་མཁན་སློབ་ཀྱི་གྲྭ་ལོགས་སུ་བཟུང་སྟེ་བསྐྱངས་པས་ཕན་ཆུང་བར་གྲགས་
ཀྱང༌། སློབ་མ་རྣམས་ལ་མཁས་བརྒྱུད་དུ་གྲགས་སོ། །དེ་ཡན་དུ་ལྕགས་མོ་བྱའི་ལོ་ལ་ཆོས་
བསྣུབས། ས་མོ་བྱའི་ལོ་ལ་བསྟན་པའི་མེ་རོ་བསླངས་པ་ཡན་ཆད་ལ་ལོ་བརྒྱ་དང་དགུ་དབུས་
གཙང་རུ་བཞི་ན་དགེ་སློང་གི་མིང་མེད་དོ། །
རྒྱལ་རབས་ཁ་ཤས་དང་ལོ་རྒྱུས་ཕལ་ཆེ་བ་ལས་དབུས་གཙང་གི་མཁས་པ་མི་བཅུའམ་
དྲུག་གིས་ཁམས་ལ་བྱོན། བླ་ཆེན་པོ་དགོངས་པ་རབ་གསལ་ལ་མཁན་པོ་ཞུས་ནས་སྡོམ་པ་
བླངས་སོ་ཞེས་པ་སོགས་དང༌། འདུལ་བའི་མཁན་བརྒྱུད་ལའང་དེ་བཞིན་གསུངས་པ་མང་
ཞིང་གྲགས་ཆེ་བ་ཡང༌། ཁུངས་སུ་མི་བཏུབ་པའི་ངག་བརྒྱུད་གཡམ་རྒྱུགས་སུ་འཆད་པ་དར་
བ་ནི་ཤིན་ཏུ་ནོར་ཞིང་འཁྲུལ་པ་མ་དག་པ་སྟེ། ཤིན་ཏུ་དག་པ་ཀླུ་མེས་ཆེན་པོས་བརྩམས་
22-1-140


ཆོས་ལས་བྱུང་བ་ལྟར་དྲིས་པ་ནི། དབུས་གཙང་གི་མཁས་པ་མི་བཅུ་གཉིས་ཡིན་སྟེ། ཇི་ལྟར་
ཡིན་ཞེས་ན་སྔ་མ་བདུན་དང་ཕྱི་མ་ལྔ་སྟེ་བཅུ་གཉིས་སོ། །སྔ་མ་བདུན་ནི་ཀླུ་མེས་ཚུལ་ཁྲིམས་
ཤེས་རབ། འབྲིང་ཡེ་ཤེས་ཡོན་ཏན། ཚོང་ཁེ་ཤེས་རབ་སེང་གེ།ལོ་སྟོན་རྡོ་རྗེ་དབང་ཕྱུག །
སུམ་པ་ཡེ་ཤེས་བློ་གྲོས། རྒྱ་བློ་གྲོས་ཤེས་རབ། གཞོན་བན་ཆོས་མཆོག་བཅས་དང་བདུན་
གྱིས་གྲུམ་ཨཱ་ཙཱཪྻ་ཡེ་ཤེས་རྒྱལ་མཚན་ལ་མཁན་པོ་ཞུས། ཅོག་རོ་ཤེས་རབ་བྱང་ཆུབ་ལ་སློབ་
དཔོན་ཞུས་ནས་བཀའ་དྲིན་ནོས་ཏེ། སྔ་མ་ལྔ་དགེ་སློང་དུ་བྱས། ཕྱི་མ་གཉིས་དགེ་བསྙེན་དུ་
བྱས་སོ། །
དེའི་འོག་ཏུ་དཔྱིས་ཕྱིན་པ་ལྔ་ནི་མཐའ་བཞི་རྒྱལ་འཕགས། རག་ཤི་ཚུལ་ཁྲིམས་འབྱུང་
གནས། སྦ་བཙུན་བློ་གྲོས་དབང་ཕྱུག་སྐྱེ་བོ་མྱང་འབན་ཆོས་སྐྱབས། གྲུབ་ཤེས་རབ་སྨོན་
ལམ་མོ། །དེ་ཡང་སྔོན་མ་རྣམས་ཀྱིས་དབུས་གཙང་ལ་ཡར་བྱོན་པ་དང༌། ཕྱིས་མ་རྣམས་མར་
བཞུད་པ་ལམ་དུ་འཕྲད་དེ་གར་འགྲོ་དྲིས་པས། མདོ་སྨད་དུ་སྡོམ་པ་ལེན་དུ་འགྲོ་ཟེར། ཐག་
ཤིན་ཏུ་རིང་བར་འདུག་པས་རྟོལ་བ་དཀའ། ངེད་ཀྱིས་བསླབ་པ་དེ་ལེགས་པར་བླངས་ནས་
ཡོད། ངེད་ཀྱིས་ཕོག་པས་ཆོག ཡར་ལ་ལོག་དེངས་བྱས་པས་མ་ཉན། འོ་ན་ངེད་ཀྱི་མཁན་པོ་
ལོངས་ཤིག མཁས་བཙུན་འཛོམས་པ་ཡིན་ནོ་ཞེས་སྨྲས་པས། ཁོང་རྣམས་ཀྱིས་ཀྱང་དེ་བཞིན་
བྱས་ཏེ་གྲུམ་ཡེ་ཤེས་རྒྱལ་མཚན་ལ་བཀའ་དྲིན་ནོས་ཏེ། དེ་ཡང་སྦ་རག་མཐའ་བཞི་གསུམ་
གྱིས་དགེ་སློང་བྱས། མྱང་གྲུམ་གཉིས་ཀྱིས་དགེ་བསྙེན་བྱས་སོ། །གྲུམ་གྱིས་ཕྱིས་བསྙེན་
པར་རྫོགས་ཀྱང་སྒོམ་སྒྲུབ་ལ་བརྩོན་པར་བྱས་ཏེ་སྡེ་མ་འཕེལ་ལོ། །དེ་བས་ཅུང་སྔ་བ་ན་
གཞུང་པ་ཆོས་སྐྱབས། རྒྱ་སྟོན་སེང་གེ། སྐལ་སྨོན་འབར་གྱིས་ཀྱང་ཕྱིན་ཏེ་སྡོམ་པ་བསླངས་
ཤིང་ཐོས་བསམ་བྱས་ཀྱང་སྒོམ་སྒྲུབ་ལ་བརྩོན་པས་སྡེ་མ་འཕེལ་ལོ། །ཐམས་ཅད་ཀྱི་འོག་
རོལ་དུ་རྨ་ཆོས་ཀྱི་བྱང་ཆུབ་ཅེས་བྱ་བས་ཁམས་སུ་ཐུག་སྟེ། ཡར་བྱོན་པ་ལ་སྐྱིད་ཤོད་ཀྱི་རྨ་
22-1-141


མཚོའི་སྡེ་རྣམས་བྱུང་བ་ཡིན་ནོ། །སྔ་ཚར་རྣམས་ཡར་བྱོན་པའི་ཚེ་མཁན་སློབ་གཉིས་ཀྱི་ཞལ་
ནས། ཁྱེད་ལྔས་དབུས་སུ་སྡེ་ཚུགས། ཀླུ་མེས་རྒྱུད་བཟང་ཁྱོད་ཀྱིས་མཁན་པོ་གྱིས་གསུངས་
ནས་རྣམ་སྦྱར་ཡང་གནང༌། ཚོང་ཁེ་བློ་རྣོ་ཁྱོད་ཀྱིས་སྡེ་སྣོད་ཤོད། ལོ་སྟོན་ཆོས་སྐྱོང་ཆགས་
པས་བསྟན་པ་སྲུངས༌། འབྲིང་ཕོ་སྒོ་ཟབ་ཅིང་བཟང་པ་ཁྱོད་ཀྱིས་གནས་བརྟན་གྱིས། སུམ་
པ་སྒོ་ཞན་པས་ཀླུ་མེས་ཀྱི་ཉེ་གནས་གྱིས་གསུངས་ནས་ཡར་བྱོན་ཏེ། མོར་དགེར་ལོ་གཅིག་
སྟབས་སུ་བཞུགས། དེ་ནས་མཁན་སློབ་ཀྱི་གསུང་བཞིན་སོ་སོར་གྱེས་པས། གཙང་དུ་ལོ་
ཚོང་གཉིས། དབུས་སུ་ཀླུ་འབྲིང་གཉིས་བྱུང་བ་ཡིན་ནོ། །སྤ་རག་གཉིས་ཀྱང་ཡར་བྱོན་ཏེ་
སྡེབས་ནས་སྡེ་བཙུགས་པ་ཡིན་ནོ། །དེ་ལྟར་སྐྱེས་བུ་སྟོབས་(ཅན)དབུས་གཙང་གི་མི་དྲུག་
ཅེས་ཡོངས་སུ་གྲགས་པ་ཡིན་ནོ། །དེ་ཡང་གཙང་པ་གཉིས་གཙང་དུ་སོང༌། ཚོང་ཁེས་མྱང་
སྨད་དུ་ཁྲིད་དང་བྱ་རྒྱུད་གཉིས་བཟུང༌། དེ་ནས་མྱང་སྟོད་ཁུ་ལེ་དང༌། ཉིང་རོ་དང༌། རྒྱང་རོ། 
འགོས་ཡུལ་སྟོད་གསུམ་ལ་སོགས་པར་རྒྱ་པོ་དང་གྲང་ཆུང་ལ་སྡེ་པ་མང་དུ་བྱས། དེའི་སློབ་
མ་རྣམ་གཉིས་དང་བཅས་རོང་གི་ངུར་སྨིག་དང༌། ཚེ་དམར་དང་སྐུ་ཐང་ལ་ཡག་ཚུན་ཆད་དུ་
དགེ་འདུན་གྱི་སྡེ་དང་གནས་གཞི་བཞི་བཅུའི་རྨང་ཉི་མ་གཅིག་ལ་བཏིང༌། དེ་སོགས་མང་
བར་རྒྱས་ཤིང་གྱེས་ཏེ་ཚོང་ཚོའི་སྡེ་ཞེས་གྲགས་སོ། །
ལོ་སྟོན་རྡོ་རྗེ་དབང་ཕྱུག་གིས་མྱང་སྨད་རྒྱན་གོང་གི་གཙུག་ལག་ཁང་གི་གཞི་བཏིང་
པས། དཀར་མོ་མཆེད་བཞིས་སྤྱན་ཕོར་ཆུང་ཙམ་རེ་བྱས་ཏེ་དངོས་སུ་བྱོན་ནས། མཐུ་སྟོབས་
ཀྱི་རྒྱ་མ་ཆུང་ཞིག་ངེད་ཀྱིས་གྲོགས་བྱས་ལ་སངས་རྒྱས་ཀྱི་བསྟན་པ་ཤིང་སྐམ་ལ་མེ་མཆེད་
པ་བཞིན་དུ་བཏང་ངོ་ཞེས་གསུངས། དེ་ནས་ལོ་སྟོན་གྱིས་གནས་གཞིའི་རྒྱ་བསྐྱེད་པས་ནམ་
མཁའ་ལས་སྒྲ་བྱུང་སྟེ། མི་ཆེན་པོའི་རྒྱལ་བ་འདི་ནི། ཤར་ཕྱོགས་ཀྱི་དེ་བཞིན་གཤེགས་པ་
སྤྱན་ཆེན་པོ་ཞེས་བྱ་བའི་སྤྲུལ་པ་ཡིན་པས་ཁྱོད་ཀྱི་མ་བཀོལ་ཡང་གྲོགས་བྱའོ། །ཞེས་གྲགས་
22-1-142


སོ། །དེ་ལ་མཁན་བུ་མི་བརྒྱད་བྱུང་སྟེ། སུམ་སྟོན་འཕགས་པ་རྒྱལ་མཚན། ལྕེ་སྟོན་ཤེས་རབ་
འབྱུང་གནས། གླང་སྟོན་བྱམས་པ། གཞུ་སྟོན་གཞོན་ནུ་བརྩོན་འགྲུས། རྒྱ་ཤཱཀྱ་བན་དྷེ། རྡར་
སྟོན་ཤཱཀྱ་བློ་གྲོས། སྐྱོ་སྟོན་ཤེས་རབ་རྡོ་རྗེ། ཀྱི་ཨཱ་ཙཱཪྻ་ཡེ་ཤེས་དབང་པོ། དེ་ལ་སུམ་སྟོན་
རྒྱན་གོང་གི་དཔོན་དུ་བསྐོས། ལྕེ་སྟོན་གྱིས་ཞྭ་ལུའི་དཔོན་བྱས། རྒྱན་གོང་འདི་ལོ་སྟོན་རྡོ་རྗེ་
དབང་ཕྱུག་གིས་གཙོ་བོར་མཛད། ཉེ་གནས་ལྕེ་བཙུན་ཤེས་རབ་འབྱུང་གནས་ཀྱིས་བཞེངས་
པའི་ཞབས་ཏོག་མཛད་ནས། བསྟན་པ་ཕྱི་དར་གྱིས་འགོ་མེ་[ས་]མོ་བྱ་ལོ་ལ་འགྲམ་བཏིང་
རྗེས་རྒྱན་གོང་གཙུག་ལག་ཁང་ཆེན་པོ་བཞེངས་པའི་མཐིལ་ལན་ལྕེ་བཙུན་གྱིས་མཛད་
པ་སོགས་སློབ་དཔོན་གཉིས་ཀྱིས་རྒྱན་གོང་གཙུག་ལག་ཁང་རྟེན་དང་བཅས་པ་ཡོངས་སུ་
རྫོགས་པར་བཞེངས་སོ། །
གླང་སྟོན་བྱམས་པས་ཁྲོ་ཕུག་དང་འོམ་ཕུག་མོ་བཏབ། གཞུ་སྟོན་གཞོན་ནུ་བརྩོན་
འགྲུས་ཀྱིས་ཆུ་མིག་རིང་མོ་བཟུང་ནས་འཕྲང་བྲག་དམར་པོ་སོགས་བཏབ། གཞུ་ཚོ་ཞེས་སུ་
གྲགས་སོ། །རྒྱ་སྟོན་ཤཱཀྱ་བན་དྷེས་གྲོམ་པ་རྒྱང་གི་མཁན་པོ་བྱས་པས། སྟག་ལོ་གཞོན་ནུ་
བརྩོན་འགྲུས། འབྲོག་མི་ཤཱཀྱ་ཡེ་ཤེས། ལེང་ལ་སོགས་པ་མཁན་བུ་མང་དུ་བྱུང་ངོ༌། །སྟག་
ལོ་གཞོན་ནུ་བརྩོན་འགྲུས་ཀྱིས་ལ་སྟོད་སེམས་ཚེར་བཟུང་སྟེ་གནས་གཞི་མང་དུ་བཏབ་པ་
ལས་ལ་སྟོད་སྟག་ཚོའི་སྡེ་པ་རྣམས་བྱུང་ངོ༌། །ཀྱི་ཨཱ་ཙཱརྱ་ཡེ་ཤེས་དབང་པོས་མྱང་སྨད་ཁྲིས་སུ་
གནས་གཞི་བཟུང་སྟེ། དེ་ལས་གྱེས་པས་མྱང་རོ་དང་ལྷན་ལ་སོགས་པའི་ཚོ་རྣམས་བྱུང༌། 
ལོ་རྒྱུས་འགའ་ཞིག་ལས་ལོ་སྟོན་རྡོ་རྗེ་དབང་ཕྱུག་གིས་རྒྱན་གོང་བརྩིགས། དེ་ལ་མཁན་
པོ་ཉི་ཤུ་རྩ་བཞི་བྱུང་སྟེ། རྒྱ་ཤཱཀྱ་གཞོན་ནུས་ལ་སྟོད་དམར་ལ་ཐང་བརྩིགས། དེ་ལ་འབྲི་
མཚམས་ཀྱི་བུལ་ཏོག་ལྷ་ཁང་སོགས་མཆེད་པ་ལ་རྒྱ་ཚོ་ཟེར། སྐྱོས་ཤེས་རབ་རྡོ་རྗེས་དོན་
མོ་རི་བརྩིགས། སྟག་ལོ་གཞོན་ནུ་བརྩོན་འགྲུས་ཀྱིས་སྟག་ལོ་ཁང་བརྩིགས། དེ་ནས་མཆེད་
22-1-143


པར་སྟག་ཚོ་ཟེར། ཨ་མེས་ཞུ་གཅིག་མས་འཕྲང་དང་བྲག་དམར་བཟུང༌། དེ་ནས་མཆེད་པ་
ལ་ཞུ་ཚོ་ཟེར། འདར་ཤཱཀྱ་ཡོན་ཏན་གྱིས་གཟུས་པོ་བཟུང༌། དེ་ནས་མཆེད་པ་ལ་འདའ་ཚོ་
ཟེར། ལི་བློ་གྲོས་གཞོན་ནུས་ཇོ་མོ་བརྩིགས། དེ་ནས་མཆེད་པ་ལ་མི་ཚོ་ཟེར། གླག་བྱང་
ཆུབ་རྒྱལ་མཚན་གྱིས་ཆུ་མིག་བརྩིགས། དེ་ནས་མཆེད་པ་ལ་གླག་ཚོ་ཟེར། ཆག་པའི་དགའ་
ཤེས་རབ་བླ་མས་བསྙེམས་བརྩིགས། རྔོག་ཡེ་ཤེས་འབྱུང་གནས་ཀྱིས་སྤང་དཀར་ལྷ་ལུང་
བརྩིགས། གླག་བཙུན་བྱམས་པས་འོམ་ཕུག་བརྩིགས། དེ་ནས་གཙང་འགྲམ་བཟུང༌། དེ་
ནས་བུམ་ཐང༌། ཆག་པ། ཏྲི་གོང༌། འགོས་སྟོན་ཁྲོམ་མ་ལ་སོགས་པ་ལ་གླང་ཚོ་སདྟོ་སྨད་
ཟེར་རོ། །མགོ་པ་གཡུང་དྲུང་གིས་འདྲེ་ལྷ་ཁང་བཟུང༌། དེས་ཞྭ་ལུ་ཡང་བཟུང༌། དེ་ནས་ཀ་
བཞི་གདུང་དྲུག །དེ་ནས་མཆེད་པ་ལ་ཞྭ་ལུ་བརྒྱ་སྐོར་ཟེར། ཀྱི་ཡེ་ཤེས་དབང་པོས་ཤངས་
ཀྱི་མཁར་ལུང་བརྩིགས། དེ་ནས་གྱོ་རེ་གླང་ར་བརྩིགས། གླང་ར་ནས་མཆེད་པ་ལ་གླང་ར་
སྐོར་ཟེར། ཉུག་གི་ཨུ་ལུང་ནས་གྱེས་པ་ལ་ཨུ་ཚོ་ཟེར། དེ་གཉིས་ལ་ཀྱི་ཚོ་སྨད་པ་ཟེར་རོ། །
དེ་ནས་ཨ་མེའི་མཁན་བུ་ཞང་སྟོན་ཚུལ་འབར་གྱིས་བྱ་རྒྱུད་བཟུང་སོགས། ལོ་སྟོན་གྱི་སློབ་
བརྒྱུད་དངོས་ནས་སོ་སོར་གྱེས་པའི་འདུལ་བ་བདུད་རྩིའི་སྙིང་ཁུའི་སྡེ་ཚོ་ཤིན་ཏུ་མང་བ་གྱེས་
ཚུལ་ཡོད་ཀྱང་ཡི་གེ་མང་བས་འཇིགས་ནས་མ་བཀོད་དོ། །
རྒྱན་གོང་དུ་རྗེ་བཙུན་ས་པཎ་(ས་པཎ་རྣམ་ཐར་བསྐལ་པ་བཟང་པོའི་ལེགས་ལམ་ལས། མུ་ཏིག་འོག་ཆགས་
གངས་ཀྱི་རི། །འཕྲེང་ལྡན་ནོར་འཛིན་ཡངས་པའི་རྒྱན། །གོང་དང་བླ་ན་མེད་པ་ཡིན། །བཀྲ་ཤིས་གཙུག་ལག་ཁང་ཆེན་པོར། །
རྣམ་འདྲེན་སྟོན་པ་ཉིད་དང་དེའི༌། །བསྟན་པ་གཉིས་ཀའི་བདག་ཉིད་ཅན། །བཅོ་བརྒྱད་གྲངས་ཀྱི་ཟོལ་དེ་ལས། །སྙིང་པོའི་ཆར་
ཡང་ཡོད་སྨྲའི་སྡེ། །བསྟན་མཁས་གཉིས་ལྡན་མཁན་ཆོས་ཀྱི་རྗེ།)ཡི་མཁན་པོ་ཁ་ཆེ་པཎ་ཆེན། སློབ་དཔོན་སྤྱི་
པོ་ལྷས་པ་བྱང་ཆུབ་འོད་སོགས་ཀྱིས་མཛད་ནས་བསྙེན་པར་རྫོགས། དབུས་བསིལ་བའི་རྡོ་
གཞོང་དང་བཅས་པ་ཡོད། བྱང་(བྱང་ཆུབ་དཔལ།)རྡོར་(རྡོ་རྗེ་དཔལ)རྣམ་གཉིས་གཅིག་གིས་བསྙེན་
22-1-144


པར་རྫོགས་པ་དང༌། གཅིག་གིས་ཐོག་མར་མཇལ་བ་ཡང་རྒྱན་གོང་འདིར་ཡིན་ནོ། །
ཞྭ་ལུའི་ས་ཕྱོགས་འདི་ཉིད་འཇིག་རྟེན་དབང་ཕྱུག་སྐུའི་རྣམ་པ་ལྷུན་གྱིས་གྲུབ་པ་སྟེ། 
བྱང་ཕྱོགས་རི་པད་མའི་འདབ་མ་ལྟར་སྣང་བ། མྱང་ཆུ་སྔོན་མོ་ཟླ་བ་ཆུ་ཤེལ་གདན་དང་གྲུབ་
པ། ཚོང་འདུས་རིན་པོ་ཆེའི་གླིང༌། གསང་གནས་འདོད་དགུ་འབྱུང་བའི་རྟེན་འབྲེལ་དང་
ལྡན་པ། བྱང་ཆུབ་དགེ་གནས་ཀྱི་ལྟེ་བ་རྩ་འདབ་འཁོར་ལོའི་དབྱིབས་སུ་གནས་པ། པཎ་
ཆེན་ལོ་པཎ་གྲུབ་ཐོབ་དུ་མས་ཐེག་པ་ཆེ་ཆུང་གི་ཆོས་ཀྱི་འཁོར་ལོ་བསྐོར་བའི་ལྟས་དང་ལྡན་
པ་དཔལ་ཞྭ་ལུ་གསེར་ཁང་འདི་ཐུགས་ཀ་ཆོས་ཀྱི་ཕོ་བྲང་རང་བྱོན་དུ་གནས་ཕྱིར། འཇིག་
རྟེན་དབང་ཕྱུག་གི་སྐུ་རང་བྱོན་དངོས་སུ་བཞུགས་ཤིང༌། འགྲོ་བ་རྣམས་ཀྱི་སྲིད་ཞིའི་རྒུད་
པ་མཐའ་དག་སྦྱོངས་ཤིང༌། མངོན་མཐོ་ངེས་ལེགས་བདེན་འབྲས་མཐའ་དག་འབད་མེད་
དུ་བསྐྲུན་པ། ཤར་ནུབ་ཀྱིས་འཛིན་ཕྱག་ཞབས་ཀྱི་དབྱིངས་སུ་གནས་པ། ལྷོ་ཕྱོགས་རི་བོ་
དབུའི་གཙུག་གི་རྣམ་པར་གྲུབ་པས། གྲུབ་ཐོབ་ཕོ་མོ་དཔག་ཏུ་མེད་པའི་སེམས་ཅན་གྱི་དོན་
མ་ལུས་པ་འགྲུབ་པའི་རྒྱལ་མཚན་ཁོར་ཡུག་ཏུ་འཇུག་པ། ས་ཕྱོགས་རྣམས་ཀྱང་གྲོག་སྦུར་
ལ་སོགས་པའི་སྲོག་ཆགས་ཕྲ་མོ་ཉུང་ཞིང་སྐྱེ་བོ་ཐམས་ཅད་ཀྱང་རང་བཞིན་གྱི་རྒྱུད་དུལ་བ། 
ཕན་ཚུན་ཕ་མ་ལྟར་བྱམས་པའི་སེམས་དང་ལྡན་པའོ། །
དེའང་མཁན་བརྒྱུད་དང་དབོན་བརྒྱུད་གྲགས་པ་ཅན་བྱོན་པའི་རྟགས་སུ། བྱང་ཕྱོགས་
ཀྱི་ཆུ་ཀླུང་འདི་གཡུ་འབྲུག་སྔོན་མོ་མཁའ་ལ་འཕྱོ་བ་འདྲ་ཞིང་རྒྱུན་མི་འཆད་པར་བབས་པ། 
མཁས་གྲུབ་དགེ་བའི་བཤེས་གཉེན་བསྟན་པ་འཛིན་པའི་སྲོག་ཤིང་དུ་གྱུར་པ་འབྱུང་བའི་
མཚན་མར་ལྷོ་ཕྱོགས་ཀྱི་རི་གསེར་གྱི་གདུགས་ཕུབ་པ་འདྲ་བ། སྲིད་ཞིའི་རྒུད་པ་སེལ་ཞིང་
མངོན་མཐོ་ངེས་ལེགས་དང༌། འདོད་དགུ་ལྷུན་གྱིས་གྲུབ་པའི་ལྟས་ལ། ཤར་ཕྱོགས་ཀྱི་རི་
ལྷུན་པོ་རིན་པོ་ཆེ་འབར་བའི་དབྱིབས་སུ་གནས་པ་ལས་ཉམས་དང་རྟོགས་པ་རྒྱུན་མི་ཆད་
22-1-145


པ་གོང་ནས་གོང་དུ་འཕེལ་བའི་ཕྱིར། ནུབ་ཕྱོགས་ཀྱི་ས་འཛིན་པད་མ་རཱ་གའི་གཞོང་པ་ལྟ་
བུ། བདེ་བར་གཤེགས་པའི་སྐུ་གསུང་ཐུགས་ཀྱི་རྟེན་རྒྱལ་བ་སྲས་དང་བཅས་པ་དང༌། འདོད་
དགུ་ལྷུན་གྱིས་གྲུབ་པའི་ལྟས་ལ་ལོ་པཎ་གྲུབ་ཐོབ་དུ་མའི་སྐུ་གདུང་རིང་བསྲེལ་བསྡུ་བའི་ས་
ལ་ལེགས་པར་བལྟམས་པའི་ཆོས་སྐུའི་རྟེན་དཔག་ཏུ་མེད་པ་བཞུགས་པའོ། །
གཞན་ཡང་སྒོམ་པ་ངན་པར་མི་བྱུང་ཞིང༌། ཞི་བའི་ལས་གྲུབ་པའི་རྟགས་སུ་ཤར་ཕྱོགས་
ཀྱི་རི་གླང་པོ་ཆེ་ཉལ་བ་འདྲ་བ་ལྟ་བ་ངན་པ་མི་འབྱུང་ཞིང༌། རྒྱས་པའི་ལས་གྲུབ་པའི་མཚན་
པར་ལྷོ་ཕྱོགས་ཀྱི་ས་འཛིན་གདུགས་ཀྱི་དབང་པོ་འཕྱོ་བ་འདྲ་ཞིང༌། ས་ཕྱོགས་གསེར་གྱི་
མདོག་ཏུ་སྣང་བ། བཤད་སྒྲུབ་ལས་མི་གཡེལ་ཞིང༌། དབང་གིས་ལས་འགྲུབ་པའི་ལྟས་ལ། 
ནུབ་ཕྱོགས་ཀྱི་རི་ནམ་མཁའ་ལ་བསྙེགས་པ་འདྲ་ཞིང༌། བྱུ་རུའི་ཕུང་པོ་སྤུངས་པ་དང་འདྲ་བ། 
གསང་སྔགས་ཀྱི་སྣོད་དང་ལྡན་ཞིང༌། དྲག་པོའི་ལས་འགྲུབ་པའི་རྟགས་སུ། བྱང་གི་གྲོག་པོ་
རྡོ་རྗེ་བཙུན་མོའི་ཆོས་འབྱུང་གི་དབྱིབས་སུ་གནས་པ། ནང་གསོ་ཞིང་བཅུད་ལེན་གྲུབ་པའི་
ཕྱིར། སྨན་ཆུང་དང་ཅུང་ཞི་རྩྭ་རྟག་ཏུ་ངུ་དང་སྨན་དང༌། རྫས་ཀྱི་བྱེ་བྲག་དུ་མ་སྐྱེ་བ། གཞན་
ཡང་ས་ཕྱོགས་དར་དང་རིན་པོ་ཆེ། གསེར་དངུལ། ཟངས་མཚལ་སྤང་མཐིང་ལ་སོགས་པའི་
གསེར་ཁ་དུ་མ་ལྷུན་གྲུབ་ཏུ་གནས་པ། ཕོངས་པ་རྣམས་ཀྱིས་དབུལ་བ་སེལ་ཞིང་འབྱོར་པའི་
དཔལ་ལ་སྤྱོད་པ། རང་བཞིན་གྱིས་གྲུབ་པའི་ས་གཞི་དང་རི་བོ་རྣམས་ཀྱང་རིགས་ལྔའི་ཕྱག་
མཚན་དང་བཀྲ་ཤིས་རྫས་བརྒྱད་ཀྱི་དབྱིབས་སུ་གནས་པ། སྲིད་ཞི་དཔལ་འབྱོར་མ་ལུས་
པས་གང་ཞིང༌། མཁས་གྲུབ་དུ་མའི་འབྱུང་གནས་དཔལ་ཞྭ་ལུ་གསེར་ཁང་འདི་ནི། ལོ་སྟོན་
གྱི་ཉེ་གནས་ལྕེ་བཙུན་ཤེས་རབ་འབྱུང་གནས་ཀྱིས་ལོ་སྟོན་ལ་བདག་གིས་མདའ་རྙོབས་
པར་གནས་གཞི་ཞྭ་ལུ་ཙམ་གཅིག་བརྩིགས་པར་ཞུ་ཞུས་པས། དེ་བཞིན་གྱིས་གསུངས་ནས། 
ཕྱག་མདའ་གསེར་གྱིས་བཀང་ནས་ཕུལ་བས། ལོ་སྟོན་གྱི་ཕྱག་མདའ་བསིར་བསིར་ལན་
22-1-146


གསུམ་མཛད་ནས། ལྕེ་བཙུན་ཤེས་རབ་ཆེ་གསུངས་ནས་འཕངས་པས་ད་ལྟ་བཙན་ཁང་
རྙིང་མའི་མདའ་འབུམ་ཞེས་གྲགས་པ་འདི་ཡིན། དེ་ནས་ལྕེ་བཙུན་རང་གིས་ཞྭ་ལུའི་གཙུག་
ལག་ཁང་གི་དབུ་རྩེ་ནུབ་མ་གཉིས་ཀྱི་ལྷོ་བྱང་གཉིས། ཤར་མའི་ཡུམ་ཆེན་མོའི་སྟེང་མན་དང་
འོག་ད་ལྟ་མགོན་ཁང་བྱས་པ་འདི་དེ་དུས་བཞེངས་སོ། །རྒྱུ་རིན་པོ་ཆེ་སྣ་ཚོགས་ལས་གྲུབ་
པའི་སྤྱི་སྟེ་གུ་རུ་བཞེངས། ད་ལྟ་རང་བྱོན་བཞུགས་པའི་ལྷོ་ཕྱོགས་ན་ཞལ་བྱང་གཟིགས་ན་
བཞུགས་པ་དེ་བཞེངས་ནས་གསོལ་བ་བཏབ་པས། དེའི་ཞལ་ནས་རྒྱ་གར་རྡོ་རྗེ་གདན་ན་ཇོ་
བོ་ཁ་སར་པཱ་ཎི་དེ་བཞིན་གཤེགས་པ་དགུང་ལོ་བཅུ་གཉིས་པའི་སྐུ་ཚད་ཁྱད་པར་འཕགས་
པ་ཞིག་འབྱོན་པར་འདུག་པའི་གདན་དྲོངས་གསུངས་པས་དེར་ལྕེ་བཙུན་གྱིས་གདན་འདྲེན་
པའི་འདུན་པ་མཛད། དོན་གཉིས་པ་བོད་ཀྱི་སྡོམ་པ་འདི་མ་དག་པར་ཤེས་ནས། ཞྭ་ལུ་དགེ་
འདུན་ཆོས་སྡེ་དང་བཅས་འགོ་བ་ཡེ་ཤེས་གཡུང་དྲུང་ལ་གཏད། དེ་དུས་ཞྭ་ལུ་པ་ལ་ཀ་བཞི་
གདུང་བརྒྱད་བྱུང་ཟེར། དེ་ནས་ལྕེ་བཙུན་གྱིས་རྒྱ་གར་རྡོ་རྗེ་གདན་ལ་བྱོན། རྡོ་རྗེ་གདན་པ་
ཆེན་པོ་སློབ་དཔོན་ཨ་བྷ་ཡ་ཀ་ར་ལ་སྡོམ་པ་བླངས། ཆོས་མང་པོ་ཞུས། སྤྱན་རས་གཟིགས་
ཁ་སར་པ་ཎི་སྤྱན་དྲངས་པས། རྒྱ་གར་གྱི་ལྷ་བསྲུང་རྣམས་མ་དགའ་ནས། ཆུ་བོ་གང་གཱ་ལ་
སྤྱན་མ་འདྲོངས། དེར་ལྕེ་བཙུན་གྱིས་དཀོན་མཆོག་ལ་ཞག་གསུམ་གསུམ་གྱི་བར་དུ་གསོལ་
བ་བཏབ་པས། མོན་པའི་མི་ཐ་མལ་པས་ཉིས་འགྱུར་བས་ཆེ་བ་གཅིག་བྱུང་ནས་རྣལ་འབྱོར་
པ་ཁྱོད་སྐུ་འདི་གར་སྤྱན་དྲངས་པ་ཡིན་ཟེར། བོད་ན་ཞྭ་ལུ་ཟེར་བའི་གཙུག་ལག་ཁང་གཅིག་
ཡོད་དེ་རུ་སྤྱན་འདྲེན་པ་ཡིན་བྱས་པས། འོ་ན་ངས་འཁུར་གྱིས་གླ་བྱའམ་ཟེར། བོད་ཀྱི་ཞྭ་
ལུ་ཚུན་བསྐྱལ་གླ་ཇི་ཙམ་དགོས་པ་སྟེར་གསུངས་ནས་སྤྱན་དྲངས་ཏེ། ཞྭ་ལུའི་གཙུག་ལག་
ཁང་གི་རྟེན་གྱི་གཙོ་བོ་ལ་བཞུགས་ཏེ་ད་ལྟ་རང་བྱོན་གྱི་སྐུ་རྒྱབ་ན་བཞུགས་པ་ཡིན་ནོ། །སྤྱན་
འདྲེན་མཁན་གྱི་མི་རང་བཞིན་མིན་པར་ཡལ་(མགོན་པོ་བེང་གི་སྤྲུལ་པའོ།)སོང༌། རྟེན་ངོ་མཚར་ཆེ་
22-1-147


བར་གྲགས་སོ། །
དེ་ནས་ཇོ་བོ་ཆེན་པོ་རྗེ་དཔལ་ལྡན་ཨ་ཏི་ཤ་ཞོར་ལ་སྤྱན་དྲངས་ནས་ཞྭ་ལུའི་གཙུག་ལག་
ཁང་ལ་རབ་གནས་ཞུས་པས་རབ་གནས་ལེགས། ཁྱད་པར་ཡུམ་ཆེན་མོའི་སྤྱན་ལ་རབ་
གནས་ཆགས་ཏེ་བཀྲ་ཤིས་སོ། །དེ་དུས་ཇོ་བོའི་ཞལ་ནས་ཇོ་བོ་ཐུགས་རྗེ་ཆེན་པོ་ལ་ཡི་དམ་
བྱེད་པ་སུ་ཡོད་གསུངས་པས། ལྕེ་བཙུན་གྱི་བདག་བདོག་ལགས་ཞུས་པས། འོ་ན་ཆུ་བོ་སིན་
དྷུའི་འགྲམ་ནས་འཕགས་པ་སྤྱན་རས་གཟིགས་རང་བྱོན་གཅིག་བྱོན་པར་གྱུར་རོ་ཞེས་ལུང་
བསྟན་ཏོ། །དེ་དུས་ཞྭ་ལུ་པ་ཆེ་བ་རྣམ་པ་བཞི་ཟེར་བ་ཡོད་དེ། ལས་ཀ་བཞི་ཡིན་པས་ཆེ། ཡོན་
བདག་བཙད་པོ་ཡོད་པས་ཆེ། སྡོམ་པ་རྒྱལ་བ་ར་མ་ཡིན་པས་ཆེ། རུས་པ་ལྕེ་ཡིན་པས་ཆེ། 
ཁྲོམ་གཞེར་འདོང་ཁྲི་ནས་ལྕེ་དཀར་ནག་གཉིས་སུ་གྱེས་སོ། །འོད་གསལ་གྱི་ལྷ་ནས་(གནམ་
རིམ་པ་བཅུ་གསུམ་གྱི་སྟེང་ནས་འབྲུག་ལྟ་བུའི་ལྕེ་དང་ས་མེར་གྱི་ཞུ་བ་ལྟ་བུའི་བཙུན་མོ་བཤོས་པའི་སྲས་ལ་ལྷ་གན་རྩེ་རྒྱལ་པོ་
བྱུང༌། དེས་གདུང་རྒྱུད་ལ་ལྕེའི་མིང་ཐོབ། ལྷ་གན་རྩེ་རྒྱལ་པོ་དང་ཀླུ་གཟའ་བཙུན་མོ་བཤོས་པའི་སྲས་ལ་ལྕེ་ཉི་ཟེར་འཕྲུལ་གྱི་
རྒྱལ་པོ་བྱུང༌། དེ་ལས་སྲས་བདུན་གྱིས་ཐང་ཆུ་ཤེལ་གྱི་སྐས་ལས་བབས་ཏེ། སྟག་གཟིག་གི་ཡུལ་དང༌། དེ་ནས་ཧོར། དེ་ནས་རྒྱ་
ཡུལ། དེ་ནས་ཡར་རིམ་འཁྱུད་ཀྱིས་ཡར་ལུང་དུ་ཕེབས་སོ།)བབས་ཤིང༌། བོད་ཡུལ་དུའང་རྒྱལ་པོ་སྲོང་བཙན་
སྒམ་པོའི་ནང་བློན་(ལྕེ་དབང་ཆེན་མོས་མཛད།)བགྱིས་ནས་བསྟན་འགྲོ་ལ་ཕན་པ་རྒྱ་ཆེན་པོ་བྱས། 
དེའི་རྗེས་སུ་(སྒྲ་བསྒྱུར་གྱི་ལོ་ཙཱ་བ་ལྕེ་ཁྱི་འབྲུག་དང་ལྕེ་ལོ་ཙཱ་བ་ཛྙཱ་ན་སིདྷ་སོགས་ཀྱིས་ཤེར་ཕྱིན་སོགས་བསམ་གྱིས་མི་ཁྱབ་
པ་བསྒྱུར་ཅིང་སྒྲའི་གནས་བརྒྱད་ལ་སོགས་པ་བརྩམས། ལོ་ཙཱ་བ་ལྕེ་ཁྱི་འབྲུག་གིས་སྒྲ་བསྒྱུར་གྱི་ལོ་ཙཱ་བ་དང་རྒྱལ་པོ་ཁྲི་སྲོང་ལྡེའུ་
བཙན་དང་སད་ན་ལེགས་གཉིས་ཀྱི་ནང་བློན་མཛད་དོ། །གཞན་ཡང་ལྕེ་བློ་ལྡན་སེང་གེ་དང༌། ལྕེ་མདོ་སྡེ་པ་སེང་གེ་ལ་སོགས་
རྣལ་འབྱོར་གྱི་བཀའ་སྲོལ་འཛིན་པ་མང་དུ་བྱོན། ལྕེ་ལོ་ཙཱ་བ་དགའ་བའི་དཔལ་དང༌། ལྕེ་ལོ་ཙཱ་བ་ཀླུ་མེས་དང༌། ལྕེ་ལོ་ཙཱ་བ་བཀྲ་
ཤིས་བརྩེགས་དཔལ་སོགས།)ལོ་ཙཱ་བ་མཆོག་ཏུ་གྱུར་པ་དང༌། བློན་པོའི་ཚུལ་བཟུང་ནས་ཕན་པ་རྒྱ་
ཆེན་པོ་མཛད་པ་དེའི་རིགས་རྒྱུད་ལ་བྱོན་པ། ལྕེ་བཙུན་ཤེས་རབ་འབྱུང་གནས་ཀྱིས་གཙུག་
22-1-148


ལག་ཁང་བཞེངས་པའི་རྗེས་སུ་ལྕེ་བཙུན་གྱི་ཕ་ཡུལ་འབུམ་གྱི་ཇོ་ཇོ་སྟག་གི་རྒྱལ་མཚན་གྱི་
བུ་གཡུ་ཐོག་སྒྲ་གསེར་བཟང་བྱ་བ། ལྕེ་བཙུན་ལ་མཇལ་དུ་བྱུང་བས། བཙུན་པར་བཅུག །
ཉེ་གནས་བཅོལ། གཅུང་པོ་ཤེས་རབ་ཡེ་ཤེས་ཀྱི་རྗེས་སུ་ཞྭ་ལུའི་གདན་ས་ཡང་གཡུ་ཐོག་
སྒྲ་གསེར་བཟང་གིས་བྱས། གཡུ་ཐོག་སྒྲ་གསེར་བཟང་བསླབ་པ་འཆལ་ནས་དཔོན་རྒྱུད་
དུ་སོང༌། གདན་ས་ཁྱུང་པོ་གྲགས་སེང་ལ་གཏད། ཁོང་རང་གིས་དཔོན་བྱས་ཏེ་མངའ་རིས་
བསྐྱངས། ཁྱུང་ལ་གཡུ་ཐོག་སྒྲས་གནས་འདི་ལ་ལྕགས་རི་གཅིག་གཏོང་བྱས་པས་འཐད་
པའི་གྱིས་གསུངས། ནང་དུ་ཁྲོན་པ་གཅིག་འདྲུ་བྱས་པས་འཐད་གསུངས། དེ་གཉིས་ཚར་བ་
དང༌། གཡུ་ཐོག་སྒྲ་གསེར་བཟང་གི་དུས་སུ་གཡས་སུ་བྱེ་མ་གཡུ་ཟུར། ས་ཞིང་སྔོ་ཞིང་ཡིད་དུ་
འོང་བ། འགྲོ་བའི་དེད་དཔོན་འབྱོན་པའི་གནས་བྱང་སྐྱོབ་པ། ལྷོ་གཞོལ་པ། མདུན་ན་ནེའུ་
གསིང་ལ་མེ་ཏོག་དཔག་ཏུ་མེད་པ་འཁྲུངས་པ། བྱ་སྣ་ཚོགས་སྙན་པའི་སྒྲ་སྒྲོག་པ། རི་དྭགས་
སྣ་ཚོགས་དགའ་བའི་གར་བྱེད་པ་དེར་རང་བྱོན་གྱི་ཇོ་བོ་འདི་ཉིད་དབུ་མྱུག་གེ་བཞུགས་
འདུག་པ་ལ། དགེ་བསྙེན་རྡོ་རྗེ་འབུམ་ཞེས་པ་དེས་ར་ལུག་འཚོར་ཕྱིན་པ་དང༌། སྤྲུལ་པའི་
ར་མ་གཡུའི་ཨོག་འཛར་ཉིལ་ལེ་བྱས་པ་གཅིག་ཡོད་པ་དེས་གཡས་ཕྱོགས་སུ་སྐོར་བ་བྱེད་
ཀྱིན་འོ་མའི་ཁྲུས་གསོལ་བ་དེ་མཐོང་ནས་དགེ་གཉེན་དད་པ་མཚུངས་མེད་སྐྱེས་ཏེ། གཡས་
སུ་གཙང་འགྲམ་དུ་སྤྱན་དྲངས་པས་བྱོན་ནས་གཙང་འགྲམ་དུ་བཞུགས། དེ་དུས་ཞྭ་ལུ་པའི་
སློབ་དཔོན་བརྩོན་འགྲུས་ཞེས་པ་དེས་མཚམས་སྦྱར་ནས་ཞྭ་ལུ་བས་ཆོས་བཀའ་རྒྱས་འབྲིང་
བསྡུས་གསུམ་གཙང་འགྲམ་པ་ལ་སྤྲད། ཇོ་བོ་རང་བྱོན་ཞྭ་ལུ་རི་ཕུག་ཏུ་སྤྱན་དྲངས་བཞུགས་
སུ་གསོལ་བ་ལ། དེ་དུས་ཆུ་ཞལ་འཁྲུག་པའི་འུར་ཤོད་ཡོད་པས་ཆུ་མིག་པ་རྣམས་ཀྱིས་ཇོ་
བོ་ཉིད་བརྐུས་ཏེ་ཕྱིན་པས། ཇོ་མོ་རི་ཕུག་མས་ཇག་འཆིང་བརྒྱབ་ནས་གར་ཡང་བགྲོད་མ་
ཐུབ། རྐུན་མ་རྣམས་ཀྱིས་བཅག་པས་ཀྱང་མ་ཆག་པ། མི་འཇིགས་པ་རྡོ་རྗེའི་སྐུར་བྱིན་གྱིས་
22-1-149


བརླབས་ནས་ཁུར་ཀྱང་མ་ཐེག །བཅག་ཀྱང་མ་ཆག་པ་འདུག །དེ་དུས་རྒྱ་གར་བ་དང་བལ་
པོ་དབུས་གཙང་བ་རྣམས་ཡོན་བདག་ཏུ་དགའ། ཁྱད་པར་བལ་པོ་རྣམས་ཡོན་བདག་བཟང༌། 
བལ་པོ་རྣམས་ཀྱིས་རྒྱན་རི་དང་ཞལ་རི་ནོར་གྱི་དགོས་ནས་ཞལ་རiའི་མདའ་རུ་མཆོད་རྟེན་
བཞེངས་པ་དེང་སང་ཡང་བལ་པོ་མཆོད་རྟེན་དུ་གྲགས་པ་རྒྱན་གོང་གི་ནུབ་སྟོད་ན་བཞུགས་
སོ། །
དེ་ནས་ཞྭ་ལུ་པ་དང་རི་ཕུག་པ་བཀའ་བགྲོས་ཏེ། ཇོ་བོ་འདི་ཞྭ་ལུར་འགྲོ་དོན་ཆེ་བ་ཡོད་
སྙམ་ནས་ཇོ་བོ་ཞྭ་ལུར་སྤྱན་དྲངས་ཏེ། ཡང་ཇོ་བོ་ཉིད་གཙང་ཁང་དུ་བཞུགས་སུ་གསོལ་སྙམ་
པས། ཇོ་བོའི་ཞལ་ནས་ང་མས་འཕང་ན་བུ་སྡོད་པ་བཞིན་ཡིན་ཞེས་གསུང་བྱོན་ནས། སྔ་
སོར་རྒྱ་གར་ནས་གདན་དྲངས་པའི་སྤྱན་རས་གཟིགས་ཁ་སར་པ་ཎི་དེའི་སྐུ་པང་ན་བཞུགས་
པ་འདི་ཡིན་ནོ། །འདིར་སྨྲ་ཏིའི་ཐུགས་དམ་རྟེན་གྱི་ཐུགས་རྗེ་ཆེན་པོ་ཡང་བཞུགས། ཞྭ་ལུའི་
གཙང་ཁང་ནུབ་མ་གཉིས་ཀྱི་ལྷོའི་རྟེན་གྱི་གཙོ་བོ་ལ་བཞུགས་སོ། །དེ་ནས་གཡུ་ཐོག་སྒྲ་
གསེར་བཟང་གི་སྲས་ལྕེ་འབུམ། དེའི་སྲས་ལྕེ་འབུམ་མེ་དང༌། འབུམ་དར་གཉིས་འཁྲུངས་
སོ། །དེ་ན་ཞྭ་ལུ་ཁྲི་སྐོར་གྱི་མིང་ནི་མེད། མངའ་རིས་ནི་ཁྲི་སྐོར་ཙམ་ཡོད། 
ཞྭ་ལུ་པའི། ཀ་བ་བཞི། གདུང་མ་བརྒྱད། བྱང་དུ་སེང་གེ་རལ་པ་ཅན་དང་དགུ༌། ལྕམ་
བདུན་ཅུ་ཐམ་པ་ཞེས་གྲགས། ཀ་བ་བཞི་ནི་སྒ་གདོང་དམ་པ་ཆོས་ཀྱི་ཀ་བ། སྐུ་རི་ཇ་སྐྱུས་ཁ་
དྲག་དཔུང་པའི་ཀ་བ། གཡུས་སྒྱུ་མ་ནོར་གྱིས་ཀ་བ། ནེ་སེར་ཐུའི་ཀ་བ་སྟེ་ཀ་བ་བཞིའོ། །
གདུང་མ་བརྒྱད་ནི་ཤར་དུ་ཀྱི་གྲུ་ཤ་བྱར་ཚལ། ལྷོར་འར་མུག་པ། འབྲི་མཚམས་ནུབ་ཏུ་
ལྡོག །ཟ་རྐང་སྦོ་བྱང་དུ་མཉལ་རྗེ་འབངས། ཅོག་རོ་པཎ་ནོ། །བྱང་གི་སེང་གེ་རལ་པ་ཅན་
ནི་འུ་ཡུག་གོས་སྔོན་ཅན་གྱི་ལུང་པ་ཡིན། ཨ་མེས་འབུམ་དར་ལ་སྲས་ཨ་མེས་འབུམ་བསྟན་
སྐུ་མཆེད་གཉིས། ཨ་མེས་འབུམ་བསྟན་གྱི་ཇོ་མོ་མཉལ་མ་བྲེལ་ཆུང་ཁབ་ཏུ་བཞེས་པ་ལ་
22-1-150


སྲས་ཨ་མེས་ཆེན་པོ་སངས་རྒྱས་ཡེ་ཤེས་དང་ཤཱཀྱ་བློ་གྲོས་འཁྲུངས། ལྕེ་ཨ་མེས་འབུམ་མེས་
ལ་སྲས་ཨ་མེས་དགེ་འདུན་བཟང་པོ་འཁྲུངས་པ་ཡིན། ཨ་མེས་ཆེན་པོ་སངས་རྒྱས་ཡེ་ཤེས་
ཀྱི་དུས་སུ་ཆུ་ཞལ་འཁྲུགས་སྐབས་གཙང་ཁང་གི་རྟ་མགྲིན་འདིས་ཐེངས་གསུམ་བཏོན་ནས་
ཆུ་མིག་པ་ཕམ་སྟེ་ཨ་མེས་ཆེན་པོ་སངས་རྒྱས་ཡེ་ཤེས་ཀྱི་ཇོ་མོ་ཚ་ཚ་བཙུན་ནེ་ཁབ་ཏུ་བཞེས་
པ་ལ་སྲས་སྐུ་ཞང་རྔ་སྒྲ། སྐུ་ཞང་མགོན་པོ་དཔལ། སྐུ་ཞང་ཀུན་དགའ་འབུམ་སྡེ་སྐུ་མཆེད་
གསུམ། སྲས་མོ་མ་གཅིག་མཁའ་འགྲོ་འབུམ། ཇོ་ཇོ་སྟག་འབུམ། ཇོ་ཇོ་ཡེ་ཤེས་འབུམ་སྡེ་
སྲས་མོ་གསུམ། ཀུན་དྲིལ་ལྕམ་སྲིང་དྲུག་འཁྲུངས་སོ། །ལྕེ་ཨ་མེས་ཆེན་པོ་སངས་རྒྱས་ཡེ་
ཤེས་ཀྱི་སྲས་མོ་མ་གཅིག་མཁའ་འགྲོ་འབུམ། འགྲོ་མགོན་ཕྱག་ནའི་ཇོ་མོར་ཕེབས། སྲས་
དྷརྨ་ཕ་ལ་རཀྵི་ཏ། དེའི་བཙུན་མོ་མ་གཅིག་འབུམ་གྱི་སྲིང་མོ་ཇོ་བོ་སྟག་འབུམ་སྤྱན་དྲངས། 
དེའི་སྲས་རནྟ་ཕ་ལ་རཀྵི་ཏའོ། །ས་སྐྱ་པ་དང་སྐུ་གཉེན་དུ་འབྲེལ་ཚུན། ལྕེའི་གདུང་རྣམས་ལ་
ཆེན་པོ་དང་སྐུ་ཞང་གི་མིང་ཐོབ་བོ། །ཨ་མེས་ཆེན་པོ་སངས་རྒྱས་ཡེ་ཤེས་ཀྱི་སྐུ་ཚེའི་སྨད་ལ་
སེ་ཆེན་རྒྱལ་པོའི་སྨོན་གྲོ་སྟོང་སྐོར་སྣར། གདུང་བརྒྱུད་ཐམས་ཅད་ཀྱི་རྩ་བ་སྐུ་ཞང་ཡིན་པས་
སྐུ་ཞང་རྔ་སྒྲ་རུ་སྣང༌། སྐུ་ཞང་མགོན་པོ་དཔལ་ལ་ཞྭ་ལུ་ཁྲི་སྐོར་ལྷ་སྡེ་མི་སྡེ་གནང་ངོ༌། །
ཨ་མེས་ཆེན་པོ་སངས་རྒྱས་ཀྱི་དུས་མཁས་པ་ཆེན་པོ་དབུས་སྟོན་སེང་གེ་འོད་ཞྭ་ལུའི་
མཁན་པོར་བསྐོས། རནྟ་ཕ་ལ་སྐུ་ན་ཕྲ་མོ་ལ་གྲོངས། དེའི་སྤུར་སྦྱངས་ནས་རིང་བསྲེལ་ཕུང་
པོ་(འབའ་ཞིག་ཏུ་སོང་འདུག་ནས་བླ་མ་བགྲེས་པོ་རྣམས་ལ་རིང་བསྲེལ་འབྱོན་དཀའ་ནས་བུ་ཆུང་འདི་ལ་རིང་བསྲེལ་ཕུང་པོ།)
འབྱོན་པ་ཡ་མཚན་ཆེ། ས་སྐྱ་པའི་གདུང་རྒྱུད་ཡིན་པ་ཙམ་གྱིས་བཟང་འདུག་པས་བརྒྱུད་པ་
ནས་བརྒྱུད་པར་བཅས་པ་གོང་མའི་བླ་མ་འཆོལ་པ་ཡིན་པས་བདག་ཉིད་ཆེན་པོ་སྨོན་ཙེ་ཡུལ་
ཧོར་ནམ་ཞིང་དུ་སྤྱུགས་པ་གདན་དྲངས། བོད་དུ་བྱོན་ནས་ཇོ་མོ་བདུན་ལོངས་ལ་རྒྱུད་པ་
སྤེལ་གསུངས་པས་ལུང་དང་འཇགས་ས་མཛད། རྒྱུད་པ་སྤེལ་བས་དེང་སང་གི་བར་དུ་རྒྱལ་
22-1-151


པོའི་བླ་མ་པའི་བདག་པོར་ཡོད་པ། ཞྭ་ལུ་པ་ཡུམ་སྲས་ཀྱི་དྲིན་ཡིན་ནོ། །
སྐུ་ཞང་རྔ་སྒྲའི་རྗེས་ལ་ཞ་ལུའི་དཔོན་སྐུ་ཞང་མགོན་པོ་དཔལ་གྱིས་བྱས། བློ་འབུར་བྱང་
མ་སྒོ་གསུམ་མ་བཞེངས། སྒོ་གསུམ་མའི་ནང་དུ་ཁོང་རང་གི་ཡབ་ཨ་མེས་ཆེན་པོ་སངས་རྒྱས་
ཡེ་ཤེས་ཀྱི་ནང་རྟེན་ལ་ཐུབ་པ་ཆེན་པོའི་གསེར་སྐུ་ཁྲི་རྒྱབ་དང་བཅས་པ་ན་བཟའ་གོས་ཆེན་
དམར་སྨུག་གི་ཆོས་གོས་གྲུ་འཛར་རྣམས་མུ་ཏིག་གིས་བྱས་པ་དང༌། གསུང་རབ་རྒྱས་འབྲིང་
བསྡུས་རྣམས་བཞེངས་སོ། །ཞྭ་ལུའི་མཁན་རྒྱུད་ནི་ལྕེ་བཙུན་ཤེས་རབ་འབྱུང་གནས་གཅུང་
པོ་ཤེས་རབ་ཡེ་ཤེས་ཁུ་བོ་གཡུ་ཐོག་སྒྲ་གསེར་བཟང༌། ཁྱུང་པོ་གྲགས་སེང་གིས་མཁན་པོ་
མངོན་པ་བ་ལ་གདན་ས་གཏད་མངོན་པ་བས་ཞྭ་ལུ་གཞོན་བརྩོན་པ་ལ་གདན་ས་གཏད། དེ་
རྗེས་ཝ་ཆོས་བྱང་པ་ཡོད། ཨ་མེས་ཆེན་པོ་སངས་རྒྱས་ཡེ་ཤེས་ཀྱི་དུས་སུ་མཁས་པ་ཆེན་པོ་
བུ་སྟོན་སེང་གེ་འོད་ཡོད། ཆུ་མིག་ཆུ་སྐོར་གྱི་དུས་སུ་མཁས་པ་ཆེན་པོ་གཅིག་ལ་གྲལ་བྱིན་པ་
ལ་བུ་སྟོན་སེང་གེ་འོད། ཆོས་རྗེ་འཇམ་གསར། ཤངས་པ་ཀུན་མཁྱེན། མཁས་པ་བསོད་རྒྱལ་
རྣམས་ཡིན། བུ་སྟོན་སེང་གེ་འོད་ཀྱིས་རྗེས་སུ་མཁན་པོ་འདུལ་འཛིན་པ། མཁན་པོ་གྲགས་
གཞོན་པ། བུ་སྟོན་ཐམས་ཅད་མཁྱེན། (དགུང་ལོ་སོ་གཅིག་ལ་ཞྭ་ལུའི་གདན་སར་ཕེབས་ནས་མཁན་པོ་ལོ་སོ་
བདུན་མཛད།) ཐུགས་སྲས་ལོ་ཙཱ་རིན་ཆེན་རྣམ་རྒྱལ། (མཁན་པོ་ལོ་གསུམ་མཛད།) འཇམ་དབྱངས་
གྲགས་པ་རྒྱལ་མཚན། (མཁན་པོ་ལོ་ང་གཉིས་མཛད།)མཁས་གྲུབ་སངས་རྒྱས་དཔལ་རིན་པ། (ལོ་
བརྒྱད།)འཁྲུལ་ཞིག་ཚུལ་ཁྲིམས་རྒྱལ་བ། (ལོ་ཉི་ཤུ་རྩ་བདུན།) ཀུན་མཁྱེན་ཆོས་ཀུན་དཔལ་བཟང༌། 
(ལོ་བཅུ་བདུན)ཆོས་རྗེ་བཤེས་གཉེན་བཟང་པོ་རྒྱལ་མཚན(ལོ་བཅུ་གཅིག)ཆོས་རྗེ་རིན་པོ་ཆེ་རིག་
འཛིན། ཆོས་ཀྱི་རྒྱལ་པོ་སྐུ་ཞང་རྔ་སྒྲ་ལ། སྲས་སྐུ་ཞང་གྲགས་པ་རྒྱལ་མཚན་སྐུ་འཁྲུངས། སྐུ་
ཞང་མགོན་པོ་དཔལ་ལ་སྲས་སྐུ་ཞང་རྡོ་རྗེ་དབང་ཕྱུག་མ་གཅིག་གཞོན་ནུ་འབུམ། མ་གཅིག་
ནམ་མཁའ་རྒྱལ་མཚན། ཇོ་བོ་རྡོ་རྗེ་འབུམ། ཇོ་ཇོ་བཙུན་མ་སྡེ་ལྕམ་སྲིང་ལྔ་འཁྲུངས། མ་
22-1-152


གཅིག་གཞོན་ནུ་འབུམ་གྱི་བླ་མ་བདག་ཉིད་ཆེ་མོའི་ཇོ་མོ་མཛད། དེ་ལ་སྲས་ཏཱ་དབེན་གུ་ཤྲཱི་
ཀུན་དགའ་ཉི་མ། འཇམ་དབྱངས་དོན་ཡོད་རྒྱལ་མཚན། ཆོས་རྗེ་བསོད་ནམས་རྒྱལ་མཚན་
དཔལ་བཟང་པོ་ལ་སོགས་པ་ཆོས་ཀྱི་མངའ་བདག་ཆེན་པོ་རྣམ་པ་གསུམ་སྐུ་འཁྲུངས་སོ། །
མ་གཅིག་ནམ་མཁའི་རྒྱལ་མཚན་གྱིས་ཤར་པའི་ཇོ་མོ་མཛད་དེ་སྲས་བླ་མ་རིན་ཆེན་རྒྱལ་
མཚན་ལྕམ་སྲིང་གསུམ་འཁྲུངས་སོ། །
ཇོ་མོ་རྡོ་རྗེ་འབུམ་གྱིས་ཚལ་བ་སྨོན་ལམ་དང༌། དུ་དབེན་ཤ་བདེ་རྒྱལ་འོད་ཇོ་མོ་མཛད། 
སྲས་སི་ཏུ་ཀུན་དགའ་རྡོ་རྗེ། (ཚལ་པའི་དེབ་དམར་དུ་གྲགས་པ་དེ་མཛད་མཁན།)དང༌། དུས་དབེན་ཤ་
མགོན་པོ་འཕེལ་བྱུང༌། སྐུ་ཞང་མགོན་པོ་དཔལ་གྱི་རྗེས་སུ་སྐུ་ཞང་རྡོ་རྗེ་དབང་ཕྱུག་ནི་ལོ་
གསུམ་ན་ཞྭ་ལུའི་དབོན་མཛད་གོང་ནས་ཀྱང་ཞྭ་ལུ་ཁྲི་སྐོར་ཡབ་བཞི་འཇག་པའི་འཇའ་ས་
གནང༌། རྡོ་རྗེ་དབང་ཕྱུག་གི་རྗེས་སུ། །སྔོན་བསགས་བསོད་ནམས་ཆུ་གཏེར་ལས་བྱུང་ཞིང༌། །
དཔལ་འབྱོར་སྙན་པར་གྲགས་པའི་འོད་སྟོང་ལྡན། །རྒྱལ་སྲིད་རྒྱལ་མཚན་གླིང་བཞིར་
གསལ་མཛད་པ། །བསྟན་ལ་རབ་དད་སྤྱིན་བདག་ཅེས་བུ་སྟོན་རིན་པོ་ཆེས་གསུངས་པ་ལྟར་
རྣམ་སྲས་ཀྱི་སྤྲུལ་པ་སྐུ་ཞང་གྲགས་པ་རྒྱལ་མཚན་གྱིས་ཞྭ་ལུའི་དཔོན་མཛད། ཚལ་པའི་སྲས་
མོ་དཔོན་མོ་འཛོམས། འབུམ་དཔལ་ཤི་ཇོ་མོར་བཞེས། མཚན་བརྒྱུད་ལ་མཁན་པོ་འདུལ་བ་
འཛིན་པ་དང༌། གྲགས་གཞོན་པ་ཡོད། སྐུ་ཞང་གྲགས་པ་རྒྱལ་མཚན་གྱིས་རྒྱ་ཡུལ་ལ་བྱོན། 
ཨོལ་ཇ་དུ་རྒྱལ་པོའི་ཕྱག་ནས་ཤེལ་གྱི་འོན་རྩེ་རྨ་བྱ་མ་གསོལ་ཆང་གིས་བཀང་ནས་གནང༌། 
ཁྱོད་གདུད་རྒྱུད་ཀྱི་ཞང་པོར་འདུག་པས་ངེད་ཀྱིས་ཀྱང་ཞང་པོ་ཡིན་དུ་ཆུགས་གསུངས་ནས་
གནང༌། དབུས་གཙང་མངའ་རིས་སྐོར་གསུམ་གྱི་བདག་པོ་ཧུ་ཤྲཱི་དུ་དབེན་ཤས་མཛད། སྟག་
མགོ་ནོར་བུ་གཉིས་པ་བཟུང་པའི་ཁྲིམས་ཀྱི་བདག་པོ་མཛད་ཅིང་ཀུན་ཡར་ཆད། གོང་མས་ཞྭ་
ལུ་ཁྲི་སྐོར་གྱི་ལྷ་སྡེ་མི་སྡེ་ཐམས་ཅད་བདག་པར་བྱས་པའི་འཇའ་ས་གནང༌། ཞྭ་ལུའི་གཙུག་
22-1-153


ལག་ཁང་འདིའི་གློ་འབུར་ལྷོའི་བསེ་སྒོ་མ་དང༌། ཤར་གྱི་སྒོ་ཁང་ལ་མགོན་ཁང་བྱས། ད་ལྟ་
བྱང་ངོས་ཀྱི་སྒོ་རྒྱུད་ལམ་ཆེན་མོ་འདི་བཏོན། ལྷོ་དམག་སྡེ་དང་བཅས་པའི་ཤིང་འདྲེན་བྱས། 
ཤིང་ཚན་ཆེན་པོ་དྲངས། ཤར་རྒྱ་ཧོར་གྱི་ཡུལ་ནས་བཟོ་བོ་མཁས་པ་བོས། རྒྱ་ཕིབས་གཡུ་ཆུ་
ཅན་གསེར་གྱི་གན་ཛི་ར་བཙུགས་པ་ཆེ་བ་བཞི། ཟུར་གྱི་གློ་འབུར་བཞི་ལ་གཡུ་ཆུའི་བ་གམ་
དང༌། རྒྱན་ལ་གསེར་གྱི་གན་ཛི་རས་བརྒྱན་པ། གསེར་ཁང་རྒྱ་ཕིབས་གསུམ་བརྩེགས་སུ་
ཡོད་པ། གཞན་རྣམས་རྒྱ་ཕིགས་གཉིས་བརྩེགས་པ་མེད་ལ། ནང་ན་ཚོན་སྣ་བརྒྱ་རྩ་གཅིག་
གིས་སྤྲས་པའི་དེ་བཞིན་གཤེགས་པའི་སྐུ་བསམ་གྱིས་མི་ཁྱབ་པ་བཞུགས། ཁྱད་པར་བསེ་
སྒོ་མ་ན་དུས་གསུམ་སངས་རྒྱས་དང༌། གསེར་ལས་བཞེངས་པའི་བཀའ་འགྱུར་བརྒྱད་སྟོང་
བརྒྱ་རྩ་བརྒྱད། གཙུག་ལག་ཁང་ནུབ་མ་གཉིས་ན། གཅིག་གི་གཙོ་བོ་ལ་རང་བྱོན་འཕགས་
པ། གཅིག་གི་གཙོ་བོ་ལ་རྣམ་སྣང༌། ལྷོའི་གཙོ་བོ་ལ་དུས་གསུམ་སངས་རྒྱས། བྱང་གི་གཙོ་
བོ་ལ་ཐུབ་པ་ཆེན་པོ། ཤར་གྱི་གཙོ་བོ་ཡུམ་ཆེན་མོ། དེའི་འོག་ན་རྒྱལ་ཆེན་རྣམ་ཐོས་སྲས་ཀྱི་
མགོན་ཁང་དང་བཅས་པ་ལ་འཁོར་གྲངས་ཀྱིས་མི་ཆོད་པས་བསྐོར་བ་རིན་པོ་ཆེ་སྣ་ཚོགས་
ལས་གྲུབ་པ་དང༌། རྭ་བ་བཞི་ལ་མཆོད་པ་ཆེན་པོ་བཞི་བཙུགས། སྔོན་གྱི་ཆོས་རྒྱལ་མེས་
དབོན་རྣམ་གསུམ་གྱི་རྣམ་ཐར་ཀྱང་ད་དུང་ཡང་ངའི་གཙུག་ལག་ཁང་འདི་དགེ་འདུན་རྒྱ་མཚོ་
ལྟ་བུ་ཞིག་སྙིང་ལ་འདོད། དགེ་བཤེས་དུ་མ་ཚོགས་པ་ཞིག་སྙིང་ལ་འདོད། དེ་ལ་ལས་སྤྱན་
གྱི་ཚོགས་དཔོན་ཤིན་ཏུ་བཟང་བ་གཅིག་གྲགས་སམ་བསམ་པར་སྦྱིན་བདག་ཆེན་པོའི་ལྷག་
བསམ་རྣམ་དག་གི་ནུས་པ་ལ་བརྟེན་ཏེ་ལྷ་ལུང་བསྟན་པ་ལ། 
བུ་སྟོན་ཆོས་རྗེ་ལོ་ཙཱ་ཉིད་དེ། དུས་གསུམ་སངས་རྒྱས་ཀུན་གྱི་ངོ་བོ་ཉིད། །དགེ་ལེགས་
ཡོན་ཏན་ཀུན་གྱི་རིན་ཆེན་གཏེར། །འགྲོ་ཚོགས་སྡུག་བསྔལ་སྐྱོབ་པའི་གཉེན་གཅིག་པོ། །
མཁས་གྲུབ་བུ་སྟོན་ཆོས་རྗེའི་ཞབས་ལ་འདུད། །མ་བྱོན་བསྐལ་བཟང་བདུན་པ་ཆོས་ཀྱི་རྗེ། 
22-1-154


ཀུན་མཁྱེན་སྐད་གཉིས་སྨྲ་བ་ཐུགས་རྗེ་ཅན། །འགྲོ་ཀུན་བུ་བཞིན་སྐྱོང་བའི་རྩ་ལག་མཆོག །
སྟོན་པའི་རྒྱལ་ཚབ་བླ་མ་བུ་སྟོན་མཆོག །གང་གིས་མཁྱེན་པའི་མེ་དཔུང་གིས། །ལྟས་ངན་
ཚང་ཚིང་ཀུན་བསྲེག་ཅིང༌། །འགྲོ་ཀུན་སྙིང་གི་མུན་འཇོམས་པ། །རྩ་བའི་བླ་མ་རྒྱལ་གྱུར་ཅིག །
གང་ཞིག་ཚོགས་གཉིས་ཤིང་རྟས་ལེགས་དྲངས་ཤིང༌། །མཁྱེན་བརྩེའི་དཀྱིལ་འཁོར་རབ་
རྒྱས་ཕྲིན་ལས་བཟང༌། །འོད་ཟེར་དཔག་མེད་འཕྲོག་པས་འགྲོ་བློ་ཡི། །མུན་པ་རབ་འཇོམས་
བླ་མའི་ཞབས་ལ་འདུད། །དཔག་མེད་བསྐལ་པར་ཚོགས་གཉིས་རབ་སྦྱངས་པས། ། སྐུ་
གསུམ་འབྲས་བུ་རིན་ཆེན་མངོན་དུ་མཛད། །ཕྲིན་ལས་རྣམ་བཞི་རྟག་པར་ལེགས་གྲུབ་པའི། །
ཆོས་རྗེ་བུ་སྟོན་ལོ་ཙཱའི་ཞབས་ལ་འདུད། །རིག་གནས་མ་ལུས་མངོན་དུ་མཐར་ཕྱིན་ཡང༌། །
སློབ་པའི་ཚུལ་བཟུང་སྒྲ་ཚད་བཟོ་དང་གསོ། །ཁྱད་པར་ནང་རིག་དོན་ལ་སྦྱངས་པ་མཛད། །
མངའ་རིས་པཎ་ཆེན་ཀུན་མཁྱེན་དེ་ལ་འདུད། །སྤང་བྱ་གཞི་བཅས་སྤངས་ནས་རིང་དུ་
ལོན། །བསླབ་བྱ་མ་ལུས་བསླབ་པ་མཐར་ཕྱིན་ཡང༌། །བསྟན་པ་བཟུང་ཕྱིར་སོ་ཐར་སྔ་ཕྱིའི་
ཚིག །བཟུང་ནས་རྗེས་སུ་སྐྱོང་མཛད་དེ་ལ་འདུད། །སྔོན་ནས་སྒོ་གསུམ་དྲི་མ་ཀུན་སྤངས་
ཤིང༌། །ས་ལམ་འབྲས་བུ་མ་ལུས་མཐར་ཕྱིན་ཡང༌། །ཡོངས་འཛིན་བླ་མའི་ཚོགས་རྣམས་
ལེགས་བསྟེན་ནས། །རྒྱུད་ལུང་དབང་རྣམས་རྫོགས་མཛད་དེ་ལ་འདུད། །བུ་སྟོན་རིན་པོ་ཆེ་
དེ་སྔགས་མཚན་ཉིད་ལ་སྦྱངས་སྟོབས། སློབ་མ་ལ་སྡོམ་པ་ཕོག་ཚུལ། སློབ་མ་མཁས་བཙུན་
ཉན་བཤད་འཕེར་བ་ཐོན་ལུགས། ཉམས་རྟོགས་ཀྱི་རྣལ་འབྱོར་པ་ཐོན་ལུགས། མངོན་
ཤེས་ཏིང་ངེ་འཛིན་གྱི་ཉམས་རྟོགས་ཐུགས་རྒྱུད་ལ་མངའ་ཚུལ། ཡི་དམ་ཞལ་གཟིགས་ཚུལ། 
གསུང་རབ་བཞེངས་ཚུལ། ལྷ་རྟེན་བཞེངས་ཚུལ། ཆོས་བསྒྱུར་ཚུལ་སོགས་སྒོ་རེ་རེའི་མཛད་
པ་བསམ་གྱིས་མི་ཁྱབ་སྟེ། ཇི་ལྟར་ཕྱོགས་བཅུའི་ཆུ་ཀླུང་ཇི་སྙེད་པ། །ཆུ་ཐིགས་ཚུན་ཆད་རྒྱ་
མཚོར་འདུ་བ་ལྟར། །དེ་བཞིན་ཆོས་སྒོ་མ་ལུས་ཇི་སྙེད་པ། །གཅིག་ཏུ་འདུས་པ་བུ་སྟོན་ལོ་
22-1-155


ཙཱ་ཡིན། །ཁྱེད་ཀྱི་འཕྲིན་ལས་ཇི་ཙམ་མཁའ་ཁྱབ་པ། །དེ་ཙམ་ཁྱབ་སྟེ་ཆད་མེད་རྟག་གནས་
པ། །ནམ་མཁའ་ལ་ནི་ཀུན་ཏུ་འགྲན་པ་འདྲ། །ནམ་མཁའ་མ་བཟོད་གོ་སྐབས་ཕྱེ་བ་སྙམ། །
བུ་སྟོན་གྱི་སྐྱེ་བ་གོང་མ་ནི་ཁ་ཆེ་པཎ་ཆེན་ཡིན། དེ་སངས་རྒྱས་བདུན་པ་རབ་གསལ་དུ་གྱུར་
པ་ནི་རྔ་བོ་ཆེའི་མདོ་ལས། ཤཱཀྱ་ཤྲཱི་ཞེས་བྱའི་དགེ་སློང་དག །བསྟན་དང་སེམས་ཅན་དོན་ལ་
བརྩོན། །ཟག་པ་ཐམས་ཅད་ཟད་གྱུར་ཏེ། །རབ་གསལ་ཞེས་བྱར་སངས་ཡང་རྒྱས། ཞེས་
དང༌། རྒྱ་གར་ཁ་ཆེ་རྗེ་བཙུན་སྒྲོལ་མས་ཁྱེད་ལ་མ་འོངས་པ་ན་མི་མཇེད་དེར་སྐྱེས་བུ་འདུལ་
བ་ཁ་ལོ་བསྒྱུར་བ། ལྷ་དང་མི་རྣམས་ཀྱི་སྟོན་པ། དེ་བཞིན་གཤེགས་པ་རབ་གསལ་ཞེས་
པར་སངས་རྒྱའོ་ཞེས་ཡང་གསུངས། སིང་གྷ་གླིང་གི་དགྲ་བཅོམ་པས་ཁ་ཆེའི་པཎྜི་ཏའི་བི་ཤུ་
ཏ་ཙནྡྲ་ལ་ཁྱོད་ཀྱི་རིང་བསྲེལ་གྱི་ཟ་མ་ཏོག་འདི་དང༌། ཟེའུ་འབྲུ་ཡོད་པའི་མེ་ཏོག་འདི་ཐོག་
མ་ཁོ་ནར་དགེ་སློང་ཤཱཀྱ་ཤྲཱི་བྷ་དྲ་ལ་ཕུལ། མེ་ཏོག་ལྷག་མ་བཞི་པོ་འདི་ཁྱོད་ཀྱི་ལྷུང་བཟེད་དུ་
འཁྱེར་ལ་ཁྱེད་རང་གི་མཆེད་ཟླ་ཀ་སྨིར་པཎྜི་ཏ་དེའི་ཕྱག་ཏུ་རེ་ཞིག་གཏོད། དེ་མ་འོངས་པའི་
སངས་རྒྱས་བདུན་པ་ཡིན་པས་བསོད་སྙོམས་བསམས། ཡོན་ཅུང་ཟད་ཕུལ་ནས་འབྲས་བུ་
དཔག་ཏུ་མེད་པར་གྱུར་རོ། །རི་བྱ་རྐང་ཅན་གྱི་དྲང་སྲོང་གྲུབ་ཐོབ་ཀྱིས་ཀྱང་དེ་དང་འདྲ་བའི་
སངས་རྒྱས་བདུན་པ་རབ་གསལ་ཡིན་པར་ལུང་བསྟན་ནོ། །
མདོ་སྡེ་བསྐལ་བཟང་ལས་དེ་བཞིན་གཤེགས་པ་རབ་གསལ་སྐྱེ་བའི་ཡུལ་ནི་རྒྱུ་སྐར་
ཅན། རིགས་རྒྱལ་རིགས་འོད་དཔག་ཚད་ལྔ། ཡབ་ལེགས་པའི་བློ་གྲོས། ཡུམ་མེ་ཏོག །སྲས་
དུས་རིགས། རིམ་གྲོ་པ་དགའ་བའི་དབང་ཕྱུག་ཤེས་རབ་ཅན་གྱི་མཆོག་བཀྲ་ཤིས། རྫུ་
འཕྲུལ་ཅན་གྱི་མཆོག་འབྲུག་སྒྲ། འདུས་པ་དང་པོ་ལ་ཉན་ཐོས་བྱེ་བ་ཕྲག་འབུམ། གཉིས་པ་
ལ་དུང་ཕྱུར་ཕྲག་དགུ་དང་བྱེ་བ་ཕྲག་དགུའོ། །གསུམ་པ་ལ་དུང་ཕྱུར་ཕྲག་དགུ་དང་བྱེ་བ་ཕྲག་
བརྒྱད་དོ། །སྐུ་ཚེ་ལོ་བྱེ་བ་ཕྲག་དགུའོ། །དམ་པའི་ཆོས་ནི་ལོ་བརྒྱད་ཁྲི་ལྔ་སྟོང་བར་དུ་གནས་
22-1-156


སོ། །
སངས་རྒྱས་དེའི་རྣམ་པར་སྤྲུལ་པ་ཞྭ་ལུ་བུ་སྟོན་ལོ་ཙཱ་བ་སྤྱན་འདྲེན་ཆེད་གཉེར་ཞུས་པ་
ཞལ་གྱིས་བཞེས་ནས་ལྕགས་ཕོ་སྤྲེའུ་ལོ་ལ་ཉིད་ཀྱི་དགུང་ལོ་སུམ་ཅུ་སོ་གཅིག་ལ་ཞྭ་ལུར་
ཕྱག་ཕེབས། སྔོན་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་ཞབས་ཏོག་
ཇི་ལྟར་བྱས་པ་ལྟར་དུ་སྦྱིན་བདག་ཆེན་པོ་དེས་ཀྱང་ཆོས་རྗེ་ཉིད་ལ་གུས་པ་ཆེན་པོས་ཞབས་
ཏོག་ཚུལ་བཞིན་དུ་བྱས། ལུས་ལོངས་སྤྱོད་གཉེན་འབངས་འཁོར་དང་བཅས་པ་ཐམས་ཅད་
ཕུལ་ནས་སྤྱིར་སངས་རྒྱས་ཀྱི་བསྟན་པ་དར་བ་གཅིག་ཞུ། སྒོས་ཞྭ་ལུ་བ་ཡོན་མཆོད་དར་ཞིང་
རྒྱས་པ་གཅིག་ཞུ་འཚལ་ཞེས་ཞུས་པ་ལྟར་མདོར་ན་ཡོན་ཏན་གྱི་བདག་ཉིད་ཆེན་པོ་འདི་ནི་
མཁྱེན་རབ་དང་ཐུགས་རྗེས་ཕུན་སུམ་ཚོགས་པའི་གྲུ་དང་རྫིང་ལ་སོགས་པར་བཞུགས་ཏེ་
མདོ་རྒྱུད་རྒྱ་མཚོ་ཆེན་པོའི་ཕ་རོལ་ཏུ་བྱོན་ནས་དོན་གཉིས་ཀྱི་ནོར་བུ་བླངས་ཏེ། ལུས་ཅན་
གྲངས་མེད་པའི་བློའི་དབུལ་བ་སེལ་བར་མཛད་པའི་ཚུལ་སྨོས་ཅི་འཚལ་གཟིགས་པས་
གསལ་བ་འདི་ལགས་མོད། སྐྱེས་བུ་དམ་པ་འདིས་དབྱར་དགུན་གྱི་དུས་ཆོས་ལ་ཕྱིར་མངོན་
པ་ཀུན་ལས་བཏུས། ཚད་མ་རྣམ་ངེས། སྤྱོད་འཇུག་རྣམས་ལ་ཉིད་ཀྱི་ཊིཀྐ་བཏབ་པ་དང༌། 
འདུལ་བ་མདོ་རྩ་བ་ལ་བྱ་འདུལ་འཛིན་གྱིས་ཊིཀྐ་བཏབ་པ། གཙོ་བོར་རྒྱུན་དུ་གསུངས་
པ། གཞན་མདོ་རྒྱུད་ཀྱི་བཤད་པ་ལུང་བཀའ་དབང་བཀའ་གདམས་ངག་ཆེ་ཆུང་ལ་སོགས་
པ་ཐོགས་པ་མེད་པ་མང་པོ་ཞར་ཆོས་སུ་གསུངས། སྟོན་དཔྱིད་དུས་འཁོར་རྒྱུད་དང་འགྲེལ་
ཆེན་ལ་ཉིད་ཀྱི་མཆན་བུ་བཏབ་པ། གསང་འདུས་འགྲེལ་པ་དོན་གསལ་ལ་ཉིད་ཀྱིས་ཊིཀྐ་
བཏབ་པ། ཡོ་ག་རྡོ་རྗེ་འབྱུང་བ་ལ་ཉིད་ཀྱིས་མཛད་པའི་ཊིཀྐ། དཔལ་སམ་བུ་ཊཱི་ལ་ཉིད་ཀྱིས་
ཊིཀྐ་བཏབ་པ་རྣམས་རྒྱུན་དུ་གཙོ་བོར་གསུངས། ཕལ་པ་ཞར་ཆོས་ཀྱི་ཚུལ་དུ་མདོ་རྒྱུད་ལ་
བསྟེན་པའི་བཤད་བཀའ་དབང་བཀའ་མན་ངག་བཀའ་བྱིན་རླབས་ཀྱི་བཀའ་ལུང་མང་སྟེ། 
22-1-157


མདོར་ན་མི་རེ་དང་ངོ་རེ་ལ་འདོད་ཆོས་རེ། དེ་རེ་རེ་ལའང་བློ་རྩེ་གཏད་དུ་བཏུབ་པ། དེ་ཡིན་
ངེས་མཉམ་དུ་ཐག་ཆོད་པའི་ལུང་རིག་པ་མན་ངག་བཅས་པ་གསུངས། གཞན་ཡང་འགྲེལ་
པ་དང་འགྲེལ་བཤད་ལ་སོགས་པ་མང་དུ་མཛད་ནས་གསུངས་སོ། །དེའི་དུས་ཆོས་རྗེ་ཉིད་
ཀྱིས་སྔོན་ཇོ་བོ་རྗེ་ལྷ་གཅིག་བཞུགས་ཤིང༌། དེའི་ཐུགས་དམ་ཚ་ཚ་བཞུགས་པའི་མཆོད་རྟེན་
བྱིན་གྱིས་བརླབས་པའི་གནས། ཞྭ་ལུ་རི་ཕུག་ན་སྤེའུ་ཆུང་གཅིག་ཡོད་པ་ལ་གཞི་བྱས་ནས། 
གཙུག་ལག་ཁང་དགེ་འདུན་གྱི་སྡེ་དང་བཅས་པ་བཞེངས། གཞན་ཡང་ཆོས་རྗེ་ཉིད་ཀྱིས་
བཞེངས་པའི་གཙུག་ལག་ཁང་དུ་དཔལ་དུས་ཀྱི་འཁོར་ལོའི་གསེར་སྐུ་ཁྲི་རྒྱབ་དང་བཅས་
པ་དང༌། རྣམ་སྣང་གི་གསེར་སྐུ། ཐུབ་དབང་གི་གསེར་སྐུ། བྱམས་པའི་གསེར་སྐུ། དཔལ་
གསང་བ་འདུས་པའི་གསེར་སྐུ་ལ་སོགས་པ་བཀའ་དྲིན་ཆེ་བའི་བླ་མ་བཞིའི་ནང་རྟེན་རྣམས་
བཞེངས། དེ་ནས་དགུང་ལོ་དྲུག་ཅུ་རེ་གསུམ་བཞེས་པ་ཆུ་ཕོ་འབྲུག་ལ་དཔལ་ལྡན་འབྲས་
སྤུངས་ཀྱི་ཕྱག་ཚད་བསྒྱུར། བྱང་ཆུབ་ཆེན་པོའི་ཕྱག་ཚད་དྲི་མེད་འགྲེལ་པའི་ལུགས་ཀྱི་རྩོམ་
པ་མཛད། བསྟན་པ་དང་སེམས་ཅན་མང་པོའི་དོན་ལ་དགོངས་ཤིང༌། ཁྱད་པར་དུ་འང་ཡུམ་
གྱི་ཕྱི་རྟེན་སོ་ཕག་ལས་གྲུབ་པའི་བྱང་ཆུབ་ཆེན་པོའི་མཆོད་རྟེན་བཞེངས། གསུང་རབ་བཀའ་
རྒྱས་འབྲིང་བསྡུས་གསུམ་ལ་སོགས་པ་སྐུ་གསུང་ཐུགས་ཀྱི་རྟེན་བསམ་གྱིས་མི་ཁྱབ་པ་
བཞེངས་སོ། །
སྐུ་ཞང་གྲགས་པ་རྒྱལ་མཚན་ལ་སྲས་སྐུ་ཞང་ཀུན་དགའ་དོན་གྲུབ། སྐུ་ཞང་རིན་ཆེན་
རྒྱལ་མཚན། སྐུ་ཞང་ཡེ་ཤེས་ཀུན་དགའ། ཚ་བོ་སྐུ་ཞང་དཀོན་མཆོག་རྒྱལ་མཚན། ཚ་བོ་སྐུ་
ཞང་དངོས་གྲུབ་རྒྱལ་མཚན་ལ་སོགས་པ་རྣམས་ཀྱིས་ཀྱང་ཡབ་མེས་ཀྱིས་སྲོལ་ཁ་བཟང་པོ་
བསྐྱངས། ཁྱད་པར་དུ་ཆོས་རྗེ་རིན་པོ་འདི་སྤྱི་བོའི་ཐོད་བཞིན་ཁུར། སྔར་ཡབ་མེས་ཀྱིས་
བཞེངས་པའི་གཙུག་ལག་ཁང་ཆེན་པོའི་ཞབས་ཏོག་བྱས། དགེ་འདུན་གྱི་ཆོས་སྡེ་ཆེན་པོ་
22-1-158


བསྐྱངས། ཁྱད་པར་དུ་སྐུ་ཞང་ཀུན་དགའ་དོན་གྲུབ་ཀྱིས་བསྟན་འགྱུར་ལྷ་ཁང་དུ་བསྟན་
བཅོས་བོད་དུ་འགྱུར་རོ་ཅོག་རྣམས་བཞེངས། སྐུ་ཞང་ཀུན་དགའ་དོན་གྲུབ་ཀྱིས་སྤྱིན་
བདག་མཛད་ནས་ཞྭ་ལུའི་གཙུག་ལག་ཁང་ནང་སྟེང་གི་ཕྱོགས་བཞིའི་རི་མོ་ལ་ནུབ་མར་རྡོ་
རྗེ་དབྱིངས་རིགས་བསྡུས་པའི་དཀྱིལ་འཁོར། ལྷོ་མར་དཔལ་མཆོག་རིགས་བསྡུས་པའི་
དཀྱིལ་འཁོར། བྱང་མར་ཀུན་རིགས་བསྡུས་དཀྱིལ་འཁོར། ཤར་མར་འཇམ་དཔལ་ཆོས་
ཀྱི་དབྱིངས་གསུང་གི་དབང་ཕྱུག་རིགས་བསྡུས་པའི་དཀྱིལ་འཁོར་རྣམས་བཞེངས། ཁྱད་
པར་རྣལ་འབྱོར་རྒྱུད་ཀྱི་དཀྱིལ་འཁོར་གྱི་གཞལ་ཡས་ཁང་ཆེན་པོ་བཞེངས་པའི་དུས་སུ་ཆོས་
རྗེ་པ་ཉིད་ཀྱིས་དཀྱིལ་འཁོར་གྱི་བཀོད་པ་མཛད་པ་ལ་རྩ་རྒྱུད་ཀྱི་དཀྱིལ་འཁོར་ཉིས་བརྒྱ་
བཅུ་གསུམ་བཤད། བཤད་རྒྱུད་རྩེ་མོའི་འདབ་བརྒྱ་དཀྱིལ་འཁོར་ཉེར་དགུ་དཔལ་མཆོག་
གི་དཀྱིལ་འཁོར་བརྒྱད་ཅུ་རྩ་བཞི། སྦྱོང་རྒྱུད་ཀྱི་དཀྱིལ་འཁོར་བཅུ་གཉིས། གཞན་ཡང་རྡོ་
རྗེ་སྙིང་པོ་རྒྱན་གྱི་དཀྱིལ་འཁོར་སུམ་ཅུ་སོ་བདུན། ཆོས་དབྱིངས་གསུང་གི་དབང་ཕྱུག་གི་
དཀྱིལ་འཁོར་ཉེར་བཞི། གཙུག་དགུ་ལ་སོགས་པའི་ལྷ་འབུམ་མཛད། བསྟན་བཅོས་ཆེན་
པོ་འགྱུར་རོ་ཅོག་བཞེངས་པ་ན་སྔར་མ་ཚང་བ་བཅུག ལྷག་པ་བཏོན། གོ་རིམ་བསྒྲིགས་པའི་
དཀར་ཆག་མཛད། སྐུ་ཞང་ཆེན་པོ་གྲགས་པ་རྒྱལ་མཚན་གྱི་ནང་རྟེན་ཐུབ་པ་ཇོ་བོའི་སྐུ་ཚད་
མ་དང་གནས་བརྟན་ཆེན་པོ་བཅུ་དྲུག་གི་སྐུ་གཟུགས་སོགས་དེ་བཞིན་གཤེགས་པའི་རིང་
བསྲེལ་གྱིས་བྱུར་བུར་བཀང་པའི་ལྷ་ཁང་ཆེན་པོའི་ཞལ་ལྟ་མཛད། བྱང་ཆུབ་སེམས་དཔའི་
སྐྱེས་རབ། མཛད་པ་བཅུ་གཉིས་ཆོ་འཕྲུལ་ཆེན་པོ་བསྟན་པ། མ་ག་ཏ་བཟང་མོའི་རྟོགས་
བརྗོད་ཡབ་སྲས་མཇལ་བ། ཨུ་ཌ་ཡ་ནའི་རས་བྲིས་ལ་སོགས་པ་བྲིས་སྐུ་སྣ་ཚོགས་དང༌། 
གཞན་ཡང་རྒྱུད་སྡེ་ལྷ་ཚོགས་ཀྱི་བཀོད་པ་མཛད། དེའི་སྐབས་མཚམས་ཤིག་ཏུ་དཔོན་ཆེན་
རྒྱལ་བཟང་གིས་ཤངས་སུ་གདན་དྲངས་པའི་དུས་སུ་བུ་སྟོན་གྱིས་དྲི་མེད་མཆོད་རྟེན་ལ་
22-1-159


སོགས་པ་ཆོས་སྐུའི་རྟེན། ཐུབ་པ་ཆེན་པོ་ལ་སོགས་པ་སྤྲུལ་སྐུའི་རྟེན། བྱམས་འཇམ་དཔལ་
སོགས་ལོངས་སྐུའི་རྟེན་མང་པོའི་བཀོད་པ་མཛད། ཕྱག་རྡོར་དབང་བསྐུར་བའི་དཀྱིལ་
འཁོར་བཞི། རྣམ་སྣང་མངོན་བྱང་གི་དཀྱིལ་འཁོར་གསུམ། གཤིན་རྗེ་གཤེད་ཁྲོ་བོ་ཁམས་
གསུམ་རྣམ་རྒྱལ་གྱི་དཀྱིལ་འཁོར་ལྔ། མི་གཡོ་བ་བརྟུལ་ཕོད་པའི་དཀྱིལ་འཁོར་ལྔ། འཇམ་
དཔལ་རྩ་རྒྱུད་ཀྱི་དཀྱིལ་འཁོར་གསུམ། དམ་ཚིག་གསུམ་བཀོད་ཀྱི་དཀྱིལ་འཁོར་གཅིག
བསྲུང་པ་ལྔའི་དཀྱིལ་འཁོར། གཅིག་འོད་ཟེར་ཅན་གྱི་དཀྱིལ་འཁོར་བཞི། གདུགས་དཀར་
གྱི་དཀྱིལ་འཁོར་བཞི། དྲི་མེད་ཀྱི་དཀྱིལ་འཁོར་དགུ། མི་གཡོ་བའི་དཀྱིལ་འཁོར་གཅིག །
གཟའ་ཡུམ་གྱི་དཀྱིལ་འཁོར་གཅིག ཚོགས་བདག་གི་དཀྱིལ་འཁོར་གཅིག་ལ་སོགས་པ་
སྤྱོད་རྒྱུད་ཀྱི་དཀྱིལ་འཁོར་མང་པོའི་བཀོད་པ་དང༌། དེ་རྣམས་ཀྱི་ལྷ་འབུམ་མཛད། དོན་
ཞགས་ཆོ་ག་ཞིབ་མོའི་དཀྱིལ་འཁོར་དགུ མིག་སྟོང་པའི་ཆོ་ག་ཞིབ་མོའི་དཀྱིལ་འཁོར་གཅིག
སྒྲོལ་མ་ལས་སྣ་ཚོགས་དཀྱིལ་འཁོར་གཅིག ཕྱག་རྡོར་ས་འོག་གི་དཀྱིལ་འཁོར་གཉིས། 
རིག་པ་མཆོག་དཀྱིལ་འཁོར་ལྔ། འབྱུང་པོ་འདུལ་བྱེད་ཀྱི་དཀྱིལ་འཁོར་གཅིག གར་མཁན་
མཆོག་གི་བཞི། གནོད་ནས་ཀྱི་དཀྱིལ་འཁོར་གཅིག པདྨ་འདྲ་བའི་དཀྱིལ་འཁོར་གཅིག
པདྨ་ཅོད་པན་སོགས་བྱ་རྒྱུད་ཀྱི་དཀྱིལ་འཁོར་གྱི་ལྷ་འབུམ་རྣམས་མཛད། སྲས་སྐུ་ཞང་ཀུན་
དགའ་དོན་གྲུབ་གྱིས་ཞ་ལུའི་དཔོན་བྱས། མཐོང་ཇིང་དུ་དབེན་ཤའི་འཇའ་ས་གནང༌། བོད་
ཆོལ་ཁ་གསུམ་གྱི་ཁྲིམས་བདག་མཛད། ཞྭ་ལུ་ཁྲི་སྐོར་བདག་པའི་འཇའ་ས་དང་སྟག་མགོ་
བཟུང༌། ཡབ་ལ་ཇི་ལྟར་ཡོད་པའི་བྱ་བ། ལས་ཀ་མངའ་རིས་རྣམས་གོང་ནས་རིམ་བཞིན་
གནང༌། ཡབ་ཀྱི་དུས་ལས་ཀྱང་དབང་བཙན་པོར་བྱུང༌། སྟེང་གི་ཕྱོགས་བཞིའི་གཞལ་ཡས་
ཁང་གི་རི་མོ། ཚེ་དཔག་མེད་ཀྱི་ལྷ་ཁང༌། བསྟན་འགྱུར་ལྷ་ཁང༌། གནས་བརྟན་ལྷ་ཁང་གི་
སྐྱབས་བཟོ། ནག་པོའི་བདེ་ལྡན་ལྷ་ཁང་དང་བཅས་པ་རྣམས་བཞེངས་སོ། །ཆོས་རྗེ་ཐམས་
22-1-160


ཅད་མཁྱེན་པ་ལ་བླ་བྲང་དེབ་གཏེར་དང་བཅས་པ་རྩིས་ཕུལ། དགེ་འདུན་རྣམས་ལ་དད་
གུས་ཕུན་སུམ་ཚོགས་པ་ཡབ་ལྟར་མཛད། དེ་ལ་སྲས་པོ་དཀོན་ཅོག་རྒྱལ་མཚན་དང༌། སློབ་
དཔོན་ཆེན་པོ་དངོས་གྲུབ་རྒྱལ་མཚན་གཉིས་འཁྲུངས་སོ། །
སྦྱིན་བདག་སྐུ་ཞང་ཀུན་དགའ་དོན་གྲུབ་གྱིས་མཛད་ནས་ཐམས་ཅད་མཁྱེན་པ་བུ་སྟོན་
ལོ་ཙཱ་བས་སྔར་མ་བསྒྱུར་བའི་མདོ་རྒྱུད་བསྟན་བཅོས་མང་དུ་བསྒྱུར་ཞིང༌། ཆད་པ་རྣམས་
ཀྱང་ཧོར་ཁོང་བསབས། རྒྱུད་རྫུས་མ་རྣམས་སུན་ཕྱུང༌། བཀའ་བསྟན་བཅོས་ཁག་ཅིག་
གཞི་འགྱུར། ཁག་ཅིག་ཞུ་ཆེན་ཁག་ཅིག་ཧོར་ཁོང་བསབས་ཏེ་བསྟན་པའི་སྲོག་ཤིང་ཆེན་པོ་
མཛད། ལྷག་པར་ཀུན་སྤང་ཆོས་གྲགས་དཔལ་བཟང་པོས་བསྐུལ་བའི་ངོར་དཔལ་གཉིས་
སུ་མེད་པའི་རྣམ་པར་རྒྱལ་བའི་རྒྱུད་ཆེན་ལ་གཞི་འགྱུར། མདོར་ན་ཡི་གེ་པ་རྣམས་ཀྱིས་
མཐའ་སྐོར་ནས་འགྱུར་དང༌། རྩོམ་པ་རིགས་མི་གཅིག་པ་མང་པོ་དུས་གཅིག་ལ་མཛད་ཀྱང་
རང་རང་གི་ལག་པ་མ་སྟོངས་པར་ཞལ་ཐོན་དུ་ལྷོད་མེད་པར་སྤོབས། ཇི་ལྟ་ཇི་སྙེད་པའི་
དོན་ལ་དབང་འབྱོར། མགྲིན་པ་ལོངས་སྤྱོད་ཀྱི་རྩ་ཁ་བྱེ་བས་འགྲེལ་ཏིག མགུར་མ། ཆོས་
ཀྱི་སྤྲིངས་ཡིག་ལ་སོགས་འཕྲལ་ལ་དྲན། གཞན་གྱི་མཐའ་དྲུག་མ་དྲན་པ་མང་པོ་དྲན་ཞིང༌། 
ཐེངས་གཅིག་ཟིན་ནས་བརྗེད་པ་མི་མངའ། གཡས་གཡོན་བྱོན་དུས་སུ་དབང་དང་བཤད་
པ་དང༌། གདམས་པ་འདི་ལྟ་བུ་ཞུ་ཟེར་བ་ཅི་བྱུང་ཡང་དཔེ་ལ་ལྟ་མི་དགོས་པར་ཐུགས་ལ་
ཤར་བྱོན། པོད་ཆུང་ལག་ངར་ཙམ་ཞིག་ཤེས་པའི་ཇོ་བོ་མཚན་ཉིད་པའི་ཇོ་སྲས་སྔགས་པ་
ཀུན་གྱི་དྲེགས་པ་དང་མི་འདྲ། བདག་ཉིད་ཆེན་པོ་འདི་ལ་ཐུགས་རྒྱལ་གཅིག་ཀྱང་མི་བདོག
སློབ་བུའི་རིགས་ཀྱང་རྒྱ་གར་རྒྱ་ནག བལ་པོ། ཧོར། ཡུ་གུར། སོག་པོ། སྒ། བོད་ཀྱི་གཙང༌། 
དབུས། མངའ་རིས། མདོ་སྟོད། མདོ་སྨད་ལ་སོགས་པའི་མི་རིགས་མི་གཅིག་པ་གྲངས་མེད་
པ་མང་པོ་སྨིན་ཞིང་གྲོལ་བར་མཛད། མགོན་པོ་འཇམ་དཔལ་དབྱངས་ཀྱི་རྣམ་འཕྲུལ། ཆོས་
22-1-161


རྗེ་ས་སྐྱ་པའི་གདུང་རྒྱུད་དྲི་མ་མེད་པ་འཇམ་དཔལ་དབྱངས་དོན་ཡོད་རྒྱལ་མཚན་དཔལ་
བཟང་པོ་དང༌། འགྲོ་བའི་བླ་མ་བསོད་ནམས་རྒྱལ་མཚན་དཔལ་བཟང་པོ་དང༌། སློབ་དཔོན་
ཆེན་པོ་བསོད་ནམས་བློ་གྲོས་རྒྱལ་མཚན་དཔལ་བཟང་པོ་སྐུ་མཆེད་ལ་སོགས་དང༌། ལོ་ཙཱ་
བ་ཆེན་པོ་བྱང་ཆུབ་རྩེ་མོ། སེམས་དཔའ་ཆེན་པོ་རྒྱལ་སྲས་ཐོགས་མེད་པ། ལོ་ཆེན་སྐྱབས་
མཆོག་པ་དྷརྨཱ་ཤྲཱི། གོང་གསུམ་བདེ་ཆེན་པ་ཆོས་ཀྱི་དཔལ། གཞན་ཡང་བྱང་ཆུབ་སེམས་
དཔའ་བསོད་ནམས་གྲགས་དང༌། བླ་མ་ཆོས་གྲགས་དཔལ་བཟང་པོ་གུ་ཤྲཱི་དང༌། ལོ་ཙཱ་བློ་
གྲོས་དཔལ་ལ་སོགས་པ་རིགས་དང་རུས་དང་ཡོན་ཏན་ཆེ་བའི་མཁས་བཙུན་བཟང་གསུམ་
འཛོམས་པས། སློབ་མ་མང་པོ་ཡང་འདུས། བཀའ་པོད་མཆན་ཆུང་མཚན་ཉིད་ཀྱི་པོད་རྐྱང་རེ་
ཙམ་དང་སྔགས་ཀྱི་རྒྱུད་པོད་རྐྱང་རེ་ཤེས་པའི་སློབ་མ་ནི་བགྲངས་ཀྱིས་མི་ལངས་སྟེ་སློབ་མ་
གཅིག་གི་ཕར་སྤྱོད་འདུལ་གསུམ། དབུ་ཚད་མངོན་སུམ། རྒྱབ་ཆོས་དང་བཅས་པ་རྣམས་ཀྱི་
ཚིག་དོན་ལ་མཁས་པའི་ཚད་དེར་ཕྱིན་པ་དང༌། གཅིག་གིས་ཀྱང་འཕགས་ཡོག་དུས་གསུམ། 
གུར་རྟགས་སམ་གསུམ། ལོ་ནག་དྲིལ་གསུམ། ནག་འཇིགས་སྐོར་གསུམ་སོགས་ཀྱི་ཚིག་
དོན་ལ་མཁས་པའི་ཚད་དེར་ཕྱིན་པ་དང༌། བསྐྱེད་རྫོགས་ཀྱི་དོན་ལ་བརྟན་པ་ཐོབ་པས་རྣལ་
འབྱོར་པ་ཡང་ཆེན་པོར་གྲགས། ཀུ་ས་ལི་ལ་སོགས་པའི་སློབ་མ་གྲངས་ཀྱིས་མི་ཆོད་དེ་རྣམ་
ཐར་ལ་གཟིགས་པས་གསལ་བ་འདི་ལགས་མོད། ཆོས་སྡེ་ཆེན་པོར་ཡང་དགེ་འདུན་ཚོགས་
པ་སུམ་སྟོང་བརྒྱད་བརྒྱ་རེ་ཙམ་གྱི་ཚོགས་དཔོན་མཛད། རི་ཕུག་ཏུ་ཡང་སྔགས་མཚན་ཉིད་
ཀྱི་སྡེ་སྣོད་འཛིན་པ་ཤ་སྟག་དང༌། འདག་སྦྱར་ཆུ་སྦུག་སྒོ་ལ་བཞུགས་པའི་དགེ་འདུན་ཚོགས་
པ་ལྔ་བརྒྱ་ཙམ་རེ་འདུས། གཞན་ཡང་སྟག་ཚལ་འོལ་མོ། །སྙེ་མོ་ཚལ། མིག་གྲོ་འབྲས་ཡུལ། 
ཤངས་དབྱེ་མར་ལ་སོགས་པར་སྐྱེ་བོ་ཁྲི་ཕྲག་མང་པོ་ལ་སེམས་བསྐྱེད་ཕོག ཐར་པའི་ས་བོན་
བཞག་ནས་འཁོར་བ་མཐའ་ཅན་དུ་བཞག་གོ །སྐུ་ཞང་ཀུན་དགའ་དོན་གྲུབ་ཀྱིས་ཚེ་དཔག་
22-1-162


མེད་ལྷ་ཁང༌། བསྟན་འགྱུར་ལྷ་ཁང༌། གནས་བརྟན་ལྷ་ཁང་གི་སྐྱབས་བཟོ་ནང་པོའི་བདེ་
ལྡན་ལྷ་ཁང་དང་བཅས་པ་བཞེངས། དེ་རྗེས་སྐུ་ཞང་ཡེ་ཤེས་ཀུན་དགས་མི་འཁྲུགས་པ་བློས་
བསླངས། སྟེང་གི་བསྐོར་ཁང་གི་ལོགས་རིས་གནས་བརྟན་ཚོན་རྩི། ཤར་གྱི་ཆོས་རྗེ་བུ་སྟོན་
ཡབ་སྲས་ཀྱི་སྐུ་འདྲ། ཕྱིའི་ལོགས་རིས་ནང་པོའི་བདེ་ཡངས། སྤེ་དཀར་གནས་ཀྱི་འབུམ་རའི་
ཕྱིའི་བྱང་གི་ལྕགས་རི། མོ་དབེན་གྱི་འོབས། ལྕགས་རི་ཕྱི་ནང་རྣམས་བཞེངས་སོ། །
ཡེ་ཤེས་ཀུན་དགའི་མཆེད་སྲིང་མོ་ཇོ་མོ་ཁྱེ་འདྲེན་དཔལ་གྱིས་ས་སྐྱ་པ་འཇམ་དབྱངས་
དོན་ཡོད་རྒྱལ་མཚན་དཔལ་བཟང་པོའི་ཇོ་མོ་མཛད། སྲས་བླ་ཆེན་ཀུན་དགའ་རྒྱལ་མཚན་
འཁྲུངས་སོ། །བུ་སྟོན་རིན་པོ་ཆེའི་ཕྱི་རྟེན་དབྱེན་འདུམ་མཆོད་རྟེན། ཞྭ་ལུར་སྒོ་གསུམ་མའི་
ནང་དུ་གསེར་འབུམ། ནང་རྟེན་ལ་ཐུབ་དབང་གསེར་སྐུ་ཁྲི་རྒྱབ་ལ་ཤྭ་རིའི་བུ། མོའུ་འགལ་
གྱི་བུ་གཉིས་ཀྱི་ལྡེམ་དུ་བྱས་པ། གཟིམ་མལ་སྐུ་འདྲའི་ཐུགས་ཀར་དབུ་བྱ་རིལ་དུ་བཞུགས། 
ཆོས་རྗེ་ཐུགས་སྲས་པའི་ཕྱིར་རྟེན་ཞལ་བཞུགས་དུས་བཞེངས་པའི་མཆོད་རྟེན་བཀྲ་ཤིས་
སྒོ་མངས། ནང་རྟེན་ཞྭ་ལུགས་ཐུབ་པའི་གསེར་སྐུ་ཁྲི་རྒྱབ་དང་བཅས་པ་གཟིམ་མལ་སྐུ་འདྲ་
རྣམས་བཞེངས། ཆོས་རྗེ་རིན་པོ་ཆེ་སངས་རྒྱས་དཔལ་རིན་པས་རི་ཕུག་ན་ཕྱི་རྟེན་མཆོད་
རྟེན་བཀྲ་ཤིས་སྒོ་མངས། ནང་རྟེན་ཐུབ་པའི་གསེར་སྐུ་གཟིམ་མལ་དུ་འདྲ་ཞིང༌། འཇམ་
དཔལ་དབྱངས་གྲགས་པ་རྒྱལ་མཚན་དཔལ་བཟང་པོ་དགུང་ལོ་བརྒྱད་ཅུ་གྱ་བཞི་པའི་ཞལ་
བཞུགས་དུས་བཞེངས་པའི་བྱང་ཆུབ་མཆོད་རྟེན་དང༌། ཞལ་བཞུགས་དུས་བཞེངས་པའི་
ཐུབ་པ་ཆེན་པོའི་གསེར་སྐུ་ཁྲི་རྒྱབ་དང་བཅས་པ་སྣེ་གདོང་གོང་མ་གྲགས་པ་རྒྱལ་མཚན་
གྱིས་བཞེངས་སོ། །ཞེས་ཞ་ལུ་འདིར་བསྟན་སྐྱོང་སྦྱིན་བདག་དང༌། བསྟན་འཛིན་གྱི་སྐྱེས་
བུས་བྱ་བ་མཛད་ཚུལ་སོགས་ཐུང་ཙམ་སྨོས་པ་ལྟར་གྱི་མཐུ་ཁྱད་པར་ཅན་ལ་བརྟེན། དུས་
དེང་སང་ཡང་རྒྱུད་སྡེ་ཟབ་མོའི་དཀྱིལ་འཁོར་ཞལ་ཕྱེ་ནས་ཕྱག་ལེན་ཉམས་མེད་ཀྱི་སྒྲུབ་
22-1-163


མཆོད་ཡོད་ཚུལ་ཙམ་བཤད་པ་ལ་དཔྱལ་གཡུ་སྐྲ། དཔལ་ལེགས་ཀྱི་སྲས་གསུམ་གྱི་དཀར་པོ་
ཅུང་བཟང་དཔལ་གྱི་བརྒྱུད་ཐར་པར་བྱུང་པ་རྣམས་ཡིན་ལ། བར་པ་ནག་པོ་དཔལ་ལེགས་
ཕན་གྱི་བརྒྱུད་ཀོམ་དྲུག་པ་སོགས་ཡིན་ནོ། ། མཐའ་ཆུང་ཕྲ་བོ་འཕེན་ལེགས་བརྩེགས་ཀྱི་
བརྒྱུད་སྐྱེར་ན་སྡོང་གིས་ལྕང་ར་བ་དང༌། རཱ་རྫ་གཡུ་ལུང་བ་སོགས་ཡིན། (གཞི་ཀ་བསམ་གྲུབ་རྩེའི་
སྐོར་བཞུགས།) ལྷ་གནས་དང་འདྲ་བའི། (མྱང་ཞབས་སྨད་ཀྱིས་ཡུལ་བསམ་རྩེར་གྲགས་པ་དེ་ལ།)ངོ་མཚར་
ཕུན་སུམ་ཚོགས་པའི་ཁྱད་པར་གྱི་མཐོ་པ་བཅོ་ལྔ་ཡོད་དེ་ཕྱི་གནས་ལ་བརྟེན་པའི་ངོ་མཚར་
ཕུན་སུམ་ཚོགས་པ་ལྔ། ནང་བསྟན་པ་བསྟན་འཛིན་སོགས་ལ་བརྟེན་པའི་ངོ་མཚར་ཕུན་སུམ་
ཚོགས་པ་ལྔ། གསང་བ་རྟེན་གསུམ་ལ་བརྟེན་པའི་ངོ་མཚར་ཕུན་སུམ་ཚོགས་པ་བཞི། དེ་ཁོ་
ན་ཉིད་ཕན་བདེ་ཐམས་ཅད་ཀྱི་འབྱུང་ཁུངས་སུ་འགྱུར་པས་ན་ངོ་མཚར་ཕུན་སུམ་ཚོགས་པ་
གཅིག་སྟེ་བཅོ་ལྔའོ། །
དང་པོ་ཕྱི་གནས་ལ་བརྟེན་པའི་ངོ་མཚར་ཕུན་སུམ་ཚོགས་པ་ལྔ་ནི། ཕྱི་ཡུལ་སའི་དཔྱད་
ངོ་མཚར་ཕུན་སུམ་ཚོགས་པ་མིང་ཁྱད་པར་ཅན་འདོགས་པའི་གཞི་ཡི་ངོ་མཚར་ཕུན་སུམ་
ཚོགས་པ། ཟག་མེད་ཀྱི་ཐུགས་རྒྱུད་བལྟམས་པའི་དམ་པ་མཆོག་གི་ཆེད་དུ་མངགས་པ་ངོ་
མཚར་ཕུན་སུམ་ཚོགས་པ། འཆི་མེད་ཡུལ་ལྗོངས་དགའ་ཚལ་ལ་གཞན་དྲིང་མི་འཇོག་པའི་
སྐྱེད་ཚལ་གྱི་ངོ་མཚར་ཕུན་སུམ་ཚོགས་པ། སྟོབས་ཀྱི་འཁོར་ལོས་སྒྱུར་བ་ཁོ་ན་བྱུང་བའི་བསྟི་
གནས་སུ་ངེས་པར་བསྟན་པའི་ངོ་མཚར་ཕུན་སུམ་ཚོགས་པ་ལྔའོ། །
དང་པོ་ཕྱི་ཡུལ་སའི་དཔྱད་ངོ་མཚར་ཕུན་སུམ་ཚོགས་པ་ནི། ལེགས་བྱས་ཟླ་བ་འབུམ་
གྱི་འོད་དཀར་ལས། །རྣམ་དཀར་མུ་ཏིག་འཛག་པའི་དཔལ་ཡོན་ཅན། །སྣང་བ་བཀྲ་ཤིས་
རྟགས་ཀྱི་དགེ་མཚན་གྱི། །འཁོར་ལོ་རབ་འབྱམས་གནམ་ས་ལ་ཁྱབ་པ། །ཞེས་བསམ་རྩེ་
འདི་ས་གཞི་པད་མ་འདབ་བརྒྱད་ལྟ་བུའི་མཛེས་པ་ཤར་དུ་སློབ་དཔོན་པད་མས་བདུད་རྩིའི་
22-1-164


རྒྱུན་གྱིས་བརླན་པའི་མྱང་ཆུ་དར་དཀར་ཀྱི་ཡོལ་པ་བརྒྱངས་པ་ལྟ་བུ། ལྷོ་ན་དཔེ་སྔོན་དང་
དོང་རྩེའི་ནེའུ་གསིང་གཡུའི་མཎྜལ་ལྟ་ན་སྡུག་པའི་དབུས་ན་གནམ་ཐོས་རིས་བརྗོད་པ། ནུབ་
རི་ཐལ་དཀར་མཆེ་བ་དྲུག་ལྡན་གླང་ཆེན་ས་སྲུང་ཉལ་བ་ལྟ་བུའི་མགོ་ཕོ་བྲང་ལ་བཏུད་ནས་
མྱོས་བུམ་ངོམ་པ་འདྲ་བ། བྱང་དུ་གཙང་ཆབ་གཡུ་འབྲུག་སྔོན་མོ་རྒྱུ་བའི་དབྱིབས་བཀྲ་ཤིས་
པའི་ཚིག་མགྲིན་གསང་མཐོན་པོར་སྒྲོག་པ་ལྟ་བུ། གཞན་ཡང་བསམ་གྲུབ་རྩེའི་ཕྱོགས་དང་
མཚམས་ཐམས་ཅད་བཀྲ་ཤིས་ཤིང་ངོ་མཚར་བའི་དགེ་མཚན་བཟང་པོའི་རི་བཀྲ་ཕུན་སུམ་
ཚོགས་པ་ཡོད་དེ། རྒྱབ་རི་གླང་ཆེན་ཉལ་བ་འདྲ་ཡོད་ཅིང༌། ཤར་ན་ཟངས་དཀར་གྱི་རི་ཡུལ་
འཁོར་སྲུང་པི་ཝཾ་རྡུང་བ་འདྲ་བ། བྱང་ན་རྒྱབ་རི་རྣམ་ཐོས་སྲས་གཡོན་ནེའུ་ལེ་བསྣམས་ཤིང༌། 
ནེའུ་ལེའི་ཁ་བསམ་རྩེར་བསྟན་ནས་ཕྱོགས་དེར་ནོར་བུ་སྐྱུག་པ་འདྲ་བ། ནུབ་ན་ཁྱུང་རི་སྤྱན་
མི་བཟང༌། དེ་བཞིན་དུ་ལྷོ་ན་འཕགས་སྐྱེས་པོ། ལྷོ་ནུབ་མཚམས་ན་རི་དུང་ཁ་གྱེན་དུ་བསླང་
བ་ཡོད་དེ་གྲགས་པ་ཆེ་བ་འོང་ངོ་ཞེས། ངོ་མཚར་(བསྐལ་བཟང་དང་ལུང་བསྟན་བདུད་རྩིའི་བཞུད་དང༌། 
ཀུན་ཏུ་དགའ་བའི་དཔལ་རྣམས་འཕེལ་བ་ལྷན་ཅིག་ཏུ་བསྟན་པས་བྱ་བ་ལྷན་ཅིག་བརྗོད་པའི་རྒྱན་ངོ་མཚར་བ།)བཀྲ་ཤིས་
རྟགས་ཀྱིས་བཀྲ་ཤིས་པའི་བསྐལ་པ་བཟང་པོ་དང༌། །དུས་གསུམ་སྒྲིབ་མེད་གཟིགས་པ་
དམ་པས་ལུང་བསྟན་བདུད་རྩིའི་བཅུད། །རྨད་བྱུང་འགྲོ་བའི་བསྐལ་བར་ལྡན་པ་ཀུན་ཡིད་
དགའ་བའི་དཔལ། །ལྷན་ཅིག་ཕྱོགས་སུ་འཕེལ་བ་བསམ་གྲུབ་རྩེའི་གནས་སུ་གྲགས། 
གཉིས་པ་མིང་ཁྱད་པར་ཅན་འདོགས་པའི་གཞི་ཡི་ངོ་མཚར་ཕུན་སུམ་ཚོགས་པ་ནི། ས་
ཡངས་པོ་ཁམས་གསུམ་གྱི་ཁོངས་ནང་དུ། །མཛེས་སྙན་གྲགས་གདུགས་དཀར་དུ་གཡོ་བ། །
དེ་ཡོངས་ཀུན་ལ་ཁྱབ་པར་ཕུབས་བྱས་ཀྱང༌། །བོད་བསོད་ནམས་སུ་མཐོའི་བསམ་གྲུབ་
རྩེ་(གྲགས་པ་ཕུལ་བྱུང་གི་རྒྱུན།) ཞེས་མྱང་སྨད་སའི་ཐིག་ལེ་འདི་ཇོ་བོ་ཨ་ཏི་ཤའི་འཆི་མེད་བདུད་
རྩིའི་མགུར་གྱི་ལུང་བསྟན་ལས། ཆོས་དགེ་བ་བཅུ་ཡིས་ཁྱད་འཕགས་པའི། །གླིང་ཕུན་སུམ་
22-1-165


ཚོགས་པ་འཛམ་བུའི་གླིང༌། །དེ་ཡི་ནང་ནས་བོད་ཡུལ་ཁ་བའི་ལྗོངས། །སྒོས་མྱང་སྨད་ས་ཡི་
ལྟེ་བ་ཡིན། །ཞེས་དང༌། དབུས་ནས་དཔལ་འབར་ཞིང་མཐའ་ནས་གཡང་ལུད་པའི་ཕོ་བྲང་
གི་ལྟེ་བ། བྲག་སེང་གེ་འདྲ་བ་དྲུག་གི་སྟེང་དུ་ཕོ་བྲང་བཏབ་པས་མིང་སེང་གེ་དྲུག་རྩེར་ཐོགས་
སོ། །སློབ་དཔོན་རིན་པོ་ཆེའི་པད་མ་ཐང་ཡིག་ལས། མྱང་སྨད་ཉི་མ་རི་ལ་རྫོང་གཅིག་བྱུང༌། 
ཞེས་སློབ་དཔོན་རིན་པོ་ཆེ་པད་མའི་གསུང་དངོས་ལས་ཟིན་པར་ཉི་མའི་རྫོང་དུ་གྲགས་སོ། །
(ས་སྐྱ་པཎྜི་ཏ་ཀུན་དགའ་རྒྱལ་མཚན་གྱི་རྣམ་ཐར་བསྐལ་པ་བཟང་པོའི་ལེགས་ལམ་ལས། དེ་ལས་(སྣར་ཐང་ལས་ཧ་ཅང་)རིང་
མིན་(ས་ན་མྱང་སྨད་)ཉི་མའི་ཕུང་པོའི་རིར། །གནས་སྐབས་གསུམ་པའི་ལྷས་བརྩོན་སྲིད་པའི་རྫོང༌། ལུང་བསྟན། (སློབ་དཔོན་
པད་མས། )ཇི་བཞིན་བབས་པར་དགོངས་ལས་དེང༌། །ས་ལ་བསམ་དོན་གྲུབ་པའི་རྩེ་མོར་གྲགས། ཞེས་པ་ས་འདི་ཡིན་ནོ།)
ཏའི་སི་ཏུ་བྱང་ཆུབ་རྒྱལ་མཚན་གྱིས་རྫོང་ཆེན་བཅུ་གསུམ་བརྒྱབ་པའི་རྟིང་མ་ཡང་འདི་ཡིན་
ཞིང༌། བསམ་པའི་དོན་ཐམས་ཅད་གྲུབ་པས་ན་མིང་དེ་བསམ་གྲུབ་རྩེར་ཐོགས་པ་ཡིན་ནོ། །
གསུམ་པ་ཟག་མེད་ཀྱི་ཐུགས་རྒྱུད་གཏམས་པའི་དམ་པ་མཆོག་གི་ཆེད་དུ་བསྔགས་པ་
ངོ་མཚར་ཕུན་སུམ་ཚོགས་པ་ནི་ཕོ་བྲང་བསམ་གྲུབ་རྩེ་ལ་བསྔགས་པ། རྒྱལ་བའི་དབང་པོ་
མི་བསྐྱོད་རྡོ་རྗེས་ཆབ་ཤོབ་རྒྱས་པའི་ནང་ན། སྐྱེ་བོ་(དངོས་ཐོབ་ཀྱི་དགའ་བའི་རྒྱན།) རྣམས་ཀྱིས་
རབ་དགའི་མིག་གི་བདུད་རྩིས་སྤུངས་པ་དང༌། །ལེགས་བྱས་དགེ་བའི་བསོད་ནམས་བྱེ་བར་
བསྐྲུན་པའི་ཚད་གྱུར་བ། །ངོ་མཚར་སྣང་བ་མཆོག་གི་གཏེར་དེ་མཐོང་ནས་སྐྱེས་བུ་རྣམས། །
ཤིན་ཏུ་དགའ་བའི་རྦ་རླབས་དབུ་མའི་འཛུམ་དཀར་རྨད་བྱུང་སྟོན། །ཞེས་དང༌། རྒྱལ་བའི་
དབང་པོ་དབང་ཕྱུག་རྡོ་རྗེས། །བསོད་ནམས་བསམ་པ་གྲུབ་པའི་ཕོ་བྲང་གི །རྩེ་མོར་ལྟར་མི་
བཟོད་པའི་བྱ་འདབ་འོད། །སྤྲིན་དཀར་ཚོགས་དང་འདྲེས་པའི་ནོར་བུ་ཡིས།{ཐེ་ཚོམ་ཕུལ་ལ་བྱུང་
གི་སྒོ་ནས་བསྔགས་པ།}། ཀྲ་མ་ཤྲཱི་རཱའི་རེ་ཁ་ཡང་ན་མངོན། །སྦྱངས་པའི་ཚོན་དང་གསེར་དངུལ་
བྱུགས་ཚལ་གྱིས། །བྱེ་མ་མེད་པར་བྲིས་པའི་གཞལ་མེད་ཁང༌། །རྣམ་པར་རྒྱལ་བའི་མཚན་
22-1-166


མ་བསྒྲེང་བའི་ཟུར། །དེ་ལ་ཉི་ཟླ་ཟུར་ཞིང་སྐོར་བ་སྙམ། ༣{སེམས་མེད་རབ་རྟོག་གི་སྒོ་ནས་བསྔགས་
པ།} ཞེས་ལྷ་དང་མི་རྣམས་ཀྱིས་མགྲིན་པའི་རྔ་གསངས་མཐོན་པོས་བསྟོད་བཀུར་གྱི་གནས་
མཆོག་དམ་པ། སྐྱེ་འགྲོ་ཀུན་གྱི་ཅོད་པན་དུ་མཛེས་པ་བསམ་གྲུབ་རྩེ་འདིའོ་ཞེས་པའོ། །
བཞི་པ་འཆི་མེད་ཡུལ་ལྗོངས་དགའ་ཚལ་ལ་གཞན་དྲིང་མི་འཇོག་པའི་སྐྱེད་མོས་ཚལ་གྱི་
ངོ་མཚར་ཕུན་སུམ་ཚོགས་པ་ནི། བསོད་ནམས་ལས་སུ་རུང་བའི་མཐུ་དཔལ་སྟོབས་སུ་མཐོ་
བ་ཡིས་སྐྱེད་མོས་ཚལ་བྱུང་སྟེ། སེར་སྐྱར་ཟས་གཙང་སྲས་འཁྲུངས་དུས་གྲགས་འཛིན་མ་ལ་
སོགས་བུ་མོ་མཛེས་མ་ལྔ་བརྒྱ། འདུན་པ་སོགས་བྲན་བདུན་བརྒྱ། རྟེའུ་ཕོ་ཁྲི་མོ་ཁྲི། གླིང་གི་
དབུས་སུ་བྱང་ཆུབ་ཀྱི་ཤིང༌། ཕྱོགས་བཞིའི་རྒྱལ་པོ་ཆེན་པོ་བཞི་ལ་སྲས་བཞི། གཏེར་ལྔ་བརྒྱ། 
སྐྱེད་མོས་ཚལ་ལྔ་བརྒྱ་རྣམས་འབྱུང་བས་མཚན་རྒྱལ་པོ་དོན་ཐམས་ཅད་གྲུབ་པར་ཐོགས་སོ། །
ཤམ་བྷ་ལའི་ཕོ་བྲང་གི་རྒྱལ་པོའི་ལེགས་བྱས་ཀྱི་དཔལ་ལས་མ་ལ་ཡའི་སྐྱེད་མོས་ཚལ་
རྫིང་བུའི་མཚོ་བཅས་བྱུང་བ་དང༌། བརྒྱ་བྱིན་ལྷའི་དབང་པོའི་མཐུ་དཔལ་ལས་ཕྱོགས་བཞིར་
སྐྱེད་མོས་ཚལ་བཞི་སྟེ་དགའ་བའི་ཚལ། འདོད་པའི་ཚལ། ཤིང་རྟ་སྣ་ཚོགས་པའི་ཚལ། རྩུབ་
འགྱུར་གྱི་ཚལ་རྣམས་བྱུང་ངོ༌། །དེ་བཞིན་དུ་མིའི་དབང་ཕྱུག་པའི་འཇེར་འཇིགས་རྩེ་
རྒྱལ་པོའི་བསོད་ནམས་ཀྱི་སྒོ་སྐལ་དུས་སུ་སྨིན་པའི་མཐུ་རྨད་དུ་བྱུང་བ་ལ་རྟེན་ནས་ཕོ་བྲང་
བསམ་རྩེའི་ཕྱོགས་བཞིར་སྐྱེད་མོས་ཚལ་བཞི་བྱུང་རྟེན་འབྲེལ་གྱི་ཆོས་ཉིད་ཡིན་ཏེ་མེ་ལོང་
གི་ལེའུ་གསུམ་པར། རྒྱལ་པོ་དེ་ཡི་མཐུ་ཡིས་ནི། །དེ་ཡི་སྐྱེད་ཚལ་ལྷ་རྣམས་ཀྱིས། ལྗོན་པ་
ཡལ་འདབ་གོས་དམར་དང༌། ལྡན་པ་དག་གི་གནས་སུ་གྱུར། ཞེས་ཕོ་བྲང་བསམ་གྲུབ་
རྩེའི་ལྷོ་ཕྱོགས་སུ་བཀྲ་ཤིས་དགེ་མཚན་ཞེས་པའི་སྐྱེད་མོས་ཚལ་དང༌། ས་ཧ་ཀ་ར་སྟེ་ཨ་སྨྲ་
ཁྱད་པར་ཅན་གྱི་མེ་ཏོག་བྱེ་བྲག་ཙུ་ཏ་ཀུ་མུ་དང༌། པུཎྜ་རི་ཀ་ཨུཏྤལ། བནྡྷུརྫིན། ཀེང་ཤུ་ལ་
22-1-167


སོགས་ཆ་འདྲ་བའི་མེ་ཏོག་མདངས་བཀྲ་ལ་དྲི་བཟང་པོར་འཐུལ་བ། རྩེད་དགའི་བྱ་བ་ལ་
འཇུག་པའི་ཁྲུས་ཀྱི་རྫིང་བུ་ལྟེང་ཀ་ཁང་བཟང་དང་བཅས་རྣམས་ཅུང་ཟད་མ་ཡིན་པར་འགྲོ་
བ་རྣམས་ཀྱི་ཡིད་མཆོག་ཏུ་དགའ་བ་སྐྱེད་པར་བྱེད་པ་བྱ་སྣ་ཚོགས་རྣམས་ཀུན་ཏུ་དགའ་བས་
མྱོས་པའི་སྒྲ་སྙན་ཞིང་ཡིད་དུ་འོང་བ་སྒྲོག་པ་སྟེ་མེ་ལོང་གི་གཞུང་ལེའུ་གསུམ་པར། ཡལ་
འདབ་གསར་པས་མཛེས་པ་ཡིས། །ལྗོན་པས་དྲངས་པའི་གཞོན་ནུ་རྣམས། །པད་མ་མངོན་
ཕྱོགས་བུང་བ་ཡིས། །མིག་ནས་བཟུང་སྟེ་འགུག་པར་བྱེད། ཅེས་པ་དང༌། མཐུན་པར་ཡིད་
ལ་དགའ་སྟེར་གྱི་དཔལ་ཕུན་སུམ་ཚོགས་པ་ཡིན་སྟེ། བཀྲ་ཤིས་ལྗོན་པས་བརྒྱན་པའི་སྐྱེད་
ཚལ་འདི། །འགྲོ་བ་ཡིད་རབ་འཕྲོག་པ་ཙམ་གྱིས་ཀྱང༌། །ཡོངས་འདུས་ཚལ་གྱིས་རྗེས་སུ་
འགྲོ་མིན་སྟེ། ༡ {དཔེ་ཅན་གྱི་བསྡུས་བརྗོད་མཚར་དུ་དངར་བ།} །དགེ་བཞིན་འབྲས་བུ་འཕེལ་བ་བྱེད་
པས་ཀྱང༌། །ལེགས་བྱས་འབྲས་བུའི་འཁུར་གྱིས་མདངས་བཀྲ་ཞིང༌། །གཞན་གསོས་བུ་
ཡིས་ཤིས་པ་བརྗོད་པའི་གནས། །ཡུལ་གྱི་དགེ་བཅུ་འཛིན་པ་མི་བདག་གི༡ {སེམས་ལྡན་རབ་
རྟགས་ཀྱི་རྒྱན།}འདྲེན་བྱེད་འཕེལ་བར་བྱེད་པ་ལྷོ་ཡི་ཚལ། །ཕོ་བྲང་གི་ཤར་དབང་པོའི་ཕྱོགས་ན། །
ལྗོན་པ་སྣ་ཚོགས་ཀྱི་ནགས་ཚལ་སྟུག་པོར་འདྲེས་ཤིང༌། །དགའ་སྟོན་ལ་རོལ་པའི་ཆུ་སྐྱེས་
གསར་བའི་ཀུན་དགའ་འཛུམ་ཞིང་མདངས་སུ་བཀྲ་བ་དུ་མས་སྤུད་པའི་མེ་ཏོག་གི་འཕྲེང་
བ་ཅན་མིག་ལ་མཛེས་པའི་དཔལ། རྣ་བར་སྙན་པའི་བདུད་རྩི་འབབ་ཅིང༌། རྣམ་འགྱུར་
ཡིད་འོང་བའི་གར། ཡལ་འདབ་འཕང་ཕུང་ལོ་འབྲས་མངོན་པར་རྒྱས་པའི་སྟེང་དུ་བྱ་རྣམ་
པ། ༣{རྐང་དྲུག་རྣམས་}སྣ་ཚོགས་འདུས་ཤིང་རྩེད་དགའི་དགའ་སྟོན་ལ་རོལ་པའི་བྱ་ཚོའི་སྐྱེད་
ཚལ་ཞེས་གྲགས་ཏེ། སྨན་ལྗོངས་འབབ་ཆུས་བརྒྱན་པ་ཡོངས་འདུའི་དགའ་ཚལ་དང༌། །ལྷ་
ཤིང་མྱ་ངན་མེད་པའི་འཕྲེང་ཚོགས་གཡོ་བའི་དབུས། །སྙན་ཚིག་ལྷོང་ལྷོང་སྒྲོག་བྱ་མགྲིན་
སྙན་གཞོན་ནུ་རྣམས། ༡ {དཔེ་རྒྱན་མཚར་དུ་དངར་བ།}པད་མཚོར་རོལ་འདིས་སུམ་རྩེན་ཚལ་
22-1-168


གྱིས་བསྐལ་བཟང་བཞིན། །རབ་མཛེས་མེ་ཏོག་ཚོམ་བུའི་མདངས་བཀྲ་ཞིང༌། །སྔོ་ལྗང་ལོ་
འདབ་འཁྲིགས་པའི་གྲིབ་བསིལ་ཅན། །དྲི་ཞིམ་འབྲས་བུས་བརྗིད་པའི་ལྗོན་ཚོགས་རྣམས། །
རྒྱལ་པོ་གང་དེའི་བསོད་ནམས་དཔལ་དུ་བསྐྲུན། །ཕོ་བྲང་གི་བྱང་སྟོད་ཕྱོགས་ན་ལྗོན་ཤིང་
སྣ་ཚོགས་ལས་ཡལ་ག་རྒྱས་ཤིང༌། མེ་ཏོག་དང་འབྲས་བུའི་བ་གམ་ཅན་གྱི་ལྡིང་ཁང་དང་
འདྲ་བ། ཡིད་ལ་འདོད་འཇོའི་འབྲས་བུ་རོ་བརྒྱའི་བཅུད་དུ་གང་བས་ཀུན་དགའི་དཔལ་དུ་
འཛག་པའི་འབྲས་ལྡན་གྱི་ནགས་ཚལ་རྨད་དུ་བྱུང་བས་ན་དགའ་ཚལ་གྱི་སྐྱེད་མོས་ཚལ་ཏེ། 
སྣ་ཚོགས་ལྗོན་ཤིང་ལོ་འདབ་འཕང་ཕུང་འཁྲིགས་པའི་ལྡིང་ཁང་ནས། །ལེགས་བྱས་འདོད་
དགུའི་རྭ་བ་ཡོངས་སུ་འགེངས་པའི་འབྲས་བུའི་མཆོག །གཡུར་ཟར་འདེམས་པའི་བསོད་
ནམས་དཔལ་གྱི་དགའ་ཆར་ཆེར་འབེབས་པ། །རྫོགས་ལྡན་སྤྲིན་དང་དཔག་བསམ་ཤིང་གི་
ཚལ་བཞིན་མངོན་པར་མཐོ། ༢ {གཟུགས་ཅན་རྨད་དུ་བྱུང་རྒྱན། དཔེ་རྒྱན་གསུམ་བསྲེས་པའི་སྤེལ་རྒྱན་ནོ། །}ཕོ་
བྲང་གི་ལྷོ་ནུབ་ཆུ་ལྷ་མོ་དང་ཉེ་བར་ཚལ་སྣ་ཚོགས་པའི་འཕྲེང་བ་ལས་ནགས་ཀླུང་དྲི་བཟང་
པོར་འཐུལ་བ། འདབས་ཆགས་སྐད་སྙན་པར་སྒྲོག་པའི་བསྐལ་བ་བཟང་པོར་ལྡན་ཞིང༌། ཆུ་
རྒྱུན་མུ་ཏིག་གི་འཕྲེང་བ་ལྟར་ལྷུང་ལྷུང་དུ་སྙན་པར་བབས་པ་སོགས་ཀླུ་ལྡིང་ཞེས་བྱ་བ་ཡང་
ཡོད་དེ་མེ་ལོང་གི་གཞུང་ལས། གར་བྱེད་ནི་ཙུ་ལ་ཕང་དུ། །གླུ་ཡང་ལེན་ནོ་མཇུག་སྒྲོ་ཅན། །
དགའ་བ་རྒྱས་པའི་མིག་དྲག་ནི། །ཆུ་འཛིན་ལ་ནི་བསྟོད་པར་བྱེད། ཅེས་སོ། །
ལྔ་པ་སྟོབས་ཀྱི་འཁོར་ལོས་བསྒྱུར་བ་ཁོ་ན་འབྱུང་བའི་བསྟི་གནས་སུ་ངེས་པར་བསྟན་
པའི་ངོ་མཚར་ཕུན་སུམ་ཚོགས་པ་ནི་རྟེན་འབྲེལ་ཡིག་ཆུང་ལས། པད་མའི་མཚོ་ལ་ངང་པ་
འདུ། །དྲི་ལྡན་མེ་ཏོག་བུང་བ་སྡུད། །ཤ་ཡི་དྲི་ལ་ཤ་སྦྲང་འཁོར། །འབྲོག་བཟང་དུ་ནི་རི་
དྭགས་འདུ། ཞེས་ཕྱི་ནང་གསང་གསུམ་གྱི་རྟེན་འབྲེལ་གྱི་མཐུ་ཟབ་མོ་ལས་བྱུང་བ་ལྟར་བྲག་
སེང་གེ་འདྲ་བ་གཅིག་གི་གམ་ཕོ་བྲང་བཏབ་ན་འགྲོ་བ་མི་ཡི་ཁ་ལོ་སྒྱུར་ཞེས་པ་འབུམ་ལས་
22-1-169


གསུངས་ན། སེང་གེ་དྲུག་གི་སྟེང་དུ་ཕོ་བྲང་བསམ་འགྲུབ་རྩེ་བཏབ་པས་ཀུན་ལ་ཁ་ལོ་བསྒྱུར་
བ་ལྟ་སྨོས་ཀྱང་ཅི་དགོས། དམ་པ་ཏོག་དཀར་དགའ་ལྡན་གྱི་གནས་ནས་འཛམ་གླིང་གི་ལྟེ་
བ་བྱང་ཆུབ་ཀྱི་ཤིང་དྲུང་དུ་སངས་རྒྱས་པར་ཞེས་སྐབས་ལྷ་རྣམས་ཀྱིས་གསོལ་པ། འཛམ་
བུའི་གླིང་དེ་ནི་དེང་སང་འོད་སྲུང་རྫོགས་བྱེད་སོགས་རྟོག་གེ་པ་དྲུག་བྲམ་ཟེ་རྒྱུ་རྒྱལ་སོགས་
རྗེས་སུ་སྒྲོག་པ་དྲུག །རེངས་བྱེད་ཀྱི་བུ་ལྟག་སྤྱོད་སོགས་སྙོམས་པར་འཇུག་པ་དྲུག་སྟེ། བཅོ་
བརྒྱད་ཀྱིས་མ་རུངས་པར་བགྱིས་པས་འཛམ་གླིང་དུ་གཤེགས་པའི་སྐབས་མ་ལགས་སོ་ཞུས་
པས་དེ་དག་ང་ཉིད་ཀྱི་ཟིལ་གྱིས་མནན་ནས་སོ། །སེང་གེ་{ཙནྡྲ་ཆུ་དང་ཟླ་བའི་ཟེར་ཞེས་དཔེ་མང་པོ་ཞིག་
གི་དོན་བུད་མེད་ཀྱི་རེག་བྱ་སེལ་བར་བསྟན་པའི་མང་བའི་དཔེ་འདི་ཡང་ཡིན}གཅིག་གིས་གཅན་གཟན་ཚོགས་
རྣམས་དུ་མ་རྣམ་པར་སྐྲག །རྡོ་རྗེ་གཅིག་གིས་བྲག་གི་རྩེ་མོ་དུ་མ་རྣམ་པར་འཇིགས། །བརྒྱ་
བྱིན་གཅིག་གིས་ལྷ་མ་ཡིན་དབང་དུ་མ་རྣམ་པར་འཇོམས། །ཉི་མ་གཅིག་གིས་མུན་པའི་
ཚོགས་རྣམས་དུ་མ་རྣམ་པར་སེལ། །ཞེས་གཟི་གནོན་གྱི་དཔེའི་གཙོ་བོ་སེང་གེ་ལ་མཛད་པ་
ཉིད་ཀྱིས་བློས་དཔག་པར་ནུས་ཤིང༌། དྲང་དོན་གྱི་རྩ་རྒྱུད་དང༌། ངེས་དོན་གྱི་རྩ་རྒྱུད་དེ། དང་
པོ་ནི། མཆོག་གི་དང་པོའི་སངས་རྒྱས་སྟོང་ཕྲག་བཅུ་གཉིས་པ་ཡིན་ཞིང༌། གཉིས་པ། ངེས་
དོན་གྱི་རྩ་རྒྱུད་ནི་སྒྱུ་འཕྲུལ་དྲྭ་བ་ཁྲི་ཕྲག་དྲུག་སྟོང་པའི་རྡོ་རྗེ་གླུ་བླངས་ཀྱི་ལེའུ་ཟུར་དུ་འབྱུང་
བ་མཚན་ཡང་དག་པར་བརྗོད་པ་ལས། བདག་མེད་སེང་གེའི་སྒྲ་དང་ལྡན། །མུ་སྟེགས་རི་
དྭགས་ངན་འཇིགས་བྱེད། ཅེས་གསུངས་པ་དང༌། རྒྱུད་བླ་མར་མི་འཇིགས་འཁོར་གྱི་ནང་
ན་སེང་གེ་བཞིན་ཞེས་དང༌། སྡོམ་གསུམ་ལས། བདེ་གཤེགས་བསྟན་པའི་གསུང་རབ་སེང་
གེ་སྒྲ། །ལྟས་ངན་རི་དྭགས་མཐའ་དག་སྐྲག་པར་མཛད། །ཅེས་དང༌། ལེགས་པར་བཤད་
པར། ཁོང་མཛངས་བསོད་ནམས་བསགས་པའི་མི། །གཅིག་པུ་ཡིན་ཡང་ཀུན་ལས་རྒྱལ། །
རི་དྭགས་རྒྱལ་པོ་སེང་གེ་དང༌། །འཁོར་ལོས་བསྒྱུར་ལ་གྲོགས་མི་དགོས། །ཞེས་དང༌། རི་
22-1-170


དྭགས་རྒྱལ་པོ་གདོང་ལྔ་ལས་བྱུང་བའི་རྒྱུད་གཅིག་བསྒྲེངས་འདྲེན་གྱུར་ན། །མཐའ་དག་རྒྱུད་
ཚོགས་མ་ལུས་པ། །སྐད་ཅིག་ལ་འཇིག་རྟེན་འབྲེལ་འབྱུང༌། ཞེས་སེང་གེ་ལྟ་སྟངས་ཀྱིས་མ་
ལུས་ཤིང་ལུས་པ་མེད་པར་མཐའ་དག་ཟིལ་གྱིས་གནོན་པའི་རྟེན་འབྲེལ་ཟབ་མོའི་ཐུགས། 
ཕོ་བྲང་འདི་ལ་བརྟེན་ནས་སྟོབས་ཀྱིས་འཁོར་ལོས་བསྒྱུར་བ་འབྱུང་བ་མངོན་སུམ་གྱི་ཡུལ་དུ་
གྱུར་བ་འདི་ཡིན་ལ་སྤྱིར་བཏང་འཁོར་ལོས་བསྒྱུར་བ་འབྱུང་ཚུལ་ཆོས་མངོན་ལས་བསྐལ་པ་
རྫོགས་ལྡན་ཚེ་ལོ་བརྒྱད་ཁྲི་ཡན་ལ་འཁོར་ལོས་བསྒྱུར་བ་འབྱུང་གི་དེ་མན་ལ་སྟོབས་མངའ་
ཐང་དཔལ་འབྱོར་མི་ཤོང་བས་འཁོར་ལོས་བསྒྱུར་བ་མི་འབྱུང་ངོ༌། །འཁོར་བཅས་བསྒྱུར་བ་
ལ་ཡང་གསེར་གྱི་འཁོར་ལོས་བསྒྱུར་བ་གླིང་བཞི་གླིང་ཕྲན་དང་བཅས་པ་དངུལ་གྱི་འཁོར་
ལོས་བསྒྱུར་བ་གླིང་གསུམ། ཟངས་ཀྱི་འཁོར་ལོས་བསྒྱུར་བ་གླིང་གཉིས། ལྕགས་ཀྱི་འཁོར་
ལོས་བསྒྱུར་བ་གླིང་གཅིག་ལ་དབང་བསྒྱུར་ཏེ། མཛོད་ལས། གསེར་དངུལ་ཟངས་ལྕགས་
འཁོར་ལོ་ཅན། །དེ་དག་གླིང་གཅིག་གླིང་གཉིས་དང༌། །གསུམ་དང་བཞི་ལ་མས་རིམས་
བཞིན། ཕེབ་བསུ་རང་འགྲོ་གཡུལ་བཤམས་དང༌། །མཚོན་བརྩམས་པས་ཀྱང་གནོད་པ་
མེད། །ཅེས་གསུངས། བསྐལ་པ་གཞན་ལ་འཁོར་ལོས་བསྒྱུར་བ་འབྱུང་ཚུལ་ནི་མདོ་སྡེ་
དང་འདུལ་ལུང་ལས་གསུངས་པ་ལྟར་བསམ་གྱིས་མི་ཁྱབ་ཅིང༌། སངས་རྒྱས་དང་བྱང་ཆུབ་
སེམས་དཔའ་སྨོན་ལམ་གྱི་དབང་གིས་འཁོར་ལོས་བསྒྱུར་བ་འབྱུང་བ་ནི་བསྐལ་པའི་དུས་
བཞིའི་ནང་ནས་རྩོད་ལྡན། སངས་རྒྱས་བསྟན་པའི་དུས་བཞིའི་ནང་ནས་རྩོད་དུས་ཀྱི་སྐབས་
སུ་དྲག་པོ་འཁོར་ལོ་ཅན་གྱི་ནས་དུམ་བུ་བཅུ་གཉིས་ཀྱི་ཀླ་ཀློ་བཅོམ་ནས་རྫོགས་ལྡན་ལོ་ལྔ་
སྟོང་བཞི་བརྒྱ། སུམ་ལྡན་ལོ་ལྔ་སྟོང་བཞི་བརྒྱ། གཉིས་ལྡན་ལོ་ལྔ་སྟོང་བཞི་བརྒྱ། རྩོད་དུས་
ལོ་ལྔ་སྟོང་བཞི་བརྒྱ། ཡོངས་བསྡོམས་སངས་རྒྱས་ཀྱི་བསྟན་པ་རིན་པོ་ཆེ་མི་ལོ་ཉིས་ཁྲི་ཆིག་
སྟོང་དྲུག་བརྒྱའི་བར་དུ་གནས་པ་འཁོར་ལོས་བསྒྱུར་བ་དེ་ཡིན་ནོ། །
22-1-171


དེ་སྐབས་སུ་བབས་པའི་དངོས་དོན། ས་འཛིན་གདོང་ལྔའི་དབྱིབས་སུ་མཛེས་པའི་སྟེང་
གི་ཕོ་བྲང་དུ་འཁོད་པའི་སྟོབས་ཀྱིས་འཁོར་ལོས་བསྒྱུར་བ་འདིའི་རིགས་མཆོག་དམ་པ་ནི། 
སུམ་རྩེན་ཡུལ་གྱི་ལྷག་བསམ་བདུད་རྩི་ཡི། །རབ་མྱོས་གཞན་ཕན་དཀར་བའི་གོས་གྱོན་
ནས། །འཆི་མེད་ལམ་རིང་ལས་འོངས་གངས་ཅན་པར། །བསོད་ནམས་ཉི་མ་འབུམ་གྱི་སྣང་
བར་ཤར། ཞེས་ལྷ་རིགས་རྙོག་པ་མེད་པའི་སྤུན་གསུམ། བོད་ཡུལ་གྱི་ལྟེ་བ་ཡར་ལུང་གི་རི། 
འཕགས་པའི་གནས་བརྟན་ཆེན་པོ་དུས་ཆེན་བཞུགས་པ། ཡར་ལུང་ཤེལ་བྲག་གི་ལྟག་གི་
རི་གསུམ་ལ་བབས་ཏེ་གངས་ཅན་པའི་དཔལ་དུ་བྱོན་ཞེས་གླེང༌། ལྷ་སྤུན་གསུམ་གྱིས་ཆེ་བ་
དེས་རི་གསུམ་གྱིས་གཉའ་བ་སྟེ་མཐོ་ས་ནས་བབས་པས་དེང་ཡང་ལྷ་རི་ཞེས་མིང་དུ་ཐོགས་
ཤིང༌། གཉའ་བ་ཟེར་རྒྱུ་ལ་ཟུར་ཆགས་པའི་གཉགས་ཞེས་ཟེར་རོ། །
དེའི་རྒྱུད་པས་དེང་སང་གི་བར་དུ་ཡང་ཤེལ་བྲག་གི་གནས་དགོན་ཆ་ལག་དང་བཅས་
འཛིན་ནོ། །ལྷའི་བུ་གཞོན་པ་གཉིས་ཀྱི་རྒྱུད་པ་ཡང་ཡར་ལུང་ན་ཡོད་པ་གྲགས་སོ། །དཔྱད་
པ་མ་དག་ལ་མཐོང་རྒྱ་དཀར་ཁུང་ལས་དོག་པ། མི་ཤེས་པའི་ཡུལ་ངོ་སོ་སོར་ངོམ་པ་མཁས་
པ་བསྟི་སྟངས་ཀྱི་ཡུལ་མིན་རས། (རིས)སུ་ནོར་བས་རྨོངས་པ་རྣམས་བོད་རྒན་པོའི་ངག་སྒྲོས་
ཡི་གེར་གསལ་བར་བཀོད་པ་ལྟར་ཕྱིའི་རུས། ནང་གི་རུས། གསང་བའི་རུས་དང་གསུམ། དང་
པོ། ཕྱིའི་རུས་ལ་རུས་ཆེན་བཅོ་བརྒྱད་དང༌། རུས་ཆེན་དྲུག་དང༌། རུས་ཆེན་བཞི་ཡོད་པས་
རུས་ཆེན་དྲུག་ནི། དབྲ་འབྲུ་སྒ་དང་གཉགས་དང་བཞི། (རྒྱལ་རབས་མང་ཆེ་བར་སེ་དང་དམུ་དང་ལྡོང་
དང་སྟོང་ཞེས་གྲགས། ཞུས་དག་པའི་མཆན།) ནུ་བོ་དབས་ཏ་[ཟླ་]གཉིས་དང་དྲུག །ཟེར་བའི་རུས་ཆེན་
པོ་གཉགས་ཡིན་ཟེར་རོ། །གང་ལྟར་རིགས་རུས་ཆོ་འབྲང་ཕུན་སུམ་ཚོགས་པ་དེའི་རྒྱུད་ལ་
གཉགས་ཛྙཱ་ན་(ཛྙཱ་ན་ཁོང་དུ་ཆུད་པ་ལའོ་ཞེས་བྱིངས་ཀྲྀ་ཏ་རྐྱེན་ཡུཀ་བྱིན། ཡུ་བུ་རྣམས་ཀྱི་ཨ་ནང྄་ཨཀ྄་དག་རྣམས་ཞེས་
སོ། །ཨ་ན་རུ་བསྒྱུར་མཚམས་སྦྱར་བའོ།)ཀུ་མཱ་རི་ཞེས་པའི་འདི་སློབ་དཔོན་རིན་པོ་ཆེ་པད་མ་དང་ཐོག་
22-1-172


ཅུང་ཟད་མི་མཚུངས་ཟེར་བ་མང་ཡང་སློབ་དཔོན་པད་མའི་ཞབས་ལ་ཐུགས་ནས་ཟབ་ཀྱིས་
གདམས་པ་ལོན་ཏེ། (ཀུ་མཱར་རྩེ་བ་ལའོ་བྱིངས། ཙུར྄་སོགས་ལས་ཉིན྄་ཀྲྀ་ཏ་བྱིན། ཨའི་ནང྄་དབྱིའོ་ཨ་རྐྱེན། སློབ་
ཕན་གྱིས་མིང་ལེའུ་བདུན་པ་བཤད་པར། ན་ཚོད་ལ་དང་པོ་ལའོ། །ན་ཚོད་ལ་འཇུག་ཆོས་སྐྱེད་པ་ཡིན་ཀྱང་ཨཱི་རྐྱེན་སྟེར།)སློབ་
དཔོན་རིན་པོ་ཆེའི་དངོས་སློབ་སོ་སོའི་རྫུ་འཕྲུལ་བསྟན་པར། ནམ་མཁའི་སྙིང་པོ་མཁའ་ལ་
བྱ་ལྟར་འཕུར། །ཞེས་སོགས་ནས་ཛྙཱ་ན་ཀུ་མཱ་ར་རྫུ་འཕྲུལ་སྣ་ཚོགས་བསྟན་ཞེས་དང༌། སློབ་
དཔོན་རིན་པོ་ཆེ་པད་མས་མཁས་པ་མི་བཞིའི་གདམས་པ་དབང་གདམས་ངག་དང་བཅས་
པ་རྒྱལ་པོ་ཁྲི་སྲོང་ཉིད་དང་གཉགས་ཛྙཱ་ན་ཀུ་མཱ་ར་ལ་གནང་བ་ཡིན་ནོ། །བཀའ་བསྟན་མང་
པོ་བསྒྱུར་བས་སྒྲ་བསྒྱུར་གྱི་ལོ་ཙཱ་ཆེན་པོ་དང༌། རྒྱ་གར་གྱི་མཁས་གྲུབ་དམ་པ་བི་མ་ལ་མི་
ཏྲའི་ཞབས་རྡུལ་སྤྱི་བོས་བརྟེན། བསྐྱེད་རྫོགས་ཀྱི་ཟབ་གནས་ཐོབ་ཅིང༌། བི་མ་ལའི་ཆོས་
འཁོར་ཟབ་མོ་མཐའ་དག་བསྒྱུར་བའི་ལོ་ཙཱ་སྒྱུ་འཕྲུལ་དང༌། ཕུར་པ་སྙིང་ཐིག །གཤིན་རྗེ་
སོགས་རིང་མ་སྐོར་གྱི་ཟབ་ཁུ་མཐའ་དག་གི་བཀའ་བབས་པས་དེ་ཉིད་རྒྱུད་པ་སོ་སོའི་གྲལ་
ལ་བཞུགས་པ། སྣུབས་ནམ་མཁའི་སྙིང་པོ་དང་མྱང་ཏིང་འཛིན་བཟང་པོ་ལ་ཆོས་ཟབ་མོ་
ཐོས་པ་སོགས་སྒྲུབ་པ་ལ་མཁས་པས་བརྒྱན་པ་འདི་ལ་མི་མཐུན་ཕྱོགས་ཀྱི་གནོད་པ་མང་པོ་
ཞིག་གིས་གཙོས་ཀྱང་མཐུ་སྟོབས་ཀྱིས་ཚར་གཅོད་པ་དང་མངའ་དབང་བསྒྱུར་བའི་གཉགས་
ཛྙཱ་ན་ཀུ་མཱ་རས་ནམ་མཁའ་ལ་ཕུར་བ་ལ་སྔགས་བཏབ་པས་ས་ལ་ལྷུང་ནུས་པ་སོགས་སྐྱེས་
བུ་ཁྱུ་མཆོག་འདི་གཉགས་ཀྱི་རིགས་སུ་འཁྲུངས་སོ། །ཡང་བསྟན་པ་ཕྱི་དར་གྱི་དབུས་གཙང་
གི་མཁས་པ་མི་བཅུའི་སྐབས་སུ་གྲུ་མོར་ཚུལ་ཁྲིམས་འབྱུང་གནས་ཀྱིས་ཆུ་མོ་གླང་གི་ལོ་ལ་
ཀླུ་མེས་ཆེན་པོ་མོ་མཁར་འབྲས་མོར་གདན་དྲངས་པ་དེའི་སྤྱན་འདྲེན་པ་བཞི་ལ་ཁུ་གཞོན་
ནུ་རིན་ཆེན། གཉགས་ཡོན་ཏན་སྙིང་པོ། མཆིམས་ལྷུན་གྱི་གྲགས་པ། མཆིམས་མཆོག་སྐུ་
དང་བཞིའོ། །བཞིའི་ནང་ནས་མཆོག་ཏུ་གྱུར་བ་འདུལ་བ་བདུད་རྩིའི་སྙིང་ཁུས་ཐུགས་རྒྱུད་
22-1-173


མཛེས་ཤིང༌། ཐོས་དོན་ནོར་གྱིས་ཕྱུག་པ་དང༌། དོན་མཐུན་མིང་དུ་བཏགས་པ། ཡོན་ཏན་
སྙིང་པོ་ཡང་མཆོག་ཏུ་གྱུར་པ་གཉགས་ཀྱི་རིགས་སུ་འཁྲུངས་པའོ། །ཡང་ཁ་ཆེ་པཎ་ཆེན་ཤཱཀྱ་
(ཤཱཀྱ་ཕོད་པའི་བྱིངས་ལ་ཀྲྀ་ཏ་ཡི། ཀྱཔྟ་རྐྱེན་སྟེར་བའི་ཡང་ན་མིང་ལེ་དྲུག་པའི་གྲགས་པའི་དོན་ལ་ཡ་རྐྱེན་བྱིན་པའོ།།) ཤྲཱི་
(ཤྲཱི་བསྟན་པའི་བྱིངས་ལ། ཀྭིཔ྄་སྟེ་ཕྱིས་ནས་བྱིངས་རྟགས་ཐུན་མོང་བྱས་ཤིང༌། ཀྭིཔ྄་སོགས་རིང་པོར་བྱས་པའོ། །)འཁོར་
པཎ་ཆུང་དགུ་དང་བཅས་བོད་དུ་ཕེབས་ནས་གཙང་སྟོད་དུ་བཞུགས་སྐབས་པཎ་ཆུང་དགུའི་
ནང་ཚན་སུ་ག་ར་ཤྲཱི་ཡར་ཀླུང་དུ་སྤྱན་འདྲེན་ཞུ་མི་གཉགས་ལོ་ཙཱ་བ་ཆེན་པོ་ཡིན་ཞིང༌། པཎྜི་
ཏའི་ཕྱག་གཡོག་མངའ་རིས་པ་དགེ་མཛེས་བྱང་ཆུབ་ཡོད་པ་དེས་པཎྜི་ཏ་ལས་ཀྱང་གཉགས་
ལོ་ཙཱ་བ་མཁས་པར་རྟོགས་ནས་ཤེས་རབ་ཀྱི་ཕ་རོལ་ཏུ་ཕྱིན་པ་ཞུས་པ་སོགས་ཁྱད་པར་ཅན་
གྱི་ལོ་ཙཱ་བ་དེ་ཡང་མཆོག་ཏུ་གྱུར་པ་གཉགས་ཀྱི་རིགས་སུ་འཁྲུངས་པའོ། །ཕ་དམ་པ་སངས་
རྒྱས་གཉལ་ལོ་རོ་སོགས་ནས་བརྒྱུད་ནས་ཡར་སྟོད་ལ་ཕེབས་དུས་ཁུ་ལོ་ཙཱ་བ་བླ་མ་ལ་དམ་
ཚིག་ཉམས་པ་ཡིན་གསུངས་ནས་མ་མཇལ་ཞིང་ཆོས་གནང་མ་འདོད། གཉགས་ལོ་ཙཱ་བ་
ལ་ཆོས་མང་དུ་གསུངས་ཤིང༌། ཤིན་ཏུ་མཉེས་པར་མཛད་པ་དེ་ཡང་རིགས་མཆོག་ཏུ་གྱུར་
པ་གཉགས་རིགས་སུ་འཁྲུངས་པའོ། །ཡང་ཇོ་བོ་རྗེ་ཨ་ཏི་ཤ་ཉིད་ཀྱིས་བར་དུ་ལོ་ཙཱ་བས་
ཀྱང་མ་ཆོད་པར་ལམ་གྱི་རིམ་པ་མི་གཡོ་བའི་སྒྲུབ་ཡིག་རྒྱས་པ་དམིགས་པ་སྐོར་གསུམ་དང་
བཅས་རྣལ་འབྱོར་གྱི་དབང་ཕྱུག་དགོན་པ་བ་འཇིང་དབང་ཕྱུག་རྒྱལ་མཚན་ལ་གནང༌། དེས་
སྣེའུ་ཟུར་པ་དང་ཞང་ཀ་མ་པ་ལ་གསུངས་སྣེའུ་ཟུར་པས་མངའ་རིས་དགེ་མཛེས་བྱང་ཆུབ་ལ་
གསུངས། དེས་སྐོར་ཆེན་པོ་ལ་གསུངས་ཤིང༌། སྐོར་ཆེན་པོ་ས་ཁྱད་པར་དུ་འཕགས་པ། སྐོར་
ཆེན་པོའི་ལམ་རིམ་ཞེས་ཀུན་ལ་གྲགས་སོ། །
དགེ་བའི་བཤེས་གཉེན་སྐོར་ཆེན་པོའི་རབ་བྱུང་མཁན་པོ་གཉགས་ཆུང་ལོ་ཙཱ་བ་ཡིན་
ཞིང༌། དགོན་གནས་ལྟག་ཅན་གྱི་བདག་གཉགས་ལོས་མཛད་པ་ལ། དགེ་བཤེས་སྐོར་གྱིས་
22-1-174


ཕྱིའི་ལྕགས་རི་བརྩིགས་པ་སོགས་ཞབས་ཏོག་སྒྲུབ་པར་མཛད་པའི་ཡུལ་དེ་ཡང་རིགས་
མཆོག་གཉགས་རིགས་སུ་འཁྲུངས་པ་སོགས་གཉགས་རིགས་འདི་ལ་མཁས་པ་དང༌། གྲུབ་
པའི་དབང་ཕྱུག(ལོ་ཙཱ་བའི་མཚན་ཐོགས་པའི་ཟག་མེད་ཀྱི་བློ་མངའ་བའི་ཆོས་ཀྱི་སྤྱན་ལྡན།)བསམ་གྱིས་མི་ཁྱབ་
པ་བྱོན་པ་སོགས་རིགས་དང་རུས་དང་ཆོ་འབྲང་གི་མཛེས་པའི་དཔལ་དེ་ཉིད་ལས་བྱུང་བ་
ནི་ཞིང་ཤག་རྡོ་རྗེ་ནས་བཟུང་ད་ལྟ་མི་འཇིགས་པའི་ཁྲི་སྟེང་དུ་མངོན་པར་མཐོ་ཞིང་སྤ་བ་
ཀརྨྨ། (ཌུ་ཀྲ ཉ྄་བྱེད་པ་ལའོ་བྱིངས་ཨརྡི་ཧུ་སུ་ཀྵི་ནི་ས་ད་ཞེས། མ་རྐྱེན་སྟོན་བྱས་ཙནྡྲ་པ་ལས་ཨ་ཙཱ་ལས་ཧ་ར་ལས་སོགས་
གཉིས་བརྩེགས།)བསྟན་སྐྱོང་དབང་པོ་ཞེས་པ་འདི་ཡིན་ལ་འདི་ཉིད་འཁྲུངས་པའི་ས་ཡུལ་ནི་
བྱང་ཕྱོགས་སའི་ཐིག་ལེ་རི་ཀུན་ཏུ་གཟིགས་དང་མི་རིང་བའི་ཉེ་འདབས་སེང་གེ་ལུང་ཞེས་
གྲགས་པ། ཕྱོགས་བཞིར་རི་སེང་གེ་འདྲ་བ། དབུས་གད་པ་ཁྲི་གདན་འདྲ་བའི་ཁར་རི་སེང་
གེ་འདྲ་བ། ད་དུང་གཡས་འཁྱིལ་འདྲ་བའི་ངོགས་དགོན་པ་གྲོང་ཁྱིམ་དང་བཅས་པ་ཡོད་པ་
ལ་རྒྱུ་མཚན་དེས་སེང་གེ་ལུང་དུ་ཐོགས་ཤིང༌། ས་དཔྱད་སེང་གེ་འདྲ་བ་ཡོད་པའི་སྒོ་ནས་
ཁྱད་པར་འཕགས་ཚུལ་གོང་དུ་བྲག་སེང་གེ་འདྲ་བའི་ཁར་ཕོ་བྲང་བསམ་རྩེར་བཏབ་ཡོད་
ཚུལ་སྐབས་སུ་བཤད་ཟིན་པ་ལྟར་བྱང་ཕྱོགས་མི་ཉག་གི་རྒྱལ་རྒྱུད་རིམ་པར་སྟོད་ཕྱོགས་ལ་
འཆུགས། དུས་སྐབས་ཤིག་གི་ཚེ་དགེ་ཞིང་བཀྲ་ཤིས་པའི་ས་ཡུལ་སེང་གེ་ལུང་དུ་བཞུགས་
པའི་མཚམས་སྦྱར་བའི་མཐུས། བྱང་ངམ་རིང་གི་བདག་པོར་གྱུར་པ་དང༌། སྤྱིར་སྤྲུལ་པའི་
རྒྱལ་པོ་སྲོང་བཙན་སྒམ་པོས་བོད་ཡུལ་གངས་ཅན་འདིར་མངོན་མཐོ་ངེས་ལེགས་ཀྱི་དཔལ་
མི་ནུབ་ཅིང༌། མཐའ་བཙན་པའི་ཕྱིར་མཆོད་རྟེན་སྟོང་རྩ་བརྒྱད་བཏབ་པའི་མིང་ལ་རྒྱལ་པོ་
མཆོད་རྟེན་དུ་ཐོགས་ཤིང༌། སེང་གེ་ལུང་གི་མཆོད་རྟེན་སྟོང་རྩ་བརྒྱད་ཀྱི་གཙོ་བོར་འདི་ལ་
དུས་གསུམ་སྒྲིབ་མེད་དུ་གཟིགས་པ་ཆོས་རྒྱལ་སྲོང་བཙན་སྒམ་པོས་བསམ་བཞིན་དུ་མ་
འོངས་ལུང་བསྟན་གྱིས་མཆོད་རྟེན་རྒྱལ་པོ་སྐྱེས་སུ་མཚན་བཏགས་པ། གངས་ཅན་སྐྱེ་དགུའི་
22-1-175


དཔལ་དུ་རྒྱལ་པོ་འདི་སྲོང་བཙན་སྒམ་པོའི་སྤྲུལ་པར་གདོན་མི་ཟ་བས་འཕགས་པ་འཇིག་
རྟེན་དབང་ཕྱུག་དངོས་ཡུལ་མིག་གི་བདུད་རྩིར་བསྟན་པ་རང་རེ་ཚོ་བསྐལ་པར་བཟང་ལ་
གཞན་ཡང་གཏེར་སྟོན་ཀརྨྨ་ལས་འབྲེལ་རྩལ་གྱིས་མཆོད་རྟེན་རྒྱལ་པོ་སྐྱེས་ནས་སློབ་དཔོན་
རིན་པོ་ཆེའི་པད་མའི་ཀུན་ད་བྱང་སེམས་དཀར་པོ་རིལ་བུ་གྭའུ་ཁ་སྦྱོར་གཏེར་དུ་བཞུགས་
པ་སྟེ་བཏོན་ཀྱང་མ་འོངས་པའི་རྟེན་འབྲེལ་གྱིས་སླར་ཡང་གཏེར་དེ་གར་བཞུགས་པ་དེའི་
མཐུ་ལས་རྒྱལ་པོ་འདི་ཉིད་ཀྱི་སློབ་དཔོན་རིན་པོ་ཆེ་པད་མའི་རྣམ་པར་རོལ་བའི་གར་དུའང་
གཏོགས་པར་གོར་མ་ཆགས། ངོ་བོར་རང་བཞིན་གྱིས་གྲུབ་སྤོབས་པ། སྐྱོན་ཡོན་རྣམ་པར་
མཁྱེན་པའི་རིག་པ། བླང་དོར་གྱི་གནས་ཕྲ་ཞིབ་སྟོན་པ་སོགས་བློ་གྲོས་ཀྱི་དཔལ་དང་ལྡན་
པས་འཇམ་དབྱངས་མིའི་ཟོལ་འཛིན་སྙན་ཚིག་སྨྲ་མཁས་བདུད་རྩིའི་རོ་དང་ལྡན་པས་ཟླ་
བའི་སྲིང་མོ་མགྲིན་པར་ཆགས་པའི་སྐལ་ཅན་ལྷ་དང་བཅས་པའི་འཇིག་རྟེན་ཐམས་ཅད་
ཀྱིས་བསྟོད་བཀུར་མཆོད་པའི་ཞིང༌། སྤུར་རྒྱལ་བོད་ཀྱི་དགེ་བཅུའི་ལས་ལམ་དཀར་པོར་
སྤྱོད་པའི་བྱེད་པོ་མངོན་མཐོ་ངེས་ལེགས་ཀྱི་འབྲས་བཟང་འབྱུང་བའི་དཔག་བསམ་གྱི་རྐང་
འཐུང་ཁྲིམས་གཉིས་ལྷའི་གདུགས་དཀར་དྲི་མ་མེད་པར་ཕུབ་ནས། སྐྱེ་འགྲོའི་གདུང་བ་སྐྱོབ་
པའི་དཔལ་གྱི་དུམ་བུ་འདི་ཉིད་དེ་(བྱ་བ་བརྗོད་པ་བར་གྱི་གསལ་བྱེད།)དཔལ་འབྱོར་ལང་ཚོའི་འཛུམ་
དཀར་སྙིང་པུ་བཞད་བྱེད་ཀ༵རྨ༵འི་(ལས་བསམ་བྱ་བ།)ཁུར་གཡོ་ཞིང༌། །ཁྲིམས་གཉིས་ཕན་བདེའི་
ཆུ་གཏེར་གང་ཞིང་ཐུབ་བསྟ༵ན་རྒྱས་བྱེད་དཔལ་གྱི་དཔྱིད། །ལྷ་འདིས་སྐྱེ་བོ་ཚ་གདུང་གྱུར་
པར་བསིལ་བྱེད་སྦྱིན་པའི་ཕྱག་སྐྱོ༵ངས་ཤིང༌། །ཕས་རྒོལ་མུན་ཚོགས་སྨག་རུམ་དྲུང་འབྱིན་
ཟླ་ཤེལ་དབང་པོ་རྒྱལ་གྱུར་ཅིག །མཁྱེན་རབ་བདུད་རྩིའི་ཆུ་གཏེར་ཆེ། །རྦ་རླབས་གཡོ་བའི་
ཀུན་གསལ་མཐའ། །ཡངས་པར་སྒྲོག་པའི་སྒྲ་སྙན་པོ། །འཇིག་རྟེན་གསུམ་གྱི་རྣ་བར་མཛེས། །
ཀྭ་ཡེ་འཛམ་གླིང་སྐྱེ་འགྲོའི་བསོད་ནམས་ནོར་བུའི་སྒྲོན། །ཐུབ་བསྟན་ཕུན་ཚོགས་ལང་ཚོ་
22-1-176


གསར་དུ་སྤྲོ་མཁས་པའི། །ས་ལས་རྣམ་རྒྱལ་སྲིད་པ་ཀུན་གྱི་ཐིག་ལེ་མཆོག །བསྔགས་པའི་
ཨུཏྤལ་གཞོན་ནུ་དར་བ་རྣ་བའི་རྒྱན། །གཏམ་སྙན་འོད་སྟོང་རྣ་ཆ་ཉིན་རེར་ཡང༌། ༡ {སྙན་གྲགས་
ཡོན་ཏན་གྱི་ཁྱད་པར་གྱི་ཆོས་བརྗེས་པས་ཡོངས་རྗེས་ཀྱི་རྒྱན།}ཕྱོགས་ཀྱི་མཛེས་མའི་འགྲམ་པར་རྩོལ་བཞིན་
དུ། །འཇིག་རྟེན་ཀུན་གྱི་དགེ་ལེགས་མཐུ་བོ་ཆེ། །མ་ལུས་གཅིག་ཏུ་བསྡུས་ནས་རང་གིས་
མཛད། །ཅེས་དེ་ལྟ་བུའི་ཁྱད་པར་གྱི་ཆོས་ཀྱི་ཡོན་ཏན་དང་ལྡན་པའི་རྒྱལ་པོ་དེ་བཞུགས་པའི་
ཕོ་བྲང་གི་ངོ་བོ་དེ་ཡང་ཅི་ལྟ་བུ་ཞེ་ན། ལེགས་བྱས་དཔལ་འབྱོར་བསམ་ཀུན་འགྲུབ་པའི་ཕོ་
བྲང་དམ་པའི་དཔལ། །རྩ་བ་རབ་བརྗིད་ཀླུ་ཡི་འཇིག་རྟེན་མནན་ལ་ངོ་མཚར་ཅི། །རྩེ་མོ་
ཆེས་མཐོ་མཆོག་ཏུ་མཛེས་པ་གཟི་བརྗིད་འོང་ཚོགས་ཀྱི། ཚངས་པ་ཆེན་པོའི་འཇིག་རྟེན་གང་
དེ་ཕུག་པ་དེ་ངོ་མཚར། །དཔལ་འབྱོར་དཔུང་གི་གྲགས་པའི་བ་དན་གཡོ་བའི་ཁབ། །སུམ་
རྩེན་གྲོང་གར་ཁེངས་པ་ཟ་ལ་ངོ་མཚར་ཅི། །རྣམ་པར་རྒྱལ་བའི་ཕོ་བྲང་ཆེན་པོའི་གཟི་བརྗིད་
ཀྱིས། །ཁུར་འདི་བཟོད་པ་འབྱུང་པོ་འཛིན་མ་འདི་ཉིད་མཚར། །མ་ལུས་དགྲ་བཅོམ་ཕྱོགས་
ཀུན་ལས། །རྣམ་པར་རྒྱལ་བའི་ཁང་བཟང་ནི། །འདེགས་པའི་རྟ་བབ་ཀ་བ་སྟེ། །དཔུང་པས་
ས་ཀུན་ཡོངས་བཟུང་མཛོད། །ཅེས་པ་ལ་སོགས་རྒྱ་ཆེར་རྟོགས་པར་བྱའོ། །
བསམ་རྩེའི་ཡུལ་ཕྱོགས་དེར་ཧོར་ཟླ་ལྔ་པ་ལ་དུས་བཞི་ཅིག་ཅར་དུ་འཆར་བའི་ངོ་
མཚར་བའི་གཏམ་ཡང་ཡོད། 
གཉིས་པ། ནང་རྟེན་པ་བསྟན་འཛིན་སོགས་ལ་བརྟེན་པའི་ངོ་མཚར་ཕུན་སུམ་ཚོགས་
པ་ལ་ལྔ་སྟེ་ས་གཞི་བྱིན་གྱིས་བརླབས་ཏེ་འབྲས་བུ་སྔགས་ཀྱི་བསྟན་པ་སྤེལ་བའི་ངོ་མཚར་
ཕུན་སུམ་ཚོགས་པ། ཡང་སྙིང་རྫོགས་ཆེན་ཨ་ཏི་ཡོ་གའི་བསྟན་འཛིན་སྐྱེས་བུ་འཁྲུངས་ཤིང༌། 
བསྟན་པ་སྤེལ་བས་ངོ་མཚར་ཕུན་སུམ་ཚོགས་པ། ལྟ་བའི་མཐར་ཐུག་ཐལ་འགྱུར་ལ་འཆད་
ཉན་གྱི་སྒོ་ནས་བསྟན་པ་སྤེལ་བས་ངོ་མཚར་ཕུན་སུམ་ཚོགས་པ། ལྟ་སྒོམ་གྱི་མཐར་ཐུག་
22-1-177


བཀའ་རྒྱུད་གྲུབ་ཐོབ་སྐྱེས་ཆེན་གྱི་སྒྲུབ་པ་བསམ་གཏན་གྱིས་འཁོར་ལོ་བསྐོར་བའི་ངོ་མཚར་
ཕུན་སུམ་ཚོགས་པ། སྐྱེས་བུ་དམ་པ་མཆོག་རྣམས་འཁྲུངས་ནས་བསྟན་པ་ལ་བྱ་བ་མཛད་
པའི་ངོ་མཚར་ཕུམ་སུམ་ཚོགས་པ་དང་ལྔའོ། །དང་པོ་ནི། ས་གཞི་བྱིན་གྱིས་རླབས་ཏེ་འབྲས་
བུ་སྔགས་ཀྱི་བསྟན་པ་སྤེལ་བའི་ངོ་མཚར་ཕུན་སུམ་ཚོགས་པ་ནི། རྣམ་དཀར་འོ་མའི་ཆུ་
གཏེར་དབུ་[ལྦུ་]བའི་འཛུམ་དཀར་ཀློང་ཡངས་པོར། །རབ་འབྱམས་རྒྱལ་བའི་ངོ་བོ་དམིགས་
(མེད) མཚར་སྡུག་སྙིང་པོར་འཁྲུངས། །སྐྱེ་འགྲོ་རྣམ་པར་ཁྱབ་པས་སྤྱི་བོས་བརྟེན་པ་ཁོར་
ཡུག་རྒྱ། །འོད་སྟོང་ལྡན་པ་ཉི་མའི་མགོན་པོ་པད་མ་(པ་ད་འགྲོ་བ་ལའོ་ཞེས་བྱིངས་ཨརྟི་ཧུ་སུ་དྷྲ་ཀྵི་ཎི་པ་ད་
ཞེས་པ་པ་མའོ། མ་རྐྱེན་བྱིན་པས་པད་མ་འགྲུབ་ཏུ་ཡོད་པ་ལའོ་ཞེས་བྱིངས་ཉེར་བསྒྱུར་སམ྄་སྔོན་དུ་བཞག །ཨཙ྄་རྐྱེན་ཡོན་
ཏན་བྱས། སམ་བྷ་ཝ་འགྲུབ་བོ་ཚིག་སྡུད་བྱས། དངོས་འགྱུར་དུ་བསྒྱུར་བ། མེ་ཏོག་པདྨ་ལས་འཁྲུངས་པའི་བྱུང་བ། ངེས་པར་
ཀུན་སྦྱིན་པ་སྟེ་ལྔ་པ་ནི་ངའི་ཨཱ་ཏ་པདྨར།)ཕོ་བྲང་བསམ་རྩེའི་རྒྱབ་རི་གླང་ཆེན་ཉལ་འདྲའི་མཁལ་མའི་
སྟེང་གི་ཐད་འོག་ཙམ་གྱིས་ཕུག་པ་གཉིས་སུ་སློབ་དཔོན་རིན་པོ་ཆེ་པད་མ་དང་མཚོ་རྒྱལ་
གྱིས་ས་ཡུལ་འདིར་མི་མཐུན་ཕྱོགས་ཀྱི་འདྲེ་སྲིན་གདུག་པའི་ཚོགས་ཚར་བཅད། ས་གཞི་
གཞོམ་མེད་རྡོ་རྗེའི་རང་བཞིན་དུ་བྱིན་གྱིས་བརླབས་ནས་རྒྱུན་རིང་བར་བཞུགས་ཤིང༌། ཐེག་
པ་ཐམས་ཅད་ཀྱི་མཐར་ཐུག །གྲུབ་མཐའ་ཐམས་ཅད་ཀྱི་ཞེ་ཕུག །རྡོ་རྗེ་ཐེག་པ་ལས་ཀྱང་
སྙིང་པོ་གསང་སྔགས་ཟབ་མོ་སྒྲུབ་པ་སམ་བྷ་ཝ། བཀའ་བརྒྱད་ཀྱི་དཀྱིལ་འཁོར་མངོན་པར་
བཞེངས་ནས་དབང་བསྐུར། མན་ངག་ཟབ་དོན་སྙིང་པོར་བསྒྲིལ་ནས་མཚོ་རྒྱལ་དང་གདུལ་
བྱ་སྣོད་ལྡན་གྱི་ཚོགས་ལ་གསུངས། སླར་མཚོ་རྒྱལ་གྱིས་ཉམས་ལེན་དུ་དྲིལ་ནས་བསྒྲུབ་
པས་འབྲས་བུ་གྲུབ་པའི། རྟགས་སུ་སྒྲུབ་ཆུ་རང་རྡོལ་དུ་བབས་པ་དང༌། བཀའ་བརྒྱད་ཀྱི་
དབང་བསྐུར་བའི་སྟེགས་དང་བཅས་དུས་དེང་སང་ཡང་མངོན་གསལ་དུ་ཡོད་པ་འདི་ཡིན་
ཞིང༌། མིང་བཀའ་བརྒྱད་ཕུག་པ་ཞེས་ཡོངས་ལ་གྲགས་སོ། །གསང་སྔགས་ཟབ་མོ་སྒྲུབ་
22-1-178


པ་བཀའ་བརྒྱད་ཅི་ལྟ་བུའི་ཡིན་ཟེར་ན། དཀྱིལ་འཁོར་ཐམས་ཅད་ཀྱི་གཙོ་བོར་བཅོམ་
ལྡན་འདས་ཀུན་ཏུ་བཟང་པོ་ཧེ་རུ་ཀས་འོག་མིན་གནས་སུ་ཞི་བས་འདུལ་བའི་དོན་དུ་རྡོ་རྗེ་
དབྱིངས་ཀྱི་དཀྱིལ་འཁོར་ཆེན་པོ་བཞེངས། དྲག་པོས་འདུལ་དགོས་པར་ཧེ་རུ་ཀ་ཆེན་པོའི་
སྐུས་ཁྲོ་བོ་སྔོན་འབྱུང་གི་དཀྱིལ་འཁོར་ཆེན་པོ་རབ་རྒྱས་འབྲིང་བསྡུས་ཀྱིས་ཕྲིན་ལས་ཀྱི་
ཚོགས་རབ་ཏུ་གྲུབ་པའི་སྒོ་ནས་གསུངས་པ། དེ་ལ་ཞི་ཁྲོ་སྤྱིའི་རྒྱུད་དང་བྱེ་བྲག་གི་རྒྱུད་དུ་དང་
པོ་སྤྱི་རྒྱུད་ལས། རྒྱུད་སྡེ་ལྔ་གསུངས་པ་ལ་བདེ་གཤེགས་ཐམས་ཅད་འདུས་པ་རྩ་བའི་རྒྱུད། 
ཕྱི་མ་ངེས་པར་འབྱུང་བའི་རྒྱུད། ཕྱི་མའི་ཕྱི་མ་སྔགས་ཀྱི་རྒྱུད། མ་ཚང་བ་ཁ་སྐོང་བ་རྒྱུད། 
འབྱེད་བྱེད་ལྡེ་མིག་གི་རྒྱུད་དང་ལྔའོ། །
གཉིས་པ་བྱེ་བྲག་རྒྱུད་ལ་ཡང་རྩ་རྒྱུད་དང༌། ཡན་ལག་གི་རྒྱུད་གཉིས་སུ་གསུངས། 
དང་པོ་རྩ་རྒྱུད་ལ་སྒོས་རྒྱུད་བཅུ་ཐམ་པ་གསུངས་ཏེ། ཞི་བ་འདུས་པ་རྩ་བའི་རྒྱུད། ཆེ་མཆོག་
འདུས་པ་རྩ་བའི་རྒྱུད། ཁྲག་འཐུང་འདུས་པ་རྩ་བའི་རྒྱུད། གཤིན་རྗེ་འདུས་པ་རྩ་བའི་རྒྱུད། 
དབང་ཆེན་འདུས་པ་རྩ་བའི་རྒྱུད། ཕྲིན་ལས་འདུས་པ་རྩ་བའི་རྒྱུད། མ་མོ་འདུས་པ་རྩ་བའི་
རྒྱུད། དྲེགས་ཅན་འདུས་པ་རྩ་བའི་རྒྱུད། དྲག་སྔགས་འདུས་པ་རྩ་བའི་རྒྱུད། ཞི་ཁྲོ་གཉིས་ཀ་
སྒྲུབ་པའི་རིགས་ན། འདུས་པ་རྩ་བའི་རྒྱུད་རྣམས་གསུངས་སོ། །
ཡན་ལག་གི་རྒྱུད་ནི་དགོས་རྒྱུད་བཅུ་པོ་སོ་སོ་ལ་ཡན་ལག་གི་རྒྱུད་ཤིན་ཏུ་མང་བར་
བཞུགས་པ་རྣམས་རྒྱལ་བ་དགོངས་པས་གསུང་ཚུལ་ལོ། །རིག་འཛིན་བྱང་ཆུབ་སེམས་
དཔའ་རྒྱུད་སྡེ་རྣམས་གླེགས་བམ་ལ་བྲིས་ཚུལ་ནི་རིག་འཛིན་བྱང་ཆུབ་སེམས་དཔའ་རྣམས་
འདུས། བྱང་ཆུབ་སེམས་དཔའ་རྡོ་རྗེ་ཆོས་ཞེས་ཀྱང་བྱ། རྡོ་རྗེ་སེམས་དཔའ་འམ་ལག་ན་རྡོ་
རྗེ་དྲག་པོ་རྩལ་ཞེས་ཀྱང་བྱ་བ་དེས་ཐོག་མར་ངག་ཏུ་བསྡུས། དེ་ནས་གསེར་གྱི་གླེགས་བམ་
ལ་བཻཌཱུརྱ་ཞུན་མས་བྲིས་པས་རིག་འཛིན་རིག་པའི་རྒྱུད་གླེགས་བམ་དུ་བྲིས་པའོ། །གཏེར་
22-1-179


དུ་སྦས་ཚུལ་ནི་མཁའ་འགྲོ་མ་ལས་ཀྱི་དབང་མོ་ཆེས་སྤྱི་རྒྱུད་དང༌། བྱེ་བྲག་རྒྱུད་སོ་སོར་ཕྱེ་
ལ་རིན་པོ་ཆེའི་སྒྲོམ་སོ་སོའི་ནང་དུ་བཞུགས་ཚུལ་ནི་སྤྱི་རྒྱུད་ལྔ་དང་སྒོས་རྒྱུད་བཅུ་སྟེ་བཅོ་
ལྔའོ། །རིན་པོ་ཆེ་སྣ་བརྒྱད་ཀྱི་སྒྲོམ་དུ་བཙུད། འཇམ་དཔལ་སྐུ་ལྕགས་སྒྲོམ། པད་མ་གསུང་
ཟངས་སྒྲོམ། ཡང་དག་ཐུགས་དངུལ་སྒྲོམ། ཆེ་མཆོག་གསེར་སྒྲོམ། ཕུར་པ་ཕྲིན་ལས་གཡུ་
སྒྲོམ། མ་མོ་རྦོད་གཏོང་བསེ་སྒྲོམ། འཇིག་རྟེན་མཆོད་བསྟོད་མཆོང་སྒྲོམ། དམོད་པ་དྲག་
སྔགས་གཟི་སྒྲོམ་སོགས་སུ་བཙུད་པ་དེ་རྣམས་ལྷ་སྲིན་སྡེ་བརྒྱད་རྣམས་གཏེར་གང་དུ་འཇུག་
མ་འཆམ་པ་ལ་མཁའ་འགྲོ་མ་ལས་ཀྱི་དབང་མོ་ཆེས་དུར་ཁྲོད་བསིལ་བ་ཚལ་གྱི་མཆོད་རྟེན་
བདེ་བྱེད་བརྩེགས་པར་གཏེར་དུ་སྦས་སོ། །
དེ་གྲུབ་ཐོབ་ཀྱིས་བཏོན་ཚུལ་ནི་དུར་ཁྲོད་བསིལ་བ་ཚལ་གྱི་གནས་དེར་ཉིན་མཚན་
དུ་ཐོག་སེར་དང་མེ་འོད་སྣ་ཚོགས་འཁྲུགས་པ་གཟིགས་པས་སློབ་དཔོན་བརྒྱད་དགོངས་པ་
གཅིག་ཏུ་འདུས་ནས་མཐུན་རྫས་བཤམས་ནས་བདེན་བརྡར་གྱི་ཆོས་གསུངས་པས། མཁའ་
འགྲོ་མ་ལས་ཀྱི་དབང་མོས་གཏེར་ནས་བཏོན་ཏེ་གསེར་སྒྲོམ་བི་མ་ལ་མི་ཏྲ་དང༌། དངུལ་
སྒྲོམ་སློབ་དཔོན་ཧཱུྃ་(ཌུ་ཀྲ ཉ྄་ཨཙ྄། ཧ་ན་འཚེ་བ་ལའི་བྱིངས། ཌཱུ་རྐྱེན་རྗེས་སུ་འབྲེལ་བ་ལ་མཐའི་དབྱངས་ལ་སོགས་དབྱི་
སོགས་ཀྱི་འགྲུབ།)ཀ་ར་ལ། ལྕགས་སྒྲོམ་སློབ་དཔོན་འཇམ་དཔལ་བཤེས་གཉེན་ལ། ཟངས་སྒྲོམ་
སློབ་དཔོན་ཀླུ་སྒྲུབ་ལ། གཡུ་སྒྲོམ་སློབ་དཔོན་པདྨ་ལ། བསེ་སྒྲོམ་དྷ་ན་སམ་སྐྲ་ཏ་ལ། མཆོང་
སྒྲོམ་སློབ་དཔོན་རོམ་བུ་གུ་ཧྱ་དེ་ཝ་ཙནྡྲ་ལ། གཟི་སྒྲོམ་སློབ་དཔོན་ཤནྟིཾ་གརྦྷ་ལ་གཏད། སོ་
སོའི་བཀའ་ལུང་རྒྱས་པར་བསྩལ་བ་སྟེ་གནང་ངོ༌། །རིན་པོ་ཆེ་སྣ་བརྒྱད་ལས་བྱས་པའི་སྒྲོམ་
དབུས་སུ་བཞག་པ་དེ་སླར་གཏེར་དུ་སྦས་སོ། །སློབ་དཔོན་རིན་པོ་ཆེ་པདྨས་སླར་གནས་
དེར་བྱོན་ནས་གཏེར་དུ་སྦས་པ། དེའང་བཀའ་ལས་གྲོལ་ཞིང༌། གཞན་བཀའ་བརྒྱད་པོ་ཡང་
མ་ལུས་ཤིང༌། ལུས་པ་མེད་པར་ཚང་ལ་རྒྱས་པར་དབང་ལུང་མན་ངག་གིས་རྒྱས་བཏབ་སྟེ་
22-1-180


ཡོངས་སུ་རྫོགས་པར་སློབ་དཔོན་རིན་པོ་ཆེ་པདྨ་ཉིད་ལ་བབས་སོ། །
གང་ཟག་སྙན་ཁུངས་སུ་རྒྱུད་དེ་བོད་ཡུལ་དུ་བབས་ཚུལ་ནི་སློབ་དཔོན་པདྨ་བོད་དུ་
ཕེབས་གྲུབ་རྗེས་འཕགས་པ་འཇམ་དཔལ་གྱི་སྤྲུལ་པ་རྒྱལ་པོ་ཁྲི་སྲོང་ལྡེའུ་བཙན་གྱིས་སློབ་
དཔོན་ཆེན་པོ་ལགས། བདག་རྒྱལ་པོའི་རིགས་ཅན་འདྲ་བ་འཇིག་རྟེན་གྱི་ཕྱོགས་སུ་བྱ་བྱེད་
མང་བ་དང་གཡེངས་པ་ཆེ་བས་ཐོས་བསམ་དང་དཀའ་ཐུབ་ལ་མ་བལྟོས་པའི་མྱུར་དུ་སངས་
རྒྱས་ངེས་པའི་ཆོས་རྒྱུད་མ་བུ་བཤད་འགྲེལ་དང་བཅས་པ། འཕྲིན་ལས་ལག་ལེན་དང་
བཅས་པ། སྒོམ་རིམ་གདམས་པ་དང་བཅས་པ། ལས་ཁ་ཚར་དགོས་(དོན) དང་བཅས་པ། 
གསང་སྔགས་ཀྱི་སྤྱིའི་གནད་ཆིངས་དང་བཅས་པ་རང་གཞན་གྱི་དོན་མ་ལུས་པར་ཚང་བའི་
ཆོས་གཅིག་ཞུ་ཞེས་པས། རྒྱལ་པོ་ཉིད་ཀྱིས་གཙོ་བྱས་པའི་བདག་ཅག་རྗེ་འབངས་བརྒྱད་
ཀྱིས་བསམ་ཡས་མཆིམས་ཕུར་དབང་རིམ་རྫོགས་པར་ཞུས་ཏེ་དེ་ཡང་སློབ་དཔོན་གྱི་བདེ་
བར་གཤེགས་པ་ཐམས་ཅད་འདུས་པ་ཞི་ཁྲོ་གཉིས་ཀྱི་དཀྱིལ་འཁོར་ཞལ་ཕྱེ་ནས་བསྒྲུབས་
ཏེ་དབང་ཕྱི་ནང་གསང་བ་གསུམ་རྫོགས་པར་བསྐུར་བ་ལ། དང་པོ་ཞི་བའི་དཀྱིལ་འཁོར་
དུ་ཐུན་མོང་སྤྱི་ཁྱབ་རྫོགས་པར་བསྐུར། དེ་ནས་ཁྲོ་བོའི་དཀྱིལ་འཁོར་འཇུག་པའི་ཚེ། (དད་
བརྩོན་བརྟུལ་ཞུགས་ལྡན་པའི་སྐལ་ལྡན་གང༌། །ཕན་ནུས་ཟབ་གསུམ་དབང་གི་སྨིན་བྱས་ནས། །ཞེས་དད་པ་ཅན་ལ་ཕྱི་ཕན་
པའི་དབང་བཅུ་བསྐུར། བརྩོན་འགྲུས་ཅན་ལ་ནང་ནུས་པའི་བུམ་དབང་ལྔ་བསྐུར། བརྟུལ་ཞུགས་དང་ལྡན་པའི་གང་ཟག་ལ་
གསང་བ་ཟབ་མོའི་དབང་གོང་མ་གསུམ་བསྐུར།)བདག་རྗེ་འབངས་བརྒྱད་ཀྱིས་དཀྱིལ་འཁོར་ལ་མེ་ཏོག་
གསེར་སྲང་བཅུ་བཅུ་གཏོར་བས་རྒྱལ་པོ་ཉིད་ཀྱི་མེ་ཏོག་དབུས་ཆེ་མཆོག་གི་དཀྱིལ་འཁོར་
ལ་བབས། སྣུབས་ནམ་མཁའི་སྙིང་པོ་ཡང་དག་གི་དཀྱིལ་འཁོར་ལ། སྣུབས་སངས་རྒྱས་ཡེ་
ཤེས་གཤིན་རྗེའི་དཀྱིལ་འཁོར་ལ། ངན་ལམ་རྒྱལ་བ་མཆོག་དབྱངས་དབང་ཆེན་རྟ་མགྲིན་
གྱི་དཀྱིལ་འཁོར་ལ། ཇོ་མོ་མཚོ་རྒྱལ་གྱི་རྡོ་རྗེ་གཞོན་ནུའི་དཀྱིལ་འཁོར་ལ་འབྲོག་དཔལ་གྱི་
22-1-181


ཡེ་ཤེས་བླ་མེད་ཧེ་རུ་ཀའི་དཀྱིལ་འཁོར་ལ། རླངས་དཔལ་གྱི་སེང་གེ་དྲེགས་པ་ཀུན་འདུལ་
གྱི་དཀྱིལ་འཁོར་ལ། ལོ་ཙཱ་བ་བཻ་རོ་ཙ་ན་སྟོབས་ལྡན་ནག་པོའི་དཀྱིལ་འཁོར་ལ་བབས་ཏེ། 
དེ་ནས་སློབ་དཔོན་གྱིས་ཁྲོ་བོའི་ལྷ་ཚོགས་བརྒྱ་དང་ཉི་ཤུ་རྩ་ལྔའི་ཞལ་ནི་མེ་ལོང་གི་གཟུགས་
བརྙན་བཞིན་དུ་བསྟན་ནས། དབང་ཕྱི་ནང་གསང་བ་གསུམ་ལྟ་བ་སྤྱི་འབྱམས་དང་ཡོངས་སུ་
རྫོགས་པར་བསྐུར་ཞིང༌། ངོ་སྤྲད་དེ་ལུས་ངག་ཡིད་གསུང་ལྷའི་སྐུ་གསུང་ཐུགས་སུ་སྒྱུར་ཞིང་
སྨིན་པར་མཛད་དོ། །
རྒྱལ་པོ་ཉིད་ལ་གནང་བའི་གསང་སྔགས་བཀའ་བརྒྱད་བདེ་གཤེགས་འདུས་པ་སྟེ་ལྡན་
མ་རྩེ་མངས་ཀྱིས་བསྒྱུར་ཞིང་བཀོད་པ་ལ་རྒྱུད་ཀྱི་སྐོར། ལུང་གི་སྐོར། མན་ངག་གི་སྐོར་
རྣམས་སུ་ཕྱེ་ནས་རྒྱུད་ཀྱི་སྐོར་ལ་སྤྱི་རྒྱུད་ལྔ། བྱེ་བྲག་གི་རྒྱུད་བཅུ་སྟེ་བཅོ་ལྔ་ཡོད། ལུང་གི་
སྐོར་ལ་ལུང་ཆེན་པོ་ལྔ་གསུངས་པ་སྟེ། གསང་སྔགས་ངེས་པ་བདུན་གྱི་ལུང༌། མཛད་པ་ཆོ་
འཕྲུལ་ལྷའི་ལུང༌། ཕྲིན་ལས་མཐར་ཕྱིན་སྒྲུབ་པའི་ལུང༌། ཐུགས་རྗེ་དཔྱད་ཐག་གནས་ཀྱི་
ལུང༌། གསལ་བར་བྱེད་པ་སྒྲོལ་མའི་ལུང་ངོ༌། །དེ་ལྟར་རྒྱུད་ལུང་ཉི་ཤུའོ། །མན་ངག་གི་སྐོར་
ལ་གསུམ་ལས་ཕྱེ་བའི་ཉི་ཤུའོ། །སྒྲུབ་པ་བཀའ་བརྒྱད་ཉམས་ལེན་སྙིང་པོར་དྲིལ་བ་ལྔ་སྟེ་
ཕྱི་རྡུལ་ཚོན་གྱི་དཀྱིལ་འཁོར་ལ་བརྟེན་ནས་བསྐྱེད་པ་མ་ཧཱ་ཡོ་ག་ལྟར་བསྒྲུབས་པ། ནང་
ཕུང་པོའི་དཀྱིལ་འཁོར་ལ་བརྟེན་ནས་རྫོགས་པ་ཨ་ནུ་ཡོ་ག་ལྟར་བསྒྲུབས་པ། གསང་པ་
རིག་པ་སེམས་ཀྱི་དཀྱིལ་འཁོར་ལ་བརྟེན་ནས་རྫོགས་པ་ཆེན་པོ་ཨ་ཏི་ཡོ་ག་ལྟར་བསྒྲུབས་
པ། དེ་ཁོ་ན་ཉིད་ལམ་རིམ་ལ་བརྟེན་ནས་བསྐྱེད་རྫོགས་ཟུང་འབྲེལ་དུ་བསྒྲུབས་པ། ཕྲིན་
ལས་ཡོངས་རྫོགས་ལ་བརྟེན་ནས་སྒྱུ་ལུས་ལྷ་རུ་ངོ་སྤྲད་དང་ལྔའོ། །དེ་ལྟ་བུའི་སྒྲུབ་པ་བཀའ་
བརྒྱད་ཉམས་སུ་བླངས་པ་ལ་བརྟེན་ནས་རྒྱལ་པོ་སྐུ་ཚེ་བསྲིངས་པ་ཡོན་ཏན་བསམ་གྱིས་མི་
ཁྱབ་པ་ཐོབ་བོ། །སྣུབས་ནམ་མཁའི་སྙིང་པོས་ཉི་ཟེར་ལ་འགྲོ། སྣུབས་སངས་རྒྱས་ཡེ་ཤེས་
22-1-182


བྲག་ལ་ཕུར་པ་འདེབས། ངན་ལམ་རྒྱལ་བ་མཆོག་དབྱངས་ཀྱིས་རྟ་སྐད་འབྱིན་ནུས། ཇོ་མོ་
མཚོ་རྒྱལ་གྱིས་བསད་གསོ་ནུས། འབྲོག་མི་དཔལ་གྱི་ཡེ་ཤེས་ཀྱིས་མ་མོ་མངོན་སུམ་དུ་རྦོད་
ནུས། རླངས་དཔལ་གྱི་སེང་གེ་ལྷ་མ་ཡིན་སྡེ་བརྒྱད་བྲན་དུ་འཁོལ་ནུས། ལོ་ཙཱ་བ་བཻ་རོ་ཙ་
ནས་འཇིག་རྟེན་དྲེགས་པ་ཅན་ཐམས་ཅད་དབང་དུ་འདུས་ཤིང་ལས་ལ་འགྱེད་ནུས། ལོ་ཙཱ་
བ་གཉགས་ཛྙཱ་ན་ཀུ་མཱ་རས་རྫུ་འཕྲུལ་སྣ་ཚོགས་སྟོན་ནུས་སོ། །
ཞེས་སྔོན་དུ་བཤད་པ་ལྟར་གྱིས་ཟབ་ཆོས་ཕུན་སུམ་ཚོགས་པ་སྒྲུབ་པ་ཆེན་པོ་བཀའ་
བརྒྱད་དེ་ཉིད་ཀྱི་དབང་བསྐུར་སོགས་ཟབ་ཆོས་ཆ་ཚང་བ་རྒྱས་པར་སློབ་དཔོན་རིན་པོ་ཆེ་
པདྨས་བསྐྱར་བཟླས་ཏེ་བསམ་འགྲུབ་རྩེའི་བཀའ་བརྒྱད་བྲག་ཕུག་ཏུ་གསུངས་པ་ཡང་གོང་
བཞིན་ནོ། (སློབ་དཔོན་རིན་པོ་ཆེ་པདྨ་རྒྱལ་པོ་ལ་གསུངས་པ་བཀའ་བརྒྱད་བདེ་གཤེགས། བཀའ་འདུས་པ་ཆོས་རྒྱལ་པོ་
ཉིད་རང་ཐུགས་རྒྱུད་ལ་བཞུགས་པས་བླ་ཡི། མ་འོངས་པ་ལ་དགོངས་ནས་བྲག་མགྲིན་བཟང་ལ་སྦོས་གསུངས་པ་བཞིན་སྦས། 
སླར་རྒྱལ་ཁྲིམས་འཇིག་ལ་ཉེ་བ་ནས་དབོན་སྲས་དང་ཡེ་ཤེས་མཁའ་འགྲོ་མ་རྣམས་ཀྱི་ལྷོ་ཕྱོགས་མཐའ་འདུལ་གྱི་གཙུག་ལག་
ཁང་གི་རྣམ་པར་སྣང་མཛད་ཀྱི་སྐུ་རྒྱབ་ཏུ་གཏེར་སྣོད་པོད་ཏི་སྦས་སོ། ། གཏེར་འདོན་པའི་དུས་ལ་བབ་དུས་རྒྱལ་པོ་དངོས་ཉིད་
བྱོན་པ་ལུང་བསྟན་ནོ། །
གཏེར་ཁ་གོང་མ་མངའ་བདག་མྱང་རིན་པོ་ཆེ་གཏེར་ཁ་ནས་བཀའ་བརྒྱད་བདེ་གཤེགས་འདུས་པ་ཆ་ལག་ཚང་བ། གཏེར་
ཁ་འོག་མ་གུ་རུ་རིན་པོ་ཆེ་ཆོས་ཀྱི་དབང་ཕྱུག་བཀའ་བརྒྱད་གསང་བ་ཡོངས་རྫོགས་རིག་འཛིན་རྒོད་ཀྱི་ལྡེམ་འཕྲུས་བཀའ་
བརྒྱད་རང་བྱུང་རང་ཤར།) གཉིས་པ་ཡང་སྙིང་རྫོགས་པ་ཆེན་པོ་ཨ་ཏི་ཡོ་གའི་བསྟན་འཛིན་སྐྱེས་བུ་
འཁྲུངས་ཤིང་བསྟན་པ་སྤེལ་བའི་ངོ་མཚར་ཕུན་སུམ་ཚོགས་པ་ནི་ཅག་པོ་ཡུ་བ་གདོང་གི་གྲོང་
དེར་ལོ་ཙཱ་བ་བཻ་རོ་ཙ་ན་(ཕལ་ཆེ་བའི་འཇིག་རྟེན་གྲགས་གཏམ་བླུན་ཆིག་ལ་བཻ་རོ་ཙ་ན་སྙེ་མོ་བྱེ་མཁར་དུ་འཁྲུངས་ཀྱང་
ཟེར་རོ།)འཁྲུངས་པ་བཻ་རོའི་འདྲ་འབག་འཁྲུལ་མེད་ལས་བཤད་དོ། །
རྒྱ་གར་གྲུབ་ཐོབ་རྣམས་ཀྱི་ཟབ་དོན་མན་ངག་ཐུགས་ཀྱི་ཉིང་ཁུ་རྫོགས་པ་ཆེན་པོའི་
22-1-183


ཉམས་ལེན་གནད་དུ་བསྣུན་ནས་སྒྲུབ་པ་ལ་བསྒྲིལ་ནས་བཞུགས་པའི་བསྟི་གནས་ཀྱི་ཕུག་
པ་བྱིན་རླབས་ཅན་ཕོ་བྲང་བསམ་རྩེའི་ཤར་ཕྱོགས་ཀྱི་སྐྱིད་བདེ་སྦུག་གི་ཕུག་ན་ཡོད་པའི་བཻ་
རོ་ཕུག་པར་གྲགས་པ་དེ་ཡིན་ནོ། །ཟངས་ཁར་རིའི་འོག་ཙམ་ན་བཻ་རོའི་རྡོ་ལ་ཞབས་རྗེས་
དང༌། གཞན་ཡང་གྲུབ་རྟགས་ཀྱིས་ཁྱད་པར་བསྟན་པ་སོགས་ཡོད་དོ། །བཻ་རོ་ཙ་ན་ཞེས་པ་
དེ་སློབ་དཔོན་རིན་པོ་ཆེ་པད་མ་སམ་བྷ་ཝས་ལས་ཅན་དག་པའི་འཁོར་རྗེ་འབངས་བརྒྱད་
ཀྱི་ནང་ནས་བཻ་རོ་ཙ་ན་ལ་སྟོབས་ལྡན་ནག་པོའི་བཀའ་བབས་པའི་སྐྱེས་མཆོག་དམ་པ་རྫུ་
འཕྲུལ་གྱི་འཇིག་རྟེན་དྲེགས་པ་ཅན་ཐམས་ཅད་དབང་དུ་འདུས་ཤིང༌། ལས་ལ་འགྱེད་ནུས་
པའི་མཐུ་ལྡན་ནོ། །བོད་དུ་རབ་ཏུ་བྱུང་བ་ལ་སྔ་བ་ལ་སད་མི་བདུན་གྱི་མཁན་པོ་བོ་དྷི་ས་ཏྭ། 
ལས་སློབ་དང༌། གསང་སྟོན་སོགས་དང༌། དཱ་ན་ཤཱི་ལ། ཛི་ན་མི་ཏྲ་སོགས་རྒྱ་གར་གྱི་དགེ་སློང་
ཁྱད་པར་ཅན་གྱི་ཚོགས་འདུས་པར་བསྙེན་པར་རྫོགས་པ། རྦ་ཡེ་ཤེས་དབང་པོ། པ་གོར་བཻ་
རོ་ཙ་ན། ངན་ལམ་རྒྱལ་བ་མཆོག་དབྱངས། རྨ་ཨཱ་ཙཱཪྻ་རིན་ཆེན་མཆོག །འཁོན་ཀླུའི་དབང་
པོ་སྲུང༌། རླངས་ཁམས་པ་གོ་ཆ། གཙང་ལེགས་གྲུབ་ཏེ། སད་མི་བདུན་གྱི་ནང་གི་མཆོག་
གྱུར་བཻ་རོ་ཙ་ན་འམ་རྣམ་པར་སྣང་མཛད་སྲུང་བར་གྲགས་པ་ཡིན་ནོ། །
བདེ་བར་གཤེགས་པའི་གཞུང་ལུགས་བླ་ན་མེད། །ཞུ་ཆེན་སྒྱུར་བྱེད་མཆན་བུའི་གནས་
འདུག་པ། །སྐད་གཉིས་སྨྲ་མཁས་ལོ་ཙཱ་ཆེན་པོ་རྣམས། དེ་དག་བདག་ཅག་རྣམས་ཀྱི་མིག་
ཏུ་གྱུར། ཅེས་གསུངས་པ་ལྟར་ལོ་ཙཱ་བ་ཐམས་ཅད་ཀྱི་གཙུག་གི་ནོར་བུ་ཉི་མ་ལྟར་མངོན་
པར་མཐོ་བར་གྱུར་པ་བཻ་རོ་ཙ་ན་དེས་གནས་མཆོག་མཆིམས་ཕུར་བླ་འབུམ་མར་གྲགས་པའི་
འགྱུར་བྱང་དུ་བན་ཆུང་བོད་དུ་སྐྱེས་ཀྱང་དམ་པའི་ཆོས་ཀྱི་མཐོ་བ། ཤེས་བྱའི་ཆོས་ལ་མི་ཤེས་
པའི་མུན་པ་དང་བྲལ་ནས་རབ་འབྱམས་གནས་ལུགས་ཟབ་མོ་ཁོང་དུ་ཆུད་པ། བློ་གྲོས་ཆུ་
གཏེར་གྱི་གཏིང་མཐའ་མི་དཔོག་པ། རྒྱ་གར་པཎ་གྲུབ་རྣམས་ཀྱང་ཐུགས་ཞུམ་ནས་འདུད་པ་
22-1-184


ལ་མངོན་དུ་ཕྱོགས་པ། ལྟ་བ་ཀློང་དུ་བརྡོལ། རྒྱལ་པོའི་བླའི་མཆོད་གནས་ཀྱི་ཏོག་ཏུ་བཀུར་
ཞིང༌། དཀའ་བ་བརྒྱ་ཕྲག་ཏུ་སྤྱད་ཀྱང་སེམས་ཞུམ་པ་དང་བྲལ་བའི་ཤཱཀྱའི་དགེ་སློང་རྣམ་
པར་སྣང་མཛད་སྲུང་བ་ཞེས་པས་རྒྱ་གར་དབུས་འགྱུར་གྱི་དཔེ་ལ་བཏུགས་ཏེ་འགྱུར་བའོ། །
ཞེས་དང༌། བཻ་རོ་ཙ་ན་བདག་ནི་སྐྱེ་བ་གྲངས་མེད་ནས་སངས་རྒྱས་རྣམ་པར་སྣང་མཛད་
ཀྱིས་བྱིན་གྱིས་བརླབས་པའི་ཡོན་ཏན་གྱི་རྫུ་འཕྲུལ་གྱི་མངོན་པར་གཤེགས་པ་དང༌། ཕ་རོལ་
གྱི་སེམས་ཤེས་པ་དང༌། འཆི་འཕོ་བ་དང་སྐྱེས་པ་ཤེས་པ་ལ་སོགས་པའི་མངོན་ཤེས་ཡོད་པ་
དུས་གསུམ་སངས་རྒྱས་ཐམས་ཅད་ཀྱི་དགོངས་པ་སེམས་ལ་སྟོན། བླ་མ་མཁས་པ་རྣམས་ཀྱི་
ཐུགས་ཀྱི་བང་མཛོད་མ་ལུས་པར་བཀྲུས་པ། མཆོག་གི་དངོས་གྲུབ་ལྷུན་གྱིས་གྲུབ་པ་སངས་
རྒྱས་ས་ལ་ཉེ་བ། སྲིད་པ་མཐའ་མ་བ་ཡིན་ཞེས་སྣང་བ་མཆོག་ཐོབ་པ་ཡིན་ནོ། །
རྒྱུའི་ཐེག་པའི་ཆོས་རྒྱ་གར་པཎྜི་ཏ་ལྔ་བརྒྱ་ལ་ཞུས་ཤིང༌། འབྲས་བུའི་ཆོས་ཟབ་མོ་
རྫོགས་པ་ཆེན་པོ་རྒྱ་གར་མཁས་གྲུབ་བདུན་དང༌། ཁྱད་པར་ཤྲཱི་སིདྷ་ལས་ཡོངས་སུ་རྫོགས་
པར་ཐོབ་པའི་སྐྱེས་མཆོག་དམ་པ་སློབ་དཔོན་བི་མ་ལ་དང་པཎ་གྲུབ་ལོ་ཙཱ་བ། རྒྱལ་བློན་
འཁོར་བཅས་ཀྱིས་བཻ་རོ་ཙཱ་ན་ལ་ཡང་དག་བཅུ་གཅིག་གི་སྒོ་ནས་བསྟོད་ཅིང་བསྔགས་པའི་
སྐྱེས་ཆེན་དེ་བསམ་རྩེར་འཁྲུངས། གཞན་ཡང་བཻ་རོས་འདུལ་བ་ལུང་སྡེ་བཞི་བསྒྱུར། ཤེར་
ཕྱིན་སྟོང་ཕྲག་བརྒྱ་པ་བམ་པོ་དགུས་མ་ལོང་པ་བསྒྱུར། དཀོན་མཆོག་བརྩེགས་པ་བམ་པོ་
སུམ་ཅུ་རྩ་ལྔས་མ་ལོངས་པ་བསྒྱུར། སངས་རྒྱས་ཕལ་པོ་ཆེ་བམ་པོ་བརྒྱ་དང་བརྒྱད་བསྒྱུར། 
མྱང་འདས་བམ་པོ་ཉིས་བརྒྱ་བརྒྱད་ཅུ་ལས་བམ་པོ་ཉིས་བརྒྱ་མ་བསྒྱུར། ལང་ཀར་གཤེགས་
པ་བམ་པོ་བཅོ་ལྔ་བསྒྱུར་བ་སོགས་རྒྱུའི་ཐེག་པ་བཀའ་དང་བསྟན་བཅོས་ཤིན་ཏུ་མང་བར་
བསྒྱུར། འབྲས་བུ་སྔགས་ཀྱི་ཆོས་ལ་ཏནྟྲ་ཆེན་པོ་སྡེ་བཅོ་བརྒྱད་ཡོད་པ་ལ་བཅུ་དྲུག་བསྒྱུར། 
ནམ་གུང་ལ་རྫོགས་པ་ཆེན་པོ་ཨ་ཏི་ཡོ་གའི་སྔ་འགྱུར་ལྔ་ལ་སོགས་པ་འགྱུར་རོ། །གསོ་བ་
22-1-185


རིག་པའི་རྒྱུད་སོགས་ཀྱང་བསྒྱུར་རོ། །སྤྱིར་(མན་ངག་རྫོགས་པ་ཆེན་པོའི་སྐོར་ལ་ཕྱི་སེམས་སྡེའི་སྐོར་དང༌། 
ནང་ཀློང་སྡེའི་སྐོར་དང༌། བམ་པོའི་སྐོར་དང༌། མདོ་ལུང་རྫོགས་ཆེན་མ་བུའི་སྐོར་དང༌། མན་ངག་རྫོང་འཕྲེང་གི་སྐོར། མན་ངག་
བསམ་གཏན་གྱི་སྐོར།) རྫོགས་པ་ཆེན་པོའི་ཕྱི་སྐོར་ལ་རྣམ་གྲངས་དང༌། འགྱུར་ལུགས་གཉིས། 
རྣམ་གྲངས་ནི་རྒྱུད་སྡེ། སེམས་སྡེ། ཀློང་སྡེ། བམ་པོའི་སྐོར། མདོ་ལུང་རྫོགས་པ་ཆེན་པོ་མ་
བུའི་སྐོར། མན་ངག་རྫོང་འཕྲེང་གི་སྐོར། མན་ངག་སྙན་རྒྱུད་སྐོར། མན་ངག་བསམ་གཏན་
སྐོར་སོགས་རྒྱ་གར་གྱི་ཡུལ་ན་རྣམ་གྲངས་དགུ་བཞུགས། འགྱུར་ལུགས་ནི་རྒྱ་གར་གྱི་ཡུལ་
ན་རྒྱུད་མང་ཡང་རྩ་བའི་རྒྱུད་ལྔ་དང༌། ཡན་ལག་གི་རྒྱུད་བདུན། བཤད་པའི་རྒྱུད་བཞི་སྟེ་རྒྱ་
མཚོའི་གླིང་དུ་བཤད་པའི་རྒྱུད་སྡེ་ཆེན་པོ་བཅུ་དྲུག་བོད་དུ་བསྒྱུར་རོ། །
ཀུན་བྱེད་རྒྱལ་པོ་མ་བུ་དགུ་སྐོར་དུ་གསུངས་པ་དང༌། ཀུན་བྱེད་རྩ་བའི་རྒྱུད་ཐོབ་པའི་
ཤེས་རབ་ལ་གདམས་པ་ལེའུ་ལྔ་བཅུ་རྩ་བདུན་པ། རྒྱུད་ཕྱི་མ་བསམ་བྱུང་གི་ཤེས་རབ་ལ་
གདམས་པ་ལེའུ་བཅུ་གཉིས་པ། ཕྱི་མའི་ཕྱི་མ་སྒོམ་ཆུང་གི་ཤེས་རབ་ལ་གདམས་པ་ལེའུ་
བཅོ་ལྔ། ཀུན་བྱེད་བཤད་པའི་རྒྱུད་མདོ་བཅུ། སྤྱིའི་བཤད་རྒྱུད་འཁོར་བ་རྩད་གཅོད་དང་
ལྔ། ལྟ་བ་ནམ་མཁའ་དང་མཉམ་པའི་རྒྱུད་ལེའུ་བཅུ་གསུམ། སྒོམ་པ་རྒྱ་མཚོ་དང་མཉམ་
པའི་རྒྱུད་ལེའུ་བདུན། སྤྱོད་པ་ཉི་ཟླ་དང་མཉམ་པའི་རྒྱུད་ལེའུ་བཅུ་གཅིག །འབྲས་བུ་རིན་
པོ་ཆེ་དང་མཉམ་པའི་རྒྱུད་ལེའུ་བཅུ་གཅིག་པ་ཞེས་སོ། །སེམས་སྡེའི་སྐོར་ལ་རྒྱ་གར་ཡུལ་ན་
སེམས་སྡེ་བདུན་ཅུ་རྩ་བདུན་བཞུགས་པ་ལ་བོད་དུ་འགྱུར་པ་ལ་ནམ་མཁའ་ཆེ་ཁྱུང་ཆེན་རྩལ་
ཆེ། རིག་པའི་ཁུ་བྱུག སྒོམ་པ་དོན་དྲུག་མ། རྨད་དུ་བྱུང་བ་ནམ་མཁའི་རྒྱལ་པོ། རྡོ་ལ་གསེར་
ཞུན་བདེ་བ་ཕྲ་བཀོད། བྱང་ཆུབ་སེམས་ཏིག་ཀུན་འདུས། བདེ་འཇམ་སྙིང་པོ། རྫོགས་པ་
སྤྱི་སྤྱོད། ཡིད་བཞིན་ནོར་བུ། རྗེ་རྩལ་དམ་པ། སྤྱི་རྒྱུད་སྤུངས་པ། རྩེ་མོ་བྱུང་རྒྱལ། དེ་ལྟར་
སེམས་སྡེའི་རྒྱུད་བཅོ་བརྒྱད། མན་ངག་བཅོ་བརྒྱད་ངོ་སྤྲོད་དང་བཅས་པའོ། །
22-1-186


ཀློང་སྡེའི་སྐོར་ལ་རྒྱ་གར་ཡུལ་ན་ཀློང་སྐོར་བཅོ་བརྒྱད་བཞུགས་པ་ལ་ཐུགས་རྗེ་ཀློང་
ནག་མ་གཉིས། ཀློང་དཀར་པོ་རྒྱ་མཚོའི་ཀློང་མ་བུ་གཉིས། ཀློང་ཆེན་རབ་འབྱམས་མ་བུ་
བཞི་སྟེ་ཀློང་སྐོར་གསུམ་བོད་དུ་འགྱུར་རོ། །རླུང་སེམས་ཁ་སྦྱོར་ཞེས་བྱ་བ་སྟེ་སེམས་སྡེ་རྩ་
བ་བཅོ་བརྒྱད། བསྐལ་པ་དུམ་བུའི་རྒྱུད་བཅོ་བརྒྱད་བོད་དུ་འགྱུར་རོ། །བམ་པོའི་སྐོར་ལ་རྒྱ་
གར་ན་བམ་པོ་ཉིས་ཁྲི་བཞུགས་པ་ལ་ནང་པའི་བམ་པོ། སྟོང་པའི་བམ་པོ། ཡེ་ཤེས་ཀྱི་བམ་
པོ། ལྟ་སྒོམ་སྤྱོད་པ་འབྲས་བུའི་བམ་པོ་སོགས་བམ་པོ་བརྒྱད།(བརྒྱ)སྐོར་ཞིག་བོད་དུ་འགྱུར་
རོ། །རྫོགས་ཆེན་མདོ་ལུང་གི་སྐོར་ལ། མདོ་ལུང་མདོ་རྩ་གཉིས། མདོ་འགྲེལ་དང་གསུམ་
བོད་དུ་འགྱུར་རོ། །ཡུལ་རྫོགས་ཆེན་མ་བུའི་སྐོར་ལ། མ་སྟོང་པའི་ཡེ་ཤེས། བུ་རིག་པའི་ཡེ་
ཤེས་མ་བུ་གཉིས་བོད་དུ་འགྱུར་རོ། །མན་ངག་རྫོང་འཕྲེང་གི་སྐོར་ལ། བཀའ་རྫོང༌། གཉན་
རྫོང་གཉིས་བོད་དུ་འགྱུར་རོ། །མན་ངག་སྙན་རྒྱུད་ཆེ་ཆུང་གཉིས་བོད་དུ་འགྱུར། མན་ངག་
བསམ་གཏན་གྱི་སྐོར་ལ། བསམ་གཏན་བརྒྱད་ཅུ་པ་བོད་དུ་འགྱུར་རོ། །དེ་རྣམས་ནི་ཨ་ཏི་ཕྱི་
སྐོར་སེམས་ཕྱོགས་ཀྱི་འགྱུར་ལུགས་སོ། །
རྫོགས་ཆེན་ནང་སྐོར་འདི་ལ་རྣམ་གྲངས་དང༌། འགྱུར་ལུགས་གཉིས་ལས་རྣམ་གྲངས་
ནི་རྒྱ་གར་ཡུལ་ན་རིག་པ་བླ་མའི་རྒྱུད་བྱ་བ་མ་བུ་གསུམ་བཞུགས། འགྱུར་ལུགས་ནི་བྲམ་
ཟེའི་སྐོར་དང༌། རིག་པའི་སྐོར་དང༌། གབ་པའི་སྐོར་དང༌། རྨད་དུ་བྱུང་བའི་སྐོར་དང༌། སྙིང་
པོའི་སྐོར། རྫོགས་ཆེན་ལྡེ་མིག་གི་སྐོར་དྲུག་བོད་དུ་འགྱུར་རོ། །རྫོགས་ཆེན་བྲམ་ཟེའི་སྐོར་
འདི་ལ་རྒྱུད་དྲུག །ལོ་རྒྱུས་བདུན། འཕྲུལ་གྱི་ལྡེ་མིག་དང་བརྒྱད། འཁོར་ལོ་གསུམ་སྟེ་བཅུ་
གཅིག ། རིན་པོ་ཆེ་རྒྱན་གྱི་མན་ངག་དང་བཅུ་གཉིས་བཞུགས་སོ། །དེ་རྣམས་ནང་སྐོར་གྱིས་
འགྱུར་རོ། །
ཨ་ཏིག་གསང་བའི་སྐོར་འདི་ལ་རྣམ་གྲངས་དང༌། འགྱུར་ལུགས་གཉིས། རྣམ་གྲངས་
22-1-187


ནི་རྒྱ་གར་ཡུལ་ན་གསང་རྒྱུད་ཆེན་པོ་གཅིག ཡང་ཏིག སྤྱི་ཏིག་དང་གསུམ་དུ་བཞུགས་སྐད། 
འགྱུར་ལུགས་ནི་ཨ་ཏི་གསང་སྐོར་ལ་ཟབ་མོ་སྐོར་དགུ་བོད་དུ་འགྱུར་རོ། །རྫོགས་པ་ཆེན་པོ་
སྐྱེ་ཚད་སྐོར། འཕྲུལ་བཞི་ཟབ་མོ་སྐོར་གཅིག་རིན་པོ་ཆེ་རྒྱས་པའི་སྐོར་ཟབ་མོ་གཅིག་ཡིན། 
ཉི་མའི་འཁོར་ལོ་ཟབ་མོ་སྐོར་གཅིག་ཡིན། རྒྱལ་པོའི་གཏེར་ཟབ་མོ་སྐོར་གཅིག་ཡིན། ཟ་
འོག་བར་ཁྱིམ་ཟབ་མོ་སྐོར་གཅིག་ཡིན། རྒྱུད་པ་ཐ་མ་ཟབ་མོ་སྐོར་གཅིག་ཡིན། གཞན་ཡང་
བཤད་ཐོབ་གཉིས་ལས་མཁས་པ་པཎྜི་ཏའི་ལུགས་ལ་ཐིག་ལེ་སྡེ་བཞི། འཇམ་དཔལ་སྡེ་
བཞི་བི་ག་བར་ཏ་སྡེ་བཞི་ལ་སོགས་སོ། །ཀུ་སུ་ལུ་རྣལ་འབྱོར་པའི་ལུགས་ལ་སྔགས་ཀྱི་རྩ་བ་
གསུམ་སྟེ། རྒྱུད་ཐམས་ཅད་ཀྱི་རྩ་བ་འཇམ་དཔལ་དགོངས་པ་འདུས་པ། ལུང་ཐམས་ཅད་ཀྱི་
རྩ་བ་མཁའ་འགྲོ་མ་དྲ་བའི་འཁོར་ལོ། མན་ངག་ཐམས་ཅད་ཀྱི་གསང་བ། འཁོར་ལོ་ལྔས་
སྐོར་བའོ། །ཆོས་དཔག་ཏུ་མེད་པའི་ཀུན་རྫོགས་པའི་མཐའ་མ་ལ་རང་གྲོལ་མངོན་སུམ་དུ་
སྟོན་པའི་མན་ངག་གནང་སྟེ་གསལ་བྱེད་རིན་པོ་ཆེ་འབར་བ་བཞེངས་ནས། རྒྱལ་ཐབས་སྤྱི་
ལུགས་རྣལ་མའི་དབང་ལ་སོགས་པ་དབང་གི་ཆུ་བོ་བདུན་རྫོགས་པ་བསྐུར། དེ་རྗེས་རིག་
པ་རྩལ་དབང་བཅོ་བརྒྱད་བསྐུར་ནས་གནས་ལུགས་གཙོ་བོར་བཏོན་པ་ཡེ་ཤེས་རྫོགས་པའི་
ངང༌། འཁྲུལ་ཚུལ་གཙོ་བོར་སྟོན་པ་ཡེ་ཤེས་གསང་བ་དང༌། རྟོགས་ཐབས་གཙོ་བོར་སྟོན་
པ་རིག་པ་རང་གསལ་མཆོག་གི་རྒྱུད་དང༌། སྒོམ་ཐབས་གཙོ་བོ་སྟོན་པ་ནམ་མཁའ་ས་མུན་
ཏ་ནམ་མཁའི་མཐའ་དང་མཉམ་པའི་རྒྱུད་དང༌། འབྲས་བུ་གཙོ་བོར་སྟོན་པ་སྙིང་པོ་དོན་གྱི་
རྒྱུད་དང་ལྔའོ། །གཞན་ཡང་ཀློང་དགུ་ལ་སོགས་པ་སྟེ་ཡན་ལག་གི་རྒྱུད་རྩ་ལྔ་དང༌། སྤྲུལ་སྐུ་
དགའ་རབ་རྡོ་རྗེའི་བཀའི་མན་ངག་ཕྲན་བུ་བཅོ་བརྒྱད། རིག་འཛིན་གྱི་ཆོས་བཞི་སོགས་སློབ་
དཔོན་ཆེན་པོ་སོ་སོས་མཛད་པ་ཤིན་ཏུ་མང༌། རང་བཞིན་རྫོགས་པ་ཆེན་པོ་སྡེ་གསུམ་ལས་དེ་
དག་ལས་ཁྱད་པར་དུ་བསྡུས་པའི་ཐིག་ལེ་རང་གནད་ལ་དབབ་པ་འདི་ལ་རྣམ་གྲངས་དང༌། 
22-1-188


འགྱུར་ལུགས་གཉིས་ལས་རྣམ་གྲངས་ལ་གཉིས་ཏེ། སྙན་རྒྱུད་དང་བཤད་རྒྱུད་གཉིས་སོ། །
བཤད་རྒྱུད་ལ་ཐིག་ལེ་རང་གནད་ལ་དབབ་པ་འདི་ལ་ཕྱི་སྐོར་ནང་སྐོར་གསང་སྐོར་དང་
གསུམ། གསང་སྐོར་བླ་ན་མེད་པའི་སྐོར་དང་བཞི། རྒྱ་གར་ཡུལ་ན་རྣམ་གྲངས་བཞི་བཞུགས་
སོ། །ཕྱི་སྐོར་ནང་སྐོར་གསང་སྐོར་གྱི་འགྱུར་ལུགས་ནི། ཕྱི་ཤིང་སྒྲོམ་སྐྱ་མོའི་སྐོར་དང་གཅིག །
ནང་བསེ་སྒྲོམ་སྨུག་པོའི་སྐོར་དང་གཉིས། གསང་བ་དངུལ་གྱི་གྭའུ་སྤར་ཁབ་ཅན་གྱི་སྐོར་
དང་གསུམ་བོད་དུ་འགྱུར་རོ། །ཕྱི་ཤིང་སྒྲོམ་སྐྱ་མོ་སྐོར་སོགས་(ཟུག་པ་རྩ་བ། གྱེས་པ་ཡལ་ག རྒྱས་པ་
ལོ་འདབ། གསལ་བ་མེ་ཏོག སྨིན་པ་འབྲས་བུ།)ལས་ཕྱི་པ་ཤིན་ཏུ་མང་ངོ༌། །རྫོགས་པ་ཆེན་པོ་ཡང་གསང་
བ་བླ་ན་མེད་པའི་མངོན་སུམ་སྙིང་ཏིག་གི་སྐོར་ལ་རྒྱུད་བཅུ་བདུན། ཁྲོས་མ་ནག་མོའི་རྒྱུད་
དང་བཅོ་བརྒྱད། ཟབ་པའི་པོ་ཏི་བཞི། ཐུན་མོང་གི་པོ་ཏི་བཞི། མན་ངག་གི་ཡི་གེ་མི་འདྲ་བ་
བརྒྱ་དང་བཅུ་དགུ་བཞུགས་སོ། །སེམས་སྡེ་མ་བུ་བཅོ་བརྒྱད་ཀྱི་ནམ་མཁའ་ཆེ་ལ་སོགས་བཻ་
རོས་སྔར་ཁྲི་སྲོང་ལ་ལྐོག་གྱུར་དུ་གསུངས་པས་སྔ་འགྱུར་ལྔ་དང་མན་ངག་རྒྱ་མཚོའི་ཀློང་དུ་
གྲགས་པ་རྣམས་ལ་བརྒྱུད་པ་དང་པོ་ཞེས་བྱའོ། །བི་མ་ལས་རྩེ་མོ་བྱུང་རྒྱལ་ལ་སོགས་བཅུ་
གསུམ་གསུངས་པས་ཕྱི་འགྱུར་ཞེས་གྲགས་སོ། །ཡང་ན་བརྒྱུད་པ་བར་མ་ལ་གཡུ་སྒྲ་སྙིང་
པོས་གཉགས་ཛྙཱ་ན་དང༌། རྨ་རིན་ཆེན་མཆོག་ལ་གསུངས་པ་རྣམས་སོ། ། བརྒྱུད་པ་མཐའ་མ་
ནི་རྒྱལ་པོ་གཡུ་སྒྲ་སྙིང་པོས་སྤང་སངས་རྒྱས་མགོན་པོ་དང༌། རྒྱ་བློ་གྲོས་གཞོན་ནུ་དང༌། སྦས་
རྡོ་རྗེ་རྒྱལ་མཚན་ལ་གསུངས་པ་རྣམས་ཡིན་ནོ། །བཻ་རོ་ནས་ཁམས་སུ་རིམ་བརྒྱུད་དུ་བྱོན་པ་
ལ་རྫོགས་ཆེན་ཨ་རོ་དང༌། རྡོ་རྗེ་ཟམ་པ་སོགས་སོ། །
རྒྱུད་མན་ངག་ཐམས་ཅད་ཀྱི་འབྱུང་ཁུངས་སུ་གྱུར་པ་ལོ་ཙཱ་བ་བཻ་རོ་ཙ་ན། (རུ་ཙ྄་འབར་བ་
ལའོ་ཞེས་བྱིངས་བཞག །བི་སྔོན་དུ་ཡུཊ྄འི་རྐྱེན་བྱིན། དེ་དེ་ཡི་བསྡུ་ཞེས་བསྡུ་བ་བྱས། ཡོན་ཏན་ཡུ་བུ་རྣམས་ཀྱི་ཨ་ན་ཨ་ཀ་ཨན་
ཏ྄་ཞེས་པ་ཡུ་ཨ་ན་རུ་བསྒྱུར། དེ་རིག་དེ་རྗོད་དེའི་འདི་ལྟར་སོགས་ཀྱི་ཨ་སྔར་འདོད་ཅེས། ཨཎ་རྐྱེན་ཌཱ་ཡིག་དང་བཅས་པ་ལ་
22-1-189


དང་པོར་འཕེལ་བའོ་ཞེས་པ་བཻ་རུ་འགྱུར།)བསམ་འགྲུབ་རྩེའི་ས་ཡུལ་དུ་འཁྲུངས་ཤིང༌། ཐོས་དོན་སྒྲུབ་
པ་སྙིང་པོར་དྲིལ་བ་ཡིན་ནོ། །
གསུམ་པ་ལྟ་བའི་མཐར་ཐུག་ཐལ་འགྱུར་ལ་འཆད་ཉན་གྱི་སྒོ་ནས་བསྟན་པ་སྤེལ་བའི་
ངོ་མཚར་ཕུན་སུམ་ཚོགས་པ་ནི་བོད་དུ་ཐལ་འགྱུར་སྲོལ་འབྱེད་པ་ཙམ་གྱི་སློབ་མ་རྨ་བྱའི་
འཆད་ཉན་མཛད་པའི་དགོན་པ་ཕུན་སུམ་ཚོགས་ཤིང༌། སྤྱི་མདོ་དང་སྒོས་ཐལ་འགྱུར་གྱི་
བཤད་སྲོལ་བླ་ན་མེད་པའི་དགོན་གནས་ཆེན་པོ་ད་ལྟ་གནས་རྙིང་རྒྱལ་ཁང་ཡོད་པ་འདི་ཡིན་
ཞིང༌། རྨ་བྱའི་སྤུར་རིལ་པོ་དང་ཕྱག་དཔེ། ན་བཟའ་ཆ་ཚང༌། གསོལ་ལྷུང་རྣམས་མཆོད་
རྟེན་ནང་དུ་བཞུགས་པས་ན་མཆོད་རྟེན་གྱི་མིང་རྨ་བྱ་མཆོད་རྟེན་དུ་གྲགས་སོ། །འདི་ལ་སྐོར་
བ་བརྒྱབ་པས་དོན་ཐམས་ཅད་འགྲུབ་པ་དང༌། རྩོད་པ་ལས་རྒྱལ་བ་སོགས་རྟགས་མཚན་
མངོན་གྱུར་དུ་གསལ་བར་གྱུར་པས་སྟོད་སྨད་ལ་བྱོན་པའི་གྲྭ་སྐོར་བ་སོ་སོ་རྣམས་འདི་ལ་
སྐོར་བ་ཆེད་གཉེར་རྒྱག་གོ །རྨ་བྱའི་ཐུགས་དམ་རྟེན་བྱིན་རླབས་ཅན་དུ་གྲགས་པ་ཐུབ་དབང་
གསེར་སྐུ་པད་གདན་དང་བཅས་པ་ལ་མདའ་ཚད་གང་ཙམ་ཡོད་པ་དེ་བཞི་སྡེའི་ལྷ་ཁང་ན་
བཞུགས། རྨ་བྱ་ལ་ཀླུ་དང་དྲི་ཟས་ཕུལ་བའི་ཆོས་དུང་གཉིས་ཡོད་པ་རྣམ་ཐར་ནང་དུ་གསལ་
བ། དེ་ཉིད་གང་རུང་ཞིག་ཡིན་ཟེར་བའི་ལོ་རྒྱུས་ཀྱི་ངེས་པ་མ་རྙེད་ཀྱང་བཞི་སྡེར་རྨ་བྱའི་ཆོས་
དུང་དངུལ་ཤོག་མ་ཡོད་དོ། །
སྤྱིར་བཏང་པ་ཚབ་ལ་ཡང་བསྟན་པ་སྔ་དར་རྒྱལ་པོ་ཁྲི་སྲོང་ལྡེའུ་བཙན་གྱི་སྐབས་སུ་
ཡོ་ག་ལ་མཁས་པའི་མི་གསུམ་སྟེ། ཚིག་ལ་མཁས་པ་འཇམ་དཔལ་བཤེས་གཉེན། དོན་ལ་
མཁས་པ་སངས་རྒྱས་གསང་བ། ཚིག་དོན་གཉིས་ཀར་མཁས་པ་སློབ་དཔོན་ཀུན་དགའ་སྙིང་
པོ་དེ་གསུམ་ལས་སངས་རྒྱས་གསང་བ་དང༌། སངས་རྒྱས་ཞི་བ་གཉིས་གངས་ཏི་སེར་སྒྲུབ་
པ་ལ་ཕེབས་དུས་བོད་རྒྱལ་པོས་དགོངས་ནས་སྤྱན་འདྲེན་ལ་བརྫངས་པས་འཇམ་དཔལ་
22-1-190


དབྱངས་ཀྱི་ལུང་བསྟན་ལ་བོད་དབུས་གཙང་ལ་ཕྱིན་ན་དོན་དུ་མི་འགྱུར་ཞིང༌། ཚེ་ལ་བར་
ཆད་འོང་ཞེས་བཀའ་ལས་མ་གྲོལ་བས་བོད་རྒྱལ་པོ། བཙུན་མོ། བློན་པོ། བཤད་གྲྭ། སྒོམ་གྲྭ་
སོ་སོ་ལ་ཞལ་གདམས་ཚིགས་བཅད་གནང་ནས་སློབ་དཔོན་སངས་རྒྱས་གསང་བས་མ་བྱོན། 
ཆོས་ཟབ་མོ་གནང་བར་ཞལ་གྱིས་བཞེས་པར་མཛད་པའི་ཆོས་བསྒྱུར་བའི་ལོ་ཙཱ་ལ་ཕེབས་
པ། པ་ཚབ་ལོ་ཙཱ་བ་ཚུལ་ཁྲིམས་རྒྱལ་པོ་ཟེར་བའི་པ་ཚབ་གཅིག་དང་འདི་འཁྲུངས་ས་མྱང་
སྟོད་སྟག་རྩེའི་ཕུ་ཡིན། གདུང་རྒྱུད་ད་ལྟ་ཡོད་བཞིན་པ་དམ་ཆོས་སྡུག་བསྔལ་ཞི་བྱེད་ཀྱི་རྒྱུད་
པ་དང་པོ། ཁ་ཆེ་ཛྙཱ་ན་གུཪྻ་ནས་ཨོང་ལོ་ཙཱ་སོགས་རྒྱུད་པ་བར་པ། རྨ་སོ་སྐམ་གསུམ་ནས་
རིམ་བརྒྱུད་དོ། །རྒྱུད་ཕྲན་ལ་གྲྭ་པ་མངོན་ཤེས་དང༌། ལྕེ་དང་གཉགས་གསུམ་ནས་བརྒྱུད་དོ། །
རྒྱུད་པ་མཐའ་མ་བྱང་ཆུབ་སེམས་པ་ཀུན་དགའ་དེས་པཱ་ཚབ་དགོན་པ་པ་ཞེས་པའི་པ་ཚབ་
གཅིག །འདིར་བཤད་པར་སྐབས་སུ་བབས་པའི་པ་ཚབ་ནི་པ་ཚབ་ཉི་མ་གྲགས་ཞེས་པ། 
མངའ་བདག་རྩེ་ལྡེའི་ཆོས་འཁོར་བཙུགས། དབུས་གཙང་གི་མཁས་པ་ཕལ་ཆེ་བས་མངའ་
རིས་ལ་བྱོན་སྐབས་དང་བྱོན་པ་དུས་མཚུངས་པ། 
གཞན་འདི་དང་སྐུ་བགྲེས་གཞོན་གྱི་རིམ་པ་ཅུང་ཟད་མ་གཏོགས་འདི་དང་ཐོག་མཚུངས་
སུ་བྱོན་པ་ལ། རྔོག་ལོ་ཙཱ་བ་(མདོ་སྔགས་ཀྱི་ཆོས་མང་དུ་བཀའ་བབས་ཤིང་བསྒྱུར་བ།)པུ་ཧྲང་ལོ་ཆུང་
གྲགས་མཆོག་ཤེས་རབ་(བདེ་མཆོག་གྱི་རྒྱུད་བཤད་པ་མན་ངག་ཟབ་ཆོས་པུ་ཧྲང་ལུགས་དར་རོ།།)དེའི་སློབ་
མ་དམར་ཆོས་རྒྱལ་མཚན། མར་དོ་ཆོས་ཀྱི་དབང་ཕྱུག(བདེ་མཆོག་གི་རྒྱུད་བཤད་མན་ངག་དོ་པ་ལུགས་
དར་རོ།)མལ་གྱོ་བློ་གྲོས་གྲགས་(འདི་ས་སྐྱ་པ་ཆེན་པོ་ལ་གནང་བ་སོགས་བདེ་མཆོག་རྒྱུད་བཤད་དང༌། མན་ངག་
སོགས་དང་མགོན་པོའི་སྐོར་མལ་ལུགས་དར་རོ།།)རྭ་ལོ་རྡོ་རྗེ་གྲགས། (གཤིན་རྗེ་གཤེད་ནག་པོ་དགྲ་གདོང་འཇིགས་
གསུམ་གྱི་རྒྱུད་དང་མན་ངག་དར་རོ།།)གཉན་ལོ་དར་མ་གྲགས། (གསང་འདུས་ཡེ་ཤེས་ཞབས་ལུགས་ཀྱི་རྒྱུད་མན་
ངག་དང་ཞལ་བཞི་པའི་ཆོས་སྐོར་དར་རོ།།)དེའི་སློབ་མ་གནམ་ཁའུ་པ། ལོ་ཙཱ་བ་ཁའོ་ཆེ་སོགས་སོ། །པ་
22-1-191


ཚབ་ཀྱིས་རྒྱ་གར་ལ་བྱོན། རིག་པའི་ཁུ་བྱུག་སློབ་མ་ས་ར་དྷེ་ས། ཧ་སུ་མ་རི། ཀ་ན་ཀ་ཝ་རྨ་
གསུམ་བསྟེན་ནས་ཆོས་ཚུལ་ཞིབ་པར་ཞུས་ནས་བོད་དུ་བྱོན། ཐལ་འགྱུར་བའི་སྲོལ་ལམ་གྱི་
རྒྱུན་བཟང་པོ་བཙུགས་སོ། །སླར་ཛ་ཡ་ཨཱ་ནན་བོད་ལ་སྤྱན་དྲངས། ལྷ་སར་རྩ་འཇུག་བཞི་
གསུམ་སོགས་ཡུལ་འགྱུར་གྱི་དཔེ་ལ་གཏུགས་ནས་བསྒྱུར་བའི་ལོ་ཙཱ་བ་བཀའ་དྲིན་ཅན་པ་
ཚབ་ཉི་མ་གྲགས་ཞེས་འཕན་ཡུལ་སྨོན་མཁར་རྫོང་གི་སྟོད་ཙམ་ན་སྐུ་གདུང་རིལ་པོར་ཁང་
བུ་བརྩེགས་པའི་ནང་ན་མ་ཉམས་པར་ད་ལྟའང་བཞུགས་ཤིང༌། གདུང་རྒྱུད་འཕན་ཡུལ་ཕུ་ན་
ད་ལྟའང་ཡོད་དོ། །
རྨ་བྱ་ཞེས་བྱ་བ་ལ་ཡང་ཕྱྭ་བ་ཆོས་ཀྱི་སེང་གེའི་སློབ་མའི་མཆོག་སེང་གེ་བརྒྱད། ཇོ་སྲས་
མི་བཞི། གྲུབ་ཐོབ་མི་གསུམ། སེང་འདྲ་བརྒྱད་ཅེས་སོགས་ཡོད་པ་ལས་སེང་ཆེན་བརྒྱད་ཀྱི་
ཟླ་མཚན་རིག་པའམ་རྩོད་པའི་ཁྱུ་མཆོག་རྨ་བྱ་བྱང་བརྩོན་ཟེར་བའི་རྨ་བྱ་གཅིག་རྒྱ་འདུལ་
བ་འཛིན་པ་དབང་ཕྱུག་ཚུལ་ཁྲིམས་ལ་སློབ་མའི་མཆོག་ཏུ་གྱུར་བ་ཀ་བཞི། གདུང་མ་བརྒྱད། 
ལྕམ་དྲལ་མ་སོགས་སློབ་མ་ཆེས་མང་ཡང་ཀ་བ་བཞི་ནི་འདར་འདུལ་འཛིན། མཐའ་བཞི་
བརྩོན་འགྲུས་འབར། ཇོ་གདན་ནག་པོ་དར་ཚུལ། རྨ་ཚོ་འམ་རྨ་བྱ་བྱང་རྡོར་རམ་བྱང་ཆུབ་
རྡོ་རྗེ། རྨ་བྱ་འདིའི་དངོས་སློབ་བྱ་འདུལ་བ་འཛིན་པ་བརྩོན་འགྲུས་འབར་ཡིན་ཞིང༌། ཡང་
བྱ་འདུལ་འཛིན་གྱི་སློབ་མ་སོགས་འདུལ་འཛིན་ཡང་ཡིན་ནོ། །བྱ་འདུལ་འཛིན་འདི་རོང་
པ་ཕྱག་སོར་བའི་སློབ་མ་བུ་བཞིར་གྲགས་པའི་ནང་ཚན་ཞིག་ཡིན་ཞིང༌། རོང་པ་ཕྱག་སོར་
བའི་ལམ་རིམ་དང༌། ནག་ཚོས་མཛད་པའི་ལམ་ཡིག་རྣམས་བྱ་འདུལ་འཛིན་ནས་ཆེས་དར་
རོ། །རྒྱའི་སློབ་མ་རྨ་བྱ་བྱང་རྡོར་ཟེར་བའི་རྨ་བྱ་གཅིག་དང་འདིར་བཤད་པར་འོས་པའི་རྨ་
བྱ་ནི་པ་ཚབ་ལོ་ཙཱ་བ་ཉི་མ་གྲགས་པའི་བུ་བཞི་ནི། ཚིག་ལ་མཁས་པ་གངས་པ་ཤེའུ། དོན་
ལ་མཁས་པ་གཙང་པ་འདྲེ་སྒུར། ཚིག་དོན་གཉིས་ཀ་ལ་མཁས་པ་རྨ་བྱ་བྱང་བརྩོན། གཉིས་
22-1-192


ཀ་ལ་མི་མཁས་པ་ཞང་ཐག་པག་བ་[ཐག་མ་པ་]དང་བཞི་ཡོད་པ་ལས། ཚིག་དོན་གཉིས་ཀ་
ལ་མཁས་པ་རྨ་བྱ་བྱང་ཆུབ་ཡེ་ཤེས་སམ་རྨ་བྱ་བྱང་བརྩོན་ཞེས་པའི་འཆད་ཉན་མཛད་པའི་
དགོན་གནས་གོང་དུ་སྨོས་པ་ལྟར་ཡིན་ཞིང༌། རྨ་བྱ་བྱང་བརྩོན་གྱིས་བྱང་ཆུབ་སེམས་པ་ཟླ་
བ་རྒྱལ་མཚན་ལ་ཆོས་ཞུ་བར་བཞེངས་ནས་དགེ་འདུན་ལ་མང་བཀོལ་བྱས། ཆོས་སྐྱོང་ལ་
གཏོར་མ་བཏང་བས་མནལ་ལམ་དུ་ཁྱོད་ཐུགས་རྗེ་ཆེན་པོ་ཅན་དུ་འགྲོའམ་ཟེར། མི་འགྲོ། 
བྱང་ཆུབ་སེམས་པའི་ཟླ་བ་རྒྱལ་མཚན་ཅན་དུ་འགྲོ་བྱས་པས། དེ་ཁ་ཐུགས་རྗེ་ཆེན་པོའི་སྤྲུལ་
པ་དངོས་ཡིན། ཁྱོད་ལམ་དུ་འཇིགས་པ་མི་ཡོང་པར་འདུག་གི། མྱུར་བར་ལོག་ཤོག་ཅེས་ཆོས་
སྐྱོང་གིས་ལུང་བསྟན་པ་ཡང་བསམ་རྩེའི་ཉེ་འགྲམ་གནས་རྙིང་རྒྱལ་ཁང་ཡོད་པ་འདི་ག་ཡིན། 
ཆོས་སྐྱོང་བསྲུང་བ་དེ་ཆོས་སྡེ་ཆེན་པོ་དེའི་གཉེར་གཏད་སྲུང་བར་རྒྱལ་པོ་ཆེན་པོ་འདི་ཉིད་
ཡིན་པས་གནས་རྙིང་རྒྱལ་པོ་ཁོ་ན་ཉིད་དེ་ཞེས་གདམས་སོ། །
བཞི་པ་ལྟ་སྒོམ་གྱི་མཐར་ཐུག་བཀའ་བརྒྱུད་གྲུབ་ཐོབ་རྐྱེན་ཆེན་གྱིས་སྒྲུབ་པ་བསམ་
གཏན་གྱི་འཁོར་ལོ་བསྐོར་བའི་ངོ་མཚར་ཕུན་སུམ་ཚོགས་པ་ནི་སྒྲུབ་བརྒྱུད་བཀའ་བརྒྱུད་ཀྱི་
ཆོས་ལུགས་རྡོ་རྗེ་འཆང་དབང་ནས་རྩ་བའི་བླ་མའི་བར་དུ་རྒྱུད་པའི་ཟམ་མ་ཆད་པ། གཞན་
ལ་ལྟོས་མི་དགོས་པས་ཕ་རྗེས་བུས་ཟིན་པ་ཤ་སྟག་རྟོགས་པ་དོན་གྱི་དབང་ཆོག་སེམས་ལ་
བསྐུར་བས་སྣང་སྲིད་སྐུ་གསུམ་གྱི་རྒྱལ་སྲིད་ལ་དབང་བསྒྱུར་བའི་བརྒྱུད་ལྡན་དངོས་གྲུབ་རྒྱ་
མཚོ་ཁ་མ་བྲི་བ། སེམས་ཉིད་ཡིད་བཞིན་ནོར་བུ་ལ་བྱི་དོར་བྱས་པས་དགོས་འདོད་མཐའ་
དག་སེམས་ལས་གྲུབ་པ། རྟོགས་པའི་ནོར་བུ་འོད་མ་ཡལ་བ། མན་ངག་ཟབ་མོ་ཉམས་སུ་
བསྟར་བ་གྲུབ་ཐོབ་འམ་བུག་པ་ཞེས་བསམ་འགྲུབ་རྩེའི་ཆུ་སྤེའི་ཕྱོགས་ཀྱི་བྲག་ལོགས་ཀྱི་
ཕུག་པ་འདིར་དམན་པའི་ས་བཟུང༌། གྱོང་ལྟོ་གོས་གཏམ་གསུམ་ལ་བསྐུར། རིའི་བུ་བྱས། ན་
བུན་གྱི་གོས་གྱོན། རྡོ་རྗེ་ཐེག་པའི་སྤྱོད་པས་ཉོན་མོངས་པ་རང་བཞིན་ཤེས་པའི་ལམ་གྱིས་
22-1-193


སྦྱངས། སྤང་བླང་གི་མཚན་མར་རང་གྲོལ་ཙན་དན་དང་ལྡེའུ་འམ་མཁའ་དང་ལག་མཐིལ་
ལྟར་མཉམ་པ་ཉིད་ཁོང་དུ་ཆུད་ཅིང༌། དེ་ཁོ་ན་ཉིད་རྟོགས་པ་མཐར་ཐུག་ནས་སྐུ་ལུས་མ་
སྤངས་པར་མཁའ་སྤྱོད་ཆེན་པོ་ལ་ཕེབས་པ་ཡང་བྲག་ཕུག་འདི་ཉིད་ཡིན་ནོ། །གཞན་ལ་འམ་
བུ་འདི་ན་བདེ་མཆོག་གསུངས་པས་མཚན་དང་ཡུལ་གྱི་མིང་ལ་ཡང་དེ་ལྟར་དུ་ཐོགས་སོ། །
བསམ་འགྲུབ་རྩེའི་ཤར་གྱི་ཚལ་གསེབ་ཏུ་དཔའ་བོ་ཆོས་དབང་ལྷུན་གྲུབ་ཀྱིས་ས་
གནས་ཀྱི་རྟེན་འབྲེལ་ཁྱད་པར་ཅན་དུ་གཟིགས་ནས་ཡུན་རིང་སྒྲུབ་པ་ལ་བཞུགས་པས་
རྟོགས་གྲོལ་ཕུན་སུམ་ཚོགས་པ་རྙེད་པ་ཡང་ཡིན་ནོ། །གསེར་གླིང་པ་བཀྲ་ཤིས་དཔལ་གྱི་
སློབ་མའི་མཆོག་ཏུ་གྱུར་པ། རྡོ་རྗེ་དཔལ་གྱིས་ང་མཁས་བཙུན་གཞོན་ནུ་འཁྲུངས་སར་སྒོམ་
ལ་འགྲོ་གསུངས་ནས་ཕོ་བྲང་བསམ་རྩེའི་རྫོང་གི་ལྟག་རི་ཁྲོད་བྲག་པོ་ཆེར་སྒྲུབ་པ་ལ་རྩེ་
གཅིག་ཏུ་རྒྱུན་རིང་བཞུགས་པས་གནས་ཀྱི་མིང་གང་ཟག་ལ་ཐོགས་ཏེ་བྲག་པོ་ཆེ་བ་རྡོ་རྗེ་
དཔལ་ཞེས་གྲགས་སོ། །ཕོ་བྲང་བསམ་རྩེའི་ཤར་མྱང་ཆུའི་ཉེ་འགྲམ་ན་རྒྱལ་བའི་དབང་པོ་
རང་བྱུང་རྡོ་རྗེའི་སྐལ་ལྡན་གྱི་གདུལ་བྱ་མང་ཤས་ཤིག་ལ་ཟབ་ཁྲིད་སྐུ་གསུམ་ངོ་སྤྲོད་རྣམ་
བཞི་རྒྱུད་གྲོལ། བསྐྱེད་རིམ་དང་འབྲེལ་བ་ཐུགས་རྗེ་ཆེན་པོ་རྒྱལ་བ་རྒྱ་མཚོ། རྫོགས་རིམ་
རླུང་སེམས་དབྱེར་མེད་ཀྱི་ཁྲིད། སེམས་ཁྲིད་ཡིད་བཞིན་ནོར་བུ། པདྨས་དངོས་སུ་རང་
བྱུང་རྡོ་རྗེ་ལ་གནང་བའི་སྙིང་ཐིག་ཟབ་རྟགས་བརྒྱུད་གསུམ་སོགས་ཆོས་འཁོར་རྒྱ་ཆེན་པོ་
བསྐོར་བའི་བཞུགས་ཁྲི་ད་ལྟ་ཡང་མཇལ་རྒྱུ་ཡོད་དོ། །ལྔ་པ་ལ་སྐྱེས་བུ་དམ་པ་མཆོག་རྣམས་
འཁྲུངས་པ་དང་ཞབས་ཀྱིས་བཅགས་ནས་བསྟན་པ་ལ་བྱ་བ་མཛད་པའི་ངོ་མཚར་ཕུན་སུམ་
ཚོགས་པ་ནི་སྔོན་དུ་སྨོས་པ་ལྟར་ལོ་ཙཱ་བ་བཻ་རོ་ཙ་ན་ཡུ་བ་གདོང་དུ་འཁྲུངས། དཔལ་ན་རོ་
པའི་ལྕམ་སྲིང་མོ། རྡོ་རྗེ་འཆང་ལ་གདམས་པ་དངོས་སུ་ཐོབ་པ། ནི་སྒུ་སྟ། ཟུར་ཆགས་པའི་
ནི་གུ་མ་ཞེས་པས། སྨིན་བྱེད་དབང་གི་སྐོར། དོན་ཁྲིད་མན་ངག་གི་སྐོར། རྒྱབ་རྟེན་ལུང་གི་
22-1-194


སྐོར། བཀའ་སྲུང་མགོན་པོའི་སྐོར་སོགས་རྒྱ་ཆེ་བར་བཞུགས་ཤིང༌། སྨིན་བྱེད་ལ་གཞུང་
བཀའ་དབང་ཉི་ཤུ་རྩ་ལྔ་སོགས་ཏེ། རྩ་བ་ནི་གུ་ཆོས་དྲུག །སྡོང་པོ་ཕྱག་རྒྱ་ཆེན་པོ། ཡལ་ག་
ལམ་ཁྱེར་རྣམ་གསུམ། མེ་ཏོག་མཁའ་སྤྱོད་དཀར་དམར། འབྲས་བུ་འཆི་མེད་འཆུག་མེད་
སོགས་གདམས་པ་ཟབ་ལ་རྒྱ་ཆེ་བ་དང་བཅས་ཁྱུང་པོར་གནང་ནས། མི་རབས་བདུན་དུ་
ཆིག་རྒྱུད་རྒྱ་ཡིས་བཏབ་ཅེས་པའི་ཆིག་རྒྱུད་བདུན་ནི་རྡོ་རྗེ་འཆང༌། ནི་གུ་མ། ཁྱུང་པོ་རྣལ་
འབྱོར། རྨོག་ལྕོག་པ་རིན་ཆེན་བརྩོན་འགྲུས། དབོན་སྟོན་སྐྱེར་ཁང༌། སངས་རྒྱས་གཉན་
སྟོན། སངས་རྒྱས་སྟོན་པ། འདི་ཡན་ལ་ཆིག་བརྒྱུད་རྒྱས་བཏབ་པ་ཡིན་ལ་ནི་གུའི་རིན་ཆེན་
སྣ་བདུན་ནམ་ཆིག་བརྒྱུད་བདུན་གྱི་མཐའ་མ་སངས་རྒྱས་བསྟན་པའི་སློབ་མ་འཇག་བསམ་
གཉིས་ལས་བསམ་སྡིངས་པ་མཁས་པ་གཞོན་ནུ་གྲུབ་ཀྱི་འཁྲུངས་ས། མྱང་སྨད་གཅུང་པ་ཡུ་
བ་གདོང་དུ་འཁྲུངས། དེས་བསམ་སྡིངས་བཏབ་ནས། (དྭགས་ཤངས་ཆུ་བོ་གཉིས་འདུས་ཀྱི་)ཤངས་
པ་བཀའ་བརྒྱུད་ཀྱི་བསྟན་པ་རིན་པོ་ཆེ་རྒྱ་ཆེན་སྤེལ་ལོ། །སངས་རྒྱས་བདུན་པ་རབ་གསལ་
གྱི་རྣམ་འཕྲུལ་ཞྭ་ལུ་བུ་སྟོན་གྱི་བླ་མ་མཆོག་ཏུ་གྱུར་པ་རྒྱུ་རི་པ། ཞེས་པ་དེའང་འཁྲུངས། དེ་
བསམ་རྩེའི་རྫོང་རྒྱབ་ཀྱི་རྒྱུ་རི་ན་དེང་སང་དཔོན་བརྒྱུད་དང་བཅས་པ་ཡོད་པ་དེ་ཡིན། པཎ་
ཆེན་ཤཱཀྱ་མཆོག་ལྡན་གྱི་ཞལ་སློབ་ཁྱད་པར་ཅན་ཀུན་དགའ་ཚེ་འཕེལ་འཁྲུངས་ས་ནི་ཟངས་
དཀར་མདུན་གྱི་དགའ་གྲོང་དུ་འཁྲུངས། ཐོས་བསམ་མཐར་ཕྱིན་ནས་བྲག་དམར་མཆོད་
སྡེའི་སློབ་དཔོན་མཛད་ནས་རྒྱུད་སྡེ་ཆེན་པོའི་སྒྲུབ་མཆོད་མང་ཤས་ཡོད་པ་རྣམས་ལ་གད་
བརྡར་གྱི་ལག་ལེན་གཙང་བ་སོགས་ཀྱི་སྲོལ་རྒྱུན་བཟང་པོ་བཙུགས། སློབ་དཔོན་རྒྱུན་རིང་
མཛད་པས་གནས་ཀྱི་མིང་བླ་མ་ལ་ཐོགས་ཏེ་བྲག་དམར་བ་ཀུན་དགའ་ཚེ་འཕེལ་གྱིས་སྡོམ་
གསུམ་སྐོར་གྱི་ཡིག་ཆ་མང་བཤད་མཛད། ཕྱིས་སྒྲུབ་པ་སྙིང་པོར་དྲིལ་ས་ཟངས་དཀར་རྫོང་
གི་རྒྱབ་ན་རི་གསེར་སྡིངས། སྐུ་ཚེ་ཧྲིལ་པོ་སྒྲུབ་པ་ཁོ་ན་བཞུགས་སོ། །
22-1-195


རྒྱ་གར་ཤར་ཕྱོགས་སཉྫ་ན་དར་འཁྲུངས་པའི་པཎྜི་ཏ་ཆེན་པོ་ནགས་ཀྱི་རིན་ཆེན་ལ་ཡི་
དམ་སྒྲོལ་མའི་ལུང་བསྟན་གྱིས་གངས་རིའི་ལྗོངས་སུ་ཕེབས། བོད་དབུས་གཙང་དུ་རྒྱུད་
གདམས་པ་ཟབ་མོས་ཉིན་མོར་བྱེད་པ་ལྟར་གསལ་ཞིང༌། སྐལ་བཟང་རྣམ་ཐར་ལམ་ལ་
བཀོད་ནས་རྒྱ་གར་ལ་ལོག་ཕེབས་སྐབས་པཎྜི་ཏ་ནགས་རིན་དང༌། ཁྲུས་ཁང་ལོ་ཙཱ་བ་བསོད་
ནམས་རྒྱ་མཚོས་ཞབས་འབྲིང་བ་མཛད་ནས་ཕོ་བྲང་བསམ་རྩེར་བྱོན། བདེ་མཆོག་ལྷ་བཅུ་
གསུམ་གྱིས་དབང་བསྐུར་བའི་དུས་མཎྜལ་མེ་ལོང་ལས་ཀྱང་ཆུང་བའི་ལག་མཐིལ་ཙམ་ཆུང་
ཆུང་ཞིག་ལ་ཁྲུས་ཁང་པས་བདེ་མཆོག་རྡུལ་ཚོན་གྱི་དཀྱིལ་འཁོར་ཡོངས་སུ་རྫོགས་པ་བྲིས་
པ་དེས་སློབ་མས་གྲུབ་པའི་རྟགས་ཁྱད་པར་བ་བསྟན། པཎ་ཆེན་གྱི་ཕྱག་ནས་ལྷུང་བ་ལྟར་
མཛད་ཀྱང་རྡུལ་ཚོན་གྱི་དཀྱིལ་འཁོར་ལ་ཉེས་སྐྱོན་མ་བྱུང་བར་བཀྲག་མདངས་གསལ་ལེར་
བྱུང་བས་བླ་མས་གྲུབ་རྟགས་བསྟན་ཞེས་བོད་ཡོངས་ལ་གྲགས་སོ། །
བདེ་མཆོག་ལྷ་བཅུ་གསུམ་མ་དེ་ལ་བཀའ་སྲོལ་བཞིའི་ནང་གི་བདེ་མཆོག་གསང་འདུས་
འཕགས་ལུགས་ལྟར་བཀྲལ་བའི་བདེ་མཆོག་སྡོམ་འབྱུང་ལྷ་བཅུ་གསུམ་མའི་དཀྱིལ་འཁོར་
གཅིག་དང༌། ཤེར་ཕྱིན་དགུ་བརྒྱ་པ་གསུང་བ་པོའི་ལ་ཝ་བ། ཙ་རི་བྱར་གྱི་ལ་ཝ་ཕུག གཉལ་
སྨད་ལོ་རོ་སོགས་སུ་བྱོན་པའི་ལ་ཝ་པ། ཤར་འབུམ་པར་གདུང་བཞུགས་པའི་ལ་ཝ་པ། དགེ་
སློང་པད་མོའི་མིང་པོ་རྒྱལ་པོ་མཛད་དུས་མིང་ཨིནྡྲ་བོ་དྷི། (ཨིནྡྲ་བོ་དྷི་ཆེ་འབྲིང་ཆུང་གསུམ་གྱི་ཆུང་བ་ཡིན་
ནོ།) རྣལ་འབྱོར་པ་མཛད་དུས་མིང་ལ་ཝ་པ། ལོ་བཅུ་གཉིས་གཉིས་མཛད་རྟོགས་པ་མངོན་
དུ་གྱུར་པའི་ཨོ་རྒྱན་ཡུལ་གྱི་གྲུབ་ཐོབ་དེ་ནས་བརྒྱུད་པ། བདེ་མཆོག་སྦྱངས་པའི་ཡོན་ཏན་སྟེ། 
བདེ་མཆོག་ལ་ཝ་པའི་ལྷ་བཅུ་གསུམ་མའི་དཀྱིལ་འཁོར་གཅིག་དང༌། འབྲུག་པའི་ཕྱོགས་
ལ་གཙོ་བོར་བཞུགས་པའི་མཻ་ཏྲི་བཅུ་གསུམ་མའི་དཀྱིལ་འཁོར་གཅིག་དང༌། དཔལ་ཤ་ཝ་
རིས་དངོས་སུ་བལ་པོ་ཤནྟ་པུ་རིར་ནགས་རིན་ལ་གསུངས་པའི་བསྐྱེད་རིམ་དང་འབྲེལ་བ་
22-1-196


བདེ་མཆོག་ལྷ་བཅུ་གསུམ་མའི་དཀྱིལ་འཁོར། རྫོགས་རིམ་ཁྱད་པར་ཅན་ཟབ་ཆོས་ཆེས་
མང་བ་བཞུགས་སོ། །ཕོ་བྲང་བསམ་འགྲུབ་རྩེའི་ཉེ་འགྲམ་སྒྲོལ་མ་རི་ཞེས་པའི་མདུན་ན་
གཙུག་ལག་ཁང་སོགས་དང༌། སངས་རྒྱས་སྟོང་གི་རྡོ་སྐུ་སོགས་དང༌། རྗེ་བཙུན་བྱམས་པའི་
སྐུ་གསེར་ཟངས་ལས་གྲུབ་པ་སྐུ་ཚད་སུམ་ཐོག་ཙམ་བཞུགས་པ་སོགས་འཆད་ཉན་གྱི་དགོན་
ཕུན་སུམ་ཚོགས་པ་བཀྲ་ཤིས་ལྷུན་པོ་འདི་པཎ་ཆེན་དགེ་འདུན་གྲུབ་ཀྱི་དགུང་ལོ་ང་བདུན་
པར་བཏབ་དུས་དེང་སང་གི་སྐབས་མཁན་པོར་མངའ་གསོལ་བ་པཎ་ཆེན་རིན་པོ་ཆེ་འདི་
ཉིད་དགེ་བའི་བཤེས་གཉེན་བཀའ་གདམས་པའི་སྐྱེས་ཆེན་རྣམས་ཀྱི་མཚན་ཉིད་(བསླབ་གསུམ་
རིན་ཆེན་ཐོད་བཞིན་སྤྱི་བོས་བཀུར། །བྱང་ཆུབ་སེམས་མཆོག་རབ་སྦྱངས་གཞན་དོན་མཛད། །དད་ལྡན་སྐྱེ་བོ་ངེས་ལེགས་
གཉིས་ལ་བཀོད། ཅེས་དང༌། ཇོ་བོ་རྗེ་ཨ་ཏི་ཤའི་གསུང་ལས། ང་མཁས་པས་བཙུན་ཚུགས་མ་བཅོམ་པ། །ལས་རྒྱུ་འབྲས་ཟབ་
མོ་སྒོམ་པའི་དྲིན། །ང་སྒོམ་པས་ཁ་འདོན་མི་འཇོམས་པ། །བཀའ་མདོ་སྡེ་ཟབ་མོ་བལྟས་པའི་དྲིན། །ང་ཀློག་པས་བསམ་གཏན་
མི་འཇོམས་པ། །རྗེ་བླ་མའི་མན་ངག་ཆུན་པའི་དྲིན། །ཆོས་ཐམས་ཅད་གཅིག་ཏུ་རབ་བསྡུས་ནས། །གནས་སྟན་ཐོག་གཅིག་ཏུ་
སྒོམ་ཤེས་པ། །ཀྱེ་བཀའ་གདམས་ཆོས་ལ་སྤྱད་པའི་དྲིན།)དང་ལྡན་པ་འདིས་བྱམས་པའི་སྐུ་ཟངས་སྐུ་རྒྱ་ལྷ་
དང་ནོར་འགྲོ་བ་མི་ཚད་ཙམ། འདུ་ཁང་གི་མཆོད་རྟེན་དུ་རྗེ་བཙུན་གྱི་སྐུ་དངུལ་གར་བླུགས་
ལི་མ་ལྷ་ཁང༌། སྔགས་ཁང་ལྷ་དབང༌། དེར་གསང་བ་འདུས་པ། མར་ཁུག་ནས་བརྒྱུད་པའི་
རྒྱུད་དང་མན་ངག་གི་བཤད་སྒོམ་གྲྭ་བཟང་པོ་འཛུགས་པར་མཛད། གཙུག་ལག་ཁང་གི་བསྟི་
སྟང་ལ་རྒྱ་ཕིབས། གན་ཇི་ར། དགེ་འདུན་གྱི་དབྱེན་འདུམ་པའི་གནས་ཟབ་མོ་ལ་དགོངས་
ནས་ནུབ་ཆུ་ལྷ་མོ་ལྕེ་སྟོང་གི་ཕྲག་གནོན་པ་ལྟ་བུ། དབྱེན་འདུམ་མཆོད་རྟེན་ཆོས་འཁོར་ཡན་
གསེར་ཟངས་ལས་གྲུབ་པའི་སོགས་སོ། །གསུམ་པ། གསང་བ་རྟེན་གསུམ་ལ་བརྟེན་པའི་
ངོ་མཚར་ཕུན་སུམ་ཚོགས་པ་ལ་བཞི་སྟེ། ལི་མ་ལྷ་ཁང་གི་རྟེན་ངོ་མཚར་ཕུན་སུམ་ཚོགས་
པ། བཞི་སྟེ། རྒྱ་ནག་བླ་མ་ལྷ་ཁང་གསུམ་གྱི་རྟེན་ངོ་མཚར་ཕུན་སུམ་ཚོགས་པ། གསུང་རྟེན་
22-1-197


བཞུགས་ཚུལ་གྱི་ངོ་མཚར་ཕུན་སུམ་ཚོགས་པ་དང་བཞིའོ། །དང་པོ་ནི། ལི་མ་ལྷ་ཁང་གི་རྟེན་
ངོ་མཚར་ཕུན་སུམ་ཚོགས་པ་ནི་རྒྱ་གར་མ་ག་དྷ་སྟེ་དབུས་འགྱུར་འཆང་དང༌། གཽ་ཊ་པ་སྟེ་རྒྱ་
གར་ཤར་ཕྱོགས། བཻ་དརྦྷ་སྟེ་རྒྱ་གར་ལྷོ་ཕྱོགས། ཀསྨི་ར་སྟེ་རྒྱ་གར་ནུབ་ཕྱོགས་སོགས་ཡུལ་
གྱི་སྤྱི་དང་བྱེ་བྲག་སོ་སོར་ཕྱེ་བས་སྤྲུལ་པའི་བཟོ་བོས་བཞེངས་པ། རྒྱུ་རང་བྱུང་དང་བཅོས་
མས་ཛྙཻ་ཀྵིཾ་བདེ་གཤེགས་ཐུབ་པ་བཞིས་རྒྱུ་བྱིན་གྱིས་བརླབས་པ་ལས་བྱུང་བ། ལི་དཀར། ལི་
དམར། ལི་སེར། ལི་ཁྲ་སོགས་དང༌། ཁྱད་པར་མོ་རག་གར་བུར་དང་ལི་ཁྲ་དཀར་དང༌། ནག་
དང༌། སྨུག་དང༌། ཁྱད་པར་རག་སྐྱ་སོགས་ཀྱིས་རྒྱུ་ཕུན་སུམ་ཚོགས་པའི་ཁར་སངས་རྒྱས་ཀྱི་
རིང་བསྲེལ་གྱིས་ཐུགས་ཀར་གཏམས་པ་ཁོ་ན་ལི་མ་ལྷ་ཁང་དེར་བཞུགས་པ་ཐམས་ཅད་ཀྱི་
ལོ་རྒྱུས་སོགས་བརྗོད་པར་ཅི་ལ་སྤོབས། རྟེན་གཙོ་རག་ཙམ་ཞིག་སྨོས་ན། ཇོ་བོ་རིན་པོ་ཆེ་
ཤཱཀྱ་མུ་ནེའི་བཟོ་ཕུད་སངས་རྒྱས་དངོས་ཀྱི་ཕྱག་གནས་བཞུགས་ཤིང༌། ལྷ་ཡུལ་དུ་བཞེངས་
པས་མཚན་ཐུབ་པ་ལྷ་ཡུལ་མར་ཐོགས་པ་འདི་རྒྱ་གར་ནས་པཎྜི་ཏ་ཤྲདྡྷ་ཀ་ར་ཝས་ཐུགས་
དམ་རྟེན་ལ་མངའ་རིས་སུ་བསྣམས་ཕེབས། དེས་ལོ་ཙཱ་བ་རིན་ཆེན་བཟང་པོར་གནང་བས། 
དེས་ཐུགས་དམ་སྤེལ་མཛད་པ་སོགས་དེ་ནས་རིམ་བརྒྱུད་མངའ་རིས་རྫོང་དགར་ཕེབས་པ། 
བྱང་པ་ཏཱ་དབེན་པའི་གནས་ཚུལ་ལ་བརྟེན། ཐུགས་རྟེན་གངས་ལ་ཉི་ཤར། གསུང་རྟེན་མདོ་
སྡེ་གསེར་གྱི་གད་པ། སྐུ་རྟེན་ཐུབ་སྐུ་ལྷ་ཡུལ་མ་རྣམས་བྱང་པས་མིག་གཙུག་ཤོར་བ་རྣམས་
རྟ་ཟུར་རྫོང་དུ་ཕེབས། བཞུགས་པའི་ཡུལ་གྱི་མིང་ཐོབ་པའི་ཐུབ་པ་རྟ་ཟུར་མ་གར་ཕེབས་
པའི་སར་ཐོག་ལམ་རྒྱུན་བཅད་པས་ཐུབ་པ་ཐོག་ཐུབ་མར་གྲགས་པ་དང༌། རྒྱ་གར་རྡོ་རྗེ་
གདན་གྱི་མཁན་པོ་པཎྜི་ཏ་བསྟན་སྐྱོང་འབུམ་ཕྲག་གསུམ་པའི་ཐུགས་དམ་རྟེན། འབྲེ་ཆེན་
ཤེས་རབ་འབར་གྱི་ཐུགས་དམ་རྟེན། གནས་རྙིང་པའི་འབྲེ་ཡི་ཁྱད་འཕགས་བཅུ་གསུམ་གྱི་
ནང་ཚན་གྱི་གཙོ་བོ་རྒྱ་གར་གྱི་ལྷ་གསེར་སྐུ་ཐུབ་པ་དམར་པོ་གྲགས་པ་དང༌། ཏའི་སི་ཏུ་བྱང་
22-1-198


ཆུབ་རྒྱལ་མཚན་གྱིས་ཕ་རོལ་ཚོད་བགམ་པར་བྱ་བའི་ཕྱིར་ཆོས་རྒྱལ་རབ་བརྟན་ཀུན་བཟང་
འཕགས་པ་ཕོ་བྲང་སྣེ་གདོང་རྩེའི་རྟེན་གྲལ་ནས་འདོམས་གསུངས་པར་བདམས་པར་མཛད་
པའི་ཐུབ་པ་རྡོ་རྗེ་གདན་ཆུང་པ་འདི་ཕྱག་ཏུ་བྱུང་བས་ལྷ་རྣམས་ཉམས་ཆེ་བས་ཐོག་ཆོད་ཅིང༌། 
འདི་ཕྱག་ཏུ་བྱུང་བས་ན་མགོ་བཟུང་དགེ་ལེགས་ཐམས་ཅད་འབྱུང་བས་རྩ་བར་གྱུར་པའི་ལི་
མ་དེ་དང༌། སྟོད་མངའ་རིས་སྐོར་གསུམ་དུ་གྲགས་ཆེ་བའི་པཎྜི་ཏ་ཆོས་ཀྱི་ཉིན་བྱེད་ཀྱི་ཐུགས་
དམ་རྟེན་བཤགས་པའི་བདེ་ཀྱེ་གཡེར་པོ་ཆེའོ་ཞེས་རྟགས་མཚན་ཤག་ཅེས་ཡི་གེ་བཏབ་ཡོད་
པའི་ལི་མ་གཉིས་དང༌། ཡར་ལུང་གི་རྒྱ་ལྷ་གྲགས་པ་ཅན། བཀྲ་ཤིས་བརྩེགས་པའི་ཀོང་ཀ་
ནའི་བདེ་མཆོག་དང༌། སྐྱིད་ཤོད་ཀྱི་རྒྱ་ལྷ་གྲགས་པ་ཅན། དྲུག་པ་རྡོ་རྗེ་འཆང་ཆེན་པོ་རྒྱུ་ལི་
དཀར། རྡོ་རྗེ་འཆང་བ་དཀྱིལ་ཀྲུང་རྡོ་རྗེ་དང་དྲིལ་བུ་ཐུགས་ཀར་བསྣོལ་བའི་རྒྱ་གར་ལི་མ་
མི་གཅིག་པུ་ཁོ་ན་བོད་དུ་བཞུགས་པ་ཡིན་ལགས། གཞན་རྡོ་རྗེ་སེམས་དཔའ། རྡོ་རྗེ་སྙེམས་
མ་དང༌། དཔའ་བོ་རྡོ་རྗེ་ཆོས་དང༌། བྱང་ཆུབ་སེམས་དཔའ་རྡོ་རྗེ་ཆོས་སོགས་མང་བར་མཐོང་
ངོ༌། །ཐལ་འགྱུར་སྲོལ་འབྱེད་སངས་རྒྱས་བསྐྱངས་ཀྱིས་ཕྱག་བཟོ་མ་ལུང་ཁ་གཅིག་ལ་གྲུབ་
པ་ལ་གཙོ་བོ་ལི་དམར་ཡུམ་ཆེན་མོ། ལྷ་གཞན་རྣམས་ལི་དཀར་ལས་གྲུབ་པ་ངོ་མཚར་བ། 
ཁ་ཆེ་པཎ་ཆེན་ཤཱཀྱ་ཤྲཱིའི་ཐུགས་དམ་རྟེན་ཡིན་པ་དེ་ས་པཎ་ལ་གནང༌། ས་པཎ་དང་འཕགས་
པ་གཉིས་ཀའི་ཐུགས་དམ་རྟེན་ཡིན་པ་སོགས་འདི་དང༌། ཐུབ་པ་ཟངས་ཐང་མ་ཁ་ཤས། 
ཡར་རྒྱབ་སྡེ་པའི་ཐུབ་པ་གསེར་གླིང་མ་ཡིན་ནོ། །ཞེས་ཡིད་འཕྲོག་པའི་ཁྱད་པར་ཅན་དང༌། 
འཕྱོངས་རྒྱས་པའི་ཐུབ་པ་གསེར་གླིང་མ་ཡིན་ནོ་ཟེར་བའི་ཁྱད་པར་དང༌། ལྷོ་པ་སྡེ་པའི་དུས་
འཁོར་གཡེར་པོ་ཆེ་ཟེར་བའི་ཕྱག་ཉི་ཤུ་རྩ་བཞི་པ་དུས་འཁོར་ཞལ་ཕྱག་ཡོངས་ཀྱི་ལི་མ་ཁྱད་
འཕགས་སོ། །
པཎ་ཆེན་ནགས་རིན་གྱི་ཐུགས་དམ་ཕྱག་ཉི་ཤུ་རྩ་དྲུག་པ་སྡོམ་པ་ཆེན་པོ་ཞལ་ཕྱག་
22-1-199


ཡོངས་རྫོགས་ཀྱི་ལི་མ་ཁྱད་འཕགས་སོ། །ངོ་མཚར་བ་འབའ་ཞིག་གི་ལི་མའི་རྟེན་བཞུགས་
པ་ལ། རྟེན་བསྟར་དཀྱུས་རིང་བ་དབུས་ན། བྱང་ན་རྟེན་བསྟར་དཀྱུས་རིང་བ། མཆོད་རྫས་
མ་ན་ཧོ། གཡང་ཊི་ཡུལ་འཛིན་[ཡུ་རིང་]སོགས་བསམ་གྱིས་མི་ཁྱབ་པ་ཡོད་དོ། །གཉིས་པ་
བཞི་སྡེ། རྒྱ་ནག་བླ་མ་ལྷ་ཁང་གསུམ་གྱི་ངོ་མཚར་ཕུན་སུམ་ཚོགས་པ་ནི་བཞི་སྡེའི་དབུས་ཀྱི་
རྟེན་བསྟར་གྱི་གཙོ་བོར་ལ་དགོན་རྩའི་ཇོ་བོ་འཇམ་དབྱངས། (གསུང་ཐེངས་མ་བདུན་བྱོན་པ་སོགས་ལོ་
རྒྱུས་མང༌།) གཡས་གཡོན་གཉིས་ན་གཉན་ལོའི་བྱམས་པ་ཡང་ཟེར། བ་རི་ལོ་ཙཱས་སྤྱན་དྲངས་
ཟེར་བ་གཉིས། དཔོན་ཆེན་རྒྱལ་བཟང་དང༌། ནང་ཆེན་ཀུན་དགའ་དཔལ་གཉིས་ཀྱི་ཕྱག་
ཏུ་ས་སྐྱ་ནས་བྱུང་བ། ཕྱིས་གཉན་བུ་དགོན་པ་ནས་རྒྱལ་བྱེད་ཚལ། དེ་ནས་ཕོ་བྲང་བསམ་
རྩེར་ཕེབས། གཅིག་ཉུག་རྒྱལ་ཁང་ནས་བསམ་རྩེར་ཕེབས་པ་ཡིན་ནོ། །གཉན་ལོའི་སྒྲོལ་མ་
གཉིས་བདེ་མཆོག་དུས་ཀྱི་འཁོར་ལོ་ལྟར་བཀྲལ་བ། བདེ་མཆོག་མཁའ་འགྲོ་རྒྱ་མཚོའི་རྒྱུད་
ལེའུ་བཅོ་ལྔ་པའི་སྐབས་སུ་གསུངས་པའི་བདེ་མཆོག་མཁའ་འགྲོ་རྒྱ་མཚོ་ཞལ་ཕྱག་ཡོངས་
རྫོགས་ངམ་རིང་དུ་བཞེངས། ཐུགས་ཀར་རྒྱ་སྒོམ་ལེགས་པ་རྒྱལ་མཚན་གྱི་རིང་བསྲེལ་
བཞུགས་པ་འདིའི་རབ་གནས་ཀྱི་ཉིན་ནས་ངམ་རིང་ཚོང་འདུས་ཡོད་པའི་ཐོག་མ་བྱུང༌། ཆོས་
རྒྱལ་ལི་མའི་དུས་གསུམ་སངས་རྒྱས། དམ་པ་འཚལ་[མཚལ་]ཁྲག་མ་སོགས་ཁུངས་བཙུན་
མ་བྱིན་རླབས་བསམ་གྱིས་མི་ཁྱབ་པ་བཞུགས་སོ། །གཡས་ཀྱི་རྟེན་བསྟར་ལ་ལྷུན་རབས་
ཀྱི་གྲུབ་ཐོབ་བརྒྱད་ཅུ་གསེར་ཟངས་ལས་གྲུབ་པ་ཁྱད་པར་ཅན། ལམ་འབྲས་རྫོང་ལུགས་
ཀྱི་བླ་རྒྱུད། གནས་བཅུ་ཟངས་སྐུ་ཚོགས་གཉིས་སོགས་མང་བར་བཞུགས། གཡོན་གྱི་རྟེན་
བསྟར་ལ་འཕགས་པའི་འབུལ་ཐོབ་མ་གསུམ་གྱི་གཅིག་ས་སྐྱའི་ཤེལ་གཙུག་དང་མཚུངས་
པའི་ཁྱད་པར་ཅན་སོགས་མང་བར་བཞུགས་ཤིང༌། སྐུ་མདུན་ན་མཆོད་རྫས་བསམ་གྱིས་
མི་ཁྱབ་པ་ཡོད་དོ། །གསུམ་པ་གསུང་དངོས་སུ་བྱོན་པའི་རྟེན་ཡོད་ཚུལ་ངོ་མཚར་ཕུན་སུམ་
22-1-200


ཚོགས་པ་ནི་གསུང་དངོས་སུ་བྱོན་པ་མངོན་སུམ་ཚད་མའི་ལོ་རྒྱུས་ཁུངས་དང་འབྲེལ་བའི་སྐུ་
རྟེན་བཞུགས་སོ། །ཆུ་མིག་གི་རྗེ་བཙུན་སྒྲོལ་མ། (ས་སྐྱ་པཎྜི་ཏ་རྒྱ་ནག་ཏུ་ཕེབས་སྐབས་ཆུ་མིག་ཏུ་སྒྲོལ་མའི་
སྐུ་བརྙན་དང་མཇལ། འཆི་བའི་འཇིགས་པ་ཆེན་པོ་བརྒྱད་སོགས་ཀྱིས། །འདེད་པའི་དགྲ་འཇོམས་གཉེན་སྒྲོལ་ཉེར་གཅིག་གི ། 
གཙོ་མོ་ཁྱེད་ཀྱི་མིག་ཡང་དེ་དང་ཉིད། །དབྱེར་མེད་འགྲོ་བའི་དོན་ལ་དམ་བཅས་མཛད། །འཇམ་དབྱངས་རིགས་རལ་གྱིས་ཆུ་
མིག་གི་སྒྲོལ་མ་ལ་གསོལ་བ་བཏབ་པས་གསུང་བྱོན། བསྐལ་པ་སྙིགས་མའི་དུས་ཀྱི་བདེ་མཆོག་ཆེན་པོ་བྱུང༌། །ཐར་པའི་ལམ་
མཆོག་ཁོ་ན་ཉམས་སུ་ལོང༌། ཞེས་གསུང་བྱོན་པ་ཙམ་གྱི་ཐུགས་ཀྱི་དགོངས་པའི་ཚིགས་བཅད་ཅིག་བརྩམས་ཤིང༌། ངེས་དོན་
མཐར་ཐུག་ལ་གཞོལ་པ་མཛད་དོ། །
རོང་ངུར་སྨིག་གི་རྗེ་བཙུན་སྒྲོལ་མའི་སྐོར་ས་པཎ་རྣམ་ཐར་ལས། རོང་ངུར་སྨིག་ཏུ་ཕེབས་སྐབས། ཆག་རྡུལ་དྲི་མེད་པད་
མ་ལ། །རང་བྱུང་ཡེ་ཤེས་སེམས་དཔའ་མ། །དེས་བདག་འཁོར་བ་ལས་སྒྲོལ་མ། །དོན་དམ་བདེན་པའི་གསུང་བྱོན་མ། །གླིང་
ཁ་སྒྲོལ་མ་ལྷ་ཀླུ་སྒྲོལ་མ་དཔལ་ཆེན་མོ། །རྒྱ་གར་པཎ་ཆེན་འབུམ་ཕྲག་གསུམ་པའི་ཐུགས་དམ་རྟེན་གྱི་གཙོ་བོ་བྱང་ཆུབ་སེམས་
དཔའི་སྙིང་པོ། དགོན་རྩའི་འཇམ་དབྱངས། སྣུ་རུ་བན་དེ་གཤིན་རྗེ་གྲགས་ཀྱིས་བཞེངས་པའི་རྗེ་བཙུན་རིན་པོ་ཆེ་གྲགས་པའི་
སྐུ།། །།འདི་མན་ཆད་མ་དཔེར་མི་གསལ།)
༄༅། །རྗེ་བཙུན་བླ་མ་འཇམ་མགོན་གྲུབ་པའི་དཔའ་བོའི་རྣམ་ཐར། 
22-1-201


༄༅། །ན་མ་ཤྲི་ཙཀྲ་སམྦྷ་ར་ཏཱ་ར་ནཱ་ཐ་ཡཱ། བཅོམ་ལྡན་འདས་འཁོར་ལོ་སྡོམ་པའི་ངོ་བོར་
མངོན་པར་རྫོགས་པ་སངས་རྒྱས་པའི་བདེ་ཆེན་སྤྱོད་པའི་རྡོ་རྗེའི་མཆོག་གི་སྒྱུ་འཕྲུལ་དྲ་བའི་
སྣང་བརྙན་དག་མ་དག་གི་ཞིང་ཁམས་རྒྱ་མཚོར་རིགས་མེད་པར་སྐྱོང་བར་མཛད་པ་ལས། རྗེ་
བཙུན་བླ་མ་འཇམ་མགོན་གྲུབ་པའི་དཔའ་བོ་ཉིད་རྒྱ་གར་ཤར་ཕྱོགས་སུ་སྟི་སྤུ་རའི་རྒྱུད་ཀྱི་
རྒྱལ་རིགས་ཞིག་ཏུ་སྐུ་འཁྲུངས་པ་རྒྱལ་བུ་དགའ་བྱེད་ས་སྐྱོང་དུ་སྐུ་སྐྱེ་བ་བཞེས་ནས་སྐྱེས་བུ་
གཞན་གྱིས་ལོ་བརྒྱར་ཉེ་བའི་སྤྱོད་པ་རྣམས་ལོ་བརྒྱད་དུ་ཉེ་བ་ཞིག་ལ་མཛད་དོ། །
དེ་ནས་གདུལ་བྱ་དུས་ལ་བབ་པར་གཟིགས་ནས་བོད་ཀྱི་ཕྱོགས་འདིར་སྤྲུལ་པའི་སྣང་བ་
འགྱེད་པར་མཛད་དེ། དེ་ཡང་ཡུལ་དབུས་གཡོར་མོ་སྟོད་ཀྱི་སའི་ཆར་འབྲང་ཕུ་དགོན་པར་སྐུ་
བལྟམས་ཏེ། དེ་ཡང་སྐུའི་རིགས་ནི། རྭ་ལོ་ཙཱ་བ་ཆེན་པོ་རྡོ་རྗེ་གྲགས་པ་དང༌། རྭ་ཆོས་རབ་ཀྱི་ལོ་
ཙཱ་མཁས་ཤིང་གྲུབ་པ་དང༌། རྭ་ཡེ་ཤེས་སེངྒེ་ལ་སོགས་པ་རྒྱུད་སྡེ་ལ་མཁས་ཤིང་ཡི་དམ་རྡོ་རྗེ་
འཇིགས་བྱེད་ལ་སོགས་པ་ཡི་དམ་མང་པོས་ཞལ་གཟིགས་ཤིང་སྡེ་བརྒྱད་བྲན་དུ་འཁོལ་ནུས་
པའི་སྔགས་པ་མཐུ་བོ་ཆེ་ཤ་སྟག་རིམ་པར་བྱུང་བ་ལས། སྔགས་འཆང་ཚུལ་ཁྲིམས་རྒྱ་མཚོ་
ཞེས་པ་དེ་ལ། གྲུབ་ཆེན་དབུས་སྨྱོན་པས་ཁྱེད་ཀྱི་ལུང་ཆུང་ཕུ་དུང་ཙམ་དེར་དུང་དཀར་ཕྱོགས་བཅུར་
འབུད་པ་སོགས་ཡོད་གསུངས་ལུང་བསྟན། དེའི་སྲས་སྔགས་འཆང་རྣམ་རྒྱལ་ཕུན་ཚོགས་དང༌། 
ཡུམ་རྡོ་རྗེ་བུ་དགའ་གཉིས་ཀྱི་སྲས་སུ་སྐུ་བལྟམས་ཏེ། སྐུ་འཁྲུངས་བའི་སྔ་ལོ་ཨོ་རྒྱན་གྱི་ཡུལ་
22-1-202


ནས་དཔའ་བོ་མཧཱ་ཀངྐ་ལ་འབྲང་ཕུར་དངོས་སུ་ཕེབས་པ་མི་མང་པོས་མཐོང༌། ཕུའི་བཀྲ་ཤིས་
བྲག་ཞེས་པ་ལ་ཡི་གེ་དྲུག་པ་རང་བྱོན་དུ་བྱོན། 
དེ་ནས་ན་ཚོད་ལྡན་ཞེས་པ། ཤིང་མོ་ཕག་ལོ་ཆུ་སྟོད་ཀྱི་ཟླ་བའི་ཚེས་བརྒྱད་ཀྱི་ཉི་མ་རྩེ་
ཤར་ལ་ངོ་མཚར་བའི་ལྟས་དུ་མ་དང་བཅས་སྐུ་བལྟམས། སྲི་གཅོད་རྡོ་རྗེ་ཞེས་མཚན་བཏགས། 
དགུང་ལོ་གཉིས་ཙམ་ལོན་པ་ན། འཁྲུ་ནད་དྲག་པོ་ཞིག་བྱུང་སྨན་དཔྱད་རིམ་གྲོས་ཁྱད་མ་བྱུང་
པ་ལ། གྲོངས་པར་ཐག་བཅད་པའི་ཚེ། ནམ་ལང་མ་ཐག་ཛྭ་ཀི་དཔོན་སློབ་ལྔ་པ་ཞིག་བྱུང༌། 
དེའི་གཙོ་བོ་དེས་བྱིན་བརླབས་བྱས་པ་ཙམ་གྱི་རྐྱེན་གཞན་མ་དགོས་པར་སྙུང་བ་དྭངས། དེ་
ནི་གྲུབ་ཆེན་འབར་བའི་མགོན་པོ་ཡིན་གསུངས། ཐོག་ཁར་བཞུགས་དུས་ནམ་མཁའ་ཐམས་
ཅད་འཇའ་ཚོན་མིག་མངས་རིས་སུ་བྲིས་པས་ཁེབས་པའི་མིག་སོར་སོར་སངས་རྒྱས་ཀྱི་སྐུ་ཞི་
ཁྲོ་མང་པོས་གང་བ་ཡང་ཡང་དུ་གཟིགས། མེས་པོ་རིན་པོ་ཆེའི་དྲུང་དུ་བཀའ་བརྒྱད་ཀྱི་དབང་
སོགས་ཆོས་བཀའ་འགའ་རེ་གསན། ཡུལ་མི་ཁྱིམ་མཚེས་རྣམས་ཀྱི་བདེ་སྡུག་དང༌། ན་ཚ་ཤི་
ཆད་སོགས་ཐོགས་མེད་དུ་མཁྱེན་ནས་གསུངས། སྐུ་སྐྱེ་བ་སྔ་མ་མང་པོ་དྲན་ཞིང་རྗེ་བཙུན་གྲོལ་
མཆོག་ཡིན་པའི་ཚུལ་ཡང་ཡང་གསུངས་པས། དེ་ཡར་འབྲོག་སྡེ་པ་བསྟན་འཛིན་པས་གསན་
ཏེ། རྒྱལ་རྩེ་མཆོད་ཡོན་ནས་བྱང་ངམ་རིང་བར་གྱི་རྗེ་དམ་པའི་སྦྱིན་བདག་དང༌། བུ་ཆེན་རྣམས་
ཀྱི་སར་གནས་ཚུལ་ཕུལ། བཀའ་གྲོས་སྐོར་ནས་དཔལ་འཁོར་ཆོས་སྡེའི་མཁན་ཆེན་ལུང་རིག་
རྒྱ་མཚོས་སྔོན་རྗེ་དམ་པས་ལུང་བསྟན་མང་པོ་གནང་བ་ན། ནམ་ཞིག་རང་གནས་རི་བོའི་ཕུག་
དེར་མཇལ། །ཞེས་གསུངས་པའི་དུས་ཀྱང་འདི་ཡིན་གསུངས། དཔོན་སློབ་རྣམས་ཀྱི་སྐུ་སྐྱེ་
བརྟག་དཔྱད་དང༌། ཡིན་ན་ཆེ་འདོན་སྤྱན་འདྲེན་སོགས་ལ་འབྲང་ཕུར་ཕེབས། སྐུ་ཆས་ངོས་
འཛིན་དང་དྲི་བརྟགས་སོགས་ཀྱིས་ཐུགས་ཡིད་ཤིན་ཏུ་ཆེས་ཏེ། གོང་དཀར་དུ་བསིལ་ཁྲོལ་
གནང་ནས་སྐུ་ཁྲུས་ཕུལ། ཁྲི་མཐོན་པོའི་སྟེང་དུ་སྤྱན་འདྲེན་སོགས་བཀུར་སྟི་བསྙེན་བཀུར་
22-1-203


འབུལ་བ་དཔག་མེད་གནང༌། 
དགུང་ལོ་བཞི་བཞེས་པ་སྟག་ལོ་ཧོར་ཟླ་དགུ་པའི་ཉེར་ལྔ་ལ་འབྲང་ཕུ་ནས་སྤྱན་དྲངས་
འདབ་ལུང་དུ་སྡེ་པ་བསྟན་འཛིན་པ་ཡང་ཕེབས་བསུར་ཕེབས། རིམ་བཞིན་སྣ་དཀར་རྩེ་བརྒྱུད་
ནས་རྒྱལ་རྩེ་དང་དཔལ་འཁོར་ཆོས་སྡེ་སོགས་སུ་ཕེབས་མཁན་རིན་པོ་ཆེས་ཚེ་དབང་སོགས་
རྟེན་འབྲེལ་ལེགས་པའི་ཆོས་བཀའ་ཕུལ། རྩེ་ཆེན་དུ་མཁས་གྲུབ་སངས་རྒྱས་ཡེ་ཤེས་ལ་དུས་
ཀྱི་འཁོར་ལོའི་དབང་གསན། དེ་ནས་རྗེ་ཀུན་དགའ་རྒྱལ་མཚན་དང༌། རྗེ་དྲུང་ཀུན་དགའ་
དཔལ་བཟང་། རྗེ་གྲགས་སྟོད་པ། དཔོན་དྲུང་ཕན་ནེ་སོགས་དང༌། ལ་སྟོད་བྱང་པའི་མི་སྣ་
སོགས་ཕེབས་བསུ་བ་གཏོས་ཆེ་བ་འབྱོར། བླ་མ་གྲྭ་རིགས་སྡེ་དཔོན་སོགས་རྗེ་གོང་མའི་དུས་
ཞལ་འདྲིས་ཆེ་བ་ཐམས་ཅད་ངོ་མཁྱེན། རིམ་བཞིན་འབྲོང་རྩེ། ནོར་བུ་ཁྱུང་རྩེ། ལྷུན་གྲུབ་རྩེ། 
ཚོང་འདུས་ཨུར་རྩེ་སོགས་བརྒྱུད་ནས་ཕོ་བྲང་བསམ་འགྲུབ་རྩེར་ཕེབས། སྡེ་པ་ཞིང་གིས་གུས་
པ་ཆེན་པོས་མཆོད། དེར་གསེར་མདོག་ཅན་པའི་མཁན་སློབ་ཚོགས་ཆེན་རྣམས་ཀྱིས་མཇལ་
ཤིན་ཏུ་དགྱེས་པ་ཆེན་པོ་མཛད། གཞིས་ཀ་རྩེ་ནས་ཕེབས་དུས་ལྟག་སྒོའི་ཐད་དུ་ད་མགྱོགས་
པོ་འགྲོ་སྣར་ཐང་ན་སེར་སྦྲེང་བ་རྣམས་དུང་བུས་ཟེར་གྱི་འདུག་གསུངས་ཐག་རིང་གི་སེར་སྦྲེང་
གི་བཀོད་པ་རྣམས་གཟིགས། སྣར་ཐང་བརྒྱུད་ནས་བོ་དོང་དུ་བྱང་པའི་བདག་པོ་སྐུ་གཞོན་པ་
ཡིད་བཞིན་ནོར་བུ་དཔོན་གཡོག་གིས་ཕེབས་བསུ་རྒྱས་པས་སྤྱན་དྲངས། གུས་པར་མཆོད། 
ཇོ་ནང་ལ་ཕེབས་ལམ་ད་ལྟའི་རྟག་བརྟན་ཆོས་སྡེའི་ཐད་འདིར་ཆིབས་ཞོལ་གནང་སར་རྡོ་ལ་
ཞབས་རྗེས་གསལ་བར་བྱུང༌། ད་ལྟའི་ཆོས་སྡེ་ཁྱད་པར་ཅན་འདི་འབྱུང་བའི་རྟེན་འབྲེལ་འགྲིག 
ཞབས་རྗེས་དེ་རེ་ཞིག་དེར་ས་ལ་སྦས། སླར་ཆོས་སྡེའི་ས་ཆོག་གནང་དུས་འདོན་པ་གནང་བ་
དེ་ཡིན། སྒྲུབ་སྡེ་ཆེན་པོར་ཕེབས་རྡོ་བཅལ་གྱི་ཆོས་འབྱུང་རང་བྱོན་དང༌། རྔ་མ་སྣ་ལྔའི་ཐུགས་
སོགས་རྗེ་གོང་མའི་དུས་རྣམས་ལ་རྩད་གཅོད་གནང༌། དེ་ནས་བྱང་པ་བདག་པོ་བཀྲ་ཤིས་
22-1-204


སྟོབས་རྒྱས་དཔོན་གཡོག་རྣམས་ཀྱི་ཆིབས་རགས་རྒྱས་པས་གཙང་པོ་བྱང་གི་ཆུ་ཁ་ནས་བསུས་
སྨོན་འགྲོར་ཕེབས། གཟི་བརྗིད་སྦུག་དང་མཁའ་སྤྱོད་རྩེ་མོ་སོགས་སྔར་གྱི་གཟིམ་ཆུང་རྣམས་
སུ་ཕེབས་དུས་ཐུགས་ཀྱི་བག་ཆགས་ཡོངས་སུ་སད། དེ་ནས་ཆོས་ལུང་བྱང་རྩེར་ཕེབས་སྔར་གྱི་
ཐུགས་རྩིས་ཅན་གྱི་ལྷ་རྟེན་སོགས་ལ་དྲི་བརྩད་གནང༌། སྔགས་སྐུ་སྔར་མ་གཟིགས་པ་ཐམས་
ཅད་ཀྱང་ངོ་མཁྱེན་ཅིང་བཤད་པ་མཛད། རྒྱུད་སྡེ་ལྔའི་དཀྱིལ་ཐང་ཆེན་མོ་གཟིགས་དུས་སྐུ་དང་
ཐང་ཀའི་སྲེབ་ཏུ་བྱ་རོག་ཞིག་གནམ་བབས་སུ་བྱུང༌། དེ་ཕྱག་དྲུག་པ་དངོས་སུ་གཟིགས་ཏེ་མ་ཧཱ་
ཀ་ལ་དེ་ན་ཞེས་གསུངས། རྗེ་རྡོ་རིངས་པ་སོགས་གོང་སྨོས་ཀྱི་བླ་མ་དེ་གསུམ་ལས་ཆོས་བཀའ་
མང་དུ་གསན། ཀློག་ཡིག་གསན་སྦྱོང་གི་ཚུལ་བསྟན་སྐབས་ཡི་གེའི་ཆེ་མོ་སུམ་ཅུ་ཐུགས་ལ་རང་
བྱུང་དུ་ཤར། དེ་བཞིན་དུ་རྡོ་རྗེ་འཇིགས་བྱེད་ཀྱི་མངོན་རྟོགས་ཚིགས་བཅད་མ་དང་རྡོ་རྗེ་རྣལ་
འབྱོར་མའི་སྔགས་སོགས་ཀྱང་ཀློག་སྦྱངས་ལ་མ་ལྟོས་པར་ཐུགས་སུ་ཆུད། དེ་དག་གི་སྐབས་སུ་
སྔར་གྱི་ཕྱག་གཡོག་རྙིང་པ་རྣམས་ལ་མཁའ་སྤྱོད་དང་རྒྱ་གར་གྱི་ལོ་རྒྱས་སོགས་གསུངས་པས་
མཚན་བཟང་གི་དུས་ཟླ་བ་བྱུང༌། 
དེ་ནས་འབྲུག་ལོ་དཔྱིད་གསོས་རྟེན་ཁེབས་སུ་སྤྱན་དྲངས། རྗེ་བྲག་སྟོད་པ་ལས་ཤིང་ཆོས་
སོགས་མང་དུ་གསན། འབྲུག་ལོའི་སྟོན་མྱུར་བརྒྱུད་ནས་་ཡར་འབྲོག་པས་སྤྱན་དྲངས། སྟག་
ལུང་དུ་ཕྱག་ཕེབས། 
སྦྲུལ་ལོའི་དབྱར་རྗེ་རྡོ་རིངས་པ་ཡང་ཕེབས། གསུང་ངག་ལམ་འབྲས་གཙོ་བོར་གྱུར་པའི་
ཆོས་བཀའ་རྒྱ་ཆེན་པོ་གསན། རྣལ་འབྱོར་མའི་བྱིན་རླབས་ཀྱི་ནུས་མནལ་ལམ་དུ་ཧ་བོ་གངས་
བཟང་གི་མགུལ་ནས་ཡར་ཕེབས་པས་བུད་མེད་གཞོན་ནུ་མ་ཞིག་གིས་ངས་ལམ་སྣ་བྱའོ་
ཞེས་དེས་སྣ་བྱས་གངས་ལ་ཞིག་ཁྲིད། དེ་བརྒ ལ་བ་ན། ལུང་པ་མེ་ཏོག་མང་པོས་གང་བ་ཞིག་
ཏུ་ཕེབས། སྣང་བ་འགྱུར་ཞིང་ལུང་བ་འདི་ལ་ཅི་ཟེར་དྲིས་པས། ནུབ་ཕྱོགས་ཨུ་རྒྱན་གྱི་ཡུལ་
22-1-205


ཡིན་ཟེར། དུར་ཁྲོད་འཇིགས་པ་ཞིག་གི་སྦུབ་ན་བྲག་ཕུག་ཆེན་པོ་ཞིག་ཏུ་ཕེབས། དེ་ན་བུད་
མེད་སྟོང་ཙམ་འདུག་ཅིང༌། དེའི་གཙོ་མོ་མིའི་བུད་མེད་ཀྱི་རྣམ་པ་ལས་འདས་པ་གཅིག་འདུག་
པ་དེས་ཕྱག་དབུའི་གཙུག་ཏུ་བཞག་པས་བུད་མེད་དེ་ཐམས་ཅད་གད་མོ་ཐེག་བྱེད་བདེ་སྟོང་གི་
ཉམས་བཟང་པོ་འཁྲུངས་པ་བྱུང་སྟེ། རྡོ་རྗེ་རྣལ་འབྱོར་མས་རྗེས་སུ་གཟུང་བའོ། །དབྱར་སྨད་
ཡར་རྒྱབ་པའི་དཔུང་ཆེན་ལྷགས་ཏེ་སྟག་ལུང་རྫོང་ལ་སྐོར་ཏེ། དེ་སྐབས་ཡང་ཡང་བར་ཆིངས་
གནང་བས་འཁྲུག་པ་དྲག་པོ་མང་པོ་རང་ཡང་མ་བྱུང་མཐར་ཆིངས་ཀྱང་ལེགས་པར་གྲུབ། ཕར་
རྒྱབ་དཔོན་ཆེན་པས་དད་པའི་གདུང་ཤུགས་དྲག་པོས་སྤྱན་ཆབ་གཡོ་ཞིང་མཇལ་ཞབས་སྤྱི་
བོར་བླངས་སྨོན་ལམ་མང་དུ་མཛད། དམག་དཔུང༌རྣམས་གྱེས་རྗེས་ཧོར་ཟླ་བཅུ་གཅིག་པའི་
ནང་དུ་ཆིབས་ཁ་བསྒྱུར་ཏེ། མྱང་སྟོད་སོགས་རིམ་པར་བརྒྱུད་དེ་ཆོས་ལུང་བྱང་རྩེར་ཕེབས། 
དགུང་ལོ་བརྒྱད་པ་སྣ་ཚོགས་ཞེས་བྱ་བའི་ཁྲུམ་སྟོད་ཀྱི་ཟླ་བའི་ཚེས་བཅོ་ལྔའི་ཉིན་སྟག་
ལུང་པ་ཆེན་པོ་རྗེ་བཙུན་ཀུན་དགའ་བཀྲ་ཤིས་རྒྱལ་མཚན་དཔལ་བཟང་པོས་མཁན་པོ་དང༌། 
རྗེ་རྡོ་རིངས་པ་ཀུན་དགའ་རྒྱལ་མཚན་དཔལ་བཟང་པོས་སློབ་དཔོན་དང༌། རྗེ་དྲུང་ཀུན་དགའ་
དཔལ་བཟང་པོས་དུས་བགོ་བ་མཛད་དེ་མཆོད་ཁང་རྩེར་ཡོངས་རྫོགས་དགེ་བསྙེན་དང༌། བར་
མ་སྔོན་དུ་འགྲོ་བའི་དགེ་ཚུལ་གྱི་སྡོམ་པ་ཡང་དག་པ་བཞེས། མཁན་སློབ་སོགས་ལ་འབུལ་
སྣོད་རྒྱ་ཆེ་བ་གནང༌། རྗེ་དྲུང་བསྟན་འཛིན་རིན་པོ་ཆེ་དང༌། རྗེ་བྲག་སྟོད་པ་སོགས་བུ་ཆེན་
དབྱིངས་ཆེན་རྣམས་ཀྱི་གཙོས་ཕྱོགས་མཐའ་དག་ནས་དགའ་སྟོན་ལེགས་ཇ་འབུལ་མི་མང་དུ་
བྱུང༌། རྗེ་བསྟན་འཛིན་རིན་པོ་ཆེ་ལ་ཚེ་དཔག་མེད་ཀྱི་ཆོས་སྐོར་བཀའ་འབྲེལ་དུ་གསན། 
ལུག་ལོའི་དུས་ཆེན་ཡན་ལ་ཆོས་ལུང་བྱང་རྩེར་དགོས་པའི་ཆོ་ག་ཆོས་བརྗོད་ཐམས་ཅད་
ཐུགས་སུ་ཆུད། དུས་ཆེན་གྱི་སྐབས་འདུ་ཁང་དུ་བསྒྲུབ་མཆོད་ཀྱི་ཚོགས་དབུ་གནང༌། དེ་ནས་
རིན་པོ་ཆེ་བསམ་སྡིངས་པ་ལས་གསན་སྦྱོང་གི་ཚུལ་བསྟན་ཏེ་བསྡུས་སྦྱོར། ཟིན་ཐུན། རྟགས་
22-1-206


རིགས། བློ་རིགས། སྤྱི་དོན་ཐག་འབྲང་སོགས་ཞལ་ལས་གཟུངས་ཞིང༌། རིགས་གཏེར། ཀ་
རི་ཀ་ལྔ་བཅུ་པ། བཤེས་སྤྲིངས། ཚད་མ་རྣམ་འགྲེལ། མངོན་པ་མཛོད། སྤྱོད་འཇུག་སོགས་
ཀྱི་གཞུང་ཐུགས་འཛིན་གནང་བ་ལ༌། སློབ་དཔོན་བྱམས་པ་ལྷུན་གྲུབ་པས་རིམ་བཞིན་བཤད་
པ་ཕུལ། སྡེ་པ་གྲ་ལྔ་པས་སྤྱན་དྲངས་གསོ་ཁ་ནས་ཚོང་འདུས་ཁྲི་ཁང་དུ་ཕེབས། ལོ་དེ་དེར་
བཞུགས་རྟོག་གེའི་སྙིང་པོ་དང༌། ཚད་མའི་ཊིཀ་ཆེན་ཡང་ཐུགས་འཛིན་གནང༌། བློ་གསལ་
འགའ་རེ་དང་བཅས་བགྲོ་གླེང་མང་པོ་གནང་། གཞུང་གི་བཤད་པ་ཕུལ་མ་ཐག་ཐུགས་སུ་
ཆུད་པས་མངོན་པ་མཛོད་དང༌། སྤྱོད་འཇུག་གཞན་ལ་འཆད་པ་གནང༌། དེ་ནས་པ་སྣམ་བསམ་
སྡིངས་ཀྱི་ཁྲི་ཐོག་ཏུ་ཕེབས། ཟླ་བ་གཅིག་གི་བར་སྒྲོལ་མའི་བསྙེན་པ་གནང་བས་མནལ་ལམ་
དུ་གཡུ་ལོ་བཀོད་པར་ཕེབས་པ་དང༌། རྗེ་བཙུན་སྒྲོལ་མ་མདུན་གྱི་མན་མཁའ་བཞུགས་པ་དང༌། 
མནལ་ལམ་རང་གཟིགས་བྱུང་བ་སོགས་ངོ་མཚར་བའི་ལྟས་མང༌། 
སྤྲེའུ་ལོ་རྒྱལ་རྩེ་དང་དཔལ་འཁོར་ཆོས་སྡེ་སོགས་སུ་ཕེབས། མཁན་རིན་པོ་ཆེ་ལས་བཀའ་
ཆོས་ཀྱི་རིམ་པ་མང་དུ་གསན་ཅིང༌། མཁར་ཁར་སྦྱོར་བ་ཡན་ལག་དྲུག་པ་ཉུང་ཁྲིད་དུ་གསན་
པས། ཐོག་མར་དགེ་བའི་རྟགས་སྣང་ཐམས་ཅད་མཐར་ཕྱིན། གཞན་མ་རྣམས་ཀྱི་རྟགས་སྣང་
ཀྱང་མང་དུ་མངོན་དུ་གྱུར་ཏོ། ། བརྟག་པ་གཉིས་པའི་རྒྱུད་ཐུགས་འཛིན་གནང༌། དོན་རྣམས་
ཀྱང་ཐུགས་ལ་ཤར་གླང་བ་སེར་གྱི་གླིང་དུ་ཕེབས་ནས་རྟེན་མཇལ་གནང་བས་དམ་པ་སངས་
རྒྱས་ཀྱི་སྐུ་དེ་ལ་ཞལ་རས་ཟིལ་པ་ཁྲོམ་ཁྲོམ་བྱུང་། ཕྱག་སོར་གྱིས་བླངས་ནས་ཞལ་དུ་གསོལ་
བས་སྐུ་ལུས་བདེ་ཆམ་མེ་བ་ཙམ། སྣང་བ་འགྱུར་བ་ཞག་གསུམ་བྱུང་། 
བྱ་ལོ་ཧོར་ཟླ་གསུམ་པའི་ནང་དུ་རྩེ་ཆེན་ཆོས་སྡེའི་ཁྲི་ཐོག་ཏུ་མངའ་གསོལ ། རྗེ་བྲག་སྟོད་
ནས་ཀྱང་ཕེབས་ཏེ་རྔོག་པའི་ཆོས་སྐོར་མང་དུ་གསན་། དེ་ནས་བསམ་སྡིངས་དུ་ཕེབས་། ཀརྨ་
པ་རྗེ་དྲུང་དབང་ཕྱུག་རྡོ་རྗེ་པ་སྣམ་དུ་ཕེབས་པ་མཇལ་ཙམ་གནང་། ཚོང་འདུས་དབུ་རྩེར་ལོ་
22-1-207


ཆེན་རཏྣ་བྷ་དྲའི་སྤྲུལ་སྐུ་དང་ཆོས་འབྲེལ་གསན་རེས་གནང་། ཆོས་ལུང་བྱང་རྩེར་ཕེབས་ནས་
ཤངས་ཁྲག་ཕྲན་བུ་བྱུང་བདག་པོ་ནམ་མཁའ་རྒྱལ་པོ་སྐུ་མཆེད་ཀྱིས་ངམ་རིང་རྩེར་སྤྱན་དྲངས། 
ཞག་གསུམ་བཞུགས་སྐུ་གཟུགས་ཤིན་ཏུ་མ་བདེ། དེ་ནས་རྨ་བྱ་ཤུག་ཁྲོད་དུ་ཕེབས་པས། ཟླ་བ་
གཅིག་གི་རིང་ཉིན་རེ་བཞིན་ཤངས་ཁྲག་གཏོས་ཆེ་བ་བརྡ ལ། སྨན་དཔྱད་སྐུ་རིམ་ཅི་མཛད་ཀྱང་
མ་ཕན༌། དེར་མནལ་ལམ་ཁ་ཆེ་རིན་ཆེན་རྡོ་རྗེ་ཡིན་ཟེར་བའི་པཎྜི་ཏ་བུད་མེད་མང་པོས་བསྐོར་
བ་ཞིག་གིས་ཁྱོད་འཁོར་ལོ་སྡོམ་པའི་རྒྱུད་ལ་ཐོས་བསམ་བྱས་ན་ནད་འདི་འཕྲལ་ལ་དྲག་འགྲོ། 
དེ་ནས་བསྙེན་པ་ཞིག་བྱས་ན་བར་ཆད་ཐམས་ཅད་ལས་གྲོལ་ཞིང་དཔའ་བོ་མཁའ་འགྲོས་རྗེས་
སུ་འཛིན་པ་འདུག་གསུང་བྱུང་བས། སང་དེ་ནས་རྩ་རྒྱུད་ཐུགས་འཛིན་གནང་བས་ཤངས་ཁྲག་
ཉུང་དུ་སོང༌། དེ་འཕྲལ་རྗེ་རྡོ་རིངས་པའི་དྲུང་དུ་བདེ་མཆོག་ནག་པོ་པའི་དབང་གསན་པས། 
དངོས་གཞིའི་ཚོགས་འཁོར་གྱི་བཞུགས་གྲ ལ་སྐབས་སྐུ་གཟུགས་བདེ་ཆམ་གྱིས་སོང་། སང་དེ་
ནས་ཤངས་ཁྲག་ཆད་དེ་སྐུ་གཟུགས་ཤིན་ཏུ་བེད་བར་བྱུང་ནས་པ་སྣམ་བསམ་སྡིངས་སུ་ཕེབས། 
འཁོར་ལོ་བདེ་མཆོག་གི་བསྙེན་པ་གནང་བས། མནལ་ལམ་དུ་པཎྜི་ཏ་དང༌། རྣལ་འབྱོར་པ་མང་
པོས་སྐུ་གཟུགས་ལ་བཟོ་བཅོས་མང་པོ་བྱས་ཏེ་རུས་པ་ལས་གྲུབ་པའི་བདེ་མཆོག་གི་སྐུ་མདའ་
གང་ཙམ་འོད་འཕྲོ་བ་གཅིག་ཏུ་གྱུར་པར་གཟིགས་ནས། འཁོར་ལོ་བདེ་མཆོག་གི་སྐུར་གྱུར་
པའི་རྟགས་མཚན་ནོ། །མཁའ་འགྲོའི་དབུ་ཐོད་ཞིག་ཕྱག་ཏུ་བྱུང་བར་ཆང་ལ་བདུད་རྩི་རིལ་
བུ་བཏབ་སྟེ་བྱིན་རླབས་གནང་བས། དེ་ནས་ཐིག་པ་རེ་འདྲེས་པའི་ཆང་ཚོད་ཆེན་མོ་རྣམས་ལ་
ཡང་དྲི་རོ་ཕུན་སུམ་ཚོགས་པས་ཁྱབ་སྟེ་ཞག་མང་པོར་ཆང་ཚོད་མང་པོ་ལ་དེ་ལྟར་ཁྱབ་བོ། །དེ་
ནས་མྱང་གཞུང་གི་སྡེ་དཔོན་ཐམས་ཅད་ཀྱིས་སྤྱན་དྲངས་པ་ལྟར་རིམ་པས་ཕེབས་ནས༌། ཡར་
འབྲོག་སྟག་ལུང་དུ་སྨན་པའི་རྒྱལ་པོའི་གསེར་སྐུ་ལ་རབ་གནས་གནང༌། ནཻ་གུའི་ཁྲིད་སོགས་
སོགས་སྩལ། འབྲང་ཕུར་ཡུམ་དང་མཇལ་ནས་རིམ་བཞིན་གྱེ་རེ་ལྷ་ཁང་དང་སྙེ་ཐང་འོར་གྱི་ལྷ་
22-1-208


ཁང་མཇལ་ནས་ཆོས་འཁོར་ལྷ་སར་ཕེབས་རྟེན་ཐམས་ཅད་ལ་ཞལ་གསེར་དང་མཆོད་པ་མང་
དུ་ཕུལ། སྨོན་ལམ་རྒྱ་ཆེར་བཏབ་དཔོན་ས་སྟག་ལུང་མས་གུས་པས་མཆོད། དེ་ནས་བྱང་སྟག་
ལུང་དུ་ཕེབས་ཏེ་ཕེབས་བསུ་ཇ་འདྲེན་དགེ་འདུན་མང་པོས་བསུ་བ་རྒྱ་ཆེན་པོ་དང་བཅས་སྟག་
ལུང་གི་ཆོས་གྲ ར་ཕེབས་རྗེ་ཀུན་དགའ་བཀྲ་ཤིས་དང་མཆོག་གི་སྤྲུལ་སྐུ་ངག་དབང་རྣམ་རྒྱལ་
དང་མཇལ། དེ་གཉིས་ཀ་ལས་བཀའ་ཆོས་མང་དུ་གསན་ཅིང་། ཕར་ཡང་ཆོས་བཀའ་མང་དུ་
གནང༌། ཚོགས་ཆེན་ལ་སྒྲུབ་ཐབས་བརྒྱ་རྩའི་རྗེས་གནང་དང་ནཻ་གུའི་ཁྲིད་སོགས་གནང༌། ར་
སྒྲེང་མཇལ་སླར་སྟག་ལུང་དུ་རྗེ་གྲོགས་ཁ་ནས་ཀྱི་དྲུང་དུ་བདེ་མཆོག་མཁའ་འགྲོ་རྒྱ་མཚོའི་
དབང་གསན༌། ལྕང་ལུང་ཆོས་སྡིངས་དང་གླང་ཐང་སོགས་སུ་ཆོས་ཀྱི་འགྲོ་དོན་རྒྱ་ཆེ་ཞིང༌། ལྷ་
སར་ཕེབས་དྲུང་དོན་འགྲུབ་ལེགས་པ་ལ་ཡབ་ཆོས་ཀྱི་སྐོར་གསན། འབྲང་ཕུ་སོགས་བརྒྱུད་
དེ་ཡར་འབྲོག་ཏུ་ཕེབས། དེར་སྐྱེ་བོ་མང་པོ་ལ་སྐྱེས་བུ་གསུམ་གྱི་ལམ་རིམ་དང་ཤངས་ཆོས་
སོགས་སྩལ་རྗེ་མར་དོའི་བཞུགས་གནས་དེ་ལ་ཕྱག་མཆོད་གནང་བས་དོ་ནུབ་མནལ་ལམ་དུ་
བུད་མེད་ཞིག་ན་རེ་མར་དོ་ལོ་ཙཱ་བ་དེ་བདེ་མཆོག་དངོས་ཡིན་ཁྱོད་རང་ཁོང་གི་གསུང་ལ་ལྟོས་
དང་འཁོར་ལོ་སྡོམ་པའི་ངེས་པ་རྣམས་དེ་ན་ཡོད་ཟེར་བ་ཅིག་བྱུང༌། དེ་ནས་པ་སྣམ་བསམ་
སྡིངས་སུ་ཕེབས་ནས་ཟླ་བ་ལྔ་ཙམ་གྱི་རིང་ལ་གཤིན་རྗེ་གཤེད་སྐོར་དང༌། ཆོས་སྐྱོང་གི་བསྙེན་
པ་གནང༌། 
བྱི་ལོ་རྗེ་བྱམས་པ་ལྷུན་གྲུབ་ལ་དུས་ཀྱི་འཁོར་ལོའི་དབང་གསན། ཚོང་འདུས་དང་སྣར་
ཐང་སོགས་སུ་ཆོས་བཀའ་མང་དུ་གནང་ནས་གཏིང་སྐྱེས་སུ་ཕེབས། སྒྲུབ་ཐབས་རྒྱ་མཚོ་དང་
དཔལ་མགོན་དྲཀྴད་ཀྱི་རྗེས་གནང་སོགས་གནང༌། ཆོས་ལུང་བྱང་ཆུབ་རྩེ་མོར་ཕེབས། རྗེ་
བཙུན་རྡོ་རིངས་པའི་དྲུང་དུ་གསུང་ངག་རིན་པོ་ཆེ་ལམ་འབྲས་ཀྱི་ཁྲིད་ཤིན་ཏུ་སྨིན་པ་དེ་གསན་
པས་ཡིག་སྤྱི་ལ་མ་ལྟོས་པར་མར་ཁྲིད་དུ་ཐེབ། 
22-1-209


གླང་ལོའི་དུས་ཆེན་སྐབས་རྩེར་བདེ་མཆོག་གི་ཚོགས་དབུ་གནང༌། ཆོས་ལུང་བྱང་རྩེའི་
གདན་སའི་འཁུར་བཞེས་གནང༌། ཧོར་ཟླ་གསུམ་པའི་ནང་དུ་ཇོ་ནང་དུ་ཕེབས༌། རྗེ་དྲུང་རིན་
པོ་ཆེར་སྦྱོར་དྲུག་གི་ཁྲིད་གསན། ཇོ་ནང་གི་གདན་སར་ཕེབས་ཏེ་རྗེ་དྲུང་རིན་པོ་ཆེས་ཤིས་
བརྗོད་མེ་ཏོག་ཕུལ་ཞིང་འབུལ་སྣོད་མང་དུ་མཛད་དོ། །དེ་ནས་སྣར་ཐང་དུ་ཕེབས་སྡེ་གསར་
གྱི་སྐབས་ཡིན་པས་རིན་སྤུངས་ཞབས་དྲུང་ངག་དབང་འཇིགས་གྲགས་དང་རྒྱལ་རྩེ་བདག་པོ་
རྒྱལ་བའི་དྲུང་དང༌། སྡེ་པ་ལྷུན་པོ་རྩེ་བ་སོགས་ཀྱིས་སོ་སོས་མཇལ་བཀའ་ཆོས་ཀྱི་འབྲེལ་པ་
གནང་དད་མོས་ལ་བཀོད། དེ་ནས་བསམ་འགྲུབ་རྩེ་ཀླུ་སྡིངས་སུ་སྡེ་པ་ཀུན་སྤངས་དྲུང་སོགས་
སྐུ་མཆེད་རྣམས་ལ་བཀའ་ཆོས་གནང༌། དེ་ནས་ཐུབ་བསྟན་གསེར་མདོག་ཅན་དུ་མཁན་ཆེན་
ཀརྨ་བཟང་པོ་གཙོ་བོར་གྱུར་པའི་མཁན་སློབ་དགེ་འདུན་ཚོགས་པ་རྒྱ་མཚོ་ལྟ་བུས་སེར་སྦྲེང་
རྒྱས་པས་སྤྱན་དྲངས༌། བླ་བྲང་བཀྲ་ཤིས་བརྩེགས་པར་ཕེབས། ཞག་འགའ་ཤས་ཀྱི་བར་དུ་
ཆོས་ཀྱི་འཁོར་ལོ་རྒྱ་ཆེན་པོ་བསྐོར། དེ་ནས་བསམ་སྡིངས་སུ་ཕེབས་ཏེ་ཕྱི་མཚམས་པའི་མུས་
ནས་འདུལ་བ་མདོ་རྩའི་གཞུང་ཚང་བ་ཐུགས་འཛིན་གནང༌། དེ་ནས་འདུལ་བ་དང༌། མངོན་
པ་མཛོད་དང༌། མདོ་སྡེ་རྒྱན༌། འབྱེད་རྣམ་གཉིས་རྣམས་ལ་སློབ་དཔོན་པས་འབྲུ་བཤད་སྤྱི་
དོན་དང་བཅས་པ་ལེགས་པར་ཕུལ་ཞིང་ཐུགས་སུ་ཆུད། སྤྱིར་དབུ་མ་འཇུག་པ་ཐུགས་འཛིན་
གནང་དུས། སློབ་དཔོན་ཟླ་བ་གྲགས་པ་མེ་ལས་གྲུབ་པའི་ཆོས་གོས་བསྣམས་པ་ཞིག་དང་
མནལ་ལམ་གྱི་ཚུལ་དུ་མཇལ་བ་དང༌། གླང་པར་རྒྱུད་བླ་མ་ཐུགས་གཉེར་གནང་དུས་མནལ་
ལམ་དུ་རང་ཉིད་མངོན་པར་རྫོགས་པར་སངས་རྒྱས་པ་ཡིན་སྙམ་པ་ལ་ཕྱག་མཐིལ་གྱི་འཁོར་
ལོའི་རི་མོ་ལ་གཟིགས་པས་རྩིབས་བརྒྱད་བརྒྱ་ལས་མི་འདུག་པས། བླ་མ་ལ་བསྙེན་བཀུར་
བའི་ཚོགས་ཅུང་ཞིག་མ་རྫོགས་པ་འདུག་པས་བྱང་ཆུབ་སེམས་དཔའ་ཡིན་འདུག་སྙམ་པས་
དེའི་ཚུལ་གྱི་འགྲོ་དོན་མཛད་དགོས་སྙམ་པ་དང༌། བྱམས་ཆོས་གཞན་རྣམས་ཀྱི་སྐབས་སངས་
22-1-210


རྒྱས་བྱང་སེམས་ཀྱི་སྐུའི་སྣང་བ་མང་པོ་དང་འདུལ་བའི་ཐུགས་གཉེར་གྱི་སྐབས་འཕགས་པའི་
གནས་བརྟན་བཅུ་དྲུག་གི་སྐུའི་སྣང་བ་ཡང་ཡང་གཟིགས་པ་བྱུང་གསུངས། དེའི་སྟོན་ཟེར་ནས་
སྒྲ་ཀཱ་ལ་པའི་བཤད་པ་ས་རིས་སོགས་གསན་སྦྱོང་གནང༌། དེ་ཡན་དུ་སྙན་ངག་སྡེབ་སྦྱོར་མངོན་
བརྗོད་རྣམས་གསན་པ་ཡང་རྫོགས། དེའི་དགུན་གདན་བཞིའི་ཡེ་ཤེས་དབང་ཕྱུག་མའི་བསྙེན་
པ་དང༌། དཔལ་ལྡན་ལྷ་མོ་དུད་སོལ་མའི་ལྗ གས་བསྙེན་གནང་དུས་བསྒྲུབ་ཡིག་ན་འབྱུང་བའི་
རྟགས་རྣམས་ཚང་མ་བྱུང་ཞིང་ཁྱད་པར་མནལ་ལམ་དུ་བུད་མེད་ཞིག་གིས་གདན་བཞིའི་རྒྱུད་
ཀྱི་དཀའ་བའི་གནད་མང་པོ་བཤད་བྱུང་བ་རྣམས་དོན་དང་མཐུན་པ་འདུག་པས་ལྷ་མོ་རང་ཡིན་
པ་འདུག་གསུངས། དེ་ནས་གསང་འདུས་འཇམ་པའི་རྡོ་རྗེའི་བསྙེན་པ་གནང་བས་ཉམས་སྣང་
གི་ཚུལ་དུ་ལྷ་བཅུ་དགུའི་དཀྱིལ་འཁོར་གཟིགས། ཤེས་བྱ་ཐམས་ཅད་ལ་ཐོགས་པ་མེད་པའི་བློ་
གྲོས་རྒྱས་པར་གྱུར། དུས་འཁོར་ལྷ་དགུའི་བསྙེན་པ་ཐུང་ཙམ་གནང༌། 
ལྕགས་ཕོ་སྟག་ལོ་ཟླ་བ་དང་པོའི་ཚེས་བཅོ་ལྔའི་བར་མུན་ཁང་བརྟེན་ནས་སྦྱོར་དྲུག་རྩེ་
གཅིག་ཏུ་བསྒོམ་པ་གནང་བས། རྟགས་སྣང་འབྱམ་ཀླ ས་པ་མངོན་དུ་གྱུར། དེ་ནས་ཟླ་གཅིག་
ཙམ་གྱི་བར་ལ་དེ་གའི་ངང་ནས་རྨི་ལམ་གྱི་གདམ་ངག་རྣམས་ཉམས་བཞེས་གནང་བས་ཟིན་
སྦྱོངས་སྤེལ་སྤྲུལ་སྒྱུར་ཡུལ་སྣང་གཟིགས་པ་སོགས་ཐམས་ཅད་ལ་ཐོགས་མེད་པར་གྱུར། ཧོར་
ཟླ་དྲུག་པ་ལ་སྣར་ཐང་ཆོས་སྡེར་ཕེབས་ཚོགས་ཆེན་ལ་བཀའ་གདམས་ཀྱི་ཆོས་སྐོར་རྒྱ་ཆེར་
སྩལ་འབེལ་གཏམ་ཤིན་ཏུ་འཕེལ། འདུལ་བ་ལུང་ལ་གཟིགས་རྟོག་གནང༌། ཧོར་ཟླ་བརྒྱད་
པའི་ཚེས་གཉིས་ཀྱི་ཐོ་རངས་མནལ་ལམ་དུ་རྒྱ་གར་གྱི་གྲུབ་ཐོབ་ཞིག་གིས་ཤ་ཆེན་ཁམ་གཅིག་
གནང་བ་བཞེས་པས་སྐུ་ལུས་བདེ་བས་གང་བ་བྱུང་སང་དེ་བྱང་ཆེན་གྱི་ཁྲི་ཐོག་ཏུ་མངའ་གསོལ་
མཚམས་གྲུབ་ཆེན་བུདྡྷཱ་ནཱ་ཐ་ཕེབས་པ་དང་མཇལ། ཟབ་ཆོས་མཐའ་ཡས་པ་ཞིག་གསན། 
མནལ་ལམ་དུ་སྐུའི་ལྤགས་པ་དྲས་ཏེ་ཤོག་བུ་བྱས༌། ཁྲག་གི་སྣག་ཚ་བྱས། རྩིབས་མ་ལ་སྨྱུ་གུ་
22-1-211


བྱས། བུད་མེད་མཛེས་མ་དྲུག་བདུན་ཞིག་གིས་ཡིག་མཁན་བྱས་ཏེ་རྒྱུད་ཆོག་ཡིན་ཉོག་ཡིན་གྱི་
པོ་ཏི་མང་པོ་ཡུད་ཙམ་ཞིག་ལ་བྲིས་གྲུབ། ཤ་རྣམས་ཁོ་རང་ཚོ་ལ་དྲངས། སྐྲས་གླེགས་ཐག་བྱས། 
ནང་ཁྲོལ་དང་རུས་པ་སོགས་ཡོན་དུ་བྱིན་པ་ཞིག་རྨིས་པ་སོགས་ཡ་མཚན་པའི་ལྟས་དཔག་ཏུ་
མེད་པ་བྱུང༌། དེ་ནས་ཆོས་ལུང་བྱང་རྩེར་ཕེབས། སྐུ་འབྲུམ་སྙུང་བས་མནལ་ལམ་དུ་ཁྲག་གི་
མཚོ་ན་འདུག་པ་ལས། སློབ་དཔོན་ཙནྡྲ་གོ་མི་ཡིན་ཟེར་བའི་མི་དཀར་པོ་ཞིག་གིས་སྟོན་ནས་
སྐུ་འབྲུམ་ལེགས་པར་དྭངས། བདེ་མཆོག་ནག་པོ་པའི་བཀའ་དབང་གི་ཐོག་མ་རིན་པོ་ཆེ་བཀའ་
བཞི་ནས་ལ་གནང༌། རྗེ་གྲགས་སྟོད་ནས་ཀྱང་ཕེབས་པ་ལ་བཀའ་ཆོས་མང་དུ་གསན། 
ཡོས་ལོའི་དུས་ཆེན་གྲོལ་ན་བདུད་རྩི་རིལ་བུ་བསྒྲུབ་པ་གནང་བས་ལྟས་ཁྱད་པར་ཅན་
བྱུང༌། ཡར་འབྲོག་སྡེ་པ་བསྟན་འཛིན་པ་སྐུ་གཤེགས་པས་སྤྱན་འདྲེན་ནན་ཆེ་བ་ནས་ཡར་
འབྲོག་ཏུ་ཕེབས༌། སྡེ་པའི་དྲུང་ལ་སྡིག་སྦྱོང་ཆོ་ག་དང༌། སེར་འཚོགས་གྱི་ཚོགས་དབུ་བསྔོ་བ་
སྨོན་ལམ་གྱིས་རྗེས་སུ་བཟུང༌། དེ་ནས་རྒྱལ་རྩེའི་གཟིམས་ཤག་ཏུ་ཕེབས། ལྟས་ལོད་པས་སྐུ་
རིམ་རྒྱ་ཆེན་པོ་དགོས་པའི་ཚུལ་གནང༌། གླང་པ་སེར་གླང་དུ་མཁན་ཆེན་ལུང་རིག་རྒྱ་མཚོའི་སྐུ་
གདུང་ཞུགས་འབུལ་གནང༌། འདུས་འབྱུང་དུ་ཕེབས་བཀའ་ཆོས་གནང༌། ནོར་བུ་ཁྱུང་རྩེ་བའི་
སྡེ་འཇིག་པའི་ལྟས་ཤར་སྡེ་པ་དམག་དཔོན་པ་དང་ཕྱིས་མི་མཇལ་བའི་ཚུལ་ཕྱག་གཡོག་རྣམས་
ལ་ལུང་དུ་བསྟན། ཚོང་འདུས་སུ་ཏྲེ་བོ་སྤྲུལ་སྐུ་ཀརྨ་བསླབ་གསུམ་གྱིས་མཇལ་དུ་ཕེབས་དེ་ལ་
ཕྱག་ལེན་གནང་གཏིང་སྐྱེས་སུ་ཕེབས་ནས་རྗེ་རྡོ་རིངས་པས་མཁན་པོ། སློབ་དཔོན་བྱམས་པ་
ལྷུན་གྲུབ་པས་ལས་སློབ། བཤེས་གཉེན་བློ་བཟང་པས་གསང་སྟོན་མཛད། ཁ་སྐོང་གི་དགེ་
འདུན་དང་བཅས་པའི་དབུས་སུ་བསྙེན་པར་རྫོགས། 
འབྲུག་ལོར་ཧོར་ཟླ་གསུམ་པའི་ནང་དུ་པ་སྣམ་བསམ་སྡིངས་སུ་ཕེབས། སྐུ་མཚམས་
གནང་ཐུགས་དམ་ལ་རྩེ་གཅིག་ཏུ་མཉམ་པར་འཇོག་པ་གནང་བས་ལན་ཅིག་སྐྱ་རེངས་འཆར་
22-1-212


བའི་ཚོད་ཙམ་ལ་འཇའ་འོད་ལས་གྲུབ་པའི་རྡོ་རྗེ་གདན་བཞིའི་དཀྱིལ་འཁོར་ཤིན་ཏུ་ཆེ་བ་མེ་
རི་ལྷོ་བྱང་གི་རི་ལ་རེག་ལ་ཁད་ཡོད་པ་དཀྱིལ་འཁོར་གྱི་གྲྭ་ན་སློབ་དཔོན་ཨརྱ་དེ་བ་དང༌། མ་
ཏང་ཀི་བཞུགས་པ་ཨརྱ་དེ་བས་ཀི་ལི་ཀ་ལི་དགྱེས་མཛད་རོལ། ཞེས་སོགས་གདན་བཞིའི་ཀླུ་
ཆེ་ཆུང་དེ་རྣམས་གསུངས་ཏེ་ཚིག་དོན་མ་ལུས་པ་ཐུགས་སུ་ཆུད་དབང་ཞིག་གནང་དགོས་ཞུས་
པས། བུད་མེད་གཅིག་འདུག་པ་ལ་ལྕང་ལོ་ཅན་ནས་ཆུ་ལོང་ཤོག་གསུངས། དེས་ཆུ་བུམ་པ་
གང་བླངས་བྱུང་པ་ན། སློབ་དཔོན་ན་རེ། རྣམ་པ་འདི་དཀྱིལ་འཁོར་དངོས་སུ་གྱུར་པར་དབང་
བསྐུར་རོ་གསུང་བ་བྱུང༌། མནལ་སད་ནས་ཀྱང་ཐམས་ཅད་ཐུགས་ལ་གསལ་ལེ་འདུག་པ་ནས་
སྔ་དྲོ་དེ་མངོན་དཀྱིལ་གྱི་དཔེ་ལ་ཡུད་ཙམ་གཟིགས་པས། ཚིག་དོན་ཕྱག་རྒྱ་རྣམས་དང་བཅས་
པ་ཐམས་ཅད་སྔ་དྲོ་གཅིག་ལ་ཐུགས་ལ་ཤར་ཕྱིས་སུ་རྭ་སྒྲེང་དུ་ཕེབས་པའི་སྐབས་ཤིག་མནལ་
ལམ་དུ་ལྷ་ཁང་ཞིག་ཏུ་ཕེབས་པས། རྡོ་རྗེ་གདན་བཞིའི་སྐུ་གཅིག་བཞུགས་འདུག་དེར་དབང་
བསྐུར་དུ་གསོལ་ཞུས་པས། སྐུ་དེའི་ཐུགས་ཀ་ནས་འོད་ཆེན་པོ་ཞིག་བྱུང་བ་ཐུགས་ཀར་ཐིམ་
པས་འོད་གསལ་མཐའ་དབུས་མེད་པ་གཅིག་ཏུ་སོང༌། དེ་དབང་དུ་འདུག་གསུང་བས་འདི་
རྣལ་འབྱོར་ནམ་མཁའ་དངོས་ལ་གསན་པ་ཡིན་ནོ། །སྟོན་རྒྱལ་རྩེར་ཕེབས་བདག་པོ་ཆེན་མོ་
ལ་གཤེད་དམར་གྱི་དབང་དང་ཁྲིད་སོགས་གནང་བས་ཐུགས་ཀྱི་བདེ་དོག་ཡང་སང་། དྲུང་པ་
རྒྱལ་ཚབ་རིན་པོ་ཆེ་ལྷོ་བྲག་ལ་ཕེབས་ཞོར་རྒྱལ་རྩེར་ཕེབས་པ་ལ་མཇལ་འཛོམས་གནང༌། དེ་
ནས་བྱང་ཆེན་དུ་ཕེབས་ཞ་ལུ་ནས་རྡོ་རྗེ་འཛིན་པ་དཔལ་ལྡན་ཆོས་བཟང་སྤྱན་དྲངས་ནས། རྡོར་
དབྱིངས་སོགས་ཡོ་གའི་དབང་མང་པོ་དང་ཕྱིས་སུ་དུས་འཁོར་གྱི་དབང་ཡང་གསན། ཡར་ལམ་
དགེ་སྡིངས་སུ་བདག་ཆེན་བསོད་ནམས་དབང་པོ་དང་མཇལ་ནས་ཆོས་ལུང་བྱང་རྩེར་ཕེབས། 
སྦྲུལ་ལོ་གསེར་མདོག་ཅན་ནས་སྤྱན་འདྲེན་ནན་ཆེ་བས་ཧོར་ཟླ་བཞི་པའི་ནང་དུ་ཆིབས་ཁ་
བསྒྱུར་ནས་ཕེབས། མཁན་སློབ་དགེ་འདུན་འདུས་པ་དང་བཅས་པས་ཕེབས་བསུ་སེར་སྦྲེངས་
22-1-213


རྒྱས་པས་སྤྱན་དྲངས། ཟླ་བ་བཞི་ཙམ་གྱི་བར་ལ་ཆོས་ཀྱི་འཁོར་ལོ་རྒྱས་པར་བསྐོར་ཏེ། བདེ་
མཆོག་ལུ་ནག་དྲིལ་གསུམ། རྡོ་རྗེ་གདན་བཞི་ཡབ་བཀའ་ཡུམ་བཀའ་མ་ཧཱ་མ་ཡ་ལ་སོགས་
པའི་དབང་མང་པོ་ཤངས་པའི་ཁྲིད་ཆེན་བཞི་བདེ་མཆོག་ལུ་དྲིལ་གྱི་བསྐྱེད་རྫོགས་ཀྱི་བཤད་པ་
ཁྲིད་སོགས་ཁྲིད་མང་པོ། ཁྲོ་ཕུ་བརྒྱ་རྩའི་རྗེས་གནང་ལུང་བཅས། སྒྲུབ་ཐབས་རྒྱ་མཚོ་སོགས་
རྗེས་གནང་མང་པོ་གནང༌། བདེ་མཆོག་ནག་པོ་པའི་དབང་སྔར་བཀའ་དམ་པ་གནང་གི་ཡོད་
འདུག་ཀྱང་། དེར་དབང་སྔ་མ་གནང་བའི་ནུབ་མོ་མནལ་ལམ་དུ་རྗེ་ཉིད་ཀྱི་མི་མང་པོ་གྲུ་ཆེན་
པོ་གཅིག་ལ་མཚོ་ལས་བསྒྲལ་ཏེ་ནུབ་ཕྱོགས་ཨོ་རྒྱན་གྱི་ཡུལ་ཡིན་ཟེར་བ་གཅིག་ལ་ཁྲིད་པ་
སྣང་བ་བྱུང་བས་དབང་མང་དུ་གནང་ཡང་གནས་དེར་མནལ་ལམ་དུ་སློབ་དཔོན་ཞི་བ་ལྷ་
ཕེབས་ས་གསང་བ་འདུས་པའི་རྒྱུད་དོན་མང་པོ་གནང་བས། སང་དེ་གསང་འདུས་རྩ་རྒྱུད་
ལོ་ཙཱ་བ་ཆོས་ཀྱི་རྒྱལ་མཚན་གྱི་ཕྱག་བྲིས་ཉིས་འབག་མའི་ཕྱག་དཔེ་འབུལ་མཁན་བྱུང༌། དེ་
ནས་གཏིང་སྐྱེས་ལ་ཕེབས་ཏེ་རྗེ་རྡོ་རིངས་པ་དང་མཇལ་ཤིན་ཏུ་དགྱེས་པ་ཆེན་པོར་གྱུར། བྲག་
སྟོད་དུ་ཕེབས་རྗེ་ལྷ་དབང་དྲག་པ་ལས་ཕྱག་ཆེན་སོགས་ཆོས་མང་དུ་གསན། དེར་སློབ་དཔོན་
པདྨ་འབྱུང་གནས་ཀྱི་ལུང་བསྟན་བྱུང་བ་ལྟར་ཞག་བདུན་གྱི་བར་དུ་ཐུགས་ཉམས་འུར། རྗེ་ཀློང་
ཆེན་པ་དང་པདྨ་གླིང་པ་སོགས་རྙིང་མའི་བླ་མ་མང་པོར་སྐུ་སྐྱེ་བ་བཞེས་པ་རྣམས་ཐུགས་དྲན། 
གཟིགས་སྣང་ཡ་མཚན་པ་བགྲང་བ་ལས་འདས༌། གཏེར་སྒོ་མང་པོ་ཕྱེ་ནས་འགྲོ་དོན་མཛད་པ་
གཅིག་གི་རྟེན་འབྲེལ་འགྲིག་ལ་ཁད་ལ་ཅུང་ཟད་འཆུགས། དེ་ཐམས་ཅད་དུ་དབང་ཁྲིད་མང་
པོ་གནང་ཇོ་མོ་གཡུ་རི་མས་ཀྱང་བཀའ་བཞིན་སྒྲུབ་པར་དམ་བཅས། དེ་ནས་གཏིང་སྐྱེས། སྣར་
ཐང༌། ཚོང་འདུས། རྒྱལ་རྩེ། སྣ་དཀར་རྩེ་དང་འབྲང་ཕུ་སོགས་ཐམས་ཅད་དུ་དབང་ཁྲིད་འགྲོ་
དོན་རྒྱ་ཆེར་གནང༌། དེ་ནས་ལྷ་སར་ཕེབས༌། ཕྱག་མཆོད་མང་དུ་གནང༌། ཡེར་པ་དང་ཆོས་
སྡིངས་བརྒྱུད་ནས་ཕྱག་ལ་དགོན་པར་སྟག་ལུང་གྲྭ་ནང་གླིང་གསུམ་གྱི་ཇ་འདྲེན་སོགས་སླེབས། 
22-1-214


ཕེབས་བསུ་སེར་སྦྲེངས་རྒྱས་པས་བསུས་ཏེ་སྟག་ལུང་ཐང་གི་ཆོས་གྲྭ་ཆེན་པོར་ཕེབས། རྗེ་ཀུན་
དགའ་བཀྲ་ཤིས་དང༌། རྗེ་གྲོགས་ཁ་ནས་དང་མཆོག་གི་སྤྲུལ་པའི་སྐུ་སོགས་དང་མཇལ། སང་
དེ་རྗེ་བ་ལི་བ་ཡང་སྐུ་གཞོགས་སུ་མཇལ་དུ་བྱུང༌། སྟག་ལུང་པ་ཁུ་དབོན་པོ་ལ་བཀའ་བརྒྱུད་
གཙོ་བོར་གྱུར་པའི་གསུང་ཆོས་མང་དུ་གསན། ཕར་ཡང་རྗེ་ཀུན་དགའ་བཀྲ་ཤིས་པའི་དྲུང་དུ་
རྒྱ་གར་ནས་གསར་དུ་འགྱུར་བའི་ཆོས་བཀའ་མང་དུ་གནང༌། མཆོག་གི་སྤྲུལ་པའི་སྐུར་ཡང་
བདེ་མཆོག་ནག་པོ་པ་དང་བོང་ཞལ་ཅན། སངས་རྒྱས་ཐོད་པ་སོགས་ཀྱི་དབང་དང་བྱིན་རླབས་
རྗེས་གནང་ལུང་མང་དུ་གནང་། སྟག་ལུང་ཚོང་འདུས་སུ་ཇོ་ནང་ལུགས་ཀྱི་སྦྱོར་དྲུག་རྒྱས་པ་
སོགས་དང༌། དྲུང་བ་ལེ་བ་ལ་ཇོ་ཞལ་གཉིས་ཀའི་སྦྱོར་དྲུག་གནང༌། གོས་སྐུ་གསར་བཞེངས་
ལ་རབ་ཏུ་གནས་པ་རྒྱས་པ་མཛད། རྭ་སྒྲེང་མཇལ་བ་གནང་བས་མནལ་ལྟས་ཡ་མཚན་པ་
བྱུང༌། དེ་ནས་སླར་སྟག་ལུང་ཆོས་སྡིངས་སོགས་རྒྱུད་ཡོ་པར་སྐྱིད་གཤོང་སྡེ་པ་གཡུལ་རྒྱལ་བ་
འཁོར་བཅས་ལ་བདེ་མཆོག་ནག་པོ་པའི་དབང་སོགས་གནང༌། ལྷ་སར་མཆོད་པ་ཕུལ་ནས་
ཕེབས་ལམ་གྱི་ཞོར་འབྲས་སྤུངས་ཀྱི་རྟེན་མཇལ་གནང་བས་པཎྜི་ཏ་འབུམ་ཕྲག་གསུམ་པའི་
སྐུ་གདུང་བཞུགས་པའི་ས་འབུམ་དེ་ལ་བྱིན་རླབས་ཞུ་བ་གནང་དུས། དེའི་ནང་ནས་ཏདྱ་ཐཱ་ག་
ཏེ་ག་ཏེ་ཞེས་སོགས་ཀྱི་སྒྲ་གསལ་བར་གསན༌། ཤིན་ཏུ་བཀའ་ཆོས་གནང་ནས་སྲིན་པོ་རིར་
ཕེབས་རྟེན་མཇལ་གནང་བདེ་མཆོག་གི་ལྷ་ཁང་དེར་བཞུགས་པས་མནལ་ལམ་དུ་བུད་མེད་
ཞིག་གི་བདེ་མཆོག་རྩ་རྒྱུད་ཀྱི་པོ་ཏི་གཅིག་ཕུལ་བྱུང་བའི་སྨད་ན། ཤིན་ཏུ་རྙེད་པར་དཀའ་བ་
ནི། །གཞན་གྱིས་རྟོགས་པ་མ་ཡིན་ཏེ། །བློ་ལྡན་ཁྱོད་ལ་བསྟན་པ་ཡིན། །འོན་ཀྱང་སྐྱེས་གཞན་
དག་གིས་བསྒྲིབས། །ཞེས་པ་ཞིག་འདུག དེ་ནས་བུད་མེད་སྐུ་ཞབས་ཀྱི་གཡོན་ལ་ཐིམ་པར་
སྙམ་པ་ན། འོད་གསལ་བདེ་སྟོང་འཐུག་པོ་ཞིག་ཏུ་གྱུར་ཏོ། །དེ་ནས་ཆོས་འཁོར་བསམ་ཡས་སུ་
ཕེབས་རྟེན་མཇལ་ཞིབ་པོ་ཞིག་གནང༌། རྟེན་གཙོ་བོ་ཕལ་ཆེ་བ་ལ་སྙན་དར་ཞལ་གསེར་མཆོད་
22-1-215


པ་རྒྱ་ཆེར་ཕུལ༌། དེ་ནུབ་མནལ་ལམ་དུ་རྒྱལ་པོ་པེ་ཧ་རའི་ཆོ་འཕྲུལ་དུ་ཁང་པ་ཞིག་གི་རྩིག་རྡོ་
རྣམས་མི་མགོར་སོང་བའི་ཁ་འཕྲུལ་མིག་འཕྲུལ་གད་མོ་དགོད་པ་བྱུང་བས་དེ་རྣམས་བདེན་
མེད་སྒྱུ་མ་ལྟ་བུའི་ངང་དུ་འཇོག་པ་གནང་བས། དེའི་དཀྱིལ་ནས་ང་མ་འཇིགས་ཞེས་པའི་སྒྲ་
བྱུང༌། དེ་ནས་རྒྱལ་པོ་ཉིད་སྐྱེས་པ་གོས་དཀར་པོ་བྱས་པའི་ཆ་བྱད་དུ་བྱུང་ནས་ཕྱག་བྱས་ཁྱེད་
ཀྱི་བསྒྲུབ་དགོས་ཐམས་ཅད་ངས་བྱེད་ཟེར་ནས་ཁྱོད་ཀྱི་ང་ལ་བསྒྲུབ་དགོས་ཅང་མེད་གསུངས། 
ཆོས་འབྲེལ་དགོས་ཞུ་བ་ལ་ཐེག་པ་ཆེན་པོའི་སེམས་བསྐྱེད་གནང༌། དེ་ནས་རིན་པོ་ཆེ་བཀའ་
བཞི་ནས་ཀྱི་སྤྱན་འདྲེན་གྱི་གཙོ་བོ་མཛད་དེ་ཆུ་ལྷོ་ཁ་ལ་ཕེབས་རྒྱུའི་དྭ་ར་གོང་དུ་ཕེབས་དུས་མི་
ལྡོག་པའི་མཚན་ཉིད་ཅན་ཕོ་ཉ་མོ་ཞིག་འདུག་པ་གཟིགས་ཤིང༌། བསམ་ཡས་ཉིད་ན་ཡང་ཞིང་
གི་རྣལ་འབྱོར་མ་ཞིག་འདུག་པ་གཟིགས། དེ་ནས་ཆུ་ཐོན་ཏེ་འབྲོང་ཞོལ་དུ་ཕེབས་ཚོགས་བྱེ་
རྫིང་མ་ཐམས་ཅད་ཀྱི་ཕེབས་བསུ་ཟབ་མས་བསུས་དེ་རྣམས་ལ་ཆོས་འབྲེལ་གནང༌། རྒྱལ་ཆེན་
གླིང་ནས་སྡེ་པ་སྐུ་གཞོན་པ་དཔོན་གཡོག་གིས་ཕེབས་བསུ་རྒྱས་པས་སྤྱན་དྲངས་ནས། བྱམས་
པ་གླིང་དང་རྒྱལ་ཆེན་གླིང་སོགས་སུ་རིམ་པས་སྤྱན་དྲངས། དེ་རྣམས་སུ་སྐུ་གོང་མ་ཡང་ཡང་
ཕེབས་པའི་ཚུལ་རྣམས་ཐུགས་ལ་གསལ་བར་ཤར། ཚོགས་དགེ་འདུན་སྒ ང་པ་དཔོན་སློབ་
སོགས་དེ་ཕྱོགས་ཀྱི་བླ་སློབ་དཔོན་སྐྱ་སེར་ཐམས་ཅད་ཤིན་ཏུ་དད་གུས་ཆེ་བ་ལ་སོ་སོའི་འདོད་
པ་དང་མཐུན་པའི་ཆོས་འབྲེལ་གནང༌། སྡེ་པ་སྟེང་ཤར་དཔོན་གཡོག་ལ་བདེ་མཆོག་གི་དབང་
སོགས་གནང༌། དོལ་སྐྱིད་གཤོངས་སོགས་ནས་གོང་དཀར་ཆོས་སྡེར་ཕེབས་རྟེན་མཇལ་གནང་
ཡོ་ག་སྒྲུབ་མཆོད་ཀྱི་སྐབས་སུ་འདུག་པས་དཀྱིལ་ཆེན་རྣམས་ལ་བཤད་པ་གནང་བས་དེས་རྡོ་
རྗེ་འཛིན་པ་ཐམས་ཅད་མཆོག་ཏུ་ངོ་མཚར་དུ་འཛིན་ཞིང་ཤིན་ཏུ་གུས་པར་གྱུར། དེ་ནས་གཞིས་
ཀ་གོང་དཀར་དུ་ཞལ་ངོ་སོ་སོར་དགོངས་བཞེད་ལྟར་གྱི་ཆོས་སྣ་མང་དུ་གནང་དེ་ནས་འབྲང་
ཕུ། སྣ་དཀར་རྩེ། རྒྱལ་རྩེ་སོགས་ཐམས་ཅད་དུ་བཀའ་ཆོས་རྒྱ་ཆེན་པོ་སྩོལ་བཞིན་པས་བསམ་
22-1-216


སྡིངས་སུ་ཕེབས༌། གཙང་གི་དགོན་པ་རྣམས་ལ་མང་ཇ་འགྱེད་བཅས་གཏོང་མི་རྒྱ་ཆེར་སྣང༌། 
དེ་འཕྲལ་ནས་ཀྱེ་རྡོ་རྗེའི་གཞི་བསྙེན་གནང༌། ཧོར་ཟླ་བཅུ་གཉིས་པའི་ཚེས་བདུན་གྱི་ཐོ་རངས་
མནལ་ལམ་དུ། རྗེ་རྡོ་རིངས་པ་དེ་ཉིད་སྐུ་ལ་སྣམ་སྦྱར་གསོལ་བ་ཞིག་བྱུང་ནས་བྱིན་རླབས་ཞིག་
གནང་ནས་སྐས་ཤིན་ཏུ་རིང་བ་ཞིག་ལ་ཕེབས་སོང་བ་བྱུང་བས། རྗེ་དེ་ཉིད་དག་པའི་ཞིང་དུ་
ཐེགས་པར་དགོངས༌། སྐུ་ཞབས་པ་རྣམས་ལ་ཡང་གསུངས་གནས་ཚུལ་འབུལ་མི་སྐུ་གཞོགས་
སུ་འབྱོར་འཕྲལ་དུ་ཕེབས་མ་ཐུབ་པར་དགོངས་རྫོགས་ལ་དམིགས་པའི་མང་ཇ་འགྱེད་བཅས་
མང་དུ་གནང༌། ཟླ་བ་བདུན་ལ་བསྙེན་པར་རྫོགས་པར་གྲུབ་ནས། སྦྱིན་བསྲེགས་ཀྱི་སྐབས་
ཉེར་ལྔའི་ནུབ་ཞིག་ཨོ་རྒྱན་གྱི་དུར་ཁྲོད་ཡིན་ཟེར་བ་གཅིག་གི་དབུས་ན་ཀྱཻ་རྡོ་རྗེ་ཞལ་ཕྱག་
ཡོངས་རྫོགས་ཀྱི་སྐུ་སྔོན་པོ་སྤྱན་ཧྲིག་ཧྲིག་ཞལ་འཛུམ་པ་གཅིག་དང་མཇལ་རོ་ལངས་བརྒྱད་
ལྡན་གཅིག་ཏུ་རྣལ་འབྱོར་པའི་ཆས་སུ་བསྒྱུར་ནས་ཨུ་ཥྚའི་འཛབ་བཟླ་ཞིང་མཆོང་རྒྱུགས་བསྐོར་
བ་མཛད། དེའི་མདུན་ན་ཐོད་པ་འོ་མས་གང་བ་མཛད། དེའི་མདུན་ན་ཐོད་པ་འོ་མས་གང་བ་
དང༌། སྦྲང་གི་གང་བ་དང༌། ཁྲག་གི་གང་བ་དང་བཅས་གསུམ་འདུག དེ་ནི་བུད་མེད་སྔོན་མོ་
ཡང་གསུམ་འདུག་པ་ལ། འདི་རྣམས་ཅི་ཡིན་དྲིས་པས་བསྐྱེད་རིམ་དང༌། དམ་ཚིག་དཔའ་བོ་
མཁའ་འགྲོའི་སྙིང་ཁྲག་ཡིན་ཟེར། འོ་ན་ང་གང་ནས་འཐུང་གསུངས་པས་ཐོག་མ་འོ་མ་འཐུང༌། 
དེ་ནས་སྦྲང་དང་ཁྲག་རིམ་པས་འཐུང་དགོས་ཟེར། འོ་མ་དེ་བཞེས་པས་སྐུ་ལུས་ཐམས་ཅད་
བདེ་བས་ཁེངས། སྐུ་ཉམས་འབར་འདི་ཉམས་སམ་རྨི་ལམ་ཆ་མི་ཕྱེད་པ་ལ་གསུང་ཡང་དོན་དུ་
དངོས་སུ་བྱུང་བ་ཡིན། 
དེ་ནས་ཇོ་ནང་དུ་རྗེ་དྲུང་རིན་པོ་ཆེ་སྐུ་ཞིང་རྗེས་པ་ནས་སྤྱན་འདྲེན་ནན་ཆེན་བྱུང་ཞིང་། མེ་
ལུག་ལོ་ཧོར་ཟླ་བཞི་པའི་ནང་དུ་ཆིབས་ཁ་བསྒྱུར་གཞིས་ཀ་བསམ་འགྲུབ་རྩེར་སྤྱན་འདྲེན་བྱུང་
བ་ལྟར་ཕེབས་ཏེ་ཚེས་བརྒྱད་ཀྱི་ཉིན་གཟིམ་ཁང་བདེ་བ་ཅན་གྱི་ལོགས་བྲིས་ལ་ཚེ་དཔག་ཏུ་
22-1-217


མེད་པ་ལྷ་དགུའི་དཀྱིལ་འཁོར་ཞལ་ཕྱེ་ནས་རབ་ཏུ་གནས་པ་གནང༌། ལོགས་བྲིས་ཀྱི་ལྷ་རྣམས་
ཀྱིས་མེ་ཏོག་བཞེས་པ་མང་དུ་བྱུང༌། དཀྱིལ་འཁོར་དེ་ཉིད་ཀྱི་སྟེང་ནས་སྡེ་སྲིད་ཡབ་སྲས་སྟེང་
ཤར་རྣམས་ལ་དབང་བསྐུར་བསྩལ། ལས་ཚོགས་རྟེན་འབྲེལ་ཐམས་ཅད་རང་འགྲིག་ཏུ་གྱུར། 
དེ་ནས་ཇོ་ནང་དུ་ཕེབས་རྗེ་དྲུང་རིན་པོ་ཆེའི་གདུང་མཇལ་གནང་ཞིང་དངོས་གཞིའི་སྐབས་
མཆོད་འབུལ་གསུང་བསྔོ་རྒྱས་པར་གནང༌། དེ་ནས་དགོངས་རྫོགས་ལ་དམིགས་ཏེ་ཚོགས་
སུ་སྦྱོར་བ་ཡན་ལག་དྲུག་གི་ཁྲིད་རྒྱས་པར་སྩལ། དེ་ནས་གཙང་ཨཽས་སྤྱན་དྲངས་བྱུང་བ་ལྟར་
ཕེབས་ནས། རྩང་བདེ་མཆོག་རྩའི་དགོན་པ་འདེབས་པའི་ས་ཆོག་དང༌། ཐུས་བཙུན་བདུན་ཅུ་
རྩ་རབ་ཏུ་བྱུང་བཀའ་ཆོས་མང་དུ་གསན། དེ་ནས་བཟང་ལྡན་ཆོས་སྡེར་ཕེབས་འཇམ་དབྱངས་
ཆོས་ཁྲིའི་སྟེང་ནས་ཆོས་འབྲེལ་གནང་དུས་མེ་ཏོག་གི་ཆར་དང་འཇའ་ཚོན་གྱི་གུར་སོགས་བྱུང༌། 
དེ་དུས་ཀྱི་འཁོར་ལོ་ཡོངས་རྫོགས་ཀྱི་དབང་བསྐུར་གནང༌། རྨ་བྱ་ཤུག་ཁྲོད་དུ་ཕེབས་ནས་ཀྱཻ་
རྡོར་དང་བདེ་མཆོག་གི་དབང་བསྐུར་སོགས་གནང༌། དེ་ནས་ངམ་རིངས་སུ་ཕེབས་ཐང་ཡོལ་
ལ་རབ་གནས་སོགས་གནང༌། སླར་ཇོ་ནང་གི་གདན་ས་གནང་དགོས་ཚུལ་བྱུང་བ་ནས་ཧོར་ཟླ་
བརྒྱད་པའི་ཚེས་ལྔ་ལ་ཇོ་ནང་དུ་ཕེབས། ཚེས་བརྒྱད་ཀྱི་ཉིན་ཁྲི་ཐོག་ཏུ་ཕེབས་པའི་དགའ་སྟོན་
འབུལ་བ་མང་དུ་བྱུང༌། སྐྱིད་སྦུག་ཏུ་སྐུ་མཚམས་གནང་བའི་མནལ་ལམ་དུ༌། སྤང་གཤོངས་ཞིག་
ན་སློབ་དཔོན་པདྨ་འབྱུང་གནས་དང༌། དྭགས་པོ་སྙི་བ་རིན་པོ་ཆེ་བཞུགས་འདུག་པ་དང་མཇལ། 
དེ་གཉིས་སོ་སོས་ང་དང་དོལ་པོ་བ་ངོ་བོ་གཅིག་གསུང་བ་བྱུང༌། ལྷ་ཁང་ན་རྟ་མགྲིན་གྱི་སྐུ་ཞིག་
འདུག་པས་ཐུགས་ཀ་ན་དྲོད་ཚ་རིང་ངེ་བ་འོད་འབར་བ་འདུག དང་པོ་སྐུ་གཟུགས་ཐམས་ཅད་
ལ་འདི་ཁ་འདྲ་ཞིག་ཡོད་པ་ཡིན་གསུངས། ད་ལྟ་བྱིན་རླབས་ཀྱི་རྒྱུན་ཇི་ལྟར་གནས་པའི་བརྡ་རུ་
དགོངས། གཙང་བདེ་མཆོག་རྩེར་རྟེན་གསར་བཞེངས་རྣམས་ལ་རབ་གནས་གནང༌། གཏིང་
སྐྱེས་སུ་ཕེབས་ཏེ་རྗེ་རྡོ་རིངས་པ་ཆེན་པོའི་དངུལ་གདུང་ལ་རབ་ཏུ་གནས་པ་རྒྱས་པར་གནང༌། 
22-1-218


ཚུར་ལམ་དཔལ་ལྡན་ས་སྐྱའི་གནས་མཇལ་གནང་སྟེ་ཇོ་ནང་དུ་དུས་ཁྲིད་ལ་ཕེབས། ཁྲིད་གྲོལ་
རྗེས། 
སྤྲེའུ་ལོ་ཟླ་གཉིས་པའི་ནང་དུ་ལྷུན་པོ་རྩེར་གདན་འདྲེན་བྱུང་བ་ལྟར་ཕེབས་ཏེ་ཟླ་ཕྱེད་ཙམ་
གྱི་རིང་ལ་རྡོ་རྗེ་འཇིགས་བྱེད་སོགས་དབང་བཀའ་རྗེ་གནང་མང་དུ་གནང༌། གཞིས་ཀ་རྩེར་
ཚེ་དབང་བརྒྱ་ཚར་གནང་ནས་བསམ་སྡིངས་སུ་ཕེབས། སློབ་དཔོན་རིན་པོ་ཆེ་བྱམས་པ་ལྷུན་
གྲུབ་པ་ཡང་སྐུ་ཁམས་བརྟེན་པར་བྱུང༌། སྐུ་མཚམས་གནང་སྟེ་བདེ་མཆོག་ལུ་ནག་དྲིལ་གསུམ་
གྱི་བསྐྱེད་རྫོགས་བཟླས་པ་དང་བཅས་པ་ལ་ཤིན་ཏུ་ཐུགས་སྩོལ་ཆེ་བར་གནང༌། རྒྱ་གར་ཤར་
ཕྱོགས་པ་སློབ་དཔོན་ནིརྦ་ན་ཤྲི་ཕེབས་བྱུང་བཀའ་ཆོས་མང་དུ་གསན་ཟླ་བཅུ་གཅིག་པའི་ནང་
དུ་འདུས་འབྱུང་དུ་ཕེབས། རྗེ་ཡོལ་མོ་སྤྲུལ་སྐུས་ཀྱང་མཇལ་ཏེ་དད་པ་སྟོབས་སུ་གྱུར། དེ་
ནས་རྒྱལ་རྩེར་ཕེབས་ཟླ་གཅིག་ལྷག་ཙམ་གྱི་བར་ལ་བདེ་མཆོག་ནག་པོ་པ་དང༌། བོང་ཞལ་
ཅན། སངས་རྒྱས་ཐོད་པ་སོགས་ཀྱི་དབང་དང་བདེ་མཆོག་རིགས་ལྔ་གཤེད་དམར་སྤྲོས་མེད་
སོགས་ཁྲིད་དང༌། གྲུབ་པ་སྡེ་བདུན་སོགས་གཞུང་མང་པོའི་བཤད་པ་སྟེ་བཀའ་ཆོས་ཤིན་ཏུ་
འཕེལ། ལན་ཅིག་རང་ཉིད་འཇིགས་མཛད་ཀྱི་སྐུ་ཉང་སྟོད་ཀྱི་ལུང་པ་དེ་ཡང་ཞབས་གཅིག་
གིས་ཁེངས་པ་ཙམ་གྱིས་སྐུ་ཚད་ཤིན་ཏུ་ཆེ་བ་ཞིག་ཏུ་གྱུར་ཏེ་ཕྱོགས་བཅུའི་སངས་རྒྱས་ཀྱི་ཞིང་
མང་པོ་མཐོང་སྐབས་བྱེད་པ་ཞིག་བྱུང་བ་སོགས་ཡ་མཚན་པའི་ལྟས་མང༌། དེ་ནས་བསམ་
སྡིངས་སུ་ཕེབས་གཤེད་དམར་གྱི་བསྙེན་པ་གནང༌། རྒྱ་གར་གྱི་སློབ་དཔོན་པུརྞ་བཛྲ་ཕེབས་པ་
ལ་ཆོས་བཀའ་མང་དུ་གསན། དེ་ནས་པ་སྣམ་དུ་ཕེབས་རྗེ་ཞྭ་དམར་ཅོད་པཎ་འཛིན་པ་ཕེབས་
པ་མཇལ་བཀའ་འགྲེལ་གསན། རྒྱལ་རྩེར་དཔོན་པ་མངའ་བདག་རྒྱལ་མོ་གཤེགས་པ་སྦྱན་
འདྲེན་ནན་ཆེ་བ་ནས་ཕེབས་ཏེ་གདུང་མཆོད་གནང་སྐྱིད་སྦུག་ཏུ་ཡོལ་མོ་སྤྲུལ་སྐུ་གཤེགས་པའི་
དགོངས་རྫོགས་དངོས་གཞིའི་ཚོགས་དབུར་ཕེབས། ཚོང་འདུས་སྣར་ཐང༌། གནས་སྲིན་པོ་རི་
22-1-219


ལུང་ནག་ཤེལ་དཀར་སོགས་སུ་དབང་དང་རབ་གནས་གནང༌། ཇོ་ནང་དུ་ཕེབས་ནས་ཚོགས་
པ་རྣམས་ལ་དུས་འཁོར་ཡོངས་རྫོགས་ཀྱི་དབང་གནང༌། ཛ་ལན་དྷ་རའི་དོ་ཧ་ལ་འགྲེལ་པ་
རྩོམ་པ་གནང་དུས་ནམ་ཁའི་ལྷ་ལས་དབང་བླངས་པའི་གསལ་སྣང་ཁྱད་པར་ཅན་བྱུང༌། བྱང་
ཆེན་ཕེབས་པཎྜི་ཏ་པུརྞཱ་ནནྡ་ཏེ་དང༌། པྲ་ཡ་མཱ་ནནྡ་ཏེ་གཉིས་འབྱོར། རིག་གནས་ལ་ཤིན་ཏུ་
མཁས་པར་འདུག་པས་དོག་གཅོད་གནང་ཞིང་བསྟན་བཅོས་ཕྲན་བསྒྱུར། བྷ་ར་ཏ་དང་ར་མ་
ཡ་ན་ལ་སོགས་པའི་ལོ་རྒྱུས་ཀྱང་མང་དུ་གསན། བསྟན་བཅོས་དེ་གཉིས་ཀྱི་སྲུང་མ་ཧ་ནི་མན་
དྷ་བྱང་ཆེན་གྱི་རྒྱབ་རི་དང་མཉམ་པའི་སྤྲེའུ་ཞིག་དང༌། རྒྱལ་པོ་བྷི་མ་དངོས་སུ་གཟིགས་པཎྜི་ཏ་
དེ་ན་རེ། ཁྱོད་ལ་འགོ་བར་འདུག་པས་བསྟེན་ན་མཐུ་དང་སྙན་གྲགས་ལོངས་སྤྱོད་ཆེན་པོ་ཡོང་
གསུང་ན་ཡང་ཆོས་ལ་མི་དད་པའི་ལྷ་འདྲེར་འདུག་པས་བསྟེན་པ་མ་གནང༌། དེ་ནས་བསམ་
སྡིངས་སུ་ཕེབས་ནས་རྗེ་བྱམས་པའི་མཚན་ཅན་གྱི་དྲུང་དུ་རྡོ་རྗེ་འཕྲེང་བའི་དབང་བསྐུར་ཡོངས་
རྫོགས་གསན་གདན་འདྲེན་ནན་ཆེ་བ་ནས་འཇག་གི་རི་ཁྲོད་དུ་ཕེབས༌། ཆོས་ཞུ་བ་ཤིན་ཏུ་མང་
བ་ལ་ཤངས་ཆོས་རྒྱས་པར་སྩལ་ཁྱུང་པོ་ཡིན་ཐང་ཞལ་ཆེ་བའི་དུས་མེ་ཏོག་གི་ཆར་བབས། དེ་
ནས་ཇོ་ནང་དུ་དུས་ཁྲིད་ལ་ཕེབས། ཁྲིད་གྲོལ་རྗེས་འཚེད་དུ་བསྟན་འཛིན་རིན་པོ་ཆེར་གསང་
འདུས་མི་བསྐྱོད་པའི་དབང་བསྐུར་གསན། 
དེ་ནས་ཁྱི་ལོ་གདོང་ཁ། བདེ་གླིང་སོགས་བརྒྱུད་དེ་རྩི་རི་རྒོད་ཚང་གི་གནས་མཇལ་གནང་
ནས་བྲག་སྟོད་དུ་ཕེབས་བཀའ་ཆོས་ཟབ་དོན་གྱི་རིམ་པ་མཐའ་ཡས་པ་ཞིག་གསན་ཅིང་ཕར་
ཡང་བའ་ཆོས་མང་དུ་ཕུལ་དིང་རིའི་གནས་མཇལ་གནང་ཞིང་དཔའ་ལུང་དུ་གསུང་ཆོས་
མང་དུ་གནང་སླར་བྲག་སྟོད་དུ་ཕེབས་མཁའ་འགྲོ་རྒྱ་མཚོའི་དབང་གོང་མ་དང༌། དགྱེས་པ་
རྡོ་རྗེའི་དབང་བསྐུར་སོགས་དབང་གསར་པས་དབང་གི་ཡེ་ཤེས་འབར་ཞིང་ཆོས་ཐམས་ཅད་
ཀྱི་གནས་ལུགས་མངོན་སུམ་དུ་གཟིགས། ངམ་རིང་ནས་སྨན་ཐང་སྐུ་མདུན་བློ་བཟང་པས་
22-1-220


མཚམས་སྦྱོར་མཛད་པའི་གདན་འདྲེན་ནན་ཆེ་བ་བྱུང་པ་ནས༌། ངམ་རིང་དུ་ཕེབས་ནས་ཡུམ་
སྲས་ཀྱི་གསོས་པ་ལ་གཤེད་དམར་གྱི་དབང་སོགས་བཀའ་ཆོས་མང་དུ་གནང༌། དེ་ནས་ཆོས་
ལུང་བྱང་རྩེར་ཕེབས་སྒྲུབ་སྡེ་རྣམས་ལ་གསུང་ངག་ལམ་འབྲས་གནང༌། དེ་སྐབས་མནལ་ལམ་
དུ་རིན་པོ་ཆེ་ཙ་རི་ལ་ཕེབས་རྒྱུ་ཡིན་གསུངས། ཆིབས་རྒྱུགས་མཛད་པར་མགྱོགས་པར་ཕེབས་
པས་རྗེས་ཟིན་བཞུགས་དགོས་ཞུས་པས། ཆིབས་བཤོལ་ནས་བཞུགས་པས་སྣང་བ་བྱུང་པས་
བརྟན་བཞུགས་འབུལ་མཁན་འཕྲལ་དུ་གནང་བས་སྐུ་ཁམས་བརྟེན་པའི་སྒ ང་རང་ལ་ཡོད་
འདུག་ཀྱང༌། བརྟན་བཞུགས་ཕུལ་བ་ན་མྱུར་དུ་སྐུ་ཁམས་བཟང་བའི་ལེགས་ཚོགས་བྱུང་ཇོ་ནང་
དུ་དགུན་ཁྲིད་གནང་ནས་གཏིང་སྐྱེས་སུ་ཕེབས། 
ཕག་ལོ་ཤར་ཕུལ་སྡེ་པ་ཞལ་ངོ་དཔོན་གཡོག་འགའ་ཤས་དང་དགེ་འདུན་སུམ་བརྒྱ་ལྷག་
ཙམ་ལ་གསུང་ངག་ལམ་འབྲས་སྨིན་པར་གནང༌། གཞན་རྒྱུད་སྡེ་ལྔ་དང་དགྲ་ནག་གི་དབང་
སོགས་ཀྱང་གནང༌། དེར་རྗེ་རིན་པོ་ཆེ་བྲག་སྟོད་པའི་དྲུང་དུ་ཉམས་རྟོགས་རྣམས་འབུལ་བ་
གནང་བ་ལ་བོགས་འདོན་གེགས་སེལ་གྱི་ཚུལ་ཡང་གནང༌། དེ་ནས་བསམ་འགྲུབ་རྩེར་སྡེ་པ་
སྐུ་འབྲིང་བ་ཤིན་ཏུ་སྐུ་བསྙེལ་བ་ནས་གདན་འདྲེན་ནན་ཆེན་བྱུང་བ་བཞིན། སྲང་དང༌། འདུས་
འབྱུང་བརྒྱུད་ནས་རྩེར་ཕེབས་ཕྱག་ན་རྡོ་རྗེ་གཏུམ་པོ་རས་ཆུང་ལུགས་ཀྱི་དབང་སོགས་གནང་
བས་སྐུ་ཁམས་སོར་ཆུད། དེ་ཡང་གཞན་གྱི་བྱད་ཁ་ཞིག་འདུག་པས་ལས་གྲོལ་བ་ཡིན་གསུངས། 
ནུབ་གཅིག་རྫོང་སྟེང་དུ་གྱོགས་ཕོགས་པ་འདྲ་ཞིག་བྱུང་བས་སྤྱན་དམིགས་བལྟས་པས་མིག་གི་
ཕུང་པོ་ཞིག་འདུག་པ་གཟིགས་ནས་སྤེན་བད་ཀྱི་བསུབ་[སྲུབས་]ལ་ཅིལ་ཅིལ་ཟེར་ཞིང་སོང༌། 
ཡང་ནུབ་གཅིག་མནལ་ལམ་དུ་སྡེ་པའི་གཟིམ་ཆུང་དུ་མཆོད་ཡོན་གཉིས་ཀ་བཞུགས་འདུག་པ་
ལ༌། ཞལ་འགྲིབས་ཡོད་པའི་སྔགས་བཙུན་གཅིག་ཤིན་ཏུ་ཁྲོས་པས་ཆས་བཞུགས་བྱས་མདའ་
གཞུ་བཀང་ནས་བྱུང་བས་ང་མཐོང་བ་ན་ཁ་སྐྱེངས་པའི་ཚུལ་གྱིས་མདའ་གཞུ་ཞོལ་བཞག་ཞྭ་
22-1-221


ནག་ཕུད་ནས་ཕྱག་གསུམ་བཙལ་ཕྱི་ལ་སོང་བ་དང༌། ཡང་ཟམ་སྣེ་ན་སྔགས་ནག་གཟུགས་རྫོང་
དང་མཉམ་པ་གཅིག་མདའ་གཞུ་འགེངས་པ་ལ་ཡང་སྤྱན་དམིགས་བལྟས་པས་དེ་ཇེ་ཆུང་དུ་
སོང་སྟེ་མཐར་ས་ལ་ཐིམ་པའི་རྣམ་པ་བྱུང་གསུངས། དེ་ལྟར་ལེགས་ཚོགས་རྒྱ་ཆེ་བའི་ངང་ནས་
ཚོང་འདུས་སུ་ཕེབས༌། སྡེ་པ་གྲ ས་ལྔ་བ་ལ་ཞལ་གདམ་རྒྱ་ཆེར་གནང༌། པ་སྣམ་བསམ་སྡིངས་
སུ་ཕེབས་རྗེ་བྱམས་པ་ལྷུན་གྲུབ་དང་ཕྱིས་མི་མཇལ་བར་དགོངས་ནས་འཕྲལ་ཕུགས་ཀྱི་བསླབ་
དོན་མཐའ་དག་གནང༌། ཁྱད་པར་ཇོ་ནང་གི་སྐུ་འབུམ་ཞིག་གསོས་གནང་དགོས་ཚུལ་སོགས་
ཀྱི་བཀའ་གྲོས་གནང༌། ཞག་ཉི་ཤུ་བཞུགས་དེར་རྗེ་བྱམས་པ་ལྷུན་གྲུབ་པས་ཞབས་སྤྱི་བོར་
བཀོད་དེ་སྨོན་ལམ་མང་དུ་མཛད། ཟླ་བ་གསུམ་པའི་ཚེས་ཉི་ཤུ་སྐོར་ལ་ཆིབས་ཁ་བསྒྱུར་ཏེ། རྩེ་
ཆེན་དུ་དཔོན་པ་ཡུམ་བགྲེས་མོ་གཤེགས་པའི་གདུང་ཆོག་གནང༌། དེ་ནས་རྒྱལ་རྩེར་ཕེབས་ཏེ་
བདེ་ཀྱེ་ལ་སོགས་པའི་དབང་ཁྲིད་ཆོས་སྡེ་ཞ་ལུ་བ་སྐོར་སློབ་དཔོན་སོགས་ལ་བུ་ལུགས་ཀྱི་སྦྱོར་
དྲུག་སོགས་ཀྱི་གནང༌། གནས་རྙིང་དུ་ཕེབས་ཏེ་དཔོན་པའི་དྲུང་གཤེགས་འཕྲལ་དྲོད་ཀྱང་མ་
ཡལ་བ་འདུག་པས་སྔས་མགོར་སྤྱན་དྲངས། དེར་སྤྱན་དམིགས་བལྟས་པས་འཕོ་བ་འཕྲལ་དུ་
ཐེབ་རྗེས་དྲུང་གིས་གཙོས་པའི་ཚོགས་པ་སེར་སྡེང་པ་རྔོགས་པ་གྲྭ་བ་དང་བཅས་པ་ལ་བཀའ་
ཆོས་མང་དུ་གནང་དེ་ནས་ཁ་རོའི་ལ་འགོ་ཏུ་ཆིབས་བཤོལ་གནང་ཅུང་ཟད་བཞུགས་པའི་
སྐབས། ནམ་མཁའ་ལ་ཐུབ་དབང་གཙོ་བོར་གྱུར་པའི་དཀྱིལ་འཁོར་ཞལ་གཟིགས་ཤིང༌། དེ་
དག་གི་གདམ་པ་ཟབ་མོའི་ཐུགས་སུ་ཆུད། དེ་ནས་མཁའ་རོ་གང་ཕུབ་ཏུ་ཕེབས་ཞག་བཅུ་སྐོར་
བཞུགས་པ་ན་སྔར་གྱི་གཟིགས་སྣང་དང་མཐུན་པའི་ཐུགས་ལ་བདེ་སྣང་གི་འཆར་སྒོ་བརྗོད་
ལས་འདས་པ་ཞིག་ཤར་བ་ཐམས་ཅད་དབྱིངས་ཤར་དབྱིངས་གྲོལ་དུ་གྱུར། དེ་ནས་སྟག་ལུང་
དུ་ཕེབས་རྒྱུད་སྡེ་ལྔ་པོ་དཀྱིལ་འཁོར་སོ་སོར་དབང་བསྐུར་བ་དང་ཅིག་ཆར་དབང་བསྐུར་བ་
སྔོན་དུ་བཏང་ནས་ཤངས་ཆོས་གསེར་ཆོས་བཞི་ཀའི་ཁྲིད་བྱིན་རླབས་རྒྱས་པར་སྩལ། གཞན་
22-1-222


ཡང་གསང་འདུས་རིགས་ལྔ་ལ་སོགས་པའི་ཁྲིད་དང༌། ཞལ་ངོ་རྣམས་ལ་སྒེར་དུ་ཚེ་ཁྲིད་སོགས་
གནང༌། དེ་ནས་འབྲང་ཕུ་དགོན་པར་ཕེབས། སྐུ་གཞོགས་པ་དྲུག་བདུན་ལ་འཁོར་ལོ་བདེ་
མཆོག་གི་རྩ་རྒྱུད་ཀྱི་བཤད་པ་ཊིཀྐ་མུ་ཏིག་ཕྲེང་བའི་སྟེང་ནས་རྫོགས་པར་གནང༌། སྔགས་བཏུ་
གོང་འོག་གི་བྱིན་རླབས་གོ་ཆ་ལག་མཆོད་སོགས་ཀྱི་བྱིན་རླབས་སྐབས་དེ་དང་དེར་གནང་ཞིང༌། 
རྒྱུད་མཆོད་ཚོགས་འཁོར་སོགས་མང་དུ་གནང༌། མནལ་ལམ་དུ་བུད་མེད་འགའ་རེས་རྒྱུད་ཀྱི་
འབྲུ་བཤད་ལ་དག་མ་དག་གི་དཔྱད་པ་བྱེད་པ་ཡང་བྱུང༌། སྐུ་མདུན་ཡབ་ཀྱི་ཐུགས་དམ་གསལ་
སྣང་ལ། ཐོ་རངས་ཁ་ཞིག་སྤུ་རང་ལོ་ཆོས་འཆད་པ་ལ་བྱོན་ཟེར་བའི་སྐད་ཆ་གསལ་པོ་ཐེངས་
གསུམ་བྱུང་དེ་ནས་ཡོལ་རི་གོང་དུ་ཕེབས་མགོན་ཁང་ལ་བར་སྐབས་དམག་ཐེམ་པ་སོགས་
བྱུང་ན་ཡང་མགོན་པོའི་སྐུ་ལ་བྱིན་རླབས་ཀྱི་རྟགས་མཚན་སྔར་གྱི་དེ་ཁར་འདུག་གསུངས་ཞིང་
མཆོད་པ་སྤྱན་གཟིགས་རྒྱས་པར་ཕུལ། དེ་ནས་གཞིས་ཀ་གོང་དཀར་དུ་ཕེབས། ཞབས་དྲུང་
མིའི་དབང་པོ་སྟེང་ཤར་ཡབ་སྲས་གཙོ་བོར་གྱུར་པ་ལ་དུས་འཁོར་གྱི་དབང་ཡོངས་རྫོགས་བདེ་
མཆོག་ལུ་ནག་དྲིལ་གསུམ་གསང་འདུས་འཇམ་རྡོར་འཇིགས་བྱེད་སོགས་ཀྱི་དབང་དང༌། དྲིལ་
བུ་རིམ་ལྔ་ཕྱག་ཆེན་གའུ་མ་སོགས་ཁྲིད་མང་པོ་གནང༌། སྔར་གྱི་རྒྱུད་བཤད་ཉན་མི་རྣམས་ལ། 
རྣལ་འབྱོར་མ་ཀུན་སྤྱོད། སྡོམ་འབྱུང་ཨ་བྷི་དྷ་ན། རྡོ་རྗེ་མཁའ་འགྲོ་རྣམས་ཀྱི་རྒྱུད་ལ་བཤད་
ལུང་གནང༌། སྲིན་པོ་རིའི་བདེ་མཆོག་མཇལ་ནས་ར་ས་འཕྲུལ་སྣང་དུ་ཕེབས་རྟེན་མཇལ་རྒྱས་
པར་གནང༌། བར་ཁང་གི་སྒྲོལ་མ་ལ་དར་འབུལ་བ་གནང་བ་བཞེས། བདག་པོ་བཀྲས་སྟོབས་
པ་ཡང་དེར་ཕེབས་ནས་མཇལ་ཕག་དཀར་གྱི་བྱིན་རླབས་གནང༌། སྤོས་ཁའི་དགོན་པར་མཧཱ་
ཡོར་པ་བའི་སྐུ་དང༌། འགྲོ་མགོན་ཞང་གི་སྐུ་སོགས་མཇལ། རྒྱ་མར་ཕེབས་ནས་ཆོས་བཀའ་
རྒྱ་ཆེན་པོ་གནང༌། དགའ་མོའི་འགྲོ་མགོན་འཕགས་པའི་སྐུ་ལ་ཕྱག་མཆོད་གནང་ནས་རྗེ་མར་
པའི་ཐུགས་དམ་རྟེན་བདག་མེད་ལྷ་མོ་བཅོ་ལྔའི་དཀྱིལ་ཐང་གཅིག་ལ་གསོལ་བཏབ་གནང་
22-1-223


བའི་མནལ་དུ། སློབ་དཔོན་མཚོ་སྐྱེས་དང་ལྭ་ཝ་པ་གཉིས་ཀྱི་ཕུག་པ་ཡིན་ཟེར་བའི་ཕུག་པ་ཁ་
སྤྲོད་གཅིག་ཏུ། དེ་ན་བུད་མེད་སྔོ་སངས་གཅིག་དང༌། དམར་ངོ་ཞིག་འདུག་པ་དེ་གཉིས་ཀྱི། 
ལྷན་ཅིག་སྐྱེས་པ་གང་སྐྱེས་པ། །ཞེས་སོགས་ཀྱི་རྒྱུད་དོན་བཤད་ཅིང་རྐང་འགྲོ་དང༌བཅས་གླུར་
བླངས། བུམ་པ་ཐོད་པ་དང༌། ཨོང་གུ་གྲུ་གསུམ་མེ་འབར་བ་དང༌། སྣོད་ཆུས་གང་བ་དང༌། མེ་
ཏོག་དང་ནོར་བུ་རྣམས་གཏད་བྱུང་པ་དབང་གཞི་སོགས་ཟབ་མོའི་བརྡ་དོན་དུ་དགོངས། 
ལྕགས་ཕོ་བྱི་བ་ལོར་ཧོར་ཟླ་དང་པོ་ཚེས་བཅོ་ལྔའི་ཉིན་རྣམ་རྒྱལ་རབ་བརྟན་དུ་ཕེབས། རྗེ་
སྟང་ལུང་པ་ཆེན་པོ་ཀུན་དགའ་བཀྲ་ཤིས་དང༌མཇལ་ཐུགས་དགྱེས་པ་དཔག་ཏུ་མེད་པ་བྱུང་
བས་ཡ་མགོན་དུ་མཆོག་གི་སྤྲུལ་སྐུ་དང༌གྲོགས་ཁར་ཡང་རིམ་བཞིན་མཇལ་བ་གནང༌། དེ་རྗེས་
སོ་སོ་ལ་བཀའ་ཆོས་མང་དུ་གསན་ཅིང་ཕར་ཡང་གསང་བ་འདུས་པ་འཕགས་ལུགས་ཀྱི་དབང་
དང༌། རིམ་ལྔ་མར་ལུགས་དང༌། འགོས་ལུགས་ཀྱི་ཁྲིད་རྔོག་དཀྱིལ་སོགས་ཀྱི་དབང་རྗེས་
གནང༌། ཁྲིད་རྒྱུད་བཤད། ལུང་སོགས་གྲངས་ཀྱི་མི་ལང་བ་གནང༌། བདེ་མཆོག་བསྟོད་ཆེན་
གྱི་འགྲེལ་པ་སྟོན་པར་གནང་བའི་སྐབས་མནལ་ལམ་དུ་རི་ཆེན་པོ་ཞིག་གི་ལོགས་མཐིང་ཤོག་
བཀྲམ་པ་ལྟ་བུ་ལ་ཟབ་ཆུང་གི་ཡི་གེས་གོ་མཚམས་མེད་པ་གང་བ་ཞིག་འདུག དེའི་འགྲམ་ན་
བུད་མེད་མིག་གསུམ་པ་གཅིག་གིས་གཙོ་བོ་བྱས་པའི་བུད་མེད་ཀྱི་ཁྲོམ་ཆེན་པོ་འདུག་བརྡའི་
ཕྱག་མཛད། ཡིད་ཀྱིས་དྲི་བ་མཛད་པས་གཙོ་མོ་དེ་ན་རེ་མ་ཏི་པ་ཧཱ་ཛཱ་ཞེས་གསུངས། ཡི་གེ་
འདི་རྣམས་ཀློག་ཏུ་རུང་ངམ་དྲིས་པས་འདི་མངོན་བརྗོད་ཆེན་མོ་ལེའི་འབུམ་ཡོད་པ་དེ་ཡིན། 
སྔོན་ལ་ཚོགས་ཀྱི་འཁོར་ལོ་འདི་གྱིས་ལས་དེ་ནས་ཀློགས་ཤིག་གསུངས། ཚོགས་ཀྱི་བྱ་བ་
ཟིན་ནས་ཀླ ག་པས། ཡུད་ཙམ་གཅིག་ལ་བཀླགས་ཟིན་ཅིང༌། དོན་རྣམས་ཀྱང་ཐུགས་ལ་ཤར་
མནལ་སད་ནས་ཀྱང་ཐུགས་ལ་གསལ་ལེ་འདུག་པ་ལྟར་འགོད་པ་གནང་བ་ཡིན་ཅིང༌། དཔའ་
བོ་མཁའ་འགྲོ་མང་པོས་ཀྱང་འདི་ལྟར་བྲིས་ཤིག་ཅེས་གསུངས་པ་མང་དུ་བྱུང་སོགས་ཀྱི་དོན་
22-1-224


དུ་རྒྱུད་དངོས་དང་ཁྱད་པར་མེད་པ་ཡིན། རྭ་སྒྲེང་དུ་ཕེབས་རྟེན་མཇལ་གནང་དུས་མེ་ཏོག་གི་
ཆར་ཆེན་པོ་བབས། རྒྱ་དཔེ་རྣམས་གཟིགས་དུས་བོད་དཔེ་བཞིན་དུ་ཀློག་ཤིང་(སོ་སོར་ཕྲལ་ནས་
བོད་སྐད་ལ་)སྒྱངས་པ་རེ་སྒྱུར་བ་གནང་བས་ཐམས་ཅད་ཡ་མཚན་ཞིང་མོས་དགེ་ཕུན་སུམ་ཚོགས་
པ་ལ་བཀོད། སླར་རྣམ་རྒྱལ་རབ་བརྟན་ཉིད་དུ་ཕེབས་ཇོ་ནང་སྐུ་འབུམ་ཞིག་གསོས་མཛད་
པའི་དུས་ཚོད་ཀྱི་ཐུགས་དམ་གསལ་སྣང་དུ་ཤེལ་གྱི་མཆོད་རྟེན་ཤིན་ཏུ་ཆེ་བ་མཆོད་རྟེན་ཆུང་
བས་གོ་ཚམས་མེད་པར་གཏམས་པ་ཞིག་འདུག དེ་རྣམས་ཀྱི་བར་ན་སངས་རྒྱས་བྱང་སེམས་
མང་པོ་ཞུ་བ་ཞུ་ལན་མཛད་ཅིང་ནམ་མཁའ་ལས་མེ་ཏོག་གི་ཆར་འབབ། སེམས་ཅན་གྲངས་
མེད་པ་མཆོད་པ་བྱེད་ཀྱི་འདུག ཐམས་ཅད་ཀྱང་མགྲིན་གཅིག་ཏུ། ཨེ་ཡིག་ལ་ནི་ཝཾ་གནས་ཏེ། །
རྒྱལ་བ་ཀུན་གྱི་ཕོ་བྲང་དུ། །སངས་རྒྱས་གྲངས་མེད་བདུན་ཅུ་གཉིས། །འཁོར་ནི་བྱེ་བ་བྱེ་བས་
བསྐོར། །བདེ་ཆེན་འོད་དཔག་མེད་པའི་ཞིང༌། །ཞེས་བྱ་བ་སོགས་མང་པོ་ཞིག་བརྗོད་ཀྱི་འདུག་
པས་མཚན་ལྟས་བྱུང༌། ཚོགས་ཆེན་དུ་ཡང་ཤངས་ཆོས་ཡོངས་རྫོགས་སོགས་ཆོས་ཀྱི་འཁོར་ལོ་
རྒྱ་ཆེན་པོ་བསྐོར། དོན་གཉེར་འབའ་ཞིག་ལ་བརྟག་པ་གཉིས་པའི་རྒྱུད་བཤད་རྒྱས་པ། ཁམས་
པ་དགེ་སློང་གཉིས་སོགས་ལ་བདེ་མཆོག་ནག་པོ་པའི་དབང་གནང་དུས་སྲིན་མཛུབ་ནས་ཁྲག་
གི་རྒྱུན་རང་རྡོལ་དུ་བྱུང༌། སོག་པོའི་རྒྱལ་རྒྱུད་ཁ་རན་པ་དུར་དང་ཧོར་སྟོད་སྨད་ཀྱི་རྒྱལ་པོ་
སོགས་ཀྱིས་ཀྱང་ཆོས་འབྲེལ་རེ་ཞུས། དེ་ནས་རྗེ་སྟག་ལུང་ཐང་པར་གདན་ཞུས་ཕུལ་ནས་ཧོར་
ཟླ་དགུ་པའི་ཉེར་གསུམ་ལ་ཆིབས་ཁ་བསྒྱུར་བྲག་ནག་ཉན་པོ་ལྷུན་གྲུབ་རྫོང་སོགས་སུ་ཕེབས་
སྐབས་ཆོས་འབྲེལ་ཞུ་བའི་ཁྲོམ་ཚོགས་ཤིན་ཏུ་ཆེ། དཔྲལ་བ་དང་ཁུར་ཚོས་ན་གཡུང་དྲུང་རེས་
དམར་སེར་གཡོན་དུ་འཁོར་བའི་བུད་མེད་འགའ་རེ་གཟིགས། དེ་ནས་གླང་ཐང་དུ་སྤྱན་དྲངས་
ཞག་ཉི་ཤུ་ཙམ་གྱི་རིང་ལ་ཤངས་ཆོས་དང་ཐེག་ཆེན་བློ་སྦྱོངས་སོགས་ཆོས་མང་དུ་གནང༌། དེའི་
སྐབས་ཤིག་ཐོ་རངས་ཀྱི་ཚེ་སྐྱེ་འགྲོ་མང་པོ་མཆོད་པ་འབུལ་ཞིང་ཤཱཀྱའི་བསྟན་འཛིན་ཆོས་ཀྱི་རྗེ་
22-1-225


སོགས་ཀྱི་བསྟོད་པ་འདོན་ཅིང་ནམ་མཁའ་ལ་འགྲོ་ཡི་འདུག་པ་གཟིགས་པས་བྱང་ཆུབ་སེམས་
དཔའ་སྐུ་མདོག་དཀར་པོ་ལྷག་མ་བྱམས་མགོན་འདྲ་བ་ཞིག་བཞུགས་སྣང་བས་དམ་པ་ཁྱེད་ཀྱི་
མཚན་ཅི་ལགས་གནས་གང་ན་བཞུགས་ཞེས་ཞུས་པས་དེའི་ཞལ་ནས། ང་ནི་སྔོན་འཛམ་བུའི་
གླིང་དུ་ཤཱཀྱ་མཆོག་ལྡན་ཞེས་བྱ་བ་སངས་རྒྱས་ཀྱི་བསྟན་པ་ལ་བྱ་བ་ཆེན་པོ་བྱས་པ་དེ་ཡིན། ད་
ལྟ་ནི་རིན་ཆེན་སྣང་བ་འོད་ཀྱི་རྒྱལ་མཚན་ཞེས་བྱ། རྗེ་བཙུན་བྱམས་པ་ཉིད་དང་དབྱེ་བ་མེད་
ཀྱང་ད་ལྟ་དེའི་དྲུང་དུ་ཆོས་ཉན་པའི་ཚུལ་གྱིས་དགའ་ལྡན་དུ་གནས་པ་ཡིན་གསུངས། བཀའ་
དྲིན་གཅིག་འཚལ་ཞེས་ཞུས་པས། མདོ་རྒྱུད་ཀྱི་དོན་འདུས་པའི་རྡོ་རྗེའི་ཚིག་གནང་སྟེ་དེའི་
གདམ་ངག་ཏུ་ཕུན་སུམ་ཚོགས་པ་ལྔ་ལྡན་གྱི་ཁྲིད་ཆེན་པོ་འདི་བྱུང་བ་ཡིན། དེ་ནས་གྲུབ་རྒྱལ་མ་
དང་གྲོ་ས་སོགས་སུ་ཕེབས་ཤིང་རྟེན་མཇལ་གནང༌། ར་ཙག་ཏུ་རྡོ་རྗེ་རྣལ་འབྱོར་མའི་སྐུ་མཇལ་
མཆོད་པ་མང་དུ་ཕུལ༌། སྐྱོར་མོ་ལུང་དུ་གྲུབ་བརྒྱའི་བྲིས་ཐང་ལ་རབ་གནས་དང་གསུང་ཆོས་
གནང༌། ལྷ་སའི་རྟེན་མཇལ་གནང་ཞིང་པོ་ཊ་ལའི་འཇམ་དཔལ་གཤིན་རྗེ་གདོང་དྲུག་གི་ལི་
མ་མཇལ་བས་ཧྲཱི་ཥྚི་ཡི་གེ་ཉེར་གསུམ་པའི་སྒྲ་ལན་གསུམ་གསན་གོང་དཀར་དུ་ཕེབས། 
ཟླ་བ་བཅུ་གཅིག་པའི་ཚེས་བརྒྱད་ལ་རྗེ་བྱམས་པ་ལྷུན་གྲུབ་ཞིང་གཞན་དུ་གཤེགས་པའི་
ཚུལ་འབུལ་མི་བྱུང་བས་དབུས་ཀྱི་དགོན་པ་རྣམས་ལ་མང་ཇ་འགྱེད་བས་དང༌། དགོངས་
རྫོགས་སྒྲུབ་པར་ཇོ་ནང་ལ་ཀུན་མཁྱེན་ཕྱག་མཛོད་པ་དཔོན་གཡོག་བཅས་རྫོང་ལྟར་གནང༌། 
སྡེ་སྲིད་ཞལ་ངོ་རྣམས་ལ་བཀའ་ཆོས་མང་བ་སྩལ་ཞིང༌། 
ཧོར་ཟླ་བཅུ་གཉིས་པའི་ཚེས་གསུམ་ནས་ཚོགས་དགེ་འདུན་སྒང་པའི་མཁན་པོ་ཤཱཀྱ་རིན་
དབང་དང༌། ར་བ་སྨད་པའི་དྲུང་ཆེན་པོ་བ་འཕྲིན་ལས་དཔལ་འབྱོར་བའི་གཙོ་མཛད་པའི་
ཆོས་ཞུ་བ་མང་པོ་ལ་གསུང་ངག་རིན་པོ་ཆེ་ལམ་འབྲས་གནང་ཞིང་སྒྲུབ་ཐབས་རྒྱ་མཚོ་སོགས་
རྗེས་གནང་མང་པོ་ཡང་གནང༌། ཞབས་དྲུང་ཞལ་ངོ་རྣམས་ལ་བདེ་མཆོག་ལཱུ་ཡི་པ་བོང་ཞལ་
22-1-226


ཅན། སྡོམ་འབྱུང༌། སྦྱངས་པའི་ཡོན་ཏན་བཅུ་གསུམ་པ། རྡོ་རྗེ་མཁའ་འགྲོ་ཕག་མོ་སོ་བདུན་
མ་སོགས་ཀྱི་དབང༌། ལམ་འབྲས་ཀྱི་ཡབ་བཀའ་ཡུམ་བཀའ་སོགས་དབང་མང་པོ་དང༌། རྒྱུད་
སྡེ་ལྔའི་དབང་སྔོན་དུ་འགྲོ་བའི་གཞུང་བཀའ་ཉི་ཤུ་དང་འབྲེལ་བའི་ཤངས་ཆོས་ཡོངས་རྫོགས་
སོགས་གནང༌། དེར་ཆོས་སྡེ་ནས་རྡོ་རྗེ་འཛིན་པའི་དབང་ཕྱུག་ཡེ་ཤེས་དབང་པོ་སྤྱན་འདྲེན་
གནང་སྟེ་གསང་འདུས་འཕགས་ལུགས་འགོས་ལུགས་རྙིང་མའི་དབང་གསན་པས་ལྷ་ངོ་སྟོན་
པའི་སྐབས་དཀྱིལ་འཁོར་གྱི་ལྷ་ཚོགས་ཐམས་ཅད་མངོན་སུམ་དུ་གཟིགས། རྡོ་རྗེ་ཕུར་པ་ས་
ལུགས་ཀྱི་སྟོད་ལས་སྨད་ལས་ཀྱི་དབང་གསན། མནལ་ལམ་དུ་སྐས་གདང་བུ་ཉི་ཤུ་ཡོད་པ་ཞིག་
ལ་འཛེག་པ་གནང་སྐས་གདང་རེ་རེ་བཞིན་དགའ་བ་དང་པོའོ། །ཞེས་སོགས་ནས་རྩེར་
ཕེབས་པ་ནས་དགའ་བ་ཉི་ཤུ་ཐམ་པའོ་ཞེས་གསུངས། སྐས་འགོ་ན་རྡོ་རྗེ་གནོད་སྦྱིན་བཞུགས་
པ་ལ་བྱིན་རླབས་ཞུ་བ་གནང་བ་དང༌། མཐུ་གཏད་སོགས་སྦྱོར་བ་ངན་པ་ལྡོག་པའི་ལྟས་ཤར་
གུར་རིག་བསྡུས་སོགས་ཀྱི་དབང་དང་བསྟན་སྲུང་གི་སྐོར་འགའ་རེ་གསན། གུ་རུ་ཟླུམ་པོ་
བཞིའི་དབང་གསན་དུས་ཡེ་ཤེས་ཕེབས་ཤིང་སྒྲུབ་ཡིག་ནས་བཤད་པའི་རྟགས་མངོན་དུ་གྱུར། 
རྡོ་རྗེ་འཛིན་པ་ཡེ་ཤེས་དབང་པོ་དང༌། དགེ་སློང་རྡོར་གྲགས། གསེར་གླིང་ནས་སོགས་ཆོས་
སྡེའི་དྲག་པ་མང་དག་གཙོ་བོར་གྱུར་པ་ལ་ཐིག་ལེ་བཅུ་དྲུག་གི་དབང་ཁྲིད་ལུང་སོགས་བཀའ་
བབས་ཀྱི་ཆོས་བཀའ་མང་དུ་སྩལ། རྒྱལ་ཆེན་གླིང་ནས་སྐྱི་རུ་ནས་བགྲེས་པ་གདན་འདྲེན་
ལ་གནང་བའི་ནན་ཆེ་བ་ནས་སྐྱིད་གཤོངས་སོགས་ལི་བར་དུ་བཀའ་ཆོས་གནང་བཞིན་པས་
ཕེབས་བསུ་རྒྱས་པས་བསུས་ཏེ་དོལ་ལྷུན་གྲུབ་ལྷ་རྩེར་ཕེབས་གྲུབ་བརྒྱའི་རྟེན་བཞེངས་གནང་
བས་བཟོ་བོ་རྣམས་ལ་ཤི་ཆད་ན་ཚ་མང་པོ་འདུག་པར་བཟོ་རར་ཕེབས་ཏེ་བགེགས་སྐྲོད་ཞིག་
གནང་བས་གནོད་པ་རྣམས་འཕྲལ་དུ་ཞི། ཞལ་ངོ་སོ་སོ་ལ་འདོད་ཆོས་མང་དུ་གནང་ཞིང་གྲྭ་
ཚང་ནས་བླ་ཆེན་རིན་པོ་ཆེ་དཔོན་སློབ་སོགས་ཆོས་ཞུ་བ་མང་དུ་འདུག་པ་ལ་གསུང་ངག་ལམ་
22-1-227


འབྲས་ལམ་སྐོར་ཞར་ཆུང་དང་བཅས་པ་རྣམས་ཀྱི་དབང་བྱིན་རླབས་ཁྲིད་ལུང་རྒྱས་པ་དང༌། 
ཡུམ་བཀའ་ཉེར་ལྔ་སོགས་ཤངས་ཆོས་ཀྱི་དབང་ཁྲིད་ཆ་ཚང་གནང༌། སུ་ཀ་ཆོས་དྲུག བདེ་
མཆོག་ལཱུ་ནག་དྲིལ་གསུམ་གྱི་དབང་ཁྲིད་ལུང་བཅས། གཤེད་མར་འཇིགས་བྱེད་མ་ཡ་སོགས་
ཀྱི་དབང་ཁྲིད་རི་ཆོས་སྤྱོད་ཡུལ་སྦྱོར་དྲུག་ལ་སོགས་པའི་ཁྲིད། རྒྱུད་སྡེ་མང་པོའི་བཤད་ལུང་
བྱམས་ཆོས་དང་མདོ་རྒྱུད་ཀྱི་བསྟན་བཅོས་མང་པོའི་ལུང་སྒྲུབ་ཐབས་རྒྱ་མཚོས་གཙོས་པའི་
རྗེས་གནང་རྣམ་གྲངས་ཤིན་ཏུ་མང་བ་སོགས་ཆོས་བཀའ་བསམ་གྱིས་མ་ཁྱབ་པ་གནང༌། གྲུབ་
ཆེན་མི་ཏྲ་ཛོ་ཀིའི་གསང་ཡུམ་མ་མོའི་རྣམ་པ་ཅན་གྱི་མཁའ་འགྲོ་མ་ཞིག་གིས་ཨ་རུ་ར་རློན་པ་
ཆེས་ཆེ་བ་ཕྱག་ཏུ་ཕུལ་མནལ་ལམ་དུ་མི་ཏྲ་ཛོ་ཀི་རང་དང་མཇལ། བྱང་ལྟས་ཆེ་བ་ནས་དྲག་
པོའི་སྦྱིན་སྲེག་གཅིག་གནང༌། ཕྱི་ལོ་ལོ་དུས་ཀྱི་ཐང་དུ་རྟགས་ཀྱང་གསལ་བར་ཐོན་རྟེན་རྣམས་
བཟུང་རྫོངས་ཕུལ་གྲུབ་རིན་གྱི་བགེགས་མི་འཇུག་པའི་རབ་གནས་བསྡུས་པ་རེ་གནང་གི་ཡོད་
པ་ལས་ལན་གཅིག་རབ་གནས་ལ་ཕེབས་སྐས་རྟེན་གྱི་གསེབ་དེ་ན་མིའི་གཟུགས་སྣ་ཚོགས་
པ་གཏམ་འབུག་འབུག་བྱེད་ཀྱི་འདུག བགེགས་སྐྲོད་གནང་བས་གཞན་རྣམས་ལ། བིར་ཝ་
པའི་སྐུའི་ཐད་དེར་འོད་དཀར་པོ་ཕུབ་ཉིས་འགྱུར་ཙམ་ཞིག་སྒོར་རེ་འཁྱིལ་བ་དང༌། སྐུ་དེ་ཡང་
འཕར་བའི་སྣང་བ་དང༌། འདི་སྐད་བྱེད་ན་ཁྱོད་ལ་ཞག་བདུན་གྱི་ཚེ་ལས་མེད་དེ་ནས་སྡེ་པའང་
འཆི་ཁང་པ་འདི་ཡང་བརླག་པར་བྱས་གཏོང་ཟེར། དེར་རྡོ་རྗེ་འཇིགས་བྱེད་ཀྱི་བསྙེན་པས་རྡོ་
རྗེ་འཕེན་པ་གནང་བས་བིར་ཝ་པའི་སྐུའི་ལྟོ་བར་ཕོག་པའི་ཤུལ་ལྟེམ་ཀྱོང་གེ་སོང་འོད་དེ་ཞིག་
ནས་ཚུབ་མ་རིང་པོ་ཞིག་ཕྱིར་འགོ་བ་དང་མཉམ་དུ་འདིར་ཡོང་རེ་ཤཱེ་ཟེར་ཉན་སྐད་ཅེར་བ་ཞིག་
བྱུང༌། དེ་ཕྱིན་ཤིན་ཏུ་འཇམ་པར་འགྱུར། དེར་བདག་གིས་གསོལ་བ་བཏབ་པ་དང༌། བཀའ་
བརྒྱའི་ལོ་དུས་གྲོལ་བ་དུས་མཚུངས་པས་བདེ་མཆོག་ནག་པོའི་མན་ངག་རྒྱས་པ། མན་ངག་
གནད་ཆེན་བཅུ་གཉིས་ཀྱི་ཁྲིད་བཀའ་དྲིན་དུ་སྩལ། ཧོར་ཟླ་བཅུ་གཅིག་པ་གསར་འཕྲལ་ཕུན་
22-1-228


ཚོགས་བཀོད་དུ་རྟེན་གསར་བཞེངས་རྣམས་སྒྲིགས། བདེ་མཆོག་གི་དཀྱིལ་འཁོར་རྡུལ་ཚོན་
ལས་བཞེངས་ཏེ་ཚེས་ལྔའི་ཉིན་རབ་ཏུ་གནས་པ་རྒྱས་པར་གནང་ཞིང་ཞི་རྒྱས་ཀྱི་སྦྱིན་སྲེག་ཀྱང་
ཞག་མང་པོར་དགའ་སྟོན་གྱི་དུས་འདའ་བར་གྱུར། དགེ་འདུན་སྒ ང་པའི་ཚོགས་པ་རྣམས་ལ་
བདེ་མཆོག་དཀར་པོའི་བྱིན་རླབས་སོགས་གནང༌། རྣམ་རྒྱལ་དུ་ཕེབས་ཏེ་མི་གཡོ་བླ་མེད་ཀྱི་
དབང་བསྐུར་གནང་བཀྲ་ཤིས་རྩེ་སོགས་ཡར་ཀླུངས་ནས་སྤྱན་འདྲེན་ནན་ཆེ་བས་ཆིབས་ཁ་
བསྒྱུར་ཏེ་གྲྭ་ཕྱིར་ཞག་གཅིག་བཞུགས་སྐབས་ཡར་ཀླུངས་ཀྱི་གཞི་བདག་ཐམས་ཅད་བསུ་བར་
ཕེབས་གཙང་ཆུང་གླིང་ཁར་བཀྲ་ཤིས་རྩེ་ས་སྡེ་པ་མཆོད་ཡོན་བསུ་བར་ཕེབས་སེར་ཕྲེང་རྒྱས་
པ་དང་བཅས་པས་སྤྱན་དྲངས་ཏེ། ཞལ་ངོ་རྣམས་ལ་ཚེ་དབང་སོགས་དང་ཚོགས་པ་རྣམས་ལ་
བདེ་མཆོག་ལཱུ་ནག་དྲིལ་གསུམ་གྱི་དབང་ཁྲིད་བློ་སྦྱོང་རྒྱས་པ་ཤངས་ཆོས་ཡོངས་རྫོགས་བདེ་
ཀྱེའི་རྒྱུད་སོགས་གནང༌། ཡུམ་བུ་བླ་མཁར་མཇལ་བ་གནང་། ཚུར་ལམ་རྗེ་བཙུན་ས་པཎ་གྱི་
ཆོས་ཁྲིའི་སྟེང་ནས་གང་བློ་མའི་བྱིན་རླབས་གནང་དུས་ཁྲོམ་ཆེ་ཞིང་ཡར་ལྷ་ཤམ་བུས་གཙོས་
པའི་གཞི་བདག་མང་པོ་དངོས་སུ་ཆོས་ཞུ་བར་བྱུང༌། དེ་ནས་བཀྲ་ཤིས་རྩེར་ཕེབས་ནས་སྡེ་པ་
ཞལ་ངོ་རྣམས་ལ་སྒྲོལ་མ་རྣལ་འབྱོར་མའི་དབང་བྱིན་རླབས་ཡོངས་རྫོགས་དང༌། ཆོས་སྡེ་བ་
རྣམས་ལ་དུས་ཀྱི་འཁོར་ལོའི་ཡོངས་རྫོགས་ཀྱི་དབང་གནང་དེ་ནས་ཆོས་ལུང་རབ་བརྟན་དུ་
ཆོས་མཛད་བྱམས་རིན་པ་ལ་བདེ་མཆོག་ནག་པོ་པའི་དབང་དང༌། ཆུ་མིག་ལ་ཕྱག་ནས་གནང་
བས་དགུན་གྲང་སྒ ང་ལ་ཡང་ནས་འབྲུ་རྣམས་སྐྱེས་ནས་སྙེ་མ་དང་འབྲུ་ཆགས་པ་བྱུང༌། དེ་ནས་
མཁར་ཐོག་ཏུ་ཕེབས་འདོད་ཆོས་གནང༌། དེ་ནས་ཁྲ་འབྲུག་མཇལ་བ་གནང་ནས་ཕོ་བྲང་ཆེན་
པོ་སྣེའུ་གདོང་རྩེར་ཕེབས། དེའི་སང་ཉིན་ནས་ཞབས་དྲུང་ལ་ཚེ་དབང་གི་ཆོས་ཀྱི་སྒོ་ཕྱེ་སྟེ་ཆོས་
བཀའ་མང་དུ་གནང༌། ཁྱད་པར་རྡོ་རྗེ་ཕུར་པའི་སྟོད་ལས་སྨད་ལས་ཀྱི་དབང་དང༌། ཞབས་ཕྱིར་
དོན་གཉེར་མང་དག་དང་བཅས་པ་ལ་རྡོ་རྗེ་འཕྲེང་བའི་དབང་ཡོངས་རྫོགས་ཟུར་བཀའ་མང་པོ་
22-1-229


གནང༌། ནཻ་གུའི་ཁྲིད་མགོན་པོ་ཞལ་བཞི་པ་ཕྱག་བཞི་དྲུག དམ་ཅན་ཆོས་སོགས་ཀྱི་རྗེས་གནང་
དང༌། ཕྱག་བཞི་པའི་གསང་འཁྲིད་སོགས་གནང༌། ཚོགས་ཆེན་པའི་དགེ་འདུན་རྣམས་ལ་སྒྲོལ་
མ་ཉེར་གཅིག་གིས་རྗེས་གནང་གནང༌། 
ཆུ་ཕོ་སྟག་ལོ་ཤར་སྟག་ལུང་དུ་རྗེ་གྲོགས་ཁ་བ་གཤེགས་པའི་སྤྱན་འདྲེན་ནན་ཆེ་བ་བྱུང་བ་
ལྟར་ཕེབས༌། གདུང་ཆོག་གནང༌། དགོངས་རྫོགས་དངོས་གཞིའི་སྐབས་དགེ་འདུན་ཉིས་སྟོང་
ལྷག་ཙམ་ཚོགས་པའི་དབུར་ཁྲི་དམར་པོའི་སྟེང་དུ་ཕེབས་འབུལ་བའི་དངོས་པོ་དཔག་ཏུ་མེད་
པ་བྱུང་། ཆོས་བསྔོ་རྒྱས་པར་གནང༌། རྗེ་ཀུན་དགའ་བཀྲ་ཤིས་སྐུ་ཁམས་ཤིན་ཏུ་བརྟེན་པའི་
སྐུ་རིམ་དུ་འཇིགས་བྱེད་དྲུག་ཅུ་པའི་གཏོར་བཟློག་གནང་ལྟས་ཤིན་ཏུ་བཟང༌། བཀའ་དབང་
བརྟན་བཞུགས་སོགས་ཀྱི་སྐུ་ཁམས་སོར་ཆུད། རྗེ་སྤྲུལ་སྐུར་ཡང་བཀའ་ཆོས་མང་དུ་གནང་
ནས་འཕན་ཡུལ་གཞུང་བརྒྱུད་ནས་ལྷ་ས་མཇལ་ཏེ་གོང་དཀར་དུ་ཕེབས་ཞབས་དྲུང་ཡབ་སྲས་
རྣམས་ལ་རྔོག་དཀྱིལ་བདུན་དང༌། སངས་རྒྱས་ཐོད་པ་རྡོ་རྗེ་ཕུར་པའི་དབང་སོགས་གནང༌། 
འབྲང་ཕུར་ཕེབས་ནས་ཞལ་ངོ་རྣམས་ལ་བཀའ་ཆོས་དང༌། ཡོལ་བ་མཁན་ཆེན་བློ་གྲོས་རྒྱལ་
མཚན་པ་དང༌། སྐྱིད་ཆལ་འོག་པའི་མཁན་ཆེན་ཆོས་རྗེ་གྲུབ་ཐོབ་པ་ཆོས་ཞུར་བྱུང་བས་ལམ་
སྐོར་ཕྱི་མ་བརྒྱད་ཀྱི་ཁྲིད་དང༌། མ་ཧཱ་མ་ཡིས་རྒྱུད་ཀྱི་བཤད་པ་སོགས་གནང༌། དེ་ནས་ཡར་
འབྲོག་སྟག་ལུང་དུ་ཧོར་ཟླ་དྲུག་པའི་ཚེས་བཅོ་ལྔ་ལ་ཕེབས། དེ་འཕྲལ་ནས་སྡེ་པ་ཁུ་དབོན་ལ་
གསུང་ངག་ལམ་འབྲས་ཀྱི་དབང་ཁྲིད་དང༌། ཆོས་ཞུ་བ་གཞན་རྣམས་ལ་ཀྱཻ་རྡོར་བཀའ་བབས་
བཞིའི་དབང་གནང༌། ཞལ་ངོ་སྣ་སྙིང་སོགས་ལ་སྒྲོལ་མ་རྣལ་འབྱོར་མའི་དབང་དང༌། བདེ་
མཆོག་ནག་པོ་པའི་དབང་གནང༌། སྟ་གོན་སྐབས་སྲིན་མཛུབ་ནས་མཚལ་ཁྲག་རང་རྡོལ་ཏིང་
ཆུང་གང་ཙམ་བྱུང༌། གཞན་ཡང་དུས་འཁོར་དང༌། དགེ་ལས་ཀྱི་དཀྱིལ་འཁོར་གསུམ་གྱི་དབང་
གནང༌། གནས་བཅུའི་ཞལ་ཐང་ལ་རབ་ཏུ་གནས་ཀྱང་རྩལ། སྐུ་གཞོགས་པ་འགའ་རེ་ལ་ཛ་
22-1-230


ལན་དྷ་རའི་མདོ་ཡི་མན་ངག་དང༌། མི་གཡོ་བླ་མེད་ཀྱི་ཁྲིད་གནང་ཞིང་བཀའ་བབས་བདུན་
ལྡན་གྱི་ཁྲིད་གནང་བ་ཡང་ཟླ་བ་བདུན་ཙམ་འགོར་བ་འདི་ཡན་ལག་རྫོགས། ཧོར་ཟླ་བརྒྱད་
པའི་ནང་དུ༌། རྒྱལ་རྩེ་དང༌། འབྲོང་རྩེ་བརྒྱུད། འདུས་འབྱུང་དུ་ཕེབས། དེ་དག་གཤེད་མར་
བཅུ་གསུམ་མ་འཇིགས་བྱེད་གདོང་དྲུག་འཁོར་ཆེན། མི་གཡོ་བ་སོགས་ཀྱི་དབང་དང༌། གཤེད་
དམར་སྤྲོས་མེད་དམར་ཁྲིད་སོགས་གནང༌། དེ་ནས་བསམ་སྡིངས་སུ་ཕེབས་ཏེ། དེར་འཇག་པ་
སྤྲུལ་སྐུ་དཔོན་སློབ་ཀྱང་མཇལ་དུ་བྱུང་འཇག་བསམ་གཉིས་འདུས་ཀྱི་ཚོགས་ལ་ནཻ་གུའི་ཁྲིད་
གནང༌། པ་སྣམ་དུ་ཀརྨ་པ་རྗེ་དབང་ཕྱུག་རྡོ་རྗེ་མཇལ་བཀའ་ཆོས་ཀྱི་འབྲེལ་པ་གསན། ཚོང་
འདུས་སུ་སྤྱན་རས་གཟིགས་པདྨ་དྲ་བའི་དབང་གནང༌། སྤྱན་འདྲེན་ནན་ཆེ་བཞིན་དཀར་པོ་ལ་
བརྒྱུད་ནས་ཆོས་གྲྭ་ཆེན་པོ་གསེར་མདོག་ཅན་དུ་ཕེབས་ཚོགས་ཆེན་ལ་རིམ་ལྔ་འགོས་ལུགས་
ཀྱི་ཁྲིད་དང་རྗེས་གནང་ཟུར་བཀའ་ཉི་ཤུ་ཙམ་དང༌། མཁན་སློབ་སོགས་དྲག་བསྡུས་ལ་རིམ་ལྔ་
མར་ལུགས་ཀྱི་ཁྲིད། བདེ་མཆོག་སྡོམ་འབྱུང༌། སྒྲོལ་མ་བླ་མེད། རྡོ་རྗེ་མཁའ་འགྲོ་གདན་བཞིའི་
དབང་སོགས་གནང་ནས་གཞིས་ཀ་བསམ་འགྲུབ་རྩེར་ཕེབས། ཚེ་དབང་དང་འཇིགས་བྱེད་
ཀྱི་དབང་སོགས་གནང༌། སྣར་ཐང་བྱང་ཆེན་སོགས་སུ་བཀའ་ཆོས་གནང་ཞིང༌། ཧོར་ཟླ་བཅུ་
གཉིས་པའི་ནང་དུ་རི་ཁྲོད་ཆེན་པོ་ཇོ་མོ་ནང་དུ་ཕེབས་རྗེ་དྲུང་ཀརྨ་པ་ཞིང་མྱུར་དུ་རྗེ་བ་འདུག་
ཅེས་སྐུ་ཞབས་རྣམས་ལ་གསུང༌། དེ་ནས་དུས་ཁྲིད་སྨིན་པར་གནང༌། 
ཆུ་མོ་ཡོས་ལོ་ཤར་མནལ་ལམ་དུ་རྒྱལ་བ་མ་ཕམ་པ་བབས་པ་ཡིན་ཟེར་ཆོས་མང་པོ་ཞིག་
འཆད་ཀྱི་འདུག་མནལ་སད་ནས། ཤེར་སྙིང་དངོས་པོ་བརྒྱད་སྦྱར་བའི་བཤད་པ་དེ་ཡི་གེར་
འཁོད་པ་གནང་དེ་ནས་ཆོས་ལུང་བྱང་རྩེ་དང༌། གཙང་འགོ་གཉིས་དང༌། ལྷ་རྩེ་རྫོང་སོགས་སུ་
ཕེབས་ཤིང༌། བདེ་གླིང་དུ་གནས་བཅུའི་ཐང་ཀ་གསར་བཞེངས་ལ་རབ་གནས་གནང༌། གང་
ཕེབས་ཐམས་ཅད་དུ་བཀའ་ཆོས་སྩོལ་རིམ་པས་གཏིང་སྐྱེས་མཁར་ཆེན་དུ་ཕེབས་སྡེ་པ་ཞལ་ངོ་
22-1-231


རྣམས་ལ་ཚེ་དབང་བརྒྱ་ཚར་དང༌། བདེ་མཆོག འཇིགས་བྱེད། གཤེད་དམར་ལ་སོགས་པའི་
དབང་དང་ཁྲིད་མང་པོ་གནང༌། བྲག་སྟོད་ནས་རྗེ་གྲུབ་ཆེན་ཡང་ཕེབས་ཕན་ཚུན་ཐུགས་དགེས་
པ་ཆེན་པོས་མཇལ་ཞིང་གེགས་སེལ་བ་དང་བོགས་འདོན་པའི་ཚུལ་སྟོན་པ་ཡང་མཛད་ཅིང་
བཀའ་ཆོས་ཀ ང་མང་དུ་གསན། བདེ་མཆོག་ནག་པོ་པའི་དབང་གསན་ཅིང་སྤྱོད་པའི་བརྟུལ་
ཞུགས་རྒྱས་པ་ཚོགས་ཀྱི་འཁོར་ལོ་དང་བཅས་པ་གནང༌། འདི་ཡན་ཆད་དུ་གསང་བའི་རྣམ་
ཐར་ཐུན་མོང་མ་ཡིན་པ་རྡོ་རྗེ་གནས་པ་བཅུ་གཉིས་པོ་ཚང་བར་བྱུང་བ་ལགས། 
དེ་ནས་གདོང་ཁར་དབང་དང་རབ་གནས་གནང་ནས་ངམ་རིང་ནས་ཞབས་དྲུང་ལྕམ་སྲང་
གིས་གཙོས་པའི་ཕེབས་བསུ་སེར་འཕྲེང་དང་བཅས་པས་སྤྱན་དྲངས། ངམ་རིང་རྩེར་ཕེབས་
ཏེ་ཞག་གསུམ་བཞུགས་པར་ཚེ་དབང་སོགས་མང་དུ་གནང་དེ་ནས་བཟང་ལྡན་ཆོས་སྡེར་
ཕེབས་ཏེ་ཧོར་ཟླ་དྲུག་པའི་ཚེས་བརྒྱད་ནས་གསུང་ངག་མ་འབྲས་ལམ་སྐོར་ཞར་བྱུང་དང་
བཅས་པའི་དབང་བྱིན་རླབས་ཁྲིད་ལུང་དང་བཅས་པ་རྒྱས་པར་དགེ་འདུན་སྟོང་ཕྲག་བུད་པ་ལ་
གནང༌། སོ་སོའི་འདོད་ཆོས་བདེ་མཆོག་འཇིགས་བྱེད་སོགས་ཀྱི་དབང་མང་པོ་དང༌། ཤར་པའི་
ཁྲིད་ཆེན་བཞི། དམར་པོ་སྐོར་གསུམ་དམར་མོ་སྐོར་གསུམ་སོགས་བྱིན་རླབས་རྗེས་གནང་ཟུར་
བཀའ་བརྒྱ་ཟིན་ཙམ་ལུང་མང་པོ་དང་བཅས་པ་གནང་དེ་ནས་ཤུག་ཁྲོད་དུ་ཕེབས། བཀའ་ཆོས་
མང་དུ་གནང༌། ཧོར་ཟླ་དགུ་པའི་ཚེས་གཅིག་ལ་ངམ་རིང་རྩེར་ཕེབས་སྡེ་པ་ཡུམ་སྲས་གཙོ་བོར་
གྱུར་པ་ལ་གསང་འདུས་གཤེད་དམར་འཇིགས་བྱེད་བདེ་མཆོག་ཏུ་ཐོད་གདན་གསུམ་གཟུང་གྲྭ་
ལྔ་སོགས་དཀྱིལ་འཁོར་ཆེན་པོ་བཅོ་ལྔ་ཙམ་གྱི་དབང་བསྐུར་དང༌། མ་ཧཱ་མ་ཡའི་ཁྲིད་སོགས་
གནང༌། སྐྱ་བོ་ཁར་སྡངས་སུ་རྗེ་ས་སྐྱ་པ་ཆེན་པོའི་སྐུ་འབུམ་མཇལ་བ་གནང་དུས་མེ་ཏོག་གི་
ཆར་ཆེན་པོ་བབས། རྗེ་དྲུང་འགྱུར་མེད་ཀྱང་ཡང་ཡང་མཇལ་དུ་བྱུང་དད་གུས་ཆེན་པོ་མཛད། 
དེ་ནས་ཟླ་བ་བཅུ་པའི་ཚེས་བཅོ་ལྔའི་ཉིན་ཇོ་ནང་ལ་ཆིབས་ཁ་བསྒྱུར། དེ་འཕྲལ་ནས་དགུན་
22-1-232


ཁྲིད་འཛུགས་པ་གནང༌། ངེས་དོན་གྱི་བསྟན་པ་དར་བར་འགྱུར་བ་ལ་ཚུབ་ཀྱི་རྣམ་པས་ཆོས་
གཞིས་ལ་བརྟེན་པའི་ཟི་བུན་འཕྲན་བུ་ལ་སྙད། ངམ་རིང་ནས་ཡུམ་སྲས་དཔོན་སློབ་ཀྱི་ཆོས་
དབང་དམ་ཚིག་གང་ལ་ཡང་རྩིས་མེད་ཀྱི་ཡུལ་གཉན་པོ་ལ་བསོད་ནམས་མ་ཡིན་པའི་ལས་
མང་པོ་བསགས་མོད། དཔོན་སློབ་ནི་གནོད་པ་ལ་ཅི་མི་སྙམ་པའི་བཟོད་པ་དང༌། སྙིང་རྗེ་ཆེན་
པོའི་ངང་ལ་བཞུགས། ལོག་སྒྲུབ་བྱེད་མཁན་དེ་རྣམས་རང་བསོད་ནམས་ཉམས་པ་དང་མནར་
མེད་ཀྱི་དམྱལ་བའི་རྒྱུ་ཆེན་པོར་གྱུར། འོན་ཀྱང་ང་གང་ལ་ཡང་གནོད་པ་བགྱིས་ཀྱང་བདེ་
འགྱུར་བ། བདེ་བའི་འབྱུང་གནས་ཞེས་གསུངས་པ་ལྟར་ནམ་ཞིག་ན་འཁོར་བ་མཐའ་ཅན་དུ་
འགྱུར་བའི་ལས་བསགས་པ་ཡིན་ནོ། །དུས་ཁྲིད་སྨིན་པར་གནང་ཞིང་སྐུ་འབུམ་གྱི་རྡོ་རྗེ་གདན་
ན་བཞུགས་པའི་སྐབས་ཀུན་མཁྱེན་ཆེན་པོའི་སྐུ་དེ་ཉིད་སྐུ་དངོས་སུ་སོང༌། དེའི་ཞལ་ནས་ངའི་
བསྟན་པ་ལ་ཕན་ཞིང་ད་ནི་ཇེ་བཟང་དུ་འགྲོ་བའི་སྤྲོ་བ་བསྐྱེད་གསུངས་པ་ཞིག་བྱུང༌། དེའི་སང་
དགོང་ཀུན་མཁྱེན་ཉིད་བྱང་ཆུབ་སེམས་དཔའ་ཆོས་འཕགས་ཀྱི་རྣམ་པར་བྱོན་ཏེ། རྣམ་པར་
བཞག་བྱ་འཇོག་བྱེད་དང༌། །རྣམ་བཞག་ཐམས་ཅད་རྫུན་པ་ཡིན། །བློ་ལ་སྣང་བ་འཁྲུལ་པ་སྟེ། །
བདེན་པའི་དོན་ལ་གོས་པ་མེད། །གསུང་བ་ཞིག་བྱུང་བས་དེ་ཙམ་ཁོ་ནས་ཀུན་མཁྱེན་ཆེན་
པོའི་བཞེད་པ་གཞན་སྟོང་གི་གྲུབ་མཐའི་གཏིང་སླེབས་སུ་ཐེ་ཚོམ་དང་གོལ་ས་ཐམས་ཅད་ཆོད། 
ཆོས་སྒོ་མཐའ་དག་འབྱེད་པའི་ལྡེ་མིག་ཆེན་པོ་ཕྱག་ཏུ་འོངས་པར་གྱུར་ཏོ། །དེའི་སྐབས་ཤིག་ཏུ་
སྐུ་ཇིར་གྱི་གནན་བྱུང་བ་ཁྱི་སོག་འདྲ་བ་གཅིག་འདུག་པས་ཡི་དམ་ལྷའི་ང་རྒྱལ་གྱི་ཕྱག་གི་སེན་
མོ་ལྕགས་ཀྱུ་ལྟ་བུས་ཁོ་བཙུར་ཞིང་སྤུ་རྣམས་འབལ་བ་གནང་བས་ངན་སྐད་ཤོར་ཁྱོད་གང་ནས་
ཡིན་གསུངས་པས་རྒྱ་ནག་ནས་བོད་ལ་ཡོང་ནས་ལོ་འགའ་ཤས་སོང༌། རྒྱ་ནག་ཏུ་ཡུན་ཙམ་རེ་་
་་་་པའི་ས་ལ་བོད་འདིར་སྔགས་བཙུན་མཐུ་བོ་ཆེ་མང༌། དེ་རྣམས་ཀྱི་སྲུང་འཁོར་བཅུགས་པའི་
ཐར་ལ་མི་ཐར་པ་མཐའ་རང་བསྐོར་དགོས་པ་དང༌། མདའ་རྒྱང་གང་རེ་ཙམ་གྱི་ཚད་ལའང་
22-1-233


སླེབས་དུས་མེད་པ་སྦྱོང་བ་རང་བྱུང༌། ད་རེས་པ་སྣམ་ནས་འོངས་ཟླ་བ་གསུམ་ཙམ་སོང་སྟེ། ཟ་
རྒྱུ་མེད་པ་ཤིན་ཏུ་ལྟོགས་པ་རང་བྱུང་ཟེར། འོ་ན་ངས་བསྲུངས་པ་བྱས་པ་ལ་གནོད་པ་བྱེད་རི་
མནའ་སྐྱོལ་གསུངས་པས། ཁྱེད་མཁྱེན་ང་ལྟོགས་དྲག་པའི་སྙིང་རྗེ་ལ་དགོངས་ལས་མང་པོ་ལ་
མ་མཛད། གཞན་བཀའ་བཞིན་བགྱིད་ཅེས་བྲོ་བོར་གྱུར་བྱུང་བས་བཏང་ངོ་། །
དེ་ནས་ཧོར་ཟླ་གཉིས་པའི་མཇུག་ལ་སྣར་ཐང་བྱང་ཆེན་དུ་ཕེབ་ཟླ་བ་ཕྱེད་གཉིས་ཙམ་
ནས་གསེར་མདོག་ཅན་དུ་ཆོས་ཀྱི་འཁོར་ལོ་བསྐོར་བར་ཕེབས་པའི་ཕེབས་ཞོར་གཞིས་ཀ་རྩེར་
གདན་དྲངས་ནས། དེ་སྐབས་སྡེ་པ་ཀུན་སྤངས་དྲུང་བསྙུང་ནས་ཟླ་བ་ཕྱེད་གཉིས་ཙམ་སོང་སྙུང་
གཞི་ཡང་འཕྲལ་འགྱུར་བའི་ངོས་མ་ཟིན་གདོན་ཞུགས་སྡང་བས་ཤིན་ཏུ་སྙུང་ཞིང་ཉེན་ཆེ་བས་
སྐབས་སུ་ཡོད། བླ་མ་སློབ་དཔོན་སྔགས་འཆང་སོགས་ཀྱི་ཐབས་རྟེན་འབྲེལ་གང་བྱས་ཀྱང་མ་
ཕན། དེར་དྲག་པོའི་དབང་གཅིག་དགོས་གསུང་བ་ལ་རྡོ་རྗེ་འཇིགས་བྱེད་ཀྱི་དབང་གི་སྟ་གོན་
ལ་ཕེབས་བགེགས་སྐྲོད་ཞིག་གནང་བས་ཟིལ་ཤིན་ཏུ་ཆེ་བས་དྲན་མེད་དུ་འགྲོ་ལ་ཁད་དང༌། སྐུ་
འདར་ཞིང་རྔུལ་ཆེན་པོ་བཏོན། སྐུ་རྒྱབ་ནས་ན་བཟའ་ཞིག་བཤུས་པ་འདྲ་བའི་སྐུ་ཡང་ཆོད་པ་
བྱུང༌། དེ་འཕྲལ་དྭངས་སྐྱེད་ཤིན་ཏུ་ཆེ་བས་ཚུར་ཕེབས་དུས་མི་གཉིས་གསུམ་གྱི་སྐྱོར་དགོས་པ་
དེ་སྟ་གོན་གྲོལ་དུས་གཞན་ལ་མ་ལྟོས་པར་ཕྱག་འབུལ་གནང་ཞིང་ཕེབས་ཐུབ་པར་བྱུང༌། སང་
དེ་དངོས་གཞི་གནང་སྨན་དཔྱད་ཡང་འཕྲོད་ཅིང་སྐུ་གཟུགས་ཤིན་ཏུ་བདེ་གདོན་དེ་ནི་ལྡོག་ཇོ་
ནང་དུ་བྱུང་བའི་རྒྱ་འདྲེ་དེ་ཡིན་གསུངས། 
འབྲུག་ལོ་ཧོར་ཟླ་བཞི་པའི་ཚེས་བཅུ་བཞི་ལ་གསེར་མདོག་ཅན་དུ་ཕེབས། བཅོ་ལྔ་ནས་
གསུང་ངག་ལམ་འབྲས་སོགས་ཆོས་བཀའ་མང་པོ་བཙུགས། ཞག་བརྒྱད་ཙམ་སོང་སྐབས་རིན་
པོ་ཆེ་བཀའ་བཞི་ནས་ཀྱི་ཀླུ་སྡིངས་ལ་ཕེབས་ནས་རྩེ་ལ་བྱོན་དུས་གདོན་གྱི་ཕྱི་འབྲིང་བྱས་སྡེ་པ་
ཀུན་སྤངས་དྲུང་ལ་ཞུད་ཤིན་ཏུ་ཆེ་བ་ཞིག་བྱུང༌། དེའི་རྐྱེན་གྱིས་སྙིང་གཞི་ལོག ཡང་སྐུ་མཆེད་
22-1-234


ཐམས་ཅད་ཀྱི་གདན་འདྲེན་ནན་ཆེ་བ་ནས་གཞིས་ཀ་རྩེར་ཕེབས། སྐུ་ཁམས་ཀྱང་སྡངས་སྐྱེད་
རིམ་པར་བྱུང༌། རྐྱེན་སེལ་གྱི་བཀའ་དབང་རྗེས་གནང་མང་དུ་གནང་ཀླུ་སྡིངས་ནས་ཞྭ་དམར་
མཆོག་གི་སྤྲུལ་སྐུ་བཞུགས་པའི་སྒ ར་ཁྲོད་ནས་བླ་མ་གླིང་པ་སོགས་འདོད་ཆོས་ཞུ་བར་བྱུང་
པ་ལ་གསང་འདུས་དང་ཁྲིད་བརྒྱ་སོགས་གནང༌། གཞན་ཡང་སོ་སོའི་འདོད་དང་མཐུན་པའི་
དུས་འཁོར་བདེ་མཆོག་སོགས་མང་དུ་གནང༌། ཉི་མ་དགོང་ཁ་ཞིག་གཟིམ་ཆུང་ཟིལ་གནོན་
གྱི་དཔྱང་ཁ་ན་བཞུགས་ཡོད་པས། བུད་མེད་དམར་མོ་དྲེའུ་ལ་ཞོན་པ་སྣང་གསལ་གྱི་རྫོང་རི་
ལས་ཆེ་ཆེ་ཙམ་ཞིག་ནས། ལས་ཀ་དོན་ཆེན་མང་པོ་དེང་སང་འཕྲལ་དུ་འགྲུབ་པ་ཡོད་པ་ཡིན་
ཏེ་ཁྱེད་འདིར་སྡོད་དགོས་འདིས་རེ་ཞིག་འགྱངས་སོང་ཟེར་ནས་ལྕགས་ཀྱི་མདའ་ཕྱོགས་ལ་
ཡལ་སོང་ངོ༌། །དེར་སྐུ་ཁམས་ཀྱང་གདེང་ཐོབ་ལྟ་བུར་བྱུང་ནས་ཧོར་ཟླ་དྲུག་པའི་ཚེས་བཅུ་ལ་
སླར་ཡང་གསེར་མདོག་ཅན་དུ་ཕེབས། གསུང་ངག་ལམ་འབྲས་ལམ་སྐོར་དང་བཅས་པའི་
ཁྲིད་དང༌། ཡབ་བཀའ་ཡུམ་བཀའ་སོགས་དབང་བྱིན་རླབས་རྣམས་དང༌། བྱ་རྒོད་ཕུང་པོའི་
ཆོས་ཁྲིར་སེམས་བསྐྱེད་ཆེན་མོ་གནང་སྐབས་འཇའ་ཚོན་གྱི་གུར་དང་མེ་ཏོག་གི་ཆར་ཆེན་པོ་
བབས། ས་སྐྱ་པ་གོང་མ་ལྔའི་བཀའ་འབུམ་ཡོངས་རྫོགས་ཀྱི་ལུང༌། ནག་པོ་རིམ་བཞི། བསྡུ་
བ་གསུམ། ཡབ་ཡུམ་གྱི་རྩ་དབུ་མའི་ཁྲིད་གཉིས། བདེ་མཆོག་དཀར་པོའི་ཁྲིད། རྭ་རྩེ་སེམས་
འཛིན། གྲོལ་ཐིག་སྤྲོས་མེད། ཤངས་པའི་ཁྲིད་ཆེན་བཞི། རྗེས་གནང་ཟུར་བཀའ་བརྒྱ་བུད་
དང་ལུང་གི་ཚོགས་མང་པོ་དང་བཅས་པ་ཚོགས་པ་སྟོང་དུ་ཉེ་བ་ལ་གནང་མཁན་སློབ་རྒྱལ་རྩེ་
བླ་མའི་དྲུང་སོགས་དྲུག་བསྡུས་ལ་སྦྱོར་དྲུག་གི་ཁྲིད་དང༌། བརྟག་པ་གཉིས་པའི་རྒྱུད་བཤད་
སོགས་གནང༌། གཞན་ཡང་གང་ལ་གང་འདོད་ཀྱི་མགོན་པོའི་ཁྲིད་དང༌། རྡོ་རྗེ་འཇིགས་བྱེད་
ཀྱི་འཁོར་ལོ་བྲི་བསྒྲུབ་སོགས་ལ་ལག་ལེན་མང་པོ་གནང༌། འཇིགས་བྱེད་རོ་ལངས་བརྒྱད་སྐོར་
དང༌། བཅུ་གསུམ་པའི་དབང་གནང༌། རྒྱལ་རྩེ་བླ་མ་ཞབས་དྲུང་གི་གཙོས་པའི་བསྙེན་རྫོགས་
22-1-235


བསྒྲུབ་མི་བརྒྱ་དང་བཅུ་བགྲང་བ་བྱུང་མཁན་པོ་གནང༌། འདི་དག་གི་སྐབས་སུ་ཤར་སྟེང་ནས་
དཔོན་ས་རྒྱལ་ཆེན་གླིང་མས་སྦྱིན་བདག་གནང༌། རྒྱུ་དབང་གི་སྐབས་ཞབས་དྲུང་དཔོན་ས་
རང་ཡང་ཕེབས་དབང་བསྐུར་ཞུས་ཤིང་འབུལ་བ་བསྙེན་བཀུར་དཔག་ཏུ་མེད་པ་དང༌། ཚོགས་
ཆེན་ལ་ཡང་ཞབས་ཏོག་བསྙེན་བཀུར་ཆེ་ར་འགྱེད་བཅས་སོགས་དཔག་ཏུ་མེད་པ་མཛད། དེ་
ལྟར་ཆོས་ཀྱི་འཁོར་ལོ་རྒྱ་ཆེན་པོ་བསྐོར་ནས་ཨུ་རྒྱན་རྫོང་དུ་དཔོན་ས་ཡུམ་དྲུང་གཤེགས་པའི་
དགོངས་རྫོགས་ལ་སྤྱན་འདྲེན་བྱུང་བ་ལྟར་ཕེབས། མི་འཁྲུགས་པའི་ཆོ་གའི་བསྐོར་ནས་རྗེས་
སུ་བཟུང༌། སྡེ་པ་ཀུན་སྤངས་དྲུང་གཤེགས་པའི་བསྔོ་རྟེན་ཀྱང་དེར་འབྱོར། དེ་ནས་འཇག་ཏུ་
ཕེབས་རྒྱུད་སྡེ་ལྔའི་དབང་སྔོན་དུ་འགྲོ་བའི་ནཻ་གུ་ཆོས་དྲུག ཕྱག་ཆེན། སུ་ཁའི་ཆོས་སྐོར་སོགས་
སྩལ། དེ་ནས་གསེར་མདོག་ཅན་དུ་སྔར་གྱི་ཆོས་འཕྲོ་རྣམས་གནང་ཟླ་ཕྱེད་ཙམ་བཞུགས། 
གཞིས་ཀ་རྩེ་དང༌། ཚོང་འདུས། པ་སྣམ་སོགས་བརྒྱུད་དེ་བསམ་སྡིངས་སུ་ཕེབས། 
ཤིང་མོ་སྦྲུལ་ལོ་ཤར་འཕྲལ་ནས་སྐུ་མཚམས་གནང༌། བསམ་སྡིངས་སུ་བཞུགས་པའི་
སྐབས་ཤིག་ན་མནལ་ལམ་བཟུངས་ནས་ཤམ་བྷ་ལར་ཕེབས་དགོངས་ནས་རྨི་ལམ་གྱི་
གཟུགས་མཐོང་བའི་ལྷ་འདྲེས་བར་ཆད་བྱས་དོགས་ལྷ་སྐུར་སྒྱུར། གྲོགས་གཅིག་དགོས་པ་
འདུག་དགོངས་ཙ་ན་ནག་པོ་ཆེན་པོ་གུར་གྱི་མགོན་པོ་དགེ་སློང་གི་ཆ་བྱད་ཅན་མདོག་ཤིན་ཏུ་
ནག་པ་གཅིག་བྱུང་ནས་ངས་གྲོགས་བྱའོ་ཞེས། དེའི་གཉའ་བ་ལ་ཁུར་ནས་ནམ་མཁའ་ལ་ཁུར་
བས་ས་རྡོ་རི་བྲག་ཐམས་ཅད་གཡུ་ལ་སོགས་པ་རིན་པོ་ཆེའི་རྣམ་པར་གཟིགས་ཤམ་བྷ་ལར་
ཕེབས་ནས་ཕོ་བྲང་དུ་ཕེབས་པས་དེ་ན་སྤྱན་རས་གཟིགས་བཅུ་གཅིག་ཞལ་ཞིག་བཞུགས་
འདུག་པ་མཇལ། དེར་མཆོད་པ་གཅིག་པོ་འབུལ་དགོས་སྙམ་པ་ན་དངོས་སུ་ཆེར་མ་བྱུང་བ་
ལ་སྐད་ཅིག་དེ་ལ་ནམ་མཁའ་ནས་མཆོད་པའི་ཕུང་པོ་བསམ་གྱིས་མི་ཁྱབ་པ་བྱུང་ནས་མཆོད་
པ་ཕུལ་ཆོས་ཀྱི་སྒྲ་དབྱངས་བསམ་གྱིས་མི་ཁྱབ་པ་འཆར་བ་ཞིག་བྱུང༌། ཚུར་རེས་ཀྱང་སྔར་གྱི་
22-1-236


དེས་གཉའ་བ་ལ་ཁུར་ནས་ཕེབས་སོ། །སྤྱིར་གུར་གྱི་མགོན་པོ་འདི་དངོས་དང༌། མནལ་ལམ་དུ་
ཡང་ཡང་ཡོང་བ་ཡིན་གསུང༌། དེ་ནས་བཟུང་སྟེ་མནལ་ལམ་བཟུང་ནས་ཤམ་བྷ་ལར་ཡང་ཡང་
ཕེབས་ཤིང༌། 
ལྕགས་མོ་ཕག་ལོ་སྐུ་དངོས་ཀྱི་ཤམ་བྷ་ལར་ཕེབས་རིགས་ལྡན་དང་དཔའ་བོ་མཁའ་འགྲོ་
མང་པོ་དང་མཇལ་བ་སོགས་ཀྱི་ལོ་རྒྱུས་ཡ་མཚན་འགའ་ཞིག་ཡོད། མནལ་ལམ་བཟུང་ནས་
པོ་ཊ་ལར་ཕེབས། དེའི་བཀོད་པ་མཐའ་དག་གཟིགས། སླར་སློབ་དཔོན་ཙནྡྲ་གོ་མི་དང་མཇལ་
དེས་ཞིང་ཁམས་མང་པོ་སྟོན་པ་གནང་བ་སོགས་བྱུང༌། ཉེར་དགུ་ཞིག་བསྐོང་གསོ་གནང་དུས་
གཏོར་ཆེན་ནས་གཙོ་ཆེན་པོ་དོན་ཟིལ་བཟོད་པར་དཀའ་བ་བྱུང༌། དེ་ནས་སྟག་ལུང་དུ་རྗེ་
ཆེན་པོ་སྐུ་ཞིང་རྗེས་པའི་ཐུགས་དམ་གསལ་འདེབས་ཀྱི་འབུལ་བ་དང་སྤྱན་འདྲེན་ནན་ཆེ་བ་
ནས་འཕྲལ་དུ་ཆིབས་ཁ་བསྒྱུར་ཏེ། ཕེབས་ལམ་འགོར་གང་ཆུང་གནང་སྟེ་སྐྱིད་གཞོང་བརྒྱུད་
ནས་སྟག་ལུང་དུ་ཕེབས་གདུང་འབུལ་རྒྱས་པ་དང་བསྒྲུབ་མཆོད་རྒྱས་པར་གནང༌། འཁོར་ལོ་
བདེ་མཆོག་གི་ཆོ་གའི་སྒོ་ནས་ཐུགས་དམ་གསལ་འདེབས་གནང༌། དགོངས་རྫོགས་དངོས་
གཞིའི་ཚེ་འབུལ་བ་དཔག་ཏུ་མེད་པ་བྱུང་མཆོད་བསྔོ་རྒྱས་པར་གནང༌། མཆོག་གི་སྤྲུལ་པའི་
སྐུ་དང་བཀའ་ཆོས་གསན་རེས་གནང༌། ཉིན་གཅིག་དབུ་ཁང་ལ་རི་གཟིགས་ལ་ཕེབས་དུས་
རྡོ་ལ་ཕྱག་མཁར་གྱི་རྗེས་བྱུང༌། རྗེ་བཙུན་མ་སྒྲོལ་མ་སྔོ་ལྗ ང་མའི་ཞལ་གཟིགས། དེ་མཚམས་
དགོན་པ་ཆེན་པོའི་ཐུགས་དམ་རྟེན་སྒྲོལ་མའི་ཐང་སྐུ་ཞིག་ཕྱག་ཏུ་བྱུང་བས། དེས་སེམས་ཅན་
རྣམས་འཇིགས་པ་ལས་སྐྱོབ་ཤིག་ཅེས་གསུང་བྱོན། དེ་ནས་སྡེ་པ་ཀརྨ་བརྟན་གཟུང་དབུ་རྨོག་
ཏུ་ཕེབས་པའི་གཙང་གི་དཔུང་ཆེན་འཕན་ཡུལ་དུ་འབྱོར། འཇིགས་ཤིང་སྐྲག་པ་བསམས་གྱིས་
མི་ཁྱབ་པས་སྐབས་སྒ་མོར་སྡེ་པ་དང་མཇལ་འཛོམས་གནངས་བས་བཀའ་བཀོད་གང་གནང་
ཐམས་ཅད་གུས་པས་བསྒྲུབས་ཏེ་དེ་ཕྱོགས་ཀྱི་ཆོས་སྡེ་མི་སྡེ་མཐའ་དག་དམག་གི་འཇིགས་པ་
22-1-237


ལས་སྐྱབས། གཙང་དཔུང་དགྱེས་ནས་སླར་ལྷ་སའི་རྟེན་མཇལ་གནང་ནས་ཤུན་དུ་ཕེབས༌། ཟླ་
གཅིག་ཙམ་གྱི་བར་ལ་བཀའ་ཆོས་མང་དུ་གནང་ཞིང་གནས་བཅུའི་གསེར་སྐུ་ལ་རབ་གནས་
གནང༌། དེ་ནས་སྙེ་ཐང་སོགས་སུ་ཕེབས། ཆུ་ལྷོའི་ནོར་བུ་དགེ་འཕེལ་བརྒྱུད་ནས་གསང་ཕུར་
ཕེབས། རྟེན་ཁྱད་པར་ཅན་རྣམས་ལ་མཆོད་པ་རྒྱས་པར་ཕུལ་བ་གནང༌། དེ་ནས་རིམ་པར་དྲང་
སྲོང་སྲིན་པོ་རི་བརྒྱུད་ནས་གོང་དཀར་དུ་ཕེབས། ཞབས་དྲུང་ཁུ་དབོན་བླ་སློབ་དཔོན་སོགས་
དྲག་བསྡུས་ལ་རྡོ་རྗེ་འཕྲེང་བའི་དབང་དང༌། སྒྲོལ་མ་ཉེར་གཅིག་གི་རྗེས་གནང་སོགས་གནང༌། 
རྣམ་རྒྱལ་རབ་བརྟན་དུ་ཕེབས་ནས་ཟླ་ཕྱེད་ཙམ་གྱི་རིང་ལ་ཤངས་ཆོས་སོགས་ཆོས་བཀའ་མང་
དུ་གནང༌། གཞུང་སྤྲེ་ཞིང་མཇལ། དེ་ནས་ཡར་ལམ་རྩུབ་མོའི་བྲག་ཕུག་མཇལ་བ་གནང་དུས་
ཕུག་ན་ལེགས་ལྡན་ནག་པོ་རིབ་རིབ་ཡོད་པ་གཟིགས་པ་དང༌། མགོན་པོའི་སྐུ་རང་བྱོན་དུ་ཡོད་
པའི་རྟེན་རྡོ་ཞིག་ཀྱང་རྙེད། དེ་ནས་འབྲང་ཕུར་ཕེབས། ལམ་རིམ་དང་རྡོ་རྗེ་གུར་གྱི་རྒྱུད་བཤད་
སོགས་གནང༌། 
མེ་ཕོ་རྟ་ལོ་གསར་སྣ་དཀར་རྩེར་ཕེབས་ཏེ་གཤིན་རྗེ་གཤེད་དགྲ་གདོང་གི་དབང་གནང༌། 
ལྕམ་ཕུན་ཚོགས་དྲུང་གི་དབུ་སྐྲ་བཅད་དགའ་སྟོན་རྒྱ་ཆེན་པོ་གནང༌། དེ་ནས་རོང་ཆེན་ལ་
ཕེབས་ཏེ་གྲགས་པ་བརྒྱུད་བྱམས་ཆེན་ཆོས་སྡེར་ཕེབས། རྟེན་མཇལ་གནང་ཞིང་ཚོགས་ལ་ཆོས་
འབྲེལ་གནང༌། ཧོར་ཟླ་བཞི་པའི་འགོ་ལ་གཞིས་ཀ་རིན་སྤུངས་སུ་ཕེབས། སྡེ་པ་ཞལ་ངོ་སོགས་
ལ་བདེ་མཆོག་གཤེད་དམར་དང་ནཻ་གུའི་མགྱོགས་ཁྲིད་གནང༌། གཞིས་ཀ་བསམ་འགྲུབ་རྩེར་
ཕེབས། ཞལ་ངོ་སྟེང་ཤར་སྲབ་བཅས་སོགས་མ་རྒྱུད་སྡེ་ལྔའི་དབང་སྔོན་དུ་འགྲོ་བས་ནཻ་གུའི་
ཁྲིད་བྱིན་རླབས་དང་བཅས་པ་དང༌། གདོང་དྲུག་དང༌། ཡེ་ཤེས་དབང་ཕྱུག་མའི་དབང་གནང༌། 
ཞབས་དྲུང་རྒྱལ་བུ་སེ་ལུང་དུ་སྐུ་འཁྲུངས་པར་ཉེ་ཞོ་མེད་པར་བསམ་འགྲུབ་རྩེར་ཕེབས། བར་
ཆད་མི་འབྱུང་ཞིང་རྟེན་འབྲེལ་ལེགས་པའི་དགེ་མཚན་དུ། ཚེ་དབང་གཏོར་དབང་འགའ་རེ་
22-1-238


གནང༌། དེ་ནས་སྣར་ཐང་དང་ཁྲི་ཁང་དུ་ཕེབས། ཁྲི་ཁང་སྡེ་པ། རིན་པོ་ཆེ་བཀའ་བཞི་ནས་དང་
བཅས་པ་ལ་བདེ་མཆོག་འཇིགས་བྱེད་སོགས་ཀྱི་དབང་གནང༌། བསམ་སྡིངས་སུ་ཕེབས་ནས་
ཤངས་ཆོས་གནང་ཞིང༌། རིན་སྤུངས་ནས་འདི་བར་དུ་ཡོལ་ས་མཁན་ཆེན་སོགས་དགེ་བཤེས་
མང་དག་ལ་མདོ་སྡེ་རྒྱན་གྱི་བཤད་པ་མཐའ་ཆོད་གནང༌། དེ་ནས་གཏིང་སྐྱེས་སོགས་ལ་ཆིབས་
ཁ་བསྒྱུར་ཏེ་མདོས་གྲ ར་སྡེ་པ་རྣམས་དང་མཇལ་ཙམ་གནང་གམ་པར་ཕེབས། ཀྱེ་རྡོ་རྗེའི་དབང་
སོགས་འདོད་ཆོས་མང་དག་གནང༌། དེ་གཏིང་སྐྱེས་མཁར་ཆེན་དུ་ཕེབས་ཏེ། སྡེ་པ་ཞལ་ངོ་
རྣམས་དང་ཆོས་རྗེ་སྟག་སྣ་བ། དགོན་གསུམ་གྱི་གྲྭ་རིགས་དང་བཅས་སུམ་བརྒྱ་སྐོར་ལ་ལམ་
འབྲས་ཀྱི་དབང་དང་བྱིན་རླབས་ཁྲིད་ཚང་བ་དང་དུས་འཁོར་གྱི་དབང་སོགས་གནང༌། བྲག་
དཀར་གྱི་མགོན་ཁང་མཇལ་བར་ཕེབས་པ་གནང་དུས། དབོན་ཆེན་ཀུན་དགའ་ཆོས་དབྱིངས་
པས་ཞུད་མར་གཟུང་བ་རླུང་འཚུབ་ཀྱི་མནལ་བ་དང༌། ཁྱི་སོབ་ཀྱི་རྣ་ནས་ཁྲག་འཛགས་པ་
སོགས་དགྱེས་པ་དང་འཚུབ་འགྱུར་སྤེལ་མའི་རྟགས་བྱུང༌། དེ་ནས་བྲག་སྟོད་དུ་ཕེབས་བླ་མ་
དམ་པ་དང་མཇལ་བས་ཤིན་ཏུ་དགྱེས་པའི་ངང་ནས་ཉམས་རྟོགས་འབུལ་བའི་ཚུལ་མཛད་ཟླ་
གཅིག་ཙམ་བཞུགས། དེ་ནས་ཚུར་ཕེབས་པའི་ཉེར་ལྔ་ལ་རི་ཁྲོད་ཇོ་ནང་དུ་ཕེབས་སང་ཉིན་
ནས་དུས་ཁྲིད་ཚུགས། ཁྲིད་བྱིངས་གྲོལ་རྗེས། 
མེ་མོ་ལུག་ལོ་ཡོལ་བ་མཁན་ཆེན་སོགས་ལ་སྦྱོར་དྲུག་རིས་མི་གཅིག་པ་མང་པོ་གནང༌། 
ཧོར་ཟླ་གསུམ་པའི་ནང་དུ་དབེན་ཆེན་སྐུ་གཤེགས་སྐུ་རྗེས་བཟང་བར་གནང༌། རིན་པོ་ཆེ་
བཀའ་བཞི་ནས་སྐུ་ཁམས་བརྟེན་པའི་ཐུགས་ནང་ཚང་གི་བཤགས་པ་དང་སྨོན་ལམ་སོགས་
ཕྱག་བྲིས་མ་མང་དུ་ཕུལ། དེ་ནས་མྱུར་དུ་གཤེགས་ནས་ཐུགས་དམ་གྱིས་རྗེས་སུ་བཟུང༌། རྩད་
སྐོར་གླང་ལུང་སོགས་ཀྱི་གྲྭ་ཁྲལ་བཙུན་གསར་དྲུག་ཅུ་ཙམ་བྱུང་དེ་རྣམས་ཇོ་ནང་དུ་རབ་བྱུང་
བསྒྲུབ་དེ་ནས་ཆོས་ལུང་བྱུང་རྩེར་ཕེབས། དེར་བྱང་པ་བདག་པོ་དཔོན་གཡོག་ཀྱང་མཇལ་དུ་
22-1-239


བྱོན་པ་ལ་ཕྱག་རྡོར་འཁོར་ལོ་ཆེན་པོའི་དབང་སོགས་གནང༌། ཆུ་ཆེན་པོ་གཅིག་ནས་སེམས་
ཅན་མང་པོ་བཏོན་པ་དང༌། གསེར་གྱི་གྲུ་ཞིག་ལ་སྐྱེ་བོ་མང་པོ་བསྒྲལ་བ་སོགས་ཐུགས་དམ་
གྱི་ལྟས་གསལ་བར་ཤར། སྒྲུབ་སྡེ་རྣམས་ལ་རྩ་དབུ་མ་སོགས་ཁྲིད་ཆོས་གནང་བསམ་འགྲུབ་
རྩེར་དཔོན་ས་རྒྱལ་ཆེན་གླིང་ནས་སྐུ་གཤེགས་པའི་བྱང་བཞུ་འབུལ་མི་སླེབས། རྗེས་སུ་གཟུང་
བས་རྟགས་ལེགས་པར་ཤར་དེ་ནས་བྱང་ཆེན་དུ་ཕེབས་འཕྲལ་སྐུ་མཚམས་བསྡམས་རྡོ་རྗེ་རྣལ་
འབྱོར་མའི་དཀྱིལ་འཁོར་ལ་བརྟེན་པའི་བསྒྲུབ་པ་གནང་བས། བསྒྲུབ་པའི་དཀྱིལ་འཁོར་གྱི་
ནང་མཆོད་ཀྱང་ཞག་མང་པོ་ལོན་ནའང་གསར་བ་ལྟ་བུ་ལ་དཔེ་གཞན་གྱིས་མཚོན་དུ་མེད་པའི་
དྲི་རོ་བཟང་པོ་ཆེ་ཞིང་གསལ་བ་བྱུང་ཡང་སྦྱངས་པ་དང་རྟོགས་པའི་ཆ་ཤས་ཡིན་ནོ། །མེ་ཏོག་
གི་ཆར་ཆེན་པོ་ཡང་བབས། མཇུག་ཏུ་ཆོས་རྗེ་སྐུ་སྐྱེ་གཤེགས་པ་ནས་ཁུ་སྤེ་བཀའ་བཅུ་པ་ཀུན་
དགའ་ལེགས་གྲུབ་གདན་སར་བཀོད་པ་གནང༌། རྗེ་གྲགས་སྟོད་ནས་ངམ་རིང་དུ་ཕེབས་པ་
སྐུ་གཙུག་བརྟེན་པའི་སྐབས་ཉེར་ལྔའི་ནུབ་རྗེ་ཐམས་ཅད་མཁྱེན་པའི་མནལ་ལམ་དུ་རྗེ་བླ་མ་
བྱོན་ནས་ང་སྔར་ཡང་ན་མ་མྱོང༌། ད་དུང་ན་བ་མི་སྲིད་ཅེས་གསུང་བ་དང༌། ཉེར་བདུན་གྱི་སྐུ་
གཞོན་ནུའི་རྣམ་པ་མུ་ཏིག་གི་རྒྱན་ཅན་ཞིག་ཕྱོགས་གཞན་ལ་ཐེག་པའི་སྣང་བ་བྱུང༌། དེ་དུས་
སྐུ་གཤེགས་སར་འདུག གནམ་གང་ལ་གནས་ཚུལ་འབུལ་མི་སླེབས་སྐུ་མཚམས་གྲོལ་ནས་
ཧོར་ཟླ་དགུ་པའི་ཚེས་གསུམ་ལ་གྲགས་སྟོད་དུ་ཕེབས། ཚེས་བཅུའི་ཉིན་སྐུ་གདུང་ཡང་ཕེབས། 
མཆོད་འབུལ་འཛུགས་པ་གནང༌། ཚེས་བཅོ་ལྔའི་ཉིན་གྲོལ། རྟེན་བཞེངས་གནང་བ་ཡན་ཆད་
ཀྱི་དགོས་ཆ་ཐམས་ཅད་ཕྱག་ནས་བཏང་། མགོན་ཁང་བཙུགས་གྲུབ་ཆེན་བརྒྱད་མངོན་སུམ་
དུ་གསལ་བར་གཟིགས། དེ་དང་མཐུན་པའི་བསྟོད་པ་མཛད། དེ་ནས་ངམ་རིང་དུ་ཕེབས་བདེ་
མཆོག་བོང་ཞལ་ཅན་གྱི་དབང་སོགས་མང་དག་གནང༌། སྡེ་པ་སྐུ་ཁམས་ཤིན་ཏུ་བརྟེན་པར་
བྱུང་བ་ལ་ཡང་དབང་བྱིན་རླབས་གནང་བས་ཕན་སྐྱེད་ཆེ་བར་བྱུང༌། དེ་ནས་ཆོས་ལུང་བྱང་རྩེ་
22-1-240


བརྒྱུད་ནས་ཇོ་ནང་དུ་ཕེབས་ཧོར་ཟླ་བཅུ་གཉིས་པའི་ཉེར་ལྔ་ནས་དུས་ཁྲིད་འཛུགས་པ་གནང༌། 
ས་ཕོ་སྤྲེའུ་ལོ་སྐུ་འབུམ་ཆེན་མོའི་གཞན་གྱི་མཛོད་མིག་སྟོན། མཆོད་པ་འབུལ་བ་གནང་
བས་སྐུ་འབུམ་སྟེང་གི་ནམ་མཁའ་ལ་འཇའ་འོད་ཀྱི་དབུས་སུ་དཀྱིལ་འཁོར་དང་ལྷ་མང་པོས་
མཆོད་པ་འབུལ་བ་གཟིགས། སློབ་དཔོན་པདྨ་འབྱུང་གནས་རྣལ་འབྱོར་པའི་ཆ་བྱད་ཅན་
གཅིག་དང་དངོས་སུ་མཇལ། དེ་ནས་གཏིང་སྐྱེས་སུ་ཕེབས། སྐྱེས་བུ་གསུམ་གྱི་ལམ་རིམ་དང༌། 
ས་ཕུར་གྱི་དབང་སོགས་གནང༌། གམ་པར་དུས་འཁོར་གྱི་དབང་ཆེན་མོ་གནང༌། བྲག་སྟོད་དུ་
ཕེབས་ནས་གཙུག་ལག་ཁང་གསར་བཞེངས་དང་དེའི་རྟེན་གསར་དུ་བཞུགས་པ་གནང་བ་ལ་
དངུལ་གདུང་དཔང་དུ་རྩེ་ཁྲུ་དྲུག་པ་རྒྱན་བཟང་བ་དང་བཅས་་དང༌། རྗེ་བཙུན་བྱམས་པའི་སྐུ་
རྒྱབ་མཐོ་གསུམ་པ་རྣམས་ལེགས་པར་བསྒྲུབས། གཟུང་བཞུགས་གནང་ནས་ཧོར་ཟླ་དགུ་པའི་
ཚེས་བཅུ་གསུམ་གྱི་ཉིན་རབ་གནས་དངོས་གཞི་གནང་ནས་ལྟས་ལེགས་པར་བྱུང༌། ཕྱི་རྟེན་
བྱང་ཆུབ་ཆེན་པོའི་མཆོད་རྟེན་ཡང་རྩིགས། རྗེ་བྲག་སྟོད་པའི་སྐུ་གདུང་ཞུགས་འབུལ་གནང་
འཇའ་འོད་དང་མེ་ཏོག་གི་ཆར་སོགས་ལྟས་ཡ་མཚན་པ་བྱུང༌། གདུང་རུས་རྣམས་མཆོད་རྟེན་གྱི་
ནང་དུ་འཇུག་པ་གནང༌། དེ་ནས་ཇོ་ནང་དུ་ཕེབས་ཏེ་དུད་ཁྲིད་བཙུགས། 
བྱ་ལོ་ཧོར་ཟླ་དང་པོའི་ནང་དུ་གཞིས་ཀ་རྩེར་སྡེ་པ་ཀརྨ་བསྟན་སྲུང་སྐུ་གཤེགས་པའི་
སྟབས་ཀྱི་གདན་འདྲེན་ནན་ཆེ་བ་ནས་ཉེར་གསུམ་གྱི་ཉིན་ཆིབས་ཁ་བསྒྱུར་གཞིས་ཀ་རྩེར་
ཕེབས་དགོངས་རྫོགས་ཆོག་གྲྭ་མང་པོ་བཙུགས་པ་རྣམས་ཀྱི་གཙོ་བོ་གནང༌། སྐུ་ཚིགས་གྲོལ་
ནས་ཤངས་ཀྱི་འཇག་ཏུ་ཕེབས་བཀའ་ཆོས་མང་དུ་གནང༌། སྟག་ནའི་དགོན་པར་ཏྲེ་བོ་སྤྲུལ་པའི་
སྐུའི་སྐུ་གདུང་ལ་རབ་གནས་གནང༌། ཉུག་རྒྱལ་ཁང་དུ་ཕེབས་ནས་ཞལ་ངོ་རྣམས་ལ་གཟུང་གྲྭ་
ལྔའི་དབང་སོགས་གནང༌། དེ་ནས་ཆོས་གྲྭ་ཆེན་པོ་གསེར་མདོག་ཅན་དུ་ཕེབས། ཚོགས་ཆེན་
ལ་དུས་ཀྱི་འཁོར་ལོའི་དབང་རྒྱས་པ་དང་སྒྲོལ་མ་ཉེར་གཅིག་སོགས་གནང༌། འཁོར་ལོ་ཆེན་
22-1-241


པོའི་དབང་སོགས་སོ་སོའི་འདོད་མང་པོ་དང་བསྙེན་རྫོགས་ཤིན་ཏུ་མང་བ་བྱུང༌། བསྒྲུབ་གནས་
བསམ་སྡིངས་སུ་ཕེབས་ཕག་མོ་ལྷ་སོ་བདུན་མའི་དབང་སོགས་གནང་ནས་འདུས་འབྱུང་དུ་
ཕེབས། ཞལ་ངོ་རྣམས་ལ་ཚེ་དབང་སོགས་དང༌། ཆོས་ཞུ་བ་རྣམས་བདེ་མཆོག་ལ་བ་བཅུ་
གསུམ། འཇིགས་བྱེད་བཅུ་བདུན་མ་དང་གཟུངས་གྲྭ་ལྔའི་དབང་རྣམས་དང༌། བདེ་མཆོག་ནག་
པོ་པའི་བསྐྱེད་རིམ་བཤད་པ་རྒྱས་པ་དང༌། ཐུགས་རྩོམ་མང་པོའི་ལུང་གནང་དེ་ནས་འབྲོང་རྩེ་
བརྒྱུད་ནས་རྩེ་ཆེན་དུ་ཕེབས་གསུང་རབ་གསར་བཞེངས་རྣམས་ལ་རབ་གནས་གནང༌། ཞལ་
ངོ་རྣམས་ལ་དབང་ཆོས་ཀྱི་ཅི་རིགས་གནང༌། རྒྱལ་རྩེར་ཕེབས་ཞལ་ངོ་རྣམས་ལ་རྐྱེན་སེལ་གྱི་
དབང་དང༌། ཆོས་ཞུ་བ་སྣ་ཚོགས་འདུས་པ་ལ་གསང་འདུས་འགོས་ལུགས་ཀྱི་དབང་དང་རིམ་
ལྔའི་ཁྲིད། བདེ་མཆོག་ལུ་ཡི་པའི་དབང་སོགས་གནང་ནས་སླར་གཞིས་ཀ་རྩེར་ཕེབས༌། གྲུབ་
རྒྱལ་མ་ལྷ་མངས་ཀྱི་ཚེ་དབང་དང་འཇམ་དཔལ་གསང་ལྡན་གྱི་དབང་གནང༌། སྔར་བདག་གི་
བདེ་མཆོག་འཇམ་པའི་རྡོ་རྗེའི་དབང་གཅིག་གནང་དགོས་ཞུས་པས་ངས་ཡི་དམ་ལྷ་ལ་གསོལ་
བ་བཏབ་ཨེ་ཡོང་ལྟ་གསུངས། དེ་ནས་ཉང་སྟོད་དུ་ཐུགས་དགོངས་བསྟོད་པ་གནང་བས་ཐོ་
རངས་ལ་ཞིག་སྔར་ཁམས་ཀྱི་བྱང་ངོས་ཞིག་ཏུ་སྔགས་འཆང་དུ་སྐྱེ་བ་བཞེས་བདེ་མཆོག་འཇམ་
པའི་རྡོ་རྗེ་ལ་ཡི་དམ་དུ་བྱས་བསྒྲུབས་པས་ཞལ་མཐོང༌། དེ་དུས་ཀྱི་དཀྱིལ་འཁོར་གྱི་སྟེགས་
བུ་སོགས་ཐུགས་གསལ་བར་ཤར། དེར་གྲུབ་ཆེན་མི་འཇིགས་འབྱུང་གནས་ཀྱིས་ཁྱེད་རང་གི་
ཞལ་མཐོང་བའི་ཡི་དམ་ལྷ་ཡིན་པས་དབང་བསྐུར་ཆོག་ཅེས་བཀའི་གནང་བ་བྱིན་ཏེ་བདག་
ལ་མངོན་པར་དབང་བསྐུར་བ་བཀའ་དྲིན་དུ་སྩལ། དེ་ནས་ཚོང་འདུས། སྣར་ཐང༌། བྱང་ཆེན་
སོགས་སུ་འདོད་ཆོས་མང་པོ་སྩོལ་བཞིན་དུ་གནས་སྲིན་པོ་རིར་ཕེབས། སྡེ་པ་དཔོན་གཡོག་ལ་
གཤེད་དམར་བཅུ་གསུམ་མའི་དབང་སོགས་གནང་ཞིང་སེར་བ་དྲག་པོ་དང་གདོང་གི་ཉེ་འཁོར་
དུ་ཐོག་འབབ་པ་སོགས་ལྟས་ལེགས་རྒྱུ་མེད་ཙམ་ཤར། དེ་ནས་ཇོ་ནང་དུ་ཕེབས། བླ་བྲང་དམ་
22-1-242


ཆོས་གླིང་གི་བར་ཐོག་ཕྱིན་གྲུབ་པ་ལ་རབ་གནས་གནང༌། རྩེ་སྐོར་དུ་ཆོས་སྡེ་གསར་འདེབས་
ཀྱི་ས་ཆོག་གནང༌། དེ་ནས་ངམ་རིང་དུ་ཕེབས་ཟླ་གཅིག་ཙམ་གྱི་རིང་ལ་དུས་འཁོར་གྱི་དབང་
རྒྱས་པ། ཕུར་པ་ས་ལུགས་ཀྱི་སྟོད་ལས་སྨད་ལས་ཀྱི་དབང༌། གྲུབ་རྒྱལ་མ་ལྷ་མང༌། རས་ཆུང་
ལུགས་ཀྱི་གཏུམ་པོའི་དབང༌། སྒྲུབ་ཐབས་རིན་ཆེན་འབྱུང་གནས་ནང་གི་རྗེས་གནང་ཉིས་བརྒྱ་
ཟིན་པ་སྟེ། དགུན་ཉི་མ་ཐུང་སྐབས་ཟླ་གཅིག་ལ་ཆོས་དེ་ཙམ་གནང་ཐུབ་པ་ནི་སྤྲུལ་པའི་མཛད་
པ་ཁོ་ན་ལའོ། ། དེ་ནས་ཆོས་ལུང་བྱང་རྩེར་ཕེབས་ཡུམ་རིན་མོ་ཆེ་སོགས་ལ་རྟེན་མཇལ་ཞིབ་
རྒྱས་དང་རྡོ་རྗེ་འཇིགས་བྱེད་ཀྱི་བཀའ་དབང་སོགས་གནང༌། དེ་ནས་གཏིང་སྐྱེས་སུ་ཕེབས་མ་
ཡ་དང་སམྦྷ་ཊིའི་དབང་ལ་སོགས་པ་མང་དུ་གནང༌། གསང་རིར་གཟིམ་ཁང་གསར་བཞེངས་
ལ་རབ་གནས་གནང༌། ཆོས་བཀའ་མི་གཅིག་པ་བཅུ་གསུམ་ཙམ་གྱི་འགོ་བཙུགས་པའི་རྟེན་
འབྲེལ་སྒྲིག་པ་གནང༌། 
ཤིང་ཕོ་ཁྱི་ལོར་ཧོར་ཟླ་དང་པོ་གསར་འཕྲལ་ལ་ཇོ་ནང་དུ་ཕེབས། དུས་ཁྲིད་འཛུགས་པ་
གནང༌། འཛམ་ཐང་བའི་འབུལ་སྐྱེལ་བ་སོགས་མང་པོ་ལ་དུས་འཁོར་གྱི་དབང་དང༌། མགོན་
པོའི་རྗེས་གནང་གནང༌། ཧོར་ཟླ་བཞི་པའི་ནང་དུ་ལུང་གི་ཤིན་སོགས་བལ་པོ་མང་པོ་སླེབས། 
རྗེ་བཙུན་བྱམས་པའི་སྐུ་བཞེངས་པའི་གྲ་འཛུགས་པ་གནང༌། རྟེན་བཞེངས་ཀྱི་སྒྱུར་བྱང་ནས་
ནས་ཁལ་སྟོང་ཕྲག་ཙམ་ཕུལ། བསམ་འགྲུབ་རྩེར་སྡེ་པ་མཐུ་སྟོབས་དྲུང་སྐུ་ཁམས་ཤིན་ཏུ་
བརྟེན་པ་ནས་གདན་འདྲེན་བྱུང༌། ཧོར་ཟླ་བརྒྱད་པའི་ཚེས་བཅུ་ལ་ཆིབས་ཁ་བསྒྱུར་ནས་གཞིས་
ཀ་རྩེར་ཕེབས། གནམ་གང་གི་ཐོ་རངས་སྡེ་བ་སྐུ་ཞིང་བརྗེ་བའི་དབུ་སྔས་འགོར་ཕེབས་འཕོ་བ་
གནང༌། དགོངས་རྫོགས་ཆོ་ག་གྲ་ཤིན་ཏུ་རྒྱ་ཆེ་བར་འདུག་ཅིང༌། དཔོན་སློབ་སྐུ་དངོས་ཀྱི་མི་
འཁྲུག་པའི་ཆོ་གའི་སྐོར་ནས་རྗེས་སུ་བཟུང་ཞིང་མཚན་བྱང་བཞུ་བ་སོགས་གནང༌། སྐུ་ཚིགས་
རེ་རེའི་མཚམས་སུ་སྡེ་པ་དེ་ཉིད་འབྱོན་ཞིང་ན་བཟའ་སོགས་བཟང་དུ་འགྲོ་བའི་རྣམ་པ་བྱུང༌། 
22-1-243


ཞེ་དགུ་གྲོལ་ནས་མ་བྱུང་སྟེ་སྐྱེ་སྲིད་ཁྱད་པར་ཅན་གཅིག་ཏུ་ཉིན་མཚམས་སྦྱར་འདུག་གསུངས། 
བསྔོ་རྟེན་འབུལ་བ་དཔག་ཏུ་མེད་པ་དང་རྟེན་བཞེངས་ཀྱི་རྒྱུར་འགྲོ་བའི་གསེར་ཞོ་ཉིས་བརྒྱ་
ཡང་བྱུང༌། དེ་ནས་ཇོ་ནང་དུ་ཕེབས་རྟེན་བསྒྲིགས་དང་གཟུང་རྫོངས་ལེགས་པར་གྲུབ་ནས་ཧོར་
ཟླ་བཅུ་པའི་ཚེས་ལྔ་ལ་རབ་གནས་སྟ་གོན་གནང༌། ཚེས་དྲུག་ནས་ཉི་མ་རིམ་བཞིན་བདེ་ཀྱེ་
གསང་གསུམ་འཁོར་ཆེན། དུས་འཁོར་ཐུགས་དཀྱིལ་རྣམས་ཀྱི་དཀྱིལ་འཁོར་རིམ་བཞིན་ཞལ་
ཕྱེ་སྟེ། དེ་དག་སོ་སོ་ལ་བརྟེན་པའི་རབ་གནས་རྒྱས་པ་ལན་དྲུག་གནང༌། ཚེས་བཅུ་གཅིག་ཉིན་
རབ་གནས་དངོས་གཞི་ཆེན་མོའི་སྐབས་བྱང་ནས་སྡེ་སྲིད་ཀྱང་ཕེབས་ནས་ཡུལ་ལུགས་བཞིན་
དཔའ་བོ་འཛུག་པ་མཛད། སྐུ་འབུམ་ཐང་དུ་དགའ་སྟོན་བཞུགས་གྲ ལ་རྒྱ་ཆེན་པོ་གནང༌། དེ་
ཐོག་ཏུ་གཙང་བྱང་སོགས་ནས་འབུལ་བ་རྒྱ་ཆེར་ཕུལ་བྱམས་པའི་སྐུ་ལ་བྱུགས་གསེར་ཞོ་ལྔ་
བརྒྱ་ལྷག་སོང་བ་བལ་པོ་རྣམས་ལ་དེ་ལས་སྲང་ལྔ་དྲུག་གི་ལྷག་པའི་ཡོན་རྫོངས་སྤུས་གཙང་
བ་གནང་ཤིན་ཏུ་མགུ། ཇོ་ནང་དགོན་ལག་དང་བཅས་པ་རྣམས་ཆོག་གྲྭ་མཛད་པ་ལ་བསྙེན་
བཀུར་དང་ཡོན་བཟང་བ་གནང༌། ཙ་རུའི་བཟའ་བས་ཁྲོམ་ཐམས་ཅད་ཀྱང་ཁྱེད་པ་གནང་བས། 
ཐམས་ཅད་དགའ་མགུ་ཡི་རང༌། རབ་གནས་ཀྱི་ལྟས་ཀྱང་ཤིན་ཏུ་ལེགས། བྱང་པ་བདག་པོ་
དཔོན་གཡོག་རྣམས་ལ་གསང་འདུས་འཇིག་རྟེན་དབང་ཕྱུག་གི་དབང་གནང༌། དེ་རྗེས་སྒྲུབ་སྡེ་
རྣམས་ལ་ལམ་རིམ་དང་བྱང་ས་གནང༌། ཧོར་ཟླ་བཅུ་གཅིག་པའི་ཚེས་བཞི་ལ་རྗེ་བཙུན་བྱམས་
པའི་སྐུ་ལ་རབ་གནས་ཞིག་གནང་སྟེ་ཀུན་དྲིལ་རབ་ཏུ་གནས་པ་ལན་བདུན་གནང༌། དེ་ནས་
དུས་ཁྲིད་སྔར་ལུགས་བཞིན་གནང༌། མཇུག་ཏུ་སྡིང་ཁ་སྐུ་སྐྱེ་བླ་མར་བཀོད། 
ཤིང་མོ་ཕག་གསར་ཆོས་གཞིས་རྣམས་ལ་ཁྲལ་སྐུལ་བས་བཙུན་གསར་བདུན་ཅུ་ཙམ་
གྱིས་སྐྲ་བཅད། འདོལ་ཆུང་དུ་སྡེ་པ་གཤེགས་པའི་གདན་འདྲེན་ནན་ཆེ་བ་ནས༌། ཧོར་ཟླ་གསུམ་
པའི་ཚེས་གཉིས་ལ་འདོལ་ཆུང་དུ་ཕེབས། གདུང་ཆོས་བྱང་བཞུ་སོགས་གནང་དེ་རྗེས་སྡེ་པ་
22-1-244


ཀརྨ་བསྟན་སྲུང་དཔུང་ཐོག་ཏུ་ཕེབས་པའི་གཙང་གི་དཔུང་ཆེན་ཡར་རྒྱབ་ལ་འདེགས་པ་གནང་
རྒྱུའི་ནོར་བུ་ཁྱུང་རྩེར་ཕེབས་སྐབས་སྤྱན་འདྲེན་བྱ་བ་ལྟར་ཕེབས་ནས་སྡེ་པ་དཔོན་གཡོག་
རྣམས་ལ་ཚེ་དབང་རྗེས་གནང་སོགས་མང་དུ་གནང་རྟེན་འབྲེལ་ལེགས་པའི་མཚན་མ་ཤར། 
དབུས་ཀྱི་ལུང་པ་རྣམས་དང་ཁྱད་པར་དགོན་གནས་རྣམས་ལ་གནོད་པ་ཡེ་མེད་པ་དགོས་པའི་
བཀའ་བཀོད་གནང༌། དེ་ནས་ཧོར་ཟླ་བཞི་པའི་ནང་དུ་ཇོ་ནང་དུ་ཕེབས། བྱམས་ཁང་གི་ལོགས་
བྲིས་རྣམས་ཀྱི་ཞལ་བཀོད་གནང༌། ས་གའི་ཉ་ལ་དགེ་རྩ་འཛུགས་པ་གནང༌། ལྕ་ལུང་གི་ཆུ་དེ་
ཤིན་ལོད་པོ་གྲགས་པ་ལ་ཐུགས་དམ་གྱི་སྟོབས་ཀྱིས་ཤིན་ཏུ་བཟང་བར་གྱུར། དངོས་སུ་ཤམྦྷ་
ལ་ཡང་ཡང་གཟིགས་པ་བྱུང༌། ཡང་བད་ད་རའི་གླིང་དུ་རྒྱལ་པོ་ཨིནྟྲ་བྷུ་ཏི་ཆེན་པོ་ཉིད་སྤྱན་
རས་གཟིགས་སེམས་ཉིད་ངལ་གསོ་འདྲ་བ་ཞིག་རིན་པོ་ཆེའི་ཁང་བཟང་གི་ནང་ལ་བཞུགས་པ་
ང་འབྱོར་པ་སྣ་ཚོགས་པའི་གང་པའི་ཁྱིམ་དང་ཡུལ་ལྗོངས་ཡིད་དུ་འོང་བ་གཟིགས། དེ་དུས་
སྐྱི་སྦུག་ཏུ་སྐུ་མཚམས་གནང་གི་ཡོད་པ་ནས། ཧོར་ཟླ་དྲུག་པའི་ཚེས་གསུམ་ནས་བཅུ་གཅིག་
གི་བར་ནུབ་རེ་བཞིན་སེར་བ་དང་ཐོག་འབྲུག་མི་ཟད་པ་དང་ཆོ་འཕྲུལ་འཚུབ་པོ་མང་དུ་བྱུང་
བར་ཐུགས་དམ་ལ་མམ་པར་འཇོགས་པ་གནང་བས་ཐོ་རངས་ཞི་འགྲོ་བ་ཤ་སྟག་བྱུང༌། དེའི་
ཚེས་བཅོ་ལྔའི་ནུབ་མོ་གཟིམ་ཁང་གི་ཟུར་ནས་རྡོ་ཁ་རེ་འཛགས། རྩིག་པ་དེ་འགྱེལ་འགྲོ་བར་
ཀུན་གྱིས་ཤེས་ཀྱང་རྐྱེན་ཐོག་ཏུ་བཟློག་བསྒོམ་གནང་ནས་བཞུགས་གདན་མ་སྤོས་པ་དེ་རང་
དུ་བཞུགས། དེའི་ནམ་ཕྱེད་ཡོལ་ལ་འུར་སྒྲ་ཆེན་པོ་དང་བཅས་བྱང་སྐྱ་ཐམས་ཅད་ཞིག ནམ་
གུང་མུན་ནག་དང་བེར་ཆེན་པོ་ལངས་པའི་བཞུགས་ས་རང་གི་ཐད་ཀྱང་རྡིབ་འགྲོ་བ་ལྟ་བུ་བྱུང་
ནས་ཐུགས་ལ་སྙེམས་འཕྲིག་རྡུལ་ཙམ་བྱུང་དེ་རྣམས་ཀྱང་གཞན་གྱི་བྱད་ཁ་རྦོད་གཏོང་མང་པོ་
ཡོད་པའི་འཚུབ་ཡིན་འདུག་ནའང༌། ནམ་མཁའ་ལྟ་བུའི་རྣལ་འབྱོར་བ་ལ་སུ་ཞིག་གིས་རྫི་བར་
ནུས། བྱང་པས་ཕུ་གསུམ་ཆོས་གཞིས་སུ་ཕུལ། ཧོར་ཟླ་བདུན་པའི་ཚེས་ནང་དུ་ཆོས་གླིང་དུ་
22-1-245


གསེར་སྐུ་ལྷ་ཁང་སྒྲིགས་པ་གནང༌། ཧོར་ཟླ་བརྒྱད་པའི་ནང་དུ་གཞིས་ཀ་བསམ་འགྲུབ་རྩེ་ནས་
གདན་འདྲེན་ནན་ཆེ་བ་བཞིན་ཉེར་དྲུག་གི་ཉིན་རྩེར་ཕེབས། དེའི་ཉིན་རྫོང་ཐད་ཀྱི་ནམ་མཁའ་
ལ་འཇའ་སྤྲིན་གྱི་དཔལ་བེའུ་དང༌། དགའ་བ་འཁྱིལ་བའི་རྣམ་པ་གསལ་བར་བྱུང་བ་སོགས་
ལྟས་ཡ་མཚན་པར་བྱུང༌། སྡེ་སྲིད་ཡབ་སྲས་གཙོ་བོར་གྱུར་པ་དང་གཞན་ཡང་ཆོས་ཞུ་བ་སོ་སོའི་
འདོད་ཆོས་མང་དུ་གནང་སྟེ། འཁོར་ལོས་སྒྱུར་བ་དྲུག བདེ་མཆོག་འཕྲུལ་སྤོང༌། དྲིལ་བུ་ལུས་
དཀྱིལ། གུར་རིག་བསྡུས། སམྦྷུ་ཊ་རྡོར་དབྱིངས། འཇིགས་བྱེད་ས་ལུགས། དཔྱལ་ཕག་སྐོར་
གསུམ། ཀུན་རིག འཆི་མེད་རྔ་སྒྲ་རྣམས་ཀྱི་དབང་མཧཱ་མ་ཡའི་ཁྲིད། གཅོད་ཁྲིད། སུམ་པ་ལོ་ཙཱ་
བའི་སྙན་རྒྱུད། ཕྱག་རྒྱ་བཞིའི་སྙིང་པོའི་ཁྲིད། རྒྱུད་འགའ་རེའི་ལུང་སོགས་ལུང་མང་བོ་དང་རྗེས་
གནང་མང་བོ་གནང༌། ཞབས་དྲུང་སྐུ་འབྲིང་བའི་སྐུ་མཆེད་སྟེང་འཚོམ་དུ་ཆོས་ལུགས་ཐ་དད་
འདུས་པའི་དགེ་འདུན་མང་པོའི་དབུས་སུ་གསུང་བསྔོ་གནང༌། འབྲང་ཕུ་དགོན་པ་སྤྱི་མཆོད་དུ་
འདོམས་དང་འབྲང་དུ་སྡེ་ཐུང་དང༌། ཇོ་ནང་དུ་གཡུ་རྩེ་ཆོས་གཞིས་སུ་ཕུལ་བ་བཞིས་གདོང་ཁ་
པ་དང༌། སྣར་ཐང་དཔོན་མོ་སོགས་ཞུ་ངོ་གནང་དགོས་རྣམས་ཡང་ཕན་ཐོགས་ཆེ་བ་བྱུང༌། ཧོར་
ཟླ་བཅུ་པའི་ཚེས་བཅུ་བདུན་ལ་ཉ་རི་དགེ་ཚལ་དུ་ཕེབས་ནས་ཇོ་ནང་དུ་ཉེར་གསུམ་ལ་ཕེབས། 
ཧོར་ཟླ་བཅུ་གཅིག་པའི་ནང་དུ་གཙུག་ལག་ཁང་གི་ལོགས་བྲིས་ལ་རབ་གནས་གནང༌། དུས་
ཁྲིད་སྦྱོར་དྲུག་འཛུགས་པ་དང་མཉམ་དུ་བླ་བྲང་འགག་པ་སོགས་ལ་ཤངས་ཆོས་ཀྱང་འཛུགས་
པ་གནང༌། དེ་ནས་གསེར་མདོག་ཅན་ནས་འོངས་པའི་ཁམས་པ་སོགས་དོན་གཉེར་བ་འགའ་
ལ་ལམ་འབྲས་གནང༌། ཧོར་ཟླ་གཉིས་པའི་ཚེས་གསུམ་ལ་ཆོས་ལུང་བྱང་རྩེར་ཕེབས། གྲྭ་ཁྲལ་
གནང་བའི་གྲྭ་གསར་རྣམས་ལ་ཐེག་པ་གསུམ་གྱི་འདུལ་བའི་བསླབ་བྱ་རྣམས་ཀ་རི་ཀ་ལྔ་བཅུ་
པ་སོགས་སོ་སོའི་ལུང་ལ་བརྟེན་ནས་བཤད་པ་དང༌། མི་འཁྲུགས་པ། བདེ་མཆོག་ལྷ་ལྔ། ནག་
པོ་པའི་དབང་རྣམས་གནང༌། དགོན་པའི་ཉེ་བསྐོར་ན་གཞན་གྱིས་ངན་བྱད་བྱས་པའི་འཁོར་
22-1-246


ལོ་ཡོད་པའི་ཐུགས་དམ་གྱི་ལྟས་ལ་དགོངས་ནས་དེ་དག་བཏོན་ཏེ་དྲག་པོའི་སྦྱིན་སྲེག་ཀྱིས་
བསྲེགས། དེ་ནས་ཇོ་ནང་དུ་ཕེབས་བྱང་ལྷ་རྩེར་ནས་གདན་འདྲེན་ནན་ཆེ་བ་ནས། སྡེ་སྲིད་ཉིད་
ཀྱི་གཙོས་པའི་ཕེབས་བསུ་སེར་སྦྲེང་སོགས་རྒྱས་པས་བསུས་ཏེ་ཧོར་ཟླ་གསུམ་པའི་ཚེས་ཉེར་
བདུན་ལ་ལྷ་རྩེའི་ཕོ་བྲང་དུ་ཕེབས། ཟླ་བ་དཀར་ནས་སྡེ་སྲིད་དང་ངམ་རིང་མཁན་ཆེན་གྱི་ཕྱག་
ཕྱིར་མི་སྐྱ་གཉིས་ཙམ་མ་གཏོགས་བླ་སློབ་དཔོན་མཁས་པ་འགའ་ཞིག་ཚོགས་པའི་དབང་ཆོག་
གཅིག་ལ་གསང་འདུས་འཕགས་ལུགས་ཀྱི་དབང་རྡུལ་ཚོན་གྱི་དཀྱིལ་འཁོར་བཞེངས་ཏེ་དབང་
ཆ་གཉིས་དང་གསང་དུས་རིམ་ལྔའི་ཁྲིད་བསྐྱེད་རྫོགས་ཀྱི་བཤད་པ་ཞིབ་མོ་གསང་འདུས་
རྩ་རྒྱུད་འགྲེལ་པ་སྒྲོན་གསལ་འཕགས་པ་ཡབ་སྲས་ཀྱི་གཞུང་ལྔ་རྣམས་ལ་བཤད་ལུང་ཞིབ་མོ་
གནང༌། རྫོང་མདུན་དུ་ཆོས་ཁྲི་མཐོན་པོའི་སྟེང་ནས་དབུ་མ་ལུགས་ཀྱི་སེམས་བསྐྱེད་རྗེ་བཙུན་
ས་སྐྱ་པཎྜི་ཏའི་ཡི་གེ་སོར་བཞག་བཞིན་གནང༌། སྔར་གྱི་ཆོས་ཞུ་བ་རྣམས་ལ་དབུ་མ་གཞན་
སྟོང་ལ་བཤད་འདོམས་རྒྱས་པར་བསྩལ་དབུ་མའི་ལུགས་སྲོལ་ཐམས་ཅད་ཀྱི་ལྟ་བ་དང་གྲུབ་
མཐའ་ལ་ངེས་པ་སྐྱང་བར་མཛད། ཆོས་ཞུ་བ་པོ་རྣམས་ཀྱིས་འདི་ལྟར་སྡེ་སྣོད་ལ་མཁྱེན་པ་རྒྱས་
པ་ཡོད་ཕྱིན་མཚན་ཉིད་ཀྱི་བཤད་གྲྭ་འཛུགས་པ་གནང་ན་ཡོང་བ་འདུག་ཅེས་ཞུ་མཁན་འབའ་
ཞིག་བྱུང༌། འདི་སྐབས་འབྲང་དུ་ཡབ་སྐུ་མདུན་རྣམ་རྒྱལ་ཕུན་ཚོགས་གཤེགས་སྐུ་རྗེས་རྒྱས་
པར་གནང༌། བྱང་ཞབས་དྲུང་དུ་གྲུབ་ཆེན་ཞི་བའི་ཞབས་ནས་བརྒྱུད་པའི་སྦྱོར་དྲུག་གསར་པ་
དེ་ཡང་གནང༌། དེ་ནས་འདར་དུ་ཕེབས་སྡེ་པ་སྙུང་བ་ལ་དབང་བཀའ་རྗེས་གནང་གནང་བས་
དྭངས་སྐྱེད་ཆེ་བ་བྱུང༌། བྱང་ནས་ནན་ཆེ་བས་སྦྱོར་དྲུག་གསར་པའི་ཁྲིད་ཡིག་ཀྱང་ཐུགས་རྩོམ་
གནང་། དེ་ནས་མང་མཁར་ཆབ་ཚན་གནང་བས་ཞལ་སྐྱུག་མང་བ་སོགས་སྐུ་གཟུགས་མ་བདེ་
བ་རང་བྱུང་བཞིན་པས་བྲག་སྟོད་དུ་ཕེབས། ཕེབས་འཕྲལ་ནས་གཙང་ཁང་གསར་བཞེངས་
རྣམས་ལ་རབ་གནས་རྒྱས་པ་གནང༌། དེ་གྲུབ་ནས་སྐུ་ཁམས་ཤིན་ཏུ་སྙུང་ཡང་ནད་ལ་ཐོག་
22-1-247


འགེལ་མ་གཏོགས་སྨན་བཅོས་བཞིན་ཡེ་མ་གནང༌། སེམས་ཅན་ཐམས་ཅད་ལ་སྙིང་རྗེ་ཆེན་པོ་
འཁྲུངས་སྤྱན་རས་གཟིགས་ལ་གདུང་ཤུགས་དྲག་པོས་གསོལ་འདེབས་གནང་བས་ཉིན་གཅིག་
མདུན་གྱི་ནམ་མཁའ་སྤྱན་རས་གཟགས་ཁ་སར་པ་ཎི་ཕེབས། དེས་བུམ་ཆུས་བཀྲུས་པས་སྙུང་
བ་ཕལ་ཆེར་དྭངས། ཞག་གཉིས་ནས་སིང་དེ་དྭངས། དེ་ཡང་སྦྱོར་དྲུག་གསར་པ་སྙན་རྒྱུད་དེ་
ངོ་བསྲུང་གི་དབང་གིས་སྣོད་མིན་ལ་བཤད་པ་དང་ཡི་གེར་བཀོད་པ་ལ་བཤགས་པ་དང་ཆོས་
བདག་མཁའ་འགྲོ་ལ་དམ་སྐོང་ཚོགས་འཁོར་སོགས་གནང་མ་ཐུབ་པའི་འཚུབ་བྱ་ཁོ་ན་ཡིན་
གསུངས་གདེང་ཐོབ་བྱུང་བས་ཆོས་ཞུ་བ་སྒོམ་ཆེན་ཕོ་མོ་ལྔ་བརྒྱ་ཙམ་ཆོས་སྒུགས་ལ་ཡོད་པ་ལ་
ནཻ་གུ་དང་ཕྱག་ཆེན་གྱིས་གཅེས་པ་གནང༌། སྙིང་པོའི་དོན་རྒྱུད་རང་སེམས་ངོ་སྤྲོད་པ་ཡིན་པས་
འཁྲིད་གསར་པའི་རིགས་ངོ་སྤྲོད་ཞུ་འདོད་ཤིན་ཏུ་མང་བ་རྣམས་ལ་ངོ་སྤྲོད་འཐེམ་པ་བྱས། ཁྲིད་
ཐེབས་ཚུལ་ཡང་ལེགས་པ་ཁོ་ན་བྱུང༌། སྐབས་དེར་གྲྭ་ཚང་ནས་བླ་ཆེན་ཆོས་རྗེ་གཤེགས་པའི་
བསྔོ་རྟེན་འབུལ་མི་སླེབས། རྗེ་དེ་ལ་ཐུགས་ཤིན་ཏུ་འཕང་བར་མཛད། 
དེ་ནས་གཏིང་སྐྱེས་སུ་ཕེབས། རྒྱལ་བུ་དབང་གི་རྒྱལ་པོ་སྐུ་ཆོས་མཛད། དགེ་བསྙེན་དང་
རབ་བྱུང་སྔོན་དུ་འགྲོ་བའི་དགེ་ཚུལ་གྱི་སྡོམ་པ་བཞེས་མཚན་ཀུན་དགའ་ཡེ་ཤེས་རྒྱ་མཚོར་
བཏགས། རྟེན་འབྲེལ་ལེགས་པར་བྱུང༌། ཞལ་ངོ་རྣམས་ལ་དབང་རྗེས་གནང་མང་དག་དང་
དགེ་བཤེས་འགའ་ཤས་ལ་དབུས་མཐའ་རྣམ་འབྱེད་ལ་བཤད་པ་གནང་ཚུར་ལམ་གདོང་ཁར་
བདེ་མཆོག་དྲིལ་བུ་པའི་དབང་གནང༌། རྩད་སྐོར་གྱི་རྫོང་ལ་འཕོ་འཆུག་ཡོང་བ་སོགས་ཀྱི་ལྟས་
ཤར། ཇོ་ནང་དུ་ཕེབས་ཟླ་བ་གཅིག་ཙམ་དང་ཐུགས་རྩོམ་གྱི་རིགས་མང་བ་གནང༌། སྟོན་ཟེར་
བྱང་པ་བདག་པོ་ལྷ་དབང་རྩེ་ལ་ཕེབས་ཞོར་མར་ལམ་ཇོ་ནང་དུ་ཕེབས་ནམ་མཁའ་དྭངས་བ་
ཡོད་འཕྲོ་ལ་རླུང་དམར་ལངས་པ་སོགས་ལྟས་ལེགས་རྒྱུ་མེད་པ་བྱུང༌། དེ་ནས་དཔོན་སློབ་
དབུས་ལ་ཆིབས་ཁ་བསྒྱུར་བའི་མར་ལམ་ལྷ་དབང་རྩེར་ཕེབས། སྒྲོལ་མ་རྣལ་འབྱོར་མའི་ཆོས་
22-1-248


སྐོར་སོགས་གནང་ནས་རིམ་གྱིས་གཞིས་ཀ་བསམ་འགྲུབ་རྩེར་ཕེབས། ཉེ་བའི་སྲས་བརྒྱད་
བླུགས་སྐུ་དང་བཀའ་འགྱུར་གསར་བཞེངས་ལ་གསང་འདུས་འཕགས་ལུགས་ཀྱི་དཀྱིལ་
འཁོར་ལ་བརྟེན་པའི་རབ་གནས་གནང་རྟེན་འབྲེལ་ཤིན་ཏུ་ལེགས་པར་བྱུང་། དཀྱིལ་འཁོར་
དེ་སྟེང་ནས་དབང་བསྐུར་བ་ཡང་སྩལ། གཞན་ཡང་གཤེད་དམར་བཅུ་གསུམ་མ་དང་འཇམ་
དཔལ་གསང་ལྡན་གྱི་དབང་བསྐུར་དང་སྡེ་སྲིད་ཡབ་སྲས་སུ་ཚེ་དབང་ལ་སོགས་པའི་ལེགས་
ཚོགས་ཀྱི་བཀའ་ཆོས་གནང༌། རིན་ཆེན་ཀ་བཞི་ནས་ཀྱི་སྐུ་སྐྱེས་གཙུག་ཕུད་བཞེས། དེ་ནས་
ཚོང་འདུས་བརྒྱུད་པ་རྣམ་བསམ་སྡིངས་སུ་ཕེབས། དེ་སྐབས་རྩེ་ཆེན་པ་ལ་སྡེ་སྲིད་ནས་བཀའ་
བཀྱོན་ཕེབས་པའི་རྫོང་གཞིས་ཕྱག་ཏུ་བཞེས། ལ་སྟོད་བྱང་ལ་དཔུང་ཆེན་འཇུག་པ་གནང་རྩིས་
ཀྱི་པ་སྣམ་དུ་སྒ ར་གྲ་བསྒྲིགས་པ་མཛད་ཀྱི་འདུག་པར་ཕྱག་མཛོད་པ་སྐུ་གཞོགས་སུ་རྫོང་ལྟར་
གནང་བའི་བྱང་པ་དཔུང་ཆེན་འཇུག་སྒོ་མེད་པ་དགོས་ཚུལ་གྱི་བཀའ་བཀོད་ནན་ཅན་ཕེབས་
ནས་ཡང༌། བྱང་པ་རང་གིས་སྡེ་སྲིད་གཞན་མང་པོ་སླད་པའི་ངན་གྲ་བསྒྲིགས་ཀྱི་སྡེ་སར་བྱེད་
རྒྱུའི་ཡི་གེ་མང་པོ་ཕྱག་ཏུ་འབྱོར་པ་རྣམས་སྟོན་པ་གནང་བའི་བྱེད་པ་འདི་བཞིན་ཚུར་བཀབ་
རང་ཡིན་པས་ད་ལམ་འཐེན་མི་ཐུབ་གསུང་ནས་དཔུང་རྒོལ་མ་ཐུབ། དབུས་ཕྱོགས་ལ་མྱུར་དུ་
ཕེབས་རྒྱུ་དེ་ཡང་བྱང་པ་དཔོན་གཡོག་སྐྱོབ་པའི་ཕྱིར་རེ་ཞིག་འཐེན་ཏེ་ཇོ་ནང་དུ་ཕེབས། གཙང་
གཞུང་སོགས་ཡུལ་ཕྱོགས་མང་པོར་བསྲུང་པ་གནང་བས་མི་སྡེ་མང་པོའི་ཁང་ཞིང་ལ་གནོད་པ་
མ་བྱུང་དེ་ནས་གཙང་ཞབས་དྲུང་དུ་འཕེན་བསྐོར་ཡང་ཡང་ཞུས་པས་སྡེ་སྲིད་རང་གི་སྐུ་སྲོག་ལ་
སྐྱོན་མེད་པ་དང་སྐུ་ངོ་ནན་ཅན་ཞུས་པའི་གྲུབ་འབྲས་སུ་བྱང་ངམ་རིང་རྫོང་གཞིས་དང༌། བྱང་
ཁྲི་བསྐོར་ལ་ལྗ གས་གནས་ཡོང་བའི་བཀའ་གསལ་ཕེབས་བྱུང་བས། ཕྱག་མཛོད་པ་ཕེབས་
སྐྱེལ་དབུ་དཀར་གནང་ནས་ལྷ་རྩེ་ནས་དགོན་བསམ་འགྲུབ་ཏུ་ཕེབས་རྔོད་ལ་བརྒྱུད་ནས་ངམ་
རིང་དུ་སྐྱོན་མེད་དུ་ཕེབས་ཆོག་པ་བྱུང༌། དེ་སྐབས་བྱང་པའི་དཔོན་རིགས་སོགས་དྲག་པ་མང་
22-1-249


པོ་ཞིག་སྲོག་གི་འཇིགས་པ་ལས་སྐྱབས་མང་པོ་ཞིག་གི་ས་ཆ་འཛིན་བདག་སོགས་ལ་སྡེ་སྲིད་
དུ་སྐུ་ངོ་ཞུས་པས་རང་འཇགས་སུ་བྱུང་བ་སོགས་སྐྱེ་བུ་མང་པོ་ཞིག་གི་མགོན་སྐྱབས་གནང༌། 
དེ་ནས་དཔོན་སློབ་ཀྱི་ཇོ་ནང་དུ་ཕེབས་པའི་རིང་བར་སྡེ་སྲིད་ཞབས་དྲུང་ཆིབས་རག་རྣམས་
ཀྱིས་ཀྱང་ཇོ་ནང་དུ་ཕེབས་ཞབས་ཏོག་བསྙེན་བཀུར་དཔག་མེད་གནང་ཞིང༌། འབྲས་སྤུངས་
དང་ཚེད་ལ་སོགས་པའི་དགོན་གནས་མང་པོ་དང༌། གཙང་གཞུང་མ་ལུས་ལྡོག འཇང་བོ་དོང༌། 
ལ་སྟོད་ལྷོ་ཕྱོགས་རྒོལ་མ་ནས་ཆོས་གཞིས་གཏོས་ཆེ་འབུལ་བ་གནང༌། ཚེ་དབང་རྗེས་གནང་
སོགས་བཀའ་ཆོས་གནང༌། ཞག་གསུམ་བཞུགས་ནས་ཕྱིར་ཐེགས་སྒྲུབ་སྡེ་རྣམས་ལ་ལམ་རིམ་
གྱི་ཁྲིད་གནང་ཞིང༌། 
གླང་ལོ་ཧོར་ཟླ་གསུམ་པའི་ཚེས་བཅུ་གཉིས་ཀྱི་ཉིན་རྒྱབ་རི་སྔོ་འབོར་སྐྱོང་གི་སྟེང་དུ་
ཐུགས་དམ་གཏོར་མ་རྒྱ་ཆེ་བ་ཞིག་གནང་དུས་དམ་ཅན་ཆོས་སྐྱོང་སྲུང་མ་རྣམ་དངོས་སུ་འདུས་
ནས་ཁྱེད་ཀྱི་འདོད་དོན་ཐམས་ཅད་ངེད་ཀྱིས་བསྒྲུབ་པར་བྱའོ། །ཞེས་ཟེར་བ་དང༌། མཇུག་ཏུ་
ཟོར་འཕེན་པ་གནང་དུས་སྡེ་བརྒྱད་ཐམས་ཅད་རླུང་ནག་འཚུབ་པའི་ཚུལ་གྱིས་ཕྱོགས་སུ་འགྲོ་
བ་བྱུང༌། བར་སྐབས་དེ་ཚོར་གཞན་གྱི་བྱད་ཁ་རྦོད་གཏོང་འདྲ་བྱས་པ་བཟློག་ཐུབ་པའི་རྟགས་
ཚེས་བཅོ་ལྔའི་ནུབ་མོ་གསལ་བར་བྱུང་སྟེ། རྗེ་ཉིད་ཁྲོ་བོ་ཆེན་པོ་གཅིག་གི་སྐུར་གྱུར་ནས་མི་
ནག་པོ་ཉི་ཤུ་རྩ་གྲངས་ཞིག་གི་སྐྲ་བཅད་མགོ་རྣམས་གསོལ་བ་དང་འཕྲོ་ལུས་གཡང་ལ་སྐྱུར། 
རླུང་ནག་འཚུབ་མའི་གསེབ་ནས་འཇིགས་སུ་རུང་བའི་གཟུགས་ཅན་མང་པོ་ཞིག་གིས་བརྒོལ་
དུ་བྱུང་བ་རྣམས་ལ་དེ་ཐམས་ཅད་བདེན་མེད་སྒྱུ་མ་ལྟ་བུའི་ངང་ལ་འཇོག་པ་གནང་བས་དེ་
རྣམས་ཀྱིས་ང་མ་འཛིན་ཞེས་པའི་སྒྲ་བྱུང༌། དབྱིངས་རིག་བསྲེས་ནས་འཇོག་པ་གནང་བས་དེ་
རྣམས་ནི་ངེད་རྒྱལ་པོ་ཡིན། དེ་བཞིན་དུ་གཟའ་ཀླུ་བཙན་ཡིན་ཟེར་ཞིང་ངུ་ཆོམ་སྡིང་གིས་ཡལ་
སོང༌། ཇི་ཞིག་ན་ནམ་མཁའ་ནས་སྙིང་རྗེ་བསྒོམ་ཟེར་བ་ཞིག་བྱུང་བ་ལུང་བསྟན་རྫུན་མར་གོ་
22-1-250


སྟེ། མཉམ་བཞག་དེ་ཁའི་ངང་ནས་འདི་སྐད་དུ། སྙིང་རྗེའི་རྒྱུས་དང་ང་ཆེ་སྟེ། །མཛོ་བདག་གི་
ཀློགས་སུ་མཛོ་རབ་ཨང༌། །སེམས་ཅན་གདོད་ནས་མེད་པ་ལ། །སྙིང་རྗེའོ་སྙམ་ན་སྙམ་མཁན་
འཁྲུལ། །ཞེས་གསུངས་པས་སྔར་གྱི་གཟུགས་དེ་རྣམས་མཛེས་པའི་རྣམ་པར་བྱས་ནས་ཕྱག་
འཚལ་ཞིང་བཤགས་པ་འབུལ་རྗེས་སུ་གཟུང་དུ་གསོལ། ཞེས་ཟེར་བ་ལ་འདི་སྐད་ཅེས་གསུང་
སོ། །འདི་ཐམས་ཅད་རང་གི་རིག་པའི་རྩལ། །ཕྱི་སྣང་སྲིད་ལྷ་འདྲེ་ག་ལ་སྲིད། །ཁྱོད་ལྷ་འདྲེ་
ཡུལ་ནས་མེད་པ་ལ། །རྦོད་གཏོང་དང་གནོད་བྱེད་ག་ལ་ཡོད། །ནང་རིག་པ་ཡོད་དོ་སྐད་བྱས་
ཀྱང༌། །བྱར་མེད་ཀྱི་ངང་ལ་རིག་པ་སྟོར། །སྔར་ང་རང་གི་རིག་པ་ཟེར་བ་བྱས། །ང་རང་ཉིད་
མེད་པ་ལ་རིག་པ་ཅི། །ལུས་སྣང་བ་འདི་མི་བདེན་རྫུན་པའི་ངང༌། །སེམས་རིག་པ་མིང་སྟོང་སྒྲ་
སྐད་ཙམ། །ཁྱོད་གནོད་པ་བྱེད་ན་སུ་ལ་བྱེད། །ཁྱི་བློན་པོ་བྱ་གྲིབ་ཀྱི་རྗེས་ལ་རྒྱུག །སྣང་སྲིད་
ཀྱི་ལྷ་འདྲེ་ཁྱེད་རྣམས་དང༌། །མི་བདག་ཅེས་མིང་སྐམ་ཐ་དད་ཀྱང་། །དོན་རིག་པ་གཅིག་ལས་
གཉིས་སུ་མེད། །གནོད་བྱ་གནོད་བྱེད་ཀྱི་རྩ་བ་བུད། །ཁྱེད་བཤགས་པ་འབུལ་ན་སུ་ལ་འབུལ། །
ལར་བཟོད་གསོལ་ལེན་ན་སུ་ཡིས་ལེན། །ཉེས་པ་ནི་རྨི་ལམ་གྱི་བུ་དང་འདྲ། །འགྱོད་ཚང་
ནི་ནམ་མཁའི་མེ་ཏོག་ཡལ། །ཐུགས་རྗེས་འཛིན་བྱ་དང་འཛིན་བྱེད་སུ། །མཐའ་མེད་ཀྱི་ནམ་
མཁའ་སྟོང་སེང་ལ། །འཛིན་འདོད་ཀྱི་སྦར་ནོམས་བྱེད་པ་འཁྲུལ། །འཇའ་ཚོན་ལ་རྟ་རྒྱུགས་
བྱེད་མཁན་གང༌། །ཞེས་པ་ལ་སོགས་པ་མང་པོ་གསུངས་པས་དེ་རྣམས་མཆི་མ་ཁྲོམ་ཟགས་པ་
བཞིན་དུ་བཏང་ནས་སྨོན་ལམ་མང་པོ་བཏབ་ནས་ཡལ་ཏེ་དེ་ནི་སྡེ་བརྒྱད་ཐམས་ཅད་དམ་ལ་
བཏགས་པའོ། །དེ་ནས་དབུས་ཕྱོགས་ལ་ཆིབས་ཁ་བསྒྱུར་ཨུ་རྒྱན་རྫོང་གི་གྲུ་ལ་ཕེབས་དུས་གྲུ་
ནང་དུ་བུད་མེད་ནག་ཧྲུལ་མ་གཅིག་ཆ་མེད་དུ་བྱུང༌། གྲུ་གཙང་པོའི་དཀྱིལ་ཙམ་དུ་སླེབས་རླུང་
ནག་མི་ཟད་པ་གཅིག་འཕྲལ་དུ་ལངས་གྲུའི་ནང་ཐམས་ཅད་ཆུས་ཁེངས་ཏེ་སྡིག་ལ་ཁད་བྱུང་
མཚམས། རྗེ་བཙུན་མ་སྒྲོལ་མ་མདུན་གྱི་ནམ་མཁའ་ལ་ཕེབས་པའི་ཐུགས་སྣང་བྱུང་བས་དེ་
22-1-251


འཕྲལ་རླུང་ཞི་གྲུ་ཡང་ཆུ་ལྷོར་སླེབས་འདུག བུད་མེད་ཧྲུལ་མ་དེ་གར་སོང་མ་བྱུང༌། དེ་ནས་
འདོལ་ཆུང་དུ་ཕེབས་ནས་ཞག་བཅུ་ཙམ་བཞུགས། སྡེ་སྲིད་གཙང་ཞབས་དང་ཡར་ཀླུངས་
སུ་མཚན་དོན་ལེགས་ནས་རྒྱལ་རྩེ་བཞེས་ནས་དེར་བཞུགས་སྐབས་སུ་འདུག་པས་སྤྱན་
འདྲེན་བྱུང་བ་བཞིན་ཕེབས༌། རྩེ་ཆེན་དགའ་ཐོག་ན་ག་ནས་ཕེབས་བསུ་ཆིབས་རགས་དང་
སེར་སྦྲེང་རྒྱས་པས་སྤྱན་དྲངས་ནས་རྒྱལ་རྩེར་ཕེབས་ཟླ་ཕྱེད་ཙམ་བཞུགས་རིང་རྟེན་འབྲེལ་
ལེགས་པའི་བཀའ་ཆོས་མང་དུ་གནང༌། ཆོས་སྡེ་ལ་མང་ཇ་འགྱེད་བཅས་རྣམ་བཞག་རྒྱས་
པ་སྩལ། གཡུང་ལ་བརྒྱུད་ཕེབས་པའི་ཡར་སྲིབས་སུ་ཡར་འབྲོག་ནས་སྡེ་པ་རྣམས་ཀྱིས་
གཞིས་ལེན་ཞུས་ཤིང་མཇལ་དུ་ཕེབས། འབྲང་ཕུར་སྐུ་མདུན་ཨ་ཁུ་དྲུང་པ་གཤེགས་འདུག་
པའི་དགོངས་རྫོགས་རྒྱས་པར་གནང་། ནང་རྟེན་དུ་དུས་གསུམ་སངས་རྒྱས་ཀྱི་སྐུ་དང་སངས་
རྒྱས་སྨན་བླའི་སྐུ་རྣམས་ལུགས་སྐུར་བཞེངས། བདུད་རྩི་རིལ་བུ་བསྒྲུབ་པ་གནང་བ་ལ་ཡང་
བདུད་རྩི་དངོས་སུ་བབས་པ་དང༌། དྲི་བཟང་གིས་ཐག་རིང་པོར་ཁྱབ་པ་སོགས་བྱུང༌། དེར་རི་
ནང་སྔགས་འཆང་འདས་པའི་བསྔོ་རྟེན་སླེབས། ཁོང་འཇིག་རྟེན་པའི་ལྷ་ལ་བརྟེན་པའི་སྔོན་
སྤྱོད་མང་བའི་སྐྱོན་ཡིན་པ་འདྲ་ཤིན་ཏུ་འཚུབ་པ་འདུག་ན་ཡང་ཐུགས་དམ་ཏིང་ངེ་འཛིན་གྱིས་
སྒྲིབ་སྦྱོང་གནང་བས་ལམ་བདེ་བའི་ལྟས་ཤར། དབོན་པོ་ཞལ་ངོ་རྣམས་དང་ཆོས་ཞུ་བ་མང་
དག་ལ་བདེ་མཆོག་ནག་པོ་ཞབས་ལུགས་ཀྱི་དབང་ཁྲིད་ལུང་བཅས་གནང༌། གཞིས་ཀ་རྩེའི་
སྐུ་ཁྲུས་པ་དཀོན་མཆོག་དཔལ་བཟང་འདས་པའི་བསྔོ་རྟེན་སླེབས། སྨོན་ལམ་འདེབས་པ་
གནང་བས་ཐེབ་པའི་ལྟས་ཤར། ཧོར་ཟླ་བརྒྱད་པའི་ཚེས་བཅུ་སྐོར་ལ་ཡོལ་རིན་ཆེན་གླིང་དུ་
ཕེབས་ཞག་གསུམ་བཞུགས་ཤིང་མཁན་ཆེན་ལ་མགོན་པོའི་བཀའ་མང་དུ་གནང༌། ཡོལ་རི་
གོང་མཇལ་ཚར་བ་སྣར་བདག་མོ་རྗེ་བཙུན་མས་སྤྱན་དྲངས་དཔོན་གཡོག་རྣམས་ལ་གཤེད་
དམར་གྱི་དབང་དང༌། གཙུག་ལག་ཁང་ལ་རབ་གནས་གནང་བས་གཞིས་ལེན་གཟབ་མ་
22-1-252


འདུག་ཀྱང་རྟེན་འབྲེལ་ཐ་མ་རང་གཅིག་བྱུང་གསུང༌། དེ་ནས་ཤུན་དུ་ཕེབས་ཞབས་དྲུང་ལ་
རྐྱེན་སེལ་བཀའ་ཆོས་གནང་ནས་ལྷ་སར་ཕེབས་ཞག་བདུན་ཙམ་གྱི་རིང་ལྷ་ཁང་ཐམས་ཅད་
ལ་ཕྱག་མཆོད་རྒྱས་པར་ཕུལ་ཀུན་མཁྱེན་ཇོ་ནང་པའི་སྐུ་འདྲ་ཕྱག་ནས་མ་དེ་ལ་སྒེར་གྱིས་
མཆོད་པ་ཕུལ་གསོལ་འདེབས་གནང་དུས་སྐུ་དེ་སྤྱན་རས་གཟིགས་ཀྱི་རྣམ་པར་སོང་ནས་
ཆོས་གསུང་བའི་རྣམ་པ་བྱུང་གསུང༌། དར་པོ་ཆེ་བཅུ་བདུན་འཛུགས་པ་གནང་ལྟས་ལེགས་
པ་ཤར། སླར་ཤུན་དུ་ཕེབས་ནས་ཞབས་དྲུང་གིས་གཙོ་མཛད་ལ་བདེ་མཆོག་གི་དབང་རྡུལ་
ཚོན་མ་གནང༌། ཤངས་ཆོས་ཡོངས་རྫོགས་གཞན་དོན་གཉེར་མང་དག་ལ་སྐྱེས་བུ་གསུམ་
གྱི་ལམ་གྱི་ཁྲིད་ཡུང་ཐང་ནག་གུ་བའི་ཆོས་མཛད་སོགས་ལ་ཕྱག་ཆེན་གྱི་ཁྲིད་སྨིན་རྒྱས་དང་
ཡུང་ཁང་སློབ་དཔོན་པ་དང༌། སེ་རའི་སློབ་དཔོན་པ་གཅིག་སོགས་ལ་རྒྱུད་སྡེ་ལྔའི་དབང་
ལ་སོགས་པ་འདོད་ཆོས་མང་པོ་གནང༌། དེ་ནས་སྙེ་ཐང་དུ་ཕེབས་ཆོས་རྫོང་གི་རྟེན་མཇལ་
གནང༌། སེར་ཁང་ནས་ཀྱི་བདེ་མཆོག་སྒྲུབ་སྡེ་གསར་འདེབས་བྱེད་རྒྱུ་ཕོག་ཐེབས་ཀྱི་ཆོས་
གཞིས་དང་བཅས་པ་ཕུལ། འཕྲལ་མར་ཕྱག་ཐོག་ཏུ་ལོངས། སྐྱི་རུ་ནས་ཀྱིས་འཕྲང་གོང་དུ་
སྤྱན་དྲངས་རྐྱེན་སེལ་གྱི་བཀའ་དབང་འདྲ་གནང་དུས་གམ་པ་ལ་ཕེབས་པའི་ཕྱག་ཕྱིར་ཆོས་
མཛད་གསལ་ཡང་བ་ཡོད་པ་ལ་བཀའ་བཀོད་ན་ཉིན་ནས་འཕྲང་སྒོ་ནས་འདུག་པའི་འགོང་
པོ་ཕྱེད་དཀར་ཕྱེད་ནག་པ་ཁོ་ནི་སྐྱིད་རུ་ནས་ཀྱི་ནང་ན་སླེབས་འདུག་གོ་རིམ་གྲོ་རྒྱ་ཆེན་པོ་
གཅིག་དགོས་པ་འདུག་གསུང་བ་ཕེབས། དེ་ནས་སྲིན་པོ་རིར་ཕེབས་དེའི་ཐོ་རང་ཧི་ཧི་ཞེས་
པའི་སྒྲ་ཆེན་པོ་གཅིག་ཐོག་མ་རྒྱང་ཙམ་ན་ཡོད་པ་འདུག་པ་ལ་དེ་ནས་ས་གཞི་རི་ཀླུང་མེད་
པ་ཁྱབ་པ་ཙམ་དུ་གྲགས། གཞིས་ཀ་གོང་དཀར་དུ་ཕེབས་གོང་མ་ཡབ་སྲས་ཀྱི་གཙོས་པ་
རྣམས་ལ་བདེ་མཆོག་ནག་པོ་ཞབས་ལུགས་ཀྱི་དབང་ཁྲིད་རྒྱས་པ་རྒྱུད་ཀྱི་བཤད་འདོམས་
དང་བཅས་པ་དང༌། སྒྲོལ་མ་ཉེར་གཅིག་གི་ཞལ་ཐང་གསར་བཞེངས་རྣམས་ལ་རབ་གནས་
22-1-253


གནང་ཉི་མ་སྦས་པའི་ལུགས་ཀྱི་སྒྲོལ་མ་ཉེར་གཅིག་གི་རྗེས་གནང་དང༌། གཞན་ཡང་དབང་
བཀའ་རྗེས་གནང་མང་དུ་གནང༌། ཆོས་སྡེར་ཕེབས་ལྷ་ཁང་རྣམས་ལ་མཆོད་པ་རྒྱས་པས་
མཆོད། རྡོ་རྗེ་འཛིན་པ་ཡེ་ཤེས་དབང་པོའི་དྲུང་དུ་མགོན་པོ་ཁྲོ་བཅུ་དང་བྲམ་ནག་དང་ཆོས་
དབང་ལུགས་ཀྱི་མ་ནིང་གི་རྗེས་གནང་སོགས་གསན། སྡེ་པ་སྒེར་པས་བསྟན་འཛིན་རིན་པོ་
ཆེའི་སྐུ་སྐྱེ་ངམ་རིང་དུ་འཁྲུངས་པ་འདི་ལ་བདག་རྐྱེན་བྱས་ན་ཇི་ལྟར་ཡོང་ཞུས་པས་བར་ཆད་
མ་བྱུང་ན་འཕྲིན་ལས་རང་དགའ་རབ་ཡོང་བ་འདུག་གསུང་བ་ཕེབས། གོང་དཀར་རྩེར་བླ་
མ་དམ་པ་ཡེ་ཤེས་དབང་པོ་སྤྱན་འདྲེན་པ་གནང༌། སྔར་གསན་ཡང་བྱིན་རླབས་ཀྱི་སྒོ་ཞིག་
ཡོད་པས་བདག་མེད་མའི་བྱིན་རླབས་རྒྱས་པ་དེ་གསན། འདི་བྱིན་རླབས་ཀྱི་རྟགས་མཚན་
ཤིན་ཏུ་ཆེ་བར་བྱུང་གསུངས། དེ་ནས་འབྲང་ཕུར་ཕེབས་ཏེ་དཔོན་ཆེན་གྱི་སྐྲ་ཕུད་བཞེས། དེ་
ནས་སྣ་དཀར་རྩེར་ཕེབས་སྡེ་པ་ཡབ་སྲས་ལ་ཚེ་དབང་སོགས་རྐྱེན་སེལ་མང་པོ་དང༌། གཞན་
ཡང་དོན་གཉེར་མང་དག་དང་བཅས་པ་ལ་གཤིན་རྗེ་གཤེད་ནག་པོ་དང༌། རྡོ་རྗེ་ཕག་མོ་དང་
ཀུན་རིག་གི་དབང་ཆོས་སོགས་གནང༌། ཚུར་ཕེབས་ཞོར་ཆོས་སྡེར་དཔོན་པའི་ནང་དུ་རྟེན་
ཐུབ་པའི་སྐུ་ཚད་དེ་ལ་རབ་གནས་གནང་ལྟས་ལེགས་རྒྱུ་མེད་ཙམ་བྱུང་བ་མི་རིང་བ་སྡེ་བ་ཨ་
ཁུ་དྲུང་ས་དེ་མྱུར་དུ་གཤེགས་པ་ལ་ལྟ་བ་འདུག་གསུང༌། དེ་ནས་རྒྱལ་རྩེ། འབྲོང་རྩེ། འདོལ་
ཆུང་པ་སྣམ་བསམ་སྡིངས། ཚོང་འདུས་སོགས་སུ་ཕེབས་གསུང་ཆོས་ཅི་རིགས་པ་གནང༌། 
འབྲོང་རྩེ་དང་ཁྲི་ཁང་སོགས་སུ་རླུང་ནག་མུན་སོས་པ་ལྟ་བུ་བྱུང་བ་དེ་རྣམས་ཀྱང་ཁོང་ཚོའི་
རྫོང་གཞིས་ཞིག་རམ་དང་མི་རིང་བར་ཞལ་ངོ་འདས་གྲོང་སོགས་བྱུང་བ་ལ་ལྟ་བར་འདུག་
གསུང༌། 
དེ་ནས་སྟག་ལོ་ཟླ་བ་དང་པོའི་ཚེས་གསུམ་ལ་ཕོ་བྲང་ཆེན་པོ་བསམ་འགྲུབ་རྩེར་ཕེབས། 
ཀུན་གཟིགས་སྟེང་ལ་རབ་གནས་གནང་ཞིང་སྡེ་སྲིད་དུ་ཚེ་དབང་སོགས་ཕུལ་གྲུབ་མཚམས་
22-1-254


སྐྱིད་སྦུག་སྐུ་སྐྱེ་སོགས་ལ་བརྟག་གཉིས་ཀྱི་རྒྱུད་བཤད་དང༌། བྱང་གཏེར་ཐུགས་དྲུག་གི་
སྐོར་སོགས་གནང༌། སྲིད་ཡབ་སྲས་ལ་རྡོ་རྗེ་འཕྲེང་བ་བདེ་ལེགས་སུ་བྱེད་པའི་དཀྱིལ་འཁོར་
དང་བཅས་པའི་དབང་གནང་ཞིང་བླ་སློབ་དཔོན་དྲུང་འཁོར་དྲག་ཁ་དང་བཅས་དྲུག་ཅུ་སྐོར་
ལ་ཡང་རྡོ་རྗེ་ཕྲེང་བ་ཡོངས་རྫོགས་ཀྱི་དབང་གནང༌། སྡེ་སྲིད་ཞབས་དྲུང་ཡབ་སྲས་ལ་དུས་
འཁོར་ཡོངས་རྫོགས་ཀྱི་དབང་གནང་ཞིང་དབང་བསྐུར་དེ་རྣམས་ཀྱི་སྐབས་སུ་དཀྱིལ་འཁོར་
གྱི་མཆོད་པ་རྒྱས་པར་གནང༌། མདོ་ཁམས་བྱང་ངོས་ནས་བླ་མ་ཀུན་དགའ་ལྷུན་གྲུབ་ཀྱིས་
འབུལ་སྐྱེལ་བ་ཀུན་དགའ་བཀྲ་ཤིས་གྲྭ་པ་འགའ་ཤས་དང་བཅས་སླེབས་འབུལ་བ་རྣམས་
བཞེས་བསྔོ་བས་རྒྱས་འདེབས་དང་ཁོང་རྣམས་ལ་དུས་འཁོར་ཡོངས་རྫོགས་དང༌། རྒྱུད་སྡེ་
ལྔའི་དབང་མགོན་པོའི་རྗེས་གནང་སོགས་གནང༌། ཁམས་བྱང་ངོས་ལ་བླ་མ་གཅིག་གནང་
དགོས་ཞུ་བ་ནས་ཀུན་དགའ་བློ་འཕེལ་དཔོན་སློབ་རྫོང་རྟ་གནང༌། སྡེ་བ་ལྷ་སྲུང་དྲུང་རབ་
བྱུང་མཛད་མཚན་ཀུན་དགའ་བསྟན་པའི་རྒྱལ་མཚན་དུ་བཏགས༌། ཧོར་ཟླ་དྲུག་པའི་ཚེས་
བཅོ་ལྔ་སྐོར་ལ་ཆིབས་ཁ་བསྒྱུར་ཏེ་བྱང་ཆེན་སོགས་བརྒྱུད་ནས་ཚེས་བཅུ་བདུན་ལ་རི་ཁྲོད་
ཆེན་པོ་ཇོ་ནང་དུ་ཕེབས། ཀ་བཞི་དབོན་པོ་སོགས་ལ་ལམ་འབྲས་གནང་གྲྭ་ཁྲལ་གནང་
པའི་གྲྭ་པ་གསར་པ་རྣམས་ཀྱིས་ཐུགས་རྩོམ་སྟེང་གི་དུས་འཁོར་གྱི་ཆོ་ག་འགྲིག་བྲིས་ཐིག་
གར་དབྱངས་སོགས་ལ་བྱང་བར་ཤེས་པས་ཧོར་ཟླ་བདུན་པའི་ནང་དུ་སྒྲུབ་མཆོད་རྒྱས་པར་
ཚུགས། དེ་གྲོལ་རྗེས་ཁམས་པ་རྣམས་ལ་སྦྱོར་དྲུག་བསྡུས་པ་ཞིག་ཀྱང་གནང་འདོད་ཆོས་
མང་བར་གནང་ནས་མཁས་པ་ལུང་རིག་འཛམ་ཐང་ཕྱོགས་སུ་བླ་མ་ལ་རྫོང་བ་གནང༌། དེ་
ནས་དགུན་ཁྲིད་བཙུགས་ཁྲིད་ལེགས་པར་བྱུང་། ཕུག་དམར་ནས་རྒྱལ་རྩེ་བླ་མ་ཡང་ཕེབས་
ཁོང་སོགས་ཚོགས་པ་ལ་སྒྲུབ་ཐབས་བརྒྱ་རྩའི་རྗེས་གནང་གནང༌། 
ཤིང་མོ་ཡོས་ལོ་ཤར་བ་ལ་ཧོར་ཟླ་གཉིས་པའི་ཚེས་བཅུ་གཅིག་ཉི་མ་མེ་བཞིའི་འགྲུབ་
22-1-255


སྦྱོར་ཡོད་པའི་ཉིན་རྟག་བརྟན་ཆོས་སྡེ་ཆེན་པོ་འདེབས་པའི་ས་ཆོག་ལ་ཕེབས་སྐབས་ལམ་
བཀྲ་ལེགས་ཤིང༌། ཉི་མ་ཤར་བ་ན་རྫོང་མདོའི་མདུན་གྱི་ས་གཞི་ཁྲི་སྟེགས་ལྟ་བུ་དེར་
ཕེབས། ས་རྟགས་བསླང་སྦྱང་གཟུང་རྒྱས་པར་གནང༌། ས་གཟུང་བའི་སྐབས་ནམ་མཁའ་
གང་བ་སངས་རྒྱས་བྱང་ཆུབ་སེམས་དཔའ་མངོན་སུམ་དུ་བཞུགས་ངེས་དགོངས་པ་ཡང་
བྱུང༌། གཏོར་མ་འབུལ་བའི་སྐབས་ད་ལྟའི་མགོན་ཁང་གི་ཐད་འདིར་མགོན་པོ་ལྕམ་དྲལ་ལ་
འཁོར་ཨ་ཙ་ར་དང་མོན་པ་སོགས་མང་པོ་རོལ་མོའི་སྒྲ་དཔག་ཏུ་མེད་པ་དང་བཅས་འབྱོན་
པ་གཟིགས། ཧོར་ཟླ་གསུམ་པའི་ཚེས་བརྒྱད་ལ་གཙུག་ལག་ཁང་ཆེན་མོའི་ཐོག་འདིངས་
པ་གནང་ཞིང་སླར་ཡང་ས་ཆོག་གནང་སྔ་རྟིང་གཉིས་ཀ་མེ་ཏོག་གི་ཆར་དང་འཇའ་འོད་ཡ་
མཚན་པ་བྱུང༌། སའི་ཕྱོགས་དེ་ཐམས་ཅད་སྔར་གྲོག་མ་སོགས་ས་ཁུ་རྩི་མང་བར་ཡིན་པ་ལ་
ས་ཆོག་གནང་བ་ནས་བཟུང་ཅི་ཡང་མེད་པར་སོང༌། རྒྱལ་རྩེ་བླ་མ་ཞབས་དྲུང་དང་གཏིང་
སྐྱེས་པ་རྗེ་ཡེ་ཤེས་རྒྱ་མཚོ་སོགས་གྲྭ་པ་སུམ་བརྒྱ་སྐོར་ལ་རྡོ་རྗེ་ཕྲེང་བའི་དབང་གནང༌། 
ནག་ཉ་ལ་ཇོ་ནང་དུ་དུས་འཁོར་གྱི་བསྒྲུབ་མཆོད་རྒྱས་པར་བཙུགས་སྡེ་སྲིད་གཙང་པ་ནས་
ཤིང་བཟོ་རྡོ་བཟོ་ཟུག་པ་བ་དང་བཅས་པ་སྟོབས་ཆེན་གནང་བྱུང་བས་རྟག་བརྟན་གྱི་ཟུག་
པ་བཙུགས་གསང་བ་འདུས་པའི་སྒྲུབ་དཀྱིལ་སོགས་ཐུགས་རྩོམ་མང་བར་གནང༌། བདེ་
མཆོག་ལཱུ་དྲིལ་ནག་གསུམ་གྱི་མངོན་དཀྱིལ་སོགས་ཀྱང་ཐུགས་རྩོམ་གནང༌། ནག་པོ་པའི་
དཀྱིལ་ཆོག་མཛད་ཟིན་པའི་དགོང་མོ་མནལ་ལམ་དུ་རི་བོ་སྨན་ལྗོངས་ནགས་ཚལ་དུར་
ཁྲོད་དང་བཅས་པ་ཞིག་ཏུ་ཕེབས་དེ་ན་ཨ་ཙ་ར་མང་པོ་པོ་ཏི་འཛིངས་པ་རེ་ཐོགས་ནས་སྒྲིག་
གིན་འདུག་འགྲིག་ནས་པོ་ཏི་ཆེན་པོ་གཅིག་ཏུ་སོང༌། དབུས་དེར་མཎྜལ་ལྗང་ཁུ་ཞིག་འདུག་
མཐའ་ན་བུད་མེད་མང་པོ་ཚེས་བཅུའི་མཆོད་པ་བྱེད་རྒྱུ་ཡིན་ཟེར་མཎྜལ་དེའི་དབུས་སུ་འོད་
སྔོན་པོ་ཞིག་བྱུང་བ་དེ་ལ་གཟིགས་པས་འོད་དེའི་དཀྱིལ་དུ་འཁོར་ལོ་སྡོམ་པ་ཞལ་བཞི་ཕྱག་
22-1-256


བཅུ་གཉིས་པ་ཡོངས་རྫོགས་ཀྱི་སྐུ་ཞིག་བྱུང༌། དེ་ལ་གཟིགས་པས་དེ་ཇེ་ཆེར་མི་ཚད་ཙམ་
གཅིག་ཏུ་སོང་བ་བྱུང་སྟེ། དེ་ནི་དཀྱིལ་ཆོག་སྔར་འཛིངས་པ་ད་གཞུང་དོན་ཇི་ལྟ་བ་བཞིན་
འགྲིག་པ་དང་དབང་བསྐུར་གྱིས་ཤིག་པའི་བརྡར་དགོངས་གཙུག་ལག་ཁང་འདུ་ཁང་ཆེན་
མོའི་འོག་ཐོག་འགེབ་པའི་ཉིན་སྐྱི་སྦུབ་ཏུ་བཞུགས་ཡོད་སྐབས་མི་ནག་པོ་ཆེན་པོ་འགའ་དང་
གྱད་སྟོབས་པོ་ཆེ་འགའ་སོང་སྟེ་དེ་རིང་ལས་ཀ་སྟོབས་ཆེན་བྱེད་དགོས་ཡོད་པས་འགྲོ། སང་
གཏོར་མ་ཞིག་ཀྱང་གཏོང་དགོས་ཟེར་བ་བྱུང༌། དགོང་མོ་ཕྱག་མཛོད་པ་འཁོར་བྱུང་བ་ལ་དྲི་
རྩད་གནང་བས་ཉི་མ་ཁ་དྲོས་ནས་ཉི་ཕྱེད་ཟུན་ཡན་ལ་ཀ་རིང་གཉིས་མ་གཏོགས་གཞན་ཀ་
ཆེན་སུམ་ཅུ་སོ་བཞི་པོ་ཐམས་ཅད་བཙུགས་གྲུབ་ཟེར་བ་བྱུང༌། སང་དེ་གཏོར་མ་ཡང་རྒྱས་
པར་གནང༌། ཚེས་བཅོ་ལྔའི་ཉིན་གཅིག་ལ་ཡང་འདུ་ཁང་གི་གདུང་ཐམས་ཅད་ཁེལ་ཞིང་ཆམ་
ཡང་མང་པོ་མཐོང༌། རི་རྩེ་ཞིག་ནས་སྐུ་རིམ་ཐུགས་དམ་གཏོར་མ་རྒྱ་ཆེ་བ་ཞིག་ཀྱང་གནང༌། 
གཏོར་ཟེར་འཕེན་པ་གནང་དུས་བྱ་རོག་སོགས་དང་འཇིགས་པའི་གཟུགས་ཅན་མང་པོ་རླུང་
ནག་ཚུབ་མའི་གསེབ་ནས་འཕུར་སོང་སྟེ་གཙང་ཕྱུག་སྒོ་གཞུང་དང་ཡར་ཀླུངས་སུ་དོན་ཆེན་
པོ་བསྒྲུབ་དགོས་ཡོད་ཟེར་བ་ཞིག་བྱུང་སྟོན་ཟེར་རྡོ་རྗེ་རྣལ་འབྱོར་མས་གནང་བའི་མཚན་
མ་བྱུང་སྟེ་དབང་མདོར་བསྟན་དང་དཔྱིད་ཀྱི་ཐིག་ལེའི་ཊི་ཀ་སོགས་ཐུགས་རྩོམ་གནང༌། དེ་
ནས་གཞིས་ཀ་རྩེར་གདན་འདྲེན་ནན་ཆེན་བྱུང་བ་ལྟར་ཕེབས། སྡེ་སྲིད་དུ་རྐྱེན་སེལ་གྱི་ཚེ་
དབང་ལ་སོགས་པ་དང༌། གཞན་ཡང་འགའ་ཤས་ལ་དྲིལ་བུ་ཕྱི་དཀྱིལ་ལྷ་ལྔའི་དབང་བདག་
མེད་མའི་བྱིན་རླབས། གྱི་ལྗང་ལུགས་ཀྱི་མགོན་པོའི་རྗེས་གནང་སོགས་གནང༌། སྡེ་སྲིད་དུ་
མནལ་ལྟས་འཚུབས་བྱུང་ནས་ཅི་ཡིན་བརྟག་པ་ཞུས་པ་ལ་གཞན་གྱི་བྱད་ཁ་རྦད་གཏོང་འདྲ་
བྱས་པའི་རྟགས་ཡིན་པ་འདུག་སྟེ་སྐུ་རིམ་དང་བཟློག་པ་འདི་བཞིན་གནང་བས་སྐྱོན་མི་ཡོང་
གསུང་བ་ཕེབས༌། དེ་ནས་ཇོ་ནང་དུ་ཕེབས་ནས་མི་རིང་བར་དུས་འཁྲིད་འཛུགས་པ་གནང༌། 
22-1-257


དེ་གྲོལ་མཚམས་དབུས་ནས་འབྲུག་པའི་བུ་ཆེན་མགོ་པ་ལྷ་རྩེ་བ་དང༌། ཆོས་རྗེ་འཇམ་
གྲགས་པ་གཉིས་ཀ་གཤེགས་པའི་བསྔོ་ཞུས་འབུལ་མི་བྱུང༌། དེ་གཉིས་ཀ་ཡང་འགྲོངས་རྐྱེན་
མགར་བ་རང་གི་ལག་ཆས་བསད་པ་དང་འདྲ་བར་འདུག་གསུངས། 
འབྲུག་ལོ་གསར་ནས་སྙིང་པོའི་མདོ་ལྔའི་བཤད་ལུང་དང༌། སྒྲུབ་ཐབས་རིན་ཆེན་འབྱུང་
གནས་ཀྱི་ནང་གི་རྗེས་གནང་དང་བྱིན་རླབས་རྣམས་དང༌། བདེ་མཆོག་དྲིལ་བུ་ལུས་དཀྱིལ་
གྱི་དབང་དང་བདེ་མཆོག་ནག་པོ་པའི་དཀྱིལ་ཆོག་གསར་བསྒྲིགས་ཐོག་ནས་དཀྱིལ་འཁོར་
ལ་མཆོད་པ་རྒྱས་པ་དང་བཅས་པས་དབང་བསྐུར་བ་མང་པོ་གནང་། རྟག་བརྟན་གྱི་ཉེ་སྐོར་
དུ་སྒྲུབ་ཆུ་འདི་ཡང་གསར་དུ་བརྡོལ། འདོམ་པའི་རི་རྩེར་ཐུགས་དམ་གཏོར་མ་གནང་སྐབས་
གདོང་སྔོན་མ་ཕྱོགས་ནས་ཆུ་ཀླུང་ཞིག་གཙང་པོ་ལ་ཞུགས་པ་དང༌། ཡང་ལན་གཅིག་ཉ་
འདོམས་པ་བཅུ་ཙམ་ཞིག་ཆུ་ལ་ཞུགས་པར་གཟིགས་ཏེ་ཕྱོགས་གཞན་གྱི་ཀླུ་ཞིག་ཚུར་འོངས་
པར་དགོངས། སྐུ་འབུམ་གྱི་ཆོས་ཁྲིའི་སྟེང་ནས་ལམ་རིམ་དང་སེ་མཚམས་ལུགས་ཀྱི་སེམས་
བསྐྱེད་སོགས་སྩལ། སློབ་དཔོན་ཕྱ་པ་ལ་ཀྱཻ་རྡོར་གྱི་དབང་འགྱུར་གསར་པ་དེ་རྡུལ་མཚོན་གྱི་
དཀྱིལ་འཁོར་བཞེངས་ནས་གནང་བས། སྟེང་ནས་ཆུ་བབས་པ་ལ་སྤྱན་དམིགས་གཏད་པས་
ཨེན་ཙམ་ཐུབ། དེ་ནས་སྣོད་བཟེད་པས་དཀྱིལ་འཁོར་ལ་གནོད་པ་མ་ནུས་པར་ཡ་མཚན་
པར་བྱུང༌། བློ་སྦྱོངས་གི་སྐོར་ཡང་མང་དུ་གནང༌། སྟོན་རྒྱབ་གྲྭ་པ་གསར་པ་རྣམས་ཀྱང་རྟག་
བརྟན་ཆོས་སྡེར་ཕེབས༌། འདུ་ཁང་གི་ཁོར་གཡབས་སུ་ཚོགས་པ་རྣམས་ལ་མདོ་སྡེ་བསྐལ་
བཟང་གི་ལུང་དང༌། ཀུན་མཁྱེན་ཆེན་པོའི་ཐུགས་རྩོམ་མང་པོ་ལ་བཤད་ལུང་དང་དམར་ཁྲིད་
སོགས་གནང༌། རི་བོ་ཆེ་ནས་རྒྱ་དཔེ་མང་པོ་ཕྱག་ཏུ་བྱུང་བ་རྣམས་ཀྱི་ཁྲོད་ན། དབང་མདོར་
བསྟན་གྱི་འགྲེལ་པ་དོན་དམ་བསྡུས་པ་དང༌། ཀྱཻ་རྡོ་རྗེའི་འགྲེལ་པ་རྡོ་རྗེའི་ཚིག་བསྡུས་གཉིས་
ཀའི་རྒྱ་དཔེ་འདུག་སྟེ། སྔ་མ་ལ་མཛད་བྱང་ན་རོ་པའི་མཚན་འབྱར་བ་དེ་ཁ་འདུག ཕྱི་མ་ལ་
22-1-258


སྔར་བོད་དུ་འགྱུར་བ་ན། ཁ་ཆེའི་ཡུལ་དུ་སྐྱེས་པ་ཡི་དགེ་སློང་སྙན་གྲགས་བཟང་པོས་བྱས་
ཟེར་བ་འདུག་ཀྱང༌། རྒྱ་དཔེ་འདི་ན་སྙན་གྲགས་བཟང་པོའི་སྐད་དོ། །ཡ་ཤོ་བྷ་དྲ་ཞེས་པ་
མེད་པས། བྱང་ཆུབ་བཟང་པོའི་སྐད་དོད་བོ་དྷི་བྷ་དྲ་ཞེས་པ་སྣང་བས། ཁ་ཆེ་བྱང་ཆུབ་བཟང་
པོའི་ཡིན་ཟེར་རྒྱུར་འདུག རྒྱ་དཔེ་ལ་བྱང་ཆུབ་བཟང་པོས་མཛད་ཟེར་བ་དང༌། ན་རོ་པས་
མཛད་ཟེར་བའི་རྒྱ་དཔེ་གཅིག་ཀྱང་འདུག དེ་ནས་ཇོ་ནང་དུ་དགུན་འཁྲིད་གནང་རྟག་བརྟན་
དུ་ཞེན་པ་བཞི་བྲལ། བློ་སྦྱོང་གསུམ་པ་ལོ་ཙཱ་བའི་བློ་སྦྱོང་། སྙིང་པོ་དོན་གསུམ། སྐྱིད་སྡུག་
ལམ་ཁྱེར། སྒྲོལ་དཀར་གྱི་ཁྲིད་གྲུབ་རྒྱལ་མའི་ཚེ་ཁྲིད། སེམས་ཉིད་ངལ་སོའི་ཁྲིད། ཀུ་རུ་ཀུ་
ལླེའི་ཁྲིད་སོགས་ཁྲིད་ཆུང་མང་པོ་སོ་སོའི་ཡིག་ལུང་དང་བཅས་པ་གནང་། སྣར་ཐང་སྡེ་པའི་
སྲས་པོ་ཡང་སྐུ་ཆོས་མཛད། 
སྦྲུལ་ལོ་ཤར་རྗེས་གཞིས་ཀ་རྩེ་ནས་སྤྱན་འདྲེན་བྱུང་བ་བཞིན་ཕེབས༌། སྡེ་སྲིད་རང་གི་
ཐུགས་ལ་ཡང་ཤར་བ་བཞིན་ཆོས་ཀྱི་རྩ་བ་སྐྱབས་འགྲོ། སྐྱབས་འགྲོའི་རྩ་བ་དད་པ། དད་
པ་སྐྱེ་བ་ཡང་སངས་རྒྱས་ལ་ཡིད་ཆེས་སྐྱེ་བ་ལ་རག་ལས་པས་སྟོན་པའི་རྣམ་ཐར་ཆོས་ཐུན་དུ་
བཅད་དེ་རྒྱས་པར་གསུངས་ཤིང༌། དབུ་མ་བཤེས་སྤྲིངས་དང༌། མངོན་པ་མཛོད་ཀྱི་གནས་
གསུམ་པ་ལ་བཤད་པ་གནང་བ་ལ་སྡེ་སྲིད་ཀྱིས་ཟིན་བྲིས་ཀྱང་གནང་ཐུབ། བཤེས་སྤྲིངས་
ལ་བསྡུས་དོན་ཁྱད་པར་འཕགས་པ་ཞིག་ཐུགས་ལ་ཤར་བ་ཡང་འཕགས་པ་ཀླུ་སྒྲུབ་ཉིད་
ཀྱི་ཐུགས་རྗེ་ཡིན་པ་འདུག་གསུངས། གསེར་མདོག་ཅན་ཚོགས་ཆེན་ཡང་བཞུགས་འདུག་
པའི་མཁན་སློབ་རྣམས་ལ་ཀྱཻ་རྡོར་ནག་པོ་ལུགས་ཀྱི་སྐུ་གསུང་ཐུགས་སྙིང་པོ་ཀྱཻ་རྡོ་རྗེ་བཞི་
དང་བདག་མེད་མའི་དབང་རྣམས་དང་ཚོགས་པ་ལ་རྗེས་གནང་གསུམ་ཙམ་གྱི་ཆོས་འབྲེལ་
གནང༌། ཧོར་ཟླ་གསུམ་པའི་ཉེར་གསུམ་གྱི་ཉིན་སྣར་ཐང་དུ་ཕེབས་ཙམ་གནང༌། སྡེ་སྲིད་ནས་
ཕུལ་བ་ལྟར་སྣར་ཐང་སྡེ་པའི་ཐང་ཀ་དང་དཔེ་ཆ་རྣམས་ལས་ཕྱག་ཏུ་གང་དགོས་གཟིགས་
22-1-259


པའི་གཟིགས་རྟོག་ལ་ཞག་གསུམ་འགོར། དཔེ་ཆའི་ཁྲོད་ནས་ཚེ་མདོ་ༀ་གཉིས་མའི་རྒྱ་དཔེ་
ཡང་གཟུངས་ཀྱི་བར་ནས་ཆོལ་སྟོན་པ་ཡིན་ཟེར་བ་མ་དག་པར་དགོངས། རྟག་བརྟན་དུ་
ཕེབས་ནས་དུས་ཀྱི་འཁོར་ལོའི་བསྒྲུབ་མཆོད་ཐོག་མ་དེ་ས་ག་ཟླ་བ་ལ་འཛུགས་པ་གནང༌། 
དུས་འཁོར་གྱི་དབང་ཡོངས་རྫོགས་བདག་པོ་ཆེན་པོའི་དབང་དང་བཅས་པ་ཡང་གནང༌། 
དབྱར་རི་ཁྲོད་དུ་ཆོས་རྗེ་ཡེ་ཤེས་རྒྱ་མཚོ་བ་སོགས་ལ་གསང་བ་འདུས་པའི་རིམ་ལྔ་དང་སྦྱོར་
དྲུག་གསར་མ་སོགས་ཟབ་ཆོས་མང་པོ་གནང༌། ཝ་ར་ཎ་སི་ནས་བྲས་ཟེའི་པཎྜི་ཏ་སྒྲ་ལ་
མཁས་ཤིང་ཕྱི་རོལ་པའི་གཞུང་ལུགས་མང་པོ་ལ་སྦྱངས་པ་ཞིག་ཀྱང་བྱུང་བ་ལ་དབྱངས་ཅན་
མའི་སྒྲ་མདོ་ནས་ཅུང་ཟད་གསན་མཚམས་སྦྱོར་བུ་ཙམ་དུ་བསྒྱུར། ལྷ་ཀྲིཥྞའི་གསུང་ལེགས་
ལྡན་གྱི་གླུ་ནས་ལེའུ་གཉིས་དང༌། ཁྱབ་འཇུག་ཆེན་པོའི་མཚན་སྟོང་གི་འགོ་རྒྱངས་ཕན་ཡོན་
དེ་བསྒྱུར། རི་བོ་ཆེ་ནས་རྒྱ་དཔེ་བྱུང་བས་ཤམ་བྷ་ལའི་ལམ་ཡིག་དེ་ཡང་བསྒྱུར་བ་གནང་སྟེ་
འདི་འཕགས་པ་དོན་ཡོད་ལྕགས་ཀྱུས་གསུང་བ་ཡིན། དཔལ་ལྷ་མོའི་མཚན་སྟོང་གི་རྒྱ་དཔེ་
ཕྱག་ན་ཡོད་ཅིང༌། འདི་དངོས་ནང་པའི་གཞུང་རང་ནི་མིན་པ་འདུག་ནའང༌། བོད་ཀྱི་ལྷ་མོའི་
བསྟོད་སྙིང་ཀུན་ན། མི་གཅིག་མ་ལ་མིང་དགུ་མ། །མཁན་བརྒྱ་མ་ལ་མཚན་སྟོང་མ། །མཁན་
བརྒྱ་དབྱིངས་ཀྱི་དབང་ཕྱུག་མ། །གང་ནས་བོས་ཀྱང་ཁྱོད་ཀྱི་མིང༌། །བྱ་བ་ལ་སོགས་འདུག་
པ་ལ། གཞན་རྣམས་ལ་རྒྱ་གར་ལུགས་དང་མཐུན་མི་མཐུན་ཇི་ལྟར་ཡང་བོད་རང་ལ་ངོས་
འཛིན་རྒྱུ་རེ་འདུག་པ་ལ་བྱིན་རླབས་དང་ཡང་ལྡན་པར་གྲགས་པ་ལ། མཚན་སྟོང་ནི་བོད་པ་
ལ་ངོས་འཛིན་རྒྱུ་མི་འདུག་ཅིང༌། འདི་ཁོ་ན་ཡིན་པར་སྣང་བས་བསྒྱུར་དགོངས་ཏེ་བཤད་པ་
ཚར་གཅིག་གསན། བོད་སྐད་དུ་འབེབས་པར་བརྩམས་ན་གཉན་ཆ་ཆེ་བས་ད་རེས་འཇོག་
པ་གནང་དགོས་བྱུང༌། དོན་གཉེར་འགའ་ལ་སྦྱོར་དྲུག་དང་བཀའ་གདམས་ཀྱི་ཆོས་སྐོར་མང་
དུ་གསུངས། སྟོན་ཟེར་རྟག་བརྟན་དུ་ཆོས་སྡེ་རྣམས་ལ་སྒྲུབ་ཐབས་རྒྱ་མཚོའི་རྗེ་གནང་ལུང་
22-1-260


བཅས་གནང༌། གསང་བ་འདུས་པ་འཕགས་པ་ལུགས་ཡེ་ཤེས་ཞབས་ལུགས། སྤྱན་རས་
གཟིགས་མི་བསྐྱོད་པ་ལྷ་བཅུ་དགུ་མ་སྟེ་དཀྱིལ་འཁོར་བཞི། གཤིན་རྗེ་གཤེད་དམར་པོ་བཅུ་
གསུམ་མ་ནག་པོ་བཅུ་གསུམ་མ་རྭ་ལུགས། ཞང་ལུགས་དགྲ་ནག མ་རྒྱུད་སྒྱུ་ཐོད་གདན་
གསུམ་སོགས་ཀྱི་དབང་བསྐུར་གནང༌། འཛམ་ཐང་པའི་གཉེར་པ་སོགས་ལ་དུས་འཁོར་གྱི་
དབང་སོགས་གནང༌། 
དགུན་དུས་ཁྲིད་གྲོལ་མཚམས་རྟ་ལོ་ཧོར་ཟླ་གཉིས་པའི་འགོ་ལ་ནང་གཅིག་གནོད་སྦྱིན་
ཀྵེ་ཊ་པཱ་ལ་དང༌། ལས་ཀྱི་གཤིན་རྗེ་ཡིན་སྙམ་པས་མི་ནག་པོ་གཉིས་ཀྱི་ནག་ཧྲིལ་བ་གཅིག་
རྡིར་སྒྲ་དང་བཅས་སྐྱུར་དམ་ཉམས་ཀྱི་མགོ་འདི་རེ་ཟེར་གཟིགས་པས་རྒྱ་མཚོ་པད་དཀར་
བའི་མགོར་འདུག རྟག་བརྟན་དུ་འཇིགས་བྱེད་ཞང་ལུགས་ཞེ་དགུ་མ། སྐྱོ་ལུགས་གཤིན་རྗེ་
མོ་བརྒྱད་ཀྱིས་སྐོར་བ། མལ་ལུགས་རོ་ལངས་བརྒྱད་སྐོར། རྭ་ལུགས་བཅུ་གསུམ་མ་རྣམས་
རས་བྲིས་དང་རྭ་ལུགས་རོ་ལངས་བརྒྱད་སྐོར་རྡུལ་ཚོན་གྱི་དཀྱིལ་འཁོར་སྟེང་ནས་ཚོགས་
ཐམས་ཅད་ལ་དབང་བསྐུར་གནང་གཞན་ཡང་བདེ་མཆོག་ནག་པོ་པ། དྲིལ་བུ་པ། གཤེད་
དམར་ལྷ་ལྔ། མི་འཁྲུགས་པ། ཚེ་དཔག་མེད། འཁོར་ཆེན་རྣམས་ཀྱི་དབང་གཤེད་དམར་
སྤྲོས་མེད། རྣལ་འབྱོར་བཞི་རིམ། རྭ་རྩེ་སེམས་འཛིན་རྣམས་ཀྱི་ཁྲིད་དང་གཤེད་དམར་
ལུགས་གཉིས་ལ་བརྟེན་པའི་བྱིན་རླབས་ཀྱི་བཀའ་བཅུ་གསུམ་ཙམ་ཚོགས་ཆེན་ལ་གནང༌། 
ས་གའི་དུས་འཁོར་བསྒྲུབ་མཆོད་སྐབས་དཀྱིལ་འཁོར་དེའི་སྟེང་ནས་དབང་བསྐུར་ཡོངས་
རྫོགས་ཞིག་གནང༌། རྒྱབ་རི་སྔོ་འབོར་སྟེང་གི་རྩེར་ཐུགས་དམ་གཏོར་བཟློག་ཞིག་གནང་བ་
ལ་སང་ཕེབས་རྒྱུའི་དེ་ནུབ་གཞིས་ཀ་རྩེ་ནས་སྡེ་སྲིད་སོག་པོ་འདུལ་བའི་ཕྱིར་དཔུང་ཐོག་ཏུ་
ཕེབས་རྒྱུའི་བསྲུང་འཁོར་སྐུ་རིམ་དགོས་ཚུལ་གྱི་མི་སྣ་འབྱོར་པ་ལྟར་སང་དེ་གཏོར་བཟློག་
གཟབ་མ་གནང༌། དབྱར་ཆོས་སྡེ་རྣམས་ལ་གསང་འདུས་རིམ་ལྔ་མར་འགོས་ཀྱི་ལུགས་
22-1-261


གཉིས། གྲོལ་ཐིག་གི་ཁྲིད། གསང་འདུས་རྩ་རྒྱུད་ཀྱི་ལུང་སོགས་གནང༌། སངས་རྒྱས་རབ་
བདུན་གྱི་སྐུ་བཞེང་བའི་འགོ་འཛུགས་པའི་དུས་བྱང་ཆུབ་ཤིང་གི་ཡལ་ག་ལོ་མ་མང་པོ་དང་
བཅས་པ་འབུལ་མི་བྱུང་བས་རྟེན་འབྲེལ་རང་འགྲིག་ཏུ་བྱུང༌། སྦྱིན་སྲེག་ནུབ་འགའ་ཤས་
གནང་བས་ཟིལ་དང་འཚུབ་ཆེ་བ་བྱུང་པ་མཆོད་ཡོན་གཉིས་ཀ་སྐུ་དོག་ཐམས་ཅད་སེལ། 
རེ་ཤིང་དུ་འཁྲུང་པའི་འཛམ་ཐང་སྐུ་སྐྱེ་ཕེབས་བྱུང་བ་ཡང་དགེ་ཚུལ་དུ་བསྒྲུབས། དུས་ཀྱི་
འཁོར་ལོའི་དབང་ཁྲིད་སོགས་གསུང་ཆོས་མང་དུ་གནང༌། དབྱར་གུང་ཐེག་མཆོག་དབུ་མའི་
ཐུགས་རྩོམ་གནང༌། གྲུབ་རིམ་ནས་ཆོས་བཟང་གི་ཆོས་ཁྲིའི་སྟེང་ནས་བཤད་པ་གནང༌། 
འདི་རྩོམ་པ་གནང་སྐབས་རིན་པོ་ཆེའི་ས་གཞི་ནགས་ཚལ་གཞལ་མེད་ཁང་མཐའ་ཡས་པ་
དང་བཅས་པ་དབུས་ཀྱི་ཕྱོགས་སུ་རིན་པོ་ཆེའི་ཤིང་ལྗོན་པའི་དྲུང་དུ་སངས་རྒྱས་སྐུ་མདོག་
སེར་པོ་ས་གནོན་གྱི་ཕྱག་རྒྱ་མཛད་པ་འོ་སྐོལ་གྱི་སྟོན་པ་ཡིན་དགོངས་པ་དང༌། དེའི་མཐའ་
སྐོར་དུ་འཇམ་དབྱངས་དང༌། སྤྱན་རས་གཟིགས་དང་བྱམས་པ་དང༌། ཕྱག་རྡོར་རམ། ནམ་
མཁའི་སྙིང་པོ་ཡིན་སྙམ་པ་བཞུགས་པ་དང༌། ཡང་ཀུན་ཏུ་བཟང་པོ་གང་དུ་བཞུགས་དགོངས་
པ་ན་སྐུ་ཤིན་ཏུ་ཆེ་བ་ཁ་དོག་མ་ངེས་པ་མེ་ལོང་ལ་གཟུགས་བརྙན་ཤར་བ་ལྟར་བཀོད་པ་
མཐའ་ཡས་པ་འཆར་ཞིག་འདུག གཞན་འཁོར་དུ་མས་བསྐོར་བ་ཐམས་ཅད་ཀྱང་དེ་བཞིན་
གཤེགས་པའི་སྙིང་པོ་ལས་བརྩམས་པའི་ཆོས་སྟོན་གྱི་འདུག ཞིང་ཁམས་ནི་གང་ན་ཡོང་པ་
ལགས་ཞུས་པས་ཁྱོད་ཀྱི་སྙིང་གི་དཀྱིལ་ན་ཡོད་གསུངས། ཏིང་ངེ་འཛིན་མཐའ་ཡས་པ་ཞིག་
མངོན་དུ་གྱུར་ཏོ། །སྟོན་ཁ་བཟང་སྤྱོད་ལ་སོགས་པ་མདོ་ཕྲན་མང་པོའི་འགྲེལ་པ་ཐུགས་རྩོམ་
གནང་ཞིང༌། དེ་རྣམས་ཀྱི་བཤད་ལུང་གནང༌། བལ་པོ་བཟོ་བོ་ཉི་ཤུས་སངས་རྒྱས་དཔའ་བོ་
བདུན་གྱི་སྐུ་བཞེངས་པ་ལས་གཙོ་བོ་ཤཱཀྱའི་རྒྱལ་པོ་དང་གཞན་དྲུག་འཁོར་གྱི་ཚུལ་དུ་ཡིན་
པ་ལས་གཙོ་བོ་བཅོམ་ལྡན་འདས་རྣམ་གཟིགས་དང་རིན་ཆེན་གཙུག་ཏོར་ཅན་ཏེ་གསུམ་པོ་
22-1-262


དེ་ཧོར་ཟླ་བཞི་པའི་འགོ་ནས་གཟུང་བརྒྱད་པའི་ཚེས་བཅུ་གསུམ་ཚུན་ལ་གཟུངས་བཞུགས་
ཡན་ཆད་ལེགས་པར་གྲུབ་རིགས་ལྡན་སོགས་ཐུགས་དམ་ཐང་སྐུ་ཡང་མང་པོ་གྲུབ་པ་རྣམས་
ལ་ཚེས་བཅུ་གཅིག་གཟའ་སྐར་བཟང་བ་ནས་གཟུང་གསང་འདུས་འཇིག་རྟེན་དབང་ཕྱུག
འཁོར་ལོ་བདེ་མཆོག་ལཱུ་ཡི་པ། གཤིན་རྗེ་གཤེད་ནག་པོ། རྡོ་རྗེ་འཇིགས་བྱེད། མི་གཡོ་བླ་
མེད། ཕྱག་ན་རྡོ་རྗེ་གཏུམ་པོ། ཕག་མོ་ལྷ་སོ་བདུན་མ། རྡོ་རྗེ་བདག་མེད་མ་རྣམས་ཀྱི་རས་
བྲིས་ལ་བརྟེན་པའི་རབ་གནས་ཚར་རེ་དང༌། ཟླ་བ་དགུ་པའི་ཚེས་གསུམ་ལ་རབ་གནས་
དངོས་གཞི་ཆེན་མོ་གནང༌། གནམ་གང་ལ་ས་ཆོག་གནང་སྟེ་དུས་འཁོར་ཐུགས་དཀྱིལ་རྡུལ་
མཚོན་གྱི་དཀྱིལ་འཁོར་དུ་བཞེངས་རབ་གནས་རྒྱས་པ་གནང༌། ཉིན་རེ་བཞིན་སྐུ་གཟི་བྱིན་
རྒྱས་པ་སོགས་བྱིན་རླབས་ཀྱི་རྟགས་མཚན་མཐའ་མེད་པ་དང༌། བུམ་པའི་ནང་དུ་ཡུངས་
དཀར་ལྷུང་པ་ལ། མྱུ་གུ་སྡོང་བུ་མེ་ཏོག་ཤར་བའི་བར་དུ་བྱུང༌། ཆོས་སྡེ་སྒྲུབ་སྡེ་དང་བཅས་
པ་དང༌། རང་ཤུགས་ཀྱི་སྐྱེ་བོ་མང་པོ་འདུས་པ་རྣམས་ལ་ཞལ་བསོའི་སྟོན་མོ་གཟབ་པར་
སྩལ། གཟོ་བོ་རྣམས་ལ་གནང་སྦྱིན་སྤུས་གཙང་ཞིང་མང་བར་གནང་བས་ཡིད་རབ་ཏུ་མགུ་
བར་གྱུར། རབ་གནས་དགའ་སྟོན་གྱི་བཞུགས་གྲལ་ལ་ཕུན་སུམ་ཚོགས་པའི་བཀྲ་ཤིས་ཀྱི་
བཤད་པ་རྒྱས་པ་གནང༌། དགུན་སྟོད་བླ་བྲང་འགག་པ་དཔོན་སློབ་སོགས་ལ་ནཻ་གུའི་ཁྲིད་
དམིགས་དང༌། གསང་འདུས་འཇམ་རྡོར་གྱི་དབང་བསྐུར་གནང༌། དེ་ནས་དུས་འཁྲིད་ཀྱང་
སྔར་ལུགས་བཞིན་ཚུགས། རིམ་བཞི་དང༌། གསང་བའི་དེ་ཁོ་ན་ཉིད་ཀྱི་འགྲེལ་པ་ཡང་སྔ་
ཕྱིར་ཐུགས་རྩོམ་གནང༌། སངས་རྒྱས་ལོག་པར་དད་སེལ་སོགས་གསུང་གི་སྐུ་ཡང་གཟུངས་
རྫོགས་ཀྱི་བར་དུ་གྲུབ་སྟེ། 
ལུག་ལོ་ཚེས་པའི་ཡར་ངོ་ལ་དཔལ་སངས་རྒྱས་ཐོད་པ་དང༌། ཡེ་ཤེས་དབང་ཕྱུག་མ་
དང༌། ཕྱག་རྡོར་བསྟོད་འགྲེལ་ལུགས་ཀྱི་བདེ་མཆོག་རྣམས་ལ་རྟེན་པའི་རབ་གནས་ཚར་
22-1-263


རེ་རེ་གནང༌། སྡེ་སྲིད་ནས་ཀྱང་རབ་སྟོན་ཞལ་དཀར་རྒྱས་པ་བྱུང་ཞིང་ཕྱག་ནས་ཀྱང་རབ་
སྟོན་རྒྱས་པ་གནང༌། རྒྱ་གར་འཁོར་སའི་གྲྭ་རིགས་ཞིག་ལ་སློབ་དཔོན་པུརྞ་བཛྲ་གྱིས་སངས་
རྒྱས་ཀྱི་རྡོ་སྐུ་ཞིག་འབུལ་བར་མཛད་པ་ཡང་དུས་དེར་འབྱོར། ནུབ་ནས་ཡེ་ཤེས་སེམས་
དཔའ་དངོས་སུ་ཕེབས་པའི་ཚུལ་དུ་བྱུང༌། ཧོར་ཟླ་གཉིས་པའི་ནང་དུ་གཙང་སྡེ་སྲིད་རྒྱལ་བུ་
ཁྲི་ཕེབས་གནང་རྒྱུའི་རྟེན་འབྲེལ་ལེགས་ཚོགས་བསྒྲིགས་པར་ཕེབས་དགོས་ཚུལ་ནན་ཆེ་
བ་ནས་ཚེས་གཉིས་ལ་ཆིབས་ཁ་བསྒྱུར་སེར་སྡིང་དུ་བཞུགས་པའི་ནུབ་མོ་གནས་སྙིང་རྒྱལ་
པོ་འཁོར་བཅས་ཟབ་སྤྲོད་བྱས་ཕེབས་བསུར་འོང་ཕྱག་མཆོད་ཕུལ་དགའ་བའི་ཚུལ་མང་པོ་
ཞུས། ཚེས་བཅོ་ལྔའི་ཉིན་སྡེ་སྲིད་ཀྱིས་གཙོས་པའི་ཕེབས་བསུ་རྒྱས་པས་བསུས་ཏེ་ཕོ་བྲང་
ཆེན་པོ་བསམ་འགྲུབ་རྩེར་ཕེབས། ཚེས་བརྒྱད་ཀྱི་སྔ་ཐོག་གཟའ་སྐར་བཟང་བ་ལ། རྒྱལ་པོ་
རྒྱལ་རིགས་ཀྱི་སྤྱི་བོ་ནས་དབང་བསྐུར་བའི་ཆོ་གས། ཁྲི་ཐོག་ཏུ་འཇོག་པའི་མངའ་གསོལ་
དེ་ཕུལ། དགའ་སྟོན་རྒྱ་ཆེན་པོ་མཛད། མི་ཚོགས་ཆེས་པས་མི་མ་ཡིན་ཡང་མང་པོ་འདུས་
འདུག་པས་ནད་ཡམས་བཞིན་བྱུང་དགོས་འབྱུང་པོ་སྤྱི་གཏོར་སོགས་མང་བ་གནང་བས་
དེ་རྣམས་སོ་སོར་གྱེས་པའི་ལྟས་ཀྱང་ཤར། ཟླ་བ་དཀར་ནས་ཉིན་རེ་བཞིན་ཚེ་དབང་རྗེས་
གནང་སོགས་དང༌། མངོན་རྟོགས་རྒྱན་གྱི་བཤད་པ་གནང༌། སྡེ་སྲིད་ནས་འཛིན་ཆོས་དང་
ཟིན་བྲིས་སོགས་ཐུགས་རྩོལ་ཆེ་བར་མཛད། གསེར་མདོག་ཅན་པའི་མཚན་བརྗོད་འབུམ་
ཐེར་བ་རྣམས་ལ་ཆོས་འབྲེལ་དང༌། མཁན་སློབ་རྣམས་ལ་ཀྱཻ་རྡོར་མཚོ་སྐྱེས་ལུགས་ཀྱི་དབང་
གནང༌། སྡེ་སྲིད་ཡབ་སྲས་སོགས་ལ་སངས་རྒྱས་ཐོད་པ། ཀྱཻ་རྡོར་མཚོན་ཆ་ཅན་དང༌། ཡེ་
ཤེས་དབང་ཕྱུག་མ་དང༌། བདེ་མཆོག་མེ་ཏྲི་བཅུ་གསུམ་མའི་དབང་སོགས་གནང༌། ཕྱག་ཏུ་
གསར་བཞེངས་གནང་བའི་གྲུབ་བརྒྱའི་ཐང་སྐུ་སོགས་དང་ཕྱོགས་ནས་ཕྱག་ཏུ་བྱུང་བའི་ཐང་
སྐུ་དང༌། འབུར་སྐུའི་རིགས་ཤིན་ཏུ་མང་བ་དང༌། བཀའ་འགྱུར་པར་མ་སོགས་ལ་ས་གའི་
22-1-264


ཚེས་བཙོ་ལྔ་ལ་རབ་གནས་རྒྱས་པར་གནང༌། ཧོར་ཟླ་ལྔ་པའི་ཚེས་བཞི་ལ་ཆིབས་ཁ་བསྒྱུར་
ཚེས་བརྒྱད་ལ་རྟག་བརྟན་དུ་ཕེབས༌། ཧོར་ཟླ་དྲུག་པའི་ཚེས་བརྒྱད་ཀྱི་ཉིན་བདེ་མཆོག་
འཇམ་པའི་རྡོ་རྗེ་དཀྱིལ་འཁོར་ཆེན་པོ་ཞལ་ཕྱེ་སྟེ་སངས་རྒྱས་དཔའ་བོ་བདུན་གྱི་སྐུ་ལ་རབ་
གནས་རྒྱས་པར་གནང༌། ཉི་མ་མང་པོར་མེ་ཏོག་གི་ཆར་དང་འཇའ་འོད་སོགས་ཡ་མཚན་
པའི་ལྟས་མང་པོ་མངོན་དུ་གྱུར། དགའ་སྟོན་ལ་ཆོས་སྡེ་སྒྲུབ་སྡེ་ཆ་ལག་དང་བཅས་པ་མཐའ་
དག་ཚོགས་པའི་སུམ་སྟོང་བུད་པ་ལ་མང་ཇ་གང་མཐོང༌། ཚ་ར། མར་ཐུད། བུ་རམ་སོགས་
ཀྱི་སྟོན་མོ། ནས་འགྱེད་ཁལ་རེ་མ། སྐམ་འགྱེད་ཀྱང་ཁལ་རེ་ཟི་ངེས་ཤེས་པ་གནང༌། སྐྱེ་བོ་
མི་ནག་པའི་རིགས་མང་དུ་ཚོགས་པ་རྣམས་ལ་གྲོ་ཞིབ། ཆང་གང་ཐུང༌། བུ་རམ། ནས་འབོ་
རེ་སོགས་གནང༌། རྒྱལ་པོ་ཁྲི་སྲོང་ལྡེ་བཙན་གྱི་ཐུགས་དམ་རྟེན་རྡོ་སྐུ་གཅིག་ཀྱང་བླ་མ་སྨན་
ཆུ་བས་ཕུལ། སྡེ་སྲིད་ནས་བཀའ་འགྱུར་འབུལ་མི་ཡང་འབྱོར་བས་སྐུ་གསུང་གི་ཡེ་ཤེས་
ཕེབས་པའི་རྟེན་འབྲེལ་ལེགས། འདི་སྐབས་བྱང་པ་བདག་པོ་ཡང་སྐུ་གཤེགས་པའི་བསྔོ་
རྟེན་འབུལ་མི་བྱུང་ཞིང་བྱང་བཅོག་ཡང་གནང་རྟག་བརྟན་གྱི་དབྱར་ཆོས་ལ་དཔལ་འཁོར་ལོ་
བདེ་མཆོག་ལཱུ་ཡི་པའི་ལུགས་ཀྱི་རྫོགས་རིམ་རྣལ་འབྱོར་ཆེན་པོ་དྲིལ་བུ་པའི་ཁྲིད་རིམ་པ་ལྔ་
པ། ནག་པོ་རིམ་བཞི་ལམ་སློང་ཆེན་པོ། དཔྱལ་ལུགས་ཀྱི་ཕག་མོ་སྒོམ་དྲུག་གི་ཁྲིད། རྩ་དབུ་
མའི་ཁྲིད། ན་རོ་མཁའ་སྤྱོད་ཀྱི་ཐུན་མོང་མ་ཡིན་པའི་ཁྲིད། བདེ་མཆོག་དཀར་པོའི་བྱང་ཆུབ་
བསྒྲུབ་ལམ་གྱི་ཁྲིད་དང་ཚེ་ཁྲིད་གཉིས། བདེ་མཆོག་ལྷན་སྐྱེས་ཀྱི་ཁྲིད། མ་ཧཱ་མ་ཡའི་ཁྲིད། 
སངས་རྒྱས་ཐོད་པའི་ཁྲིད། རྒྱུད་སྡེ་གདན་བཞིའི་ཁྲིད་རྣམས་དང༌། ཨོ་ལ་པ་ཏིའི་འགྲེལ་
པའི་བཤད་ལུང་རྣམས་གནང༌། ཧོར་ཟླ་དགུ་པའི་ནང་དུ་གཏིང་སྐྱེས་ནས་སྡེ་པ་མ་ཆེན་ཡང་
ཕེབས་ཚེ་དབང་སོགས་དང་བདེ་མཆོག་ནག་པོ་དང་རྣལ་འབྱོར་མའི་བྱིན་རླབས་གནང༌། 
ཆོས་སྡེ་རྣམས་ལ་བདེ་མཆོག་འཁྲུལ་སྤོང་དང༌། རྡོ་རྗེ་མཁའ་འགྲོ་དང་སྡོམ་པ་འབྱུང་བ་དང༌། 
22-1-265


འཁོར་ལོ་བསྒྱུར་དྲུག་དང༌། སྦྱངས་པའི་ཡོན་ཏན་མ་དང༌། དྲིལ་བུ་ལྷ་ལྔ་དང༌། འཇམ་པའི་
རྡོ་རྗེ་དང༌། བོང་ཞལ་ཅན་དང༌། ཕྱག་རྡོར་སྟོད་འགྲེལ་ལུགས་ཀྱི་རྩ་དཀྱིལ་དང་ཕག་མོ་ལྷ་
སོ་བདུན་མ་རྣམས་ཀྱི་དབང་རྣམས་གནང༌། གཙང་པོ་ལ་གྲུ་གཅིག་ཀྱང་གསར་དུ་འཛུགས་
པ་གནང༌། སངས་རྒྱས་དཔའ་བོ་བདུན་ལ་རྒྱབ་ཡོལ་རྒྱུ་གསེར་ཟངས་དངུལ་གསུམ་ལས་
བཟོས་པ་ཕྲ་རྒྱན་མང་པོས་སྤྲས་པ་ཡང་གྲུབ་མཆོད་རྫས་ཀྱང་མང་བར་བཟོས་ནས་བསྒྲིགས། 
དགུན་ཁྲིད་སྔར་འཁྱུད་ལྟར་ཚུགས་ཆོས་རྗེ་ཡེ་ཤེས་རྒྱ་མཚོ་བ་ལ་ལམ་འབྲས་ཆ་ཚང༌། རྒྱུད་
སྡེ་ལྔའི་དབང༌། བཀའ་བབས་བདུན་ལྡན་གྱི་གཞུང་དང་ཁྲིད་གཉིས་ཀ་ཕྱེད་ཙམ་རེ་གནང༌། 
སྤྲེའུ་ལོ་གསར་ལས་གསང་འདུས་རིམ་ལྔའི་འགྲེལ་ཆེན་དེ་ཞག་ཉི་ཤུ་རྩ་ལྔའི་རིང་
ལ་གྲུབ་པར་ཐུགས་རྩོམ་གནང་འདི་ལ་འཇམ་པའི་དབྱངས་ཀྱིས་བྱིན་གྱིས་བརླབས་པའི་
རྟགས་གཅིག་ཀྱང་བྱུང་གསུངས། རྒྱལ་རྩེ་བླ་མ་ཞབས་དྲུང་སོགས་ལ་ཕྱག་ཆེན་ལམ་ཁྱེར་གྱི་
ཁྲིད། མགོན་པོ་ཕྱག་བཞི་པའི་རྗེས་གནང༌། ལུང་ཁྲིད་སོགས་ཀྱང་གནང་ཟབ་སྐུ་ཆེན་མོ་ཐུབ་
པ་དམ་ཚིགས་གསུམ་བཀོད་ལྷ་ལྔ་གཙོ་བོར་གྱུར་པའི་ལྷ་ཚོགས་མང་པོ་རྒྱུ་གོས་ཆེན་བཟང་
པོ་འབའ་ཞིག་ལས་གྲུབ་པ་ཐོག་སོ་བཅུ་གཅིག་གི་དཔང་ཡོད་པ་འདི་ཡང་གྲུབ་གོས་སྐུ་ལ་
རབ་གནས་ཕྱག་མཆོད་དགའ་སྟོན་རྒྱས་པར་གནང༌། གཞིས་ཀ་རྩེ་ནས་སྤྱན་འདྲེན་ནན་ཆེ་བ་
དང་བསྟུན་ཧོར་ཟླ་གསུམ་པའི་འགོ་ལ་ཆིབས་ཁ་སྒྱུར་ཚེས་གསུམ་ལ་གཞིས་ཀ་རྩེར་ཕེབས། 
དྭགས་པོ་ལ་དམག་འདེགས་གདོང་གི་ཐུགས་བྲེལ་ཤིན་ཏུ་ཆེ་བ་འདུག་ན་ཡང་རྐྱེན་སེལ་གྱི་
དབང་བཀའ་རྗེས་གནང་རྣམས་ཐུགས་རྩོལ་གྱིས་གསན་ཞིང་གནང་སྔ་ཕྱིར་མི་ནག་ཅན་མང་
པོ་འཇིགས་པ་ལས་སྐྱོབ་པ་གནང༌། ཚེས་བཅུ་གསུམ་གྱི་ཉིན་དཔུང་འདེགས་མཛད་སོང༌། དེ་
ནས་ཞབས་དྲུང་རྒྱལ་བུའི་དྲུང་སོགས་ལ་གསང་འདུས་འཇམ་རྡོར་གྱི་དབང་དང་སྒྲུབ་ཐབས་
བརྒྱ་རྩ་གནང༌། ངུར་སྨྲིག་གི་རྗེ་བཙུན་མ་ལ་གསོལ་བཏབ་གནང་བས། མནལ་ལམ་དུ་ཤམྦྷ་
22-1-266


ལར་ཡང་ཡང་ཕེབས་པར་བྱུང་བ་ལ༌། དེར་འཁྲུངས་རྒྱུ་ཡིན་པ་ལ་ཨེ་ན་དགོངས་པ་ལ་རྗེ་
བཙུན་མས་གསུང་བྱོན་ནས་དེ་མིན་ཁྱོད་ཀྱི་རྩོམ་པ་རྣམས་ཤམྦྷ་ལའི་བྱང་ཆུབ་སེམས་དཔའ་
རྣམས་ཀྱི་གསུང་དང་མཐུན་པར་བྱུང་བས་ཡིན་གསུང་བ་བྱུང༌། ཧོར་ཟླ་ལྔ་པའི་འགོ་ལ་རྟག་
བརྟན་དུ་ཕེབས་དབྱར་ཆོས་ལ་ཤངས་ཆོས་ཡོངས་རྫོགས་གནང་སྟེ་རྒྱུད་སྡེ་ལྔའི་དབང་ཆོས་
དྲུག་བཀའ་བཅུ། ཕྱག་ཆེན་བཀའ་ལྔ། མཁའ་སྤྱོད་བཀའ་ལྔ། ཕག་མོ་གསང་སྒྲུབ། སྤྱན་རས་
གཟིགས་སྐྱེར་སྒང་ལུགས་ཀྱི་བཀའ་གསུམ། རྣམ་འཇོམས་ཕྱག་རྡོར་མི་གཡོ་བའི་བཀའ་
སོགས་དབང་བཀའ་རགས་རིམ་ཕལ་ཆེ་བ་དང༌། ཆོས་དྲུག ཕྱག་ཆེན །ལམ་ཁྱེར་འཆི་མེད། 
སུ་ཁའི་སྐོར་གྱི་ཁྲིད། ཐུགས་རྗེ་ཆེན་པོ་སྐྱེར་སྒང་ལུགས་ཀྱི་ཁྲིད། རྗེས་སུ་ཡི་རང་གི་བར་
དུ་འཁྲིད་ཀྱི་སྐོར་དང༌། ནཻ་གུ སུ་ཁ། ར་ཧུ་ལ། རྡོ་རྗེ་གདན་པ་རྣམས་ཀྱི་མན་ངག་སོ་སོ་དང་
ལུང་གི་སྐོར་རྣམས་ཀྱང་ཆ་ཚང་བར་གནང༌། རྒྱལ་རྩེ་བླ་མ་ཞབས་དྲུང་སོགས་བཞི་བཅུ་སྐོར་
ལ་ལམ་འབྲས་ལམ་སྐོར་དང་བཅས་པ་ཡང་གནང༌། ཡང་ཐུབ་དབང་ལ་འཇམ་དབྱངས་དང་
སྤྱན་རས་གཟིགས་སོགས་ཀྱིས་སྐོར་བའི་ཟབ་སྐུ་ཐོག་སོ་བདུན་ཙམ་ཡོད་པ་འདི་ཡང་ཧོར་
ཟླ་བདུན་པའི་ནང་དུ་གྲུབ་ནས་རབ་གནས་གནང༌། ཀུན་མཁྱེན་ཆེན་པོའི་སྐུ་འདྲ་མདའ་ཚད་
མ་གཉིས་ཀྱང་གསེར་ཟངས་ལས་བཞེངས། སྒམ་པོ་སྤྲུལ་སྐུ་དང༌། བྱ་རྒོད་གཤོངས་ནས་
ཀླུ་སྒྲུབ་སྐུ་སྐྱེས་སོགས་ལ་སྒྲོལ་མ་ཉེར་གཅིག་གི་རྗེས་གནང་དང༌། རྡོ་རྗེ་འཇིགས་བྱེད་ཀྱི་
དབང་གནང༌། སྐབས་དེ་བཀའ་འགྱུར་གསར་བཞེངས་གནང་བ་ཡང་ཧོར་ཟླ་གཉིས་པ་ནས་
བརྩམས་འདི་བར་ལ་གྲུབ་རབ་ཏུ་གནས་པ་གནང་ཞིང་ཡིག་མཁན་རྣམས་ལ་ཡོན་བླ་ལྷག་ཏུ་
གནང༌། འཕགས་པ་འཛམ་བྷ་ལ་སེར་པོའི་སྐུ་བརྙན་གསེར་དངུལ་ཟངས་གསུམ་ལས་གྲུབ་
ཅིང་རིན་པོ་ཆེའི་ཕྲ་བརྒྱན་དུ་མས་སྤྲས་པ་འདི་ཡང་བཞེང་བ་གནང༌། ཧོར་ཟླ་བཅུ་པའི་ཚེས་
གསུམ་ལ་རབ་ཏུ་གནས་པ་གནང་ལོངས་སྤྱོད་འཕེལ་བའི་རྟེན་འབྲེལ་འགྲིག ཀུན་གཟིགས་
22-1-267


ལྷ་ཁང་དུ་འཇམ་དབྱངས་ཨ་ར་པ་ཙ་ན་དང༌། བདེ་བ་ཅན་དུ་འོད་དཔག་མེད་དང༌། ལྕང་ལོ་
ཅན་དུ་གསང་བདག་དང༌། ཨོ་རྒྱན་མཁའ་སྤྱོད་དུ་རྡོ་རྗེ་རྣལ་འབྱོར་མ་དང༌། ཐེག་མཆོག་ཏུ་
དཔལ་ཧེ་རུ་ཀ་དང༌། དགའ་ལྡན་དུ་བྱམས་པ་དང༌། འབར་འཛིན་དུ་མི་གཡོ་བ་དང༌། དྲང་
སྲོང་མེ་ལྷ། དབང་ལྡན་དུ་གཤིན་རྗེ་གཤེད་ནག་པོ། དཔལ་ཆེན་དུ་དཔལ་འཁོར་ལོ་བདེ་
མཆོག་ཞལ་བཞི་ཕྱག་བཅུ་གཉིས་པ། མངོན་སྤྱོད་དྲག་པོའི་ལྷ་ཁང་དུ་དཔལ་ནག་པོ་ཆེན་པོ་
གུར་གྱི་མགོན་པོ་དང༌། ཡེ་ཤེས་མགོན་པོ་ཕྱག་དྲུག་པ་དང༌། ཕྱག་བཞི་པ་རྣམས་དང་ལྷ་ཁང་
དེ་ཐམས་ཅད་དུ་ལོགས་བྲིས་རྒྱས་པ་དང༌། གཞན་ཡང་ཀུན་མཁྱེན་ཆེན་པོའི་སྐུ་འདྲ་མདའ་
ཚད་ཙམ་དང༌། ཁྲུ་གང་པ་ལྔ་བཅུ་སྐོར་བཞེངས་བ་གནང༌། དེ་ཐམས་ཅད་ལ་གང་བ་ཡིན་
ནའང་ཉེ་འཁོར་དུ་ནེ་གསིང་རྒྱ་ཆེན་པོ་གསར་དུ་མཆེད། ཤིང་འཛུགས་པ་གནང་དུས་ཐམས་
ཅད་ཀྱང་འབད་རྩོལ་མེད་པར་སྐྱེས་སོ། །སྟོན་དེ་སྐྱིད་སྦུག་ཏུ་སྐུ་མཚམས་གནང་དུས་ཐོ་
རངས་ཞིག་འཇམ་དབྱངས་རིགས་དྲུག་གི་སྔགས་འཁོར་རྣམས་སྒེག་པའི་རྡོ་རྗེའི་ལུགས་དང་
མཐུན་པ་གཅིག་ཤིན་ཏུ་གསལ་བ་ཡུན་རིང་དུ་གནས་ཤིང་འོད་འཕྲོ་བ་གཅིག་བྱུང༌། ཧོར་ཟླ་
བཅུ་གཅིག་པའི་ཚེས་བཅུ་བདུན་ནས་དུས་འཁྲིད་འཛུགས་པ་གནང༌། གཞིས་ཀ་རྩེར་དཔོན་
ས་ཨ་ལྕེའི་དྲུང་གཤེགས་པའི་བསྔོ་རྟེན་འབུལ་མི་སླེབས་པ་ལྟར་རྗེས་སུ་བཟུང༌། ཞབས་
དྲུང་རྒྱལ་བུའི་དྲུང་སྐུ་འབྲུམ་ལ་འཛེམས་པས་པ་སྣམ་ལྷུན་གྲུབ་རྩེར་ཕེབས་པ་ལ་སྐུ་གསུང་
འབུལ་མི་གནང༌། དགུན་དེ་གྲུབ་ཆེན་སྤྱོད་པའི་རྡོ་རྗེས་མཛད་པའི་ནག་པོ་སྒྲུབ་ཐབས་ལ་
ཊིཀ་ཆེན་མཛད། སྔ་སོར་ནས་སྡེ་སྲིད་ཆེན་མོ་དམག་ཐོག་ཏུ་བཞུགས་པ་ལ་ཐུགས་དམ་ལྟས་
མི་ལེགས་པ་རང་ནས་ཟླ་བ་བདུན་པ་བརྒྱད་པ་ཙམ་ལ་གཙང་དུ་ཕེབས་ཐུབ་ངེས་ཡོད་པ་
དགོས་བཀའ་ཕེབས་ཀྱང་ཐུགས་བྲེལ་དབྱིངས་ཆེས་པས་ཕེབས་མ་ཐུབ་སྐུ་གཞོགས་སུ་བང་
ཆེན་བཞིན་འཕྲལ་འཕྲལ་བྱུང་བ་རྣམས་ལ་ཡང་ལྟས་ལེགས་རྒྱུ་མེད་པ་དེ་ག་འདི་སྐབས་སྐུ་
22-1-268


ཁམས་ཅུང་ཞིག་བརྟེན་གྱི་ཡོད་འདུག་པ་ནས་སྤྱན་འདྲེན་ནན་ཆེན་བྱུང་བ་བཞིན། 
བྱ་ལོ་ཟླ་བ་དང་པོའི་ཚེས་བཅུ་གཅིག་ལ་རྟག་བརྟན་ནས་ཆིབས་ཁ་བསྒྱུར། ཚེས་བཅོ་ལྔ་
ལ་ལྷུན་གྲུབ་རྩེར་ཕེབས་ཞབས་དྲུང་རྒྱལ་བུའི་དྲུང་ལ་བཀའ་དབང་སོགས་འབུལ་བའི་དབུ་
བཙུགས། དབུས་སྒར་ཐོག་ནས་སྤྱན་འདྲེན་པ་ཉེར་གསུམ་ལ་འབྱོར། ཉེར་ལྔའི་ཉིན་ཆིབས་
ཁ་བསྒྱུར་ནས་ཆུ་གཉན་དུ་ཕེབས་མཚམས་ཞབས་དྲུང་དེ་ཉིད་སྐུ་གཤེགས་པའི་མགྱོགས་
བསྔོའི་རྟེན་འབུལ་བ་དང༌། སྡེ་གཟར་སྟབས་རེ་ཞིག་གསང་དམ་པ་རང་བྱེད་རྒྱུའི་ཚུལ་འབུལ་
མི་སླེབས། སླར་རྫོང་དུ་ཕེབས་བསྟན་འཛིན་རིན་པོ་ཆེའི་སྐུ་སྐྱེ་ཡང་ཆོས་ཞུ་བར་ཕེབས་པ་ལ་
ཤངས་ཆོས་ཡོངས་རྫོགས་དང༌། སྡེ་སྲིད་སྐུ་སྐྱེ་གཉིས་ཀ་ལ་དབང་རྗེས་གནང་མང་དུ་གནང༌། 
ཧོར་ཟླ་གསུམ་པའི་ནང་དུ་འདོལ་ཆུང་དུ་བསམ་སྡིངས་སུ་དགོན་པ་ཕེབས། སྡེ་སྲིད་ཀྱི་སྐུ་
རིམ་ལ་དམིགས་ཇོ་མོ་འཕུར་ཐང་གི་རྩེ་ནས་ཐུགས་དམ་གཏོར་མ་རྒྱ་ཆེ་བ་ཞིག་གནང༌། ཧོར་
ཟླ་བཞི་པའི་ནང་དུ་མཆོད་ཡོན་གཉིས་ཀ་གཞིས་ཀ་བསམ་འགྲུབ་རྩེར་ཕེབས། མགོན་ཁང་
ཞིག་གསར་དུ་འཛུགས་པ་གནང་སྟེ་གནས་རྙིང་ལྷ་བཟོ་བས་མགོན་པོ་ཏྲཀྴད་ལྕམ་དྲལ་གྱི་
འབྲི་སྐུ་བཟོས་སྤྲུལ་སྐུ་པས་ཁང་པས་མགོན་པོ་འཁོར་མང་གི་བྲིས་སྐུ་ཡང་བྲིས། རྟེན་རྫས་
དང་ཐུན་རྫས་རྣམས་ཚང་བར་བསགས་ནས་རྟེན་འཛུགས་རབ་གནས་རྒྱས་པར་གནང༌། 
དགེ་མཚན་གྱི་མངོན་པར་འཕགས་པ་བྱུང༌། མགོན་གསོལ་བཞི་སྡེ་འཛུགས་པ་གནང་ཁོང་
རྣམས་སང་ཡོང་རྒྱུའི་ནུབ། གསལ་སྣང་ལ་རི་མཐོན་པོ་ནགས་ཚལ་རྒྱས་པ་གཅིག་གི་ལྡན་ན་
སྤྲེའུ་སྟོད་སྨད་གཉིས་འདུག་པའི་འོག་མ་དེ་ན་དཔོན་སློབ་རང་བཞུགས་འདུག སྟེང་མ་དེ་ན་
བུད་མེད་བོང་ཆེ་ཞིང་གཟི་བརྗིད་ཆེ་བ་རྒྱན་གྱིས་བརྒྱན་པ་ཞིག་ཐོག་རྩེ་ནས་ཉེངས་ཀྱིས་ཐོན་
ནས། བཀྲ་ཤིས་སོ། །དོན་འགྲུབ་བོ། །སྟ་སྟི། སྭ་སྟི་ཟེར་བ་གཅིག་བྱུང་སྟེ་རྟེན་འབྲེལ་ཤིན་
ཏུ་ལེགས། ཧོར་ཟླ་དྲུག་པའི་ཡར་ངོའི་ཚེས་བཅུ་བཞི་ལ་བསྐང་གསོ་རྒྱུན་ཆགས་སུ་འཛུགས་
22-1-269


པ་མཛད། སྡེ་སྲིད་ཀྱི་སངས་རྒྱས་ཀྱི་རྣམ་ཐར་རྒྱས་པ་ཐང་སྐུ་ཐོག་ཚད་དྲུག་ཅུ་སྐོར་བཞེངས་
པ་རྣམས་ཀྱང་ལེགས་པར་གྲུབ་རབ་ཏུ་གནས་པ་གནང༌། ཞབས་དྲུང་དེ་ཉིད་ཀྱི་སྐུ་བྱང་གཞུ་
བའི་ཡོན། བད་རྔམས་པའི་ཇོ་བོ་ལི་མ་དང༌། བྱ་ཡུལ་ནས་སྤྱན་དྲངས་པའི་ཟབ་སྐུ་སོགས་
རྔམས་ཆེ་བར་ཕུལ་བ་རྣམས་བཞེས། གཏིང་སྐྱེས་ནས་སྡེ་པ་མ་ཆེན་གཤེགས་པའི་དགོངས་
རྫོགས་སྤྱན་འདྲེན་བྱུང་བ་ལྟར་ཧོར་ཟླ་བརྒྱད་པའི་ཚེས་བཅུ་བཞི་ལ་ཆིབས་ཁ་བསྒྱུར་ཏེ་
རྟག་བརྟན་དང་ཇོ་ནང་དུ་ཕེབས་ལོགས་བྲིས་གསར་པ་རྣམས་ལ་རབ་གནས་གནང༌། མཁས་
པ་ལུང་རིག་དཔོན་སློབ་འཛམ་ཐང་ཕྱོགས་ནས་ཡར་ཕེབས་དགོན་ཡར་མར་ཞབས་ཏོག་
བསྙེན་བཀུར་དང་སྐུ་ཞབས་སུ་འབུལ་བ་སྟོབས་ཆེ་བར་བྱུང༌། དེ་ནས་གཏིང་སྐྱེས་སུ་ཕེབས་
སྡེ་པའི་གདུང་ཚིགས་དང་དངོས་གཞིའི་སྐབས་དགེ་འདུན་ཉིས་སྟོང་ལྷག་ཙམ་ཚོགས་པའི་
ཚོགས་དབུར་ཕེབས། བསྔོ་རྟེན་འབུལ་བ་གྲལ་འགྱེད་སོགས་བཟང་བ་བྱུང་ཞིང་བསྔོ་བ་རྒྱས་
པར་གནང༌། དེ་ནས་ཟར་སྐྱ་རར་ཕེབས་ཏེ་ཆོས་འཁོར་བདེ་ཆེན་གྱི་དགོན་པ་འདེབས་པའི་
ས་ཆོག་གནང༌། སླར་མཁར་ཆེན་དུ་ཕེབས་གཤེད་དམར་གྱི་དབང་དང་ཚེ་དབང་སོགས་རྐྱེན་
སེལ་གྱི་དབང་རྗེས་གནང་གནང༌། གསང་སྔགས་རི་བོ་བརྒྱུད་ནས་དགེ་གྲོང་དུ་ཕེབས། རྟག་
བརྟན་ཆོས་འཕེལ་ཀྱི་ས་ཆོག་གནང༌། དེ་ནས་རིམ་བཞིན་བརྒྱུད་དེ་ཇོ་ནང་དུ་ཕེབས་དུས་
འཁྲིད་མདོར་བསྡུས་སུ་གནང༌། གཙང་ཞབས་དྲུང་བར་གཤེགས་དེའི་གསང་རྟོལ་དང་དགོ་
མཚུངས་སུ་དགོངས་རྫོགས་དངོས་གཞིའི་དེ་ཤོལ་ཟླ་རྩིས་པའི་ལོ་མཆོད་སྟེངས་སུ་གནང་
བས་ཧོར་ཟླ་བཅུ་གཉིས་པའི་འགོ་ནས་ཚུགས་དཔོན་སློབ་ཀྱིས་དུས་འཁྲིད་གྲོལ་འཕྲལ་
ཕེབས་གཞུ་གནང༌། ཟླ་བ་བཅུ་གཉིས་པའི་ཉེར་གསུམ་ལ་གཞིས་ཀ་རྩེར་ཕེབས་ཉེར་ལྔའི་
ཉིན་དངོས་གཞི་རྒྱས་པར་གནང༌། ཚོམས་ཆེན་དུ་ངོར་རྟག་བརྟན་གཉིས་ཚོགས་པའི་དབུས་
སུ་ཕེབས་འབུལ་བ་རྣམ་བཞག་བློས་གཞལ་དཀའ་བར་འདུག་ཅིང་ཡས་གཏམ་བསྔོ་བ་སྨོན་
22-1-270


ལམ་རྒྱས་པར་གནང་ནས་སྣར་ཐང་བྱང་ཆེན་ཕེབས། 
ཁྱི་ལོ་གསར་བ་ཧོར་ཟླ་དང་པོའི་ནང་དུ་སླར་གཞིས་ཀ་རྩེར་ཕེབས་རྐྱེན་སེལ་གྱི་བཀའ་
དབང་རིམ་པར་གནང༌། རྒྱལ་རྩེའི་གོས་སྐུ་བྱམས་ཆེན་ལ་དཔེ་ཚད་བླངས་པའི་གོས་སྐུ་སྤུས་
གཙང་བ་དང་ཡང་དར་ལི་ལས་གྲུབ་པའི་སྐུ་བཞེང་བ་གནང་འདུག་པ་རྣམས་ལ་འཁོར་ལོ་
བདེ་མཆོག་ལ་བརྟེན་པའི་རབ་ཏུ་གནས་པ་གནང༌། ཧོར་ཟླ་གསུམ་པའི་མགོ་ལ་ཐར་པ་གླིང་
དུ་ཕེབས་ཏེ་གཙུག་ལག་ཁང་འདེབས་པའི་ས་ཆོག་གནང་མཆོད་ཡོན་འབུལ་བའི་སྐབས་ཆུ་
གསར་དུ་རྒྱས་པ་དང༌། ཆུ་མིག་ནས་སྦལ་པ་དཀར་པོ་ཐོན་པ་སོགས་རྟེན་འབྲེལ་ལེགས་པར་
བྱུང༌། སླར་རྩེར་ཕེབས་ཤུན་ཞབས་དྲུང་གི་སྐོར་ལ་སྐུ་ངོ་ནན་ཆེན་གནང་བས་དམ་འཇུར་ལ་
བཞུགས་པ་དགེས་པའི་སྟེང་དུ་བཞུགས་ཡུལ་དགོས་གཞིས་ལ་རོག་ཚོ་གནང་བ་བྱུང༌། ཧོར་
ཟླ་ལྔ་པའི་མགོ་ལ་རྟག་བརྟན་དུ་ཕེབས་འབྲས་སྤུངས་སུ་སྐུ་མཚམས་བདུན་ཕྲག་གཉིས་
ཙམ་གནང༌། སློབ་དཔོན་སངས་རྒྱས་ཡེ་ཤེས་ཞབས་རྒྱ་གར་གྱི་དགེ་སློང་དབུ་ལ་སྤྲོག་ཞུ་
གསོལ་བ་འཁོར་རྣལ་འབྱོར་པ་དང་མཁའ་འགྲོ་མ་སོགས་མང་པོ་ཡོད་པ་ཞིག་དང་དངོས་སུ་
མཇལ། མི་ཤིག་པའི་ཐིག་ལེའི་ངེས་དོན་འདི་དང་འདི་ཡིན་གསུང་གཅིག་བྱུང༌། བཀྲ་ཤིས་
ཁ་བཏག་ལས་སྒྲོལ་དཀར་གྱི་ཟབ་སྐུ་གཅིག་ཀྱང་བཞེངས། འདུལ་བ་ལུང་ལས་བཏུས་པའི་
སངས་རྒྱས་ཀྱི་རྣམས་ཐར་ཡང་ཐུགས་རྩོམ་གནང༌། སྟོན་ཟར་རྟག་བརྟན་དུ་ཚོགས་པ་ལ་
བསྟན་རིམ་གྱི་ཁྲིད་ཟབ་མོ་དང་། རྒྱབ་ཆོས་སུ་མདོ་སྡེ་རྒྱན་དང༌། ཐེག་བསྡུས་སོགས་གནང་། 
སངས་རྒྱས་རབ་བདུན་གྱི་རབ་གནས་ཞལ་གྲོ་གྲུབ་མེད། ལྷ་ཁང་གཞན་ཐམས་ཅད་ཀྱི་ཞལ་
བསྲེ་ལ་དམིགས་ཏེ་དགོན་ཡར་མར་དགོན་ལག་རྣམས་དང་བཅས་པ་དང༌། གཞན་ཡང་དགེ་
འདུན་མང་པོ་སྐྱེས་བུ་ཕལ་པ་ཁྲི་ཕྲག་ལྷག་དང་བཅས་སུ་འདུས་པ་ལ་རྟག་བརྟན་དུ་ཟབ་སྐུ་
བཀྲམ་པའི་ཐོག་མ་དམ་ཚིག་གསུམ་བཀོད་ཐུབ་པ། སྒྲོལ་དཀར་གསུམ་ཞལ་ཕྱེ་མཇལ་ག་
22-1-271


བཏང་མེ་ཏོག་གི་ཆར་ཆེན་པོ་བབས། དགེ་འདུན་རྣམས་ལ་མང་ཇ་ཆེ་རུ་འབུལ་འགྱེད་ཟབ་
པ་དང༌། སྐྱེ་བོ་ཕལ་པ་གཞན་ཐམས་ཅད་ལ་ཡང༌། མི་རེར་ནས་ཁལ་རེ་དང༌། བལ་འགྱེད། 
སྐམ་འགྱེད་སོགས་རྒྱ་ཆེ་བར་གནང་། མགོན་ཁང་དུ་མགོན་པོ་ལྕམ་དྲལ་གྱི་སྐུ་དང་ཚེམ་སྐུ་
ཡང་བཞེངས། དགུན་འཁྲིད་ལ་འཁྲིད་གསར་བ་ཤིན་ཏུ་མང་བའི་དམ་པོ་རྒྱག་མཁན་རང་
ཡང་ལྔ་བརྒྱ་ཙམ་བྱུང༌། 
ཕག་ལོ་གསར་ནས་སྐྱིད་སྦུག་ཏུ་སྐུ་མཚམས་རྒྱངས་པ་གནང༌། སྡེ་སྲིད་དབུས་ཕྱོགས་ལ་
དཔུང་ཐོག་ལ་ཕེབས་རྒྱུ་ཡིན་པས་རྟེན་འབྲེལ་བསྒྲིག་ཕེབས་ལ་གཞིས་ཀ་རྩེར་ཕེབས་དགོས་
ཚུལ་ནན་ཅན་བྱུང་བ་ལྟར་ཕེབས་རྐྱེན་སེལ་གྱི་བཀའ་དབང་རྗེས་གནང་མང་དུ་གནང་བྲིས་
སྐུ་མཐོང་བ་དོན་ལྡན་གྱི་གོས་ཡོལ་ལ་རབ་གནས་གནང་གསེར་མདོག་ཅན་ཚོགས་ཆེན་སྐུ་
རིམ་ལ་བཞུགས་པ་ལ་སྨོན་འཇུག་ཆབ་གཅིག་ཏུ་ལེན་པ་དབུ་མ་ལུགས་ཀྱི་སེམས་བསྐྱེད་
སྤྱོད་འཇུག་དང་ཡི་དམ་བླང་བའི་ཆོ་གའི་དགོངས་པ་བཞིན་ཆོས་རྗེ་ས་སྐྱ་པཎྜི་ཏའི་ཡི་གེའི་
སྟེང་ནས་གནང༌། དེ་ནས་ཡར་ལམ་སྣར་ཐང་གི་རྟེན་མཇལ་གནང་རྟག་བརྟན་དུ་ཕེབས་
རྒྱལ་བ་རིགས་ལྔའི་ཟབ་སྐུ་བཞེངས་པའི་འགོ་བཙུགས། ཁྲོ་རྒྱལ་ལྷ་ཁང་དང༌། ཆོས་ལུང་དུ་
བདེ་མཆོག་ཕོ་བྲང་གི་མཁར་ལས་ཀྱང་གྲུབ་སྔོ་འབོར་སྟེང་གི་རྩེ་ནས་རྩམ་ཁལ་བརྒྱ་ལྷག་ལ་
རྫེས་པའི་གཏོར་མ་ཆེན་པོ་གནང༌། ཧོར་ཟླ་བདུན་པའི་ཚེས་བརྒྱད་ལ་རིགས་ལྔའི་ཟབ་སྐུ་
གྲུབ་པའི་རབ་གནས་གནང༌། སྐྱེ་བོའི་ཚོགས་ལ་དགའ་སྟོན་ཡང་རྒྱ་ཆེན་པོ་གནང༌། བླ་བྲང་
འགག་པ་དཔོན་སློབ་རྣམས་སྦྱོར་དྲུག་གནང༌། རྟག་བརྟན་དུ་ཡང་ས་ལུགས་ཀྱཻ་རྡོར་བཀའ་
བབས་བཞི། རྡོ་རྗེ་གུར་རིག་བསྡུས། རྔོག་ལུགས་ཀྱི་ཀྱཻ་རྡོར་ཡབ་བཀའ་ཡུམ་བཀའ། གུར་
རིག་བསྡུས་སོགས་ཀྱཻ་རྡོར་གྱི་དབང་བཀའི་རིགས་ཕལ་ཆེར་དང༌། བསམ་མི་ཁྱབ་སོགས་
ལ་ལམ་སྐོར་བདུན་གྱི་ཁྲིད། བརྒྱད་ཆར་གྱི་བཤད་པ་ཡིག་ལུང་གཙོ་ཆེའི་ཆོས་སྣ་སུམ་ཅུ་རྩ་
22-1-272


དགུའི་ལུང་རྔོག་ལུགས་བསྲེ་འཕོའི་ཁྲིད་དུས་འཁྲིད་ཀྱང་ཧོར་ཟླ་བཅུ་གཉིས་པའི་འགོ་ལ་
གནང་འཁྲིད་གསར་པ་ཡང་ཉིས་བརྒྱ་བུས་པ་བྱུང་ཅིང་འཁྲིད་ལོ་ལེགས། 
བྱི་བ་ལོ་ཧོར་ཟླ་གཉིས་པའི་ཚེས་ལྔ་ལ་སྡེ་སྲིད་དཔོན་གཡོག་ཟབ་རྒྱས་དམ་བཅས་པ་
རྟག་བརྟན་དུ་ཕེབས་ཞག་བཅུ་སྐོར་བཞུགས་དགོན་ཕུ་མདའི་གནས་མཇལ་རྟེན་མཇལ་ཞིབ་
རྒྱས་སུ་གནང༌། དགོན་སོ་སོ་ཞབས་ཏོག་བསྙེན་བཀུར་གྲལ་འགྱེད་སོགས་བཟང་བ་དང༌། 
དཔོན་སློབ་ཞབས་དྲུང་དུ་འབུལ་བའི་དངོས་པོ་གྱ་ནོམ་པ་དང༌། རྩ་སྐོར་གྱི་ས་རིགས་ཐམས་
ཅད་ཆོས་གཞིས་སུ་འབུལ་བ་གནང་དཔོན་སློབ་ཀྱིས་རྟེན་འབྲེལ་ལེགས་པའི་བཀའ་དབང་
རྗེས་གནང་མང་དུ་གནང་ཞིང་གཞིས་ལེན་འབུལ་བ་རྒྱས་པར་སྩལ་ལོ། །པཎྜི་ཏ་ཀྲིཥྞ་བྷ་དྲ་
ཡང་སླར་ཕེབས། སྭ་ར་སྭ་སྟིའི་འཕྲོས་རྒྱང་ཙམ་དང༌། སྡེབ་སྦྱོར་ཉེར་བསྡུས་དང༌། དབྱང་
ཅན་མའི་བསྟོད་པ་གཅིག་རྣམས་བསྒྱུར། གནང་སྦྱིན་མང་དུ་གནང་ནས་ཤིན་ཏུ་མགུ་བས་རྒྱ་
གར་དུ་སོང༌། དཔོན་གཡོག་རྣམས་ཐེགས་རྗེས། དཔལ་འཁོར་ཆོས་སྡེའི་མཁན་ཆེན་ཀུན་
དགའ་ལུང་རིགས་དཔོན་སློབ་དམ་ཚིག་གསུམ་བཀོད་རིག་གསུམ་སྤྱི་དབང་། ཨ་ར་པ་ཙ་ན་
ལྷ་ལྔའི་དབང་སོགས་གནང༌། རྟག་བརྟན་ཚོགས་ཆེན་ལས་སངས་རྒྱས་ཀྱི་རྣམ་ཐར་རྒྱས་པ་
ཐུགས་རྩོམ་སྟེངས་ནས་བཤད་ལུང་དང་རྗེས་གནང་མང་པོ་གནང་། ངན་སོང་སྦྱོང་རྒྱུད་དང༌། 
ཡང་རྣལ་འབྱོར་རྒྱུད་དུ་བཀྲལ་བའི་ཡིག་སྣ་གསུམ་པོ་དེ་ཐུགས་རྩོམ་གནང༌། ཆོས་གཞིས་
ཁོག་གི་ཁྱུ་འཛིན་དང་ཤ་ཡོང་མང་པོ་ཞིག་མར་དུ་སྒྱུར་ནས་མཆོད་ཁང་སོ་སོར་དཀར་མེ་ལ་
སྦྱར། ཧོར་ཟླ་བརྒྱད་དགུའི་ལ་དུས་ཀྱི་འཁོར་ལོའི་མངོན་རྟོགས་དང་དཀྱིལ་ཆོག་གི་བཤད་
པ་ཐུགས་རྩོམ་གནང་བ་ཐམས་ཅད་དང་ཁྱད་པར་སྔགས་ཀྱི་ཐུགས་རྩོམ་ཆེ་བ་གནང་རེས་ཡི་
དམ་ལྷ་དང༌། རྒྱུད་སྡེ་ང་དང་ངའི་ཡི་དམ་ལྷ་ལ་གསོལ་བཏབ་གནང་ནས་གནང་བའི་མཚན་
མ་ཐོབ་པ་ན་ཐུགས་རྩོམ་ལ་འཇུག་པ་ཡིན་འདི་སྐབས་ཀྱང་གནང་བ་ཐོབ་ནས་ཐུགས་རྩོམ་
22-1-273


གནང་བ་ཡིན་ཡང་སྔོན་མེད་པའི་ལེགས་བཤད་གསར་བ་དུ་མ་འགོད་པ་དང༌། ལོག་རྟོག་
མང་པོ་འགོག་པ་སོགས་ཀྱི་ཅུང་འཚུབ་ཆེ་བར་བྱུང་གསུང་ཞིང༌། ལན་གཅིག་རྒྱས་དཀར་
ཞིག་གི་མདུན་ན་ཐུགས་རྩོམ་གནང་བའི་སྒང་ལ་སྐུ་མདུན་དུ་བུད་མེད་གཟུགས་ཤིན་ཏུ་ཆེ་
བ་གདོང་རང་ལ་ཡང་ཁྲུ་གསུམ་ཙམ་ཡོད་པ། སྐྲ་ཁམ་སེར་གྱེན་དུ་བརྫེས་པ་ཞིག་གིས་རྒྱ་
གར་ནས་ཚུར་ཆེར་ཀིས་ལྟ་ཞིང་ཧེ་ལགས་ཟར་རྒོད་པའི་ཚུལ་བདེ་བ་ཞིག་བྱུང་གསུང༌། ཟླ་
བ་དགུ་པའི་འཇུག་ལ་གཞིས་ཀ་རྩེར་ཕེབས་བཅུ་པའི་ཚེས་བདུན་གྱི་ཉིན་ཞབས་དྲུང་གོང་
མ་དེ་ཉིད་ཀྱི་སྐུ་གདུང་མི་འཁྲུགས་པའི་ཆོ་གར་བསྟན་ནས་འོད་ཞུར་ཕུལ་མེ་རང་འབར་ལྟ་
བུ་བྱུང༌། རྡུལ་འཇམ། ཞུས་འབུལ་བྱེད་པའི་ཐད་ཀྱི་སྟེང་གི་ནམ་མཁའ་ལ་སྤྲིན་དཀར་པོ་
འཇའ་ཚོན་གྱིས་བརྒྱན་པ་ཞིག་ཐམས་ཅད་ཀྱིས་མཐོང་བར་བྱུང༌། སྡེ་སྲིད་དེ་ཉིད་སུམ་ཅུ་རྩ་
གསུམ་པའི་ལྷར་འཁྲུངས་སྤྲིན་དེའི་སྟེང་དུ་འོངས་ནས་ཞུས་འབུལ་བྱེད་པ་ལ་ཡང་ལྟས་སོང་
གསུང་མེ་ཏོག་གི་ཆར་ཡང་བབས་སྡེ་སྲིད་དེ་ཉིད་སྡིག་སྟོབས་ཆེ་དག་སྟོབས་ཡང་ཆེ། ཁྱད་
པར་ཡོངས་འཛིན་མཆོག་གི་ཐུགས་རྗེས་བཟུངས་ནས་སྡིག་པ་སྦྱང་ཤིང་ལམ་ཁྱད་པར་ཅན་
བསྟན་པ་ལས་བྱུང་བར་འདུག སྤྱིར་ཐུགས་རྗེ་འཇུག་པ་ལ་ཡང་སློབ་མ་དད་པ་དང་ལྡན་པ་
དགོས་པ་ལས། སྡེ་སྲིད་དེ་ཉིད་དཔོན་སློབ་ཐམས་ཅད་མཁྱེན་པ་ལ་ཡིད་ཆེས་པའི་དད་པས་
སྙིང་ནས་སླེབས་སོང་འདུག་པ་དེ་ལེགས་པ་དང་ཐུགས་རྗེ་འཛོམ་པ་ཡིན་གསུང་དད་པ་ཅན་
ལ་དེ་འདྲ་བྱུང་བའི་ལོ་རྒྱུས་གཞན་ཡང་མང་སྟེ། སྡེ་དཔོན་གཞན་ཞིག་ལ་རྗེས་འཛིན་གྱི་ཆོ་
ག་གནང་བས་གནོད་སྦྱིན་དུ་སྐྱེས་སྐུ་དྲིན་གསོབ་ཏུ་གསེར་མང་པོ་དགོས་པ་ཕུལ་བས་ལོ་
རྒྱུས་ཀྱང་ཡོད། གསེར་དེ་རྣམས་མི་ཡུལ་གྱི་གསེར་རྣམས་ལས་བཟང་བར་ལྷ་བཟོ་བ་རྣམས་
ཀྱིས་གླེང༌། འདིར་སྐྱེས་པ་ལ་སྤྱན་མིག་གཏད་ནས་བསྔོ་བ་གནང་བ་ཙམ་གྱིས་ངན་འགྲོའི་
སྲིད་པར་དེ་ལས་འཕོས་པའི་ལོ་རྒྱུས་ཆེས་མང་ཡང་འདིར་ལ་ལར་དེ་ནས་དགེ་འདུན་གྱི་
22-1-274


སྡེ་སོགས་ལ་བསྙེན་བཀུར་ཡང་མང་པོ་གནང་སྟེ། སྡེ་སྲིད་དུ་དབང་བཀའ་རྗེས་གནང་རྣམ་
གྲང་མང་བ་གནང༌། དེ་ནས་ཡར་ཕེབས་བྲེ་གོང་གི་ཐད་དེར་བྱིན་རླབས་ཞུ་མཁན་འགའ་རེ་
བྱུང་བའི། བུད་མེད་ཞིག་གི་མགོ་ལ་མེ་ཏོག་དམར་པོ་ཕོར་ཆེར་ཙམ་ཞིག་འདུག དེ་ནས་དེ་
གདོང་མདོག་མི་འདྲ་བ་འཕྲལ་འཕྲལ་འགྱུར་ཞིང་འགྲོ་བ་ཞིག་ཕྱི་མིག་ལྟ་ཞིང་སོང༌། ཞང་གི་
རྣལ་འབྱོར་མ་ཞིག་ཡིན་པར་འདུག དེ་ནས་ཇོ་ནང་དུ་ཕེབས། དུས་ཁྲིད་སྔར་ལུགས་བཞིན་
འཛུགས་པ་གནང༌། 
ཤིང་མོ་གླིང་ལོ་གསར་འཕྲལ་རྟག་བརྟན་དུ་ཕེབས། ཟླ་བ་གཉིས་པའི་འགོ་ནས་ཆོས་
བཟངས་ཀྱི་ཆོས་གྲར་ཆོས་ཁྲི་རྡོ་རྗེ་གདན་གྱི་སྟེང་ནས་ཐུགས་རྩོམ་གྱི་སྒྲུབ་དཀྱིལ་གྱི་བཤད་
པའི་སྟེང་ནས་བཤད་པ་མཐའ་ཆོད་དོན་བསྡུ་གནང༌། ཆོས་ཐུན་དེ་གལ་འཕྲལ་བཀང་པ་
མཐའ་ཡས་སུ་སྦྱོར་དྲུག་ཡོངས་རྫོགས་ཀྱི་དམིགས་པ་དང་བཤད་པ་ངོ་སྤྲོད་མཐུན་པ་གནང༌། 
ས་གའི་སྒྲུབ་མཆོད་ཆེན་མོ་གྲོལ་རྗེས། དབྱར་ཆོས་སུ་ཚོགས་ཆེན་ལ་ཟུང་འཇུག་རབ་གསལ་
གྱི་འཇུག་ཁྲིད་རྟགས་ཚད་སོགས་ཀྱང་གནང༌། གཙུག་ལག་ཁང་གི་སྤར་ཁང་སྟེང་དུ་བཅོམ་
ལྡན་འདས་མ་སྒྲོལ་མ་སྔོ་ལྗང་མའི་སྐུ་གསེར་ཟངས་ལས་གྲུབ་པའི་མི་ཚད་ཙམ། ཕྲ་རྒྱན་ཕུན་
སུམ་ཚོགས་པ་རྒྱབ་ཡོལ་ཀྱང་གསེར་ཟངས་ལས་གྲུབ་པ་འདི་བཞེངས། གཟུང་གཞུག་རབ་
གནས་དགའ་སྟོན་རྒྱས་པར་གནང༌། སྟོན་སེར་དཔལ་མགོན་ལྕམ་དྲལ་གྱི་ཟབ་སྐུ་བཞེང་བ་
གནང་བའི་བཟོ་བོ་རྣམས་ཀྱི་ཐང་ཞིག་ལ་རླེབས་པའི་སྐབས་ནམ་མཁའ་ལས་འབྲུའི་ཆར་
དངོས་སུ་བྱུང༌། རབ་གནས་ཀྱི་སྐབས་ཟིལ་ཤིན་ཏུ་ཆེ་བ་བྱུང༌། གཡུ་ལོ་དང༌། སོ་རཥྚའི་བྲིས་
འབུར་གྱི་ལྷ་ཚོགས་རྣམས་ཀྱང་གྲུབ་ནས་ལྷག་ནས་གནང་དེ་དག་གི་སྐབས་མགོན་པོ་ལྕམ་
དྲལ་གྱི་གསེར་སྐུ་རྟ་པ་མདའ་གཉིས་ཀྱང་བཞེངས་ནས་ཨུ་ཙ་ལར་བཞུགས་པ་ཡིན། འདི་
སྐབས་གསང་ཕུ་ནས་གླང་སྟོད་ཆོས་རྗེས་སྙེ་ཐང་བདེ་བ་ཅན་དང་ཆོས་རྫོང་གི་དགོན་གནས་
22-1-275


གཉིས་ཀ་འབུལ་བ་གནང༌། དེ་ནས་གཞིས་ཀ་རྩེ་ནས་སྤྱན་འདྲེན་བྱུང་བ་ལྟར་ཕེབས༌། སྡེ་
སྲིད་དུ་རྐྱེན་སེལ་གྱི་བཀའ་དབང་དང༌། དུས་ཀྱི་འཁོར་ལོའི་དཀྱིལ་འཁོར་ཡོངས་རྫོགས་
ཀྱི་དབང་གནང༌། ཐར་པ་གྲྭ་ཚང་གི་དགེ་འདུན་རྣམས་ཀྱིས་གཙོས་དབང་མི་ཉིས་བརྒྱ་ལྷག་
ལ་དུས་འཁོར་ཡོངས་རྫོགས་ཀྱི་དབང་གནང༌། དཀྱིལ་འཁོར་དེ་ཉིད་ཀྱི་སྟེང་ནས་གསར་
བཞེངས་ཀྱི་བརྒྱད་སྟོང་པ་བརྒྱད་ཚར་དང༌། བཀའ་འགྱུར་ཚར་གསུམ༌། བྲིས་སྐུ་རབ་ཏུ་མང་
པོ་དང་བཅས་པ་ལ་རབ་གནས་གནང༌། འཇག་པ་སྤྲུལ་སྐུ་ཡང་ངོས་འཛིན་གནང༌། དེ་ལོ་
གསེར་ཚོགས་ཉི་མ་གསུམ་ཙམ་གནང་བའི་གཏོར་བཟློག་སྐབས་བྱད་བཟློག་གི་དམིགས་
པས་དགོས་གསུང་བ་ལྟར་གནང༌། དེ་ནས་རྟག་བརྟན་དུ་ཕེབས། ཟླ་བ་བཅུ་གཅིག་པའི་
འགོ་ནས་ཇོ་ནང་དུ་དུས་འཁྲིད་སྔར་བཞིན་འཛུགས་པ་གནང༌། དུས་ཁྲིད་གྲོལ་རྗེས་སོགས་
ཐུགས་དམ་ལ་བོགས་ཤིན་ཏུ་ཆེ་བར་བྱུང་སྟེ། གསུང་ལས། 
སྣ་ཚོགས་གཟུགས་དང་སྣ་ཚོགས་སྒྲ། །སྣ་ཚོགས་དྲི་དང་སྣ་ཚོགས་རོ། །སྣ་ཚོགས་རེག་
བྱ་སྣ་ཚོགས་ཆོས། །དེ་དག་རང་གཟིགས་ལྷན་ཅིག་སྐྱེས། །འདི་ལྟར་ནཱ་ག་སི་སནྣ། །བསྟན་
ཡོད་ལྷན་སྐྱེས་དང་པོར་ཤར། །རང་གཟུགས་ལྷན་སྐྱེས་གཉིས་པ་ཡིན། །དེས་མཚོན་མཐོང་
བྱ་ཀུན་ཡང་རིག །འདིར་ནི་གཟུགས་ལ་མཚོན་པ་སྟེ། །གཟུགས་ནས་རྣམ་མཁྱེན་བར་གྱི་
ནི། །ཆོས་རྣམས་ཐམས་ཅད་དེ་དང་འདྲ། །སྐྱེ་མེད་གནས་ན་ས་རྡོ་མེད། །ཚུལ་འདི་གསལ་
བར་རིག་པ་ཡང༌། །བར་དུ་དགེ་བ་མཚན་མ་ཡིན། །རྡོ་རྗེ་ཡེ་ཤེས་ལྔ་ཡི་རིམ། །སེམས་ལ་
དམིགས་པའང་འདི་ཡིན་ནོ། །ཟུང་འཇུག་ཐོབ་ཅེས་འུ་གོག་མི་འཐག་སྟེ། །རྡོ་རྗེ་འཆང་ནི་
ཀུན་ལ་ཁྱབ་པར་བཞུགས། །རྫུན་མེད་ངེས་ཅན་ཡིན་ན་འདིས་ཀྱང་ཆོག །འདྲ་རུང་སྒྲོ་
འདོག་ཙམ་ལ་སྙིང་པོ་ཅི། །ཞེས་གསུངས། འདི་སྐབས་མཚན་མོའི་དུས་དམིགས་པ་གཏད་
རེས་ཀྱི་རླུང་ཨ་བ་དྷཱུ་ཏིར་འགགས་པའི་རྟགས་ཀྱང་འཆར་ཞིང༌། གཏུམ་མོའི་འབར་སྣང་
22-1-276


གིས་འཁོར་ལོ་རྣམས་འཁོར་བ་དང༌། རྩ་གནས་ཐམས་ཅད་གཡོ་ཞིང་མི་ཤིགས་པའི་འོད་
ཟེར་ཀུན་ཏུ་ཁྱབ་པའི་བདེ་ཉམས་དང་བཅས་པ། སྟོང་པའི་སྒྲ་སྣ་ཚོགས་པའི་འཆར་ཚུལ་ལ། 
ཐོག་མ་རོལ་མོའི་གླུ་དབྱངས་ལ་སོགས་པ་སྣང་བ་དེ། འཇུག་ཏུ་ཚིག་དོན་ཅན་གྱི་སྒྲ་སྣ་ཚོགས་
སུ་འགྱུར་བ་ཞག་རེ་བཞིན་རྟག་པར་འོངས་པ་ཟླ་ཤས་བྱུང༌། ཅི་ཞིག་ལྟར་ནས་སྣང་བ་དེ་ཡང་
གཞན་དུ་གྱུར། དེ་ཡང་རང་བཞིན་འཕོ་འགྱུར་མེད་པ་ལ། སྣང་ཆ་འཕོ་འགྱུར་ལྟར་འཆར་
བ་འདི། ས་སྟེང་ནས་ཟླ་བ་འཕེལ་འགྲིབ་ལ་ལྟས་པ་དང་འདྲའོ། །ཞེས་བཤད་པ་དེར་འདུག
རྒྱུད་གཞུང་རྣམས་ལས་རྡོ་བྲག་སྐུད་པའི་དཔེ་དང༌། དངུལ་ཆུའི་དཔེ་དང༌། རོ་མཆོག་བཏུང་
བ་སྦྱར་བ་ཡི། །ཞེས་སོགས་དཔེའི་ཡེ་ཤེས་ལས་དོན་གྱི་ཡེ་ཤེས་ངོ་འཕྲོད་ཅིང་གསལ་བར་
རྟོགས་ཚུལ་གཅིག་གསུངས་འདུག་པ་དེ་ལ། ད་ལྟ་ཐམས་ཅད་ལ་གོ་བ་ཐུན་མོངས་སུ་འཆར་
ཚུལ་གཅིག་འདུག་པ། དེ་དུས་ཕྱོགས་སུ་མི་འགྲོ་བའི་གོ་བ་འཆར་ཚུལ་ངེས་ཤེས་གཅིག་ཀྱང་
སྐྱེས། རྒྱ་བོད་གཉིས་གར་སྔགས་ལ་མཁས་པ་མང་པོ་འདུག་པ་ཡེ་ཤེས་ཞབས་ལུགས་དང་
སེམས་འགྲེལ་སྐོར་གསུམ་ཆོས་སྐད་མི་མཐུན་པའི་འགལ་བ་ཅན་དུ་འདོད་པ་མང་ཡང༌། ཁོ་
བོས་ནི་སྔར་ཀྱང་འགལ་མེད་དུ་ཤེས་ཤིང༌། སྐབས་འདིར་ཉམས་གཅིག་ལ། གྲོལ་ཐིག་གི་
དམིགས་པ་རྣམས་གསལ་སྣང་དུ་ཤར་བ་ཅིག་གིས་རྐྱེན་བྱས་ནས་འཇམ་དཔལ་ཞལ་ལུང་
དང་སེམས་འགྲེལ་སྐོར་གསུམ་དགོངས་པ་གཅིག་ལ་བློ་གྲོས་ནམ་ལངས་དང༌། ཉི་མ་ཤར་
བ་འདྲ་བ་ཅིག་སྐྱེས་སོ། །སྒོམ་པ་ལས་བྱུང་བའི་ཤེས་རབ་བག་ཙམ་ཡིན་པར་བྱེད་ལ་ཞེས་
གསུངས། གཤིན་རྗེ་གཤེད་རབ་འབྱམས་ཀྱི་སྒྲུབ་ཐབས་སོགས་ཐུགས་རྩོམ་གནང༌། བྱང་
སྟག་ལུང་དུ་མཆོག་གི་སྤྲུལ་པའི་སྐུ་ངག་དབང་རྣམ་རྒྱལ་དེ་ཉིད་དག་པའི་ཞིང་དུ་གཤེགས་
པའི་དགོངས་རྫོགས་ལ་སྤྱན་འདྲེན་ནན་ཅན་བྱུང་ན་ཡང་ཕེབས་མ་ཐུབ་པར་མཆོད་འབུལ་
བ་རྫོང་ལྟར་གནང་དེ་ནས་མྱུར་དུ་ཐུགས་དམ་གསོལ་འདེབས་ཀྱི་འབུལ་བ་སྟོབས་ཆེ་བ་སྐུ་
22-1-277


ཞབས་སུ་འབྱོར། ཡེ་ཤེས་ཆེན་པོའི་རོལ་པས་མཆོད་པ་དང་ཐུགས་དགོངས་རྫོགས་པར་
མཛད་དང༌། རྟག་བརྟན་དུ་ཕྱག་རྡོར་འཁོར་ཆེན་དང༌། གཏུམ་པོ་ལྷ་མང་གི་དབང་གནང༌། 
རྣལ་འབྱོར་བཞི་ལྡན་གྱི་ཁྲིད་དང༌། འཁོར་ཆེན་གྱི་རྒྱ་གཞུང་བཅོ་བརྒྱད་སོགས་མང་བར་
གནང༌། སོས་ཀ་དེ་ཚེ་དཔག་ཏུ་མེད་པའི་སྐུ་བརྙན་གསེར་ཟངས་ལས་གྲུབ་པ་མི་ཚད་ཙམ་
རྒྱབ་ཡོལ་དང་བཅས་པ་བཞེངས། དེའི་གཟུང་བཞུགས་དང་རབ་གནས་དང༌། དགའ་སྟོན་
སོགས་གྱི་སྐབས་ཆར་པ་ཆེ་བ་བབས། དེའི་སོས་ཆར་ཤིན་ཏུ་དཀོན་པ་རང་གི་སྐབས་སུ་བྱུང་
བས་ཚེ་དཔག་མེད་བདུད་རྩིའི་ཆར་འབབས་སུ་མཚན་གསོལ། ད་ལྟ་ཡང་ཆར་དཀོན་པའི་
སྐབས་ཁྲུས་གསོལ་བྱས་ན་ཆར་བབས་པ་འདིའོ། །ཧོར་ཟླ་དྲུག་པའི་ཚེས་ཉི་ཤུ་ལ་ཇོ་ནང་དུ་
ཡུམ་དྲུང་སྐུ་ཁམས་ཤིན་ཏུ་བསྙུང་བས། སྤྱན་འདྲེན་བྱུང་འཕྲལ་ལ་ཕེབས། ཕེབས་འཕྲལ་
ལ་ད་ལྟ་རང་ཚོགས་མཆོད་ཅིག་གྱིས་གསུང་བ་དང༌། གངས་རི་དཀར་པོས་སྐོར་པའི་ཡུལ་
གཅིག་ནས། གདན་འདྲེན་པ་ཡིན་ཟེར་བའི་མི་དཀར་པོ་གསུམ་བྱུང༌། འབྱོན་པའི་གྲབས་
ཡོད་པ་ལ་བཞུགས་ཟེར་མཁན་གཅིག་བྱུང་ནས། གསུམ་པོ་དེ་རྣམས་དེ་རིང་ཕེབས་མི་ཐུབ་
པ་འདུག གནངས་གཞེས་གཅིག་གདན་འདྲེན་ལ་ཡོང་ཟེར་བ་མནལ་ལམ་མ་ཡིན་པར་
གསལ་སྣང་དངོས་སུ་བྱུང་འདུག དཔོན་སློབ་ཀྱིས་ཕེབས་དུས་སྔ་མ་མི་ངོ་མ་མཁྱེན་པ་ལྟ་བུ་
ཡོད་པ་ལ་འཕྲལ་དུ་བདེར་སོང༌། སང་དེ་ནས་སྐུ་ཁྲུས་ཚེ་དབང་སོགས་གནང་ནས་བདེ་སྐྱིད་
ཆེ་བར་བྱུང་སྟེ་རེ་ཞིག་སྐུ་ཁམས་སང་དྭངས་སུ་སོང༌། 
ཇོ་ནང་དུ་བདེ་བ་ཅན་གྱི་ལྷ་ཁང་ལ་ཞིག་གསོས་གནང༌། དེར་ཁྲོམ་རྒྱན་ཟེར་བའི་
བུད་མེད་དེ་བུ་མོ་གཞོན་ནུའི་དུས་ཀྱང་རྟག་བརྟན་གྱི་གཙུག་ལག་ཁང་རྩིག་པའི་འུ་ལག་
ལ་ཡོངས་ནས་ཟུར་རྡོ་ཆེ་ཤོས་རང་སྐྱེལ་མཁན་ཡིན་པ་འདུག ཇོ་ནང་དུ་ཆོས་བྱས་ནས་ལོ་
གཉིས་ཙམ་ལོན་པའི་ཞིང་གི་མཁའ་འགྲོ་མ་ལཱ་མ་རྣལ་འབྱོར་མའི་རིགས་ཡིན་ངེས་པའི་
22-1-278


རྟགས་མཚན་ཅན་གཅིག གསོན་པོའི་དུས་སུ་མི་གཞན་གྱིས་ངོ་མ་ཤེས། སྐབས་འདིའི་སྔོན་
ཙམ་ལ་སྤྱོད་པ་མ་ལེགས་ཟེར་ནས་དགོན་པའི་ལས་ཚན་རྣམས་ཀྱིས་མནའ་བཀག དེ་ནས་
ཀྱང་སྤྱོད་པ་མ་བྱུང་གསུངས་སོ། །མཁའ་འགྲོ་མ་ཁྲོམ་རྒྱན་དེ་ལ་མཁའ་འགྲོ་མའི་ནང་ན་ཀླུ་
མོ་གཡང་ཟེར་བ་ཡིན་པ་འདུག དེའི་དབུ་ཐོད་དང༌། རྐང་དུང་ཤིན་ཏུ་ཡ་མཚན་པར་བྱུང༌། 
སྟོན་སེར་གཞིས་ཀ་རྩེ་ནས་སྤྱན་འདྲེན་བྱུང་བ་ལྟར་ཕེབས་སྡེ་སྲིད་རྐྱེན་སེལ་གྱི་དབང་
བཀའ་རྗེས་གནང་མང་དུ་གནང༌། རྒྱུད་སྡེ་སྤྱི་རྣམས་མདོར་བསྡུས་གཅིག་འཛིན་ཆོས་སུ་
གཏོང་བ་གནང༌། དེ་ལ་སྡེ་སྲིད་ཀྱིས་ཟིན་བྲིས་གནད་ཤིན་ཏུ་ལེགས་པར་བྱུང༌། དབུ་མ་རིན་
ཆེན་འཕྲེང་བ་ལ་ཡང་བཤད་ལུང་འཛུབ་ཁྲིད་གནང་ཐར་པ་བའི་ཚོགས་པ་རྣམས་ལ་དཔྱལ་
ལུགས་ཀྱི་ཕག་མོའི་བྱིན་རླབས་གནང་བས་ཤེར་དབང་གི་སྐབས་གནས་གསུམ་དུ་སིནྡྷུ་རའི་
ཐིག་ལེ་འགོད་པ་གནང་བས་ཕྱག་འཛུབ་སྲིན་ལག་ནས་ཚལ་ཁྲག་རང་རྡོལ་དུ་བྱུང༌། དེ་ནས་
ཡར་ཕེབས་ཇོ་ནང་དུ་དུས་འཁྲིད་འཛུགས་པ་གནང༌། 
མེ་མོ་ཡོས་ལོ་ཤར་འཕྲལ་རྟག་བརྟན་དུ་ཕེབས། སྨོན་ལམ་ཆེན་མོ་གྲོལ་མཚམས་ཡོལ་
བ་མཁན་ཆེན་བློ་གྲོས་རྒྱལ་མཚན་དང༌། སྒེག་པ་ཆོས་རྗེ་སོགས་དང༌། ཚོགས་ཆེན་ལ་ཤངས་
ཆོས་ཆ་ཚང་བ་གཅིག་དང་། སྙིང་པོའི་མདོ་ལྔའི་བཤད་པ་སོགས་འགག་པ་དཔོན་སློབ་ལ་
ལུས་འཆི་མེད་ཀྱི་སྐོར་ཞིབ་པར་གནང་ཡུམ་ཆེན་མོ་ཤེས་རབ་ཀྱི་ཕ་རོལ་ཏུ་ཕྱིན་མའི་གསེར་
སྐུ་མི་ཚད་ལས་ཆེ་བ་འདི་གྲུབ་ནས་གཟུངས་རྫོངས་དང་རབ་གནས། དགའ་སྟོན་རྒྱས་པར་
གནང༌། ཕྱོགས་ཀྱི་བླ་སློབ་དཔོན། དགེ་བཤེས་མང་དག་འདུས་པ་སོགས་ལ་ཟབ་སྐུ་རྣམས་
བཀྲ་ཤིས་ནས་རྟེན་མཇལ་བཏང༌། རྗེ་ཡེ་ཤེས་རྒྱ་མཚོ་བ་སོགས་ལ་གསང་འདུས་རྩ་རྒྱུད་
འགྲེལ་ཆེན་སྒྲོན་གསལ་གྱི་སྟེང་ནས་བཤད་པ་རྫོགས་པར་གནང༌། ཧོར་ཟླ་དྲུག་པའི་ནང་
དུ་ཆོས་ལུང་བྱུང་རྩེར་ཕེབས་བདེ་མཆོག་ཕོ་བྲང་ལ་རབ་གནས་དང་སྒྲུབ་སྡེ་རྣམས་ལ་གསུང་
22-1-279


ཆོས་ཅི་རིགས་པ་གནང༌། 
ཧོར་ཟླ་གསུམ་པ་ནས་དགུ་པའི་བར་ལ་ཡིག་མཁན་བརྒྱ་དང་བརྒྱད་ཅུ་ཙམ་གྱི་བསྟན་
བཅོས་བོད་དུ་འགྱུར་རོ་ཚལ་གྱི་གླེགས་བམ་བཞེངས། གླེགས་བམ་རེ་ལ་ཡོན་ཁལ་དྲུག་
ཅུ་རེ་བྱེད་སྲོལ་ཡིན་འདུག་ཀྱང༌། གླེགས་བམ་རེ་ལ་ཁལ་བརྒྱ་རེའི་རྩིས་ཀྱི་ཡོན་གནང༌། 
ཕོགས་ཇ་ཆང་སྟོན་མོ་སོགས་ཀྱིས་ཡིག་མཁན་རྣམས་མགུ་བར་གྱུར། ལོ་འདི་ནང་དུ་རྒྱལ་
བ་བྱམས་པའི་ཟབ་སྐུ་ཆེན་མོ་ཡང་བཞེང་བ་གནང་ནས་རབ་གནས་དགའ་སྟོན་སྔར་འཁྱུད་
བཞིན་གནང་། དེ་རྗེས་གསང་བ་འདུས་པ་འཇམ་པའི་རྡོ་རྗེའི་ཟབ་སྐུ་ཡང་བཞེང་བ་གནང་
ནས་དགའ་སྟོན་རྒྱས་པར་གནང༌། 
གནས་སྐབས་དེ་དག་ཏུ་གསུངས་པ་ནི། དང་པོ་ངས་གནས་ལུགས་ཕྱག་རྒྱ་ཆེན་པོར་
གྲགས་པ་རང་རྐངས་སུ་བཙུགས་ནས། གཞན་རྣམས་ཆ་ལག་ཏུ་ཁྱེར་ཕྱིན་པའི་སྐབས། སྟོང་
པ་ཁོ་ནས་ཡུལ་དུས་ཐམས་ཅད་ཁྱད་པར་བརྡལ་བ་ལ། རྩལ་ཐམས་ཅད་མ་འགགས་པར་
འཆར་བ་གཅིག་བྱུང་སྟེ། ཟུང་འཇུག་ཡིན་སྙམ་ཀྱང་རྩལ་དེ་ཐམས་ཅད་སྟོང་པ་དེ་ཁ་ལས་
མ་འདས་པས། སྟོང་རྐྱང་དུ་ག་འདུག ཕྱིས་འབྱུང་ཟུང་འཇུག་གི་ལམ་རྡོ་རྗེ་རྣལ་འབྱོར་ལ་
གཞུང་བསྲངས་པས། སྔར་གྱི་རྩལ་མ་འགགས་བྱ་བའི་རྩལ་ཐམས་ཅད་ཀུན་རྫོབ་ཀྱི་སྣང་
ཆར་མྱོང༌། དེ་ཙམ་ལ་རག་མ་ལུས་པའི་སྟོང་པ་དེ་མཐར་གཏུགས་ན་བདེ་བར་འདུག བདེ་
བ་དེ་ཡེ་ཤེས་རྣམ་པ་མཐའ་ཡས་པར་རང་ཤར། ཤར་ཙམ་ཉིད་ནས་ཀུན་རྫོབ་གཟུང་འཛིན་
གྱི་དྲི་མས་མ་གོས་པ་ཅིག་འདུག་པ་དེ་ཉམས་སུ་ནི་མྱོང༌། ཐེ་ཚོམ་ནི་ཆོད། ངེས་ཤེས་ནི་སྐྱེས། 
དེ་ཙ་ན་གཞན་མཁས་པ་ཡིན། གྲུབ་པ་ཡིན། བྱང་སེམས་ཡིན། སངས་རྒྱས་ཡིན། འཕགས་
པ་ཡིན་ཟེར་ཡང་ཟེར་ཡིན་ཡིན་འདྲ་གཅིག་ཁ་མོ་ཡང་ཡོད་པ། ནམ་མཁའ་ཁེངས་བྱུང་ནས་
བློ་གཞན་དུ་བསྒྱུར་ཀྱང་མི་འགྱུར་བའི་གདེང་ཅིག་ནི་ཐོབ་མངོན་སུམ་དུ་རྟོགས་པའི་ཏ་རེ་བ་
22-1-280


མེད་དེ། རྗེས་མཐུན་ཉམས་སུ་མྱོང་བ་ལྟར་ཡིན་པར་ལས། གནས་སྐབས་འདི་དག་ཏུ་ཡང༌། 
སེམས་གསལ་རིག་བདེ་བའི་ཉམས་མྱོང་ནི། །གནས་ཕྱོགས་ཆ་མེད་པ་མཁའ་ལ་ཡས། །
དུས་རྟག་ཏུ་འཕོ་འགྱུར་ཡེ་ནས་སངས། །དོན་ཅང་མེད་མ་ཡིན་བདེ་བར་མྱོང༌། །དེ་རིག་ཀྱང་
མྱོང་བྱ་མྱོང་བྱེད་བྲལ། །གཞན་སྡུག་བསྔལ་དང་ཟུག་རྔུའི་མིང་ཡང་སྟོར། །འཕྲལ་དགའ་
བདེ་སྲིད་ཞེན་དབྱིངས་སུ་ཞི། །ལར་བཏང་སྙོམ་མ་ཡིན་ཁོང་ནས་བདེ། །ནང་འཁོར་ལོ་དྲུག་
གི་གཞལ་ཡས་ནས། །ཁམས་འབྱུང་ལྔ་དག་པའི་ཡེ་ཤེས་མང༌། །དབྱིངས་སྟོང་པའི་དབུས་
སུ་འབར་བ་ལས། །ལུས་ལྷན་སྐྱེས་སུ་འགྱུར་བ་འདི་རྒོད་རེ་བྲོ། །ཁོ་ཐོགས་མེད་སེམས་ཀྱི་
ཆོ་འཕྲུལ་ལས། །ཕྱི་གདོས་བཅས་ཀྱི་སྣང་བ་གང་འདོད་དུ་བསྒྱུར། །གནད་རྡོ་རྗེ་ལུས་ཀྱི་
བྱེད་བཅིངས་ལས། །དོན་གནས་ལུགས་མཐར་ཐུག་རྟོགས་པ་འདི། །ལུས་ངག་ཡིད་རྡོ་རྗེ་རོ་
མཉམ་ཞེས། །རྒྱུད་ཀུན་ལས་གསུངས་པའི་སྒྲུབ་བྱེད་ཡིན། །རྩ་རེ་རེ་དག་པའི་ཆོ་འཕྲུལ་ལ། །
ཕྱོགས་རབ་འབྱམས་དག་པའི་སྣང་བས་འགེངས། །མཐུ་མངོན་ཤེས་སོགས་ཡོན་ཏན་ལ་
ཟད་པ་མེད། །ཚིག་རྟོག་གེ་མཁན་པོ་ཚོ་སྙིང་རེ་རྗེ། །ཞེས་སོ། །དེ་ལྟར་སྨོན་པ་དེ་དག་རྗེས་
མཐུན་པ་ཙམ་ཀ་ལོས་ཡིན། ཤིན་ཏུ་གསལ་བར་སྣང་བ་ནི་ཤར་བའང་ལགས་ཏེ་ལན་ཅིག་
བྱུང་ནས་ཉམས་རྒྱུ་ཡང་མི་འདུག་གོ །འདི་ཐུགས་རྡོ་རྗེའི་རིམ་པའི་གཟུགས་བརྙན་ཙམ་དུ་
གདའ་ལགས་ཞེས་གསུངས། 
སླར་རྩེ་ནས་སྤྱན་འདྲེན་བྱུང༌། མར་ལམ་དངུལ་དུ་ཆོས་རྫོང་དུ་ཕེབས་རྒྱལ་སྲས་ཐོགས་
མེད་པའི་སྐུ་འདྲ་དེ་ལ་དབུ་བཙུགས་སྨོན་ལམ་བཏབ་པས། མོས་གུས་དང་སྙིང་རྗེ་འབྲེལ་
བའི་མཆི་མ་རང་དབང་མེད་པར་འཁྲུག་པའི་ཉམས་བཅོས་མ་མིན་པ་ཞིག་བྱུང་གསུངས། 
དེ་ནས་བསམ་འགྲུབ་རྩེར་ཕེབས། སྡེ་སྲིད་དུ་རྐྱེན་སེལ་གྱི་བཀའ་དབང་གནང༌། ཐར་པ་
བ་རྣམས་ཆོས་བར་ལ་བཞུགས་ཡོད་པ་ལ་ལམ་རིམ་གྱི་ཁྲིད་དང༌། སེ་མཚམས་ལུགས་ཀྱི་
22-1-281


སེམས་བསྐྱེད། བདེ་མཆོག་ནག་པོ་པ། གསང་འདུས་ཡེ་ཤེས་ཞབས་ལུགས་རྡོ་རྗེ་འཇིགས་
བྱེད་རྣམས་ཀྱི་དབང་དང༌། བསམ་སྡིངས་པ་རྣམས་ལ་བདེ་མཆོག་ལྷ་ལྔ་དང༌། ཕྱག་དྲུག་
པ་དཀར་ནག་གཉིས་སོགས་གནང༌། བསྟན་འགྱུར་གསེར་མ་དང༌། ཐང་སྐུ་མང་པོ་ལ་རབ་
གནས་གནང༌། དེ་ནས་ཡར་རྟག་བརྟན་དང་ཇོ་ནང་དུ་ཕེབས། སྦྱོར་དྲུག་ཁྲིད་ཡིག་གི་ལྷན་
ཐབས་ཐུགས་རྩོམ་དང༌། དུས་འཁྲིད་སྔར་ལུགས་བཞིན་གནང༌། 
ས་ཕོ་འབྲུག་ལོ་ཤར་དོན་གཉེར་འགའ་ཤས་ལ་ནཻ་གུའི་ཁྲིད་སྐོར། རྗེ་ཡེ་ཤེས་རྒྱ་མཚོ་ལ་
འཇིགས་བྱེད་སྐྱོ་ལུགས་ཀྱི་དབང་ཁྲིད་སོགས་སྩལ། བྱང་སྟག་ལུང་ནས་སྔོར་ནས་ཞུ་འཕྲོད་
རེམ་པར་བྱུང་བ་བཞིན་ཧོར་ཟླ་གསུམ་པའི་ཚེས་དགུ་ལ་སྟག་ལུང་རིན་པོ་ཆེ་དཔོན་སློབ་རྟག་
བརྟན་དུ་ཕེབས་པ་ལ་སེར་སྦྲེང་སོགས་ཕེབས་བསུ་རྒྱས་པ་དང༌། ཕེབས་སྤྲོ་གཟབ་མ་ཞུས། 
ཚེས་བཅུ་ལ་ཆོས་འབྲེལ་ཐོག་མ་ཚེ་དཔག་མེད་དཀར་པོའི་རྗེས་གནང༌། སྟག་ལུང་རིན་པོ་
ཆེས་སྐུ་ཞབས་སུ་འབུལ་བ་སྟོབས་ཆེ་བ། ཚོགས་པ་ལ་མང་ཇ་འགྱེད་བཅས་རྒྱས་པ་མཛད། 
ཚེས་བཅུ་གཅིག་ལ་ལམ་འབྲས་སྦྱོར་དྲུག ཤངས་ཆོས་དང་གསུམ་མཉམ་དུ་བཙུགས། 
ཤངས་ཆོས་ལ་རྒྱུད་སྡེ་ལྔའི་དབང༌། གཞུང་བཀའ་ཉེར་ལྔ་རྣམ་འཇོམས་གསང་སྒྲུབ་ཕྱག་རྡོར་
ཛ་ལི་མའི་སྐོར། གསེར་ཆོས་ལྔའི་ཁྲིད། འཁྲིད་ཆུང་བདུན། ལུང་མང་པོ་དང་བཅས་པ། དུས་
ཀྱི་འཁོར་ལོའི་རྡུལ་ཚོན་གྱི་དཀྱིལ་འཁོར་སྟེང་ནས་བྱིས་པ་འཇུག་པའི་དབང་བདུན། མཆོག་
དབང་གོང་མ་བཞི་དང་བཅས་པ། སྦྱོར་དྲུག་ཡོངས་རྫོགས་རྒྱས་པ། ལམ་འབྲས་ཡོངས་
རྫོགས། ཨིནྡྲ་བྷུ་ཏིའི་ལམ་མ་རྟོགས་པའི་ལམ་སྐོར་ཕྱི་མ་བདུན་གྱི་ཁྲིད། ཀྱཻ་རྡོ་རྗེ་ཡབ་
བཀའ་ཡུམ་བཀའ་བདག་མེད་མའི་བྱིན་རླབས་ལམ་ཟབ་ཕྱི་ནང༌། བིར་སྲུང་ཕྱི་ནང༌། བླ་
མ་རིན་འབྱུང་ཚར་གསུམ་ཁུགས། བརྡའ་དོན་གསལ་བ། བརྡའ་ཆིག་བརྒྱད། མགོན་རྐྱང༌། 
བསྒྲུབ་ལུང་སྦྱིན་གྱི་བར་དང༌། ཕྱག་ཆེན་ཡི་གེ་མེད་པའི་བྱིན་རླབས། ལུང་བཀའ་ལ། བླ་མ་
22-1-282


བརྒྱུད་པའི་རྣམ་ཐར་ཡོངས་རྫོགས། ཡིག་སྣ་དྲུག་ཅུ། མན་ངག་ཕྲ་མོའི་གླེགས་བམ། ལམ་
སྐོར་ཕྱི་མ་བརྒྱད་ཀྱི་འཁྲིད་ཡིག་དང་བཅས་པ། ཀྱཻ་རྡོར་མཚོ་སྐྱེས་ལུགས། ཌོཾ་བྷི་ལུགས། 
མཚོན་ཆ་ཅན། དགྲ་ནག་ཞང་ལུགས་རྣམས་ཀྱི་དབང་དང༌། མ་ཧཱ་མ་ཡའི་ཁྲིད། གཞན་ཡང་
བྱིན་རླབས་རྗེས་གནང་མང་དུ་གནང༌། བསྙེན་རྫོགས་པ་ཡང་མང་དུ་བྱུང༌། གཞིས་ཀ་རྩེ་ནས་
སྒྲོལ་མ་འཇིགས་པ་བརྒྱད་སྐྱོབས་གཙོ་མོ་དང་བཅས་པ་དང༌། བསྐུལ་བྱེད་མའི་སྐུ་གཉིས་
སོགས་ཀྱི་གསེར་སྐུ་རྣམས་ལ་གཟུངས་རྫོངས་རབ་གནས་དགོས་ཕེབས་པ་ལྟར་ལེགས་པར་
གནང༌། ཆོས་ལུང་བྱང་རྩེར་ཕེབས་ནས་རྗེ་སྟག་ལུང་ཐང་པ་དཔོན་སློབ་རྣམས་ལ་ཕྱི་ནང་གི་
རྟེན་མཇལ་ཞིབ་པ་དང༌། བདེ་མཆོག་ནག་པོ་རིམ་བཞི། དྲིལ་བུ་རིམ་ལྔ་ལཱུ་ཡི་པའི་རྩ་དབུ་མ་
དང་བསྡུ་བ་གསུམ། རྡོ་རྗེ་གདན་བཞིའི་ཁྲིད། ལམ་འབྲས་དང་འབྲེལ་བའི་རྣལ་འབྱོར་དབང་
བསྐུར་རྣམས་གནང༌། སླར་རྟག་བརྟན་དུ་ཕེབས་ནས་རྗེ་སྐུ་རྐྱང་ལ་རིམ་ལྔ་མར་ལུགས་ཀྱི་
ཁྲིད། དུས་འཁོར་སྡོམ་ཆེན་གྱི་དབང་རྣམས་གནང་ཞིང༌། དཔོན་སློབ་ཐམས་ཅད་ལ་རྔོག་
པའི་སྲེ་འཕོ་ལམ་དགུ་སྐོར་གྱི་ཁྲིད། ཕྱག་བཞི་པ་སྟག་ལུང་ལུགས་ཀྱི་རྗེས་གནང་རྣམས་
གནང༌། རྗེ་སྟག་ལུང་ཐང་པའི་དཔོན་སློབ་ཐམས་ཅད་མཁྱེན་པར་སྐུ་བསྟོད་གདན་བཞུགས་
ཀྱི་ཚིགས་བཅད་བཞུགས་གདན་འབུལ་བ་དང་བཅས་ཏེ་གདན་བཞུགས་རྒྱས་པར་ཕུལ། 
ངའི་སང་ཁོང་དཔོན་སློབ་རྣམས་ལ་ལྷ་དཀར་པོ་གསུམ་གྱི་རྗེས་གནང་དང་འབུལ་གནང་
གྱ་ནོམ་པ་ཐུགས་དགྱེས་པ་བསྐྱེད་ང་འབྲལ་བ་མི་ཕོད་པའི་གདུང་ཤུགས་དང་བཅས་ཤར་
ཕྱོགས་སུ་ཐེགས། འཆི་བ་བསླུ་བའི་སྒྲོལ་མ་སྔོ་ལྗང་གི་གསེར་སྐུ་མི་ཚད་ལས་ཆེ་ངེས་པ་ཞིག་
ཀྱང་བཞེང་བ་གནང༌། གཟུངས་བཞུགས་རབ་གནས་དགའ་སྟོན་དང་བཅས་པ་གནང༌། རྟག་
བརྟན་ཚོགས་པ་རྣམས་ལ་དུས་འཁོར་སྡོམ་ཆེན་གྱི་དབང་དང༌། ཐེག་མཆོག་དབུ་མའི་བཤད་
པའི་འཕྲོས་རྣམས་སྩལ། རི་ཁྲོད་ཇོ་ནང་གི་འདུ་ཁང་ལ་གཙང་ཁང་མི་འདུག་པ་ནས་བླ་བྲང་
22-1-283


གི་ཁང་གཡོག་ཧྲལ་ཧྲུལ་དེ་རྣམས་བཤིག་ནས་ས་ཆོག་གནང༌། ལྷ་ཁང་བཀའ་བཞི་ཉིས་
ཐོག་ཐོག་སོ་མཐོ་ཞིང་སྤུས་གཙང་བ་དང༌། བསམ་གཏན་གླིང་དུ་ཡང་ལྷ་ཁང་ཀ་བཞི་གསར་
བཞེངས་ལ་ཐེག་མཆོག་གླིང་དུ་མིང་འདོགས་པ་གནང༌། དེ་སྐབས་སྒམ་པོ་སྤྲུལ་སྐུ་དཔོན་
སློབ་ཆོས་ཞུ་བར་བྱུང་བ་ལ་འདོད་པ་བཞིན་ཤངས་ཆོས་རགས་རིམ་དབང་རྗེས་གནང་དུ་མ་
དང་བཅས་གནང༌། རྟག་བརྟན་དུ་གུར་གྱི་མགོན་པོ་ལྕམ་དྲལ་གྱི་ཚེམ་སྐུ་བཞེངས། གཏིང་
སྐྱེས་ནས་ཆོས་མཛད་མ་སྐུ་མཆེད་དང་ངམ་རིང་ནས་རྗེ་བཙུན་ངག་དབང་དྲུང་ཕེབས་པ་ལ་
ཤངས་ཆོས་སོགས་འདོད་ཆོས་མང་དུ་གནང༌། ཧོར་ཟླ་བཅུ་པའི་ཚེས་ཉེར་ལྔ་ལ་གཙང་ཁང་
གསར་པར་ཐུབ་པའི་དབང་པོའི་གསེར་སྐུ་རྒྱབ་མཐོ་བཅུ་གསུམ་མ་འདི་ལ་གཟུངས་རྫོངས་
ཕུལ་ནས་རབ་གནས་ཚར་གཉིས་གནང༌། ཟླ་དཀར་གྱི་ཚེས་བདུན་བརྒྱད་ལ་བདེ་མཆོག་ལཱུ་
ཡི་པའི་དཀྱིལ་འཁོར་ལ་བརྟེན་པའི་རབ་གནས་དང༌། རྟག་བརྟན་ཆོས་སྡེ་རྣམས་ཡར་ཕེབས་
པའི་ཆོས་སྡེ་སྒྲུབ་སྡེ་སྐྱེ་བོ་ཕལ་པའི་ཚོགས་སྟོབས་ཆེ་བ་དང་བཅས་པ་ལ་དགའ་སྟོན་རྒྱས་པ་
གནང༌། ཟླ་བ་གོང་མའི་ཉེར་ལྔ་ནས་བཟུང་རྗེ་ཡེ་ཤེས་རྒྱ་མཚོ་བ་དེ་རིན་པོ་ཆེ་ལྟ་བུའི་སློབ་
མར་དགོངས་ནས་འཁོར་ལོ་སྡོམ་པ་རྩ་བའི་རྒྱུད་བློ་བཤད་ཐུན་མོང་མ་ཡིན་པ་དེ་འཛུགས་པ་
གནང༌། གཙང་ཁང་སྟེང་གི་ལྷ་ཁང་ལ་བསྐལ་བ་བཟང་པོའི་སངས་རྒྱས་སྟོང་གི་སྐུ་བརྙན་རི་
མོར་བཞེངས་བ་གནང༌། བསྐལ་བཟང་ལྷ་ཁང་དུ་མཚན་གསོལ་དེ་ནས་དུས་འཁྲིད་ཀྱང་སྔར་
ལུགས་བཞིན་ཚུགས། སོག་པོ་ཡོངས་ཤོ་བུའི་སྐོར་ལ་ཕྱིན་པའི་གྲྭ་རིགས་ཀྱང་སླེབས། དེ་
རྣམས་ཀྱི་འབུལ་བ་དང༌། རྒྱལ་པོའི་ཞུ་ཡིག་འབུལ་བ་སོགས་ཀྱང་བྱུང༌། སོག་པོར་གཏོགས་
པའི་གྲྭ་རིགས་འགའ་ཤས་ཀྱང་སླེབས། རབ་བྱུང་དང་བསྙེན་རྫོགས་སུ་བསྒྲུབ། 
ས་མོ་སྤྲུལ་ལོ་ཤར་བའི་མགོ་ལ་བདེ་མཆོག་གི་རྒྱུད་བཤད་བར་ཆད་མེད་པར་མཐར་
ཕྱིན། ཟླ་བ་གཉིས་པའི་ནང་དུ་ཆོས་སྡེ་རྣམས་ལ་ཐེག་པ་ཆེན་པོ་མདོ་སྡེ་རྒྱན་གྱི་ཟབ་བཤད་
22-1-284


འཛུབ་ཚུགས་སུ་གནང་། འདི་སྐབས་བྱང་སྟག་ལུང་ནས་སོག་ཡུལ་ལ་ཕྱིན་པའི་འབུལ་
དཔོན་གཅོད་པ་བླ་མ་དང༌། སོག་པོའི་རྒྱལ་པོ་ཨ་ས་ཁས་ཀྱི་མཆོད་གནས་དགེ་སློང་གཅིག་
རྒྱལ་པོའི་ཞུ་ཡིག་རྟེན་བཅས་དང་བཅས་འབྱོར། ཁོང་རྣམས་ཀྱི་དགོན་པར་ཞབས་ཏོག་
འབུལ་བ་རྒྱ་ཆེར་བྱས། ཆོས་འབྲེལ་གནང༌། རྒྱལ་པོ་ལ་བྱིན་རླབས་རྟེན་དང་བཅས་པའི་
ཞུ་ལན་གནང་ནས་ཁོང་རྣམས་ཕྱིར་ལོག ཧོར་ཟླ་གསུམ་པའི་ཉེར་གསུམ་ནས་ཡུམ་རིན་མོ་
ཆེ་སྐུ་ཁམས་ཤིན་ཏུ་བརྟེན་པ་ནས་ཇོ་ནང་དུ་ཕེབས་ཉེར་ལྔའི་སྔ་དྲོ་ངོ་མཚར་བའི་ལྟས་དུ་མ་
དང་བཅས་མཁའ་སྤྱོད་དུ་གཤེགས་དེ་འཕྲལ་ནས་སྐུ་གདུང་གི་མདུན་དུ་རྡོ་རྗེ་རྣལ་འབྱོར་
མའི་སྒྲུབ་མཆོད་སོགས་དགོང་ཞུས་འབུལ་གྱི་བར་དུ་གནང་ཞིང་སྒྲུབ་སྡེ་ཆེན་པོས་རྡོ་རྗེ་རྣལ་
འབྱོར་མའི་བསྒྲུབ་མཆོད་དང་ཆོས་སྡེ་ཆེན་པོས་མི་འཁྲུགས་པའི་ཆོ་གའི་སྒོ་ནས་ཐུགས་དམ་
བསྐུལ་བ་གནང༌། སྐུ་རྗེས་དངོས་གཞིའི་སྐབས་དགོན་ཡར་མར། དགོན་ལག་རྣམས་དང་
བཅས་པ་གཏོས་ཆེ་བ་ལ་ཞབས་ཏོག་བསྙེན་བཀུར་འབུལ་འགྱེད་བཟང་བ། དབུས་གཙང་
གི་ཆོས་སྡེ་གྲགས་ཆེ་བ་རྣམས་ལ་མང་ཇ་འགྱེད་བཅས་བསྔོ་རྟེན་རྣམ་བཞག བླ་ཆེན་གྲགས་
ཅན་ཕལ་ཆེ་བ་ལ་དགོང་རྫོགས་ཀྱི་འབུལ་བ་གནང༌། ས་ག་ཟླ་བའི་ནང་དུ་དམ་རྫས་རིལ་
བུའི་བསྒྲུབ་པ་གནང་བས་བདུད་རྩི་དངོས་སུ་འབབ་ཕུལ་ཆེ་བ་དང་། རིལ་བུ་འཕེལ་ཆེ་བ་
སོགས་ངོ་མཚར་བར་བྱུང༌། དབྱར་རྟག་བརྟན་དུ་མདོ་སྡེ་རྒྱན་གྱི་བཤད་པའི་འཕྲོ་རྣམས་
དང༌། དབང་རྗེས་གནང་ཡང་མང་དུ་གནང༌། དེ་ནས་ཡུམ་དེ་ཉིད་ཀྱི་ནང་རྟེན་དུ་འཕགས་
པ་སྤྱན་རས་གཟིགས་ཀྱི་གསེར་སྐུ་དང་རྡོ་རྗེ་རྣལ་འབྱོར་མའི་གསེར་སྐུ་བཞེངས་པའི་དབུ་
བཙུགས། བདེ་བ་ཅན་དུ་ལྷ་ཁང་ཐོག་སོ་གཉིས་པ་གསར་བཞེངས་དང༌། ཐེག་ཆེན་རྩེར་བདེ་
མཆོག་ནག་པོ་ཞབས་ལུགས་ཀྱི་སྐུ་འབུར་སྐུ་དང༌། རྗེ་ཉིད་ཀྱི་རྣམ་ཐར་ཞིང་བཀོད་ལོགས་
བྲིས་སུ་བྲིས། རྡོ་རྗེ་རྣལ་འབྱོར་མའི་ཟབ་སྐུ་བཞེང་བའི་ཡང་མགོ་བཙུགས། གྲུབ་ཐོབ་བརྒྱད་
22-1-285


ཅུ་དང༌། སྦྱོར་དྲུག་གི་རིང་བརྒྱུད་དང་ཉེ་བརྒྱུད་གཉིས། གནང་བརྟན་བཅུ་དྲུག་ཡི་དམ་ལྷ་
ཚོགས་སོགས་ཀྱི་བྲིས་སྐུ་ཐོག་ཚད་ལ་ལྟོས་ཆེ་བ་གོང་གཤམ་ཞལ་ཁེབས་སོགས་སྤུས་གཙང་
རབ་གནས་ཀྱི་བར་གྲུབ། 
སྦྲུལ་ལོ་འདི་ནང་དུ་གཙང་དུ་རྒྱལ་བུ་འདི་སྐུ་འཁྲུངས། མཚན་དགོས་གསུངས་བ་ལ། 
ཀུན་དགའ་དབང་ཆེན་དཔལ་འབར་དུ་མཚན་གསོལ། འཕགས་པ་སྤྱན་རས་གཟིགས་ཀྱི་སྐུ་
དང༌། རྡོ་རྗེ་རྣལ་འབྱོར་མའི་ཟབ་སྐུ་དང༌། ལྷ་ཁང་བདེ་བ་ཅན་དུ་སངས་རྒྱས་འོད་དཔག་མེད་
ཀྱི་སྐུ་དང༌། གཙང་ཁང་གི་ལོགས་བྲིས་རྣམས་ཀྱང་གྲུབ། དེ་སྐབས་མནལ་ལམ་དུ་ཚོགས་
ཁང་རྙིང་པ་ཞིག་ན་རྗེ་ཀརྨ་པ་ཡབ་སྲས་འཇའ་གདན་ཞིག་ལ་བཞུགས་འདུག དེ་འཕྲལ་ཕྱག་
གཡོག་འགའ་བྱུང་ནས། ད་འབྱོན་རན་འདུག་ཟེར་དཔོན་སློབ་ཐམས་ཅད་ཕྱི་ལ་ཐེགས་སོང༌། 
དེ་མཚམས་ཞྭ་དམར་མཆོག་གི་སྤྲུལ་སྐུ་ཆིབས་པ་མགྱོགས་པོ་གཅིག་དང་གོ་ཆས་གྱོན་པ་
འགའ་ཞིག་གིས་ཆིབས་སྣ་བྱས་ཏེ་དྲངས་ནས་ལུང་དེའི་འཕྲེད་བཅད་ནས། ལྷོ་ཕྱོགས་ཀྱི་ལ་
ཆེན་པོ་གསུམ་བརྒལ་ནས་ཕེབས་སོང་བ་ཞིག་བྱུང༌། མི་རིང་བར་ལྷོ་ཕྱོགས་ནས་ལྷོ་ཕྱོགས་
སུ་ཕེབས་པའི་རྐྱེན་གྱིས། སྐུ་ཐིམ་འགྲོ་བའི་ལྟས་སུ་འདུག་གསུངས། དེ་ནས་སྟོན་ག་བསམ་
འགྲུབ་རྩེ་ནས་སྤྱན་འདྲེན་བྱུང་བ་བཞིན་ཕེབས། སྡེ་སྲིད་སྟེང་ཞལ་སྲས་བཅས་སུ་བཀའ་
དབང་རྐྱེན་སེལ་མང་དུ་གནང༌། ཐར་པ་བའི་ཚོགས་ཆེན་ལ་བློ་སྦྱོང་གི་འཁྲིད་དང༌། འབྲི་ཁུང་
ནས་དཔོན་སའི་ཕྱག་གཡོག་མས་གྲོ་བཀའ་བཅུ་བ་སོགས་མང་དག་ལ་སྒྲོལ་མ་ཉེར་གཅིག་
གི་རྗེས་གནང་གནང་པ་རྣམས་ཐར་པའི་གཙུག་ལག་ཁང་གི་ཤིང་རྩི་ལོགས་བྲིས་ཐམས་ཅད་
གྲུབ་འདུག་པས་རབ་གནས་ལ་ཕེབས། ལྷག་གནས་རྒྱས་པ་དང༌། ཚོགས་ཆེན་ལ་སེམས་
བསྐྱེད་སོགས་སྤྱི་ཆོས་གནང༌། དེ་ནས་འདོལ་ཆུང་དུ་ཕེབས། སྡེ་པ་ཞལ་ངོ་རྣམས་ལ་རྐྱེན་
སེལ་གྱི་དབང་རྗེས་གནང་ཁྲོམ་དབང་སོགས་སྔར་འཁྱུད་བཞིན་གནང༌། དེ་དག་ཏུ་ནུབ་ཆོས་
22-1-286


ལུང་གི་མཁན་ཆེན་དང༌། དཔལ་འཁོར་ཆོས་སྡེའི་མཁན་ཆེན། ཆོས་སྡེ་གོང་འོག་གི་བླ་མ་
སློབ་དཔོན་སོགས་མཇལ་མཁན་ཤིན་ཏུ་མང་བར་བྱུང༌། སོ་སོའི་འདོད་པ་དང་མཐུན་པའི་
གསུང་ཆོས་གནང༌། དེ་ནས་ཚོང་འདུས་སོགས་བརྒྱུད་དེ་རྟག་བརྟན་དུ་ཕེབས་མི་རིང་བར་རི་
ཁྲོད་ཆེན་པོར་དགུན་འཁྲིད་ཁྲིད་གསར་བ་ཕྱེད་དང་ཉིས་བརྒྱ་ཙམ་དང་བཅས་པ་གནང༌། 
ལྕགས་ཕོ་རྟ་ལོ་ཤར་མར་ཡུར་བདག་པ་དང༌། སྐྱིད་སྦུག་སྐུ་སྐྱེས་སོགས་ལ་དགུན་ཁྲིད་
སོར་བསམ་གྱི་ལྷག་སྲོག་རྩོལ་མན་ཆད་ཀྱི་ཁྲིད་ཞིབ་པར་གནང༌། ཆོས་སྡེ་ལ་སྤྱི་ཆོས་སུ་ན་
ནང་གི་མདོ་སྡེ་རྒྱན་གྱི་འཕྲོས་ཕན་དྲུག་གི་ལེའི་མན་ཆད་ཡོངས་སུ་རྫོགས་པ་ལ་བཤད་པ་རྒྱ་
ཆེར་སྩལ་དེ་རྗེས་ཚོགས་ཆེན་ལ་སྤྱན་རས་གཟིགས་པདྨ་དྲྭ་བའི་དབང་དང༌། ཐུབ་པ་དགོངས་
རྒྱན་གྱི་ལུང་སོགས་གནང༌། དོན་གཉེར་འགའ་དང་འགའ་ལ་གསུང་ངག་ལམ་འབྲས་དང༌། 
ནཻ་གུའི་ཁྲིད་གཞན་ཡང་ཆོས་ཆེན་མང་པོ་གནང༌། དབྱར་སྨད་དུས་ཀྱི་འཁོར་ལོའི་ཟབ་
དཀྱིལ་ཆེན་མོ་འདི་བཞེངས་རབ་ཏུ་གནས་པ་གནང༌། གཏིང་སྐྱེས་ནས་ཞལ་ངོ་སྟེང་བལ་
རྣམས་མཇལ་དུ་ཕེབས་བྱུང་བར་རྡོ་རྗེ་འཇིགས་བྱེད་ཆེན་པོའི་དབང་དང་རྗེས་གནང་སོགས་
འདོད་ཆོས་གནང༌། རིན་པོ་ཆེ་ཀ་བཞི་བའི་སྐུ་སྐྱེ་ཡང་ཐར་པའི་མཁན་པོར་སྐོ་བཞག་གནང༌། 
དེ་ནས་རི་ཁྲོད་ཆེན་པོའི་དུས་འཁྲིད་ཀྱང་སྔར་ལུགས་བཞིན་འཛུགས་པ་གནང༌། 
ལྕགས་མོ་ལུག་ལོ་ཤར། རྒྱ་གར་ནུབ་ཕྱོགས་ཀུ་རུའི་རྒྱུད་ནས་བྲམ་ཟེའི་པཎྜི་ཏ་བྷ་ལ་
བྷ་དྲ་དཔོན་སློབ་འབྱོར། སྭཱ་ར་སྭཱ་སྟི་བྱཱ་ཀ་ཎ། དབྱངས་ཅན་སྒྲ་མདོ་རྩ་འགྲེལ་སྔར་ཅུང་ཟད་
བསྒྱུར་བའི་འཕྲོས་ནས། འགྱུར་བྱེད་པའི་མགོ་བརྩམས། གསུང་ཆོས་གནང་བའི་ཚེ་ཉིན་རེ་
བཞིན་ཐེབས་རེ་མ་ཆགས་པ་བསྒྱུར། དེ་ནས་རྟག་བརྟན་དུ་ཕེབས་ངམ་རིང་མཁན་ཆེན་ཀླུ་
སྒྲུབ་སྐུ་སྐྱེ་ཆོས་ཞུ་བར་ཕེབས་པ་ལ། སྔོན་གྱི་གུར་བརྟག་སམ་གསུམ་གྱི་བཤད་པ་གནང་
ཞིང༌། འདི་རེས་བདེ་མཆོག་གི་ནག་པོའི་རིམ་བཞིའི་ཁྲིད་རྒྱས་པ། སྦྱོར་དྲུག་དང༌། གཤེན་
22-1-287


རྗེ་གཤེད་ཀྱི་སྐོར་དང༌། རྗེས་གནང་མང་པོ་ཐུགས་འདོད་ལྟར་གནང༌། འདི་སྐབས་བདག་
གིས་ཀྱང་རྟག་བརྟན་དུ་མཇལ་བར་ཕྱིན། འཁོར་ལོ་སྡོམ་པ་དང༌། རྡོ་རྗེ་གདན་བཞི་དང༌། 
ཆོས་སྐྱོང་གི་སྐོར་ལ་སོགས་པའི་ཟབ་ཆོས་མང་པོ་ཞིག་བཀའ་དྲིན་དུ་སྩལ། དེ་ནས་ངམ་རིང་
མཁན་ཆེན་སོགས་ཀྱང་ཕྱིར་ཐེགས། བསམ་རྩེར་བདག་མོ་རྩེ་གདོང་མ་རྣམ་རྒྱལ་བུ་ཁྲིད་སྐུ་
གཤེགས་པའི་མགྱོགས་བསྔོའི་རྟེན་རྣམས་ཀྱང་འབྱོར། ལྕམ་སྐུ་གཞོན་པ་འབྲིང་མཚམས་
ནས་བསུ་བ་གནང་བའི་བགེགས་སྐྲོད་སོགས་ལ་སྤྱན་འདྲེན་ནན་ཆེ་བ་ནས་གཞིས་ཀ་རྩེར་
ཕེབས། ཕེབས་ཉིན་ག་ལྕམ་གསར་དུ་ཕེབས་པ་དེ་ལ་བགེགས་སྐྲོད་གནང་ཞིང༌། དེ་ནས་
རིམ་པ་ལྟར་སྟེང་ཞལ་སྲས་བཅས་ལ་ཚེ་དབང་སོགས་ལེགས་ལམ་གྱི་བཀའ་ཆོས་དང༌། བདེ་
མཆོག་ལཱུ་ཡི་པ་དང༌། གཤེད་དམར་བཅུ་མའི་དབང་དཔལ་འཁོར་ཆོས་སྡེའི་མཁན་ཆེན་དང༌། 
ཐར་པའི་མཁན་ཆེན་སོགས་བླ་སློབ་དཔོན་མང་དག་ལ་ནཻ་གུ་ཆོས་དྲུག་དབང་བཅས་དང༌། 
དཀོན་མཆོག་ཏ་ལའི་མདོ་སོགས་མདོ་འགའ་འམ་ལུང་བཤད་གནང་གསེར་མདོག་ཅན་
ཚོགས་ཆེན་དང༌། ཐར་པ་བའི་ཚོགས་པ་ལ་ཡང་ཆོས་འབྲེལ་གནང༌། སྡེ་སྲིད་ཀྱིས་གསར་
བཞེངས་ཀྱི་ཤིང་བརྐོས་ལས་གྲུབ་པའི་སངས་རྒྱས་ཀླུ་དབང་གི་རྒྱལ་པོ་དང༌། ས་སྐྱ་གོང་མ་
ལྔའི་སྐུ་དང༌། གསུང་རབ་མང་པོ་ལ་རབ་གནས་གནང༌། འདི་ཡན་ཅད་དུ་དབྱངས་ཅན་བྱཱ་ཀ་
ར་ཎ་འགྲེལ་པ་དང་བཅས་པ་ཡོངས་རྫོགས་བསྒྱུར་གྲུབ། ནག་པོ་འགྲོ་ཤེས་ཀྱི་ཊི་ཀ་གཅིག་
ཀྱང་ཐུགས་རྩོམ་གནང༌། ཕྱི་དུས་འདིར་ལོ་ཙཱ་བའི་མིང་འཛིན་པ་འགའ་རེ་འདུག་མོད་ཀྱང༌། 
ལེགས་བཤད་ཇི་ལྟ་བ་བཞིན་དུ་བསྒྱུར་ཐུབ་པ་ནི་བདག་ཉིད་ཆེན་པོ་འདི་ཁོ་ནའོ། །དེ་ནས་
རྟག་བརྟན་ཇོ་ནང་སོགས་སུ་ཕེབས་ཤིང༌། རྗེ་ཉིད་ཀྱི་སྐྱེ་རབས་བྲིས་ཐང་ཐོག་ཚད་མ་བཅོ་ལྔ་
བཞེང་བ་གནང་བའི་རབ་གནས་ཀྱང་གྲུབ། རི་ཁྲོད་ཆེན་པོར་དུས་འཁྲིད་སྔར་ལུགས་བཞིན་
གནང༌། དམ་པོའི་སྐབས་དེ་ལ་ནང་གཅིག་བུད་མེད་གཞོན་ནུ་མ་ལུས་ཤིན་ཏུ་སྦོམ་པ་ལ་ཤ་
22-1-288


ཉམས་རྒྱས་པ། གཅེར་བུ་སྐྲ་གྲོལ་བ་ཞིག་གིས་ཆོས་ཀྱི་གཏམ་འདྲ་ཡང་སྨྲ་ཞིང༌། ལུང་བསྟན་
རབ་རིབ་ཟར་ཟུར་འདྲ་བྱེད་སྙམ་པ་གཅིག་བྱུང་གསུངས། 
ཆུ་ཕོ་སྤྲེའུ་ལོར་ཤར། ཧོར་ཟླ་གཉིས་པའི་གནམ་གང་ལ་སྐྱིད་སྦུག་ལྟག་རིར་ཐུགས་དམ་
གཏོར་མ་རྒྱ་ཆེ་བ་ཞིག་གནང་བས། བུ་ཡུག་ཆེན་པོ་མི་ཟད་པ་འཕྲལ་དུ་ལངས་གཏོར་ཆོག་
གནང་མི་ཐུབ་ལ་ཁད་ཙམ་ལ། ཐུགས་དམ་གཏོར་མ་གནང་ཐུབ་ཙམ་བྱུང༌། དེ་ཉིད་ནས་རྗེ་
ཡེ་ཤེས་རྒྱ་མཚོ་བ་ཡང་སྙུང༌། དེ་ནས་རྟག་བརྟན་དུ་ཕེབས། ཚོགས་པ་ལ་གཤེད་དམར་བཅུ་
གསུམ་མའི་དབང་དང་གསང་བ་སྤྱི་རྒྱུད་དང༌། དཔུང་བཟང་གི་རྒྱུད་གཉིས་ལ་བཤད་ལུང་
གནང༌། གཞིས་ཀ་རྩེ་ནས་གདན་འདྲེན་ནན་ཆགས་བྱུང་ན་ཡང༌། རྗེ་ཡེ་ཤེས་རྒྱ་མཚོ་བ་ཡང་
སྙུང་བ་དང༌། དེ་ནས་སྐུ་གཤེགས་པའི་ཤིས་ཀྱི་རེ་ཞིག་ལ་ཕེབས་མ་ཐུབ༌། དབྱར་གུང་ཇོ་
ནང་གི་དབུ་རྩེ་རྙིང་པ་དེ་ཤིན་ཏུ་གོགས་འདུག་པ་ནས་ཨར་ཆོག་དང༌། ས་ཆོག་གནང་དགོས་
གནང་ནས་འགྲམ་གསར་དུ་བཙུགས་པའི་ཆོས་གནང་ནང་གི་སྐུ་འབུམ་སོགས་ལ་སྐྱོན་ཅི་
ཡང་མེད་པར་ལེགས་པར་གྲུབ། ཡོལ་བ་མཁན་ཆེན་བློ་གྲོས་རྒྱལ་མཚན་དཔོན་སློབ་ལ་འཆི་
མེད་རྔ་སྒྲ་དང༌། ཀུན་རིག་གི་དབང༌། སྤྱོད་ཀྱི་ཡུལ་ཁྲིད་རྣམས་གནང༌། སྟག་ལུང་རིན་པོ་ཆེས་
བཀས་བསྐུལ་ནས་ནཱ་རོ་པའི་རིམ་ལྔ་བསྡུས་གསལ་ལ་འགྲེལ་པ་ཐུགས་རྩོམ་གནང༌། དམ་
ཅན་ལས་གཤེན་གྱི་མན་ངག་ནག་པོ་འགྲོ་ཤེས་སུ་བསྒྲིགས་པ་གནང་སྐབས། ཉིན་མོ་མནལ་
སྲིབ་ཙམ་གཅིག་ལ་དམ་ཅན་ཆོས་རྒྱལ་འདི་ལ་ཕེབས་ཡོད། ཡུམ་ད་ལྟ་ཕེབས་ཡོད་ཟེར་
བ་དང༌། སྔ་ལོ་ཞིག་ཞལ་དཔྱད་ལ་དམ་ཅན་ཆོས་རྒྱལ་གྱི་སྐུ་རང་འབྱོན་དུ་བྱོན། འདི་བྲན་
བཞིན་དུ་བཀའ་གཉན་པ་ཞིག་ཡིན་འདུག དེ་ནས་ཇོ་ནང་དུ་ཆོས་གྲྭ་བཀྱེད་པ་དང༌། རུང་
ཁང་བཀྱེད་པ་སོགས་མཁར་ལས་མང་པོ་གནང༌། ལྷ་ཁང་དང༌། དེ་ཐམས་ཅད་ལ་བགེགས་
སྐྲོད་རབ་གནས་གནང༌། སླར་གཞིས་ཀ་རྩེ་ནས་གདན་འདྲེན་ནན་ཆེ་བ་བྱུང༌། ཧོར་ཟླ་དགུ་
22-1-289


པའི་ནང་དུ་རྩེར་ཕེབས༌། སྡེ་སྲིད་དུ་མར་རྔོག་གི་བཞེད་གཞུང་དཔལ་དགྱེས་པ་རྡོ་རྗེ་ཡབ་
བཀའ་ཡུམ་བཀའ། རྡོ་རྗེ་གུར་རིག་བསྡུས། སྒྱུ་འཕྲུལ་ཆེན་མོ་མ་ཡ་སྟེ། དཀྱིལ་འཁོར་བཞི་
པོ་རྣམས་ཀྱི་དབང་རྣམས་རྫོགས་པར་གནང༌། བདག་མེད་མའི་དབང་གི་ནུབ་མནལ་ལམ་
དུ། གཞུང་སྤྲེ་ཤིང་དང༌། ལུང་ཆུང་གཉིས་ཀྱང་རི་རབ་ཙམ་བྱུང༌། དེ་ལྟ་དབེན་གནས་ཟེར་རྗེ་
བཙུན་ཆོས་སྐུ་རྡོ་རྗེ་དབྱིངས་སུ་གཤེགས་པ་དེ་ན། ལྷ་ཁང་འཕྲ་ཏར་བ། ཤར་ན་དཀར་ཁུང་
ཡོད་པ། ཐངས་མུན་ནེ་གཅིག་འདུག་དཀོན་གཉེར་བུད་མེད་རྒན་སང་བ་གོས་གསར་པ་གོན་
མཛེ་ཡམ་པ་བྱུང་ཟེར་བ་གཅིག་ཀྱང་འདུག ལྷ་ཁང་གི་ནང་ན་སྒམ་ཅོག་རྩེ་མང་པོ་བསྒྲིགས་
འདུག་པའི་ཁ་ཐམས་ཅད་སྡིག་པས་ནག་ནག་ཅག་ཅག་གང་བ་གཅིག་འདུག དཀྱིལ་འཁོར་
དེ་རྣམས་ཀྱི་གཉན་ཆ་རུ་འདུག དེ་ནས་སྙུང་ཚབ་ཆེན་པོ་དེའི་འགོ་ཚུགས། (ལོ་སྔ་མ)ལུག་
ལོ་ཟླ་གསུམ་བཞིའི་མཚམས་སུ་བུད་མེད་སྨུག་མོ་ལུས་ཤིན་ཏུ་ཆེ་བ། སྦྲུལ་མགོ་མང་པོ་
ཅན། རྒྱུ་གསེར་གཡུ་སོགས་རིན་པོ་ཆེ་སྣ་ཚོགས་ལས་བྱས་པའི་སྲོག་ཆགས་ཀྱི་གཟིགས་སྣ་
ཚོགས་པས་རྒྱན་པ་གཅིག གླང་ཆེན་པོ་གཅིག་ལ་ཞོན་ནས་རབ་ཏུ་དགའ་བའི་ཚུལ་གྱིས། ན་
འཇོག་ཆེན་པོ་ཞིག་ལ་རྒྱུག་ཤར་བྱུང་པ་གཅིག་བྱུང༌། ཐུགས་དམ་ལྟས་འདི་བཞིན་ཤར་དུས་
སྙུང་ཚབ་ཆེ་བ་ཡོང་གི་ཡོད་འདུག་པ། དེ་ཡང་སྔོན་གྲུབ་ཆེན་ནག་པོ་སྤྱོད་པའི་སྐབས་སེངྒ་
ལའི་གླིང་ལ་ཕེབས་དུས་རྒྱ་མཚོ་ལ་གནས་པའི་ཀླུ་སྲིན་མཁའ་འགྲོ་མ་གདུག་རྩུབ་ཅན་ནག་
ཕྱོགས་ལ་དགའ་བ་ཞིག་གིས་སྨོན་ལམ་ལོག་པར་བཏབ་པ་ཞིག་ཡོད་པ་དེ་དགའ་བའི་རྣམ་
འགྱུར་དུ་འདུག ཧོར་ཟླ་དགུ་པའི་ཉེར་བརྒྱད་དགུ་ནས་གཟུང་ཤིན་ཏུ་སྙུང་བར་བྱུང་ནའང༌། 
ཧོར་ཟླ་བཅུ་པའི་ཉིན་གཅིག་བར་ལ། སྡེ་སྲིད་དུ་ཚེ་དབང་སོགས་རྐྱེན་སེལ་ཆེད་དང༌། 
གཞན་ཆོས་ཚོ་ཡང་མ་ཆགས་པར་གནང་ཐུབ། དེ་ནས་སྐུ་གཟུགས་ཤིན་ཏུ་ངན་པ་ནས། སྡེ་
སྲིད་ནས་ཀྱང་སྙན་བསྐུལ་འབུལ་བ་གནང་བས་ལྷ་རྗེ་ལ་སྟོན་པ་གནང༌། གཉེལ་ཟུག་ཤིན་
22-1-290


ཏུ་ཆེ་བའི་ཚུལ་དུ་བྱུང༌། དེ་སྐབས་སྤྱན་དམིགས་གཏད་རིས་ཀྱིས་རགས་པ་ཐིམ་ཚུལ་རྣམས་
མཚམས་ཕྱེད་སོ་རང་མིན་པ་ལ། ས་ཆུ་མེ་རླུང་ཐིམ་ཚུལ་རྣམས་དེ་ལས་གསལ་ཙམ། ཕྲ་བ་
སྣང་མཆེད་ཐོབ་གསུམ་གྱི་རིམ་པ་རྣམས་ཤིན་ཏུ་གསལ་བ་རྒྱ་ཆེ་བ་རེ་བྱུང་ནས། བཞི་པ་བདེ་
སྟོང་གི་ཉམས་ལ། ཡུན་རིང་དུ་གནས་པ་ཤ་དག་བྱུང་ཞིང༌། ན་ན་ཚ་ཚ་ལ་བརྟེན་ནས་སྐུ་ལུས་
གཡའ་བའི་རྣམ་པ་འབྱུང་ཞིང༌། དེས་དྲངས་ནས་སྐུ་ལུས་ཐམས་ཅད་བདེ་ཆམ་ཆམ་འགྲོ་བ་
དེ་འདྲ་ཡང་ཡང་བྱུང༌། འོད་གསལ་དང་བདེ་ཉམས་འཐུག་པའི་སྐབས་བསྙུང་བའི་སྣང་བ་མི་
དགོངས་པ་ཡང་རྒྱང་ཙམ་སོང༌། ཕལ་ཆེར་ཅིག་རྩིག་པ་འཐོན་པོའི་སྟེང་ནས་གཡས་གཡོན་
ལ་གཟིགས་པ་བཞིན་གཉིས་ཀར་རིག་པར་འདུག སྤྱིར་རླུང་གི་རང་བཞིན་ཤེས་པའི་རྡོར་
བཟླས་ཀྱིས་རླུང་སེམས་དྷཱུ་ཏིར་ཐིམ་ནས་འོད་གསལ་དུ་འཇུག་པ་རྒྱུད་ཀྱི་དགོངས་པ་ཡིན་
མོད། མན་ངག་ཏུ་བླ་མ་གོང་མ་རྣམས་ཀྱི་བཞེད་པས། ལས་དང་པོ་པའི་རྡོར་བཟླས་དཀྱུས་
མ་འདིས་ཀྱང༌། འཆི་བ་འོད་གསལ་འཛིན་ནུས་ཞེས་གསུང་བ་ལྟར། རྡོར་བཟླས་དྲག་པོ་
ཡུད་ཙམ་རེ་གནང་བས་འོད་གསལ་དུ་འགྲོ་བ་བྱུང་གསུང༌། རྗེ་བཙུན་གྲོལ་མཆོག་དེ་དགུང་
ལོ་སོ་བདུན་ལས་མི་བཞུགས་པའི་མཚན་ཡོད་པ་ལ་ངུར་སྨྲིག་གི་སྒྲོལ་མ་དང་མཇལ་བས་
བར་ཆད་ཐམས་ཅད་གྲོལ་བ་ཡིན་འདུག དེང་སང་སྐུ་དེ་ལི་མ་ལྷ་ཁང་ན་བཞུགས་པས༌། 
སྤྱན་དྲངས་ནས་གསོལ་བ་གདབ་སྙམ་པ་དགོངས་པའི་ཚེ་རྗེ་བཙུན་མ་འཕགས་མ་སྒྲོལ་མའི་
བྲིས་སྐུ་འབྲལ་སྤང་མ་ཞིག་ཡོད་པ་དེ། སྐུ་དངོས་དང་བཞུགས་ཚུལ་འདྲ་བའི་ལོ་བཅུ་སྐོར་
འགྲོ་བའི་གཞོན་ནུ་མའི་རྣམ་པར་སོང་བ་སྙམ་པ་ཅིག་ལ། དེས་མི་ཕན་གནོད་ཡོང་གསུང་
ལས་ངན་ཤུགས་ཆེས་པས་དངོས་སུ་མི་ཕན་པ་རང་བདེན་ཤས་འདུག་སྟེ། གནོད་ཡོང་བ་དེ་
འདྲ་རང་ཅི་སྲིད་ན་དགོངས་ཙ་ན་དེ་ང་མ་དགའ་བས་ཡིན། ང་ཁྲོས་པས་ཡིན་གསུངས། སྟེང་
གི་ཕྱོགས་ཡེ་ནས་ཁྱོད་ལ་བྱང་ཆུབ་སྤྱོད་པ་ཡང་མ་བྱུང་ན། བཟང་པོ་སྤྱོད་པ་ག་ནས་འོང་ཞེས་
22-1-291


གསུང་བཀྱོན་པ་ཅིག་ཀྱང་གསལ་བར་བྱུང༌། ངུར་སྨྲིག་གི་བཅོམ་ལྡན་མ་སྤྱན་འདྲེན་ཞུས་
ནས་ཕྱག་མཆོད་ཕུལ་གསོལ་བཏབ་བཟླས་པ་གནང༌། ཧོར་ཟླ་བཅུ་གཅིག་པའི་ཟླ་འགོ་ལ་
རྒྱ་ནག་ལྷ་ཁང་དུ་མཆོད་རོལ་གྱི་རྒྱ་གླིང་འབུད་པ་གནང་བའི་སྐབས་ལ་ཐུགས་ཉམས་ལ་
རི་བོ་གཅིག་གི་རྩེ་ན་རྫོང་གཅིག་འདུག དེའི་རབ་གསལ་ཅིག་ན་སྐུ་བཞུགས་པའི། རིའི་རྩ་
བ་ཕྱོགས་ན་རྒྱ་ནག་གི་བཟོ་རྩེ་གོས་ཆེན་གྱི་རི་མོ་ལ་ཡོད་པའི་སེང་མ་འབྲུག་དེའི་རིགས་ལ་
མདོག་མུ་མེན་འདྲ་བ་ཅིག་གིས་རྒྱ་གླིང་གི་སྒྲ་དེ་དེའི་སྐད་དུ་སོང་བ་འདྲ་བ་ལ། བསླུ་བྲིད་བྱེད་
རྒྱུ་བའི་དགའ་དགའ་སྙན་སྙན་གྱི་ཚུལ་དུ་བོས་ལྟར་བྱེད་ཀྱི་འདུག སྔོན་ཇོ་ནང་དུ་ལོ་འདིའི་
མགོ་ལ་བྱུང་བའི་མཁའ་འགྲོ་མ་ཚོན་མོ་དེ་སྐད་ཅིག་ལ་བྱུང་ནས། ཕྱག་གིས་བརྡེག་སྟངས་ཀྱི་
སྤྱོད་པ་མཛད་སོང་བས་སེམས་ཅན་གྱི་གཟུགས་སྐྲག་པས་བང་བཏང་ཤར་ཕྱོགས་ལ་ལ་ཅིག་
བརྒལ་བྲོས་སོང་བའི་ཐུགས་དམ་གསལ་སྣང་བྱུང༌། དེ་ནི་རལ་ཅིག་མས་བྱིན་གྱིས་བརླབས་
པར་དགོངས་ཡི་དམ་ཐམས་ཅད་ཐུགས་རྒྱུད་ཡེ་ཤེས་གཅིག་ཅིང༌། དགྱེས་པ་དང༌། མི་དགྱེས་
པའི་རྣམ་པར་རྟོག་པ་མི་མངའ་ཡང་སྒྲུབ་པོའི་ལས་ཀྱི་སྒྲིབ་པ་སྦྱང་བའི་ཕྱིར་མི་དགྱེས་པ་
ལྟར་སྟོན་པ་ཡང༌། སྐྱོན་ཅན་གྱི་འཆད་ཡུལ་ནས་འདོན་པའི་ཐུགས་རྗེས་གཟུང་བ་དེར་གདའ་
གསུངས། ཚེས་བཅུ་གསུམ་ལ་འཚོ་བྱེད་དགེ་སློང་པས། མེ་རྩ་ཕུལ་སྐུ་རྣག་སྟོབས་ཆེ་བ་དོན། 
སྐུ་གཟུགས་ལ་ཕན་སྐྱེད་ཆེ་བ་དང༌། ཚེས་བཅུ་དགུའི་ཉིན་བཀྲ་ཤིས་དག་ཆལ་ཕེབས་ཙམ་
གནང༌། ཕེབས་ལམ་ཚུགས་ཐུང་དུ་བཅུག ཉེར་བརྒྱད་ལ་རྟག་བརྟན་དུ་ཕེབས། ཡར་ལམ་
རྒྱ་ལའི་ཐོག་ཏུ་གཟིགས་སྣང་ཡ་མཚན་པ་མང་དུ་བྱུང༌། དེ་ནས་བཟུང་སྟེ་ཧོར་ཟླ་བཅུ་གཉིས་
པའི་གནམ་གང་གི་བར་ལ་སྐུ་མཚམས་མི་བའི་ངང་ནས་འཇུག་སྐྱོང་གནང༌། 
ཆུ་མོ་བྱ་ལོ་གསར་བའི་ཚེས་གཅིག་ལ་སྐུ་མཚམས་གྲོལ་རྟག་བརྟན་ཆོས་སྡེའི་ཚོགས་
དབུ་ལ་ཕེབས། ཁམས་ནས་བླ་མ་ངག་བ་སོགས་ཀྱིས་འབུལ་ཆེན་སླེབས་པ་བཞེས། དབུས་
22-1-292


ནས་བསྟན་འཛིན་རིན་པོ་ཆེའི་སྤྲུལ་སྐུ་དང༌། རྗེ་དབོན་རིན་པོ་ཆེ་ཡང་ཕེབས། སངས་རྒྱས་
འོད་དཔག་མེད་ཀྱི་ཟབ་སྐུ་དང༌། འོད་དཔག་མེད་ཀྱི་གསེར་སྐུ་ཆེ་བ་བཞེངས་པའི་དབུ་
བཙུགས། བདེ་གཤེགས་མཆོད་རྟེན་བརྒྱད་འདི་ལུག་ལོ་ནས་བཞེང་བ་གནང་བ་སྐབས་
འདིར་མཐར་ཕྱིན། མཆོད་རྟེན་རེ་རེ་བཞིན་དཔང་དུ་མཐོ་བརྒྱད་པ། ཕྲ་རྒྱན་གཡུ་གྲུ་གུ་
དཀར་དམར་གཙོ་བོར་གྱུར་བའི་གཡུ་ཕྲ་དང༌། རིན་པོ་ཆེ་སྣ་ཚོགས་པའི་རིགས་ལ། པདྨ་
རཱ་ག་དང༌། ཙུ་ནི་དང༌། གཽ་མུ་ཏི་ཀ་དང༌། པུ་ཤེ་ར་ག་དང༌། པུ་ཀན་ཏི་ད། ལ་སུ་ན་དང༌། 
ཨིནྡྲ་ནཱི་ལའི་རིགས་དང་། མ་ར་ཀ་ཏའི་རིགས་སོགས་དང༌། ཥ་ཊ་ཏི་ལ་ཀ་དང༌། ཊོ་ཧ་རི་
དང༌། དྭངས་ཤེལ་དང༌། ཧ་ཀི་དཀར་དམར་ནག་གསུམ་དང་། བརྡལ་ཤེལ་མུ་མེན་མུ་ཏིག་
སོགས་མདོར་ན། མཆོད་རྟེན་རེ་རེ་བཞིན་ཕྲ་བཀོད་སྟོང་ཕྲག་ཕྱེད་དང་གཉིས་རེའི་རྩིས་ཡོད་
གཟུངས་བཞུགས་གྲུབ་ནས་འཁོར་ལོ་སྡོམ་པའི་དཀྱིལ་འཁོར་ལ་བརྟེན་ཏེ་ཚེས་བཞིའི་སྔ་དྲོ་
རབ་གནས་རྒྱས་པར་གནང༌། བལ་པོ་རྣམས་ལ་ཡང་ཡོན་དང་སྟོན་མོ་རྒྱ་ཆེར་སྩལ། ཚོགས་
འཁོར་རྒྱས་པ་གནང་ནས། ཆོས་བཟང་དུ་ཚོགས་པ་གྲལ་བཞུགས་སྟོང་དང་བདུན་རྒྱ་ཙམ་
བསྐལ་གཏོང་དང་བཅས་པས་ཉིས་སྟོང་ཟིན་པ་ལ། ཟན་བྲེ་དོ་མ། སྤེལ་ལྔ་རེ་དང་བཅས་
པ་ལ། སྐྱེ་བོ་ཕལ་པ་རྣམས་ལ་ཡང་བཟའ་བཏུང་གིས་ཁྱབ་པར་གནང༌། ཚེས་ལྔ་ལ་ཇོ་ནང་
དུ་ཕེབས། ཚེས་དྲུག་ནས་དུས་འཁྲིད་འཛུགས་པ་གནང༌། དབང་གོང་མ་ཡང་གནང་རྒྱུའི་དོ་
ནུབ་དེ། སྐུ་འབུམ་ཆེན་མོའི་གདུགས་གསེར་ཟངས་ལས་གྲུབ་པ། རིན་པོ་ཆེའི་ཕྲ་རྒྱན་མང་
པོས་སྤྲས་པ་དེ་སྐུ་འབུམ་ལ་ཕུལ་གྲུབ་པ་ལ་རབ་གནས་གནང༌། དགའ་སྟོན་ལ་རྟག་བརྟན་
ཚོགས་པ་རྣམས་ཀྱང་ཡར་ཕེབས་པའི་སྔོན་རྟག་བརྟན་གྱི་ཚོགས་འཁོར་གྱི་སྐབས་ལས་ཀྱང་
མིང་ངེས་ཤེས་པ་ལ་ཚོགས་འཁོར་ཟབ་མ་གནང༌། འཁྲིད་ཀྱི་སྐབས་དམ་པོ་འདེབས་མཁན་
རང་ཡང་དྲུག་བརྒྱ་ལྷག་ཙམ་བྱུང༌། གསུམ་པའི་ཚེས་གཅིག་ལ་གྲོལ། བླ་མ་འགག་པ་བྱམས་
22-1-293


པ་ཀུན་དགའ་བ་དཔོན་སློབ་མང་བ་ཆོས་ཞུར་ཡོང་པ་རྣམས་ལ་ཤངས་ཆོས་གནང༌། ཧོར་ཟླ་
གཉིས་པའི་མགོ་ཙམ་ནས་ཕྱག་མཛོད་པ་ཀུན་དགའ་དཔལ་བཟང་བསྙུང་ནས་ཟླ་སྨད་དེ་ལ་
སྐུ་གཤེགས། ཐུགས་བརྩེ་བ་ཆེན་པོས་རྗེས་སུ་བཟུང་ཞིང་སྐུ་རྗེས་བཟང་བར་གནང༌། ཧོར་
ཟླ་གསུམ་པའི་ཉེར་གསུམ་ཚུན་ལ་སངས་རྒྱས་འོད་དཔག་མེད་ཀྱི་ཟབ་སྐུ་ཡང་གྲུབ། རབ་
ཏུ་གནས་པ་གནང༌། དཔལ་འཁོར་ཆོས་སྡེའི་མཁན་ཆེན་ཡང་ཆོས་ཞུ་བར་བྱུང་པས་ཁོང་
དང༌། རྟག་བརྟན་ཚོགས་པ་རག་བསྡུས་ལ་རྡོ་རྗེ་ཕྲེང་བའི་དཀྱིལ་འཁོར་བཞི་བཅུ་ཞེ་གཉིས་
ཀྱི་བདེ་ལེགས་སུ་བྱེད་པའི་དཀྱིལ་འཁོར་གསུམ་གྱི་དབང་དང༌། མཁན་ཆེན་སྐུ་རྐྱང་ལ་
གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་གཞན་ཡང་སྐྱིད་སྦུག་སྐུ་སྐྱེ་ལ་རིམ་བཞི་ལམ་སློང་
གི་ཁྲིད་རྒྱས་པ། གསེར་མདོག་ཅན་མི་ཉག་གྲྭ་པ་མང་དང་དོན་གཉེར་གཞན་དག་ལ་གསུང་
ངག་ལམ་འབྲས་སོགས་གནང༌། ཆོས་ལུང་བྱང་རྩེར་ཁོར་ཙམ་ཕེབས་གཟིམ་ཁང་གི་རྩེ་སྒྲོན་
དགོས་སོགས་ཀྱང་གྲུབ་པའི་དབང་གནང༌། དེ་ནས་རྟག་བརྟན་ཕེབས། ཧོར་ཟླ་དྲུག་པའི་
ཚེས་བཅུ་གཅིག་དང༌། བཅུ་གཉིས་ལ་སངས་རྒྱས་འོད་དཔག་མེད་ཀྱི་སྐུ་བརྙན་གསེར་སྐུ་
རྒྱབ་མཐོ་བཅུ་གཉིས་པ་དེ་རྟེན་སྒྲིགས། གཟུངས་རྫོངས་ལེགས་པར་གྲུབ་ནས། ལྷ་ཁང་བདེ་
བ་ཅན་ཐོག་སྤངས་སྤར་བའི་དེར་བཞུགས་སུ་གསོལ་རབ་གནས་དགའ་སྟོན་དང་བཅས་པ་
གནང༌། ཟླ་བ་དྲུག་པའི་ཚེས་བཅུ་དྲུག་ལ་ཇོ་ནང་དུ་ཕེབས། སོ་ཐེག་ནང་སོ་སོགས་ལ་ནཻ་གུ་
ཆོས་དྲུག་དང༌། ཕྱག་ཆེན་གའུ་མའི་འཁྲིད་དང༌། གཞན་ཡང་ཞུ་མཁན་སོ་སོའི་ངོར་འདོད་
ཆོས་མང་དུ་གནང༌། དེར་རྗེ་དབོན་ཀུན་དགའ་བསྟན་པ་ཕྱག་མཛོད་པར་བསྐོས་བཞག་
གནང༌། འདི་ལོ་ཡན་རྟག་བརྟན་ཆོས་སྡེའི་གཙུག་ལག་ཁང་ཆེ་ཕྲ་ཐམས་ཅད། རི་ཁྲོད་ཇོ་ནང་
དང༌། ཆོས་ལུང་གི་གཙང་ཁང་དང༌། བླ་བྲང་དང་གཙང་ཁང་སོགས་ཐམས་ཅད་ལེགས་པར་
གྲུབ། ཧོར་ཟླ་བཞི་པ་ཙམ་ནས་ཇོ་ནང་དབུ་རྩེའི་ལོགས་བྲིས་བཙུགས་པ་རྣམས་ཀྱང་ཟླ་པ་
22-1-294


བདུན་པའི་ནང་དུ་གྲུབ་ནས་རབ་གནས་དགའ་སྟོན་རྒྱས་པར་སྩལ། དེ་ལྟར་ན་ཐོས་བསམ་
མཛད་པའི་ཚུལ་དང༌། བསྒྲུབ་པ་མཛད་པས་ཡི་དམ་གྱི་ལྷ་ཞལ་གཟིགས་པ་དང༌། མཁའ་
འགྲོ་ཆོས་སྐྱོང་དངོས་སུ་འདུས་པ་དང༌། ཐུགས་དམ་གྱི་རྟོགས་པ་ཐུགས་ལ་འཁྲུངས་པ་དང༌། 
རྣམ་ཐར་ཐུགས་རྩོམ་སྔ་མ་ལས། རྡོ་རྗེའི་གནས་པ་བཅུ་གཉིས་ཐོབ་ཚུལ་གྱིས་སྦྱོར་ལམ་གྱི་
ངོ་བོར་གྱུར་པའི་ས་བཅུ་གཉིས་སྔོན་དུ་མཛད་པའི་ཚུལ་དང༌། དཔུང་ལམ་ལ་སློབ་དགོས་
ཚུལ་མང་པོ་གསུངས་པ་སོགས་ནི་ལམ་འདི་ལྟ་བུ་བསྒོམས་པས་རྟོགས་པ་འདི་ལྟར་འབྱུང་
བར་འགྱུར་རོ་ཞེས། དཔེའི་སྒོ་ནས་སྟོན་པར་མཛད་པ་དང༌། གདུལ་བྱ་རྣམས་ལ་ཚུལ་སྟོན་
པ་ཙམ་ཡིན་གྱི། སྔོན་གནས་སུ་ནི་རྒྱལ་བས་དུས་ཀྱི་འཁོར་ལོའི་རྒྱུད་ཕྱི་མ་ལས༌། ཁ་ཊྭཱཾ་ཅང་
ཏེ་ཆང་སྣོད་འཛིན་པ་ནག་པོའི་མིང་ཅན་རྣལ་འབྱོར་འབྱུང༌། །ཞེས་དང་སྡེ་ཚན་དང་པོ་གསལ་
བྱེད་དང་པོས་བརྒྱན། སོགས་དང༌། ཅུང་ཟད་ནཱ་ལ་ཞོན་པ་ཀ་ཧ་པའི་མཚན་གསལ་བར་
བསྟན་ཅིང༌། མགོན་པོ་སྡོམ་པར་འབྱུང་བའི་རྒྱུད་དུ་ཡང༌། དེ་དང་མཐུན་པར་ལུང་བསྟན་
ཅིང༌། ཁྱད་པར་དུ་དེའི་སློབ་མ་དྲུག་གིས་ཀྱང་ལུས་མ་སྤངས་པར་མཆོག་གི་དངོས་གྲུབ་ཐོབ་
པར་ལུང་བསྟན། གྲུབ་ཆེན་སྤྱོད་པའི་རྡོ་རྗེ་ཉིད་བར་དོར་སངས་རྒྱས་པར་རྒྱ་བོད་ཀྱི་ཡི་གེ་
ཚད་ལྡན་མང་པོ་ལས་གསུངས་པས་ན་བར་དོ་ཉིད་དུ་བཅོམ་ལྡན་འདས་འཁོར་ལོ་སྡོམ་པའི་
ངོ་བོར་སངས་རྒྱས་པ་ལ་ཆོས་དང་མཐུན་པས་བརྒོལ་བ་མེད་པས་དེ་ཕྱིན་ཆད་ཀྱི་མཛད་པ་
འདི་རྣམས་ནི་སངས་རྒྱས་ཀྱི་སྤྲུལ་པའི་མཛད་པ་ཁོ་ན་ཡིན་པས་ཞིང་ཁམས་རྒྱ་མཚོར་དག་པ་
དང༌། མ་དག་པའི་སེམས་ཅན་འདུལ་བའི་ཕྱིར་གང་ལ་གང་འདུལ་གྱི་རྣམ་པར་སྐུའི་བཀོད་
པ་དང་གསུང་དང་མཛད་པ་མཐའ་ཡས་པ་གཅིག་ཅར་སྟོན་པར་མཛད་པ་ནི། སྐུ་གསུང་
ཐུགས་མི་ཟད་པ་རྒྱན་གྱི་འཁོར་ལོ་གསང་བ་བསམ་གྱིས་མི་ཁྱབ་པ་ཞེས་བྱ་བ་དེ་ཡིན་པས། 
དེ་ལྟར་ཡིད་ཆེས་པར་བྱའོ། །བཀྲ་ཤིས། 
22-1-295


དཔེ་རྙིང་འདི་ཨ་རིའི་དགེ་བསྙེན་བློ་གྲོས་གཞན་ཕན་Matthew.kapgnགྱིས་ཕྱི་ལོ་༢༠༠༤ལོར་ཕུལ་བ་དགེ། 
22-1-296


༄༅། །རྗེ་བཙུན་བླ་མ་དམ་པ་རྡོ་རྗེ་འཆང་ཆེན་པོ་ཀུན་དགའ་
རྒྱལ་མཚན་དཔལ་བཟང་པོའི་ཞལ་སྔ་ནས་ཀྱི་
རྣམ་པར་ཐར་པ་དགེ་ལེགས་ཀུན་གྱི་
འབྱུང་གནས་དད་པའི་
རྒྱ་མཚོ་ཞེས་བྱ་བ་
བཞུགས་སོ། །
༄༅། །ༀ་སྭཱསྟི། གང་གི་མཁྱེན་དང་བརྩེ་བའི་མཐུས། །ཁམས་གསུམ་བདག་གིར་
མཛད་ཉིད་ནའང་། །བདག་མེད་ཟུང་འཇུག་ཚུལ་སྟོན་པ། །འགྲོ་བའི་གཙོ་བོ་དེ་ལ་འདུད། །
མཐའ་དག་རྒྱལ་བའི་སྲས་ཀྱི་ཐུ་བོར་མ་ལུས་མགོན་གྱིས་ལན་བརྒྱར་དབང་བསྐུར་དེ་
ནི་ཉིད་ལས་གཞན་དུ་མ་དམིགས་ཤིང་། །དཔག་ཡས་དུས་གསུམ་ལམ་དུ་བྱུང་བ་ཕྱོགས་
ཀྱི་འཁོར་ལོ་ཡོངས་སུ་གང་བ་འདྲེན་པར་བཅས་པའི་བློ་ལྡན་ཀུན་གྱི་གཙོ། །ས་དང་ཕ་རོལ་
ཕྱིན་པ་ལ་སོགས་ཐོབ་བྱའི་ཡོན་ཏན་འདབ་གཤོག་རབ་རྫོགས་སྒྲིབ་མེད་མཁྱེན་པའི་སྤྱན་
གྱི་མཐུ་དག་པ། །བདེ་གཤེགས་མཁའ་འགྲོའི་དབང་པོ་མིན་ན་འདི་ཅི་དེ་ཕྱིར་ཚངས་པར་
བཅས་པའི་སྲིད་གསུམ་དངོས་པོ་ཀུན་གྱིས་སྐྱབས་སུ་མཆི། །
མཉམ་ཉིད་ཟུང་འཇུག་གཏིང་མཐའ་བྲལ་བ་རང་བཞིན་གཡོ་མེད་རྟག་ཅིང་
བརྟན། །རྣམ་ཀུན་རོལ་པའི་རླབས་ཕྲེང་ལེགས་མཐོ་བདེ་ཆེན་མཐའ་ཡས་ནོར་བུས་
22-1-297


{གཏམས[བལྟམས]། །ཆོས་རྣམས་ཀུན་གྱི་ངོ་བོ་ཉིད་གང་ཆུ་གཏེར་ལགས་ཏེ་བརྒལ་དཀའ་བ། །
གང་ལ་མངའ་བརྙེས་གྱུར་པ་ཁྱོད་དེ་སྲིད་གསུམ་གདེངས་ཅན་དབང་པོར་འདུད། །
རང་བཞིན་ཀུན་གསལ་སྔོ་སངས་མཛེས་མའི་དཔལ། །ཡེ་ཤེས་འཇའ་འོད་འཁྲུག་པའི་
འཛུམ་མདངས་ཅན། །ཟུང་འཇུག་ཉིན་བྱེད་མཛའ་བོའི་ཉེར་སྤྱོད་འདི། །ཀུན་གྱི་མདུན་སར་
བྱ་བ་ཁོ་ནར་བས། །ཕྱོགས་བཅུར་བཞུགས་པའི་རྣམ་འདྲེན་བློ་ལྡན་བཅས། །ཉིན་རེ་བཞིན་
དུ་མགོན་ཁྱོད་ཡོན་ཏན་གྱིས། །ལྷག་པར་བསྔགས་པའི་ངལ་བ་མང་བརྟེན་མོད། །མཁའ་
ལྡིང་འཁོར་བཅས་ཕྱོགས་གྲོལ་ལ་སྤྱོད་བཞིན། །དུས་གསུམ་ཞིང་རྣམས་ཀུན་ཏུ་ཀུན་གསལ་
དང་། །འབྱུང་བ་ཆེ་ལྟར་མཐའ་ཡས་མཛད་པ་ཞེས། །སྨྲ་བར་འོས་ཀྱི་ཆ་ཤས་རེ་རེ་དག །མི་
ནུས་བཞིན་དུ་བརྗོད་འདི་བླུན་པོའི་ལུགས། །དེ་ལྟས་དད་པའི་ལང་ཚོ་བརྟས་བྱེད་དེ། །མ་
ལུས་མཐུང་མི་ནུས་ཞེས་དལ་འབབ་རྒྱུན། །བློ་ལྡན་རྣམས་ཀྱིས་སྤོང་བར་བྱེད་དམ་ཅི། །དེ་
བས་འདིར་ནི་གུས་པས་སྩོལ་བར་གྱུར། །
དེ་ཡང་དུས་གསུམ་དུ་འབྱུང་བའི་རྒྱལ་བ་བདུད་བཞི་ལས་རྣམ་པར་རྒྱལ་བ་ཐམས་ཅད་
ཀྱི་སྤྱིའི་གཟུགས་ཆེན་པོ་རྡོ་རྗེ་གསུམ་གྱི་བདག་ཉིད་ཅན། དཀྱིལ་འཁོར་གསུམ་གྱི་ངོ་བོ་རང་
བཞིན་གྱི་འོད་གསལ་བ་མངོན་དུ་གྱུར་པ་སྒྲིབ་གཉིས་བག་ཆགས་དང་བཅས་པ་གཏན་ནས་
སྤངས་པ། མཁྱེན་པར་བྱ་བའི་ཡུལ་ཐམས་ཅད་ཡོངས་སུ་བརྙེས་པ། ཆོས་ཐམས་ཅད་སྐད་
ཅིག་རེ་རེར་སྒྲིབ་པ་མེད་པས་ཐུགས་སུ་ཆུད་པ། སྟོང་པ་ཉིད་དང་། མཚན་མ་མེད་པ་དང་། 
སྨོན་པ་མེད་པ་དང་། འདུས་མ་བྱས་པ་དང་། མ་སྐྱེས་པ་དང་། མ་འགགས་པ་དང་། གཟོད་
མ་ནས་ཞི་བ་དང་། བདེན་པ་རྣམ་པ་བཞི་དང་། རྟེན་ཅིང་འབྲེལ་པར་འབྱུང་བ་དང་། བདག་
མེད་པའི་དོན་མངོན་པར་གཟིགས་ཤིང་བརྙེས་ནས། གཞན་ལ་རྗེས་སུ་སྟོན་པ། བདག་ཉིད་
སྒྲིབ་པ་ཐམས་ཅད་ལས་ཤིན་ཏུ་རྣམ་པར་གྲོལ་ཡང་། བདག་པས་གཞན་གཅེས་པའི་ཐུགས་
22-1-298


ཀྱིས་འཁོར་བ་ཇི་སྲིད་པར་ཚད་མེད་པའི་ཞིང་རྣམས་སུ་བརྗོད་དུ་མེད་པའི་སྐུར་བསྟན་ནས། 
གཞལ་དུ་མེད་པའི་ཆོ་འཕྲུལ་རྣམ་པ་གསུམ་གྱིས་བགྲང་དུ་མེད་པའི་འགྲོ་བ་མཐའ་དག་
སྒྲོལ་བར་མཛད་པ་ལ་ནམ་ཡང་ལྷོད་པ་མི་མངའ་བ་སྟེ། ཕ་རོལ་ཏུ་ཕྱིན་པ་རྣམས་དང་། བསྡུ་
བའི་དངོས་པོ་ལ་ཡང་དག་པར་ཞུགས་པ། ཡོན་ཏན་བརྒྱད་དང་ལྡན་པའི་སྐུ། རང་བྱུང་ལྷན་
ཅིག་སྐྱེས་པའི་ཡེ་ཤེས་ལ་ཡང་དག་པར་སྦྱོར་བས་ཟུང་དུ་འཇུག་པའི་སྐུ། དབང་ཕྱུག་བརྒྱད་
དང་ལྡན་པའི་གོ་འཕང་མཆོག་ཏུ་བརྙེས་པ། རིགས་ཐམས་ཅད་ཀྱི་བདག་པོ། དཀྱིལ་འཁོར་
ཀུན་གྱི་གཙོ་བོ། བྱང་ཆུབ་སེམས་དཔའ་ཐམས་ཅད་ཀྱི་ཡབ། ཉན་ཐོས་དང་རང་སངས་རྒྱས་
ཐམས་ཅད་ཀྱི་བླ་མ། ལྷ་དང་བཅས་པའི་འགྲོ་བ་ཐམས་ཅད་ཀྱི་སྐྱོབ་པ། དོན་གྱི་སླད་དུ་
མཚན་ནས་སྨོས་ཏེ། རྗེ་བཙུན་རྡོ་རྗེ་འཆང་ཆེན་པོ་ཀུན་དགའ་རྒྱལ་མཚན་དཔལ་བཟང་པོ་
ཞེས་སྙན་གྲགས་ཀྱི་རྔ་བོ་ཆེ་ཕྱོགས་ཀྱི་ཐ་གྲུ་འཇལ་བར་བྱེད་པ་འདི་ཉིད་ཀྱི་གསང་བ་རྣམ་པ་
གསུམ་ཡོད་ཏན་རིན་པོ་ཆེའི་ཕུང་པོ་ངག་གི་ཡུལ་ལས་འདས་པ་ལ་རྗོད་པར་བྱེད་པ་འདི་ནི་
ངལ་བ་ཙམ་དུ་ཟད་དེ། ཁོ་བོ་ཅག་ནི་སྟོན་པ་གཞན་དུ་ཚོལ་བར་མི་སེམས་སོ། །དེ་ལྟ་མོད་ཀྱི་
ཤིན་ཏུ་བློ་གྲོས་དམན་པ་དག་གི་བློ་ངོ་དང་བསྟུན་ཏེ་ཅི་ནུས་པ་ཞིག་བརྗོད་པར་བགྱིའོ། །
དེ་ལ་འདྲེན་པ་དམ་པ་འདི་ཉིད་ཀྱི་སྐྱེས་པའི་རབས་ཀྱི་ཕྲེང་བ་ནི། ཕྱོགས་བཅུ་དུས་
གསུམ་གྱི་འབྱུང་བ་བཞིའི་རྡུལ་ཇི་སྙེད་པ་དེ་སྙེད་དོ་ཞེས་པ་ལས་གཞན་དུ་ཇི་ལྟར་སྤྱོད། འོན་
ཀྱང་འཇིག་རྟེན་དུ་འདི་སྐད་ཅེས་སྒྲོག་པ་ཐོས་ཏེ། དཔལ་ལྡན་ས་སྐྱར་ཆོས་རྗེ་ཉི་ལྡེ་བར་
གྲགས་པ་མཚན་དངོས་འཇམ་དབྱངས་ངག་དབང་གྲགས་པ་ཟེར་བའི་མཁས་ཤིང་གྲུབ་པའི་
དབང་ཕྱུག་དམ་པར་གྱུར་པ། བདག་ཆེན་བློ་གྲོས་རྒྱལ་མཚན་དཔལ་བཟང་པོའི་ཡང་བླ་མ་
མཛད་པ་དེ་ཉིད་ཡིན་ཏེ། རྗེ་འདི་སྐུ་ནས་ཕྲ་མོ་གསུང་མཁྱེན་ཙམ་ན། ས་སྐྱའི་བླ་བྲང་འདི་ལྟ་
བུ་ན་ངའི་སྣམ་སྦྱར་དང་རྡོ་རྗེ་དྲིལ་བུ་སོགས་འདི་ལྟ་བུ་ཡོད་ཅེས་གསུང་ཞིང་། ཡང་པཎྜི་ཏ་
22-1-299


ཆེན་པོ་རྒྱལ་བ་ཤཱཀྱ་མཆོག་ལྡན་གྱི་རྒྱལ་ཚབ་རྗེ་བཙུན་ཀུན་དགའ་རྒྱལ་མཚན་པ་དང་ཐུགས་
རྒྱུད་གཅིག་པར། རྗེ་བཙུན་ཀུན་དགའ་གྲོལ་མཆོག་གིས་ལུང་བསྟན་ཅིང་། ཡང་རྗེ་ཉིད་ཀྱིས་
འབྲི་མཚམས་ཁྱུང་རྩེའི་ཡུལ་གྱི་བཀོད་པ་[སོགས་]སྔོན་གནས་རྗེས་སུ་དྲན་པའི་ཚུལ་སོགས་
འབྱམ་ཀླས་པའང་ཡོད་མོད་ཀྱི་རེ་ཞིག་ཡི་གེའི་ངལ་བ་མ་བྱས་སོ། །
སྐུ་སྐྱེ་བ་འདི་ཉིད་ཀྱི་ཚུལ་ལ། དམ་པ་འདིའི་ཡུམ་དུ་གྱུར་པ་ནི། ཡང་དག་པར་རྫོགས་
པའི་སངས་རྒྱས་འཁོར་བ་འཇིག་གི་རྣམ་པར་{འཕྲུལ་[སྤྲུལ་]པར་གྲགས་པ། རྗེ་ཕག་མོ་གྲུ་པ་
དེ་ཉིད་སླར་ཡང་ཡང་སྲིད་བཟུང་བ། དཔལ་མཐུ་སྟོབས་ཀྱི་མགོན་པོ་ཀུན་བཟང་ཆོས་ཀྱི་ཉི་
མ་ཞེས་སུ་གྲགས་པ་དེ་ཉིད་ཀྱི་སྲས་མོ་མཁའ་འགྲོའི་མཚན་དང་ལྡན་པ་ཞིག་[ཡོད་པ་དེ་]ཡིན་
ལ། ཆུང་ངུའི་དུས་ནས་དམ་པའི་ཆོས་ལ་ལྷག་པར་མོས་ཤིང་། སེམས་ཅན་ལ་སྙིང་རྗེ་ཆེན་
པོ་དང་ལྡན་པ་ཞིག་གོ །དེ་ཉིད་[སྐུ་]ནར་སོན་པ་ན། ཡོངས་རྫོགས་བསྟན་པའི་མངའ་བདག་
པཎྜི་ཏ་ཆེན་པོ་ཤཱཀྱ་མཆོག་ལྡན་གྱི་དྲུང་དུ། རབ་ཏུ་བྱུང་ཞིང་བསྙེན་པར་རྫོགས་{དགེ་སློང་
མའི་བརྟུལ་ཞུགས་བཟུང་[པར་མཛད་]ནས། མཚན་ཆོས་གྲུབ་དཔལ་མོའོ། །དུས་རྒྱུན་དུ་སྡོར་
དཀར་གདན་གཅིག་སོགས་ཀུན་སྤྱོད་གཙང་ཞིང་། དབུ་སྔས་ལ་མི་འཇོག་པའི་དམ་བཅའ་
བརྟན་པོས་ཉིན་མཚན་འཁོར་མོར་ཐུགས་དམ་ལ་བརྩོན་པར་མཛད་ཅིང་། རྗེ་དེ་ཉིད་ཀྱི་དྲུང་
དུ་ཆོས་ཀྱང་མང་དུ་གསན། ཁྱད་པར་ཡི་དམ་ཐུགས་རྗེ་ཆེན་པོ་ལ་བརྟེན་པའི་སྙུང་གནས་
བརྒྱ་ཚར་གནང་བས། དྲུང་ནས་འཕགས་མ་ཞེས་ཀུན་གྱིས་མཚན་དུ་གསོལ་བ་ཞིག་བྱུང་། 
ཕྱིས་ཀུན་སྤངས་རིན་པོ་ཆེའི་དྲུང་དུ། དཔལ་ལྡན་ས་སྐྱ་པའི་ཟབ་ཆོས་དུ་མ་དང་། ཁྱད་པར་
གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་གདམ་པ་ཡོངས་སུ་རྫོགས་པར་གསན་
ནས། ཀྱེ་རྡོ་རྗེའི་གཞི་བསྙེན་ཟླ་བ་བཅོ་བརྒྱད་ཀྱི་བར་དུ་མཛད་ཅིང་། རྒྱུན་དུ་ལམ་བསྡུས་
སོགས་ཐུན་བཞིའི་རྣལ་འབྱོར་མ་ཆག་པར་མཛད་གསུང་། བཞུགས་གནས་ཀྱང་། ཚ་མོ་རོང་
22-1-300


བྱང་ཆུབ་རྫོང་། བྱ་འགྱུར། སྐྱེད་ལྷས་སོགས་རི་ཁྲོད་དུ་མར་བཞུགས་ནས། སྒོམ་སྒྲུབ་ཀྱིས་
དུས་འདའ་བར་མཛད་པ་ལས། རེ་ཞིག་གི་སྐབས། ཀུན་སྤངས་རྗེའི་གསུང་ནས། ཁའུ་སྐྱེད་
ལྷས་ཀྱི་སྒྲུབ་ཁང་ཅིག་ཏུ་བུག་སྒོ་འདག་སྦྱར་གྱིས་ལ་སྡོད་གསུང་བ་བཞིན་དུ། རག་ཤོང་གི་
གནས་སུ་བུག་སྒོ་དམ་པོའི་ཐུགས་དམ་བཅད་རྒྱ་ལ་ཡུན་རིང་བཞུགས་པའི་སྐབས། སྐྱེད་
ལྷས་ཆུ་{ལྗི་[ལྕི་]བའི་སྟབས་ཀྱིས་ཅུང་ཟད་སྐུ་མ་བདེ་བ། ཀུན་སྤངས་རྗེས་གསན་ཏེ། མར་
ཡུལ་བའི་དགེ་སློང་ལམ་འབྲས་ཀྱི་ཉམས་ལེན་གཙོ་བོར་བགྱིད་པའི་སྒྲུབ་པ་བ་ཞིག་ཡོད་
པ་ལ། ཀུན་སྤངས་རིན་པོ་ཆེའི་བཀའ་སྩལ་གྱིས། འཕགས་མ་མཚམས་བཅད་དམ་པའི་
སྟབས་ཀྱིས་ཆུ་ནད་བཞིན་འབྱུང་ཉེན་འདུག་པས། ཁྱེད་ཀྱིས་བུག་སྒོར་བྱོན་ལ་ལུས་སྦྱོངས་
ཀྱི་འཁྲུལ་འཁོར་སོགས་སློབས་གསུང་བ་ལྟར་ཡུམ་རིན་མོ་ཆེ་ཉིད་ཀྱིས་ཀྱང་། དེ་ལྟར་མཛད་
པས་སྐུ་ཁམས་དྭངས་ཤིང་ཐུགས་དམ་གོང་འཕེལ་དུ་བཞུགས་པའི་ཚེ། དུས་གཅིག་ན་ཐུགས་
ཉམས་ཀྱི་གསལ་སྣང་ལ། རྒྱ་གར་ནས་འོངས་པ་ཡིན་ཟེར་བའི་ཛཽ་གི་བྲམ་ཟེའི་གཟུགས་ཅན་
ཞིག་བུག་སྒོར་འོངས་ནས་ངེད་ལ་གནས་ཚང་གཡར་དགོས་ཟེར། {ཅུང་ཟད་གཅིག་ནས། 
[འཕགས་མའི་ཐུགས་དགོངས་ལ། ཅི་ངེད་རང་ཤོང་གི་སྤྱིལ་བོར་བུག་སྒོ་དམ་པར་ཡོད་པ་ལ། གནས་ཚང་ཅི་ལ་ཡོང་དགོངས་
ནས། ཐུགས་དམ་གྱི་ངང་ལ་བཞུགས་པས་བྲམ་ཟེའི་གཟུགས་ཅན་]དེའི་ཐུགས་ཀ་ནས་འཇའ་འོད་ཀྱི་རྣམ་པ་
ཞིག་བྱུང་སྟེ་འཕགས་པའི་སྐུ་ལ་ཐིམ་པས། བདེ་སྟོང་གི་ཏིང་ངེ་འཛིན་ཁྱད་པར་ཅན་ཞིག་
ཐུགས་རྒྱུད་ལ་འཁྲུངས་ཤིང་། བྲམ་ཟེ་དེ་ནི་འོད་དུ་ཡལ་བ་ལྟར་སོང་། དོན་ལ་སྤྲུལ་པའི་སྲས་
ཡིན་གྱི་ཡབ་དངོས་སུ་མེད་ཀྱང་། ཐ་སྙད་དུ་གཞན་གྱིས་བརྗོད་ངོར། སྔར་གྱི་མར་ཡུལ་བའི་
དགེ་སློང་དེ་ཡབ་ཏུ་གླེང་བ་ཞིག་བྱུང་། [བདག་པོ་ནམ་མཁའ་རིན་ཆེན་ལ།] རྗེ་བཙུན་རིན་པོ་ཆེ་ཀུན་
དགའ་གྲོལ་མཆོག་གི་བཀའ་ཕེབས་པར། རྡོ་རིངས་དབོན་པོ་འདི་སངས་རྒྱས་ཀྱི་བསྟན་པ་
སྤེལ་བ་དང་འགྲོ་བ་མང་པོ་ལ་ཕན་པའི་སླད་དུ་ཞིང་སྐྱོང་གདོང་བཞི་དབང་པོས་བསྐྲུན་པའི་
22-1-301


སྲས་ཡིན་ཏེ། རང་རྒྱུད་པའི་ཡབ་མེད་གསུང་། [དེ་ནས་ཀྱང་རེ་ཞིག་གི་བར་སྐུ་མཚམས་དེ་ཀའི་རྒྱུན་སྐྱོང་བར་
མཛད།] སླར་ཡུམ་རིན་མོ་ཆེའི་སྐུ་ལུས་ལ་སྤྲུལ་པའི་སྐུ་འདི་ལྷུམས་སུ་ཞུགས་པར་དགོངས་པ་
ན། ཀུན་སྤངས་རིན་པོ་ཆེའི་སྐུ་ཟིལ་ཆེས་པའི་སྟོབས་ཀྱིས། [སྐུ་མཚམས་བཅད་རྒྱ་གྲོལ་ནས་]དཔོན་
གཡོག་གསུམ་གྱིས་གསང་ཐབས་སུ་གངས་རི་མཚོ་གསུམ་སོགས་གནས་ཆེན་རྣམས་བསྐོར་
བ་ལ་ཕེབས་[སོ། །ཀུན་སྤངས་རིན་པོ་ཆེས་ཚུལ་དེ་ཉིད་དགོངས་ནས། ཕོ་ཉ་བ་གནང་ནས། སྤྱིར་བཙུན་མ་བུ་ཁུར་ཆོས་པ་
རབ་བྱ་བའི་དཔེ་ལྟར་ཡིན། ཁྱད་པར་ཁྱོད་ཀྱི་བྱིས་པ་དེ་བསྟན་པ་འཛིན་པའི་སྐྱེས་བུ་དམ་པ་གཅིག་འོང་བ་ཡོད་པས། དེ་ལ་སྐྱོན་
མེད་པར་གྱིས་ལ་ལོག་ཤོག་གསུངས་ཀྱང་། རེ་ཞིག་གྲོལ་ཆ་ཞུས་ཏེ།] སྐྱི་རོང་ཇོ་བོའི་དྲུང་དུ་ཕེབས་ནས་ཕྱག་
མཆོད་སྨོན་ལམ་འདེབས་པ་སོགས་མཛད། དེ་ནས་རིམ་གྱིས་གནས་ཆེན་སོ་སོར་བྱོན་ཏེ་
སྨོན་ལམ་དང་། ཁྱད་པར་ཁྭ་ཆར་ཇོ་བོའི་དྲུང་དུའང་གསོལ་འདེབས་བརྒྱ་ཚར་སོགས་མཛད་
ནས། དེ་དང་ཉེ་བའི་རི་ཁྲོད་ཞིག་ཏུ་རྒྱང་ཙམ་སྐུ་མཚམས་མཛད། དེར་སྔར་མེད་པའི་ཆུ་མིག་
ཅིག་རྡོལ་བས། རྡོ་རིངས་དབོན་མོའི་སྒྲུབ་ཆུར་གྲགས། དེ་ནས་རིམ་གྱིས་མུ་ཁུམ་ཕྱོགས་སུ་
ཕེབས། དེར་བཞུགས་རིང་། ཆུ་མོ་བྱའི་ལོ་ལ། རྗེ་འདི་ཉིད་སྐུ་བལྟམས་སོ། །
འདིར་སྨྲས་པ། 
རབ་འབྱམས་ཞིང་ཡང་ཚད་མེད་དེ། །བརྗོད་དུ་མེད་པའང་བརྗོད་མེད་པ། །དེ་དག་ཀུན་
གྱི་རྩེ་མོ་ནི། །མི་མཇེད་ཅེས་བྱ་གཙོ་བོའི་གཙོ། །འདི་ན་ལྷ་དང་དམྱལ་བ་སོགས། །དམ་ཆོས་
སྤྱོད་ལ་མཐུ་ཆུང་བས། །སྐྱེ་བོ་དམ་པ་བྱམས་ལྡན་པ། །ཕལ་ཆེར་མི་ཡི་སྐྱེ་བར་མོས། །ཛམྦུའི་
སྒྲ་སྙན་རབ་སྒྲོག་རྒྱུད་མངས་ཅན། །འདྲེན་པའི་མིག་སྟོང་མཆོག་ཏུ་གསལ་བ་ལྟ། །མཚོ་
བྱུང་གཞན་ནམ་དབང་པོ་གཞན་པ་ཞིག །སྣ་ཚོགས་ཚུལ་གྱིས་འདོམས་ཕྱིར་གླིང་གི་དབང་། །
སྟོན་ཀའི་ཆུ་ཁུར་གསར་པའི་དཔལ་འཛིན་པ། །རབ་དཀར་བསིལ་བའི་ས་འཛིན་སྟོང་གིས་
མཛེས། །རབ་བཀྲ་མདོངས་མཐའི་མགྲིན་པར་རྗེས་འཇུག་པ། །ནགས་ཚལ་སྨན་ལྗོངས་དུ་
22-1-302


མས་རྣམ་པར་བརྒྱན། །གསལ་དྭངས་རླབས་ཕྲེང་རབ་གཡོ་རྒྱུན་ལྡན་མ། །ནགས་ཀྱི་བདག་
པོར་ལྷན་ཅིག་སྤྱོད་བྱེད་པ། །སུམ་རྩེན་དབང་པོའི་དགའ་ཚལ་མཆོག་ལྟ་བུ། །འདི་ལས་
མཆོག་གྱུར་ནོར་འཛིན་དཀྱིལ་འཁོར་གང་། །ཕྱོགས་དུས་ཀུན་གྱི་འདྲེན་ཁྱོད་སྲིད་བཟུང་
བས། །འོག་མིན་ཞིང་ལ་བློ་ལྡན་གུས་བྲལ་ཏེ། །རྒྱལ་བ་ཐམས་ཅད་མངོན་སུམ་མཐོང་བ་
ལས། །མཆོག་གྱུར་གཞན་དག་{མཚོན་[ཚོལ་]པའི་མཁས་པ་སུ། །[སྐུ་བལྟམས་པ་ལས་བརྩམས་པའི་
གཏམ་གྱི་སརྒ་སྟེ་དང་པོའོ།། །།]
དེར་ལོ་ངོ་གཉིས་ཙམ་གྱི་བར་བཞུགས། སླར་ཡང་ཀུན་སྤངས་རྗེས་འབོད་མི་གནང་
[བས་བླ་མའི་བཀའ་མ་ཆོགས་]པ་དང་། བཀའ་སྲུང་གི་ཆོ་འཕྲུལ་གྱིས་ཀྱང་འབྱོན་པར་བསྐུལ་ནས་
ཤར་ཕྱོགས་ལ་ཕེབས་ནས་གངས་བུ་ལེར་བཞུགས་ཙ་ན། ཁའུ་ནས་ཆིབས་སུ་སོགས་བྱུང་
ཞིང་། འཕགས་མ་རང་མི་ཡོང་ནའང་། བྱིས་པ་དེ་བསྟན་འཛིན་ཅིག་ཡོངས་བས་སྐྱོན་མེད་
དུ་བསྐུར་གསུང་བ་ལ་བརྟེན། ཡུམ་རང་བུ་ལེར་བཞུགས་སོ་རྗེ་འདི་ཉིད་ཕྱག་གཡོག་དང་
བཅས། ཀུན་སྤངས་རིན་པོ་ཆེའི་དྲུང་དུ་ཕེབས་པ་ན། གཞན་གྱིས་སློབ་པ་ལ་མ་ལྟོས་པར། 
ཕྱག་འབུལ་མཛད་པས། ཤིན་ཏུ་མཉེས་ཏེ། སྐུ་པང་དུ་བཞེས་ཐུགས་བརྩེ་བས་འབྲལ་མེད་
དུ་སྐྱོང་བར་མཛད་དོ། །གསུང་མཁྱེན་ཙམ་ནས། འཇམ་དཔལ་མཚན་བརྗོད་འདི་མ་བསླབ་
པར་ཚང་མ་ཐུགས་ལ་འདུག་ཅེས། ཀུན་སྤངས་རིན་པོ་ཆེའི་ཕྱག་གཡོག་བགྲེས་པོ་ཀུན་
མཐུན་པར་གསུང་བའི་ངག་རྒྱུན་དང་། རྗེ་ཉིད་ཀྱི་བཀའ་ལས་ཀྱང་གསུང་ངོ་། །ཕྱིས་ཡུམ་
ཉིད་ཀྱང་ཕེབས། དེ་ནས་དམ་པ་དེ་ཉིད་ལ་སྐྱབས་གསུམ་འཛིན་པའི་དགེ་བསྙེན་གྱི་སྡོམ་
པ་ནོད་ཅིང་། མཚན་ཡང་དཔལ་ལྡན་དོན་གྲུབ་ཅེས་འདོགས་པར་མཛད། དུས་དེ་ཉིད་ནས། 
བླ་མ་ལ་གུས་པ་དང་། སེམས་ཅན་ལ་བརྩེ་སེམས། འཕྲལ་གྱི་ཀུན་སྤྱོད་སོགས་གཞན་གྱི་
བློ་ལས་འདས་པ་ལྟ་བུ་ཡོད་ཅིང་། ལྗགས་ཀློག་དང་། ཆོས་སྤྱོད་རྣམས་ཀྱང་ཚེགས་མེད་དུ་
22-1-303


མཁྱེན། ཀུན་སྤངས་རིན་པོ་ཆེའི་སྐུ་གཞོགས་སུ་གཟིམས་པའི་སྐབས་ཀུན་ཏུ། མཚན་མོ་
དངོས་པོ་རྣམས་ཀྱང་གསལ་བར་གཟིགས་ཤིང་ཐུགས་ཉམས་ལ་འོད་ཁོར་རེ་ཡོང་བ་དང་། 
སྐབས་འགའ་རེ་ཅུང་ཟད་འཇིགས་ཉམས་ཡོང་བ་ཅིག་ཡོད་དེ། རང་རེ་བྱིས་པའི་སྣང་བས་
ངོ་མ་ཤེས་པར་འདུག་{གསུང་། [འཇིགས་དགོས་རིགས་སུ་མི་འདུག] ཕྱིས་དབོན་པོ་རྫ་གོལ་བ་དང་། 
དྲུང་ཆེན་ཀོང་པོ་སོགས་ཀྱི་ཟླ་ལ་ཉལ་བས་སྔར་གྱི་གསལ་སྣང་དེ་རིམས་ཀྱིས་འགགས་སོང་
གསུང་། དེ་ནས་ཀུན་སྤངས་རིན་པོ་ཆེའི་དྲུང་དུ་བཀའ་ཆོས་མང་དུ་གསན། ཁྱད་པར་རྗེ་ཀུན་
དགའ་བཟང་པོའི་དྲུང་དུ་ཀུན་སྤངས་རིན་པོ་ཆེ་དངོས་ཀྱིས་གསན་པའི་ཀྱཻ་རྡོ་རྗེའི་རྒྱུ་དབང་། 
ཚེ་དབང་ལྷ་དགུ་མ། འབྱུང་པོ་འདུལ་བྱེད་ཀྱི་རྗེས་གནང་རྣམས་གསན། འདི་རྒྱུད་ཐག་ཤིན་
ཏུ་ཉེའོ། །གཞན་ཡང་གུར་ལྷ་བརྒྱད་དང་། དཔལ་མགོན་ཞལ་བཞི་པའི་བསྙེན་སྒྲུབ་གཉིས་
ཀྱི་རྗེས་གནང་འདི་ཁའུའི་མགོན་ཁང་གི་བུག་སྒོའི་ཐད་དུ་གནང་། བཀའ་བསྒོ་གཉེར་གཏད་
སོགས་མཛད་{དོ[པས། དུས་དེ་ནས་བཟུང་སྟེ་ལུས་དང་གྲིབ་མའི་ཚུལ་དུ་འགྲོགས་ནས། བར་ཆད་མཐའ་དག་ལས་སྐྱོབ་
པར་མཛད་པ་འདིར་སྣང་]། །
འདིར་སྨྲས་པ། དགེ་བར་སྤྲོ་ལ་ལྷ་ཀུན་ཀྱང་། །ཉིན་དང་མཚན་མོར་སྲུང་ལ་དགའ། །
ཁྱོད་ལྟ་བུ་ལ་བསྟན་སྲུངས་རྣམས། །སྲིད་ཞུ་བྱེད་ལ་ཅི་ཞིག་མཚར། །ཁྱེད་ནི་འགྲོ་བའི་སྡུག་
བསྔལ་ཀུན། །ལེན་པར་མཆོག་ཏུ་དགེས་པ་ལགས། །བཀའ་བཞིན་སྒྲུབ་པར་གྲགས་འདི་ཀོ། 
གནོད་པའང་གཞན་ལ་སྤོ་འདི་མཚར། །
དེ་སྐབས་སྐྱེད་ལྷས་ཀྱི་རུ་བ་ལ་དགྲ་ཇག་ཞིག་བྱུང་བའི་སྔ་ནུབ་རག་དུང་གི་སྒྲ་ལྟ་བུ་
ཞིག་གསན་ཅིང་། གཟིགས་དུས་མགོན་པོ་ཕྱག་གཉིས་པ་རྟ་ལ་ཆིབས་པ་ཤིན་ཏུ་སྐུ་ཚད་
ཆེ་བ་ཞིག་དགྲ་ཕྱོགས་སུ་འབྱོན་པའི་རྣམ་པ་གསལ་བར་སྣང་། གཞན་ཡང་ཁའུའི་བྲག་རི་
ཐམས་ཅད་མེར་འབར་བ་སོགས་ཀྱི་གཟིགས་སྣང་ཡང་མང་དུ་བྱུང་། དེ་ནས་དགུང་ལོ་བཅུ་
22-1-304


བཞེས་པ་ན། ཀུན་སྤངས་རྗེས་མཁན་པོ་མཛད། ཆོས་རྗེ་དགུ་རུམ་པ་ཀུན་དགའ་ལེགས་
པས་ལས་སློབ་མཛད། ཁ་སྐོང་གི་དགེ་འདུན་དང་བཅས་པའི་དབུས་སུ་བར་མ་རབ་བྱུང་དང་
དགེ་ཚུལ་ནོད་པར་མཛད་དེ། མཚན་ཀུན་དགའ་རྒྱལ་མཚན་དཔལ་བཟང་པོ་ཞེས་བྱའོ། །
འདིར་སྨྲས་པ། རྒྱལ་བ་སྟོན་པའི་བསྟན་པ་ཡང་། །མདོ་ཙམ་དུ་ན་འདི་དག་སྟེ། །ངེས་
པར་འབྱུང་དང་སྙིང་རྗེ་ཆེ། །དེ་ཡི་རྩ་བ་སྟོང་པ་ཉིད། །གང་དག་སྟོང་ཉིད་མི་ཤེས་པ། །དེ་
དག་ངེས་པར་ཇི་ལྟར་འབྱུང་། །འདིར་ནི་འདུ་བྱེད་ཐམས་ཅད་ལས། །ངེས་པར་འབྱུང་དེ་
མཁས་པ་ཡིན། །ཁྱོད་ནི་ངེས་པར་མཐར་ཕྱིན་པ། །དེ་ལ་དཔྱོད་ལྡན་སུ་ཞིག་དཔྱོད། །དེ་ལྟ་
མོད་ཀྱི་འགྲོ་བ་འདི། །འདུལ་བའི་དོན་དུ་ངེས་འབྱུང་ཚུལ། །སྲིད་པའི་རྒྱ་མཚོ་བརྒལ་འདོད་
དེ་ཀུན་འདིར། །བདག་གཞན་ངེས་འབྱུང་ཚུལ་ཁྲིམས་གྲུ་ཆེན་བརྟེན། །ལང་ཚོ་ཡོལ་བའང་
སྲེད་པའི་མྱ་ངམ་ལ། །མངོན་འཁྱམས་ཆེར་རློམ་རྣམས་ལ་རྒོད་ཅིང་གཤེགས། །[རབ་ཏུ་བྱུང་བ་
ཉིད་ལས་བརྩམས་པས་གཏམ་གྱི་སརྒ་སྟེ་གཉིས་པའོ།། །།]
ཀུན་སྤངས་རྗེའི་གསུང་གིས། ཁྱོད་ཀྱིས་བསྟན་པའི་ཁུར་ཁྱེར་དགོས། དེ་ལ་སློབ་གཉེར་
བྱ་དགོས་པས། གྲྭ་ས་ཐུབ་བསྟན་གསེར་མདོག་ཅན་ལ[ས་ལྷག་པ་མེད་པས་དེར་]འགྲོ་དགོས་
གསུང་། རྫོངས་ཆོས་ཀྱིས་ཚུལ་དུ་བཀའ་དབང་དང་། ཆོས་སྐྱོང་གི་རྗེས་གནང་སོགས་དུ་མ་
གནང་། རྗེ་འདི་ཉིད་རང་ལའང་རྣལ་ལམ་དུ་ཚེ་སྒྲུབ་ཞུས་ཟེར་བའི་བསྐུལ་མ་ཅིག་བྱུང་བ་
ལྟར། སྙན་དུ་ཕུལ་བས། ཀུན་མཁྱེན་རོང་པོ་ནས་བརྒྱུད་པའི་ཚེ་སྒྲུབ་ཞག་བདུན་མ་འདི་ཆིག་
རྒྱུད་དུ་གནང་། སྐུ་ཚེ་རིང་པོ་ཡོང་བའི་ལུང་བསྟན་ཀྱང་མཛད། རྗེ་དགུ་རུམ་པའི་དྲུང་དུའང་། 
ཀྱཻ་རྡོར་བཀའ་བབས་བཞིའི་དབང་སོགས་དང་། དམག་ཟོར་མའི་རྗེས་གནང་ཞིག་གསན་ནོ། །
ཆོས་རྗེ་ལུ་གུ་གདོང་པ་ཀུན་སྤངས་རྗེའི་ཞལ་སློབ་དད་ཐོབ་ཡིན་པས་ཁོང་ལ་ཕྱག་དམ་དང་། 
 རྗེ་ཉིད་རང་ལའང་བསླབ་སྟོན་ཞིབ་འཁོད་གནང་ནས་ཤར་ཕྱོགས་ལ་ཕེབས། ཐོག་མར་རྒྱ་
22-1-305


བར་དུ་བྱོན། བྱང་སེམས་ཨ་སྐྱིད་པས་འཕྲལ་དགོས་ཀྱི་སྐུ་ཆས་ཐམས་ཅད་ཕུལ། 
དེ་ནས་རྗེ་འདི་དགུང་ལོ་བཅུ་གཅིག་ཏུ་ཕེབས་པ་སྨོན་ལམ་གྱི་ཚེས་ལྔ་ཙམ་ལ། གྲྭ་
ས་ཆེན་པོར་ཕེབས་ཏེ། གྲྭ་ཚང་ཆེན་མོའི་སློབ་དཔོན་ལུ་གུ་གདོང་པ་ཆེན་པོ་ཀུན་དགའ་
ཚེ་འཕེལ་ལ་མཇལ། ཕྱག་དམ་སོགས་ཕུལ། མཁན་པོ་རྗེ་དབོན་ཤཱཀྱ་རྒྱལ་མཚན་པ་དང་
མཇལ་བ་མཛད། ཁྱད་པར་སྟེང་ཁེབས་བླ་བྲང་ན། རྗེ་སེམས་དཔའ་ཆེན་པོ་བཞུགས་པ་དང་
མཇལ་བས་ཐུགས་ལྷག་པར་དགེས་པ་གནང་། སླར་གྲྭ་ཚང་ཆེན་མོར། [གནས་ཀྱི་སློབ་དཔོན་]
མཁས་མཆོག་ལུ་གུ་གདོང་པའི་དྲུང་དུ། [ཕར་ཕྱིན་གྱི་གཞུང་]འགྲེལ་བ་དོན་གསལ་ལ་ཐུགས་
འཛིན་མཛད། ཉིན་རེ་བཞིན་དུ་ཞོགས་རྒྱུགས་འབུལ་བ་དང་། ཟིན་ཐུན་ཐལ་ཕྲེང་སོགས་
པཎ་ཆེན་གྱི་གསུང་རྒྱུན་ཇི་ལྟ་བ་གསུང་ནས་ལེན་པར་མཛད་ཅིང་། དེ་དག་གི་སྤྱི་དོན་ལུང་
ཆོས་རྒྱ་མཚོའི་སྙིང་པོ། རོང་ཊཱིཀ་སོགས་ཕར་ཕྱིན་དང་། ཚད་མའི་གཞུང་། རྣམ་བཤད་རྟོག་
གེའི་སྙིང་པོ། ཀུན་བཟང་རོལ་མཚོ་སོགས་མདོར་ན་ཕར་ཚད་གཉིས་ཀྱི་གཞུང་ཊཱིཀ་སྤྱི་དོན་
སོགས་སྦྱར་བའི་དབུ་ཞབས་མེད་པར་ཞིབ་རྒྱས་[ཀྱི་མཐའ་སེད་]མཐིལ་ཕྱིན་པར་ཐུགས་ལ་ཆུད་
པར་མཛད་དོ། །དེ་སྐབས་མཁན་པོ་རྗེ་དབོན་ཤཱཀྱ་རྒྱལ་མཚན་པ་ལ་སྤྱི་ཆོས་པཎ་ཆེན་གྱི་
བཀའ་འབུམ་གྱི་ལུང་མང་པོ་དང་། རྣམ་སྲས་དཀར་པོའི་རྗེས་གནང་སོགས་གསན། 
དེ་དུས་དགུང་ལོ་བཅུ་དྲུག་ཏུ་ཕེབས་པའི་{སྐབས། སྐུ་ཡོན་གྱི་གྲགས་པ་ཡང་ཆེར་བྱུང་
ནས། རིན་སྤུངས་སུ་སྡེ་བདག་ངག་དབང་རྣམ་རྒྱལ་གྱིས་བཀས་སྐུལ་ནས། རྗེ་གྲགས་པ་
ཐོགས་མེད་དང་ལྷན་ཅིག་ཕེབས། འབྲས་ཡུལ་སྐྱེད་ཚལ་བའི་དགེ་བཤེས་ལྷོ་པ་ཀུན་བཟང་
སོགས་དེར་འདུས་རྒོལ་བ་ཐམས་ཅད་འབེལ་གཏམ་གྱིས་ཚར་བཅད། དཔོན་དྲུང་གཡུང་པ་
སོགས་ཀྱིས་གུས་པས་བཏུད། སླར་ཡང་རྗེ་[སྐུ་ནས་འཕྲ་ཡང་། སྐུ་ཡོན་གྱི་གྲགས་ཆེན་པོ་ཡོད་པ་ནས། རིན་
དཔུངས་ནས་ས་སྐྱོང་མིའི་དབང་པོ་ངག་དབང་རྣམ་རྒྱལ་གྱིས་བཀའ་ཤོག་ཕེབས་པ་ལ། དེང་སང་འདི་ན། འབྲས་ཡུལ་སྐྱེད་ཚལ་
22-1-306


པའི་མཁན་སློབ་བཀའ་བཅུ་རབ་འབྱམས་སོགས། མཚན་བརྗོད་འབུམ་གཏེར་ལ་ཆོས་པར་དག་ཡོད་པས། དེ་ནས་མཁན་སློབ་
ཀྱི་ཕྱག་ཕྱི་བཟུང་། རྡོ་རིངས་དབོན་པོ་དང་། གྲགས་པ་ཐོགས་མེད་གཉིས་འབེལ་གཏམ་ལ་ཡོང་དགོས་ཕེབས་པ་ནས། རྗེ་འདི་
ཉིད་ཀྱིས་ཀྱང་ཕེབས་ཏེ། དེ་སྐབས་སྤྱིར་དགེ་བའི་བཤེས་གཉེན་མང་པོ་དང་འབེལ་གཏམ་མཛད། ཁྱད་པར་ལྷོ་པ་ཀུན་བཟང་
དང་། རྗེ་འདི་ཉིད་ཀྱིས་ཕར་ཚད་གཉིས་ཀ་ལ་འབེལ་གཏམ་གནང་བས། རྗེ་ཉིད་ལྷག་པར་ཐུགས་གསལ་བས། རྩོད་པ་ལས་
རྒྱལ་བར་གྱུར་ཏེ་མཆོད་ཡར་གནང་སྐབས། ཁོ་ན་རེ། ང་དགེ་བའི་བཤེས་གཉེན་ཡོངས་རྫོགས་འདི་དང་། བཙུན་ཆུང་གཅིག་
འབེལ་གཏམ་བྱ་དགོས་པ་ཟེར་བ་ལ། རྗེ་ཉིད་ཀྱི་ཞལ་ཀུར་གྱི་ཚུལ་དུ། འུ་གཉིས་ལུས་བཤེད་འདྲན་རྒྱུ་ནི་མིན། ལུང་རིགས་
འདྲན་པ་ལ་ན་ཚོད་ལ་ཅི་ལྟོས། མེ་སྟག་ཆུང་ངུ་ཞིག་གིས་འང་། རྩ་ཕུང་ཆེན་པོ་སྲེག་གསུངས་པས། ཡོན་མཆོད་ཀུན་བཞད་ཅིང་། 
ངོ་མཚར་བའི་གཏམ་དུ་གྲགས་པར་གྱུར་ཏོ། །དུས་དེར་དཔོན་དྲུང་སོགས་ཕྱག་གཡོག་དྲུང་འཁོར་ཀུན་གྱི་ཐུགས་ལྷག་པར་བརྩེ་
ཞིང་། སྡེ་སྲིད་ནས་གནང་སྦྱིན་དང་བསླབ་སྟོན་སོགས་དཔག་མེད་གནང་། སླར་ཆོས་གྲྭ་ཆེན་པོར་ཕེབས། སློབ་དཔོན་]འབུམ་
ཕྲག་གསུམ་པ་དགེ་འདུན་ཉི་མའི་དྲུང་དུ། འདུལ་མངོན་སྡོམ་རིག དབུ་མ་རྩ་འཇུག་གཞི་
གསུམ་སོགས་ཕ་རོལ་ཏུ་ཕྱིན་པའི་གཞུང་ལུགས་རབ་འབྱམས་ལ་བསླབ་སྦྱངས་གནང་ཞིང་། 
 [དེ་སྐབས་]རྗེ་བྲག་དཀར་བ་སེམས་དཔའ་ཆེན་པོ་བསོད་ནམས་རྒྱལ་མཚན་དཔལ་བཟང་
པོ་དེ་ཉིད། སྔ་གོང་སྟེང་ཁེབས་བླ་བྲང་དུ་བཞུགས་དུས་ཀྱང་ཚེ་དབང་གྲུབ་རྒྱལ་མ། ལྷ་དགུ་
མ། གསུང་ངག་ལམ་འབྲས། རྒྱུ་དབང་ཡན་ཆོད་ཙམ་གསན། ཕྱིས་མཁན་ཐོག་ཏུ་ཕེབས་
ནས། བྱ་རྒོད་ཕུང་པོར་སྤྱི་ཆོས་ལ། པཎ་ཆེན་རིན་པོའི་བཀའ་འབུམ་རགས་རིམ་དང་། ཐེག་
ཆེན་བློ་སྦྱོང་གི་རིགས་དུ་མ་དང་། ཁྱད་པར་གསུང་ངག་རིན་པོ་ཆེ་ལམ་འབྲས་བུ་དང་བཅས་
པའི་གདམས་པ། བླ་མ་བརྒྱུད་པའི་རྣམ་ཐར་རྣམས་དང་། རྒྱུ་ལམ་གྱི་དབང་། བདག་མེད་
མའི་སིནྡྷུ་རའི་དཀྱིལ་འཁོར་ལ་བརྟེན་པའི་བྱིན་རླབས། ལམ་འབྲས་ཁྲིད་ཡོངས་རྫོགས། 
ལམ་ཟབ་ཕྱི་ནང་སོགས་གདམས་ངག་ཟབ་མོ་མཐའ་ཡས་པ་དང་། བརྡ་ཆིག་རྒྱུད། སྒྲུབ་པ་
ལུང་སྦྱིན་ཡིག་སྣ་དྲུག་ཅུ་དང་། དེ་ལས་འཕྲོས་པ་དུ་མ་དང་བཅས་པའི་ལུང་སོགས། སོ་སོའི་
22-1-307


སྐབས་གོ་རིམ་མ་འཁྲུགས་པར་དེ་དང་དེར་སྦྱར་ནས་ཡོངས་སུ་རྫོགས་པ་དང་། མགོན་རྐྱང་
གི་རྗེས་གནང་། མཆོག་སྒྲུབ་པའི་དམར་མོ་སྐོར་གསུམ་གྱི་བྱིན་རླབས། གཤིན་རྗེ་གཤེད་
དམར་ལྷ་ལྔའི་དབང་། རྡོ་རྗེ་འཇིགས་བྱེད་རོ་ལངས་བརྒྱད་སྐོར་གྱི་དབང་། རྭ་ཁྲིད། དེ་དག་
ལ་བརྟེན་པའི་ལུང་མང་པོ་དང་། རྭ་པོད་ཡོངས་རྫོགས་ཀྱི་ལུང་། ཁྱད་པར་རྗེ་འདི་ལ་འབོད་
མི་གནང་ནས། མ་འོངས་པའི་དུས་ན་ཁྱེད་ལ་ཆོས་འདི་དགོས་པ་ཡོང་གསུང་ལུང་བསྟན་
དང་བཅས་པའི་སྒོ་ནས་དཔལ་མགོན་དྲཀྴད་ཀྱི་དབང་བཞི་རྫོགས་དང་། ནག་པོ་གཅེར་བུའི་
རྒྱུད་ལ་སོགས་པ་དེའི་ལུང་གི་སྐོར་མཐའ་ཡས་པ་དང་། གཞན་ཡང་འཇམ་དཀར། འཇམ་
དབྱངས་དམར་སེར། སྒྲོལ་དཀར། སེང་ལྡེང་ནགས་སྒྲོལ། རྣམ་རྒྱལ་འཇོམས། རྟ་མགྲིན་
གསང་སྒྲུབ། རྣམ་སྲས་སོགས་ཀྱི་རྗེས་གནང་། སེང་གེ་སྒྲའི་རྗེས་གནང་། སྤྱན་རས་གཟིགས་
ཀྱི་དམར་ཁྲིད་ཚེམ་བུ་ལུགས། སྙིང་པོ་དོན་གསུམ་གྱི་ཁྲིད། སྤྱན་རས་གཟིགས་ཕྱག་སྟོང་
སྤྱན་སྟོང་དཔལ་མོ་ལུགས་ཀྱི་རྗེས་གནང་། དོན་ཞགས་ལྷ་ལྔའི་རྗེས་གནང་། རྒྱུད་ཆུང་། ས་
བཟང་མ་ཏིས་མཛད་པའི་དོན་ཞགས་ཀྱི་ཆོ་ག དམར་པོ་སྐོར་གསུམ་གྱི་རྗེས་གནང་། བརྒྱད་
སྟོང་པའི་ལུང་། རྒྱལ་པོ་བཀའ་འབུམ། རྒྱལ་སྲས་བཀའ་འབུམ། ཀུན་སྤངས་ཆོས་རིན་གྱི་
བཀའ་འབུམ། བྱང་སེམས་བསོད་ནམས་རིན་ཆེན་གྱི་བཀའ་འབུམ་གྱི་ལུང་། ཀུན་རིག་གི་
དབང་། འཆི་བདག་འཇོམས་པའི་དབང་། ངན་སོང་སྦྱོང་རྒྱུད། ཀུན་རིག་གཞན་ཕན་མཐའ་
ཡས་སོགས་ཀྱི་ལུང་། འཇམ་སྡུད། སྨོན་ལམ་རྣམ་གསུམ་གྱི་ལུང་སོགས་དུ་མ་ཞིག་ཡོད་ཀྱང་
བྲི་བར་མ་ནུས་སོ། །སྐབས་དེར་ཐུགས་གཉེར་ཀྱང་ཕལ་ཆེར་རྫོགས་ཤིང་། 
དགུང་ལོ་བཅུ་དགུ་བཞེས་པ་ཡོས་ལོའི་དགུན་ཆོས་སྟེང་། ཆོས་གྲྭ་དེ་ཉིད་དུ་ཚོགས་
གསོག་ཅིག་མཛད་དགོངས། [རྒྱ་བར་ནས་ནང་སོ་རྣམ་སྲས་པ་ཞུ་ངོར་སྒྲན་ནས།] རྗེ་སེམས་དཔའ་ཆེན་
པོ་ལ་[དགོངས་ལེན་]ཞུས་པས། བཀའ་སྩལ་ལ། ཁྱེད་ཀྱི་སྐུ་ཡོན་སོགས་ཀྱིས་ཤིན་ཏུ་ཡོང་བར་
22-1-308


འདུག་ཀྱང་། མ་འོངས་པ་[ན་བསྟན་པའི་ཁུར་དང་]གཞན་ཕན་གྱི་རེ་བ་ཆེན་པོ་ཞིག་ཡོད་པས། 
[ཚོགས་གསོག་བྱེད་པ་ལ།] མཁན་པོ་འདས་གྲོངས་མེད་པ། དགེ་འདུན་ལ་འཁྲུག་ལོང་མེད་པ་ཞིག་
དགོས། དེ་འདྲ་བྱུང་ན། གཞན་གྱི་སྐུར་འདེབས་དང་འཕྲིན་ལས་ཀྱི་སྒོ་འགེགས་སུ་འགྱུར་
བས། ད་ལན་ལ་ཚོགས་གསོག་ཐེན། ས་སྐྱར་[བསྟན་པའི་]རྣམ་གཞག་ལ་བྱོན་པ་རང་ལེགས། 
བདག་ཆེན་རིན་པོ་ཆེའི་དྲུང་དུ་ཞུ་ཡིག་དང་། ལྷ་ཁང་ཆེན་མོར་ཡང་མཐུན་རྐྱེན་དུ་འགྲོ་བའི་
ཡི་གེ་ངེད་ཀྱིས་བྱེད་གསུང་བ་ལྟར་དང་ལེན་ཞུས། དེ་ནས་རྗེ་སེམས་དཔའ་ཆེན་པོ་འབྲོང་
རྩེར་ཕེབས། [སླར་ཞུ་ཡིག་ཕྱག་དམ་སོགས་སྐྱེལ་མི་གནང་བྱུང་།] དེ་ནས་ལོ་དེ་འཕོས་ཏེ། ཟླ་བ་གཉིས་
པའི་ཚེས་ལྔ་ལ། རྗེ་[བཀའ་དྲིན་མཉམ་མེད་]སེམས་དཔའ་ཆེན་པོ་དེ་སྐུ་ལ་སྙུང་བ་སོགས་ཅུང་
ཟད་ཀྱང་མེད་པར་དག་པའི་ཞིང་དུ་གཤེགས་པའི་གནས་ཚུལ་གསན་འཕྲལ་མཆོད་འབུལ་
གསོལ་འདེབས་སོགས་བརྩོན་པས་སྒྲུབ་པར་མཛད། སྔར་གྱི་བཀའ་བཀོད་དེ་རྣམས་དུས་
གསུམ་སྒྲིབ་མེད་དུ་གཟིགས་པའི་ལུང་བསྟན་ཁོ་ནར་འདུག་[སྙམ་དུ་]དགོངས། [བཀའ་སྩལ་སྤྱི་
བོར་བླངས་ཏེ། དམ་པ་དེའི་དགོངས་པ་རྫོགས་པའི་ཕྱིར།] དཔལ་ལྡན་ས་སྐྱའི་ཆོས་གྲྭ་ཆེན་པོ་ག་ལ་བ་དེར་
ཕེབས། བདག་ཆེན་རིན་པོ་ཆེའི་དྲུང་དུ། སྔར་གྱི་ཞུ་ཡིག་རྟེན་བཅས་འབུལ་བ་གནང་། རེ་
ཞིག་ཁའུ་སྐྱེད་ལྷས་སུ། དཔེ་མཚམས་མཛད། སླར་ཆོས་གྲྭ་ཆེན་པོར་ཕེབས་པ་དང་། ཆོས་
དུང་དཀར་པོ་རྒྱང་གྲགས་བུས་པ་དུས་མཉམ་དུ་བྱུང་། ཆོས་ཀྱི་ཐོག་དེར་ཕར་ཚད་འདུལ་
མངོན། སྡོམ་གསུམ། རིག་གཏེར་རང་འགྲེལ་དང་བཅས་པ་སོགས་པོ་ཏི་མཐའ་དག་ལ་
བཤད་པ་དང་། འབེལ་གཏམ་སོགས་གནང་བས་ཀུན་གྱིས་བསྔགས་པའི་ཡུལ་དུ་གྱུར་ཅིང་། 
 སྙན་པའི་གྲགས་པས་སྲིད་གསུམ་ཁྱབ་པར་གྱུར་ཏོ། །དེ་སྐབས་ལྕེན་ལུང་རྫོང་ནས་ནང་
སོ་ཐོག་བཀྲས་པས་མང་ཇ་བཤད་སྟོན་བཟང་པོ་དང་བཅས་གནང་བས་ལུགས་གཉིས་ཀ་ལ་
ཡར་དཔེ་ལ་འདྲེན་པ་བྱུང་། [སླར་གསེར་མདོག་ཅན་དུ་གསན་སྦྱོང་གི་འཕྲོས་འགའ་ཞིག་མཛད།]
22-1-309


དགུང་ལོ་ཉེར་གཅིག་བཞེས་སྐབས། དཔལ་འཁོར་ཆོས་སྡེར་{གྲྭ་སྐོར་[བསྟན་པའི་རྣམ་
གཞག་]ལ་ཕེབས། མཁན་སློབ་དགེ་འདུན་འདུས་པ་རྒྱ་མཚོའི་དབུས་སུ་ཉིན་རེ་བཞིན་པོ་ཏི་
མཐའ་དག་ལ་བཤད་པ་འབེལ་གཏམ་སོགས་བསྟན་པའི་རྣམ་གཞག་ཕུལ་དུ་བྱུང་བ་གནང་
རྗེས། སླར་ཐུབ་བསྟན་གསེར་མདོག་ཅན་དུ་ཕེབས་སྐབས། རྗེ་བཙུན་དམ་པ་ཀུན་དགའ་
གྲོལ་མཆོག་བློ་གསལ་རྒྱ་མཚོའི་སྡེ། དཀར་པོ་བྲག་ཏུ་ཕེབས་པ་ལ་མཇལ། 
འདིར་སྨྲས་པ། འདི་ན་ཡོན་ཏན་གང་ཅུང་ཟད། །བླ་མ་མཆོག་ལ་བརྟེན་ཅེས་གསུང་། །
བརྗོད་དཀའ་ལྷན་སྐྱེས་རིན་ཆེན་ཡང་། །བླ་མའི་བཀའ་དྲིན་དག་གིས་ཐོབ། །བླ་མས་
དམན་པའི་མཁས་རློམ་དག །རིགས་ལས་ཉམས་པའི་མི་བཞིན་དུ། །སྔགས་དང་རྒྱུད་དག་
བྱེད་པ་ཡང་། །སྨོད་ཅིང་བདག་ཉིད་ངལ་བར་ཟད། །གང་གི་ཞབས་མཐིལ་རྩིབས་སྟོང་ལྡན་
པས་བཀྲ། །ལི་ཁྲིའི་མདངས་ཕྲོག་ཕྱོགས་དེར་བཀོད་པ་ན། །བཞིན་རས་པདྨོའི་གཉེན་གྱི་
གཟི་འོད་ཀྱིས། །སྙིམ་པའི་ཀུ་མུད་འདབ་རྒྱས་ཟུམ་པར་བྱས། །འདུན་པའི་ཆུ་ཁུར་ལས་
བྱུང་ལམ་གསུམ་འགྲོ། །འདྲེན་བྱེད་མཁའ་ལས་ཅི་ཡང་བབས་པར་གྱུར། །སྤུ་ལོང་མྱུ་གུས་
ལུས་ཀྱི་ལྡུམ་ར་དེ། །རབ་ཏུ་མཛེས་བྱས་ལྷ་ཡི་དགའ་ཚལ་བཞིན། །དེར་ཐུགས་དགྱེས་པའི་
རང་བཞིན་ནས། །ཡེ་ཤེས་མཁའ་འགྲོ་ནཻ་གུའི་ཆོས་དྲུག་སོ་སོའི་བྱིན་རླབས་དང་བཅས་པ་
གསན། དུས་དེར་རྣལ་ལམ་ཟིན་སྦྱོང་སྤེལ་སྤྲུལ་བསྒྱུར་སོགས་རྩོལ་མེད་དུ་བྱུང་བའི་ཐུགས་
ཉམས་བཟང་པོ་འཁྲུངས་སོ། །
འདིར་སྨྲས་པ། ཆོས་རྣམས་རང་བཞིན་མེད་པ་ལས། །སྒྱུ་མ་ལྟ་བུར་ཀུན་ཏུ་སྣང་། །མ་
དག་འགགས་པའི་གཉིས་སྟོང་ལས། །ཀུན་རྫོབ་ཡེ་ཤེས་སྐུ་འདི་མཚར། །རགས་པའི་ལུས་
སེམས་ཟུང་འཇུག་ཏུ། །རབ་ཏུ་སྒྲུབ་པར་བྱེད་པ་དག །ཕྲ་བའི་ལུས་སེམས་ཡེ་ཤེས་སྐུར། །
འགྲུབ་འགྱུར་འདི་ནི་རྨད་བྱུང་ཆེ། །ཕྲ་མོ་གྱུར་ལ་རགས་པ་ཡང་། །དཀའ་བ་མེད་པར་རྡོ་
22-1-310


རྗེའི་སྐུ། །འདི་འདྲའི་ངེས་གསང་མགོན་དེ་ལས། །དེ་ཚེ་མངོན་དུ་གྱུར་པ་ཉིད། །གང་ལ་
ཆོས་ཀུན་ཅུང་ཟད་མ་དམིགས་ཀྱང་། །མཐའ་དག་ཤེས་བྱ་མ་འདྲེས་གསལ་བར་ནི། །མཁྱེན་
འདི་ལས་གཞན་ངོ་མཚར་ཅི་ཞིག་ཅེས། །ཀུན་མཁྱེན་སྨྲ་བའི་ཉི་མའང་ཚིག་གིས་དབུལ། །
སྣང་བའི་སྒེག་འཆང་ཀུན་རྟོག་མཛེས་མ་གང་། །རང་རིག་སྣང་བའི་ལམ་དུ་སྟོར་འདི་ཀོ། 
སྤྱོད་པའི་རི་དྭགས་བླང་དོར་རྒྱ་ལས་བཀྲོལ། །འཁོར་དང་མྱ་ངན་འདས་ཞེས་སུ་ཞིག་དབྱེ། །
གཉུག་མའི་དངོས་ལ་ཐེག་པའི་གོ་རིམ་ཞིག །རྫུན་གྱི་ས་ལམ་བགྲོད་པར་བྱེད་དེ་སུ། །འོན་
ཀྱང་ལམ་སོགས་རྣམ་འཕྲུལ་ཇི་སྙེད་ཀྱིས། །གཞན་སྣང་སྒྱུ་མའི་ཟློས་གར་བསྒྱུར་ལ་མཁས། །
ཕྱིས་བཀའ་ལས། དེ་སྐབས་ཀྱི་མོས་གུས་དག་སྣང་སོགས་ཀྱི་ཉམས་དེ་བསྐྱངས་ན། 
ཚེ་གཅིག་གི་སངས་རྒྱས་ཟེར་བ་དེ་ཡོང་ཤས་འདུག་ཀྱང་། ངེད་རང་སློབ་དཔོན་གྱི་མིང་
བཏགས་འཆད་ཉན་གྱི་ཚུལ་དང་། དགོན་པ་སོ་སོའི་འཛིན་བདག་དང་། འགྲོ་ཕན་དུ་རེ་བའི་
རྣམ་གཡེང་འདིས། ད་དུང་འཁོར་བར་ལུས་པ་འདི་བྱུང་ཞེས་གསུང་{ངོ་། །[ཡེ་ཤེས་མཆོག་བརྙེས་
པར་བསྟན་པའི་གཏམ་གྱི་སརྒ་སྟེ་གསུམ་པའོ།། །།]
གཞན་ཡང་གསང་འདུས་འཕགས་ལུགས་ཀྱི་དབང་། རིམ་པ་ལྔའི་ཁྲིད། ཡེ་ཤེས་ཞབས་
ལུགས་ཀྱི་དབང་། གྲོལ་བའི་ཐིག་ལེའི་ཁྲིད། བདེ་མཆོག་ལཱུ་དྲིལ་ནག་གསུམ་གྱི་དབང་། 
ནག་པོ་རིམ་བཞི། དྲིལ་བུ་རིམ་ལྔ། ཡབ་ཀྱི་རྩ་དབུ་མ་སོགས་ཟབ་ཆོས་མང་དུ་གསན། དེ་
དུས་ཀྱི་བདེ་མཆོག་ནག་པོ་པ་དེ་གློ་བོ་མཁན་རིན་པོ་ཆེ་ནས་བརྒྱུད་པ་ཡིན། ཕྱིས་གཏིང་
ཁེབས་སུ་གནང་དུས། རྗེའི་བཀའ་ལས་ཁྱེད་རང་ལ་མཁོ་བའི་བདེ་མཆོག་ནག་པོ་ལུགས། 
པཎ་ཆེན་རིན་པོ་ཆེ་ནས་བརྒྱུད་པ། རྒྱལ་ཚབ་སེམས་དཔས་མཁན་ཆེན་བཀྲ་ཤིས་རྣམ་རྒྱལ་
ལ་གནང་། དེ་ལ་ངེད་ཀྱིས་ཞུས་པ་ཡིན་ཅིང་། ད་ལན་ཁྱེད་ལ་ཆེད་གཉེར་དུ་ཕུལ་བ་ཡིན་ནོ་
22-1-311


གསུང་བའི་བཀའ་སྩལ་ཀྱང་བྱུང་གསུང་ངོ་། །{གཞན་ཡང་[དེ་རྗེས་རྗེ་བཙུན་ཐམས་ཅད་མཁྱེན་པ། ཕ་
ཏྲཻའོ་མཇལ་བ་ལ་རིན་དཔུངས་སུ་ཕེབས། རྗེ་འདི་ཉིད།] རྗེ་འབུམ་ཕྲག་གསུམ་པ་དགེ་འདུན་ཉི་མའི་དྲུང་
དུ། [སྔར་གྱི་ཐུགས་གཉེར་གྱི་འཕྲོ་མཐུད་པ་དང་།] པཎ་ཆེན་རིན་པོ་ཆེའི་གསུང་རྩོམ་འགའ་ཞིག་གི་ལུང་། 
 འཇམ་དབྱངས་ཀུན་དགའ་བཀྲ་ཤིས་ནས་བརྒྱུད་པའི་ནཻ་གུའི་ཁྲིད། དེས་མཛད་པའི་ནཻ་
གུའི་ཁྲིད་ཡིག་གི་ལུང་སོགས་བཀའ་ཆོས་དུ་མ་གསན་ཞིང་། ཡང་ཀརྨ་པ་མི་བསྐྱོད་རྡོ་རྗེ་ལ་
སྤྱན་རས་གཟིགས་ཀྱི་སྒོམ་བཟླས་ཀྱི་ལུང་གསན། ཐུགས་ཀྱང་ཤིན་ཏུ་དགྱེས། རྗེ་དཀོན་
མཆོག་ཡན་ལག་གི་སློབ་དཔོན་དུ་ཕེབས་དགོས་ཚུལ་བྱུང་ནའང་{ཕེབས་མ་ཐུབ།[དགོངས་ཁྲོལ་
ཞུས།] དེའི་ཚབ་ཏུ་ཆོས་རྗེ་{རྣམ་[གནམ་]གྲགས་པ་བྱོན་པ་ཡིན་གསུང་ངོ་། །གཞན་ཡང་སྔ་
གོང་རྗེ་དབོན་ཤཱཀྱ་རྒྱལ་མཚན་པས། རྫོང་ཆུང་བའི་དགེ་བཤེས་ཆེན་པོ་ཆོས་རྗེ་ཤེས་རབ་
རིན་ཆེན་པ་སྤྱན་དྲངས་ནས། {མུ་སྲད་[མུས་སྲས་]པ་རྡོ་རྗེ་རྒྱལ་མཚན་ནས་བརྒྱུད་པའི་ལམ་
འབྲས་གསན་སྐབས། རྗེ་འདིས་ཀྱང་རྒྱུ་དབང་ལམ་དབང་། གུར་མགོན་ལྷ་བཅུ་གསུམ་མའི་
དབང་དང་། གུར་ཞལ་གྱི་རྗེས་གནང་ཀྱང་གསན། འབའ་ར་བ་སྤྲུལ་སྐུ་ནམ་མཁའ་རྒྱལ་
མཚན་ལ་བླ་མའི་རྣལ་འབྱོར། བྱ་བཏང་ཀུན་དགའ་རྣམ་རྒྱལ་ལ་ཕྱག་ཆེན་ལྔ་ལྡན་སྟན་ཐོག་
ཅིག་མ། ཕ་ཏྲཻའོ་ཆོས་ཀྱི་རྒྱ་མཚོ་ལ་མ་ཅིག་སྟན་ཐོག་གཅིག་མ་དང་། ཙ་རི་ཞིང་སྐྱོང་གི་རྗེས་
གནང་། འབྲུག་པ་སྤྲུལ་སྐུ་རིན་པོ་ཆེ་ལ་བླ་མའི་རྣལ་འབྱོར་དང་། ཚེ་རིང་མའི་རྗེས་གནང་
རྣམས་གསན་ནོ། །ཆུ་བར་ཉི་ཕུག་པའི་བླ་མ་སྔགས་འཆང་བསོད་ནམས་དབང་རྒྱལ་གྱི་དྲུང་
དུ། མངའ་བདག་ཉང་གི་གཏེར་མ་གུ་རུ་བྲག་དམར་གྱི་དབང་སྒྲུབ་ཐབས། གཟའ་དབང་
གཟའ་སྲུང་སོགས་ཀྱང་གསན་ནོ། །དེ་ནས་[བསྙེན་པར་རྫོགས་པ་གནང་ཚུལ་ནི།] མཁས་པའི་དབང་
པོ་འདུལ་བ་འཛིན་པ་ཆེན་པོ་རྗེ་ལྕང་ར་བ་བློ་གྲོས་བཟང་པོས་མཁན་པོ་མཛད། རྗེ་འབུམ་
ཕྲག་གསུམ་པ་དགེ་འདུན་ཉི་མས་ལས་ཀྱི་སློབ་དཔོན། ཆོས་རྗེ་དཔལ་མཆོག་བཟང་པོས་
22-1-312


གསང་སྟོན་མཛད་དེ། ཁ་སྐོང་གི་དགེ་འདུན་གྲངས་ཚང་བ་དང་བཅས་པའི་དབུས་སུ་བསྙེན་
པར་རྫོགས་པ་དགེ་སློང་གི་སྡོམ་པ་ལེན་པར་མཛད་དེ། བསླབ་པའི་གནས་ཕྲ་ཞིང་ཕྲ་བ་ལ་
ཡང་མིག་འབྲས་བཞིན་དུ་གཅེས་པར་བསྐྱངས་ཤིང་། ཉེས་པའི་སྐྱོན་གྱིས་མ་གོས་པའི་སྡོམ་
བརྩོན་དམ་པ་ངུར་སྨྲིག་འཛིན་པའི་མཆོག་ཏུ་གྱུར་ཏོ། །
འདིར་སྨྲས་པ། འདི་ན་སྡོམ་བརྩོན་འཇིག་རྟེན་རྒྱན། །ཚུལ་ཁྲིམས་ཡོན་ཏན་ཐམས་
ཅད་ཀྱི། །གཞི་དང་ས་གཞི་ཡིན་ཞེས་གསུང་། །ཉེས་པའི་ལས་ལ་ཆུ་ལོན་མཚུངས། །དགེ་
སློང་སྔགས་འཆང་དཀའ་ཐུབ་ཅན། །སྙིང་རྗེས་འགྲོ་བའི་དོན་སྤྱོད་པ། །འཇིག་རྟེན་གསུམ་
པོ་འདི་དག་ན། །འགྲོ་བའི་སྒྲོན་མ་དེ་གཅིག་པུ། །གང་ཞིག་མཐོང་བས་ལྷ་མིན་ཀུན། །ས་
འོག་འབྲོས་འགྱུར་ངུར་སྨྲིག་རྟགས། །འཛིན་བྱེད་བག་མེད་མ་བསྡམས་པ། །དེ་དག་ཐུབ་
པའི་བསྟན་ལས་ལོག །ཐུན་མཚམས་སྣང་བས་འཁྱུད་པའི་བླ་གོས་ཀྱི། །ངུར་སྨྲིག་ཕང་ཕུང་
མཛེས་པའི་ཆུ་འཛིན་ཕྲེང་། །གང་སྐུའི་མཁའ་ལ་རྣམ་པར་བཀོད་པ་འདིས། །འཇིག་རྟེན་
གསུམ་གྱི་མཛེས་པ་ཐམས་ཅད་ཕྲོགས། །
རབ་གསལ་ནོར་བུའི་ཁྲིད་བཅས་གཞལ་མེད་ཁང་པར་ཨུཏྤལ་མིག་ཅན་དག་ལ་དགའ་
བར་རོལ་བའང་གཞན་དུ་སྣང་། །ཁྲོ་གཉེར་སྤྲིན་ནག་ལས་བྱུང་རོ་འཛིན་གློག་ཕྲེང་དྲག་པོའི་
སྒྲ་ལྡན་གཞན་འཕྲུལ་སྡེར་བཅས་འཇོམས་པའང་ལ་ལར་ཏེ། །ཁ་ཅིག་ཏུ་ནི་ཞི་བའི་རོ་ལ་
དགྱེས་པའི་ཟོལ་གྱིས་ནགས་ནང་ཡིད་འོང་ལོ་བརྒྱར་བརྟེན་པའི་ཚུལ་ལ་སྤྱོད། །ཁྱོད་ཀྱི་སྤྲུལ་
པ་སྒྱུ་མ་འདི་ལ་མང་དུ་བརྗོད་པས་ཅི་ཞིག་བྱ་སྟེ་འགྲོ་བའི་བསམ་པ་ཇི་བཞིན་འཇུག །ཆུ་
མཚོའི་གྲངས་བཞིན་སྣ་ཚོགས་རྟགས་འཆར་བའི། །ཟླ་བརྙན་ཕ་མཐའ་སུ་ཡིས་བགྲང་བར་
སྤྱོད། །ཁྱོད་ཞབས་ཟླ་རིས་ཉམས་མེད་ཡིད་ཀྱི་མཁར། །རྒྱུ་བ་དེ་ལའང་དད་པས་ཕྱག་འཚལ་
ལོ། །
22-1-313


སྐབས་ཤིག་ཏུ་རོག་ཚོར་སྐུ་ཉེའི་སྟབས་ཟླ་བ་ཁ་ཅིག་བཞུགས་རིང་འདུལ་བ་ལུང་ལ་
གཟིགས་རྟོག་གནང་། སླར་གསེར་མདོག་ཅན་དུ་ཕེབས་ནས། སྤྱིར་འདུལ་བའི་རྣམ་གཞག
ཁྱད་པར་སོ་སོའི་བསླབ་བྱ། གླེང་གཞི་འཕྲོས་དོན་སོགས་ཞིབ་རྒྱས་ཀྱི་བཤད་པ་མཛད་པས། 
མཁན་སློབ་དགེ་འདུན་སོགས་ཐམས་ཅད་ཞལ་མཐུན་པར་འདུལ་བ་འཆད་མཁན་མང་སྟེ་
འདི་ལྟ་བུ་དཀོན་ཞེས་ངོ་མཚར་གྱི་གནས་སུ་འཛིན་སྐད། དེ་ནས་ཡུན་རིང་མ་ལོན་པར། རྗེ་
འདི་གྲྭ་ཚང་ཆེན་མོའི་སློབ་དཔོན་ལ་བསྐོ་བཞག་མཛད། བསྟན་པའི་རྒྱུན་ལ་དགོངས་པའི་
འཆད་ཉན་ཤིན་ཏུ་འཕེལ་ཤིང་། སློབ་མའི་ཚོགས་ཀྱང་བཀའ་བཅུ་རབ་འབྱམས་མང་དག་
དང་། མཁན་རིན་པོ་ཆེ་ལུང་རིགས་རྒྱ་མཚོ་སོགས་འགྲོ་བའི་འདྲེན་པ་མང་དུ་བྱུང་ངོ་། །{རྗེ་
བཙུན་གྲོལ་མཆོག་[དེ་ཡང་རྗེ་བཙུན་ཐམས་ཅད་མཁྱེན་པ་]ལ། ཕུ་ཕག་སྤྱི་ཁང་དུ། རྒྱ་སྒོམ་རིན་པོ་ཆེ་
དང་། པཎ་ཆེན་རིན་པོ་ཆེ་གཉིས་ཀ་ལས་བརྒྱུད་པའི་ལྗགས་བསམ་ཆུ་བོ་གཉིས་འདུས་ཀྱི་ནཻ་
གུ་གསན་ཏེ། ཐོག་མར་རྒྱུད་སྡེ་ལྔ་ཡོངས་རྫོགས་ཀྱི་དབང་། སྒྱུ་ལུས་དབང་མོ་ཆེ། ཆོས་དྲུག་
སོ་སོའི་བྱིན་རླབས་དང་བཅས་[པའི་]དམིགས་ཁྲིད་རྒྱས་པ། ཕྱག་ཆེན་གའུ་མ། ལམ་འཁྱེར་
རྣམ་གསུམ། མཁའ་སྤྱོད་དཀར་དམར། འཆི་མེད་འཆུག་མེད་སོགས་སོ་སོའི་བྱིན་རླབས་
རྣམས་དང་བཅས་པ། ཕྱག་དྲུག་པ་དང་། མགོན་དཀར་ཡིན་བཞིན་ནོར་བུའི་རྗེས་གནང་
སོགས་ཆོས་སྐོར་ཡོངས་སུ་རྫོགས་པ་དང་། པཎ་ཆེན་རིན་པོ་ཆེ་ནས་བརྒྱུད་པའི་གསུང་
ངག་རིན་པོ་ཆེ་ལམ་འབྲས་བུ་དང་བཅས་པའི་གདམས་པ་ཡོངས་སུ་རྫོགས་པར་གསན་ཅིང་། 
 དེ་དུས་[རྗེ་འདི་ཉིད་སོགས་ཀྱིས་གསོལ་བ་བཏབ་ནས། ལམ་འབྲས་བཀའ་འགྲེལ་སྦས་དོན་གནད་ཀྱི་སྡེ་མིག་སྐལ་
ལྡན་ཡིད་ཀྱི་ངལ་གསོ་འདི་ཉིད་ཐུགས་རྩོམ་ཀྱང་གནང་བ་ཡིན་ནོ། །དེ་སྐབས་ཀྱི་]ལྟ་བའི་སྐབས་པཎ་ཆེན་རིན་པོ་
ཆེའི་དགོངས་པ་ལྟར་ཆོས་ཚན་བརྒྱ་ཚར་གསུངས་པའི་འཁོར་འདས་དབྱེར་མེད་ཀྱི་སྐབས་
རྣམས་ལ་མཐའ་གཅོད་ཀྱི་ཞིབ་བསེད་རྒྱས་པར་གནང་། [ཕྱིས་གཞན་དུ་གནང་བ་འགའ་ཞིག་ལ་ནི་
22-1-314


གདུལ་བྱ་སོ་སོའི་བསམ་པ་ལ་དགོངས། ས་སྐྱ་པ་གོང་མ་རང་གི་གསུང་རྒྱུན་སོར་གཞག་གནང་གསུང་ངོ་།།] དེ་ནས་[རྗེ་འདི་
]ལོ་འགའ་ཞིག་གི་བར་ལ་གྲྭ་ས་དེ་ཀར་འཆད་ཉན་མཛད་ཅིང་བཞུགས[པའི་]། སྐབས་ཤིག་
རིན་སྤུངས་ནས་[སྡེ་སྲིད་]དཔོན་བློན་གྱི་དགོངས་བཞེད་ཀྱི་བཀའ་ཕེབས་ལྟར་ཁའུ་སྐྱེད་ལྷས་
ཀྱི་གདན་ས་ལ་ཕེབས་སྒོ་དོད། དེ་སྐབས་འབྲུག་པ་སྤྲུལ་སྐུ་རིན་པོ་ཆེ་དང་མཇལ། གནང་
བྱིན་བདུན་ཚན་ཞིག་གནང་ཅིང་། ཁྱེད་ལྟ་བུའི་སྐྱེས་བུ་ཙམ་ལ་བླ་མའི་གདན་ས་ཡིན་པ་མ་
གཏོགས་ཁའུ་སྐྱེས་ལྷས་ཀྱི་གདན་སར་ཕེབས་པ་བས། འདི་ཁར་བཞུགས་ནས་འཆད་ཉན་
མཛད་ན་སངས་རྒྱས་ཀྱི་བསྟན་པ་ལ་ཕན་ཆེ་བ་ཡིན་གསུང་ངོ་། །དེ་ནས་ཡར་ལམ་ངོར་དུ་
ཕེབས་ནས། རྟེན་མཇལ་ཞིབ་རྒྱས་[དང་གསོལ་འདེབས་སྨོན་ལམ་སོགས་]གནང་། ཁྱད་པར་{རྗེ་
[མཁྱེན་རབ་ཀྱི་དབང་ཕྱུག་]དཀོན་མཆོག་ལྷུན་གྲུབ་ཀྱི་དྲུང་དུ་ཆེད་གཉེར་གྱིས་མཇལ། རྩེ་གདོང་
བདག་ཆེན་རིན་པོ་ཆེ་ཀུན་དགའ་བསམ་གྲུབ་པ་དང་ལྷན་ཅིག་ཏུ་ཕྱག་རྡོར་འཁོར་ཆེན་གྱི་
དབང་གསན་སྐབས། [ད་ལན་གྱི་]དབང་འདིའི་ཞུ་བ་པོ་གཙོ་བོ་ཁྱེད་ཡིན་པས་གསུང་། དབང་
རྫས་རྣམས་ཀྱང་རྗེ་འདི་ཉིད་ལ་གནང་། དབྱངས་ཅན་མའི་རྗེས་གནང་དང་། མི་འཁྲུགས་
པ་ལྷ་དགུའི་དབང་ཡང་གསན། ཕྱིས་[བཀའ་]ཆོས་ཐུགས་བཞེད་གང་ཡོད་བསྒྲུབ་པས། ཅིས་
ཀྱང་བྱོན་ཅིག་གསུང་[ཐུགས་དགེ་དགེས་གནང་]། དེ་ནས་སྐྱེད་ལྷས་སུ་ཕེབས་ཏེ། རིན་སྤུངས་ནས། 
[བཀོད་ཇ་]ཁྲི་སྟོན་སོགས་རྒྱས་པ་དང་བཅས། དཔལ་མཐུ་སྟོབས་ཀྱི་དབང་ཕྱུག་ཀུན་བཟང་
ཆོས་ཀྱི་ཉི་མའི་རྒྱལ་ཚབ་ཏུ་མངའ་གསོལ། དེ་མཐུན་ཀུན་སྤངས་རྗེའི་དགོན་པའི་ཆ་ལག་ཏུ་
གཏོགས་པ། ལྕེན་ལུང་གི་དགོན་པ་བྱམས་གླིང་། དགེ་དཔལ། རྨ་བྱའི་ཆོས་སྡེ་སོགས་ཞལ་
འཛིན་མཛད་དེ། བླ་མ་དེའི་དགོངས་པ་རྫོགས་ཐབས་ལ་དམིགས་ཏེ་ལུགས་གཉིས་ཀའི་སྒོ་
ནས་སྐྱོང་བ་གནང་། ཁྱད་པར་ཁའུའི་སྒྲུབ་གནས་དམ་པར་བླ་མ་གོང་མ་རྣམས་ཀྱི་ཐུགས་
དམ་གྱི་མཐིལ་དང་། དཔལ་མགོན་[ཆེན་པོ་]འདིའི་སྒོས་ཀྱི་ཡི་དམ་དུ་འདུག་པ་ནས། གསང་
22-1-315


འདུས་འཇམ་པའི་རྡོ་རྗེའི་གསུང་བསྙེན་ཁ་སྐོང་དང་བཅས་པ[གནང་ཞིང་]། སྒྲུབ་སྡེ་པ་རྣམས་
ལ་དབང་དང་། གྲོལ་བའི་ཐིག་ལེའི་ཁྲིད་སོགས་གནང་ནས། ཀུན་སྤངས་རིན་པོ་ཆེའི་དུས་
ཆེན་ལ་ལོ་རེ་བཞིན་སྒྲུབ་མཆོད་ཆོ་ག་རྒྱས་པར་གནང་ཞིང་། གཙོ་བོ་ནི་ཐུགས་དམ་སྒྲུབ་པ་
ལ་བརྩོན་པར་མཛད་དོ། །
དེ་ནས་ཡང་སྐབས་ཤིག་ཏུ། རྗེ་བཙུན་[ཐམས་ཅད་མཁྱེན་པ་]གཏིང་ཁེབས་མཁར་ཆེན་དུ་
ཕེབས་པ་དགོངས་ནས་མཇལ་དུ་བྱོན་པ་ན། རྗེ་བཙུན་དམ་པ་དེ་ཉིན་རང་བྱང་ཕྱོགས་ལ་
ཆིབས་ཁ་བསྒྱུར་བ་གནང་རྒྱུར་འདུག་པས། ཕེབས་གོང་ཕྱག་མཇལ་གནང་སྐབས། {ས་
སྐྱོང་[སྡེ་སྲིད་]ཡབ་སྲས་ཀྱང་སྐུ་གཞོགས་ན་བཞུགས་འདུག་པ་ལ། [རྗེའི་]བཀའ་ལས། དེ་རིང་
ངེད་ཐུབ་བསྟན་རིན་ཆེན་གླིང་དུ་སླེབ་པ་འགྲོ་རྩིས་ཡིན། ཆོས་རྗེ་རང་འདི་ཕྱོགས་འབྱོན་
པ་དང་ཡོན་མཆོད་མཇལ་བའི་ཐོག་མ་ཡིན་པས། ཁྱེད་རང་ཡོན་མཆོད་ད་ལན་འདི་རང་དུ་
ཐུགས་འགོལ་བ་མཛད་ནས་བཞུགས། སང་ཉིན་ཆོས་རྗེ་པ་རང་ངེད་ཀྱི་ཚ་སྟེང་དུ་སླེབ་པ་
བྱོན་གསུང་བའི་བཀའ་སྩལ་ལྟར། དེ་ནུབ་མཁར་ཆེན་རང་དུ་བཞུགས[ཏེ། ས་སྐྱོང་མིའི་དབང་པོ་
ཀུན་དགའ་འཆི་མེད་དབང་པོའི་སྡེ་ཉིད་ཀྱི་གཞི་ལེན་གཟབ་རྒྱས་དང་། ཕན་ཚུན་ཐུགས་བག་ཕེབས་པའི་གསུང་གླེང་སོགས་
ལེགས་ཚོགས་ཀྱི་སྒོ་དུ་མ་སྩོལ་བར་མཛད]། སང་ཉིན་སྔ་བར་ཕེབས་ཏེ་ཐུབ་བསྟན་རིན་ཆེན་གླིང་ནས་
ཕྱག་ཕྱི་བཟུང་། ཕུལ་བྱུང་བར་ཕེབས་སྐྱེལ་མཛད། སླར་རྗེ་འདིས། ས་སྐྱར་ལས་ཆེན་ཡེ་
ཤེས་ལྷུན་གྲུབ་ལ་སྔར་མ་གསན་པའི་པཎ་ཆེན་རིན་པོ་ཆེའི་བཀའ་འབུམ་འགའ་ཞིག་ཀྱང་
གསན། ཡང་བཟང་ལྡན་ཆོས་སྡེར། [རྗེ་བཙུན་ཐམས་ཅད་མཁྱེན་པ་]འཇམ་མགོན་གྲུབ་པའི་དཔའ་
བོ་དཔལ་ལྡན་ཀུན་དགའ་གྲོལ་མཆོག་བློ་གསལ་རྒྱ་མཚོའི་སྡེ་ཉིད་ཀྱིས། ཆོས་ཀྱི་འཁོར་ལོ་
རྒྱ་ཆེན་པོ་བསྐོར་བ་གནང་རྒྱུའི་སྙན་པ་གསན་པས། རྗེ་འདི་ཉིད་ཐུགས་དད་མོས་ལྷག་པར་
ཆེ་བའི་སྟོབས་ཀྱིས་མྱུར་ཤད་དུ་ཕེབས། ཞབས་དྲུང་དུ་མཇལ་མ་ཁད་རྗེ་བཙུན་རིན་པོ་ཆེའི་
22-1-316


གསུང་ནས། ད་ལན་མི་གཅིག་སླེབ་པ་ལ་ཁྱེད་སླེབ་པ་ལས་ཡིད་དགའ་བ་མ་བྱུང་གསུང་
ཐུགས་དགྱེས་དགྱེས་གནང་། བླ་མ་སློབ་དཔོན་ཉི་ཤུ་ཙམ་གྱིས་གཙོ་མཛད། དགེ་འདུན་བཞི་
བརྒྱ་ལྷག་ཙམ་ལ། གསུང་ངག་རིན་པོ་ཆེ་ལམ་འབྲས་ཤིན་ཏུ་རྒྱས་པ་ལུང་ཁྲིད་བྱིན་རླབས་
ཡོངས་རྫོགས་དང་བཅས་པ་དང་སྒྲུབ་པ་ལུང་སྦྱིན་{གྱིས་མཐའ་བརྟེན་པ་[སོགས་ཡོངས་སུ་རྫོགས་
པར་]གསན་ཞིང་ཐུགས་སུ་ཆུད་པར་མཛད། རྗེ་བཙུན་རིན་པོ་ཆེའི་བཀའ་ལས་ཀྱང་། ད་ལན་
ལམ་འབྲས་ཀྱི་སྐོར་རང་རེས་ཐོབ་པ་ཤོག་བུ་གཅིག་ཀྱང་མ་ལུས་པར་ཕུལ་ཡོད་གསུང་ཞིང་། 
 ཁྱད་པར་རྗེ་འདི་ཉིད་ལ་གསང་སྟབས་ཀྱི་ཚུལ་དུ་གུར་ལྷ་བརྒྱད། དཔལ་མགོན་ཞལ་གྱི་
བསྙེན་དུས། སྒྲུབ་དུས། ལས་སྦྱོར། གདོང་བརྙན་ཅན་རིགས་གཉིས་རྣམས་ཀྱི་རྗེས་གནང་། 
 བྲམ་ཟེའི་རིག་གཏད། ལས་བཞིའི་མགོན་པོའི་རྗེས་གནང་རྣམས་གནང་ནས། ད་ལན་གྱི་
ལམ་འབྲས་སོགས། ཆོས་སྐོར་འདི་རྣམས། ཆོས་སྐྱོང་གི་འཕྲིན་ལས་བསྒྲུབས་པས་བར་ཆད་
མེད་པར་མཐར་ཕྱིན་པ་འདི་ཉིད། ཁྱེད་རང་ལ་ཆོས་བདག་པོའི་ལག་ཏུ་འཕྲོད་པ་ཡིན་པས་
གཞན་ཕན་རྒྱ་ཆེན་པོ་མཛད་དགོས་སོ། །ཞེས་བཀའི་གནང་བ་སྦྱིན་པར་མཛད་དོ། །
འདིར་སྨྲས་པ། མཐའ་དག་རྒྱུད་སྡེའི་ངེས་གསང་རིན་ཆེན་ཕྲེང་། །གང་འདིའི་མགུལ་
པར་བཀོད་ལ་ངོ་མཚར་ཅི། །ནོར་ནུའི་གླིང་ནས་འཆིང་བུ་ལེན་བྱེད་ལྟའི། །བྱིས་པའི་རྨོངས་
པ་མཁས་པར་བཀུར་འདི་མཚར། །ཁྱོད་ཐུགས་རྒྱ་མཚོར་ངེས་གསང་ཆུ་ཀླུང་ཀུན། །ཡངས་
དོགས་མེད་པར་ཆུད་འདི་ཆོས་ཉིད་ལགས། །མ་ལུས་སྲིད་ཞི་ཐུགས་ཀྱི་ནང་སོན་ཡང་། །ཐོས་
པ་ཕྱི་རོལ་ཚོལ་འདི་ཡ་མཚན་ཏོ། །སྲས་ཀྱི་ཐུ་བོར་གཅེས་པ་ཀུན་སྩོལ་བ། །འདི་ནི་ཀུན་གྱི་
ལུགས་ཏེ་མཚར་ཅི་ཡོད། །ཡོན་ཏན་ཀུན་གྱིས་མཛེས་པའི་ལང་ཚོ་མར། །མི་གུས་ངན་པར་
མོས་པའི་དཔྱོད་ལྡན་མཚར། །
དེ་སྐབས་{བདག་པོ་[བྱང་ནས་ཆོས་རྒྱལ་]ནམ་མཁའ་ཚེ་དབང་རྡོ་རྗེ་[ཡབ་སྲས་ཀྱིས་གཞི་བྱེས་ཀྱི་བླ་
22-1-317


མ་སློབ་དཔོན་བཀའ་བཅུ་རབ་འབྱམས་ཀྱི་ཚོགས་ལ་ཆོས་སྟོན་རྒྱ་ཆེར་གནང་བའི་]བཞུགས་གྲལ་[ཆེན་མོ་]ཞིག་[ཐོག་
]ལ། [ཆོས་རྒྱལ་ཆེན་པོའི་བཀའ་ལས་]རྗེ་འདི་ལ་ཆོས་རྗེ་ཁའུ་བས་དམ་[པ་ཆོས་ཀྱི་འཕྲོས་དོན་དམ་]བཅའ་
ཞིག་མཛོད་ལ། དེ་རིང་འདིར་[ཆོས་ཀྱི་]འབེལ་གཏམ་གྱིས་གསུང་བ་ལྟར། རྗེ་འདིས་ཀྱང་ཕར་
ཚད་འདུལ་མངོན་སྡོམ་རིག་སོགས་ལ། འགྲེལ་བཤད་སོ་སོའི་འཕྲོས་དོན་དམ་འཆའ་རྒྱ་
ཆེར་གནང་སྐབས། གོང་ནས་བདག་པོའི་གསུང་ལས་བཤད་པ་བྱེད་ལུགས་དང་། ན་ཚོད་ལ་
བལྟས་ན་སྦག་སྦུག་ཏུ་སྡོད་པ་ཕངས་པ་རང་འདུག་ཅེས་སོགས། དེར་འདུས་ཀུན་གྱི་དབུས་
སུ་བསྔགས་བརྗོད་ཆེ་བར་མཛད་ཅེས་གྲགས་ལ། དེ་སྐབས་[ཆོས་]རྗེ་བློ་གྲོས་རྣམ་རྒྱལ་བ་
སོགས་ཀྱིས་ལན་འདེབས་ཀྱི་འབེལ་གཏམ་གནང་། སླར་སྐྱེས་ལྷས་བྱམས་གླིང་སོགས་སུ་
བཀའ་ཆོས་ཕྲན་ཚེགས་གནང་ནས། དཔལ་འཁོར་བདེ་ཆེན་དུ་ཕེབས་ཏེ། མཁན་རིན་པོ་
ཆེ་བཀྲ་ཤིས་རྣམ་རྒྱལ་བའི་དྲུང་དུ། གཤེད་དམར་ལྷ་ལྔའི་དབང་དང་། ཤིན་ཏུ་སྤྲོས་མེད་
ཀྱི་ཁྲིད་ལ་སོགས་པ་ཆོས་ཚུལ་མཐའ་ཡས་པ་གསན། ཇོ་ནང་དུ་རྗེ་བཙུན་དམ་པའི་དྲུང་དུ་
དབང་གོང་མ། ཇོ་ནང་ཕྱོགས་ལས་རྣམ་རྒྱལ་བས་མཛད་པའི་སྦྱོར་དྲུག་གི་ཁྲིད་ལུང་སོགས་
གསན་ཅིང་། སླར་གཏིང་ཁེབས་སུ། རྗེ་བཙུན་དེ་ཉིད་ལ། གཤེད་དམར་ལྷ་ལྔའི་དབང་། 
 དེའི་བསྐྱེད་རིམ་སེམས་འཛིན་དང་བཅས་པ། རྫོགས་རིམ་ཤིན་ཏུ་སྤྲོས་མེད་ཀྱི་ཁྲིད། སོ་
སོའི་བྱིན་རླབས་རྣམས་དང་། རྒྱ་བོད་ཀྱི་ཡིག་ལུང་མང་པོ། གྲུབ་ཆེན་དཔལ་འཛིན་གྱིས་
མཛད་པའི་རྣལ་འབྱོར་བཞི་རིམ། དེའི་ཁྲིད་ཡིག་གློ་བོ་ལོ་ཙཱ་བས་མཛད་པ་སོགས་སྤྲོས་མེད་
ཀྱི་ཆ་ལག་ཡོངས་སུ་རྫོགས་པ་གསན་ཅིང་། དེ་སྐབས་རྗེ་བཙུན་མཆོག་གི་བཀའ་ལས། ཆོས་
རྗེ་ཁའུ་བས། འདི་ནས་ཁའུར་བྱོན་འཕྲལ་སྤྲོས་མེད་ཀྱི་ཁྲིད་འདི་བཤོད་དགོས་སོ་གསུང་བ་
ལྟར། རྗེ་འདིས་ཀྱང་ཕེབས་འཕྲལ་གཤེད་དམར་ལྷ་ལྔའི་གསུང་བསྙེན་མཛད་ནས། དེ་གྲོལ་
མཚམས་སྒྲུབ་སྡེ་སོགས་ལ་དབང་ཁྲིད་སྔར་གང་གསན་པའི་རིམ་པ་ཇི་ལྟ་བ་ལྟར་གནང་།  །
22-1-318

 
གཞན་ཡང་ཀྱཻ་རྡོ་རྗེའི་གཞི་བསྙེན་ཁ་སྐོང་དང་བཅས་པ་ཡོངས་སུ་རྫོགས་པ་འཕགས་པ་
བྲག་ཁུང་གི་གནས་མཆོག་ཁྱད་པར་ཅན་དེ་ཉིད་དུ་མཐར་ཕྱིན་པར་མཛད་ནས། སླར་བྱམས་
གླིང་དུ་ཕེབས་ཏེ་གྲྭ་རིགས་སྦྱིན་བདག་སོགས་སོ་སོའི་འདོད་པ་དང་མཐུན་པར་དབང་བྱིན་
རླབས་སོགས་རིམ་པར་སྩོལ་བར་མཛད་པའི་སྐབས་ཤིག་གཏིང་ཁེབས་ནས། མི་དབང་[ཆོས་
ཀྱི་རྒྱལ་པོ་]ཀུན་དགའ་འཆི་མེད་དབང་པོའི་སྡེས། དགའ་ལྡན་རྩེའི་འཆད་ཉན་དང་། གསེར་
གླིང་ཆོས་སྡེའི་གདན་ས་ལ་སྤྱན་དྲངས་ཏེ། 
རྗེ་འདི་ཉིད་དགུང་ལོ་ཞེ་གཅིག་ཏུ་ཕེབས་པ་སྟག་གི་ལོ་ལ་ཐོག་མར་གསེར་གླིང་ཆོས་
སྡེར། རྗེ་འཇམ་པའི་དབྱངས་ཀུན་དགའ་བཀྲ་ཤིས་པའི་རྒྱལ་ཚབ་དམ་པར་མངའ་གསོལ། 
དེ་ནས་དགའ་ལྡན་རྩེའི་དགུན་ཆོས་སྟེང་དུ་ཕེབས་པ་གནང་ནས་སྤྱིར་བསྟན་པའི་རྒྱུན་དང་། 
ཁྱད་པར་བླ་མ་གོང་མ་རྣམས་ཀྱི་ཐུགས་ཀྱི་དགོངས་པ་རྫོགས་ཐབས་ལ་དགོངས། པཎ་ཆེན་
ཆོས་ཀྱི་རྒྱལ་པོའི་གསུང་རྒྱུན་དྲི་མ་མེད་པ། སློབ་དཔོན་མཁས་པའི་ཕྱག་བཞེས་ལྟར་དགུན་
ཆོས་ཀྱི་སྟེང་། སྤྱི་ཆོས་ལ་གཙོ་བོར་ཕར་ཚད་གཉིས། སྟོན་དཔྱིད་གཉིས་ལ་སྡོམ་རིག དབུ་མ་
རྩ་འཇུག་སོགས་དང་། དབྱར་ཆོས་ལ་འདུལ་མངོན་གཉིས་གཙོ་བོར་མཛད་ཅིང་། གཞན་
ཡང་སྤྱོད་འཇུག བྱམས་ཆོས་སྡེ་ལྔ་སོགས་ལ་སྔ་ཕྱིའི་མཁས་གྲུབ་སོ་སོའི་བཞེད་སྲོལ་མ་
འདྲེས་པ་དང་། བསྟན་བཅོས་མཛད་པ་པོ་དེ་དག་གི་དགོངས་པ་སོ་སོར་བླངས་ནས། རང་
ལུགས་ཀྱི་གྲུབ་པའི་མཐའ་རྒྱ་མཚོ་ལྟ་བུ་ལ་འགོད་པར་མཛད་པ་ནི། དགུན་ཆོས་གཉིས་ཀྱི་
སྔ་དྲོའི་སྤྱི་ཆོས་ལ། རྣམ་འགྲེལ་ཊཱི་ཀ་ཀུན་བཟང་རོལ་མཚོ། རྟོག་གེའི་འཁྲུལ་འཇོམས་ཆེན་
མོ། དཀའ་འགྲེལ་རིག་པའི་སྣང་བ། རྣམ་བཤད་རྟོག་གེའི་སྙིང་པོ་རྣམས་གཙོ་བོར་བཞག་
པའི་མཐའ་དཔྱོད་རྒྱས་པ་དང་། དགུང་མོའི་སྤྱི་ཆོས་ལ་ཕར་ཕྱིན། འགྲེལ་པ་དོན་གསལ། 
རོང་ཊཱིཀ་ལུང་རིགས་རོལ་མཚོ། ལུང་ཆོས་རྒྱ་མཚོའི་སྙིང་པོ། བཞེད་ཚུལ་རྒྱ་མཚོའི་རྦ་རླབས་
22-1-319


ཀྱི་ཕྲེང་བ། སྦྱོར་ཕྲེང་གནད་ཀྱི་སྒྲོན་མེ། ལུས་དང་ཡན་ལག་རྒྱས་པར་བཤད་པ་ལུང་དོན་རྒྱ་
མཚོ་སོགས་ཀྱི་སྟེང་ནས་གཙོ་བོར་[བཞག་པའི་]རྒྱས་བཤད་དང་། གཏོང་ཆོས་ལ་སོ་སོའི་བློ་
ཚོད་ཀྱི་རིམ་པ་དང་མཐུན་པར་རྟགས་རིགས་བློ་རིགས་སོགས་རྟོག་སྙིང་སྟེང་ནས་དང་། 
ཐལ་ཕྲེང་རིག་པའི་ཆུ་གཏེར། ཀུན་བཟང་རོལ་མཚོ་སོགས་གཙོ་བོར་བཞག་པའི་རྗེ་རང་ཉིད་
ཀྱི་གསུང་རྩོམ་གྱིས་བརྒྱན་པའི་མཐའ་གཅོད། ཕར་ཕྱིན་ལ། ཐལ་ཕྲེང་དབང་པོའི་རྡོ་རྗེ། 
ལུང་གི་ཆུ་གཏེར། རྗེ་རང་ཉིད་ཀྱི་གསུང་རྩོམ་དང་ལུང་ཆོས་སྙིང་པོ། རོང་ཊཱིཀ་སོགས་སོ་
སོའི་སྐབས་ཐོབ་ཀྱི་དགག་སྒྲུབ་ཀྱི་མཐའ་གཅོད་འབྲུ་གཉེར་བའི་བཤད་པ་རྒྱས་པར་མཛད་
དེ། གྲུབ་མཐའི་གནད་མ་འཆུགས་པར་འདོམས་པར་མཛད་དོ། །དཔྱིད་ཆོས་ཟླ་བ་གསུམ་གྱི་
རིང་། དབུ་མ་འཇུག་པ། དེའི་རང་འགྲེལ། ཊཱི་ཀ་ངེས་དོན་གནད་ཀྱི་སྒྲོན་མེ། སྟོང་ཐུན་ཆེན་
མོ་དབུ་མ་རྣམ་པར་ངེས་པ། སྟོང་ཐུན་དབང་པོའི་རྡོ་རྗེ། འཇུག་པའི་ལྟ་ཁྲིད་ཚངས་དབྱངས་
ང་རོ་སོགས་ཀྱི་སྟེང་ནས་མཐའ་གཅོད་རྒྱས་བཤད། དབུ་མ་རྩ་བ་ཤེས་རབ་ལ། ཊཱི་ཀ་སྐལ་
བཟང་འཇུག་ངོགས། སློབ་དཔོན་ཟླ་གྲགས་ཀྱིས་མཛད་པའི་དབུ་མའི་འགྲེལ་པ་ཚིག་
གསལ་སོགས་ཀྱི་སྟེང་ནས་རྒྱས་བཤད་དང་། སྡོམ་གསུམ་ལ་ཊཱི་ཀ་བསྟན་པའི་སྒྲོན་མེ། 
དོགས་གཅོད་ལེགས་བཤད་གསེར་གྱི་ཐུར་མ་ཆེ་ཆུང་གཉིས། མུས་པ་རབ་འབྱམས་པ་
ཐུགས་རྗེ་དཔལ་བ་དང་། བྱ་པ་སྐལ་བཟང་ཆོས་ཀྱི་རྒྱ་མཚོ། གློ་བོ་ཆོས་རྗེ་བློ་གྲོས་རྒྱལ་
མཚན་པ་སོགས་ཀྱི་དྲིས་ལན་ཆེ་ཆུང་རྣམས་དང་། ཚད་ཐུབ་འགྲེལ་ཆེན་བཞི་སོགས་ཀྱི་སྟེང་
ནས་མཐའ་གཅོད་རྒྱས་པར་མཛད། རིག་གཏེར་ལ་རང་འགྲེལ་དང་། སྡེ་བདུན་ངག་གི་རོལ་
མཚོ། སྡེ་བདུན་བང་མཛོད་གནད་ཀྱི་ལྡེ་མིག་སོགས་གཙོ་བོར་བཞག་པའི་མཐའ་གཅོད། 
དབྱར་དུས། སྔ་ཆོས་ལ་མངོན་པ་མཛོད། མཆིམས་བསམ་གཏན་བཟང་པོའི་ཊཱི་ཀ་དང་། རོང་
ཊཱིཀ་ཤེས་བྱ་རབ་གསལ། མཐའ་གཅོད་པཎ་ཆེན་རིན་པོ་ཆེས་མཛད་པའི་བྱེ་བྲག་བཤད་
22-1-320


མཚོ་ཆེན་མོ། རྒྱབ་རྟེན་མཛོད་ཀྱི་རང་འགྲེལ་སོགས་[ཀྱི་སྟེང་ནས་]གནང་། [འདུལ་བ་]མདོ་རྩ་ལ། 
བྱ་འདུལ། རྒྱ་འདུལ། ཤ་མི། མཚོ་སྣ་པ་རྣམས་ཀྱི་ཊཱི་ཀ་དང་མཆན་བུ་སྣ་ཚོགས་པ་དང་། པཎ་
ཆེན་རིན་པོ་ཆེའི་བཀའ་འགྲེལ་ཉི་མའི་ཤིང་རྟ། བསླབ་བྱ་ཆེན་མོ་དཔག་བསམ་འདོད་འཇོ། 
བསླབ་བྱ་ཆུང་བ་ཟླ་བའི་ཤིང་རྟ། སློབ་དཔོན་ཆོས་ཀྱི་བཤེས་གཉེན་གྱི་རྒྱ་ཆེར་འགྲེལ། ཀརྨ་
ཤ་ཏཾ་དེའི་ཊཱི་ཀ་བ་དན་དཀར་པོའི་ཕྲེང་བ། བུ་སྟོན་རིན་པོ་ཆེ་དང་། སྐྱོར་མོ་ལུང་པ་བསོད་
ནམས་ཚུལ་ཁྲིམས་ཀྱིས་མཛད་པའི་གླེང་འབུམ། གཞན་ཡང་དགེ་ཚུལ་གྱི་ཀཱ་རི་ཀ་ལྔ་བཅུ་པ། 
སུམ་བརྒྱ་པ་རྣམས་དང་། དེ་དག་གི་རྒྱབ་རྟེན[དུ]། འདུལ་བ་ལུང་སྡེ་བཞི་ཡོངས་རྫོགས་ཀྱི་
ལུང་ཡང་གནང་ཞིང་། གཏོང་ཆོས་ལ་བསླབ་བྱ་ཆེན་པོ། དཀའ་འགྲེལ་ཉི་མའི་ཤིང་རྟ་དང་། 
བ་དན་དཀར་པོའི་ཕྲེང་བ། ཐལ་ཕྲེང་འཕྲིན་ལས་རྣམ་དཀར་སོགས་དང་། མཐའ་གཅོད་
ཞིབ་རྒྱས་དང་། གླེང་གཞི་སོ་སོ་དང་སྦྱར་ཏེ་གནང་། ཡང་རེ་འགའ་བྱམས་ཆོས་སྐོར་ལ། མདོ་
སྡེ་རྒྱན་ལ་དབྱིག་གཉེན་གྱི་འགྲེལ་པ། རྒྱལ་སྲས་ཐོགས་མེད་པ་དང་། ཀུན་མཁྱེན་དོན་
དཔལ་བའི་ཊཱི་ཀ རྒྱུད་བླ་མ་ལ་ཐོགས་མེད་འགྲེལ་ཆེན། ས་བཟང་མ་ཏིའི་འགྲེལ་པ། རོང་
ཆེན་དང་། ཀུན་མཁྱེན་དོན་དཔལ་བའི་ཊི་ཀ པཎ་ཆེན་རིན་པོ་ཆེའི་བྱམས་ཆོས་སྒོམ་རིམ་
སོགས་ཀྱི་སྟེང་ནས་མཛད། སྤྱོད་འཇུག་ལ། ས་བཟང་མ་ཏི་དང་། རྒྱལ་སྲས་ཐོགས་མེད་པའི་
འགྲེལ་པ་སོགས་ཀྱི་སྟེང་ནས་རྒྱས་བཤད་མཛད་དོ། །ལོ་རེ་བཞིན། གཞི་གསུམ་ཆོ་ག་བདུད་
རྩིའི་རོལ་མཚོའི་སྟེང་ནས་ཕྱག་ལེན་མ་ཉམས་པར་དབྱར་གནས། གསོ་སྦྱོང་། དགག་དབྱེ་
སོགས་ཆག་མེད་མཛད། དགོང་མོའི་ཆོས་སྤྱོད་རིག་གྲྭ་སོགས་ལའང་དུས་རྒྱུན་དུ་ཕེབས་
ནས། སྐབས་སུ་གང་བབ་ཀྱི་གཞུང་ཆིངས་ཆེ་བ་རེ་ལ་མཐའ་གཅོད་རྒྱས་བཤད་གནང་ངོ་། །
དེ་སྐབས་གཟིམ་ཆུང་ལམ་འབྲས་ལྷ་ཁང་གི་སྟེང་གི་ཐིག་ཁང་དེར་མཛད་དུས། ཐོ་རངས་ཀྱི་
གསལ་སྣང་ཞིག་ལ། སྒྲ་དང་འོད་ཆེན་པོ་ཞིག་འདུག ཅི་[སྙམ་]ཡིན་གཟིགས་པས། ཞལ་རས་
22-1-321


ལྷ་ཁང་གི་མདུན་དེར་གུར་མགོན་ལྷ་བརྒྱད། སྐུའི་གཟི་འོད་རབ་ཏུ་རྒྱས་ཤིང་། རང་རང་གི་
སྔགས་ཀྱི་སྒྲ་སྒྲོག་པ་དང་། ལས་མགོན་པུ་ཏྲ་མིང་སྲིང་རྣམས་འཆམ་སྟབས་ལིང་ལིང་མཛད་
ཅིང་འདུག ངེད་ཀྱི་རྡོ་རིངས་ཀུན་སྤངས་པའི་དམ་ཚིག་ལ་བསམས་ནས། ཁྱེད་ཀྱི་འཆད་ཉན་
སོགས་ཆོས་ཀྱི་བར་ཆད་བསྲུང་བ་ཡིན་ཟེར་བ་གཟིགས[པས། བླ་མ་ལ་དད་གུས་དང་། ཆོས་སྐྱོང་ལ་ཡང་
ཡིད་ཆེས་ལྷག་པར་ཐོབ་གསུང་། སྤྱིར་རྗེ་འདི་རང་གི་ཡོན་ཏན་མཐའ་དག་ཤིན་ཏུ་གསང་ཞིང་སྦ་བ་ཞིག་ཡིན་ནའང་། ཕྱིས་ཚུལ་
འདི་དམ་ཚིག་དང་ལྡན་པ་འགའ་ཞིག་ལ་ཟུར་ཙམ་གསུང་ངོ་།།] སྐབས་འགའ་ཞིག་ཏུ། ཐེག་ཆེན་བློ་སྦྱོང་
[ལེགས་བཤད་ཀུན་འདུས་]དང་། ཐུགས་རྗེ་ཆེན་པོའི་སྨར་ཁྲིད། [བླ་མ་དམ་པ་བསོད་ནམས་རྒྱལ་མཚན་གྱིས་
མཛད་པའི་སྟེང་ནས་]རྒྱས་བཤད་དང་། ཀུན་རིག་གི་དབང་། [ཆོ་ག་]གཞན་ཕན་མཐས་ཡས། 
གཞན་ཕན་འོད་ཟེར། གུང་རུ་ཤེར་བཟང་། དཔལ་གྱི་རྒྱལ་མཚན་གྱི་རྣམ་བཤད་སྟེང་ནས་
མཐའ་གཅོད་རྒྱས་པར་མཛད་ཅིང་། དྲིལ་སྟབས་ཀྱི་བྱ་ཚུལ། བྱ་འགྱུར་བ་བསོད་ནམས་སེང་
གེས་མཛད་པའི་སྟེང་ནས་བཤད་པས་ཁོག་ཕུབ་ཅིང་། ལག་ལེན་ཁྲིགས་བཀོད་དུ་གནང་། 
གསེར་གླིང་ཆོས་སྡེར་ཡང་། ཀྱཻ་རྡོ་རྗེ། འཇིགས་བྱེད། གཤེད་དམར། ཕྱག་ན་རྡོ་རྗེ་འཁོར་ལོ་
ཆེན་པོ། ཀུན་རིག ཕྱག་ན་རྡོ་རྗེ་འཆི་བདག་འཇོམས་པ། ཚེ་དཔག་མེད་ལྷ་དགུ་སོགས་ཀྱི་
དབང་དང་། སོ་སོའི་སྒྲུབ་ཐབས་དཀྱིལ་ཆོགས་སོགས་ཀྱི་ལུང་། གུར་ཞལ་དྲཀྵད་སོགས་ཀྱི་
རྗེས་གནང་། དེ་དག་སོ་སོའི་བསྐང་གསོ། བསྟོད་བཤགས་སོགས་ཉེར་མཁོ་མཐའ་ཡས་པ་
གནང་ཞིང་། ཀུན་སྤངས་རིན་པོ་ཆེའི་དུས་ཆེན་ཐོག དཔལ་ཀྱཻ་རྡོ་རྗེའི་སྒྲུབ་མཆོད་གསར་
འཛུགས་དང་། ཀུན་རིག་སོགས་སྒྲུབ་མཆོད། སྨྱུང་གནས་སོགས་ཀྱི་རྒྱུན་ཐམས་ཅད་ཀྱང་
ཡར་འཕེལ་དུ་བཀའ་དྲིན་མཛད། སྐབས་ཤིག་རྗེ་བཙུན་ཐམས་ཅད་མཁྱེན་པ་གཏིང་ཁེབས་
མཁར་ཆེན་དུ་ཕེབས་སྐབས་སྔོན་བདག་ཆེན་བློ་གྲོས་རྒྱལ་མཚན་དཔལ་བཟང་པོ་དང་། རྡོ་
རིངས་ཀུན་སྤངས་རིན་པོ་ཆེ་གཉིས་ཀྱི་སྐུ་ཚེ་རིལ་པོར་ཕྱག་དྲིལ་མཛད་པའི་ཤིང་{ཀུན་[འཁུན་
22-1-322


]མ། མཚུངས་བྲལ་མར་གྲགས་པ་དེས་ཐོགས་དྲངས་པའི་[ཕྱག་ན་ཡོད་པའི་]དངོས་པོ་[དབུས་གཙང་
མའི་རིགས་]གང་ཡོད་འབུལ་བ་མཛད་ཅིང་། དུས་དེར་སྡེ་སྲིད་ཡབ་སྲས་རྣམས་དང་ལྷན་ཅིག
རྡོ་རྗེ་ཕྲེང་བའི་དབང་བསྐུར་ཡོངས་རྫོགས། ཕྲེང་བ་སྐོར་གསུམ་གྱི་ལུང་། ཚེ་དབང་གྲུབ་
རྒྱལ་མ། ལྷ་དགུ་མ་བརྒྱ་ཚར་སོགས་གསན། དེ་སྐབས་རྗེ་བཙུན་རིན་པོ་ཆེས་ཡུན་རིང་བར་
དུ་རྒྱུན་བཞེས་མཛད་པའི་གཟིམས་ཞྭ་ངུར་སྨྲིག་ཅིག་འདུག་པ་སྐུ་ལས་ཕྱུང་སྟེ། རྟེན་འབྲེལ་
ཞིག་ཡོད་པས་འདི་དྲོད་མ་ཡལ་བར་ཆོས་རྗེ་པ་རང་ད་ལྟ་བཞེས་གསུང་། སྐུ་ལ་སྦྲོན་པར་
མཛད། ཕྱིས་བསམ་དུས་གདན་ས་དྲོན་མོ་ཡོང་བའི་རྟེན་འབྲེལ་དུ་འདུག་གསུང་། [སྔར་ཕུལ་
བའི་ཕྱག་དྲིལ་དེ་ཡང་རྡོ་རྗེ་ཕྲེང་བའི་དབང་བསྐུར་གནང་རིང་ཕྱག་དྲིལ་མཛད། སླར་]དྲིལ་བུ་[འདི་ངེད་རང་གིས་རྒྱུན་དུ་
འཆང་པ་རང་མི་ཡོང་། བླ་མ་གོང་མའི་བྱིན་རླབས་གནང་ཆེ་གས།] འདིའི་བདག་པོ་ཁྱེད་རང་ལས་བཟང་བ་མི་
ཡོང་བས། དམ་ཚིག་དྲིལ་བུར་འབྲལ་མེད་མཛོད་གསུང་། སླར་རྗེ་རང་གི་ཕྱག་ཏུ་གནང་[པ་
ཡིན་གསུང་]། གཞན་ཡང་རྗེ་བཙུན་དམ་པ་འདིའི་དྲུང་དུ། {ལཱུ་ཡི་པའི་རྫོགས་རིམ་དང་། [སྔ་
ཕྱིར་བདེ་མཆོག་ལཱུ་ནག་དྲིལ་གསུམ་གྱི་དབང་། ནག་པོ་རིམ་བཞིའི་ཁྲིད། རྫོགས་རིམ་རྩ་དབུ་མ། རྡོ་རྗེ་སེམས་དཔའ་བསྡུ་བ། 
ཐིག་ལེ་བསྡུ་བ། ཡི་གེ་བསྡུ་བ་སོགས་དང་། དྲིལ་བུ་རིམ་ལྔའི་ཁྲིད།] ནཱ་རོ་མཁའ་སྤྱོད་ཀྱི་བྱིན་རླབས། རྩ་དབུ་
མའི་ཁྲིད་ཡན་ལག་དང་བཅས་པ། ཨིནྡྲ་མཁའ་སྤྱོད་དང་། མཻ་ཏྲིའི་མཁའ་སྤྱོད་ཀྱི་བྱིན་རླབས། 
དཔལ་གསང་བ་འདུས་པ་འཕགས་ལུགས་ཀྱི་དབང་། རྩ་རྒྱུད་དང་འགྲེལ་པ་སྒྲོན་གསལ་གྱི་
ལུང་ལ་སོགས་པ་དང་། གསང་འདུས་འཇམ་རྡོར་གྱི་དབང་། གྲོལ་བའི་ཐིག་ལེའི་ཁྲིད། 
འཇམ་དཔལ་ཞལ་ལུང་གི་ལུང་ལ་སོགས་པ་དང་། གསང་འདུས་འཇིག་རྟེན་དབང་ཕྱུག་གི་
དབང་། འཇིགས་བྱེད་ཀྱི་དབང་། རྭ་ཁྲིད། རྭ་པོད། རྒྱུད་རྟོག་པ་བདུན་པ་སོགས་དང་། སྒྲོལ་
དཀར་གྱི་ཁྲིད། ཚེ་དཔག་མེད་གྲུབ་པའི་རྒྱལ་མོ་ལུགས་ཀྱི་ཁྲིད་དང་། [གྲུབ་པའི་རྒྱལ་མོ་ལུགས་ཀྱི་
ཕྱི་བསྒྲུབ་སྐལ་པ་བཟང་པོ་ཞེས་པ་ལྷ་སྟོང་དང་དུ་ཚང་བ་དང་] ནང་བསྒྲུབ་སྟོབས་ཀྱི་འཁོར་ལོ་ལྷ་སོ་བཞི། 
22-1-323


གསང་བསྒྲུབ་བཅུད་ཀྱི་ཐིགས་པ་ལྷ་ལྔ་ལུས་དཀྱིལ་དང་བཅས་པ། ཡང་གསང་ལྷ་གཅིག་
བུམ་གཅིག་གི་དབང་རྣམས་{དང་[ཡོད་པ་ལས། ཕྱི་བསྒྲུབ་མ་གཏོགས་པའི་གཞན་རྣམས་གསན་ནོ།]། སྤྱན་
རས་གཟིགས་ཀྱི་སྨར་ཁྲིད་ལུགས་བཞི། ཞེན་པ་བཞི་བྲལ། སྙིང་པོ་དོན་གསུམ། སྐྱིད་སྡུག་
ལམ་འཁྱེར། སུམ་པ་ལོ་ཙཱ་བའི་བློ་སྦྱོང་། བློ་སྦྱོང་བཀའ་གདམས་ལུགས་ཀྱི་སྐོར་ཚང་མ། 
བཀའ་གདམས་ཐིག་ལེ་བཅུ་དྲུག་གི་དབང་། བཀའ་གདམས་ལྷ་བཞིའི་རྗེས་གནང་། དེ་དག་
གི་ཁྲིད། བཀའ་གདམས་གླེགས་བམ་ཡོངས་རྫོགས་ཀྱི་ལུང་སོགས་དང་། དེ་དག་གི་རྒྱ་
གཞུང་དང་བོད་འགྲེལ་སྒྲུབ་དཀྱིལ་སོགས་ལུང་དང་བཤད་པའི་སྐོར་མཐའ་ཡས་པ། ས་སྐྱ་
བཀའ་འབུམ། ངོར་ཆེན་ཀུན་དགའ་བཟང་པོའི་བཀའ་འབུམ། རྗེ་བཙུན་རིན་པོ་ཆེའི་བཀའ་
འབུམ་ལས་ཁྲིད་བརྒྱ་མ་གཏོགས་ཡོངས་རྫོགས་གསན། ཁྲིད་བརྒྱ་རྗེ་དྲུང་ཀུན་དགའ་དཔལ་
བཟང་པ་ལ་ཕྱིས་གསན་པ་ཡིན་ནོ། །གཞན་ཡང་། རྗེས་གནང་ཟུར་བཀའི་རིགས། སོ་སོའི་
སྒྲུབ་ཐབས་དང་བཅས་པ་དུ་མ་གསན། [གུར་ལྷ་བརྒྱད། ལྕམ་དྲལ། མགོན་རྐྱང་སོགས་ཀྱི་རྗེས་གནང་།]
གུར་མགོན་གྱི་ཕྱི་ཁྲིད་རྫས་དང་དཀྱིལ་འཁོར་ལ་བརྟེན་པ། [བདག་ཆེན་བློ་གྲོས་རྒྱལ་མཚན་པ་དང་།]
ནང་ཁྲིད་རྩ་གསུམ་འཁོར་ལོ་བཞི་ལ་བརྟེན་པ[ཡར་ལུང་པ་སེང་གེ་རྒྱལ་མཚན་དང་། ཀུན་སྤངས་རིན་པོ་ཆེས་
ཡི་གེ་མཛད་པའི་སྟེང་ནས་གསན་ཅིང་]། མགོན་སྤོད་མེ་འབར་མའི་ལུང་སོགས་ལུང་བཀའ་མང་པོ། 
ཞལ་བཞི་པ་བསྙེན་སྒྲུབ་ལས་གསུམ། གདོང་བརྙན་ཅན་རིགས་གཉིས་ཀྱི་རྗེས་གནང་། 
ལས་བཞིའི་མགོན་པོ་བྲམ་ཟེའི་རིག་གཏད། མཉན་གྱི་ཤོག་རིལ་ཉེར་གཅིག་སོགས་མན་
ངག་དུ་མ་དང་། རྣམ་སྲས་སེར་ཆེན་དང་དཀར་པོའི་རྗེས་གནང་། དུར་ཁྲོད་བདག་པོའི་རྗེས་
གནང་སྒྲུབ་སྐོར། དམར་པོ་སྐོར་གསུམ་གྱི་རྗེས་གནང་། ཀུ་རུ་ཀུལླེའི་གསང་ཁྲིད། དམར་པོ་
སྐོར་གསུམ་སོ་སོའི་སྒྲུབ་ཐབས་ལས་ཚོགས་ཀྱི་ལུང་སོགས། མདོར་ན་རྩ་བའི་བླ་མ་མཆོག་
ལས་གདམས་པ་ཐམས་ཅད་བུམ་པ་ཅིག་ནས་ཅིག་ཏུ་བླུག་པ་ལྟར་གསན་ཅིང་དེ་ཐམས་ཅད་
22-1-324


ཐུགས་སུ་ཆུད་པར་མཛད་དོ། །[དེ་ནས་དགའ་ལྡན་རྩེར་མདོ་ཕྱོགས་ཀྱི་འཆད་ཉན་གྱི་རྒྱུན་དང་། སྔགས་ཀྱི་དབང་
ལུང་གདམ་པའི་ཚོགས་མང་པོས། བསྟན་པའི་མེ་རོ་སོས་པ་ལྟ་བུར་གྱུར་པའི་སྙན་པས་ཕྱོགས་ཀུན་ཁྱབ་ཅིང་།] དེ་སྐབས་
རྗེ་བཙུན་ཐམས་ཅད་མཁྱེན་པའི་དབོན་པོར་གྱུར་པ་ཀུན་དགའ་ལེགས་མཆོག་པ་ཡང་། དམ་
པ་ཉིད་ཀྱི་ཐུགས་དམ་ཞིབ་འཁོད་མཆེད་གྲོགས་གཞུང་པ་ལ་བཀའ་ངག་དང་བཅས། བདག་
ཉིད་ཆེན་པོ་འདི་ཉིད་ལ་སྦྱོར་གཏོད་མཛད་ཅིང་། དེ་མཐུན་ཆོས་གྲྭ་ཆེན་པོ་གསེར་མདོག་ཅན་
ཚོ་ནས་ཀྱང་ཐུགས་གཉེར་བ་དུ་མ་བྱོན་པ་དང་། གྲྭ་ས་འདི་རང་ནས་ཀྱང་བསྟན་པའི་རྣམ་
གཞག་ཕེར་བ་མང་དུ་བྱུང་ཞིང་། དེ་སྐབས་ཤིག གསེར་མདོག་ཅན་གྱི་ཤངས་པ་གྲྭ་ཚང་ནས་
འཆད་ཉན་ལ་སྤྱན་འདྲེན་བྱུང་འདུག་ནའང་། དགོས་པ་འགའ་ཞིག་གི་དབང་ལས་ཕེབས་པ་
ནི་མ་གནང་། མཁས་པའི་དབང་པོ་བྱམས་པ་ལྷུན་གྲུབ་པའང་དུས་དེར་ཕེབས་ནས། དབང་
ལུང་རྗེས་གནང་སོགས་དུ་མ་དང་། ཁྱད་པར་པཎ་ཆེན་ཆོས་ཀྱི་རྒྱལ་པོའི་བཀའ་འབུམ་གྱི་
ལུང་རྣམས་ཡོངས་སུ་རྫོགས་པར་གསན། སྐབས་དེར་རྗེ་བཙུན་ཐམས་ཅད་མཁྱེན་པ་དབུས་
ཕྱོགས་ནས། ཆོས་ལུང་བྱང་རྩེར་ཕེབས་སྐབས། [ཐུགས་དམ་ཞིག་གནང་བྱུང་བ་ན།] ངེད་དབུས་
ཕྱོགས་སུ་ཆུ་མ་འཕྲོད་པ་ལ་བརྟེན། ཁམས་དུབ་པ་ཞིག་བྱུང་བས། ད་ལན་མཇལ་བ་ལ་ཅིས་
ཀྱང་བྱོན་གསུང་བྱུང་ནས། རྗེ་འདིས་ཀྱང་བྱམས་གླིང་ཚུན་དུ་ཕེབས་པས། {དུས་འཁྲུགས་
[དེ་དུས་ཕེབས་ལམ་ལ་སྡེ་སར་]ཤིན་ཏུ་དྲག་པ་རང་གིས་ལམ་བཅད་ནས་ཕེབས་མ་ཐུབ་པ། སླར་
ལོག་དགོས་པ་ཞིག་བྱུང་གསུང་། དེ་རྗེས་བཀའ་དམ་གནང་བའི་ནང་ན། ཁྱེད་བསྟན་པ་ལ་
གཅེས་པའི་དགེ་བའི་བཤེས་གཉེན་ཡིན་པས། སྐུ་ཚེ་བརྟན་པའི་ཕྱིར་བརྟན་བཞུགས་ལ། 
བཞུགས་གདིང་སེར་པོ་ལོངས་མ་སྤྱད་པ་འདི་ཕུལ་བ་ཡིན་པ། སྐུ་ཚེ་འཕེལ་བའི་ཕྱིར་དུ་ཅི་
ནས་ཀྱང་བཞུགས་གདིང་གནང་བ་ཞུ་མཆིས། ཞེས་གསུང་བ་བྱུང་བས། [རྗེ་བཙུན་དམ་པ་བཀའ་
དྲིན་མཉམ་མེད་དེ།] ཞིང་གཞན་དུ་ཕེབས་པ་ཡིན་དོགས་ཆོས་ལུང་ལ་མཇལ་བར་མྱུར་ཤད་
22-1-325


ཕེབས། དེ་དུས་རྗེ་བཙུན་རིན་པོ་ཆེའི་བཀའ་ལས། ཆུ་ཚན་གྱི་ཁང་པར་སྒོ་ཆུག་ག་དར་གྱིས་
བསངས་ཐོང་། མགྲོན་པོ་གལ་ཆེ་བ་ཞིག་ཀྱང་ཡོང་ཤས་ཆེ། ངེད་རང་ཀྱང་འགྲོ་དགོས་སམ་
མི་ཤེས་གསུང་བ་བྱུང་། དེར་རྗེས་བླ་མ་དཔོན་སློབ་རྣམས་ཕེབས། དུས་དེར་རྗེ་བཙུན་ཉིད་
ཀྱི་དགོངས་པ་གསུང་གླེང་ཞིབ་རྒྱས་སོགས་གནང་དགོས་དགོངས་པའི་མཇལ་བཞེད་ཡོད་
ངེས་སུ་སྣང་ནའང་ཕྱག་གཡོག་སོགས་ཀྱིས་དགོས་པ་འདྲའི་དབང་གིས་སྙན་དུ་མ་ཕུལ་
འདུག རྗེ་འདི་ཉིད་དཔོན་སློབ་རྣམས་ཀྱིས་ཆུ་ཚན་ཁར་ཞག་ཉི་ཤུ་རྩ་བགྲངས་ཤིག་བཞུགས་
[པའི་རིང་ལ། དཔོན་དྲུང་སོགས་ཀྱི་དགོངས་བཞེད་ལྟར། དཔལ་མགོན་དྲཀྴད་ཀྱི་བསྐང་གསོ་རྒྱས་པར་མཛད]། 
སྟག་ལོ་ཟླ་བ་དང་པོའི་ཚེས་བརྒྱད་ལ། རྗེ་བཙུན་[སྐྱབས་མཆོག་]དམ་པ་དེ་ཉིད་ཆོས་ཀྱི་
དབྱིངས་སུ་གཤེགས་ཟེར་ནས། ཚེས་བཅུའི་ཉིན། རྗེ་འདི་ཉིད་སྤྱན་འདྲེན་ལ་བྱུང་སྐབས་
དེ་མ་ཐག སྐུ་གདུང་[ཡིད་བཞིན་གྱི་ནོར་བུའི་དྲུང་དུ། སྔ་མགྱོགས་ཀྱི་འབུལ་བ་བརྡ་མཚོན་དང་བཅས་མཇལ་འཕྲལ། 
དམ་པ་དེ་ཉིད་ཀྱི་]དགོངས་པ་རྫོགས་པའི་ཐབས་སུ་དཔལ་ཀྱེ་རྡོ་རྗེའི་རྡུལ་ཚོན་གྱི་དཀྱིལ་འཁོར་
བཞེངས་ཏེ་{མཆོད་འབུལ་རྒྱ་ཆེར་མཛད། སྐབས་དེར་གདུང་འབུལ་བཟང་བ་དང་[རྗེ་བཙུན་
བཀའ་དྲིན་མཉམ་མེད་དེ་ཉིད་དང་། དཀྱིལ་འཁོར་ཀྱི་གཙོ་བོ་དབྱེར་མེད་པ་ལ་ཕྱི་ནང་གསང་བའི་མཆོད་འབུལ་དང་། དབང་
དང་དངོས་གྲུབ་ལེན་པར་མཛད། དེ་དག་གི་དྲུང་དུ། སྔར་བཀའ་དྲིན་ལས་ཐོབ་པའི་ལམ་དུས་སོགས་ཆག་མེད་བཞི་པོ་འདི་ཐུན་
བཞིར་མཛད་པ་དང་། གསུང་ངག་ལམ་འབྲས་སོགས་ཁྲིད་ཆེན་རེ་ལོ་རེ་བཞིན་དོན་གཉེར་རྣམས་ལ་འཆད་པའི་དམ་བཅའ་ཡང་
བཞེས། ཕྱིས་མཐར་ཕྱིན་པར་ཡང་མཛད་དོ། །སྐབས་དེར་སྐུ་གདུང་རིན་པོ་ཆེའི་དྲུང་དུ། གདུད་འབུལ་]ཆོས་ལུང་རང་
དང་ཇོ་ནང་སྒྲུབ་སྡེ། {འགའ་[འགག་]རོང་ཚོ་གསུམ་སོགས་དགེ་འདུན་གྱི་ཚོགས་ཤིན་ཏུ་མང་
བ་ལ། མང་ཇ་འབྲས་འཇམ་འགྱེད་བཅས་སོགས་ཟབ་རྒྱས་གནང་། མཆོད་འབུལ་གྲོལ་
མཚམས། གཡས་རུ་བྱང་ནས་[རིགས་ལྡན་]ཆོས་ཀྱི་རྒྱལ་པོ་ཀུན་དགའ་རིན་ཆེན་གྱིས་{ཤུག་
ཁྲོད་ཀྱི་རབ་གནས་ལ་སྤྱན་དྲངས་པ་ལྟར། ཅིས་ཀྱང་འབྱོན་དགོས་གསུང་བ་བཞིན། ངམ་
22-1-326


རིངས་བརྒྱུད། [བཀའ་སྩལ་ལ། རྨ་བྱ་ཤུག་ཁྲོད་འདི། རྗེ་བཙུན་ཐམས་ཅད་མཁྱེན་པ་དེ་ཉིད་ཀྱིས་ལུང་བསྟན་པའི་གནས་
རྨ་བྱ་ཤུག་ཁྲོད་དགེ་ལེགས་ཡོངས་འདུའི་ཚལ་ཞེས་བྱ་བར་ཐོགས་གསུང་བའི། གཟིམས་ཁང་ཞལ་བཀོད་བཞིན་དང་། དེ་གའི་
ལོག་བྲིས་ཀྱང་གཟབ་པར་གྲུབ་ནའང་། རྗེ་བཙུན་ཉིད་ཀྱིས་ཞབས་ཀྱིས་བཅག་ཐུབ་པ་ཞིག་མ་བྱུང་བས། ད་ལན་རབ་གནས་
ལ་ཅིས་ཀྱང་འབྱོན་དགོས་གསུང་བ་ལྟར། རྗེ་ཉིད་ཀྱིས་ཀྱང་དམ་པ་དེ་ཉིད་ཀྱི་དགོངས་པ་རྫོགས་ཐབས་ལ་དགོངས་ནས་ཞལ་
གྱིས་བཞེས་ཏེ། ངམ་རིངས་རྒྱལ་པོའི་ཕོ་བྲང་བརྒྱུད།] ཤུག་ཁྲོད་དུ་ཕེབས། སང་ཉིན་ཐོ་རངས་ཀྱི་ཆ་རབ་
གནས་ཀྱི་ཆོ་ག་ལེགས་པར་མཛད་པའི་ཚེ་ནམ་མཁའ་ལས་མེ་ཏོག་གི་ཆར་དང་། འཇའ་
འོད་ཀྱི་གུར་ཁང་འཁྲིགས་པ་སོགས་དགེ་མཚན་གྱི་ལྟས་དུ་མ་བྱུང་བ། དེ་ཕྱོགས་པ་ཀུན་
གྱིས་མཐོང་[ཞིང་། བྱང་ནས་གནང་བས་]མི་སྣ་རྣམས་ཀྱིས་ཀྱང་དེ་ལྟ་བུའི་ཚུལ་རྒྱས་པར་སྡེ་སྲིད་
སྐུ་མཆེད་རྣམས་ཀྱི་སྙན་དབང་དུ་ཕུལ་བ་ན་ཐུགས་དད་{པ་ཆེར་འཕེལ[པའི་རྦ་རླབས་གཡོས་པར་
གྱུར་ཏོ།]། དེ་ནས་བདག་ཉིད་ཆེན་པོ་འདིས་ལྷོ་ཕྱོགས་ལ་ཆིབས་ཁ་བསྒྱུར་ཏེ། འདར་གྲང་མོ་
ཆེར། རྗེ་མཚར་ཆེན་གྱི་དྲུང་དུ་ཕེབས་པ་ན། མཚར་ཆེན་རིན་པོ་ཆེས་ཀྱང་ཀུན་སྤངས་རིན་པོ་
ཆེའི་ཐུགས་ཞེན་གྱིས་བཀུར་སྟི་ཆེར་མཛད་ཅིང་། ཀུན་སྤངས་རིན་པོ་ཆེའི་རྣམ་ཐར་གྱི་ལུང་
སོགས་གསན། སླར་གཏིང་ཁེབས་སུ་ཕེབས་ནས། དགོན་གྲྭ་རིགས་སྦྱིན་བདག་སོགས་ལ་
ཆོས་སྦྱིན་རྒྱ་ཆེར་སྤེལ་བར་མཛད་ཅིང་། དེ་སྐབས་ཆོས་ལུང་གི་རྟེན་བཞེངས་ཀྱི་རྒྱུར་[དགོངས་
པའི་]ཕྱག་ན་ཡོད་པའི་དངུལ་སྤྱད་གསེར་ཟངས་སོགས་གང་ཡོད་འབུལ་བ་མཛད[ཅིང་། དེ་མཐུན་
སྡེ་སྲིད་དཔོན་བློན་དང་། དགོན་སོ་སོ་ནས་ཀྱང་རྟེན་བཞེངས་ལ་དམིགས་པའི་འབུལ་སྐྱེལ་སྟོབས་ཆེ་བར་གནང་]། ཆོས་
ལུང་དུ་[སྐུ་གདུང་རིན་པོ་ཆེའི་]རྟེན་བཞེངས་གྲུབ་ཏུ་ཉེ་བ་ན། རྗེ་འདི་ཉིད་རབ་ཏུ་གནས་པའི་རྡོ་
རྗེ་སློབ་དཔོན་ལ་ཕེབས་དགོས་པའི་བྱང་ནས་སྡེ་སྲིད་དང་། དཔོན་དྲུང་འཕན་སོགས་ཀྱི་ཞུ་
ནན་དང་བཅས་མ་ཆེན་རྒྱལ་མཆོག་སྤྱན་འདྲེན་ལ་གནང་[བྱུང་]བ་ལྟར། ཟླ་བ་དགུ་པའི་ནང་
དུ་ཆོས་ལུང་དུ་ཕེབས། ཟླ་བ་ཚེས་པའི་ཚེས་ལྔ་ལ་རྩེ་མཆོད་ཁང་དུ་སྐུ་གདུང་རིན་པོ་ཆེ་སྤྱན་
22-1-327


འདྲེན་མཛད། མཆོད་རྟེན་གྱི་ནང་བཞུགས་འཇུག་པའི་རིམ་པ་ཐམས་ཅད་རྗེ་ཉིད་ཀྱིས་ཞལ་
བཀོད་མཛད། གཟེར་{སྡོམས་[སྡེམས་]སོགས་ལེགས་པར་གྲུབ་ནས། ཟླ་བ་བཅུ་པའི་ཚེས་
བདུན་ལ། བཅོམ་ལྡན་འདས་དགྱེས་མཛད་རྡོ་རྗེའི་ཆོ་ག་ལ་བརྟེན་པའི་རབ་གནས་ཀྱི་སྟ་
གོན་དང་། ཚེས་བརྒྱད་ཀྱི་སྔ་ཆ་ལ་དངོས་གཞིའི་ཆོ་ག་ལེགས་པར་གྲུབ་སྐབས། བྱང་ནས་
བདག་ཆེན་སྐུ་མཆེད་དང་། དཔོན་དྲུང་[རིན་པོ་ཆེ་]སོགས་དང་། དབུས་གཙང་གི་སྡེ་དཔོན་སོ་
སོ་ནས་དགའ་སྟོན་རྒྱ་ཆེན་པོ་དང་། ཁྱད་པར་རྗེ་འདི་ཉིད་ཀྱི་དྲུང་དུ་[རྗེ་བཙུན་ཐམས་ཅད་མཁྱེན་པའི་
ཞལ་དཀར་ཀར་འབྲས་ཆག་མེད། རྒྱ་དྲིལ་སྤུས་གཙང་བ་ཤུབ་བཅས་ཀྱི་ཕྱག་དྲིལ་ངོས་མ་ལ་སོགས་པའི་]འབུལ་{སྐྱེས་
ཆེར་བྱུང་[བ་དཔག་མེད་མཛད།] སྐབས་དེར། སེ་སྡོང་གཞན་ཐམས་ཅད་ཀྱི་ལོ་འདབ་པོག་གྲུབ་
ནའང་། མཆོད་ཁང་མདུན་ཐད་ཀྱི་སེ་སྡོང་ཕུང་པོ་ཅིག་ལ་མེ་ཏོག་གི་ཚོགས་རབ་ཏུ་རྒྱས་པ་
གསར་དུ་འཁྲུངས་ཤིང་། ནམ་མཁའ་ལས་ཀྱང་འཇའ་འོད་དང་མེ་ཏོག་གི་ཆར་ལ་སོགས་
པ་ངོ་མཚར་བའི་ལྟས་དུ་མ་{ཤར། [དང་བཅས་རབ་ཏུ་གནས་པ་ལེགས་པར་གྲུབ།] དེ་མཚམས་[མི་དབང་
]ཆོས་[ཀྱི་]རྒྱལ་[རྒྱལ་པོ་]ཀུན་དགའ་རིན་ཆེན་སྐུ་མཆེད་དང་། འཕན་ནེའི་དྲུང་སོགས་ཀྱིས་
མགྲིན་གཅིག་ཏུ་ཆོས་ལུང་གི་ཞལ་འཛིན་གནང་དགོས་པའི་ནན་ཞུས་མཛད་པ་ལ་བརྟེན། 
སྒྲུབ་གནས་དེ་ཉིད་དུ་རྒྱལ་བ་གཉིས་པ་འཇམ་མགོན་གྲུབ་པའི་དཔའ་བོ་ཐམས་ཅད་མཁྱེན་
པའི་རྒྱལ་ཚབ་ཉིད་དུ་མངའ་གསོལ་ཏོ། །
འདིར་སྨྲས་པ། རིན་ཆེན་ཅོད་པན་མཆོག་གིས་མ་ཕམ་པར། །མངོན་པར་དབང་བསྐུར་
ཇི་བཞིན་འདི་ན་སྟེ། །གང་དང་གང་ཞིག་ཡོན་ཏན་ལྡན་པ་ལ། །དེ་དེའི་ཕུན་ཚོགས་འབྱུང་བ་
རང་བཞིན་ཉིད། །བློ་ལྡན་རྣམས་ལ་ལེགས་ཚོགས་ཅི་འབྱུང་བ། །དེ་རྒྱུ་ལྡན་ཕྱིར་དེ་ལ་དོགས་
མི་དགོས། །ཆུ་ལུད་ས་བོན་ཆར་རྒྱུན་ཕུན་ཚོགས་ལས། །ལོ་ཐོག་རབ་ཏུ་རྒྱས་པ་ངོ་མཚར་ཅི། །
གྲུབ་པའི་ཞལ་ལུང་མཱ་ལ་ཡར་སྐྱེས་ནགས། །དངོས་གྲུབ་དྲི་བཞོན་གྱིས་འཁྱུད་ལྷོ་ཕྱོགས་
22-1-328


རླུང་། །སྐལ་བཟང་འགྲོ་དང་མཁས་པའི་གདུང་སེལ་བར། །གངས་ཅན་རི་བོའི་ངོས་ལ་ཚར་
དུ་བཀོད། །ཐུགས་རྗེའི་ལྕགས་ཀྱུ་ཐོགས་པའི་སྒྱུ་རྩལ་མཁན། །ཁྱོད་དབང་མ་གྱུར་དྲེགས་
ལྡན་གླང་པོ་སུ། །སྔོན་མེད་ཉིན་བྱེད་ཕྱོགས་ཀྱི་འདབ་རྒྱའི་ཚལ། །དམ་ཆོས་སྦྲང་རྩིའི་དགའ་
སྟོན་རྒྱ་ཆེར་སྤེལ། །
དེ་སྐབས། སྒྲུབ་སྡེ་རྣམས་ལ་གསུང་ཆོས་ཀྱི་འབྲེལ་པ་ཡོད་ཙམ་མཛད། སླར་ལྷོ་ཕྱོགས་
སུ་ཆིབས་ཁ་བསྒྱུར[ནས]། ཀོབ་འདྲེའི་ལ་ལ་ཕེབས་པས། བྲག་ཞག་མགོར་[ཕེབས་མཚམས། སྔར་
]མི་ལོག་ཕོག་པའི་ལྟོགས་འཁྱམས་འགའ་ཞིག་གིས་[སྐུ་ཆས་ལ་]ཆོམ་པོ་བྱུང་བས། བདག་ཉིད་
ཆེན་པོ་འདི་ཉིད་ཀྱི་བཀའ་ལས། ཁོང་རང་རྣམས་གང་དགོས་འཁྱེར་དུ་ཆུག་ལ་སུས་ཀྱང་
གནོད་པ་མ་བྱེད་གསུང་ཞིང་དེ་རྣམས་ལ་ཐུགས་ཀྱིས་མི་བཟོད་པ་ཙམ་གྱིས་སྙིང་རྗེ་དཔག་ཏུ་
མེད་པ་འཁྲུངས། དེ་རྣམས་ཀྱིས་ཀྱང་བཟའ་བཅའི་ཚོགས་རྣམས་ཁྱེར་གཞན་གང་ཡོད་ཕུལ་
བས། རྗེ་འདི་ཉིད་ཀྱིས་དགོངས་བཅད་ཀྱི་དངོས་པོའི་གནང་སྦྱིན་མཛད་པ་ན། ཕྱག་གཡོག་
རྣམས་[ཀྱིས་ལྐོག་ལབ་ཏུ་]ཁོ་ཚོས་ཁྲིམས་མེད་འདི་བཞིན་བྱས་པ་ལ། གནང་བྱིན་འདི་འདྲ་མཛད་
པ་ཞེས་ཞུ་བ[ར]་བྱུང་[སྟེ]། [དམ་པ་འདི་ཉིད་ནི་]བདག་པས་གཞན་གཅེས་པའི་བྱང་ཆུབ་ཀྱི་སེམས་
རྒྱུན་མི་འཆད་པར་མངའ་{བ་ལགས་པས། དེ་རྣམས་ཕྱིས་ཀྱང་ཆད་པའི་འཇིགས་པ་ལས་
སྐྱོབ་པར་མཛད། [བས། རྐྱེན་ངན་གང་བྱུང་བྱང་ཆུབ་ཀྱི་གྲོགས་སུ་འགྲོ་བ་ཁོ་ན་ཡིན་ཏེ། ཕྱིས་འདི་རྣམས་གདོང་དགའ་
བའི་ཆ་ཞབས་ཡིན་འདུག་པ་གདོང་དགའ་ནས་ཁོང་རྣམས་ལ་འཆད་འདེད་དང་། ཕྱག་རྫས་གང་ཡོད་ལ་རྒྱལ་དང་། བཤགས་
པའི་བརྟེན་སོགས་དགོངས་བཅད་ཀྱི་འབུལ་ཆ་དང་བཅས་རྗེ་འདི་ཉིད་གདོང་དགར་ཕེབས་བསྟུན་སྐུ་གཞོགས་སུ་ཞུ་ཆ་འབུལ་བ་
ལ་ཁྲིད་བྱུང་དུས། དམ་པ་འདི་ཉིད་ཀྱི་བཀའ་ལས། ཁོ་ཚོ་ལ་བཤགས་པ་གཏད་ནས་བྱེད་དགོས་མེད་ཅིང་། ཕྲན་ཚེགས་དེ་རྣམས་
ནི་ཁོ་རང་ཚོ་ལ་སྟེར་སྦྱིན་བྱས་པ་ཡིན། འདི་རྣམས་ངེད་རང་ལ་དྲིན་ཤིན་ཏུ་ཆེ་བ་ཡིན་པས། དངོས་པོའི་འཆད་འདེད་སོགས་ཀྱི་
བཀའ་བཀྱོན་མེད་པ་དགོས་ཚུལ་གྱི་ཕར་ཞུ་ངོ་མཛད་པས། ཆད་པ་རྣམས་ཀྱང་འཆག་ཆ་བྱུང་། ཁོང་རང་རྣམས་ལ་གསོལ་རས་ཀྱི་
22-1-329


གནང་སྦྱིན་དང་། མི་འཇིགས་པ་སྐྱབས་ཀྱི་འཆོ་བའི་བཀའ་དྲིན་བསྩལ།] སླར་གཏིང་ཁེབས་མཁར་ཆེན་དུ་[ཕྱག་]
ཕེབས་[གནང་]ནས། ས་སྐྱོང་[མིའི་དབང་པོ་]རབ་མཛེས་མཐོང་བ་དོན་ལྡན་ཡབ་སྲས་ཞལ་ངོ་
རྣམས་ལ་སྒྲོལ་དཀར་ཡིད་བཞིན་འཁོར་ལོའི་རྗེས་གནང་། ཚེ་དཔག་མེད་གྲུབ་རྒྱལ་མ་དང་། 
ལྷ་དགུ་མ་བརྒྱ་ཚར་སོགས་[ཀྱི་]དགོངས་བཞེད་སྒྲུབ་པར་མཛད་ནས། དགའ་ལྡན་རྩེའི་
དགུན་ཆོས་ཀྱི་འཆད་ཉན་དང་། གསེར་གླིང་ཆོས་སྡེའི་ཆོ་འཕྲུལ་གྱི་དུས་ཆེན་ཐོག་སྔ་སྲོལ་གྱི་
སྨྱུང་གནས་སྐབས། ལ་སྟོད་སྨད། གྲང་ལུང་། ཟར། ལྕེན་ལུང་སོགས་ཀྱི་དད་འདུས་སྐྱེ་བོའི་
ཚོགས་བརྒྱ་ཕྲག་དུ་མ་ལ་ཐུགས་རྗེ་ཆེན་པོའི་སྨྱུང་གནས་དང་། དེ་མཐུན་སྤྱན་རས་གཟིགས་
བཅུ་གཅིག་ཞལ་གྱི་རྗེས་གནང་། སྨྱུང་གནས་བླ་མ་བརྒྱུད་པའི་རྣམ་ཐར་གྱི་ལུང་སོགས་སྨིན་
རྒྱས་སུ་སྩལ་ཏེ། མཐོ་རིས་དང་ཐར་པའི་ས་བོན་དང་། ལམ་མཆོག་ལ་འགོད་པར་མཛད་དོ། །
[དེ་ནས་དགོན་སོ་སོའི་སྔར་རྒྱུན་གྱི་འཆད་ཉན་དང་། སྒྲུབ་མཆོད་སོགས་གོང་འཕེལ་བཀའ་དྲིན་བསྐྱངས་ཤིང་།] སླར་
ཆོས་ལུང་ནས་སྤྱན་འདྲེན་དང་བསྟུན་པའི་འབྲུག་ལོའི་དཔྱིད་སོས་ཕེབས། ཇོ་ནང་དུ་[རྗེ་བཙུན་
རིན་པོ་ཆེའི་དགོངས་པ་རྫོགས་ཐབས་ལ་]རྗེ་དྲུང་དཔལ་བཟང་དྲུང་ཁྲི་ཐོག་ཕེབས་པའི་ཁྲི་སྟོན་དང་། 
[སྒྲུབ་སྡེར་མང་ཇ་འབྲས་འཇམ་སོགས་]བསྙེན་བཀུར་རྒྱ་ཆེར་སྩོལ་བར་མཛད་[ནས]། ཆོས་ལུང་[བྱང་ཆུབ་
རྩེ་མོར། སྐུ་གདུང་ཡིད་བཞིན་ནོར་བུའི་དྲུང་དུ་དཀར་མེ་སྙན་དར་མཆོད་འབུལ་རྒྱ་ཆེར་མཛད་ཅིང་།] སྒྲུབ་སྡེ་བ་རྣམས་
ལ་གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་དམིགས་ཁྲིད་རྒྱས་པ་དང་། བླ་མ་
བརྒྱུད་པའི་རྣམ་ཐར། ཡིག་སྣ་དྲུག་ཅུའི་ལུང་སོགས་ཆ་ཚང་དང་། རྒྱུ་དབང་། ལམ་དབང་། 
ལམ་ཟབ། བཱིར་སྲུངས། རྣལ་འབྱོར་མའི་བྱིན་རླབས་སོགས་ཡོངས་སུ་རྫོགས་པ་དང་། ནཻ་གུ་
ཆོས་དྲུག་གི་ཁྲིད། གཞན་ཡང་རྗེས་གནང་སོགས་འདོད་ཆོས་དུ་མ་གནང་ངོ་། །དེ་སྐབས་རྗེ་
དྲུང་ཀུན་དགའ་དཔལ་བཟང་པ་དབུས་ཕྱོགས་ནས་ཕེབས་ནས། སླར་སྟོད་ཕྱོགས་ལ་ཕེབས་
22-1-330


སྒྱུར་འདུག་པ་ནས། རྗེ་འདི་ཉིད་ཀྱི་དྲུང་དུ། རྒྱལ་པོ་བཀའ་འབུམ་སོགས་ཀྱི་ལུང་དང་། སྔར་
མ་གསན་པའི་འདོད་ཆོས་འདྲ་དགོས་ཕེབས་པ་ལྟར། དགོངས་བཞེད་ཀྱི་ལུང་དང་། མགོན་
པོ་གུར་ཞལ། དྲཀྴད་སོགས་རྗེས་གནང་གི་རིགས་མང་དུ་འབུལ་བར་མཛད་འདུག རྗེ་འདི་
ཉིད་ཀྱིས་ཀྱང་། ཁྲིད་བརྒྱའི་གླེགས་བམ་གྱི་ལུང་ཡོངས་རྫོགས་གསན། སླར་ལྷོ་ཕྱོགས་ལ་
ཕེབས་ལམ། སྨོན་འགྲོར་ཞལ་ངོ་རྣམས་ལ་ཚེ་དབང་སོགས་བཀའ་ཆོས་དུ་མ་དང་། ལྷ་རྩེའི་
དགོན་པ་ནོར་བུ་སྒང་གི་གདན་ས་པ། ཆོས་རྗེ་སངས་རྒྱས་རྒྱལ་མཚན་པ་ལ། གུར་ཞལ་གྱི་
རྗེས་གནང་སོགས་གནང་། རིམ་གྱིས་གཏིང་ཁེབས་སུ་ཕེབས་ནས། 
སྦྲུལ་ལོའི་དབྱར་སོས། ས་སྐྱོང་[མའི་དབང་པོ་]རབ་མཛེས་མཐོང་བ་དོན་ལྡན་གྱིས་གཙོ་
མཛད། དགོན་གསུམ་གྱི་དགེ་འདུན་རགས་བསྡུས་ལ། ཆོས་གྲྭར་གསུང་ངག་རིན་པོ་ཆེ་ལམ་
འབྲས་བུ་དང་བཅས་པའི་གདམས་ངག་ཆ་ལག་ཡོངས་སུ་རྫོགས་པ་ཞིག་གནང་། དེ་སྐབས་
གཞི་བསྙེན་བྱེད་མཁན་ཉི་ཤུ་ཙམ་བྱུང་[བ་ལ་སྡེ་སྲིད་ཀྱིས་ཕོག་རྒྱག་སོགས་མཐུན་རྐྱེན་ཀྱང་གནང་]། ཡང་སྡེ་
སྲིད་དཔོན་གཡོག་ཉུང་བསྡུས་ལ། ཁྲིད་བརྒྱའི་ལུང་། དྲཀྴད་ཀྱི་རྗེས་གནང་། མགོན་སྤོད་
སོགས་ཀྱི་ལུང་ཡང་གནང་། སྐབས་དེར་གྲང་ལུང་{བ་ཚོས་[བའི་སྤྱན་འདྲེན་པ་ཞིག་སྐུ་གཞོགས་འབྱོར་
པའི་ཞུ་ཆ་ལ།] བདག་ཚོའི་ཆུ་མིག་ཡོད་པ་སྐམ་ནས་ལོ་གསུམ་ཙམ་སོང་ནས་ཆུས་ཕོངས་པར་
གྱུར་པ་ལ། གཞན་གྱིས་ཐབས་སྣ་ཚོགས་བྱས་ཀྱང་ཕན་པ་ཞིག་མ་བྱུང་བས་འཇམ་དབྱངས་
རིན་པོ་ཆེ་སྤྱན་འདྲེན་ལ་ཡོངས་པ་ཡིན་{ཟེར་བ་ལ། ཐུགས་རྗེས་ཕེབས་དུས། [སངས་རྒྱས་ལ་
སེམས་ཅན་གྱི་དོན་ལས་མི་འདུག་པས་ཅིས་ཀྱང་ཕེབས་པ་ཞིག་དགོས་ཞེས་ནན་ཞུས་ཕུལ་བ་ལ། རྗེའི་གསུང་ནས་གྲང་ལུང་པ་
འདི་རྣམས་རྗེ་སེམས་དཔའ་ཆེན་པོ་ལ་ལྷག་པར་མོས་པ་ཞིག་ཡིན་པས། ཕན་ཐོགས་མི་ཐོགས་ཅི་ཡིན་རུང་ད་ལན་འགྲོ་དགོས་
གསུང་ནས་ཕེབས།] ཡར་ལམ་སྔར་གྱི་ཆུ་མིག་ཡོད་པའི་ས་དེར་ཕྱག་ནས་ཙམ་ཞིག་དགོས་ཞུས་
འདུག་པ་ལ། དེ་ཁར་ཆིབས་གཞོལ་ཡོད་ཙམ་གནང་། སྔར་གྱི་ཆུ་མིག་རང་དེ་གང་ན་ཡོད་
22-1-331


དྲི་བ་མཛད་པ་ན་བྱེ་ཐང་ཞིག་ལ། ཅིག་གིས་འདི་ཙམ་ན་ཡོད་ཟེར་བ་ལ། ས་ཕྱོགས་དེ་ཤིན་
ཏུ་མཁྲེགས་ཤིང་ཆུ་བྱུང་བའི་རྗེས་ཙམ་ཡང་མེད་པར་མ་ཟད། ཉེ་ལོགས་ཤིང་རྩི་རྣམས་ཀྱང་
སྐམ་འདུག་པ་ལ། ཕྱོགས་ཀུན་ཏུ་སྤྱན་གྱིས་གཟིགས་ཡུལ་མཛད་ཅིང་། སླར་བླ་བྲང་དེར་
ཕེབས་ཏེ། ཀླུ་གཏོར་སྒྲུབ་པའི་ཆས་རྣམས་བསྒྲིགས། སང་ཐོ་རངས་སྔ་ཆ་སྒྲུབ་པ་མཛད་
པའི་སྐབས། ནམ་མཁའ་ལ་སྤྲིན་ཆེར་མེད་པའི་ཁ་བ་ཁྱི་རྗེས་དོད་ཙམ་བབ། ཉི་རྩེ་ལ། རབ་
འབྱམས་ཆོས་རིན་དང་། མཆོད་གཡོག་དཀོན་མཆོག་སྐྱབས་[པ་]ཀླུ་ཁང་གི་ཕྱོགས་རྣམས་སུ་
ཁྲུས་ཆབ་འཐོར་བ་ལ་གནང་[སོང་]བས། ཁོང་ཚོ་སྔར་གྱི་ཆུ་མིག་བསྐམས་པའི་ས་དེར་སླེབ་
དུས། མདང་དགོང་ཆིབས་གཞོལ་གནང་ས་དེར་ཆུ་ཞིག་རྡོལ་འདུག་པ་མཐོང་ནས། དེ་ཀའི་
ཚུལ་དཀོན་མཆོག་པས་ཞུས་པས། {ཟོག་དང་རྫུན་མ་བྱེད་གསུང་བཀའ་[རྗེ་འདི་རང་གི་ཡོན་ཏན་
དང་ལེགས་བྱས་ཅི་བྱུང་རུང་ངོ་སོ་དང་། རང་མཐོང་གཏན་ནས་མི་མཛད་པར་ཤིན་ཏུ་གསང་ཞིང་སྦ་བ་ཞིག་ཡོད་པས། ཁྱོད་ན་
སོ་རྒན་པོ་གཅིག་མི་འདྲ་བར་བརྫུན་མ་ཟེར། ང་ནི་བརྫུན་དང་ཟོག་བྱས་ནས་ལྟོ་ཟ་བ་ལ་དགོས་པ་མེད་གསུང་བས་ཤིན་ཏུ་]
བཀྱོན་པ་མཛད་དོ། །
འདིར་སྨྲས་པ། རབ་གཡོ་ཕྱོགས་བཅུར་རྒྱུག་བྱེད་ཅུང་ཟད་ཐོབ་གང་ཁ་རུ་ཐོགས། །ཉིན་
དང་མཚན་མོར་མཐོང་དང་མ་མཐོང་དག་ལ་སྨྲ་བར་བརྩོན། །ཉོན་མོངས་གྲགས་པ་མིན་
ཐོབ་ཁ་ཟས་ལ་ཆགས་འདོད་ལ་བརྐམ། །ཁྱི་ཡང་བྱིས་པའི་མཁས་པ་རྣམས་དང་ཆོས་འདི་
དག་གིས་མཚུངས། །དམ་པ་ཡོན་ཏན་སྦེད་ལ་དགའ། །བླུན་པོ་རང་གི་སྐྱོན་ཡང་ངོམ། །འདི་
ན་མཛངས་པ་རང་གི་སྐྱོན། །སྨོད་ཅིང་ཡོན་ཏན་སྦ་བར་བྱེད། །ཉིད་ལྟ་དེ་ལྟའི་གནས་ཚུལ་ལ། །
བདག་ལྟས་དཔྱད་པ་ཅི་ཞིག་བྱེད། །འོན་ཀྱང་འཇིག་རྟེན་སྒྲོལ་བའི་ཕྱིར། །ཐབས་མཁས་དེ་
ལྟར་བསྟན་པ་ལགས། །འདི་ན་ངུར་སྨྲིག་རྟགས་འཆང་བརྟུལ་ཕོད་པ། །དྲེགས་ལྡན་རྒྱལ་
པོས་བཀུར་སྟིར་སྤྱོད་པ་འགའ། །གཞན་སྡེ་འཇོམས་ལ་དཔའ་ཞིང་རང་གི་སྡེ། །སྐྱོང་མཁས་
22-1-332


དེ་དག་སྒྱུ་མས་འཇིག་རྟེན་སླུ། །གཡུལ་དུ་འཇུག་དང་ནོར་གྱིས་བསླུས་བྱས་ནས། །དབང་
ཐང་སྒྲུབ་པ་ལེགས་སྤྱོད་ཡིན་ནམ་ཅི། །དམ་པ་དམ་པའི་ཆོས་ཀྱིས་སྐྱེ་བོ་དག །ཡོངས་སུ་སྡུད་
ཀྱིས་གཡོ་སྒྱུས་ག་ལ་ཞིག །ཆུ་སྐྱར་བཞིན་དུ་སྒྱུ་མའི་སྤྱོད་ཚུལ་མཁས། །སྨྲ་མཁས་འདི་ལ་བློ་
ལྡན་བག་ཡོད་བྱོས། །གཞན་དག་གྱ་གྱུས་འཇུག་པར་དོགས་པ་ནའང་། །དྲང་པོར་འགོད་
མཁས་ཁྱོད་ལ་ཕྱག་འཚལ་ལོ། །
སླར་ཀླུ་གཏེར་འཇུག་པ་དང་། ཕྱག་ནས་གནང་བ་ལ་ཕེབས་དུས། ཁོང་ཚོ་ཞུ་བ་བཞིན་
དུ། སྐྱེ་ཆུ་ཆེར་སོང་ནས་ཆུ་མིག་འབུར་དུ་དོད་ཅིང་། ཆུ་སྣ་ཡང་ཕེབས་ལམ་གྱི་གདོང་དུ་སླེབ་
བྱུང་བ་ལ། ཕྱག་ནས་ཐོར་ཙམ་ཞིག་མཛད། དེ་ནས་ཁོ་རང་སོ་སོའི་བློ་དང་མཐུན་པའི་དབང་
རྗེས་གནང་སོགས་ཀྱང་གནང་ཅིང་། དེ་སྐབས་ཀྱི་ཆུ་མིག་དེ་ལ་གྲང་ལུང་པ་རྣམས་ཀྱིས་
འཇམ་དབྱངས་ཆུ་མིག་ཅེས་མིང་དུ་བཏགས་ཤིང་། དུད་འགྲོའི་སྔོ་དང་ཀོང་སོགས་ལ་ཆུ་དེས་
བཀྲུས་པ་ཙམ་གྱིས་ཕན་པ་དུ་མ་བྱུང་། དུས་ད་ལྟའི་བར་དུ་ཡང་ཆུའི་རྒྱུན་དེ་ཡོད་པས་འཕྲལ་
དང་ཡུན་གྱི་ཕན་བདེ་ལ་འགོད་པར་མཛད་ཅིང་། དེ་ནས་སླར་ཆོས་ལུང་ཕྱོགས་ལ་ཕེབས། 
རྟ་ལོ་དུས་ཆེན་སྟེང་། སྐུ་གདུང་རིན་པོ་ཆེ་ཡིད་བཞིན་ནོར་བུའི་དྲུང་དུ། སྙན་དར། 
དཀར་མེ་རྒྱུན་འབར་སོགས་འཛུགས་པ་གནང་ཞིང་། སྒྲུབ་སྡེ་བ་ལ་མང་ཇ་དུ་མ་དང་། དུས་
ཆེན་གྱི་རིང་ལ་འབྲས་འཇམ་ཆག་མེད་སོགས་དངོས་པོ་ཐམས་ཅད་མཆོད་འབུལ་དང་། སྒྲུབ་
སྡེའི་བསྙེན་བཀུར་སོགས་སྒྲུབ་པར་མཛད། དེ་ལོའི་ལམ་འབྲས་ལ་དཀར་པོ་སློབ་དཔོན་
པ། ཆོས་རྗེ་{འགའ་[འགག་]རོང་པ། སྨན་ཐང་པ་བློ་བཟང་རྒྱ་མཚོ་བ་སོགས་དང་། སྒྲུབ་སྡེ་བ་
རྣམས་ལ་ལམ་འབྲས་ཡོངས་རྫོགས་གནང་ཞིང་། 
ལུག་ལོ་གཏིང་ཁེབས་ཀྱི་དགོན་གསུམ་གྱི་གྲྭ་བ་སོགས་སུམ་བརྒྱ་ལྷག་ཙམ་ལ། ལམ་
འབྲས་སྨིན་རྒྱས་སུ་སྩལ་ཞིང་། གཞན་ཡང་ཟབ་ཆོས་དུ་མ་ཞིག་གནང་། དེ་མཚམས་བྱང་
22-1-333


ཕུག་ཏུ་ཇོ་བོ་རིན་པོ་ཆེ་མཇལ་བ་ལ་ཕེབས་ཏེ། གསེར་ཆབ་ཞུ་བ། སྙན་དར། དཀར་མེ་
སོགས་མཆོད་འབུལ་རྒྱས་པ་དང་། ཉིན་རེ་བཞིན་ཡན་ལག་བདུན་པ། གསོལ་འདེབས་སྨོན་
ལམ་སོགས་རྒྱ་ཆེར་གནང་ཞིང་། ཕེབས་ལམ་གྱི་སྦྱིན་བདག་སོ་སོའི་བློ་འདོད་ལྟར་ཆོས་སྦྱིན་
ཀྱང་སྩལ། སླར་གཏིང་ཁེབས་མཁར་ཆེན་དུ། རྗེ་དྲུང་ཀུན་དགའ་དཔལ་བཟང་པས་མཁན་
པོ་མཛད། རྗེ་ཉིད་ཀྱིས་ལས་སློབ་མཛད་ནས་དགོན་གསུམ་གྱི་རགས་བསྡུས་བཞི་བཅུ་ཙམ་
ལ་བསྙེན་རྫོགས་སྒྲུབ་པ་མཛད་ནས། སླར་ཆོས་ལུང་བྱང་རྩེར། 
སྤྲེའུ་ལོ་དུས་ཆེན་སྒྲུབ་མཆོད་ཀྱི་མཆོད་འབུལ་སོགས་རྒྱ་ཆེར་གནང་ནས། དེ་གྲོལ་
མཚམས་སྒྲུབ་སྡེ་རྣམས་ལ་ཞེན་པ་བཞི་བྲལ་གྱི་ཁྲིད། [རྗེ་བཙུན་གྲགས་པའི་མགུར། ས་པཎ་དང་། བྱང་ཕུག་
པ་ཀུན་དགའ་ལེགས་པའི་འཁྲིད་ཡིག་རྣམས་ཀྱི་ལུང་།] བློ་སྦྱོང་དོན་བདུན་མའི་ཁྲིད་རྒྱས་པ། [དེའི་རྒྱབ་ཆོས་སུ་
བཀའ་གདམ་གླེགས་བམ་གྱི་ལུང་། རྒྱལ་སྲས་ཆོས་རྫོང་པའི་རྣམ་ཐར་རིགས་བཞི། རྒྱལ་སྲས་བཀའ་འབུམ། བློ་སྦྱོང་མཚོན་ཆའི་
འཁོར་ལོ། རྨ་བྱ་དུག་འཇོམས། སེམས་པའི་རིམ་པ། སྒྱེར་སྒོམ་རྡོ་རྗེའི་གླུ། དོན་དམ་བྱང་སེམས་སྒོམ་པའི་ཟུར་འདེབས། ལམ་
ཁྱེར་བཅོ་བརྒྱད་མ། བློ་སྦྱོང་དཔལ་ཡེ་མ། ལེགས་བཤད་ཀུན་འདུས་རྣམས་ཀྱི་ལུང་།] སྙིང་པོ་དོན་གསུམ་གྱི་ཁྲིད་
[དང་། ཁྲོ་ཕུ་པས་མཛད་པའི་འཁྲིད་ཡིག་སོགས་ཀྱི་ལུང་དང་།] སྐྱིད་སྡུག་ལམ་འཁྱེར་གྱི་ཁྲིད[ལུང་སོགས་དང་
]། སུམ་པ་ལོ་ཙཱ་བའི་བློ་སྦྱོང་། སྨར་ཁྲིད་ཚེམ་བུ་ལུགས་ཀྱི་ཁྲིད། [རྒྱལ་ཚབ་སེམས་དཔས་མཛད་པའི་
འཁྲིད་ཡིག་གི་ལུང་།] དེ་དག་གི་ཡི་གེ་སྣ་གྲངས་ཤིན་ཏུ་མང་བའི་ལུང་། ནཻ་གུ་ཆོས་དྲུག་བརྒྱུད་པའི་
རྣམ་ཐར་ཡོངས་རྫོགས་སོགས་ནཻ་གུ་སྐོར་གྱི་ལུང་རྣམས་རྫོགས་པར་གནང་། ཟླ་བ་བཞི་ལྷག་
ཙམ་བར་ལ་བདེ་མཆོག་ནག་པོ་པའི་གསུང་བསྙེན་གནང་། དེ་ཉིད་གྲོལ་འཕྲལ་བཅོམ་ལྡན་
འདས་འཁོར་ལོ་བདེ་མཆོག་གི་རྡུལ་ཚོན་གྱི་དཀྱིལ་འཁོར་བཞེངས་ཏེ། སྒྲུབ་སྡེ་བ་རྣམས་ལ་
དབང་བསྐུར་བཀའ་དྲིན་སྩལ། ཡང་མི་ཉུང་ཤས་ཤིག་ལ་རྣལ་འབྱོར་མའི་བྱིན་རླབས་དང་། 
 སྒྲུབ་སྡེ་བྱིན་ལ་གསུང་ངག་ལམ་འབྲས་ཡོངས་རྫོགས་ཀྱི་དབང་ཁྲིད་ལུང་སོགས་གནང་
22-1-334


ནས། ལྷོ་ཕྱོགས་ལ་ཆིབས་ཁ་བསྒྱུར་ཏེ། [སྨོན་གྲོ། བདེ་སྐྱིད་གླིང་སོགས་སུ་ཚེ་བཀའ། མགོན་པོའི་རྗེས་གནང་
སོགས་དུ་མ་དང་།] ཁྱད་པར་རག་རྫོང་དུ་གདོང་དགའ་ནས་ཆོས་རྗེ་ཁུ་དབོན་རྣམས་དང་། ཆོས་
རྗེ་གངས་དཀར་བ་སོགས་ལ། ཀྱེ་རྡོ་རྗེའི་རྒྱུ་དབང་དང་། འཆག་མེད་བཞིའི་ཁ་གསོ་དང་། 
 འཇིགས་བྱེད་ཀྱི་དབང་། ཞལ་བཞི་པ་བསྙེན་སྒྲུབ་ལས་སྦྱོར། གདོང་བརྙན་ཅན། {ལས་
[རིགས་]བཞི་མགོན་པོ་སོགས་ཀྱི་རྗེས་གནང་ཚེ་དབང་གྲུབ་རྒྱལ་མ། ཛེ་ཏཱ་རི་སོགས་དགོངས་
བཞེད་བཞིན་གནང་། གཏིང་ཁེབས་སུ་ཕེབས། སྡེ་སྲིད་ཡབ་སྲས་ལ་ཚེ་བཀའ་སོགས་གནང་
རྗེས། དཔལ་ཀུན་བཟང་ཆོས་ཀྱི་ཉི་མའི་དུས་ཆེན་ཐོག་ཀྱཻ་རྡོར་སྒྲུབ་མཆོད་དང་། ཉིན་གུང་བླ་
མ་མཆོད་ཆོག སྲོད་ལ་གུར་ཞལ། དྲཀྴད་སོགས་ཀྱི་བསྐང་གསོ་རྒྱས་པར་ཞག་བཅུ་སྐོར་ཙམ་
གནང་། དེ་མཚམས་སུ། མཁས་པའི་དབང་པོ་ཟླ་བ་བཟང་པོ་གསེར་གླིང་ཆོས་སྡེའི་གདན་
ས་དང་། དགའ་ལྡན་རྩེའི་འཆད་ཉན་ལ་བསྐོ་བཞག་གནང་ནས། རྗེ་དཔོན་སློབ་ཉུང་བསྡུས་
ཞིག ཆོས་གྲྭ་གཉུག་སྦུགས་སུ་སྐུ་མཚམས་དམ་པར་བཞུགས། 
སླར་བྱ་ལོ་ཚེས་འཕྲལ་[སྡེ་སྲིད་]ཞལ་ངོས་གཙོ་མཛད་དབང་ཆ་གཉིས་ལ་བདེ་མཆོག་གི་
དབང་བསྐུར་གནང་ནས། རྗེ་བཙུན་ཐམས་ཅད་མཁྱེན་པའི་དུས་ཆེན་སྟེང་དུ། རྗེ་འདི་ཉིད་
ཀྱིས་གཙོ་མཛད། {མིའི་བདག་པོ་[སྡེ་སྲིད་]ཕྱག་གཡོག་ལ་དགེ་འདུན་ཉི་ཤུ་རྩ་གྲངས་དང་
བཅས་པས། དཔལ་འཁོར་ལོ་བདེ་མཆོག་གི་སྒྲུབ་མཆོད་རྒྱས་པར་གནང་ཞིང་། དེ་ལོ་སྒྲུབ་
མཆོད་གསར་འཛུགས་ཡིན་ཞིང་། ཆོས་རྗེ་གདན་ས་པས་གཙོ་མཛད་སུམ་ཅུ་ཙམ་གྱིས་ཀྱཻ་
རྡོ་རྗེའི་སྒྲུབ་མཆོད་མཛད། དེ་དག་དང་རྣལ་འབྱོར་མའི་ཆོ་ག་དང་། ཚེ་ཆོག་སོགས་ཀྱི་རྒྱུན་
དུས་དེང་སང་གི་བར་དུ་ཡར་ལྡན་དུ་གནས་པ་འདི་ལགས། དུས་ཆེན་གྲོལ་ནས་ཆོས་རར་
སྐུ་མཚམས་དམ་པ་རང་ཟླ་བ་བརྒྱད་ཙམ་གནང་ཞིང་། ལམ་དུས་སོགས་ཆག་མེད་བཞི་ཐུན་
བཞི་དང་། ཁྱད་པར་ལམ་ཟབ་བླ་མའི་རྣལ་འབྱོར་གཙོ་བོར་གནང་། ཡང་གཤེད་དམར་
22-1-335


དང་། འཇིགས་བྱེད་ཀྱི་གསུང་བསྙེན་ཞིག་གནང་བ་ལས། [ཁྱད་པར་]འཇིགས་བྱེད་གསུང་
བསྙེན་གྱི་སྐབས་སུ། མནལ་ལམ་ན། མདུན་གྱི་ནམ་མཁར་རྗེ་བཙུན་ཐམས་ཅད་མཁྱེན་པ་
ལ་ཕྱོགས་བཅུའི་སངས་རྒྱས་ཀྱིས་བསྐོར་ནས་བཞུགས་པས། རྗེ་འདི་ལ་བཀྲ་ཤིས་མངའ་
གསོལ་མཛད་པའི་སྣང་བ་བྱུང་ཞིང་། དེ་བཞིན་དུ་རྗེ་སེམས་པ་ཆེན་པོ་དང་། ཀུན་སྤངས་རིན་
པོ་ཆེ་དང་མཇལ་ནས་བྱིན་གྱིས་བརླབས་པ་སོགས་ཡང་ཡང་བྱུང་གསུང་། དེ་ནས་སྟོན་དེ་
མཁན་ཆེན་ལུང་རིགས་རྒྱ་མཚོས་གཙོ་མཛད། ཇོ་གདན་ཚོགས་པ་རྣམས་ཕེབས་སྐབས། རྗེ་
འདིས་ཀྱང་མཁན་ཆེན་རིན་པོ་ཆེ་ལ་འབུལ་ཆས་དང་། ཚོགས་པ་རྣམས་ལ་མང་ཇ་བུར་སྟོན་
སྤྱི་འབུལ་སོགས་མཛད། མཁན་ཆེན་རིན་པོ་ཆེའི་དགོངས་བཞེད་ལྟར། ཁྲིད་བརྒྱ། དཔལ་
མགོན་ཞལ་བཞི་པ་སྒྲུབ་དུས་མགོན་པོའི་རྗེས་གནང་། དྲཀྴད་ཀྱི་རྗེས་གནང་དང་སྒྲུབ་
ཐབས་ཀྱི་ལུང་སོགས་སྩལ། 
དེ་ནས་ཁྱི་ལོ་དུས་ཆེན་སྟེང་ཆོས་ལུང་ནས་སྤྱན་འདྲེན་ནན་ཆེར་བྱུང་ནས་ཕེབས། ཟླ་བ་
གཉིས་པའི་ནང་དུ་ཇོ་གདན་ཚོགས་པ་དཔོན་སློབ་ཀྱང་། [སྐུ་གདུང་རིན་པོ་ཆེ་མཇལ་བ་ལ་]ཆོས་ལུང་
དུ་ཕེབས་སྐབས་མཁན་ཆེན་དྲུང་དུ་བརྒྱད་སྟོང་པའི་ལུང་། ཁྲོ་ཕུ་པའི་མན་ངག་བརྒྱ་རྩ། ཚེ་
དབང་རྣམས་དང་། ཚོགས་པ་རགས་བསྡུས་ལ་རྣལ་འབྱོར་མའི་བྱིན་རླབས་གནང་ཞིང་། 
སླར་ཚོགས་པ་རྣམས་ཤར་ཕྱོགས་ལ་ལོག་ཕེབས། དེ་སྐབས་ཆོས་ལུང་གི་འདུ་ཁང་གསར་
བཞེངས་ཀྱི་མགོ་ཚུགས། སྒྲུབ་སྡེ་ཆོས་གཞིས་དང་བཅས་པས་ལས་ཀ་བྱས་ནས་ལོག་བྲིས་
ཙམ་མ་གཏོགས་ལེགས་པར་གྲུབ་པོ། །
དེ་ནས་ཕག་ལོ་དུས་ཆེན་མཆོད་འབུལ་གྲུབ་མཚམས་སུ་ལྕགས་ནང་སོས་སྤྱན་འདྲེན་
བྱུང་ནས་ཕེབས་ཏེ། ཚེ་དབང་། ཀྱཻ་རྡོར་གྱི་དབང་། དགོངས་བཞེད་ལྟར་ནཻ་གུ་ཆོས་དྲུག་གི་
ཁྲིད་སོ་སོའི་བྱིན་རླབས་དང་བཅས་པ་སྨིན་རྒྱས་སུ་གནང་ཞིང་། དོན་བསྡུས་ཀྱི་དམིགས་
22-1-336


ཁྲིད་ཁོལ་དུ་ཕྱུང་བའི་ཐུགས་རྩོམ་ཞིག་ཀྱང་གནང་། རྒྱལ་པོ་བཀའ་འབུམ་གྱི་ལུང་། ཆོས་
སྐྱོང་གི་རྗེས་གནང་སོགས་གནང་ནས། སླར་ཁྲི་སྣར་སོ་སོར་བཞེད་དགོངས་སྒྲུབ་པ་མཛད་
ནས། གཏིང་ཁེབས་སུ་ཕེབས། བྲག་དཀར་དགོན་པའི་[ཞལ་འཛིན་གནང་དགོས་པའི། སྡེ་སྲིད་ནས་
ནན་ཞུས་ཕུལ་བ་ལ་བརྟེན། དོན་ཞགས་བསྒྲུབ་ཆེན་ཐོག་ཏུ་]གདན་སར་ཕེབས་ཏེ། རྗེ་སེམས་པ་ཆེན་པོའི་
དགོངས་པ་རྫོགས་ཐབས་ལ། ལུགས་གཉིས་ཀ་ལ་མཛད་པ་བཟང་པོའི་སྐྱོང་ཐར་དང་། ཁྱད་
པར་ཐུགས་རྗེ་ཆེན་པོའི་སྨར་ཁྲིད་དང་། དོན་ཞགས་དང་། བཅུ་གཅིག་ཞལ་སོགས་ཀྱི་རྗེས་
གནང་སོ་སོའི་ཆོ་གའི་ལུང་སོགས་འཕྲལ་མཁོའི་གསུང་ཆོས་དུ་མ་གནང་། དེ་ནས་སྟོན་དེ། 
སྨན་ཐང་པ་ཁུ་དབོན་དཔོན་སློབ་རྣམས་ཀྱི་ཆོས་ལུང་འདུ་ཁང་གི་ལོགས་བྲིས་གཟབ་པར་
གྲུབ་ནས། རབ་གནས་ལ་སྤྱན་འདྲེན་བྱུང་སྟེ། རྗེ་བཙུན་དམ་པ་འདི་ཉིད་ཀྱི་ཕྱག་ཕྱིར་སྒྲུབ་
སྡེ་བ་རྣམས་དང་། ཤུག་ཁྲོད་ནས་རགས་བསྡུས་ཉི་ཤུ་ཙམ་གྱིས། བདེ་མཆོག་རྣལ་འབྱོར་མ་
སོགས་ཀྱི་ཆོ་ག་ལ་བརྟེན། རབ་གནས་ལེགས་པར་མཛད། དེ་སྐབས་བྱང་ནས་བདག་པོ་ཆེན་
པོ་ཀུན་དགའ་རིན་ཆེན་ཀྱང་ཕེབས། རྒྱལ་རྩེ། རིན་སྤུངས་སོགས། སྦྱིན་བདག་སོ་སོ་དང་། 
 བསམ་གྲུབ་རྩེ་ནས་སྐུ་མདུན་ཞིང་བཤག་པ[ས། མང་ཇ། སྒྲུབ་སྡེར་ནས་ཁལ་ཉིས་བརྒྱ། རྗེའི་དྲུང་དུ་བསྔོ་
རྟེན་བདུན་ཚན་དབུས་གཙང་བ]་སོགས། སོ་སོ་ནས་བསྙེན་བཀུར་དགའ་སྟོན་སོགས་རྒྱ་ཆེར་སྤེལ་
ཏེ། དེ་མཚམས། འདུ་ཁང་གསར་པའི་ཁ་འབེབས་ལ། རྟེན་འབྲེལ་ཤིས་པ་འདུག་གསུང་། 
 ཚེ་དབང་དང་ཚེ་ཁྲིད། རྒྱས་པ་ཞིག་གནང་། དེ་རྗེས་བཅོམ་ལྡན་འདས་གཤིན་རྗེ་གཤེད་
དམར་པོ་ལྷ་ལྔའི་དབང་གིས་སྨིན་པར་བྱས་ནས། བསྐྱེད་རིམ་གྱི་སྐབས། དཔྱལ། ཆག དཱ་ན་
ཤཱི་ལ། གློ་བོ་ལོ་ཙཱ་བ་སོགས་སོ་སོའི་བཞེད་པ་མ་འདྲེས་པའི་མཐའ་གཅོད་རྒྱས་བཤད་དང་། 
 སེམས་འཛིན་སྒོམ་པའི་རིམ་པ་སོགས་དང་། རྫོགས་རིམ་གྱི་སྐབས་སྤྲོས་མེད་རྒྱུན་གྱི་རྣལ་
འབྱོར་གྱི་བྱིན་རླབས། རྣམ་རྟོག་འོད་གསལ་གྱི་བྱིན་རླབས། རྟེན་འབྲེལ་རྫས་ཀྱི་རྣལ་འབྱོར་
22-1-337


གྱི་བྱིན་རླབས་སོགས་སོ་སོར་སྦྱར་བའི། ཤིན་ཏུ་སྤྲོས་པ་མེད་པའི་ཁྲིད་རྒྱས་པ་དང་། དེ་དག་
གི་རྒྱབ་ཆོས་སུ། བིཪྺ་པའི་རྒྱ་གཞུང་རྣམས་དང་། ངོར་ལུགས་ཀྱི་སྒྲུབ་དཀྱིལ་སོགས་དང་། 
གློ་བོ་ལོ་ཙཱ་བའི་སྟོང་ཐུན། ཐེག་ཆེན་ཆོས་རྒྱལ་གྱི་འགྲེལ་པ། གྲུབ་ཆེན་དཔལ་འཛིན་གྱི་རྣལ་
འབྱོར་བཞི་རིམ། དེའི་ཁྲིད་ཡིག་གློ་བོ་ལོ་ཙཱ་བས་མཛད་པ་རྣམས་ཀྱང་གསུངས། འདི་དག་གི་
སྐབས་ཤིག རྗེ་དྲུང་བསྟན་འཛིན་མཆོག་གི་སྤྲུལ་སྐུས་ཀྱང་ཞབས་ལ་བཏུད་དེ། རྩ་དབུ་མའི་
འཁྲིད་སོགས་མང་དུ་གསན། དེ་སྐབས་གདོང་དགའ་ནས། ནང་སོ་བརྟན་པའི་དྲུང་སྐུ་ཁམས་
ཤིན་ཏུ་མ་བདེ་བ་ནས། སྤྱན་འདྲེན་པ་བྱུང་[བ་ལ་བརྟེན། དགུན་དུས་ཀྱི་གྲང་རེག་ཆེ་ཡང་། རྗེ་བཙུན་གོང་མ་ལ་
དད་ཐོབ་ཐུན་མོང་མ་ཡིན་པའི་སྦྱིན་བདག་ཡིན་པའི་འགྲོ་དགོས་གསུངས་ནས་ཕེབས།] གཙང་བསམ་གྲུབ་བདེ་ཆེན་
དུ་ཞག་གཅིག་བཞུགས་པའི་གཟིགས་སྣང་ལ། འོད་དཀར་པོ་ཞིག་བྱུང་བ་ན། སྤྲོས་མེད་ཀྱི་
ཏིང་ངེ་འཛིན་གྱི་ངང་དུ་འཇོག་པ་གནང་བས། རེ་ཞིག་ནས་རང་གཟུགས་བསྟན་ཏེ། བདག་
སྐྱེད་ལྷས་རྒྱལ་པོ་ཡིན། ད་རེས་མ་བྱོན་པ་ལེགས་ཟེར། དེ་ཅི་ཡིན་གསུངས་པས། རྡོ་རིངས་
ཀུན་སྤངས་པས་གཉེར་དུ་གཏད་པའི་ཆོས་གཞིས་རྣམས་ཁོང་ཚོས་བདག་བཟུང་བྱས། ངེད་
ཀྱིས་ཀྱང་འདི་བཞིན་མི་བྱེད་ཀ་མེད་བྱུང་ཟེར་ནས་ཡལ་སོང་གསུང་། [རྗེས་ཐུགས་ལ་ཇི་ལྟར་གྲག་
གམ་དགོངས།] འོན་ཀྱང་ཀུན་སྤངས་རིན་པོ་ཆེ་ལ་གསོལ་བ་བཏབ། མགོན་པོ་འཁོར་བཅས་ལ་
ཡང་གཏོར་འབུལ་སོགས་བྱས་ནས། ཅུང་ཟད་ཕན་པ་སྲིད་དམ་དགོངས་ནས། གདོང་དགར་
ཕེབས་ཏེ། བརྟན་པའི་དྲུང་སོགས་ཞལ་ངོ་རྣམས་ལ། ཚེ་དབང་བརྒྱ་ཚར། སྒྲོལ་དཀར། ཕྱག་
རྡོར། གུར་ཞལ་གྱི་རྗེས་གནང་བཀའ་སྒོ་སོགས་གནང་ཞིང་། ལྷག་པར་དཔལ་མགོན་འཁོར་
བཅས་ལ་གཏོར་འབུལ་དང་བསྟུན་པའི། བཤགས་པ། འཕྲིན་བཅོལ། སྒྲོལ་མདོས་དང་། 
 དྲུག་ཅུ་པའི་གཏོར་ཟློག་ཞིག་ཀྱང་མཛད་པས། ནང་སོ་བརྟན་པའི་དྲུང་སྐུ་ཁམས་དྭངས་
བསྐྱེད་ཡོད་ཙམ་བྱུང་། [རྗེའི་དགོངས་པ་ལ། སྔར་གྱི་གནས་ཚུལ་དེ་རྣམས་ཞུས་ན་ནི། གང་དུ་དགོངས་འགྲོ་ཡང་མི་
22-1-338


ཤེས། མ་ཞུས་ན་ནི་འཕྲལ་ཕུགས་ཀུན་ཏུ་ཉེས་པ་ཆེན་པོར་འགྲོ་བ་འདུག་དགོངས།] ཕྱག་གཡོག་དྲུང་ཆེན་ཆོས་སྐྱོང་
དཔལ་བཟང་ལ། སྔར་གྱི་གནས་ཚུལ་རྣམས་ཞིབ་པར་གསུངས་ཏེ། ཆོས་གཞིས་འདི་རྣམས་
སྐྱེད་ལྷས་རང་ལ་སྦྱོར་འཇགས་མ་གནང་ན། ད་ལྟ་སྐུ་ཁམས་ཡར་གསོ་འདུག་ཀྱང་མཐའ་
ཚེས་ཡོང་བ་དཀའ། དེར་མ་ཟད་[པ་]ཕུགས་ཞལ་ངོ་རིགས་བརྒྱུད་སོགས་ལའང་གནོད་པ་
འདུག[་ཀྱང་། སྔར་ནི་ཞུ་མ་ནུས། ཕྱག་ཕྱིར་འགྱུར་ན་]ཁྱེད་ཀྱིས་ཀྱང་ཞུ་བ་གྱིས་གསུངས་པས། བདག་
གིས་ཞུས་ཀྱང་གསན་དགོངས་ཡོང་བ་དཀའ། དངོས་ཀྱི་བཀའ་ཕེབས་གནང་ན་ལེགས་པ་
ཡོང་ཟེར་ཞལ་ངོ་ཁུ་དབོན་རྣམས་ལ་སྔར་གྱི་ཞིབ་ཆ་རྣམས་གསུངས་པས། བཀའ་ཕེབས་
བཞིན་བྱེད་ལགས་ཞུ་བ་བྱུང་ཀྱང་། སྟོན་ཐོག་གི་བསྡུང་འབབ་རྣམས། ས་སྐྱ། ཁའུ། ཆོས་ལུང་
གི་དཀར་མེ་སོགས་ཀྱི་རྒྱུ་ལ་ཕུལ་བ་ལས། ས་ཆ་ཐུགས་ཀྱིས་ཐོངས་པ་རང་ནི་མ་བྱུང་འདུག་
གོ །ཡང་སྐབས་ཤིག་གདོང་དགར་ཕེབས་དུས། ཆོས་རྗེའི་དྲུང་གིས་ཆོས་སྡེའི་གཟིམས་ཁང་
དུ་སྤྱན་འདྲེན་ཞུས། ཁོང་རང་གིས་སྤོས་སྣ་མཛད་དུས། གཟིམས་ཁང་གི་སྒོ་ན་འདོགས་ཁྱི་
ཤིན་ཏུ་ཐུ་བ། ཁོང་རང་ཚོའི་ལས་གཉེར་འདྲིས་པ་མ་གཏོགས་གཞན་སུས་ཀྱང་མི་ཁེགས་པ་
ཞིག་འདུག་པ་ལ། དཔོན་སློབ་རྣམས་སྒོ་དང་ཉེ་ལོགས་སུ་ཕེབས་པ་ན། ཆོས་རྗེའི་དྲུང་གིས་
ཕྱག་གཡོག་ལ་ཁྱི་འགེགས་པའི་བརྡ་གནང་དུ་མགྱོགས་པར་བྱོན་{པ། རྗེ་འདི་ཉིད་ཀྱང་དེ་
ཀ་ལ་ཕེབས་པ། ཁྱི་དེ་[སོང་བས། རྗེ་འདི་ཉིད་སྐུ་ནས་སྨིན་རུང་སྐུ་ཟོར་ཡང་བའི་བཤེས་ཀྱིས་བསྐྱོད་པ་བདེ་བས། ཆོས་
རྗེའི་དྲུང་གི་རྗེས་རང་ལ་ཐེགས་སོང་། ཁྱི་དེ་སྐུ་གཞོགས་ལ་བཅར་བྱུང་ནས་]སྔར་འདྲིས་ལྟར། རྗེ་འདི་ཉིད་ཀྱི་སྐུ་
ལ་ལྕེས་ལྡག་པ་དང་། དྲི་སྣོམ་པ་{སོགས་དགའ་དགའ་ལྟར་བྱེད། [ཙམ་མ་གཏོགས་གནོད་པ་ཅུང་ཟད་
ཀྱང་མི་བྱེད་པར་འདུག] རྗེ་ཉིད་སྐས་ལ་ཐལ་ལེ་ཕེབས་པ་ལས། གཞན་ནི་སུ་ཡང་གཏོང་དུ་མ་ཉན་
པར་ཁྱི་འགེགས་མཁན་འབོད་དགོས་པ་བྱུང་། ཕྱག་ཕྱི་ལ། དཔོན་ལགས་ཁུ་དབོན་གསུམ་
དང་། ཆོས་རྗེ་གངས་དཀར་བ་བྱོན་ཡོད་པས་ཐམས་ཅད་ཐུགས་ཧ་ལས་དེ་ཧད་དེ་ལུས། 
22-1-339


[གཟིམས་ཁང་ནང་དུ་ཕེབས་ནས་གསུང་གླེང་མཛད་པ་ན། ཆོས་རྗེ་གངས་དཀར་པ་ན་རེ། ཕ་འཇིགས་པ་ལ། ང་ནི་ད་རུང་འདར་
བ་མ་སངས་པ་འདུག རྗེ་བླ་མ་རང་གི་ཐུགས་རྗེ་མ་གཏོགས། རང་རེ་ཕྱག་གཡོག་པ་རྣམས་ནི་སུ་ཡང་མི་སླེབ་པ་འདུག་གསུང་
བ་ལ། ནང་སོ་རྣམ་རྒྱལ་པ། ཨ་ལ་ལ་ངོ་མཚར་ཆེ་འདུག འདི་ཡི་རང་བཞིན་སྙིང་རྗེའི་བདག་ཉིད་ཀྱི། །རྣམ་པར་སླན་པ་བཞིན་
དུ་ལྷན་བྱས་ནས། །ཕན་ཚུན་གནོད་པ་མེད་པའི་ཡིད་གྱུར་ཏེ། །དཀའ་ཐུབ་ཅན་བཞིན་སེམས་ཅན་ཁྲོ་བའང་གཅོད། །ཅེས་སྐྱེས་
རབས་ལས་གསུངས་པ་ལྟར། སྔོན་གྱི་རྒྱལ་སྲས་བྱང་སེམས་ཀྱི་རྣམ་ཐར་ལ་ཡང་། འདི་ལས་ལོགས་པ་ཅི་ཡོད་གསུང་ཞིང་ཕྱག་
ཐལ་མོ་སྦྱོར་བ་མཛད་དོ།།] མདོར་ན་བདག་ཉིད་ཆེན་པོ་{འདིའི་དྲུང་དུ། གཅན་ཟན་གདུག་པ་ཅན་
ཡང་ཞི་བའི་སེམས་དང་ལྡན་པ་དང་། [འདི་ལ། གཅན་ཟན་གདུག་པ་ཅན་གྱི་གནོད་པས་རྫི་བར་མི་ནུས་ཤིང་]
བྱ་དང་རི་དྭགས་ལ་སོགས་པ་རྣམས་དྲུང་དུ་བག་ཕེབས་པར་གནས་པ་ལ་སོགས་པ་ཀུན་གྱི་
མིག་ལམ་དུ་གྱུར་པའོ། །
འདིར་སྨྲས་པ། རྒྱལ་བ་བཅོམ་ལྡན་ཁྲོ་མེད་མཚོན་སྤངས་པས། བདུད་དཔུང་ཐམས་
ཅད་ཤིན་ཏུ་བཅོམ་ཞིང་བཏགས། །མགོན་པོ་ཁྱོད་ཀྱང་བྱམས་པ་ཁོ་ན་ཡིས། །མ་དུལ་བ་
རྣམས་ཤིན་ཏུ་དུལ་བར་མཛད། །ངན་པར་སྤྱོད་པ་ཁྲོ་བས་འདུལ་སྙམ་པ། །མི་ཐུལ་བདག་
ཀྱང་ཉེས་པས་གོས་པར་འགྱུར། །མི་མཁས་ནགས་ཀྱི་མེ་ལ་དབྱུ་གུ་བསྣུན། །དབྱུག་པ་ཉིད་
ཀྱང་སོལ་བར་འགྱུར་བ་བཞིན། །ཤིན་ཏུ་གདུལ་དཀའ་མི་བཟད་དྲག་པོའི་མེ། །འདུལ་ལ་
ཐུགས་རྗེའི་ཆུ་ཐིགས་ཟེར་མ་ཡང་། །རྒྱ་མཚོ་བདུན་ལས་ལྷག་པའི་ཆུ་ཆེན་དང་། །བདག་
ཉིད་ཉམས་པར་མི་འགྱུར་ནམ་མཁའ་ལགས། །
དེ་ནས་ཁྱི་ལོ་ཆོས་ལུང་གི་དུས་ཆེན་ཐོག་ཏུ་ཕེབས། སྒྲུབ་མཆོད་མཆོད་འབུལ་སོགས་
རྒྱས་པར་གནང་སྟེ། ལྷོ་ཕྱོགས་ལ་ཆིབས་ཁ་བསྒྱུར་ནས་ཐོག་མར་གཏིང་ཁེབས་མཁར་ཆེན་
དུ་ཕེབས། ཞལ་ངོ་རྣམས་ལ་ཚེ་དབང་སོགས་དགོངས་བཞེད་བཞིན་སྩལ་ནས། དེ་ལོའི་ལམ་
འབྲས། ཀུན་སྤངས་རིན་པོ་ཆེའི་དགོངས་པ་རྫོགས་ཐབས་ལ་དམིགས། བྱམས་གླིང་དུ་བྱེད་
22-1-340


གསུང་ནས། ཆོས་རྗེ་བདེ་གླིང་པ་དཔོན་སློབ་དང་། བྱམས་གླིང་། དགེ་དཔལ་སོགས་གཞི་
བྱེས་ཀྱི་གྲྭ་རིགས་རྣམས་དང་། [སྣང་གསུམ་སྐབས། སྐྱེ་བོའི་ཚོགས་]དད་འདུས་བརྒྱ་ཕྲག་མང་པོ་
ལ་གསུང་ངག་ལམ་འབྲས་འཛུགས་པ་མཛད་ནས། ཆོས་ཐུན་རེ་རེའི་མགོར་རྗེས་གནང་རེ་
དང་བཅས་གནང་ཞིང་། [སྔགས་ལམ་ནས་དགེ་འདུན་ཁར་རྐྱང་ལ་ལམ་འབྲས་ཆ་ལག་དང་བཅས་པ་མཐར་ཕྱིན་པ་
དང་།] གཞན་ཡང་ཀུན་རིག་གི་དབང་ཆ་བཅུ་ལྷག་ཙམ་དང་། མི་འཁྲུགས་པ། འཇིགས་བྱེད། 
གཤེད་དམར་གྱི་དབང་དང་། གུར་ཞལ་དྲཀྴད་སོགས་ཉེར་མཁོའི་དབང་ལུང་རྗེས་གནང་
སོགས་དུ་མ་དང་། སྦྱིན་བདག་སོ་སོའི་བློ་དང་བསྟུན་པའི་དབང་མོ་ཆེ། སྒོས་དབང་སོ་སོ་
དང་བཅས་པས་བསམ་པ་ཚིམ་པར་མཛད་ནས། སླར་བྲག་དཀར་དུ་སྒྲུབ་ཆེན་ཐོག་ཕེབས་
ནས། དོན་ཞགས་ཀྱི་ཆོ་ག་སྨིན་རྒྱས་སུ་མཛད། ཆོས་རར་དགོན་གསུམ་གྱི་དགེ་འདུན་རྣམས་
ལ། ནཻ་གུ་ཆོས་དྲུག་གི་ཁྲིད་ཆ་ལག་དང་བཅས་པ་སྨིན་པར་གནང་ནས། 
གླང་ལོ་ཆོས་ལུང་བྱང་རྩེར་ཕེབས། དུས་ཆེན་གྲོལ་སྐབས། བདག་པོ་བཀྲ་ཤིས་སྟོབས་
རྒྱས་ཀྱིས་སྤྱན་འདྲེན་གྱི་ཕོ་ཉ་གནང་ནས། ངམ་རིངས་ཕོ་བྲང་ཆེན་པོར་ཕེབས་ཏེ། མི་དབང་
ཆེན་པོ་སྐུ་མཆེད། ནུབ་དགོན་གདན་ས་པ། ཆོས་རྗེ་གྲང་ཆེན་པ་སོགས་ལ་གྲུབ་པའི་རྒྱལ་མོ་
ལུགས་ཀྱི་ཚེ་དབང་བརྒྱ་ཚར། ཚེ་ཁྲིད་སྨིན་རྒྱས་དང་རྗེ་བཙུན་ཐམས་ཅད་མཁྱེན་པའི་རྣམ་
ཐར་ཡོངས་རྫོགས་ཀྱི་ལུང་། ཞབས་དྲུང་སྟོབས་དྲུང་སྐུ་རྐྱང་ལ། དཔལ་མགོན་ཞལ་བཞི་པ་
{གུར། དྲཀྴད་རྣམས་ཀྱིས་བཀའ་དང་ལུང་ཕེར་གནང་། [བསྙེན་བསྒྲུབ་ལས་གསུམ། གདོང་བརྙན་ཅན་
རིགས་གཉིས། ལས་བཞིའི་མགོན་པོའི་རྗེས་གནང་སྒྲུབ་སྐོར་དང་བཅས་པ། བྲམ་ཟེའི་རིག་གཏད། སྙན་གྱི་ཤོག་རིལ་ཉེར་
གཅིག་སོགས་མན་ངག་ཡོངས་རྫོགས་ཀྱི་ལུང་། གུར་ལྷ་བརྒྱད་ཀྱི་རྗེས་གནང་། དཔལ་མགོན་དྲཀྴད་ཀྱི་དབང་། སྒྲུབ་ཐབས། 
དཀར་པོ་མཐོང་སྨོན། འདུས་པོད་ཆེན་མོ་སོགས་ཀྱི་ལུང་དང་།] པདྨ་དབང་ཆེན་གྱི་ཚེ་དབང་དང་རས་ཆེན་
དཔལ་འབྱོར་བཟང་པོའི་མདའ་འཕེལ་མ་དང་རྗེས་གནང་གི་རིགས་དུ་མ་སྩོལ་བར་མཛད་
22-1-341


ཅིང་། མི་དབང་ནམ་མཁའ་རྒྱལ་པོ་ཡབ་ཡུམ་སྲས་བཅས་ལ། སྒྲོལ་དཀར་གྱི་རྗེས་གནང་
དང་། ཚེ་དབང་གྲུབ་རྒྱལ་མ་{སོགས་སྩལ། [བརྒྱ་ཚར་ཉིན་གཅིག་ལ་རྫོགས་པར་གནང་ཞིང་།] དེ་སྐབས་
སྡེ་སྲིད་སྐུ་མཆེད་མགྲིན་གཅིག་པའི་{སྒོ་ནས། [ཞུ་ཆ་འབུལ་བ། སྔོན་བདག་པོ་ཆེན་པོ་ཀུན་དགའ་རིན་ཆེན་གྱི་
དགོངས་གཏད་ལྟར་ཡིན་ཅིང་། ལྷག་པར་ངེད་རང་ཞལ་ངོ་རྣམས་ཀྱི་རྩེ་གཅིག་པའི་བློ་འདོད་ཡིན་པས།] རྨ་བྱ་ཤུག་ཁྲོད་
ཀྱི་ཞལ་འཛིན་གནང་དགོས་ཚུལ་ནན་ཞུས་འབུལ་བ་མཛད་ཅིང་། [བསྟན་པའི་རྒྱུན་ལ་དགོངས་ནས་
ཞལ་བཞེས་གནང་།] ས་ག་ཟླ་བའི་ཚེས་བཅུ་བདུན་གྱི་ཉིན། བདག་པོ་བཀྲ་ཤིས་སྟོབས་རྒྱས་སྐུ་
མཆེད་ཀྱིས་རྗེ་ཉིད་ཀྱི་ཕྱག་ཕྱི་བཟུང་ནས། རྨ་བྱ་ཤུག་ཁྲོད་དགེ་ལེགས་ཡོངས་འདུའི་ཚལ་དུ་
ཕེབས་པའི་སང་ཉིན་གཟའ་ཚེས་བཟང་བ་ལ། སྒྲུབ་གནས་དེ་ཉིད་{ཀྱི་ཁྲི་ཐོག་དུ་ཕེབས།[དུ་
མི་འཇིགས་སེང་གེའི་ཁྲི་ལ་ཞབས་ཟུང་འཁོད་པར་མཛད་དེ། སྡེ་སྲིད་ནས།] རྗེ་བཙུན་དམ་པ་འདི་ཉིད་ཀྱི་དྲུང་
དུ། ཁྲི་སྟོན་གཟབ་རྒྱས་དང་། སྒྲུབ་སྡེ་ལ་མང་ཇ་བསྙེན་བསྐུར་སོགས་དང་། ཁྱད་པར་སྤྱི་
བླ་བྲང་གི་ཆོས་གཞིས་ལ། ནས་ཁལ་སྟོང་ཕྲག་བཞི་ཙམ་གྱི་ཡོང་འབབ། ས་ཆ་མི་མུས་དང་
བཅས་པ་འབུལ་སྦྱོར་མཛད་ཅིང་། [དེ་སྐབས་དབོན་དྲུང་ཕན་ནེ་ཡང་ཁྲི་སྟོན་ཞུ་བ་དང་། བཅུ་བདུན་མཆོད་ཀྱི་
རྟེན་མ་འབུལ་སྦྱོར་མཛད་པ་ལ་བྱོན།] སྒྲུབ་སྡེ་བ་རྣམས་ལ། གསུང་ངག་རིན་པོ་ཆེ་ལམ་འབྲས་བུ་དང་
བཅས་པ་སྨིན་རྒྱས་དང་། མགོན་པོ་གུར་ཞལ་གྱི་རྗེས་གནང་སྒྲུབ་སྐོར་སོགས་གནང་ཞིང་། 
སླར་རྩེ་ལྔར་ཕེབས་ནས་ཞག་ཤས་བཞུགས། རྒྱལ་བུ་ལྕམ་སྲིང་རྣམས་ལ་ཚེ་དབང་སོགས་
དགོངས་བཞེད་རྣམས་གནང་། དགུན་ཐོག་དེ་བྲག་དཀར་དུ་སྐུ་མཚམས་གནང་། སླར་
ཐེག་མཆོག་གླིང་དུ་ཞབས་དྲུང་བཀྲ་ཤིས་སྟོབས་རྒྱས་པས་སྤྱན་དྲངས་ཏེ། རྗེ་འདི་ཉིད་ཀྱིས་
མཁན་པོ་མཛད། རྗེ་རིག་འཛིན་པས་ལས་སློབ། སངས་རྒྱས་རྒྱལ་མཆོག་པས་དུས་གོ་བ་
སོགས། ཁ་སྐོང་གི་དགེ་འདུན་གྲངས་ཚང་བ་དང་བཅས་པའི་དབུས་སུ། དབོན་ཆོས་མཛད་
ཉི་ཤུ་རྩ་བགྲངས་ཀྱིས་སྣ་གྲངས་པའི་ཀུན་དྲིལ་སུམ་བརྒྱ་ཙམ་རབ་ཏུ་བྱུང་ཞིང་། བསྙེན་པར་
22-1-342


རྫོགས་པའང་སྒྲུབ་ཆ་གསུམ་ཙམ་ལེགས་པར་སྒྲུབ་རྗེས། བདག་པོ་ཞལ་ངོ་རྣམས་ལ་སོ་སོར་
དགོངས་བཞེད་ཀྱི་དབང་ལུང་རྗེས་གནང་སོགས་བསྒྲུབ་པར་མཛད་ནས། 
སྟག་ལོ་[རྗེ་བཙུན་ཐམས་ཅད་མཁྱེན་པའི་]དུས་ཆེན་ཆེན་མོའི་སྟེང་དུ་ཆོས་ལུང་བྱང་རྩེར་ཕེབས་
ནས། {རྗེ་[སྐུ་གདུང་རིན་པོ་ཆེ་ཡིད་བཞིན་ནོར་བུའི་དྲུང་དུ། རྗེ་བཙུན་དམ་པ་]ཉིད་ཀྱིས་རྡོ་རྗེ་སློབ་དཔོན་
མཛད། རྗེ་རིན་པོ་ཆེ་བྲག་སྟོད་ནས་སོགས། དཔོན་སློབ་སུམ་ཅུ་སྐོར་གྱི་བདེ་མཆོག་ནག་པོ་
པའི་ཆོ་ག་དང་། སྟེང་གི་གཡབས་སུ། རྗེ་དྲུང་ཀུན་དགའ་དཔལ་བཟང་པ་དཔོན་སློབ་ཉི་ཤུ་
སྐོར་གྱི་ཀྱཻའི་རྡོ་རྗེའི་ཆོ་ག་ལྕོང་ཞིར་ཏྲཻ་བོ་རིན་པོ་ཆེ་དཔོན་སློབ་ལྔ་བཅུ་ཙམ་གྱི་ཕག་མོའི་ཆོ་ག
ཆོས་ལུང་སྒྲུབ་སྡེ་དང་། ཤུག་ཁྲོད་སྒྲུབ་སྡེ་གཉིས་ཀྱིས་[སྔ་དྲོ་]བདེ་མཆོག་ལྷ་ལྔ་དང་། [དགོང་
ཆོག་ལ་]རྡོ་རྗེ་རྣལ་འབྱོར་མའི་ཆོ་ག དགོན་པ་དཀར་པོ་བ་དཔོན་སློབ་གྱིས་ཀྱཻ་རྡོར་གྱི་ཆོ་ག་
སོགས་སྒྲུབ་མཆོད་མཆོད་འབུལ་རྒྱས་པར་མཛད་ལ། དེ་ཡང་[སྤྱིར]བདག་ཉིད་ཆེན་པོ་འདིའི་
[སྐུ་གསུང་ཐུགས་ཀྱི་མཛད་པ་འཕྲིན་ལས་ཐམས་ཅད། བསྟན་པ་དང་། སེམས་ཅན་གྱི་དོན་དང་། ཁྱད་པར་ཆོས་འབྲེལ་གསན་
པའི་བླ་མ་རྣམས་དང་། དེ་དག་གི་ནང་ནས་ཀྱང་]བཀའ་དྲིན་ཆེ་བའི་རྩ་བའི་བླ་མ་མཁྱེན་བརྩེ་ནུས་གསུམ་
ཞེས་པ། མཁྱེན་རབ་ཀྱི་དབང་ཕྱུག་རྗེ་བཙུན་ཐམས་ཅད་མཁྱེན་པ་འཇམ་མགོན་གྲུབ་པའི་
དཔའ་བོ་དཔལ་ལྡན་ཀུན་དགའ་གྲོལ་མཆོག་བློ་གསལ་རྒྱ་མཚོའི་སྡེ་དང་། མཐའ་ཡས་འགྲོ་
ལ་བརྩེ་བ་ཆེན་པོའི་བདག་ཉིད་རྒྱལ་བ་བྲག་དཀར་བ་སེམས་དཔའ་ཆེན་པོ་བསོད་ནམས་
རྒྱལ་མཚན་དཔལ་བཟང་པོ་དང་། མཐུ་སྟོབས་ཀྱི་དབང་ཕྱུག་རྡོ་རིངས་ཀུན་སྤངས་ཆེན་པོ་
ཀུན་བཟང་ཆོས་ཀྱི་ཉི་མ་དང་གསུམ་ལ་མཛད་ཅིང་། དེ་དག་སོ་སོའི་དགོངས་པ་རྫོགས་པའི་
ཐབས་སུ་མཆོད་འབུལ། ཆོས་གསུང་བ་དང་། ཐ་ན་དེ་དག་གི་ཕྱག་རེག་པའི་དངོས་པོ་ཕྲ་མོ་
ཚུན་ལའང་ཕྱག་དང་མཆོད་པའི་ཡུལ་མཛད་{དོ། །[ཅིང་། ལྷག་པར་རྗེ་བཙུན་ཐམས་ཅད་མཁྱེན་པའི་སྐུ་
གདུང་ཡིད་བཞིན་ནོར་བུའི་དྲུང་དུ། སྙན་དར་དཀར་མེ་སོགས་མཆོད་པའི་ཡོ་བྱད་དུ་མ་དང་། དེར་འདུས་བླ་མ་སོ་སོ་ལ་རྙེད་པའི་
22-1-343


སྐྱེས། ཚོགས་པ་རྣམས་ལ་མང་ཇ། རས་འགྱེད། དབུ་མཛད་སོགས་དྲག་རིགས་ཐམས་ཅད་ལ་དར་ཁ་རེ་དང་། གོས་ཆེན་རེ། 
ཐམས་ཅད་ལ་བུར་སྟོན། དུས་ཆེན་བར་གྱི་འབྲས་འཇམ་གྱི་རྒྱུ་ལ་འབྲས་ཁལ་བདུན་ཅུ་ཙམ་སོགས། མདོར་ན་བདོག་པའི་དངོས་
པོ་ཐམས་ཅད། རྗེ་བཙུན་ཐམས་ཅད་མཁྱེན་པའི་དགོངས་པ་རྫོགས་པའི་ཐབས་སུ་སྒྲུབ་པར་མཛད།] དེ་སྐབས་རྗེ་ཏྲཻ་བོ་
རིན་པོ་ཆེའི་སྤྲུལ་པའི་སྐུའི་དགོངས་བཞེད་ལྟར། དཔོན་སློབ་ཁ་ཡར་དང་། ཕུ་ཕག་དབོན་
ཆེན། བཀྲ་ཤིས་རྫོང་ཁ་བ་ཆེན་མོ། སྨན་ཐང་པ་སོགས་དབང་ཆ་གཅིག་ལ། རྡུལ་ཚོན་གྱི་
དཀྱིལ་འཁོར་དེར་བདེ་མཆོག་ནག་པོ་པའི་དབང་བསྐུར་སྩལ་ཞིང་། ཏྲཻ་བོ་རིན་པོ་ཆེ་དཔོན་
སློབ་ཉུང་བསྡུས་ལ། {བདེ་མཆོག་ནག་པོ་པ་དང་། རྡོ་རྗེ་རྣལ་འབྱོར་མ་ནཱ་རོ་མཁའ་སྤྱོད་སྐོར་
ཡོངས་རྫོགས་གནང་། [ནག་པོ་གཞུང་དྲུག ནག་འབུམ། བྱད་སྦྱར། མངོན་དཀྱིལ། རིམ་བཞི་སོགས་བདེ་མཆོག་ནག་
པོ་ཞབས་ཀྱི་ཆོས་སྐོར་ཡོངས་རྫོགས་དང་། ནཱ་རོ་མཁའ་སྤྱོད་ཀྱི་བྱིན་རླབས། རྩ་དབུ་མའི་འཁྲིད། རྣལ་འབྱོར་མ་ལ་བརྟེན་པའི་
ཡིག་ཆེའི་ལུང་རྣམས་གནང་། སླར་གསུང་ངག་ལམ་འབྲས་སོགས་འདོད་ཆོས་འདྲ་གནང་དགོས་པའི་ཞུ་ཆ་འབུལ་བ་གནང་ནས། 
ཁོང་དཔོན་སློབ་ཏེ་སེ་སྐོར་བ་ལ་ཕེབས་སོང་།] ཡང་རྗེ་འདི་ཉིད་དཔོན་སློབ། ངམ་རིངས་བརྒྱུད་དེ་ཤུག་
ཁྲོད་ལ་ཕེབས། ཅུང་ཕྱོགས་ན་བཞུགས་པའི་གནས་རྙིང་པའི་ཞལ་ངོ་སྡོམ་བརྩོན་གནས་
བརྟན་ཞིག་གིས་གསོལ་བ་བཏབ་ནས། སྒྲུབ་སྡེ་དང་བཅས་པ་ལ། ནཻ་གུའི་{དབང་ཁྲིད་
ཡོངས་རྫོགས་ཞིག་གནང་། [སྒྱུ་ལུས་དབང་མོ་ཆེ། ཆོས་དྲུག་སོ་སོའི་བྱིན་རླབས་དང་བཅས་པའི་འཁྲིད་ལུང་བཀའ་ཆ་
ཚང་། བརྒྱུད་པ་སོ་སོའི་རྣམ་ཐར། ཕྱག་དྲུག་ཡེ་ཤེས་མགོན་པོ་དང་། མགོན་དཀར་ཡིད་བཞིན་ནོར་བུའི་རྗེས་གནང་སོགས་
གནང་།] དེ་ནས་རིམ་གྱིས་བྲག་དཀར་དགོན་པར་ཕེབས། དང་པོར་རྗེ་སེམས་དཔའ་ཆེན་པོ་
གསེར་མདོག་ཅན་དུ་བཞུགས་དུས། བཀའ་ལས། རང་རེས་བཀའ་དྲིན་ཆེ་བའི་བླ་མ་བྱང་
སེམས་བསོད་ནམས་རིན་ཆེན་གྱི་སྐུ་གདུང་དེ་ལ་རྟེན་གཞེངས་ཤིག་དགོས་པ་ཡོད་དེ་མ་གྲུབ་
གསུང་ཐུགས་ལས་ཅུང་ཟད་འདུག་པ། ཕྱིས་རྗེ་འདི་ཉིད་བྲག་དཀར་གདན་སར་ཕེབས་ཉིན་
སྐུ་གདུང་རིན་པོ་ཆེ་མཇལ་བ་ལ་ཕེབས་དུས། སྔ་སོར་རྗེ་སེམས་དཔའ་ཆེན་པོའི་གསུང་དེ་
22-1-344


རྣམས་[དུས་གསུམ་གཟིགས་པའི་ལུང་བསྟན་དུ་དགོངས་ཏེ། རྗེ་བཀའ་དྲིན་ཅན་དེ་ཉིད་ཀྱི་དགོངས་པ་བསྐང་བའི་ཕྱིར་དུ། 
རྟེན་བཞེངས་མཛད་པར་ཐུགས་གཏད་ནས། {ཐུགས་ལ་ཤར་བ། དེ་སྐབས་རྟེན་བཞེངས་
མཛད་པར་ཐུགས་གཏད་ནས། བཟོ་བོ་རྣམས་[བྱང་ཞབས་དྲུང་དུ། བཟོ་རིག་པ་སོགས་རྫོང་བཀོད་གནང་
དགོས་པའི་བཀའ་སྩལ་ཕེབས་པ་བཞིན།] ཟླ་བ་བཞི་པའི་ཉེར་བརྒྱད་ལ་སྐུ་གཞོགས་འབྱོར[་བྱུང་བའི་
ཐུགས་ཤིན་ཏུ་དགྱེས་ཤིང་]། བཀའ་ལས། དེ་རིང་བྱང་སེམས་བསོད་ནམས་རིན་ཆེན་གྱི་དུས་ཆེན་
ཡང་ཡིན། གཟའ་སྐར་ཡང་ཤིས་པ་འདུག་པས། གཟོ་ར་སོགས་ཀྱང་གང་དུ་བྱས་པ་ལེགས་
དབྱིབས་ལྟ་གྱིས་གསུང་[པ་ལྟར། བཟོ་བོ་རྣམས་ཀྱིས་དེ་བཞིན་བྱས་ཤིང་]། ཁོང་རྣམས་ལ་ཐོག་མར་ཚེ་
དབང་དང་། དཔལ་མགོན་དྲཀྴད་ཀྱི་རྗེས་གནང་རྣམས་གནང་། ཟླ་བ་ཚེས་དང་བསྟུན། སྐུ་
གདུང་རིན་པོ་ཆེའི་གདུང་སྒྲོམ་དང་བཅས་པ་ནང་དུ་ཤོང་བའི། བྱང་ཆུབ་ཆེན་པོའི་མཆོད་
རྟེན་གྱི་ཐིག་རྩ་བླངས་ཏེ་བཟོའི་མགོ་བཙུགས། བར་ཆད་ཀྱི་རྣམ་པ་ཅུང་ཟད་ཀྱང་མེད་པར། 
ཟླ་བ་བདུན་པའི་ཚེས་ལྔ་ལ་ཡོངས་སུ་རྫོགས་པར་གྲུབ་ནས། སྐུ་གདུང་[ཡིད་བཞིན་གྱི་ནོར་བུ་]
ནང་དུ་སྤྱན་དྲངས། གཞན་ཡང་བྱིན་རླབས་ཀྱི་རྟེན་དུ་མ་དང་། གཟུངས་སྔགས་ཟབ་མོ་ལ་
སོགས་པ་གཟུངས་བཞུགས་ཀྱི་རིམ་པ་[རྣམས་]ལེགས་པར་གྲུབ་སྟེ། ཚེས་བརྒྱད་ལ་ངོ་མཚར་
བའི་ལྟས་དུ་མ་དང་བཅས་རབ་ཏུ་གནས་པ་ལེགས་པར་གྲུབ་པར་མཛད། དེ་མཐུན་བཟོ་བོ་
རྣམས་ལ་ཡང་སྟོན་མོ་དང་གནང་སྦྱིན་དཔེ་བྲལ་སྩལ་ནས་མགུ་བ་བསྐྱེད་ཅིང་། [ལམ་བར་ལ་
སྐྱོན་མེད་པའི་]སྐྱེལ་མི་དང་བཅས་རྫོངས་ལྟར་གནང་། དེ་ནས་[གཏིང་ཁེབས་]མཁར་ཆེན་དུ་ཕེབས། 
[སྡེ་སྲིད་]ཞལ་ངོས་གཙོ་མཛད་རགས་བསྡུས་དབང་ཆ་གཅིག་ལ། གསང་འདུས་འཇམ་རྡོར། 
གཤེད་དམར། འཇིགས་བྱེད་སོགས་ཀྱི་དབང་རྣམས་གནང་། [ཁྱད་པར་]གསང་འདུས་ཀྱི་སྟ་
གོན་སྐབས། {བདག་སྐྱེས་པའི་གནས་ཚུལ་གསན། མྱུར་སྟབས་ཆོས་ལུང་བྱང་རྩེར་ཕེབས། 
ཁྲི་སྣར་སོགས་རིམ་པས་བརྒྱུད་དེ། དཔལ་འཁོར་བདེ་ཆེན་གྱི་བླ་བྲང་དཀར་པོར་ཕྱག་
22-1-345


ཕེབས་བྱུང་བ། བདག་གི་ཚེ་འདིར་ཐོག་མར་མཇལ་བའི་དུས་ནི་དེ་ལགས། སླར་རྒྱལ་རྩེར་
སྤྱན་འདྲེན་ཞུས་པའི་ཞག་ཤས་བཞུགས། རྗེ་འདི་ཉིད་བླ་བྲང་དཀར་པོར་ཕེབས། མཁན་
རིན་པོ་ཆེ་ལ་གུར་ལྷ་བརྒྱད་སྦགས་སྒྲུབ་ཀྱི་རྗེས་གནང་། མགོན་སྤོད་མེ་འབར་མའི་ལུང་
སོགས་ཆོས་བཀའ་མང་པོ་སྩལ། [ལས་སྟོད་ལྷོ་ནས་བདག་པོ་བཀྲས་སྟོབས་པས་ཞུ་ཡིག་ཕུལ་བ་དབང་གྲལ་དེ་
ཁར་གཟིགས་པས་དེ་ནང་ན། བདག་སྐྱེས་པའི་ལོ་རྒྱུས་ཡོད་སྣང་བ། ཐུགས་ལྷག་པར་དགྱེས་པ་བྱུང་། སླར་ཆོས་འཕྲོ་རྣམས་
བསྡུས་ནས། རྗེ་འདི་ཉིད་མྱུར་སྟབས་སུ་བྱང་ཕྱོགས་ལ་ཆིབས་ཁ་བསྒྱུར་ཏེ། ལྷས་རྫོང་དུ་བདག་པོ་བཀྲས་སྟོབས་པ་དང་མཆོད་
ཡོན་རྩེ་འཛོམ་བྱུང་ནས། ལྷར་རྩེའི་བར་ལྷན་ཅིག་ཏུ་ཕེབས། སྡེ་སྲིད་དཔོན་གཡོག་ངམ་རིངས་ལ་ཐེགས། རྗེ་ཉིད་ཆོས་ལུང་དུ་
ཕེབས་མཚམས་སུ། མཁན་རིན་པོ་ཆེའི་ཞུ་ཤོག་དང་མི་སྣ་སླེབ་སྟེ། བདག་རྒྱང་རྩེར་སླེབས་ཡོད་ཚུལ་བྱུང་བ་ནས། བདག་ཉིད་
ཆེན་པོ་འདི་ཉིད་དང་། རྗེ་བྲག་སྟོད་ནས། དཔོན་དྲུང་ཕན་དྲུང་། བྱང་ནས་མི་སྣ་སོགས་རྫི་ལུང་དུ་ཕེབས་སྐབས། ཇོ་ནང་ནས་རྗེ་
དྲུང་རིན་པོ་ཆེ་དང་། རྗེ་དྲུང་བསྟན་གསལ་བ་ཁུ་དབོན་ཀྱང་ཕེབས། ཁྲི་སྣར་སོགས་རིམ་པས་བརྒྱུད་དེ། དཔལ་འཁོར་བདེ་
ཆེན་གྱི་བླ་བྲང་དཀར་པོར་ཕྱག་ཕེབས་བྱུང་བ། བདག་གི་ཚེ་འདིར་ཐོག་མར་མཇལ་བའི་དུས་ནི་དེ་ལགས། དེར་བདག་ལ་གནང་
སྦྱིན་ཆེན་པོ་སྩལ། མཁན་རིན་པོ་ཆེ་ལུང་རིགས་རྒྱ་མཚོ་ལ་ཡང་འབུལ་བའི་རྣམ་གཞག་རྒྱ་ཆེར་མཛད། སླར་རྒྱལ་རྩེར་སྤྱན་འདྲེན་
ཞུས་པའི་ཕྱག་ཕྱིར་མཆོད་ཡོན་ཀུན་གྱིས་ཕེབས་ནས་ཞག་ཤས་བཞུགས། དེ་བར་རྗེ་འདི་ཉིད་ལ་མཁན་རིན་པོ་ཆེས་ནན་ཞུས་
མཛད་དེ། བླ་བྲང་དཀར་པོར་ཕེབས། མཁན་རིན་པོ་ཆེ་ལ་གུར་ལྷ་བརྒྱད་སྦགས་སྒྲུབ་ཀྱི་རྗེས་གནང་། མགོན་སྤོད་མེ་འབར་
མའི་ལུང་སྩལ། བླ་བྲང་དཀར་པོར་ཕེབས་ནས། མཁན་རིན་པོ་ཆེས་འབུལ་ཆ་དཔག་མེད་དང་། བླ་མ་དམ་པ་སོ་སོར་ཡང་འབུལ་
བ་བསྙེན་བཀུར་ཀྱི་ཚོགས་ཇི་སྙེད་པ་མཛད་ནས། དཔོན་སློབ་ཀྱི་ཕྱག་ཕྱིར་བདག་གིས་ཀྱང་ཕྱིན།] རིམ་གྱིས་ནོར་བུ་
ཁྱུང་རྩེ། ཁྲི་ཁང་། བསམ་འགྲུབ་རྩེ། སྣར་ཐང་། བོ་དོང་། ཇོ་ནང་རྣམས་སུ། བསུ་བ། སེར་
འཕྲེང་། རྙེད་བཀུར་ཞབས་ཐོག་འབུལ་བ་སོགས་བགྲང་བར་མི་ནུས་པ་དང་། [དེ་ནས་]སྨོན་
གྲོར[ཕེབས་ནས]། བདག་པོ་བཀྲ་ཤིས་སྟོབས་རྒྱས་པ་དང་མཇལ་ཞིང་། སང་ཉིན་མཆོད་ཡོན་
ཀུན་ལྷན་ཅིག་{འཁོར་ལོ་སྡོམ་པའི་ཕོ་བྲང་ཆོས་ལུང་བྱང་རྩེར་ཕེབས་སོ། །[སྡེབས་ནས། ཆོས་ལུང་
22-1-346


ལ་ཆིབས་ཁ་སྒྱུར། བཀྲ་ཤིས་ཁྲ་རིང་དང་། གདུགས་རྒྱལ་མཚན། བ་དན་རོལ་མོ་ཇི་སྙེད་པའི་ཚོགས་དང་བཅས་པའི། སྒྲུབ་སྡེ་
རྣམས་ཀྱིས་ཕེབས་བསུ་བྱས་ཏེ། རང་གནས་འཁོར་ལོ་སྡོམ་པའི་ཕོ་བྲང་ག་ལ་པ་དེར་ཕེབས་སོ། །རྗེ་འདིས]བདག་ལ་རྩེ་
མཆོད་ཁང་དུ་ཐོག་མར་སྒྲོལ་མ་དཀར་མོ་ཡིད་བཞིན་འཁོར་ལོའི་རྗེས་གནང་ཞིག་གནང་
རྗེས། གཤེད་དམར་ལྷ་ལྔའི་{དབང་སྩལ། [སྟ་གོན། སང་ཉིན་དངོས་གཞིའི་དབང་རྣམས་ཡོངས་སུ་རྫོགས་པར་
གནང་བ་མཛད་ཅིང་།] དེ་ནས་དུས་ཆེན་མཆོད་འབུལ་སོགས་རྒྱས་པར་གནང་ནས། དེ་གྲོལ་
མཚམས། བདག་ལ་རྡོ་རྗེའི་འཇིགས་བྱེད་ཀྱི་དབང་། དྲཀྴད་ཀྱི་དབང་། སྒྲུབ་སྐོར་ཐམས་
ཅད་དང་བཅས་པ་གནང་། {དེ་དག་གིས་སྐབས་ཤིག་ན། བདག་པོ་བཀྲ་ཤིས་སྟོབས་རྒྱས་
དྲུང་ལ་བཀའ་ཕེབས་པར། སྔོན་གཏེར་སྟོན་པདྨ་གླིང་པས་མགོན་པོ་གུར་གྱི་གཏེར་ཕུར་ཁྱད་
པར་ཅན་གཅིག་ཀུན་སྤངས་རིན་པོ་ཆེའི་ཕྱག་ཏུ་འབུལ་བ་མཛད་འདུག་པ། ཕྱིས་རྗེ་མཚར་
ཆེན་ལ་གནང་། དེ་ནས་ཁམས་ཕྱོགས་ལ་འཁྱར་འདུག་སྟེ་ཐུགས་རྩོལ་གནང་ན་ཕྱག་ཏུ་འོང་
ཤེས་ལན་མང་དུ་གསུང་ཕེབས་པ་ཞིག་བྱུང་སྣང་། ཕྱིས་བདག་པོའི་དྲུང་མདོ་ཁམས་སུ་
ཕེབས་དུས་ཕྱག་ཏུ་འབྱོར། འདིས་མཚོན་པའི་ཤེས་བྱའི་དཀྱིལ་འཁོར་ལག་མཐིལ་གྱི་སྤུ་
ཉག་ལྟར་གཟིགས་པར་འཁུམས། [དུས་དེ་ནས་བཟུང་སྟེ། ཡི་དམ་རྡོ་རྗེ་འཇིགས་བྱེད་ཀྱི་ཐུགས་དམ་དང་། ཆོས་
སྐྱོང་དྲཀྴད་ཀྱི་གཏོར་བསྔོ་ཆག་མེད་ཀྱང་བྱས།] དེ་ནས་དཔྱིད་སོས། [རྗེ་འདི་ཉིད་ཀྱི་དྲུང་དུ།] དབོན་པོ་རྒྱལ་
དབང་རྒྱ་མཚོ་[དང་། བདེ་གླིང་ནས་ནང་སོ་དོན་ཆེན་པ་]སོགས་ཀྱིས་གསོལ་བ་བཏབ་ནས། ཕྱོགས་
ནས་བྱོན་པ་རྣམས་དང་། སྒྲུབ་སྡེ་བ་རྣམས་ལ། གསུང་ངག་ལམ་འབྲས་ཤིན་ཏུ་རྒྱས་པ་ཞིག་
གནང་བ[འི་དབུ་འཛུགས་པ་མཛད། ཆོས་བྱུང་ཚུལ་གྱི་སྐབས་བསྟན་པ་རྒྱས་པའི་ཉི་འོད་དང་། རྗེ་བཙུན་རིན་པོ་ཆེའི་ལམ་
འབྲས་བཀའ་འགྲེལ་དང་། གསུང་རྒྱུན་གྱིས་བརྒྱན་པའི་རྒྱས་བཤད་ཀྱང་གནང་ཞིང་། སྐྱབས་འགྲོའི་བཤད་པ་རྒྱས་པ་དང་། 
སྣང་གསུམ་སོ་སོའི་དམིགས་ཁྲིད། མཐའ་གཅོད་ཀྱི་བཤད་པ་སོགས་ཤིན་ཏུ་རྒྱས་པ་དང་། དེ་དག་གི་རྒྱབ་རྟེན་དུ་ཟབ་མོ་མདོ་
སྔར་གྲགས་པ་རྣམས་ཀྱི་ལུང་། ཡིད་ཆེས་ཤིང་ཁུངས་བཙུན་པར་བྱ་བའི་ཕྱིར། བླ་མ་བརྒྱུད་པའི་རྣམ་ཐར་ཉན་ལ། མོས་གུས་ཚུད་
22-1-347


ཚུད་དུ་སྒོམ་པ་ཞེས་པ། སྤྱིར་གསང་སྔགས་པའི་བླ་མ་ཚད་ལྡན་དུ་འགྲོ་བ་ལ་དབང་བཞི་ཐོབ་པ་ཞིག་གཙོ་བོར་དགོས་པས། 
དབང་བསྐུར་བྱས་ནས་རྣམ་ཐར་གྱི་ལུང་ཀླག་དགོས་རྒྱུ་འདུག་ནའང་། དིང་སང་རྣམ་ཐར་རྣམས་ཚོགས་ཆེས་པས་སྔགས་ལམ་
སྐབས་སུ་བྱས་ན་མ་སོང་དོགས། སྣང་གསུམ་གྱི་སྐབས་འདིར་བྱེད་པ་ཡིན་གསུངས་ནས་རྣམ་ཐར་གྱི་ལུང་ཀུན་ཡང་སྩལ་ཏེ། 
དམར་གྱི་ཞིབ་མོ་རྣམ་དག བར་དོན་གྱི་ཞིབ་མོ་རྡོ། ཆ་གན་དབང་ཕྱུག་གྲགས་ཀྱིས་མཛད་པའི་རྣམ་ཐར། བླ་མ་དམ་པ་བསོད་
ནམས་རྒྱལ་མཚན་གྱིས་མཛད་པའི་ངོ་མཚར་སྣང་བ། བླ་མ་སོ་སོའི་རྣམ་ཐར་ལ། རྗེ་ས་ཆེན་ནས་རྗེ་བཙུན་ཐམས་ཅད་མཁྱེན་པ་
ཀུན་དགའ་གྲོལ་མཆོག་གི་རྣམ་ཐར་ཡོངས་རྫོགས་ཀྱི་བར་ཚང་མ། བླ་མ་སྤྱིའི་བསྟོད་པ་གང་དྲིན་མ་དང་། བླ་མ་རྡོར་འཛིན་མ། 
བཱིར་བསྟོད་སོགས་སོ་སོའི་དགོས་བསྟོད། ལམ་འབྲས་ཕྱག་མཆོད་བླ་མ་ལྔ་བཅུ་པ། དེའི་འགྲེལ་པ་རྗེ་བཙུན་གྲགས་པས་མཛད་
པ་རྣམས་ཀྱི་ལུང་། ས་སྐྱ་པཎྜིས་མཛད་པའི་སེམས་བསྐྱེད་ཆེན་མོ་ལུང་སྦྱོར་དང་བཅས་པའི་སྟེང་ནས་བརྒྱུད་པ་གཉིས་ལྡན་གྱི་
སེམས་བསྐྱེད་མཛད་ནས། དེ་དགོངས་སློབ་མ་རྗེས་འཛིན་དང་། བསགས་སྦྱངས་ཀྱི་དམིགས་པ་སྤོ་བ་སོགས་དང་། སྔགས་ལམ་
གྱི་ཐོག་མ་སྨིན་བྱེད་ཀྱི་རྒྱུ་དབང་བསྐུར་བའི་སྟ་གོན་སྐབས། རྨི་ལམ་ངན་ན་སྲུང་བ་ལ་སངས་རྒྱས་སྤྱན་མས་སྒོམ་བཟླས། དངོས་
གཞིའི་རིག་པའི་དབང་ལྔའི་སྐབས་སུ་རིགས་ལྔ་སོ་སོ་ལ་གུར་ནས་གསུངས་པའི་སྐུ་མདོག་ཕྱག་མཚན་རྒྱས་པ། རྡོ་རྗེ་བརྟུལ་
ཞུགས་སྐབས་ཡི་གེ་བརྒྱ་པའི་ལུང་། རྡོ་རྗེ་སློབ་དཔོན་གྱི་དབང་གི་སྐབས་སུ་ཨཥྚའི་བཟླས་ལུང་། དབང་བཞི་སོ་སོའི་རྟོགས་
བསྐྱེད་བཅུ་དྲུག་སྦྱར་ནས་རྒྱས་པར་མཛད། གཞི་དམ་ཚིག་ལ་གནས་པའི་སྐབས་སུ། སྔགས་སྡོམ་སྤྱིའི་རྣམ་གཞག་དང་མཚན་
ཉིད་དངོས་བཟུང་། དེ་རྒྱུད་སྡེ་བཞི་པོ་སོ་སོའི་དབང་གི་ཆོ་ག་ལས་ཐོབ་ཚུལ། རྒྱུད་སྡེ་བཞི་པོ་སོ་སོའི་རྩ་ལྟུང་གི་མི་འདྲ་བའི་ཁྱད་
པར། དམ་ཚིག་ཉི་ཤུ། རྩ་བའི་ལྟུང་བ་བཅུ་བཞི། ཡན་ལག་གི་ལྟུང་བ་བརྒྱད། གཞན་ཡང་ལས་དང་པོ་པ། བརྟན་པ་ཅུང་ཟད་ཐོབ་
པ། བརྟན་པ་ཆེར་ཐོབ་པའི་དམ་ཚིག དེ་དག་སྲུང་བའི་ཚུལ། སྲུང་བའི་ཕན་ཡོན། མ་སྲུང་པའི་ཉེས་དམིགས། ཉམས་ན་ཕྱིར་
བཅོས་པའི་ཐབས་ལ་སོགས་པ་མཐའ་གཅོད་རྒྱས་པར་གནང་ཞིང་། དེ་དག་གི་རྒྱུ་དབང་གི་རྒྱབ་རྟེན་དུ། སློབ་དཔོན་བསོད་
ནམས་རྩེ་མོས་མཛད་པའི་དབང་ཆུ་ཆེན་མོ། འཕགས་པས་མཛད་པའི་དཔལ་འབྱུང་མ། བྱིན་གིན་མ། མུས་ཆེན་གྱི་གསལ་བའི་
མེ་ལོང་གི་ལུང་། དམ་ཚིག་གི་ཆོས་སྐོར་གྱི་རྒྱབ་རྟེན་དུ། རྩ་ལྟུང་བཅུ་བཞི་པའི་གཞུང་། རྩ་ལྟུང་འཁྲུལ་སྤོང་། ས་པཎ་གྱི་རྩ་ལྟུང་གི་
རྣམ་བཤད་བསྡུས་པ། འཕགས་པས་མཛད་པའི་དམ་ཚིག་རབ་གསལ། པཎ་ཆེན་གྱིས་མཛད་པའི་འཁྲུལ་སྤོང་བརྒལ་ལན། 
22-1-348


བདུད་རྩི་རིལ་བུའི་སྒྲུབ་ཐབས་རྗེ་བཙུན་གྲགས་པ་དང་། འཕགས་པས་མཛད་པ། བདག་ཆེན་བློ་གྲོས་པས་མཛད་པའི་བདུད་རྩི་
རིལ་བུའི་སྒྲུབ་ཐབས་དང་རྡོ་རྗེའི་དྲིལ་བུའི་རྣམ་བཤད་རྣམས་ཀྱི་ལུང་། ལྟ་བའི་འཁྲིད་ཀྱི་སྔོན་དུ་བདག་མེད་ལྷ་མོ་བཅོ་ལྔའི་
དབང་། འཁོར་འདས་དབྱེར་མེད་ཀྱི་སྐབས་མངོན་རྟོགས་ལྗོན་ཤིང་དུ་གསུངས་པའི་ལྟ་བའི་རིམ་པས་ཁོག་ཕུབ་ནས། མཐའ་
གཅོད་པཎ་ཆེན་རིན་པོ་ཆེས་ཆོས་ཚན་བརྒྱ་རྩར་གསུངས་པ་ལ་ཞིབ་བཤད་གཞུང་བཤད་རྣམས་དང་འཁོར་འདས་དབྱེར་མེད་རྩ་
འགྲེལ་གྱི་སྟེང་ནས་ཉམས་ལེན་དམིགས་ཁྲིད་འཛུག་ཚུགས་དང་། སོ་སོའི་ལུང་ཡང་གནང་། ཕྱི་བསྐྱེད་རིམ་གྱི་སྐབས་སུ་རིམ་
གཉིས་སྤྱིའི་རྣམ་གཞག་སོ་སོའི་རྒྱས་བཤད་བསྐྱེད་རིམ་གནད་ཀྱི་ཟླ་ཟེར་ལྟར་མཐའ་གཅོད་ཞིབ་རྒྱས་དང་། རྗེ་བཙུན་དམ་པའི་
གསུང་རྒྱུན་གྱིས་བརྒྱན་པའི་བསྐྱེད་རིམ་སེམས་འཛིན་དང་བཅས་པ། དེ་དག་གི་ཡན་ལག་ཏུ་སློབ་དཔོན་རིན་པོ་ཆེ་བསོད་ནམས་
རྩེ་མོས་མཛད་པའི་སྒྲུབ་ཐབས་ཡན་ལག་བཞི་པ་སོགས་བོད་ཀྱི་སྒྲུབ་ཐབས་དབུ་ཙམ། དགྱེས་རྡོར་ཉིད་ཀྱི་ཚོགས་འཁོར་སྦྱིན་
སྲེག་རབ་གནས་བསྟོད་པ་བཀྲ་ཤིས་སོགས་ཀྱི་ཡིག་སྣ་བཅུ་ཙམ་གྱི་ལུང་གནང་། ལམ་དབང་བདག་ཆེན་བློ་གྲོས་རྒྱལ་མཚན་གྱི་
ཡིག་ཆའི་སྟེང་ནས་མཛད་ཅིང་། ནང་བསྐྱེད་རིམ་ལ། བྱ་བ་དང་སེམས་འཛིན་དང་བཅས་པ། རྗེ་ངོར་ཆེན་གྱི་ལུས་དཀྱིལ་རྣམ་
བཤད་དང་། ལུས་དཀྱིལ་རྩོད་སྤོང་། པཎ་ཆེན་གྱི་གསུང་རྒྱུན་སོགས་སྦྱར་བའི་མཐའ་གཅོད་བཤད་པ་རྒྱས་པ་དང་། དེ་དག་སོ་
སོའི་ལུང་། བསྐྱེད་རིམ་གྱི་ལམ་དེ་རྣམས་དང་། བུམ་དབང་གི་ལྟ་བ་ངོ་བོ་ཉིད་གསུམ་ཟུང་འཇུག་ཏུ་ཉམས་སུ་བླངས་པས་གྲུབ་
མཐའ་འཁོར་འདས་དབྱེར་མེད་བགྲོད་ཚུལ། འདའ་ཁ་མ་གོང་དུ་འཕོ་བ། བར་དོའི་གདམས་པ། འབྲས་བུ་སྤྲུལ་པའི་སྐུ་ཐོབ་
ཚུལ་སོགས་སྦྱར་ནས་གསུང་ཞིང་། གསང་དབང་གི་སྔོན་འགྲོ་རྡོ་རྗེ་ལུས་ཀྱི་སྦས་བཤད། རླུང་སྦྱོར་བདུན་གྱི་དམིགས་པ་ལག་
ལེན་རྣམས་སོང་ནས། བདག་མེད་མས་སིནྡྷུ་རའི་དཀྱིལ་འཁོར་ལ་བརྟེན་པའི་བྱིན་རླབས་མཛད་ནས། གཏུམ་མོའི་དམིགས་པ་
བཅོ་བརྒྱད་ལ་དམིགས་ཁྲིད་རྒྱས་པར་གནང་། ལྟ་བ་རང་བྱུང་གི་ཡེ་ཤེས་བཞི། གྲུབ་མཐའ་མ་འདྲེས་པ་ཡོངས་སུ་རྫོགས་པ། 
འདའ་ཁ་མ་འོད་གསལ་བ། བར་དོའི་གདམ་པ། འབྲས་བུ་ལོངས་སྐུ་ཐོབ་ཚུལ་དང་། ཤེས་རབ་ཡེ་ཤེས་ལ་ཕྱག་རྒྱའི་མཚན་ཉིད། 
དངོས་དང་ཡེ་རྒྱ་ལ་བརྟེན་ནས་ལམ་སྒོམ་ཚུལ་དཀྱིལ་འཁོར་འཁོར་ལོ། ལྟ་བ་ཡས་བབས་ཀྱི་དགའ་བ་བཞི། གྲུབ་མཐའ་བདེ་
སྟོང་རྒྱ་ཆུང་བ། འདའ་ཁ་མ་འཆི་བའི་ཚེ་རྡོ་རྗེ་སེམས་དཔའ་འབྱོན་པར་གྱུར་པ། བར་དོའི་གདམ་པ། འབྲས་བུ་ཆོས་ཀྱི་སྐུ། 
དབང་བཞི་པའི་ལམ་རྡོ་རྗེའི་རྦ་རླབས། ལྟ་བ་ཆོས་ཐམས་ཅད་ཤིན་ཏུ་རྣམ་པར་དག་པའི་དེ་ཁོ་ན་ཉིད། གྲུབ་མཐའ་བདེ་སྟོང་རྒྱ་
22-1-349


ཆེ་བ། དབང་བཞི་པའི་འདའ་ཁ་མ། ཞལ་བྱུང་བར་དོའི་གདམ་པ། འབྲས་བུ་ངོ་བོ་ཉིད་སྐུ་ཐོབ་ཚུལ་རྒྱས་པ་གནང་། ལམ་འབྲས་
རྡོ་རྗེའི་ཚིག་རྐང་། ཡིག་སྣ་དྲུག་ཅུའི་གླེགས་བམ་ཡོངས་རྫོགས་གཞུང་བཤད་དམར་མ། འཕགས་མཛད་མ། མན་ངག་གཏེར་
མཛོད་སོགས་པོད་ནག་མ་ཚང་མ། པོ་ཏི་དམར་ཆུང་ཡོངས་རྫོགས་ཀྱི་ལུང་། ལམ་ཟབ་ཕྱི་ནང་། ལས་བཞིའི་བླ་མ་སྒྲུབ་ཐབས་
མཁན་ཆེན་བཀྲས་རྣམ་པས་མཛད་པ། བཱིར་སྲུང་ཐུན་མོང་བ་དང་། ཐུན་མོང་མ་ཡིན་པ། བརྡ་སྟོན་གསལ་བའི་བྱིན་རླབས། དེའི་
རྩ་འགྲེལ་གྱི་ལུང་། མགོན་རྐྱང་གི་རྗེས་གནང་སོགས་]མདོར་ན་བཟང་ལྡན་དུ་རྗེ་བཙུན་ཐམས་ཅད་མཁྱེན་
པའི་དྲུང་དུ། གང་ཐོབ་པ་ཐམས་ཅད་གནང་བ་ཡིན་གསུང་ཞིང་། ལམ་འབྲས་འདིའི་དུས་ཀྱི་
དབང་བྱིན་རླབས་ཐམས་ཅད[ལ]། བདག་གིས་ཀྱང་ཐོབ་པ་ཡིན་ནོ། །
འབྲུག་ལོ་དུས་ཆེན་སྒྲུབ་མཆོད་མཆོད་འབུལ་སོགས་རྒྱས་པར་མཛད་ནས། ལྷོ་ཕྱོགས་
ལ་ཆིབས་ཁ་བསྒྱུར་ཏེ། གཏིང་ཁེབས་སུ་ཕེབས་ནས་ཐོག་མར་ཞལ་ངོ་རྣམས་ལ་ཚེ་དབང་
བརྒྱ་ཚར་སོགས་དགོངས་བཞེད་བཞིན་སྒྲུབ་པར་མཛད་ཅིང་། དེ་སྐབས་{བདག་གིས་ཀྱང་། 
[ཆོས་ལུང་ནས། མཆོད་ཡོན་སོ་སོ་ནས་བདག་ལ་འབོད་མི་མི་སྣ་གནང་གྱུར་པ་ལྟར། འཕྲལ་དུ་]གཏིང་ཁེབས་སུ་ཕྱིན། 
རྣམ་འཇོམས་རྨེ་བརྩེགས་རྣམ་རྒྱལ་སོགས་ཀྱིས་རྗེས་གནང་ཁྲུས་ཆོག་སོགས་དང་། ཚེ་
དབང་བརྒྱ་ཚར་སོགས་བདག་ལ་གནང་། སྐབས་དེར། གསེར་མདོག་ཅན་ནས་མཁན་སློབ་
དགེ་འདུན་དང་བཅས་པས་མགྲིན་གཅིག་པར་[ཞུ་ཆ་ལ། པཎ་ཆེན་རིན་པོ་ཆེའི་བཀའ་འབུམ་གྱི་ལུང་འདི། 
དེང་སང་འཆད་ལ་ཐུག་པ་འདུག་པས། སྔ་སོར་སྙན་དབང་རིམ་པས་ཕུལ་བ་ལྟར། ད་ལམ་སྤྱན་འདྲེན་ལ་བཏང་བ་ཡིན་པས།]
འཕྲལ་དུ་ཕེབས་དགོས་ཚུལ་གྱི་ནན་ཞུས་དང་། དེ་མཐུན་བསམ་འགྲུབ་རྩེ་ནས་ཀྱང་འདེབས་
སྐྱོར་ཕུལ་བ་ལ་བརྟེན་བདག་ཉིད་ཆེན་པོ་འདིས་ཀྱང་བསྟན་པའི་རྒྱུན་ལ་དགོངས་ནས་
ཆིབས་ཁ་བསྒྱུར། [བཀྲས་གླིང་ལུག་གུ་རི་སོགས་བརྒྱུད་དེ།] སྣར་ཐང་དུ་ཚེ་དབང་སོགས་དང་། ལོགས་
བྲིས་ཀྱིས་རབ་གནས་ཞིག་ཀྱང་མཛད། ས་ག་ཟླ་བའི་ཉེར་བཞི་ལ་མཐོང་སྨོན་བཤོངས་སུ་
[བླ་བྲང་ནས་གསོལ་ཇ་སོགས་]ཐབ་འཛིན་དང་། [སློབ་དཔོན་རྣམ་པས་གཙོ་མཛད་]དགེ་འདུན་རྣམས་ཀྱིས་
22-1-350


ཕེབས་བསུ་བྱས་ཏེ། ཐུབ་བསྟན་གསེར་མདོག་ཅན་གྱི་བླ་བྲང་དུ་ཕེབས། མཁན་རིན་པོ་ཆེ་
ཟླ་བ་བཟང་པོས་གཞི་ལེན་བསྙེན་བཀུར་ཟབ་རྒྱས་གནང་ཞིང་། སང་ཉིན་དགེ་འདུན་ཚོགས་
པ་ལ་མང་ཇ་འབྲས་འཇམ་འགྱེད་བཅས་མཁན་ཆེན་དྲུང་དུ་བསྔོ་བའི་རྟེན་དང་བཅས་པ་
གནང་ཞིང་། ལྷ་ཁང་སོ་སོར་རྟེན་མཇལ་ལ་ཕེབས། {མཆོད་པ་དཔག་ཏུ་མེད་པས་སྟོབ་པར་
མཛད། [སྐུ་འདྲ་ཡིད་བཞིན་ནོར་བུ་དངུལ་གདུང་རིན་པོ་ཆེ། བྱམས་ཆེན། རྒྱལ་ཚབ་སེམས་དཔའི་སྐུ་འདྲ་སོགས་རྟེན་རྣམས་
ལ་སྙན་དར། དཀར་མེ་བརྒྱ་ཚར། ལྷག་པར་ཞལ་རས་ལ་ཁང་། བྱམས་པའི་སྐུ་མདུན་དང་། ལམ་འབྲས་ལྷ་ཁང་། བཀྲ་ཤིས་
རྩེགས་པ་རྣམས་སུ་རྒྱུན་ལྡན་གྱི་དཀར་མེ་འཁོར་ཡུག ལྷ་ཁང་གཞན་རྣམས་སུ་དུས་བཟང་སོགས་ལ་དཀར་མེ་འབུལ་བ་མཛད།]
ཉེར་བདུན་གཟའ་སྐར་བཟང་བ་ལ་མཁན་སློབ་དགེ་འདུན་འདུས་པ་དང་བཅས་པ་ལ་འདུ་
ཁང་གསར་པར་ཡོངས་རྫོགས་བསྟན་པའི་བདག་པོ་པཎྜི་ཏ་ཆེན་པོ་ཤཱཀྱ་མཆོག་ལྡན་གྱི་
བཀའ་འབུམ་གྱི་ལུང་སྩལ་བ་ནི། ཐོག་མར་མིང་བཀྲ་ཤིས་པ་དང་། བླ་མ་གོང་མའི་ཕྱག་ལེན་
ཡིན་གསུངས་ནས། དབུ་མའི་བྱུང་ཚུལ་ཡིད་བཞིན་གྱི་ལྷུན་པོ་{གནང་། དེ་ནས་རིམ་པས། 
[སྤྱི་དོན་ཆེན་མོ་ལུང་རིགས་རོལ་མཚོ་ལ་སོགས་པ་]ཐམས་ཅད་ཡོངས་སུ་རྫོགས་པར་སྩལ་བ་ལས། [ཆོས་
ཚན་བརྒྱ་རྩ་མཁན་ཆེན་དང་། ཆོས་རྗེ་ཤངས་པས་སྔ་སོར་ནས་གསན་འདུག་པ་དང་། རྣམ་འགྲེལ་ཊཱི་ཀ་ཀུན་བཟང་རོལ་མཚོ། 
སློབ་དཔོན་སོ་སོའི་གཏོང་ཆོས་ཀྱི་ངག་རྒྱུན་ཡོད་པ་ལ་དགོངས་ནས་མ་གནང་།] དེ་སྐབས་སྤྱི་དོན་བཞི་ལ་སོགས་
པའི་ཚོགས་ཆེ་བ་རྣམས་སོང་མཚམས། [མཁན་སློབ་དགེ་འདུན་དང་བཅས་པའི་ཞུ་ཆ།] པཎ་ཆེན་རིན་པོ་
ཆེ་ནས་བརྒྱུད་པའི་གསུང་ངག་ལམ་འབྲས་ཞུ་ས་བཟང་བར་འདུག་པས་ཅིས་ཀྱང་བཀའ་
དྲིན་བསྐྱང་དགོས་ཞེས་ནན་ཞུས་ཕུལ་ནའང་། {རེ་ཤིག་ཞལ་གྱིས་མ་གཞེས། [པཎ་ཆེན་བཀའ་
འབུམ་འདི་ཚོགས་ཆེས་པ་ནས་ལམ་འབྲས་ཡོངས་རྫོགས་ཞིག་མ་ཐུབ་པ་ཡོད་དམ་ཞེས་གསུང་པ་ལ་སླར་དགེ་འདུན་རྣམས་ཀྱི་
གསོལ་འདེབས་ནན་བསྐྱེད་དང་།] དུས་དེར་བསམ་འགྲུབ་རྩེ་ནས། དགེ་འདུན་རྣམས་ལ་མང་ཇ་
གསོལ་ཕོགས། རྗེ་བདག་ཉིད་ཆེན་པོ་འདིའི་དྲུང་དུ། བཀྲ་ཤིས་ཁ་ཐགས། རྣལ་འབྱོར་དབང་
22-1-351


ཕྱུག་བཱི་རུ་པའི་གསེར་སྐུ་ལེགས་པ་གཅིག་གིས་ཐོག་དྲངས། འབུལ་བའི་རྣམ་གཞག་རྒྱ་ཆེར་
[གནང་]བྱུང་བས། རྣལ་འབྱོར་དབང་ཕྱུག་གི་སྐུ་དེ་ཕྱག་ཏུ་བཞེས་ནས། ད་ལན་རྟེན་འབྲེལ་
ཤིན་ཏུ་ལེགས་པས་[གསུང་ངག་]ལམ་འབྲས་ཀྱང་[དགེ་འདུན་ཚོགས་པའི་དགོངས་བཞེད་བཞིན་]བྱ་དགོས་
གསུངས་ནས། ཉེར་ལྔའི་ཉིན་ནས་སྔ་ཆོས་ལ་ལམ་འབྲས་ཀྱི་སྐོར་དང་། དགོང་ཆོས་ལ་
བཀའ་འབུམ་གྱི་འཕྲོས་རྣམས་སྩལ་ཞིང་། {ལམ་འབྲས་ཀྱི་དབང་ཁྲིད་ལུང་མཐའ་དག་ཆ་
ཚང་བ་དང་། [དེ་ཡང་སྣང་གསུམ་སྐབས། རྒྱ་གར་དང་བོད་ཀྱི་བླ་མ་སྤྱིའི་རྣམ་ཐར་དང་། སོ་སོའི་རྣམ་ཐར་ལ་ས་ཆེན་ནས་
བཟུང་། པཎ་ཆེན་གྱི་རྣམ་ཐར་ཞིབ་མོ་རྣམ་འབྱེད་དང་། རྗེ་བཙུན་རིན་པོ་ཆེའི་རྣམ་ཐར་ཡན་ཆོད་དང་། བླ་མ་རྡོར་འཛིན་མ་ནས་
བཟུང་སྟེ། བླ་མ་སྤྱི་དང་སོ་སོའི་དགོས་བསྟོད་ཐམས་ཅད། རྒྱུ་དབང་། ལམ་དབང་། བཱིར་སྲུངས། རྣལ་འབྱོར་མའི་བྱིན་རླབས། 
སྔགས་ལམ་ནས་ཡིག་སྣ་དྲུག་ཅུའི་ལུང་སོགས་ལུང་གི་སྐོར་མཐའ་ཡས་པ་དང་བཅས་པ། དབང་ཆུ་གསལ་བའི་མེ་ལོང་། རྩ་ལྟུང་
གི་གཞུང་། འཁྲུལ་སྤོང་། འཁྲུལ་སྤོང་བརྒལ་ལན། ཉུང་ངུ་རབ་གསལ། བསྟོད་པ་ཉི་ཤུ་པ། འཁོར་འདས་དབྱེར་མེད་ཀྱི་སྐབས། 
པཎ་ཆེན་རིན་པོ་ཆེའི་ཆོས་ཚན་བརྒྱ་རྩའི་ནང་གི་ཚན་པ་ལྔའི་ལུང་། རྗེ་བཙུན་གྲགས་པས་མཛད་པའི་མངོན་རྟོགས་ཡན་ལག་
དྲུག་པ། འཕགས་པས་མཛད་པའི་སྒྲུབ་ཐབས་ཡིད་བཞིན་ནོར་བུ། གུ་གེ་པཎ་ཆེན་གྱི་ཡན་ལག་བཞི་པ། དཔལ་ལྡན་བླ་མའི་
ཡན་ལག་དྲུག་པ། མུས་ཆེན་གྱི་བྱ་བྲལ་མ། རྗེ་བཙུན་ཐམས་ཅད་མཁྱེན་པས་མཛད་པའི་མངོན་རྟོགས་རྣམས་ཀྱི་ལུང་། ལམ་
འབྲས་བཀའ་འགྲེལ་དང་། ལྟ་བའི་གནད་ལ་སོམ་ཉི་གསལ་བ། གཞུང་བཤད་མན་ངག་གཏེར་མཛོད། ཁྲིད་ཡིག་སྦས་དོན་
གསལ་བ། ལུས་དཀྱིལ་རྩོད་སྤོང་། བརྟག་གཉིས། མགོན་རྐྱང་གི་རྗེས་གནང་།] འཁྲིད་བརྒྱ་ཡོངས་རྫོགས་ཀྱི་ལུང་། 
 འཇམ་དཀར་དང་། པཎ་ཆེན་ནགས་རིན་ནས་བརྒྱུད་པའི་སྒྲོལ་དཀར་སོགས་རྗེས་གནང་
ཟུར་བཀའ་བཞི་བཅུ་ལྷག་ཙམ་དང་། སོ་སོའི་སྒྲུབ་སྐོར་དང་བཅས་པ་གནང་ཞིང་། ཁྱད་པར་
མཁན་སློབ་དང་། དབོན་ཆོས་མཛད་རགས་བསྡུས་ལ། {མགོན་པོ་ཆེ་ཆུང་སྐོར་སོགས་ཆོས་
བཀའ་ཆེས་མང་བ་གནང་། དོན་གཉེར་བ་ཉིས་བརྒྱར་ཉེ་བ་ཙམ་ལ་རྗེ་ཉིད་ཀྱིས་མཁན་པོ་
མཛད་དེ། [བརྡ་སྟོན་གསལ་བའི་བྱིན་རླབས། བརྡ་ཆིག་བརྒྱུད། སྒྲུབ་པ་ལུང་སྦྱིན། གསང་བཅུའི་རྒྱས་འདེབས། གུར་
22-1-352


མགོན་ལྕམ་དྲལ་དང་། ལྷ་བརྒྱད་སྦགས་བསྒྲུབ་ཀྱི་རྗེས་གནང་། རྣམ་རྒྱལ་སྐོར་གསུམ། ནག་པོ་མཆོད་རྟེན། གཏུམ་ཆེན་མ། ནང་
འཁྲིད་ཀུན་སྤངས་རིན་པོ་ཆེས་མཛད་པའི་ལུང་། ཞལ་བཞི་བསྙེན་སྒྲུབ་ལས་སྦྱོར། གདོང་བརྙན་ཅན། ལས་བཞིའི་མགོན་པོ་སོ་
སོ་རྣམས་ཀྱི་རྗེས་གནང་། སྙན་གྱི་ཤོག་རིལ་ཉེར་གཅིག རྗེ་བཙུན་རིན་པོ་ཆེས་མཛད་པའི་ཡང་ཐིག དུར་ཁྲོད་བདག་པོའི་རྗེས་
གནང་། གཤེད་དམར་ལྷ་ལྔའི་དབང་རྣམས་གནང་ངོ་། །མར་ཡུལ་ལྷ་བཙུན་པ་དཔོན་སློབ་དང་། ཤངས་པའི་གྲྭ་རིགས་སྒྲུབ་ཆ་
བཅོ་ལྔ་ཙམ་ལ། ཁོང་རང་ཚོའི་བློ་འདོད་དང་མཐུན་པར། རྗེ་འདིས་མཁན་པོ། ཆོས་རྗེ་ཀརྨ་བཟང་པོས་ལས་སློབ་སོགས་མཛད་
ནས་བསྒྲུབས་ཤིང་། ལྕང་ར་གྲྭ་ཁང་དུ་རྗེ་འདིའི་མཁན་པོ་དང་ལས་སློབ་། ལྕང་ར་སློབ་དཔོན་པ་ཇོ་བོ་རང་གིས་གསང་སྟོན་བྱས་
ནས། སྒྲུབ་ཆ་སུམ་ཅུ་ཙམ་དང་། ཡང་བླ་བྲང་དུ་གྲྭ་ཚང་ཆེན་མོ་བ་སོགས་སྒྲུབ་ཆ་ཁ་ཡར་བ་རྣམས་ལ་ནི་རང་རང་གི་ཕྱོགས་འཛིན་
བློ་འདོད་དང་མཐུན་པར་བསྒྲུབས་ཤིང་། ཡང་དྲུང་ཆེན་སངས་རྒྱས་སྙིང་པོ། ཆོས་རྗེ་སྟག་སྣ་བ། རྒྱ་བར་ནས། མཆོད་དཔོན་ཆོས་
སྐྱོང་ཡེ་ཤེས་སོགས་སྒྲུབ་ཆ་གཉིས་ལ། རྗེ་བླ་མ་དམ་པའི་བཀའ་ཕེབས་ལས། ཁྱེད་རྣམས་ལ་ཕྱོགས་འཛིན་གྱི་གོ་ལོང་མི་དགོས། 
མཁན་སློབ་ཐམས་ཅད་སྤྱན་དྲོངས་ལས་ཀྱིས་གསུངས་ནས། བདག་ཉིད་ཆེན་པོ་འདིས་མཁན་པོ་མཛད། མཁན་ཆེ་ཟླ་བ་བཟང་
པོས་ལས་ཀྱི་སློབ་དཔོན་དང་། རྗེ་དུས་ཞབས་པ་ཆེན་པོ་བྱམས་པ་ལྷུན་གྲུབ་པས་གསང་སྟེ་སྟོན་པ། ཆོས་རྗེ་བསོད་ནམས་དར་
རྒྱས་པས་དུས་བགོ་བ། ཆོས་རྗེ་ཀརྨ་བཟང་པོ། ཆོས་རྗེ་ཇོ་བོ་པ། ཆོས་རྗེ་ཐུགས་རྗེ་བ་རྣམས་ཀྱི་ལས་གྲལ། བཀའ་བཅུ་བ་ཀུན་
འཕེལ་བས་སྲོག་ལྡན་པ་བྱས་ཏེ།] བསྙེན་པར་རྫོགས་པའི་བཀའ་དྲིན་སྩལ་ལོ། །དེ་སྐབས་གསུང་ངག་
ཚུགས་བསྟུན། དཔལ་འཁོར་བདེ་ཆེན་ནས་མཁན་རིན་པོ་ཆེ་ལུང་རིགས་རྒྱ་མཚོས་ཆོས་ཀྱི་
འཁོར་ལོ་བསྐོར་བའི་དགའ་སྟོན་{རྒྱ་ཆེན་པོ་དང་། ཁྲི་ཁང་ནས་ཟླ་ཕོགས་སོགས། སོ་སོ་
ནས་དཔོན་སློབ་གཞི་བྱེས་དགེ་འདུན་རྣམས་ལ་རྙེད་བཀུར་ཡང་བགྲང་བ་ལས་འདས་པ་
བྱུང་། [དུ། རྗེ་བླ་མ་དམ་པའི་དྲུང་དུ་རྩེ་ཇ་བཟང་བ་སྡུམ་དང་། སྐུ་གཟན་གོས་ཕྱི་ནང་སོགས་ཀྱི་འབུལ་བྱ་མཁན་རིན་པོ་ཆེ་ལ་
བསྔོ་རྟེན། དགེ་འདུན་ལ་མང་ཇ་སྤྱི་འབུལ་སོགས་དང་། དེ་མཐུན་ཁྲི་ཁང་ནས། སྡེ་པ་གྲྭ་ལྔའི་དྲུང་གིས་མང་ཇ། མཁན་པོ་ལ་བསྔོ་
རྟེན། དགེ་འདུན་སྤྱི་བྱིན་ལ་ཟླ་ཕོགས། རྗེ་འདི་ཉིད་ཀྱི་དྲུང་དུ་ནས་ཁལ་བརྒྱ་སོགས་འབུལ་བ་དང་། གཞན་ཡང་དྲུང་ཡིག་མཁྱེན་
རབ་པ་སོགས་དད་ལྡན་མང་པོས་ཆོས་ཀྱི་དགའ་སྟོན་ལ་མང་ཇ་ཞུ་བ་སོགས། ཆོས་དང་དཔལ་འབྱོར་གཉིས་ཀས་ཕུན་སུམ་
22-1-353


ཚོགས་པའི་སྒོ་ནས།] དགེ་འདུན་ཐམས་ཅད་ཐུགས་མཐུན་ཞིང་ཆོས་ལ་བར་ཆད་ཀྱི་རྣམ་པ་ཅུང་
ཟད་ཀྱང་མེད་པར་མཐར་ཕྱིན་པར་གྱུར། དེ་ནས་པན་གཞུང་པའི་མི་མངས་ཀྱིས་གསོལ་བ་
བཏབ་ནས། དགེ་འདུན་མི་དམངས་བཅས་པ་ལ་ཚེ་དབང་གྲུབ་རྒྱལ་མ་ཞིག་ཀྱང་གནང་ངོ་། །
དེ་ནས་མཁན་ཆེན་ཟླ་བ་བཟང་པོས། རྗེ་བཙུན་དམ་པ་འདི་ཉིད་ཀྱི་དྲུང་དུ། འབུལ་བ་རྒྱ་
ཆེན་གནང་བ་དེ་རྣམས་ཀྱི་སྟེེང་དུ། ཕྱག་ནས་རྩེ་ཇ་སྡུམ་ཞིག་དང་། ནས་ཁལ་ཕྱེད་དང་ཉིས་
བརྒྱ་བསྣན་ནས། མཁན་རིན་པོ་ཆེ་རང་ལ་གནང་སྟེ། [འདི་རྣམས་དགེ་འདུན་ལ་དུས་ཇ་དང་ཐུག་ཚུལ་
སོགས་ལ་འགྲོ་བ་ཅིག་མཛོད།] ངེད་ལ་འབུལ་བ་སོགས་གཏན་ནས་མི་དགོས། [པཎ་ཆེན་ཆོས་ཀྱི་རྒྱལ་པོ་
སོགས་བླ་མ་གོང་མ་རྣམས་ཀྱི་ཐུགས་རྗེ་དང་། ཁྱེད་རང་མཁན་སློབ་དགེ་འདུན་ཐམས་ཅད་ཀྱི་དད་མོས་ཀྱི་རྟེན་འབྲེལ་ལ་
བརྟེན།] ཆོས་ལ་བར་ཆད་མེད་ཅིང་མཐར་ཕྱིན་པ་འདིས། བླ་མ་གོང་མ་རྣམས་ཀྱིས་ཐུགས་
དགོངས་རྫོགས་པ་དང་། བསྟན་པའི་རྒྱུན་ལ་ཅུང་ཟད་ཕན་པ་འདུག་པས། དེ་ཁས་ངེད་ཀྱི་
བསམ་པ་རྫོགས་པ་ཡིན་གསུང་། དེ་དུས་འབྲུམ་བུའི་སྒྲོས་ཤིག་ཡོད་འདུག་པ་ནས། དེ་ནས་
ཕེབས་ཁར་འདུ་ཁང་གསར་པར་མཁན་སློབ་དགེ་འདུན་འདུས་པ་ཐམས་ཅད་ལ་སྣ་ཚོགས་
ཡུམ་གྱི་རྗེས་གནང་ཞིག་གནང་ནས། ཁྱེད་མཁན་སློབ་དགེ་འདུན་དང་བཅས་པ་ཐམས་ཅད་
ཀྱིས་བསྟན་པའི་ཁུར་བཞེས་ནས་འཆད་ཉན་གྱི་རྒྱུན་དང་། སོ་སོ་ནས་ཐུགས་གཉེར་ལ་
བརྩོན་པ་མཛད་དགོས་ཤིང་ཁྱད་པར་སོ་སོའི་ཕྱོགས་འཛིན་གྱིས་འཁྲུག་ལོང་དུ་མ་སོང་བའི། 
དགེ་འདུན་ཐམས་ཅད་ཐུགས་མཐུན་ཞིང་། ཞི་ཞིང་དུལ་བའི་ངང་ནས། བཤད་སྒྲུབ་གཉིས་
ཀྱི་སྒོ་ནས། པཎ་ཆེན་ཆོས་ཀྱི་རྒྱལ་པོའི་བསྟན་པ་ཡར་འཕེལ་དུ་འགྲོ་བ་ཞིག་ཅིས་ཀྱང་མཛད་
དགོས་ཚུལ་སོགས་ཀྱི་བཀའ་སྩལ་ཞིབ་རྒྱས་སུ་གནང་ནས། མཁན་སློབ་དགེ་འདུན་ཐམས་
ཅད་ཐུགས་དད་མོས་ཆེ་ཞིང་འཕྲེང་བཞིན་དུ་ཕེབས་སྐྱེལ་མཛད་ནས། དཔོན་སློབ་རྣམས་
རྒྱལ་བར་དུ་ཞག་གཉིས་བཞུགས། མགོན་པོ་གུར་ཞལ་གྱི་རྗེས་གནང་ཚེ་དབང་སོགས་
22-1-354


གནང་། [དེ་ནས་]བཀྲ་ཤིས་[བཤོངས་སུ་མཁན་སློབ་རྣམས་ཀྱིས་སྐྱེ་ཐུང་མཛད། བཀྲ་ཤིས་]རྫོང་ཁར་ཕེབས། 
ཁོང་རྣམས་ལ་དབང་ལུང་སོགས་བཞེད་པ་ལྟར་གནང་ཞིང་། རིམ་གྱིས་ཁྲི་ཁང་དང་། ལྕགས་
སྟོད་རྣམས་སུ་ཞལ་ངོ་སོ་སོའི་བཞེད་པ་ལྟར་གྱི་བཀའ་ཆོས་རྣམས་སྨིན་རྒྱས་སུ་སྩལ་ནས། 
སླར་སྣར་ཐང་ནས་ཀྱི་སྤྱན་འདྲེན་དང་བསྟུན་ལུ་གུ་རིར་ཕེབས། རྗེ་དྲུང་བསྟན་འཛིན་རིན་པོ་
ཆེའི་ཕྱག་གཡོག་རྣམས་ཀྱིས་ཕེབས་བསུ་དང་བཅས། རྗེ་རང་བཞུགས་པའི་གཟིམ་ཆུང་དུ་
སྤྱན་དྲངས་ཏེ། མཆོད་ཡོན་ཐམས་ཅད་ཐུགས་ནང་གཙང་བའི་བསྔགས་བརྗོད་ཁོ་ན་མཛད་
ཅིང་། ཐམས་ཅད་ཐུགས་དགྱེས་པའི་རང་བཞིན་དུ་གྱུར། སྡེ་པའི་དྲུང་ལ་ཚེ་དབང་བརྒྱ་ཚར་
སོགས་གནང་ཞིང་། དེ་ནས་རིམ་གྱིས་བཀྲ་ཤིས་གླིང་དུ་སླེབ། དར་སྡིངས་ནས་འགྲོ་མགོན་
དྲུང་སོགས་ཞལ་ངོ་རྣམས་ལ། ཚེ་བཀའ་སོགས། དབང་རྗེས་གནང་དུ་མ་གནང་ནས། གཏིང་
ཁེབས་[མཁར་ཆེན་དུ་ཕེབས། རེ་ཞིག་སྐུ་ངལ་བརྟེན་པ་མཛད། སྡེ་སྲིད་ཞལ་ངོ་རྣམས་ལ་ཚེ་དབང་སོགས་ཕུལ་ནས།] བྲག་
དཀར་དུ་རྒྱང་ཙམ་སྐུ་མཚམས་གནང་། དེ་སྐབས་བྱང་ནས་སྡེ་སྲིད་ཞལ་ངོ་རྣམས་དང་། ཤུག་
ཁྲོད་ནས་སྤྱན་འདྲེན་བྱུང་[ནས། བྱང་ཕྱོགས་ལ་ཆིབས་ཁ་སྒྱུར་]ཐོག་མ་ཤུག་ཁྲོད་རང་ལ་འགྲོ་གསུང་། 
[སྡེ་སྲིད་དུའང་སེལ་གྲོལ་ཞུས།] རྟ་ཟུར་བརྒྱུད་ནས་ཤུག་ཁྲོད་དུ་ཕེབས། ད་ལོ་རྗེ་བཙུན་ཐམས་ཅད་
མཁྱེན་པའི་དུས་ཆེན་སྒྲུབ་མཆོད་སོགས་ཀྱང་འདི་ཁར་བྱེད་པས་གྲབ་ཡུལ་གྱིས་གསུང་། 
[ཞག་ཤས་སྐུ་མཚམས་མཛད་པའི་སྐབས་དེར།] བྱ་མཆུ་ནང་པས་སྤྱན་འདྲེན་{ཞུས་ཞག་ཤས་བཞུགས་
པ་གནང་རྒྱུ་ལ། [དང་། ཟླ་བ་ཕྱེད་ཙམ་བཞུགས་དགོས་པའི་ཞུ་ཆ་ཕུལ་ཀྱང་། ཞག་ལྔ་དྲུག་ཙམ་བཞུགས་པར་ཞལ་གྱིས་
བཞེས། དེར་]ཕེབས་ནས་ཞག་གཅིག་སོང་བའི་སང་ཉིན་སྔ་ཆ་ལ། ཁོ་རང་ཚོ་ལ་དབང་རྗེས་
གནང་སོགས་གང་དགོས་ཀྱི་གསལ་ལོང་ལ། གཏོར་མ་བཟོ་བ་སོགས་གྲབས་གྱིས། ངེད་
རང་དོ་དགོངས་ཤུག་ཁྲོད་དུ་སླེབ་དགོས་པ་འདུག་གསུང་[དེ་ཁའི་བཀའ་ཕེབས་བསྒྱུར་བས།] བྱང་
སེམས་སྒྲེས་མོ་དེ་སྐུ་གཞོགས་སུ་སོང་ནས། འདིར་བཞུགས་ཡུལ་ལོད་པས་སྐུ་ཁམས་དུབ་པ་
22-1-355


བཞིན་ནི་མིན་ནམ། ཐ་ནའང་ཞག་གསུམ་པ་གཅིག་བཞུགས་དགོས་ཞེས་ནན་ཞུས་འབུལ་
བ་ལ། [རྗེའི་བཀའ་ལས།] ཁམས་དུབ་པ་དང་། སྡོད་མི་འདོད་པ་མ་ཡིན་ཀྱང་སང་ཉིན་སྔ་བར་
ངམ་རིངས་ཕྱོགས་ནས་དོན་མི་ཞིག་ཡོང་བ་འདུག་པས། ཁྱེད་རང་འདོད་པའི་ཆོས་རྣམས་
རྫོགས་པར་བྱས། དོ་ནུབ་ཤུག་ཁྲོད་དུ་སླེབ་པ་ཞིག་ངེས་པར་ལ་འགྲོ་གསུང་བ་ན། [དད་མོས་
དང་ཨུ་ཚུགས་ཆེ་བ་ཞིག་ཡོད་པས།] དོན་མི་དེ་བྱང་ནས་སྤྱན་འདྲེན་པ་ཞིག་ཡིན་ནམ་ཟེར་བ་ལ། [ད་
ལན་རང་ནི་མ་ཡིན།] གཞན་དོན་མི་གལ་ཆེ་བ་ཞིག་ཡོང་བ་འདུག ལར་བྱང་དུའང་ལོ་གསར་
འཕྲལ་འགྲོ་རྩིས་ཡིན། [རྒྱང་ཙམ་སྡོད་དགོས་ནའང་སྡོད། ཆོས་འདྲ་ཕུལ། ཁྱབ་པར་]གདུང་རབས་བརྟན་
པའི་རྟེན་འབྲེལ་འགྲིག་པ་ཞིག་ཀྱང་མི་དགོས་ཁ་མེད་འདུག་གསུང་[བ་ལ། འོ་ན་བཀའ་དྲིན་བསྐྱང་
འདུག དེ་ནའང་རྒྱལ་བུ་ཡེ་མེད་པས་བློ་གདེངས་ཁེལ་བ་ཞིག་མི་འདུག་ལགས། ད་ལན་བདག་ཚོ་]དེར་ཚེ་དབང་དང་
དྲག་པོའི་རྗེས་གནང་ཞིག་དགོས་ཞུ་བ་བཞིན་སྩལ་ནས་དེ་དགོང་ཤུག་ཁྲོད་དུ་ཕེབས། དེའི་
སང་ཉིན་སྔ་བར། སྡེ་པ་བཀའ་བཞི་བ་མཇལ་བ་ལ་ཕེབས། [དཔོན་སློབ་གཉིས་ཀ་ཐུགས་ལྷག་པར་
དགྱེས་པའི་གསུང་གླེང་དང་། ཁྱད་པར་ཞུ་བའི་གཙོ་བོ། ངེད་དབུས་ནས་ཆེད་གཏད་ཞབས་དྲུང་དུ་སྙེགས་པའི་དགོས་པ།]
བདེ་མཆོག་ནག་པོ་པའི་དབང་དང་། འཆག་མེད་བཞིའི་ཁ་{གསོ་ཞིག་ཞུ་དགོས་འདུག [སོ་
ཁྱད་པར་]སྔ་སོར་བླ་མ་མང་པོ་ལ་ཐོབ་ཀྱང་། འདིར་ཞུ་ས་བཟང་བས་ཐེག་ཆེན་བློ་སྦྱོང་དོན་
བདུན་མའི་ཁྲིད་ཅིག་ཅིས་ཀྱང་གནང་དགོས་ཞུ་བ་{རྣམས་ཐམས་ཅད་རྒྱས་པར་གནང་[ནས། 
བདེ་མཆོག་གི་དབང་དང་། དེ་ནས་བློ་སྦྱོང་གི་འཁྲིད། ལེགས་བཤད་ཀུན་འདུས་ཀྱི་ལུང་། རྒྱལ་སྲས་བཀའ་འབུམ་ཀྱང་གནང་
ཞིང་། སླར་དུས་ཆེན་ལ་ཀྱཻ་རྡོར་སྒྲུབ་མཆོད་སྐབས། རྡུལ་ཚོན་གྱི་དཀྱིལ་འཁོར་དུ་དབང་བསྐུར་བ་དང་། འཆག་མེད་བཞི་རྣམས་
ཡོངས་སུ་རྫོགས་པར་གནང་ནས། གནང་སྦྱིན་མཛད་པ་ལ། འདི་རྣམས་མི་ཞུ་]བདག་ལ་རྗེ་ཉིད་ཀྱི་བྱིན་རླབས་
རྟེན་འདྲ་གནང་དགོས་ཞུ་བ་ལ། སྔ་སོར་བདེ་མཆོག་གསུང་བསྙེན་གནང་དུས་ཀྱི་ཐོད་ཕྲེང་
ཞིག་དང་། རྗེ་ཉིད་ཀྱི་ཚེམས་བྱོན་འཕྲལ་ཞིག་གནང་ནས། ངེད་མཚན་ཉིད་པ་སྐམ་པོའི་སོས་
22-1-356


ཁྱེད་ལ་དགོས་པ་མེད་ཀྱང་། དགོངས་པར་འདུག་པས་རེ་ཞིག་ཚགས་མཛོད་གསུངས་ནས་
གནང་བ། ཕྱིས་རིང་བསྲེལ་གྱིས་གཏམས་པར་བྱུང་ཟེར་སྣང་། {དེ་ནས་ངམ་རིངས་སུ་[ཚེས་
བཅུའི་ཉིན་དཔོན་སློབ་ལྷན་ཅིག་བྱང་རྒྱལ་པོའི་ཕོ་བྲང་དུ་ཕེབས།] ཞལ་ངོ་རྣམས་ལ་ཐོག་མར། སྒྲོལ་དཀར་གྱི་
རྗེས་གནང་། ཚེ་དབང་གྲུབ་རྒྱལ་མ་དང་། ཛེ་ཏཱ་རི་མ་གཉིས་བརྒྱ་ཚར། ཀྱཻའི་རྡོ་རྗེའི་དབང་། 
གུར་ཞལ་གྱི་རྗེས་གནང་། གཤེད་དམར་ལྷ་ལྔའི་དབང་། སྤྲོས་མེད་ཀྱི་འཁྲིད། དེའི་བྱིན་
རླབས་སོགས་སོ་སོར་སྦྱར་ནས་གནང་ཞིང་། དེ་དག་གི་རྒྱབ་ཆོས་མཐའ་ཡས་པ། ཟླ་ངོ་
གསུམ་གྱི་རིང་ལ་སྔ་དྲོ་ཞི་བའི་ལྷ་རེ་དང་། དགོང་ཕྱོགས་དྲག་པོའི་རྗེས་གནང་རེ་རེ། དེ་དག་
སོ་སོའི་སྒྲུབ་སྐོར་དང་བཅས་པ་ཉིན་རེ་བཞིན་དུ་འཆག་མེད་དུ་སྩལ། དེ་སྐབས་ཡར་འབྲོག་
ནས། བདག་དང་སྡེ་པ་བསྟན་འཛིན་པས། ཡར་འབྲོག་ཏུ་ཕེབས་དགོས་ཚུལ་ཕུལ་བའི་
སྐབས། འཕྲལ་དུ་ཕེབས་པའི་དགོངས་གཏད་མཛད་པ་ལ། བྱང་ནས་{ཞལ་ངོ་ཐམས་ཅད་
ཀྱིས་ཕེབས་པ་མི་ལེགས་ཚུལ་ནན་ཆགས་དང་། [སྡེ་སྲིད་སོ་སོའི་ཞུ་ཆ་ལ། ད་ལན་ཤར་གྱི་ཕེབས་བཞུད་
འཐེན། བདག་ལ་འབོད་མི་གནང་ན་ལེགས་པས། མཆོད་ཡོན་སོ་སོ་ནས་མི་སྣ་དང་། ཞུ་ཤོག་གནང་ན་ལེགས་པ་འདུག་ཞུ་བ་ན། 
རྗེའི་བཀའ་ལས། འཕྲལ་དུ་ཁོང་འབྱོན་ཐུབ་པ་ཞིག་ཡོང་ན་དེ་ལྟར་རུང་ཀྱང་། སྔ་སོར་ཁྲི་ཁང་དུ་སྡེ་པ་གྲྭ་ལྔ་པ་དང་ཞིབ་གླེང་བྱུང་
དུས། ཡར་འབྲོག་ཕྱོགས་སུ་ཟུར་བུན་བྱུང་དོགས་ནས། ཁོང་དཔོན་སློབ་ཚོ་མགོན་སྐྱབས་ལ་དམིགས་སྤྱན་འདྲེན་ཞུས་འདུག་པ། 
ད་ལན་ཅིས་ཀྱང་འགྲོ་གསུང་བ་ན། མཆོད་ཡོན་ཀུན་འཛོམ་ས་དེ་ཁར།] མ་ཆེན་ཧེ་པས། [རྗེ་ཉིད་]དགུང་ལོ་དྲུག་
ཅུ་རེ་དགུ་{འདི་ཙམ་ལ་ཆུ་ལོད་ལ་ལམ་ཐག་རིང་བ་དེ་ཚོར་ཕེབས་ན་གཙང་རོ་དབུས་སྐྱེལ་
དཔེ་རང་ཡོང་ཞུ་བ་སོགས་ཕེབས་བཤོལ་ལུང་མེད་ཞུས་ནའང་། ཐུགས་རྗེ་ཤིན་ཏུ་ཆེ་བས། 
ཕེབས་པར་ཐག་ཆོད་གནང་། [བཞེས་པའི་སྐུ་ནས་འདི་ཙམ་ལ་གཏེང་ཁེབས་ནས་འདི་ཁར་སྤྱན་འདྲེན་ཞུ་བ་ལའང་། 
བདག་རྣམས་ནི་ཡ་ང་བ་ཡོང་གི་འདུག ཡར་འབྲོག་ཕྱོགས་ཀྱི་རྒྱུས་བདག་ལ་ཆེན་པོ་ཡོད་ཆུ་སོགས་ལོད་ཅིང་། ཕེབས་ལམ་གྱི་གོ་
གནད་ལ་བལྟས་ན། འཇིག་རྟེན་ཕལ་སྐད་ན། གཙང་རོ་དབུས་སུ་སྐྱེལ་བ་ཟེར་བའི་དཔེ་ལྟར་ཡོང་ཐག་ཆོད་པས། ད་ལན་འཐེན་
22-1-357


པ་རང་ལགས་ཞུ་བ་ལ། བདག་ཉིད་ཆེན་པོ་འདིའི་བཀའ་ལས། ད་ལན་མ་ཕྱིན་ན་བླ་མའི་དམ་ཚིག་དང་ཡང་འགལ་འགྲོ། སྐུ་
གཞོགས་སུ་འབྱོར་ནས་ཤི་ན་ཨ་ཅང་ཆེ། གར་སྲིད་མ་འབྱོར་བ་ལམ་དུ་ཤི་ན་ཡང་། བླ་མའི་ཕྱོགས་སུ་ལུས་སྲོག་བཏང་བ་ཡིན་
པས་ཤི་གོ་ཆོད་ཅིང་། མི་ལུས་དོན་ཆེན་དུ་སོང་བ་ཡིན་གསུངས་ནས་ཐུགས་ཐག་རྦད་ཆོད་མཛད་པས། ཐམས་ཅད་ཧ་ལས་ནས་
ངོས་སུ་རྒྱུ་མཚན་འབུལ་བའི་སྤྲོས་པ་ཆོད་སོང་། སླར་ཡང་དྲུང་ཆེན་བརྒྱུད་དེ་ཐམས་མཁས་ཀྱིས་རྒྱུ་མཚན་འབུལ་སྒོ་དུ་མ་འདུག་
ཀྱང་། བཀའ་ལས་ཁྲི་ཁང་ནས་སྡེ་པ་གྲྭ་ལྔ་པ་འདི་འཇིག་རྟེན་གྱི་མེས་པོ་ལྟ་བུ་ཡིན། ཁོང་གི་གསུང་ལྟར་ན་བདེ་སར་དྲག་པོ་ཞིག་
ཡོང་ངེས་སུ་འདུག དེ་ལྟར་བྱུང་ན། ཁོང་དཔོན་སློབ་ད་རེས་གཙང་ཕྱོགས་ལ་ཕེབས་ཐུབ་པ་ག་ལ་ཡོང་། ད་མ་བྱུང་ཕྱིན། འདི་ལྟ་
བུ་ཐག་རིངས་སུ་བཞུགས་པ་ལ། རང་རེ་མ་འབྱོར་ན་ལུགས་གཉིས་ཀ་དང་མི་མཐུན་ཞིང་སེམས་ཁྲལ་ཆེ་བ་ལས་མེད་པས། གང་
མྱུར་རང་འགྲོ་གསུང་།] དེ་ནས་གསུང་ཆོས་ཀྱི་འཇུག་རྣམས་རིམས་ཀྱིས་བསྡུས་ནས་ཟླ་བ་གསུམ་
པའི་ཉེར་ལྔ་ལ་ཤུག་ཁྲོད་དུ་ཕེབས། {ཕྱིས་བསྒྱེ་ཆུ་དང་། ངམ་རིངས་ཀྱི་མཁན་པོ་མཛད་ཅིང་། 
 ད་ལྟའི་ཞབས་དྲུང་བདག་པོའི་ཐུགས་བཏས་ཤོས་ཀྱི་བླ་མར་གྱུར་པ། [རྡོ་རྗེ་གདན་ནས་ཆོས་]རྗེ་
བྱམས་བཟང་པ་དཔོན་སློབ་ཁ་ཡར་དང་སྒྲུབ་སྡེ་པ་རྣམས་ལ། རྡོ་རྗེ་རྣལ་འབྱོར་མའི་བྱིན་
རླབས་སྐྱེད་པའི་རིམ་པ་ནཱ་རོ་མཁའ་སྤྱོད། རྫོགས་པའི་རིམ་པ་རྩ་དབུ་མ། ལམ་གྱི་ཡན་ལག་
དང་བཅས་པ་སྨིན་རྒྱས་སུ་གནང་ནས། ཆོས་ལུང་བྱང་རྩེར་ཕེབས་སྐབས། ཡར་འབྲོག་ནས་
གཟིམ་དཔོན་དཔལ་འབྱོར་བ་[སྐུ་གཞོགས་སླེབ་པའི་]སྤྱན་འདྲེན་{དུ་འབྱོར་[གྱི་ཞིབ་ཆ་ཕུལ་བས། དེ་
འཕྲལ་ཕེབས་རྩིས་མཛད་ནའང་]བྱང་ནས་བདག་མོ་མངའ་བདག་རྒྱལ་མོའི་དྲུང་། {ཆོས་ལུང་གི་རྟེན་
མཇལ་དང་། [སྐུ་གདུང་དང་] རྗེ་ཉིད་ཀྱང་ཕེབས་གོང་དུ་མཇལ་བ་ལ་ཕེབས་[རྒྱུ་ཡིན་འདུག་པས། 
ཕེབས་བཞུད་འཐེན་ཙམ་གནང་དགོས་ཚུལ་གྱི་ཞུ་ཡིག་བྱུང་བ་ནས། འཐེན་ཙམ་མཛད་པས། གནང་ཉིན་དེ་རང་ཕེབས་བྱུང་ནས་
མཇལ། རྗེ་ཉིད་དུའང་འབུལ་ཆ་དུ་མ་དང་། སྐུ་གདུང་རིན་པོ་ཆེར་སྙན་དར་དཀར་མེ་སོགས་དང་། སྒྲུབ་སྡེར་མང་ཇ། ནས་འབོ། 
སྤྱི་འབུལ་རྣམས་གནང་ཞིང་] བདག་མོ་ཡུམ་སྲས་ལ་ཚེ་དབང་དགུང་གྲངས་ལྷག་ཙམ་དང་། རྟ་
མགྲིན་གསང་སྒྲུབ། ཕྱག་དྲུག་ཡེ་ཤེས་མགོན་པོའི་གཏོར་དབང་བར་ཆད་ཀུན་སེལ་རྣམས་
22-1-358


གནང་། དེ་རྗེས་རིན་པོ་ཆེ་ཀ་བཞི་ནས་ཀྱང་འཚེད་ནས་ཕེབས་ནས། སྲབ་ཆེན་གྱི་སྣམ་སྦྱར་
ལེགས་པ་གཅིག་དང་། སྐུ་ཆོས་ཀྱི་རྒྱུ་སོགས་ཕུལ། སྒྲུབ་སྡེ་རྣམས་ལ་རྣམ་འཇོམས་བཱིར་
ལུགས་{ཀྱི་བཀའ་སོགས་གནང་། [ད་ལན་བྱེད་པ་ཡིན་གསུངས་ནས། དེར་འདུས་ཀུན་གནང་།] དེ་ནས་ཤར་
ཕྱོགས་ཆིབས་ཁ་བསྒྱུར་ཏེ། དཔོན་དྲུང་ཕན་ནེའི་དྲུང་གིས་ལྷ་དབང་རྩེ་ཐུག་ཕེབས་སྐྱེལ་ལ་
བྱོན་ནས། སླར་ལོག་འབྱོན་པའི་ཕྱག་འབུལ་ཞུས་པ་ན། མཆོད་ཡོན་ཕྱག་སྦྲེལ་ནས། ཐུགས་
མི་ཕོད་པའི་གསུང་གླེང་དུ་མ་དང་། ཁྱད་པར་རྗེ་འདིའི་བཀའ་ལས། {བདག་ལ་དུས་གསུམ་
མཁྱེན་པའི་ཐུགས་བརྩེ་བའི་བཀའ་བཀོད་ཕན་འདོགས་སུ་གྱུར་པ་ཁོ་ན་ལ་ནན་ཏན་ཕེབས། 
[སྤྱིར་འཇིག་རྟེན་གྱི་ལུགས་ལ་ཕྱི་ནང་གསང་གསུམ་མི་དགོས་ཁ་མེད་ཡིན་ཀྱང་། རང་རེའི་མཆོག་གི་སྤྲུལ་པའི་སྐུའི་དྲུང་ལ་ཁ་ཞེ་
མིན་པར་རྗེ་གོང་མ་དང་ཁྱད་མེད་ཀྱི་གུས་ཞབས་མ་ལོག་པའི་ཕྱག་ཕྱིར་ཅི་འགྱུར་ཞིག་མ་གནང་ན་སྐུ་ཚེ་དང་བསོད་ནམས་
ཉམས་པའི་རྒྱུར་འགྱུར་ཞིང་འདི་ཕྱི་ཐམས་ཅད་དུ་འཆུག་ཕུལ་ཆེ་བར་འགྱུར་བས། དེ་ལྟར་མ་སོང་བ་ཞིག་ཅིས་ཀྱང་གནང་དགོས་
ཤིང་།] འདི་དག་ཉི་མ་ལ་རྩ་མ་ལྟ་བུའི་སྙན་འབུལ་ཡིན་ནོ་གསུང་། སོ་སོ་ནས་ཐུགས་འཕྲེང་
བཞིན་དུ་ཕེབས། [ཕྱིས་བསམ་དུས་མཆོད་ཡོན་ཞལ་མཇལ་བའི་རྗེས་མ་རང་བྱུང་འདུག་ཅེས་དགེ་སློང་ཆོས་སྐྱོང་ཡེ་ཤེས་
བ་གསུང་།] དེ་ནས་རིམ་གྱིས་སྣར་ཐང་དུ་ཕེབས་སྐབས་དྲུང་ཆེན་སངས་རྒྱས་སྙིང་པོ་གསེར་
མདོག་ཅན་དུ་[མང་ཇ་དར་འགྱེད་བཅས་པ་དང་། མཁན་ཆེན་དྲུང་དུ་བསྔོ་རྟེན་སོགས་འབུལ་བ་ལ་གནང་། དེ་ནས་སྤ་ནམ་
ལྷུན་རྩེ་ན།] {རྙེད་བཀུར་ལ་གནང་། ཁྲི་ཁང་ནས་སྡེ་པ་ཀུན་ལྷའི་དྲུང་གིས་སྤ་ནམ་ལྷུན་གྲུབ་
རྩེར་སྤྱན་དྲངས། [ཁྲི་ཁང་ནས་སྲས་པོ་སྐུ་གཞོན་པ་བཞུགས་འདུག་པས། སྤྱན་འདྲེན་ཞུས་ནས་ཞག་གསུམ་བཞུགས་ཏེ། 
དགོངས་བཞེད་ཀྱི་བཀའ་ཆོས་འབུལ་བ་མཛད། དེ་ནས་དབོན་པོ་ཀུན་བསམ་པ་སྤྱན་འདྲེན་ལ་བྱུང་ནས་]འབྲོང་རྩེར་
ཕེབས་དུས། རྗེ་སེམས་དཔའ་ཆེན་པོ་བདེ་བ་ཅན་དུ་གཤེགས་པའི་གཟིམ་ཆུང་དེར་བཞུགས་
ཡུལ་མཛད། དེ་སྐབས་གཟིགས་སྣང་སྣ་ཚོགས་ཤིན་ཏུ་མང་བ་གཅིག་བྱུང་བར་འདུག དེ་
ནས་རྩེ་ཆེན་དུ་ཕེབས་ཏེ་དཔོན་བློན་ཀུན་ལ་ཚེ་དབང་[སོགས་]བཞེད་དགོངས་བསྒྲུབས་རྗེས། 
22-1-359


དཔལ་འཁོར་བདེ་ཆེན་དུ་མཁན་རིན་པོ་ཆེ་ལུང་རིགས་རྒྱ་མཚོས་སྤྱན་དྲངས་ནས་ཕེབས[པས། 
དེར་བདག་གི་སྤྱན་འདྲེན་པ་མཆེད་གྲོགས་དཔལ་སྡིངས་པ་རྟ་དྲེའུ་དང་བཅས་པའང་། དཔལ་འཁོར་བདེ་ཆེན་དུ་སླེབ་ནས་འོམ་
ཐང་བརྒྱུད་དེ་] ཡར་འབྲོག་སྟག་ལུང་ཆོས་སྡེ་ཐར་པ་གླིང་དུ་ཕྱག་ཕབ། 
སྦྲུལ་ལོ་ཟླ་བ་ལྔ་པའི་ཚེས་ལྔ་ལ[་མཇལ། དེ་དུས་བསྟན་པའི་སྤྱིན་བདག་སྡེ་པ་བསྟན་འཛིན་པའང་ཕེབས་
ཤིང་།] རྟེན་འབྲེལ་ཕུན་སུམ་ཚོགས་པར་གྱུར། [དེ་ནས་ཞག་གཉིས་གསུམ་ཙམ་སྐུ་ངལ་རྟེན། དེ་ནས་ཐོག་
མར་སྐུ་ཚེ་སྤེལ་བ་དང་། སྐུ་གྲིབ་སེལ་བ་སོགས་ཀྱི་ལྷ་མཆོག་འགའ་ཞིག་གི་རྗེས་གནང་དང་། དོན་གྱི་]གཙོ་བོ་གསུང་
ངག་རིན་པོ་ཆེ་ལམ་འབྲས་བུ་དང་བཅས་པ་རྒྱས་པར་གནང་། [དེ་དུས་བདག་དང་སྟག་ལུང་ཆོས་སྡེའི་
སློབ་དཔོན་པ་བདུན་དང་ཆེ་བགྲེས་རགས་བསྡུས་དང་།] གཞི་བྱེས་དཔོན་སློབ་དང་བཅས་པ་ཚོགས་ཆེ་རབ་
ལ། ལམ་འབྲས་དང་། དེའི་རྒྱབ་ཆོས་ཀྱི་ལུང་རྗེས་གནང་སོགས་ཇི་ལྟར་གནང་བའི་རིམ་པ་
རྣམས་བདག་གི་བརྒྱུད་ཡིག་ན་ཟུར་དུ་གསལ། སྐབས་དེར་རྒྱལ་ཆེན་གླིང་ནས། [བདག་ཅག་
རྣམས་ལ་འབོད་མི་གནང་བྱུང་བའི་ཞུ་ཆ་]དཔོན་སློབ་གསུང་ཆོས་གནང་བཞིན་ལྷན་ཅིག་འདི་ཕྱོགས་
ཕྱག་ཕེབས་གནང་དགོས་ཞུ་བ་ནན་ཆེར་མཛད་བྱུང་བའི་དགོས་པ་ནི། སྡེ་སར་གྱི་ཐུགས་
སུན་བྱུང་དོགས་སུ་འདུག་པ་ནས་དེ་སྟབས་ཀྱིས་ཀྱང་ཕེབས་པ་ནི་མ་གནང་། {ཕྱོགས་དེར་
དམག་རྣམས་ཀྱང་མྱུར་སྟབས་སུ་བྱུང་ཡར་རྒྱབ་ནས་སྡེ་པ་དཔོན་ཆེན་དྲུང་གིས་ཤིན་ཏུ་གུས་
པས་ཞབས་ལ་བཏུད་ཅིང་། [ཁོང་ཚོས་དམག་ཡོང་བ་མངོན་དུ་ཕྱོགས་འདུག་པས། མཆེད་གྲོགས་དཔལ་བ་དང་། 
 དྲུང་ནས་ཀུན་ཆོས་པ་གཉིས། དམག་རྣམས་སྐྱིལ་བའི་ཞུ་ཆ་འབུལ་བ་ལ་ཕྱིན་ཀྱང་དོན་གྲུབ་པ་མ་བྱུང་། དམག་རྣམས་མྱུར་
སྟབས་སླེབ་བྱུང་སྐབས། ཕན་ཚུན་ཡུས་མཉམ་ཐུག་ནས། ཉིན་གཅིག་པོ་དེའི་ཁ་ཆིངས་ལས་མ་བྱུང་། སང་ཉིན་རང་སྐོར་རྒྱག་
བྱུང་། དེ་སྐབས་བདག་ཅག་དཔོན་སློབ་དང་། རྒྱལ་ཆེན་གླིང་ནས་སྡེ་པ་དཔོན་ཆེན་པ་སྐུ་མཆེད་སོགས་དང་མཇལ་འཛོམ་བྱུང་། 
 གདུང་ཤུགས་ཀྱི་རྗེ་བཙུན་ཀུན་དགའ་གྲོལ་མཆོག་གི་མོས་ཞེན་གྱིས། བདག་ལའང་གཟིགས་པའི་མོད་ལ་དད་པའི་སྤྱན་
ཆབ་གཡོ་བཞིན་པ་དང་བཅས་པས་བཀུར་སྟི་དཔག་མེད་མཛད་ཅིང་། རྗེ་འདི་ཉིད་ལ་སྔར་འགྲིས་ལྟར་ཐུགས་ཡིད་ལྷག་པར་
22-1-360


དཀར་བ་མཛད་ཅིང་། ལྷག་པར་]གུ་རུ་དྲག་དམར་གྱིས་དབང་སོགས་[དགོངས་བཞེད་འདྲའི་སྙན་འདེབས་ཞུ་བ་
གནང་།] {དེ་བར་དུ་ཡང་ཆོས་ཀྱི་འཕྲོ་རྣམས་[དུས་དེར་བདག་ཅག་རྗེ་བླ་མར་བཅས་པ་ལ་སྤྱིར་ཕྱོགས་ལྷུང་ཆ་
གཏན་ནས་མེད་ཀྱང་། རྫོང་བཞུགས་རྣམས་ལ་རེ་ས་དཔོན་སློབ་ལས་མི་འདུག་པས། རྒྱལ་སྲས་བྱང་ཆུབ་སེམས་དཔའ་རྣམས་
ནི་སེམས་ཅན་གྱི་དོན་དུ་འགྱུར་ན་དམྱལ་པར་གནས་ཀྱང་སྡུག་བསྔལ་དང་སྐྱོ་སུན་མི་མངའ་བར་ལྟར་། སོ་སོའི་ཞུ་རིགས་ལ་མ་
གསན་པར། བཞུགས་གནས་དེ་ཉིད་རང་དུ་གསུང་ཆོས་ཀྱི་འཕྲོ་རྣམས་]བར་མ་ཆད་པར་ཡོངས་སུ་རྫོགས་པར་
གནང་ཞིང་། སླར་ཟླ་བ་གསུམ་ཙམ་སོང་མཚམས། ཁྲིགས་ཀྱང་ལེགས་པར་བྱུང་། དེ་བར་དུ་
ཡང་ཞག་རེ་ཞག་འགའི་ཁ་ཆིངས་ལ་རྟེན། འཐབ་འགྲོས་དྲག་པོ་རང་ཆེར་མ་བྱུང་། དེ་ལྟར་ན་
ས་ཕྱོགས་དེ་ཉིད་ཀྱི་འགྲོ་བ་མ་ལུས་པ་ཕན་བདེ་ལ་འགོད་པར་མཛད་དོ། །
དེ་ནས་ཆོས་ལུང་ནས་མཆེད་གྲོགས་གཞུང་པ་དང་། རྒྱལ་རྩེ་ནས་[སྡེ་སྲིད་ཀྱི་]སྤྱན་འདྲེན་
དང་བསྟུན་པའི་སྟོད་ཕྱོགས་ལ་ཆིབས་ཁ་བསྒྱུར། ཐོག་མར་རྩེ་རྒྱལ་དུ་ཕེབས་[ནས། མཆོད་ཡོན་
ཚང་མ་ཐུགས་དགྱེས་པའི་རང་བཞིན་དུ་གྱུར།] དེ་སྐབས་[རྗེ་འདི་ཉིད་ལ་]མཁན་རིན་པོ་ཆེའི་ཞུ་ཆ་སྐུ་ནས་
ཀྱི་སྟབས་ནས། བླ་བྲང་དཀར་པོར་ཕེབས་ནས་ཐུགས་གང་འགོལ་གྱི་སྐུ་ངལ་གསོ་བ་གནང་
ན་ལེགས་ཞུ་བ་ལྟར་ཞག་གསུམ་བཞི་ཙམ་བཞུགས་སྐབས། གཏིང་ཁེབས་དང་ཁྲི་ཁང་ནས་
སྤྱན་འདྲེན་དོས་དྲག་བྱུང་བ་ལ་བརྟེན་རྗེ་ཉིད་ཁྲི་ཁང་དུ་ཕེབས། སྡེ་པ་དོན་གྲུབ་པ་[ཞུ་བར་]
གཤེགས་པའི་དགོངས་རྫོགས་ཀྱི་གཙོ་བོ་གནང་ནས། མར་ལམ་ལུ་གུ་རིར་སྡེ་པའི་དྲུང་དང་། 
 རྗེ་ཀ་བཞི་ནས་སོགས་ཀྱི་མཇལ་ཙམ་མཛད་ནས་གཏིང་ཁེབས་སུ་ཕེབས། {སྡེ་པ་རབ་
མཛེས་དྲུང་གི་དགོངས་རྫོགས་ཀྱི་ཚོགས་དབུར་ཕེབས། ཡང་དག་པའི་ལམ་སྟོན་པར་གནང་། 
[ཞབས་དྲུང་རབ་མཛེས་མཐོང་བ་དོན་ལྡན་པ་ཞིང་གཞན་དུ་གཤེགས་པའི་ཐུགས་དམ་གསལ་འདེབས། མཆོད་འབུལ་
སོགས་དགོངས་པ་རྫོགས་ཐབས་རྣམས་ཡོངས་སུ་རྫོགས་པར་བསྒྲུབ་པར་མཛད།]
སླར་རྟ་ལོ་ཧོར་ཟླ་དང་པོ་ཚེས་ནས། ཞལ་ངོ་སྐུ་མཆེད་རྣམས་ལ་སྒྲོལ་དཀར་ཡིད་བཞིན་
22-1-361


འཁོར་ལོའི་རྗེས་གནང་དང་། གྲུབ་པའི་རྒྱལ་པོའི་ཚེ་དབང་སོགས་སྩལ། དེ་མཚམས་ལོ་
གསར་ཆེན་མོའི་སྟེང་དུ་གཟའ་སྐར་བཟང་བ་ལ། ས་སྐྱོང་[མིའི་དབང་པོ་]ངག་དབང་ཕྱོགས་
ལས་རྣམ་རྒྱལ་ཁྲི་ཐོག་ཏུ་ཕེབས་པའི་ཐོག་མའི་རྟེན་འབྲེལ་སྒྲིག་ཕྱོགས་ལ། ཁྲོ་བོ་འདོད་པའི་
རྒྱལ་པོ་སོགས་དམར་པོ་སྐོར་གསུམ་གྱི་རྗེས་གནང་ཕུལ་རྗེས། ཁྲི་སྟོན་ཟབ་རྒྱས་སོགས་
ལེགས་བྱས་ཕུན་སུམ་ཚོགས་པ་གནང་ཞིང་། དེ་ལོའི་དུས་ཆེན་སྒྲུབ་མཆོད་ཀྱང་མཁར་ཆེན་
དུ་མཛད། ཞལ་ངོ་རྣམས་ལ་དཔལ་མགོན་དྲཀྴད་ཀྱི་དབང་བཀའ་{དང་སྒྲུབ་སྐོར་གྱི་ལུང་
མང་པོ་གནང་། [གཉོས་རྡོ་རྗེ་བླ་མ་དང་། མཁས་གྲུབ་རིན་ཆེན་འབུམ་པས་མཛད་པའི་སྒྲུབ་ཐབས། རྒྱལ་ཚབ་བསོད་
ནམས་རྒྱལ་མཚན་གྱིས་མཛད་པའི་གཏོར་ཆོག མདོས་པོད་དཀར་པོ་མཐོང་སྨོན། མདོས་ཆེན་གཡུལ་ཟློག་ཁ་སྐོང་དང་བཅས་
པ་རྣམས་ཀྱི་ལུང་གནང་།] སླར་བྲག་དཀར་དགོན་པར་ཕྱག་ཕེབས་ནས། ཞལ་ངོ་སྐུ་མཆེད་དང་། 
 གདན་ས་པ་ཟླ་བ་བཟང་པོས་གཙོ་མཛད། དགོན་གསུམ་གྱི་དགེ་འདུན་དམིགས་བསྡུས་
ལ་རྡོ་རྗེ་འཇིགས་བྱེད་རོ་ལངས་བརྒྱད་སྐོར་གྱི་དབང་དང་། ར་ཁྲིད་སྨིན་རྒྱས་སུ་གནང་ཞིང་། 
དེ་སྐབས་སྔ་སོར་བྱང་དུ་རྟེན་འབྲེལ་སྒྲིག་ཕྱོགས་གནང་བ་ལ། དོན་མཐོང་ལེགས་ཚོགས་ཀྱི་
སྙན་འབུལ་དང་བསྟུན་ནས་སྤྱན་འདྲེན་བྱུང་ནས་ངམ་རིངས་སུ་[རྒྱལ་པོའི་ཕོ་བྲང་དམ་པར་]ཕེབས་
ནས། [ཞལ་ངོ་རྩེ་རྒྱས་དང་མཇལ་བའི་སོ་སོ་ནས་ཐུགས་དགེས་པའི་རང་བཞིན་དང་། ལྷག་པར་ཞབས་དྲུང་]རྒྱལ་བུ་
སྐུ་འཁྲུངས་པའི་དགའ་སྟོན་དུ་ཞལ་དཀར་གནང་སྦྱིན་དང་། སྒྲོལ་དཀར་ཡིད་བཞིན་འཁོར་
ལོའི་རྗེས་གནང་དང་། ཚེ་དབང་བརྒྱ་ཚར་གནང་། གཞན་ཡང་དཔལ་དགྱེས་མཛད་རྡོ་རྗེའི་
དབང་། འཇམ་པའི་རྡོ་རྗེའི་དབང་། གུར་ཞལ་གྱི་རྗེས་གནང་། བྲམ་ཟེའི་རིག་གཏད་སོགས། 
དབང་ལུང་གདམས་པའི་ཚོགས་དུ་མ་གནང་ཞིང་། ཞལ་ངོ་སོ་སོ་ནས་ཀྱང་[གསེར་སྲང་རེ་ཙམ་གྱིས་
གཙོ་བྱས་]འབུལ་བ་ཆེར་མཛད། དེ་ནས་ཤུག་ཁྲོད་དུ་ཕེབས་ནས། སྒྲུབ་སྡེ་རྣམས་ལ། སྤྱན་རས་
གཟིགས་ཀྱི་སྨར་ཁྲིད། སྙིང་པོ་དོན་གསུམ་སོགས་དབང་ཁྲིད་དུ་མ་གནང་ནས། སླར་ཆོས་
22-1-362


ལུང་བྱང་རྩེར་ཕེབས། བདག་ལ་གསང་འདུས་འཇམ་པའི་རྡོ་རྗེའི་དབང་སོགས། གསང་
འདུས་ལུགས་གཉིས་ཀྱི་རྒྱ་བོད་ཀྱི་ཡི་གེ་མཐའ་ཡས་པ་དང་། བསྐྱེད་རྫོགས་ཀྱི་གདམ་ངག་
ཐམས་ཅད་གནང་། ཞལ་བཞི་པ་སྒྲུབ་དུས་མགོན་པོའི་རྗེས་གནང་། བྲམ་ཟེའི་རིག་གཏད། 
གུར་མགོན་གྱི་མན་ངག་ཐམས་ཅད་ཕྱོགས་གཅིག་ཏུ་སྡོམ་པའི་པོ་ཏི་མེ་འབར་མ་{སོགས་
སྒྲུབ་སྤོད་མང་པོ་དང་། [བདག་ཆེན་བློ་གྲོས་པའི་དཀར་ཆག་ནང་བཞིན་དང་། ཁྱད་པར་བདག་ཆེན་ཉིད་ཀྱིས་མཛད་
པའི་ཕྱི་སྒྲུབ་རྫས་དང་དཀྱིལ་འཁོར་ལ་བརྟེན་པ། ཕྱི་ནོར་སྲུང་གནོད་སྦྱིན་ཕོ་མོའི་ཚུལ་དུ་བསྒྲུབ་པ་དང་། ནང་བསད་པ་གཤིན་
རྗེ་ཕོ་མོའི་ཚུལ་དུ་བསྒྲུབ་པའི་མན་ངག་དང་། ཡར་ལུང་བ་སེང་གེ་རྒྱལ་མཚན་དང་། རྡོ་རིངས་ཀུན་སྤངས་རིན་པོ་ཆེའི་མཛད་
པའི་ནང་འཁྲིད་ཀྱི་ལུང་།] ཞལ་བཞི་པའི་ཡིག་ལུང་མང་པོ་དང་། འཇིགས་བྱེད་ཀྱི་རྭ་པོད་སོགས་
གཤིན་རྗེ་གཤེད་[ཀྱི་]སྐོར་མཐའ་ཡས་པ་དང་། བདེ་མཆོག་ལཱུ་ཡི་པའི་སྐོར་སོགས་གནང་། 
 དེ་ནས་སྐབས་དེར་[བདག་]རབ་ཏུ་བྱུང་ཞིང་། དགེ་ཚུལ་ཉིད་དུ་བགྱིས་པའི། ལས་ཀྱི་སློབ་
དཔོན་གྱི་བཀའ་དྲིན་ཞུས་སོ། །[དེར་ལ་བདག་ལ་གནང་སྦྱིན་དང་། སྟག་ལུང་རིན་པོ་ཆེ། རྗེ་དྲུང་རིན་པོ་ཆེ། རྗེ་རིན་
པོ་ཆེ་བྲག་སྟོད་ནས་སོགས། བླ་མ་སོ་སོར་འབུལ་ཆས་བུར་སྟོན་སོགས་གནང་སྐྱེས་གཟབ་རྒྱས་མཛད་དོ།།]
འདིར་སྨྲས་པ། མི་བཟད་འཁོར་བའི་རྒྱ་མཚོ་ལས། །ཤིན་ཏུ་ཐར་བར་འདོད་པ་གང་། །ཚུལ་
ཁྲིམས་གྲུ་ཆེན་ངུར་སྨྲིག་གི །བ་དན་འཕྱར་བ་འདིར་ཞུགས་ཤིག །ཉིན་བྱེད་གཞོན་ནུའི་
དཔལ་གྱིས་འཁྱུད་པ་ཡི། །བླ་གོས་རྒྱལ་མཚན་མཆོག་གི་སྐྱེས་ཐོབ་པ། །འཇིག་རྟེན་འདི་ན་
ཆོས་ཀྱི་རྒྱལ་མཚན་ཏེ། །སྲིད་གསུམ་གནང་བར་བྱེད་ཅེས་རྒྱལ་བས་གསུངས། །
དེ་མཚམས་ཕུ་བག་དབོན་པོ་སོགས་སྒྲུབ་ཆ་གཉིས་གསུམ་ཙམ་ལ་[མཁན་སློབ་སྔར་བཞིན་
གྱིས་]བསྙེན་རྫོགས་ཀྱང་གནང་། [དེ་ནས་]སྟག་ལུང་རིན་པོ་ཆེས། རྗེ་འདི་ཉིད་ཀྱི་དྲུང་དུ་ཚེ་
དབང་ལྷ་དགུ་མ་ཞིག་གསན། རྗེ་འདིས་ཀྱང་སྟག་ལུང་རིན་པོ་ཆེ་ལ་མགོན་པོ་ཕྱག་བཞི་པའི་
རྗེས་གནང་ཞིག་གསན་ནོ། །སླར་བདག་ཉིད་ཆེན་པོ་འདིས། བདག་ལ་རྣམ་འགྲེལ་བཅུ་
22-1-363


གཅིག་དང་ས་སྐྱ་བཀའ་འབུམ་གྱི་ལུང་། གསང་འདུས་ཀྱི་སྐོར་གྱི་ལུང་ལྷག་མ་རྣམས་དང་། 
 ཡང་བདག་དང་། རྗེ་རིན་པོ་ཆེ་བསམ་སྡིངས་ནས་སོགས་དང་། སྒྲུབ་སྡེ་སོགས་བདུན་ཅུ་
སྐོར་ལ། རྒྱུད་སྡེ་ལྔའི་དཀྱིལ་འཁོར་ཡོངས་རྫོགས་ཀྱི་དབང་། [ཤངས་པ་བཀའ་བརྒྱུད་ཀྱི་ལུགས་ལ་
གྲངས་བཅད་མི་མཛད་པ་ཕྱག་སྲོལ་ཡིན་གསུང་།] བདེ་མཆོག་ལྷ་ལྔ། ཀུན་རིག ཕྱག་རྡོར་འཆི་བདག་
འཇོམས་པའི་དབང་རྣམས་ཀྱང་གནང་ངོ་། །བདག་ལ་ཨིནྡྲ་མཁའ་སྤྱོད་ཀྱི་བྱིན་རླབས་དང་། 
ཕག་མོ་ལས་བཅུའི་ལུང་[སོགས་]གནང་ངོ་། །
དེ་ནས་ལུག་ལོ་དུས་ཆེན་{ཡང་སྔར་སྲོལ་ལྟར་གནང་། [ཐོག་སྐུ་གདུང་རིན་པོ་ཆེའི་དྲུང་དུ། རྗེ་འདི་
ཉིད་ཀྱིས་གཙོ་མཛད། བདེ་མཆོག་སྒྲུབ་མཆོད། བདག་དང་སྒྲུབ་སྡེ་རྣམས་ཀྱིས་སྔ་དྲོ་བདེ་མཆོག་ལྷ་ལྔ་དང་། དགོང་མོ་རྣལ་
འབྱོར་མའི་ཆོ་ག་སོགས་ཀྱི་མཆོད་འབུལ་རྒྱས་པར་མཛད་དེ།] དུས་ཆེན་གྲོལ་མཚམས་སུ་ཤུག་ཁྲོད་ནས་སྤྱན་
འདྲེན་བྱུང་བ་ལ་བརྟེན། རྗེ་འདིས་ཤུག་ཁྲོད་ལ་ཕེབས། ཀྱེ་རྡོར་སྒྲུབ་མཆོད་གནང་། དེ་ནས་
ཆོས་རྗེ་བྱམས་གླིང་པ་སོགས་ཕྱོགས་ནས་བྱོན་པའི་དོན་གཉེར་འགའ་ཞིག་དང་། སྒྲུབ་སྡེས་
གསོལ་བ་བཏབ་ནས་[གསུང་ངག་]ལམ་འབྲས་ཡོངས་སུ་རྫོགས་པ་སྨིན་རྒྱས་རང་ཟླ་བ་ཕྱེད་
དང་བཞིའི་བར་དུ་སྩལ་ཞིང་། གཞན་[ཡང་]རྩ་རྒྱུད་བརྟག་གཉིས། མངོན་རྟོགས་ལྗོན་ཤིང་། 
 བྱམས་ཆོས་ལྔའི་ལུང་སོགས་དང་། གཤེད་དམར་སྤྲོས་མེད་དབང་འཁྲིད་དང་བཅས་པ། 
བློ་སྦྱོང་དོན་བདུན་མ། སྐྱིད་སྡུག་ལམ་ཁྱེར། ཐུགས་རྗེ་ཆེན་པོའི་སྨར་ཁྲིད་རྒྱས་སྲས་བཀའ་
འབུམ་གྱི་ལུང་། རྗེས་གནང་བཞི་བཅུ་ཞེ་གྲངས་དང་། དེ་དག་སོ་སོའི་སྒྲུབ་ཐབས་ཀྱི་ལུང་
རྣམས་ཀྱང་གནང་ངོ་། །[དེ་ནས་]ངམ་རིངས་[རྒྱལ་པོའི་ཁབ་ཏུ་]ཕེབས་ཏེ། [སྡེ་སྲིད་]ཞལ་ངོ་སོ་སོ་ལ། 
དབང་ལུང་སོགས་ཀྱི་དགོངས་བཞེད་སྒྲུབ་པར་མཛད་ནས། ལྷོ་ཕྱོགས་ལ་ཆིབས་ཁ་བསྒྱུར་
ཏེ། བྲག་དཀར་དགོན་པར་སྐུ་མཚམས་བཅད་རྒྱ་རྒྱང་ཙམ་མཛད་ནས། སླར་སྟོན་དུས་
ཐུགས་འགོལ་བའི་སྐབས་ཤིག་རང་རེའི་དགོན་པ་འདི། ཀུན་མཁྱེན་སང་གྷ་བྷ་དྲ་ནས་བཟུང་
22-1-364


སྟེ། བྱང་སེམས་བསོད་ནམས་རིན་ཆེན། རྒྱལ་ཚབ་སེམས་དཔའ་ཆེན་པོ་ལ་སོགས་པའི་
སྐྱེས་བུ་དམ་པ་རྣམས་ཀྱིས་བྱིན་གྱིས་བརླབས་པའི་གནས་ཡིན་པས། དེ་རིང་ཕྱི་སྐོར་ཞིག་ལ་
འགྲོ་གསུང་། སྐུ་འཆག་པ་དང་བསྟུན་སྐྱོ་སངས་ཀྱི་ཚུལ་དུ། ལྟག་གི་སྒང་དེར་བཞུགས་ནས་
གསོལ་ཇ་ཞིག་བཞེས་སྐབས། [བདག་ཉིད་ཆེན་པོ་འདིའི་]བཀའ་ལས། ད་རང་ཐོ་རངས་རྨི་ལམ་
ཞིག་ལ། གཙུག་ཏོར་རྣམ་རྒྱལ་དང་། སྒྲོལ་མ་དཀར་མོ་ཡིན་ཟེར་བའི་ལྷ་མོ་གཉིས་ཀྱི། པོ་ཏ་
ལར་ཐེགས་ཞེས་ཟེར་ནས་ངེད་རང་དར་གྱི་འདོ་ལི་ལ་བཏེག་སྟེ། སྲིད་པའི་རྒྱ་མཚོ་ཡིན་ཟེར་
བའི་ཆུ་བོ་ཆེན་པོ་ཅིག་གི་སྟེང་གི་ནམ་མཁའ་ལ་བཏེག་ནས་ཁྱེར་སོང་བ་ཞིག་རྨིས་གསུང་། 
 [དེ་མཚམས་སྡེ་སྲིད་ཞལ་ངོ་རྣམས་ཀྱིས་སྔར་མ་གསན་པས། གསུང་ངག་ལམ་འབྲས་ཤིག་དགོས་པའི་གསོལ་འདེབས་
གནང་བ་ན། ད་ལན་འཚུབ་འགྱུར་གྱི་རྣམ་པ་ཅུང་ཟད་ཅིག་འདུག་པས། མི་མང་པོ་ལ་ནི་མི་ཡོང་། མཚམས་ཁོག་ཏུ་ཞལ་ངོ་རྐྱང་
བ་ལ་ལམ་འབྲས་རྒྱས་བསྡུས་ཤིག་གང་འོས་བྱེད་གསུང་།] དེ་སྐབས་དད་འདུས་ཀྱི་མི་དམངས་སྦྱིན་བདག་
རྣམས་ཀྱིས་བརྟན་བཞུགས་ཤིག་ཕུལ་ནས། རེ་ཞིག་བར་སྐུ་མཚམས་དམ་པའི་ཐུགས་དམ་
གོང་འཕེལ་[དེ་]གནང་བས། སྔར་གྱི་སྐུ་དོག་གི་རྣམ་པ་དེ་ཡང་[ཅུང་ཟད་]ཞི་བའི་མཚན་མ་བྱུང་
བ་དང་། {ལམ་འབྲས་གསུང་བར་[དགོན་གསུམ་གྱི་དགེ་འདུན་རྣམས་ཀྱིས་]གསོལ་བ་ནན་ཆེར་བཏབ་
པས། སླར་ཆོས་རར་ཕེབས་ནས། སྡེ་པ་ཞལ་ངོ་རྣམས་དང་། དགོན་གསུམ་གྱི་དགེ་འདུན་
རགས་བསྡུས་ལ། [གསུང་ངག་གི་]ཐོག་མར་ཕན་བདེ་དཔལ་འབྱུང་མ་དང་། [རྗེ་གོང་མའི་]སྐུ་
སྟོད་ཅི་བསམ་ལྷུན་གྲུབ་མའི་ལུང་གནང་སྟེ། [དེ་ནས་སྣང་གསུམ་གྱི་འཁྲིད་རྒྱས་བཤད་དང་།] ངེད་ཀྱང་
ན་ཚོད་སྨིན་པས་ཡང་ཡང་འཆད་མི་ཐུབ་ཅིང་། ཁྱད་པར་ད་ལན་ཞལ་ངོ་སོགས་ཐམས་ཅད་
གསན་རྒྱ་ཆེ་བ་དང་། ལྷག་པར་རྗེ་བཙུན་རིན་པོ་ཆེ་སོགས་བླ་མ་གོང་མ་རྣམས་ཀྱི་དགོངས་
པ་རྫོགས་ཐབས་སུ། ཆོས་འགྲོ་གང་ཆེ་ཞིག་བྱེད་གསུངས་ནས། སྣང་གསུམ་སྐབས། [དེ་དང་]
ཕྱོགས་མཐུན་པ་ཙམ་གྱི་ཞེན་པ་བཞི་བྲལ། བློ་སྦྱོང་དོན་བདུན་མ་[དང་]། སྙིང་པོ་དོན་གསུམ། 
22-1-365


སྐྱིད་སྡུག་ལམ་ཁྱེར། སྤྱན་རས་གཟིགས་ཀྱི་སྨར་ཁྲིད་ཚེམ་བུ་ལུགས། དཔལ་མོ་ལུགས། ཟླ་
རྒྱལ་ལུགས། སྐྱེར་སྒང་ལུགས་བཞིའི་ཁྲིད་དམིགས་འདོམས་སུ་གནང་། {ལམ་འབྲས་ངོ་བོ་
དབང་བྱིན་རླབས་ལུང་བཤད་པ་མན་ངག་ཐམས་ཅད་ཤིན་ཏུ་རྒྱས་པ་རང་དང་། [རྒྱབ་ཆོས་སུ་
བླ་མ་སྤྱིའི་རྣམ་ཐར་ངོ་མཚར་སྣང་བ། ས་ཆེན་སོགས་གོང་མ་ལྔ་ནས། རྗེ་བཙུན་ཐམས་ཅད་མཁྱེན་པའི་རྣམ་ཐར་གྱི་བར་དང་། 
ཡང་བརྒྱུད་པའི་ལུགས་གཅིག་ལ། པཎ་ཆེན་རིན་པོ་ཆེའི་ཞིབ་མོ་རྣམ་འབྱེད། རྗེ་ཆེན་མོ་ཀུན་དགའ་རྒྱལ་མཚན། སེམས་དཔའ་
ཆེན་པོ་བསོད་ནམས་རྒྱལ་མཚན་རྣམས་མདོར་བསྡུས། དེ་དག་སོ་སོའི་དགོས་བསྟོད་དང་། བླ་མ་སྤྱིའི་བསྟོད་པ་སོགས་བསྟོད་
པ་མཐའ་ཡས་པ་དང་། བླ་མ་ལྔ་བཅུ་པ། སེམས་བསྐྱེད་ཆེན་མོ་སྔགས་ལམ་ནས། རྒྱུ་དབང་། ལམ་དབང་། བདག་མེད་ལྷ་མོ་
བཅྭ་ལྔའི་དབང་། སིནྡྷུ་རའི་དཀྱིལ་འཁོར་ལ་བརྟེན་པའི་བྱིན་རླབས་རྣམས་སོ་སོའི་ཐད་སོར་སྦྱར་བའི་རྒྱུད་གསུམ་གྱི་འཁྲིད་ཀྱི་
རྒྱས་བཤད་དམིགས་ཁྲིད་དང་བཅས་པ། དེའི་རྒྱབ་ཆོས་སུ་ཡིག་སྣ་དྲུག་ཅུའི་ལུང་། དེ་དག་ཏུ་མ་འདུས་པའི་ཁྲིད་ཡིག་སྦས་དོན་
ཀུན་གསལ། མུས་ཆེན་གྱི་མངོན་རྟོགས་ལམ་དུས། རྗེ་བཙུན་ཐམས་ཅད་མཁྱེན་པས་མཛད་པའི་མངོན་རྟོགས་སོགས་ཤིན་ཏུ་
མང་པོ་དང་། པོ་ཏི་དམར་ཆུང་ཡོངས་རྫོགས་]སྡོམ་གསུམ་རབ་དབྱེ་དང་། འཁྲིད་བརྒྱའི་ལུང་རྣམས་དང་། 
 [མདོར་ན་མགོན་རྐྱང་གི་རྗེས་གནང་གི་བར་གྱི་གསུང་ངག་ཡོངས་སུ་རྫོགས་པ་དང་།] གཞན་ཡང་དེ་སྐབས་ཉིན་
རེ་བཞིན་ཟུར་བཀའི་རྗེས་གནང་རེ་རེ་གནང་བ་ལ། པཎ་ཆེན་ནགས་ཀྱི་རིན་ཆེན་ལུགས་ཀྱི་
སྒྲོལ་དཀར། སྒྲོལ་དཀར་ཇོ་བོ་ལུགས། སྒྲོལ་མ་གཙུག་གཏོར་རྣམ་རྒྱལ། སེང་ལྡེང་ནགས་
སྒྲོལ། སྙན་སྒྲོལ་ཡན་ལག་དྲུག་པ། འཇམ་དཀར། འཇམ་དབྱངས་ཨ་ར་པ་ཙ་ན་ལྷ་ལྔ། 
འཇམ་དབྱངས་སྨྲ་སེང་གཙོ་འཁོར་ལྔ[་པ]། འཇམ་དཔལ་ནག་པོ། སྤྱན་རས་གཟིགས་ཕྱག་
བཞི་པ་གཙོ་རྐྱང་། སྐྱེར་སྒང་པའི་ཞལ་གཟིགས་ཀྱི་སྤྱན་རས་གཟིགས་གཙོ་འཁོར་གསུམ་
པ། སྤྱན་རས་གཟིགས་[ལ་]མཁའ་འགྲོ་སྡེ་ལྔས་བསྐོར་བ། ཕྱག་སྟོང་སྤྱན་སྟོང་དཔལ་མོ་
ལུགས། སེང་གེ་སྒྲ་ལྷ་ལྔའི་ལུས་དཀྱིལ་[དང་བཅས་པ]། དོན་ཞགས་ལྷ་ལྔ་ཕྱག་ན་རྡོ་རྗེ་ཨུ་ཙའི་
རྗེས་གནང་དྲག་པོའི་མེ་དབང་དང་བཅས་པ། ཕྱག་རྡོར་གཏུམ་པོ་ཁྱུང་ལྔས་བསྐོར་བ་མངའ་
22-1-366


བདག་ཉང་གི་གཏེར་ནས་སྤྱན་དྲངས་པ། གསར་མ་ལུགས་ཀྱི་ཕྱག་རྡོར་གཏུམ་པོ། འབྱུང་
འདུལ་གཙུག་གཏོར་རྣམ་རྒྱལ་ལྷ་དགུ། རྡོ་རྗེ་རྣམ་འཇོམས། རྨེ་བརྩེགས་དུད་ཁ། རྨེ་བརྩེགས་
ལྗང་ཁུ། ཁྲོ་མོ་རྨེ་བརྩེགས། མི་གཡོ་བ་དཀར་པོ། མི་གཡོ་བ་སྔོན་པོ། ཚེ་དཔག་མེད་དཀར་
པོ། སྒྲ་མི་སྙན་པའི་ཚེ་སྒྲུབ། འཆི་མེད་ཀྱི་རང་གཟུངས་ཕན་ཡོན་དང་བཅས་པ། སངས་རྒྱས་
ཀླུ་དབང་རྒྱལ་པོ་ལྷ་ལྔ། ཁྱུང་ཁྲ། ཇོ་བོ་ལུགས་ཀྱི་རྟ་མགྲིན་ཞལ་གཅིག་ཕྱག་གཉིས་པ། རྡོ་
རྗེའི་གཤོག་པ་ཅན། རྟ་མགྲིན་གསང་སྒྲུབ་ཞལ་གསུམ་ཕྱག་དྲུག་པ། བྱང་སེམས་ཟླ་བ་རྒྱལ་
མཚན་གྱི་ཞལ་གཟིགས་རྟ་མགྲིན་ནག་པོ། མཁའ་འགྲོ་སེང་གེ་གདོང་མ། སྣ་ཚོགས་ཡུམ། 
སངས་རྒྱས་སྤྱན་མ། པཎ་ཆེན་བོ་དོང་པ་ནས་བརྒྱུད་པའི་དབྱངས་ཅན་མ་དཀར་མོ། ཕག་
དཀར་ཤེས་རབ་གསལ་བྱེད། ཤེར་ཕྱིན་དཀར་མོ། རི་ཁྲོད་མ་ལོ་མ་གྱོན་མ་སེར་མོ། ཕྱག་
རྡོར་གོས་སྔོན་ཅན། རྣམ་སྲས་སེར་ཆེན། རྣམ་སྲས་དཀར་པོ། ཛཾ་སེར་ནག ཛཾ་བྷ་ལ་དམར་
པོ་ཞལ་གསུམ་ཕྱག་དྲུག་པ། ཛཾ་བྷ་ལ་དཀར་པོ་འབྲུག་ཞོན། དམར་པོ་སྐོར་གསུམ། ཁྲོ་རྒྱལ་
འབྱུང་འདུལ་དང་བཅས་པ། མགོན་དཀར་ཡིད་བཞིན་ནོར་བུ་རྣམས་ཀྱི་རྗེས་གནང་དང་། དེ་
དག་གི་སྒྲུབ་སྐོར་གྱི་ཡིག་ལུང་འཇམ་ཀླས་པ་སྟེ། [དེ་ལྟར་ལམ་འབྲས་སོགས་ཞལ་ཆོས་དང་བཅས་པ་ལ་]
ཟླ་བ་གསུམ་གྱི་བར་ཆོས་ཀྱིས་དུས་འདའ་བར་གནང་ནས། 
[དེ་ནས་]ལུག་ལོ་ཟླ་བ་དང་པོའི་ཆོ་འཕྲུལ་དུས་ཆེན་རིང་སྐུ་མཚམས་དམ་པའི་བདེ་མཆོག་
གི་བསྙེན་པ་ཁ་གསོ་མཛད་ནས། [སྡེ་སྲིད་]ཞལ་ངོས་གཙོས་པའི་དབང་ཆ་གཅིག་ལ་བདེ་
མཆོག་ནག་པོ་ལུགས་ཀྱི་དབང་། [དེའི་སྒྲུབ་ཐབས་རྗེ་བཙུན་དམ་པས་མཛད་པ། རྗེ་བཙུན་གྲགས་པས་མཛད་
པའི་ནག་པོ་དཀྱིལ་ཆོག རྗེ་ཉིད་ཀྱིས་མཛད་པའི་དཀྱིལ་ཆོག་མདོར་བསྡུས། སྔགས་འཕྲེང་། བསྟོད་པ། བཀྲ་ཤིས་སོགས་ཀྱི་
ལུང་།] རྡོ་རྗེ་རྣལ་འབྱོར་མའི་བྱིན་རླབས། བསྐྱེད་པའི་རིམ་པ་ནཱ་རོ་མཁའ་སྤྱོད། རྣལ་འབྱོར་
བཅུ་གཅིག་དང་སྦྱར་བའི་རྒྱས་བཤད་སེམས་འཛིན་དང་བཅས་པ། རྫོགས་པའི་རིམ་པ་རྩ་
22-1-367


དབུ་མའི་འཁྲིད[་རྗེ་བཙུན་གྱི་འཁྲིད་ཡིག་ནང་བཞིན་དང་]། དེ་ཁོ་ན་ཉིད་དངོས་སུ་སྟོན་པའི་བྱིན་རླབས་
ངོ་སྤྲོད{། དེ་དག་གི་ཆོས་སྐོར་ལུང་བཀའ་མང་པོ་དང་བཅས་པ། ངོར་ཆེན་པན་ཆེན། རྗེ་
ཀུན་དགའ་རྒྱལ་མཚན། རབ་གསལ་ཟླ་མགོན། རྗེ་ཉིད་དེ། རྗེ་ཀུན་དགའ་རྒྱལ་མཚན་པ་
ནས་བརྒྱུད་པའི་རྒྱུད་པ་ལ་དགོངས་ནས། ངོར་ཆེན་གྱི་གསུང་ལ་པཎ་ཆེན་རིན་པོ་ཆེས་ཟིན་
བྲིས་མཛད་པའི་ཡིག་སྟེང་ནས་རྩ་དབུ་མའི་འཁྲིད་དེ་གནང་བ་ཡིན་ཟེར། [་བཅས་པ། དཔལ་ལྡན་
བླ་མའི་གསུང་ལ། ཡར་ལུང་པ་སེང་གེ་རྒྱལ་མཚན་གྱིས་ཟིན་བྲིས་མཛད་པའི་ནང་ལྟར་སྩལ་ཞིང་། ལམ་གྱི་ཡན་ལག་པྲ་སེ་ན་
དབབ་པ། སྨན་ཆེན་པོའི་བཅུད་ལེན། གནོད་སྦྱིན་མོའི་སྒྲུབ་ཐབས། རྣལ་འབྱོར་མའི་སྒྲུབ་ཐབས། ནཱ་རོ་པས་མཛད་པའི་རྒྱ་
གཞུང་། འཕགས་པས་མཛད་པའི་མངོན་དཀྱིལ། རྗེ་བཙུན་དམ་པས་མཛད་པའི་དཀྱིལ་ཆོག་གི་ལུང་རྣམས་གནང་ཞིང་། རྗེ་རྡོ་
རྗེ་འཆང་ཀུན་དགའ་བཟང་པོའི་གསུང་ལ་པཎ་ཆེན་རིན་པོ་ཆེའི་ཟིན་བྲིས་སུ་མཛད་པའི་སྟེང་ནས་འཁྲིད་དང་ལུང་བཅས། པཎ་
ཆེན་གྱི་དྲུང་དུ་། རྗེ་ཀུན་དགའ་རྒྱལ་མཚན་པས་གསན། དེའི་དྲུང་དུ་མང་མཁར་བ་རྗེ་རབ་གསལ་ཟླ་བ་མགོན་པོས་གསན། དེ་
ལ་རྗེ་འདི་ཉིད་ཀྱིས་གསན་པ་ལགས།] སླར་བྱང་ནས་[སྡེ་སྲིད་ཀྱི་]སྤྱན་འདྲེན་བྱུང་ནས་ཕེབས། ཞལ་ངོ་
རྣམས་ལ་ཚེ་དབང་སོགས་གནང་ནས། ཤུག་ཁྲོད་དུ་ཕེབས་ནས་སྐུ་མཚམས་རྒྱང་ཙམ་གནང་། 
 དེ་རྗེས་ལྷ་རྩེ་རྫོང་དུ་{བདག་པོ་སྐུ་བགྲེས་པས་[སྡེ་སྲིད་ཀྱིས་]སྤྱན་དྲངས་ནས་ཟླ་བ་གཅིག་
གི་བར་དུ་ཚེ་དབང་བརྒྱ་ཚར་སོགས། དབང་ལུང་གི་དགོངས་བཞེད་སྒྲུབ་པར་མཛད་ནས། 
སླར་ཆོས་ལུང་དུ[ཕེབས་ཏེ]། རེ་ཞིག་བར་སྐུ་མཚམས་མཛད་སྐབས། རྗེ་འདིའི་མཚན་ལྟས་ལ། 
སྤྱིར་ཁྲི་ཁང་ཚོར་[ཅུང་ཟད་]འཛེར་བ་དང་། ལྷག་པར་རྗེ་དྲུང་རང་ལ་ངན་པ་ཞིག་བྱུང་བས། སྐུ་
རིམ་རྒྱ་སྤངས་གང་ཆེ་རང་མཛད་དགོས་པའི་ཆེད་གཏད་ཕྱག་དམ་བཀའ་ངག་སོགས་གནང་། 
[དེ་ཡང་སྐྱེ་བོ་རྣམས་ནི་ཡིད་ཁྱོག་ལ་འཆང་བ་འབའ་ཞིག་ཡིན་གྱི་དམ་པ་རྣམས་ཀྱི་ཡེ་ཤེས་ནི་དུས་གསུམ་ལ་སྒྲིབ་པ་མེད་
པའོ།།] དེ་ནས་བོ་དོང་དུ་{བདག་པོ་[ཞབས་དྲུང་ཡིད་བཞིན་]ནོར་བུ་ལགས་སྐུ་ཁམས་མ་བདེ་[བ་]
ནས། སྤྱན་འདྲེན་ནན་ཞུས་བྱུང་[བ་]ནས་ཕེབས། ཚེ་དབང་དང་དྲག་པོའི་རྗེས་གནང་སོགས་
22-1-368


དུ་མ་གནང་བས་སྐུ་ཁམས་ཀྱང་འཕྲལ་དུ་དྭངས། སླར་ཆོས་ལུང་དུ་[ཕེབས་ནས་]བྱེ་སྤེ་ཆོས་
མཛད་མས་གསོལ་བ་བཏབ་ནས། སྒྲུབ་སྡེ་དང་བཅས་པ་ལ་གཤེད་དམར་གྱི་དབང་འཁྲིད་
ཆ་ལག་དང་བཅས་པ་གནང་ཞིང་། དེ་རྗེས་ཆོས་རྗེ་དབུ་ལེགས་པ་དྲུང་པ་ལྷ་མཆོག་པ་ལ་སྐུ་
མཚམས་ཁོག་ཏུ། གསུང་ངག་ལམ་འབྲས་ཡོངས་རྫོགས་ཞིག་གནང་། དྲུང་པ་ལྷ་མཆོག་པ་
འདི་ཕྱིས་གློ་བེ་སྡེ་པའི་བླ་མར་སོང་། 
དེ་ནས་བྱ་ལོ་དུས་ཆེན་[སོགས་]སྨིན་རྒྱས་མཛད་དེ། ངམ་རིངས་དང་ཤུག་ཁྲོད་སོགས་
[ནས་]སྤྱན་འདྲེན་བྱུང་བ[ལ་བརྟེན]། སྒྲུབ་སྡེ་རྣམས་ཀྱི་ཞུ་ཆ། ད་ལོ་དགུང་སྟེང་ཡིན་པས་ཕྱོགས་
ལ་ཕེབས་བཞུད་མི་ལེགས། སྐུ་མཚམས་ངོས་འདི་ཁར་རྒྱང་ཙམ་བཞུགས་དགོས་ཞུ་བ་བྱུང་། 
 དུས་དེར་རྗེ་ཉིད་རང་གི་གཟིགས་སྣང་ལ། ལས་མགོན་པུ་ཏྲ་མིང་སྲིང་རྣམས་རྒྱན་དང་
ན་བཟའ་འཆོར་བའི་རྣམ་པ་ཞིག་བྱུང་ནས། ཁྱེད་ལ་སྐུ་དོག་གི་རྣམ་པ་ཅུང་ཟད་ཡོད་ཀྱང་། 
བར་ཆད་དུ་མི་འགྱུར་ཞིང་རང་རེའི་སྦྱིན་བདག་རྣམས་ལའང་ད་ལོ་དགའ་མོ་ཡོང་བས། ངེད་
རྣམས་ལ་གཏང་རག་གཏོང་དགོས་སོ་ཟེར་བྱུང་ཞིང་། སླར་ངམ་རིངས་སུ་ཕེབས། ཞལ་ངོ་
སོ་སོར་ཚེ་བཀའ་སོགས་གནང་། དེ་སྐབས་[ཞབས་དྲུང་]རྒྱལ་བུའི་དྲུང་ལ་[ཤར་ཕྱོགས་ཀྱི་]གནོད་
འཚེ་ཆེན་པོ་ཞིག་གིས་སྐུ་ཁམས་མ་བདེ་བ་ཞིག་བྱུང་བ་ལ། ཉིན་རེ་བཞིན་ཚེ་དབང་[དང་]དྲག་
པོའི་རྗེས་གནང་སྲུང་འཁོར་སོགས་གནང་བས། སྐུ་ཁམས་ཀྱང་དྭངས་སྐྱེད་ཆེ་བ་བྱུང་[ནས། 
ཡབ་ཡུམ་ཐམས་ཅད་དགྱེས་པ་རབ་ཀྱི་མཐར་ཕྱིན།] རྙེད་བཀུར་དཔག་མེད་མཛད། དེ་ནས་ཤུག་ཁྲོད་དུ་
ཕེབས། དུས་ཆེན་མཆོད་འབུལ་སོགས་དང་། སྒྲུབ་སྡེ་སོ་མ་འདྲ་ལ་ཀྱེ་རྡོར་གྱི་དབང་། རྣལ་
འབྱོར་མའི་བྱིན་རླབས་སོགས་གནང་ནས། རེ་ཞིག་བར་སྐུ་མཚམས་དམ་པའི་ཐུགས་དམ་
གོང་འཕེལ་དུ་བཞུགས། [དེ་ནས་]ལྷ་རྩེ་རྫོང་དུ་[ཕེབས།] བདག་པོ་ཆེན་པོའི་དྲུང་སྐུ་ཁམས་ཡུན་
རིང་སྙུང་བ་ཞིག་བྱུང་བ་ནས། ཚེ་དབང་བརྒྱ་ཚར། གུར་ཞལ་ཕྱག་རྡོར་རྟ་མགྲིན་སོགས་དྲག་
22-1-369


པོའི་རྗེས་གནང་དུ་མ་གནང་[ཞིང་]། དེ་ནས་སྐུ་ཁམས་དྭངས་ཤིང་། [མཚན་]བྱུས་ཀྱང་ཤིན་ཏུ་
ལེགས་པ་བྱུང་། རྗེ་ཉིད་ཀྱི་དྲུང་དུ་འབུལ་བ་རྒྱ་ཆེན་པོ་མཛད། སླར་ཆོས་ལུང་དུ་ཕེབས། སྒྲུབ་
སྡེ་རྣམས་ལ་རྡོ་རྗེ་འཇིགས་བྱེད་ཀྱི་དབང་དང་། རྭ་འཁྲིད་རྒྱས་པ་ཞིག་གནང་། དེ་སྐབས་
{བདག་ཀྱང་སྐུ་དྲུང་དུ་[བྱང་ནས་ནང་སོ་གྲོ་ལུང་ཆོས་རྗེ་དང་། ཆོས་ལུང་རང་ནས་ཕྱག་དམ་མི་སྣ་དང་བཅས་པ་བདག་
འབོད་པར་གནང་བྱུང་བ་བཞིན་དུས་ཆེན་སྟེང་དུ་]སླེབ། 
ཁྱི་ལོ་དུས་ཆེན་དེ་གྲོལ་ནས་སྨོན་གྲོར་རྟེན་གཞེངས་གྲུབ་པའི་རབ་གནས་ལ་ཕེབས། དེ་
ནས་བདག་ཀྱང་ཞབས་ཕྱིར་བཀྲིས་ཏེ། [བྱང་]ངམ་རིངས་རྒྱལ་པོའི་ཕོ་བྲང་དུ་ཕེབས། ལེགས་
ཚོགས་ཆེ་བའི་སྐབས་ནས་བཀྲལ་ཐགས་ཀྱི་བདེ་མཆོག་དཀྱིལ་འཁོར་དང་། ཁྲུས་ལོང་མ་
ཎི་མ་སོགས་རྟེན་མཇལ་ཞིབ་རྒྱས་སུ་གནང་། སླར་ཤུག་ཁྲོད་དུ་ཕེབས། དེ་དུས་བདག་ཡུན་
རིང་བྲོ་འཚལ་བ་ལ། གཞན་གང་གིས་ཀྱང་མ་ཕན་པར་རྨི་ལྟས་དང་བསྟུན། བདག་གིས་
གསོལ་བ་བཏབ་པ་ལས། བདེ་མཆོག་ནག་པོ་པའི་དབང་། དྲིལ་བུ་པའི་དབང་། བདེ་མཆོག་
རྩ་རྒྱུད་ཀྱི་ལུང་བཤད་སོགས། ཕྱག་དྲུག་ཡེ་ཤེས་མགོན་པོའི་གཏོར་དབང་བར་ཆད་ཀུན་
སེལ་སོགས་གནང་བས་བདག་ཀྱང་དེ་ཁོ་ནས་བྲོ་ནད་ལས་གྲོལ། [དེ་ནས་བདག་གིས་དགོངས་པ་
བཀྲོལ་ཏེ་ཤར་ཕྱོགས་སུ་འོང་བར་སེམས་པའི་ཚེ།] སྐུ་ཁམས་ཅུང་ཟད་མ་བདེ་བའི་རྣམ་པ་ཞིག་བྱུང་ནས། 
ཐུགས་དགོངས་ལ་ད་ནི་ན་སོ་ཡང་མཐར་ཕྱིན། ཆོས་ཀྱི་འགྲོ་ཕན་ཡང་དེ་ཙམ་དུ་འདུག་པས། 
ཀུན་སྤངས་རྗེ་གང་ན་བཞུགས་པའི་དྲུང་དུ་སྐྱེ་བར་བྱེད་དགོས་དགོངས། གསོལ་བ་བཏབ་
པ་གནང་བ་ན། {ཐུགས་ཉམས་[མཚན་ལྟས་]ལ། མི་དཀར་པོ་ཞིག་གིས་རྟ་སྔོན་པོ་གསེར་གྱི་
རྒྱན་དུ་མས་སྤྲས་པ་ཞིག་ཁྲིད་ནས་ཤར་ཕྱོགས་མངོན་པར་དགའ་བ་ན་ཀུན་སྤངས་རིན་པོ་
ཆེ་ཡོད་དེར་གཤེགས་ན་རྟ་འདི་ལ་ཆིབས་ཟེར་བྱུང་བ་ལ། དེར་འབྱོན་དགོས་དགོངས་ཙ་ན་
དེ་མ་ཁད་བུད་མེད་མེ་ཏོག་གིས་སྤྲས་པ་གཉིས་བྱུང་ནས་། ནུབ་ཕྱོགས་བདེ་བ་ཅན་ན། ས་
22-1-370


སྐྱ་པ་གོང་མ་ལྔ་བཞུགས། ད་ལན་དེར་འབྱོན་པ་འཐད་ཟེར་ནས། རྗེ་ཉིད་དར་གྱི་འདོ་ལི་ལ་
བཏེག་སྟེ་ནམ་མཁའ་མཐོན་པོར་འགྲོ་བ་ཞིག་བྱུང་། གཏིང་རིང་མོ་ཞིག་ན། མཚོ་དམར་དིང་
ངེ་བ་འཇིག་སུ་རུང་པ་གཅིག་འདུག དེ་ཅི་ཡིན་དྲིས་པས། སྲིད་པའི་རྒྱ་མཚོ་ཡིན་ཟེར། དེ་ལ་
ཐུགས་ཤིན་ཏུ་འབྱུང་བའི་སྙིང་རྗེ་བཟོད་གླགས་མེད་པ་ཞིག་འཁྲུངས་ཏེ། སྐྱབས་བླ་ན་མེད་
པ་དཀོན་མཆོག་ཐུགས་རྗེའི་གཏེར་ཆེན་རྣམས་ཀྱིས། མ་འགྲོ་དྲུག་གི་སེམས་ཅན་ཐམས་
ཅད་འཁོར་བ་སྡུག་བསྔལ་གྱི་རྒྱ་མཚོ་འདི་ལྟ་བུ་ལས་བསྒྲལ་ཏུ་གསོལ། [སྙམ་པའི་དཀོན་མཆོག་
ལ་]གསོལ་འདེབས་མཛད་པས། དེས་རྐྱེན་བྱས་{ཐུགས་ཉམས་[མནལ་]སད་པ་ཞིག་བྱུང་[ནས། 
སྔར་གྱི་རྒྱུན་དེ་ཐུགས་ཡུལ་ལ་གསལ་བ་ཞིག་བྱུང་གསུང་ངོ་།།] དེ་ལྟ་བུ་ནི་སྐུ་ཚེ་བྱིན་གྱིས་བརླབས་ནས། ཞིང་
འདིའི་འགྲོ་བའི་དོན་ལ་དགོངས་པ་ཡིན་{པར་མངོན་ནོ། །[སྙམ་མོ། །བདག་གིས་དེ་ནས་འོང་ཁར་བརྟན་
བཞུགས་ཤིག་ཕུལ། རྗེ་ཡང་དེར་སྐུ་མཚམས་ཡུན་རིང་རབ་ཅིག་གནང་ངོ་། །]
འདིར་སྨྲས་པ། པད་དཀར་འདབ་མར་བུང་བ་འཁོར་འདྲའི་མིག །ཟླ་བཞིན་འདོད་པའི་
ལོངས་སྤྱོད་ས་གཞི་བཞིན། །ལེགས་བྱས་དཔྱིད་ཀྱིས་དཔལ་མོས་མགྲོན་གཉེར་བ། །རང་
ཚུལ་འདི་ལ་སུ་ཞིག་འཇིགས་པར་འོས། །ནམ་མཁའ་དང་ནི་རྡུལ་གྱི་སྐུར་བསྟན་ཡང་། །སྒྲིབ་
བྱེད་མ་རིག་མུན་ལ་ཤིན་ཏུ་སྐྲག །མགོན་ཁྱོད་རྟག་ཏུ་གང་གནས་བདེ་བ་ཅན། །དེ་ཕྱིར་ཁྱེད་
ལ་བཞུད་དང་གཤེགས་པ་ཅི། །ལྷ་དང་དྲང་སྲོང་འབྱུང་པོ་སོགས། །ཁྱོད་དང་ཁྱོད་ཞབས་རྟེན་
བྱེད་པ། །དེ་དག་ཀུན་ལ་རྟག་ཏུ་བསྲུངས། །དགེ་བ་ཐམས་ཅད་སྦྱིན་པར་མཛད། །མགོན་པོ་
ཡེ་ཤེས་རྡོ་རྗེའི་སྐུ། །དུས་དང་གནས་སྐབས་ཀུན་ཏུ་ཡང་། །ཅུང་ཟད་འགྱུར་བ་མི་མངའ་བས། །
དགེ་བའི་སྤྱོད་པ་རྟག་ཏུ་རྒྱས། །
དེ་ནས་[སྡེ་སྲིད་ནས་]སྤྱན་འདྲེན་བྱུང་ནས་ངམ་རིངས་སུ་ཕེབས། ཚེ་བཀའ་དང་། ཀྱཻ་རྡོ་
རྗེའི་དབང་། མགོན་པོ་སོགས་རྗེས་གནང་གི་རིགས་དུ་མ་གནང་ནས། བྱང་ཁང་གསར་དུ། 
22-1-371


བདག་པོ་སྐུ་གཞོན་པས་གནས་བཅུའི་ཞལ་ཐང་གསར་བཞེངས་མཛད་པའི་རབ་གནས་ལ་
ཕེབས་ཏེ། ཀྱཻ་རྡོར་གྱི་ཆོ་ག་ལ་བརྟེན་ནས་སྟ་གོན་དང་དངོས་གཞིར་སྦྲེལ་བའི་རབ་གནས་
རྒྱས་པ་མཛད་དེ། གཏིང་ཁེབས་སུ་ཕེབས། {སྡེ་པ་གོང་མའི་[ཞབས་དྲུང་བདེ་གཤེགས་ཀྱི་]ཕྱི་རྟེན་
ལ་དགའ་ལྡན་རྩེར་མཆོད་རྟེན་བཞེངས་པའི་ཕྱག་ནས་མཛད། ཁྱད་པར་ཆོས་རར། ཞལ་
ངོས་གཙོ་མཛད་དཔོན་གཡོག་ཉུང་བསྡུས་ལ། གྲུབ་པའི་རྒྱལ་མོའི་ཚེ་དབང་ཚེ་ཁྲིད་རྒྱས་པ་
དང་། གཤེད་དམར་ལྷ་ལྔའི་དབང་མངོན་དུ་འགྲོ་བའི་བསྐྱེད་རིམ་གྱི་དམིགས་ཁྲིད་སེམས་
འཛིན་སོགས་དང་། ཤིན་ཏུ་སྤྲོས་མེད་ཀྱི་འཁྲིད། སོ་སོའི་བྱིན་རླབས་[གསུམ་]དང་བཅས་པ་
དང་། {ཡིག་ལུང་མང་པོ་དང་། ནཻ་གུ་ཆོས་དྲུག་དབང་ལུང་དང་བཅས་པ་རྒྱས་པར་སྩལ། [རྡོ་
རྗེའི་ཚིག་རྐང་། ཐེག་ཆེན་ཆོས་རྒྱལ་གྱིས་མཛད་པའི་འགྲེལ་བ། གློ་བོ་ལོ་ཙཱ་བའི་སྤྲོས་མེད་སྟོང་ཐུན། ངོར་ཆེན་གྱི་མཛེས་རྒྱན། 
མཁན་ཆེན་བཀྲས་རྣམ་པས་མཛད་པའི་འཁྲིད་ཡིག བཱི་རུ་པའི་གཞུང་གསུམ། ངོར་ཆེན་གྱིས་མཛད་པའི་མངོན་དཀྱིལ། པཎ་
ཆེན་རིན་པོ་ཆེ་དང་། རྗེ་ཉིད་ཀྱིས་མཛད་པའི་བརྒྱུད་འདེབས་སོགས་ཀྱི་ལུང་རྣམས་གནང་། ཡང་ནཻ་གུའི་སྒྱུ་ལུས་དབང་མོ་ཆེ། 
ཆོས་དྲུག་སོ་སོའི་འཁྲིད། བརྒྱུད་པ་རིན་ཆེན་སྣ་བདུན་གྱི་རྣམ་ཐར་དང་། དེ་མན་ཆད་ཀྱི་རྣམ་ཐར་རྗེ་བཙུན་རིན་པོ་ཆེས་མཛད་
པ་དང་། རྗེ་བཙུན་རིན་པོ་ཆེ་རང་གི་གསང་བའི་རྣམ་ཐར། རྡོ་རྗེའི་ཚིག་རྐང་། ཐིམ་ཡིག་ཚིག་གསལ། རྗེ་བཙུན་རིན་པོ་ཆེའི་གླུ་
འཕྲེང་། རྣམ་འཇོམས་བཀའ་རྒྱ་མ། སྨོན་ལམ་བཀའ་རྒྱ་མ། འཇམ་དབྱངས་རིན་པོ་ཆེས་མཛད་པའི་འཁྲིད་ཡིག་མདོར་བསྡུས་
ཀྱི་ལུང་། ཤངས་སྟོན་པས་མཛད་པའི་འཁྲིད་ཡིག རྗེ་བཙུན་རིན་པོ་ཆེས་མཛད་པའི་འཁྲིད་ཡིག་བསྡུས་པ། བརྒྱུད་འདེབས་ཨ་
ཡིག་མ། གནས་སྦྱར་མ། མ་ལུས་རྒྱལ་བའི་རིགས་བདག་མ། པཎ་ཆེན་རིན་པོ་ཆེའི་མཛད་པའི་བརྒྱུད་འདེབས་ཀྱི་ལུང་རྣམས་
གནང་།] དེ་མཚམས་བྱང་ཕུག་གི་ཇོ་བོ་རིན་པོ་ཆེ་མཇལ་བ་ལ་ཕེབས། གསེར་ཆབ། སྙན་དར། 
དཀར་མེ་སོགས་མཆོད་པ་དུ་མ་གནང་ཞིང་། སླར་འབྲས་ཁུད་ནས་ཡར་ཕེབས་སྐབས། གླང་
{བུ་[ཕུ་]བའི་གངས་རྩེ་ནས་འཇའ་འོད་དཀར་པོ་ཤིང་ལོ་རྒྱས་པ་ལྟ་བུ་ཞིག་གི་རྩེ་ལ་ཁ་དོག་
སྣ་ཚོགས་པ། རྗེ་ཉིད་གར་ཕེབས་ཀྱི་ཐད་ལ་བྱུང་ནས་ཁྲོ་ལའི་ལ་རྩེར་ཕེབས་པ་དང་། རིམ་
22-1-372


གྱིས་གངས་རྩེར་འདུས་སོང་བས། དེར་འདུས་ཐམས་ཅད་ངོ་མཚར་དུ་འཛིན་པ་བྱུང་། སླར་
མཁར་ཆེན་དུ་ཕེབས་ཏེ། [སྔར་གྱི་ནཻ་གུའི་འཕྲོས།] ཕྱག་ཆེན་གའུ་མ། ལམ་ཁྱེར་རྣམ་གསུམ། འཆི་
མེད་འཆུག་མེད་སོགས་[དང་། སྒྱུ་མ་ལམ་རིམ་རྩ་འགྲེལ་གཉིས་སོགས་]ཡོངས་རྫོགས་གནང་། ལྷག་
པར་ནག་པོ་རིམ་བཞིའི་འཁྲིད། ས་ཆེན་གྱིས་མཛད་པའི་རིམ་བཞི་ལམ་སློང་[ཡིག་ཆུང་བཞི་
དང་བཅས་པ་དང་།] ནག་པོ་གཞུང་དྲུག བསྟོད་པ་རྒྱུན་ཆགས། ནག་འབུམ། པཎ་ཆེན་རིན་པོ་
ཆེས་མཛད་པའི་བདེ་མཆོག་རྣམ་བཤད། ཆོས་ཚན་བརྒྱ་རྩ། འཇིགས་བྱེད་ཀྱི་རྭ་སྤོད་ཡོངས་
རྫོགས། ལམ་འབྲས་ཀྱི་ཆ་ལག [སྔར་གསུང་ངག་དུས་མ་གསན་པའི་]བརྡ་ཆིག་བརྒྱུད། སྒྲུབ་པ་ལུང་
སྦྱིན། བིར་བསྲུངས་ཐུན་མོང་མ་ཡིན་པ། གསང་འདུས་འཇམ་རྡོར་གྱི་དབང་། [ཟར་བྱང་སྦུག་ཀུན་
ལེགས་པས་མཛད་པའི་མངོན་དཀྱིལ། རྗེ་ངོར་ཆེན་གྱིས་མཛད་པའི་བསྟོད་པ་རྣམས་ཀྱི་ལུང་།] འཇིགས་བྱེད་རོ་ལངས་
བརྒྱད་སྐོར་གྱི་དབང་རྣམས་སྩལ། [སླར་]བྲག་དཀར་དུ་ཕེབས་ནས། {དོན་གཉེར་བཞི་བཅུ་
ཙམ་[དགེ་འདུན་སུམ་ཅུ་སོ་བགྲང་ལ་]བསྙེན་པར་རྫོགས་པ་གནང་། མཁར་ཆེན་དུ་ཕེབས་ནས་ཞལ་
ངོ་རྣམས་ལ་ཚེ་དབང་བརྒྱ་ཚར། དགོན་གསུམ་གྱི་དགེ་འདུན་སོགས་ལ་སྙིང་པོ་དོན་གསུམ་
གྱི་ཁྲིད་[ཁྲོ་ཕུ་ལོ་ཙཱ་བས་མཛད་པའི་འཁྲིད་ཡིག་གི་ལུང་སོགས་]རྒྱས་པར་སྩལ། དེ་སྐབས་བྲག་དཀར་
དགོན་པའི་{གདན་ས་ཡང་འཇོག་པ་[རྩིས་འབུལ་ཀྱང་]གནང་། སླར་བྱང་ནས་སྤྱན་འདྲེན་པ་བྱུང་
ནས་ཕེབས་པའི་དགོངས་པ་ཡོད་པ་ལ། [སྡེ་སྲིད་]ཞལ་ངོ་རྣམས་དང་། [གྲྭ་ཚང་པའི་]དགེ་འདུན་
རྣམས་ཀྱི་མགྲིན་གཅིག་པས། སྤྱིར་སྐུ་ནས་སྨིན་པ་དང་ས་ཁད་འགྱངས་པས་སླར་ཕེབས་མི་
ཐུབ་དོག་པས་ད་ལན་ཅིས་ཀྱང་བཞུགས་པ་དགོས་ཞུ་བ་ན། རྗེའི་བཀའ་ལས། སྔ་སོར་བྱང་
དུ་འགྲོ་བའི་ཁས་ལེན་ཐལ་བས། ད་ལན་ཅིས་ཀྱང་སྐོར་གཅིག་འགྲོ། སླར་འདི་ཕྱོགས་[ཁོར་
ཙམ་]སླེབ་ཐུབ་པ་ཞིག་བྱེད་པས་སོ་སོ་ནས་ཆོས་དང་གང་མཐུན་གྱི་ངོས། རང་རེ་ཚང་མ་སྨོན་
ལམ་མ་ལོག་པ་ཞིག་བྱེད་དགོས་གསུང་། དེ་ནས་ཞལ་ངོ་རྣམས་ལ། བདེ་མཆོག་དཀར་པོའི་
22-1-373


བྱིན་རླབས་འཁྲིད་དང་བཅས་པ་དང་། ཕེབས་པའི་སྔ་དྲོ་སྒྲོལ་དཀར་ཡིད་བཞིན་གྱི་འཁོར་
ལོ། མི་གཡོ་བ་དཀར་པོ། མགོན་དཀར་ཡིད་བཞིན་གྱི་ནོར་བུ་རྣམས་ཀྱི་རྗེས་གནང་མཛད་
ནས། ད་ལེན་རྟེན་འབྲེལ་ཡོད་པས་མཆོད་གཏོར་སོགས་མ་བསྡུད་པར་ཞོགས་གསུང་། དེ་
ནས། ཆིབས་ཐོག་འཁྱོལ་ཏེ། བྱམས་གླིང་། དཔལ་རྩེ། རྨ་བྱ། བདེ་གླིང་སོགས་སུ། སོ་སོའི་
བློ་འདོད་དང་མཐུན་པའི་བཀའ་དབང་རྗེས་གནང་སོགས་གནང་ཞིང་། ངམ་རིངས་ནས་
བདག་པོ་སྐུ་མཆེད་ཀྱིས་ཕེབས་བསུ་མཛད་དེ། ཕོ་བྲང་དམ་པར་ཕེབས་ནས། ཞལ་ངོ་རྣམས་
ལ་དགོངས་བཞེད་ཀྱི་ཚེ་དབང་། གུར་གྱི་རྗེས་གནང་སོགས་གནང་ཞིང་། བདག་པོ་ཆེན་པོས་
གསར་གཞེངས་མཛད་པའི་སྟོན་པ་སངས་རྒྱས་ཀྱི་སྐུ་སོགས་ལ། གཟའ་སྐར་དགེ་བ་ལ་ཀྱཻ་
རྡོར་གྱི་ཆོ་ག་ལ་བརྟེན་པའི་རབ་གནས་ཟབ་རྒྱས་གནང་ཞིང་། ངམ་རིངས་ཆོས་སྡེ་ཆེན་པོར་
མང་ཇ། {བསྔོ་རྟེན། གྲལ་འགྱེད་སོགས་ཤིན་ཏུ་བཟང་བ་གཅིག་གནང་། [མཁན་ཆེན་དྲུང་དུ། བསྔོ་
རྟེན་བཅུ་གཅིག་ཚན། དགེ་འདུན་བཅུ་བཅུ་ལ་བཟང་དར་ཁ་རེ། ཐོང་ལྕགས་རེ། ཁ་ཤ་རེ། གོས་ཆེན་རེའི་འགྱེད་དང་། ཆེ་བགྲེས་
སློབ་དཔོན། ཕྱོགས་ནས་གྲྭ་སྐོར་བ་དང་བཅས་པ་བརྒྱ་བསྐོར་ལ། དར་ཁ་རེ་དང་བཅས་པ་གནང་ཞིང་།] སླར་ཤུག་ཁྲོད་
དུ་ཕེབས་ནས་སྒྲུབ་སྡེ{་པ་རྣམས་ཟང་ཟིང་གིས་ཚིམ་པར་མཛད། [ར་མང་ཇ། འབྲས་འཇམ་འགྱེད་
བཅས་སོགས་གནང་། དེར་]རྒྱང་ཙམ་བཞུགས་ནས། སླར་ཆོས་ལུང་བྱང་རྩེར་ཕེབས་ཏེ། ཚ་རོང་
དབོན་པོ་དང་། སྨོན་གྲོ་བའི་ཞལ་ངོ་སྒྲུབ་སྡེ་དང་བཅས་པ་ལ། གསུང་ངག་ལམ་འབྲས་སྨིན་
རྒྱས་སུ་སྩལ། དེ་སྐབས་གཏིང་ཁེབས་ནས། ས་སྐྱོང་[མིའི་དབང་པོ་]ངག་དབང་ཕྱོགས་ལས་
རྣམ་རྒྱལ་དཔོན་གཡོག་རྣམས། [སྐུ་གདུང་རིན་པོ་ཆེ་དང་]རྗེ་འདི་ཉིད་དང་ཆོས་ལུང་མཇལ་བ་ལ་
ཕེབས། [དེར་སྐབས་སྐུ་གདུང་རིན་པོ་ཆེ་ལ་སྙན་དར། དཀར་མེ་སྟོབས་ཆེ་བ་དང་། རྗེ་འདི་ཉིད་ཀྱི་དྲུང་དུ་འབུལ་བའི་རྣམ་
གཞག་རྒྱས་པ་དང་། སྒྲུབ་སྡེར་མང་ཇ། འབྲས་འཇམ་དུ་མ་དང་དགེ་འདུན་ལ་འགྱེད་བཅས་ཤིན་ཏུ་བཟང་བ་སོགས་གནང་ཞིང་།] 
སྡེ་པའི་དྲུང་ལ། ཚེ་དབང་དགུང་གྲངས་ཙམ་གནང་། [རྗེ་ཉིད་ལ་]སྔར་གྱི་ཞལ་བཞེས་ལྟར། 
22-1-374


ལྷོ་ཕྱོགས་ལ་ཕེབས་དགོས་པའི་སྙན་འབུལ་སོགས་གནང་བ་ལྟར། ཕེབས་པའི་ཞལ་བཞེས་
ཀྱང་མཛད། 
བྱི་ལོ་སྟོན་བདག་གིས་གསོལ་བ་བཏབ་པ་ལ། གསུང་ངག་ལམ་འབྲས་ཆ་ལག་ཡོངས་
སུ་རྫོགས་པ་དང་། ཕྱག་རྡོར་སྟོད་འགྲེལ། ནཱ་རོ་འགྲེལ་ཆེན། སོ་ཐར་གྱི་མདོ། མདོ་སྡུད་
པ་སོགས་ལུང་དུ་མ་དང་། མཻ་ཏྲི་མཁའ་སྤྱོད་ཀྱི་བྱིན་རླབས་རྣམས་གནང[་བ་མཛད]། དེ་
སྐབས་བཀའ་ལས། ངེད་ཀྱང་ན་ཚོད་སྨིན་པའི་ཉི་མ་ལ་རྩ་མ་ལྟ་བུར་འདུག་པས། ཆོས་
ལུང་གི་དགོན་པ་ཆོས་གཞིས་དང་བཅས་པ་རྣམས་རྩིས་ལེན་དགོས་པའི་བཀའ་ནན་ཏན་
རང་ཕེབས། དེར་བདག་ཅག་ད་ལྟ་སློབ་གཉེར་འདྲ་ཡོང་དུ་རེ་བ་དང་། རྗེ་བླ་མའི་སྐུ་གསུང་
ཐུགས་ཀྱི་ཡོན་ཏན་ལྟ་ཞོག འཕྲལ་གྱི་གནང་སྐྱོང་ལེགས་པ་འདི་ལྟ་བུ་དང་བདག་པོ་ཀུན་གྱི་
གཙུག་གི་ནོར་བུར་བཞུགས་པ་འདིའི་ཤུལ་དུ་བདག་ལྟ་བུ་མི་ཤེས་ཤིང་རྨོངས་པ། འཁོར་
འདབ་ཀུན་ཡང་ཡོང་ཕེར་ཆུང་བ་དང་། སྡེ་སྲིད་སོགས་ཀྱང་དགོངས་པར་ལྷག་པར་བདེ་བ་
རང་མེད་པ་ནས། ཅིས་ཀྱང་ཡོང་བ་མེད་པས། རྗེ་རང་གིས་གནང་དགོས་ཚུལ་ནན་ཆགས་
རང་ཞུས་ནའང་། བཀའ་ཁྲོལ་བ་ཞིག་མ་བྱུང་སྟེ། རི་གཟར་གྱི་རྦབ་བཞིན་ཟློག་ཏུ་མེད་པར་
མཛོ་ཁལ་ར་ལ་བྱོ་བར་གྱུར་ཏེ། ཅི་བྱ་ཏོལ་མེད་དོ། །དེ་སྐབས་རྗེ་ཉིད་ཀྱི་སྐུ་ལ་སྙུང་ཟུག་
བཞིན་མེད་ཀྱང་། ཕྱི་རོལ་ནས་གཞན་གྱི་ལྟ་ངོར་སྐུ་མདངས་སོགས་འགྱུར་ཞིང་། སྐུ་ཁམས་
ཉོག་པའི་རྣམ་པས་ཞིང་གཞན་དུ་གཤེགས་པ་ལ་ཕྱོགས་པ་ལྟར་གྱུར་པས་གསུང་ཆོས་ཀྱི་
འཕྲོས་རྣམས་ཀྱང་རིམ་གྱིས་བསྡུ་བར་མཛད། དེ་ཡང་ཅུང་ཟད་དམ་སེལ་ལ་བརྟེན་པ་ཞིག་
ཡིན་སྣང་ངོ་། །[ཆོས་ཀྱི་འཁོར་ལོ་བསྐོར་བའི་གཏམ་གྱི་སརྒ་སྟེ་ལྔ་པའོ།། །།]
ཧོར་ཟླ་བཅུ་གཅིག་པའི་ཉེར་བརྒྱད་ཀྱི་དགོང་ཐུགས་དམ་གཏོར་མ་བརྒྱ་རྩ་ཕུལ་བས། 
ཡུན་རིང་བར་དུ་མ་གྲོལ་བ་གཅིག་བྱུང་ནས། ཅི་ཡིན་ཞུས་པས། ད་ལན་འདི་རུ་མཐུ་ཆེན་
22-1-375


དམ་པ་ཀུན་དགའ་གྲགས་བྱོན་བྱུང་ནས། གསུང་གླེང་ཅུང་ཟད་གཅིག་མཛད་པས། དེས་
གཡེང་བ་ཡིན་གསུང་། སླར་གཏོར་མ་རྣམས་གནང་ངོ་། །ཡང་ཉེར་དགུའི་དགོང་ཡི་དམ་ལྷ་
ཚོགས་དཔག་མེད་དང་། དཔལ་ལྡན་ས་སྐྱ་པའི་བཀའ་བསྲུངས་རྣམས་བྱོན་འདུག་གསུང་། 
གནམ་གང་གི་ཐོ་རངས་རྗེ་བླ་མ་རྣམས་དང་། པདྨ་སཾ་བྷ་བ་ཡང་ཕེབས་འདུག་གསུང་། ཞལ་
ལྷོ་ཕྱོགས་ལ་གཟིགས་ཤིང་ཕྱག་གཉིས་ཐུགས་ཀར་ཐལ་མོ་སྦྱར་བ་མཛད་ནས། ན་མོ་གུ་རུ་
བྷྱཿ ཞེས་སོགས་གསུང་། [དེའི་གནས་ཚུལ་དོན་གྱིས་གོ་བས་བརྟན་པར་བཞུགས་སུ་གསོལ་བས་འདུན་པ་དྲག་པོ་
ཡང་ཡང་བྱུང་ནའང་། སྤོབ་པ་ཞན་པ་དང་། ཁོ་བོ་ཅག་ཉིད་ཀྱི་ནང་དུ་སྐྱོན་ཅུང་ཟད་ཅིག་གིས་ཞག་གསུམ་ཙམ་ལུས།] ཚེས་
གཉིས་ལ་དེ་ཁའི་གནས་ཚུལ་རྣམས་མཆོད་དཔོན་དྲུང་གིས་གསུང་བྱུང་བས། [རབ་ཚོགས་བརྒྱ་
རྩ་བྱུང་ན་ཕན་ཡོན་ཆེ་ཞིང་། དེ་ལྟར་མ་བྱུང་ནའང་། ངེད་དཔོན་སློབ་ཀྱི་སྐུ་གཞོགས་སུ་བརྟན་བཞུགས་དང་། ཚོགས་མཆོད་ཀྱང་
བྱེད། དེ་མཐུན་]སྒྲུབ་སྡེ་{བྱིངས་ཀྱིས་[བྱིན་གྱིས་]འདུ་ཁང་དུ་བརྟན་བཞུགས་ཀྱི་གསོལ་འདེབས་
དང་། རྩེར་བཞུགས་ཚོས། རྩེ་མཆོད་ཁང་དང་། གཞན་དམ་ཚིག་དང་ལྡན་པ་ཁ་གཅིག་གིས་
གསང་རི་རྡོ་རྗེ་བྲག གླང་ཆེན་འགྱིང་རི། ཕག་མོ་བྲག་ཁུང་། བྲག་སྔོན་བདེ་མཆོག རི་སུལ་
རྣལ་འབྱོར་མ། ཚིནྡྷ་མུརྡྷ་སོགས་གནས་རྣམས་སུ། ཚོགས་མཆོད་རེ་གནང་དགོས་ཞུས་པ་
ལྟར། གནས་སོ་སོར་དགེ་འདུན་བདུན་ནམ། ལྔ་ལས་མི་ཉུང་བས་ཚོགས་མཆོད་བསྒྲུབས་
ཤིང་། སྐུ་གཞོགས་སུ་བདག་ཅག་གིས་བརྟན་བཞུགས་ཀྱང་ཕུལ། དགུང་ལོ་བརྒྱད་ཅུའི་བར་
དུ་ཞབས་པར་བརྟན་པར་བཞུགས་དགོས་ཞུས་པས། རྗེའི་ཞལ་ནས། བཀའ་ཕེབས་གནང་
ན་དེ་ཀ་བྱེད་དགོས་གསུང་། དེ་ནས་རྗེ་འདི་སྐུ་མཚམས་ཀྱི་བཅད་རྒྱ་དམ་པ་གནང་། སྐུ་
ཁམས་ཀྱང་དྭངས་བསྐྱེད་རིམ་པས་བྱུང་ངོ་། །
འདིར་སྨྲས་པ། གང་ལ་དད་པའི་སེམས་དང་བ། །དེ་ལ་ཆོས་ཀུན་རབ་ཏུ་སྣང་། །ཡ་
མཚན་ཆེ་བའི་ཆོས་གང་ཡང་། །འདི་ལས་མི་འབྱུང་ཅི་ཞིག་ཡོད། །གང་ལ་སྐུ་ཚེའི་དབང་
22-1-376


བརྙེས་འདི་དག་ནི། །གསོལ་བ་བཏབ་ལས་ཡུན་རིང་འཚོ་ཞིང་གཞེས། །དུས་ཀྱི་ཉེན་པར་མི་
འགྱུར་འཆི་བདག་བཅོམ། །འོན་ཀྱང་འདི་ཡང་དད་པའི་མཐུ་དཔལ་ཡིན། །
དེ་སྐབས་བདག་ལ་བདེ་མཆོག་སྒྲུབ་མཆོད་ཀྱི་རྡོ་རྗེ་སློབ་དཔོན་གྱིས་གསུང་བ་ལྟར། 
བདག་ཅག་སྒྲུབ་སྡེར་བཅས་པ་རྣམས་ཀྱི་གླང་ལོའི་དུས་ཆེན་སྒྲུབ་མཆོད་སོགས་བྱས། [དེ་
སྐབས་]བྱང་ནས་[སྡེ་སྲིད་ཀྱི་]དྲུང་ཆེན་ལ་ཕེབས་སྒོ་ལ། སྐུ་རིམ་རྒྱ་སྤངས་གང་ཆེ་གནང་དགོས་
པའི་ཚུལ་སྙན་དུ་ཕུལ་གསུང་བྱུང་འདུག་པས། རྗེའི་སྙན་དབང་ཕུལ་བས། བཀའ་ཕེབས་
ལ། སྐུ་རིམ་སྡེ་སྲིད་ཚོ་རང་མཛད་པ་གལ་ཆེ་བ་ཡིན། ངེད་བཙུན་པའི་ཁུང་ཡིན་པས་ནད་ཞི་
གདོན་གྲོལ་ལ་དམིགས་པའི་རིམ་གྲོ་སྔར་ཡང་བྱེད་མ་མྱོང་ཞིང་། ད་ན་སོ་འདི་ཙམ་དུ་སླེབ་
ནས་རིམ་གྲོ་བྱེད་རྒྱུ་མེད། འོན་ཀྱང་དུས་བཟང་པོ་ལ། ཡུལ་ཁྱད་པར་ཅན་ལ་མཆོད་འབུལ་
དང་། དམན་པ་ལ་སྦྱིན་གཏོང་སོགས་བྱས་ན་བསྟན་པ་དང་སེམས་ཅན་གྱི་དོན་དུ་བསྔོས་
པས་ཆོག་པས་བྱེད་ནའང་རུང་གསུང་བ་ལྟར། ཚེས་བཅོ་ལྔའི་ཉིན། {དཀོན་མཆོག་མཆོད་པ་
དང་། དགེ་འདུན་ལ་བསྙེན་བཀུར། སྐྱེ་བོར་སྦྱིན་གཏོང་སོགས་སྐུ་ཆས་ཐམས་ཅད་སྤོང་དག་
ཏུ་གནང་། [སྐུ་གདུང་ཡིད་བཞིན་ནོར་བུའི་དྲུང་དུ་སྙན་དར་ཡུག་སྣེ་ཚང་། དཀར་མེ་སྟོབས་ཤིན་ཏུ་ཆེ་བ་རང་དང་། བདག་
ལའང་སྐུའི་སྣམ་སྦྱར་སོགས་དགུ་ཚན་གསུམ་གྱི་གནང་སྦྱིན་ཤིན་ཏུ་བཟང་བ་དང་། མཁས་པའི་དབང་པོ་རིན་པོ་ཆེ་བསམ་
སྡིངས་ནས་ལ་བཀྲ་ཤིས་ཁ་ཐགས་སོགས་དགུ་ཚན་གཅིག རྩེར་བཞུགས་སྒྲུབ་སྡེ། དཀར་པོ་བ་སོགས་ལ་མི་རེ་ལ་ནས་ཞོ་རེ་
ཟི་བའི་དངོས་པོ་དང་། སྔ་དྲོ་འབྲས་འཇམ་མང་ཇ་གསུམ་སྦྲེལ་ཙམ་ནས་འབོ་རྒྱག་སོགས་དང་། རྣེ་གདོང་ཁ་མཐོང་སོགས་ཆོས་
གཞིས་རྣམས་ལ་ཡང་འགྱེད་བཅས་ཁལ་རེ་ཟི་བ་དང་། ཇོ་ནང་སྒྲུབ་སྡེར་མང་ཇ་འབྲས་འཇམ། སྤྱི་འབུལ་ལ་གཡུ་ཆེ་བ་གཅིག
རྗེ་དྲུང་རིན་པོ་ཆེ་ལ་བདུན་ཚན་བཟང་བ་རྣམས་གནང་།] དེའི་ལོ་རྗེ་འདི་ཉིད་སྐུ་མཚམས་ཀྱི་རིང་ནས་ཆོས་
ལུང་རང་དུ་བཞུགས་པ་མཛད། དེར་བདག་ཅག་སོགས་ཀྱི་གསོལ་འདེབས་ནན་ཏན་སྙིང་པོ། 
རྗེ་ཉིད་སྐུ་ཚེ་ཇི་སྲིད་བར་ཆོས་ལུང་རང་དུ་བཞུགས་པར་གསོལ་བ་བཏབ་ཀྱང་། དམ་ཚིག་
22-1-377


གཙང་བ་སོགས་ཀྱི་དགོས་པ་དུ་མ་གཟིགས་པ་ཡིན་གནང་བས། གཏིང་ཁེབས་སུ་ཕེབས་
པར་དགོངས་པ་མ་ཟློག་སྟེ། བདག་ཅག་ནི་མས་བོར་བའི་རི་དྭགས་ཀྱི་ཕྲུ་གུ་བཞིན་དུ་གྱུར་
རོ། །
འདིར་སྨྲས་པ། རྗེ་བཙུན་དེ་ནི་ཐུགས་རྗེའི་གཞན་དབང་གྱུར། །བདག་དང་མཐའ་ཡས་
འགྲོ་ལ་རབ་རྩེ་ན། །དེང་འདིར་བརྩེ་བ་ཅི་ཞིག་ལྷོད་པར་འགྱུར། །དཀའ་བ་སྦྱིན་པ་མཆོག་
ཏུ་བཀའ་དྲིན་ཉིད། །མི་བཟད་པ་ཡི་སྡིག་པ་སྦྱང་བ་ནི། །བདེ་བ་ཉིད་ཀྱི་འགྲུབ་པ་ཤིན་ཏུ་
དཀོན། །སྡིག་མེད་མི་ལ་ལེགས་ཀུན་ཅིག་ཆར་འབྱུང་། །ནད་མེད་ལུས་ནི་ནམ་ཡང་བདེ་བ་
ཡིན། །འགྲོ་བ་ཡོན་ཏན་མངོན་འདོད་སྡིག་སྦྱོང་ཕྱིར། །དཀའ་བ་གྱིས་ཞེས་དཔག་ཡས་སྐྱེ་
བོ་ལ། །གདམ་ངག་ཅི་ཡང་མཛད་ནས་གཤེགས་པ་བཞིན། །ཀུན་ཏུ་འདོམས་མཁས་བླ་མར་
གུས་ཕྱག་འཚལ། །ཇི་ལྟ་བུར་ཡང་ཐབས་མཁས་པས། །ཅི་ལྟར་མཛད་ཀྱང་འགྲོ་ལ་ཕན། །
འདི་འདྲ་རྒྱལ་བ་ཉག་གཅིག་ལས། །གཞན་པའི་སྤྱོད་ཡུལ་ག་ལ་ཞིག །མགོན་ཁྱོད་འཇིག་
རྟེན་ཕན་དགྱེས་པ། །མཁྱེན་པའི་སྤྱན་དང་རྫུ་འཕྲུལ་ཞབས། །མངའ་བའི་ཕྱིར་ན་སྣ་ཚོགས་
སྟོན། །ཕན་དང་བདེ་བར་མཛད་ལ་འདུད། །མངོན་ཤེས་མེད་གང་འགྲོ་དོན་སྤྱོད། །ལོང་བ་
རི་མོ་འགོད་དང་མཚུངས། །འགྲོ་དོན་གནས་ལ་རྒྱལ་བ་ཁྱོད། །མིག་ལྡན་ལག་མཐིལ་ལྟ་བ་
བཞིན། །སྨྲ་མཁས་འགྲོ་དོན་སྤྱོད་སྙམ་གང་འདྲེན་པ། །བདག་དང་གཞན་ཡང་ཉམས་ངར་
ལྟུང་བ་མཐོང་། །དེ་ཕྱིར་བདག་གི་དེ་འདྲའི་དབྱེ་ཤེས་ནས། །མགོན་ཁྱོད་བསྟེན་པས་བདེ་
དང་ཕན་པ་རྒྱས། །སླར་ཤུག་ཁྲོད་དང་། ངམ་རིངས་ནས་སྡེ་སྲིད་ཞལ་ངོ་རྣམས་ཀྱི་སྤྱན་འདྲེན་
བྱུང་བས་ཀྱང་རྐྱེན་བྱས་ཏེ། ཐོག་མར་ངམ་རིངས་སུ་ཕེབས་ནས་ཞབས་དྲུང་རྒྱལ་བུའི་དྲུང་ལ་
ཚེ་སྒྲུབ་ཞག་བདུན་མ་ཞིག་གནང་། ལྷུན་གྲུབ་སྤེའུ་རུ་ཞག་ལྔ་ཙམ་བཞུགས་ནས་ཤུག་ཁྲོད་དུ་
ཕེབས། དགུན་ཐོག་དེར་སྐུ་མཚམས་དམ་པའི་ངང་ལ་བཞུགས། 
22-1-378


སྟག་ལོ་སོས་མཚམས་སུ། གཏིང་ཁེབས་ནས་[ཞུ་ཤོག་མི་སྣ་དང་བཅས་པ་སྐུ་གཞོགས་འབྱོར་བའི་ཞུ་
ཆ། སྡེ་པ་ཆོས་རྗེའི་དྲུང་བསྙེན་རྫོགས་གནང་རྒྱུ་ཡིན་པ་དང་།] སྔ་སོར་གྱི་ཞལ་བཞེས་བཟང་པོ་ཡོད་པ་ལྟར་
ཕེབས་དགོས་ཚུལ་གྱི་ནན་ཞུས་བྱུང་བ་ནས་ཕེབས་པའི་ཞལ་བཞེས་ཀྱང་གནང་{ངམ་རིངས་
ནས་བདག་པོ་ནམ་མཁའ་རྒྱལ་པོ་དྲུང་དང་། བདག་མོ་སོགས་ཐམས་ཅད་ཀྱིས། བཞུགས་
པར་གསོལ་བ་འདེབས་པ་ནན་ཆགས་སུ་ཡང་ཡང་ཞུས་ཀྱང་། [སྐབས། བྱང་ནས་བདག་པོ་ཆེན་པོའི་
དྲུང་སྐུ་གཞོགས་སུ་མཇལ་བ་ལ་ཕེབས་ནས། གཏིང་ཁེབས་ནས་སྤྱན་འདྲེན་འདུག་ནའང་། འདི་ཁར་བཞུགས་པ་བཀའ་དྲིན་
བསྐྱང་དགོས་ཤིང་། གཏིང་ཁེབས་ནས་ཆོས་རྗེ་རང་འདི་ཁར་སྤྱན་འདྲེན་ཞུས། ལས་སློབ་གསང་སྟོན་སོགས་དགོངས་པར་
གང་ཡོད་འབོད་པ་མཛད། དེ་བར་གྱི་ཞབས་ཐོག་གང་དགོས་ངེད་རང་གིས་བྱེད་གསུང་ནན་ཞུས་ཕུལ་བས།] རྗེའི་བཀའ་
ལས། སྔ་སོར་ཁས་ལེན་གྲུབ་པ་དང་[ད་ལན་མ་ཕྱིན་ན་ཡོང་བ་མེད་ཚུལ་གྱི་བཀའ་ནན་ཆེན་པོ་ཡང་ཕེབས། སྡེ་
སྲིད་ལ་ཚེ་དབང་དགོངས་གྲངས་ཞིག་དང་། རྟེན་འབྲེལ་ཡོད་པས་འདི་ལ་ཡི་དམ་མཛད་དགོས་སོ་གསུངས་ནས། ཚེ་དཔག་མེད་
ཀྱི་ཞལ་ཐང་ལེགས་པ་དེ་གནང་། སླར་དཔོན་ས་བདག་མོའི་དྲུང་ཕེབས་ནས་སྐྱར་ཞུས་གནང་ཀྱང་། ཞལ་བཞེས་མ་གནང་། བདེ་
པ་ཆོས་རྗེ་རང་འདི་ཁར་ཕེབས་པས་ཐུས་པ་འདུག་ནའང་། ཞལ་ངོ་གཞན་རྣམས་ལ་ཁས་ལེན་ཐལ་ཞིང་།] གཏིང་ཁེབས་
ནས་[ངེད་རང་གི་]སྦྱིན་བདག་གི་ཐོག་མ་ཡིན་པ་དང་། ལྷག་པར་ངེད་རང་གི་བླ་མ་སེམས་དཔའ་
ཆེན་པོའི་སྐུའི་དབོན་པོ་ཡིན་པ་ནས། [བླ་མའི་ཐུགས་དགོངས་ཀྱང་མི་རྫོགས་ཤིང་།] ད་ལམ་ཅིས་ཀྱང་
འགྲོ་གསུང་{ཞལ་བཞེས་མ་གནང་། [དཔོན་ས་ལ་ཚེ་དབང་དང་། ཕྱག་དྲུག་ཡེ་ཤེས་མགོན་པོའི་གཏོར་དབང་
བར་ཆད་ཀུན་སེལ་ཞིག་གནང་ནས། ཕྱིར་ལོག་ཕེབས།] དེ་ནས་རྗེ་དཔོན་སློབ་[གཏིང་ཁེབས་ཕྱོགས་ལ་]ཆིབས་
ཁ་བསྒྱུར་ནས། བདེ་གླིང་གདོང་དགའ་སོགས་སུ་དབང་རྗེས་གནང་འདྲ་གནང་ནས། ཧོར་ཟླ་
ལྔ་པའི་ཚེས་བཅུ་གཅིག་གི་ཉིན། གཏིང་ཁེབས་མཁར་ཆེན་ཏུ་ཕེབས། སྡེ་པ་ཞལ་ངོ་རྣམས་
[ཀྱིས་གཙོ་མཛད། མཆོད་ཡུན་ཀུན་ཐུགས་དགྱེས་པར་གྱུར་ཅིང་། ཞག་ཤས་སྐུ་ངལ་བརྟེན་ནས་]ཚེ་དབང་དང་གཙུག་
གཏོར་རྣམ་རྒྱལ་གྱི་རྗེས་གནང་སོགས་གནང་། [སླར་]སྡེ་པ་རྗེ་དྲུང་གིས་ཀྱང་བསྙེན་རྫོགས་
22-1-379


ཀྱི་བཀའ་དྲིན་ཞུས། མཁར་ཆེན་གྱི་[དེ་སྐབས་]བདེ་མཆོག་ཕོ་བྲང་དུ་བཞུགས་སྐབས། [མཚན་
ལྟས་གཟིགས་སྣང་སོགས་ཅུང་ཟད་རྩིབ་པ་ཞིག་འདུག་པས། སྡེ་སྲིད་]ཞལ་ངོ་ལ་སྐུ་དོག་གི་རྣམ་པ་ཅུང་ཟད་
ཅིག་འདུག་པས། སྐུ་རིམ་ལ་ཐུགས་བརྩོན་གནང་དགོས་པའི་སླབ་སྟོན་དང་། དེ་མཚམས་
དགའ་ལྡན་རྩེ་ནས་དགེ་འདུན་སྤྱིས་སྤྱན་འདྲེན་ཞུས་ནས་ཚེ་དབང་གྲུབ་རྒྱལ་མ་ཞིག་གནང་། 
 དེ་དགོང་རྗེ་ཆེན་མོའི་གཟིམས་ཆུང་དེར་མཚན་བཞུགས་གནང་བས་མནལ་ལམ་དུ་གུར་
གྱི་མགོན་པོའི་ནང་འཁྲིད་ཀྱི་རྩ་འཁོར་ཐམས་ཅད་ལ་གུར་གྱི་མགོན་པོ་འབའ་ཞིག་ཡིན་ཟེར་
ཞིང་དེ་ཁའི་གསལ་སྣང་དོད་པ་ཞིག་བྱུང་གསུང་། རྗེ་ཆེན་མོ་ཆོས་སྐྱོང་གི་གཙོ་བོར་གུར་ལ་
མཛད་པས་དེས་ཡིན་པ་འདྲ་གསུང་ངོ་། །སླར་ཆོས་རར་ཕེབས་ཏེ། ཞལ་ངོ་རྣམས་ལ་ཆག་
མེད་བཞིའི་ཁ་གསོ་དང་། རྡོ་རྗེ་འཇིགས་བྱེད། དཔལ་མགོན་དྲཀྴད་ཀྱི་དབང་། ཚེ་དབང་
གྲུབ་རྒྱལ་མ་བརྒྱ་ཚར་རྣམས་གནང་ཞིང་། དེ་ནས་སྐུ་མཚམས་ཤིན་ཏུ་དམ་པ་གནང་སྐབས་
ཀྱི་དགུན་དེ། བྱང་ནས་བདག་པོ་ནམ་མཁའ་རྒྱལ་པོ་སྐུ་གཤེགས་ཡོད་འདུག་ནའང་། འཕྲལ་
གསང་བའི་སྟབས་ཀྱི་སྐུ་རིམ་ལ་བསྙད་པའི་ཞུ་ཤོག་བྱུང་བ་ལ། རྗེའི་བཀའ་ལས་ད་རེས་
བཞུགས་ཡོད་རྒྱུ་བ་འདུག་ནའང་། ཞབས་མ་བརྟན་ཡོད་པར་འདུག གང་ལྟར་སྡེ་པ་དེ་རང་
རེ་ལ་ཐུགས་བསམ་དག་པ་རང་ཞིག་ཡོད་པས། དེང་སང་དཀོན་མཆོག་ལ་གསོལ་འདེབས་
སོགས་དགེ་སྦྱོར་ཅི་བྱེད་ཐམས་ཅད་ཁོང་ལ་ཆེད་དམིགས་སུ་བགྱིད་ཀྱིན་ཡོད་གསུང་། 
དེ་ནས་ཡོས་ལོ་དབྱར་ཐོག་དེ་མཁར་ཆེན་དུ་[ཞབས་དྲུང་]རྒྱལ་བུའི་དྲུང་གློ་བུར་དུ་སྐུ་
ཁམས་བསྙེལ་བ་ཞིག་བྱུང་བས། [རྗེ་འདི་ཉིད་ཀྱིས་ཕེབས་ཏེ་]ཚེ་དབང་དང་དྲག་པོའི་རྗེས་གནང་
སྲུང་འཁོར་སོགས་གནང་། [རྒྱལ་བུའི་དྲུང་དགོངས་ལོ་གསུམ་དུ་ཕེབས་ཙམ་ག་ཡིན་ཀྱང་]ཆོས་ཀྱི་བག་
ཆགས་བཟང་བར་འདུག་གསུང་། སྐྱབས་གསུམ་འཛིན་པའི་དགེ་བསྙེན་དུ་འཇུག་པ་མཛད། 
སྐུ་ཆས་ཀྱང་བསྒྱུར། ཆོས་རར་ཕེབས་ནས། [སྐུ་གཞོགས་ཅར་མར་བཞུགས་སྐབས་]དཔལ་མགོན་
22-1-380


དྲཀྴད་ཀྱི་རྗེས་གནང་། [ནུབ་བཅུ་གཅིག་]བཏུད་མར་གནང་བས། སྐུ་ཁམས་[ཀྱང་]ལྷག་པར་
དྭངས[ཤིང་། སྐུ་ཚེའི་རྒྱལ་མཚན་བརྟན་པར་གྱུར་པ་འདི་ཉིད་དོ།།] དེ་ནས་དགུན་སྟོད། བདག་གིས་ཀྱང་
བསྙེན་རྫོགས་ཀྱི་མཁན་པོ་ཞུས། [ཡོན་བདག་གིས་བདག་ཅག་དཔོན་སློབ་ཐམས་ཅད་ལ་རྙེད་བཀུར་མཆོད་
པ་མཐའ་ཡས་མཛད། རྗེ་ཉིད་ཀྱིས་ཀྱང་དབང་བུམ་སོགས་བྱིན་རླབས་ཀྱི་བཀའ་དྲིན་བསམ་གྱིས་མི་ཁྱབ་པ་སྩལ། དེའི་རྟེན་
འབྲེལ་གྱིས་བདག་ལ་ཡང་དེ་ཚུན་ཆད་སྔར་ཡང་དབང་རྗེས་གནང་ཁྲིད་ལུང་བཤད་པ་སོགས་ཀྱི་འགྲོ་དོན་ཆེ་བར་བྱུང་སྟེ། ཁོ་
བོ་ནས་བརྒྱུད་པའི་ཟུར་བཀའི་དཀྱིལ་འཁོར་ཆེན་པོ་སུམ་ཅུ་ཙམ་དང་། བྱིན་རླབས་དང་རྗེས་གནང་ཟུར་བཀའ་བརྒྱད་ཅུ་ཙམ་
དང་། སྒྲུབ་ཐབས་རྒྱ་མཚོ་བརྒྱ་རྩ་སོགས་དང་། རྒྱུད་སྡེའི་ཁྲིད་ཆེན་པོ་ལྔ་བཅུ་ཙམ་དང་། རྒྱ་གཞུང་མང་པོའི་བཤད་པ། རྒྱུད་སྡེ་
ཅི་རིགས་པའི་བཤད་པ་དང་། ལུང་བཀའ་མཐའ་ཡས་པས་ས་སྟེང་གང་བ་འདིའོ།།] དེ་ལོ་ཆོས་རྗེ་རྒོད་ཕྲུག་སྐུ་སྐྱེ་
པ་དཔོན་སློབ་དང་། ཕྱུག་གྲོང་དབོན་པོ་བ་སོགས་ལ་ཡང་བསྟན་པའི་རྒྱུན་ལ་དགོངས་པའི་
བསྙེན་རྫོགས་ཀྱི་སྡོམ་པ་སྩོལ་བར་མཛད། {དྲུང་ཆེན་ལ་རང་རེའི་ལག་ན་ཡོད་པ་རྣམས་[དེ་
སྐབས་རྗེ་འདིའི་བཀའ་ལས། སྡེ་སྲིད་ཀྱིས་ཕུལ་བའི་གསེར་རྣམས་དང་། སྔ་སོར་གཡས་རུ་བྱང་ཚོ་ནས་ཕུལ་བའི་གསེར་རྣམས། 
པཎ་ཆེན་རིན་པོ་ཆེ་ལ་སོགས་པའི་བླ་མ་གོང་མ་རྣམས་ཀྱི་དགོངས་པ་རྫོགས་ཐབས་དང་། ངེད་རང་གི་གྲྭ་སའི་བཀའ་དྲིན་བསབ་
པའི་ཆེད་དང་། སྦྱིན་བདག་སོ་སོའི་སྐུ་རིམ་དུའང་འགྱུར་བས།] ཐུབ་བསྟན་གསེར་མདོག་ཅན་དུ་མང་ཇ་དང་། 
 གསེར་འགྱེད་ཀྱིས་གསུང་བ་ལྟར་[མང་ཇ་རྩེ་ཇ་ཤིན་ཏུ་བཟང་བ་སྦྱོར་སྤྲེལ་དང་། མཁན་ཆེན་དང་སློབ་དཔོན་
རྣམས་ལ་གནང་སྦྱིན་བཟང་པོ་རླབས་ཆེ་བ་དང་། དགེ་འདུན་ལ་གསེར་འགྱེད། སྐུ་འདྲ་ལ་སྙན་དར། དཀར་མེ་]ཟབ་རྒྱས་
སུ་གནང་། དེ་སྐབས་བྱང་ནས་སྤྱན་འདྲེན་ནན་ཅན་བྱུང་ནའང་{ཕེབས་མ་ཐུབ། [སྐུ་ནས་ཀྱི་
སྟབས་ཕེབས་ཐུབ་པ་ཞིག་མི་ཡོང་བའི་བསེད་གྲོལ་གནང་ནས།] དུས་དེ་ནས་བཟུང་སྟེ། སྐུ་མཚམས་ཀྱི་བཅད་
རྒྱ་ཤིན་ཏུ་དམ་པའི་རྒྱུན་སྐྱོང་བ་མཛད་དོ། །
རྗེ་འདིའི་དུས་རྒྱུན་གྱི་ཉིན་ཞག་ཕྲུགས་གཅིག་གི་ཐུག་དམ་གྱི་རིམ་པ་ནི། [གཙོ་བོར་]ལམ་
ཟབ་བླ་མའི་རྣལ་འབྱོར་ཕྱི་ནང་གཉིས་ཀྱི་རྗེས་འབྲེལ། མདོ་རྒྱུད་མ་བརྒྱ་རྩ་རེ། ལམ་དུས་
22-1-381


རྒྱས་པ་དང་། གསུང་བཟླས་བརྒྱ་རྩ་རེ་རེ། རྣལ་འབྱོར་མའི་བདག་བསྐྱེད་དང་། ༀ་གསུམ་མ་
སྟོང་ཕྲག་གསུམ་རེ། བིར་བསྲུང་ཐུན་མོང་བ་དང་ཐུན་མོང་མ་ཡིན་པ་གཉིས་ཏེ། འདི་རྣམས་
ཐམས་ཅད་ཐུན་བཞིར་ཆག་མེད་དང་། གསང་འདུས་གཤེད་དམར། འཇིགས་བྱེད་རྣམས་ཀྱི་
མངོན་རྟོགས་དང་བཟླས་པ་ཐུན་རེ་དང་། དེ་དག་གི་ཐུན་མཚམས་སུ་ཟུར་བཀའི་སྒྲུབ་ཐབས་
ཀྱི་ལྷ་བཞི་བཅུ་ལྷག་ཙམ་གྱི་བཟླས་པ་བརྒྱ་རྩ་རེ་ལས་མི་ཉུང་བ། ཕྱག་རྡོར་ཨུ་ཙའི་བཟླས་པ་
ལྔ་བརྒྱ་རེ། ཐུགས་རྗེ་ཆེན་པོ་སྤྱན་རས་གཟིགས་ཀྱི་བདག་བསྐྱེད་དང་འབྲེལ་བའི་མ་ཎི་ཁྲི་ཚོ་
གསུམ་རེ། སྔ་དྲོ་དཀར་ཆ་བཞི། དགོང་གཏོར་བརྒྱ་རྩ་ཆ་གསུམ་དང་བཅས་པ། སྲོད་དང་སྔ་
ཐུན་གཉིས་ལ་ཡི་དམ་ཀྱཻ་རྡོ་རྗེ། རྣལ་འབྱོར་མ། གསང་འདུས་གཤེད་དམར། འཇིགས་བྱེད། 
ཨུ་ཙ་རྣམས་དང་། ཆོས་སྐྱོང་གུར་ལྷ་བརྒྱད། ཞལ་བཞི་པ་སྒྲུབ་དུས་མགོན་པོ། དཔལ་མགོན་
དྲཀྴད། དུར་ཁྲོད་བདག་པོ་རྣམས་ཀྱི་གཏོར་བསྔོ། མཁའ་འགྲོ་སྤྱི་གཏོར། གཞི་བདག་གཏོར་
མ། གུར་ཞལ་གཉིས་ལ་བསྐང་གསོ་མདོར་བསྡུས་རེ་དང་བཅས་པ། སྲོད་ཐུན་གྱི་འཇུག་ཏུ། 
གུར་མགོན་གྱི་སྲུང་འཁོར་བྲག་རྫོང་མ་དང་། ནང་འཁྲིད་ཀྱི་སྒོམ་བཟླས་སུམ་བརྒྱ་ཙམ་རེ་
ཆག་མེད་དུ་གནང་ངོ་། །
སྐབས་ཤིག་རྗེ་འདིའི་མཚན་ལྟས་ལ། གླེགས་བམ་མང་པོའི་ཆར་བབས་པ་ཞིག་བྱུང་
བས། དེ་དག་གི་ནང་ནས་གཅིག་ཕྱག་ཏུ་བཞེས་ཏེ་ཞལ་ཕྱེ་ནས་གཟིགས་པས། ལམ་འབྲས་
གླེགས་བམ་དུ་འདུག་པའི་དབུ་ལྷ་ལ་ས་བིར་ཞལ་སྤྲོད་འཛུམ་ཞལ་ཤིན་ཏུ་ལེགས་པ་ཞིག་
འདུག་པ་གཟིགས[་པས། འདི་ཐམས་ཅད་ལ་དབུ་ལྷ་ཡོད་པ་འདུག་སྙམ་པ་ཐུགས་ལ་འཁྲུངས་གསུང་། གནས་འདི་
ལམ་འབྲས་པའི་བླ་མ་མང་པོས་བྱིན་གྱིས་བརླབས་པའི་བརྡ་ཡིན་པ་འདྲ་གསུང་།] སྤྱིར་རྗེ་འདི་རང་གིས་ཡོན་ཏན་
སྦེད་པ་ཁོ་ན་གནང་བས། བདག་འདྲས་ཕྱོགས་ཙམ་ཡང་རྟོགས་པར་མ་མཆིས་ཀྱང་། འདི་
སྐབས་སུ་བཀའ་སྩལ་[པ་]ཕལ་ཆེར། དུས་གསུམ་སྒྲིབ་མེད་དུ་གཟིགས་པའི་ལུང་བསྟན་ཐོག་
22-1-382


ཏུ་བབ་པ་དང་། གཤིན་པོའི་རིགས་དད་ཅན་ཁ་ཅིག་ལ། བར་དོར་འདི་ཙམ་བསྡད་དང་། དེ་
ནས་དུས་འདི་ཙམ་ལ་འདི་དང་འདི་རུ་སྐྱེ་བ་ལེན་པ་འདུག་ཅེས་སྐུ་རྩེད་ཀྱི་ཚུལ་ཏུ་གསུང་བ། 
ཐོག་ཏུ་ཁེལ་བའི་ཡིད་བརྟན་དང་བཅས་པ་ཁོ་ན་བྱུང་བ་ལགས། ཡང་སྐབས་ཤིག་གཏིང་
ཁེབས་སྡེ་པ་ཆོས་རྗེ་སོགས་ཞལ་ངོས་གཙོ་མཛད། དབང་ཆ་གཅིག་ལ་ལམ་དབང་གནང་
ནས། ཆོས་རྗེ་དཔོན་སློབ་བདུན་གྱིས་ཀྱཻ་རྡོར་གྱི་གཞི་བསྙེན་ལ་འཇུག་པར་མཛད་ཅིང་། {སྡེ་
པས། བིར་ཝ་པ་དང་[དེ་སྐབས་སྡེ་སྲིད་ཀྱིས་སྨན་ལྗིམ་ལས་གྲུབ་པའི་རྣལ་འབྱོར་དབང་ཕྱུག་དང་།] ས་སྐྱ་གོང་མ་
ལྔའི་སྐུ་བརྙན་གཞེངས་པའི་རབ་གནས་གནང་བའི་[སྐབས་སུ། ནམ་མཁའ་ལས་ལྷ་རྫས་]མེ་ཏོག་གི་
ཆར་བར་སྣང་མཐོན་པོར་ཡོད་པ་ཀུན་ཤིན་ཏུ་ཆེ་བ་དང་། ཉེ་ལོགས་སུ་བྱུང་བ་ཙམ་པ་ཀའི་
མེ་ཏོག་ཙམ་ཁ་བ་བབས་པ་ལྟ་བུ། ལག་པས་ཟིན་ལ་ཁད་པ་ལ་སླར་ནམ་མཁར་ཡལ་འགྲོ་
བ་དེར་འདུས་ཀུན་གྱིས་གཟིགས་ལམ་དུ་ཕེབས[་ཤིང་བཀྲ་ཤིས་པའི་དགེ་མཚན་དུ་མ་བྱུང་ཞིང་]། ཡང་
བར་སྐབས་ཞིག་མཚན་ལྟས་ལ། དགེ་སློང་ཞི་དུལ་ཅན་ཞིག་བྱུང་ནས། ས་སྐྱ་པའི་རྗེ་བཙུན་
གོང་མ་རྣམས་བདེ་བ་ཅན་ན་བཞུགས་པས་དེར་བྱོན་ཟེར། ཀུན་སྤངས་རྗེ་གང་ན་བཞུགས་
གསུངས་པས། མངོན་པར་དགའ་བའི་ཞིང་ན་བཞུགས་ཟེར། དགེ་སློང་དེ་དང་གཉིས་ནམ་
མཁའ་ལ་འཕུར་ནས། ཐོག་མར་མངོན་དགའི་ཞིང་དུ་ཀུན་སྤངས་རིན་པོ་ཆེ་དང་མཇལ་ཙམ་
མཛད་དགོངས་ཙ་ན་{རང་ཤུགས་ཀྱིས་[རླུང་གི་ཤུགས་ལྟ་བུ་ཞིག་གིས་ཁྱེར་ནས་]ནུབ་ཕྱོགས་ལ་འཕུར་
ནས་རྗེ་བཙུན་ས་སྐྱ་པ་གོང་མ་རྣམས་དང་མཇལ་བའི་སྣང་བ་ཞིག་བྱུང་གསུང་ངོ་། །ཡང་དེ་
སྐབས་ན་བདག་གིས་ཀྱང་མཇལ། ངེས་དོན་གྱི་བཀའ་མང་དུ་ཕེབས་ཀྱིན་འདུག སྔ་གོང་
བསྙེན་རྫོགས་སྒྲུབ་པར་སྐུ་གཞོགས་སུ་ཡོང་སྐབས་ང་ད་ལོ་གསུམ་ཙམ་ཨེ་སྡོད་གསུང་། 
 འདི་སྐབས་ད་འོ་ཅག་ལོ་གཅིག་ཙམ་ཨེ་སྡོད་ཅེས་ཡང་ཡང་བཀའ་ཕེབས་ཀྱི་འདུག ཕྱིས་
བདག་དབུས་འཁོར་སྐབས་ཕྱག་དམན། ད་ངེད་ཟླ་བ་གཅིག་གཉིས་ཙམ་ཨེ་སྡོད་གསུང་བ་
22-1-383


བྱུང་བ་ཐམས་ཅད་འགྱུར་མེད་ཐོག་ཏུ་བབས་པ་ཤ་སྟག་བྱུང་བས་མཚོན་ཏེ། བཀའ་ཡི་མཐའ་
བདེན་པ་འབའ་ཞིག་གོ ། 
དེ་ནས་རྟ་ལོ་ཟླ་བ་དང་པོའི་འཇུག་ལ་སྐུ་ཁམས་ཅུང་ཟད་བསྙེལ་བ་ཞིག་བྱུང་བའི་དུས། 
མནལ་ལམ་དུ་རིན་པོ་ཆེའི་རྒྱན་གྱིས་བརྒྱན་པའི་བུད་མེད་ཅིག་བྱུང་ནས། སྤྱན་འདྲེན་པ་ལ་
ཡོངས་པ་ཡིན་ཟེར་བ་ཅིག་བྱུང་[གསུང་ཞིང་]། དེ་སྐབས་སྡེ་པ་ཞལ་ངོ་རྣམས་ཀྱིས་ཕྱག་འབུལ་
བརྒྱ་ཕྲག་དུ་མ་དང་བཅས་པའི་གདུང་ཤུགས་དྲག་པོས་སྐུ་ཚེ་བརྟན་པར་[དགོས་པའི་]གསོལ་
འདེབས་མཛད[པས་]། [ཞལ་འཛུམ་པ་ཙམ་ལས། གཞན་གང་ཡང་གསུང་བ་ནི་མི་འདུག སླར་ཞབས་དྲུང་ཆེན་མོ་སྐུ་
གཞོགས་སུ་གདན་འདྲེན་ཞུས་གསུངས་ནས། སྐུ་གཞོགས་སུ་ཕེབས་པ་ན།] བཀའ་ལས་འུ་ཅག་ཚེ་རིང་པོ་ཡིན། 
པཎ་ཆེན་རིན་པོ་ཆེ་ལྟ་བུ་གཤེགས་བཞུགས་ལ་རང་དབང་ཐོབ་པ་དེ་ལྟ་བུ། སྐུ་ཚེ་མཐར་ཕྱིན་
པའི་ལུགས་སུ་བྱས་ཀྱང་བརྒྱད་ཅུའི་སྟེང་དུ་གཞན་དོན་ལ་དགོངས་པའི་ཚུལ་བསྟན་འདུག
རང་རེའི་རྗེ་སྐུ་མཆེད་རྣམས་ལ་ནི་དེ་འདྲའི་ཆ་ཙམ་ཡང་མ་བྱུང་འདུག [ད་ནི་འུ་ཅག་ལོ་གཅིག་བསྡད་
ནའང་]ཚེ་མཐར་ཕྱིན་ཡིན། དེ་བས་རིང་བ་རང་སྡད་པ་ལ་ནི་དགོས་པ་མེད་གསུང་། [སྡེ་སྲིད་ཀྱི་
ཞུ་བ་ལ། ལོ་གཅིག་རང་ལ་མ་ལྟོས་ཙམ་གྱི།] བྱང་སེམས་བསོད་ནམས་རིན་ཆེན་གྱི་དགུང་ལོ་ཙམ་ཞིག་
བཞུགས་དགོས་ཞུས་ཀྱང་ལོ་གཅིག་ལས་ཞལ་བཞེས་མ་གནང་། ཟླ་བ་ཚེས་ནས། ཞལ་
ངོ་སོ་སོའི་བརྟན་བཞུགས་རྒྱས་པར་འབུལ་བ་མཛད་པས་སྐུ་ཁམས་ཀྱང་དྭངས་པར་གྱུར་
ཞིང་། མནལ་ལམ་དུ་མི་དཀར་པོ་གཅིག་གིས་འབུལ་བ་འདྲ་ཕུལ་ནས། ད་ལན་བཞུགས་
པ་བཀའ་དྲིན་བསྐྱངས་ཞེས་ཕྱག་འཚལ་བ་བྱུང་[གསུང་]། [སྐབས་ཤིགས་]ཐོ་རངས་[མཚན་ལྟས་
]ཤིགས་ལ། སྐུ་མདུན་གྱི་ནམ་མཁར་ནག་པོ་ཆེན་པོའི་སྤྲུལ་པའི་དཀྱིལ་འཁོར་འོད་དང་
གཟི་བརྗིད་འབར་བ་ཞིག་འདུག་པའི་དྲུང་ན། བླ་མ་སྐུ་ཤ་ཆེ་བ་སྨུག་འབེར་རེ་བ་ཞིག་གིས་
དབང་གི་བརྡ་སྤྲོད་མཛད་དེ། འདི་ན་སྐྱེ་རྒ་ན་འཆི་མེད་པར་རྟོགས་པའི་གུར་གྱི་མགོན་པོའི་
22-1-384


ལྷ་ཚོགས་བཞུགས་ཏེ། སྐྱེ་བ་མེད་པར་རྟོགས་པའི་མགོན་པོ་མི་བསྐྱོད་པ་སོགས་རིགས་ལྔ་
སོ་སོ་ལ་སྦྱར་བའི་ཕྱོགས་བཞིར་མགོན་པོ་བཞི་དང་། མཚམས་སུ་ལྷ་མོ་བཞི། སྒོ་བ་བཞི་
དང་བཅས་པའི་ལྷ་ཚོགས་ངོ་སྤྲད་ནས་དབང་བསྐུར་གནང་བ་ཞིག་བྱུང་། དབང་ཆོག་ཀྱང་
རྒྱས་པོ་ཞིག་འདུག་གསུང་། [ད་རང་དེ་མ་ཁད་ཡིན་ན་འདྲི་ཐུབ་པ་ལྟ་བུར་བྱུང་ཀྱང་། ད་བརྗེད་ནས་མི་འདུག་གསུང་། 
] ཡང་སྐབས་ཤིག་[རྨི་ལམ་ན་]ལུས་དཀྱིལ་གྱི་རྩ་འཁོར་ལོ་ལྔའི་དབུས་དང་སོ་སོའི་རྩ་འདབ་
ཀྱི་གྲངས་དང་མཉམ་པའི་ལྷ་ཚོགས་ཤིན་ཏུ་གསལ་བའི་གཟིགས་སྣང་བྱུང་[གསུང་ཞིང་]། དེ་
དུས་སྡེ་པ་ཞལ་ངོ་རྣམས་སྐབས་སུ་ཕྱག་འབུལ་ལ་ཕེབས་ནས་མཇལ་ཙམ་རེ་གནང་། ཡང་
སྐབས་ཤིག་སྲོད་ཐུན་གྱི་ཐུགས་དམ་གཏོར་མའི་མཚམས་སུ། སྤྱན་གཉིས་བར་སྣང་ལ་ཧྲིག་
གེར་གཟིགས་ནས། དཔལ་མགོན་ཞལ་གྱི་རྩ་སྔགས་ཁ་ཡར་འདྲེན་པ་མཛད་དེ། དེ་དུས་
གཟིགས་སྣང་ཁྱད་པར་ཅན་ཞིག་བྱུང་ཚོད་འདུག བཀའ་ལས། [སྔ་སོར་རྗེ་བཙུན་ཐམས་ཅད་མཁྱེན་
པའི་གསུང་ལས། རང་རེའི་ཆོས་སྐྱོང་འདི་གསང་བའི་མགོན་པོ་ཡིན་གསུང་བ་ལྟར།] རང་རེ་ལ་ཞིང་སྐྱོང་དབང་པོ་
འདིས་འཕྲལ་གྱི་བྱ་བ་ཅུང་ཟད་རེ་ལ་ཡང་། རྣམ་འགྱུར་དུ་མའི་སྒོ་ནས་ལེགས་ཉེས་ཀྱི་ལུང་
སྟོན་པར་མཛད་པ་འདུག་གསུང་ཞིང་། མདོར་ན་བདག་ཉིད་ཆེན་པོ་འདི་ལ་ཆོས་སྐྱོང་རྣམས་
སྐུ་ལུས་དང་གྲིབ་མའི་ཚུལ་དུ་འགྲོགས་ཤིང་འཕྲིན་ལས་བསྒྲུབ་པ་ཞིག་སྟེ། དང་ཐོག་ཅིག་
དགའ་ལྡན་རྩེའི་འཆད་ཉན་མཛད་པའི་དུས་དེར། དཔལ་ལྡན་ས་སྐྱར་མང་ཇ་བསྙེན་བཀུར་
སོགས་ཞུ་བ་དང་། རྟེན་མཇལ་རྣམས་ཀྱང་རྒྱས་པར་མཛད་ནས། ཁའུ་སྐྱེད་ལྷས་ཀྱི་མགོན་
ཁང་མཇལ་བ་ལ་ཕེབས་དུས། མགོན་ཁང་གི་སྒོ་ནང་དུ་ཕེབས་པ་ན། དེ་ནས་བྲག་སྒོའི་བར་
གྱི་སྟག་ལྤགས་ལ་སོགས་པའི་བླ་བྲེའི་སྟེངས་ལ། {ཚེག་སྒྲ་དང་ཐུག་སྒྲ་ཆེན་པོ་རྒྱུག་མཁན་
གཅིག་བྱུང་བ། [བྱི་ལ་རྒྱུག་པ་ཙམ་གྱི་ཚེག་སྒྲ་དང་བཅས་སོང་བ།] དེར་འདུས་ཀུན་གྱིས་མཐོང་ཐོས་སུ་
གྱུར་པས། དཀོན་གཉེར་ན་རེ། སྔ་སོར་ཡུན་རིངས་མ་ཕེབས་པས་མགོན་པོ་ཡུས་པར་གདའ་
22-1-385


ཟེར། དེར་སྙན་དར་དང་གཏོར་འབུལ་རྒྱས་པར་མཛད། རྗེའི་བཀའ་ལས། སྔོན་ཀུན་སྤངས་
རིན་པོ་ཆེ་ལ། བྲམ་ཟེ་རས་དཀར་གྱོན་པ་ཞིག་དངོས་སུ་ཕེབས་བསུ་ལ་འབྱོན་པ་ཡོད་པ་
འདུག རང་རེ་ལ་དེ་ལྟར་མེད་ནའང་། བླ་མ་ཁོང་གི་ཐུགས་རྗེས་མགོན་པོ་འདིས་ཀྱང་རྗེས་
སུ་སྐྱོང་བའི་ཚུལ་དུ་འདུག་གསུང་། བར་སྐབས་ཤིག་ཆོས་ལུང་དུ་བཞུགས་དུས། རྒྱ་ནག་
རི་བོ་རྩེ་ལྔ་ནས་ཡོངས་པ་ཡིན་ཟེར་བའི། ཛོ་གི་སྨ་ར་དང་སྨིན་མ་དམར་སེར་དུ་ཡོད་པ་ཞིག་
སྐུ་གཞོགས་སུ་ཐལ་མར་བྱུང་ནས་ཨ་རུ་ར་གསེར་མདོག་ཐུམ་བུ་ཞིག་ཕུལ་ནས། གུ་རུ་རང་
འདི་ནས་ཐོ་རངས་ཅུང་ཟད་རེ་བཞེས་ན་སྐུའི་ཟུངས་འཚོ་བའི་བཅུད་ལེན་དུ་འགྲོ་ཞུ་བ་དང་། 
བག་ཕབ་པའི་གསུང་གླེང་མང་པོ་ཞིག་གནང་ནས། སླར་གནང་སྦྱིན་གྱི་དངོས་པོ་སོགས་
གནང་ཀྱང་། གང་ཡང་མི་དགོས་ཟེར། འོ་ན་གང་དགོས་གསུངས་པ་ལ། གུ་རུས་ལམ་ཡིག་
གཅིག་གནང་དགོས་ང་ས་སྐྱར་འགྲོ་ཟེར་ལམ་བར་གྱི་སྦྱིན་བདག་དང་། ཀོ་གྲུ་འཛིན་མི་ལ་
ལམ་ཡིག་གནང་ནས་ཐེགས་སོང་བ་ལ། སླར་ཀོ་གྲུ་སོགས་ཡས་མར་ཀུན་ལ་རྩད་གཅོད་
བྱས་པས། སུས་ཀྱང་མིག་ལ་མ་ཐོགས་འདུག [རྗེའི་བཀའ་ལས་]སྔར་གྱི་དེ་རང་རྒྱུད་པ་ཞིག་
མིན་པ་འདུག་གསུང་། དེ་ནས་[བཟུང་སྟེ་]ཐོ་རངས་ཅུང་ཟད་རེ་མཆོད་པས། ལོ་ཤས་སྐུ་ཟུངས་
བཟང་བ་རང་གི་སྐུ་ལ་ཤིན་ཏུ་འཕྲོད་པ་བྱུང་ངོ་། །[དག་པའི་སྣང་བ་རབ་འབྱམས་བརྟན་པའི་གཏམ་གྱི་སརྒ་
སྟེ་དྲུག་པའོ།། །།]
རྟ་ལོའི་ས་ག་ཟླ་བའི་དགེ་ཚ་ཐོག དགེ་འདུན་རྣམས་ལ་མང་ཇ། སྤྱི་འབུལ་{བཟང་ལ་
རྒྱ་ཆེ་བ་གནང་། [རྟ་གཉིས། ཁྲོ་ཟངས། དཀར་ཡོལ་བྱི་རུ་སྤོས་ཤེལ། རས་དར་སོགས་ཀྱི་བསྙེན་བཀུར་ཀྱང་མཛད།]
སྐབས་ཤིག་{སྡེ་པ་ལ། [སྡེ་སྲིད་སྐུ་གཞོགས་ལ་ཕེབས་པས།] གསུང་གླེང་གི་འཕྲོས་ཤིག་ལ། ད་ལྟ་
ཁམས་ཤིན་ཏུ་དྭངས་པ་ཞིག་ཡོད། ཚེའི་དུས་བྱས་པ་བྱུང་ན་ས་སྐྱའི་སྒོ་རུམ་དང་། སྐྱེད་ལྷས་
གཉིས་སུ་སྙན་དར་དང་། བསྐང་གསོ་རྒྱས་པ་རེ་ཡོང་བའི་ཞལ་བཀོད་གནང་དགོས་སོ་
22-1-386


གསུང་། {འོ་ན་[སྡེ་སྲིད་ཀྱིས་དེ་ན་]ད་ལྟ་འཕྲུལ་དུ་གནང་ན་སྐུ་རིམ་དུ་འགྱུར་བ་འདྲ་ཞུས་བ[་གནང་
སོང་བས]། ད་ལྟ་མི་དགོས། དུས་དེར་ས་ལམ་གྱི་བར་ཆད་སེལ་བ་ལ་སོགས་པའི་དགོས་པ་
ཁྱད་པར་ཅན་ཡོད་གསུང་། ཡང་སྐབས་ཤིག་[ཞབས་དྲུང་ཆོས་མཆོག་ལགས་དང་། དགེ་སློང་ཚུལ་ཁྲིམས་པ་
སྐུ་གཞོགས་ཡོད་སྐབས། འདས་མ་འོངས་ཀྱི་བསླབ་བྱ་ཟུར་མ་དང་། གསུང་གླེང་གི་འཕྲོས་ཤིག་ལ།] ངེད་རང་ཚེའི་དུས་
བྱས་པ་བྱུང་ན། གསེར་མདོག་ཅན་གྱི་རྟེན་གསུམ་ཁྱད་པར་ཅན་འདི་ལ་དཀར་མེ་ཁྲ་ཟིང་བ་
གཅིག་བྱུང་ན་དེ་ཁས་བློ་ཁ་རྫོགས{་གསུང་བ་དང་། སླར་དྲུང་ཆེན་ལའང་། [སྡེ་སྲིད་ཀྱི་ཕྱག་ནས་ཁ་
སང་ཉེ་དུས་རང་མང་ཇ་དང་། དཀར་མེ་མང་དུ་གནང་བས། ད་ཞུ་མི་སྤོབས། ཞབས་དྲུང་དང་དགེ་སློང་པས་ཀྱང་དེ་ཁའི་མཐུན་
རྐྱེན་བྱེད་དགོས་སོ་གསུང་། ཞབས་དྲུང་གིས་ནས་ཁལ་བརྒྱ་དང་། མར་ཁལ་སུམ་ཅུ། དེ་དག་སློང་བས་ལོ་གཅིག་གི་འཁོར་
ཡུག་འབུལ་བར་ཞུས། སླར་དྲུང་ཆེན་ཉེ་གནས་པ་སོགས་ལ་འང་།] ངེད་རང་ཚེ་མཐར་ཕྱིན་པ་ཡིན་པས་ཤི་བ་
སོགས་བྱུང་ན་གཞན་གྱི་ལད་མོའི་རྟེན་བཞེངས་བཞིན་བྱ་མི་དགོས། སྔ་སོར་སེམས་དཔའ་
ཆེན་པོ་བསོད་ནམས་རིན་ཆེན་གྱི་སྐུ་གདུང་ལ་རང་རེས་རྟེན་བཞེངས་གྲུབ་པ་དེས་ཐུས། ཕུང་
པོ་མེ་ལ་ཕུལ་ལས་རུས་བུ་ཐལ་བ་དང་བཅས་པ་སྐོལ་ཆུ་དང་། མཚོ་མོ་དྲེས་བཏུང་ལ་སྐྱོལ། 
སྔོན་རྒྱལ་བ་ཡང་དགོན་པ་དང་། ཀུན་སྤངས་ཆོས་རིན་གྱི་ལོ་རྒྱུས་རྣམས་ཀྱང་གསུངས་ནས། 
རང་རེ་ལ་དེ་ལྟ་བུའི་གདེངས་ཚད་རང་མེད་ཀྱང་། ཆུ་ལ་གནས་པའི་སྲོག་ཆགས་ལ་ཕན་པ་
སྲིད་གསུང་། 
དེ་ནས་དགུང་ལོ་བརྒྱད་ཅུ་གྱ་གསུམ་དུ་ཕེབས་སྐབས་བྲག་སྟོད་ནས་རྗེ་གྲུབ་ཆེན་རིན་
པོ་ཆེ་ཡང་གཏིང་ཁེབས་སུ་ཕེབས་པ་སྙན་དུ་ཕུལ་བས། བཀའ་ལས། ངེད་གཉིས་སྐྱབས་
མགོན་གཅིག་གིས་བསྡུས་པ་ཡིན་པས། འདི་ཁར་སྤྱན་དྲོངས་ཞབས་ཏོག་བྱེད་རྒྱུ་ཡོད་ན་
གྱིས། ཕྱིས་མཇལ་ཨེ་ཐུབ་མི་ཤེས་གསུང་བ་ལྟར། སྐུ་གཞོགས་སུ་སྤྱན་དྲངས་ནས་གསོལ་
ཇ་འདེབས་གསུམ་གྱི་བར་ལ་བཞུགས{དགྱེས་པའི་གསུང་གླེང་མང་པོ་མཛད་[ཤིང་། བུར་
22-1-387


སྟོན་སོགས་བཞེས་སྤྲོ་དང་། གསོལ་ཇའི་རྟེན་བརྡ་མཚོན་དང་བཅས་པ་སྒྲུབ་པར་མཛད་ནས། རྗེ་བྲག་སྟོད་ནས་སྐྱེད་ཚལ་དུ་
ཕེབས]། དེ་ནས་ཟླ་བ་བཅུ་གཅིག་པའི་ཉེར་གསུམ་ཙམ་ནས་མཚན་མོ་གཟིམས་ཁང་གི་ཕྱི་
ལ་སྐོར་བ་བྱེད་མཁན་མང་པོ་ཡོད་པ་འདྲ་བ་ཞིག་དང་། འཇའ་འོད་འཁོར་བ་ལ་སོགས་པ་
དུ་མ་ཞིག་བྱུང་ཞིང་། རྗེ་འདིའི་གསུང་ཐོལ་བྱུང་དུ། ད་རང་ཐོ་རངས་མེ་ཏོག་སྣ་ཚོགས་ཀྱིས་
བརྒྱན་པའི་ལྷའི་བུ་དང་བུ་མོ་དུ་མ་[འདྲ་བ་]ཞིག ངེད་རྣམས་སྤྱན་འདྲེན་ལ་ཡོངས་པ་ཡིན་ཟེར་
བ་འདུག་གསུང་། {ཞབས་འབྲིང་བ་རྣམས་ཀྱིས་སྐུ་རིམ་སོགས་བསྒྲུབས་པས། [དེའི་ཚུལ་རྣམས་
དྲུང་ཆེན་དྲུང་ལ་ཞུས་པས། དགོན་གསུམ་གྱི་དགེ་འདུན་རྣམས་ལ་མང་ཇ་སྤྱི་འགྱེད་སོགས་མཛད། དེ་སྐབས་སྡེ་སྲིད་ཞལ་ངོ་
རྣམས་སྐུ་གཞོགས་སུ་ཕེབས་ནས། ཞབས་པད་བརྟན་པ་དགོས་ཚུལ་དང་། ཞབས་འབྲིང་བ་ཚོས་ཀྱང་སྐུ་རིམ་གསོལ་འདེབས་
བརྟན་བཞུགས་རྣམས་རིམ་པས་སྒྲུབ་ལུགས་བྱས་པས། དེ་ཁའི་དབྱིངས་བཞུགས་དགོས་ཞུས་པ་ན།] བཀའ་ལས། ད་
ལྟ་ཁམས་མི་བདེ་བ་སོགས་མེད་ཅིང་། སྔར་བས་ཀྱང་དྭངས་པ་ཙམ་གྱིས་དགེ་སྦྱོར་འཕེལ་བ་
ཡོད། ལར་[ནི་]ན་ཚོར་རྒས། མིག་[སོགས་]ཀྱང་མི་གསལ་བས། ཡུན་རིང་བསྡད་ཀྱང་བསྟན་
པ་དང་སེམས་ཅན་ལ་ཕན་ཐོགས་པ་ནི་མི་ཡོང་བ་འདུག ན་ཚོད་གཞོན་པ་དང་། མིག་འདི་
བས་གསལ་བ་ཞིག་ཡོད་ན། [ཞབས་དྲུང་ཚོ་ལའང་ཆོས་འདྲ་འབུལ་སྤྲོ་ཞིང་།] སྤྱིར་ཡང་འགྲོ་ཕན་འདྲ་
ཡོང་བ་སྲིད། ལྷག་པར་ས་སྐྱ་ནས་བདག་ཆེན་ཁྲིའི་དྲུང་གུར་གྱི་མགོན་པོའི་ནང་ཁྲིད་སོགས་
དགོངས་བཞེད་ཡོད་པ་དེའང་འབུལ་ཐུབ་ན། ཁོང་ས་སྐྱ་པའི་གདུང་རྒྱུད་ཡུལ་གཉན་པ་
དང་། ལྷག་པར་ཆོས་འདི་བདག་ཆེན་བློ་གྲོས་པ་ཡན་ཆོད་གདུང་རྒྱུད་འབའ་ཞིག་ལ་བརྒྱུད་
པའི་གསང་ཆོས་སུ་འདུག་པ་དང་། དེང་སང་རྒྱུན་ཆད་ལ་ཉེ་བས་ན་འབུལ་ཐུབ་ན་རང་རེའི་
བཀའ་དྲིན་ཆེ་བའི་བླ་མ་ཀུན་སྤངས་རྗེ་དེ་ས་སྐྱ་པ་ལ་ཐུགས་དད་ཆེ་བས་དགོངས་པ་རྫོགས་
པ་དང་། བསྟན་པའི་རྒྱུན་ལ་ཕན་པ་སྲིད་ཀྱང་། ད་ནི་དེ་འདྲ་ཐུབ་པའི་རིགས་སུ་མི་འདུག་
པས། སྤྲོས་པ་བཅད་པ་འདི་ལགས་གསུང་། [རང་རེ་ལ་གང་གི་ཡང་རྣམ་གཡེངས་མེད་པར་ཁ་དོན་གང་
22-1-388


འཕེལ་བྱས། མཐུན་རྐྱེན་གང་དགོས་ཐམས་ཅད་གནང་བ་འདིའི་བཀའ་དྲིན་གཅིག་པུས་ཀྱང་ཆོག གཞན་གང་གིས་ཀྱང་ཐུགས་
གཡེངས་མི་མཛད་པ་ཞུ་གསུངས་ནས། སླར་ཡང་སྔར་འཁྱུད་ཀྱི་ཐུགས་དམ་གྱི་རིམ་པ་རྣམས་ཆག་མེད་དུ་གནང་ཞིང་།] ཉེར་
བརྒྱད་ནས་གནམ་གང་བར། [ཁོང་ཅག་]ཕྱག་གཡོག་རྣམས་ཀྱི་གུར་ཞལ་དྲཀྴད་སོགས་ཀྱི་
བསྐང་གསོ་བརྒྱ་ཚར་གཅིག་བྱས་པས། ཁྱེད་རྣམས་ཀྱི་གཏོར་འབུལ་གྲུབ་བམ་གསུང་། ད་
ལན་གྱི་བསྐང་གསོ་དེ་དགའ་མོ་རང་ཡིན། མགོན་པོ་འདི་རྣམས་ཀྱིས་འདི་ཕྱི་བར་དོ་ཀུན་ཏུ་
བསྲུང་སྐྱོབ་བྱེད་པ་ཡིན་གསུང་། གནམ་གང་གི་ཉིན་སྡེ་སྲིད་ཞལ་ངོ་རྣམས་སྐུ་གཞོགས་སུ་
ཕེབས་ཏེ། གསོལ་ཇ་འདེབས་གསུམ་ཙམ་གྱི་བར། གསུང་བགྲོས་ཐམས་ཅད་རྗེ་རང་གིས་
མཛད་དེ། ཞལ་གུར་དང་འདྲེས་པའི་ཐམས་ཅད་བཞད་གད་འབའ་ཞིག་གནང་། [ཞལ་ངོ་རྣམས་
ཀྱང་། རྗེ་ཉིད་སྐུ་ཁམས་དང་པོ་རང་འདུག་དགོངས་ནས་ཐུགས་དགྱེས་ཤིང་། སླར་མཁར་ཆེན་དུ་ཕེབས། རྗེ་འདི་ཉིད་དགོང་
ཐུན་གྱི་ཐུགས་དམ་གྱི་རིམ་པ་རྣམས་གྲོལ་ནས། སྲོད་ལ་གཏོར་བསྔོ་གནང་བའི་དུས་སུ། གུར་ཞལ་གྱི་གཏོར་འབུལ་རྣམས་གྲུབ་
མཚམས་སུ། དྲཀྴད་ཀྱི་གཏོར་མའི་སྐབས། བཟླས་པ་དང་གཏོར་འབུལ་བསྟོད་པ་སོགས་རྒྱས་པར་མཛད་ནས། འཕྲིན་བཅོལ་
ལ། མཐུ་ཆེན་མཉོས་ཀྱི་མགོན་པོ་དྲཀྴད་འཁོར་དང་བཅས་པས། སྤྱིར་སངས་རྒྱས་ཀྱི་བསྟན་པ་དང་། བསྟན་འཛིན་གྱི་སྐྱེས་བུ་
རྣམས་ཀྱི་བར་ཆད་སྲུང་ཞིང་མཐུན་རྐྱེན་སྒྲུབ་པ་དང་། ཁྱད་པར་རྒྱལ་བུ་ཀུན་དགའ་བསོད་ནམས་རྒྱལ་མཚན་བཀྲ་ཤིས་དཔལ་
བཟང་པོ་འདི། དཔལ་མགོན་དྲཀྴད་ཁྱོད་ལ་བཅོལ་ཞིང་གཉེར་དུ་གཏད་པ་ཡིན་པས། སྐུ་ཚེ་དང་བསོད་ནམས་དཔལ་འབྱོར་
ཐམས་ཅད་གོང་ནས་གོང་དུ་འཕེལ་ཞིང་རྒྱས་པ་དང་། མདོར་ན་བྱང་ཆུབ་མ་ཐོབ་བར་དུ་ལུས་དང་གྲིབ་མ་བཞིན་དུ་འགྲོགས་ལ། 
སྡོང་གྲོགས་སྲུང་སྐྱོབ་སྦ་བས་འཕྲིན་ལས་མཛོད་ཅིག ཅེས་ཞག་ཁ་ཡེར་གྱི་བར་དུ་གཉེར་གཏད་མཛད་དོ། །དེ་ནས་ཚེས་ལྔའི་སྔ་
དྲོ། ཞབས་དྲུང་རྒྱལ་བུའི་དྲུང་བྱིན་རླབས་ཞུ་བ་ལ་ཕེབས་ནས། བླ་མ་སངས་རྒྱས་ལགས་སྐུ་ཁམས་དྭངས་པོ་བྱུང་ལགས་སམ་
ཞུས་པ་ལ། རྗེས་དབུ་དང་ཕྱག་གཉིས་རྒྱལ་བུའི་དབུ་ཐོག་ཏུ་འཇོག་པ་གནང་སྟེ། བདེ་པ་བྱང་སེམས་ལགས། བདག་ཁམས་ཤིན་
ཏུ་དྭངས་པོ་ཡོད། ཞབས་དྲུང་གིས་སྡེ་སྲིད་ཡབ་ཡུམ་ཚོ་ལ་བཀུར་སྟི་ཆེན་པོ་དང་། བཀའ་གང་གནང་ལ་གསན་པོ་མཛད་དགོས་
ཤིང་། སྙན་སྒྲོན་འབུལ་མཁན་བྱུང་བ་ལ་ཡང་གསན་དགོངས་དང་བརྩེ་སྐྱོང་གནང་དགོས་སོ་གསུང་། རྗེའི་གསུངས་ནས། རྒྱལ་
22-1-389


བུ་འདི་སྐུ་ནས་ཕྲ་མོ་ནས། ཡབ་ཡུམ་ལ་འཕྲེང་ཆ་མི་མཛད་པར་འདི་ཁར་འབྲལ་མེད་བཞུགས་པ་འདི་ངོ་མཚར་ཞིང་། སྤྱིར་ཞལ་
ངོ་འདི་རྣམས་རང་རེ་ལ་ཐུགས་བསམ་ལྷག་པར་དག་པའི་གནང་སྒོ་འདི་འདྲ་བ། ཕ་མ་བུ་ཚས་ཡང་བྱེད་པ་དཀའ། རང་རེའི་སྔོན་
གྱི་སྨོན་ལམ་གྱི་ཤུགས་ཤིག་ཡིན་གསུང་།] སླར་དྲུང་ན་ཡོད་པ་རྣམས་ལ། ད་ནི་རང་རེས་བདག་ཏུ་བཟུང་
བའི་དགོན་པའམ། ཆོས་གཞིས་སམ། གྲྭ་པ་བཞི་སྡེ་ཙམ་མམ། བདོག་པའི་དངོས་པོ་སེ་བ་
གང་རི་བ་ལ་ཡང་བདག་བཟུང་བྱས་པ་མེད་པས། དབེན་པར་གནས་ནས། ལྟོས་མེད་དུ་གུམ་
པས་ཆོག་པ་འདི། བླ་མ་དཀོན་མཆོག་གི་ཐུགས་རྗེ་ཡིན་ཞིང་། སྙིགས་དུས་ཀྱི་བཙུན་པའི་
མིག་རྐྱེན་དུའང་འགྲོ། ཆོས་མཛད་པ་རང་གི་ལག་ན་ཡོད་པའི་དངོས་པོ་རྣམས་[དང་། ཞབས་དྲུང་
དང་དགེ་སློང་པ་སོགས་ཀྱིས་བྱུང་བའི་མར་དང་བཅས།] ས་སྐྱ་དང་གསེར་མདོག་ཅན་གྱི་རྟེན་གསུམ་རྣམས་
ལ་དཀར་མེ་འབུལ་བ་དང་། མང་ཇ་འདྲ་ཞུ་ཐུབ་ན་ཚོགས་ཆེ་བ་ཡོང་། གཞན་རྒྱས་རྒྱས་[བྱས་
ཀྱང་། བསྟན་པ་དང་སེམས་ཅན་ལ་ཕན་པ་དཀའ་ཞིང་།] མཆོད་པའི་མིང་བཏགས་གཡེང་རྐྱེན་ཆེ་བ་ལས་
མེད་གསུང་བ་སོགས་དང་འཕྲལ་ཞལ་གུར་ལ་བསྙད་པའི་དུས་གསུམ་སྒྲིབ་མེད་དུ་གཟིགས་
པའི་བཀའ་སྩལ་དུ་མ་ཞིག་གནང་[ཞིང་། དེ་རིང་ཞལ་ངོ་ཚོ་ཡང་ཕེབས་ཡོང་ངམ་གསུང་། ཚེས་ལྔ་ཡིན་པས་ལུས་
ཡོང་ལགས་སམ་ཞུས་འདུག་པ་ལ། ཞལ་ངོ་རྣམས་ཀྱིས་མཇལ་བ་ལ་ཕེབས་འདུག་ནའང་། དྲུང་ཆེན་གྱིས་དེ་རིང་རང་ནི་མ་
ཕེབས་པ་ལགས་པ་འདྲ་ཞུས་ནས། མཁར་ཆེན་ལ་ལོག་ཕེབས། སང་ཉིན་དེ་སྐུ་གཞོགས་ལ་ཕེབས་ནས་གསོལ་ཇ་ན་ག་རྩེ་ཞིག་
ཞུས་པ་ན། སྔར་ནས་ཆེར་མི་གསོལ་ཀྱང་། དེ་ཉིད་ཞལ་དཀར་ཁེངས་པ་ཞིག་གསོལ་ཞིང་དགྱེས་དགྱེས་གནང་། འཕྲལ་དང་
ཕུགས་ཀྱི་ཕན་བདེར་འགྱུར་བའི་ཞལ་གདམས་དུ་མ་ཞིག་གནང་ནས། སླར་ཕྱག་འབུལ་ཞུས་པ་ན། བྱིན་རླབས་རྒྱུན་ཤིན་ཏུ་
རིང་བ་ཞིག་གནང་སྟེ། ཞབས་འབྲིང་བ་དགེ་སློང་ཆོས་ཡེ་བ་སོགས་ལ། ཁྱེད་རྣམས་ཀྱི་ཕེབས་སྐྱེལ་གྱིས་གསུངས་ནས་སྒོ་ཕྱི་ཙམ་
དུ་ཕྱིན།] དེ་སྐབས་ཤིག་མ་ཆེན་[དགེ་སློང་ཆོས་ཡེ་བས། སླར་]སྐུ་གཞོགས་སུ་ཕྱིན་པ་ན། སྐུ་དྲང་པོར་
བསྲངས་ཏེ་སྤྱན་གཉིས་བར་སྣང་ལ་གཟིགས་ཤིང་། པད་སྐོར་དང་མཆོད་པའི་ཕྱག་རྒྱ་ལྟ་བུ་
མང་དུ་མཛད། ཞལ་མདངས་སྔར་བས་གསལ་ཞིང་གཞོན་ཤ་ཆེ་བ་ལྟ་བུར་བཞུགས་འདུག་
22-1-390


པས། [ངོ་མཚར་བར་གྱུར་ནས་]ཅུང་ཟད་ནི་གང་ཡང་ཞུ་མ་ནུས་པར་ལུས། ཞལ་འཛུམ་པ་ཞིག་
མཛད་ནས་ཕྱག་གིས་བརྡ་མང་པོ་མཛད་ཀྱི་འདུག་པ་ལ། ཅི་འདུག་ཞུས་པས། ཕྱག་མཛུབ་
ནམ་མཁའ་ལ་གཏད་ནས་འདི་ན་ལྗོན་ཤིང་ནགས་ཚལ་ཤིན་ཏུ་འཐུག་པ་མེ་ཏོག་དང་འབྲས་
བུ་དུ་མས་སྤྲས་པ་ལ། རིན་པོ་ཆེ་སྣ་ཚོགས་ཀྱིས་བརྒྱན་པའི་བར་དག་ཏུ། ཁང་བཟང་ཤིན་ཏུ་
ཉམས་དགའ་བའི་དབུས་ན། མཆོད་པའི་རྣམ་གྲངས་དུ་མ་ཐོགས་པའི་ལྷའི་བུ་དུ་མས་སངས་
རྒྱས་མང་པོ་ལ་མཆོད་པ་བྱེད་པ་འདི་འདྲ་གདའ་བ་གསུངས་ནས། ཡུན་རིང་པོའི་བར་དུ་ཕྱག་
གཉིས་ཐུགས་ཀར་ཐལ་མོ་སྦྱོར་བར་མཛད་དོ། །
འདིར་སྨྲས་པ། ཡིད་འཕྲོག་མཆོད་པའི་བཀོད་པ་རྣམ་བཀྲ་བ། །ཁྱོད་ལ་མཆོད་ཕྱིར་
བྱེད་པོས་སྤྲུལ་པ་བཞིན། །ཀུན་གསལ་བུ་མོས་མངོན་འདོད་མཆོད་པའི་ཕྱིར། །རབ་མཛེས་
རྒྱན་དག་བསྟར་བར་བྱས་པར་སྙམ། །འགྲོ་འོང་བྲལ་བ་ཟུང་འཇུག་རྡོ་རྗེའི་སྐུ། །དེ་ལ་བསུ་
བའི་བཀོད་པས་ཅི་ཞིག་འཚལ། །དེ་ལྟ་མོད་ཀྱི་སྤྲུལ་པའི་སྐུ་གང་ཡིན། །དེ་ཉིད་ཞིང་མཆོག་
རྣམས་སུ་མགྲོན་དུ་གཉེར། །དཔའ་བོ་བདེ་ཆེན་ཉེར་གྲུབ་ལ། །སེང་གེ་འཕྲོག་བྱེད་མེས་པོ་
སོགས། །འོག་མིན་བར་གྱི་ལྷ་དང་ནི། །རིག་འཛིན་འབྱུང་པོས་མཆོད་པར་བྱེད། །མང་དུ་སྨྲ་
ལྟ་ཅི་ཞིག་དགོས། །འཇིག་རྟེན་འཇིག་རྟེན་འདས་པ་ཡི། །ཕུན་ཚོགས་ཐམས་ཅད་འབྱུང་ངོ་
ཞེས། །དཔལ་ལྡན་བདེ་ཆེན་མགོན་པོས་གསུང་། །ཁྱོད་སྔོན་འགྲོ་བ་མ་ལུས་པ། །མགྲོན་དུ་
གཉེར་བ་མཛད་པ་ཡི། །ལན་དུ་ས་གསུམ་འདི་ཀུན་ཡང་། །ཁྱོད་ལ་རྟག་ཏུ་མཆོད་པ་བཞིན། །

{དེ་ནས་མ་ཆེན་གྱིས་ཞབས་པད་བརྟན་དགོས་པའི་གསོལ་བ་བཏབ་ཀྱང་ཞལ་གྱིས་
མ་བཞེས། འོ་ན་སྐུའི་[སྐུ་ཚེ་མཐར་ཕྱིན་ཡིན་ཡང་། ད་དུང་རྒྱང་ཙམ་བཞུགས་པ་དགོས་ཞུས་འདུག་པ་ལ། ད་ནི་ཅི་
སྡོད་རང་གཞན་ཀུན་སྦྱོང་བ་ལས་མེད་གསུང་། དེ་ལྟར་མི་གནང་ན་]སྐྱེ་བ་འཕྲལ་དུ་བཞེས་པ་ཞིག་དགོས་ཞུས་
22-1-391


པས་སྔར་དེ་ལྟར་བྱེད་བསམ་པ་ཡིན་ནའང་། ད་ནི་རང་ལ་ཡང་དག་པའི་ཞིང་གི་སྣང་བ་
ཞིག་འཆར་གྱི་འདུག་པ་དང་། སེམས་ཅན་མོས་པ་སྣ་ཚོགས་པ་རྒྱལ་བས་ཀྱང་ནི་མི་མགུ་
ན། བདག་འདྲ་ངན་པས་སྨོས་ཅི་དགོས་གསུངས་པ་ལྟར། སྔོན་གྱི་དུས་ཀྱང་དེ་ལྟར་གསུང་
དགོས་ན་ད་ནི་སྙིགས་མ་ལྔ་བདོའི་དུས། དེ་བས་ཀྱང་ཆེས་དཀོན་པས། སུ་ལའང་ཕན་པ་
དཀའ། རང་ཡང་དག་པའི་ཞིང་གཅིག་ཏུ་ཀ་འགྲོ་བ་འདུག་གསུང་། [རྗེ་]དག་པའི་ཞིང་དུ་
གཤེགས་ན། [སྔ་སོར་རྗེ་ཉིད་ཀྱི་བཀའ་ལས། རང་རེ་ཐེག་པ་ཆེན་པོ་བ་རྣམས། རང་ཉིད་ཞི་བདེ་དོར་ནས་སེམས་ཅན་གྱི་
དོན་བྱེད་དགོས་པའི་བཀའ་ཡང་ཡང་གསུང་གིན་འདུག་པས། སྐུའི་སྐྱེ་བ་མ་བཞེས་ན། བདག་ཅག་ལྟོས་བཅས་ཀྱི་འགྲོ་བ་ཀུན་
ཐུགས་རྗེས་ཡལ་བར་དོར་བར་མི་འགྱུར་རམ་ཞུས་འདུག་པས་ཅི་ལ་འགྱུར། རང་ལ་དད་མོས་ཡོད་ན་ནི། གསོལ་བ་བཏབ་པས་
གང་འདོད་པའི་འབྲས་བུ་འབྱུང་། མོས་གུས་མེད་ན་ནི་འཁྲིས་སུ་བསྡད་ཀྱང་ཕན་པ་དཀའ་གསུང་། སྐུ་དངོས་མེད་ན་དད་མོས་
ཡོད་པ་རྣམས་ལ་ཡང་ངེས་ངེས་ཇི་ལྟ་བ་ཞིག་འབྱུང་བ་དཀའ་བར་གདའ་ཞུས་འདུག་པས། ངེས་ངེས་ཡོང་ངམ་མི་ཡོང་རང་ལ་
ངེས་ཤེས་སྐྱེ་དགོས་པ་ཡིན་གསུངས་པས། མ་ཆེན་དགེ་སློང་པ་ཡང་ཐུགས་སྐྲག་ནས་གང་ཡང་ཞུ་མ་ནུས། སླར་ཅུང་ཟད་ནས། 
དག་པའི་ཞིང་དུ་གཤེགས་ན།] ཤར་ཕྱོགས་མངོན་དགར་ཀུན་སྤངས་རྗེའི་དྲུང་དུ་གཤེགས་ལགས་
བསམ་ཞུས་པས། སྔ་སོར་བློ་འདུན་དེ་ལྟར་ཡིན་ཀྱང་ད་ལན་མཚན་མ་འདི་ལ་དཔག་ན། 
ཐུགས་རྗེས་ཤུགས་ཀྱི་སྐུལ་བྱེད་དང་སྨོན་ལམ་གྱི་མཚམས་སྦྱོར་ལ་རྟེན། བདེ་བ་ཅན་དུ་འགྲོ་
བ་འདུག་གསུང་། སླར་གཟིམ་ཆུང་དུ་ཕེབས་ནས། དྲུང་ཆེན་ལ་བསླབ་སྟོན་ཁ་ཡར་གནང་
ནས། ཆོས་མཛད་པས་ངའི་གཡོག་བྱས་ནས་ལོ་དུ་སོང་གསུང་། ལོ་བཞི་བཅུ་ལྷག་ཙམ་སོང་
ཞུས་པས། དེ་ཙམ་དུ་ཕྱག་ཕྱི་བྱས་པས་ཁྱེད་རང་ལ་ངའི་བྱིན་རླབས་ཞུགས་ཡོད་གསུང་། དེ་
ནས་དགོང་མོའི་ཐུགས་དམ་དང་། ཕྱི་གཏོར་ནང་གཏོར་སོགས་རྒྱས་པར་གནང་ནས་སྨོན་
ལམ་མང་པོ་འདེབས་པར་མཛད། བར་སྐབས་ཞིག་ཏུ། ཁོ་རེ་ཚོ། དེ་ན་གནོད་སྦྱིན་ཡབ་ཡུམ་
དང་། པུ་ཏྲ་བྷ་དྲ་ལ་སོགས་པ་རྣམས་བྱོན་འདུག་གསུངས་ནས། སླར་ཡང་གཏོར་འབུལ་གྱི་
22-1-392


རྣམ་པ་ཞིག་མཛད་ཀྱི་འདུག དེ་ནས་ནམ་ཕྱེད་ཡོལ་ཙམ་ལ། སྔར་གྱི་ཐོར་ཐུན་གྱི་ཐུགས་དམ་
རིམ་པ་རྣམས། སྔར་བས་ཀྱང་རྒྱུན་རིང་བ་གཅིག་གནང་ནས། ངའི་ཆོས་གོས་དེ་ཁྱེར་ཤོག་
འགྲོ་རན་གསུང་། སྐུ་ཆོས་དེ་སྐུ་ལ་གསོལ་བས། སྔར་གྱི་ཐུགས་དམ་གྱི་རྒྱུན་དེའི་ངང་ལ་
སིམ་མེ་བཞུགས[ནས་ཆོས་ཀྱི་དབྱིངས་སུ་གཤེགས་སོ]། །
འདིར་སྨྲས་པ། ཀྱེ་མ་ཚངས་པ་བྲམ་ཟེ་ཆེ། །གླང་པོ་ཆེན་པོ་སྐྱེ་བོ་འདུལ། །བྱ་བ་བྱས་
པ་དགེ་སྦྱོང་ཆེ། །བྱེད་པ་བྱས་པ་ཁུར་བོར་བ། །བདག་དོན་བརྙེས་པ་ཀུན་སྦྱོར་སྤངས། །སྐུ་
གསུམ་ཡེ་ཤེས་ལྔ་ཡི་བདག །དཀྱིལ་འཁོར་ཀུན་གྱི་བདག་ཉིད་ཅན། །མགོན་པོ་མི་གནས་མྱ་
ངན་འདས། །བདག་ཅག་ས་འདིར་གནས་པ་རྣམས། །ཉིན་མོའང་མུན་པའི་ནགས་སུ་བྱས། །
དག་པ་བདེ་བ་ཅན་དུ་ནི། །སྐུ་ཚེ་དཔག་མེད་གཉིས་པའང་བྱུང་། །རྒྱ་མཚོ་ཆུ་ཡི་གཏེར་ལ་ནི། །
འབབ་ཆུ་ཀུན་ཡང་འབབ་པ་སྣང་། །ཕོངས་པ་རྣམས་ལ་བཟའ་བཏུང་མཆོག །ལན་རེ་ཙམ་
ཡང་སྟེར་བ་ཉུང་། །འདི་ལ་མཐའ་དག་འགྲོ་བའི་དོན་དུ་ནི། །སེམས་ཁྲལ་འོས་ཀྱི་བདག་
ཉིད་གཅིག་པུའི་མིན། །ཡང་ན་རྗེ་བཙུན་ཉིད་ཀྱིས་བསྟན་པ་ལྟར། །མི་རྟག་བདག་མེད་དོན་
ལ་མཉམ་གཞག་བྱོས། །རྒྱལ་བ་སྲས་བཅས་མང་བའི་འཇིག་རྟེན་དེར་ནི་ཁྱེད་ཉིད་གཤེགས་
མོད་ཀྱི། །དཔག་ཡས་མགོན་བཅས་དེར་ནི་ཉིད་ཀྱིས་ལྷག་པར་ཕན་པ་གང་ཞིག་དགོངས། །
ཉམ་ཐག་ཡོངས་སུ་བོར་ན་ཐུགས་རྗེའི་གཏེར་ཞེས་བགྱིད་པའང་ཅི་ཞིག་ལགས། །བདག་
ཅག་ཡོངས་སུ་དག་ན་ཁྱོད་ཀྱི་བྱིན་གྱིས་བརླབས་ལ་ཉེ་རིང་ཅི། །
དེ་ལྟར་ན། དགུང་ལོ་བརྒྱད་ཅུ་རྩ་གསུམ་བཞེས་པ། ཤིང་མོ་ལུག་གི་ལོ་རྒྱལ་གྱི་ཟླ་བའི་
ཚེས་བདུན་གྱི་ཐོ་རངས་ཀྱི་ཆ་རྒྱལ་རྔ་བརྡུང་བའི་དུས་ཙམ་ལ། རྟག་འཛིན་ཅན་རྣམས་སྐྱོ་
བ་སྐྱེད་པ་དང་། ལེ་ལོ་ཅན་རྣམས་བརྩོན་པ་སྐྱེད་ཅིང་དགེ་ལ་བསྐུལ་བའི་ཕྱིར་དང་། ཞིང་
ཁམས་གཞན་གྱི་འགྲོ་བའི་དོན་ལ་དགོངས། སྤྲུལ་པའི་སྐུ་འོད་གསལ་ཆོས་ཀྱི་དབྱིངས་སུ་
22-1-393


བསྡུ་བར་མཛད་དོ། །[མི་གནས་པའི་མྱ་ངན་ལས་འདས་པ་བསྟན་པའི་གཏམ་གྱི་སརྒ་སྟེ་བདུན་པའོ།། །།]
དེ་ནས་ཚེས་བདུན་གྱི་ཉིན་མོ། [སྡེ་སྲིད་ཞལ་ངོ་རྣམས་ཕེབས་ནས། སྐུ་ཁམས་དྲི་རྩད་གནང་བ་ན། གནས་
ཚུལ་ཟུར་མ་ཞུས་པ་ན། དད་པའི་གདུང་ཤུགས་ཆེས་པས། སྤྱན་ཆབ་གཡོ་ཞིང་སྐུ་ལུས་ཟུངས་མི་ཐུབ་པ་ལྟ་བུར་གྱུར།] དེར་
འདུས་ཀུན་[ཀྱང་]སྡུག་བསྔལ་གྱིས་ནོན་ཞིང་། ཅི་བྱ་གཏོལ་མེད་དུ་གྱུར་ཏོ། །རྗེ་ཞི་བའི་ཚུལ་
བསྟན་པའི་ནུབ། བདག་གི་རྨི་ལམ་དུ་རྗེ་སྣམ་སྦྱར་གསེར་མ་ཞིག་གསོལ་བ་སྣང་སྟེ། བདག་
གིས་གོས་ཆེན་ལུ་ཧང་གི་བེར་གཅིག་ཞུས་པས། སྐུ་རྒྱབ་བསྟན་དེ་ཅུང་ཞིག་བཞུགས་འདུག
དེ་ནས་ཕྱག་འཕྲེང་ཞིག་བདག་གི་སྐེ་ལ་བསྐོན། ཕྱག་ཏུ་དྲིལ་བུ་བསྣམས། བདག་ལ་བྱིན་
བརླབས་ཤིག་མཛད[་ནས]། སྐས་ཤིན་ཏུ་རིང་བ་རྩེ་མོ་མི་མངོན་པ་ཞིག་ལ་ཡར་ཕེབས་སོང་
བ་ན་གཉིད་སད། དེ་མ་ཐག་གྲོགས་རྣམས་ལ་ཡང་སྨྲས། བླ་མ་ཆོས་དབྱིངས་སུ་གཤེགས་པ་
མིན་ན་གྲག་སྟེ་སྙམ་པ་བྱུང་། དེ་མཚམས་ཞག་གསུམ་ནས་རྗེ་ཞི་བར་གཟིམས་པའི་གཏམ་
སྐྱེལ་བ་དང་། ཐུགས་དམ་བསྐུལ་བ་དགོས་ཚུལ་རྣམས་བྱུང་། [དེ་ནས་མྱུར་དུ་འགྲོ་བསམ་ནའང་། རྗེ་
བཙུན་བླ་མའི་སྐུ་གདུང་ཞུ་ཕུལ་གྲུབ་སྣང་བས། དེ་མི་མཐོང་བྱིན། འཕྲལ་དགོངས་རྫོགས་ཞབས་ཏོག་སོགས་ལ། བདག་གར་
ཆེ་བར་མི་སྣང་བས། དེ་སྐབས་བསྙེན་མཚམས་ཀྱི་འཕྲོ་དེ་ལ་བསྡད། དེ་ཡང་རྗེ་ལ་མོས་གུས་ལ་ལྟེམ་འགྱང་བྱུང་བ་མི་དྲན་མོད། 
ཉམས་པར་མ་བཞག་པ་འགའ་ཞིག་ཏུ་བླ་མ་སོ་སོ་སྐྱེ་བོའི་དགེ་བཤེས་སུ་བལྟས་པ་དག་ཀྱང་བྱུང་སྲིད་པས། དེའི་རྟེན་འབྲེལ་དུ་
སྣང་བས། རྗེའི་སྐུ་གདུང་དེའི་ཚེ་མཐོང་བར་མ་གྱུར་ཏོ། །དེ་མཐུན་བྱང་ཚོར་ཡང་ཞུ་ཤོག་འབུལ་མི་བཏང་འདུག་ཅང་། དེ་ཉིན་
ནས་]སྡེ་པ་དང་། ཉེ་གནས་ཆེན་མོས་དགོན་གསུམ་གྱི་དགེ་འདུན་རྣམས་ལ་མང་ཇ་བསྙེན་
བཀུར་སོགས་ཀྱི་གསོལ་འདེབས་ཀྱང་གནང་། ཚེས་བཅུའི་ཐོ་རངས་ཐུགས་དམ་གྲོལ[་བ་དང་
]། བྱང་སེམས་གྱེན་དུ་གཤེགས་པའི་རྒྱུན་ཤངས་བུག་ནས་འབྱུང་བ་དང་དུས་མཉམ་དུ་དྲི་
བཟང་གིས་ཕྱོགས་ཀུན་ཏུ་ཁྱབ་ཅིང་། ས་གཡོ་བ་དང་། སྒྲ་འོད་སྣ་ཚོགས་འཕྲོ་བ་ལ་སོགས་པ་
ངོ་མཚར་བའི་ལྟས་དུ་མ་དང་བཅས་ཤིང་། འོད་གསལ་ཆོས་ཀྱི་སྐུ་ལས། ཟུང་འཇུག་གི་སྐུར་
22-1-394


བཞེངས་ཏེ་བདེ་བ་ཅན་གྱི་ཞིང་དུ་གཤེགས་སོ། །དེ་སྐབས་རྗེ་གྲུབ་པའི་དབང་ཕྱུག་བྲག་སྟོད་
ནས་ཀྱི་བཀའ་ལས། དེ་རིང་ཐོ་རངས་ནས་ཡུན་རིང་པོའི་བར་ལ། དྲི་བཟང་གི་རྒྱུན་དཔེས་
མི་མཚོན་པ་ཞིག་བྱུང་བས། རྗེའི་ཐུགས་དམ་གྲོལ་ཡོད་[་པ་ཡིན་ནམ་]ཅེས། ཞལ་ངོ་སོགས་
སྐུ་གཞོགས་སུ་བྱོན་པ་རྣམས་ལ་གསུངས་འདུག དེ་ནས་སྐུ་གདུང་རིན་པོ་ཆེ་གདུང་ཁང་དུ་
སྤྱན་དྲངས་ཏེ། [སྡེ་སྲིད་ཞལ་ངོ་སོ་སོ་དང་]དེར་འདུས་མཆོད་ཡོན་དཔོན་གཡོག་ཀུན་གྱིས་སྙན་
དར་ཞལ་ཟས། དཀར་མེ་བརྒྱ་ཕྲག་ལ་སོགས་པའི་མཆོད་པའི་ཚོགས་བསམ་གྱིས་མི་ཁྱབ་
པ་དང་བཅས་པའི་མཆོད་འབུལ་དང་། དེ་ཉིན་རང་ནས། སྐུ་གདུང་རིན་པོ་ཆེའི་དྲུང་དུ་སྡེ་པ་
ཞལ་ངོས་གཙོ་མཛད་དཔོན་གཡོག་བཅོ་ལྔ་ཙམ་གྱིས་རྣལ་འབྱོར་མའི་ཆོ་ག་དང་། ཉིན་གུང་
བླ་མཆོད་རྒྱས་པ། སྐྱེད་ཚལ་དུ་རྗེ་རིན་པོ་ཆེ་བྲག་སྟོད་ནས་དཔོན་སློབ་བཅུ་གསུམ་ཙམ་གྱིས་
བདེ་མཆོག་གི་ཆོ་ག བླ་བྲང་དུ་སྟག་སྣ་ཆོས་རྗེ། ཀུན་བློ་བ་སོགས་ཉི་ཤུ་ལྷག་ཙམ་གྱིས་ཀྱེ་
རྡོར་གྱི་ཆོ་ག་དང་། ཆོས་རྗེ་རྒྱ་བར་[ནས་]བློ་བཟང་པ་དང་། དགེ་སློང་ཚུལ་ཁྲིམས་པས་གཙོ་
བྱས་ཉི་ཤུ་ཙམ་གྱིས་བདེ་མཆོག་ནག་པོ་པའི་ཆོ་ག་དང་། ཕྱི་ལོགས་ཀྱི་སྤྱིལ་པོ་ཞིག་ཏུ། སྒྲུབ་
པ་མོ་སུམ་ཅུ་ཙམ་གྱིས་རྣལ་འབྱོར་མའི་ཆོ་ག་དང་། སྤྱོད་འཇུག འཇམ་སྡུད་བཟང་གསུམ་
འདོན་པ་དང་། དགོན་གསུམ་གྱི་དགེ་འདུན་བྱིན་གྱིས་ཕྱི་ལོགས་སུ་བླ་མ་མཆོད་པ་[རྒྱས་པ་]
མཛད་ཅིང་། དེ་དག་གི་བསྙེན་བཀུར་ཞབས་ཏོག་རྣམས་གཙོ་བོར་སྡེ་པ་ཞལ་ངོ་སོ་སོ་དང་། 
དྲུང་ཆེན་ཆེན་མོ་དང་། སྦྱིན་བདག་དད་འདུས་སོགས་ཀྱིས་ཟླ་བ་གཅིག་གི་བར། སྔ་དྲོ་རེ་རེ་
ཞིང་། འབྲས་འཇམ། མང་ཇ་གསུམ་བཞི་རེ། སྔ་གུང་གཉིས་ལ་ཞིབ་འབོ་རེ་མ། མར་ཉག་རེ་
ཙམ་དང་བཅས་པ་དང་། གཞན་ཡང་འགྱེད་དང་སྤྱི་འབུལ་ལ་སོགས་པ་བསམ་ལས་འདས་
པ་བྱུང་མོད་བགྲང་བར་མི་དཔྱོད་དོ། །དེ་ལྟར་རྒྱུན་མའི་མཆོད་འབུལ་དང་། གསོལ་འདེབས་
རྒྱས་པར་མཛད་ནས། སྔ་སོར་རྗེ་ཉིད་ཀྱི་བཀའ་སྩལ་ལྷུར་བླངས་ཏེ། ཚེས་བཅོ་ལྔའི་མཚན་
22-1-395


དུས་སུ། ཨ་ཀ་རུ་དཀར་ནག་ལ་སོགས་པའི་དྲི་ཞིམ་པོ་དང་ལྡན་པའི་བུད་ཤིང་གི་སྒྲོན་མེས། 
སྐུ་གདུང་རིན་པོ་ཆེ་ཞུགས་ལ་ཕུལ་བས། མེ་ལྕེ་དཀར་གསལ་དྭངས་པའི་[རྩེ་མོ་]གཡས་སྐོར་
དུ་འཁྱིལ་བའི་རྩེ་མོ་ལ་ནོར་བུ་རིན་པོ་ཆེ་དང་། རྡོ་རྗེ་དང་རལ་གྲི་ལ་སོགས་པ་རིགས་ལྔ་སོ་
སོའི་དབྱིབས་དང་ཁ་དོག་རྣམ་པར་མཚོན་པའི་མེ་ལྕེ་དབང་པོའི་གཞུ་ལྟར་བཀྲ་ཞིང་། མཐོང་
གའི་ཐད་ཀྱི་ནམ་མཁའ་ལ། འཇའ་ཚོན་ཁ་དོག་སྣ་ཚོགས་པ་མཐོ་བརྩེགས་ཀྱི་རྣམ་པར་
འཁོད་པའི་བར་དག་ནས། ལྷ་རྫས་མེ་ཏོག་གསར་པའི་ཆར་དཔག་ཏུ་མེད་པ་འཕུར་ལྡིང་དུ་
གཡོ་ཞིང་། ཁྱད་པར་སྐུ་གདུང་གི་ཕྱོགས་སུ་འབབ་པ་སྐལ་ལྡན་གྱི་འགྲོ་བ་དུ་མས་མཐོང་
ཞིང་། ཉེ་འཁོར་ན་ཡོད་པ་ཀུན་གྱིས། འོད་ཟེར་གྱི་འཕྲེང་བ་འཁྲིགས་པ་དང་། དྲི་བཟང་གི་
ཚོགས་ཚོར་བ་དང་། མེ་ལྕེའི་སྒྲ་ལས་གླིང་བུ་ལྟ་བུའི་སྒྲ་སྙན་ཐོས་པ་ཇི་སྙེད་བྱུང་ཞིང་། དེ་
མཐུན་དགའ་ལྡན་རྩེར་གྲྭ་པ་མང་པོས་གཟིགས་སྣང་མཐུན་པ་ལ། ཕྱོགས་ལྷོ་ནུབ་ནས་ཆར་
རྐང་རྒྱུགས་པ་འདྲ་བའི་འཇའ་འོད་དང་། མེ་ཏོག་གི་ཆར་འདྲེས་པ་ལྟ་བུའི་སྐྱ་ཤར་རེ་བ་རིམ་
པར་འགྲོ་བ་མཐོང་བས། སྐུ་གདུང་ཞུགས་ལ་འབུལ་གྱི་ཡོད་པ་འདྲ་ཟེར་གླེང་བ་བྱུང་འདུག་
ཅིང་། དེ་ལྟར་[ངོ་མཚར་བགྲང་ཡས་ཀྱི་ཡིད་འཕྲོག་པའི་ངང་ནས།] གསོལ་ཇ་འདེབས་གཅིག་ཐོན་པའི་
བར་ལ། མེ་མཆོད་ལེགས་པར་གྲུབ། མེ་སྒོ་ནས་མེ་ཐོན་པ་གྱང་ལོགས་ལ་རེག་པས། དུད་
རིས་ལ་མཆོད་རྟེན་བྱང་ཆུབ་ཆེན་པོའི་རྣམ་པ་ཤིན་ཏུ་གསལ་བར་དོད། མེ་མདངས་ཡལ་
ནས་ཀྱང་མེ་ཏོག་གི་ཆར་འབབ་པ། དེ་ན་ཡོད་པ་ཀུན་གྱིས་ཀྱང་མཐོང་། སྔ་སོར་རྗེ་ཉིད་ཀྱི་
དགོངས་པ་ལྟར་ན། སྐུ་གདུང་གདུང་ཐལ་དང་བཅས་པ་ཆབ་ལ་གདན་འདྲེན་བྱེད་དགོས་
རྒྱུ་ཡིན་ནའང་། [བསྟན་པའི་]སྦྱིན་བདག་ཆེན་པོའི་དགོངས་གཏད་བཞིན་རེ་ཞིག་བར་སྤུར་
ཁང་ཞལ་མ་ཕྱེ་བར། སྔར་གྱི་མཆོད་འབུལ་གྱི་རྒྱུན་བཞིན་ཞལ་ཟས་དང་དཀར་མེ་བརྒྱ་ཕྲག་
དུ་མ་དང་བཅས་པའི་མཆོད་སྤྲིན་དང་། གསོལ་འདེབས་ལ་བརྩོན་པར་མཛད་ཅིང་། སླར་
22-1-396


{དངོས་གཞི་ལ་[ཆོས་འཁོར་ཆེན་མོ་ལ་]རྒྱུན་ལྡན་གྱི་ཆོག་གྲྭ་ལྔའི་སྟེང་དུ། ཆ་ཞབས་དང་ཉེ་འཁོར་
གྱི་དགེ་འདུན་སུམ་སྟོང་ཙམ་ལ་ཞག་བདུན་གྱི་བར་དུ། སྡེ་པ་ཞལ་ངོ་སོ་སོ་དང་། ཉེ་གནས་
ཆེན་མོ་སོགས་ཀྱི་ཉིན་རེ་བཞིན་མང་ཇ་སྔ་ཇ་དགོང་ཇ་ཞིབ་ཁལ་ཕྱེད་རེ་དང་། མར་ཉག་དོ་
མ་དང་། རྗེ་མཉམ་མེད་ལྷ་དབང་གྲགས་པ་དང་། སྟག་སྣ་ཆོས་རྗེ་བ་ལ། བསྔོ་རྟེན་རྒྱས་པ་
རེ་དང་། དགེ་འདུན་སྤྱི་ལ་འགྱེད་བཅས་དང་། སྤྱི་འབུལ་སོགས་དང་། སྐྱེ་བོའི་ཚོགས་གྲངས་
ལས་འདས་པ་ལ་ནས་འགྱེད་དང་། དངོས་པོའི་འགྱེད་སོགས། མདོར་ན་མཆོད་འབུལ་དང་
སྦྱིན་གཏོང་བསམ་གྱིས་མི་ཁྱབ་པས་རེ་རེ་ནས་བགྲང་བར་མ་ནུས་སོ། །དེ་སྐབས་གཡས་
རུ་བྱང་ནས་བདེ་གླིང་ནང་སོ་{བཟི་འབར་[གཟི་བརྗིད་འབར་བ་]མི་སྣ་ལ་གནང་བའི་ཞལ་ངོ་སོ་
སོ་ནས་གདུང་འབུལ་འབུལ་བ་དང་། གདུང་སྐལ་ཞུ་བར་བྱུང་བ་ནས། སྤུར་ཁང་ཞལ་ཕྱེ་
ནས། [བྱང་སོགས་]སྦྱིན་བདག་སོ་སོའི་དགོངས་བཞེད་ལྟར་[འབུལ་དགོས་ཤར་བའི་ཕུད། སྡེ་སྲིད་ཀྱི་ཕྱག་
ཏུ་བཞེས་ནས། བདག་ལ་གནང་བྱུང་ཞིང་། གཞན་རྣམས་བྱང་སོགས་སྦྱིན་བདག་སོ་སོར་བྱིན་རླབས་བརྟེན་དུ་]གདུང་སྐལ་
རེ་ཕུལ་ནས་སྐུ་གདུང་{བྱིངས་[བྱིན་]རྣམས་ཟ་མ་ཏོག་ཏུ་སྤྱན་དྲངས། མཆོད་པའི་རྒྱུན་དང་
བཅས་བཞུགས་སུ་གསོལ། གདུང་ཐལ་རྣམས་སྐོལ་ཆུ་དང་མཚོ་མོ་ལ་སོགས་པའི་ཆུ་བོའི་
རྒྱུན་རྣམས་ལ་སྤྱན་དྲངས་པས། དེ་དག་ན་གནས་པའི་ཉ་ལ་སོགས་པའི་སྲོག་ཆགས་རྣམས། 
ངན་འགྲོ་དེ་ལས་ཚེ་འཕོས། བདེ་འགྲོའི་གནས་ལ་འགོད་པར་མཛད་དེ། ཉ་པ་རྣམས་ལ་ཉ་
བཟུང་རྒྱུ་མེད་པར་ལོ་དུ་མ་བྱུང་སྟེ། ངན་སོང་གི་ལམ་རྣམས་བསྐུམ། མཐོ་རིས་ཀྱི་ཆབ་སྒོ་ནི་
ཕྱེ། ཐར་པའི་ཁང་བཟངས་སུ་ནི་བཀྲི་བར་མཛད་དོ། །
འདིར་སྨྲས་པ། རྒྱལ་བ་ཀུན་གྱིས་སྐྱེད་མཛད་དེ། །བདེ་བའི་རྡོ་རྗེ་བྱང་ཆུབ་སེམས། །
འདི་ཡི་མཛད་པ་རྒྱུན་མི་འཆད། །ཕྱག་རྒྱ་གྲུབ་པའི་རྣལ་འབྱོར་ཅན། །གང་དུ་མི་གནས་
གར་མི་འགྲོ། །དེ་སྐད་རྡོ་རྗེ་འཆང་གིས་བསྟན། །མགོན་པོ་ཁྱོད་ཀྱིས་མངོན་སུམ་མཛད།  །
22-1-397

 
འདི་ལ་དཔྱད་པ་ཅི་ཞིག་འཇུག །དགེ་བ་བཅུ་ཡི་ལས་ཀྱི་ལམ། །བྱེད་པ་ཡེ་ཤེས་སྤངས་པ་
ནི། །དམན་པར་མོས་པའི་དམ་ཚིག་ཅེས། །བྱང་སེམས་རྡོ་རྗེ་དེ་སྐད་སྩལ། །བྱང་ཆུབ་སེམས་
དག་གྲུབ་པ་ལ། །འཆི་དང་སྐྱེ་བ་ཞེས་པ་མེད། །འོད་གསལ་བ་དང་རྡོ་རྗེའི་སྐུ། །ཟུང་དུ་
འཇུག་པ་ཁོ་ན་ཡིན། །སྐུ་ནི་མི་འགྱུར་འཇིག་པ་མེད། །འཕྲིན་ལས་རྒྱུན་མི་འཆད་ཅིང་རྒྱས། །
འོན་ཀྱང་གང་ལ་གང་ཕན་པ། །དེ་དེའི་ཆོ་འཕྲུལ་ཡ་མཚན་རྨད། །ཉིད་ཀྱི་ཐབས་མཁས་
འབའ་ཞིག་ལ། །གཞན་དག་ཞི་བར་བཞུགས་སོ་ཞེས། །ལོག་པར་སེམས་པར་བགྱིད་པ་
དང་། །བྱེད་འགྱུར་གང་ཡིན་ཤིན་ཏུ་ནོངས། །སྐྱེ་འཇིག་མེད་པའི་སྐུ་མཆོག་ལ། །སྐྱེ་དང་
འཇིག་དང་འགྲོ་བའི་དོན། །ཆད་དང་ཕན་པ་ཆུང་ངུ་ཞེས། །སེམས་གང་འགྱོད་པས་སོ་སོར་
བཤགས། །མགོན་ཁྱོད་མཛད་པ་ཅི་མཛད་པ། །དེ་ལས་ཡ་མཚན་ཆེ་བ་ཅི། །འགྲོ་ལ་ཕན་པ་
གཞན་ཅི་འཚལ། །དེས་མི་འགྲུབ་པའི་དོན་ཅི་ཞིག །རྒྱ་མཚོ་ཉིན་བྱེད་མགོན་ཁྱོད་ཨཀྵོ་བྷ། །
རྣམ་བཀྲའི་གཟུགས་ཀྱི་སྣ་ཚོགས་དོན་སྤྱོད་དང་། །དཔག་ཡས་སྐྱེ་བོའི་ཉེར་མཚོ་དམ་པ་སྟེ། །
འོན་ཀྱང་ཉི་ཚེ་བ་དང་ཁྱབ་བདག་ཁྱད། །
དེ་ནས་[བསྟན་པའི་]སྦྱིན་བདག་ཆེན་པོའི་དགོངས་གཏད་བསྟན་པའི་རྒྱུན་དང་། སྙིགས་
དུས་ལྷར་བཅས་འགྲོ་བའི་མཆོད་པའི་གནས་སུ་རྟེན་བཞེངས་གནང་བའི་ཞལ་བཀོད་མཛད་
དགོངས་དུས། བལ་པོའི་བཟོ་བོ་མཁས་པ་ས་ཕྱོགས་དེ་དང་ཉེ་བར་སླེབ་པ་བླ་མའི་ཐུགས་
རྗེས་དུས་འགྲིགས་ནས། ནང་རྟེན་སྐུ་ཚེ་བྱིན་རླབས་ཀྱི་མཆོད་རྟེན་དང་། ཕྱི་རྟེན་དགའ་ལྡན་
རྩེའི་བདེ་གཤེགས་མཆོད་རྟེན་བརྒྱད་ཀྱི་ཁ་སྐོང་ཆོ་འཕྲུལ་བསྟན་པའི་མཆོད་རྟེན་བཞེངས་
བའི་འགོ་ཚུགས། སྐུ་གདུང་རྣམས་ལ་ཡང་རྡོ་རྗེ་འཆང་། ཀྱེ་རྡོར། བདེ་མཆོག གཤེད་དམར། 
བཅོམ་ལྡན་འདས་གཙོ་འཁོར་གསུམ་པ། ཚེ་དཔག་མེད། མི་འཁྲུགས་པ། འཇམ་དབྱངས། 
སྤྱན་རས་གཟིགས། ཕྱག་ན་རྡོ་རྗེ། སྒྲོལ་མ། རྣམ་པར་རྒྱལ་མ་ལ་སོགས་པའི་སྐུ་དང་། ཆོས་
22-1-398


སྐུའི་རྟེན་ལ་སོགས་པའི་གདུང་ཚ་སྟོང་ཕྲག་དུ་མ་བཏབ་ནས། གསེར་ཆབ་གསོལ་ཏེ་དྲི་
བཟང་དང་། དར་གྱི་ན་བཟའ་དང་བཅས་ཟངས་ཀྱི་སྒྲོམ་བུ་མང་པོར་བཞུགས་སུ་གསོལ་
ཏེ། བཟོ་རིས་པ་རྣམས་ཀྱིས་ཀྱང་གསེར་དངུལ་ལས་གྲུབ་པའི་ནང་རྟེན་གཡུ་ལ་སོགས་པའི་
རིན་པོ་ཆེའི་རྒྱན་གྱིས་སྤྲས་པ་དང་། སྐྱེ་ཚང་དུ་རྗེ་རང་ཉིད་ཀྱི་གསེར་སྐུ་དངོས་བྱོན་ལྟ་བུ་
དང་། ཕྱི་རྟེན་ཟ་ར་ཚགས་ཆར་ཁེབས་ཏོག་བཅས་རྣམས། བར་ཆད་མེད་པར་ལེགས་པར་
གྲུབ་པའི་ནང་བཞུགས་ལ། རྗེ་ཉིད་ཀྱི་སྐུ་གདུང་ལ་རིང་བསྲེལ་ཁ་དོག་སྣ་ལྔ་པའི་རིགས་དུ་
མ་ཞིག་བྱོན་པའི་ཁ་ཅིག་སྐུ་འདྲའི་ནང་བཞུགས་དང་། ཁ་ཅིག་སངས་རྒྱས་ཀྱི་འཕེལ་གདུང་
དང་བཅས་པ་དངུལ་གྱི་གའུའི་ནང་དུ་དྲི་བཟང་གི་ཕུར་མ་ལྷ་རྫས་ཀྱི་ན་བཟའ་དང་བཅས་པ་
ནང་རྟེན་གྱི་ཏོག་གི་ནང་དུ་བཞུགས། རྗེ་བཙུན་གོང་མ་རྣམས་ཀྱི་བྱིན་རླབས་རྟེན་དང་། བུམ་
ལྡིར་ལ་སོགས་པར། རྗེ་ཉིད་ཀྱི་གདུང་ཚའི་ཟ་མ་ཏོག་རྣམས་དང་། སྟོན་པ་སངས་རྒྱས་ལ་
སོགས་པའི་སྐུ་བྱིན་རླབས་ཅན་དུ་མ་དང་། མདོ་རྒྱུད་དང་འབྲེལ་བའི་གཟུངས་སྔགས་བསམ་
གྱིས་མི་ཁྱབ་པ་དང་། རྒྱུད་ལ་སོགས་པའི་གླེགས་བམ་དུ་མ་དང་། དབུ་རྒྱན་དང་ཕྱག་དྲིལ་
ལ་སོགས་པའི་དབང་རྫས་ཀྱི་རིགས་ཆ་ཚང་དང་། སྣམ་སྦྱར་ལ་སོགས་པའི་ན་བཟའ་དང་། 
 གསོལ་ལྷུང་དང་ཞལ་དཀར་སོགས་གསོལ་སྤྱད་རྣམས་མཆོད་པའི་ཡོ་བྱད་རྣམས་ཀྱིས་
བཀང་བ། དེ་དག་གི་མཐའ་སྐོར་དུ་མཆོད་པ་རྣམ་པ་ལྔ་ལ་སོགས་པ་མཆོད་པའི་བྱེ་བྲག་དུ་
མས་སྐོར་ཞིང་། གནོད་སྦྱིན་ཕོ་འཁོར་མོ་འཁོར་གསེར་གྱིས་བྲིས་ཏེ་ཟངས་ཀྱི་ག་འུར་མཆོད་
རྫས་དུ་མ་དང་བཅས་ཏེ་བཞུགས། མདོར་ན་ཕྱི་རྟེན་དང་། ནང་རྟེན་གྱི་ནང་བཞུགས་རྣམས་
རྒྱས་པར་དཀར་ཆག་ཏུ་གསལ་བ་རྣམས་དང་བཅས་ལེགས་པར་གྲུབ་ནས། ཧོར་ཟླ་བཅུ་
པའི་ཚེས་བདུན་གྱི་ཉིན། དུས་ཚེས་གཟའ་སྐར་ཤིས་པ་ལ། བདག་གིས་{རབ་གནས་[བཅོམ་
ལྡན་འདས་འཁོར་ལོ་སྡོམ་པའི་དཀྱིལ་འཁོར་གྱི་ཆོ་ག་ལ་བརྟེན་ནས་]སྟ་གོན་དང་ཚེས་བརྒྱད་ལ་དངོས་གཞི་
22-1-399


{བགྱིས་ཤིང་། དྲུང་ཆེན་ནས་རབ་ཡོན། དགའ་སྟོན་བཟང་པོ་དང་། ཡོན་རྫོང་གསེར་ཞོ་
ཉིས་བརྒྱའི་རྩིས་སོགས་དཔེ་བྲལ་དང་སྡེ་པས་ཀྱང་བཟོ་བོ་རྣམས་ལ་གནང་སྦྱིན་ཚད་མེད་
དང་། [རབ་གནས་རྒྱས་པ། དབང་བསྐུར་བརྟན་བཞུགས། སྔགས་ཀྱི་མངའ་དབུལ། པཎ་གྲུབ་ཀྱི་ཕྱག་ལེན་བཞིན་བྱས་
ཤིང་། དགའ་སྟོན་གྱི་ཚེ་བསྟན་པའི་སྦྱིན་བདག་ཆེན་པོ་ཆོས་ཀྱི་རྒྱལ་པོས། དངོས་ཅག་ལ་གནང་སྦྱིན་གྱི་རྣམ་གཞག་རྒྱ་ཆེན་པོ་
དང་། ཉེ་གནས་ཆེན་མོས་ཀྱང་། བདག་ལ་དགུ་ཚན་གསུམ་གྱི་གནང་སྦྱིན་དང་། མཁས་པའི་དབང་པོ་རིན་པོ་ཆེ་བསམ་སྡིངས་
ནས་དང་། བསྟན་པའི་སྦྱིན་བདག་ཞལ་ངོ་སོ་སོར་ཡང་འབུལ་ཆས་དང་། བལ་པོ་བཟོ་བོ་གསུམ་ལ། གོས་སས་ཆ་ཚང་སོགས་
བདུན་ཚན་རེ་དང་། སྤྱི་མར་རྫོང་ང་ལ་གསེར་ཞོ་ཉིས་བརྒྱའི་འགོངས་ཀྱི་གནང་སྦྱིན་དང་། བོད་པ་བཟོ་བོ་རྣམས་ལ་ཡང་སོ་སོར་
གནང་སྦྱིན་གཟབ་པའི་མགུ་བ་བསྐྱེད། དེ་མཐུན་སྡེ་སྲིད་ནས་ཀྱང་བཟོ་བོ་རྣམས་ལ་གནང་སྦྱིན་ཚད་མེད་ཀྱང་གནང་།] དཔོན་
གཡོག་སོ་སོ་ནས། དགེ་འདུན་འདུས་པའི་ཚོགས་ལ་རབ་སྟོན་གྱི་མང་ཇ། {ཚ་[ཚབ་]ར། སྤྱི་
འབུལ་སོགས། རབ་སྟོན་གཟབ་རྒྱས་སུ་གནང་ཞིང་། དེ་དུས་ལྷ་རྫས་ཀྱི་མེ་ཏོག་འབབ་པ་ལ་
སོགས་པ་དགེ་མཚན་གྱི་ལྟས་དུ་མ་དང་བཅས་ཤིང་། དེ་ལྟར་སྐུ་གདུང་ཡིད་བཞིན་གྱི་ནོར་བུ་
འདི་ཉིད་ལྷ་བཅས་འགྲོ་བ་ཀུན་གྱི་དཔལ་དུ་མཆོད་པའི་ཡོ་བྱད་རྒྱུན་མི་འཆད་པ་དང་བཅས་
ཏེ་བཞུགས། སྐུ་གདུང་དྲིལ་བའི་སྤུར་རས་ལ་ཡང་། ལམ་འབྲས། བདེ་མཆོག གཤེད་དམར་
རྣམས་ཀྱི་བླ་མ་བརྒྱུད་པའི་སྐུ་བརྙན་གྱི་བྲིས་སྐུའི་ཚོགས་རྣམས་གོང་ཤམ་ཞལ་ཁེབས་ཤིན་
ཏུ་གཟབ་པ། གཟིམས་མལ་སྐུ་འདྲ། བརྒྱུད་པའི་བླ་མའི་ཚོགས་ཀྱི་སྣང་བརྙན་དང་བཅས་པ་
ལེགས་པར་གྲུབ་པ་རྣམས་ཀྱང་རབ་ཏུ་གནས་པ་སོགས་ལེགས་ཤིང་། བྱིན་རླབས་ཀྱི་གཟི་
བྱིན་རྒྱས་ཤིང་ཤིན་ཏུ་བཀྲ་ཤིས་པས། ས་གསུམ་དུ་དགེ་ལེགས་ཕུན་སུམ་ཚོགས་པ། ཕན་
པ་དང་བདེ་བའི་རང་བཞིན་གོང་ནས་གོང་དུ་འཕེལ་བར་མཛད་པའོ། །[མཛད་པ་རྒྱུན་མི་འཆད་པའི་
གཏམ་གྱི་སརྒ་སྟེ་བརྒྱད་པའོ།། །།]
འདིར་སྨྲས་པ། གང་ཞིག་ཤཱཀྱ་སེང་གེ་མི་ཕམ་མགོན། །འཇམ་དཔལ་ཀུན་ཏུ་བཟང་དང་
22-1-400


རྡོ་རྗེ་འཛིན། །འཇིག་རྟེན་མགོན་གྱི་རྣམ་ཐར་གང་ཤེས་པ། །དེ་ཡིས་མགོན་ཁྱོད་རྣམ་ཐར་
རྩི་བར་རུང་། །ཕྱོགས་གྲོལ་མཇལ་བར་མོས་པའི་རྭ་གཉིས་པ། །མི་འཛངས་གང་དེ་ཕྱོགས་
བཅུར་འཕུར་ཞིང་དུབ། །བསམ་གྱིས་མི་ཁྱབ་གནས་ལ་ང་རྒྱལ་གྱིས། །རྩོལ་བྱེད་གང་དེ་ངལ་
བ་འབྲས་མེད་ཉིད། །འོན་ཀྱང་འདིར་འབད་ང་རྒྱལ་གྱིས་མིན་ཏེ། །གྲོགས་མཆོག་དམ་པས་
ཡོངས་སུ་བསྐུལ་བ་དང་། །གཞན་དུ་དད་པའི་གསོས་སུ་འགྱུར་སྙམ་ནས། །འདིར་ནི་ཆ་ཤས་
ཙམ་ཞིག་བརྗོད་པར་བྱས། །དེ་ལྟར་རྗེ་བཙུན་མཆོག་གི་རྣམ་ཐར་ཅུང་ཟད་བརྗོད་པ་ལས། །
བསོད་ནམས་གང་ཐོབ་དེ་ཡིས་ནམ་ཡང་བླ་མར་མི་འབྲལ་གུས་བགྱིད་ཅིང་། །བདག་ཅག་
བླ་མེད་བྱང་ཆུབ་མྱུར་དུ་ཐོབ་ནས་སེམས་ཅན་ཕན་བགྱིད་ཅིང་། །འདི་ཉིད་བསྐུལ་ལ་སྲིད་
གསུམ་ཕུན་ཚོགས་ཐར་པར་བཅས་པ་འབྱུང་གྱུར་ཅིག །གང་ཞིག་བླ་མའི་ཡེ་ཤེས་གཟིགས་
པ་ནི། །ལུས་པ་མེད་པའི་འགྲོ་ལ་ཅིག་ཅར་འཇུག །བདག་གིས་འགྲོ་ཀུན་བླ་མའི་ཞབས་དྲུང་
དུ། །རྡོ་རྗེ་འཆང་དབང་གནས་ལ་འགོད་པར་ཤོག ། 
ཅེས་པ་རྗེ་བཙུན་བླ་མ་དམ་པ་རྡོ་རྗེ་འཆང་ཆེན་པོ་ཕྱོགས་ཐམས་ཅད་ལས་རྣམ་པར་
རྒྱལ་བ་དོན་གྱི་སླད་དུ་མཚན་ནས་སྨོས་ཏེ་ཀུན་དགའ་རྒྱལ་མཚན་དཔལ་བཟང་པོའི་ཞལ་སྔ་
ནས་ཀྱི་རྣམ་པར་ཐར་པ་[དགེ་ལེགས་ཀུན་གྱི་འབྱུང་གནས་]དད་པའི་རྒྱ་མཚོ་ཞེས་བྱ་བ་འདི་[ནི། རྗེ་དམ་
པ་དེ་ཉིད་ཀྱིས་བྱིན་གྱིས་བརླབས་པ། ལྷན་ཅིག་གནས་པའི་ཚུལ་གྱིས་ཞབས་པད་ཡུན་རིང་དུ་བརྟེན་པ། དགེ་སློང་ཆོས་སྐྱོང་ཡེ་
ཤེས་ཞེས་བྱ་བས་སྐུལ་བ་པོ་བྱས་ཤིང་། དཔལ་ས་ལ་སྤྱོད་པའི་དབང་ཕྱུག་ཆོས་བཞིན་པ་ངག་དབང་ཕྱོགས་ལས་རྣམ་རྒྱལ་གྱི་
བཀའ་ཡིས་བསྐུལ་ཏེ། རྗེ་འདི་ཉིད་ལ་བཀའ་དྲིན་གསུམ་ལྡན་དུ་མནོས་པའི་རྒྱལ་ཁམས་ཀྱི་རྣལ་འབྱོར་པ་ཀུན་དགའ་སྙིང་པོ་
བཀྲ་ཤིས་རྒྱལ་མཚན་དཔལ་བཟང་པོ་ཞེས་བྱ་བ། མིང་གཞན་ཏཱ་ར་ནཱ་ཐས་]སྔར་རང་ལོ་ཉེར་ལྔ་པ་ལ་{སྦྱར་བ་
ལས་ཕྱིས་ཚིག་ཚོགས་བདེ་བར་བྱས་པ་དེ། རྒྱལ་ཁམས་པ་ཏཱ་ར་ནཱ་ཐས་སྨྲས་པའོ།། །།[མཁས་
གྲུབ་དུ་མས་བྱིན་གྱིས་བརླབས་པའི་གནས། དཔལ་གཏིང་ཁེབས་ཀྱི་ཆོས་གྲྭར་སྡེབས་པ་ལས། སླར་ཡང་རིའི་དབང་པོ་མཁའ་
22-1-401


རག་གིས་ཕྱོགས་སུ་འབྲི་ཞུས་ཅུང་ཟད་བྱས་ཤིང་། ཚིགས་བཅད་རྣམས་ཀྱང་སྦྱར་བའོ།། །། 
༈ ༀ་སྭ་སྟི། རྒྱལ་ཀུན་ཡེ་ཤེས་སྤྱི་གཟུགས་འོད་སྟོང་ཅན། །དགའ་བཞིའི་དཔལ་གྱིས་འཁྱུད་པའི་ཟུང་འཇུག་སྐུ། །ཤར་
རིའི་རྒྱལ་མཚན་རྩེ་ལ་རོལ་རྩེད་མཁན། །དཔལ་ལྡན་སྐལ་བཟང་པདྨོའི་གཉེན་གཅིག་རྒྱལ། །འཇམ་དབྱངས་ཞལ་གྱི་བདུད་
རྩིའི་བུམ་བཟང་ལས། །འགྲོ་ཀུན་དགའ་བའི་དམ་ཆོས་སྙིང་པོའི་བཅུད། །བཀྲ་ཤིས་རྒྱལ་མཚན་མཆོག་གི་སྐྱེས་ཐོབ་པ། །དཔལ་
ཡོན་བཟང་པོ་སྩོལ་མཁས་ཕྱག་གི་གནས། །རྗེ་བཙུན་ཁྱབ་བདག་འཁོར་ལོའི་མགོན་གང་གི །རྣམ་ཐར་དགེ་ལེགས་ཀུན་གྱི་
འབྱུང་གནས་འདི། །ཐམས་ཅད་མཁྱེན་པའི་གསུང་རབ་ལ་འཁོད་ཚེ། །གཏིང་ཁེབས་མཁར་ཆེན་ཞེས་བྱའི་རྒྱལ་ས་ཆེར། །འཇིག་
རྟེན་དབང་ཕྱུག་ཆོས་རྒྱལ་ཟླ་བའི་གཟུགས། །ངག་གི་དབང་པོ་ཕྱོགས་ལས་རྣམ་རྒྱལ་གྱིས། །ཀུན་ལ་སྙོམས་པའི་ཕན་དགོངས་
འོད་རིས་ཅན། །མཁྱེན་ཡངས་ནམ་མཁའི་ངོས་ལ་གསལ་བར་བྱོན། །ཡ་མཚན་མཛད་པའི་རི་མོ་མ་ཉམས་ཤིང་། །ཐུགས་བསྐྱེད་
འཆི་མེད་ལམ་ལས་མ་ལྷུང་པར། །སྐལ་ལྡན་མང་པོའི་བློ་ཡི་གདུང་སེལ་སྨན། །རྣམ་ཐར་པར་གྱི་ཡང་རྩེ་འགོད་དགོངས་ཀྱང་། །
འདུ་བྱེད་མཁས་པའི་རྩེར་ཕྱིན་མ་དམིགས་མོད། །འོན་ཀྱང་འཇམ་མགོན་རྣམ་ཐར་དབྱར་སྐྱེས་རྔ་། །ཐོས་པའི་མོད་ལ་དད་ལྡན་
གཙུག་ཕུད་ཅན། །དགའ་བདེའི་ཟློས་གར་བསྒྱུར་བ་མང་ཞིག་ལ། །མི་ཟད་གླེགས་བམ་བསྐྲུན་པའི་མ་མ་འདིའི། །ཡེ་གེར་འདྲི་པོ་
མགོན་པོ་དབང་ཕྱུག་སྟེ། །དག་བྱེད་རྒྱ་བར་ཆོས་རྗེའི་དྲུང་སོགས་གསུམ། །པར་མཁན་རྒྱ་མཚོ་ལ་སོགས་གསུམ་གྱིས་རྐོས། །དེ་
ཚེ་འཚོ་བྱེད་ཅེས་བྱའི་མོས་ལྡན་དེས། །གཡེལ་མེད་པར་འདིའི་དོ་དམ་ཅི་ཡང་བྱས། །མཐུན་རྐྱེན་དགོས་དགུའི་ཡོ་བྱད་མ་ལུས་
པ། །ཆོས་རྒྱལ་ཡབ་ཡུམ་སྦྱིན་པའི་ཆུ་བོ་བརྒྱས། །རྐོས་མཁན་རེ་བའི་མཚོ་ཆེན་མ་བཀངས་མེད། །གཞན་ཡང་པར་འདིའི་ཕྱིར་
དུ་ལུས་ངག་ཡིད། །འབད་པས་ངལ་བ་བརྟེན་པ་མང་ཞིག་ཡོད། །ཀུན་ཀྱང་བླ་མེད་བྱང་ཆུབ་མྱུར་རེག་ཤོག །ཁྱད་པར་ས་སྐྱོང་
སྲས་དང་དེ་ཡུམ་བཅས། །མི་མཐུན་ཉེར་འཚོའི་རླུང་གིས་མི་གཡོ་ཞིང་། །དཔལ་འབྱོར་རྒྱ་མཚོའི་དཔལ་ལ་སྤྱོད་བཞིན་དུ། །སྐུ་ཚེ་
བརྟན་ཞིང་འཕེལ་བའི་བཀྲ་ཤིས་སྤྱོན།། །།མངྒ་ལཾ་ཀུརྦྷནྟུ།། 
22-1-402


(མ་ཡིག་འབྲས་གནས་བཅུ་དཔེ་རྙིང་༼ཕྱི་ར་༡༤༤༽བྲིས་མ་དང་། གདོང་རྟགས་མེད་པའི་གཙང་གི་པར་རྙིང་གཉིས་ཡིན་
དཔེ་གཉིས་སྔ་ཕྱིར་མང་པོ་ཞིག་རྣམ་ཐར་ས་བོན་ལ་འཕྲི་སྣོན་བྱས་པའི་རྐྱེན་ཀྱིས་ཚིག་ཚོགས་མང་ཉུང་ཡོད་པས་ན། ད་ལན་དཔེ་
བསྡུར་བྱས་ནས་བྲིས་མ་གཙོ་བོར་བསྟུན། དེའི་ནང་གི་ཚིག་ལྷག་རྣམས་ཀོར་རྟགས་ནང་དུ་བཙུད་མེད། པར་མ་ཀོར་རྟགས་ནང་
བཙུད་དེ་ཡིག་གཟུགས་ཆུང་བར་བྱས་ཡོད། དཔེ་གཉིས་མ་མཐུན་པ་རྣམས་{ [ ]ཀོར་རྟགས་སྔ་མ་དབུ་མེད་བྲིས་མ་དང་། ཕྱི་
མ་པར་མ་ཡིན་པ་དགོངས་མངའ་ཞུ།)
22-1-403


༄༅། །དཔལ་དུས་ཀྱི་འཁོར་ལོའི་རྒྱུད་ཀྱི་སྙིང་པོ་བཞུགས། 
༄༅། །རྒྱ་གར་སྐད་དུ། པ་ར་མ་ཨཱ་དི་བུད་དྷོད་དྷྲ་ཏ་ཤྲཱི་ཀཱ་ལ་ཙཀྲ་ཧྲི་ད་ཡ་ནཱ་མ་ཏན་ཏྲ་
རཱ་ཛ། བོད་སྐད་དུ། མཆོག་གི་དང་པོའི་སངས་རྒྱས་ལས་ཕྱུང་བ་རྒྱུད་ཀྱི་རྒྱལ་པོ་དཔལ་དུས་
ཀྱི་འཁོར་ལོའི་སྙིང་པོ་ཞེས་བྱ་བ། དཔལ་དུས་ཀྱི་འཁོར་ལོ་ལ་ཕྱག་འཚལ་ལོ། །
ཐམས་ཅད་མཁྱེན་པ་ཡེ་ཤེས་སྐུ་དང་ཉིན་མོར་བྱེད་པའི་སྐུ་སྟེ་པདྨའི་འདབ་མ་རྒྱས་པའི་
སྤྱན། །སངས་རྒྱས་སེང་གེའི་ཁྲིར་བཞུགས་ལྷ་ཡི་མཆོག་རྣམས་ཀྱིས་ནི་བཏུད་ལ་རྒྱལ་པོ་ཟླ་
བ་བཟང་པོ་ཡི། །མགོན་བོས་རབ་ཏུ་ཕྱག་འཚལ་ལག་པའི་པདྨ་སྦྱར་བ་ཡན་ལག་མཆོག་ལ་
བཞག་ནས་ཞུས་པ་ནི། །རྣལ་འབྱོར་དཔལ་ལྡན་དུས་འཁོར་ཀ་ཕྲེང་ལྡན་པའི་ཨ་འདུས་སུ་སྟེ་
མི་རྣམས་དགྲོལ་བའི་དོན་དུའོ། །སྟོང་པ་ཡེ་ཤེས་ཀྱང་སྟེ་ཐིག་ལེ་མཆོག་དང་རྡོ་རྗེ་འཛིན་པ་
སངས་རྒྱས་ལྷ་དང་ལྷ་མིན་ཡང༌། །ཕྱི་དང་ལུས་དང་གཞན་ལ་ཡང་སྟེ་རང་བཞིན་རྣམས་དང་
སྐྱེས་བུ་ཉི་ཤུ་ལྔ་པའི་བདག་ཉིད་དང༌། །ལུས་ལ་སྣ་ཚོགས་ཚད་དང་སྲིད་པ་གསུམ་གྱི་བཀོད་
པ་ལྷ་དང་ལྷ་མིན་རྣམས་ཀྱི་ལོངས་སྤྱོད་དང༌། །དཀྱིལ་འཁོར་དང་ནི་དབང་སྟེ་སྐབས་གསུམ་
པ་དང་མི་ཡི་བླ་མ་འདི་རྣམས་ཡང་དག་བཤད་དུ་གསོལ། །ཟླ་བ་བཟང་པོ་ཁྱོད་ལ་བདག་
མགུ་གང་ཞིག་ཁྱོད་ཀྱིས་དྲིས་པ་འདི་ནི་རབ་མཆོག་ལྷ་རྣམས་དང༌། །མི་དང་སྲིན་པོ་ལྷ་མིན་
ཀླུ་དང་ཆགས་བྲལ་ཐུབ་མཆོག་རིགས་རྣམས་དག་གིས་ཤེས་པ་མིན་པས་སོ། །མྱ་ངན་འདས་
པ་ལ་སོགས་འཛིན་མའི་མཐར་ཐུག་ཚིག་གི་བགྲོད་པ་དང་བཅས་སྦྱོར་བ་མཐའ་དག་ནི། །
ལུས་དབུས་སུ་སྟེ་དཀྱིལ་འཁོར་དག་དང་དབང་ནི་བཤད་པར་བྱ་ཡི་མི་ཡི་བདག་པོ་བཟང་
22-1-404


པོ་ཉོན། །དུས་ཀྱིས་སྟོང་པ་རྣམས་ལས་རླུང་དང་འབར་བྱེད་ཆུ་དང་འཛིན་མ་གླིང་དང་རི་བོ་
རྒྱ་མཚོ་དང༌། །རྒྱུ་སྐར་དང་ནི་ཉི་ཟླ་སྐར་མ་གཟའ་ཡི་ཚོགས་དང་དྲང་སྲོང་ལྷ་དང་འབྱུང་པོ་ཀླུ་
རྣམས་དང༌། །དུད་འགྲོ་སྐྱེ་གནས་རྣམ་པ་བཞི་དང་སྣ་ཚོགས་ས་དང་འོག་ཏུ་མི་རྣམས་དང་ནི་
དམྱལ་བ་ཡང༌། །སྟོང་པའི་དབུས་སུ་ཡང་དག་འབྱུང་སྟེ་ཆུ་ལ་ལན་ཚྭ་དང་ནི་སྒོང་ངའི་དབུས་
སུ་སྒོང་སྐྱེས་བཞིན། །སྐུ་དང་ཡེ་ཤེས་ནམ་མཁའ་དང་ནི་རླུང་དང་མེ་དང་ཆུ་དང་ས་དང་
བརྟན་དང་གཡོ་བ་དང༌། །ལྷ་ནི་མཐོང་བ་སྐྱེད་མིན་དག་དང་སྲིད་པ་རྣམ་བཅུར་གསུངས་པ་
རྡོ་རྗེ་ཡི་ནི་སྐུ་དག་ལས། །སྔགས་ཀྱི་སྐྱེ་གནས་དག་ནི་འབྱུང་བར་འགྱུར་ཞིང་མི་ཡི་བདག་པོ་
སླར་ཡང་འདི་ཉིད་དུ་གྲོལ་ཏེ། །དེ་ལྟར་གང་གིས་ཡང་དག་རིག་པ་དེ་ནི་ཕྱུགས་མིན་སེམས་
ཀྱི་ཀུན་ཏུ་རྟོག་པ་དག་ལས་གྲོལ། །གཡོན་གྱི་ཡན་ལག་ཏུ་ནི་དཀར་པོ་འབར་བ་འགྲོ་བའི་
བདུད་རྩིའི་ཆ་དང་གཡས་སུ་དམར་པོའི་མདོག །སྒྲ་གཅན་དུས་མེ་ཟླ་བ་ཉི་མ་རི་བོང་ཅན་གྱི་
བུ་དང་ས་སྐྱེས་དཀར་པོ་བླ་མ་དང༌། །མཇུག་རིངས་དམན་པ་ཆར་དང་གློག་དང་ཆུ་དང་རྩེ་མོ་
ཅན་ཏེ་འབར་བ་རྣམས་ནི་ཟུང་བདུན་པོ། །འཇིག་རྟེན་ལ་ནི་གནས་པ་ཉིད་དེ་མུན་པ་མེད་པ་
ཟུང་གཅིག་དག་ནི་མུན་པའི་མཐའ་ལའོ། །རྒྱབ་ཏུ་སེར་པོ་ཡང་ནི་སྐར་མ་ལྷ་གཞུ་ས་སྟེ་དེ་ནི་
རྣམ་བཞི་གཉིས་ཀྱི་དབྱེ་བས་སོ། །སྲོག་ཅེས་བྱ་བ་གཅིག་པུའི་རླུང་ནི་རྣམ་བཅུར་འགྱུར་ཏེ་སྤྱི་
བོ་རྩ་བ་དག་དང་མདུན་དུའོ། །དབུས་ཀྱི་རྡོ་རྗེའི་སྟེང་དུ་ས་བོན་རང་གི་ནུས་པ་ཡོན་ཏན་
ཚོགས་དང་བཅས་པ་འོག་ཏུ་གནས། །ཀུན་ཏུ་ཡེ་ཤེས་དང་ནི་སྟོང་པའོ་ཞི་བ་གནས་དང་
བཅས་པ་དངོས་པོ་ཀུན་གྱིས་རྣམ་པར་གྲོལ། །ཨཱ་སོགས་སུམ་ཅུའི་དབྱངས་གང་ཧ་ཡ་ར་ཝ་
ལར་ལྡན་དེ་རྣམས་ཟླ་བའི་ཆ་དང་ཉིན་བྱེད་ཀྱང༌། །ཀཱ་སོགས་སྡེ་རྣམས་དབྱངས་དང་བཅས་
པ་ཉིན་ཞག་སྟོང་པ་དྲུག་དང་མེ་ཡི་ཚད་ཀྱིས་སྦྱོད་པར་བྱེད། །ཧ་སོགས་དབྱངས་རྣམས་དག་
ཀྱང་ཆུ་ཚོད་ལྷ་མི་གདེང་ཅན་འབྱུང་པོའི་སྐྱེ་གནས་རྣམས་ཀྱང་སྔགས་ཞེས་པ། །ཨཱ་སོགས་ཀཱ་
22-1-405


སོགས་ལྡན་པ་དག་ལས་དེ་ལྟར་ཁམས་གསུམ་དག་ནི་ངེས་པར་སྐྱེད་འགྱུར་མི་ཡི་བདག །
དབྱངས་ནི་ཀ་ཙ་ཌ་པ་ཏར་ལྡན་ྈྐ་་ལ་སོགས་པ་ཡང་དག་སྦྱར་བ་རྣམས་ཀྱི་སྐྱེ་བའི་གནས། །
མགྲིན་རྐན་སྟེང་གི་ཆ་ནི་མཁའ་རླུང་བསྲེག་བྱ་ལས་སྐྱེས་མཆུ་དང་སོ་ནི་ཆུ་དང་ས་དག་གོ ། 
ཨཱ་སོགས་རྣམས་ནི་གཙུག་ཏོར་འཁོར་ལོ་སྙིང་ཁ་མགྲིན་པ་སྤྱི་བོ་ལྟེ་བའི་འཁོར་ལོར་རིམ་
པས་ཏེ། །སྣ་ཚོགས་ནག་དམར་རི་བོང་ཅན་དང་གསེར་འདྲ་ཕུང་པོ་ཁམས་ཀྱི་ལྷག་པའི་ལྷ་
དང་ལྡན་པ་ལའོ། །རླུང་གི་མཐའ་ནས་ལྷུན་པོའི་མཚམས་སུ་དམྱལ་བ་དང་ནི་གདེངས་ཅན་
གྲོང་ལ་དཔག་ཚང་འབུམ་ཕྲག་གཉིས། །ལྷུན་པོའི་ཚད་ནི་འབུམ་ཕྲག་གཅིག་སྟེ་གཟའ་ཡི་
ཚོགས་ཀྱི་གནས་ནས་སྟོང་ཕྲག་དག་ནི་ཉི་ཤུ་ལྔ། །མགྲིན་པའོ་གདོང་ལ་ལྔ་བཅུ་བརྟན་པའི་
གནས་ནི་གཡོ་མེད་དག་ལ་དེ་བཞིན་ཉིད་དུ་ཉི་ཤུ་ལྔ། །དེ་ཡི་ཕྱི་རོལ་སྟོང་པ་གཅིག་པུ་སྲིད་པ་
གསུམ་བྲལ་ཡོན་ཏན་མེད་ཅིང་དེ་ཉིད་ཀྱིས་དམན་པའོ། །རླུང་གི་མཐའ་ནས་རླུང་གི་
མཚམས་དང་བརྟན་པ་འཛིན་མའི་གཞི་ལ་གླིང་དང་རི་དང་རྒྱ་མཚོ་རྣམས། །བཞི་ཕྱེད་འབུམ་
ཕྲག་གཉིས་ཏེ་རྩེ་མོ་ཅན་དང་གཡོ་བའི་དཀྱིལ་འཁོར་དཔག་ཚད་དག་ནི་འབུམ་ཕྲག་གཉིས། །
དབུས་ན་ལྷུན་པོ་གང་གི་སྟེང་དུ་ཁྱིམ་གྱི་འཁོར་ལོ་སྐར་བཅས་ཉིན་དང་མཚན་མོར་འཁོར་
བ་སྟེ། །ཆ་དྲུག་ལ་ནི་འབུམ་ཕྲག་གཉིས་གཉིས་སྲིད་གསུམ་མཐའ་དག་དུས་ཀྱི་སྦྱོར་བ་དག་
ལས་རབ་ཏུ་སྐྱེས། །འཇིག་རྟེན་ཁམས་ཀྱི་ཀུན་ནས་ཁོར་ཡུག་ཏུ་ནི་ཐད་ཀའི་ཚད་ཀྱི་སུམ་
འགྱུར་དུ་ཡང་འགྱུར་བ་སྟེ། །ས་ཡི་ཁོར་ཡུག་འབུམ་ཕྲག་གསུམ་དང་ཆུ་མེ་རླུང་རྣམས་ཀྱི་ནི་
དྲུག་དགུ་ཉི་མ་རིམ་པས་སོ། །མི་ཡི་དབང་པོ་ཕྱི་རོལ་སྲིད་པ་གསུམ་གྱི་གནས་ལ་དཔག་ཚད་
འབུམ་ཕྲག་གཅིག་ཉིད་གང་ཡིན་པ། །དེ་ནི་ས་ཡི་སྟེང་གི་གནས་སུ་ལུས་ལ་རང་རང་དག་གི་
ཚད་ཀྱིས་ཡང་དག་ཁྲུ་གང་ངོ༌། །ཕྲ་རབ་བརྒྱད་རྣམས་ཀྱིས་ནི་ཕྲ་མོ་འདི་གཅིག་ཕྲ་མོ་བརྒྱད་
ཀྱིས་སྐྲ་ཡི་རྩེ་མོ་ཕྲ་མོ་སྟེ། །འདི་རྣམས་ཀྱིས་ནི་སྐེ་ཚེ་ཤིག་དང་ནས་ཏེ་ལྟོས་འགྲོ་ནས་ཀྱིས་
22-1-406


སོར་དང་སོར་མོ་ཉི་མ་ནི། །ཟུང་གིས་ཁྲུའོ་ཁྲུ་བཞིས་གཞུ་སྟེ་འདིར་ནི་སྟོང་ཕྲག་གཉིས་ཀྱི་
གཞུ་ཡིས་རྒྱང་གྲགས་དག་ཏུ་འགྱུར། །རྒྱང་གྲགས་བཞི་རྣམས་ཀྱིས་ནི་དཔག་ཚད་དེ་ཡིས་ལྷ་
ཡུལ་ས་དང་ནམ་མཁའ་དག་ལ་ཚད་ཡིན་ནོ། །དང་པོར་ཆོས་བཟང་བསྐལ་པ་ཟུང་ནི་ཟུང་
དང་ལྡན་པ་དག་སྟེ་ཚངས་དང་འཇིག་རྟེན་འདས་པ་དང༌། །དཔལ་གྱི་བསྐལ་པ་དཀར་པོའི་
བསྐལ་པ་ཡང་སྟེ་ཤིན་ཏུ་དབང་བསྒྱུར་གནས་ནས་འདོད་པ་བཅུ་གཅིག་གོ །གཟུགས་མེད་
དག་ནི་ཨཱ་སོགས་བཞི་པོ་ཧ་འཁྲིག་བྲལ་བ་རྣམས་ཏེ་ཨི་ལ་སོགས་པ་བཅུ་དྲུག་གཟུགས། །ཧ་
སོགས་ལ་མཐའ་ཡང་ནི་འདོད་པ་རྣམ་བཅུར་རབ་ཏུ་གསལ་ཏེ་གསལ་བྱེད་གཅིག་པ་ཀ་སའོ། །
སྲིད་པ་སུམ་ཅུ་རྩ་གཅིག་རྣམས་ཀྱིས་འདིར་ནི་སྲིད་གསུམ་དུ་འགྱུར་ཁམས་ཀྱི་དབྱེ་བས་
ཁམས་གསུམ་མོ། །སྲིད་གསུམ་མ་ལུས་འདི་ཡང་རྡོ་རྗེ་གསུམ་དུ་འགྱུར་ཏེ་ཨཱ་སོགས་ཀཱ་
སོགས་རབ་ཏུ་དབྱེ་བས་སོ། །རིན་ཆེན་སྣང་ནས་གསེག་མའི་ཆུ་ནི་དམྱལ་བར་ངེས་པར་
བརྗོད་དེ་བྱེ་མའི་ཆུ་ནི་གཉིས་པའོ། །འདམ་གྱི་ཆུ་དང་མི་བཟད་དུ་བ་དག་དང་མེ་དང་མུན་པ་
དང་ནི་ངུ་འབོད་བདུན་པ་དང༌། །ལན་ཚྭ་ཆང་དང་ཆུ་དང་འོ་མ་ཞོ་དང་མར་དང་སྦྲང་རྩིའི་རྒྱ་
མཚོ་བདུན་ཏེ་རི་བོ་ནི། །འོད་སྔོན་མན་ད་ར་རི་ནི་ཥ་ཊ་དང་ནོར་བུའི་འོད་དང་དྲོ་ཎ་བསིལ་རི་
རྡོ་རྗེའོ། །གླིང་ནི་ཟླ་བ་འོད་དཀར་དག་དང་རབ་མཆོག་ཀུ་ཤ་དང་ནི་མི་འམ་ཅི་དང་ཁྲུང་ཁྲུང་
དང༌། །དྲག་པོ་ཡང་ནི་ལོངས་སྤྱོད་ས་སྟེ་བདུན་པ་འཛམ་བུ་མི་རྣམས་གནས་པ་དག་ནི་ལས་
ཀྱི་ས། །ཤར་དུ་རླུང་ནི་ཤིན་ཏུ་ཟླུམ་པོར་འགྱུར་ཏེ་མི་ཡི་བདག་པོ་ལྷོ་རུ་མེ་ནི་གྲུ་གསུམ་མོ། །
བྱང་དུ་ཆུ་ནི་ཟླ་བ་ཕྱེད་པ་དག་དང་ནུབ་ཏུ་གསེར་མཆོག་ས་ནི་ཆུ་ཡི་གཏེར་གྱི་ཟུར། །རི་རབ་
ལྷུན་པོ་སྟོང་པའི་རྣམ་པ་རྡོ་རྗེ་མཆོག་གི་རང་བཞིན་དཀྱིལ་འཁོར་རྣམས་ཀྱི་དབུས་སུ་སྟེ། །ས་
ཡི་སྟེང་དུ་དཔག་ཚད་སྟོང་ཕྲག་རྣམས་ནི་རི་དང་ཀླུ་དང་གཟའ་དང་ཕྱོགས་རྣམས་དག་ཏུ་
འགྱུར། །ལྷུན་པོ་ཡི་ནི་སྟེང་གི་རྒྱ་དང་ས་གཞི་དག་གི་གནས་ལ་དཔག་ཚད་རྣམས་ནི་སྟོང་
22-1-407


ཕྲག་ནི། །ལྔ་བཅུ་བཅུ་དྲུག་དག་གོ་གཅིག་ནི་རབ་མཆོག་ས་ཡི་གཞི་ལ་ཁོར་ཡུག་དག་གི་ཡང་
དག་སྟེ། །སྟེང་གི་རྩེ་མོ་ལྔ་པོ་རྣམས་ནི་ས་གཞིའི་གནས་རྣམས་ལ་སྟེ་ཕྱོགས་ཀུན་དུ་ནི་ཁོར་
ཡུག་གོ །དེ་ཡི་ཕྱི་རོལ་གླིང་དང་རི་བོ་དག་དང་ཆུ་གཏེར་རྣམས་ཏེ་ཕྱོགས་རྣམས་ཀུན་ཏུ་མེ་
དང་རླུང༌། །ཆུ་གཏེར་དྲུག་པོ་ཐམས་ཅད་ཀྱང་ནི་ཟླ་བ་ཟླ་བ་གཅིག་གིས་དམན་པའི་སྟོང་ཕྲག་
རེ་རེ་སྟེ། །གླིང་དང་རི་རྒྱུད་མཆོག་རྣམས་དག་ཀྱང་དེ་ལྟའི་སྟོང་ཕྲག་རྣམས་ཏེ་སྟོང་ཕྲག་ཉི་ཤུ་
རྩ་ལྔ་ནི། །འཛམ་བུའི་གླིང་གི་ཡངས་པ་དག་དང་ལན་ཚྭའི་ཆུ་ཡི་གཏེར་ནི་འབུམ་ཕྲག་ཕྱེད་
ཀྱི་ཚད་ཡིན་ཏེ། །སྲིད་པ་གསུམ་པོ་འཛིན་པ་ཡི་ནི་མཐའ་མ་དག་གི་མེ་དང་རླུང་གི་ཚད་དག་
དེ་བཞིན་ནོ། །ཚངས་པའི་གནས་སུ་དུས་ཀྱི་འཁོར་ལོ་རྒྱལ་བ་མཆོག་བཅས་ལྷ་ཡི་ཚོགས་
ཀྱིས་ཡང་དག་བསྟོད་པ་སྟེ། །ལྷུན་པོ་ལ་ནི་ཚིག་མདའི་ཚོགས་དང་ས་གཞིའི་འོག་ན་གནས་
པ་ཀླུ་རྣམས་དག་ནི་རིགས་ལྔའོ། །དཔལ་ལྡན་ལྷུན་པོའི་ཕྱོགས་རྣམས་ཀུན་ཏུ་ས་ཡི་དཀྱིལ་
འཁོར་ལ་སོན་གནས་རྣམས་ཀུན་དང་ཉེ་བའི་གནས། །ཞིང་དང་འདུན་པ་དག་དང་འདུས་པ་
ཅན་དང་རོ་ཁང་གནས་ནི་མེ་དང་རླུང་གི་མཚམས་ཀྱི་མཐར། །ཤར་དུ་བརྒྱ་བྱིན་མེར་ནི་མི་ལྷ་
གཤིན་རྗེ་བདེན་བྲལ་ནུབ་ཕྱོགས་སུ་ནི་གཤིན་རྗེ་སྲིན་པོ་ཆུ། །རླུང་དང་ནོར་སྦྱིན་འཕྲོག་བྱེད་
ཕྱོགས་སུ་རླུང་དང་གནོད་སྦྱིན་དྲག་པོ་སྟེང་གི་ཆ་དང་འོག་ཏུ་ཡང༌། །ཚངས་དང་ཁྱབ་འཇུག་
མཚོན་ལྡན་འཁོར་གྱི་སྐྱེ་བོ་དང་བཅས་རང་རང་ཕྱོགས་ནི་སྲུང་ཞིང་སྐྱོང་བ་སྟེ། །དེ་རྣམས་
དབུས་སུ་དུས་ཀྱི་འཁོར་ལོ་རྒྱལ་བ་མཆོག་གི་བསྐྱེད་མཛད་གཞོམ་དུ་མེད་པ་རྡོ་རྗེའི་སྐུ། །
ལྷུན་པོའི་རྒྱབ་ཀྱི་ཕྱོགས་རྣམས་སུ་ནི་ས་གཞི་དག་ལ་ལྷ་མིན་རྣམས་ཀྱིས་རྒྱལ་བར་དཀའ་
བ་འཁོར། །གང་དུ་ཆོས་ནི་རྣམ་པར་ཉམས་ཤིང་རྩོད་དུས་འཇུག་པ་དེ་དང་དེར་ནི་རབ་ཏུ་
བགྲོད་པར་བྱེད། །ཀླ་ཀློ་རྣམས་ཀྱང་གཡུལ་དུ་བཅོམ་སྟེ་རང་གི་ཆོས་ལ་དགོད་པ་བྱས་ནས་
མདུན་དུ་རྣམ་པར་རྒྱུ། །རྫོགས་ལྡན་གསུམ་ལྡན་གཉིས་ལྡན་དག་དང་རྩོད་དུས་གཞན་ནི་
22-1-408


དུས་ཀྱི་སྦྱོར་བ་དག་གིས་འབྱུང་བར་འགྱུར། །དུམ་བུ་གང་དུ་སྟོབས་ལྡན་འཁོར་ལོ་ཅན་དེ་
རབ་ཏུ་ཞུགས་པ་དེར་ནི་རྫོགས་ལྡན་དུས་བགྲོད་དེ། །རྒྱལ་པོའི་རྒྱབ་ཏུ་གསུམ་ལྡན་རྩོད་པའི་
དུས་ཀྱང་མདུན་དག་ཏུ་སྟེ་གཉིས་ཀྱི་བར་དུ་གཉིས་ལྡན་ནོ། །དུས་རྣམས་དག་གི་ལོ་ཡི་ཚད་
ནི་སྟོང་ཕྲག་ཉི་ཤུ་རྩ་གཅིག་རོ་བརྒྱ་དག་དང་བཅས་པ་སྟེ། །རེ་རེ་དག་གི་ཚད་ནི་དུས་དང་
མདའ་ཡིས་སྒྱུར་བའི་མི་རྣམས་དག་གི་ལོ་བརྒྱ་གང་ཡིན་པའོ། །ཕྲ་དབུགས་དྷྲུ་དང་ཆུ་ཚོད་
ཉིན་ཞག་དྷུ་དང་དུས་བཞི་དག་ནི་སྟོང་ཕྲག་ནི་ཤུ་རྩ་གཅིག་དང༌། །དྲུག་བརྒྱ་རྣམས་ནི་རིམ་
པས་ལུས་སྐྱེས་ཕྲ་དང་མི་དང་འབྱུང་པོ་ལྷ་དང་ལྷ་མིན་རྣམས་དང་ནི། །ནུས་དང་གཙོ་བོའི་
ཉིན་ཞག་གཅིག་གི་ཚད་དེ་ས་གཞི་དག་ལ་དུས་བཞི་ནུས་པའི་ཚད་དུ་འཇུག །དུམ་བུ་དུམ་
བུར་ཞི་བའི་གོ་འཕང་འཁོར་ལོ་ཅན་བགྲོད་ཉིན་ཞག་གཅིག་ལ་ཉི་མ་བཅུ་གཉིས་སོ། །ཕྱོགས་
དང་ཟླ་བ་མཐའ་དག་དང་ནི་དུས་དང་དུས་བཞི་དང་ནི་མེ་དུས་བགྲོད་པ་རྣམ་པ་གཉིས། །
རྒྱལ་པོ་ལོ་ནི་མཐའ་དག་རྗེས་སུ་ཉིན་ཞག་དུས་སྦྱོར་ཆུ་ཚོད་དག་དང་ཆུ་ཡི་སྲང་རྣམས་ཏེ། །
འདི་རྣམས་དེ་ལྟར་བགྲོད་པ་ལས་སྐྱེས་ཕྲ་དང་མི་དང་འབྱུང་པོ་ལྷ་དང་ལྷ་མིན་རྣམས་དང་
ནི། །ནུས་དང་གཙོ་བོའི་ཞག་རེ་ལ་སྟེ་སྲིད་པ་གསུམ་གྱི་གནས་དང་ལུས་ཀྱི་དབུས་སུ་དེ་
བཞིན་ནོ། ༡༥ །ལོ་འདི་ནས་ནི་དྲུག་བརྒྱའི་ལོ་ཡིས་གསལ་བར་མི་བདག་གྲགས་པ་ཤམྦྷ་ལ་
ཞེས་བྱ་བར་འབྱུང༌། །དེ་ནས་ཀླུ་ཡི་ལོ་བརྒྱ་རྣམས་ཀྱིས་ངེས་པར་མ་ཁའི་ཡུལ་དུ་ཀླ་ཀློའི་ཆོས་
དག་རབ་ཏུ་འཇུག །དེ་ཡི་དུས་སུ་འཛིན་མ་ལ་ནི་ཉུང་ངུའི་བྱེད་པ་གསལ་བར་མི་རྣམས་དག་
གིས་རིག་པར་བྱ། །མཐའ་དག་ས་གཞི་ལ་ནི་གྲུབ་པའི་མཐའ་རྣམས་རྣམ་པར་ཉམས་པ་དུས་
ཀྱི་སྦྱོར་བ་ལ་འབྱུང་འགྱུར། །ཆང་དང་ལན་ཚྭའི་ཆུ་གཏེར་དབུས་སུ་ཐུབ་པ་ས་ཡི་དཀྱིལ་
འཁོར་ལ་ནི་ལས་ས་ཡང་དག་གནས། །དཔག་ཚད་འབུམ་ཕྲག་གསུམ་ལ་ཉི་མའི་དུམ་བུ་
རྣམས་སུ་མི་ཡི་བདག་པོ་རིམ་པས་འཁོར་བར་འགྱུར། །དུས་བུ་གཅིག་ལ་དཔག་ཚད་སྟོང་
22-1-409


ཕྲག་ཉི་ཤུ་ལྔ་སྟེ་གཡས་ཀྱི་ཕྱེད་ལ་ཤམྦྷ་ལར་གྲགས་པ། །ཐུབ་མཆོག་གི་གནས་གྲོང་ནི་བྱེ་བ་
ལྷག་པར་གནས་ཏེ་ནོར་གྱི་འདབ་མ་རྣམས་དང་བཅས་པ་ཡི། །ཕྱོགས་རྣམས་ཀུན་ཏུ་མཆོག་
གི་གངས་རི་ཡིས་ནི་རྣམ་པར་བསྐོར་ཏེ་དེ་ཡི་དབུས་ན་ཀཻ་ལ་ཤ། །ས་ལ་ཀཻ་ལ་ཤ་ཡི་དུམ་བུ་དེ་
ནི་གངས་ཀྱི་རི་དང་བཅས་པའི་ཀུན་ནས་སུམ་ཆ་སྟེ། །ཕྱི་རོལ་དུ་ནི་འདབ་མ་རེ་རེ་དག་ཀྱང་
ཉིན་བྱེད་ཡུལ་དང་གླིང་གི་ཡུལ་རྣམས་དག་གིས་བརྒྱན། །བྱེ་བའི་གྲོང་གིས་ངེས་པར་
བཅིངས་པ་ཡུལ་དུ་འགྱུར་ཏེ་འབུམ་ཕྲག་གྲོང་རྣམས་ཀྱིས་ནི་ཡུལ་འཁོར་རོ། །གཅིག་གཉིས་
གསུམ་དང་ཆུ་གཏེར་དབྱེ་བ་མདའ་རོ་ཐུབ་པ་ལྔ་དང་འཇིག་རྟེན་ལ་སོགས་དབྱེ་བ་ཡིས། །ཕྱེ་
བ་མི་དབང་འཁོར་ལོ་ཅན་ནི་ས་ཡི་གཞི་ལ་འཁོར་ཏེ་རྣམ་ཤེས་ལྡན་པས་བཙལ་པར་བྱ། །
འཁོར་ལོ་ཅན་དང་ཕྱེད་ཅན་དུམ་བུ་ཅན་ནི་ཡུལ་གྱི་མི་བདག་ཕྱག་རྒྱའི་ལག་དང་དེ་ནས་
གཞན། །ཕྱི་རོལ་དུ་ནི་དུས་ཀྱི་དབྱེ་བས་ངེས་པར་འགྱུར་ཏེ་ཇི་ལྟར་འཇིག་རྟེན་མགོན་གྱིས་དེ་
བཞིན་ནོ། །བདུན་དང་འོད་ཟེར་རི་གཟའ་ཐུབ་པ་འདི་རྣམས་དེ་བཞིན་སྙིང་སྟོབས་ལྡན་པ་
ལྷ་ཡི་སྐྱེ་གནས་ཏེ། །ཉ་དང་རུས་སྦལ་ཕག་པ་མི་ཡི་སེང་གེ་དང་བཅས་མིའུ་ཐུང་དང་ཡཱ་མད་
ཨག་ནི་དང༌། །རཱ་མ་ནག་པོ་དེ་ལྟར་བརྒྱད་ནི་ལྷ་མིན་རིགས་ལ་འཇིགས་སྟེར་རྟུལ་གྱིས་
འབྱུང་པོའི་སྐྱེ་གནས་སོ། །སུམ་ཅུ་རྩ་གཉིས་གདན་གྱི་མཐར་ནི་ལྷ་མིན་དགྲ་བོ་ཚེ་ལོ་བརྒྱ་པ་
ཕྱག་ན་འཁོར་ལོར་འགྱུར། །ཨར་དོ་ཨ་ནོ་གྷ་དང་ཕག་ལྡན་ལྷ་མིན་ལག་འགྲོའི་རིགས་ལ་
མུན་པ་ཅན་ཏེ་གཞན་ཡང་ལྔ། །བྱི་བ་དབང་པོ་གོས་དཀར་ཅན་དང་སྦྲང་རྩི་ལྡན་པ་འཇོམས་
བྱེད་བརྒྱད་པ་གང་དེ་ལོང་བ་ཡང༌། །བདུན་པ་མ་ཁའི་ཡུལ་གྱི་བཱ་ག་ད་ལ་སོགས་པའི་གྲོང་
ཁྱེར་དུ་ནི་གསལ་བར་ཡང་དག་འབྱུང༌། །ཐིག་ལེ་ནུས་མ་མིག་སྨན་དག་དང་མཁའ་ལྡིང་ལྷ་
ཡི་ཆུ་བོ་མི་སྦྱིན་དང་ནི་འདོད་འཇོ་དང༌། །རྫོང་དང་གློག་དང་རིག་པ་བཟང་པོ་འགྱུར་མེད་
མཆོག་གི་ཆ་དང་ལྷ་ཡི་སྐད་དང་ལུས་མེད་དེ། །ཡང་དག་རྒྱུ་བའི་གཟུགས་འདི་རྣམས་ཀྱིས་
22-1-410


ས་ལ་འཇུག་པར་འགྱུར་རོ་རྒྱལ་བ་ཡི་ནི་ཡེ་ཤེས་སྐུ། །བྱུང་བར་གྱུར་དང་བྱུང་དང་འབྱུང་
འགྱུར་རིག་བྱེད་རྟོག་གེ་ལ་སོགས་བསྟན་བཅོས་མཐའ་དག་རབ་ཏུ་སྨྲ། །དཔག་ཚད་བརྒྱ་ལ་
མདའ་ཡིས་སྒྱུར་བའི་ཚད་དང་ལྡན་པའི་རི་ཡིས་ཕྱོགས་བཞི་རྣམས་ནི་བསྐོར་བ་ཡི། །ཤམྦྷ་
ལ་ཞེས་རབ་ཏུ་གྲགས་པའི་ཀ་ལཱ་པར་ནི་དཔལ་ལྡན་རྒྱལ་པོ་ཉི་མ་འགའ་ཞིག་གིས། །ལྷ་ཡི་
དབང་པོ་རབ་མཆོག་མི་ཡི་བདག་པོར་བཞག་ནས་ཁྱོད་ནི་རང་གི་གནས་སུ་འགྲོ་བར་གྱིས། །
དཔལ་ལྡན་ཤཱཀྱའི་རིགས་ལ་རབ་གསལ་མི་ཡི་བདག་པོ་བདུན་ཏེ་བརྒྱད་པ་དཔལ་ལྡན་
གྲགས་པ་ཡང༌། །འདི་ནི་དཔལ་ལྡན་འཇམ་པའི་རྡོ་རྗེ་ལྷ་ཡི་མཆོག་གིས་བཏུད་པ་རྡོ་རྗེའི་
རིགས་ཀྱི་རིགས་ལྡན་ཏེ། །རྡོ་རྗེའི་དབང་བསྐུར་བྱིན་ནས་མཐའ་དག་ཐུབ་པའི་རིགས་
རྣམས་དག་ནི་རིགས་གཅིག་དག་ཏུ་བྱེད་པར་འགྱུར། །ཡང་དག་ཐེག་པར་མངོན་འཛེགས་ལྷ་
མིན་རིགས་ལ་འཇིགས་སྟེར་དཔལ་ལྡན་གྲགས་པ་ཕྱག་ན་མདུང་ཐུང་ཅན། །སེམས་ཅན་
རྣམས་ནི་ཐར་པའི་སླད་དུ་ས་ལ་དུས་ཀྱི་འཁོར་ལོ་རབ་ཏུ་གསལ་བར་བྱེད་པར་འགྱུར། །
གདན་ནི་ཉི་ཤུ་རྩ་ལྔ་པོ་རྣམས་རིམ་པར་ཡོངས་སུ་བགྲངས་པ་དེ་ཡི་ནང་ནས་དུས་ཀྱི་མཐར། །
རིགས་ལྡན་རིགས་ལ་ལྷ་ཡི་དབང་པོ་ལྷ་ཡི་མཆོག་གིས་བཏུད་པ་དྲག་པོའི་རིགས་ལྡན་
འབྱུང་བར་འགྱུར། །དམ་པ་རྣམས་ལ་ཞི་བའི་གཟུགས་ཀྱི་བདེ་བ་སྟེར་ཞིང་དེ་བཞིན་ཀླ་ཀློའི་
རིགས་ལ་མཐར་བྱེད་ཉིད། །རྡོ་ཡི་རྟ་བཅིབས་འཁོར་ལོ་ཅན་ནི་ཕྱག་ན་མདུང་ཐུང་མཐའ་
དག་དགྲ་ལ་བསྣུན་བྱེད་ཉི་མའི་གཟི། །གཡུལ་དུ་ཀླ་ཀློ་དག་ལ་མཐའ་དག་ས་ཡི་སྟེང་དུ་
བསྣུན་བྱེད་འཁོར་ལོས་བསྒྱུར་བ་རང་གི་དཔུང༌། །ཡན་ལག་བཞི་ལྡན་ཀཻ་ལ་ཤ་ཡི་རི་བོ་ལྷ་
ཡིས་བཀོད་པའི་གྲོང་ནས་དུས་མཐར་འབྱུང་བར་འགྱུར། །དྲག་པོ་གདོང་དྲུག་ཚོགས་ཀྱི་
དབང་པོ་འཕྲོག་བྱེད་རྣམས་ཀྱང་རིགས་ལྡན་ལ་ནི་གྲོགས་དག་སྦྱིན་འགྱུར་ཏེ། །རྡོ་རྟ་གླང་
པོའི་དབང་པོ་གསེར་གྱི་ཤིང་རྟ་མི་བདག་དཔའ་བོ་ཕྱག་ན་མཚོན་ལྡན་རྣམས་ཀྱང་ངོ༌།  །
22-1-411

 
དཔུང་ནི་ཐམས་ཅད་དག་གིས་གཡུལ་དུ་ཀླ་ཀློ་བཅོམ་ནས་ཁྱབ་འཇུག་དྲག་པོ་དང་བཅས་
རིགས་ལྡན་ནི། །ཀཻ་ལ་ཤ་ཡི་རི་བོ་ལྷ་ཡིས་བཀོད་པའི་གྲོང་ཁྱེར་གང་དུ་འཁོར་ལོ་ཅན་དག་
གནས་པར་འགྲོ། །དེ་ཡི་དུས་སུ་འཛིན་མ་དག་ལ་མཐའ་དག་སྐྱེ་བོའི་རིགས་ནི་ཆོས་དང་
འདོད་པ་ནོར་རྣམས་རྫོགས། །འབྲུ་རྣམས་དགོན་པར་སྐྱེ་བ་དང་ནི་ཤིང་རྣམས་འབྲས་བུ་
བརྟན་པོས་དུད་པ་དེ་རྣམས་འབྱུང་བར་འགྱུར། །ཀླ་ཀློའི་ཚོགས་ནི་རབ་ཏུ་བཅད་ནས་འཁོར་
དང་བཅས་པའི་སྐྱེ་བོ་མི་ཡི་ལོ་ནི་བརྒྱ་ཕྱེད་ན། །རིགས་ལྡན་གྲུབ་པར་འགྱུར་ཏེ་ལྷ་ཡིས་
བཀོད་པའི་ཕོ་བྲང་མཐོ་བ་ཀཻ་ལ་ཤ་ཡི་རྒྱབ་ཏུའོ། །ལྷ་དང་མི་ཡི་བླ་མའི་སྲས་ནི་ཚངས་པ་ལྷ་
ཡི་དབང་པོ་ཟུང་དག་ཆོས་ལ་འབྱུང་བ་ཉིད། །ཚངས་པ་རྒྱབ་ཀྱི་དུམ་བུ་གཅིག་ལ་མི་ཡི་
བདག་པོར་འགྱུར་ཏེ་ས་ཀུན་ལ་ནི་ལྷ་ཡི་དབང༌། །རྫོགས་ལྡན་མཚམས་སུ་ཀླ་ཀློའི་ཆོས་
རྣམས་མཐའ་དག་སྲིད་པ་གསུམ་གྱི་བླ་མ་དག་གིས་བཅད་བྱས་ཏེ། །བཅད་ནས་ལོ་ནི་བརྒྱད་
བརྒྱ་རྣམས་སུ་ཚངས་པ་བཞག་པ་མཛད་ནས་བདེ་བའི་གནས་སུ་འགྲོ་བར་འགྱུར། །སླར་
ཡང་དེ་ཉིད་ནང་ནས་མི་ཡི་བདག་པོ་སྲས་རྣམས་དག་གི་རིགས་ཀྱི་དབྱེ་བ་དག་ཏུ་འགྱུར། །
དེ་རྣམས་དབུས་སུ་ལྷ་མིན་དབང་པོ་མི་བདག་ཐུབ་པ་རྣམས་ནི་ཕལ་པ་གཞན་རྣམས་འབྱུང་
བར་འགྱུར། །ཀླ་ཀློ་རྣམས་ནི་གཞོམ་པའི་སླད་དུ་མི་ཡི་བདག་པོ་དབང་པོ་བཅུ་གཉིས་དག་
དང་ལྡན་པར་འགྲོ། །དུམ་བུ་དུམ་བུ་དག་ཏུ་ཀླ་ཀློའི་ཆོས་ནི་བཅོམ་ནས་འཁོར་ལོ་ཅན་ཡང་
བདེ་བའི་གནས་སུ་འགྲོ། །སྐབས་གསུམ་པ་དང་མི་ཡི་བླ་མའི་སྲས་ནི་ཚངས་དང་ལྷ་ཡི་
དབང་པོ་རྒྱབ་དང་མདུན་དུ་སྟེ། །རྒྱབ་ཏུ་ཚངས་པ་སོགས་ཀྱི་རིགས་རྣམས་རྣམ་པ་སྣ་ཚོགས་
ས་ཡི་སྟེང་དུ་དབྱེ་བ་དུ་མར་འགྱུར། །དང་པོར་ཚངས་པ་ལ་ནི་མི་ལོ་བརྒྱ་ཕྲག་བཅོ་བརྒྱད་
དང་ལྡན་འདི་དག་མི་རྣམས་དག་གི་ཚེ། །དེ་ཡི་ཕྱེད་ནི་འོད་སྲུང་གི་སྟེ་རབ་མཆོག་ས་ཡི་སྟེང་
དུ་དཔལ་ལྡན་མི་ཡི་སེང་གེའི་ཕྱེད། །དྲུག་ཅུས་དམན་པ་དེ་བཞིན་ཉིད་དུ་དུས་བཞི་སོ་སོའི་
22-1-412


དུས་སུ་མི་ཐུང་སོགས་ལ་འཕྲོག་བྱེད་ཀྱི། །རིགས་ལྡན་མཐར་ནི་ཇི་སྲིད་བརྒྱ་ཕྲག་གཅིག་གི་
ལོ་ཡི་གྲངས་ཀྱི་སྐྱེ་བོའི་ཚེ་རུ་རབ་ཏུ་འགྱུར། །དེ་ལྷར་དུམ་བུ་ཐམས་ཅད་དུ་ཡང་དུས་བཞིའི་
དུས་སུ་ཀླ་ཀློའི་ཆོས་ནི་རབ་ཏུ་འཇུག་པ་སྟེ། །ལོ་ནི་བརྒྱད་དང་གཅིག་གི་བརྒྱར་ནི་ངེས་པར་
གནས་ཏེ་དེ་ནས་ཀླ་ཀློའི་ཆོས་ནི་ཉམས་པའོ། ༤༡༡ །དེ་ནས་ལོ་ནི་སྟོང་ཕྲག་ཉི་ཤུ་ལག་པ་བརྒྱ་
དང་བྲལ་བ་སངས་རྒྱས་ཆོས་ནི་རབ་ཏུ་འཇུག །རྫོགས་ལྡན་གསུམ་ལྡན་གཉིས་ལྡན་རྩོད་
པའི་དུས་ནི་ནུས་པའི་ཚད་ཀྱིས་ས་གཞི་དག་ལ་ངེས་པར་རྒྱུ། །དཔལ་དུས་ཀྱི་འཁོར་ལོའི་
རྒྱུད་ལས་འཇིག་རྟེན་ཁམས་ཀྱི་ལེའུའི་སྙིང་པོའོ།།  །། 
ལུས་འདི་ལ་ནི་ཁམས་ཀྱི་ཚོགས་སུ་མཐའ་དག་རོ་དྲུག་ཟོས་ཤིང་འཐུངས་པ་དག་ལས་
འགྱུར་བ་སྟེ། །རོ་དྲུག་རྣམས་ཀྱང་འབྱུང་བ་ལས་ཏེ་རབ་གསལ་ངེས་པར་འབྱུང་བའི་ཚོགས་
ཀྱང་ནམ་མཁའི་ཁམས་ལས་སོ། །སྟོང་པ་ལ་ནི་ཡེ་ཤེས་རྣམ་པར་བསྲེས་པ་རོ་མཉམ་འགྱུར་
མེད་རྟག་པར་ཡང་ནི་འགྱུར་བ་སྟེ། །དེ་ལྟར་འབྱུང་བ་ལ་གནས་ཞི་བ་རྣམ་གསུམ་སྲིད་པར་
གནས་པ་རང་གི་ལུས་ལ་རིག་པར་བྱ། །གསང་བའི་པདྨར་ཁྲག་གི་ནང་དུ་གང་ཚེ་ལྷུང་བའི་
བྱང་ཆུབ་ས་བོན་སྲོག་དང་བཅས་པ་དག །ཉ་ལ་ཉ་ཡི་རྣམ་པར་འགྱུར་བ་ཉིན་ཞག་འགའ་སྟེ་
རུས་སྦལ་ལ་ནི་རུས་སྦལ་དངོས་པོ་ཡང༌། །ཕག་པ་ལ་ཡང་དེ་ཡི་སྐྱེ་མཆེད་ཉི་མ་འབྱུང་སྟེ་མི་
ཡི་སེང་གེ་ལ་ནི་རབ་ཏུ་སྐྱེ། །མི་ཐུང་ལ་ནི་བྱིས་པའི་དངོས་པོ་རཱ་མ་ལ་ཡང་མི་བདག་གཉིས་
ཀྱི་སོ་རྣམས་འབྱུང་བར་འགྱུར། །སླར་ཡང་རཱ་མ་ལ་ནི་ལྟུང་བར་འགྱུར་ཏེ་དེ་ཉིད་ནག་པོ་ལ་
ནི་གསལ་བར་སྒྱུ་དག་བྱེད། །སངས་རྒྱས་ལ་ཡང་ཞི་བ་དང་ནི་བརྟུལ་ཞུགས་ངེས་པར་བྱེད་
དེ་རིགས་ལྡན་ལ་ནི་འཆི་བར་འགྱུར། །ཁུ་བ་ལས་ནི་རྐང་དང་རུས་པ་རྒྱུས་པར་འགྱུར་ཏེ་
རྡུལ་ལས་ལྤགས་པ་ཁྲག་དང་ཤ་ཉིད་དོ། །མངལ་གྱི་ནང་དུ་ཟླ་བ་གཅིག་ནི་ཁྲག་དང་ས་བོན་
བདུད་རྩིའི་རོར་གྱུར་རབ་ཏུ་སྐྱེ་བ་སྟེ། །ཕྱི་ནས་ས་བོན་མྱུ་གུ་རང་གི་སྙིང་ཁར་རྣམ་པ་བཅུ་ཡི་
22-1-413


རྩ་ནི་ཤིན་ཏུ་ཕྲ་བའོ། །ལྟེ་བ་ལ་ཡང་བརྒྱད་པ་བརྒྱད་ནི་གཞན་ཏེ་རྐང་ལག་གདོང་རྣམས་ལ་
ནི་གྱེན་དུ་བསྐྱོད་པར་བྱེད། །ཟླ་བ་གཉིས་པ་རྫོགས་པར་གྱུར་པ་དག་ལ་འདིར་ནི་རྐང་ལག་
གདོང་གིས་མཚོན་པ་ཅུང་ཟད་དོ། །ཟླ་བ་གསུམ་པ་རྫོགས་པ་ན་ནི་ལག་པ་རྐང་པ་མགྲིན་པ་
རྣམས་ཀྱི་མགོ་པོ་མཉམ་པར་འགྱུར། །ཕྲ་མོའི་རྩ་རྣམས་རྐང་པ་ལག་པ་གདོང་དང་མགྲིན་པ་
དག་གི་ཕྱོགས་སུ་ཟླ་བ་བཞི་པ་ལའོ། །ལྔ་པ་ལ་ནི་ཤ་ལ་བརྟེན་ནས་རུས་པ་མཁའ་རོ་བསྲེག་
ཟ་རྣམས་ཏེ་ཚིག་རྣམས་དག་ཀྱང་ངོ༌། །ཟླ་བ་དྲུག་པ་ལ་ཡང་ཤ་དང་ཁྲག་ཏུ་འགྱུར་ཏེ་ཚོར་བ་
བདེ་བ་དང་ནི་སྡུག་བསྔལ་ཡང༌། །སྨིན་མ་སྐྲ་དང་སྤུ་དང་བུག་པ་རྣམས་ཀྱང་ཐུབ་མཆོག་ལ་
སྟེ་རྩ་ནི་ལྷག་མར་གྱུར་པ་རྣམས། །ཟླ་བའི་འཇུག་ཏུ་ཉིན་ཞག་སོ་སོའི་དབང་གིས་སྟོང་པ་
སྟོང་པ་མིག་གི་གྲངས་ནི་སྐྱེ་བ་སྟེ། །གནད་དང་རུས་པ་རྐང་དང་རོ་འཛིན་དང་ནི་གཅི་བ་
བཤང་བ་རྣམས་ཀྱང་བརྒྱད་པ་དག་ལ་འགྱུར། །བུག་པ་ཞེས་ལ་བཙའ་བའི་དུས་སུ་སྐྱེ་གནས་
ཀྱིས་ནི་བཙིར་བ་དག་གིས་སྡུག་བསྔལ་དྲག་པོའོ། །ཕུང་པོའི་རྟེན་ནི་འབྱུང་བ་རྣམས་སུ་
འགྱུར་ཏེ་ལུས་མཆོག་དག་ལ་འབྱུང་བའི་ཚོགས་ཀྱི་རྩ་རྣམས་སོ། །རྩ་རྣམས་ཀྱི་ནི་སྲོག་རླུང་
རྣམ་པ་བཅུ་པོར་འགྱུར་ཏེ་སྲོག་གི་རླུང་རྣམས་དག་གི་སེམས་ཡིན་ནོ། །སེམས་དེ་གཉིས་ཀྱི་
རང་བཞིན་དུ་འགྱུར་ཡོན་ཏན་དབང་གིས་རང་བཞིན་ཅན་དང་རང་བཞིན་མེད་པའོ། །དེ་
དག་གི་ཡང་རྟེན་ནི་གཙོ་བོ་སྲིད་པ་གསུམ་གྱི་བཏུད་ཅིང་གཞོམ་མེད་ཀུན་ཏུ་འགྲོ་བ་གང༌། །
དྲི་ནི་འཛིན་མ་དག་ལས་འབྱུང་སྟེ་རོ་ཡང་རྩེ་མོ་ཅན་ལས་གཟུགས་ཀྱི་ཁམས་ནི་ཆུ་ལས་སོ། །
རླུང་ལས་རེག་བྱ་དང་ནི་ཞི་བ་ལས་ཀྱང་སྒྲ་དང་ནམ་མཁའ་ལས་ནི་ཆོས་ཀྱི་ཁམས་སུ་
འགྱུར། །སྟོང་པ་སྒྲ་ནི་འཛིན་པར་བྱེད་དེ་ངེས་པར་རྒྱལ་བ་སྐྱེད་མཛད་ཆོས་ཀྱི་ཁམས་དང་
རླུང་དག་ནི། །དྲི་དང་མེ་ཡང་གཟུགས་ཏེ་ཆུ་དག་ཀྱང་ནི་རོའོ་དེ་བཞིན་འཛིན་མ་དག་ནི་རེག་
བྱའོ། །གཟུགས་ནི་འཛིན་མ་དག་ལས་གྲུབ་སྟེ་སྲིད་པ་གསུམ་གྱི་གནས་སུ་ཆུ་ལ་ཡང་ནི་འདུ་
22-1-414


ཤེས་གྲུབ། །མེ་ལ་ངེས་པ་ཉིད་དུ་ཚོར་བར་འགྱུར་ཏེ་རླུང་ལ་ཡང་ནི་ཕུང་པོ་འདུ་བྱེད་ཁོ་ནའོ། །
རྣམ་ཤེས་ཡེ་ཤེས་བསྲེས་པ་ནམ་མཁའ་དང་བཅས་རྡོ་རྗེ་དག་ལ་གྲུབ་པ་ཉིད་དེ་ལུས་འདི་
ལ། །ཁམས་དང་ཕུང་པོ་ལ་སོགས་ཐམས་ཅད་འགྱུར་བ་དག་ཀྱང་རྡུལ་དང་བྱང་ཆུབ་སེམས་
སོགས་སྦྱོར་བས་སོ། །རྣ་བ་རྡོ་རྗེའི་རང་བཞིན་དུ་འགྱུར་མི་ཡི་བདག་པོ་སེམས་ནི་ནམ་
མཁའ་དག་གི་རང་བཞིན་ནོ། །སྣ་ནི་ས་ཡི་རང་བཞིན་དག་སྟེ་དེ་བཞིན་ཁོ་ནར་ལྕེ་ནི་མེ་ཡི་
རང་བཞིན་ཉིད་དུ་འགྱུར། །མིག་ནི་ཆུ་ཡི་རང་བཞིན་དག་སྟེ་སྲིད་པ་གསུམ་གྱི་གནས་སུ་
ལུས་ཀྱང་རླུང་གི་རང་བཞིན་ནོ། །དེ་ལྟར་རྣ་བ་ལ་སོགས་ཐམས་ཅད་ཡོན་ཏན་དབང་གིས་
འགྱུར་ཏེ་ཡེ་ཤེས་རྣམ་ཤེས་སྦྱོར་བས་སོ། །སེར་སྣ་ཡེ་ཤེས་ཁམས་ལ་འགྱུར་ཏེ་ལུས་མཆོག་
དག་ལ་ནམ་མཁའ་ལ་ནི་ཞེ་སྡང་རྡོ་རྗེའོ། །རླུང་ལ་ཕྲག་དོག་རྡོ་རྗེ་མེ་ལ་ཆགས་པའི་རྡོ་རྗེ་རབ་
ཏུ་གསལ་མཛད་དེ་བཞིན་ཉིད་དུ་ནི། །ཆུ་ལ་དཔལ་ལྡན་ང་རྒྱལ་རྡོ་རྗེ་ས་ལ་གཏི་མུག་རྡོ་རྗེ་
རང་བཞིན་ཡོན་ཏན་དབང་གིས་སོ། །ངག་དང་ལག་པ་རྐང་པ་བཤང་ལམ་ཐམས་ཅད་རླུང་
མེ་ཆུ་དང་ས་རྣམས་དག་ལས་འབྱུང་བར་འགྱུར། །ཐུར་སེལ་ཡེ་ཤེས་ཁམས་ལ་རྣམ་གསུམ་
ཞེས་པར་འགྱུར་ཏེ་སྲོག་གི་རླུང་ཡང་སྟོང་པ་དག་ལའོ། །རླུང་གི་དབུས་སུ་མཉམ་གནས་རྩེ་
མོ་ཅན་ལ་སླར་ཡང་གྱེན་རྒྱུ་ཆུ་ལ་ཁྱབ་པར་བྱེད་པ་ཉིད། །ས་ལ་ཀླུ་སྟེ་དེ་ནས་རུས་སྦལ་
རྩངས་པ་དང་ནི་ལྷ་སྦྱིན་ནོར་ལས་རྒྱལ་བ་དག་གི་རླུང༌། །བཞི་པོ་རླུང་དང་མེ་དག་དང་ནི་ཆུ་
དང་ས་རྣམས་དག་ལ་རིམ་པ་ཡིས་ནི་ཡང་དག་འགྱུར། །གཙུག་ཏོར་སྟོང་པའི་ཁམས་ལ་
འགྱུར་ཏེ་ལྷ་དང་མི་རྣམས་ཀྱི་ནི་ཡེ་ཤེས་ཁམས་ལ་གསང་བའོ། །སྙིང་ཁའི་པདྨ་རླུང་གི་
ཁམས་ལ་རབ་གསལ་རྩེ་མོ་ཅན་ལ་མགྲིན་པའི་འཁོར་ལོ་གསལ་བར་རོ། །ཆུ་ལ་སྨིན་མའི་
དབུས་ཀྱི་པདྨའོ་ནོར་ནི་ནོར་གྱི་འདབ་ལྡན་ལྟེ་བའི་པདྨ་ས་ལའོ། །རྐང་པ་ལག་པ་དག་གི་
ཚིགས་དྲུག་ས་དང་ཆུ་དང་བསྲེག་ཟ་རླུང་རྣམས་དག་ལ་གསུམ་གྱི་གྲངས། །ས་སོགས་ཁམས་
22-1-415


ལྔ་རྣམས་ལ་རྣམ་གསུམ་ཡོན་ཏན་དབང་གིས་འབྱུང་བ་རྐང་པ་ལག་པ་དག་གི་ནི། །མཐེ་བོང་
ལ་སོགས་སོར་མོ་བཅུ་ནི་གསུམ་གྱིས་བསྒྱུར་བའི་ཚིགས་ཀྱི་གཟུགས་དང་ལྡན་པ་མཐའ་
དག་སྟེ། །དེ་རྣམས་སེན་མོའི་མཐར་ཐུག་ཡང་དག་གཟུང་བྱ་སླར་ཡང་སོ་རྣམས་དེ་ཉིད་རབ་
ཏུ་དབྱེ་བས་སོ། །གཞན་གང་སྤུ་ཡི་མཐར་ནི་ལུས་མཆོག་ལ་འགྱུར་དེ་དང་དེ་ནི་དེ་བཞིན་དུ་
ཡང་ཁམས་ལའོ། །གསང་བ་གཙུག་ཏོར་ལྟེ་བ་ལ་ཡང་ལྷན་སྐྱེས་རྒྱལ་བའི་སྐུ་སྟེ་རང་བཞིན་
མེད་དང་རང་བཞིན་ནོ། །སྙིང་ཁའི་འཁོར་ལོ་ལ་ནི་ཆོས་སྐུར་འགྱུར་ཏེ་མགྲིན་པའི་ཆུ་སྐྱེས་ལ་
ཡང་ལོངས་སྤྱོད་རྫོགས་པའི་སྐུ། །ཐིག་ལེ་ལ་ཡང་སྤྲུལ་པའི་སྐུ་ནི་ཡོན་ཏན་དབང་གིས་ལྷག་
པའི་ལྷ་རུ་རིམ་པ་དག་གིས་འགྱུར། །སྙིང་ཁའི་འཁོར་ལོ་མགྲིན་པའི་འཁོར་ལོ་སྤྱི་བོའི་པདྨ་
ཆོས་དང་ལོངས་སྤྱོད་རྫོགས་དང་དག་པའོ། །ལྟེ་བ་མགྲིན་པ་དག་དང་གསང་བ་སྤྱི་བོ་དང་ནི་
སྙིང་ཁ་དེ་བཞིན་གཙུག་ཏོར་དབུས་སུ་ནི། །ཡུམ་དང་གཙོ་བོའི་སྐུ་དང་གསུང་དང་ཐུགས་ཀྱི་
རྡོ་རྗེ་རྣམ་པ་གསུམ་པོ་རྣམས་ཀྱང་རིམ་པས་འགྱུར། །འཁོར་ལོ་རིན་ཆེན་མཁའ་ཡི་པདྨ་ཆུ་
སྐྱེས་རལ་གྲི་མཆོག་དང་རྡོ་རྗེ་དང་ལྡན་རིགས་དྲུག་གོ །དེ་རྣམས་སྟེང་འོག་རྩ་གསུམ་རྣམ་
གསུམ་ལམ་ལ་གནས་པ་རྣམས་ཏེ་ཉི་ཟླ་མེ་ཡི་དབྱེ་བས་སོ། །ལུས་ལ་བསམ་པ་རབ་ཏུ་
ཞུགས་པ་ནམ་མཁའ་བཞིན་དུ་རོ་མཉམ་བསམ་པའི་དབུས་སུ་ལུས་དག་ཀྱང༌། །རྣལ་འབྱོར་
ལྡན་པས་ཤེས་བྱ་རང་བཞིན་ཡོན་ཏན་དབང་གིས་ཁམས་ཀྱི་ཁ་དོག་ལ་སོགས་དབྱེ་བས་ཏེ། །
སེར་པོ་ནག་པོ་དག་དང་ཁ་དོག་དམར་པོ་ཞེས་དང་དཀར་པོ་ས་རླུང་མེ་དང་ཆུ་ལའོ། །ཡེ་
ཤེས་ནམ་མཁའ་ལ་ཡང་སྔོན་པོ་ལྗང་ཁུར་འགྱུར་ཏེ་ལུས་དང་བསམ་པའི་རབ་ཏུ་དབྱེ་བས་
སོ། །ཤེས་རབ་ཐབས་ནི་རུས་པ་ཤ་དང་ཆུ་དང་བཅས་པའི་ཁྲག་དང་མེ་དག་དང་ནི་གཅི་བ་
ཉིད། །རླུང་དང་བཤང་བ་སྟོང་པ་ཁུ་བ་མཆོག་གི་ལུས་ལ་དཔལ་ལྡན་རྡུལ་དང་སེམས་ཉིད་
དག་ཏུ་འགྱུར། །རྣ་བ་སྒྲ་སོགས་གཞན་རྣམས་རང་གི་རྒྱལ་བའི་རིགས་ཀྱི་དབང་གིས་ངག་གི་
22-1-416


རང་བཞིན་ལ་སོགས་ཀྱང༌། །དེ་ལྟར་ལྷ་མོ་སངས་རྒྱས་དང་བཅས་ཡུལ་དང་ཡུལ་ཅན་རྣམས་
ནི་དཀྱིལ་འཁོར་དག་ལ་རིག་པར་བྱ། །རྩ་རྣམས་སྟོང་ཕྲག་དྲུག་ནི་ཉིད་མོར་བྱེད་པས་བསྒྱུར་
བ་མངལ་གྱི་དབུས་དག་ཏུ་ཡང་འཕེལ་བ་ནི། །བྱས་ནས་ལོ་ནི་རྫོགས་པ་ན་ཡང་གཏོང་སྟེ་རི་
བོང་འཛིན་པའོ་ཉི་མ་དག་ཀྱང་འཕེལ་བར་བྱེད། །ལོ་ནི་བཅུ་གཉིས་དག་ན་ཉིན་བྱེད་ཁམས་
ནི་འཕེལ་བ་གཏོང་སྟེ་རང་གི་ལུས་པོ་དག་ལའོ། །རྩ་ནི་ཆད་པ་རབ་ཏུ་སྐྱེས་ནས་ཉིན་ཞག་
ཉིན་ཞག་དག་ལ་རིམ་པས་ཟུང་གི་གྲངས་སུ་འགྱུར། །དཔལ་ལྡན་འབྱུང་བ་དང་ནི་དབང་པོ་
རྣམ་དག་བཅུ་རུ་རབ་འགྱུར་ལས་ཀྱི་དབང་པོ་ལྔ་རྣམས་དང༌། །དེ་ཙམ་ལྔ་རུ་བརྗོད་པ་རྣམས་
དང་ཡོན་ཏན་རྣམས་དང་བཅས་པའི་ཡིད་དང་བློ་དང་ངར་འཛིན་མཆོག །དེ་ཉིད་འདི་རྣམས་
ལུས་ལ་སྲིད་པ་གསུམ་གྱི་གནས་སུ་འདི་རྣམས་ཁྱབ་བདག་ལོངས་སྤྱོད་དེ། །ཕུང་པོ་ལྔ་ཡི་
བདག་ཉིད་རྣམ་གསུམ་སྲིད་པ་ལ་གནས་བདག་གི་ལས་ནི་བསགས་པ་དག་གིའོ། །ལྟེ་བའི་
ཆུ་སྐྱེས་ཉི་མའི་འདབ་མ་དག་ལ་འཁོར་ཏེ་མཆོག་གི་ཆ་ནི་འཕོ་བ་རིམ་པས་སོ། །སྲོག་ཟུང་
དགུ་བརྒྱ་ཉིས་འགྱུར་རྣམས་ཀྱིས་འཕོ་བར་འགྱུར་ཏེ་དུས་སྦྱོར་ཀར་ཀ་ཊ་ནས་མི་ཡི་དབང༌། །
དུས་སྦྱོར་གང་ལ་ཉི་མ་གནས་པས་ཉིན་དང་མཚན་མོར་འཁོར་བ་དེ་ལ་དེ་ནི་རིག་པར་བྱ། །
དུས་སྦྱོར་ཚད་དང་བུ་ལོན་ནོར་ནི་མཉམ་པ་དག་ཀྱང་བགྲོད་པ་གཡས་དང་གཡོན་ལ་ཤེས་
པར་བྱ། །རེ་རེ་པདྨའི་འདབ་མ་དག་ལ་རབ་ཏུ་འབབ་སྟེ་ནུབ་ཏུ་འཛིན་མ་དང་ནི་བྱང་དུ་ཆུ། །
ལྷོ་རུ་མེ་དང་ཤར་དུ་རླུང་ནི་རབ་ཏུ་འབབ་སྟེ་འདབ་མའི་དབུས་དག་ཏུ་ཡང་སྟོང་པའོ། །དབྱེ་
བ་ལྔ་ཡིས་འཕོ་བར་འགྱུར་ཏེ་མཉམ་པ་རབ་ཏུ་འབབ་པ་དམན་པའི་དབུགས་ནི་དྲུག་ཅུའོ། །
དེ་ལྟར་འཕོ་བའི་དབྱེ་བ་རྣམས་ནི་ཉིན་ཞག་སོ་སོའི་དུས་སུ་དུས་སྦྱོར་དབྱེ་བ་དག་གིས་
འགྱུར། །སྟོང་པ་ལ་སོགས་དེ་ཉིད་ལྔ་ནི་ངེས་པར་གཡོན་དུ་རབ་འབབ་ས་ལ་སོགས་པ་
གཡས་སུའོ། །སྒྲ་གཅན་དུས་མེ་ཟླ་བ་ཉི་མ་དག་དང་གཟའ་ལག་ས་སྐྱེས་ལྷ་མིན་བློན་པོ་བླ་
22-1-417


མ་དང༌། །མཇུག་རིངས་སྤེན་པ་འདི་བཅུ་རྣམས་ནི་ནམ་མཁའ་ལ་སོགས་དཀྱིལ་འཁོར་
རྣམས་ལ་བདག་པོ་ཞིང་ཅན་ནོ། །ཟླ་བ་དྲུག་ལ་ཟླ་བ་དབང་ཕྱུག་ཏུ་འགྱུར་བྱང་དག་ཏུ་སྟེ་མི་
བདག་ལྷོ་རུ་ཉི་མའོ། །དེ་སྟེང་སྙིང་ཁའི་ཕྱོགས་སུ་པདྨ་ནོར་གྱི་འདབ་མ་དག་ལ་རྩ་ཡི་འཁོར་
ལོ་ཡང་དག་གནས། །སྲོག་ལ་སོགས་པ་རླུང་གི་ཚོགས་ཏེ་ཟླ་བ་ཉི་མ་མེ་རྣམས་གཡོན་དང་
གཡས་དང་དབུས་སུའོ། །གཡོན་དུ་རྩ་ནི་རི་བོང་མཚན་མ་འབབ་སྟེ་ངེས་པར་དཀར་པོ་
གཡས་སུ་དམར་པོ་ཉི་མའོ། །དབུས་སུ་དུས་མེའི་རང་བཞིན་རབ་ཏུ་འབབ་སྟེ་མཉམ་པ་དག་
ལ་དམན་པའི་དབུགས་ནི་དྲུག་ཅུའོ། །སྲོག་དང་ཐུར་སེལ་མཉམ་གནས་པདྨ་ནོར་གྱི་འདབ་
མ་དག་ལ་རླུང་ནི་གྱེན་དུ་རྒྱུ་བ་དང༌། །ཁྱབ་བྱེད་ཀླུ་དང་རུས་སྦལ་དག་དང་རྩངས་པའི་རླུང་
དང་ལྷ་སྦྱིན་དང་ནི་ནོར་ལས་རྒྱལ་ཞེས་པ། །རླུང་ནི་རྣམ་པ་བཅུ་པོ་འདི་རྣམས་རྩ་ཡི་འཁོར་
ལོ་ལ་ནི་ལས་ཀྱི་དབྱེ་བས་ཡང་དག་གནས། །དུང་ཅན་མཐའ་ཡང་ཨི་ཌ་ལ་སོགས་རང་གི་
སྙིང་ཁའི་པདྨ་རྩ་ཡི་འཁོར་ལོ་མཐའ་དག་གོ །སྲོག་ནི་ཉི་མ་ཟླ་བའི་ལམ་ལ་གནས་པ་དག་ནི་
སྲོག་བྱེད་བཟའ་དང་བཏུང་བ་མ་ལུས་པ། །དེ་རྣམས་ཐུར་སེལ་གྱིས་ནི་འོག་ཏུ་འདྲེན་ནོ་
མཐའ་དག་རོ་མཉམ་ལུས་ལ་མཉམ་གནས་དག་གིས་འཐོབ། །ལུས་ལ་གྱེན་རྒྱུས་གཡོ་བར་
བྱེད་དེ་ཁ་དང་ལག་པ་རྐང་པ་རྣམས་ཀྱིས་གླུ་དང་ཟློས་གར་བྱེད། །ཁྱབ་བྱེད་ཀྱིས་ནི་ནད་
དག་བྱེད་དེ་རང་བཞིན་ཡོན་ཏན་དབང་གིས་ལུས་ནི་འཇིག་པ་དེ་ལྟ་ཉིད། །ཀླུ་ཡང་སྒྲེགས་པ་
ཉིད་དེ་གསལ་བར་ལག་པ་རྐང་པ་སྐུམ་པ་དག་ནི་རུས་སྦལ་རླུང་གིས་སོ། །ཁྲོ་དང་འཁྲུག་པ་
མཐའ་དག་དེ་ནི་རྩངས་པའི་རླུང་དག་གིས་ཏེ་གླལ་བ་དག་ཀྱང་ལྷ་སྦྱིན་གྱིས། །ལུས་ནི་ལྔ་པ་
ཉིད་འགྱུར་གཏོང་བ་མི་བྱེད་མི་ཡི་བདག་པོ་རླུང་གཅིག་ནོར་ལས་རྒྱལ་བའོ། །དེ་ལྟར་སྲོག་
ལ་སོགས་པའི་རླུང་རྣམས་ཐམས་ཅད་རང་བཞིན་གྱིས་གནས་ཡོན་ཏན་དག་ནི་གཏོང་མི་
བྱེད། །དམར་སེར་ཕྲ་མོ་དག་ཀྱང་ཨི་ཌ་ལ་སོགས་རྣམ་གསུམ་ལམ་བགྲོད་སྣར་མ་དང་ནི་
22-1-418


ལག་ལྡན་ལྕེ། །དྲུག་པ་རྒྱལ་དང་རི་ཡང་རྒྱལ་བ་ནོར་དང་དགུ་པ་ཨ་ལཾ་བུ་ཥ་དཔལ་ལྡན་ཀུ་
ཧཱའོ། །ཕྱོགས་ཀྱི་གྲངས་ནི་དུང་ཅན་མ་གང་མི་ཡི་བདག་པོ་བྱང་ཆུབ་ས་བོན་བདེ་བའི་མཐར་
ཟག་བྱེད། །དཔལ་ལྡན་རྩ་ཡི་འཁོར་ལོ་འདི་ནི་རྣམ་པ་མང་པོར་འགྱུར་ཏེ་ཚིགས་ཀྱི་དབྱེ་བ་
དུ་མས་སོ། །དབང་པོ་མེ་དང་གཤིན་རྗེ་ལྷ་མིན་ཆུར་བཅས་རླུང་དང་གནོད་སྦྱིན་དང་ནི་དྲག་
པོ་དག་གི་དབུས། །གནས་ནི་འདི་དག་རྣམས་སུ་དེ་ཡི་རང་བཞིན་རྟེན་ཅིང་ནུས་པ་ཉིན་དང་
མཚན་མོར་འཁོར་བར་བྱེད། །དེ་ཡི་སྟེང་གི་མགྲིན་པའི་ཕྱོགས་སུ་གཟའ་ཡི་ཚོགས་དང་
བཅས་པའི་རྒྱུ་སྐར་འཁོར་ལོ་ཡང་དག་གནས། །ཚངས་པའི་ཡུལ་ས་དཔལ་ལྡན་དཔྲལ་བ་
དག་ནས་དབྱངས་ཀྱིས་ཡོངས་སུ་བསྐོར་བའི་ཐིག་ལེ་དཀར་པོ་ཟག །རྩ་བར་ས་སྟེ་གཡོན་དུ་
ཆུ་དང་གཡས་སུ་བསྲེག་ཟ་དག་ནི་རབ་ཏུ་འབབ་སྟེ་སྟེང་དུ་རླུང༌། །གཉིས་ཀྱི་དབུས་སུ་ནམ་
མཁའ་དང་ནི་མཉམ་པ་རབ་ཏུ་འབབ་སྟེ་སྣ་བུག་དག་ལ་རིམ་པས་སོ། །འདི་དག་རྣམས་ནི་
དབུགས་ཏེ་ནུས་པ་མཆོག་གི་གནས་དང་བཅུ་གཉིས་མཐའ་དང་ཆ་ཡི་མཐའ་རུ་འགྲོ། །ཞིང་
ལ་སོགས་པ་ལག་པ་རྐང་པ་ལག་པད་སྦྱར་བ་དག་ལ་མཐེ་བོའི་མཐར་ཐུག་མཐའ་དག་གོ ། 
གཙུག་ཏོར་ལ་ནི་ཆུ་གཏེར་སྙིང་ཁར་བརྒྱད་དེ་སྤྱི་བོར་མི་བདག་མགྲིན་པ་ལ་ཡང་སོ་ཡི་
གྲངས། །ལྟེ་བར་བརྒྱད་ནི་བརྒྱད་ཀྱིས་བསྒྱུར་བ་དག་སྟེ་ཉིས་འགྱུར་མི་བདག་གསང་བའི་
དབུས་སུ་རབ་ཏུ་གྲགས། །རྩ་དྲུག་རྣམས་ནི་འཁོར་ལོ་འགོག་ཅིང་བཅུ་ནི་ཡུལ་རྣམས་འཕྲོག་
པ་འདུས་པ་དག་གི་རང་བཞིན་ཏེ། །སླར་ཡང་ཡང་ནས་ཡང་དུ་ཉིས་འགྱུར་བསྒྱུར་བ་དག་
ཀྱང་བན་ཀན་འཁྲིས་པ་དག་དང་རླུང་གི་ཆ། །འདི་རྣམས་ངེས་པར་འཆི་བ་སྟེར་བྱེད་བླ་མའི་
ངེས་པའི་དབང་གིས་ཚེ་དང་ནད་མེད་དག་ཀྱང་སྟེར། །འཁོར་ལོ་དྲུག་ལ་དུས་ཀྱི་རྩ་རྣམས་
འཆི་བའི་འཇིགས་འཕྲོག་རྣལ་འབྱོར་རྣམས་ཀྱིས་འདི་ལ་ངོ་མཚར་མེད། །གཙུག་ཏོར་ལ་ནི་
ཆུ་གཏེར་དཔྲལ་བར་རྒྱ་མཚོས་བསྣུན་པའི་དུས་རྣམས་བད་ཀན་ཁམས་ནི་རབ་འཁྲུག་པའོ།  །
22-1-419

 
མགྲིན་པར་སོ་དང་སྙིང་ཁའི་ཆུ་སྐྱེས་དག་ལ་མིག་གིས་བསྒྱུར་བའི་དུས་རྣམས་འཁྲིས་པའི་
ཁམས་རབ་འཁྲུག །ལྟེ་བ་གསང་བ་དག་ལ་ཆུ་གཏེར་དྲུག་ཅུ་མི་བདག་དག་ཀྱང་དེ་བཞིན་
རླུང་གི་ཁམས་རབ་འཁྲུག །གསང་བར་གཞན་ནི་ཕྱོགས་དང་དྲུག་ཀྱང་རབ་ཏུ་གསལ་བྱས་
ངེས་པར་འདུས་པ་དག་སྟེ་འགོག་པའོ། །སྲོག་ནི་གལ་ཏེ་རྩ་གཅིག་ཉིད་ལ་ཉིན་དང་མཚན་
མོར་འབབ་ན་འཚོ་བ་དག་ནི་དུས་ཀྱི་ལོ། །གལ་ཏེ་ཕྱོགས་གཅིག་རྣམ་པར་མ་ཆད་འབབ་ན་
མི་རྣམས་ཀྱི་ནི་འཚོ་བ་ཕྱེད་དང་བཅས་པའི་ལོ། །ཟླ་བ་གཅིག་ཏུ་རྣམ་པར་མ་ཆད་འབབ་ན་
མི་ཡི་བདག་པོ་འཚོ་བ་དག་ཀྱང་ཟླ་བ་གསུམ། །དེ་ལྟར་རྣལ་འབྱོར་པས་ནི་རང་ལུས་དག་ལ་
ཟླ་བགྲོད་འཆི་བ་དུས་ཀྱི་འཁོར་ལོར་ཤེས་པར་བྱ། །ལྔ་ནས་ཉིན་ཞག་ཉི་ཤུ་རྩ་ལྔར་བགྲོད་
ཅིང་སྐྱེ་བ་ལྔ་ལྔ་ཡིས་ནི་སྐྱེ་ཞིང་འཕེལ་བ་སྟེ། །དེ་ནས་རེ་རེ་ལྷག་པས་བཅུ་ནི་གསུམ་གྱིས་
བསྒྱུར་བ་དག་ཀྱང་གསུམ་ནི་ལྷག་པ་ཇི་སྲིད་ཉིད། །དུས་ནི་རྫོགས་ནའོ་ལོ་རྣམས་གསུམ་
མིག་ཟླ་བ་དེ་དག་རྣམས་དང་དྲུག་གསུམ་ཟུང་དང་ཟླ་བ་གང༌། །ཟླ་བ་དེ་དག་རྣམས་དང་ཉིན་
ཞག་ཚེས་ཕྱོགས་མདའ་དང་ཡོན་ཏན་གཉིས་ཟླ་འཚོ་བའི་ལྷག་མའོ། །དབུགས་དང་ཆུ་སྲང་
དང་ནི་ཆུ་ཚོད་ཉིན་མཚན་དུས་རྣམས་དེ་ནི་རིམ་པ་དག་གིས་རྒྱུ་བ་སྟེ། །བགྲོད་པའི་ཡན་ལག་
ལས་ནི་ལོ་བདུན་རྣམས་ཀྱིས་བགྲོད་པ་འགྲོ་བའི་དབང་ལས་ལོ་ནི་དྲུག་ཅུས་ཀྱང༌། །ཟླ་བ་
གསུམ་ལས་སུམ་ཅུའི་ལོ་ཡིས་ཉིན་ཞག་བགྲོད་པའི་དབང་ལས་དུས་ཀྱི་ལོ་དང་ཕྱོགས་ཀྱིས་
ཀྱང༌། །དུས་ཀྱི་འཁོར་ལོ་དག་ལས་ཕྱེད་བཅས་སུམ་ཅུ་གཉིས་ཀྱིས་བགོས་པའི་ཉིན་ཞག་
ཚོགས་ཀྱིས་རྒྱུ་བར་འགྱུར། །ཕྱོགས་དང་ཕྱོགས་ལ་རྩ་ནི་དགུ་ཡིས་བསྣུན་པའི་ལག་འགྲོ་ལྟེ་
བའི་འཁོར་ལོ་དག་ལ་གཅོད་པར་བྱེད། །ལས་ཀྱི་འཁོར་ལོ་བྱ་བ་ཞེས་བྱའི་ཚིག་ལས་ཉིན་
ཞག་རྩེ་མོ་ཅན་གྱིས་རྩ་ནི་རེ་རེ་འདོར། །མགྲིན་པ་དག་ལས་རྒྱུ་སྐར་རྩ་ནི་ཉིན་དང་ཉིན་ལ་ཟླ་
བའི་ནང་དུ་རིམ་པས་འདོར་བ་སྟེ། །ཐིག་ལེར་གནས་པ་ཟླ་བའི་རྐང་པ་ཕྱོགས་ཀྱི་ནང་དུ་
22-1-420


འདོར་ཏེ་གཟའ་ཡི་རྩ་དང་གསང་བར་གནས། །སྲོག་ནི་ལུས་ལ་ལྷག་པ་གང་ཞིག་རབ་
གསལ་མཚམས་སུ་རིག་བྱེད་རྐང་ཆད་ཀྱིས་དམན་དྲུག་ཅུ་སྟེ། །འཕོ་བའི་དབྱེ་བ་དག་གིས་
ཐམས་ཅད་ཉིན་ཞག་སོ་སོའི་དུས་སུ་རྩ་ནི་ཟུང་དག་ངེས་པར་འཇོམས། །ཡང་དང་ཡང་དུ་ལོ་
ཡི་དབུས་སུ་ཉི་ཟླ་རྒྱུ་བ་དག་ལས་སྟོང་པ་མིག་དང་རི་ཡི་གྲངས། །དེ་ལྟར་རང་རང་ཚད་ཀྱིས་
ལོ་བརྒྱ་དག་གིས་ལྷ་མི་རྣམས་ཀྱིས་རང་གི་ཚེ་ལ་དུས་བགྲོད་དོ། །སྐྱེ་བ་དང་ནི་བཙའ་བའི་
དུས་དང་བྱིས་པ་གཞོན་ནུ་དག་གི་གཟུགས་ན་བྱེད་པ་གང་ཡིན་པ། །དེ་ཉིད་འཇིག་རྟེན་དག་
ཏུ་སླར་ཡང་སྡུད་པར་བྱེད་པ་དུས་ཀྱི་འཁོར་ལོ་ཅན་ཏེ་ཉི་མ་མིན། །ཟླ་བ་ཉི་མ་ལ་སོགས་ལྷ་
རྣམས་འབྱུང་བ་དང་བཅས་མཚན་མོའི་ཆ་ལ་བཅོམ་ལྡན་དེ་ཡིས་འཛིན། །སླར་ཡང་ཉིན་མོའི་
དུས་སུ་མཐའ་ཡས་རྣམས་ཀྱང་གཏོང་བར་བྱེད་དེ་སྐྱེད་པའི་རྒྱུར་ནི་རིམ་པས་སོ། །སྒྲ་ལ་
སོགས་པ་དྲུག་པོ་རྣམས་ཀྱི་ལས་སུ་འགྱུར་ཏེ་དབང་པོ་དྲུག་པོ་དག་ཀྱང་བྱེད་པའོ། །ལོ་དང་
ཟླ་བ་ཕྱོགས་དང་ཉིན་དང་མཚན་མོ་ཚེས་དང་ཟླ་བ་ཉི་མ་དག་ཀྱང་བྱེད་པའོ། །དེ་རྣམས་སྡུད་
པའི་བྱེད་པོ་འདིར་ནི་གཞན་འགྱུར་སྐྱེད་པའི་བྱེད་པ་པོ་ནི་བྱེད་པ་པོ་མ་ཡིན། །མཁའ་ཁྱབ་
མཁའ་ཡི་རྡོ་རྗེ་ཅན་ནི་ཡུལ་དང་རྣམ་བྲལ་ཡོན་ཏན་མེད་ལ་རང་བཞིན་མེད་པའོ། །དྲི་དང་ཁ་
དོག་དང་ནི་རོ་དང་རེག་བྱ་ཞེས་དང་འཛིན་མ་དང་ནི་ཆུ་དང་མེ་དང་རླུང༌། །ངེས་པར་གཟུགས་
ཅན་བརྒྱད་པོ་རྣམས་ནི་མཐའ་དག་ཡུལ་གྱི་ཚོགས་པ་དག་སྟེ་གཅིག་ནི་གཙོ་བོར་འགྱུར། །
འཇིག་རྟེན་གསུམ་པོ་མཐའ་དག་འདི་ནི་སྤྲོ་བ་དག་དང་སྡུད་པར་འགྱུར་ཏེ་དུས་ཀྱི་མཐུ་
ལས་སོ། །སྒྲ་དང་སྟོང་པ་དང་ནི་ཆོས་ཀྱི་ཁམས་དང་ཡིད་ཀྱང་མི་ཡི་བདག་པོ་གཟུགས་མེད་
དུ་འགྱུར་རོ། །བདག་ཉིད་འཆིང་སྟེ་རང་བཞིན་ལ་གནས་ཡོན་ཏན་རྣམ་རྟོག་རྣམས་ཀྱིས་དར་
གྱི་སྲིན་བུ་ཇི་བཞིན་ཉིད། །བདག་ཉིད་བདག་གིས་ངེས་པར་སླར་ཡང་རྣམ་པར་རྟོག་པ་མེད་
པའི་ཡིད་དག་ལ་ནི་གྲོལ་བར་བྱེད། །དེ་ཕྱིར་རྒྱལ་པོ་རང་གི་ལས་ནི་རང་བཞིན་ཡོན་ཏན་ལ་
22-1-421


གནས་སྡུག་བསྔལ་དང་ནི་བདེ་བ་བྱེད། །རང་བཞིན་རྣམ་པར་བྲལ་བ་སུ་ཞིག་བྱེད་པོ་ཅི་ཞིག་
བྱེད་དེ་མི་ཤེས་འཇིག་རྟེན་རྨོངས་པར་བྱེད། །ས་དང་ཆུ་དང་མེ་དང་རླུང་དང་ནམ་མཁའ་དང་
ནི་ཡིད་དང་བློ་དང་ངར་འཛིན་དག་གི་སེམས། །རགས་དང་ཕྲ་མོ་གཞན་ཡང་རྣམ་གསུམ་
ཡོན་ཏན་ལ་གནས་ཡི་གེ་ཐིག་ལེ་ལ་སོགས་དབྱེ་བ་ཡིས། །རགས་པ་རགས་པའི་དབང་པོ་
རྣམས་ལ་རང་བཞིན་གྱིས་ཀྱང་གནས་ཏེ་ཕྲ་མོའི་སེམས་ལ་ཕྲ་མོ་ཡང༌། །ཡེ་ཤེས་ལ་ཡང་ཡེ་
ཤེས་སྐུ་སྟེ་རང་བཞིན་རྣམས་འགྱུར་མེད་པའི་འཚོ་བ་འབྱུང་བ་འབྱུང་བ་མིན། །ཨ་སོགས་
སྟོང་པ་ལྔ་ནི་རང་བཞིན་རྣམ་པར་འགྱུར་མིན་དཔལ་ལྡན་ཆ་དང་ཐིག་ལེ་ནཱ་ད་དང༌། །དུས་
དང་སེམས་དང་བློ་སྟེ་རང་བཞིན་དག་ཀྱང་དེ་བཞིན་གཞན་པའི་དབྱངས་ནི་རླུང་ལ་སོགས་
པའོ། །རགས་པའི་སྡེ་པའི་ཡི་གེ་རྣམས་ནི་གསུམ་གྱིས་བསྒྱུར་པའི་བཅུ་སྟེ་བཅུ་དྲུག་གཞན་ནི་
རྣམ་འགྱུར་རོ། །དེ་དག་དབུས་སུ་རྡོ་རྗེ་ཅན་ནི་རང་བཞིན་མིན་ཞིང་རྣམ་འགྱུར་མིན་ཏེ་ཁྱབ་
བྱེད་རང་བཞིན་མེད། །འཁོར་བར་བདེ་དང་སྡུག་བསྔལ་རང་བཞིན་ཡོན་ཏན་ལ་གནས་ལས་
ལས་སྐྱེས་པ་དེ་ནི་སྤྱོད་པ་སྟེ། །མི་རྣམས་ཀྱི་ནི་ལས་འདི་དག་ཀྱང་རྣམ་པ་གསུམ་དུ་འགྱུར་ཏེ་
རགས་དང་ཕྲ་མོ་ཞི་བའོ། །བདག་ནི་བྱེད་པ་པོ་ཡང་ཁྱད་པར་ལས་བྱེད་གཞན་པ་ཕྱུགས་
བདག་ཀྱང་ཡོད་བྱེད་པོ་ཞེས་པ་ལས། །བྱེད་པོ་བདག་གམ་གཞན་པ་མིན་ཏེ་རང་བཞིན་རྣམ་
པར་བྲལ་བར་ཤེས་པ་དེ་ནི་ལས་མ་ཡིན། །དེ་ཕྱིར་བྱེད་པོ་འགའ་ཡང་སྲོག་ཆགས་རྣམས་ཀྱི་
བདེ་དང་སྡུག་བསྔལ་དག་ནི་མི་སྦྱིན་མི་འཕྲོག་སྟེ། །འཁོར་བ་དག་ཏུ་རྣམ་པ་གསུམ་པོ་གང་
བྱས་སྔོན་གྱི་ལས་ནི་འབྲས་བུ་རབ་ཏུ་སྦྱིན་པར་འགྱུར། །སྐྱེད་དང་སྡུད་པའི་བྱེད་པ་པོ་འདི་
སྟེར་ཞིང་དེ་ནི་འཕྲོག་པ་རྨོངས་པ་རྣམས་ཀྱི་བློ་ཡིན་ཏེ། །ལུས་ལ་དཔག་མེད་དགེ་བ་འཕྲོག་
པར་བྱེད་པའི་བུག་པ་རང་གི་དབང་པོ་རྣམས་ཀྱི་མཐོང་མ་ཡིན། །འདོད་པའི་ནུས་དང་བྱ་བ་
དང་ནི་གསུམ་པ་ཤེས་པའི་ནུས་པ་འགྲོ་བ་རང་གི་ཡིད་ལ་སྟེ། །དངོས་པོ་གསལ་བ་དང་ནི་
22-1-422


འཇུག་པ་དག་དང་རོ་མཉམ་རྒྱུར་ནི་དོན་ལ་ཉེ་བར་དམིགས་པར་བྱེད། །སླར་ཡང་དོར་བ་
དག་ནི་བཞི་པ་སྲིད་གསུམ་གྱིས་བཏུད་གཉིས་མེད་ཀྱིས་ཀྱང་ངེས་པར་རིམ་པས་སོ། །དེ་
རྣམས་ནང་ནས་རྡོ་རྗེ་ཅན་ནི་མི་ཡི་བདག་པོ་ཅུང་ཟད་མི་ཟ་གཏོང་བ་མིན་པ་ཉིད། །བདག་ནི་
བྱེད་པོ་སྡུག་བསྔལ་བདེ་བ་རབ་ཏུ་སྦྱིན་པ་པོ་དེར་འགྱུར་པ་མིན་ནོ་མི་ཡི་བདག །འགའ་ཡང་
བཅིངས་དང་གྲོལ་བ་འགྱུར་མིན་མི་ཡི་བདག་པོ་སེམས་ཀྱི་ནུས་པ་རྣམ་པར་སྤངས་ནས་སོ། །
བུམ་པའི་ནང་དུ་ཆུ་ནི་ལེན་པར་བྱེད་པ་ན་ཡང་ནམ་མཁའ་འགྲོ་བ་མིན་པ་ཇི་ལྟ་བར། །
མཁའ་ཁྱབ་མཁའ་ཡི་རྡོ་རྗེ་ཅན་ནི་ཡུལ་དང་རྣམ་པར་བྲལ་བ་ལུས་ཀྱི་དབུས་སུ་དེ་བཞིན་ནོ། །
ཞི་བའི་བསམ་པ་ལ་ནི་ལྷ་ཉིད་དུ་འགྱུར་མི་ཡི་བདག་པོ་མུན་པ་ལ་ནི་དམྱལ་བ་ཉིད། །རྡུལ་
དག་ལ་ཡང་དུད་འགྲོ་ཉིད་དེ་རབ་མཆོག་ས་ཡི་སྟེང་དུ་མི་ཉིད་དག་ནི་འདྲེས་པ་ལ། །འབྱུང་
པོ་ཉིད་ནི་རྣམ་པ་གསུམ་སྟེ་རྡུལ་དང་མུན་པ་དང་ནི་སྙིང་སྟོབས་ཕན་ཚུན་འདྲེས་པ་ལའོ། །
འཆི་བའི་དུས་སུ་ཡིད་ཀྱི་བསམ་པ་གང་ཞིག་དྲན་པར་གྱུར་པ་དེར་ནི་སྐྱེ་བོ་ཡང་དག་སྐྱེ། །ལྷ་
ཉིད་བརྒྱད་ཀྱི་དབྱེ་བ་དག་གིས་ལྷ་ཡི་མཆོག་གི་གནས་སུ་མི་ཉིད་གཅིག་ནི་ཇི་ལྟ་བ། །དུད་
འགྲོ་དག་ཀྱང་ཆུ་གཏེར་རྣམ་པ་ངེས་པར་དམྱལ་བའི་འགྲོ་བར་དམྱལ་བ་ཉིད་ནི་དེ་བཞིན་
གཅིག །གནས་འདི་རྣམས་སུ་རོ་ཡི་འགྲོ་བར་སྐྱེ་བོ་འཁོར་ཏེ་ལས་ཀྱི་ཞགས་པས་ངེས་པར་
བཅིངས་པ་རྣམས། །སྐྱེ་བ་འབུམ་ཕྲག་དུ་མས་གྲོལ་བ་མིན་ཞིང་ཐར་མཆོག་བདེ་བའི་གོ་
འཕང་དུ་ནི་འགྲོ་བ་མིན། །ཕུང་པོ་ཁམས་དང་དབང་པོ་དང་ནི་རྣམ་གསུམ་སྲིད་པ་འཇིག་པ་
ལས་ཀྱི་དབང་པོ་ལྔ་དག་དང༌། །དེ་ཙམ་དང་ནི་ལས་ཀྱི་སྐྱོན་དང་ཡོན་ཏན་དང་བཅས་ཡིད་
དང་བློ་དང་ངར་འཛིན་ལ་སོགས་ཏེ། །འདི་རྣམས་ཀྱིས་བཅིངས་འཚོ་བ་དག་ནི་རོ་ཡི་འགྲོ་
བར་འཁོར་ཏེ་ཕྲ་མོའི་དངོས་པོ་དག་གིས་སླར། །དངོས་པོ་སྤངས་ན་མི་ཟད་མཆོག་གི་གནས་
སུ་རབ་ཏུ་འགྲོ་སྟེ་སླར་ཡང་གང་དུའང་སྐྱེ་ལྡན་མིན། །འོད་ཟེར་ལམ་ནི་ཉི་མའི་སྣང་བ་དཀར་
22-1-423


པོ་ཉིན་མོ་བགྲོད་པ་བྱང་དང་ལོ་ཡི་ཕྱེད་དག་ཀྱང༌། །ཟླ་བའི་སྣང་བ་མཚན་མོ་དག་དང་
དཀར་མིན་བགྲོད་པ་འདི་ནི་ལྷོ་སྟེ་དུ་བ་དག་གི་ལམ། །འོད་ཟེར་ལྷ་རྣམས་མཐོ་རིས་སུ་སྟེ་
དཀར་མིན་བགྲོད་པ་དེ་བཞིན་ལྷ་མིན་ཀླུ་ཡི་འཇིག་རྟེན་དུ། །ཀུན་ཏུ་འདྲེས་པ་མི་བདག་མི་
ཡི་འཇིག་རྟེན་དུ་ནི་ཡི་དྭགས་དུད་འགྲོ་མི་རྣམས་དག་གིར་འགྱུར། །ཕྱག་རྒྱ་གསུངས་པ་
བསྒོམ་པའི་དོན་ཏེ་ཉིན་མཚན་དུས་སུ་ཆགས་པ་ཟད་པའི་དོན་ནི་མིན་པ་ཉིད། །གསུང་གི་རྡོ་
རྗེ་མཆོད་པའི་དོན་ཏེ་ངེས་པར་སྔགས་པ་རྣམས་ལ་མྱོས་བྱེད་གསུངས་པ་ཉིད་མ་ཡིན། །ཁ་
ཟས་ཐམས་ཅད་བདེ་བའི་དོན་ཏེ་ཉིན་ཞག་སོ་སོའི་དུས་སུ་མ་ཞུའི་རྒྱུར་ཡང་མ་གསུངས་སོ། །
དཔལ་ལྡན་སྤྱོད་པ་དངོས་གྲུབ་རྒྱུར་ཏེ་མཚན་མོ་དུར་ཁྲོད་འཁྱམས་པ་དག་ཀྱང་རྩེད་མོའི་
དོན་མ་ཡིན། །བདག་མེད་ལས་ཀྱི་རྣམ་སྨིན་སྲིད་པ་གསུམ་དང་དུས་ཀྱི་འགྲོ་བ་ཡན་ལག་
བཅུ་གཉིས་རྟེན་འབྲེལ་ལས། །ཡང་དག་བྱུང་དང་རིག་བྱེད་བདེན་པ་གཉིས་ཀྱིས་བསྒྱུར་
བའི་དགུ་ནི་མ་འདྲེས་སངས་རྒྱས་ཆོས་རྣམས་ཏེ། །ཕུང་པོ་ལྔ་དང་སྐུ་གསུམ་ལྷན་སྐྱེས་ཞེས་
དང་དེ་བཞིན་ཉིད་དུ་བེམ་པོ་མ་ཡིན་སྟོང་པ་ཉིད། །འདི་དག་གང་དུ་གསུངས་པ་དེ་ནི་ངེས་
པར་རྡོ་རྗེ་ཅན་གྱི་བསྟན་པ་དག་ཏུ་རབ་ཏུ་འགྱུར། ༥༣༣ །དཔལ་དུས་ཀྱི་འཁོར་ལོའི་རྒྱུད་
ལས་ནང་གི་ལེའུའི་སྙིང་པོའོ།།  །། 
དང་པོར་ཡང་དག་བསྟེན་བྱའི་བླ་མ་དག་ཀྱང་དམ་ཚིག་ལྡན་ཞིང་རྡོ་རྗེ་ཐེག་ལ་ལྷག་པར་
གནས། །དེ་ཉིད་བསྒོམས་ཤིང་མ་ཆགས་དྲི་མ་དག་དང་རྣམ་པར་བྲལ་ཞིང་བཟོད་པའི་ངང་
ཚུལ་ལམ་ལ་ཞུགས། །སློབ་མ་རྣམས་ལ་ལམ་ནི་སྦྱིན་བྱེད་དམྱལ་བའི་འཇིགས་པ་འཕྲོག་
ཅིང་དེ་ཉིད་ལས་ནི་ཚངས་སྤྱོད་ལྡན། །བདུད་རྣམས་ལ་ནི་རྡོ་རྗེའི་དབྱུག་པ་དེ་ཡང་འཛིན་
མའི་གཞི་ལ་རྡོ་རྗེ་སེམས་དཔར་རབ་གྲགས་པའོ། །ང་རྒྱལ་དང་ལྡན་ཁྲོ་བས་ཟིལ་མནན་
དམ་ཚིག་རྣམ་བྲལ་རྫས་ལ་བརྐམ་ཞིང་ཐོས་པ་དག་ཀྱང་མེད། །སློབ་མ་རྣམས་ནི་བསླུ་བ་
22-1-424


དོན་དུ་གཉེར་ཞིང་མཆོག་གི་བདེ་བའི་གནས་ལས་སེམས་ཉམས་དབང་མ་བསྐུར། །ལོངས་
སྤྱོད་དག་ལ་ཀུན་ཆགས་བག་མེད་རྩུབ་མོའི་ཚིག་དང་བཅས་ཤིང་དབང་པོའི་དོན་དུ་འདོད་
ལྡན་པ། །དེ་ཉིད་དམྱལ་བ་བཞིན་དུ་སློབ་མ་མཁས་པ་རྣམས་ཀྱིས་རྫོགས་པའི་བྱང་ཆུབ་རྒྱུར་
ནི་སྤང་བར་བྱ། །ཟབ་ཅིང་རྒྱ་ཆེ་ལ་སེམས་བླ་མའི་ངེས་པ་ལ་དགའ་གཏོང་བའི་ངང་ཚུལ་དང་
ལྡན་ཡོན་ཏན་ཤེས། །ཐར་པ་དོན་གཉེར་རྒྱུད་ལ་གུས་ཤིང་གཡོ་བ་མིན་པའི་སེམས་ལྡན་དེ་
ཉིད་ཐོབ་པ་ཤིན་ཏུ་སྦེད། །གདུག་པ་རྣམས་ཀྱི་གྲོགས་ཉམས་སློབ་མ་དེ་ཉིད་བླ་མ་ཤིན་ཏུ་
མཁས་པ་རྣམས་ཀྱིས་བསྡུ་བྱ་བ། །ཤེས་རབ་དབང་ལ་སོགས་པའི་རྒྱུར་ཏེ་གཞན་ཞེས་བྱ་བ་
སླར་ཡང་འབྲིང་པོ་བསོད་ནམས་དག་གི་རྒྱུར། །ནག་པའི་མཐར་ནི་དཀར་པོའི་ཚིགས་ལ་
གཞན་ལ་ཕན་པའི་བླ་མས་དཀྱིལ་འཁོར་དག་ནི་བཞེངས་བྱས་ནས། །སྡིག་པའི་དྲི་མ་འཕྲོག་
པའི་དབང་བདུན་རྣམས་ནི་བསོད་ནམས་དོན་དུ་བུ་རྣམས་དག་ལ་སྦྱིན་པར་བྱ། །ཡང་ན་
མཐའ་དག་ཡོན་ཏན་གཏེར་ནི་བསྟན་པའི་སླད་དུ་རྣལ་འབྱོར་མ་རྣམས་དག་ལ་མཆོད་པར་
བྱ། །མཆོད་པ་མེད་ན་ལོ་གཅིག་ཏུ་ནི་རྒྱུད་ཀྱི་རྒྱལ་པོ་དག་ནི་བླ་མས་བསྟན་པར་མི་བྱའོ། །
དབང་གི་དོན་དུ་ས་ནི་ཡོངས་བརྟག་ནགས་དང་གྲོང་ཁྱེར་གྲོང་བརྡལ་གྲོང་གི་ཕྱོགས་ཀྱི་ཆ་
དག་དང༌། །ཐབ་ཁུང་རྣམས་ཀྱི་མཚན་ཉིད་དང་ནི་བུམ་པ་དང་བཅས་རྡུལ་ཚོན་སྦྱིན་སྲེག་
ཕུར་བུ་ལ་སོགས་དང༌། །སློབ་མ་རྣམས་ནི་བསྡུ་བ་དག་དང་གང་ཡང་རྒྱལ་བའི་བདག་པོ་
མཆོག་གི་དཀྱིལ་འཁོར་བྲི་བ་དག །ཤེས་ནས་སློབ་དཔོན་གྱིས་ནི་དགེ་དང་མི་དགེའི་འབྲས་
སླད་ཞི་བ་ལ་སོགས་མཐའ་དག་རབ་ཏུ་བྱ། །དཔལ་ལྡན་རྡོ་རྗེ་རྣམས་ཀྱིས་ཕྱོགས་ཀུན་ཏུ་
གནས་མཐའ་དག་བདུད་ཀྱི་ཚོགས་རྣམས་ངེས་པར་བསྲེག་བྱ་སྟེ། །ཕྱི་ནས་འཁོར་ལོའི་
རྩིབས་བཅུ་རྣམས་ལ་ཕྱོགས་དང་ཕྱོགས་བྲལ་དུ་གནས་ཁྲོ་བོའི་ཚོགས་ནི་བསྒོམ་པར་བྱ། །
འཁོར་ལོའི་དབུས་སུ་གཉིས་ལྷག་རྒྱལ་བའི་ཕྱག་དང་དུས་ཀྱི་ཞལ་ཀྱི་ཞལ་ལྡན་ཁྲོ་བོའི་
22-1-425


དབང་པོ་རྡོ་རྗེ་ཤུགས། །དེ་ནས་བླ་མའི་ངེས་པ་དང་ལྡན་གང་ཞིག་ཅུང་ཟད་འདོད་པ་སྒྲུབ་པ་
པོ་ཡིས་བསྒྲུབ་པར་བྱ། །རྡོ་རྗེ་གསུམ་གྱི་ས་ཡི་དཀྱིལ་འཁོར་ལ་གནས་ར་བ་གསུམ་ནི་རིང་དུ་
མཐོང་བའི་མཐའ་རུ་སྟེ། །ཐོ་རངས་གྲིབ་མ་ཡི་ནི་མཐའ་རུ་ས་གཞིའི་གནས་ལས་ནམ་མཁའ་
དག་ལ་རྡོ་རྗེ་བརྩེགས་པའོ། །དབུས་སུ་ཆུ་སྐྱེས་ཉི་མའི་ཁྲི་སྟེ་ལྟེ་བ་གདན་དང་བཅས་པ་དག་
ཀྱང་དུས་ཀྱི་ཁྲུར་འགྱུར་རོ། །དེ་ཡི་སྟེང་དུ་བདག་ཉིད་ཉེས་པ་དག་དང་རྣམ་པར་བྲལ་བ་རྣལ་
འབྱོར་པ་ཡིས་བསྒོམ་པར་བྱ། །ས་ཡི་ཕྱོགས་རྣམས་སུ་འདིར་དང་པོ་རྡོ་རྗེ་གསུམ་གྱིས་ཞིང་
སྐྱོང་རྣམས་ལ་གཏོར་མ་སྦྱིན་བྱ་སྟེ། །ཕྱི་ནས་རྡོ་རྗེ་བཞི་ཡིས་ཕྱོགས་དང་ཕྱོགས་བྲལ་ལ་
གནས་བདུད་ཀྱི་ཚོགས་ནི་ངེས་པར་བསྲེག་པར་བྱ། །ས་ཡི་ལྷ་མོ་སྤྱན་དྲངས་ཆུ་དང་བཅས་
པའི་མེ་ཏོག་དག་གིས་འདིར་ལ་མཆོད་ཡོན་རབ་ཏུ་སྦྱིན། །དེ་ལ་གསོལ་བ་བཏབ་སྟེ་ཕྱི་ནས་
ས་ཡི་གནས་ལ་དག་པ་དག་ནི་ཇི་ལྟར་འདོད་པ་མཛོད། །རྫོགས་པ་དག་ལ་ས་ནི་སྦྱང་དང་
བཟུང་བ་དག་ཀྱང་དེ་བཞིན་བུ་རྣམས་དག་ནི་ཡང་དག་བསྡུ། །བཅུ་གཉིས་པ་ལ་ཐིག་གདབ་
འདོད་པ་མ་ནུའི་ཉིན་ཞག་དག་ལ་དཔལ་ལྡན་རྡུལ་ཚོན་དགྱེ་བ་ཉིད། །དབང་ལ་སོགས་པ་ཉ་
ལ་མཆོག་གི་བླ་མས་སྦྱིན་ཏེ་བདུད་ནི་བཅོམ་པའི་ཉིན་ཞག་དག་ལ་ཡང༌། །དེ་ཡི་མཚན་མོ་
རྒྱལ་བའི་རིགས་ལ་རབ་ཏུ་གནས་པར་འགྱུར་ཏེ་མཚན་མོ་གཞན་ལ་རབ་གནས་མིན། །སློབ་
མའི་མགོ་བོ་སྙིང་ཁ་དེ་བཞིན་གཙུག་ཏོར་ལྟེ་བ་མགྲིན་པ་དཔལ་ལྡན་གསང་བའི་པདྨར་ནི། །
རྒྱལ་བ་ལ་སོགས་གཉི་གའི་རིགས་སུ་གྱུར་པ་སྐུ་གསུང་ཐུགས་ཀྱི་ཕྱེ་བ་དག་གིས་བསྲུང་
བྱས་ཤིང༌། །ཐིག་སྐུད་རྡོ་རྗེ་རྡུལ་ཚོན་ལྷ་དང་གཤིན་རྗེ་ཆུ་བདག་ཏུ་སྟེ་བྱང་དུ་རྡོ་རྗེ་དྲིལ་བུ་
དག །བཀོད་ནས་མཚན་མ་རྙེད་ན་དང་པོ་དང་ནི་ཕྱི་མའི་ཕྱོགས་སུ་དཀྱིལ་འཁོར་ཐིག་ནི་
གདབ་པར་བྱ། །མཚན་མ་ངན་པ་དེ་དག་མཐོང་ནས་སླར་ཡང་གཙོ་བོ་དག་གི་སྔགས་ཀྱི་
བཟླས་པ་རབ་ཏུ་བྱ། །ཤེས་རབ་ཐབས་ཀྱིས་ཡན་ལག་དབུས་སུ་ཡོངས་འཇོམས་སུ་འགྱུར་
22-1-426


དེ་ནི་དཀྱིལ་འཁོར་དག་ལ་སྤང་བར་བྱ། །ཐིག་ནི་རོ་དང་དགུ་བཅུ་འདི་རྣམས་ཚངས་པའི་
ཐིག་ལས་ཕྱོགས་ཀྱི་ཆ་རྣམས་དག་ཏུ་རབ་སྦྱིན་བྱ། །གཉིས་དང་ཆུ་གཏེར་གཅིག་དང་ཆུ་
གཏེར་གཅིག་ཉི་དུས་རོ་རྩེ་མོ་ཅན་མེ་དུས་ཕྱེད་དུས་ཕྱེད་དང༌། །དུས་དང་དུས་ནི་རབ་ཏུ་ཕྱེ་
བ་དག་དང་དུས་དང་རོ་དང་སྐྱོན་གྱི་ཆ་དག་རིམ་པ་ཡིས། །སྙིང་པོར་ལྟེ་བའི་ཕྱེད་དང་ཆུ་སྐྱེས་
འདབ་མ་ཡང་སྟེ་དེ་ནས་ཀ་བ་རྡོ་རྗེའི་ཕྲེང་བ་དང༌། །པདྨ་རྡོ་རྗེའི་ཕྲེང་བར་འགྱུར་ཏེ་ས་དག་
དང་ནི་དེ་ནས་སྒོ་དང་སྒོ་ཁྱུད་ལ་སོགས་དང༌། །ཀ་བ་ར་བ་སྟེགས་བུ་དག་དང་སླར་ཡང་དེ་
ནས་སྣམ་བུ་དང་ནི་དོ་ཤལ་ས་དག་དང༌། །མེ་ལོང་ས་ཡི་སྣམ་བུ་རྟ་བབས་དག་ཏུ་མི་ཡི་
བདག་པོ་རབ་ཏུ་བརྗོད་པའི་ཆ་ཡིས་འགྱུར། །ཕྱི་རོལ་དུ་ནི་སྒོ་སོགས་ཐམས་ཅད་ཉིས་འགྱུར་
དུ་འགྱུར་ཕྱི་རོལ་དུ་ཡང་དེ་ཡི་ཉིས་འགྱུར་རོ། །ཕྱི་རོལ་དུ་ནི་པདྨ་འཁོར་ལོ་ཤིང་རྟ་རྣམས་
དང་དཀྱིལ་འཁོར་རྣམས་ནི་ཉིན་བྱེད་དག་གིས་སོ། །ཞེས་པ་དེ་ལྟར་དབྱངས་ལྡན་རྣམས་ནི་
རིགས་ཀྱི་དབང་གིས་དཀྱིལ་འཁོར་དག་ལ་སྔགས་ཀྱི་དབྱེ་བར་འགྱུར། །ཕྱག་རྒྱ་མཚན་མ་
རྣམས་ཀྱི་ཁ་དོག་མཐའ་དག་རྡོ་རྗེ་ཅན་གྱི་ཞལ་གྱི་དབྱེ་བ་དག་གིས་འགྱུར། །ཐབ་དུ་སྦྱིན་
སྲེག་དག་ཀྱང་དེ་བཞིན་ཉིད་དུ་འགྱུར་ཏེ་སླར་ཡང་འཇུག་ངོགས་པ་རྣམས་སྤྱན་དྲང་དང༌། །
དཔལ་ལྡན་ས་ལ་བསང་བ་དང་ནི་མཆོད་ཡོན་ཆོ་ག་དེ་བཞིན་བདུད་ནི་གཞོམ་པ་དག་ཀྱང་
ངོ༌། །སྒོ་རྣམས་བསྲུང་བའི་དོན་དུ་བརྟུལ་ཞུགས་ངེས་པ་དང་ལྡན་དག་པའི་སློབ་མ་རྣམས་ནི་
རབ་བགོད་བྱ། །དཔལ་ལྡན་བུམ་པའི་རྣལ་འབྱོར་མ་རྣམས་མེ་དང་ལྷ་མིན་རླུང་དང་དབང་
ལྡན་ཟུར་དུ་རིམ་པས་སོ། །སློབ་དཔོན་དཔལ་ལྡན་ཚོགས་ཀྱི་དབང་པོར་འགྱུར་ཏེ་མི་བདག་
ལས་ཀྱི་རྡོ་རྗེ་ཅན་ནི་རབ་བྱས་ནས། །སློབ་མ་མེད་ན་ཚོགས་ཀྱི་དབང་པོ་རང་གིས་ཀྱང་ནི་
སྦྱིན་སྲེག་ལས་ལ་སོགས་པ་དག་ཀྱང་བྱ། །རིན་ཆེན་ཨིནྡྲ་གསེར་གྱི་མེ་ཏོག་དང་ནི་རྣམ་མང་
གོས་དང་དྲི་དང་སྦོས་དང་མར་མེ་དང༌། །དྲིལ་བུ་མེ་ལོང་བླ་རེ་དང་ནི་རྣམ་མང་འབྲས་བུ་བ་
22-1-427


དན་སོགས་དང་གར་དང་རོལ་མོ་ཡིས། །རྣམ་བཀྲ་མཆོད་པ་བྱས་ཏེ་གཞན་པ་རྣམ་བཅུ་
རྣམས་ཀྱང་བདག་ཉིད་ནུས་པས་ཇི་ལྟར་གསུངས་པ་བཞིན། །སློབ་དཔོན་དག་གི་ཞབས་ཀྱི་
དྲུང་དུ་མཆོག་གི་བུ་ཡིས་ཡོན་ནི་དག་པའི་སླད་དུ་དབུལ་བྱ་སྟེ། །ཁྲུས་བྱས་དྲི་ཡིས་རྗེས་
བྱུགས་བརྟུལ་ཞུགས་ངེས་པ་དང་ལྡན་ཤར་གྱི་སར་ནི་གཞག་བྱ་ཞིང༌། །དངོས་གྲུབ་དོན་དུ་སོ་
ཤིང་རྒྱལ་བ་མཆོག་གི་རྡོ་རྗེ་དག་གིས་མངོན་པར་བསྔགས་པ་རབ་སྦྱིན་བྱ། །ལྕེ་ལའང་བདུད་
རྩི་ངེས་པར་རྒྱལ་བ་མཆོག་གི་དམ་ཚིག་དག་གི་སྤོས་ནི་དབབ་པའི་དོན་དུའོ། །སྔགས་ནི་ཧཱུཾ་
གི་ཡི་གེ་གཅིག་སྟེ་ཨ་ར་ལ་དང་བཅས་པ་ཁྲོ་བོའི་གཙོ་བོ་བསྐུལ་བའོ། །དབབ་པ་ལ་ནི་ངེས་
པར་འགྱུར་ཏེ་མི་ཡི་བདག་པོ་སྔགས་པ་རྣམས་ཀྱི་སྒོམ་པའི་སྟོབས་དང་ནི། །བསྙེན་པའི་དབྱེ་
བ་དང་ནི་རྣམ་མང་དམ་ཚིག་སྔགས་ཀྱི་བཟླས་པ་སོགས་ཀྱིས་འགའ་ཞིག་དག་གི་ཚེ། །
སངས་རྒྱས་རོ་མྱང་བྱེད་པས་བདུད་རྩིའི་དབང་ལས་དཀྱིལ་འཁོར་འགའ་ཞིག་ཏུ་ནི་མཆོག་
གི་བུ་ལའོ། །རང་བྱིན་བརླབ་པས་དམན་པ་རྣམ་མང་སྲིད་པ་རྣམས་ཀྱིས་བསྔགས་པ་རྣམས་
ལ་དངོས་གྲུབ་ཡོད་མ་ཡིན། །ཕེབས་པ་བཏང་སྟེ་ཕྱི་ནས་མགོ་བོ་དང་ནི་སྙིང་ཁ་སྤྱི་གཙུག་ལྟེ་
བ་དག་དང་མགྲིན་པ་དང༌། །གསང་བར་རྒྱལ་བ་དང་ནི་རང་གི་རིགས་ཀྱི་སར་གནས་རང་
གི་རྡོ་རྗེ་གསུམ་གྱིས་བསྲུང་བར་བྱ། །ལུས་ལ་སེར་པོའི་གོས་དག་བྱིན་ཏེ་མིག་ནི་བསྒྲིབས་
པར་གྱུར་པའི་སློབ་མ་འདིར་ནི་གཞུག་པར་བྱ། །ཀུན་རྫོབ་དོན་དུ་བརྟུལ་ཞུགས་རབ་མཆོག་
བགྲོད་པ་རྣམས་ལ་བགྲོད་པ་དེ་རྣམས་ཉིད་ནི་སྦྱིན་པར་བྱ། །དཔལ་ལྡན་སྔགས་ཀྱིས་མངོན་
པར་བསྔགས་ཏེ་ལག་པའི་པདྨ་སྦྱར་བར་མེ་ཏོག་གཅིག་ནི་རབ་སྦྱིན་བྱ། །དང་པོར་ལན་
གསུམ་བསྐོར་ཏེ་ལག་པའི་པདྨ་སྦྱར་བ་དག་ལས་དཀྱིལ་འཁོར་དུ་ནི་མེ་ཏོག་དོར། །གང་གི་
གནས་སུ་མེ་ཏོག་བཟང་པོ་ལྷུང་བ་དེ་ནི་དེ་ཡི་རིགས་སུ་ངེས་སོ་མི་ཡི་བདག །ཕྱི་ནས་དབང་
ནི་བདུན་པོ་རྣམས་དང་རྣམ་གསུམ་འདིར་ནི་ཇི་བཞིན་བླ་མེད་ཡང་དག་རབ་སྦྱིན་བྱ། །ཀླུ་
22-1-428


དང་བཞི་ཡི་ནོར་བུ་གསེར་གྱི་བུམ་པ་དག་གམ་རྒྱལ་པོ་ས་ཡི་རང་བཞིན་རིན་ཆེན་བཅས། །
སྨན་དང་དྲི་དང་ལྡན་པའི་རྒྱལ་དང་རྣམ་རྒྱལ་བུམ་པ་དག་གིས་ལྷ་མོ་རྣམས་ཀྱིས་ཁྲུས་བྱའོ། །
སངས་རྒྱས་རབ་ཏུ་དབྱེ་བས་ཅོད་པན་སྦྱིན་ཏེ་མཆོག་གི་བླ་མས་ནུས་མ་རྣམས་ཀྱིས་དར་
དཔྱངས་ཉིད། །རྡོ་རྗེ་དྲིལ་བུ་ཉི་ཟླ་ལས་ཏེ་བརྟུལ་ཞུགས་དག་ཀྱང་དབང་པོར་བཅས་པའི་
ཡུལ་གྱི་སྦྱར་བར་བྱ། །ཁྲོ་བོ་རྣམས་ཀྱིས་བྱམས་སོགས་མིང་སྟེ་གསལ་བར་རྒྱལ་པའི་བདག་
པོས་རྗེས་གནང་འདོགས་བཅས་རབ་ཏུ་སྦྱིན། །རྡོ་རྗེ་དྲིལ་བུ་རབ་ཏུ་བྱིན་ནས་རབ་མཆོག་
སྙིང་རྗེ་དག་གིས་དག་པའི་ཆོས་ནི་བསྟན་པར་བྱ། །དབང་བདུན་རྣམས་ཀྱིས་མངོན་པར་
དབང་བསྐུར་དགེ་བའི་དབང་གིས་ས་བདུན་གྱི་ནི་དབང་ཕྱུག་ཉིད་དུ་འགྱུར། །བུམ་པ་གསང་
བས་མངོན་པར་དབང་བསྐུར་སླར་ཡང་ཕྱིར་མི་ལྡོག་པ་སོགས་སུ་ངེས་པར་རབ་ཏུ་འཇུག །
ཤེས་རབ་ཡེ་ཤེས་དག་གིས་མངོན་པར་དབང་བསྐུར་སྲིད་པའི་འཇིགས་པ་འཇོམས་པའི་
འཇམ་དབྱངས་ཉིད་དུ་འགྱུར། །གལ་ཏེ་གཡོ་སྒྱུའི་དབང་གིས་རྩ་བའི་ལྟུང་བ་བྱུང་ན་དམྱལ་
བར་འགྲོ་སྟེ་འདི་དག་སྡུག་བསྔལ་ལོ། །རྩ་བའི་ལྟུང་བ་རྣམ་པར་དག་པར་འགྱུར་ཏེ་ཡོན་ཏན་
ལྡན་པ་དབང་བདུན་ལ་གནས་དག་གིའོ། །བུམ་པ་གསང་བ་ལ་ནི་གལ་ཏེ་བརྟུལ་ཞུགས་
ངེས་པའི་དབང་གིས་གོང་མ་ལ་ནི་དག་པ་མེད། །རྩ་བའི་ལྟུང་བ་བྱུང་བ་གང་ཞིག་དག་པའི་
སླད་དུ་སླར་ཡང་དཀྱིལ་འཁོར་འདིར་ནི་འཇུག་བྱ་སྟེ། །རྗེས་སུ་སྣང་བ་ཐོབ་ནས་སླར་ཡང་
ཚོགས་ཀྱི་འདུས་པར་ཐུ་བོའི་མིང་ནི་ཆུང་བ་ཉིད་དུ་འགྱུར། །ཀླུ་དང་བཞི་ཡི་ནོར་བུ་གསེར་གྱི་
བུམ་པ་རྣམས་སམ་རྒྱལ་པོ་ས་ཡི་རང་བཞིན་རིན་ཆེན་བཅས། །སྨན་དང་དྲི་དང་ལྡན་པའི་
རྒྱལ་དང་རྣམ་རྒྱལ་བུམ་པ་དག་གིས་གདན་གྱི་དབུས་སུ་ཁྲུས་བྱ་སྟེ། །ཀླུ་རྣམས་ཀྱིས་ནི་
དཔལ་ལྡན་ཅོད་པན་བཅིངས་ཏེ་ནོར་འདབ་པདྨར་བཞི་ཡིས་དར་དཔྱངས་བཅིང་བར་བྱ། །
ཕྱག་རྒྱ་ལ་ནི་དཔལ་ལྡན་བུམ་པ་ཡིས་ཏེ་འདིར་ནི་པདྨ་དང་བྲལ་རེ་ཁཱ་ལྔ་པོ་སྤངས། །དང་
22-1-429


པོར་ཆུ་དག་ལ་ནི་དགེ་བསྙེན་ཉིད་དུ་འགྱུར་ཏེ་བུམ་པ་ལ་ཡང་དགེ་ཚུལ་དག་ཏུ་འགྱུར། །
གསང་བའི་དབང་ལ་དགེ་སློང་དང་ནི་གོང་མའི་བྱེད་པ་ལ་ཡང་གནས་བརྟན་ཞེས་པར་
འགྱུར་བ་སྟེ། །ཕྱག་རྒྱ་དར་དཔྱངས་ཅོད་པན་དག་དང་རྡོ་རྗེ་མཆོད་ཕྱིར་ཐོགས་ནི་བླ་མ་
མཆོག་གིས་སྦྱིན་པར་བྱ། །དེ་རྣམས་སློབ་དཔོན་སླད་དུ་རང་གི་རྒྱལ་བའི་རིགས་ཀྱི་དབང་
གིས་ཕྱག་རྒྱ་རྣམ་པར་དག་པ་ཉིད། །དཔལ་ལྡན་ཤེས་རབ་ནུ་མ་ལ་ཡང་དང་པོར་རེག་པ་
གང་ཡིན་བུམ་པའི་དབང་ནི་དེ་ཉིད་དོ། །གསང་བ་དག་ལས་རི་བོང་འཛིན་པ་མྱང་བ་དང་ནི་
བལྟ་བ་དག་གི་གསང་བའི་དབང་དུ་འགྱུར། །ཤེས་རབ་ཡེ་ཤེས་དབང་ལ་མཐའ་དག་རྒྱལ་
བའི་རིགས་ཀྱི་ཡན་ལག་ཞལ་གྱིས་སྦྱང་བ་བྱས་ནས་ནི། །རྒྱལ་བ་དག་ཀྱང་འདིར་ནི་བླ་མས་
དཔང་པོར་བྱས་ནས་སློབ་མ་ལ་ནི་ཕྱག་རྒྱ་སྦྱིན་པར་བྱ། །རྒྱན་རྣམས་ཐམས་ཅད་དང་ལྡན་
ཞུན་མའི་གསེར་དང་མཚུངས་ཤིང་བཅུ་གཉིས་ལོ་ལོན་མཛེས་པའི་བུ་མོ་ནི། །ཁྲག་དང་ལྡན་
ལ་ཤེས་རབ་ཐབས་ཀྱི་བདག་ཉིད་དག་གིས་རང་གིས་རྡོ་རྗེ་ནོར་བུས་འདོད་སྤྱད་ནས། །ས་
བོན་དང་བཅས་རྡོ་རྗེ་དག་ཀྱང་སློབ་མ་དག་པར་ཤེས་ནས་ཁ་རུ་འཕང་བར་བྱས་ནས་ནི། །ཕྱི་
ནས་རང་གི་ཕྱག་རྒྱ་སྦྱིན་བྱ་དེ་ནས་སླར་ཡང་གཞན་ནི་དུ་བའི་ལམ་སོགས་ལྡན་པའོ། །འདོད་
པ་སྐྱོད་པར་བྱེད་པ་འགྲོ་བ་རང་གི་ཡིད་ལའོ་གང་བ་དག་ནི་གང་བ་ཉིད་དུ་འགྱུར། །གང་བ་
ཡན་ལག་མཆོག་ལས་རི་བོང་འཛིན་པ་ཁུ་བར་བྱས་ནས་འབར་བའི་ཐིག་ལ་བཟང་པོ་འཛག །
ཨོ་ཌྜས་བཀུག་པ་མཆོག་གི་བདེ་བ་རང་བཞིན་གྱིས་སྟེར་ཐིག་ལེ་གྲོལ་བ་དག་ནི་གསུམ་གྱི་
མཐར། །བལྟ་དང་རེག་དག་འགྲོགས་ལ་འཛག་བའི་བདེ་བ་འདི་དག་གིས་ནི་དགའ་བ་ལ་
སོགས་དབྱེ་བ་སྟེ། །འདོད་པ་དགའ་བར་བྱེད་དེ་དང་པོ་དག་ཀྱང་མི་རྣམས་ཀྱི་ནི་མིག་གིས་
བལྟ་བ་རྣམས་ཀྱིས་སོ། །ཕྱི་ནས་གང་བ་རབ་ཏུ་སྦྱར་བ་ཡིས་ཏེ་སླར་ཡང་མཆོག་གི་དགའ་བ་
ཉིད་དོ་རང་ལུས་ལ། །འབར་བ་ཉིད་ལས་ཐིག་ལེ་འཛག་པའི་དགའ་བ་ཡིས་ཀྱང་ཁྱད་པར་
22-1-430


དགའ་བ་རྡོ་རྗེས་པདྨ་ལ། །ཨོཌྜ་ཐིག་ལེ་གསུམ་གྱི་མཐའ་རུ་འགྱུར་བ་ལ་གནས་ལྷན་ཅིག་
སྐྱེས་པའི་དགའ་བ་རྡོ་རྗེ་བྱེད། །འདོད་དང་དགའ་བ་དང་ནི་འདར་དང་འགྱུར་མེད་དག་དང་
བཞི་པོ་ཡིས་ནི་སྦྱོར་བ་དེ་གཅིག་སྟེ། །གང་བ་དང་ནི་ནུས་དང་སྐྱེ་བ་དག་དང་མཆོག་གི་
དགའ་བ་ཉིད་ནི་གཉིས་པར་ངེས་པར་འགྱུར། །འབར་བ་དང་ནི་ཐིག་ལེ་གཉིད་ཡུར་དག་
ཀྱང་སླར་ཡང་ཁྱད་པར་དགའ་བ་ཉིད་ནི་གསུམ་པའོ། །ཨོཌྜ་དང་ནི་ནཱ་ད་དག་དང་གཉིད་
དང་ལྷན་ཅིག་སྐྱེས་པའི་དགའ་བ་ཉིད་ནི་བཞི་པར་འགྱུར། །ཕོ་ཉ་མོ་རྣམས་དག་གི་དྲི་ལྔ་
ལུས་དང་པདྨ་ལ་གནས་དེ་དག་རྣམས་ནི་རིགས་ལྔ་སྟེ། །དཔལ་ལྡན་བཟང་པོ་པདྨ་ཅན་དུ་
ངེས་འགྱུར་ཆུ་ན་རྒྱུ་མ་སྣ་ཚོགས་མ་དང་གླང་ཆེན་མ། །དཔལ་ལྡན་སྒྲོལ་མ་གོས་དཀར་ཞེས་
བྱར་འགྱུར་ཏེ་རིགས་ཀྱི་དབང་གི་མཱ་མ་ཀཱི་དང་སྤྱན་མ་ཡང༌། །རྣལ་འབྱོར་པ་ནི་སེང་གེ་རི་
དྭགས་རྟ་རུ་འགྱུར་ཏེ་ཁྱུ་མཆོག་གླང་པོའི་རིགས་ཀྱི་དབྱེ་བ་ལས། །མི་བསྐྱོད་པ་དང་དོན་ཡོད་
གྲུབ་པ་དྲི་མེད་ནོར་བུའི་ཕྱག་དང་ཕྱག་ན་པདྨ་འཁོར་ལོ་ཅན། །དྲུག་ཆ་ལུས་ཀྱི་ནང་ནས་
ལག་པ་རྐང་པ་ལུས་དག་ལས་ནི་ཡན་ལག་མཆོག་ཀྱང་སྦྱིན་པ་སྟེ། །ལས་ཀྱི་དབང་པོ་རྣམས་
ལས་ངག་དང་དབང་པོ་རྣམས་ཀྱི་ནང་ནས་ཡོན་ཏན་དང་བཅས་ཡིད་དག་ཀྱང༌། །ཁམས་ཀྱི་
ཆ་ཤས་ཁམས་ཀྱི་ནང་ནས་རྐང་གཉིས་པ་དང་ཕྱུགས་ཀྱི་ཚོགས་ལས་དེ་ཉིད་ཆ་ཡིས་གཞན། །
མཆོག་གི་ཕྱག་རྒྱ་རྗེས་སུ་རིག་པ་སློབ་དཔོན་ལ་ནི་རབ་ཏུ་ཕུལ་ན་བདེ་བའི་གནས་སུ་འགྲོ། །
སེམས་ཅན་གང་དག་རྣམ་གསུམ་སྲིད་པར་གནས་རྣམས་འཇིག་རྟེན་ཁམས་ལས་ཡེ་ཤེས་རྡོ་
རྗེ་ལྕགས་ཀྱུ་ཡིས། །བཀུག་སྟེ་དེ་རྣམས་མཐའ་དག་མཆོག་གི་སྙིང་རྗེས་དཀྱིལ་འཁོར་དུ་ནི་
སངས་རྒྱས་རྣམས་དང་རྡོ་རྗེ་ཡི། །བདུད་རྩིས་མངོན་པར་དབང་བསྐུར་ནས་ནི་དྲི་མེད་རི་བོང་
ཅན་ལུས་རྡོ་རྗེ་ཅན་གྱི་ལམ་ཐོབ་པ། །དྲི་མ་རྣམ་པར་བྲལ་ཞིང་བྱང་ཆུབ་སྤྱོད་ལ་རྗེས་སུ་
གནས་རྣམས་རང་གི་གནས་སུ་བཏང་བར་བྱ། །རྫས་རྣམས་མེད་པའི་མངོན་པར་དབང་
22-1-431


བསྐུར་རྒྱལ་བའི་བདག་པོའི་བཀའ་ཡིས་ཀུན་སྤངས་ལ་ནི་སྦྱིན་པར་བྱ། །དེ་བཞིན་དུ་བ་ལ་
སོགས་ལམ་དང་མཐའ་དག་ཡོན་ཏན་གཏེར་ནི་རྩ་ཡི་རྣལ་འབྱོར་ལྡན་པ་སྟེ། །བསྟེན་པའི་
དོན་དུ་ལག་པའི་ཕྱག་རྒྱ་རང་གི་སྙིང་གི་དབང་སོན་སྐྱོན་རྣམས་ཀུན་ལས་རྣམ་པར་གྲོལ། །
གཞན་རྣམས་ལ་ནི་རྒྱལ་བ་མཆོག་གི་སྙིང་པོ་ཡུམ་གྱི་མཆོད་པ་རྣམས་དམན་སྦྱིན་པ་ཉིད་མི་
བྱ། །མཐར་ནི་སྦྱིན་སྲེག་བྱས་ནས་རང་གི་སྙིང་ཁའི་པདྨར་ཡེ་ཤེས་སེམས་དཔའ་རབ་ཏུ་
གཞུག་བྱ་སྟེ། །འཇིག་རྟེན་པ་རྣམས་རང་གི་གནས་སུ་མཐའ་དག་རྡུལ་ཚོན་རྣམས་ཀྱང་དག་
པའི་ཀླུང་ལ་སྤྱན་དྲང་བྱ། །ཏཱམ་བུ་ལ་དང་དྲི་སྤོས་མེ་ཏོག་འབྲས་བུར་བཅས་དང་རས་ཡུག་
དག་ནི་གཞོན་ནུ་མ་རྣམས་ལ། །བྱིན་ནས་སློབ་དཔོན་སློབ་མར་བཅས་པ་མཐའ་དག་ཚོགས་
ཀྱི་རིགས་ནི་ཇི་ལྟར་འདོད་པར་མཆོད་བྱས་ཏེ། །སློབ་མ་ལ་ནི་གནང་བ་རབ་སྦྱིན་རབ་མཆོག་
ཚོགས་ཀྱི་རིགས་ནི་རང་རང་གནས་སུ་གཤེགས་སུ་གསོལ། ༣༥༣ །དཔལ་དུས་ཀྱི་འཁོར་
ལོའི་རྒྱུད་ལས་དབང་གི་ལེའུའི་སྙིང་པོའོ།།  །། 
སྐྱེད་མོས་ཚལ་ལམ་རི་བོ་དང་ནི་རྒྱལ་བ་མཆོག་གི་གནས་དང་ལྷ་ཡི་གནས་ནི་སྟོང་པ་
དང༌། །གྲུབ་པའི་གནས་དང་དུར་ཁྲོད་དང་ནི་མཚོ་དང་བཟང་པོའི་གནས་དང་དེ་བཞིན་ཉིད་
དུ་སྦས་པའི་ས། །གང་དུ་སེམས་ནི་རབ་ཏུ་ཚིམ་པར་འགྱུར་བ་དེར་ནི་བསྒྲུབ་པར་བྱའོ་མི་ཡི་
བདག་པོ་ཀྱེ། །ངེས་པར་འཇམ་པའི་མལ་ཆ་དག་དང་གདན་ལ་ཉེ་བར་འདུག་གནས་སྔར་
བརྗོད་བསྲུང་བ་བྱས་ནས་ནི། །དང་པོར་སྙིང་ཁར་ཟླ་བའི་དབུས་སུ་དེ་ཉིད་འོད་ཟེར་སྣ་
ཚོགས་རྣམས་ནི་ཕྱོགས་བཅུར་བསྒོམ་པར་བྱ། །ཁ་ལ་སོགས་པ་དག་པར་བྱས་ནས་སླར་ཡང་
ནམ་མཁའ་དག་ལ་སྤྲོས་པའི་རྒྱལ་བ་རྣམས་ལ་ནི། །མཆོད་པ་རྣམ་པ་སྣ་ཚོགས་བྱས་ནས་
སྡིག་པ་རྣམ་པ་མང་པོ་བསགས་པ་དག་ནི་བཤགས་བྱས་ཏེ། །སྒྲུབ་པ་པོ་ཡིས་ལུས་དང་ངག་
དག་སེམས་རྣམས་དག་པ་ཡིས་ནི་གསུམ་ལ་སྐྱབས་སུ་འགྲོ་བ་བྱ། །སེམས་ནི་མུན་པའི་
22-1-432


མཐའ་ཡི་མེ་སྟེ་ཡུལ་དང་རྣམ་པར་བྲལ་བ་དབུས་ཀྱི་ས་ལ་གཞག་པར་བྱ། །སྟོང་པ་རླུང་མེ་ཆུ་
དང་ས་དང་ལྷ་ཡི་རི་བོ་ཆུ་སྐྱེས་ཟླ་བ་ཉི་མ་མེ་རྣམས་ནི། །ཁང་པ་བརྩེགས་པ་ཀུན་ནས་དྲི་མེད་
འོད་ཟེར་འཕྲོ་བ་འམ་ནི་རྡོ་རྗེ་ལས་སྐྱེས་གུར་དག་གོ །དེ་ཡི་དབུས་སུ་རྡོ་རྗེའི་ས་ལ་ནོར་བུ་
འོད་ཟེར་ཚོགས་ཀྱི་དཀྱིལ་འཁོར་རྣམ་པར་འཕྲོ་བ་སྟེ། །ཟླ་བ་ཉི་མ་ལ་ཡང་ཨཱ་སོགས་ཀཱ་
སོགས་རྡོ་རྗེ་དང་བཅས་མེ་ལོང་ལ་སོགས་ལྔ་རྣམས་ཀྱིས། །འོད་ཟེར་ལྔ་རྣམས་འགྱེད་པར་
བྱེད་ཅིང་དྲི་མ་མེད་པའི་འོད་འཕྲོ་དུས་ཀྱི་འཁོར་ལོ་བསྒོམ་པར་བྱ། །འདབ་བརྒྱད་ལ་ནི་ལྷ་
མོ་བརྒྱད་རྣམས་ནོར་གྱི་ཕྱག་གི་པདྨ་རིག་བྱེད་ཞལ་དང་ཉི་མའི་སྤྱན། །དབང་ལྡན་བདེན་
བྲལ་དང་ནི་རྩེ་མོ་ཅན་དང་རླུང་གི་ཟུར་དུ་ཆོས་ཀྱི་དུང་དང་གཎྜི་དང༌། །དེ་བཞིན་ཡིད་བཞིན་
ནོར་བུར་འགྱུར་ཏེ་ངེས་པར་དེ་བཞིན་དུ་ནི་དཔག་བསམ་ཤིང་དུ་རིམ་པས་འགྱུར། །ཕྱོགས་
ཀྱི་པདྨར་ཆུ་གཏེར་སངས་རྒྱས་རྣམས་ནི་ངེས་པར་སྤྱན་དགུ་མེ་ཡི་ཞལ་དང་དུས་ཀྱི་ཕྱག ། །
ཟུར་དུ་སྒྲོལ་མ་ལ་སོགས་ལྷ་མོ་རྣམས་དང་སླར་ཡང་དེ་དག་མཚམས་བརྒྱད་དུ་ནི་བུམ་པ་
བརྒྱད། །མཁའ་སྙིང་ལ་སོགས་རྩིག་པ་ལ་ནི་ཕྱོགས་དང་ཕྱོགས་བྲལ་དུ་གནས་རེག་བྱ་རྡོ་རྗེ་
མ་ལ་སོགས། །ཤར་དང་ཕྱོགས་གཞན་གྱི་ནི་གཡས་དང་གཡས་མིན་པདྨ་དག་ལ་ཀུན་ཏུ་
བཟང་པོ་དེ་བཞིན་ཉིད། །དཔལ་ལྡན་ཕྱག་ན་རྡོ་རྗེ་ངེས་པར་སྒྲ་ཡི་རྡོ་རྗེ་མ་དང་ཆོས་ཀྱི་
ཁམས་ནི་རིམ་པས་སོ། །རྨུགས་བྱེད་རེངས་བྱེད་ཁེངས་བྱེད་དག་སྟེ་ཤིན་ཏུ་སྟོབས་ཞེས་བྱ་བ་
གང་ཡིན་དེ་ནི་ཤར་དུའོ། །ཤེས་རབ་ཕང་བར་ཐབས་ནི་རི་བོང་འཛིན་པའི་པདྨ་ལ་སྟེ་ལྷ་
རྣམས་ཀྱི་ཡང་ལྷ་མོའོ། །ཤེས་རབ་ཐབས་ཀྱི་འཁོར་ལོ་མཆོག་གི་བདེར་གནས་པདྨ་དང་ནི་རྡོ་
རྗེའི་འདུག་སྟངས་དག་གིས་བཞུགས། །དབང་གི་དོན་དུ་ཡང་ན་དཀྱིལ་འཁོར་རིགས་ཀྱི་
དབང་གིས་ཕྱི་ཡི་འཁོར་ལོས་རབ་ཏུ་དམན་པར་འགྱུར། །ཕྱི་རོལ་དུ་ནི་བརྒྱད་པ་བརྒྱད་ཀྱི་
པད་འདབ་བརྒྱད་པོ་རྣམས་ལ་ཕྱོགས་བརྒྱད་ལྷ་མོ་རྣམས་དང་ནི། །ཙར་ཙི་ཀཱ་སོགས་རྣལ་
22-1-433


འབྱོར་མ་རྣམས་ཟླ་བ་ཉི་མ་དང་བྲལ་རིག་བྱེད་ཕྱག་དང་སྤྱན་གསུམ་མ། །དེ་ཡི་ཕྱི་རོལ་ཉི་
མའི་པདྨ་ལ་ནི་ལྷ་མིན་གཡོ་བ་གཤིན་རྗེ་མེ་དང་གདོང་དྲུག་དང༌། །གནོད་སྦྱིན་བརྒྱ་བྱིན་ཆུ་
གཏེར་གདོང་དང་ཕྱུགས་བདག་རྒྱ་མཚོ་དཔལ་ལྡན་ཚོགས་ཀྱི་དབང་པོ་ཁྱབ་འཇུག་གོ ། 
པདྨའི་འདབ་མ་རྣམས་ལ་ནག་པ་སོགས་ཀྱི་ནོར་ལག་ཚེས་རྣམས་དང་ནི་ལྟེ་བར་རྫོགས་པ་
གཉིས། །མཆོག་གི་ཟླ་བའི་ཆ་རྣམས་ཐམས་ཅད་སྟོང་པ་དུས་དང་འཇིག་རྟེན་ལོ་ཡི་སྦྱོར་བས་
རིག་པར་བྱ། །སྙིང་པོར་བརྒྱད་ནི་སྟེགས་བུ་ལ་སྟེ་མཁའ་དང་འོག་ན་གནས་པ་རྟ་བབས་འོག་
ཏུ་ངེས་པར་སྦྱར། །གཟུངས་མ་རྣམས་ནི་སྣམ་བུ་ལ་སྟེ་གདེངས་ཅན་རིགས་དང་བཅས་པའི་
ཕྱིར་འདོད་མ་རྣམས་སྟེགས་བུ་ལ། །དབྱུག་སྔོན་འོད་ཟེར་ཅན་དང་མི་གཡོ་ཞེས་དང་ཁྲོ་
གཉེར་ཅན་མ་བརྩོན་འགྲུས་མཐའ་ཡས་ལྕགས་སྒྲོག་མ། །འདོད་པ་ཙུན་དཱ་ཤིང་རྟ་ལ་གནས་
ལྷ་དང་ནོར་སྦྱིན་གཞན་དང་ལྷོ་ཡི་སྒོ་ཡི་དབུས་སུ་སྟེ། །གནོད་མཛེས་དྲག་ཅན་མ་ནི་འོག་ཏུ་
འགྱུར་ཞིང་མཁའ་ལ་གཙུག་ཏོར་དང་ནི་ཤིན་ཏུ་སྔོན་མོ་ཉིད། །ཕྱི་རོལ་དུ་ནི་ལྷ་དང་གཤིན་རྗེ་
ནོར་སྦྱིན་ནུབ་ཀྱི་སྟེགས་བུ་དག་ལ་ཀླུ་རྣམས་མཐའ་དག་སྟེ། །དེ་རྣམས་ཤེས་རབ་རབ་གཏུམ་
མ་རྣམས་དུར་ཁྲོད་ས་ལ་གནས་པའི་ཁྱི་གདོང་མ་ལ་སོགས་པ་སྟེ། །དེ་རྣམས་ཐབས་ནི་པདྨ་
ལ་སོགས་གཞན་གྱི་རིགས་ཀྱི་དབང་གིས་བདེ་བ་དམ་པའི་དོན་དུ་འགྱུར། །ཞེས་པ་དེ་ལྟར་
རྡོ་རྗེ་ཅན་གྱིས་སྲིད་པ་གསུམ་པོ་མཐའ་དག་རྣམས་ཀྱང་དཀྱིལ་འཁོར་རྣམ་པར་གསུངས། །
ཕྱི་དང་ལུས་དང་གཞན་ལ་ཡང་ནི་སྤྲོ་དང་བསྡུ་བ་དག་ལ་དངོས་པོའི་སྐྱེ་བ་ཡང་དག་གནས། །
དེ་ལ་རྟག་པ་མཁའ་ཡི་རྡོ་རྗེ་རྣམ་གསུམ་སྲིད་པ་ལ་གནས་མི་རྟག་ཉིད་དུ་འགྱུར་མ་ཡིན། །
འབྱུང་པོའི་ཚོགས་ནི་རྟག་པ་མིན་པར་འགྱུར་ཏེ་མི་ཡི་བདག་པོ་མིག་འཕྲུལ་ཇི་བཞིན་ཉིད་
དུའོ། །རྟག་དང་མི་རྟག་མཐོང་སྟེ་དེ་ལྟ་ན་ཡང་བླུན་པོའི་བློ་ཅན་སེམས་ནི་དག་པའི་དོན་སླད་
དུ། །སྒྲུབ་ཐབས་དག་ནི་བརྗོད་པར་བྱ་སྟེ་སྙིང་པོར་གྱུར་པ་འགའ་ཡང་འདིར་ནི་སྒྲུབ་པར་བྱ་
22-1-434


བ་མེད། །གང་ཞིག་བསྒྲུབ་བྱ་སྒྲུབ་པ་དེ་ཉིད་འཁྲུལ་པ་ཞེས་པ་རྡོ་རྗེ་ཅན་གྱི་སྒྲུབ་ཐབས་
མཐའ་དག་གང༌། །དེ་ཕྱིར་རྒྱལ་པོ་རང་སེམས་དྲི་མ་རྣམ་པར་བྲལ་བ་དག་ནི་དཀྱིལ་འཁོར་
དབང་པོར་རབ་ཏུ་བྱ། །ཧོཿཡིག་ཐོག་མ་ཐ་མའི་སྙིང་པོ་བདེ་མཉམ་འབྲས་བུ་སྟེར་བ་སྐུ་
གསུང་ཐུགས་ཀྱི་རྡོ་རྗེ་སྟེ། །དེ་ནི་ཤེས་རབ་ཆགས་པས་ཞུ་བ་ཁྱབ་བདག་རྡོ་རྗེ་ཅན་ཡང་རི་
བོང་འཛིན་པ་བཞིན་བལྟས་ནས། །རྡོ་རྗེ་ཅན་དེས་གླུ་དག་གསན་ནས་སྲིད་པ་གསུམ་པོ་
མཐའ་དག་རྣམས་ཀྱང་མིག་འཕྲུལ་ལྟ་བུར་ནི། །གཟིགས་ནས་སྐྱེད་པ་མཛད་དེ་དྲི་མ་མེད་
པའི་འོད་ཟེར་འཕྲོ་བ་རང་གི་མཚན་མ་སྤྲོས་བྱས་ནས། །རྡོ་རྗེའི་རྒྱན་དང་ལྡན་ཞིང་རྒྱལ་བའི་
བདག་པོའི་ཅོད་པན་ཤེས་རབ་ཀྱིས་ནི་འཁྱུད་པར་གྱུར་པ་ཡང༌། །རྒྱལ་པོ་ཤེས་རབ་ཐབས་
ཀྱིས་སླར་ཡང་དཀྱིལ་འཁོར་མ་ལུས་པ་ནི་རབ་ཏུ་སྤྲོ་བ་དག་ཀྱང་ངོ༌། །རྒྱལ་པའི་དགྲ་ནི་
འཇོམས་པར་བྱེད་པ་རྡོ་རྗེ་ཤུགས་ཏེ་ཡེ་ཤེས་འཁོར་ལོའི་སླད་དུ་བསྐུལ་བར་བྱ། །གཞུག་
དང་བཅིང་དང་ཉེས་པ་དང་ནི་རོ་མཉམ་བྱེད་པ་དག་ནི་རྨུགས་བྱེད་ལ་སོགས་རྣམས་ཀྱིས་
ཕྱེད། །རྡོ་རྗེ་སྭཱཧཱའི་མཐའ་ལྡན་དག་གིས་མགོ་དང་མགྲིན་པ་སྙིང་ཁ་ལྟེ་བ་གསང་བ་སྤྱི་བོར་
ཏེ། །འདི་རྣམས་ཀྱིས་ནི་བྱིན་རླབས་ཡན་ལག་རབ་མཆོག་རྒྱལ་བའི་བདག་པོ་ལྷ་མོ་རྣམས་
ཀྱིས་བཀྲུ་བར་བྱ། །སྟོང་པ་ཆོས་ཀྱི་དབྱིངས་དང་རྡོ་རྗེ་གསུམ་གྱི་དུས་དང་ཡེ་ཤེས་མཆོད་པ་
རྗེས་སུ་ཆགས་པ་ལ། །གསུམ་ལ་སྐྱབས་སུ་འགྲོ་བས་སྒྲུབ་པ་པོ་ཡིས་ཏཏ་སྭ་བྷཱ་ཝ་ཨཱད་མ་ཀོ་
ཧཾ་བརྗོད་པར་བྱ། །དཔལ་ལྡན་དག་པ་ལས་ནི་ཆོས་སྐུར་འགྱུར་ཏེ་ཆོས་ལས་ངེས་པར་ལོངས་
སྤྱོད་རྫོགས་སྐུ་བཟང་པོའོ། །ལོངས་སྤྱོད་ལས་ནི་སྤྲུལ་པའི་སྐུ་རུ་འགྱུར་ཏེ་རྒྱལ་བའི་བདག་
པོའི་སེམས་ཅན་ཀུན་དོན་བྱེད་པ་པོ། །བཞི་པའི་གནས་སྐབས་ཤིན་ཏུ་གཉིད་ལོག་ངེས་པར་
སླར་ཡང་གཞན་དང་ལུས་ཀྱི་དབྱེ་བས་སད་པ་སྟེ། །དེ་ལྟར་སྐུ་ཡི་རབ་ཏུ་དབྱེ་བས་སྲོག་
ཆགས་རྣམས་ཀྱི་ལུས་ལ་ཡིད་ནི་རྣམ་པ་བཞི་རུ་གནས། །སྤྲུལ་པར་ཡིད་ནི་ལོངས་སྤྱོད་བྱེད་
22-1-435


པ་པོ་རུ་རབ་ཏུ་འགྱུར་ཏེ་ལུས་དང་ངག་དང་དབང་པོས་སོ། །ལོངས་སྤྱོད་རྫོགས་ལ་མ་མཐོང་
སེམས་དཔར་འགྱུར་ཏེ་ཡོན་ཏན་དབང་གིས་ཆོས་ཀྱི་སྐུ་ལ་ཉིད་ཀྱང་ངོ༌། །དག་པ་ལ་ནི་བདེ་
བར་རབ་འགྱུར་འདིར་ནི་ཉིན་མཚན་དུས་སུ་ཐིག་ལེ་གྲོལ་པ་གསུམ་གྱི་མཐར། །དེ་ཕྱིར་དེ་
ནི་ཉིན་མཚན་དུས་སུ་རྣལ་འབྱོར་པ་ཡིས་བསྒོམ་པར་བྱ་སྟེ་འགྱུར་མེད་དོན་དུའོ། །གཏུམ་མོ་
ལྟེ་བའི་འཁོར་ལོ་དགུ་ཡིས་བསྣུན་པའི་ལག་འགྲོ་ཙར་ཙི་ཀཱ་སོགས་ལྷག་པའི་ལྷ་དང་ལྡན། །
ཧོ་ཡིག་ཡེ་ཤེས་སྙིང་པོ་ལ་ནི་དྲི་མེད་གློག་དང་མཚུངས་པའི་ཡེ་ཤེས་མེ་ནི་རབ་རྒྱས་པ། །ལྟེ་
བར་རྣམ་པར་སྣང་མཛད་ལ་སོགས་སྲེག་ཅིང་མི་ཡི་བདག་པོ་སྤྱན་མ་མིག་ལ་སོགས་པ་
རྣམས། །ཐམས་ཅད་བསྲེགས་ནས་མགོ་བོར་ཟླ་བ་བཟང་ལས་ཐིག་ལེའི་གཟུགས་ནི་འཛག་
པ་གང་དེ་རྡོ་རྗེ་ཅན། །ཤེས་རབ་ཆོས་འབྱུང་དག་ལ་གནས་པ་མཐའ་དག་སླར་ཡང་སྤྲོ་བ་
བྱས་ཏེ་ངེས་པར་ཐིག་ལེ་ཡི། །སྣ་ཚོགས་རྒྱན་དང་ལྡན་ཞིང་མེ་ལོང་དག་ལ་གནས་པ་ལྟ་བུའི་
ཡེ་ཤེས་འཁོར་ལོ་རང་བྱུང་བ། །འདོད་པ་དང་ནི་གཟུགས་དང་གཟུགས་མེད་སྲིད་པ་རྣམ་པ་
གསུམ་པོ་རྣམས་ཀྱང་རིམ་པས་སྦྱངས་བྱས་ཏེ། །ཕྱི་ནས་ཡེ་ཤེས་མེ་ལྕེ་དག་གིས་སྲིད་པ་
གསུམ་པོ་མཐའ་དག་དུས་གཅིག་ཏུ་ནི་དགུག་པར་བྱ། །ཟླ་བ་ཉི་མ་ཨཱ་སོགས་ཀཱ་སོགས་
རྣམས་ཀྱིས་རྣམ་གསུམ་བགྲོད་གནས་སྐུ་ཡི་རྡོ་རྗེ་སོགས་བཟླས་པ། །སོ་སོར་སྡུད་པ་ལ་
སོགས་དྲུག་གིས་གསེར་བཟང་པདྨ་ལ་ནི་སྐུ་གསུང་ཐུགས་ཀྱི་རྣལ་འབྱོར་ཏེ། །དགའ་བ་
སོགས་ཀྱིས་རྡོ་རྗེ་ཆུ་སྐྱེས་དག་ལ་རོ་མཉམ་གྱུར་པས་བསྒོམ་པ་འདི་ནི་རྡོ་རྗེ་གསུམ། །ཤེས་
རབ་པདྨར་སེམས་ཀྱི་ཐིག་ལེ་དག་ལ་ལྷན་སྐྱེས་བདེ་བའི་དབང་གིས་བསྒོམ་པ་གཞོམ་མེད་
འགྱུར། །བདུད་རྩི་ལྔ་ལ་སོགས་དང་ཆུ་གཏེར་རྡོ་རྗེ་རྣམས་དང་སྔགས་ཀྱི་བཟླས་པ་སོགས་
ཀྱིས་བསྙེན་པ་སྟེ། །སོ་སོར་སྡུད་པ་སོགས་དང་རྡོ་རྗེ་པདྨ་ལས་སྐྱེས་བདུད་རྩི་ཡིས་ནི་ཉེ་བའི་
སྒྲུབ་པར་འགྱུར། །དགའ་བ་ལ་སོགས་རྣམས་ཀྱིས་རྡོ་རྗེ་གསུམ་དང་ཆུ་སྐྱེས་རོ་མཉམ་གྱུར་
22-1-436


པ་བསྒོམ་པ་བསྒྲུབ་པར་འགྱུར། །ཤེས་རབ་སྦྱར་ལ་གང་ཚེ་འཕོ་མེད་ཕྲ་མོའི་རྣལ་འབྱོར་དག་
ལས་ངེས་པར་སྒྲུབ་པ་ཆེན་པོར་འགྱུར། །དང་པོར་སྟོང་ཉིད་བྱང་ཆུབ་ངེས་པར་སླར་ཡང་དེ་
ནས་ཟླ་བ་ཐིག་ལེ་དག་ནི་ཡང་དག་འཛིན། །དེ་ནས་གཟུགས་ནི་བསྐྱེད་ཅིང་རབ་མཆོག་རོ་
ཡི་རིགས་རྣམས་དག་གིས་ཡི་གེ་དགོད་པ་ཉིད་ཡིན་ཏེ། །ཆུ་ཡི་གཏེར་གྱི་རྡོ་རྗེ་འདི་ནི་སྤྱི་ཡི་
བསྙེན་པར་འགྱུར་ཏེ་སྒྲུབ་པ་དག་ནི་དབུ་མ་ཡང༌། །འདི་ལ་ཐབས་ནི་རྣམ་བཞིར་འགྱུར་ཏེ་
དམན་དང་བརྟན་པ་སྒྲུབ་པའི་ཡན་ལག་དག་ལ་དེ་བཞིན་ཉིད། །སོ་སོར་སྡུད་པ་རྒྱལ་བའི་
དབང་པོར་འགྱུར་ཞིང་རྣམ་པ་བཅུ་སྟེ་བསམ་གཏན་མི་བསྐྱོད་པ་ཉིད་དོ། །སྲོག་རྩོལ་དག་
ཀྱང་རལ་གྲི་ཅན་ནོ་སླར་ཡང་རྣམ་པ་བཅུ་སྟེ་འཛིན་པ་ཕྱག་ན་རིན་ཆེན་ནོ། །གཡུང་མོ་ལ་ནི་
རྗེས་སུ་དྲན་པ་པདྨ་འཛིན་པར་འགྱུར་ཏེ་དཔལ་ལྡན་ཏིང་འཛིན་འཁོར་ལོ་ཅན། །རེ་རེ་དབྱེ་
བ་ལྔ་རྣམས་ཀྱིས་ཏེ་སླར་ཡང་གང་ལས་ཨཱ་སོགས་ཀཱ་སོགས་རྣམས་ཀྱིས་ཕྱེ་བའོ། །སོ་སོར་
སྡུད་པ་ལུས་ལ་ཡུལ་དང་ཡུལ་ཅན་བཅུ་པོ་རྣམས་ནི་རབ་ཏུ་འཇུག་པ་མེད་པའོ། །བསམ་
གཏན་དག་ཀྱང་ཤེས་རབ་རྟོག་དང་དཔྱོད་པ་དགའ་དང་གཡོ་མེད་བདེ་བ་རྩེ་གཅིག་སེམས་
པའོ། །སྲོག་རྩོལ་དག་ཀྱང་ལམ་ནི་གཉིས་པོ་དག་ནི་བསྒྱེལ་ཞིང་དབུ་མར་སྲོག་ནི་ཞུགས་པ་
དག་ཏུ་འགྱུར། །ཐིག་ལེར་སྲོག་ནི་རབ་ཏུ་ཞུགས་ཤིང་གཉི་གའི་བགྲོད་པ་བཅོམ་སྟེ་རྩེ་
གཅིག་སེམས་པ་འཛིན་པའོ། །གཏུམ་མོའི་སྣང་བར་གང་ཞིག་གྱུར་པ་ངེས་པར་ལུས་དང་
ནམ་མཁའ་ལ་ཡང་རྗེས་སུ་དྲན་པར་འགྱུར། །ཤེས་རབ་ཐབས་ཀྱི་བདག་ཉིད་ཀྱིས་ནི་འགྱུར་
མེད་བདེ་བའི་དབང་གིས་ཡེ་ཤེས་གཟུགས་ལ་ཏིང་ངེ་འཛིན། །འདི་རྣམས་དམན་པ་ལ་
སོགས་དབྱེ་བ་རྣམས་ཀྱིས་སྣ་ཚོགས་གཙོ་བོའི་སྒྲུབ་ཐབས་རྣམ་པ་གསུམ་དུ་འགྱུར། །ཕྱག་
རྒྱ་གསུམ་དང་གནས་སྐབས་གསུམ་ནི་རྣམ་གསུམ་བགྲོད་པའི་དབང་གིས་ལས་དང་ཀུན་
རྟོག་མཆོག་རྣམས་སོ། །སོ་སོར་སྡུད་པས་རྣལ་འབྱོར་པ་ནི་ཡུལ་དང་རྣམ་པར་བྲལ་བ་སྔགས་
22-1-437


རྣམས་ཀུན་གྱིས་བྱིན་གྱིས་རློབས། །མངོན་པར་ཤེས་པ་ལྔ་ནི་ཐོབ་པར་འགྱུར་ཏེ་མི་ཡི་
བདག་པོ་བསམ་གཏན་སྦྱོར་བས་དག་པའོ། །སྲོག་རྩོལ་གྱིས་ནི་དག་པ་རི་བོང་ཅན་དང་ཉི་
མ་དང་བྲལ་བྱང་ཆུབ་སེམས་དཔའ་རྣམས་ཀྱིས་མཆོད། །བདུད་དང་ཉོན་མོངས་ལ་སོགས་
ཉམས་ཤིང་སྟོབས་བཅུ་ལ་ནི་འཇུག་པར་འགྱུར་ཏེ་འཛིན་པའི་སྟོབས་ཀྱིས་སོ། །རྗེས་སུ་དྲན་
པ་ལེགས་པར་དག་པ་དྲི་མེད་འོད་ཀྱི་དཀྱིལ་འཁོར་དག་ཀྱང་ཡེ་ཤེས་གཟུགས་ལས་སོ། །དེ་
ནས་ཏིང་ངེ་འཛིན་གྱི་དག་པ་ཉིན་ཞག་འགའ་ཞིག་རྣམས་ཀྱིས་ཡེ་ཤེས་སྐུ་ནི་འགྲུབ་པར་
འགྱུར། །སོ་སོར་སྡུད་པ་ལ་སོགས་རྣམས་ཀྱིས་གལ་ཏེ་སྔགས་པ་རྣམས་ཀྱིས་འདོད་པ་གྲུབ་
པར་མ་གྱུར་ན། །ནཱ་ད་གོམས་པས་བཙན་ཐབས་ཆུ་སྐྱེས་སུ་གནས་རྡོ་རྗེ་ནོར་བུར་ཐིག་ལེ་
བཀག་ནས་བསྒྲུབ་པར་བྱ། །བསྙེན་པ་ལ་ནི་དང་པོའི་རྣལ་འབྱོར་རྣམ་བཅུ་མཁའ་ལ་འཁོར་
ལོ་ཅན་གྱི་ཁྲོ་བོའི་ལྟ་བས་སོ། །བགེགས་མཐར་བྱེད་པའི་ལྟ་བ་བདུད་རྩིའི་ལམ་དུ་སོན་པ་
ཡིས་ཀྱང་ཉེ་བའི་སྒྲུབ་ལ་ཡན་ལག་དྲུག །ཤེས་རབ་ལ་སྤྲོས་ཟླ་བ་ཐིག་ལེ་རྡོ་རྗེ་ནོར་བུར་
གནས་པའི་འགྱུར་མེད་གསུམ་ནི་སྒྲུབ་པ་ལ། །བདེ་བ་མ་ཉམས་གཅིག་པུ་ཞི་བ་ལྷན་སྐྱེས་ཡེ་
ཤེས་རྣལ་འབྱོར་འདིར་ནི་སྒྲུབ་པ་ཆེན་པོ་ལ། །དབུས་སུ་སྲོག་ནི་རབ་ཏུ་ཞུགས་པ་ཡུལ་དང་
རྣམ་པར་བྲལ་བའི་སྣ་ཚོགས་ཡུམ་ལ་འཁྱུད་པ་སྟེ། །པདྨར་ཞུགས་པའི་རང་གི་རྡོ་རྗེ་སྤྲོ་བ་
དག་ཀྱང་དེ་བཞིན་ཟླ་ཉིའི་དབུས་སུ་རབ་ཞུགས་པའོ། །བདེ་བའི་ས་བོན་མ་ལྷུང་པ་ལ་རབ་
དགའི་དགའ་བར་གནས་པ་རྣལ་འབྱོར་པ་ཡི་རྣལ་འབྱོར་འདི། །ཕྱག་རྒྱའི་དངོས་གྲུབ་དོན་
སླད་ཁྱབ་བདག་གི་ནི་དཔལ་ལྡན་གསང་བ་ལས་ཀྱང་མཆོག་ཏུ་གསང་བའོ། །གཙུག་ཏོར་དུ་
ནི་རྡོ་རྗེ་རྩེ་མོ་ལྔ་པར་འགྱུར་ཏེ་ཕྱི་རོལ་རྩེ་མོ་དག་ནི་ཉིས་འགྱུར་གྱི། །རྡོ་རྗེ་ཆོས་ཀྱི་འཁོར་
ལོར་འགྱུར་ཞིང་ཉིས་འགྱུར་གཞན་མ་དང་ནི་དེ་ཡི་ཉིས་འགྱུར་དག་ཀྱང་གཞན། །དེ་ཡི་ཡང་
ནི་ཉིས་འགྱུར་གཞན་དུ་འགྱུར་ཏེ་ལྷན་སྐྱེས་ལོངས་སྤྱོད་རྫོགས་དང་སྤྲུལ་པའི་འཁོར་ལོར་རོ།  །
22-1-438

 
དེ་ཡི་སྙིང་པོར་རྩེ་མོ་གཅིག་པ་བདེ་མཉམ་འབྲས་སྟེར་གསང་བའི་པདྨའི་ཁོངས་སུ་གནས་
པའོ། །རྣལ་འབྱོར་པ་ཡིས་ཉིན་དང་མཚན་མོར་སྲོག་གཅོད་བྱ་བ་དེ་ནི་སྲོག་ཉམས་པ་ལ་
གསུངས་པ་སྟེ། །སྒྲ་ནི་གང་ཞིག་ཞལ་གྱིས་དམན་པ་དག་ཀྱང་སྙིང་ལ་གྱུར་པ་དེ་ནི་བརྫུན་དུ་
སྨྲ་བ་ཉིད། །གང་ཞིག་ཐམས་ཅད་མཁྱེན་པའི་ཡེ་ཤེས་ས་ནི་འཛིན་པ་དག་ཀྱང་རྣལ་འབྱོར་པ་
ཡིས་རྐུ་བར་གསུངས། །ཐིག་ལེ་མ་ལྷུང་བ་ལས་བདེ་བར་འགྱུར་བ་ཆགས་བྲལ་མིན་ལས་
གཞན་གྱི་བུད་མེད་བསྟེན་པའོ། །སྲོག་རྩོལ་མེ་ཡིས་རི་བོང་ཅན་ནི་ཞུ་བ་དག་ཀྱང་བཏུང་བ་
ཉིད་ནི་ཆང་གི་བཏུང་བའོ། །མཐེ་བོའི་ཚིགས་ནས་གཙུག་ཏོར་དག་ཏུ་ཉ་ཡི་མཐར་ནི་རང་
སེམས་འགྲོ་སྟེ་ཚེས་ཀྱི་དབང་གིས་སོ། །གཙུག་ཏོར་ནས་ནི་སོར་མོ་རྣམས་སུ་སླར་ཡང་འདི་
ནི་འགྲོ་སྟེ་ནག་པོའི་ཕྱོགས་ཀྱི་མཐའ་རུའོ། །རྣལ་འབྱོར་པ་རྣམས་སྤྱོད་པ་གང་དེ་ཉིན་ཞག་སོ་
སོའི་དུས་སུ་འདོད་པའི་དངོས་གྲུབ་རབ་སྟེར་བའོ། །བསམ་དང་འདོད་དང་ལུས་ལ་རིམས་
དང་ཁ་མཆོག་པདྨ་སྐམ་དང་ཟས་ལ་རབ་ཏུ་མི་འཇུག་དང༌། །འདར་དང་སྨྱོ་དང་རབ་ཏུ་རྨོངས་
པར་འགྱུར་དང་ཡིད་ནི་རྣམ་པར་འཁྲུལ་དང་དྲག་ཏུ་བརྒྱལ་བ་དག །རྡོ་རྗེ་ཅན་གྱི་དུ་བ་ལ་
སོགས་རབ་གསལ་རྣམ་པ་བཅུ་སྟེ་སྲོག་ཆགས་ལུས་ལ་འཇིག་རྟེན་དུ། །རབ་ཏུ་གསལ་ཞིང་
ངེས་པ་དེ་རྣམས་ཡིད་སྲུབ་གནས་སྐབས་སུ་ཞིག་རྒྱལ་བ་འདོད་པ་དེ་ནི་སུ། །ཉིན་དང་མཚན་
མོར་ཐིག་ལེ་དག་ལས་དཀར་པོའི་རྒྱན་འབབ་གང་ཞིག་མཱ་མ་ཀཱི་དེ་ཆང་མ་ཡིན། །གོ་ཀུལ་
སོགས་མིག་ལ་སོགས་པ་ཉིན་ཞག་སོ་སོར་སྤྲོ་སྟེ་ཤ་གཞན་རེས་འགའ་དག་ཀྱང་མིན། །རང་
རིགས་ས་ལ་གནས་པའི་ལྷ་རྣམས་དག་གིས་དག་པའི་ལས་ལ་བདུད་རྩི་ལྔ་རྣམས་བསྙེན་པ་
སྟེ། །སྟོང་པར་སེམས་ནི་རབ་ཏུ་ཞུགས་པས་རོ་མཉམ་བྱེད་པ་འཁྲིག་པ་དེ་ནི་སྐྱེ་གནས་ལ་མ་
ཡིན། །གཅིག་པུའི་སྐུ་འམ་ནུས་མ་དང་ལྡན་གནས་དགུ་དང་བཅས་ཉི་ཤུ་རྩ་ལྔའི་བདག་ཉིད་
ལ་སོགས་པ། །བསྒོམས་ན་ཕྱག་རྒྱ་ལ་སོགས་གྲུབ་པ་རྣམས་སུ་ངེས་པར་ཉིན་ཞག་འགའ་
22-1-439


ཞིག་དག་གིས་ཡང་དག་འགྱུར། །རེངས་པ་དང་ནི་ཞི་དང་དབང་དང་སྲིད་པ་འཇིག་པ་དག་
ནི་ཞལ་གྱི་དབྱེ་བ་རྣམས་ཀྱིས་བྱེད། །འབྱུང་བ་རྣམས་ཀྱི་དཀྱིལ་འཁོར་ལ་གནས་ལྷ་མིན་
ལག་འགྲོའི་རིགས་འདི་བསྒོམས་པ་ཡིས་ནི་བསྒྲུབ་པར་བྱ། །དཀར་པོ་ཡིས་ནི་ཞི་དང་རྒྱས་
པ་བྱེད་དེ་རང་གི་ཡིད་ལ་དམར་པོ་ཡིས་ནི་དགུག་དང་དབང༌། །སེར་པོས་རིངས་དང་རྨོངས་
པ་དག་སྟེ་ནག་པོའི་སྤྲིན་དང་མཚུངས་པས་བསད་པ་དང་ནི་བསྐྲད་པའོ། །བསྒོམ་དང་བཟླས་
པ་དེ་བཞིན་ཉིད་དུ་རང་གི་ཡིད་ལ་བྱེད་དེ་སྐུ་གསུང་ཐུགས་དང་རྡོ་རྗེ་ནི། །འབྱུང་བ་རྣམས་ཀྱི་
དཀྱིལ་འཁོར་ལ་གནས་སྲིད་པ་གསུམ་པོ་མཐའ་དག་ལས་ཀྱི་དབྱེ་བས་བསྒྲུབ་པར་བྱ། །
གཅིག་ལ་སོགས་པ་མཐའ་ཡས་ཞལ་ཏེ་ཕྱག་དང་ཞབས་མང་དུ་མའི་ཁ་དོག་མུན་པ་དག་གི་
མཐར། །ཤེས་རབ་ཐབས་ཀྱི་བདག་ཉིད་ངེས་པར་བདེ་མཉམ་སྟེར་ཏེ་རྩ་ནི་ཟླ་བ་ཉི་མ་
འགོག་པ་ལས། །ས་ལ་སོགས་པ་རྣམས་ནི་ཀུན་ནས་འབིགས་བྱེད་དྲི་མེད་ནོར་བུ་དང་
མཚུངས་སྟོང་པ་གཅིག་པུ་སྟེ། །ཐོག་མ་མེད་ཅིང་མཐའ་མེད་དབུས་ཀྱང་མེད་ལ་ཡུལ་མེད་
ཡུལ་ནི་བསྒྲུབས་པ་དུས་ཀྱི་འཁོར་ལོའོ། །ཞི་དང་རྒྱས་པ་དག་ཀྱང་སྲས་བཅས་རྒྱལ་བའི་
རིགས་དང་རྒྱལ་པོ་ལྷ་མོ་རྣམས་ཀྱིས་འགྲུབ་པར་འགྱུར། །དབྱེ་དང་བསྐྲད་པ་དག་ཀྱང་རང་
བཞིན་ཡོན་ཏན་དབང་གིས་ཁྲོ་བོ་ལས་སྐྱེས་རྣམས་ཀྱིས་འགྲུབ་པར་འགྱུར། །དབང་སོགས་
འབྱུང་སྐྱེས་རྣམས་ཀྱིས་རབ་གསལ་ལྷ་མིན་རིགས་ལ་ཕུར་བུས་གདབ་པའང་ལྷ་མིན་མོ་
རྣམས་ཀྱིས། །ཡུམ་དག་གི་ནི་ལས་རྣམས་ཐམས་ཅད་གཉི་གའི་རྡོ་རྗེའི་རིགས་ལ་བསད་པ་
དང་ནི་གསོ་བ་ཡང༌། །དང་པོར་དཔལ་ལྡན་དུས་ཀྱི་འཁོར་ལོ་དང་ནི་སྲིད་གསུམ་སྐྱེད་མ་
འབད་པ་ཡིས་ནི་བསྒྲུབ་པར་བྱ། །དེ་ནས་ས་གཞིའི་གནས་དག་ཏུ་ནི་གང་ཞིག་ཞི་བ་ལ་
སོགས་ལས་རྣམས་དག་ཀྱང་བསྒྲུབ་པར་བྱ། །ཕ་དང་མ་ཡིས་རྣམ་པར་དམན་པའི་བུ་ནི་ཡོད་
པ་མིན་པར་དུས་ཀུན་དུ་ནི་འཇིག་རྟེན་གྲགས། །དེ་ཕྱིར་བདེ་མཉམ་འབྲས་སྟེར་གཉིས་པོ་
22-1-440


བསྒྲུབ་པར་བྱ་སྟེ་རྣམ་པར་གཞན་དུ་ལས་ནི་འགྲུབ་པ་མིན། །རལ་གྲི་རེག་པ་བཅུད་ཀྱི་དབང་
པོ་བདུད་རྩིའི་འབྲས་བུ་རི་ལུ་རོ་ཙ་ན་དང་མིག་སྨན་དང༌། །རྐང་པ་བྱུག་དང་ཤིང་ལྷམ་དག་
དང་འཇིག་རྟེན་པ་ཡི་དངོས་གྲུབ་བརྒྱད་པོ་ཁྱོད་ཀྱིས་བདག་ལ་སྩོལ། །འབྱུང་པོའི་དབང་པོ་
བསྒྲུབས་ནས་མི་ཡི་བདག་པོ་སྒྲུབ་པ་པོ་ནི་ས་འོག་དག་དང་བར་སྣང་དང༌། །ལྷ་ཡི་མཆོག་གི་
ཁང་པ་དང་ནི་ལྷུན་པོའི་རྩེ་དང་རྒྱ་མཚོའི་ཕ་རོལ་གང་ཡིན་དེར་འགྲོ་སྟེ། །དེ་ལ་ཞོན་པ་ཕྱག་
ན་རལ་གྲི་ཐོགས་པས་ས་ཡི་སྟེང་གི་གནས་སུ་འཇིག་རྟེན་བྱ་བ་བྱེད། །མིང་གི་དང་པོ་ཐུགས་
ཀྱི་རྡོ་རྗེར་འགྱུར་ཏེ་མི་ཡི་བདག་པོ་ལྷ་དང་ལྷ་མོ་རྣམས་ཀྱིའོ། །གསུང་གི་རྡོ་རྗེ་ཐམས་ཅད་
མིང་གི་ཡི་གེ་དེ་ལས་ལྷག་པ་དག་ཀྱང་སྐུ་ཡི་རྡོ་རྗེ་སྟེ། །དེ་ལས་ཡན་ལག་སོ་སོའི་སྔགས་ནི་
རྣམ་པ་མང་པོར་འགྱུར་ཏེ་བཀླགས་པས་འགྲུབ་པ་བརྒྱ་ལམ་ན། །བསྒོམ་བྱ་མཆོད་བྱ་བཟླས་
བྱ་རང་གི་རྒྱལ་བའི་རིགས་ཀྱི་དབང་གིས་ཐུགས་གསུང་སྐུ་ཡི་དབྱེ་བས་སོ། །སོ་སོར་སྔགས་
ཀྱི་རིགས་ནི་ངེས་པར་བྱེ་བ་བཟླས་པར་རབ་ཏུ་འགྱུར་ཏེ་རབ་ཏུ་གྲགས་པའོ། །སྦྱིན་སྲེག་དེ་
ལས་བཅུ་ཡི་ཆ་ཤས་རང་བཞིན་ཡོན་ཏན་དབང་གིས་གྲུབ་པར་འགྱུར་བ་ཇི་སྲིད་ཉིད། །ཕྱི་
ནས་ཞི་བ་ལ་སོགས་རྣམས་ལ་འབྲས་བུ་སྟེར་བར་རབ་འགྱུར་རྣམ་པ་གཞན་དུ་འགྲུབ་མི་
འགྱུར། །བསམ་གཏན་དང་བཅས་བཟླས་དང་སྦྱིན་སྲེག་བརྟུལ་ཞུགས་ངེས་ལྡན་རྣམས་ཀྱིས་
སྔགས་ཀྱི་སྐྱེ་གནས་བསྒྲུབ་པར་བྱ། །ནུས་མ་གང་ཞིག་ལྟེ་བའི་དབུས་ནས་གཞན་གྱི་གནས་
སུ་བཅུ་གཉིས་མཐའ་དང་ཆ་ཡི་མཐར་འགྲོ་བ། །དེ་ནི་ལྟེ་བར་འགོག་པ་དང་བཅས་དྲི་མེད་
གློག་དང་མཚུངས་པ་དབྱུག་པའི་གཟུགས་ཅན་ལངས་པ་ཡང༌། །འཁོར་ལོ་ནས་ནི་འཁོར་
ལོའི་བར་དུ་ངེས་པར་དམན་ཞིང་རོལ་པའི་བགྲོད་པས་དབུ་མའི་རྩ་ལ་བསྐྱོད། །ཇི་སྲིད་
གཙུག་ཏོར་བུག་པར་བཙན་ཐབས་ཉིད་ཀྱིས་ཕྱི་རོལ་གྱི་ནི་ལྤགས་པ་དག་ལ་ཁབ་བཞིན་རེག །
དེ་ཡི་དབུས་སུ་ཐུར་དུ་སེལ་བ་མཆོག་གི་བཙན་ཐབས་ཉིད་ཀྱིས་སྟེང་གི་ལམ་དུ་བསྐུལ་བར་
22-1-441


བྱ། །ཟུང་གི་རླུང་དག་འགགས་པ་ན་ནི་གཙུག་ཏོར་ཕུག་ནས་མཆོག་གི་གྲོང་ཁྱེར་དག་ཏུ་འགྲོ་
བར་འགྱུར། །དེ་ལྟར་ཡིད་ལ་རྡོ་རྗེ་རབ་ཏུ་སད་པས་ཡུལ་དང་བཅས་པ་མཁའ་ལ་སྤྱོད་པ་
ཉིད་དུ་འགྱུར། །སླར་ཡང་འདིས་ནི་རྣལ་འབྱོར་པ་རྣམས་མངོན་ཤེས་ལྔ་ཡི་རང་བཞིན་སྣ་
ཚོགས་ཡུམ་དུ་གྱུར་པ་ཡིན། །ཕྱག་རྒྱ་སྒྱུ་མའི་རྗེས་སུ་མཐུན་པ་ཡིད་དང་ནམ་མཁའ་ལ་ནི་མེ་
ལོང་དག་ལ་གཟུགས་བཞིན་ཏེ། །འཇིག་རྟེན་གསུམ་པོ་སྣང་བར་བྱེད་ཅིང་དྲི་མེད་གློག་དང་
མཚུངས་པའི་འོད་ཟེར་དུ་མ་འཕྲོ་བར་བྱེད། །ཕྱི་དང་ལུས་ལ་དབྱེར་མེད་ཡུལ་དང་རྣམ་པར་
བྲལ་བ་སྣང་བ་ཙམ་ནི་མཁའ་ལ་གནས་པ་ཡི། །སེམས་ལ་སེམས་དག་གིས་ནི་བདག་གིས་
འཁྱུད་དེ་འགྲོ་བ་དུ་མའི་གཟུགས་ཅན་དེ་ནི་གཅིག་པུའོ། །སེམས་ནི་སྙོག་པ་དང་བཅས་ལས་
ཀྱི་ཕྱག་རྒྱ་འདི་དང་བརྟགས་པའི་ཡེ་ཤེས་ཕྱག་རྒྱ་སྤང་བྱ་སྟེ། །ཡང་དག་རྫོགས་པའི་བྱང་
ཆུབ་ཆེད་དུ་རྒྱལ་བ་མཆོག་གི་སྐྱེད་མ་མཆོག་གི་ཕྱག་རྒྱ་གོས་པ་མེད། །རྣམ་པར་འགྱུར་བ་
མེད་ཅིང་མཁའ་མཉམ་མུན་བཅོམ་ཁྱབ་བྱེད་རྣལ་འབྱོར་དག་གི་བགྲོད་བྱ་ཐེར་ཟུག་གནས། །
ཡེ་ཤེས་གཟི་བརྗིད་སྲིད་པའི་དྲི་མ་འཕྲོག་ཅིང་དུས་ཀྱི་འཁོར་ལོས་རྗེས་སུ་རིག་པ་བསྒོམ་
པར་བྱ། །སྲིད་གསུམ་ཕྲ་རབ་གཟུགས་མིན་འདིར་ནི་རྣམ་པར་ཤེས་པའོ་དེ་བཞིན་རྣམ་པར་
ཤེས་པ་ཉིད་མེད་དེ། །སངས་རྒྱས་ཤེས་རབ་གང་དུའང་གནས་པ་མ་ཡིན་ཞེས་པའི་ཚིག་ནི་
སངས་རྒྱས་པ་རྣམས་སྟོན་པར་འགྱུར། །གང་གིས་འགྱུར་མེད་དང་བྲལ་མི་རྣམས་ཀྱིས་ནི་
སྟོང་པ་ཉིད་དེ་བཟུང་ནས་སྟོང་པར་ལྟ་བྱེད་པ། །དེས་ན་གཙོ་བོས་གང་ཞིག་འཕོ་མེད་ལྷན་
སྐྱེས་ལུས་ཀྱི་བདེ་བ་དག་ནི་སྔགས་ཀྱི་ཐེག་པར་བསྟན། །སྔགས་དང་དཔའ་པོའི་རིམ་པ་
ཡིས་ཀྱང་ལྷ་མིན་གདེངས་ཅན་ལྷ་རྣམས་དྲག་པོའི་ས་ལ་བསྒྲུབ་པར་བྱ། །རང་བྱིན་བརླབ་
པས་ལྷ་མོ་དམ་ཚིག་རིགས་ལ་གནས་རྣམས་བསམ་གཏན་བཟླས་པ་སྦྱིན་སྲེག་བཅས་རྣམས་
ཀྱིས། །དག་པའི་རིམ་པས་དབང་སྟེ་སྔགས་པ་ཡིས་ནི་རྒྱུན་ཆད་མེད་པར་དགའ་བ་ཆེན་པོའི་
22-1-442


སེམས་ཀྱིས་སོ། །དེ་ལས་ཀྱང་ནི་གང་ཞིག་རབ་ཏུ་གྱུར་པ་ཡེ་ཤེས་ཡིད་བཞིན་ནོར་བུ་རྒྱལ་
བའི་ལམ་འདིའོ། །མེ་ནི་དངུལ་ཆུའི་དགྲ་ཉིད་ཡིན་ཏེ་མེ་དང་རྣམ་པར་བྲལ་ན་ནམ་ཡང་
དངུལ་ཆུ་འཆིང་བ་མེད། །མ་བཅིངས་ན་ནི་གསེར་བྱེད་མེད་དེ་གསེར་དང་བྲལ་ན་སྨྲ་པོ་
རྣམས་ལ་ལོངས་སྤྱོད་མེད་པ་ཉིད། །དེ་བཞིན་བུད་མེད་སྦྱོར་བ་བྲལ་ན་རྟག་ཏུ་རྣལ་འབྱོར་པ་
རྣམས་དག་གི་སེམས་ནི་འཆིང་མི་འགྱུར། །བཅིངས་པ་མེད་ན་ལུས་འབིགས་མེད་དེ་མ་ཕུག་
ལུས་ཀྱིས་འདིར་ནི་ལྷན་སྐྱེས་བདེ་བ་སྟེར་བ་མིན། །རང་གི་སེམས་ནི་བརྒྱལ་དང་གཉིད་ལ་
རབ་ཏུ་ཞུགས་པ་མི་ཡི་བདག་པོ་རང་བཞིན་མེད་པར་འགྱུར། །སད་ལ་རང་བཞིན་དང་
བཅས་གསལ་བར་བྱེད་དེ་དེ་དག་སྲོག་ཆགས་རྣམས་ཀྱི་ཐར་བའི་ལམ་མ་ཡིན། །དངོས་དང་
དངོས་མེད་ཀྱིས་ཕྱེ་སེམས་ཀྱི་རྡོ་རྗེ་རྣལ་འབྱོར་པ་རྣམས་དག་ལ་བདེ་མཉམ་སྟེར་བ་མིན། །
གང་ཞིག་མཁའ་ཡི་ཤེས་རབ་ལ་འཁྱུད་ལྷན་སྐྱེས་བདེ་བར་གནས་པའི་རང་སེམས་དེ་ནི་
ཐར་པ་སྟེར། །ༀ་ཨཱཿཧཱུཾ་ཧོཿརིམ་པར་གནས་པས་དང་པོར་འདིར་ནི་རྟག་ཏུ་ཆང་ནི་སྦྱངས་
ནས་རྒྱས་པར་བྱ། །རབ་ཏུ་འབར་བར་བྱས་ཏེ་རི་བོང་ཅན་ནི་ཞུ་བ་བཞིན་དུ་རིམ་པས་བསྒོམ་
པར་བྱས་ནས་ནི། །སྣོད་དེ་ནས་ནི་ཐིག་ལེ་དག་གིས་ལག་པད་རི་བོང་ཅན་གྱི་མིང་མེད་རྩེ་
མོས་ས་གཞི་ལ། །ཕྱི་རོལ་དུ་ནི་ཟུར་གསུམ་བྱས་ནས་དེ་ཡི་དབུས་སུ་ཉིན་མོར་བྱེད་པ་དང་
མཚུངས་ཟླུམ་པོའོ། །དེ་ཡི་དབུས་སུ་ཡེ་ཤེས་འཁོར་ལོ་སྲིད་གསུམ་གནས་པ་དག་ཀྱང་འདིར་
ནི་སྔགས་པས་བསྒོམས་བྱས་ནས། །མཐེ་བོང་དང་ནི་མིང་མེད་དག་གིས་ཉིན་ཞག་སོ་སོའི་
དུས་སུ་ཚིམ་པར་བྱེད་པ་ལ་སོགས་བྱ། །ཡུལ་དང་གྲོང་གི་བདག་པོ་རྣམས་ལ་ཐོག་མར་
འདིར་ནི་གཏོར་མ་དང་པོ་དབུས་མཐའི་མིང་གིས་ཏེ། །འཕྲོག་མ་ལ་ནི་ཆང་བུ་གཉིས་དང་
སླར་ཡང་སྔགས་པས་ཁྲོ་བོའི་རྒྱལ་པོ་ལ་ནི་གཏོར་མའོ། །ཕོ་ཉ་མོ་རྣམས་དག་ལ་ཟས་ཀྱི་ཕུད་
ནི་ས་སྟེང་གནས་སུ་བདག་པོའི་རྡོ་རྗེ་རྣམས་ཀྱིས་སྦྱིན། །འབྱུང་པོ་རྣམས་ལ་ཟོས་པའི་ལྷག་
22-1-443


མ་སླར་ཡང་དགེ་བའི་དོན་དུ་སྦྱིན་པའི་ཚིགས་བཅད་འདིར་བཀླག་གོ །མགོ་དང་མགྲིན་པ་
སྙིང་ཁ་ལྟེ་གསང་གཙུག་ཏོར་དུ་ནི་རང་གི་རྡོ་རྗེ་རྣམས་ཀྱི་ཡན་ལག་དགོད། །གཉི་གའི་
རིགས་ལ་གནས་པའི་ཡན་ལག་སྒོ་རྣམས་ཀྱིས་ནི་གཉིད་ཀྱི་དུས་དང་མཆོད་དང་འཁྲིག་པ་
ལ། །ལྷ་ཡི་དམིགས་པ་གང་ཡིན་མངོན་སུམ་དང་ནི་རྗེས་སུ་དཔག་པ་རྣམ་པ་གཉིས་སུ་
འགྱུར་བ་སྟེ། །མངོན་སུམ་དག་ནི་དེ་ཉིད་སྦྱོར་བས་མཁའ་ལ་སྐར་མ་བཞིན་དུ་དུ་མ་ལོངས་
སྤྱོད་རྫོགས་པའི་སྐུ། །མངོན་སུམ་མིན་ན་རྗེས་སུ་དཔག་པ་ཤི་བའི་ལུས་བཞིན་དེ་ཉིད་མིན་
པ་ཡིས་ནི་བརྟགས་པ་གང༌། །དེ་ནི་རི་མོ་སོགས་ལ་བལྟ་བྱ་ཡོངས་སུ་མ་སྨིན་བློ་ཅན་རྣལ་
འབྱོར་རྣམས་ཀྱི་བསྒོམ་པའི་དོན། །གཟུགས་སམ་ཡང་ན་དཀྱིལ་འཁོར་དག་ཀྱང་དང་པོར་
བྲིས་སྐུ་ལ་ནི་དེ་ཉིད་མིན་པས་བསྒོམ་པར་བྱ། །ནམ་མཁའ་ལ་ནི་དེ་ཉིད་སྦྱོར་བ་རྣམས་ཀྱིས་
རང་སེམས་མ་ཚང་མེད་པ་མཐའ་དག་མཐོང་གྱུར་པ། །ལོ་ཡི་ཕྱེད་དང་ལོ་གཅིག་བླ་མའི་ངེས་
པའི་དབང་གིས་ཇི་སྲིད་ཉིད་དུ་བརྟན་པར་གྱུར་གྱི་བར། །དེ་ནས་ཕྱག་རྒྱའི་སྦྱོར་བས་ཉིན་
ཞག་འགའ་ཞིག་རྣམས་ཀྱིས་འགྱུར་བ་མེད་པ་ཉིད་དུ་རབ་ཏུ་འགྱུར། ༥༥༡ །དཔལ་ལྡན་དུས་
ཀྱི་འཁོར་ལོའི་རྒྱུད་ལས་སྒྲུབ་ཐབས་ཀྱི་ལེའུའི་སྙིང་པོའོ།།  །། 
ཤེས་རབ་རྒྱུད་ཀྱི་མངོན་པར་བརྗོད་པ་སྲིད་པ་གསུམ་གྱི་བླ་མས་ཤར་གྱི་ཞལ་ནས་སྤྲོས་
པའོ། །འདི་ལ་སོགས་པ་དེ་བཞིན་དུ་ནི་རྣལ་འབྱོར་རྒྱུད་ཀྱང་འདུས་པ་རྣམ་པ་དྲུག་ཏུ་
གསུངས་པ་སྟེ། །ཤེས་རབ་དང་ནི་ཐབས་རྣམས་མཐའ་དག་ཞལ་གསུམ་རོ་ཡི་ཕྱག་ལྡན་
གཡས་ཀྱི་ཞལ་ནས་སྤྲོས་པའོ། །སྒྱུ་འཕྲུལ་དྲྭ་བའི་དབྱེ་བ་གསུམ་སྟེ་ཞལ་གསུམ་རོ་ཡི་ཕྱག་
ནི་ལྷ་ཡི་སྐུ་ཡི་དབྱེ་བ་ལས། །རྟོགས་པ་ལ་སོགས་གང་ཡིན་མཐའ་དག་བླུན་པོའི་སེམས་ཀྱི་
དབང་གིས་གཡོན་གྱི་ཞལ་ནས་སྤྲོས་པའོ། །རྣལ་འབྱོར་རྗེས་སུ་རིག་པའི་རྒྱུད་དང་འདིར་ནི་
ཉིས་འགྱུར་སྡོམ་པ་ཆེན་པོ་མཁའ་འགྲོ་མ་རྣམས་ཀྱིས། །འཁོར་ལོ་དྲུག་ནི་རིགས་དྲུག་རྣམས་
22-1-444


ཏེ་མི་བདག་དུར་ཁྲོད་ས་རྣམས་ནུབ་ཀྱི་ཞལ་ནས་སྤྲོས་པའོ། །རླུང་ལ་རེག་བྱའི་ཞལ་གཅིག་
དང་ནི་ཡོན་ཏན་གཞན་གྱི་དབང་གིས་རྒྱས་གདབ་ཞལ་ནི་གཉིས་པའོ། །རྩེ་མོ་ཅན་ལ་རོ་དང་
རེག་བྱའི་ཞལ་ནི་གཉིས་སུ་འགྱུར་ཏེ་རྒྱས་གདབ་ཞལ་ནི་གསུམ་པའོ། །ཆུ་ལ་ཞལ་ཡང་
གཟུགས་དང་རོ་དང་རེག་བྱ་ཡི་ནི་ཞལ་ཏེ་རྒྱས་གདབ་ཞལ་ནི་བཞི་པའོ། །ས་ལ་དྲི་ལ་སོགས་
པ་རེག་བྱའི་མཐའ་ཡི་ཡོན་ཏན་ཞལ་ཏེ་རྒྱས་གདབ་ཞལ་ནི་ལྔ་པའོ། །ནམ་མཁའ་ལ་ནི་ཞལ་
ཡང་སྟོང་པ་རྣམ་པ་ལྔ་སྟེ་རྒྱ་ཡིས་གདབ་པའི་ཞལ་ནི་དྲུག་པའོ། །དེ་བཞིན་དུ་ནི་ཡེ་ཤེས་
ཁམས་ལ་འགྱུར་ཏེ་ཡོན་ཏན་དབང་ལུས་སྟོང་པ་དྲུག་གིས་ཞལ་རྣམས་སོ། །གཅིག་ནི་བཞི་
ལ་བསྲེས་པ་བདེ་མཉམ་འབྲས་བུ་སྟེར་བ་དག་སྟེ་གཉིས་དང་གསུམ་ནི་བསྲེས་པ་ལྔ། །ཤེས་
རབ་ཐབས་ནི་ཞལ་བཅུ་ཡོན་ཏན་རྣམ་པ་གསུམ་གྱི་དབང་གིས་བཞི་ལ་ཞལ་ནི་བཅུ་གཉིས་
པ། །ཐུན་མཚམས་དབྱེ་བས་རྣམ་པ་བཞི་སྟེ་རྣམ་པ་གསུམ་གྱི་ཞལ་ཡང་དུས་སྦྱོར་དབྱེ་བས་
ཁ་དོག་གསུམ། །དུས་སྦྱོར་ཕྱེད་ཀྱིས་ཕྱག་གི་དབྱེ་བ་མི་མཉམ་མཉམ་པ་འཁྱུད་པ་དག་ཀྱང་
ལུས་དང་སེམས་ལ་ནི། །ཐུན་མཚམས་ཆ་ཤས་སྔ་ཕྱི་ལ་སྟེ་ཞལ་གསུམ་རོ་ཡི་ཕྱག་ནི་འཁྱུད་
པ་དབུ་མའི་ཆ་ཤས་ལ། །ཤེས་རབ་སྦྱོར་དང་སྙོམས་པར་ཞུགས་པ་དག་ཀྱང་རྒོད་པ་ལ་
སོགས་རྣམས་ནི་ཐུན་གྱི་མངོན་མཚམས་ལའོ། །ཤེས་རབ་རྒྱུད་ནི་ཤར་ནས་སླར་ཡང་རྣལ་
འབྱོར་རྗེས་སུ་རིག་པ་ཉིད་ནི་ནུབ་ཀྱི་ཞལ་ནས་སོ། །གཡས་ཀྱི་ཞལ་ནས་རྒྱལ་བའི་བདག་
པོས་རྣལ་འབྱོར་རྒྱུད་གསུངས་གཡོན་གྱི་ཞལ་ནས་བྱ་བ་ལ་སོགས་སོ། །ཤར་ནས་རྣལ་
འབྱོར་སྤྱོད་པ་ཉིད་དེ་སླར་ཡང་ནུབ་གྱི་ཞལ་ནས་ངེས་པར་དབུ་མ་མཐའ་དག་གོ །མདོ་སྡེ་པ་
ནི་གཡས་ཀྱི་ཞལ་ནས་གསུངས་ཏེ་དཀར་པོའི་ཞལ་ནས་དག་པའི་བྱེ་བྲག་སྨྲ་བའོ། །ནུབ་ཀྱི་
ཞལ་ནས་ངེས་བརྗོད་རིག་བྱེད་དང་ནི་རྒྱལ་བའི་དབང་པོས་གཡོན་གྱི་ཞལ་ནས་མཆོད་སྦྱིན་
གསུངས། །གཡས་ཀྱི་ཞལ་ནས་སྙན་ཚིག་རིག་བྱེད་མཆོག་གི་བསྲེག་བྱའི་རིགས་ལ་སྲིད་
22-1-445


སྲུང་ཤར་གྱི་ཞལ་ནས་སོ། །ཤར་གྱི་ཞལ་ནས་རིགས་ཅན་རྒྱུད་དེ་སླར་ཡང་ནུབ་ཀྱི་ཞལ་ནས་
མཁའ་ལྡིང་དང་ནི་འབྱུང་པོའི་རྒྱུད། །གཡོན་གྱི་ཞལ་ནས་གྲུབ་པའི་མཐའ་སྟེ་ཉི་མ་འཆར་ཀ་
དང་མཚུངས་གཡས་པ་ནས་ནི་ཁྱབ་འཇུག་ཆོས། །རྒྱབ་ནས་འཕྲལ་ལ་ལྡོག་པ་མཆོག་ཏུ་
དཀར་བའི་ཞལ་ནས་གཡོན་གྱི་ལྷ་དང་རབ་ཏུ་གནས་པ་སྟེ། །གཡས་ནས་རིག་པ་དྲག་པོ་
མིན་དང་སླར་ཡང་རླུང་གི་ཞལ་ནས་རླུང་སྐྱེས་ཚངས་པ་ཞི་བ་དག །སྟོང་པའི་ཞལ་ནས་སྟོང་
པ་དབང་ཕྱུག་དག་ནི་སྲིད་གསུམ་བདག་པོས་འཇིག་རྟེན་པ་ཡི་དོན་དུ་སྤྲོས། །རྫོགས་ལྡན་
གསུམ་ལྡན་གཉིས་ལྡན་དང་ནི་གཞན་པ་རྩོད་དུས་རྒྱབ་ཀྱི་ཞལ་ལ་སོགས་པའི་དབྱེ་བ་ལས། །
དེ་བཞིན་དཔའ་བོའི་རིམ་པ་སོགས་དང་ཉི་མའི་བགྲོད་པའི་དབང་གིས་ཐུན་མཚམས་བཞི་
པོ་ཉིད་རྣམས་ཀྱང༌། །ཁ་ཟས་དག་ནི་གཡས་ཀྱི་ཞལ་ནས་མཆོག་ཏུ་འཇིགས་པ་དག་ཀྱང་
རྒྱབ་ཀྱི་ཞལ་ནས་སྤྲོས་པ་སྟེ། །མདུན་གྱི་ཞལ་ནས་འཁྲིག་པ་ཉིད་དོ་མཆོག་ཏུ་དཀར་པའི་
ཞལ་ནས་རྒྱལ་པོ་རྨི་ལམ་དག་དང་གཉིད། །རྒྱབ་ནས་རྗེ་རིགས་གཉིས་སྐྱེས་མི་ཡི་བདག་པོ་
དང་ནི་དེ་བཞིན་དམངས་རིགས་དག་ཀྱང་རིམ་པས་འགྱུར། །རྒྱལ་བའི་བདག་པོས་མདུན་
ནས་ཐམས་ཅད་ཡོད་པར་སྨྲ་བ་གསུངས་ཏེ་གཡས་ནས་མང་པས་བསྐུར་བའོ། །རྒྱབ་ཀྱི་ཞལ་
ནས་གནས་བརྟན་པ་སྟེ་སླར་ཡང་དགེ་འདུན་ཕལ་ཆེན་པ་ནི་གཡོན་གྱི་ཞལ་ནས་སོ། །མདུན་
གྱི་ཞལ་ནས་མི་རྣམས་དང་ནི་སླར་ཡང་རྒྱབ་ཀྱི་ཞལ་ནས་དུད་འགྲོ་རྣམས་ནི་ངེས་པར་སྤྲོས། །
གཡས་ཀྱི་ཞལ་ནས་འབྱུང་པོ་ལྷ་རྣམས་མཆོག་ཏུ་དཀར་བའི་ཞལ་ནས་དམྱལ་བ་རྣམས་དང་
ལྷ་མིན་རྣམས། །མདུན་གྱི་ཞལ་ནས་སྤྲོས་པ་དག་ཀྱང་སྙིང་ཁའི་འཁོར་ལོ་ནས་འགྱུར་རྒྱབ་
ཞལ་ལྟེ་བའི་འཁོར་ལོ་ནས། །གཡས་ཀྱི་ཞལ་ནས་ལོངས་སྤྱོད་རྫོགས་པ་ནས་འགྱུར་ཀུན་ཏུ་
གཡོན་གྱི་ཞལ་ནས་ལྷན་ཅིག་སྐྱེས་པ་ནས། །འཁོར་ལོ་རྣམས་ཀྱི་ཞལ་གྱིས་དབུས་ནས་ལུས་
ལ་དངོས་པོ་སྤྲོ་བ་དང་ནི་སྡུད་པ་ཉིད་དུ་འགྱུར། །འཇིག་རྟེན་གསུམ་པོ་མཐའ་དག་རྣམས་
22-1-446


ཀྱང་རྒྱལ་བ་སྐྱེད་མཛད་ཞལ་གྱི་དབྱེ་བ་རྣམས་ཀྱིས་ཡང་དག་གོ །དཔལ་ལྡན་ཟླ་བ་དང་ནི་
ཟླ་བ་ཆུ་ཤེལ་རྣམ་རྟོག་མེད་པའི་རང་བཞིན་ལས་ནི་ཆུ་འབྱུང་བ། །དེ་བཞིན་འཇིག་རྟེན་དུ་ན་
རྒྱལ་བའི་བདག་པོའི་ཕུང་པོ་ལ་བརྟེན་ཐམས་ཅད་མཁྱེན་པའི་ཆོས་འཛག་སྟེ། །ཆུ་ནི་ས་བོན་
ཁམས་ལ་ཀུན་ཏུ་བརྟེན་ནས་རོ་མཉམ་འགྱུར་བ་ཇི་བཞིན་ཉིད་དུ་ཆོས་དག་ནི། །སེམས་ཅན་
རྣམས་ཀྱི་དག་པའི་སེམས་ཀྱིས་རྣམ་པ་མང་པོར་འགྱུར་ཏེ་སྔོན་གྱི་ལས་ཀྱི་མཐུ་ལས་སོ། །
སྲིད་གསུམ་གནས་ན་སེམས་ཅན་དོན་གྱི་བྱེད་པོ་དང་ནི་ཡིད་བཞིན་ནོར་བུ་ལ་ཡང་བསམ་
པ་མེད། །སེམས་ལ་གནས་པ་དེ་ནི་མི་དགེའི་འབྲས་བུའི་དབང་གིས་སྡིག་པའི་ལས་ཅན་
སེམས་ཅན་གྱིས་མི་མཐོང༌། །ཡིད་བཞིན་ནོར་བུའི་སྐྱོན་མིན་མི་དགེ་བ་དང་དགེ་བའི་འབྲས་
བུ་སེམས་ཅན་ཐམས་ཅད་རབ་ཏུ་སྤྱོད། །སེམས་ནི་དག་ན་མི་དེ་ཡང་ནི་རྒྱལ་བའི་དབང་པོར་
འགྱུར་ཏེ་རྒྱལ་བ་གཞན་གྱིས་ཅི་ཞིག་བྱ། །གང་གིས་མྱུ་གུ་འདི་བསྐྱེད་སྐྱེད་པར་བྱེད་པ་དེ་ནི་
དངོས་པོ་སྐྱེས་ནས་རྣམ་པར་ཉམས་པར་འགྱུར། །ཉམས་པ་དེ་ཡིས་སྐྱེས་བར་རབ་ཏུ་འགྱུར་
ཏེ་སླར་ཡང་ས་བོན་རྒྱལ་པོ་དག་གིས་སྐྱེད་བྱེད་དོ། །སྔ་མ་གང་དེ་གཞན་གྱི་དངོས་ལས་ཤི་བ་
ཞེས་པའི་ཚིག་སྟེ་རང་གི་ངོ་བོས་སྐྱེས་པ་མིན། །གང་གིས་སྟོང་པ་ནས་ནི་ས་ལ་འོངས་པ་བདེ་
བའི་སྐད་ཅིག་དེ་ཡིས་སྟོབས་བཅུར་འགྲོ་བར་འགྱུར། །བདེ་ནས་བདེ་ལ་རྗེས་ཆགས་སྐད་
ཅིག་འདིར་ནི་ལྷན་སྐྱེས་དངོས་པོ་གཞན་ལ་རྗེས་སུ་ཆགས་པ་མིན། །ཕུང་པོ་གང་དག་དེ་
ཡིས་སྐྱེད་རྣམས་སླར་ཡང་བདེ་བའི་སྐད་ཅིག་དེ་ཡིས་སྐྱེད་པར་བྱེད་པ་སྟེ། །དག་པ་ལས་
ཆོས་དེ་ལས་གཞན་ཏེ་སླར་ཡང་དེ་ལས་གཞན་དང་དེ་ལས་རྣམ་པར་དག་པའོ། །དག་པའི་ས་
ལ་ས་བོན་བཏབ་པ་ལས་ནི་རྩ་བ་རྣམས་དང་ལོ་མ་མེ་ཏོག་འབྲས་བུ་བཞིན། །ས་དང་ཆུ་དང་
མེ་དང་རླུང་དང་རོ་དང་མཆོག་གི་རོ་སྟེ་ཕྲ་རབ་རྣམས་ནི་རྣམ་པ་དྲུག །དྲི་ལ་སོགས་པ་རེ་རེས་
དམན་ཞིང་ཐ་མ་ཡུལ་དག་རྣམ་པར་བྲལ་བ་ཡེ་ཤེས་བལྟ་བྱ་རྣམས། །འདོད་པ་གཟུགས་དང་
22-1-447


གཟུགས་མེད་རྣམས་ནི་ཟུང་དང་ཟུང་དང་རི་བོང་ཅན་ཏེ་ཐ་མ་ཆོས་ཀྱི་དབྱིངས། །རྣམ་པ་ཀུན་
ལྡན་དེ་རྣམས་ཀུན་ནས་རྟག་ཏུ་འཕོ་མེད་བདེ་བ་ལྷན་སྐྱེས་རྟེན་དུ་གྱུར་པའོ། །ས་སོགས་
ཁམས་ལ་ཕན་ཚུན་དུ་ནི་གཙོ་བོའི་དངོས་པོ་དག་ལ་སླར་ཡང་ཕལ་པའི་དངོས་རྣམས་གནས། །
ཕན་ཚུན་ཕུང་པོ་འབྱུང་བ་དང་ནི་ཡུལ་དང་ཡུལ་ཅན་རྣམས་ནི་ཕན་ཚུན་བདུད་དང་མ་རིག་
པ། །ལྔ་པོ་ཕན་ཚུན་རྗེས་སུ་ཆགས་ན་རོ་ཡི་འགྲོ་རྣམས་ལ་གནས་སྡུག་བསྔལ་བདེ་བའི་སྐད་
ཅིག་གོ །རྣམ་པ་ཐམས་ཅད་པ་རྣམས་ཀུན་ནས་གཞན་གྱི་ཡོན་ཏན་མི་དགའ་མི་ཕྱེད་རྡོ་རྗེ་
ཡང་དག་གནས། །དེ་དག་རྣམས་ཀྱིས་དུས་ཀྱི་འཁོར་ལོ་རྫུ་འཕྲུལ་རབ་ཏུ་གསལ་བྱེད་ཆེན་
པོ་དུ་མ་སྤྲུལ་པའི་སྐུ། །རྡོ་རྗེ་འབར་བ་འཕྲོ་བ་རྣམས་ཀྱིས་འདོད་པའི་ཁམས་ན་གནས་པ་ལྷ་
མིན་དང་ནི་མི་རྣམས་དང༌། །ལོངས་སྤྱོད་རྫོགས་པས་གཟུགས་ཅན་རྣམས་དང་མཁའ་ལ་
རྒྱལ་བའི་སྲས་སོགས་དགྲ་བཅོམ་རྣམས་ལ་ཆོས་སྐུ་ཡིས། །སྟོང་པའི་ཆ་ཡིས་སྲིད་གསུམ་
མཐའ་དག་སྟོང་པའི་ཟད་པར་རླུང་རྣམས་ཀྱིས་ནི་རླུང་གི་ཟད་པར་ཏེ། །མེ་ཡི་ཆ་ཤས་རྣམས་
ཀྱིས་མེ་ཡི་ཟད་པར་ཆུ་ཡང་འགྲོ་ལ་སྤྲོས་པའི་ཆུ་ཡི་ཆ་རྣམས་ཀྱིས། །འཛིན་མའི་ཆ་ཤས་
རྣམས་ཀྱིས་ས་ཡི་ཟད་པར་ཚོགས་པའི་ཡུལ་རྣམས་ཀྱིས་ནི་དངོས་པོའི་རང་བཞིན་ཀུན། །
ཀུན་ནས་ནམ་མཁའ་དག་དང་མཚུངས་པ་གཅིག་གི་བདག་ཉིད་འདི་ནི་དག་པའི་ས་ལ་སྟོན་
པར་མཛད། །དེ་ལྟར་སངས་རྒྱས་སྐུར་གྱུར་བདེ་བ་གཅིག་པུའི་རང་བཞིན་ཕྱིར་ན་འཆི་བར་
ཡང་ནི་མི་འགྱུར་རོ། །དེ་གཅིག་པུ་ལས་མཐའ་དག་རྒྱལ་བ་མཆོག་འདི་རྣམས་ཀྱི་རྣམ་པ་ལྔ་
ཡི་མངོན་རྫོགས་བྱང་ཆུབ་དང༌། །རྣམ་པ་ཉི་ཤུའི་རང་བཞིན་དང་ནི་སླར་ཡང་དེ་ནས་སྒྱུ་
འཕྲུལ་དུ་མའི་རང་གི་ངོ་བོའོ། །དེ་ཡི་སྐད་ཅིག་གཅིག་ནི་བདེ་མཉམ་འབྲས་བུ་སྟེར་བར་
འགྱུར་ཏེ་ལས་གཞན་གྱི་ནི་རང་བཞིན་མིན། །འདིར་ནི་འཕོ་མེད་ཐབས་གང་ཡིན་པའི་སྐད་
ཅིག་མ་འདི་ལྷན་སྐྱེས་ཆོས་ཀྱི་དབྱིངས་སུ་རབ་ཞུགས་པའོ། །མཐའ་ཡས་སངས་རྒྱས་ཞིང་
22-1-448


རྣམས་དང་ནི་དཔག་མེད་ཡོན་ཏན་རྣམས་དང་ནམ་མཁའ་ལ་སོགས་ཁམས་རྣམས་དང༌། །
གནས་དང་སྐྱེ་དང་ཉམས་པ་རྣམ་གསུམ་ཞེས་པའི་སྲིད་པ་དང་ནི་འགྲོ་བ་དྲུག་གི་སེམས་
ཅན་ཀུན། །སངས་རྒྱས་ཁྲོ་བོ་ལྷ་སོགས་རྣམས་དང་སྙིང་རྗེའི་ཐུགས་ལྡན་བྱང་ཆུབ་སེམས་
དཔའ་བཙུན་མོར་བཅས་རྣམས་ཏེ། །འདི་དག་རྣམས་ནི་སྲིད་པ་གསུམ་གྱིས་ཕྱག་བྱས་རྒྱལ་
བའི་བདེ་འབྱུང་གཅིག་པུའི་འཁོར་ལོ་གཅིག་ཡིན་ནོ། །དེ་ཕྱིར་བླ་མའི་ཞབས་ལ་གནས་པའི་
རྣལ་འབྱོར་པ་རྣམས་ཀྱིས་ནི་ཐར་པའི་སླད་དུ་བཙལ་བར་བྱ། །ལུས་ལས་མ་གཏོགས་གང་
ཞིག་ཁྱབ་བྱེད་ཐར་བ་སྟེར་བའི་སངས་རྒྱས་གཞན་ནི་འགའ་ཡང་ཡོད་པ་མིན། །སེམས་ཅན་
རྣམས་ནི་སངས་རྒྱས་ཡིན་ཏེ་སངས་རྒྱས་ཆེན་པོ་གཞན་འདིར་འཇིག་རྟེན་ཁམས་ན་ཡོད་མ་
ཡིན། །དེ་རྣམས་མཉེས་པར་བྱས་པས་དཔག་མེད་སྲིད་པ་གཅོད་པར་བྱེད་དེ་རྣམ་པར་མི་
རྟོག་པ་ལས་སོ། །རྒྱལ་བ་རྣམས་ཀྱིས་འཇིག་རྟེན་ཁམས་ལ་ཚད་གསུངས་གང་ཡིན་དེ་ཡང་
མི་རྣམས་ཀྱི་ནི་ཡེ་ཤེས་མིན། །སངས་རྒྱས་རྣམས་ལ་ལྷན་སྐྱེས་ལུས་ཀྱི་དབང་གིས་ཁྲུ་ནི་
གཅིག་དང་དུ་མ་དག་གི་ཚད་མེད་དེ། །ལས་ཀྱི་སར་ནི་སྲོག་ཆགས་རྣམས་ལ་སེམས་ཅན་
རྗེས་མཐུན་ཚད་དག་རྟག་ཏུ་རབ་ཏུ་གསལ་བར་མཛད། །གལ་ཏེ་ཚད་འདི་བདག་གི་འདོད་
པ་བརྗོད་ན་ལྷ་རྣམས་ཀྱིས་འདི་མེད་པ་བ་ཞེས་བརྗོད་པར་འགྱུར། །གང་གིས་རྒྱལ་བའི་
དབང་པོ་སྐྱེད་ཅིང་ཉིན་ཞག་སོ་སོའི་དབང་ལས་གང་གིས་མངལ་ནས་ངེས་པར་འབྱུང༌། །
སྐད་ཅིག་གང་གིས་འགྱུར་བ་དག་དང་རྣམ་པར་བྲལ་བ་གྲུབ་ཅིང་གཡོ་བ་གཡོ་བ་མེད་གྱུར་
པ། །སངས་རྒྱས་བྱ་བ་དེ་སྤངས་ནས་ནི་བདེ་མཉམ་དང་བྲལ་སྟོང་པ་གཞན་དག་གང་ཞིག་
སྒོམ་བྱེད་པ། །དེ་ཡིས་བསྐལ་པ་བྱེ་བ་དུ་མ་རྣམས་ཀྱིས་སངས་རྒྱས་ཉིད་དང་ལྷན་སྐྱེས་བདེ་
བ་དག་ཀྱང་རིང༌། །རྒྱལ་བའི་ལྷན་སྐྱེས་བདེ་བ་འདི་ནི་འཕེལ་བའི་དོན་སླད་དང་པོར་ལས་
ཀྱི་ཕྱག་རྒྱ་བསྟེན་པར་བྱ། །དེ་ནས་ཉི་མའི་གཟུགས་ནི་ལུས་དང་གདོང་དང་རྐང་པ་གཙུག་
22-1-449


ཏོར་ཡན་ལག་ཐམས་ཅད་རྫོགས་པ་སྟེ། །གློག་གི་དབྱུག་པའི་རྗེ་མཐུན་འཕོ་མེད་བདེ་བ་སྐྱེད་
པར་བྱེད་མ་མཚན་ཉིད་ཡན་ལག་རབ་ཏུ་རྫོགས། །རྡོ་རྗེ་རྣམས་ཀྱིས་རབ་ཏུ་སྣང་བར་བྱེད་མ་
སྲིད་གསུམ་གནས་ལུས་ཆོས་ཀྱི་དབྱིངས་ནི་དེ་ནས་འགྱུར། །རླུང་ནི་ཡང་དག་ཕྲད་པ་རྣམས་
ཀྱིས་གློག་གི་མེ་ཡི་རྩེ་མོས་སྤྱི་བོའི་ཟླ་བ་ཞུ་བར་བྱེད། །ཐིག་ལེ་གང་གང་ཞུ་བ་འདི་ནས་
མགྲིན་པ་སྙིང་ཁ་ལ་སོན་ལྟེ་བ་གསང་བ་རྣམས་ལ་འགོག །ཐིག་ལེ་ལས་ནི་གཡོ་བའི་ཁུ་བ་རྡོ་
རྗེ་ནོར་བུ་ལ་གནས་རྒྱལ་མཚན་རྩེ་ལ་འགོག་པ་གང༌། །དེ་ནི་ཤེས་རབ་ཡེ་ཤེས་སྐད་ཅིག་
གལ་ཏེ་ཐིག་ལེའི་ཕྲེང་བ་འཕོ་བ་མེད་པས་བདེ་སྟེར་ནའོ། །དེ་ཕྱིར་གཡོ་མེད་བདེ་བའི་སྐད་
ཅིག་ལྷན་ཅིག་སྐྱེས་པ་འདིར་ནི་ཆོས་ཀྱི་དབྱིངས་ཀྱིས་སྟར་བྱེད་དེ། །རོ་ཡི་འགྲོ་བ་རྣམས་ལ་
གནས་པའི་སྲོག་རྣམས་ཐམས་ཅད་བཀུག་ཅིང་ཉོན་མོངས་བདུད་རྣམས་བཅོམ་བྱས་ནས། །
རྫུ་འཕྲུལ་ཀུན་མཁྱེན་ས་དང་སྲིད་གསུམ་བླ་མ་ཉིད་ནི་རྣལ་འབྱོར་རྣམས་ཀྱིས་སྐྱེ་བ་འདི་ལ་
སྟེ། །གལ་ཏེ་ལམ་དུ་རབ་ཞུགས་ཤི་བར་གྱུར་ན་དེ་ཚེ་དེ་ཡི་འཛིན་པས་སྐྱེ་བ་གཞན་ལའོ། །
ཤེས་རབ་མ་ཡིན་ཐབས་ཀྱང་མིན་པ་འདི་ནི་ལྷན་ཅིག་སྐྱེས་པའི་སྐུ་སྟེ་ཆོས་ཀྱི་སྐུར་གྱུར་པ། །
ཤེས་རབ་ཐབས་ཀྱི་རང་བཞིན་ངེས་པར་མུན་པ་དང་བྲལ་ཡེ་ཤེས་དང་ནི་རྣམ་ཤེས་དབྱེ་བ་
ལས། །འདི་ནི་ལོངས་སྤྱོད་རྫོགས་པའི་སྐུ་སྟེ་སྒྲ་བརྙན་ལྟ་བུ་སེམས་ཅན་དུ་མའི་དོན་ནི་བྱེད་
པ་པོ། །སེམས་ཅན་རྣམས་ནི་སྨིན་པའི་སླད་དུ་སླར་ཡང་འདི་ནི་སངས་རྒྱས་རྣམས་ཀྱི་སྤྲུལ་
པའི་སྐུ་རུ་འགྱུར། །ཕུང་པོ་ལྔ་ཡི་རང་བཞིན་རྣམས་ཀྱི་རྡོ་རྗེ་བཙུན་མོའི་བྷ་ག་རྣམས་ལ་
བཞུགས་པ་བརྩེ་བ་ཡིས། །ངེས་པ་རྣམ་པར་མ་བསྒྲུབས་བསོད་ནམས་བསགས་པ་མིན་པའི་
སེམས་ཅན་རྣམས་ནི་སྨིན་པའི་དོན་དུ་སྟེ། །གཙང་མའི་གནས་ལ་སོགས་པར་བཅོམ་ལྡན་
གང་ཞིག་རྣམ་པར་བཞུགས་པ་ཉན་ཐོས་རྣམས་ཀྱི་སླད་དུའོ། །གང་ཞིག་ཨེ་ཝཾ་ཡི་གེ་ལ་
གནས་མཆོག་གི་ངེས་པ་ཅན་རྣམས་མཆོག་ལ་འགོད་པའི་དོན་དུའོ། །དོན་གཅིག་དུ་མའི་
22-1-450


སྐད་ནི་རང་རང་དངོས་པོ་རྣམས་ཀྱིས་སྲོག་ཆགས་རྣམས་ཀྱི་སྙིང་ལ་རབ་ཏུ་འཇུག །གནས་
ཅན་རྣམས་ཀྱི་བསོད་ནམས་སླད་དུ་འཁོར་ལོར་གནས་པ་བསོད་སྙོམས་ལ་ནི་རྣམ་པར་རྒྱུ་རུ་
གཤེགས། །དུད་འགྲོ་ཡི་དྭགས་ལྷ་མིན་རྣམས་དང་ལྟོ་འཕྱེ་ལྷ་དང་མི་ནི་འཕགས་པ་བོད་ལ་
སོགས་རྣམས་ལ། །བྱུང་དང་འབྱུང་འགྱུར་ད་ལྟར་བྱུང་བ་རྣམ་པ་གསུམ་དང་རྟག་ཏུ་བདེན་
པའི་ཆོས་ནི་གསུང་བྱེད་ཅིང༌། །རང་རང་སྐད་གཞན་དག་གིས་སྲིད་པ་གསུམ་པོ་མ་ཚང་མེད་
པ་ལམ་ལ་ཡང་དག་འགོད་བྱེད་པ། །འདི་ནི་བདེ་མཉམ་འབྲས་བུ་སྟེར་བ་ཐམས་ཅད་མཁྱེན་
པའི་གསུང་སྟེ་ལྷ་ཡི་སྐད་ཀྱང་མ་ཡིན་ནོ། །སངས་རྒྱས་རྣམས་ཀྱིའང་རྟོགས་བྱ་མིན་པ་དཔག་
མེད་ཡོན་ཏན་དང་ལྡན་སངས་རྒྱས་སྤྲུལ་པ་སྒྱུ་མ་ནི། །སྲིད་པ་གསུམ་གྱི་གནས་སུ་བདག་
ཉིད་སྟོན་པར་བྱེད་དེ་བརྒྱ་བྱིན་དྲྭ་བ་ཇི་བཞིན་ཉིད་དུའོ། །རྒྱལ་བའི་སྐུ་ཡི་རྡོ་རྗེ་ཡུལ་དང་
ཡུལ་ཅན་རྣམས་ཀྱི་འགྲོད་བྱ་མིན་པ་རྣམ་པ་ཐམས་ཅད་པ། །གསུང་གི་རྡོ་རྗེ་སེམས་ཅན་
ཐམས་ཅད་རང་སྙིང་སྐད་རྣམས་དག་གིས་ཆོས་ནི་གོ་བར་བྱེད་པའོ། །རྡོ་རྗེ་ཅན་གྱི་ཐུགས་ཀྱི་
རྡོ་རྗེ་སེམས་ཅན་རྣམས་ཀྱི་སེམས་ཀྱི་རང་བཞིན་མཐའ་དག་ས་ལ་གནས། །དྲི་མེད་ནོར་བུ་
ལྟ་བུ་དངོས་པོ་རྣམས་ཀྱི་འཛིན་བྱེད་གང་ཡིན་དེ་ཉིད་ཡེ་ཤེས་རྡོ་རྗེའོ། །དབྱེ་བ་དྲུག་གིས་ཕྱེ་
བའི་ཡུལ་དང་ཡུལ་ཅན་འདི་དག་བྱང་ཆུབ་སེམས་དཔའ་བཙུན་མོར་བཅས་པ་རྣམས། །སྣ་
ཚོགས་གཟུགས་ལ་སོགས་པ་འདི་རྣམས་རྒྱལ་བ་མཆོག་གི་ཡུལ་རྣམས་རྣམ་པ་དྲུག་སྟེ་ཀུན་
ནས་ནི། །དྭངས་ཤིང་མ་སྐྱེས་མ་འགགས་མཆོག་གི་བདེ་བྱད་གོས་པ་མེད་ཅིང་ཡེ་ཤེས་ཀྱིས་
ནི་རྟོགས་བྱ་སྟེ། །ཁམས་གསུམ་དག་ཏུ་གཞན་གྱིས་གཟུང་བྱ་དང་ནི་མཐའ་དག་འགྲོ་བའི་
དབང་པོའི་སྒོ་ཡིས་རྟོགས་བྱ་མིན། །འདིར་ནི་དབང་བསྐུར་རྣམ་པ་གཉིས་ཀྱང་བུ་ཡི་ཡོན་
ཏན་དབང་གིས་འཇིག་རྟེན་འཇིག་རྟེན་འདས་པའོ། །གང་ཞིག་ཤེས་རབ་ཀྱི་ནི་ནུ་མ་ལ་རེག་
གཞན་པ་བདུད་རྩི་མྱང་དང་འཁྱུད་པ་གང་ཡིན་པ། །ཤེས་རབ་དང་འགྲོགས་བྱང་ཆུབ་སེམས་
22-1-451


ནི་ཞུ་བ་དག་ལ་བཞི་པའི་སྐད་ཅིག་བདུད་རྩི་རྟོགས་པ་གང༌། །འདི་དག་ཐམས་ཅད་ངེས་པར་
འཇིག་རྟེན་པ་སྟེ་མཆོག་གི་སྙིང་རྗེ་ཡིས་ནི་ལམ་གྱི་རྒྱུ་རུ་བསྟན། །འཇིག་རྟེན་འདས་པའི་
དབང་གང་མཆོག་གི་རྒྱལ་བའི་བདག་པོའི་ཕྱག་རྒྱ་མཆོག་ལ་རྗེས་སུ་སྦྱོར་བའོ། །སེམས་ཀྱི་
སྣང་བ་ཙམ་སྟེ་རང་གི་ཡིད་ལས་སྐྱེས་པ་མེ་ལོང་གི་ནི་གཟུགས་བརྙན་ལྟ་བུ་ཉིད། །གང་ཞིག་
མཐའ་དག་རྒྱལ་བའི་སྲས་དག་སངས་རྒྱས་རྣམས་ཀྱིས་བསྟེན་པ་རྣལ་འབྱོར་དབང་པོས་
བསྟེན་བྱ་སྟེ། །ཡེ་ཤེས་མེ་ལྕེ་དེ་ནི་རབ་ཏུ་རྒྱས་པས་བདུད་ཚོགས་ཡུལ་དང་བཅས་པ་མཐའ་
དག་སྲེག་བྱེད་ཅིང༌། །ལུས་ལ་ཆགས་པ་ལ་སོགས་ཀྱང་སྟེ་རྣལ་འབྱོར་རྣམས་ལ་ལོ་ཡི་སྦྱོར་
བས་བདེ་མཉམ་སྟེར་བར་བྱེད། །ཤེས་རབ་ཡེ་ཤེས་དག་ནི་སེམས་དང་དེ་ཡི་སྣང་བ་དག་
ཀྱང་རྣམ་པ་བཅུ་པོ་ཉིད་དུ་འགྱུར། །དབང་བསྐུར་དྲི་མེད་རི་བོང་ཅན་མཚུངས་མེ་ལོང་
གཟུགས་བརྙན་ལྟ་བུ་འདི་ལ་ཞུགས་པ་གང་ཡིན་པ། །དེ་ལས་མྱ་ངན་འདས་པའི་བདེ་བ་འཕོ་
མེད་ལྷན་ཅིག་སྐྱེས་པ་འགྱུར་མེད་ཉིད་ནི་བཞི་པ་སྟེ། །སངས་རྒྱས་ཞལ་འདི་གང་གི་ཐུགས་
དང་ཞལ་ལ་གནས་པར་གྱུར་པ་དེ་ནི་དཔལ་ལྡན་བླ་མའོ། །ནམ་མཁར་ཀུན་ནས་ཞེན་པའི་
སེམས་དང་མིག་ནི་མི་འཛུམ་རྡོ་རྗེའི་ལམ་དུ་རབ་ཏུ་ཞུགས་པ་ཡིས། །སྟོང་པ་ལས་ནི་དུ་བ་
སྨིག་རྒྱུ་རབ་གསལ་དྲི་མ་མེད་པའི་མཁའ་སྣང་ཉིད་དང་མར་མེ་དང༌། །འབར་བ་དང་ནི་ཟླ་
བ་ཉི་མ་རྡོ་རྗེ་རྣམས་དང་མཆོག་གི་ཆ་དང་ཐིག་ལེ་མཐོང་བར་འགྱུར། །དེ་ཡི་དབུས་སུ་སངས་
རྒྱས་གཟུགས་ནི་ཡུལ་དང་རྣམ་པར་བྲལ་བ་དུ་མ་ལོངས་སྤྱོད་རྫོགས་པའི་སྐུ། །ནམ་མཁའ་
ཆུ་འཛིན་བྲལ་བ་དག་ལ་རྣལ་འབྱོར་པ་ཡིས་བགྲད་པའི་མིག་གིས་བལྟ་བར་བྱ་བ་སྟེ། །རེ་ཁཱ་
ནག་པོ་དྲི་མེད་འོད་ཟེར་འཕྲོ་བ་དུས་ཀྱི་རྩ་ལ་མཐོང་བར་གྱུར་གྱི་བར་དུའོ། །དེ་ལ་ཀུན་
མཁྱེན་གཟུགས་ནི་ཆུ་ལ་ཉི་མ་ལྟ་བུ་གོས་པ་མེད་པ་ཁ་དོག་སྣ་ཚོགས་ཏེ། །རྣམ་པ་ཀུན་ལྡན་
རང་སེམས་ཡུལ་དང་རྣམ་པར་བྲལ་བ་དག་གོ་གཞན་གྱི་སེམས་ནི་མིན་པ་ཉིད། །གཟུགས་
22-1-452


ནི་མཐོང་བར་གྱུར་ན་ཉིན་ཞག་སོ་སོའི་དུས་སུ་སྲོག་གི་རླུང་ནི་འགོག་པ་རབ་བྱ་སྟེ། །འོད་
ཟེར་འཁོར་ལོ་རང་གི་ལུས་ལ་ཡོངས་སུ་བསྐོར་ཞིང་འཁོར་བར་བྱེད་པ་མཐོང་གི་བར་དུའོ། །
ཟླ་བ་དྲུག་གིས་སྡོམ་བརྩོན་རྣམས་ལ་རེག་བྱས་དམན་པའི་བདེ་བ་མཉམ་པ་ལམ་གྱི་སེམས་
སུ་འགྱུར། །ཆགས་དང་ཆགས་བྲལ་མཐའ་ཐོག་ལ་གནས་སྐད་ཅིག་མ་ཡང་ཁྱབ་བདག་གི་ནི་
དབུགས་ཀྱི་གྲངས་འཕེལ་ལོ། །ཨོཌྜ་འབར་བའི་བར་དང་ཁྱད་པར་དགའ་བ་ལྷན་སྐྱེས་དག་
དང་ཡེ་ཤེས་རྣམ་ཤེས་དག་གི་དབུས། །གཉིད་དང་གཉིད་ཡུར་མཚམས་སུ་རྡོ་རྗེ་པདྨ་དག་གི་
གཉིས་གཉིས་སྦྱོར་བ་ལ་ནི་བདེ་བ་གང༌། །དེ་ཡི་འཕེལ་བ་རབ་ཏུ་བྱ་སྟེ་བླ་མའི་ངེས་པའི་
དབང་གིས་འཕེལ་འགྱུར་འདི་ལ་ངོ་མཚར་མེད། །ཉོན་མོངས་བདུད་རྣམས་བཅོམ་ནས་རྒྱལ་
བའི་བདག་པོར་འཇུག་སྟེ་ལོ་ཡི་སྦྱོར་བས་རྣལ་འབྱོར་བཟང་པོའོ། །ས་ཡི་རྣམ་པ་སྲ་བ་མིན་
ཞིང་ཞུ་བ་ཆུ་ལུས་ཁུ་བ་མིན་ཏེ་གཤེར་པ་ཉིད་མིན་ཕྱིར། །མེ་ཡི་རྣམ་པ་མེ་མིན་གཡོ་བ་རླུང་
གི་ལུས་ནི་གང་ཞིག་གཡོ་བ་མིན་པས་རླུང་མ་ཡིན། །སྟོང་པའི་རྣམ་པ་ཡིན་ཡང་མཐོང་སྟེ་
དཀར་དང་ལྗང་དང་ཁ་དོག་སྣ་ཚོགས་ཆེན་པོ་ཁ་དོན་མིན། །རྣམ་པ་ཀུན་ལྡན་ཡིན་ཡང་
མཐོང་པ་མིན་ཏེ་རང་སྙིང་དྲི་མ་ཉོན་མོངས་བདུད་ཀྱི་མཐུ་ལས་སོ། །དབུ་མར་སྲོག་ནི་རབ་
གཞུག་ཉི་མ་དང་བཅས་རི་བོང་ཅན་གྱི་བགྲོད་པ་གཡས་དང་གཡོན་ལ་བཅིང༌། །ཕྱག་རྒྱ་རབ་
ཏུ་འགྲོགས་ལ་སེམས་དང་མཆོག་གི་བདེ་བ་ལ་གནས་རྡོ་རྗེ་ཡང་དག་བསླང་བ་ཡང༌། །པདྨར་
རྡོ་རྗེའི་སྒྲ་འམ་རང་གི་ལག་པའི་ཆུ་སྐྱེས་དག་གིས་གསོར་བ་བདེ་བའི་སླད་དུ་སྟེ། །ས་བོན་
གཏོང་བ་མིན་པའི་བདེ་བ་དེ་ནི་འཆི་བའི་འཇིགས་འཕྲོག་འདི་ནི་དཔལ་ལྡན་བླ་མའི་ཞལ། །
ས་ནི་ཆུ་ལ་རབ་ཏུ་འཇུག་ཅིང་ཆུ་ཡང་འབར་བྱེད་ལ་སྟེ་གཙང་བར་བྱེད་པ་རླུང་ལའོ། །རླུང་
ནི་སྟོང་པ་ལ་སྟེ་སྟོང་པ་ངེས་པར་མཚན་མ་རྣམ་པ་བཅུ་རུ་འགྱུར་ཞིང་མཚན་མ་ནི། །རྣམ་པ་
ཐམས་ཅད་ས་རུ་འགྱུར་ཏེ་མི་བཟད་མཆོག་གི་བདེ་བ་གཞོམ་དུ་མེད་པ་ཡེ་ཤེས་སྐུ། །ཡེ་ཤེས་
22-1-453


ལས་ནི་རྫུ་འཕྲུལ་དངོས་གྲུབ་ཏུ་འགྱུར་མི་བདག་སྐྱེས་བུ་རྣམས་ཀྱིས་སྐྱེ་བ་འདི་ཉིད་ལའོ། །
གང་ཕྱིར་གཅིག་ཉིད་ཨཱ་སོགས་ཀཱ་སོགས་རི་བོང་ཅན་དང་ཉིན་བྱེད་རྡོ་རྗེ་ཅན་གྱི་གདན་
མིན་ཞིང༌། །ཧཱུཾ་ཡིག་ཉིད་ཀྱིས་མཚན་མ་དང་ནི་ཡོངས་སུ་གྱུར་པ་གཞན་པ་ཁ་དོག་གཟུགས་
དག་མི་འདོད་དེ། །འགྱུར་མེད་དག་གིས་བསྐྱེད་ཅིང་འགྱུར་བ་ཉམས་པར་གྱུར་པ་མཆོག་གི་
དབང་པོ་དག་དང་ལྡན་པ་ནི། །རྣམ་པ་ཀུན་ལྡན་ཐིག་ལེ་མཐའ་དག་རྒྱལ་བའི་བདག་པོ་སྣ་
ཚོགས་སྒྱུ་མ་འཛིན་པ་འདི་ལའོ། །དང་པོའི་དབུགས་ནི་དབྱེ་བ་བརྒྱད་དེ་ཡུལ་དང་ཡོན་ཏན་
ལ་གནས་ཀུན་ནས་དུ་བ་ལ་སོགས་པ། །མཁའ་འགྲོ་མ་རྣམས་དག་གིས་བསྐོར་ཞིང་རྣམ་
གསུམ་བགྲོད་པའི་དབང་གིས་འཁྱམས་ཏེ་འགྲོ་བ་དྲུག་ཏུ་གནས། །དེ་ཡི་དབུས་སུ་དུས་ཀྱི་
འཁོར་ལོ་བདུད་རྩི་འཕྲོ་བའི་ཆ་ཡིས་འཁྱུད་པར་གྱུར་པ་དག་པའི་སྐུ། །གང་ཞིག་དབུགས་ནི་
བཅད་ནས་རྒྱལ་བའི་སྐུ་ལ་འཇུག་པ་དེ་ཉིད་ཁོ་ན་དུས་ཀྱི་འཁོར་ལོའོ། །དབུགས་ནི་བཅད་
པའི་མཐའ་རུ་རྣམ་གསུམ་བགྲོད་པ་འདི་དང་རྣམ་པ་དྲུག་ཀྱང་ཡོད་པ་མ་ཡིན་ཏེ། །ཐིག་ལེ་
བཀག་པར་གྱུར་ན་ཀུན་ནས་མཆོག་གི་ཁྱབ་བདག་བདེ་བ་མཐའ་ཡས་དུས་སུ་འཇུག་པར་
འགྱུར། །འཁོར་བ་དག་གི་བདེ་བ་སྤངས་ནས་མཆོག་གི་བླ་མའི་ཞལ་ནི་རྣལ་འབྱོར་པ་ཡིས་
བསྒོམ་པར་བྱ། །སྤྱོད་པ་སྒེག་པའི་གཟུགས་དང་མཆོག་ཏུ་འཇིགས་པ་བྱེད་ལ་རྣལ་འབྱོར་མ་
རྣམས་དགྱེས་པ་མ་ཡིན་ནོ། །དང་པོར་གང་ཞིག་སྟོང་པའི་ངོ་བོ་ཡུལ་དང་ཡོན་ཏན་ལ་གནས་
དེ་ཡི་རང་བཞིན་དག་ཏུ་འགྱུར། །ཁམས་དང་ཕུང་པོ་རྣམས་ལ་རབ་ཞུགས་སླར་ཡང་མིག་ལ་
སོགས་པའི་དབང་པོ་རྣམས་ལ་མཉམ་པ་སྟེ། །སད་དང་རྨི་ལམ་ལ་སོགས་ལ་ཞུགས་མཆོག་
གི་བདེ་མཉམ་གཞོམ་དུ་མེད་པར་ཡང་དག་རབ་ཞུགས་པ། །རིག་མ་སངས་རྒྱས་ཡུམ་ཏེ་རྡོ་
རྗེ་ཡི་ནི་ཚིག་ལ་གནས་པ་རྣལ་འབྱོར་པ་ཡིས་བཙལ་བར་བྱ། །གཙོ་བོའི་སྐུ་ཡི་མཐུ་ལས་རྣལ་
འབྱོར་པ་རྣམས་དག་གི་མཆོག་གི་ལུས་ལ་ལྷ་ཡི་སྤྱན་དུ་འགྱུར། །དེ་ཡི་གསུང་གི་མཐུ་ལས་རྣ་
22-1-454


བ་དེ་ཡི་ཐུགས་ལས་གཞན་གྱི་སྙིང་ལ་གནས་པར་ཤེས་པར་འགྱུར། །ཤེས་རབ་སྐུ་ཡི་མཐུ་
ལས་རྣམ་གསུམ་སྲིད་པ་ལ་གནས་སྔོན་གྱི་སྐྱེ་བ་རྗེས་སུ་དྲན་པར་འགྱུར། །ཤེས་རབ་ཀྱིས་ནི་
གསུང་གི་མཐུ་ལས་མཁའ་མཉམ་ཐམས་ཅད་དུས་སུ་ཀུན་འགྲོའི་རྫུ་འཕྲུལ་དུ་རབ་འགྱུར། །
ཤེས་རབ་ཐུགས་ཀྱི་རང་བཞིན་ལས་ནི་གང་ཞིག་བདེ་མཉམ་ཐམས་ཅད་དུས་སུ་གཞོམ་དུ་
མེད་པར་འགྱུར། །ལྷ་ཡི་སྦྱན་གྱི་མཐུ་ལས་མིག་གིས་མ་མཐོང་བ་དང་སྲིད་པ་རྣམ་པ་གསུམ་
ཡང་མཐོང་བར་འགྱུར། །ལྷ་ཡི་རྣ་བའི་མཐུ་ལས་སྲོག་ཆགས་རྣམས་ཀྱི་ཁ་ཡིས་བརྗོད་དང་
སྙིང་གི་སྒྲ་ནི་ཐོས་པར་འགྱུར། །དེ་བཞིན་སྐུ་གསུང་ཐུགས་ཀྱི་སྦྱོར་བ་དག་ལས་མི་ཡི་བདག་
པོ་རེག་བྱ་ལ་སོགས་ཐམས་ཅད་འགྱུར། །རྩ་ནི་གང་ཞིག་ཐུར་སེལ་དབུས་སུ་རྣམ་གསུམ་
ལམ་གནས་གཅི་བ་བཤང་བ་ཁུ་བ་འབབ་པ་རྣམས། །སྲོག་ནི་དེ་དག་རྣམས་ཀྱི་རབ་ཏུ་རྒྱུ་བ་
རྣམ་པ་དགུ་རུ་འགྱུར་ཏེ་ཐ་མ་སངས་རྒྱས་ཞལ། །རྣ་བ་སྣ་དང་མིག་ལ་རྣམ་གཉིས་ཞེས་པར་
འགྱུར་ཏེ་ལྕེའུ་ཆུང་ནི་ལྕེ་དང་བཅས་པ་དང༌། །ཐིག་ལེ་གཙུག་ཏོར་བུག་པར་འགྱུར་ཏེ་བཅུ་པ་
ཤེས་པ་ཡིས་ནི་རྒྱ་ཡིས་བཏབ་པ་གང་ཡིན་པའོ། །སྲོག་དང་ཐུར་སེལ་འགགས་པར་གྱུར་ན་
རི་བོང་འཛིན་པ་བསྐྱོད་པ་ཉི་མའི་གཟུགས་སུ་རབ་ཏུ་འགྱུར། །རྡོ་རྗེ་པདྨས་རབ་ཏུ་སད་ན་
སླར་ཡང་འདི་ནི་ཉི་མའི་གཟུགས་ཀྱི་མེ་ལྕེས་ཞུ་བར་བྱེད། །རླུང་དང་ཟླ་བ་ཉི་མ་འགགས་
པར་གྱུར་ན་རྣམ་པར་ཤེས་པ་དང་ནི་ཡེ་ཤེས་གཅིག་ཏུ་འགྱུར། །དེ་ལྟར་དེ་ལྟར་དང་ནི་དེ་
བཞིན་དེ་ལྟར་རྣམ་གསུམ་དུ་འགྱུར་གཞན་ནི་ཅུང་ཟད་ཡོད་མ་ཡིན། །ཟླ་བ་ཉི་མའི་གཟུགས་
ནི་ཟོས་ན་མཁའ་ལ་ཉིན་མོ་དང་ནི་མཚན་མོ་ནམ་ཡང་མིན་པ་ཉིད། །ཐུན་མཚམས་དེ་ནི་རྣལ་
འབྱོར་རྣམས་ཀྱི་ལུས་ཀྱི་དབུས་སུ་དུས་ཀུན་བདུད་རྩིའི་གོ་འཕང་ལ་གནས་པའོ། །ཕྱོགས་
ཟད་ཟླ་བ་མཁའ་ལ་གནས་པ་ཉི་མའི་གཟུགས་ལ་རོ་ནི་མཉམ་པར་འགྱུར་བ་ཇི་ལྟ་བར། །
སྲོག་དང་ཐུར་སེལ་ཟད་པར་གྱུར་ན་གསལ་བར་ཡང་ནི་ལུས་ལ་དངོས་གྲུབ་དུས་སུ་དེ་
22-1-455


འགག་གོ །ཟླ་བ་ཉི་མའི་རྒྱུ་བ་ཉམས་ཤིང་ལམ་ནི་གཉི་ག་ཡི་ཡང་སྲོག་གི་རླུང་ནི་ཆེན་པོ་
འགགས། །ཆུ་སྐྱེས་རྡོ་རྗེ་རབ་ཏུ་སད་ཅིང་རི་བོང་ཅན་ཞུ་ཉི་མའི་གཟུགས་ཆེན་ལ་ནི་རབ་ཏུ་
ཞུགས། །དངོས་དང་དངོས་མེད་གཅིག་གྱུར་རྣམ་གསུམ་སྲིད་པར་གནས་པའི་གཞོམ་མེད་
ལེགས་པར་རབ་ཏུ་རྟོགས་གྱུར་པ། །དེ་ཡི་དུས་སུ་རྣལ་འབྱོར་པ་དེ་གང་ལ་གཉིས་ནི་ཅུང་
ཟད་མེད་པ་མཆོག་གི་གོ་འཕང་འགྲོ། །ཁྲོ་བོ་སངས་རྒྱས་ལྷ་མོ་དང་བཅས་ངེས་པར་རོ་ཡི་རྡོ་
རྗེ་རྣམས་དང་ས་ཡི་སྙིང་པོ་སོགས། །རབ་ཏུ་དགའ་བའི་ཐུགས་རྣམས་རྣལ་འབྱོར་པ་ལ་གྲུབ་
པའི་དུས་སུ་ནམ་མཁའ་ལ་ནི་མངོན་གསུམ་འགྱུར། །དེ་ཡི་འདོད་པའི་དངོས་གྲུབ་རི་བོང་
ཅན་གྱི་ཞག་གི་ཐོ་རངས་དང་ནི་མཚན་མོ་ཕྱེད་ལ་འགྱུར། །རིན་པོ་ཆེའམ་མེ་ཏོག་ཆར་ནི་
མཆོག་གྱུར་དུས་ཀྱི་སྦྱོར་བས་ས་ཡི་སྟེང་དུ་འབབ་པར་འགྱུར། །ལུས་ནི་དང་ཞིང་རྡུལ་ཕྲན་
ཉམས་པ་ནམ་མཁའ་དང་མཚུངས་མཚན་ལ་སོགས་པ་རྣམས་ཀྱིས་རབ་རྫོགས་འགྱུར། །སྣ་
ཚོགས་འཇིག་རྟེན་གསུམ་པོ་ཉིད་ནི་དྭངས་ཤིང་སྒྲིབ་པ་རྣམ་པར་བྲལ་བ་རྨི་ལམ་བཞིན་དུ་
སྣང༌། །སྐད་ནི་ཀུན་ནས་ཆད་པ་མེད་ཅིང་དུ་མའི་སྐད་གཞན་དག་གིས་གཞན་གྱི་སྙིང་ལ་
འཇུག་པ་སྟེ། །སེམས་ནི་དམ་པའི་བདེ་བས་གང་ཞིང་མི་གཡོ་ཐམས་ཅད་དུས་སུ་ལྷན་ཅིག་
སྐྱེས་པས་འཁྱུད་པའོ། །སངས་རྒྱས་ཞིང་ནི་མ་ལུས་ལས་ཅན་མིན་པར་སྲིད་གསུམ་སྐྱེད་པར་
མཛད་པས་རྣམ་པར་གཟིགས་ནས་ནི། །གཉིས་ཀ་རོ་མཉམ་དག་པའི་རྡུལ་ལ་སངས་རྒྱས་
ཐམས་ཅད་བྱང་ཆུབ་སེམས་དཔའ་རྣམས་ཀྱིས་བསྐོར་བ་སྟེ། །སོ་སོ་རེ་རེའི་རོ་ཡི་རྡུལ་ལ་
གཉི་གའི་རིགས་ཀྱི་དབང་གིས་རྡོ་རྗེའི་སྲས་པོ་རྣམས་ཀྱིས་བསྐོར། །ས་ལ་སོགས་པའི་རྡུལ་
ལ་མ་ལུས་རིགས་ལ་གནས་པ་མཐའ་ཡས་མི་གཡོ་སོགས་ལ་རབ་ཞུགས་རྣམས། །དེ་དག་
རྣམས་དང་ཐབས་གཅིག་རྡོ་རྗེ་སེམས་དཔའ་ཆགས་པའི་དུས་ཀྱི་བར་དུ་མཁའ་ལ་རྣམ་པར་
བཞུགས། །ཡང་དག་འཛིན་པར་བྱེད་པས་ས་དང་ཆུ་དང་བསྲེག་ཟ་རླུང་དང་སྟོང་པའི་རང་
22-1-456


བཞིན་རྡུལ་ཕྲན་འཛིན། །སྲུབ་པར་བྱེད་པས་ཐ་དད་རྡུལ་ཕྲན་མཐའ་དག་གཅིག་ཏུ་གྱུར་གྱི་
བར་དུ་སྲུབ་པར་བྱེད་པ་སྟེ། །སླར་ཡང་དེ་དག་རྣམས་ནི་ཕན་ཚུན་སྦྱོར་བར་འགྱུར་ཏེ་གཙོ་
བོའི་དངོས་ལ་ཕལ་པའི་དངོས་རྣམས་སོ། །དབྱིབས་ཀྱི་རླུང་ནི་ཆེན་པོ་ཐམས་ཅད་དག་གིས་
སངས་རྒྱས་ཞིང་རྣམས་མཐའ་དག་རྣམ་པར་འགོད་པར་བྱེད། །འཇིག་རྟེན་ཁམས་ནི་སོ་སོ་
དག་ལ་སླར་ཡང་ཁོར་ཡུག་རི་བོ་ཆེན་པོ་དག་ནི་ཀུན་ནས་སོ། །དེ་ཡི་དབུས་སུ་ལས་ཀྱི་ས་ནི་
ཆེན་པོ་དག་གི་རང་བཞིན་འཇིག་རྟེན་ཁམས་སུ་རབ་ཏུ་འགྱུར། །ལྷག་མ་ལོངས་སྤྱོད་རང་
བཞིན་ཡུལ་གྱི་བདེ་བ་བྱེད་པ་རིན་ཆེན་ཀུན་གྱི་རབ་ཏུ་གང་བ་རྣམས། །དང་པོར་རྒྱལ་བའི་
བདག་པོའི་རྡོ་རྗེས་བྱིན་གྱིས་བརླབས་པ་སྐྱེ་གནས་དྲུག་གི་སྔགས་རྣམས་བསྒྲུབ་པར་བྱ། །
གནོད་སྦྱིན་མོ་རྣམས་བསྒྲུབས་ནས་སླར་ཡང་ས་གཞི་ལ་ནི་ཞིང་དུ་སྨྲ་བ་རྣམས་ཀྱང་བསྒྲུབ་
པར་བྱ། །ཀླུ་མོ་རྣམས་ནི་བསྒྲུབ་པ་བྱས་ནས་བདུད་རྩིའི་འབྲས་བུའི་རོ་དང་སྨན་དེ་རྣམས་ནི་
བསྒྲུབ་པར་བྱ། །མཁའ་འགྲོ་མ་རྣམས་བསྒྲུབ་པ་བྱས་ནས་མཆོག་ཏུ་འཇིགས་པ་བྱེད་པའི་ལྷ་
མིན་རྣམས་ཀྱང་བསྒྲུབ་པར་བྱ། །ཀླུ་ལ་སོགས་རྣམས་བསྒྲུབ་པ་བྱས་ནས་རབ་མཆོག་ལྷ་དང་
མི་རྣམས་རྣལ་འབྱོར་པ་ཡིས་བསྒྲུབ་པར་བྱ། །དུ་བ་ལ་སོགས་བསྒྲུབ་པ་བྱས་ནས་འཆི་བ་
འཇིགས་བར་བྱེད་པའི་དབུ་མ་དག་ནི་བསྒྲུབ་པར་བྱ། །སྲོག་ལ་སོགས་རྣམས་བསྒྲུབ་པ་བྱས་
ནས་རི་བོང་འཛིན་པ་ཞུ་བའི་ཐིག་ལེ་རྣམས་ནི་བསྒྲུབ་པར་བྱ། །དམ་པའི་བདེ་བ་བསྒྲུབས་
ནས་ལྷན་ཅིག་སྐྱེས་པ་རྒྱལ་བའི་སྐུ་ནི་ཀུན་ཏུ་འགྲོ་བ་བསྒྲུབ་པར་བྱ། །སེམས་ཅན་རྣམས་ལ་
འཆི་སྟེར་གང་དེ་གྲུབ་པའི་སྔགས་ཀྱིས་བྱིན་གྱིས་བརླབས་པ་མཐའ་དག་བདུད་རྩི་སྟེ། །
འདོད་པའི་དངོས་གྲུབ་གང་ཞིག་བགྲོད་བྱ་མིན་པ་དེ་ཡང་སྲིད་གསུམ་གནས་སུ་བསམ་
གཏན་བགྲོད་བྱའོ། །ཡེ་ཤེས་གང་ཞིག་རྙེད་དཀའ་དག་ཀྱང་རྡོ་རྗེ་པདྨར་བདེ་བས་བྱིན་
བརླབས་རྙེད་པ་སླ་བ་ཉིད། །དེ་ལྟ་དེ་ལྟར་རྡོ་རྗེ་ཅན་ཏེ་སྲོག་ཆགས་རྣམས་ལ་ཐམས་ཅད་
22-1-457


དུས་སུ་བདེ་མཉམ་སྟེར་གྱུར་ཅིག །ཡེ་ཤེས་ནམ་མཁའ་གཉིས་དང་སླར་ཡང་གཞན་པ་འདི་
ནི་ཐེག་པ་དག་དང་དཀོན་མཆོག་གསུམ་པོ་ཡང༌། །ཉོན་མོངས་བདུད་དང་གནས་རྣམས་དང་
ནི་སླར་ཡང་ངེས་པར་རྫུ་འཕྲུལ་རྐང་པ་ཟག་པ་རྣམས་དང་ནི། །མི་འཇིགས་པ་དང་བདེན་པ་
རྣམས་དང་སླར་ཡང་དེ་བཞིན་དྲན་པ་ཉེ་བར་གཞག་པ་ཡང་དག་པར། །བསྡུ་བ་བཞི་ཡི་
མཐའ་རྣམས་རྒྱལ་བའི་བདག་པོའི་རྡོ་རྗེ་རྣམས་ཀྱིས་རྣལ་འབྱོར་པ་ཡིས་བསྒོམ་པར་བྱ། །
མངོན་ཤེས་ལྔ་དང་སྟོབས་དང་ལྟ་བ་རྣམས་དང་རབ་མཆོག་རྒྱལ་བའི་བདག་པོ་དག་གི་
སྤྱན་ལྔ་དང༌། །དེ་བཞིན་ཕུང་པོ་དབང་པོ་དྲན་པ་ཞེས་པ་དྲུག་དང་བྱང་ཆུབ་ཡན་ལག་བདུན་
དང་མཆོད་པ་ནི། །བདུན་ཏེ་ལམ་གྱི་ཡན་ལག་བརྒྱད་རྣམས་སོ་སོར་ལེགས་འཇུག་གཟུགས་
ཅན་རྣམ་པར་ཐར་བ་བརྒྱད་རྣམས་དང༌། །བུག་པ་ཞེས་བྱ་ཡན་ལག་དགུ་ནི་གསུང་རབ་
མཆོག་སྟེ་ས་རྣམས་དག་ནི་ཕྱོགས་ཀྱི་ཚད་ཡིན་ནོ། །སངས་རྒྱས་རྣམས་ཀྱི་ཕྱོགས་ཀྱི་སྟོབས་
དང་གསལ་བར་དབང་བཅུ་དང་ནི་ཡན་ལག་བཅུ་གཉིས་རྟེན་འབྲེལ་དག །སྐྱེ་བ་དང་ནི་
འགོག་པ་དག་གོ་དེ་བཞིན་ཉིས་འགྱུར་དགུ་ནི་མ་འདྲེས་པ་ཡི་སངས་རྒྱས་ཆོས། །རབ་མཆོག་
རྒྱལ་བའི་བདག་པོའི་མཚན་ནི་སུམ་ཅུ་རྩ་གཉིས་དག་དང་དཔེ་བྱད་རྣམས་ཀྱང་བརྒྱད་ཅུ་སྟེ། །
ཁྱབ་བདག་མཆོག་གི་གོ་འཕང་འདི་དག་མཐའ་དག་སྔགས་པ་ཡིས་ནི་ལུས་ལ་བསྒོམ་པར་
བྱ་བ་ཡིན། །རྒྱུད་ཀྱི་རྒྱལ་པོ་ཐམས་ཅད་དག་ཏུ་ངེས་པར་རྡོ་རྗེའི་ཚིག་ནི་རྡོ་རྗེ་ཅན་གྱིས་སྦས་
པ་སྟེ། །དང་པོའི་སངས་རྒྱས་སུ་ནི་སྲོག་ཆགས་རྣམས་ཀྱི་ཐར་པའི་སླད་དུ་མ་ལུས་པ་ཡང་
མངོན་གསུམ་གསུངས། །དེ་ཕྱིར་འཇིག་རྟེན་འཇིག་རྟེན་འདས་པ་དག་ལས་མཐའ་དག་མ་
ཚང་མེད་པའི་རྒྱུད་ནི་བླ་མ་སྟེ། །དཔལ་ལྡན་རྒྱུད་ནི་དང་པོའི་སངས་རྒྱས་མཐའ་དག་རྒྱལ་
བའི་བདག་པོའི་མངོན་པར་བརྗོད་པའོ་ཟླ་བ་བཟང༌། ༦༥ །དཔལ་དུས་ཀྱི་འཁོར་ལོའི་རྒྱུད་
ལས་ཡེ་ཤེས་ལེའུའི་སྙིང་པོའོ།། །། 
22-1-458


རྒྱུད་ཀྱི་རྒྱལ་པོ་དང་པོའི་སངས་རྒྱས་སེམས་ཅན་དོན་གྱི་ཆེད་དུ་མི་བདག་ལ་ནི་
གསུངས་པ་གང༌། །དེ་ཡང་ད་ལྟ་བདག་གིས་ཨཱ་ལི་ཀཱ་ལི་ཉུང་ངུའི་རྒྱུད་དུ་དེ་རྣམས་བཀོད་
དོ་ཉི་མ་ཀྱེ། །སངས་རྒྱས་ཀྱིས་ནི་གསུངས་པ་དག་ལས་དུས་ཀྱི་འཁོར་ལོ་བདག་གིས་ཕྲེང་
འཛིན་སྡེབ་སྦྱོར་བཅིང་བས་བརྗོད། །འདི་ནི་པདྨ་དཀར་པོ་རྡོ་རྗེ་འཛིན་པ་ཁྱོད་ཀྱིས་སྔགས་
པ་རྣམས་ལ་བསྟན་པ་ཉིད་དུ་མཛོད། །ཚངས་པའི་རིགས་འདི་ལ་ནི་མི་བདག་གྲགས་པ་
བདག་ནི་འཇམ་དབྱངས་ཡིན་ཏེ་བདག་གི་དགའ་མ་ནི། །དཔལ་ལྡན་སྒྲོལ་མའོ་པད་དཀར་
ཅན་ནི་ཡོན་ཏན་ཀུན་གཏེར་འཇིག་རྟེན་མགོན་པོ་ཆུ་སྐྱེས་མཚན་མ་ཅན། །ས་གའི་ཟླ་བའི་ཉ་
ལ་མཚན་མོའི་དུས་ནི་འདས་ཤིང་ཉིན་པར་རབ་ཏུ་མ་ཞུགས་པ་དག་ལ། །ཐུབ་པའི་སྐྱེ་བོ་དང་
བཅས་ཉི་མ་སྣ་ཚོགས་གཙོ་བོས་བྱིན་གྱིས་བརླབས་པས་ཕྱག་རྒྱའི་དངོས་གྲུབ་ཐོབ། །སེམས་
ཅན་ཀུན་དོན་མཛད་པ་པོ་ཡིས་མཆོག་གི་ཐུགས་རྗེ་དག་གིས་རྒྱུད་ཀྱི་དོན་ནི་བསྟན་མཛད་
ནས། །སྲས་པོ་པདྨ་དཀར་པོ་རབ་མཆོག་ཡོན་ཏན་དག་གི་གཏེར་ལ་གནང་བ་བསྩལ་པ་
ངེས་པར་ནི། །དང་པོར་ཁྱོད་ཀྱི་རྒྱུད་ཀྱི་རྒྱལ་པོ་མཐའ་དག་མ་ཚང་མེད་པ་གླེགས་བམ་དག་
ལ་གནས་པ་དང༌། །དེ་ནས་རང་གི་འདོད་པས་རྒྱས་འགྲེལ་བྱས་ནས་གཞན་གྱི་གནས་སུ་
བགྲོད་པར་བྱའོ་འཇིག་རྟེན་གཉེན། །རྒྱུད་འདི་དཔལ་ལྡན་དུས་ཀྱི་འཁོར་ལོ་ཤིན་ཏུ་བསྡུས་
པ་མ་ལུས་རྡོ་རྗེ་སེམས་དཔའ་ལྷག་པའི་ལྷ། །ཐབས་དང་ཤེས་རབ་གཅིག་སྦྱོར་རྒྱལ་བའི་
བདག་པོའི་རྡོ་རྗེ་དག་གིས་དེ་ཉིད་རྣམ་པ་བཅུ་དྲུག་པ། །སེམས་ཅན་རྣམས་ཀྱི་ཐར་པའི་སླད་
དུ་རྒྱལ་བའི་བདག་པོས་གསུངས་ཤིང་བདག་གིས་ཀྱང་ནི་བསྟན་པ་གང༌། །བསོད་ནམས་དེ་
ཡིས་སེམས་ཅན་ཐམས་ཅད་འགྱུར་མེད་མཆོག་གི་བདེ་བར་གྱུར་ཅིང་དེ་ལ་འདུད་གྱུར་ཅིག
༤༠ །མཆོག་གི་དང་པོའི་སངས་རྒྱས་ལས་ཕྱུང་བ་རྒྱུད་ཀྱི་རྒྱལ་པོ་དཔལ་དུས་ཀྱི་འཁོར་ལོའི་
སྙིང་པོ་ཞེས་པ་རྫོགས་སོ།། །། 
22-1-459


འདི་ནི་ཁ་ཆེའི་པཎ་ཆེན་གྲུབ་བརྙེས་ཟླ་བ་མགོན་པོ་དང༌། འབྲོ་ལོ་ཙ་བ་ཤེས་རབ་
གྲགས་པས་བསྒྱུར་བ་ལ། ཤོང་སྟོན་རྡོ་རྗེ་རྒྱལ་མཚན་གྱིས་འགྱུར་བཅོས་མཛད། དེ་ལ་ཆོས་
རྗེ་ཀུན་མཁྱེན་ཆེན་པོ་དོལ་པོ་པར་གྲགས་པ་འཕགས་པ་སྤྱན་རས་གཟིགས་དབང་ཕྱུག་གི་
སྤྲུལ་པའི་སྐུ་དེ་ཉིད་ཀྱི་གསུང་གི་གསང་བའི་རྗེས་སུ་འབྲངས་ཏེ། ལོ་ཙ་བ་བློ་གྲོས་དཔལ་
དང༌། བློ་གྲོ་རྒྱལ་མཚན་གྱིས་ཞུས་ཆེན་མཛད་པ་ལས། རྒྱལ་ཁམས་པ་ཏཱ་ར་ནཱ་ཐས་ལེགས་
པར་བཏུས་པའོ།། །། 
སྨྲས་པ། 
ཀུན་སྤངས་ཆེན་པོས་རྒྱུད་སྙིང་བསྡུས་པ་ནི། །
རྡོ་རྗེའི་རྣལ་འབྱོར་ཁོ་ནའི་རྒྱབ་རྟེན་དུ། །
མཛད་ཕྱིར་འཇིག་རྟེན་ཁམས་དང་བྱིས་འཇུག་དབང༌། །
བསྐྱེད་རིམ་ལས་ཚོགས་སྟོན་པའི་ཚིག་མེད་ཅིང༌། །
གེགས་སེལ་དོན་དུ་སྨན་དཔྱད་ལ་སོགས་བཀོད། །
འདིར་ནི་རྒྱུད་ཚིག་གཙོ་བོ་ཚང་བར་བསྒྲིགས། །
སྨན་དཔྱད་དོན་གྱི་གཙོ་བོ་མིན་པས་གཞག ། 
གཅེས་པ་ཐམས་ཅད་ཚང་བའི་སྙིང་པོ་ཡིན། །
རྒྱུད་སྙིང་སྔ་མ་རྭ་འགྱུར་ལས་བསྡུས་ཏེ། །
རྭ་འབྲོའི་འགྱུར་ཡང་ཤིན་ཏུ་བཟང་མོད་ཀྱི། །
དེང་སང་འགྱུར་གསར་གཙོ་བོར་བྱེད་ཕྱིར་དང༌། །
ཁྱད་པར་རྣམ་གཉིས་འགྱུར་འདི་ཤིན་ཏུ་ལེགས། །
བསྡུད་པོ་གྲུབ་བརྙེས་དགེ་མཚན་ལན་གསུམ་གྱིས། །
22-1-460


དབུགས་དབྱུང་ཐོབ་པ་དེ་ལ་འགྲན་ཕྱིར་མིན། །
དམ་པ་དེ་དང་རིགས་ལྡན་ལྷག་པའི་ལྷར། །
གསོལ་བ་བཏབ་པས་གནང་བའི་རྟགས་མཚན་ཐོབ། །
རྒྱུད་དོན་ཤེས་འདོད་སྐྱེ་བོ་ཕལ་ཆེར་ལ། །
ཤིན་ཏུ་ཕན་ནམ་སེམས་པ་ཁོ་ནས་བྱས། །
དགེ་དེས་མ་ལུས་འགྲོ་ཀུན་དོན་དམ་གྱི། །
བདེ་ཆེན་ཟུང་འཇུག་ཡེ་ཤེས་སྐུ་ཐོབ་ཤོག ། 
ཚིགས་སུ་བཅད་པ་ཉིས་བརྒྱ་ལྔ་བཅུ་ང་ལྔའོ། ༢༥༥ །འདི་ནི་ལེགས་པར་བསྒྲིགས་པའི་
མཐར་དག་སྟེར་ཞིབ་ཏིག་ནི་དཔལ་གྱི་ཆོས་འཁོར་ལྷ་སར་བགྱིས་ཏེ་སྐྱོན་བྲལ་ཡོན་ཏན་
ཐམས་ཅད་དང་ལྡན་པའོ།། །།དགེའོ།། 
(མ་ཡིག་ནི་འབྲས་དཔེ་རྙིང་པར་ཤིང་ཕྱི་ཀ ༢༨༥ ཡིན།)
22-1-461


༄༅། །སྒྲོལ་མའི་མཎྜལ་བཞི་པའི་ཆོ་ག་ཉེར་མཁོ་འཕྲིན་ལས་
སྙེ་མ་འདོད་དོན་ཀུན་འབྱུང་
བཞུགས་སོ། །
༄༅། །ན་མོ་གུ་རུ་ཨཱརྱ་ཏཱ་ར་ཡེ། སྤྱན་རས་གཟིགས་དབང་ཐུགས་རྗེ་ལས། །རྒྱལ་བ་ཀུན་བསྐྱེད་འཕྲིན་ལས་དཔལ། །
རྨད་བྱུང་མཚན་ལྡན་རྗེ་བཙུན་མར། །གུས་བཏུད་མཎྜལ་བཞི་ཆོག་བྲི། །
དེ་ལ་འདིར་གནས་བཟང་པོར་སྐུ་གསུང་ཐུགས་རྟེན་དང་། རྗེ་བཙུན་སྒྲོལ་མའི་སྐུ་བྲིས་འབུར་གང་ཡོད་རབ་གནས་ཅན་
བཤམས་ཏེ། གདུགས་དང་རྒྱལ་མཚན་བ་དན་སོགས་དང་། མེ་ཏོག་ཕྲེང་བ་དགོད་ལ་དཀྱིལ་འཁོར་བྱ། དེའི་དབུས་སུ་སྟེགས་
བུར་རྗེ་བཙུན་མ་དང་། སྤྱིར་དཀོན་མཆོག་གསུམ་དང་། ཆོས་སྐྱོང་དང་། གཞི་བདག་གཏོར་མ། རིགས་དྲུག་རྣམས་ལ་གཏོར་
མ་ཟླུམ་པོ་དཀར་རྒྱན་ཅན་རེ་རེ་བྱ། ཁྲུས་བུམ། མེ་ལོང་། དེའི་མདུན་མཉྫིའི་ཁར་མཎྜལ་བཞི་ཚོམ་བུ་དང་བཅས་ཏེ་དགོད་དོ། །
འབུལ་གཏོར་འདབ་བཞིས་མཚན་པ་ཡང་རེ་རེའོ། །དེ་དག་གི་མདུན་དུ་ཉེར་སྤྱོད་མཆོད་ཡོན་ནས་བཟུང་རོལ་མོའི་བར་དང་། 
སྤྲོ་ན་བཞི་ཚན་ཞིག་བྱའོ། །སླར་ཉེར་མཁོའི་ཁྲུས་རེ། བཟེད་ཞལ་འཐོར་ནས། དུང་དཀར་དྲིལ་བུ་ཏིང་ཤག་རོལ་མོ་རྣམས་ཀྱང་
འབྱོར་ཚད་དང་ལྡན་པར་བྱ། ཤིན་ཏུ་སྤྲོ་ནའང་སྔ་ཆབ་བླངས་ཏེ། ཤ་ཆང་སྒོག་སོགས་སྤངས་ནས་སྟན་དུ་འཁོད་ལ། དང་པོར་
དཀོན་མཆོག་སྤྱི་ལ་མཎྜལ་ཕུལ་ཏེ་གསོལ་གདབས་དང་བཅས། གཉིས་གསུམ་བཞི་ལ་རྗེ་བཙུན་སྒྲོལ་མ་ལ་མཎྜལ་ཕུལ་གསོལ་
བ་གདབ་པ་སྟེ་བཞི་ཚན་ལགས། 
ཐོག་མར། མདུན་གྱི་ནམ་མཁར་བརྒྱུད་པའི་བླ་མ་རྣམས་བཞུགས་པར་མོས་ལ། བརྒྱུད་པའི་
གསོལ་འདེབས་བྱའོ། །དེ་ནས། རང་ཉིད་སྐད་ཅིག་གིས་རྗེ་བཙུན་མའི་སྐུར་གསལ་ལ། གནས་དང་མཆོད་
22-1-462


རྫས་རྣམས་བྱིན་གྱིས་བརླབ་པ་ནི། ༀ་བཛྲ་ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ༀ་
ལས་བྱུང་བའི་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བའི་ནང་དུ། ༀ་ཞུ་བ་ལས་བྱུང་
བའི་མཆོད་ཡོན། ཞབས་བསིལ། མེ་ཏོག བདུག་སྤོས། མར་མེ། དྲི་ཆབ། ཞལ་ཟས། རོལ་
མོ་རྣམས་ནམ་མཁའི་ཁམས་ཐམས་ཅད་ཁྱབ་པར་གྱུར། ༀ་བཛྲ་ཨརྒྷཾ་སྭཱཧཱ། དེ་བཞིན་དུ། ཤཔྟའི་
བར་ཕྱག་རྒྱ་དང་བཅས་བྱ། དྷརྨ་ར་ཎི་སོགས་ཀྱིས་རོལ་མོ་བཅས་བྱིན་བབ་པོ། །
ཀུན་སློང་རྣམ་དག་གཉིས་ཀྱི་ངང་ནས་སྐྱབས་སུ་འགྲོ་བ་ནི། བདག་དང་འགྲོ་བ་ནམ་མཁའི་མཐའ་དང་
མཉམ་པའི་སེམས་ཅན་ཐམས་ཅད་ཀྱི་དུས་འདི་ནས་བཟུང་སྟེ་ཇི་སྲིད་བྱང་ཆུབ་སྙིང་པོ་ལ་
མཆིས་ཀྱི་བར་དུ། རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ལ་
སྐྱབས་སུ་མཆིའོ། །རྫོགས་པའི་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །
དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་
མཆིའོ། །བཅོམ་ལྡན་འདས་མ་འཕགས་མ་སྒྲོལ་མའི་ལྷ་ཚོགས་རྣམས་ལ་སྐྱབས་སུ་མཆིའོ། །
ལན་གསུམ་མམ་ཅི་ནུས་སུ་བཟླ། སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་
གོ་འཕང་འཐོབ་པར་བྱ། དེའི་ཆེད་དུ་རྗེ་བཙུན་མ་འཕགས་མ་སྒྲོལ་མའི་བསྒོམ་བཟླས་ལ་
ཉམས་སུ་བླང་བར་བགྱིའོ། །ལན་གསུམ་གྱིས་སེམས་བསྐྱེད་དོ། །ཚད་མེད་བཞི་ཡང་བསྒོམ། དེ་ནས། རང་
ཉིད་སྐད་ཅིག་གིས་རྗེ་བཙུན་མར་གསལ་བའི་ཐུགས་ཀར་པཾ་ལས་པད་མ་དང་། ཨ་ལས་ཟླ་
བའི་དཀྱིལ་འཁོར་གྱི་སྟེང་དུ། ཡི་གེ་ཏཱཾ་ལྗང་གུ་དེ་ལས་འོད་ཟེར་འཕྲོས་པས། བླ་མ་དང་རྗེ་
བཙུན་མ་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བསྐོར་བ་ༀ་བཛྲ་ས་མཱ་
ཛཿ ཞེས་དྲིལ་བསིལ་དང་བཅས། མ་ལུས་སེམས་ཅན་ཀུན་གྱི་མགོན་གྱུར་ཅིང་། །སོགས། བཅོམ་ལྡན་
བསྐལ་པ་སོགས། ཡོངས་དག་འཁོར་བཅས་བར་བརྗོད། རྩ་བརྒྱུད་ཀྱི་བླ་མ་རྣམས་དང་ཡི་དམ་
དཀྱིལ་འཁོར་གྱི་ལྷ་ཚོགས་དཀོན་མཆོག་གསུམ་དང་མཆོད་འོས་ཐམས་ཅད་སྤྱན་དྲངས་ནས་
22-1-463


མདུན་དུ་རིན་པོ་ཆེའི་སྟེང་དུ་པད་མ་དང་ཟླ་བའི་གདན་ལ་བཞུགས་པར་མོས་ལ། དེ་ནས་ཕྱག་
འཚལ་བ་ནི། སངས་རྒྱས་ཐམས་ཅད་འདུས་པའི་སོགས་དང་། གཟུངས་སྔགས་རྟོགས་པའི་བྱ་རྒྱུད་
སྤྱོད་སོགས། ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང་། །གཟུགས་སྐུ་འཇའ་ཚོན་བཞིན་
དུ་སོ་སོར་གསལ། །ཐབས་དང་ཤེས་རབ་མཆོག་ལ་མངའ་བརྙེས་པའི། །རིགས་ལྔ་བདེ་
བར་གཤེགས་ལ་ཕྱག་འཚལ་ལོ། །སངས་རྒྱས་རྣམ་གཟིགས་གཙུག་ཏོར་ཐམས་ཅད་དང་། །
འཁོར་བ་འཇིགས་དང་གསེར་ཐུབ་འོད་སྲུང་དང་། །ཤཱཀྱ་ཐུབ་པ་ཀོ་ཏམ་ལྷ་ཡི་ལྷ། །སངས་
རྒྱས་དཔའ་བོ་བདུན་ལ་ཕྱག་འཚལ་ལོ། །ཐབས་མཁས་ཐུགས་རྗེ༴ སྐུར་གྱུར་པ་ནི་ཐམས་
ཅད་ལ། །མཚན་མཆོག་སུམ་ཅུ་གཉིས་མངའ་ཞིང་། །རྫོགས་པའི་སངས་རྒྱས་གྲགས་ལྡན་པ། །
རྒྱལ་བ་ཀུན་ལ་ཕྱག་འཚལ་ལོ། །སྤྲོ་ན། མགོན་པོ་ཐུགས་རྗེ་ཆེ་ལྡན་པ། །སོགས། བསྡུས་ན། སྟོན་
པ་བླ་མེད་སོགས་དང་། སྟེང་དང་འོག་དང་སོགས། ལྷ་དང་ལྷ་མིན་ཅོད་པཎ་གྱིས། །སོགས་ཀྱིས་
ཕྱག་བྱ། མཆོད་པ། ༀ་གུ་རུ་བུདྡྷ་བོ་དྷི་སཏྭ་ས་པཱ་རི་ཝཱ་ར་ཨརྒྷཾ་ནས། ཤཔྟའི་བར་རོ། །ཇི་སྙེད་སུ་དག་
ཕྱོགས་བཅུའི་སོགས་ཡན་ལག་བདུན་པ་འབུལ། མཎྜལ་ནི། ༀ་བཛྲ་བྷུ་མེ་ཨཱཿཧཱུཾ། གཞི་ཡོངས་སུ་དག་པ་
དབང་ཆེན་གསེར་གྱི་ཚོམ་བུ་སོ་བདུན་སོགས་ནས། གང་ཡང་མ་ཚང་བ་མེད་པ་འདི་ཉིད་རྩ་བ་དང་
བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་། ཡི་དམ་དཀྱིལ་འཁོར་གྱི་ལྷ་
ཚོགས་རྣམས་དང་། སངས་རྒྱས་དང་བྱང་ཆུབ་སེམས་དཔའི་ཚོགས་དང་བཅས་པ་རྣམས་ལ་
དབུལ་བར་བགྱིའོ། །ཐུགས་རྗེ་འགྲོ་བའི་དོན་དུ་བཞེས་སུ་གསོལ། བཞེས་ནས་བདག་དང་
འགྲོ་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། ས་གཞི་སྤོས་ཀྱིས་
སོགས། སྤྱོད་པར་ཤོག །ༀ་གུ་རུ་བུདྡྷ་བོ་དྷི་སཏྭ་ས་པཱ་རི་ཝཱ་ར་བྷྱཿརཏྣ་མཎྜལ་པཱུ་ཛི་ཏི་ཨཱཿཧཱུཾ། 
ཞེས་པས་འབུལ། སྤྲོ་ནའང་དཀོན་མཆོག་རྗེས་དྲན་འདོན་སྲོལ་འདུག དེ་ནས་ཐལ་མོ་སྦྱར་ལ་འདོད་དོན་གསོལ་བ་གདབ་
པ་ནི། ཕྱོགས་བཅུ་ན་བཞུགས་པའི་བླ་མ་ཡི་དམ་སངས་རྒྱས་བྱང་ཆུབ་སེམས་དཔའ་ཐམས་
22-1-464


ཅད་བདག་ལ་དགོངས་སུ་གསོལ། ཁྱེད་རྣམས་ལ་མཁྱེན་པའི་ཡེ་ཤེས། བརྩེ་བའི་ཐུགས་རྗེ། 
མཛད་པའི་འཕྲིན་ལས། སྐྱོབ་པའི་ནུས་མཐུ་བསམ་གྱིས་མི་ཁྱབ་པ་མངའ་བ་ལགས་པས་
སངས་རྒྱས་ཀྱི་བསྟན་པ་དར་ཞིང་རྒྱས་པ་དང་། བསྟན་འཛིན་གྱི་སྐྱེས་བུ་སྐུ་ཁམས་བཟང་
ཞིང་། སྐུ་ཚེ་རིང་བ་དང་འཕྲིན་ལས་རྒྱས་ཤིང་། འཇིག་རྟེན་གྱི་ཁམས་ཐམས་ཅད་དུ་ཆར་ཆུ་
དུས་སུ་འབབས་པ་དང་། ལོ་ཕྱུག་རྟག་ཏུ་ལེགས་པ་དང་། ནད་དང་འཁྲུགས་པ་དང་། ཆོམ་
རྐུན་དང་མུ་གེ་དང་། མཚན་ལྟས་ངན་པ་རྣམས་མེད་ཅིང་བཀྲ་ཤིས་ཕུན་སུམ་ཚོགས་པ་དང་། 
 སེམས་ཅན་ཐམས་ཅད་བདེ་བ་དང་ལྡན་ཞིང་། བྱང་ཆུབ་ཀྱི་སེམས་རྣམ་གཉིས་འབྱུང་
བ་དང་། མཐར་ཐུག་བླ་ན་མེད་པ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་མཛད་དུ་
གསོལ། ཁྱད་པར་དུ་རྣལ་འབྱོར་པ་བདག་ཅག་དཔོན་སློབ་འཁོར་དང་བཅས་པ་རྣམས་ཀྱི་
ཞེས་པའམ། ཡང་ན། ཁྱད་པར་དུ་ཡང་སྦྱིན་བདག་འཁོར་དང་བཅས་པ་རྣམས་ཀྱི་ནད་གདོན་སྡིག་
སྒྲིབ་འགལ་རྐྱེན་བར་ཆད་ཐམས་ཅད་ཉེ་བར་ཞི་བར་མཛད་དུ་གསོལ། མཐུན་རྐྱེན་ཚེ་དང་
བསོད་ནམས་དཔལ་དང་འབྱོར་བ་སོགས། ལེགས་པའི་ཡོན་ཏན་ཐམས་ཅད་གོང་ནས་གོང་
དུ་འཕེལ་ཞིང་རྒྱས་པར་མཛད་དུ་གསོལ། ཅེས་གསོལ་བ་གདབ་པོ། །དཀོན་མཆོག་སྤྱི་ལ་མཎྜལ་ཕུལ་བ་སྟེ་དང་
པོའོ། །
མཎྜལ་གཉིས་པ་འབུལ་བ་ནི། མདུན་དུ་རྗེ་བཙུན་སྒྲོལ་མ་བསྐྱེད་པ་ནི། ༀ་ཤཱུ་ནྱ་ཏ་སོགས། སྟོང་པའི་ངང་
ལས་པཾ་ལས་པད་མ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་ཏཱཾ་ཡིག་ལྗང་གུ་ཡོངས་སུ་
གྱུར་པ་ལས། རྗེ་བཙུན་སྒྲོལ་མ་སྐུ་མདོག་ལྗང་གུ་ཞལ་གཅིག་ཕྱག་གཉིས་པ་གཡས་པས་
མཆོག་སྦྱིན་གྱི་ཕྱག་རྒྱ་མཛད་ཅིང་། གཡོན་པས་འཐེབ་སྲིན་གྱིས་ཨུཏྤལ་སྔོན་པོའི་རྩ་བ་
ཐུགས་ཀར་བཟུང་སྟེ། མེ་ཏོག་སྙན་གྱི་ཐད་ཀར་ཁ་ཕྱེ་བ། ཞལ་འཛུམ་ཞིང་རབ་ཏུ་ཞི་བ། དབུ་
སྐྲ་ལི་བ་གཡོན་ཕྱོགས་སུ་བཅིངས་ནས་གཡོན་ངོས་སུ་འཁྱིལ་ཞིང་འཕྱང་བ། ལོ་བཅུ་དྲུག་
22-1-465


ལོན་པ་ལྟ་བུའི་ཆ་ལུགས་ཅན། ཟླ་བ་ལ་སྐུ་རྒྱབ་བརྟེན་པ། དར་སྲབ་མོའི་སྟོད་གཡོགས་ཀྱིས་
ནུ་མ་བཀབ་ཅིང་། དར་སྣ་ཚོགས་ཀྱི་ཤམ་ཐབས་གསོལ་བ། ཞབས་གཡས་ཅུང་ཟད་བརྐྱང་
ཞིང་། གཡོན་བསྐུམ་པའི་རོལ་སྟབས་ཀྱིས་བཞུགས་པ། དེའི་ཐུགས་ཀར་པཾ་ལས་པད་མ་
དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་ཏཱཾ་ཡིག་ལྗང་གུ་དེ་ལས་འོད་ཟེར་འཕྲོས་པས་པོ་
ཏ་ལ་ནས་རྗེ་བཙུན་སྒྲོལ་མ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་
བ་ༀ་བཛྲ་ས་མཱ་ཛཿ ཞེས་རྡོ་རྗེ་བསྡུ་བའི་ཕྱག་རྒྱ་དང་བཅས། པོ་ཏ་ལ་ཡི་གནས་མཆོག་ནས། །ཏཱཾ་ཡིག་
ལྗང༴ ཏཱཾ་ཡིག་འོད་ཀྱིས༴ སྒྲོལ་མ་འཁོར་བཅས་གཤེགས་སུ་གསོལ། །ཞེས་པས་སྤྱན་དྲངས། ༀ་ཨ་
བྷི་ཥིཉྩནྟུ་མཾ་སརྦ་ཏ་ཐཱ་ག་ཏ་ཞེས་གསོལ་བ་བཏབ་པས། དེ་ནས་སྐུ་ཁྲུས་གསོལ་བ་ནི། ཇི་ལྟར་བལྟམས་པ་
སོགས། འདི་ནི་ཁྲུས་མཆོག་སོགས། དེ་དག་སྐུ་ལ་སོགས་སྐུ་ཕྱེ་ལ། དེ་ནས་དེ་ལ་སོགས་ཀྱིས་ན་བཟའ་
འབུལ། བཞུགས་ཞུ་ནི། བདག་དང་འགྲོ་ལ་སོགས། བཞུགས་སུ་གསོལ། །ཛཿཧཱུཾ་བཾ་ཧོཿ དམ་ཚིག་
པ་དང་གཉིས་སུ་མེད་པར་གྱུར། ཡེ་ཤེས་པ་དེ་ཉིད་སྐྱབས་ཀུན་འདུས་སུ་མོས་ལ། གློག་དང་འདྲ་བའི་སྤྱན་
མངའ་མ། །དཔལ་མོ་ཏཱ་རེ་ཏུཏྟཱ་རེ། །སངས་རྒྱས་ཞལ་གྱི་པདྨོ་ཡི། །གེ་སར་ལས་འཁྲུངས་
ཁྱོད་ལ་འདུད། །སྟོན་ཀའི་ཟླ་བ་རྒྱས་པ་ཡི། །དཀྱིལ་འཁོར་དང་མཚུངས་ཞལ་མངའ་བ། །
མཆོད་སྦྱིན་ཕྱག་རྒྱ་ཨུཏྤལ་ལ། །བསྣམས་པ་ཁྱོད་ལ་ཕྱག་འཚལ་ལོ། །འཁོར་བའི་འགྲོ་ལ་
ཏུཏྟཱ་རེ། །སྭཱཧཱ་ཉོན་མོངས་ཞི་བར་མཛད། །ༀ་གྱི་ངོ་བོ་ཉིད་ཀྱི་ནི། །ཚངས་པའི་སྒོ་འབྱེད་
ཁྱོད་ལ་འདུད། །འཇིགས་པ་ཆེན་པོ་བརྒྱད་ལ་ནི། །འཇིག་རྟེན་ཐམས་ཅད་སྐྱོབ་པར་མཛད། །
ཀུན་གྱི་མ་རུ་གྱུར་པ་ཡི། །སྒྲོལ་མ་ཡུམ་ལ་ཕྱག་འཚལ་ལོ། །ཞེས་ཕྱག་བྱ། མཆོད་པ་རྣམས་བྱིན་རླབས་
བྱས་ནས། ཡེ་ཤེས་བདེ་བ་ཆེན་པོའི་དངོས། །མཆོད་ཡོན་བདུད་རྩིའི་རྒྱ་མཚོ་འདི། །དཔལ་གྱི་
ལྷ་མོ་རྗེ་བཙུན་མ། །རྒྱལ་བ་སྲས་བཅས་རྣམས་ལ་འབུལ། །ༀ་གུ་རུ་ཨཱརྱ་ཏཱ་རེ་ས་པཱ་རི་ཝཱ་
ར་ཨརྒྷཾ་པྲ་ཏཱིཙྪ་སྭཱཧཱ། ཡེ་ཤེས་བདེ་བ་ཆེན་པོའི་དངོས། །ཞབས་བསིལ་བདུད་རྩིའི་ཆུ་རྒྱུན་
22-1-466


འདི། །དཔལ་གྱི་ལྷ་མོ་རྗེ་བཙུན་མ། །རྒྱལ་བ་སྲས་བཅས་རྣམས་ལ་འབུལ། །ༀ་གུ་རུ་ཨཱརྱ་
ཏཱ་རེ་ས་པཱ་རི་ཝཱ་ར་པདྱཾ༴ ལྷ་ཡི་མེ་ཏོག་སྣ་ཚོགས་པ། །ཡོངས་འདུ་མནྡྷ་ར་བ་དང་། །འདབ་
བརྒྱ་ཨུཏྤལ་ཀུ་མུད་སོགས། །འབུལ་གྱི་བདག་ལ་དགྱེས་པར་མཛོད། །པུཥྤེ༴ སྣ་ཚོགས་དྲི་
ཞིམ་སྤོས་ཀྱི་མཆོག །ཞིང་ཀུན་ཁྱབ་པར་བྱེད་པ་འདི། །ལྷ་མོ་སྒྲོལ་མ་ལ་འབུལ་གྱི། །དངོས་
གྲུབ་སྩོལ་ཕྱིར་བཞེས་སུ་གསོལ། །དྷཱུ་པེ༴ སྣ་ཚོགས་ནོར་བུའི་སྣང་གསལ་དང་། །བགེགས་
འཇོམས་མར་མེའི་ཕྲེང་བ་འདི། །མཆོག་ཏུ་དགེས་པས་བཞེས་སུ་གསོལ། །བློ་དང་མཆོག་
གི་དངོས་གྲུབ་སྩོལ། །ཨཱ་ལོ་ཀེ༴ བཞི་མཉམ་སྦྱར་བའི་དྲི་མཆོག་འདི། །ལྷ་ཡི་དྲི་བཟང་ཕྱེ་མ་
དང་། །བྱུགས་པ་ཡིས་ཀྱང་བྱུགས་པར་བགྱི། །རྫུ་འཕྲུལ་དངོས་གྲུབ་སྩལ་དུ་གསོལ། །གྷནྡྷེ༴
བཟའ་དང་བཅའ་བའི་ཁྱད་པར་དང་། །སྣ་ཚོགས་བདུད་རྩིའི་ཞལ་ཟས་ནི། །བཏུང་བའི་
བྱེ་བྲག་འབུམ་དང་སྦྱར། །བཞེས་ནས་བྱིན་གྱིས་བརླབས་པར་མཛོད། །ནེ་ཝི་ཏྱ༴ དེ་ལས་
གཞན་ཡང་མཆོད་པའི་ཚོགས། །རོལ་མོ་དབྱངས་སྙན་སོགས། ཤཔྟ༴ ཞེས་རོལ་མོ་འབུལ། སྤྲོ་ན། རྒྱལ་
སྲིད་སྣ་བདུན། བཀྲ་ཤིས་རྫས་རྟགས་བརྒྱད། འདོད་ཡོན་ལྔ་སོགས་ཀྱིས་མཆོད་པ་རྣམས་འབུལ། མཎྜལ་ནི། ༀ་བཛྲ་བྷུ་མི་
ཨཱཿཧཱུཾ། གཞི་ཡོངས་སུ་དག་པ་སོགས། གང་ཡང་མ་ཚང་བ་མེད་པ་འདི་ཉིད་རྗེ་བཙུན་འཕགས་
མ་སྒྲོལ་མའི་ལྷ་ཚོགས་འཁོར་དང་བཅས་པ་རྣམས་ལ་དབུལ་བར་བགྱིའོ། །ས་གཞི་སྤོས་
ཀྱིས་སོགས། ཨཱཿཧཱུཾ། ཞེས་པས་ཕུལ། ལངས་ཏེ་ཕྱག་དང་བཅས་ནས། ༀ་རྗེ་བཙུན་མ་འཕགས་མ་སྒྲོལ་མ་
ལ་ཕྱག་འཚལ་ལོ། །ཕྱག་འཚལ་སྒྲོལ་མ་སོགས་ནས། ཉི་ཤུ་རྩ་གཅིག །ལན་གཉིས་བརྗོད། དེ་ནས་སྟན་
ལ་འདུག་སྟེ། རྗེ་བཙུན་འཕགས་མ་སྒྲོལ་མ་དང་། །སོགས་ཡན་ལག་བདུན་པས་ཚོགས་བསགས་བྱའོ། །དེ་ནས་
བཟླས་པ་ནི། མདུན་གྱི་རྗེ་བཙུན་མའི་ཐུགས་ཀར་ཟླ་བའི་སྟེང་དུ་ཏཱཾ་ཡིག་ལྗང་གུའི་མཐར་ཡི་གེ་
བཅུ་པས་བསྐོར་བ་ལས། འོད་ཟེར་འཕྲོས་པས་རྣལ་འབྱོར་པ་བདག་ཅག་དཔོན་སློབ་འཁོར་
དང་བཅས་པ་རྣམས་ཀྱི་ཞེས་པའམ། ཡང་ན། སྦྱིན་པའི་བདག་པོ་འཁོར་དང་བཅས་པ་རྣམས་
22-1-467


ཀྱི། ནད་གདོན་འགལ་རྐྱེན་ཐམས་ཅད་ཞི་ཞིང་། ཚེ་དང་བསོད་ནམས་དཔལ་དང་འབྱོར་བ་
སོགས། ལེགས་པའི་ཡོན་ཏན་ཐམས་ཅད་འཕེལ་ཞིང་རྒྱས་པར་བསམ་ལ། སྙིང་པོ་ནི། ༀ་ཏཱ་རེ་
ཏུཏྟཱ་རེ་ཏུ་རེ་སྭཱཧཱ། ཞེས་པ་བརྒྱ་རྩ་སོགས་ཅི་ནུས་བཟླ། གཟུངས་རིང་ནི། ན་མོ་རཏྣ་ཏྲ་ཡཱ་ཡ། ན་མཿཨཱརྱ་ཨ་
བ་ལོ་ཀི་ཏེ་ཤྭ་ར་ཡ། བོ་དྷི་སཏྭ་ཡ། མཧཱ་སཏྭཱ་ཡ། མཧཱ་ཀ་རུ་ཎི་ཀ་ཡ། ཏདྱ་ཐཱ། ༀ་ཏཱ་རེ་ཏུཏྟཱ་
རེ་ཏུ་རེ་མཱ་མ་ཀྲྀ་ཏེ་སརྦ་དུཥྚཾ། པྲ་དུཥྚཾ། ཛཾ་བྷ་ཡ། སྟཾ་བྷ་ཡ། མོ་ཧཱ་ཡ། བནྡྷ་ཡ། ཧཱུཾ་ཧཱུཾ་ཧཱུཾ། ཕཊ་
ཕཊ་ཕཊ། སརྦ་དུཥྚཾ་སྟཾ་བྷ་ནི་ཏ་རེ་སྭཱཧཱ། བར་དམ་བཅའ་བའི་སྔགས་ཡང་ཅི་འགྲུབ་བཟླའོ། །མཐར། ༀ་ཏཱ་རེ་
ཏུཏྟཱ་རེ་ཏུ་རེ་སརྦ་པཱ་པཾ་ཤཱནྟི་ཀུཾ་རུ་ཡེ་སྭཱཧཱ། སརྦ་བིགྷནྣ༴ སརྦ་ཛྭ་རེ༴ སརྦ་ཨུ་པ་དྲ་བེ༴ སརྦ་གྲ་
ཧེ༴ སརྦ་དུཥྚན༴ སརྦ་ཀ་ལ་མྲྀ་ཏྻུ༴ སརྦ་དུར་སྭཔྣི༴ སརྦ་དུར་མི་ཏི༴ སརྦ་ཙིཏྟཱ་ཀུ་ལི་བྷྱཿཤནྟིཾ་
ཀུ་རུ་ཡེ་སྭཱཧཱ། ཞེས་པ་དང་། ཡང་ན་སྙིང་པོའི་མཐར། སྡིག་པ་ཤནྟི་ཀུཾ་རུ་ཡེ་སྭཱཧཱ། སོགས་ཀྱང་རུང་ལན་གསུམ་
ལྔ་བདུན་སོགས་བྱ། དེ་ནས་མེ་ཏོག་ཐོགས་ཏེ་འཐོར་བཞིན་དུ། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །
སོགས་ནས། ཡར་ངོས་ཟླ་ལྟར་འཕེལ་ཞིང་རྒྱས་པར་མཛོད། །ཅེས་པས་གསོལ་བ་གདབ། བདག་གི་
ཚེ་རབས་སྔོན་སོགས་ནས། བཀྲ་ཤིས་ཤོག །རྗེ་བཙུན་འཕགས་མ་སྒྲོལ་མའི་ལྷ་ཚོགས་འཁོར་
དང་བཅས་པ་རྣམས་བདག་ལ་དགོངས་སུ་གསོལ། ཁྱེད་རྣམས་ལ་མཁྱེན་པའི་ཡེ་ཤེས་སོགས་
ནས། འཕེལ་ཞིང་རྒྱས་པར་མཛད་དུ་གསོལ། ཅེས་གོང་བཞིན་ནོ། །
དེ་ཡང་མཎྜལ་གཉིས་པ་ནི། འཇིག་རྟེན་གསུམ་མགོན་ཡུམ་གྱུར་སྤྱན་ཡངས་མ། །དུས་གསུམ་
སངས་རྒྱས་ཐམས་ཅད་བསྐྱེད་པའི་ཡུམ། །གཉིས་མེད་ཡེ་ཤེས་ངང་ལས་མ་གཡོས་ཀྱང་། །
ཐུགས་རྗེ་དབང་གི་འགྲོ་དོན་སྣ་ཚོགས་མཛད། །བྱམས་པ་ཡུམ་གྱུར་ཁྱེད་ལ་ཕྱག་འཚལ་
ལོ། །སྐུ་མདོག་ལྗང་གུ་འཕྲིན་ལས་སྣ་ཚོགས་མཛད། །ཡོན་ཏན་རབ་རྫོགས་བཅུ་དྲུག་ལོན་
པའི་ཚུལ། །འགྲོ་ལ་རབ་དགེས་ཞལ་ནི་འཛུམ་པར་མཛད། །ཞི་བའི་སྤྱན་གྱིས་འཇིག་རྟེན་
གསུམ་ལ་གཟིགས། །ཐུགས་རྗེ་ཆེ་མངའ་ཁྱེད་ལ་ཕྱག་འཚལ་ལོ། །བྱང་སེམས་རང་བཞིན་
22-1-468


ཟླ་བ་གདན་དུ་བཏིང་། །ཉོན་མོངས་མི་བསྐྱོད་རྡོ་རྗེའི་སྐྱིལ་ཀྲུང་དང་། །སྒྲིབ་པ་ཀུན་སྤངས་
པདྨའི་གདན་ལ་བཞུགས། །ཟག་མེད་བདེ་རྒྱས་ཟླ་བའི་རྒྱབ་ཡོལ་ཅན། །ཟག་མེད་བདེ་བ་ཆེ་
ལ་ཕྱག་འཚལ་ལོ། །ན་བཟའ་མཆོག་དང་རིན་ཆེན་དུ་མས་སྤྲས། །ཕྱག་གཡས་མཆོག་སྦྱིན་
སྒྲུབ་ལ་དངོས་གྲུབ་སྟེར། །གཡོན་པ་ཨུཏྤལ་སྐྱོན་བྲལ་དག་པའི་རྟགས། །ཕྱག་གཉིས་ཐབས་
དང་དང་ཤེས་རབ་ཟུང་དུ་འབྲེལ། །མཐའ་བྲལ་ཟུང་འཇུག་སྐུ་ལ་ཕྱག་འཚལ་ལོ། །ཞེས་ཕྱག་
བྱའོ། །གོང་བཞིན་ཚིགས་བཅད་དང་བཅས་པས་མཆོད་པ་འབུལ། མཎྜལ་ནི། ས་གཞི་སྤོས་ཀྱིས་སོགས། ༀ་གུ་རུ་
ཨཱརྱ་ཏཱ་རེ་ས་པཱ་རི་ཝཱ་ར་བྷྱཿརཏྣ་མཎྜལ་པཱུ་ཛི་ཏེ་ཨཿཧཱུཾ། ཞེས་པས་འབུལ། དེ་ནས་ཕྱག་དང་བཅས་བསྟོད་
པ་ཕྱག་འཚལ་ཉེར་གཅིག་ལན་གསུམ། རྗེ་བཙུན་འཕགས་མ་སྒྲོལ་མ་དང་། །ཕྱོགས་བཅུ་དུས་གསུམ་
བཞུགས་པ་ཡི། །རྒྱལ་བ་སྲས་བཅས་ཐམས་ཅད་ལ། །ཀུན་ནས་དང་བས་ཕྱག་བགྱིའོ། །མེ་
ཏོག་བདུག་སྤོས་མར་མེ་དྲི། །ཞལ་ཟས་རོལ་མོ་ལ་སོགས་པ། །དངོས་བཤམས་ཡིད་ཀྱི་སྤྲུལ་
ནས་འབུལ། །འཕགས་མའི་ཚོགས་རྣམས་བཞེས་སུ་གསོལ། །ཐོག་མ་མེད་ནས་ད་ལྟའི་
བར། །མི་དགེ་བཅུ་དང་མཚམས་མེད་ལྔ། །སེམས་ནི་ཉོན་མོངས་དབང་གྱུར་པས། །བགྱིས་
པ་ཐམས་ཅད་བཤགས་པར་བགྱི། །ཉན་ཐོས་རང་རྒྱལ་བྱང་ཆུབ་སེམས། །སོ་སོའི་སྐྱེ་བོ་ལ་
སོགས་པས། །དུས་གསུམ་དགེ་བ་ཅི་བསགས་པའི། །བསོད་ནམས་ལ་ནི་བདག་ཡི་རང་། །
སེམས་ཅན་རྣམས་ཀྱི་བསམ་པ་དང་། །བློ་ཡི་བྱེ་བྲག་ཇི་ལྟ་བར། །ཆེ་ཆུང་ཐུན་མོང་ཐེག་
པ་ཡི། །ཆོས་ཀྱི་འཁོར་ལོ་བསྐོར་དུ་གསོལ། །འཁོར་བ་ཇི་སྲིད་མ་སྟོང་བར། །མྱ་ངན་མི་
འདའ་ཐུགས་རྗེ་ཡིས། །སྡུག་བསྔལ་རྒྱ་མཚོར་བྱང་བ་ཡི། །སེམས་ཅན་རྣམས་ལ་གཟིགས་
སུ་གསོལ། །བདག་གིས་བསོད་ནམས་ཅི་བསགས་པ། །ཐམས་ཅད་བྱང་ཆུབ་རྒྱུར་གྱུར་ནས། །
རིང་པོར་མི་ཐོགས་འགྲོ་བ་ཡི། །འདྲེན་པའི་དཔལ་དུ་བདག་གྱུར་ཅིག །མདུན་གྱི་རྗེ་བཙུན་
མའི་ཐུགས་ཀར་ཟླ་བའི་སྟེང་དུ་སོགས། རྒྱས་པར་བསམ་ལ། སྙིང་པོ་བརྒྱ་ཕྲག་དང་། གཟུངས་རིང་ཅི་ནུས་
22-1-469


བཟླ། མཐར་སྙིང་པོ་ལ། སརྦ་པཱ་པཾ་ཤནྟི་ཀུཾ་རུ་སོགས་དང་། སྤེལ་ཚིག་བཏགས་པ་གོང་བཞིན་བརྗོད་དོ། །རྗེ་བཙུན་
བཅོམ་ལྡན་འདས་མ་ཐུགས་རྗེ་ཅན། །བདག་དང་མཐའ་ཡས་སེམས་ཅན་ཐམས་ཅད་ཀྱི། །
སྒྲིབ་གཉིས་བྱང་ཞིང་ཚོགས་གཉིས་མྱུར་རྫོགས་ནས། །རྫོགས་པའི་སངས་རྒྱས་ཐོབ་པར་
མཛད་དུ་གསོལ། །དེ་མ་ཐོབ་ཀྱི་ཚེ་རབས་ཀུན་ཏུ་ཡང་། །ལྷ་དང་མི་ཡི་བདེ་བ་མཆོག་ཐོབ་
ནས། །ཐམས་ཅད་མཁྱེན་པ་སྒྲུབ་པར་བྱེད་པ་ལ། །བར་ཆད་གདོན་བགེགས་རིམས་དང་
ནད་ལ་སོགས། །དུས་མིན་འཆི་བར་གྱུར་པ་སྣ་ཚོགས་དང་། །རྨི་ལམ་ངན་དང་མཚན་མ་ངན་
པ་དང་། །འཇིགས་པ་བརྒྱད་སོགས་ཉེ་བར་འཚེ་བ་རྣམས། །མྱུར་དུ་ཞི་ཞིང་མེད་པར་མཛད་
དུ་གསོལ། །འཇིག་རྟེན་འཇིག་རྟེན་ལས་ནི་འདས་པ་ཡི། །བཀྲ་ཤིས་བདེ་ལེགས་ཕུན་སུམ་
ཚོགས་པ་རྣམས། །འཕེལ་ཞིང་རྒྱས་པར་དོན་རྣམས་མ་ལུས་པ། །འབད་མེད་ལྷུན་གྱིས་གྲུབ་
པར་མཛད་དུ་གསོལ། །སྒྲུབ་ལ་བརྩོན་ཞིང་དམ་ཆོས་འཕེལ་བ་དང་། །རྟག་ཏུ་ཁྱེད་བསྒྲུབ་
ཞལ་མཆོག་མཐོང་བ་དང་། །སྟོང་ཉིད་དོན་རྟོགས་བྱང་སེམས་རིན་པོ་ཆེ། །ཡར་ངོས་ཟླ་ལྟར་
འཕེལ་ཞིང་རྒྱས་པར་མཛོད། །ཅེས་པས་གསོལ་བ་གདབ། བདག་གི་ཚེ་རབ་སྔོན་ནས༴ རྗེ་བཙུན་
མ་འཕགས་མ་སྒྲོལ་མའི་ལྷ་ཚོགས་དང་བཅས་པ་རྣམས་བདག་ལ་དགོངས་སུ་གསོལ། ཁྱེད་
རྣམས་ལ་མཁྱེན་པའི་ཡེ་ཤེས། བརྩེ་བའི་ཐུགས་རྗེ་མཛད་པའི་འཕྲིན་ལས། སྐྱོབ་པའི་ནུས་
མཐུ་བསམ་གྱིས་མི་ཁྱབ་པ་མངའ་བ་ལགས་པས། སངས་རྒྱས་ཀྱི་བསྟན་པ་དར་ཞིང་རྒྱས་
པ་དང་། བསྟན་འཛིན་གྱི་སྐྱེས་བུ་རྣམས་སྐུ་ཁམས་བཟང་ཞིང་སྐུ་ཚེ་རིང་བ་དང་འཕྲིན་ལས་
རྒྱས་ཤིང་། འཇིག་རྟེན་གྱི་ཁམས་ཐམས་ཅད་དུ་ཆར་ཆུ་དུས་སུ་འབབས་པ་དང་། ལོ་ཕྱུགས་
རྟག་ཏུ་ལེགས་པ་དང་། ནད་དང་འཁྲུགས་པ་དང་། ཆོམ་རྐུན་དང་། མུ་གེ་དང་། མཚན་ལྟས་
ངན་པ་རྣམས་མེད་ཅིང་། བཀྲ་ཤིས་ཕུན་སུམ་ཚོགས་པ་དང་། སེམས་ཅན་ཐམས་ཅད་བདེ་
བ་དང་ལྡན་ཞིང་། བྱང་ཆུབ་ཀྱི་སེམས་རྣམ་པ་གཉིས་འབྱུང་བ་དང་། མཐར་ཐུག་བླ་ན་མེད་
22-1-470


པ་རྫོགས་པའི་སངས་རྒྱས་ཀྱི་གོ་འཕང་ཐོབ་པར་མཛད་དུ་གསོལ། ཁྱད་པར་དུ་རྣལ་འབྱོར་
པ་བདག་ཅག་དཔོན་སློབ་འཁོར་དང་བཅས་པ་རྣམས་ཀྱི་ཞེས་པའམ། ཡང་ན། ཁྱད་པར་དུ་སྦྱིན་
བདག་འཁོར་དང་བཅས་པ་རྣམས་ཀྱི་ནད་གདོན་སྡིག་སྒྲིབ་འགལ་རྐྱེན་བར་ཆད་ཐམས་
ཅད་ཉེ་བར་ཞི་བར་མཛད་དུ་གསོལ། མཐུན་རྐྱེན་ཚེ་དང་བསོད་ནམས་དཔལ་དང་འབྱོར་
བ་སོགས་ལེགས་པའི་ཡོན་ཏན་ཐམས་ཅད་གོང་ནས་གོང་དུ་འཕེལ་ཞིང་རྒྱས་པར་མཛད་དུ་
གསོལ། 
དེ་ཡང་མཎྜལ་གསུམ་པ་ནི། ཐུགས་རྗེ་ཆེན་པོ་སྒྲོལ་མ་ཡུམ་ལ་ཕྱག་འཚལ་ལོ། །ཕྱག་སྟོང་སྤྱན་
སྟོང་སྒྲོལ་མ༴ སྨན་པའི་རྒྱལ་པོ༴ སྨན་ལྟར་ནད་འཇོམས༴ ཐུགས་རྗེ་ཐབས་མཁས༴ ས་ལྟར་
བསྟེན་མཛད༴ ཆུ་ལྟར་བསིལ་མཛད༴ མེ་ལྟར་སྨིན་མཛད༴ རླུང་ལྟར་རྒྱས་མཛད༴ མཁའ་
ལྟར་ཁྱབ་མཛད་སྒྲོལ་མ་ཡུམ་ལ་ཕྱག་འཚལ་ལོ། །ཞེས་ཕྱག་བྱ། མཆོད་པ་ཡང་གོང་བཞིན་འབུལ། མཎྜལ། 
ས་གཞི་སྤོས་ཀྱིས་སོགས་དང་། བསྟོད་པ་ཕྱག་འཚལ་ཉེར་གཅིག་ལན་བདུན་དང་ཕན་ཡོན། ལྷ་མོ་ལ་གུས་ཡང་
དག་བཅས་པ་བརྗོད། རྗེ་བཙུན་འཕགས་མ་སྒྲོལ་མ་དང་། །སོགས་ཀྱི་ཡན་ལག་བདུན་པའོ། །བཟླས་པ་ནི། 
མདུན་གྱི་རྗེ་བཙུན་མའི་ཐུགས་ཀར་ཟླ་བའི་སྟེང་དུ་སོགས་སྙིང་པོ་དང་། གཟུངས་རིང་གཉིས་ཀྱང་བཟླའོ། །
མཐར་སྙིང་པོ་ལ། སརྦ་པ་པཾ་ཤནྟི་ཀུཾ་རུ་སོགས་བཏགས་པས། སྤེལ་ཚིག་ལས་སྔགས་སྦྱར་བར་བྱའོ། །རྗེ་བཙུན་
བཅོམ་ལྡན་འདས་མ་ཐུགས་རྗེ་ཅན། སོགས་ནས། རྒྱས་པར་མཛོད། །བདག་གི་ཚེ་རབས༴ རྗེ་
བཙུན་འཕགས་མ་སྒྲོལ་མའི་ལྷ་ཚོགས་ཞེས་གསོལ་བ་བཏབ་སྟེ་མཎྜལ་བཞི་པའོ། །
དེ་ནས་རྗེས་ཀྱི་བྱ་བ་ནི། གཏོར་མ་ༀ་ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ༀ་
ལས་བྱུང་བའི་རིན་པོ་ཆེའི་སྣོད་ཡངས་ཤིང་རྒྱ་ཆེ་བར་གཏོར་མ་བདུད་རྩིའི་རྒྱ་མཚོར་གྱུར། 
ༀ་ཨཱཿཧཱུཾ། ལན་གསུམ། རང་གི་སྙིང་ག་ནས་འོད་ཟེར་འཕྲོས། འཕགས་མ་སྒྲོལ་མ་འཁོར་བཅས་
ༀ་བཛྲ་ས་མཱ་ཛཿ པོ་ཏ་ལ་ཡི་གནས་མཆོག་སོགས་བརྗོད། པདྨ་ཀ་མ་ལ་ཡ་སྟྭཾ། གཏོར་མ་གསོལ་བར་
22-1-471


བསམ་ལ། ན་མ་ས་མནྟ་བུདྡྷ་བོ་དྷི་སཏྭ་ནཾ། ཨ་པྲ་ཏི་ཧ་ཏ་ཤ་ས་ནཱཾ་ཧེ་བྷ་ག་ཝ་ཏི་མཧཱ་སཏྭ་སརྦ་
བུདྡྷ་ཨ་ཝ་ལོ་ཀི་ཏེ། མ་བི་ལམྦ་མ་བི་ལམྦ། ཨེ་དཾ་བ་ལིཾ་གྲྀཧྞ་པ་ཡ་གྲྀཧྞ་པ་ཡ། ཧཱུཾ་ཧཱུཾ་ཛ་ཛ་སརྦ་
བི་པཉྩ་རེ་སྭཱཧཱ། ལན་ལྔ་ཕུལ། ཨརྒྷཾ་ནས། ཤཔྟས་བར་གྱིས་མཆོད། ལྷ་དང་ལྷ་མིན་ཅོད་པཎ་སོགས་ཀྱིས་
བསྟོད། མཆོད་སྦྱིན་གཏོར་མ་འདི་བཞེས་ལ། །སོགས། འདོད་དོན་གསོལ་བ་ནི། རྗེ་བཙུན་འཕགས་མ་
སྒྲོལ་མས་བདག་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། འཇིགས་
པ་ཆེན་པོ་བརྒྱད་དང་བཅུ་དྲུག་ལ་སོགས་པའི་གནོད་བྱེད་ཐམས་ཅད་ལས་བསྐྱབ་ཏུ་གསོལ། 
འཁོར་བ་སྡུག་བསྔལ་གྱི་རྒྱ་མཚོ་ཆེན་པོ་ལས་བསྒྲལ་དུ་གསོལ། སྡུག་བསྔལ་ཐམས་ཅད་ཞི་
བར་མཛད་དུ་གསོལ། ཅེས་འདོད་དོན་གསོལ་གདབ་པོ། །
དཀོན་མཆོག་སྤྱི་ལ། ༀ་གུ་རུ་བུདྡྷ་བོ་དྷི་སཏྭཱ་ས་པཱ་རི་ཝཱ་ར་བྷྱཿ ༀ་ཨ་ཀཱ་རོ་ལན་གསུམ་གྱིས་ཕུལ། 
ཆོས་སྐྱོང་དང་གཞི་བདག་གཏོར་མའང་འབུལ། རིགས་དྲུག་ལ། སམྦྷ་ར་བརྗོད་དེ་ཕུལ་ཀྱང་རུང་ངོ་། །ཆོས་རྣམས་
གང་དག་སོགས་དང་། འཇིག་རྟེན་བདེ་ཞིང་ལོ་ལེགས་དང་། །སོགས་བརྗོད། གཏང་རག་འབུལ་བ་ནི། 
སངས་རྒྱས་ཐམས་ཅད་འདུས་པའི་སྐུ། །སོགས། སངས་རྒྱས་གཙོ་ལ་སོགས། ལྷ་དང་ལྷ་མིན་
སོགས། ཕྱག་བྱར་འོས་པ་སོགས། མཆོད་པ། ༀ་གུ་རུ་ཨཱརྱ་ཏཱ་རེ་ས་པཱ་རི་ཝཱ་ར་ཨརྒྷཾ་པྲ་ཏཱིཙྪ་སྭཱཧཱ། 
ནས། ཤཔྟའི་བར་བརྗོད་ལ། ཡན་ལག་བདུན་པ་ནི། རྗེ་བཙུན་འཕགས་མ་སྒྲོལ་མ་དང་། །སོགས་ཀྱིས་འབུལ། 
གསོལ་གདབ་པ་ནི། མདུན་གྱི་རྗེ་བཙུན་མ་འཕགས་མ་སྒྲོལ་མའི་བདག་དང་སེམས་ཅན་ལ་གནས་
སྐབས་སུ་འཇིགས་པ་ཆེན་པོ་བརྒྱད་དང་བཅུ་དྲུག་ལ་སོགས་པའི་གནོད་བྱེད་ལས་སྐྱབས་
ཏེ། འཁོར་བ་སྡུག་བསྔལ་གྱི་རྒྱ་མཚོ་ཆེན་པོ་ལས་བསྒྲལ་དུ་གསོལ། མཐར་ཐུག་མངོན་པར་
རྫོགས་པར་འཚང་རྒྱ་བར་བྱིན་གྱིས་བརླབ་ཏུ་གསོལ། ཡི་གེ་བརྒྱ་པ་ལན་གསུམ་དང་། མ་འབྱོར་པ་
དང་སོགས་ཀྱིས་བཟོད་གསོལ་བྱ་ཞིང་། དངོས་གྲུབ་བླངས། བརྟན་བཞུགས་སམ། གཤེགས་གསོལ་རྣམས་སོ། །བསྔོ་བ་ནི། 
དགེ་བའི་ཚོགས་རྣམས་བསགས་པ་ཀུན། །བདག་གིར་ཡོངས་སུ་བཟུང་མེད་པའི། །སེམས་
22-1-472


ཅན་མ་ལུས་ཀུན་དོན་དུ། །ཆོས་དབྱིངས་བླ་ན་མེད་པར་བསྔོ། །སྨོན་ལམ་ནི། རྒྱལ་བའི་དཀྱིལ་
འཁོར་བཟང་ཞིང་སོགས། མང་བགྱིད་ཤོག །སྐྱབས་གནས་བསླུ་མེད་དཀོན་མཆོག་རིན་པོ་ཆེ། །
ཐུགས་རྗེ་མངའ་བའི་རྗེ་བཙུན་སྒྲོལ་མ་ལ། །བདག་གིས་ཇི་ལྟར་གསོལ་བ་བཏབ་པའི་དོན། །
མྱུར་དུ་འགྲུབ་པར་བྱིན་གྱིས་རླབས་པར་མཛོད། །བཀྲ་ཤིས་ནི། བདག་གི་ཚེ་རབས་སྔོན་ནས་
སོགས། སྐུ་ཡི་སྐྱོན་སྤངས་མཚན་དང་དཔེ་བྱད་ལྡན། །སོགས། སེང་གེ་གླང་ཆེན་མེ་སྦྲུལ་ཆོམ་
སོགས། ཡིད་བཞིན་ནོར་དང་བུམ་བཟང་དཔག་བསམ་ཤིང་། །དེ་བཞིན་བསམ་དོན་ལེགས་
པར་སྩོལ་མཛད་པ། །རྗེ་བཙུན་མ་དང་རྒྱལ་བ་སྲས་བཅས་ཀྱི། །མི་འབྲལ་ཐུགས་རྗེས་སྐྱོང་
བའི་བཀྲ་ཤིས་ཤོག །ཉིན་མོ་བདེ་ལེགས་སོགས་ཀྱི་མཐའ་བརྒྱན་པར་བྱ། ཞེས་པའི་མཎྜལ་བཞི་ཆོག་གིས་
གདོན་བགེགས་ནད་རིགས་འབྱུང་བཞི་དང་། གཅན་གཟན་ཆོམ་རྐུན་འཁྲུགས་རྩོད་ཞི། །རྨི་ལྟས་མཚན་ངན་རྦོད་གཏོང་བཟློག །
འཇིགས་ཚོགས་ཀུན་ཞི་ཚེ་བསོད་འཕེལ། །དཔལ་འབྱོར་སྙན་གྲགས་རྒྱས་ཕྱིར་བསྔགས། །ཞེས་སོ། །
ཞེས་རྗེ་བཙུན་སྒྲོལ་མའི་མཎྜལ་བཞི་ཆོག་སྒྲུབ་ཐབས་ཀུན་ལ་ཡོད་ཀྱང་། ཉེར་མཁོ་འཕྲིན་ལས་སྙེ་མ་འདོད་དོན་ཀུན་
འབྱུང་འདི་ཡང་གོང་མ་འགའ་ཡིས་ཡིག་ཆའི་སྙེ་མ་ལགས་ཏེ། ཀླུ་སྒྲུབ་ལུགས་དང་། གཉན་ལོའི་མན་ངག་གཞུང་བཟང་འདི་ནི་ཏཱ་
ར་ནཱ་ཐས་སྦྱར་བའོ།། །། 
ཀུ༵ན་ལ་ཟབ་ཅིང་དག༵འ་བར་བསྔགས། །འདོད་དགུ་ཕུན་སུམ་ཚོགས་འདོད་ན། །འཕྲིན་ལས་སྙི༵ང་པོ༵་ལྷ་འདི་སྒྲུབས། །
གེགས་མེད་ཅི་བསམ་མྱུར་འགྲུབ་འགྱུར། །ཡི་གེ་པ་ནི་པཀྵུ་ཀུན་དགའི་མིང་གིས་བྲིས་པ་ཡོངས་ལ་དགེ་བར་སྨོན། དར་རྒྱས་
འཕེལ། སརྦ་མངྒ་ལཾ། 
(མ་དཔེ་ཀ་ཐོག་བླ་མ་ཚོགས་ཀྱི་ཕྱག་དཔེ་ཡིན།)
22-1-473


༄༅། །འཕགས་པ་ཐུགས་རྗེ་ཆེན་པོ་བཅུ་གཅིག་ཞལ་གྱི་
བསྙུང་བར་གནས་པའི་ཆོ་ག་ཐར་མཆོག་
རིན་ཆེན་ཁང་བཟང་ཞེས་བྱ་བ་
བཞུགས་སོ། །
༄༅། །ༀ་སྭ་སྟི། ཐུགས་རྗེ་ཆེན་པོའི་མངའ་བདག་ནི། །ཐུགས་རྗེ་ཆེན་པོའི་མཚན་འཆང་བ། །དེ་ལ་བཏུད་ནས་
དེའི་སྒྲུབ་ཐབས། །ཉུང་བསྡུས་ཤིན་ཏུ་གསལ་པོར་བྲི། །
འདིར་ཐུགས་རྗེ་ཆེན་པོ་ཞལ་བཅུ་གཅིག་པའི་སྒྲུབ་ཐབས་བསྙུང་བར་གནས་པའི་ཆོ་ག དགེ་སློང་མ་དཔལ་མོའི་གཞུང་
དང་། བླ་མའི་ཕྱག་ལེན་བཞིན་ཉམས་སུ་ལེན་པ་ལ། ཐོག་མར་ས་ག་ཟླ་བ་ནས་མགོ་བརྩམ་པ་བྱུང་ན་རབ། དུས་གཞན་ལ་རུང་
པའི་དང་པོར་གནས་ཁང་བྱི་དོར་བྱས་པར་རྟེན་གྱིས་དྲུང་དུ་དཀྱིལ་འཁོར་པདྨ་འདབ་བརྒྱད། ལྟེ་བ་དམར། ཤར་སྔོ། ལྷོ་སེར། 
ནུབ་དམར། བྱང་ལྗང་། མཚམས་མཛེས་ཚོན་དུ་བྱས། དེའི་མཐའ་ལ་མཆོད་ཡོན་དང་ཞལ་བསིལ་ལ་སོགས་པ་ཅི་འབྱོར་དང་། 
དཀར་གཏོར་གསུམ་བཤམ། བུམ་པ། ༀ་ཨ་མྲྀ་ཏ་ཨུདྦྷ་ཝ་ཧཱུཾ་ཕཊ། ཅེས་པའི་བསངས། ཆུ་གཙང་མས་སུམ་གཉིས་
ཙམ་བཀང་ལ། དྲི་ལྔ། འབྲུ་ལྔ། སྨན་ལྔ། རིན་པོ་ཆེ་ལྔ་སྟེ་བུམ་པའི་རྫས་གང་འབྱོར་གཞུག འོ་མ་ཅན་གྱིས་ཤིང་གིས་ཁ་བརྒྱན། 
རས་ཁ་ཚར་མ་ཉམས་པའི་མགུལ་ཆིངས་དང་བཅས་པ། དཀྱིལ་འཁོར་གྱི་མདུན་ངོས་སུ་མེ་ཏོག་གི་ཚོམ་བུའམ་པད་འདབ་བྲིས་
པ་ལ་དགོད། དེ་ནས་དེ་ཉིད་བཅུ་དྲུག་བཞིན་ཉམས་སུ་ལེན་པ་ལ། 
དེའི་སྡོམ་ནི། ཁྲུས་དང་གསོ་སྦྱོང་ཚོགས་ཞིང་མཆོད། །སྡིག་བཤགས་ཚུལ་ཁྲིམས་རྣམ་དག་གཟུངས། །བདག་བསྐྱེད་སྒོམ་
22-1-474


ཞིང་སྙིང་པོ་བཟླ། །མདུན་བསྐྱེད་སྒོམ་ཞིང་གཟུངས་རིང་འདོན། །མཆོད་བསྟོད་གསོལ་གདབ་གཏོར་མ་བཏང་། །ཁྲུས་གསོལ་
བསྔོ་བ་བཟོད་གསོལ་བྱ། །ཁྲུས་བྱས་དཀྱིལ་འཁོར་ཉེར་བསྡུ་སྟེ། །དེ་ཉིད་བཅུ་དྲུག་བཞིན་དུ་བྱ། །ཞེས་པའི་དང་པོ་ཁྲུས་ཀྱི་དེ་
ཉིད་ནི། སྔ་དྲོ་ལག་ཡིག་མཐོང་བ་ན་ཁྲུས་བྱ་བའོ། །
གཉིས་པ་གསོ་སྦྱོང་གི་དེ་ཉིད་ནི། དགེ་ཚུལ་མན་ཆད་ཡིན་ན་དང་པོ་བླ་མའི་དྲུང་དང་། དེ་ནས་རྟེན་གྱི་དྲུང་དུ་བསྙེན་
གནས་ཀྱི་སྡོམ་པ་གསར་དུ་ལེན་པ་ཡིན་ལ། དགེ་ཚུལ་དང་དགེ་སློང་ཡན་ཆད་རྣམས་ཀྱང་ཇི་སྲིད་འཚོའི་བར་དུ་རང་རང་གི་སྡོམ་
པ་བརྟན་པོར་དམ་བཅའ་བའི་བསམ་པས། ཕྱག་གསུམ་འཚལ་ལ་མཎྜལ་ལན་གསུམ་འབུལ་བའི་དང་པོ་ནི། ༀ་བཛྲ་བྷུ་
མེ་ཨ་ཧཱུཾ། དབང་ཆེན་གསེར་གྱིས་ས་གཞི། ༀ་བཛྲ་རི་ཁེ་ཨཱཿཧཱུཾ། ཕྱི་ལྕགས་རིའི་འཁོར་ཡུག་
གིས་བསྐོར་པའི་དབུས་སུ་ཧཱུཾ་རིའི་རྒྱལ་པོ་རི་རབ། ཤར་ལུས་འཕགས་པོ། ལྷོ་འཛམ་བུ་གླིང་། 
ནུབ་བ་ལང་སྤྱོད། བྱང་སྒྲ་མི་སྙན། ཉི་མ། ཟླ་བ། དབུས་སུ་ལྷ་དང་མིའི་དཔལ་འབྱོར་
ཕུན་སུམ་ཚོགས་པ་གང་ཡང་མ་ཚང་བ་མེད་པ་འདི་ས༵ངས་རྒྱས་དཀོན་མཆོག་གི་ངོ་བོ་བླ་མ་
དང་འཕགས་པ་ཐ་མི་དད་པ་ལ་འབུལ་ལོ། །ཐུགས་རྗེས་འགྲོ་བའི་དོན་དུ་བཞེས་སུ་གསོལ། །
བཞེས་ནས་བྱིན་གྱིས་བརླབ་ཏུ་གསོལ། །ཞེས་པ་དང་། དེ་བཞིན་དུ་གཉིས་པ། ཆོ༵ས་དཀོན་མཆོག་གི་
ངོ་བོ་གཟུངས་སྔགས་རྣམས་ལ་འབུལ་ལོ། །ཐུགས་རྗེས་འགྲོ་བའི་དོན་དུ་བཞེས་སུ་གསོལ། །
བཞེས་ནས་བྱིན་གྱིས་བརླབ་ཏུ་གསོལ། །གསུམ་པ། དགེ༵་འདུན་དཀོན་མཆོག་གི་ངོ་བོ་འཁོར་
གྱི་ལྷ་རྣམས་ལ་འབུལ་ལོ། །ཐུགས་རྗེ་འགྲོ་བའི་དོན་དུ་བཞེས་སུ་གསོལ། །བཞེས་ནས་བྱིན་
གྱིས་བརླབ་ཏུ་གསོལ། །ཞེས་པ་དང་། ས་གཞི་སྤོས་ཀྱིས་བྱུགས་ཤིང་མེ་ཏོག་བཀྲམ། །རི་རབ་
གླིང་བཞིས་ལེགས་པར་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡིས། །འགྲོ་
ཀུན་རྣམ་དག་ཞིང་ལ་སྤྱོད་པར་ཤོག །ཅེས་བརྗོད་ནས། སངས་རྒྱས་དང་བྱང་ཆུབ་སེམས་དཔའ་
ཐམས་ཅད་ལ་ཕྱག་འཚལ་ལོ། །འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་
ལོ། །ཇི་ལྟར་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
22-1-475


རྒྱས་རྟ་ཅང་ཤེས་ལྟ་བུ། གླང་བོ་ཆེན་པོ། བྱ་བ་བྱས་ཤིང་། བྱེད་པ་བྱས་པ། ཁུར་བོར་བ། རང་
གི་དོན་རྗེས་སུ་ཐོབ་པ། སྲིད་པ་ཀུན་ཏུ་སྦྱོར་བ། ཡོངས་སུ་ཟད་པ། ཡང་དག་པའི་བཀའ། 
ལེགས་པར་རྣམ་པར་གྲོལ་བའི་ཐུགས། ལེགས་པར་རྣམ་པར་གྲོལ་བའི་ཤེས་རབ་ཅན་དེ་
དག་གིས་སེམས་ཅན་ཐམས་ཅད་ཀྱི་དོན་གྱི་ཕྱིར་དང་། ཕན་པར་བྱ་བའི་ཕྱིར་དང་། གྲོལ་
བར་བྱ་བའི་ཕྱིར་དང་། ནད་མེད་པར་བྱ་བའི་ཕྱིར་དང་། མུ་གེ་མེད་པར་བྱ་བའི་ཕྱིར་དང་། 
བྱང་ཆུབ་ཀྱི་ཕྱོགས་ཀྱི་ཆོས་རྣམས་ཡོངས་སུ་རྫོགས་པར་བྱ་བའི་ཕྱིར་དང་། བླ་ན་མེད་པ་ཡང་
དག་པར་རྫོགས་པའི་བྱང་ཆུབ་ངེས་པར་རྟོགས་པར་བྱ་བའི་ཕྱིར། གསོ་སྦྱོང་ངེས་པར་མཛད་
པ་དེ་བཞིན་དུ། བདག་མིང་འདི་ཞེས་བགྱི་བས་ཀྱང་། དུས་འདི་ནས་བཟུང་སྟེ། ཇི་སྲིད་སང་
ཉི་མ་མ་ཤར་གྱི་བར་དུ་གསོ་སྦྱོང་ངེས་པར་ཡང་དག་པར་བླང་བར་བགྱིའོ། །ཞེས་ལན་གསུམ་དང་། 
 དེང་ནས་སྲོག་གཅོད་མི་བྱ་ཞིང་། །གཞན་གྱི་ནོར་ཡང་བླང་མི་བྱ། །འཁྲིག་པའི་ཆོས་ཀྱང་མི་
སྤྱོད་ཅིང་། །རྫུན་གྱི་ཚིགས་ཀྱང་མི་སྨྲའོ། །སྐྱོན་ནི་མང་པོ་ཉེར་བསྟེན་པའི། །ཆང་ནི་ཡོངས་སུ་
སྤང་བར་བྱ། །ཁྲི་སྟན་ཆེ་མཐོ་མི་བྱ་ཞིང་། །དེ་བཞིན་དུས་མ་ཡིན་པའི་ཟས། །དྲི་དང་ཕྲེང་བ་
དང་ནི་རྒྱན། །གར་དང་གླུ་སོགས་སྤང་བར་བྱ། །ཇི་ལྟར་དགྲ་བཅོམ་རྟག་ཏུ་ནི། །སྲོག་གཅོད་
ལ་སོགས་མི་བྱེད་པ། །དེ་བཞིན་སྲོག་གཅོད་ལ་སོགས་སྤང་། །བླ་མེད་བྱང་ཆུབ་མྱུར་ཐོབ་
ཤོག །སྡུག་བསྔལ་མང་དཀྲུགས་འཇིག་རྟེན་འདི། །སྲིད་པའི་མཚོ་ལས་སྒྲོལ་བར་ཤོག །ཅེས་
ཀྱང་ལན་གསུམ་བརྗོད་ནས། ༀ་ཨཱ་མོ་གྷ་ཤཱི་ལ། སམྦྷ་ར་སམྦྷ་ར། བྷ་ར་བྷ་ར། མཧཱ་ཤུདྡྷ་སཏྭ། པདྨ་
བི་བྷུ་ཥི་ཏ་བྷུ་ཛ། དྷ་ར་དྷ་ར། ས་མནྟ། ཨ་ཝ་ལོ་ཀི་ཏེ་ཧཱུཾ་ཕཊ་སྭཱཧཱ། ཞེས་པ་དང་། ༀ་ཧྲཱིཿཏྲཻ་ལོ་ཀྱ་བི་
ཛ་ཡ། ཨ་མོ་གྷ་པ་ཤ་ལ་ཨ་པྲ་ཏི་ཧ་ཏ་ཧྲཱིཿཧ་ཧཱུཾ་ཕཊ་སྭཱཧཱ། ཞེས་ཉེར་གཅིག་རེ་བཟླས་ཤིང་། སེམས་ཅན་
ཐམས་ཅད་ཀྱི་རྒྱུད་ལ་ཚུལ་ཁྲིམས་ཀྱི་ཕུང་པོ་ཡོངས་སུ་རྫོགས་པར་གྱུར་ཅིག ཏིང་ངེ་འཛིན་
གྱི་ཕུང་པོ་ཡོངས་སུ་རྫོགས་པར་གྱུར་ཅིག ཤེས་རབ་ཀྱི་ཕུང་པོ་ཡོངས་སུ་རྫོགས་པར་གྱུར་
22-1-476


ཅིག རྣམ་པར་གྲོལ་བའི་ཕུང་པོ་ཡོངས་སུ་རྫོགས་པར་གྱུར་ཅིག རྣམ་པར་གྲོལ་བའི་ཡེ་
ཤེས་གཟིགས་པའི་ཕུང་པོ་ཡོངས་སུ་རྫོགས་པར་གྱུར་ཅིག ཁྲིམས་ཀྱི་ཚུལ་ཁྲིམས་སྐྱོན་མེད་
ཅིང་། །ཚུལ་ཁྲིམས་རྣམ་པར་དག་དང་ལྡན། །རློམ་སེམས་མེད་པའི་ཚུལ་ཁྲིམས་ཀྱི། །ཚུལ་
ཁྲིམས་ཕ་རོལ་ཕྱིན་རྫོགས་ཤོག །ཅེས་བརྗོད་ནས། ༀ་བཛྲ་ཡཀྵ་ཧཱུཾ། ༀ་བཛྲ་ཛྭ་ལ་སོགས་ཀྱིས་
བསངས། ༀ་སྭ་བྷཱ་ཝས་སྦྱངས། སྟོང་པའི་ངང་ལས་བྷྲུཾ་ལས་རིན་པོ་ཆེ་ལས་གྲུབ་པའི་གཞལ་ལས་
ཁང་མཚན་ཉིད་དང་ལྡན་པའི་དབུས་སུ་བྷྲུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་
ཀྱི་ནང་དུ་ༀ་འོད་དུ་ཞུ་བ་ལས་བྱུང་བའི་ལྷ་རྫས་ཀྱི་མཆོད་ཡོན། ཞབས་བསིལ། མེ་ཏོག
བདུད་སྤོས། སྣང་གསལ། དྲི་ཆབ། ཞལ་ཟས། རོལ་མོ་ལ་སོགས་པའི་མཆོད་རྫས་རྣམས་
བཟང་ཞིང་རྒྱ་ཆེ་བ། དྭངས་ཤིང་ཐོགས་པ་མེད་པ། འཕགས་པ་ཀུན་ཏུ་བཟང་པོའི་རྣམ་པར་
འཕྲུལ་བ་ལས་བྱུང་བའི་མཆོད་སྤྲིན་ལྟ་བུ་བསམ་གྱིས་མི་ཁྱབ་པ་དང་ལྡན་པར་གྱུར། ༀ་བཛྲ་
ཨརྒྷཾ་སྭཱཧཱ། ༀ་བཛྲ་པཱདྱཾ་སྭཱཧཱ། ༀ་བཛྲ་པུཥྤེ་ཨཱཿཧཱུཾ། ནས། ཤཔྟ་ཨཱཿཧཱུཾ། ཞེས་སོ་སོའི་ཕྱག་རྒྱ་དང་བཅས་པ་
བྱས། ༀ་བཛྲ་དྷརྨ་ར་ཎི་ཏ་ཞེས་སོགས་རོལ་མོ་བྱིན་དབབ། 
གསུམ་པ་ཚོགས་ཞིང་མཆོད་པའི་དེ་ཉིད་ནི། ཕ་མས་གཙོར་བྱས་མཁའ་མཉམ་སེམས་ཅན་ཐམས་
ཅད་བྱང་ཆུབ་སྙིང་པོར་མཆིས་ཀྱི་བར་དུ། དཔལ་ལྡན་བླ་མ་དམ་པ་རྣམས་ལ་སྐྱབས་སུ་
མཆིའོ། །རྫོགས་པའི་སངས་རྒྱས་བཅོམ་ལྡན༴ དམ་པའི་ཆོས༴ འཕགས་པའི་དགེ་འདུན༴
འཕགས་པ་སྤྱན་རས་གཟིགས་དབང་ཕྱུག་གི་ལྷ་ཚོགས་རྣམས་ལ༴ མཁའ་འགྲོ་ཆོས་སྐྱོང་
སྲུང་མ་ཡེ་ཤེས་ཀྱི་སྤྱན་དང་ལྡན་པ་རྣམས་ལ་སྐྱབས་སུ་མཆིའོ། །ཞེས་ལན་གསུམ་དང་། སངས་
རྒྱས་ཆོས་དང་ཚོགས་ཀྱི་ཅེས་སོགས་ལན་གསུམ་དང་། འགྲོ་རྣམས་བསྒྲལ་འདོད་བསམ་པ་ཡིས། །
སངས་རྒྱས་ཆོས་དང་དགེ་འདུན་ལ། །བྱང་ཆུབ་སྙིང་པོར་མཆིས་ཀྱི་བར། །རྟག་པར་བདག་
ནི་སྐྱབས་སུ་མཆི། །ཤེས་རབ་སྙིང་བརྩེ་དང་བཅས་པས། །བརྩོན་པའི་སེམས་ཅན་དོན་
22-1-477


དུ་བདག །སངས་རྒྱས་མདུན་དུ་གནས་བགྱིས་ཏེ། །རྫོགས་པའི་བྱང་ཆུབ་སེམས་བསྐྱེད་
བགྱི། །ལན་གསུམ། སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་[ཀྱི་གོ་འཕང་]
ཐོབ་པར་བྱ། དེའི་ཕྱིར་དུ་འཕགས་པ་ཐུགས་རྗེ་ཆེན་པོའི་སྒྲུབ་[ཐབས་]ཉམས་སུ་བླང་བར་
བགྱིའོ། །ཞེས་ལན་གསུམ་མོ། །རང་སྐད་ཅིག་གིས་ཐུགས་རྗེ་ཆེན་པོར་གསལ་བའི་ཐུགས་ཀར་ཟླ་
བའི་དཀྱིལ་འཁོར་ལ་གནས་པའི་ཧྲཱིཿདཀར་པོ། དེ་ལས་འོད་འཕྲོས། མདུན་གྱི་ནམ་མཁར་
རིན་པོ་ཆེ་ལས་གྲུབ་པའི་ཁྲི་ཡངས་ཤིང་རྒྱ་ཆེ་བའི་སྟེང་དུ་པདྨ་འདབ་མ་འབུམ་དང་ལྡན་པའི་
ལྟེ་བར་ཟླ་བའི་གདན་ལ། བླ་མ་དང་འཕགས་པ་ཐ་མི་དད་པ། ཕྱོགས་བཞིའི་པད་འདབ་
ལ། རྒྱལ་བ་རིགས་བཞི། དེ་རྣམས་ལ་འཁོར་ཤར་དུ་སེངྒེ་སྒྲ་དཀར་པོ། ༀ་ཧྲཱིཿསི་ཧཾ་ན་དྷ་ཧཱུཾ་
ཕཊ། ལྷོ་རུ་ཡིད་བཞིན་ནོར་བུ་གསེར་གྱི་མདོག་ཅན། ༀ་པདྨ་མཧཱ་ཊ་དྷ་ཀེ་ཧཱུཾ་ཕཊ། ནུབ་ཏུ་
པདྨ་གར་དབང་པདྨ་རཱ་གའི་མདོག་ཅན། ༀ་པདྨ་ནིར་ཏི་ཤྭ་ར་ཧྲཱིཿཧཱུཾ་ཕཊ། བྱང་དུ་ཐུགས་རྗེ་
མི་ཤོལ་བ་མརྒད་མདོག་ཅན། ༀ་རཏྣ་གྲ་ཨ་པྲ་ཏི་ཧ་ཏ་ཧྲཱིཿཧཱུཾ་ཕཊ། བྱང་ཤར་དུ་དོན་ཡོད་
ཞགས་པ་ཤེལ་གྱི་མདོག་ཅན། ༀ་ཧྲཱིཿབཛྲ་ཏྲཻ་ལོ་ཀྱ་བི་ཛ་ཡ་ཨ་མོ་གྷ་པ་ཤ་[ལ་]ཨ་པྲ་ཏི་ཧ་
ཏ་ཧྲཱིཿཧ་ཧཱུཾ་ཕཊ་སྭཱཧཱ། ཤར་ལྷོར་ཧ་ལ་ཧ་ལ་པུ་ཤ་ཀ་རའི་མདོག་ཅན། ༀ་ཧ་ལ་ཧ་ལ་ཧྲཱིཿཔདྨ་
གརྦྷ་ཧཱུཾ་ཕཊ་སྭཱཧཱ། ལྷོ་ནུབ་ཏུ་པདྨ་རྒྱན་ཟངས་ཞུན་མདོག་ཅན། ༀ་པདྨ་ཨ་ལཾ་ཀ་ར་ཧཱུཾ་ཕཊ་
སྭཱཧཱ། ནུབ་བྱང་དུ་རྡོ་རྗེ་ཆོས་དབང་ཕྱུག་ནོར་[བུ་]སྤུག་གི་མདོག་ཅན། ༀ་བཛྲ་དྷརྨེ་ཤྭ་ར་ཧཱུཾ་
ཕཊ་སྭཱཧཱ། སྟེང་དུ་ཧ་རི་ཧ་རི་ལ་ཞོན་པ་ཨིནྡྲ་ནཱི་ལའི་མདོག་ཅན། ༀ་བྷྲུཾ་ཧྲཱིཿཧ་ཧཱུཾ་[ཕཊ་]སྭཱཧཱ། 
འོག་ཏུ་མགྲིན་སྔོན་ཨིནྡྲ་སྙིལ་གྱི་མདོག་ཅན། ༀ་མ་ཎི་པདྨེ་ཧཱུཾ། ཞེས་པ་རྣམས་དང་། གཞན་ཡང་
བླ་མ་ཡི་དམ་སངས་རྒྱས་བྱང་ཆུབ་སེམས་དཔའི་ཚོགས་དང་བཅས་པ་ཐམས་ཅད་བཛྲ་ས་
མཱ་ཛཿ ཞེས་པའི་སྤྱན་དྲངས་ལ། སངས་རྒྱས་ཐམས་ཅད་འདུས་པའི་སྐུ། །རྡོ་རྗེ་འཛིན་པའི་ངོ་བོ་
ཉིད། །དཀོན་མཆོག་གསུམ་གྱི་རྩ་བ་སྟེ། །བླ་མ་རྣམས་ལ་ཕྱག་འཚལ་ལོ། །བླ་མའི་སྐུ་ནི་རྡོ་
22-1-478


རྗེའི་སྐུ། །མཛེས་ཤིང་ལྟ་བས་ཆོག་མི་ཤེས། །བསམ་གྱིས་མི་ཁྱབ་ཡོན་ཏན་ལྡན། །བླ་མའི་
སྐུ་ལ་ཕྱག་འཚལ་ལོ། །བླ་མའི་གསུང་ནི་ཚངས་པའི་དབྱངས། །འགག་མེད་སེང་གེ་སྒྲ་དང་
ལྡན། །མུ་སྟེགས་རི་དྭགས་སྐྲག་མཛད་པའི། །བླ་མའི་གསུང་ལ་ཕྱག་འཚལ་ལོ། །བླ་མའི་
ཐུགས་ནི་ནམ་མཁའ་ལྟར། །བདེ་གསལ་མི་རྟོག་སྟོང་པའི་ངང་། །རྣམ་ཐར་གསུམ་ལ་ལེགས་
གནས་པའི། །བླ་མའི་ཐུགས་ལ་ཕྱག་འཚལ་ལོ། །བླ་མ་སངས་རྒྱས་བླ་མ་ཆོས། །དེ་བཞིན་
བླ་མ་དགེ་འདུན་ཏེ། །ཀུན་གྱི་བྱེད་པོ་བླ་མ་ཡིན། །བླ་མ་རྣམས་ལ་ཕྱག་འཚལ་ལོ། །དུས་
གསུམ་རྒྱལ་བ་སྲས་བཅས་ཐམས་ཅད་ཀྱི། །དྲི་མེད་ཐུགས་རྗེ་མཐའ་དག་གཅིག་བསྡུས་ཤིང་། །
ཁམས་གསུམ་འགྲོ་བ་ཀུན་གྱིས་མགོན་གཅིག་བུ། །འཕགས་པ་སྤྱན་རས་གཟིགས་ལ་
ཕྱག་འཚལ་ལོ། །ཌཱ་ཀིའི་གཙོ་མོ་ལཀྵིཾ་ཀ་རའི་ཞབས། །ལྔ་རིགས་པཎ་ཆེན་ཟླ་བ་གཞོན་ནུ་
དང་། །ཡེ་ཤེས་སྤྱན་ལྡན་ཡེ་ཤེས་བཟང་པོ་སྟེ། །འཕགས་མཆོག་གྲུབ་ཆེན་གསུམ་ལ་ཕྱག་
འཚལ་ལོ། །འཇམ་པའི་དབྱངས་ཀྱི་རྗེས་བཟུང་པེ་ཉ་པ། །བྱང་སེམས་ཆེན་པོ་ཟླ་བ་རྒྱལ་
མཚན་དང་། །གྲུབ་པ་མཆོག་ཐོབ་རྒྱལ་སྲས་ཉིང་ཕུག་པ། །འཕགས་པའི་རྣམ་འཕྲུལ་གསུམ་
ལ་ཕྱག་འཚལ་ལོ། །དངོས་འཛིན་འཁྲུལ་ཞིག་རྡོ་རྗེ་རྒྱལ་པོ་དང་། །བདུད་སྡེའི་དགྲ་བཅོམ་
ཞང་སྟོན་དགྲ་འཇིགས་ཞབས། །བསླབ་གསུམ་དྲི་མེད་རྩེ་འདུལ་ཆེན་པོ་སྟེ། །འཕགས་པ་
ནོར་ལྡན་གསུམ་ལ་ཕྱག་འཚལ་ལོ། །བྱམས་དང་ཐུགས་རྗེའི་བདག་ཉིད་མདོག་ལོད་པ། །
ཟག་མེད་བདེ་ཆེན་དཔལ་འབར་ཆུ་བཟང་བ། །སྲིད་ཞིའི་འཆང་ལས་རྣམ་གྲོལ་གཉག་ཆེན་
པ། །འཕགས་ལམ་མངའ་བརྙེས་གསུམ་ལ་ཕྱག་འཚལ་ལོ། །ལེགས་སྦྱངས་བསོད་ནམས་
དཀར་པོའི་སྐྱེད་ཚལ་དུ། །མི་འགྱུར་བདེ་ཆེན་སྦྲང་རྩིའི་རོས་གང་བའི། །སྟོང་ཉིད་པདྨའི་
ལང་ཚོ་རྒྱས་པ་ཅན། །འཕྲིན་ལས་བཟང་པོའི་དྲི་བསུང་འཕྲོ་ལ་འདུད། །ཤེས་བྱ་ཀུན་མཁྱེན་
ཤེས་རབ་འབུམ་པ་དང་། །རྒྱལ་སྲས་ཐོགས་མེད་བྱང་སེམས་རིན་པོ་ཆེ། །གཉག་ཆེན་དམ་
22-1-479


པ་བསོད་ནམས་དབང་པོ་སྟེ། །བྱིན་རླབས་བརྒྱུད་ལྡན་གསུམ་ལ་ཕྱག་འཚལ་ལོ། །གཉག་
ཆེན་དབོན་པོ་བསོད་ནམས་བཟང་པོ་དང་། །སྐྱེས་ཆེན་དམ་པ་འཕགས་པ་བསོད་ནམས་
དང་། །འདྲེན་མཆོག་དམ་པ་བསོད་ནམས་རྒྱལ་མཚན་ཏེ། །ཡོངས་འཛིན་དམ་པ་གསུམ་
ལ་ཕྱག་འཚལ་ལོ། །མ་ཎི་པ་ཞེས་གྲགས་པ་བསོད་ནམས་དང་། །བྱང་སེམས་དམ་པ་ཀུན་
དགའ་མཆོག་གྲུབ་དང་། །འཇམ་མགོན་བླ་མ་རྗེ་བཙུན་གྲོལ་མཆོག་སྟེ། །འཇིག་རྟེན་མགོན་
གྱུར་གསུམ་ལ་ཕྱག་འཚལ་ལོ། །རྡོ་རིང་དབོན་པོ་ཀུན་དགའ་རྒྱལ་མཚན་དང་། །སྲིད་གསུམ་
འདྲེན་མཆོག་ཀུན་དགའ་སྙིང་པོ་དང་། །གདམས་པའི་གཏེར་མཛོད་རིན་ཆེན་རྒྱ་མཚོ་སྟེ། །
སྐྱེ་དགུའི་དཔལ་གྱུར་གསུམ་ལ་ཕྱག་འཚལ་ལོ། །བཀའ་བཞིན་ལྷུར་མཛད་ཀུན་དགའ་
ཐོས་སྒོམ་དང་། །ནུས་མཐུ་མངོན་གྱུར་གྲགས་པ་དཔལ་བཟང་དང་། །བསྟན་པའི་དཔལ་
གྱུར་ཀུན་དགའ་དཔལ་བཟང་སྟེ། །སྐྱབས་མགོན་མཆོག་གྱུར་གསུམ་ལ་ཕྱག་འཚལ་ལོ། །
མགོན་པོ་ཐུགས་རྗེ་ཆེ་ལྡན་པ། །ཐམས་ཅད་མཁྱེན་པ་སྟོན་པ་པོ། །བསོད་ནམས་ཡོན་ཏན་
རྒྱ་མཚོའི་ཞིང་། །དེ་བཞིན་གཤེགས་ལ་ཕྱག་འཚལ་ལོ། །དག་པ་འདོད་ཆགས་བྲལ་བའི་
རྒྱུ། །དགེ་བའི་ངན་སོང་ལས་གྲོལ་ཞིང་། །གཅིག་ཏུ་དོན་དམ་མཆོག་གྱུར་པའི། །ཞི་གྱུར་
ཆོས་ལ་ཕྱག་འཚལ་ལོ། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་
གུས། །ཞིང་གི་དམ་པ་ཡོན་ཏན་ཞིང་། །དགེ་འདུན་ལ་ཡང་ཕྱག་འཚལ་ལོ། །སངས་རྒྱས་རྣམ་
གཟིགས་གཙུག་ཏོར་ཐམས་ཅད་སྐྱོབས། །འཁོར་པ་འཇིག་དང་གསེར་ཐུབ་འོད་སྲུངས་དང་། །
ཤཱཀྱ་ཐུབ་པ་གཽ་དམ་ལྷ་ཡི་ལྷ། །སངས་རྒྱས་དཔའ་བོ་བདུན་ལ་ཕྱག་འཚལ་ལོ། །མཐུན་
པའི་དགེ་ཚོགས་སྨོན་ལམ་རྨད་བྱུང་ཞིང་། །སྤྱད་པ་སྤྱོད་ཚེ་ནམ་ཡང་མཆེད་གྱུར་ལ། །སྐལ་
བཟང་གཅིག་ལ་མཛད་པ་མཐར་ཕྱིན་པའི། །རྫོགས་པའི་སངས་རྒྱས་སྟོང་ལ་ཕྱག་འཚལ་
ལོ། །འགྲོ་བ་ཉོན་མོངས་དུག་གིས་གཟེར་བ་ལས། །ཐུགས་རྗེ་དུག་སེལ་སྨན་མཆོག་བདུད་
22-1-480


རྩི་ནི། །སྨོན་ལམ་ཆེན་པོ་གྲུབ་པར་གྱུར་པ་ཡི། །བདེ་གཤེགས་འཁོར་བཅས་རྣམས་ལ་ཕྱག་
འཚལ་ལོ། །མཚན་མཆོག་ལྡན་པ་དྲི་མེད་ཟླ་བའི་ཞབས། །གསེར་མདོག་འདྲ་བ་ཁྱོད་ལ་
ཕྱག་འཚལ་ལོ། །རྡུལ་བྲལ་ཁྱོད་འདྲ་སྲིད་པ་གསུམ་མ་མཆིས། །མཉམ་ཉིད་མཁྱེན་ཆེན་
ཁྱེད་ལ་ཕྱག་འཚལ་ལོ། །འཇིག་རྟེན་འདྲེན་པའི་གཙོ་བོ་ཚེ་དཔག་མེད། །དུས་མིན་འཆི་བ་མ་
ལུས་འཇོམས་པའི་དཔལ། །མགོན་མེད་སྡུག་བསྔལ་གྱུར་པ་རྣམས་ཀྱི་སྐྱབས། །སངས་རྒྱས་
ཚེ་དཔག་མེད་ལ་ཕྱག་འཚལ་ལོ། །དུས་གསུམ་བདེ་བར་གཤེགས་པ་ཆོས་ཀྱི་སྐུ། །འགྲོ་དྲུག་
སེམས་ཅན་རྣམས་ལ་སྤྱན་རས་གཟིགས། །ནམ་མཁའ་ལྟ་བུར་ཁྱབ་པའི་བཅུ་གཅིག་ཞལ། །
གཟི་བརྗིད་འོད་དཔག་མེད་ལ་ཕྱག་འཚལ་ལོ། །ཕྱག་སྟོང་འཁོར་ལོས་བསྒྱུར་བའི་རྒྱལ་པོ་
སྟོང༌། །སྤྱན་སྟོང་བསྐལ་པ་བཟང་པོའི་སངས་རྒྱས་སྟོང༌། །གང་ལ་གང་འདུལ་དེ་ལ་དེར་སྟོན་
པའི། །བཙུན་པ་སྤྱན་རས་གཟིགས་ལ་ཕྱག་འཚལ་ལོ། །སྐྱོན་གྱིས་མ་གོས་སྐུ་མདོག་དཀར། །
རྫོགས་སངས་རྒྱས་ཀྱི་དབུ་རྒྱན་ཅན། །ཐུགས་རྗེའི་སྤྱན་གྱིས་འགྲོ་ལ་གཟིགས། །སྤྱན་རས་
གཟིགས་ལ་ཕྱག་འཚལ་ལོ། །སངས་རྒྱས་ཀུན་གྱིས་རབ་ཏུ་བསྔགས། །ཡོན་ཏན་དམ་པ་
ཀུན་ནས་བསགས། །སྤྱན་རས་གཟིགས་ཞེས་མཚན་གསོལ་བ། །རྟག་པར་བརྩེ་ལ་ཕྱག་
འཚལ་ལོ། །སངས་རྒྱས་བྱེ་ཕྲག་བཅུ་གཅིག་ཞལ། །རྩ་བའི་ཞལ་ནི་དཀར་པོ་མཛེས། །ལྗང་
དང་དམར་པོའི་གཡས་དང་གཡོན། །ཞི་བའི་ཞལ་ལ་ཕྱག་འཚལ་ལོ། །དབུས་ལྗང་གཡས་
དམར་གཡོན་དཀར་ཞལ། །དབུས་དམར་གཡས་དཀར་གཡོན་ཞལ་ལྗང་། །སྤྱན་དཀྱུས་རིང་
ཞིང་ཞལ་ཕྲ་བ། །འཛུམ་བཅས་བཞུགས་ལ་ཕྱག་འཚལ་ལོ། །ཁྲོ་ཞལ་ནག་པོ་སྤྱན་གསུམ་
པ། །སྐྲ་བརྫེས་མཆེ་གཙིག་སྨ་ར་སེར། །སྟེང་ཞལ་དམར་པོ་གཙུག་ཏོར་ཅན། །བཅུ་གཅིག་
ཞལ་ལ་ཕྱག་འཚལ་ལོ། །ཆོས་ཉིད་ཐུགས་ཆུད་ཐུགས་ཀར་ཐལ་མོ་སྦྱར། །ཐུགས་རྗེ་རྒྱུན་
མི་འཆད་པའི་བགྲང་ཕྲེང་བསྣམས། །ཡི་དྭགས་བཀྲེས་སྐོམ་སེལ་པའི་མཆོད་སྦྱིན་མཛད།  །
22-1-481

 
ཕྱག་གཡས་འཁོར་ལོ་བསྣམས་ལ་ཕྱག་འཚལ་ལོ། །འཁོར་བའི་འདམ་གྱིས་མ་གོས་པདྨ་
བསྣམས། །རིལ་བ་སྤྱི་བླུགས་ཉོན་མོངས་དྲི་མ་འཁྲུད། །ཐབས་དང་ཤེས་རབ་གཉིས་མེད་
མདའ་གཞུ་འཛིན། །རྣམ་ཐར་བརྒྱད་ལྡན་ཁྱོད་ལ་ཕྱག་འཚལ་ལོ། །རྒྱན་ལྔས་ཀུན་ནས་རབ་
ཏུ་མུན་སེལ་ཞིང་། །སྐུ་མདོག་དཀར་གསལ་རི་དྭགས་པགས་པ་འཛིན། །གཞོན་ནུ་ལང་ཚོ་
ལྡན་པ་འཛུམ་བཅས་བཞུགས། །འགྲོ་བའི་སྡུག་བསྔལ་སེལ་ལ་ཕྱག་འཚལ་ལོ། །ཆོས་སྐུ་
ནམ་མཁའ་བཞིན་དུ་དབྱེར་མེད་ཀྱང་། །གཟུགས་སྐུ་འཇའ་ཚོན་བཞིན་དུ་སོ་སོར་གསལ། །
ཐབས་དང་ཤེས་རབ་མཆོག་ལ་མངའ་བརྙེས་པའི། །རིགས་ལྔ་བདེ་བར་གཤེགས་ལ་ཕྱག་
འཚལ་ལོ། །འཕགས་པ་སེང་གེའི་སྒྲ་དང་ཡིད་བཞིན་ནོར། །པདྨ་ཀར་དབང་ཐུགས་རྗེ་མི་
ཤོལ་དང་། །དོན་ཡོད་ཞག་དང་ཧ་ལ་ཧ་ལ་སྟེ། །སྤྱན་རས་གཟིགས་དབང་རྣམས་ལ་ཕྱག་
འཚལ་ལོ། །པདྨ་རྒྱན་དང་རྡོ་རྗེ་ཆོས་དབང་ཕྱུག །ཧ་རི་ཧ་རི་ལ་ཞོན་མགྲིན་སྔོན་ཏེ། །ཕྱོགས་
བཅུར་བཞུགས་པའི་འཕགས་པ་ཐུགས་རྗེ་ཅན། །སྤྱན་རས་གཟིགས་དབང་རྣམས་ལ་ཕྱག་
འཚལ་ལོ། །ཡེ་ཤེས་བླ་མ་འོད་ཀྱི་ཏོག །དེ་བཞིན་སྨོན་ལམ་བློ་གྲོས་དང་། །དབང་པོ་ཞི་
དང་འཇམ་དབྱངས་ལ། །བདག་ནི་གུས་པས་ཕྱག་འཚལ་ལོ། །འཇམ་དབྱངས་ཕྱག་ན་རྡོ་
རྗེ་སྤྱན་རས་གཟིགས། །ས་ཡི་སྙིང་པོ་སྒྲིབ་པ་རྣམ་པར་སེལ། །ནམ་མཁའི་སྙིང་པོ་བྱམས་
པ་ཀུན་ཏུ་བཟང་། །ཉེ་བའི་སྲས་ཆེན་བརྒྱད་ལ་ཕྱག་འཚལ་ལོ། །ལྷ་དང་ལྷ་མིན་ཅོད་པན་
གྱིས། །ཞབས་ཀྱི་པདྨོ་ལ་བཏུད་ཅིང་། །ཕོངས་པ་ཀུན་ལས་སྒྲོལ་མཛད་མ། །སྒྲོལ་མ་ཡུམ་ལ་
ཕྱག་འཚལ་ལོ། །ཕྱོགས་སྐྱོང་བཅུ་དང་རྒྱལ་ཆེན་བཞི། །གཙང་རིགས་མགོན་པོ་འཁོར་དང་
བཅས། །མགོན་པོ་ལྕམ་བྲལ་ལ་སོགས་པ། །ཆོས་སྐྱོང་རྣམས་ལ་ཕྱག་འཚལ་ལོ། །ཕྱག་བྱར་
འོས་པ་ཐམས་ཅད་ལ། །ཞིང་རྡུལ་ཀུན་གྱི་གྲངས་སྙེད་ཀྱི། །ལུས་བཏུད་པ་ཡིས་རྣམ་ཀུན་ཏུ། །
མཆོག་ཏུ་དད་པས་ཕྱག་འཚལ་ལོ། །
22-1-482


ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །སོགས་ནས། བདེ་བར་གཤེགས་པ་ཐམས་
ཅད་བདག་གིས་བསྟོད། །ཅེས་པས་ཕྱག་བྱས་ལ། མཆོད་པ་འབུལ་བ་ནི། ༀ་སརྦ་ཏ་ཐཱ་ག་ཏ་ཨཱརྱ་ལོ་ཀི་ཤྭ་
ར་ས་པཱ་རི་ཝ་ར་ཨརྒྷཾ་པྲ་ཏཱིཙྪ་སྭཱཧཱ། པདྱཾ་པྲ་ཏཱིཙྪ་སྭཱཧཱ། ཞེས་པ་དང་། ༀ་སརྦ་ཏ་ཐཱ་ག་ཏ་ཨཱརྱ་ལོ་
ཀི་ཤྭ་ར་ས་པཱ་རི་ཝ་ར་བཛྲ་པུཥྤེ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུཾ། ཞེས་པ་དང་། དེ་བཞིན་དུ་
སྔགས་ཀྱི་མགོ་མཇུག་གཉིས་པོ་འོག་མ་རྣམས་ལ་ཡང་སྦྱར་ལ། བཛྲ་དྷཱུ་པེ། བཛྲ་ཨཱ་ལོ་ཀེ། བཛྲ་གནྡྷེ། བཛྲ་ནཻ་
ཝི་ཏྱ། བཛྲ་ཤཔྟ། ཞེས་པའི་བར་དང་། མེ་ཏོག་དམ་བ་ཕྲེང་བ་དམ་པ་དང་། །སོགས་ནས། རྒྱལ་བ་
ཀུན་ལ་ཕྱག་འཚལ་མཆོད་པར་བགྱི། །ཞེས་པ་དང་། དཀྱིལ་འཁོར་ཀུན་ཏུ་རྒྱལ་བ་མཉེས་བྱེད་
པའི། །རིན་ཆེན་མེ་ཏོག་ལ་སོགས་མཆོད་པའི་ཚོགས། །ནམ་མཁའ་ཁྱབ་པར་སེམས་ཀྱིས་
མངོན་སྤྲུལ་ནས། །གཞལ་ཡས་ཁང་དུ་སྤྲིན་བཞིན་བསྟིབས་གྱུར་ཅིག །ཅེས་བརྗོད་ལ། མཎྜལ་ལན་
གསུམ་འབུལ་བ་ནི་གོང་བཞིན་ནམ། རྒྱས་པར་འབུལ་ན། མཎྜལ་དྲི་བཟང་གིས་ཆུས་བྱུགས་ཤིང་། ༀ་བཛྲ་བྷུ་མི་ཨཱཿཧཱུཾ། 
དབང་ཆེན་གསེར་གྱི་ས་གཞི། ༀ་བཛྲ་རེ་ཁེ་ཨཱཿཧཱུཾ། ཕྱི་ལྕགས་རིའི་འཁོར་ཡུག་གིས་བསྐོར་
པའི། དབུས་སུ་ཧཱུཾ་རིའི་རྒྱལ་པོ་རི་རབ། ཤར་ལུས་འཕགས་པོ། ལྷོ་འཛམ་བུ་གླིང་། ནུབ་བ་
ལང་སྤྱོད། བྱང་སྒྲ་མི་སྙན། ལུས་དང་ལུས་འཕགས། རྔ་ཡབ་དང་རྔ་ཡབ་གཞན། གཡོ་ལྡན་
དང་ལམ་མཆོག་འགྲོ། སྒྲ་མི་སྙན་དང་སྒྲ་མི་སྙན་གྱི་ཟླ་བ། རིན་པོ་ཆེའི་རི་བོ། དཔག་བསམ་
གྱི་ཤིང་། འདོད་འཇོའི་བ། མ་རྨོས་པའི་ལོ་ཏོག འཁོར་ལོ་རིན་པོ་ཆེ། ནོར་བུ་རིན་པོ་ཆེ། 
བཙུན་མོ་རིན་པོ་ཆེ། བློན་པོ་རིན་པོ་ཆེ། གླང་པོ་རིན་པོ་ཆེ། རྟ་མཆོག་རིན་པོ་ཆེ། དམག་
དཔོན་རིན་པོ་ཆེ། གཏེར་ཆེན་པོའི་བུམ་པ། སྒེག་མོ་མ། ཕྲེང་བ་མ། གླུ་མ། གར་མ། མེ་ཏོག་
མ། བདུག་སྤོས་མ། མར་མེ་མ། དྲི་ཆབ་མ། ཉི་མ། ཟླ་བ། རིན་པོ་ཆེའི་གདུགས། ཕྱོགས་
ལས་རྣམ་པར་རྒྱལ་བའི་རྒྱལ་མཚན། དབུས་སུ་ལྷ་དང་མིའི་དཔལ་འབྱོར་ཕུན་སུམ་ཚོགས་
པ་མ་ཚངས་པ་མེད་པ་དང་བཅས་པ་འདི་བླ་མ་དང་འཕགས་པ་སྤྱན་རས་གཟིགས་དབང་
22-1-483


ཕྱུག་སངས་རྒྱས་དང་། བྱང་ཆུབ་སེམས་དཔའི་ཚོགས་དང་བཅས་པ་རྣམས་ལ་འབུལ་ལོ། །
ཐུགས་རྗེ་འགྲོ་བའི་དོན་དུ་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། །ཞེས་
པ་དང་། གང་གི་མཆོད་རྫས་ཞིང་ཁམས་རྒྱ་མཚོ་རྒྱ་མཚོའི་རྡུལ་སྙེད་སྣ་ཚོགས་མཆོད་པའི་སྤྲིན་
ཕུང་གིས། །རྣམ་པར་རྒྱན་པའི་རྒྱན་གྱི་འོད་ཟེར་ཕྱོགས་བཅུར་འཕྲོ་བའི་འོད་ཀྱི་རྩེ་མོ་རྒྱ་མཚོ་
ཡི། །རྡུལ་གྱི་གྲངས་སྙེད་རིན་ཆེན་པདྨོ་རིན་ཆེན་འོད་འབྱིན་ཀུན་ནས་རྒྱས་པའི་སྙིང་པོ་ལ། །
ལྷ་དང་མི་ཡི་འདོད་ཡོན་སྨད་ནི་འདོད་དགུའི་དཔལ་འབྱུང་བྱེ་བ་ཕྲག་བརྒྱ་ལེགས་གནས་
པ། །ཀུན་ཏུ་བཟང་པོའི་རྣམ་འཕྲུལ་ཇི་བཞིན་ཀུན་ནས་དགེ་བའི་སེམས་ཀྱི་སྤྲུལ་པའི་མཆོད་
སྤྲིན་འདི། །ཆོས་དབྱིངས་ཇི་བཞིན་ནམ་མཁའི་དབྱིངས་ཀུན་ཀུན་ནས་ཁྱབ་ཅིང་སེམས་ཅན་
དབྱིངས་མཐའ་ཇི་སྲིད་པར། །རྣམ་པར་གནས་ནས་ཆོས་ཀྱི་རྒྱལ་པོ་རྒྱལ་བ་རྒྱལ་སྲས་རང་
རྒྱལ་དགྲ་ལས་རྣམ་རྒྱལ་བས། །ཀུན་ནས་བསྐོར་བའི་དཀྱིལ་འཁོར་ཀུན་ཏུ་རྣམ་པར་མཆོད་
པའི་མཆོད་པ་ཀུན་གྱིས་མཉེས་གྱུར་ཅིག །དེང་ནས་བྱང་ཆུབ་སྙིང་པོའི་བར། །བདག་གི་
ལུས་དང་ལོངས་སྤྱོད་དང་། །དུས་གསུམ་དགེ་བའི་དངོས་པོ་རྣམས། །སེམས་ཅན་ཀུན་གྱི་
དོན་གྱི་ཕྱིར། །གུས་པས་ཁྱེད་ལ་དབུལ་བར་བགྱི། །ཀུན་ནས་གཟིགས་པའི་སྤྱན་ལྡན་པ། །
ཡོན་གནས་དམ་པ་ཁྱེད་རྣམས་ཀྱིས། །བདག་ལ་བརྩེ་བར་ཉེར་དགོངས་ནས། །བདག་གི་
འདི་དག་བཞེས་སུ་གསོལ། །བཞེས་ནས་བྱིན་གྱིས་བརླབ་ཏུ་གསོལ། །ༀ་གུ་རུ་ལོ་ཀི་ཤྭ་ར་
བུདྡྷ་བོ་དྷི་སཏྭ་ས་པཱ་རི་ཝ་ར་རཏྣ་མཎྜལ་པཱུ་ཛ་མེ་གྷ་ས་མུ་དྲ་སྤ་ར་ཎ་ས་མ་ཡེ་ཨཱཿཧཱུཾ། ཞེས་མཎྜལ་
ཕུལ་ལ། 
བཞི་པ་སྡིག་པ་བཤགས་པའི་དེ་ཉིད་ནི། བླ་མ་རྡོ་རྗེ་འཛིན་པ་ཆེན་པོ་ལ་སོགས་པ་ཕྱོགས་བཅུ་
ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་
གསོལ། བདག་མིང་འདི་ཞེས་བགྱི་བས། ཚེ་རབས་འཁོར་བ་ཐོག་མ་མེད་པ་ནས། ད་ལྟའི་
22-1-484


བར་དུ། ཉོན་མོངས་པ་འདོད་ཆགས་དང་། ཞེ་སྡང་དང་། གཏི་མུག་གི་དབང་གིས་ལུས་ངག་
ཡིད་གསུམ་གྱི་སྒོ་ནས། སྡིག་པ་མི་དགེ་བ་བཅུ་བགྱིས་པ་དང་། མཚམས་མེད་པ་ལྔ་བགྱིས་
པ་དང་། དེ་དང་ཉེ་བ་ལྔ་བགྱིས་པ་དང་། སོ་སོར་ཐར་པའི་སྡོམ་པ་དང་འགལ་བ་དང་། བྱང་
ཆུབ་སེམས་དཔའི་བསླབ་བྱ་དང་འགལ་བ་དང་། གསང་སྔགས་ཀྱི་དམ་ཚིག་དང་འགལ་བ་
དང་། དཀོན་མཆོག་གསུམ་ལ་མ་གུས་པ་དང་། ཕ་དང་མ་ལ་མ་གུས་པ་དང་། མཁན་པོ་དང་
སློབ་དཔོན་ལ་མ་གུས་པ་དང་། གྲོགས་ཚངས་པར་མཚུངས་པར་སྤྱོད་པ་རྣམས་ལ་མ་གུས་པ་
དང་། དམ་པའི་ཆོས་སྤངས་པ་དང་། གསུང་རབ་ཀྱི་གླུད་ཟོས་པ་དང་། འཕགས་པའི་དགེ་
འདུན་ལ་སྐུར་བ་བཏབ་པ་ལ་སོགས་པ། མདོར་ན་མཐོ་རིས་དང་ཐར་བའི་གེགས་སུ་གྱུར་
ཅིང་། འཁོར་བ་དང་ངན་སོང་གི་རྒྱུར་གྱུར་པའི་ཉེས་ལྟུང་གི་ཚོགས་ཅི་བགྱིས་པ་དང་། བགྱིད་
དུ་བསྩལ་བ་དང་། བགྱིས་པ་ལ་རྗེས་སུ་ཡི་རང་བ། དེ་དག་ཐམས་ཅད་བླ་མ་རྡོ་རྗེ་འཛིན་པ་
ཆེན་པོ་ལ་སོགས་པ། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་
ཐམས་ཅད་ཀྱི་སྤྱན་སྔར་མཐོལ་ལོ་བཤགས་སོ། །སླན་ཆད་ཀྱང་སྡོམ་པར་བགྱིད་ལགས་
སོ། །ཞེས་ལན་གསུམ། འདོད་ཆགས་ཞེ་སྡང་གཏི་མུག་དབང་གིས་ནི། །སོགས་ནས། དེ་དག་ཐམས་
ཅད་བྱང་ཆུབ་ཕྱིར་བསྔོའོ། །ཞེས་པ་དང་། སེམས་ཅན་བདེ་དང་ལྡན་གྱུར་ཅིག །སེམས་ཅན་སྡུག་
བསྔལ་ཀུན་བྲལ་ནས། །བླ་མེད་བྱང་ཆུབ་མྱུར་ཐོབ་ཤོག །གང་ཡང་བདག་གིས་དུས་ཀུན་
ཏུ། །སྡིག་པར་གྱུར་པ་གང་བགྱིས་པ། །སངས་རྒྱས་སྤྱན་ངར་མཆིས་ནས་ནི། །སྐྲག་པས་
རྨི་འདྲར་འཆགས་བགྱིད་ཅིང་། །དེང་ནས་བརྩམས་ཏེ་འབྱུང་མི་བགྱིད། །དགེ་བ་རྣམས་ལ་
རྗེས་ཡི་རང་། །འཁོར་ལོ་བསྐོར་ཞིང་གསོལ་བ་འདེབས། །སངས་རྒྱས་བྱང་ཆུབ་ཡིད་ཀྱིས་
བཟུང་། །ཐམས་ཅད་བྱང་ཆུབ་མཆོག་ཏུ་བསྔོ། །དེ་ཐོབ་ལམ་ལ་གནས་བགྱིད་ཅིང་། །དམ་པ་
གསུམ་ལ་སྐྱབས་སུ་མཆིའོ། །ཞེས་བརྗོད་དོ། །
22-1-485


ལྔ་པ་ཚུལ་ཁྲིམས་རྣམ་དག་གི་གཟུངས་འདོན་པའི་དེ་ཉིད་ནི་ཆོ་ག་ཕྱི་མ་གཉིས་ཀྱི་སྐབས་འདིར་ཚུལ་ཁྲིམས་རྣམ་དག་དང་
བརྟེན་པའི་གཟུངས་ཉེར་གཅིག་རེ་དང་། ཚུལ་ཁྲིམས་ཀྱི་ཕུང་པོ་ཡོངས་སུ་རྫོགས་པར་གྱུར་ཅིག ཅེས་
སོགས་བརྗོད་ཅིང་། གྲུབ་ན་སྐབས་འདིར་སེམས་བསྐྱེད་རེ་ཡང་ལེན། དེ་ནས་ཚད་མེད་པ་བཞི་བསྒོམ་པ་ནི། སེམས་ཅན་
ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག སྡུག་བསྔལ་དང་སྡུག་བསྔལ་
གྱི་རྒྱུ་ཐམས་ཅད་དང་བྲལ་པར་གྱུར་ཅིག སྡུག་བསྔལ་མེད་པའི་བདེ་བ་དམ་པ་དང་མི་
འབྲལ་བར་གྱུར་ཅིག ཆགས་སྡང་མེད་པའི་བཏང་སྙོམས་ལ་གནས་པར་གྱུར་ཅིག ཞེས་
བརྗོད་དོ། །ཚོགས་ཞིང་རྣམས་རང་བཞིན་གྱི་གནས་སུ་གཤེགས་པར་བསམ་མོ། །
དྲུག་པ་བདག་བསྐྱེད་བསྒོམ་པའི་དེ་ཉིད་ནི། ༀ་སྭ་བྷཱ་ཝས་སྦྱངས། སྟོང་པའི་ངང་ལས་པཾ་ལས་པདྨ་
འདབ་བརྒྱད་ཀྱི་ལྟེ་བར་ཨཱ་ལས་ཟླ་བའི་སྟེང་དུ། ཧྲཱིཿཡིག་འོད་ཀྱི་འཕྲོ་འདུས་ལས་གསེར་
གྱི་པདྨའི་ལྟེ་བར་ཧྲཱིཿས་མཚན་པ་དེ་ལས་འོད་ཟེར་ལྕགས་ཀྱུ་དང་ཞགས་པ་ལྟ་བུ་དཔག་ཏུ་
མེད་པ་འཕྲོས། སངས་རྒྱས་བྱང་སེམས་ཐམས་ཅད་ཐིམ་པ་ཡོངས་སུ་གྱུར་པ་ལས། རང་
ཉིད་འཕགས་པ་སྤྱན་རས་གཟིགས་སྟོན་ཀའི་ཟླ་བ་ལྟར་དཀར་བ། ཞལ་བཅུ་གཅིག་གི་རྩ་
བའི་ཞལ་དཀར་བ། གཡས་ལྗང་བ། གཡོན་དམར་བ། དེའི་སྟེང་གི་ཞལ་གསུམ་ལྗང་དམར་
དཀར་བ། དེའི་སྟེང་གི་ཞལ་གསུམ་དམར་དཀར་ལྗང་བ། དེ་རྣམས་ཞི་བའི་ཞལ་སྒེག་པའི་
རྣམ་པ་ཅན། དེའི་སྟེང་དུ་ཁྲོ་བོའི་ཞལ་ནག་པོ་སྐྲ་སེར་གྱེན་དུ་བརྫེས་པ། དེའི་སྟེང་དུ་སངས་
རྒྱས་འོད་དཔག་མེད་ཀྱི་ཞལ་དམར་པོ་གཙུག་ཏོར་དང་བཅས་པ། རྩ་བའི་ཕྱག་དང་པོ་གཉིས་
ཐུགས་ཀར་ཐལ་མོ་སྦྱར་བ། གཡས་གཉིས་པས་ཕྲེང་བ། གསུམ་པས་མཆོད་སྦྱིན་གྱི་མཐིལ་
ནས་བདུད་རྩིའི་རྒྱུན་འབབས་པས་ཡི་དྭགས་ཀྱི་བཀྲེས་སྐོམ་སེལ་བ། བཞི་པས་འཁོར་ལོ། 
གཡོན་གཉིས་པས་པདྨ་དཀར་པོ་འདབ་མ་བརྒྱད་པ། གསུམ་པས་རིལ་པ་སྤྱི་བླུགས། བཞི་
པས་མདའ་གཞུ་བསྣམས་པ། ཕྱག་ལྷག་མ་དགུ་བརྒྱ་དང་དགུ་བཅུ་རྩ་གཉིས་མཆོད་སྦྱིན་གྱི་
22-1-486


ཕྱག་རྒྱ་རྣམས་པར་བརྐྱང་བ། ཕྱག་ཐམས་ཅད་ཀྱི་མཐིལ་ན་སྤྱན་རེ་རེ་དང་བཅས་པ། ཞབས་
གཉིས་མཉམ་པའི་སྟབས་ཀྱིས་བཞེངས་ཤིང་། རས་གསར་པའི་ཤམ་ཐབས་དང་། རི་དྭགས་
ཀྱི་ལྤགས་པས་ནུ་མ་གཡོན་པ་བཀབ་པ། རིན་པོ་ཆེའི་རྒྱན་ཐམས་ཅད་ཀྱིས་རྣམ་པར་སྤྲས་
པ། མཚན་དཔེ་ཡོངས་སུ་རྫོགས་པ། འོད་ཟེར་དཔག་ཏུ་མེད་པ་འཕྲོ་བའི་སྐུ་ཅན། དཔྲལ་
བར་ༀ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀའི་དབུས་སུ་ཟླ་བའི་སྟེང་དུ་ཧྲཱིཿདེ་ལས་
འོད་ཟེར་འཕྲོས། རང་བཞིན་གྱི་གནས་དང་། ལྷོ་ཕྱོགས་པོ་ཊ་ལ་ནས་འཕགས་པ་སྤྱན་རས་
གཟིགས་ལ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བསྐོར་བ་བཛྲ་ས་མཱ་ཛཿ
ༀ་སརྦ་ཏ་ཐཱ་ག་ཏ་ཨཱརྱ་ལོ་ཀི་ཤྭ་ར་ས་པཱ་རི་ཝ་ར་ཨརྒྷཾ་ནས། ཤཔྟའི་བར་གྱིས་མཆོད། ཛཿཧཱུཾ་བཾ་ཧོཿ
ཡང་འོད་ཟེར་འཕྲོས། དབང་གི་ལྷ་རིགས་ལྔ་བཛྲ་ས་མཱ་ཛཿ ༀ་པཉྩ་ཀུ་ལ་ས་པཱ་རི་ཝ་ར་ཨརྒྷཾ་
ནས། ཤཔྟའི་བར་གྱིས་མཆོད། དེ་བཞིན་གཤེགས་པ་ཐམས་ཅད་ཀྱིས་བདག་ལ་དབང་བསྐུར་དུ་
གསོལ། ཞེས་གསོལ་པ་བཏབ་པའི། ཇི་ལྟར་བལྟམས་པ་ཙམ་གྱིས་ནི། །ཞེས་པ་ནས། ས་མ་
ཡ་ཤྲཱི་ཡེ་ཧཱུཾ། ཞེས་གསུང་ཞིང་དབང་བསྐུར། སྐུ་གང་། དྲི་མ་དག ཆུའི་ལྷག་མ་ཡར་ལུད་པ་
ལས། སྤྱི་བོར་འོད་དཔག་མེད། དཔྲལ་བར་མི་བསྐྱོད་པ། རྣ་བ་གཡས་པར་རིན་ཆེན་འབྱུང་
ལྡན། ལྟག་པར་རྣམ་པར་སྣང་མཛད། རྣ་རྟག་གཡོན་པ་དོན་གྲུབ་ཀྱིས་དབུ་བརྒྱན། 
བདུན་པ་སྙིང་པོ་བཟླ་བའི་དེ་ཉིད་ནི། བཟླས་པའི་དམིགས་པ་གསལ་བཏབ་ལ། ན་མོ་རཏྣ་དྲ་ཡཱ་ཡ། (དཀོན་
མཆོག་གསུམ་ལ་ཕྱག་འཚལ་ལོ།།) ན་མཿ(ཕྱག་འཚལ) ཨཱརྱ་ཛྙཱ་ན་སཱ་ག་ར། (འཕགས་པ་ཡེ་ཤེས་རྒྱ་མཚོའི་ལ་)
བཻ་རོ་ཙ་ན། (ལུས་ཅན་རྣམ་པར་སྣང་མཛད།) བྷུ་ཧ་རཱ་ཛཱ་ཡ། (བཀོད་པའི་རྒྱལ་པོ།) ཏ་ཐཱ་ག་ཏ་ཡ། (དེ་བཞིན་
གཤེགས་པ་) ཨརྷ་ཧ་ཏེ་སམྱཀྶཾ་བུདྡྷ་ཡ། (དགྲ་བཅོམ་པ་ཡང་དག་པར་རྫོགས་པའི་སངས་རྒྱས་) ན་མཿ(ཕྱག་
འཚལ་)སརྦ་(ཐམས་ཅད་)ཏ་ཐཱ་ག་ཏེ་བྷྱཿ (དེ་བཞིན་གཤེགས་པ་རྣམས་ལ་) ཨརྷ་ཏེ་བྷྱཿ (དགྲ་བཅོམ་པ་རྣམས་
ལ་) སམྱཀྶཾ་བུདྡྷ་བྷྱཿ (ཡང་དག་པར་རྫོགས་པའི་སངས་རྒྱས་རྣམས་ལ།) ན་མཿ(ཕྱག་འཚལ།) ཨཱརྱ་ཨ་ཝ་
22-1-487


ལོ་ཀི་ཏེ་ཤྭ་ར་ཡ། (འཕགས་པ་སྤྱན་རས་གཟིགས་དབང་ཕྱུག) བྷོ་དྷི་སཏྭ་ཡ། (བྱང་ཆུབ་སེམས་དཔའ་) མཧཱ་
སཏྭ་ཡ། (ཆེན་པོ་སེམས་དཔའ་ལ།) མཧཱ་ཀ་རུ་ཎི་ཀཱ་ཡ། (ཐུགས་རྗེ་ཆེན་པོ་དང་ལྡན་པ།) ཏདྱ་ཐཱ། (འདི་ལྟ་
སྟེ།) ༀ་དྷ་ར་དྷ་ར། (གཟུང་གཟུང་) དྷི་རི་དྷི་རི། (འཛིན་པ་འཛིན་པ།) དྷུ་རུ་དྷུ་རུ། (འཛིན་པ་འཛིན་པ།)
ཨིཊྚི་(དབང་།) ཝཊྚི། ཙ་ལེ་ཙ་ལེ། (བསྐྱོད་ཅིག་བསྐྱོད་ཅིག) པྲ་ཙ་ལེ་པྲ་ཙ་ལེ། (རབ་ཏུ་བསྐྱོད་ཅིག་རབ་
ཏུ་བསྐྱོད་ཅིག) ཀུ་སུ་མེ་ཀུ་སུ་མེ་ཝ་རེ། (མེ་ཏོག་ཡིན་མེ་ཏོག་གི་མཆོད་པ།) ཨི་ལི་མི་ལི་ཙི་ཏི་ཛྭ་ལ་མ་པ་
ན་ཡེ་སྭཱཧཱ། (ཐབས་ཤེས་བླ་མ་མཆོག་གི་སེམས་ཀྱི་འབར་བ་གཞི་ཚུགས་ཤིག) ཞེས་པ་གཙོ་བོར་བཟླས་པ་ཡིན་ཅིང་། མི་
ནུས་ན་གཟུངས་རིང་ཅུང་ཟད་བཟླས་ནས། ཡིག་དྲུག་གཙོ་བོར་བཟླའོ། །ཐུན་འཇོག་ཁར། ཡེ་ཤེས་པ་མདུན་དུ་བཞུགས་
པ་ལ། ཨརྒྷཾ་ནས། ཤཔྟའི་བར་གྱིས་མཆོད། དུས་གསུམ་བདེ་བར་གཤེགས་པ་ཆོས་ཀྱི་སྐུ། །ཅེས་
སོགས། གཟི་བརྗིད་འོད་དཔག་མེད་ལ་ཕྱག་འཚལ་བསྟོད། །དེ་ནས་འདོད་དོན་གསོལ་པ་བཏབ། ཡིག་
བརྒྱའི་མཐར། བཛྲ་མུཿ ཞེས་གཤེགས་སུ་གསོལ། རང་ཉིད་ཞལ་གཅིག་ཕྱག་གཉིས་པར་གྱུར། དགེ་བ་བསྔོ། ཐུན་
མཚམས་སུ་ཕྱག་མཆོད་སྨོན་ལམ་མདོ་བཀླག་པ་སོགས་གང་འགྲུབ་བྱའོ། །
བརྒྱད་པ་མདུན་བསྐྱེད་བསྒོམ་པའི་དེ་ཉིད་ནི། མཆོད་པ་བྱིན་རླབས་སྤྱི་དང་མཐུན། མདུན་བསྐྱེད་བསངས་སྦྱངས། སྟོང་
པའི་ངང་ལས་རང་གི་སྙིང་ཁའི་ཧྲཱིཿལས་བྷྲུཾ་ཆད་དེ་མདུན་བསྐྱེད་ཀྱི་གནས་སུ་བབས་པ་ལས། 
གཞལ་མེད་ཁང་གྲུ་བཞི་སྒོ་བཞི་རྟ་བབས་བཞི་དང་ལྡན་པ། མཚན་ཉིད་ཐམས་ཅད་ཡོངས་
སུ་རྫོགས་པའི་དབུས་དང་། པདྨ་འདབ་མ་བརྒྱད་པའི་ཕྱོགས་བཞིར་ཟླ་བའི་གདན་རེ་རེ། 
དབུས་སུ་ཧྲཱིཿཡིག་དཀར་པོ་ཡོངས་སུ་གྱུར་པ་ལས། འཕགས་པ་སྤྱན་རས་གཟིགས་སྟོན་ཁའི་
ཟླ་བ་ལྟར་དཀར་པ། ཞེས་པ་ནས། འཕྲོ་བའི་སྐུ་ཅན། ཞེས་པའི་བར་གོང་བཞིན། དེའི་དབུས་གཙུག་ཏུ་
སངས་རྒྱས་འོད་དཔག་མེད་དམར་པོ་མཉམ་བཞག་གི་ཕྱག་རྒྱ་མཛད་པ། ཤར་དུ་ཧཱུཾ་ལས་མི་
བསྐྱོད་པ་སྔོན་པོ་ས་གནོན་གྱི་ཕྱག་རྒྱ་ཅན། ལྷོར་དྲཾ་ལས་རིན་ཆེན་འབྱུང་ལྡན་སེར་པོ་མཆོད་
སྦྱིན་གྱི་ཕྱག་རྒྱ་ཅན། ནུབ་ཏུ་ༀ་ལས་རྣམ་སྣང་དཀར་པོ་བྱང་ཆུབ་མཆོག་གི་ཕྱག་རྒྱ་ཅན། 
22-1-488


བྱང་དུ་ཨཱཿལས་དོན་ཡོད་གྲུབ་པ་ལྗང་གུ་སྐྱབས་སྦྱིན་གྱི་ཕྱག་རྒྱ་ཅན། གཤེགས་པ་གཞན་
གསུམ་གཡོན་མཉམ་བཞག་མཛད་པ། ཐམས་ཅད་ཀྱང་རྡོ་རྗེ་སྐྱིལ་ཀྲུང་གིས་བཞུགས་ཤིང་། 
སངས་རྒྱས་རབ་ཏུ་བྱུང་བའི་ཆ་ལུགས་ཅན་ནོ། །མཚམས་ཀྱི་འདབ་མ་བཞིར་བུམ་པ་བཞི་
གྲུབ་པར་གྱུར། དེ་དག་ཐམས་ཅད་ཀྱི་དཔྲལ་བར་ༀ། ཞེས་པ་ནས། བཛྲ་ས་མཱ་ཛཿ མ་ལུས་
སེམས་ཅན་སོགས། ཤོ་ལོ་ཀ་གསུམ་གྱིས་སྤྱན་དྲངས། ༀ་སརྦ་ཏ་ཐཱ་ག་ཏ་ཨཱརྱ་ལོ་ཀི་ཤྭ་ར་ས་པཱ་རི་ཝ་ར་
ཨརྒྷཾ་སོགས་གོང་བཞིན་བརྗོད། ཞེས་གསུངས་ཤིང་དབང་བསྐུར་བར་གྱུར། ཞེས་བརྗོད་ཅིང་རིགས་བདག་
གི་རྒྱས་གདབ་མི་དགོས་སོ། །དེ་ནས་མཆོད་པ་འབུལ་བ་ནི། སྤྲོ་ན། རབ་འབྱམས་རྒྱ་མཚོ་སོགས་བརྗོད་ཅིང་། བསྡུ་ན། 
ཨརྒྷཾ་ནས། ཤཔྟའི་བར་གྱི་སྔགས་དང་ཕྱག་རྒྱ་ཁོ་ནས་ཆོག བསྟོད་པའང་སྤྲོ་ན་རྒྱས་པ་དང་། བསྡུ་ན་གོང་བཞིན་བསྟོད། 
དགུ་པ་གཟུངས་རིང་འདོན་པའི་དེ་ཉིད་ནི། བདག་མདུན་གཉིས་ཀའི་ཕྱག་འཛུབ་ལས་བདུད་རྩིའི་
རྒྱུན་བབས་པས་བུམ་པ་གང་བར་བསམ་ཞིང་། གཟུངས་རིང་བརྒྱ་རྩ་བརྒྱད་བཟླས་ཏེ། མཆོད་རྫས་དམ་
པ་འདི་དག་དང་། །འཇིག་རྟེན་ཁམས་ཀྱི་མཆོད་རྫས་ཀུན། །ཐམས་ཅད་བློ་ཡི་བླང་ནས་ནི། །
འཕགས་པ་འཁོར་དང་བཅས་ལ་འབུལ། །ཞེས་པས་མཆོད། དུས་གསུམ་བདེ་བར་གཤེགས་པ་
ཆོས་ཀྱི་སྐུ། །ཞེས་སོགས་ཤོ་ལོ་ཀ་གཉིས་ཀྱིས་བསྟོད། 
བཅུ་པ་མཆོད་བསྟོད་ཀྱི་དེ་ཉིད་ནི། བདག་བསྐྱེད་ཀྱི་ཡེ་ཤེས་པ་མདུན་བསྐྱེད་ལ་ཐིམ་པར་དམིགས་ནས། 
ཕྱག་འཚལ་བ་དང་། མཆོད་པ་བསངས་སྦྱངས་གོང་བཞིན་བྱས་ལ། མཆོད་ཡོན་ཕལ་ཆེར་ལ་སོགས་པའི་རྒྱས་པར་
མཆོད་ཏེ། དཀྱིལ་འཁོར་ཀུན་ཏུ་རྒྱལ་བ་མཉེས་བྱེད་པའི། །ཞེས་སོགས་བརྗོད་ནས། མཎྜལ་ལན་གསུམ་
འབུལ། སེམས་ཅན་ཐམས་ཅད་བདེ་དང་ལྡན་གྱུར་ཅིག །ཞེས་པ་ནས། དམ་པ་གསུམ་པ་སྐྱབས་
མཆིའོ། །ཞེས་པའི་བར་བརྗོད། དེ་ནས་རང་གི་སྤྱི་བོར་པད་ཟླའི་སྟེང་དུ། དགེ་སློང་མ་དཔལ་མོ་
རབ་ཏུ་བྱུང་བའི་ཆ་བྱད་ཅན། ཕྱག་གཉིས་ཐུགས་ཀར་ཐལ་མོ་སྦྱར་བས་ངོ་ཆེན་མཛད་པར་
བསམ་སྟེ། པོ་བསྟོད་ཚར་ཉེར་གཅིག་འདོན་པ་ནི། ༈ རྒྱ་གར་སྐད་དུ། ཨཱརྱ་ལོ་ཀི་ཤྭ་རཱ་ཡ། བིཀྵུ་ཤྲཱི་ནི་རི་སྟོད་དྲ་
22-1-489


ནཱ་མ། བོད་སྐད་དུ། འཕགས་པ་འཇིག་རྟེན་དབང་ཕྱུག་ལ་དགེ་སློང་མ་དཔལ་མོས་བསྟོད་པ་ཞེས་བྱ་བ། 
ༀ་འཇིག་རྟེན་མགོན་པོ་ལ་ཕྱག་འཚལ་ལོ། །འཇིག་རྟེན་བླ་མ་སྲིད་པ་གསུམ་གྱིས་བསྟོད་པ་
པོ། །ལྷ་ཡི་གཙོ་བོ་བདུད་དང་ཚངས་པས་བསྟོད་པ་པོ། །ཐུབ་པའི་རྒྱལ་མཆོག་བསྟོད་པས་
གྲུབ་པར་མཛད་པ་པོ། །འཇིག་རྟེན་གསུམ་གྱི་མགོན་པོ་མཆོག་ལ་ཕྱག་འཚལ་ལོ། །བདེ་
གཤེགས་དཔག་མེད་སྐུ་སྟེ་སྐུ་བཟང་འཛིན་པ་པོ། །བདེ་གཤེགས་སྣང་བ་མཐའ་ཡས་དབུ་
རྒྱན་འཛིན་པ་པོ། །ཕྱག་གཡས་མཆོག་སྦྱིན་ཡི་དྭགས་བཀྲེས་སྐོམ་སེལ་པ་པོ། །ཕྱག་གཡོན་
གསེར་གྱི་པདྨས་རྣམ་པར་བརྒྱན་པ་པོ། །དྲི་ཞིམ་རལ་བའི་ཕྲེང་བ་དམར་སེར་འཁྱུག་པ་པོ། །
ཞལ་རས་རྒྱས་པ་ཟླ་བ་ལྟ་བུར་མཛེས་པ་པོ། །སྤྱན་གྱི་པདྨ་མཆོག་ཏུ་བཟང་ཞིང་ཡངས་པ་
པོ། །ཁ་བ་དུང་ལྟར་རྣམ་དཀར་དྲི་ངད་ལྡན་པ་པོ། །དྲི་མེད་འོད་ཆགས་མུ་ཏིག་ཚོམ་བུ་འཛིན་
པ་པོ། །མཛེས་པའི་འོད་ཟེར་སྐྱ་རེངས་དམར་པོས་བརྒྱན་པ་པོ། །པདྨའི་མཚོ་ལྟར་ཕྱག་ནི་
དངར་བར་བྱས་པ་པོ། །སྟོན་གའི་སྤྲིན་གྱི་མདོག་དང་ལྡན་ཞིང་གཞོན་པ་པོ། །རིན་ཆེན་མང་
པོས་དཔུང་པ་གཉིས་ནི་བརྒྱན་པ་པོ། །ལོ་མའི་མཆོག་ལྟར་ཕྱག་མཐིལ་གཞོན་ཞིང་འཇམ་
པ་པོ། །རི་དྭགས་པགས་པས་ནུ་མ་གཡོན་པ་བཀབ་པ་པོ། །སྙན་ཆ་གདུ་བུས་སྒེག་ཅིང་རྒྱན་
རྣམ་འཆང་པ་པོ། །དྲི་མ་མེད་པ་པདྨའི་མཆོག་ལ་གནས་པ་པོ། །ལྟེ་བའི་ངོས་ནི་པདྨའི་འདབ་
ལྟར་འཇམ་པ་པོ། །གསེར་གྱི་སྐ་རག་མཆོག་ལ་ནོར་བུས་སྤྲས་པ་པོ། །ལྟ་ཟུར་དཀྲིས་པའི་
རས་བཟང་ཤམ་ཐབས་འཛིན་པ་པོ། །ཐུབ་པའི་མཁྱེན་མཆོག་མཚོ་ཆེན་ཕ་རོལ་ཕྱིན་པ་པོ། །
མཆོག་བརྙེས་བསོད་ནམས་མང་པོ་ཉེ་བར་བསགས་པ་པོ། །རྟག་ཏུ་བདེ་བའི་འབྱུང་གནས་
རྒ་ནད་སེལ་པ་པོ། །གསུམ་མཐར་མཛད་ཅིང་མཁའ་སྤྱོད་སྤྱོད་པ་སྟོན་པ་པོ། །ལུས་ཅན་
མཆོག་ནི་བདུད་དཔུང་འཁྲུགས་ལས་རྒྱལ་བ་པོ། །གསེར་གྱི་རྐང་གདུབ་སྒྲ་ཡིས་ཞབས་ཡིད་
འོང་བ་པོ། །ཚངས་པའི་གནས་པ་བཞི་ཡིས་དབེན་པར་མཛད་པ་པོ། །ངང་པའི་འགྲོས་འདྲ་
22-1-490


གླང་ཆེན་འགྲོས་ལྟར་གཤེགས་པ་པོ། །ཡོངས་རྫོགས་ཉེ་བར་བསགས་ཤིང་བསྟན་ལ་གཉེར་
པ་པོ། །འོ་མའི་མཚོ་དང་ཆུ་ཡི་མཚོ་ལས་སྒྲོལ་པ་པོ། །གང་ཞིག་རྟག་ཏུ་ཐོ་རངས་ལངས་
ནས་གུས་པ་ཡིས། །སྤྱན་རས་གཟིགས་ཀྱི་དབང་པོ་ཡིད་ལ་སེམས་བྱེད་ཅིང་། །བསྟོད་པའི་
མཆོག་འདིས་དག་ཅིང་གསལ་བར་བསྟོད་བྱས་ན། །དེ་ནི་སྐྱེས་པའམ་ནི་བུད་མེད་ཡིན་ཡང་
རུང་། །སྐྱེ་བ་འདི་འམ་མ་འོངས་སྐྱེ་བ་ཐམས་ཅད་དུ། །འཇིག་རྟེན་འཇིག་རྟེན་ལས་འདས་
དགོས་པ་ཀུན་འགྲུབ་འགྱུར། །ཨཱརྱ་ཨ་ཝ་ལོ་ཀི་ཏེ་ཤྭ་ར་བིཀྵུ་ཤྲཱི་ནི་རི་ལི་ཁ་ར་ཤིང་འཕེལ་གྱིས་དྲུང་
དུ་བསྟོད་པའོ། །ཞེས་བརྗོད། 
བཅུ་གཅིག་པ་གསོལ་བ་གདབ་པའི་དེ་ཉིད་ནི། ཐུགས་རྗེ་ཆེན་པོ་སྤྱན་རས་གཟིགས་ལ་ཕྱག་འཚལ་
ལོ། །བདག་གིས་ཆོས་ཉིད་ཀུན་ཏུ་མྱུར་དུ་ཆུད་གྱུར་ཅིག །ཐུགས་རྗེ་ཆེན་པོ་སྤྱན་རས་
གཟིགས་ལ་ཕྱག་འཚལ་ལོ། །བདག་གིས་ཤེས་རབ་སྤྱན་ནི་མྱུར་དུ་ཐོབ་གྱུར་ཅིག །ཐུགས་
རྗེ་ཆེན་པོ༴ བདག་གིས་སེམས་ཅན་ཐམས་ཅད་མྱུར་དུ་སྒྲོལ་གྱུར་ཅིག །ཐུགས་རྗེ༴ བདག་
གིས་ཐབས་ལ་མཁས་པ་མྱུར་དུ་ཐོབ་གྱུར་ཅིག །ཐུགས་རྗེ༴ བདག་ནི་ཤེས་རབ་གྲུ་རུ་མྱུར་
དུ་ཞུགས་གྱུར་ཅིག །ཐུགས་རྗེ༴ བདག་ནི་སྡུག་བསྔལ་མཚོ་ལས་མྱུར་དུ་བརྒལ་གྱུར་ཅིག །
ཐུགས་རྗེ༴ བདག་གིས་ཚུལ་ཁྲིམས་ལམ་ལ་མྱུར་དུ་རྫོགས་གྱུར་ཅིག །ཐུགས་རྗེ༴ བདག་
གིས་མྱང་འདས་རི་ལ་མྱུར་དུ་འཛེགས་གྱུར་ཅིག །ཐུགས་རྗེ༴ བདག་གིས་འདུས་མ་བྱས་ཀྱི་
ཁང་པར་མྱུར་དུ་འདུས་གྱུར་ཅིག །ཐུགས་རྗེ་ཆེན་པོ༴ བདག་གིས་མྱུར་དུ་ཆོས་ཉིད་སྐུ་དང་
མཐུན་གྱུར་ཅིག །གལ་ཏེ་བདག་གིས་མཚོན་གྱི་རི་ལ་ཕྱོགས་གྱུར་ན། །མཚོན་གྱི་རི་ནི་རབ་ཏུ་
ཞིག་ཅིང་བརྙིལ་གྱུར་ཅིག །གལ་ཏེ་བདག་གིས་ཆུ་ཚན་ཟངས་ལ་ཕྱོགས་གྱུར་ན། །མེ་དང་ཆུ་
ཚན་རབ་ཏུ་ཞི་ཞིང་མེད་གྱུར་ཅིག །གལ་ཏེ་བདག་གིས་སེམས་ཅན་དམྱལ་བར་ཕྱོགས་གྱུར་
ན། །སེམས་ཅན་དམྱལ་བ་ཞི་ཞིང་སྡུག་བསྔལ་ཞི་གྱུར་ཅིག །གལ་ཏེ་བདག་གིས་ཡི་དྭགས་
22-1-491


བཀྲེས་ལྟོག་ཕྱོགས་གྱུར་ན། །ཡི་དྭགས་ལྟོག་པ་རབ་ཏུ་འགྲངས་གྱུར་ཅིག །གལ་ཏེ་བདག་
གིས་ལྷ་མ་ཡིན་དུ་ཕྱོགས་གྱུར་ན། །ལྷ་མ་ཡིན་གྱི་ངན་སེམས་ཡོངས་སུ་ཞི་གྱུར་ཅིག །གལ་
ཏེ་བདག་གིས་བྱོལ་སོང་རྒྱུད་དུ་ཕྱོགས་གྱུར་ན། །བདག་གིས་ཤེས་རབ་ཆེན་པོའི་རང་བཞིན་
ཐོབ་གྱུར་ཅིག །ཅེས་པ་དང་། འཕགས་པ་སྤྱན་རས་གཟིགས་འཇིག་རྟེན་དབང་ཕྱུག་དགོངས་སུ་
གསོལ། །ཕན་བདེའི་འབྱུང་གནས་བདེ་བར་གཤེགས་པའི་བསྟན་པ་དར་ཞིང་རྒྱས་པར་བྱིན་
གྱིས་བརླབ་ཏུ་གསོལ། །བསྟན་པའི་རྩ་ལགས་སྐྱེས་བུ་དམ་པ་རྣམས་སྐུ་ཚེ་རིང་ཞིང་འགྲོ་དོན་
འཕེལ་བར་བྱིན་གྱིས་བརླབ་ཏུ་གསོལ། །སེམས་ཅན་ཐམས་ཅད་བདེ་ཞིང་དམ་པའི་ཆོས་
སྤྱོད་པར་བྱིན་གྱིས་བརླབ་ཏུ་གསོལ། །བྱམས་པ་དང་སྙིང་རྗེ་བྱང་ཆུབ་ཀྱི་སེམས་འབྱོང་བར་
བྱིན་གྱིས་བརླབ་ཏུ་གསོལ། །ཞི་གནས་དང་ལྷག་མཐོང་ཟུང་དུ་འབྲེལ་པའི་ཏིང་ངེ་འཛིན་
རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། །ཤེས་བྱ་ཇི་ལྟ་བ་དང་ཇི་སྙེད་པ་རྟོགས་པའི་ཤེས་
རབ་ཁྱད་པར་ཅན་རྒྱུད་ལ་སྐྱེ་བར་བྱིན་གྱིས་བརླབ་ཏུ་གསོལ། །མདོར་ན་ཚོགས་རྫོགས་སྒྲིབ་
པ་བྱང་ནས་མྱུར་དུ་མངོན་པར་རྫོགས་པར་འཚང་རྒྱ་བར་བྱིན་གྱིས་བརླབ་ཏུ་གསོལ། །ཞེས་
གསོལ་བ་གདབ་པོ། །
བཅུ་གཉིས་པ་གཏོར་མ་བཏང་བའི་དེ་ཉིད་ནི། གཏོར་མ་རྣམས། ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་
པའི་ངང་ལས་བྷྲུཾ་ལས་བྱུང་བའི་རིན་པོ་ཆེའི་སྣོད་ཡང་ཤིང་རྒྱ་ཆེ་བའི་ནང་དུ་ཧཱུཾ་ལས་གཏོར་མ་
བདུད་རྩིའི་རྒྱ་མཚོར་གྱུར། ༀ་ཨཱཿཧཱུཾ། ལན་གསུམ་གྱིས་བྱིན་གྱིས་བརླབས་ལ། ༀ་ཨཱརྱ་ཨ་ཝ་ལོ་ཀི་ཏེ་
ཤྭ་ར་ཨེ་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་པ་ལན་གསུམ་གྱིས་ཕུལ། ཨརྒྷཾ་ནས། ཤཔྟའི་བར་གྱིས་མཆོད། 
སྐྱོན་གྱི་མ་གོས་སོགས་ཀྱི་བསྟོད། མཆོད་སྦྱིན་གཏོར་མ་ནས། ཀུན་འགྲུབ་ཤོག མཆོད་སྦྱིན་
གྱི་གཏོར་མ་རྒྱ་ཆེན་པོ་འདི་ཉིད་བླ་མ་རྣམས་དང་། ཐུགས་རྗེ་ཆེན་པོའི་ལྷ་ཚོགས་སངས་རྒྱས་
དང་བྱང་ཆུབ་སེམས་དཔའི་ཚོགས་ཐམས་ཅད་ལ་འབུལ་ལོ། །སེམས་ཅན་ཐམས་ཅད་ལ་
22-1-492


མཆོག་དང་ཐུན་མོང་གི་དངོས་གྲུབ་མ་ལུས་བསྩལ་དུ་གསོལ། ཅེས་པ་དང་། 
གཉིས་པ། ཨ་ཀཱ་རོ་སོགས། ཞེས་པ་ལན་གསུམ་མམ་བདུན་གྱི་ཕུལ། ཨརྒྷཾ་སོགས་ཀྱིས་མཆོད། མཆོད་སྦྱིན་
གྱི་གཏོར་མ་རྒྱ་ཆེན་པོ་འདི་ཉིད་མཁའ་འགྲོ་ཆོས་སྐྱོང་སྲུང་མའི་ཚོགས་ཐམས་ཅད་ལ་འབུལ་
ལོ། །དམ་པའི་ཆོས་བསྒྲུབ་པ་རྣམས་ཀྱི་འགལ་རྐྱེན་ཐམས་ཅད་ཞི་ཞིང་མཐུན་རྐྱེན་ཐམས་
ཅད་ཆོས་ལྡན་ཡིད་བཞིན་དུ་འགྲུབ་པའི་འཕྲིན་ལས་མཛད་དུ་གསོལ། ཞེས་པ་དང་། 
གསུམ་པ་ཡང་། ཨ་ཀཱ་རོ་གསུམ་མམ་བདུན་གྱིས་ཕུལ། མཆོད་སྦྱིན་གྱི་གཏོར་མ་རྒྱ་ཆེན་པོ་འདི་
ཉིད་གནས་བདག་གཞི་བདག་རྣམས་ལ་འབུལ་ལོ། །བདག་ཅག་འཁོར་དང་བཅས་པ་
རྣམས་ལ་འགྲོ་སྡོད་ལ་རུ་ང་དང་ཕྲག་དོག་མ་མཛད། གཞི་ཐམས་ཅད་ཆོས་ལྡན་དུ་སྐྱོང་བའི་
འཕྲིན་ལས་མཛད་དུ་གསོལ། ཞེས་བརྗོད་དོ། །
བཅུ་གསུམ་པ་ཁྲུས་ཀྱི་དེ་ཉིད་ནི། མེ་ལོང་ལ་ལྷའི་གཟུགས་བརྙན་ཤར་བ་ལ། བུམ་པ་གཞན་ཞིག་གིས་ཆུ་བླུག་ཅིང་། 
འགྲོ་བའི་སྒྲོན་མེ་སྤྱན་རས་གཟིགས་དབང་ལ། །དྲི་ཞིམ་བདུད་རྩིའི་རྒྱུན་གྱིས་ཁྲུས་གསོལ་
བ། །འགྲོ་བའི་སྒྲིབ་གཉིས་དྲི་མ་ཀུན་བསལ་ནས། །དྲི་བྲལ་སྐུ་གསུམ་བརྙེས་པའི་བཀྲ་ཤིས་
ཤོག །དེ་བཞིན་གཤེགས་དང་དེ་ཡི་སྲས་རྣམས་ལ། །རིན་ཆེན་བུམ་པ་མང་པོ་སྤོས་ཀྱི་ཆུས། །
ཡིད་འོང་ལེགས་པར་བཀང་བའི་གླུ་དང་ནི། །རོལ་མོར་བཅས་པ་དུ་མའི་སྐུ་ཁྲུས་གསོལ། །
ༀ་སརྦ་ཏ་ཐཱ་ག་ཏ་ལོ་ཀི་ཤྭ་ར་ས་པཱ་རི་ཝ་ར་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཞེས་ཁྲུས་གསོལ། 
དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །ༀ་སརྦ་ཏ་
ཐཱ་ག་ཏ་ལོ་ཀི་ཤྭ་ར་ས་པཱ་རི་ཝ་ར་ཀ་ཡ་བི་ཤྭ་དྷ་ན་ཡེ་སྭཱཧཱ། ཞེས་སྐུ་ཕྱིའོ། །དེ་ནས་དེ་ལ་ཁ་དོག་
ལེགས་བསྒྱུར་པས། །ན་བཟའ་ཤིན་ཏུ་དྲི་ཞིམ་ཡིད་འོང་ལྡན། །གོས་བཟང་སྲབ་ལ་འཇམ་པ་
སྣ་ཚོགས་པ། །འཇིག་རྟེན་དབང་ཕྱུག་སོགས་ལ་དབུལ་པར་བགྱི། །ༀ་སརྦ་ཏ་ཐཱ་ག་ཏ་ལོ་ཀི་
ཤྭ་ར་ས་པཱ་རི་ཝ་ར་བཛྲ་ཝསྟྲ་ཡེ་ཨཱཿཧཱུཾ། ཞེས་གོས་ཟུང་འབུལ་ལོ། །
22-1-493


བཅུ་བཞི་པ་བསྔོ་བའི་དེ་ཉིད་ནི། བདག་གི་དགེ་བའི་ལས་རྣམས་འདི་དག་གིས། །འཇིག་རྟེན་
འདིར་ནི་མྱུར་དུ་སངས་རྒྱས་ཤོག །འགྲོ་ལ་ཕན་ཕྱིར་ཆོས་རྣམས་སྟོན་བྱེད་ཅིང་། །སེམས་
ཅན་སྡུག་བསྔལ་མང་གཟིར་མྱུར་སྒྲོལ་ཤོག །སྐྱེ་ཞིང་སྐྱེ་བ་དག་ནི་ཐམས་ཅད་དུ། །རིགས་
བཟང་བློ་གསལ་ང་རྒྱལ་མེད་པ་དང་། །སྙིང་རྗེ་ཆེ་ཞིང་བླ་མ་ལ་གུས་ལྡན། །སྤྱན་རས་
གཟིགས་ཀྱི་དམ་ཚིག་ལ་གནས་ཤོག །སྤྱན་རས་གཟིགས་དབང་ཁྱེད་སྐུ་ཇི་འདྲ་དང་། །སོགས། 
འགྱུར་བར་ཤོག །བྱང་ཆུབ་སེམས་མཆོག་རིན་པོ་ཆེ། །ཞེས་སོགས། གོང་ནས་གོང་དུ་འཕེལ་
པར་ཤོག །གཞན་ཡང་སྐྱེ་བ་འདི་ཉིད་དུ། །ཞེས་སོགས། རྟག་ཏུ་བདེ་དང་ལྡན་གྱུར་ཅིག །སངས་
རྒྱས་སྐུ་གསུམ་བརྙེས་པའི་བྱིན་རླབས་དང་། །ཞེས་སོགས། སྨོན་ལམ་འགྲུབ་གྱུར་ཅིག །ཅེས་བསྔོ་
བ་སྨོན་ལམ་བྱས་ལ། ༀ་པདྨ་སཏྭ་ས་མ་ཡ། མ་ནུ་པཱ་ལ་ཡ། པདྨ་སཏྭ་ཏྭེ་ནོ་པ་ཏིཥྛ། ཌི་ཌྷོ་མེ་བྷ་ཝ། 
སུ་ཏོ་ཥྱོ་མེ་བྷ་ཝ། སུ་པོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་
ཙ་མེ། ཙིཏྟཾ་ཤྲི་ཡཾ་ཀུ་རུ་ཧཱུཾ། ཧ་ཧ་ཧ་ཧ་ཧོཿ བྷ་ག་ཝན། སརྦ་ཏ་ཐཱ་ག་ཏ། པདྨ་མཱ་མེ་མུཉྩ། པདྨ་
བྷ་ཝ། མཧཱ་ས་མ་ཡ་སཏྭ་ཨཿ ཞེས་ལན་གསུམ་བརྗོད་དོ། །
བཅོ་ལྔ་པ་བཟོད་པར་གསོལ་བའི་དེ་ཉིད་ནི། བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ་
བདག་ལ་དགོངས་སུ་གསོལ། །བདག་ཅག་ལས་དང་པོ་པར་གྱུར་པའི་བྱིང་བ་དང་རྒོད་པའི་
དབང་གིས། ཏིང་ངེ་འཛིན་མི་གསལ་བ་དང་། སྔགས་མ་དག་པ་དང་། ཆོ་ག་ལྷག་ཆད་དུ་
གྱུར་པ་དང་། གཙང་སྦྲ་ཆུང་བ་ལ་སོགས་པ་ཐམས་ཅད། འཕགས་པ་ཐུགས་རྗེ་ཆེན་པོ་དང་
ལྡན་པ་ཁྱེད་རྣམས་ལ་བཟོད་པར་གསོལ་གྱིས་བདག་ཅག་ལ་སྒྲིབ་པར་མི་འགྱུར་བར་མཛད་
དུ་གསོལ། ཞེས་བརྗོད་དོ། །
བཅུ་དྲུག་པ་ཁྲུས་བྱས་ཏེ་ཉེ་བར་བསྡུ་པའི་དེ་ཉིད་ནི། ༀ་མ་ཎི་པདྨེ་ཧཱུཾ། ཞེས་བརྗོད་པས། མདུན་གྱི་ནམ་
མཁར་འཕགས་པ་ཡི་གེ་དྲུག་མ་བྱོན་ཏེ། ཕྱག་ནས་བདུད་རྩིའི་རྒྱུན་རང་གི་སྤྱི་བོ་ནས་བླུག་
22-1-494


པར་བསམ་ཞིང་། ཁྲུས་བྱས་པས། དང་པོས་ཉོན་སྒྲིབ་དག གཉིས་པས་ཤེས་སྒྲིབ་དག གསུམ་པས་སྐྱེ་མེད་ཆོས་སྐུ་མངོན་
དུ་གྱུར་པར་བསམ་ཞིང་། མཐར་ཡི་གེ་དྲུག་པ་རང་ལ་བསྡུའོ། །དེ་ལྟར་སྦྱོར་དངོས་གཉིས་ལ་ཆོ་ག་ཚར་གསུམ་གསུམ་བྱ་དགོས་
པའི་དང་པོ་གཉིས་ལ་ཁྲུས་བྱས། གསོ་སྦྱོང་བླང་ནས་ཆོ་ག་ཚར་རེ་རེ་བྱེད། དེ་ནས་གསོ་སྦྱོང་མ་གཏོགས་པ་དང་པོའི་ཁྲུས་བྱས་
ནས་མཇུག་གི་ཁྲུས་ཀྱི་བར་ཆོ་ག་ཚང་བ་ཚར་གཉིས་གཉིས་བྱེད། སྦྱོར་བའི་ཉིན་དཀར་གསུམ་ལ་བརྟེན་པའི་གདན་གཅིག་བྱ། 
ཟས་ངན་པ་ཤ་ཆང་། སྒོག་ཙོང་། ཀུན་དངོས། ཀའུ། ལྷག་མ། སྦགས་པ། ཏིལ། སྲན་མ། ལ་ཕུག བདེ་བྱེད་ལ་བྱིན་པའི་ལྷག་མ་
དེ་རྣམས་དང་འདྲེས་པ་དང་། རང་གི་ཁ་འཕྲོ་རྣམས་སྤངས། སྣོད་འཁར་བ་དང་། ལོ་མ་དང་། ལག་མཐིལ་རྣམས་སུ་མི་ཟ། ཕྱི་དྲོ་
ཇ་དང་བུ་རམ་ལྟ་བུ་རྟེན་རུང་། དངོས་གཞིའི་ཉིན་ཐོ་རངས་ནམ་གཉིད་སད་པ་ནས་སྨྲ་བཅད། འབྲུ་ཉག་གཅིག་གམ། ཆུ་ཐིགས་
གཅིག་གི་ཀྱང་བཟའ་བཏུང་མི་བྱ། ཉལ་བ་དང་ཁྲུས་བྱེད་པ་མ་གཏོགས་མཐང་གོས་མི་སྤངས། ཐུན་མཚམས་རྣམས་སུ་ཡང་ལྷའི་ང་
རྒྱལ་དང་ལྡན་པའི། ལུས་ངག་ཡིད་གསུམ་དགེ་བ་ཁོ་ན་ལ་བཀོད། མཚན་མོ་ཉལ་བའི་ཚེ་ཡང་། རང་གི་ལྷའི་རྣལ་འབྱོར་བསྡུས་ཏེ། 
བདག་བསྲུང་བ་བྱས་ལ། སེངྒེའི་ཉལ་སྟབས་ཀྱིས་ཉལ། སང་སྐྱ་རེངས་ཤར་ནས་ཐོར་ཐུག་གསོལ་བ་ཕྱག་ལེན་ལ་ཡོད། 
དེ་ནས་རྗེས་ཆོག་ལ། གསོ་སྦྱོང་མ་གཏོགས་པའི་ཆོ་ག་ཚར་གཅིག་བྱ། དེ་ནས་བརྟན་བཞུགས་ནི། ལག་ཏུ་མེ་ཏོག་བཟུང་
ལ། འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་དང་ལྡན་པའི་ལྷ་ཚོགས་
རྣམས་བདག་ལ་དགོངས་སུ་གསོལ། ཇི་སྲིད་ནམ་མཁའི་མཐའ་དང་མཉམ་པའི་སེམས་
ཅན་གྱི་ཁམས་རྣམས་མི་གནས་པའི་མྱ་ངན་ལས་འདས་པའི་ས་ལ་མ་ཞིག་གི་བར་དུ་བརྟན་
པར་བཞུགས་སུ་གསོལ། བྱེ་ཕྲག་ཏུ་ཡང་བདེ་བར་གཤེགས་པའི་སྐུ་གསུང་ཐུགས་ཀྱི་རྟེན་
འདི་རྣམས་འབྱུང་བ་བཞིའི་གནོད་པའི་མ་ཞིག་གི་བར་དུ་ཡེ་ཤེས་སེམས་དཔའ་རྣམས་
བརྟན་པར་བཞུགས་ནས། འགྲོ་བ་ལྷ་དང་མི་རྣམས་ཀྱི་མགོན་སྐྱབས་དཔུང་གཉེན་དམ་པ་
མཛད་དུ་གསོལ། ༀ་སུ་པྲ་ཏིཥྛ་བཛྲ་ཡེ་སྭཱཧཱ། ཞེས་མེ་ཏོག་འཐོར་ཞིང་བརྟན་བཞུགས་བྱ། རྟེན་མི་བཞུགས་ན། 
ཐུགས་རྗེའི་ཕྱག་ན་པདྨ་ཡིས། །ཡིད་ཀྱི་པདྨ་ཁ་ཕྱེ་ནས། །རིན་པོ་ཆེ་ལྟར་གཤེགས་ནས་ཀྱང་། །
ཚུར་བྱོན་ཐུགས་རྗེ་ཆེན་པོ་མུཿ །ཞེས་མདུན་བསྐྱེད་ཀྱི་ཡེ་ཤེས་པ་རང་བཞིན་གྱིས་གནས་སུ་
22-1-495


གཤེགས། དམ་ཚིག་པ་བདག་ལ་བསྡུ། ༀ་ཨཱཿཧཱུཾ། གིས་གནས་གསུམ་བསྲུང་ཞིང་། རྡུལ་ཚོན་དང་མེ་ཏོག་
གི་ཚོམ་བུ་རྣམས་བསྡུས་ཏེ། རྒྱ་མཚོར་འབབ་པའི་ཆུ་ལ་གདན་འདྲེན། བདག་བསྐྱེད་ཀྱི་ཞལ་ཕྱག་རྣམས་རྩ་བའི་ཞལ་ཕྱག་ལ་
བསྡུས་ཏེ་ཞལ་གཅིག་ཕྱག་གཉིས་པར་བསྒོམ། བུམ་ཆུས་གཞན་ལ་ཁྲུས་བྱ། དེ་ལྟར་ས་ག་ཟླ་བ་ཆེན་པོ་ནས་མགོ་བརྩམས་ཏེ། 
ཚེས་བདུན་ནམ་བཅུ་བཞི་ལ་སྦྱོར་བ། ཚེས་བརྒྱད་དམ་བཅོ་ལྔ་ལ་དངོས་གཞི། དགུའམ་བཅུ་དྲུག་ལ་རྗེས་ཆོག་བྱ་ཞིང་། བསྙེན་
པའི་སྐབས་སུ་བཟླས་པ་བར་མ་ཆད་པར་བརྒྱ་དང་བརྒྱད་ཡན་ཆད་ཅི་ཙམ་གྲུབ་པ་ལ་འབད་དོ། །
དེའི་ཕན་ཡོན་ནི་བསམ་གྱིས་མི་ཁྱབ་སྟེ། འཕགས་པ་ཉིད་ཀྱི་ཞལ་ནས། བཅོམ་ལྡན་འདས་བདག་གི་སྙིང་པོ་འདི་ནི། དེ་
ལྟར་རྫུ་འཕྲུལ་ཆེ་བ་ལགས་སོ། །ལན་གཅིག་བརྗོད་པའི་རྩ་བའི་ལྟུང་བ་བཞི་པོ་དག་ཀྱང་བྱང་བར་འགྱུར། མཚམས་མ་མཆིས་
པ་ལྔ་པོ་དག་ཀྱང་མ་ལུས་པར་བྱང་བར་འགྱུར་རོ། །ཇི་སྐད་བཤད་པ་བཞིན་དུ་ནན་ཏན་བགྱིས་པ་ལྟ་སྨོས་ཀྱང་ཅི་འཚལ། དེ་
དག་ལ་ནི་སངས་རྒྱས་བྱེ་བ་ཁྲག་ཁྲིག་འབུམ་ཕྲག་དུ་མ་ལས་དགེ་བའི་རྩ་བ་བསྐྱེད་པར་འགྱུར་བ་ལགས་ན། བཟླས་བརྗོད་
བགྱིས་པ་དང་། བསྒྲུབ་པ་ལྟ་སྨོས་ཀྱང་ཅི་འཚལ་ཏེ། བསམ་པ་ཐམས་ཅད་ཡིད་བཞིན་དུ་ཡོངས་སུ་རྫོགས་པར་འགྱིའོ། །ཞེས་
པ་དང་། བསྙུང་བར་གནས་པ་ལན་གཅིག་གིས་ཀྱང་། བསྐལ་པ་བརྒྱད་ཁྲིའི་འཁོར་བ་ཕྱིར་བསྙིལ་བ་ལ་སོགས་པར་གསུངས་
སོ། །བཅུ་གཅིག་ཞལ་གྱི་བསྙུང་བར་གནས་པའི་ཆོ་ག་དངོས་གཞི་རྗེ་ཀུན་མཁྱེན་ཏཱ་ར་ནཱ་ཐས་མཛད་པ་ལ། ཡན་ལག་རྣམས་ཇོ་
གདན་བསོད་ནམས་བཟང་པོའི་མཛད་པས་ཁ་བསྐང་བའོ། །འདི་ནི་དགེ་སློང་མ་དཔལ་མོས་མཛད་པའི་གཞུང་དང་། རྒྱལ་བའི་
སྲས་པོ་ཆགས་མེད་བཟང་པོ་དཔལ་དང་། ཆོས་རྗེ་གཉག་ཆེན་པ་ལ་སོགས་པའི་བཅུ་གཅིག་ཞལ་གྱི་བསྙུང་གནས་སྐུ་ཉམས་སུ་
བཞེས་ཤིང་། གྲུབ་པ་བརྙེས་པ་རྣམས་ཀྱི་ཕྱག་ལེན་འགལ་འཁྲུལ་མེད་པའོ། །
རྣལ་འབྱོར་མ་དཔལ་ཀུ༵ན་གྱི་གཙོ། །དཔལ་མོའི་བཞེད་གཞུང་རབ་དག༵འ་བ། །ཚིག་ཚོགས་མང་པོའི་ཆོ་ག་ལས། །སྙི༵ང་
པོ༵་དྲིལ་པ་འདི་ཙམ་ལགས། །
འཕགས་པ་སྤྱན་རས་གཟིགས་བཅུ་གཅིག་ཞལ་དཔལ་མོའི་ལུགས་ཀྱི་སྒྲུབ་ཐབས་ཀྱི་ལེ་ཚན་ནོ།། །།དར་རྒྱས་འཕེལ། 
སརྦ་མངྒ་ལཾ། བཀྲ་ཤིས།