11-1-1


ཇོ་ནང་ཆོས་མཛོད་ཆེན་མོ་ལས། 
རྗེ་བཙུན་ཏཱ་ར་ནཱ་ཐའི་གསུང་འབུམ། 
༼ད༽
11-1-2


11-1-3


11-1-4


11-1-5


དཀར་ཆག
དགྱེས་པ་རྡོ་རྗེའི་ལག་ལེན་གསལ་བར་བྱེད་པ་དཔལ་ཧེ་རུ་ཀ་དགྱེས་པར་བྱེད་པ། ༣༥
དཔལ་ཀྱཻ་རྡོ་རྗེའི་སྒྲུབ་ཐབས་གོང་མའི་གསུང་གི་རྗེས་འབྲང༌། ༡༧ (བི་རཱུ་པའི་ལུགས།)
དགྱེས་པ་རྡོ་རྗེའི་དཀྱིལ་འཁོར་གྱི་ཆོ་ག་བི་རཱུ་པའི་མན་ངག་གོང་མའི་གསུང་གི་རྗེས་སུ་འབྲང་བ། ༣༦
དགྱེས་རྡོར་གྱི་རྫོགས་རིམ་ལྷན་ཅིག་སྐྱེས་པའི་རྣལ་འབྱོར་ཞེས་བྱ་བའི་འགྲེལ་པ། ༢༥ (འདིའི་འཕྲོ་རྟག་བརྟན་སྤར་མ་ལ་མེད་
ཅིང་མ་ཕྱི་གཞན་མ་རྙེད།)
དཔལ་དགྱེས་པའི་རྡོ་རྗེའི་མན་ངག་སྦས་པ་མིག་འབྱེད། ༡-༩
བླ་མ་ཧེ་རུ་ཀ་ལ་ཕྱག་འཚལ་ལོ། །ཟླ་འོད་ཉི་འོད་ཅེས་པ། ༩-༡༡
ཀྱཻ་རྡོ་རྗེའི་རྫོགས་རིམ་སྒྲོན་མ་གཅིག་པའི་ཁྲིད་ཡིག་ཡེ་ཤེས་རབ་གསལ། ༡༡-༡༣
དཔལ་དགྱེས་པ་རྡོ་རྗེའི་རྫོགས་རིམ་དེ་ཉིད་བཞི་ལྡན་གྱི་ཁྲིད་ཡིག་སྙིང་པོ་གསལ་བ། ༡-༩
ཕྱག་རྒྱ་བཞིའི་སྙིང་པོའི་བྱིན་རླབས། ༩-༡༢
དགྱེས་རྡོར་མར་ལུགས་ཀྱི་ཁྲིད་ཡིག་འཁྲུལ་མེད་ངེས་གསང༌། ༣༦
ཕྱག་རྒྱ་བཞི་པའི་སྙིང་པོའི་མན་ངག་རབ་གསལ་ངེས་དོན་སྙིང་པོ། ༡-༦
ཕྱག་རྒྱ་བཞི་པའི་སྙིང་པོའི་ཊཱི་ཀ ༦-༡
དཔལ་མཧཱ་མཱ་ཡའི་དཀྱིལ་འཁོར་གྱི་སྒྲུབ་ཐབས་རིན་ཆེན་མྱུ་གུ། ༨
དཔལ་མཧཱ་མཱ་ཡའི་དཀྱིལ་འཁོར་གྱི་ཆོ་ག་རིན་ཆེན་སྒྲོན་མེ། ༢༣
དཔལ་སྒྱུ་འཕྲུལ་ཆེན་མོའི་ཁྲིད་ཡིག་རྒྱལ་བའི་ལམ་བཟང་ཞེས་བྱ་བ་ཤིན་ཏུ་རྣམ་པར་དག་ཅིང་གསལ་བ། ༩
དཔལ་རྒྱུད་ཀྱི་རྒྱལ་པོ་སྒྱུ་འཕྲུལ་ཆེན་མོ་མཧཱ་མཱ་ཡའི་རྒྱ་ཆེར་བཤད་པ་དེ་ཁོ་ན་ཉིད་ཀྱི་སྒྲོན་མ། ༩༧
དཔལ་སངས་རྒྱས་ཐོད་པའི་སྒྲུབ་ཐབས་དེ་ཁོ་ན་ཉིད་གསལ་བ། ༡༡
11-1-6


དཔལ་སངས་རྒྱས་ཐོད་པའི་དཀྱིལ་འཁོར་གྱི་ཆོ་ག་དེ་ཁོ་ན་ཉིད་གསལ་བ། ༢༠
རྣལ་འབྱོར་མ་རྒྱུད་ཀྱི་རྒྱལ་པོ་སངས་རྒྱས་ཐོད་པའི་རྫོགས་རིམ། ༥
དཔལ་རྡོ་རྗེ་གདན་བཞིའི་རྩ་བའི་དཀྱིལ་འཁོར་ཡེ་ཤེས་དབང་ཕྱུག་མ་ལྷ་བཅུ་གསུམ་གྱི་བདག་ཉིད་ཅན་གྱི་སྒྲུབ་
ཐབས་བདུད་རྩིའི་ཐིག་ལེ། ༡༥
དཔལ་རྡོ་རྗེ་གདན་བཞིའི་དཀྱིལ་འཁོར་གྱི་ཆོ་ག་བདུད་རྩིའི་ཐིག་ལེ། ༢༢
རྡོ་རྗེ་གདན་བཞིའི་ཁྲིད་ཡིག་ཡེ་ཤེས་སྒོ་འབྱེད། ༣༠
11-1-7


11-1-8


༄༅། །དགྱེས་[པ་]{པའི}རྡོ་རྗེའི་ལག་ལེན་གསལ་བར་བྱེད་པ་དཔལ་
ཧེ་རུ་ཀ་དགྱེས་པ་ཞེས་བྱ་བ་བཞུགས།(སོ།།)
༄༅། །ༀ་སྭཱ་སྟི། དགྱེས་པ་རྡོ་རྗེའི་ལག་ལེན་གསལ་བྱེད། དཔལ་ཧེ་རུ་ཀ་དགྱེས་པར་བྱེད་པ་ཞེས་བྱ་བ། བླ་མ་དང་ལྷག་
པའི་ལྷ་ལ་ཕྱག་འཚལ་ལོ། །དཔལ་ལྡན་ལྷན་ཅིག་སྐྱེས་དགའི་རོལ་རྩེད་ནི། །ཟབ་གསལ་ཁྲག་འཐུང་དཔལ་གྱི་དཀྱིལ་འཁོར་
དང༌། །གཉུག་མའི་རིག་མཆོག་རྡོ་རྗེ་བདག་མེད་དེ། །འཁོར་བ་སྒྲོལ་མཛད་དེ་ལ་གུས་བཏུད་ནས། །བླ་མ་མཆོག་གི་མན་ངག་ལ་
བརྟེན་ཅིང༌། །རང་གི་མོས་པ་གཙོ་བོར་མ་བྱས་པར། །རྒྱུད་རྒྱལ་མཆོག་གི་དགོངས་དོན་ཇི་བཞིན་དུ། །རྩ་བ་ཁ་སྐོང་{བྲལ[སྦས]
པའི་ལུགས་བཤད་བྱ། །ཤཱནྟི་པ་སོགས་ཡེ་ཤེས་ཞབས་ལུགས་ལེན། །ནཱ་རོ་མཻ་ཏྲི་ཌོམ་བྷི་ཆུང་བ་སོགས། །གུར་བརྟག་གཅིག་ཏུ་
{གྲལ་[བྲིས]ལ་ཁ་སྐོང་གཞན། །མི་ཐུབ་སོགས་ཀྱིས་རྒྱུད་སྡེ་སྣ་ཚོགས་བླངས། །མཚོ་སྐྱེས་ལུགས་ལའང་འཁྲུགས་སྡེབས་མང་
དུ་དགོས། །སྔ་ཕྱི་བོད་ལའང་འདོད་ལུགས་དཔག་ཏུ་མེད། །དེ་དག་ཀུན་ཀྱང་བྱིན་རླབས་ཆེ་ལྡན་ཞིང༌། །ཕྱོགས་རེ་ནས་ནི་རྒྱུད་
ཀྱི་དགོངས་པའང་ལགས། །འོན་ཀྱང་གདུལ་བྱ་སྣ་ཚོགས་ལ། །སྟོན་པས་ཆོས་ལམ་མཐའ་ཡས་གསུངས། །རྩ་བཤད་ཆ་མཐུན་
རྒྱུད་རྣམས་ཀྱང༌། །ཆོ་ག་གཅིག་ཏུ་བསྲེ་མི་དགོས། །འདིར་ནི་རྒྱུད་རྐྱང་མན་ངག་གི །ལུགས་བཞིན་གསལ་བར་བྲི་བྱ་སྟེ། །དཔལ་
ལྡན་ཞི་བ་སྦས་པ་དང༌། །{ལྷོ}[ལྷ]་འབྱུང་བླ་མ་མཆོག་ལས་བརྒྱུད། །དེ་ལ་དོན་ཚན་ཉི་ཤུ་རྩ་གཉིས་ཏེ། །སྙིང་པོ་དགྱེས་རྡོར་
སྒྲུབ་ཐབས་དང༌། །གཏོར་ཆོག་ཡུམ་གྱི་སྒྲུབ་ཐབས་དང༌། །མདོར་བསྡུས་ཧེ་རུ་ཀ་གསུམ་གྱི། །སྒྲུབ་ཐབས་རྒྱས་པ་རེ་རེ་དང༌། །དེ་
བཞིན་འབྲིང་དང་བསྡུས་པ་དང༌། །རྫོགས་པའི་རིམ་པའི་སྒྲུབ་ཐབས་དང༌། །ས་ཆོག་སྟ་གོན་དཀྱིལ་འཁོར་ཞག །སྒྲུབ་མཆོད་
བདག་འཇུག་དབང་བསྐུར་དང༌། །སླར་བསྡུ་བ་དང་རབ་གནས་དང༌། །སྦྱིན་བསྲེག་ཚོགས་འཁོར་མཎྜལ་མཆོད། །ལས་ཚོགས་
ཕྲ་མོའི་རིམ་པ་དང༌། །རྣལ་འབྱོར་ལམ་གྱི་རིམ་པ་སྟེ། །ལག་ལེན་རིམ་པ་འདི་ཤེས་ནས། །རྒྱུད་རྒྱལ་བླ་མ་མཆོག་ལ་ཞུས། །དེ་
ནས་རྩེ་གཅིག་སྒྲུབས་གྱུར་ན། དངོས་གྲུབ་འགྲུབ་འགྱུར་ཐེ་ཚོམ་མེད། །མདོར་བསྟན་པའི་སྡོམས་སོ། །དེ་ཡང་སྐྱབས་འགྲོ་
11-1-9


སེམས་བསྐྱེད་རྡོ་རྗེ་སེམས་དཔའི་སྒོམ་བཟླས་རྣམས་སྔོན་དུ་འགྲོ་བས། 
རང་སྐད་ཅིག་གིས་དགྱེས་རྡོར་དུ་གསལ་བའི་སྙིང་གར་ཉི་མ་ལ་ཧཱུཾ། དེའི་འོད་ཀྱིས་བླ་
མ་དང་དཀྱིལ་འཁོར་གྱི་འཁོར་ལོ་མདུན་དུ་སྤྱན་དྲངས། དཀར་མོ་རི་དྭགས་ནས། སྐུ་ལ་
འཁྱུད་པ་ཉིད། །དཀོན་མཆོག་གསུམ་ལ་བདག་སྐྱབས་མཆི། །སོགས་ལན་གསུམ། སེམས་ཅན་
ཐམས་ཅད་བདེ་བ་དང་སོགས། ཚད་མེད་བཞི་སོགས་སྤྱི་དང་འདྲ། ༀ་ཤཱུ་ནྱ་ཏ་སོགས། སྟོང་པའི་ངང་ལས་
རཾ་ལས་ཉི་མའི་དཀྱིལ་འཁོར་གྱི་དབུས་སུ་ཧཱུཾ་ལས་སྣ་ཚོགས་རྡོ་རྗེ་རྭ་བཅུ་གཉིས་པ་ཧཱུཾ་གིས་
མཚན་པ་ལས་འོད་འཕྲོས། རྡོ་རྗེའི་ས་གཞི་ར་བ་དྲ་བ་གུར་བླ་རེ་མེ་{སྤུངས་[དཔུང]་འབར་
བ་དང་བཅས་པའི་བསྲུང་འཁོར་དུ་གྱུར། ༀ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་སྭཱཧཱ། དེའི་ནང་དུ་ཨེ་
ལས་ཆོས་འབྱུང་དཀར་པོ། དེའི་དབུས་སུ་ལཾ་ལས་སའི་དཀྱིལ་འཁོར། བཾ་ལས་ཆུའི་དཀྱིལ་
འཁོར། རཾ་ལས་མེའི་དཀྱིལ་འཁོར། ཡཾ་ལས་རླུང་གི་དཀྱིལ་འཁོར་རྣམས་བརྩེགས་པ། དེའི་
དབུས་སུ་རང་གི་རྣམ་པར་ཤེས་པ་གནས་ཏེ། འབྱུང་བཞི་ཡོངས་སུ་གྱུར་པ་ལས། པད་ཉི་སྣ་
ཚོགས་རྡོ་རྗེའི་ལྟེ་བ་ལ་གནས་པའི་གཞལ་ཡས་ཁང༌། ཕྱི་རོལ་དུར་ཁྲོད་བརྒྱད་ཀྱིས་ཡོངས་
སུ་བསྐོར་བ། མཚན་ཉིད་ཐམས་ཅད་ཡོངས་སུ་རྫོགས་པའི་ནང་གི་ལྷ་སྣམ་ཤར་དཀར། ལྷོ་
སེར། ནུབ་དམར། བྱང་ལྗང༌། དབུས་སྔོ་བའི་སྟེང་དུ་སྣ་ཚོགས་པདྨ་འདབ་མ་བརྒྱད་པ། ལྟེ་
བ་ལ་ཉི་མའི་དཀྱིལ་འཁོར་གྱི་སྟེང་དུ། བདུད་བཞི་འགྱེལ་བའི་གདན། འདབ་མ་བརྒྱད་ལ། 
ཉི་མའི་སྟེང་དུ། ཤར་དུ་ཚངས་པ་སེར་པོ། ལྷོར་དབང་པོ་ཁམ་སེར། ནུབ་ཏུ་ཉེ་དབང་ནག་
པོ། བྱང་དུ་དྲག་པོ་དཀར་པོ། བྱང་ཤར་དུ་གཤིན་རྗེ་སྔོན་པོ། ཤར་ལྷོར་ནོར་བདག་སེར་
པོ། ལྷོ་ནུབ་ཏུ་སྲིན་པོ་ནག་པོ། ནུབ་བྱང་དུ་ཐགས་བཟངས་རིས་དུད་ཁ་རྣམས་གན་རྐྱལ་དུ་
གནས་པ། དབུས་ཀྱི་གདན་གྱི་སྟེང་དུ་གཡོན་བསྐོར་གྱི་ཨ་ཨཱ་ནས། མཉམ་པ་ཉིད་ཀྱི་ཡེ་ཤེས་
ཞེས་པའི་བར། དེ་གཉིས་ཀྱི་བར་དུ་ཧཱུཾ་ལས་ཐོད་པ་དང་ཨཾ་ལས་གྲི་གུག་ཧཱུཾ་དང་ཨཾ་གིས་མཚན་
11-1-10


པ་སོ་སོར་རྟོག་པའི་ཡེ་ཤེས། དེ་ལས་དཀྱིལ་འཁོར་གྱི་ལྷ་ཚོགས་འོད་ཟེར་དང་བཅས་པ་
དཔག་ཏུ་མེད་པ་འཕྲོས། སྣོད་བཅུད་ཐམས་ཅད་དཀྱིལ་འཁོར་གྱི་འཁོར་ལོར་བྱས། སླར་
འདུས་ཏེ་ཐིམ་པ་ནི་བྱ་བ་སྒྲུབ་པའི་ཡེ་ཤེས། དེ་ལས་སྐུ་ཡོངས་སུ་རྫོགས་པ་ཆོས་ཀྱི་དབྱིངས་
ཀྱི་ཡེ་ཤེས་ཏེ། རང་ཉིད་རྒྱུ་རྡོ་རྗེ་འཛིན་པ་དཔལ་རྡོ་རྗེ་སེམས་དཔའ་སྐུ་མདོག་མཐིང་ནག་
ཞལ་བརྒྱད་ཕྱག་བཅུ་དྲུག་ཞབས་བཞི་པ། རྩ་བའི་ཞལ་ནག་པོ། གཡས་དཀར་གཡོན་དམར་
ལྷག་མ་རྒྱབ་ཞལ་བཞི་གནག་པ། སྟེང་ཞལ་དུད་ཁ་ཆེར་ཁྲོས་པ། སྤྱི་བོར་སྣ་ཚོགས་རྡོ་རྗེས་
བརྒྱན་པ། ཞལ་རེ་རེ་ལ་སྤྱན་དམར་པོ་གསུམ་གསུམ་དང་ལྡན་ཞིང༌། ཐོད་སྐམ་ལྔ་ལྔས་དབུ་
རྒྱན་ཅན། མཆེ་བའི་མྱུ་གུ་བཞི་བཞི་གཙིགས་པ། དབུ་སྐྲ་སེར་པོ་གྱེན་དུ་བརྫེས་པ། ཧཱུཾ་གི་
སྒྲ་སྒྲོག་ཅིང་འཇིགས་པའང་འཇིགས་པར་མཛད་པ། ཕྱག་བཅུ་དྲུག་གིས་ཐོད་པ་བཅུ་དྲུག་
བཟུང་བའི་ནང་གི་གཡས་ཀྱི་དང་པོ་ན་གླང་པོ་ཆེ། གཡོན་གྱི་དང་པོ་ན་སའི་ལྷ་མོ་དང་བཅས་
པ་འཛིན་པས་ཡུམ་ལ་འཁྱུད་པ། གཡས་ཀྱི་གཉིས་པ་ན་རྟ། གསུམ་པ་ན་བོང་བུ། བཞི་པར་
གླང༌། ལྔ་པ་ན་རྔ་མོང༌། དྲུག་པ་ན་མི། བདུན་པ་ན་ཤ་ར་བྷ། བརྒྱད་པ་ན་བྱི་ལ། གཡོན་གྱི་
གཉིས་པ་ན་ཆུ་ལྷ། གསུམ་པ་ན་རླུང་ལྷ། བཞི་པ་ན་མེ་ལྷ། ལྔ་པ་ན་ཟླ་བའི་ལྷ། དྲུག་པ་ན་ཉི་
མའི་ལྷ། བདུན་པ་ན་གཤིན་རྗེ། བརྒྱད་པ་ན་ནོར་བདག་གོ །ཞབས་བཞིའི་མདུན་མ་གཉིས་
གཡོན་བསྐུམ་གཡས་བརྐྱང་པས་ཚངས་པ་དང་དྲག་པོ། རྒྱབ་མ་གཉིས་གར་སྟབས་ཀྱིས་
དབང་པོ་དང་ཉེ་དབང་མནན་པ། སྐུ་ལ་ཐལ་ཆེན་གྱིས་ཉེ་བར་བྱུགས་ཤིང༌། རུས་པའི་ཕྱག་
རྒྱ་ལྔ་དང༌། མི་མགོའི་དོ་ཤལ་ཅན། སྒེག་པ་དཔའ་བ་ནས། ལྡན་པ་ཉིད་ཡེ་ཤེས་ཀྱི་མེ་དཔུང་
འབར་བའི་དབུས་ན་བཞུགས་པའོ། །ཡུམ་རྡོ་རྗེ་བདག་མེད་མ་སྐུ་མདོག་སྔོན་མོ་ཞལ་གཅིག་
ཕྱག་གཉིས་སྤྱན་གསུམ་མ་གྲི་གུག་དང་ཐོད་པ་འཛིན་ཅིང་གཡོན་བརྐྱང་གི་སྟབས་ཀྱིས་ཡབ་
ལ་འཁྱུད་པ། མི་མགོ་སྐམ་པོ་ལྔ་བཅུའི་དོ་ཤལ་ཅན། ཐལ་བ་སྤངས་པ། གཞན་བཅོམ་ལྡན་
11-1-11


འདས་དང་མཚུངས་པའོ། །ཡབ་ཀྱི་གསང་གནས་ཧཱུཾ་ལས་རྡོ་རྗེ་སྔོན་པོ་ལྟེ་བར་ཧཱུཾ་གིས་མཚན་
པ། ཡུམ་གྱི་མཁའ་ཨ་ལས་བྱུང་བའི་པདྨ་དམར་པོ་ཨས་མཚན་པ། ༀ་བཛྲ་མཧཱ་དྭེ་ཥ་སོགས། 
ༀ་པདྨ་སུ་ཁ་སོགས། ཡབ་ཡུམ་སྙོམས་པར་ཞུགས་པའི་བྱང་ཆུབ་ཀྱི་སེམས་ལས་ལྷ་མོ་བརྒྱད་
དུ་གྱུར། མཁའ་ནང་ནས་ཕྱིར་སྤྲོས། འདབ་མ་བརྒྱད་ཀྱི་སྟེང་དུ་དབང་པོ་ལ་སོགས་པའི་
གདན་ལ་འཁོད་པ་ནི། ཤར་དུ་གཽ་རཱི་ནག་མོ་གཡས་གྲི་གུག་དང༌། གཡོན་ཉ་རོ་ཧི་ཏ་འཛིན་
པ། ལྷོར་ཙཽ་རཱི་དམར་མོ་གཡས་ཌ་མ་རུ་དང༌། གཡོན་ཕག་པ། ནུབ་ཏུ་བེཏྟ་ལཱི་སེར་མོ་གཡས་
རུས་སྦལ་དང༌། གཡོན་ཐོད་པ་བདུད་རྩིས་གང་བ། བྱང་དུ་གྷསྨ་རཱི་ལྗང་ཁུ་གཡས་སྦྲུལ། 
གཡོན་ཐོད་པ་བདུད་རྩིས་གང་བ། བྱང་ཤར་དུ་པུཀྐ་སཱི་སྔོ་ནག་གཡས་སེང་གེ།གཡོན་དགྲ་
སྟ། ཤར་ལྷོར་ཤཱ་བཱ་རཱི་དཀར་མོ་གཡས་དགེ་སློང༌། གཡོན་འཁར་གསིལ། ལྷོ་ནུབ་ཏུ་ཙཎྜ་ལི་
སྔོ་བསངས་གཡས་འཁོར་ལོ། གཡོན་ཐོང་གཤོལ། ནུབ་བྱང་དུ་ཌོམྦི་{ནཱི[ནི]་ཁྲ་མོ་གཡས་
རྡོ་རྗེ། གཡོན་སྡིགས་མཛུབ། ཐམས་ཅད་ཀྱང་གཡོན་རྐྱང་གི་གར་སྟབས་དང༌། མགོ་རློན་གྱི་
དོ་ཤལ་ཅན། ལྷག་མ་བཅོམ་ལྡན་འདས་མ་དང་མཚུངས་པའོ། །སླར་ཡང་ཡབ་ཡུམ་སྙོམས་
པར་ཞུགས་པས་རྗེས་སུ་ཆགས་པ་བྱང་ཆུབ་ཀྱི་སེམས་སུ་ཞུ་བར་གྱུར་ཏེ། ཡབ་ཡུམ་འོད་ཀྱི་
གོང་བུར་གྱུར་པ་{ལ[ལས]། མཚམས་ཀྱི་ལྷ་མོ་བཞིས་བསྐུལ་བ་ནི། རྗེ་བཙུན་སྙིང་རྗེའི་
ནས། མ་མཛད་ཅིག །ལྷ་མོ་བརྒྱད་པོ་ཡང་ཐིག་ལེ་ལ་ཐིམ། ཐིག་ལེ་དེ་ཉིད་ཧཱུཾ་དང་ཨཾ་དུ་གྱུར། 
དེ་ལས་འབྲས་བུ་རྡོ་རྗེ་འཛིན་པ་དཔལ་ཧེ་རུ་ཀ་དགྱེས་པ་རྡོ་རྗེ་སྐུ་མདོག་མཐིང་ནག་ནས། 
བཅོམ་ལྡན་འདས་དང་མཚུངས་པའོའི་[འདི]བར་གོང་བཞིན། སླར་ཡང་གོང་བཞིན་མཁའ་གསང་བྱིན་གྱིས་
རླབས། ཡབ་ཡུམ་སྙོམས་པར་ཞུགས་པའི་དགའ་བའི་སྒྲས་སངས་རྒྱས་དང་བྱང་ཆུབ་སེམས་
དཔའ་ཐམས་ཅད་སྤྱན་དྲངས། ཞལ་དུ་ཞུགས་བྱང་ཆུབ་ཀྱི་སེམས་སུ་ཡོངས་སུ་ཞུ་སྟེ། རྡོ་རྗེའི་
ལམ་ནས་ཡུམ་གྱི་མཁར་བབས་པ། ཧཱུཾ་ཨཾ་གཾ་ཙཾ་བཾ་གྷཾ་པཾ་ཤཱཾ་ལཾ་ཌཾ་རྣམས་སུ་གྱུར། དེ་ལས་
11-1-12


གཙོ་བོ་ཡབ་ཡུམ་ལྷ་མོ་བརྒྱད་དང་བཅས་པ་རྣམས་སུ་གྱུར། དེ་རྣམས་མཁའ་ནང་ནས་ཕྱིར་
སྤྲོས། ནམ་མཁའི་དབྱིངས་ཐམས་ཅད་ཡོངས་སུ་གང༌། སེམས་ཅན་ཐམས་ཅད་ཀྱི་ཕུང་པོ་ལྔ་
དང་ཉོན་མོངས་པ་ལྔ་དང་འབྱུང་བ་བཞི་ནང་གི་ཁམས་བཞི་རྣམས་སྦྱངས། ཡེ་ཤེས་ལྔ་དང་
ཚད་མེད་བཞི་ལ་བཀོད། ཚུར་འདུས་ལྷ་དགུའི་དཀྱིལ་འཁོར་དུ་གྱུར། གཙོ་བོ་ཡབ་ཡུམ་རང་
ཉིད་ལ་ཐིམ་སྟེ་བདག་པོར་བཞུགས། ལྷ་མོ་བརྒྱད་པོ་ཕྱོགས་མཚམས་ཀྱི་གདན་ལ་འཁོད་པ་
ནི། ཤར་དུ་གཽ་{རཱི་[རི]ནས། བཅོམ་ལྡན་འདས་མ་དང་མཚུངས་པའོ། །རང་གི་སྙིང་གར་རང་
དང་འདྲ་བའི་ཡེ་ཤེས་སེམས་དཔའ། དེའི་ཐུགས་ཀར་ཏིང་ངེ་འཛིན་སེམས་དཔའ་ཉི་མ་ལ་
གནས་པའི་ཧཱུཾ། ལྷ་མོ་བརྒྱད་ཀྱི་ཐུགས་ཀར་ཡང་ཉི་མའི་གདན་ལ་གཾ་ཙཾ་སོགས། ཐམས་ཅད་ཀྱི་
མིག་ཏུ་མོཾ་ལས་གཏི་མུག་རྡོ་རྗེ་མ་དཀར་མོ། རྣ་བར་དྭཻ་ལས་ཞེ་སྡང་རྡོ་རྗེ་མ་ནག་མོ། སྣར་ཁཾ་
ལས་སེར་སྣ་རྡོ་རྗེ་མ་སེར་མོ། ལྕེར་རཾ་ལས་འདོད་ཆགས་རྡོ་རྗེ་མ་དམར་མོ། དཔྲལ་བར་ཨིཾ་
ལས་ཕྲག་དོག་རྡོ་རྗེ་མ་ལྗང་ཁུ། ལྟེ་བར་ནི་ལས་བདག་མེད་རྡོ་རྗེ་མ་ནག་མོ། སྤྱི་བོར་ༀ་ལས་
ས་འོག་སྤྱོད་མ་དཀར་མོའི་ཐུགས་ཀར་སྐུ་རྡོ་རྗེ་ༀ། མགྲིན་པར་ཨཱཿལས་ས་སྤྱོད་མ་དམར་
མོའི་ཐུགས་ཀར་ཡང་གསུང་རྡོ་རྗེ་ཨཱཿ སྙིང་གར་ཧཱུཾ་ལས་མཁའ་སྤྱོད་མ་ནག་མོའི་ཐུགས་ཀར་
ཡང་ཐུགས་རྡོ་རྗེ་ཧཱུཾ། དེ་ཐམས་ཅད་གྲི་གུག་དང་ཐོད་པ་འཛིན་པའོ། །རང་གི་སྙིང་ག་ནས་
འོད་ཟེར་འཕྲོས། ཡེ་ཤེས་སེམས་དཔའ་དཀྱིལ་འཁོར་གྱི་འཁོར་ལོ་མདུན་གྱི་ནམ་མཁར་
བཛྲ་ས་མཱ་ཛཿ ཛཿཧཱུཾ་བཾ་ཧོཿ སླར་ཡང་སྙིང་གའི་ཧཱུཾ་ལས་འོད་ཟེར་འཕྲོས། དབང་གི་ལྷ་རིགས་
ལྔ་ཡུམ་བཞི་སེམས་དཔའ་སེམས་མ་ཁྲོ་བོ་ཁྲོ་མོའི་ཚོགས་དང་བཅས་པ་བཛྲ་ས་མཱ་ཛཿ ཨརྒྷཾ་
ནས། ནཻ་ཝི་ཏྱའི་བར་གྱིས་མཆོད། ༀ་ཨ་བྷི་ཥིཉྩ་ཏུ་མཾ་སརྦ་ཏ་ཐཱ་ག་ཏ་ཞེས་གསོལ་བ་བཏབ་པས། དེ་
བཞིན་གཤེགས་པ་རྣམས་ཀྱི་ཐུགས་ཀ་ནས་སྤྲུལ་པའི་རྡོ་རྗེ་མཁའ་འགྲོ་མ་རྣམས་ཀྱིས་རིན་
པོ་ཆེའི་བུམ་པ་ཐོགས་ཏེ་དབང་བསྐུར། སྤྱན་མ་ལ་སོགས་པའི་རྡོ་རྗེའི་གླུ་བླངས། གཟུགས་
11-1-13


རྡོ་རྗེ་མ་ལ་སོགས་པས་མཆོད། མཁའ་དབྱིངས་གང་བའི་སངས་རྒྱས་རྣམས་ཀྱིས་གུར་གུམ་
དང་མེ་ཏོག་གི་ཆར་ཕབ། རྔ་བོ་ཆེའི་སྒྲ་བསྒྲགས། ཤིས་པ་བརྗོད་པ་སྔོན་དུ་འགྲོ་བས། དབང་
བསྐུར་རྡོ་རྗེ་ཆེན་པོ་ནི། ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་
གསུམ་གྱི། །གནས་ལས་བྱུང་བ་སྦྱིན་པར་བྱ། །ༀ་བཛྲི་བྷ་བ་ཨ་བྷི་ཥིཉྩ་ཧཱུཾ། ཞེས་གསུངས་
ཤིང་དབང་བསྐུར། འཁོར་ལོ་བཞིར་བདུད་རྩིའི་ཆུ་རྒྱུན་གྱིས་གང་བས། རྡོ་རྗེ་བཞི་རྣམ་པར་
དག་ཅིང༌། གཙོ་བོ་ཡབ་ཡུམ་དང་གཽ་རཱི་དང༌། པུཀྐ་སཱི་ལ་མི་བསྐྱོད་པ། ཙཽ་རཱི་དང་ཤཱ་བཱ་རཱི་ལ་
རྣམ་པར་སྣང་མཛད། བེཏྟ་ལཱི་དང་ཙཎྜ་ལཱི་ལ་རིན་ཆེན་འབྱུང་ལྡན། གྷསྨ་རཱི་དང་ཌོམ་བཱི་ནི་
ལ་འོད་དཔག་མེད་ཀྱིས་དབུ་བརྒྱན། དཀར་མོ་རི་དྭགས། སོགས་ཀྱིས་མཆོད། མཆེ་བ་གཙིགས་
ཤིང་འཇིགས་པ་ཆེ། །སྔགས་ཀྱི་མེ་ཏོག་འཕྲེང་བས་བརྒྱན། །ཤ་ཆེན་རབ་ཏུ་གསོལ་མཛད་
པའི། །ཧེ་རུ་ཀ་དཔལ་ཕྱག་འཚལ་བསྟོད། །ཅེས་པས་བསྟོད། བར་འདིར་རྫོགས་པའི་རིམ་པ་ཅུང་ཟད་བསྒོམ། 
དེ་ནས་སྔགས་ཀྱི་བཟླས་པའི་དམིགས་པ་གསལ་བཏབ་སྟེ། ཨཥྚ་དང༌། དེ་བ་པི་ཙུ་ཅི་ནུས་བཟླ། འཁོར་གྱི་སྙིང་པོ་ནི། ༀ་
ཨཱཿཨཾ་ཧཱུཾ། ༀ་ཨཱཿགཾ་ཧཱུཾ། ༀ་ཨཱཿཙཾ་ཧཱུཾ། ༀ་ཨཱཿབཾ་ཧཱུཾ། ༀ་ཨཱཿགྷཾ་ཧཱུཾ། ༀ་ཨཱཿཔཾ་ཧཱུཾ། ༀ་ཨཱཿཤཱཾ་ཧཱུཾ། 
ༀ་ཨཱཿལཾ་ཧཱུཾ། ༀ་ཨཱཿཌཾ་ཧཱུཾ། ཅེས་པའོ། །རང་གི་སྙིང་ག་ནས་འོད་ཟེར་འཕྲོས། དཀྱིལ་འཁོར་གྱི་
འཁོར་ལོ་རང་གི་སྙིང་གར་ཐིམ། དམ་ཚིག་སེམས་དཔའ་ཡེ་ཤེས་སེམས་དཔའ་ལ། དེ་ཏིང་
ངེ་འཛིན་སེམས་དཔའ་ལ། དེ་ཡང་ནཱ་དའི་བར་དུ་སྦྱངས་ཏེ་མི་དམིགས་པར་བཞག །སླར་
ཕྱག་གཉིས་པའི་ཧེ་རུ་ཀར་གྱུར། མིག་ཏུ་མོཾ་ལས་ནས། འཛིན་པའོ། །དགེ་བ་བསྔོ། སྙིང་པོ་དགྱེས་པ་
རྡོ་རྗེའི་སྒྲུབ་ཐབས་ཀྱི་སྐབས་ཏེ་དང་པོའོ།།    །།
གཏོར་མའི་ཆོ་ག་ནི། གཏོར་མ་འདུས་བྱས་ལ། ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས། 
ཡཾ་ལས་རླུང༌། རཾ་ལས་མེ་ༀ་ཨཱཿཧཱུཾ་ལས་མི་མགོའི་སྒྱེད་པུ་གསུམ། ཨཿལས་ཐོད་པ་དཀར་པོ་
རྣམས་བརྩེགས་པ། ཐོད་པའི་ནང་གི་དབུས་སུ་ཧཱུཾ་ལས་ཤ་ཆེན་དང་དྲི་ཆུ། ཤར་དུ་བྷྲུཾ་ལས་
11-1-14


དྲི་ཆེན། ལྷོར་ཨཾ་ལས་རཀྟ། ནུབ་ཏུ་ཧྲཱིཿལས་བྱང་སེམས། བྱང་དུ་ཁཾ་ལས་ཤ་ཆེན་གྱི་དྭངས་
མ། ཤར་ལྷོར་བྷྲུཾ་ལས་བ་གླང་གི་ཤ །ལྷོ་ནུབ་ཏུ་ཧཱུཾ་ལས་ཁྱིའི་ཤ །ནུབ་བྱང་དུ་{ཧི[ཧྲཱིཿ]ལས་
རྟའི་ཤ །བྱང་ཤར་དུ་ཏྲཾ་ལས་གླང་པོ་ཆེའི་ཤ །ཧ་ཧོ་ཧྲཱིཿ ལན་གསུམ། དྲི་དང་ཁ་དོག་དང་རོ་ནུས་
ངན་པ་རྣམས་བསལ། རླུང་གཡོས་མེ་སྦར་རྫས་རྣམས། ཡོངས་སུ་ཞུ་བའི་རླངས་པ་ཧཱུཾ་ལས་
སྐྱེས་པའི་རྡོ་རྗེ་དཀར་པོར་གྱུར། དེ་ལས་བདུད་རྩིའི་རྒྱུན་ལན་གསུམ་བབས་ཤིང༌། དེ་ཉིད་
ཀྱང་རྫས་རྣམས་ལ་ཐིམ། སླར་ཡང་སྟེང་དུ་ༀ་ལས་བྱུང་བའི་ཟླ་བ་ལ་གནས་པའི་ༀ་ཨཱཿཧཱུཾ། 
དེ་ལས་འོད་ཟེར་འཕྲོས། དེ་བཞིན་གཤེགས་པ་རྣམས་ཀྱི་བྱང་ཆུབ་སེམས་ཀྱི་བདུད་རྩི་དང་
རྒྱ་མཚོ་ལ་སོགས་པར་གནས་པའི་བདུད་རྩི་རྣམས་བཀུག་སྟེ། ཡི་གེ་འབྲུ་གསུམ་ཟླ་བ་དང་
བཅས་པ་ལ་ཐིམ། དེ་ཡང་བདུད་རྩིར་ཞུ་སྟེ་གཏོར་མ་ལ་ཐིམ་པར་གྱུར། ༀ་ཨཱཿཧཱུཾ་ལན་གསུམ་
སོགས་ཅི་རིགས་བརྗོད། རང་གི་སྙིང་གའི་ཧཱུཾ་ལས་འོད་ཟེར་འཕྲོས། ཕྱོགས་བཅུའི་སངས་རྒྱས་དང་
བྱང་ཆུབ་སེམས་དཔའ་མ་ལུས་པ་དགྱེས་པ་རྡོ་རྗེ་ལྷ་དགུའི་དཀྱིལ་འཁོར་རྟེན་དང་བརྟེན་
པར་བཅས་པའི་རྣམ་པ་དང༌། སྲིད་པ་གསུམ་གྱི་སེམས་ཅན་ཐམས་ཅད་དུར་ཁྲོད་ཀྱི་ས་གཞི་
ལ་གནས་པའི་ཕྱོགས་སྐྱོང་བ་བཅུ། ལྷ་ཀླུའི་ཚོགས་དང་བཅས་པའི་རྣམ་པར་ༀ་བཛྲ་ས་མཱ་ཛཿ
རང་གི་སྙིང་ག་ནས་འོད་ཟེར་འཕྲོས། ཕྱོགས་སྐྱོང་ལྷ་ཀླུ་དང་བཅས་པ་ལ་རེག་པས། སྐད་
ཅིག་གིས་འོད་གསལ་དུ་ཞུགས་ནས་དགྱེས་པ་རྡོ་རྗེ་ཕྱག་གཉིས་པ་ཤེས་རབ་མ་དང་བཅས་
པའི་རྣམ་པར་བཞེངས། ༀ་ཛཿཧཱུཾ་བཾ་ཧོཿཁཾ་རཾ། ༀ་ནི་རི་ཏི་ཧཱུཾ་ཁཾ་ཞེས་ཆུ་གཉིས་དང༌། ༀ་དེ་བ་པི་ཙུ་
བཛྲ་ཨི་མཾ་བ་ལིཾ་གྲིཧྞ་གྲིཧྞ་མཱ་མ་ཤནྟིང་རཀྵཉྩ་ཀུ་རུ་ཧཱུཾ་ཧཱུཾ་ཧཱུཾ་ཕཊ་སྭཱཧཱ། ལན་བདུན་གྱིས་བཅོམ་ལྡན་
འདས་ལ་ཕུལ། དེ་བཞིན་དུ་སྦྱར་ཏེ། ༀ་ཨ་ནཻ་རཱཏྨ་ཨཾ་ཨི་མཾ་སོགས། གཽ་རཱི་གཾ །ཙཽ་རཱི་ཙཾ། བཻཏྟ་ལཱི་བཾ། གྷསྨ་
རཱི་གྷཾ། པུཀྐ{སི[སཱི་]{པཾ[སཾ།] ཤཱ་བཱ་རཱི་ཤཾ །ཙཎྜ་ལཱི་ལཾ། ཌོམྦི་ནཱི་ཌཾ། ཞེས་པ་རྣམས་ལ་མགོར་ༀ་
ཨཱཿདང༌། མཇུག་ཏུ་ཨི་མཾ་སོགས་སྦྱར་བ་ལན་གསུམ་མམ་རེ་རེས་ཕུལ། ཕྱི་རོལ་འབྱུང་པོའི་ཚོགས་ལ་དམིགས་ཏེ། ༀ་
11-1-15


ཨིན་ད་ཛ་མ་སོགས་ལན་གསུམ་གྱིས་ཕུལ། ཐམས་ཅད་ལ་ཐུན་མོང་དུ། གོང་བཞིན་ཆུ་གཉིས་དང༌། ༀ་བཛྲ་པུཥྤེ་
ཨཱཿཧཱུཾ་སྭཱཧཱ། དེ་བཞིན་དུ་ནཻ་བི་ཏྱེའི་བར་དང༌། ཤཔྟ་ཡང་ཕུལ། སྙིང་པོའི་མཐར་འབྲུ་གསུམ་གྱིས་ནང་མཆོད། མཆེ་
བ་གཙིགས་ཤིང་འཇིགས་པ་ཆེ། །སོགས་དང༌། རྡོ་རྗེ་རྣལ་འབྱོར་མ་བརྒྱད་དང༌། །འཇིག་རྟེན་
སྐྱོང་བའི་ཚོགས་རྣམས་ནི། །ལྷ་ཡི་ཚོགས་རྣམས་མ་ལུས་དང༌། །ཀླུ་ཡི་ཚོགས་རྣམས་མ་ལུས་
དང༌། །གནོད་སྦྱིན་ཚོགས་རྣམས་མ་ལུས་དང༌། །ནས། ཀུན་འགྲུབ་ཤོག་གི་བར་གྱིས་འཕྲིན་ལས་
གཞོལ། ཀོལླ་ཨི་རི་ཋི་སོགས་རྡོ་རྗེའི་གླུ་བླངས། ༀ་ཕུན་སུམ་ཚོགས་པ་མངའ་བ་སོགས་བཀྲ་ཤིས་བརྗོད། 
རིགས་སུ་སྐྱེས་དང་དམ་ཚིག་ཅན། །སོགས་སྨོན་ལམ་བཏབ། རྡོ་རྗེ་སེམས་དཔའི་ཡི་གེ་བརྒྱ་པ་ལ། སུ་པོ་ཥྱོ་མེ་
བྷ་བ། {ཤཱ[ཤ་]ཤྭ་ཏོ་མེ་བྷ་བ། ཧྲི་ད་ཡ་མེ། ཨ་དྷི་ཏིཥྛ་སརྦ་སིདྡྷི་མེ་སོགས་དང༌། མཇུག་ཏུ་མུ་བསྣན་པ་
ཡི་གེ་བརྒྱ་དང་བཅོ་ལྔ་པས་བཟོད་པར་གསོལ་ཞིང་གཤེགས་སུ་གསོལ་བའམ། ཅུང་ཟད་སྤྲོས་པ་ལ་དགའ་ན། ཡིག་བརྒྱ་བཟོད་
གསོལ། གཤེགས་གསོལ་རྣམས་སྤྱི་དང་མཐུན་པར་བྱའོ། །གཏོར་མའི་ཆོ་གའི་སྐབས་ཏེ་གཉིས་པའོ།།    །།
གལ་ཏེ་ཚུལ་འདིས་བདག་མེད་ལྷ་མོ་བཅོ་ལྔ་བསྒོམ་པར་འདོད་ན། རང་སྐད་ཅིག་གིས་བདག་མེད་མར་
གསལ་བའི་སྙིང་གར་ཟླ་བ་ལ་ཨཾ། དེའི་འོད་ཟེར་གྱི་ནས། མཚན་ཉིད་ཐམས་ཅད་ཡོངས་
སུ་རྫོགས་པ། ནང་འཕར་མ་གཉིས་དང་བཅས་པའི་ལྷ་སྣམ་ཤར་དཀར་ནས། སྣ་ཚོགས་པདྨ་
འདབ་མ་བརྒྱད་པ་ཉིས་རིམ། ལྟེ་བ་དང་འདབ་མ་རྣམས་དང༌། སྟེང་གི་ཡ་ཕུགས་ཀྱི་ནང་དང་
འོག་ཏུ་ས་གཞིའི་ནང་དུ་ཟླ་བའི་གདན་རེ་རེ། མཚམས་ཀྱི་པད་འདབ་ནང་མ་བཞི་ལ། བུམ་
པ་བདུད་རྩིས་གང་བ་རེ་རེ་དང༌། གཞན་རྣམས་ཀྱི་སྟེང་དུ་མི་རོའི་གདན་རེ་རེའོ། །དབུས་
ཀྱི་གདན་གྱི་ནས། བར་དུ་ཨཾ་ལས་གྲི་གུག་ཨཾ་གིས་མཚན་པ་སོ་སོར་རྟོག་པ་ནས། རང་ཉིད་རྡོ་
རྗེ་བདག་མེད་མ་སྐུ་མདོག་མཐིང་ནག་དྲག་མོ་ཆེན་མོ་ཞལ་གཅིག་ཕྱག་གཉིས་སྤྱན་གསུམ་
དམར་བ། དབུ་སྐྲ་སེར་པོ་གྱེན་དུ་བརྫེས་པ། ཕྱག་གཡས་རྡོ་རྗེས་མཚན་པའི་གྲི་གུག་འཕྱར་
ཞིང༌། གཡོན་པས་ཐོད་ཁྲག་ཐུགས་ཀར་འཛིན་པ། མཆན་ཁུང་དུ་ཁ་ཊྭཱཾ་ག་དཀར་པོ་བསྒྲེང་
11-1-16


བ། སྒེག་ཅིང་ལང་ཚོ་ལ་བབ་པ། སྟག་གི་པགས་པའི་ཤམ་ཐབས་ཅན། ཞབས་གཡོན་བརྐྱང་
བའི་སྐྱིལ་ཀྲུང་ཕྱེད་པའི་གར་སྟབས་ཀྱིས་ཡི་དྭགས་ཀྱི་གདན་ལ་གནས་པ། ཐོད་སྐམ་ལྔའི་
དབུ་བརྒྱན་དང༌། རུས་པའི་ཕྱག་རྒྱ་ལྔ་དང༌། མི་མགོའི་དོ་ཤལ་ཅན། མེ་དཔུང་འབར་བའི་
དབུས་ན་བཞུགས་ཤིང༌། ཟླ་བའི་འོད་འཕྲོ་ཞིང༌། ཟླ་བའི་རྒྱབ་ཡོལ་ཅན་ནོ། །ཐུགས་ཀ་ནས་
ཨཱ་ལི་ཚར་བཅུ་བཞི་སྤྲོས། རོ་གདན་བཅུ་བཞིའི་སྟེང་དུ་འཁོད། ཟླ་བའི་དཀྱིལ་འཁོར་རྣམས་
སུ་གྱུར། ཀཱ་ལི་ཚར་བཅུ་བཞི་སྤྲོས་ཏེ་དེའི་སྟེང་དུ་འཁོད་པ་ཉི་མའི་དཀྱིལ་འཁོར་རྣམས་སུ་
གྱུར། ཨཱ་ཨི། ཨཱི་ཨུ། ཨཱུ་རྀ། རཱྀ་ལྀ། ལཱྀ་ཨེ། ཨཻ་ཨོ། ཨཽ་ཨཾ་རྣམས་སྤྲོས་ཏེ་ཉི་ཟླ་རྣམས་ཀྱི་
བར་དུ་འཁོད་པ་གྲི་གུག་བཅུ་བཞིར་གྱུར། དེ་རྣམས་ལས་འོད་ཟེར་འཕྲོས། སླར་འདུས་ཏེ་
ཐིམ། སོ་སོའི་གནས་སུ་དེ་རྣམས་གཅིག་ཏུ་འདྲེས་ཏེ་ཡོངས་སུ་གྱུར་པ་ལས། ནང་གི་ཤར་
དུ་རྡོ་རྗེ་མ། ལྷོར་གསང་བའི་དཀར་མོ། ནུབ་ཏུ་ཆུའི་རྣལ་འབྱོར་མ། བྱང་དུ་མཁའ་འགྲོ་མ། 
འཕར་མ་ཕྱི་མའི་འདབ་མ་ལ་དབང་ལྡན་དུ་པུཀྐ་སཱི། མེར་རི་ཁྲོད་མ། བདེན་བྲལ་དུ་གདོལ་
པ་མོ། རླུང་དུ་གཡུང་མོ། ཤར་དུ་གཽ་རཱི། ལྷོར་ཙཽ་རཱི། ནུབ་ཏུ་བེསྟ་ལཱི། བྱང་དུ་གྷསྨ་རཱི། སྟེང་
དུ་མཁའ་སྤྱོད་མ། འོག་ཏུ་ས་སྤྱོད་མ། དེ་ཐམས་ཅད་ཀྱང་འཁོར་ལོའི་དབང་ཕྱུག་མ་དང་
མཚུངས་པའི་སྐུ་ཅན་ནོ། །རང་གི་སྙིང་{གར་[ག]ནས། འཛིན་སེམས་དཔའ་ཟླ་བ་ལ་གནས་
པའི་ཨཾ། ཐམས་ཅད་ཀྱི་མིག་ཏུ་ནས། རྡོ་རྗེ་བཞི་རྣམ་པར་དག་ཅིང༌། གཙོ་མོ་དང་གཽ་རཱི་དང༌། 
པུཀྐ་སཱི་ལ་མི་བསྐྱོད་པ། རྡོ་རྗེ་མ་དང་ཙཽ་རཱི་དང་ཤཱ་བཱ་རཱི་དང་ས་སྤྱོད་མ་རྣམས་ལ་རྣམ་པར་
སྣང་མཛད། གསང་བའི་གཽ་རཱི་དང་བཻཏྟ་ལཱི་དང་ཙཎྜ་ལཱི་ལ་རིན་ཆེན་འབྱུང་ལྡན། གྷསྨ་རཱི་དང་
ཌོམ་བི་ནཱི་དང་ཆུའི་རྣལ་འབྱོར་མ་དང་མཁའ་སྤྱོད་མ་རྣམས་ལ་འོད་དཔག་མེད། རྡོ་རྗེ་མཁའ་
འགྲོ་མ་ལ་དོན་ཡོད་གྲུབ་པས་དབུ་རྒྱན། བསྟོད་པ་ནི། བུད་མེད་ཀྱིས་འདུལ་འགྲོ་གཟིགས་ནས། །
བདག་མེད་རྣལ་འབྱོར་མ་ཉིད་གྱུར། །ཕྱག་འོས་ཐུབ་པ་ཕ་རོལ་ཕྱིན། །སྒྱུ་མའི་ཕྱག་རྒྱ་ཕྱག་
11-1-17


འཚལ་བསྟོད། །བར་འདིར་དང་པོར་ནག་པོ་རབ་ཏུ་བསྒོམ་ཞེས་སོགས་ལ་བསླབ་བོ། །བཟླས་བྱའི་སྔགས་ནི། ༀ་ཨཾ་
ཧཱུཾ་ཕཊ་སྭཱཧཱ། ཞེས་གཙོ་མོའི་དང༌། ༀ་ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་ཕཊ་སྭཱཧཱ། ཞེས་
པ་ནི་གཙོ་འཁོར་ཐམས་ཅད་ཀྱི་སྔགས་སོ། །ཉེ་བར་བསྡུ་བ་ནི། གོང་བཞིན་ལས་སླར་ཡང་རྡོ་རྗེ་བདག་མེད་མར་
གྱུར། ཅེས་འདོན་པ་སྤོ། གཏོར་ཆོག་གི་སྐབས། དགྱེས་པ་རྡོ་རྗེ་ལྷ་དགུའི་དཀྱིལ་འཁོར་ཞེས་པའི་ཚབ་ཏུ། རྡོ་རྗེ་བདག་
མེད་མ་ལྷ་མོ་བཅོ་ལྔའི་དཀྱིལ་འཁོར་ཞེས་དང༌། གཏོར་སྔགས་གྱི་སྐབས། དེ་བ་པི་ཙུ་བཛྲ་གྱི་ཐད་དུ་ༀ་ཨ་ཨཱ་
ནས། ཨཽ་ཨཾ་གི་བར་བཅུག་པ་ཁོ་ནས་གཙོ་འཁོར་རྣམས་ལ་དུས་གཅིག་ཏུ་འབུལ་བ་དང༌། བསྟོད་པའི་སྐབས། བུད་མེད་
ཀྱིས་འདུལ་སོགས་ཁྱད་པར་རོ། །བདག་མེད་མའི་སྒྲུབ་ཐབས་ཀྱི་སྐབས་ཏེ་གསུམ་པའོ།།    །།
སྐུ་གསུང་ཐུགས་ཀྱི་ཧེ་རུ་ཀའི་དཀྱིལ་འཁོར་སྒོམ་པར་འདོད་ན། མངོན་རྟོགས་རྒྱས་འབྲིང་བསྡུས་གསུམ་གང་ཡང་རུང་
བ་ཞིག་སྒོམ་པས་ཆོག་པ་ལས། རྒྱས་པ་ནི་འདི་ཡིན་ཏེ། རང་སྐད་ཅིག་གིས་དགྱེས་རྡོར་དུ་ཞེས་པ་ནས། ཧཱུཾ་ཧཱུཾ་
ཕཊ་སྭཱཧཱ། དེའི་ནང་དུ་རྡོ་རྗེའི་ས་གཞི་ལ་གནས་པའི་དུར་ཁྲོད་ཆེན་པོ་བརྒྱད་ཀྱི་དབུས་སུ། 
སྣ་ཚོགས་པདྨའི་ལྟེ་བ་ལ། ཉི་མའི་སྟེང་དུ་རོའི་གདན། འདབ་མ་བརྒྱད་ལ་ཡང་རོའི་གདན་
རེ་རེ། དབུས་ཀྱི་གདན་གྱི་སྟེང་དུ་ནས། དེ་གཉིས་ཀྱི་བར་དུ་ཧཱུཾ་ལས་རྡོ་རྗེ་ཧཱུཾ་གིས་མཚན་པ་
སོ་སོར་རྟོགས་པའི་ནས། བྱ་བ་གྲུབ་པའི་ཡེ་ཤེས། དེ་ལས་དཀྱིལ་འཁོར་གྱི་ལྷ་ཚོགས་ཡོངས་
སུ་རྫོགས་པ་ཆོས་ཀྱི་དབྱིངས་ཀྱི་ཡེ་ཤེས་ཏེ། དབུས་སུ་དཔལ་ཧེ་རུ་ཀ་སྐུ་མདོག་མཐིང་ནག་
དྲག་པོ་ཆེན་པོ་ཞལ་གཅིག་ཕྱག་གཉིས་སྡང་མིག་འབར་བའི་སྤྱན་གསུམ་དམར་བ། དབུ་
སྐྲ་སེར་པོ་གྱེན་དུ་བརྫེས་པ། ཕྱག་གཡས་རྡོ་རྗེ་ནག་པོ་རྩེ་དགུ་པ་ནམ་མཁའ་ལ་འཕྱར་བ། 
གཡོན་པས་སྣ་ཚོགས་རྡོ་རྗེས་མཚན་པའི་ཐོད་ཁྲག་ཐུགས་ཀར་ཞེས་པ་ནས། མེ་དཔུང་འབར་
བའི་དབུས་ན་བཞུགས་པའོ། །ཞེས་པའི་བར་བདག་མེད་མ་དང་འདྲ་བ། འདབ་མ་བརྒྱད་ལ་ཤར་དུ་གཽ་
རཱི། ལྷོར་ཙཽ་རཱི། ནུབ་ཏུ་བཻཏྟ་ལཱི། བྱང་དུ་གྷསྨ་རཱི། བྱང་ཤར་དུ་པུཀྐ་སཱི། ཤར་ལྷོར་ཤཱ་བཱ་རཱི། 
ལྷོ་ནུབ་ཏུ་ཙཎྜ་ལཱི། ནུབ་བྱང་དུ་ཌོམྦི་ནཱི་རྣམས་ནག་མོ་གྲི་གུག་ཐོད་པ་ཁ་ཊྭཱཾ་ག་བསྣམས་པ། 
11-1-18


གཡོན་རྐྱང་གི་སྟབས་ཀྱིས་བཞུགས་པ། ཞེས་བརྗོད་ཅིང༌། དོན་བདག་མེད་མའི་སྐབས་བཞིན་དྲན་པར་བྱའོ། །
རང་གི་སྙིང་གར་རང་དང་འདྲ་བའི་ནས། གནས་པའི་ཧཱུཾ། ཐམས་ཅད་ཀྱི་མིག་ཏུ་ནས། ཧེ་རུ་ཀ་
དཔལ་ཕྱག་འཚལ་བསྟོད། །བཟླས་པའི་སྐབས། ༀ་ཏྲཻ་ལོ་ཀྱ་ཨཀྵེ་བ་ཧཱུཾ་ཧཱུཾ་ཧཱུཾ་ཕཊ་སྭཱཧཱ། ཞེས་བཟླ་བ་
དང༌། གཏོར་མའི་སྐབས་གཏོར་སྔགས་ཀྱང༌། ༀ་ཏྲཻ་ལོ་ཀྱ་ཨ་ཀྵེ་པ་ཨི་མཾ་བ་ལིཾ་སོགས་འདོན་པ་སྤོ་བ་ནི་ཁྱད་པར་ཏེ། 
གཞན་སྙིང་པོ་དགྱེས་པ་རྡོ་རྗེ་བཞིན་བྱས་པས་ལེགས་པར་འགྲུབ་བོ། །སྐུ་དགྱེས་པའི་རྡོ་རྗེའི་སྒྲུབ་ཐབས་ཀྱི་སྐབས་ཏེ་བཞི་པའོ།།    །།
གསུང་གི་ཧེ་རུ་ཀ་བསྒོམ་པར་འདོད་ནའང་འདི་ཉིད་དང་འདྲ་བ་ལས། དེ་ལས་དཀྱིལ་འཁོར་གྱི་ལྷ་ཚོགས་
ཡོངས་སུ་རྫོགས་པ་ཆོས་ཀྱི་དབྱིངས་ཀྱི་ཡེ་ཤེས་ཏེ། དབུས་སུ་དཔལ་ཧེ་རུ་ཀ་སྐུ་མདོག་
མཐིང་ནག་ཞལ་གཅིག་ཕྱག་བཞི་སྡང་མིག་འབར་བའི་སྤྱན་གསུམ་དམར་བ། དབུ་སྐྲ་སེར་
པོ་གྱེན་ཏུ་བརྫེས་པ། ཕྱག་དང་པོ་གཉིས་ཀྱིས་ཡུམ་རྡོ་རྗེ་ཕག་མོ་བཅོམ་ལྡན་འདས་དང་
མཚུངས་པ་ལ་འཁྱུད་པ། གཡས་འོག་མས་རྡོ་རྗེ་ནམ་མཁའ་ལ་འཕྱར་ཞིང༌། གཡོན་འོག་
མས་སྐྱེས་པའི་ཐོད་པ་ལྷ་དང་ལྷ་མ་ཡིན་གྱི་ཁྲག་གིས་གང་བ་བསྣམས་པ། ཞབས་གཡོན་
བརྐྱང་བའི་ཞེས་པ་ནས། དབུས་ན་བཞུགས་པའོ། །དེ་མན་ཆད་སྐུ་རྡོ་རྗེའི་སྐབས་དང་འདྲ་བ་ལས། བཟླས་པའི་
སྔགས་ནི། ༀ་ཛྭ་ལ་ཛྭ་ལ་བྷྱོ་ཧཱུཾ་ཧཱུཾ་ཧཱུཾ་ཕཊ་སྭཱཧཱ། གཏོར་སྔགས་ཀྱང་རིགས་འགྲེའོ། །གསུང་དགྱེས་པ་རྡོ་རྗེའི་སྒྲུབ་
ཐབས་ཀྱི་སྐབས་ཏེ་ལྔ་པའོ།།    །།
ཐུགས་ཀྱི་ཧེ་རུ་ཀ་སྒོམ་པར་འདོད་པས། ཡེ་ཤེས་ཏེ། དབུས་སུ་དཔལ་ཧེ་རུ་ཀ་སྐུ་མདོག་མཐིང་ནག་
ཞལ་གསུམ་ཕྱག་དྲུག་སོགས། གྱེན་དུ་བརྫེས་པ་གཡས་དཀར་གཡོན་དམར་དབུས་སྔོ་བའི་
ཞལ་ཅན། ཕྱག་གཡས་ཀྱི་དང་པོས་རྡོ་རྗེ་འཕྱར་བ། གཉིས་པ་ན་གྲི་གུག །གཡོན་གྱི་དང་
པོས་མདུང་རྩེ་གསུམ་པ། གཉིས་པ་ན་དྲིལ་བུ། ཕྱག་ཐ་མ་གཉིས་ཀྱིས་ཡུམ་རྡོ་རྗེ་ལུ་གུ་རྒྱུད་
མ་བཅོམ་ལྡན་འདས་དང་མཚུངས་པ་ལས། ཞལ་གཅིག་ཕྱག་གཉིས་པ་གྲི་གུག་དང་ཐོད་
11-1-19


པ་འཛིན་པ་ལ་འཁྱུད་པ། ཞབས་གཡོན་བརྐྱང་བའི་སྐྱིལ་ཀྲུང་ཕྱེད་པའི་གར་སྟབས་ཀྱིས་
ཁམས་གསུམ་གྱི་བདག་ཉིད་ཅན་གྱི་རོ་གདན་ལ་གནས་པ། ཐོད་སྐམ་ལྔའི་དབུ་རྒྱན། ཞེས་པ་
མན་ཆད་སྐུའམ་གསུང་གི་ཧེ་རུ་ཀ་དང་འདྲ། བཟླས་པའི་སྔགས་ནི། ༀ་ཀི་ཊི་ཀི་ཊི་བཛྲ་ཧཱུཾ་ཧུཾ་ཧཱུཾ་ཕཊ་སྭཱཧཱ། ཞེས་པ་
སྟེ་གཏོར་སྔགས་ཀྱང་རིགས་འགྲེའོ། །དེ་ལྟར་ན་ཧེ་རུ་ཀ་གསུམ་གྱི་སྐབས་འདིར་མངོན་རྟོགས་རྒྱས་པའོ། །ཐུགས་དགྱེས་པ་རྡོ་
རྗེའི་སྒྲུབ་ཐབས་ཀྱི་སྐབས་ཏེ་དྲུག་པའོ།།    །།
ད་ནི་ཧེ་རུ་ཀ་གསུམ་པོ་དེ་དག་གི་མངོན་རྟོགས་འབྲིང་དུ་བསྒོམ་པར་འདོད་པས། སེམས་ཅན་ཐམས་ཅད་བདེ་
བ་ནས། ཕཊ་སྭཱཧཱ། དེའི་ནང་དུ་པད་ཉི་དང་མི་རོའི་གདན། རང་གི་སྙིང་གར་རཾ་ལས་ཉི་མའི་
སྟེང་དུ་ཧཱུཾ། དེ་ལས་བྱུང་བའི་རྡོ་རྗེ་ནག་པོ་རྩེ་དགུ་པ་ཧཱུཾ་གིས་མཚན་པ། དེ་ཡོངས་སུ་གྱུར་པ་
ལས། རང་ཉིད་དཔལ་ཧེ་རུ་ཀ་ཞེས་མཚམས་སྦྱར་ལ། སྐུ་གསུང་ཐུགས་ཀྱི་ཧེ་རུ་ཀ་གསུམ་པོ་གང་རིགས་གོང་བཞིན་
གསལ་བཏབ་ནས། རང་གི་སྙིང་གར་རང་དང་འདྲ་བའི་ནས། ཧཱུཾ། མིག་ཏུ་མོཾ་ལས་གཏི་མུག་ནས། རྡོ་
རྗེ་བཞི་རྣམ་པར་དག་ཅིང་མི་བསྐྱོད་པས་དབུ་བརྒྱན། མཆོད་ཡོན་ཞབས་བསིལ་མེ་ཏོག་སོགས་ཀྱིས་
མཆོད། གོང་བཞིན་བསྟོད་[ལྷག་མ་སྔར་དང་འདྲ།] གཏོར་ཆོག་གི་སྐབས་སུ། ལྷ་དགུ་ཀ་ལ་ཕུལ་བས་ཆོག་ཀྱང༌། གཙོ་རྐྱང་ལ་
འབུལ་བར་མོས་ན། ལྷ་དགུའི་ཞེས་དང༌། ལྷ་མོ་རྣམས་ཀྱི་གཏོར་སྔགས་བོར་བས་ཆོག་གོ །ཧེ་རུ་ཀ་གསུམ་གྱི་སྒྲུབ་ཐབས་འབྲིང་
པོའི་སྐབས་ཏེ་བདུན་པའོ།།    །།
བསྡུས་པ་བསྒོམ་པར་འདོད་པས། ཚད་མེད་བཞིའི་རྗེས་ལ། ཤཱུ་ནྱ་ཏས་སྟོང་པར་སྦྱངས། སྟོང་པའི་ངང་ལས་
རང་སེམས་ཧཱུཾ་གི་རྣམ་པ་ཡོངས་སུ་གྱུར་པ་ལས། རང་ཉིད་དཔལ་ཧེ་རུ་ཀ་ཞེས་མཚམས་སྦྱར་ནས་
གསུམ་པོ་གང་རུང་དུ་བསྐྱེད་ལ། རང་གི་སྙིང་གར་ནས། ཧཱུཾ། དཔྲལ་བར་ༀ། མགྲིན་པར་ཨཱཿ ཐུགས་
ཀར་ཧཱུཾ། རང་གི་སྙིང་ག་ནས་འོད་ཟེར་འཕྲོས་ཡེ་ཤེས་སེམས་དཔའ་མདུན་གྱི་ནམ་མཁར་
བཛྲས་མཱ་ཛཿ ཛཿཧཱུཾ་བཾ་ཧོཿ མན་ཆད་འབྲིང་པོའི་སྐབས་དང་འདྲ། དེ་ལྟར་ན་འབྲིང་བསྡུས་གཉིས་ལ་འཁོར་གྱི་
ལྷ་ཚོགས་སྒོམ་མི་དགོས་སོ། །ཧེ་རུ་ཀ་འདི་གསུམ་འདམ་སྐྱེས་སྔོན་པོ་འདྲ་བའི་མདོག །ཡང་ན་སྔོ་དང་ཉི་མའི་མདོག །ཅེས་
11-1-20


གསུངས་པའི་མཐིང་གའམ། སྨུག་ནག་གང་མོས་པ་ཞིག་གིས་ཆོག་པར་གསལ་ལོ། །དེ་བཞིན་དུ་གར་སྟབས་མཛད་པ་རྣམས་ལ་
རོའམ། ལྷའི་གདན་གྱི་སྙིང་གར་ཉི་ཟླའི་གདན་བྱེད་པའང་རུང་ཞིང༌། སྙིང་པོ་ཧེ་རུ་ཀ་ལ་གཽ་རཱི་སོགས། སྒོ་མཚམས་ལ་འགོད་པ་
དང༌། བདག་མེད་མ་ལ་པད་འདབ་རིམ་གཅིག་དང༌། གཽ་རཱི་སོགས་ལྷ་སྣམ་ལ་བཀོད་ཀྱང་ཆོག་གོ །ཧེ་རུ་ཀ་གསུམ་གྱི་སྒྲུབ་ཐབས་
བསྡུས་པའི་སྐབས་ཏེ་བརྒྱད་པའོ།།    །།
ད་ནི་རྫོགས་པའི་རིམ་པའི་སྒྲུབ་ཐབས་བཤད་པར་བྱ་སྟེ། དབྱུང་བ་ཉིད་ཀྱིས་ལྟུང་བར་བྱེད། །ཞེས་སོགས་ལྟར་རླུང་ཕྱིར་
དབྱུང་བ་རྔུལ་མཐའ་ཅན་དང༌། ནང་དུ་བཅིང་རྔུབ་དགང་བ་དང༌། ཁ་སྦྱོར་དུ་གནས་པ་བུམ་པ་ཅན་དང༌། མ་ནིང་གི་སྦྱོར་བ་
གཞིལ་བ་སྟེ། དེ་རྣམས་ལྟ་སྟངས་དང་བཅས་པས་ལེགས་པར་བསླབ་པ་ནི། ཕྲ་མོའི་སྦྱོར་བ་ཡིན་ལ། ཐིག་ལེའི་རྣལ་འབྱོར་ནི་
གཏུམ་མོ་སྟེ། རྩ་གསུམ་འཁོར་ལོ་བཞི་མན་ངག་བཞིན་གསལ་འདེབས་པ་ལས། དེ་ཡང་ལྟེ་བ་འཁོར་ལོ་དཀར་པོ། སྙིང་གའི་
ནག་པོ། མགྲིན་པའི་དམར་པོ། སྤྱི་བོའི་འཁོར་ལོ་ལྗང་ཁུའམ། ཁ་དོག་སྣ་ཚོགས་པའམ། དཀར་དམར་ནག་གསུམ་འདྲེས་པ། 
དབུས་སུ་རིམ་པ་བཞིན་དུ། ཨཱཾ་ཧཱུཾ་ༀ་ཧཾ་དམར་སེར་དང་སྔོ་སྐྱ་དང་དམར་པོ་དང་དཀར་ལ་དམར་བའི་མདངས་ཆགས་པའི་མདོག་
ཅན་རྣམས་གསལ་བཏབ་ལ། ཐུར་སེལ་གྱི་རླུང་གིས་བདེ་བ་བསྐུལ་ཞིང༌། བུམ་པ་ཅན་མ་ནིང་གི་རླུང་སྦྱོར་ལ་བརྟེན་ནས། ཆུ་
ཚོད་རེ་རེ་འཁོར་ལོ་གཞན་གསུམ་ལ་སེམས་གཏད་ཅིང༌། ཆུ་ཚོད་དགུ་ལྟེ་བའི་ཨཾ་ཡིག་ལ་མཉམ་པར་འཇོག་པའམ། དེ་ཙམ་
བཞག་པར་མི་ནུས་ན་ཆུ་སྲང་གི་གྲངས་ལ་དེ་ལྟར་སྦྱར་ཏེ་སྒོམ། དེ་ལ་གོམ་ནས་དབུ་མའི་ནང་གི་འབར་འཛག་ལ་བསླབ་པ་ནི་
སྤྱི་དང་འདྲའོ། །ཅི་སྟེ་གཏུམ་མོ་བསྡུས་པ་བསྒོམ་པར་འདོད་ན། ལྟེ་བའི་དབུས་སུ་ཆོས་འབྱུང་དཀར་པོའི་ནང་དུ་ཨ་ཐུང་དམར་
པོ་ལ་མཉམ་པར་འཇོག་པ་ནི་ཁྱད་པར་རོ། །དེ་དག་ནི་དམ་ཚིག་གི་ཕྱག་རྒྱའོ། །ཐུན་མཚམས་སུ་སྣང་བ་ཐམས་ཅད་ལ་ལྷ་སྐུ་སྒྱུ་
མ་ལྟ་བུར་མོས་ཤིང༌། དམ་ཚིག་གི་ཕྱག་རྒྱ་སྒོམ་པའི་ཉམས་ཀྱིས་ཡང་ཡང་རྒྱས་བཏབ་པ་ན། སྣང་བ་གང་ཤར་ཐམས་ཅད་བདེ་
གསལ་སྟོང་བ་གང་རུང་གི་གྲོགས་སུ་གྱུར་པའི་ཚེ། དེ་ཉིད་ཀྱི་ཉམས་བསྐྱང་བར་བྱ་སྟེ་ཆོས་ཀྱི་ཕྱག་རྒྱའོ། །ཡིད་ཀྱིས་སྒོམ་པའི་
རིག་མའམ། པདྨ་ཅན་ལ་སོགས་པ་དངོས་ཀྱི་རིག་མ་ལ་བརྟེན་པ་དང༌། རྟེན་གྱི་དབང་གིས་ཐབས་ལས་ཀྱང་སྟེ། ལྷན་ཅིག་སྐྱེས་
པའི་ཡེ་ཤེས་ངོས་བཟུང་ཞིང༌། དེ་ལས་བྱུང་བའི་ཉམས་བདེ་སྟོང་ལ་མཉམ་པར་འཇོག་པ་ནི་ལས་ཀྱི་ཕྱག་རྒྱའོ། །དེ་རྣམས་ཀྱི་
རླུང་སེམས་དབུ་མར་ཐིམ་པ་ན་འདོད་ཆགས་ཆེན་པོའི་ཡེ་ཤེས་ཞེས་བྱ་བ་རྣམ་པར་མི་རྟོག་པའི་བདེ་བ་ཆེན་པོའི་སེམས་དང༌། དེ་
11-1-21


ལས་རང་ཤར་དུ་བྱུང་བའི་དཀྱིལ་འཁོར་གྱི་འཁོར་ལོ་ལ་སོགས་པ་ཤེས་བྱ་ཐམས་ཅད་ཀྱི་གཟུགས་བརྙན་སྣང་བ་ནི། ཕྱག་རྒྱ་
ཆེན་པོ་དངོས་ཡིན་ལ། དེའི་{རྒྱུར་[རྒྱུད་]བསྐྱེད་པའི་རིམ་པ་དང༌། ཕྱག་རྒྱ་སྔ་མ་གསུམ་དང༌། བྱ་སྤྱོད་ཐམས་ཅད་དང༌། སྣང་
གྲགས་ཐམས་ཅད་རྣམ་པར་མི་རྟོག་པས་ཟིན་པར་བྱེད་པ་ཡང༌། [རྒྱུ་ལ་འབྲས་བུའི་མིང་] བཏགས་པ་སྟེ་ཕྱག་རྒྱ་ཆེན་པོའོ། །དེ་
ཡང་རྣལ་འབྱོར་ཡན་ལག་དྲུག་པའི་ངེས་པས་སྒོམ་སྟེ། དེ་རྣམས་ཀྱི་མན་ངག་བླ་མའི་ཞལ་ལས་རྟོགས་པར་བྱ་ཞིང༌། གོ་དོན་ནི་
རྒྱུད་ཀྱི་རྒྱལ་པོ་ལས་ཤེས་པར་བྱའོ། །རྫོགས་པའི་རིམ་པའི་སྒྲུབ་ཐབས་ཀྱི་སྐབས་ཏེ་དགུ་པའོ།།    །།
ད་ནི་དཀྱིལ་འཁོར་གྱི་ལས་རིམ་རྣམས་མདོར་བསྡུས་པའི་ཚུལ་གྱིས་བརྗོད་པར་བྱ་སྟེ། དེ་ལས་ཆོ་ག་དང༌། སྟ་གོན་དང༌། 
དཀྱིལ་འཁོར་ཞག་གི་ཆོ་ག་དང༌། དཀྱིལ་འཁོར་སྒྲུབ་པ་དང༌། དབང་གི་བྱ་བའི་ལས་དང༌། དཀྱིལ་འཁོར་ཉེར་བསྡུའི་ཆོ་ག་སྟེ་
དྲུག་ལས། དང་པོ་ནི། རྒྱས་པར་ན་སྤྱི་དང་འདྲ་ཡང༌། མདོར་བསྡུས་པ་ལ་མངོན་པར་དགའ་བས་ནི། ༀ་ཨིན་ད་སོགས་
ཀྱིས་འབྱུང་པོ་ཐམས་ཅད་པའི་གཏོར་མ་བཏང་ལ། གང་ཡང་འདིར་གནས་ལྷ་དང་ཀླུ། །གནོད་སྦྱིན་སྲིན་
པོའམ་གཞན་དག་ལ། །ས་འདི་བདག་གིས་བསླང་བར་བགྱི། །དཀྱིལ་འཁོར་དོན་དུ་ཁྱོད་
ཀྱིས་སྩོལ། །ཅེས་གསོལ་བ་བཏབ། སའི་ལྷ་མོ་ལས་ཀྱང་བསླང་བ་ལས། མཆོད་གཏོར་ཕུལ་ནས། སྟེང་གི་ནམ་མཁར་
བཞུགས་སུ་གསོལ། ཨ་མྲྀ་ཏ་བཟླས་ལ་བ་བྱུང་གིས་དཀྱིལ་འཁོར་གྱི་ས་ལ་བྱུག་ཅིང༌། དྲི་བཟང་གི་ཆུས་གཏོར་ལ། ༀ་
{བྷཱུ[བྷུ་]ཁཾ་ནམ་མཁའི་རང་བཞིན་དུ་གྱུར། ཧཱུཾ་ལཾ་ཧཱུཾ། ༀ་མེ་དྷི་ནི་བཛྲིར་བྷ་བ་བཛྲ་བནྡྷ་ཧཱུཾ། 
རྡོ་རྗེའི་རང་བཞིན་དུ་གྱུར། ༀ་ཧ་ན་ཧ་ན་བཛྲ་ཀྲོ་དྷ་ཧཱུཾ་ཕཊ། ཅེས་བརྗོད། དེ་ནས་དཀྱིལ་འཁོར་གྱི་ས་
གཞིར་རང་ཉིད་འདུག་ལ། སྐྱབས་སེམས་ནས་བརྩམས་བཟླས་པའི་བར་བྱ། ༀ་བཛྲ་ཨུ་ཏིཥྛ་ཞེས་དཀྱིལ་འཁོར་གྱི་འཁོར་
ལོ་ནམ་མཁར་བཏེག །མཆོད་བསྟོད་ཅུང་ཟད་བྱ། རང་ཉིད་གཙོ་བོའི་ཐུགས་ཀ་ནས་སྤྲོས་པའི་ཧེ་རུ་ཀ་ཕྱག་
གཉིས་པའི་རྣམ་པར་གྱུར། ཧཱུཾ་ཞེས་སྙེམས་པ་དང་བཅས་པས་དཀྱིལ་འཁོར་གྱི་ས་གཞི་བཅག་པར་བྱའོ། །སྤྲོ་ན། ༀ་
གྷ་གྷ་སོགས་ཕུར་གདབ་བྱ། མཐར་ༀ་རཀྵའི་སྔགས་ཀྱིས་ས་གཞི་བགེགས་དང་བྲལ་བར་བསམ་མོ། །ས་ཆོག་གི་རིམ་པའི་
སྐབས་ཏེ་བཅུ་པའོ།།    །།
གཉིས་པ་སྟ་གོན་ལ། སྔོན་འགྲོ་གཏོར་མ། མཆོད་པ་བྱིན་རླབས། བདག་བསྐྱེད་རྣམས་སྔོན་དུ་འགྲོ་བའི་སྒོ་ནས། སའི་
11-1-22


ལྷ་མོའི་སྟ་གོན་སྤྱི་དང་འདྲ་བ་ལས། གསོལ་བཏབ་ཀྱི་སྐབས། མ་མ་རིན་ཆེན་སྣ་ཚོགས་འཛིན་སོགས་ཀྱིས་གསོལ་
བ་བཏབ། སའི་ལྷ་མོ་ས་དེ་ཉིད་ལ་བསྟིམ། ས་ཆོག་བྱས་པའི་ཕྱོགས་ལ་ཁར་སང་ནམ་མཁར་བཏེག་པའི་སའི་ལྷ་མོ་དེ་སྔོན་དུ་ཡེ་
ཤེས་པའི་ཚུལ་གྱིས་བསྟིམ་དགོས་སོ། །
གཉིས་པ་ལྷ་སྟ་གོན་ནི། རྡུལ་ཚོན་འདྲི་ན་ལས་ཐིག་བཏབ་པའམ། མིན་ནའང་ལྷ་གནས་མ་འཆོལ་པར་དགོས་པས། ནང་
བར་ལྷ་མཚན་འབྲི་སར་དྲི་བཟང་གི་ཚོམ་བུའི་སྟེང་དུ་མེ་ཏོག་གི་ཚོམ་བུ་བཀོད། ལག་ལེན་བཞིན་མཆོད་གཏོར་བཤམས། མདུན་
བསྐྱེད་བསངས་སྦྱངས། སྟོང་པའི་ངང་ལས་མདུན་གྱི་གནས་སུ་སྣ་ཚོགས་པདྨ་འདབ་མ་བརྒྱད་པའི་
ནས། ཐགས་བཟང་རིགས་དུད་ཁ་རྣམས་གན་རྐྱལ་དུ་གནས་པར་གྱུར། ས་ཆོག་བྱས་ན། ནམ་མཁར་
བཏེག་པའི་ལྷ་སྤྱན་འདྲེན་པ་ཡིན་ལ། ས་ཆོག་མ་བྱས་པའི་ཕྱོགས་ལ་དེ་བཞིན་གཤེགས་པ་མཁའ་ཁྱབ་སྤྱན་འདྲེན་པ་བློ་ཡུལ་
དུ་བཞག་ནས། རང་གི་སྙིང་ག་ནས་འོད་ཟེར་འཕྲོས། སངས་རྒྱས་དང་བྱང་ཆུབ་སེམས་དཔའ་
ཐམས་ཅད་འདུས་པའི་ངོ་བོ། བཅོམ་ལྡན་འདས་དཔལ་དགྱེས་པ་རྡོ་རྗེ་ལྷ་དགུའི་དཀྱིལ་
འཁོར་བ་ཐམས་ཅད་ༀ་བཛྲ་ས་མཱ་ཛཿ མཆོད་ཡོན་དང་ཞབས་བསིལ་ཕུལ་ལ། སོ་སོའི་གདན་གྱི་སྟེང་
དུ་བཞུགས་པར་གྱུར་པ་ནི། དབུས་སུ་བཅོམ་ལྡན་འདས་དཔལ་དགྱེས་པ་རྡོ་རྗེ་སྐུ་མདོག་
མཐིང་ནག་ནས། བཅོམ་ལྡན་འདས་དང་མཚུངས་པའོ། །ཤར་དུ་གཽ་རཱི་ནག་མོ་ནས། བཅོམ་ལྡན་
འདས་མ་དང་མཚུངས་པའོ། །བར་དེར་མཆོད་པ་གསར་དུ་བཤམས་ཡོད་ན། མཆོད་པ་བྱིན་རླབས་མདོར་བསྡུས་སྤྱི་
དང་མཐུན་པར་བྱ། བསྡུ་ན། ཧཱུཾ་ལས་བྱུང་བའི་མཆོད་པ་ནམ་མཁའི་མཐས་ཀླས་པར་གྱུར། ༀ་ཨཱཿཧཱུཾ་
ཞེས་ལན་མང་དུ་བརྗོད། ཆུ་གཉིས་ལ་གོང་དུ་བཤད་པའི་སྔགས་ལན་གསུམ་རེ་བཟླས་ལ། དེ་བ་པི་ཙུ་ལན་བདུན་གྱི་མཐར། 
ༀ་ཨཱཿཧྲི་པྲ་བ་ར་སཏྐ་ར་ཨར་ཐཾ་བཛྲ་ཨརྒྷཾ་པྲ་ཏཱིཙྪ་སྭཱཧཱ། ཞེས་པ་དང༌། སྤྲོ་ན་དཀྱིལ་འཁོར་བ་གཞན་རྣམས་
ཀྱི་སྔགས་ཀྱི་མཐར་ཡང་དེ་བཞིན་དུ་སྦྱར་ཏེ་མཆོད་ཡོན་ཕུལ། དེ་བཞིན་དུ། ཨརྒྷཾ་གྱི་གནས་སུ་པཱདྱཾ་སྦྱར་བས་ཞབས་
བསིལ་ཕུལ། ༀ་མེ་ཏོག་བཟང་པོ་མཛེས་ཤིང་གཙང༌། །གཙང་མའི་གནས་སྐྱེས་འདི་རྣམས་ནི། །
བདག་གིས་གུས་པས་འབུལ་ལགས་ན། །སོ་སོར་བཞེས་ཏེ་དགྱེས་པར་མཛོད། །ༀ་བཛྲ་
11-1-23


པུཥྤེ་ཨཱཿཧཱུཾ་སྭཱཧཱ། ཡིད་དགའི་སྙིང་པོ་རོ་མཆོག་ལྡན། །བདུག་སྤོས་བླ་རེ་དྲི་ཞིམ་འདི། །བདག་
གིས༴ །སོ་སོར༴ །དྷུ་པེ། སྲིན་པོ་འཇོམས་ཤིང་དག་བྱེད་ལ། །དགེ་ཞིང་མུན་པ་རྣམས་སེལ་
འདི། །བདག་གིས༴ །སོ་སོར༴ །ཨཱ་ལོ་ཀེ། གཙང་ཞིང་གཙང་ལ་དགེ་བའི་དྲི། །སྐྱེ་གནས་
གཙང་མར་ལྡན་འདི་རྣམས། བདག་གིས༴ །སོ་སོར༴ །གནྡྷེ། སྨན་རྣམས་བཅུད་གཙང་ཡིད་
འོང་དགེ།སྔགས་ཀྱི་ཞལ་ཟས་བཤོས་འདི་དག །བདག་གིས༴ །སོ་སོར༴ །ནཻ་བི་ཏྱ། དེ་ལས་
གཞན་ཡང་སོགས། ཤཔྟ། རྩ་རྒྱུད་ཀྱི་བླ་མ་ཐམས་ཅད་ཀྱི་ཞལ་དུ་ༀ་ཨཱཿཧཱུཾ། ཞེས་དངོས་སུ་རིགས་
བདག་ལ་ཕུལ། ལྷ་སོ་སོའི་སྙིང་པོའི་མཐར་འབྲུ་གསུམ་བཏགས་པས་ནང་མཆོད་འབུལ། མཁའ་གསང་བྱིན་གྱིས་རླབས་པ་ཡིད་
ཀྱིས་དྲན་པར་བྱས་ནས། ༀ་སརྦ་ཏ་ཐཱ་ག་ཏ་ཨ་ནུ་རཱ་ག་ན་བཛྲ་སྭ་བྷཱ་བ་ཨཏྨ་ཀོ྅ཧཾ། ཞེས་གསང་བའི་
མཆོད་པའོ། །ཁྱོད་ནི་རྣལ་འབྱོར་མ་ཚོགས་ཡོངས་སུ་བསྐོར། ཁྱོད་ནི་ཉིད་ཀྱི་ཐུགས་ཀྱི་དགོངས་
པ་འགྲུབ། །རྒྱུ་དང་མི་རྒྱུའི་འཁོར་བ་ཀུན་འགྲུབ་ཁྱོད། །སྙིང་རྗེའི་ཐུགས་ཀྱི་སེམས་ཅན་བྱང་
ཆུབ་སྟེ། །ཀུན་རྫོབ་སྒྱུ་མ་བྱང་ཆུབ་སྒྲུབ་པའི་ཡིད། །དགྱེས་པའི་རྡོ་རྗེ་ཧེ་རུ་ཀ་དཔལ་བསྟོད། །
ཅེས་བསྟོད་པ་དང་ལྷན་ཅིག་རོལ་མོའི་སྒྲ་བྱ་ཞིང༌། སྤྲོ་ན་དེའི་རྗེས་སུ་མཚོ་སྐྱེས་ཀྱིས་མཛད་པའི་བསྟོད་པ་ཉི་ཤུ་པ་སོགས་ཇི་
ལྟར་རིགས་པས་བསྟོད་དོ། །དེ་ནས་གཏོར་མ་འབུལ་བ་ནི། རང་གི་སྙིང་གའི་ཧཱུཾ་ལས་འོད་ཟེར་འཕྲོས། ཞེས་པ་
ནས། བཛྲ་ས་མཱ་ཛཿ ཛཿཧཱུཾ་བཾ་ཧོཿ མདུན་བསྐྱེད་ཀྱི་དཀྱིལ་འཁོར་དང་གཉིས་སུ་མེད་པར་ཐིམ། 
རང་གི་སྙིང་ག་ནས་འོད་ཟེར་འཕྲོས། ཕྱོགས་སྐྱོང་ལྷ་ཀླུ་ཞེས་པ་མན་ཆད་སྔར་དང་འདྲ་བ་ལས། གཤེགས་
གསོལ་གྱི་སྐབས་གཏོར་མགྲོན་འཇིག་རྟེན་པ་རྣམས་ཁོ་ན་གཤེགས་སུ་གསོལ་བ་ཡིན་ནོ། །དེ་ནས་ཐོད་པའི་སྣོད་དུ་ཤ་ཆེན་གྱི་
སྤོས་སྦྱར་བའམ། དེ་ལྟར་མོས་ལ། གཉིས་མེད་ཡེ་ཤེས་ལས་བྱུང་བའི། ཁྱབ་བདག་དངོས་ཀུན་བདག་
ཉིད་ཆེ། །སྟོན་པའི་གཙོ་བོ་ཁྲག་འཐུང་དཔལ། །བདག་མེད་ལྷན་ཅིག་ཡང་དག་སྦྱོར། །ཞེས་
སོགས་ཀྱིས་སྙན་གསན་ཕབ། ༀ་བཛྲ་ཨུ་ཏིཥྛ་ཞེས་རྡོ་རྗེ་གཙུག་ཏོར་གྱི་ཕྱག་རྒྱ་སྤྱི་བོར་ལྡོག་སྟེ། དཀྱིལ་འཁོར་གྱི་
ལྷ་ཚོགས་མདུན་གྱི་ནམ་མཁར་བཏེགས། ཆུ་གཉིས་སྔོན་དུ་འགྲོ་བའི་ཉེར་སྤྱོད་རོལ་མོ་དང་བཅས་པ་སྔགས་
11-1-24


ཙམ་གྱིས་ཕུལ། སྤྱན་མ་དྲངས་ཀྱི་བར་དུ་འདིར་བཞུགས་ལ་བསྲུང་བ་ཆེན་པོ་མཛད་པ་དང༌། 
ནངས་པར་དཀྱིལ་འཁོར་ཆེན་པོ་བྱིན་གྱིས་རླབས་ཏེ། བདག་ལ་བྱིན་གྱིས་རླབས་པའམ། 
བདག་སློབ་མར་བཅས་པ་ལ་བྱིན་གྱིས་བརླབ་ཏུ་གསོལ། ཞེས་སོགས་ཅི་རིགས་པས་གསོལ་བ་བཏབ། 
རཀྵའི་སྔགས་ལན་གསུམ་གྱིས་བསྲུངས་བས་བསྐོར། 
གསུམ་པ་བུམ་པ་སྟ་གོན་ནི་དབང་བུམ་དགུ་དང་ལས་བུམ་གཅིག་སྟེ་བཅུའམ། བསྡུ་ན་རྣམ་རྒྱལ་དང་ལས་བུམ་གཉིས་
ལེགས་པར་བཀྲུས་ཤིང༌། གོས་གཙང་མ་དཀར་པོའམ་སེར་པོས་གཡོགས། མགྲིན་པར་སྲད་བུས་ལན་བདུན་དུ་དཀྲིས་ཤིང༌། 
གུ་གུལ་གྱིས་བདུགས། དྲི་བཟང་གི་ཆུ་གཙང་མས་བཀང༌། རིན་པོ་ཆེ་ལྔ་དང༌། སྨན་ལྔ་དང༌། འབྲུ་སྣ་ལྔ་རྣམས་བླུགས། ཤ་ལྔ་
བདུད་རྩི་ལྔ་ཡང་སྦྱར། ཡལ་གས་ཁ་རྒྱན་མེ་ཏོག་འཕྲེང་བ་དང་བཅས་པའི་རྡོ་རྗེ་བཞག །བུམ་པའི་སྟེང་ངམ་སྟེགས་བུ་གཞན་དུ། 
དུང་ཆོས་སམ་ཐོད་པའི་སྣོད་དུ་མཆོད་ཡོན་བཤམས། དེ་ལ་མཆོད་པའང་བཤམས་ཤིང༌། མཆོད་པ་བྱིན་གྱིས་རླབས། བུམ་པ་
བསངས་སྦྱངས། བསྐྱེད་ཆོག་སྤྱི་དང་འདྲ་བ་ལས། བུམ་པ་དགུ་ཡོད་ན་དབུས་ཀྱི་བུམ་པར། བཅོམ་ལྡན་འདས་དཔལ་
དགྱེས་པ་རྡོ་རྗེ་སོགས་དང༌། ཤར་གྱི་བུམ་པར་གཽ་རཱི་ནག་མོ་སོགས་བསྐྱེད་ལུགས་རིགས་པས་བསྒྲེ་ཞིང༌། 
རྣམ་པར་རྒྱལ་བའི་བུམ་པ་གཅིག་པུ་ཡིན་ན། རྣམ་རྒྱལ་བུམ་པའི་ནང་དུ་སྣ་ཚོགས་པདྨ་འདབ་མ་བརྒྱད་
པ་ཞེས་པ་ནས། གན་རྐྱལ་དུ་གནས་པའི་བར། དབུས་ཀྱི་གདན་གྱི་སྟེང་དུ་བཅོམ་ལྡན་འདས་
དཔལ་དགྱེས་པ་རྡོ་རྗེ་ནས། བཅོམ་ལྡན་འདས་དང་མཚུངས་པའོ། །ཤར་དུ་གཽ་རཱི་ནས། བཅོམ་
ལྡན་འདས་མ་དང་མཚུངས་པའོ། །རང་གི་སྙིང་ག་ནས་འོད་ཟེར་འཕྲོས། ཡེ་ཤེས་སེམས་
དཔའ་དཀྱིལ་འཁོར་གྱི་འཁོར་ལོ་མདུན་གྱི་ནམ་མཁར་བཛྲ་ས་མཱ་ཛཿ ཆུ་གཉིས་ཕུལ། ཛཿཧཱུཾ་བཾ་
ཧོཿ གཉིས་སུ་མེད་པར་ཐིམ། དེའི་རྗེས་སུ་སླར་ཡང་ཆུ་གཉིས་ཉེར་སྤྱོད་རོལ་མོ་རྣམས་སྔགས་ཀྱིས་ཕུལ་ཞིང༌། 
ཁྱོད་ནི་རྣལ་འབྱོར་མ་སོགས་ཀྱིས་བསྟོད། ཡབ་ཡུམ་འདོད་ཆགས་ཆེན་པོས་སྙོམས་པར་ཞུགས་
པས། དཀྱིལ་འཁོར་གྱི་ལྷ་ཐམས་ཅད་བྱང་ཆུབ་སེམས་ཀྱི་ངོ་བོར་ཞུ་སྟེ། བུམ་པ་གང་བར་
གྱུར། གཙོ་བོའི་སྙིང་པོ་བརྒྱ་རྩ་དང༌། འཁོར་རྣམས་ཀྱི་སྔགས་ཅི་རིགས་པར་བཟླ་ཞིང༌། མཐར་ཨ་བྷི་ཥེ་ཀ་ཏའི་སྔགས་
11-1-25


ཀྱང་བཟླའོ། །དེ་བཞིན་དུ། ལས་ཐམས་ཅད་པའི་བུམ་པར་ཧཱུཾ་ལས་རྡོ་རྗེ་ཧཱུཾ་གིས་མཚན་པ་ལས། ཁྲོ་
བོ་བདུད་རྩི་འཁྱིལ་པ་གཡས་པ་རྡོ་རྗེ་འཕྱར་ཞིང༌། གཡོན་སྡིགས་མཛུབ་བསྡིགས་པ། ཁྲོ་
བོའི་ཆ་བྱད་ཡོངས་སུ་རྫོགས་པར་གྱུར། ༀ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། བརྒྱ་རྩ་
ལས་མི་ཉུང་བར་བཟླས། སྔ་མ་བཞིན་མཆོད་ལ། འཇིགས་པའི་ཧཱུཾ་སྒྲ་ངེས་སྒྲོག་ཅིང༌། །བགེགས་རྣམས་
མ་ལུས་འཇོམས་མཛད་པ། །དངོས་གྲུབ་མ་ལུས་སྩོལ་བའི་ལྷ། །བགེགས་ཀྱི་དགྲ་ལ་ཕྱག་
འཚལ་བསྟོད། །དཀྱིལ་འཁོར་གྱི་བྱ་བ་མཐར་མ་ཕྱིན་གྱི་བར་དུ་བགེགས་ཐམས་ཅད་བསྲུང་
ཞིང་བཟློག་པའི་འཕྲིན་ལས་མཛོད་ཅིག །མཆོད་ཡོན་གྱི་ལྷག་མ་དེ་རྫོགས་པར་བླུག་ལ། ༀ་ཨཱཿཧཱུཾ་ཞེས་
བརྗོད། འདི་སྐད་ཅིག་གིས་བསྐྱེད་ཅིང༌། ཡེ་ཤེས་པ་སྤྱན་དྲངས་པ་མེད་པས་གཤེགས་པའམ་བཞུགས་པ་གང་ཡང་མི་དགོས་སོ། །

སློབ་མ་སྟ་གོན་ནི། མདོར་བསྡུ་ན། བྱང་ཆུབ་ཏུ་སེམས་བསྐྱེད་པ་གསལ་འདེབས་སུ་བཅུག་ཅིང༌། དགའ་ཆེན་ཁྱོད་
བདག་སྟོན་པ་སྟེ། །སོགས་གསོལ་བ་འདེབས། བུ་ཚུར་ཐེག་པ་ཆེན་པོ་ཡི། །སོགས་སྤྲོ་བ་བསྐྱེད། དཀོན་
མཆོག་གསུམ་ལ་བདག་སྐྱབས་མཆི། །སོགས་རྒྱུན་བཤགས་བྱ། སྙིང་པོའི་སྔགས་ཀྱིས་སློབ་མ་ལ་བསྲུང་བ་བྱས། 
གནས་གསུམ་དུ་འབྲུ་གསུམ་བཀོད་ཅིང་བདུད་རྩིས་ཐིག་ལེ་བྱ། དེ་ལ་མེ་ཏོག་བདུག་སྤོས་མར་མེ་དྲི་ཆབ་རྣམས་ཕུལ། དེ་ནས་
སོ་ཤིང་དོར་བ་དང༌། ཁྱོར་ཆུ་བྱིན་པ་དང༌། བསྲུང་སྐུད་བྱིན་པ་དང༌། ཀུ་ཤ་སྟེར་བ་རྣམས་དང༌། འཇིག་རྟེན་དུ་ནི་ཀུན་
མཁྱེན་རྣམས། །ཞེས་སོགས་བརྗོད་པ་ཟབ་མོའི་ཆོས་ལ་སྤྲོ་བ་བསྐྱེད་པ་དང༌། རྨི་ལམ་བརྟག་ཅིང་ངན་ན་བསྲུང་བ་རྣམས་
ངེས་པར་བྱ་ལ། རྡོ་རྗེ་སློབ་དཔོན་གྱི་དབང་བསྐུར་ན། གསོལ་བཏབ་ཀྱི་སྔོན་དུ་ནང་དབང་བསྐུར་བ་དང༌། རྨི་ལམ་བརྟག་པའི་
མཐར་རིགས་ལྔའི་སྡོམ་པ་བཟུང་བའི་དོན་བཤད་ནས། དགོངས་གསོལ་སྔོན་དུ་འགྲོ་བའི། ཇི་ལྟར་དུས་གསུམ་མགོན་
པོ་རྣམས། །ཞེས་སོགས་རིགས་ལྔའི་སྡོམ་བཟུང་ལན་གསུམ། དེ་དག་ཐམས་ཅད་ཆོ་ག་སྤྱི་དང་འདྲའོ། །ལྷག་གནས་སྟ་གོན་
གྱི་སྐབས་ཏེ་བཅུ་གཅིག་པའོ།།    །།
གསུམ་པ་དཀྱིལ་འཁོར་ཞག་གི་བྱ་བ་ནི། ནངས་པར་སྔར་ལངས་ཏེ། ཐིག་ཚོན་རྣམས་ཀྱི་མདུན་དུ་མཆོད་པ་བཤམས། 
11-1-26


རང་ཕྱག་གཉིས་པའི་ང་རྒྱལ་གྱིས་མཆོད་པ་བྱིན་གྱིས་རླབས། ཐིག་ཚོན་རྣམས་བསངས་སྦྱངས། སྟོང་པའི་ངང་ལས། ཧཱུཾ་
ལས་བྱུང་བའི་ཐིག་སྐུད་དང་རྡུལ་ཚོན་སྔོན་པོ་མི་བསྐྱོད་པའི་ངོ་བོ། ༀ་ལས་བྱུང་བའི་སོགས་
གོང་བཞིན་སྦྱར། དཀར་པོ་རྣམ་སྣང་གི༴ ཨཾ་ལས་བྱུང་བའི༴ སེར་པོ་རིན་ཆེན་འབྱུང་ལྡན་གྱི་ངོ་
བོ། ཛྲིཾ་ལས་བྱུང་བའི༴ དམར་པོ་འོད་དཔག་མེད་ཀྱི་ངོ་བོ། ཁཾ་ལས་བྱུང་བའི་ཐིག་སྐུད་དང་
རྡུལ་ཚོན་ལྗང་ཁུ་དོན་ཡོད་གྲུབ་པའི་ངོ་བོ། རང་གི་སྙིང་ག་ནས་འོད་ཟེར་འཕྲོས། དེ་བཞིན་
གཤེགས་པ་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་སྲད་བུ་དང་རྡུལ་ཚོན་བཛྲ་ས་མཱ་ཛཿ
ཛཿཧཱུཾ་བཾ་ཧོཿ ལན་བཅུ། གཉིས་སུ་མེད་པར་ཐིམ། འབྲུ་གསུམ་ལན་མང་དུ་བརྗོད་པས་བྱིན་གྱིས་བརླབས། ཧཱུཾ་
བྷྲུཾ་ཨཾ་ཛྲིཾ་ཁཾ་ཞེས་བཟླ་ཞིང་ཐིག་སྐུད་བསྒྲིལ། ཛྫཿཛྫཿཛྫཿ ཞེས་ཐིག་སྣེ་སློབ་མ་ལ་གཏད། དང་པོར་ཡེ་ཤེས་ཀྱི་ཐིག་ཐིག་
ཆེན་བརྒྱད་བཏབ། ༀ་བཛྲ་སཱུ་ཏྲ་ས་མ་ཡ་མ་ཏྲི་ཀྲ་མ་ཧཱུཾ། ཞེས་སོ། །དེ་ནས་ལས་ཐིག་གི་ཆ་དབྱེ་བར་བྱ་སྟེ། དེ་ལ་
ཡབ་ཀྱི་དཀྱིལ་འཁོར་ནི་འཕར་མ་གཅིག་པ་ཡིན་པས། ནང་གི་ཟླུམ་ཐིག་ཕྱི་མ་སྒོ་བཞིའི་ཚངས་ཐིག་དང་འབྲེལ་བའི་ཐད། རྩ་
ཐིག་ལ་རེག་པར་གདབ་ཅིང༌། རྡོ་རྗེ་བདག་མེད་མའི་དཀྱིལ་འཁོར་ལ་ནི་འཕར་མ་གཉིས་པ་ཡིན་པའི་ཕྱིར། པདྨ་ཉིས་རིམ་དུ་
བྱས་ན་ནི། ཟླུམ་ཐིག་ཕྱི་མ་ཡབ་ཀྱི་དེ་དང་འདྲ་བ་ལས། ཟླུམ་ཐིག་ནང་མ་ནི་གཡས་གཡོན་དུ་ཆ་ཆུང་བཅུ་པའི་སྟེང་ནས་བསྐོར་
བར་བྱ་བ་ཡིན་ལ། པད་འདབ་རིམ་པ་ཕྱི་མ་མེད་པ་ལ་ནི་ཆ་ཆུང་བཅུ་པའི་ཟླུམ་ཐིག་སྐོར་བ་ཁོ་ནའམ། བཅུ་གཉིས་པའི་མཚམས་
ནས་བསྐོར་བ་ཇི་ལྟར་བདེ་བས་རུང་ངོ༌། ཁ་ཅིག་ནི་པདྨའི་ལྟེ་བ་ཆ་ཆུང་བརྒྱད་པར་བྱས་ནས། འདབ་མའི་ཐིག་ལ། ཟླུམ་པོ་ནང་
མ་བཅུ་པ་དང༌། ཕྱི་མ་བཅུ་དྲུག་གི་མཚམས་ནས་བསྐོར་བར་འདོད་དེ། དེ་ཐམས་ཅད་མི་འགལ་བར་མངོན་ནོ། །ཐིག་གི་བྱ་བ་
ཟིན་པ་ན། ༀ་བཛྲ་ཙི་ཏྲ་ས་མ་ཡ་ཧཱུཾ། ཞེས་ལན་མང་དུ་བཟླས་ནས། ༀ་བཛྲ་བེ་གཱ་ཀྲ་མ་ཧཱུཾ། ཞེས་རྡོ་རྗེ་གཙུག་
ཏོར་གྱི་ཕྱག་རྒྱས་ཐིག་རྣམས་བཏེག་པར་མོས་ལ། སློབ་དཔོན་དབུས་སུ་ཞུགས་ཏེ། ཧཱིཿཧཱིཿཞེས་སྒོའི་ཐད་ཀའི་རྩ་ཐིག་ཕྱེས། 
དབུས་ཀྱི་ཕུར་ཁུང་རྡུལ་ཚོན་གྱིས་བགང་ཞིང༌། དང་པོར་སློབ་དཔོན་གྱིས་ཇི་ལྟར་རིགས་པ་ནས་བྲིའོ། །དེ་ལ་སྙིང་པོའི་ཧེ་རུ་ཀའི་
དཀྱིལ་འཁོར་ལ་དབུས་ཀྱི་མཚན་མ་སྣ་ཚོགས་རྡོ་རྗེས་མཚན་པའི་ཐོད་པ་ཉིད་ཡིན་གྱི། རྒྱུད་ལས་མ་གསུངས་པས་གྲི་གུག་འབྲི་
མི་དགོས་ལ། སྣ་ཚོགས་རྡོ་རྗེ་ཐབས་དང་ཐོད་ཁྲག་ཤེས་རབ་མཚོན་པའི་ཡུམ་གྱི་མཚོན་དོན་ཡང་ཚང་ངོ༌། །ལེགས་པར་བྲིས་ཟིན་
11-1-27


པ་ན་རོལ་མོའི་སྒྲ་དང་བཅས་པས་སློབ་དཔོན་གྱིས་རྡོ་རྗེ་གསོར་བཞིན་དུ། ཡིག་བརྒྱ་ལན་མང་དུ་བཟླས། བོད་རྙིང་པ་རྣམས་
ཀྱི་ལག་ལེན་དང་མཐུན་པར། བགེགས་སྦྱང་བ་དང༌། སྡིག་པ་སྦྱང་བ་དང༌། ཁྲུས་གསོལ་རྣམས་ཀྱང་བྱས་ན་ལེགས་པར་འགྱུར་
ཞིང༌། མཆོད་གཏོར་དང་རྒྱན་བཀྲམ་ཞིང༌། བུམ་པ་རྣམས་ཀྱང་རོལ་མོའི་སྒྲ་དང་བཅས་ཏེ་དཀྱིལ་འཁོར་ལ་ལན་གསུམ་བསྐོར་
ནས་གཙོ་བོའི་བུམ་པ་ཤར་སྒོའི་གཡས་དང༌། ལས་བུམ་གཡོན་དུ་བཞག །གཞན་རྣམས་ལྷ་རང་རང་སོ་སོའི་གནས་སམ། དེ་དང་
དེའི་ཐད་ཀྱི་ཕྱི་རོལ་ཏུ་བཞག་གོ །མི་བདེ་བ་མེད་ན་གཙོ་བུམ་ཡང་དབུས་སུ་འཇོག་པར་སློབ་དཔོན་སྔ་མ་རྣམས་བཞེད་པ་ལྟར་བྱ་
ལ། དཀྱིལ་འཁོར་དུ་འཇོག་པར་མི་བདེ་ན། བཞག་པར་མོས་ཤིང་ཕྱོགས་གཞན་དུ་བཞག་ཀྱང་ཆོག་གོ །རྣམ་རྒྱལ་བུམ་པ་གཅིག་
པུ་ཡིན་ན། ལྷ་སོ་སོའི་སྔགས་དང་བཅས་ཐམས་ཅད་དུ་འཇོག་ཚུལ་བྱས་ནས། མཐར་རང་གནས་སུ་བཞག་གོ །དཀྱིལ་འཁོར་
ཞག་གི་བྱ་བའི་སྐབས་ཏེ་བཅུ་གཉིས་པའོ།།    །།
བཞི་པ་དཀྱིལ་འཁོར་སྒྲུབ་པ་ནི། འདི་ལ་བདག་མདུན་ཐ་དད་དུ་སྒྲུབ་པ་ལ་མོས་ན་ཐ་དད་དང༌། གཅིག་ཏུ་སྒྲུབ་པ་ལ་མོས་
ན་གཅིག་ཏུ་སྟེ། དང་པོ་ལྟར་ན་བདག་བསྐྱེད་སྔོན་དུ་འགྲོ་བའི་སྒོ་ནས། བྲིས་པའི་དཀྱིལ་འཁོར་རྣམས་ལེགས་པར་བསྐྱེད་ཅིང༌། 
དེའི་གཙོ་བོ་དང་བདག་ཉིད་དབྱེར་མེད་དུ་མོས་ཤིང༌། རིག་མ་དང་སྙོམས་པར་ཞུགས་པའི་སྒྲས། སངས་རྒྱས་རྣམས་སྤྱན་དྲངས་
ཏེ། བགེགས་བསལ་ལ་ལུས་ནང་དུ་བཅུག །གསང་བའི་པདྨ་ནས་དཀྱིལ་འཁོར་གྱི་ལྷ་ཚོགས་ཀྱི་རྣམ་པར་སྤྲོས་ཏེ། ནམ་མཁར་
བཞུགས་པ་ལ་མཆོད་ཅིང་གསོལ་བ་བཏབ་ནས། བྲིས་པའི་དཀྱིལ་འཁོར་ལ་གཞུག །སྟ་གོན་གྱི་ལྷ་དང་བསྲེ་བ་དང༌། དབང་
བསྐུར་བ་རྣམས་བྱེད་པ་ཡིན་པ། རྡོ་རྗེ་གུར་སོགས་ལས་རིམ་གཙོ་བོར་སྟོན་པའི་རྒྱུད་ལ་ཆོ་ག་རྒྱས་པ་འོས་ཤིང༌། དེའི་ཕྱིར་འདིར་
ཡང་དེ་བཞིན་བྱེད་པ་སྐྱོན་དང་བྲལ་བའི་ལུགས་ཡིན་ནོ། །འོན་ཀྱང་བརྟག་པ་གཉིས་པ་འདིར་ནི་སྒོམ་པ་ཁོ་ན་གཙོ་བོར་གསུངས་
ཤིང༌། ལས་ཀྱི་རིམ་པའི་སྤྲོས་པ་ཤིན་ཏུ་ཉུང་བ་དང༌། དཀྱིལ་འཁོར་ཡང་བསྡུས་པ་ཙམ་བསྟན་པའི་ཕྱིར། སྙིང་པོའི་དགོས་དོན་
མ་ཚང་བ་མེད་པའི་སྤྲོས་པ་ཆུང་བ་ཉིད་བསྔགས་པ་ཡིན་པས། འདིར་ཡང་བདག་མདུན་དབྱེར་མེད་དུ་སྒྲུབ་པ་ཉིད་བཟང་ངོ༌། །དེ་
ལྟར་ན་འདི་སྐད་ཅེས་བྱ་སྟེ། སྔོན་འགྲོ་གཏོར་མ་དང༌། གནས་དང་ཡོ་བྱད་བྱིན་གྱིས་བརླབས་པ་དང༌། སྤྲོ་ན་སྐྱབས་འགྲོ་སོགས་
སྔོན་འགྲོ་རྣམ་པ་གསུམ་ཡང་བྱས་ལ། ནང་མཆོད་བྱིན་གྱིས་བརླབས། མདུན་བསྐྱེད་ཀྱི་དཀྱིལ་འཁོར་བསངས་སྦྱངས། སྟོང་
པའི་ངང་ལས་ནས། སྲུང་འཁོར་དུ་གྱུར། ཅེས་པ་ནས། ར་ལས་དང༌། ཧཱུཾ་ལས་དང༌། ཧཱུཾ་གིས་མཚན་པ་ལས་འོད་
11-1-28


འཕྲོས་རྣམས་དོར། དེའི་ནང་དུ་གཞལ་ཡས་ཁང་ནས། གན་རྐྱལ་དུ་གནས་པ། དབུས་སུ་ཐོད་པ་སྣ་
ཚོགས་རྡོ་རྗེས་མཚན་པ། ཤར་དུ་གྲི་གུག །ལྷོར་ཌ་མ་རུ། ནུབ་ཏུ་རུས་སྦལ། བྱང་དུ་སྦྲུལ། 
བྱང་ཤར་དུ་སེང་གེ།ཤར་ལྷོར་དགེ་སློང༌། ལྷོ་ནུབ་ཏུ་འཁོར་ལོ། །ནུབ་བྱང་དུ་རྡོ་རྗེ་རྣམས་
ལྷ་དགུའི་བདག་ཉིད་དུ་གནས་པར་གྱུར། དབུས་ཀྱི་ཐོད་པའི་གནས་སུ། རང་སྐད་ཅིག་གིས་
དགྱེས་རྡོར་དུ་གསལ་བའི་ཞེས་པ་ནས། གྲི་གུག་དང་ཐོད་པ་འཛིན་པའི་བར་བདག་བསྐྱེད་བཞིན། དེ་
ནས། རང་གི་སྙིང་ག་ནས་སྤྲོས་པའི་འོད་ཟེར་ལྕགས་ཀྱུ་ལྟ་བུས། ལྷག་པར་གནས་པའི་དཀྱིལ་
འཁོར་མདུན་གྱི་ནམ་མཁར་ༀ་བཛྲ་ས་མཱ་ཛཿ ཨ་མྲྀ་ཏ་ལན་གསུམ་གྱིས་བགེགས་བསྐྲད། ཆུ་གཉིས་ཉེར་
སྤྱོད་རོལ་མོ་དང་བཅས་པ་ཕུལ། ༀ་བཛྲ་ཨཾ་གུ་ཤ་ཛཿ ༀ་བཛྲ་པཱ་ཤ་ཧཱུཾ། ༀ་བཛྲ་སྥོ་ཊ་བཾ། ༀ་བཛྲ་
གྷཎྜེ་ཧོཿ ཞེས་པའམ། ༀ་གཽ་རཱི་ཛཿ ༀ་ཙཽ་རཱི་ཧཱུཾ། ༀ་བཻཏྟ་ལཱི་བཾ། ༀ་གྷསྨ་རཱི་ཧོཿ ཞེས་པ་གང་རུང་གིས་
དགུག་གཞུག་བཅིང་མཉེས་བྱའོ། །སླར་ཡང་རང་གི་སྙིང་ག་ནས་འོད་ཟེར་འཕྲོས། ཡེ་ཤེས་ནས། ས་མཱ་
ཛཿ གོང་བཞིན་བགེགས་བསྐྲད། མཆོད་པ་ཕུལ། དགུག་གཞུག་བྱ། སླར་ཡང་སྙིང་གའི་ནས། བཟླས་པའི་བར་དུའང་
སྒྲུབ་ཐབས་བཞིན་ལས། རྫོགས་རིམ་སྒོམ་པ་དཀྱུས་ལ་མི་དགོས་སོ། །བཟླས་པ་ཅི་རིགས་པ་གྲུབ་ནས། དཀྱིལ་འཁོར་གྱི་
གཙོ་བོའི་ཐུགས་ཀ་ནས་རང་ལས་ཀྱི་ཧེ་རུ་ཀ་ཕྱག་གཉིས་པ་སྤྲོས་ཏེ་མཆོད་པའི་ལས་མཛད་
པར་གྱུར། མཆོད་པ་བྱིན་རླབས། མཆོད་བསྟོད་གཏོར་མ་འབུལ་ཚུལ་རྣམས་གོང་དུ་བཤད་པ་བཞིན་ནོ། །དེ་ཡང་འཇིག་
རྟེན་ལས་འདས་པའི་གཏོར་མ་བར་ཆད་བསྲུང་བའི་དོན་དུ་རེ་ཤིག་བཞག་ལ། བདག་འཇུག་གི་མཐར་གཏོང་བའམ། སློབ་མ་
དབང་བསྐུར་ཟིན་པའི་རྗེས་སུ་ཁང་སྟེང་དུ་གཏོར། ཕྱི་རོལ་གཏོར་མ་བཏང་བ་ཡིན་ན། དེའི་རྗེས་ཐོགས་སུ་འདས་གཏོར་བཏང་
ཀྱང་རུང་ངོ༌། །འཇིག་རྟེན་པའི་གཏོར་མ་ནི། སྐབས་འདི་ཉིད་དུ་གཏོང་བའམ། ཚོགས་ཀྱི་འཁོར་ལོ་ཡོད་ན་ལྷག་གཏོར་དང་
ལྷན་ཅིག་གཏོང་བ་ལས། ཚོགས་འཁོར་ཡང་སྐབས་འདིར་བྱའམ། བདག་འཇུག་གི་མཐར་བྱས་ཀྱང་རུང་ངོ༌། །དེ་བཞིན་དུ་སྦྱིན་
བསྲེག་ཀྱང་གནས་སྐབས་གཉིས་པོ་འདིར་བྱ་སྟེ། དེ་གཉིས་ལས་ཀྱང་གཙོ་བོར་སྐབས་འདིར་བྱེད་པ་ལེགས་སོ། །དེ་བཞིན་དུ་ཕྱི་
རོལ་གཏོར་མ་གཏོང་ནའང༌། གནས་སྐབས་གཉིས་པོ་དེར་བྱ་ལ། ཕྱི་རོལ་གཏོར་མ་མཐའ་གཅིག་ཏུ་ངེས་པར་དགོས་པའང་མ་
11-1-29


ཡིན་ནོ། །འོན་ཀྱང་ཁོ་བོ་ཅག་གི་བླ་མ་གསང་སྔགས་རིག་པ་དེ་དག་འདི་ལྟར་བཞེད་དེ། ནང་གཏོར་འདས་པ་དང་འཇིག་རྟེན་པ་
གཉིས་ཕུལ་ཞིང༌། ཕྱི་རོལ་ཏུ་མ་བཏང་བར། བར་འདིར་སྦྱིན་བསྲེག་གིས་ལྷ་རྣམས་མཉེས་པར་བྱས། དེ་ནས་ཕྱི་རོལ་བའི་གཏོར་
མ་བཏང་ཞིང༌། སླར་ནང་དུ་འོངས་ནས། བདག་ཉིད་འཇུག་ཅིང་དབང་བླང་བ་ཡིན་ལ། སློབ་མ་ལ་དབང་བསྐུར་བའི་ཚེ་ཡོ་བྱད་
འཛོམས་ན། སླར་ཡང་སྦྱིན་བསྲེག་དང་ཚོགས་ཀྱི་འཁོར་ལོས་ལྷ་མཉེས་པར་བྱ་སྟེ། སློབ་མའི་དོན་དུ་གསོལ་བ་ཡང་ཡང་གདབ་
པར་བྱའོ། །ཞེས་པ་འདི་ཉིད་ལག་ལེན་དུ་བཟུང་བར་བྱའོ། །ཅི་སྟེ་དུས་དང་ཡོ་བྱད་མ་འཛོམས་ན་སྦྱིན་བསྲེག་དང་ཚོགས་འཁོར་
འདི་དག་ཡིད་ཀྱིས་སྒོམ་པ་ཁོ་ནས་ཀྱང་རུང་ངོ༌། །དེའི་དབང་དུ་བྱས་ནས་འོག་ཏུ་འཆད་པར་འགྱུར་བ་ལྟར་གྱི། སྦྱིན་བསྲེག་དང་
ཚོགས་ཀྱི་འཁོར་ལོ་གཉིས་ཟིན་པ་ན། དཀྱིལ་འཁོར་ཁང་པའི་ཕྱི་རོལ་ཏུ་ཕྱི་རོལ་གཏོར་མ་མཆོད་པ་དང་བཅས་པ་ཁྱེར། མཆོད་
པ་བྱིན་རླབས་བསྡུས་པ་སྔོན་དུ་འགྲོ་བས། གོང་བཞིན་གཏོར་མ་བྱིན་གྱིས་བརླབས། རང་གི་སྙིང་གའི་ཧཱུཾ་ལས་འོད་
ཟེར་འཕྲོས་ཏེ། སྲིད་པ་གསུམ་གྱི་སེམས་ཅན་ཐམས་ཅད་ཕྱོགས་སྐྱོང་བ་བཅུ་ལྷ་ཀླུའི་ཚོགས་
དང་བཅས་པའི་རྣམ་པར་ༀ་བཛྲ་ས་མཱ་ཛཿ ༀ་ཛཿཧཱུཾ། སོགས་ཀྱིས་ཆུ་གཉིས་ཕུལ། ༀ་ཨིན་ད་ཛ་མ་
སོགས་ལན་གསུམ་གྱིས་གཏོར་མ་ཕུལ། གོང་བཞིན་ཉེར་སྤྱོད་རོལ་མོ་ཡང་ཕུལ། འཇིག་རྟེན་སྐྱོང་བའི་ཚོགས་
རྣམས་ནི། །ཞེས་པ་ནས། ཀུན་འགྲུབ་ཤོག་གི་བར་གྱིས་འཕྲིན་ལས་བཅོལ། བཀྲ་ཤིས་སྨོན་ལམ་བཟོད་གསོལ་
གཤེགས་གསོལ་རྣམས་ཀྱང་གོང་བཞིན་བྱས་ལ། རོལ་མོའི་སྒྲ་དྲག་པོ་དང་བཅས་ཏེ་གཏོར་མ་རིང་དུ་བཏང་ངོ༌། །སློབ་དཔོན་
གྱིས་ཨཥྚ་བཟླ་ཞིང་ཚམས་རྔམ་བྱ། སླར་ནང་དུ་འོངས་ཏེ་ལས་བུམ་གྱི་ཆུས་ཉེ་རེག་བྱས་ཏེ། བདག་འཇུག་གི་བྱ་བ་ལ་འཇུག་
གོ །སྤྲོས་པ་དོར་བའི་སྐབས་འདིར་སྒོ་དབྱེ་བ་ལ་སོགས་པ་ཡང་མི་དགོས་སོ། །དཀྱིལ་འཁོར་སྒྲུབ་ཅིང་མཆོད་པའི་སྐབས་ཏེ་བཅུ་
གསུམ་པའོ།།    །།
ལྔ་པ་ལ་བདག་ཉིད་འཇུག་ཅིང་དབང་བླང་བ་དང༌། སློབ་མ་གཞུག་ཅིང་དབང་བསྐུར་བ་གཉིས་ལས། དང་པོ་ནི། མཎྜལ་
ཕུལ། ཆོས་རྣམས་གཟུགས་བརྙན་ལྟ་བུ་སྟེ། །ཞེས་པ་ནས། ཀུན་གྱིས་སྒྲིབ་མེད་མཐོང་བར་ཤོག །
ཅེས་ལན་གསུམ། ཨཱཿཁཾ་བཱི་ར་ཧཱུཾ་གིས་མིག་དར་བཏང༌། སྔགས་དེ་ཉིད་ཀྱིས་མེ་ཏོག་བཟུངས་ཨ་མྲྀ་ཏས་བགེགས་
བསྐྲད་ཅིང༌། ལས་བུམ་གྱི་ཆུས་གཏོར། གནས་གསུམ་དུ། ༀ་ཨཱཿཧཱུཾ། ཀྱེ་ཁྱོད་སུ་ཡིན། བདག་ནི་རྒྱལ་བའི་
11-1-30


སྲས་སོ། །སྙིང་གར་ཟླ་བ་ལ་གནས་པའི་རྡོ་རྗེ། ༀ་སརྦ་ཡོ་ག་སོགས་དང༌། ༀ་སུ་ར་ཏེ་ས་མ་ཡ་
སོགས། ཨཱཿཁཾ་བཱི་ར་ཧཱུཾ་ཞེས་དཀྱིལ་འཁོར་ཁང་པའི་ནང་དུ་བཅུག་པར་གྱུར། སྤྲོ་ན་ཕྱོགས་བཞི་ཕྱག་འཚལ་ཡང་བྱེད། རྒྱུད་
ལས་དེ་ཉིད་བསྡུས་པ་ལ་ཁ་འཕངས་མཛད་པའི་ཕྱིར་མཆོག་ཏུ་ལེགས་ལ། བསྡུ་ན། ༀ་ན་མ་ཏེ་ཧཱུཾ། ན་མོ་མི་ཧཱུཾ། ན་
མོ་ན་མ་ཧཱུཾ་སྭཱཧཱ། ཞེས་པ་འདི་ཙམ་གྱིས་ཀྱང་ཆོག་གོ །དེ་ལ་ཕྱོགས་བཞི་ཕྱག་འཚལ་གྱི་སྔགས་ནི། ༀ་སརྦ་ཏ་ཐཱ་ག་
ཏ་པཱུ་ཛ་ཨུ་པསྠཱ་ནཱ་ཡ་ཨཱཏྨ]་ནཾ་ནིརྱཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་སཏྭ་ཨ་དྷི་ཏིཥྛ་མཾ། ཞེས་ཤར་
དང༌། ༀ་སརྦ་ཏ་ཐཱ་ག་ཏ་པཱུ་ཛ་ཨ་བྷི་ཥེ་ཀ་ཡ་ཨཱཏྨ་ནཾ་ནིརྱཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་རཏྣ་ཨ་
བྷི་ཥིཉྩ་མཱཾ། ཞེས་ལྷོ་དང༌། ༀ་སརྦ་ཏ་ཐཱ་ག་ཏ་པཱུ་ཛ་པྲ་བརྟ་ན་ཡ་ཨཱཏྨ་ནཾ་ནིརྱཱ་ཏ་ཡཱ་མི། སརྦ་ཏ་ཐཱ་ག་
ཏ་བཛྲ་དྷརྨ་པྲ་བརྟ་ཡ་མི། ཞེས་ནུབ་ཕྱོགས་དང༌། ༀ་སརྦ་ཏ་ཐཱ་ག་ཏ་པཱུ་ཛ་ཀརྨ་ནཾ་ཨཱཏྨ་ནཾ་ནིརྱཱ་ཏ་ཡཱ་
མི། སརྦ་ཏ་ཐཱ་ག་ཏ་བཛྲ་ཀརྨ་ཀུ་རུ་མཾ། ཞེས་བྱང་ཕྱོགས་ནས་སོ། །དེའི་རྗེས་སུ་དམ་བཞག་རྣམ་པ་བཞི་ནི་སྤྱི་དང་
འདྲ། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབས་ཤིག །དཔལ་རྡོ་རྗེ་སེམས་
དཔའ་བདག་ལ་དབབ་ཏུ་གསོལ། ལན་གསུམ། རང་ཧེ་རུ་ཀ་ཕྱག་གཉིས་པ་རྡོ་རྗེ་དང་ཐོད་ཁྲག་
འཛིན་པའི་ཐུགས་ཀར་དགྱེས་པའི་རྡོ་རྗེ་ཕྱག་གཉིས་པ་ཤེས་རབ་མ་དང་བཅས་པ། ཡབ་
ཡུམ་སྙོམས་པར་ཞུགས་པའི་སྦྱོར་མཚམས་ནས་འོད་ཟེར་དམར་པོའི་ཚོགས་སྤྲོས་ཏེ། ལུས་
ཐམས་ཅད་གང་བས་ལུས་སེམས་ཐམས་ཅད་བདེ་བས་ཁྱབ། མདུན་བསྐྱེད་དཀྱིལ་འཁོར་གྱི་
གཙོ་བོའི་ཐུགས་ཀ་ནས་འོད་ཟེར་འཕྲོས། ནམ་མཁའ་གང་བའི་སངས་རྒྱས་སྲས་དང་ཁྲོ་
བོའི་དབང་པོ་བཙུན་མོར་བཅས་པ་རྣམས་དགྱེས་རྡོར་ལྷ་དགུའི་ལྷ་ཚོགས་ཀྱི་རྣམ་པར་སྤྱན་
དྲངས་ཏེ། རང་གི་བ་སྤུའི་བུ་ག་ནས་ཞུགས་ཏེ། གཉིས་སུ་མེད་པར་ཐིམ། ༀ་ཏིཥྛ་མཧཱ་ཀྲོ་དྷ་
ཨ་བེ་ཤ་ཡ་ཧཱུཾ། ཞེས་དྲག་ཏུ་བཟླ་ཞིང༌། རྡུལ་གྱིས་གོས་པའི་རས་དང༌། བྱི་ལ་ནག་པོའི་བྲུན་གུ་གུལ་དང་བསྲེས་པའི་དུད་
པས་གདུག རོལ་མོའི་སྒྲ་བྱའོ། །ཏིཥྛ་བཛྲ། ཡང་དག་པ་ཡི་དཀྱིལ་འཁོར་འདི། །བདག་གི་སློབ་མ་
གཞུག་པར་བགྱི། །ལྷ་རྣམས་རིགས་ཀྱི་རིམ་པ་ནི། །བསོད་ནམས་ཅི་འདྲ་དེ་འདྲར་ཤོག །
11-1-31


རིགས་ནི་གང་གི་སྣོད་དུ་འགྱུར། །འདི་ཡི་དངོས་གྲུབ་ཅི་འདྲར་འགྱུར། །བསོད་ནམས་མཐུ་
ཡང་གང་འདྲ་བ། །དེ་འདྲ་དཀྱིལ་འཁོར་དུ་གྱུར་ཅིག །ༀ་པྲ་ཏིཥྛ་བཛྲ་ཧོ། པྲ་ཏི་གྲྀཧྞ། སོགས། 
ཧེ་རུ་ཀ་དཔལ་དེང་ཁྱོད་སོགས་མིག་དར་དགྲོལ། ཧེ་བཛྲ་པཱ་ཤྱ། ལྟོས་ཤིག་ལྟོས་ཤིག་སེམས་དཔའ་
ཆེ། །སོགས་ཀྱིས་བལྟ་བར་བསྐུལ། རྟེན་དང་བརྟེན་པར་བཅས་པའི་དཀྱིལ་འཁོར་ཐམས་ཅད་མངོན་
སུམ་བཞིན་དུ་གསལ་བར་གྱུར། རྡོ་རྗེ་སློབ་མས་དབང་གི་དོན་དུ་མཎྜལ་ཕུལ་ལ། བྱང་ཆུབ་རྡོ་རྗེ་སངས་
རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་སྐྱབས་པའི་དོན་གྱི་ཕྱིར། །ནམ་
མཁའི་རྡོ་རྗེ་དེང་བདག་སྩོལ། །ཅེས་ལན་གསུམ། ཨ་མྲྀ་ཏ་ལན་གསུམ་དང༌། ཡུངས་ཀར་གཏོར་བས་བགེགས་
བསྐྲད། དབང་རྫས་ལ་ཡང་ལས་བུམ་གྱིས་གསང་གཏོར་བྱ། སྭ་བྷཱ་ཝས་སྦྱངས། སྟོང་པའི་ངང་ལས། ཧཱུཾ་ལས་
རང་ཉིད་དཔལ་ཧེ་རུ་ཀ་དགྱེས་པའི་རྡོ་རྗེ་ཞེས་པ་ནས། མཚུངས་པའོ། །དབང་རྫས་རྣམ་རྒྱལ་
བུམ་པའི་ཆུ་ཡང་ཧཱུཾ་ཡིག་ལས་བྱུང་བའི་མི་བསྐྱོད་པའི་རྡུལ་ཕྲ་རབ་ཀྱི་ངོ་བོར་གྱུར། དཀྱིལ་
འཁོར་གྱི་གཙོ་བོའི་ཐུགས་ཀ་ནས་འོད་ཟེར་འཕྲོས། དབང་གི་ལྷ་རིགས་ལྔ་ནས། རྔ་བོ་ཆེའི་སྒྲ་
བསྒྲགས་ཏེ་ཤིས་པ་བརྗོད་པར་གྱུར། ༀ་ཕུན་སུམ་ཚོགས་པ་སོགས། དབང་བསྐུར་རྡོ་རྗེ་ནས། 
ཥིཉྩ་ཧཱུཾ་ཞེས་དབང་བསྐུར། སྟོང་པའི་ངང་ལས་ཨཾ་ཡིག་ལས་བྱུང་བའི་དེ་བཞིན་གཤེགས་པ་རིགས་
ལྔའི་སྐུ་གཟུགས་ཀྱི་མཚན་པའི་རིན་པོ་ཆེའི་ཅོད་པན་རིན་ཆེན་འབྱུང་ལྡན་གྱི་ངོ་བོར་གྱུར། 
ༀ་བཛྲ་རཏྣ་མུ་ཀུ་ཊ་ཨ་བྷི་ཥིཉྩ་ཧཱུཾ། བཛྲ་ར་ག་ཏ་བཛྲ་ཤཱ་ལི་ཧོ། ཞེས་ཅོད་པན་གྱི་དབང་བསྐུར། གོང་
བཞིན་ཆུ་དབང་གི་སྔགས་ཀྱིས་ཀྱང་བརྟན་པར་བྱས། སྟོང་པའི་ངང་ལས་ཛྲིཾ་ལས་རྡོ་རྗེ་རྩེ་ལྔ་པ་འོད་དཔག་
ཏུ་མེད་པའི་ངོ་བོར་གྱུར། སངས་རྒྱས་ཀུན་གྱི་རྡོ་རྗེ་དབང༌། །དེ་རིང་ཁྱོད་ལ་སྦྱིན་པར་བྱ། །
འདི་སྟེ་སངས་རྒྱས་ཐམས་ཅད་ཉིད། །རབ་ཏུ་གྲུབ་ཕྱིར་རྡོ་རྗེ་ལོང༌། །ཞེས་རྡོ་རྗེའི་དབང་བསྐུར། ཆུ་
དབང་གིས་ཀྱང་བརྟན་པར་བྱས། སྟོང་པའི་ངང་ལས་ཁཾ་ལས་བྱུང་བའི་དྲིལ་བུ་དོན་ཡོད་གྲུབ་པའི་ངོ་
བོར་གྱུར། སངས་རྒྱས་ཀུན་གྱི་དྲིལ་བུའི་དབང༌། །ཞེས་རྡོ་རྗེའི་སྐབས་ལ་འདོན་པ་སྤོ། ༀ་བཛྲ་ཨ་དྷི་པ་
11-1-32


ཏི་སྟྭཾ་ཨ་བྷི་ཥིཉྩ་ཧཱུཾ། ཏིཥྛ་བཛྲ་ས་མ་ཡ། ཞེས་དྲིལ་བུའི་དབང་བསྐུར། ཆུ་དབང་གིས་ཀྱང་བརྟན་པར་བྱས། སྟོང་
པའི་ངང་ལས་བྷྲུཾ་ལས་བྱུང་བའི་མེ་ཏོག་འཕྲེང་བ་རྣམ་པར་སྣང་མཛད་ཀྱི་ངོ་བོར་གྱུར། རྡོ་
རྗེའི་མིང་གི་དབང་བསྐུར་བས། །བྱང་ཆུབ་སྙིང་པོའི་བར་དུ་ནི། །ཅིས་ཀྱང་མི་ཤིགས་མི་གཡོ་
བ། །རྡོ་རྗེའི་མིང་དུ་རབ་ཏུ་བསྒྲགས། །ༀ་བཛྲ་སཏྭ་སྟྭཾ་ཨ་བྷི་ཥིཉྩ་ཧཱུཾ། བཛྲ་ནཱ་མ་ཨ་བྷི་ཥི་ཀ་ཏ་
ཧེ་ཤྲཱི་ཆྒཻ་མོ་རྡོ་རྗེ་ཞེས་མིང་གི་དབང་བསྐུར། ཆུ་དབང་གིས་ཀྱང་བརྟན་པར་བྱས། ཉེར་སྤྱོད་ལྔས་མཆོད། དེ་ལྟར་ན་
དབང་རྣམ་པ་ལྔ་པོ་དེ་བསྐུར་བས། ཕུང་པོ་ལྔ་རྒྱལ་བ་རིགས་ལྔར་རྣམ་པར་དག་ཅིང༌། ཉོན་
མོངས་པ་ལྔའི་རང་བཞིན་རྣམ་པར་དག་པ་ཡེ་ཤེས་ལྔ་མངོན་དུ་བྱས། འབྱུང་བ་ལྔ་རྣམ་པར་
དག་པ་ལྷ་མོ་ལྔ། དབང་པོ་ལྔ་རྣམ་པར་དག་པ་སེམས་དཔའ་ལྔ། ཡུལ་ལྔ་རྣམ་པར་དག་པ་རྡོ་
རྗེ་མ་ལྔར་བྱིན་གྱིས་རླབས། བྱ་བ་ལས་དང་བཅས་པ་ཡང་ཁྲོ་བོ་དང་ཁྲོ་མོའི་རང་བཞིན་དུ་
རྣམ་པར་དག་པར་གྱུར། དཀྱིལ་འཁོར་གྱི་གཙོ་བོའི་ཐུགས་ཀ་ནས་སྔགས་ཀྱི་འཕྲེང་བ་བྱུང༌། 
རང་གི་ཁ་སྒོ་ནས་ཞུགས་ཏེ་སྙིང་གར་འཁོད། རྩ་སྔགས་དང་སྙིང་པོ་ལན་གསུམ་གསུམ། བཅོམ་ལྡན་
བདག་ལ་སོགས། བཅོམ་ལྡན་འདི་ལ་སོགས་སྔགས་དབང་ངོ༌། །སྟོང་པའི་ངང་ལས་ཧཱུཾ་ལས་བྱུང་བའི་
རྡོ་རྗེ་རྡོ་རྗེ་སེམས་དཔའི་ངོ་བོ་ཅན། འདི་སྟེ་སངས་རྒྱས་ཐམས་ཅད་ཉིད། །ཧེ་རུ་ཀ་དཔལ་གོ་
འཕང་གནས། ཁྱོད་ཀྱིས་ཀྱང་ནི་རྟག་ཏུ་བཟུངས། །ཕྱག་ན་རྡོ་རྗེའི་བརྟུལ་ཞུགས་བརྟན། །ༀ་
སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་སྟྭཾ་དྷཱ་ར་ཡཱ་མི་བཛྲ་སཏྭ་ཧཱིཿཧི་ཧི་ཧི་ཧི་ཧཱུཾ། ཞེས་རྡོ་རྗེའི་
བརྟུལ་ཞུགས་བྱིན་པས། ཕུང་ཁམས་དབང་ཡུལ་དྲུག་པ་རྣམས་རྣམ་པར་དག་སྟེ་རྡོ་རྗེ་སེམས་དཔའི་
ངོ་བོ་ཅན། ཧཱུཾ་ལས་བྱུང་བའི་ཅང་ཏེ་ཐོད་པ་ཁ་ཊྭཱཾ་ག་རྣམས་ཧེ་རུ་ཀ་ཡབ་ཡུམ་གྱི་ངོ་བོར་གྱུར་
པའི། ཧེ་རུ་ཀ་དཔལ་ཕྱག་རྒྱ་འདི། །ཕྱི་དང་ནང་དུ་ཡང་དང་གནས། ཁ་ཊྭཱཾ་ཅང་ཏེ་ལྷུང་བཟེད་
དག །བྱིན་པ་དཔའ་བོའི་བཟུང་བར་བགྱི། །ཞེས་པ་ནི་སྤྱོད་པའི་བརྟུལ་ཞུགས་ཏེ། བརྟུལ་ཞུགས་ཀྱི་
སྤྱོད་པ་ལ་བརྟེན་ནས་དངོས་གྲུབ་སྒྲུབ་པ་ལ་དབང་ངོ༌། །རྡོ་རྗེ་སློབ་དཔོན་གྱི་དབང་གི་དོན་དུ་མཎྜལ་ཕུལ་
11-1-33


ནས། འཁོར་ལོ་ཕྱིར་མི་ལྡོག་པའི་དབང༌། །དམ་པ་བདག་ལ་སྩལ་ནས་ཀྱང༌། །མགོན་པོ་
འཁོར་ལོ་ལྷ་དག་གི །དེ་ཉིད་སློབ་དཔོན་འཕྲིན་ལས་དང༌། །སངས་རྒྱས་ཀུན་ཀྱི་དམ་ཚིག་
དང༌། །སྡོམ་པ་གསང་མཆོག་བཤད་དུ་གསོལ། །སེམས་ཅན་ཀུན་གྱི་དོན་བགྱིད་ཕྱིར། །
བདག་ནི་རྟག་ཏུ་སློབ་དཔོན་འགྱུར། །ཞེས་ལན་གསུམ། དེ་ནས་རིགས་ལྔའི་སྡོམ་བཟུང་ལན་གསུམ་བྱ། 
དཀྱིལ་འཁོར་གྱི་གཙོ་བོའི་ཐུགས་ཀའི་འོད་ཟེར་གྱིས་བདག་གི་ལུས་རྣམ་པར་སྦྱངས། འོད་
ཀྱི་གོང་བུར་གྱུར། གཙོ་བོའི་ཞལ་དུ་ཞུགས། བྱང་ཆུབ་ཀྱི་སེམས་སུ་ཞུ་བ་རྡོ་རྗེའི་ལམ་ནས་
ཡུམ་གྱི་མཁར་བབས། ཧཱུཾ་ལས་རྡོ་རྗེ་ཧཱུཾ་གིས་མཚན་པ་ལས། དཔལ་རྡོ་རྗེ་འཆང་ཆེན་པོ་སྐུ་
མདོག་དཀར་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པ། ཕྱག་རྒྱ་དྲུག་གིས་
བརྒྱན་པ། རལ་པའི་ཐོར་ཚུགས་ཅན་དུ་གྱུར། མཁའ་ནང་ནས་ཕྱིར་སྤྲོས་ཏེ། ཤར་གྱི་ལྷ་སྣམ་
ལ་དབང་སྟེགས་རིན་པོ་ཆེའི་ཁྲི་རིམ་པ་གསུམ། པད་ཉིའི་གདན་དང་བཅས་པ་ལ་འཁོད། ཧཱུཾ་
ལས་བྱུང་བའི་རྡོ་རྗེ་རྡོ་རྗེ་སེམས་དཔའི་རང་བཞིན། འདི་སྟེ་སངས་རྒྱས་ནས། ཧི་ཧཱུཾ་གི་བར་གོང་
བཞིན། ཐོག་མཐའ་མེད་པའི་སེམས་དཔའ་ནི། །སོགས། ཨཱཿལས་བྱུང་བའི་དྲིལ་བུ་རྡོ་རྗེ་སྙེམས་
མའི་ངོ་བོ། འདི་ནི་རྣལ་འབྱོར་མ་ཀུན་གྱི། །སོགས། ཨཱཿསྲིད་པ་ངོ་བོ་ཉིད་ཀྱིས་དག་སོགས། ཤེས་
རབ་མ་ལོ་བཅུ་དྲུག་ལོན་པ་ཡོངས་སུ་གྱུར་པ་ལས། རྡོ་རྗེ་སྙེམས་མ་གྲི་གུག་དང་ཐོད་པ་
འཛིན་པར་གྱུར། དེ་ལ་ཡོངས་སུ་འཁྱུད་པ་ལས་བྱུང་བའི་ཡེ་ཤེས་ཐོབ་སྟེ། ཤེས་རབ་བཅུ་
དྲུག་ལོན་པ་ལ་ནས། དབང་དུ་བརྗོད། རྡོ་རྗེ་ཆེ་དང་དྲིལ་བུ་ཆེ། །ཞེས་སོགས་ཤོ་ལོ་ཀ་གཅིག །དཀྱིལ་
འཁོར་གྱི་གཙོ་བོ་ཡབ་ཡུམ་སྙོམས་པར་ཞུགས་པའི་དགའ་བའི་སྒྲས། དབང་གི་ལྷ་རྣམས་
དང༌། ཕྱོགས་བཅུའི་དེ་བཞིན་གཤེགས་པ་ཐམས་ཅད་སྤྱན་དྲངས། གཙོ་བོའི་ཞལ་དུ་ཞུགས། 
བྱང་ཆུབ་ཀྱི་སེམས་སུ་ཞུ། རྡོ་རྗེའི་ལམ་ནས་ཡུམ་གྱི་མཁར་སྤྲོས་ཤིང༌། དེ་ལས་དབང་གི་ལྷ་
དཔའ་བོ་རྣལ་འབྱོར་མ་དཔག་ཏུ་མེད་པ་ཡེ་ཤེས་ཀྱི་ཆུས་གང་བའི་བུམ་པ་ཐོགས་པ་རྣམས་
11-1-34


སུ་གྱུར་ཏེ། ༀ་ཕུན་སུམ་ཚོགས་པ་སོགས། དབང་བསྐུར་རྡོ་རྗེ་ནས། སྦྱིན་པར་བྱ། །ༀ་སརྦ་ཏ་ཐཱ་
ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུཾ། དེ་ལྟར་བུམ་པའི་ཆུས་དབང་བསྐུར། སྡིག་སྒྲིབ་ཐམས་
ཅད་དག །དབང་རྟགས་རྡོ་རྗེ་འཆང་གིས་དབུ་བརྒྱན་པར་གྱུར། དབང་གི་ལྷ་ཐམས་ཅད་ཀྱང་
རང་ཉིད་ལ་ཐིམ། ༀ་སུ་པྲ་ཏིཥྛ་བཛྲ་ཡེ་སྭཱཧཱ། ཉེར་སྤྱོད་ལྔས་ཀྱང་མཆོད། དེའི་རྗེས་སུ་བཀའ་བསྒོ་བར་བྱ་སྟེ། 
དེ་ཉིད་རིག་པའི་རྣལ་འབྱོར་པས། །མི་བྱ་བ་ནི་ཅི་ཡང་མེད། །དེ་ཉིད་ཤེས་ནས་དེ་ནས་ནི། །
དཔའ་བོས་འདོད་པ་ལྔ་སྤྱོད་དོ། །བདག་ཉིད་དཔའ་བོ་ཀུན་གྱི་གནས། །བདག་ཉིད་ལྷ་མོ་
ཀུན་གྱི་དངོས། །དེ་ཕྱིར་བདག་གིས་ཐམས་ཅད་བྱ། །བདག་ཉིད་ཧེ་རུ་ཀ་དཔལ་མཆོད། །
རྟེན་ཅིང་འབྲེལ་བར་འབྱུང་ཆོས་ཅན། ཁམས་གསུམ་སྒྱུ་མའི་རང་བཞིན་ཏེ། །སེམས་ཅན་དེ་
ལྟར་ཤེས་ནས་ནི། །འགྲོ་བའི་དོན་ནི་མཉམ་མེད་བྱོས། །ཞེས་པ་ཙམ་གྱིས་ཀྱང་ཆོག་ལ། ཅི་སྟེ་རྒྱས་པ་ལ་
མོས་ན། སློབ་དཔོན་གྱི་དབང་གི་རྗེས་ཐོགས་སུ། ཐམས་ཅད་མཉམ་པ་ཉིད་ནི་དཀྱིལ་འཁོར་གྲུ་བཞི་མ་
ཉམས་པ། ཆོས་རྗེས་སུ་དྲན་པ་རྡོ་རྗེའི་ཐིག །ཚད་མེད་བཞི་ནི་ཟུར་བཞི། སྒོ་བཞི་ནི་རྣམ་ཐར་
བཞི། ཡང་དག་སྤོང་བ་བཞི་ནི་རྟ་བབས་བཞི། དྲན་པ་ཉེར་བཞག་བཞི་ནི་ཁ་ཁྱེར་བཞི། རྫུ་
འཕྲུལ་གྱི་རྐང་པ་བཞི་ནི་སྒོ་ཁང་བཞི། དབང་པོ་ལྔ་དང་སྟོབས་ལྔ་ནི་རྩིགས་པ་རིམ་པ་ལྔ། 
རྒྱན་རྣམས་ནི་བྱང་ཆུབ་ཡན་ལག་བདུན། ཀ་བ་བརྒྱད་ནི་འཕགས་པའི་ལམ་ཡན་ལག་
བརྒྱད་དོ། །ཞེས་དཀྱིལ་འཁོར་གྱི་དེ་ཁོ་ན་ཉིད་དང༌། སྙིང་རྗེའི་སྤྱན་ནི་དམར་པོ་ལ། །ཞེས་པ་ནས། གདུག་
པ་འདུལ་ཕྱིར་ཁྲོ་བོ་ཉིད། །རྡོ་རྗེ་གསུམ་གྱི་དག་པའི་སྤྱན། །སྤྱི་བོའི་འཁོར་ལོ་མི་བསྐྱོད་པ། །
ནས། དོན་ཡོད་གནས། གཟུགས་ཕུང་གཽ་རཱིར་བཤད་པ་སྟེ། །ཚོར་བ་ལ་ནི་ཆོམ་རྐུན་མ། །འདུ་
ཤེས་རོ་ལངས་མ་ཡིན་ཏེ། །འདུ་བྱེད་གྷསྨ་རཱིར་རབ་གྲགས། །རྣམ་ཤེས་ཕུང་པོའི་ཚུལ་གྱིས་
ནི། །བདག་མེད་རྣལ་འབྱོར་མ་གནས་སོ། །ས་ནི་པུཀྐ་སི་ཞེས་བཤད། ནས། རླུང་ནི་གཡུང་
མོར་རབ་ཏུ་གྲགས། །ཞེས་ལྷའི་དེ་ཁོ་ན་ཉིད་དང༌། དེང་ཁྱོད་རྡོ་རྗེ་སློབ་དཔོན་དུ་གྱུར་པས། སློབ་
11-1-35


དཔོན་གྱི་བྱ་བ་ནི་འདི་ལྟ་སྟེ། དཀྱིལ་འཁོར་དང༌། ཏིང་ངེ་འཛིན་དང༌། ཕྱག་རྒྱ་དང༌། སྟངས་
སྟབས་དང༌། འདུག་སྟངས་དང༌། བཟླས་བརྗོད་དང༌། སྦྱིན་བསྲེག་དང༌། མཆོད་སྦྱིན་དང༌། 
རབ་ཏུ་གནས་པ་དང༌། དཀྱིལ་འཁོར་བྲི་བ་དང༌། དབང་བསྐུར་བ་དང༌། ཞི་བ་དང༌། རྒྱས་པ་
དང༌། དབང་དང༌། མངོན་སྤྱོད་དང༌། དབབ་པ་ལ་སོགས་པ་འདི་དག་གིས་གཞན་ལ་ཕན་
འདོགས་དགོས་པ་ཡིན་ནོ། །ཞེས་པ་ནི་སློབ་དཔོན་གྱི་དེ་ཁོ་ན་ཉིད་དོ། །དེ་ནས་ལྷ་མཆོད་པའི་རྗེས་སུ་གནང་བ་དང༌། 
མིག་ཐུར། མེ་ལོང༌། དྲིལ་བུ། མདའ་གཞུ། ཆོས་བཤད་རྣམས་ཀྱི་རྗེས་སུ་གནང་བ་དང༌། ལུང་སྟོན་པ་དང༌། དེ་རིང་དཀྱིལ་
འཁོར་སློབ་དཔོན་གྱུར། །ཞེས་སོགས་དབུགས་དབྱུང་བ་དང༌། གཟེངས་བསྟོད་པ་རྣམས་ཀྱང་བྱ་སྟེ་གཞན་དུ་ཤེས་སོ། །
དེ་རྣམས་ཀྱི་ཕྱི་རོལ་གཟུགས་བརྙན་གྱི་དཀྱིལ་འཁོར་དུ། བུམ་པའི་དབང་བསྐུར་བ་ཐོབ། ལུས་ཀྱི་དྲི་མ་དག །
ལམ་བསྐྱེད་པའི་རིམ་པ་སྒོམ་པ་ལ་དབང༌། དམ་ཚིག་ཉི་ཤུ་རྩ་གཉིས་བསྲུངས། འབྲས་བུ་
སྤྲུལ་སྐུ་མངོན་དུ་བྱས། དེ་ནས་གསང་དབང་གི་དོན་དུ་མཎྜལ་ཕུལ། བཅོམ་ལྡན་ཞི་བ་ཆེན་པོ་ཀྱཻ། །སོགས་
ལན་གསུམ་གྱིས་གསོལ་བ་བཏབ། ཨཱཿཁཾ་སོགས་ཀྱིས་མིག་དར་བཅིངས། དཀྱིལ་འཁོར་གྱི་གཙོ་བོ་ཡབ་ཡུམ་
སྙོམས་པར་ཞུགས། ཐུགས་ཀའི་འོད་ཟེར་ཀྱིས་སངས་རྒྱས་ཐམས་ཅད་སྤྱན་དྲངས། གཙོ་
བོའི་ཞལ་དུ་ཞུགས། ཐུགས་ཀར་བྱང་ཆུབ་ཀྱི་སེམས་སུ་ཞུ་བ། རྡོ་རྗེ་ནོར་བུར་བརྟན་པའི་ཡེ་
ཤེས་མངོན་དུ་བྱས་ནས། བདེ་བའི་རྟེན་ཀུན་ད་ལྟ་བུ་དེ་སྦོམ་པོ་དང་མིང་མེད་ཀྱིས་བླངས་
ནས། རང་གི་ཁར་བབས་པར་གྱུར། ཇི་ལྟར་འདས་པའི་ནས། དབང་བསྐུར་རོ། །ༀ་ཨཱཿཧཱུཾ། 
ཨ་ཧོ་མཧཱ་སུ་ཁཾ། ༀ་ཨཱཿཧཱུཾ། མིག་དར་བསལ། ཀུན་རྫོབ་བྱང་ཆུབ་སེམས་ཀྱི་དཀྱིལ་འཁོར་དུ་
གསང་དབང་ཐོབ་པས། ངག་གི་དྲི་མ་སྦྱངས། ལམ་རླུང་གི་རྣལ་འབྱོར་སྒོམ་པ་ལ་དབང༌། 
དམ་ཚིག་ཏུ་བཟའ་བའི་དམ་ཚིག་རྣམས་བསྒྲུབས། འབྲས་བུ་ལོངས་སྤྱོད་རྫོགས་པའི་སྐུ་
མངོན་དུ་བྱས། ཤེས་རབ་ཡེ་ཤེས་ཀྱི་དབང་གི་དོན་དུ་མཎྜལ་ཕུལ། གོང་བཞིན་གསོལ་བ་གདབ། མིག་དར་བཅིངས། ལྷ་
མོ་དགའ་སྦྱིན་ནས། མཆོད་པ་དག་ཏུ་གྱིས། །ཀུན་ཏུ་རུ་གྱིས་རྡོ་རྗེ་འཛིན། །ཕྱག་རྒྱ་བདེ་བ་
11-1-36


ལྡན་པ་ཁྱེར། །ཀྱེ་སེམས་དཔའ་ཆེན་པོ། ཞེས་བརྗོད་པས་ཕྱག་རྒྱ་གཏད། ཅུང་ཟད་རྒྱས་པར་སྤྲོ་ན། དྲི་བ་དྲི་ལན་
བྱ་སྟེ། དཔའ་བོ་བྱང་ཆུབ་སེམས་བཟའ་བ། །ཁྱོད་ནི་སྤྲོ་བར་ཡིན་ནམ་ཅི། །རིགས་ལྔ་ལས་ནི་
བྱུང་བ་ཡི། །རིག་མ་མཆོད་པ་རྟག་གུས་སམ། །བཤང་གཅི་སྟོབས་དང་ཁྲག་ལ་སོགས། །
བཟའ་བ་ད་ལྟ་ཡིད་ཆེས་སམ། །རྗེས་སུ་མཐུན་སྨོས་དམ་ཚིག་བཟང༌། །ཇི་ལྟར་བདེ་བར་བུ་
སྨྲོས་ཤིག །ཅི་གསུང་དམ་ཚིག་བརྟེན་པར་ནི། །ལྷ་མོ་བདག་གིས་བྱེད་པར་ནུས། །ཞེས་ཁས་
བླངས། ཨེ་མ་ང་ཡི་པདྨ་ནི། །ནས། རྟག་ཏུ་བཞུགས། །ཐར་བ་བརྟེན་ཅིག་ཧོ། །ཞེས་པང་དུ་བྱོན། 
ཐབས་དང་ཤེས་རབ་རྗེས་སུ་ཆགས་པས་སྙོམས་པར་ཞུགས་པས། ལྷན་ཅིག་སྐྱེས་པའི་ཡེ་
ཤེས་མངོན་དུ་བྱས། ཡེ་ཤེས་དེ་ཉིད་དབང་བཞིའི་དོན་ཅན། རྒྱུད་རྣམ་པ་བཞི་ལ་གནས་པ་
སྟེ། རྒོད་པ་དག་པ་སློབ་དཔོན་ཉིད། །སོགས་དང༌། སྣ་ཚོགས་དང་པོའི་དགའ་བ་ཉིད། །སོགས་ཤླཽ་
ཀ་རེ་རེ་བརྗོད། མིག་དར་བསལ། དེ་ལྟར་ན་བྷ་གའི་དཀྱིལ་འཁོར་དུ་ཤེས་རབ་ཡེ་ཤེས་ཀྱི་དབང་
བསྐུར་བ་ཐོབ་པས། ཡིད་ཀྱི་དྲི་མ་དག །ལམ་ལས་དང་དམ་ཚིག་གི་ཕྱག་རྒྱ་སྒོམ་པ་ལ་
དབང༌། དམ་ཚིག་ཏུ་ཤེས་རབ་མ་མི་སྤངས་པ་ཡིན། འབྲས་བུ་ཆོས་ཀྱི་སྐུ་མངོན་དུ་བྱས། དེ་
ནས་དེའི་རྗེས་སུ་གནང་བ་བྱིན་པ་ནི། སྣ་ཚོགས་སྤངས་པའི་སྐད་ཅིག་ལ། །བདེ་བ་ཆེན་པོ་རྣམ་པར་
བཟུང༌། །ཇི་སྲིད་བྱང་ཆུབ་བར་དུ་ནི། །སེམས་ཅན་དོན་བགྱིས་རྡོ་རྗེ་འཛིན། །ཞེས་བརྗོད། དབང་
བཞི་པའི་དོན་དུ་མཎྜལ་ཕུལ་ལ། བྱང་ཆུབ་རྡོ་རྗེ་སོགས་ཀྱིས་གསོལ་བ་བཏབ། འདི་ལ་མིག་དར་བཅིངས་དགྲོལ་མི་དགོས། 
ཡེ་ཤེས་འདི་ནི་ཆེས་ཕྲ་ཞིང༌། །ནས། ཁྱོད་ཀྱི་ཕ་ནི་ཁྱོད་ཉིད་དོ། །ཞེས་བརྗོད། རང་{རིག[གི]་ཡེ་
ཤེས་ཉིད་དུ་གྱུར། །ཞེས་སོགས་དང༌། འདི་ཉིད་ཡེ་ཤེས་ཆེན་པོ་ཉིད། །སོགས་དང༌། འདོད་ཆགས་མ་
ཡིན་ཆགས་བྲལ་མིན། །སོགས་ཀྱི་དོན་ཡིད་ལ་བྱས་ཏེ་མཉམ་པར་བཞག་གོ །དེ་ལྟར་ན་དོན་དམ་བྱང་ཆུབ་
སེམས་ཀྱི་དཀྱིལ་འཁོར་དུ་དབང་བཞི་པ་ཐོབ་པས། ལུས་ངག་ཡིད་གསུམ་གྱི་དྲི་མ་བག་
ཆགས་དང་བཅས་པ་དག །ལམ་ཕྱག་རྒྱ་ཆེན་པོ་སྒོམ་པ་ལ་དབང༌། དམ་ཚིག་ཏུ་ངེས་པའི་
11-1-37


དོན་གྱི་བརྟུལ་ཞུགས་བརྟེན། འབྲས་བུ་ངོ་བོ་ཉིད་སྐུ་མངོན་དུ་བྱས། རྗེས་ཀྱི་བྱ་བ། གཙོ་བོས་ཇི་
ལྟར་སོགས་དང༌། མཎྜལ་དང་ཡོན་འབུལ་བ་རྣམས་སྤྱི་དང་འདྲའོ། །བདག་ཉིད་འཇུག་ཅིང་དབང་བླང་བའི་སྐབས་ཏེ་བཅུ་བཞི་
པའོ།།    །།
གཉིས་པ་སློབ་མ་གཞུག་ཅིང་དབང་བསྐུར་བ་ནི། ཆོ་གའི་རིམ་པ་གོང་དུ་བཤད་པ་དེ་ཁོ་ན་བཞིན་ལས། ལག་ལེན་གྱི་
ཁྱད་པར་ཅུང་ཟད་མི་འདྲ་བ་རྣམས་མཐོང་བ་བརྒྱུད་པ་དང་ངག་ལས་ཤེས་པར་བྱའོ། །ཅུང་ཟད་སྤྲོས་པ་ལ་དགའ་ན། དབང་རྫས་
རིགས་ལྔ་སོགས་ལྷར་བསྐྱེད་པ་དང༌། སྤྲོ་ན་སློབ་མའང་རིགས་ལྔའི་ཏིང་ངེ་འཛིན་འཕོ་བ་དང༌། ཡོལ་བའི་ནང་བཅུག་གི་སྔོན་དུ་
བགེགས་སྦྱང་བ་དང༌། དབང་གི་དངོས་བཞིའི་མགོར་[རྣལ་འབྱོར་]དྲུག་བཞི་ལྡན་གྱི་{སྦྱར[སྦྱངས]་བ་ཡང་བྱ་སྟེ། འོན་ཀྱང་དེ་
དག་ངེས་པར་དགོས་པའང་མ་ཡིན་པས། འདིར་མ་བཤད་དེ་གཞན་དུ་ཤེས་སོ། །ལྷ་མོ་བཅོ་ལྔའི་དཀྱིལ་འཁོར་གྱི་བྱ་བ་ཡང༌། 
འདིས་འདོན་པ་བསྒྱུར་ཏེ་རྟོགས་པར་བྱ་བ་ཡིན་ལ། འདི་དག་ཐོབ་པས་ཧེ་རུ་ཀ་གཞན་གསུམ་ཤུགས་ལ་ཐོབ་པར་བཞེད་པ་ཡིན་
ནོ། །སློབ་མ་དབང་བསྐུར་བའི་སྐབས་ཏེ་བཅོ་ལྔ་པའོ།།    །།
དྲུག་པ་ཉེ་བར་བསྡུ་བའི་ཆོ་ག་ནི། དེ་ལྟར་དབང་བསྐུར་བ་ཟིན་པ་ན། སླར་ཡང་སྦྱིན་བསྲེག་གི་ཆོ་གས་ལྷ་མཉེས་པར་
བྱ་ཞིང༌། ཕྱོགས་ཀྱི་གཏོར་མའམ། གོང་དུ་བཤད་པ་བཞིན་ཕྱི་རོལ་གཏོར་མ་ཡང་རྒྱས་པར་བཏང་ངོ༌། །དེའི་རྗེས་སུ་མཆོད་པ་
བཤམས། སྔོན་བཞིན་བྱིན་གྱིས་བརླབས་ནས། ཆུ་གཉིས་སྔོན་དུ་འགྲོ་བའི་ཉེར་སྤྱོད་རོལ་མོ་དང་བཅས་པ་དང༌། ནང་མཆོད་
གསང་མཆོད། བསྟོད་པ་བསྡུས་པ་དང་བཅས་པའང་སྔོན་བཞིན་བྱས་ལ། བདག་ཅག་སློབ་མར་བཅས་པའི་དགེ་
བའི་རྩ་བ་འདིས། སེམས་ཅན་ཐམས་ཅད་དགེས་པའི་རྡོ་རྗེའི་གོ་འཕང་མྱུར་དུ་འཐོབ་པར་
གྱུར་ཅིག ཅེས་སྨོན་ལམ་བཏབ་ཅིང་བསྐོར་བ་ལན་གསུམ་བྱ། ཡིད་ལ་འདོད་པའི་དོན་རྣམས་གསོལ་བ་བཏབ་བོ། །ཡིག་
བརྒྱ་ལན་གསུམ། མ་འབྱོར་པ་དང༌། སོགས་ཀྱིས་བཟོད་པར་གསོལ། ༀ་ཁྱོད་ཀྱིས་ནས། གསོལ། ༀ་ཨཱཿ
ཧཱུཾ་བཛྲ་མུཿ ཞེས་ལན་གསུམ་གྱིས། ཡེ་ཤེས་པ་གཤེགས། སྤྲུལ་པའི་དཀྱིལ་འཁོར་རང་ལ་ཐིམ། ཨ་ཀཱ་རོའི་མཐར། ༀ་
ཨཱཿཧཱུཾ་མུཿ ཞེས་བཏགས་པས་དཀྱིལ་འཁོར་དབྱི་ཞིང༌། མགོ་ལ་རྡུལ་ཚོན་ཅུང་ཟད་བཞག །ༀ་བཛྲ་ཀཱི་ལོ་ཏ་ཀཱི་ལ་ཡ་
སརྦྦ་ཀཱི་ལ་ན་བཛྲ་དྷ་ར་ཨཱ་ཛྙཱ་པ་ཡ་ཧཱུཾ་ཧཱུཾ་ཧཱུཾ་ཧཱུཾ་ཕཊ་ཧོ། ཞེས་ཕུར་བུ་དབྱུང༌། ༀ་རུ་རུ་སྥུ་རུ་ཛྭ་ལ་ཏིཥྛ་
11-1-38


སིདྡྷི་ལོ་ཙ་ནི་སརྦྦ་ཨརྠ་སཱ་དྷ་ནི་སྭཱཧཱ། ཞེས་འོ་མས་གཏོར། རྟེན་གཞན་ཡོད་ན་བརྟན་བཞུགས་བྱ། རྡུལ་ཚོན་ཆུ་བོར་
སྤྱན་འདྲེན་ན་སྐབས་འདིར་བྱ་ཞིང༌། སླར་ཡང་སྨོན་ལམ་དང་བཀྲ་ཤིས་ཅི་འགྲུབ་བྱའོ། །
དཀྱིལ་འཁོར་གྱི་མཇུག་ཏུ་སྦྱིན་བསྲེག་དང༌། གཏོར་མ་དང༌། ཚོགས་ཀྱི་འཁོར་ལོ་ཡང་བྱ་ཞིང༌། དགེ་འདུན་གྱི་སྟོན་མོ་དང༌། 
ཡུལ་ཕྱོགས་ཀྱི་སྐྱེ་བོ་རྣམས་ཚིམ་པར་བྱའོ། །རས་བྲིས་ཀྱི་ཕྱོགས་ལ་ནི། ས་ཆོག་དང༌། ཐིག་ཚོན་བྱིན་གྱིས་བརླབས་པ་དང༌། ཐིག་
ཚོན་གྱི་ལས་དང༌། དཀྱིལ་འཁོར་གཤེགས་སུ་གསོལ་བ་རྣམས་མི་དགོས་པས། བཟོད་གསོལ་གྱི་མཇུག་ཁོ་ནར། དཀྱིལ་འཁོར་
དང་རྟེན་གཞན་ལ་ཡང་བརྟན་བཞུགས་བྱ། དགེ་བ་བསྔོ་བ་དང༌། བཀྲ་ཤིས་ཀྱི་གླུ་དབྱངས་ཙམ་བྱའོ། །ཏིང་ངེ་འཛིན་གྱི་དཀྱིལ་
འཁོར་དུ་དབང་བསྐུར་བ་བླ་མའི་ཞལ་གྱི་རིམ་པ་ནི། སྐུ་གསུང་ཐུགས་ཧེ་རུ་ཀའི་དཀྱིལ་འཁོར་ལ་ཡང་མཛད་དེ། ཏིང་ངེ་འཛིན་
གྱི་སྒོ་ནས་ཆོ་ག་ཐམས་ཅད་སྔ་མ་བཞིན་དུ་སྤྱད་པ་ལས། མེ་ཏོག་འཕྲེང་བའི་དབང་བསྐུར་བའི་རྗེས་སུ། མཁའ་ནང་དུ་དཀྱིལ་
འཁོར་ཆེན་པོ་སྤྲུལ་ཏེ། ནང་དབང་གི་ཚུལ་གྱི་སློབ་མ་རྣམས་དཀྱིལ་འཁོར་དེར་བཅུག་སྟེ། རྫས་སྤངས་པའི་དབང་བསྐུར་བ་ཡིན་
ཏེ། ཕྱོགས་འདི་ལ་ས་ཆོག་གི་དཀྱིལ་འཁོར་དང༌། སྟ་གོན་གྱི་དཀྱིལ་འཁོར་ཉེ་བར་བསྡུ་བའི་ཚེ། སྤྲུལ་པའི་དཀྱིལ་འཁོར་རང་ལ་
བསྡུ་བ་ཁོ་ན་ཡིན་ལ། སྟ་གོན་གྱི་དཀྱིལ་འཁོར་ཡང་བདག་བསྐྱེད་ཀྱི་དཀྱིལ་འཁོར་ལས་གཞན་པ་མེད་དོ། །དཀྱིལ་འཁོར་ཉེར་
བསྡུ་འཕྲོས་དང་བཅས་པའི་སྐབས་སྟེ་བཅུ་དྲུག་པའོ།།    །།
ལྷ་ལ་དབང་བསྐུར་བ་རབ་གནས་ཀྱི་ཆོ་ག་ནི། མདོ་ཙམ་དུ་ན། གོང་དུ་བཤད་པའི་དཀྱིལ་འཁོར་གྱི་ཆོ་ག་དེ་དག་ལས། 
གང་ཡང་རུང་བ་ཞིག་གིས་བྱ་སྟེ། ཏིང་ངེ་འཛིན་གྱི་ཆོ་གས་ཀྱང༌། འདི་ལ་མི་རུང་བའི་གནས་སྐབས་མེད་དོ། །དེ་ཡང་སྟ་གོན་ལྷག་
གནས་ཀྱི་རིམ་པ་སྔར་བཞིན་བྱས་ལ། རབ་ཏུ་གནས་པར་བྱ་བ་ལ། བགེགས་སྦྱང་བ་ནི། བོད་རྙིང་པ་རྣམས་ཀྱི་ལག་ལེན་བཞིན་
དུ་བྱ་ལ། དེ་མ་ཐག་ཏུ། ༀ་ཨཱཿབིགྷྣཱན་ཏ་ཀྲྀཏ་ཧཱུཾ། ཡང་ཧཱུཾ་ལན་བདུན་བཟླས་ཏེ། ༀ་སརྦ་པཱ་པཾ་ད་ཧ་ན་བཛྲ་
ཡ། བཛྲ་སཏྭ་སྱ་སརྦ་པཱ་པཾ་ད་ཧ་ན་སྭཱཧཱ། ཞེས་ཡུངས་དཀར་རམ་ཏིལ་བསྐོར་ཏེ་མེ་ལ་དོར། ༀ་ཧཱུཾ་ཏྲཾ་ཧྲཱིཿཨ། 
ༀ་སརྦ་ཏ་ཐཱ་ག་ཏ་ཀཱ་ཡ་བི་ཤོ་དྷ་ན་ཡེ་སྭཱཧཱ། ༀ་ཧཱུཾ་ཏྲཾ་ཧྲི་ཁཾ་ཁ། ཞེས་དྲི་བཟང་དང༌། འདག་རྫས་ཅི་འབྱོར་བ་
དང༌། ཆུ་གཙང་གིས་དངོས་སུ་བཀྲུ་བར་འོས་པ་རྣམས་ལེགས་པར་བཀྲུ་ཞིང༌། བྲིས་སྐུ་དང་གླེགས་བམ་ལ་སོགས་པ་ནི་གཟུགས་
བརྙན་ལ་བཀྲུའོ། །ནམ་མཁའ་གང་བའི་སངས་རྒྱས་རྣམས་ཀྱིས་ཁྲུས་གསོལ་བར་མོས་ལ། ཇི་ལྟར་བལྟམས་པ་སོགས་
11-1-39


ཚིགས་བཅད་ཅི་རིགས་པ་བརྗོད་ཅིང༌། ཨ་བྷི་ཥེ་ཀ་ཏའི་སྔགས་དང་ལས་བུམ་གྱིས་ཁྲུས་གསོལ་ལ། སྐུ་ཕྱིས་དང་དྲིས་བྱུགས་
པ་དང་ན་བཟའ་འབུལ་བ་རྣམས་བྱའོ། །རང་གི་སྙིང་གའི་ས་བོན་ལས་འོད་ཟེར་འཕྲོས། ཡེ་ཤེས་སེམས་
དཔའ་གཙོ་བོར་གྱུར་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་རབ་ཏུ་གནས་
བྱའི་སྟེང་གི་ནམ་མཁར་ༀ་བཛྲ་ས་མཱ་ཛཿ པདྨ་ཀ་མ་ལ་ཡེ་སྟྭཾ། ཨརྒྷཾ་ནས། ཤཔྟའི་བར་གྱིས་མཆོད། 
བཅོམ་ལྡན་ཆེ་གེ་རྡོ་རྗེ་མཆོག །རིག་པའི་རྒྱལ་པོ་ཁྱེད་ལ་འདུད། །སློབ་མ་རྣམས་ལ་བརྩེ་
ཕྱིར་དང༌། ཁྱེད་རྣམས་ལ་ཡང་མཆོད་ཕྱིར་དང༌། །སེམས་ཅན་བསོད་ནམས་སྤེལ་དོན་དང༌། །
བྱང་ཆུབ་སེམས་ནི་བསྐྱེད་པའི་ཕྱིར། །མགོན་པོ་ཐུགས་རྗེའི་བདག་ཉིད་ཆེ། ཁྱེད་ཀྱིས་རབ་
གནས་བགྱིད་པར་འཚལ། །དེ་ཕྱིར་བཅོམ་ལྡན་བདག་གུས་ལ། །བཀའ་དྲིན་གནང་བར་
མཛད་པའི་རིགས། །སངས་རྒྱས་འགྲོ་{དོན[འཁོར]་བྱ་དོན་སྩོལ། །བྱང་ཆུབ་སེམས་དཔའ་
འབྲས་གནས་དང༌། །གཞན་ཡང་གང་དག་གསང་སྔགས་ལྷ། །ལྷ་དང་འཇིག་རྟེན་སྐྱོང་བ་
དང༌། །འབྱུང་པོ་བྱང་ཆུབ་བསྟན་གནས་དང༌། །སེམས་ཅན་བསྟན་ལ་མངོན་དགའ་བ། །གང་
གཞན་རྡོ་རྗེ་སྤྱན་ལྡན་རྣམས། །བདག་ལ་ཡང་དག་དགོངས་སུ་གསོལ། །རྡོ་རྗེ་ཅན་ཆེན་ཆེ་གེ་
བདག །ཆེ་གེ་རབ་ཏུ་གནས་པ་ནི། །བགྱིའོ་དེས་ན་ཁྱེད་རྣམས་ཀྱི། །ཉེ་བར་གནས་པར་མཛད་
པའི་རིགས། །ཞེས་ལན་གསུམ་གྱིས་སྙན་གསན་ཕབ། རིགས་ལྔའི་བསྟོད་པས་བསྟོད། ༀ་བཛྲ་པུ་ཎ་ར་ག་མ་ན་
ཡ་མུཿ ཞེས་གཤེགས་སུ་གསོལ། སྐུ་གཟུགས་ཀྱི་གནས་གསུམ་ལ་སོགས་པར། ཨ་མྲྀ་ཏའི་སྔགས་ཀྱིས་རྡོ་རྗེ་དང་བཅས་
པའི་ལག་པས་དྲི་བཟང་བྱུགས། ཕྱི་ནང་གི་གཏོར་མ་རྒྱ་ཆེར་བཏང་ངོ༌། །དེ་དག་ནི་སྟ་གོན་གྱི་བྱ་བའོ། །ནངས་པར་བདག་འཇུག་
ཡན་ཆད་ཀྱི་བྱ་བ་རྣམས་ཟིན་པ་ན། སྔར་བཞིན་ལས་བུམ་གྱིས་ཁྲུས་གསོལ། བསངས་སྦྱངས། སྟོང་པའི་ངང་ལས༴ རབ་
ཏུ་གནས་བྱའི་ལྷ་དེ་ཉིད་ཀྱི་བསྐྱེད་ཆོག་ཤེས་ན་དེ་ལྟར་བྱ་ལ། མི་ཤེས་ན་མཆོད་རྟེན་དང༌། ཆགས་བྲལ་གྱི་སྐུ་གཟུགས་རྣམས་
དང༌། གཙུག་ལག་ཁང་ལ་སོགས་པ་ནི་རྣམ་སྣང་དུ་བསྐྱེད། གླེགས་བམ་དང་ཡིག་འབྲུ་ནི་འོད་དཔག་མེད་དང༌། ཕྱག་མཚན་
རྣམས་མི་བསྐྱོད་པ་དང༌། སློབ་དཔོན་དང་སྐུ་གཟུགས་གཞན་རྣམས་ནི་རྡོ་རྗེ་སེམས་དཔར་བསྐྱེད་དེ། སྐྱེ་མཆེད་དྲུག་དང་གནས་
11-1-40


གསུམ་བྱིན་གྱིས་བརླབས་པ་སྒྲུབ་ཐབས་བཞིན་བྱས་ལ། རང་གི་སྙིང་ག་ནས་འོད་ཟེར་འཕྲོས། ཡེ་ཤེས་སེམས་
དཔའ་སྤྱན་འདྲེན་པ་དང༌། མཆོད་བསྟོད་དང་གསོལ་བ་ལན་གསུམ་གདབ་པ་གོང་བཞིན་བྱས་ལ། སྒྲུབ་ཐབས་སུ་ཇི་སྐད་བཤད་
པ་ལྟར་དབང་ལྷ་སྤྱན་འདྲེན། བཀྲ་ཤིས་ཀྱི་གླུ་བླང་བ་ནི་རྒྱས་བསྡུས་ཇི་ལྟར་རིགས་པ་བརྗོད་ལ། ཆུ་ཅོད་པན་རྡོ་རྗེའི་དྲིལ་བུ་
མིང༌། སླར་ཡང་སློབ་དཔོན་གྱི་དབང་གི་དོན་དུ་ཆུ་དབང་བསྐུར་ནས། སུ་པྲ་ཏིཥྛའི་བར་དང༌། གསང་དབང་ཤེས་རབ་ཡེ་ཤེས་
བཞི་པ་རྣམས་ལ་གསོལ་བཏབ་དང༌། རྟོགས་བསྐྱེད་དང༌། མིག་དར་བཅིངས་གྲོལ་དང༌། དྲི་བ་དྲི་ལན་རྣམས་དོར་ནས། དངོས་
གཞི་རྣམས་བདག་འཇུག་བཞིན་དབང་བསྐུར་ལ། མཆོད་བསྟོད་བསྡུས་པ་ཞིག་བྱའོ། །ༀ་བཛྲ་ཝ་ས་སྱ་ཧཱུཾ་སོགས། ༀ་
ཨཱཿསརྦ་ཨ་བྷ་ར་ཎ་བི་བྷུ་ཥ་ཎྱ་སྭཱཧཱ། ༀ་{ཛྲཱ་[ཛཱཾ]སྭཱཧཱ། ཞེས་པ་རྣམས་ཀྱིས་གོས་དང་རྒྱན་དང་འབྲས་བུ་ལ་
སོགས་པ་ཕུལ། ༀ་ཙཀྵུཿཙཀྵུཿས་མནྟ་ཙཀྵུཿབི་ཤོ་དྷ་ནི་སྭཱཧཱ། ཞེས་མིག་ཐུར་གྱིས་སྤྱན་དབྱེ་ཞིང་མིག་སྨན་བཀུ་
བའི་ཚུལ་དུ་བྱའོ། །དེ་ནས་ཞི་བ་ལ་སོགས་པའི་སྦྱིན་བསྲེག་བྱས་ལ། ༀ་དི་བྱ་ཨགྣ་ས་མ་སིདྡྷྱ་ན་པྲི་ཎ་ནེ་སྭཱཧཱ། 
ཞེས་པས་སྦྱིན་བསྲེག་གི་མེའི་ལྷག་མ་ལ་འོ་ཐུག་སྒྲུབས་ཏེ་གཟུགས་བརྙན་ཤར་བའི་ལྷའི་ཞལ་དུ་འབུལ་བར་བྱའོ། །ༀ་ཧཱུཾ་ཏྲཾ་
ཧྲཱིཿཨཿ ཞེས་ལན་མང་དུ་བཟླས་ལ། ལྷ་དེ་ཉིད་བསྐྱེད་པ་ཡིན་ན་མ་གཏོགས། གཞན་རྣམས་ཞལ་བསྒྱུར་ལ་རང་རང་གི་
གཟུགས་སུ་བལྟའོ། །དེ་ནས་ཡུན་རིང་དུ་བཞུགས་པའི་དོན་དུ་གསོལ་བ་གདབས་པ་ནི། ཇི་ལྟར་སངས་རྒྱས་ཐམས་
ཅད་ནི། །དགའ་ལྡན་དུ་ནི་རབ་བཞུགས་རྣམས། །ལྷ་མོ་སྒྱུ་འཕྲུལ་ལྷུམས་ཞུགས་ལྟར། །དེ་
བཞིན་གཟུགས་བརྙན་ལྷན་ཅིག་ཏུ། །འདི་རུ་མགོན་པོ་རྟག་བཞུགས་ལ། །བྱང་ཆུབ་སེམས་
ནི་བསྐྱེད་པ་དང༌། །སེམས་ཅན་ཀུན་གྱི་དོན་སླད་དུ། །བདག་གི་འབྱོར་བ་ཉིད་ཀྱིས་ནི། །ཅི་
འབྱོར་བ་ཡི་མཆོད་པ་རྣམས། །མེ་ཏོག་ལ་སོགས་འདི་བཞེས་ཤིག །བདག་དང་སློབ་མར་
བཅས་པ་ལ། །རྗེས་སུ་བརྩེ་བར་དགོངས་སུ་གསོལ། །ཀུན་ཀྱིས་འདི་ལ་བྱིན་རླབས་ཤིང༌། །
འདི་ཉིད་དུ་ནི་བཞུགས་པའི་རིགས། །ཞེས་ལན་གསུམ་གསོལ་བ་བཏབ་ལ། སྤྲོ་ན་ལག་ལེན་བཞིན་ཚིག་ལྷུག་
པས་ཀྱང་བྱ། རྟེན་འབྲེལ་སྙིང་པོ་བཟླས་ལ་མེ་ཏོག་དོར་རོ། །དེ་ནས་རྡོ་རྗེ་གསོར་ཞིང་བདུད་རྩི་འཁྱིལ་བའི་སྔགས་ལན་བདུན་
བཟླས་ལ། དེ་ཉིད་ལྔ་པའམ། མཉམ་ཉིད་མི་གཡོ་སོགས་ཀྱི་བསྟོད་པ་གླུར་བླང་ངོ༌། །བསྡུ་ན། ཞེ་སྡང་རྡོ་རྗེ་ཕྱག་
11-1-41


འཚལ་བསྟོད། །གཏི་མུག་རྡོ་རྗེ་ཕྱག་འཚལ་བསྟོད། །སེར་སྣ་རྡོ་རྗེ་བདག་ལ་གསོལ། །འདོད་
ཆགས་རྡོ་རྗེ་བདག་ལ་སྐྱོབས། །ཕྲག་དོག་རྡོ་རྗེ་ང་རྒྱལ་ཏེ། །སྒྱུ་འཕྲུལ་རྡོ་རྗེ་མགོན་པོ་ཀུན། །
ལས་ཀུན་རབ་ཏུ་གྲུབ་བྱེད་པ། །ཐམས་ཅད་རྡོ་རྗེ་བདག་མགུར་འགྱུར། །ཞེས་བསྟོད། ཡིག་བརྒྱ་
ལན་མང་དུ་བཟླས་ཏེ་ལྷག་ཆད་ཁ་བསྐངས། མ་འབྱོར་བ་དང་སོགས་ཀྱིས་བཟོད་པར་གསོལ། བཀྲ་ཤིས་ཀྱི་ཚིགས་
སུ་བཅད་པ་ཅི་རིགས་པར་བརྗོད། རྫོགས་སངས་རྒྱས་དང་དེ་ཡི་སྲས། །ཚངས་སོགས་ལྷ་ཡི་ཚོགས་
རྣམས་དག །གང་དག་ཆོ་གའི་བྱ་བ་ལ། །ནོངས་གྱུར་དེ་དག་བཟོད་མཛད་རིགས། །ཀུན་ཏུ་
ཞི་དང་རྒྱས་པ་རུ། །ཡོན་བདག་རྣམས་ལ་རབ་མཛད་ནས། །སངས་རྒྱས་ཡུལ་དུ་གཤེགས་པ་
དང༌། །སླར་ཡང་འབྱོན་པར་མཛད་དུ་གསོལ། །ས་དང་ཆུ་དང་མེ་རླུང་ལས། །ལྷ་རྣམས་ཀྱིས་
ནི་སྐུ་གཟུགས་ལ། །བསྐལ་པ་བརྒྱ་རུ་བསྲུང་བ་དང༌། །མཆོད་པ་ཆེན་པོ་མཛད་དུ་གསོལ། །
དགྱེས་ཤིང་ཡིད་བཟང་གྱུར་ནས་སུ། །སློབ་དཔོན་སློབ་མར་བཅས་པ་ཡི། །བུ་དང་ཚ་བོ་
བསྲུང་བ་དང༌། །གང་གནས་དགེ་བར་གཤེགས་སུ་གསོལ། །ཞེས་གསོལ་བ་བཏབ་ནས། མགྲོན་དུ་བྱོན་
པའི་ལྷ་རྣམས་ཅི་བདེར་གཤེགས་ལ་བར་འདིར་ཆོས་སྐྱོང་དང༌། འཇིག་རྟེན་པའི་གཏོར་མ་རྒྱ་ཆེར་གཏོང༌། སླར་ཡང་སྐུ་གཟུགས་
ལ་མཆོད་པ་རྒྱ་ཆེན་པོ་དང༌། ཤིས་བརྗོད་སོགས་རྒྱ་ཆེར་བྱའོ། །
བགྲང་འཕྲེང་རབ་ཏུ་གནས་པ་ནི། བསངས་སྦྱངས། ཛྲིཾ་ལས་འོད་དཔག་མེད་ཡབ་ཡུམ་དུ་བསྐྱེད། 
གནས་གསུམ་བྱིན་གྱིས་རླབས། ཡེ་ཤེས་པ་བསྟིམ། དབང་བསྐུར། མཆོད་བསྟོད་བྱས་ལ། དེ་ཞུ་བས་བགྲང་འཕྲེང་དུ་གྱུར། ༀ་
ཨཱཿཛྲིཾ་ཧཱུཾ་ཕཊ་སྭཱཧཱ། ཞེས་བཟླས་པས་རབ་ཏུ་གནས་པར་འགྱུར་རོ། །རབ་ཏུ་གནས་པའི་རྣམ་གྲངས་གཞན་མང་པོ་དག་ནི་
འདིར་མ་བཤད་དོ། །རབ་གནས་ཀྱི་ཆོ་གའི་སྐབས་ཏེ་བཅུ་བདུན་པའོ།།    །།
ད་ནི་སྦྱིན་བསྲེག་གི་ཆོ་ག་མདོར་བསྡུས་པ་བཤད་པར་བྱ་སྟེ། དེ་ཡང་གོང་དུ་བཤད་པ་བཞིན་གྱི་ས་ཆོག་ལས། དཀྱིལ་
འཁོར་ཡོངས་རྫོགས་བསྒོམ་མི་དགོས་ཏེ། དཀྱིལ་འཁོར་གྱི་གཙོ་བོའི་ང་རྒྱལ་ཙམ་ལ་གནས་པས་བྱའོ། །དེར་ཞི་བའི་ཐབ་ཁུང་
བྱ་བ་ནི། སྟེགས་བུ་གྲུ་བཞི་པ་དཔངས་ཇི་ལྟར་རིགས་པ་ལ། དབུས་སུ་ཐབ་ཁུང་ཟབས་སུ་མཐོ་གང༌། རྒྱར་ཁྲུ་གང་ཟླུམ་པོ་
11-1-42


ལ། དབུས་ཀྱི་མཐིལ་དུ་པདྨ་འདབ་བརྒྱད་རིགས་ལྔའི་ཕྱག་མཚན་ཅན་བྱ། མཆུ་སོར་བཞིས་བསྐོར་བ་ལ་ཟེ་འབྲུ་འབྲི། ཁ་ཁྱེར་
དཔང་དང་རྒྱར་སོར་བཞི་པ་ལ། པང་འདབ་འབྲི་སྟེ་ཕྱོགས་བཞིར་རྡོ་རྗེ་རྒྱ་ཁྲམ་གྱིས་མཚན་པ། སྟེགས་བུའི་ཟུར་བཞིར་ཟླ་ཕྱེད་
རྡོ་རྗེས་བརྒྱན་པ། ཕྱི་ནང་ཐམས་ཅད་དཀར་པོས་བྱུགས། སྒྲུབ་པ་པོའི་གདན་གྱི་གཡོན་དུ་ཆུ་གཉིས་དང་བུམ་པ་བཅའ། གཡས་
སུ་བསྲེག་རྫས་དང་མཆོད་རྫས་དང༌། དེའི་ཕྱི་རོལ་ཏུ་མེ་ལྷའི་མཆོད་པ་རྣམས་བཤམས། གཏོར་མ་ཡང་ཇི་ལྟར་བདེ་བར་བཞག །
ཀཻ་ལ་ཤ་ཡང་བརྩིགས་ལ། རྡོ་རྗེ་དྲིལ་བུ་དགང་བླུགས་རྣམས་རང་གི་མདུན་དུ་བཤམ་མོ། །དེ་ནས་སྔོན་འགྲོ་གཏོར་མ་བཏང༌། 
བདག་བསྐྱེད་རྒྱས་བསྡུས་ཅི་རིགས་པ་བསྒོམ་ལ། ལས་བུམ་སྒྲུབས། བུམ་པ་མེད་ན་བསང་ཆུ་སྒྲུབ་ཏེ། དུང་གི་ཆུ་ལ་འཁྱིལ་
པ་བཟླས་པས་སོ། །དེ་ནས་ནང་མཆོད་ཀྱི་རྫས་རྣམས་བསངས། མཆོད་པ་བྱིན་རླབས་བྱ། ༀ་ༀ་སྭཱཧཱ། ༀ་ཨཱཿསྭཱཧཱ། 
ༀ་ཛྲིཾ་སྭཱཧཱ། ༀ་ཀུ་རུ་ཀུ་རུ་སྭཱཧཱ། ཞེས་པས་བསྲེག་རྫས་རྣམས་བྱིན་གྱིས་བརླབས། ༀ་ཨཱཿཧཱུཾ་དང༌། ཨ་མྲྀ་ཏ་
བཟླས་པས་མེ་བཅུག་ལ། ༀ་ཛྭ་ལ་ཛ་ལ་ཧཱུཾ། ཞེས་བརྗོད། ཧཱུཾ་བདུན་གྱིས་རླུང་ཡབ་གཡབ། ཨ་མྲྀ་ཏ་ལན་བདུན་གྱིས་
བླུགས་གཟར་གཅིག་ཕུལ། ༀ་བཛྲ་སཏྭ་ཨཱཿ ཞེས་ཀུ་ཤ་བཀྲམས་པར་མོས། ཐབ་བསངས་སྦྱངས། སྟོང་པའི་ངང་
ལས་བྷྲུཾ་ལས་བྱུང་བའི་ཐབ་ཁུང་གི་དབུས་སུ། འབར་བའི་མེ་རཾ་ལས་བྱུང་བའི་མེ་ལྷ་དཀར་
པོ་ར་སྐྱེས་ལ་ཆིབས་པ། བགྲང་ཕྲེང་དང་སྤྱི་བླུགས་འཛིན་པ། རང་གི་སྙིང་ག་ནས་འོད་ཟེར་
འཕྲོས། མེ་ལྷ་འཁོར་བཅས་བཛྲ་ས་མཱ་ཛཿ ཐལ་མོའི་མཐེ་བོང་གཡབ་པའམ། དབྱུག་གུ་རྩེ་གསུམ་གྱི་ཕྱག་རྒྱ་རྣ་
བའི་དྲུང་དུ་གཡབ་ཅིང༌། ༀ་གཟི་བརྗིད་ཆེན་པོ་མེ་ཡི་ལྷ། །འདོད་པ་ཐམས་ཅད་སྒྲུབ་པ་པོ། །སྙིང་
རྗེས་སེམས་ཅན་དོན་ཀུན་མཛད། །འདིར་ནི་ཡང་དག་མཉེས་པར་མཛོད། །ཅེས་བརྗོད་ལ། ཨ་
མྲྀ་ཏས་བསངས། ཛཿཧཱུཾ་བཾ་ཧོཿགཉིས་སུ་མེད་པར་ཐིམ། སྒྲུབ་ཐབས་བཞིན་དབང་བསྐུར་ལ་རྣམ་སྣང་གིས་
དབུ་བརྒྱན། ཆུ་གཉིས་སྔོན་དུ་འགྲོ་བའི་ཉེར་སྤྱོད་རོལ་མོ་དང་བཅས་པ་འབུལ། འཇིག་རྟེན་དབང་ཕྱུག་ཚངས་
དབང་མགོན་གྱི་སྲས། །མེ་ལྷའི་རྒྱལ་པཽ་ཊཀྐིས་དབང་བསྐུར་བ། །ཤེས་རབ་མཆོག་གིས་ཉོན་
མོངས་ཐམས་ཅད་བསྲེག །འཛིན་བྱེད་མེ་ལྷ་ཉིད་ལ་རྣམ་པར་འདུད། །ཅེས་པས་བསྟོད། ༀ་ཨགྣ་
ཡེ་ཨཱ་དི་བེ་ཨཱ་དི་བེ་ཨཱ་བི་ཤ་ཨཱ་བི་ཤ་མཧཱ། ཤྲཱི་ཡེ་ཧ་བྱ་ཀ་བྱ་བཧྣ་ཡ་སྭཱཧཱ། ༀ་ཨགྣ་ཡེ་སྭཱཧཱ། 
11-1-43


ཞེས་དགང་བླུགས་ལན་བདུན་སོགས་ཇི་ལྟར་རིགས་པ་ཕུལ། ན་མཿས་མནྟ་བུདྡྷ་ནཾ་ༀ་ཨགྣ་ཡེ་སྭཱཧཱ། ཞེས་པས་
བསྲེག་རྫས་མཐའ་དག་འབུལ་ཞིང༌། དེ་ནས་སླར་ཡང་བསྲེགས་བླུགས་གཅིག་ཕུལ་ཏེ། ཡང་ཐབ་ཀྱི་མེ་བསངས་སྦྱངས། སྟོང་
པའི་ངང་ལས་གཞལ་ཡས་ཁང་གདན་དང་བཅས་པ་བསྐྱེད་པ་ཡན་ཆད་སྒྲུབ་ཐབས་དང་འདྲ། འོན་ཀྱང་
འབྱུང་བཞི་ལ་རང་སེམས་བསྲེ་མི་དགོས། དབུས་ཀྱི་གདན་གྱི་སྟེང་དུ་ཧཱུཾ་དང་ཨཾ་ལས་བཅོམ་ལྡན་འདས་
དཔལ། སོགས་དང༌། ཤར་དུ་གཾ་ལས་གཽ་རཱི་སོགས། མིག་ཏུ་མོཾ་ལས་ནས། དབུ་བརྒྱན་གྱི་བར་མངོན་
རྟོགས་བཞིན་ནོ། །ཆུ་གཉིས་ཉེར་སྤྱོད་རོལ་མོ་ན་བཟའ་ནང་མཆོད་གསང་མཆོད་བསྟོད་པ་རྣམས་རྒྱས་བསྡུས་གང་ཡང་རུང་བར་
བྱས་ལ། མགོར་དེ་བ་པི་ཙུ་དང༌། མཇུག་ཏུ། མ་མ་ཤནྟིང་རཀྵན་ཙ་ཀུ་རུ་སརྦ་ཨརྠ་སཱ་དྷཱ་ཡ་སྭཱཧཱ། ཞེས་པ་
སྦྱར་ལ། བར་དུ་རྫས་སྔགས་རེ་དང་སྤེལ་བའི་བསྲེག་རྫས་འབུལ་བ་ནི། ༀ་ཨགྣ་ཡེ་སྭཱཧཱ། མར་དང༌། ༀ་བཛྲ་ལ་ཏ་
ཡེ་སྭཱཧཱ་འམ་ༀ་བོ་དྷི་བྲིཀྵ་ཡེ་སྭཱཧཱ། གང་རུང་གིས་ཡམ་ཤིང༌། ༀ་སརྦ་པཱ་པཾ་ད་ཧ་ན་བཛྲ་ཡེ་སྭཱཧཱ། ཏིལ། 
ༀ་བཛྲ་ཨ་ཡུ་ཥེ་སྭཱཧཱ། དུར་བ། ༀ་བཛྲ་པུཥྚ་ཡེ་སྭཱཧཱ། འབྲས་མ་བྲུགས་པ་དང༌། ༀ་སརྦ་སཾ་པ་དེ་སྭཱཧཱ། 
ཟས་མཆོག ༀ་ཨ་པྲ་ཏི་ཧ་ཏ་བཛྲ་ཡ་སྭཱཧཱ། ཀུ་ཤ ༀ་བཛྲ་བི་ཛ་ཡེ་སྭཱཧཱ། འབྲས་སོ་བ། ༀ་མཧཱ་བེ་ག་ཡ་
སྭཱཧཱ། ནས། ༀ་མཧཱ་བ་ལ་ཡེ་སྭཱཧཱ། སྲན་མ། ༀ་བཛྲ་གྷསྨ་རི་སྭཱཧཱ། གྲོ་སྟེ་དེ་ལྟར་ན་བསྲེགས་རྫས་སོ་སོར་ཅི་
རིགས་པ་འབུལ་ལ། མདོར་བསྡུ་ན་ལྷ་སྔགས་ཁོ་ནས་ཕུལ་ཀྱང་རུང་ངོ༌། །དེ་ནས་འཇིག་རྟེན་དང་འཇིག་རྟེན་ལས་འདས་པའི་ལྷ་
རྣམས་གཏོར་མའི་ཆོ་གས་ཚིམས་པར་བྱས་ལ། མཆོད་བསྟོད། གསོལ་གདབ། ཡིག་བརྒྱ། བཟོད་གསོལ། གཤེགས་གསོལ། 
དམ་ཚིག་པ་རང་ལ་བསྡུ་བ་རྣམས་བྱའོ། །སླར་ཡང་མེ་ལྷ་ཐབ་ཁུང་དུ་བྱོན་པ་ལ། གོང་བཞིན་མཆོད་བསྟོད་དང་བསྲེག་རྫས་ཀྱི་
ལྷག་མ་རྣམས་ཕུལ་ནས། གཏོར་མ་འབྲུ་གསུམ་གྱིས་བྱིན་གྱིས་བརླབས་ནས། ༀ་ཨགྣ་ཡེ་ཨཱ་དཱི་བྱ་སོགས་ཀྱི་མཐར། 
ༀ་དྷཱཾ་དྷཱཾ་ཞེས་བཏགས་པ་ལན་གསུམ་མམ་བདུན་གྱིས་བསྔགས་ནས་བླུགས་གཟར་གྱིས་བླངས་ཏེ་ཐབ་ཁུང་དུ་འབུལ། སླར་
ཡང་སྔོན་བཞིན་དགང་བླུགས་ཕུལ་ལ། འདོད་དོན་གསོལ་བ་བཏབ། ཡིག་བརྒྱ་བཟོད་གསོལ་གཤེགས་གསོལ་རྣམས་སྤྱི་
དང་འདྲ་བ་ལས། མེ་ལྷ་སྤྱན་འདྲེན་པའི་ཕྱག་རྒྱ་ཕྱིར་བཀྱེད་ཅིང༌། སྭ་ཨརྠ་ན་ཞེས་སོགས་སམ། ཡང་ན་བོད་སྐད་དུ་བྱ་སྟེ། 
བདག་གི་དོན་དང་གཞན་གྱི་དོན། །སྒྲུབ་ཀྱི་བཞུད་ཅིག་བྱིན་ཟ་ཁྱོད། །ཇི་བཞིན་དུས་སུ་སླར་
11-1-44


བྱོན་ཅིག །བདག་ལ་དངོས་གྲུབ་ཐམས་ཅད་མཛོད། །ཅེས་དང༌། མེ་ལྷའི་སྔགས་ཀྱི་མཐར། ༀ་མུཿ ཞེས་
བརྗོད། སྨོན་ལམ་དང་བཀྲ་ཤིས་རྒྱ་ཆེར་བྱའོ། །འདི་ནི་ཞི་བའི་ཆོ་ག་སྙིང་པོ་ཙམ་སྟེ། ལས་གཞན་ཡང་འདི་ལས་དཔགས་ཏེ་
རྟོགས་པར་བྱའོ། །སྦྱིན་བསྲེག་གི་སྐབས་ཏེ་བཅོ་བརྒྱད་པའོ།།    །།
དེ་ལྟར་ན་བཤད་ཟིན་པའི་དབང་བསྐུར་བ་དང༌། རབ་ཏུ་གནས་པ་དང༌། སྦྱིན་བསྲེག་ལ་སོགས་པ་འདི་རྣམས་མཚན་
ཉིད་དང་ལྡན་པའི་ཆོ་ག་རྒྱས་པ་རྣམས་ལེགས་པར་ཤེས་པས་བསྡུས་པའི་ཁྱད་པར་འདི་དག་ངེས་པར་བྱ་དགོས་སོ། །ཚོགས་ཀྱི་
འཁོར་ལོའི་བྱ་བ་མདོ་ཙམ་ནི། ཚོགས་ཀྱི་དཀྱིལ་འཁོར་བྱ་བ་ནི་སྤྱོད་པའི་སྐབས་སུ་འཆད་པར་འགྱུར་ལ། འདིར་ལས་དང་པོ་པ་
རྣམས་ཀྱི་རིམ་པ་ལྟར་ན། དང་པོར་ཡོ་བྱད་ཚོགས་པར་བྱས་ནས། སྔོན་འགྲོ་གཏོར་མ། གནས་ཡོ་བྱིན་རླབས་ཞུ་འབུལ་རྣམས་
སྔོན་དུ་འགྲོ་བས། ཇི་སྐད་བཤད་པའི་དཀྱིལ་འཁོར་རྣམས་ལས་བདག་གི་རྣལ་འབྱོར་རྫོགས་པར་བྱ། བཟླས་པ་ཅི་རིགས་པ་
བྱས་ནས། དཀྱིལ་འཁོར་གྱི་འཁོར་ལོ་རང་ཉིད་ལ་བསྡུའོ། །དེའི་འོག་ཏུ་མདུན་བསྐྱེད་ནི། འཆད་པར་འགྱུར་བ་མཎྜལ་གྱི་ཆོ་
ག་དང་འདྲ་བར་བྱ། དེ་ནས་ཚོགས་ཀྱི་ཡོ་བྱད་གཏོར་མ་ལྟར་བྱིན་གྱིས་བརླབས་ལ། ཕུད་དང་པོ་བཤམས་ཏེ། འཇིག་རྟེན་དང་
འཇིག་རྟེན་ལས་འདས་པའི་གཏོར་སྔགས་ཀྱིས་ཕུལ། དེ་ནས། གཟིགས་ཤིག་མཛེས་པ་དམ་པའི་ཆོས། །འདི་
ལ་ཐེ་ཚོམ་བྱར་མི་རུང༌། །བྲམ་ཟེ་ཁྱི་དང་གདོལ་པ་རྣམས། །རང་བཞིན་གཅིག་པའི་ལྷན་
ཅིག་རོལ། །ཅེས་དྲངས། དེ་རྣམས་ཀྱིས་ཀྱང༌། བདེ་བར་གཤེགས་ཤིག་ཆོས་ཀྱི་མཆོག །འདོད་ཆགས་
དྲི་མ་རྣམ་པར་སྤངས། །གཟུང་དང་འཛིན་པ་དང་བྲལ་བའི། །དེ་བཞིན་ཉིད་ལ་བདག་ཕྱག་
འཚལ། །ཞེས་བླངས་ཏེ་ཐམས་ཅད་ལ་བྲིམས། ལྷག་མ་སྣོད་ཅིག་ཏུ་བཞག་གོ །དེ་ནས་སོ་སོའི་ནས་ཕུད་བསྡུས་ལ་དེ་ཡང་
སྔ་མ་ལྷར་འབུལ་ལོ། །དེ་ལྟར་ཚིམས་པར་ལོངས་སྤྱད། ལྷག་མ་རྣམས་བསྡུས་ལ་ཁ་ཕྲུས་བཏབ་ཅིང༌། སྔར་གྱི་ལྷག་མ་ཅིག་
ཤོས་དང་ལྷན་ཅིག་འབྲུ་གསུམ་གྱིས་བྱིན་གྱིས་བརླབས་ནས། ༀ་ཀུ་རུ་ཀུ་རུ་བྷྱཿཝརྟ་ལི་ཝརྟ་ལི། མཧཱ་ཝརྟ་
ལི་ཚེ། དུར་ཁྲོད་གནས་མོ་དངོས་གྲུབ་ཞལ། ཁྲག་ལ་དགའ་མ་ཡི་དྭགས་གདོང༌། །གཏུམ་མོ་
གཙིགས་བྱེད་ཁྲོ་མོ་སྟེ། །རྣལ་འབྱོར་ནམ་མཁའི་དམ་ཚིག་བསྲུངས། །ཀི་ལི་ཀི་ལི་སྒྲ་སྒྲོགས་
མ། །ཕ་མེས་ནགས་ནང་གསོལ་ཞིག་བཞེས། །ཚོགས་དང་ཕོ་ཉར་བཅས་པ་ཡི། །གཏུམ་མོ་
11-1-45


མཆེ་གཙིགས་དུད་སོལ་མ། །རང་གི་གནས་སུ་མཛོད་ཅིག་མཛོད། །ཧཱུཾ་ཧཱུཾ་ཧཱུཾ། བཟུང་ཞིག་
བཟུང་ཞིག་གདུག་ཅན་ཀུན། །ཟོ་ཞིག་ཟོ་ཞིག་ཧོ་ཕྲཻཾ། བདག་ཅག་རྣམས་ཀྱི་སརྦ་བིགྷྣཱན་ཤནྟིཾ་
ཀུ་རུ་ཀུ་རུ་ཕཊ་སྭཱཧཱ། ཞེས་པ་དང༌། ཨ་ཀཱ་རོའི་སྔགས་ཀྱིས་ལན་གསུམ་བསྔོས་ལ། ༀ་ཁ་ཁ་ཁཱ་ཧི་ཁཱ་ཧི་ཨུ་
ཙིཥྚ་བཱ་ལིཾ་ཏ་བྷཀྵ་སི་སྭཱཧཱ། ཞེས་པས་ལྷག་གཏོར་བཏང༌། ལས་ཐམས་ཅད་པའི་སྔགས་ཀྱིས་མཚམས་བཅད། ཡང་རྡོ་
རྗེའི་གླུ་བླངས་ཏེ་སྤྲོ་ན་གར་ལ་སོགས་པ་ཅི་རིགས་པ་བྱའོ། །ལྟེ་བར་གཏུམ་མོ་འབར་བ་ཡིས། །ཞེས་སོགས་ཤོ་ལོ་
ཀ་གཅིག་བརྗོད་ཅིང་དོན་བསམ། ཨ་ནུ་རཱ་གའི་སྔགས་དང་ཕྱག་རྒྱ་ཏིང་ངེ་འཛིན་ལ་མཉམ་པར་བཞག །རིགས་སུ་སྐྱེ་
དང་སོགས་སྨོན་ལམ་གདབ་ཅིང༌། རྒྱུད་གཞན་ལས་གསུངས་པས་ཀྱང་སྨོན་ལམ་བཏབ་ལ། བཀྲ་ཤིས་ཀྱི་ཚིགས་སུ་བཅད་པ་
བརྗོད་དོ། །ཚོགས་ཀྱི་འཁོར་ལོའི་སྐབས་ཏེ་བཅུ་དགུ་པའོ།།    །།
མཎྜལ་མཆོད་པའམ། ཕྱི་རོལ་མཆོད་པ་ནི། ཞུ་འབུལ་མ་གཏོགས་བཤད་མ་ཐག་པ་དང་འདྲ། མཎྜལ་བསངས་སྦྱངས། 
སྟོང་པའི་ངང་ལས། ར་ལས་ཉི་མའི་ནས། གན་རྐྱལ་དུ་གནས་པ། ༀ་ཧེ་བཛྲ་ཡ་ན་མཿ ༀ་ནཻ་
རཱཏྨ་ཡ་ན་མཿ ༀ་གཽ་རཱི་ན་མཿ སོགས་ཀྱིས་བྱིན་གྱིས་བརླབས། ༀ་དེ་བ་པི་ཙུ་བཛྲ་ཧཱུཾ་ཧཱུཾ་ཕཊ། དབུས་
ཀྱི་གདན་གྱི་སྟེང་དུ་བཅོམ་ལྡན་འདས་དཔལ་ཧེ་རུ་ཀ་དགྱེས་པ་རྡོ་རྗེ་ནས། མཚུངས་པའོ། །ༀ་
ཨཱཿགཾ་ཧཱུཾ། ཤར་དུ་གཽ་རཱི་ནག་མོ། ཞེས་སོགས་སྦྱར་ཏེ། བཅོམ་ལྡན་འདས་མ་དང་མཚུངས་པའོ། །
ཐམས་ཅད་ཀྱི་མིག་ཏུ་ཞེས་པ་ནས། དབུ་བརྒྱན། དེ་ནས་མཆོད་བསྟོད་གཏོར་མ་འབུལ་བ་རྣམས་བྱ་སྟེ་དཀྱིལ་
འཁོར་གྱི་ཆོ་གའི་སྐབས་དང་འདྲ། ཡན་ལག་བདུན་པ་དང་རིགས་ལྔའི་སྡོམ་བཟུངས་རྣམས་བྱ་སྟེ། ཐུགས་བརྒྱུད་བསྐུལ་བའི་
དོན་དུ་བཟླས་པ་ཅུང་ཟད་བྱས་ལ། སླར་ཡང་མཆོད་བསྟོད་ནས་བཀྲ་ཤིས་ཀྱི་བར་རྗེས་ཆོག་རྣམས་སྤྱི་དང་འདྲའོ། །འདི་ལ་
འགྲུབ་ཅིང་སྤྲོ་ན། མཆོད་པའི་སྐབས་སུ་ལྷ་རེ་རེའི་སྔགས་ཀྱི་མཐར། མཆོད་པའི་སྔགས་རེ་བཏགས་ཏེ་ཕུལ་ན་ཤིན་ཏུ་ལེགས་སོ། །
ཕྱི་རོལ་མཆོད་པའི་སྐབས་ཏེ་ཉི་ཤུ་པའོ།།    །།
ད་ནི་ལས་ཚོགས་སྒྲུབ་པའི་རྣལ་འབྱོར་རྣམས་བཤད་པར་བྱ་སྟེ། དེ་ཡང་དཔལ་ཧེ་རུ་ཀ་དང་རྡོ་རྗེ་བདག་མེད་མའི་རྣལ་
འབྱོར་ལ་གནས་པས། རང་གི་སྙིང་གར་ཨཱ་ལས་རྡོ་རྗེ་མ་དཀར་མོ་གྲི་ཐོད་ཁ་ཊྭཱཾ་རྣམས་འཛིན་པ། 
11-1-46


ཐུགས་ཀར་ཧཱུཾ་ཡིག་ཅན་སྒོམ་སྟེ། ༀ་ཧཱུཾ་སྭཱཧཱ། འབུམ་ཕྲག་གཅིག་གམ་བཞི་འབུམ་དུ་བསྙེན་པ་བྱའོ། །དེ་ནས་ཁམ་ཕོར་
ཁ་སྦྱོར་ལ་ཐོད་ལེ་སྐོར་གྱིས་འཁོར་ལོ་རྩིབས་བརྒྱད་པ་ལྟེ་བ་ལ། ༀ་ཧཱུཾ་ཆྒཻ་མོ་སྟམ་བྷ་ཡ་སྟམ་བྷ་ཡ་ཧཱུཾ་སྭཱཧཱ། མཐའ་སྐོར་
དུ་སཾ་ཡིག་གིས་སྐོར་བ་བྲིས། རྩིབས་བརྒྱད་ལ། ཨ་ཀ་ཙ་ཊ་ཏ་པ་ཡ་ཤ་མུ་ཁྱུད་ལ་སཾ་ཡིག་གམ་རྩ་སྔགས་སྤེལ་ཚིག་ཅན་
བྲིས། ཁམ་ཕོར་གཞན་སྣ་ཚོགས་རྡོ་རྗེ་དང་རི་རབ་བྲིས་པའི་སྟེང་ནས་བཀབ། དེ་རྡོག་པས་མནན་ཏེ་སྔགས་སྤེལ་ཚིགས་ཅན་
ཁྲི་བཟླས་ཏེ། དེས་ཀྱང་མ་འགྲུབ་ན། མཆོད་རྟེན་ལ་སོགས་པར་སྦའོ། །འདི་ནི་སྤེལ་ཚིག་གི་དབྱེ་བས་ལུས་རེངས་པ་དང་ངག་
རེངས་པ་གཉིས་ཅར་བྱེད་དོ། །དེ་བཞིན་དུ། ཨི་ལས་གཽ་རཱི་དམར་སེར་ལྕགས་ཀྱུ་དང་ཞགས་པ་ཐོགས་
པ་ཐུགས་ཀར་ཨཾ་ཡིག་ལ་བསྒོམ་ལ། ༀ་ཨཾ་སྭཱཧཱ། བསྙེན་པ་བྱ། དེ་ནས་བསྒྲུབ་བྱ་སྐྲ་གྲོལ་བ་སོགས་མདུན་དུ་བསམ་
སྟེ། སྙིང་གའམ་སྐྱེ་གནས་སུ་ཨ་ཡིག་དམར་པོ་ལས་མེ་འབར་ཏེ་ཧཾ་ཡིག་རབ་ཏུ་ཞུ་བར་བསམ་
སྟེ། ༀ་ཨཾ་ཆེ་གེ་མོ་བདག་གིས་དབང་དུ་བསྡུས་ཤིག་ཨཾ་སྭཱཧཱ། ཞེས་ཞགས་པ་ལྕགས་ཀྱུའི་སྦྱོར་བས་བཀུག་
ཅིང༌། འཁོར་ལོ་འབྲི་བ་ནི་གྲོ་ག་ལ་རྒྱ་སྐྱེགས་ཀྱིས་བྲི་ཏེ། སཾ་གྱི་དོད་དུ་{བཾ[ཐཾ་]ཡིག་གོ །དེ་བཞིན་དུ། ཨི་ལས་ཆུའི་རྣལ་
འབྱོར་མ་སྔོན་མོ་ཐོ་བ་དང་སྡིགས་མཛུབ་ཅན། ཐུགས་ཀར་ཁཾ་ཡིག་གོ །ༀ་ཁཾ་སྭཱཧཱ། བསྙེན་པ་བྱས་
ལ། འཁོར་ལོ་རྔ་མོ་དང་བྱ་རོག་གི་ཁྲག་གིས་བྲིས་ལ་ཁཾ་གིས་བསྐོར་བ་རྔ་མོའི་རྒྱབ་ཏུ་གནས་པའོ། །དགུག་གཞུག་དྲག་ཏུ་བྱས་
ཏེ། བསྒྲུབ་བྱ་གཅེར་བུ་སྐྲ་གྲོལ་བ་རྔ་མོང་ལ་བསྐྱོན་ཏེ་ཁྲོ་བོ་དབྱུག་པ་ཐོགས་པས་ལྷོ་ཕྱོགས་སུ་གདས་པར་བསམ། ༀ་ཁཾ་ཆེ་
གེ་མོ་ཨུ་ཙི་ཊ་ཡ་ཁཾ་ཧཱུཾ་ཧཱུཾ་ཧཱུཾ་ཕཊ ཞེས་བསྐྲོད་པའོ། །དེ་བཞིན་དུ། ཨུ་ལས་རྡོ་རྗེ་མཁའ་འགྲོ་མ་ནག་མོ་
རལ་གྲི་དང་ལྕགས་སྒྲོག་འཛིན་པ་ཐུགས་ཀར་ཛྲིཾ་ཡིག་སྒོམ་ལ། ༀ་ཛྲིཾ་སྭཱཧཱ། བསྙེན་པ་བྱས་ལ། འཁོར་
ལོ་རྟ་དང་མ་ཧེའམ་ཁཱ་དང་འུག་པའི་ཁྲག་གིས་འབྲི་སྟེ་ཛྲིཾ་གིས་བསྐོར་བའོ། །བསྒྲུབ་བྱ་དགུག་གཞུག་དྲག་ཏུ་བྱ་ཞིང༌། ཕན་ཚུན་དུ་
སྲོག་ཆགས་དེ་དག་ཞོན་ཞིང་འཐབ་པར་བསམ་ནས། ༀ་ཛྲིཾ་ཆེ་གེ་མོ་དང་ཆེ་གེ་མོ་བི་དྭེ་ཥ་ཡ་ཛྲིཾ་ཧཱུཾ་ཧཱུཾ་ཧཱུཾ་ཕཊ། མི་དང་
མི་མ་ཡིན་པ་དབྱེ་བ་འདྲའོ། །དེ་བཞིན་དུ། བདག་མེད་མ་ཨ་ལས་བྱུང་བ་དུད་ཁ་སྤྱི་དང་འདྲ་བར་བསྐྱེད་ལ། ཐུགས་ཀར་བུཾ་ཡིག་
སྒོམ་ལ། ༀ་བུཾ་སྭཱཧཱ། བསྙེན་པ་བྱས་ནས་འཁོར་ལོ་ནི་རིམས་ནད་ཀྱིས་ཤི་བའི་ཐོད་པ་ལ་དུག་དང༌། ཁྲག་དང༌། ཀེ་ཚེ་དང༌། 
ལན་ཚྭ་རྣམས་ཀྱིས་འདྲི་སྟེ། ལྟེ་བར་ཟུར་དྲུག་པ་ལ་ཧཱུཾ་དྲུག བུཾ་གྱིས་སྐོར་བ་ནི་ཁྱད་པར་རོ། །བསྒྲུབ་བྱའི་བྱ་བ་སྔ་མ་དང་མཚུངས་
11-1-47


པ་ལས། ཉིན་ཕྱེད་དང་ནམ་ཕྱེད་ཕུབ་མའི་མེ་ལ་གདུང་བར་བྱའོ། །ༀ་བུཾ་ཆེ་གེ་མོ་རིམས་ཀྱིས་ཐེབས་པར་མཛོད་
ཅིག་བུཾ་ཧཱུཾ་ཧཱུཾ་ཧཱུཾ་ཕཊ། རིམས་ཀྱིས་ཐེབས་པར་བྱེད་པའོ། །དེ་བཞིན་དུ། ཨཾ་ལས་བྱུང་བའི་མཁའ་སྤྱོད་མ་
དམར་མོ། སྙིང་གར་ཧཱུཾ་ༀ་ཧཱུཾ་སྭཱཧཱ། བསྙེན་པ་བྱས་ལ། འཁོར་ལོ་ཧཱུཾ་དང་ཧྲཱི་ཛས་བསྐོར་བ། ཤིང་ལོ་རླུང་གིས་ཁྱེར་
བ་{སར་ལྷུང་[མ་ལྷུང་]པ་ལ་བྲིས་ཏེ། རླུང་དང་མེའི་སྟེང་དུ་བསྒྲུབ་བྱ་མྱོས་པར་བསམ། སྙིང་ག་ནས་འོད་ཟེར་དམར་པོ་སྤྲོས། 
བསྒྲུབ་བྱའི་སྣ་སྒོ་གཡས་པ་ནས་ཞུགས། སྙིང་ག་ནས་བཅུད་ཕྲོགས་ཏེ་སྣ་གཡོན་ནས་བྱུང༌། རང་གི་སྙིང་གར་ཐིམ། དབུགས་ཀྱི་
རླུང་གིས་བཀུག་པར་བསམས་ལ། ༀ་ཧཱུཾ་ཆེ་གེ་མོ་ཨཱ་ཀཪྵ་ཡ་ཧཱུཾ་ཧྲི་ཛཿ ཞེས་པས་འགུགས་པའོ། །ཡང༌། ཨཽ་ལས་
ས་སྤྱོད་མ་ནག་མོ་ཆེས་འཁྲུགས་པ། སྙིང་གར་གྷུ། ༀ་གྷུ་སྭཱཧཱ། བསྙེན་པ་བྱས་ནས། རོ་རས་སམ་མིའི་
ལྤགས་པ་ལ་རིམས་ཀྱིས་འདེབས་པའི་སྐབས་དང་མཚུངས་པར་འཁོར་ལོ་འདྲི་བ་ལས། བུཾ་གྱི་དོད་དུ་གྷུ་བྲིས། དེ་ཉིད་བསྒྲུབ་
བྱའི་རྐང་རྗེས་ཀྱི་ས་དང༌། མི་རོ་བསྲེགས་པའི་ཐལ་བ་བསྲེས་ནས། གཟུགས་བརྙན་བྱས་ཏེ་སྙིང་གར་བཅུག །དུག་དང་ཁྲག་དང་
ཚེར་མ་རྣོན་པོས་བཏབ། རོ་སྐྲས་དཀྲིས་ཏེ་འབྲུབ་ཁུང་དུ་བཞག །མངོན་སྤྱོད་ཀྱི་བྱ་བ་སྤྱི་དང་འདྲ་བར་བྱས་ནས། ༀ་གྷུ་ཆེ་གེ་
མོ་མཱ་ར་ཡ་གྷུ་ཧཱུཾ་ཧཱུཾ་ཧཱུཾ་ཕཊ། ཅེས་བཟླ་ཞིང་དྲག་པོའི་རྫས་ཀྱིས་ཡང་ཡང་བྲབ། ཁུགས་པ་དང་{ལྷ་དང་}བྲལ་བའི་མཚན་
མ་གསལ་པོར་མཐོང་ན། རྡོ་རྗེ་མེ་ཁབ་ཀྱི་སྦྱོར་བ་དང་བཅས་ཏེ་དྲག་ཏུ་བཟླས་པས་གསོད་པར་འགྱུར་རོ། །ཅི་སྟེ་མ་གྲུབ་ན་ཐོད་
པ་ཁ་སྦྱོར་གྱི་ནང་དུ་བཅུག་སྟེ། དུར་ཁྲོད་དུ་སྦས་ན་འགྲུབ་བོ། །འཁོར་ལོ་འདི་ནི་ཆར་འབེབས་པ་དང༌། རིམས་ཀྱིས་འདེབས་པ་
དང༌། རབ་ཏུ་མྱོས་ལ་དབང་དུ་བྱ་བ་རྣམས་ལའང་སྦྱར་བར་བྱའོ། །དེ་བཞིན་དུ། ཀུ་རུ་ཀུལླེ་སྒྲུབ་པ་ཡང་ཚད་མེད་བཞི་དང༌། སྟོང་
པ་དང་བསྲུང་བའི་འཁོར་ལོ་སྔོན་དུ་འགྲོ་བས། གོང་ཧེ་རུ་ཀ་གསུམ་གྱི་སྐབས་སུ་བཤད་པའི་ཆོ་ག་དེ་ཉིད་སྦྱར་ལ། ༀ་ཀུ་རུ་
ཀུལླེ་ཧྲཱིཿསྭཱཧཱ། ཞེས་བསྙེན་པ་བྱས་ནས། འཁོར་ལོའི་ལྟེ་བར་ཧྲཱིཿཆྒཻ་མོ་ཨཱ་ཀཪྵ་ཡ་ཧྲཱི་ཛཿ འདབ་མ་བརྒྱད་ལ་ཀུ་རུ་
ཀུལླེ་ཧྲཱིཿསྭཱཧཱ། འཁོར་ཡུག་ཏུ་ཧྲཱིཿཛཱས་བསྐོར་བ་བྲིས་ལ། དབང་དང་དགུག་པའི་སྐབས་སུ་བཤད་པ་བཞིན་དུ་སྒྲུབས་ན། 
དེ་དག་ཐོགས་པ་མེད་པར་འགྲུབ་ཅིང༌། འདི་ནི་ལས་ཐམས་ཅད་བྱེད་པའང་ཡིན་ནོ། །གྲོང་ཁྱེར་{བསྐྱོད[་བསྐྱེད་]པའི་འཁོར་ལོ་
ནི། འཁོར་ལོའི་ལྟེ་བ་ལ་སྤེལ་ཚིག་མིང་ཡིག་དང་བཅས་པ་བྲིས། འདབ་བརྒྱད་ཀྱི་ཡི་གེ་བརྒྱད་ལ། སྤེལ་ཚིགས་རེ་རེས་བསྐོར་བ་
དང༌། ལྟེ་བའི་མཐའ་སྐོར་དུ་རྣལ་འབྱོར་མའི་སྔགས་ཕྲེང་དང༌། མུ་ཁྱུད་དང་པོ་ལ་རྩ་སྔགས། གཉིས་པ་ལ་ཨཱ་ལི། གསུམ་པ་ལ་ཀཱ་
11-1-48


ལི། བཞི་པ་ལ་བསྐུལ་སྔགས་ཀྱིས་བསྐོར་བ་བྲིས། དེ་ཉིད་མང་པོར་བྱས་ལ། རབ་ཏུ་བརྩེགས་པ་ཐོད་པ་ཁ་སྦྱོར་གྱི་ནང་དུ་བཅུག་
ལ། བསྐྲོད་པའམ་དབྱེ་བའི་ཚུལ་གྱིས་སྒྲུབས་ན། གྲོང་བསྐྲོད་པ་དང་གྲོང་འཐབ་པར་འགྱུར་རོ། །
གཞན་ཡང་འཁོར་ལོ་འདིས་ལས་ཐམས་ཅད་སྒྲུབ་པར་བཤད་དེ། དེས་ན་གོང་དུ་བཤད་པའི་ལས་བདུན་དང༌། ཀུ་རུ་ཀུལླེ་
དང༌། འདི་སྟེ་དགུ་པོ་འདི་ནི་རྣལ་འབྱོར་མའི་ལས་གཙོ་བོ་ཆེ་བ་ཡིན་ནོ། །ཆར་འབེབས་གཅོད་གཉིས། རྡོ་རྗེ་གྲི་གུག་གི་སྦྱོར་བ། 
ཉི་ཟླ་མནན་པ། རིམས་ཀྱིས་འདེབས་པ་རྣམས་ཧེ་རུ་ཀའི་ལས་གཙོ་ཆེ་ཞིང༌། ལྷག་མ་རྣམས་ཆ་མཉམ་པའོ། །ལས་འདི་ཀུན་ཡང་
སྦྱིན་བསྲེག་དང་གཏོར་མས་ལས་ཀྱི་གྲོགས་བྱེད་པ་མང་ལ། སྦྱིན་བསྲེག་ལས་རིགས་དང་བསྟུན་ཅིང༌། གཏོར་མའི་ཆོ་ག་གོང་
དུ་བཤད་པའི་གཏོར་མ་ཆེན་པོས་ཀྱང་སྒྲུབ་དགོས་ལ། སོ་སོའི་བསྙེན་པའི་སྐབས་སུ་ནི་བསྡུས་པ་སྟེ། འཇིག་རྟེན་འདས་པ་ལ་
སྔགས་ཀྱི་མཐར་ཨ་ཀཱ་རོ་བཏགས་པ་དང༌། འཇིག་རྟེན་པ་རྣམས་ལ་ཨ་ཀཱ་རོའི་སྔགས་ཉེར་གཅིག་གིས་འབུལ་བ་ཡིན་ནོ། །ཅི་སྟེ་
ལས་ཀྱི་ལྷ་རྣམས་སྙིང་གར་སྒོམ་པ་ལ་མི་མོས་ན་མདུན་དུའོ། །ལས་ཚོགས་ཀྱི་སྐབས་ཏེ་ཉི་ཤུ་རྩ་གཅིག་པའོ།།    །།
ད་ནི་རྣལ་འབྱོར་འགྲུབ་པའི་རིམ་པ་བཤད་པར་བྱ་སྟེ། དང་པོ་སློབ་དཔོན་དང་སློབ་མའི་མཚན་ཉིད་ཤེས་པས་དབང་
བསྐུར་བ་ཐོབ་པར་བྱའོ། །དེས་ནི་རྟག་ཏུ་དམ་ཚིག་ལ་གནས་དགོས་པས་དམ་ཚིག་གི་རིམ་པ་དང༌། དེ་ནས་བསྐྱེད་རིམ་དང༌། 
བཟླས་པ་དང༌། སྟོང་པའི་དེ་ཁོ་ན་ཉིད་བསྒོམ་པར་བྱེད་དགོས་ལ། དེ་དག་ཅུང་ཟད་བརྟན་པ་རྣམས་ཀྱིས། ལས་བཞི་སོགས་
ཐོགས་པ་མེད་པར་འགྲུབ་ཅིང༌། ཉི་ཟླ་གནོན་པ་སོགས་སྒྱུ་འཕྲུལ་གྱི་རིག་སྔགས་རྣམས་ཀྱང་རིམ་གྱིས་འགྲུབ་བོ། །གལ་ཏེ་འདིར་
སྤྱོད་པ་སྤྱད་ན་ཐུན་མོང་གི་དངོས་གྲུབ་ཆེན་པོ་རྣམས་ཀྱང་འགྲུབ་ཅིང༌། སྐྱེ་བ་བདུན་པའི་དམ་ཚིག་ལ་སོགས་པས་ཀྱང་འགྲུབ་པ་
ཡོད་ལ། འོན་ཀྱང་དངོས་གྲུབ་མཆོག་ཚེ་འདི་ཉིད་ལ་སྒྲུབ་པར་འདོད་པ་རྣམས་ཀྱིས་ནི། བསྐྱེད་པའི་རིམ་པ་ལ་བརྟན་པ་ཐོབ་ན་
ནི་ལེགས། མ་ཐོབ་ཀྱང་རིམ་གཉིས་ལྷན་ཅིག་ཏུ་བསྒོམས་པས། བརྟན་པ་ཡང་ལྷན་ཅིག་ཐོབ་པ་ཡོད་དེ། དེ་ལ་དང་པོར་རླུང་གི་
རྣལ་འབྱོར་གྱིས་ལུས་སྦྱངས་བར་བྱ་ཞིང༌། ཕྱི་ནས་ཕྱག་རྒྱ་བཞིའི་རྣལ་འབྱོར་ལ་བརྟེན་ཏེ་སྒོམ་པས། མྱུར་དུ་དྲོད་ཐོབ་པར་འགྱུར་
ལ། དེ་ནས་དངོས་གྲུབ་མྱུར་དུ་ཐོབ་པར་འདོད་ན། སྤྱོད་པ་སྤྱད་དགོས་སོ། །དེ་ཡང་དང་པོར་ཟླ་བ་གཅིག་ཀུན་འདར་གསང་སྟེ་
སྤྱོད་པ་སྤྱད་པས། ཡེ་ཤེས་འཕེལ་བར་གྱུར་ན་ནི། རང་གི་ནུས་པས་བཀུག་པའམ། སྦྱང་བ་ལས་བྱུང་བའམ། ལུང་བསྟན་པ་ལས་
ཐོབ་པའི་གྲུབ་པའི་ཕྱག་རྒྱ་ཡང་རྙེད་པར་འགྱུར་ལ། དེ་ནས་ཀུན་འདར་འཇིག་རྟེན་པའི་མངོན་དུ་སྤྱོད་པ་ནི། བརྟག་པ་ཕྱི་མའི་
11-1-49


ལེའུ་བཞི་པ་ལས། རང་བྱིན་གྱིས་རླབས་པའི་སྤྱོད་པར་གསུངས་པ་བཞིན་སྤྱད་དོ། །དེའི་ཚེ་གཞན་དོན་སྤྱོད་པའི་ནུས་པ་མཆོག་
དང་ལྡན་པར་འགྱུར་ན། ཀུན་ཏུ་བཟང་པོའི་སྤྱོད་པ་སྤྱད་དེ། ཧེ་རུ་ཀའི་ཆས་སུ་ཞུགས་ཤིང་གྲུབ་པའི་ཕྱག་རྒྱ་དང་ལྷན་ཅིག་འདོད་
པའི་ཡོན་ཏན་ལྔས་རྩེན་པར་བྱེད་པ་ནི། བརྟག་པ་དང་པོའི་ལེའུ་དྲུག་པར་བཤད་པ་བཞིན་ནོ། །དེའི་ཞིང་རྣམས་སུ་ཡོངས་སུ་
རྒྱུ་བས། ནང་གི་རྩ་རྣམས་རབ་ཏུ་དག་སྟེ། ཕྱག་རྒྱ་ཆེན་པོ་མཆོག་གི་དངོས་གྲུབ་ཐོབ་པར་འགྱུར་རོ། །སྤྱོད་པ་དེ་དག་གི་གནས་
སྐབས་སུ་སྤྲོས་བཅས་ཀྱི་སྤྱོད་པ་ལ་མོས་པ་རྣམས་ནི། ཚོགས་ཀྱི་དཀྱིལ་འཁོར་སྒྲུབ་པར་བྱེད་དེ། རྒྱུད་གཞན་ལས་ཀྱང༌། ཉིན་
རེའམ་ཟླ་བ་རེ་རེའམ། །དེ་བཞིན་ལོ་ནི་རེ་རེར་ཡང༌། །ཇི་བཞིན་ཆོ་གས་བྱིན་རླབས་ནས། །སངས་རྒྱས་བདེ་མཆོག་གར་བྱའོ། །
ཞེས་གསུངས་པ་ལྟར་རོ། །དེ་ཡང་དུར་ཁྲོད་ལ་སོགས་པའི་གནས་སུ། དུར་ཁྲོད་ཀྱི་རས་ལ་པད་ཉིའི་གདན་བྲིས་པའམ། སྟག་
ལྤགས་སམ། མི་རོའི་གདན་ནམ་གཟུགས་བརྙན་ལྷ་གྲངས་དང་མཉམ་ཞིང༌། འགོད་ཚུལ་མཐུན་པར་བཤམས། དེ་ཡང་རྒྱས་
པ་སྒྲུབ་པ་པོ་ཧེ་རུ་ཀ་དང༌། ཕྱག་རྒྱ་ལྷ་མོ་བཅོ་ལྔའི་དཀྱིལ་འཁོར་དང༌། འབྲིང་བོ་ནི་རིག་མ་དགུའི་དཀྱིལ་འཁོར་དང༌། རིག་
མ་བརྒྱད་ཀྱི་དཀྱིལ་འཁོར་ཡིན་ལ། བསྡུས་པ་ནི་རྡོ་རྗེ་གུར་ལས་ལྷ་ལྔ་མ་ཡང་གསུངས་པ་དང༌། དངོས་སུ་ཕྱག་རྒྱ་གཅིག་པའི་
དཀྱིལ་འཁོར་ཡང་སློབ་དཔོན་རྣམས་འདོད་པ་ལྟར་འབྱུང་ངོ༌། །དེ་ལ་ངོ་བོ་ནི་ཚོགས་ཀྱི་འཁོར་ལོའི་བྱ་བ་ཡིན་ལ། བསྐྱེད་རིམ་གྱི་
སྤྱོད་པ་ཡིན་ན་ནི་སྒོམ་པའི་རིམ་པ་ཡང་བསྐྱེད་རིམ་གྱི་སྒྲུབ་ཐབས་བཞིན་ཡིན་ལ། རྫོགས་པའི་རིམ་པའི་སྤྱོད་པ་ལ་ནི། བདེ་བ་
དམ་པ་ལྷ་སྐུར་རང་ཤར་བའི་འཁོར་ལོ་སྒོམ་པ་ཉིད་དོ། །འདི་ནི་གཙོ་བོར་ཀུན་ཏུ་བཟང་པོའི་སྤྱོད་པའི་སྐབས་སུ་བྱེད་པ་མང་ངོ༌། །
ཅི་སྟེ་ཕྱག་རྒྱ་ཆེན་པོའི་དངོས་གྲུབ་ཆུང་དུ་ཐོབ་ན་ནི། འཕགས་པར་གྱུར་པ་ཡིན་ལ། དེ་ནས་ཕྱོགས་ལས་རྣམ་རྒྱལ་གྱི་སྤྱོད་པ་
སྤྱད་པས། ཡན་ལག་བདུན་དང་ལྡན་པའི་ཡེ་ཤེས་གོང་ནས་གོང་དུ་གྱུར་པ་ལས། འཕགས་པའི་ས་རྣམས་བགྲོད་དེ་དཔལ་རྡོ་རྗེ་
འཛིན་པའི་སྐུར་འགྱུར་རོ། །དེ་ལྟར་ཐོབ་པའི་རྒྱུ་མཚན་ཡང༌། རང་བཞིན་གྱི་འོད་གསལ་བའི་སེམས། དེ་བཞིན་ཉིད་སྤྲོས་པ་དང་
བྲལ་བའི་དག་པ་དང༌། ལྷ་སོ་སོའི་དཀྱིལ་འཁོར་འཁོར་ལོའི་དག་པ། རང་རིག་པ་བདེ་བ་ཆེན་པོའི་དག་པས། རང་བཞིན་རྣམ་
པར་དག་པ་ཡིན་པའི་ཕྱིར། ལམ་རྣམ་པ་གསུམ་སྒོམ་པས་དག་པ་གསུམ་པོ་རེ་རེར་ཡང༌། གློ་བུར་གྱི་དྲི་མ་བྲལ་ཏེ་དག་པ་གཉིས་
ལྡན་དུ་འགྱུར་རོ། །དེ་ཡང་ལྷན་ཅིག་སྐྱེས་པའོ། །ལྷན་ཅིག་སྐྱེས་པ་དེ་ཡང༌། རིགས་ལྔ་དང་ཕུང་པོ་ལྔ་དང་ཁམས་ལྔ་ལ་སོགས་
པའི་དབྱེ་བས་སྟོང་བ་ཆེན་པོ་ལྔའམ། བདེ་བ་ཆེན་པོ་ལྔ་ཞེས་རྣམ་པར་བཞག་པ་བྱས་སོ། །གདོད་མ་ནས་སངས་རྒྱས་ལྔའམ་དྲུག་
11-1-50


གི་ངོ་བོར་གནས་པ་དེ། ལམ་ཡང་དེ་ལྟར་བསྒོམ་པས། འབྲས་བུ་ཡང་རིགས་ལྔ་ཐོབ་པ་ཡིན་ལ། གདོད་ནས་སྐུ་བཞིར་གནས་པ་
ལ། ལམ་རྣམ་པ་བཞི་སྒོམ་པས། འབྲས་བུ་ཡང་སྐུ་བཞི་མངོན་དུ་འགྱུར་རོ། །དེ་ལ་འབྲས་བུ་ནི། རྡོ་རྗེ་སེམས་དཔའ་ཆོས་སྐུ་དང༌། 
སེམས་དཔའ་ཆེན་པོ་ལོངས་སྐུ་དང༌། དམ་ཚིག་སེམས་དཔའ་སྤྲུལ་སྐུ་དང༌། དགྱེས་པ་རྡོ་རྗེ་བདེ་བ་ཆེན་པོའི་སྐུའོ། །གཞན་ཡང་
རིགས་ལྔ་ནས་རིགས་བགྲང་བ་ལས་འདས་པའི་བར་དུ་ཡོངས་སུ་སྟོན་པར་བྱེད་དོ། །རྣལ་འབྱོར་ལམ་གྱི་རིམ་པའི་སྐབས་ཏེ་ཉི་
ཤུ་རྩ་གཉིས་པའོ།།    །།
དེ་ལྟར་ན་གཙོ་ཆེ་བའི་དོན་རྣམས་བསྟན་ཟིན་ཏེ། ད་ནི་སྔར་བཤད་པ་རྣམས་སུ་ཉེ་བར་མཁོ་བའི་བསྟོད་པས་དཀྱིལ་
འཁོར་ཆེན་པོ་ལ་བསྟོད་པ་ནི་འདི་ཡིན་ཏེ། ཐམས་ཅད་དངོས་པོའི་རང་བཞིན་མཆོག །གདོད་ནས་ཐམས་
ཅད་བདག་ཉིད་གནས། །ཐབས་དང་ཤེས་རབ་གཉིས་མེད་པའི། །དགྱེས་པའི་རྡོ་རྗེ་ལ་ཕྱག་
འཚལ། །བདག་མེད་མས་ནི་མགུལ་ལ་འཁྱུད། །དབུ་སྐྲ་སེར་པོ་གྱེན་དུ་འབར། །ཞལ་བརྒྱད་
པ་ལ་སྤྱན་གསུམ་པ། །མགོན་པོ་དེ་ལ་གུས་ཕྱག་འཚལ། །སྤྱི་བོའི་སྟེང་ན་ནག་པོ་མཛེས། །
དཀར་དང་དམར་པོ་གཡས་དང་གཡོན། །གང་གི་ལྷག་མའི་ཞལ་རྣམས་ནི། །གནག་པ་
དེ་ལ་གུས་ཕྱག་འཚལ། །གླང་བོ་རྟ་བོང་གླང་རྔ་མོང༌། །མི་དང་ཤ་ར་བྷ་བྱི་ལ། །སྐྱེས་པ་ཁྱི་
དང་མ་ཧེ་ཅན། །གཡས་པའི་ཕྱག་བརྒྱད་ལ་གནས་པའི། །ཐོད་པ་འཛིན་ལ་བདག་ཕྱག་
འཚལ། །ས་དང་ཆུ་དང་རླུང་དང་མེ། །ཟླ་ཉི་གཤིན་རྗེ་གསང་བ་པ། །གཡོན་པའི་ཕྱག་བརྒྱད་
ལ་གནས་པའི། །ཐོད་པ་འཛིན་ལ་བདག་ཕྱག་འཚལ། །ཞབས་བཞི་ཡིས་ནི་བདུད་བཞི་པོ། །
མཉམ་པར་མནན་ཅིང་གཅེར་བུ་ཉིད། །ཉི་མར་ཞབས་གཡས་བརྐྱང་དང་སྔོ། །གར་མཛད་
དེ་ལ་བདག་ཕྱག་འཚལ། །འཁོར་ལོ་བཞི་ཡིས་བདག་ཉིད་མཛེས། །འཛག་པའི་མགོ་བོས་
རྣམ་པར་བརྒྱན། །དེ་བཞིན་གཤེགས་པ་རྣམ་དག་པའི། །ཕྱག་རྒྱ་ལྔ་ཡིས་ཡང་དག་བརྒྱན། །
སྣ་ཚོགས་རྡོ་རྗེ་སྤྱི་བོར་འཛིན། །དཔྲལ་བར་རིགས་ཀྱི་བདག་པོ་ཉིད། །དམ་པའི་དགའ་
བ་ཡང་དག་ཐོབ། །བདེ་ཆེན་དེ་ལ་བདག་ཕྱག་འཚལ། །གཾ་ལས་སྐྱེས་པའི་གཽ་རཱི་ཤར། ཁ་
11-1-51


དོག་གནག་ཅིང་གཡོན་པ་ཉ། །གཡས་པ་ན་ནི་གྲི་གུག་འཛིན། །ཚངས་པ་མནན་ལ་བདག་
ཕྱག་འཚལ། །ཙཾ་ལས་སྐྱེས་པའི་ཆོམ་རྐུན་མ། །བཙོད་ཀྱི་ཁ་དོག་ལྷོ་ཕྱོགས་སུ། །ཕྱག་ན་
ཕག་དང་ཅང་ཏེ་བསྣམས། །དབང་པོ་མནན་ལ་བདག་ཕྱག་འཚལ། །བཾ་ལས་སྐྱེས་པའི་སེར་
མོ་ནུབ། །རོ་ལངས་མ་ནི་ཉེ་དབང་མནན། །ཕྱག་གཡོན་ལྷུང་བཟེད་གཡས་པ་ཡིས། །རུས་
སྦལ་བསྣམས་ལ་བདག་ཕྱག་འཚལ། །གྷསྨ་རཱི་ནི་བྱང་གི་སྒོར། །ལྗང་ཁུ་གྷཾ་ལས་བྱུང་བ་ཡི། །
ཕྱག་ན་སྦྲུལ་དང་ཐོད་པས་སྦྲེལ། །དྲག་པོ་མནན་ལ་བདག་ཕྱག་འཚལ། །གཤིན་རྗེ་མནན་
ཅིང་པཾ་ལས་བྱུང༌། །གཡོན་པ་དགྲ་སྟ་སེང་གེ་གཡས། །དབང་ལྡན་དུ་ནི་འཇིགས་གཟུགས་
མ། །ཕྱག་འཚལ་པུཀྐ་སཱི་སྔོ་ལ། །རི་ཁྲོད་མ་དཀར་ཤཾ་ལས་བྱུང༌། །མེ་རུ་གནོད་སྦྱིན་སྟེང་དུ་
གནས། །གཡོན་ན་གསིལ་བྱེད་གཡས་པ་ཡིས། །དགེ་སློང་འཛིན་ལ་བདག་ཕྱག་འཚལ། །
གཏུམ་མོ་ནམ་མཁའི་སྔོ་བསངས་མ། །སྲིན་པོར་ཙཾ་ལས་བྱུང་བ་ཡི། །གཡོན་ན་ཐོང་གཤོལ་
འཁོར་ལོ་གཡས། །ཕྱག་འཚལ་སྲིན་པོ་མནན་ཁྱོད་ལའོ། །ཌཾ་ལས་འཁྲུངས་པའི་གཡུང་མོ་
ནི། །རླུང་མཚམས་ཐགས་བཟང་རིགས་སྟེང་གཤེགས། །ཕྱག་གཡོན་སྡིགས་མཛུབ་གཡས་
རྡོ་རྗེ། །སྣ་ཚོགས་མདོག་ལ་ཕྱག་འཚལ་ལོ། །དཀྱིལ་ཀྲུང་ཕྱེད་པའི་གར་གྱིས་གནས། །ཕྱག་
རྒྱ་ལྔ་ཡིས་རྣམ་པར་བརྒྱན། །གཅེར་བུ་སྤྱན་གསུམ་ཐམས་ཅད་ལ། །བདག་ནི་གུས་པས་
ཕྱག་འཚལ་ལོ། །ཕུང་པོ་ཁམས་ནི་རྣམ་དག་པའི། །བྱང་ཆུབ་སེམས་ལས་བྱུང་བ་ཡི། །བདེ་
རབ་སྟེར་འདི་ཐམས་ཅད་ལ། །དངོས་པོ་ཀུན་གྱིས་ཕྱག་འཚལ་ལོ། །ཉིད་ཀྱི་ཕྱག་ན་བཟུང་
བ་ཡི། །ཕྱག་མཚན་ས་བོན་ལས་བྱུང་བའི། །བདེ་ཆེན་འདོད་པ་ཐམས་ཅད་ལ། །རྟག་ཏུ་ཡང་
དག་ཕྱག་འཚལ་ལོ། །གང་ཞིག་ཉི་ཟླ་ཁ་སྦྱོར་གནས་ས་བོན། །གཉིས་ལས་སྐྱེས་པའི་གཙོ་
བོ་རིག་མར་བཅས། །ཉིད་ཀྱི་ཉིད་ཀྱི་དཀྱིལ་འཁོར་འདི་ལ་ནི། །འཇིག་རྟེན་གསུམ་པོ་སྤྲུལ་
པར་མཛད་དང་ལྡན། །ཉིད་ལས་འདི་དག་ཐམས་ཅད་མ་ལུས་པའི། །ཞི་བའི་བདེ་སྩོལ་རིག་
11-1-52


མར་བསྡུད་བྱེད་པའི། །ཤེས་རབ་ཆགས་པས་བདུད་རྩིའི་རོ་ཉིད་ཀྱི། །གནས་སུ་ཞི་མཛད་
དེ་ལ་ཕྱག་འཚལ་ལོ། །མཁའ་འགྲོ་མ་གཙོ་དགྱེས་རྡོ་རྗེ། །ལྷ་མོ་འཁོར་ལོ་བཅས་བསྟོད་
པས། །བདག་གིས་བསོད་ནམས་གང་ཐོབ་པ། །དེས་ནི་འཇིག་རྟེན་དེ་མཚུངས་ཤོག །ཅེས་པ་
འདི་ནི་གྲུབ་པའི་སློབ་དཔོན་མཚོ་སྐྱེས་ཀྱིས་མཛད་པ་སྟེ། ད་ལྟར་བྱེད་པ་དང་སྦྱར་ན། སྐྱེས་པ་ཁྱི་དང་མ་ཧེ་ཅན། །ཞེས་པ། མི་
དང་རྐང་བརྒྱད་བྱི་ལ་སྟེ། །ཞེས་དང༌། སྲིན་པོར་ཙཾ་ལས་བྱུང་བ་ཡི། །ཞེས་པ། སྲིན་པོར་ལཾ་ལས་བྱུང་པ་
ཡི། །ཞེས་འདོན་པ་བསྒྱུར་ན་ལེགས་སོ། །བདག་མེད་མའི་དཀྱིལ་འཁོར་ལ་བསྟོད་པ་ནི། ཤེས་རབ་ཕ་རོལ་ཕྱིན་མ་
མཆོག །ལྷ་མོའི་ཚུལ་གྱིས་འགྲོ་བ་སྒྲོལ། །ལྷ་ཅིག་སྐྱེས་མའི་བདེ་རྒྱས་མ། །དཀྱིལ་འཁོར་ལྷ་
ཚོགས་རྣམས་ལ་འདུད། །ཞེ་སྡང་རྣམ་དག་གསལ་བའི་དངོས། །རྣམ་ཤེས་ཕུང་པོ་རྣམ་དག་
པའི། །ཆོས་དབྱིངས་ཡེ་ཤེས་ངོ་བོ་ཉིད། །བདག་མེད་རྣལ་འབྱོར་མ་ལ་འདུད། །གཟུགས་
ཕུང་གཏི་མུག་དག་པའི་ལྷ། །མེ་ལོང་ཡེ་ཤེས་རྡོ་རྗེ་མ། །ཚོར་པ་སེར་སྣ་དག་པའི་ལྷ། །མཉམ་
ཉིད་གསང་བའི་གཽ་རཱིར་འདུད། །འདུ་ཤེས་འདོད་ཆགས་དག་པའི་ལྷ། །སོར་རྟོག་ཆུ་ཡི་རྣལ་
འབྱོར་མ། །འདུ་བྱེད་ཕྲག་དོག་དག་པའི་ལྷ། །བྱ་སྒྲུབ་རྡོ་རྗེ་མཁའ་འགྲོར་འདུད། །ས་ཁམས་
ཡེ་ཤེས་བྱམས་པ་ཆེ། །པུཀྐ་སཱི་ལ་ཕྱག་འཚལ་ལོ། །ཆུ་ཁམས་ཡེ་ཤེས་སྙིང་རྗེ་ཆེ། །ཤཱ་བཱ་རཱི་ལ་
ཕྱག་འཚལ་ལོ། །མེ་ཁམས་ཡེ་ཤེས་དགའ་བ་ཆེ། །ཙཎྜ་ལཱི་ལ་ཕྱག་འཚལ་ལོ། །རླུང་ཁམས་
ཡེ་ཤེས་བཏང་སྙོམས་ཆེ། །ཌོམྦི་ནཱི་ལ་ཕྱག་འཚལ་ལོ། །རྣམ་དག་རྡོ་རྗེ་དོན་དམ་གཟུགས། །
ལྷ་མོ་གཽ་རཱི་ལ་ཕྱག་འཚལ། །རྣམ་དག་རྡོ་རྗེ་དོན་དམ་སྒྲ། །ལྷ་མོ་ཙཽ་རཱི་ལ་ཕྱག་འཚལ། །རྣམ་
དག་རྡོ་རྗེ་དོན་དམ་དྲི། །ལྷ་མོ་རོ་ལངས་མར་ཕྱག་འཚལ། །རྣམ་དག་རྡོ་རྗེ་དོན་དམ་རོ། །ལྷ་
མོ་གྷསྨ་རིར་ཕྱག་འཚལ། །དོན་དམ་སྲིད་པ་རྡོ་རྗེའི་རེག །ས་སྤྱོད་མ་ལ་ཕྱག་འཚལ་བསྟོད། །
དོན་དམ་ཞི་བ་ཆོས་ཀྱི་ཁམས། །མཁའ་སྤྱོད་མ་ལ་ཕྱག་འཚལ་བསྟོད། །བདེ་ཆེན་བདུད་རྩི་
ལྔ་ཡི་དངོས། །བུམ་པ་བཞི་ལ་ཕྱག་འཚལ་ལོ། །དངོས་གྲུབ་བརྒྱད་པོ་རྣམ་དག་པའི། །བཀྲ་
11-1-53


ཤིས་བུམ་པ་བརྒྱད་ལ་འདུད། །བྱང་ཆུབ་ཕྱོགས་མཐུན་རྣམ་དག་པ། །གཞལ་མེད་ཁང་ལ་
གུས་པས་བསྟོད། །བདུད་རྣམས་མ་ལུས་བཅོམ་པའི་དངོས། །བསྲུང་བའི་འཁོར་ལོ་ལ་
ཕྱག་འཚལ། །མ་མོ་འདུས་པ་ཉམས་དགའི་གནས། །དུར་ཁྲོད་གནས་པ་རྣམས་ལ་བསྟོད། །
བསྟོད་པའི་དགེ་བས་འགྲོ་བ་ཀུན། །རྣལ་འབྱོར་མ་གཙོ་ཐོབ་པར་ཤོག །ཅེས་པའོ། །ཧེ་རུ་ཀ་གཞན་
གསུམ་ལ་བསྟོད་པར་འདོད་ན། གོང་དུ་བཤད་པ་ལས་བསྡུ་བར་བྱ་སྟེ། ཐམས་ཅད་དངོས་པོའི་སོགས་ཚིགས་བཅད་གཅིག
ས་ཁམས་ཡེ་ཤེས་སོགས་ཤླཽ་ཀ་བཞི། ཕུང་པོ་ཁམས་ནི་སོགས་གཅིག གང་ཞིག་ཉི་ཟླ་སོགས་གསུམ་བྱས་པས་ལེགས་
པར་འགྲུབ་བོ། །བསྟོད་པའི་སྐབས་ཏེ་ཉི་ཤུ་རྩ་གསུམ་པའོ།།    །།
འདིར་སྨྲས་པ། རྒྱུད་སྡེ་ཀུན་གྱི་ཟབ་མོའི་མཐར་ཐུག་པ། །སྙིང་པོའི་དོན་སྟོན་དགྱེས་པ་རྡོ་རྗེ་ཡི། །དོན་གྱི་སྙིང་པོ་ལག་
ལེན་ཆོ་གར་བཅས། །སྨྲ་བ་འདི་ཡང་བླ་མ་མཆོག་གི་དྲིན། །གཞན་འདོད་མང་པོའི་རྗེས་སུ་འདི་མ་འབྲངས། །གང་བའི་རྡོ་རྗེ་
ཞེས་བྱའི་སློབ་དཔོན་ནི། །རྡོ་རྗེ་འཆང་མཚུངས་དེ་ཡི་རིམ་པ་རྣམས། །རྒྱུད་དོན་དངོས་ལ་འབྱོར་ཕྱིར་ལྷག་པར་དང༌། །འཕགས་
པའི་ཡུལ་དང་གངས་རིའི་ཁྲོད་འདི་རུ། །སྔོན་བྱོན་གྲུབ་ཐོབ་རྣམས་ཀྱི་དགོངས་པའང་འདི། །འོན་ཀྱང་རྟོག་གེའི་རྗེས་འབྲངས་
མཁས་གྲགས་ཅན། །ཕྱི་རབ་མུ་ཅོར་སྨྲ་རྣམས་འབྲས་མེད་ཤེས། །བློ་ལྡན་རྣམས་ཀྱིས་བདེ་བླག་རྟོགས་པའི་ཕྱིར། །འདུས་
གསལ་ཚང་ལ་གོ་བདེ་དོན་བཟང་ཞིང༌། །ངག་འདོན་བདེ་འདི་གུས་ལྡན་དོན་ཕྱིར་བཀོད། །རྒྱུད་ཀྱི་དོན་འགྲེལ་འདིས་ནི་དགེ་
ལེགས་འགྱུར། །ཞེས་པ་དགྱེས་པའི་རྡོ་རྗེའི་ལག་ལེན་གསལ་བར་བྱེད་པ། དཔལ་ཧེ་རུ་ཀ་དགྱེས་པར་བྱེད་པ་ཞེས་བྱ་བ་འདི་ནི། 
སྐལ་ལྡན་འཕྲིན་ལས་དབང་མོ་སོགས་སྙིང་པོ་ལ་མོས་པའི་དོན་གཉེར་འགས་བསྐུལ་བའི་ངོར། རྒྱལ་ཁམས་པ་ཏཱ་ར་ནཱ་ཐས་སྨྲས་
པ་སྟེ་ནགས་རྒྱལ་གྱི་དབེན་གནས་སུའོ།།    །།མངྒ་ལཾ། འདི་ལ་ལྷ་སྟ་གོན་ནས་བརྩམས་ཏེ། དབུགས་དབྱུང་གཟེངས་བསྟོད་ལ་
སོགས་པ་འགའ་ཞིག་མ་གཏོགས། སློབ་དཔོན་ནག་པོ་སྤྱོད་པའི་ཞབས་ཀྱི་ལུགས་འཁོར་ལོ་སྡོམ་པའི་དཀྱིལ་ཆོག་བདེ་བ་ཆེན་
པོའི་ཆར་ཡང་བཞིན་མཛད་པས་ཁ་འགེངས་པ་མན་ངག་ཡིན་ནོ། །ཞུས་དག །མ་མ་བི་ཛ་ཡསྟུ། 
11-1-54


༄༅། །དཔལ་ཀྱཻ་རྡོ་རྗེ(འི་སྒྲུབ་ཐབས་གོང་མའི་)གསུང་གི་རྗེས་འབྲང་
བཞུགས།[སོ།།]
བི་རཱུ་པའི་ལུགས། 
༄༅། །ༀ་སྭཱ་སྟི། དཔལ་ཀྱཻ་རྡོ་རྗེའི་སྒྲུབ་ཐབས་གོང་མའི་གསུང་གི་རྗེས་འབྲང་ཞེས་བྱ་བ། བླ་མ་ལ་ཕྱག་འཚལ་ལོ། །
དགྱེས་པ་རྡོ་རྗེ་ཧེ་རུ་ཀ །རྗེ་བཙུན་དེ་ལ་གུས་བཏུད་ནས། །སྒྲུབ་ཐབས་མདོར་བསྡུས་ཟབ་མོ་ནི། །གཞན་འགའ་རྗེས་སུ་བཟུང་
ཕྱིར་བཤད། །དེ་ལ་འདིར་རྣལ་འབྱོར་དབང་ཕྱུག་བི་རཱུ་པའི་ལམ་བསྐོར་དུ་གྲགས་པ་དང་འབྲེལ་བའི་དབང་དུ་བྱས་ནས། རེ་
ཞིག་ཡན་ལག་དྲུག་པའི་སྒྲུབ་ཐབས་བཤད་པར་བྱ་བ་ལ། མཉམ་པར་བཞག་པའི་རྣལ་འབྱོར་དང༌། མཉམ་པར་མ་བཞག་པའི་
རྣལ་འབྱོར་རོ། །མཉམ་པར་བཞག་པའི་རྣལ་འབྱོར་ལ་གཉིས། བསྐྱེད་པའི་རིམ་པ་དང༌། རྫོགས་པའི་རིམས་པའོ། །བསྐྱེད་པའི་
རིམ་པ་གཉིས། སྔོན་འགྲོ་དང༌། དངོས་གཞིའོ། །དང་པོ་ནི། བདག་དང་འགྲོ་བ་ནམ་མཁའ་དང་མཉམ་པའི་
སེམས་ཅན་ཐམས་ཅད་དུས་འདི་ནས་བཟུང་སྟེ། ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་
དུ། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་
ཏན་འཕྲིན་ལས་ཐམས་ཅད་ཀྱི་ངོ་བོ། ཆོས་ཀྱི་ཕུང་པོ་སྟོང་ཕྲག་བརྒྱད་ཅུ་རྩ་བཞིའི་འབྱུང་
གནས། འཕགས་པའི་དགེ་འདུན་ཐམས་ཅད་ཀྱི་མངའ་བདག །རྗེ་བཙུན་རྩ་བ་དང་བརྒྱུད་
པར་བཅས་པའི། དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །རྫོགས་པའི་སངས་
རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་
མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །ཞེས་པ་ཅི་རིགས་པར་བརྗོད། མཇུག་
11-1-55


ཏུ། བླ་མ་དང་དཀོན་མཆོག་རིན་པོ་ཆེ་རྣམ་པ་གསུམ་ལ་བདག་ཕྱག་འཚལ་ཞིང་སྐྱབས་སུ་
མཆིའོ། ཁྱེད་རྣམས་ཀྱིས་བདག་གི་རྒྱུད་བྱིན་གྱིས་བརླབ་ཏུ་གསོལ། ཞེས་གསོལ་བ་བཏབ། སེམས་
ཅན་ཐམས་ཅད་ཀྱི་དོན་དུ་རྣམ་པ་ཐམས་ཅད་མཁྱེན་པ་སངས་རྒྱས་ཀྱི་གོ་འཕང་ཐོབ་པར་བྱ། 
དེའི་ཆེད་དུ་ལམ་ཟབ་མོ་ཉམས་སུ་བླང་བར་བགྱིའོ། །ཞེས་ལན་གསུམ་བྱ། དེ་ནས། རང་གི་སྤྱི་བོར་
པདྨ་དང་ཟླ་བའི་གདན་གྱི་སྟེང་དུ། ཧཱུཾ་ལས་རྡོ་རྗེ་ཧཱུཾ་གིས་མཚན་པ་ལས། བཅོམ་ལྡན་འདས་
དཔལ་རྡོ་རྗེ་སེམས་དཔའ་ཧེ་རུ་ཀ་སྐུ་མདོག་དཀར་པོ། ཞལ་གཅིག་པ་ཕྱག་གཉིས་རྡོ་རྗེ་དང་
དྲིལ་བུ་འཛིན་པས་ཡུམ་ལ་འཁྱུད་པ། རུས་པའི་རྒྱན་དྲུག་གིས་བརྒྱན་པ། ཞབས་རྡོ་རྗེའི་
སྐྱིལ་མོ་ཀྲུང་གིས་བཞུགས་པ། དེའི་པང་ན་ཡུམ་རྡོ་རྗེ་སྙེམས་མ་{སྐུ་མདོག}དཀར་མོ་གྲི་
གུག་དང་ཐོད་པ་འཛིན་པས་ཡབ་ལ་འཁྱུད་པ། ཕྱག་རྒྱ་ལྔས་བརྒྱན་པ། ཡབ་ཀྱི་ཐུགས་ཀར་
ཟླ་བའི་དཀྱིལ་འཁོར་གྱི་སྟེང་དུ་ཧཱུཾ་དཀར་པོ་དེ་ལས་འོད་ཟེར་འཕྲོས་པས། དེ་བཞིན་
གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོ་ཡེ་ཤེས་ཀྱི་བདུད་རྩི་སྤྱན་དྲངས་ནས་ཧཱུཾ་ལས་
ཐིམ། བཅོམ་ལྡན་འདས་བདག་དང་སེམས་ཅན་ཐམས་ཅད་ཀྱི་འཁོར་བ་ཐོག་མ་མེད་པ་ནས་
བསགས་པའི་སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་
གསོལ། ༀ་ཤྲཱི་བཛྲ་ཧེ་རུ་ཀ་ས་མ་ཡ་མ་ནུ་པཱ་ལ་ཡ། ཧེ་རུ་ཀ་ཏྭེ་ནོ་པ་ཏིཥྛ། ཌི་ཌྷོ་མེ་བྷ་ཝ། སུ་
ཏོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སུ་པོ་ཥྱོ་མེ་བྷ་ཝ། སརྦ་སིདྡྷིཾ་མེ་པྲ་ཡཙྪ། སརྦ་ཀརྨཱ་སུ་ཙ་
མེ། ཙིཏྟཾ་ཤྲི་ཡཾཿཀུ་རུ་ཧཱུཾ། ཧ་ཧ་ཧ་ཧ་ཧོཿ བྷ་ག་ཝན་བཛྲ་ཧེ་རུ་ཀ །མཱ་མེ་མུཉྩ། ཧེ་རུ་ཀོ་བྷ་ཝ་
མཧཱ་ས་མ་ཡ་སཏྭ་ཨཱཿཧཱུཾ་ཕཊ། ཅེས་ཅི་ནུས་བཟླས་ལ་ཐལ་མོ་སྙིང་ཁར་སྦྱར་ཏེ། བདག་ནི་མི་ཤེས་རྨོངས་པ་
སྟེ། །དམ་ཚིག་ལས་ནི་འགལ་ཞིང་ཉམས། །བླ་མ་མགོན་པོས་སྐྱོབས་མཛོད་ཅིག །གཙོ་བོ་རྡོ་
རྗེ་འཛིན་པ་སྟེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །
སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་པ་ཐམས་ཅད་མཐོལ་ལོ་བཤགས་
11-1-56


སོ། །སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་བྱིན་གྱིས་བརླབ་ཏུ་
གསོལ། ཞེས་གསོལ་བ་བཏབ། དེ་ནས། བཅོམ་ལྡན་འདས་རྡོ་རྗེ་སེམས་དཔའ་ཡབ་ཡུམ་འོད་དུ་ཞུ་
ནས། སྤྱི་བོ་ནས་རང་ལ་ཐིམ། རང་སྐད་ཅིག་གིས་ཀྱཻ་རྡོ་རྗེར་གསལ་བའི་ཐུགས་ཀར་པཾ་ལས་
པདྨ་དང་རཾ་ལས་ཉི་མའི་དཀྱིལ་འཁོར་གྱི་སྟེང་དུ། སེམས་གཟུང་འཛིན་གཉིས་དང་བྲལ་བའི་
ངོ་བོ་ཧཱུཾ་སྔོན་པོ། དེ་ལས་འོད་ཟེར་འཕྲོས་པས། རང་བཞིན་གྱི་གནས་ནས་ཀྱཻ་རྡོ་རྗེ་ལྷ་དགུའི་
དཀྱིལ་འཁོར་བླ་མ་མི་བསྐྱོད་པའི་རྣམ་པས་གཙོ་བོའི་དབུ་ལ་བརྒྱན་པ། ༀ་བཛྲ་ས་མཱ་ཛཿ ན་
མོ་གུ་རུ་བྷྱཿ ན་མཿཤྲཱི་ཧེ་བཛྲ་མཎྜལ་བྷྱཿ དཀར་མོ་རི་དྭགས་མཚན་མ་འཛིན། །ཆོམ་རྐུན་
བདུད་ལས་རྒྱལ་བའི་སྣོད། །རོ་ལངས་མ་ནི་ཆུ་ལག་མ། །གྷསྨ་རཱི་ནི་སྨན་འཛིན་ཅིང༌། །པུཀྐ་
སཱི་ནི་རྡོ་རྗེའི་ལག །དེ་བཞིན་རི་ཁྲོད་མ་རོ་འཛིན། །གདོལ་པ་མོ་ནི་ཅང་ཏེའུ་བརྡུང༌། །འདི་
རྣམས་ཀྱིས་ནི་གཙོ་བོ་མཆོད། །འདོད་ཆགས་ཆེན་པོས་རྗེས་ཆགས་པ། །གཡུང་མོས་སྐུ་ལ་
འཁྱུད་པ་ཉིད། །ཅེས་བརྗོད་དོ། །དེ་ནས། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་
ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང༌། །སངས་རྒྱས་བྱང་ཆུབ་ཡིད་
ཀྱིས་བཟུང༌། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་མཆི། །
རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་
མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་
གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་
འགྲུབ་པར་ཤོག །ཅེས་ལན་གསུམ་བརྗོད། དེ་ནས། སྲས་བཅས་སངས་རྒྱས་ཐམས་ཅད་དང༌། །དཔའ་
བོ་རྣལ་འབྱོར་མ་རྣམས་ཀུན། །ཐམས་ཅད་བདག་ལ་དགོངས་སུ་གསོལ། །བདག་མིང་འདི་
{ཤེས[ཞེས་]བགྱི་བ་ཡི། །དུས་འདི་ནས་ནི་བཟུང་ནས་སུ། །ཇི་སྲིད་བྱང་ཆུབ་སྙིང་པོའི་བར། །
ཇི་ལྟར་དུས་གསུམ་མགོན་པོ་རྣམས། །བྱང་ཆུབ་ཏུ་ནི་ངེས་མཛད་པའི། །བྱང་ཆུབ་སེམས་ནི་
11-1-57


བླ་ན་མེད། །དམ་པ་བདག་གིས་བསྐྱེད་པར་བགྱི། །ཚུལ་ཁྲིམས་ཀྱི་ནི་བསླབ་པ་དང༌། །དགེ་
བའི་ཆོས་ནི་བསྡུད་པ་དང༌། །སེམས་ཅན་དོན་བྱེད་ཚུལ་ཁྲིམས་གསུམ། །སོ་སོར་བརྟན་པོར་
བཟུང་བར་བགྱི། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་
གསུམ། །སངས་རྒྱས་རྣལ་འབྱོར་ལས་སྐྱེས་པའི། །སྡོམ་པ་དེང་ནས་བརྟན་པོར་གཟུང༌། །རྡོ་
རྗེ་རིག་མཆོག་ཆེན་པོ་ལ། །རྡོ་རྗེ་དྲིལ་བུ་ཕྱག་རྒྱ་ཡང༌། །ཡང་དག་ཉིད་དུ་བཟུང་བར་བགྱི། །
སློབ་དཔོན་དག་ཀྱང་བཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་
དུ་འོང་བ་ལ། །ཉིན་རེ་བཞིན་ཡང་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་
ཆེན་པོ་ལས་བྱུང་བའི། །པདྨའི་རིགས་ཆེན་དག་པ་ལ། །ཕྱི་དང་གསང་བ་ཐེག་པ་གསུམ། །
དམ་པའི་ཆོས་ནི་མ་ལུས་བཟུང༌། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་
ལྡན་པར་ནི། །ཡང་དག་ཉིད་དུ་བཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་
ཆུབ་སེམས་ནི་བླ་མེད་མཆོག །དམ་པ་བདག་གིས་བསྐྱེད་བགྱིས་ནས། །སེམས་ཅན་ཀུན་ཀྱི་
དོན་གྱི་ཕྱིར། །བདག་གིས་སྡོམ་པ་མ་ལུས་བཟུང༌། །མ་བསྒྲལ་བ་རྣམས་བདག་གིས་བསྒྲལ། །
མ་གྲོལ་བ་རྣམས་བདག་གིས་སྒྲོལ། །དབུགས་མ་ཕྱུང་རྣམས་དབུགས་དབྱུང་ཞིང༌། །སེམས་
ཅན་མྱ་ངན་འདས་ལ་འགོད། །ཅེས་ལན་གསུམ་བརྗོད་དོ། །དེ་ནས། སེམས་ཅན་ཐམས་ཅད་བདེ་བ་
དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་
གྱུར་ཅིག །སྡུག་བསྔལ་མེད་པའི་བདེ་བ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་
དང་བྲལ་བའི་བཏང་སྙོམས་ལ་གནས་པར་གྱུར་ཅིག །བསོད་ནམས་ཀྱི་ཚོགས་བསགས་པའོ། །དེ་ནས་ཡེ་
ཤེས་ཀྱི་ཚོགས་བསག་པ་ནི། སྟོང་པ་ཉིད་བསྒོམས་ནས་སྔགས་འདིས་བྱིན་གྱིས་བརླབ་པར་བྱ་སྟེ། ༀ་ཤཱུ་ནྱ་ཏཱ་ཛྙཱ་ན་བཛྲ་
སྭ་བྷཱ་ཝ་ཨཱཏྨ་ཀོ྅ཧཾ། ཞེས་བརྗོད་དོ། །དེ་ནས་བསྲུང་འཁོར་བསྒོམ་པ་ནི། སྟོང་པའི་ངང་ལས་པཾ་ལས་པདྨ་
དང་རཾ་ལས་ཉི་མའི་དཀྱིལ་འཁོར་གྱི་སྟེང་དུ། ཧཱུཾ་ལས་སྣ་ཚོགས་རྡོ་རྗེ་ར་བཅུ་གཉིས་པ། ཤར་
11-1-58


དཀར། ལྷོ་སེར། ནུབ་དམར། བྱང་ལྗང༌། ལྟེ་བ་མཐིང་ནག་ལ་ཧཱུཾ་གིས་མཚན་པ། ཧཱུཾ་ལས་
འོད་ཟེར་ཕྱོགས་བཅུར་འཕྲོས་པས། འོག་རྡོ་རྗེའི་ས་གཞི། ཁོར་ཡུག་རྡོ་རྗེའི་རྭ་བ། སྟེང་རྡོ་
རྗེའི་གུར། ཕྱི་རོལ་ཐམས་ཅད་ཡེ་ཤེས་ཀྱི་མེ་རབ་ཏུ་འབར་བས་གང་བར་གྱུར། ༀ་བཛྲ་རཀྵ་
རཀྵ་ཧཱུཾ་ཧཱུཾ་ཧཱུཾ་ཕཊ་སྭཱཧཱ། ཞེས་ལན་གསུམ། བསྲུང་འཁོར་དངོས་ནི་དེ་ཙམ་གྱིས་ཆོག་ལ། རྒྱས་པར་སྤྲོ་བའམ་ཟློག་པ་བྱེད་
དགོས་ན་འདི་ལྟར་བྱ་སྟེ། སྣ་ཚོགས་རྡོ་རྗེའི་ལྟེ་བར་པཾ་ལས་པདྨ་དང༌། རཾ་ལས་ཉི་མའི་སྟེང་དུ། བྷྲུཾ་
སེར་པོ་ལས་འཁོར་ལོ་སེར་པོ་རྩིབས་བཅུ་པ། རྩེ་མོ་རྣོ་བ་ཁོག་པ་སྟོང་པ། ཡངས་ཤིང་རྒྱ་ཆེ་
བ། གོ་སྐབས་མེད་པར་གྱུར། ༀ་བཛྲ་ཙཀྲ་རཀྵ་ཧཱུཾ་བྷྲུཾ་ཧཱུཾ། ལན་གསུམ། འཁོར་ལོའི་ནང་གི་དབུས་
དང༌། ཕྱོགས་བཅུར་པདྨ་དང༌། ཉི་མའི་དཀྱིལ་འཁོར་རེ་རེ། དབུས་ཀྱི་ཉི་མའི་སྟེང་དུ་བྷྲུཾ་སེར་
པོ། ཕྱོགས་བཅུའི་ཉི་མའི་སྟེང་དུ་ཧཱུཾ་རེ་རེ། དེ་ཡང་ལྷོའི་དཀར་པོ། ནུབ་ཀྱི་དམར་པོ། གཞན་
ཐམས་ཅད་སྔོན་པོ། དེ་རྣམས་ཡོངས་སུ་གྱུར་པ་ལས། དབུས་སུ་རང་ཉིད་གཙུག་གཏོར་
འཁོར་ལོས་སྒྱུར་བ་སེར་པོ་འཁོར་ལོ་འཛིན་པ། ཤར་དུ་གཤིན་རྗེ་མཐར་བྱེད་ནག་པོ་ཐོ་བ་
འཛིན་པ། ལྷོར་ཤེས་རབ་མཐར་བྱེད་དཀར་པོ་བེ་ཅོན་འཛིན་པ། ནུབ་ཏུ་པདྨ་མཐར་བྱེད་
དམར་པོ་པདྨ་འཛིན་པ། བྱང་དུ་བགེགས་མཐར་བྱེད་སྔོ་སངས་རྡོ་རྗེ་འཛིན་པ། བྱང་ཤར་དུ་
མི་གཡོ་བ་སྔོ་སྐྱ་རལ་གྲི་འཛིན་པ། ཤར་ལྷོར་འདོད་པའི་རྒྱལ་པོ་སྔོན་པོ་ལྕགས་ཀྱུ་འཛིན་པ། 
ལྷོ་ནུབ་ཏུ་དབྱུག་སྔོན་ཅན་སྔོན་པོ་དབྱུག་པ་འཛིན་པ། ནུབ་བྱང་དུ་སྟོབས་པོ་ཆེ་དུད་ནག་རྩེ་
གསུམ་འཛིན་པ། སྟེང་དུ་ཧཱུཾ་མཛད་སྔོན་པོ་རྡོ་རྗེ་དང་དྲིལ་བུ་རང་གི་ཕྱག་རྒྱས་ཐུགས་ཀར་
འཛིན་པ། འོག་ཏུ་གནོད་མཛེས་མཐིང་ནག་གཏུན་ཤིང་བསྣམས་པ། ཧཱུཾ་མཛད་མ་ཡིན་པ་
གཞན་ཐམས་ཅད་ཕྱག་གཡས་པས་རང་རང་གི་ཕྱག་མཚན་འཕྱར་བའི་ཚུལ་གྱིས་འཛིན་
ཅིང༌། གཡོན་པས་ཐུགས་ཀར་སྡིགས་མཛུབ་མཛད་པ། ཕྱོགས་བཞིའི་ཁྲོ་བོ་རྣམས་ནི་ཆེར་
ཁྲོས་པ་སྟེ། སྐུ་སྦོམ་ཞིང་ཐུང་བ། སྟག་གི་པགས་པའི་ཤམ་ཐབས་དང༌། སྦྲུལ་གྱིས་བརྒྱན་
11-1-59


པའོ། །གཞན་རྣམས་ནི་རོལ་པའི་ཁྲོ་བོ་སྟེ། ཅུང་ཟད་འཛུམ་པ། སྐུ་འཁྲང་ཞིང་གྲིམ་པ། དར་
གྱི་ན་བཟའ་དང་རིན་པོ་ཆེའི་རྒྱན་གྱིས་བརྒྱན་པ། ཐམས་ཅད་ཀྱང་སྤྱན་གསུམ་དམར་ལ་
ཟླུམ་པ་དབུ་སྐྲ་སེར་པོ་གྱེན་དུ་བརྫེས་པ། ཡེ་ཤེས་ཀྱི་མེ་འབར་བའི་དབུས་ན་ཞབས་གཡོན་
བརྐྱང་གི་སྟབས་ཀྱིས་བཞུགས་པའོ། །དཔྲལ་བར་ༀ་མགྲིན་པར་ཨཱཿ ཐུགས་ཀར་ཧཱུཾ། དེ་
ལས་འོད་འཕྲོས་པས། རང་བཞིན་གྱི་གནས་ནས་ཁྲོ་བོ་བཅུ་གཅིག་བསྲུང་བའི་འཁོར་ལོ་
དང་བཅས་པ་ལ་ཡེ་ཤེས་ཀྱི་ཁྲོ་བོའི་ཚོགས་དཔག་ཏུ་མེད་པས་བསྐོར་བ་ༀ་བཛྲ་ས་མཱ་ཛཿ ༀ་
བཛྲ་ནི་རི་ཏེ་ཧཱུཾ་ཁཾ་སྭཱཧཱ། ༀ་བཛྲ་ནཻ་ཝི་ཏེ་ཧཱུཾ་ཁཾ་སྭཱཧཱ། ༀ་སརྦ་སཾ་ཤོ་དྷ་ནི་སྭཱཧཱ། ཛཿཧཱུཾ་བཾ་ཧོཿ ཁཾ་
རཾ་མཧཱ་ཨརྒྷཾ་པྲ་ཏཱིཙྪ་སྭཱཧཱ། ༀ་བཛྲ་པུཥྤེ་ནས་ཤཔྟའི་བར་གྱིས་མཆོད། ཛཿཧཱུཾ་བཾ་ཧོཿགཉིས་སུ་མེད་
པར་བསྟིམ། ཡང་འོད་འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ་ༀ་བཛྲ་ས་མཱ་
ཛཿ ༀ་བཛྲ་བྷ་ཝ་ཨ་བྷི་ཥིཉྩ་ཧཱུཾ། བུམ་པའི་ཆུས་སྤྱི་བོ་ནས་དབང་བསྐུར། སྐུ་གང༌། དྲི་མ་དག །
ཆུ་ལྷག་མ་ཡར་ལུད་པ་ལས། གཤིན་རྗེ་མཐར་བྱེད་ལ་རྣམ་པར་སྣང་མཛད། པདྨ་མཐར་
བྱེད་ལ་འོད་དཔག་མེད། གཞན་ཐམས་ཅད་ལ་མི་བསྐྱོད་པས་དབུ་བརྒྱན། ན་མཿས་མནྟ་
བུདྡྷ་ནཱཾ། ན་མཿས་མནྟ་དྷརྨཱ་ཎཱཾ། ན་མཿས་མནྟ་སཾ་གྷཱ་ནཱཾ། ༀ་སི་ཏཱ་ཏ་པ་ཏྲེ། ༀ་བི་མ་ལ། ༀ་ཤཾ་ཀ་
ར། ༀ་པྲ་དྱཾ་གཱི་ར། བཛྲ་ཨུཥྞི་ཥ་ཙཀྲ་བརྟི་སརྦ་ཡནྟྲ་མན་ཏྲ་མཱུ་ལ་ཀརྨ་བནྡྷཱ་ནཱཾ། ཏཱ་ཌ་ནཾ། ཀཱི་ལ་
ནཱཾ་བཱ། མ་མ་ཀྲྀ་ཏེ། ཡེ་ན་ཀེ་ན་ཙི་ཏ་ཀྲི་ཏཾ། ཏང་སརྦན་ཏུ། ཚིནྡ་ཚིནྡ། བྷིནྡ་བྷིནྡ། ཙི་རི་ཙི་རི། 
གི་རི་གི་རི། མ་ར་མ་ར། ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཞེས་པ་ཅི་རིགས་པ་བཟླས་སོ། །དེ་
ནས། སུ་གང་དག་བདག་ཅག་གི་དཔལ་ལྡན་བླ་མ་དམ་པ་རྣམས་དང་བདག་ཅག་དཔོན་སློབ་
ཡོན་མཆོད་འཁོར་དང་བཅས་པ་རྣམས་ལ་སྡང་བའི་སེམས་དང་ལྡན་པ་རྣམས་དང༌། གདུག་
པའི་སེམས་དང་ལྡན་པ་རྣམས་དང༌། དྲག་ཤུལ་གྱི་སེམས་དང་ལྡན་པ་རྣམས་དང༌། བསམ་པ་
དང་སྦྱོར་བ་ངན་པར་བྱེད་པའི་དགྲ་བགེགས་ཐམས་ཅད་ཀྱི་བསམ་སྦྱོར་ངན་པ་ཐམས་ཅད་
11-1-60


ཞི་བར་གྱུར་ཅིག །གལ་ཏེ་ཞི་བར་མ་གྱུར་ན། དེའི་ཚེ་དེ་དག་ཐམས་ཅད་ཀྱི་ལུས་བཅིངས་
བར་བགྱིའོ། །ངག་བཅིང་བར་བགྱིའོ། །ཡིད་བཅིང་བར་བགྱིའོ། །མཐུ་བརླག་པར་གྱུར་ཅིག །
སྟོབས་བརླག་པར་གྱུར་ཅིག །རྫུ་འཕྲུལ་བརླག་པར་གྱུར་ཅིག །དེས་བཟླས་པའི་སྔགས་
ཀྱིས་དེ་ཉིད་བརླག་པར་གྱུར་ཅིག །དེས་བསྒྲུབས་པའི་ལྷ་འདྲེས་དེའི་ཤ་ལ་ཟ་བར་གྱུར་ཅིག །
སྦྱོར་བ་ངན་པ་བྱས་པའི་འབྲས་བུ་བྱེད་པ་པོ་དེ་ཉིད་ལ་འབྱུང་བར་གྱུར་ཅིག །གནོད་བྱེད་
ཐམས་ཅད་ནི་ཝཱ་ར་ཡ་ཧཱུཾ་ཕཊ། ཁྲོ་བོ་འབར་བའི་ཚོགས་རྣམས་ཀྱིས། །དགྲ་བགེགས་རྣམས་
ནི་ཐམས་ཅད་ཀྱི། །ལུས་ངག་ཐལ་བ་རྡུལ་དུ་བརློགས། །རྣམ་ཤེས་ཆོས་ཀྱི་དབྱིངས་སུ་སྒྲོལ། །
ༀ་བཛྲ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་སྭཱཧཱ། ཞེས་ལན་གསུམ། བསྲུང་བའི་འཁོར་ལོའོ། །
གཉིས་པ་དངོས་གཞི་ལ་ཡན་ལག་དྲུག་དང་ལྡན་པ་སྟེ། དེ་ཡང༌། ཨེ་ལས་ཆོས་ཀྱི་འབྱུང་གནས་གྲུ་གསུམ་
པ། ཕྱི་དཀར་ལ་ནང་ཅུང་ཟད་དམར་བ། གདེངས་ཀ་གྱེན་དུ་བསྟན་པ། དེའི་ནང་དུ། ཡཾ་ལས་
རླུང་གི་དཀྱིལ་འཁོར་ཟླ་གམ་སྔོན་པོ་ཡཾ་གྱིས་མཚན་པ། དེའི་སྟེང་དུ་རཾ་ལས་མེའི་དཀྱིལ་
འཁོར་གྲུ་གསུམ་དམར་པོ་རཾ་གྱི་མཚན་པ། དེའི་སྟེང་དུ་བཾ་ལས་ཆུའི་དཀྱིལ་འཁོར་ཟླུམ་པོ་
དཀར་པོ་བཾ་གྱིས་མཚན་པ། དེའི་སྟེང་དུ་ལཾ་ལས་སའི་དཀྱིལ་འཁོར་གྲུ་བཞི་སེར་པོ་ལཾ་གྱིས་
མཚན་པ། དེའི་སྟེང་དུ་བྷྲུཾ་ལས་འཁོར་ལོ་སེར་པོ་རྩིབས་བཅུ་པ་བྷྲུཾ་གྱིས་མཚན་པ། དེའི་སྟེང་
གི་བར་སྣང་དུ། ༀ་ཨཱཿཧཱུཾ་ཧོཿདམར་པོ་གཉིས་ཀྱིས་མཐའ་བརྟེན་པ་ནི་བར་དོའི་རྣམ་པར་
ཤེས་པ་རྣམ་པར་དག་པའོ། །འབྱུང་བཞི་འཁོར་ལོ་དང་བཅས་པ་ཡང་རྣམ་པར་ཤེས་པ་དེའི་
སྣང་བ་ཙམ་སྟེ། དེ་རྣམས་རོ་གཅིག་ཏུ་འདྲེས་པ་ལས། རིན་པོ་ཆེ་སྣ་ཚོགས་ལས་གྲུབ་པའི་
གཞལ་ཡས་ཁང་གྲུ་བཞི་པ། སྒོ་བཞི་པ། ནང་ནས་རིམ་པ་བཞིན་ནག་པོ། ལྗང་ཁུ། དམར་པོ། 
སེར་པོ། དཀར་པོའི་རྩིག་པ་རིམ་པ་ལྔ་དང་ལྡན་པ། དེའི་སྟེང་དུ་རིན་པོ་ཆེའི་ཕ་གུ་སེར་པོ་ལ་
དྲ་བ་དང་ཕྱེད་པ་འཕྱང་བ། དེའི་སྟེང་དུ་རིན་པོ་ཆེའི་ཟ་ར་ཚགས་དང་པུ་ཤུས་བརྒྱན་པ། རྩིག་
11-1-61


པའི་ཕྱི་རོལ་ཏུ་འདོད་ཡོན་གྱི་སྣམ་བུ་དམར་པོ་ལ། མཆོད་པའི་ལྷ་མོ་བཅུ་དྲུག་གིས་མཆོད་
རྫས་དུ་མ་ཐོགས་ནས་བཅོམ་ལྡན་འདས་ལ་མཆོད་པ། ནང་ཀ་བ་བརྒྱད་དང་ལྡན་པ། སྟེང་རྡོ་
རྗེའི་གདུང་ཟླུམ་པོ་དང་རྡོ་རྗེའི་གདུང་བཞིས་མིག་མངས་རིས་སུ་བྲིས་ཤིང་མཛེས་པར་ཕུབ་
པ། དབུས་ཕྱུར་བུར་གྱུར་པའི་སྟེང་དུ་རྡོ་རྗེ་དང་རིན་པོ་ཆེའི་ཏོག་གིས་བརྒྱན་པ། སྒོ་བཞིའི་
ཐད་སོར་ཀ་བ་བཞི་བཞིས་བཏེག་པའི་རྟ་བབ་བང་རིམ་བཞི་དང་ལྡན་པའི་སྟེང་དུ། པདྨ་ལ་
གནས་པའི་ཆོས་ཀྱི་འཁོར་ལོ་དང༌། གདུགས་དང་རི་དྭགས་དང་བཅས་པ། གཞན་ཡང་གོས་
དང༌། འཕན་དང༌། མེ་ཏོག་གི་ཕྲེང་བ་དང༌། ཟླ་བ་རླུང་གིས་བསྐྱོད་པ་དང༌། རྔ་ཡབ་ནོར་བུའི་
ཡུ་བ་ཅན་ལ་སོགས་པ། རྒྱན་དུ་མས་བརྒྱན་པའི། གཞལ་ཡས་ཁང་དུ་གྱུར། དེའི་ཕྱི་རོལ་ཏུ་
དུར་ཁྲོད་ཆེན་པོ་བརྒྱད་ནི། ཤར་ཏུ་གཏུམ་དྲག །ལྷོར་འཇིགས་བྱེད་ཐོད་པ་ཅན། ནུབ་ཏུ་
འབར་བའི་ཕྲེང་བ། བྱང་དུ་ཚང་ཚིང་འཁྲིགས་པ། བྱང་ཤར་དུ་དྲག་ཏུ་དགོད་པ། ཤར་ལྷོར་
དབང་ཕྱུག་ནགས་ཚལ། ལྷོ་ནུབ་ཏུ་འཇིགས་བྱེད་མུན་པ། ནུབ་བྱང་དུ་ཀི་ལི་ཀི་ལའི་སྒྲ་
སྒྲོགས་པའོ། །ཤིང་གི་རྩ་བ་ན་གནས་པའི་ཕྱོགས་སྐྱོང་བ་བརྒྱད་ནི། ཤར་དུ་བརྒྱ་བྱིན། ལྷོར་
གཤིན་རྗེ། ནུབ་ཏུ་ཆུ་ལྷ། བྱང་དུ་གནོད་སྦྱིན། བྱང་ཤར་དུ་དབང་ལྡན། ཤར་ལྷོར་མེ་ལྷ། ལྷོ་
ནུབ་ཏུ་སྲིན་པོ། ནུབ་བྱང་དུ་རླུང་ལྷའོ། །དེ་དག་ཏུ་རོ་མགོ་བོ་བཅད་པ་དང༌། དཔྱངས་པ་དང༌། 
བསྙལ་བ་དང༌། གསལ་ཤིང་གི་ཕུག་པ་དང༌། མགོ་བོ་དང༌། ཀེང་རུས་དང༌། ལྕེ་སྤྱང་དང༌། ཁྭ་
དང༌། འུག་པ་དང༌། བྱ་རྒོད་དང༌། རོ་ལངས་རྣམས་ཕེཾ་ཞེས་པའི་སྒྲ་སྒྲོགས་པར་བྱེད་པ། 
གནོད་སྦྱིན་དང༌། སྲིན་པོ་དང༌། ཡིད་དྭགས་དང༌། ཤ་ཟ་དང༌། སྨྱོ་བྱེད་དང༌། བརྗེད་བྱེད་
དང༌། མཁའ་འགྲོ་དང་མཁའ་འགྲོ་མ་རྣམས་དང༌། གཞན་ཡང་ཞིང་སྐྱོང་བ་དང༌། ཀླུ་དང༌། 
སྤྲིན་དང༌། ཆུ་དང༌། མེ་དང༌། མཆོད་རྟེན་དང༌། བསྒྲུབ་པ་པོ་རྣམས་དང་བཅས་པའི་དུར་ཁྲོད་
ཀྱིས་ཡོངས་སུ་བསྐོར་བའི་གཞལ་ཡས་ཁང་གི་ནང་གི་ལྷ་སྣམ་ཤར་དཀར། ལྷོ་སེར། ནུབ་
11-1-62


དམར། བྱང་ལྗང༌། དབུས་སྔོན་པོའི་དབུས་སུ། སྣ་ཚོགས་པདྨ་འདབ་མ་བརྒྱད་པའི་ལྟེ་བར། 
ཉི་མའི་དཀྱིལ་འཁོར་གྱི་སྟེང་དུ། ཉོན་མོངས་པ་ལ་སོགས་པ་བདུད་བཞིའི་ངོ་བོ་ཚངས་པ་
སེར་པོ། དབང་པོ་དཀར་པོ། ཉེ་དབང་སྔོན་པོ། དྲག་པོ་ནག་པོ་རྣམས་ཉལ་ཐབས་སུ་བཀྲམ་
པའི་གདན་དང༌། འདབ་མ་བརྒྱད་ལ་ཟླ་བའི་དཀྱིལ་འཁོར་གྱི་སྟེང་དུ། ཤར་དུ་ཚངས་པ་སེར་
པོ། ལྷོར་དབང་པོ་དཀར་པོ། ནུབ་ཏུ་ཉི་དབང་སྔོན་པོ། བྱང་དུ་དྲག་པོ་ནག་པོ། བྱང་ཤར་དུ་
གཤིན་རྗེ་སྔོན་པོ། ཤར་ལྷོར་ནོར་བདག་སེར་པོ། ལྷོ་ནུབ་ཏུ་སྲིན་པོ་ནག་པོ། ནུབ་བྱང་དུ་
ཐག་བཟང་རིགས་དུད་ཁ་རྣམས་འགྱེལ་ཞིང་གདོང་གྱེན་དུ་ཕྱོགས་པའི་གདན་དང་བཅས་
པར་གྱུར། ༀ་སརྦ་ཏ་ཐཱ་ག་ཏ་ཨ་ནཱི་ལ་ཡ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་དག་ནི་ཕོ་བྲང་བསྐྱེད་པ་རྣམ་
པར་སྣང་མཛད་ཀྱི་ཡན་ལག་སྟེ་དང་པོའོ། །དབུས་ཀྱི་གདན་གྱི་སྟེང་དུ་མཚན་བཟང་པོ་སུམ་ཅུ་རྩ་གཉིས་
ཀྱི་ངོ་བོ། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཱཿ ཕྲག་གཉིས་ཞུ་བ་ལས་
བྱུང་བའི་ཟླ་བའི་དཀྱིལ་འཁོར་མེ་ལོང་ལྟ་བུའི་ཡེ་ཤེས། དེའི་སྟེང་དུ་དཔེ་བྱད་བཟང་པོ་
བརྒྱད་ཅུའི་བདག་ཉིད། ཀ་ཁ་ག་གྷ་ང༌། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་
བྷ་མ། ཡ་ར་ལ་ཝ་ཤ་ཥ་ས་ཧ་ཀྵ། ཡ་ར་ལ་ཝ་ཌ་ཌྷ། ཕྲག་གཉིས་ཞུ་བ་ལས་བྱུང་བའི་ཉི་མའི་
དཀྱིལ་འཁོར་མཉམ་པ་ཉིད་ཀྱི་ཡེ་ཤེས། དེ་གཉིས་བར་དུ། ཧཱུཾ་ལས་ཐོད་པ་དཀར་པོ་དུམ་བུ་
གསུམ་པ་དཔྲལ་བར་སྣ་ཚོགས་རྡོ་རྗེའི་ལྟེ་བ་ལ་ཧཱུཾ་གིས་མཚན་པ། དེའི་གཡོན་དུ་ཨཾ་ལས་གྲི་
གུག་སྔོན་ནག་ཡུ་བ་ལ་ཨཾ་གིས་མཚན་པ་སྟེ་དེ་དག་སོ་སོར་རྟོག་པའི་ཡེ་ཤེས། ཉི་ཟླ་ཕྱག་
མཚན་ས་བོན་དང་བཅས་པ་རོ་གཅིག་ཏུ་འདྲེས་པ་བྱ་བ་གྲུབ་པའི་ཡེ་ཤེས། དེ་ལས་སྐུ་ཡོངས་
སུ་རྫོགས་པ་ཆོས་ཀྱི་དབྱིངས་ཀྱི་ཡེ་ཤེས་ཀྱི་ངོ་བོ། བཅོམ་ལྡན་འདས་རྒྱུ་རྡོ་རྗེ་འཛིན་པ་སྐུ་
མདོག་དཀར་པོ། ཞལ་བརྒྱད་ཕྱག་བཅུ་དྲུག་པ། ཞབས་བཞི་པ། རྩ་བའི་ཞལ་དཀར་པོ། 
གཡས་སྔོ། གཡོན་དམར། སྟེང་ཞལ་དུད་ཁ། ཞལ་ལྷག་མ་གཉིས་གཉིས་གནག་པ། ཞལ་རེ་
11-1-63


རེ་ལ་སྤྱན་དམར་པོ་གསུམ་གསུམ་དང་ལྡན་པ་མི་མགོ་སྐམ་པོ་ལྔ་ལྔའི་དབུ་རྒྱན་ཅན། མཆེ་
བའི་མྱུ་གུ་བཞི་བཞི་གཙིགས་པ། དབུ་སྐྲ་སེར་པོ་གྱེན་དུ་བརྫེས་པ། སྤྱི་བོར་སྣ་ཚོགས་རྡོ་རྗེས་
མཚན་པ། ཧཱུཾ་གི་སྒྲ་སྒྲོག་ཅིང་འཇིགས་པའང་འཇིགས་པར་མཛད་པ། ཕྱག་བཅུ་དྲུག་གིས་
ཐོད་པ་བཅུ་དྲུག་བཟུང་པའི། གཡས་ཀྱི་དང་པོ་ན་གླང་པོ་ཆེ་དཀར་པོ། གཡོན་གྱི་དང་པོ་ན་
སའི་ལྷ་མོ་སེར་མོ། དེ་གཉིས་ཀྱིས་ཡུམ་ལ་འཁྱུད་པ། གཡས་ཀྱི་གཉིས་པ་ན་རྟ་སྔོན་པོ། 
གསུམ་པ་ན་བོང་བུ་གྭ་པ། བཞི་པ་ན་གླང་དམར་པོ། ལྔ་པ་ན་རྔ་མོང་ཐལ་དཀར། དྲུག་པ་ན་
སྐྱེས་པ་རང་མདོག།བདུན་པ་ན་ཤ་ར་བྷ་སྔོན་པོ། བརྒྱད་པ་ན་བྱི་ལ་གྭ་པ། གཡོན་གྱི་གཉིས་
པ་ན་ཆུའི་ལྷ་དཀར་པོ། གསུམ་པ་ན་མེའི་ལྷ་དམར་པོ། བཞི་པ་ན་རླུང་གི་ལྷ་ལྗང་ཁུ། ལྔ་པ་ན་
ཟླ་བའི་ལྷ་དཀར་པོ། དྲུག་པ་ན་ཉི་མའི་ལྷ་དམར་པོ། བདུན་པ་ན་གཤིན་རྗེ་སྔོན་པོ། བརྒྱད་
པ་ན་ནོར་སྦྱིན་སེར་པོ། མི་མགོ་རློན་པ་ལྔ་བཅུའི་དོ་ཤལ་ཅན། སྐུ་ལ་ཐལ་བས་ཉེ་བར་བྱུགས་
པ། རུས་པའི་རྒྱན་དྲུག་དང་ལྡན་པ། ཞབས་མདུན་མ་གཉིས་གཡོན་བསྐུམ་གཡས་བརྐྱང་པ་
དང༌། རྒྱབ་མ་གཉིས་སྐྱིལ་ཀྲུང་ཕྱེད་པའི་གར་སྟབས་ཀྱིས་བདུད་བཞི་མནན་པ། སྒེག་ཅིང་
དཔའ་བ་མི་སྡུག་པ། །རྒོད་ཅིང་དྲག་ཤུལ་འཇིགས་སུ་རུང༌། །སྙིང་རྗེ་ངམ་དང་ཞི་བ་ཡི། །
གར་དགུའི་རོ་དང་ལྡན་པ་ཉིད། །དེའི་པང་ན་ཡུམ་རྡོ་རྗེ་བདག་མེད་མ་སྐུ་མདོག་སྔོན་མོ། 
གཅེར་བུ་ཞལ་གཅིག་ཕྱག་གཉིས་སྤྱན་གསུམ་པ། སྐྲ་སེར་པོ་གྱེན་དུ་བརྫེས་པ། གཡས་གྲི་
གུག་གཡོན་ཐོད་པ་འཛིན་པས་ཡབ་ལ་འཁྱུད་པ། མི་མགོ་སྐམ་པོ་ལྔ་ཡི་དབུ་བརྒྱན་དང༌། 
སྐམ་པོ་ལྔ་བཅུའི་དོ་ཤལ་ཅན། རུས་པའི་ཕྱག་རྒྱ་ལྔ་དང་ལྡན་པ། ཞབས་གཡོན་བརྐྱང་
གཡས་བསྐུམ་པས་ཡབ་ལ་འཁྱུད་པ། གཉིས་ཀའང་ཡེ་ཤེས་ཀྱི་མེ་འབར་བའི་དབུས་ན་
བཞུགས་པའོ། །ཡུམ་གྱི་མཁའ་མི་དམིགས་ཏེ་སྟོང་པའི་ངང་ལས་ཨཱཿལས་པདྨ་དམར་པོ་
འདབ་མ་བརྒྱད་པ་ཟེ་འབྲུ་ལ་ཨཱཿས་མཚན་པ། ༀ་པདྨ་སུ་ཁ་དྷཱ་ར་མཧཱ་རཱ་ག་སུ་ཁཾ་ད་ད་ཙ་
11-1-64


ཏུར་ཨཱ་ནན་ད་བྷ་ག་བི་ཤྭ་ཧཱུཾ་ཧཱུཾ་ཧཱུཾ་ཀཪྻཾ་ཀུ་རུ་ཥ་མེ། ཡབ་ཀྱི་གསང་གནས་མི་དམིགས་ཏེ་སྟོང་
པའི་ངང་ལས་ཧཱུཾ་ལས་རྡོ་རྗེ་སྔོན་པོ་རྩེ་ལྔ་པ་ལྟེ་བ་ལ་ཧཱུཾ་གིས་མཚན་པ། ༀ་བཛྲ་མཧཱ་དྭེ་ཥ་ཙ་
ཏུར་ཨཱ་ནན་ད་དཱ་ཡ་ཀ་ཁ་ག་མུ་ཁ་ཨེ་ཀ་རཱ་སོ་ན་ཐ་ཧཱུཾ་ཧཱུཾ་ཧཱུཾ་ཀཪྻཾ་ཀུ་རུ་ཥྭ་མེ། ཡབ་ཡུམ་སྙོམས་
པར་ཞུགས་པའི་བདེ་བ་ཆེན་པོའི་སྒྲས་ཕྱོགས་བཅུའི་དེ་བཞིན་གཤེགས་པ་ཐམས་ཅད་སྤྱན་
དྲངས། ཡབ་ཀྱི་ཞལ་དུ་ཞུགས་ཐུགས་ཀར་རྗེས་སུ་ཆགས་པའི་མེས་འོད་དུ་ཞུ། སྐུའི་དབྱིབས་
བརྒྱུད། རྡོ་རྗེའི་ལམ་ནས་ཡུམ་གྱི་པདྨར་བབས་པ་ཐིག་ལེ་བརྒྱད་དུ་གྱུར་པ་རྣམས། གཾ་ཙཾ་བཾ་
གྷཾ་པཾ་ཤཾ་ལཾ་ཌཾ་ཞེས་པའི་ས་བོན་བརྒྱད་དུ་གྱུར། དེ་རྣམས་ལྷ་མོ་བརྒྱད་དུ་གྱུར་པ། ཡུམ་གྱི་
མཁའ་ནང་ནས་ཕྱིར་སྤྲོས་ཏེ། གདན་སོ་སོའི་སྟེང་དུ་འཁོད་པ་ནི། ཤར་དུ་གཽ་རཱི་ནག་མོ་
གཡས་གྲི་གུག །གཡོན་ཉ་རོ་ཧི་ཏ་འཛིན་པ། ལྷོར་ཙཽ་རཱི་དམར་མོ་གཡས་ཌཱ་མ་རུ། གཡོན་
ཕག་པ་འཛིན་པ། ནུབ་ཏུ་བཻ་ཏ་ལཱི་སེར་མོ། གཡས་རུས་སྦལ་གཡོན་ཐོད་པ་བདུད་རྩིས་གང་
བ་འཛིན་པ། བྱང་དུ་གྷསྨ་རཱི་ལྗང་ཁུ་གཡས་སྦྲུལ། གཡོན་ཐོད་པ་བདུད་རྩིས་གང་བ་འཛིན་
པ། བྱང་ཤར་དུ་པུཀྐ་སཱི་སྔོན་མོ་གཡས་སེང་གེ།གཡོན་དགྲ་སྟ་འཛིན་པ། ཤར་ལྷོར་ཤཱ་བཱ་རཱི་
དཀར་མོ་གཡས་ལྕེ་སྤྱང་ངམ། དགེ་སློང༌། གཡོན་འཁར་གསིལ་འཛིན་པ། ལྷོ་ནུབ་ཏུ་གདོལ་
པ་མོ་སྔོན་མོ་གཡས་འཁོར་ལོ། གཡོན་ཐོང་གཤོལ་འཛིན་པ། ནུབ་བྱང་དུ་གཡུང་མོ་ཁ་དོག་
སྣ་ཚོགས་པ། གཡས་རྡོ་རྗེ། གཡོན་སྡིགས་མཛུབ་མཛད་པ། ཐམས་ཅད་ཀྱང་གཅེར་བུ། 
ཞལ་གཅིག་ཕྱག་གཉིས། སྤྱན་གསུམ་པ། སྐྲ་སེར་པོ་གྱེན་དུ་བརྫེས་པ། མི་མགོ་སྐམ་པོ་ལྔས་
དབུ་རྒྱན་ཅིང༌། རློན་པ་ལྔ་བཅུའི་དོ་ཤལ་ཅན། རུས་པའི་ཕྱག་རྒྱ་ལྔ་དང་ལྡན་པ། ཞབས་
གཡོན་རྐྱང་བའི་སྐྱིལ་ཀྲུང་ཕྱེད་པའི་གར་སྟབས་ཀྱིས་ཡེ་ཤེས་ཀྱི་མེ་འབར་བའི་དབུས་ན་
བཞུགས་པའོ། །སླར་ཡང་ཡབ་ཡུམ་སྙོམས་པར་ཞུགས་པས་བར་སྣང་གི་ༀ་ཨཱཿཧཱུཾ་ཧོཿ དམར་
པོ་གཉིས་ཀྱི་མཐའ་བརྟེན་པ་ཡོངས་སུ་བཀུག །ཡབ་ཀྱི་ཞལ་དུ་ཞུགས། ཐུགས་ཀར་རྗེས་སུ་
11-1-65


ཆགས་པའི་མེས་འོད་དུ་ཞུ། སྐུའི་དབྱིབས་བརྒྱུད། རྡོ་རྗེའི་ལམ་ནས་ཡུམ་གྱི་པདྨར་བབས་
པའི་རྐྱེན་གྱིས། ཡབ་ཡུམ་གཉིས་རྗེས་སུ་ཆགས་པའི་མེས་འོད་དུ་ཞུ་ནས། བདེ་བ་ཆེན་པོའི་
རང་བཞིན་གྱི་ཐིག་ལེར་གྱུར། ༀ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། གླུས་
བསྐུལ་བ་ནི། རྗེ་བཙུན་སྙིང་རྗེའི་ཡིད་བཞེངས་ཤིག །པུཀྐ་སཱི་ནི་བདག་ལ་སྐྱོབས། །སྟོང་པའི་
རང་བཞིན་ཉིད་སྤོངས་ལ། །བདག་ལ་བདེ་ཆེན་སྦྱོར་བཞེད་མཛོད། ཁྱོད་མེད་ན་ནི་བདག་
འགུམ་པས། །ཀྱཻ་རྡོ་རྗེ་ཁྱེད་བཞེངས་ཤིག །སྟོང་པའི་རང་བཞིན་ཉིད་སྤོངས་ལ། །རི་ཁྲོད་མ་
འབྲས་གྲུབ་པར་མཛོད། །དགའ་གཙོ་འཇིག་རྟེན་མགྲོན་གཉེར་བ། །སྟོང་པ་ཉིད་ལ་བཞུགས་
སམ་ཅི། ཁྱོད་མེད་ཕྱོགས་ནི་མི་འཚལ་བས། །གདོལ་པ་མོ་བདག་ཞུ་བ་བགྱིད། །གཡུང་མོ་
བདག་ནི་སེམས་སྒྲིམ་པས། །བདག་གིས་ཁྱོད་ཀྱི་ཐུགས་འཚལ་གྱིས། །མིག་འཕྲུལ་མངའ་
བ་ཁྱོད་བཞེངས་ཤིག །སྙིང་རྗེ་རྒྱུན་ཆད་མ་མཛད་ཅིག །ཅེས་བསྐུལ་བས། ཐིག་ལེ་དེ་ཉིད་ཧཱུཾ་དང་
ཨཾ་སྔོན་པོ། འོད་འབར་ཞིང་འཇིགས་པར་གྱུར། དེ་ཞུ་བ་ལས་བདག་ཉིད་འབྲས་བུ་རྡོ་རྗེ་
འཛིན་པ་སྐུ་མདོག་དུས་མཐའི་སྤྲིན་དང་མཚུངས་པ། ཞལ་བརྒྱད་ཕྱག་བཅུ་དྲུག་པ། ཞབས་
བཞི་པ། རྩ་བའི་ཞལ་མཐིང་ནག །གཡས་དཀར་བ། གཡོན་དམར་བ། སྟེང་ཞལ་དུད་ཁ། 
ཞལ་ལྷག་མ་གཉིས་གཉིས་ནག་པ། ནས། ཡེ་ཤེས་ཀྱི་མེ་འབར་བའི་དབུས་ན་བཞུགས་པའོའི་
བར་སྔར་བཞིན་བསྐྱེད། གཙོ་འཁོར་ཐམས་ཅད་ཀྱི་ཐུགས་ཀར་ཉི་མའི་དཀྱིལ་འཁོར་རེ་རེ་དེ་
རྣམས་ཀྱི་སྟེང་དུ་ཧཱུཾ་ཨཾ་གཾ་ཙཾ་བཾ་གྷཾ་པཾ་ཤཱཾ་ལཾ་ཌཾ། དེ་རྣམས་ལས་འོད་འཕྲོས། སྣོད་ཀྱི་འཇིག་
རྟེན་གཞལ་ཡས་ཁང་དང༌། བཅུད་ཀྱི་སེམས་ཅན་ལྷ་དགུའི་ངོ་བོར་གྱུར། དེ་ཐམས་ཅད་འོད་
དུ་ཞུ་རང་ལ་ཐིམ། མིག་ཏུ་མཾ་ལས་གཏི་མུག་རྡོ་རྗེ་མ་དཀར་མོ། རྣ་བར་དཾ་ལས་ཞེ་སྡང་རྡོ་རྗེ་
མ་སྔོན་པོ། སྣར་པཾ་ལས་སེར་སྣ་རྡོ་རྗེ་མ་སེར་མོ། ཁར་རཱཾ་ལས་འདོད་ཆགས་རྡོ་རྗེ་མ་དམར་
མོ། དཔྲལ་བར་ཨིཾ་ལས་ཕྲག་དོག་རྡོ་རྗེ་མ་ལྗང་ཁུ། ལྟེ་བའམ་སྙིང་གར་ནཾ་ལས་བདག་མེད་
11-1-66


རྡོ་རྗེ་མ་ནག་མོ། སྤྱི་བོར་ༀ་ལས་སྐུ་རྡོ་རྗེ་མ་དཀར་མོ། མགྲིན་པར་ཨཱཿལས་གསུང་རྡོ་རྗེ་མ་
དམར་མོ། ཐུགས་ཀར་ཧཱུཾ་ལས་ཐུགས་རྡོ་རྗེ་མ་ནག་མོ། ཐམས་ཅད་ཀྱང་ཞལ་གཅིག་ཕྱག་
གཉིས་མ། གྲི་གུག་དང་ཐོད་པ་དང་ཁ་ཊྭཱཾ་ག་འཛིན་པའོ། །རང་གི་སྙིང་གའི་ཧཱུཾ་ལས་འོད་
འཕྲོས་པས། རང་བཞིན་གྱི་གནས་ནས་ཀྱཻ་རྡོ་རྗེ་ལྷ་དགུའི་དཀྱིལ་འཁོར་ལ། སངས་རྒྱས་དང་
བྱང་ཆུབ་སེམས་དཔའི་ཚོགས་དཔག་ཏུ་མེད་པས་བསྐོར་བ། ༀ་ཨེ་{ཧྱཾ[ཧྱེ]་ཧི་བྷ་ག་ཝཱན། 
མཧཱ་ཀཱ་རུ་ཎི་ཀ་ཧེ་བཛྲ་ས་པ་རི་ཝཱ་ར། ༀ་བཛྲ་ས་མཱ་ཛཿ ཞེས་བརྗོད་ཅིང༌། སྤྲོ་ན་འདིར་ཡང་མཆོད་བསྟོད་བྱ་
བསྡུ་ན་མི་དགོས་སོ། །ༀ་བཛྲ་གཽ་རཱི་ཨ་ཀཪྵ་ཡ་ཛཿ ༀ་བཛྲ་ཙཽ་རཱི་པྲ་བེ་ཤཱ་ཡ་ཧཱུཾ། ༀ་བཛྲ་བཻ་ཏ་ལཱི་
བན་དྷ་བཾ། ༀ་བཛྲ་གྷསྨ་རཱི་ཝ་ཤཾ་ཀུ་རུ་ཧོཿ དེ་དག་ནི་རྗེས་སུ་ཆགས་པ་རྡོ་རྗེ་སེམས་དཔའི་ཡན་ལག་སྟེ་གཉིས་
པའོ།།    །།
སླར་ཡང་རང་གི་སྙིང་གའི་ཧཱུཾ་ལས་འོད་འཕྲོས་པས། དབང་གི་ལྷ་དེ་བཞིན་གཤེགས་པ་
རིགས་ལྔ། ཡུམ་བཞི། བྱང་ཆུབ་སེམས་དཔའ་བརྒྱད། ལྷ་མོ་དྲུག །ཁྲོ་བོ་བཅུ་འཁོར་དང་
བཅས་པ་སྤྱན་དྲངས། ༀ་བྷ་ག་ཝཱན་མཧཱ་ཀཱ་རུ་ཎི་ཀ་ཧེ་བཛྲ་པཉྩ་ཀུ་ལ་ས་པ་རི་ཝཱ་ར་ༀ་བཛྲ་
ས་མཱ་ཛཿ ཞེས་བརྗོད། དཀར་མོ་རི་དྭགས་སོགས་ཀྱིས་མཆོད། ཞེ་སྡང་རྡོ་རྗེ་ཕྱག་འཚལ་བསྟོད། །གཏི་
མུག་རྡོ་རྗེ་ཕྱག་འཚལ་བསྟོད། །སེར་སྣ་རྡོ་རྗེ་བདག་ལ་གསོལ། །འདོད་ཆགས་རྡོ་རྗེ་བདག་
ལ་སྐྱོབས། །ཡིད་དང་ཕྲག་དོག་ཆེན་པོ་ཀུན། །རྡོ་རྗེ་ཀུན་གྱི་དམ་ཚིག་མཆོག །ལས་རྣམས་
ཐམས་ཅད་སྒྲུབ་བྱེད་པ། །རྡོ་རྗེ་ཅན་ཀུན་བདག་དགྱེས་མཛོད། །ཅེས་པས་བསྟོད། བཅོམ་ལྡན་
དེ་བཞིན་གཤེགས་པ་ཀུན། །བཅོམ་ལྡན་བདག་ཉིད་ཆེན་པོ་རྣམས། །ཐུགས་རྗེའི་བདག་
ཉིད་ཅན་རྣམས་ཀྱིས། ཁྱེད་ཀྱིས་བདག་ལ་དབང་བསྐུར་སྩོལ། །ༀ་སརྦ་ཏ་ཐཱ་ག་ཏ་ཨ་བྷི་ཥིཉྩ་
ཏུ་མཾ། ཞེས་གསོལ་བ་བཏབ་པས། སངས་རྒྱས་རྣམས་ནི་ཐམས་ཅད་ཀྱི། །གསང་གསུམ་
གནས་ལས་བྱུང་བ་ཡི། ཁམས་གསུམ་ཀུན་ཀྱིས་ཕྱག་བྱས་པ། །རྡོ་རྗེའི་དབང་བསྐུར་ཆེན་པོ་
11-1-67


སྦྱིན། །ༀ་བཛྲི་བྷཱ་ཝ་ཨ་བྷི་ཥིཉྩ་ཧཱུཾ། ཞེས་གསུང་ཞིང༌། སངས་རྒྱས་རྣམས་ཀྱིས་དབང་བསྐུར། 
རིག་མ་རྣམས་ཀྱིས་རྡོ་རྗེ་གླུ་ལེན། བྱང་ཆུབ་སེམས་དཔའ་རྣམས་ཀྱིས་བཀྲ་ཤིས་བརྗོད། 
ཁྲོ་བོ་རྣམས་ཀྱིས་བགེགས་བསྐྲད། ལྷ་མོ་རྣམས་ཀྱིས་མཆོད། དབང་གི་ཆུ་རྒྱུན་གྱིས་ལུས་
ཐམས་ཅད་གང༌། དབང་བཞི་ཐོབ། ལུས་ངག་ཡིད་གསུམ་གྱི་དྲི་མ་དག །ཆུའི་ལྷག་མ་ཡར་
ལུད་པ་ལས། གཙོ་བོ་ཡབ་ཡུམ་དང་གཽ་རཱི་དང་པུཀྐ་སཱི་ལ་མི་བསྐྱོད་པ། ཙཽ་རཱི་དང་ཤཱ་བཱ་རཱི་ལ་
རྣམ་པར་སྣང་མཛད། བཻ་ཏ་ལཱི་དང་ཙཎྜ་ལཱི་ལ་རིན་ཆེན་འབྱུང་ལྡན། གྷསྨ་རཱི་དང་ཌོམྦྷིནཱི་ལ་
འོད་དཔག་མེད་ཀྱིས་དབུ་བརྒྱན། ༀ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་བཛྲཱ་སྭ་བྷཱ་ཝ་ཨཱཏྨ་ཀོ྅ཧཾ། 
སྐབས་འདིར་ལུས་དཀྱིལ་གྱིས་དབང་རྒྱས་འབྲིང་བསྡུས་གསུམ་དང་ལུས་དཀྱིལ་དང་མ་འབྲེལ་བའི་དབང་བཞི་ཆུ་རྒྱུན་གཅིག་
མ་བྱེད་པར་སྤྲོ་ན་ནི་གོང་མའི་གསུང་དུ་ལྟའོ། །དེ་དག་ནི་དབང་བསྐུར་བ་མི་བསྐྱོད་པའི་ཡན་ལག་སྟེ་གསུམ་པའོ།།    །།
ནང་མཆོད་གཏོར་མ་ལྟར་བྱིན་གྱིས་བརླབས། འབྲུ་གསུམ་གྱིས་མྱང༌། ༀ་སརྦ་ཏ་ཐཱ་ག་ཏ་ཨ་མྲྀ་ཏ་སྭ་ད་ན་
བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བརྗོད་དོ། །བདུད་རྩི་མྱང་བ་འོད་དཔག་མེད་ཀྱི་ཡན་ལག་སྟེ་བཞི་པའོ།།    །།
དཀར་མོ་རི་དྭགས་མཚན་མ་འཛིན། །ཞེས་སོགས་ཀྱིས་མཐར། ༀ་སརྦ་ཏ་ཐཱ་ག་ཏ་པཱུ་ཛ་བཛྲ་
སྭ་བྷཱ་ཨཱཏྨ་ཀོ྅ཧཾ། ཞེས་བརྗོད། དེ་ནི་མཆོད་པ་དོན་ཡོད་གྲུབ་པའི་ཡན་ལག་སྟེ་ལྔ་པའོ།།    །།
ཁྱོད་ནི་རྣལ་འབྱོར་མ་ཚོགས་ཡོངས་སུ་བསྐོར། ཁྱོད་ནི་ཉིད་ཀྱི་ཐུགས་ཀྱི་མཆོག་བརྙེས་
པ། ཁྱོད་ཀྱིས་རྒྱུ་དང་མི་རྒྱུའི་འགྲོ་བ་ཀུན་བརྒྱན་ཏེ། །སྙིང་རྗེའི་ཐུགས་ཀྱིས་སེམས་ཅན་སད་
མཛད་པ། །སྒྱུ་མའི་སྤྲོས་པ་རྡོ་རྗེ་བསྒྲུབ་པའི་ཡིད། །ཧེ་རུ་ཀ་དཔལ་རྡོ་རྗེ་ཡིད་ཀྱིས་དགྱེས། །
ༀ་སརྦ་ཏ་ཐཱ་ག་ཏཱསྟུ་ཏི་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བརྗོད། བསྟོད་པ་རིན་ཆེན་འབྱུང་ལྡན་གྱི་ཡན་ལག་
སྟེ་དྲུག་པའོ།།    །།
གཉིས་པ་རྫོགས་པའི་རིམ་པ་ནི། གཞན་དུ་ཤེས་པར་བྱའོ། །མཉམ་པར་མ་བཞག་པའི་རྣལ་འབྱོར་ལ་བརྒྱད་ལས། 
དང་པོ་དག་པ་དྲན་པ་ནི། སྙིང་རྗེའི་སྤྱན་ནི་དམར་པོ་ལ། །བྱམས་པའི་ཐུགས་ཀྱིས་སྐུ་ལུས་གནག །
11-1-68


བསྡུ་བའི་དངོས་པོ་བཞི་ཡིས་ནི། །ཞབས་ནི་རྣམ་པར་བཞི་ཞེས་བརྗོད། །ཞལ་བརྒྱད་རྣམ་
པར་ཐར་པ་བརྒྱད། །ཕྱག་ནི་སྟོང་པ་བཅུ་དྲུག་ཉིད། །གུག་སྐྱེད་ཀྱིས་ནི་སངས་རྒྱས་ལྔ། །
གདུག་པ་འདུལ་ཕྱིར་ཁྲོ་བོ་ཉིད། །རྡོ་རྗེ་གསུམ་གྱི་དག་པའི་སྤྱན། །གཟུགས་ཕུང་གཽ་རཱིར་
བཤད་པ་སྟེ། །ཚོར་བ་ལ་ནི་ཆོམ་རྐུན་མ། །འདུ་ཤེས་རོ་ལངས་མ་ཡིན་ཏེ། །འདུ་བྱེད་གྷསྨ་
རཱི་རབ་གྲགས། །རྣམ་ཤེས་ཕུང་པོའི་ཚུལ་གྱིས་ནི། །བདག་མེད་རྣལ་འབྱོར་མ་གནས་སོ། །
ས་ནི་པུཀྐ་སཱིར་བཤད་དེ། །ཆུ་ཁམས་རྔོན་པ་མ་ཞེས་བརྗོད། །མེ་ནི་གཏུམ་མོར་ཤེས་པར་
བྱ། །རླུང་ནི་གཡུང་མོར་རབ་ཏུ་གྲགས། །སྤྱི་བོའི་འཁོར་ལོ་མི་བསྐྱོད་པ། །རྣ་ཆའི་བདག་ཉིད་
འོད་དཔག་མེད། །མགུལ་གྱི་ཕྲེང་བ་རིན་ཆེན་བདག །ལག་པར་རྣམ་པར་སྣང་མཛད་བརྗོད། །
སྐ་རགས་ལ་ནི་དོན་ཡོད་གནས། །ཡན་ལག་ཀུན་ལ་རྡོར་འཛིན་མགོན། །གཞལ་ཡས་ཁང་
ནི་བྱང་ཆུབ་ཀྱི་ཕྱོགས་ཆོས་སུམ་ཅུ་རྩ་བདུན་རྣམ་པར་དག་པའོ། །དུར་ཁྲོད་བརྒྱད་ནི། རྣམ་
པར་ཤེས་པ་བརྒྱད་དག་པའོ། །བསྲུང་བའི་འཁོར་ལོ་ནི་བདུད་བཞི་བཅོམ་པའི་ཡེ་ཤེས་སོ། །
ཞེས་བརྗོད་པའོ། །
གཉིས་པ་བཟླས་པ་ལ། བཟླས་བྱའི་སྔགས་ནི། ༀ་ཨཥྚ་ན་ནཱ་ཡ། པིཾ་གཽརྡྷ་ཀ་ཤ་བརྟྨ་ནེ། ཙ་ཏུར་བ་
ཤ་ཏི་ནེ་ཏྲཱ་ཡ། ཥོ་ཌ་ཤ་བྷུ་ཛ་ཡ། ཀྲིཥྞ་ཛི་མཱུ་ཏ་བ་པུ་ཥེ། ཀ་པཱ་ལ་མཱ་ལ་ཨ་ནེ་ཀཾ་དྷཱ་རི་ཎི། ཨཱཏྨ་
ཏ་གུ་ར་ཙིཏྟ་ཡ། ཨརྡྷེན་དུ་དཾཥྛི་ཎ། ༀ་མཱ་ར་ཡ་མཱ་ར་ཡ། ཀཱ་ར་ཡ་ཀཱ་ར་ཡ། གརྫ་ཡ་གརྫ་ཡ། 
ཏརྫ་ཡ་ཏརྫ་ཡ། ཤོ་ཥ་ཡ་ཤོ་ཥ་ཡ། སབྟ་ས་ག་རཱ་ན། བན་དྷ་བན་དྷ། ནཱ་ག་ཨཥྚ་ཀཱན། གྲྀཧྞ་
གྲྀཧྞ། ཤ་ཏྲུན་ཧ་ཧཱ་ཧི་ཧཱི་ཧུ་ཧཱུ་ཧེ་ཧཻ་ཧོ་ཧཽ་ཧཾ་ཧཿཕཊ་སྭཱཧཱ། ཡབ་ཀྱི་རྩ་སྔགས་སོ། །ༀ་དེ་ཝ་པི་ཙུ་བཛྲ་ཧཱུཾ་
ཧཱུཾ་ཧཱུཾ་ཕཊ་སྭཱཧཱ། སྙིང་པོའོ། །ༀ་བཛྲ་ཀརྟཱ་རི་ཧེ་བཛྲ་ཡེ་ཧཱུཾ་ཧཱུཾ་ཧཱུཾ་ཕཊ་སྭཱཧཱ། ཉེ་བའི་སྙིང་པོའོ། །ༀ་ཨཱཿཨཱཾ་
ཧཱུཾ་ཕཊ་སྭཱཧཱ། ༀ་ཨཱཿནཾ་བཛྲ་ནཻ་རཱཏྨ་ཧཱུཾ་ཕཊ་སྭཱཧཱ། བདག་མེད་མའི་འོ། །ༀ་ཨཱཿགཾ་ཧཱུཾ་ཕཊ་སྭཱཧཱ། ༀ་
ཨཱཿཙཾ་ཧཱུཾ་ཕཊ་སྭཱཧཱ། ༀ་ཨཱཿབཾ་ཧཱུཾ་ཕཊ་སྭཱཧཱ། ༀ་ཨཱཿགྷཾ་ཧཱུཾ་ཕཊ་སྭཱཧཱ། ༀ་ཨཱཿཔཾ་ཧཱུཾ་ཕཊ་སྭཱཧཱ། ༀ་
11-1-69


ཨཱཿཤཱཾ་ཧཱུཾ་ཕཊ་སྭཱཧཱ། ༀ་ཨཱཿལཾ་ཧཱུཾ་ཕཊ་སྭཱཧཱ། ༀ་ཨཱཿཌཾ་ཧཱུཾ་ཕཊ་སྭཱཧཱ། རྒྱས་པ་ནི། ༀ་ཨཱཿགཾ་བཛྲ་གཽ་
རཱི་ཧཱུཾ་ཕཊ་སྭཱཧཱ། ཞེས་པ་ལ་སོགས་པའོ། །དེ་ནས་སྐབས་འདིར་གཏོར་མ་མི་གཏོང་ན། གསུམ་པ་སྤྱོད་ལམ་གྱི་རྣལ་འབྱོར་ནི། 
རང་གི་སྙིང་ག་ནས་འོད་ཟེར་འཕྲོས། ཁམས་གསུམ་སྣོད་བཅུད་ཐམས་ཅད་དག་པའི་འཁོར་
ལོར་གྱུར། འོད་དུ་ཞུ་བསྲུང་བའི་འཁོར་ལོ་ལ་ཐིམ། དེ་འོད་དུ་ཞུ་གཞལ་ཡས་ཁང་དུར་ཁྲོད་
དང་བཅས་པ་ལ། དེ་འོད་དུ་ཞུ་ལྷ་མོ་བརྒྱད་ལ་ཐིམ། ལྷ་མོ་བརྒྱད་ཞལ་བརྒྱད་ལ་ཐིམ། རང་
གི་ཞལ་ཕྱག་ལྷག་མ་རྩ་བའི་ཞལ་ཕྱག་ལ་ཐིམ། དེ་ཡང་འོད་གསལ་དུ་ཞུགས། ཅུང་ཟད་མཉམ་
པར་བཞག སླར་ཡང་རང་ཉིད་ཕྱག་གཉིས་པར་གྱུར། མིག་ཏུ་གཏི་མུག་རྡོ་རྗེ་ནས། བདག་མེད་
རྣལ་འབྱོར་མ། འགྲོ་བ་ཐམས་ཅད་དཔལ་ཧེ་རུ་ཀའི་སྐུ་གསུང་ཐུགས་རྡོ་རྗེའི་རང་བཞིན་དུ་
རྣམ་པར་དག་གོ །དགེ་བ་འདི་ཡིས་མྱུར་དུ་བདག །ཧེ་རུ་ཀ་དཔལ་འགྲུབ་གྱུར་ནས། །འགྲོ་
བ་གཅིག་ཀྱང་མ་ལུས་པ། །དེ་ཡིས་ས་ལ་འཁོད་པར་ཤོག །ཅེས་སོགས། སྨོན་ལམ་བཏབ་སྟེ། སྤྱོད་ལམ་
ལ་འཇུག་པར་བྱའོ།།    །།
བཞི་པ་གཏོར་མའི་རྣལ་འབྱོར་ནི། གཏོར་མ་རྣམས་ཆུ་ཆང་ནང་མཆོད་ཀྱིས་སྦྱངས། ༀ་བཛྲ་ཨ་མྲྀ་ཏ་ཀུཎྜ་ལི་ཧ་
ན་ཧ་ན་ཧཱུཾ་ཧཱུཾ་ཕཊ་སྭཱཧཱ། ༀ་སྭ་བྷཱ་ཝ་ཤུདྡྷཿསརྦ་དྷརྨཿ སྭ་བྷཱ་ཝ་ཤུདྡྷོ྅ཧཾ། སྟོང་པའི་ངང་ལས་ཡཾ་
ལས་རླུང་གི་དཀྱིལ་འཁོར་ཟླ་གཾ་སྔོན་པོ་བ་དན་གྱིས་མཚན་པ། དེའི་སྟེང་དུ་རཾ་ལས་མེའི་
དཀྱིལ་འཁོར་གྲུ་གསུམ་དམར་པོ་འབར་བས་མཚན་པ། དེའི་སྟེང་དུ་ཨཱཿལས་ཐོད་པ་དཀར་
པོ་དུམ་བུ་གསུམ་པ་དཔྲལ་བ་རང་ལ་བསྟན་པ། དེའི་ནང་དུ་ཨ་ལས་ཟླ་བའི་དཀྱིལ་འཁོར་
གྱི་སྟེང་དུ། ཤར་དུ་གོ་ལས་བ་གླང་གི་ཤ །ལྷོར་ཀུ་ལས་ཁྱིའི་ཤ །ནུབ་ཏུ་ད་ལས་རྟའི་ཤ །བྱང་
དུ་ཧ་ལས་གླང་པོ་ཆེའི་ཤ །དབུས་སུ་ན་ལས་མིའི་ཤ །ཤ་དེ་རྣམས་རེ་རེའི་སྟེང་དུ། ཤར་དུ་བི་
ལས་དྲི་ཆེན། ལྷོར་ར་ལས་རཀྟ། ནུབ་ཏུ་ཤུ་ལས་བྱང་སེམས། བྱང་དུ་མཱ་ལས་ཤ་ཆེན་གྱི་
དྭངས་མ། དབུས་སུ་མུ་ལས་དྲི་ཆུ། དེ་རྣམས་ཀྱི་སྟེང་དུ་ཤར་དུ་བྷྲུཾ་བྷྲུཾ་མེ་ལོང་ལྟ་བུའི་ཡེ་ཤེས། 
11-1-70


ལྷོར་ཨཾ་མཉམ་པ་ཉིད་ཀྱི་ཡེ་ཤེས། ནུབ་ཏུ་ཛྲིཾ་སོ་སོར་རྟོག་པའི་ཡེ་ཤེས། བྱང་དུ་ཁཾ་བྱ་བ་སྒྲུབ་
པའི་ཡེ་ཤེས། དབུས་སུ་ཧཱུཾ་ཆོས་ཀྱི་དབྱིངས་ཀྱི་ཡེ་ཤེས། ཟླ་བའི་མཐར་གཡོན་བསྐོར་གྱིས། 
ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨཾ་ཨཿ གཡས་བསྐོར་གྱིས། ཀ་ཁ་ག་
གྷ་ང༌། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྵཿ
དེ་རྣམས་ཀྱི་སྟེང་གི་ནམ་མཁའ་ལ། ༀ་དཀར་པོ་མགོ་བོ་ཐུར་དུ་བལྟ་བ། དེའི་སྟེང་དུ་རཾ་ལས་
ཉི་མའི་དཀྱིལ་འཁོར། དེའི་སྟེང་དུ་ཧཱུཾ་ལས་རྡོ་རྗེ་དཀར་པོ་རྩེ་ལྔ་པ་ལྟེ་བ་ལ་ཧཱུཾ་གིས་མཚན་པ་
རྡོ་རྗེའི་ལྟེ་བའི་ཧཱུཾ་ལས་འོད་ཟེར་འོག་ཏུ་འཕྲོས། རླུང་གི་བ་དན་ལ་ཕོག་{པས}རླུང་གཡོས་མེ་
སྦར་བས། ཤ་ལྔ་བདུད་རྩི་ལྔ་རྣམས་བསྐོལ་བ། འོད་དུ་ཞུ་བའི་རླངས་པ་གྱེན་ལ་སོང་བ། ༀ་
དང་རྡོ་རྗེའི་ལྟེ་བའི་ཧཱུཾ་ལ་ཕོག་པས་བདུད་རྩིའི་རྒྱུན་འཛགས། ཡང་ཧཱུཾ་ལས་འོད་ཟེར་ཕྱོགས་
བཅུར་འཕྲོས་པས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡང་དག་པའི་ཡེ་
ཤེས་ཀྱི་བདུད་རྩི་རྣམས་ཧེ་རུ་ཀ་ཞལ་གཅིག་ཕྱག་གཉིས་པའི་རྣམ་པར་བྱོན་ནས་རྡོ་རྗེའི་ཧཱུཾ་
ལ་ཐིམ་པས། རྡོ་རྗེ་བརྗིད་དང་ལྡན་པར་གྱུར། རྡོ་རྗེ་ཉི་མ་ༀ་དང་བཅས་པ་ཐོད་པའི་ནང་དུ་
ལྷུང་བ་འོད་དུ་ཞུ་ནས། སྔར་གྱི་བདུད་རྩི་རྣམས་དང་གཉིས་སུ་མེད་པར་གྱུར་ཏེ། ཁ་དོག་དང་
དྲི་དང་རོ་དང་ནུས་པ་ཕུན་སུམ་ཚོགས་པའི་བདུད་རྩིའི་རྒྱ་མཚོ་ཆེན་པོར་གྱུར། ༀ་ཨཱཿཧཱུཾ་ཧ་ཧོ་
ཧྲཱིཿ ཞེས་ལན་གསུམ་བརྗོད་པས་བྱིན་གྱིས་བརླབས། གཏོར་མའི་སྟེང་གི་ནམ་མཁར་ཨེ་ལས་བྱུང་བའི་
ཆོས་ཀྱི་འབྱུང་གནས་ཀྱི་ནང་དུ། པཾ་པཾ་པཾ་ལས་པདྨ་འདབ་བརྒྱད་རེ་རེ། སྟེང་གི་པདྨའི་ལྟེ་བ་
དང་འདབ་མ་བརྒྱད་ལ། ༀ་དགུ་ཡོངས་སུ་གྱུར་པ་ལས། དབུས་སུ་སྐུ་རྡོ་རྗེ། ཤར་དུ་དབང་
ཕྱུག་ཆེན་པོ། ལྷོར་ལྷའི་དབང་པོ། ནུབ་ཏུ་ཚངས་པ། བྱང་དུ་ཁྱབ་འཇུག །ཤར་ལྷོར་འདོད་
པའི་རྒྱལ་པོ། ལྷོ་ནུབ་ཏུ་ཚོགས་ཀྱི་བདག་པོ། ནུབ་བྱང་དུ་བྷྲིང་གི་ཎི། བྱང་ཤར་དུ་ཀརྟི་ཀ་སྟེ། 
ཐམས་ཅད་ཀྱང་སྐུ་མདོག་དཀར་པོ། ཞལ་གཅིག་པ་ཕྱག་གཉིས་ཀྱིས་འཁོར་ལོ་དང་དྲིལ་བུ་
11-1-71


འཛིན་པ། བར་གྱི་པདྨའི་ལྟེ་བ་དང་འདབ་མ་བརྒྱད་ལ། ཧཱུཾ་དགུ་ཡོངས་སུ་གྱུར་པ་ལས། 
དབུས་སུ་ཀྱཻ་རྡོ་རྗེ་ལྷ་དགུའི་དཀྱིལ་འཁོར། འདབ་མ་བརྒྱད་ལ་ཤར་དུ་བརྒྱ་བྱིན། ལྷོར་
གཤིན་རྗེ། ནུབ་ཏུ་ཆུ་ལྷ། བྱང་དུ་གནོད་སྦྱིན། ཤར་ལྷོར་མེ་ལྷ། ལྷོ་ནུབ་ཏུ་སྲིན་པོ། ནུབ་བྱང་
དུ་རླུང་ལྷ། བྱང་ཤར་དུ་དབང་ལྡན་ཏེ། ཐམས་ཅད་ཀྱང་སྐུ་མདོག་སྔོན་པོ། ཞལ་གཅིག་ཕྱག་
གཉིས་ཀྱིས་རྡོ་རྗེ་དང་དྲིལ་བུ་འཛིན་པ། འོག་གི་པདྨའི་ལྟེ་བ་དང་འདབ་མ་བརྒྱད་ལ་ཨཱཿདགུ་
ཡོངས་སུ་གྱུར་པ་ལས། དབུས་སུ་གསུང་རྡོ་རྗེ། ཤར་དུ་སྟོབས་ཀྱི་རྒྱུ། ལྷོར་དུང་སྐྱོང༌། ནུབ་ཏུ་
མཐའ་ཡས། བྱང་དུ་ནོར་རྒྱས། ཤར་ལྷོར་འཇོག་པོ། ལྷོ་ནུབ་ཏུ་རིགས་ལྡན། ནུབ་བྱང་དུ་
པདྨ། བྱང་ཤར་དུ་པདྨ་ཆེན་པོ་སྟེ། ཐམས་ཅད་ཀྱང་སྐུ་མདོག་དམར་པོ། པདྨ་དང་དྲིལ་བུ་
འཛིན་པ། འབྱུང་པོ་ཉེར་བཞི་པོ་འདི་དག་ཐམས་ཅད་ཀྱང་པདྨ་དང་ཉི་མའི་གདན་ལ་གཡས་
བརྐྱང་པའི་སྟབས་ཀྱིས་བཞུགས་པ། རང་འདྲའི་ཡུམ་གྲི་གུག་དང་ཐོད་པ་འཛིན་པ་ལ་འཁྱུད་
པ། རུས་པའི་རྒྱན་གྱིས་བརྒྱན་པའོ། །རང་གི་ཐུགས་ཀའི་ས་བོན་ལས་འོད་ཟེར་འཕྲོས་པས། 
སྟེང་གི་ལྷ་ཐམས་ཅད་ལྷ་ཆེན་བརྒྱད་ལ་འདྲེས། ས་སྟེང་ན་གནས་པའི་སེམས་ཅན་ཐམས་
ཅད་ཕྱོགས་སྐྱོང་བརྒྱད་ལ་འདྲེས། ས་འོག་ན་གནས་པའི་སེམས་ཅན་ཐམས་ཅད་ཀླུ་ཆེན་
བརྒྱད་ལ་འདྲེས་ཏེ་གཉིས་སུ་མེད་པར་གྱུར། དེ་ཐམས་ཅད་ཀྱི་སྤྱི་བོར་ༀ། མགྲིན་པར་ཨཱཿ
ཐུགས་ཀར་ཧཱུཾ། ཡང་རང་གི་སྙིང་གའི་ཧཱུཾ་ལས་འོད་ཟེར་འཕྲོས་པས། དེ་བཞིན་གཤེགས་པ་
ཐམས་ཅད་ཀྱཻ་རྡོ་རྗེ་ལྷ་དགུ་སྐུ་གསུང་ཐུགས་རྡོ་རྗེ་དང་བཅས་པས་རྣམ་པར། ༀ་ཨེ་ཧྱེ་ཧི་བྷ་
ག་ཝཱན་མཧཱ་ཀཱ་རུ་ཎི་ཀ་ཧེ་བཛྲ་ས་པ་རི་ཝཱ་ར་ཀཱ་ཡ་ཝཱཀ་ཙིཏྟ་ༀ་བཛྲ་ས་མཱ་ཛཿ ༀ་བཛྲ་གཽ་རཱི་
ཨ་ཀར་ཥཱ་ཡ་ཛཿ ༀ་བཛྲ་ཙཽ་རཱི་པྲ་བཻ་ཤ་ཡ་ཧཱུཾ། ༀ་བཛྲ་བཻ་ཏ་ལཱི་བན་དྷ་བཾ། ༀ་བཛྲ་གསྨ་རཱི་བ་
ཤཾ་ཀུ་རུ་ཧོཿ གཉིས་སུ་མེད་པར་ཐིམ། སླར་ཡང་རང་གི་སྙིང་གའི་ས་བོན་ལས་འོད་ཟེར་
འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ་ༀ་བཛྲ་ས་མཱ་ཛཿ བཅོམ་ལྡན་དེ་
11-1-72


བཞིན་གཤེགས་པ་ཀུན། །བཅོམ་ལྡན་བདག་ཉིད་ཆེན་པོ་རྣམས། །ཐུགས་རྗེའི་བདག་ཉིད་
ཅན་རྣམས་ཀྱིས། ཁྱོད་ཀྱིས་འདི་ལ་དབང་བསྐུར་པ་སྩོལ། །ཞེས་གསོལ་བ་བཏབ་པས། 
དབང་གི་ལྷ་རྣམས་ཀྱིས། སངས་རྒྱས་རྣམས་ནི་ཐམས་ཅད་ཀྱི། །གསང་གསུམ་གནས་ལས་
བྱུང་བ་ཡི། ཁམས་གསུམ་ཀུན་ཀྱིས་ཕྱག་བྱས་པ། །རྡོ་རྗེ་དབང་བསྐུར་ཆེན་པོ་སྦྱིན། །ༀ་བཛྲི་
བྷ་ཝ་ཨ་བྷི་ཥིཉྩ་ཧཱུཾ། ཞེས་གསུངས་ཤིང་བུམ་པའི་ཆུས་སྤྱི་བོ་ནས་དབང་བསྐུར་བས། ལུས་
ཐམས་ཅད་ཡེ་ཤེས་ཀྱི་བདུད་རྩིས་གང༌། དྲི་མ་ཐམས་ཅད་དག །དབང་ཐམས་ཅད་ཐོབ། 
ཆུའི་ལྷག་མ་ཡར་ལུད་པ་ལས། སྐུ་རྡོ་རྗེ་ལྷ་ཆེན་བརྒྱད་དང་བཅས་པ་ལ་རྣམ་པར་སྣང་མཛད། 
གཙོ་བོ་ཡབ་ཡུམ་གཽ་རཱི་དང་པུཀྐ་སཱི་ལ་མི་བསྐྱོད་པ། ཙཽ་རཱི་དང་ཤཱ་ཝཱ་རཱི་ལ་རྣམ་པར་སྣང་
མཛད། བཻ་ཏ་ལཱི་དང་ཙཎྜ་ལཱི་ལ་རིན་ཆེན་འབྱུང་ལྡན། གྷསྨ་རཱི་དང་ཌོཾ་བྷི་ནཱི་ལ་འོད་དཔག་
མེད། ཕྱོགས་སྐྱོང་བརྒྱད་ལ་མི་བསྐྱོད་པ། གསུང་རྡོ་རྗེ་ཀླུ་ཆེན་བརྒྱད་དང་བཅས་པ་ལ་འོད་
དཔག་མེད་ཀྱིས་དབུ་བརྒྱན། ཞེས་བརྗོད། ༀ་བྷ་ག་ཝཱན་མཧཱ་ཀ་རུ་ཎི་ཀ །ཞེས་པ་ནས། ཀ་ཡ་ཝཱཀ་
ཙིཏྟ། ༀ་བཛྲ་ནི་རི་ཏེ་ཧཱུཾ་ཁཾ་སྭཱཧཱ། ཞེས་སོགས་ཀྱིས་ཆུ་བཞི་ཕུལ། དེ་ནས་པད་བསྐོར་བྱ་ཞིང་ངག་ཏུ། ༀ་བྷ་ག་
ཝཱན་མཧཱ་ཀ་རུ་ཎི་ཀ་ཧེ་བཛྲ་ས་པ་རི་ཝཱ་ར་ཀཱ་ཡ་ཝཱཀ་ཙིཏྟ་ༀ་ཨིནྡ་ཛ་མ། ཛ་ལ། ཛཀྑ། བྷུ་ད། 
བཧྣི་བཱ་ཨུ་རཀྑ། ཙནྡ། སུཛྫ། མཱ་ཏ། བཱསྤ། ཏ་ལ། ས་ཏཱ་ལཾ་ཨཊྚ་སརྦ་སྭཱཧཱ། ཞེས་བརྗོད། རྡོ་རྗེ་ཐལ་
མོ་ཁ་ཕྱེ་ལ། ཨི་དཾ་བ་ལིཾ་བྷུཉྫ་ཛི་གྷ་ཕུལླ་དྷུ་པ། མཾ་ས་བི་གྷཾ་ཨམྥ། ས་བ་ཀཛྫ་སཱ་དྷཱ་ཁནྟི་ཁུ་ཎི་ཕེ་ཌ་
ག་ད། ༀ་ཨ་ཀཱ་རོ་མུ་ཁཾ་སརྦ་དྷརྨཱ་ཎཾ་ཨ་དྱ་ནུརྤནྣ་ཏྭཱ་ཏ། ༀ་ཨཱཿཧཱུཾ་ཕཊ་སྭཱཧཱ། ཞེས་ལན་གསུམ་མམ་
ལྔའམ་བདུན་ལ་སོགས་པས་འབུལ་ལོ། །དེ་ནས་ༀ་བྷ་ག་ཝཱན་ཞེས་པ་ནས། ཀཱ་ཡ་ཝཱཀ་ཙིཏྟ། ༀ་བཛྲ་པུཥྤེ་
ཨཱཿཧཱུཾ། དེ་བཞིན་དུ། དྷུ་པེ། ཨཱ་ལོ་ཀེ། གནྡྷེ། ནཻ་བེ་ཏྱེ། ཤཔྟ་ཨཱཿཧཱུཾ། ཞེས་པས་ཕྱི་མཆོད་དང༌། ༀ་ཨཱཿཧཱུཾ། 
ཞེས་པས་ནང་བདུད་རྩིས་མཆོད། དེ་ནས་དྲིལ་བུ་བསིལ་ཞིང༌། དཀར་མོ་རི་དྭགས་ཞེས་སོགས་ལྷ་མོ་བརྒྱད་ཀྱིས་ཀྱང་
མཆོད། ཁྱོད་ནི་རྣལ་འབྱོར་མ་ཞེས་སོགས་དང༌། མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་
11-1-73


མཁའ་ཆེན་པོ། །རྡོ་རྗེ་གསུམ་མཆོག་དཀྱིལ་འཁོར་གསུམ། །རྡོ་རྗེ་མཁའ་འགྲོ་ཕྱག་འཚལ་
བསྟོད། །རྣམ་པར་སྣང་མཛད་དག་པ་ཆེ། །རྡོ་རྗེ་ཞི་བ་དགའ་ཆེན་པོ། །རང་བཞིན་གྱིས་ནི་
འོད་གསལ་མཆོག །སངས་རྒྱས་མཁའ་འགྲོ་ཕྱག་འཚལ་བསྟོད། །རིན་ཆེན་རྒྱལ་པོ་རབ་ཏུ་
ཟབ། །རྡོ་རྗེ་ནམ་མཁའ་དྲི་མ་མེད། །རང་བཞིན་དག་པས་གོས་པ་མེད། །རིན་ཆེན་མཁའ་
འགྲོ་ཕྱག་འཚལ་བསྟོད། །རྡོ་རྗེ་དཔག་མེད་རྒྱལ་པོ་ཆེ། །མི་རྟོག་རྡོ་རྗེ་ནམ་མཁའ་འཛིན། །
འདོད་ཆགས་ཕ་རོལ་ཕྱིན་པ་བརྙེས། །པདྨ་མཁའ་འགྲོ་ཕྱག་འཚལ་བསྟོད། །དོན་ཡོད་རྒྱལ་
པོ་རྫོགས་སངས་རྒྱས། །བསམ་པ་ཐམས་ཅད་རྫོགས་མཛད་པ། །དངོས་ཉིད་དག་པ་ཉིད་
ལས་བྱུང༌། །སྣ་ཚོགས་མཁའ་འགྲོ་ཕྱག་འཚལ་བསྟོད། །ཅེས་པས་བསྟོད། ལྷ་ཆེན་བརྒྱད་པོ་
འཁོར་དང་བཅས། །ཀླུ་ཆེན་བརྒྱད་པོ་འཁོར་དང་བཅས། །འཇིག་རྟེན་སྐྱོང་བ་བརྒྱད་པོ་དང༌། །
གནོད་སྦྱིན་ཚོགས་རྣམས་མ་ལུས་དང༌། །སྲིན་པོའི་ཚོགས་རྣམས་མ་ལུས་དང༌། །འབྱུང་པོའི་
ཚོགས་རྣམས་མ་ལུས་དང༌། །ཡི་དྭགས་ཚོགས་རྣམས༴ ཤ་ཟའི་ཚོགས་རྣམས༴ སྨྱོ་བྱེད་ཚོགས་
རྣམས༴ །བརྗེད་བྱེད་ཚོགས་རྣམས༴ མཁའ་འགྲོའི་ཚོགས་རྣམས༴ མ་མོའི་ཚོགས་རྣམས༴ དེ་
ལ་སོགས་ཏེ་འབྱུང་པོའི་ཚོགས། །མ་ལུས་ཇི་སྙེད་ཡོད་པ་རྣམས། །འདིར་གཤེགས་བདག་ལ་
དགོངས་སུ་གསོལ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་
བཅས་ལ། །ནད་མེད་ཚེ་དང་དབང་ཕྱུག་དང༌། །དཔལ་དང་གྲགས་དང་སྐལ་བ་བཟང༌། །
ལོངས་སྤྱོད་རྒྱ་ཆེན་ཀུན་ཐོབ་ཅིང༌། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་
བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་ཀྱི་སྟོངས་གྲོགས་
མཛོད། །དུས་མིན་འཆི་དང་ནད་རྣམས་དང༌། །གདོན་དང་བགེགས་རྣམས་མེད་པར་མཛོད། །
རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་
ལེགས་དང༌། །འབྲུ་རྣམས་འཕེལ་ཞིང་ཆོས་འཕེལ་དང༌། །དགེ་ལེགས་ཐམས་ཅད་འབྱུང་བ་
11-1-74


དང༌། །ཡིད་ལ་འདོད་པ་ཀུན་འགྲུབ་ཤོག །ཅེས་འཕྲིན་ལས་གཞོལ། འཇིག་རྟེན་འདས་པ་དང་འཇིག་རྟེན་པའི་
གཏོར་ཆོག་གཞན་བྱེད་ནའང་སྐབས་འདིར་བྱེད་པར་འདོད་དོ། །དེ་ནས་དྲིལ་བུ་རྒྱུན་དཀྲོལ་དང་བཅས་ཏེ། ཀོལླ་ཨི་རི་ཌ་
ཋི་ཨ་བོ་ལ། མུམྨུ་ཎི་རེ་ཀཀྐོ་ལ། གྷ་ཎེ་ཀྲི་པི་ཊ་ཧོ་བཛྫ་ཨི། ཀ་རུ་ཎེ་ཀ་ཨ་ཨི་ཎ་རོ་ལཱ། ཏ་ཧིཾ་བ་
ལ། ཁཛྫ་ཨཱི། གཱ་ཌེཾ་མ་ཨ་ཎ་བི་ཛ་ཨ་ཨི། ཧ་ལ་ཀ་ལིཉྫ་ར་ག་ཎི་ཨ་ཨི། དུ་དྷུ་ར་བཛྫི་ཨ་ཨི། ཙ་
ཨུ་ས་མ་ཀཙྪུ་རི་སིཧླ། ཀ་པུ་ར་ལ་ཨི་ཨ་ཨི། མ་ལ་ཨིནྡྷ་ཎ་སཱ་ལིཾ་ཛ། ཏ་ཧིཾ་བྷ་རུ་ཁ་ཨི་ཨ་ཨི། 
ཕྲཻཾ་ཁ་ཎ་ཁ་ཊ་ཀ་རནྟེ། ཤུད་དྷ་ཨ་ཤུད་དྷ་ཎ་མ་ཎི་ཨ་ཨི། ནི་རཾ་སུ་ཨཾ་ག་ཙ་ཌ་ཝི། ཏ་ཧི་ཛཾ་ས་ར་
ཝ་པ་ཎི་ཨ་ཨི། མ་ལ་ཨ་ཙེ་ཀུན་དྷུ་རུ་བཱ་ཌ་ཨི། ཌིཎྜཾ་མ་ཏ་ཧི་ཎྞ་བཛྫི་ཨ་ཨི། ཞེས་རྡོ་རྗེའི་གླུ་བླངས། 
ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །འཇིག་རྟེན་གསུམ་གྱི་མགོན་པོ་དྲི་མ་
གསུམ་སྤངས་པ། །སངས་རྒྱས་པདྨོ་རྒྱས་པ་འདབ་འདྲའི་སྤྱན་མངའ་བ། །འདི་ནི་འཇིག་རྟེན་
དགེ་བའི་བཀྲ་ཤིས་དང་པོ་ཡིན། །དེ་ཡིས་ཉེ་བར་བསྟན་པའི་མཆོག་རབ་མི་གཡོ་བ། །
འཇིག་རྟེན་གསུམ་ན་གྲགས་ཤིང་ལྷ་དང་མིས་མཆོད་པ། །ཆོས་ཀྱི་དམ་པ་སྐྱེ་དགུ་རྣམས་ལ་
ཞི་བྱེད་པ། །འདི་ནི་འཇིག་རྟེན་དགེ་བའི་གཉིས་པ་ཡིན། །དགེ་འདུན་དམ་པ་ཆོས་ལྡན་ཐོས་
པའི་བཀྲ་ཤིས་ཕྱུག །མི་དང་ལྷ་དང་ལྷ་མ་ཡིན་གྱིས་མཆོད་པའི་གནས། །ཚོགས་ཀྱི་མཆོག་
རབ་ངོ་ཚ་ཤེས་དང་དཔལ་གྱི་གཞི། །འདི་ནི་འཇིག་རྟེན་དགེ་བའི་བཀྲ་ཤིས་གསུམ་པ་ཡིན། །
ཞེས་སོགས་བཀྲ་ཤིས་བརྗོད། རིགས་སུ་སྐྱེས་དང་དམ་ཚིག་ཅན། །{སྨྱོ་[སྨྱོན]་མེད་ཀྱཻ་རྡོ་རྗེ་སྟོན། །
བླ་མ་ལ་གུས་སྙིང་རྗེར་ལྡན། །སྐྱེ་ཞིང་སྐྱེ་བར་འགྱུར་བར་ཤོག །ལག་པས་རྡོ་རྗེ་དྲིལ་བུ་
འཁྲོལ། །ཟབ་མོའི་ཆོས་ནི་ཀློག་པ་དང༌། །བཙུན་མོའི་ཁུ་བ་མཉམ་ཟས་ཅན། །སྐྱེ་ཞིང་སྐྱེ་
བར་འགྱུར་བར་ཤོག །སེམས་ཅན་ཐམས་ཅད་བདེ་གྱུར་ཅིག །སེམས་ཅན་ཐམས་ཅད་སྐྱོན་
མེད་པར། །གང་གི་ལམ་གྱིས་གྲོལ་གྱུར་པ། །དེ་ཡིས་སངས་རྒྱས་མྱུར་ཐོབ་ཤོག །ཅེས་སྨོན་ལམ་
བཏབ་བོ། །དེ་ནས་ཡི་གེ་བརྒྱ་པ་ལན་གསུམ་བརྗོད། ནོངས་པ་བཟོད་པར་གསོལ། ༀ་ཨཱཿཧཱུཾ་བཛྲ་མུཿ གཏོར་མའི་
11-1-75


མགྲོན་གྱི་ཡེ་ཤེས་པ་གཤེགས། དམ་ཚིག་པ་རྣམས་ཛཿཧཱུཾ་བཾ་ཧོཿ རང་ལ་གཉིས་སུ་མེད་པར་
ཐིམ། ཞེས་བརྗོད་དོ། །
ལྔ་པ་ཁ་ཟས་ཀྱི་རྣལ་འབྱོར་དང༌། དྲུག་པ་ཉལ་བའི་རྣལ་འབྱོར་དང༌། བདུན་པ་ལྡང་བའི་རྣལ་འབྱོར་དང༌། བརྒྱད་པ་ཁྲུས་
ཀྱི་རྣལ་འབྱོར་རྣམས་ཕལ་ཆེར་སྤྱི་དང་འདྲའོ། །ཡང་སྒྲུབ་འབྲས་ཡན་ལག་བཞི་པ་མཎྜལ་མཆོད་ཆོག་དང་བཅས་པ་ཤེས་པར་
འདོད་ན་ནི། སློབ་དཔོན་རྩེ་མོ་དང་འཕགས་པའི་གསུང་ལས་ཤེས་པར་བྱ་ལ། འདི་དག་གི་རྒྱབ་བརྟེན་དུ་མི་ཐུབ་ཟླ་བ་དང༌། 
མཚོ་སྐྱེས་ཀྱི་གཞུང་ལའང་བསླབ་པར་བྱའོ། །འདི་བརྩམས་དགེ་བ་གང་ཡོད་པ། །མཐའ་ཡས་འགྲོ་བའི་དོན་དུ་བསྔོ། །དེ་ལས་
ནམ་མཁའི་མཐས་ཀླས་པར། །བདེ་ཆེན་བླ་ན་མེད་པ་ཐོབ། །ཅེས་པ་འདི་ཡང་རྒྱལ་ཁམས་པ་ཏཱ་ར་ནཱ་ཐས་གཞན་འགའ་ལ་ཕན་
པའི་དོན་དུ་སྦྱར་བའོ།།    །།དགེ་ལེགས་འཕེལ། མངྒ་ལཾ། 
11-1-76


༄༅། །དགྱེས་པ་རྡོ་རྗེའི་དཀྱིལ་འཁོར་གྱི་ཆོ་ག་བི་རཱུ་པའི་
མན་ངག་གོང་མའི་གསུང་གི་རྗེས་སུ་
འབྲང་བ་བཞུགས། 
༄༅། །ༀ་སྭཱ་སྟི། བླ་མ་དང་དཔལ་ཧེ་རུ་ཀ་ལ་ཕྱག་འཚལ་ལོ། །འདིར་ཀྱཻ་རྡོ་རྗེའི་དཀྱིལ་འཁོར་གྱི་ལས་རིམ་གྲུབ་ཆེན་
བི་རཱུ་པའི་མན་ངག་ཏུ་གྲགས་པ་འདི་ལ་དོན་བརྒྱད་དེ། སློབ་མ་ཡོངས་བཟུང་བསྙེན་པའི་ཆོ་ག་དང༌། །ས་ཆོག་སྟ་གོན་གནས་པ་
རྣམ་བཞི་དང༌། །དཀྱིལ་འཁོར་འདྲི་ཞིང་རྒྱན་དགྲམ་སྒྲུབ་མཆོད་དང༌། །དབང་གི་ཆོ་ག་མཇུག་གི་བྱ་བའོ། །དེ་ལས་དང་པོ་སློབ་
མ་ཡོངས་བཟུང་དང༌། གཉིས་པ་བསྙེན་པའི་ཆོ་ག་ནི། སློབ་དཔོན་རྩེ་མོའི་དབང་ཆུ་ཆེན་མོར་བལྟ་བར་བྱ་ལ། གསུམ་པ་ས་ཆོག་
ལ་རྒྱས་པ་ནི་བཟང་པོ་ཡོངས་བཟུང་དང༌། རིན་ཆེན་འབར་བ་ལས་འབྱུང་བ་དང༌། འབྲིང་པོ་ནི་དབང་ཆུ་ཆེན་མོའི་དངོས་བསྟན་
ལ་ཕྱིས་ཀྱི་བསྲེ་བསླད་མེད་པའི་ལུགས་སུ་སྦྱར་ཞིང༌། བསྡུས་པ་ནི་འདི་ཙམ་གྱིས་ཀྱང་འགྲུབ་སྟེ། འོག་ནས་འབྱུང་བའི་སྔོན་འགྲོ་
གཏོར་མའི་རིམ་པ་དང༌། ས་ལྷ་སྟ་གོན་གྱི་ཆོ་གའི་སྤྱི་དང་ཁྱད་པར་གྱི་ས་བསླངས། ཨ་མྲྀ་ཏ་བཟླ་ཤིང༌། ས་གཞི་བ་བྱུང་གིས་
བྱུགས། ༀ་བྷུ་ཁཾ། ནམ་མཁའི་རང་བཞིན་དུ་གྱུར། ཧཱུཾ་ལཾ་ཧཱུཾ། རྡོ་རྗེ་རང་བཞིན་དུ་གྱུར། ༀ་ཧ་
ན་ཧ་ན་བཛྲ་ཀྲོ་དྷ་ཧཱུཾ་ཕཊ། ཡུང་ཆུ་དང་ཐལ་བས་སྦྱང༌། ས་གཞི་དེར་སྐྱབས་འགྲོ་ནས་བཟླས་པའི་བར་བདག་བསྐྱེད་
རྫོགས་པར་བྱས་ལ། མཐར་མཆོད་བསྟོད་བྱ། ༀ་བཛྲ་ཨུ་དྷིཥྛ་ཞེས་ནམ་མཁར་བཏེག རང་ཉིད་གཙོ་བོའི་ཐུགས་
ཀ་ནས་སྤྲོས་པའི་ཧེ་རུ་ཀ་ཕྱག་གཉིས་པའི་རྣམ་པར་གྱུར། ཧཱུཾ་ཞེས་སྙེམས་པ་དང་བཅས་པས། དཀྱིལ་
འཁོར་གྱི་ས་གཞི་བཅགས། སྟོང་པའི་ངང་ལས་པཾ་ལས་པདྨ་ནས། རཀྵ་རཀྵའི་སྔགས་ཀྱི་བར་ཐུན་མོང་གི་
སྲུང་འཁོར་བཞིན་བྱའོ། །བཞི་པ་སྟ་གོན་དུ་གནས་པ་ལ། སྟ་གོན་གྱི་དང་པོར་བྱ་བ་དང༌། སྟ་གོན་དངོས་གཉིས་ལས། དང་པོ་
ནི། སྔོན་འགྲོ་གཏོར་མ། ཨ་མྲྀ་ཏས་བསང༌། སྭ་བྷཱ་ཝས་སྦྱངས། ༀ་ཨཱཿཧཱུཾ་ཧ་ཧོ་ཧྲཱིཿ ༀ་མཧཱ་བྷུ་ཏ་ས་པ་རི་
11-1-77


ཝཱ་ར་ཨཱ་ཀཪྵ་ཡ་ཛཿ ༀ་ཨིནྡྲ་ཛ་མ་ཞེས་སོགས་ལན་གསུམ་གྱིས་ཕུལ། པུཥྤེ་སོགས་ཉེར་སྤྱོད་ལྔ་དང༌། ༀ་ཨཱཿཧཱུཾ་
གིས་ནང་མཆོད་ཕུལ། མི་བསྐྱོད་རྡོ་རྗེ་ཡེ་ཤེས་ཆེ། །ནས། ཡིད་ལ་འདོད་པ་ཀུན་འགྲུབ་ཤོག་གི་བར་
བྱའོ། །དཔལ་ལྡན་བླ་མ་དམ་པ་རྣམས་ཀྱི་ཐུགས་ཀྱི་དགོངས་པ་ཁྱད་པར་ཅན་གོང་ནས་གོང་དུ་
ཡོངས་སུ་རྫོགས་པའི་ཕྱིར་དང༌། ནམ་མཁའ་དང་མཉམ་པའི་སེམས་ཅན་ཐམས་ཅད། ཕྱག་
རྒྱ་ཆེན་པོ་མཆོག་གི་དངོས་གྲུབ་བཅོམ་ལྡན་འདས་ཀྱཻ་རྡོ་རྗེའི་གོ་འཕང་ཐོབ་པར་བྱ་བའི་ཕྱིར་
དུ་སའི་ཕྱོགས་འདིར་དཀྱིལ་འཁོར་ཆེན་པོ་བཞེངས་ཏེ་སྒྲུབ་ཅིང་མཆོད་པ་དང༌། བདག་ཉིད་
འཇུག་ཅིང་དབང་བླང་བར་འཚལ་ན་ཞེས་པ་ཙམ་མམ། དབང་བླང་བ་དང༌། སློབ་མ་གཞུག་ཅིང་
དབང་བསྐུར་བར་འཚལ་ན་སྲུང་མའི་དབང་པོ་ཁྱེད་རྣམས་ཀྱིས་དཀྱིལ་འཁོར་ཆེན་པོའི་བྱ་
བ་མཐར་མ་ཕྱིན་གྱི་བར་དུ། བར་དུ་གཅོད་པ་ཐམས་ཅད་བསྲུང་བ་དང༌། དེ་ནས་ཀྱང་བྱང་
ཆུབ་མ་ཐོབ་བར་དུ་བར་ཆད་ཐམས་ཅད་བསྲུང་བ་དང་སྟོངས་གྲོགས་མཛོད་ཅིག །གང་དག་
ནག་པོའི་ཕྱོགས་ལ་མངོན་པར་དགའ་བའི་འབྱུང་པོ་གདུག་པ་ཅན་གསང་སྤྱོད་ལྟ་བར་མི་
དབང་བ་དེ་དག་སའི་ཕྱོགས་འདིར་མ་གནས་པར་གཞན་དུ་སོང་ཤིག །ཨ་མྲྀ་ཏ་བཟླ། བསངས་
སྦྱངས། སྟོང་པའི་ངང་ལས། གནས་ཁཾ་བྷྲུཾ་ལས་རིན་པོ་ཆེ་སྣ་ཚོགས་ལས་གྲུབ་པའི་ཐར་པ་ཆེན་
པོའི་གཞལ་ཡས་ཁང་གྲུ་བཞི་པ་སྒོ་བཞི་པ་རྟ་བབ་བཞིས་བརྒྱན་པ། མཚན་ཉིད་ཐམས་ཅད་
ཡོངས་སུ་རྫོགས་པའི་དབུས་སུ། མཆོད་རྫས་རྣམས་ཨ་ལས་བྱུང་བའི་ཡེ་ཤེས་ཀྱི་ཀ་པཱ་ལ་
ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཧཱུཾ་ཞུ་བ་ལས་བྱུང་བའི་ལྷ་རྫས་ལས་གྲུབ་པའི་ཞབས་
བསིལ། ཞལ་བསིལ། འཐོར་འཐུང༌། མཆོད་ཡོན། མེ་ཏོག བདུག་སྤོས། མར་མེ། དྲི་མཆོག །
ཞལ་ཟས་རོལ་མོ་རྣམས་དྭངས་ཤིང་ཐོགས་པ་མེད་པ། རྒྱུ་འཇིག་རྟེན་དང་འཇིག་རྟེན་ལས་
འདས་པའི་དགེ་བ་ལས་གྲུབ་པ། ངོ་བོ་བཟང་ཞིང་གཙང་བ། ཡུལ་ནམ་མཁའི་མཐས་ཁྱབ་
པ། དུས་འཁོར་བ་ཇི་སྲིད་མ་སྟོངས་ཀྱི་བར་དུ་རྒྱུན་མི་འཆད་པར་གྱུར། ༀ་ནི་རི་ཏེ་ཧཱུཾ་ཁཾ་
11-1-78


སྭཱཧཱ། ༀ་ནི་ཝི་ཏེ་ཧཱུཾ་ཁཾ་སྭཱཧཱ། ༀ་སརྦ་སཾ་ཤོ་དྷ་ནི་སྭཱཧཱ། ༀ་ཛཿཧཱུཾ་བཾ་ཧོཿ ཁཾ་རཾ་མཧཱ་ཨརྒྷཾ་སྭཱཧཱ། 
ༀ་བཛྲ་པུཥྤེ་ཨཱཿཧཱུཾ། དེ་བཞིན་དུ་ཐོག་མཐའ་གཉིས་འོག་མ་རྣམས་ལའང་སྦྱར་ཏེ། དྷུ་པེ། ཨཱ་ལོ་ཀེ། གནྡྷེ། ནཻ་
བཻ་ཏེ། ཤཔྟའི་བར་དང༌། ༀ་བཛྲ་གྷཎྜེ་ར་ཎི་ཏ། པྲ་ར་ཎི་ཏ། སཾ་པྲ་ར་ནི་ཏ། སརྦ་བུདྡྷ་ཀྵེ་ཏྲ་པྲ་ཙ་
ལི་ཏེ། པྲཛྙཱ་པཱ་ར་མི་ཏ་ན་ད་སཾ་བྷ་ཝེ་ཏ། བཛྲ་དྷརྨ་ཧྲི་ད་ཡ། སན་ཏོ་ཥ་ཎི་ཧཱུཾ་ཧཱུཾ་ཧཱུཾ་ཧོ་ཧོ་ཧོ་ཨ་
ཁཾ་སྭཱཧཱ། ལས་ཀྱི་སློབ་མས། ༀ་བཛྲ་བྷུ་མི་ནས། མ་ཚང་བ་མེད་པ་འདི་ཉིད་དུས་གསུམ་སངས་
རྒྱས་ཐམས་ཅད་ཀྱི་ངོ་བོ་དཔལ་ལྡན་བླ་མ་དམ་པ་ཞེས་སམ། རྡོ་རྗེ་སློབ་དཔོན་དུ་འོས་པ་གསང་
སྔགས་འཆང་བ་འདི། ཞེས་བྱ་བ་དང༌། རིག་པ་འཛིན་པའི་དགེ་འདུན་རྣམས་རིམ་པ་གཉིས་ཀྱི་
ཏིང་ངེ་འཛིན་ནི་ཟབ་མོ་ལ་གནས་པར་ཞུ་བའི་ཡོན་དུ་དབུལ་བར་བགྱིའོ། །ཞེས་དང༌། ཀུན་
བཟང་རྣམ་འཕྲུལ་མཆོད་པའི་སྤྲིན་ཕུང་གིས། །དཔའ་བོ་རྣལ་འབྱོར་མ་རྣམས་མཆོད་པ་དང༌། །
ཡོན་བདག་བགེགས་ཞི་ཚོགས་གཉིས་བསགས་བྱའི་ཕྱིར། །གཉིས་མེད་ཏིང་འཛིན་དག་
ལ་གནས་པར་མཛོད། །ཅེས་བརྗོད། ཚོགས་པས། ༀ་བཛྲ་བྷུ་མི་ནས། མ་ཚང་བ་མེད་པ་འདི་ཉིད། 
དུས་གསུམ་སངས་རྒྱས་ཐམས་ཅད་ཀྱི་ངོ་བོ་དཔལ་ལྡན་བླ་མ་དམ་པ་ལ་ཚོགས་ཀྱི་རྡོ་རྗེ་སློབ་
དཔོན་ཞུ་བའི་ཡོན་དུ་དབུལ་བར་བགྱིའོ། །བླ་མས་ཀྱང༌། བཛྲ་བྷུ་མི་ནས། མ་ཚང་བ་མེད་པ་འདི་
ཉིད། རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང༌། ཡི་དམ་དཀྱིལ་
འཁོར་ཀྱི་ལྷ་ཚོགས་སངས་རྒྱས་དང་བྱང་ཆུབ་སེམས་དཔའི་ཚོགས་དང་བཅས་པ་རྣམས་ལ་
དབུལ་བར་བགྱིའོ། །ཐུགས་རྗེས་འགྲོ་བའི་དོན་དུ་བཞེས་སུ་གསོལ། བཞེས་ནས་རིམ་པ་
གཉིས་ཀྱི་ཏིང་ངེ་འཛིན་རྒྱུད་ལ་སྐྱེ་བར་བྱིན་གྱིས་བརླབ་དུ་གསོལ། ཞེས་འབུལ། དེ་ནས་བླ་མས། 
ཐུགས་དམ་ཟབ་མོའི་རིམ་པ་ལ་འཇུག་པར་ཞུ། ཞེས་མཚམས་སྦྱར་ནས། སྐྱབས་འགྲོ་ནས་བརྩམས་ཏེ་བཟླས་
པ་བྱ་བའི་བར་བདག་བསྐྱེད་རྫོགས་པར་བསྒོམས་ལ་བཟླས་པའི་རྗེས་སུ། བདེ་བར་གཤེགས་པ་ཐམས་ཅད་ཀྱི་
སྐུ་གསུང་ཐུགས་ཡོན་ཏན་འཕྲིན་ལས་ཐམས་ཅད་ཀྱིས་བདག་དང་སེམས་ཅན་ཐམས་ཅད་
11-1-79


ལ་བྱིན་རླབས་སྩལ་ཏེ། མྱུར་དུ་ཕྱག་རྒྱ་ཆེན་པོ་མཆོག་གི་དངོས་གྲུབ་ཀྱི་རྡོ་རྗེའི་གོ་འཕང་ཐོབ་
པར་མཛད་དུ་གསོལ། རང་གི་སྙིང་ཁ་ནས་འོད་ཟེར་འཕྲོས་ཁམས་གསུམ་སྣོད་བཅུད་ཐམས་
ཅད་ཅེས་པ་ནས། སླར་ཡང་རང་ཉིད་ཕྱག་གཉིས་པར་གྱུར། ཅེས་པའི་བར་བརྗོད། 
གཉིས་པ་ལ་བཞི་ལས་དང་པོ་ས་ལྷ་སྟ་གོན་ནི། བསངས་སྦྱངས། སྟོང་པའི་ངང་ལས་མཎྜལ་གྱི་དབུས་
སུ་པཾ་ལས་པདྨ་དང༌། ཨ་ལས་ཟླ་བའི་སྟེང་དུ། བཾ་ལས་སའི་ལྷ་མོ་སྐུ་མདོག་སེར་མོ་ཞི་བའི་
ཉམས་ཅན་རིན་པོ་ཆེའི་རྒྱན་གྱིས་བརྒྱན་པ། ཕྱག་གཉིས་ཀྱིས་རིན་པོ་ཆེའི་བུམ་པ་ཐུགས་
ཀར་འཛིན་པ། མིག་ཏུ་གཏི་མུག་རྡོ་རྗེ་མ། ཞེས་སོགས་ཀྱིས་སྐྱེ་མཆེད་དང་སྐུ་གསུང་ཐུགས་བྱིན་གྱིས་བརླབས། 
རང་གི་སྙིང་ཁའི་ཧཱུཾ་ལས་འོད་འཕྲོས་པས་ས་འོག་ནས་སའི་ལྷ་མོ་འཁོར་དང་བཅས་པ་བཛྲ་
ས་མཱ་ཛཿ ༀ་བཛྲ་གཽ་རཱི་ཨཱ་ཀཪྵ་ཡ་ཛཿ ལ་སོགས་པས་དགུག་གཞུག་བཅིང་དབང་དུ་བྱའོ། །སླར་ཡང་
སྙིང་ཁའི་ཧཱུཾ་ལས་འོད་འཕྲོས་པས་དབང་གི་ལྷ་རིག་ལྔ་འཁོར་དང་བཅས་པ་ༀ་བཛྲ་ས་མཱ་
ཛཿ ༀ་ཨ་བྷི་ཥིཉྩ་ཏུ་མཾ་སརྦ་ཏ་ཐཱ་ག་ཏ་ༀ་བཛྲི་བྷ་ཝ་ཨ་བྷི་ཥིཉྩ་ཧཱུཾ། བུམ་པའི་ཆུས་སྤྱི་བོ་ནས་
དབང་བསྐུར། སྐུ་གང་དྲི་མ་དག །ཆུས་ལྷག་མ་ཡར་ལུད་པ་ལས་རིན་ཆེན་འབྱུང་ལྡན་གྱིས་
དབུ་བརྒྱན། ༀ་པྲི་ཐི་བཱི་དེ་ཝཱི་ཞེས་སོ་སོའི་མགོར་སྦྱར་བའི་ནི་རི་ཏེ་ཧཱུཾ་ཁཾ་སྭཱཧཱ། སོགས་ནས། ཤཔྟའི་བར་
དང༌། ༀ་ཨཱཿཧཱུཾ། ལན་གསུམ། གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་བདུད་རྩིའི་རང་
བཞིན་དུ་གྱུར། ཅེས་གཏོར་མ་བྱིན་གྱིས་བརླབས། ༀ་པྲི་ཐི་བཱི་དེ་ཝཱི་ཨ་ཀཱ་རོ་མུ་ཁཾ་སོགས་ལན་གསུམ་གྱིས་
ཕུལ། མ་མ་རིན་ཆེན་སྣ་ཚོགས་འཛིན། །ཀྱཻ་རྡོ་རྗེ་ཁྲོས་མཆོད་པའི། །ལྷ་མ་ཁྱོད་ནི་དཔང་དུ་
གྱུར། །ས་འདིར་དཀྱིལ་འཁོར་བྲི་བར་བྱ། །ཤཱཀྱ་སེངྒེ་སྐྱོབ་པ་ཡིས། །ཇི་ལྟར་བདུད་ཀྱི་སྡེ་
བཅོམ་པ། །དེ་བཞིན་བདག་གིས་བདུད་སྡེ་ལས། །རྒྱལ་བར་བྱས་ཏེ་དཀྱིལ་འཁོར་བྲི། །ལན་
གསུམ། ནམ་མཁའ་དང་མཉམ་པའི་སེམས་ཅན་ཐམས་ཅད་ཕྱག་རྒྱ་ཆེན་པོ་མཆོག་གི་དངོས་
གྲུབ་བཅོམ་ལྡན་འདས་ཀྱཻ་རྡོ་རྗེའི་གོ་འཕང་ཐོབ་པར་བྱ་བའི་ཕྱིར་དུ། སའི་ཕྱོགས་འདིར་
11-1-80


བཅོམ་ལྡན་འདས་ཀྱཻ་རྡོ་རྗེའི་དཀྱིལ་འཁོར་ཆེན་པོ་བཞེང་པར་འཚལ་ན། ས་ཕྱོགས་འདི་
བདག་ལ་གནང་ཞིང་ལས་ཀྱི་དངོས་གྲུབ་ཀྱང་སྩལ་ཏུ་གསོལ། ཞེས་གསོལ་བ་བཏབ་བོ། །རིག་པ་
འཛིན་པ་ཁྱོད་དཀྱིལ་འཁོར་གྱི་ལས་ཅི་བདེ་བར་གྱིས་ཤིག །ཅེས་གནང་བ་བྱིན་པར་མོས། ༀ་པྲི་ཐི་
བཱི་དེ་ཝི་བཛྲ་མུཿསའི་ལྷ་མོ་ས་དེ་ཉིད་ལ་ཐིམ། 
གཉིས་པ་ལྷ་སྟ་གོན་ནི། བསངས་སྦྱངས། མདུན་བསྐྱེད་མི་དམིགས་ཏེ་སྟོང་པར་གྱུར། སྟོང་པའི་
ངང་ལས་པཾ་ལས་པདྨ་ནས། གང་བར་གྱུར། ༀ་བཛྲ་རཀྵ་རཀྵ་ཧཱུཾ་ཧཱུཾ་ཧཱུཾ་ཕཊ་སྭཱཧཱ། ལན་གསུམ། དེ་
ལྟ་བུའི་བསྲུང་བའི་འཁོར་ལོའི་ནང་དུ་ཨེ་ལས་ཆོས་ཀྱི་འབྱུང་གནས་གྲུ་གསུམ་པ་ཕྱི་དཀར་
ལ་ནས། རྩིབས་བཅུ་པ་བྷྲུཾ་གྱིས་མཚན་པ། དེ་རྣམས་རོ་གཅིག་ཏུ་འདྲེས་པ་ནས། དུད་ཁ་རྣམས་
འགྱེལ་ཞིང་གདོང་གྱེན་དུ་ཕྱོགས་པའི་གདན་དང་བཅས་པར་གྱུར། ཧཱུཾ་ཤྲཱི་ཧེ་བཛྲ་ཡ་ན་མཿ
དབུས་སུ་བཅོམ་ལྡན་འདས་ཀྱཻ་རྡོ་རྗེ་སྐུ་མདོག་དུས་མཐའི་སྤྲིན་ནས། གར་དགུའི་རོ་དང་ལྡན་
པ་ཉིད། ནཾ་བཛྲ་ནཻ་རཱཏྨ་ན་མཿ དེའི་པང་ན་ཡུམ་རྡོ་རྗེ་བདག་མེད་མ་སྐུ་མདོག་སྔོན་པོ་ནས། 
གཉིས་ཀའང་ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ། །གཾ་གཽ་རཱི་ན་མཿ ཤར་དུ་གཽ་
རཱི་ནག་མོ་གཡས་གྲི་གུག་དང༌། གཡོན་ཉ་རོ་ཧི་ཏ་འཛིན་པ། དེ་བཞིན་དུ་སྦྱར་ཏེ། ཙཾ་ཙཽ་རཱི་ན་མཿ
ལྷོར་ཙཽ་རཱི་སོགས། བཾ་བཻ་ཏ་ལཱི་ན་མཿ ནུབ་ཏུ་བཻ་ཏ་ལཱི་སོགས། གྷཾ་གྷསྨ་རཱི་ན་མཿ བྱང་དུ་གྷསྨ་རཱི་
སོགས། པཾ་པུཀྐ་སཱི་ན་མཿ བྱང་ཤར་དུ་པུཀྐ་སཱི་སོགས། ཤྲི་ཤཱ་ཝ་རཱི་ན་མཿ ཤར་ལྷོར་ཤཱ་ཝ་རཱི་སོགས། 
ལཾ་ཙཎྜ་ལཱི་ན་མཿ ལྷོ་ནུབ་ཏུ་གདོལ་པ་མོ་སོགས། ཌཾ་ཌོམྦྷི་ནཱི་ན་མཿ ནུབ་བྱང་དུ་གཡུང་མོ་སོགས་
ནས། ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ། །ཐམས་ཅད་ཀྱི་མིག་ཏུ་གཏི་མུག་རྡོ་
རྗེ་མ་སོགས་ནས། ཐུགས་ཀར་ཐུགས་རྡོ་རྗེ་མ། རང་གི་སྙིང་ཁའི་ཧཱུཾ་ལས་འོད་ཟེར་འཕྲོས་པས། 
རང་བཞིན་གྱི་གནས་ནས་ཀྱཻ་རྡོ་རྗེ་ལྷ་དགུའི་དཀྱིལ་འཁོར་ལ་སངས་རྒྱས་བྱང་ཆུབ་སེམས་
དཔའི་ཚོགས་དཔག་ཏུ་མེད་པས་བསྐོར་བ་ༀ་བཛྲ་ས་མཱ་ཛཿ གཽ་རཱི་ལ་སོགས་པའི་སྔགས་རྒྱས་སྟིམ། 
11-1-81


བཅོམ་ལྡན་དེ་བཞིན་གཤེགས་པ་ཀུན། །ནས། ༀ་བཛྲི་བྷ་ཝ་ཨ་བྷི་ཥིཉྩ་ཧཱུཾ། ཞེས་གསུངས་
ཤིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་དྲི་མ་དག་ཆུ་ལྷག་མ་ཡར་ལུད་པ་ལས་
གཙོ་བོ་ཡབ་ཡུམ་དང་གཽ་རཱི་ནས། འོད་དཔག་མེད་ཀྱིས་དབུ་བརྒྱན། བསངས་སྦྱངས། སྟོང་པའི་
ངང་ལས་ཨ་ལས་ཡེ་ཤེས་ཀྱི་ཀ་པཱ་ལ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ། ཧཱུཾ་ཞུ་བ་ལས་
བྱུང་བའི་ལྷ་རྫས་ལས་གྲུབ་པའི་ཞབས་བསིལ། ཞེས་པ་ནས། རོལ་མོ་རྣམས་དྭངས་ཤིང་ཐོགས་
པ་མེད་པ་ནམ་མཁའི་མཐའ་དང་མཉམ་པར་གྱུར། ༀ་བཛྲ་ནི་རི་ཏེ་ཧཱུཾ་ཁཾ་སྭཱཧཱ། ༀ་བཛྲ་ནི་ཝི་
ཏེ་ཧཱུཾ་ཁཾ་སྭཱཧཱ། ༀ་སརྦ་སཾ་ཤོ་དྷ་ནི་སྭཱཧཱ། ༀ་ཛཿཧཱུཾ་བཾ་ཧོཿ ཁཾ་རཾ་མཧཱ་ཨརྒྷཾ་ཨཱཿཧཱུཾ། ༀ་བཛྲ་པུཥྤེ་
ཨཱཿཧཱུཾཿ ༀ་བཛྲ་དྷུ་པེ་ཨཱཿཧཱུཾ་ནས། ཤཔྟའི་བར་བརྗོད། དེ་ནས། དྲི་མེད་ཡིད་དུ་འོང་བ་ཡི། །ལྷ་རྫས་
དམ་པའི་ཞབས་བསིལ་འདི། །བཅོམ་ལྡན་འཁོར་དང་བཅས་ལ་འབུལ། །བཞེས་ནས་བདག་
ལ་དགྱེས་པར་མཛོད། །ༀ་བྷ་ག་ཝཱན་མཧཱ་ཀ་རུ་ཎི་ཀ་ཧེ་བཛྲ་ས་པ་རི་ཝཱ་ར་བཛྲ་ནི་རི་ཏེ་ཧཱུཾ་ཁཾ་
སྭཱཧཱ། ལྷ་རྫས་དམ་པའི་ཞལ་བསིལ་འདི། །ནི་ཝེ་ཏེ། ལྷ་རྫས་དམ་པའི་འཐོར་འཐུང་འདི། །
སརྦ་སཾ་ཤོ་དྷ་ནི། ལྷ་རྫས་དམ་པའི་མཆོད་ཡོན་འདི། །ཛཿཧཱུཾ་བཾ་ཧོ་ཁཾ་རཾ་མཧཱ་ཨརྒྷཾ་ཨཱཿཧཱུཾ། མེ་
ཏོག་འདི་ནི་བཟང་ཞིང་དགེ།དག་པའི་སྐྱེ་གནས་ལས་དག་པ། །བདག་གི་དད་པས་དབུལ་
ལགས་ཀྱི། །བཞེས་ནས༴ །ༀ་བྷ་ག་ཝཱན་སྔོན་དུ་འགྲོ་བའི་བཛྲ་པུཥྤེ་པྲ་ཏཱིཙྪ་སྭཱཧཱ། ཚལ་དག་རོ་ནི་
ཕན་པ་དང༌། །གང་ཞིག་དྲི་དང་བདུག་སྤོས་མཆོག །བདག་གི༴ །བཞེས་ནས༴ །དྷུ་པེ་པྲ་ཏཱིཙྪ་
སྭཱཧཱ། སྲིན་པོ་འཇོམས་ཤིང་དག་བྱེད་ལ། །དགེ་ཞིང་མུན་པ་རྣམས་སེལ་འདི། །བདག་གི༴
བཞེས་ནས༴ དཱི་པཾ་པྲ་ཏཱིཙྪ་སྭཱཧཱ། འདི་ནི་དྲི་བཟང་དགེ་བ་སྟེ། །དག་པའི་སྐྱེ་གནས་ལས་དག་
པ། །བདག་གི༴ བཞེས་ནས༴ གནྡྷཾ་པྲ་ཏཱིཙྪ་སྭཱཧཱ། སྨན་རྣམས་བཅུད་གཙང་ཡིད་གར་འོང༌། །
སྔགས་ཀྱི་ཞལ་ཟས་གཤོས་འདི་དག །བདག་གིས༴ བཞེས་ནས༴ ནཻ་ཝི་ཏེ་པྲ་ཏཱིཙྪ་སྭཱཧཱ། དྲི་
མེད༴ ལྷ་རྫས་དམ་པའི་རོལ་མོ་འདི། །བཅོམ་ལྡན༴ བཞེས་ནས༴ བཛྲ་ཤཔྟ་པྲ་ཏཱིཙྪ་སྭཱཧཱ། 
11-1-82


གྷནྚེ་ར་ཎི་ཏ་སོགས་བརྗོད། བསངས་སྦྱངས། སྟོང་པའི་ངང་ལས་ཧཱུཾ་ལས་བྱུང་བའི་ལྷ་རྫས་ལས་གྲུབ་
པའི་གོས་སྲབ་པ་འཇམ་པ་ཡང་བ། དྭངས་ཤིང་ཐོགས་པ་མེད་པ་ཟུང་དུ་སྦྱར་བ་དང་ལྡན་
པར་གྱུར། སྲབ་འཇམ་ཡང་བ་ལྷ་ཡི་གོས། །མི་བསྐྱོད་རྡོ་རྗེའི་སྐུ་ལ་གསོལ། །མི་ཕྱེད་དད་
པས་བདག་འབུལ་ན། །བདག་ཀྱང་རྡོ་རྗེའི་སྐུ་ཐོབ་ཤོག །ༀ་བྷ་ག་ཝཱན་ནས། བཛྲ་ཝསྟྲ་ཡེ་
སྭཱཧཱ། ༀ་ཨཱཿཧཱུཾ། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་
ཐུགས་ཡོན་ཏན་འཕྲིན་ལས་ཐམས་ཅད་ཀྱི་ངོ་བོར་གྱུར་པ། མཁྱེན་པའི་ཡེ་ཤེས་བརྩེ་བའི་
ཐུགས་རྗེ་མཛད་པའི་འཕྲིན་ལས་བསམ་གྱིས་མི་ཁྱབ་པ་མངའ་བ་རྩ་བའི་བླ་མ་འདི་ཞེས་བྱ་བའི་
ཞལ་དུ་མཆོད་པ་དམ་པ་འབུལ་ལོ། །ༀ་ཨཱཿཧཱུཾ། ཡང་དག་པར་རྫོགས་པའི་སངས་རྒྱས་རྡོ་རྗེ་
འཆང་གི་ཞལ་དུ་ༀ་ཨཱཿཧཱུཾ། རྗེ་བཙུན་རྡོ་རྗེ་བདག་མེད་མའི༴ རྣལ་འབྱོར་དབང་ཕྱུག་བིརྺ་
པའི༴ གྲུབ་ཆེན་ནག་པོ་པའི༴ གྲུབ་ཐོབ་ཌ་མ་རུ་པའི༴ སློབ་དཔོན་ཨ་ཝ་དྷུ་ཏཱི་པའི༴ པཎ་ཆེན་
ག་ཡ་དྷ་རའི༴ འབྲོག་མི་ཤཱཀྱ་ཡེ་ཤེས་ཀྱི༴ སེ་སྟོན་ཀུན་རིག་གི༴ ཞང་སྟོན་ཆོས་འབར་གྱི༴ བླ་
མ་ས་སྐྱ་ཆེན་པོའི༴ སློབ་དཔོན་བསོད་ནམས་རྩེ་མོའི༴ རྗེ་བཙུན་གྲགས་པ་རྒྱལ་རྒྱལ་མཚན་
གྱི༴ ཆོས་རྗེ་ས་སྐྱ་པཎྜི་ཏའི༴ འགྲོ་མགོན་ཆོས་རྒྱལ་འཕགས་པའི༴ ཞང་དཀོན་མཆོག་དཔལ་
གྱི༴ ན་ཟ་བྲག་ཕུག་པའི༴ བླ་མ་དམ་པ་བསོད་ནམས་རྒྱལ་མཚན་གྱི༴ ས་བཟང་མ་ཏི་པཎ་
ཆེན་གྱི༴ ཐེག་ཆེན་ཀུན་དགའ་བཀྲ་ཤིས་ཀྱི༴ རིག་འཛིན་གཞོན་ནུ་བློ་གྲོས་ཀྱི༴ པཎ་ཆེན་
རིན་པོ་ཆེ་ཤཱཀྱ་མཆོག་ལྡན་གྱི༴ རིན་པོ་ཆེ་གཞོན་ནུ་ཆོས་གྲུབ་ཀྱི༴ རྗེ་ཀུན་དགའ་གྲོལ་མཆོག་
གི༴ རྗེ་རྡོ་རིང་དབོན་གྱི་ཞལ་དུ་ༀ་ཨཱཿཧཱུཾ། ཞེས་པའམ། ཡང་ན། བྲག་ཕུག་པའི་རྗེས་ལ། རི་ཁྲོད་པ་བློ་
གྲོས་བརྟན་པ། དཔལ་ལྡན་ཚུལ་ཁྲིམས་པ། བུདྡྷ་ཤྲི་རི་བ། རྗེ་ཀུན་དགའ་བཟང་པོ། པཎ་
ཆེན་རིན་པོ་ཆེ། མན་སྔར་བཞིན། ཡང་ན། ཆོས་རྗེ་བསོད་ནམས་རྒྱལ་མཚན། འཇམ་དབྱངས་རིན་
ཆེན་རྒྱལ་མཚན། འཇམ་དབྱངས་དཀོན་མཆོག་བཟང་པོ། བདག་ཆེན་བློ་གྲོས་རྒྱལ་མཚན། 
11-1-83


བྱང་སེམས་ཀུན་དགའ་མཆོག་གྲུབ། རྗེ་གྲོལ་མཆོག །མན་སྔར་བཞིན། ཡང་ན་ཐེག་ཆེན་གྱི་རྗེས་ལ། 
བྲག་ཐོག་པ་བསོད་ནམས་བཟང་པོའི༴ རྡོ་རྗེ་གདན་པ་ཀུན་དགའ་རྣམ་རྒྱལ་གྱི༴ རྒྱ་སྟོན་བྱང་
ཆུབ་དབང་རྒྱལ་གྱི༴ ཐུགས་སྲས་ཤཱཀྱ་ཀུན་དགའི༴ སློབ་དཔོན་ཡེ་ཤེས་དབང་པོའི་ཞལ་དུ་
ༀ་ཨཱཿཧཱུཾ། གཞན་ཡང་དབང་བསྐུར་རྒྱུད་བཤད་མན་ངག་ནོས། ཆོས་ཀྱི་འབྲེལ་བ་ཐོབ་པའི་
བླ་མ་དམ་པ་རྣམས་ཀྱི་ཞལ་དུ་ༀ་ཨཱཿཧཱུཾ། དེ་ཝ་པི་ཙུ་སོགས། ༀ་ཨཱཿནཾ་བཛྲ་སོགས། ༀ་ཨཱཿགཾ་ཧཱུཾ་
ཕཊ་སྭཱཧཱ། ནས། ༀ་ཨཱཿཌཾ་ཧཱུཾ་ཕཊ་སྭཱཧཱ། ཀྱཻ་རྡོ་རྗེ་ལྷ་དགུའི་དཀྱིལ་འཁོར་གྱི་ལྷ་ཚོགས་རྣམས་
ཀྱི་ཞལ་དུ་ༀ་ཨཱཿཧཱུཾ། གཞན་ཡང་བྱ་བའི་རྒྱུད། སྤྱོད་པའི་རྒྱུད། རྣལ་འབྱོར་རྒྱུད། རྣལ་འབྱོར་
བླ་ན་མེད་པའི་རྒྱུད་དེ། རྒྱུད་སྡེ་ཆེན་པོ་བཞི་དང་འབྲེལ་བའི་ཡི་དམ་ལྷ་ཚོགས་རྣམས་ཀྱི་ཞལ་
དུ༴ རང་གི་ལྕེ་རྩེ། སྨིན་མཚམས། སྤྱི་གཙུག་རྣམས་སུ་ཐིག་ལེ་བྱས་ལ། ༀ་ཨཱཿཧཱུཾ། དེ་ནས། ཡེ་ཤེས་ཀྱི་མགོན་པོ་
མཧཱ་ཀ་ལ་ལྕམ་དྲལ་གྱི་ཞལ་དུ་ༀ་ཨཱཿཧཱུཾ། གཞན་ཡང་ཆོས་འཁོར་བསྲུང་ཞིང་བསྟན་པ་སྐྱོང་
བར་ཞལ་གྱིས་བཞེས་པའི་ཆོས་སྐྱོང་སྲུང་མ་རྣམས་ཀྱི་ཞལ་དུ༴ གནས་དང་ཉེ་བའི་གནས། 
ཞིང་དང་ཉེ་བའི་ཞིང༌། ཚནྡྷོ་དང་ཉེ་བའི་ཚནྡྷོ། འདུ་བ་དང་ཉེ་བའི་འདུ་བ། འཐུང་སྤྱོད་དང་ཉེ་
བའི་འཐུང་སྤྱོད། དུར་ཁྲོད་དང་ཉེ་བའི་དུར་ཁྲོད། ཡུལ་ཉི་ཤུ་རྩ་བཞི། གནས་སུམ་ཅུ་སོ་
གཉིས། དུར་ཁྲོད་ཆེན་པོ་བརྒྱད་ན་བཞུགས་པའི་དཔའ་པཽ་དང་རྣལ་འབྱོར་མ་སྤྲུལ་པའི་སྐུ་
འགྲོ་བ་སེམས་ཅན་གྱི་དོན་མཛད་པ་རྣམས་ཀྱི་ཞལ་དུ༴ ཞིང་སྐྱོང་བཞི་བཅུ་རྩ་བརྒྱད་ཕོ་ཉ་
གནས་ལས་སྐྱེས་པ། རིགས་ལས་སྐྱེས་པ། སྔགས་ལས་སྐྱེས་པ། ལས་ལས་སྐྱེས་པའི་མཁའ་
འགྲོ་མ་རྣམས་དང༌། གནས་གསུམ་གྱི་རྡོ་རྗེ་མཁའ་འགྲོ་མ་རྣམས་ཀྱི་ཞལ་དུ༴ གཞན་ཡང་
གནོད་སྦྱིན། སྲིན་པོ། ཡི་དྭགས། ཤ་ཟ། སྨྱོ་བྱེད། བརྗོད་བྱེད། མ་མོ། ཞིང་སྐྱོང༌། ཕོ་ཉ། 
འཕྲོག་མ་གྲུབ་པ་རྣམས་ཀྱི་ཞལ་དུ༴ བོད་ཁམས་སྐྱོང་བའི་བརྟན་མ་བཅུ་གཉིས་འཁོར་དང་
བཅས་པ་རྣམས་དང༌། གནས་བདག་གཞི་བདག ཡུལ་བདག གྲོང་བདག གཉུག་མར་
11-1-84


གནས་པ་རྣམས་ཀྱི་ཞལ་དུ༴ འགྲོ་བ་རིགས་དྲུག ལམ་རྒྱུད་ལྔ། སྐྱེ་གནས་རྣམ་པ་བཞིས་
བསྡུས་པའི་སེམས་ཅན་ཐམས་ཅད་ཟག་པ་མེད་པའི་བདེ་བས་རྒྱུད་གང་ནས་མྱུར་དུ་བླ་ན་
མེད་པའི་སངས་རྒྱས་ཀྱི་གོ་འཕང་ཐོབ་པའི་སྐལ་བ་དང་ལྡན་པར་གྱུར་ཅིག །ༀ་ཨཱཿཧཱུཾ། ཞེས་
རང་གིས་ཀྱང་མྱངས་ལ། ༀ་སརྦ་ཏ་ཐཱ་ག་ཏ་ཨ་མྲྀ་ཏ་སྭ་ད་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾ། དཀར་མོ་རི་
དྭགས་སོགས་དང༌། ཁྱོད་ནི་རྣལ་འབྱོར་མ་ཚོགས་སོགས་དང༌། ཐམས་ཅད་དངོས་པོའི་རང་བཞིན་
མཆོག །གདོད་ནས་ཐམས་ཅད་བདག་ཉིད་གནས། །ཐབས་དང་ཤེས་རབ་གཉིས་མེད་པའི། །
ཀྱཻ་ཡི་རྡོ་རྗེ་ལ་ཕྱག་འཚལ། །བདག་མེད་མས་ནི་མགུལ་ལ་འཁྱུད། །དབུ་སྐྲ་སེར་པོ་གྱེན་དུ་
འབར། །ཞལ་བརྒྱད་པ་ལ་སྤྱན་གསུམ་པ། །མགོན་པོ་དེ་ལ་གུས་ཕྱག་འཚལ། །སྤྱི་བོའི་སྟེང་
ན་ནག་པོ་མཛེས། །དཀར་དང་དམར་པོ་གཡས་དང་གཡོན། །གང་གི་ལྷག་མའི་ཞལ་རྣམས་
ནི། །གནག་པ་དེ་ལ་གུས་ཕྱག་འཚལ། །གླང་པོ་རྟ་བོང་གླང་རྔ་མོ། །མི་དང་ཤ་རཱ་བྷ་བྱི་ལ། །
གཡས་པའི་ཕྱག་བརྒྱད་ལ་གནས་པའི། །ཐོད་པ་འཛིན་ལ་བདག་ཕྱག་འཚལ། །ས་དང་ཆུ་
དང་རླུང་དང་མེ། །ཟླ་ཉི་གཤིན་རྗེ་གསང་བ་པ། །གཡོན་པའི་ཕྱག་བརྒྱད་ལ་གནས་པའི། །
ཐོད་པ་འཛིན་ལ་བདག་ཕྱག་འཚལ། །ཞབས་བཞི་ཡིས་ནི་བདུད་བཞི་པོ། །མཉམ་པར་
མནན་ཅིང་གཅེར་བུ་ཉིད། །ཉི་མར་ཞབས་གཡས་{བརྐྱང་[བརྒྱད]་དང་སྔོ། །གར་མཛད་དེ་
ལ་བདག་ཕྱག་འཚལ། །འཁོར་ལོ་བཞི་ཡིས་བདག་ཉིད་མཛེས། །འཛག་པའི་མགོ་བོས་རྣམ་
པར་བརྒྱན། །དེ་བཞིན་གཤེགས་པ་རྣམ་དག་པའི། །{ལས[ཕྱག་]རྒྱ་ལྔ་ཡིས་ཡང་དག་
བརྒྱན། །སྣ་ཚོགས་རྡོ་རྗེ་སྤྱི་བོར་མཚན། །དཔྲལ་བར་རིགས་ཀྱི་བདག་པོ་ཉིད། །དམ་པའི་
དགའ་བ་ཡང་དག་ཐོབ། །བདེ་ཆེན་དེ་ལ་བདག་ཕྱག་འཚལ། །གཾ་ལས་སྐྱེས་པའི་གཽ་རཱི་ཤར། 
ཁ་དོག་གནག་ཅིང་གཡོན་པ་ཉ། །གཡས་པ་ན་ནི་གྲི་གུག་འཛིན། །ཚངས་པ་མནན་ལ་བདག་
ཕྱག་འཚལ། །ཙཾ་ལས་སྐྱེས་པའི་ཆོམ་རྐུན་མ། །བཙོད་ཀྱི་ཁ་དོག་ལྷོ་ཕྱོགས་སུ། །ཕྱག་ན་ཕག་
11-1-85


དང་ཅང་ཏེ་བསྣམས། །དབང་པོ་མནན་ལ་བདག་ཕྱག་འཚལ། །བཾ་ལས་སྐྱེས་པའི་སེར་མོ་
ནུབ། །རོ་ལངས་མ་ནི་ཉེ་དབང་མནན། །ཕྱག་གཡོན་ལྷུང་བཟེད་གཡས་པ་ཡིས། །རུས་སྦལ་
བསྣམས་ལ་བདག་ཕྱག་འཚལ། །གྷསྨ་རཱི་ནི་བྱང་གི་སྒོར། །ལྗང་ཁུ་གྷཾ་ལས་བྱུང་བ་ཡི། །ཕྱག་
ན་སྤྲུལ་དང་ཐོད་པས་བྲེལ། །དྲག་པོ་མནན་ལ་བདག་ཕྱག་འཚལ། །གཤིན་རྗེ་མནན་ཅིང་པཾ་
ལས་བྱུང༌། །གཡོན་པ་དགྲ་སྟ་སེངྒེ་གཡས། །དབང་ལྡན་དུ་ནི་འཇིགས་གཟུགས་མ། །ཕྱག་
འཚལ་པུཀྐ་སཱི་སྔོ་ལ། །རི་ཁྲོད་མ་དཀར་ཤཾ་ལས་བྱུང༌། །མེ་རུ་གནོད་སྦྱིན་སྟེང་དུ་མནན། །
གཡོན་ན་གསིལ་བྱེད་གཡས་པ་ཡིས། །དགེ་སློང་འཇིན་ལ་བདག་ཕྱག་འཚལ། །གཏུམ་མོ་
ནམ་མཁའི་སྔོ་བསངས་མ། །སྲིན་པོར་ཙཾ་ལས་བྱུང་བ་ཡི། །གཡོན་ན་ཐོང་གཤོལ་འཁོར་ལོ་
གཡས། །ཕྱག་འཚལ་སྲིན་པོ་མནན་ཁྱོད་ལའོ། །ཌཾ་ལས་འཁྲུངས་པའི་གཡུང་མོ་ནི། །རླུང་
མཚམས་ཐགས་བཟང་རིགས་སྟེང་གཤེགས། །ཕྱག་གཡོན་སྡིགས་མཛུབ་གཡས་རྡོ་རྗེ། །སྣ་
ཚོགས་མདོག་ལ་ཕྱག་འཚལ་ལོ། །སྐྱིལ་ཀྲུང་ཕྱེད་པའི་གར་གྱིས་གནས། །ཕྱག་རྒྱ་ལྔ་ཡིས་
རྣམ་པར་བརྒྱན། །གཅེར་བུ་སྤྱན་གསུམ་ཐམས་ཅད་ལ། །བདག་ནི་གུས་པས་ཕྱག་འཚལ་
ལོ། །ཕུང་པོ་ཁམས་ནི་རྣམ་དག་པའི། །བྱང་ཆུབ་སེམས་ལས་བྱུང་བ་ཡི། །བདེ་རབ་སྟེར་འདི་
ཐམས་ཅད་ལ། །དངོས་པོ་ཀུན་ཀྱིས་ཕྱག་འཚལ་ལོ། །ཉིད་ཀྱི་ཕྱག་ན་བཟུང་བ་ཡི། །ཕྱག་
མཚན་ས་བོན་ལས་བྱུང་བའི། །བདེ་ཆེན་འདོད་པ་ཐམས་ཅད་ལ། །རྟག་ཏུ་ཡང་དག་ཕྱག་
འཚལ་ལོ། །གང་ཞིག་ཉི་ཟླ་ཁ་སྦྱོར་གནས་ས་བོན། །གཉིས་ལས་སྐྱེས་པའི་གཙོ་བོ་རིག་མར་
བཅས། །ཉིད་ཀྱི་ཉིད་ཀྱི་དཀྱིལ་འཁོར་འདི་ལ་ནི། །འཇིག་རྟེན་གསུམ་པོ་སྤྲུལ་པར་མཛད་
དང་ལྡན། །ཉིད་ལས་འདི་དག་ཐམས་ཅད་མ་ལུས་པའི། །ཞི་བའི་བདེ་སྩོལ་རིག་མར་བསྡུད་
བྱེད་པའི། །ཤེས་རབ་ཆགས་པས་བདུད་རྩིའི་རོ་ཉིད་ཀྱི། །གནས་སུ་ཞི་མཛད་དེ་ལ་ཕྱག་
འཚལ་ལོ། །མཁའ་འགྲོ་མ་གཙོ་ཀྱཻ་རྡོ་རྗེ། །ལྷ་མོ་འཁོར་ལོ་བཅས་བསྟོད་པས། །བདག་གི་
11-1-86


བསོད་ནམས་གང་ཐོབ་པ། །དེས་ནི་འཇིག་རྟེན་དེ་མཚུངས་ཤོག །ཧཱུཾ། ཧེ་རུ་ཀ་དཔལ་དཔའ་
བོ་ཆེ། །རིག་པའི་རྒྱལ་པོ་ཁྱོད་ལ་འདུད། །སློབ་མ་རྣམས་ལ་བརྩེ་ཕྱིར་དང༌། ཁྱེད་རྣམས་ལ་
ཡང་མཆོད་པའི་ཕྱིར། །མགོན་པོ་ཐུགས་རྗེའི་བདག་ཉིད་ཅན། །དཀྱིལ་འཁོར་འདྲི་བར་
བདག་འཚལ་ལོ། །དེ་ཕྱིར་བཅོམ་ལྡན་བདག་གུས་ལ། །བཀའ་དྲིན་གནང་བར་མཛད་པར་
འོས། །འགྲོ་བ་འཁོར་ལོའི་དོན་མཛད་པའི། །སངས་རྒྱས་བདག་ལ་དགོངས་སུ་གསོལ། །
འབྲས་གནས་བྱང་ཆུབ་སེམས་དཔའ་དང༌། །གཞན་ཡང་གང་དག་གསང་སྔགས་ལྷ། །ལྷ་
དང་འཇིག་རྟེན་སྐྱོང་བ་དང༌། །གང་ཡང་འབྱུང་པོ་མཐུ་ཆེན་དང༌། །སེམས་ཅན་བསྟན་ལ་
དགའ་བ་དང༌། །གངས་སུ་རྡོ་རྗེའི་སྤྱན་སྔ་རྣམས། །བདག་ལ་ཡང་དག་དགོངས་སུ་གསོལ། །
བདག་ནི་རྡོ་རྗེ་འཛིན་པ་ཡི། །ཧེ་ཞེས་བྱ་བའི་དཀྱིལ་འཁོར་ནི། །ཡོ་བྱད་ཅི་འབྱོར་པ་དག་
གིས། །འགྲོ་བ་དག་ཕྱིར་བྲི་བར་བྱ། །དེ་ཕྱིར་བདག་དང་སློབ་མ་ལ། །རྗེས་སུ་བརྩེ་བས་ཉེར་
བཟུང་སྟེ། །དཀྱིལ་འཁོར་དང་བཅས་ཐམས་ཅད་ནི། །ཉེ་བར་འབྱོན་པར་མཛད་པའི་རིགས། །
ལན་གསུམ་བརྗོད། 
གསུམ་པ་བུམ་པ་སྟ་གོན་ནི། བསངས་སྦྱངས། སྟོང་པའི་ངང་ལས་པཾ་ལས་པདྨ་དང༌། ཨ་ལས་ཟླ་
བའི་དཀྱིལ་འཁོར་གཉིས་ཀྱི་བྷྲུཾ་བྷྲུཾ་ལས་རིན་པོ་ཆེའི་བུམ་པ་གཉིས། ཡངས་ཤིང་རྒྱ་ཆེ་བ། ལྟོ་
བ་ལྡིར་བ། མགྲིན་པ་ཕྲ་བ། མཆུ་འཕྱང་བ། ལྷའི་གོས་ཀྱིས་འགུལ་བ་བཅིངས་པ། དཔག་
བསམ་གྱི་ཤིང་གིས་ཁ་བརྒྱན་པ། ནང་ཆུ་དང་བཅུད་ཐམས་ཅད་ཀྱིས་ཡོངས་སུ་གང་བའི་
རྣམ་རྒྱལ་བུམ་པའི་དབུས་སུ་སྣ་ཚོགས་པདྨ་འདབ་མ་བརྒྱད་པའི་ལྟེ་བར། ཉི་མའི་དཀྱིལ་
འཁོར་གྱི་སྟེང་དུ་ཉོན་མོངས་པ་ལ་སོགས་པ་བདུད་བཞིའི་ངོ་བོ་ཚངས་པ་སེར་པོ། ནས། 
ཐགས་བཟང་རིགས་དུད་ཁ་རྣམས་འགྱེལ་ཞིང་གདོང་གྱེན་དུ་ཕྱོགས་པའི་གདན་དང༌། ལས་
ཐམས་ཅད་པའི་བུམ་པར་པདྨ་དང་ཉི་མའི་གདན་དང་བཅས་པར་གྱུར། རྣམ་རྒྱལ་བུམ་པའི་
11-1-87


དབུས་ཀྱི་གདན་གྱི་སྟེང་དུ་མཚན་བཟང་པོ་སུམ་ཅུ་རྩ་གཉིས་ཀྱི་ངོ་བོ་ནས། དེ་ལས་སྐུ་ཡོངས་
སུ་རྫོགས་པ་ཆོས་ཀྱི་དབྱིངས་ཀྱི་ཡེ་ཤེས་ཀྱི་ངོ་བོ། བཅོམ་ལྡན་འདས་ཀྱཻ་རྡོ་རྗེ་སྐུ་མདོག་དུས་
མཐའི་སྤྲིན་ནས། གཉིས་ཀའང་ཡེ་ཤེས་ཀྱི་མེ་འབར་བའི་དབུས་ན་བཞུགས་པའོ། །ཡུམ་གྱི་
མཁའ་མི་དམིགས་ཏེ་ནས། རྡོ་རྗེའི་ལམ་ནས་ཡུམ་གྱི་པདྨར་བབས་པ་ཐིག་ལེ་ཆ་དགུར་གྱུར། 
དེ་རྣམས་གཾ་ཙཾ་བཾ་གྷཾ་པཾ་ཤཾ་ལཾ་ཌཾ་ཧཱུཾ་རྣམས་སུ་གྱུར། དེ་རྣམས་ལྷ་མོ་བརྒྱད་བདུད་རྩི་འཁྱིལ་
བ་དང་བཅས་པ་དགུར་གྱུར་པ། ཡུམ་གྱི་མཁའ་ནང་ནས་ཕྱིར་སྤྲོས་ཏེ། གདན་སོ་སོའི་སྟེང་
དུ་འཁོད་པ་ནི། ཤར་དུ་གཽ་རཱི་ནག་མོ་གཡས་གྲི་གུག་དང༌། གཡོན་ཉ་རོ་ཧི་ཏ་འཛིན་པ། ཞེས་
སོགས་ཀྱི་ལྷ་མོ་བརྒྱད་གསལ་གདབ། ལས་ཐམས་ཅད་ཀྱི་བུམ་པར་ཁྲོ་བོ་བདུད་རྩི་འཁྱིལ་བ་སྐུ་མདོག་
ལྗང་གུ་ཞལ་གཅིག་ཕྱག་གཉིས་གཡས་སྣ་ཚོགས་རྡོ་རྗེ། གཡོན་དེས་ཡུ་བ་བྱས་པའི་དྲིལ་
བུ་འཛིན་པ། ཁྲོ་བོའི་ན་བཟའ་དང་རྒྱན་ཐམས་ཅད་ཀྱིས་བརྒྱན་པ། ཐམས་ཅད་ཀྱི་མིག་ཏུ་
གཏི་མུག་རྡོ་རྗེ་མ། སོགས་ནས། ཐུགས་ཀར་ཐུགས་རྡོ་རྗེ། རང་གི་སྙིང་ཁའི་ཧཱུཾ་ལས་འོད་ཟེར་
འཕྲོས་པས། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱཻ་རྡོ་རྗེ་ལྷ་
དགུ་ཁྲོ་བོ་བདུད་རྩི་འཁྱིལ་བ་དང་བཅས་པའི་རྣམ་པར་ༀ་བཛྲ་ས་མཱ་ཛཿ གཽ་རཱི་སོགས་དགུག་
གཞུག་དང༌། དབང་བསྐུར་རྒྱས་འདེབས་པ་རྣམས་གཞན་འདྲ་བ་ལ། བདུད་རྩི་འཁྱིལ་བ་ལ། དོན་ཡོད་གྲུབ་
པས་དབུ་བརྒྱན། ༀ་བྷ་ག་ཝཱན། ཞེས་སོགས་རེ་རེའི་མགོར་སྦྱར་བའི་ཆུ་བཞི་ཉེར་སྤྱོད་རོལ་མོ་དང་བཅས་པ་དང༌། 
ཧཱུཾ་ཨཾ་གཾ་སོགས་ཀྱི་རྗེས་སུ། ༀ་ཨཱཿཧཱུཾ། ཀྱཻ་རྡོ་རྗེ་ལྷ་དགུ་ཁྲོ་བོ་བདུད་རྩི་འཁྱིལ་བ་དང་བཅས་པའི་
ཞལ་དུ་མཆོད་པ་དམ་པ་འབུལ་ལོ། །དཀར་མོ་རི་དྭགས་སོགས་དང༌། ཁྱོད་ནི་རྣལ་འབྱོར་མ་
སོགས་ཀྱི་མཐར། འཇིགས་པའི་ཧཱུཾ་སྒྲ་ངེས་སྒྲོག་ཅིང༌། །སོགས་ཀྱིས་བསྟོད་ལ། བདག་གིས་ཞལ་ནས་
སྔགས་ཀྱི་འོད་ཟེར་དམར་པོ་བྱུང་སྟེ་གཟུང་ཐག་ལ་བརྟེན་ཏེ་སོང་ལྷ་ཐམས་ཅད་ཀྱི་ཐུགས་
རྒྱུད་སྐུལ། སྐུ་ལས་བདུད་རྩིའི་རྒྱུན་བབས་པས་བུམ་པ་གང་བར་གྱུར། ཡབ་ཡུམ་གྱི་སྙིང་པོ་གཉིས་
11-1-88


དང༌། འཁོར་གྱི་སྔགས་ཐུང་རྣམས་དང༌། ལས་བུམ་ལ་འཁྱིལ་པའི་སྔགས་རྣམས་བརྒྱ་རྩ་རེ་བཟླ། སླར་གོང་ལྟར་མཆོད་བསྟོད་བྱ། 
བཅོམ་ལྡན་འདས་བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་
མ་ལུས་པ་སྩལ་དུ་གསོལ། ཡི་གེ་བརྒྱ་པ་ལན་གསུམ་བརྗོད། མ་འབྱོར་པ་དང་སོགས་ནས། བཟོད་པར་
གསོལ་གྱི་བར་དང༌། ༀ་ཨཱཿཧཱུཾ། མཆོད་ཡོན་ཕུལ་བའི་རྐྱེན་གྱིས་ལྷ་རྣམས་འོད་དུ་ཞུ་བ་ལས་བྱུང་
བའི་བུམ་པའི་ཆུ་བདུད་རྩིའི་རང་བཞིན་དུ་གྱུར། 
དེ་ནས་གཏོར་མ་རྣམས་བསངས་སྦྱངས། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར། ཞེས་པ་
ནས། ཧ་ཧོ་ཧྲཱིཿ ཞེས་པའི་བར་སྒྲུབ་ཐབས་བཞིན། མདུན་བསྐྱེད་ཀྱི་དུར་ཁྲོད་བརྒྱད་དུ་ཧཱུཾ་བརྒྱད་ཡོངས་
སུ་གྱུར་པ་ལས་ཤར་དུ་བརྒྱ་བྱིན་ཞེས་སོགས་ནས། རྡོ་རྗེ་དང་དྲིལ་བུ་འཛིན་པ། དབང་ལྡན་གྱི་
དུར་ཁྲོད་ཀྱི་སྟེང་གི་ཆར་པདྨའི་ལྟེ་བ་དང་འདབ་མ་བརྒྱད་ལ། ༀ་དགུ་ཡོངས་སུ་གྱུར་པ་
ལས། དབུས་སུ་སྐུ་རྡོ་རྗེ་ནས། འཁོར་ལོ་དང་དྲིལ་བུ་འཛིན་པ་སྲིན་པོའི་དུར་ཁྲོད་ཀྱི་འོག་གི་
ཆར་པདྨའི་ལྟེ་བ་དང་འདབ་མ་བརྒྱད་ལ་ཨཱཿདགུ་ཡོངས་སུ་གྱུར་པ་ལས། དབུས་སུ་གསུང་རྡོ་
རྗེ་ནས། ཐུགས་ཀར་ཧཱུཾ་རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས་པས་ཕྱོགས་བཅུའི་སངས་
རྒྱས་དང་བྱང་ཆུབ་སེམས་དཔའ་ཐམས་ཅད་སྐུ་གསུང་ཐུགས་རྡོ་རྗེའི་ལྷ་ཚོགས་ཀྱི་རྣམ་པར་
ༀ་བཛྲ་ས་མཱ་ཛཿ དེ་ནས་དགུག་གཞུག །དབང་ལྷ་སྤྱན་དྲངས་ཏེ་མཆོད་ཅིང་གསོལ་བ་བཏབ་པ་དང་དབང་བསྐུར་བ་
རྣམས་སྒྲུབ་ཐབས་ཀྱི་གཏོར་ཆོག་ལྟར་བྱེད་པ་ལས། སྐུ་རྡོ་རྗེ་ལྷ་ཆེན་བརྒྱད་དང་བཅས་པ་ལ་རྣམ་པར་སྣང་
མཛད། ཕྱོགས་སྐྱོང་བརྒྱད་ལ་མི་བསྐྱོད་པ་ཞེས་པ་ནས་འཕྲིན་ལས་བཅོལ་བའི་བར་ཡང་མངོན་རྟོགས་ཀྱི་གཏོར་
ཆོག་ལྟར་རོ། །
རྗེས་ཆོག་ནི། བསངས་སྦྱངས། རེ་རེའི་མགོར། ༀ་བྷ་ག་ཝཱན། སོགས་སྦྱར་བའི་ཆུ་བཞི་ཉེར་སྤྱོད་རོལ་ཆེན་དང་
བཅས་པ་དང༌། ཧཱུཾ་ཨཾ་གཾ་ཙཾ་སོགས་ཀྱི་མཐར། ༀ་ཨཱཿཧཱུཾ། ཀྱཻ་རྡོ་རྗེ་ལྷ་དགུའི་ཞལ་དུ་མཆོད་པ་དམ་པ་
འབུལ་ལོ། །དཀར་མོ་རི་དྭགས། སོགས་དང༌། ཁྱོད་ནི་རྣལ་འབྱོར་མ་སོགས་བྱ་ལ། འོག་ཏུ་ཡང་ཕྱི་ནང་
11-1-89


ཡིད་བྱུང་བསྟོད་པ་རྣམས་བྱ་ཞེས་འབྱུང་བ་རྣམས་འདི་བཞིན་དུ་ཤེས་པར་བྱའོ། །དེ་ནས་ཧེ་རུ་ཀའི་ཡིག་བརྒྱ་ལན་གསུམ། མ་
འབྱོར་བ་དང་ཞེས་སོགས་ཀྱི་མཐར། ༀ་བཛྲ་ཨུ་དྷིཥྛ། སྟ་གོན་གྱི་རྟེན་དང་བརྟེན་པར་བཅས་པའི་
དཀྱིལ་འཁོར་པ་ཐམས་ཅད་སང་སྤྱན་མ་དྲངས་ཀྱི་བར་དུ་མདུན་གྱི་ནམ་མཁར་བཞུགས་
ནས་བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་ཐམས་ཅད་
སྩལ་དུ་གསོལ། སླར་ཡང་ཕྱི་ནང་ཡིད་བྱུང་བསྟོད་པ་རྣམས་བྱ་སྟེ། བཅོམ་ལྡན་འདས་བདག་དང་སེམས་
ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་ཏུ་གསོལ། རྟེན་ཡོད་
པ་རྣམས་ལ་ཐལ་མོ་སྦྱར་ཏེ། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་
ཐམས་ཅད་བདག་ལ་དགོངས་སུ་གསོལ། ཇི་སྲིད་ནམ་མཁའི་མཐའ་དང་མཉམ་པའི་
སེམས་ཅན་ཐམས་ཅད་མི་གནས་པའི་མྱ་ངན་ལས་འདས་པའི་ས་ལ་མ་བཞག་གི་བར་དུ་
རྒྱལ་བ་རྣམས་མྱ་ངན་ལས་མི་འདའ་བར་བརྟན་པར་བཞུགས་སུ་གསོལ། བྱེ་བྲག་ཏུ་ཡང་སྐུ་
གཟུགས་ཀྱི་རྟེན་འདི་རྣམས་ལ་ཞེས་སོགས་ནས། ༀ་སུ་པྲ་ཏིཥྛ་བཛྲ་ཡེ་སྭཱཧཱ། ཞེས་པའི་བར་བརྗོད། སྐུ་
གཟུགས་ཀྱི་རྟེན་མེད་ན་དེ་མི་དགོས། དེ་ནས་རྟེན་མེད་པ་རྣམས་ལ། ༀ་ཁྱེད་ཀྱིས་སེམས་ཅན་ཞེས་སོགས་ཀྱི་མཐར། 
ༀ་ཨཱཿཧཱུཾ་བཛྲ་མུཿ ཡེ་ཤེས་པ་གཤེགས་དམ་ཚིག་པ་རང་ལ་གཉིས་སུ་མེད་པར་ཐིམ། ཛཿཧཱུཾ་
བཾ་ཧོཿ མིག་ཏུ་གཏི་མུག་རྡོ་རྗེ་མ་སོགས་གསལ་བཏབ་མཆོད་པ་དམན་པ་རྣམས་བསྡུའོ། །
དེ་ནས་བཞི་པ་སློབ་མ་སྟ་གོན་ནི། སྐབས་འདིའམ་རྗེས་ཆོག་གི་སྔོན་ལའང་རུང་སྟེ། དེ་ལ་དོན་བཅུ་བཞི་ལས། དང་
པོ་ལུས་ཀྱི་བྱ་བ་ནི། སློབ་མ་རྣམས་ཁྲུས་ལེགས་པར་བྱས་ཏེ། སྙིམ་པར་མེ་ཏོག་དང་བཅས་པས་གྲལ་ལ་རིམ་པ་བཞིན་དུ་
འཁོད། གཉིས་པ་མྱ་ངན་ལས་འདས་པའི་བསམ་པ་བརྟན་པོ་སྐྱེད་པ་ནི། སྔགས་ཀྱི་དངོས་གྲུབ་དོན་གཉེར་
གང༌། །དཀྱིལ་འཁོར་འདིར་ནི་གཞུག་པར་བྱ། །བསོད་ནམས་འདོད་པས་དེ་ལས་གཞན། །
གཞན་དག་འཇིག་རྟེན་ཕ་རོལ་གཉེར། །དད་པ་ཆེན་པོ་ལྡན་པ་དག །འཇིག་རྟེན་ཕ་རོལ་ལ་
དམིགས་ནས། །བློ་ལྡན་དཀྱིལ་འཁོར་གཞུག་བྱ་སྟེ། །འདི་ཡི་འབྲས་བུ་གཉེར་མི་བྱ། །གལ་
11-1-90


ཏེ་འདི་འབྲས་དོན་གཉེར་ན། །འཇིག་རྟེན་ཕ་རོལ་འགྲུབ་མི་འགྱུར། །འཇིག་རྟེན་ཕ་རོལ་ལ་
དམིགས་ན། །འབད་པ་མེད་པར་འདི་འབྲས་འགྲུབ། །ཅེས་སོ། །
གསུམ་པ་ནང་དབང་བསྐུར་བ་ནི། སློབ་དཔོན་དཔལ་ཀྱཻ་རྡོ་རྗེ་ཡབ་ཡུམ་དུ་གསལ་བའི་ཐུགས་
ཀའི་ཧཱུཾ་ལས་འོད་ཟེར་འཕྲོས། སློབ་མ་རྣམས་ཀྱི་ལུས་ལ་ཕོག་པས། སྡིག་སྒྲིབ་ཐམས་ཅད་
སྦྱངས། ལུས་འོད་ཀྱི་རང་བཞིན་དུ་གྱུར། སློབ་དཔོན་གྱི་ཞལ་དུ་ཞུགས། ཡུམ་གྱི་མཁར་
བབས་པ་ལས། ཧེ་རུ་ཀ་ཞལ་གཅིག་ཕྱག་གཉིས་པ་གཡས་རྡོ་རྗེ། གཡོན་ཐོད་ཁྲག །མཆན་
ཁུང་དུ་ཁ་ཊྭཱཾ་ག་དང་བཅས་པའི་རྣམ་པར་གྱུར་པ་ལ། སློབ་དཔོན་གྱི་ཐུགས་ཀའི་ས་བོན་གྱི་
འོད་ཀྱིས་དེ་བཞིན་གཤེགས་པ་ཐམས་ཅད་སྤྱན་དྲངས། ཞལ་དུ་ཞུགས་ཐུགས་ཀར་འོད་དུ་
ཞུ། རྡོ་རྗེ་ལམ་ནས་ཡུམ་གྱི་མཁར་བབས་པ། སློབ་མ་རྣམས་ལ་ཐིམ། ཧཱུཾ་ཞེས་བརྗོད་པས། ཡུམ་གྱི་
དཀུ་གཡོན་པ་ནས་ཕྱིར་སྤྲོས་ཏེ་སྟན་ལ་འཁོད། 
བཞི་པ་ཁྱད་པར་ཅན་གྱི་དོན་ཞུ་བ་ནི། མཎྜལ་དབུལ་ཞིང་ཐལ་མོ་སྦྱར་ཏེ། བདག་མེད་མ་ཡིས་མགྲིན་འཁྱུད་
པའི། །དགའ་ཆེན་ཁྱོད་བདག་སྟོན་པ་སྟེ། །སློབ་དཔོན་ཁྱོད་ནི་དགོངས་སུ་གསོལ། །བྱང་
ཆུབ་ཆེན་པོའི་ཚུལ་བསྟན་པའི། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་
བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་
ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་
བདག་ནི་གཞུག་ཏུ་གསོལ། །ཞེས་རྗེས་ཟློས་ལན་གསུམ་བྱ། 
ལྔ་པ་གསང་སྔགས་ལ་སྤྲོ་བ་སྐྱེད་པ་ནི། བུ་ཚུར་ཐེག་པ་ཆེན་པོ་ཡི། ཁྱོད་ནི་ཚུལ་ཆེན་སྣོད་ཡིན་ཏེ། །
གསང་སྔགས་སྤྱོད་ཚུལ་ཆོ་ག་འདི། ཁྱོད་ལ་ཡང་དག་བསྟན་པར་བྱ། །རྫོགས་པའི་སངས་
རྒྱས་གང་འདས་དང༌། །དེ་བཞིན་གང་དག་མ་བྱོན་དང༌། །ད་ལྟར་བྱུང་བའི་རྫོགས་སངས་
རྒྱས། །འགྲོ་ལ་ཕན་ཕྱིར་བཞུགས་པ་ཀུན། །དེ་དག་ཀུན་ཀྱི་གསང་སྔགས་ཀྱི། །ཆོ་ག་བཟང་
11-1-91


པོ་འདི་མཁྱེན་ཏེ། །དཔའ་བོས་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་མཚན་མེད་
བརྙེས། །གསང་སྔགས་སྦྱོར་བ་མཉམ་མེད་དེ། །ཤཱཀྱ་སེངྒེ་སྐྱོབ་པ་ཡི། །དྲག་པོ་ཆེན་པོ་བདུད་
ཀྱི་སྡེ། །སྟོབས་ཆེན་དག་ཀྱང་དེས་བཅོམ་སྟེ། །འཇིག་རྟེན་མཐུན་པར་གཤེགས་ནས་ནི། །
འཁོར་ལོ་བསྐོར་ནས་མྱ་ངན་འདས། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་
འདི་གྱིས་ཤིག །ཅེས་སོ། །
དྲུག་པ་རྒྱུན་བཤགས་སྔོན་དུ་འགྲོ་བའི་སེམས་བསྐྱེད་པ་ནི། དཀོན་མཆོག་གསུམ་ལ་བདག་སྐྱབས་མཆི། །
སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང༌། །སངས་རྒྱས་བྱང་
ཆུབ་ཡིད་ཀྱིས་བཟུང༌། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་སྐྱབས་སུ་
མཆི། །རང་གཞན་དོན་ནི་རབ་སྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་
མཆོག་གི་སེམས་ནི་སྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། 
བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་
ཤོག །ཅེས་ལན་གསུམ་རྗེས་བཟློས་བྱེད། 
བདུན་པ་སྲུང་བ་བྱ་བ་ནི། སློབ་དཔོན་གྱི་རྩ་སྔགས་ལན་གསུམ་བཟླས་ལ། སློབ་མའི་སྤྱི་བོ། མགྲིན་པ། སྙིང་ཁ་རྣམས་སུ། 
ༀ་ཨཱཿཧཱུཾ། ཞེས་བརྗོད་ཅིང༌། ཐིག་ལེ་བྱས་པས། སྤྱི་བོར་ༀ་དང་འཁོར་ལོ་ལས་སྐུ་རྡོ་རྗེ། མགྲིན་པར་
ཨཱཿདང་པད་མ་ལས་གསུང་རྡོ་རྗེ། ཐུགས་ཀར་ཧཱུཾ་དང་རྡོ་རྗེ་ལས་ཐུགས་རྡོ་རྗེ་བསམ་མོ། །དེ་ནས་
ཡང་མས་ནས་ཡར་རེག་ཅིང༌། ཧཱུཾ་ཨཱཿༀ། དེ་བཞིན་དུ་ཡང་ཡས་ནས་མར་རེག་ཅིང༌། ༀ་ཨཱཿཧཱུཾ་ཞེས་བརྗོད། སྐུ་གསུང་
ཐུགས་རྡོ་རྗེ་དཔག་ཏུ་མེད་པ་སྤྱན་དྲངས་ནས་གནས་གསུམ་དུ་ཐིམ་པས་སློབ་མའི་ལུས་ངག་
ཡིད་གསུམ་རྡོ་རྗེ་གསུམ་དུ་གྱུར་པར་བསམ་མོ། །
བརྒྱད་པ་མཆོད་པ་ནི། ༀ་བཛྲ་པུཥྤེ་ཨཱཿཧཱུཾ། ཞེས་པ་ལ་སོགས་པའི་སྔགས་དང་བཅས་པས། སྤྱི་བོར་མེ་ཏོག །མདུན་
དུ་སྤོས། མིག་སྔར་མར་མེ། སྙིང་གར་བྱུག་པ། ཞལ་དུ་ཞལ་ཟས་རྣམས་སྦྱིན་ནོ། །
11-1-92


དགུ་པ་སོ་ཤིང་དོར་བ་ནི། ༀ་ཛི་ཧྭ་བཛྲ་སཾ་བརྟ་ནི་སྭཱཧཱ། ཞེས་སོ་ཤིང་སྦྱིན་ལ། འདི་ནི་རིན་པོ་ཆེ་གསེར་རམ་
དངུལ་ལས་བྱས་པར་མོས་ཤིང༌། དེའི་རྩེ་མོ་ནས་འཆའ་བས། སྨན་པ་མཁས་པས་སྐྱུག་སྨན་བཏང་བ་བཞིན། སྡིག་སྒྲིབ་ཐམས་
ཅད་ཕྱིར་ཕྱུང་བར་བསྒོམས་ལ། མཎྜལ་གྱི་དབུས་སུ་དོར་ཅིག་ཅེས་བརྗོད་དོ། །ༀ་བཛྲ་ཧ་ས་ཧ། དེ་ལ་སློབ་དཔོན་གྱིས་
དངོས་གྲུབ་ལུང་བསྟན་ཏོ། །
བཅུ་པ་སྲུང་སྐུད་གདགས་པ་ནི། སྐུད་པ་དམར་པོ་སློབ་མའི་ལུས་ཚད་དང་མཉམ་པ། གསུམ་སྒྲིལ་དུ་བྱས་པ་དེ་ལ། ཧཱུཾ་
བཟླས་ཤིང་རྡོ་རྗེའི་མདུད་པ་གསུམ་བྱས་ལ། མི་དམིགས་ཏེ། སྟོང་པའི་ངང་ལས་ཧཱུཾ་ལས་བྱུང་བའི་སྐུད་པར་
བསྐྱེད་ལ། རང་གི་སྙིང་གའི་ས་བོན་གྱི་འོད་ཀྱིས་སྟ་གོན་གྱི་དེ་བཞིན་གཤེགས་པ་ཐམས་
ཅད་ཀྱི་ཐུགས་ཀ་ནས་ཡེ་ཤེས་ཀྱི་སྐུད་པ་བཀུག་སྟེ། གཉིས་སུ་མེད་པར་སྟིམ་ལ། རྩ་བའི་སྔགས་
བཟླས་ཤིང་སྐྱེས་པའི་དཔུང་པ་གཡོན་དང༌། བུད་མེད་ཀྱི་གཡས་སུ་བཅིངས་ལ། དེ་ལ་ལག་པ་གཉིས་འཇུས་ཏེ། ༀ་བཛྲ་
སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ་ཏིཥྛ། ཌི་ཌྷོ་མེ་བྷ་ཝ། སུ་ཏོ་ཥྱོ་མེ་བྷ་ཝ། སུ་
པོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། ཤ་ཤྭ་ཏོ་མེ་བྷ་ཝ། ཧྲི་ད་ཡ་མེ། ཨ་དྷི་ཏིཥྛ་སརྦ་སིདྡྷི་མེ་པྲ་
ཡཙྪ། སརྦ་ཀརྨ་སུ་ཙ་མེ། ཅིཏྟཾ་ཤྲཱི་ཡེཿཀུ་རུ་ཧཱུཾ། ཧ་ཧ་ཧ་ཧ་ཧོ། བྷ་ག་ཝན་སརྦ་ཏ་ཐཱ་ག་ཏ་བཛྲ་
མཱ་མེ་མུཉྩ་བཛྲ་བྷ་ཝ་མཧཱ་ས་མ་ཡ་སཏྭ་ཨཱཿ ཞེས་བརྗོད་པས་བརྟན་པར་བྱའོ། །
བཅུ་གཅིག་པ་ཁྱོར་ཆུ་བླུད་པ་ནི། དྲི་ཞིམ་པོའི་ཆུ་ལ་རྩ་སྔགས་དང༌། ༀ་ཧྲི་བི་ཤུདྡྷ་སརྦ་དྷརྨཿ སརྦ་པཱ་པཾ་ནིཥྩ་
ཨ་སྱ་བི་ཤུདྡྷེ་ཡ་སརྦ་བི་ཀ་ལྤན་ཨ་པ་ན་ཡ་ཧཱུཾ། ཞེས་གཡས་པའི་ཁྱོར་མོར་ཆུ་ལན་གསུམ་བླུགས་ལ་འཐུང་དུ་
གཞུག་གོ །
བཅུ་གཉིས་པ་ཀུ་ཤ་སྦྱིན་པ་ནི། དྷིཿབཟླས་པའི་ཀུ་ཤ་ཆུང་བ་སྔས་སུ་སྦྱིན། ཧཱ་བཟླས་པའི་ཀུ་ཤ་ཆེ་བ་སྟན་དུ་སྦྱིན་ནོ། །
བཅུ་གསུམ་པ་ཟབ་མོའི་ཆོས་བཤད་པའི་སྒོ་ནས་སྤྲོ་བ་སྐྱེད་པ་ནི། འཇིག་རྟེན་དུ་ནི་ཀུན་མཁྱེན་དག །ཨུ་
དུམ་ཝ་རའི་མེ་ཏོག་བཞིན། །རྒྱ་ལམ་ན་ནི་རེས་འགའ་ཞིག །འབྱུང་འགྱུར་ཡང་ནི་མི་འབྱུང་
ངོ༌། །གསང་སྔགས་སྤྱོད་པའི་ཚུལ་འབྱུང་བ། །དེ་བས་ཀྱང་ནི་དཀོན་པ་སྟེ། །གང་གི་སེམས་
11-1-93


ཅན་མཉམ་མེད་དོན། །བླ་མེད་བྱེད་པར་ནུས་པ་ཡིན། །བསྐལ་པ་བྱེ་བ་དུ་མར་ནི། །སྔོན་དུ་
སྡིག་པ་བྱས་པ་གང༌། །དཀྱིལ་འཁོར་འདི་འདྲ་མཐོང་མ་ཐག །དེ་དག་ཟད་པར་འགྱུར་ཡིན་
ན། །གྲགས་པ་མཐའ་ཡས་སྔགས་སྤྱོད་པའི། །ཚུལ་ལ་གནས་ན་སྨོས་ཅི་དགོས། །སྐྱོབ་པའི་
གསང་སྔགས་བཟླས་ན་ནི། །གོ་འཕང་བླ་ན་མེད་པར་འགྱུར། །གང་དག་སྤྱོད་པ་མཆོག་འདི་
ལ། །བློ་གྲོས་ཤིན་ཏུ་མི་གཡོ་ན། །སྡུག་བསྔལ་ཐམས་ཅད་འབྱུང་བ་ཡི། །ངན་འགྲོ་དེ་ཡིས་
གཅོད་པར་འགྱུར། །བདག་ཉིད་ཆེན་པོ་ཁྱེད་རྣམས་ཀྱིས། །རྙེད་པ་མཉམ་མེད་དེ་རིང་རྙེད། །
གང་ཕྱིར་རྒྱལ་བ་སྲས་བཅས་ལ། །བདག་ཉིད་ཆེན་པོ་ཀུན་གྱི་ནི། །བསྟན་པ་འདི་ལ་ཁྱེད་
རྣམས་ཀུན། །ཡོངས་སུ་བཟུང་སྟེ་སྐྱེ་བཞིན་པར། །དེ་ཕྱིར་ཁྱེད་རྣམས་ཐེག་ཆེན་དུ། །སང་
ནི་རབ་ཏུ་སྐྱེ་བར་འགྱུར། །ཐེག་པ་ཆེན་པོ་ཆེར་འབྱུང་བའི། །ལམ་མཆོག་འདི་ནི་དཔལ་དང་
ལྡན། ཁྱེད་རྣམས་འདིར་ནི་དོང་བས་ན། །རང་བྱུང་བསྐལ་པ་ཆེན་པོ་པ། །འཇིག་རྟེན་ཐམས་
ཅད་མཁྱེན་པ་ཡི། །དེ་བཞིན་གཤེགས་པ་ཉིད་དུ་འགྱུར། །ཞེས་བརྗོད་དོ། །
དོན་བཅུ་བཞི་པ་རྨི་ལམ་བརྟག་ཅིང་ངན་ན་བསྲུང་བ་ནི། ཁྱེད་རྣམས་སྔར་བྱིན་པའི་ཀུ་ཤ་སྔས་དང་སྟན་གྱིས་
ལ། སེངྒེའི་ཉལ་སྟབས་ཞེས་བྱ་བ་གཞོགས་གཡས་པ་ཕོབ་ལ་ཉོལ་ཞིག །སང་ནུབ་དཀྱིལ་འཁོར་ཆེན་པོ་
ཇི་ལྟ་བུ་མཐོང་སྙམ་དུ་ཡིད་ལ་གྱིས་ལ། གཞན་འདོད་ཆགས་ལ་སོགས་པའི་སེམས་མ་སྐྱེད་ཅིག །རྨི་ལམ་
ཅི་མཐོང་བ་ཡང་ང་ལ་སྨྲོས་ཤིག །ཅེས་བསྒོས་ལ་བཏང་ངོ༌། །
ལྔ་པ་དཀྱིལ་འཁོར་འདྲི་ཞིང་རྒྱན་དགྲམ་པ་ལ། ཐོག་མར་ཐིག་ཚོན་བྱིན་རླབས་ནི། དཀྱིལ་འཁོར་གྱི་དབུས་སུ་གདན་
གཏིང་བ་ལ་སྣོད་སོ་སོར། དབུས་སུ་རྡུལ་ཚོན་སྔོན་པོ་ལ་ཧཱུཾ། ཤར་དུ་དཀར་པོ་ལ་བྷྲུཾ། ལྷོར་སེར་པོ་ལ་ཨཾ། ནུབ་ཏུ་དམར་
པོ་ལ་ཛྲིཾ། བྱང་དུ་ལྗང་ཁུ་ལ་ཁཾ་རྣམས་སློབ་དཔོན་གྱི་རྡོ་རྗེའི་རྩེས་བྲིས། རང་རང་གི་ས་བོན་དང་མཐུན་པའི་ཚོན་སྐུད་ཆུན་པོ་
སོ་སོར་བཞག །དེ་རྣམས་ཀྱི་མདུན་དུ་ཆུ་གཉིས་སྔོན་དུ་འགྲོ་བའི་ཉེར་སྤྱོད་ལྔ། གཏོར་མ་དང་བཅས་པ། ཐིག་ཚོན་རྣམས་ༀ་
ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་སྣ་ཚོགས་པདྨ་ལྔའི་སྟེང་དུ། རཾ་ལས་
11-1-94


ཉི་མའི་དཀྱིལ་འཁོར་ལྔའི་དབུས་སུ་ཧཱུཾ་ལས་རྡོ་རྗེ་སྔོན་པོ་རྩེ་ལྔ་པ་ལྟེ་བ་ལ་ཧཱུཾ་གིས་མཚན་པ་
ལས་མི་བསྐྱོད་པ་སྐུ་མདོག་སྔོན་པོ། གཡས་རྡོ་རྗེ་དང༌། གཡོན་དེས་ཡུ་བ་བྱས་པའི་དྲིལ་བུ་
འཛིན་པ། ཡུམ་མཱ་མ་ཀཱི་སྔོན་མོ་གྲི་གུག་དང་ཐོད་པ་འཛིན་པ་དང་མཉམ་པར་སྦྱོར་བ། ཤར་
དུ་བྷྲཱུཾ་ལས་འཁོར་ལོ་དཀར་པོ་རྩིབས་བརྒྱད་པ་བྷྲཱུཾ་གྱིས་མཚན་པ་ལས། རྣམ་པར་སྣང་མཛད་
སྐུ་མདོག་དཀར་པོ་གཡས་འཁོར་ལོ་དང་༴ ཡུམ་སངས་རྒྱས་སྤྱན་མ་དཀར་མོ༴ ལྷོར་ཨཾ་ལས་
རིན་པོ་ཆེ་སེར་པོ་ཨཾ༴ རིན་ཆེན་འབྱུང་ལྡན་སྐུ་མདོག་སེར་པོ་གཡས་རིན་པོ་ཆེ༴ ཡུམ་རིན་
ཆེན་སྒྲོལ་མ་སེར་མོ༴ ནུབ་ཏུ་ཛྲིཾ་ལས་པདྨ་དམར་པོ་ཛྲིཾ༴ འོད་དཔག་མེད་སྐུ་མདོག་དམར་པོ་
གཡས་པདྨ༴ ཡུམ་གོས་དཀར་མོ་དམར་མོ༴ བྱང་དུ་ཁཾ་ལས་རལ་གྲི་ལྗང་ཁུ་ཁཾ༴ དོན་ཡོད་
གྲུབ་པ་སྐུ་མདོག་ལྗང་ཁུ་གཡས་རལ་གྲི༴ ཡུམ་དམ་ཚིག་སྒྲོལ་མ་ལྗང་ཁུ༴ ཐམས་ཅད་ཀྱང་
རུས་པའི་རྒྱན་གྱིས་བརྒྱན་པའོ། །དཔྲལ་བར་ༀ། མགྲིན་པར་ཨཱཿ ཐུགས་ཀར་ཧཱུཾ། རང་
གི་སྙིང་གའི་ཧཱུཾ་ལས་འོད་ཟེར་འཕྲོས་པས་རིགས་ལྔ་འཁོར་དང་བཅས་པ་ༀ་བཛྲ་ས་མཱ་ཛཿ
ཛཿཧཱུཾ་བཾ་ཧོཿ གཉིས་སུ་མེད་པར་ཐིམ། སླར་ཡང་རང་གི་སྙིང་ཁའི་ས་བོན་ལས་འོད་འཕྲོས་
པས་དབང་གི་ལྷ་རིགས་ལྔ་འཁོར་དང་བཅས་པ་ༀ་བཛྲ་ས་མཱ་ཛཿ ༀ་ཨ་བྷི་ཥིཉྩ་ཏུ་མཾ། སརྦ་
ཏ་ཐཱ་ག་ཏ། ཞེས་གསོལ་བ་བཏབ་པས་དབང་གི་ལྷ་རྣམས་ཀྱིས། ༀ་བཛྲི་བྷ་ཝ་ཨ་བྷི་ཥིཉྩ་ཧཱུཾ། 
ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་དྲི་མ་དག་ཆུ་ལྷག་མ་ཡར་
ལུད་པ་ལས། རང་འདྲའི་རིགས་ཀྱི་བདག་པོས་དབུ་བརྒྱན། དེ་ནས་མཆོད་པ་རྣམས་བསངས་སྦྱངས་བྱིན་
གྱིས་བརླབས་ནས། ༀ་སརྦ་ཏ་ཐཱ་ག་ཏ་ས་པ་རི་ཝཱ་ར་ཨརྒྷཾ་ཨཱཿཧཱུཾ། དེ་བཞིན་དུ། པཱདྱཾ་དང༌། པུཥྤེ། དྷུ་
པེ། ཨཱ་ལོ་ཀེ། གྷནྡྷེ། ནཻ་ཝི་ཏི། ཤཔྟ་ཨཱཿཧཱུཾ། གིས་མཆོད། ནང་མཆོད་གཏོར་ཞིང༌། བྷྲུཾ་ཨཾ་ཛྲིཾ་ཁཾ་ཧཱུཾ། ༀ་
ཨཱཿཧཱུཾ། རྡོ་རྗེ་དྲིལ་བུ་འཛིན་པས། མི་བསྐྱོད་རྡོ་རྗེ་ཡེ་ཤེས་ཆེ། །ཞེས་པ་ནས། སྣ་ཚོགས་མཁའ་འགྲོ་ཕྱག་
འཚལ་བསྟོད། །ཅེས་པའི་བར་གྱིས་བསྟོད། གཏོར་མ་བསངས་སྤྱངས། ༀ་ཨཱཿཧཱུཾ་ཧ་ཧོ་ཧྲཱིཿ ཞེས་བརྗོད་རྡོ་རྗེ་ཐལ་
11-1-95


མོ་ཁ་གྱེན་དུ་ཕྱོགས་ལ། ངག་ཏུ། བྷྲུཾ་ཨཾ་ཛྲིཾ་ཁཾ་ཧཱུཾ། ཨ་ཀཱ་རོ་བཏགས་པ་ལན་གསུམ་གྱིས་འབུལ། རིགས་ལྔ་སོ་སོ་
ཞུ་བ་ལས་བྱུང་བའི་ཐིག་ཚོན་དུ་གྱུར། སླར་ཡང་རང་གི་སྙིང་ཁའི་ཧཱུཾ་ལས་འོད་འཕྲོས་པས་
སྟ་གོན་གྱི་ལྷའི་ཐུགས་ཀ་ནས་ཡེ་ཤེས་ཀྱི་ཐིག་ཚོན་དཔག་ཏུ་མེད་པ་སྤྱན་དྲངས་ནས་དམ་
ཚིག་གི་ཐིག་ཚོན་ལ་ཐིམ་པར་བསམ་ལ། སློབ་དཔོན་གྱི་ལག་པ་གཡོན་པའི་མཐེབ་སྲིན་གྱིས་ཚོན་མཉེ་ཞིང༌། ཡིག་
འབྲུ་རྣམས་སུབ། ངག་ཏུ། ༀ་བཛྲ་ཙིཏྟྲ་ས་མ་ཡེ་མ་ཏི་ཀྲ་མ་ཧཱུཾ། དེ་ནས་ཐིག་སྐུད་ཀྱི་སྣེ་མོ་ལས་ཀྱི་རྡོ་རྗེ་ལ་གཏོད་
ཅིང༌། ཡེ་ཤེས་ཀྱི་སྲད་བུར་བསམ། ངག་ཏུ་ཛྫཿཛྫཿཛྫཿཞེས་བརྗོད་ཅིང༌། དེ་ནས་སློབ་དཔོན་གྱིས། ༀ་ཕན་ཚུན་རྗེས་སུ་
འགྲོ་བ་སྟེ། །ཆོས་ཀུན་ཕན་ཚུན་རྗེས་སུ་འགྲོ། །ཆོས་རྣམས་ཐམས་ཅད་ཤིན་ཏུ་ཡང༌། །ཀུན་
ཏུ་འགྲོ་བས་ཆོས་ཀུན་བརྗོད། །ༀ་ཨཱཿཧཱུཾ། ཞེས་བརྗོད་ཅིང་སློབ་མས་ཐིག་སྐུད་སོ་སོར་སྒྲིམ། ཡང་སློབ་དཔོན་
གྱིས། བརྗོད་སྐབས་སློབ་མས་ཐིག་སྐུད་རྣམས་ཕྱོགས་གཅིག་ཏུ་སྒྲིམ། དེ་ནས་སློབ་དཔོན་གྱི་སྲིན་ལག་གཡས་པས་དྲི་བཟང་
བྱུག །ཐིག་སྐུད་རྡོ་རྗེ་ལ་དཀྲི་ཞིང་འཐེབ་སྲིན་གཡོན་པས་བདུད་རྩི་གཏོར། ཨ་མྲྀ་ཏ་བརྗོད་པས་སྲུང་ངོ༌། །དེ་ནས་སློབ་དཔོན་
ནུབ་དང་སློབ་མ་ཤར་དུ་གནས་པས། རང་ཉིད་ཀྱཻ་རྡོ་རྗེ་དང༌། སློབ་མ་གཽ་རཱིར་གྱུར་ཅེས་བརྗོད། སློབ་དཔོན་གྱི་
དྲིལ་བུ་དང་བཅས་པའི་ཁུ་ཚུར་གྱི་ཕྱག་གཡོན་ལྟེ་བའི་ཐད་དུ་བཟུང༌། སློབ་དཔོན་གྱིས་མཐེབ་སྲིན་གཡས་པས་ཐིག་སྐུད་སྟེང་
ནས་བཅུས་ཏེ་འོག་ཏུ་ཐིག་ལན་གསུམ་བཏབ་པས། ནམ་མཁའ་གང་བའི་དེ་བཞིན་གཤེགས། །འགྲོ་དོན་
མཛད་དུས་འདིར་ལགས་པས། ཁྱེད་རྣམས་འདིར་ནི་གཤེགས་གསོལ་བར། །ཐིག་སྐུད་སྒྲ་
ཡི་བསྐུལ་མ་འདེབས། །ཞེས་དང༌། སེམས་ཅན་དོན་དུ་ཁྱེད་རྣམས་ཀྱིས། །དུས་ཡིད་དེ་ཕྱིར་
འདིར་བྱོན་ཅིག །ཅེས་བརྗོད། དཔོན་སློབ་གཉིས་ཀའི་ལུས་ཕབ་སྟེ། ས་ལ་ཡང་དང་པོ་ལན་གསུམ་གདབ། དེ་བཞིན་
དུ་ཚངས་ཐིག་གཉིས་དང༌། ཟུར་ཐིག་གཉིས་ལའང་ཤེས་པར་བྱའོ། །སློབ་དཔོན་ནུབ་ལ་སློབ་མ་ཤར། །སློབ་དཔོན་ལྷོ་ལ་སློབ་
མ་བྱང༌། །སློབ་དཔོན་སྔོན་འགྲོ་ཚངས་ཐིག་གདབ། །སློབ་དཔོན་མེ་མཚམས་སློབ་མ་ནི། །དབང་ལྡན་གནས་པའི་ཤར་ལོགས་
དང༌། །སློབ་མས་སློབ་དཔོན་ལ་བསྐོར་ཏེ། །བདེན་བྲལ་གནས་སུ་གནས་བྱས་ནས། །སློབ་དཔོན་གྱིས་ཀྱང་སློབ་མ་ལ། །བསྐོར་
ནས་རླུང་དུ་བྱོན་པ་ཡི། །ནུབ་ཀྱི་ལོགས་ཐིག་གདབ་པར་མཛོད། །སློབ་དཔོན་རླུང་ཉིད་དུ་བཞུགས་ནས། །སློབ་མ་དབང་ལྡན་
11-1-96


ཕྱིན་པ་ཡིས། །བྱང་གི་ལོགས་ཐིག་གདབ་པ་ཡིན། །སློབ་དཔོན་བསྐོར་ཏེ་མེ་མཚམས་དང༌། །སློབ་མས་བསྐོར་ཏེ་བདེན་བྲལ་དུ། །
གནས་པའི་ལྷོ་ཡི་ལོགས་ཐིག་གདབ། །རྡོ་རྗེ་སློབ་དཔོན་དེ་ཉིད་དུ། །བཞུགས་ཤིང་ལས་ཀྱི་རྡོ་རྗེ་ནི། །རླུང་གི་ཕྱོགས་སུ་སོང་བ་
ཡིས། །ཟུར་ཐིག་དང་པོ་གདབ་བྱས་ལ། །སློབ་དཔོན་བདེན་བྲལ་དབང་ལྡན་དུ། །སློབ་མ་གནས་པས་དཀྱིལ་འཁོར་གྱི། །ཟུར་
ཐིག་གཉིས་པའང་བཏབ་པར་བྱ། །གཡས་བསྐོར་སློབ་དཔོན་དབང་ལྡན་དང༌། །སློབ་མ་མེ་མཚམས་མི་འགྲོ་བའོ། །དེ་ནས་སློབ་
དཔོན་གྱིས་རླུང་མཚམས་ནས་ཐིག་སྣ་བསྡུད་པར་བྱའོ། །སློབ་དཔོན་རང་ཉིད་ཀྱིས་རྡོ་རྗེ་ཁུ་ཚུར་གཉིས་ལས་མཐེའུ་ཆུང་གཉིས་
སྦྲེལ། མཛུབ་མོ་གཉིས་རྩེ་སྤྲད་པའི་ཕྱག་རྒྱ་སྤྱི་བོར་ཟློག་ཅིང༌། ངག་ཏུ། ༀ་བཛྲ་བེ་གཱ་ཀྲ་མ་ཧོཿ ཞེས་བརྗོད། སེམས་
ཀྱིས་ཡེ་ཤེས་ཀྱི་ཐིག་རྣམས་ནམ་མཁར་བཏེགས་ཏེ། སྟ་གོན་གྱི་ལྷའི་ཐུགས་གར་ཐིམ་པར་
བསམ། དེ་ནས་དབུས་སུ་ཕྱིན་ཏེ་ཞལ་ཤར་ལ་ཕྱོགས་པས། རང་སྐད་ཅིག་གིས་བཅོམ་ལྡན་འདས་ཀྱཻ་རྡོ་རྗེ་
སྐུ་མདོག་སྔོན་པོ་ཞལ་བརྒྱད་ཕྱག་བཅུ་དྲུག་པ། ཞབས་བཞི་པ། ཡུམ་རྡོ་རྗེ་བདག་མེད་མ་སྐུ་
མདོག་སྔོན་མོ་གྲི་གུག་དང་ཐོད་པ་འཛིན་པའི་སྐུ་ཅན་དུ་གྱུར། ཞེས་བརྗོད། གཡོན་སྔོན་འགྲོའི་བཅའ་
བཞི་དང༌། ལག་པ་རྡོ་རྗེ་ཁུ་ཚུར་དཀུ་བསྟེན་ནོ། །རང་གི་མིག་གཡས་པ་མ་ལས་ཉི་མ་དང༌། གཡོན་པ་ཊ་
ལས་ཟླ་བ། མིག་འབྲས་ཧཱུཾ་ལས་ཁྲོ་བོའི་རྡོ་རྗེ་མེ་འབར་བར་བསམ་ལ། ཤར་སྒོ་ནས་རིམ་པ་བཞིན་
གཡས་སྐོར་གྱིས་ནུབ་སྒོའི་བར་དང༌། ཡང་ནུབ་སྒོ་ནས་རིམ་པ་བཞིན་གཡོན་བསྐོར་གྱིས་ཤར་སྒོའི་བར་དུ་བལྟ་ཞིང་སྒོའི་ཕྱོགས་
རེ་རེ་ལ་ཡང༌། ཧིཿཧིཿཞེས་བརྗོད། དེ་ནས་དྲི་བཟང་གི་ཆུས་སྒོའི་རྩ་ཐིག་རྣམས་ཕྱི་ཞིང༌། ངག་ཏུ། ཐར་པའི་སྒོར་འཇུག་
པའི་སྡིག་པ་དང་སྒྲིབ་པ་ཐམས་ཅད་བསལ་བར་བགྱིའོ། །ཞེས་བརྗོད། དེ་ནས་སློབ་དཔོན་གྱིས་དབང་
ལྡན་ནས་གཡས་སྐོར་གྱིས་རྡོ་རྗེ་ཁུ་ཚུར་གྱིས་ཆ་ཆེན་གཅིག་གི་བར་དུ་ནང་ནས་རིམ་པ་བཞིན་དུ། ནག་པོ་ལྗང་ཁུ་དམར་པོ་སེར་
པོ་དཀར་པོ་རྣམས་བྲི་ཞིང༌། ངག་ཏུ། འདི་ནི་ཆོས་དབྱིངས་དག་པ་སྟེ། །སེམས་ཅན་ཁམས་ནི་དགྲོལ་
བར་བྱེད། །ཀྱཻ་རྡོ་རྗེ་རྒྱལ་ཆེན་གྱི། །དཀྱིལ་འཁོར་མཉམ་པོ་བྲི་བར་བྱ། །ༀ་བཛྲ་ཙིཏྟ་ས་མ་
ཡ་མ་ཏི་ཀྲ་མ་ཧཱུཾ། ཞེས་བརྗོད། ཕྱི་ནང་གིས་མཆོད་བསྟོད་པས་བསྟོད། ཏིང་ཕོར་ལ་སོགས་པས་བཅད་སྟེང་དུ་རྡོ་རྗེ་བཞག །
རཀྵའི་སྔགས་ཀྱིས་བསྲུངས། ཕུར་ཁུང་འགེང་བ་ནི། རིམ་པས་ལྗང་ཁུ་དམར་པོ་དཀར་པོ་སེར་པོ་སྔོན་པོས་དགང་ཞིང༌། སྙིང་
11-1-97


པོ་བརྗོད། དེ་ནས་སློབ་མ་རྣམས་ཀྱིས་བྲི་བར་བྱ་སྟེ། མཚན་མ་བྲི་བའི་ཚེ་རང་རང་གིས་སྔགས་དང་རྩིག་པ་འདྲི་དུས་སུ་རྩ་སྔགས་
བརྗོད། དབང་ལྡན་གྱི་རྩིག་པ་སྦྲེལ་བའི་ཚེ་རོལ་མོའི་སྒྲ་བྱའོ། །དཀྱིལ་འཁོར་ཡོངས་རྫོགས་བྲིས་ཚར་བ་དང༌། སློབ་དཔོན་གྱིས་
རྣམ་རྒྱལ་བུམ་པ་རྡོ་རྗེ་དང་བཅས་པ་ལ་ལག་པས་བཟུང༌། གཡོན་དྲིལ་བུ་སིལ། མཆོད་གཡོག་པས་ལས་བུམ་བཟུང་ཞིང༌། སློབ་
དཔོན་གྱིས་སྔོན་ལ་སྤོས་སྣ་དང་བཅས་པས། ངག་ཏུ་ཡིག་བརྒྱ་བརྗོད་ཅིང༌། དཀྱིལ་འཁོར་ལ་བསྐོར་བ་ལན་གསུམ་བྱ། དེའི་
རིང་ལ་སྒྲུབ་གྲོགས་པ་རྣམས་ཀྱིས་རོལ་ཆེན་བྱེད། དེ་ནས་སློབ་དཔོན་གྱིས་རྣམ་རྒྱལ་བུམ་པ་གཙོ་བོ་ལ་སོགས་པའི་ལྷ་སོ་སོའི་
མདུན་ཕྱོགས་སུ་བཟུང་ཞིང༌། གཙོ་བོ་ལ་སྙིང་པོ་དང་གཞན་རྣམས་ལ་རང་རང་གི་སྔགས་ལན་གསུམ་གསུམ་བརྗོད་པའི་མཐར། 
བདག་དང་སེམས་ཅན་ཐམས་ཅད་ལ་མངོན་པར་དབང་བསྐུར་དུ་གསོལ། ཞེས་བརྗོད་ཅིང༌། བུམ་
པ་ལྷ་ལ་འབུལ་བའི་སྟངས་ཀ་ཙམ་བྱས་ནས་རང་གི་མགོ་བོར་བཞག །དེ་ནས་རྡུལ་ཚོན་ལྷག་མ་རྣམས་སྔར་ལྟར་ཕྱི་ནང་གི་
མཆོད། དེ་ཉིད་ལྔ་པས་བསྟོད་ལ། བཛྲ་མུཿ ཞེས་བརྗོད། རྡོ་རྗེ་བསྡུ་བའི་ཕྱག་རྒྱ་ཕྱིར་བཀྲོལ་བས། ཡེ་ཤེས་པ་སྟ་གོན་
གྱི་ཐུགས་ཀ་དང༌། དམ་ཚིག་པ་རང་ལ་ཐིམ་པར་བསམ་མོ། །
དྲུག་པ་དཀྱིལ་འཁོར་སྒྲུབ་ཅིང་མཆོད་པ་ནི། སྔོན་འགྲོ་གཏོར་མ་ནས་བཟུང༌། བདག་བསྐྱེད་རྫོགས་ཀྱི་བར་ལྷ་སྟ་གོན་
བཞིན་ལས་ཉེར་བསྡུའི་སྐབས་འོད་གསལ་དུ་ཞུགས། སླར་ཡང་བདག་ཉིད་ཀྱཻ་རྡོ་རྗེ་གཞལ་ཡས་ཁང་སྲུང་
འཁོར་དུར་ཁྲོད་དང་བཅས་པ་སྐད་ཅིག་གིས་གྲུབ་པར་གྱུར། ཅེས་བརྗོད་པ་ནི་ཁྱད་པར་རོ། །དེ་ནས་
བྲིས་པའི་དཀྱིལ་འཁོར་བསངས་སྦྱངས། སྟོང་པའི་ངང་ལས་པཾ་ལས་པདྨ་དང་རཾ་ལས་ཉི་མའི་དཀྱིལ་
འཁོར་གྱི་སྟེང་དུ་ཧཱུཾ་ལས་སྣ་ཚོགས་རྡོ་རྗེ་ཞེས་སོགས་ཐུན་མོང་བའི་བསྲུང་འཁོར་བསྐྱེད་པ་དང༌། ཐགས་
བཟང་རིས་དུད་ཁ་རྣམས་འགྱེལ་ཞིང་གདོང་གྱེན་དུ་ཕྱོགས་པའི་གདན་ཞེས་པའི་བར་གཞལ་ཡས་
ཁང་གདན་བཅས་སྟ་གོན་གྱི་སྐབས་ལྟར་བྱས་ལ། དེ་ནས། བདག་གིས་སྒོམ་པའི་བསྲུང་བའི་འཁོར་ལོ་
དང་མདུན་བསྐྱེད་ཀྱི་བསྲུང་བའི་འཁོར་ལོ་གཉིས་སུ་མེད་པར་གྱུར། བདག་གིས་སྒོམ་པའི་
དུར་ཁྲོད་བརྒྱད་དང༌། མདུན་བསྐྱེད་ཀྱི་དུར་ཁྲོད་བརྒྱད་གཉིས་སུ་མེད་པར་གྱུར། བདག་
གིས་སྒོམ་པའི་གཞལ་ཡས་ཁང་གདན་དང་བཅས་པ་དང་མདུན་བསྐྱེད་ཀྱི་གཞལ་ཡས་
11-1-98


ཁང་གདན་དང་བཅས་པ་གཉིས་སུ་མེད་པར་གྱུར། རང་དཀྱིལ་འཁོར་གྱི་དབུས་སུ་གཙོ་
བོ་ཡབ་ཡུམ་དུ་གསལ་བའི་ཡུམ་གྱི་མཁའ་མི་དམིགས་ཏེ་ཞེས་སོགས་སྒྲུབ་ཐབས་བཞིན། ཡུམ་གྱི་
པདྨར་བབས་པས་ཐིག་ལེ་ཆ་གཉིས་སུ་གྱུར། ཆ་གཅིག་རྡོ་རྗེའི་ས་གཞི་རྭ་བ་དྲ་བ་གུར་བླ་
རེ། ཡེ་ཤེས་ཀྱི་མེ་འབར་བའི་བསྲུང་བའི་འཁོར་ལོར་གྱུར་པའི་ནང་དུ། ཨེ་ལས་ཆོས་ཀྱི་
འབྱུང་གནས་གྲུ་གསུམ་པ་ནས། དེའི་སྟེང་དུ་བྷྲུཾ་ལས་འཁོར་ལོ་སེར་པོ་རྩིབས་བཅུ་པ་བྷྲུཾ་གྱིས་
མཚན་པ། དེ་རྣམས་རོ་གཅིག་ཏུ་འདྲེས་པ་ལས། རིན་པོ་ཆེ་སྣ་ཚོགས་ལས་གྲུབ་པའི་གཞལ་
ཡས་ཁང་ནས། གདན་དང་བཅས་པར་གྱུར། ཞེས་པའི་བར་བརྗོད་དོ། །ཆ་གཅིག་ཆ་དགུར་གྱུར་
པ་གདན་སོ་སོའི་སྟེང་དུ་འཁོད་པ་ནི། དབུས་ཀྱི་ཐིག་ལེ་བཅོམ་ལྡན་འདས་ཀྱཻ་རྡོ་རྗེ་ཞེས་པ་
ནས། མེ་འབར་བའི་དབུས་ན་བཞུགས་པའོ། །ཞེས་པའི་བར་དང༌། ཤར་གྱི་ཐིག་ལེ་གཽ་རཱི་ནག་མོ་
གཡས་གྲི་གུག་སོགས་དང༌། ལྷོའི་ཐིག་ལེ་ཙཽ་རཱི༴ ནུབ་ཀྱི་ཐིག་ལེ་བཻ་ཏ་ལཱི༴ བྱང་གི་ཐིག་ལེ་གྷསྨ་
རཱི༴ བྱང་ཤར་གྱི་ཐིག་ལེ་པུཀྐ་སཱི༴ ཤར་ལྷོའི་ཐིག་ལེ་ཤཱ་བཱ་རཱི༴ ལྷོ་ནུབ་ཀྱི་ཐིག་ལེ་གདོལ་པ་
མོ༴ ནུབ་བྱང་གི་ཐིག་ལེ་གཡུང་མོ་ཁ་དོག་སྣ་ཚོགས་ཞེས་སོགས་ནས། ཡེ་ཤེས་ཀྱི་མེ་འབར་བའི་
དབུས་ན་བཞུགས་པ། ཞེས་པའི་བར་གྱིས་གསལ་བཏབ། མཁའ་ནང་གི་གཙོ་བོ་ཡབ་ཡུམ་དཔག་ཏུ་
མེད་པ་སྤྲོས། སེམས་ཅན་ཐམས་ཅད་ཀྱི་རྣམ་པར་ཤེས་པའི་ཕུང་པོ་སྦྱངས། ཆོས་ཀྱི་དབྱིངས་
ཀྱི་ཡེ་ཤེས་ལ་བཀོད། ཚུར་འདུས་དབུས་ཀྱི་མཚན་མ་དང་རོ་གཅིག་ཏུ་འདྲེས་པ་ནི། བདུད་
བཞིའི་སྟེང་དུ་བཅོམ་ལྡན་འདས་ཀྱཻ་རྡོ་རྗེ་སྐུ་མདོག་ཞེས་པ་ནས། གཉིས་ཀའང་ཡེ་ཤེས་ཀྱི་མེ་
འབར་བའི་དབུས་ན་བཞུགས་པའོ། །ཞེས་པའི་བར་བརྗོད། མཁའ་ནང་གི་གཽ་རཱི་དཔག་ཏུ་མེད་
པ་སྤྲོས། སེམས་ཅན་ཐམས་ཅད་ཀྱི་གཟུགས་ཀྱི་ཕུང་པོ་སྦྱངས། མེ་ལོང་ལྟ་བུའི་ཡེ་ཤེས་ལ་
བཀོད། ཚུར་འདུས་ཤར་གྱི་མཚན་མ་དང་རོ་གཅིག་ཏུ་འདྲེས་པ་ནི་ཚངས་པའི་གདན་ལ། གཽ་
རཱི་ནག་མོ་གཡས་གྲི་གུག །གཡོན་ཉ་རོ་ཧི་ཏ་འཛིན་པ། མཁའ་ནང་གི་ཙཽ་རཱི་དཔག་ཏུ་མེད་
11-1-99


པ་སྤྲོས། སེམས་ཅན་ཐམས་ཅད་ཀྱི་ཚོར་བའི་ཕུང་པོ་སྦྱངས། མཉམ་པ་ཉིད་ཀྱི་ཡེ་ཤེས་ལ་
བཀོད། ཚུར་འདུས་ལྷོའི་མཚན་མ་དང་རོ་གཅིག་ཏུ་འདྲེས་པ་ནི། དབང་པོའི་གདན་ལ་ཙཽ་རཱི་
དམར་མོ་ཞེས་སོགས་ཞལ་ཕྱག་ཀུན་ལ་གསལ་བཏབ། མཁའ་ནང་གི་བཻ་ཏ་ལཱི་དཔག་ཏུ་མེད་པ་སྤྲོས། 
སེམས་ཅན་ཐམས་ཅད་ཀྱི་འདུ་ཤེས་ཀྱི་ཕུང་པོ་སྦྱངས། སོ་སོར་རྟོག་པའི་ཡེ་ཤེས་ལ་བཀོད། 
ཚུར་འདུས་ནུབ་ཀྱི་མཚན་མ་དང་རོ་གཅིག་ཏུ་འདྲེས་པ་ནི་ཉེ་དབང་གི་གདན་ལ་བཻ་ཏ་ལཱི་སེར་
མོ་སོགས་དང༌། མཁའ་ནང་གི་གྷསྨ་རི་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་འདུ་
བྱེད་ཀྱི་ཕུང་པོ་སྦྱངས། བྱ་བ་གྲུབ་པའི་ཡེ་ཤེས་ལ་བཀོད། ཚུར་འདུས་བྱང་གི་མཚན་མ་དང་
རོ་གཅིག་ཏུ་འདྲེས་པ་ནི། དྲག་པོའི་གདན་ལ་གྷསྨ་རཱི་ལྗང་གུ་སོགས་དང༌། མཁའ་ནང་གི་པུཀྐ་
སཱི་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་སའི་ཁམས་སྦྱངས། བྱམས་པ་ཚད་
མེད་པ་ལ་བཀོད། ཚུར་འདུས་བྱང་ཤར་གྱི་མཚན་མ་དང་རོ་གཅིག་ཏུ་འདྲེས་པ་ནི་གཤིན་
རྗེའི་གདན་ལ་པུཀྐ་སཱི་སྔོན་མོ་ཞེས་སོགས་དང༌། མཁའ་ནང་གི་ཤཱ་ཝ་རཱི་དཔག་ཏུ་མེད་པ་སྤྲོས། 
སེམས་ཅན་ཐམས་ཅད་ཀྱི་ཆུའི་ཁམས་སྦྱངས། སྙིང་རྗེ་ཚད་མེད་པ་ལ་བཀོད། ཚུར་འདུས་
ཤར་ལྷོའི་མཚན་མ་དང་རོ་གཅིག་ཏུ་འདྲེས་པ་ནི། ནོར་བདག་གི་གདན་ལ། ཤཱ་ཝ་རཱི་དཀར་
མོ་ཞེས་སོགས་དང༌། མཁའ་ནང་གི་གདོལ་པ་མོ་དཔག་ཏུ་མེད་པ་སྤྲོས། སེམས་ཅན་ཐམས་ཅད་
ཀྱི་མེའི་ཁམས་སྦྱངས། དགའ་བ་ཚད་མེད་པ་ལ་བཀོད། ཚུར་འདུས་ལྷོ་ནུབ་ཀྱི་མཚན་མ་དང་
རོ་གཅིག་ཏུ་འདྲེས་པ་ནི། སྲིན་པོའི་གདན་ལ་གདོལ་པ་མོ་སྔོན་མོ་ཞེས་སོགས་དང༌། མཁའ་ནང་
གི་གཡུང་མོ་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་རླུང་གི་ཁམས་སྦྱངས། བཏང་
སྙོམས་ཚད་མེད་པ་ལ་བཀོད། ཚུར་འདུས་ནུབ་བྱང་གི་མཚན་མ་དང་རོ་གཅིག་ཏུ་འདྲེས་པ་
ནི། ཐགས་བཟང་རིས་ཀྱི་གདན་ལ་གཡུང་མོ་ཁ་དོག་སྣ་ཚོགས་པ་ཞེས་པ་ནས། ཡེ་ཤེས་ཀྱི་
མེ་འབར་བའི་དབུས་ན་བཞུགས་པའོ། །ཞེས་པའི་བར་དང༌། མཁའ་ནང་གི་གཞལ་ཡས་ཁང་
11-1-100


དཔག་ཏུ་མེད་པ་སྤྲོས། སྣོད་ཀྱི་འཇིག་རྟེན་གྱི་དྲི་མ་སྦྱངས། དག་པའི་འཇིག་རྟེན་གྱི་ཁམས་
ལ་བཀོད། ཚུར་འདུས་གཞལ་ཡས་ཁང་ལ་ཐིམ། མཁའ་ནང་གི་དུར་ཁྲོད་བརྒྱད་དཔག་ཏུ་
མེད་པ་སྤྲོས། སེམས་ཅན་ཐམས་ཅད་ཀྱི་ལུས་དང་རྣམ་ཤེས་ཚོགས་བརྒྱད་སྦྱངས། འཁོར་
འདས་རོ་མཉམ་གྱི་ཡེ་ཤེས་ལ་བཀོད། ཚུར་འདུས་དུར་ཁྲོད་བརྒྱད་ལ་ཐིམ། མཁའ་ནང་གི་
བསྲུང་བའི་འཁོར་ལོ་དཔག་ཏུ་མེད་པ་སྤྲོས། བགེགས་དང་ལོག་འདྲེན་མི་མཐུན་པའི་ཕྱོགས་
ཐམས་ཅད་སྦྱངས། སྐུ་གསུང་ཐུགས་རྡོ་རྗེ་གསུམ་གྱི་གོ་འཕང་ལ་བཀོད། ཚུར་འདུས་བསྲུང་
བའི་འཁོར་ལོ་ལ་ཐིམ། ཐམས་ཅད་ཀྱི་མིག་ཏུ་གཏི་མུག་རྡོ་རྗེ་མ་ནས། ཐུགས་ཀར་ཐུགས་རྡོ་རྗེ་
མ་ཞེས་པའི་བར་བརྗོད་ལ། དངོས་གཞི་དང་པོའི་ཚེ་ལག་པས་རྡོ་རྗེ་གསོར་ཞིང་ངག་ཏུ་ཨཥྚ་བཟླ སྟ་གོན་གྱི་ལྷ་ནམ་
མཁར་བཞུགས་པ་ལ། ༀ་བྷ་ག་ཝན། ཞེས་སོགས་ལན་གཅིག ༀ་ནི་རི་ཞེས་སོགས་ཆུ་བཞི་ཕུལ། ༀ་བྷ་
ག་ཝན་སོགས། གཽ་རཱི་ལ་སོགས་པའི་སྔགས་རྒྱས་དགུག་གཞུག་བྱ། དེ་ནས། རང་གི་སྙིང་ཁའི་ཧཱུཾ་ལས་འོད་
ཟེར་འཕྲོས་ནས་ཡེ་ཤེས་དགུག་གཞུག་དང་དབང་བསྐུར་རྒྱས་གདབ་རྣམས་ལྟ་སྟ་གོན་བཞིན་བྱ། དེ་ནས་ཧཱུཾ་ཤྲཱི་ཧེ་བཛྲ་
ༀ་ཤྲཱི་བཛྲ་ཧེ་རུ་ཀ༴ སོགས་ཡིག་བརྒྱ་ཅི་རིགས་བཟླ། དེ་བཞིན་དུ། ནཾ་ནཻ་རཱཏྨ་ༀ་ཤྲཱི། ཞེས་སོགས་དང༌། གཾ་
གཽ་རཱི་ༀ་ཤྲཱི་བཛྲ༴ ཞེས་སོགས་ནས། ཌཾ་ཌོམྦྷི་ནཱི་ༀ་ཤྲཱི་བཛྲ་ཧེ་རུ་ཀ༴ ཞེས་སོགས་བཟླ། རྟེན་དང་བརྟེན་
པར་བཅས་པའི་དཀྱིལ་འཁོར་པ་ཐམས་ཅད་བརྟན་པར་བཞུགས་སུ་གསོལ། བརྟན་པར་
བཞུགས་ནས་བདག་དང་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་
ལུས་པ་སྩལ་ཏུ་གསོལ། ཞེས་པའི་མཐར། རང་ཉིད་དཀྱིལ་འཁོར་གྱི་གཙོ་བོའི་ཐུགས་ཀ་ནས་ཧེ་
རུ་ཀ་ཞལ་གཅིག་ཕྱག་གཉིས་པའི་རྣམ་པར་བྱོན་ཏེ། ཤར་ཕྱོགས་ཀྱི་སྒོ་ཁང་དུ་འཁོད་པར་
གྱུར། ཞེས་བརྗོད། དེ་ནས་མཆོད་པ་བྱིན་རླབས་ནས་བརྩམས་ཏེ། ཆུ་བཞི་ཉེར་སྤྱོད་གོས་ཟུང་ནང་མཆོད། ཡིད་བྱུང་བསྟོད་པ་
རྣམས་སྟ་གོན་གྱི་སྐབས་སུ་བཤད་པ་བཞིན་བྱས་ལ། རང་གི་ལྕེ་ལ་བདུད་རྩི་མྱངས་ཏེ། ༀ་ཨཱཿཧཱུཾ། དེ་ནས་སྒྲུབ་གྲོགས་གཅིག །
ཨཥྚ༴ བཟླ་ཞིང་དཀྱིལ་འཁོར་བསྲུང་དུ་བཅུག །རང་ཉིད་གྲོགས་དང་བཅས་པ་སྒྲུབ་ཁང་གི་ཕྱིའམ། དཀྱིལ་འཁོར་དང་ཡོལ་
11-1-101


བས་བར་དུ་ཆོད་པའི་སར་ཕྱིན་ལ། ཇི་ལྟར་འོས་པའི་སྟེགས་ལ་གཏོར་མ་གཅིག་དང༌། དེའི་གཡས་སུ་ཆུ་བཞི་དང༌། གཡོན་
དུ་ཉེར་སྤྱོད་ལྔ་མདུན་ནས་རྒྱབ་ཏུ་སྦྲེང་ཚར་དང༌། མདུན་དུ་ནང་མཆོད་ཀྱང་བཤམས། གཏོར་མ་ནང་མཆོད་ལྟར་
བྱིན་གྱིས་བརླབས་ལ། གཏོར་མའི་སྟེང་གི་ནམ་མཁར་ཨ་ལས་བྱུང་བའི༴ ཞེས་པ་ནས། ཡིད་ལ་
འདོད་པ་ཀུན་གྲུབ་ཤོག་གི་བར་སྟ་གོན་གྱི་གཏོར་ཆོག་བཞིན་བྱས་ལ། ཕྱོགས་སྐྱོང་བ་ཁྱེད་རྣམས་ཀྱིས་
དཀྱིལ་འཁོར་ཆེན་པོའི་བྱ་བ་མཐར་མ་ཕྱིན་གྱི་བར་དུ་བར་ཆད་ཐམས་ཅད་བསྲུང་བ་དང༌། 
དེང་ནས་ཀྱང་བྱང་ཆུབ་མ་ཐོབ་བར་དུ་བསྲུང་བ་དང༌། སྡོང་གྲོགས་མཛོད། རྡོ་རྗེའི་གླུ་བླངས། ཕུན་
སུམ་ཚོགས་པ༴ སོགས་དང༌། རིགས་སུ་སྐྱེ་དང༴ སོགས་ཀྱིས་སྨོན་ལམ་བཏབ། ༀ་ཧྲཱིཿབི་ཤུདྡྷ་སརྦ་དྷརྨཱ་
[སརྦ་]པཱ་པཾ་ནི་ཙ་ཨ་སྱ་སཾ་ཤོ་དྷ་ཡ་སརྦ་བི་ཀ་ལྤཱན་ཨ་པ་ན་ཡ་ཧཱུཾ། གཏོར་མགྲོན་གྱི་ཡེ་ཤེས་
པ་རྣམས་རང་བཞིན་གྱི་གནས་སུ་གཤེགས། དམ་ཚིག་པ་རྣམས་རང་ལ་གཉིས་སུ་མེད་པར་
ཐིམ། ཞེས་བརྗོད། དེའི་ཚེ་སློབ་མས་མཆོད་ཡོན་གྱི་ཆུས་གཏོར་སྣོད་ལ་བསྐོར་ཏེ་ལྷག་མ་གཏོར་མ་འགྲོ་ཕྱོགས་སུ་སྦྲེངས་
ལ། ༀ་བཛྲ་སཏྭ་ས་མ་ཡ། མ་ནུ་པ་ལ་ཡ་བཛྲ་སཏྭ་ཏྭེ་ནོ་པ་ཏིཥྛ་ཌི་ཌྷོ་མེ་བྷ་ཝ། སུ་ཏོ་ཥྱོ་མེ་བྷ་
ཝ། སུ་པོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། ཤ་ཤྭ་ཏོ་མེ་བྷ་ཝ། ཧྲི་ད་ཡ་མེ་ཨ་དྷི་ཏིཥྛ་སརྦ་སིདྡྷི་
མྨེ་པྲཱ་ཡཙྪ། སརྦ་ཀརྨ་སུ་ཙ་མེ། ཙིཏྟཾ་ཤྲི་ཡེ། ཀུ་རུ་ཧཱུཾ་ཧ་ཧ་ཧ་ཧ་ཧོཿ བྷ་ག་ཝཱན་སརྦ་ཏ་ཐཱ་ག་ཏ་
བཛྲ་མཱ་མེ་མུཉྩ། བཛྲི་བྷ་ཝ་མཧཱ་ས་མ་ཡ་སཏྭ་ཨཱཿམུཿ ཞེས་ཡི་གེ་བརྒྱ་པ་བཅོ་ལྔ་པ་དང༌། ཨཥྚ། བཟླ་ཞིང༌། 
གཏོར་མ་རོལ་མོ་དང་བཅས་པས་ས་གཙང་སར་སྐྱལ་ཏེ། རོལ་མོ་རྒྱུན་ཆགས་དང་བཅས་པས་སློབ་དཔོན་གྱིས་རྟིང་མནན་ནས་
ནང་དུ་ལོག་སྟེ། ཡི་གེ་བརྒྱ་པ་བཟླ་ཞིང༌། ཤོང་ན་དངོས་སུ་དཀྱིལ་འཁོར་ལ་བསྐོར་བ་གསུམ་མམ་བདུན་ལ་སོགས་པ་བྱ། མི་
ཤོང་ན་འདོད་སྣམ་གྱི་སྟེང་ནས་བྱས་པར་བསམ་ལ། དེ་ནས་རྡོ་རྗེ་ཐལ་མོ་སྦྱར་ཏེ། བདག་ཅག་ལས་དང་པོ་པའི་རྟེན་
གྱི་གང་ཟག་ཏུ་གྱུར་པས། ཏིང་ངེ་འཛིན་མི་གསལ་བ་དང༌། སྔགས་མ་དག་པ་དང༌། བྱིང་བ་
དང་རྒོད་པའི་དབང་དུ་གྱུར་པ་དང༌། ཆོ་ག་ལྷག་པ་དང་ཆད་པར་གྱུར་པ་དང༌། མཆོད་པའི་ཡོ་
བྱད་མ་འབྱོར་བ་དང་ཉམས་པ་ལ་སོགས་པ་དཀྱིལ་འཁོར་བསྒྲུབ་པ་ལ་སྐྱོན་དུ་གྱུར་པ་གང་
11-1-102


ལགས་པ་དེ་དག་ཐམས་ཅད་བཟོད་པར་མཛད་དེ། ལྷག་ཆད་ཁ་སྐོང་བར་མཛད་དུ་གསོལ། 
སྒྲུབ་མཆོད་ཞག་སྦྲེལ་བྱེད་ན་དངོས་གཞི་ཉི་མ་དང་པོ་ལ། བུམ་པ་སྒྲུབ་མི་དགོས་ཕྱི་མ་རྣམས་ལ་སྐབས་འདིར་བུམ་སྐྱེད་སྔར་
ལྟར་བྱའོ། །
བདུན་པ་དབང་གི་ཆོ་ག་ལ། བདག་ཉིད་འཇུག་ཅིང་དབང་བླང་བ་དང༌། སློབ་མ་གཞུག་ཅིང་དབང་བསྐུར་བ་གཉིས་
ལས། དང་པོ་ནི། ཇི་ལྟར་བལྟམས་པ་ཙམ་གྱིས༴ སོགས་ནས། ༀ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་
ཡ་ཤྲཱི་ཡེ་ཧཱུཾ། ཞེས་པའི་བར་བརྗོད། ལས་བུམ་གྱི་ཆུས་ཁ་བཤལ། དེ་ནས་དཀྱིལ་འཁོར་དུ་འཇུག་པའི་ཆོས་རྣམས་ཞུ་བའི་
ཡོན་དུ་མཎྜལ་ཕུལ་ལ། བདག་མེད་མ་ཡིས་མགྲིན་འཁྱུད་པའི༴ ཞེས་སོགས། ལན་གསུམ། སངས་རྒྱས་
ཆོས་དང་དགེ་འདུན་ཏེ། །དཀོན་མཆོག་གསུམ་ལ་སྐྱབས་སུ་སོང༌། །འདི་ནི་སངས་རྒྱས་
རིགས་དག་པའི། །དམ་ཚིག་བརྟན་པོར་གྱུར་པའོ། །རྡོ་རྗེ་དྲིལ་བུ་ཕྱག་རྒྱ་ཡང༌། །བློ་ཆེན་
གྱིས་ནི་བཟུང་བར་བྱ། །བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་ཞེས་བཤད་དོ། །
སློབ་དཔོན་དག་ཀྱང་གཟུང་བར་བྱ། །བླ་མ་སངས་རྒྱས་ཀུན་དང་མཉམ། །འདི་ནི་རྡོ་རྗེ་
རིགས་དག་པས། །སྡོམ་པ་དམ་ཚིག་ཡིན་པར་གསུངས། །རིན་ཆེན་རིགས་མཆོག་ཆེན་པོ་ལ། །
ཉིན་དང་མཚན་མོ་ལན་གསུམ་དུ། །ཟང་ཟིང་མི་འཇིགས་ཆོས་དང་བྱམས། །སྦྱིན་པ་རྣམ་
བཞི་རྟག་ཏུ་སྦྱིན། །ཕྱི་དང་གསང་བ་ཐེག་པ་གསུམ། །དམ་ཆོས་ཁྱོད་ཀྱིས་བཟུང་བར་བྱ། །
འདི་ནི་པདྨའི་རིགས་དག་པའི། །དམ་ཚིག་སྡོམ་པ་ཡིན་པར་གསུངས། །ལས་ཀྱི་རིགས་
མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་བཟུང་བར་བགྱི། །
མཆོད་པའི་ལས་ཀྱང་ཅི་ནུས་བགྱི། །དེ་ལས་གཞན་པ་བཅུ་བཞི་ནི། །ཕས་ཕམ་པར་ནི་རབ་
ཏུ་བཤད། །སྤོང་ཞིང་དོར་བར་མི་བྱ་སྟེ། །རྩ་བའི་ལྟུང་བ་ཞེས་བཤད་དོ། །ཉིན་དང་མཚན་མོ་
ལན་གསུམ་དུ། །ཉིན་རེ་བཞིན་ནི་བཟླ་བར་བྱ། །གང་ཚེ་ཉམས་གྱུར་རྣལ་འབྱོར་པ། ཁ་ན་མ་
ཐོ་སྦོམ་པོར་འགྱུར། ཁྱེད་ཀྱིས་སྲོག་ཆགས་བསད་མི་བྱ། །མ་བྱིན་པར་ཡང་མི་བླང་ངོ༌། །
11-1-103


འདོད་ལ་ལོག་པར་མི་སྤྱད་ཅིང༌། །བརྫུན་དུ་སྨྲ་བར་མི་བྱའོ། །ཕུང་ཁྲོལ་ཀུན་གྱི་རྩ་བ་ཡི། །
ཆང་ནི་རྣམ་པར་སྤང་བར་བྱ། །སེམས་ཅན་འདུལ་ཕྱིར་མ་གཏོགས་པ། །བྱ་བ་མ་ཡིན་
ཐམས་ཅད་སྤང༌། །དམ་པ་ཉེ་བར་བསྟེན་བྱ་ཞིང༌། །རྣལ་འབྱོར་པ་རྣམས་བསྙེན་བཀུར་བྱ། །
ལུས་ཀྱི་ལས་ནི་རྣམ་གསུམ་དང༌། །ངག་གི་རྣམ་པ་བཞི་དག་དང༌། །ཡིད་ཀྱི་རྣམ་པ་གསུམ་
དག་ནི། །ཅི་ནུས་པར་ནི་རྗེས་སུ་སྐྱོངས། །ཐེག་པ་དམན་ལ་འདོད་མི་བྱ། །སེམས་ཅན་དོན་
ལ་རྒྱབ་ཕྱོགས་མིན། །འཁོར་བ་དག་ཀྱང་སྤང་མི་བྱ། །རྟག་ཏུ་མྱ་ངན་འདས་མི་ཆགས། །ལྷ་
དང་ལྷ་མིན་གསང་བ་པ། ཁྱེད་ཀྱིས་བརྙས་པར་མི་བྱ་ཞིང༌། །ཕྱག་རྒྱ་གཞོན་པ་མཚོན་ཆ་
དང༌། །མཚན་མ་འགོམ་པར་མི་བྱའོ། །འདི་དག་དམ་ཚིག་ཡིན་པར་བཤད། ཁྱོད་ཀྱིས་རྟག་
ཏུ་བསྲུང་བར་བྱ། །རྗེས་མཐུན་སྡོམ་པ་རྒྱ་ཆེར་ནི། །གསང་བའི་རྒྱུད་ལས་ཡང་དག་བཤད། །
ཅེས་དམ་ཚིག་བསྒྲགས། དཀོན་མཆོག་གསུམ་ལ་བདག་སྐྱབས་མཆི༴ ཞེས་སོགས་རྒྱུན་བཤགས་ལན་
གསུམ་དང༌། སྲས་བཅས་སངས་རྒྱས་ཐམས་ཅད་དང༴ ཞེས་སོགས་རིགས་ལྔའི་སྡོམ་གཟུང་ལན་གསུམ་བྱས་
ལ། ཨཱ་ཁཾ་བཱི་ར་ཧཱུཾ། ལན་གསུམ། མིག་དར་དང་མེ་ཏོག་བཟུང༌། ཨ་མྲྀ་ཏ་བཟླ་ཞིང་ལས་བུམ་གྱི་ཆུ་གཏོར། བུ་ཁྱོད་
སུ་ཡིན་ཅི་ལ་དགའ་ཞེས་དང༌། སྐལ་བཟང་བདག་བདེ་བ་ཆེན་པོ་ལའོ། །དེ་ཡིས་བུ་ལ་ཅི་ཞིག་
བྱ། ཞེས་དང༌། སངས་རྒྱས་མཆོག་གི་དམ་ཚིག་གོ །རང་གི་སྙིང་ཁར་ཟླ་བའི་སྟེང་དུ་རྡོ་རྗེ་དཀར་
པོ་རྩེ་ལྔ་པ་འོད་ཟེར་འཕྲོ་བ་དང་བཅས་པར་གྱུར། ༀ་སརྦ་ཡོ་ག་ཙིཏྟ་ཨུ་པཱ་ད་ཡ་མི། རྡོ་རྗེ་སྙིང་
ཁར་གཏུགས་ལ། སུ་ར་ཏེ་ས་མ་ཡ་སྟྭཾ་ཧོ་སིདྡྷི་བཛྲ་ཡ་ཐཱ་སུ་ཁཾ། ཞེས་བརྗོད། སྤྱི་བོར་རྡོ་རྗེ་བཞག་སྟེ། དེང་
ཁྱོད་དེ་བཞིན་གཤེགས་པ་ཐམས་ཅད་དང་དཔའ་བོ་དང་རྣལ་འབྱོར་མ་ཐམས་ཅད་ཀྱི་
རིགས་སུ་རབ་ཏུ་ཞུགས་ཀྱི་དེ་བཞིན་གཤེགས་པ་ཐམས་ཅད་ཀྱི་གསང་ཆེན་དམ་པ་འདི། དེ་
བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དུ་མ་ཞུགས་པ་རྣམས་ཀྱི་མདུན་དུ་སྨྲ་བར་
མི་བྱ་སྟེ། མ་དད་པ་རྣམས་ལ་ཡང་མ་ཡིན་ནོ། །ཧཱུཾ་ཛཿཧཱུཾ། ཞེས་ནང་དུ་ཞུགས་པར་མོས། ཡེ་ཤེས་གང་
11-1-104


གིས་ཁྱོད་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱང་ཐོབ་པར་གྱུར་ན། དངོས་
གྲུབ་གཞན་ལྟ་སྨོས་ཀྱང་ཅི་དགོས། དེ་ལྟ་བུའི་རྡོ་རྗེ་ཡེ་ཤེས་བསྐྱེད་པར་བྱ་ཡིས་ཁྱོད་ཀྱི་
དཀྱིལ་འཁོར་ཆེན་པོ་མ་མཐོང་བ་རྣམས་ཀྱི་མདུན་དུ་སྨྲ་བར་མི་བྱ་སྟེ། བུ་ཁྱོད་དམ་ཚིག་
ཉམས་པར་འགྱུར་ཏ་རེ། ཞེས་དང༌། ཧེ་རུ་ཀ་དཔལ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་
གྱུར། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །ཞེས་དང༌། འདི་ནི་ཁྱོད་
ཀྱི་དམ་ཚིག་གི་རྡོ་རྗེ་སྟེ། གལ་ཏེ་ཚུལ་འདི་སུ་ཡང་རུང་བ་ལ་སྨྲས་ན། འདིས་ཁྱོད་ཀྱི་མགོ་བོ་
འགེམས་པར་འགྱུར་རོ། །ཞེས་དང༌། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་བསྲེག་
པར་བྱེད། །དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་འགྲུབ། ༀ་པཉྩ་
ཨ་མྲྀ་ཏ་ཨུད་ཏ་ཀ་ཋཿཋཿཋཿ ཞེས་ནང་མཆོད་དམ་བུམ་ཆུ་མྱང་བ་དང༌། དེང་ཕྱིན་ཆད་བུ་ཁྱོད་ཀྱི་དཔལ་
ཧེ་རུ་ཀ་ང་ཡིན་གྱི། ངས་འདི་བྱོས་ཤིག་ཅེས་བྱ་བ་སྟེ་ཁྱོད་ཀྱིས་བྱ་དགོས་སོ། །ང་ལ་ཡང་
བརྙས་པར་མ་བྱེད་ཅིག་བྱས་ན་ཡ་ང་བ་མ་སྤངས་པར་འཆི་བའི་དུས་བྱས་ནས་སེམས་ཅན་
དམྱལ་བ་ཆེན་པོར་ལྟུང་བར་འགྱུར་ཏ་རེ། ཡེ་ཤེས་དབབ་པ་ཞུ་བའི་ཡོན་དུ་མཎྜལ་དབུལ། དེ་བཞིན་
གཤེགས་པ་ཐམས་ཅད་ཀྱིས་བྱིན་གྱིས་རློབས་ཤིག །དཔལ་ཧེ་རུ་ཀ་བདག་ལ་དབབ་པར་
མཛད་དུ་གསོལ། ལན་གསུམ། རང་གི་རྐང་པ་གཉིས་ཀྱི་འོག་ཏུ་རླུང་གི་དཀྱིལ་འཁོར་ཟླ་གམ་
སྔོན་པོ་བ་དན་གྱིས་མཚན་པ། རྐང་མཐིལ་གཉིས་སུ་ཡི་གེ་ཛྷ་ལྗང་ཁུ་རེ་རེ། སྙིང་ཁར་ལཾ་
ལས་སའི་དཀྱིལ་འཁོར་གྲུ་བཞི་སེར་པོ་རྡོ་རྗེ་རྒྱ་གྲམ་གྱིས་མཚན་པའི་ལྟེ་བ་ལ་ཧཱུཾ། མགྲིན་
པར་བཾ་ལས་ཆུའི་དཀྱིལ་འཁོར་དཀར་པོ་ཟླུམ་པོ་བུམ་པས་མཚན་པ་ལ་ཨཱཿ སྤྱི་བོར་ཡཾ་ལས་
རླུང་གི་དཀྱིལ་འཁོར་དུ་བ་འཁྲིགས་པ་ལྟ་བུའི་དབུས་སུ་ཧ། རྐང་པའི་འོག་ཏུ་རླུང་གཡོས་
པས་རྐང་མཐིལ་གི་ཛྷ་མེར་འབར་ཏེ། ལོང་བུའི་རྩ་ནང་ནས་ཞུགས། བརླའི་རྩའོ་ཆེའི་ནང་ན་
ཡར་ཞུགས་ནས་སུམ་མདོའི་མེ་དང་འདྲེས་ནས་ཆེར་འབར་བ། དེའི་སྟོབས་ཀྱིས་སྙིང་ཁའི་
11-1-105


ས་བསྲོས། མགྲིན་པའི་ཆུ་སྐོལ། རྐང་འོག་གི་རླུང་གིས་གྱེན་ལ་བཏེག །སྤྱི་བོའི་རླུང་གིས་
ཐུར་ལ་མནན། དེའི་དུས་སུ་ཕྱོགས་བཅུའི་དེ་བཞིན་གཤེགས་པ་ཐམས་ཅད་བྱོན་ཏེ། ཁ་བ་
ཆེན་པོ་བབ་པ་བཞིན་དུ་བ་སྤུའི་བུ་ག་ནས་ལུས་ལ་སིབ་སིབ་ཐིམ་པར་གྱུར། ཧཱུཾ་ཨཱ་ཧ་ཛྷཻཾ་ཨ་
བེ་ཤཱ་ཡ། སྟཱཾ་བྷ་ཡ། སྟཱཾ་བྷ་ཡ། ར་ར་ར་ར། །ཙཱ་ལ་ཡ་ཙཱ་ལ་ཡ། ཧཱུཾ་ཨཱ་ཧཱ་ཛྷཻཾ། ཞེས་ལན་མང་དུ་བརྗོད། 
སྤྱི་བོར་རྡོ་རྗེ་རྒྱ་གྲམ་དུ་བཞག ཏིཥྛ་བཛྲ། ཞེས་བརྗོད། དེ་བཞིན་གཤེགས་པ་ཀུན་ཀྱི་གནས། །ཧེ་རུ་ཀ་
དཔལ་གྲོང་ཁྱེར་མཆོག །སྙིང་པོའི་དཀྱིལ་འཁོར་འདི་རུ་ནི། །བདག་གིས་སློབ་མ་གཞུག་
པར་བགྱི། །ལྷ་ཡི་རིགས་ཀྱི་རིམ་པ་དང༌། །བསོད་ནམས་རིམ་པའང་དེ་བཞིན་ཤོག །རིགས་
ནི་གང་གི་སྣོད་དུ་གྱུར། །འདི་ལ་བསོད་ནམས་ཅི་ཡོད་པ། །དཀྱིལ་འཁོར་འདིར་ནི་དེ་བཞིན་
ཤོག །ཅེས་ལན་གསུམ་གྱིས་གསོལ་བ་བཏབ་བོ། །ཞེ་སྡང་རྡོ་རྗེ་ཕྱག་འཚལ་བསྟོད།{ཅེས་སོགས་ཀྱིས་
བསྟོད།}[གཏི་མུག་རྡོ་རྗེ་ཕྱག་འཚལ་བསྟོད། །སེར་སྣ་རྡོ་རྗེ་བདག་ལ་གསོལ། །འདོད་
ཆགས་རྡོ་རྗེ་བདག་ལ་སྐྱོབས། །ཡིད་དང་ཕྲག་དོག་ཆེན་པོ་ཀུན། །རྡོ་རྗེ་ཀུན་ཀྱི་དམ་ཚིག་
མཆོག །ལས་རྣམས་ཐམས་ཅད་སྒྲུབ་བྱེད་པ། །རྡོ་རྗེ་ཅན་ཀུན་བདག་དགྱེས་མཛོད། །]ཅེས་
བསྟོད། ༀ་པྲ་ཏཱིཙྪ་བཛྲ་ཧོ། ༀ་པྲ་ཏཱིཙྪ་གྲྀཧྣ་སྟཱཾ། ཨི་མཾ་སཏྭ་མཧཱ་བ་ལ། རྡོ་རྗེ་སེམས་དཔའ་དེང་
ཁྱོད་ཀྱི། །མིག་འབྱེད་པར་ནི་བརྩོན་པར་མཛད། །ཕྱེ་བས་ཐམས་ཅད་མཐོང་གྱུར་ཏེ། །རྡོ་
རྗེའི་མིག་ནི་བླ་ན་མེད། །ཧེ་བཛྲ་པ་ཤྱ། མིག་དར་དབྱེ། དཀྱིལ་འཁོར་བཟང་པོ་འདི་ལ་ལྟོས། །ད་
ནི་དད་པ་རབ་ཏུ་བསྐྱེད། ཁྱེད་ཀྱང་སངས་རྒྱས་རིགས་སུ་སྐྱེས། །དམ་ཚིག་ཐམས་ཅད་སྐྱོང་
བ་དང༌། །སྔགས་རྣམས་ལ་ཡང་བརྩོན་པར་གྱིས། །ལྟོས་ཤིག་ལྟོས་ཤིག་སེམས་དཔའ་ཆེ། །
མེ་ཏོག་གང་ལ་ལྷུང་གྱུར་བ། །དེ་ནི་ཁྱོད་ཀྱི་ཧེ་རུ་ཀ །ཞེས་བརྗོད། ༀ་རྡོ་རྗེའི་དཀྱིལ་འཁོར་ཆེན་
པོ་ཡི། །དཀྱིལ་འཁོར་དུ་ནི་བདག་ཞུགས་སོ། །ༀ་རྣལ་འབྱོར་དཀྱིལ་འཁོར་ཆེན་པོ་ཡི། །
དཀྱིལ་འཁོར་དེ་རིང་བདག་གིས་མཐོང༌། །ༀ་གསང་བའི་དཀྱིལ་འཁོར་ཆེན་པོ་ཡི། །དཀྱིལ་
11-1-106


འཁོར་དུ་ནི་བདག་དབང་བསྐུར། །ས་མ་ཡ་ཧོ། རྡོ་རྗེ་སློབ་མའི་དབང་ཞུ་བའི་ཡོན་དུ་མཎྜལ་འབུལ། བྱང་
ཆུབ་རྡོ་རྗེ་སངས་རྒྱས་ལ༴ སོགས་ལན་གསུམ་བརྗོད། དཀྱིལ་འཁོར་གྱི་ཤར་ཕྱོགས་སུ་དབང་སྟེགས་
སེང་གེས་བཏེགས་པའི་རིན་པོ་ཆེའི་ཁྲིའི་སྟེང་དུ། རང་ཉིད་བཅོམ་ལྡན་འདས་ཀྱཻ་རྡོ་རྗེའི་སྐུར་
གྱུར། སྟེང་དུ་བླ་བྲེ་གཡས་སུ་གདུགས། གཡོན་དུ་རྒྱལ་མཚན། མཐའ་བསྐོར་ཀུན་དུ་དུང་
དང༌། རྔ་བོ་ཆེ་དང༌། འཕན་དང་མེ་ཏོག་གི་འཕྲེང་བ་ལ་སོགས་པ་མཆོད་པའི་རྣམ་གྲངས་
བསམ་གྱིས་མི་ཁྱབ་པས་བསྐོར་བ་དང་བཅས་པར་གྱུར། ༀ་ནི་རི༴ སོགས་ནས། ཨརྒྷཾ་པྲ་ཏཱིཙྪ་
ཧཱུཾ། ཞེས་ཆུ་བཞིས་སྦྱངས་ལ། ༀ་སརྦ་པཱ་པཾ་ད་ཧ་ན་བཛྲ་ཡ། བཛྲ་སཏྭ་སྱ་སརྦ་པཱ་པཾ་ད་ཧ་ན་བཛྲ་ཡེ་
སྭཱཧཱ། ཞེས་ཏིལ་དང༌། ༀ་ཧཱུཾ་ཌ་ཌི་ཏ་ཕཊ། ཅེས་ཆུས་སྦྱངས། བདག་གི་བྱུར་དང་སྐལ་པ་ངན་པ་དང༌། 
བཀྲ་མི་ཤིས་པ་ཐམས་ཅད་ཞི་བར་གྱུར་ཅིག ༀ་ཕུན་སུམ་ཚོགས་པ་མངའ་བ༴ སོགས་བརྗོད་
ཅིང༌། བདག་ཅག་འཁོར་དང་བཅས་པ་རྣམས་སྤང་བྱ་མི་མཐུན་པའི་ཕྱོགས་ཐམས་ཅད་ལས་
རྒྱལ་ནས་ཤིན་ཏུ་བཀྲ་ཤིས་པར་གྱུར་ཅིག ༀ་སྭ་བྷཱ་ཝཱ༴ སོགས་དང༌། བདག་དང་དབང་རྫས་
རྣམ་རྒྱལ་བུམ་པའི་ཆུ་གཉིས་ཀ་མི་དམིགས་ཏེ་སྟོང་པའི་ངང་ལས་པཾ་ལས་པདྨ་དང་རཾ་ལས་
ཉི་མའི་དཀྱིལ་འཁོར་གྱི་སྟེང་དུ་ཧཱུཾ་ལས་རྡོ་རྗེ་སྔོན་པོ་རྩེ་ལྔ་པ་ལྟེ་བ་ལ་ཧཱུཾ་གིས་མཚན་པ་དེ་
ལས་འོད་འཕྲོས་འདུས་གཅིག་ཏུ་གྱུར་པ་ལས། གཉིས་ཀ་མི་བསྐྱོད་པ་ཀྱཻ་རྡོ་རྗེ་སྔོན་པོ་ཞལ་
བརྒྱད་ཕྱག་བཅུ་དྲུག་པ། ཞབས་བཞི་པ་ཕྱག་གཡས་བརྒྱད་རྡོ་རྗེ་དང༌། གཡོན་བརྒྱད་དེས་ཡུ་
བ་བྱས་པའི་དྲིལ་བུ་འཛིན་པ། ཡུམ་མཱ་མ་ཀཱི་སྔོན་མོ་གྲི་གུག་དང་ཐོད་པ་འཛིན་པ་དང་མཉམ་
པར་སྦྱོར་བ། གཉིས་ཀའང་རུས་པའི་རྒྱན་གྱིས་བརྒྱན་པའི་མིག་ཏུ་གཏི་མུག་རྡོ་རྗེ་མ་[རྣ་བར་
ཞེ་སྡང་རྡོ་རྗེ་མ། སྣར་སེར་སྣ་རྡོ་རྗེ་མ། ཁར་འདོད་ཆགས་རྡོ་རྗེ་མ། དཔྲལ་བར་ཕྲག་དོག་རྡོ་
རྗེ་མ། ལྟེ་བའམ་སྙིང་ཁར་བདག་མེད་རྡོ་རྗེ་མ། སྤྱི་བོར་སྐུ་རྡོ་རྗེ་མ། མགྲིན་པར་གསུང་རྡོ་རྗེ་
མ།]ཐུགས་ཀར་ཐུགས་རྡོ་རྗེ་མ། ཐུགས་ཀའི་ཧཱུཾ་ལས་འོད་ཟེར་འཕྲོས་པས་ཕྱོགས་བཅུའི་དེ་
11-1-107


བཞིན་གཤེགས་པ་ཐམས་ཅད་མི་བསྐྱོད་པ། ཀྱཻ་རྡོ་རྗེ་ཡབ་ཡུམ་གྱི་རྣམ་པར་ༀ་བཛྲ་ས་མཱ་ཛཿ
ༀ་བཛྲ་གཽ་རཱི་ཨཱ་ཀཪྵ་ཡ་ཛཿ[ༀ་བཛྲ་ཙཽ་རཱི་པྲ་བེ་ཤཱ་ཡ་ཧཱུཾ། ༀ་བཛྲ་བཻ་ཏ་ལཱི་བནྡྷ་བཾ། ༀ་བཛྲ་
གྷསྨ་རཱི་ཝ་ཤཾ་ཀུ་རུ་ཧོཿ]སླར་ཡང་ཐུགས་ཀའི་ཧཱུཾ་ལས་འོད་ཟེར་འཕྲོས་པས་དབང་གི་ལྷ་
རིགས་ལྔ་འཁོར་དང་བཅས་པ་ༀ་བཛྲ་ས་མཱ་ཛཿ ༀ་ཨ་བྷི་ཥིཉྩ་ཏུ་མཾ་སརྦ་ཏ་ཐཱ་ག་ཏ། ༀ་བཛྲཱི་
བྷ་ཝ་ཨ་བྷི་ཥིཉྩ་ཧཱུཾ། དབང་རྫས་ལ་དབང་བསྐུར། སྐུ་གང་དྲི་མ་དག་ཆུ་ལྷག་མ་ཡར་ལུད་པ་
ལས་མི་བསྐྱོད་པས་དབུ་བརྒྱན། དབང་རྫས་ཀྱི་མི་བསྐྱོད་པ་ཡབ་ཡུམ་སྙོམས་པར་ཞུགས། 
ཞུ་བ་ལས་བྱུང་བའི་དབང་རྫས་རྣམ་རྒྱལ་བུམ་པའི་ཆུར་གྱུར། བཅོམ་ལྡན་དེ་བཞིན་
གཤེགས་པ་ཀུན། །བཅོམ་ལྡན་བདག་ཉིད་ཆེན་པོ་རྣམས། །ཐུགས་རྗེའི་བདག་ཉིད་ཅན་
རྣམས་ཀྱིས། ཁྱོད་ཀྱིས་འདི་ལ་དབང་བསྐུར་སྩོལ།སངས་རྒྱས་རྣམས་ནི་ཐམས་ཅད་ཀྱི། །
གསང་གསུམ་གནས་ལས་བྱུང་བ་ཡི། ཁམས་གསུམ་ཀུན་ཀྱིས་ཕྱག་བྱས་པ། །རྡོ་རྗེའི་དབང་
བསྐུར་ཆེན་པོ་སྦྱིན། །ༀ་བཛྲི་བྷ་ཝ་ཨ་བྷི་ཥིཉྩ་ཧཱུཾ། ཞེས་གསུང་ཞིང་བུམ་པའི་ཆུས་སྤྱི་བོ་ནས་
དབང་བསྐུར་བས་ལུས་ཐམས་ཅད་གང་དྲི་མ་ཐམས་ཅད་དག །ཆུ་ལྷག་མ་ཡར་ལུད་པ་ལས་
མི་བསྐྱོད་པས་དབུ་བརྒྱན། ༀ་བཛྲ་པུཥྤེ་ཨཱཿཧཱུཾ། སོགས་མཆོད་པ་ལྔས་མཆོད། དེ་ལྟར་ན་ཆུའི་དབང་
ཐོབ། ཞེ་སྡང་དག་རྣམ་པར་ཤེས་པའི་ཕུང་པོ་གནས་གྱུར། མེ་ལོང་ལྟ་བུའི་ཡེ་ཤེས་མངོན་དུ་
བྱས། མི་སྐྱོད་པའི་གོ་འཕང་མངོན་དུ་འགྱུར་བའི་སྐལ་བ་ཅན་དུ་བྱས་པ་ཡིན་ནོ། །ༀ་སྭ་བྷཱ་
ཝ༴ སོགས་དང༌། བདག་དང་དབང་རྫས་དབུ་རྒྱན་གཉིས་ཀ་མི་དམིགས་ཏེ་སྟོང་པའི་ངང་ལས་
པཾ་ལས་པདྨ་དང༌། རཾ་ལས་ཉི་མའི་དཀྱིལ་འཁོར་གྱི་སྟེང་དུ། ཨཾ་ལས་རིན་པོ་ཆེ་སེར་པོ་ཨཾ་
གིས་མཚན་པ་དེ་ལས་འོད་འཕྲོས་འདུས་གཅིག་ཏུ་གྱུར་པ་ལས། གཉིས་ཀ་རིན་ཆེན་འབྱུང་
ལྡན་ཀྱཻ་རྡོ་རྗེ་སྐུ་མདོག་སེར་པོ་ཞལ་བརྒྱད་ཕྱག་བཅུ་དྲུག་པ། ཞབས་བཞི་པ་ཕྱག་གཡས་
བརྒྱད་རིན་པོ་ཆེ། གཡོན་བརྒྱད་དེས་ཡུ་བ་བྱས་པའི་དྲིལ་བུ་འཛིན་པ། ཡུམ་རིན་ཆེན་སྒྲོལ་
11-1-108


མ་སེར་མོ་གྲི་གུག་དང་ཐོད་པ་འཛིན་པ་དང་མཉམ་པར་སྦྱོར་བ། གཉིས་ཀའང་རུས་པའི་
རྒྱན་གྱིས་བརྒྱན་པའི༴ ནས། མིག་སོགས་བྱིན་གྱིས་བརླབས་པ་དང༌། ཡེ་ཤེས་པ་གཞུག་པ་དང༌། དབང་གི་ལྷ་སྤྱན་
དྲངས་ནས་གསོལ་བ་གདབ་པ་སྔར་ལྟར་བྱ་བ་ལས། དབང་རྫས་ལ་དབང་བསྐུར། སྐུ་གང་དྲི་མ་དག་ཆུ་ལྷག་མ་ཡར་ལུད་པ་
ལས། རིན་ཆེན་འབྱུང་ལྡན་གྱིས་དབུ་བརྒྱན། དབང་རྫས་ཀྱི་རིན་ཆེན་འབྱུང་ལྡན་ཡབ་ཡུམ་
སྙོམ་པར་ཞུགས༴ ཞུ་བ་ལས་བྱུང་བའི་དབང་རྫས་རིན་པོ་ཆེའི་དབུ་བརྒྱན་དུ་གྱུར༴ དེ་ནས་སྔར་
ལྟར་དབང་གི་ལྷ་ལ་གསོལ་བ་གདབ། སངས་རྒྱས་རྣམས་ནི་ཐམས་ཅད་ཀྱི༴ ནས། རིན་ཆེན་དབང་
བསྐུར་ཆེན་པོ་སྦྱིན། ༀ་རཏྣ་མུ་ཀུ་ཊ་ཨ་བྷི་ཥིཉྩ་མི་བཛྲ་རཱ་ག་ཏ་བཛྲ་ཤཱ་{ལི་[ལེ]་ཧོ། ཡང་ཆུ་
དབང་བསྐུར། ༀ་བཛྲི་བྷ་ཝ༴ སོགས། ཞེས་གསུང་ཞིང་༴ ནས། རིན་ཆེན་འབྱུང་ལྡན་གྱིས་དབུ་
བརྒྱན། དེ་ནས་མཆོད་པ་ལྔས་མཆོད། དེ་ལྟར་ན་ཅོད་པན་གྱི་དབང་ཐོབ། ང་རྒྱལ་དང་སེར་སྣ་དག ཚོར་
བའི་ཕུང་པོ་གནས་གྱུར། མཉམ་པ་ཉིད་ཀྱི་ཡེ་ཤེས་མངོན་དུ་བྱས། རིན་ཆེན་འབྱུང་ལྡན་གྱི་
གོ་འཕང་མངོན་དུ་འགྱུར་བའི་སྐལ་པ་ཅན་དུ་བྱས་པ་ཡིན་ནོ། །སྭ་བྷ་ཝ༴ སོགས་དང༌། བདག་
དང་དབང་རྫས་རྡོ་རྗེ་གཉིས་ཀ་མི་དམིགས་ཏེ༴ ཛྲིཾ་ལས་པདྨ་དམར་པོ་ཛྲིཾ་གིས་མཚན་པ་ལས༴
འོད་དཔག་མེད་ཀྱཻ་རྡོ་རྗེ་སྐུ་མདོག་དམར་པོ་ཞལ་བརྒྱད༴ ཕྱག་གཡས་བརྒྱད་པདྨ༴ ཡུམ་
གོས་དཀར་མོ་དམར་མོ། དབང་རྫས་ལ་དབང་བསྐུར༴ འོད་དཔག་མེད་ཀྱིས་དབུ་བརྒྱན། 
དབང་རྫས་ཀྱི་འོད་དཔག་མེད་ཡབ་ཡུམ་སྙོམས་པར་ཞུགས་པ་ཞུ་བ་ལས་བྱུང་བའི་དབང་
རྫས་རྡོ་རྗེར་གྱུར། སངས་རྒྱས་ཀུན་ཀྱི་རྡོ་རྗེའི་དབང༌། །དེ་རིང་ཁྱོད་ལ་བསྐུར་བར་བྱ། །
སངས་རྒྱས་ཀུན་དུ་རབ་སྒྲུབ་ཕྱིར། །རྡོ་རྗེ་འདི་ནི་ཁྱོད་ཀྱིས་ལོང་ཞེས་དང༌། ༀ་བཛྲི་བྷ་ཝ༴
ནས། འོད་དཔག་མེད་ཀྱིས་དབུ་བརྒྱན། དེ་ལྟར་ན་རྡོ་རྗེའི་དབང༌། འདོད་ཆགས་དང་འདུ་
ཤེས་ཀྱི་[ཕུང་པོ་གནས་གྱུར་]སོ་སོར་རྟོག་པའི་ཡེ་ཤེས་[མངོན་དུ་བྱས་]འོད་དཔག་མེད་ཀྱི་
[གོ་འཕང་མངོན་དུ་གྱུར་བའི་སྐལ་བ་ཅན་དུ་བྱས་པ་ཡིན་ནོ། །]སྭ་བྷཱ་ཝ༴ སོགས། བདག་དང་
11-1-109


དབང་རྫས་དྲིལ་བུ་གཉིས་ཀ༴ ཁཾ་ལས་རལ་གྲི་ལྗང་ཁུ་ཁཾ་གིས་མཚན་པ། དོན་ཡོད་གྲུབ་པ༴
ཀྱཻ་རྡོ་རྗེ་སྐུ་མདོག་ལྗང་གུ་ཞལ་བརྒྱད༴ གཡས་བརྒྱད་རལ་གྲི༴ གཡོན་བརྒྱད་དེས་ཡུ་བ་བྱས་
པའི་དྲིལ་བུ་འཛིན་པ། ཡུམ་དམ་ཚིག་སྒྲོལ་མ་ལྗང་ཁུ༴ དབང་རྫས་ལ་དབང་བསྐུར༴ དོན་
ཡོད་གྲུབ་པས་དབུ་བརྒྱན། དབང་རྫས་ཀྱི་དོན་ཡོད་གྲུབ་པ་སྙོམས་པར་ཞུགས། ཞུ་བ་ལས་
བྱུང་བའི་དབང་རྫས་དྲིལ་བུར་གྱུར། ༀ་བཛྲ་ཨ་དྷི་པ་དྷི་སྟྭཾ། ཨ་བྷི་ཥིཉྩ་མཾ། ཏིཥྛ་བཛྲ་ས་མ་ཡ། 
ཞེས་དང༌། ༀ་བཛྲི་བྷ་ཝ༴ དོན་ཡོད་གྲུབ་པས་དབུ་བརྒྱན། དེ་ལྟར་ན༴ དྲིལ་བུའི༴ ཕྲག་དོག༴
འདུ་བྱེད་ཀྱི༴ བྱ་བ་གྲུབ་པའི་ཡེ་ཤེས༴ དོན་ཡོད་གྲུབ་པའི༴ སྭ་བྷཱ་ཝ། སོགས། བདག་ཉིད་མི་
དམིགས་ཏེ༴ ཨ་ལས་ཟླ་བའི་དཀྱིལ་འཁོར་གྱི་སྟེང་དུ་བྷྲུཾ་ལས་འཁོར་ལོ་དཀར་པོ་བྷྲུཾ་གྱིས་
མཚན་པ༴ བདག་ཉིད་རྣམ་པར་སྣང་མཛད་ཀྱཻ་རྡོ་རྗེ་སྐུ་མདོག་དཀར་པོ༴ ཕྱག་གཡས་བརྒྱད་
འཁོར་ལོ། ཡུམ་སངས་རྒྱས་སྤྱན་མ་དཀར་མོ༴ སླར་ཡང་ཐུགས་ཁའི་ས་བོན་ལས། འོད་ཟེར་
འཕྲོས་དབང་གི་ལྷ་རིགས་ལྔ་འཁོར་དང་བཅས་པ་སྤྱན་དྲངས་[ༀ་བཛྲ་ས་མཱ་ཛཿ]བཅོམ་
ལྡན་དེ་བཞིན་གཤེགས་པ༴ སོགས་ཀྱིས་གསོལ་བ་གདབ། ༀ་བཛྲ་སཏྭ་སྟྭཾ་ཨ་བྷི་ཥིཉྩ་མཾ། བཛྲ་ནཱ་མ་
ཨ་བྷི་ཥེ་ཀ་ཏ། ཀྱཻ་དཔལ་ཆེ་གེ་མོ་རྡོ་རྗེ་ཞེས་བྱ་བའི་དེ་བཞིན་གཤེགས་པའོ། །ཞེས་དང༌། ༀ་བཛྲི་བྷ་ཝ་ནས། རྣམ་
པར་སྣང་མཛད་ཀྱིས་དབུ་བརྒྱན། དེ་ལྟར་ན་མིང་གི་དབང་༴ གཏི་མུག་དང་གཟུགས་ཀྱི་
[ཕུང་པོ་གནས་གྱུར།]ཆོས་ཀྱི་དབྱིངས་ཀྱི་ཡེ་ཤེས་[མངོན་དུ་བྱས།] རྣམ་པར་སྣང་མཛད་ཀྱི་
[གོ་འཕང་མངོན་དུ་འགྱུར་བའི་སྐལ་བ་ཅན་ཏུ་བྱས་པ་ཡིན་ནོ། །] དངོས་ཀུན་གང་དང་གང་
སྣང་བ། །གཙོ་དེ་རང་གི་ལྷག་པའི་ལྷ། །ཆོས་རྣམས་རང་བཞིན་རྙོག་མེད་དག །སངས་རྒྱས་
ཡེ་ཤེས་ལྟ་བར་བྱ། །སྭ་བྷཱ་ཝ་སོགས། བདག་ཉིད་མི་དམིགས་ཏེ། [སྟོང་པའི་ངང་ལས་པཾ་
ལས་པདྨ་དང༌།] ཨ་ལས་ཟླ་བའི་དཀྱིལ་འཁོར་གྱི་སྟེང་དུ་ཧཱུཾ་ལས་རྡོ་རྗེ་དཀར་པོའི་རྩེ་ལྔ་པ་
ལྟེ་བ་ལ་ཧཱུཾ་གིས་མཚན་པ། [དེ་ལས་འོད་འཕྲོས་འདུས་གཅིག་ཏུ་གྱུར་པ་ལས། བདག་ཉིད]
11-1-110


རྡོ་རྗེ་སེམས་དཔའ་ཀྱཻ་རྡོ་རྗེ་སྐུ་མདོག་དཀར་པོ་ཞལ་བརྒྱད། ཅེས་སོགས་ཕྱག་མཚན་མི་བསྐྱོད་པ་བཞིན། 
[ཕྱག་བཅུ་དྲུག་པ་ཞབས་བཞི་པ། ཕྱག་གཡས་བརྒྱད་རྡོ་རྗེ་དང༌། གཡོན་བརྒྱད་དེས་ཡུ་བ་
བྱས་པའི་དྲིལ་བུ་འཛིན་པ།] ཡུམ་རྡོ་རྗེ་སྙེམས་མ་དཀར་མོ་སོགས། [གྲི་གུག་དང་ཐོད་པ་
འཛིན་པ་དང་མཉམ་པར་སྦྱོར་བ། གཉིས་ཀའང་རུས་པའི་རྒྱན་གྱིས་བརྒྱན་པའི། མིག་སོགས་
བྱིན་གྱིས་བརླབས་པ་དང༌། ཡེ་ཤེས་པ་བཞུགས་པ་དང༌། དབང་གི་ལྷ་སྤྱན་དྲངས་ནས་གསོལ་བ་གདབ་པ་ནི། མིག་ཏུ་གཏི་
མུག་རྡོ་རྗེ་མ། རྣ་བར་ཞེ་སྡང་རྡོ་རྗེ་མ། སྣར་སེར་སྣ་རྡོ་རྗེ་མ། ཁར་འདོད་ཆགས་རྡོ་རྗེ་མ། 
དཔྲལ་བར་ཕྲག་དོག་རྡོ་རྗེ་མ། ལྟེ་བའམ་སྙིང་གར་བདག་མེད་རྡོ་རྗེ་མ། སྤྱི་བོར་སྐུ་རྡོ་རྗེ་མ། 
མགྲིན་པར་གསུང་རྡོ་རྗེ་མ། ཐུགས་ཀར་ཐུགས་རྡོ་རྗེ་མ།] ཐུགས་ཀའི་ས་བོན་ལས་འོད་ཟེར་
འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་རྡོ་རྗེ་སེམས་དཔའ་ཡབ་ཡུམ་གྱི་
རྣམ་པར་ༀ་བཛྲ་ས་མཱ་ཛཿ དགུག་གཞུག་བྱ། [ༀ་བཛྲ་གཽ་རཱི་ཨ་ཀཪྵ་ཡ་ཛཿ ༀ་བཛྲ་ཙཽ་རཱི་པྲ་བེ་ཤཱ་
ཡ་ཧཱུཾ། ༀ་བཛྲ་བཻ་ཏ་ལཱི་བནྡྷ་བཾ། ༀ་བཛྲ་གྷསྨ་རཱི་ཝ་ཤཾ་ཀུ་རུ་ཧོཿ ཆུ་དབང་ནི། སླར་ཡང་ཐུགས་
ཀའི་ཧཱུཾ་ལས་འོད་ཟེར་འཕྲོས་པས་དབང་གི་ལྷ་རིགས་ལྔ་འཁོར་དང་བཅས་པ་ༀ་བཛྲ་ས་མཱ་
ཛཿ ༀ་ཨ་བྷི་ཥིཉྩ་ཏུ་མཾ། སརྦ་ཏ་ཐཱ་ག་ཏ། ] ༀ་བཛྲི་བྷ་ཝ་སོགས་ཀྱི་ཆུ་དབང་བསྐུར། སྐུ་གང་
དྲི་མ་དག །ཆུ་ལྷག་མ་ཡར་ལུད་པ་ལས། རྡོ་རྗེ་སེམས་དཔས་དབུ་བརྒྱན། [དེ་ནས་སྔར་ལྟར་དབང་
གི་ལྷ་ལ་གསོལ་བ་གདབ་པ་ནི། བཅོམ་ལྡན་དེ་བཞིན་གཤེགས་པ་ཀུན། །བཅོམ་ལྡན་བདག་ཉིད་
ཆེན་པོ་རྣམས། །ཐུགས་རྗེའི་བདག་ཉིད་ཅན་རྣམས་ཀྱིས། ཁྱོད་ཀྱི་འདི་ལ་དབང་བསྐུར་སྩོལ། །
]འདི་དེ་སངས་རྒྱས་ཐམས་ཅད་ཀྱི། །རྡོ་རྗེ་སེམས་དཔའི་ཕྱག་ན་གནས། ཁྱེད་ཀྱིས་ཀྱང་ནི་
རྟག་ཏུ་བཟུང༌། །ཕྱག་ན་རྡོ་རྗེ་བརྟུལ་ཞུགས་བརྟན། །ༀ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་
སྟྭཾ། ཏིཥྛ་ཨེ་ཥ་སྟྭཾ་བཛྲ་དྷ་ར་ཡ་མི་བཛྲ་སཏྭ་ཧི། ཧི་ཧི་ཧི་ཧཱུཾ། བརྟུལ་ཞུགས་ཀྱི་དབང་ངོ༌། །དེ་ནས་རྡོ་རྗེ་སློབ་
དཔོན་གྱི་དབང་ཞུ་བའི་ཕྱིར་མཎྜལ་ཕུལ་ལ། མི་ལྡོག་འཁོར་ལོའི་དབང་བསྐུར་བ། །མགོན་པོས་བདག་
11-1-111


ལ་སྩལ་ནས་ཀྱང༌། །འཁོར་ལོ་ལྷ་ཡི་དེ་ཉིད་དང༌། །སློབ་དཔོན་འཕྲིན་ལས་ཡོངས་སུ་
གསུངས། །སངས་རྒྱས་ཀུན་ཀྱི་དམ་ཚིག་དང༌། །སྡོམ་པའང་བླ་ན་མེད་པ་སྩོལ། །ཞེས་ལན་
གསུམ་བརྗོད། འདི་དེ་སངས་རྒྱས་ཐམས་ཅད་ཀྱི༴ ནས། ཧི་ཧི་ཧི་ཧཱུཾ། ཞེས་དང༌། ཐོག་མཐའ་མེད་པའི་
སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་ཏུ་བཟང་པོ་ཀུན་བདག་ཉིད། །རྡོ་
རྗེ་བསྙེམ་མའི་བདག་པོའི་བདག །བཅོམ་ལྡན་འདས་དཔལ་མཆོག་དང་པོའི་སྐྱེས་བུ་ལའོ། །
ༀ་མཧཱ་བཛྲ་ཧཱུཾ། འདི་དེ་སངས་རྒྱས་ཐམས་ཅད་ཀྱི། །ཤེས་རབ་དབྱངས་ཀྱི་རྗེས་འགྲོར་
བཤད། ཁྱོད་ཀྱིས་ཀྱང་ནི་རྟག་ཏུ་བཟུང༌། །བྱང་ཆུབ་མཆོག་ཏུ་རྒྱལ་བ་བཞེད། །ཅེས་དང༌། ཨ་
སྲིད་པ་ངོ་བོ་ཉིད་ཀྱི་དག །ངོ་བོ་ཉིད་ཀྱི་སྲིད་བྲལ་བྱས། །རང་བཞིན་དག་པའི་སེམས་ལྡན་
པ། །སྲིད་པ་དམ་པ་བྱེད་པར་གྱུར། །རང་ཉིད་རྡོ་རྗེ་སེམས་དཔའ་སྐུ་མདོག་དཀར་པོ་ཞལ་
གཅིག་ཕྱག་གཉིས་པ་གཡས་རྡོ་རྗེ། གཡོན་དེས་ཡུ་བ་བྱས་པའི་དྲིལ་བུ་འཛིན་པ། ཡུམ་རྡོ་རྗེ་
སྙེམས་མ་གྲི་གུག་དང་ཐོད་པ་འཛིན་པ། ལོ་བཅུ་དྲུག་ལོན་པ་ལྟ་བུས་འཁྱུད་པ། ཤེས་རབ་
བཅུ་དྲུག་ལོན་པ་ལ། །ལག་པ་དག་གིས་ཡང་དག་འཁྱུད། །རྡོ་རྗེ་དྲིལ་བུ་མཉམ་སྦྱོར་བ། །
སློབ་དཔོན་གྱི་ནི་དབང་དུ་བརྗོད། །རྡོ་རྗེ་ཆེ་དང་དྲིལ་བུ་ཆེ། །ཟུང་ཅིག་རྡོ་རྗེར་བྱིན་གྱིས་
{རླབས་[རློབས]། །དེ་རིང་རྡོ་རྗེ་སློབ་དཔོན་གྱུར། །སློབ་མའི་ཚོགས་རྣམས་བསྡུ་བར་གྱིས། །
སྲིད་པའི་བདེ་བ་ཤིན་ཏུ་ཆུང༌། །སྡུག་བསྔལ་ཆེན་པོ་དག་བྱའི་ཕྱིར། །ཤིན་དུ་བདེ་བ་དམ་
པའི་ཐབས། །དམ་ཚིག་འདི་ནི་རྟག་ཏུ་བསྐྱེད། །འདོད་པའི་ལོངས་སྤྱོད་ཐམས་ཅད་ལ། །ཅི་
འདོད་པར་ནི་བསྟེན་བཞིན་དུ། །རང་གི་ལྷག་པའི་ལྷར་སྦྱོར་བས། །བདག་དང་གཞན་ལ་
མཆོད་པར་གྱིས། །དེ་བཞིན་གཤེགས་པ་ཐམས་ཅད་ཀྱིས། །འདའ་བ་རུ་ནི་མི་མཛད་པའི། །
ཕྱག་རྒྱའི་དམ་ཚིག་ཞེས་སུ་གྲགས། །ཡིད་ཀྱི་ལུས་ནི་བརྟན་ཕྱིར་རོ། །སངས་རྒྱས་རྣམས་ནི་
ཐམས་ཅད་ཀྱི། སོགས།[གསང་གསུམ་གནས་ལས་བྱུང་བ་ཡི། ཁམས་གསུམ་ཀུན་ཀྱིས་ཕྱག་
11-1-112


བྱས་པ། །རྡོ་རྗེའི་དབང་བསྐུར་ཆེན་པོ་སྦྱིན།] ༀ་བཛྲི་བྷ་ཝ་ནས་ཨ་བྷི་ཥིཉྩ་ཧཱུཾ། ཞེས་གསུང་
ཞིང་བུམ་པའི་ཆུས་སྤྱི་བོ་ནས་དབང་བསྐུར་བས་ལུས་ཐམས་ཅད་གང་དྲི་མ་ཐམས་ཅད་དག་
ཆུ་ལྷག་མ་ཡར་ལུད་པ་ལས་རྡོ་རྗེ་སེམས་དཔས་དབུ་བརྒྱན། དབང་གི་ལྷ་ཐམས་ཅད་རང་
ཉིད་ལ་གཉིས་སུ་མེད་པར་ཐིམ། ཛཿཧཱུཾ་བཾ་ཧོཿ ༀ་བཛྲ་པུཥྤེ༴ སོགས། ༀ་སུ་པྲ་ཏིཥྛི་བཛྲ་ཡེ་སྭཱཧཱ། 
ཞེས་བརྗོད། རྡོ་རྗེ་སློབ་དཔོན་གྱི་དབང་ངོ༌། །དཀྱིལ་འཁོར་ཞེས་ནི་གང་བཤད་པ། །ཡིད་ཀྱི་དཀྱིལ་
འཁོར་དམ་པ་ཉིད། །གཞལ་མེད་ཁང་ཞེས་བཤད་པ་ནི། །སེམས་ནི་གཞལ་མེད་ཁང་
བརྩེགས་ཉིད། །དེ་ཡི་ཕྱི་རོལ་གྲུ་བཞི་ནི། །མཉམ་པ་ཉིད་ཀྱི་རང་བཞིན་ནོ། །གང་ཞིག་
བྱམས་པ་ལ་སོགས་སེམས། །ཐིག་སྐུད་བཞིར་ནི་བརྗོད་པའོ། །རྡོ་རྗེའི་ཐིག་ཏུ་གང་བཤད་
པ། །ཆོས་ནི་རྗེས་སུ་དྲན་པའོ། །ལྟ་བ་ཀུན་ལས་རྣམ་གྲོལ་བ། །ཡེ་ཤེས་ཐིག་ཏུ་བརྗོད་པ་
ཡིན། །རྒྱན་གང་ཡང་དག་བཤད་པ་ནི། །ཚུལ་ཁྲིམས་སོགས་ཀྱི་སྡོམ་པའོ། །དབང་པོ་ལྔ་ཡི་
སེམས་གང་ཡིན། །རྭ་བ་ལྔར་ནི་འབྱུང་བ་ཉིད། །གང་ཞིག་སྒོ་ཞེས་བཤད་པ་ནི། །རྣམ་པར་
ཐར་པ་རྣམ་པ་བཞི། །རྟ་བབས་ཀ་བ་བཞི་པོ་ནི། །ཡང་དག་སྤོང་བ་བཞི་ཞེས་བརྗོད། །དྲན་
པ་ཉེར་བཞག་བཞི་པོ་ནི། ཁ་ཁྱེར་བཞིར་ནི་བརྗོད་པ་ཉིད། །སྒོ་ཁྱུད་བཞི་ནི་གང་ཡིན་པ། །རྫུ་
འཕྲུལ་རྐང་པ་རྣམ་པ་བཞི། །དེ་བཞིན་མེ་ཏོག་འཕྲེང་རྒྱན་པ། །བྱང་ཆུབ་ཡན་ལག་བདུན་པོ་
ཡིན། །འཕགས་ལམ་ཡན་ལག་བརྒྱད་པོ་ནི། །ཀ་བ་བརྒྱད་པོ་ཞེས་བརྗོད་དོ། །ལམ་གྱི་ཡེ་
ཤེས་ཁྱད་པར་ནི། །རྔ་ཡབ་ཏུ་ནི་རབ་ཏུ་གྲགས། །གང་ཞིག་དོ་ཤལ་བཤད་པ་ནི། །ཉོན་
མོངས་ཐམས་ཅད་གཅོད་པ་སྟེ། །ཀུན་ཏུ་གཅོད་པའི་ངོ་བོ་ཡིན། །ཉོན་མོངས་འཕྲོག་པའི་དྲ་
བ་ཉིད། །ཚོགས་གཉིས་དག་པའི་སྦྱོར་བ་ཡིས། །འཁོར་ལོ་བསྐོར་བ་གང་ཡིན་པ། །ཉོན་
མོངས་ཕྱེད་ནི་གཅོད་པས་ན། །དོ་ཤལ་ཕྱེད་པ་ཉིད་དུ་བརྗོད། །ཕུང་པོ་ལྔ་དང་འབྱུང་བ་བཞི་
སྟེ། སྦྱང་བྱ་དགུ་པོ་རྣམ་པར་དག་ཅིང༌། དོན་དམ་ཡེ་ཤེས་ལྔ་དང་ཚད་མེད་བཞི་སྟེ། ཆོས་ཉིད་
11-1-113


རིགས་དགུའི་ངོ་བོ་ལྷ་དགུ་ཉིད་དོ། །དེ་རིང་རྡོ་རྗེ་སློབ་དཔོན་གྱུར། །སློབ་མའི་ཚོགས་རྣམས་
བསྡུ་བར་གྱིས། །ཞེས་དེ་ཉིད་གསུམ་བརྗོད་པའོ། །དེང་ནས་བརྩམ་སྟེ་རྫོགས་སངས་རྒྱས། །སྲས་དང་
བཅས་ལ་རྣམ་རོལ་ཞིང༌། །རྡོ་རྗེ་སྙེམས་མའི་རྣལ་འབྱོར་གྱིས། །དགའ་སྟོན་བདེ་བའི་མཆོད་
པ་གྱིས། ཨ། སྒེག་དང་བཅས་པའི་འཕྲེང་བ་འཕངས། །སངས་རྒྱས་ཐམས་ཅད་མཆོད་པར་
བྱ། །དེས་ནི་བཅོམ་ལྡན་འབྲལ་མི་འགྱུར། །ཕྲེང་བ་དེ་ཡི་རྒྱན་ཡིན་ནོ། །ༀ། ལུས་ཅན་ཀུན་
ལ་དམ་ཆོས་ཀྱི། །གླུ་ནི་ཁྱོད་ཀྱིས་བླང་བར་བྱ། །དེ་ཡི་བདེ་གཤེགས་དངོས་གྲུབ་ནི། །མྱུར་དུ་
བདེ་བ་མྱོང་བར་འགྱུར། གི་དེ་ཉིད་ཐལ་མོའི་གར་གྱིས་ནི། །སངས་རྒྱས་ཐམས་ཅད་མཆོད་
པར་བྱ། །སངས་རྒྱས་འདུལ་བའི་འཕྲིན་ལས་ཀྱིས། །གར་མཁན་ཚུལ་དུ་བསྒྱུར་བར་གྱིས། །
ཧོཿ རྫོགས་སངས་རྒྱས་ལ་སྤོས་ཕུལ་བས། །བརྟུལ་ཞུགས་བཟང་པོས་ལེགས་ཚིམ་གྱིས། །
ལུས་ཅན་བདེ་གཤེགས་ཆ་ལུགས་སུ། །ཡེ་ཤེས་ཀྱི་ནི་ཚིམ་པར་གྱིས། །ཧཱུཾ། སངས་རྒྱས་
རྣམས་ལ་མེ་ཏོག་གཏོར། །བྱང་ཆུབ་ཡན་ལག་ཚོགས་གྱུར་པས། །མཚན་དང་དཔེ་བྱད་ལྡན་
པ་ཡི། །བདེ་གཤེགས་སྐུ་ནི་ཐོབ་པར་འགྱུར། བྷྲུཾ། ཆོས་ཀྱི་མེ་ནི་ལེགས་སྤར་བས། །རྡོ་རྗེ་
ཆོས་དང་འདྲ་བ་རུ། །སེམས་ཅན་མ་རིག་མདོངས་པ་ལ། །ཡེ་ཤེས་སྒྲོན་མེ་སྤར་བར་གྱིས། 
པྲ་རྒྱལ་བ་རྣམས་ལ་དྲི་ཕུལ་བས། །ཚུལ་ཁྲིམས་ཏིང་འཛིན་ཤེས་རབ་དང༌། །རྣམ་གྲོལ་ཡེ་
ཤེས་མཐོང་བ་ཡིས། །བྱང་ཆུབ་ལུས་ཅན་རྣམས་ལ་བགོས། གྷ་མཆོད་པའི་རྗེས་གནང་ངོ༌། །ཇི་ལྟར་
མིག་མཁན་རྒྱལ་པོ་ཡིས། །འཇིག་རྟེན་ལིང་ཐོག་བསལ་བ་ལྟར། །བུ་ཁྱོད་ཀྱིས་ནི་མི་ཤེས་
པའི། །ལིང་ཐོག་རྒྱལ་བ་རྣམས་ཀྱིས་བསལ། །ༀ་བཛྲ་ནཻ་ཏྲ་ཨ་པ་ཧ་ར་པ་ཊ་ལཾ་ཧྲཱིཿ ཞེས་མིག་
ཐུར་དང༌། ཆོས་རྣམས་གཟུགས་བརྙན་ལྟ་བུ་སྟེ། །གསལ་ཞིང་དག་ལ་རྙོག་པ་མེད། །གཟུང་དུ་
མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་ཏུ་འབྱུང༌། །ངོ་བོ་ཉིད་མེད་གནས་མེད་པ། །
དེ་ལྟར་ཆོས་རྣམས་ཤེས་གྱིས་ལ། །སེམས་ཅན་དོན་ནི་མཉམ་མེད་བྱོས། །འོན་ཀྱང་སངས་
11-1-114


རྒྱས་སྲས་སུ་སྐྱེ། །ཞེས་མེ་ལོང་དང༌། ཨ། ཐམས་ཅད་ནམ་མཁའི་མཚན་ཉིད་དེ། །ནམ་མཁའ་ལ་
ཡང་མཚན་ཉིད་མེད། །ནམ་མཁའ་དང་ནི་མཉམ་སྦྱོར་བའི། །ཀུན་མཆོག་མཉམ་པ་ཉིད་དུ་
གསལ། །ཞེས་དྲིལ་བུ་དང༌། ཧོཿ དེ་བཞིན་གཤེགས་པ་ཐམས་ཅད་དང་རྗེས་སུ་ཆགས་པར་བྱོས་
ཤིག །ཅེས་མདའ་གཞུ་དང༌། ༀ་བཛྲ་སཏྭ་ཨཱཿ རྡོ་རྗེ་སེམས་དཔའ་མེ་ལོང་ལྟར། །གསལ་ཞིང་དག་
ལ་རྙོག་པ་མེད། །བུ་ཁྱོད་ཀྱི་ནི་སྙིང་ལ་ཞུགས། །རྡོ་རྗེ་སེམས་དཔའི་རང་བཞིན་གཙོ། །གང་
ཡང་སངས་རྒྱས་ཐམས་ཅད་ཀྱི་བདག་པོ་བྱང་ཆུབ་ཀྱི་སེམས་འདི་ཉིད་ཡིན་པར་ཤེས་པར་
གྱིས་ཤིག །ཅེས་མེ་ལོང་གཉིས་པ་བསྟན། ༀ་བཛྲ་ཧེ་ཏུ་མཾ། ༀ་བཛྲ་བྷ་ག་རྭཾ། ༀ་བཛྲ་གྷཎྜེ་ཨཱཿ ཨ། 
དེང་ནས་རྩམས་ཏེ་སེམས་བསྐྱེད་པ། །ཙམ་གྱི་ཆོས་ཀྱི་འཁོར་ལོ་བསྐོར། ཁྱོད་ཀྱི་ཐེ་ཚོམ་
དོགས་མེད་པར། །ཡིད་གཉིས་མེད་པའི་སེམས་ཀྱིས་སུ། །ཆོས་ཀྱི་དུང་ནི་བླ་མེད་པ། །དྲི་
མེད་ཀུན་ཏུ་གང་བར་གྱིས། །སྔགས་སྤྱོད་ཚུལ་གྱི་ཆོ་ག་ཡིས། །སྐྱེ་བོ་རྣམས་ལ་རྟག་ཏུ་ཤོད། །
དེ་ལྟར་བྱས་ན་སངས་རྒྱས་ལ། །ཕན་འདོགས་དྲིན་དུ་བཟོ་ཞེས་བྱ། །རྡོ་རྗེ་འཛིན་པ་དེ་ཀུན་
ཡང༌། ཁྱོད་ལ་རྟག་ཏུ་བསྲུང་བར་མཛོད། །ཅེས་འཁོར་ལོ་དུང་དྲིལ་བུ་པོ་ཏི་བཟུང་སྟེ་ཆོས་བཤད་དང༌། སེམས་
ཅན་ཀུན་ལ་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་སྣ་ཚོགས་འདུལ་
འགྱུར་བའི། །ཆོས་ཀྱི་འཁོར་ལོ་རབ་ཏུ་བསྐོར། །དེ་བཞིན་དུ་ཚིག་རྐང་དང་པོ་གསུམ་འདྲ་བ་བྱས་ལ། རྡོ་རྗེ་
འཁོར་ལོ་རབ་ཏུ་བསྐོར། །རིན་ཆེན་འཁོར་ལོ་རབ་ཏུ་བསྐོར། །པདྨའི་འཁོར་ལོ་རབ་ཏུ་བསྐོར། །སྣ་
ཚོགས་འཁོར་ལོ་རབ་ཏུ་བསྐོར། །དེ་ལྟར་ན་ཁྱོད་ཀྱིས་སེམས་ཅན་ཐམས་ཅད་ལ་ཆོས་ཀྱི་
འཁོར་ལོ། རྡོ་རྗེའི་འཁོར་ལོ། རིན་ཆེན་འཁོར་ལོ་བསྐོར། པདྨའི་འཁོར་ལོ། སྣ་ཚོགས་འཁོར་
ལོ་རྣམས་བསྐོར་ཅིག །ཅེས་སྤྲུལ་བཤད་ཀྱི་རྗེས་གནང་ངོ༌། །དེ་ལྟར་ན་ཕྱི་དབྱིབས་ཀྱི་དཀྱིལ་འཁོར་དུ་
ཞུགས་ཏེ་མཐོང༌། བུམ་པའི་དབང་ཐོབ། གཙོ་བོར་ལུས་ཀྱི་དྲི་མ་དག །དམ་ཚིག་རྩ་བ་དང་
ཡན་ལག་གི་དམ་ཚིག་བསྲུང༌། ལམ་བསྐྱེད་པའི་རིམ་པ་སྒོམ་པ་ལ་དབང༌། འབྲས་བུ་སྤྲུལ་
11-1-115


པའི་སྐུ་མངོན་དུ་འགྱུར་བའི་སྐལ་བ་ཅན་དུ་བྱས་པ་ཡིན་ནོ། །ཞེས་བརྗོད་གསང་དབང་ཞུ་བའི་ཕྱིར་དུ་
མཎྜལ་ཕུལ་ལ། ཁྱོད་ནི་རྣལ་འབྱོར་མ་[ཚོགས་ཡོངས་སུ་བསྐོར། ཁྱོད་ནི་ཉིད་ཀྱི་ཐུགས་ཀྱི་མཆོག་
བརྙེས་པ། ཁྱེད་ཀྱིས་རྒྱུ་དང་མི་རྒྱུའི་འགྲོ་བ་ཀུན་བརྒྱན་ཏེ། །སྙིང་རྗེའི་ཐུགས་ཀྱིས་སེམས་
ཅན་སད་མཛད་པ། །སྒྱུ་མའི་སྤྲོས་པ་རྡོ་རྗེ་བསྒྲུབ་པའི་ཡིད། །ཧེ་རུ་ཀ་དཔལ་རྡོ་རྗེ་]ཡིད་ཀྱིས་
དགྱེས། ཞེས་བསྟོད། བཅོམ་ལྡན་ཞི་བ་ཆེན་པོ་ཀྱཻ། །རྡོ་རྗེ་རྣལ་འབྱོར་གཅིག་བཞེད་པ། །མི་ཕྱེད་
ཕྱག་རྒྱ་སྒྲུབ་པ་པོ། །རྡོ་རྗེ་སྦྱོར་ལས་ཡང་དག་བྱུང༌། །ཇི་ལྟར་ཁྱོད་ནི་བདག་ཉིད་ཆེ། །མངའ་
བདག་ལའང་དེ་ལྟར་མཛོད། །འཁོར་བ་འདམ་གྱི་ཚོགས་ནང་དུ། །བྱིང་བ་སྐྱབས་མེད་བདག་
ལ་སྐྱོབས། །ཞེས་ལན་གསུམ་བརྗོད། ༀ་ཨཱཿཧཱུཾ་མིག་དར་བཅིང༌། ཡབ་ཡུམ་ཐབས་ཤེས་སྙོམས་པར་
ཞུགས་པའི་སྒྲས་དེ་བཞིན་གཤེགས་པ་རྣམས་སྤྱན་དྲངས་ནས་ཞུགས། རྗེས་ཆགས་ཀྱི་མེས་
འོད་དུ་ཞུ་རྡོ་རྗེའི་ལམ་ནས་ཡུམ་གྱི་ཁར་བབས་པའི་བྱང་ཆུབ་སེམས་ཀྱི་ཐིག་ལེ་མུ་ཏིག་གི་
རྡོག་མ་ལྟ་བུ་བདག་གི་ལྕེ་ཐོག་ཏུ་བཞག །ཇི་ལྟར་འདས་པའི་སངས་རྒྱས་ཀྱིས། །བྱང་ཆུབ་
སྲས་རྣམས་དབང་བསྐུར་ལྟར། །བདག་གི་གསང་བའི་དབང་གིས་ནི། །སེམས་ཀྱི་རྒྱུན་གྱི་
དབང་བསྐུར་རོ། །ཨ་ཧོ་མཧཱ་སུ་ཁ་ཧོཿ ཞེས་བརྗོད། ༀ་ཨཱཿཧཱུཾ། གིས་མིག་དར་བསལ། འདིར་ནི་ཁྱོད་
ལ་ངས་ལུང་བསྟན། །རྡོ་རྗེ་སེམས་དཔའ་དེ་བཞིན་གཤེགས། །སྲིད་པ་ཤིན་ཏུ་དག་པས་ན། །
སྲིད་པའི་ངན་འགྲོ་རྣམས་ལས་བཏོན། །ཀྱེ་དཔལ་ཆེ་གེ་མོ་རྡོ་རྗེ་ཞེས་བྱ་བའི་དེ་བཞིན་
གཤེགས་པའོ། །ས་བླ་ས་འོག་ས་སྟེང་རྣམས་སུ་བྷུར་བྷུ་ཝ་སྭ། གང་ལ་ངས་ལུང་བསྟན་པ་
འདི་ལ་སངས་རྒྱས་དང་བྱང་ཆུབ་སེམས་དཔའ་དང་དཀྱིལ་འཁོར་གྱི་འཁོར་ལོ་དང་བཅས་
པ་ཐམས་ཅད་ཀྱིས་མགྲིན་གཅིག་ཏུ་བྱང་ཆུབ་ཆེན་པོར་ལུང་བསྟན་པར་མཛད་དེ། སྔགས་
འདི་དང་ཕྱག་རྒྱ་འདི་ཡི་མཐུ་ཡིན་ནོ། །ཞེས་བརྗོད་དེ་ལུང་བསྟན་པའོ། །དེ་ལྟར་ན་ཀུན་རྫོབ་བྱང་ཆུབ་
སེམས་ཀྱི་དཀྱིལ་འཁོར་དུ་ཞུགས་ཏེ་མཐོང༌། གསང་བའི་དབང་ཐོབ། གཙོ་བོར་ངག་གི་དྲི་
11-1-116


མ་དག །དམ་ཚིག་ཤ་ལྔ་བདུད་རྩི་ལྔའི་རིལ་བུ་བསྟེན་པ་དང༌། ལམ་ཙཎྜ་ལི་བསྒོམ་པ་ལ་
དབང༌། འབྲས་བུ་ལོངས་སྤྱོད་རྫོགས་པའི་སྐུ་མངོན་དུ་འགྱུར་བའི་སྐལ་བ་ཅན་དུ་བྱས་པ་
ཡིན་ནོ། །ཞེས་བརྗོད། ཤེས་རབ་ཡེ་ཤེས་ཀྱི་དབང་ཞུ་བའི་ཕྱིར་དུ་མཎྜལ་ཕུལ། ཁྱོད་ནི་རྣལ་འབྱོར་མ་ཚོགས༴
སོགས་ཀྱིས་བསྟོད། བཅོམ་ལྡན་ཞི་བ་སོགས་གོང་བཞིན་གསོལ་བ་བཏབ། ༀ་ཨཱཿཧཱུཾ༌། མིག་དར་བཅིང་བླ་མས་
བདག་ལ་རིག་མ་གཏད་དེ། དགའ་སྟེར་གནས་སྟེར་ལྷ་མོ་ནི། །སྣ་ཚོགས་གཟུགས་ཅན་ཡིད་འོང་མ། །
བཟུང་ཤིག་བཟུང་ཤིག་སེམས་དཔའ་ཆེ། །བཟུང་ལ་མཆོད་པ་རྟག་ཏུ་གྱིས། །ཞེས་གསུངས་པར་
བསམ། དེས་ཀྱང་འདི་སྐད་ཅེས། བཤང་གཅི་དག་ནི་བཟའ་བ་དང༌། ཁྲག་དང་ཁུ་བ་དེ་བཞིན་ཏེ། །ཤ་
ཆེན་བསྟེན་པར་བུ་སྤྲོའམ། །བུད་མེད་རྣམས་ལ་རྟག་གུས་དང༌། །བྷ་གའི་པདྨར་འོ་བྱེད་པར། །
བུ་ཁྱོད་ཅི་དགར་སྤྲོ་གྱུར་ཏམ། །ཞེས་དྲིས་པ་ལ། བཤང་གཅི་དག་ནི་བཟའ་བ་དང༌། ཁྲག་དང་ཁུ་
བ་དེ་བཞིན་ཏེ། །ཤ་ཆེན་བསྟེན་པར་ཅིས་མི་སྤྲོ། །བུད་མེད་རྣམས་ལ་རྟག་གུས་དང༌། །བྷ་
གའི་པདྨར་འོ་བྱེད་པར། །བདག་ནི་ཅི་དགར་སྤྲོ་གྱུར་ཏོ། །ཞེས་ལན་བཏབ། ཨེ་མ་བདག་གི་པདྨ་
འདི། །བདེ་བ་ཐམས་ཅད་ཀྱི་ནི་གནས། །གལ་ཏེ་ཆོ་ག་བཞིན་བསྟེན་ན། །དེའི་མདུན་ན་ང་
འདུག་སྟེ། །སངས་རྒྱས་བསྟེན་པ་ལ་སོགས་པ། །བྱ་བ་པདྨར་ཇི་བཞིན་བྱེད། །བདེ་ཆེན་རྒྱལ་
པོ་རང་ཉིད་ནི། །འདི་ཉིད་དུ་ནི་རྟག་ཏུ་བཞུགས། །བླུན་པོ་གང་ཞིག་འདི་སྤོང་བ། །དེ་ལ་
མཆོག་གི་དངོས་གྲུབ་མེད། །བདག་ཉིད་ཧེ་རུ་ཀ་ཡབ་ཡུམ་རྗེས་སུ་ཆགས་པ་སྙོམས་པར་
ཞུགས་པས་ལུགས་འབྱུང་དང་ལུགས་བཟློག་གི་དགའ་བཞི་མངོན་དུ་བྱས་པར་གྱུར། ཞེས་
བརྗོད། ༀ་ཨཱཿཧཱུཾ། གདོང་གཡོགས་ཕྱེ། འདོད་ཆགས་བྲལ་བ་ལྟ་བུ་ཡི། ཁམས་གསུམ་ན་ནི་སྡིག་མེད་
དེ། །དེ་བས་འདོད་ལ་ཆགས་བྲལ་བར། ཁྱོད་ཀྱི་ནམ་ཡང་མི་བྱའོ། །མཧཱ་ས་མ་ཡ་ཧ་ན་ཧཱུཾ་
ཕཊ། ཅེས་དམ་ཚིག་བཤད། རྡོ་རྗེ་ཞེས་བྱའི་ཕྱག་རྒྱ་ནི། །གང་ཞིག་བསྐྱེད་པ་ཙམ་གྱིས་ནི། །སངས་
རྒྱས་ཉིད་དུ་ཐེ་ཚོམ་མེད། །བྱང་ཆུབ་སེམས་ནི་སྤང་མི་བྱ། །དམ་པའི་ཆོས་ནི་སུན་མི་དབྱུང༌། །
11-1-117


ནམ་ཡང་དོར་བར་མི་བྱའོ། །མི་ཤེས་པའམ་རྨོངས་པ་ཡིས། །དེ་ཉིད་ངེས་པར་བསྟན་མི་བྱ། །
རྡོ་རྗེ་དྲིལ་བུ་ཕྱག་རྒྱ་རྣམས། །ནམ་ཡང་སྤང་བར་མི་བྱའོ། །སློབ་དཔོན་སྨད་པར་མི་བྱ་སྟེ། །
འདི་ནི་སངས་རྒྱས་ཀུན་དང་མཉམ། །རང་གི་བདག་ཉིད་དོར་ནས་ནི། དཀའ་ཐུབ་ཀྱིས་ནི་
མི་གདུང་ཞིང༌། །ཅི་བདེ་བར་ནི་བདེ་བར་བཟུང༌། །འདི་ནི་མ་བྱོན་རྫོགས་སངས་རྒྱས། །ཞེས་
པས་དབུགས་དབྱུང་བ་བྱ། ཅུང་ཟད་སྤྲོས་པ་ལ་དགའ་ན། སྔགས་དང་རྒྱུད་རྣམས་འཛིན་འགྱུར་བའི། །སློབ་
མ་འདི་ནི་འབུལ་བ་ལགས། །ཞེས་དང༌། སྔགས་དང་རྒྱུད་རྣམས་འཛིན་འགྱུར་བར། །སངས་
རྒྱས་བྱང་ཆུབ་སེམས་དཔའ་དང༌། །ལྷ་རྣམས་ཀུན་ཀྱིས་མཐུན་པར་གསུངས། །སེམས་ཅན་
རྣམས་ལ་རྗེས་བརྩེ་བས། །དཀྱིལ་འཁོར་ཆོ་ག་བཞིན་དུ་བྲིས། ཁྱོད་ཀྱིས་ནན་ཏན་བསྐྱེད་
ནས་སུ། །སྒྲུབ་པ་པོ་རྣམས་སྔགས་ལ་སྦྱོར། །སྔགས་བཤད་ཚུལ་གྱིས་ཆོ་ག་ཡིས། །སྐྱེ་བོ་
རྣམས་ལ་རྟག་ཏུ་ཤོད། །དེ་ལྟར་བྱས་ན་སངས་རྒྱས་ལ། །ཕན་བཏགས་དྲིན་དུ་བཟོ་ཞེས་བྱ། །
རྡོ་རྗེ་འཛིན་པ་དེ་ཀུན་ཡང༌། ཁྱོད་ལ་རྟག་ཏུ་བསྲུང་བ་མཛོད། ཁམས་གསུམ་གྱི་ནི་རྒྱལ་སྲིད་
ཆེ། །དཔལ་ལྡན་ཡོན་ཏན་འབྱུང་བའི་གནས། །བདུད་ཚོགས་ཀུན་ལས་ངེས་རྒྱལ་ཏེ། །གྲོང་
ཁྱེར་མཆོག་ཏུ་ཞུགས་པ་ཡིན། །ཞེས་དབུགས་དབྱུང་བྱ། ཤིན་ཏུ་སྤྲོས་པ་ལ་དགའ་ན། སློབ་དཔོན་སྨད་པར་
མི་བྱ་ཞིང༌། །བདེ་གཤེགས་བཀའ་ལས་འདའ་མི་བྱ། །སྤུན་ལ་སྨད་པ་ཉིད་མི་བྱ། །སེམས་
ཅན་རྣམས་ལ་སྡུག་བྱམས་དང༌། །བྱང་ཆུབ་སེམས་ནི་སྤང་མི་བྱ། །བདག་གཞན་ཆོས་ལ་སྨད་
མི་བྱ། །སྐལ་མེད་དེ་ཉིད་གཏམ་མི་བྱ། །བདག་གི་ལུས་ལ་དེས་མི་སྨད། །ཆོས་ལ་ཡིད་གཉིས་
སྤང་བྱ་ཞིང༌། །གདུག་ལ་བྱམས་པ་ཉིད་མི་བྱ། །ཆོས་ཉིད་ཚད་ནི་བཟུང་མི་བྱ། །སྐལ་ལྡན་
སེམས་ཅན་བསླུ་མི་བྱ། །དམ་ཚིག་རྟག་ཏུ་བསྐྱང་བར་བྱ། །བུད་མེད་ཉིད་ལ་སྨད་མི་བྱ། །ཇི་
སྲིད་བྱང་ཆུབ་སྙིང་པོའི་བར། །དཀོན་མཆོག་གསུམ་ནི་སྤང་མི་བྱ། །རྟག་ཏུ་དམ་ཚིག་བསྲུང་
བར་བྱ། །རྡོ་རྗེ་དྲིལ་བུ་བཟུང་བར་བྱ། །གཙུག་གཏོར་རྟག་ཏུ་བཟུང་བར་བྱ། །རྟག་ཏུ་སྦྱིན་
11-1-118


སྲེག་བཀང་བར་བྱ། །རྟག་ཏུ་དཀྱིལ་འཁོར་བཞེང་བར་བྱ། །རྟག་ཏུ་བདེ་གཤེགས་རབ་
གནས་བྱ། །འབྱུང་པོ་ཆེ་ལ་གཏོར་མ་སྦྱིན། །ཕྱག་རྒྱ་བཅིང་བ་རྣམ་སྤངས་ཤིང༌། །མཆོད་རྟེན་
ལས་ནི་མི་བྱ་སྟེ། །རྡོ་རྗེ་གསུམ་མཆོག་ཕྱག་མི་བྱ། །དཀྱིལ་འཁོར་ལ་སོགས་ལུས་ཀྱི་ལས། །
རྨི་ལམ་དུ་ཡང་མི་བྱའོ། །སློབ་དཔོན་གཞན་ལ་ཕྱག་མི་བྱ། །བླ་མའི་རྒན་རབས་ཕྱག་འཚལ་
ལོ། །རྟག་པར་རྒྱུན་དུ་སྔགས་བཟླ་ཞིང༌། །བསམ་གཏན་ཉིད་ཀྱང་རྣམ་པར་སྤྱད། །རྟག་ཏུ་
སློབ་མ་བསྡུ་བྱ་ཞིང༌། །རྟག་པ་རུ་ནི་བཤད་པར་གྱིས། །རྟག་ཏུ་སེམས་ཅན་བསྐྱང་བར་བྱ། །
རྟག་ཏུ་སངས་རྒྱས་ཆེར་མཉེས་བྱ། །ཛཾ་བྷ་ལ་ལ་ཆུ་སྦྱིན་ཞིང༌། །ལས་རྣམས་ཐམས་ཅད་ཡང་
དག་སྤྱད། །བྱེ་མའི་ལས་ལ་མཆོད་རྟེན་ཡང༌། །མཁས་པས་ཆོ་ག་བཞིན་དུ་བྱ། །ཞེས་བརྗོད། འདི་
དག་དབུགས་དབྱུང་དུ་བཞེད་ཀྱང་གཅིག་ཏུ་དེ་ལྟར་མ་ངེས་ལ། དབང་གསུམ་པ་ཁོ་ན་དང་འབྲེལ་བའང་མིན་མོད། དབང་སྤྱིའི་
དམ་ཚིག་ཡིན་པའི་ཕྱིར་སྐབས་འདིར་བརྗོད་ན་ལེགས་པར་ཡང་འགྱུར་རོ། །རྡོ་རྗེ་གུར་ལས་འདི་དག་སྤྱིར་དམ་ཚིག་དུ་བཤད་པ་
ཡིན་གྱི། ཆོ་གའི་སྐབས་སུ་གསུངས་པ་མིན་པས་མཐའ་གཅིག་ཏུ་དགོས་པའང་མིན་ནོ། །དེ་ལྟར་ན་བྷ་གའི་དཀྱིལ་
འཁོར་དུ་ཞུགས་ཤིང་མཐོང༌། ཤེས་རབ་ཡེ་ཤེས་ཀྱི་དབང་ཐོབ། གཙོ་བོར་སེམས་ཀྱི་དྲི་མ་
དག །དམ་ཚིག་བུད་མེད་ལ་མི་སྨོད་པ་དང༌། ལམ་ཕོ་ཉའི་ལམ་བསྒོམ་པ་ལ་དབང༌། འབྲས་
བུ་ཆོས་ཀྱི་སྐུ་མངོན་དུ་འགྱུར་བའི་སྐལ་བ་ཅན་དུ་བྱས་པ་ཡིན་ནོ། །ཞེས་བརྗོད། དེ་ནས་དབང་བཞི་
པའི་ཕྱིར་མཎྜལ་ཕུལ་ལ། མགོན་པོ་ཐུགས་རྗེ་ཆེ་ལྡན་པས། །དབང་བསྐུར་གསུམ་པོ་བདག་ལ་
གནང༌། །རྣམ་པ་ཀུན་ཀྱི་མཆོག་ལྡན་པའི། །བཞི་པ་ཡང་ནི་བྱིན་གྱིས་རློབས། །ལན་གསུམ་བརྗོད། 
ༀ་ཨཱཿཧཱུཾ། གདོང་བཅིང༌། ཡེ་ཤེས་འདི་ནི་ཆེས་ཕྲ་ཞིང༌། །རྡོ་རྗེ་ནམ་མཁའི་དཀྱིལ་ལྟ་བུ། །རྡུལ་
བྲལ་ཐར་སྦྱིན་ཞི་བ་ཉིད། ཁྱོད་རང་ཡང་ནི་དེ་ཡི་ཕ། །ཞེས་བརྗོད་ཅིང་དོན་བསམ། ༀ་ཨཱཿཧཱུཾ། གདོང་
གཡོགས་བསལ། མཆོག་ཏུ་གསང་བའི་དཀྱིལ་འཁོར་འདིར། །བཅུག་པ་དང་ནི་མཐོང་བ་ཡིས། །
དེ་རིང་སྡིག་ལས་རྣམ་གྲོལ་འགྱུར། །དེ་རིང་ཁྱོད་རྣམས་བདེ་བར་གནས། །བདེ་ཆེན་ཐེག་པ་
11-1-119


འདི་ལ་ནི། །ཕྱིན་ཆད་འཆི་བ་ཡོད་མ་ཡིན། །མི་ཐུབ་པ་དང་མི་འཆི་བ། །ཞེས་ཀྱང་མི་འཇིགས་
དགའ་བར་གྱིས། །སྲིད་པ་ཤིན་ཏུ་དག་པས་ན། །སྲིད་པའི་ངན་འགྲོ་རྣམས་ལས་བཏོན། །ཞེས་
བརྗོད་དེ། གཟེངས་བསྟོད་པའོ། །དེ་ལྟར་ན་དོན་དམ་བྱང་ཆུབ་སེམས་ཀྱི་དཀྱིལ་འཁོར་དུ་ཞུགས་ཤིང་
མཐོང༌། དབང་བཞི་པ་ཚིག་ཙམ་གྱི་སྒོ་ནས་ཐོབ། ལུས་ངག་ཡིད་གསུམ་གྱི་དྲི་མ་དག །དམ་
ཚིག་དགོངས་ཏེ་གསུངས་པ་དང༌། ལམ་རྡོ་རྗེའི་རྦ་རླབས་བསྒོམ་པ་ལ་དབང༌། འབྲས་བུ་ངོ་
བོ་ཉིད་སྐུ་མངོན་དུ་འགྱུར་པའི་སྐལ་བ་ཅན་དུ་བྱས་པ་ཡིན་ནོ། །ཞེས་བརྗོད། གཙོ་བོས་ཇི་ལྟར་
བཀའ་སྩལ་པ། །དེ་དག་ཐམས་ཅད་བདག་གིས་བགྱི། །ཞེས་ལན་གསུམ་བརྗོད། དེ་ནས་དབང་བཞི་
ཡོངས་སུ་རྫོགས་པའི་བཀའ་དྲིན་གཏང་རག་གི་ཡོན་དུ་མཎྜལ་ཕུལ་ལ། དེང་ནས་རྩམས་ཏེ་བདག་བྲན་དུ། ནས། 
ཆ་ཡིས་ཀྱང་ནི་སྤྱད་དུ་གསོལ། །ཞེས་ལན་གསུམ་བརྗོད། ༀ་ནམ་མཁའ་སྐྱེ་བ་མཚན་ལྡན་ཕྱིར། །
ཐོག་མ་ཐ་མ་མེད་པའི་མཆོག །སེམས་དཔའ་རྡོ་རྗེ་ཆེ་རང་བཞིན། །ཀྱེ་རྡོ་རྗེ་བདག་གྲུབ་
མཛོད། །ཀུན་མཆོག་དངོས་གྲུབ་ཆེན་པོ་སྟེ། །དབང་ཕྱུག་ཆེན་པོ་ལྷག་པའི་ལྷ། །རྡོ་རྗེ་འཛིན་
པ་ཀུན་ཀྱི་རྒྱལ། །མི་འགྱུར་མཆོག་ཏུ་བདག་སྒྲུབ་མཛོད། །ཉེས་པ་མི་མངའ་རྟག་པ་སྟེ། །
འདོད་ཆགས་ཀུན་གྱི་རྗེས་སུ་ཆགས། །འདོད་ཆགས་ཆེན་པོ་དགའ་བ་ཆེ། །བཅོམ་ལྡན་དེ་
ཉིད་ཀྱིས་གྲུབ་མཛོད། །ཤིན་ཏུ་དག་པ་ཀུན་ཀྱི་མཆོག །གདོད་ནས་གྲོལ་བ་དེ་བཞིན་
གཤེགས། །ཀུན་དུ་བཟང་པོ་ཀུན་བདག་ཉིད། །བྱང་ཆུབ་སེམས་སུ་བདག་སྒྲུབ་མཛོད། །
དངོས་གྲུབ་ཆེན་པོ་ཀུན་ཀྱི་མཆོག །དབང་ཕྱུག་ཆེན་པོ་ཕྱག་རྒྱའི་མཆོག །གྲུབ་པའི་རྡོ་རྗེ་
ཆེར་བསྟོད་པ། །རྡོ་རྗེ་སྙེམས་བདག་བདག་གྲུབ་མཛོད། །སེམས་ཅན་ཀུན་ཀྱི་ཡིད་ཁྱབ་པ། །
སེམས་ཅན་ཀུན་ཀྱི་ཡིད་ལ་ཞུགས། །སེམས་ཅན་ཀུན་ཀྱི་ཡབ་གྱུར་ཞིང༌། །འདོད་ཆགས་
སྙེམས་པའི་དམ་ཚིག་མཆོག །ཞེས་ལན་གཅིག་དང༌། ཤེས་རབ་ཐབས་བདག་དཀྱིལ་འཁོར་གྱི། །
བདེན་པའི་བྱིན་རླབས་གང་ཡིན་པ། །བདེན་པ་དེ་ཡིས་མགོན་བདག་ལ། ཁྱོད་ཀྱི་འདོད་པ་
11-1-120


རབ་རྫོགས་མཛོད། །ཆོས་རྣམས་གཟུགས་བརྙན་ལྟ་བུ་སྟེ། །གསལ་ཞིང་དག་ལ་རྙོག་པ་མེད། །
བཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་དུ་འབྱུང༌། །དེ་བཞིན་དེ་ཉིད་ངེས་
པར་འབྱུང༌། །བདེན་པ་དེ་ཡིས་དཀྱིལ་འཁོར་ནི། །གཟུགས་བརྙན་གསལ་བར་སློབ་མ་
རྣམས། །ཀུན་ཀྱིས་སྒྲིབ་མེད་མཐོང་བར་ཤོག །དེའི་རྗེས་སུ་གཏོར་མ་རྣམས་གོང་ལྟར་འབུལ་ལོ། །གཉིས་པ་
སློབ་མ་གཞུག་ཅིང་དབང་བསྐུར་བ་ནི། བདག་འཇུག་ཉིད་འདོན་པ་སྤོས་པས་འགྲུབ་སྟེ་འོན་ཀྱང་ལག་ལེན་ནི་མཐོང་བ་བརྒྱུད་
པ་ལས་ཤེས་པར་བྱའོ། །
བརྒྱད་པ་མཇུག་གི་ཆོ་ག་ནི། མཆོད་པ་བསངས་སྦྱངས་བྱིན་གྱིས་བརླབས་ཏེ། ཕྱི་ནང་ཡིད་བྱུང་བསྟོད་ཐུང་རྣམས་བྱ། ཡིག་
བརྒྱ་ལན་གསུམ། མ་འབྱོར་པ་དང་ཉམས་པ་དང༌། །སོགས་ཀྱི་བཟོད་པར་གསོལ། སྒྲུབ་མཆོད་ཞག་སྦྲེལ་ཡིན་
ན་དངོས་གཞི་ཉི་མ་སྔ་མ་རྣམས་ལ་རྡུལ་ཚོན་གྱི་དཀྱིལ་འཁོར་ལ་བརྟན་བཞུགས་བྱ། རས་བྲིས་དང༌། ཉི་མ་ཕྱི་མ་ལ་ཡང་རྟེན་
གཞན་ལ་བརྟན་བཞུགས་བྱ། རྡུལ་ཚོན་གྱི་དཀྱིལ་འཁོར་ཡིན་ན། ༀ་ཁྱོད་ཀྱིས་སེམས་ཅན་དོན་ཀུན་མཛད། །
སོགས་ལན་གསུམ་གྱི་མཐར། རོལ་མོའི་སྒྲ་དང་བཅས་ཏེ། ཨ་ཀཱ་རོ༴ སྔགས་བཟླ་བཞིན་དུ། རྡོ་རྗེའི་རྩེ་མོས་དབང་ལྡན་
ནས་བརྩམས། རྩིག་པ་ཐོག་མར་སུབ། ལྷ་མཚན་རྣམས་དང་པོར་བསྡུས། ལྷག་མ་རྣམས་ཕྱགས་ཏེ་སྣོད་དུ་བླུགས་ལ། ཆུ་བོར་
སྤྱན་འདྲེན་ཚུལ་ནི་སྤྱི་དང་འདྲ། ནང་དུ་འོང་ནས་ཐིག་རྣམས་བཀྲུ་ཞིང༌། སྔར་ཕུར་བུ་དངོས་སུ་བཏབ་ཡོད་ན་ཕྱུང༌། སྨོན་ལམ་
ཅི་འགྲུབ་གདབ། ཀུན་རྫོབ་ཆོས་རྣམས་ཀུན་ཀྱི་སྟོང་པའི་གཞི། །དོན་དམ་ཆོས་ཉིད་བདེ་བ་ཆེན་
པོའི་དབྱིངས། །སྙིང་རྗེ་སྟོང་ཉིད་ཧེ་དང་བཛྲ་དག །གཉིས་སུ་མེད་དེས་བཀྲ་ཤིས་དགེ་ལེགས་
སྩོལ། །དམིགས་མེད་ཐུགས་རྗེས་འགྲོ་ལ་ཆགས་པའི་སྤྱན། །ཡེ་ཤེས་མིག་གཅིག་མིག་བྲལ་
མིག་གི་མཆོག །ཇི་ལྟ་ཇི་སྙེད་གཟིགས་པ་ཀུན་ནས་སྤྱན། །བཀྲ་ཤིས་སྤྱན་དེས་གཟིགས་ཤིང་
དགེ་ལེགས་སྩོལ། །ཕྲག་དོག་མེད་པའི་ཕྲག་དོག་ཐམས་ཅད་པ། །བྱམས་པའི་ཐུགས་མཆོག་
འགྱུར་བ་མེད་པའི་སླད། །ཡན་ལག་མེད་པའི་རྡོ་རྗེ་ཡན་ལག་ནག །བཀྲ་ཤིས་སྐུ་དེ་སྟོན་
པས་དགེ་ལེགས་སྩོལ། །གདོད་ནས་རང་བཞིན་གྱིས་གྲུབ་སྦྱིན་པ་དང༌། །སྙན་སྨྲ་དོན་སྤྱོད་
11-1-121


དོན་དང་མཐུན་པའི་ཞབས། །ཆ་མེད་ཀུན་འགྲོ་ཀུན་ལ་བཀྲ་ཤིས་པ། །ཀུན་ནས་ཞབས་དེས་
བགྲོད་ཅིང་དགེ་ལེགས་སྩོལ། །རང་བཞིན་འགྱུར་མེད་རྣམ་པ་བརྒྱད་ཀྱི་ཞལ། །གཟུགས་
མེད་གཟུགས་བཟང་ཞལ་མེད་ཞལ་བཟང་པོ། །སྒྲ་མེད་ཆོས་སྒྲ་མཁའ་ཁྱབ་སྒྲོགས་པའི་ཞལ། །
བཀྲ་ཤིས་སྒོ་དེ་འབྱེད་ཅིང་དགེ་ལེགས་སྩོལ། །ཕུང་པོ་ཁམས་དང་དབང་པོ་རྣམས་དང་ནི། །
མར་ངོའི་ཚེས་རྣམས་ཀུན་ཀྱི་སྟོང་པའི་གཞི། །དོན་དམ་གཞན་སྟོང་བཅུ་དྲུག་བཀྲ་ཤིས་ཅན། །
ཀུན་ནས་ཕྱག་དེས་སྐྱོང་ཞིང་དགེ་ལེགས་སྩོལ། །ཡར་ངོའི་ཚེས་དང་འཛག་བཅས་དགའ་
བ་རྣམས། །གདོད་ནས་ངོ་བོ་ཉིད་ཀྱི་འགགས་པའི་གཞི། །འགྱུར་མེད་དགའ་བ་དེ་ཉིད་བཅུ་
དྲུག་གིས། །བདེ་སྟོང་བཀྲ་ཤིས་གནས་འདིར་སྦྱིན་གྱུར་ཅིག །ཡི་གེ་མེད་ཅིང་བརྗོད་དུ་མེད་
པའི་དབྱིངས༌། །སྟོང་པ་ཆེན་པོ་ཡི་གེ་ལྔ་ཡི་བདག །སངས་རྒྱས་མངའ་བདག་བཀྲ་ཤིས་
ཅོད་པན་ནི། །རྟག་པར་ཐོད་དུ་འཆིང་བས་དགེ་ལེགས་སྩོལ། །ཕྱི་ནང་གློ་བུར་དྲི་མ་གདུག་
པ་ཅན། །འདུལ་བར་མཛད་ཕྱིར་བདེ་གཤེགས་སྙིང་པོ་མཆོག ཁྲོ་བོའི་སྐུར་སྟོན་བདུད་
འདུལ་བཀྲ་ཤིས་ཀྱི། ཁྱེད་ལ་གེགས་མེད་བཀྲ་ཤིས་མཛད་གྱུར་ཅིག །བདེ་གཤེགས་སྙིང་
པོ་དགྱེས་པ་རྡོ་རྗེ་ཤ །ཤ་མེད་ཤ་བཟང་དོན་དམ་ཤ་གང་ཡིན། །འཕགས་མ་པུཀྐ་སཱིའི་བཀྲ་
ཤིས་ཀྱིས། །གནས་འདིར་རྟག་ཏུ་ཤིས་པར་མཛད་གྱུར་ཅིག །དོན་དམ་གཞན་སྟོང་དགྱེས་པ་
རྡོ་རྗེ་ཁྲག །རྡུལ་མེད་རྡུལ་བྲལ་ཆོས་སྐུའི་ཁྲག་གང་ཡིན། །འཕགས་མ་ཤཱ་བཱ་རཱིའི་བཀྲ་ཤིས་
ཀྱིས། །གནས་འདིར་བཀྲ་ཤིས་ཉི་མ་འཆར་གྱུར་ཅིག །རང་བཞིན་འོད་གསལ་བདེ་སྟོང་
ཡེ་ཤེས་ཀྱི། ཁུ་བ་གང་ལགས་གདོལ་པ་མོར་གསུངས་པ། །དཔེ་མེད་དོན་དམ་ཁུ་བའི་བཀྲ་
ཤིས་ཀྱིས། །གནས་འདིར་བཀྲ་ཤིས་ཟླ་བ་འཆར་གྱུར་ཅིག །འདུས་མ་བྱས་དབྱིངས་བདེ་
གཤེགས་སྙིང་པོ་ཡི། །རྐང་དང་ཚིལ་བུ་པྲ་ཕབ་བརྒྱད་མཚུངས་གང༌། །འཕགས་མ་གཡུང་
མོའི་བཀྲ་ཤིས་རྒྱ་མཚོ་ཡིས། །གནས་འདིར་བཀྲ་ཤིས་རྒྱ་མཚོ་བསྐྱེལ་གྱུར་ཅིག །དབྱིངས་
11-1-122


དང་ཡེ་ཤེས་གཉིས་སུ་མེད་པའི་བདག །དགྱེས་པ་རྡོ་རྗེའི་པགས་པ་རྣམ་དག་གང༌། །བྱང་
ཆུབ་ཡན་ལག་བདུན་གྱི་བཀྲ་ཤིས་ཀྱིས། །གནས་འདིར་བཀྲ་ཤིས་ཡན་ལག་འཕེལ་གྱུར་
ཅིག །རྟེན་འབྲེལ་ལས་འདས་གཞོམ་དུ་མེད་པའི་དབྱིངས། །དགྱེས་པ་རྡོ་རྗེའི་རུས་མཆོག་
ཆོས་ཉིད་ཀྱི། །བདེན་པ་བཞི་པོའི་བཀྲ་ཤིས་རི་བོ་ཡིས། །གནས་འདིར་བཀྲ་ཤིས་རི་དབང་
སྤེལ་གྱུར་ཅིག །ཟླ་ཉི་གདོད་ནས་འགགས་པའི་ཟླ་ཉི་གཞན། །རྡོ་རྗེ་ཟླ་བ་དྲི་མེད་འོད་དང་
ནི། །རྡོ་རྗེ་ཉི་མ་སྣང་ཆེན་བྱིན་རླབས་ཀྱིས། །ཤིས་བརྗོད་མཆོག་འདི་ཡང་དག་འགྲུབ་གྱུར་
ཅིག །སྙིང་ཁའི་རྩ་བརྒྱད་ལྟེ་བར་བཅས་པ་ལ། །རྟག་ཏུ་བཞུགས་པའི་དགྱེས་རྡོར་ལྷ་དགུ་ཡི། །
བྱིན་རླབས་མཐུ་སྟོབས་མཁའ་ཁྱབ་བདེན་པའི་མཐུས། །ཤིས་བརྗོད་འདི་དག་ཇི་བཞིན་
འགྲུབ་གྱུར་ཅིག །ཅེས་པ་དཔལ་དགྱེས་པ་རྡོ་རྗེའི་དཀྱིལ་འཁོར་གྱི་ལས་རིམ་གྲུབ་ཆེན་བི་རུ་པའི་མན་ངག་དུ་གྲགས་པའི་
ངག་འདོན་མདོ་ཙམ་བརྗོད་པ་སྟེ། རྒྱས་པར་སློབ་དབོན་རྩེ་མོས་མཛད་པའི་དཀྱིལ་ཆོག་དང༌། བླ་མ་འཕགས་པའི་བདག་འཇུག་
རྒྱས་བསྡུས་རྣམས་སུ་བལྟ་བར་བྱའོ། །སྤྱིར་དཀྱིལ་ཆོག་གི་ལུགས་འདི། རིན་ཆེན་འབར་བ་དང་ནག་པོ་གཞུང་འགྲེལ་གཉིས་ན། 
ཕན་ཚུན་དུ་བསྡུས་པ་ལྟ་བུར་ཡོད་ཅིང༌། ཡན་ལག་ཕྲ་མོ་མང་པོ་དེ་གཉིས་ལས་མི་འབྱུང་བར། མན་ངག་ཁོ་ནའི་དབང་དུ་བྱས་
པའང་སྣང་ལ། རྒྱབ་བརྟེན་དུ་གཞུང་དེ་ཉིད་ལ་སྦྱངས་ན། ངེས་པ་རྙེད་པ་ལ་གནད་ཆེའོ། །ཞེས་པའང་རྒྱལ་ཁམས་པ་ཏཱ་ན་ར་ནཱ་
ཐས་སྦྱར་བ་སྟེ། སྒྲུབ་གནས་ཀྱི་རྒྱལ་པོ་ཇོ་ནང་གི་འདབས། དཔལ་རྟག་བརྟན་དམ་པའི་ཆོས་ཀྱི་གླིང་ངེས་དོན་དགའ་བའི་ཚལ་
གྱི་གཙུག་ལག་ཁང་དུ་ལོ་གསར་པའི་ཚེས་ལའོ།།    །།ཡི་གེ་པ་ནི་ཀུན་དགའ་ལེགས་པས་བྲིས། དགེ་བས་ཚེ་འདིར་སངས་རྒྱས་
ཐོབ་པར་ཤོག དགེ་ལེགས་འཕེལ། 
11-1-123


༄༅། །དགྱེས་རྡོར་གྱི་རྫོགས་རིམ་ལྷན་ཅིག་སྐྱེས་པའི་རྣལ་
འབྱོར་ཞེས་བྱ་བའི་འགྲེལ་པ་བཞུགས། 
༄༅། །ན་མོ་གུ་རུ། །ༀ་སྭཱ་སྟི། བླ་མ་དང་དགྱེས་པའི་རྡོ་རྗེ་ལ་ཕྱག་འཚལ་ལོ། །བཀའ་
དྲིན་མཚུངས་མེད་བླ་མ་དང༌། །ཧེ་རུ་ཀ་དཔལ་རྣལ་འབྱོར་མ། །རིན་ཆེན་འབྱུང་གནས་ཞི་བ་
ལའང༌། །ཕྱག་འཚལ་ནས་ནི་འདིར་བཤད་བྱ། །འདིར་རྒྱུད་རྒྱལ་དགྱེས་པའི་རྡོ་རྗེ་ལ། འགའ་
ཞིག་གིས་གྲུབ་ཐོབ་དུ་མའི་མན་ངག་ཕྱོགས་གཅིག་ཏུ་བསྡུས་པས། རྣམ་གྲངས་མང་པོ་ཅན་
དུ་གྱུར་པ་དང༌། རྒྱ་བོད་ཀྱི་བླ་མ་འགའ་ཞིག་གིས་རང་ཉིད་མོས་པའི་དབང་གིས་ཚིག་དོན་རྒྱ་
ཆེར་སྤེལ་བ་དུ་མ་ཡོད་ཀྱང༌། སྙིང་པོ་ལྟ་བུའི་དགྱེས་པ་རྡོ་རྗེ་ཞེས་ཀུན་ཏུ་གྲགས་པ་ལྟར་རྒྱུད་
ཀྱི་དངོས་བསྟན་གྱི་དོན་ལའང་གནས་པའི་ཕྱིར། རྩོད་དུས་ཀྱི་ཐམས་ཅད་མཁྱེན་པ་རིན་ཆེན་
འབྱུང་གནས་ཞི་བའི་ཞལ་སྔ་ནས་ཀྱིས་ཀྱང༌། རྒྱུད་འདིའི་རྫོགས་རིམ་ཐམས་ཅད་ཀྱི་གནད་
འདུས་པའི་གཞུང་སྙིང་པོར་གྱུར་བ་ཙམ་འདི་མཛད་ལ། གཞན་ཡང་སློབ་དཔོན་འདིའི་
བཞེད་པ་ནི། འདིས་མཛད་པའི་དཀའ་འགྲེལ་མུ་ཏིག་འཕྲེང་བ་དང༌། ཡོན་ཏན་ལྡན་པ་
སོགས་ལས་ཀྱང༌། སེམས་ཅན་བསམ་པ་ཐ་དད་པ་རྣམས་ལ། རྒྱུད་སོ་སོ་མི་འདྲ་བར་
གསུངས་པའི་ཕྱིར། སོ་སོའི་དངོས་བསྟན་གྱི་དོན་དང༌། རྩ་བའི་མན་ངག་རྣམས་བསྟན་
དགོས་ཀྱི། ལྷག་མ་ཕན་ཚུན་དུ་ཁ་སྐོངས་མང་བ་མི་ལེགས་པར་བཞེད་དོ། །སློབ་དཔོན་འདི་
ནི་མདོ་སྔགས་རིག་གནས་ཐམས་ཅད་ལ་མཁས་པར་མ་ཟད། ལྷ་ཡུལ་ནས་དགྲ་བཅོམ་པ་
བཞི་འཁོར་ཐམས་ཅད་ཀྱིས་མཐོང་བར་མངོན་སུམ་དུ་འོངས་ནས། ཞག་བདུན་དུ་ཉིན་རེ་
བཞིན་སློབ་དཔོན་དེ་ལ་ཆོས་ཉན་པ་དང༌། འཇམ་དཔལ་གྱི་ཞལ་མངོན་སུམ་དུ་གཟིགས་པ་
11-1-124


དང༌། ཡོ་བྱད་ལ་སྲེད་པ་བྲལ་བ་དང༌། ཆུ་བུམ་ལ་ལྗགས་བཏབ་པས་གསེར་དུ་གྱུར་པ་དང༌། 
ཡེ་ཤེས་དངོས་སུ་འབེབས་ནུས་པ་དང༌། བསམ་ན་ཤེས་པའི་མངོན་ཤེས་མངའ་བ་དང༌། སྐུ་
ཚེའི་འཇུག་ཏུ་དངོས་གྲུབ་བརྙེས་ཏེ། རྫུ་འཕྲུལ་གྱིས་སྐད་ཅིག་ཙམ་ལ་དཔལ་ཨོ་རྒྱན་གྱི་
གནས་སུ་བྱོན། དཔའ་བོ་མཁའ་འགྲོའི་ཚོགས་དཔོན་མཛད། རྡོ་རྗེ་རྣལ་འབྱོར་མས་གསུང་
རབ་ཀྱི་དགོངས་པ་འགྲེལ་པའི་མཆོག་ཏུ་ལུང་བསྟན་པ་སོགས་ཕལ་པའི་སྤྱོད་ཡུལ་ལས་
འདས་ཤིང༌། གོ་འཕང་མཐོན་པོར་གཤེགས་པ་ཞིག་གོ །དེས་མཛད་པའི་གཞུང་འདི་ལ། 
མཚན་དོན་ནི། རྒྱ་གར་སྐད་དུ། ས་ཧ་ཛ་ཡོ་ག །བོད་སྐད་དུ། ལྷན་ཅིག་སྐྱེས་པའི་རྣལ་འབྱོར་
ཞེས་པ་སྟེ། ས་ཧ་ནི་ལྷན་ཅིག་ཛ་ནི་སྐྱེས་པ། ཡོ་ག་ནི་རྣལ་འབྱོར་ཞེས་བྱའོ། །དགྱེས་པའི་རྡོ་
རྗེ་ལ་ཕྱག་འཚལ་ལོ། །ཞེས་པ་ནི་འགྱུར་གྱི་ཕྱག་གོ །གཉིས་པ་གཞུང་དངོས་ལ། བཤད་པ་
ལ་འཇུག་པའི་བྱ་བ། བཤད་པ་ཉིད་ཉེ་བར་དགོད་པ། བཤད་པ་མཐར་ཕྱིན་པ་སྟེ་གསུམ་
ལས། དང་པོ་ནི། དགྱེས་རྡོར་རྒྱུ་མཐུན་ཞེས་པ་རྣལ་འབྱོར་མའི། །འཁོར་ལོ་དམ་པ་དེ་ལ་
ཕྱག་འཚལ་ལོ། །ཞེས་པ་ནི་མཆོད་པར་བརྗོད་པ་དང༌། རྫོགས་པའི་རིམ་པའི་མངོན་རྟོགས་
ཇི་ལྟ་བ། །དེ་བཞིན་བདག་གིས་ཡང་དག་བཤད་པར་བྱ། །ཞེས་པ་ནི་བཤད་པར་དམ་བཅའ་
བའོ། །དེ་ལ་རྒྱུད་ཀྱི་རྒྱལ་པོ་བརྟག་པ་གཉིས་པ་ལས། ཁུ་བའི་རྣམ་པ་བཅོམ་ལྡན་ཡིན། །དེ་
ཡི་བདེ་བ་འདོད་མར་བརྗོད། །ཅེས་གསུངས་པའི་དོན་ལ། དགྱེས་རྡོར་ཞེས་པ་ནི། ངེས་དོན་
གྱི་ཧེ་རུ་ཀ་སྟེ། དོན་དམ་ལྷན་ཅིག་སྐྱེས་པའི་ཡེ་ཤེས་ཡིན་ལ། དེ་ཡང་གཞི་དང་ལམ་དང་
འབྲས་བུ་གསུམ་དུ་དབྱེ་བའམ། ཡུལ་ཆོས་ཉིད་དང༌། ཡུལ་ཅན་ལམ་གྱི་ཡེ་ཤེས་གཉིས་སོ། །
དེ་ལྟར་ན་གནས་སྐབས་ཀྱི་སྒོ་ནས་གསུམ་དང༌། རྟོགས་ཚུལ་གྱི་སྒོ་ནས་གཉིས་སོ། །རྒྱུ་
མཐུན་ནི་ཞུ་བདེ་ལྷན་སྐྱེས་ཏེ། ལམ་རང་བཞིན་ལྷན་སྐྱེས་ཀྱི་རྒྱུ་མཐུན་པའི་རྒྱུར་གྱུར་པའམ། 
ཆོས་དབྱིངས་དང་ཡང་རྣམ་པ་མཐུན་པའི་སྒོ་ནས་ལམ་དུ་བྱེད་པས་སོ། །རྣལ་འབྱོར་མའི་
11-1-125


འཁོར་ལོ་དམ་པ་ཞེས་པ་ཡང༌། རང་རིག་སྤྲོས་པ་དང་བྲལ་བའི་སྟོང་ཉིད་མངོན་སུམ་དུ་
རྟོགས་པའི་ཡེ་ཤེས་གཙོ་བོ་ཡིན་ལ། དེ་ཉིད་དཀྱིལ་འཁོར་གྱི་འཁོར་ལོར་ཤར་བ་ཡང༌། 
རྫོགས་པའི་རིམ་པའི་ཡེ་ཤེས་ཀྱི་སྐུ་ཡིན་པས་རྣལ་འབྱོར་མའི་འཁོར་ལོ་ཁོ་ནའོ། །མངོན་
རྟོགས་ཞེས་པ་ནི་ཉམས་སུ་བླང་བའི་རིམ་པའོ། །གཉིས་པ་བཤད་པ་ཉིད་ཉེ་བར་དགོད་པ་
ལ། རྩ་བའི་གཞུང་བཀོད། དེའི་དོན་བཤད་པའོ། །དང་པོ་ནི། བརྟག་པ་དང་པོའི་བརྒྱད་པའི་
ཚིག་སྟེ། ནམ་མཁའི་དབྱིངས་སུ་བྷ་ག་བསམ། །དབུས་སུ་བསྒོམ་པར་བྱ་བ་ནི། །འཁོར་ལོ་
སྔོན་དུ་ཚུལ་ཇི་བཞིན། །ལྷ་རྣམས་ཇི་བཞིན་འབྱུང་བའོ། །ཞེས་བྱ་བ་ནི་མདོར་བསྟན་པའོ། །
འདིའི་དོན་བསྐྱེད་རྫོགས་གཉིས་དང་སྦྱར་བ་སོ་སོར་ཡོད་པ་ལས། འདིར་རྫོགས་རིམ་དང་
སྦྱར་བ་ནི། ནམ་མཁའི་དབྱིངས་ནི་པདྨ་ལ། །ཞེས་གསུངས་པ་ལྟར། ལས་ཀྱི་ཕྱག་རྒྱ་དངོས་
དང༌། ཡེ་ཤེས་ཀྱི་ཕྱག་རྒྱའི་པདྨ་དང༌། རང་ལུས་ལ་རྩ་འཁོར་གྱི་ལྟེ་བའི་བུ་ག་དང༌། ངེས་དོན་
དུ་སྤྲོས་པ་ཉེ་བར་ཞི་བའི་མི་རྟོག་པ་རྣམས་ནི། ནམ་མཁའི་ཁམས་ཞེས་བྱ་སྟེ། བྷ་ག་ནི་བསོད་
ནམས་སམ། སྐལ་བ་སྟེ་ཡེ་ཤེས་སོ། །ཡེ་ཤེས་ཞེས་བྱ་བ། ལས་ཡེ་གཉིས་ལ། རྗེས་ཆགས་ཀྱི་
འཁྱུད་པ་དང༌། ཙུམ་པ་ལ་སོགས་དང་པོ་དང༌། རྡོ་རྗེ་པདྨ་སྙོམས་པར་འཇུག་པ་གཉིས་པ་
ལས་བྱུང་བའི་བདེ་བ་ཆེན་པོའི་ཡེ་ཤེས་བསམ་ཞིང་བསྒོམས་པས་རྟོགས་པར་བྱའོ། །དེ་ཡང་
ནམ་མཁའི་ཁམས་ཞེས་པས། ལུས་རྣམ་པར་སྦྱངས་པའི་ཐབས་ཤེས་འདུས་པ་དང༌། སྐུ་
གསུང་ཐུགས་དང་མཁའ་གསང་བྱིན་གྱིས་བརླབས་པ་ལ་སོགས་པ་སྟེ། ཚོགས་ལམ་དད་
པས་ལམ་དུ་བྱེད་པའོ། །ཡེ་ཤེས་དང་པོ་ནི་སྦྱོར་ལམ་དང༌། གཉིས་པ་ནི་མཐོང་ལམ་མོ། །
དབུས་སུ་བསྒོམ་ཞེས་བྱ་བ་ནི། ཕྱི་རོལ་ཏུ་སྲུབ་པའི་སྦྱོར་བ་དང༌། ནང་དུ་རྩའི་སྙོམས་པར་
འཇུག་པ་སྟེ། དེ་ལས་བྱང་ཆུབ་ཀྱི་སེམས་ནོར་བུར་འོངས་བ། དཔེའི་ལྷན་ཅིག་སྐྱེས་པ་ནི་
ངེས་པར་འབྱུང་ལ། དབང་པོ་རྣོན་པོས་དོན་གྱི་ལྷན་ཅིག་སྐྱེས་པ་ཡང་ངེས་པར་མཚོན་པ་ཡིན་
11-1-126


པས་དེ་ལྟར་ན་ལྷན་སྐྱེས་ཀྱི་ཡེ་ཤེས་གཉིས་ཤར་བ་དེ་སྒོམ་ལམ་གྱི་དག་པའོ། །དཔེ་དང་དོན་
གཉིས་དབུས་སུ་སྒོམ་ཞེས་པའི་དོན་གྱི་ཤུགས་ལ། ཕན་ཚུན་གཅིག་གིས་གཅིག་ལ་རྒྱས་
འདེབས་པ་ནི། དེ་ཁོ་ན་ཉིད་ཀྱི་སྙོམས་པར་འཇུག་པ་སྟེ་མཐར་ཕྱིན་པའི་ལམ་མཚོན་པའོ། །
འཁོར་ལོ་སྔོན་དུ་སོགས་ཀྱིས་རྐྱེན་ལྷན་སྐྱེས་དེ་ཉིད་ཀྱི་དོན་འཆད་དེ། འཁོར་ལོ་ཞེས་པ་ནི། 
སེམས་སྟོང་ཉིད་མི་རྟོག་པའི་ཏིང་ངེ་འཛིན་ཞུ་བདེའི་རྣམ་པར་ཤར་བ་དེ་ཡིན་ལ། དེའི་སྔོན་
དུ་འགྲོ་བ་ནི་སྦྱོར་བའི་ཐབས་ཀྱིས་ཞུ་བདེ་བསྒྲུབས་ནས་འཆིང་བའོ། །ཚུལ་ཇི་བཞིན་ཞེས་པ་
ནི། གནས་ལུགས་ལ་ཇི་བཞིན་དུ་ཞུགས་པས། ཕུལ་དུ་བྱུང་བ་དང་མ་འཁྲུལ་བའི་དོན་ཡིན། 
དེ་ཡང་བདེ་བ་ཆེན་པོ་རང་གིས་རིག་པའོ། །རང་གི་སྒྲས་ཕྱིན་ཅི་མ་ལོག་པའི་གནས་ལུགས་
ཡིན་ངོས་ཤེས་པ་དེ་བཞིན་ཉིད་དང༌། རིག་པའི་སྒྲས་ནི་ཕུལ་དུ་བྱུང་བ་སྟེ། ཡང་དག་པར་
མངོན་དུ་གྱུར་ཞིང་རྟོགས་པའོ། །དེས་ན་རང་བཞིན་ལྷན་སྐྱེས་ནི། འཁྲུལ་སྣང་དང་སྒྲོ་
བཏགས་མ་ཡིན་ཏེ། དངོས་པོ་རྣམས་ཀྱི་གཤིས་ལ་ཞུགས་པའོ། །ལྷའི་སྐད་དོད་དེ་བ་ལ་ཡི་
གེ་བསྣན་པས། དེ་བ་བྷ་ཝ་ནི་ལུས་ལས་བྱུང་བ་ཞེས་པ་སྟེ། རྩ་ཨ་ཝ་དྷུ་ཏཱི་སོགས་རྡོ་རྗེ་ལུས་
ལ་གནད་དུ་བསྣུན་པའི་ཐབས་ཀྱིས་རྟོགས་པར་འགྱུར་བའི་ཕྱིར། དོན་དམ་པའི་བྱང་ཆུབ་ཀྱི་
སེམས་བདེ་ཆེན་ལྷན་ཅིག་སྐྱེས་པ་དོན་དམ་པ་དེ་ཡིན་ལ། བདེ་ཆེན་དེ་ཇི་ལྟར་འབྱུང་ཞིང་
རྟོགས་པའི་ཐབས་ནི། རྟེན་ཁུ་བ་ཀུན་ད་ལྟ་བུ་དབབ་བཟློག་གི་རིམ་པ་ལས་བྱུང་བའི་བདེ་བ་
དམ་པ་སྟེ། དེ་ལྟར་ན་ལྷན་ཅིག་སྐྱེས་པ་རྣམ་གཉིས་སོ། །འདིར་རྫོགས་པ་མཐར་ཐུག་པ་ནི། 
དོན་དམ་ལྷན་ཅིག་སྐྱེས་པ་དེ་ཡིན་ལ། བསྒྲུབ་བྱ་འབྲས་བུ་དེ་སྒྲུབ་བྱེད་ཐབས་ཀྱི་རིམ་པ་ནི། 
ཞུ་བདེ་འགྱུར་མེད་ཉིད་ཡིན་པས། འདི་གཉིས་ནི་རྫོགས་པའི་རིམ་པའོ། །རྣམ་ཀུན་མཆོག་
ལྡན་གྱི་རྣལ་འབྱོར་མའི་འཁོར་ལོ་ནི། བདེ་བ་དེའི་ཕན་ཡོན་གྱིས་ཚུལ་དང༌། བསྐྱེད་རིམ་
སྣང་སྟོང་གི་ནང་དུ་སྦས་པའི་ཚུལ་གྱིས་ཡང་ཡང་བསྟན་མོད་ཀྱང༌། ལས་དང་པོ་པ་རྣམས་
11-1-127


ཀྱིས་ཇི་ལྟར་སྒྲུབ་པའི་ཚུལ། རྒྱུད་འདིའི་དངོས་བསྟན་ལ་ཅུང་ཟད་གབ་པའི་ཚུལ་དུ་ཡོད་ལ། 
རྒྱུད་ཐོད་གདན་བཞི་མཉམ་སྦྱོར་བདུད་རྩི་སོགས་ཀྱང་འདི་དང་འདྲ་བས། མ་རྒྱུད་ཀྱི་རྫོགས་
རིམ་ནི། ཕྱག་རྒྱ་བཞི་ལ་བརྟེན་ནས། ཞུ་བདེ་འགྱུར་མེད་ཉིད་གཙོ་བོར་སྒྲུབ་པ་ཡིན་ནོ། །
ཞེས་ཀུན་ལ་གྲགས་པ་དང་མཐུན་པར། གཞུང་འདིར་ཡང་སྣང་ཕྱོགས་ཀྱི་རིམ་པ་རྣམས་
མདོར་བསྡུས་སུ་མཛད་དེ། བདེ་སྟོང་གི་ཕྱོགས་ཁོ་ན་རྩལ་དུ་འདོན་པར་མཛད་དོ། །གཉིས་
པ་རྩ་བ་དེའི་དོན་བཤད་པ་ནི། དེའི་དོན་ནི་འདི་ཡིན་ཏེ། ཞེས་པ་མན་ཆད་དེ། འདི་ལ་གསུམ། 
ལམ་གྱི་ཡེ་ཤེས་ཀྱི་ངོ་བོ་བཤད། དེ་ཉིད་ཇི་ལྟར་བསྒོམ་པའི་ཚུལ་བསྟན། སྒོམ་པ་ལས་བྱུང་
བའི་ལམ་ཀྱི་ས་མཚམས་རྣམ་པར་བཞག་པའོ། །དང་པོ་ལ། ཡེ་ཤེས་སྒྲུབ་པའི་རྐྱེན། ཡེ་ཤེས་
ཀྱི་ངོ་བོ། ཡེ་ཤེས་ཀྱི་དབྱེ་བ། རང་བཞིན་ཀུན་ཁྱབ་བཤད་པའོ། །དང་པོ་ནི། གནས་སུ་བྱེད་
པོ་ཞུགས་ནས་ནི། །སྒྲུབ་པ་པོ་ཡིས་ལས་རྣམས་བྱ། །ཞེས་པ་སྟེ། ཤེས་རབ་ཀྱི་པདྨའི་གནས་
སུ་ཐབས་ཀྱི་བྱེད་པོ་རྡོ་རྗེའམ། ཐབས་ཀྱི་ནོར་བུའི་བུ་གའི་གནས་སུ། ཤེས་རབ་ཀྱི་རྩའི་བྱེད་
པོ་ཡང་དག་པར་ཞུགས་པའམ། རང་ལུས་ལྟར་ན་ཆོས་ཀྱི་འཁོར་ལོའི་ལྟེ་བ་དང༌། སྤྲུལ་པའི་
འཁོར་ལོའི་ལྟེ་བ་ཕན་ཚུན་དུ་ཡང་དག་པར་ཞུགས་ནས་ནི། སྒྲུབ་པ་པོ་ཡིས་དགའ་བཞི་
ལུགས་འབྱུང་ལུགས་ཟློག་གི་ལས་རྣམས་བྱའོ། །གཉིས་པ་ནི། འབྲས་བུ་རྣལ་འབྱོར་མའི་
འཁོར་ལོ། དེ་ཡི་རྒྱུ་མཐུན་ཧེ་རུ་ཀའོ། །ཞེས་པ་སྟེ། དེ་ལ་རྒྱུ་མཐུན་པའི་རྒྱུ་ནི། དཔེའི་ལྷན་
ཅིག་སྐྱེས་པ་ཞུ་བདེ་འགྱུར་བ་མེད་པ་ནི། ཐབས་ཀྱི་ཆ་ཡིན་པའི་ཕྱིར་ཧེ་རུ་ཀ་ཞེས་བྱ་ལ། དེའི་
རྒྱུ་མཐུན་པའི་འབྲས་བུ་ནི་སྣང་བ་གསུམ་མམ། དགའ་བ་གསུམ་རོ་མཉམ་དུ་འདྲེས་པ། དོན་
གྱི་ལྷན་ཅིག་སྐྱེས་པ་སྟེ། དེ་ནི་བདེ་བ་ཆེན་པོའི་རོ་བླ་ན་མེད་པ་དང་ལྡན་པ་ཡིན་ཡང༌། གཙོ་
བོ་སྟོང་ཉིད་ཡིན་པའི་ཕྱིར། ཤེས་རབ་ཀྱི་ཕྱོགས་ནས་རྣལ་འབྱོར་མ་ཞེས་གསུངས་པས། དེའི་
སྣང་བ་ལས། དག་པའི་འཁོར་ལོ་དཔག་ཏུ་མེད་པ་སྤྲོ་ཞིང༌། ནམ་མཁས་གར་ཁྱབ་ཀྱི་ཡུལ་
11-1-128


རྣམས་རྣམ་པར་སྦྱོང་བའང་ཡིན་ནོ། །རྒྱུ་འབྲས་དེ་གཉིས་སྡོམས་པ་ལ་དཀྱིལ་འཁོར་འཁོར་
ལོ་ཞེས་བྱ་སྟེ། དེ་སྐད་དུ་རྒྱུད་ལས། དཀྱིལ་ནི་སྙིང་པོ་ཞེས་བྱ་སྟེ། །བྱང་ཆུབ་སེམས་ནི་བདེ་
ཆེན་པོ། །ལེན་པར་བྱེད་པས་དཀྱིལ་འཁོར་ཉིད། །འདུས་པ་དཀྱིལ་འཁོར་ཉིད་དུ་བརྗོད། །
ཅེས་གསུངས། དཔེའི་ལྷན་སྐྱེས་ཀྱི་སྙིང་པོ་དོན་གྱི་ལྷན་སྐྱེས་ལེན་པ་དང༌། དེ་ཉིད་ལས། 
འཁོར་ལོ་ཞེས་བྱ་ནམ་མཁའི་ཁམས། །ཡུལ་ལ་སོགས་པ་རྣམ་པར་སྦྱོང༌། །ཞེས་གསུངས་ཏེ། 
ལྷན་སྐྱེས་ཀྱི་སྣང་བ་ལས་དག་པའི་དཀྱིལ་འཁོར་འཆར་བ་བསྟན་ཏོ། །ལྷན་སྐྱེས་དེ་ཉིད་གང་
དུ་གསལ་བར་མཐོང་བའི་གནས་སྐབས་བསྟན་པ་ནི། དེ་སྐད་ཅེས། དེ་ལ་བསྐྱེད་པའི་ཕྱོགས་
ཀྱི་དགའ་བ་བཞི་ལས་གསུངས་པ་གང་ཡིན་པ་དེ། མཆོག་ཏུ་དགའ་བའི་མཐའ་དང༌། དགའ་
བྲལ་གྱི་སྔོན་མ་དེ་ཉིད་ལྷན་ཅིག་སྐྱེས་པའི་དགའ་བ་སྟེ། ཞེས་པའོ། །དེ་ཡང་རྒྱུད་འབྲོག་
འགྱུར་ལས། སྐྱེ་མེད་རིམ་པའི་ཕྱོགས་ལས་ནི། །ཞེས་དང༌། འགྱུར་འགའ་ཞིག་ལས། རྫོགས་
པའི་རིམ་པའི་ཕྱོགས་ཞེས་འཆད་པ་གཉིས་དོན་གཅིག་མོད། འདིར་ནི་དེ་དང་མི་འདྲ་བར་
བསྐྱེད་པ་ཞེས་པ་ལ་སྔོན་དུ་དགག་སྒྲ་མེད་པར་བཞེད་དེ། བསྐྱེད་པའི་རིམ་པའི་ཕྱོགས་ལ་ནི། །
ཞེས་འདོན་པའི་དབང་དུ་མཛད་ནས། རྒྱུད་ལས། དགའ་བ་དང་པོ་དཔའ་བོ་ཉིད། །མཆོག་
ཏུ་དགའ་བ་རྣལ་འབྱོར་མ། །ཤིན་ཏུ་བདེ་དགའ་ཐམས་ཅད་ངེས། །དེ་བདེ་ཐབས་ལས་ཡང་
དག་རིག །ཅེས་གསུངས་པ་ལྟར། ཇི་སྲིད་དུ་རྫོགས་རིམ་གྱི་ཡེ་ཤེས་བསྟན་པར་མ་གྱུར་པ་དེ་
སྲིད་དུ། བསྐྱེད་པའི་རིམ་པའི་ཕྱོགས་ཀྱི་དགའ་བ་བཞི་སྟོན་པའི་སྐབས་ལས་གསུངས་པ་
གང་ཡིན་པ་དེས་དོན་གྱི་ཡེ་ཤེས་མཚོན་པར་བྱེད་པ་ལ་འབད་དགོས་ཏེ། དགའ་བ་དང་པོ་ནི་
རང་ལུས་ཉིད་ཀྱི་རྩ་ཅུང་ཟད་གྲོལ། རླུང་ཅུང་ཟད་ཐིམ། ཐིག་ལེ་ཅུང་ཟད་འབར་བའི་བདེ་བ་
ཉིད་ཀྱི་ཕྱིར། རྟོག་པ་དང་བཅས་པས་ཐབས་དཔའ་བོ་ཡིན་ལ། གཉིས་པ་ནི། གཞན་ལུས་ཀྱི་
རྩ་རླུང་ཐིག་ལེའི་ནུས་པས། སྔར་གྱི་རང་ལུས་ཀྱི་བདེ་བ་དེའི་སྟེང་དུ་བདེ་བ་ལྷག་པར་བསྐྱེད་
11-1-129


པས། མི་རྟོག་པར་འགྱུར་བའི་ཕྱིར། ཤེས་རབ་རྣལ་འབྱོར་མ་ཞེས་བྱ་ལ། སྒྲུབ་པ་པོ་སྐྱེས་པ་
ཉིད་ཀྱི་དབང་དུ་བྱས་ན་ནི། དང་པོ་དཔའ་བོ་དང༌། གཉིས་པ་དེའི་སྟེང་དུ་རིག་མ་ལྷག་པར་
འདུས་པ་ལའང་བཤད་དུ་རུང་མོད། བུད་མེད་ལ་ནི་དེ་གོ་ཟློག་པ་སོགས་མི་འགྲིག་ཅིང༌། 
དོན་འདི་ཡང་སྤྱི་ཟློག་བཤད་པ་ཉིད་ཡིན་པས། གོང་དུ་སྨོས་པ་ཉིད་བཟུང་བར་བྱའོ། །དེའི་
རྗེས་སུ་གསུམ་པ་ནི་ལྷན་སྐྱེས་ཏེ། མཆོག་ཏུ་དགའ་བ་རྫོགས་པའི་མཐའ་དང༌། དགའ་བྲལ་
གྱི་དགའ་བའི་སྔོན་མའི་གནས་སྐབས་དེ་ཉིད་དུ་ལྷན་ཅིག་སྐྱེས་པའི་དགའ་བ་འབྱུང་སྟེ། 
དཔེའི་ལྷན་སྐྱེས་དངོས་སུ་མྱོང་བ་ལ་བརྟེན་ནས་དོན་གྱི་ལྷན་སྐྱེས་ཅི་རིགས་པ་མཚོན་པར་
ནུས་ཤིང༌། འདི་ནི་ཐབས་དང་ཤེས་རབ་རང་ལུས་དང་གཞན་ལུས་རོ་མཉམ་པ་ཉིད་ལས་
བྱུང་བའི་ཕྱིར། ཐམས་ཅད་ངེས་ཤེས་བྱའོ། །དེ་ཡང༌། ཤིན་ཏུ་བདེ་དགའ་ཐམས་ཅད་ངེས། །
ཞེས་པས། དཔེའི་ལྷན་སྐྱེས་དང༌། དེ་བདེ་ཐབས་ལས་ཡང་དག་རིག །ཅེས་པས། ངེས་དོན་
གྱི་ལྷན་སྐྱེས་མཚོན་ནུས་པར་བསྟན་ཏོ། །དེ་ལྟར་ཡང་རྒྱུད་ལས། རེ་ཞིག་སྐྱེས་བུ་རྣམ་པ་
གཉིས། །དེ་ཡི་ཁུ་བའང་བདེ་བ་ཉིད། །སྐྱེས་བུ་ཇི་བཞིན་ཤེས་རབ་ལའང༌། །དེའི་ཁུ་བའང་
བདེ་བ་ཉིད། །དེ་ཉིད་ཕྱིར་ན་དགའ་བ་ནི། །བཞི་ཡི་རབ་ཏུ་དབྱེ་བ་ཡིས། །བ སྐྱེད་པའི་རིམ་
པའི་ཕྱོགས་ལ་ནི། །འདི་ལྟར་ལྷན་ཅིག་སྐྱེས་རྣམ་བཞི། །ཞེས་གསུངས་ཏེ། ནོར་བུ་དང༌། ནཱ་
ར་ན་སི་ཀ་མཉམ་པར་སྦྱོར་བའི་དབུས་སུ། ཐབས་ཤེས་ཀྱི་བྱང་སེམས་ཁ་སྦྱོར་གྱི་ཚུལ་དུ་
གནས་པ་ན། ཐབས་ཀྱི་ཁུ་བ་སྟེ་ཞུ་བདེ་དང༌། བདེ་བ་དེའི་རང་བཞིན་རིག་པས། གནས་
ལུགས་མཚོན་ནུས་པའི་ཡེ་ཤེས་གཉིས། དེ་བཞིན་དུ་ཤེས་རབ་མའི་ཡང་ཞུ་བདེ་དང་ཡེ་ཤེས་
གཉིས་ཏེ། བཞི་དུས་མཉམ་དུ་ཤར་བ་ཡིན་ཞིང༌། བཞི་གར་ལྷན་སྐྱེས་ཡིན་པའི་ཕྱིར། ལྷན་
སྐྱེས་རྣམ་པ་བཞི་ཞེས་བྱའོ། །ཐབས་ཤེས་གཉིས་ལ་རང་རང་གི་གཉིས་པོ་དེ་གཙོ་བོ་ཡིན་
མོད་ཀྱང༌། སྐབས་དེར། རྩ་རླུང་ཐིག་ལེ་ཕན་ཚུན་གཅིག་ཏུ་འཚོགས་པའི་ཕྱིར། གཉིས་ཀས་
11-1-130


ཀྱང་བཞི་ཆར་ཉམས་སུ་མྱོང་བ་ནི་ཡིན་ཏེ་ཆེས་ཆེར་ལྷག་པོ་མྱོང་བའི་ཕྱིར་རོ། །དེ་ལ་བྱང་
ཆུབ་ཀྱི་སེམས་སྤྱི་བོ་ནས་མགྲིན་པ་ཡན་ཆད་དུ་འོངས་པ་ནི་དགའ་བ་དང༌། ཚིགས་ཐམས་
ཅད་ལ་ཁྱབ་པ་མཆོག་དགའ་དང༌། ནོར་བུར་ཕྱིན་པ་ལྷན་སྐྱེས་ཡིན་ལ། ཐ་མལ་པ་རྣམས་ཀྱི་
དེ་ལས་ཕྱི་རོལ་དུ་ལྟུང་བ་དགའ་བྲལ་དང༌། བསྐྱེད་རིམ་གྱི་རྣལ་འབྱོར་པ་རྣམས་ཀྱི་ནི། སླར་
ཟློག་པ་དགའ་བྲལ་ཡིན་གྱི། མས་བརྟན་གྱི་དགའ་བའི་རིམ་པ་བཞི་མི་བཞེད་དེ། དེ་ནི་
རྫོགས་རིམ་ཁོ་ན་ལ་ཡོད་པར་དགོངས་སོ། །དེ་བཞིན་དུ་ཡེ་ཤེས་ཀྱི་ཕྱག་རྒྱ་ཡང་ལས་ཀྱི་
ཕྱག་རྒྱའི་འདྲ་འབག་ཏུ་དགོངས་པ་དང༌། དེ་ལའང་སྐྱེད་རྫོགས་གཉིས་ཀའི་ཆ་ཤས་ཡོད་
ཅིང༌། རང་ལུས་ཀྱི་སྙིང་ག་དང་ལྟེ་བ་ཁ་སྦྱོར་སོགས་ནི། །དངོས་སུ་གྲུབ་ན་རྫོགས་རིམ་ཁོ་ན་
ཡིན་ཀྱང༌། བློས་བརྟགས་ཏེ་བསྒོམ་པ་ནི་བསྐྱེད་རིམ་ཁོ་ན་ཡིན་པའི་ཕྱིར། དེ་དག་གི་སྤྲོས་པ་
སྐབས་འདིར་མ་བྱས་སོ། །གསུམ་པ་ནི། དེ་ཉིད་འདིར་ནི་གཉིས་སུ་སྣང༌། །བྱེ་བྲག་གཉིས་
ཀྱང་འབྲས་བུར་འདོད། །ཅེས་པ་སྟེ། ལྷན་ཅིག་སྐྱེས་པའི་དབྱེ་བ་འདི་ནི། རྒྱུད་ལས། དཀྱིལ་
འཁོར་འཁོར་ལོའི་ཐབས་དང་ནི། །རང་བྱིན་རླབས་པའི་རིམ་པས་ཀྱང༌། །ཀུན་རྫོབ་དོན་
དམ་ཚུལ་ཅན་གྱི། །བྱང་ཆུབ་སེམས་ནི་རབ་ཏུ་བསྐྱེད། །ཀུན་རྫོབ་ཀུན་ད་ལྟ་བུ་ཉིད། །དོན་
དམ་བདེ་བའི་གཟུགས་ཅན་ནོ། །ཞེས་པའི་དོན་ཏེ། དེ་ཡང་སྐད་ཅིག་མའི་དགའ་བ་བཞི་
ལས། གནས་སྐབས་གསུམ་པར་མྱོང་བ་དེ་ཡང༌། ལྷན་སྐྱེས་མཚོན་པར་བྱེད་ནུས་པའི་དུས་
ཀྱི་ངེས་པ་ཡིན་གྱི། དུས་གཞན་དུའང་མེད་པ་མ་ཡིན་ཏེ། ལྷན་སྐྱེས་གཉིས་ནི་སེམས་ཅན་
རྣམས་ལ་རྟག་ཏུ་གནས་སོ། །སྔར་མཆོད་བརྗོད་དུ་རྒྱུ་མཐུན་དང་འབྲས་བུ་གཉིས་སུ་བཤད་
པ་དེ་ལས་གཞན་པའི་རྒྱུ་འབྲས་ཀྱི་རྣམ་གཞག་ཅིག་འདིར་མཛད་དེ། དེ་ལ་སྔར་སྐད་ཅིག་
གསུམ་པར་མཚོན་པའི་བདེ་བ་དེ་ཉིད། འདིར་ནི་དཔེ་དང་དོན་གྱི་ཡེ་ཤེས་གཉིས་སུ་སྣང་བ་
ནི་རྒྱུ་ཡིན་ལ། སྒོམ་པ་ལས་བྱུང་བའི་རང་བཞིན་བདེ་སྟོང་དང༌། ཞུ་བདེ་ལྷན་སྐྱེས་ཀྱི་རྒྱུན་ཏེ། 
11-1-131


བྱེ་བྲག་དབྱེ་བ་དེ་གཉིས་ཀྱང་འབྲས་བུར་འདོད་པར་བྱའོ། །དེ་ཡང་ཐོག་མའི་དབང་དུས་ཀྱི་
བདེ་བ་དང༌། ཞུ་བདེ་བརྟན་པར་མ་གྱུར་བར་དུ་འབད་རྩོལ་གྱི་སྒོ་ནས་ཐིག་ལེ་མ་ལྷུང་བར་
སྒྲུབ་པའི་བདེ་བ་དང༌། ཡང་བདེ་བ་དེ་ཉིད་སེམས་ཀྱི་རང་བཞིན་དང་བསྲེ་བའི་ཐབས་རྩོལ་
བཅས་དེ་ཉིད་རྒྱུའི་རྫོགས་རིམ་དང༌། རྩོལ་མེད་དུ་ཞུ་བདེ་བརྟན་པའི་བདེ་བ་དང༌། དེ་ཁོ་
ནས་རང་བབས་སུ་གནས་ལུགས་ལ་འཇུག་པ་གཉིས་འབྲས་བུའི་རྫོགས་རིམ་མོ་ཞེས་པའི་
དོན་ནོ། །རྫོགས་རིམ་ཉིད་ཀྱི་དགའ་བཞིའི་དབྱེ་བ་ནི་འོག་ཏུ་འཆད་དོ། །འདི་ནི་རྒྱུ་འབྲས་ཀྱི་
ངེས་པའོ། །ཡང་གཅིག་ནི་ནམ་མཁའི་མཚན་ཉིད་དེ། གཉིས་པ་ཟླ་བ་གང་བ་འདྲ། འབྲས་
བུའི་རྫོགས་རིམ་གཉིས་ཀྱི་ནང་ནས། གཅིག་སྟེ་དང་པོ་དོན་གྱི་ལྷན་སྐྱེས་ནམ་མཁའི་མཚན་
ཉིད་དེ་འགྱུར་བ་མེད་པ་ཡིན་ལ། གཉིས་པ་ཞུ་བདེ་འཛག་མེད་ཀྱི་ཡེ་ཤེས་ནི། ཟླ་བ་དཀྱིལ་
འཁོར་ཉ་གང་བ་ལྟར། བྱང་ཆུབ་ཀྱི་སེམས་ཀྱི་ཆ་ཤས་མ་ཉམས་ཤིང་གང་བའི་ཡེ་ཤེས་སོ། །
དེ་ཡང་རང་བཞིན་དོན་དམ་ལྷན་སྐྱེས་ནི། རྟག་པ། འདུས་མ་བྱས། དངོས་པོ་ལས་འདས་པ། 
སྤྲོས་པ་མེད་ཅིང་འགྱུར་བ་མེད་པ་ཉིད་ཀྱིས། འཇིག་རྟེན་དུ་ནམ་མཁའ་ཡང་མཚན་ཉིད་དེ་
དག་དང་ལྡན་པའི་ཕྱིར་དཔེར་མཛད་དོ། །གཞུང་འདིའི་ཐད་ཀྱི་འགྲེལ་པ། ཨོ་རྒྱན་གྱི་སློབ་
དཔོན་ཐ་ག་ནས་མཛད་པ་ལས་ཀྱང༌། འདིར་ནམ་མཁའ་དང་མཚུངས་པ་ནི། གང་ཞིག་
གཟུང་བ་དང་ནི་འཛིན་པ་གཉིས་དང་བྲལ་བ། རྫས་མ་ཡིན་པའི་ངོ་བོ། བདེ་བ་ཆེན་པོ་རང་
གི་རིག་པའི་ཆོས་ཉིད། ཉམས་སུ་མྱོང་བའི་མཚན་ཉིད་གང་ཡིན་པ་དེ་ནི། སྐྱོབ་པ་རྣམས་ཀྱི་
ཕུང་པོ་ལྔའི་རང་བཞིན་དུ་བསྡུ་བའི་བཅོམ་ལྡན་འདས་སངས་རྒྱས་རྣམས་ཀྱི་ཆོས་ཀྱི་སྐུའི་
ཁྱབ་བྱེད་ཀྱི་ངོ་བོ། ཤིན་ཏུ་རྣམ་པར་དག་པའི་དེ་བཞིན་ཉིད་ཀྱི་བདག་ཉིད་ལྷན་ཅིག་སྐྱེས་
པའི་བདེ་བ་ཆེན་པོའི་མཚན་ཉིད་དུ་བཤད་པ་ཡིན་ནོ། །ཞེས་འབྱུང་བ། ཚིག་འདིས་ལྷན་
སྐྱེས་བདེ་ཆེན་དེ། རྫས་ཀྱི་དངོས་པོ་ཡང་མ་ཡིན་པར་བཤད་ན། བཏགས་པ་ཏ་ག་ལ་ཞིག །
11-1-132


དེས་ན་རྫས་བཏགས་དང་གཟུང་འཛིན་མ་ཡིན་པ་ཀུན་ལ་ཁྱབ་པ། རང་རིག་ཉམས་སུ་མྱོང་
བའི་མཚན་ཉིད་ཅན། ཟག་མེད་ཕུང་པོ་ལྔ་སོགས་སངས་རྒྱས་ཀྱི་ཡོན་ཏན་ཐམས་ཅད་དང་
ལྡན་པར་བསྟན་པས། དེ་བཞིན་ཉིད་རྟག་པ་ཡོན་ཏན་ཅན། སློབ་དཔོན་ཤཱན་ཏི་པ་མི་བཞེད་
དོ་སྙམ་པ་དག་འདུག་པ་ཡང༌། རང་ཉིད་ཤིན་ཏུ་བླུན་པ་དང༌། ཕྱོགས་འཛིན་གྱི་གདོན་གྱིས་
བསླུས་པ་ཁོ་ནར་ཟད་དོ། །ཡུལ་ཅན་ལམ་གྱི་དོན་དམ་ལྷན་སྐྱེས་ནི། གཟུགས་ཅན་གྱི་ནམ་
མཁའ་དང་མཚུངས་ཏེ། དྭངས་པ་དང༌། སྒྲིབ་པ་མེད་པ་དང༌། འཇའ་ཚོན་ལ་སོགས་པ་གང་
ཡང་འཆར་དུ་རུང་བ་བཞིན་དུ་བདེ་བ་དང༌། རྣམ་རྟོག་མེད་པ་དང༌། གསལ་སྟོང་གི་དཀྱིལ་
འཁོར་སྣ་ཚོགས་པ་འཆར་བའི་གཞི་ཉིད་ཀྱི་ཕྱིར་རོ། །རྣམ་རྟོག་མེད་ཅིང་སྤྲོས་པ་མེད་པའི་ཆ་
ནས་ནི། གཞན་དག་ལ་འདུས་མ་བྱས་སུ་གྲགས་པ་དངོས་མེད་ཀྱི་ནམ་མཁའ་དང་ཡང་
འདྲའོ། །ཞུ་བདེ་ཟླ་བ་དང་འདྲ་བའི་དོན་ནི། རྟེན་ཐིག་ལེ་དཀར་པོ་མ་ཉམས་པ་ཟླ་བ་གང་བ་
དང་འདྲ་བའམ། ཟླ་བ་ནི་ཡིད་དུ་འོང་ཞིང་བསིལ་བ་བཞིན་དུ། བདེ་ཞིང་གསལ་བ་དང༌། 
ཚིམ་པར་བྱེད་པ་སྟེ། དེ་དག་ནི་དཔེའི་ངེས་པའོ། །ཡང༌། གཉིས་ལས་ནམ་མཁའ་ལྟ་བུ་གང༌། །
སྐྱོབ་པ་རྣམས་ཀྱི་ཆོས་སྐུ་ཡིན། །གང་ཞིག་ཟླ་བ་རྒྱས་འདྲ་བ། །དེ་ཉིད་ལོངས་སྤྱོད་རྫོགས་
སྐུ་སྟེ། །དེ་ཉིད་རྣལ་འབྱོར་མ་འཁོར་ལོ། དེ་ཉིད་གཉིས་མེད་ཡེ་ཤེས་ཏེ། །ཇི་ལྟར་བདེ་ཆེན་
མཐའ་ཡིན་པས། །དེ་ལྟར་དེར་ཡང་ཁྱད་པར་མེད། །ཅེས་པ་ལ། དེ་ལྟར་དཔེ་གཉིས་ཀྱིས་
མཚོན་པ་ལས། ནམ་མཁའ་ལྟ་བུ་རང་བཞིན་ལྷན་སྐྱེས་གང་ཡིན་པ་དེ་ནི། སྐྱོབ་པ་སངས་
རྒྱས་རྣམས་ཀྱི་ཆོས་ཀྱི་སྐུ་ཡིན་ཏེ། རང་བཞིན་དོན་དམ་པའི་བདེ་ཆེན་ནི་སངས་རྒྱས་ཀྱི་ཆོས་
སྐུ་དངོས་ཤེས་བྱ་ཀུན་ཁྱབ་དེ་བཞིན་ཉིད་དེ་ཡིན་ལ། ལམ་གྱི་དོན་དམ་བདེ་ཆེན་ནི་ལམ་དུས་
ཀྱི་ཆོས་སྐུ་ཞེས་བྱ་སྟེ། ཁ་སྦྱོར་ལས། རང་བྱུང་ངོ་བོ་འདི་ཉིད་ནི། །ཆོས་ཀྱི་སྐུར་ནི་རབ་ཏུ་
གྲགས། །ཞེས་སོ། །དེ་ཉིད་སངས་རྒྱས་ཐོབ་པར་བྱེད་པའི་རྒྱུའི་གཙོ་བོ་ཡིན་པའི་ཕྱིར། 
11-1-133


སངས་རྒྱས་རྣམས་ཀྱི་ཆོས་སྐུ་ཞེས་ཐ་སྙད་མཛད་དོ། །གང་ཞིག་ཟླ་བ་རྒྱས་པ་འདྲ་བའི་ཞུ་
བདེ་འགྱུར་མེད་ཀྱི་ཡེ་ཤེས་དེ་ཉིད་ནི། ལམ་དུས་ཀྱི་ལོངས་སྤྱོད་རྫོགས་སྐུ་བདེ་བ་ཆེན་པོ་
ཡིན་ཏེ། ཁ་སྦྱོར་ལས། གང་ཚེ་རྡོ་རྗེ་རྩེར་གནས་པ། །དེ་ཡི་ཚེ་ཡང་སྣ་རྩེ་རུའོ། །ཞེས་སོ། །
སྐབས་འདིར། དེ་ཉིད་རྣལ་འབྱོར་མ་སོགས་ཀྱིས་ཀྱང༌། གཉིས་པོ་དེ་ཉིད་འཆད་ཀྱི་རྣམ་
གྲངས་གཞན་མི་འཆད་དོ་ཞེས་ཐ་ག་ན་གསུངས་མོད་ཀྱང༌། སློབ་དཔོན་འདི་ཉིད་ཀྱིས་མཛད་
པའི་གཞུང་ལྷན་སྐྱེས་ངེས་པར་བསྟན་པ་ཞེས་བྱ་བ་ལས། དོན་དམ་ལ་སོགས་དབྱེ་བ་ཡིས། །
ལྷན་ཅིག་སྐྱེས་པ་གཉིས་སུ་ཤེས། །དོན་དམ་ཡོད་པའི་རང་བཞིན་ཏེ། །ཀུན་རྫོབ་ཟླ་བ་ལྟ་
བུ་ཡིན། །ཡོད་པ་ཆོས་ཀྱི་སྐུ་ཡིན་ཏེ། །ཟླ་བ་ལོངས་སྤྱོད་རྫོགས་པའི་གཟུགས། །དེ་དག་
བསྡུས་པ་ཉིད་ཀྱིས་ན། །སྤྲུལ་པའི་སྐུ་ཞེས་བརྗོད་པ་ཡིན། །རབ་ཏུ་འབད་པས་བསྒྲུབ་བྱའི་
སྐུ། །འདི་ནི་གཙོ་བོ་ཆོས་སུ་བཤད། །དེ་ལས་སྐྱེས་པའི་སྐུ་དེ་ནི། །གཞན་ལ་ལོངས་སྤྱོད་
རྫོགས་པར་བཤད། །འཇིག་རྟེན་པ་ཡི་བདེ་བ་འདི། ། དཔེ་དེ་དབང་བསྐུར་ཉིད་མ་ཡིན། །བླ་
མའི་བྱིན་རླབས་བདེ་བ་གང༌། །སྔོན་དུ་བཏོད་པར་ཤེས་པར་བྱ། །དེས་ན་འཇིག་རྟེན་ལས་
འདས་ཤིང༌། །ཐར་པ་ཆེན་པོའི་དོན་ཡིན་ཏེ། །བདེ་བ་མི་ཟད་མི་འགྱུར་པའོ། །འཇིག་རྟེན་པ་
ཡི་རྟོགས་པ་ཡང༌། །དེ་ཉིད་འདི་ཡིས་གསལ་བར་བྱེད། །ཅེས་གསུངས་པ་འདིས། དེ་ཉིད་
འདིར་ནི་གཉིས་སུ་སྣང༌། ཞེས་པ་ནས། དེར་ཡང་ཁྱད་པར་མེད་ཅེས་པའི་བར་གྱི་དོན་ཤིན་
ཏུ་གསལ་བར་སློབ་དཔོན་ཉིད་ཀྱིས་རྣམ་པར་བཤད་པའོ། །ཡོད་པའི་རང་བཞིན་ཞེས་བྱ་བ་
ནི། རང་བཞིན་བདེ་ཆེན་དེ་བདེན་པར་ཡོད་པའོ། །དེས་ན་གོང་མཆོད་བརྗོད་ཀྱི་སྐབས་སུ་ཞུ་
བདེ་རྒྱུ་དང་རང་བཞིན་འབྲས་བུར་བཤད་པ་དེ་དཔེ་ཐབས་དང་དོན་ཐབས་བྱུང་གི་རྣམ་པ་
འཆད་ཚུལ་ཞིག་ཡིན་ལ། དཔེ་གཉིས་ཀྱིས་བསྟན་པའི་སྐབས་དེར་དེ་དང་མི་འདྲ་སྟེ། ཆོས་སྐུ་
ལས་ལོངས་སྐུ་འབྱུང་ཞེས་རང་བཞིན་རྒྱུད་དང༌། ཞུ་བདེ་འབྲས་བུའི་ཚུལ་དུ་བསྟན་པ་ཡིན་
11-1-134


ནོ། །ལྷན་སྐྱེས་གཉིས་པོ་དེ་ཉིད་ཀྱི་ནུས་པ་གཅིག་ཏུ་བསྡུས་པ། སྟོང་པའི་ངང་ལས་ཡེ་ཤེས་
ཀྱི་སྣང་བ། ཁམས་གསུམ་རབ་འབྱམས་འཆར་བ་ནི་སྤྲུལ་པའི་སྐུ་ཡིན་ཞིང༌། །དེ་ཡང་ནོར་བུ་
ནས་གཙུག་ཏོར་གྱི་བར་དུ་ལྡོག་པ་མས་བརྟན་གྱི་གནས་སྐབས་སུ་འཆར་རོ། །རྫོགས་རིམ་
གྱི་སྐབས་འདིར་མས་བརྟན་དེ་ལ་ནང་ཚན་དབྱེ་བ་བཞི་ཡོད་ཀྱང༌། ལྷན་སྐྱེས་ཉིད་ལས་ཕྱེ་བ་
ཡིན་པའི་ཕྱིར། རྒྱུད་ལས། འདོད་ཆགས་མ་ཡིན་ཆགས་བྲལ་མིན། དབུ་མར་དམིགས་པར་
མི་འགྱུར་རོ། །གསུམ་པོ་སྤངས་པ་ཉིད་ཀྱི་ཕྱིར། །ལྷན་ཅིག་སྐྱེས་པ་བྱང་ཆུབ་བརྗོད། །ཡང་
ན་དེ་ཉིད་ཐམས་ཅད་བདག །ཡང་ན་ཀུན་གྱིས་རྣམ་པར་སྤངས། །དེ་ཡང་དགའ་བྲལ་དང་
པོར་མཚོན། །དགའ་བ་གསུམ་པོ་རྣམ་པར་སྤངས། །ཞེས་གསུངས་པ་ཡིན་ནོ། །དེ་བཞིན་དུ་
ཁ་སྦྱོར་ལས། གང་ཚེ་ལོངས་སྤྱོད་རྫོགས་པའི་སྐུ། །ནུབ་པར་གྱུར་པ་དེ་ཡི་ཚེ། །བྷ་གའི་ནང་
དུ་སོན་དེ་དང༌། །ཡུངས་ཀར་ཙམ་དུ་རྣམ་པར་བརྗོད། །ཅེས་ལམ་དུས་ཀྱི་སྤྲུལ་པའི་སྐུ་ཡིན་
པར་བཤད། ཚིག་དོན་ནི། ལྷན་སྐྱེས་གཉིས་པོ་དེ་ཉིད་ཀྱིས། རྣལ་འབྱོར་མ་སྟོང་ཉིད་ཀྱི་དོན་
འཁོར་ལོས་གཅོད་པ་ལྟར་རྟོགས་པ་ན། ལྷན་སྐྱེས་གཉིས་པོ་དེ་ཉིད། སྣང་བ་དང་སྟོང་པ་
གཉིས་སུ་མེད་པའི་ཡེ་ཤེས་ཀྱི་སྐུ་ཧེ་རུ་ཀའི་དཀྱིལ་འཁོར་ལ་སོགས་པ། དག་སྣང་རབ་
འབྱམས་སུ་འཆར་ཏེ། འདི་ནི་སྤྲུལ་པའི་སྐུ་ཡིན་ནོ། །དེ་དག་ནི་སྐུ་གསུམ་གྱི་ངེས་པའོ། །འོ་
ན་ཞུ་བདེ་ནི་དཔེ་འཇིག་རྟེན་པ་ཡིན་པས། དབང་བསྐུར་མཐར་ཐུག་བཞི་པའི་ཡེ་ཤེས་མ་
ཡིན་ཞིང༌། བླ་མའི་བྱིན་རླབས་ཀྱི་མངོན་སུམ་གྱུར་པའི་རང་བཞིན་གྱི་བདེ་བ་ནི། གནས་
ལུགས་མངོན་སུམ་དུ་གཏོད་བའི་དབང་བཞི་པའི་ཡེ་ཤེས་ཡིན་ལ། དེ་ཡང་འཇིག་རྟེན་ལས་
འདས་པ་ཐར་པ་དངོས་སུ་སྒྲུབ་བྱེད་བདེ་བ་མི་འགྱུར་བ་ཡིན་ན། ཞུ་བདེ་དེ་འདྲས་རང་
བཞིན་གྱི་རྒྱུ་བྱེད་པ་ཡང་མི་འཐད་ལ་རང་བཞིན་གྱིས་ཞུ་བདེ་བསྐྱེད་པ་ཡང་མི་འཐད་དོ་སྙམ་
ན་རང་བཞིན་མ་གཏོགས་པ་རྣམས་ལ་དེ་ལྟར་བདེན་མོད་ཀྱི། རྟོགས་པ་རྣམས་ལ་མ་ཡིན་ཏེ། 
11-1-135


འཇིག་རྟེན་པའི་རྟོག་པ་ཇི་སྙེད་པ་རྣམས་ཀྱང༌། འཇིག་རྟེན་ལས་འདས་པའི་ཡེ་ཤེས་འདིས་
གསལ་བར་བྱས་པ་ན། གསེར་འགྱུར་རྩིས་ལྕགས་ལ་རེག་པ་བཞིན་དུ། ཞུ་བདེ་འཇིག་རྟེན་
པ་དེ་ཡང་འཇིག་རྟེན་འདས་པའི་ངོ་བོར་འགྱུར་རོ། །རྒྱུ་མཚན་ཇི་ལྟར་ཡིན་ན། རང་བཞིན་གྱི་
བདེ་བ་ཆེན་པོ་ནི། སྤྱིར་ཆོས་ཐམས་ཅད་དང༌། ཁྱད་པར་ཞུ་བདེ་ཉིད་ཀྱི་མཐའ་འམ་གནས་
ལུགས་ཡིན་པས། གནས་ལུགས་དེ་ཉམས་སུ་མྱོང་ནུས་པ་ནས་བཟུང་སྟེ། རང་བཞིན་གྱི་བདེ་
བ་ཟག་མེད་ཡིན་པ་དེ་ལྟར། ཞུ་བདེ་དེ་ཡང་རང་བཞིན་དང་ཁྱད་པར་མེད་པར་འཇིག་རྟེན་
ལས་འདས་པའི་ཟག་མེད་ཀྱི་ཡེ་ཤེས་སུ་འགྱུར་ཏེ། དངོས་གནས་ལ་རང་བཞིན་དབྱེར་མེད་
ཀྱང་ཡིན་པ་ལ། སྒྲུབ་པ་པོས་ཀྱང་དབྱེར་མེད་དུ་རྟོགས་པའི་ཕྱིར་རོ། །དེ་དག་ནི་ངོ་བོ་གཅིག་
ཏུ་འཇུག་པའི་ངེས་པའོ། །དེ་ལྟར་ན་རྒྱུ་འབྲས་ཀྱི་ངེས་པ། དཔེའི་ངེས་པ་འབྲས་བུ་སྐུ་གསུམ་
ལམ་བྱེད་ཀྱི་ངེས་པ། ངོ་བོ་གཅིག་ཏུ་འཇུག་པའི་ངེས་པ་སྟེ་ངེས་པ་བཞིས་དབྱེ་བ་རྒྱས་པར་
བཤད་ཟིན་ཏོ། །
བཞི་པ་ནི། གཉིས་མེད་ཡེ་ཤེས་དེ་ཉིད་ནི། །ཆོས་རྣམས་ཀུན་གྱི་ངོ་བོ་ཉིད། །བདེ་བ་
ཆེན་པོའང་དེ་ཡིན་ཏེ། །དེ་ཕྱིར་འགྲོ་ཀུན་བདེ་ཆེན་ནོ། །ཞེས་པ་ལ་གཟུང་འཛིན་གཉིས་སུ་
མེད་པའི་ཡེ་ཤེས། རང་བཞིན་དོན་དམ་པའི་བདེ་བ་ཆེན་པོ་ལྷན་ཅིག་སྐྱེས་པའི་ཡེ་ཤེས་དེ་
ཉིད་ནི། ཆོས་ཤེས་བྱ་ལ་སྲིད་ཚད་རྣམ་ཀུན་ཀྱི་རང་བཞིན་གནས་ལུགས་ཀྱི་ངོ་བོ་ཉིད་ཡིན་
ལ། སངས་རྒྱས་རྣམས་ཀྱི་བདེ་བ་ཆེན་པོའི་སྐུ་ཡང་དེ་ཡིན་ཏེ་རྒྱུ་མཚན་དེའི་ཕྱིར། རིགས་
དྲུག་གི་འགྲོ་བ་ཀུན་ཡང་རང་བཞིན་དོན་དམ་པའི་བདེ་བ་ཆེན་པོ་ཉིད་ཡིན་ནོ། །འདིས་ནི་
ཆོས་ཐམས་ཅད་ཀྱི་གདོད་མའི་གནས་ལུགས་དང༌། སངས་རྒྱས་ཀྱི་བདེ་བ་ཆེན་པོའི་སྐུ་
གཅིག་ཅིང༌། དེ་ཉིད་སེམས་ཅན་རྣམས་ཀྱི་གནས་ཚུལ་ཡང་ཡིན་པར་བསྟན་པས། སེམས་
ཅན་ཐམས་ཅད་སངས་རྒྱས་ཀྱི་སྙིང་པོ་ཅན་དང་སྙིང་པོ་དེ་ཀ་ཤེས་བྱ་ཀུན་ཁྱབ་དང༌། སངས་
11-1-136


རྒྱས་དངོས་ཡིན་པར་ཡང་བསྟན་པས། མཐར་ཐུག་གི་གཞན་སྟོང་དབུ་མ་གསལ་བར་བཞེད་
པ་ཡིན་ནོ། །དེས་ན་གང་དག་སློབ་དཔོན་ཤཱན་ཏི་པ་ནི། ལྟ་བ་སེམས་ཙམ་པ་ཡིན་པས་སེམས་
ཅན་ཐམས་ཅད་སངས་རྒྱས་ཀྱི་སྙིང་པོ་ཅན་དུ་མི་བཞེད་དོ་སྙམ་པ་དག་ཡོད་དེ། མུན་སྒོམ་
ཙམ་མོ། །གཉིས་པ་དེ་ཉིད་ཇི་ལྟར་སྒོམ་པའི་ཚུལ་བསྟན་པ་སྟེ། དེ་ལ་མངོན་པར་རྟོགས་པ་
སྟེ་འདིར་བསྒོམ་པའི་དབང་དུ་བྱས་ནས། ཞེས་པ་ལ་སོགས་པའོ། །འདི་ལ་སྒྲུབ་པ་པོའི་
མཚན་ཉིད། གནས་ཀྱི་ངེས་པ། རྣལ་འབྱོར་གྱི་གཞི། རྣམ་པ་བསྒྱུར་བ། ཡུལ་གྱི་མཚན་ཉིད། 
སྔོན་འགྲོའི་བྱ་བ། སྦྱོར་བའི་དབྱེ་བ། དངོས་གཞིའི་ཏིང་ངེ་འཛིན། ཡེ་ཤེས་ཀྱི་རབ་ཏུ་དབྱེ་བ་
སྟེ་དགུ་ལས། དང་པོ་ནི། དཔའ་བོ་གཅིག་པུ་ཞེས་པ་སྟེ། སྒྲུབ་པ་པོ་སློབ་དཔོན་ལ་གུས་ཤིང་
དགེ་བ་ལ་བརྩོན་པ། དབང་བསྐུར་བ་ཐོབ་ཅིང་དམ་ཚིག་མ་ཉམས་པ་སྟེ། ཇི་སྐད་དུ། དགེ་
བ་བཅུ་ལ་གོམས་པ་དང༌། །བླ་མ་ལ་གུས་དབང་པོ་དུལ། །ང་རྒྱལ་ཁྲོ་ལས་རྣམ་པར་གྲོལ། །
དེ་ནི་རེ་ཞིག་ངེས་འགྲུབ་འགྱུར། །ཞེས་སོ། །དཔའ་བོ་ཞེས་པ་ནི། ཐ་མལ་གྱི་རྣམ་པར་རྟོག་
པ་འཇོམས་ནུས་པ་སྟེ། འཆད་འགྱུར་ལྟར། སྟོང་པ་ཉིད་དང་ལྷའི་རྣལ་འབྱོར་ལ་གསལ་སྣང་
སྐྱེས་པ་དང༌། རླུང་ལས་སུ་རུང་བའོ། །དེ་ནི་རྒྱུད་ལས། དབྱུང་བ་ཉིད་ཀྱིས་ལྟུང་བར་བྱེད། །
རྔུབ་པ་ཡིས་ནི་དབང་དུ་བྱེད། །དགང་བ་ཡིས་ནི་དགུག་པ་ཉིད། །གཞིལ་བ་ཡིས་ནི་རེངས་
པར་བྱེད། །ཅེས་གསུངས་ཤིང༌། དཀའ་འགྲེལ་མུ་ཏིག་འཕྲེང་བ་ལས། །བགྲང་དང་རྗེས་སུ་
འཇུག་དང་བཞག །མཚན་ཉིད་དེ་ནས་རྣམ་བཟློག་དང༌། །ཡོངས་སུ་དག་དང་དེ་བཞིན་དྲུག །
འཇུག་དང་འབྱུང་བའི་དྲན་པར་འདོད། །ཅེས་མདོ་ལུགས་དང་འདྲ་རུང་གི་བཤད་པ་མཛད་
ཅིང༌། རྣམ་ཟློག་ལ་དང་སྦྱོར་དང་ཡོངས་དག་གི་སྐབས་སུ་དཀྱིལ་འཁོར་རྒྱལ་མཆོག་དང་
སྦྱོར་ཞེས་གསུངས་པ་ནི། གསང་སྔགས་ནང་དོན་གྱི་ཁུངས་བསྟན་པ་ཡིན་ལ། མན་ངག་
ལས། དང་པོར་རྒྱ་ཡན་ལ་བསླབ། དེ་ནས་བགྲང་ཞིང་རྩི་བ་ལ། དེ་ནས་ཡི་གེ་གསུམ་སོགས་
11-1-137


པ་བསླབ་པ་སྟེ། དང་པོ་བགྲང་བའོ། །དེ་ནས་ཚ་གྲང་སེལ་བ་ལ་སོགས་པའི་རླུང་སྦྱོར་གསུམ་
ལ་བསླབ་སྟེ། གཉིས་པ་རྗེས་སུ་འཇུག་པའོ། །དེ་ནས་བུམ་པ་ཅན་སྤྱི་ལ་བསླབ་སྟེ་གསུམ་པ་
བཞག་པའོ། །དེ་ནས་འབྱུང་བ་བཞི་བཅིང་བའི་སྦྱོར་བ་ལ་བསླབ་སྟེ། བཞི་པ་མཚན་ཉིད་དོ། །
དེ་ནས་མ་ནིང་གི་རླུང་ལས་བརྩམས་ཏེ། སྟོང་པ་ཉིད་དང་བསྲེ་བ་ནི། ལྔ་པ་རྣམ་པར་བཟློག་
པའོ། །དེ་ལས་རླུང་འགགས་པའི་ཡེ་ཤེས་སྐྱེ་བར་འགྱུར་བ་ནི། དྲུག་པ་རྣམ་པར་དག་པ་ཡིན་
ནོ། །གསང་སྔགས་ཀྱི་ལམ་ལ་བགྲང་བ་ལ་སོགས་པའི་མན་ངག་དྲུག གཉིས་མེད་རྣམ་རྒྱལ་
ལས་ཀྱང་གསུངས་ཤིང༌། རྡོ་རྗེ་ཕྲེང་བ་མངོན་པར་བརྗོད་པའི་རྒྱུད་ལས་ཤིན་ཏུ་རྒྱས་པར་
གསུངས་སོ། །འདིར་ཕྱིས་ཀྱི་མཁས་པ་ཁ་ཅིག་འགྲེལ་པ་མུ་ཏིག་འཕྲེང་བར། རྫོགས་རིམ་གྱི་
རླུང་སྦྱོར་ལས། མདོ་ནས་བཤད་པའི་དབུགས་བགྲོངས་པའི་རྣམ་གཞག་འཆད་པ་ནི་རླུང་
སེམས་དབུ་མར་ཞུགས་པའི་བདེ་སྟོང་གི་ཡེ་ཤེས་ལ་ངེས་པ་མ་རྙེད་པའི་གཏམ་མོ། །ཞེས་
ཟེར་བ་ནི་སློབ་དཔོན་འདིས་དགྱེས་རྡོར་གྱི་མན་ངག །བོད་ཡུལ་འདི་ན་ལག་ལེན་དར་རྒྱས་
སུ་ཡོད་པ་ལ་མཐོང་ཐོས་ལྟ་ཅི་སྨོས་ཡོད་དོ་ཞེས་པ་ཙམ་ཡང་མ་ཚོར་བའི་རྫི་ཤིན་དུ་སྡུམ་པར་
འདུག་ཅིང༌། མཁས་པར་མངོན་པའི་ང་རྒྱལ་གྱི་འགྲེལ་པ་དེ་ལ་ཀློག་དར་ཡུལ་ལེ་བ་རེ་བྱས་
པས། དོན་ཤེས་པར་རློམ་པའི་སྐྱོན་ཏེ། ཚིག་འདྲ་རུང་ལ་འཁྲུལ་པར་ཟད་དོ། །དེར་མ་ཟད་
མདོ་ནས་བཤད་པ་དྲུག་པོ་དེའི་སྤྱི་ཁོངས་སུ། གསང་སྔགས་ཀྱི་རླུང་སྦྱོར་རྣམས་ཀྱང་འདུས་
པའི་ཕྱིར། རྒྱུད་ལས་མ་གསུངས་ན་ཡང༌། དེ་ལྟར་འཆད་པ་ལ་འགལ་བ་མེད་ན། རྒྱུད་ལས་
གསུངས་པའི་ཕྱིར་ལྟ་སྨོས་ཀྱང་ཅི་དགོས། འོ་ན་སྔགས་ལུགས་ཀྱི་ཐུན་མོང་མ་ཡིན་པ་དེ་
གསལ་པོར་མི་འབྲི་བ་ཅི་ཞེ་ན། མན་ངག་ཡིན་པའི་ཕྱིར་རོ། །དེར་མ་ཟད་གསང་འདུས་སྒྲོན་
གསལ་གྱི་སྦས་དོན་མཐར་ཐུག་དེ་ཀུན་ཡང༌། ཁྱེད་རྣམས་མན་ངག་ཡིན་པར་སེམས་མོད་ཀྱི། 
མན་ངག་གི་བཤད་པ་ཞེས་བྱ་བ། གོ་བབས་ཡིན་མོད་ཀྱི་མན་ངག་རང་དེ་གཏན་ནས་མ་ཡིན་
11-1-138


པ་གོ་བར་བྱོས་ཤིག །དེ་ལྟར་ན་རླུང་གི་གནས་སྐབས་དྲུག་པོ་དེ་ལ། སྔོན་འགྲོ་སྦྱོར་བའི་དུས་
འདིར། གནས་སྐབས་གསུམ་པ་མཐར་ཕྱིན་པ་ཞིག་མེད་དུ་མི་རུང་ངོ༌། །གཉིས་པ་ནི། གཅིག་
པུ་དབེན་པའི་ཕྱོགས་སུ་སོང་ནས་གང་ཡང་རུང་བའི་སྟན་ལ་འདུག་ནས། ཞེས་པ་སྟེ། རྒྱུད་
ལས། ཚལ་དང་སྐྱེ་བོ་མེད་གནས་དང༌། །བདག་གི་ཁྱིམ་གྱི་ནང་དུ་ཡང༌། །ཞེས་གསུངས་
ཤིང༌། ལྷན་སྐྱེས་ངེས་བསྟན་ལས་ཀྱང༌། རི་བོའི་ཕུག་དང་འབབ་ཆུའི་འགྲམ། །ཡང་ན་དུར་
ཁྲོད་རྒྱ་མཚོའི་གླིང༌། །ཤིང་དྲུང་ངམ་ནི་རང་གི་ཁྱིམ། །དགོན་པ་གནོད་པ་བྲལ་བ་རུ། །བདེ་
བའི་སྟན་ལ་ཉེར་འདུག་ནས། །ཞེས་གསུངས་ཏེ། གཅིག་པུ་དང་སྐྱེ་བོ་མེད་ཁྱིམ་ནི། སྐལ་
མེད་ཀྱི་སྐྱེ་བོས་དབེན་པའི་ཕྱིར་རོ། །གསུམ་པ་ནི་དངོས་པོ་ཐམས་ཅད་རང་བཞིན་གྱི་རྣམ་
པར་དག་པའི་ངོ་བོར་ངེས་པར་བྱས་ནས་ཞེས་པ་སྟེ། ངེས་བསྟན་ལས། ཆོས་རྣམས་ཀུན་ལ་
གོམས་ནས་གསུང༌། །རྣལ་འབྱོར་ལྷན་ཅིག་སྐྱེས་གྲུབ་ཕྱིར། །བསམ་གཏན་སྒོམ་པ་བརྩམ་
པར་བྱ། །ཞེས་ཀྱང་གསུངས་ཏེ་ཁ་སྦྱོར་དང་གདན་བཞི་ལས། དང་པོར་སྟོང་ཉིད་བསམ་ནས་
ནི། །ལུས་ཅན་རྣམས་ཀྱི་དྲི་མ་བཀྲུ། །ཞེས་སོ། །སྟོང་ཉིད་དེ་ཡང་ཇི་ལྟ་བུ་སྙམ་ན། ཀུན་རྫོབ་
ཀྱི་ཕྱོགས་ལ། ངོ་བོས་གཟུགས་མེད་མཐོང་བ་པོ། ཞེས་པ་ལ་སོགས་པ་དང༌། བདེན་པ་
གཉིས་ཀའི་ཕྱོགས་བཟུང་ནས། །རང་བཞིན་གདོད་ནས་མ་སྐྱེས་པ། ཞེས་པ་ལ་སོགས་པ་
དང༌། །དེ་ཇི་ལྟར་སྒོམ་པའི་ཚུལ་ཡང༌། དམན་པ་འབྲིང་དང་མཆོག་རྣམས་ལ། །ཞེས་པ་ལ་
སོགས་པའོ། ཚིག་དོན་ནི། དངོས་པོ་ཤེས་བྱ་ཐམས་ཅད་གདོད་ནས་རང་བཞིན་གྱི་གཟུང་
འཛིན་གྱིས་རྣམ་པར་དག་ཅིང༌། རྣམ་པར་ཤེས་པ་ཙམ་གྱི་ངོ་བོ་དང༌། །རྣམ་པར་ཤེས་པ་དེ་
ཡང་རྣམ་པར་དག་སྟེ། ཡེ་ཤེས་ཙམ་གྱི་ངོ་བོར་ངེས་པར་བྱས་ནས་ཞེས་པ་དང༌། ཆོས་ཕ་རོལ་
དུ་ཕྱིན་པ་དྲུག་དང༌། ཁྱད་པར་དུ་སྟོང་པ་ཉིད་ཀྱི་དོན་ལ་གོམས་ཤིང་འདྲིས་བར་བྱས་ནས་དེ་
སྒོམ་ཞེས་པའོ། །བཞི་པ་ནི། རང་ཉིད་དཔལ་ཧེ་རུ་ཀའི་གཟུགས་སུ་ལྷག་པར་མོས་པར་བྱའོ། །
11-1-139


ཞེས་པ་སྟེ། རྒྱུད་ལས། བདག་མེད་རྣལ་འབྱོར་ལྡན་པའམ། །ཡང་ན་ཧེ་རུ་ཀ་དཔལ་བརྩོན། །
ཞེས་གསུངས། མན་ངག་བཞིན། ཧེ་རུ་ཀའམ་རྡོ་རྗེ་བདག་མེད་མའི་ལྷའི་རྣལ་འབྱོར་ལ་
སེམས་བརྟན་པར་བསྒྲུབས་ཏེ། གསལ་སྣང་རབ་འབྲིང་ཐ་མ་གསུམ་གང་རུང་ཞིག་ཐོབ་པར་
བྱའོ། །གལ་ཏེ་སྒྲུབ་པ་པོ་ཤིན་དུ་སྦྱང་པ་མ་ཡིན་ཡང༌། ལས་རྒྱ་ལ་བརྟེན་ནས་དཔེའི་ཡེ་ཤེས་
སྒྲུབ་པར་འདོད་པ་དེ་ལའང༌། གསལ་སྣང་མ་ཐོབ་ནའང༌། ལྷག་པར་མོས་པ་ཤུགས་ཅན། ཟླ་
བ་དྲུག་གམ། ལོ་ཡི་སྦྱོར་བ་བསྒོམས་ཏེ། ལྷག་པའི་ལྷའི་ང་རྒྱལ་མི་འཆོར་བ་ཞིག་དགོས་སོ། །
ལྔ་པ་ནི། དེ་ནས་ཡིད་ཀྱིས་གང་ཡང་རུང་བའི་འདོད་པ་བླངས་ལ། ཞེས་པ་སྟེ། འདི་ནི་ལས་
ཀྱི་ཕྱག་རྒྱ་ཁོ་ནའི་དབང་དུ་བྱས་སོ། །དེ་ཡང་རྒྱུད་ལས། ཤིན་དུ་བཞིན་བཟང་མིག་ཡངས་མ། །
གཟུགས་དང་ལང་ཚོ་རྣམ་པར་བརྒྱན། །སྔོ་སངས་དལ་མ་རིགས་བཟང་མ། །སིཧླ་ག་བུར་
འབྱུང་བའི་གནས། །རང་གིས་དབང་བསྐུར་ཀྱཻ་རྡོ་རྗེ། །སྐྲ་བཟང་སྒྲུབ་པ་པོ་ལ་དགའ། །ཞེས་
སྤྱིའི་མཚན་ཉིད་དང༌། །ཤིན་ཏུ་རིང་མིན་ཐུང་བ་མིན། སོགས། ཁྱད་པར་གྱི་མཚན་ཉིད་
གསུངས་སོ། །དེ་ལྟ་བུའི་རིག་མ་དེ་ཡང༌། །སྦྱངས་པ་དང་ལྡན་པ་ཞིག་དགོས་ཏེ། །རིགས་ལ་
སོགས་པ་གཙོ་བོར་གྱུར་པ་ནི་མ་ཡིན་ནོ། །རྫོགས་པའི་རིམ་པའི་སྐབས་འདིར་ནི། །རྒྱུད་
ལས། རིགས་ལྔ་དག་དང་མཉམ་ལྡན་པ། །རིགས་ནི་གཅིག་ཏུ་ངེས་པར་བརྟག །ཅེས་
གསུངས་པ་དང༌། རྡོ་རྗེའི་རིགས་ཀྱི་དངོས་མེད་ན། །རང་འདོད་ལྷ་ཡི་རིགས་ཀྱིས་བྱ། །ཡང་
ན་གཞན་གྱི་རིགས་བྱུང་བ། །བྱང་ཆུབ་ས་བོན་གདབ་པ་དང༌། །སྦྱངས་པ་ཡིས་ནི་བཟུང་བར་
བྱ། ཞེས་དང༌། ཇི་ལྟར་སྦྱངས་པའི་ཚུལ་ཡང༌། །བྱང་ཆུབ་སེམས་ཀྱིས་རྣམ་པར་སྦྱངས། །དགེ་
བ་བཅུ་ལས་བརྩམས་ནས་ནི། །དེ་ལ་ཆོས་ནི་རབ་ཏུ་དབྱེ། །ལྷ་ཡི་གཟུགས་ཀྱི་སེམས་དང་ནི། །
དམ་ཚིག་སེམས་{ཀྱང་[སྦྱང]་གཅིག་པ་ཉིད། །ཅེས་པ་འདི་དག་རིག་རྟུལ་གྱི་སྐབས་སུ་
གསུངས་པ་ཡིན་ཡང༌། དགོས་དོན་མཚུངས་པའི་ཕྱིར་སྐབས་འདིར་ཡང་ཁྱད་པར་མེད་དོ། །
11-1-140


དྲུག་པ་ནི། བདག་མེད་པར་བསྒོམས་ཏེ་ཞེས་པ་སྟེ། འདིའི་དངོས་བསྟན་ནི། བདག་མེད་
སྟོང་པ་ཉིད་ཀྱི་དོན་བསྒོམས་པས། ཐ་མལ་གྱི་སྣང་ཞེན་མགོ་གནོན་པར་བྱེད་པ་སྟེ། མན་
ངག་ཏུ། ཕྱག་རྒྱ་སྒྱུ་མར་སྦྱང་བ་ཞེས་བྱ་བ་དེའོ། །གཞུང་གི་དངོས་བསྟན་གྱི་ཚིག་ལ་མི་
གསལ་ཡང༌། འདུ་ཤེས་གསུམ་ལྡན་གསལ་གདབ་པ་དང༌། ལུས་ངག་མཉམ་པ། འདོད་པ་
མཉམ་པ། བྱིན་རླབས་མཉམ་པ་རྣམས་བྱ་སྟེ། སྐྱེ་མཆེད་དྲུག་དང༌། སྐུ་གསུང་ཐུགས་དང༌། 
རྡོ་རྗེ་དང་པདྨ་བྱིན་གྱིས་རླབས་པ་ལ་སོགས་པའོ། །འདི་དག་གཞུང་གི་དངོས་བསྟན་ལ་ཅིའི་
ཕྱིར་མི་འབྱུང་ཞེ་ན། སྤྱིར་འདི་ལྟར་ཤེས་དགོས་ཏེ་ཤིན་ཏུ་རྒྱས་བསྟན་ཡང་ཡང་འཐག་པའི་
བསྟན་བཅོས་ལ་ཟློས་སྐྱོན་ཕྲ་མོ་རྩི་མི་དགོས་ཤིང༌། ཤིན་ཏུ་བསྡུས་པར་བསྟན་པའི་གཞུང་
ལ། དོན་གྱི་རྣམ་གྲངས་ཕྲ་མོ་མ་ཚང་བའི་སྐྱོན་སྤོང་མི་དགོས་པས། གཞུང་འདི་ཡང་ཚིག་
ཤིན་ཏུ་བསྡུས་པ་ཡིན་ནོ། །འོན་ཀྱང་བསྐྱེད་རིམ་གྱི་ཕྱོགས་ལ་དེ་དག་ནན་ཏན་དུ་བསྒོམ་
དགོས་ཀྱང༌། རྫོགས་རིམ་གྱི་ཕྱོགས་ལ་ནི་ངེས་པ་མེད་པར་ཡང་དགོངས་སོ། །མི་དགོས་པའི་
རྒྱུ་མཚན་ཡང༌། དེ་དག་རང་ཤར་དུ་བྱུང་བ་ཡང་ཡིན་ལ། རྣམ་པ་གཅིག་ཏུ་ན་དེ་དག་དངོས་
མ་ཤར་ཡང༌། ཚོགས་དྲུག་བདེ་སྟོང་དུ་རང་ཤར་བ་ལ་སོགས་པ། དེ་དག་གི་དོད་དུ་ཆེས་ཁྱད་
པར་འཕགས་པ་དག་འབྱུང་བའི་ཕྱིར་རོ། །བདུན་པ་ནི། བོ་ལ་དང་ཀཀྐོ་ལ་རོལ་བར་བྱ་
བའམ། ཡང་ན་རྡོ་རྗེ་རོལ་པས་རང་གི་སྙིང་ག་དང་ལྟེ་བ་ནས་ཕབ་ནས། ཞེས་པ་སྟེ། རྒྱུད་
ལས། གཅེར་བུར་ཕྱག་རྒྱ་ཆེ་བྱས་ནས། ཞེས་སོགས་ཀྱི་དོན་ནོ། །འདིར་འགྲེལ་པ་ལས། བོ་
ལ་སོགས་ཡེ་རྒྱ་དང༌། ཡང་ན་སོགས་ཕྱག་ཆེན་དུ་བཤད་ཀྱང་ཕྱག་ཆེན་ནི་ལས་ཡེ་སོགས་ཀྱི་
འབྲས་བུའི་ཚུལ་དུ་འབྱུང་བ་ཡིན་པས། ལས་ཡེ་གཉིས་དང་འདམ་ཁའི་ཚིག་མི་འོས་ཤིང༌། 
སྙིང་ག་དང་ལྟེ་བ་ཞེས་པའི་ཚིག་ཁོ་ནས། ཕྱག་ཆེན་ཡིན་པར་མི་འགྲུབ་བོ། །དེ་ན་ལས་ཀྱི་
ཕྱག་རྒྱ་ལ་ནི། ངེས་བསྟན་ལས། ཚོགས་དང་ལྡན་པ་ལ་སོགས་པས། ཁྱད་པར་དུ་གནས་
11-1-141


རྗེས་ལ་ནི། །ལྟ་བ་ལ་སོགས་ཇི་ལྟ་བར། །མཁས་པས་ལམ་ནི་བསྟར་བྱས་ཏེ། །ཞེས་གསུངས་
པ་ལྟར། དབང་པོ་ལྔའི་བདེ་བ་ལ་བསླབ་པ་སྔོན་དུ་འགྲོ་བ་ཡིན་ལ། གཞན་ནི་ལས་དང་ཡིད་
ཀྱི་ཕྱག་རྒྱའི་རིམ་པ་རྣམས་འདྲའོ། །དེ་ཡང་སྒྲུབ་པ་པོའི་བོ་ལ་དང༌། ལས་སམ་ཡེ་ཤེས་ཀྱི་
ཕྱག་རྒྱའི་ཀཀྐོ་ལ་རོལ་བར་བྱས་པ་ལས། གོང་དུ་བཤད་པ་ལྟར་གྱི་དགའ་བ་དང་མཆོག་
དགའི་མཐར། ལྷན་སྐྱེས་འཆར་བའམ། ཡང་ན་རྫོགས་པའི་རིམ་པ་ཉིད་ཀྱི་ཕྱོགས་ལ་མཆོག་
དགའི་མཐར་ཁྱད་པར་གྱི་དགའ་བ་ཡང་འཇུག་སྟེ། དགའ་བ། མཆོག་དགའ་ཁྱད་དགའ། 
ལྷན་སྐྱེས་ཞེས་སྤྱི་ལ་གྲགས་པ་ཡང་{འདིར[འདིས་]མི་བཞེད་པ་མ་ཡིན་ནོ། །གང་ལྟར་ཡང་
ཧཾ་གི་གཟུགས་སྤྱི་བོའི་ཐིག་ལེ་ཞུ་སྟེ། མགྲིན་པ་དང་སྙིང་གའི་བཅུད་ཀྱང་ཐིག་ལེ་དེས་བླངས་
ཏེ། སྙིང་ག་ནས་བབས་པ་ལྟེ་བ་ནས་ཞུགས་ཏེ་ནོར་བུའི་བར་དུ་ཕྱིན་པ་ཡིན་པས། སྙིང་ག་
དང་ལྟེ་བ་ནས་ཕབ་ཅེས་གསུངས་སོ། །ཐིག་ལེའི་གནས་ཀྱི་གཙོ་བོ་སྤྱི་བོ་ཡིན་ཡང༌། ལྟེ་བ་ལ་
འབབ་པས་དེ་དངོས་སུ་སྙིང་ག་ཁོ་ན་ནས་འབབ་པ་ཡིན་པའི་ཕྱིར། ལྟེ་སྙིང་ཁ་སྦྱོར་ཞེས་སྨོས་
ཀྱི་སྤྱི་བོ་ལྟེ་བ་སྦྱོར་སོགས་ཀྱི་ཐ་སྙད་དགྱེས་རྡོར་རྩ་རྒྱུད་འདིའི་རྫོགས་རིམ་ལ་ནི་སློབ་དཔོན་
འདི་མི་བཞེད་དོ། །དེ་ཡང་རྩ་གཞན་གྱི་ཁམས་རྣམས་སྤྱི་བོར་འདུས། ཧཾ་ཡིག་ཞུ་སྟེ་སྤྱི་བོ་གང་
ནས་མགྲིན་པར་ཕྱིན་པ་ནི་དགའ་བ་དང༌། མགྲིན་པ་དང་སྙིང་ག་གང་སྟེ། ལྟེ་བའི་ཡས་
ལོགས་སུ་ཕྱིན་པ་མཆོག་དགའ་དང༌། ལྟེ་གསང་ནོར་བུ་རྣམས་གང་བ་ནི་ལྷན་སྐྱེས་ཡིན་ཞིང༌། 
གཅིག་ཏུ་ན་དགའ་བྲལ་ནི་སྤངས་ཏེ་དེའི་དོད་དུ་མས་བརྟན་ནོ། །ཡང་ཁྱད་དགའ་ལྷན་སྐྱེས་
ཀྱིས་སྔོན་དུ་བྱེད་ན། སྙིང་ག་ནས་བབས་ཏེ་ལྟེ་བ་གང་བ་ཡན་ཆད་དང་སྦྱོར་རོ། །འོན་ཀྱང་
སློབ་དཔོན་འདིས་དགྱེས་རྡོར་གྱི་སྐབས་སུ། རྣམ་གྲངས་འཕྲོས་དོན་ཙམ་དང༌། མས་བསྟན་
གྱི་དགའ་བཞི་འཆད་སྐབས་མ་གཏོགས། རྣམ་གཞག་དེ་མི་མཛད་དོ། །འོ་ན་ལས་དང་ཡེ་
ཤེས་ཀྱི་ཕྱག་རྒྱ་འདི་གཉིས་གང་སྔོན་ལ་སྒོམ་ཞེ་ན། ཡེ་ཤེས་ཀྱི་ཕྱག་རྒྱ་མཚན་ཉིད་དང་ལྡན་
11-1-142


པ་ནི། ཏིང་ངེ་འཛིན་མཆོག་ཏུ་བསྟན་པ་ཁོ་ན་ལ་ཡིན་པས། ལས་རྒྱ་སྔོན་དང༌། ཡེ་རྒྱ་ཕྱིས་
སྒོམ་པ་ཡིན་ཡང་མན་ངག་ཏུ་ལས་རྒྱའི་སྔོན་དུ་ཡིད་རིག་འགྲོ་བ་དེ། ཡེ་རྒྱ་དངོས་མ་ཡིན་
ཀྱང་རྗེས་མཐུན་པ་ཡིན་པས། དེའི་མིང་ཙམ་འདོགས་པར་ནི་སྣང་ངོ༌། །ཕྱག་རྒྱ་བཞིའི་རྣམ་
གཞག་འདི་སྐབས་སུ། ཡེ་རྒྱ་ནི་ལས་རྒྱའི་ནང་དུ་འདུས་པ་ཡིན་ཏེ། དེ་གཉིས་ཕན་ཚུན་
གཅིག་གི་རྣམ་པ་ཅིག་ཤོས་ཀྱིས་ལམ་དུ་བྱེད་ཅིང༌། དགོས་དོན་སོགས་ཕལ་ཆེར་འདྲ་བ་ཉིད་
ཀྱི་ཕྱིར་རོ། །ཡང་ན་ཞེས་པས། ལས་རྒྱ་བསྟེན་པར་མི་འོས་ཤིང༌། ཡེ་རྒྱ་མ་གྲུབ་པས་ནི། ཡང་
ན་རྡོ་རྗེ་རོལ་པ་ལག་པའི་ཕྱག་རྒྱ་ལ་བརྟེན་ནས་ཀྱང༌། སྔར་བཞིན་རང་གི་སྙིང་ག་དང་ལྟེ་བ་
ནས་ཕབ་པའི་ཐིག་ལེ་ནོར་བུར་བསྟན་པར་བྱའོ། །བརྒྱད་པ་ནི། ཐབས་དང་ཤེས་རབ་ཀྱི་
རོལ་བ་སྒོམ་པའི་སྟོབས་ཀྱིས། དོན་དམ་པ་ལ་མངོན་པར་ཕྱོགས་པར་བྱའོ། །ཞེས་པ་སྟེ། དེ་
ཡང་ཐབས་དང་ཤེས་རབ་དག་གི །རྩ་དང༌། ཐིག་ལེ་དང༌། རླུང་ཁ་སྦྱོར་དུ་གནས་ཏེ། ཞུ་
བདེའི་རྗེས་ཆགས་སྐྱེད་པ་ན། ཀུན་ད་ལྟ་བུ་འཕྲོ་འདོད་ཚད་པ་དང༌། དེ་ཉིད་སྟོང་པར་བསྲེ་བ་
ཤས་ཆེ་བ་ན། རང་ལྡོག་ཏུ་ཟློག་ཚད་པ་འབྱུང་བ་སྟེ། ཐབས་ཤེས་ཕན་ཚུན་གྱི་རྩ་ནང་དུ་བྱང་
ཆུབ་ཀྱི་སེམས་ཀྱི་རོལ་བ་སྟེ། རྩེད་མོའི་ཚུལ་གྱི་བདེ་བ་སྒོམ་པའི་སྟོབས་ལས། རྣམ་རྟོག་ངང་
གིས་འགགས་པ་ལས་དོན་དམ་པ་སེམས་ཀྱི་རང་བཞིན། རང་རིག་བདེ་བ་དམ་པར་གནས་
པ་ལ་མངོན་དུ་ཕྱོགས་པར་བྱའོ། །ཞེས་པ་སྟེ། ཞུ་བདེ་མི་རྟོག་པ་དང་འབྲེལ་བ་དེ་སེམས་ཀྱི་
གནས་ལུགས་ལ་དམིགས་ནས་སྒོམ་པའི་དོན་ཡིན། དེ་སྐབས་ཀྱི་ཞུ་བདེ་རྒྱུ་མཐུན་གྱི་རྒྱུ་
དང༌། སེམས་ཀྱི་གནས་ལུགས་མཚོན་པ་དེ་འབྲས་བུ་རང་བཞིན་ལྷན་སྐྱེས་ཀྱི་ཆ་ཤས་ཡིན། 
འདི་ལས་ཡེ་དང་མཉམ་པར་སྦྱོར་བའི་དུས་སུ་སྒོམ་པར་མ་ཟད། དེས་མཚོན་བྱེད་བྱས་ནས་
གཙོ་བོར་གནས་སྐབས་གཞན་དང་གཞན་དུ་རྒྱུན་མི་འཆད་པར་སྒོམ་རྒྱུ་ཡིན་ཞིང༌། དུས་ཉེ་
བར་ལས་ཡེ་ལ་བརྟེན་ནས་ཡང་ཡང་མཚོན་པར་བྱེད་དགོས་པ་དེ་སྲིད་དུ། ལས་ཀྱི་ཕྱག་རྒྱའི་
11-1-143


བདེ་བའམ་ཡེ་ཤེས་ཀྱི་ཕྱག་རྒྱའི་བདེ་བ་ཞེས་བྱའོ། །མངོན་དུ་ཕྱོགས་པ་ཞེས་པ། མངོན་སུམ་
དུ་རྟོགས་པ་དང༌། ཕྱོགས་དེར་གདོང་བལྟས་པ་གཉིས་ལ་འཇུག་པ་ལས། སྐབས་འདིར་
གདོང་བལྟས་པ་ཡིན་ལ་ཕྱིས་མངོན་དུ་འགྱུར་བ་ཡིན་ནོ། །རྒྱུད་ལས། མཆོག་མཐའ་དགའ་
བྲལ་དང་པོར་ནི། །སོགས་དང༌། མཆོག་གི་མཐའ་དང་དགའ་བྲལ་དབུས། །སོགས་དང༌། སྣ་
ཚོགས་དང་པོའི་དགའ་བ་ཉིད། །སོགས་ཀྱང་འདིར་སྦྱར་བར་བྱའོ། །ངེས་བསྟན་ལས། དེ་ལ་
ལྷ་མོ་རྣལ་འབྱོར་ཏེ། །དེར་སེམས་བསྟན་པ་རྣལ་འབྱོར་པའོ། །དེ་ལ་དམིགས་པར་བྱེད་པ་
ནི། །དེ་བཞིན་ལྷག་པར་མོས་པའི་སྟོབས། །དམིགས་པའི་རྗེས་སུ་བྱ་བ་ནི། །ཀུན་སྤྱོད་ལ་
སོགས་སྤངས་ནས་སུ། །ཕྲ་མོའི་སེམས་སུ་བྱས་ན་ཡང༌། །མི་གཡོ་བ་རུ་སོན་པས་ན། །དེ་ལ་
བཙལ་བར་མི་བྱ་སྟེ། །ལྷུན་གྱིས་གྲུབ་པ་ལ་འཇུག་བྱ། །དེ་ལྟར་རྒྱུན་དུ་གུས་པ་ཡིས། །རིང་
པོར་མི་ཐོགས་རྟོགས་པར་འགྱུར། །འདི་ནི་སྒོམ་པའི་གཙོ་བོ་རུ། །རྡོ་རྗེ་འཛིན་པ་ཉིད་ཀྱིས་
བཤད། །ཅེས་བདེ་སྟོང་སྒོམ་པའི་ཚེ། དཔྱད་པ་མེད་པར་མི་རྟོག་པ་ཉིད་ཀྱི་སྒོམ་མོ། །འོ་ན་
དང་པོ་དགའ་བ་ཙམ་ཉིད་དེ་སོགས་དགའ་བ་གཞན་གསུམ་ཕུལ་དུ་བྱུང་བ་མ་ཡིན་པ་དང༌། 
དང་པོར་རེག་པར་འདོད་པ་སྟེ་སོགས་གསུམ་པོ་འཁྲུལ་པ་ཅན་དང༌། མཆོག་ཏུ་དགའ་བ་
སྲིད་པར་བརྗོད་སོགས་གསུམ་པོས་དེ་ཁོ་ན་ཉིད་མངོན་གྱུར་དུ་བྱེད་མི་ནུས་པ་དང༌། འདོད་
ཆགས་མེད་ཅིང་སོགས་ཀྱི་དོན། དང་པོ་ནི་རྟོག་བཅས་ཀྱི་ཕྱིར་བྱང་ཆུབ་མ་ཡིན་པ་དང༌། 
མཆོག་དགའ་དགའ་བྲལ་བྱང་ཆུབ་ཙམ་ཡིན་ཡང༌། རྫོགས་པའི་བྱང་ཆུབ་ཀྱི་ལམ་དུ་མི་
འགྱུར་བར་བཤད་དེ། རྫོགས་རིམ་ལ་ལྷན་སྐྱེས་ཁོ་ན་སྒོམ་དགོས་པ་མ་ཡིན་ནམ་སྙམ་ན། 
འདོད་དོན་གྱི་བསྒྲུབ་བྱ་ལྷན་སྐྱེས་ཁོ་ན་ཡིན་མོད་ཀྱང༌། ལྷན་སྐྱེས་སྐྱེ་བའི་རྒྱུ་ལ་དགའ་བ་
དང་པོ་གཉིས་ཀྱང་དགོས་པ་དང༌། ལྷན་སྐྱེས་ལས་ལངས་པའི་དུས་སུ་དགའ་བྲལ་ཤུགས་ལ་
འབྱུང་བར་ཤེས་ལ། ཡང་ན་ལྷན་སྐྱེས་ཀྱི་རྟོགས་པ་ལ་བརྟན་པ་ཐོབ་ནས། གཞན་རྣམས་
11-1-144


ཀྱང་ལྷན་སྐྱེས་ཀྱི་རོ་དང་ལྡན་པར་འགྱུར་བ་ཡིན་པས་མི་འགལ་ལོ། །གོང་དུ་ངོ་བོ་གཅིག་ཏུ་
འཇུག་པའི་སྐབས་སུ། ཞུ་བདེའི་གནས་ལུགས་རང་བཞིན་གྱི་བདེ་བ་ཡིན་པས། རང་བཞིན་
མཚོན་ནུས་པ་ནས་གཟུང་སྟེ་ཞུ་བདེ་སྒོམ་པས་རང་བཞིན་གོམ་པར་ཡང་འགྱུར་བར་བཤད་
པ་དང༌། འདིར་ཡང༌། དགའ་བ་གཞན་གསུམ་དང་ལྷན་སྐྱེས་ལ་ཁྱད་ཤིན་ཏུ་ཆེ་བ་ལྟར་
གསུངས་པའི་རྗེས་སུ། ལྷན་སྐྱེས་ལ་བསྟན་པ་ཐོབ་ན་གཞན་གསུམ་པོའང་ལྷན་སྐྱེས་གཅིག་
པོར་སོང་བས་དེ་དག་སྒོམས་པས་ལྷན་སྐྱེས་སྒོམ་པར་འགྱུར་བ་ལྟ་བུ་ཞིག་གསུངས་ཏེ། །
འདི་དག་འཆད་ཚུལ་གྱི་རིགས་པ་འདྲ་བ་ཞིག་གོ །དེ་ཡང་ཞུ་བདེའི་གནས་ལུགས་དང་པོ་
ནས་རང་བཞིན་ལྷན་སྐྱེས་ཡིན་ཡང༌། འགྱུར་བའི་ཆ་དང་སྒྲིབ་བྱེད་ཀྱི་དྲི་མ་གཉིས་ཀྱིས་
གཡོགས། འགྱུར་བའི་མཚན་ཉིད་ཀྱིས་ཀུན་ནས་ཉོན་མོངས་སུ་སོང༌། ཀུན་ཉོན་གྱི་བྱ་བ་
བྱེད། མ་རིག་པའི་སྒྲིབ་གཡོགས་ཀྱི་གནས་ཚུལ་གང་ཡིན་མ་ཤེས་པ་ལས། རང་བཞིན་ལྷན་
སྐྱེས་མཚོན་ནུས་པའི་ཉམས་རྟོགས་སྐྱེས་པ་ན། མ་རིག་པའི་སྒྲིབ་གཡོགས་ཅུང་ཟད་སངས་
པས། ཞུ་བདེའི་གནས་ཚུལ་རང་བཞིན་དུ་འདུག་པ་ནི་ཤེས། འགྱུར་བའི་མཚན་ཉིད་མ་ལྡོག་
ཀྱང༌། དེ་སྒྱུ་མ་ལྟ་བུར་མཐོང་བས། ཀུན་ཉོན་གྱི་བྱ་བ་མི་བྱེད་དོ། །དེའི་ཚེ་དུས་མཉམ་དེ་ན་
ནི་རང་བཞིན་གྱི་བདེ་བ་ལ། འགྱུར་བའི་མཚན་ཉིད་ཀྱི་སྒྲིབ་གཡོགས་ཡོད་པ་དེ་ཁ་ལ་ཞུ་
བདེ་ལྷན་སྐྱེས་ཀྱང་ཟེར་བས། ཞུ་བདེ་དང་རང་བཞིན་དངོས་པོ་ཐ་དད་དུ་བཞག་ཏུ་མེད་དེ། 
མི་དང་མི་གོས་ཅན་བཞིན་ནོ། །དེ་ལྟར་མ་རྟོགས་པ་ལ་ནི། གོས་དང་མི་བཞིན་དེ་གཉིས་ཐ་
དད་ཡིན། དེ་ལྟ་ན་ཡང་འགྱུར་བའི་མཚན་ཉིད་དེ་ངོས་ནས། ཉེས་པ་མི་བསྐྱེད་ཅིང༌། གནས་
སྐབས་ལམ་གྱི་བྱ་བ་བྱེད་མོད་ཀྱང༌། གནས་ལུགས་རྟོགས་པར་མི་བྱེད་ལ། རང་བཞིན་གྱི་
བདེ་བ་རང་གིས་རིག་པའི་ལྡོག་ཆ་ནས་ནི། གནས་ལུགས་ཉིད་ལ་འཇུག་པའི་ཕྱིར། མཚན་
ཉིད་ཀྱི་བྱེད་ལས་ཁྱད་ཆེའོ། །འོན་ཀྱང་འགྱུར་བའི་མཚན་ཉིད་སྒྱུ་མ་ལྟ་བུ་དེ་དང༌། རང་
11-1-145


བཞིན་གྱི་བདེ་བ་རིག་པ་དེ། རེ་ཞིག་འབྲལ་མི་ཤེས་པས། དོན་གཅིག་པར་བཤད་དོ། །
འདིར་ཡང༌། དགའ་བ་གཞན་གསུམ་པོའི་ཡང་ངོ་ཏི་དེ་ལྷན་སྐྱེས་ཀ་ཡིན་ཀྱང༌། འགྱུར་པའི་
ཆ་མི་འདྲ་བ་གསུམ་གྱི་མཚན་ཉིད་དང༌། བདེ་བའི་རང་བཞིན་མ་གཏོགས་པས་བསྒྲིབས་ཏེ། 
སྒྲིབ་བྱེད་དབང་བཙན་པས་རང་ངོ་དེ་རྟོགས་མ་ཐུབ། སྐད་ཅིག་བཞི་པའི་སྐབས་སུ། འགྱུར་
པའི་མཚན་ཉིད་སྲབ་ཅིང༌། རྣམ་རྟོག་ནུབ་པས་ལྷན་སྐྱེས་མཐོང་བ་ཡིན། དེ་ལ་གོམས་པས་
བསྟན་པ་ཐོབ་པ་ན། སྒྲིབ་བྱེད་མ་ལོག་ཀྱང་སྒྲིབ་བྱེད་ལས་ངོ་བོ་དབང་བཙན་པར་སོང་སྟེ། 
དགའ་བ་གསུམ་པོའི་ངོ་ཏི་ལྷན་སྐྱེས་ཡིན་པ་དེ་རྟོགས་ནུས། གསུམ་པོའི་འགྱུར་བའི་མཚན་
ཉིད་རྣམས་སྒྱུ་མ་ལྟ་བུར་ཤར་བས། ལམ་དུ་གྱུར་པ་དེའི་ཚེ། གསུམ་པོའང་ལྷན་སྐྱེས་ཡིན་
ཞེས་ཐ་སྙད་བྱས་སོ། །ངོ་ཏི་ལ་བསམས་ན་དང་པོ་ནས་ཀྱང་ལྷན་སྐྱེས་ཡིན། འགྱུར་བའི་
མཚན་ཉིད་ཀྱི་ཆ་ནས་ད་དུང་ལྷན་སྐྱེས་ཡིན་མོད་མེ་ལོང་དང་གཟུགས་བརྙན་ལྟར། དངོས་
པོའི་དབྱེ་བ་མེད་པའི་ཕྱིར། དེ་གཉིས་སྡོམ་ནས་ལྷན་སྐྱེས་ཡིན་ཞེས་འཆད་པ་ཡིན། བརྟན་པ་
མ་ཐོབ་བར་དུ་སྒྲིབ་བྱེད་དབང་བཙན་པར། ལྷན་སྐྱེས་ཡིན་པའི་ཐ་སྙད་མི་བྱེད་དོ། །རིགས་
པ་འདི་དག་དང་འདྲ་བར་ཕྱག་རྒྱ་ཆེན་པོ་ཐོབ་ནས། ལས་ཡེ་གང་སྦྱར་བས་ཀྱང༌། ཕྱག་ཆེན་
གྱི་ཡེ་ཤེས་ཉིད་སྐྱེ་ལ། དེའི་ཚེ་དུས་མཉམ་གཅིག་པུ་དེ་ལ་ཕྱག་རྒྱ་གསུམ་གྱི་དབྱེ་བ་མེད་དོ། །
དེ་སྐབས་ལས་རྒྱས་ཀྱང་བདེ་བ་འགྱུར་མེད་བསྒྲུབ་པ་ཡིན་མོད། འོན་ཀྱང་ལས་རྒྱ་དང་ཕྱག་
ཆེན་ལ་མཆོག་དམན་ཡོད་དེ། ལས་རྒྱའི་ལྡོག་པ་ནས་ཞུ་བདེ་འབྱུང་གི །འགྱུར་མེད་མ་ཡིན་
པས་སོ། །
འདིར་སྨྲས་པ། །རྡོ་རྗེ་ཐེག་དོན་འཆད་ན་མཁས་པ་ལས་ཀྱང་མཁས་པ་ཞེས། །སྨྲ་བ་དེ་
དག་བློ་རྩེ་གཏད་སོ་མེད་པའི་ཚིག་མང་སྦྱོར། །འགའ་ཞིག་རིགས་ལམ་འཇུག་ཅེས་འབྲེལ་
མེད་མང་དུ་སྨྲ་མོད་ཀྱི། །ཤིན་ཏུ་ཕྲ་བའི་གནས་ལ་ཇི་བཞིན་འབྱེད་ནུས་གཞན་ཡོད་དམ། །
11-1-146


འགའ་ཞིག་རྟོག་གེའི་ལམ་ལ་འཆོལ། །གཞན་དག་སྤམ་ཡོར་ཚིག་ཙམ་སྨྲ། །མ་འདྲེས་
གསལ་བ་མངོན་སུམ་དུ། །སྨྲ་བ་འདི་ཡང་རྒྱལ་བའི་མཐུ། །ཐམས་ཅད་ཕྲག་དོག་དབང་དུ་
གྱུར། །བཟའ་བཏུང་རྙེད་པ་ཁོ་ན་འདོད། །ཟབ་དོན་ལེགས་བཤད་སྨྲས་པ་ཡིས། །སུ་ཞིག་
མགུ་བ་ཐོབ་པར་འགྱུར། །བདེན་རྫུན་བཟང་ངན་མི་ཤེས་པར། །སྣག་ཤོག་ཡི་གེ་ཙམ་ཞིག་
ངོམ། །ཙན་དན་ཡོག་མེ་རིན་མཉམ་པར། །རྩི་བའི་ཚོང་འདུས་འགའ་ཞིག་སྣང༌། །དགུ་པ་ཡེ་
ཤེས་ཀྱི་རབ་དབྱེ་ལ། ལས་ཀྱི་ཕྱག་རྒྱ་ནི་རྒྱུའི་དོན་དང༌། ཕྱག་རྒྱ་གཞན་གསུམ་དེ་ལས་བྱུང་
བའི་འབྲས་བུའི་དོན་དུ་སྦྱོར་རོ། །འདི་ལ་གསུམ་སྟེ། ཆོས་ཀྱི་ཕྱག་རྒྱ་དང༌། ཕྱག་རྒྱ་ཆེན་པོ་
དང༌། དམ་ཚིག་གི་ཕྱག་རྒྱའོ། །དང་པོ་ནི། གལ་ཏེ་མངོན་སུམ་དུ་གྱུར་ན་ནི། ཡན་ལག་དང་
ཉིང་ལག་ཐམས་ཅད་དང༌། དབང་པོ་ཐམས་ཅད་དང༌། ཕྱོགས་བཅུའི་འཇིག་རྟེན་གྱི་ཁམས་
ཀྱི་དངོས་པོ་ཐམས་ཅད་དུ་རྣམ་པར་སྤྲོས་ནས་ཞེས་པ་སྟེ། ངེས་བསྟན་ལས། བདེ་ཆེན་གནས་
སྐབས་དེ་ཡི་ཚེ། །བསམ་གཏན་འདི་ནི་དེ་བཞིན་སོན། །སྒོམ་པ་ཡོངས་སུ་རྫོགས་པ་ན། །དེ་
ཉིད་ལ་ནི་བརྟན་པར་བྱ། །བདེ་བ་དེ་ནི་བརྟན་བྱས་པས། །དངོས་པོ་ཀུན་ལ་སྤྲོ་བར་བྱ། །དེ་
ཉིད་སྣང་བ་མེད་པར་ཡང༌། །ནུས་པ་བཞིན་དུ་རྣམ་པར་སྣང༌། །ཞེས་ཏིང་ངེ་འཛིན་གྱི་གཞི་ལ་
བརྟན་པ་ཐོབ་པ་ན། སྣང་བ་ལ་སྤྲོ་བ་དང་སྤྲོས་པས་བདེ་བའི་ངོ་བོར་སྣང་བར་ཡང་བསྟན་ནོ། །
གལ་ཏེ་ལས་རྒྱའི་བདེ་བ་བརྟན་པར་གྱུར་ཞིང༌། ཡེ་རྒྱའི་བདེ་བ་མངོན་སུམ་དུ་གྱུར་པ་དེའི་
ཚེ། དབུ་མར་ཞུགས་པའི་རླུང་དང་ཐིག་ལེས་ཡན་ལག་དང་ཉིང་ལག་གི་རྩ་ཐམས་ཅད་ལ་
ཁྱབ་པར་བྱེད་པ་དང༌། ནང་གི་བདེ་བ་དེས་དབང་པོའི་ཤེས་པ་ཐམས་ཅད་ལ་རྒྱས་འདེབས་
པ་དང༌། དེ་དག་བྱུང་བ་ན། ཡུལ་སྣང་སྣ་ཚོགས་བསྟན་ཞིང༌། ཏིང་ངེ་འཛིན་བསྐྱངས་པས་
ཕྱོགས་བཅུའི་འཇིག་རྟེན་ཁམས་ཀྱི། བརྟན་གཡོའི་དངོས་པོ་ཇི་ཙམ་སྣང་བ་དེ་ཙམ་ཐམས་
ཅད་དུ་བདེ་ཆེན་གྱི་ཡེ་ཤེས་རྣམ་པར་སྤྲོས་ནས་ཁྱབ་སྟེ། ཐམས་ཅད་བདེ་སྟོང་གཅིག་གི་ངོ་
11-1-147


བོར་གྱུར་པ་ནི་ཡེ་ཤེས་ཀྱི་ཕྱག་རྒྱའོ། །ཆོས་ཀྱི་ཕྱག་རྒྱའི་ཏིང་ངེ་འཛིན་ཐོབ་ན། དེ་ཕྱིན་ཆད་
ལས་རྒྱའི་བདེ་བས་སྣེ་ཁྲིད་དེ་སྒོམ་དགོས་པ་ལྟ་བུ། ལས་རྒྱ་ལ་ལྟོས་པ་ནི་མེད་ལ། ལས་རྒྱ་
བསྒོམས་ན་གྲོགས་སུ་མི་འགྱུར་བ་ཡང་མ་ཡིན་ནོ། །དེ་ལ་ཆོས་རྒྱའི་དོན་གྱི་སྙིང་པོ་ནི། ནང་
དུ་རླུང་སེམས་དབུ་མར་འགགས་པའི་བདེ་སྟོང་ཡོད་པའི་མཐུ་ལས། སྣ་ཚོགས་འདི་དག་
སྣང༌བཞིན་དུ་སྒྱུ་མ་ལྟ་བུར་རང་ཤར་བ་དང༌། ཤར་བ་དེས་ནང་གི་ཡེ་ཤེས་འབར་བའི་གྲོགས་
བྱེད་པ་སྟེ། དེ་ལྟ་བུའི་ཕྱི་ནང་གཉིས་ཀར་ལ་སེམས་མི་རྟོག་པར་གནས་པའི་ཏིང་ངེ་འཛིན་
ནོ། །དེ་ཡང་རྒྱུད་ལས། བཟའ་དང་བཏུང་དང་བླུག་པ་དང༌། །ཉལ་དང་ལོག་དང་སེམས་
དཔའ་ན། །ཞེས་པ་ནས། དམ་པའི་དེ་ཉིད་ངེས་བསྒོམ་བྱ། །ཞེས་པའི་བར་གྱིས་བསྟན་ནོ། །
ཆོས་རྒྱ་ནི་ཕྱག་ཆེན་གྱི་སྦྱོར་བ་དངོས་རང་ཡིན་ལ། ལས་རྒྱ་ནི་དེའི་ཡང་རྒྱུ་ཚོགས་ཙམ་མོ། །
གཉིས་པ་ནི། རྣམ་པ་མེད་པ། གསལ་བ་ཙམ་སྣང་བ་མེད་པ། མཐའ་ཡས་པ། བདེ་བ་ཆེན་
པོ། རྒྱུན་མི་འཆད་པ། ཇི་སྲིད་དུ་སྒོམ་ནུས་པ། དེ་སྲིད་དུ་བལྟ་བར་བྱའོ། །ཞེས་པ་སྟེ། ཀུན་
རྫོབ་གཟུགས་སོགས་དང༌། ནང་འདོད་ཆགས་སོགས་ཀྱི་རྣམ་པ་ཐ་དད་མེད་པ། རིག་པའི་
ངོ་བོ་རྒྱ་ཆད་ཕྱོགས་ལྷུང་དང་བྲལ་བའི་གསལ་བ་ཙམ་ཞིག་ཡིན་པ། རིག་བྱ་རིག་བྱེད་དམ། 
ཡུལ་ཡུལ་ཅན་ནམ། གཟུང་འཛིན་གྱི་གཉིས་སུ་སྣང་བ་མེད་པ། རྣམ་པར་མི་རྟོག་བཞིན་དུ་
ཡེ་ཤེས་ཀྱི་སྣང་བ་མཐའ་ཡས་པ་འཆར་བ། ངོ་བོ་ནི་བདེ་བ་ཆེན་པོ་སྟེ། དེ་ཡང་སྡུག་བསྔལ་
མེད་ཙམ་དང་མ་ཡིན་ས་ཙམ་ལ་བདེ་བར་བཞག་པ་ཡིན་ཏེ། ལྷག་པར་བདེ་བ་ཉིད་དུ་ཉམས་
སུ་མྱོང་བ་ཡིན་ལ། བདེ་ཆེན་དེ་དང༌། བདེ་བའི་རྣམ་པ་ཇི་ལྟ་བར་འདྲ་བའི་དཔེ་ནི་མེད་མོད་
ཀྱང༌། དཔེ་འདྲ་རུང་རྣམས་ཀྱི་ནང་ནས། ཞུ་བདེ་ལྷན་སྐྱེས་ལས་འདྲ་བ་གཞན་མེད་པའི་
ཕྱིར། དེ་ཉིད་དཔེར་འཇོག་པ་ཡིན་པས། ཇི་ལྟར་བདེ་བའི་ཚུལ་དེ་འདྲ་ཞིག་ཡོད་དོ། །ཞེས་
གོ་བར་བྱ་སྟེ། སྡུག་བསྔལ་མེད་ཙམ་དང་བདེ་སྡུག་གཉིས་མིན་བདེ་ཆེན་གྱི་མིང་བཏགས་པ་
11-1-148


ཡིན་ན་ནི་ཞུ་བདེ་དཔེར་འོང་དོན་མེད་པའི་ཕྱིར་རོ། །རྒྱུན་མི་འཆད་པ་ཞེས་པ་ནི། བདེ་ཆེན་
ཉིད་ཀྱི་རང་ངོས་ནས་རྒྱུན་ཆད་མེད་པ་ཡིན་གྱི། རྣལ་འབྱོར་པའི་མཉམ་བཞག་དང༌། ཉམས་
མྱོང་ལ་འཕེལ་འགྲིབ་དང་རྒྱུན་ཆད་གཏན་ནས་མེད་པ་ནི་མ་ཡིན་ནོ། །དེ་ཉིད་ཀྱི་ཕྱིར་ཐུན་རེ་
རེ་བཞིན་ཇི་སྲིད་དུ་བསྒོམ་ནུས་པ་དེ་སྲིད་དུ་བསྒོམ་ཞིང་བལྟ་བར་བྱའོ། །ཞེས་པ་སྟེ། འདིར་
ཕྱག་རྒྱ་ཆེན་པོ་ནི། རྡོ་རྗེ་ལུས་ཀྱི་ཕྱོགས་ནས། ལྟེ་བའི་དཀྱིལ་འཁོར་ལས་ཡེ་ཤེས་ཀྱི་གཏུམ་
མོ་འབར་བས་རྩ་ནང་ཐམས་ཅད་ཁྱབ། ཕུང་ཁམས་སྐྱེ་མཆེད་རྩ་གནས་ཐམས་ཅད་ཀྱི་དྭངས་
མ་སྤྱི་བོར་འདུས་ཏེ། གཏུམ་མོ་འབར་བའི་གདུང་བས་བཞུ་བ་ན། ཧཾ་དང་འདྲེས་ཤིང༌། རྩ་
འཁོར་རྣམས་སུ་བདུད་རྩིས་ཆར་ཟིམ་འབེབས་པ་དང་ལྷན་ཅིག་ཨ་ཝ་དྷུ་ཏཱིའི་ལམ་བརྒྱུད་
ཅིང༌། སྙིང་གའི་འཁོར་ལོ་ནས་ལྟེ་བར་འབེབས་པ་སྟེ་དེ་ལས་བརྒྱུད་ནས་རྩ་གནས་ཐམས་
ཅད་དུ་ཐིག་ལེ་དྭངས་མས་ཁྱབ་པར་འགྱུར་རོ། །འདིར་འབར་བའི་ཚེ། ལྟེ་བའི་ནུས་པས་
སྙིང་ག་གྲོལ་བར་བྱེད་ཅིང༌། དེས་སྤྱི་བོ་དང་ནོར་བུ་ཡང་ངོ༌། །འབབ་པའི་ཚེ་སྙིང་གའི་ནུས་
པས། ལྟེ་བ་གྲོལ་བར་བྱེད་ཅིང༌། དེས་མགྲིན་པ་དང་གསང་བ་ཡང་ངོ༌། །དེ་ལྟར་ན་ཚུལ་
འདི་ལས་སེམས་ཀྱི་ཏིང་ངེ་འཛིན་རྣམས་འབྱུང་སྟེ། དག་པའི་ལུས་ལ་འབར་འཛག་དེ་ལྟ་
བུ་བྱུང་བས། སེམས་རང་བཞིན་ལྷན་སྐྱེས་ཀྱི་བདེ་བ་ལ་མངོན་སུམ་དུ་གནས་པར་འགྱུར་
ལ། འབར་བའི་མཐུ་ལས་རྣམ་པ་མེད་པ་དང་མཐའ་ཡས་པ་གཉིས། འཛག་པའི་མཐུ་ལས་
གསལ་བ་དང་སྣང་མེད་ཀྱི་མཚན་ཉིད་འཆར་བར་འགྱུར་རོ། །རྒྱུད་ལས། དེ་རྣམས་དམ་པ་
གཅིག་ཡོད་མིན། །ཞེས་སོགས་དང༌། ག་བུར་ཉིད་ནི་བདག་མེད་མ། །བདེ་བ་བདག་མེད་
ཚུལ་ཅན་ཉིད། །དེ་ཡི་བདེ་བ་ཕྱག་རྒྱ་ཆེ། །ཞེས་པ་ནས། ཆོས་ཀྱི་དབྱིངས་ཀྱི་རང་བཞིན་ཅན། 
ཞེས་པས་བསྟན་ཏོ། །གསུམ་པ་ནི། དེ་ལས་ལངས་ནས་ཀྱང༌། དངོས་པོ་ཐམས་ཅད་བདེ་བ་
ཆེན་པོ་ལས་བྱུང་བ། རྣལ་འབྱོར་མའི་འཁོར་ལོའི་བདག་ཉིད་དུ་མོས་པར་བྱའོ། །ཞེས་པ་སྟེ། 
11-1-149


འདི་ཐུན་མཚམས་ཀྱི་སྤྱོད་པར་འཆད་པ་ཡོད་ཀྱང་མ་ཡིན་ནོ། །འོ་ན་ཅི་ཞེ་ན། གོང་དུ་བསྟན་
པའི་ཕྱག་རྒྱ་ཆེན་པོ་དེ་ཉིད་གོམས་པར་གྱུར་པ་ནི། ཏིང་ངེ་འཛིན་མཉམ་བཞག་དེ་ལས། 
རང་ཤུགས་ཀྱིས་ལངས་པའི་སྐབས་ཤིག་སྣང་བ་ཐམས་ཅད་བདེ་སྟོང་དུ་ལམ་མེ་བ་དང༌། 
དཀྱིལ་འཁོར་གྱི་འཁོར་ལོ་འོལ་སྤྱི་ཙམ་རང་ཤུགས་སུ་འཆར་བ་ཞིག་ཡོད་དེ། མཚམས་དེ་
ནས་འབད་པས་བསྒོམས་ཏེ། ཐུན་རེ་རེའི་མགོར་ཕྱག་རྒྱ་ཆེན་པོ་སྒོམ་ཞིང༌། དེ་ལས་ལངས་
ནས་ཀྱང་སྟེ་ལངས་མ་ཐག་ཏུ་ཡང༌། མ་བརྟགས་པའི་ལྷའི་སྐུ། རྣལ་འབྱོར་མའམ་ཧེ་རུ་ཀའི་
འཁོར་ལོའི་དཀྱིལ་འཁོར་གྱི་བདག་ཉིད་དུ་མོས་པས་བསྒོམ་པར་བྱའོ། །འདིར་མོས་པའི་
དོན་མངོན་པར་ཞེན་པའི་མོས་པ་མ་ཡིན་གྱི། དངོས་མ་ཡིན་ཡང་འདྲ་རུང་བ་བྱ་བ་བྱེད་ནུས་
ཀྱི་མིང་ངོ༌། །དང་པོར་རང་རྒྱུད་ཀྱི་ཕུང་པོ་ལྔའི་གནས་སུ་དེ་ལྟར་འཆར་ལ། དེ་ནས་རྒྱ་ཇེ་ཆེ་
སོང་ནས། མཐར་དངོས་པོ་ཐམས་ཅད་བདེ་བ་ཆེན་པོ་ལས་བྱུང་ཞིང༌། བདེ་བའི་རང་བཞིན་
ཅན་གྱི་དཀྱིལ་འཁོར་དེར་འགྱུར་རོ། །འདིར་དམ་ཚིག་གི་ཕྱག་རྒྱ་ཞེས་བྱ་བ་ནི། སྔགས་ཀྱི་
སྐུ་དང་ཡེ་ཤེས་ཀྱི་སྐུ་ཞེས་བྱ་བས་ཟླས་ཕྱེ་བའི་ཡེ་ཤེས་ཀྱི་སྐུ་དང་དོན་གཅིག་མིང་གི་རྣམ་
གྲངས་སོ། །དེ་ཡང་རྒྱུད་ལས། ཆོས་འབྱུང་ལས་སྐྱེས་ཡེ་ཤེས་ནི། །མཁའ་མཉམ་ལྷན་ཅིག་
ཐབས་དང་བཅས། །ཞེས་སོགས་དང༌། བཙུན་མོའི་བྷ་ག་བདེ་ཆེན་དུ། །སྟོན་པ་སུམ་ཅུ་རྩ་
གཉིས་མཚན། །ཞེས་སོགས་ཀྱིས་བསྟན་པའི་དོན་ནོ། །སྔ་རབས་ཁ་ཅིག
ཇོ་བོ་མཻ་ཏྲི་པ་ནི་སློབ་དཔོན་ཆེན་པོ་ཤཱནྟི་པ་འདིའི་སློབ་མར་འཆད་པ་ཡང་བདེན་པར་
མངོན་ཏེ། ཕྱག་རྒྱ་བཞི་དང་སྐད་ཅིག་མ་བཞིའི་གནད་རྣམས་ཕལ་ཆེར་མཐུན་པར་སྣང་ངོ༌། །
དེ་ན་མཻ་ཏྲི་པའི་ལུགས་ལ་དམ་ཚིག་ཕྱག་རྒྱ་བསྐྱེད་རིམ་ལ་འཆད་ཟེར་བ་རྣམས་མ་གོ་བ་ཆེན་
པོ་ཡིན་ཞིང༌། རྒྱ་གར་ཕྱག་ནའི་རྗེས་འབྲང་དུ་རློམ་པ་བོད་པ་རྣམས། མཻ་ཏྲི་པ་དང་ཤཱནྟི་པ་
རྩོད་པ་ཤོར་ལུགས་སྨྲ་བ་སོགས་ནི། འཆལ་གཏམ་གྱི་རྫུན་འབའ་ཞིག་གོ །བཅུ་པ་རྗེས་ཐོབ་
11-1-150


སྤྱོད་པའི་རིམ་པ་ནི། དེ་ཉིད་ཡང་སོ་སོ་རང་གིས་རིག་པའི་བདེ་བ་ཆེན་པོས། ཡང་དང་ཡང་
དུ་མཆོད་པར་བྱ་སྟེ། མྱུར་དུ་བསོད་ནམས་དང་ཡེ་ཤེས་ཀྱི་ཚོགས་བསགས་པར་བྱ་བའི་ཕྱིར། 
སྒོམ་པའི་ཁྱད་པར་གྱི་ཚོགས་བསགས་ནས། མྱུར་དུ་དངོས་གྲུབ་ཐོབ་པར་འགྱུར་རོ། །
ཞེས་པ་སྟེ། ཕྱག་རྒྱ་ཆེན་པོ་དང་དམ་ཚིག་གི་ཕྱག་རྒྱ་རོ་མཉམ་པའི་མཉམ་བཞག་དེ་ཉིད་
ཀྱང་ཕྱི་རོལ་འདོད་པའི་ཡོན་ཏན་སྣ་ཚོགས་བསྟན་པ་དང༌། སྤྱོད་ལམ་སྣ་ཚོགས་དང་བསྲེས་
པས། སྣང་བ་དེ་ཐམས་ཅད་ཆེན་པོ་དང༌། དམ་ཚིག་སྟེ་ཕྱག་རྒྱ་གཉིས་དང་རོ་མཉམ་པར་
སོ་སོར་རང་གིས་རིག་པའི་བདེ་བ་ཆེན་པོས་སེམས་ཉིད་ཡང་དང་ཡང་དུ་མཆོད་པར་བྱ་སྟེ། 
མྱུར་དུ་བསོད་ནམས་དང་ཡེ་ཤེས་ཀྱི་ཚོགས་བསགས་ཏེ་ཕ་རོལ་དུ་ཕྱིན་པ་བཅུ་རྫོགས་པར་
བྱ་བའི་ཕྱིར། འདོད་ཡོན་སོགས་སྣང་བ་ཐམས་ཅད་བདེ་བ་ཆེན་པོར་སྒོམ་པ་དང༌། དེའི་ཁྱད་
པར་དཀྱིལ་འཁོར་གྱི་འཁོར་ལོར་འཆར་བ་དང༌། སྤྱོད་ལམ་ཐམས་ཅད་སེམས་ཅན་གྱི་དོན་
ཚོགས་རྒྱ་ཆེན་པོ་བསགས་པའི་ཐབས་སུ་གྱུར་ནས། མྱུར་དུ་ཕྱག་རྒྱ་ཆེན་པོ་མཆོག་གི་དངོས་
གྲུབ་ཐོབ་པར་འགྱུར་རོ། །འདིས་ནི་བསྟེན་སློབ་ཀྱི་སྤྱོད་པ་དང༌། རིག་པ་བརྟུལ་ཞུགས་ཀྱི་
སྤྱོད་པ་གཉིས་ཀར་བསྟན་པ་ལས། གཙོ་བོར་རིག་པའི་བརྟུལ་ཞུགས་ཡིན་ལ། ལས་དང་
པོ་པའི་འདོད་འཇུག་གི་སྤྱོད་པ་ཡང་ཤུགས་ལ་འཕངས་སོ། །འདི་དག་རྒྱས་པར་མ་སྤྲོས་ཏེ་
གཞན་དུ་ཤེས་པར་བྱའོ། །གསུམ་པ་སྒོམ་པ་ལས་བྱུང་བའི་ལམ་གྱི་ས་མཚམས་རྣམ་པར་
བཞག་པ་ལ། རྣལ་འབྱོར་བརྟན་པའི་ཚད་དང༌། ཏིང་ངེ་འཛིན་གྱིས་རྣམ་པར་བཞག་པའོ། །
དང་པོ་ལ་མཉམ་བཞག་ཏིང་ངེ་འཛིན་གྱི་རྣམ་པ་དང༌། རྣལ་འབྱོར་གཉིས་ཀྱི་འཇུག་པ་དང༌། 
དེ་ཁོ་ན་ཉིད་ཀྱི་དམིགས་པ་དང༌། ཏིང་ངེ་འཛིན་གྱི་ཕན་ཡོན་ཏེ་བཞི་ལས། དང་པོ་ནི། བརྟག་
པ་དང་པོའི་ལེའུ་བརྒྱད་པའི་རྒྱུད་ཚིག་དྲངས་པ་སྟེ། ང་ལས་སྲོག་ཆགས་ཐམས་ཅད་འབྱུང༌། །
སྲིད་པ་གསུམ་པོ་ང་ལས་བྱུང༌། །འདི་ཀུན་ང་ཡིས་ཁྱབ་པས་ན། །གཞན་གྱི་ངོ་བོར་འགྲོ་
11-1-151


མི་དམིགས། །དེ་ལྟར་ཤེས་པའི་རྣལ་འབྱོར་པས། །ཤིན་ཏུ་མཉམ་བཞག་གོམས་བྱས་ལ། །
བསོད་ནམས་དམན་པའི་མི་ཡིས་ཀྱང༌། །འགྲུབ་འགྱུར་འདི་ལ་ཐེ་ཚོམ་མེད། །ཅེས་པ་སྟེ། །
འདིར་ང་ཞེས་བྱ་བ་ནི། སེམས་ཀྱི་རང་བཞིན་བདེ་བ་ཆེན་པོའི་མིང་སྟེ། བདེ་བ་ཆེན་པོ་ང་
ལས་གློ་བུར་གྱི་དྲི་མའི་ཚུལ་གྱི་ལས་ཉོན་སྡུག་བསྔལ་གསུམ་གྱི་རང་བཞིན། འགྲོ་བ་དྲུག་གི་
སྲོག་ཆགས་ཐམས་ཅད་བྱུང་ལ། ས་འོག་ས་སྟེང་ས་བླ་སྟེ་སྲིད་པ་གསུམ་གྱི་འཇིག་རྟེན་འདི་
ཡང༌། བདེ་བ་ཆེན་པོ་ང་ཡི་ལྷན་སྐྱེས་ཀྱི་དྲི་མ་ཀུན་གཞི་རྣམ་པར་ཤེས་པ། བག་ཆགས་སྨིན་
པའི་སྟོབས་ལས་བྱུང་ངོ༌། །དེ་ཡང་ཡེ་ཤེས་ཀྱི་འཁོར་བ་བསྐྱེད་པ་མིན་མོད་ཀྱི། རྟེན་བརྟེན་
པའི་ཚུལ་ལས་ཏེ། ནམ་མཁའ་ལས་སྤྲིན་བྱུང་ཞེས་པ་ལྟ་བུའམ། རང་གཞན་སྣོད་བཅུད་ཀྱི་
སྣང་བ་འདི་ཀུན་ལ། བདེ་ཆེན་ང་ཡིས་ཆོས་ཉིད་ཀྱི་ཚུལ་གྱིས་ཁྱབ་བོ། །དེ་ཡང་ཆོས་ཅན་ལ་
ཆོས་ཉིད་ཀྱི་ཚུལ་གྱིས་ཁྱབ་པ་ཡིན་ཏེ། རྣམ་པར་དཔྱད་ན། སྣ་ཚོགས་འདི་ཀུན་དངོས་སུ་
ཡོད་པ་ལ། བདེ་ཆེན་གྱིས་ཁྱབ་པ་མེ་ཏོག་དང་མེ་ཏོག་གི་དྲི་ལྟར་ཡོད་པ་མ་ཡིན་གྱི། མཁྲིས་
ནད་ཅན་གྱིས་དུང་ལ་མིག་བརྟད་པ་ན། སེར་པོ་འཁྱིལ་བའི་གཟུགས་ཅན་དུ་མཐོང་སྟེ། དེའི་
ཐད་རྣམས་དུང་དཀར་པོས་ཁྱབ་པ་བཞིན་དུ། རེ་ཞིག་སྣང་བ་འདི་མ་བཀག་པའི་དབང་
དུ་བྱས་ནས། འདི་རྣམས་ལ་དེས་ཁྱབ་ཅེས་བརྗོད་དོ། །དེ་ལྟར་ཡིན་པས་ན། ཡེ་ཤེས་གང་
གིས་སྣོད་བཅུད་ཀྱི་འགྲོ་བ་འདི་དག་ཐམས་ཅད། བདེ་ཆེན་ལས་གཞན་གྱི་ངོ་བོར་མེད་ཅིང་
མ་དམིགས་སོ་ཞེས་པ་སྟེ། ནམ་ཞིག་བརྟན་པ་ཐོབ་པ་ན། མཉམ་བཞག་གི་སྣང་ངོར། སྣང་
བ་ཐམས་ཅད་སེམས་ལས་གཞན་དུ་མེད་ཅིང༌། སེམས་ཀྱི་རྣམ་པ་ཐམས་ཅད་དེ་གཟུགས་
བརྙན་ཙམ་དུ་ཤེས་ནས། སེམས་ཀྱི་དབྱིངས་བདེ་ཆེན་དུ་ཤར་བ་ལ་རྩེ་གཅིག་ཏུ་གནས་པ་
སྟེ། རྣམ་པར་རིག་པ་ཙམ་གྱི་རྣམ་པ་དང༌། དེའི་རང་བཞིན་གནས་ཚུལ་ཡང་དོན་དམ་བདེ་
ཆེན་གྱི་རྣམ་པ་སྟེ། བདེན་གཉིས་ཀྱི་རྣམ་པ་གཉིས་འཛིན་པ་ཡིན་ནོ། །རྣམ་པ་དེ་དང་ལྡན་
11-1-152


པའི་ཏིང་ངེ་འཛིན་གྲུབ་པ་ན། ཐེག་པ་འདི་པར་རྫོགས་པའི་རིམ་པའི་ལམ་འདི་ལ་ལས་དང་
པོ་པའི་ས་ལས་འདས་ཏེ། རྣལ་འབྱོར་པར་གྱུར་པ་ཞེས་བྱའོ། །
དེ་ལྟར་ཤེས་པའི་རྣལ་འབྱོར་པས། ཤིན་ཏུ་མཉམ་བཞག་གོམས་པར་བྱས་ན། མཐོང་
བའི་ཆོས་འདི་ཉིད་ལ་ཟུང་འཇུག་གི་གོ་འཕང་འགྲུབ་པར་འགྱུར་པ་འདི་ལ་ཐེ་ཚོམ་མེད་དོ། །
ཡེ་ཤེས་དེ་རྒྱུད་ལ་སྐྱེས་པ་ལ། བསོད་ནམས་མཆོག་དང་ལྡན་པས་ཁྱབ་མོད་ཀྱང༌། འདིར་
བསོད་ནམས་ཆེན་པོ་ལྟ་ཅི་སྨོས། བསོད་ནམས་དམན་པའི་མིས་ཀྱང་འགྲུབ། ཅེས་གསུངས་
པ་ནི། ཕུལ་བྱུང་གི་ཚིག་གིས་བརྟག་པ་མཐར་བཟུང་ངོ་ཞེས་བརྗོད་ཀྱང་རུང་ལ། ཡང་ཡེ་
ཤེས་སྐྱེ་བའི་རྒྱུར་གྱུར་པའི་བསོད་ནམས་མཆོག་ཡོད་ཀྱང༌། རིགས་གཟུགས་ལོངས་སྤྱོད་
ཐོས་པ་ལ་སོགས་པའི་བསོད་ནམས་ཀྱི་རིགས་གཞན་མང་པོས་དམན་པ་ལ་དགོངས་པ་ཡིན་
ནོ། །གཉིས་པ་ནི། ཡང་ན་མཉམ་པར་བཞག་པའི་རྣལ་འབྱོར་པས་ཡང་ལངས་པའི་རྣལ་
འབྱོར་ཇི་ལྟར་ནུས་པ་བཞིན་དུ་བྱ་སྟེ། དེ་ལྟར་རྣལ་འབྱོར་གཉིས་ཀྱིས་སོ། །འདི་ལྟར་ཆུ་བོའི་
རྒྱུན་དག་དང༌། །མར་མེ་འོད་ཀྱི་རྒྱུན་བཞིན་དུ། །ཉིན་དང་མཚན་མོ་ཐམས་ཅད་དུ། །དེ་ཉིད་
རྣལ་འབྱོར་རྟག་གནས་བྱ། །ཞེས་པ་སྟེ། རྗེས་ཐོབ་ཏུ་ཡང་སྔར་བསྟན་པའི་ཡེ་ཤེས་ཀྱི་ཉམས་
དང་མ་བྲལ་བ་དགོས་ཏེ། ཡང་ན་ཐོག་མའི་མཉམ་པར་བཞག་པའི་རྣལ་འབྱོར་པ་དེས། ཕྱིས་
རྗེས་ཐོབ་ཏུ་ཡང༌། མཉམ་བཞག་ལས་ལངས་པའི་རྣལ་འབྱོར་སྣང་བ་ཐམས་ཅད་ཀྱང༌། སྒྱུ་
མ་ལྟ་བུ་དང༌། བདེ་སྟོང་དུ་འཆར་བ་ཇི་ལྟར་ནུས་པ་བཞིན་དུ་བསྒོམ་པར་བྱའོ། །དེ་ལྟར་
མཉམ་བཞག་དང་མཉམ་ལངས་ཏེ་རྣལ་འབྱོར་གཉིས་ཀྱིས་བསྒོམ་པར་བྱའོ། །འདི་ལྟར་ཆུ་
བོའི་རྒྱུན་བཞིན་དུ་ཆད་པ་མེད་པར་འཇུག་པ་ནི་རྒྱུན་གྱི་རྣལ་འབྱོར་དག་དང༌། ཇི་ཙམ་སྒོམ་
པའི་དུས་དེ་ཙམ་དུ། མར་མེའི་འོད་ཀྱི་རྒྱུན་བཞིན་དུ་གསལ་འགྲིབ་མེད་པར་གནས་པ། རྦ་
རླབས་དང་བྲལ་བའི་རྣལ་འབྱོར་ཏེ། རྣལ་འབྱོར་རྣམ་པ་གཉིས་ཀྱི་སྒོ་ནས་ཉིན་མོ་དང་མཚན་
11-1-153


མོ་ཐམས་ཅད་དུ། རྣལ་འབྱོར་པའི་སེམས་དེ་ཁོ་ན་ཉིད་ལ་རྟག་ཏུ་གནས་པར་བྱའོ། །དེ་ལ་
རླབས་བྲལ་གྱི་རྣལ་འབྱོར་ནི། མཉམ་བཞག་གཙོ་ཆེ་བ་དང༌། རྒྱུན་གྱི་རྣལ་འབྱོར་ནི་རྗེས་
ཐོབ་གཙོ་ཆེའོ། །
གསུམ་པ་ནི། །རང་རིག་འདི་ནི་ཡེ་ཤེས་ཏེ། །ངག་གི་ལམ་གྱི་སྤྱོད་ཡུལ་འདས། །འདི་
ནི་བྱིན་རླབས་རིམ་པ་སྟེ། །ཀུན་མཁྱེན་ཡེ་ཤེས་དེ་རང་བཞིན། །ཞེས་པ་སྟེ། མཉམ་བཞག་
གི་ཡེ་ཤེས་དེའི་དམིགས་པ་ནི། ཀུན་མཁྱེན་སངས་རྒྱས་ཀྱི་ཡེ་ཤེས་བདེ་བར་གཤེགས་པའི་
སྙིང་པོ་དེ་ཉིད་ལ་དམིགས་པ་སྟེ། ལམ་གྱི་བདེ་ཆེན་རྣམ་པ་ཐམས་ཅད་པ་དེ་ཉིད་བསྒོམས་
པས། ལམ་དེའི་རང་བཞིན་སྙིང་པོ་བདེ་ཆེན་རྣམ་པ་ཐམས་ཅད་པ་ཡུལ་དུ་བྱས་པར་འགྱུར་
ཏེ། མིའི་སྐྲ་ནས་བཟུང་བས་མི་བཟུང་བར་འགྱུར་བ་བཞིན་ནོ། །ལམ་དེ་བསྒོམ་པས་གནས་
ལུགས་སྙིང་པོ་དེ་རང་རིག་པའི་ཚུལ་གྱིས་རྟོགས་པ་འདི་ནི། ཕྱིན་ཅི་མ་ལོག་པའི་ཡེ་ཤེས་
ཏེ། དེའི་རྟོགས་བྱ་རྟོགས་བྱེད་ཇི་ལྟར་རྟོགས་པའི་ཚུལ་རྣམས། ངག་གི་ལམ་རྣམ་རྟོག་གི་
སྤྱོད་ཡུལ་དཔེ་དང་གཏན་ཚིགས་སོགས་ལས་འདས་ཏེ། བསམ་གྱིས་མི་ཁྱབ་པའི་ཕྱིར་རོ། །
འོ་ན་གང་གིས་རྟོགས་ཤེ་ན། འདི་ནི་བྱིན་རླབས་རིམ་པས་རྟོགས་པ་ཡིན་ཏེ། དེ་ཡང་རྣམ་
པ་གསུམ་མོ། །བླ་མ་དང་ལྷག་པའི་ལྷ་དང༌། རྡོ་རྗེའི་ལུས་ལ་ཐབས་ཀྱིས་གནད་དུ་བསྣུན་
པའི་བྱིན་རླབས་སོ། །དེའི་ཕྱི་མ་ནི། རང་བྱིན་བརླབ་པ་ཞེས་བྱ་སྟེ། དཔེར་ན་བུ་རམ་དང༌། 
ཨ་རུ་ར་དང༌། དྷཱ་ཏ་ཀའི་སྦྱོར་བས་མྱོས་བྱེད་ཀྱི་དངོས་པོར་འགྱུར་བ་བཞིན་ཏེ། རྒྱུ་མཚན་
བསམ་པར་བྱ་བ་མ་ཡིན་ནོ། །བཞི་པ་ནི། ས་དང་ཆུ་དང་མེ་དང་ནི། །རླུང་དང་ནམ་མཁའ་
དེ་བཞིན་དུ། །སྐད་ཅིག་ལ་ནི་ཀུན་མི་འཆིང༌། །རང་དང་གཞན་གྱི་སེམས་རིག་སྟེ། །ས་བླ་
ས་འོག་ས་སྟེང་དུ། །སྐད་ཅིག་ལ་ནི་སྐུ་གཅིག་འགྱུར། །བདག་གཞན་ཕྱོགས་ཀྱི་རྣམ་རྟོག་
གིས། །འདི་ལ་གནོད་པ་བྱེད་མི་ནུས། །ཞེས་པ་སྟེ། {སྡེབ་[སྲིབ]་རི་དང༌། བྲག་ཆད་པ་ལྟ་
11-1-154


བུས་དང༌། ཆུས་བྱིངས་པ་དང༌། ཁྱེར་བ་སོགས་དང༌། མེས་ཚིག་པ་དང་ནི། རླུང་གིས་གྲང་
པའམ། བསྐྱོད་པ་དང༌། གཡང་ས་ལ་སོགས་པའི་ནམ་མཁའ་སྟེ། ཕྱིའི་འབྱུང་བ་ལས་གྱུར་བ་
དང༌། དེ་བཞིན་དུ་ནང་གི་འབྱུང་བའི་གནོད་པ་ནད་ཀྱི་རིགས་རྣམས་དང༌། དུག་དང་མཚོན་
དང༌། སྦྲུལ་དང༌། སྟག་ལ་སོགས་པ་སྲོག་ཆགས་ཀྱི་གནོད་པ་སྟེ་མདོར་ན། དེ་དག་ཀུན་ཀྱིས་
སྐད་ཅིག་གི་སྟེ་ཡུད་ཙམ་ཡང་ཀུན་ནས་མི་འཆིང་ཞིང་གནོད་པར་མི་འགྱུར་རོ། །འདི་ནི་རྒྱུད་
འབྲོག་འགྱུར་ལས། ཀུན་ཀྱིས་སྐད་ཅིག་གནོད་མི་འགྱུར། ཞེས་པ་གོ་བདེའོ། །གཞན་ཡང་
རང་གི་སྔོན་དང་ཕྱི་མའི་མཐའ་དང་ཕ་རོལ་གཞན་གྱི་སེམས་རྣམས་ཀྱང་རིག་སྟེ། སྐད་ཅིག་
གཅིག་ལ་རླུང་སེམས་ཙམ་ལས་སྒྲུབ་པའི་ཡེ་ཤེས་ཀྱི་སྐུ་གཅིག་ཉིད། གཞན་སྣང་དུ་ས་བླ་སྟེ་
ནམ་མཁར་སྤྱོད་པ་དང༌། ས་འོག་དང་ས་སྟེང་སྟེ་འཇིག་རྟེན་གསུམ་དུ་སྐུ་སྣ་ཚོགས་སུ་སྟོན་
པར་འགྱུར། ཞི་དྲག་ལ་སོགས་པ་ལས་སྣ་ཚོགས་ཀྱི་སྒོ་ནས། སེམས་ཅན་གྱི་དོན་ཆེས་མང་བ་
ཅིག་ཅར་སྤྱོད་མོད་ཀྱང༌། བདག་དང་གཞན་གྱི་ཕྱོགས་སུ་འཛིན་པའི་ཆགས་སྡང་ལ་སོགས་
པའི་རྣམ་རྟོག་གིས། རྣལ་འབྱོར་པ་འདིའི་སེམས་ལ་གནོད་པ་བྱེད་མི་ནུས་ཏེ། ཉོན་མོངས་ཀྱི་
རིགས་རྒྱུན་ཡེ་ཤེས་སུ་གནས་འགྱུར་བ་མངོན་དུ་ཕྱོགས་པའི་ཕྱིར་རོ། །འདིས་དྲོད་ཐོབ་པའི་
ཚད་ཞོར་ལ་རྒྱས་པར་བཤད་པ་ཡིན་ནོ། །གཉིས་པ་ཏིང་ངེ་འཛིན་གྱིས་རྣམ་པར་བཞག་པ་
ལ། མདོར་བསྟན་རྒྱས་བཤད་གཉིས་ལས། དང་པོ་ནི། ཐབས་ཀྱི་ཁྱད་པར་གྱིས་རྣལ་འབྱོར་
གྱི་གནས་སྐབས་ཀྱི་ཁྱད་པར་འདི་ཡང་རྣམ་པ་བཞིར་འགྱུར་ཏེ། སྤྲིན་ལྟ་བུ་དང༌། སྒྱུ་མ་ལྟ་བུ་
དང༌། རྨི་ལམ་ལྟ་བུ་དང༌། གཉིད་སད་པ་ལྟ་བུའོ། །ཞེས་པ་སྟེ། རྒྱུད་འགོས་འགྱུར་ལས། དང་
པོ་སྤྲིན་དང་འདྲ་བ་ཉིད། །གྲུབ་པས་སྒྱུ་མ་ལྟ་བུར་འགྱུར། །དེ་ནས་རྨི་ལམ་འདྲ་བར་སྣང༌། །
གཉིད་ལོག་སད་པ་མི་ཕྱེད་པའོ། །ཞེས་གསུངས་པའི་དོན་ཏེ། ཇི་སྲིད་དུ་རིམ་པ་གཉིས་ལ་
ཏིང་ངེ་འཛིན་མ་ཐོབ་པ་དེ་དག་ནི་ལས་དང་པོ་པ་ས་ལ་མ་ཞུགས་པའོ། །ཏིང་ངེ་འཛིན་དེ་
11-1-155


ཅི་རིགས་པར་ཐོབ་པ་ནས་གཟུང་སྟེ། ཐབས་ཀྱི་ཁྱད་པར་རིམ་པ་གཉིས་ཀྱི་མཐུ་ལས་ཐོབ་
པའི་རྣལ་འབྱོར་ཏིང་ངེ་འཛིན་གྱི་གནས་སྐབས་ཀྱི་ཁྱད་པར་ལ། ཏིང་ངེ་འཛིན་གྱི་སར་བཞག་
པའི་གནས་སྐབས་འདི་ལ་ཡང་རྣམ་པ་བཞིར་འགྱུར་ཏེ། སྤྲིན་ལྟ་བུ་དཔེ་འབའ་ཞིག་པའི་ས་
དང༌། སྒྱུ་མ་ལྟ་བུ་མངོན་དུ་བྱེད་པའི་ས་དང༌། རྨི་ལམ་ལྟ་བུ་མཉམ་པར་སྦྱོར་བའི་ས་དང༌། 
གཉིད་དང་སད་པ་ལྟ་བུ་མངོན་སུམ་གྱི་ས་སྟེ་རིམ་པ་བཞིའོ། །གཉིས་པ་ལ། མདོར་བསྟན་
དང་མཚུངས་པར་རིམ་པ་བཞི་ལས། དང་པོ་སྤྲིན་ལྟ་བུ་དཔེ་འབའ་ཞིག་པའི་ས་བཤད་པ་ནི། 
གྲུབ་པའི་སྔོན་རོལ་ན་སྤྲིན་ལྟ་བུ་སྟེ། སྤྲིན་སྲབ་མོས་ཟླ་བ་རྒྱས་པ་གཡོགས་པ་ལྟར། གསལ་
བར་མཐོང་བ་མ་ཡིན་པའི་ངོ་བོ་ཉིད་ཀྱི་ཕྱིར་རོ། །ཞེས་པ་སྟེ། འདིར་གྲུབ་པ་ཞེས་བྱ་བ་ནི། 
ཐུན་མོང་གི་དངོས་གྲུབ་དང་ཕྱག་རྒྱ་ཆེན་པོ་མཆོག་གི་དངོས་གྲུབ་ལ་མིང་བཞག་སྟེ། འདི་ནི་
དེ་དག་གི་བར་སྐབས། རྫོགས་རིམ་གྱི་བགྲོད་བྱའི་ལམ་གྱི་དབུས་ཀྱི་ས་མཚམས་ཞིག་སྟེ། 
དཔལ་རིམ་པ་ལྔ་པ་སོགས་ལས་འབྱུང་བ་ལྟར་ན། སེམས་དམིགས་ཀྱི་རིམ་པ་ལས་འདས་
ཏེ། བདག་བྱིན་གྱིས་རློབ་པ་དང་པོར་ཐོབ་པ་ལ་ཟེར་བ་ཡིན་ཏེ། རྫོགས་རིམ་གྱི་ལྷ་སྐུ་དངོས་
སུ་གྲུབ་པའི་གནས་སྐབས་དང་པོ་ཡིན་པའི་ཕྱིར། གྲུབ་པའི་གནས་སྐབས་ཞེས་གསུངས་
སོ། །དབང་བསྐུར་ཐོབ་ཅིང་དབང་དུས་སུ་ཡེ་ཤེས་ངོ་མ་འཕྲོད་ན་ལྟ་ཅི་སྨོས་སྐབས་དེར་ཅུང་
ཟད་ངོ་འཕྲོད་དུ་ཆུག་ཀྱང༌། དེའི་རྒྱུན་སྒོམ་པར་མི་ནུས་པ་དག་ནི་ཐ་མལ་ལས་དང་པོ་པ་ཡིན་
ཏེ། སེམས་རྩེ་གཅིག་པ་ལར་ནས་མ་ཐོབ་པའམ། ཅུང་ཟད་ཐོབ་ཀྱང་བསྐྱེད་རྫོགས་དང་མ་
འབྲེལ་བའམ། འབྲེལ་དུ་ཟིན་ཡང༌། ཐུན་མོང་མ་ཡིན་པའི་བདེ་སྟོང་གི་ཉམས་མ་སྐྱེས་པ་དེ་
སྲིད་དུ་ལས་དང་པོ་པ་ཡིན་པས། ཏིང་ངེ་འཛིན་གྱི་ས་མ་ཐོབ་བོ། །བསྐྱེད་རིམ་ལ་བརྟེན་པ་
ཡིན་ཀྱང༌། ཐུན་མོང་མ་ཡིན་པའི་བདེ་སྟོང་གི་སྔར་དབང་དུས་སུ་ཐོབ་པའི་ཡེ་ཤེས་དེའི་བག་
ཆགས་གསོས་ཏེ་རྒྱུན་སྐྱོང་ཐུབ་ན། ཏིང་ངེ་འཛིན་གྱི་ས་ཐོག་མ་ཐོབ་པའི་ཁོངས་སུ་གཏོགས་
11-1-156


ཤིང༌། རྫོགས་རིམ་ལ་བརྟེན་ནས་དེ་འདྲ་ཐོབ་པ་ཡིན་ན་ནི། དཔེ་འབའ་ཞིག་པའི་ས་ངེས་
པར་ཐོབ་པ་ཡིན་ཞིང༌། དབང་པོ་རྣོན་པོ་ལ་ནི་དབང་དུས་ཀྱི་ཡེ་ཤེས་སྐྱེས་པ་ཉིད་ནས། དེའི་
རྒྱུན་སྐྱོང་ནུས་པའི་ཕྱིར། ཐོག་མའི་དབང་བསྐུར་བ་ཉིད་ནས། ས་ཐོག་མ་ཐོབ་པའང་སྲིད་དོ། །
འདིར་འཕྲོས་དོན་ལ། ཐ་ག་ནས་མཛད་པའི་འགྲེལ་པར་སྐབས་འདིའི་བཤད་པ་ན་འདི་
སྐད་ཅེས་ཡོད་དེ། དེ་ཡང་ཏིང་ངེ་འཛིན་གྱི་གནས་སྐབས་ཀྱི་དབྱེ་བ། རྣམ་པ་བཞི་རུ་བསྟན་
པ་ཡིན་ཏེ། །འདིར་གལ་ཏེ་ལྷན་(འདིའི་འཕྲོ་རྟག་བརྟན་སྤར་མ་ལ་མེད་ཅིང་མ་ཕྱི་གཞན་མ་རྙེད།)
11-1-157


༄༅། །དཔལ་དགྱེས་པའི་རྡོ་རྗེའི་མན་ངག་སྦས་པ་
མིག་འབྱེད་སོགས་བཞུགས། 
༄༅། །ༀ་སྭཱ་སྟི་པྲ་ཛཱ་བྷྱཿ དཔལ་དགྱེས་པའི་རྡོ་རྗེའི་མན་ངག་སྦས་པ་མིག་འབྱེད་ཅེས་
བྱ་བ། དཔལ་ཧེ་རུ་ཀ་ལ་ཕྱག་འཚལ་ལོ། །ནམ་མཁའ་དང་མཉམ་ཤེས་རབ་ཐབས་སྦྱོར་བ། །
ཆོས་ཀྱི་བདུད་རྩིའི་ལོངས་སྤྱོད་རྫོགས་སྐུ་མཆོག །རྒྱལ་བ་ཡན་ལག་བདུན་ལྡན་རྡོ་རྗེ་
འཆང༌། །བདེ་ཆེན་མགོན་པོ་ཁྱོད་ཀྱིས་ཤིས་པར་མཛོད། །རྣལ་འབྱོར་མ་ཡི་རྒྱུད་རྒྱལ་ནི། །
དགྱེས་པའི་རྡོ་རྗེ་རབ་གསལ་བ། །ལྷན་ཅིག་སྐྱེས་པ་རབ་སྒྲུབ་ལ། །རིམ་པ་གཉིས་པོ་རྒྱལ་
གྱུར་ཅིག །སེམས་ཅན་ཀུན་ལ་སྙིང་བརྩེ་བས། །ཐམས་ཅད་མཁྱེན་པའི་འབྲས་སྟེར་བ། །བླ་
མ་བཟང་ལ་ཕྱག་འཚལ་ནས། །སྦྱིན་བསྲེག་མེད་ཅིང་དཀའ་ཐུབ་མེད། །ཡོད་པ་མེད་ཅིང་
མེད་པ་མེད། །རྟག་དང་ཆད་པ་རབ་བྲལ་བ། །འདིར་ནི་བྱ་བའི་ལས་ཀུན་སྤངས། །དཀྱིལ་
འཁོར་དཀྱིལ་འཁོར་ཅན་ཡང་མེད། །སྟོང་ཉིད་སྙིང་རྗེ་དབྱེར་མེད་པ། །བྱང་ཆུབ་སེམས་
ཤེས་རབ་ཏུ་བརྗོད། །དེ་ན་སྔགས་བཟླས་དེ་དཀའ་ཐུབ། །སྦྱིན་བསྲེག་དཀྱིལ་འཁོར་དཀྱིལ་
འཁོར་ཅན། །མདོར་ན་སེམས་བསྡུས་ཚུལ་ཅན་ནོ། །ལྷན་ཅིག་སྐྱེས་པའི་སྒྲུབ་ཐབས་ནི། །
སངས་རྒྱས་སྦས་པའི་ཞལ་སྔ་ནས། །བདེ་ཆེན་མགོན་པོའི་དྲིན་ལས་བཤད། །ལུས་ཅན་
རྟོག་པས་སྒྲིབས་པ་ལས། །ཡེ་ཤེས་གསལ་བར་འགྱུར་བ་མེད། །རྣམ་རྟོག་མུན་པ་ཞེས་བྱ་སྟེ། །
རྣམ་པར་རྟོག་མེད་གསལ་བ་ཡིན། །རྡོ་རྗེ་མི་ཕྱེད་གསུམ་ལྡན་པ། །ཡེ་ཤེས་ལྔ་ཡི་མ་མ་
རྩིབས་དང་ལྡན། །འཁོར་ལོ་བསྐོར་བྱ་དེ་ལས་གཞན། །རང་རིག་སྐད་ཅིག་རྟག་པ་ལ། །དུས་
གསུམ་སྤངས་པས་བསྒོམ་བྱ་སྟེ། །རང་རིག་གཅིག་པུས་ཐམས་ཅད་བྱེད། །འཁོར་བ་དང་ནི་
11-1-158


མྱ་ངན་འདས། །གཅིག་དང་དུ་མ་ཡོད་མ་ཡིན། །གང་ཟག་རང་བཞིན་མེད་པ་སྟེ། །བསམ་དུ་
མེད་པས་བསྒོམ་པར་བྱ། །རང་བཞིན་མེད་པས་སྒོམ་པ་སྟེ། །འདི་ནི་དེ་ཁོ་ན་ཉིད་ཡིན། །དེ་
ནས་བསྐྱེད་རིམ་བླ་མའི་གསུང༌། །མཁས་པས་དྲན་པ་གཅིག་ཏུ་བྱ། །ངོ་བོས་གཟུགས་མེད་
མཐོང་སོ་མེད། །སྒྲ་མེད་ཉན་པ་པོ་ཡང་མེད། །དྲི་མེད་སྣོམ་པ་པོ་ཡང་མེད། །རོ་མེད་མྱོང་བ་
པོ་ཡང་མེད། །རེག་མེད་རེག་པ་པོ་ཡང་མེད། །སེམས་མེད་སེམས་པ་པོ་ཡང་མེད། །དེ་ནས་
ཕྲ་མོ་དང་ཐིག་ལེ་བསྒོམ་སྟེ། སྙིང་ཀའི་དབུས་ན་ཟླ་བ་གནས། །ཟླ་བའི་དབུས་ན་མི་ཤིགས་
པ། །སྣ་ཚོགས་འོད་ཀྱིས་རྣམ་འཁྲིགས་ལྡན། །དེས་ནི་རྡོ་རྗེ་རྣམ་པར་བསྒོམས། །གཞན་
ཡང༌། མཁའ་འགྲོ་རྡོ་རྗེ་བདག་མེད་མ། །བསྐུལ་བའི་ཆོ་གས་སྒོམ་པར་བྱ། །མཁའ་འགྲོ་
གདོང་གི་སྣ་རྩེར་ནི། །ཉུང་ཀར་གནས་པ་རྣམ་པར་བསྒོམས། ཁམས་གསུམ་རྒྱུ་དང་མི་རྒྱུ་
བའི། །འགྲོ་བ་མ་ལུས་ཉུང་ཀར་དུའོ། །དེ་ནས་གོང་བུ་བསྡུ་བ་སྟེ། །འོད་གསལ་བའི་ཡེ་ཤེས་
ཁ་དོག་འཇིག་པར་བསྒོམ་མོ། །ནག་པོ་དམར་དང་སེར་དང་ལྗང༌། །སྔོན་པོ་དཀར་པོ་ཡན་
ལག་དྲུག །ཕྱི་ནས་ཁ་དོག་སྤངས་པ་སྟེ། །ཐབས་དང་ཤེས་རབ་རང་བཞིན་གྱི། །ལྷ་སྐུ་ཁ་
སྦྱོར་ཉི་ཟླ་དང༌། །ཡི་གེ་མི་ཕྱེད་བཅིངས་པ་ཡི། །དོན་དམ་པར་ནི་རབ་ཏུ་བསྒོམས། །རྫོགས་
པའི་རིམ་པའི་འོད་གསལ་བའང༌། །རྣམ་པ་འདི་ཡིས་སྒོམ་བྱ་སྟེ། །དགའ་བྲལ་མཐར་ཡང་
མཚོན་པར་བྱ། །སྤྲིན་དང་ནམ་མཁའ་སྣང་བྱེད་དང༌། །སྨིག་སྒྱུ་དེ་ནས་སྒྲོན་མ་དང༌། །སྤྲིན་
མེད་ནམ་མཁའ་ལྟ་བུར་སྣང༌། །དེ་ནས་དཀྱིལ་འཁོར་སྒོམ་པར་བྱ། །དེ་ལྟར་བསྐྱེད་པའི་གོ་
རིམ་དེ་ཁོ་ན་ཉིད་བཞི་ལ་གནས་ནས་ཡན་ལག་དྲུག་སྒོམ་པའོ། །དེ་ལ་དྲན་པ་གཅིག་པ་ནི། 
སོ་སོར་བསྡུད་པའོ། །ཐིག་ལེའི་རྣལ་འབྱོར་དང་ཕྲ་མོའི་རྣལ་འབྱོར། ཁ་དོག་བཤིག་པའི་
སྦྱོར་བ་ནི་བསམ་གཏན་ཡིན་ཏེ། ལྡང་བ་དང་འཇུག་པའམ། ཡང་ན་ཀུམྦྷ་ཀས་འབར་བ་དང་
འཛག་པ་འདིར་ཡང་མན་ངག་གིས་ཤེས་པར་བྱའོ། །ཐིག་ལེ་བསམ་པ་ནི་རྟོག་པའོ། །ཕྲ་
11-1-159


མོའི་དཀྱིལ་འཁོར་ཐིག་ལེ་དེའི་ནང་དུ་ཆུད་པ་ནི་སྦྱོར་བའོ། །བདག་མེད་མ་འབར་བས་ཡིད་
དགའ་བ་ནི་དགའ་བའོ། །ནོར་བུའི་ཐིག་ལེ་ནི་བདེ་བ་སྟེ། ཡང་ན་ལྟེ་བར་བདེ་བ་གཡོ་བ་
མེད་པར་འབྱུང་ངོ༌། །གཟུགས་ལས་འདས་པ་ནི་རྩེ་གཅིག་པ་དང་འབྲེལ་བའི་ཤེས་རབ་བོ། །
དེ་ནས་རྫོགས་པའི་གོ་རིམ་ནི་གཞན་བཤད་དེ། དེ་ཉིད་བཞི་པོ་དག་ལས། །དང་པོར་བདག་
གི་དེ་ཉིད་ནི། །དེ་ལས་ཐིག་ལེ་སྒོམ་བྱ་སྟེ། །རང་བྱིན་རླབས་པ་རབ་ཏུ་འགྲུབ། །གཟུགས་
དང་སྒྲ་དང་དེ་བཞིན་དྲི། །རོ་དང་རེག་བྱར་མངོན་ལྡན་ཞིང༌། །རྣལ་འབྱོར་ཉིད་ཀྱིས་དེར་
བསམ་ན། །དེ་དག་བདག་དང་གཞན་མེད་པར། །རྡོ་རྗེ་པད་མ་ལས་བྱུང་བཞིན། །ཡང་དག་
བདེ་བ་དངོས་མཆོག་དེ། །རྦ་རླབས་མེད་ཅིང་སྣང་བ་མེད། །རྣམ་པར་རྟོག་མེད་འགྱུར་བ་
མེད། །ཅུང་ཟད་ཆང་ལ་རབ་ཞུགས་ཏེ། །བདག་མེད་མ་ལ་རང་རིག་གཞག །བྲལ་བའི་
དགའ་བ་དག་གི་མཐའ། །རྣམ་པར་རྟོག་པ་དང་བྲལ་ཞིང༌། །མི་གཡོ་རྣམ་པར་འཁྲུལ་མེད་
པ། །དགྱེས་རྡོར་ཞེས་བྱའི་དངོས་པོ་གསལ། །དང་པོ་ནོར་བུའི་ཐིག་ལེ་སྟེ། །དེ་ནས་སྙིང་གར་
སྒོམ་པར་བྱ། །ནོར་བུ་དང་སྙིང་གའི་སྣ་རྩེར་ཟླ་བ་དམར་པོ་ལ་ཧཱུཾ་ཞེས་བསམ་མོ། །རིམ་པ་
གཉིས་ཀར་འདི་སྒོམ་སྟེ། །རྫོགས་པའི་ལྷ་རུ་གསལ་བ་ཡིན། །དེ་ནས་སྔགས་ཀྱི་དེ་ཉིད་
བཤད་པ། མཚན་མ་ལྔ་མཐོང་ནས། ༀ་ཨཱཿཧཱུཾ་ཞེས་འཇུག་པ་དང་ལྡང་བ་དང་གནས་པ་ལ། 
དཀྱིལ་འཁོར་བཞི་ལས་མི་ཤིགས་པའི་སྔགས་བཟླས་པ་དང༌། དབང་པོའི་ལམ་ལས་ཀྱང་དེ་
ལྟར་བཤད་དེ། མིག་དང་ཡིད་ཀྱི་བར་དུ་མངོན་པར་ཤེས་པ་དྲུག་ཏུ་འགྱུར་རོ། །བདེ་བ་
གནག་ཅིང་བདེ་བ་སེར། །བདེ་བ་དམར་པོ་བདེ་བ་དཀར། །བདེ་བ་ལྗང་ཁུ་བདེ་བ་སྔོ། །བདེ་
བ་རྒྱུ་དང་མི་རྒྱུ་ཀུན། །ནག་པོ་སྔོན་པོ་དབང་པོ་དྲུག ཁྱབ་བྱེད་ཞེས་པ་གཞན་ཡང་ནི། །འདི་
ཡིས་ཡུལ་རྣམས་རྣམ་པ་དྲུག །རྒྱུ་དང་མི་རྒྱུ་བདེ་བར་བྱེད། །མངོན་པར་ཤེས་པ་ལྔ་ཐོབ་ཅིང༌། །
ཡིད་ཀྱི་མངོན་ཤེས་དྲུག་པའང་འབྱུང༌། །ཨཱ་ལི་ཀཱ་ལིའི་རབ་བརྟགས་པས། །རྡོ་རྗེའི་བཟླས་
11-1-160


པར་ཡང་དག་བཤད། །ཉི་མའི་དཀྱིལ་འཁོར་དབུས་གནས་པར། །སེམས་ཀྱི་དངོས་པོ་རྣམ་
པར་བསྒོམ། །གསལ་བའི་དཀྱིལ་འཁོར་དབུས་གནས་པར། །སྐུའི་ཡི་གེ་རྣམ་པར་སྒོམ། །
དཀྱིལ་འཁོར་དམར་པོའི་དབུས་གནས་པར། །རིན་ཆེན་སེམས་ཀྱི་ཡིག་འབྲུ་དགོད། །ཆོས་
ཀྱི་དཀྱིལ་འཁོར་དབུས་གནས་པར། །གསུང་གི་ཡི་གེ་རྣམ་པར་སྒོམ། །ལས་ཀྱི་དཀྱིལ་
འཁོར་དབུས་གནས་པར། །དོན་ཡོད་གཟུགས་ཅན་ཡི་གེ་དགོད། །ཉི་མ་ཁྲག་དང་ཁུ་བ་སྟེ། །
མི་ཤིགས་སེམས་ཀྱི་དངོས་པོར་བརྗོད། །རླུང་རྣམས་གསལ་བ་དང་བདེ་བར་གྱུར་པས། རྡོ་
རྗེ་དང་ཐོད་པའི་ཨཱ་ལིའི་ས་བོན་ལས་སྟེང་དང་འོག་དང་སོ་སོར་བཟླས་པ་བྱའོ། །རྡོ་རྗེ་ཐོད་
པའི་སྦྱོར་བ་སྟེ། །ཐོད་པ་གསང་བའི་ལྟེ་བ་རུ། །རྡོ་རྗེ་སྨིན་མའི་འཁོར་ལོར་བརྗོད། །སྟེང་དང་
འོག་ཏུ་བཟླས་པ་བྱ། །སྲོག་དང་རྩོལ་བའོ། །འཛིན་པའི་ཡེ་ཤེས་བསྐྱེད་པར་བྱེད་པ་ནི། དེ་
ནས་མདོར་བསྟན་པ། །ཆུ་བོའི་རྒྱུན་ནི་རབ་འབབ་དང༌། །མར་མེའི་འོད་ནི་རབ་བཅིངས་
ལྟར། །རྟག་ཏུ་དེ་ཉིད་རྣལ་འབྱོར་གྱིས། །ཉིན་དང་མཚན་དུ་མཁས་པས་སྤྱད། །དཔལ་ལྡན་
དེ་བཞིན་ཉིད་གཤེགས་ཤིང༌། །དེ་བཞིན་སླར་ཡང་གཤེགས་པ་ཉིད། །རིམ་པ་འདི་ཉིད་རྒྱས་
པར་བསྟན་པ་ལ་འཇུག་པ། འདིར་ནི་ཁུ་ཁྲག་མི་ཕྱེད་པ། །མར་མེ་ལྟ་བུ་འོག་ཏུ་བརྟག །ཧུ་ལུ་
ཧུ་ལུཾ་ཧཱུཾ་སྒྲ་སྒྲོགས། །བྱེད་ཅིང་ཐིག་ལེ་འོད་འདྲེས་པས། །རང་སྙིང་ཐིག་ལེ་རྟག་ཏུ་སྒོམ། །རླུང་
འགོག་གཏུམ་མོ་སྦར་བ་ལས། །སྲེགས་དང་བྱིན་གྱིས་བརླབས་པར་བྱ། །ལྟེ་བར་གཏུམ་མོ་
སྦར་བ་ཡིས། །དེ་བཞིན་གཤེགས་པ་ལྔ་སྲེག་ཅིང༌། །སྤྱན་ལ་སོགས་པ་ཡང་བསྲེགས་ཏེ། །
བསྲེགས་པས་རི་བོང་ཅན་ཧཾ་འཛག །སྒྲུབ་བྱ་ཇི་ལྟའི་གཟུགས་ཏེ་དཔྱིད། ཁ་ནི་འོག་ཏུ་
རྣམས་སྒོམ་ཞིང༌། །གསང་བའི་ལཾ་དུ་ཁབ་ནི་མེའི། །གཟུགས་ཅན་འཇུག་པར་བསམ་པར་བྱ། 
ཁྲག་དང་ཁུ་བའི་འདུ་འཁྲོད་སྐྱུག །འདར་ཞིང་མགོ་སྐྱེས་གྲོལ་བའོ། །སྙིང་གའི་བྱིན་ཟར་
ཐིམ་པ་ལས། །ཕུང་པོའི་རྣམ་རྟོག་བསད་པར་བྱ། །ག་བུར་ཉིད་ནི་བདག་མེད་མ། །བདེ་བ་
11-1-161


བདག་མེད་རང་བཞིན་ཅན། །དེ་ཡི་བདེ་བ་ཕྱག་རྒྱ་ཆེ། །དང་པོའི་དབྱངས་ཀྱི་རང་བཞིན་ཏེ། །
ལྟེ་བའི་དཀྱིལ་འཁོར་ཡང་དག་གནས། །བློ་ཞེས་སངས་རྒྱས་རྣམས་ཀྱིས་བརྟགས། །ལྟེ་
བའམ་གསང་བ་ལས། ལས་ཀྱི་རླུང་གིས་སྦར་བའི་ཙཎྜ་ལཱིས་དེ་བཞིན་གཤེགས་པའི་བདུད་
རྩི་ཟླ་བའི་འོད་ཟེར་ལྟ་བུ་དགུག་པར་བྱས་ནས་བསྒོམ་པ་འདིས་ནི། དགའ་བ་བཞི་ཐོབ་སྟེ། 
སྒོ་དགུ་འགག་གོ །འཁོར་ལོ་བཞི་འགག་གོ །སྒོ་གཉིས་དབྱེའོ། །ཕྱི་དང་ནང་གི་སྙོམས་
འཇུག་ལ། །གནས་གཉིས་ནས་ནི་སྙིང་གར་འཇུག །ཆོས་ཀྱི་ཕྱག་རྒྱ་སྟེ། ཡེ་ཤེས་ཀྱི་ཕྱག་རྒྱ་
ཡང་དེའོ། །དེ་ནས་ཕྱག་རྒྱས་སྲོག་རྩོལ་བྱེད། །རང་བྱིན་བརླབ་པ་གཉིས་པའང་བརྗོད། །
ཤིན་ཏུ་བཞིན་བཟང་མིག་ཡངས་མ། །རིང་ཐུང་མ་ཡིན་ལང་ཚོས་བརྒྱན། །སྔོ་བསངས་སིཧླ་
ག་བུར་ལྡན། །རྡོ་རྗེའི་རིགས་ཀྱི་དངོས་མེད་ན། །རང་འདོད་ལྷའི་རིགས་ཀྱིས་བྱ། །ཡང་ན་
ཤིན་ཏུ་སྦྱངས་པས་སོ། །གར་མ་ཚོས་མ་རྡོ་རྗེ་མ། །གཏུམ་མོ་དེ་བཞིན་བྲམ་ཟེ་མོ། །ཐབས་
དང་ཤེས་རབ་ཆོ་ག་ཡིས། །དེ་ཉིད་རིག་པས་རྟག་ཏུ་མཆོད། །དབྱེར་མེད་མཚན་ཉིད་ཀུན་
གྲུབ་ན། །ཕྱག་རྒྱའི་རྣལ་འབྱོར་འགྲུབ་པར་འགྱུར། །རིགས་ལྔའི་ཕྱག་རྒྱ་ཞེས་བྱ་བ། །ཐར་
པའི་རྒྱུར་ནི་བརྗོད་པར་བྱ། །རྡོ་རྗེ་འདིས་ནི་གདབ་པ་ཉིད། །དེས་ན་ཕྱག་རྒྱར་བརྗོད་པར་བྱ། །
སྐྱེ་བྱེད་མ་དང་སྲིང་མོ་ཉིད། །རྣལ་འབྱོར་རིག་པས་རྟག་ཏུ་མཆོད། །ཇི་ལྟར་བྱེ་བར་མི་འགྱུར་
བས། །རབ་ཏུ་འབད་པས་བསྟེན་པ་ཉིད། །མ་གསང་སྦྲུལ་དང་ཆོམ་རྐུན་དང༌། །ས་སྤྱོད་མེ་
ཡི་སྡུག་བསྔལ་བྱེད། །དེ་ལ་མངོན་པར་རྟོགས་པ་ནི་འདི་ཡིན་ཏེ། ཕྱིའི་བུ་མོ་རང་གི་རིགས་
ཅན་ཡོངས་སུ་སྦྱངས་ལ། དེ་ཁོ་ན་ཉིད་དང༌། ལྷའི་གཟུགས་ལ་ཡི་གེར་བཅས་པ་ཇི་ལྟར་བྱེ་
བར་མི་འགྱུར་བ་དེ་ལྟར་སྒོམ་མོ། །རྡོ་རྗེའི་མདུན་དུ་ལག་བཟུང་ནས། །འཁྱུད་དང་འོ་བྱེད་
མཉེ་པ་དང༌། །ལྟེ་བའི་རྩ་བ་ལག་པས་དབྱེ། །རྡོ་རྗེ་འཛིན་པ་རབ་གཟིར་བྱ། །རྡོ་རྗེ་གསོར་
མོའི་རབ་སྦྱོར་གྱིས། །རྡོ་རྗེའི་ས་གཞི་རབ་བསྐུལ་ཏེ། །ཕྱིས་ནས་དེ་ཡི་བདེ་ལྡན་དུ། །རྡོ་རྗེ་
11-1-162


སེམས་དཔའ་རབ་བཅུག་སྟེ། །རྡོ་རྗེ་བཅིངས་པའི་སྦྱོར་བ་ཡིས། །རྡོ་རྗེ་མཆོད་པ་རབ་ཏུ་
བརྩམས། །རྡོ་རྗེ་སེམས་སུ་རབ་ཕྱུང་ལ། །རྡོ་རྗེ་ལྕེ་ཡིས་བཟའ་བར་བྱ། །དེ་ཉིད་རྒྱས་པར་
བསྟན་པ་ནི། ཉམས་དགའི་རོལ་པས་ཀུན་དུ་ལྟ་ཞིང་དེ་རྗེས་སྦྲང་རྩི་འདྲ་བའི་ཚིག་འཇམ་
དང༌། །དགའ་བའི་དྲི་བསུང་ལག་པའི་མཚོ་སྐྱེས་བརྐྱངས་ནས་དེ་ལ་ཀུན་འཁྱུད་པའི། །
ཆགས་པའི་རོ་འཐུང་གཅོད་དང་གཞལ་བས་བདག་ཀྱང་ཅི་འགྱུར་མ་ཤེས་ཏེ། །གཡོན་
གཡས་ཁུ་རྡུལ་རབ་འབབ་གཡོན་གྱི་དབུས་གནས་རྡོར་དབྱིངས་དབང་ཕྱུག་མ། །བྷ་ག་
ཀུརྨའི་དབུས་སུ་སོར་མོ་གསུམ། །ཡང་ན་ཁོང་ནས་སིད་ཀྱི་སྒྲ་བྱུང་བ། །ཇི་སྲིད་ལྕེ་ཡི་ཐུར་
མས་བསྐུལ་བྱས་ནས། །དེ་ནས་ཆོས་ཁམས་བདེ་བ་འདི་ལ་སྒྲུབ། །སྦྱོར་བ་དེ་ལས་བྱུང་བ་ཡི། །
ག་བུར་མཁས་པས་མི་སྤང་ངོ༌། །གང་གང་འཇིག་རྟེན་འཆིང་འགྱུར་བ། །དེ་དེ་ཐབས་དང་
བཅས་པས་གྲོལ། །མནར་མེད་འགྲོ་བ་སྒྲོལ་བའི་ཕྱིར། །དེ་ཉིད་མཁས་པས་བསྒོམ་པར་བྱ། །
དཔའ་བོ་རྣལ་འབྱོར་མ་མཐའ་དག །ངེས་པའི་ཐབས་ཀྱིས་ལྷན་སྐྱེས་རིག །བདེ་བ་རབ་
བདེ་ཆགས་བྲལ་དང༌། །སྐད་ཅིག་བཞི་ཡི་རབ་སྦྱོར་ལས། །དེ་ནས་བཞི་པ་སྒོམ་པར་བྱ། །
རྫོགས་པའི་རིམ་པའི་ཕྱོགས་ལ་ནི། །འདི་ལྟར་ལྷན་ཅིག་སྐྱེས་རྣམ་བཞི། །གང་ཕྱིར་འབྱུང་
བ་ཆེ་བདེ་བ། །དེ་ཕྱིར་བདེ་བ་དེ་ཉིད་མིན། །ལྷན་སྐྱེས་དག་ལས་གང་སྐྱེས་པ། །དེ་ནི་ལྷན་
ཅིག་སྐྱེས་པར་བརྗོད། ཁྱབ་དང་ཁྱབ་བྱེད་ཚུལ་གྱིས་ནི། །བདེ་བས་འགྲོ་བ་ཁྱབ་པ་ཉིད། །
མཆོག་མཐའ་དགའ་བྲལ་དང་པོ་ཅན། །མུན་པ་ལ་ནི་མར་མེ་ལྟར། །འདོད་ཆགས་མེད་ཅིང་
ཆགས་བྲལ་མེད། །དབུ་མར་དམིགས་པར་མི་འགྱུར་རོ། །འདི་ལ་ཐབས་དང་ཤེས་རབ་མེད། །
ཡང་དག་དེ་ཉིད་སྣང་བའོ། །ཁུ་བའི་རྣམ་པ་བཅོམ་ལྡན་ཡིན། །དེ་ནི་བདེ་བ་འདོད་མར་
བརྗོད། །གཅིག་དང་དུ་མའི་སྐྱོན་བྲལ་འདི། །སྐད་ཅིག་གཅིག་ལས་མཆོག་དགའ་བ། །རང་
གི་རིག་པའི་ཡེ་ཤེས་འདི། །ངག་གི་ལམ་གྱི་སྤྱོད་ཡུལ་འདས། །སྐད་ཅིག་བཞི་དང་བཅས་པ་
11-1-163


ལས། །དགའ་བ་བཞི་པོ་མཚོན་པར་བྱ། །འདི་ནི་བྱིན་བརླབ་རིམ་པའི་ཕྱིར། །ཀུན་མཁྱེན་ཡེ་
ཤེས་དེ་ལྟ་བུ། །དབང་པོ་ལས་འདས་དབང་པོ་ཐམས་ཅད་པ། །སྐྱེ་མེད་ཉིད་ནའང་རང་རིག་
སྤྱོད་ཡུལ་ཅན། །ཤེས་རབ་ཐབས་ཀྱི་རང་བཞིན་ངག་ལས་འདས། །ཆུ་འཛིན་སྟུག་པོ་མཐའ་
རུ་ཐིམ་པ་བཞིན། །འདི་ལས་འགྲོ་བ་ཐམས་ཅད་བྱུང༌། །འདི་ལས་གནས་གསུམ་པོ་ཡང་
བྱུང༌། །འདི་ཡིས་ཐམས་ཅད་ཁྱབ་པ་སྟེ། །འགྲོ་བའི་རང་བཞིན་གཞན་མ་མཐོང༌། །བཟའ་
དང་བཏུང་དང་བླུགས་པ་དང༌། །ཉལ་དང་ལོག་དང་སེམས་པ་ན། །དེ་ནི་སྔོན་དུ་འགྲོ་བར་
འགྱུར། །ས་ཆུ་རླུང་དང་མེ་ནམ་མཁའ། །རང་གཞན་རིག་པའི་ཚོར་བ་ནི། །ཀུན་ཀྱི་སྐད་ཅིག་
གནོད་མི་འགྱུར། །རང་གཞན་ཆ་ཡི་རྣམ་རྟོག་གིས། །གནོན་པ་ཉིད་ནི་ནུས་པ་མིན། །ལས་ཀྱི་
ཕྱག་རྒྱའོ། །ཡང་ན་སྙིང་གནས་ཉམས་དགའ་བའི་བུ་མོ་ཕྱུང་སྟེ་སྤྱད་དོ། །དམ་ཚིག་གི་ཕྱག་
རྒྱའོ། །འཁོར་ལོ་བཞི་ལ་དགའ་བ་དང་བདེ་བ་ཉམས་སུ་མྱོང་བ་ན་གཟུགས་ལས་འདས་པ་
བསྒོམ་སྟེ། འདི་དག་ཐིག་ལེ་འདུས་ལས་མཐོང༌། །གཟུང་འཛིན་ཐིག་ལེ་གསུམ་ཐིམ་པས། །
དངོས་པོ་ཀུན་ཀྱི་རང་བཞིན་མཐོང༌། །དེ་ནས་ཆུ་ཀླུང་ལྟ་བུར་བསྒོམ། །རིག་མ་དང་ལྷན་
ཅིག་ཡེ་ཤེས་གསུམ་མངོན་དུ་གྱུར་ནས་དོན་དམ་པར་འགྱུར་བ་ཡིན་ནོ། །ཡེ་ཤེས་ཀྱི་ཕྱག་རྒྱ་
ལ་ཡང་འདི་སྦྱར་ཏེ་དེ་ཁོ་ན་ཉིད་སྒོམ་མོ། །དེའི་མཚན་མ་ལྔ་མཐོང་ཞིང༌། །ཡེ་ཤེས་དེས་
གཟུང་བ་དང་འཛིན་པ་བསད་ནས། །དེ་ལས་ལངས་པ་ན། ཆོས་བརྒྱད་ནི་རང་བཞིན་མེད་
པའི་ཕྱིར་མཉམ་ལ། །ཉོན་མོངས་པའི་ཚོགས་དང་གནོད་པ་ཐམས་ཅད་དང༌། །དགེ་བ་གང་
གི་ཡང་མི་བརྫི་བར་དེ་ཉིད་དང༌། །བདེ་བ་ཐོབ་པ་རྒྱུན་མི་འཆད་ན་དྲོ་བ་ཐོབ་པ་ཞེས་བྱའོ། །
འདི་ལས་ཀྱང་སྨིག་སྒྱུ་ལ་སོགས་པ་འབྱུང་བ་ཡིན་ནོ། །ཡེ་ཤེས་འདི་ལ་བསྐལ་བའམ་
བསྐལ་པ་སྟོང་དུ་ཡང་སྦྲང་བུ་དང༌། རྔ་བོ་ཆེ་དང༌། མཚོན་དང༌། མེ་དང༌། ཆར་པ་ལ་སོགས་
པས་མི་འཕྲོགས་ཤིང༌། བདེ་བས་མཉམ་པར་བཞག་གོ །ཕྱག་རྒྱ་ཆེན་མོའོ། །དེ་དག་ནི་
11-1-164


གཟུང་བའི་ཡན་ལག་གོ །དེ་ལྟར་རྡོ་རྗེའི་ཕྱག་རྒྱ་ལས། །མི་ཕྱེད་བདེ་བ་ལྷ་སྐུར་འགྱུར། །
བརྟན་གྱུར་དོན་དམ་བསྒོམ་ནས་ཀྱང༌། །ཕྱི་ནས་སྤྱོད་པ་ཡང་དག་སྤྱད། །དེ་ཉིད་རྒྱས་པར་
བསྟན་པ་ནི་ཡང་བཤད་པར་བྱ་སྟེ། བདེ་བ་དངོས་དང་དངོས་མེད་བདེ། །རྡོ་རྗེ་སེམས་དཔའ་
བདེ་བར་བརྗོད། །དང་པོ་སྤྲིན་དང་འདྲ་བར་{སྣང་[གནས]། །གྲུབ་ན་སྒྱུ་མ་ལྟ་བུར་འགྱུར། །
གཉིད་ལོག་སད་པ་དབྱེར་མེད་བཞིན། །རྟག་ཏུ་རྨི་ལམ་ལྟ་བུར་སྣང༌། །སྒོམ་མེད་སྒོམ་པ་པོ་
ཡང་མེད། །ལྷ་མེད་སྔགས་ཀྱང་ཡོད་མ་ཡིན། །སྤྲོས་པ་མེད་པའི་རང་བཞིན་ལས། །སྔགས་
དང་ལྷ་ནི་ཡང་དག་གནས། །ཇི་ལྟར་ཤེས་པའི་བདེ་ཆེན་པོ། །བདེ་བ་ཤེས་རབ་བདེ་བ་
ཐབས། །འདི་ནི་ཀུན་དུ་རུ་སྐྱེས་བདེ། །དམ་པའི་བདེ་བའི་དེ་ཉིད་དེ། །བདེ་བ་རྟོགས་ཕྱིར་
རྣམ་སངས་རྒྱས། །གང་ཕྱིར་ལུས་བྱུང་ལྷ་ཞེས་བརྗོད། །ཇི་ལྟར་སྒྱུ་མ་རྨི་ལམ་དང༌། །ཇི་ལྟར་
བར་མའི་སྲིད་པ་ལྟར། །དཀྱིལ་འཁོར་ཉིད་ནི་དེ་བཞིན་འདོད། །བསྡུས་དང་གཉིད་ལོག་
ཆོས་ཀྱི་སྐུ། །ཆོས་ཀྱི་འཁོར་ལོ་མངོན་དུ་བྱེད། །མགྲིན་པར་རྨི་ལམ་ལོངས་སྤྱོད་ཀྱི། །འཁོར་
ལོ་ཞེས་བྱ་སྐུ་རུ་བརྗོད། །ལྟེ་བ་སྤྱི་བོ་ནས་སྙིང་གར། །ཡེ་ཤེས་སྐུ་ནི་སྤྲུལ་པར་བརྗོད། །གང་
ཕྱིར་ཡིད་ཀྱིས་{མི་[ལམ]་བསྒོམ་པར། །འགྲོ་བ་ཐམས་ཅད་སྒོམ་པར་བྱ། །རིག་{མ[པ]་
ལྷན་ཅིག་གོམས་བྱས་པས། །ཕྱོགས་ཀུན་ན་དའི་ཁམས་སུ་བསྡུ། །སྐུ་དང་སེམས་ནི་གྲུབ་
པར་འགྱུར། །དེ་ལྟ་ན་དཔེའི་འོད་གསལ་ལས་ནི་བདེ་བ་ཆེན་པོའི་སེམས་མྱོས་པ། རླུང་དང་
ལྷན་ཅིག་པ་དཀྱིལ་འཁོར་འཁོར་ལོ་བསྒོམ་མོ། །བྱིས་པ་རྣམས་ཀྱི་རྨི་ལམ་དང༌། སྲིད་པ་
བར་མ་ཞེས་བྱ་བ། ཡེ་ཤེས་ཀྱི་སྐུ་མཚན་དང་དཔེ་བྱད་དང་ལྡན་པ། བཅད་དུ་མེད་པ། དེ་བླ་
མ་དམ་པས་ཉེ་བར་མ་བཟུང་བའི་ཕྱིར་འཁོར་བ་ཞེས་བྱ་ལ། དེ་ཉིད་བླ་མའི་དྲིན་གྱིས་མགྲིན་
པར་ལོངས་སྤྱོད་རྫོགས་པའི་སྐུར་འགྱུར་རོ། །རྗེས་སུ་དྲན་པའོ། །དེ་ནས་སྔ་མ་བཞིན་དུ་སྟོང་
པར་འཇུག་སྟེ། རྡོ་རྗེ་ཉི་མ་ནུབ་ནས་ནི། །སྦྱོར་བ་འདི་ནི་རབ་བརྩམས་ན། །སྐྱ་རེངས་ཆར་
11-1-165


བའི་དུས་སུ་ནི། །འགྲུབ་པ་འདི་ལ་ཐེ་ཚོམ་མེད། །རང་རིག་མཱ་མ་ཀཱིར་བྱས་ཏེ། །རྡོ་རྗེ་པདྨས་
སྤྱད་པར་བྱ། །བདེ་ཆེན་རྡོ་རྗེ་རབ་གྲུབ་འགྱུར། །རིག་མའི་ནང་གི་བདེ་བ་ལྔ་པོ་སྒྲུབས་ནས། 
ཇི་ལྟར་འདོད་པས་སེམས་མི་འཁྲུགས་པ། དེ་ལྟར་སྤྱོད་ལམ་དེ་ལྷན་ཅིག་དོན་དམ་པ་སྒོམ་
པས། དཔེ་ལས་འདས་པ་ཐོབ་པར་བྱེད་དོ། སེམས་འཁྲུགས་པས་ནི་གཡེངས་ཤིང་ཉོན་
མོངས་ཏེ། ཉོན་མོངས་སྡིག་པ་དེ་ཡིས་དམྱལ་བར་འགྲོ།གོམས་པ་དེ་ཡིས་བག་ཆགས་བགོ་
བ་སྟེ། །གྲོགས་དག་སེམས་ནི་མི་གཡེངས་འཁྲུག་མི་བྱ། །རིམ་པ་འདི་ལྟར་གཉིད་སྟུག་པོ་
དང༌། མཐར་དུས་བྱེད་པ་དང༌། འཁྲིག་པའི་སྦྱོར་བ་དག་ལ། རླུང་རྣམས་ཀུན་དྷར་དུ་ཐིམ་
ཞིང༌། ཉི་མ་དང་ཟླ་བའི་འགྲོས་ཟད་པ་དང༌། ཡེ་ཤེས་གསུམ་རང་བཞིན་ལ་འཇུག་སྟེ། སྲིད་
པ་ལྡོག་པ་ཡང༌། བླ་མའི་མན་ངག་གིས་སྙིང་གར་ཆོས་ཀྱི་སྐུ་ཞེས་མངོན་དུ་འགྱུར་རོ། །བཙུན་
མོའི་བྷ་གར་སྟོན་པའི་སྐུ། །མཚན་དང་དཔེ་བྱད་ལྡན་གཙོ་བོ། །སྐུ་གསུམ་མི་ཕྱེད་རྡོ་རྗེ་ཡི། །
ཡེ་ཤེས་རྡོ་རྗེ་བསྒོམ་པར་བྱ། །གང་སྟོང་པ་དེ་ལས་ལྡང་བ་ནི། །བར་མ་ཆོད་པར་ལྷའི་རང་
བཞིན། །དཀྱིལ་འཁོར་འཁོར་ལོའི་འབྲས་བུ་དེ་ཉིད། །ཡེ་ཤེས་གསུམ་གྱི་མཐར་འོད་གསལ་
དང་གཉིས་སུ་མེད་པ་སྟེ། རིམ་པ་དེ་ལྟར་གཉིད་སད་པ་དང༌། །སྐྱེས་བུ་དང་བུད་མེད་དབང་
པོ་གཉིས་སྦྱོར་བའི་བདེ་བ་ལས་ལྡང་སྟེ། ཇི་ལྟར་གཉུག་མའི་ལྷ་དང༌། སེམས་ཀྱི་རང་བཞིན་
བདེ་བ་དེ། དེ་ཡང་གློ་བུར་གྱི་ལུས་ལ་འཇུག་སྟེ། བླ་མའི་མན་ངག་གིས་ལྟེ་བར་སྤྲུལ་པའི་
སྐུའོ། །བྱིས་རྣམས་རྟག་ཏུ་འདི་ལ་གོམས་བྱེད་ཅིང༌། །འདི་རྣམས་ཁོ་ནའི་གཏམ་དང་གཏམ་
གྱིས་འདའ། །འོན་ཀྱང་མི་ཤེས་འདོད་ལ་ཆགས་དེ་རྣམས། །ཡང་ཡང་རྣམ་པར་སྨིན་པས་
འཁོར་བར་འགྱུར། །གཞན་ཡང༌། ནམ་མཁའི་དབྱིངས་ཀྱི་དབུས་གནས་པར། །ཡེ་ཤེས་
དཀྱིལ་འཁོར་སྒོམ་པར་བྱ། །དཔག་ཚད་བྱེ་བའི་ཁྱོན་ཙམ་དུ། །རྡོ་རྗེའི་དཀྱིལ་འཁོར་སྒོམ་
པར་བྱ། །འབར་ཆེན་སྣ་ཚོགས་འོད་ཟེར་ལ། །སངས་རྒྱས་སྤྲིན་རྣམས་སྣ་ཚོགས་མཛེས། །
11-1-166


ཆོས་ཀྱི་དབྱིངས་ནི་འོད་གསལ་བར། །སངས་རྒྱས་ང་རྒྱལ་ལ་དམིགས་བྱ། །དེ་ཉིད་ཕྱིར་ནི་
སྒོམ་པས་ནི། །སེམས་ཅན་ཐམས་ཅད་དང་མཉམ་འགྲོ། །འདི་ནི་རང་བྱུང་བཅོམ་ལྡན་འདས། །
ཆོས་ཀྱི་འཁོར་ལོ་སྐོར་འགྱུར་ཏེ། །འཁྲུངས་དང་བྱང་ཆུབ་ལ་སོགས་པ། །སྐྱེས་གནས་ཡོངས་
སུ་འཛིན་མཛད་དང༌། །འཇིག་རྟེན་འདུལ་བར་གཟིགས་ནས་ནི། །འདི་ནི་དུ་མའི་གར་མཛད་
དོ། །སྙིང་རྗེའི་གཟུགས་ཀྱིས་དོན་མཛད་དེ། །ཕྱག་རྒྱ་གྲུབ་པས་འགྲོ་བར་འགྱུར། །ཆུ་ཤིང་
སྙིང་པོ་མེད་པ་ལ། །འབྲས་བུ་མངར་མོ་འབྱུང་བ་ལྟར། །ལུས་ཀྱི་ཆུ་ཤིང་བཤིག་པ་ལས། །
འབྲས་བུ་རྟག་པ་འདི་འབྱུང་ངོ༌། །ཧེ་རུ་ཀ་དངོས་བེམ་པོ་མིན། །རྣམ་པ་ལྔ་རྣམས་རབ་སྤངས་
པའི། །བདག་ཉིད་མགོན་པོ་ཧེ་རུ་ཀ །ཉིད་དུ་རང་རིག་མེད་པར་དེ། །སྐད་ཅིག་དེ་ལ་ཐམས་
ཅད་འགྱུར། །འདི་ནི་རྡུལ་མེད་ཁུ་ཁྲག་མེད། །འོན་ཀྱང་བདེ་བ་ཞེས་བྱ་བ། ཁུ་བ་ཞེས་བྱའི་
རྣམ་པར་གནས། །དེ་མེད་པས་ན་བདེ་མེད་འགྱུར། །བདེ་བ་མེད་ན་དེ་མེད་འགྱུར། །བདེ་
ཆེན་གྲུབ་པས་འཇིག་པར་འགྱུར། །ནུས་པ་མེད་ཕྱིར་ལྟོས་དང་བཅས། །དངོས་དང་དངོས་
མེད་འདི་ལ་མེད། །མཐོ་རིས་མི་ཡུལ་ས་འོག་རྣམས། །སྐད་ཅིག་གིས་ནི་སྐུ་གཅིག་འབྱུང༌། །
བརྟན་གཡོ་མ་ལུས་བདག་རང་བཞིན། །དམ་པའི་དེ་ཉིད་བསྒོམ་པར་བྱ། །ཏིང་ངེ་འཛིན་གྱི་
ཡན་ལག་འབྲས་བུ་དང་བཅས་པའོ། །ཅུང་ཟད་དྲོད་ནི་ཡང་དག་ཐོབ། །གལ་ཏེ་སྤྱོད་པ་བྱེད་
འདོད་ན། །གལ་ཏེ་དངོས་གྲུབ་ཐོབ་འདོད་པས། །འདིས་ནི་སྤྱོད་པ་རྒྱུ་བར་བྱ། །ཟླ་བ་གཅིག་
ཏུ་གསང་ལ་སྤྱད། །ཕྱི་ནས་སྨྱོན་པའི་སྤྱོད་པ་བྱ། །ཤ་ཟ་ལྟ་བུར་འཁྱམ་པའམ། །ཡང་ན་ནང་
གི་བདག་ཉིད་ཀྱིས། །ཟླ་ཕྱེད་ཡང་ན་ཟླ་བ་དྲུག །ཀུན་དུ་བཟང་པོའི་སྤྱོད་པ་བྱ། །དངོས་མེད་
འབྱུང་བའི་བདེ་བ་ལྔ། །དོན་དམ་པར་ནི་སྒོམ་པར་བྱ། །རྟག་པ་རིན་འབྱུང་སྣང་བྱེད་དང༌། །
རྟ་མཆོག་དགེས་རྡོར་རྫུན་པའི་དངོས། །རང་རིག་བུ་མོར་ལོངས་སྤྱོད་བྱ། །གཉིས་མེད་
དཀྱིལ་འཁོར་འཁོར་ལོ་ཞེས། །ཐབས་ནི་བདེ་བའི་སྡོམ་པ་སྟེ། །སངས་རྒྱས་ང་རྒྱལ་རྣལ་
11-1-167


འབྱོར་གྱིས། །སངས་རྒྱས་ཉིད་དུ་ངེས་པར་འགྲུབ། །རིམ་པ་དང་པོའི་དངོས་གྲུབ་བྱེད། །
གཉིས་པ་གནས་སོགས་སྤྱོད་པས་ནི། །རྩ་ཡི་མདུད་པ་འཇོམས་པ་སྟེ། །རླུང་དང་ཐིག་ལེའི་
འགྲོས་དང་གཞན། །འོད་གསལ་སྒོམ་པས་དག་པར་འགྱུར། །རྫོགས་པའི་རིམ་པའི་ལས་
དང་པོ་པ་དང་རིམ་པ་དང་པོ་བས་རྣམ་པར་རྟོག་པ་ཐམས་ཅད་འོད་གསལ་བ་ཞེས་རྟོགས་པ་
དང༌། ཡེ་ཤེས་ཀྱི་སྐུ་གྲུབ་པས་ནི། དཀྱིལ་འཁོར་དང་དབྱེར་མེད་པར་སྒོམ་ནས་འདོད་པ་
ཐམས་ཅད་ལ་ཅི་འདོད་པར་སྤྱད་ན། ཕྱག་རྒྱའི་དངོས་གྲུབ་ཏུ་འགྱུར་ཏེ། དེའི་ཕྱིར་ལུས་ལ་མི་
སྨད་ཅིང་མཆོད་པར་བྱའོ། །གནས་ལ་སོགས་པའི་རྣལ་འབྱོར་མས། །འདིར་ནི་སྒྲུབ་ཀྱི་
གཞན་དུ་མིན། །རྡོ་རྗེ་ཉི་མའི་དོན་རྒྱས་པས། །མངོན་པར་བྱང་ཆུབ་འབྲས་བུ་ཐོབ། །དེ་ལྟར་
བླ་མའི་མན་ངག་བསླབས་པས་རིག་མ་དང་ལྷན་ཅིག་གཉི་གའང་ལྟོས་པ་མེད་བར་མངོན་
པར་བྱང་ཆུབ་ལྔས་འདོད་པའི་དངོས་གྲུབ་ཏུ་འགྱུར་རོ། །བདག་གི་དེ་ཉིད་ཐིག་ལེ་སྟེ། །སྒྲུབ་
པ་སྔགས་ཀྱི་དེ་ཁོ་ན། །ཀུན་རྫོབ་བདེན་པ་ལྷ་ཞེས་བྱ། །ཡེ་ཤེས་དོན་དམ་དག་ཏུ་བརྗོད། །
བུད་མེད་ངེས་པའི་ཕྱག་རྒྱ་ཆེ། །ཡེ་ཤེས་དམ་ཚིག་ལས་རྣམས་ཏེ། །གཉིས་མེད་བདག་ཉིད་
མི་ཕྱེད་པའོ། །ཡན་ལག་ཕྱི་མ་དག་གི་ཕྱག་རྒྱ་བཞི་ནི། གནས་གསུམ་གྱི་མི་མོ་དང༌། ཡེ་ཤེས་
སྐུ་ཁ་སྦྱོར་དང༌། དེ་ཁོ་ན་ཉིད་དང༌། ཡེ་ཤེས་ཀྱི་སྐུ་ཆེན་པོ་རྣམས་ནི། ལས་དང༌། དམ་ཚིག་
དང༌། ཆོས་དང༌། ཕྱག་རྒྱ་ཆེན་པོ་རྣམས་སོ། །ཐེ་ཚོམ་འགྱོད་པ་གཉིད་དང་ནི། །ལེ་ལོ་རྒོད་
དང་གནོད་སེམས་ཅན། །ནམ་ཡང་འགྲུབ་པར་མི་འགྱུར་རོ། །གལ་ཏེ་བདེ་ཆེན་འགྲུབ་འགྱུར་
བ། །ཡེ་ཤེས་འདི་ཉིད་ལ་བཏད་པས། །དངོས་གྲུབ་ཐམས་ཅད་ཉེ་བ་ཡིན། །འདིར་ནི་མན་
ངག་ཉིད་བསྡུས་ཀྱིས། ད་ནི་རབ་ཏུ་མི་སྤྲོ་སྟེ། བླ་མ་དམ་པའི་མན་ངག་གི །རྒྱུད་སྡེ་དག་ནི་
མཉན་པར་བྱོས། །མང་དུ་སྨྲས་པས་ཅི་ཞིག་བྱ། །བསམ་པ་ཐམས་ཅད་ཡོངས་སྤངས་ཏེ། །
རྣལ་འབྱོར་གཅིག་པུ་སྒོམ་གྱུར་ན། །འཕྲལ་དུ་མངོན་དུ་བྱེད་བ་ཉིད། །རྙེད་བཀུར་མེད་པར་
11-1-168


རྗེས་སུ་བཟུང་མཛོད་ཅེས་འདོད་དེ་ཉིད་ཐོབ་མ་ཐག རྡོ་རྗེའི་རྒྱུད་རིག་ད་ལྟ་ང་ཤེས་སློབ་
དཔོན་གྱི་ཡང་ཐོག་མར་སྨྲ། །མཆོག་གི་མི་དམོད་ཆང་དང་བུད་མེད་ནོར་ལ་རབ་ཆགས་བླ་མ་
ལ། །མཉམ་པར་འགྲན་བྱེད་མི་ལ་དཔལ་ཆེན་རྡོ་རྗེ་སེམས་དཔའང་འཇིགས་ཤེས་གསུང༌། །
དེ་འདྲ་དཔའ་བོའམ་རང་གི་བུ། །དེ་ཡི་ཆུང་མ་སྐལ་ལྡན་ན། ཁྱིམ་གཅིག་ཏུ་ཡང་མནའ་མ་
ལ། །སྨྲ་ཡི་དེ་ལ་འབད་ནས་གསང༌། །སྐལ་བཟང་བླ་མ་ལ་རབ་གུས། །ཟབ་མོའི་ཆོས་དང་
སྡོམ་ལ་གནས། །དེ་ནི་ཚོང་འདུས་དབུས་གནས་ན། །ཤུབ་བུར་ཡང་ནི་དེ་ཉིད་བཤད། །
གཞན་གྱི་དབང་བྱེད་ལ་བདག་པོ། །རྣམ་པར་གཡེངས་ཚེ་དེ་ཉིད་སྦྱིན། །ངན་པ་དེ་ལ་མིང་
ཙམ་ཡང༌། །བརྗོད་པར་མི་བྱ་གྲོགས་དག་ཀྱཻ། །དཔལ་སྡེ་ལྭ་བ་དྲིལ་བུའི་ཞབས་དང་པོ། །
བདེ་ཆེན་ལུས་མེད་མཚོ་སྐྱེས་གཉིས་པ་ཡིན། །དེ་གཉིས་ལས་ནི་རྗེ་བཙུན་འབར་བ་འཛིན། །
པདྨ་མི་བདག་ལཀྵྨཱི་གསུམ་པ་སྟེ། །འཕགས་པ་རྡོ་རྗེ་ཅན་ཞབས་དེ་སྲས་དང༌། །སྐལ་བཟང་
མོ་ནི་བཞི་པར་བརྗོད་པར་བྱ། །ཀཧྣ་བརྟུལ་ཞུགས་ཞབས་དང་ཀུ་སཱ་ལ། །དེ་ཡིས་བྱཱ་ད་ལར་
ནི་ཡང་དག་བཤད། །
སྨྲས་པ། མི་སྲུན་རྗེས་སུ་བཟུང་ན་གཉི་ག་ཉམས། །བློ་བཟང་ཐམས་ཅད་བདེ་བའི་
འབྲས་ལྡན་པས། །འདིས་ནི་རྣལ་འབྱོར་བརྩོན་པར་སྒྲུབ་པ་ལ། །རྡོ་རྗེ་སེམས་དཔའ་བཞིན་
དུ་དོན་བཅས་ཡིན། །ཞེས་པ་འདི་ནི་སློབ་དཔོན་གསུམ་གྱི་གཞུང་གསུམ་གས་ལམ་ཚང་བ་
རེ་སྟོན་རུང༌། རིམ་བཞིན་རྩ་བ་ཁ་སྐོང་མཐའ་གཅོད་རྣམས་སུ་དོན་གྱིས་གནས་པ། བླ་མའི་
མན་ངག་ལྟར་གོ་རིམ་སྡེབས་ནས་གཅིག་ཏུ་བྱས་པ་སྦས་པ་མིག་འབྱེད་ཅེས་བྱ་བ་ཀུ་སཱ་ལའི་
ཞབས་ཀྱི་རྗེས་སུ་སློབ་པ་ཀུན་དགའ་སྙིང་པོ་ཏཱ་ར་ནཱ་ཐས་རང་ལོ་ཉེར་གཅིག་ཏུ་ཉེ་བ་ན་མྱོས་
བྱེད་ཀྱི་ལོ་ལ་དཔལ་བསམ་གཏན་སྡིངས་ཀྱི་ཡང་དབེན་དུ་སྦྱར།།    །།མཚམས་སྦྱོར་བ་ཡི་
ཚིག་འགའ་ལས། །རང་རྟོག་ལྷུར་ལེན་འདིར་མ་བྱས། །མཚན་མ་རྙེད་ནས་བཤད་པ་ཡི། །
11-1-169


དགེ་བས་འགྲོ་བ་སྒྲོལ་བར་ཤོག །མངྒ་ལམ། 
11-1-170


༄༅། །བླ་མ་དཔལ་ཧེ་རུ་ཀ་ལ་ཕྱག་འཚལ་ལོ། །ཟླ་འོད་ཉི་འོད་ཉི་ནུབ་སྨག །སྣང་བ་
གསུམ་གྱི་ཕྱི་ཡི་དཔེ། །སྐྱ་རེངས་འཆར་དུས་སྒྲིབ་མེད་ནི། །ཕྱི་ཡི་མངོན་བྱང་འོད་གསལ་
དེས། །མངོན་བྱང་ཆུབ་པའི་ཁྱད་པར་དུས། །ཉི་ནུབ་ཐོབ་པ་རབ་འདས་ནས། །འོད་གསལ་
འཆར་བ་ནང་གི་ནི། །མངོན་བྱང་ཉིད་དུ་ཤེས་པར་བྱ། །དེ་རྒྱུ་རིག་མས་མངོན་བྱེད་པ། །རྡོ་རྗེ་
ཁུ་བ་ཉི་མ་རྡུལ། ཁུ་བ་ཉི་མའི་གནས་སོན་པ། །དེ་ཡང་དབུ་མར་ནུབ་པ་ན། །ལྷན་སྐྱེས་མི་
འགྱུར་སྐྱ་རེངས་འཆར། །མངོན་བྱང་དངོས་དང་དཔེ་ཡང་འགྲུབ། །འབྲས་བུའི་མངོན་བྱང་
ཞེས་བྱ་ལྔ། །ཐབས་ཤེས་གཉི་གའི་ཁུ་བ་ཡི། །ཚོགས་པ་ཕྲ་མོ་ཞུ་བ་ནི། །ཟླ་བ་ཉིད་ཡིན་རྡུལ་
དང་འདྲེས། །ཉི་མའོ་ཕྲ་མོའི་རླུང་སྣ་རྩེར། །སོན་པ་མཚན་མ་ཡིན་པར་བརྗོད། །རླུང་ཐིམ་ཁུ་
ཁྲག་ཀྱང་ཐིམ་པ། །ཐམས་ཅད་གཅིག་གྱུར་ནན་ཏན་ཡིན། །དེ་ཡིས་ཡང་དག་མཐར་ཞུགས་
ཏེ། །ལོངས་སྐུར་རྫོགས་པ་ལྔ་པ་ཡིན། ཁུ་བ་འབབ་ཐིམ་སྣང་བ་དང༌། །རྡུལ་དང་འདྲེས་ཐིམ་
མཆེད་པར་བཤད། །རླུང་ཐིམ་སྣང་བ་ཉེར་ཐོབ་པ། །གསུམ་པ་ཞིག་ཚེ་ཐམས་ཅད་སྟོང༌། །ཕྱི་
མ་གཏན་ནས་ཐིམ་པ་ཡིན། །དང་པོ་གསུམ་གྱི་སྐབས་སུ་ནི། །ནུབ་པ་སྙིང་གར་ཐིམ་ཞིང་ཟད། །
ངོ་བོ་སྣ་རྩེར་གཤེགས་པ་ཡིན། །ཕྱི་མ་ལས་བརྟན་སྙིང་ག་རུ། །ཚོགས་པ་ཞིག་ནས་ཐིམ་
པའོ། །དང་པོ་གསུམ་གྱིས་བཟང་རྟོག་དང༌། །ཕྱི་མས་འཛིན་པའི་བག་ཆགས་བཅོམ། །ཤེས་
སྒྲིབ་ཕྲ་མོའང་རབ་ལོག་ནས། །ཆོས་སྐུ་མངོན་དུ་བྱེད་པར་འགྱུར། །སེམས་ནི་སྐྱ་རེངས་ཆོས་
སྐུ་ལ། །ལུས་ནི་མི་སློབ་དག་པའི་སྐུ། །རིག་མར་ལྷན་ཅིག་འགྲུབ་པར་གསུངས། །རང་འོད་
ཀྱིས་ཀྱང་འགྲུབ་མོད་ཀྱི། །ཕྱི་ཡི་ཕྱག་རྒྱས་རབ་སྒྲུབས་ན། །གཉི་གའང་རྒྱུད་གཅིག་བཞིན་
དུ་གྲོལ། །ལུས་ཀྱི་ཁུ་ཁྲག་རླུང་དག་པས། །རླུང་སེམས་འགྱུར་མེད་ལོངས་སྐུ་དང༌། །སེམས་
འགྱུར་གཉིས་སྣང་ཐིམ་པ་ལས། །ཆོས་སྐུ་བདེ་སྟོང་འགྱུར་མེད་ཐོབ། །འཕྲོས་དོན་རྣལ་
འབྱོར་{ཕྱི[་གྱི་]རྒྱུད་དུ། །དོན་འགྲུབ་འགུལ་བསྐྱོད་འབྱུང་རྔུབ་དང༌། །སེམས་གཡོ་མེད་
11-1-171


ལས་རྒྱལ་བས་སྐུལ། །སེམས་ཀྱི་རང་བཞིན་མ་མཐོང་ལ། །སྔགས་གསུངས་སེམས་ནི་རང་
བཞིན་མེད། །སྟོང་ཉིད་བཅུ་དྲུག་སོ་སོར་རྟོགས། །ཀུན་གཞིའི་རང་བཞིན་སྟོང་པ་ནི། །སྟོང་
ཉིད་བཅུ་དྲུག་རྗེས་ཐོབ་ཏུ། །ཨཱ་ལི་བཅུ་དྲུག་ལས་བཟླ་བར། །བསྐྱེད་ནས་རྟོགས་ཚད་ཕུལ་
བ་ནི། །དང་པོའི་དེ་ལས་འོད་གསལ་བའི། །སེམས་བསྐྱེད་རྗེས་ཐོབ་ཡང་བཟླ་བའོ། །རང་
བཞིན་གདོད་མའོ་འོད་གསལ་བ། །གློ་བུར་དྲི་མ་མེད་པའི་མིང༌། །གསུམ་པ་གཟུང་བྱ་མི་
དམིགས་པའི། །སྟོང་ཉིད་རྗེས་ཐོབ་རྡོ་རྗེའོ། །བཞི་པ་འཛིན་བྱེད་ཡེ་ཤེས་ཀྱང༌། །མི་དམིགས་
སངས་རྒྱས་ཀུན་བྱིན་རླབས། །ལྔ་པ་ལོངས་སྤྱོད་རྫོགས་རྟག་པ། རིམ་བཞིན་མི་བསྐྱོད་རིན་
ཆེན་འབྱུང༌། །སྣང་བྱེད་དོན་གྲུབ་རྣམ་སྣང་མཛད། །རིགས་ལྔའི་སྔགས་རྒྱས་སྒྲུབ་པར་བྱེད། །
དང་པོའི་གཟུང་འཛིན་རགས་པ་སྤོངས། །གཉིས་པས་བག་ཉལ་གསུམ་པ་ཡིས། རྗེས་ཐོབ་
རྟོག་པའང་རབ་སྤངས་ནས། །བཞི་པས་སྟོང་པའི་ཡེ་ཤེས་སྤོངས། །ཆོས་སྐུ་མངོན་བྱེད་ལྔ་པ་
ཡིས། །རྣམ་ཀུན་མཆོག་ལྡན་ཆད་མཐའ་སྤངས། །གཉིས་ཀྱིས་བསོད་ནམས་གསུམ་པ་ཡིས། །
ཡེ་ཤེས་ཚོགས་རྫོགས་བཞི་པས་ནི། །ཆོས་དང་ལྔ་པས་ལོངས་སྐུ་སྒྲུབས། །ཟག་མེད་ཕུང་
པོ་ཉི་ཤུ་ལྔ། །གཟུགས་ཕུང་གནས་གྱུར་བདེ་གཤེགས་ལྔ། །ཚོར་བ་གནས་གྱུར་ཏིང་འཛིན་
ལྔ། །འདུ་ཤེས་གནས་གྱུར་གདམ་ངག་ལྔ། །འདུ་བྱེད་གནས་གྱུར་སྤངས་བ་ལྔ། །རྣམ་ཤེས་
གནས་གྱུར་རྟོག་པ་ལྔ། །འདིར་ནི་ཕྱོགས་མཚོན་ཙམ་སྨོས་ཀྱི། །ཞིབ་པར་ཚད་ལྡན་རྣམ་
བཤད་ལས། །མ་གཏོགས་ཇི་བཞིན་རྟོགས་དཀའ་འོ། །རྒྱུད་སྡེའི་ཟབ་གནད་རྟོགས་དཀའ་
བ། །མདོ་ཙམ་མཐའ་གཅོད་བྲིས་པ་ཡི། །དགེ་བས་ཧེ་རུ་ཀར་གྱུར་ནས། །འགྲོ་ཀུན་རྡོ་རྗེ་
སེམས་གྲུབ་ཤོག །ཅེས་པ་འདི་རྡོ་རྗེ་ཉི་མ་སོགས་ཀྱི་དོན་རྡོ་རྗེ་ཉི་མའི་དོན་རྒྱས་པས་ཞེས་མ་
གཏོགས་རྒྱས་བཤད་ཆེར་མ་བྱུང་བ་དེའི་མཐའ་གཅོད་ཞིབ་བཤད་དུ་འཕྲོས་དང་བཅས་བྲིས་
པ་རབ་གསལ་ཡེ་ཤེས་ཀྱི་སྤྱན་ཞེས་བྱ་བ་ཀུན་དགའ་སྙིང་པོ་ཏཱ་ར་ནཱ་ཐས་དབེན་གནས་དམ་
11-1-172


པ་འཁོར་ལོ་སྡོམ་པའི་གནས་ཆེན་བསམ་གཏན་སྡིངས་སུ་རང་ལོ་ཉེར་གཅིག་ཉེ་བ་ལ་སྦྱར་
བའོ།།    །།བཀྲ་ཤིས། །
11-1-173


༄༅། །ཀྱཻ་རྡོ་རྗེའི་རྫོགས་རིམ་སྒྲོན་མ་གཅིག་པའི་ཁྲིད་ཡིག་
ཡེ་ཤེས་རབ་གསལ་བཞུགས། 
༄༅། །ན་མོ་བཛྲ་དྷཱ་རཱ་ཡ། བླ་མ་དང་ནི་ལྷག་པའི་ལྷ། །དབྱེར་མེད་འཇམ་པའི་དབྱངས་
བཏུད་ནས། །དཔལ་ལྡན་དགྱེས་པ་རྡོ་རྗེ་ཡི། །མན་ངག་ལུང་བཞིན་བྲི་བར་བྱ། །འདིར་རྡོ་རྗེ་
འཆང་ཆེན་པོའི་རྒྱུད་སྡེ་མཐའ་དག་གི་རབ་དང་ཕུལ་དུ་གྱུར་པ། དགྱེས་པ་རྡོ་རྗེའི་མན་ངག་
ཟབ་མོ་སྒྲོན་མ་གཅིག་པ་སྒོམ་པར་འདོད་པས། ནན་ཏན་དུ་སྒྲུབ་པར་བྱ་བ་ནི་རིམ་པ་གཉིས་
ཡིན་ལ། དེ་ལ་བསྐྱེད་པའི་རིམ་པ་པདྨ་བཛྲ་གྱིས་མཛད་པའི་སྒྲུབ་པའི་ཐབས་རྒྱས་པ་ལྟར་
རམ། བསྡུ་ན་འདིར་ཐོད་པ་ཅན་སྒོམ་སྟེ་གཞན་རྣམས་ཕྱག་རྒྱ་བཞིའི་སྙིང་པོ་བཞིན་དུ་སྒྲུབས་
ལ། དེ་ནས་རྫོགས་པའི་རིམ་པ་སྒོམ་པར་འདོད་པས། རྫོགས་རིམ་གྱི་རྟེན་དང་པོ་མི་ཕྱེད་རྡོ་
རྗེའི་ཏིང་ངེ་འཛིན་ནི། རང་ཉིད་ལྷ་སྐུར་གསལ་ཙམ་ཉིད་ལ། རྩེ་གཅིག་ཏུ་མཉམ་པར་འཇོག་
པ་སྐུ་རྡོ་རྗེའི་ཏིང་ངེ་འཛིན་དང༌། དེ་བརྟན་ནས། རང་སེམས་ཀྱི་ངོ་བོ་རིག་ཙམ་ལ་མཉམ་པར་
འཇོག་པ་གསུང་རྡོ་རྗེའི་དང༌། དེ་བརྟན་ནས། མདུན་གྱི་བར་སྣང་ལ་རྩེ་གཅིག་ཏུ་ལྟ་ཞིང་སྒོམ་
པ་ཐུགས་རྡོ་རྗེའི་དང༌། དེ་རྣམས་བརྟན་པའི་མཐར། དམིགས་རྟེན་སྤངས་ནས་བསམ་མེད་
དུ་མཉམ་པར་འཇོག་པ་མི་ཕྱེད་རྡོ་རྗེའི་རྣལ་འབྱོར་རོ། །དེ་ལྟར་འདོད་ན། སེམས་ཡུན་རིང་
དུ་གནས་ལ། མི་འདོད་ན་ཅི་བདེར་ལྡང་ནུས་པ་ན། གཉིས་པ་སེམས་ཀྱི་འཁོར་ལོ་རྩིབས་ལྔ་
པ་བསྒོམ་སྟེ། ཅི་ཡང་མི་བསམ་པ་དང༌། རིག་ཙམ་ལ་འཇོག་པ་དང༌། ཡུལ་སྣང་གི་ངོ་བོ་ལ་
ཆེར་གྱིས་གཏོད་པ་དང༌། ཧེ་རུ་ཀའི་སྐུར་སྐད་ཅིག་ལ་གསལ་འདེབས་པ་གཅིག་མིན་དུ་མ་
མིན་པའི་སྟོང་པ་ཉིད་དང་སྦྱོར་བ་དང༌། སྒྱུ་མ་ལྟ་བུའི་སེམས་ཅན་རྣམས་ལ་སྙིང་རྗེ་བསྐྱེད་པ་
11-1-174


སྟེ། ལྔ་པོ་དེ་རྣམས་འཁོར་ལོ་འཁོར་བ་ལྟར་ཡང་ཡང་བསྒོམ་པར་བྱའོ། །དེ་ནས་ཇི་ཞིག་ལྟར་
ལ་སྐད་ཅིག་ཙམ་ལ་ཡང༌། ཡེ་ཤེས་རྣམ་པ་ལྔའི་ཏིང་ངེ་འཛིན་འདི་ལ་འཇུག་ཏུ་མ་ནུས་པ་
དེའི་ཚེ། སེམས་ཀྱི་རྩལ་གང་དུ་ཡང་མ་འགགས་པར་འཆར་ཡང༌། ངོ་བོ་གང་དུ་ཡང་མ་གྲུབ་
པའི་སྟོང་ངེ་བ་དེ་ལ་ཆེར་གྱིས་འཇོག དེ་ལྟར་སྤེལ་ཞིང་སྒོམ་པས། བདེ་སྡུག་སོགས་གང་
ཤར་ཡང་ཡེ་སྟོང་དུ་རྟོགས་ཤིང་བཟོད་པར་འགྱུར་ཏེ། དེའི་ཚེ་འདི་རྣམས་བརྟན་པ་ཡིན་ནོ། །
ཏིང་ངེ་འཛིན་འདི་ལ་དང་པོར་སེམས་རྩུབ་པ་དག་བྱུང་ན་ལྷོད་དེ་མཉམ་པར་འཇོག་པ་མན་
ངག་གོ །དེ་རྣམས་ལ་ལུས་གནད་ཅི་བདེ་བ་ཞིག་གིས་རུང་ལ། དེ་ནས་རྫོགས་རིམ་དངོས་ནི། 
སྔོན་འགྲོ་སྙིང་ག་དང༌། དབུ་མའི་མས་སྣར་གནད་དུ་བསྣུན་པ་གཉིས་དང༌། མི་ཤིགས་པའི་
ཐིག་ལེ་ལ་བརྟེན་ནས་ཆུ་བོའི་རྒྱུན་གྱི་རྣལ་འབྱོར་སྒོམ་པ་སྟེ་གསུམ་དང༌། དངོས་གཞི། བདེ་
བ། སྟོང་པ། བདེ་བ་ཆེན་པོ་སྟེ་དྲུག་ལས། དང་པོ་ནི། རྐང་པ་རྡོ་རྗེའི་སྐྱིལ་ཀྲུང༌། ལག་གཉིས་
མཉམ་བཞག སྒལ་ཚིགས་བསྲང་ཞིང༌། ལྐོག་མས་ཨོལ་མདུད་མནན། མིག་སྣ་རྩེར་གཏད། 
ལྕེ་རྩེ་རྐན་ལ་སྦྱར། སོ་མཆུ་རང་སར་བཞག་ཧེ་རུ་ཀར་སྐད་ཅིག་གིས་གསལ་བཏབ། ལུས་ཀྱི་
དབུས་སུ་ཨ་ཝ་དྷཱུ་ཏི་རླུང་དྭངས་མས་གང་བ་དང༌། གཡས་རོ་མ་རྡུལ་དང༌། གཡོན་རྐྱང་མ་ཁུ་
བས་གང་བ། འཁོར་ལོ་བཞིའི་ལྟེ་བར་དྷཱུ་ཏཱི་ལ་ལུ་གུར་རྒྱུད་དུ་འཁྱུད་པ་དང༌། འཁོར་ལོ་བཞི་
ཡི་གེ་དང་བཅས་པ། དཔྱིད་ཐིག་ལས་འབྱུང་བ་བཞིན་ནམ། བསྡུ་ན། རྩ་འདབ་རྣམས་སུ་ཐིག་
ལེ་རྩ་རྩེའི་ཟིལ་བ་བཞིན་དུ་གནས་པ་དང༌། སྤྱི་བོར་ཧཾ་དཀར་པོ། ལྟེ་བར་ཨཾ་དམར་པོ། རེག་
བྱ་མཆོག་ཏུ་ཚ་བ་རྣམས་གསལ་བཏབ་ནས། གཡས་གཡོན་ནས་རླུང་རོ་ལན་གསུམ་དྲག་ཏུ་
བསལ། སྟེང་རླུང་རན་པར་རྡུབས་འོག་རླུང་ཅུང་ཟད་དྲངས་ཏེ། རླུང་གཉིས་ཀྱིས་སྦྱོར་བས། 
ཨཾ་ལས་མེ་སྦར། ཧཾ་ལ་རེག་པས། བྱང་ཆུབ་ཀྱི་སེམས་ཀྱི་རྒྱུན་བབས། མེ་ལྕེ་ཐུར་ལ་བབས་
པ་སྙིང་གར་སླེབ། དེའི་ཚེ་གཏུམ་མོ་དང་བྱང་ཆུབ་སེམས་སྙིང་གར་འཕྲད་པ། དྭངས་ཤེལ་
11-1-175


གྱི་འོད་ལྟར་གསལ་ཞིང་འཚེར་བ་ཁ་སྦྱོར་དུ་གནས་པ་དང༌། གཏུམ་མོའི་མེ་འོད་དང༌། བྱང་
སེམས་ཀྱི་རྒྱུན་རྣམས་ཆོས་ཀྱི་འཁོར་ལོ་ནས་བརྒྱུད་རྩ་ཐམས་ཅད་གང༌། དེ་ཀུན་གྱི་དྭངས་མ་
མཐར་ཨཾ་ལ་བསྟིམ་པས། འབར་འཛག་ཆེས་དྲག་པ་སྙིང་གར་རེག་པའི་མཚམས་སུ་ཧུ་ལུ་ཧུ་
ལུཾ། ཧཱུཾ་ཞེས་ཕུ་ཆུའི་སྒྲ་ལྟར་གྲགས་པ་ལ་སེམས་གཏད། རླུང་མི་བདེ་བ་མེད་ཙམ་དུ་བཟུང༌། 
མི་བདེ་ན་རྔུབས་ནས་འཛིན། དེ་ནས་དལ་བུས་བཏང༌། དེ་ཉིད་ཡང་ཡང་གོམས་པར་བྱེད་
པའོ། །གཉིས་པ་ནི། རྐང་པ་རེ་མིག་ལྟར་བསྣོལ། ལག་པ་ཐབ་འགལ། ལྷག་མ་ལུས་གནད་
སྔར་ལྟར་བཅས་ལ། རྩ་གསུམ་འཁོར་ལོ་ལྔ་གསལ་བཏབ། བདེ་སྐྱོང་འཁོར་ལོའི་ལྟེ་བར་རྩ་
འདབ་ཐམས་ཅད་ཀྱི་རྩ་བ་འདུས་པ། ཙཎྜ་ལི་དར་དམར་གྱི་སྣལ་མ་ལྟ་བུས་ལན་བདུན་དུ་
བཅིངས་པ། རྩེ་མོ་གསུམ་འཁྱོག་ཏུ་སྟེང་དུ་སོང་བ། ལྟེ་བ་སྤྲུལ་པའི་འཁོར་ལོའི་དབུས་སུ་མེ་
ལྕེ་ཡུངས་འབྲུ་ལྟར་ཕྲ་བ། མར་མེའི་རྩེ་མོ་ལྟ་བུ་ཡ་ལེ་བེ་བསྒོམས། སྔར་བཞིན་རླུང་བཟུང་
བས་མར་མེ་ཁྲིལ་ཁྲིལ་གཡོས། རྩ་འདབ་ཐམས་ཅད་འོད་ཀྱིས་ཁྱབ། འཁོར་ལོ་བཞིའི་དྲི་
མ་ཐམས་ཅད་བསྲེགས། སྤྱི་བོའི་ཧཾ་ལས་བྱང་སེམས་ཐིག་པས་བརྒྱུད་མར་བབས། གཏུམ་
མོ་ལ་ཐིམ་པས་ཆེར་གཡོས། ཧཾ་དང་རྩ་འདབ་ཐམས་ཅད་ཀྱི་ཐིག་ལེ་བཞུ། ཆུ་ཀླུང་གི་རྒྱུན་
ལྟར་དྷཱུ་ཏཱིའི་ནང་ནས་བརྒྱུད། གཏུམ་མོ་དང་དབྱེར་མེད་དུ་འདྲེས། དེ་ཉིད་ཤུགས་དང་བཅས་
ཏེ་འོག་ཏུ་སོང༌། རྩེ་མོ་ནོར་བུའི་རྩེ་མོར་མར་མེའི་རྣམ་པ་དམར་སྐྱ་གསལ་ཞིང་འཚེར་བ་
ཡུངས་འབྲུ་ཙམ། རྩ་བ་པདྨའི་སྣལ་མ་ལྟ་བུ་བདེ་སྐྱོང་གི་འཁོར་ལོར་གནས་པ་གསལ་བཏབ་
སྟེ། ནོར་བུའི་ཐིག་ལེ་ལ་རྩེ་གཅིག་ཏུ་མཉམ་པར་འཇོག དེ་ལ་སེམས་བརྟན་ནས། ནོར་
བུའི་ཐིག་ལེ་དེས་མཚོན་པའི་སྣང་བ་ཐམས་ཅད་སྨིག་སྒྱུ་ལྟར་འོད་ཀྱི་རྣམ་པར་གྱུ་ཤིག་ཤིག་
ཡལ་བའི་ངང་དུ་དམིགས་མེད་དུ་བཞག་སྨིག་སྒྱུ་ལ་སོགས་པའི་རྟགས་ལྔ་མཐོང་བར་འགྱུར་
རོ། །འདི་གཉིས་ལ་ཐིག་ལེའི་འགྲོས་དང་བསྟུན་ནས་དགའ་བཞིའི་ཉམས་མྱོང་དྲན་པ་ནི་
11-1-176


ཤིན་ཏུ་གཅེས་སོ། །ལུགས་འདི་ལ་དང་པོར་མས་སྣ་དང་ཕྱིས་སྙིང་གར་སྒོམ་པ་མན་ངག་
ཡིན་གསུངས་ཏེ་ལེགས་སོ། །གསུམ་པ་ནི། རང་ཧེ་བཛྲ་ལྷན་སྐྱེས་ཡབ་ཡུམ་དུ་གསལ་བའི་
ཐུགས་ཀར་ཉི་ཟླ་བརྩེགས་པ་ཧཱུཾ་ཡིག་དང་བཅས་པ། ཧཱུཾ་ལས་འོད་མེ་ལྟ་བུ་འཕྲོས། བརྟན་
གཡོ་ཀུན་ཀྱི་སྙིགས་མའི་ཆ་རྣམས་བསྲེགས། དྭངས་མ་མི་ཤིགས་པ་བྱང་ཆུབ་ཀྱི་སེམས་བདེ་
བའི་རང་བཞིན་དུ་བཞུ། སྣོད་དང་བཅུད་ཀྱི་ཤེས་རབ་ཀྱི་ཆ་རྣམས་ཡུམ་དང༌། ཐབས་ཀྱི་ཆ་
རྣམས་ཡབ་ལ་ཐིམ། ཡབ་ཀྱི་ཐུགས་ཀར་ཉིན་མོར་བྱེད་པའི་སྟེང་དུ་ཧཱུཾ། ཡུམ་གྱི་ཐུགས་ཀར་
རི་བོང་ཅན་ལ་ཨ། དེ་གཉིས་ལས་འོད་ཟེར་འཕྲོས། ཡབ་ཡུམ་གཉིས་ཀ་འོད་དུ་ཞུ། ཡུམ་ཟླ་
བ་དང༌། ཡབ་ཉི་མར་གྱུར་པའི་ཉི་མ་སྟེང་ཟླ་བ་འོག་གའུ་ཁ་སྦྱོར་དུ་གནས་པའི་ནང་དུ། རླུང་
སེམས་ཀྱི་ངོ་བོ་ཧཱུཾ་སྔོན་པོ་འོད་ལྔ་འཕྲོ་བ་དང༌། འོད་ཀྱི་བ་ཐག་ལ་བརྒྱུས་པས་ཨཱ་ལི་ཀཱ་ལིའི་
ཕྲེང་བས་ཉི་ཟླ་གཉིས་རྒྱ་གྲམ་དུ་བཅིངས་པར་བསམ་ནས། ཧཱུཾ་ལ་རྩེ་གཅིག་ཏུ་སྒྲིམས་ནས་
ཅུང་ཟད་མཉམ་པར་བཞག་རྗེས། ཧཱུཾ་ལས་འོད་ཟེར་མུ་མཐའ་མེད་པ་འཕྲོས། ཁམས་གསུམ་
འོད་དུ་ཞུ། ཉི་ཟླ་ལ་ཐིམ། དེ་ཡི་གེ་དང་བཅས་པ་ཧཱུཾ་ལ། དེ་ཞབས་ཀྱུ། ཁོག་པ། ཟླ་ཚེས། ན་
དའི་བར་དུ་བསྡུས་ལ། ན་ད་ཡང་ཡལ་བའི་ངང་ལ་རྟོག་མེད་དུ་མཉམ་པར་བཞག །དེའི་ངང་
ལས་སྐད་ཅིག་གིས་དག་པའི་ལྷ་སྐུ་དགྱེས་པ་རྡོ་རྗེར་གསལ་ཙམ་ཉིད་ལ་རིང་དུ་མཉམ་པར་
བཞག །དེ་ལྟར་དམིགས་རིམ་རྣམས་སྟོང་པ་བཞི་དང་སྦྱར་ནས་ཉམས་སུ་ལེན་དགོས་ལ། དེ་
ལྟར་ཡང་ནས་ཡང་དུ་གོམས་པས་ཉི་ཟླ། ནམ་མཁའ་སྤྲིན་མེད། འོད་ཟེར་ཆེན་པོས་ཀུན་དུ་
ཁྱབ་པ་སྟེ། མཐོང་རྟགས་བཞི་འབྱུང༌། སེམས་ཉམས་དགའ་བཞི་མངོན་དུ་འགྱུར་རོ། །བཞི་
པ་ནི། དེ་ནས་ཡེ་ཤེས་དེ་བརྟན་པའི་ཕྱིར་དུ། དམ་ཚིག་དང༌། ཡེ་ཤེས་དང༌། ལས་ཀྱི་ཕྱག་
རྒྱའི་སྦྱོར་བས། ལྷན་སྐྱེས་ཡུན་རིང་དུ་སྒོམ་པའི་མཐུ་ལས་ཁྱད་དགའི་མཐར་ཆེད་དུ་མ་སྒོམ་
པར་ཡང༌། རླུང་སེམས་མི་ཕྱེད་པའི་བདེ་བ་ཙམ་ལས། དངོས་སུ་གྲུབ་པའི་ལྷ་སྐུ་ཆུ་ཟླ་ལྟ་
11-1-177


བུའི་གསལ་སྣང་བྱུང་བ་ན། དེ་ཉིད་ལ་རྩེ་གཅིག་ཏུ་བསྒོམ་པར་བྱ་ཞིང༌། དེ་གོམས་པས། ལྔ་
པ་ནི། དུས་རྟག་ཏུ་དངོས་སུ་ཡོད་པའི་གསལ་སྣང་དེ་ཐོབ་པ་ན། སྔ་མ་བཞིན་དུ་སྟོང་པ་ཉིད་
དུ་བཅུག་པས། སྤྲོས་པའི་སྣང་བ་མཐའ་དག་ནུབ་པའི་སེམས་ཉིད་ནམ་མཁའ་ལྟར་མཐའ་
དབུས་མེད་པ་མངོན་དུ་འགྱུར་བ་དེ་ཉིད་རིང་དུ་བསྒོམ། དྲུག་པ་ནི། དེ་ལས་ཆུ་ལས་ཉ་ལྡང་
གི་ཚུལ་དུ་དཀྱིལ་འཁོར་གྱི་འཁོར་ལོར་བསྒོམ། དེ་ལྟར་གཡེལ་བ་མེད་པར་སྒོམ་སྟེ། མཐར་
གྱིས་ཚུལ་གཉིས་ཀྱི་སྤྱོད་པ་སྤྱད་པ་ལ་བརྟེན་ནས་མཆོག་གི་དངོས་གྲུབ་ལ་སྦྱོར་བ་ཉིད་དོ། །
མན་ངག་གཉིས་པའང་འདི་དང་སྦྱོར་བའི་ཚུལ་ཤེས་པར་བྱའོ། །འགྲོ་བའི་མུན་པ་སེལ་
བྱེད་པའི། །མཆོག་གྱུར་སྒྲོན་མེ་གཅིག་པུ་འདི། །བཤད་ལས་བསོད་ནམས་གང་ཐོབ་དེས། །
འཇིག་རྟེན་སངས་རྒྱས་ཉིད་ཐོབ་ཤོག།   །།ཅེས་རྫོགས་རིམ་སྒྲོན་མ་གཅིག་པའི་དམིགས་
ཐོ་ཙམ་ཉུང་ངུར་སྡེབས་པ་འདི་ཡང༌། ཀུན་དགའ་སྙིང་པོ་ཏཱ་ར་ནཱ་ཐས་རང་ལོ་ཉི་ཤུ་པ་ལའོ། །
ཞུས་དག ཤུབྷཾ། 
11-1-178


༄༅། །དཔལ་དགྱེས་པ་རྡོ་རྗེའི་རྫོགས་རིམ་དེ་ཉིད་བཞི་
ལྡན་གྱི་ཁྲིད་ཡིག་སྙིང་པོ་གསལ་བ་བཞུགས། 
༄༅། །ན་མཿ ཤྲཱི་ཧེ་རུ་ཀ་མཎྜལ་བྷྱཿ དཔལ་དགྱེས་པ་རྡོ་རྗེའི་རྫོགས་རིམ་དེ་ཁོ་ན་
ཉིད་བཞི་ལྡན་ཕྱག་རྒྱ་བཞི་པའི་ཁྲིད་ཡིག་སྙིང་པོ་གསལ་བ་ཞེས་བྱ་བ་བླ་མ་ལ་ཕྱག་འཚལ་
ལོ། །ཧེ་རུ་ཀ་དང་རྣལ་འབྱོར་མ། །བླ་མ་མཆོག་སྟེ་དེ་ལ་འདུད། །དགྱེས་པའི་རྡོ་རྗེའི་རྫོགས་
རིམ་ནི། །ཤིན་ཏུ་ཟབ་པ་འདིར་བཤད་དོ། །དང་པོ་རང་ཉིད་སྟན་བདེ་བ་ལ་འདུག་སྟེ། རང་
གི་མདུན་དུ་རྩ་བའི་བླ་མ་རིག་མས་འཁྱུད་པ་སྒོམ་ལ། ལུས་དང་ལོངས་སྤྱོད་མཆོད་པར་
བཅས་པ་ཐམས་ཅད་ཕུལ་ཏེ། དཔལ་ལྡན་བླ་མ་དམ་པ་ལ་གསོལ་བ་འདེབས་སོ། །བདག་
ལ་རྫོགས་པའི་རིམ་པའི་ཉམས་རྟོགས་ཁྱད་པར་ཅན་སྐྱེ་བར་མཛད་དུ་གསོལ་ཞེས་གསོལ་
བ་བཏབ། བླ་མ་རང་གི་སྤྱི་བོར་བྱོན། སྦྱོར་མཚམས་ལས་བྱུང་བའི་བདུད་རྩིའི་རྒྱུན་གྱིས་རང་
ལུས་བཀྲུས་ཤིང་དབང་བསྐུར་བར་བསམ་ལ། ཡི་གེ་བརྒྱ་པའང་ཅི་རིགས་པར་བཟླ། མཐར་
བླ་མ་འོད་དུ་ཞུ་ནས་རང་ལ་ཐིམ། རྟགས་བྱུང་བྱུང་སྒོམ་པར་བྱའོ། ༡ །དེ་ནས་ལུས་གནད་སྤྱི་
དང་མཐུན་པར་བཅས་ཏེ། ཞག་མང་པོར་ཇི་ལྟར་ནུས་པར་སྦྱང་ངོ༌། ༢ །དེ་ནས་རླུང་རོ་ཡང་
ཡང་བསལ་ཞིང་དུམ་རེ་ངལ་བསོ་བ་ཁོ་ན་སྦྱང་བར་བྱ་སྟེ། ཞག་བདུན་ལ་སོགས་པ་སྦྱང་
ངོ༌། ༣ །དེ་ནས་རང་ཉིད་ཧེ་རུ་ཀ་བཞིའམ་བདག་མེད་མ་ཇི་ལྟར་མོས་པ་དང༌། ཁ་སྦྱོར་གྱི་
སྐུའམ་དཔའ་བོ་གཅིག་པ་ཡང་ཇི་ལྟར་མོས་པ་དེ་ལྟ་བུས་ཆོག་གོ །དེ་ལ་རླུང་རོ་འབུད་པའི་
དུས་སུ་ལྷ་མི་སྒོམ་ཞིང༌། རླུང་རང་བབས་སུ་འཇོག་པའི་ཚེ་དེ་ཉིད་སྐད་ཅིག་གིས་བསྐྱེད་ནས་
ཡང་ཡང་སྒོམ་པར་བྱའོ། །མི་གསལ་ན་བྲིས་སྐུ་ལ་ལྟ་ཞིང་བསྒོམས། དེ་ལྟར་སྒོམས་ཀྱང་
11-1-179


མི་གསལ་ན། བྲིས་སྐུ་ཉིད་ལ་ལྟ་ཞིང་སེམས་གཞན་དུ་མ་ཡེངས་པར་སྒོམ་པར་བྱའོ། །དེ་
ལྟ་བུའང་ཞག་ཅི་རིགས་པར་བསླབ་བོ། ༤ །དེ་ནས་སྔར་བཞིན་བླ་མ་བསྒོམ། ལུས་གནད་
བཅས། རླུང་རོ་བསལ། ལུས་ཀྱི་ནང་སྟོང་སངས་སངས་པ་ལ་སེམས་གཏད། རླུང་འཇམ་
རླུང་སྒོམ་སྟེ། ཞག་བདུན་ནམ་ཟླ་བ་ཕྱེད་དམ། ཉེར་གཅིག་ལ་སོགས་པའི་བར་དུ་སྦྱང་ངོ༌། 
༥། དེ་ནས་ཐུན་གྱི་དངོས་གཞི་དེ་ཉིད་ཁོ་ན་ལས། ཐུན་མཚམས་སུ་ལུས་སྦྱོང་ལ་བསླབ་པར་
བྱ་སྟེ། ཡན་ལག་ལྔ་དང་འཁོར་ལོ་བཞི། དབང་པོ་དྲུག་རྣམས་སྦྱང་བ་སྟེ། འཁོར་ལོ་བཞིར་
བྱེད་པའི་ཁྱད་པར་མ་གཏོགས། དཔལ་དུས་ཀྱི་འཁོར་ལོའི་མན་ངག་སྦྱོར་བ་ཡན་ལག་དྲུག་
པའི་སྔོན་འགྲོའི་སྐབས་དང་འདྲའོ། ༦ །དེ་དག་ནི་སྔོན་འགྲོའི་རིམ་པའོ། །དངོས་གཞི་ལ་
དང་པོར་ཕྲ་མོའི་རྣལ་འབྱོར་ལ་བསླབ་པར་བྱ་སྟེ། སྔ་མ་བཞིན་དུ་རླུང་རོ་བསལ་བ་ཡན་ཆད་
བྱས་ནས། ལྟ་སྟངས་སྟེང་གི་གཡས་སུ་ལྟ། དེ་རྗེས་སུ་རྔུབས་ཏེ་ཡང་རླུང་དལ་ལ་ཤུགས་ཆུང་
བ་སྒྲ་མེད་དུ་སྣ་ནས་དལ་བུས་ཕྱུང་སྟེ། སྟོད་སྨད་ཆ་མཉམ་དུ་རྒྱབ་ཀྱི་ཚིགས་པ་ལ་གཅེར་
བའི་ཚུལ་གྱིས་ཕྱིར་བཏང་ནས། ཕྱིར་ཅུང་ཟད་ཙམ་བཟུང་ལ། ཡང་ནང་དུ་སྒྲ་ཅུང་ཟད་དང་
བཅས་ཏེ་ཤར་གྱིས་རྔུབས་ཟིན་མ་ཐག་སྔར་བཞིན་བཏང༌། ལུས་ལྷ་སྐུ་ཁོག་སྟོང་དང༌། དེའི་
སྣ་རྩེ་ལ་སེམས་གཏད་དོ། །ཞག་འགའ་རེར་དེ་ཁོ་ན་སྦྱངས། ༧ དེ་ནས་ཐུན་མཚམས་སུ་སྔར་
གྱི་ལུས་སྦྱོང་དང༌། གཞན་རྡུལ་མཐའ་ཅན་གྱི་བོགས་འབྱིན་པའི་འཕྲུལ་འཁོར་བྱ་སྟེ། ལག་
གཉིས་རྐང་པའི་མཐེ་བོང་དུ་འཇུས་ཏེ། སྒུར་གྱིས་ལངས་པ་དང༌། ཨཾ་ཞེས་སྒྲ་ཅན་དུ་བུས་ཏེ་
མགོ་སྒུར་ཏེ་སྟོང་འདྲེན་པ་དང༌། ཡང་རྔུབས་ཏེ་བགང་འཐེན་བྱ། ཡང་དེ་མ་ཐག་ལུས་གནད་
དེ་ཁ་ལས་མགོ་དང་རོ་སྟོད་ཅི་ནུས་སུ་སྐྱེད་དེ། ཡང་ཨཾ་ཞེས་སྒྲ་གཅན་གྱི་སྟོད་འདྲེན་དང༌། 
རྔུབས་ཏེ་བགང་འཐེན་སྔ་མ་བཞིན་དུ་བྱ། ཡང་ལུས་གནད་དེ་ཀ་དང་འདྲ་བ་ལས། སྒྲ་མེད་
དུ་འདྲེན་གཉིས་པོ་སྒུར་པ་དང་སྒྱེད་པར་བྱ་སྟེ། ཡོངས་གྲིལ་བས་རླུང་ཐེངས་བཞི་ལ་འདྲེན་
11-1-180


བརྒྱད་ཡོད་པས། ཀུན་གྱི་ཐ་མར་ཐུར་དུ་སྒྱུར་བའི་ཚུལ་གྱིས་འཕོངས་ས་ལ་སྡེབ་པ་རེ་ངེས་
པར་བྱ་ཞིང༌། སྤྱིར་རླུང་སྦྱོར་འདི་རིགས་ལ་བོད་ཀྱི་ཡུལ་འདིར་བོད་ཀྱི་ལག་ལེན་དང་མཐུན་
པར་འབེབས་མང་དུ་བྱས་ནའང་ལེགས་སོ། །འཕགས་པའི་ཡུལ་དུ་ནི་དེ་ལྟར་མི་དགོས་པ་
ཡིན་ཏེ། ཡུལ་དང་ཟས་སྤྱོད་ཀྱི་ཁྱད་པར་རོ། །འཁྲུལ་འཁོར་འདི་དག་གི་སྐབས་སུ་སེམས་
ལྟེ་བ་སྤྲུལ་བའི་འཁོར་ལོ་དབུས་སུ་གཏོད་དོ། ༨ །དེ་ལྟར་ཞག་འགའ་ཤས་ནས་ཡང་སྔར་
གྱི་སྟེང་དུ་སྒྲ་ཅན་ཧཱུཾ་སྒྲ་བྱེད་པ་སྟེ། གཞན་སྔ་མ་དང་འདྲ་བ་ལས་སྙིང་གར་སེམས་གཏོད་
པའི་དམིགས་པ་དང༌། འཁྲུལ་འཁོར་འདི་བསྣན་ཞག་གསུམ་ལ་སོགས་པའོ། ༩ །ཡང་དེའི་
སྟེང་དུ་གཞན་འདྲ་བ་ལས་སྒྲ་ཅན་ༀ་སྒྲ་དང་བཅས་པ་མགྲིན་པ་ལ་དམིགས་པ་ཞག་གསུམ་
མོ། ༡༠ །དེ་ནས་ཡང་དེ་རྣམས་ཀྱི་སྟེང་དུ་སྒྲ་མེད་ཁོ་ནས་སྤྱི་གཙུག་ཏུ་དམིགས་པ་གཞན་སྔ་
མ་དང་འདྲ་བ་བསྣན་ཏེ། ཞག་ཤས་བྱ། ༡༡ ཀུན་ལ་ཉི་མ་དང་པོ་ཐུན་རེ་ལ་ལན་རེ། དེ་ནས་
ཉིན་རེ་བཞིན་ལན་རེ་བསྣན་ཏེ་ཇེ་མང་ཇེ་མང་དུ་བཏང་ནས་སྒོམ། འཁྲུལ་འཁོར་གྱི་ཐུན་
གཞུག་ཏུ་རླུང་རྒྱབ་མདུན་བསྣོལ་པའི་ངང་ནས། དཀྲུག་འགྲེམས་དང་འབེབས་མང་དུ་བྱའོ། །
དེ་དག་གིས་རྡུལ་མཐའ་ཅན་གྱི་རླུང་སྦྱོར་ཁོ་ན་ལ་བསླབ་པ་དང༌། བོགས་འདོན་འཁོར་
ལོ་བཞི་ལ་འཁྲུལ་འཁོར་གྱི་སློབ་ཚུལ་རིམ་པ་བཞི་སྟེ། དམིགས་སྐོར་ལྔ་པོར་རིམ་གྱིས་
བསྐྱངས་ཟིན་ནས། ཕྱིས་དེ་དག་ལ་ཉི་མ་རེ་མོས་ལྟ་བུར་ཉིན་གཅིག་འཁྲུལ་འཁོར་མེད་པ་ལ་
བསླབ། ཉིན་གཅིག་འཁྲུལ་འཁོར་ཅན་ལ་བསླབ་པའམ། ཉི་མ་གཉིས་གཉིས་སྤེལ་བ་དང༌། 
གསུམ་གསུམ་སྤེལ་བ་སོགས་ཀྱང་བྱའོ། །འདི་ནི་རླུང་སྦྱོར་འོག་མ་གསུམ་ལའང་རིགས་
འགྲེའོ། །དེ་དག་ནི་རྡུལ་མཐའ་ཅན་ཏེ་དབྱུང་བ་ལ་བསླབ་པའོ། །དེ་ནས་རྔུབས་པ་ལ་བསླབ་
པ་ནི། ལྷ་སྐུར་སྒོམ་ཞིང་རླུང་རོ་བསལ་བ་ཡན་ཆད་སྔར་དང་འདྲ། མིག་གི་ལྟ་སྟངས་འོག་
ནས་བརྩམས་ཏེ་གཡོན་ཕྱོགས་སུ་བསྒྱུར། །རླུང་ནང་དུ་འོང་བའི་ཚེ། སྒྲ་མེད་དལ་ལ་རིང་
11-1-181


བར་རྔུབས་ཏེ། རྔུབས་ཟིན་པ་ན་ལྟེ་བར་ཅུང་ཟད་ཅིག་མནན་ཏེ། དེ་མ་ཐག་སྒྲ་དང་བཅས་
པ་རིང་ཐུང་འཚམས་པར་རླུང་ཞབས་མ་ལུས་ཤིང༌། ཤུགས་དང་ལྡན་པར་ཕྱིར་འབུད་དེ་དེ་
ཁོ་ན་ཉི་མ་མང་དུ་བསླབ་པར་བྱའོ། ༡༢ །དེ་ནས་ཐུན་རྣམས་ཀྱི་དངོས་གཞི་ལ་དེ་བཞིན་དུ་
བསླབ་ཅིང༌། ཐུན་གྱི་གཞུག་ཏུ་བཤང་སྒོ་ཤུགས་དྲག་པོས་ཕྱིར་ཕུལ། གསུས་པའི་སྨད་དྲག་
ཏུ་ལྡིར། དེ་ཁའི་ངང་ནས་ཁ་ཕུབ་ཏུ་གསུས་པ་ས་ལ་བཙུགས། ཡན་ལག་བཞི་གྱེན་དུ་བཏེག་
སྟེ། ཤུགས་ཆེན་པོས་བཅུད་དེ་བརྐྱང་པ་དང༌། བསྐུམ་པ་རེ་མོས་བྱ་ཞིང༌། དེ་ཁའི་ངང་ནས་
འོག་སྒོ་དལ་ཞིང་ཤུགས་ཆེན་པོའི་འབྱེད་འཛུམ་སྤེལ་པ་ལན་གསུམ་བཞི་ཙམ་བྱ། དེ་ལྟར་
ཞག་འགའ་ཟུང་བསླབ་བོ། ༡༣ དེ་ནས་དེའི་སྟེང་དུ་རླུང་གནས་དང་ཡན་ལག་གི་གནད་དེ་
དང་འདྲ་བ་ལས། ཙོག་པུའི་ངང་ནས་དེ་ལྟར་བྱ་སྟེ། ཞག་གསུམ་ལ་སོགས་པའོ། ༡༤དེ་ནས་
གཞན་སྔར་དང་འདྲ་བ་ལས། གན་རྐྱལ་གྱི་ངང་ནས་གནད་དུ་བསྣུན་པ་འདི་བྱ་སྟེ། ཞག་
གསུམ་ལ་སོགས་པའོ། ༡༥ དེ་བཞིན་དུ་གཡས་འགྱེལ་ལ་ཡང་ཞག་གསུམ་མོ། ༡༦ །གཡོན་
འགྱེལ་ལ་ཡང་ཞག་གསུམ་མོ། ༡༧ །དེ་དག་ནི་རྔུབ་པ་ལ་བསླབ་པའི་སྐོར་རོ། །རྒྱུད་འདིར་
ནི་བུམ་པ་ཅན་དང་གང་བ་ཅན་དོན་གཅིག་པར་སྟོན་ནོ། །དེ་ཡང་རླུང་རོ་བསལ་བ་ཡན་ཆད་
སྔར་ལྟར་ལས། ལྟ་སྟངས་དཔྲལ་བའི་དབུས་སུ་ལྟ་ཞིང་མྱུར་དལ་རན་པར་རྔུབ་ལ་ལྟེ་འོག་ཏུ་
མནན། འོག་རླུང་བསྐུམ་སྟེ་ཁ་སྦྱོར་དུ་བྱ། དེ་ནས་བཙུམས་པའི་ཁ་ནང་གི །རླུང་སྒྲ་བཅས་སུ་
མིད་དེ། ཐུབ་ཐང་དུ་བཟུང༌། མི་བདེ་ན་རྔུབ་ཆུང་ཡང་བྱས་ཏེ་ཅུང་ཟད་བཟུང༌། དེ་ནས་དལ་
བུས་ཕྱིར་བཏང་ངོ༌། །རྣམ་པ་དེ་ལྟ་བུ་ཡང་ཡང་གོམས་པར་བྱ་སྟེ། དེ་ཁོ་ན་ཟླ་བ་ལ་སོགས་
པར་བསླབ་པར་བྱའོ། ༡༨ །དེ་ནས་ཐུན་དངོས་གཞི་དེ་བཞིན་ལས་ཐུན་མཇུག་ཏུ་ལངས་ཏེ་
སྒུར་ནས་རྐང་མཐིལ་གཉིས་ནས་ལག་པས་བཟུང་སྟེ་དྲག་ཏུ་བསྲུབ། ཞག་གསུམ། ༡༩ དེའི་
སྟེང་དུ་ཙོག་པུ་རྐང་པ་རེ་མིག་ལྟར་སྣོལ་བའི་རྐང་མཐིལ་ནས། ལག་པ་བསྣོལ་ནས་འཁྱུད་
11-1-182


དེ་བསྲུབ་པ་ཡང་མནན། ཞག་གསུམ། ༢༠ དེ་ནས་ལག་པ་སྟོད་སྐྱིལ་ཀྲུང་བཅས། རོ་སྟོད་
བསྲུབ་པ་ཡང་མནན་ཏེ་ཞག་གསུམ། ༢༡ དེ་ནས་མགོ་བོ་སྐོར་ཞིང་དཀྲུགས་པ་ཡང་མནན་
ཏེ་ཞག་གསུམ། ༢༢ ལུས་སྦྱོང་དེ་དག་ཐམས་ཅད་ཀྱི་མཇུག་ཏུ་སེང་གེ་རྣམ་རོལ་དང༌། དཀྲུག་
འབེབས་ཇི་ལྟར་འོས་པ་རེ་ངེས་པར་སྦྱར་བར་བྱའོ། །དེ་དག་ནི་རླུང་བགང་པའི་སྐོར་རོ། །དེ་
ནས་མ་ནིང་གི་རླུང་སྦྱོར་ནི། རླུང་རོ་བསལ་བ་ཡན་ཆད་སྔར་དང་འདྲ། ནང་དུ་རྔུབས་ཏེ། དེ་
མ་ཐག་ཕྱི་ལ་སྒྲ་མེད་ཤུགས་ཆེ་བར་བཏང་སྟེ། རླུང་ཞབས་མེད་པ་ལྟར་སྣང་བ་ལ། ཕྱི་རུ་གང་
ཐུབ་ཐུབ་བཟུང་ཞིང༌། དེའི་རིང་ལ་ཁོག་ནང་གི་ཤུགས་མཉམ་པར་བགང་མི་ཐུབ་ན་སྒྲ་དང་
བཅས་པར་རྔུབས་ཏེ། ཡང་སྔ་མ་བཞིན་དུ་བཏང་ཞིང་ཕྱིར་བཟུང་ངོ༌། །རེ་ཤིག་དེ་ཉིད་ཞག་
མང་པོར་བསྒོམ། ༢༣ དེ་ནས་གོང་དུ་བགང་བ་ཅན་གྱི་སྐབས་སུ་བཤད་པ་ལྟར་གྱི། ལུས་
སྦྱོང་བཞི་དང༌། རྣམ་རོལ་དང་དཀྲུག་འབེབས་སོགས་ཀྱང་འདིར་སྦྱོར་ལ། ཁྱད་པར་ལུས་
གན་རྐྱལ་དུ་བརྐྱང་བའི་རྗེས་སུ་རོ་སྨད་རྐང་པ་བརྐྱང་པ་དང་བཅས་པ་གཡོན་དུ་གཅུས། རོ་
སྟོད་དང་ལག་པ་བརྐྱང་པ་དང༌། མགོ་གཡས་སུ་གཅུ་པ་དང༌། དེ་ཉིད་གོ་ཟློག་པར་ཡང་བྱའོ། །
དེ་དག་ནི་རེངས་པའི་རླུང་སྦྱོར་གྱི་སྐོར་རོ། ༢༤ །འཁྲུལ་འཁོར་དེ་ཀུན་སྔོན་འགྲོའི་ལུས་
སྦྱོང་མགོར་སྦྱོར་བ་གལ་ཆེའོ། །རླུང་སྦྱོར་དེ་དག་རྫོགས་པ་ལ་བསླབ་པར་མ་ནུས་ན། གང་
བ་ཅན་ཁོ་ན་ལ་བསླབ་པ་ཡིན་ཞིང༌། རིམ་པས་ལུས་ཀྱི་བྱེད་བཅིངས། གཞན་རྣམས་ཀྱང༌། 
གང་བ་ཅན་གྱི་སྟེང་དུ་འདྲེན་པར་བྱ་ལ། བཞི་ཀར་བསླབ་པར་ནུས་ན་ནི། གོང་དུ་བསྟན་པ་
བཞིན་རིམ་གྱིས་སྦྱངས་ནས། མཐར་ཐུན་དང་པོ་ལ། དང་པོར་རྔུབ་པ་དང༌། དེ་ནས་དབྱུང་
བ་ལ་བསླབ། གང་བ་དང་རེངས་པ་ཚར་གཅིག་མཇུག་ཏུ་བསྒོམ་མོ། །ཐུན་བར་པ་རྣམས་ལ་
བགང་བ་ཁོ་ན་བསྒོམ། ཐུན་ཐ་མ་ལ་རྔུབ་པ་དང༌། དབྱུང་བ་ཚར་གཅིག་བཏང༌། ཐུན་སྟོད་ལ་
བུམ་ཅན་དང་ཐུན་སྨད་ལ་རེངས་པ་བསྒོམ་པ་སྟེ། ཁྲིགས་ཆགས་སུ་སྒོམ་པའི་རིམ་པའོ། །དེ་
11-1-183


ལ་ཅུང་ཟད་གོམས་ནས། རེས་འགའ་ཁྲིགས་ཆགས་སུ་བསྒོམ། རེས་འགའ་ཁྲིགས་ཆགས་
མེད་པར་བསྒོམ་སྟེ། གང་བ་གཙོ་བོ་དང་གཞན་རྣམས་གང་བྱུང་དུ་བསྒོམ་ན་མི་རིང་པར་རྡོ་
རྗེའི་ལུས་རྣམ་པར་དག་པར་འགྱུར་རོ། །དེ་དག་ལས་དབྱུང་བ་ནི། ཐུར་སེལ་སྲོག་ལ་བསྲེ་
ཞིང་དབང་དུ་བྱེད་པ་ཡིན་ལ། རྔུབ་པ་ནི་སྲོག་དབང་དུ་བྱེད་ཅིང་ཐུར་སེལ་ལ་བསྲེ་བར་བྱེད་
པ་དང༌། གང་བས་སྲོག་ཐུར་མཉམ་པར་འཛིན་ཞིང༌། དབུ་མར་གཞུག་པ་དང་རྩ་མདུད་
གཞིག་པར་བྱེད་དོ། །མ་ནིང་གིས་ནི་དེ་ལ་བོགས་འབྱིན་ཞིང༌། གེགས་སེལ་བར་བྱེད་ལ། ཕྱི་
ནང་གི་རླུང་གཅིག་ཏུ་བསྲེ་བར་ཡང་བྱེད་པ་ནུས་པ་ཡིན་ནོ། །དེ་དག་གི་ནི་ཕྲ་མོའི་རྣལ་འབྱོར་
བསྟན་ཟིན་ཏོ། །
ཐིག་ལེའི་རྣལ་འབྱོར་ལ། རླུང་རོ་བསལ་བ་ཡན་ཆད་སྔར་བཞིན་བྱ། འདི་དག་གི་སྐབས་
སུ། གང་བ་ཅན་གྱི་རླུང་སྦྱོར་གཙོ་བོ་ཡིན་ལ། སྤྱིར་སྦྱོར་བ་བཞི་པོ་གང་མོས་པ་ཞིག་སྒོམ་སྟེ། 
རང་ལུས་ལྷ་སྐུ་ཁ་སྦྱོར་ཡབ་ཡུམ་གྱི་གསང་བའི་རྩ་གཉིས་འཕྲད་མཚམས་སུ། ཐིག་ལེ་དམར་
སྐྱ་ཙ་ན་ཀའི་འབྲུ་ཚད་ཙམ་ལ་སེམས་བཟུང་ཞིང་བདེ་བ་ཡིད་ལ་བྱའོ། །དམིགས་སྐོར་གཅིག
༢༥ ཡང་ན་རྩ་འཁོར་མ་བསྒོམ་པར་ལྟེ་བར་ཨ་ཤད་ཁོ་ན་ལ་སེམས་གཏད་དོ། །ཆོས་ཐམས་
ཅད་སྒྱུ་མ་ལྟ་བུའོ་ཞེས་འདུན་པ་དྲག་ཏུ་སྦྱངས། དེས་རླུང་དབུ་མར་ཟློག་ཅིང༌། སྣང་བ་སྒྱུ་མ་
ལྟ་བུའི་ཉམས་སྐྱེའོ། །དམིགས་སྐོར་གཉིས། ༢༦ ཡང་སྙིང་གའི་དབུས་སུ་ཧཱུཾ་འོད་འབར་བ་ལ་
སེམས་གཏད་དེ། རྟག་ཏུ་སྒོམས་པས་ཉིན་མོ་མི་རྟོག་པ་འཐུག་པོ་དང༌། མཚན་མོ་གཉིད་ཀྱི་
འོད་གསལ་ལ་སེམས་ཟིན་པར་འགྱུར་རོ། །དམིགས་སྐོར་གསུམ། ༢༧ མགྲིན་པའི་དབུས་
སུ་བཾ་དམར་པོ་འོད་འཕྲོ་བ་ལ་དམིགས་ནས། སྒྱུ་མ་ལྟ་བུའི་འདུན་པ་དྲག་ཏུ་སྦྱངས་པས་ཉིན་
པར་ཡང་སྒྱུ་མ་ལྟ་བུའི་ཉམས་སྣ་ཚོགས་དང༌། མཚན་མོ་རྨི་ལམ་གྱི་ལྷ་སྐུ་རང་ཤར་དུ་འབྱུང་
ཞིང༌། དེ་ཡང་སྒྱུ་མ་ལྟ་བུ་སྣང་སྟོང་དུ་འཆར་བ་ཡིན་ནོ། །དམིགས་སྐོར་བཞི། ༢༨ ཡང་སྤྱི་
11-1-184


བོར་ཧཾ་དཀར་པོ་མགོ་བོ་ཐུར་དུ་ལྟ་བ་ལ་སེམས་གཏད་དེ། ཤེས་རབ་མའི་བདེ་བ་ཡིད་ལ་
ཅུང་ཟད་བྱ་ཞིང༌། ཡང་ཡང་རྩེ་གཅིག་ཏུ་མཉམ་པར་བཞག་པས། བདེ་བ་ལྷག་པར་རྒྱས་
ཤིང་བརྟན་པར་འགྱུར་རོ། །འདི་དང་གོང་གི་ནོར་བུ་ཐིག་ལེ་གཉིས་གོམས་པས་བདེ་ཉམས་
ཀྱི་རྩལ་རྒྱས་པ་དང༌། བྱང་ཆུབ་ཀྱི་སེམས་བརྟན་པར་གྱུར་པ་ཡིན་ནོ། །དམིགས་སྐོར་ལྔའོ། །
དེ་ལྟར་ཐིག་ལེའི་རྣལ་འབྱོར་གྱི་དམིགས་ཕྲན་ལྔ་པོ་འདི་ནི། གོང་ཕྲ་མོ་རྣམས་ཀྱི་བོགས་
འདོན་ཡང་ཡིན་ལ། ཕྲ་མོ་དང་འདི་ཙམ་ཁོ་ན་བསྒོམ་པས། ཇི་སྐད་བཤད་པའི་དགོས་དོན་
ཐམས་ཅད་ཀྱང་འགྲུབ་པ་དང༌། གཏུམ་མོ་ལ་སོགས་པ་འཆད་པར་འགྱུར་པ་ཐམས་ཅད་ཀྱི་
ཡང་བོགས་འདོན་དང་ཡན་ལག་ཁྱད་པར་ཅན་དུ་འགྱུར་བའི་ཕྱིར་དེ་དང་དེ་ལ་ཇི་ལྟར་སྦྱོར་
བའི་ཚུལ་ཡང་ཤེས་པར་བྱའོ། །དེ་དག་ནི་འཁོར་ལོ་བཞིའི་ཕྲ་མོའི་རྣལ་འབྱོར་ལས་དུམ་བུར་
ཕྲལ་བའི་དམིགས་པ་ཡིན་ལ། ཡོངས་སུ་རྫོགས་པའི་གཏུམ་མོ་དངོས་ནི་འདི་ཡིན་ཏེ་འཁོར་
ལོ་བཞི་པ་དང༌། འཁོར་ལོ་གཉིས་པའོ། །དང་པོ་ནི། ལྷ་སྐུར་བསྒོམ་པ་ཡན་ཆད་སྔར་བཞིན་
དང༌། ལུས་ལ་རྩ་གསུམ་འཁོར་ལོ་བཞི་གསལ་འདེབས་ཏེ། ཕལ་ཆེར་དཔྱིད་ཐིག་དང་འདྲ་
ལ་དབུ་མ་ནི་ཁ་དོག་མཐིང་ཀའོ། །དེ་ལས་སྤྱི་བོ་བདེ་ཆེན་འཁོར་ལོའི་དབུས་ཀྱི་དབུ་མའི་
ནང་དུ། ཧཾ་ཡིག་དཀར་པོ་མགོ་བོ་ཐུར་དུ་ལྟ་བའོ། །མགྲིན་པའི་དབུས་སུ་བཾ། ནང་སྐོར་གྱི་
འདབ་མ་བཞི་ལ་ཡ་ར་ལ་ཝའོ། །སྙིང་གའི་དབུས་སུ་ཧཱུཾ། ཕྱོགས་ཀྱི་འདབ་མ་བཞི་ལ་བྷྲུཾ་ཨཾ་ཛྲིཾ་
ཁཾ། ལྟེ་བའི་དབུས་སུ་ནི་ཨཾ། ནང་བསྐོར་གྱི་འདབ་མ་བརྒྱད་ལ། །ཨ་ཀ་ཙ་ཊ་ཏ་པ་ཡ་ཤ རོ་
མ་ལ་ཀཱ་ལི། རྐྱང་མ་ལ་ཨཱ་ལི་ཉིས་འགྱུར་ཏེ། ཡི་གེ་ཐམས་ཅད་རང་གི་རྩ་དང་ཁ་དོག་འདྲ་
བའོ། །ཡང་འབྲིང་པོ་ལ་ནི་རོ་རྐྱང་གི་ཡི་གེ་སྤངས་པ་དང༌། བསྡུས་པ་ལ་ནི་འདབ་མའི་ཡི་གེ་
ཡང་བོར་བས་རུང་སྟེ། རྩ་ཡིག་རྣམས་གསལ་བཏབ་ནས་རླུང་རོ་བསལ་ལོ། །དེ་ནས་གང་བ་
ཅན་བསྒོམ་ན། གཏུམ་མོ་འབར་འཛག་སོགས་སྤྱི་དང་འདྲ་ལ། འབྱུང་རྔུབ་སྤེལ་མ་ལ་སློབ་ན་
11-1-185


དབྱུང་བའི་དུས་སུ་ལྟེ་བའི་ཨཾ་ཡིག་འབར་ཏེ་ཧཾ་ལ་རེག་པ་དང༌། རྔུབ་པའི་དུས་ན་ཧཾ་ལས་བྱང་
སེམས་བབས་ཏེ་ཨཾ་ལ་ཐིམ་པར་བསྒོམ་པ་ཡིན། གལ་ཏེ་རེངས་པའི་རྣལ་འབྱོར་ལ་བརྟེན་
པར་འདོད་ན། རླུང་ཕྱིར་དབྱུང་བའི་ཚེ། ཨཾ་ལས་གཏུམ་མོ་ཅུང་ཟད་འབར་བ་དང༌། ཕྱིར་
བཟུང་བའི་ཚེ། དེ་ཆེར་འབར་བའི་དྲོད་ཀྱིས་ཧཾ་ཞུ་ནས་དམིགས་པའི་ཚུལ་གྱིས་འབབ་པ་ལ་
སེམས་རྩེ་གཅིག་ཏུ་བཞག །རླུང་ནང་དུ་འོང་བ་ན་མི་དམིགས་པ་བྱའོ། །དེ་བཞིན་གཤེགས་
པའི་རྒྱུད་ལ་འགྲོ་འོང་བྱེད་པ་ལ་སོགས་ནི། རྒྱུད་གཞན་གྱི་དགོངས་པས་དཔྱིད་ཐིག་སོགས་
ལས་འབྱུང་བ་ལྟར་ཡིན་ཡང༌། རྒྱུད་འདི་ལས་མི་གསལ་བས་མི་དགོས་པར་བཞེད་དོ། །
གཉིས་པ་ནི་ཤིན་ཏུ་བསྡུས་པ་སྟེ། མགྲིན་པ་དང་སྙིང་གའི་འཁོར་ལོ་མི་བསྒོམ། །ལྟེ་བའི་རྩ་
འདབ་གྱི་ཡི་གེ་དང༌། །རོ་རྐྱང་གི་ཡི་གེ་ཡང་སྤངས་ཏེ། རྩ་གསུམ་འཁོར་ལོ་གཉིས་པ་གསལ་
བཏབ། འབར་འཛག་ཇི་ལྟར་བྱེད་པ་དང༌། རླུང་སྦྱོར་སོ་སོ་དང་སྦྱོར་ཚུལ་སོགས་གོང་དང་
འདྲ་བའོ། །དེ་རྣམས་ནི་ཐིག་ལེའི་རྣལ་འབྱོར་ཏེ། དེ་ལྟར་ཕྲ་ཐིག་གི་རྣལ་འབྱོར་དེ་རྣམས་ནི། 
དམ་ཚིག་གི་ཕྱག་རྒྱའི་རིམ་པའོ། །
འདིར་གཞུང་ལས་གློ་བུར་དུ་ཟློག་པའི་སྦྱོར་བ་ཞེས་གསུངས་པ་ལས་ད་ལྟ་ཁོ་བོས་ཐོབ་
པ་ནི། གོང་གི་འཁྲུལ་འཁོར་དེ་དག་ཡིན་ལ། སྤྱིར་ཕྲ་ཐིག་གི་རྣལ་འབྱོར་དབང་པོའི་སྒོར་སྤྲོ་
པ་དང༌། དེ་དང་འབྲེལ་བའི་བཙན་ཐབས་ཀྱི་སྦྱོར་བ་དུ་མ་ཡང་འབྱུང་དུ་རུང་བ་ནི་ཡིན་ནོ། །
དེ་དག་གོམས་པ་ལས། རང་ལུས་ཐབས་ལྡན་གྱི་བདེ་སྟོང་ཡང་མཚོན་པར་ནུས་པར། རླུང་
ལས་རྣམ་པར་རྒྱལ་བ་ཡང་ཐོབ་པ་ན། ལས་ཀྱི་ཕྱག་རྒྱའི་རྣལ་འབྱོར་བསྒོམ་པར་བྱ་སྟེ། དེ་ལ་
ཕྱག་རྒྱའི་མཚན་ཉིད་ནི། རྒྱུད་ཉིད་ལས་གསལ། སྔོན་འགྲོ་ལྷར་བསྐྱེད་པ་དང༌། མཁའ་གསང་
བྱིན་གྱིས་བརླབས་པ་དང༌། སྒྱུ་མ་ལྟ་བུར་སྦྱང་བ་རྣམས་སྔོན་དུ་བཏང་ནས། དངོས་གཞི་
འདོད་ཡོན་ལྔ་ལ་སློབ་ཅིང༌། དབབ་བཟུང་ཟློག་ཁྱབ་ལ་སོགས་པ་ནི་སྤྱི་དང་འདྲ་བ་ལས། གོ་
11-1-186


དོན་རྒྱུད་ཀྱི་ཚིག་དང་སྦྱོར་དགོས་ལ། ཁྱད་པར་གྱི་མན་ངག་ནི། བཟུང་བའི་སྐབས་སུ། རླུང་
རྒྱུ་ཞབས་སུ་མདུང་ཚུགས་སྦྱར་ཞིང༌། རྒྱུ་ཞབས་ཡང་ཡང་ཕྱིར་བཀྱེད་ལ་མ་འཁུམས་པར་
བྱ། རྔུབ་པའི་རླུང་སྦྱོར་དང༌། འཁྲུལ་འཁོར་གྱིས་ཀྱང་བཟུང༌། དབྱུང་བ་དང༌། དེའི་འཁྲུལ་
འཁོར་གྱིས་ཟློག གང་བ་དང་རེངས་པའི་འཁྲུལ་འཁོར་གྱིས་དགྲམ་པར་བྱའོ། །རྗེས་ཀྱི་བུམ་
པ་ཅན་གྱིས་རྣལ་འབྱོར་དང༌། ལྟ་བའི་མན་ངག་དང༌། ལྷ་སྐུའི་རྣལ་འབྱོར་དང་བསྲེས་ཏེ་
མཉམ་པར་བཞག་པར་བྱའོ། །དེ་ནི་དངོས་ཀྱི་ཕྱག་རྒྱའི་རིམ་པ་ཡིན་ལ། འདི་གནད་དུ་སོང་
ན་ཉིན་རེར་ཡང་ཞུ་བདེ་འཕེལ་བར་འགྱུར་བས། དེ་ལ་བདེ་བ་བརྟན་པར་གྱུར་ན་ཡིད་ཀྱི་
ཕྱག་རྒྱ་ལ་ཡང་སྔར་བཞིན་གོམས་པར་བྱས་ནས། དེས་ཀྱང་ལས་རྒྱལ་མཆོག་དང་འདྲ་བའི་
བདེ་བ་བསྐྱེད་ནུས་པ་ན། དེ་ཉིད་བརྟན་པ་ཐོབ་ཐོབ་ཀྱི་བར་དུ་བསྒོམ་པར་བྱའོ། །དེ་དག་ནི་
ལས་ཀྱི་ཕྱག་རྒྱའི་མན་ངག་སྟེ། ཞིབ་པར་བླ་མའི་གསུངས་ལས་རྟོགས་པར་བྱའོ། །དེ་ནས་
བདེ་བ་དེ་ཡང་ཚད་དུ་ཕྱིན་པ་ན། མི་མོས་གཟུགས་ལ་ལྟ་བ་ལས། བདེ་བ་ཅུང་ཟད་བསྐུལ་
ཞིང་མི་རྟོག་པ་ལ་བཞག་པ་ན་བདེ་བའི་རྒྱུན་དེ་འབྱུང་ངོ༌། །དེ་ཉིད་ཡང་ཡང་གོམས་པ་ལས། 
ཡིད་ཀྱི་ཕྱག་རྒྱ་དང་འདྲ་བའི་བདེ་བ་ཚད་དུ་ཕྱིན་པ་ན། རི་མོའམ་འབུར་དུ་དོད་པའི་ལྷ་མོའི་
གཟུགས་ལ་ལྟ་ཞིང་རྗེས་ཆགས་ཅུང་ཟད་བསྐུལ་ལ་སྔར་བཞིན་མཉམ་པར་བཞག་པ་གོམས་
པ་ན། ཕྱི་རོལ་གྱི་རྐྱེན་ལ་མ་ལྟོས་པར་ཡང༌། ཞུ་བདེ་དང་འབྲེལ་བའི་བདེ་སྟོང་གི་ཉམས་རྒྱུན་
དུ་འབྱུང་ངོ༌། །དེ་ནས་སྣང་བ་ཐམས་ཅད་ལ་རྒྱས་འདེབས་ཏེ། ཇི་ལྟར་འོས་པའི་ཁ་དོག་ཡིད་
དུ་འོང་བ་ལྟ་བུ་ཞིག་དང༌། བདེ་བ་གཉིས་ཀར་ལ་སེམས་དུས་མཉམ་དུ་གཏད་དེ་མཉམ་པར་
བཞག་པས། ནམ་ཞིག་ན་དེ་ལྟ་བུས་ཁ་དོག་མཐོང་བས་ཀྱང་བདེ་བ་འཕེལ་བར་འགྱུར་ལ། 
དེ་བཞིན་དུ་དགྲ་གཉེན་ལ་སོགས་ལའང་སྦྱར་ཏེ། མཐར་ཡུལ་བར་མ་དང་མི་སྡུག་པ་སོགས་
ལ་ཡང་སྟེ། གང་སྣང་ཐམས་ཅད་ཀྱིས་བདེ་བ་འཕེལ་བར་ནུས་ན། ཆོས་ཐམས་ཅད་ཕྱག་
11-1-187


རྒྱར་གྱུར་པའི་ཆོས་ཀྱི་ཕྱག་རྒྱ་ཞེས་བྱ་ལ། ཟས་དང་འགྲོ་འདུག་སོགས་སྤྱོད་ལམ་ཐམས་ཅད་
དུ་ཡང་དེ་ཉིད་རྒྱུན་མི་འཆད་པར་འགྱུར་རོ། །ཆོས་ཀྱི་ཕྱག་རྒྱའི་རིམ་པའོ། །ཕྱག་རྒྱ་གསུམ་
གྱིས་ཉམས་མྱོང་མཐར་ཕྱིན་པའམ། དེ་མིན་ཡང་ཉམས་མྱོང་ཅུང་ཟད་སྐྱེས་པས་ཕྱག་རྒྱ་ཆེན་
པོ་སྒོམ་ན་རྒྱུད་ལས་ཇི་སྐད་བསྟན་པ་ལྟར་གྱི། ཡོན་ཏན་ཐམས་ཅད་དང་བཅས་པར་འགྱུར་
ལ། གཞན་དུ་ན་དང་པོ་ཁོ་ན་ཉིད་ནས་ཀྱང་སྒོམ་དུ་མི་རུང་བ་མ་ཡིན་ཏེ། ཅི་ཙམ་ནས་དོན་
ཁྱད་པར་ཅན་འགྲུབ་པར་ནི་འགྱུར་རོ། །དེ་ཡང་གནས་ཁང་དབེན་པ་མི་བཟད་པའི་མུན་
པ་ཆེན་པོ་དང་བཅས་པར་རླུང་རོ་བསལ་བ་ཡན་སྔོན་འགྲོ་སྔར་བཞིན་དུ་བྱས་ལ། དེ་ནས་
རྐང་པ་རྡོ་རྗེའི་སྐྱིལ་ཀྲུང༌། ལག་པ་མཉམ་བཞག་ལ་སོགས་པ་བསམ་གཏན་གྱི་ཡན་ལག་
སྤྱི་དང་མཐུན་པར་བྱས་ནས། སྟ་སྟངས་གཙུག་ཏོར་གྱིས་གནས་སུ། གཡོ་བ་མེད་པ་མིག་མི་
འཛུམ་པར་བཞག་གོ །དེ་ལྟར་གོམས་པར་བྱས་པ་ལས། རྟགས་ལྔ་དང༌། ཐིག་ལེ་སྣ་ཚོགས་
པ་དང༌། ཁམས་གསུམ་པའི་གཟུགས་བརྙན་སྣ་ཚོགས་པ་དག་སྣང་བར་འགྱུར་རོ། །དེ་ཉིད་
ཇི་སྲིད་དུ་བརྟན་པ་མ་ཐོབ་ཀྱི་བར་དུ་བསྒོམ་པར་བྱ་ལ། ཅི་སྟེ་གཟུགས་བརྙན་མ་མཐོང་ན་
ནི། བྱིན་གྱིས་རླབས་པ་དང་བྲལ་ཞིང༌། དམིགས་པའི་གནད་ཉམས་པ་ཡིན་ཏེ། ཕྱག་རྒྱ་ཆེན་
པོ་འདི་ལ་རྩ་བ་གཏོར་བ་ཡིན་ནོ། །གལ་ཏེ་གཟུགས་བརྙན་རྟག་ཏུ་མཐོང་ན་ནི། དེ་ཉིད་ཁོ་
ན་ལ་སེམས་རྩེ་གཅིག་ཏུ་མཉམ་པར་བཞག་པས། དོན་ཐམས་ཅད་འགྲུབ་པ་ཡིན་ནོ། །དེ་
ལ་དང་པོར་གཟུགས་བརྙན་ལ་བརྟན་པ་མ་ཐོབ་ཀྱི་བར་དུ། མུན་ནག་གི་ནམ་མཁའ་ཁོ་ན་
ལ་རྩེ་གཅིག་ཏུ་མཉམ་པར་འཇོག་ཅིང༌། དེ་ནས་ཉིན་མོའི་ནམ་མཁའ་སྔོ་བསངས་ལ་ཡང་
སྒོམ་པས། དེ་ཡང་གཟུགས་བརྙན་ལ་བརྟན་པ་ཐོབ་ཀྱི་བར་དུ་སྒོམ་དགོས་ཏེ་སོ་སོར་བསྡུད་
པའོ། །བརྟན་པ་ཐོབ་པ་ན། སྟོང་གཟུགས་ཁོ་ན་ལ་དམིགས་ཏེ་མཉམ་པར་བཞག་པས། རང་
སེམས་སྟོང་གཟུགས་ཀྱི་ངོ་བོར་མཐོང་གི་བར་དུ་སྒོམ་པ་ནི། བསམ་གཏན་ནོ། །དེ་ནས་དེ་
11-1-188


ཉིད་ལུས་ཀྱི་ནང་དུ་དྲངས་ཏེ་བུམ་པ་ཅན་དང་བསྲེ་ཞིང་སྒོམ་པས་རོ་རྐྱང་གཉིས་དང་སྲོག་
ཐུར་གྱི་རྒྱུ་བ་འགགས་ཤིང་སྟོང་གཟུགས་དང་རླུང་འདྲེས་པར་གྱུར་པ་ནི། སྲོག་རྩོལ་ལོ། །དེ་
ཉིད་ཡུན་བསྲིངས་ཏེ་སྒོམས་པ་ལ། སེམས་དང་སྟོང་གཟུགས་རླུང་གསུམ་སྔར་འདྲེས་པ་དེ་
ཉིད་ཐིག་ལེ་དང་ཡང་འདྲེས་པས་ཡེ་ཤེས་ཀྱི་གཏུམ་མོ་འབར་བ་རྒྱུན་མི་འཆད་ཅིང༌། རྩ་ཨ་
བ་དྷུ་ཏཱིར་ཞུ་བདེ་ཡང་ཡང་བསྐྱེད་པ་ནི། འཛིན་པའི་ཡན་ལག་གོ །དེ་ནས་གོང་དུ་བཤད་
པའི་དངོས་དང་ཡིད་ཀྱི་རིག་མ་དང༌། སྟོང་གཟུགས་ཀྱི་ལྷ་ཡབ་ཡུམ་གྱི་ཞུ་བདེ་ཁྱད་པར་ཅན་
བསྐྱེད་པ་ནི་རྗེས་དྲན་ནོ། །དེ་གོམས་པ་ལས་རྩ་རྣམས་བྱང་ཆུབ་ཀྱི་སེམས་ཀྱིས་གང་སྟེ། ཕུང་
ཁམས་སྐྱེ་མཆེད་ཐམས་ཅད་ཐིག་ལེའི་རྣམ་པར་གྱུར་པ་ནི། ཏིང་ངེ་འཛིན་གྱི་ཡན་ལག་སྟེ། 
དེ་ནས་རྡོ་རྗེ་འཛིན་པ་ཆེན་པོའི་ཡེ་ཤེས་ཀྱི་སྐུ་ཐོབ་པར་འགྱུར་རོ། །སོ་སོར་བསྡུད་པ་དང་
བསམ་གཏན་ལ་སོགས་པའི་སྤྲོ་བ་དང༌། བསྡུ་བ་དག་ནི། ཆོས་ཀྱི་ཕྱག་རྒྱའི་རྣལ་འབྱོར་དུ་
བཤད་པ་དེ་ལྟ་བུས་རྒྱས་འདེབས་པ་ཡིན་ནོ། །ཕྱག་རྒྱ་ཆེན་པོའི་རིམ་པའོ། །འཕྲོས་དོན་ལྔ་
པའི་མན་ངག་ནི། ངོ་བོས་གཟུགས་མེད་མཐོང་བ་པོ་ཞེས་བྱ་བ་ལ་སོགས་པས་ཕྱི་རོལ་དོན་
མེད་དེ་སེམས་ཀྱི་སྣང་བའོ། །སེམས་མེད་སེམས་ལས་བྱུང་བའང་མེད། །སེམས་ཀྱི་སྣང་བ་
ཙམ་དེ་ཡང་གནས་ཚུལ་ལ་ཡོད་པ་མ་ཡིན་ཏེ། ཐམས་ཅད་ཆུ་ཡི་ཟླ་བ་ལྟར། །འདོད་པས་
རྣལ་འབྱོར་མས་ཤེས་ཀྱིས། །ཞེས་པ་ལ་སོགས་པའོ། །སེམས་པ་པོའི་རང་བཞིན་དེ་ཡང་མི་
དམིགས་པའི་ཚུལ་གྱིས་མཉམ་པར་བཞག་པ་ནི། སྒོམ་མེད་སྒོམ་པ་པོ་ཡང་མེད། །ཅེས་པ་
དང༌། གང་ཕྱིར་ཡིད་ཀྱིས་མི་སྒོམ་པར། །ཞེས་པ་ལ་སོགས་པའོ། །དེ་བཞིན་དུ། རང་རིག་
བདག་ཉིད་དག་པ་ཉིད། །ཅེས་རིག་པ་དང༌། རང་གི་རིག་པའི་བདེ་བ་མཆོག །ཅེས་རང་
བཞིན་བདེ་བ་དང༌། དེ་ཕྱིར་སངས་རྒྱས་དངོས་པོ་མིན། ཞེས་པས་གདོད་ནས་ཟུང་འཇུག་
ཡིན་པ་དང༌། རྣམ་དག་དག་པ་གཉིས་བསྟན་པ་ལ་སོགས་པས་ཀྱང་འཁོར་བ་གདོད་ནས་མ་
11-1-189


གྲུབ་ཅིང༌། ཆོས་ཉིད་ཀྱི་དཀྱིལ་འཁོར་ལྷུན་གྱིས་གྲུབ་པར་ཐག་བཅད་དོ། །དེ་དག་གི་སྒོམ་
ཚུལ་ནི་འདི་ལྟ་བུ་ཡིན་ཏེ། སྔོན་འགྲོ་རྣམས་སྔར་དང་འདྲ་བར་བྱས། སེམས་སྣང་བའི་སྟེང་དུ་
རང་བབས་སུ་བཞག་སྟེ་དམིགས་སྐོར་གཅིག །དེ་ལ་དེ་ཉིད་ཀྱིས་བལྟས་པས། གང་དུ་ཡང་
མ་གྲུབ་སྟེ་དམིགས་སྐོར་གཉིས། འདིར་སེམས་ལས་གཞན་དུ་མེད་པར་ངོ་སྤྲོད། སེམས་ཀྱི་
རང་བཞིན་ལ་བཟོ་བཅོས་མེད་པའི་ཚུལ་གྱིས་ལྷག་གེར་བལྟ། དམིགས་སྐོར་གསུམ། དེ་
ཉིད་ཆེ་རེ་བལྟས་ཤིང་བཙལ་བས་གང་དུ་ཡང་མ་གྲུབ་སྟེ་བཞི་པའོ། །འདིར་འཛིན་པ་རང་
བཞིན་མེད་པ་ངོ་སྤྲད་རིག་པའི་དྭངས་ཆ་མ་འགགས་པ་ལས་ཅི་ཡང་འཆར་དུ་རུང་བ་འདིས་
མཚོན་ནས། རང་བཞིན་ཆོས་ཉིད་རྣམ་པ་ཐམས་ཅད་པར་ཡང་ངོ་སྤྲད་དེ་ལྔ་པའོ། །ཞུ་བདེ་
ལ་སོགས་པའི་བདེ་བས་སེམས་ཉིད་བདེ་བར་ལན་གཅིག་མཚོན་པའི་རྗེས་སུ་ཕྱིས་རྐྱེན་
མེད་ཀྱང་རང་བཞིན་བདེ་བར་སྣང་བའི་ཕྱིར། དབྱིངས་བདེ་ཆེན་དུ་ངོ་སྤྲད་དེ་དྲུག་པའོ། །ད་
ལྟའི་རྣམ་པར་རྟོག་པ་དང་འཆར་སྒོ་འགགས་པའི་ཐ་མ་ནི། རིག་པ་དང་དབྱེར་མེད་པའི་
སྟོང་ཉིད་སྤྲོས་བྲལ་དེ། ཀུན་གྱི་རྩ་བ་འགྱུར་མེད་དུ་འདུག་ལ། དེ་ལྟར་མ་རྟོགས་པ་ལ་སྙིང་
རྗེ་དང་འབྲེལ་བར་སྟོང་ཉིད་སྙིང་རྗེའི་སྙིང་པོ་ཅན་དུ་གནས་པར་ཤེས་པར་བྱ་སྟེ་བདུན་པའོ། །
འདིར་ངོ་སྤྲོད་ཅེས་པ་བོད་ལ་སྔར་གྲགས་པའི་བརྡའ་དང་མཐུན་པར་བྱས་ཤིང༌། དེ་དག་གི་
སྒོམ་ཚུལ་ཞིབ་རྒྱས་རྣམས་ཀྱང༌། ཕལ་ཆེར་ལ་གྲགས་ཆེ་བའི་ཕྱིར་ཐུན་མོང་ཡིན་པས་འདིར་
མ་བཀོད་དོ། །དེ་ལྟར་ན་དགྱེས་པའི་རྡོ་རྗེའི་རྫོགས་རིམ་ཟབ་པ་ལས་ཀྱང་ཆེས་ཟབ་པ། རྒྱུད་
ཀྱི་དངོས་བསྟན་སྒྲ་ཇི་བཞིན་ལ་འབྱོར་ཞིང༌། ངེས་དོན་མཐར་ཐུག་དང་ཡང་འབྲེལ་བ་གྲུབ་
པའི་སློབ་དཔོན་ཆེན་པོ་ཞི་བའི་ཞབས་ཀྱི་མན་ངག་ཟབ་མོ་འདི་ཡང་རྒྱལ་ཁམས་པ་ཏཱ་ར་ནཱ་
ཐས་ཡི་གེར་བཀོད་པའོ།།    །།མངྒ་ལཾ། 
11-1-190


༄༅། །ཕྱག་རྒྱ་བཞིའི་སྙིང་པོའི་བྱིན་རླབས་བཞུགས། 
༄༅། །ན་མོ་ཧེ་བཛྲ་ཌཱ་ཀཱ་ཡ། འདིར་དཔལ་དགྱེས་པ་རྡོ་རྗེའི་དཀྱིལ་འཁོར་དུ་དབང་
བསྐུར་བ་ཐོབ་པའི་གང་ཟག་འགའ་ཞིག་ལ་ཕྱག་རྒྱ་བཞིའི་སྙིང་པོའི་བྱིན་རླབས་བྱ་བར་
འདོད་ན། རང་བདག་བསྐྱེད་སྒོམ་ཚུལ་ཟུར་དུ་གསལ་བ་བཞིན་སྒོམ་བཟླས་བྱས་ནས། 
རྫོགས་རིམ་གྱི་དམིགས་པ་ལ་རིང་དུ་མཉམ་པར་འཇོག དེ་ནས་མདུན་དུ་མཆོད་པའི་རྟེན་
ཧེ་རུ་ཀའི་སྐུ་བརྙན་ནམ། མ་རྙེད་ན། དྲི་བཟང་གི་ཐིག་ལེ་བཀོད་ཀྱང་རུང་སྟེ། དེའི་མདུན་
དུ་གཏོར་མ། མཐའ་སྐོར་དུ་མཆོད་པ་རྣམ་ལྔ་ཆུ་བཞི་དང་བཅས་པ། དེའི་ཕྱི་རོལ་གྱི་མདུན་
དུ་དབང་གི་ཆུ། རྒྱབ་ཏུ་དག་བྱེད་ཀྱི་ཆུ་སྣོད། གཡོན་དུ་ཆང་སྣོད་བཅུད་ཀྱིས་གང་བ༌། སའི་
མཐིལ་དུ་བྷེ་ར་བ་མཆོད་པའི་གཏོར་མ་གཉིས། རྭའམ། བྱ་ནག་མོའི་གཟུགས་བག་ཟན་ལ་
བཅོས་པའི་ནང་ཁྲག་བཙོས་པ་དང་མ་བཙོས་པའི་བཀང་བ་གཉིས། མ་དཱ་ན་དང༌། རཀྟའི་
ཨརྒྷཾ་དང་བཅས་པ་བཤམས་ལ། ༀ་གྷཾ་བཛྲ་གྷསྨ་རཱི་ཧཱུཾ་ཕཊ། ཅེས་པས་བསངས། རང་གི་
སྙིང་ག་ནས་འོད་ཟེར་འཕྲོས་པས་རང་བཞིན་གྱི་གནས་ནས། དགྱེས་པ་རྡོ་རྗེ་ལྷ་བཅུ་བདུན་
ནམ། དྲག་པོ་གདན་ཅན་ལྷ་དགུའི་དཀྱིལ་འཁོར་བཛྲ་ས་མཱ་ཛཿ ༀ་བཛྲ་གཽ་རཱི་ཨ་ཀཪྵ་ཡ་
ཛཿ ཞེས་སོགས་ཀྱིས་དགུག་གཞུག་བཅིངས་མཉེས་པས་རྟེན་དང་གཉིས་སུ་མེད་པར་ཐིམ། 
དེ་ནས་མཆོད་པ་དང་གཏོར་མ་རྣམས། སྟོང་པའི་ངང་ལས། ཧ་ཧོ་ཧྲཱིཿལས་བདུད་རྩིའི་རང་
བཞིན་དུ་གྱུར། ༀ་ཨཱཿཧཱུཾ་ཧ་ཧོ་ཧྲཱིཿ དེ་ནས། ༀ་ནཻ་རི་ཏེ་ཧཱུཾ་ཁཾ་ཞེས་སོགས་ཀྱི་མཆོད་པ་དང༌། 
ཨ་ཀཱ་རོའི་སྔགས་དང༌། ཕྱག་རྒྱས་གཏོར་མ་ཕུལ། ཡང་ཡི་གེ་འབྲུ་གསུམ་གྱིས་གཏོར་མ་
བྱིན་གྱིས་བརླབས་ནས། རང་གི་སྙིང་གའི་འོད་ཟེར་གྱིས་སྲིད་པ་གསུམ་གྱི་འབྱུང་པོ་ཐམས་
11-1-191


ཅད་བཀུག་སྟེ། ༀ་ཨིནྡྲ་སོགས་ཀྱིས་ཕུལ། འདོད་པའི་དོན་སྒྲུབ་པར་གསོལ་བ་བཏབ། དེ་
ནས་དབང་གི་ཆུ་དང༌། དག་བྱེད་ཀྱི་ཆུ་ལ་རྩ་བའི་སྔགས་ལན་བཞི་བརྒྱར་བཟླས་ལ། ཕཻཾ་ལན་
བརྒྱད་ཀྱི་ང་རོ་སྟངས་སྟབས་དང་བཅས་ཏེ་བྱས་ནས། རང་གི་སྙིང་ག་ནས་འོད་ཟེར་འཕྲོས། 
མྱོས་བྱེད་ལ་ཕོག་པས། དྲི་མ་ཐམས་ཅད་སྦྱངས། ༀ་ཨཱཿཧཱུཾ་ཞེས་བརྗོད་པས། བདུད་རྩིའི་
རང་བཞིན་དུ་རྟོགས། རང་གི་སྙིང་གའི་འོད་ཀྱིས་སངས་རྒྱས་ཐམས་ཅད་བདུད་རྩིར་སྤྱན་
དྲངས་ཏེ་སྟིམས་པས། རྒྱ་ཆེར་སྤེལ་བར་བསམ་ནས་ཕཻཾ་སྒྲ་དྲག་པོ་བརྒྱ་རྩ་ཙམ་དང༌། ཧཱུཾ་གི་སྣ་
གླུ་དང༌། ཁ་དང་ལྐོག་མར་ཉེད་པ་ལན་བརྒྱ་ཙམ་བྱས་རྗེས། ཅུང་ཟད་མཉམ་པར་བཞག །དེ་
ནས་བྷཻ་ར་བ་མ་མོ་དང་བཅས་པར་གཏོར་མ་འབུལ་བ་ནི། ཁྲག་གམ། ཁྲག་ཏུ་བརྫུས་པས་ས་
རྗེན་ལ། ཆག་ཆག་བཏབ། ༀ་བི་མ་ལ་བཛྲ་བྷུ་མི། གུར་གུམ། ཙནྡན་དམར་པོ། ཁྲག་ཆེན་
རྣམས་བསྲེས་པས་རྐྱང་ནུལ་བྱས་ལ། བཛྲ་པུཥྚཾ་ཀུ་རུ། དེ་ནས་མེ་ཏོག་ནག་པོའམ། འབྲུ་ནག་
པོ་བླངས་ལ། དབུས་དང་ཕྱོགས་མཚམས་བརྒྱད་དུ་ཚོམ་བུ་འགོད་ཅིང༌། མཧཱ་བྷཻ་ར་བ་ཨཱ་ཡ་
ན་མཿ སིདྡྷ་པ་ཎ་བྷཻ་ར་བ༴ སྭ་ན་རི༴ ཤྱ་རི༴ ཀ་པི་ལ༴ བི་ཀ་ཊ༴ ཀཱ་ལ༴ མཧཱ་ཡོ་ག༴ དེ་ནས་
ཁྲག་གི་ཐིག་ལེ་ཕྱོགས་མཚམས་བརྒྱད་དུ་བྱས་ལ། བྲཧྨི༴ རཽ་དྲཱི༴ ཀཽ་མ་རཱི༴ ན་ར་ཡ་ཎཱི༴ ཝཱ་
རཱ་ཧཱི༴ བཛྲ་ཧསྟེ༴ ཀཱ་ལ་རཱ་ཏྲཱི༴ ཙ་མཱུནྚི་ཨཱ་ཡ་ན་མཿ ཞེས་བརྗོད་པས། འཇིགས་བྱེད་དགུ། 
མ་མོ་བརྒྱད་དང་བཅས་པ་བཞུགས་པར་བསམ། རང་གི་སྙིང་ག་ནས་འོད་ཟེར་འཕྲོས་བྷཻ་ར་
བ་མ་མོ་བརྒྱད་དང་བཅས་པ་སྤྱན་དྲངས། ༀ་ཨ་ཀཪྵ་ཎི་ཧཱུཾ་ཕཊ། བྷྱཿབརྟ་ལཱི་གཉིས་ཚེཿཞེས་
པས་འཁོད་པར་གྱུར་པ་ནི། དབུས་སུ་བྷཻ་ར་བ་ལག་པ་བཅུ་གར་བྱེད་པ། ཁ་ཊྭཱཾ་ག །ཐོད་
ཁྲག གྲི་གུག ཌཱ་མ་རུ། རྩེ་གསུམ་བསྣམས་པ། ཕྱག་ལྷག་མ་རྣམས་གྲི་རྒུ་པོ་དང༌། ཆང་སྣོད་
འཛིན་པ། འཇིགས་བྱེད་བརྒྱད་པོ་གྲི་གུག་དང༌། ཆང་སྣོད་བསྣམས་པ། ཐམས་ཅད་ཀྱང་
བྱིས་པའི་གཟུགས་ཅན་ཁྲོ་ཞིང་གཏུམ་པས་ཤ་ཁྲག་ལ་དགྱེས་པ། མ་མོ་བརྒྱད་པོ་རྣམས་རྩེ་
11-1-192


གསུམ་དང་ཐོད་ཁྲག་འཛིན་པ། རུས་པའི་རྒྱན་ཅན་སྐྲ་གྲོལ་བ། ཐམས་ཅད་ཀྱང་མེ་དཔུང་
འབར་བའི་དབུས་ན་བཞུགས་པ། དེ་ནས་མཆོད་གཏོར་ཡི་གེ་འབྲུ་གསུམ་གྱིས་བདུད་རྩིར་
ལྟས་ལ། ཁ་ཁ་ཀྵི་ཞེས་སོགས་ཀྱིས་གཏོར་མ་ཕུལ། མ་དཱ་ན་དང༌། དམར་གྱི་ཨརྒ་ལྷ་སོ་སོའི་
མིང་དང་སྤེལ་ནས། ༀ་མ་དཱ་ན་ཨརྒྷ་ན་མཿདང༌། ༀ་མཧཱ་རཀྟ་ཨརྒ་ན་མཿཞེས་ཕུལ་ནས། གུ་
གུལ་གྱིས་བདུག་པས་བདུག་ཅིང༌། བྷཻ་ར་བ་ཨཱ་ཡ་ན་མཿནས། བྷཻ་ར་པ་ཏི་རི་པ་ག་ཏིའི་བར་
སྔགས་བརྒྱ་རྩ་དང༌། ཁ་ཁ་སོགས་བརྒྱ་བརྒྱ་བཟླ། དེ་ནས་བྱའམ་རའི་གཟུགས་ཀྱི་མགྲིན་པ་
བཅད་པའི་ནང་གི་ཁྲག་གིས་གཏོར་ཞིང༌། དུམ་བུ་རྣམས་ལྷ་སོ་སོའི་གནས་སུ་བཞག་ལ། ༀ་
ཀི་ལི་སོགས་བཟླ། དེ་ནས་ལྷག་མའི་གཏོར་མ་ལ། མ་དཱ་ན་དང༌། ཁྲག་གི་ལྷག་མ་བླུག་ཅིང༌། 
དྲི་བཟང་གི་ཆུ་དང༌། མྱོས་བྱེད་ཀྱི་ཨརྒ་འགྲོ་ཕྱོགས་སུ་བསྒྲེང་བ་དང་བཅས། ༀ་ཀུ་རུ་སོགས་
དང༌། བྷྱཿསོགས་ཀྱི་སྔགས་ཀྱིས་པུཀྐ་སཱི་སྤྱན་དྲངས་ནས་མདུན་དུ་འཁོད་པ་ནི། སྐུ་མདོག་
སེར་སྐྱ། ཕྱག་དང་པོ་གཉིས་ལྕགས་ཀྱུ་དང་ཞགས་པ། འོག་མ་གཉིས་མདའ་གཞུ། བོང་བུ་
ལ་ཞོན་པ་སྒོམ་ནས། ཀཱི་ལི་སོགས་དང༌། ༀ་བྷཀྵ་སོགས་ཀྱིས་བྱིན་གྱིས་རླབས་ནས། ཨ་
ཀཱ་རོས་ཡུལ་ལ་འཕྲིན་ལས་བཅོལ་ཏེ། གཏོར་མ་བཞི་མདོར་དོར། དེ་ནས་སློབ་མ་གང་ཡིན་
རང་གི་མདུན་དུ་བཞག་སྟེ། མཎྜལ་ལན་གཅིག་འབུལ་དུ་བཅུག་ལ། ཡང་མཎྜལ་བྱ་སྟེ། ༀ་
བཛྲ་བྷུ་མེ་སྭཧཱ། སྐྱོན་སྦྱངས། ༀ་བཛྲ་སུ་རེ་ཁེ་ཧཱུཾ་{སྭཱ་ཧཱ}། རྐྱང་ནུལ་བྱ། དེའི་དབུས་སུ་ཧཱུཾ། 
སུ་མེ་རུ་མ་དྷེ་མ། ཡ་པཱུ་རྦི་དེ་ཧཿདཱི་པ། ར་ཛམྦུ་དཱི་པ་དཀྵི་ཎ། བ་གོ་དྭ་ནི་ཡ་པ་ཙི་མ་དྭི་པ། ལ་
ཨུཏྟ་ར་ཀུ་རུ་དྭི་པ། ཡཾ་ཡཿདེ་ཧཤྩ་བི་དེ་ཧཿརཾ་རཿ ཙ་མ་རཤྩ་ཨ་པ་ར་ཙཱ་མ་རཿབཾ་བཿ ཤ་
ཥཱ་ཤྩ་ཨུཏྟ་ར། མནྟི་ཎཿ ལཾ་ལཿཀུར་བཤྩ་ཀཽ་ར་བཱ། ཙནྡྲ་སཱུརྱ་བྷུ་ཥི་ཏ་ཞེས་ཚོམ་བུ་བཀོད་ལ་
ཕུལ་ནས། མཆེ་བ་གཙིགས་ཤིང་འཇིགས་པ་ཆེ། །སྔགས་ཀྱི་མེ་ཏོག་ཕྲེང་བས་བརྒྱན། །ཤ་
ཆེན་རབ་ཏུ་གསོལ་མཛད་པའི། །ཧེ་རུ་ཀ་དཔལ་ཕྱག་འཚལ་བསྟོད། །ཞེས་ལན་གསུམ་དུ་
11-1-193


བསྟོད་ནས། བདག་གི་བདེ་བ་དང་སྡུག་བསྔལ་ཁྱོད་ཀྱིས་མཁྱེན་ནོ། །བདེ་ཡང་རུང༌། སྡུག་
བསྔལ་ཡང་རུང༌། ཁྱེད་ལས་གཞན་མ་མཆིས་སོ། །ཞེས་ལན་གསུམ་གསོལ་བ་བཏབ། དེ་
ནས་སློབ་དཔོན་གྱི་ཐུགས་ཀ་ནས་འོད་ཟེར་འཕྲོས། སློབ་མའི་ལུས་ལ་ཕོག་པས། བརྟན་
གཡོ་ཐམས་ཅད་འོད་གསལ་སྟོང་ཉིད་ཀྱི་ངང་དུ་སྦྱངས། ཤུ་ནྱ་ཏ་བརྗོད། སྟོང་པའི་ངང་ལས་
ཨེ་ཝཾ་ནས། བཟླས་པའི་བར་སྒྲུབ་ཐབས་བཞིན་ལས། འདིར་ཁྱད་པར་ནི། ཐུགས་ཀར་ཡེ་
ཤེས་སེམས་དཔའ་དཔའ་གཅིག་དང༌། ཏིང་ངེ་འཛིན་སེམས་དཔའ་རྡོ་རྗེའི་ལྟེ་བར་ཧཱུཾ་ཡིག་
གིས་མཚན་པ་འགོད་པ་དང༌། དབང་བསྐུར་བའི་ཚེ་དབང་གི་ཆུ་བོས་སྤྱི་བོ་ནས་བླུགས་ཅིང་
འཁྲུད་པ་དང༌། བཟླས་ལུང་གི་ཚེ། སློབ་དཔོན་གྱི་ཐུགས་ཀ་ནས་འོད་འཕྲོས། སངས་རྒྱས་
ཐམས་ཅད་སྔགས་ཕྲེང་གི་རྣམ་པར་སྤྱན་དྲངས། སློབ་མའི་སྙིང་གའི་ཧཱུཾ་ཡིག་ལ་བསྟིམ་པས། 
དེའི་རྐྱེན་གྱིས་ཉི་ཟླ་གའུ་ཁ་སྦྱོར་སོགས་གྲུབ་ནས་བཟླས་པའི་དམིགས་པ་བསྒོམ་དུ་བཅུག་
ལ། རྩ་སྔགས་ལན་གཅིག་དང༌། སྙིང་པོ་ལན་གསུམ་རིག་བྱེད་ཀློག་པ་ལྟ་བུར་རྗེས་ཟློས་
བྱེད་དུ་གཞུག་པ་རྣམས་ཡིན་ནོ། །དེ་ནས། དག་བྱེད་ཀྱི་ཆུ་ལ་མདུང་རྩེ་གསུམ་པའི་ཕྱག་རྒྱས་
རེག་སྟེ། གཡས་སྐོར་དུ་ལན་གསུམ་བསྐོར་ནས། ༀ་ཛ་ལ་ས་ཏྱཾ་སོགས་ལན་གསུམ་བརྗོད་
དེ་བྱིན་གྱིས་བརླབས། ཏྲུ་སྟ་གངྒེ་སོགས་ཀྱིས་ཁྲུས་བྱེད་དུ་གཞུག བི་བྷཱུ་ཏིའི་ཐལ་ཆེན་ཛ་
བཱཎྚའི་སྔགས་ཀྱི་ཆུ་ལ་སྦྱངས་ནས། ཨཱ་དེ་ཞེས་སོགས་ཀྱི་རྗེས་ཟློས་བྱེད་དུ་གཞུག་ཅིང༌། དེ་
ནས་དཔྲལ་མགྲིན་སྙིང་ག་དཔུང་པ་འཁྲིག་མ་རྣམས་སུ། སོར་རིས་གསུམ་གྱིས་ཏྲི་མཎྜལ་ལ་
བྱ། དེ་ནས་སྔར་བཞིན་བྷཻ་ར་བ་འཁོར་བཅས་ལ་གཏོར་མ་ཕུལ། ལྷག་གཏོར་བཏང༌། སློབ་
མའི་རྒྱུད་ལ་ཕྱག་རྒྱ་བཞིའི་ཏིང་ངེ་འཛིན་སྐྱེ་བའི་བར་ཆད་བསྲུང་བ་དང༌། མཐུན་རྐྱེན་སྒྲུབ་
པའི་འཕྲིན་ལས་བཅོལ། སློབ་མའི་ནང་གི་མཎྜལ་འབུལ་ཏེ་ཡེ་ཤེས་ཀྱི་རལ་གྲི་རྣོ་ངར་དང་
ལྡན་པ་ལག་ཏུ་བྱུང༌། དེའི་རང་ལུས་དུམ་བུར་བྱས་ནས་འགོད་པར་བྱ་སྟེ། ཧཱུཾ་མསྟཀ་སུ་མེ་རུ་
11-1-194


ཡ་བཱ་མ་བཱད་བི་དེ་ཧ། རད་ཧི་ན་པཱ་ད་ཛམྦུ་དྭི་པ། བཤྩ་མ་དྭི་པ་ད་ཧི་ན་ཧསྟ། ལ་པཱ་མ་ཧསྟ་ཀུ་
རུ་ཨཏྟ་ར། ཤུ་ཀྲ་ཀུ་སུ་མ་ཙནྡྲ་སུརྱ་བྷུ་ཥི་ཏཾ་ཞེས་སོ། །དེ་ནས་སློབ་དཔོན་གྱིས་སློབ་མ་རྣམས་
ལ་རྫོགས་རིམ་གྱི་དམིགས་པ་དང་པོ་ཕོག་ལ། མགོ་བོར་མེ་ཏོག་དང་བཅས་པའི་ལག་པ་
བྱིན་ཏེ། ༀ་ཙ་ཏུར་མུ་དྲ་སིདྡྷ་བྷཱ་ཝནྟུ་ཞེས་བརྗོད། དེ་ནས་སློབ་མས་ཡོན་དང་མཎྜལ་ཕུལ། 
སློབ་དཔོན་གྱིས་མདུན་བསྐྱེད་ཀྱི་ལྷ་ཉེ་བར་བསྡུས་ཏེ། ལས་རྗེས་མི་མངོན་པར་བྱས་ལ། ཅི་
བདེ་བར་བྱ་བ་ནི་བྱིན་རླབས་ཀྱི་ཚུལ་ལོ། །   །།ཤཱཀྱའི་དགེ་སློང་ཀུན་དགའ་སྙིང་པོས་བརྗེད་
བྱང་དུའོ། །མངྒ་ལཾ། ཞུས་དག
11-1-195


༄༅། །དགྱེས་རྡོར་མར་ལུགས་ཀྱི་ཁྲིད་ཡིག་འཁྲུལ་མེད་
ངེས་གསང་ཞེས་བྱ་བ་བཞུགས། 
༄༅། །ན་མོ་གུ་རུ། ཀུན་ཁྱབ་ཡེ་ཤེས་འགྱུར་བ་མེད་པ་ཡང༌། །བདེ་གསལ་ཧེ་རུ་ཀ་
དཔལ་དཀྱིལ་འཁོར་དུ། །ནམ་ཡང་ཤར་བ་ཨེ་ཝཾ་ཡི་གེ་མཆོག །བླ་མ་དམ་པའི་ཞབས་
ལ་རྟག་ཏུ་འདུད། །མཆོག་ཏུ་ཟབ་པའི་མན་ངག་ནི། །གྲུབ་ཐོབ་བརྒྱུད་པའི་ཞལ་ལུང་ལ། །
མཁས་འདོད་སྤྲོས་པས་མ་བསླད་པ། །འདི་འདྲ་ཐོས་པའང་སྐལ་བ་བཟང༌། །འདིར་རྒྱུད་
ཐམས་ཅད་ཀྱི་སྙིང་པོ་ལྟ་བུ་དཔལ་དགྱེས་པ་རྡོ་རྗེའི་བསྐྱེད་རྫོགས་ཀྱི་མན་ངག་ལག་ལེན་
གྱི་རིམ་པ། ཇོ་བོ་ནཱ་རོ་ཏ་པའི་ཞལ་ལུང༌། ལོ་ཙྭ་བ་རྣལ་འབྱོར་དབང་ཕྱུག་མར་པ་ཆོས་ཀྱི་བློ་
གྲོས་ཀྱི་ཐུགས་བཅུད་གང་ཡིན་པ་དེ་བྲི་བར་བྱའོ། །སྤྱིར་མར་པའི་གདམས་ངག་རྫོགས་རིམ་
ཐམས་ཅད་ལ། བསྲེ་བ་དང་འཕོ་བའི་བརྡ་ཆད་རེ་མཛད་མོད་ཀྱང༌། གདམས་ངག་འདི་ལ་ནི་
ཁྱད་པར་དུ་ཡང་དགྱེས་པ་རྡོ་རྗེའི་འཁྲིད་བསྲེ་འཕོ་ཞེས་གྲགས་སོ། །འདི་ཉམས་སུ་ལེན་པར་
བྱེད་པ་ལ། སྔོན་འགྲོ་དང་དངོས་གཞི་གཉིས། དང་པོ་ལ། སྐྱབས་འགྲོ་སེམས་བསྐྱེད་སྔོན་དུ་
འགྲོ་བའི་སྒོ་ནས། ཚོགས་བསག་པ་མཎྜལ་གྱི་ཁྲིད་དང༌། སྡིག་སྒྲིབ་སྦྱོང་བ་ཡི་གེ་བརྒྱ་པའི་
ཁྲིད་ནི་སྤྱི་དང་འདྲའོ། །བླ་མའི་རྣལ་འབྱོར་ཡང་སྤྱི་དང་འདྲ་སྟེ། གོ་རིམ་གྱི་ཁྲིགས་ནི། མདུན་
དུ་གདན་བཞི་རྫོགས་ཀྱི་སྟེང་དུ། བླ་མ་རྡོ་རྗེ་འཆང་དུ་བསྒོམ། ཕྱག་མཆོད་སྔོན་དུ་འགྲོ་བའི་
རྒྱུན་བཤགས་བྱ། གསོལ་བ་དྲག་ཏུ་འདེབས། བླ་མའི་སྐུ་ལས་འོད་ཟེར་གྱི་དབང་བཞི་ལེན། 
བླ་མ་འོད་དུ་ཞུ་ནས་སྟིམ། རང་སེམས་དང་གཉིས་སུ་མེད་པར་འཇོག་པའོ། །
གཉིས་པ་ཐུན་མོང་མ་ཡིན་པའི་སྔོན་འགྲོ་ནི། ཡིག་རྙིང་རྣམས་ཀྱི་དངོས་བསྟན་
11-1-196


ལ། གཏུམ་མོ་ཁོ་ནའི་སྔོན་འགྲོ་ཡིན་པ་ལྟར་བཤད་མོད་ཀྱི། ཡིག་ཆུང་གཞན་རྣམས་ལས་
ཀྱང་སྔོན་འགྲོ་གཏུམ་མོ་ལ་ཁ་འཕངས་ཤིང༌། ལག་ལེན་ལ་ནི་བསྐྱེད་རྫོགས་ཀྱི་ཁྲིད་གང་
བསྒོམས་ཀྱང་སྔོན་འགྲོར་འདེབས་སོ། །དེ་ལ་གཉིས། སྲུང་འཁོར་སྒོམ་པ་དང་ཚོགས་བསག་
པ་གཉིས། དང་པོ་ལ། ཧཱུཾ་ཡིག་གི་སྲུང་འཁོར་དང་ཁྲོ་བོའི་སྲུང་འཁོར་རོ། །དང་པོ་ནི། གནས་
ཁང་ཡིད་དང་མཐུན་པ་ཞིག་ཏུ། འགྲུབ་ན་མཎྜལ་དང་མཆོད་གཏོར་སྔོན་དུ་བཏང༌། དེ་མིན་
སྐྱབས་སེམས་དྲན་ཙམ་བྱས། ལུས་གནད་རྣམ་སྣང་གི་ཆོས་བདུན་བཅའ། རླུང་རོ་བསལ། 
རང་དགྱེས་རྡོར་ཧེ་རུ་ཀའམ་བདག་མེད་མའི་ང་རྒྱལ་བྱའོ། །དེ་ནས་རླུང་གི་རྣལ་འབྱོར་ནི་
རླུང་དལ་བུས་ཕྱིར་བུས་ནས་ཐུབ་ཚད་ཕྱིར་བཟུང༌། ཡང་དལ་བུས་ནང་དུ་རྔུབས་ནས་ནང་
དུ་ཐུབ་ཚད་བཟུང༌། དམིགས་པ་ནི། ལྟེ་བར་ཧཱུཾ་སྔོན་པོ་སོར་བཞི་པ་འོད་འཕྲོ་བ་ཞིག་བསྒོམ། 
རླུང་ཕྱིར་གཏོང་བའི་དུས་སུ། ལྟེ་བའི་ཧཱུཾ་ལས་ཧཱུཾ་ཕྲ་མོ་དཔག་ཏུ་མེད་པ་སྣ་སྒོ་ནས་ཕར་སྤྲོས། 
རླུང་ཕྱིར་འཛིན་པའི་སྐབས་སུ། རྒྱ་ཆེན་པོར་སོང་ནས་ཧཱུཾ་གི་ས་གཞི་དང་ར་བ་དང་གུར་དུ་
གྱུར། ཡང་རླུང་ནང་དུ་འཇུག་པའི་ཚེ། ཧཱུཾ་དཔག་ཏུ་མེད་པ་སྣ་སྒོ་ནས་ཚུར་འདུས་ཏེ་ལུས་
ནང་ཁེངས། ནང་དུ་བཟུང་བའི་ཚེ་བ་སྤུའི་བུ་ག་ཚུན་ཆོད་ཧཱུཾ་གི་གོ་ཆས་གོ་མཚམས་མེད་པར་
གཏམས་པར་བསམ། ཉིན་ཞག་གཅིག་ལ་སྔ་དྲོ་ཐུན་གཉིས། ཕྱི་དྲོ་ཐུན་གཉིས། སྲོད་དང་ཐོ་
རངས་ཀྱི་ཐུན་རེ་རེ་སྟེ། ཐུན་དྲུག་ཏུ་བཅད་ནས་ཐུན་རེ་རེ་བཞིན་རླུང་ཐེངས་མང་བ་ལ་ཚད་
མེད། ཉུང་མཐའ་ལ་ཡང་གོང་དུ་སྨོས་པའི་རླུང་ཁུག་པ་དེ། ལན་ཉི་ཤུའམ། ཉི་ཤུ་རྩ་བཞི་རེ་
མི་སྒོམ་པའི་ཐབས་མེད་པའོ། །དམིགས་པ་འདི་བརྟན་པའི་ཚད་ནི། རླུང་འགྲོ་འོང་ལ། ཧ྄ཱུཾ་
ཡིག་འགྲོ་འོང་གི་གསལ་སྣང་འབྱུང༌། ཞག་བཅུ་ཙམ་ན་འོང་གསུང་སྟེ། དབང་པོ་རྣོན་པོ་ལ་
དགོངས་པ་ཡིན། དགོས་པ་ནི། སྒོམ་ཉེས་མི་འབྱུང་ཕྱི་ནང་གི་བར་ཆད་ཐམས་ཅད་སྲུང་བའོ། །
གཉིས་པ་ཡང་དེ་དང་འདྲ་བ་ལས། ཧཱུཾ་སྤྲོ་བསྡུ་འགྲོ་འོང་བྱེད་པའི་ཚབ་ཏུ། ལྟེ་བའི་ཧཱུཾ་ལས། 
11-1-197


དགྱེས་རྡོར་གྱི་ཁྲོ་ཆུང་སྤྲོ་བསྡུ་འགྲོ་འོང་དང༌། ཁྲོ་བོའི་སྲུང་འཁོར་དང་གོ་ཆར་གྱུར་པར་
བསྒོམ། གཞན་ཐམས་ཅད་གོང་དང་འདྲ། ཐ་མལ་གྱི་རྣམ་རྟོག་གིས་མི་ཚུགས་པའི་དགོས་
པ་ཡོད། གང་ཟག་གཅིག་གིས་དམིགས་པ་འདི་ཁོ་ན་གཉིས་ཀར་སྒོམ་དགོས་པ་མིན། གང་
ལ་མོས་པ་ཞིག་སྒོམ་མོ་གསུང་ཡང་གཉིས་ཀ་བྱུང་ན་ལེགས། གཉིས་པ་ཚོགས་བསག་པ་ནི། 
ཉམས་ལེན་གྱི་རིམ་པ་དང་བྱ་བྱེད་སྤྱོད་ཚུལ་སྲུང་འཁོར་གྱི་རིགས་འགྲེ། དམིགས་པ་ནི་རང་
གི་མདུན་དུ་པདྨའི་སྡོང་པོ་རྒྱས་པའི་རྩེ་ལ། པདྨ་དམར་པོ་འདབ་བཞི་པའི་ལྟེ་བར་ཟླ་གདན་
གཅིག་སྒོམ་རང་གི་ལྟེ་བར་ཡང་པད་ཟླའི་སྟེང་དུ། བླ་མ་མི་བསྐྱོད་པ་ཧེ་རུ་ཀའམ་རྡོ་རྗེ་འཆང་
ཞིག་བསྒོམ། རླུང་སྦྱོར་ནི་སྲུང་འཁོར་གྱི་སྐབས་དང་འདྲ་བ་ལས། རླུང་ཕྱིར་འགྲོ་བའི་ཚེ། ལྟེ་
བའི་བླ་མ་དེ་ཡར་བྱོན། སྣ་སྒོ་ནས་འཐོན། མདུན་གྱི་པད་ཟླའི་སྟེང་དུ་འཁོད་པར་སྒོམ། རླུང་
ཕྱིར་བཟུང་བའི་སྐབས། མདུན་གྱི་བླ་མ་ཞལ་འཛུམ་མེ་བ་ལ་སེམས་བརྟད་དེ། ཡིད་ཀྱིས་
མཆོད་པ་དང་གསོལ་བ་འདེབས་པ་དྲན་ཙམ་བྱ། རླུང་ནང་དུ་འོང་བའི་ཚེ། མདུན་གྱི་བླ་མ་དེ་
ཚུར་བྱོན་རང་གི་སྣ་སྒོ་ནས་ཞུགས། ལྟེ་བའི་པད་ཟླའི་སྟེང་དུ་འཁོད་རླུང་ནང་དུ་བཟུང་བའི་
སྐབས། ལྟེ་བའི་བླ་མ་འཛུམ་ཞལ་ཅན་ལ་དམིགས། ཡིད་ཀྱི་མཆོད་པ་དང་གསོལ་འདེབས་
དྲན་ཙམ་བྱ། དེ་ཉིད་ཐུན་དྲུག་ཏུ་སྒོམ་ཚུལ་དང༌། བརྟན་པའི་ཚད་སོགས་ཀྱང་གོང་བཞིན། 
དགོས་པ་ནི་དམ་ཚིག་ཉམས་ཆགས་སྐོང་བ་དང༌། ཚོགས་ཀྱི་སྒོ་མང་པོ་གསོག་པ་དང༌། བླ་
མའི་བྱིན་རླབས་འཇུག་པའོ། །
གཉིས་པ་དངོས་གཞི་ལ། བསྲེ་བའི་གདམས་ངག་དང༌། འཕོ་བའི་གདམས་ངག་གཉིས་
སོ། །དང་པོ་ལ་བསྐྱེད་རིམ་གྱི་ཁྲིད་དང༌། རྫོགས་རིམ་གྱི་ཁྲིད་གཉིས་ལས། དང་པོ་བསྐྱེད་
རིམ་ལ་ཡང་གསུམ་ཏེ། རྣམ་པ་ལ་བསླབ་པ། ཐིག་ལེ་ལ་བསླབ་པ། བསྐྱེད་རྫོགས་ཟུང་
འཇུག་ལ་བསླབ་པ། དང་པོ་ནི་དབེན་ཁང་གཅིག་ཏུ་བྲིས་སྐུ་དགྲམ་མཎྜལ་མཆོད་པ་དང༌། 
11-1-198


གཏོར་ཆོག་སྔོན་དུ་འགྲོ་བས། དགྱེས་རྡོར་རམ། བདག་མེད་མའི་མངོན་རྟོག་ཤར་གྱིས་
བསྒོམས་ནས་དཀྱིལ་འཁོར་གྱི་འཁོར་ལོ་བསྡུས་ཏེ། གཙོ་རྐྱང་གི་ང་རྒྱལ་ལ་གནས་པས་བྲིས་
སྐུ་ལ་ཡུད་ཙམ་བལྟས། དེ་ཉིད་རང་ལ་བཀབ་ཅིང་བསྒོམ། དེ་ལྟར་བྲིས་སྐུ་ལ་བལྟ་བ་དང༌། 
རང་ཉིད་བསྒོམ་པ་སྤེལ་བ་དེ། མཐངས་དཀར་བའི་དུས་ཀྱི་ཐུན་གཉིས་ལ་ཡང་ཡང་བསྒོམ། 
གྲངས་ཀྱི་ངེས་པ་མེད། ཐུན་གཞན་རྣམས་ལ་ལྷ་སྐུའི་རྣམ་པ་གསལ་རུང་མི་གསལ་རུང༌། 
རེས་བསྒྲིམས་ཏེ་གསལ་འདེབས་པ་དང༌། འཕྲོ་བཅད་ཀྱིན་བསྒོམ། རེས་ལྷ་ཡིན་སྙམ་པའི་ང་
རྒྱལ་དང༌། ལྷའི་རྣམ་པ་ཡོད་ཚུལ་ཙམ་ལ། ཤེས་པ་ངལ་གསོ་ཡིན་སློང་གིན་བསྒོམ། དེ་དག་
གི་བོགས་འདོན་དུ་སྐབས་འགར་བྲིས་སྐུ་ལ་འོད་སྣ་ཚོགས་འཆར་དུ་བཅུག །གཞན་ལ་མ་
ཡེངས་པར་དེ་ཁོ་ན་ལ་ཡུན་རིང་དུ་བལྟ་མིག་བཙུམ་ནས། རང་ཉིད་དེ་འདྲ་བར་ཡུད་ཙམ་རེ་
བསྒོམ། ཉིན་{ཅེར་[ཙེར]་གྱིས་དེ་ཀས་བཟླ་བར་བྱ། ཐུན་མཚམས་དང་མཚན་མོ་གང་ཡང་
ཡིད་ལ་མི་བྱེད། དཔེར་མཚོན་ན་ཟླ་བ་གཅིག་ལ་ཞག་ཉི་ཤུ་རྩ་བདུན་དམིགས་པ་དཀྱུས་མ་
དེ་བསྒོམ། ཞག་གསུམ་བོགས་འདོན་དེ་བསྒོམས་ན། ཟླ་དྲུག་ལྟ་བུ་མྱུར་དུ་གསལ་སྣང་ཐོབ་
ཡོང་བ་ཡིན། གཉིས་པ་ནི། བདག་ཉིད་དཔལ་ཧེ་རུ་ཀའི་མངོན་རྟོགས་སྔར་བཞིན་བསྒོམས་
ནས། རྡོ་རྗེ་ནོར་བུའི་དབུས་སུ་ཐིག་ལེ་དཀར་ལ་ཟླུམ་པ། འོད་འཚེར་བ་སྲན་ཆུང་ཙམ་མམ་
ཡུངས་འབྲུ་ཙམ་ཞིག་རྟག་ཏུ་བསྒོམ། བར་བར་དུ་རིག་པ་མ་བཅོས་པར་ངལ་བསོ། ལུང་སྦྱོར་
གང་རུང་ཞིག་དང་བསྟུན་ན་ལེགས། གལ་ཏེ་བདག་མེད་མར་བསྒོམ་ན། པདྨའི་སྣ་རྩེར་ཐིག་
ལེ་བསྒོམ། འདི་ལས་བདེ་ཉམས་སྐྱེ། དེ་ནས་ཐིག་ལེ་དེ་ལྟེ་བར་དྲངས་ཏེ་བསྒོམ། དེར་ཡང་
བདེ་ཉམས་སྐྱེ་ན་སྙིང་ག་དང༌། དེར་ཡང་བྱུང་ན་མགྲིན་པ་དང༌། དེར་ཡང་བྱུང་ན་སྤྱི་བོ་དང༌། 
དེ་ལ་ཡང་བྱུང་ན་སྨིན་ཕྲག་ཏུ་ཆོས་འབྱུང་གྲུ་གསུམ་གཅིག་གི་ནང་དུ་ཐིག་ལེ་དེ་བསྒོམ། དེ་
ནས་སྣ་རྩེའི་ནང་དུ་བསྒོམ། དེ་ནས་སྣ་རྩེ་ནས་སོར་བཞི་དང༌། དེ་ནས་སོར་བརྒྱད་ཀྱི་ནམ་
11-1-199


མཁའ་ལ་ཡང་བསྒོམ། དེ་ནས་ཀ་བུམ་ལྟ་བུ་གཅིག་གི་སྟེང་དུ་ཐིག་ལེ་བསྒོམ། དེ་ནས་ཡིད་ཀྱི་
འགྱུ་བ་ཐམས་ཅད་དང་ཐིག་ལེའི་རྣམ་པ་བསྲེས་ཏེ་བསྒོམས་པས། སྣང་བ་ཐམས་ཅད་བདེ་
བ་འབར་བའི་གྲོགས་སུ་འགྲོའོ། །འདི་དོན་གྱིས་ན་དགྱེས་རྡོར་ལུགས་ལ་རྫོགས་རིམ་ཡིན་
མོད་ཀྱང༌། བསྐྱེད་རིམ་གྱི་ཆ་ལག་ཡིན་པའི་ཕྱིར། བསྐྱེད་རིམ་གྱི་ཕྲ་ཐིག་ཅེས་བྱ་སྟེ། འདི་ལ་
དམིགས་སྐོར་བཅུ་གཉིས་བྱུང་བའོ། །ཕྲ་མོའི་མན་ངག་ཧཾ་ཡིག་ཁ་སྤྲོད་དུ་གྲགས་པ་ཞིག་ཀྱང་
ཡོད་དེ། རྫོགས་རིམ་དངོས་ཡིན་ཞིང༌། ལམ་དགུ་སྐོར་དང་འབྲེལ་བས་འདིར་མ་བཤད་དོ། །
གསུམ་པ་ནི། སྐབས་འདིའི་ཕྲ་ཐིག་ལ་ཉམས་མྱོང་སྐྱེས་སམ། རྫོགས་རིམ་གཞན་ལ་བརྟེན་
པའི་བདེ་སྟོང་གི་ཉམས་མྱོང་ཤར་ཡང་རུང་སྟེ། བླ་མ་དམ་པའི་ཆོ་ག་སྔོན་དུ་སོང་ནས། ཚད་
མེད་བཞི་དང་སྟོང་ཉིད་སྒོམ་པའི་སྐབས། སྔར་བསྒོམ་པའི་བདེ་བའི་ཉམས་དེ་འཆར་ཐུབ་
པ་ཞིག་བྱ། དེའི་སྣང་ཆ་ཡིག་འབྲུ་ཕྱག་མཚན་ལྷ་སྐུ་སོགས་སུ་རིམ་གྱིས་སྐྱེས་ནས། བདེ་བ་
ཉིད་ལྷ་སྐུ། ལྷ་སྐུ་ཉིད་བདེ་བར་བསྒོམ་པའོ། །འདི་ལ་ཡང་བསླབ་ཙམ་ཉིད་ནས་ཟུང་འཇུག་
ཏུ་ཤར་ན་ལེགས། གལ་ཏེ་མ་ཤར་ན་ཕྲ་ཐིག་སོགས་ལ་བརྟེན་ནས་བདེ་ཉམས་བསྐྱེད། དེ་མ་
ཡལ་བའི་ངང་ནས། ལྷ་སྐུར་དྲན་ཙམ་བྱེད་ཀྱིན་ལྷ་སྐུ་ལ་གཙོ་བོར་སེམས་བརྟད། དེས་བདེ་
ཉམས་ཡལ་འགྲོ་བ་སྙམ་བྱེད་ན། ལྷ་སྐུའི་རྣམ་པ་མ་ཤོར་བར་བྱས་ནས། སྔར་གྱི་བདེ་བ་
བསྐྱེད་ཐབས་དེ་བསྐྱང་ནས་བསྒོམ། དེ་ནས་ཡང་ལྷ་སྐུ་མི་གསལ་དུ་སོང་ན། བདེ་ཉམས་དེ་
ཀ་ལྷ་སྐུར་ཁྲོང་གིས་བྱུང་བར་མོས། དེ་ལྟར་ཕར་ལྡོག་ཚུར་ལྡོག་ཏུ་བསྒོམས་པས་ཟུང་འཇུག་
ཏུ་འགྱུར་རོ། །ཞེ་སྡང་བསྐྱེད་རིམ་དང་བསྲེ། འདོད་ཆགས་དབང་དང་བསྲེ། གཏི་མུག་འོད་
གསལ་དང་བསྲེ་ཞེས་འཆད་དགོས་པ་དང༌། བསྐྱེད་རིམ་སྒྱུ་ལུས་ཀྱི་རྒྱུ་གྲུང་པོ་ཡིན་པས་བསྲེ་
བར་བསྡུའོ། །
གཉིས་པ་རྫོགས་པའི་རིམ་པ་ལ། གཏུམ་མོ་དང༌། སྒྱུ་ལུས་དང༌། འོད་གསལ་གྱི་རྫོགས་
11-1-200


རིམ་གསུམ་མོ། །དང་པོ་ལ་རང་ལུས་ཐབས་ལྡན་ལ་བརྟེན་པ་དང༌། གཞན་ལུས་ཤེས་རབ་
ལ་བརྟེན་པའོ། །དང་པོ་ལ། རླུང་སེམས་བྲིད་པའི་མན་ངག་དང༌། གཏུམ་མོ་སྒོམ་པ་དངོས་
གཉིས་སོ། །དང་པོ་ནི་ཡིད་དང་མཐུན་པའི་གནས་སུ་སྟན་བདེ་བ་ལ་ལུས་གནད་ལེགས་
པར་བཅས། སྐྱབས་སེམས་སྔོན་དུ་འགྲོ་བས། བླ་མ་ལ་མོས་གུས་དུང་བ་བྱ། རང་ལྷ་སྐུར་
གསལ་བའི་སྨིན་མཚམས་སུ། རླུང་སེམས་འདྲེས་པའི་ཐིག་ལེ་དཀར་ལ་ཟླུམ་པ། སྣུམ་ལ་
འཚེར་བ་རིལ་རིལ་བ་འོད་འཕྲོ་བ་ཆེ་བ་བསྒོམ་བདེ་ན་ཆེ་བ་དང༌། ཆུང་བ་བསྒོམ་བདེ་ན་ཆུང་
བར་བསྒོམ་ཡང་གསུང༌། བྱིའུའི་སྒོ་ང་ཙམ་བསྒོམ་ཡང་གསུང་སྟེ། བདེ་མི་བདེ་ལ་ཁྱད་ཆེར་
མེད་ན་ཕལ་ཆེར་སྲན་མའི་འབྲུ་ཙམ་བསྒོམ། དེ་ཡང་རེས་བསྒྲིམས་ཤིང་ཡང་ཡང་གསལ་
འདེབས་ཀྱིན་བསྒོམ། རེས་གསལ་འདེབས་ཐེངས་གཅིག་གི་འཕྲོ་ལ་ཡུན་རིང་དུ་ལྷོད་དེ་
བསྒོམ། དམིགས་པ་གཞན་གྱི་སྤྲོས་པ་དོར་ཏེ་བསྒོམས་པས། རབ་ཏུ་རེག་མཐོང་གི་མཚན་
མ་རྙེད། དེ་མིན་ནའང་སྨིན་མཚམས་སུ་འདུས་པ་སྙམ་བྱེད་པ་དང༌། འབུགས་པ་སྙམ་བྱེད་
པ་དང༌། ཚ་བྲེང་བྲེང་བ་འབྱུང་ངོ༌། །དམིགས་སྐོར་གཅིག་གོ །དེ་ནས་དཔྲལ་བའི་ཐིག་ལེ་དེ་
གྱེན་སེགས་ལ་རི་ལི་ལི་འགྲིལ་ཏེ་སྤྱི་བོ་ཚངས་བུག་གི་ཐད་དུ་སླེབ་ནས། དར་ཅིག་སྐྱ་རིལ་
ལེ་འདུག །བདེ་བ་ཡིད་ལ་བྱ། ཡང་ཚུར་འོངས་ཏེ་སྨིན་མཚམས་སུ་སླེབ། ཡང་དེ་མ་ཐག་སྔར་
བཞིན་སོང་སྟེ། སྤྱི་བོར་སླེབ་པར་བསམ། དེ་ལྟར་ཡང་ཡང་བསྒོམ། དམིགས་སྐོར་གཉིས། 
དེ་ནས་ལུས་ཀྱི་དབུས་སུ་རྩ་ཨ་ཝ་དྷུ་ཏཱི་ཁ་དོག་དམར་པོ་སྦུབས་སྟོང་མདའ་སྨྱུག་འབྲིང་པོ་
ཙམ་ཡས་སྣ་ཚངས་བུག་ལ་ཐུག་ཅིང༌། ཚངས་བུག་ནས་རྒྱུ་ཞབས་ཀྱི་བར་དུ་དྲང་ཐང་ངེ་བ་དེ་
ནས་ཚུར་འཁྱོགས་ཏེ་རྡོ་རྗེ་ནོར་བུའི་རྩེ་མོ་སླེབ་པ་ཞིག་བསྒོམ་སྟེ་དམིགས་སྐོར་གསུམ་པའོ། །
ཡང་རྩ་དབུ་མ་དེ་དང་སྨིན་མཚམས་ཀྱི་ཐིག་ལེ་སྔར་བཞིན་བསྒོམས་ནས། ཐིག་ལེ་དེ་ཡར་
རི་ལི་ལི་སོང༌། ཚངས་བུག་གི་ཐད་དབུ་མའི་སྟེང་དུ་སླེབ། དེར་བག་ཙམ་ཞིག་སྐྱ་རིལ་ལེ་
11-1-201


བདེ་ཡེ་རེ་འདུག །དེ་ནས་ཐིག་ལེ་དེ་རྩ་ཨ་ཝ་དྷུ་ཏཱིའི་ནང་ནས་མར་བསྐྱུར་བས་སྒྲ་ཅོང་ཅོང་
བའམ། འུར་འུར་བའམ། ཆིལ་ཆིལ་བ་སྒྲ་ཆེར་བྱུང་བར་བསམས་ལ། ཐིག་ལེ་དེ་ནོར་བུའི་
ནང་ན་སྐྱ་རིལ་ལེ་འདུག་པ་ལ་སེམས་བརྟད། དར་ཅིག་སོང་ནས་ཐིག་ལེ་དེ་དབུ་མའི་ནང་
ནས་ཡར་མགྱོགས་པར་སོང་སྟེ། ཚངས་བུག་གི་ཐད་དབུ་མའི་སྟེང་དུ་སྔར་བཞིན་འདུག་པར་
བསམ། ཡང་དབུ་མའི་ནང་དུ་ལྷུང་བ་སོགས་སྐྱར་གྱིན་ཡང་ཡང་སྒོམ། དམིགས་སྐོར་བཞི་
པའོ། །དམིགས་པ་ཅུང་ཟད་གོམས་ནས་སྔོན་འགྲོའི་སྐབས་ཀྱི་རླུང་སྦྱོར་དང་བསྟུན་ནས་
བསྒོམ་ན་བཟང༌། དམིགས་སྐོར་ལྔ་པའོ། །འདིར་དམིགས་པའི་རྣམ་གྲངས་གཅིག་ལ། ཐིག་
ལེ་བབས་པས་དབུ་མའི་མས་སྣ་ཐིག་ལེས་གང་བའམ། དབུ་མ་ཕལ་ཆེར་གང་བའམ། དབུ་
མའི་ནང་དུ་ཐིག་ལེ་བ་ཐག་ལྟ་བུར་བྲེང་ངེ་བསྒོམ་པའང་བཤད་མོད་ཀྱི། ལག་ལེན་ནི་སྔ་མ་
ཁོ་ནའོ། །འདི་བསྒོམས་པས་བདེ་སྟོང་གི་ཉམས་ཤིག་ངེས་པར་སྐྱེས། འོན་ཀྱང་རྩལ་ཆེན་
པོ་མ་བྱུང་ན། ཐུན་དང་པོ་ལ་སྨིན་ཕྲག་གི་ཐིག་ལེ་བསྒོམ། ཐུན་གཉིས་པ་ལ་ཚངས་བུག་ཏུ་
ཐིག་ལེ་བསྒོམ། ཐུན་གསུམ་པ་ལ་རྩ་ཨ་ཝ་དྷཱུ་ཏཱི་བསྒོམས། ཐུན་བཞི་པ་ལ་སྔར་བཞིན་སྤྱི་
བོའི་ཐིག་ལེ་ལྷུང་བ་སོགས་བསྒོམ་པས། ཞག་ཤས་ན་བོགས་ཤིག་ཐོན་འོང༌། དེས་ཀྱང་མ་
བྱུང་ན་ཡང་སྔར་བཞིན་སྨིན་མཚམས་ཀྱི་ཐིག་ལེ་འབའ་ཞིག་ཞག་ཤས་བསྒོམ། རྣམ་གྲངས་
ཀྱི་འདམ་ཁའི་དམིགས་པ་གཅིག་ལ། ཐིག་ལེ་འདི་རུས་པའི་ཆོས་འབྱུང་གཅིག་གི་ནང་དུ་
བསྒོམ་ཟེར་བའང་ཡོད་དེ། རུས་པ་དངོས་སུ་བསྒོམ་པ་མིན་དཀར་པོའི་དོན་ཡིན། དེ་ནས་
སྨིན་མཚམས་ཀྱི་ཐིག་ལེ་གྱེན་ལ་འགྲིལ་ནས་སྤྱི་བོར་སླེབ་པ་ཁོ་ན་ཡང་ཡང་བསྒོམ། སྤྱི་
བོ་ནས་སྨིན་མཚམས་སུ་ལྡོག་པ་མི་བྱེད། དེ་འདྲ་ཐུན་གཅིག་གམ་གཉིས་བསྒོམ། དེ་ནས་
རྩ་ཨ་ཝ་དྷུ་ཏཱི་ལུག་རྗུད་ཀྱི་རྒྱུ་མ་ལྟ་བུ་སྙང་སྙིང་འདབ་འདོབ་ཅིག་བསྒོམ་པ་ལ་ཐུན་གཅིག་
གམ་གཉིས། དེ་ནས་ཐིག་ལེ་དབུ་མའི་ནང་དུ་བབས་པས། ཐིག་ལེ་ག་རུ་སླེབ་སླེབ་ཏུ་རྒྱུ་མ་
11-1-202


ཕུས་བཏབ་པ་ལྟར། ལྟང་ལྟང་ཁེངས། བདེ་བ་ཁྲིལ་ཁྲིལ་སྐྱེས། དབུ་མའི་མས་སྣ་ནས་རྡོ་རྗེ་
ནོར་བུའི་རྩེ་མོར་དཀར་རྩེར་གྱིས་སླེབ་པར་བསམ། ཡང་ཡར་སོང་བ་སོགས་སྔར་དང་འདྲ། 
འདིས་བདེ་ལ་མི་རྟོག་པའི་ཉམས་ཁྱད་པར་ཅན་མི་སྐྱེ་མི་སྲིད་དོ། །དེ་ལྟར་ན་སྤོགས་པའི་ཆོ་
ག་གཉིས་ཡིན། བདེ་སྟོང་གི་ཉམས་སྐྱེས་ནས་ཀྱང་བརྟན་པ་ཐོབ་པའི་ཕྱིར་བསྒོམ་དགོས། 
བརྟན་པོ་འདུག་ན་སྣང་བ་དང་བསྲེ་སྟེ། གོང་ཕྲ་ཐིག་གི་སྐབས་དང་འདྲའོ། །
གཉིས་པ་ལ་རྩ་བའི་མན་ངག་དང༌། རྣམ་གྲངས་ཀྱི་མན་ངག་བདེ་བ་བསྒོམ་པའོ། །དང་
པོ་ལ་ཨ་ཐུང་གི་གདམས་ངག་དང༌། འབར་འཛག་བསྡུས་པ་ལ་བསླབ་པ་དང༌། འབར་
འཛག་རྒྱས་པ་ལ་བསླབ་པ་སྟེ་གསུམ་མོ། །དང་པོ་ནི། སྔོན་དུ་རླུང་བུམ་ཅན་ཞག་ཤས་སྦྱངས་
ཏེ་སྤྱི་དང་འདྲའོ། །དེ་ནས་རླུང་སྦྱོར་དེ་ལ་སློབ་བཞིན་པའི་ངང་ནས། ཡན་ལག་ལྔ་སྦྱོངས་
སམ། དྲུག་སྐོར་རམ། ལུས་སྦྱོང་གཞན་ཡང་རུང་སྟེ། ཟླ་བ་ཕྱེད་དམ། ཟླ་བ་གཅིག་ལ་སོགས་
པ་ལུས་སྦྱོངས་ལ་ཤུགས་ཇེ་ཆེར་བསླབ་བོ། །དེ་ལྟར་རླུང་དང་ལུས་འབྱོངས་ནས་དངོས་གཞི་
དམིགས་པ་ཉམས་སུ་ལེན་པའི་སྐབས། ཐུན་ཀྱི་དུས་སུ་ལུས་གནད་བཅས་ཏེ། དམིགས་
པ་དང་བུམ་ཅན་སྦྲགས་པ་ཉིད་བསྒོམ། ཐུན་མཚམས་སུ་ལུས་སྦྱོངས་ཅི་རིགས་པ་འགྲུབ་
ན་བཟང༌། ཧ་ཅང་མང་ན་ངལ་དུབ་ཏུ་སོང་སྟེ། དངོས་གཞིའི་ཉམས་ལ་གནོད་པ་ཡང་སྲིད་
པས་རན་ཙམ་བྱ། གཏུམ་མོའི་སྐབས་འདི་དག་ཏུ། དུས་ཀྱི་གནད། ཡུལ་གྱི་གནད། ལུས་ཀྱི་
གནད། སེམས་གཏོད་ས། དམིགས་ལུགས་ཀྱི་གནད་དེ་བཞི་ཚང་བ་ཞིག་དགོས་པར་བཞེད། 
དང་པོ་ནི། རླུང་དབུ་མར་འབབ་པའི་དུས་དེ། དེའི་རྟགས་སྣ་སྒོ་ནས་མཉམ་རྒྱུ་འབབ་པ་ཡིན་
གསུང༌། འོན་ཀྱང་རླུང་སྦྱང་བ་སྔོན་དུ་སོང་བའི་གང་ཟག་ལ། བུམ་ཅན་དྲག་པོ་ལན་འགའ་
ཡར་བསྒོམས་པས་ཀ་མཉམ་རྒྱུར་འགྲོ། མཉམ་རྒྱུ་རང་བཞིན་པ་སྒུག་དགོས་ནས་སྒོམ་པའི་
དུས་ཙམ་མི་ཡོང་ངོ༌། །དེས་ན་ཁམས་བཟང་ན་སྲོད་ཐོ་རངས་སྔ་དགོངས་ཏེ་ཐུན་བཞིར་
11-1-203


བསྒོམ། ངན་ན་སྔ་དྲོ་ཕྱི་དྲོ་ཐུན་གཉིས་ལ་བསྒོམ་མོ། །ལུས་གནད་ནི། རེ་མིག་ལྟར་བསྣོལ། 
རྒྱ་མདུད་ལྟར་བསྡམ། མདའ་ལྟར་བསྲངས། ལྕགས་ཀྱུ་ལྟར་དགུག ལི་རི་ལྟར་སྒྲིམ། ཞེས་པ་
སྟེ། །འོན་ཀྱང་ཁྲག་མཁྲིས་ཤས་ཆེ་ན་རྐང་པ་སྐྱིལ་ཀྲུང་ཉིད་མཆོག་ཡིན། གྲང་རླུང་ཤས་ཆེ་ན་
ཙོག་པུ་བྱ་སྟེ། བསམ་གཏན་འབོལ་ཆུང་གི་སྟེང་དུ་འཕོངས་ཚོས་བཞག །རྐང་མཐིལ་འབོལ་
ཆུང་གི་མདུན་དུ་འོང་བར་བྱས་ནས། རྐང་པ་རེ་མིག་ལྟར་བསྣོལ་བ་ལ་པུས་འཁྱུད་ཀྱིས་
བསྡམས། ལག་པ་མཉམ་བཞག་ལྟེ་འོག་ཏུ་བརྟེན། སྒལ་ཚིགས་བསྲངས། མགྲིན་པ་དགུག །
ཉ་བཞི་སྒྲིམ་པའོ། །ཡུལ་གྱི་གནད་ནི། ལུས་ལ་རྩ་གསུམ་འཁོར་ལོ་བཞི་སོགས་གོ་བ་ཆགས་
ངེས་ཞིག་བྱས་ནས། རང་རང་གི་གང་སྐབས་སུ་བབ་པའི་ས་དེར། དམིགས་པ་གཏོད་ས་མ་
འཁྲུལ་བ་དགོས་པའོ། །དམིགས་ལུགས་ཀྱི་གནད་ནི་སོ་སོའི་དམིགས་པ་མ་ནོར་བར་བྱེད་པ་
སྟེ། དེ་ལ་ཨ་ཐུང་གི་སྐབས་འདིར། སྔོན་འགྲོ་སྐྱབས་སེམས་མོས་གུས་གསུམ། དངོས་གཞི་
ལུས་ཡི་དམ་ལྷར་དྲན་ཙམ་བྱས་ལ། རླུང་རོ་བསལ། རླུང་བུམ་ཅན་བཟུང༌། རྩ་དབུ་མ་ཆོས་
བཞི་ལྡན་གྱི་ནང་ལྟེ་འོག་སོར་བཞིའི་ཐད་ན། གཏུམ་མོའི་མེ་ཨ་ཤད་ཀྱི་རྣམ་པ་ཅན་མཚོན་
གང་བ་ཞིག་ལ། མེ་ལྕེ་ལྷག་གེ་འབར་བ། མེ་ལྕེའི་རྩེ་མོ་ལྟེ་བར་སླེབ་པ་ཞིག་བསྒོམ། འདི་
ཁོ་ནས་ཡེ་ཤེས་སྐྱེ་བའི་ཕྱིར། །དམིགས་པ་ཉུང་ལ་གནད་ཆེ་བ་ཡིན་ནོ། ལག་ལེན་དམིགས་
པ་འདི་ཁོ་ན་ལ་བྱེད། རྣམས་གྲངས་སུ་གཏུམ་མོའི་མེ་ལ་དམིགས་ཚུལ་མི་འདྲ་བ་ཡང༌། །མེ་
སྟག་ཅན་དང༌། ཁབ་ལྟ་བུ་དང༌། མེ་ལྕེ་གསུམ་པ་དང༌། མེ་ལྕེས་སྙིང་གར་སླེབ་པ་སོགས་
འདམ་ཁ་དང༌། ཐིག་ལེ་ཉ་གང་བ་ལ་དམིགས་པ་ཞེས་པ། མེའི་ཚབ་ཏུ་ཐིག་ལེ་སྐྱ་ཁྱིལ་ལེ་
བསྒོམ་པ་ཡང་ཡོད། རྣམ་པར་མི་རྟོག་པའི་དོན་བསྒོམ་ཟེར་ནས། དམིགས་པ་ལོགས་པར་
བྱེད་པའང་ཡོད་མོད་ཀྱི། ལག་ལེན་ལ་ཨ་ཐུང་དང་སྦྲེལ་ནས་བསྒོམ་སྟེ། དེ་ཡང་སྔར་གྱི་
གཏུམ་མོ་ཨ་ཐུང་དེ། ཟླ་གཅིག་ཙམ་ཞིག་འབད་པས་བསྒོམ། དམིགས་སྐོར་གཅིག་གོ །དེས་
11-1-204


འདོད་ཆགས་ཆེན་པོའི་ཏིང་ངེ་འཛིན་ཞེས་བྱ་བ། སྒོམ་སྟོབས་ཀྱིས་བདེ་བ་ཞིག་ངེས་པར་
སྐྱེ། དེ་ནས་བརྩམས་ཏེ་རླུང་ཐེངས་བཞི་ཙམ་རེ་གཏུམ་མོ་ཨ་ཐུང་རང་བསྒོམ། དེ་རྗེས་རླུང་
སེམས་དབུ་མར་ཆུད་སྙམ་པ་བྱས་ནས། རླུང་ཐེངས་བཞི་ཙམ་རེ་གང་ཡང་ཡིད་ལ་མི་བྱེད་
པར་བཞག ཁམས་ངན་ན་སྲོད་དང་ཐོ་རངས་ཀྱི་ཐུན་ལ་རླུང་རྩོལ་མི་བྱེད་པར། གཏུམ་མོའི་
དམིགས་པ་དང་མི་རྟོག་པ་སྤེལ་གྱིན་བསྒོམ་མོ། །དམིགས་སྐོར་གཉིས་སོ། །དེ་ལྟར་སྒོམས་
པས། དུ་བ་ལ་སོགས་པའི་རྟགས་ལྔ་རིམ་གྱིས་འབྱུང༌། རྗེས་ཐོབ་ཀྱི་སྣང་བ་ཐམས་ཅད་ལ་
ཡང་བདེ་སྟོང་དབྱེར་མེད་ཀྱི་ཉམས་རིམ་པས་སྐྱེ། མཐར་སྨིག་སྒྱུ་སོགས་རྟགས་ལྔ་པ་རྫོགས་
པ་དང༌། རྗེས་ཐོབ་ཏུ་ཡུལ་སྣང་སྒྱུ་མ་ལྟ་བུར་འཆར། མཉམ་བཞག་ཏུ་ཡུལ་སྣང་རང་ལོག་ཏུ་
འགྲོ། ཐུན་ཐུན་མཚམས་ཐམས་ཅད་དུ་བདེ་སྟོང་གི་ཉམས་ལ་གསལ་འགྲིབ་མེད། ཟས་གོས་
ཀྱི་ལྟོས་པ་ལས་གྲོལ། དུག་དང་མཚོན་གྱིས་མི་ཚུགས། ཡོན་ཏན་བརྒྱད་ཀྱི་ཕན་ཡོན་འབྱུང༌། 
སྐུའི་སྒོ་དགུ་འགག །གསུང་གི་སྒོ་བཞི་བཅོམ། ཐུགས་ཀྱི་སྒོ་གཉིས་འབྱེད། སྙིང་ག་དང་སྨིན་
མཚམས་ནས། རྩ་ཐམས་ཅད་འདུས་པའི་རྩ་སྣ་རེ་ཡོད་པ་དེ་ཁ་བྱེ་བས་ཡོན་ཏན་ཕྱོགས་མེད་
དུ་འཆར་རོ། །དེ་ནས་དྲོད་ཐོབ་པ་ཡིན་པས་ལུང་བསྟན་བྱུང་ན། རིག་པའི་བརྟུལ་ཞུགས་
ཀྱི་སྤྱོད་པ་སྤྱད་དེ་ཉེ་རྒྱུས་འབྲས་བུ་ལ་མཚམས་སྦྱོར་བ་ཡིན། རྒྱུད་ཀྱི་དགོངས་པ་དེ་ཙམ་དུ་
ཟད། ལུགས་འདིའི་བླ་མ་གོང་མ་རྣམས་སྤྱོད་པ་ཟླ་བ་གསུམ། སྒྲུབ་པ་ཞག་བདུན། མ་གྲུབ་
ན་ལྷ་གནད་ལ་བོར་ནས་སྒྲུབ་པ་སྐྱར་མ་བྱེད། ཅེས་གསུང་ངོ༌། །དེ་ལྟར་བཤད་ཟིན་པའི་མི་
རྟོག་པའི་གཏུམ་མོ་བསྒོམ་པ་ནས་བརྩམས་ཏེ། ཡོན་ཏན་སྐྱེ་ཚུལ་རྣམས་དམིགས་པའི་གཙོ་
བོ་ཐམས་ཅད་ལ་འདི་ཁོ་ནས་རིགས་འགྲེའོ། །དེ་ནི་གཏུམ་མོའི་དམིགས་པ་དང་པོ་ཨ་ཐུང་
གི་འཁྲིད་ཅེས་བྱའོ། །
གཉིས་པ་གཏུམ་མོ་འབར་འཛག་བསྡུས་པ་ནི། གཞན་བྱ་བ་བྱེད་ཚུལ་ཐམས་ཅད་སྔ་
11-1-205


མ་དང་འདྲ་བ་ལས་ལུས་ཀྱི་དབུས་སུ་རྩ་དབུ་མ་ཁ་དོག་དམར་པོ། ཡས་སྣ་སྤྱི་བོ་དང༌། མས་
སྣ་ལྟེ་འོག་སོར་བཞིར་ཟུག་པ། ཡས་སྣ་ལ་སྤྱི་བོའི་འཁོར་ལོ་དཀར་པོ་རྩ་འདབ་བརྒྱད་པ་
དེའི་ལྟེ་བ་དབུ་མའི་ཡས་སྣ་ཕུག་པ། དེའི་སྟེང་དུ་ཧཾ་དཀར་པོ་ལ་མགོ་བོ་ཐུར་དུ་བལྟ་བ་ཡོད་
པའི། ཧཾ་གི་མགོ་བོ་དབུ་མའི་ཡས་སྣར་ཆུད་ཙམ། དེའི་མཐའ་སྐོར་དང་རྩ་འདབ་རྣམས་
ལ་བྱང་ཆུབ་ཀྱི་སེམས་ཆབ་བྲོམ་ཆགས་པ་ལྟར་སྐྱ་ཁྲོམ་མེ་སྒོམ། ཡང་དམིགས་པ་ཤིན་དུ་
འཁོབ་ཆུང་ན་སྤྱི་བོའི་ཧཾ་དང་དབུ་མ་མ་གཏོགས་རྩ་འཁོར་མ་བསྒོམས་ཀྱང་ཆོག་གསུངས༌། 
ལྟེ་འོག་སོར་བཞི་ན་གདན་ཐིག་ལེ་དམར་པོ་ཞིག་གི་སྟེང་དུ། གཏུམ་མོའི་མེ་མར་མེ་བཟང་
བ་ཙམ་ཞིག་གི་མེ་ལྕེའི་རྩེ་མོ་དབུ་མའི་ནང་དུ་ཆུད་པ་ཙམ་ཞིག་དམར་སྐྱེམ་སྐྱེམ་འབར་ཞིང་
ཅུང་ཟད་གཡོ་བར་བསྒོམ། དེ་ནས་རླུང་བུམ་པ་ཅན་གཟུང་བས། སྟེང་འོག་གི་རླུང་ལྟེ་འོག་
ཏུ་འདྲེས་པ་དེས་བསྐུལ་ནས་མེ་ལྕེའི་རྩེ་མོ་ལས་མེ་ཕྲ་མོ་རྟ་རྔ་ཙམ་ཞིག་དབུ་མའི་ནང་ནས་
ཡར་འབར། ཇེ་རིང་ཇེ་རིང་ལ་སོང་ནས་སྤྱི་བོའི་ཧཾ་ལ་རེག་རེག་འདུག །དེ་ནས་ཧཾ་ལས་ཐིག་
ལེ་ཁུ་འཕངས་ལྟ་བུ་སྐྱ་ཁྲོ་ལོ་ལོ་བབས་པས། མེ་ལྕེ་ཕྲ་མོ་འབར་བ་དེ་མར་ལ་རྡོགས། ཐིག་
ལེ་རྣམས་ལྟེ་འོག་གི་མེ་ལ་ཏིམ་ཏིམ་ཐིམ་པས། བདེ་བ་ལྷང་ལྷང་སྐྱེ་བར་མོས། རླུང་ཐེངས་
གསུམ་གསུམ་བཞི་བཞི་ལ་དམིགས་པ་དེ་ཉིད་བསྐྱར་གྱིན་སྐྱར་གྱིན་བསྒོམ། ཐུན་རེའི་ནང་
དུ་མ་མཐར་ཡང་ལན་ཉེར་གཅིག་ཙམ་རེ་བསྒོམས་ན་ཉམས་མྱོང་མྱུར་དུ་སྐྱེ་བར་འགྱུར་རོ། །
དམིགས་སྐོར་གཅིག་གལ་ཏེ་འདིས་ཉམས་མྱོང་མ་སྐྱེས་ན། མེ་ལྕེ་ཕྲ་མོ་ཧཾ་ལ་རེག་པའི་བར་
སྔར་བཞིན་བསྒོམ། ཧཾ་ལས་ཐིག་ལེ་དཀར་ན་ར་ར་བབས་པས། མེ་ལྕེ་ཕྲ་མོ་ཇེ་ཐུང་ཇེ་ཐུང་
ལ་ལྟེ་བའི་མེ་ལ་འདུས་ཤིང་ཐིག་ལེ་ཡང་མེ་ལ་སིབ་སིབ་ཐིམ། བདེ་བ་སྐྱེས་པར་མོས་ཏེ་
རླུང་ཐེངས་གཅིག་གཉིས་སོང་བ་ན། ལྟེ་འོག་གི་མེའི་དབུས་ནས་མེ་ཕྲ་མོ་རླུང་ཤུགས་ཅན་སྒྲ་
དང་བཅས་པ་བྱུང་ནས། ཐིག་ལེའི་རྒྱུན་གྱེན་ལ་སློག་ཏེ། སྐྱ་ཡེར་རེ་རེ་ཡར་སོང་སྤྱི་བོའི་ཧཾ་
11-1-206


ལ་ཐིམ། རླུང་ཐེངས་གཅིག་ཙམ་དར་ཅིག་དེ་ལ་སེམས་བརྟད། ཡང་མེ་ལྕེ་ལྡོག་ཐིག་ལེ་སྔར་
བཞིན་བབས་པར་བསྒོམ་པ་སྟེ། འདིས་བདེ་སྟོང་གི་ཉམས་ལ་བོགས་ཐོན། བྱིང་བ་སེལ་ལོ། །
དེ་ལྟར་ཟླ་གཅིག་སོགས་བསྒོམ་དམིགས་སྐོར་གཉིས་སོ། །མི་རྟོག་པ་དང་བསྲེ་ཚུལ་སོགས་
གོང་བཞིན་ནོ། །གསུམ་པ་འབར་འཛག་རྒྱས་པ་ལ་བསླབ་པ་ནི། ལུས་ཀྱི་དབུས་སུ་རྩ་གསུམ་
སྤྱི་དང་འདྲ། རྩ་འཁོར་བཞི་ལ་སྤྱི་བོ་དཀར་པོ། མགྲིན་པ་དམར་པོ། སྙིང་ག་སྔོན་པོ། ལྟེ་བ་
དམར་པོའམ་སྣ་ཚོགས་སོ། །ལྟེ་འོག་སོར་བཞིར་གཏུམ་མོ་སྔར་བཞིན། ལྟེ་བའི་འཁོར་ལོའི་
ནང་གི་དབུ་མར་ལྟེ་འོག་གི་མེ་ལྕེའི་རྩེ་མོ་སླེབ་པར་བསམ། འདབ་མ་བརྒྱད་ལ་ཨ་ཀ་ཙ་ཊ་ཏ་
པ་ཡ་ཤ །སྙིང་གའི་དབུས་སུ་ཧཱུཾ། ཕྱོགས་བཞིའི་འདབ་མ་ལ། བྲུཾ་ཨཾ་ཛྲིཾ་ཁཾ་མགྲིན་པའི་དབུས་
སུ་ༀ། ཕྱོགས་བཞིའི་འདབ་མ་ལ། ལཾ་མཱཾ་པཱཾ་ཏཱཾ་བཞིའམ། མོཾ་དེཾ་མཾ་རཾ་བཞི་བསྒོམས་ཀྱང་རུང༌། 
སྤྱི་བོའི་འཁོར་ལོ་དང་ཧཾ་ཡིག་གོང་བཞིན་བསྒོམ། རླུང་བུམ་པ་ཅན་ཁ་སྦྱོར་དུ་བཟུང༌། ལྟེ་
འོག་གི་མེ་ལས་མེ་ལྕེ་རྟ་རྔ་ཙམ་འབར། སྙིང་ག་དང་མགྲིན་པའི་རྩ་འཁོར་ཐམས་ཅད་མེ་འོད་
ཀྱིས་ཁྱབ། མེ་ལྕེ་སྤྱི་བོའི་ཧཾ་ལ་རེག་པས། ཧཾ་ལས་ཐིག་ལེ་རྟ་རྔ་དཀར་པོའི་རྒྱུན་ཙམ་ན་ར་ར་
འབབ་པའམ། ཁུ་འཕངས་ལྟར་ཁྲོ་ལོ་ལོ་འབབ་པ་འདམ་ཁ་ཡིན། ཐིག་ལེ་བབས་པ་ན་མེ་
ལྕེ་ཕྲ་མོ་དེ་མར་ལྡོག །ཐིག་ལེ་ལྟེ་བའི་ཨ་ཐུང་ལ་ཐིམ་པ་སོགས་གོང་བཞིན་བརྒྱུད་པ་འདིའི་
ལུགས་ལ་མེ་ལྕེས་སྙིང་གའི་ཧཱུཾ་དང་མགྲིན་པའི་ༀ་ཕུག་པ་སོགས་མི་བཞེད་དོ། །
གཉིས་པ་བདེ་བ་བསྐྱེད་བྱེད་ཀྱི་རྣམ་གྲངས་ལ། ཧཾ་ཡིག་མདུད་པ་ཅན་གྱིས་དབབ་པ། 
ཧཾ་ཡིག་བཅུ་དྲུག་གི་དབབ་པ། ཕྲ་མོས་དབབ་པ། རླུང་དྲོད་ཀྱི་ཐིག་ལེས་དབབ་པ། རྒྱལ་
མཚན་མཚོན་བསྣུན་གྱིས་དབབ་པ། རྡོ་རྗེ་སེམས་དཔས་དབབ་པ་རྣམས་སོ། །དང་པོ་ནི། 
རང་གི་ལྟེ་བར་ཉི་མའི་སྟེང་དུ་ཨ་དམར་པོ། སྤྱི་བོའི་ཧཾ་ལས་ཧཾ་དཀར་པོ་ཐིག་ལེ་བ་ཐག་ལྟ་
བུའི་སྣེ་ལ་འབྱར་བ་ཞིག་ཆད། སོར་ལྔ་དྲུག་རེ་ནས་ཧཾ་འཁོར་བས་བ་ཐག་ལ་མདུད་པའམ། 
11-1-207


འཁྲིལ་བར་འདྲ་བ་རེ་བྱུང༌། དེ་འདྲ་བའི་མདུད་པ་བདུན་ཙམ་བྱུང་ན་ལྟེ་བའི་ཨ་ལ་རེག་རེག་
འདུག་པས། ལུས་བདེ་ཁྲིལ་ཁྲིལ་བྱུང་བར་མོས། ཡང་ཡར་ལ་ལྡོག་སྟེ་ཧཾ་གི་སྐོར་ལྡོག་བྱས་
པས། མདུད་པ་གཅིག་ཞིག །ཐུར་ལ་ནར་ཙམ་བབས། བ་ཐག་ཇེ་ཐུང་ལ་ཡར་ཡེར་ཡེར་
སོང༌། ཡང་མདུད་པ་གཅིག་ཞིག །ཐུར་ལ་ནར་ཙམ་བབས་རྗེས་བ་ཐག་ཐུང་དུ་སོང་བས་
ཡར་ཡེར་ཡེར་འགྲོ་བ་སོགས་ལ་དམིགས་ནས། མདུད་པ་བདུན་རྫོགས་པ་ན། སྤྱི་བོའི་ཧཾ་
ལ་ཐིམ། དེ་ལྟ་བུ་ཡང་ཡང་བསྒོམ་པའོ། །གཉིས་པ་ནི། སྤྱི་བོའི་དབུས་སུ་ཆོས་འབྱུང་དཀར་
པོ་ཁ་ཐུར་བསྟན་ཞིག་བསྒོམ། དེའི་ནང་དུ་ཧཾ་བཅུ་དྲུག་ཁོག་སྟོང་མགོ་བོ་ཕྱིར་ཐུར་སེགས་ལ་
བསྟན། ཞབས་ནང་བསྟན་གྱེན་སེགས་ལ་ཡོད་པ་སྦུ་གུ་ཅན་ཏེ། ཐམས་ཅད་འཛོམས་པའི་
དབུས་སུ་ཧཾ་མགོ་བོ་ཐུར་བསྟན་ཞིག་བསྒོམ། དབུས་ཀྱི་ཧཾ་ལས་ཐིག་ལེ་འོ་མའི་རྒྱུན་ལྟར་
ནར་གྱིས་བབས། ཧཾ་ཡིག་བཅུ་དྲུག་གི་ཞབས་ནས་སོང༌། ཁོང་སྟོང་རྣམས་བདུད་རྩིས་མེར་
གྱིས་ཁེངས་པར་བསམ། དེ་རྣམས་ལས་བབས་པའི་བདུད་རྩིའི་ཆར་ཟིམ་ལྟ་བུ་ཐིམ་ཐིམ་
འབབ་པ་ལ་སེམས་བསྟད་དོ། །གསུམ་པ་ནི། ལྟེ་འོག་སོར་བཞིར་ཧཾ་དམར་པོ་གང་ལའང་མ་
རེག་པ་ཞིག །སྤྱི་བོར་ཧཾ་དཀར་པོ་མགོ་བོ་ཐུར་བསྟན་ནོ། །རླུང་ཕྱིར་འགྲོ་བའི་དུས་ལྟེ་འོག་
སོར་བཞིའི་ཧཾ་དམར་པོ་ལས་མེ་ལྕེ་ཕྲ་ཞིང་སེར་བ་ཞིག་སིར་གྱིས་འབར་ནས། སྤྱི་བོའི་ཧཾ་
དཀར་པོ་ཕུག །རླུང་ནང་དུ་ཡོང་བ་དང་བསྟུན། སྤྱི་བོའི་ཧཾ་ལས་ཐིག་ལེ་དཀར་པོ་ཕྲ་ན་ར་ར་
བབས་ཏེ་མེ་ལྕེ་དེད་དེ་ཧཾ་དམར་པོ་ལ་ཐུག་གི་བཏང༌། ཡང་ལྟེ་འོག་གི་ཧཾ་གི་མེ་ལྕེས་ཐིག་ལེ་
དཀར་པོ་ཡར་དེད་དེ། སྤྱི་བོའི་ཧཾ་ལ་ཐུག་པ་སོགས་ཡར་དེད་མར་དེད་ཁོ་ན་ལ་སེམས་བསྟད་
དོ། །བཞི་པ་ནི། རླུང་ཕྱིར་བསལ་བའི་སྐབས། ལྟེ་བ་ནས་རླུང་ཤིན་དུ་ཚ་བ་ཞིག་འོད་ཟེར་
དམར་པོའི་རྣམ་པས་ལམ་ཏེ་བྱུང༌། ལུས་ཐམས་ཅད་ཁྱབ། རྩ་ནང་ཐམས་ཅད་དྲོས་ཤིང་ཞུ། 
རླུང་ནང་དུ་རྔུབས་ཏེ་ལྟེ་འོག་ཏུ་བསྡིགས་པས། སྟོད་སྨད་བར་གསུམ་གྱི་རྩ་ཐམས་ཅད་ནས་
11-1-208


ཐིག་ལེའི་རྒྱུན་ཕྲ་མོ་བབས་ཏེ། ལྟེ་འོག་སོར་བཞིར་འདུས་ཏེ་ཁྱི་ལི་ལི་འདུག་པར་བསམ་
པའོ། །ལྔ་པ་ནི། རྡོ་རྗེའི་ལྟེ་བར་ཕཊ་ནག་པོ་ཞིག་བསམ། དེ་ལས་མེ་དམར་ནག་འབར་བས་
རྡོ་རྗེའི་ནང་ཁེངས། ལྟེ་འོག་ན་རྩ་ཀླུ་དབང་འཁྱིལ་པ་སྦྲུལ་འཁྱིལ་པ་ལྟ་བུར་ཡོད་པའི་ནང་དུ་
ཞུགས། སྐོར་བ་རིམ་པ་བདུན་གྱི་ནང་བརྒྱུད་ནས། སྟེང་གི་བུ་ག་ནས་ཐོན་སྤྱི་བོའི་ཧཾ་ལ་རེག །
བྱང་ཆུབ་ཀྱི་སེམས་ཞུ། མེ་ལྕེ་མར་བབས་པ་དང་ལྷན་ཅིག །ཀླུ་དབང་འཁྱིལ་བའི་སྟེང་སྒོ་
ནས་ཞུགས། སྦུགས་འདེད་རྒྱུད་དེ་ཐུར་བལྟས་ཀྱི་སྒོ་ནས་ཐོན། ཡར་མར་བབས་ཏེ་གསང་
བའི་རྡོ་རྗེ་ཐིག་ལེས་མེར་ཏེ་ཁེངས་པར་བསམ་དམིགས་པ་དེ་ཉིད་ཡང་ཡང་བསྐྱར་ཏེ་བསྒོམ་
པ་ཡིན། དྲུག་པ་ནི། སྤྱི་བོར་རྡོ་རྗེ་སེམས་དཔའ་ཧེ་རུ་ཀ་ཡབ་ཡུམ་ཁ་སྦྱོར་རམ། ཡབ་རྐྱང་
ཡང་རུང༌། ཞབས་གཡོན་བསྐུམ་གཡས་བརྐྱང་བས་བཞུགས་པ་གཅིག་བསྒོམ་གསང་གནས་
ཀྱི་འཁོར་ལོའི་དབུས་སུ་ཧཱུཾ། དེ་ལས་འོད་ཟེར་བདེ་དྲོད་ཀྱི་རང་བཞིན་ཅན་སྟེང་དུ་འཕྲོས། རྡོ་
རྗེ་སེམས་དཔའི་སྐུ་ལ་ཐིམ། བདེ་བ་རྒྱས་ནས་ཁ་སྦྱོར་ཡིན་ན་སྦྱོར་མཚམས་ནས་ཐིག་ལེའི་
རྒྱུན་འབབ་བ་དང༌། གཙོ་རྐྱང་ཡིན་ན་ཞབས་ཀྱི་མཐེ་བོང་ནས་འབེབ་གསུང་ཡང༌། སྐུའི་ཆ་
ཐམས་ཅད་ནས་བབས་པས་ཆོག །གང་ལྟར་ཡང་ཐིག་ལེའི་རྒྱུན་གྱིས་ལུས་ནང་ཐམས་ཅད་
ཁེངས་པར་བསམ་མོ། །དེ་ལྟར་ན་བདེ་བ་དབབ་ཐབས་དྲུག་པོ་འདི། ནཱ་རོ་པ་དང༌། ཐར་
པའི་ལམ་སྟོན་གཉིས་ཀྱི་མན་ངག་གུང་སྤྲོས་པ་ཡིན་ཟེར་བའང་ཡིག་རྙིང་འགའ་རེ་ན་སྣང་
ངོ༌། །གཉིས་པ་གཞན་ལུས་ཤེས་རབ་ཀྱི་མན་ངག་ལ། སྔོན་འགྲོ་ནི་སྤྱི་གོང་དང་འདྲ་བ་
ལས། རང་ལུས་ཐབས་ལྡན་ལ་བརྟེན་ནས། རླུང་དང་གཏུམ་མོ་ཅུང་ཟད་གོམས་པར་བྱས་
ན་བཟང་ངོ༌། །ལམ་དངོས་ལ་ཕྱག་རྒྱའི་མཚན་ཉིད་བརྟག་པ། སྔགས་དང་རྫས་ཀྱིས་དགུག་
པ། མི་སྣང་བར་སྦ་བ། འཁོར་བའི་སྐྱེ་རྒྱུན་བཅད་པ། ལུས་ཟུངས་རྒྱས་པར་བྱ་བ། ཕྱག་རྒྱ་
སྒྱུ་མར་སྦྱང་བ་སྟེ་སྦྱོར་བའི་ཆོས་དྲུག །རྩ་བཙལ་བ། བདེ་བ་དབབ་པ། བདེ་བ་འཛིན་པ། 
11-1-209


ཐིག་ལེ་བཟློག་པ། རྩ་མིག་ཏུ་གདབ་པ། ཡེ་ཤེས་ཆེན་པོར་བསྐྱལ་བ་སྟེ། དངོས་གཞིའི་ཆོས་
དྲུག །ཡུལ་དང༌། དུས་དང༌། ལུས་ཀྱི་གནད་གསུམ་འཛོམ་པས་སྒྲུབ་སྟེ། ཕོ་ཉའི་ལམ་མོ། །
ཡང་རྩིས་མགོ་བཅུའམ་བཅོ་ལྔའི་སྒོ་ནས་འཆད་པའང་ཡོད་དེ། ས་བཅད་མང་ཉུང་ཙམ་མ་
གཏོགས་དོན་ལ་ལྷག་ཆད་མེད་དོ། །འདིར་ས་བཅད་ཙམ་སྟོན། མན་ངག་ནི་ལོགས་སུ་སྟོན་
གྱི་དཀྱུས་སུ་མི་འཆད་དོ། །
གཉིས་པ་སྒྱུ་ལུས་ཀྱི་མན་ངག་ལ། སྔོན་འགྲོ་དངོས་གཞི་རྗེས་གསུམ་ཞེས་འཆད་པའང་
ཡོད་མོད། སྔོན་འགྲོ་གོང་དུ་བསྟན་པ་ཉིད་ཡིན་གྱི་ལོགས་སུ་མེད་པས་འདིར་འདི་སྐད་ཅེས་
བྱ་སྟེ། ཉམས་མྱོང་མ་སྐྱེས་པ་སྐྱེད་པ་རྨི་ལམ་སྒྱུ་མ་དང༌། སྐྱེས་པ་བརྟན་རྒྱས་སུ་བྱེད་པ་སད་
བར་གྱི་སྒྱུ་མའོ། །དང་པོ་ལ། འདུན་པ་རྒྱུན་ཆགས་སུ་སྦྱང་བ། རྨི་ལམ་གསལ་སྣང་སྒྲུབ་པ། 
རྨི་ལམ་ངོ་ཤེས་སྐྱོང་ཚུལ། རྩལ་སྦྱོང་སྤེལ་སོགས་ལ་བསླབ་པ། རྨི་ལམ་དག་པར་སྦྱོང་བ་སྟེ་
ལྔའོ། །དང་པོ་ནི་དམིགས་ཆེན་གཅིག་ཡིན་ཡང༌། དམིགས་སྐོར་གསུམ་དུ་བྱ་སྟེ། ཐུན་གྱི་
སྔོན་འགྲོ་རྣམས་སྔར་བཞིན་བྱས་ནས། རང་གཞན་སྣོད་བཅུད་ཐམས་ཅད་ལ་གཞིག་འབྲེལ་
ཞིག་བཅུག་སྟེ། སྣང་བ་སྣ་ཚོགས་པ་འདི་དག་ཐམས་ཅད་རང་གི་སེམས་ཀྱི་སྣང་བ་ཙམ་མ་
གཏོགས། དངོས་གནས་ལ་ཅུང་ཟད་ཀྱང་གྲུབ་པ་མེད་པས། སྒྱུ་མ་ལྟ་བུའོ། །ཐམས་ཅད་
སེམས་སྣང་ཡིན་ཡང༌། ཕྱི་དོན་རྒྱང་ཆད་དུ་སྣང་བས། སྣང་བ་འདི་ཐམས་ཅད་དངོས་གནས་
ལ་མ་གྲུབ་པའི་འཁྲུལ་སྣང་ཡིན་ཙ་ན། འཁྲུལ་སྣང་དེ་འཛིན་ཞིང་གང་ལ་སྣང་བའི་ནང་ཤེས་
རིག་འདི་ཡང་འཁྲུལ་སྣང་དེ་ལ་བལྟོས་པ་ཡིན་པའི་ཕྱིར། བདེན་དངོས་སུ་ག་ལ་ཡོད། འདི་
དག་ཐམས་ཅད་ཀྱང་འཇའ་ཚོན་ལྟར་རྟེན་འབྲེལ་ཚོགས་པའི་སྣང་བ་ཙམ་ཡིན་གནས་ཚུལ་
ལ་ཅུང་ཟད་ཀྱང་མ་གྲུབ་བོ་ཞེས་འདུན་པ་དྲག་པོ་སྦྱངས། ཡང་དེ་ཀ་ལ་ངལ་གསོའི་ཚུལ་དུ་
རིག་པ་རང་སོར་བཞག ཚུལ་དེ་བསྐྱར་གྱིན་རྟག་ཏུ་བསྒོམ་པ་སྟེ་དམིགས་སྐོར་དང་པོའོ། །
11-1-210


ཡང་དེ་ཀ་སྔོན་དུ་འགྲོ་བའི་སྒོ་ནས། ད་ལྟའི་སྣང་བ་འདི་དང་རྨི་ལམ་ལ་ཁྱད་པར་མེད། 
ཉམས་སུ་ནི་གཉིས་ཀ་མྱོང༌། དོན་ལ་ནི་གཉིས་ཀ་མེད། དཔེ་ཁ་སང་ཕན་ཆད་ཀྱི་ན་ཚ་སྡུག་
བསྔལ་དང༌། མདང་རྨི་ལམ་དུ་ན་ཚ་སྡུག་བསྔལ་འབྱུང་བ་གཉིས་ལ། དེ་རིང་གི་དུས་ན་ཁྱད་
པར་ཅུང་ཟད་ཀྱང་མི་འདུག ཁ་སང་ཕན་ཆད་བཟའ་བཏུང་དགའ་སྟོན་བྱས་པ་དང༌། མདང་
རྨི་ལམ་དུ་དགའ་སྟོན་བྱས་པ་གཉིས་ཀྱང༌། དེ་རིང་གི་དུས་ན་ཁྱད་ཅུང་ཟད་ཀྱང་མི་འདུག །
སད་པ་རྣམས་སད་པའི་དུས་དང༌། རྨི་ལམ་རྣམས་རྨི་ལམ་གྱི་དུས་ན། སྣང་བ་ཤར་མཉམ། 
བདེ་སྡུག་མྱོང་མཉམ་དུ་བྱུང༌། དེ་རིང་གི་དུས་ན་རྨི་ལམ་དེ་གང་ནའང་མི་འདུག་པ་བཞིན་དུ། 
ཁ་སང་ཕན་ཆད་བྱུང་བའི་སད་དུས་ཀྱི་སྣང་བ་ཐམས་ཅད་ཀྱང༌། དེ་རིང་གང་ནའང་མི་འདུག་
པ་དང་འདྲ། རྨི་ལམ་དང་ད་ལྟའི་སྣང་བ་ལ་ཁྱད་པར་ཅུང་ཟད་ཀྱང་མེད། བདེན་པར་གྲུབ་
པར་མི་འདུག་ཨང་སྙམ་དུ་བསྒོམ། དམིགས་སྐོར་གཉིས་པའོ། །ཡང་འདུན་པ་དེ་གཉིས་
འབྲེལ་ཆགས་སུ་བསྒོམ་པའི་རྗེས་སུ། དེར་མ་ཟད་རང་དང་གདོང་དུ་སྣང་བ་འདི་ཐམས་
ཅད་རྨི་ལམ་རང་ཡིན་པ་འདུག་སྙམ་པའི་འདུན་པ་དྲག་པོ་སྦྱོང་སྟེ་དམིགས་སྐོར་གསུམ་པའོ། །
གཉིས་པ་ནི་ལུས་གནད་བཅོས། རང་གི་མགྲིན་པར་རྩ་འཁོར་ལོ་འདབ་བཞིའམ། དེ་ཉིད་
པད་མ་དམར་པོ་འདབ་བཞིའི་རྣམ་པར་སྒོམས་ཀྱང་རུང༌། རྩ་འཁོར་རམ། པདྨའི་ལྟེ་བ་ལ་ༀ་
དམར་པོ། འདབ་མ་བཞི་ལ་མདུན་མ་ལ་ཨ། གཡས་པ་ལ་ནུ། རྒྱབ་མ་ལ་ཏ། གཡོན་པ་ལ་
ར་སྟེ་ཐམས་ཅད་ཁ་དོག་དམར་པོར་བསྒོམ། ཁ་ཅིག་ཕྱོགས་མདོག་སྒོམ་པར་འདོད་པའང་
ཡོད་པ། སྤྱིར་འགོག་པ་མིན་ཏེ། འདིར་མི་མཛད་པར་གདའ་ཞིང༌། ཁ་དོག་འདྲ་བར་བྱེད་
པ་འདི་ཀ་སྒོམས་སྟབས་བདེའོ། །འདབ་མ་བཞིའི་ཡི་གེ་ལ་དུམ་ཙམ་དུམ་ཙམ་རེ་སེམས་
གཏོད། དབུས་ཀྱི་ༀ་ལ་ཡུན་རིང་བ་རེ་སེམས་འཇོག །དམིགས་སྐོར་གཅིག་གོ །དེ་ལྟར་ཞག་
ཤས་སོང་ནས། ཡི་གེ་རྣམས་ལ་སེམས་གཏོད་པའི་སྐབས་སུ། དོ་ནུབ་ཅིས་ཀྱང་རྨི་ལམ་རྨི་
11-1-211


བ་ཞིག་དགོས། དེ་ཡང་མང་པོ་རྨི་བ། གསལ་པོ་རྨི་བ། བཟང་བོ་རྨི་བ་གཅིག་བྱའོ་སྙམ་པའི་
འདུན་པ་ཡང་ཡང་གཏོང་ངོ༌། །གཉིས་པའོ། །དེ་ལྟ་བུ་ཞག་ཤས་བསྒོམ་པས། རྨི་ལམ་མང་
ཞིང་གསལ་བ་གཅིག་ཏུ་འགྱུར་འོང༌། གལ་ཏེ་མ་འགྱུར་ན་དམིགས་པ་དེ་ཁོ་ན་བསྒོམས་ནས། 
རླུང་བུམ་ཅན་ལ་གནད་དུ་བསྣུན་པས། དེ་མ་ཐག་ཏུ་འགྱུར་འོང༌། དམིགས་སྐོར་གསུམ་པ་
སྟེ་དེ་རྣམས་དམིགས་ཆེན་གཅིག་ཡིན། འདི་ལ་རྨི་ལམ་རྨི་བར་བྱེད་པའི་གདམས་ངག་ཅེས་
གསུངས་ཏེ། དེའི་གོ་དོན་ཐ་མལ་གྱི་རྨི་ལམ་འདི་ལ་ནི་ཟིན་འབྱོངས་དཀོན་ཞིང༌། བག་རེ་
ཙམ་བྱུང་ཡང༌། ཉམས་མྱོང་འགང་ཆེ་བ་ཙམ་མི་ཡོང༌། རླུང་སེམས་ལ་གནད་དུ་བསྣུན་པའི་
མཐུ་ལས་བྱུང་བའི་གཉིད་དང་རྨི་ལམ་གསལ་པོ་དེ་ལ་ནི་ཡོན་ཏན་སྐྱེ་བ་ཡིན་པས། དེ་ལྟ་
བུའི་རྨི་ལམ་རྨི་བའི་ཐབས་ཡིན་ཞེས་པའོ། །ཡང་མགྲིན་པའི་ཨ་ནུ་ཏ་རའི་ཚབ་ལ། སྨིན་
མཚམས་སུ་ཆོས་འབྱུང་དཀར་པོ་མཚོན་གང་བ་གཅིག་གི་ནང་དུ། ཐིག་ལེ་དཀར་པོ་སྲན་མ་
ཙམ་འོད་འཚེར་བ་གཅིག་ལ་སེམས་བརྟད། འདི་ལའང་དམིགས་སྐོར་གསུམ་དུ་བྱ་ཚུལ་སྔ་
མས་རིགས་འགྲེའོ། །རྔོག་པའི་ཡིག་རྙིང་རྣམས་ན། སྔར་གྱི་ཨ་ནུ་ཏ་ར་ལས་འདི་ལ་བསྔགས་
པ་ཆེ་བར་མཛད་དོ། །གསུམ་པ་ནི། དམིགས་པ་སྔ་མ་དེ་བསྒོམས་པས་རླུང་དྭངས་ཏེ་རྨི་ལམ་
གསལ་ལ་མང་བ་རྟག་པར་ཡོང༌། དེ་བྱུང་བ་ན་ཡང་སྔར་བཞིན་མགྲིན་པའི་ༀ་ཡིག་ཨ་ནུ་ཏ་
ར་དང་བཅས་པ་གསལ་བཏབ། དོ་ནུབ་ཅིས་ཀྱང་རྨི་ལམ་ཟིན་པར་བྱའོ་སྙམ་པའི་འདུན་པ་
དང་བཅས། འདབ་མའི་ཡི་གེ་བཞི་ལ་རིམ་པས། ཡུད་རེ་ཡུད་རེ་སེམས་བརྟད། དབུས་ཀྱི་ༀ་
ལ་རིག་པ་བརྟད་དེ་འདུན་པ་དྲག་ཏུ་སྦྱོང་བ་ཡུན་རིང་དུ་བྱའོ། །ཐུན་མཚམས་ཐམས་ཅད་དུ་
ཡང་རྨི་ལམ་ཡིན་སྙམ་པའི་འདུན་པ་དྲག་ཏུ་བྱའོ། །ཉལ་བའི་སྐབས། དང་པོར་ཨ་ལ་སེམས་
འཛིན། གཉིད་འབྱུང་ཚད་པ་ལ་ནུ་དང༌། ཅུང་ཟད་སྲིབ་པ་ན་ཏ་དང༌། ཧཱུཾ་གི་འགྲོ་བ་ན་ར་དང༌། 
གཉིད་དངོས་ལ་ཐིབ་ཀྱི་སོང་བ་ན་ༀ་ལ་སེམས་འཛིན་ཞེས་བཤད་པ་བྱེད་ཀྱང༌། ལག་ལེན་
11-1-212


ལ་འགོར་འགྲོ་བས། ཐོག་མ་གཉིད་དུ་མི་འགྲོ་བའི་དུས་ཉིད་ནས། ཡི་གེ་བཞི་ལ་རིམ་ཅན་
དུ་སེམས་བརྟད་དེ། མཐར་ༀ་ལ་སེམས་བརྟད་པའི་ངང་ནས་གཉིད་དུ་འགྲོ་བ་ཁོ་ནས་ཆོག་
གསུངས། དེ་སྐབས་ཀྱང་རྨི་ལམ་ཟིན་པར་བྱའོ་སྙམ་པའི་འདུན་པ་མི་དྲག་ཙམ་སྦྱངས་བས་
ངེས་པར་ཟིན་པར་འགྱུར་རོ། །དེ་ནས་འདུན་པ་དེ་ཉིད་རྒྱུན་དུ་སྦྱོངས་པས། རྨི་ལམ་ཕལ་
ཆེར་རྨི་ལམ་དུ་ངོ་ཤེས་པར་འབྱུང་སྟེ་དམིགས་སྐོར་གཅིག་གོ །ཡང་ཉིན་པར་མགྲིན་པའི་
འཁོར་ལོ་སྔར་བཞིན་བསྒོམས་ནས། དོ་ནུབ་རྨི་ལམ་མང་པོ་རྨི་གསལ་པོ་རྨི། བཟང་པོ་རྨི་
བར་བྱ། རྨི་ལམ་ལ་རྨི་ལམ་དུ་ངོ་ཤེས་པ་ཞིག་བྱ་སྙམ་པའི་འདུན་པ་དྲག་པོ་བཏང༌། མགྲིན་
པའི་ༀ་ཡིག་ལ་སེམས་བརྟད་པའི་ངང་ནས་སྔར་བཞིན་བསྒོམ། དམིགས་སྐོར་གཉིས་སོ། །
དེ་ནས་ཡང༌། སྣང་བ་ཐམས་ཅད་རང་སེམས་ལས་གཞན་དུ་མེད། བདེན་པར་མ་གྲུབ། སད་
དུས་ཀྱི་སྣང་བ་རགས་པ་དང༌། རྨི་ལམ་ཞེས་བྱ་བ་ལ་ཡང་ཁྱད་པར་མི་འདུག་སྙམ་པའི་ངང་
ནས་སེམས་ལ་ཆེ་རེ་བལྟ་ལྷོད་ཀྱིས་བཞག །ཡང་མགྲིན་པའི་ༀ་ཡིག་ལམ་གྱིས་དྲན་པ་དང༌། 
སྣང་ཡང་བདེན་པས་སྟོང་པའི་འདུན་པ་དུང་ཙམ་ཞིག་བྱ། དམིགས་སྐོར་གསུམ་མོ། །དེ་ཉིད་
ཡང་ནས་ཡང་དུ་སྒོམ། དེ་ལྟར་སྒོམས་པས། དང་པོར་རྨི་ལམ་གསལ་པོ་ཞིག་རྨི། དེ་རྨི་ལམ་
དུ་ཤེས། དེ་ནས་བདེན་མེད་ཀྱི་འདུན་པ་རང་ཤུགས་སུ་འབྱུང་བས་རྐྱེན་བྱས་ཏེ། རྨི་ལམ་གྱི་
སྣང་བ་ཡང་མ་ཡལ་བ་ལ། སེམས་བདེ་སྟོང་དུ་ལྷན་ནེ་གནས་པ་ཞིག་འབྱུང༌། འདི་རྨི་ལམ་
གྱི་དགེ་སྦྱོར་དངོས་གཞི་ཡིན། འོག་ཏུ་འཆད་པར་འགྱུར་བའི་སྤེལ་སྦྱང་གཉིས་འདིའི་ཡན་
ལག་ཡིན་གསུང་ངོ༌། །ཡང་གོང་དུ་སྨིན་མཚམས་ཀྱི་ཐིག་ལེ་ལ་དམིགས་པ་སྦྱངས་པ་ཡིན་
ན། སྐབས་འདིར་ཡང་མགྲིན་པར་ཡི་གེ་ལྔ་སྒོམ་པའི་དོད་སྨིན་མཚམས་ཀྱི་ཐིག་ལེ་ལ་བྱས་
ཏེ་འདུན་པ་ནི་སྔར་བཞིན་སྐྱོང་བ་ཡིན། དེས་ན་འདི་ལའང་དམིགས་སྐོར་གསུམ་དང༌། རྨི་
ལམ་ལ་རྨི་ལམ་དུ་ཤེས་པར་བྱེད་པ་དང༌། རྨི་ལམ་གྱི་རང་བཞིན་ཤེས་པར་བྱེད་པ་གཉིས་
11-1-213


ཡོད་དོ། །འདི་དག་ལའང་ཡུན་རིང་རབ་བསྒོམས་ཀྱང༌། རྨི་ལམ་མི་ཟིན་པ་དང༌། རྨི་ལམ་
ཟིན་ཡང་དགེ་སྦྱོར་མི་སླེབ་པའི་རིགས་ལ། རླུང་བུམ་ཅན་འཛིན་ཞིང༌། བདེན་མེད་ཀྱི་འདུན་
པ་དེ་ཤུགས་ཆེ་ལ་ཡུན་རིང་དུ་སྦྱོང་བ་གལ་ཆེའོ། །
བཞི་པ་ནི། སྔར་བཞིན་མགྲིན་པའི་ཡི་གེ་ལྔའམ། སྨིན་མཚམས་ཀྱི་ཐིག་ལེ་ལ་སེམས་
གཏོད་པ་གང་རུང་གཅིག་བསྒོམ་པའི་ངང་ནས། རྨི་ལམ་ཡིན་སྙམ་པའི་འདུན་པ་དྲག་ཏུ་
སྦྱངས། རང་གི་མདུན་ན་ཡོད་པའི་སྣོད་བཅུད་ཀྱི་དངོས་པོ་ཞིག་ལ་དམིགས། མང་པོར་སྤེལ་
བའི་རྗེས་སུ་གཅིག་ཏུ་བསྡུ་བའམ། ཆེན་པོར་རྒྱ་བསྐྱེད་ཅིང་ཆུང་ངུར་བསྡུ་བ་སོགས་ལ་
བསླབ། དམིགས་སྐོར་གཅིག །ཡང་བདེན་མེད་དུ་ཤེས་པའི་སྒོ་ནས། མེ་ཆུ་གཡང་ས་སོགས་
འཇིགས་སྐྲག་སྐྱེ་བ་དང༌། སྐྱུག་བྲོ་ངོ་ཚ་སོགས་ལ་ཐོག་རྫིས་ཀྱི་དམིགས་པ་བྱེད། རི་རབ་
སོགས་ཐོགས་བཅས་ལ་ཐོགས་མེད་དུ་སྦྱོང་ངོ༌། །དམིགས་སྐོར་གཉིས། ཡང་སྒྱུ་མའི་འདུན་
པ་དང་བཅས་བཞིན་པས། ཉི་ཟླའི་འོད་ཟེར་ལ་འཇུས་ནས་སུམ་ཅུ་རྩ་གསུམ་སོགས་བལྟ། 
དགའ་ལྡན་དུ་ཕྱིན་ནས་བྱམས་པ་ལ་ཆོས་ཉན། ཡི་དམ་གྱི་ལྷའི་ཞལ་བལྟ། བླ་མ་དང་མཁའ་
འགྲོ་སོགས་དང་མཇལ་ནས་དབང་བསྐུར་ཞུ། ནམ་མཁའ་ལ་འཕུར། ས་འོག་ཏུ་འཛུལ། 
སྟོད་ནས་མེ་འབར་བ་དང༌། སྨད་ནས་ཆུ་འབྲུབ་པ་སོགས་ཆོ་འཕྲུལ་སྣ་ཚོགས་པ་བྱའོ་སྙམ་
པའི་འདུན་པ་བྱ། དེ་ལྟ་བུ་བསྒོམ་ཡང་བསྒོམ་མོ། །དམིགས་སྐོར་གསུམ་པའོ། །དེ་གསུམ་
ཆར་ལ་ཡང༌། ཐོག་མར་མགྲིན་པའི་སྨིན་མཚམས་སུ་སེམས་བརྟད། སྣང་བ་འདི་ལ་བདེན་
མེད་དང་རྨི་ལམ་གྱི་འདུན་པ་སྦྱངས་དེ་ནས་སོ་སོའི་དམིགས་པ་དང་བཅས་ཏེ། དོ་ནུབ་རྨི་
ལམ་དུའང་འདི་ལྟར་བྱའོ་སྙམ་པ་དེ་བསྟར་ཆགས་སུ་བསྒོམ་དགོས་པ་ཡིན། ཉིན་པར་དེ་
ལྟར་བསྒོམས་པས་མཚན་མོ་རང་ཤུགས་སུ་འབྱུང་ངོ༌། །ལྔ་པ་ནི། ཡང་ཉིན་པར་སྔར་བཞིན། 
མགྲིན་པའི་ཡི་གེ་ལྔ་དང༌། དཔྲལ་བའི་ཐིག་ལེ་གང་རུང་ལ་སེམས་བརྟད། བདེན་མེད་དང༌། 
11-1-214


རྨི་ལམ་ཡིན་སྙམ་པའི་འདུན་པ་དྲག་པོ་སྦྱངས་དེ་ཀའི་ངང་ལ་དམིགས་པར་ཅུང་ཟད་བཞག །
དེ་མ་ཐག་རང་གཞན་སྣོད་བཅུད་ཐམས་ཅད་དགྱེས་པ་རྡོ་རྗེའམ། བདག་མེད་མའི་དཀྱིལ་
འཁོར་དུ་ཕྲ་གསལ་གྱིས་བསྒོམ་བདེན་མེད་དང༌། རྨི་ལམ་གྱི་འདུན་པ་ཡུད་ཙམ་སྦྱངས། ཉིན་
པར་དེ་ལྟ་བུ་ཡང་ཡང་བསྒོམས་པས་མཚན་མོ་རྨི་ལམ་དུའང་འབྱུང་སྟེ། དང་པོར་ལྷ་སྐུ་ཤར། 
དེ་བདེན་མེད་དུ་ཤེས་པས་བདེ་བ་རང་ཤུགས་སུ་རྙེད་དེ། ལྷ་སྐུ་གསལ་སྟོང་བདེ་བའི་ངང་
ལས་མ་གཡོས་པ་ཞིག་འབྱུང་ངོ༌། །འདིས་རྨི་ལམ་གྱི་དགེ་སྦྱོར་མཐར་ཕྱིན་པའོ། །དགྱེས་
རྡོར་བསྲེ་འཕོ་འདི་ལ་སྒྱུ་ལུས་ཀྱི་གདམས་ངག་གི་རྩ་བ་རྨི་ལམ་ཡིན་པར་མཛད་དོ། །ལས་
དང་པོ་པ་གཅིག་ལ་སད་དུས་ཀྱི་སྒྱུ་མའི་ཉམས་མྱོང་དེ། གློ་བུར་བཙན་ཐབས་སུ་སྐྱེ་དཀའ་
བས། སད་དུས་རང་ལ་དང་པོར་གནད་དུ་བསྣུན་དགོས་ན། སྒྱུ་མ་ལྟ་བུ་ལས་གཏུམ་མོ་ཁོ་ན་
གནད་དུ་ཆེ། འོན་ཀྱང་རྨི་ལམ་གྱི་གདམས་ངག་ལས་ནི། ལས་དང་པོ་པ་ལའང་འཕྲལ་དུ་
ཉམས་མྱོང་སྐྱེ་ཐུབ། དེ་བྱུང་ན་སད་དུས་ཀྱི་སྒྱུ་མའི་ཉམས་མྱོང་སྐྱེ་བ་ལ་ཡང་ཚེགས་མེད་པས་
རྨི་ལམ་གྱི་གསེང་ལམ་ལ་ཕྱིན་ན་སད་དུས་ཀྱི་སྒྱུ་ལུས་ལ་ཚེགས་མེད་དོ། །དེས་ན་སད་དུས་
དང་བར་དོ་སྒྱུ་མའི་རྩ་བ་རྨི་ལམ་སྒྱུ་མ་ལ་ཐུག ལུགས་འདིའི་རྒྱུད་བཤད་ཀྱི་སྐབས་ན་ཡང༌། 
ལྟེ་བར་གཏུམ་མོ། སྙིང་གར་འོད་གསལ། མགྲིན་པར་སྒྱུ་ལུས། སྤྱི་བོར་ལས་རྒྱ་སྟེ། འཁོར་
ལོ་བཞི་ལ་ལམ་བཞི་སྦྱོར་བའི་སྐབས། སྒྱུ་ལུས་ཀྱི་གདམས་ངག་མགྲིན་པར་གནད་དུ་བསྣུན་
གསུང་བའི་རྒྱུ་མཚན་དེ་ཡིན་ནོ། །ལུགས་གཞན་ལ་འཆད་ཚུལ་གཞན་ཡང་ཡོད་དེ་འདིར་མ་
སྨོས་སོ། །གཉིས་པ་ཉམས་མྱོང་སྐྱེས་པ་བརྟན་རྒྱས་སུ་བྱེད་པ་ལ། སྣང་བ་སྒྱུ་མ་དང༌། བར་
དོ་སྒྱུ་མ་གཉིས་སོ། །དང་པོ་ལ། དངོས་དང་བོགས་འདོན་གཉིས་ལས། དང་པོ་ནི། གཉིད་
སད་དུས་ཀྱི་སྒོམ་ཡིན་ཏེ། དབང་པོ་རྣོན་པོ་ཞིག་ལ་རྨི་ལམ་ཟིན་པ་དང་འབྱོངས་པ་ན་སད་
དུས་ཀྱི་སྒོམ་རང་ཤུགས་ཀྱི་འབྱུང་བ་ཞིག་ཀྱང་ཡོད། དབང་པོ་འབྲིང་ལ་རྨི་ལམ་གྱི་ཉམས་
11-1-215


དེས་ད་ལྟའི་སྣང་བ་ལ་རྒྱས་བཏབ་པ་ཙམ་གྱིས་འཆར་ཐུབ་པ་ཞིག་ཀྱང་ཡོད་མོད། འདིར་
དབང་པོ་ཐ་མ་ཞིག་རྨི་ལམ་དག་པར་འབྱོངས་ན་རབ་ཡིན། མིན་ན་ཡང་རྨི་ལམ་ཟིན་ཞིང་
དེར་སྒྱུ་མ་ལྟ་བུའི་ཉམས་སྐྱོང་ཐུབ་ཀྱིན་ཡོད་ན། ཉིན་པར་ཡང་འདི་ལྟར་བསྒོམ་སྟེ། སྔོན་
འགྲོ་རྣམས་གོང་ལྟར་བཏང༌། སྔར་བཞིན་མགྲིན་པའི་ༀ་ཡིག་ལ་སེམས་ཅུང་ཟད་བརྟད་དེ། 
རང་གཞན་སྣོད་བཅུད་འདི་དག་སྣང་ལ་རང་བཞིན་མེད་པ་རྨི་ལམ་ལྟ་བུའོ། །ཞེས་རྨི་ལམ་གྱི་
ཉམས་མྱོང་དྲན་པ་དང་བསྲེས་ཏེ་ཅུང་ཟད་བཞག །དེ་ཡང་ཡང་བསྒོམ་སྟེ་དམིགས་སྐོར་
གཅིག །ཡང་དེའི་འཕྲོས་ལ་སྣང་བ་ཐམས་ཅད་ནམ་མཁའ་ལ་འཇའ་ཡལ་བ་བཞིན་དུ་སོང༌། 
གང་ཡང་བསམ་དུ་མེད་པར་འཇོག་པ་ཡང་ཡང་བསྒོམ་དམིགས་སྐོར་གཉིས། ཡང་བདེན་
མེད་ཀྱི་འདུན་པ་དང་མི་རྟོག་པ་དེ་ཁ་བཞིན་སྔོན་དུ་བཏང་ནས་སྟོང་པའི་ངང་ལས། རང་
དགྱེས་རྡོར་རམ་བདག་མེད་མའི་སྐུར་ཝལ་གྱིས་བསྒོམ། སྣོད་བཅུད་ཐམས་ཅད་ལྷ་དང་
གཞལ་ཡས་ཁང་དུ་བསམ། དམིགས་སྐོར་གསུམ། ལྷར་ཤར་ཙ་ན་སྒྱུ་མ་ཡང་རང་ཤར་དུ་
ཤར་ན་དེས་ཆོག །དེ་མིན་དཀྱིལ་འཁོར་གྱི་འཁོར་ལོ་དེ་ལ་ཡང་སྒྱུ་མ་ལྟ་བུའི་འདུན་པ་
སྦྱངས། དམིགས་སྐོར་བཞི། ཐུན་མཚམས་ཐམས་ཅད་དུ་ཡང་ལྷ་སྐུ་དང་སྒྱུ་མའི་འདུན་པ་
སྦྱོང༌། དམིགས་སྐོར་ལྔ་སྟེ་དམིགས་ཆེན་གཅིག་ལས་ཕྱེ་བའི་དམིགས་སྐོར་ལྔའོ། །གཉིས་པ་
ནི། དེ་ནས་རང་གི་མདུན་དུ་མེ་ལོང་བཞག རང་གི་གཟུགས་བརྙན་ཤར་བ་ལ། སྐྱེ་བོ་མང་
པོས་བསྟོད་པ་དང་མཆོད་པར་བསམ། གཟུགས་བརྙན་ལ་དགའ་སེམས་མེད། སྨོད་ཅིང་
བརྡེག་འཚོག་བྱེད་པར་བསམ། གཟུགས་བརྙན་ལ་ཞེ་སྡང་མེད། ཐམས་ཅད་འདི་ལྟ་བུའོ་
སྙམ་དུ་བསམ། དམིགས་སྐོར་གཅིག་དེ་རང་དང་མེ་ལོང་གི་བར་དུ་བཏོན་ནས་སྒོམ་སྟེ། 
དམིགས་སྐོར་གཉིས། རང་ལའང་དེ་བཞིན་དུ་བསྒོམ་སྟེ་དམིགས་སྐོར་གསུམ། དེ་བཞིན་དུ་
ཡི་དམ་གྱི་བྲིས་སྐུ་འགྱིང་ལོག་གི་གཟུགས་བརྙན་མེ་ལོང་ལ་ཤར་བར་བྱས་ཏེ་བསྒོམ་པ་
11-1-216


སོགས་ལའང་གསུམ་སྟེ། དམིགས་སྐོར་དྲུག་པོ་དེ་རྣམས་བོགས་འདོན་ནོ། །རྨི་ལམ་དང་
གཉིད་སད་ཀྱི་སྒྱུ་མ་དེ་ཡན་ཆད་བརྩོན་འགྲུས་ཅན་ཚེ་འདིར་སངས་རྒྱ་བའི་ལམ་དངོས་ཡིན། 
དེ་ཡང་གཏུམ་མོ་དང་རྨི་ལམ་གཉིས་ཀར་བསྒོམ་པས། གཉིས་ཀ་ལ་ཉམས་མྱོང་སྐྱེས་ན་རབ་
ཡིན། ད་དུང་གཉིས་ཀ་བསྒོམ་ཞིང་ཉམས་སྐྱོང༌། གང་རུང་ཞིག་ཁོ་ན་ལ་སྐྱེས་ནའང༌། དེ་ཀ་
ལ་བསྒྲིལ་ཏེ་སྒོམས་པས་ཆོག །གང་ལ་ཡིན་ཡང་རུང༌། རབ་ཏུ་མཉམ་རྗེས་མེད་པ་ཞིག་
དགོས་ཏེ། དེང་སང་གི་གང་ཟག་ལ་དེ་ཡང་དཀོན། མཉམ་བཞག་གི་སྒོམ་ཞིག་ལ་མེད་
ཐབས་མེད། དེ་ཡོད་པས་ཀྱང་འཆི་བ་བར་དོ་ཀུན་ལ་བསྲེ་ཐུབ་པར་འོང་ངོ༌། །གཉིས་པ་བར་
དོ་སྒྱུ་མའི་མན་ངག་ལ། བར་དོ་དང་པོ་འཆི་བ་འོད་གསལ་ལ་བརྟེན་ནས་ཆོས་སྐུ་ངོས་བཟུང་
བ་དང་གཅིག །འདི་ཚེ་འདིར་སངས་རྒྱ་བའི་ཕྱོགས་སུ་གཏོགས་གསུངས་ཏེ་བར་དོ་ཀ་གཙོ་
ཆེ། བར་དོ་གཉིས་པ་སྒྱུ་ལུས་ལ་བརྟེན་ནས་ཟུང་འཇུག་གི་སྐུ་ངོས་བཟུང་བ་དང་གཉིས། བར་
དོ་གསུམ་པ་འགྲོ་དྲུག་གི་སྐྱེ་སྒོ་དགག་པ་དང་གསུམ། དེ་གཉིས་བར་དོར་སངས་རྒྱས་བའི་
གདམས་ངག་དངོས་ཡིན། འཕྲོས་དོན་ལ་བཞི་པ་སྐྱེ་སྒོ་མ་ཁེགས་ན་སྐྱེ་གནས་འདམ་དུ་ཡོད་
པའི་གདམས་ངག་དང་བཞིའོ། །དེ་ཡང་རྩ་བའི་ཡི་གེ་རྣམས་ལས། རྨི་ལམ་སྒྱུ་མའམ། གཏུམ་
མོའི་ཉམས་མྱོང་ཅུང་ཟད་ཡོད་པ་ཞིག་ཡིན་ན། འཆི་ཁ་ཁོ་ནར་བསྒོམ་པ་འདྲ་བ་ཞིག་བཤད་
ཀྱང༌། ད་ལྟ་རང་ནས་མ་སྦྱངས་ན། གདེང་ཁེལ་མི་ཡོང་བས་སྦྱོང་དགོས། དང་པོ་ནི། སྔོན་
འགྲོ་སྔ་མ་ལྟར་སྦྱངས། ནམ་ཞིག་བདག་འཆི་བའི་ཚེ། འཆི་བ་ཆོས་ཀྱི་སྐུར་ལམ་དུ་འཁྱེར་
དགོས། དེ་ཡང་འདི་ལྟར་སྒོམ་པ་ཡིན་སྙམ། འཆི་བ་ལམ་ཁྱེར་ཡིན་ནོ་བར་ཤེས་པའི་འདུན་
པ་དེ། དམིགས་པའི་སེབ་ལ་བསྟར་ཆགས་སུ་ཡོང་བར་བྱས་ནས་རང་གི་ལྟེ་འོག་སོར་བཞི་
རྩ་མདུད་གྲུ་གསུམ་ཆོས་འབྱུང་དམར་པོར་གྱུར་པའི་ནང་དུ། རྩ་པདྨ་དམར་པོ་འདབ་བཞིའི་
ལྟེ་བར་ཨ་ཤད་དམར་པོ་གཅིག །འདབ་མ་བཞི་ལ། ཨ་ནུ་ཏ་ར་བཞི་ཡང་དམར་པོར་བསྒོམ། 
11-1-217


དམིགས་གནད་དང་པོའོ། །ནམ་ཞིག་ས་ཆུ་ལ་ཐིམ་དུས། ལུས་ཀྱི་ཟུངས་མི་ཐུབ། ས་ལ་བྱིང་
བའམ་གཞན་གྱིས་མནན་པ་སྙམ་བྱེད། སྤྲིན་ལྟ་བུ་ལང་ལོང་གི་ཉམས་འབྱུང་བ་ཡིན་པ་
འདུག་སྙམ། མདུན་གྱི་ཨ་ལ་ཤེས་པ་བརྟད། གནད་གཉིས་པའོ། །ཨ་དེ་གཡས་ཀྱི་ནུ་ལ་
ཐིམ། ནམ་ཞིག་ཆུ་མེ་ལ་ཐིམ་པ་ན། ལུས་གྲང་བ་དང་འདར་བའི་རྣམ་པ་འབྱུང༌། སྣང་གྲགས་
ཀྱི་ཆོས་རྣམས་དུ་བ་ལྟ་བུར་ཡུལ་ཡུལ་པོའི་ཉམས་འཆར་རོ་སྙམ་གཡས་ཀྱི་ནུ་ལ་ཤེས་པ་
བརྟད། གནད་གསུམ་པའོ། །དེ་རྗེས་ནུ་ཡང་རྒྱབ་ཀྱི་ཏ་ལ་ཐིམ། ནམ་ཞིག་མེ་རླུང་ལ་ཐིམ་པ་
ན། ཐོག་མར་ཚད་དུགས་ཆེ་ཞིང༌། ཕྱི་ནས་ཚད་པ་ཡལ། རང་གི་སེམས་མེ་ཁྱེར་ལྟ་བུ་གསལ་
ཧྲིག་ཙམ་འབྱུང་སྙམ་དུ་རྒྱབ་ཀྱི་ཏ་ལ་སེམས་བརྟད། གནད་བཞི་པའོ། །དེ་ནས་ཏ་ཡང་གཡོན་
གྱི་ར་ལ་ཐིམ། ནམ་ཞིག་རླུང་རྣམ་ཤེས་ལ་ཐིམ་པ་ན། གཡོ་བ་དང༌། འཁྲིགས་པ་དང༌། 
འགུལ་བའི་ཉམས་དྲག་པོ་དང༌། རླུང་གིས་ཁྱེར་བ་ལྟར་སྣང༌། ཤེས་པ་མར་མེ་ལྟར་ཤིན་ཏུ་
གསལ་བ་བཀྲ་ལམ་པ་འབྱུང་བར་འདུག་སྙམ་དུ་གཡོན་གྱི་ར་ཡིག་ལ་སེམས་བརྟད། གནད་
ལྔ་པའོ། །དེ་ནས་ར་ཡིག་དེ་ཡང་དབུས་ཀྱི་ཨ་ཤད་ལ་ཐིམ། ནམ་ཞིག་ནམ་མཁའ་རྣམ་ཤེས་
ལ་ཐིམ་པ་ན། རྣམ་ཤེས་ཀྱི་ནང་ནས་སྣང་བ་དཀར་ལམ། མཆེད་པ་དམར་ལམ། ཐོབ་པ་
ནག་ལམ། འོད་གསལ་སྤྲོས་བྲལ་གསལ་ཞིང་རིག་པ་རྣམས་སེམས་ནམ་མཁའ་གཡའ་དག་
ལྟ་བུ་ཕྱོགས་ཆ་ཉེ་རིང་མེད་པ་ལ་འཆར་བ་ཡིན་པ་འདུག་སྙམ་པ་དང༌། དབུས་ཀྱི་ཨ་ཤད་ལ་
ཡུན་རིང་དུ་སེམས་བརྟད། མཐར་དེ་ཡང་མི་དམིགས་པར་དབྱིངས་སུ་ཐིམ་པ་ལ། ཅུང་ཟད་
བཞག །གནད་དྲུག་པའོ། །ཡང་དེ་ལས་དགྱེས་རྡོར་རམ་བདག་མེད་མ་གཙོ་རྐྱང་ངམ་དཀྱིལ་
འཁོར་སྐད་ཅིག་གིས་བསྒོམ། སྒྱུ་མ་ལྟ་བུར་ཤེས་པར་བྱ་གནད་བདུན་པའོ། །གནད་དང་པོ་
དྲུག་འོད་གསལ་དང༌། ཕྱི་མ་སྒྱུ་ལུས་ཡིན། དེ་ཀ་ཡང་ཡང་བསྒོམ་པ་དམིགས་རྟེན་གཅིག་
ཡིན་ལ། འདིའི་ནང་གི་གནད་བདུན་པ་དེ་ལ། དམིགས་སྐོར་རེ་རེར་བྱས་ནས་འཚམ་པར་
11-1-218


འོང་བས་དེང་སང་འཁྲིད་འདེབས་པ་རྣམས་ཀྱིས་དེ་བཞིན་དུ་བྱས་ན་ལེགས་སོ། །འཆི་བའི་
དུས་སུ་ཕྱིའི་རྟགས་རྣམས་རང་གིས་མི་ཤེས་ཀྱང༌། ནང་རྟགས་རྣམས་དངོས་སུ་མྱོང་བར་
འགྱུར་བའི་ཕྱིར། ད་ལྟ་ནས་ཡང་ཡང་དྲན་པའི་སྒོ་ནས་འདྲིས་འཇུག་པ་གལ་ཆེ་མོད། བློ་
འཁོབས་ཆུང་བས་སྒོམ་སྟབས་མི་བདེ་ན། ས་ཆུ་ལ་ཐིམ་པ་ཡིན་སྙམ་པ་ནས། རྣམ་ཤེས་འོད་
གསལ་དུ་ཐིམ་པ་ཡིན་སྙམ་པའི་བར་དྲན་ཙམ་བྱ་སྟེ། དེ་དག་དགེ་སྦྱོར་གྱི་གཞི་བཅའ་བ་སྟེ་
གཉིད་སད་ཀྱི་གདམས་ངག་ཡིན་ནོ། །དེ་ལྟར་དམིགས་པ་དེ་འབྱོངས་པར་བྱུང་ན། ཉལ་ཁར་
ཡང་དེ་བཞིན་དུ་བསྒོམ་སྟེ། གཉིད་ལ་རིམ་གྱིས་འགྲོ་བའི་རིམ་པ་བཞི་ལ། ཡི་གེ་སོ་སོ་སྦྱོར་
བའི་བཤད་པ་ཙམ་ཡོད་ཀྱང༌། ད་ལྟའི་གང་ཟག་གིས་ལག་ལེན་ཏུ་མི་ཁེལ་བས། གཉིད་མི་
བྲོ་བ་རིག་པ་དྭངས་སུ། སྔར་གྱི་དམིགས་པ་དེ་རྫོགས་པར་བསྒོམ། ཨ་ཤད་ལ་སེམས་བརྟད་
པའི་ངང་ནས་གཉིད་དུ་འགྲོ་བར་བྱའོ། །དམིགས་སྐོར་གཅིག །དེ་ལྟར་ཡང་གོམས་པས་
གཉིད་ཀྱི་འོད་གསལ་ཟིན་ཡོང་ཞིང༌། ཡང་ཉིན་པར་སྔར་གྱི་དམིགས་པ་དེ་བསྒོམ་ནས་ཨ་
ཤད་ལ་སེམས་གཏོད་པའི་སྐབས། ད་ལྟ་མི་རྟོག་པ་བསྒོམ་པའི་རྗེས་སུ། གཞན་གྱིས་བར་མ་
ཆོད་པར་ལྷ་སྐུ་སྒྱུ་མ་ལྟ་བུ་བསྒོམ་དགོས་སྙམ་པའི་འདུན་པ་བཏང༌། དེ་རྗེས་ཨ་ཤད་དེ་ཡང་
མི་དམིགས་པར་སྦྱངས་ཏེ་སེམས་ཅི་གནས་གནས་སུ་བཞག །དེའི་འཕྲོ་བཅད་དེ་རང་ཉིད་
ཡི་དམ་དུ་ཝལ་གྱིས་བསྒོམས་ནས། སྣང་སྟོང་སྒྱུ་མ་ལྟ་བུའི་རང་ཞལ་ལ་ཆེ་རེ་བལྟ་བར་བྱའོ། །
དམིགས་པ་འདི་སྐྱར་གྱིན་ཡང་ཡང་བསྒོམ་དམིགས་སྐོར་གཉིས། ཡང་དེའི་སྟེང་དུ་དོ་ནུབ་
གཉིད་འཐུག་པོའི་སྐབས་སུ་མི་རྟོག་པ་བསྒོམས། རྨི་ལམ་དུ་ལྷ་སྐུ་སྣང་སྟོང་བསྒོམ་དགོས་
སྙམ་པའི་འདུན་པ་བསྣན་ཏེ་བསྒོམ། དམིགས་སྐོར་གསུམ། ཉིན་པར་དེ་བཞིན་བསྒོམ། ཉལ་
ཁར་ཨ་ཤད་ལ་སེམས་གཏོད་པའི་སྐབས། ད་ལྟ་གཉིད་འཐུག་པོ་ལ་འོད་གསལ་ཟིན་པ་
ཞིག་དང༌། རྨི་ལམ་ལྷ་སྐུར་འཆར་བ་ཞིག་བྱེད་དགོས་སྙམ་པའི་འདུན་པ་ལྷང་ངེ་བའི་ངང་
11-1-219


ནས་གཉིད་དུ་འགྲོ་བར་བྱ། དེ་འདྲ་ལན་མང་དུ་སོང་ན་གཉིད་འཐུག་པོ་དང་རྨི་ལམ་ལ་ངེས་
པར་ཡོང་བ་ཡིན་ནོ། །དམིགས་སྐོར་བཞི་སྟེ། དགེ་སྦྱོར་གཉིད་དང་བསྲེ་བའོ། །དམིགས་པ་
དེ་རྣམས་འབྱོངས་པའི་སྐབས་ནི། ཉིན་པར་སྔར་གྱི་དམིགས་པའི་སྟེང་དུ། འདུན་པ་བསྣན་
ཏེ། ནམ་ཞིག་འཆི་བའི་དུས་སུ་འདི་ལྟར་སྒོམ་རྒྱུ་ཡིན། ཕྱི་ནང་གི་སྣང་བ་ཐམས་ཅད་ཀྱི་རང་
བཞིན་སྟོང་པ་ཉིད་དུ་ཤེས་པར་བྱ། འཆི་བ་འོད་གསལ་བྱ་བ་ཡང་ད་ལྟ་ཨ་ཤད་ཡལ་བའི་
དུས་ཀྱི་མི་རྟོག་པ་འདི་ཀ་འདྲ་བ་ཞིག་ཡིན། སེམས་ཀྱི་རང་བཞིན་སྤྲོས་བྲལ་བདེ་སྟོང་འདི་
ལ་རང་ངོ་ཤེས་པའི་སྒོ་ནས་གནས་པ་ཞིག་བྱེད་དགོས་སྙམ་པ་དང༌། དེ་ལས་ལངས་ཏེ་ལྷ་
སྐུར་ཤར་བའི་དུས་བར་དོར་ཡང་འདི་ལྟ་བུ་བསྒོམ་རྒྱུ་ཡིན་སྙམ་པའི་འདུན་པ་བྱ། དམིགས་
སྐོར་གཅིག་ཡང་ཉལ་བའི་དུས་སུ་འདུན་པ་དེ་ཀ་ཁ་སྤོས་ཏེ། ནམ་ཞིག་འཆི་བའི་ཚེ་ཡང༌། ད་
ལྟ་གཉིད་འོད་གསལ་དུ་འཇུག་པའི་གདམས་པ་འདི་ཀ་བསྒོམ་རྒྱུ་ཡིན་སྙམ་པ་སྟེ་དམིགས་
སྐོར་གཉིས། དེའི་སྟེང་དུ་བར་དོའི་གནས་སྐབས་སུ་ཡང་ད་ལྟའི་རྨི་ལམ་དང་འདྲ་བར་ལྷ་སྐུ་
སྣང་སྟོང་འདི་ཀ་སྒོམ་དགོས་སྙམ་པའི་འདུན་པ་སྦྱངས། དམིགས་སྐོར་གསུམ་མོ། །དེས་
གཉིད་འཐུག་པོའི་སྐབས་སུ་ཡང༌། འཆི་བ་དང་བསྲེ་བའི་དྲན་པ་ཅུང་ཟད་ཡོང་ཞིང༌། རྨི་ལམ་
ལྷ་སྐུར་ཤར་བའི་སྐབས་བར་དོ་དང་བསྲེ་བའི་འདུན་པ་གསལ་པོ་འབྱུང༌། དེ་རྣམས་དགེ་
སྦྱོར་འཆི་བ་དང་བསྲེ་བའོ། །ད་ལྟ་གསོན་པོའི་དུས་སུ་སད་དུས་དང་གཉིད་ཀྱི་དགེ་སྦྱོར་དེ་
སྐྱོང་ཐུབ་ན། འཆི་བ་འོད་གསལ་ངོས་ཟིན་པར་ཐེ་ཚོམ་མེད་དོ། །ཆོས་སྐུ་ངོས་བཟུང་བའི་
གདམ་ངག་འདི་རྣམས་དམིགས་པ་དེ་ཉིད་འོད་གསལ་གྱི་དམིགས་པ་ཤས་ཆེ་ཡང་བར་དོའི་
གདམས་ངག་དང་འབྲེལ་ཆེ་བས་བླ་མ་གོང་མ་རྣམས་ཀྱིས་བར་དོ་སྒྱུ་མའི་སྐབས་འདིར་སྟོན་
པ་མཛད་པ་ཡིན་ལ། འོན་ཀྱང་སློབ་དཔོན་རྔོག་ཞེ་སྡང་རྡོ་རྗེའི་མན་ངག་ཡིག་ཆུང་རྣམས་ཀྱི་
ནང་ན་སྒྱུ་ལུས་ཀྱི་ཡིག་ཆུང་ཚིག་སྣ་རིང་ཐུང་འདྲ་མིན་གསུམ་ཡོད། དོན་ལ་ཁྱད་མེད་དེ་དེ་
11-1-220


དག་ནས་འོད་གསལ་ལས་ལྷ་སྐུར་ལྡང་བ་འདི་རྣམས་གསལ་བ་མ་བྱུང༌། རང་ལུགས་ཀྱི་
གདམས་ངག་དང་མེས་ལུགས་ཀྱི་གདམས་ངག་ལ་ཡོད་དེ། འདི་ངེས་པར་དགོས། གཞན་དུ་
ན་སྤྱིར་སྒྱུ་ལུས་ཀྱི་གདམས་ངག་ཡིན་པར་མི་འགྲོ། སྒོས་བར་དོའི་གདམས་ངག་ཡིན་པའི་རྒྱུ་
མཚན་མེད་པར་འགྱུར་རོ། །ཡིག་ཆུང་དེ་དག་ཏུ་མི་གསལ་བ་ཡང་ཚིག་སྣ་ཐུང་བ་དང་གབ་པ་
ཡིན་གྱི། རྒྱུད་བཤད་ལས་གསལ་བའི་ཕྱིར་མི་བཞེད་པ་མ་ཡིན་ནོ། །གཉིས་པ་སྒྱུ་ལུས་ལ་
བརྟེན་ན་ཟུང་འཇུག་གི་སྐུ་ངོས་འཛིན་པ་ནི། སྔོན་འགྲོ་དཀྱུས་དང་འདྲ། དམིགས་པ་སྔར་གྱི་
ཡི་གེ་ལྔ་འོད་གསལ་དུ་བསྡུ་བའི་བར་དེ་དག་སྔོན་དུ་སོང་ན་ལེགས། མ་སོང་རུང་འདྲ་སྟེ་མི་
རྟོག་པ་ལ་ཅུང་ཟད་བཞག །དེ་ནས་རང་གཞན་ཕྱི་ནང་གི་སྣང་བ་ཀུན་ལ་གཞིག་འབྲེལ་ཞིག་
བཅུག །འདི་ཐམས་ཅད་བར་དོའི་སྣང་བ་ཡིན་པར་འདུག་མ་འཁྲུལ་བར་བྱ་སྙམ་ནས་རང་
གཞན་སྣོད་བཅུད་ཐམས་ཅད་དགྱེས་པ་རྡོ་རྗེའི་བདག་མེད་མའི་དཀྱིལ་འཁོར་དུ་བསྒྱུར། སྒྱུ་
མ་ལྟ་བུའོ་སྙམ་པའི་འདུན་པ་སྦྱངས། སྒྲ་ཐམས་ཅད་སྔགས་ཀྱི་སྒྲ་འུར་བར་བསྒོམ། དེ་ཡང་
སྒྱུ་མར་བསྒོམ། གཏུམ་མོ་ལས་རྒྱ་འོད་གསལ་སོགས་ཀྱི་ཉམས་མྱོང་བདེ་སྟོང་གི་འཆར་སྒོ་
ཡོད་ན་དེས་རྒྱས་བཏབ། མེད་ན་བར་དོ་དང་སྒྱུ་མའི་འདུན་པ་སྔོན་དུ་སོང་ནས། རིག་པ་
གསལ་སྟོང་འདི་ལ་ཆེར་རེ་བ་བལྟས་པས་བདེ་ཆ་ཞིག་རྙེད་ཡོང༌། དེ་དགྱེས་རྡོར་གྱི་ཐུགས་
སུ་མོས་པ་བྱ། དེ་ལྟར་ཡང་ཡང་བསྒོམ་པ་དམིགས་སྐོར་གཅིག །ཐུན་མཚམས་ཐམས་ཅད་དུ་
ཡང་བར་དོའི་འདུན་པ་བྱའོ། །ཡང་རྣམ་གྲངས་གཅིག་ལ་ད་ལྟ་བར་དོ་མིན་ཡང༌། ནམ་ཞིག་
སྲིད་པ་བར་དོའི་སྣང་བ་འབྱུང་བས་སྐབས་དེར་ཡང་འདི་བཞིན་དུ་སྒོམ་པ་ཡིན་སྙམ་པའི་
འདུན་པ་བསྟར་ཆགས་སུ་བྱེད་ཀྱིན། དམིགས་པ་སྔ་མ་བཞིན་ཀ་བསྒོམ། ཐུན་མཚམས་སུ་
ཡང་བར་དོ་དེ་ཡང་འདི་ཀ་འདྲ་བ་ཞིག་ཡིན། འདི་ལ་འཁྲུལ་ན་དེ་དུས་ཀྱང་འཁྲུལ་འགྲོ་བས། 
འདི་ལ་མ་འཁྲུལ་བ་ཞིག་བྱེད། ཉོན་མོངས་ཆགས་སྡང་དང༌། རྣམ་རྟོག་ཐ་མལ་བའི་དབང་དུ་
11-1-221


མི་གཏོང་སྙམ་པའི་འདུན་པ་དྲག་པོ་ཡང་ཡང་སླེབ་པར་བྱ། དམིགས་སྐོར་གཉིས། དེ་ནས་
དམིགས་པ་དེ་གཉིས་སྔ་དྲོ་ཕྱི་དྲོ་སྤེལ་ཞིང་སྒོམ་པར་བྱ་སྟེ་དམིགས་སྐོར་གསུམ་མོ། །ཐུན་
མཚམས་སུ་ཡང་རེས་བར་དོ་ཐིམ་པར་བྱའོ་སྙམ་པ་དང༌། རེས་བར་དོ་རང་ཡིན་པ་འདུག་
སྙམ་པ་སྤེལ་ཞིང་བསྒོམ་པ་དེ་ཀ་ཉིན་ཁྲིལ་གྱིས་བསྒོམ། མཚན་མོ་ཉལ་ཁར་ཡང་བསྒོམ་
པས། རྨི་ལམ་དུ་ཐུན་ཐུན་མཚམས་ཀྱི་དམིགས་པ་ཐམས་ཅད་དྲན་ཞིང་བསྒོམ་པ་འབྱུང༌། 
ཁྱད་པར་དུ་ཡང་སྙིང་རང་ནས་བར་དོ་ཡིན་པར་འདུག་སྙམ་པ་དང༌། མ་འཁྲུལ་པར་བྱེད་
དགོས་པའི་འདུན་པ་དྲག་པོ་དང༌། རང་དང་སྣང་བ་ཇི་ལྟར་འོས་པ་ལྷ་སྐུར་འགྱུར་འགྲོ་བ་
དང༌། སྒྲའི་སྣང་བ་སྔགས་སུ་འགྱུར་འགྲོ་བ་དང༌། དེ་ཐམས་ཅད་བདེན་མེད་དུ་ཤེས་པ་དང༌། 
གཏུམ་མོ་སོགས་དྲན་ཙམ་གྱིས་སེམས་བདེ་སྟོང་སྤྲོས་བྲལ་དུ་འཆར་བ་རྣམས་རིམ་པས་
འབྱུང་སྟེ། མཐར་ཐམས་ཅད་འཛོམ་པ་དེ་རྨི་ལམ་དུ་ཡང་ཡང་འོང་ན། བར་དོ་ཆོད་ནུས་པ་
ཡིན་ནོ། །དེ་ཡང་འཆི་བ་ཆོས་སྐུ་དངོས་སུ་ངོ་འཕྲོད་ན་ཐ་མལ་གྱི་བར་དོ་མི་ཡོང་བར་བར་
དོའི་འོད་གསལ་ལྷ་སྐུ་རང་ཤར་དུ་འབྱུང༌། འཆི་བ་འོད་གསལ་ལམ་དུ་ཁྱེར་ཡང༌། ཇི་བཞིན་
མངོན་དུ་མ་གྱུར་ན། དང་པོར་བར་དོ་ཐ་མལ་བ་དེ་འབྱུང༌། དེ་ནས་གདམས་ངག་འདི་
བསྒོམས་པས། བར་དོར་ལུས་ལྷ་སྐུ། སེམས་བདེ་སྟོང༌། སྣང་བ་སྒྱུ་མར་འཆར་བ་ཡིན། དེའི་
རྒྱུན་བསྒོམས་པས་ཕལ་ཆེར་བར་དོ་བདུན་ཕྲག་དང་པོ་ལྟ་བུ་ལ་ལམ་ཆོད་པར་འགྱུར་རོ། །
གསུམ་པ་འགྲོ་དྲུག་གི་སྐྱེ་སྒོ་དགག་པ་ནི། དབང་པོ་ཐ་མ་ཞིག་ལ། བར་དོ་གཉིས་པར་
བཤད་པའི་སྒོམ་རྒྱུད་ལ་སྐྱེས་ནས་ཞག་བདུན་སོགས་བར་དོའི་ཚེ་ཚད་གཅིག་ལ་བསྒོམས་
ཀྱང༌། སྒོམ་ཡུན་ཐུང་པས་ད་དུང་ལམ་མ་ཆོད། མངལ་སྐྱེས་སུ་སྐྱེ་བར་འགྱུར་ན། སྐྱེ་བ་ལེན་
འགྱུར་གྱིས་ཕ་མར་འགྲོ་རྒྱུ་དེ་དག་གསལ་བར་མཐོང་ཞིང༌། འཁྲིག་པའི་སྦྱོར་བ་ལ་ཆགས་
སྡང་མིག་སེར་སྐྱེས་ནས། སྐྱེ་གནས་ངན་པར་དབང་མེད་དུ་སྐྱེ་བ་ལེན་དགོས་པ་སྲིད་པས། 
11-1-222


དེ་འགོགས་པ་ལ་གདམས་ངག་འདི་བསྒོམ་དགོས་སོ། །དེ་ཡང་བར་དོའི་གདམས་ངག་སྔ་མ་
གཉིས་སྔོན་དུ་བཏང་ནས། ཐུན་གྱི་སྐབས་སུ་འགྲོ་བ་རིགས་དྲུག་གི་སེམས་ཅན་ཕོ་མོ་ཐམས་
ཅད་ཡིད་དུ་བྱས་ནས། བར་དོ་ཡི་ཆགས་སྡང་སྐྱེར་མི་རུང༌། དེར་མ་ཟད། འདི་ཐམས་ཅད་བླ་
མའི་ཡེ་ཤེས་ཀྱི་ཆོ་འཕྲུལ་ཡིན། བླ་མ་ནི་སངས་རྒྱས་ཀུན་འདུས་དགྱེས་རྡོར་ཡབ་ཡུམ་ཡིན་
སྙམ་པའི་འདུན་པ་སྔོན་དུ་བཏང་ནས། སྐྱེས་པ་ཐམས་ཅད་གཅིག་ཏུ་འདུས་ཏེ་རྩ་བའི་བླ་
མར་གྱུར། བུད་མེད་ཐམས་ཅད་གཅིག་ཏུ་འདུས་པ་སློབ་དཔོན་གྱི་ཡུམ་དུ་གྱུར། དེ་ཡང་སྐུའི་
རྣམ་པ་ཧེ་རུ་ཀ་ཡབ་ཡུམ་དུ་གྱུར་ཏེ། དེ་ལ་མཆོད་པ་ཕུལ། གསོལ་བ་བཏབ་དབང་གཞི་
ཡོངས་རྫོགས་སམ། དབང་བཞིའི་གཙོ་བོ་རྣམས་སམ་བྱང་ཆུབ་ཀྱི་སེམས་ཀྱི་ཆུ་རྒྱུན་གཅིག་
ལ་དབང་བཞི་བསྡུས་པ་ལེན་པ་རྣམས་བློ་འཁོབས་ཆེ་ཆུང་ངམ་མོས་པ་དང་བསྟུན་ནས་
དབང་ལེན་པ་གང་རུང་ཞིག་བྱ། ཐུན་མཚམས་ཐམས་ཅད་དུ་ཡང་ཕོ་མཐོང་ཚད་བླ་མ་ཧེ་རུ་
ཀ་དང༌། མོ་མཐོང་ཚད་རིག་མ་བདག་མེད་མར་མོས་པ་བྱ། སྐབས་འདིར་བཤད་པའི་སྐབས་
བླ་མ་དང་ཡི་དམ་འདམ་ཁར་མཛད་ཀྱང༌། ལག་ལེན་དུ་བླ་མ་ཡི་དམ་དབྱེར་མེད་དུ་བྱེད་པ་
ཉིད་གནད་ཡིན་ནོ། །དམིགས་པ་འདི་འབྱོངས་པས་བར་དོ་བདུན་ཕྲག་སྔ་ཕྱིའི་མཚམས་སུ་
སྐྱེ་སྒོ་ཁེགས་ནས། ཡང་བར་དོའི་ལུས་ཕྱི་མ་ལ་སྔར་གྱི་གདམས་ངག་བསྒོམས་པས་གྲོལ་
བར་བཞེད་དོ། །བཞི་པ་སྐྱེ་སྒོ་མ་ཁེགས་ན་སྐྱེ་གནས་འདམ་པའི་གདམས་ངག་ནི། བར་དོའི་
གདམས་ངག་གི་འཕྲོས་དོན་ནོ། །དེ་ཡང་དམིགས་པ་སྔ་མའི་རྗེས་ཐོགས་སུ། གལ་ཏེ་བདག་
བར་དོར་གྲོལ་བར་མ་གྱུར་ན། ལྷའམ་མི་སྤྱིར་སྡིག་པ་སྤངས་ཤིང་ཆོས་ལ་སྤྱོད་པ། སྒོས་སུ་
སྔགས་ཀྱི་ཐེག་པ་ལ་སྤྱོད་པ། ཡང་སྒོས་སུ་དགྱེས་པའི་རྡོ་རྗེའི་ཆོས་ལ་སྤྱོད་པ་ཞིག་ཏུ་སྐྱེ་བར་
བྱའོ་སྙམ་པའི་འཕེན་པ་དང༌། སྐྱེ་བར་གྱུར་ཅིག་སྙམ་པའི་སྨོན་ལམ་བཏབ་ནས། གང་དུ་སྐྱེ་
བ་ལེན་པའི་གཞི་ཕ་མ་ཡིན་སྙམ་པ་དེ། གོང་བཞིན་བླ་མ་ཧེ་རུ་ཀ་ཡབ་ཡུམ་དུ་བསྒོམས་ནས་
11-1-223


དབང་བཞི་བླང༌། སྐྱེ་བ་བླངས་པའི་ཚུལ་དུ། རང་ཉིད་བླ་མ་ཧེ་རུ་ཀ་ཡབ་ཡུམ་གྱི་སྐུ་ལ་ཐིམ། 
ཅུང་ཟད་མཉམ་པར་བཞག །ཚུལ་འདི་སྒོམས་ན་བར་དོར་ཡང་སྐྱེ་བ་བཟང་པོ་ཁྱད་པར་ཅན་
གང་དུ་ལེན་པར་འགྱུར་བའི་གནས་དང་ཕ་མ་སོགས་ངོ་ཤེས་ཤིང་རང་དབང་ཡོད་བཞིན་དུ། 
སྐྱེ་བ་མཆོག་ལེན་པར་འགྱུར་དེ། འདི་སྐྱེ་བ་བརྒྱུད་ནས། སངས་རྒྱ་བའི་གདམས་ངག་གོ །
གསུམ་པ་འོད་གསལ་གྱི་གདམས་ངག་ལ། འོད་གསལ་དོན་བཞི་མ་ལས་འབྱུང་བ་བཞིན་
དུ། རྩ་བའི་རྐང་གྲངས་རྣམ་པ་བཞི་ཡིན་ཏེ། རང་བཞིན་འོད་གསལ་གྱི་གདམས་ངག་སྒོམ་
པའི་འོད་གསལ་དང༌། གཉིད་ཀྱི་འོད་གསལ་དང༌། འཆི་བ་འོད་གསལ་གྱི་གདམས་ངག་སྟེ་
བཞི་ལས། དང་པོ་ནི། སྣང་གྲགས་སྣོད་བཅུད་ཀྱི་ཆོས་ཐམས་ཅད་ཇི་ལྟར་སྣང་བའི་ཆ་རྣམས་
བདེན་མེད་སྒྱུ་མ་ལྟ་བུ་དང༌། གནས་ལུགས་སམ། སྟོང་ལུགས་དེ་འོད་གསལ་ཡིན་པར་ཤེས་
པའི་གོ་དོན་ཞིག་དམིགས་བརྟད་དུ་བཞག་ནས་བསྒོམས་ཏེ། དེ་ཡང་སྔོན་འགྲོ་སོགས་སྔར་
དང་འདྲ་བ་ལས། ལུས་གནད་བཅས། མིག་ལྟ་སྟངས་གང་བདེ་བ་ཅིག་ཏུ་བཞག །རླུང་རོ་
བསལ། རླུང་རང་བབས་སུ་བཞག །སེམས་ཆམས་ཀྱིས་བསྐྱུར། ལྷོད་ཀྱི་སློད་པའི་ངང་ནས། 
རིག་པ་སེམས་ཀྱི་རང་སོ་བཟུང༌། རང་ངོ་དེ་ལ་གསལ་ལེ་ཧྲིག་གེ་བཞག །འདི་རྩ་བ་ཡིན་ཏེ་
དམིགས་སྐོར་གཅིག །དེ་ལ་ཉམས་མྱོང་སྐྱེས་ན་སྐྱེ་མེད་མཐའ་བྲལ་དུ་ངོ་སྤྲད་དམིགས་སྐོར་
གཉིས། དེ་ནས་ད་ལྟའི་སྣང་བ་འདི་ཀའི་སྟེང་དུ་ཚོགས་དྲུག་ལྷུག་པར་བཞག །དམིགས་སྐོར་
གསུམ། ཡང་སྣང་བ་འདི་ཀའི་སྟེང་དུ། སྣང་བ་འཆར་མཁན་གྱི་རིག་པ་དང༌། སྣང་བ་རང་
དབྱེར་མེད་པའི་རང་ཞལ་ལ་རྗེན་ནེ་བལྟ་བ། དམིགས་སྐོར་བཞི། དེ་ནས་སྣང་གྲགས་འདི་
ཐམས་ཅད་ཀྱི་གནས་ལུགས་སེམས་རང་བཞིན་འོད་གསལ་དུ་ངོ་སྤྲད་དེ། དཔེར་ན་སྤྲིན་
རྣམས་དང་པོར་ནམ་མཁའ་ལས་བྱུང༌། བར་དུ་ནམ་མཁའི་རང་བཞིན་ལས་མ་འདས། 
མཐར་ཐིམ་ཡང་ནམ་མཁའ་ལ་ཐིམ་པ་དཔེར་བྱས་ཏེ། སྣང་གྲགས་འདི་དག་དང་པོར་རིག་
11-1-224


པ་སེམས་ཀྱི་སྟེང་དུ་སྣང་ཆ་ཙམ་དུ་ཤར། བར་དུ་ཡང་སེམས་ཀྱི་རང་བཞིན་ལས་གཞན་དུ་མ་
གྲུབ། སེམས་ཀྱི་སྣང་བ་ཡིན། ཐིམ་ཡང་སེམས་ཀྱི་ནང་དུ་ཐིམ། བྱུང་གནས་ཐིམ་གསུམ་ཡང་
འཆར་སྒོ་ཙམ་མ་གཏོགས། ངོ་བོ་ལ་ཁྱད་པར་ཅུང་ཟད་ཙམ་མེད་པར་ངོ་སྤྲད་དོ། །དམིགས་
སྐོར་ལྔ། དེ་ནས་ཉམས་མྱོང་དེ་ཉིད་འགྲོ་བ་དང༌། འཆག་པ་དང༌། འདུག་པ་དང༌། ཟས་ཟ་བ་
དང༌། སྤང་བླང་སོགས་བྱ་བ་གང་བྱེད་ལ་བསྲེ། དགེ་སྦྱོར་གཞན་ལའང་བསྲེ། སྣང་ཆ་བདེན་
མེད་དང༌། རང་བཞིན་འོད་གསལ་ཡིན་སྙམ་པའི་འདུན་པ་ཡང་སྐབས་སྐབས་སུ་དྲན་པར་
བྱ། དམིགས་སྐོར་དྲུག་གོ །འདིར་གནས་ལུགས་ཕྱག་ཆེན་པ་རྣམས། འདུན་པ་བསྒོམ་པ་ལྟ་
བུ་བློས་བཞག་གི་སྒོམ་ལ་རྩིས་སུ་མི་བྱེད། རྔོག་པའི་འོད་གསལ་དོན་བཞི་མ་ལས། ཇི་སྐད་
དུ། བྱ་བ་ཅི་བྱེད་ཀྱང་འོད་གསལ་ཡིན་ཏེ། འོད་གསལ་ཡིན་སྙམ་དུ་བློས་བཞག་གིན་ཡང་
དང་ཡང་དུ་བསྒོམ། ཞེས་དངོས་སུ་འབྱུང་བས། ཆོས་སྐད་དག་མི་འདྲ། རྗེ་སྒམ་པོ་པས་ཀྱང་
ཚོགས་ཆོས་ཞིག་ན། རྔོག་ཇོ་སྲས་གཏུམ་མོ་འོད་གསལ་དུ་བྱེད་པར་འདོད་པ་ལ་དགག་པ་
མཛད། འབྲི་ཁུང་བས་ཀྱང་ཆེན་པོ་གསུམ་གྱིས་མ་རེག་གསུང་ནས། སྔགས་གསར་མ་པའི་
ལུགས་ཀྱི་ཕྱག་ཆེན་དེས་རང་བཞེད་ཕྱག་ཆེན་གྱི་གོ་མ་ཆོད་པར་མཛད་འདུག །དེས་ན་མར་
རྔོག་ལུགས་ཀྱི་ཕྱག་ཆེན་དེ། སྔགས་གསར་མ་པའི་ཕྱག་ཆེན་ཡིན་པས། ལུགས་གཉིས་ཀ་
བརྒྱུད་པ་རྗེ་མར་པ་ལ་ཐུག་པ་གཞིར་བཞག་ཀྱང༌། མར་རྔོག་འཚུར་གསུམ་སྔགས་པའི་
ལུགས་ཡིན། རྗེ་མི་ལའང་དོན་ལ་འདི་ཀ་བཞེད་དེ། དྲི་ལན་བཅོ་བརྒྱད་པ་ལས། གསང་
སྔགས༌ཐབས་ཀྱི་ཆེ་བ་ཡིན། །ལྟ་བ་མཐོ་ཞེས་ང་མི་ཟེར། །ཞེས་གསུངས་པ་དང༌། རྗེ་དྭགས་
པོ་ལ་གསུངས་བསྒྲོས་མཛད་ཙ་ན་ཡང༌། རིག་པ་རྐྱང་འདེད་ཀྱིས་ཞེས་མི་གསུང༌། མ་བཅོས་
སོ་མ་ལ་ཞོག་ཅེས་ཀྱང་མི་གསུང་བར་གཏུམ་མོ་ཨ་ཐུང་སྒོམས་ཤིག །ནམ་ཞིག་ན་སེམས་ཀྱི་
ངོ་བོ་མཐོང་གི་ཞེས་གསུངས་པས་མཚོན། དེས་ན་ཕྱིས་བྱོན་མང་པོ་ཞིག །མར་རྔོག་གི་བཞེད་
11-1-225


པའི་མཐར་ཐུག་ཀྱང་གནས་ལུགས་ཕྱག་ཆེན་རང་ཡིན་པ་གཞིར་བཞག་གིས་ཧང་བརྡེག་
མང་པོ་བྱེད་དེ་དོན་ཐོག་ཏུ་འཁེལ་བ་དཀའ། ཤབ་ཤོབ་ཏུ་ཀ་འགྲོ་ཉེན་གདའ། དེས་ན་བཞེད་
པ་མི་འདྲ་བ་རྣམས་སོ་སོར་འབྱེད་ཤེས་ཤིང༌། གནད་ཀྱི་དོན་ལ་དགོངས་པ་མི་འགལ་བ་
ཞིག་ཤེས་དགོས་སོ། །སྐབས་འདིར་ཡང་གནས་སྐབས་སུ་བློ་བཞག་གི་གདམས་པ་དེ། 
ཕུགས་བློ་འདས་ལ་སྐྱེལ་བའི་ཐབས་ཆེན་པོ་ཞིག་ཡིན་པས་ཆོས་སྐད་མི་འདྲ་ཡང་དགོངས་
པའི་གནད་གཅིག་པར་གོ་བར་བྱའོ། །ད་ནི་དཀྱུས་ལ་འཇུག་སྟེ། སྔར་གྱི་ཉམས་མྱོང་དེ་ལ་
བོགས་དབྱུང་བ་ནི། སྣང་བའི་མཚན་ཉིད་སྐྱེ་བ་མེད། འཁོར་བའི་མཚན་ཉིད་གཞི་རྩ་བྲལ། །
སེམས་ཀྱི་མཚན་ཉིད་ཟུང་དུ་འཇུག །བླ་མའི་མཚན་ཉིད་རྒྱུད་པར་ལྡན། ཞེས་ཇོ་བོ་ནཱ་རོ་
པའི་གདུགས་ཀྱི་ཡུ་བ་ལ་བྲིས་ཡོད་སྐད། དེ་ཡང་ད་ལྟའི་སྣང་བ་སྣ་ཚོགས་པ་འདི་དག་དོན་
ལ་གྲུབ་པ་མེད་དེ། རང་གི་གདོང་དུ་སྣང་བའི་བུམ་སྣམ་སོགས་དངོས་པོ་གང་ཡིན་གཅིག་ལ་
སེམས་བརྟད་ན། དེར་སྣང་ཙམ་དེ་བཀོད་པའི་ཁྱད་པར་ལ་འཁྲུལ་བར་འདུག དངོས་པོ་དེ་
ཉིད་ཀྱི་ཆ་ཤས་སོ་སོ་ལ་བརྟགས་པས། ཆ་ཤས་རེ་རེ་ལ་བུམ་སྣམ་སོགས་མེད་ལ། ཆ་ཤས་
མ་ཡིན་པའི་སྤྱི་བོ་ཡང་མི་འདུག་ཅིང༌། དེ་གཉིས་ལས་གཞན་ཡང་མ་གྲུབ་པས་ཤིན་ཏུ་ཕྲ་
བས་བལྟས་ན་བུམ་སྣམ་མེད། མ་བརྟགས་ཙ་ན་སྟོང་པ་དེ་ཀ་བུམ་སྣམ་དུ་ལམ་མེ་སྣང༌། དེ་
ལྟར་ན་ཕྱི་གཟུང་བ་མ་གྲུབ། དེ་མ་གྲུབ་པས་འཛིན་བྱེད་ཀྱི་ཤེས་པ་ཡང་འཁྲུལ་པའོ། །རྒྱུ་
གཟུང་བ་ཡུལ་དང་འཛིན་པ་ཡུལ་ཅན་སྐད་ཅིག་སྔ་མ་ལ་བདེན་དོན་མ་གྲུབ་པས། ཕྱི་མ་སྐྱེ་
བར་སྣང་བ་ཡང་ལོག་སྣང་ཙམ་མ་གཏོགས་གྲུབ་པ་མེད་དོ། །དེ་ལྟར་ཡང་ཡང་བསྒོམས་ཏེ་
དམིགས་སྐོར་བདུན་པའོ། །དེ་ལྟར་ན་ཆོས་ཐམས་ཅད་སྐྱེ་བ་མེད་པའི་ཕྱིར། འཁོར་བ་ཡོད་
པ་མ་ཡིན་ཏེ། ཡོད་ན་རྒྱུ་རྐྱེན་གཞི་རྩ་གཅིག་ལས་སྐྱེ་དགོས་པ་ལས། གཞི་རྩ་ལས་དང་ཉོན་
མོངས་བག་ཆགས་ལས་འཁོར་བ་འབྱུང་བར་སྣང་ཡང༌། ལས་ཉོན་བག་ཆགས་ཉིད་གདོད་
11-1-226


ནས་མ་གྲུབ་པའི་ཕྱིར་འཁོར་བ་ཡང་གཞི་མེད་རྩ་བྲལ་ལོ། །དམིགས་སྐོར་བརྒྱད། སེམས་ཀྱི་
རང་བཞིན་དེ་གནས་ཕྱི་ནང་བར་གསུམ་གང་ནའང་མེད་ཁ་དོག་དབྱིབས་སོགས་མཚན་ཉིད་
གང་ཡང་མ་གྲུབ་པ་ལ་སེམས་འཇོག་སྟེ། དམིགས་སྐོར་དགུ། སྟོང་པ་རྐྱང་པའང་མ་ཡིན་ཏེ། 
རང་བཞིན་གང་དུའང་མ་གྲུབ་པ་ཞིག་རིག་པའི་ངོ་བོར་འདུག །དེ་ཀ་དབང་བཞི་གསུམ་གྱི་
དུས་སུ་མྱོང་བའི་རང་བཞིན་བདེ་བ་དེ་ཁོ་ནར་སྣང་བའི་ངོ་ཤེས་དྲན་པར་བྱ། འདི་ལ་སྣང་བ་
སེམས་སུ་ཤེས། སེམས་སྟོང་པར་ཤེས། སྟོང་པ་བདེ་བར་ཤེས་པའི་ཐ་སྙད་མཛད་དོ། །
དམིགས་སྐོར་བཅུ་པའོ། །དེ་ཉིད་རྟོགས་པའི་ཐབས་བླ་མའི་བྱིན་རླབས་ཡིན་པས་གསོལ་
བ་འདེབས་ཤིང༌། མཉེས་པ་ཐམས་ཅད་ཀྱིས་བླ་མ་དགྱེས་པར་བྱའོ། །དེ་ཡན་ཆད་ལ་
དམིགས་སྐོར་བཅུ་གཅིག་ཡོད། གཞན་ཡང་དབང་པོ་རང་ལོག་དང༌། སེམས་ཡེ་ཤེས་སུ་ཤར་
བ་དང༌། གཉིས་མེད་ཐུག་ཕྲད་དང༌། ཆུ་བོ་རྒྱུན་གྱིས་རྣལ་འབྱོར་དང༌། དུ་མ་རོ་གཅིག་དང༌། 
སོ་སོ་རང་རིག་དང༌། མར་མེ་ལྟ་བུ་དང༌། འཁོར་འདས་དབྱེར་མེད་དང༌། མཉམ་རྗེས་ཐ་མི་
དད་ཅེས་ངོ་སྤྲོད་དགོས་ཏེ། སྒོམ་པ་ལྷོངས་སུ་གྱུར་པའི་དབང་དུ་བྱས་པའོ། །ཆོས་ཚུལ་འདི་
ཕྱག་ཆེན་ཆོས་དྲུག་ཅེས་སོ་སོར་འབྱེད་པའི་ལུགས་མ་ཡིན། འོད་གསལ་ཕྱག་རྒྱ་ཆེན་པོ་ཞེས་
གཅིག་ཏུ་བྱེད་པའི་ལུགས་ཡིན་ནོ། །གཉིས་པ་བསྒོམ་པའི་འོད་གསལ་གྱི་གདམས་ངག་ལ། 
འོད་གསལ་གྱི་གཞི་བཅའ་བ་དང༌། ཉམས་མྱོང་བོགས་འབྱིན་གཉིས་སོ། །དང་པོ་ནི། དབང་
ཉམས་ཕྱག་རྒྱ་ཆེན་པོ་ཞེས་བྱ་བ་དེ་ཡིན་ཏེ། རྣམ་རྟོག་མ་སྤངས་ན་སེམས་ཅན། སྤངས་ན་
སངས་རྒྱས་ཡིན་ཏེ། དེ་སྤོང་བ་ལ་ཨེ་ཝཾ་དགོས་གསུངས་ཏེ། ཨེ་ནམ་མཁའ་ལ། ཝཾ་རིག་པ་
གཡོ་མེད་དུ་འཆིང་བ་ཡིན། དེའི་མན་ངག་ནི། ལུས་གནད་བཅས་ལྟ་སྟངས་ནམ་མཁར་བལྟ་
སྟེ། སྦྱོར་བ་ཡན་ལག་དྲུག་པའི་སོར་སྡུད་ཉིན་མོའི་རྣལ་འབྱོར་སྒྲ་ཇི་བཞིན་ཡིན། འདི་བསྒོམ་
ན་ཤེས་པ་བྱིང་བ་མི་འབྱུང༌། རྟགས་ལྔ་འཕྲལ་དུ་འཆར། མི་རྟོག་པ་སྐྱེ། དྲོད་དང་བདེ་བ་
11-1-227


ཤུགས་ལ་འབྱུང་ངོ༌། །
གཉིས་པ་བོགས་འབྱིན་པ་ནི། གསལ་ན་རང་ཞལ་བརྒྱད་ཕྱག་བཅུ་དྲུག་པ་ལྟ་བུར་
བསྒོམ། བསྡུ་ན་ཡབ་ཕྱག་གཉིས་པའམ་བདག་མེད་མར་བསྒོམ། ཐུགས་ཀར་པདྨ་དམར་
པོ་དང་ཉི་མ་ལ་ཧཱུཾ་ནག་པོ་ཞིག་བསྒོམ། དེ་ལས་འོད་ཟེར་དཔག་ཏུ་མེད་པ་འཕྲོས། ཕྱོགས་
བཅུ་ཐམས་ཅད་ཁྱབ། སྣོད་འཇིག་རྟེན་གྱི་ཁམས་ཐམས་ཅད་གཞལ་ཡས་ཁང་དུ་གྱུར་ནས། 
སེམས་ཅན་ལ་ཐིམ། བཅུད་སེམས་ཅན་ཐམས་ཅད་དགྱེས་རྡོར་རམ། བདག་མེད་མར་གྱུར་
ནས་རང་ལ་ཐིམ། རང་གི་ལུས་སྟེང་འོག་དང་མཐའ་རྣམས་ནས་ཚུར་འདུས་ཏེ། ཧཱུཾ་ཡིག་
གདན་བཅས་ལ་ཐིམ། གདན་པད་ཉི་ཧཱུཾ་ལ་ཐིམ། ཞབས་ཀྱུ། ཁོག་པ། མགོ་བོ། ཟླ་ཕྱེད། 
ཐིག་ལེ། ནཱ་ད་རྣམས་རིམ་པས་བསྡུས། ནཱ་ད་ཡང་སྟོང་པར་སྦྱང་ངོ༌། །དེ་ཀའི་ངང་དེར་ཅི་
ནུས་བཞག་ཅིང༌། སྔར་གྱི་ཉམས་མྱོང་ཡོད་ན་བསྐྱང༌། ཡང་ལྷ་སྐུར་ཕྲ་གསལ་གྱིས་བསྒོམ་
པར་བྱ། འདི་ནི་རྗེས་སུ་གཞིག་པའི་རྣལ་འབྱོར་ཏེ། རྔོག་ལུགས་དགྱེས་རྡོར་གྱི་སྐབས་
འདིར་རིལ་འཛིན་གྱི་དམིགས་པ་མི་མཛད་དོ། །གང་ཟག་གི་རིགས་ཁ་ཅིག་ལ་བསྒོམས་
པའི་འོད་གསལ་གྱི་མན་ངག་ཁོ་ན་ལ་བསླབས་པས། རང་བཞིན་འོད་གསལ་གྱི་ཉམས་མྱོང་
རང་ཤུགས་ལ་འབྱུང་བའང་ཡོད་མོད་ཀྱི། ཕར་ཆེར་ནི་ཐོག་མར་རང་བཞིན་འོད་གསལ་གྱི་
མན་ངག་ལ། ཉམས་མྱོང་ཅི་རིགས་པར་ཆུད་པའི་རྗེས་སུ་འདི་བསྒོམས་ན་བོགས་ཆེན་པོར་
འགྱུར་ཏེ། དེ་དག་ནི་གཉིད་སད་དུས་ཀྱི་འོད་གསལ་བསྒོམ་པའི་གདམས་པའོ། །
གསུམ་པ་གཉིད་ཀྱི་འོད་གསལ་བསྒོམ་པའི་མན་ངག་ནི། སྔར་གཏུམ་མོའམ། སྒྱུ་ལུས་
སམ། བཤད་མ་ཐག་པའི་སད་དུས་ཀྱི་འོད་གསལ་ལ་ཉམས་མྱོང་ཡོད་ན་འདི་ལ་ཚེགས་
མེད། ཁ་ཅིག་ལ་རང་ཤུགས་སུ་འཆར་བ་ཡང་ཡོད། དེ་དག་མ་བསྒོམས་ཀྱང༌། གདམས་པ་
འདི་ལ་བརྟེན་ནས་འོད་གསལ་མྱུར་དུ་ཟིན་པར་འགྱུར། དེ་ལ་གཉིད་ཀྱི་འོད་གསལ་འཛིན་
11-1-228


པ་དངོས་དང༌། གཉིད་དང་ཉིན་པར་བསྲེ་བ་གཉིས་སོ། །དང་པོ་ནི། རང་གི་སྙིང་ཁར་རྩ་
པདྨ་འདབ་མ་བཞི་པའི་ལྟེ་བར་ཧཱུཾ་སྔོན་པོ། འདབ་མ་བཞི་ལ་མདུན་ནས་གཡས་སྐོར་གྱི་ཨ་
ནུ་ཏ་ར་བཞི་པོ་ཡང་ཁ་དོག་སྔོན་པོ་བསྒོམ་གསུང༌། སྔོན་པོ་ཐུགས་མཚོན་པ་ཡིན་པས་སྙིང་
གར་དེ་བཞིན་དུ་འཐད་མོད། ཁ་དོག་ཙམ་ལ་ངེས་པ་ཡང་མེད་པས། སྤྱིར་མན་ངག་ལག་
ལེན་གཙོ་ཆེའོ། །གང་ལྟར་ཡང་ཡི་གེ་ལྔ་གར་བསྒོམས་ནས་ཐོག་མར་ཨ་ལ་སེམས་བརྟད། 
དེ་ནུ་ལ་ཐིམ་པ་དང༌། དེ་ཏ་ལ་ཐིམ་པ་དང༌། དེ་ར་ལ་ཐིམ་པ་རྣམས་ལའང༌། ཡུད་རེ་ཡུད་རེ་
སེམས་བརྟད་ནས། རང་ཡང་དབུས་ཀྱི་ཧཱུཾ་ལ་ཐིམ། ཧཱུཾ་ཡིག་ལ་ཡུན་རིང་དུ་སེམས་བཟུང༌། དེ་
ཡང་མི་དམིགས་པར་ཅུང་ཟད་བཞག །ཐུན་རེའི་ནང་དུ་དེ་ལྟ་བུ་ཡང་ཡང་བསྒོམ། མཚམས་
བཅད་ལ་ཚུལ་དེས་ཟླ་གཅིག་སོགས་བསྒོམ། དེ་བར་ལ་རང་ཤུགས་ཀྱི་འོད་གསལ་ཟིན་ན་
ནི་ལེགས། མ་ཟིན་ན་རྩིས་བཏབ་མི་བྱའོ། །དེ་ནས་དངོས་གཞི་ནི། ཁ་ཟས་དང༌། སྐུ་མཉེ་
སོགས་ཀྱིས་ལུས་བརྟས་པར་བྱས། ཞག་གཅིག་གཉིས་གཉིད་བཅག །མཁའ་འགྲོ་ལ་གཏོར་
མ་ཕུལ། སྙིང་ཁའི་ཡི་གེ་གཞན་བཞི་ལ་རིམ་ཅན་དུ་སེམས་བརྟད། མཐར་ཧཱུཾ་ལ་སེམས་བརྟད་
པའི་ངང་ནས་གཉིད་དུ་འགྲོ་བར་བྱེད་པའོ། །དེས་འོད་གསལ་ཟིན་འོང༌། གལ་ཏེ་མ་ཟིན་ན་
བསྐྱར་ཏེ་བསྒོམ་པ་དང༌། གྲོགས་ཀྱིས་བལྟ་བ་ལ་སོགས་པ། རིམ་ལྔ་དང་ཆོས་དྲུག་སོགས་
སྤྱི་དང་འདྲ། སྐབས་འདིར་ཡང༌། གཉིད་འཐུག་པོ་ལ་རིམ་པས་འཇུག་པའི་གནས་སྐབས་སོ་
སོ་དང་བསྟུན་ནས། ཡི་གེ་ལྔ་ལ་སེམས་གཏོད་ཚུལ་སོགས་བཤད་ཀྱང༌། དག་སྦྱོར་སྒྲིབ་པའི་
གོ་བ་ཙམ་ཡིན་གྱི། ལག་ལེན་ལ་འཁེལ་བ་དཀའ་བས། གོང་དུ་བཤད་པ་བཞིན་བྱའོ། །གོ་
དོན་ལ་ཡང་རྒྱུད་གཞུང་དང་བསྟུན་ནས། སྣང་མཆེད་ཐོབ་གསུམ་རྩ་འདབ་སོ་སོ་ལ་སྦྱར་བ་
དེ་ཅུང་ཟད་མི་བདེ་བར་མངོན་ནོ། །གཉིས་པ་གཉིད་དང་ཉིན་སྣང་བསྲེ་བ་ནི། རང་གི་མདུན་
འཐངས་གསལ་ཞིང་བལྟ་སྟབས་བདེ་བ་ཞིག་ཏུ་བྲིས་སྐུ་འགྲེམ་པའམ། ཡང་ན་ཅུང་ཟད་མུན་
11-1-229


ནག་པར་བྲིས་སྐུ་བཀྲམ། དེ་ལ་མེ་ལོང་སོགས་ཀྱི་འོད་གཏོང་བའི་ལུགས་གཉིས་ཡོད་དེ། ཕྱི་
མ་དེ་ཡང་ཡང་ལྕོགས་དཀའ་བས། བོགས་འདོན་ལན་རེ་ཙམ་མ་གཏོགས། སྔ་མ་ལ་ལག་
ལེན་བྱེད་གསུང༌། གང་ལྟར་ཡང་སྔོན་འགྲོ་རྣམས་སོ། །ལུས་གནད་བཅས་སེམས་རྣལ་དུ་
ཕབ། བྲིས་སྐུ་ལ་མིག་དང་སེམས་བརྟད་ནས་ཅུང་ཟད་བཞག །བློ་ཡུལ་དུ་གསལ་སིང་ཤར་
བ་དེ་སྒྱུ་མ་ལྟ་བུར་དྲན་པར་བྱ། དེ་མ་ཐག་མིག་མི་ལྟ་བར་བློ་ཡུལ་དུ་གསལ་བ་དེའི་ངོ་བོ་ལ་
ཆེ་རེ་བལྟས་པས། རིམ་པས་སྣང་བ་ནུབ་པའི་ངང་དེར་ཤེས་པ་བཟོ་མེད་དུ་བཞག །བདེ་
སྟོང་གི་ཉམས་མྱོང་ཡོད་ན་རྒྱས་བཏབ་སྟེ་བསྒོམ་ཡང་བྲིས་སྐུ་ལ་བལྟ་བ་སོགས་སྔར་བཞིན་
རྟག་ཏུ་བསྒོམ། དམིགས་སྐོར་གཅིག །ཅུང་ཟད་འབྱོངས་ནས་བྲིས་སྐུ་སྤངས་ཏེ་ཡིད་ཡུལ་
དུ་འཆར་བ་ལ་བསླབ། དམིགས་སྐོར་གཉིས། དེ་ལ་གོམ་ན་གཉིད་ཁྲེས་ཏེ་སད་པའི་སྐབས་
དེར། ལྷ་སྐུ་སྒྱུ་མ་ལྟ་བུར་ལམ་ཏེ་འཆར་ཐུབ་པ་བྱེད། དེ་ནས་སྔར་བཞིན་སྒོམ། མཚན་མོ་
ཉལ་ཁར་ཡང༌། དེ་ལྟར་བསྒོམས་པས་ལྷ་སྐུ་ཡལ་བ་དང་གཉིད་འོད་གསལ་དུ་བསྲེ། དེ་ལྟར་
བསྒོམས་པའི་ཉིན་མཚན་འདྲེ་བ་ཡིན། དམིགས་སྐོར་གསུམ་མོ། །དེ་ལྟར་ན་སད་དུས་དང་
གཉིད་ཀྱི་འོད་གསལ་སྒོམ་པའི་གདམས་པ་དེ་དག་ནི། བརྩོན་འགྲུས་ཅན་ཚེ་འདིར་སངས་
རྒྱ་བའི་ལམ་མོ། །འདི་ལའང་ཡིག་ཆུང་རྙིང་པ་ན་མཚམས་དེ་ནས་སྤྱོད་པ་སྤྱད། ཉེ་རྒྱུའི་སྒྲུབ་
པ་ཞག་བདུན་གྱིས་འབྲས་བུ་སངས་རྒྱས་ལ་སྦྱོར་བ་སོགས་ཀྱི་རྣམ་གཞག་མཛད་དེ། ལམ་
བློ་ཆོད་ཀྱི་དབང་དུ་བྱས་པར་གདའ་ནའང༌། གཏུམ་མོ་སྒྱུ་ལུས་འོད་གསལ་རྣམས་ལམ་
རིམ་གཅིག་ཏུ་སྒྲིག་པ་རང་ལེགས་སོ། །བཞི་པ་འཆི་བ་འོད་གསལ་གྱི་གདམས་ངག་ནི། གོ་
བབས་དང་བཤད་སྒྲོས་འབྲེལ་ཆགས་པ་ལ་བརྟེན་ནས་གོང་དུ་བཤད་ཟིན་ཏེ། བར་དོ་དང་
པོ་འཆི་བ་འོད་གསལ་ལ་བརྟེན་ནས་ཆོས་སྐུ་ངོས་བཟུང་བ་ཞེས་བྱ་བ་དེ་ཡིན། ཡང་ན་གོང་དུ་
ས་བཅད་ཙམ་སྨོས་ནས། དམིགས་པ་དེ་སྐབས་འདིར་བསྟན་ཀྱང་རུང་ངོ༌། །དེ་དག་གིས་ནི་
11-1-230


བསྲེ་བའི་གདམས་ངག་རྣམས་བསྟན་ཟིན་ཏོ། །
གཉིས་པ་འཕོ་བའི་གདམས་ངག་ལ། གོང་དུ་འཕོ་བ་དང༌། གྲོང་དུ་འཇུག་པ་གཉིས་སོ། །
དང་པོ་ལ་སྦྱངས་ཏེ་འཕོ་བ་དང༌། བཙན་ཐབས་སུ་འཕོ་བ་གཉིས། དང་པོ་ལ་སྦྱོར་བ་དང༌། 
དངོས་གཞི་གཉིས། སྦྱོར་བ་ལ་རླུང་སྦྱང་བ་དང་སྒོ་དགག་པ་གཉིས་སོ། །དང་པོ་ནི། བུམ་པ་
ཅན་ལ་བསླབ་པ་ཡིན་ཏེ། བུམ་ཅན་རབ་འབྲིང་ཐ་མ་གསུམ་གང་རུང་གཅིག་ཁེགས་པ་
དགོས། གཉིས་པ་ནི། རང་ལུས་ཁོང་སྟོང་དུ་གནས་པའི་ཚངས་བུག་ཏུ་ཀྵུཾ་ཡིག་མགོ་བོ་ཐུར་
བསྟན། མིག་གཉིས་དང་སྨིན་མཚམས་སུ་ཧཱུཾ་རེ་རེ་རྣ་བ་གཉིས་དང༌། སྣ་བུག་གཉིས་སུ་ཡུམ་
རེ་རེ། ཁ་དང་ཆུ་ལམ་ལ་སུཾ། ལྟེ་བར་ཀྨྼྻུཾ་རྣམས་མགོ་ནང་བསྟན་དང༌། འོག་སྒོར་ཀྵུཾ་ཡིག་མགོ་
གྱེན་བསྟན་ནོ། བསྲེ་འཕོའི་ཡིག་ཆུང་གཉིས་ན་མི་གསལ་ཡང་མཁའ་འགྲོ་རྣམས་ཀྱི་གྲངས་
ཚང་བའི་ཕྱིར་དང༌། དྲོད་དང་དབུགས་དང་རྣམ་ཤེས་འཕོ་བའི་གནས་ཡིན་པའི་ཕྱིར་དང༌། 
གདན་བཞི་ཁ་སྦྱོར་རྡོ་རྗེ་མཁའ་འགྲོ་རྣམས་ལས་གསལ་བར་གསུངས་པ་ཉིད་ཀྱི་ཕྱིར། 
མགྲིན་པར་སྨྼྻུཾ། སྙིང་གར་ཡྨྼྻུཾ། དཔུང་གཉིས་པ་ལ་ཧྨྼྻུཾ་རྣམས་ཀྱང་བསྒོམ་དགོས་ཏེ། ཡི་གེ་
རྣམས་ཀྱི་ཁ་དོག་ནི། སུཾ་དཀར་པོ། ཀྵུཾ་སེར་པོ། གཞན་རྣམས་སྔོན་པོའམ་ནག་
པོ་ཞེས་བཤད། ཡི་གེ་ཐམས་ཅད་མགོ་བོ་ནང་དུ་བལྟ་བའོ། །ཡི་གེ་དེ་རྣམས་ལས་འོད་ཟེར་
འཕྲོས་ཏེ། སྒོ་རྣམས་བར་མཚམས་མེད་པར་བཀག་པར་བསམས་ལ་རླུང་བུམ་པ་ཅན་དྲག་ཏུ་
བཟུང༌། དེ་ཉིད་ཟླ་ཤས་བསྒོམས་པས་སྒོ་ཁེགས་པའི་རྟགས་འབྱུང༌། གཉིས་པ་དངོས་གཞི་
ནི། ཡང་སྒོ་དགག་པ་སྔ་མ་བཞིན་སྔོན་དུ་སོང་ནས་ལྟེ་བའི་ཐད་ཀྱི་རྒྱབ་གཞུང་གི་དབུས་སུ། 
རིག་པ་སེམས་ཀྱི་རྒྱལ་པོ་ཨ་ཡིག་དཀར་པོ་འོད་འཕྲོ་བ་ལ་སེམས་བརྟད་དེ། བུམ་པ་ཅན་
སྒོམ་སྟེ། དེ་ཡང་ཟླ་བ་གཅིག་ཚུན་གྱིས་བདེ་དྲོད་ཀྱི་ཉམས་མྱོང་ཅུང་ཟད་སྐྱེའོ། །འདིའི་ཡི་གེ་
ཞིག་ན་ལྟེ་འོག་སོར་བཞིར་ཨ་བསྒོམ་གསུང་བའང་ཡོད་དེ་འདམ་ཁའོ། །དམིགས་སྐོར་
11-1-231


གཅིག །དེ་ནས་རླུང་ཅུང་ཟད་ནང་དུ་བཟུང་ནས། སླར་ཁ་ནས་དལ་བུས་བཏང་པ་དང་ལྷན་
ཅིག་ཏུ། རླུང་ཐེངས་གཅིག་ལ་ཧིཀ་ཉི་ཤུ་རྩ་གཅིག་བརྗོད་པའི་ཐ་མ་དེ་ལ། ཧཱིཀ་ཞེས་ཕྱི་ལ་
དྲག་ཏུ་ཕུལ། དེ་ནས་ནང་དུ་དལ་བུས་རྔུབ་པ་ན། ཀ་ཧཱི་ཉི་ཤུ་རྩ་གཅིག་དྲན་པར་བྱ། ཀ་ཧཱི་
འདི་ངག་ནས་བརྗོད་མི་དགོས། ཁ་ནས་རྔུབ་ཀྱང་མི་རུང་བ་མེད་མོད། སྣ་ནས་རྔུབ་པ་ཉིད་
བཟང་ཞིང༌། རླུང་རྔུབས་ཟིན་པ་ན་ལྟོ་བ་ཕྱིར་བཀྱེད་དེ། རྒྱུ་ཞབས་སུ་གནོན། དེ་ཉིད་ཡང་
ཡང་བསྒོམ། ཐུན་བཞིར་བརྒྱ་རྩ་སོགས་སྦྱངས་ཏེ་ཞག་བདུན་ཙམ་དུ་དེ་ལྟར་བྱ། དམིགས་
སྐོར་གཉིས་སོ། །དེ་ནས་སྒོ་དགག་པ་གོང་བཞིན། སྒལ་ཚིགས་ཉི་ཤུ་རྩ་གཅིག་གི་གནས་སུ། 
ཟླུམ་པོ་ཁ་དོག་དཀར་པོ་སྟེང་འོག་རིམ་པ་ཉི་ཤུ་རྩ་གཅིག །དེ་དག་གི་འོག་ཏུ་ཨ་ཡིག་སྔར་
བཞིན་བསྒོམ། དེ་ནས་རླུང་སྦྱོར་སྔ་མ་བཞིན་ལས། ཧིཀ་རེ་རེ་བརྗོད་པ་ན་ཚིགས་པ་རེ་རེ་ལ་
ཨ་ཡིག་དེ་འཕར་ཞིང་སྟེང་དུ་འགྲོ་བར་བསམ། ཉི་ཤུ་རྩ་གཅིག་པ་ལ་ཨ་ཡིག་དེ་ཚངས་བུག་
གི་སྒོར་ལྷན་གྱིས་སོང༌། ཡི་གེའི་མགོར་ཕྱིར་ཉུག་ཉུག་ཡོད་པར་བསམ། ཡང་རླུང་ནང་དུ་
དྲངས་པ་ན། ཨ་ཡིག་དེ་ཨན་སྟོང་རུས་པའི་སྟེང་དུ་བབས། ཀ་ཧཱི་རེ་རེ་དང་བསྟུན་ནས། སྒལ་
ཚིག་ཉི་ཤུ་རྩ་གཅིག་ལ་བབས་ནས། སྔར་གྱི་ཤུལ་དུ་སྒྲེང་ངེ་འདུག་པར་བསམ། དེ་ལྟར་ཐུན་
བཞིར་ཡང་ཡང་སྦྱངས་པས། ཐོག་མར་ཟས་མང་དུ་ཡོད་པ་དང༌། དེ་ནས་དཔྲལ་བར་རྟུལ་
ཞིང་ཚ་ཆིལ་བ་དང༌། དེ་ནས་འཚོག་མའམ། སྤྱི་གཙུག་བརྡོལ་བ་སྙམ་བྱེད་པ་འབྱུང༌། རྔོག་
པའི་བཞེད་ཀྱི་དེ་དག་ནི་འཕོ་བའི་རྟགས་ཙམ་ཡིན་གྱི་འཕོ་བ་འབྱོངས་བ་རང་མིན་ལ། ཡར་
འཕོ་བའི་དམིགས་པ་བརྟད་པའི་སྐབས། ད་ལྟའི་སྣང་བ་འདི་ནུབ་ཚད་པ་དང༌། སྤྱི་གཙུག་ཏུ་
ན་ཟུག་ཆེན་པོ་རང་མ་ཡིན་པའི་ཤུགས་ཆེན་པོ་སྒྲིང་སྒྲིང་བ་འབྱུང༌། མར་འབེབས་པའི་
དམིགས་པ་བསྒོམས་པས་ལྟེ་འོག་ཏུ་ཚ་ཆིལ་བ་དང༌། བདེ་ཆམ་པ་དང༌། ཤུགས་ཆེན་པོ་སྒྲིང་
སྒྲིང་བ། ད་ལྟའི་སྣང་བ་འདི་ཤིན་ཏུ་གསལ་བ་ལ། ཆུ་ནང་གི་རྡེའུ་ལྟར་ཡུལ་ཡུལ་བ་འབྱུང༌། 
11-1-232


བསྒོམ་རེས་ཀྱི་དེ་ལྟར་ཡོང་ན་འཕོ་བ་འབྱོངས་པ་ཡིན་གསུང་བ། གནད་དང་ལྡན་པ་ངེས་
ཏིག་ཅན་གྱི་ཞལ་སྒྲོས་སུ་སྣང་ངོ༌། །དམིགས་སྐོར་གསུམ་པ་སྟེ་དེ་དག་ནི་འཕོ་བ་སྦྱང་བའོ། །
ལས་ལ་སྦྱར་བ་ནི། གནས་ཁང་ཡིད་དང་མཐུན་པར། དགྱེས་རྡོར་ཡབ་ཡུམ་གྱི་སྐུ་གཟུགས་
དགྲམ། མཆོད་གཏོར་བཤམས། ལྕོགས་ན་ཆོ་གས་ཕུལ། མི་ལྕོགས་ན་ཡིད་ཀྱིས་ཕུལ། དེ་
ནས་སྔར་གྱི་འཕོ་བའི་དམིགས་པ་དེ་ལན་ཁ་ཡར་སྦྱངས། དེ་རྗེས་ལྟེ་འོག་སོར་བཞིར་ཨ་
སྔར་བཞིན་བསྒོམ། རྐང་མཐིལ་གཉིས། མཁལ་ཁུང་གཉིས། མཆན་ཁུང་གཉིས་ཏེ་དྲུག་ཏུ་
ཡུམ་ཡིག་མགོ་བོ་ནང་དུ་བལྟ་བ་རླུང་གི་ཤུགས་འོད་ཟེར་དང་བཅས་པ་བསྒོམ། སྙིང་གར་
པདྨ་འདབ་བཞི་ཁ་ཐུར་བསྟན། ལྟེ་བར་ཧཱུཾ་སྔོན་པོ་མགོ་བོ་ཐུར་བསྟན་དང༌། འདབ་མ་བཞི་
ལའང་ཡུམ་ཡིག་སྔོན་པོ་མགོ་བོ་ཐུར་བསྟན་བསྒོམ། དེ་ནས་རླུང་སྦྱོར་དང་ཧིཀ་སྔར་བཞིན་
བྱས་པས་ལྟེ་བའི་ཨ་དེ་ཡར་འཕར་ཞིང་འོངས་ནས་སྙིང་གའི་ཧཱུཾ་ལ་ཐིམ། དེ་སྐབས་པདྨ་ཁ་
གྱེན་དུ་བསྟན། ཧཱུཾ་སོགས་ཡི་གེ་ལྔ་པོ་ཡང་རང་རང་གི་ཐད་ཀ་བརྡོལ་ནས། མགོ་བོ་གྱེན་
བསྟན་དུ་ཡོད་པ་ལས། ཡུམ་ཡིག་བཅུ་པོའི་རླུང་ཤུགས་ཀྱིས་ཧཱུཾ་གྱེན་དུ་ཡེར་ཡེར་བཏེག །ཧཱུཾ་
ཡིག་སྤྱི་གཙུག་ཚངས་པའི་བུ་ག་ནས་འཐོན་ལ་ཁད་ཁད་པ་ལ། སྔར་སྙིང་གའི་པདྨའི་ལྟེ་བ་
ནས་ཧཱུཾ་གི་ཞབས་ཀྱུའི་བར་ལ། འོད་ཟེར་བ་ཐག་ལྟ་བུས་སྦྲེལ་ནས་ཡོད་པ་དེ། སྐབས་དེར་
པད་ཀྱིས་ཆད་ནས། ཧཱུཾ་དེ་མདའ་འཕངས་པ་བཞིན་དུ་ཡི་དམ་གྱི་ཐུགས་ཀར་ཐིམ་མོ། །དེ་ལྟ་
བུ་ལན་གཅིག་གིས་མ་འཕོས་ཀྱང༌། བསྐྱར་གྱིན་བསྒོམས་པས་འཕོ་སྟེ་ལན་ཉི་ཤུ་རྩ་གསུམ་
རྩ་བཞི་བསྒོམས་པས་མི་འཕོ་བ་མི་སྲིད་གསུང༌། དམིགས་པ་འདི་ཡིག་ཆུང་གི་དངོས་བསྟན་
ལ་ལས་ལ་སྦྱར་བ་ཁོ་ནའི་སྐབས་སུ་བཤད་ཀྱང༌། སྔ་རོལ་ནས་མ་བསྒོམས་ན། སྐབས་དེར་
གསལ་ཐེབས་པ་དཀའ་བས། སྦྱོང་བའི་དུས་ནས་ཞག་རེ་ལ་ལན་རེ་ཙམ་རེ་བསྒོམ་དགོས་
སོ། །ཡིག་ཆུང་རྣམས་ལས་ཚངས་བུག་གི་ཀྵུཾ་ཡིག་བསལ་ནས་འཕོ་བར་བཤད་དེ། འགོག་
11-1-233


དགོས་རྒྱུ་དང༌། དབྱེ་དགོས་རྒྱུའི་ལམ་གཉིས་ཡོད་པས་དཀྱུས་བཞིན་བསྒོམ་པ་ལེགས་སོ། །
དམིགས་སྐོར་བཞི་པའོ། །གཉིས་པ་བཙན་ཐབས་སུ་འཕོ་བའི་གདམས་ངག་ནི། སྔར་འཕོ་
བ་མ་སྦྱངས་པ་ལ། འཆི་ངེས་ནད་ཀྱིས་ཐེབས་ན། ཤུལ་ལ་མ་ཆགས་ཤིང༌། དགེ་རྩ་འདྲ་བྱེད་
དུ་གཞུག །དད་པའམ་སྙིང་རྗེ་སོགས་དགེ་སེམས་གཅིག་གསལ་བཏབ། ཡེ་ཤེས་བཙན་
ཐབས་སུ་བསྐྱེད་པས་འཕོ་ན། ལུས་ཙོག་པུར་བྱེད། ཨོལ་མདུད་ལན་གསུམ་གཡས་གཡོན་
དུ་གཅུ། དེ་ནས་དྲང་པོར་འདུག་ལ། སྨིན་ཕྲག་ཏུ་ཐིག་ལེ་དཀར་པོ་ལ་སེམས་བསྟད། མིག་
ཟིམ་མེ་པ་ལ་མིག་འབྲས་མི་གཡོ་བར་བཞག །རང་ངམ་གྲོགས་ཀྱིས་ལོངས་སྤྱོད་ཀྱི་རླབས་
མནན་ཞིང་བསྒོམ་པའོ། །ཡང་ན་དམིགས་པས་བཙན་ཐབས་སུ་འཕོ་བ་ཞེས་བྱ་བ། མདུན་
གྱི་ནམ་མཁར་བླ་མའམ་ཡི་དམ་བསྒོམ། སྤྱི་བོ་ཚངས་བུག་སྐྱ་ཧ་རེ་འདུག །སྙིང་ག་པདྨ་
འདབ་བཞི་ཁ་གྱེན་བསྟན་གྱི་དབུས་ན། རིག་པ་སེམས་ཨ་ཡིག་བ་ཐག་དང་བཅས་པ་དེ། 
ཧིཀ་ཉེར་གཅིག་བརྗོད་པས་ཚངས་བུག་ནས་ཐོན། བ་ཐག་རྦད་ཀྱིས་ཆད་ནས་བླ་མའམ་ཡི་
དམ་གྱི་ཐུགས་ཀར་ཐིམ་པར་བསྒོམས་པས་འཕོ་ནུས། འདི་ལ་ཁའི་རླུང་གིས་ཨོལ་མདུད་ཀྱི་
ཤུགས་ལྟག་པའི་མདུད་སྒོའི་ཕྱོགས་སུ་འཕུལ་ཞིང༌། མཐེ་བོང་དང་གུང་མཛུབ་ཀྱི་ཤུགས་
ཀྱིས་ཨོལ་མདུད་ཀྱི་གཡས་གཡོན་གཉིས་ནས་སྡོམ་ཞེས་གསུང་པའང་འདུག་སྟེ། ངེས་པར་
དགོས་པ་མིན་ལ། ཡང་གོང་གི་འཕོ་བ་ཆེན་མོ་མི་ལྕོགས་ན། དམིགས་པ་འདི་ལ་སྤྱི་དང་
མཚུངས་པར་མར་འབེབས་པའི་དམིགས་པ་མནན་ནས་སྦྱངས་ཏེ་འཕོ་བའི་ལུགས་བསྒོམ་དུ་
བཅུག་ཀྱང་ལེགས་སོ། །འདིའི་འཕྲོས་དོན་ལ། ལུས་གནད་བཅོས་པའི་འཕོ་བ་བྱ་བ་ཞིག་
ཡོད་དེ། དེ་ཡང་དམིགས་པ་ཡེ་བསྒོམ་མི་ཤེས་པའམ་མི་ཐུབ་ན། ཡང་དག་པར་རྫོགས་པའི་
སངས་རྒྱས་མྱ་ངན་ལས་འདས་པའི་དུས་ཀྱི་བཞུགས་སྟངས་དང་འདྲ་བ། ཕྱོགས་མ་འཆོལ་
བར་ཉལ་དུ་བཅུག །ཕྱི་དབུགས་ཆད་ཙ་ན། སྤྱི་བོའི་སྟེང་ཕྱོགས་སུ་སྒྲ་སྙན་པོ་བག་ཙམ་དྲག་
11-1-234


པོ་མ་ཡིན་པའི་གླིང་བུའམ། ཏིང་ཤག་ལྟ་བུ་རོལ་མོ་ཕྲ་མོ་བྱ། སྤྱི་གཙུག་གི་སྐྲ་ནས་འཐེན་
པའམ། རེག་ཙམ་རེག་ཙམ་བྱེད། དེ་བཞིན་གཤེགས་པའི་བཞུགས་སྟངས་བྱིན་རླབས་རྟེན་
འབྲེལ་གྱི་གནད་ཀྱིས་ངན་འགྲོའི་སྒོ་ཁེགས་པ་ཡིན་གསུང་ངོ༌། །གལ་ཏེ་དམིགས་པ་གསལ་
ཐེབས་ན་དམིགས་པ་ཡང་བསྒོམ་སྟེ། ལྟེ་འོག་སོར་བཞིར་ཉི་མ་ལ་ཨ། དེ་ལས་འོད་དམར་
ནར་བྱུང་སྟེ། སྤྱི་གཙུག་ཚངས་བུག་ཕྱེ། སྒལ་ཚིགས་ཉེར་གཅིག་པདྨ་ཉེར་གཅིག་ཨིཀ་ཅེས་
པ་ཉི་ཤུ་རྩ་གཅིག་བརྗོད་པས་ཨན་ཏོང་དུ་སླེབ། ཉེར་གཉིས་པས་སྤྱི་གཙུག་ནས་འཐོན། ཡི་
དམ་གྱི་ཐུགས་ཀར་རེག་རྗེས་སླར་ཡང་སྤྱི་བོར་བསྡད། ཉེར་གསུམ་པ་བརྗོད་པས་བ་ཐག་
ཆད། ཡི་དམ་གྱི་ཐུགས་ཀར་ཐིམ། ཞེས་ཡིག་ཆུང་ན་བཤད་འདུག །དཀྱུས་ཀྱི་དམིགས་སྐོར་
ལ་མི་{བགྲོང་[འགྲོ]། འདི་ལ་ཉམས་ཁྲིད་སྐྱོང་བའི་སྲོལ་མེད་དོ། །གཉིས་པ་གྲོང་དུ་འཇུག་
པ་ནི། བདེན་མེད་སྒྱུ་མ་བློ་འབྱོངས། བསྐྱེད་རིམ་ལ་གསལ་སྣང་ཐོབ། རླུང་ལེགས་པར་བྱང་
བ་གཅིག་གིས་ཡི་དམ་དང་མཁའ་འགྲོ་ལ་གསོལ་བ་བཏབ་ནས་གནང་བ་ཐོབ་པ་གཅིག་
གིས་སྒྲུབས་ན་འགྲུབ། དེ་ཡང་ཐོད་པ་སྲུབས་མེད་པ་སོར་ལྔ་པ་གཅིག་ལ་རྩི་ནག་པོས་བྱུག་
པའི་དབུས་སུ། ཧཱུཾ་དཀར་པོ་བྲིས། དཀྱིལ་འཁོར་རྒྱས་བསྡུས་གང་རུང་ཞིག་གི་དབུས་སུ་
བཞག །རང་གི་རླུང་སེམས་སྙིང་གའི་ཧཱུཾ་ལ་བསྡུས་པ་དེ། རླུང་ཕྱིར་འགྲོ་བ་དང་ལྷན་ཅིག་སྣ་
སྒོ་ནས་རྒྱངས་ཏེ་ཐོན་ནས། ཐོད་ཚལ་{གྱི[་ཕྱེ་]ཧཱུཾ་ལ་ཐིམ། དེ་ལ་མིག་དང་སེམས་དྲག་ཏུ་
བརྟད། རང་ལ་མ་ཞེན་མ་ཆགས་པ་དང༌། ཧཱུཾ་ལ་ཞེན་ཞིང་ཆགས་པར་བྱ། དེ་ལྟར་བསྒོམས་
པས་དེ་ལ་འབར་བ་དང༌། གཡོ་བ་དང༌། དྲོ་བ་ལ་སོགས་པའི་རྟགས་འབྱུང༌། རང་ལུས་ཀྱི་
སྣང་བ་མི་གསལ། རང་གི་སེམས་ཧཱུཾ་གི་ས་དེ་ན་ཡོད་པར་སྣང་ཞིང་མྱོང་བ་འབྱུང༌། དེས་ནི་
འབྱོངས་པ་ཡིན་ཏེ། དེ་ནས་བར་ཆད་ཀྱིས་མ་ཁྱེར་བར་ལས་ལ་སྦྱར་ན་འགྲུབ་སྟེ། རྒྱས་པར་
རྒྱུད་འགྲེལ་དང་ཡི་གེ་སྔ་མ་རྣམས་སུ་ཤེས་པར་བྱ་ལ། ད་ལྟ་ཉེར་མཁོ་ཆུང་བས་འདིར་རྒྱས་
11-1-235


པར་མ་སྨོས་སོ། །གྲོང་འཇུག་འདི་ཐུན་མོང་གི་དངོས་གྲུབ་ཡིན་ཏེ། རལ་གྲི་མིག་སྨན་སོགས་
ཀྱི་སྡེབས་ཆ་ཡིན། གཏུམ་མོ་འོད་གསལ་སོགས་ཀྱི་གྲྭ་སྡེབས་མིན། སྒྱུ་འཕྲུལ་གྱི་དངོས་གྲུབ་
དང་འདི་གཉིས་རལ་གྲི་སོགས་དེ་དག་ལ་ཅུང་ཟད་འགྲུབ་སླ་བར་རྒྱ་གར་པ་རྣམས་ལ་
གྲགས། འདི་རྫོགས་རིམ་གྱི་ཁྲིད་ཡིན་རྒྱུ་མེད་ནའང༌། གོང་དུ་འཕོ་བ་དང་འབྲེལ་ཆགས་པ་
ལ་བརྟེན་ནས། འཕྲོས་དོན་དུ་བཤད་པར་འདུག །རྗེ་འབྲོག་མི་དང་རྗེ་མར་པ་གཉིས་ཀར་
འཕོ་བའི་འཕྲོས་ལ་གྲོང་འཇུག་གི་རྣམ་གཞག་རེ་གསུངས་གིན་ཡོད་འདུག་པས། བོད་འདིར་
ཤིན་ཏུ་གྲགས་ཆེ་བར་གྱུར་ཏེ་གྲོང་འཇུག་ལམ་གྱི་འཐུད་མ་ཞེས་ཟེར་བ་དེ་བྱུང་བ་ཡིན། དེས་
ན་བསྲེ་འཕོ་ལས་ཕྱེ་སྟེ། ཆོས་དྲུག་དང༌། བརྒྱད་དང༌། བཅུ་ལ་སོགས་པའི་རྣམ་གཞག་བྱེད་
ཙ་ན། གཏུམ་མོ་སྒྱུ་ལུས་སོགས་དང་འདྲ་བར་བརྩིས་ཏེ། གྲོང་འཇུག་ལམ་གྱི་རྐངས་སུ་བྱེད་
པ་ནི་མི་ལེགས་ཏེ། གཞན་དུ་ན་རི་ལུ་མིག་སྨན་སོགས་ཀྱང༌། ཆོས་དྲུག་ལ་སོགས་པའི་སྡེ་
ཚན་གྱི་རྐངས་སུ་ཐལ་བར་འགྱུར་བའི་ཕྱིར་རོ། །གོང་དུ་འཕོ་བ་དང་ནི་མི་འདྲ་སྟེ། དེ་ནི་རླུང་
སེམས་དབུ་མར་འཇུག་པ་དང་འཆིང་བའི་ཐབས་ཡིན་པའི་ཕྱིར། རྫོགས་རིམ་དངོས་སམ་
རྗེས་མཐུན་གང་རུང་ཡིན་ཞིང་འོད་གསལ་གྱི་ཆ་ལག་གོ །ཇི་སྐད་དུ། གལ་ཏེ་སྐུ་གསུམ་མ་
གྲུབ་ནའང༌། །རིག་པ་འཛིན་པའི་གཙོ་བོར་འགྱུར། །གསུངས་པའི་ཡང་ཕྱིར་རོ། །འཕོ་བ་
དང་གྲོང་འཇུག་འདི་དག །དགྱེས་རྡོར་རྩ་བཤད་ལས། ཟུར་གྱིས་འཕངས་པ་མ་གཏོགས་
དངོས་སུ་མི་གསལ་ཏེ། གདན་བཞི་སོགས་ནས་ཁ་བསྐང་བ་ནི་ཡིན་ལ། འོན་ཀྱང་རྗེ་མར་པ་
ཉིད་ཀྱི་བཀའ་སྲོལ། གདན་གཞིའི་མན་ངག་གི་སྐབས་སུ་བྱུང་བ་རྣམས་དང༌། དམིགས་པ་
འདྲ་མིན་ཅུང་ཟད་ཡོད་མོད། འགའ་ཞིག་འདམ་ཁ་དང༌། འགའ་ཞིག་རྒྱས་བསྡུས་དང༌། ཁ་
ཅིག་གྲུབ་ཐོབ་སོ་སོའི་མན་ངག་མི་འདྲ་བ་ཡིན་པའི་ཕྱིར། འགལ་བར་མི་བསམ་ཞིང་ཕན་
ཚུན་བསྲེ་བར་ཡང་མི་བྱའོ། །དེ་དག་གིས་ནི་དགྱེས་རྡོར་གྱི་མན་ངག་བསྲེ་འཕོ་ཞེས་གྲགས་
11-1-236


པ། ལྷོ་བྲག་མར་པའི་ཐུགས་བཅུད་བསྲེ་སླད་མེད་པ་རྔོག་སྟོན་ཡབ་སྲས་ལ་བཀའ་བབས་
པའི་ལུགས་ཏེ་མ་ནོར་བར་བསྟན་ཟིན་ཏོ། །
སྨྲས་པ། ཕྱོགས་འདིར་ནཱ་རོ་ཆོས་དྲུག་ཅེས་བྱ་བར། །གྲགས་པའི་འཁྲིད་ཚུལ་མི་འདྲ་
མང་ཡོད་ཀྱང༌། །ལྷད་མེད་མན་ངག་འདི་འདྲ་ཤིན་ཏུ་དཀོན། །ཆོས་དྲུག་མཆོག་ཀྱང་འདི་
ཉིད་ཁོ་ན་ཡིན། །རྒྱབ་རྟེན་ཕྱོགས་འདྲའི་ཡིག་སྣ་བསྡུས་པ་ལ། །བསྲེ་འཕོའི་པོ་ཏི་ཞེས་སུ་
བར་སྐབས་གྲགས། །ཕྱིས་ནས་དེ་ལ་འཁྲིད་ཚུལ་ལོག་པ་བསྒྲིགས། །བཤད་རྩོམ་ཆ་ལག་
མི་འདྲ་དུ་མ་བརྩམས། །རྒྱུད་སྡེ་འདི་ལ་བརྟེན་ཞེས་རྒྱབ་རྟེན་མེད། །དབང་དང་བསྐྱེད་རིམ་
ངེས་མེད་ཐུན་ཚིགས་བསྡུས། །སྤྲོས་བཅས་འགོག་ཅིང་ལས་ཚོགས་ལ་དགའ་བའི། །འགལ་
འདུ་ཅན་ལ་དམ་པ་ཐམས་ཅད་ཁྲེལ། །དམིགས་བརྟད་རྒྱབ་བརྟེན་རྒྱུད་དང་མ་བྲལ་ཞིང༌། །
དབང་དང་རིམ་གཉིས་འཛོམ་པ་ཟབ་མོའི་ལམ། །རྒྱབ་རྟེན་རྫུན་ལ་མི་འཚོལ་དྲང་པོའི་
ཆོས། །མར་རྔོག་བཞེད་པ་ཇི་བཞིན་འདི་ན་ཀོ།    །།
༄༅། །རྣལ་འབྱོར་མ་དཔལ་འཁོར་ལོ་ལ། །མཆོག་ཏུ་གུས་པས་སྐྱབས་སུ་མཆི། །
མཆོག་གྱུར་མན་ངག་ཟབ་མོ་ཡི། །ཉམས་ལེན་རིམ་པ་མདོ་ཙམ་བྲི། །ད་ནི་གྲུབ་པའི་དབང་
ཕྱུག་དཔལ་རི་ཁྲོད་པས་དངོས་སུ་བྱིན་གྱིས་རླབས་པ། མངའ་བདག་མཻ་ཏྲི་པ་ཞེས་བྱ་བ་རྣལ་
འབྱོར་གྱི་དབང་ཕྱུག་དེ་ནི། རྗེ་བཙུན་ལྷོ་བྲག་མར་པས་ཡུན་རིང་དུ་བསྟེན་ནོ། །དེ་ལའང་
དགྱེས་རྡོར་རྩ་བཤད་དང༌། སངས་རྒྱས་ཐོད་པ་དང་རབ་ཏུ་མི་གནས་ཤིང་ཡིད་ལ་མི་བྱེད་
པ་ཕྱག་རྒྱ་བཞིའི་གདམས་པ་རྫོགས་པར་གསན་པ་ལས་སྐབས་འདིར་དགྱེས་པ་རྡོ་རྗེ་ལ་
རྫོགས་རིམ་ལམ་དགུ་སྐོར་རམ། དགུ་ཕྲུགས་སུ་གྲགས་པ་འདི་བྱུང་ངོ༌། །འདིའི་མན་ངག་གི་
ཡི་གེ་རྣམས་ལས། སྔོན་འགྲོ་ལོགས་པ་མ་གསུངས་མོད། ཁྲིད་འདི་ལོགས་སུ་ཞུ་ན་སྔོན་འགྲོ་
རྣམས་བསྲེ་འཕོ་དང་འདྲ་བར་ཤེས་པར་བྱའོ། །དངོས་གཞི་ལ་གཏུམ་མོའི་མན་ངག །ཕྱག་
11-1-237


རྒྱའི་མན་ངག །ཕྱག་རྒྱ་ཆེན་པོའི་མན་ངག་སྟེ་གསུམ་མོ། །དང་པོ་ལ། གཏུམ་མོ་ཉིད་ཀྱི་སྔོན་
འགྲོ་རླུང་སྦྱང་བ་དང༌། གཏུམ་མོ་དངོས་སོ། །དང་པོ་ལའང་མན་ངག་རྒྱས་པ་དང་བསྡུས་པ་
གཉིས། དང་པོ་རྒྱས་པ་ལ། རླུང་རྒྱ་ཡན་ལ་བསླབ་པ། བགྲང་ཞིང་བརྩི་བ་ལ་བསླབ་པ། ཁ་
དོག་དང་དབྱིབས་ལ་བསླབ་པ། བུམ་པ་ཅན་ལ་བསླབ་པ་སྟེ་བཞིའོ། །དང་པོ་ནི་ལུས་གནད་
བཅས། རླུང་རོ་ལན་མང་དུ་བསལ། དེ་རྗེས་རླུང་ནང་དུ་ནར་གྱིས་དྲངས། དེ་ནས་རླུང་རང་
བབས་སུ་བཞག་སྟེ། དབུགས་ཕྱི་འགྲོ་ནང་འགྲོ་ལ་སེམས་བརྟད། རླུང་མགྱོགས་བུལ་དང༌། 
གང་ནས་བཟློག །གང་གི་བར་དུ་འགྲོ། གང་གི་ཚེ་སྤྱི་ན་གནས་པ་ལྟ་བ་ཁོ་ན་ཡིན། དམིགས་
པ་གཞན་མེད། གཉིས་པ་བགྲང་བ་ལ། བགྲང་བ་དངོས་དང་འཇོག་པ་དང༌། རྗེས་འགྲོ་དང་
རྣམ་དག་སྟེ་བཞི་ཡོད་པ་ལས། དང་པོ་ལ་དུས་ནི་ཆགས་ལམ་ལ་ཐབས་ཤེས་སྙོམས་པར་
ཞུགས་པའི་དུས། ཐུར་སེལ་རང་ཤུགས་ཀྱིས་གྱེན་དུ་བཟློག་པའི་སྐབས་དེ་ཡིན། གྲོལ་ལམ་
ལ་དང་པོར་རླུང་ནང་དུ་སོང་ནས། དེ་རྗེས་ཕྱིར་ཟློག་པའི་སྐབས་དེ་ཡིན། བསམ་པ་ནི། ལྟེ་
བར་ཨཱཿ གསང་བར་ༀ། སྙིང་གའམ་མགྲིན་པར་ཧཱུཾ། དེ་གསུམ་ལས་རླུང་འབྱུང་བར་བསམ། 
གནས་ལ་དམིགས་པ་ནི། དེ་དག་གང་ནས་འབྱུང་ལྟ་བ་ཡིན། གྲངས་ནི་གཅིག་ནས་བཅུ་པའི་
བར་དུ་མ་འཁྲུལ་བར་བགྲོད། བཟླས་པ་ནི་ཕྱི་འགྲོ་ༀ། འཇུག་པ་ཧཱུཾ་སྟེ་ཡི་གེ་གཉིས་སམ། 
གནས་པ་ཨཱཿཡང་བསྣན་པས་ཡི་གེ་བཅུ་གསུམ་ཞེས་གསུངས། འདི་སྒྱུ་འཕྲུལ་ཆེན་པོའི་
ལུགས་ཡིན། དགྱེས་རྡོར་ལ་འཇུག་པ་ༀ། གནས་པ་ཨཱཿ འགྲོ་བ་ཧཱུཾ་ཞེས་གསང་འདུས་བཞིན་
དུ་བྱེད་ཀྱང་གསུངས་ཏེ་གང་ལྟར་བྱས་ཀྱང་མི་འགལ་ལོ། །དེ་ལྟར་བཤད་ཀྱང་ལག་ལེན་ནི། 
དང་པོར་རླུང་འགྲོ་ནང་འགྲོ་སྡོམ་པ། ལན་བཅུ་བཅུའི་བར་དུ་མ་འཁྲུལ་བར་བགྲོད་པ་ཉིད་
ལ་རྟག་ཏུ་བསླབ་སྟེ་དམིགས་སྐོར་གཅིག་བྱེད། དེ་ནས་རླུང་ནང་དུ་འཇུག་པའི་དུས། མགྲིན་
པའི་ༀ་དམར་པོ་ལས་བྱུང་ནས། རྐང་མཐིལ་གྱི་བར་དུ་འགྲོ། གནས་པ་བག་ཙམ་དེ་ལྟེ་བའི་
11-1-238


ཨཱ་ལ་སེམས་བརྟད། ཕྱིར་འགྲོ་བའི་ཚེ་གསང་བའི་ༀ་དཀར་པོ་ལས་བྱུང་ནས། སྤྱི་གཙུག་
དང་ལག་སོར་གྱི་བར་དུ་ཡང་ཁྱབ་པར་བསམ། དམིགས་པ་འདི་ཅུང་ཟད་འབྱོངས་འབྱོངས་
སུ་བསྒོམ་སྟེ་འདི་ལའང་དམིགས་སྐོར་གཅིག་བྱེད། དེ་ནས་དམིགས་པ་དེའི་སྟེང་དུ་གྲངས་
མ་ནོར་བར་བགྲང་ཚུལ་སྔར་བཞིན་བསྣན་ཏེ་བསྒོམ་དགོས་པ་ཡིན། འདི་ལ་དམིགས་སྐོར་
གཅིག་སྟེ། འདི་རྡོར་བཟླས་སུ་གྲགས་པ་ཉིད་དོ། །གཉིས་པ་འཇོག་པ་ནི། གནས་པ་ཡུན་
ཇེ་རིང་དང༌། འབྱུང་འཇུག་གཉིས་ཡུན་ཐུང་ངུར་སོང་བར་བསྒོམ་མོ། །གསུམ་པ་རྗེས་འགྲོ་
ནི། འཇུག་གནས་ལྡང་གསུམ་ཡིག་འབྲུ་དང་བཅས་པ་ལ་སེམས་ཟིན་པའི་ཞི་གནས་སྐྱེས་
པའོ། །བཞི་པ་རྣམ་དག་ནི་རླུང་མི་རྒྱུ་བར་འགགས། གཏུམ་མོ་ཅི་རིགས་འབར། ཐིག་ལེ་ཅི་
རིགས་པ་ཞུ་བའི་བདེ་སྟོང་གི་ཉམས་ལྷག་མཐོང་སྐྱེ་བའོ། །གསུམ་པ་ཁ་དོག་དང་དབྱིབས་
ལ་བསླབ་པ་ནི། རླུང་ཕྱིར་འགྲོ་ཙ་ན། ལྟེ་བའམ་གསང་བ་ནས་འོད་ཟེར་གྱི་རྣམ་པར་བྱུང༌། 
ལུས་ཀྱི་དབུས་ནས་ཡར་སྐེར་གྱི་ལངས། སྣ་སྒོ་ནས་མཐོན་ཏེ་ཕྱིར་རྒྱངས་ཀྱིས་འགྲོ་བ་རྩུབ་
པ་ཤུགས་དང་ལྡན་པ། འོད་ཆེ་བ་ཞིག་བསྒོམ། དེ་ཡང་ནད་གཞི་གྲང་ཤས་ཆེ་ན་དམར་པོ་
དང༌། ཚ་ཤས་ཆེ་ན་དཀར་པོ་དང༌། སྙོམས་ན་སྔོན་པོའམ། སྣ་ལྔ་བསྒོམ། དེ་ནས་རླུང་ནང་
དུ་འོང་བའི་ཚེ། ཁ་དོག་དེ་དང་འདྲ་བ་ལ་འཇམ་ཞིང་ཤུགས་ཆུང་བ། སྔར་གྱི་དེ་ཕྱི་འགྲོས་སུ་
ལྡོག་པའི་རྣམ་པས་ཕྱུང༌། མགྲིན་པའི་འོག་ཙམ་ནས་ཁ་དོག་དང་དབྱིབས་སངས་ཏེ། རེག་
བྱ་འཇམ་ཡུལ་གྱི་ལྟེ་བར་སླེབ། གནས་པའི་ཚེ་ལྟེ་འོག་ཏུ་ཡལ་བར་བསམ། འདིའི་རླུང་
དབང་དུ་བྱེད་ཅིང་བདེ་བ་སྐྱེའོ། །བཞི་པ་བུམ་པ་ཅན་ལ་བསླབ་པ་ནི། རིམ་གྱིས་དགག་པ་
དང༌། བཙན་ཐབས་སུ་དགག་པ་གཉིས་སོ། །དང་པོ་དབྱུང་བ་ནི། རླུང་རོ་ལན་བཅུ་ཙམ་ཕྱིར་
བསལ་བ་དང༌། གཉིས་པ་གཞུག་པ་ནི། ནང་དུ་འཐེན་ལ་དགག་པ་ཡིན། གསུམ་པ་ཞི་བ་ནི་
རྔུབ་ཆུང་བྱེད་པ་སྟེ། འདི་གོམས་ན་སྡུག་བསྔལ་ཞི་བར་བྱེད་པས་ཞི་བའོ། །དེ་གསུམ་གོམས་
11-1-239


པས་བཞི་པ་བུམ་པ་ཅན་གྱི་གནས་སྐབས་ཤུགས་ལ་འགྲུབ་བོ། །བཙན་ཐབས་སུ་དགག་པ་
ནི། སེངྒེ་རྣམ་རོལ་གྱི་ཕྱག་རྒྱས་དགག་པ་སྟེ། འདི་ཡང་མཧཱ་མཱ་ཡའི་ལུགས་ཡིན། དགྱེས་རྡོར་
གྱི་མན་ངག་འདིར་མ་བཤད་ཀྱང་རུང་ངོ༌། །རླུང་ཁྲིད་རྒྱས་པ་འདི་རྗེ་མཻ་ཏྲི་པ་དང༌། དཔལ་
ཞི་བ་བཟང་པོའི་མན་ངག་དང་གུང་སྤྲོས་པ་ཡིན། གཉིས་པ་རླུང་སྦྱང་བ་བསྡུས་པ་ནི། རླུང་
བཙན་ཐབས་སུ་གཞུག་པ་དང༌། རིམ་གྱིས་གཞུག་པའོ། །དང་པོ་ནི། ལུས་གནད་མེ་ཐབ་
དྲུག་བཅིངས་བྱ། ལུས་ཟོ་བ་ཞབས་མེད་བཞིན་དུ། སྒྲོག་རུས་ཡན་དང༌། རྒྱུ་ཞབས་མན་མེད་
པ། བར་དུམ་དེ་ཡང་ཕྱི་པགས་པ་ཙམ་མ་གཏོགས་ཤ་ཁྲག་རུས་གསུམ་མེད། ཧཱུཾ་ཞེས་རླུང་
ཕྱིར་བཏང་ནས་ཕྱིར་ཅུང་ཟད་བཟུང༌། དལ་བུས་ཤུགས་དང་ལྡན་པར་ནང་དུ་དྲངས་ནས། ༀ་
གྱི་སྒྲ་དང་སྦྱར་ནང་དུ་ཅུང་ཟད་བཟུང༌། རླུང་རྣམས་ལུས་ཀྱི་ནང་ནས་མར་ཞུགས་ཏེ་འོག་ནས་
ཐོན། ས་འོག་ཐག་རིང་པོར་སོང་ནས་ཡལ་བར་བསམ། དེ་ཡང་དང་པོར་ཕོ་རླུང་ཤུགས་དྲག་
ལ་ཐུང་བར་འདྲེན་པ་དང༌། བར་དུ་མོ་རླུང་ཕྲ་ལ་རིང་བར་དྲངས་པས། མཐར་མ་ནིང་གི་རླུང་
རང་འགགས་ཤུགས་ལ་འབྱུང་ངོ༌། །གཉིས་པ་རིམ་གྱིས་གཞུག་པ་ལ། མངའ་བདག་མཻ་ཏྲི་
བའི་བཞེད་པ་དང༌། ཐར་པའི་ལམ་སྟོན་གྱི་བཞེད་པའོ། །དང་པོ་ལ་དུས་ཚོད་ཀྱིས་རླུང་ངོས་
བཟུང་སྟེ་གཞུག་པ་དང༌། མཚན་མོ་ཉལ་སྟབས་ཀྱིས་གཞུག་པ་དང༌། གཡས་གཡོན་དུ་སྤོ་
བའི་གནད་ཀྱིས་གཞུག་པའོ། །དང་པོ་ནི། རླུང་གཡས་གཡོན་ཕན་ཚུན་དུ་འཕོ་བའི་མཚམས་
དེ། ཡེ་ཤེས་ཀྱི་རླུང་རྒྱུ་བའི་དུས་ཡིན་པས། སྤྱི་བོ་ནས་ནོར་བུའི་བར་དུ་རྩ་དབུ་མ་དཀར་པོ། 
སྦོམ་ཕྲ་སྙུ་གུ་ཙམ་པ་བསམ། ཧཱུཾ་དང་ༀ་གྱི་རླུང་སྦྱོར་སྔར་བཞིན་བྱས་པས། ཕྱིར་བཏང་བའི་
ཚེ། སྤྱི་བོ་ནས་ཡར་རྒྱང་སྟེ་ཐོན་པ་དང༌། ནང་དུ་རྔུབ་པའི་ཚེ་ནོར་བུའི་བར་དུ་ཟངས་ཏེ་སོང་
ནས་ཡལ་བར་བསམ། གཉིས་པ་ནི། རླུང་སྣ་བུག་གཡས་གཡོན་གང་ནས་རྒྱུ་བརྟགས་ལ་
དེ་ཕྱོགས་ཀྱི་གཞོགས་འོག་ཏུ་བཅུག །ལག་པས་དེ་ཕྱོགས་ཀྱི་རྩེའུ་ཆུང་ཡང་བཙིར་ཏེ་ཉལ་
11-1-240


བའོ། །གསུམ་པ་ནི། གདོང་གཡས་གཡོན་དུ་གཅུ་བ་ལན་གསུམ་དུ་ཞི་བྱས་ནས། སྣ་བུག་
གཡས་བཀག །གཡོན་ནས་བུས་ཤིང་རྔུབས་ལ་རླུང་བཟུང་བ་ཐེངས་གསུམ་བྱ། ཡང་གདོང་
ལན་གསུམ་དུ་བཅུས་ནས། སྣ་བུག་གཡོན་པ་བཀག །གཡས་ནས་འབུད་རྔུབ་བཟུང་བ་
ལན་གསུམ་བྱའོ། །དེ་ལྟར་མང་དུ་སྤེལ་བས་རླུང་ཆ་མཉམ་དུ་འདུག་ན་དམིགས་པ་དང་པོ་དེ་
བསྒོམ་མོ། །གཉིས་པ་ཐར་པའི་ལམ་སྟོན་གྱི་བཞེད་པ་ལ། ནམ་མཁའ་ལྟར་དཔངས་བསྟོད། 
ས་གཞི་ལྟར་རྒྱ་བསྐྱེད། འཁོར་ལོ་ལྟར་བསྐོར་བའམ་ཆུ་བོ་ལྟར་དྲག་ཏུ་བསྐྱིལ། ལྕགས་ཀྱུ་
ལྟར་རབ་ཏུ་དྲངས། ཞེས་པ་སྟེ་བཞི་ལས། དང་པོ་ནི། གོང་དུ་བཤད་པའི་ལུས་ཟོ་བ་ཞབས་
མེད་ལྟ་བུ་ལ་བསླབ་པ་དེ་ཁོ་ན་ལས་ཧཱུཾ་ༀ་མ་སྦྱར་བ་ཡིན། འདིས་ཟུག་གཟེར་སོགས་ཞི་བར་
བྱེད། གཉིས་པ་ནི། ལུས་ཁོང་སྟོང་དུ་མོས། འཇམ་རླུང་བཟུང་བས་ལུས་ཇེ་ཆེ་ཇེ་ཆེ་ལ་མཐའ་
མེད་པར་སོང་བར་བསམ། འདིས་བདེ་བ་སྐྱེ་སྟེ། འོན་ཀྱང་ཡེ་ཤེས་དང་མཐུན་པའི་བདེ་བ་ནི་
མིན་གསུང་ངོ༌། །དེ་གཉིས་རླུང་སྦྱང་བའོ། །དེ་ནས་རླུང་ཁ་སྦྱོར་དུ་བཟུང་བའི་ངང་ནས། རྒྱུ་
ཞབས་གཡས་སྐོར་གཡོན་སྐོར་ལ་བསླབ། གནས་དེར་རླུང་ནག་པོའམ་སྔོན་པོའམ། ཁམས་
ནག་ཅིག་ཁྱིལ་ལི་ལི་འཁྱིལ་བ་ལ་སེམས་བརྟད། བཞི་པ་ནི་ཧཱུཾ་ཧཱུཾ་ཞེས་ལྟོ་བ་འགྱུར་འགྱུར་བ་
བྱ་ཞིང་འཐེན་པས། རླུང་རྣམས་རྐང་མཐིལ་དང་རྡོ་རྗེ་ནོར་བུ་ནས་ཡར་བྱུང༌། རྒྱུ་ཞབས་ནས་
ལྟེ་བའི་བར་དུ་དམར་བྲེང་བྲེང་འདུག་པ་ལ་སེམས་བརྟད། དེ་གཉིས་དབུ་མའི་མས་སྣར་
རླུང་གཟུང་བའི་གདམས་ངག་གོ །
གཉིས་པ་གཏུམ་མོ་དངོས་ལ། འཁོར་ལོ་གཅིག་ལ་བརྟེན་པ། གཉིས་ལ་བརྟེན་པ། 
བཞི་ལ་བརྟེན་པ་སྟེ་གཏུམ་མོའི་གདམས་ངག་རྣམ་པ་གསུམ་མོ། །དང་པོ་ནི། གཞན་རྣམས་
སྤྱི་དང་འདྲ་བ་ལས། རང་གི་ལུས་ཀྱི་དབུས་སུ་རྩ་དབུ་མ་ཆོས་བཞི་ལྡན། དེའི་ནང་ལྟེ་བའི་
ཐད་དུ་ཨ་ཤད་དམ་ཨ་ཐུང་དངོས་ཁ་དོག་དམར་ཞིང་རེག་བྱ་ཚ་བ་གཅིག་བསྒོམ། ཐོག་མར་
11-1-241


རླུང་མི་འཛིན་པར་ཞག་ཤས་བསྒོམ། དེ་ནས་བུམ་པ་ཅན་དང་སྦྲགས་ཏེ་བསྒོམ་མོ། །འདི་
ལ་ལྟེ་བའི་རྩ་འཁོར་གྱི་དབྱིབས་བསྒོམ་མི་དགོས་གསུང་ཞིང༌། འབར་འཛག་གི་དམིགས་
པ་མི་བྱེད་ཀྱང༌། འདི་གོམས་ན་འབར་འཛག་དངོས་དེ་འབྲས་བུ་སྐྱེ་བའི་རིམ་པ་ལ་འོང་ངོ༌། །
གཉིས་པ་ནི། ལྟེ་བར་ཆོས་འབྱུང་དམར་པོའི་ནང་དུ་ཨ་ཤད་དམ་ཨ་ཐུང་བསྒོམ། སྤྱི་བོར་ཧཾ་
དཀར་པོ་མགོ་བོ་ཐུར་དུ་བསྟན་པ་གཅིག །དེ་གཉིས་ཀྱི་བར་ལ་རྩ་དབུ་མས་སྦྲེལ། དེ་ལྟ་བུ་
ཞག་ཤས་བསྒོམ། དེ་ནས་རླུང་བུམ་པ་ཅན་དང་བཅས་ཏེ་ཞག་ཤས་བསྒོམ། དེ་ནས་ཨ་ལས་
མེ་ལྕེ་ཤིན་ཏུ་རྣོ་བ་དམར་ནག་གཅིག་དབུ་མའི་ནང་ནས་ཡར་བྲེང་གིས་འབར། སྤྱི་བོའི་ཧཾ་ཞུ་
བས་བྱང་སེམས་ཐིག་ལེ་བ་ཐག་ལྟ་བུ་ཕྲ་མོ་གཅིག་དཀར་ནར་ར་ར་བབས་ནས་ལྟེ་བའི་ཨ་
ལ་ཐིམ་པར་བསྒོམ། འདི་ལ་ཐོག་མར་སྨིན་མཚམས་སམ་འཁོར་ལོ་བཞི་པོ་གང་རུང་ཞིག་ཏུ། 
བདེ་བ་ལྷང་སྟེ་སྐྱེས་དེ་ནས་རིམ་གྱིས་འབར་འཛག་གིས་ཡོན་ཏན་འབྱུང་ངོ༌། །
གསུམ་པ་ནི། འཁོར་ལོ་བཞི་པའི་གཏུམ་མོ་སྟེ། འདི་ནི་བསྲེ་འཕོའི་ཁྲིད་ཡིག་གི་སྐབས་
སུ་བཤད་པ་དང་ཕལ་ཆེར་འདྲ། འོན་ཀྱང་རྩ་འཁོར་ཐམས་ཅད་རང་ཁ་དོག་དམར་པོར་
བསྒོམ། གཡོན་རྐྱང་མའི་ནང་དུ་ཀཱ་ལི་དམར་པོའི་འཕྲེང་བས་བཀག་པ་དང༌། གཡས་ཀྱི་
རྩ་རོ་མའི་ནང་དུ་ཨཱ་ལི་དཀར་པོ་ཚར་གཉིས་ཀྱི་ཕྲེང་བས་བཀག །དེ་གཉིས་ཀར་ཧཱུཾ་གི་སྐུད་
པས་བརྒྱུས་བྱ་བ་ཡོད་ཀྱང༌། སྒོམ་སྟབས་མི་བདེ་བས་མན་ངག་ཏུ་འོད་ཀྱི་སྐུད་པ་སྔོན་པོ་
རེས་བརྒྱུས་པའི་སྟེང་འོག་གི་སྐུད་པའི་སྣེ་གཉིས་ལ་ཧཱུཾ་སྔོན་པོ་རེ་བསྒོམ་མོ། རྩ་ཨ་ཝ་དྷུ་ཏཱི་
དཀར་པོར་བཞེད། གཏུམ་མོ་འབར་བའི་ཚེ། རྩ་འཁོར་ཐམས་ཅད་མེ་འོད་ཀྱིས་ཁྱབ་པ། དེ་
ཁའི་རྒྱུན་རྟག་ཏུ་སྒོམ་གྱི། ཧཾ་ལས་ཐིག་ལེའི་རྒྱུན་འབབ་པའི་སྐབས། འོད་ཟེར་དཀར་པོའི་
བདུད་རྩིས་གསོ་བ་དེ་འདིར་མི་བསྒོམ། གཏུམ་མོ་ཨ་ཡིག་ཀྱང་ལྟེ་བར་བསྒོམ་གྱི། ལྟེ་འོག་
སོར་བཞིར་མི་བྱེད་པ་རྣམས་ཁྱད་པར་རོ། །དེ་ལས་འབྲས་བུ་སྐྱེ་བའི་རིམ་པ་ལ་སོགས་ནི་
11-1-242


སྤྱི་དང་འདྲའོ། །དེ་ལྟ་བུའི་གདམས་ངག་དེ་དག་ལ། རིམ་པ་ལྔ་ལྡན་དུ་རྩི་བ་སོགས་ཀྱང་
ཡིག་རྙིང་ལྟར་ཤེས་པར་བྱའོ། །གཉིས་པ་ཕྱག་རྒྱའི་གདམ་ངག་ལ། ལས་ཀྱི་ཕྱག་རྒྱ་དང་
ཡིད་ཀྱི་ཕྱག་རྒྱ་དང༌། རང་ལུས་བདེ་བར་བསྒོམ་པ་སྟེ་གསུམ་མོ། །དང་པོ་ནི། གཞན་ལུས་
ཀྱི་གདམ་ངག་གནད་གསུམ་མར་གྲགས་པ། ཡིག་ཆུང་ཚིགས་བཅད་མ་དང༌། གཞན་ལུས་
ཀྱི་ཡི་གེ་ཆེ་བ་ལྟར་ཤེས་པར་བྱ་སྟེ། ནཱ་རོ་མཻ་ཏྲི་གཉིས་ལ་གདམས་པ་སོ་སོར་མེད། གཅིག་
ཏུ་དྲིལ་བ་ཡིན་པས་སྤྱི་ཁོག་བསྲེ་འཕོ་དང་འདྲའོ། །འོན་ཀྱང་ལམ་སྦྱངས་ཚུལ་མི་འདྲ་བ་ནི། 
དང་པོར་གཟུགས་སྒྲ་སོགས་ལ་རིམ་གྱིས་བསླབས་ནས་དངོས་གཞིའི་བདེ་བ་ཚད་དུ་ཁེལ་
བའི་སྐབས། མདུན་རྒྱབ་བར་གྱི་གསང་བའི་འཁོར་ལོར། །རླུང་སེམས་འདྲེས་པའི་བདེ་
བའི་ཐིག་ལེ་དཀར་ལ་འགྲིལ་པ་ཕྲ་མོ་གཅིག་ལ་སེམས་བརྟད་ནས། རིལ་བ་ཞབས་ཚགས་
བསྒོམ་སྟེ། ཨིནྡྲ་བྷུ་ཏིའི་མན་ངག་ཀྱང་ཡིན་གསུངས༌། ལས་རྒྱ་ལ་གཉིས་སྦྱོར་གྱི་སྒོ་ནས་
བདེ་བ་བརྟན་པོར་བྱུང་ནས། ལས་རྒྱ་མེད་པར་བདེ་སྟོང་གི་ཉམས་དེ་སྐྱོང་དགོས། ཡང་བདེ་
ཉམས་དེ་རིམ་པས་ཡལ་འགྲོ་བ་སྙམ་བྱེད་ན། བལྟ་བའི་བདེ་བ་ལ་བསླབ། དེས་བདེ་བ་ཚད་
དུ་ཕྱིན་པ་བྱུང་ན། ལས་རྒྱ་སྤངས་ལ་བསྒོམ། དེས་བརྟན་པ་ཐོབ་ན་ལེགས། ཡང་ཡལ་འགྲོ་
བ་སྙམ་བྱེད་ན། ཡོལ་བའི་ཕྱི་རོལ་དུ་སྒྲ་ལ་མཉན་ཞིང་བསྒོམས་པས། བདེ་བ་ཚད་དུ་ཕྱིན་
པ་འབྱུང་། དེ་ཙམ་གྱིས་ལས་རྒྱའི་བདེ་བ་ལ་བརྟན་པ་ཐོབ་པར་འོང༌། དེ་ནས་ལས་རྒྱ་ལ་
ཡོན་ཕུལ་ཏེ་རང་གནས་སུ་བཏང་གསུང་ངོ༌། །དེ་རྣམས་ལས་རྒྱ་དང་ཡིད་ཀྱི་ཕྱག་རྒྱའི་སྦྲེལ་
ཐག་ཡིན། ཀླུ་སྒྲུབ་དང་ཤཱ་བཱ་རི་པའི་བཞེད་པའོ། །ཨིནྡྲ་བྷུ་ཏི་ནི། ཕྱག་རྒྱ་བཞི་ཀར་འདི་ཁོ་
ན་ལ་ཚང་བས་ལམ་རང་རྐང་ཐུབ་པ་ཡིན། དེ་ལ་ལས་རྒྱ་ནི་མངོན་སུམ་དུ་གྲུབ། ཐིག་ལེ་
ལ་སེམས་ཟིན་པ་ཆོས་རྒྱ། ཡིད་བདེ་བར་ཤར་བ་དམ་རྒྱ། མི་རྟོག་པ་རང་ཤར་བ་ལ་ཕྱག་རྒྱ་
ཆེན་པོའོ་གསུང་སྐད། གཉིས་པ་ཡིད་ཀྱི་ཕྱག་རྒྱ་ནི་རང་དགྱེས་རྡོར་ཡབ་ཡུམ་དུ་གསལ་བས་
11-1-243


རྗེས་ཆགས་སྒོམ་པ་ཉིད་ཡིན་ཡང༌། རང་གི་སྙིང་ཁར་ཧཱུཾ་དཀར་པོ། ལྟེ་བ་ཨ་དམར་པོ་གསལ་
བཏབ་སྟེ། ཡབ་ཡུམ་སྙོམས་པར་ཞུགས་པས་ཨ་དེ་ཡུམ་གྱི་གསང་བའི་སྣ་རྩེར་བྱོན། ཧཱུཾ་དེ་རྡོ་
རྗེ་ནོར་བུར་བྱོན། ཨ་དང་ཧཱུཾ་གཉིས་རེག་རེག་པ་ལས་བདེ་བ་ལྷང་ལྷང་སྐྱེ་བར་མོས། སྔ་གོང་
ནས་ལས་རྒྱའམ་གཏུམ་མོ་སོགས་ལས་བདེ་སྟོང་གི་ཉམས་མྱོང་སྐྱེས་ལ་མ་ཉམས་པ་བརྟན་
པ་ཐོབ་པར་ཡོད་ན། སྐབས་དེར་ཡང༌། བདེ་བ་དངོས་སུ་སྐྱེ་ཡང་སྐྱེ། དེ་ལ་སེམས་བསྡུས་
ནས་བསྒོམས་པས་སྣང་བ་གཞན་རྣམས་འགག བདེ་བ་འབའ་ཞིག་འཆར། དེ་འདྲ་ཞག་དྲུག་
སོགས་སྒོམས་པས་བརྟན་པ་ཐོབ་འོང༌། དེ་ནས་དེ་ཀ་བསྒོམ་བཞིན་དུ། སྣང་བ་ཐམས་ཅད་
ལ་རྒྱས་བཏབ་པས་སྣང་བ་ཐམས་ཅད་ཀྱིས་བདེ་བའི་གྲོགས་བྱེད་པ་ཞིག་འོང་ངོ༌། །གསུམ་
པ་རང་ལུས་བདེ་བར་བསྒོམ་པ་ནི། དེ་ལྟར་ལས་རྒྱ་དང་ཡིད་ཀྱི་ཕྱག་རྒྱའི་བདེ་བ་དེ་བསྐྱེད་
ནས་བདེ་བའི་ངོ་བོ་ལ་བཟོ་བཅོས་མེད་པར་ལྷན་ནེ་བསྒོམ་པས་བདེ་ལ་མི་རྟོག་པ་སྟོང་པས་
རྒྱས་ཐེབས་པར་འབྱུང༌། ཡང་ལན་རེ་ལན་རེ་འཕེལ་འགྲིབ་བྱེད་ན་བརྟན་བྱེད་དང་བོགས་
འབྱིན་དགོས་ཏེ། དེ་ཡང་རང་གི་སྙིང་གར་ཨ་ཞིག་བསམ། བདེ་ལམ་མེ་བ་དེ་ཨ་དེ་རང་ཡིན་
པར་མོས། རང་གཞན་སྣང་བ་ཐམས་ཅད་དེའི་འོད་ཀྱིས་ཁྱབ། ཐམས་ཅད་བདེ་བར་མོས་
ཏེ་དམིགས་པ་གཅིག་ཡིན། ཡང་ཨ་དེ་ལས་སྒྲ་ལྷང་ལྷང་བ་འབྱུང༌། བདེ་ལམ་ལམ་པ་དེ་སྒྲ་
དེ་ཀ་རང་ཡིན་པར་མོས། རྣ་བར་སྒྲ་ཚོར་བ་ཐམས་ཅད་ཨའི་སྒྲ་དེ་ཀ་རང་ཡིན་པར་བསྒོམ། 
དེས་སྒྲའི་སྣང་བ་ཐམས་ཅད་བདེ་བར་འཆར། ཡང་མན་ངག་ཅིག་ནི། གསང་བའི་མན་ངག་
རྒྱུ་མའི་ཞབས་སུ་སྦ་བ་ཞེས་པ། རང་གི་རྒྱུ་ཞབས་སུ་ཉི་མའི་དཀྱིལ་འཁོར་གྱི་གདན་ལ་ཨ་
ཡིག་བསྒོམ་གཟུགས་སྣང་དང་སྒྲ་གྲགས་པ་བདེ་བར་བསྒོམ་པ་གོང་བཞིན། ཡང་གསང་
བའི་མན་ངག་ཟླ་བའི་མཐོངས་སུ་འཆར་བ་ནི། སྣ་རྩེ་ནས་ཕྱི་རོལ་དུ་སོར་བཞི་ཙམ་གྱི་ནམ་
མཁའ་ལ་སེམས་བདེ་བར་བསྡུས་ཏེ་བསྒོམ་པའོ། དེ་ལ་རྣམ་པ་མི་གསལ་ན། ཟླ་བའམ་ཐིག་
11-1-244


ལེ་དཀར་པོ་བསྒོམ། གཟུགས་སྒྲ་བདེ་བ་དང་བསྲེ་ཚུལ་གོང་བཞིན། ཡང་གསང་བའི་མན་
ངག་ལྟག་པའི་མདུད་སྒོར་བསྒོམ་པ་ནི་དེར་སེམས་བརྟད། ཨ་ཡིག་བདེ་བའི་རང་བཞིན་ཅན་
བསྒོམ། གཟུགས་སྒྲ་བདེ་བར་སྦྱོང་ཚུལ་གོང་བཞིན། དེ་ལྟར་བཞི་པོ་དེ་དག་གང་རུང་གཅིག་
བསྒོམ། བརྟན་པའི་ཚད་བདེ་བ་ལ་ཚད་དུ་འཁྱོལ་ཞིང་དེ་ཡང་སྟོང་པར་རྟོགས་པའོ། །
གསུམ་པ་ཕྱག་རྒྱ་ཆེན་པོའི་མན་ངག་གམ། ཀུན་གཞི་ལ་བསླབ་པ་ལ། ཀུན་གཞི་འཐོར་
བ་བསྡུད་པ། ཀུན་གཞི་སྣང་བ་ལམ་ཁྱེར། ཀུན་གཞི་བསམ་མི་ཁྱབ་སྟེ་གསུམ་མོ། །དང་པོ་
ནི་རང་གི་སྙིང་གའམ། སྨིན་མཚམས་སམ། རྡོ་རྗེ་ནོར་བུ་གང་རིགས་སུ་ཐིག་ལེ་ལ་སེམས་
འཛིན་ཡང་གསུང༌། གང་ལྟར་རྟོག་བཅས་ལ་བརྟེན་ནས་རྟོག་མེད་བསྐྱེད་པའི་གདམས་ངག་
ཡིན། འོན་ཀྱང་ལག་ལེན་ལ་འདི་ལྟར་བྱེད་དེ། རམ་ལུགས་ཀྱི་དཔེ་བུམ་ན་གསལ་བར་
བྲིས་པ་བཞིན་ཡིན། དེ་ཡང་རང་གི་ལྟེ་འོག་ཏུ་མེ་རླུང་གི་རང་བཞིན་ཧཾ་དམར་པོ། སྤྱི་བོར་ས་
ཆུའི་རང་བཞིན་ཧཾ་དཀར་པོ། དེ་གཉིས་འབར་འཛག་འགྲོས་འདེད་བྱེད་པ་ལ་སེམས་དྲག་
ཏུ་བརྟད། དར་ཅིག་ནས་སེམས་ལྷན་ནེ་བཞག །ཧཾ་ཡིག་ཁ་སྦྱོར་གྱི་གདམས་ངག་སྟེ། བདེ་
བས་དྲངས་ནས་མི་རྟོག་པ་ཞིག་སྐྱེའོ། །ཡང་རང་ལུས་ཀྱི་མཇུག་ལྟོ་བའི་ནང་དུ། ཐིག་ལེ་
མིག་འབྲས་འདྲ་བ་རྒྱ་སྲན་ཙམ་ཞིག་བསྒོམ། དེ་ཡང་སྔོ་ལྟེམ་པའམ། སྐྱ་ཁྱེམ་པ་འདྲ་བའི་
འོད་ཅན་ཞིག་ལ་སེམས་བརྟད། དེ་ལས་མེ་འོད་བྱུང༌། རྒྱུང་པའི་ཐད་ཀ་ནས་འབར། ལྟག་
ཁུང་དུ་སླེབ་པ་ན། དེ་ནས་མར་འོད་དཀར་པོ་གཅིག་བདེ་ཁྱུ་ལུ་ལུ་བྱུང་སྟེ་གཞུག་ལྟོའི་བར་དུ་
སླེབ། དེ་ལྟར་ཡར་བདས་མར་བདས་བྱས་པས། བདེ་བ་ཞིག་སྐྱེ། ཡང་དར་ཅིག་ནས་མི་རྟོག་
པ་ལ་བཞག་གོ །འདི་ཡང་བདེ་བས་དྲངས་ནས་མི་རྟོག་པ་བསྐྱེད་པ་སྟེ། སེམས་ཚིགས་པ་ལ་
བཀན་པ་ཟེར་རོ། །ཡང་རང་གི་ཐོད་པའི་ནང་དུ་ཆོས་འབྱུང་དཀར་པོ་གྲུ་གསུམ་ཞིག་ཉམས་
བདེ་བ་དང་ལྡན་པར་མོས། སེམས་འཇུག་པོ་ཞིག་བྱས་ནས་དར་ཅིག་བསྒོམ། ཡང་དར་ཅིག་
11-1-245


ནས་སློད་ཀྱིས་ཀློད། འདི་ནི་སེམས་ནམ་མཁའ་ལ་འཕང་བ་ཞེས་བྱ། བདེ་སྟོང་གཉིས་ཀར་
གྱི་རྟོགས་པ་བསྐྱེད་པའོ། །དེ་ནས་ཡང་དམིགས་པ་དེ་དང་འབྲེལ་བར་སེམས་ནམ་མཁའ་
ལ་ཡས་སུ་བཅུག །དེ་རྗེས་དང་པོར་རང་གི་མིང་ལ་བལྟ། དེ་ནས་ལུས་ལ་བརྟག །དེ་ནས་
སེམས་ལ་བརྟག་སྟེ་གང་ལ་བལྟས་པ་དེ། རང་བཞིན་གང་ཡང་མི་དམིགས་པར་སྤྲོས་པ་
དང་བྲལ་བ་ལ་བཟོ་མེད་དུ་བཞག །དེ་ལྟར་ཡང་ཡང་བསྒོམ་མོ་དེ་དག་ནི་ཀུན་གཞི་འཐོར་
བ་བསྡུ་བ་དངོས་ཡིན། ལར་བདེ་སྟོང་གི་མྱོང་བ་ཐམས་ཅད་ལྷའི་སྣང་བར་བསྐྱེད། རྣམ་
པ་ལྷ་ལ་ཉམས་བདེ་བ་དེ་ཀ་བསྒོམ། དེའི་རང་བཞིན་སྤྲོས་བྲལ་སྟོང་པ་ཉིད་དུ་རྒྱས་བཏབ་
སྟེ་བསྒོམ་པ་ཡིན་ནོ། །དེ་ཀ་ལ་སྣང་བ་ལྷ། ཉམས་མྱོང་བདེ་བ། རང་བཞིན་སྟོང་པ་ཉིད་སྐྱེ་
མེད་ཅེས་བྱའོ། །གཉིས་པ་ནི། རང་བྱིན་རླབས་ཀྱི་སྒོ་དབྱེ་བ་ཞེས་པ། བླ་མས་ཡེ་ཤེས་འཕོ་
བའི་བྱིན་རླབས་དང་བཅས་ཏེ་ངོ་སྤྲོད་པ་སྔོན་དུ་སོང་ནས། སྣང་བ་ལམ་ཁྱེར་གྱི་མན་ངག་ལ་
གསུམ། དང་པོ་ཕྱག་རྒྱ་ཆེན་པོའི་མཚན་ཉིད་ནི། ཐམས་ཅད་ལ་ཁྱབ་པ། གཟུགས་ཅན་མ་
ཡིན་པ། འགྲོ་འོང་རེས་འཇོག་མེད་པ། དུས་ཐམས་ཅད་དུ་མི་འགྱུར་བའོ། །གཉིས་པ་དམ་
ཚིག་དང་ལྡན་པ་ལ་བཞི་སྟེ། སྤང་བྱ་སྤང་དུ་མེད་པས་འཁོར་བ་ལ་ཡ་མི་ང༌། གཉེན་པོ་བླང་
དུ་མེད་པས་མྱང་འདས་ལ་ཞི་བར་མི་འཛིན། སངས་རྒྱས་གཞན་ན་མེད་པའི་འབྲས་བུ་ལ་
རེ་བ་བྲལ། དེ་ཁོ་ན་ཉིད་གཟའ་གཏད་བྲལ་བས་སྒོམ་པ་ཡིད་ལ་བྱར་མེད་པའོ། །གསུམ་པ་
རྟོགས་པའི་ཐབས་ནི། ཚིག་ཙམ་གྱིས་མི་རྟོགས་བརྒྱུད་ལྡན་བླ་མས་བསྟན་རང་སེམས་བརྡ་
ཐབས་ཀྱིས་ཤེས་པར་བྱ། སོ་མ་ལྷུག་པར་རང་ཐལ་ངོས་འཛིན། འགྲོ་འོང་བྲལ་བའི་དོན་ལ་
མཉམ་པར་འཇོག་བྱ་བ་ཡིན་ཏེ་གོ་དོན་དེ་བཞིན་དུ་བྱས་ནས་ཉམས་ལེན་ནི། དང་པོ་སེམས་
ཉིད་སྐྱེ་བ་མེད། །བར་དུ་རྣམ་རྟོག་གློ་བུར་བ། །ཐ་མར་སྩོལ་མེད་རང་བཞིན་ཐིམ། །སྤང་དུ་
མེད་པར་ཡིད་ཆེས་བྱ། །དང་པོ་ནི་སྣང་བ་སེམས་སུ་ངོ་སྤྲད་པ་སོགས་སྤྱི་དང་འདྲ་བ་ལས། 
11-1-246


སེམས་ཀྱི་རང་བཞིན་ལ་ཡང་ཡང་བརྟགས་པས། ཕྱི་ནང་བར་གསུམ་ངོ་བོ་མཚན་ཉིད། ཁ་
དོག་དབྱིབས་སོགས་གང་ཡང་མ་གྲུབ་པའི་སྟོང་པ་དེ་ཉིད་ངོ་ཤེས་པར་བྱས་ནས་སྐྱོང་བ་སྟེ། 
སེམས་གནས་པ་མི་རྟོག་པ་དེ་ཉིད་སྐྱེ་མེད་དུ་ངོ་སྤྲོད་པའོ། །
གཉིས་པ་ནི། ནམ་མཁའ་ལ་སྤྲིན་ཆགས་པ་བཞིན། རྣམ་རྟོག་གི་འཆར་སྒོ་ཐམས་ཅད་
གློ་བུར་བ་ཡིན། སེམས་ཀྱི་རང་བཞིན་ལ་མི་གནས། ཚིག་ཕྱི་མས་སྔ་མའི་སྣང་བ་འགག་པ་
དཔེར་བྱེད། དེ་སེམས་ཀྱང་མ་ཡིན། སེམས་ལས་གཞན་པ་ཡང་མ་ཡིན། རྐྱེན་ཕྲད་པའི་སྣང་
བ་ཙམ། སྣང་དུས་ནས་སྟོང་པ་ཡིན། གཟུགས་བརྙན་དང་འདྲ། ནམ་མཁའ་ལ་ཡིད་ཀྱིས་
འགྲོ་འོང་བྱེད་པའི་དཔེ་སྦྱར། གསུམ་པ་ནི། རྣམ་རྟོག་འགག་ཟེར་ཙ་ན། འགག་རྒྱུའམ། ཞིག་
འགྲོ་རྒྱུ་མེད། རྒྱུ་རྐྱེན་མ་འཛོམས་པས་སྣང་བ་མ་ཤར་བ་ཙམ་ཡིན། དེས་ན་སྐྱེ་འགག་ཏུ་སྣང་
བ་དེ་བློས་བཏགས་པ་ཙམ་ཡིན། ངོ་བོས་མ་གྲུབ། ཐལ་མོའི་སྒྲའི་དཔེ་སོགས་དང་སྦྱར་ཏེ་ངོ་
སྤྲད་དོ། །དེ་ལྟར་ན་རང་བཞིན་སྤྲོས་བྲལ་དང༌། སྣང་བ་གློ་བུར་བར་ངོ་སྤྲོད་པའོ། །
གསུམ་པ་བསམ་མི་ཁྱབ་ཀྱི་གདམས་ངག་ནི། སེམས་ཀྱི་རང་བཞིན་སོ་མ་ལ་བཟོ་
བཅོས་མེད་པར་འཇོག་པ་དང་གཅིག །དབང་ཤེས་ལྔའི་སྣང་བ་གང་ཤར་བ་དེ་ཀ་ལ་བཅས་
བཅོས་མི་བྱེད་ཅིང༌། རིག་པ་གསལ་ཧྲིག་གེ་ངང་སྐྱོང་བ་དང་གཉིས། རྣམ་རྟོག་དང་བྱ་བྱེད་ཀྱི་
འཆར་སྒོ་གང་བྱུང་ཡང༌། རིག་པའི་རང་འགྲོས་དེ་ལ་ཆེད་གཏད་ཀྱིས་སྤངས་སྒྲུབ་མེད་པར། 
རང་འགྲོས་བསྟེན་པ་སྟེ་གསུམ་མོ། །དེ་ཡང་ཀུན་གཞི་འཐོར་བ་འདུས་ན། སྣང་བ་ལམ་དུ་
འཁྱེར། དེ་ལམ་དུ་ལོངས་ན། བསམ་མི་ཁྱབ་ལ་འཇོག །དེ་ཉིད་ལྷོངས་སུ་གྱུར་ན་མཐར་ཕྱིན་
པའོ། །ཉམས་ལེན་དེ་དག་གི་དོན་ནི་ཕལ་ཆེར་སྤྱི་ཁྱབ་དང་འདྲ་བས་རྒྱས་པར་མ་སྨོས་སོ། །
དགྱེས་རྡོར་མར་ལུགས་ཀྱི་གདམས་པ་ལ་ཡང་མེས་ལུགས་དང་:རཾ་[རཱ་] ལུགས་སོགས་ལ། 
གྲུབ་ཐོབ་གསུམ་གྱི་གདམས་ངག་གཅིག་ཏུ་བསྲེས་ནས་འཆད་པར་འདུག །རྔོག་ཇོ་སྲས་མདོ་
11-1-247


སྡེ་སོགས་ནས་བརྒྱུད་པ་འདི་ལ། ནཱ་རོ་མཻ་ཏྲཱིའི་གདམས་ངག་སོ་སོར་ཕྱེ། ཞི་བཟང་གི་མན་
ངག་རྣམས་གསེས་ཚེགས་སུ་མཛད་ཀྱང༌། འདི་དང་འདིའོ་ཞེས་འཛུག་ཚུགས་དམིགས་ཕྱེད་
པར་མཛད་པ་ཡིན། དོན་ལ་ཁྱད་མེད་ཀྱང་ཚིག་རྒྱུད་ཕན་ཚུན་མ་འཁྲུགས་པར་བྱུང་བའི་ཕྱིར། 
ལུགས་འདི་ལེགས་པ་ཡིན་ལ། མེས་ལུགས་ལ་གདམས་ངག་ལྷག་པོ་འགའ་རེ་འདུག་ཀྱང༌། 
དེང་སང་རྒྱུན་མེད་པས་འདིར་ནི་རྔོག་ལུགས་གཙང་མར་བཤད་དོ། །དགྱེས་རྡོར་རྒྱུད་སྡེའི་
རྒྱ་མཚོ་སྲུབས་པ་ལས། །ཟབ་དོན་སྙིང་པོའི་རི་བོང་ཅན་འདི་བྱུང༌། །བརྟད་སོ་མེད་ཀྱང་གཡོ་
སྒྱུའི་ངག་ཚིག་གིས། །མར་རྔོག་བསྟན་པ་སྐྱོང་བར་ནུས་སམ་ཅི། །མར་པའི་བཞེད་གཞུང་ཆ་
ཙམ་མ་མཐོང་ཡང༌། །བསྡུས་ཚང་ཡན་གྱི་ཁ་བསྔགས་བསྡུས་པ་ལ། །སྙིང་པོ་མེད་པའི་ཡིག་
ཚོགས་ཆེར་སྤེལ་ཏེ། །ནཱ་རོ་མར་མིའི་བཞེད་པར་སྒྲོག་འདི་མཚར། །དོན་འདི་མཁྱེན་ནས་
གོང་མའི་བཞེད་གཞུང་ལྟར། །གབ་འཁྲུགས་མེད་པར་ཡི་གེར་བྲིས་ཤིག་ཅེས། །གསུང་གིས་
བསྐུལ་ཕྱིར་བཅོས་སླད་བྲལ་བ་ཡི། །ཆོས་ལ་ཡིད་ཆེས་རྙེད་ཕྱིར་བྲིས་པ་ཡིན།།    །།
དགྱེས་རྡོར་གྱི་མན་ངག་བསྲེ་འཕོ་དང༌། ལམ་དགུ་ཕྲུགས་ཀྱི་ཁྲིད་ཡིག་འཁྲུལ་མེད་ངེས་
གསང་ཞེས་བྱ་བ་འདི་ཡང༌། རྒྱལ་བའི་རིང་ལུགས་པ་ཆེན་པོ་དཔལ་སྟག་ལུང་པ་རྗེ་ངག་
དབང་བཀྲ་ཤིས་དཔལ་གྲུབ་ཀྱི་བཀས་བསྐུལ་ནས། རྒྱལ་ཁམས་པ་ཏཱ་ར་ནཱ་ཐས་ཉེ་བར་སྦྱར་
བའོ། །ཞུས་དག
11-1-248


༄༅། །ཕྱག་རྒྱ་བཞི་པའི་སྙིང་པོའི་མན་ངག་རབ་གསལ་
ངེས་དོན་སྙིང་པོ་བཞུགས། 
༄༅། །ན་མོ་བཛྲ་དྷ་རཱ་ཡ། གང་གི་ཞབས་ཀྱི་བཀའ་དྲིན་གྱིས། །འཁོར་བ་ལས་ཀྱང་
མྱང་འདས་རྙེད། །བླ་མའི་ཞབས་པད་བདག་ཅག་གི །སྙིང་ལ་ངེས་པར་འཁོད་གྱུར་ཅིག །{དེ་
ལ་}འདིར་དཔལ་དགྱེས་པ་རྡོ་རྗེའི་རྒྱུད་ཀྱི་ངེས་པའི་དོན་གྱི་སྙིང་པོ་ཉམས་སུ་བླང་བའི་རིམ་
པ་གྲུབ་ཆེན་བྱཱ་ད་ལི་པའི་ཞལ་ལུང༌། བླ་མ་དམ་པའི་གསུང་ལས་བྱུང་བ་ནི་འདི་སྙེད་ཅིག་སྟེ། 
རྒྱུད་ཀྱི་དོན་མཆོག་རྫོགས་པའི་རིམ་པ་རྣམས་མདོར་བསྡུས་ན། སྲོག་དྷཱུ་ཏིར་གཞུག་པ་དང༌། 
ཞུགས་ནས་མི་འགྱུར་བའི་བདེ་བ་སྒྲུབ་ཅིང་བརྟན་པ་ཉིད་ཡིན་ནོ། །དང་པོ་ལ་ཡང༌། སྲོག་
དབུ་མར་གཞུག་པའི་སྒོ་དབུ་མའི་ལམ་དུ་སེམས་གནས་པ་སྒྲུབ་པ་དང༌། ཞི་བའི་ལམ་གྱིས་
ལམ་གཉིས་དྷཱུ་ཏཱིར་བཞུགས་པ་དངོས་སོ། །དེ་ལ་དང་པོ་ཉམས་སུ་བླང་བའི་རིམ་པ་ནི། ལུས་
གནད་ཅི་བདེ་བར་བཅས་ལ། རང་གི་ཕུང་པོ་ལྔས་མཚོན་པའི་སྣང་གྲགས་ཐམས་ཅད་
{ངང[རང]་གིས་སྟོང་པའི་ཚུལ་ལ་ཞུགས་པར་བསམས་ལ། ༀ་སྭ་བྷཱ་ཝ་ཤུདྡྷ་སརྦྦ་དྷརྨ་སྭབྷཱ་
ཝ་ཤུདྡྷཱོ྅ཧཾ། བརྗོད་ནས་སྟོང་པའི་ངང་ལས། སྐད་ཅིག་གིས་དག་པའི་ཞིང་རབ་འབྱམས་ཀྱི་
དབུས་སུ། རང་གི་མདུན་གྱི་ནམ་མཁར་སེང་གེའི་ཁྲི་དང༌། པདྨ་དང་ཉིན་མོར་བྱེད་པའི་
གདན་ལ། མིག་འཛུམ་ཙམ་གྱི་རྩ་བའི་བླ་མ་ལྷག་པའི་ལྷ་ཧེ་བཛྲ་སྐུ་མདོག་སྔོན་པོ། ཕྱག་
གཡས་ཁྲོ་བོའི་རྡོ་རྗེ་གསོར་བའི་ཚུལ་དང༌། ཕྱག་གཡོན་པདྨའི་སྣོད་རང་བྱུང་གི་མེ་ཏོག་གི་
རྒྱུན་གྱིས་བཀང་བ་ཐུགས་ཀར་འཛིན་པ། གྲུ་མོར་ཁ་ཊྭཱཾ་ག་དཀར་པོ་འཆང་བ། ཞབས་གཡོན་
བསྐུམ། གཡས་བརྐྱང་བས་བདུད་བཞི་མནན་པ། རུས་པའི་ཕྱག་རྒྱ་དྲུག་དང༌། སྟག་ལྤགས་
11-1-249


ཅན། ཐོད་པའི་ཕྲེང་བས་བརྒྱན་པ། མེ་དཔུང་འབར་བའི་དབུས་ན་བཞུགས་པ་བསྒོམ་ནས་
མོས་གདུང་རྩེ་གཅིག་པས་འདི་ལྟར་གསོལ་བ་གདབ་པར་བྱ་སྟེ། བདག་གི་བདེ་བ་དང་སྡུག་
བསྔལ་ཐམས་ཅད་ཁྱེད་ཀྱིས་མཁྱེན་ནོ། །བདེ་ཡང་རུང༌། སྡུག་བསྔལ་ཡང་རུང༌། ཁྱོད་ལས་
གཞན་མ་མཆིས་སོ། །ཞེས་དང༌། མེ་ཏོག་སོགས་ཡིད་ཀྱིས་སྤྲུལ་ནས་མཆོད་པ་དཔག་མེད་
ཕུལ་ལ། སྐབས་འགར་ལུས་བདུད་རྩིར་བསྒྱུར་ནས་འབུལ། ༀ་ཨཱཿཧཱུཾ་ཞེས་བརྗོད། འདི་སྐད་
ཅེས་ཀྱང་བརྗོད་དོ། ཁོང་སྟོང་ཁྱོད་ཀྱི་སྐུ་ལ་མེད། །ཤ་དང་རུས་པ་ཁྲག་མེད་པས། ཁྱོད་ཀྱི་སྐུ་
ནི་རྡོ་རྗེའི་སྐུ། །བདག་ཀྱང་དེ་དང་འདྲ་བར་ཤོག །ཅེས་བརྗོད་པའི་རྐྱེན་གྱིས། བླ་མ་སངས་
རྒྱས་བྱང་སེམས་ཀྱི་ཚོགས་ཀྱིས་མཆོད་ཅིང་བསྐུར་བ་དང་བཅས་པ་འོད་ཀྱི་རྣམ་པར་གྱུར་
ནས། སྣ་སྒོ་ནས་ཞུགས་ཏེ་སྙིང་གར་བྱོན། དེ་ནས་རང་ཉིད་དགྱེས་པ་རྡོ་རྗེའི་སྐུར་གྱུར་པའི་
སྤྱི་བོ་ནས་གསང་བའི་བར་དུ་རྩ་ཨ་བ་དྷཱུ་ཏི་ཁ་དོག་གནག་པའམ་སྔོ་བ་ཤིན་ཏུ་ཕྲ་བ། ཁོང་
སྟོང་དུ་གནས་པའི་སྙིང་གའི་ཐད་དང་མཉམ་པར་འོད་ཀྱི་གོང་བུའི་རྣམ་པ་ཅན་གྱི་བླ་མ་དང་
རང་སེམས་དབྱེར་མེད་པ། ཆོས་ཀྱི་འབྱུང་གནས་ཁ་དོག་སྣ་ཚོགས་པའི་ནང་དུ་ཝཾ་ཡིག་གམ། 
ཐིག་ལེ་ཟླུམ་པོ་ཀུནྡ་ལྟར་དཀར་བ་ལས་འོད་ཟེར་སྣ་ལྔ་འཕྲོ་བ་བསྒོམ་ནས། དེ་ཉིད་ལ་རྩེ་
གཅིག་ཏུ་ཅུང་ཟད་མཉམ་པར་གཞག ཝཾ་ལས་ཧཱུཾ་གི་སྒྲ་བྲག་ཆ་ལྟ་བུར་གྲགས་པའི་རྐྱེན་གྱིས། 
སྣང་གྲགས་ཐམས་ཅད་དངུལ་ཆུ་ལྟར་ཞུ་ནས་རང་ལ་ཐིམ། །རང་དབུ་མ་ལ། དེ་ཆོས་འབྱུང་
ལ། དེ་ཝཾ་ཡིག་ལ། ཝཾ་ཡིག་ཀྱང་ནམ་མཁའ་ལ་འཇའ་ཚོན་ཡལ་བ་བཞིན་དུ་སྟོང་པར་སྦྱངས་
ནས། སྐབས་དེར་མི་དམིགས་པར་མཉམ་པར་བཞག་གོ །དང་པོར་དེ་ལྟ་བུ་ཡང་ནས་ཡང་དུ་
སྒོམ་པར་བྱ་སྟེ། སེམས་གནས་པའི་ཐབས་སོ། །དེ་ནས་སྲོག་དབུ་མར་གཞུག་པ་དངོས་ནི། 
གནད་དྲུག་དང་ལྡན་པས་ཉམས་སུ་བླངས་དགོས་ཏེ། ཕྱི་ལུས་ཀྱི་གནད་དང༌། ནང་རྩའི་
གནད་དང༌། དུས་ཀྱི་གནད་དང༌། ཐིག་ལེའི་གནད་དང༌། རླུང་གི་གནད་དང༌། དམིགས་པའི་
11-1-250


གནད་རྣམས་ཏེ། གནད་དྲུག་གོ །དེ་རྣམས་ཉམས་སུ་བླངས་བའི་རིམ་པ་ནི། བླ་མ་འོད་ཀྱི་
རྣམ་པར་སྙིང་གར་བསྡུ་བ་ཡན་ཆད་སྔར་བཞིན་ལ། དེ་ནས་ལུས་ཀྱི་གནད་རྐང་པ་སྲོག་ཤིང་
གི་སྐྱིལ་ཀྲུང་བཅས། ལག་པ་བ་དན་རྩེ་གསུམ་པའི་ཕྱག་རྒྱ་བཅས་ནས། བརླའི་སྟེང་དུ་ཕྱིར་
དཀན། སྒལ་ཚིགས་བསྲང་ཤིང་མགྲིན་པ་ཅུང་ཟད་བཀུག་སྟེ། མིག་སྣ་རྩེར་བལྟའོ། །དེ་ནས་
རང་ཉིད་ལྷར་གསལ་བའི་ལུས་ཀྱི་དབུས་སུ་དབུ་མ་དང༌། ཆོས་འབྱུང་སྔར་བཞིན་གསལ་
བཏབ་པའམ། ཡང་ན་ཆོས་འབྱུང་གི་ནང་གི་ལོགས་རྣམས་ཁ་དོག་གཡོན་དཀར་གཡས་
ལྗང༌། རྒྱབ་ནག་ཕྱིའི་ལོགས་ཀྱི་ཁ་དོག་གཡོན་དམར། གཡས་སྔོ། རྒྱབ་སེར་བ། དེའི་ནང་དུ་
ཝཾ་ཡིག་གམ། ཐིག་ལེ་དཀར་པོ་དབྱུག་པ་འགྲེང་བ་ལྟ་བུ་འོད་ཟེར་སྣ་ལྔ་འཕྲོ་བ་བསྒོམ་ནས། 
ཨེ་ཝཾ་ཞེས་རྟག་ཏུ་ཡིད་ཀྱིས་བཟླས་ཤིང་སྐབས་འགར་ངག་གིས་ཀྱང་བཟླ་བར་བྱའོ། །དེའི་
སྐབས་སུ་དབུགས་ནང་དུ་འཇུག་པ་ན་སྟེང་རླུང་ཅུང་ཟད་མནན་ཞིང༌། འོག་རླུང་ཡང་གྱེན་དུ་
དྲངས་བར་བྱས་ནས། ཡིད་ཀྱིས་སྲོག་དང་ཐུར་སེལ་གྱི་ངོ་བོར་གྱུར་པའི་འབྱུང་བཞིའི་རླུང་
ཐམས་ཅད་འོད་ལྔའི་རྣམ་པར་དབུ་མའི་ནང་དུ་ཞུགས་ཏེ། ཨེ་ཝཾ་ལ་ཐིམ་པར་མོས། བར་
སྐབས་དེར་ཅུང་ཟད་བྱིང་བར་གྱུར་ན། ཨེ་ཝཾ་གཉིས་སྨིན་མཚམས་ཀྱི་དབུ་མའི་ནང་དུ་
བསྒོམ་ཤིང༌། གལ་ཏེ་རྒོད་ན། གསང་བའི་ལྟེ་བར་ཨེ་ཝཾ་བསྒོམ་པས་སེལ་བར་འགྱུར་རོ། །
དེ་ནས་ཧཱུཾ་གི་སྒྲས་སྣོད་བཅུད་འོད་གསལ་དུ་བསྡུ་བ་ནི། སྔར་བཤད་པ་ཉིད་དོ། །དུས་ཀྱི་
གནད་ནི། ཉིན་མོ་སྨིན་མཚམས་དང༌། སྙིང་གར་སྒོམ་པ་གཉིས་ཆ་མཉམ་དང༌། མཚན་མོ་
སྙིང་ག་དང༌། གསང་བར་སྒོམ་པ་གཉིས་ཆ་མཉམ་དུ་བྱ་བ་ཡིན་ནོ། །གཞན་ཡང་སྣོད་བཅུད་
འོད་གསལ་དུ་བསྡུས་ནས་མཉམ་པར་འཇོག་པའི་སྐབས་སུ་ཤེས་པ་མི་གསལ་ན། རྟོག་མེད་
ཀྱི་ངང་དེ་ནས་གང་སྣང་གི་སྟེང་དུ་མཉམ་པར་གཞག །དེ་ལ་དམིགས་པའི་ཡུལ་ཡང་ཡང་སྤོ་
བར་བྱ་སྟེ། དམིགས་རྟེན་གཅིག་ལ། རིག་བྱེད་ཀྱི་ཚིགས་བཅད་གཉིས་ཀློག་པའི་ཡུན་ལས་
11-1-251


རིང་བ་མི་འཇོག་གསུང༌། དེ་ལྟར་ཉམས་སུ་བླངས་པས་གཡས་གཡོན་གྱི་རླུང་ཐམས་ཅད་
དབུ་མར་ཞུགས་པས། མི་རྟོག་པའི་ཏིང་ངེ་འཛིན་ཤིན་ཏུ་སྦྱངས་པའི་བདེ་བ་དང་བཅས་པ་
འབྱུང༌། རང་བཞིན་གྱི་གཏུམ་མོ་འབར་བས་སྙིང་གའི་མི་ཤིགས་པའི་ཐིག་ལེ་བཞུ་བ་ལས་
དགའ་བ་བཞི་ཐོབ། དུག་གསུམ་གྱི་རྣམ་རྟོག་དང༌། རྣམ་པར་ཤེས་པ་དང༌། ཡིད་ཀྱི་རྣམས་
དཔེའི་འོད་གསལ་གྱི་ངང་དུ་འཇུག་པར་འགྱུར་རོ། །དེ་ནས་བདེ་སྟོང་གི་ཡེ་ཤེས་ལྷའི་རྣམ་པ་
ཅན་འགྲུབ། དེའི་ལྡང་འཇུག་གོམས་པས་ཕྱག་རྒྱ་ཆེན་པོ་འགྲུབ་བོ། །འདི་དག་ལ་ཉམས་ཇི་
ལྟར་འབྱུང་བའི་ཚུལ་དང༌། བོགས་དབྱུང་བ་དང༌། གེགས་བསལ་བ་རྣམས་ནི། དུས་ལ་བབ་
ཚེ་བླ་མའི་ཞལ་ལས་རྟོགས་པར་བྱའོ། །འདིར་སྨྲས་པ། མཐོང་ཐོས་ཀུན་ལ་རྟོག་གེའི་ཡིད་
དཔྱོད་ཀྱིས། །རྣམ་པར་དཔྱད་ལས་ལེགས་བཤད་ལྟར་སྣང་བས། །ངེས་པའི་དོན་གྱི་མན་
ངག་ཨ་མྲའི་ཚལ། །རབ་འཇོམས་ཆེར་རློམ་ཕྱོགས་ཀྱི་གླང་པོ་ཀྱེ། །གྲོང་བའི་ཚིག་གི་མེ་ཏོག་
ཧུ་ལུའི་ཕྲེང༌། །ཀ་ལའི་དཔྱིད་ཀྱི་དགའ་སྟོན་ཆེར་རྒྱས་ཀྱང༌། །ཆུ་སྐྱེས་དང་མཉམ་ཤེས་ལྡན་
ཀུན་མི་སེམས། །བདག་ཉིད་ཉེས་ལས་བསྲུང་བ་དགེ་མིན་ནམ། །ད་ནི། རྫོགས་པའི་རིམ་
པའི་མན་ངག་དང་འབྲེལ་བར། ཧེ་བཛྲ་གྱི་ལྷའི་རྣལ་འབྱོར་མདོར་བསྡུས་པ་ནི། འདི་ཡིན་ཏེ། 
སྐྱབས་སུ་འགྲོ་བ་དང་འབྲེལ་བར་ཡིད་ཀྱིས་སྤྲུལ་པའི་མཆོད་པ་དཔག་ཏུ་མེད་པ་ཕུལ་ནས། 
སེམས་བསྐྱེད་པར་བྱའོ། །དེ་ནས་ཤཱུ་ནྱ་ཏས་སྟོང་པར་སྦྱངས། སྟོང་པའི་ངང་ལས་ཨེ་[དང་]
ཝཾ་གྱི་འོད་ཀྱི་འཕྲོ་འདུ་ལས། སྐད་ཅིག་གིས་བསྲུང་བའི་འཁོར་ལོ་དུར་ཁྲོད་བརྒྱད་གཞལ་
ཡས་ཁང༌། པད་ཉི་བདུད་བཞིའི་གདན་དང་བཅས་པར་གྱུར། དེའི་སྟེང་དུ་རང་སེམས་ཀྱི་ངོ་
བོ་ཨཱ་ལི་དང་ཀཱ་ལིའི་མཐར། ༀ་དང་ཧཱུཾ་གིས་བརྒྱན་པ་ཡོངས་སུ་གྱུར་པ་ལས། ཟླ་བའི་
དཀྱིལ་འཁོར་དམར་པོ། དེའི་དབུས་སུ་ཧཱུཾ་ལས་རྡོ་རྗེ་སྔོན་པོ་ཧཱུཾ་གིས་མཚན་པ། དེའི་འོད་
ཀྱིས་དེ་བཞིན་གཤེགས་པ་རིག་པའི་ཡུམ་དང་བཅས་པ་སྤྱན་དྲངས་ཐམས་ཅད་གཅིག་ཏུ་
11-1-252


འདྲེས་པ་ལས། བདག་ཉིད་དཔལ་ཧེ་རུ་ཀ་དྲག་པོ་ཆེན་པོའི་སྐུར་གྱུར་པ་ནི། ཆར་སྤྲིན་ལྟ་
བུར་སྐུ་མདོག་གནག །རྩ་བའི་ཞལ་ནི་བུང་བ་མཚུངས། །གཡས་དཀར་གཡོན་དམར་སྟེང་
དུད་ཁ། །ལྷག་མ་བཞི་ནི་མུན་ལྟར་འཇིགས། །རྡོ་རྗེ་རལ་གྲི་མདའ་འཁོར་ལོ། །གཤོར་དབྱུག་
རྩེ་གསུམ་ལྕགས་ཀྱུ་གཡས། །དྲིལ་བུ་པདྨ་གཞུ་དང་ནི། ཁ་ཊྭཱཾ་ཐོད་ཁྲག་ནོར་བུ་དང༌། །སྡིགས་
མཛུབ་ཞགས་པ་གཡོན་པའི་ཕྱག །ཉི་མར་བདུད་བཞི་གནན་མཛད་པ། །ཞབས་བཞི་གཡས་
བརྐྱངས་སྟབས་ཀྱིས་བཞུགས། །མགོ་ཕྲེང་རུས་པའི་རྒྱན་གྱིས་སྤྲས། །སྟག་ལྤགས་གསོལ་
ཞིང་སྤྱན་གསུམ་པ། །སྣ་ཚོགས་རྡོ་རྗེས་སྤྱི་བོ་བརྒྱན། །དབུ་སྐྲ་གྱེན་བརྫེས་དེ་ཡི་ཡུམ། །ཕྱག་
བཞི་གྲི་ཐོད་མདའ་གཞུ་འཛིན། །གཡོན་བརྐྱང་གར་གྱིས་ཡབ་ལ་འཁྱུད། །གཉིས་ཀའང་མེ་
དཔུང་དབུས་ན་བཞུགས། །ཡང་ན་ཕྱག་གཉིས་པ་བསྒོམ་པར་བྱ་སྟེ། དྲི་མེད་ནམ་མཁའ་ལྟ་
བུའི་མདོག །དབུ་སྐྲ་སེར་པོ་གྱེན་དུ་བརྫེས། །བནྡྷུ་དམར་པོའི་སྤྱན་གསུམ་པ། ཚེམས་ཀྱིས་
མ་མཆུའི་སྒྲོས་མནན་ཞིང༌། །ཕྱག་གཡས་རྡོ་རྗེ་ནག་པོ་གསོར། །གཡོན་པ་ཐོད་ཁྲག་ཐུགས་
ཀར་བསྣམས། །བདུད་{གཞིའི[བཞིའི་]སྟེང་ན་གར་སྟབས་མཛད། །སྟག་ལྤགས་དཀྲིས་
ཤིང་ཕྱག་རྒྱ་ལྔས། །རྣམ་བརྒྱན་མི་མགོའི་དོ་ཤལ་ཅན། །ཤེས་རབ་ཁ་ཊྭཱཾ་ག་ལ་འཁྱུད། །ཧཱུཾ་
ཞེས་རྒྱ་ཆེར་བཞད་པ་པོ། །ཡེ་ཤེས་མེ་དཔུང་དབུས་ན་བཞུགས། །དེའི་དཔྲལ་བར་ༀ། 
མགྲིན་པར་ཨཱཿ ཐུགས་ཀར་པད་ཉིའི་སྟེང་དུ་རྡོ་རྗེ་སྔོན་པོ་རྩེ་ལྔ་པའི་ལྟེ་བར་ཧཱུཾ་སྔོན་པོ་བཛྲ་
སཱ་མཱ་ཛཿ ཛཿཧཱུཾ་བཾ་ཧོཿཞེས་བརྗོད་པས། དག་པའི་སྣོད་ཐམས་ཅད་གཞལ་ཡས་ཁང་དང༌། 
བཅུད་ཐམས་ཅད་ཀྱཻ་རྡོ་རྗེའི་རྣམ་པས་རང་ལ་ཐིམ་པར་བསམས། ༀ་ཨཱཿཧཱུཾ་ཞེས་བརྗོད་པས། 
དབང་གི་ལྷ་ཐམས་ཅད་མདུན་གྱི་ནམ་མཁར་བྱོན་ནས། ༀ་ཨཱཿཕུཾ་ཕཻཾ་ཕཊ་ཧཱུཾ་སྭཱཧཱ། ཨ་བྷི་ཥིཉྩ་
ཞེས་བུམ་པའི་ཆུས་དབང་བསྐུར། དྲི་མ་དག །མི་བསྐྱོད་པས་དབུ་བརྒྱན། ལྟེ་བར་ཨེ། སྙིང་
གར་བཾ། མགྲིན་པར་ཡ། སྤྱི་བོར་མ་ཕྱག་རྒྱ་བཞིའི་བདག་ཉིད། དབང་གི་ལྷ་རྣམས་ཀྱི་ཐུགས་
11-1-253


ཀ་ནས་རྣལ་འབྱོར་མ་བརྒྱད་ལ་སོགས་པ་རྡོ་རྗེ་རྣལ་འབྱོར་མ་རྣམས་སྤྲོས་ནས། བདག་ལ་
གནང་བར་བསམ་སྟེ། ༀ་ཧ་ཧོ་ཧྲཱིཿསུ་ལ་ལི་ཏ་ཞེས་བརྗོད། དེ་ནས་ལྷ་མོ་རྣམས་དང༌། རྗེས་
སུ་ཆགས་པའི་རྐྱེན་གྱིས་ལྟེ་བའི་ཨེ་ལས་གློག་གི་འོད་ཟེར་འཕྲོས་ཏེ། ཨ་བ་དྷཱུ་ཏིའི་ནང་གི་ཡི་
གེ་ཐམས་ཅད་བསྲེགས། མ་ཡིག་ལ་སོགས་པ་སྤྱི་བོའི་གནས་ཐམས་ཅད་ཞུ་ནས། ཀུནྡའི་
རྒྱུན་མྱུར་ཞིང་ཕྲ་བབ་ནས་ཨེ་ལ་ཐིམ་པས། མི་འགྱུར་བའི་དགའ་བ་བཞི་ཐོབ་པར་བསམ་
ནས། ༀ་རཱ་མ་ཧོ་རཱ་མ་ཧོ་ཨཱ་ནནྡ་ཧོ་ཧོ། རཱ་མ་ཧོ་རཱ་མ་ཧོ་པ་རཱ་{མ[ཨ]་ནནྡ་ཧོ། རཱ་མ་ཧོ་རཱ་མ་
ཧོ་བི་རཱ་{མ}ནནྡ་ཧོ། རཱ་མ་ཧོ་རཱ་མ་ཧོ་ས་ཧ་ཛ་ནནྡ་ཧོ། །ཞེས་གླུ་བླངས་སོ། །སྙིང་གར་རྡོ་རྗེའི་
ལྟེ་བར་ཉི་ཟླ་གའུ་ཁ་སྦྱོར་གྱི་དབུས་སུ་ཧཱུཾ་གི་མཐར་སྔགས་ཕྲེང་གིས་བསྐོར་བའི་སྔགས་
ཐམས་ཅད་ལས་འོད་ཟེར་འཕྲོས་པ་རྟ་རྔ་ལྟར་ཕྲ་བ་གཅིག་ཏུ་གྱུར་ཏེ། ཏོག་ཕུག་ཅེས་པའི་སྒྲ་
དང་བཅས་སྟེང་གི་ཟླ་བ་ཕུག་སྟེ། འོད་ཟེར་དེ་དབུ་མའི་ནང་ནས་ཡར་དུ་བ་ལྟར་ཕྱུར་གྱིས་
སོང༌། ཕྱིར་ཐོན། སླར་ཡང་རླུང་དང་ལྷན་ཅིག་ནང་དུ་ཞུགས་ཧཱུཾ་ལ་ཐིམ། དེ་ལྟ་བུ་ལན་བདུན་
ཙམ་སྒོམ་རྗེས་རླུང་འགྲོ་འོང་མེད་པར་བསམས་སྟེ། ཕྱག་གཉིས་པ་སྒོམ་ན། ༀ་ཨཱཿཧཱུཾ་ཕཊ་
སྭཱཧཱ། ཞེས་དང༌། ཕྱག་བཅུ་དྲུག་པ་བསྒོམ་ན། ཨཥྚ་{བཟླ།} བསྡུ་བར་འདོད་ན། ཧཱུཾ་ཞེས་
ལན་བརྒྱའི་བར་དུ་བརྗོད་ཅིང༌། དེའི་ཚེ་སྣང་བ་ཐམས་ཅད་སྒྱུ་མ་ལྟ་བུར་བསམས་ལ། ཧཱུཾ་ཐ་
མ་བརྗོད་པའི་ཚེ། ཐམས་ཅད་ཀྱང་སྟོང་པར་བསམ་སྟེ། དེ་ལ་ཅི་གནས་བཞག་ལ། སླར་ཡང་
སྒྱུ་མ་ལྟ་བུའི་སྐུར་ལངས་ནས། ལྷའི་ང་རྒྱལ་དང་ལྡན་པས་སྤྱོད་ལམ་ལ་འཇུག་གོ །མན་ངག་
རྣམས་ལ་རྟོག་གེ་ཡིས། །དཔྱད་པར་མི་བྱ་དེ་ལ་ནི། །ངལ་བ་འབྲས་མེད་ཉིད་སྒྲུབ་ཕྱིར། །དེ་
ལྟ་བས་ན་འཕགས་པས་མཁྱེན། །རང་རྟོག་དང་སྦྱར་ན་ཁོ་བོས་ཀྱང་ལེགས་ལེགས་ལྟར་སྣང་
བ་འགའ་ཟུང་སྤོབས་མོད། དམ་པ་རྣམས་ཀྱིས་སྦས་པར་གྱུར་པའི་ཕྱིར་ག་ལ་དབྱེ། དེ་ལྟར་
བླ་མ་དམ་པ་བུདྡྷ་གུཔྟའི་གསུང་ལྟར་ལས་རང་རྟོག་གིས་མ་སྦགས་པ་དག་ཅིག་བརྗོད་པ་དེ་
11-1-254


ཙམ་མོ། །མི་ཤིགས་ཐིག་ལེའི་དབྱངས་མཁན་མྱོས་བྱེད་མ། །རྣམ་པ་ཅིར་ཡང་འཆར་བའི་
སྒྲུབ་ཐབས་ཀྱིས། །འོད་གསལ་གཞོན་ནུར་འགྱུར་བྲལ་ལྷན་སྐྱེས་དགའི། །དགའ་སྟོན་
མཆོག་གིས་ནམ་ཡང་ཚིམ་པར་གྱུར།།    །།ཤཱཀྱའི་དགེ་སློང་ཀུན་དགའ་སྙིང་པོ་ལ། །དད་
དང་ཤེས་ལྡན་སློབ་མས་བསྐུལ་བ་ལས། །འཕགས་ཡུལ་གྲུབ་པའི་ཐུགས་ཀྱི་འཆི་མེད་
བཅུད། །བླ་མས་ཞལ་ལུང་ལས་འོང་བརྗེན་པར་བྲིས། །དགེ་ཞིང་བཀྲ་ཤིས་གོང་འཕེལ་ཤོག །
11-1-255


༄༅། །ཕྱག་རྒྱ་བཞི་པའི་སྙིང་པོའི་ཊཱི་ཀ་བཞུགས། 
༄༅། །ༀ་སྭཱ་སྟི། སངས་རྒྱས་ཀུན་གྱི་ཐུགས་ཀྱི་གསང་མཛོད་གང༌། །རྒྱུད་སྡེའི་རྒྱ་
མཚོར་སྦས་པའི་ལྷན་སྐྱེས་ཀྱི། །རིན་ཆེན་བླངས་ནས་མགོན་མེད་འགྲོ་རྣམས་ལ། །སྩོལ་
མཛད་རྗེ་བཙུན་བླ་མས་བདག་སྐྱོངས་ཤིག །ཕྱག་རྒྱ་བཞིའི་སྙིང་པོ་ཞེས་བྱ་བའི་མན་ངག་
འདི། རྒྱུད་པ་གང་ལས་འབྱུང་བ་ནི། དཔལ་ཨཽ་ཊི་ཡ་ཎའི་ཡུལ་དུ་བྲམ་ཟེའི་རིགས་སུ་སྐྱེས་པ་
དྷརྨ་པཱ་ལ་ཞེས་བྱ་བ། ཨཽ་ཌི་ཤའི་ཡུལ་དུ་སྡིག་པ་བཞི་ཐུན་མཚམས་གཅིག་ལ་བགྱིས་པས་
འགྱོད་ནས། སློབ་དཔོན་ཛ་ལནྡྷ་རའི་ཞབས་ཟུང་བརྟེན་ཏེ། མན་ངག་གི་སྙིང་པོ་བླངས་ནས། 
ཀོངྐུ་ནའི་ཡུལ་དུ་ཟླ་བ་དྲུག་ཏུ་སྒྲུབ་པས། རྡོ་རྗེ་རྣལ་འབྱོར་མས་ཞལ་དངོས་སུ་བསྟན་ཞིང༌། 
མཆོག་གི་དངོས་གྲུབ་བརྙེས་ནས། སླར་སྨྱོན་པའི་སྤྱོད་པས་ཡུལ་སྣ་ཚོགས་སུ་རྒྱུ་བར་མཛད་
པ་ན། ཕྱིའི་སྤྱོད་ཚུལ་ལ་དཔགས་ནས། སྐྱེ་བོ་རྣམས་ཀྱིས་བི་རཱུ་པ་སྟེ། རང་བཞིན་ངན་པ་
ཞེས་འབོད་པའི་བདག་ཉིད་ཆེན་པོ་དེས་སློབ་དཔོན་བྱཱ་ད་ལི་ལ་གནང༌། འདི་བྱ་རྔོན་པའི་
རིགས་ཡིན། དགེ་བའི་བཤེས་གཉེན་ནེ་ཙོ་ལ་བསྟེན་ཏེ། བི་རཱུ་པ་བསྟེན་པས་ཕྱག་རྒྱ་བཞིའི་
གདམས་པ་གནང༌། ཅུང་ཟད་སྒོམ་པས། རྔོན་པའི་བྱ་བ་ལ་སེམས་གཡེངས་པ་ན། འཇིམ་པ་
དང་ཟན་སོགས་ལ་བྱའི་གཟུགས་བཅོས་ཏེ། དེའི་མགྲིན་པ་བཅད་ཅིང་བསྒོམ་པས། ཇི་ཞིག་
ནས་མཆོག་གི་དངོས་གྲུབ་ཐོབ་སྟེ། གྲོང་ཁྱེར་རྣམས་སུ་སོང་ནས། བྱ་སྣ་ཚོགས་པ་བསད་པ་
དང་གསོ་བའི་ནུས་པ་བསྟན་པ་ན། མཚན་ཡང་དེ་ལྟར་དུ་གྲགས། སློབ་དཔོན་འདིས་ཨ་སི་
ཏ་གྷ་ན་ཞེས་བྱ་བའི་རྣལ་འབྱོར་པ་ཞིག་ལ། དབང་བསྐུར་ཕྱག་རྒྱ་བཞིའི་སྙིང་པོ་ཚིགས་
བཅད་གསུམ་པོ་འདི་གསུངས་ནས་བསྒོམ་དུ་བཅུག་པས། མི་རིང་བར་རྟགས་ཐམས་ཅད་
11-1-256


མངོན་དུ་གྱུར། དེ་ནས་གདམས་པ་མཐའ་དག་གིས་རྒྱུད་སྦྱངས་ནས་ཇི་ཞིག་ནས་ཨ་རེ། 
ཞེས་གསུངས་པས་གསུང་མ་ཐག་ཏུ། དེས་ཀྱང་གྲུབ་པ་ཐོབ་ཅེས་གྲགས། དེས་ར་ཏི་གུཔྟ་ལ། 
དེས་ཤནྟི་གུཔྟ་ལ། དེས་བདག་གི་བླ་མ་ལ་གདམས་སོ། །དེ་ལ་རྡོ་རྗེའི་ཚིག་ཤློ་ཀ་གསུམ་པོ་
འདི། རྒྱུད་ཀྱི་ངེས་པའི་དོན་སྙིང་པོ་ལས་ཀྱང་སྙིང་པོར་གྱུར་པ་སྒོམ་ཚུལ་ཚིག་ཉུང་ངུས་སྟོན་
པ་ཡིན་ཏེ། ཚིགས་བཅད་དང་པོས་མདོར་བསྟན། གཉིས་པས་སྒོམ་བྱའི་རང་བཞིན་གྱི་སྒོ་
ནས་རྒྱས་པར་བཤད། གསུམ་པས། ལམ་གྱི་རིམ་པའི་མངོན་རྟོགས་ཀྱི་སྒོ་ནས་རྒྱས་པར་
བཤད་པའོ། །དང་པོ་ལ། ལམ་དངོས་མདོར་བསྟན་པ་དང་ཐུན་མོང་མ་ཡིན་པའི་རྒྱུ་རྐྱེན་
བསྟན་པའོ། །དང་པོ་ནི། བུམ་པར་ཆུའི་རྐང་པ་གནས། །ཆུ་མཐར་བྱེད་པས་བུམ་པའོ། །བུམ་
པ་ལུས་ཏེ། ཆུ་ཞེས་བྱ་བ། བྱང་ཆུབ་ཀྱི་སེམས་ཀུནྡ་རྐང་པ་ཞེས་པ་བཞིའི་དོན་ཏེ། འབྱུང་བ་
བཞིའི་རླུང་གནས་སོ་ཞེས་སྦྱར་རོ། །ཆུ་མཐར་བྱེད་པ་ཞེས་པའི་དོན་ནི། ཆུ་ཏེ་དཔྱིད་དང༌། 
ཐིག་ལེ་མཐར་བྱེད་པ་སྟེ་སྦྱངས་ནས་དག་པའོ། །དེའི་ཕྱིར་བུམ་པ་ཞེས་པ་སྒྱུ་མའི་ལྷ་སྐུའི་
བུམ་པ་འགྲུབ་པའོ། །གཉིས་པ་ནི། བླ་མར་ཡང་བྱེད་ཞེས་སོགས་ཏེ། བླ་མ་ནི། རྣམ་པ་
གསུམ་སྟེ། རང་བཞིན་གྱི་བྱེད་པོ་ཐིག་ལེའི་དང༌། རྐྱེན་གྱི་བྱེད་པོ་སྦྱོར་བའི་དང༌། རྒྱུད་གཞན་
གྱིས་བྱིན་གྱིས་རློབས་པའི་བྱེད་པོ་རྡོ་རྗེའི་བླ་མ་རྣམས་སོ། །དེ་རྣམས་ཀྱི་ཞབས་ནི་བླ་མའི་
ཞབས་སོ། །དེ་གནས་པའི་མི་སྟེ། རྡོ་རྗེ་སློབ་དཔོན་རྟག་ཏུ་སྒོམ་པ་དང༌། སྟེང་འོག་གི་རྣལ་
འབྱོར་ལ་བརྩོན་པས་རླུང་རྣམས་ཐིག་ལེར་ཐིམ་པ་དང༌། སྙིང་གའི་ཐིག་ལེ་ལ་གནད་དུ་
བསྣུན་པས་རླུང་སེམས་ཀྱི་འགྲོ་འོང་གཅིག་ཏུ་བསྡུས་པ་རྣམས་ཡེ་ཤེས་བརྟན་པར་འགྱུར་ཏེ། 
རྒྱུད་ལ་བྱིན་རླབས་ཞུགས་པས་གྲོགས་བྱས་ནས། རྣལ་འབྱོར་གྱི་སྟོབས་ཀྱི་བདེ་སྟོང་དབྱེར་
མེད་ཀྱི་ཏིང་ངེ་འཛིན་དང༌། རླུང་སེམས་ཀྱི་འགྲོ་འོང་གདམས་པའི་སྟོབས་ཀྱིས། སྟོང་པ་དང་
རྗེས་སུ་སྟོང་པ་དང༌། ཤིན་ཏུ་སྟོང་པ་དང༌། ཐམས་ཅད་སྟོང་པ་ཆེན་པོ་རྣམས་རིམ་གྱིས་མངོན་
11-1-257


དུ་བྱེད་པ་ཡིན་ནོ། །དེ་ལྟར་ན། བླ་མ་སྟེ། རྡོ་རྗེ་འཆང་ཆེན་པོའི་གོ་འཕང་མངོན་དུ་བྱེད་དོ། །
གཉིས་པ་ལ། སྒོམ་བྱ་དཔྱིད་རྒྱས་པར་བཤད་པ་དང༌། ཐིག་ལེ་དེ་བཅིང་གྲོལ་གྱི་བྱེད་པོ་
ཡིན་པར་བཤད་པའོ། །དང་པོ་ནི། ཨེ་ཝཾ་ཡི་གེ་ཞེས་བྱ་བ་ལ་སོགས་པའོ། །དེ་ལ་གང་དུ་
གནས་པ་ནི། འགྲོ་བའི་སྙིང་གར་རོ། །རྣམ་པ་ཇི་ལྟར་གནས་པ་ནི། རླུང་འོད་ཟེར་ལྔ་པ་ཧཱུཾ་གི་
གདངས་སུ་གནས་ཏེ། ངོ་བོ་རླུང་ཡིན་པ་དེའི་ཕྱིར། གྲག་ཅེས་སྒྲོག་ཅེས་སྨོས་སོ། །རང་བཞིན་
བཤད་པ་ནི། ཨེ་ཝཾ་ཡི་གེའི་སྒྲ་ཞེས་སྨོས་ཏེ། ཝཾ་ཡིག་ཁུ་རྡུལ་སེམས་གསུམ་རོ་གཅིག་པ། ཨེ་
ཡིག་འབྱུང་བ་ལྔའི་རླུང་ཡིན་ཏེ། དེ་རྣམས་ཀྱི་དྭངས་མ་གོང་བུ་གཅིག་པའི་ཚུལ་གྱི་ཡེ་ནས་
གནས་པ་ཡིན་ཏེ། ཀུན་རྫོབ་ཀྱི་གདོད་མའི་དངོས་པོའོ། །ཅི། ཁ་དོག་ནི་དྲུག་ཡིན་ན་འབྱུང་
བ་ལྔར་འགྱུར་ཞེ་ན། གང་སྔོ་བསངས་སུ་སྣང་བ་ནི། ཁམས་ལྔའི་རླུང་གི་རང་བཞིན་སྟོང་ཉིད་
དེ་མཚོན་པ་ཡིན་ནོ། །གཉིས་སྣང་གི་བག་ཆགས་དང་བཅས་པའི་མཐུ་ལས་འདིའི་འབྱུང་བ་
ལྔའི་རླུང་ཕྲ་མོ་ལས་རླུང་རགས་པ་དག་འབྱུང་ཞིང༌། དེའི་དབང་གིས་ཁུ་རྡུལ་ལས་ཀྱང་ཁུ་
རྡུལ་རགས་པ་དག་འབྱུང་ལ། དེའི་དབང་གིས། གཟུང་འཛིན་གྱི་སྣང་བ་འབྱུང༌། སྣང་བའི་
རྗེས་སུ། སེམས་ཀྱི་འགྲོ་འོང་བྱས་པས། ཀུན་རྟོག་སྣ་ཚོགས་པ་སྐྱེ་བས། དེས་ལས་བྱས་ནས་
རགས་པའི་ལུས་འགྲུབ་སྟེ། ལུས་ངག་སེམས་གསུམ་རགས་པར་འགྱུར་རོ། །ལུས་ལས་ལས་
དང་ཉོན་མོངས་ཏེ། དེས་ཀྱང་བག་ཆགས་བགོ་བར་བྱེད་དོ། །ཞེས་{སྟན[རྟེན]་པ་ནི་གཉིས་
པ། མཁའ་སྤྲིན་དག་ལྟར་ཞེས་བྱ་བ་ལ་སོགས་པའོ། །དེ་ཡང་དཔེ་དོན་གཉིས་ལས། དཔེ་ནི། 
བྲམ་ཟེ་ཆེན་པོས། སྤྲིན་གྱི་མདོག་དབྱེ་བས་ནམ་མཁའ་ལས་བྱུང་བ། དེ་ནི་གཞན་དུ་སོང་བ་
མཁའ་ལ་དྲིས། །ཞེས་པ་ལྟར་རོ། །དོན་ནི། དོན་དམ་པར། ནམ་མཁའ་རྡོ་རྗེ་སྟེ། གཉུག་མའི་
འོད་གསལ་མི་ཤིགས་པའི་ཐིག་ལེ་ནི། དྲི་མ་དག་པ་དང༌། སྒྲིབ་པས་སྒྲིབ་པ་མེད་མོད་ཀུན་
རྫོབ་ཏུ་བཅིངས་པ་དང་གྲོལ་བར་སྣང་བ་ནི། ཐིག་ལེ་རླུང་སེམས་འགྲོ་འོང་ཁམས་ཕྲ་བ་ལ་
11-1-258


ཐིམ་ཞིང༌། དེ་ཡང་དེས་གདོད་མ་ནས་བཞུགས་པའི་ལྷན་སྐྱེས་ཀྱི་ཡེ་ཤེས་མངོན་དུ་འགྱུར་བ་
ཡིན་ལ། ཐིག་ལེར་མ་བཅིངས་པ་ལས། ཀུན་རྫོབ་ཀྱི་སྣང་བ་སྣ་ཚོགས་འཆར་ཞིང༌། དེ་ལྟར་
སྣང་བ་དང༌། སྣང་བ་ནུབ་པ་ཐམས་ཅད་ཀུན་གཞི་རྣམ་ཤེས་ཀྱི་རང་བཞིན་ལས་མ་འདས་སོ། །
དེ་ལ་གཉུག་མའི་འོད་གསལ་ནི་རྣམ་པར་ཤེས་པ་སེམས་རང་བཞིན་མེད་པའི་སྟོང་པ། སྟོང་
ཡང་སྣང་བ་དང་ཐ་སྙད་དུ་དོན་བྱེད་པའི་རྩལ་མ་འགགས་པ་སྟེ་ཤིན་ཏུ་ཕྲ་བ་རླུང་དང་རྟེན་
བརྟེན་པར་གནས་པའི་ཕྱིར་མི་ཤིགས་ཐིག་ལེ་ཞེས་བརྗོད་དོ། །ཞེས་བླ་མ་གསུང་ལ། སྟོང་
པས་ཁྱད་པར་དུ་བྱས་པའི་ཡེ་ཤེས་ཞིག་གོ །ཞེས་ར་ཏི་གུཔྟ་ལ་སོགས་པ་མ་དྷེ་དེ་སའི་མཁས་
པ་དག་སྨྲའོ། །གདོད་མ་ནི་ཐོག་མ་མེད་པ་ནས་རིགས་འདི་རྒྱུན་མ་ཆད་པ་སྟེ། ཁ་ཅིག་ནི་
དངོས་པོ་ནམ་མཁའ་ལྟར་དག་པའོ་ཞེས་འཕགས་ཡུལ་ན་མོལ་ཏེ་མ་གོ་གསུང༌། འདི་དག་
གང་ལ་བརྟེན་པའི་རྒྱུད་ཀྱི་ཚིག་དང་སྦྱར་བ་ནི། ཧེ་བཛྲ་ལས། ལུས་ལ་ཡེ་ཤེས་ཆེན་པོ་གནས། །
རྟོག་པ་ཐམས་ཅད་ཡང་དག་སྤངས། །དངོས་པོ་ཀུན་ལ་ཁྱབ་པ་པོ། །ལུས་ལ་གནས་ཀྱང་
ལུས་སྐྱེས་མིན། །ཞེས་པ་ནི། །བུམ་པ་ཞེས་སོགས་ཀྱི་བཤད་པ་ཡིན་ཏེ། ལུས་ལ་ཡེ་ཤེས་
ཆེན་པོ་སྟེ་ཀུན་གཞི་རྣམ་ཤེས་ཀྱི་ངོ་བོ་མི་ཤིགས་པ་གནས་ལ། དེ་ནི་དངོས་པོ་ཐམས་ཅད་ལ་
ཁྱབ་པ་ཡིན་ཏེ། རྟོག་པ་ཐམས་ཅད་ཡོངས་སུ་སྤངས་པའི་རང་རིག་ཙམ་དངོས་པོ་ཐམས་ཅད་
ཡུལ་དུ་བྱས་ནས་འགྲོ་འོང་བྱེད་པའི་རང་བཞིན་ཡིན་པའི་ཕྱིར་རོ། །དེ་ཉིད་ལུས་ཀྱི་ཨ་བ་དྷཱུ་
ཏིའི་ནང་དུ་གནས་ཀྱང༌། ལུས་ལས་བྱུང་བ་ནི་མ་ཡིན་ཏེ། གདོད་མ་ཡིན་པའི་ཕྱིར། རྟོག་པ་
ཐམས་ཅད་སྤངས་ཞེས་སྨོས་པའི་དོན་ཐིག་ལེ་དེ་རྣལ་འབྱོར་བའི་སྒོམ་པ་ཡིན་གྱི་སངས་རྒྱས་
པའི་སྔགས་རྒྱུད་ལས་བཅིངས་གྲོལ་བྱེད་པོ་དེ་འདྲ་བཤད་པའང་ཇི་བཞིན་མིན་སྒྲའམ། 
དགོངས་པ་ཅན་གྱིས་གསུངས་སོ་སྙམ་ན། དེ་ལྟ་མོད་ཀྱི་རྣམ་རྟོག་གི་སྒོམ་པ་ལ་མ་ལྟོས་པར་
གདོད་མ་ནས་གྲུབ་པ་ཡིན་ལ། བག་ཆགས་དེ་སྤངས་པ་དང་མ་སྤངས་པ་ལས་བཅིང་གྲོལ་དུ་
11-1-259


སྣང་བའོ་ཞེས་རིག་གོ །གཞན་ཡང༌། ཧེ་རུ་ཀ་ནི་བསྐྱེད་པའི་རྒྱུ། །དང་པོར་གཅིག་ནི་བསྒོམ་
པར་བྱ། །ཞེས་དང༌། སངས་རྒྱས་ཀུན་གྱི་སྡོམ་པ་ནི། །ཨེ་ཝཾ་རྣམ་པར་རབ་ཏུ་གནས། །ཞེས་
པའི་དོན་འཆད་པར་བཞེད་ནས། ཨེ་ཝཾ་ཡི་གེ་སྟེ། ཞེས་སོགས་གསུངས་པ་ཏེ། ཧེ་རུ་ཀ་བསྐྱེད་
པ་སྟེ། ཟུང་འཇུག་གི་སྐུའི་དངོས་རྒྱུ་སེམས་ཀྱི་ངོ་བོ་སྟོང་ཞིང༌། རྣམ་པ་བདེ་བ། རང་བཞིན་
ལྷན་ཅིག་སྐྱེས་པ་འདི་ཡིན་ཏེ། དེ་ནི་སྟོང་པ་དང་བདེ་བ་ཟུང་དུ་སྦྱོར་བའི་ཕྱིར། ཨེ་ཝཾ་ངོ༌། །དེ་
ལ་སངས་རྒྱས་ནི་ཕུང་ལྔ་སྟེ། ཀུན་གྱི་སྒྲས། སྐྱེ་མཆེད་རྣམས་ཀྱང་བཟུང་ངོ༌། །དེ་ལྟར་ཀུན་
རྫོབ་ཀྱི་རྣམ་པ་ཐ་དད་ཀྱང༌། ངོ་བོ་གཅིག་ཏུ་སྡོམས་པའི་ཕྱིར། སྡོམ་པ་སྟེ། དེ་ནི་བདེ་སྟོང་
ཟུང་དུ་སྦྱོར་བའོ། །ཡང་ཧེ་རུ་ཀ་སྒྱུ་མའི་ལྷ་བསྐྱེད་པའི་རྒྱུ། རླུང་ཕྲ་མོ་མི་ཤིགས་པའོ། །སྡོམ་
པ་ནི་མི་ཤིགས་ཐིག་ལེར་སྡོམ་སྟེ་རིགས་པའི་ལུས་ཐམས་ཅད་འདི་ལས་བྱུང་ཞིང་ཐིམ་པའོ། །
གཞན་ཡང༌། གཞན་གྱིས་བརྗོད་མིན་ལྷན་ཅིག་སྐྱེས། །གང་དུ་ཡང་ནི་མ་རྙེད་དེ། །བླ་མའི་
དུས་ཐབས་བསྟན་པ་དང༌། །བདག་གིས་བསོད་ནམས་ལས་ཤེས་བྱ། །གང་དུ་ཡང་ཞེས་པ་
ནི། བརྟུལ་ཞུགས་དང༌། བསྐྱེད་རིམ་དང༌། མན་ངག་གི་གནད་དང་མི་ལྡན་པའི་རྫོགས་རིམ་
ལྟར་བཅོས་པ་རྣམས་སོ། །བདག་གི་བསོད་ནམས་ནི་རྒྱུ་དང་རྐྱེན་གྱི་བྱེད་པོ་བླ་མ་གཉིས་
ཡིན་པས། འདིའི་དོན་སྟོན་པར་བཞེད་ནས། བླ་མར་ཡང་བྱེད་ཅེས་སོ་གསུངས་ཏེ། གོ་སླའོ། །
ཡང་དེ་ཉིད་ལས། རྡོ་རྗེ་སྙིང་པོ་སྙིང་རྗེ་ཆེ། །དངོས་པོ་ཉིད་ཀྱིས་རྣམ་གྲོལ་ཞིང༌། །དངོས་
པོས་འཆིང་བའི་འཆིང་བར་འགྱུར། །དེ་ཡོངས་ཤེས་པས་གྲོལ་བ་ཡིན། །དངོས་པོ་མེད་པ་
ཡོངས་ཤེས་ནས། །དངོས་པོ་སྒོམ་གྱུར་ཤེས་རབ་ཅན། །དངོས་པོ་མེད་པའང་ཡོངས་ཤེས་
ནས། །དེ་ལྟར་ཧེ་རུ་ཀ་སྒོམ་བྱ། །འདིའི་ཚིག་རྐང་དང་པོ་གསུམ་གྱི་དོན་ཐུགས་ལ་བཞག་
ནས། མཁའ་སྤྲིན་དག་ལྟར་ཞེས་སོགས་གསུངས་པ་ཡིན་ཏེ། དངོས་པོ་ནི། རང་བཞིན་གྱི་
དངོས་པོ་མི་ཤིགས་པས་སོ། །{དེས[ཞེས]་ཅི་ལྟར་གྲོལ་བར་འགྱུར་ཞེ་ན། རྡོ་རྗེ་སྟོང་པ་ཉིད་
11-1-260


ཀྱི་སྙིང་པོ་ཅན་གྱི་ཐུན་མོང་མ་ཡིན་པའི་སྙིང་རྗེ་བདེ་བ་ཆེན་པོར། དངོས་པོ་དེ་འགགས་ཤིང་
གནས་གྱུར་པ་ནའོ། །གསུམ་པ་ནི། ཡུལ་བདེ་བར་སོགས་ཏེ། དེ་ལ་ཉེ་སྒྱུར་སུ་ནི་{འདིར}
བདེ་བའམ་བཟང་པོར་བརྗོད་དེ། བདེ་བ་དང་ཡུལ་དུ་ཞེས་པའམ། ཡུལ་བཟང་པོར་ཞེས་
པར་འགྱུར་རོ། །བདེ་བ་ནི་འདོད་པ་ལས་ཕྱིར་ཕྱོགས་ནས་སེམས་རྩེ་གཅིག་པའི་ཤིན་ཏུ་
སྦྱངས་པ་ལས་བྱུང་བའམ། སྤྲོས་བྲལ་ལ་མཉམ་པར་{གཞག[བཞག]་པའི་བདེ་དགའ་ཉིད་
ཀྱང་མ་ཡིན་ན། འདོད་པའི་བདེ་བ་ཐ་མལ་བ་ག་ལ་ཞིག །འདི་ནི་སྤྲོས་བྲལ་གྱི་ལྟ་བ་དང་
རིམ་པ་དང་པོ་གོམས་པ་ཞིག་གིས། རྫོགས་རིམ་སྒོམ་པ་ལས་འབྱུང་སྟེ། ཇི་ལྟར་ཞེ་ན། རླུང་
རྣམས་དྷཱུ་ཏིར་ཐིམ་པས་ཙཎྜ་ལཱི་འབར་ནས་ཧཾ་ཞུ་བའི་འདུ་འཕྲོད་དང༌། དེས་ཀྱང་རླུང་ཞི་བར་
བྱེད་དོ། །རླུང་ཐིམ་པས་སྤྲོས་པའི་མཚན་མ་ནུབ་ལ། ཁམས་འདུ་འཕྲོད་ཀྱི་བདེ་བ་སྟེ་དགའ་
བཞི་ཐོབ་པ་ལས་གཙོ་བོ་ནི་ལྷན་སྐྱེས་ཡིན་ལ། བདེ་བའི་ཡེ་ཤེས་ཏེ་སེམས་ཉིད་ལྷན་སྐྱེས་སུ་
ཤར་བ་སྟོང་ཉིད་དང༌། དབྱེར་མེད་དུ་སྒོམ་པའི་ཐུན་མོང་མིན་པའོ། །རླུང་དྷཱུ་ཏིར་གང་གིས་
སྦྱོར་བ་ཡང་རྡོ་རྗེའི་བཟླས་པ་དང༌། བུམ་ཅན་དང༌། གཏུམ་མོ་དང༌། ཕྱག་རྒྱའི་སྲོག་རྩོལ། 
སྙིང་གའི་ཐིག་ལེ་ལ་སོགས་པ་སྟེ་འདིར་ནི་སྙིང་གའི་ཐིག་ལེ་ཉིད་དེ། འོད་གསལ་འཆར་བའི་
གནས་གཙོ་བོ། སྙིང་ག་སྟེ། དེའི་རྩ་མདུད་གྲོལ་བས་ལམ་དེ་ནས་རླུང་ཕྲ་རགས་ཐིམ་པ་ལས་
ཡིན་ལ། ཡུལ་དུ་ཞེས་པ་ལ་ཡུལ་ཏེ་ཡུལ་བཟང་པོའོ། །ཡུལ་ནི་སྤྲོས་པ་ཐམས་ཅད་སྤངས་
པའི་སྟོང་ཉིད་ཆོས་ཐམས་ཅད་ཀྱི་རང་བཞིན་སྟོང་པ་དང༌། བཟང་པོ་ནི་བདེ་བ་ལྷན་སྐྱེས་ཡེ་
ཤེས་ཀྱིས་དེ་རྟོགས་པ་སྟེ། དེ་ནི་མིག་ཤེས་ཀྱིས་དཀར་པོ་མཐོང་བ་ལྟ་བུར་མི་འགྱུར་ལ། 
བདེ་བ་སྟོང་ཉིད་རྟོགས་པའི་ངོ་བོར་སྐྱེས་པའམ། སྟོང་ཉིད་བདེ་བའི་ངོ་བོར་ཤར་བས་ན། 
ཡུལ་ཡང་ཡིན་བཟང་པོ་ཡང་ཡིན་པའོ། །དེའི་ཕྱིར་བདེ་བ་ལ་མི་རྟོག་པ་ཙམ་དང༌། རྟགས་ཀྱི་
སྒོ་དུ་མས་སམ། རྒྱུ་མཚན་མེད་པར་ཡང༌། འདི་དག་མེད་པའོ་ཞེས་སྒོམ་པ་ཡང་སྟོང་ཉིད་
11-1-261


ཟབ་མོ་སྒོམ་པར་མི་ལྟ་ལ། རྟོག་པ་བཀག་པ་ཙམ་དང་ཆེད་དུ་མི་འགོག་པར་དྲན་པས་སྐྱོང་
བ་ཡང་ཡིན་ནོ། །མིག་ལྡན་དག་གིས་དཀར་པོའི་ཞེས་རྟོག་པ་ཡང་མེད་ལ། རྟོག་པ་དགག་པ་
ཡང་མེད་པར་དཀར་པོ་མཐོང་བ་བཞིན་དུ། དངོས་པོ་དག་སྣང་ཡང་རུང་མི་སྣང་ཡང་རུང༌། 
རྣམ་པ་ཐམས་ཅད་དུ། མ་བརྟགས་པར་ཡང་རང་བཞིན་མེད་པར་མཐོང་བ་ན་འདིས་ནི་བདེ་
སྟོང་སྦྱོར་བའི་སྟོང་ཉིད་འགྲུབ་བོ། །འོན་ཀྱང་དེ་དག་རྣམས་ཀྱང་ཐབས་ཁོ་ན་སྟེ། ཁ་ཅིག་ནི་
འདིར་ཤིན་ཏུ་གལ་ཡང་ཆེ་མོད་གྲུར་ཞུགས་པ་ཙམ་གྱིས་ནོར་བུའི་གླིང་དུ་ཕྱིན་པས་དོན་གྲུབ་
པར་རློམ་ན་མི་རུང་ངོ༌། །སྟོང་པ་ཉིད་ནི་ཐམས་ཅད་དབྱེར་མེད་ན། བཟང་པོ་དང་བཟང་པོ་མ་
ཡིན་པ་ག་ལ་ཡོད། 
སྨྲས་པ། གཽ་ཌ་དང༌། བཱ་ག་ལ་ནི་བྱེ་བྲག་མེད་མོད། གདུག་པ་དང་སྲུན་པའི་གཽ་ཌ་པ་དང་
བཱ་ག་ལ་བདག་སྟེ། བཱ་ག་ལ་ནི། ཡུལ་བཟང་པོའོ་ཟེར་བ་དང༌། གསེར་གྱི་རྒྱན་ནི་གཅིག་{ན་
མཐོང་[ནམ་ཐིང་]ཀས་སྤྲས་པ་ནི་མཛེས་སོ་ཞེས་པ་བཞིན་ནོ། །དེས་ན་ཡུལ་བདེ་བར་ཏེ་
རླུང་རྣམས་མི་ཤིགས་པའི་རླུང་ཕྲ་མོ་ལ་ཐིམ། དེའི་སྟོབས་ལས་འབར་འཛག་གིས་རྩ་མདུད་
གྲོལ་བས་ཐོབ་པའི་བདེ་སྟོང་དགའ་བཞིའི་ལྷན་སྐྱེས་ནི་རྒྱུའོ། །དེ་ལས་བྱུང་བའི་ཡུལ་ཅན་
འབྲས་བུ་ནི་སྒྱུ་མའི་ལྷའོ། །དེ་ཉིད་བརྟན་པར་གྱུར་ན་ཁམས་དང་རླུང་གི་འགྲོས་དང་ལྷན་
ཅིག་བསམ་གཏན་གྱིས་བསྡུད་པ་ནི་བློ་གྲོས་ཏེ་གང་བློ་བདེ་བ་དམ་པར་ཤར་བའི་འོད་
གསལ་ལོ། །ཞེས་པའི་དོན་སྒྱུ་མའི་ལྷ་དང༌། བླ་མའི་བླ་མ་གཉི་གར་སྦྱར་རོ། །མིག་འཕྲུལ་ལྟ་
བུའི་ཡེ་ཤེས་ཀྱི་སྐུ་དོན་གྱི་སྟོང་ཉིད་ལ་འཇུག་པ་སློབ་པ་དང༌། ཞུགས་པ་དང༌། དེ་ལས་ལྡང་
བ་རྣམས་ལས་སྔ་ཕྱི་གཉིས་ལ་ལྷན་ཅིག་ཏུ་གནས་པས་ལྡན་པ་དང༌། བར་པ་ལ་དེ་ལྟར་མེད་
ཀྱང་རྒྱུ་འབྲས་ཀྱི་ཚུལ་དུ་ལྡན་པ་ཡིན་ནོ། །བླ་མ་ནི་དོན་དམ་པའི་བདེ་བས་ཆོས་ཉིད་མངོན་
སུམ་དུ་རྟོགས་པའི་ཡེ་ཤེས་ཡིན་ལ། དེ་ཡི་བླ་མ་དེ་དང་ཟུང་དུ་འཇུག་པའི་རྡོ་རྗེའི་སྐུའོ། །
11-1-262


སེམས་ཅན་ཐམས་ཅད་ལ་རང་ཉིད་ཇི་ལྟ་བའི་སྐུ་སྤྲོས་ཤིང་སྦྱངས་ནས་ངོ་བོ་གཉིས་སུ་མེད་
པར་མོས་པས་དེ་ལྟར་སྣང་བ་ནི་ཤེས་པའི་དོན་ཡིན་ནོ། །འདི་ནི་སྤྱོད་པའི་སྐབས་སམ་གཞན་
དུ་ཡང་སྟེ་སྒྱུ་མའི་ལྷས་ཞེས་པར་ཡང་སྦྱར་བར་བྱ་སྟེ། ཇི་སྐད་དུ། ལུས་དང་ངག་སེམས་རྡོ་རྗེ་
ལ། །རྡོ་རྗེ་འཇམ་པ་རབ་ཏུ་བསྒོམས། །ལུས་དང་ངག་སེམས་ལ་སྤྲོས་པས། །རྡོ་རྗེ་འཇམ་པ་
འདྲ་བར་འགྱུར། །དེ་དག་གང་ལ་བརྟེན་པའི་རྒྱུད་དང་སྦྱར་བ་ནི། སྔར་དྲངས་པའི་ལུས་ལ་
སོགས་ཚན་པ་གསུམ་དང༌། དེ་ཡོངས་ཤེས་སོགས་དང༌། མཁའ་འགྲོ་མའི་སྡོམ་པ་ནི། ཨེ་ཝཾ་
རྣམ་པ་ཅི་ཞེས་བརྗོད། །ཞེས་དང༌། ཨེ་ཡི་ཆ་བྱད་བཟང་པོ་གང༌། །དབུས་སུ་བཾ་གི་རྣམ་པར་
བརྒྱན། །བདེ་བ་ཐམས་ཅད་ཀྱི་ནི་གནས། །སངས་རྒྱས་རིན་ཆེན་ཟ་མ་ཏོག །སྐད་ཅིག་དབྱེ་
བས་ཕྱེ་བ་ལས། །དགའ་བ་དེ་ལས་སྐྱེ་བར་འགྱུར། །སྐད་ཅིག་ཤེས་ན་བདེ་ཡེ་ཤེས། །ཨེ་ཝཾ་
ཡི་གེར་རབ་ཏུ་གནས། །སྣ་ཚོགས་དང་ནི་རྣམ་སྨིན་དང༌། །རྣམ་ཉིད་དེ་བཞིན་མཚན་ཉིད་
བྲལ། །སྐད་ཅིག་བཞི་ནི་རབ་རྟོགས་པས། །ཨེ་ཝཾ་རྣལ་འབྱོར་པས་ཤེས་འགྱུར། ཞེས་དང༌། 
བཙུན་མོའི་བྷ་ག་བདེ་ཆེན་དུ། །སྟོན་པ་སུམ་ཅུ་རྩ་གཉིས་མཚན། །གཙོ་བོ་དཔེ་བྱད་བརྒྱད་
ཅུར་ལྡན། །ཞེས་པ་ལ་སོགས་པ་དང་སྦྱར་བར་བྱ་སྟེ། ཧེ་རུ་ཀ་ནི་སྒྱུ་མའི་ལྷ་རྣམ་པ་གཉིས་
ཡིན་ལ།དེ་ཡང་ཡེ་ཤེས་ཀྱི་སྐུ་ཡིན་ཏེ་དེའི་རྒྱུ་གཅིག་ནི་བདེ་སྟོང་ལྷན་སྐྱེས་དཔེ་དང་དོན་གྱི་
ཡེ་ཤེས་སྒོམ་པར་བྱའོ་ཞེས་སོ་སོར་སྦྱར་རོ། །ལུས་ལ་སྟེ་གཉུག་མའི་ལུས་ལ་ཡེ་ཤེས་ཆེན་པོ་
ལྷན་ཅིག་སྐྱེས་པ་མི་འགྱུར་བའི་བདེ་བའི་རྒྱུ་ཐམས་ཅད་གནས་པ་ཡིན་པས་དེ་ལྟར་སྐྱེད་པར་
བྱེད་དགོས་ལ། ལྷ་དེ་ནི་རྡུལ་དུ་གྲུབ་པ་ལྟ་ཞོག་ཡིད་ཀྱི་གསར་དུ་རྟོགས་པས་སྒོམ་པ་ཐམས་
ཅད་སྤངས་པའོ། །འགྱུར་མེད་བདེ་བའི་རྒྱུ་ཇི་ལྟར་གནས་ཞེ་ན་རླུང་དང་མ་རྟེན་བརྟེན་པའི་
འབྲེལ་བ་ཉིད་ལས་བདེ་བའི་རྟེན་ཁུ་རྡུལ་དག་ཀྱང་འབྱུང་བའི་ཕྱིར་དེ་ཉིད་དོ་ཞེས་འཆད་
སྐད། ཁ་ཅིག་ནི་ལུས་ལ་བདེ་བའི་རྟེན་ཀུནྡ་ལྟ་བུ་གནས་ལ། དེ་ཡང་ཕྱག་རྒྱ་བཞི་པོའི་དང་པོ་
11-1-263


གསུམ་གྱིས། ལས་ཀྱི་གཏུམ་མོ་འབར་བས་མཐར་ལྷན་སྐྱེས་འབྱུང་ལ། དེ་མཐར་བདེ་བ་
རླུང་དང་བཅས་པ་ལས་རྟོག་པ་ཞེས་སོགས་སྒྱུ་མའི་ལྷ་ཞེས་བཞེད་པ་སྔར་བཞིན་གསུངས། 
དངོས་པོ་ཀུན་ལ་བདེ་སྟོང་གིས་རྒྱས་བཏབ་པས། གང་སྣང་དེའི་རྣམ་རོལ་དུ་འཆར་བས་ཡེ་
ཤེས་ཁྱབ་ཅེས་འགའ་ཞིག་དང༌། གཞན་དག་ནི་བདེ་སྟོང་གི་ཡང་སྟོང་པ་ནི་དངོས་པོ་ཐམས་
ཅད་ལ་ཁྱབ་པ་སྟེ་ཐམས་ཅད་རང་བཞིན་མེད་པར་མཉམ་པ་ལ་དེ་སྐད་ཅེས་བྱའོ་ཞེས་གཉི་
གའང་འོད་གསལ་ལ་སྦྱོར་རོ། །གྲུབ་བརྙེས་ཆེན་པོ་ཤནྟི་གུཔྟའི་ཞལ་སྔ་ནས། དེ་ལྟར་ཡང་
སྦྱོར་མོད་ཀྱི་ཡེ་ཤེས་ཀྱི་སྐུ་དངོས་པོ་ལ་ཁྱབ་པར་སྤྲོས་པས་མ་དག་པའི་སྣང་ཞེན་ཕྲ་མོའང་
ཟློག །རང་སྣང་ལ་དག་པ་འབའ་ཞིག་སྣང༌། གཞན་སྣང་ལ་ཞིང་སྐྱོང་བའོ་ཞེས་པ་ནི་མན་
ངག་མཁྱེན་པའི་གསུང་སྟེ་འོན་ཀྱང་གསུམ་ཀ་དགོས་གསུངས། གཉུག་མའི་ལུས་ཤིན་ཏུ་ཕྲ་
བ་ལུས་ཀུན་ལ་ཁྱབ་ཅིང་གཙོ་བོར་ཆོས་འཁོར་གྱི་ལྟེ་བའི་རྩ་མདུད་ལ་བརྟེན་པས་མི་ཤིགས་
པའི་རླུང་སྟེ། དེ་ནི་མེ་ཏོག་དང་དྲི་ལྟར་ལུས་ལ་གནས་ཀྱང༌། རགས་པའི་ལུས་ལས་སྐྱེས་པ་
མ་ཡིན་ཏེ། འདི་ནི་ཐོག་མ་མེད་པ་ནས་རྒྱུན་མ་ཆད་ཕྱིར། གང་ཟག་ཏུ་བརྟགས་པའི་གཞི་
གཙོ་བོ་ཡང་འདི་ཉིད་དེ། སྟོང་པའི་ཡེ་ཤེས་ལ་སྦྱར་ཚུལ་གཅིག་ཏུ་ན་བདེ་སྟོང་ལྷན་སྐྱེས་ཀྱི་
ཡེ་ཤེས་དེ་ལུས་ལ་གདོད་མ་ནས་གནས་ཀྱང་ལུས་སྐྱེས་མིན་ཏེ་ཟག་མེད་ཀྱི་ངོ་བོ་ཉིད་ཀྱི་
ཕྱིར་ཞེས་དྲངས་སོ། །འདོད་ཚུལ་གཞན་ནི་མ་བཀོད་དོ། །དེ་ཡོངས་ནས་ཤེས་སོགས་ལ་
ཤེས་པ་ནི་རྣམ་གཞག་ཐོས་བསམ་གྱི་གོ་བ་དང༌། སེམས་རང་ངོ་ཤེས་པ་ལ་མི་སྦྱོར་གྱི། ཐུན་
མོང་མ་ཡིན་པའི་བདེ་སྟོང་དེ་མངོན་སུམ་དུ་བྱས་པ་ནི་ཡོངས་སུ་ཤེས་པའོ། །དེས་སྒྲིབ་པ་
གཉིས་ལས་གྲོལ་གྱི། ཐིག་ལེ་མི་འཕོ་བའི་བདེ་བ་ཙམ་པོས་ནི། ཆོས་དང་གང་ཟག་གི་བདག་
འཛིན་དང༌། ཁམས་གསུམ་གྱི་ཉོན་མོངས་གང་ཡང་རྩད་ནས་སྤོང་མི་ནུས་ཤིང༌། འདོད་
ཆགས་ཅན་གྱི་ངན་འགྲོའི་རྒྱུར་གསུངས་ལ། བདེ་བ་ཆེན་པོ་མེད་པ་ཡང༌། དེས་བསྐལ་པ་
11-1-264


གྲངས་མེད་པར་རྩོལ་བས་འབད་དགོས་པ། བདེ་སྟོང་ཡང་དག་པར་སྦྱར་བས་ཆོས་མྱུར་
བས་ཆོས་ཉིད་རྟོགས་པ་ཡིན་ཞིང༌། དེ་ཡང་བདེ་བ་བསྐྱེད་པས་རྩོལ་མེད་དུ་སྟོང་ཉིད་རྟོགས་
པའི་ཡེ་ཤེས་འཆར་བའི་ཐབས་རླུང་དྷཱུ་ཏིར་ཐིམ་པ་ཞིག་དགོས་པས། འདི་ནི་ཁྱད་པར་མང་
པོ་ཞིག་གོ །ཡེ་ཤེས་གང་གི་རང་སྣང་དུ་ཀུན་རྫོབ་ཀྱི་དངོས་པོ་ཐམས་ཅད་ནུབ་པའི་ཡེ་ཤེས་
མངོན་དུ་གྱུར་པ་དེས། དངོས་པོ་སྒྱུ་མའི་ལྷ་སྒོམ་ཞིང་མངོན་དུ་འགྱུར་ལ། དེ་ཡང་བདེ་སྟོང་
དེས། རགས་པ་དང་གཉུག་མའི་ལུས་དབྱེ་བར་ནུས་པས། དེ་ནས་དེ་སྒོམ་གྱི། གཞན་དུ་ན་
ཡིད་ངོར་སྣང་བ་ཙམ་ལས། དེ་ལྟར་དངོས་སུ་བསྐྱེད་མི་ནུས་ལ། དེ་གྲུབ་པ་ན་མཉམ་བཞག་
ཏུ་ཕྱོགས་གཞན་གང་དུའང་མ་སོང་ཡང༌། རགས་པ་དང་གོ་ས་ཐ་དད་ཅིང༌། རྗེས་ཐོབ་ཏུ་གོ་
ས་གཅིག་པའི་ཚུལ་གྱིས་འཇུག་གོ །ཤེས་རབ་ཅན་ནི་ཤེས་རབ་མ་ལས་དེ་སྒྲུབ་སྟེ། ཚངས་
པའི་མེ་དང་ཙཎྜ་ལི་ཡང་ཤེས་རབ་ཡིན་ལ། གཅིག་ཏུ་ན་དེ་ཤེས་རབ་ཡེ་ཤེས་ཀྱི་རྒྱས་གདབ་
དང་ལྡན་པའོ། །དེ་ཡང་དངོས་པོ་མེད་པ་འོད་གསལ་དུ་བཅུག་ཅིང་ཤེས་པ་སྟེ་སེམས་ཙམ་གྱི་
ལྷ་ཡང་རང་བཞིན་མེད་པ་སྟོང་པར་རྟོགས་པས། རླུང་དང་བདེ་བའི་སེམས་སྒྱུ་མའི་ལྷ་དེ་ལྟ་
བུའི་རྡོ་རྗེའི་སྐུ་ཧེ་རུ་ཀར་བསྐྱེད་ཅིང་སྒོམ་ནས་སླར་ཟུང་འཇུག་ཏུ་བྱའོ། །ཡང་འབྲས་བུའི་
སྐབས་སུ་གཉིས་སྣང་གི་དངོས་པོ་བག་ཆགས་ཐམས་ཅད་མེད་པའི་ཡང་དག་མཐའ་ལས་ཧེ་
རུ་ཀ་ལོངས་སྤྱོད་རྫོགས་པར་ལྡང་ཞེས་སོ། །སངས་རྒྱས་ཏེ་ཕུང་སོགས་ཐམས་ཅད་གང་དུ་
སྡོམ་པའི་ཡེ་ཤེས་ནི་ཨེ་སྟོང་ཉིད་དང་ཝཾ་བདེ་ཆེན་གཉིས་སུ་མེད་པ་སྟེ། དེ་ཡང་རྣམ་པ་སྟེ་རྡོ་
རྗེའི་སྐུ་དང་བི་ཨུཏྤད། པྲའི་དོན་མཆོག་རབ་སྟེ། ཟུང་འཇུག་ཏུ་གནས་ལ། ཨེ་བཾ་རྣམ་པ་དེའི་
བདེ་བ་ཆེན་པོ་ནི། དབང་གི་དཔེའི་ཡེ་ཤེས་ཀྱིས་མཚོན་པར་བྱེད་ཅེས་རྒྱས་པར་མཁས་གྲུབ་
རྣམས་ཀྱིས་བཤད་དོ། །བཅོམ་ལྡན་སོགས་ཀྱིས་བོས་ནས་དྲིས་པ་དང་ལན་ལ། ནང་དང༌། 
གསང་བ་དང༌། དེ་ཉིད་གསུམ་ལས། དང་པོ་ནི། ཇི་སྐད་དུ། འདི་དག་རྣམས་སུ་མཁའ་འགྲོ་
11-1-265


མ། །རྩ་གཟུགས་མཛེས་པས་ཡང་དག་གནས། །ཞེས་པ་ལྟར། མཁའ་འགྲོ་མ་རྣམས་ཀྱི་སྡོམ་
པ་ནི་མཁའ་འགྲོ་མའི་སྡོམ་པའོ། །མཁའ་འགྲོ་མ་སྟེ་རྩ་རྣམས་ཐམས་ཅད་རྩའི་གཙོ་བོ་སོ་
གཉིས་དང་འཁོར་ལོ་བཞི། དེ་ཡང་ཆོས་འཁོར་དུ་སྡོམ་པ་སྟེ། དེ་ལས་འབྱུང་ཞིང་བསྡུད་པས་
སོ། །དེའི་ལྟེ་བའི་རྩ་མདུད་ཨེ་ཝཾ་གི་རྣམ་པར་ཇི་ལྟ་བུར་གནས་ཞེས་པའོ། །རྩ་མདུད་ཨེའི་ཆ་
བྱད་ལས་དེར་གནས་མི་ཤིགས་པའི་རླུང་ཡང་ཨེའི་ཆ་བྱད་ངོ་བོ་བཟང་པོ་སྟེ་རླུང་དྭངས་མ་
ཤིན་ཏུ་ཕྲ་བ་གང་གི་དབུས་སུ་མི་ཤིགས་ཁུ་ཁྲག་གི་ཐིག་ལེ་དྭངས་མ་ཝཾ་གི་རྣམ་པས་རྣམ་
པར་བརྒྱན་ནས་གནས་པ། དེར་གནད་དུ་བསྣུན་པ་ལས་འོད་གསལ་བདེ་བ་ཆེན་པོ་འཆར་
བས་བདེ་བ་ཞེས་སོགས་གསུངས་ཏེ།སརྦ་སོ་ཁྱ་ནཾ། ཞེས་པས་སུ་ཁ་བདེ་བ་སྟེ། དེ་ཡང་
ཐམས་ཅད་སྟོང་པ་དང་སྦྱར་བས། ཐམས་ཅད་བདེ་བའི་འོད་གསལ་ལོ། །དེའི་ཕྱིར་འདི་
སངས་རྒྱས་ཀྱི་ཟ་མ་ཏོག་གོ །གཉིས་པ་ནི། བུད་མེད་བདེ་མཆོག་ཕུན་སུམ་ཚོགས། །ཞེས་པ་
ལྟར། སམྦྷར་ནི་ཤཾ་བ་རའམ་སམྦ་ར་ཞེས་པའང་སྟེ་མཁའ་འགྲོ་མ་སྟེ། ལས་དང༌། ཡེ་ཤེས་
དང༌། རང་སྣང་གི་རིག་མ་རྣམས་ཏེ། དེའི་བདེ་བ་མཆོག་ནི་དེ་དང་སྦྱར་བས་དྲངས་པའི་ལྷན་
སྐྱེས་རྒྱུ་དང་བཅས་པ་ལས་ཨེ་ཝཾ་ཇི་ལྟར་འབྱུང་ཞེས། ཡུལ་བདེ་བ་དང༌། བློ་གྲོས་དང་བཅས་
པ་དང༌། སྤྱོད་པའི་སྐབས་ཀྱི་དོན་དྲིས་པའོ། །ཡང་གཞན་ནི་ཌཱ་ཀི་ནི་ནཱཾ་ནི་ཚངས་པའི་མེ་དང་
ལྟེ་བའི་གཏུམ་མོ། དཔའ་བོ་སྤྱི་དང་སྦྱར་བའི་འདུ་འཕྲོད་ཀྱི་ཨེ་ཝཾ་བྲིས་ལ་སྦྱར་རོ། །ཨེ་ཡིག་
གི་ཆ་བྱད་ཕྱག་རྒྱའི་པདྨའི་དབུས་སུ་ཝ་སྟེ་རྡོ་རྗེ་ནོར་བུའི་ལྟེ་བའི་རྩེ་མོ་ཨ་བ་དྷཱུ་ཏི་དང་ཤེས་
རབ་ཀྱི་ཁག་མུ་ཁའི་རྩེ་མོ་མི་ཕྱེད་པར་བཅིངས་པ་ནི་དེའི་རྣམ་པ་དང༌། ཀུནྡ་མི་འཕོ་བ་ནི་
རྗེས་སུ་ང་རོའོ། །ནཱ་ད་ནི་བདེ་བ་བསྐྱེད་པ་དང་བདེ་བ་བརྟན་བྱེད་དབུ་མའི་རླུང་ངོ༌། །བདེ་བ་
ནི་ཐུན་མོང་མ་ཡིན་པའི་ཞུ་བདེའོ། །ཐམས་ཅད་ནི་དགའ་བ་ལ་སོགས་པ་མང་པོའི་དོན་ནོ། །
བདེ་བའི་ཡེ་ཤེས་འདི་ལས་སངས་རྒྱས་ཀྱི་སྐུ་དང་ཡེ་ཤེས་གཉི་གའང་འབྱུང་བས་རིན་ཆེན་
11-1-266


ཟ་མ་ཏོག་གོ །ཨེ་ནི་རྡུལ་དང་ཝཾ་ནི་ཁུ་བ་སྟེ་ལྟེ་བའམ། སྙིང་གར་ཁམས་དྭངས་མ་འདུ་འཕྲོད་
གཞི་ནས་གནས་པ་དང༌། ཐབས་ཀྱི་གཏུམ་མོ་སྦར་བས་གསར་དུ་འདུ་འཕྲོད་སྤྱི་བོ་ནས་ནོར་
བུའི་བར་དུ་དབབ་ལྡོག་གི་དགའ་བཞི་བདེ་བ། རྗེས་སུ་ང་རོ་དང༌། །ནཱ་ད་ནི་ཞུ་བདེའི་རླུང་
སྙིང་གར་ཐིམ་པའི་ཡེ་ཤེས་སོ། །སྐད་ཅིག་ཞེས་སོགས་ལ་དེ་ལྟར་ཨེ་བཾ་སྦྱོར་བ་དེ་ལས་སྐད་
ཅིག་བཞི་དང་ལྡན་པ་དགའ་བཞི་སྐྱེ་སྟེ། སྐད་ཅིག་བཞིའི་རང་བཞིན་སྟོང་པ་ཤེས་ན། བདེ་
སྟོང་གི་ཡེ་ཤེས་ཐབས་ཤེས་ཨེ་བཾ་གཉིས་མེད་དུ་གནས་སོ། །དགའ་བའི་སྐད་ཅིག་མ་རྣམ་པ་
སྣ་ཚོགས་པ་ལ་སོགས་པ་ཉིད་སྟོང་པ་དང་སྦྱར་བས། ཨེ་བཾ་སྟེ་སྐད་ཅིག་ལས་འདས་པ་མི་
འགྱུར་བ་ཟག་མེད་བདེ་བར་དགའ་བཞི་ཐམས་ཅད་གནས་གྱུར་པ་ཤེས་པ་སྟེ་རྟོགས་ཤིང་
མངོན་དུ་འགྱུར་རོ། །ཨེ་བཾ་ཛཱ་ནཾ་{ཏི་[ཏེ་]ཡོ་གི་ནཱཿཞེས་པ་ཡང༌། །སྦྱོར་བ་ཤེས་པས་ཨེ་བཾ་
བྱེད་ཤེས་སོ། །ལྷག་མ་སྣ་ཚོགས་ཞེས་སོགས་ཞིབ་ཏུ་རྒྱུད་རྣམས་ཉན་ནས་གཏན་ལ་དབབ་
དགོས་སྟེ། དགའ་བཞི་དང་བདེ་སྟོང་བླ་མེད་སྤྱིའི་རྒྱུད་དོན་ལྷག་པར་གལ་ཆེ་བའི་དོན་གྱི་
གཙོ་བོའོ། །གསུམ་པ་ནི། མཁའ་འགྲོ་མའི་དཀྱིལ་འཁོར་གྱི་གཙོ་བོ་ཟུང་འཇུག་ཏུ་སྡོམ་པའོ། 
ཨེ་ཐམས་ཅད་སྟོང་པ་བདེ་ཆེན་དང༌། ཝཾ་སྐུ་ལོངས་སྤྱོད་རྫོགས་པའོ། །ཐམས་ཅད་ཀྱི་གནས་
ནི། མཐར་ཐུག་པའོ། །སངས་རྒྱས་ཐམས་ཅད་ཀྱི་སྤྲུལ་པ་བསམ་གྱིས་མི་ཁྱབ་པ་སྤྲོ་བས་ན་
ཟ་མ་ཏོག་གོ །དོན་འདི་ནི་འདི་ཡང་སྟེ། ཉེ་རྒྱུའི་བཙུན་མོའི་བྷ་གར་སྙོམས་པར་ཞུགས་ནས་
ཐུགས་བདེ་བ་ཆེན་པོ་ཅན་དུ་ཡང་དག་མཐར་བཅུ་གནས། ཆོས་ཀྱི་སྐུ་མངོན་དུ་བྱེད་ཅིང༌། བྷ་
ག་ཞེས་བདུན་པའི་སྒྲས་བརྟེན་པ་གཟུགས་སྐུ་དང༌། རྟེན་ཆོས་སྐུའོ། །ཞེས་སྟོན་ཏེ། གཟུགས་
སྐུ་དེ་ཇི་ལྟ་བུ་ཞེ་ན། སྟོན་པ་ཞེས་སོགས་གསུངས་ཏེ། ཉེར་ལེན་རླུང་དང་བདེ་ཆེན་གྱི་ཡེ་ཤེས་
ཙམ་ལས་གྲུབ་པའི་མཚན་དཔེས་སྤྲས་པའི་དབང་ཕྱུག་བརྒྱད་དམ། ཡན་ལག་བདུན་ལྡན་
རྒྱལ་བའི་སྐུའོ། །འདིར་རྟོགས་དགོས་པ་གཏུམ་མོ་སོགས་ཆོས་སམ། དངོས་ཀྱི་རིག་མ་ལས། 
11-1-267


ཡེ་ཤེས་རིག་མ་དམ་ཚིག་རང་སྣང་གི་རིག་མ། བདེ་སྟོང་ཡེ་ཤེས། ཡེ་ཤེས་ཀྱི་ལྷ་སྐུ་རྣམས་
ཕྱག་རྒྱ་ཆེན་པོ། ད་ནི་མཇུག་གི་དོན་བྷ་བནྟུ་ཞེས་པ་སྭ་སྟི་བྷ་བནྟུ་ཏེ་སེམས་ཅན་མ་ལུས་པ་
མཐའ་དག་སྒྲིབ་པའི་མི་ཤིགས་པ་སྤངས་ཏེ། ཟུང་འཇུག་གི་སྐུ་ཤིན་ཏུ་ཤིས་པ་ཐོག་མཐའ་
བར་དང་རྒྱུ་འབྲས་ངོ་བོ་རང་གཞན་གྱི་དོན་ཐམས་ཅད་དགེ་ལེགས་སུ་གྲུབ་པར་གྱུར་ཅིག་
ཅེས་དགེ་བ་བསྔོ་བ་ཡིན་ནོ། །འདིར་རྒྱུད་དང་སྦྱར་བ་ནི་ད་དུང་འདིའི་དོན་རྒྱ་ཆེར་འཆད་པ་
སྔ་ཕྱིར་ཆེས་མང་མོད། འདི་དང་འདི་ལ་བརྟེན་ནས་འདི་མཛད་པ་ཡིན་ཏེ། དོན་འདི་ལྟར་
འཆད་གསུངས་པ་ལྟར་འཆད་དོ། །མཁས་གྲུབ་ཀྱི་གཞུང་དང་འགལ་བའི་རང་བཟོ་འབད་
པས་སྤངས་ཏེའོ། །ཤིན་ཏུ་ཟབ་པ་རྣལ་འབྱོར་མ་ཡི་རྒྱུད། །དགྱེས་པའི་རྡོ་རྗེར་རབ་སྦས་སྙིང་
པོའི་དོན། །གྲུབ་མཆོག་བྱེ་བས་བརྟེན་པའི་ལམ་བཟང་པོ། །བླ་མའི་དྲིན་ལས་རྨོངས་པ་
བདག་གིས་ཀྱང༌། །རྙེད་ནས་མི་འགྱུར་གཡོ་མེད་པའི། །གོ་འཕང་བགྲོད་བྱེད་དེ་རིང་བསྟན། །
འཇིག་རྟེན་ཕྱུགས་ཀྱི་ངང་ཚུལ་ཅན། །ཀུན་གྱིས་མི་གོ་ཇི་ལྟར་བྱ། །འབྱོར་ལྡན་དྲེགས་བཅས་
ཤིང་རྟ་ཆེན་པོར་བྱེད། །ཟབ་དོན་མི་ཤེས་སྔགས་པར་ཁས་ལེན་ཅན། །ཕལ་པའི་སྤྱོད་པས་
གྲུབ་པར་བརྫུས་པ་སོགས། །བྱང་ཕྱོགས་འདི་ན་བསྟན་པའི་ཆོམ་རྐུན་མང༌། །ལན་ཚྭའི་མཚོ་
ལ་ནོར་བུར་བཞིན། །འདིར་ཡང་བྱང་ཆུབ་སྤྱོད་པ་སྤྱོད། །ཚེ་འདི་ཉིད་དུ་དངོས་གྲུབ་མཆོག །
ཧེ་རུ་ཀ་དཔལ་ཐོབ་པར་ཤོག།   །།ཅེས་པའང་ཏཱ་ར་ནཱ་ཐས་རང་ལོ་བཅུ་དགུ་པ་ལ་དཔལ་
ཆོས་ཀྱི་ཐང་དུ་སྦྱར་བ་ལས། ཞབས་ཅུང་ཟད་ལེ་ལོའི་དབང་དུ་ཐལ་བ་སླར་རང་ལོ་ཉི་ཤུ་པ་
ལ་རིའི་དབང་པོ་མཁའ་རག་དང་ཉེ་བའི་སར་སྦྱར། །དགེ་ལེགས་འཕེལ། ཞུས་དག
11-1-268


༄༅། །དཔལ་མཧཱ་མཱ་ཡའི་དཀྱིལ་འཁོར་གྱི་སྒྲུབ་ཐབས་
རིན་ཆེན་མྱུ་གུ་ཞེས་བྱ་བ་བཞུགས། 
༄༅། །ༀ་ན་མོ་གུ་རུ་ཝེ། དཔལ་མཧཱ་མཱ་ཡའི་དཀྱིལ་འཁོར་གྱི་སྒྲུབ་ཐབས་རིན་ཆེན་མྱུ་གུ་ཞེས་བྱ་བ། བླ་མ་དང་
ཧེ་རུ་ཀ་ལ་ཕྱག་འཚལ་ལོ། །བདེ་ཆེན་སྒྱུ་མའི་རོལ་པ་ཅན། །ཐུགས་རྗེའི་སྟོབས་ལ་ཕྱག་བྱས་ནས། །དེ་ཡི་སྒྲུབ་ཐབས་སྙིང་པོ་ནི། །
བརྩེ་བའི་སེམས་ཀྱིས་བཤད་པར་བྱ། །དེ་ལ་དཔལ་སྒྱུ་འཕྲུལ་ཆེན་མོ་སྒྲུབ་པར་འདོད་པས། འདི་ལྟར་སྒོམ་སྟེ། ལུས་ཀྱི་ཞེན་པ་
བཟློག་པའི་དོན་དུ་བསྐྱེད་རིམ། ངག་གི་ཞེན་པ་བཟློག་པའི་དོན་དུ་བཟླས་པ། སེམས་ཀྱི་ཞེན་པ་བཟློག་པའི་དོན་དུ་རྫོགས་རིམ་
སྒོམ་པ་སྟེ་གསུམ་ལས། དང་པོ་ལ་བཅུ་བཞི་ལས། དང་པོ་བླ་མ་དག་པའི་ཆོ་ག་ནི། 
རང་གི་སྙིང་གར་པཾ་ལས་པདྨ་དམར་པོ་འདབ་མ་བཞི་པར་རཾ་ལས་ཉི་མ་ལ་ཧཱུཾ་སྔོན་པོ་
འོད་ཟེར་ལྔ་འཕྲོ་བ། དེའི་འོད་ཀྱིས་གདོད་མའི་གནས་ནས་ཧེ་རུ་ཀའི་དཀྱིལ་འཁོར་ཆེན་
པོ་ཤར་གྱི་འཁྱམས་སུ་བླ་མ་མི་བསྐྱོད་པ་དང་བཅས་པ་རང་གི་མདུན་དུ་བཛྲ་ས་མཱ་ཛཿ སྙིང་
གའི་ཧཱུཾ་གི་འོད་ཀྱི་རྩེ་མོ་ལས་སྤྲུལ་པའི་མཁའ་འགྲོ་ལྔའི་རང་བཞིན་ལྷ་མོ་རྣམས་ཀྱིས་མཆོད་
པར་གྱུར། ༀ་བཛྲ་ཨརྒྷཾ་པྲ་ཏཱིཙྪ་སྭཱཧཱ། ༀ་ཤྲཱི་ཧེ་རུ་ཀ་པཉྩ་ཌཱ་ཀི་ནཱི་པུཥྤཾ་པྲ་ཏཱིཙྪ་ཨཱཿཧཱུཾ། ཞེས་
སོགས་ཉེར་སྤྱོད་ལྔ་དང༌། ༀ་ཨཱཿཧཱུཾ་གིས་ནང་མཆོད་ཕུལ། གསང་མཆོད་ཡིད་ཀྱི་དྲན་ཙམ་བྱས། བདག་གིས་སྡིག་པ་
བགྱིས་པ་དང༌། །བགྱིད་དུ་བསྩལ་དང་ཡིད་རང་བ། །སངས་རྒྱས་སྤྱན་སྔར་མཆིས་ནས་སུ། །
མ་ལུས་དེ་དག་བཤགས་པར་བགྱི། །སངས་རྒྱས་བྱང་ཆུབ་སེམས་དཔའ་དང༌། །རང་རྒྱལ་
དགྲ་བཅོམ་འགྲོ་རྣམས་དང༌། །སྒོམ་དང་བཟླས་བརྗོད་བསོད་ནམས་ཀྱི། །ཚོགས་ལ་བདག་
ནི་ཡིད་རང་ངོ༌། །སྒྱུ་འཕྲུལ་གཙོ་བོ་ཡབ་ཡུམ་དང༌། །མཁའ་འགྲོ་མ་དང་བཅས་པ་དང༌། །
གསང་སྔགས་ཐེག་པ་བླ་མེད་པའི། །ཆོས་མཆོག་ལ་ཡང་སྐྱབས་སུ་མཆི། །དུས་གསུམ་
11-1-269


བདེ་གཤེགས་ཐམས་ཅད་དང༌། །བྱང་ཆུབ་སེམས་དཔའ་ཐམས་ཅད་ཀྱིས། །བྱང་ཆུབ་ཏུ་ནི་
སེམས་བསྐྱེད་པ། །དེ་བཞིན་བདག་གིས་སེམས་བསྐྱེད་དོ། །བདག་གི་དགེ་བའི་ལས་རྣམས་
ཀྱིས། །འཇིག་རྟེན་འདིར་ནི་སངས་རྒྱས་ཤོག །སེམས་ཅན་འཁོར་བའི་རྒྱ་མཚོ་ལས། །བླ་
མེད་གནས་སུ་བསྒྲལ་བར་བགྱི། །
གཉིས་པ་ཚད་མེད་བཞི་སྒོམ་པ་ནི། སེམས་ཅན་ཐམས་ཅད་བདེ་བ་དང༌། སོགས་བྱ། གསུམ་པ་སྟོང་ཉིད་
སྒོམ་པ་ནི། ཐུགས་ཀའི་ཧཱུཾ་གི་འོད་ཀྱིས་ཕྱི་སྣོད་བཅུད་དང༌། བདག་ལུས་དང་སྙིང་གའི་པདྨ་དང༌། 
ཧཱུཾ་རྣམས་རིམ་པས་གཅིག་ལ་གཅིག་ཐིམ་ཞིང༌། ཧཱུཾ་ཡང་ཇེ་ཕྲ་ལ་སྟོང་པར་ཐིམ། ༀ་ཤུ་ནྱ་ཏ་༴ 
སོགས། བཞི་པ་བསྲུང་འཁོར་བསྒོམ་པ་ནི། སྟོང་པའི་ངང་ལས་ཧཱུཾ་ལས་སྣ་ཚོགས་རྡོ་རྗེའི་ས་གཞི་དང༌། 
རྭ་གུར་དང༌། དྲ་བ་དང༌། རྭ་བ་རྡོ་རྗེ་རྐྱང་པས་གཏམས་པ་ཡེ་ཤེས་ཀྱི་མེ་དཔུང་འབར་བ་དང་
བཅས་པའི་བསྲུང་འཁོར་དུ་གྱུར། ལྔ་པ་རྟེན་དང་བཅས་པའི་དཀྱིལ་འཁོར་གྱི་ལྷ་བསྐྱེད་པ་ནི། དེའི་ནང་དུ་
ཨེ་ལས་ཆོས་འབྱུང་གི་དབུས་སུ། ཡཾ་ལས་རླུང་སྔོན་པོ་ཟླ་གཾ །རཾ་ལས་མེ་དམར་པོ་གྲུ་གསུམ། 
བཾ་ལས་ཆུ་དཀར་པོ་ཟླུམ་པོ། ལཾ་ལས་ས་སེར་པོ་གྲུ་བཞི་རྣམས་སྟེང་ནས་སྟེང་དུ་བརྩེགས་པ། 
དེའི་དབུས་སུ་རིན་པོ་ཆེའི་རི་རབ་ཀྱི་སྟེང་དུ། པཾ་ལས་སྣ་ཚོགས་པདྨའི་ལྟེ་བར། ཧཱུཾ་ལས་སྣ་
ཚོགས་རྡོ་རྗེ་རྒྱ་གྲམ། དེའི་དབུས་སུ་བྷྲུཾ་ལས་གཞལ་ཡས་ཁང་གྲུ་བཞི་སྒོ་བཞི་རྟ་བབ་བཞི། 
པཉྩ་རོ་ཁའི་རྩིག་པ་དང༌། འདོད་སྣམ་ཕ་གུ་དྲ་ཕྱེད་ཤར་བུ་མདའ་ཡབ་རྣམས་དང༌། ནང་ཀ་
བ་བརྒྱད་དང༌། རྡོ་རྗེའི་གདུང་ཟླུམ་དང༌། ཐལ་གདུང་དང་རྩེ་མོར་རྡོ་རྗེ་རིན་པོ་ཆེའི་ཏོག་དང་
བཅས་པ། [རྒྱ་ཕུབས་]མཆོད་རྟེན་མགོ་ལྔ་པ་ལྟ་བུ། སྟེང་འོག་གི་གཞི་ཤར་དཀར། ལྷོ་སེར། 
ནུབ་དམར། བྱང་ལྗང་བ། ཕྱི་རོལ་དུར་ཁྲོད་བརྒྱད་ཀྱིས་ཡོངས་སུ་བསྐོར་བའོ། །བསྡུས་པ་སྒོམ་
པའི་ཚེ་ཆོས་འབྱུང་སྒོམ་པ་ནས་འདིའི་བར་བོར་ཡང་རུང་ངོ༌། །དབུས་སུ་པཾ་ལས་པདྨ་དམར་པོ་འདབ་མ་བཞི་
པ། དེའི་ལྟེ་བ་དང་ཕྱོགས་བཞིར། རཾ་ལས་ཉི་མའི་དཀྱིལ་འཁོར་རེ་རེ། དབུས་སུ་ཧྲཱིཿཡིག་གོ །
11-1-270


དེ་ཞུ་བ་ལས་ཐིག་ལེ་དཀར་པོ་ལྔ་གྲུབ་པ་ལྟེ་བ་དང་ཕྱོགས་བཞིའི་འདབ་མ་ལ་འཁོད་པར་
གྱུར། ཕྱོགས་བཞིའི་ཐིག་ལེ་རྣམས་ལས་འོད་འཕྲོས། སངས་རྒྱས་མཆོད། སེམས་ཅན་གྱི་
དོན་བྱས་སླར་འདུས་ཏེ། ཤར་ནས་གཡས་བསྐོར་གྱི། ཧཱུཾ་སྔོན་པོ། སྭཱ་སེར་པོ། ཨཱཿདམར་པོ། 
ཧཱ་ལྗང་ཁུ་རྣམས་སུ་གྱུར། ཡང་འོད་འཕྲོས་སངས་རྒྱས་མཆོད་སེམས་ཅན་གྱི་དོན་བྱས། སླར་
འདུས་ཐིམ་པ་ལས། ཤར་དུ་རྡོ་རྗེ། ལྷོར་རིན་ཆེན། ནུབ་ཏུ་པདྨ། བྱང་དུ་རལ་གྲི་རྣམས། ཧཱུཾ་
སྭཱ་ཨཱཿཧཱ་རྣམས་ཀྱིས་མཚན་པར་གྱུར། དེ་རྣམས་ལས་ཀྱང་འོད་འཕྲོས། སངས་རྒྱས་མཆོད། 
སེམས་ཅན་རྣམས་ཀྱི་ཕུང་པོ་བཞི་དང་འབྱུང་བ་བཞི་སྦྱངས། ཚད་མེད་བཞི་དང་ཡེ་ཤེས་བཞི་
ལ་བཀོད། སླར་འདུས་པ་ལས། ཤར་དུ་རྡོ་རྗེ་མཁའ་འགྲོ་མ་སྔོན་མོ་སྔོ་སེར་དཀར་ལྗང་བའི་
ཞལ། ཕྱག་བཞིའི་གཡས་དང་པོ་རྡོ་རྗེ། གཡོན་དང་པོ་དྲིལ་བུ། གཉིས་པ་ཁ་ཊྭཱཾ་ག །གཡས་
གཉིས་པ་ཐོད་པ་བསྣམས་པ། ལྷོར་རིན་ཆེན་མཁའ་འགྲོ་མ་སེར་མོ་སེར་སྔོ་དཀར་ལྗང་བའི་
ཞལ། གཡས་དང་པོ་རིན་པོ་ཆེའི་རྒྱལ་མཚན། གཡོན་དང་པོ་ཐོད་པ། གཉིས་པ་ལྕེ་སྦྱང་
གི་མགྲིན་པ་བརྩིར་བ། གཡས་གཉིས་པ་ཁ་ཊྭཱཾ་ག་བསྣམས་པ། ནུབ་ཏུ་པདྨ་མཁའ་འགྲོ་མ་
དམར་མོའམ་དཀར་མོའམ་དཀར་ལ་དམར་བའི་མདངས་ཆགས་པ། དཀར་སེར་སྔོ་ལྗང་
བའི་ཞལ། གཡས་དང་པོ་པདྨ། གཡོན་དང་པོ་ཐོད་པ། གཉིས་པ་གཞུ། གཡས་གཉིས་པ་
མདའ་བསྣམས་པ། བྱང་དུ་སྣ་ཚོགས་མཁའ་མགྲོ་མ་ལྗང་ཁུ། ལྗང་སེར་དཀར་སྔོ་བའི་ཞལ། 
གཡས་དང་པོ་རལ་གྲི། གཡོན་དང་པོ་ཞགས་པ། གཉིས་པས་ཀ་པཱ་ལ། གཡས་གཉིས་པ་ཌཱ་
མ་རུ་བསྣམས་པའོ། །དྲུག་པ་གླུས་བསྐུལ་བ་ནི། དེ་ལྟར་ལྷ་མོ་བཞིས། ཨེ་མ་གཉེན་མཆོག་རྡོ་རྗེའི་འོད་
ཀྱི་པདྨ་རབ་ཕྱེ་ཤིག །ཨ་ལ་ལ་ལ་ལ་ཧོ། །བདེ་བ་ཆེན་པོ་རབ་ཏུ་དགྱེས་པའི་གར་མཛོད་ཅིག །
ཇི་ལྟར་ཉི་མའི་འོད་ཀྱིས་པདྨ་རབ་ཁ་འབྱེད་པ་བཞིན། །ཨ་ལ་ལ་ལ་ལ་ཧོ། བདེ་བ་ཆེན་
པོར་རབ་ཏུ་དགྱེས་པའི་གར་མཛོད་ཅིག །ཅེས་བསྐུལ། བདུན་པ་གཙོ་བོ་ཡབ་ཡུམ་བསྐྱེད་པ་ནི། དབུས་ཀྱི་
11-1-271


ཐིག་ལེ་ལས་འོད་འཕྲོས་སངས་རྒྱས་མཆོད། སེམས་ཅན་གྱི་དོན་བྱས། སླར་འདུས་པ་ལས་
ཧཱུཾ་སྔོན་པོའོ། །དེ་ལས་འོད་འཕྲོས། སངས་རྒྱས་མཆོད། སེམས་ཅན་གྱི་དོན་བྱས་ཚུར་འདུས་
པ་ལས། རྡོ་རྗེ་སྔོན་པོ་ཧཱུཾ་གིས་མཚན་པ། དེ་ལས་རིགས་ལྔའི་སྤྲུལ་པ་དཔག་ཏུ་མེད་པ་སྤྲོས། 
ཡེ་ཤེས་ལྔ་ལ་བཀོད། ཡང་འདུས་པ་ལས་དཔལ་ཧེ་རུ་ཀ་སྐུ་མདོག་སྔོན་པོ། སྔོ་སེར་དམར་
ལྗང་བའི་ཞལ། ཕྱག་འོག་མ་གཉིས་ཀྱིས་ཐོད་པ་དང་ཁ་ཊྭཱཾ་བསྣམས་པས། རང་དང་འདྲ་བའི་
ཡུམ་སངས་རྒྱས་མཁའ་འགྲོ་མ་ཕྱོགས་ཀྱི་གོས་ཅན་ལ་འཁྱུད་པ། དང་པོ་གཉིས་ཀྱིས་མདའ་
གཞུ་འཛིན་པ། ཁྲོ་ཆགས་མཛེས་ཤིང་སྒེག་པ་རབ་ཏུ་ཁྲོས་པས་འཇིགས་པའང་འཇིགས་པར་
མཛད་པ། སྤྱན་གསུམ་གསུམ་དམར་ཞིང་གཡོ་བ། སྐྲ་སེར་གྱེན་བརྫེས། ཐོད་སྐམ་ལྔའི་དབུ་
རྒྱན་དང༌། རློན་པ་ལྔ་བཅུའི་དོ་ཤལ། ཕྱག་རྒྱ་ལྔ་དང༌། གར་དགུས་རོལ་བ། ཐལ་ཆེན་གྱིས་
བྱུགས་ཤིང་མི་ལྤགས་ཀྱིས་སྟོད་གཡོགས་ཅན། གཡས་བརྐྱང་བའི་གར་སྟབས་ཀྱིས་ཉི་མའི་
སྟེང་དུ། མི་རོའི་སྙིང་གར་མནན་པ་མེ་དཔུང་གི་དབུས་ན་བཞུགས་པའོ། །ལྷ་མོ་ལྔ་ནི་ཐལ་
བ་དང་བྲལ་བ་ཐོད་སྐམ་གྱི་ཕྲེང་བ་ཅན། ལྷག་མ་གཙོ་བོ་དང་མཚུངས་པ། འཁོར་བཞི་པོ་ནི་
ཕྱག་གཡས་དང་པོ་ཐུགས་ཀ །གཡོན་དང་པོ་གསང་གནས། ཕྱག་འོག་མ་གཉིས་དཔུང་པའི་
ཐད་ཀར་ཕྱག་མཚན་འཛིན་པའོ། །ཐམས་ཅད་ལ་ཞལ་གྱི་ཁ་དོག་ནི་གཡས་བསྐོར་དུ་གོ་བར་བྱ་ཞིང༌། གཙོ་འཁོར་
ཐམས་ཅད་གཡས་བརྐྱང་གི་གར་སྟབས་དང༌། འཁྱུད་ཡུམ་མ་གཏོགས་གཞན་རྣམས་དེ་ལྟར་དང་གཙོ་བོའི་རྒྱབ་ཞལ་དཀར་པོ་
དང༌། ཡུམ་སངས་རྒྱས་མཁའ་འགྲོ་མ་དམར་མོ་དམར་སེར་སྔོ་ལྗང་བའི་ཞལ་བྱེད་པ་སོགས་ཀྱང་གདམ་ང་ཡིན་པས་གང་མོས་
པ་དེ་ལྟར་སྒོམ་མོ། །བརྒྱད་པ་སྐྱེ་མཆེད་སོགས་ལ་ཡི་གེ་དགོད་པ་ནི། དཔྲལ་བར་ཙི་སེར་པོ། མིག་ཏུ་ༀ་དཀར་
པོ། རྣ་བ་ལ་ཨ་དམར་པོ། སྣ་ལ་ཁེ་དཀར་པོ། མགྲིན་པར་ཨཱཿདམར་པོ། སྙིང་གར་ར་དམར་
པོ། གནས་གསུམ་དུ་ༀ་ཨཱཿཧཱུཾ། ཡང་སྙིང་གར་རཾ་ལས་ཉི་མ་ལ་ཧཱུཾ་ལས་རྡོ་རྗེ་སྔོན་པོའི་ལྟེ་བ་
ལ་ཧཱུཾ་གིས་མཚན་པའོ། །དགུ་པ་ཡེ་ཤེས་པ་བསྲེ་བ་ནི། དེའི་འོད་ཀྱིས་ཡེ་ཤེས་སེམས་དཔའ་བཛྲ་ས་
11-1-272


མཱ་ཛཿ གོང་བཞིན་མཆོད། ཛཿཧཱུཾ་བཾ་ཧོཿ ཨོ་དྷརྨ་དྷཱ་ཏུ་བཛྲ་སྭ་བྷཱ་ཝ་ཨཏྨ་ཀོ྅ཧཾ། བཅུ་པ་དབང་བསྐུར་བ་
ནི། དབང་གི་ལྷ་སངས་རྒྱས་བྱང་སེམས་ཐམས་ཅད་སྤྱན་དྲངས། པུཥྤེ༴ སོགས་ཀྱིས་མཆོད། དབང་
བསྐུར་དུ་གསོལ་ཞེས་གསོལ་བ་བཏབ་པས། ཐུགས་ཀའི་འོད་ཀྱི་རྩེ་མོ་ནས་སྤྲུལ་པའི་ལྷ་
མོ་རྣམས་ཀྱིས། ༀ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཧཱུཾ། ཞེས་གསུངས་ཤིང་དབང་
བསྐུར། སྐུ་གང་དྲི་མ་དག །ཆུ་ལྷག་མ་སྤྱི་བོར་འཁྱིལ་བ་ལས། གཙོ་བོ་དང་རྡོ་རྗེ་མ་ལ་མི་
བསྐྱོད་པ། སངས་རྒྱས་མཁའ་འགྲོ་མ་ལ་རྣམ་སྣང༌། རིན་ཆེན་མ་ལ་རིན་འབྱུང༌། པདྨ་ལ་སྣང་
མཐའ། སྣ་ཚོགས་མ་ལ་དོན་གྲུབ་ཀྱིས་དབུ་བརྒྱན། 
བཅུ་གཅིག་པ་མཆོད་པ་ནི། ཐུགས་ཀའི་ས་བོན་ལས་མཆོད་པའི་ལྷ་མོ་སྤྲོས། ཨརྒྷཾ་སོགས། གོང་
བཞིན་ནོ། །བཅུ་གཉིས་པ་བསྟོད་པ་ནི། མཆེ་བ་གཙིགས་ཤིང་འཇིགས་པ་ཆེ། །སྔགས་ཀྱི་མེ་ཏོག་ཕྲེང་
བས་བརྒྱན། །ཤ་ཆེན་རབ་ཏུ་གསོལ་མཛད་པའི། །ཧེ་རུ་ཀ་དཔལ་ཕྱག་འཚལ་བསྟོད། །ཅེས་
བསྟོད། བཅུ་གསུམ་པ་བདུད་རྩི་མྱང་བ་ནི། སངས་རྒྱས་མཁའ་འགྲོ་མའི་མགོ་བོར་ༀ་དཀར་པོ། སྙིང་
གར་ཧཱུཾ་སྔོན་པོ། ལྟེ་བར་སྭཱ་སེར་པོ། གསང་གནས་སུ་ཨཱཿདམར་པོ། བརླ་གཉིས་ལ་ཧ་ལྗང་
ཁུ། མཁའ་གསང་སྟོང་པའི་ངང་ལས་ཧཱུཾ་ལས་རྡོ་རྗེ་ༀ་ལས་ནོར་བུ། ཧྲཱིཿལས་པདྨ་བྷྲུཾ་ལས་ཟེའུ་
འབྲུའོ། །འཁྱུད་པ་དང་ཙུམ་ལ་སོགས་པས་ཤེས་རབ་མ་ལ་བདེ་བ་སྐྱེས་པ་ན། ལྷ་མོ་བཞིས། ཨེ་
མ་གཉེན་མཆོག༴ སོགས་ཀྱིས་བསྐུལ་བས། འདོད་པའི་སྒྱུ་རྩལ་དང་བཅས་སྙོམས་པར་ཞུགས་པའི་
དགའ་བའི་སྒྲ་དང་སྦྱོར་མཚམས་ནས་བྱུང་བའི་ཕཊ་ཡིག་གི་སྒྲས། སངས་རྒྱས་ཐམས་ཅད་
བཀུག་ནས་ཡབ་ཀྱི་ཞལ་དུ་ཞུགས། དྷུ་ཏཱིའི་ལམ་ནས་པདྨར་ལྷུང་བའི་བདེ་བ་བྱང་ཆུབ་ཀྱི་
སེམས་ལྷ་རྣམས་ཀྱི་ལྗགས་རྡོ་རྗེའི་འོད་ཀྱི་སྦུ་གུས་དྲངས་ཏེ་མྱངས་པར་གྱུར། བཅུ་བཞི་པ་རྣམ་དག་
སྒོམ་པ་ནི། ཆོས་ཉིད་མི་འགྱུར་བའི་སྐུ་མདོག་སྔོན་པོ། རྣམ་ཐར་བཞིའི་ཞལ་བཞི། དུས་གསུམ་
མཁྱེན་པའི་སྤྱན་གསུམ། དམིགས་མེད་ཀྱི་ཡེ་ཤེས་འབར་བས་དབུ་སྐྲ་གྱེན་དུ་བརྫེས་པ། ཡེ་
11-1-273


ཤེས་ལྔའི་ཐོད་པ་ལྔས་དབུ་བརྒྱན་པ། ཉོན་མོངས་པ་གཅོད་པས་མཆེ་བ་གཙིགས་པ། འཕྲིན་
ལས་བཞིའི་ཕྱག་བཞི། ཕ་རོལ་ཏུ་ཕྱིན་པ་དྲུག་གི་རུས་པའི་རྒྱན་དྲུག །ཐུགས་རྗེ་ཆེན་པོའི་
རྟགས་སུ་མི་མགོའི་འཕྲེང་བ། དབྱིངས་དང་ཡེ་ཤེས་གཉིས་སུ་མེད་པས་ཡུམ་དང་གཉིས་སུ་
མེད་པ། འཁོར་བཞི་ནི་འབྱུང་བ་བཞི་དང༌། ཕུང་པོ་བཞི་དང༌། ཡེ་ཤེས་བཞིའི་རང་བཞིན་
རྣམ་པར་དག་པ་ཡིན་ནོ། །
གཉིས་པ་ངག་གི་ཞེན་པ་བཟློག་པའི་དོན་དུ་བཟླས་པ་ནི། ༀ་ཨཱཿཧྲཱིཿཧཱུཾ་ཧཱུཾ། དཔལ་ཧེ་རུ་ཀའི་སྙིང་པོའོ། །ༀ་
བུདྡྷ་ཌཱ་ཀི་ནཱི་ཨཱཿཧྲཱིཿཧཱུཾ། ༀ་བཛྲ་ཌཱ་ཀི་ནཱི་ཨཱཿཧྲཱིཿཧཱུཾ། ༀ་རཏྣ་ཌཱ་ཀི་ནཱི་ཨཱཿཧྲཱིཿཧཱུཾ། ༀ་པདྨ་ཌཱ་ཀི་ནཱི་
ཨཱཿཧྲཱིཿཧཱུཾ། ༀ་བི་ཤྭ་ཌཱ་ཀི་ནཱི་ཨཱཿཧྲཱིཿཧཱུཾ། འཁོར་གྱི་ལྷ་མོ་རྣམས་ཀྱི་སྔགས་སོ། །སྙིང་གར་ཉི་ཟླ་ཁ་སྦྱོར་གྱི་དབུས་སུ་
སྔགས་ཕྲེང་སྒོམ་པ་སོགས་བཟླས་པའི་དམིགས་པ་ལ་ཡང་གསལ་འདེབས་དགོས་ལ་སྔགས་ཀྱི་ངོ་བོ་གཞུང་འགའ་ལས། ས་
བོན་རྣམས་ལ་དེ་ཉིད་གསུམ་སྤེལ་དུ་མཛད་པ་དང༌། ཇོ་བོ་རྗེའི་རྒྱ་དཔེ་ལ་དེ་ཉིད་ལྔ་སྤེལ་ཡང་སྣང་ལ། ཁོ་བོའི་བླ་མ་རྒྱ་གར་
པཎྜི་ཏ་འགའ་ཞིག་གི་ཞལ་ནས། ཧེ་རུ་ཀའི་སྤྱི་སྔགས་ཀྱང་བཟླ་གསུང་ངོ༌། །གསུམ་པ་སེམས་ཀྱི་ཞེན་པ་བཟློག་པའི་དོན་དུ་
རྫོགས་རིམ་སྒོམ་པ་ནི། ཁྲིད་ཡིག་ཏུ་བཤད་ཟིན་ཏོ། །རྗེས་ཀྱི་བྱ་བ་ནི། རང་གི་སྙིང་གའི་འོད་ཟེར་གྱིས་དཀྱིལ་
འཁོར་གྱི་འཁོར་ལོ་འོད་ཟེར་གྱི་རང་བཞིན་དུ་བྱས་ཏེ་བདག་ཉིད་ལ་ཐིམ། ཡུམ་ཡང་ཡབ་
ལ་ཐིམ། ཡབ་ཀྱི་ཞལ་ཕྱག་ལྷག་མ་ཡང་རྩ་བའི་ཞལ་ཕྱག་ལ་ཐིམ་སྟེ་རང་ཉིད་ཞལ་གཅིག་
ཕྱག་གཉིས་པར་གྱུར། གནས་གསུམ་དང་མིག་སོགས་ཀྱི་ཡི་གེ་རྣམས་ཡིད་ཀྱིས་དྲན་ཙམ་བྱ། བརྗོད་པར་སྤྲོ་ན་གོང་
བཞིན་བརྗོད། དག་གིས་བྱས་པའི་བསོད་ནམས་ཀྱིས། །རྡོ་རྗེ་མཁའ་འགྲོ་སྒོམ་གྱུར་ཅིག །དེ་
ཡིས་རྡོ་རྗེ་མཁའ་འགྲོའི་བདག །འགྲོ་མགོན་ཕུན་སུམ་ཚོགས་གྱུར་ཅིག །ཅེས་སྨོན་ལམ་བཏབ་སྟེ་
ཐུན་མཚམས་ལ་འཇུག་གོ །གཏོར་མ་བསངས་སྦྱངས། ཡཾ་ལས་རླུང༌། རཾ་ལས་མེ། ཀཾ་ལས་མི་མགོའི་སྒྱེད་
པུ་གསུམ་གྱི་སྟེང་དུ། ཨ་ལས་ཐོད་པ་ཕྱི་དཀར་ལ་ནང་དམར་བ། ཡངས་ཤིང་རྒྱ་ཆེ་བའི་ནང་
དུ། དབུས་སུ་མིའི་ཤ་དང་བྱང་སེམས། ཤར་དུ་གླང་པོའི་ཤ་དང་དྲི་ཆེན། ལྷོར་རྟའི་ཤ་དང་དྲི་
11-1-274


ཆུ། ནུབ་ཏུ་བ་གླང་གི་ཤ་དང་རཀྟ། བྱང་དུ་ཁྱིའི་ཤ་དང་༼རྒྱུང༽རྒྱུད་པ། དེ་རྣམས་རྣམ་པ་ༀ། 
སྲོག་ཨ་ཡིག་ལྔར་གནས་པ། དེའི་སྟེང་དུ་ཧུཾ་ༀ་སྭཱ་ཨཱ་ཧེ། དེའི་སྟེང་དུ་ༀ་དཀར་པོ། ཨ་ལས་
ཟླ་བ་ཕྱེད་པ། ཧཱུཾ་ལས་རྡོ་རྗེ་ཕྱེད་པ་རྣམས་བརྩེགས་པའོ། །རླུང་གིས་མེ་སྦར། བདུད་རྩི་སྐོལ་
བའི་འོད་ཀྱིས་ཟླ་བ་དང་རྡོ་རྗེ་བཞུ་ནས་ཐིམ། ༀ་གྱི་འོད་ཀྱིས་ཡེ་ཤེས་ཀྱི་བདུད་རྩི་བཀུག་
ནས་ཐིམ། བདུད་རྩིའི་རྒྱ་མཚོར་གྱུར། [ༀ་ཨཱཿཧཱུཾ་ཧ་ཧོ་ཧྲཱིཿ] རྡོ་རྗེ་རྩེ་ལྔ་པའི་ཕྱག་རྒྱས་གཡབ་ཅིང༌། ༀ་
ཤྲཱི་ཧེ་རུ་མཧཱ་བཛྲཱ་ཀ་ཌྜྷྱ་ཀ་ཌྜྷྱ་པྲ་བེ་ཤཱ་ཡ་པྲ་བེ་ཤ་ཡ། བནྡྷ་ཡ་བནྡྷ་ཡ། ཏོ་ཥ་ཡ་ཏོ་ཥ་ཡ། སརྦ་
བཛྲ་ཌཱ་ཀི་ནཱི་ནཾ་ཧྲི་ད་ཡཾ་ཧཱུཾ་ཧཱུཾ་ཕཊ་ཕཊ། ཞེས་པས། དཀྱིལ་འཁོར་གྱི་འཁོར་ལོ། ཕྱོགས་སྐྱོང་
ཞིང་སྐྱོང༌། མ་མོ་མཁའ་འགྲོ་སྲིད་པ་གསུམ་གྱི་འབྱུང་པོའི་ཚོགས་དང་བཅས་པ། ཐམས་
ཅད་མཆོད་པའི་གནས་འདིར་བྱོན་པར་གྱུར། ལྷ་ཐམས་ཅད་ཀྱི་ལྗགས་ཧཱུཾ་ལས་བྱུང་བའི་རྡོ་
རྗེས་གཏོར་མ་དྲངས་ཏེ་གསོལ་བར་གྱུར། ༀ་ཤྲཱི་ཧེ་རུ་ཀ་མཧཱ་བཛྲཱ་པྲ་ཏཱིཙྪེ་མཾ་བཱ་ལིཾ་ཧཱུཾ་ཕཊ། 
ༀ་བུདྡྷ་ཌཱ་ཀི་ནཱི་པྲ་ཏཱིཙྪེ་མཾ་བཱ་ལི་ༀཾ་ཕཊ། ༀ་བཛྲ་ཌཱ་ཀི་ནཱི་པྲ་ཏཱིཙྪེ་མཾ་བཱ་ལིཾ་ཧཱུཾ་ཕཊ། ༀ་རཏྣ་ཌཱ་
ཀི་ནཱི་པྲ་ཏཱིཙྪེ་མཾ་བཱ་ལིཾ་ཧྲཱིཿཕཊ། ༀ་པདྨ་ཌཱ་ཀི་ནཱི་པྲ་ཏཱིཙྪེ་མཾ་བཱ་ལིཾ་ཨཱཿཕཊ། །ༀ་བི་ཤྭ་ཌཱ་ཀི་ནཱི་པྲ་
ཏཱིཙྪེ་མཾ་བཱ་ལིཾ་ཧོ་ཕཊ། ༀ་སརྦ་ཌཱ་ཀི་ནཱི་པྲ་ཏཱིཙྪེ་མཾ་བཱ་ལིཾ་ཧ་ཧ་ཧོ་ཕཊ། ཅེས་པ་ལན་གསུམ་གྱིས་ཕུལ། གོང་
བཞིན་མཆོད། མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་མཁའ་ཆེན་པོ། །རྡོ་རྗེ་གསུམ་མཆོག་
དཀྱིལ་འཁོར་གསུམ། །རྡོ་རྗེ་མཁའ་འགྲོ་ཕྱག་འཚལ་བསྟོད། །རྣམ་པར་སྣང་མཛད་དག་པ་
ཆེ། །རྡོ་རྗེ་ཞི་བ་དགའ་ཆེན་པོ། །རང་བཞིན་གྱིས་ནི་འོད་གསལ་མཆོག །སངས་རྒྱས་མཁའ་
འགྲོ་ཕྱག་འཚལ་བསྟོད། །རིན་ཆེན་རྒྱལ་པོ་རབ་ཏུ་ཟབ། །རྡོ་རྗེ་ནམ་མཁའ་དྲི་མ་མེད། །རང་
བཞིན་དག་པ་གོས་པ་མེད། །རང་བཞིན་མཁའ་འགྲོ་ཕྱག་འཚལ་བསྟོད། །རྡོ་རྗེ་དཔག་མེད་
རྒྱལ་པོ་ཆེ། །མི་རྟོག་རྡོ་རྗེ་ནམ་མཁའ་འཛིན། །འདོད་ཆགས་ཕ་རོལ་ཕྱིན་པ་བརྙེས། །པདྨ་
མཁའ་འགྲོ་ཕྱག་འཚལ་བསྟོད། །དོན་ཡོད་རྒྱལ་པོ་རྫོགས་སངས་རྒྱས། །བསམ་པ་ཐམས་
11-1-275


ཅད་རྫོགས་མཛད་པ། །དངོས་ཉིད་དག་པ་ཉིད་ལས་བྱུང༌། །སྣ་ཚོགས་མཁའ་འགྲོ་ཕྱག་
འཚལ་བསྟོད། །ཅེས་དེ་ཉིད་ལྔ་པས་བསྟོད། ཆོས་རྣམས་གཟུགས་བརྙན་ལྟ་བུ་སྟེ། །གསལ་ཞིང་དག་
ལ་རྙོག་པ་མེད། །བཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་ཏུ་བྱུང༌། །ངོ་བོ་
ཉིད་མེད་གནས་མེད་པ། །དེ་ལྟར་ཆོས་རྣམས་ཤེས་གྱིས་ལ། །སེམས་ཅན་དོན་ནི་མཉམ་མེད་
བྱོས། །འོན་ཀྱང་སྐྱོབ་པའི་སྲས་སུ་སྐྱེ། །ཞེས་བརྗོད་ཅིང་རང་བཞིན་གྱི་རྣམ་པར་དག་པའི་དོན་བསམས། འདི་
སྐབས་ཆོས་འཆད་ཀྱི་ཕྱག་རྒྱ་མཛད་པ་བླ་མ་རྣམས་ཀྱི་ཕྱག་ལེན་ལ་སྣང་ངོ༌། །ཡུལ་བདག་དང་བཅས་པའི་འཇིག་རྟེན་པ་རྣམས་
ལ་གཏོར་མ་ཕུལ་བར་དམིགས་ལ། ༀ་ཨཱཿཧཱུཾ། ཆེ་གེ་མོ་ཞེས་བྱ་བ་ལ་སོགས་པའི་ཀྵེ་ཏྲ་པཱ་ལ་ཨི་དཾ་བཱ་ལིཾ་གྲྀཧྞ་གྲྀཧྞ་
མ་མ་ས་པ་རི་ཝཱ་རཱ་ན་སརྦ་སཏྭ་ནཉྩ་སརྦ་པཱ་པཾ་བྱ་ཏེ་བིགྷྣཱན་ཤནྟིཾ་ཀུ་རུ་དྷ་ན་ཀ་སྱ་ཨཱ་ཡུཿ ཨ་རོ་
ཀྱ་པུཥྚཾ་ཀུ་རུ་སརྦ་བྷ་ཡཾ་རཀྵ་རཀྵ་ཀུ་རུ་ཀུ་རུ་སྭཱཧཱ། ཞེས་ལན་གསུམ་གྱིས་འབུལ་ཞིང༌། འདི་སྐབས་སུ་ཡུལ་ཆེ་
གེ་མོ་ཞེས་བྱ་བའི་གནས་སུ། གནས་བདག་གཞི་བདག་གྲོང་བདག་གཉུག་མར་གནས་པ་ལ་སོགས་
པ་སརྦ་ཀྵེ་ཏྲ་པཱ་ལ་སོགས་སྦྱོར་བ་ཕྱག་ལེན་ཡིན་ནོ། །ཧེ་རུ་ཀ་དཔལ་མཁའ་འགྲོར་བཅས། །ཕྱོགས་
སྐྱོང་དུར་ཁྲོད་མ་ཚོགས་རྣམས། །མཆོད་སྦྱིན་གཏོར་མ་འདི་བསྣོམས་ལ། །བདག་ཅག་
འཁོར་བཅས་ཐམས་ཅད་ཀྱི། །ནད་གདོན་བར་ཆད་བསྲུང་བ་དང༌། །འབྲུ་ནོར་འཁོར་དང་
ཚེ་རྒྱས་མཛོད། །དགེ་ལེགས་ཐམས་ཅད་འགྲུབ་པ་དང༌། །ཡིད་ལ་འདོད་པ་ཀུན་གྲུབ་མཛོད། །
ཅེས་འཕྲིན་ལས་གཞོལ། སེམས་ཅན་ཐམས་ཅད་བདེ་གྱུར་ཅིག །སེམས་ཅན་ཐམས་ཅད་སྡིག་མེད་
ཅིང༌། །སངས་རྒྱས་ཉིད་དང་འཕྲད་འགྱུར་པའི། །ལམ་འདི་ཉིད་དུ་འགྲོ་བར་ཤོག །མ་སྒྲལ་
བ་རྣམས་བསྒྲལ་བ་དང༌། །མ་གྲོལ་བ་རྣམས་གྲོལ་བ་དང༌། །རྣལ་འབྱོར་གཙུག་ལག་དམ་
ཚིག་ལ། །ད་ལྟ་ཉིད་དུ་གནས་པར་ཤོག །ཅེས་སྨོན་ལམ་བཏབ། ༀ་ཨཱཿཧཱུཾ་མུཿ ཞེས་གཤེགས་སུ་གསོལ། 
འདིར་གཏོར་ཆོག་བསྡུས་པ་རྒྱུན་འཁྱེར་ཡིན། རྒྱས་པ་ནི། མདུན་དུ་རྟེན་གྱི་དཀྱིལ་འཁོར་ཞིང་སྐྱོང་དང་བཅས་པ་སྐད་ཅིག་གིས་
བསྐྱེད། རང་གི་སྙིང་ག་ནས་སྤྲོས་པའི་འོད་ཀྱི་ཐིག་ལེ་ལྔ་ལས་ལྷ་ཚོགས་བསྐྱེད། སེམས་ཅན་
11-1-276


ཐམས་ཅད་ལྷའི་འཁོར་ལོར་དག་པར་མོས། དེ་ནས་ཡེ་ཤེས་པ་སྤྱན་དྲངས། གཏོར་མ་བྱིན་གྱིས་བརླབས་ནས་
འབུལ་བ་སོགས་གོང་བཞིན་ནོ། །རང་ཉིད་བདུད་རྩི་རིལ་བུ་བཟའ་བ་དང༌། ཟས་ཟ་བའི་ཚེ། ༀ་ཨཱཿཧཱུཾ་གུ་ཧྱ་ཨ་བྷ་ཀྵེ་
ཧཱུཾ། ཞེས་ལན་བདུན་གྱིས་བྱིན་གྱིས་རླབས་ནས་བཟའོ། །རྣལ་འབྱོར་ཡན་ལག་གཞན་རྣམས་ནི་སྤྱི་དང་འདྲ་བར་ཤེས་པར་བྱའོ། །
སྒྱུ་འཕྲུལ་ཆེན་མོའི་སྒྲུབ་ཐབས་འདི། །ཏཱ་ར་ནཱ་ཐས་སྦྱར་བ་ལས། །དགེ་བ་གང་ཐོབ་དེ་ཡིས་ནི། །འགྲོ་ཀུན་ཐུགས་རྗེའི་སྟོབས་
སུ་ཤོག །དཔལ་མཧཱ་མཱ་ཡའི་དཀྱིལ་འཁོར་གྱི་སྒྲུབ་ཐབས་རིན་ཆེན་མྱུ་གུ་ཞེས་བྱ་བ་རྫོགས་སོ།།    །།
འདི་ནི་ཐོག་མར་རྒྱ་གཞུང་འགའ་ཞིག་གི་རྗེས་སུ་འབྲང་སྟེ་ཤིན་ཏུ་བསྡུས་པ་ཞིག་སྦྱར་བ། སླད་ཀྱི་དོན་གཉེར་འགའ་ཞིག་
གིས་བསྐུལ་བ་ལས། ཀུ་ཀུ་རི་པ་དང༌། ཤཱནྟི་པའི་བཞེད་གཞུང་ལས་མར་རྔོག་གི་མན་ངག་གིས་ལེགས་པར་བརྒྱན་ནས་ཅུང་ཟད་
རྒྱས་པར་ཕྱེ་བ་སྟེ། རང་ལོ་སུམ་ཅུ་རྩ་གཅིག་པ་ལ་ཤིན་ཏུ་དག་པར་བཅོས་ཤིང༌། རྒྱས་བསྡུས་ཀྱི་སྐྱོན་མཐའ་དག་དང་བྲལ་བར་
བྱས་པ། སྒྲུབ་པའི་ཐབས་འདི་དང༌། དཀྱིལ་འཁོར་གྱི་ཆོ་ག་རིན་ཆེན་སྒྲོན་མེ་དང༌། རྫོགས་རིམ་གྱི་ཁྲིད་ཡིག་རྒྱལ་བའི་ལམ་
བཟང་ཞེས་པ་སྟེ། ཁོ་བོས་སྦྱར་བའི་བསྟན་བཅོས་རྣམ་པ་གསུམ་པོ་འདི་མ་བུ་ཡ་མ་བྲལ་བར་བྱ་ཞིང༌། ཟབ་དོན་ངེས་གནས་
མཐའ་དག་རྒྱུད་ཀྱི་རྣམ་བཤད་དུ་འབྲི་བར་འགྱུར་རོ། །བཀྲ་ཤིས། མངྒ་ལཾ། 
11-1-277


༄༅། །དཔལ་མཧཱ་མཱ་ཡའི་དཀྱིལ་འཁོར་གྱི་ཆོ་ག་རིན་ཆེན་
སྒྲོན་མེ་ཞེས་བྱ་བ་བཞུགས། 
འདི་དང་པོ་རྔོག་པའི་ལུགས་ཟངས་མ་སྦྱར་བ་ལས། རྔོག་ལུགས་ལ་དགྱེས་རྡོར་དང་འདྲེས་པ་སོགས་ཅི་རིགས་འདུག་
པས་སྐྱོན་དེ་རྣམས་སྤངས་ཏེ། ཕྱིས་རང་གཞུང་དང་བསྟུན་པའི་གཙང་དག་ཏུ་བྱས་པའོ། །
༄༅། །ༀ་སྭཱ་སྟི། སྐུ་གསུམ་ཡེ་ཤེས་ལྔ་ཡི་བདག །སྒྱུ་འཕྲུལ་ཆེན་མོ་ལ་བཏུད་ནས། །དཀྱིལ་འཁོར་ཆོ་གའི་རིམ་པ་
ནི། །མདོ་ཙམ་རབ་ཏུ་གསལ་བར་བྱ། །མཧཱ་མ་ཡའི་དཀྱིལ་འཁོར་གྱི་ཆོ་ག་ལག་ཏུ་བླང་བ་ལ། སློབ་དཔོན་དང་སློབ་མའི་མཚན་
ཉིད་དང༌། བསྙེན་པ་ཇི་ལྟར་བྱ་བའི་ཚུལ་རྣམས་སྤྱི་དང་མཐུན་ནོ། །འདིར་དཀྱིལ་འཁོར་གྱི་ལས་དང༌། སློབ་མ་དབང་བསྐུར་བ་
དང༌། རྗེས་དཀྱིལ་འཁོར་ཉེར་བསྡུ་སྟེ་གསུམ་ལས། དད་པོ་ལ་ས་ཆོག་དང༌། སྟ་གོན་དང༌། དཀྱིལ་འཁོར་ཞག་གི་ཆོ་ག་སྟེ་གསུམ་
མོ། །དང་པོ་ལ་དྲུག་ལས། དང་པོ་ས་བརྟག་པ་ནི་སྤྱི་དང་མཐུན། གཉིས་པ་བསླང་བ་ལ་གསུམ་ལས། འཇིག་རྟེན་འདས་པའི་
ལྷ་ལ་བསླང་བ་ནི། དཀྱིལ་འཁོར་བྱ་བའི་ས་གཞིར་རྣམ་ལྔ་དང༌། དྲི་བཟང་གིས་བྱུགས། མཆོད་པ་ལྔ་དང༌། གཏོར་མ་གསུམ་
བཤམ། རྡོ་རྗེ་དྲིལ་བུ་ནང་མཆོད་རྣམས་འདུས་བྱས་ལ། ༀ་ཨ་མྲྀ་ཏ་ཀུནྜ་ལི་ཧ་ན་ཧ་ན་ཧཱུཾ་ཕཊ། ཀྱིས་བསངས། སྭ་
བྷཱ་ཝས་སྦྱངས། མདུན་གྱི་ཚོམ་བུའི་དཀྱིལ་འཁོར་མི་དམིགས་ཏེ་སྟོང་པའི་ངང་ནས། སྒྱུ་འཕྲུལ་
ཆེན་མོ་ལྷ་ལྔའི་དཀྱིལ་འཁོར་ཡོངས་སུ་རྫོགས་པར་གྱུར་པ་ནི། པདྨ་འདབ་མ་བརྒྱད་པ། ལྟེ་
བ་ལ་དཔལ་ཧེ་རུ་ཀ་སྔོན་པོ༴ ཞེས་པ་ནས། དབུས་ན་བཞུགས་པའོ། །ཤར་དུ་རྡོ་རྗེ་མཁའ་འགྲོ་
མ་སྔོན་མོ༴ ཞེས་པ་ནས། ཌཱ་མ་རུ་བསྣམས་པའོ། །དེ་ནས། ལྷ་མོ་ལྔ་ནི༴ ཞེས་པ་ནས། ཛཿཧཱུཾ་བཾ་ཧོཿ
ཞེས་པའི་བར་དང༌། དབང་གི་ལྷ༴ ཞེས་པ་ནས། དོན་གྲུབ་ཀྱིས་དབུ་བརྒྱན། ཞེས་པའི་བར་སྒྲུབ་ཐབས་བཞིན་
བརྗོད། མཆོད་པ། སྭ་བྷ་ཝས་སྦྱངས། སྟོང་པའི་ངང་ལས་ཨ་ལས་བྱུང་བའི་ཀ་པཱ་ལའི་ནང་དུ་ཧཱུཾ་ལས་
བྱུང་བའི་མེ་ཏོག་བདུག་སྤོས། མར་མེ་དྲི་ཆབ་ཞལ་ཟས་དང་གཞན་ཡང་མཆོད་རྫས་རྣམ་པ་
11-1-278


དུ་མ་རྣམས་ཡེ་ཤེས་ཀྱི་རང་བཞིན་ནམ་མཁའི་མཐའ་ཀླས་པར་གྱུར། ༀ་བཛྲ་པུཥྤེ་ཨཱཿཧཱུཾ། དེ་
བཞིན་དུ། དྷཱུ་པེ། ཨཱ་ལོ་ཀེ། གནྡྷེ། ནི་ཝི་ཏྱ། རྣམས་ལ་ཡང་སྦྱར། རང་གི་ཐུགས་ཀའི་ས་བོན་ལས་མཆོད་
པའི་ལྷ་མོ་སྤྲོས། དཀྱིལ་འཁོར་གྱི་ལྷ་ཚོགས་རྣམས་ལ་མཆོད་པར་གྱུར། ༀ་བཛྲ་ཨརྒྷཾ་པྲ་ཏཱིཙྪ་
སྭཱཧཱ། ༀ་བཛྲ་པུཥྤེ་ཨཱཿཧཱུཾ། ཞེས་སོགས་ཀྱིས་མཆོད། དེ་ཉིད་ལྔ་པས་བསྟོད། སྒྲུབ་ཐབས་ལྟར་གཏོར་མ་བསངས་སྦྱངས་
ནས་བརྩམས། བཱ་ལི་ཏཾ་ཧ་ཧོ་ཕཊ། ཅེས་པ་ཡན་ཆད་ཀྱིས་གཏོར་མ་ཕུལ། །སྤོས་དང་བཅས་པའི་རྡོར་དྲིལ་འཛིན་པས། 
བདེ་གཤེགས་ཐམས་ཅད་བདག་ལ་དགོངས། ཁྱེད་རྣམས་མཆོད་པའི་ཕྱིར་དང་ནི། །སློབ་མ་
རྣམས་ལ་ཕན་གདགས་ཕྱིར། །སྒྱུ་འཕྲུལ་ཆེན་མོ་ཞེས་བྱ་བའི། །དཀྱིལ་འཁོར་བཟང་པོ་བྲི་
བར་འཚལ། །བདག་ལ་བྱིན་རླབས་གནང་བར་མཛོད། །ཅེས་ལན་གསུམ་བརྗོད་ཅིང་གནང་བ་ཐོབ་པར་
བསམ། སའི་ལྷ་མོ་ལ་བསླང་བ་ནི། ལག་པ་གཡས་པ་ས་ལ་ལན་གསུམ་དུ་གདབ། ས་འོག་ནས་བྱོན་པའི་སའི་ལྷ་
མོ་གསེར་གྱི་མདོག་ཅན། ཕྱག་གཉིས་དབང་པོར་ཁས་ལེན་པའི་ཕྱག་རྒྱ་དང་གསེར་གྱི་བུམ་
པ་ཅན། ལྟེ་བ་ཡན་ཆད་ས་ལས་ཐོན་ནས། བདག་གི་ཅི་བགྱི་ཞེས་གསུང་བཞིན་པར་གྱུར། 
མཆོད་ཡོན་སྔོན་དུ་འགྲོ་བའི་ཉེར་སྤྱོད་ཀྱིས་གོང་བཞིན་མཆོད། ༀ་ཨཱཿཧཱུཾ་གིས་གཏོར་མ་གཉིས་པ་བྱིན་གྱི་རླབས། ཨ་ཀཱ་
རོ་ལན་གསུམ་གྱིས་ཕུལ། སྐྱོབ་པ་སངས་རྒྱས་ཐམས་ཅད་ཀྱི། །ཞེས་སོགས་ལན་གསུམ་གྱིས་གསོལ་བ་བཏབ། །
ལྷ་མོ་དེས་ཀྱང༌། ཁྱོད་ནི་སློབ་དཔོན་མཆོག་ཡིན་གྱི། །དཀྱིལ་འཁོར་གྱི་ནི་ལས་ཀྱིས་ཤིག ཅེས་
གསུངས་ནས་ས་ལ་ཐིམ་པར་གྱུར། གནས་ཀྱི་བདག་པོ་ལས་ས་བསླང་པ་ནི། ༀ་ཨཱཿཧཱུཾ་གིས་གཏོར་མ་གསུམ་པ་
བྱིན་གྱིས་བརླབས། ཨ་ཀཱ་རོ༴ ལན་བདུན་ལ་སོགས་པའི་གཏོར་མ་ཕུལ། དྲིལ་བུ་དཀྲོལ་ཞིང༌། ས་ཕྱོགས་འདིར་ནི་
ལྷ་དང་ཀླུ། །གནོད་སྦྱིན་དྲི་ཟ་ལྷ་མ་ཡིན། །གང་དག་རྫུ་འཕྲུལ་ཆེ་ལྡན་པ། །རྡོ་རྗེའི་སྤྱན་དང་
སྙན་མངའ་བ། །ཐམས་ཅད་བདག་ལ་དགོངས་སུ་གསོལ། །བདག་མིང་འདི་ཞེས་བྱ་བ་ཡིས། །
བདེ་གཤེགས་རྣམས་ལ་མཆོད་པ་དང༌། །སེམས་ཅན་ཀུན་ལ་ཕན་པའི་ཕྱིར། །དགེ་བའི་ས་
ཕྱོགས་འདི་ཉིད་དུ། །དཀྱིལ་འཁོར་དམ་པ་ཆེར་འབྱུང་བ། །སྒྱུ་འཕྲུལ་ཆེན་མོ་རྒྱུད་ཀྱི་རྒྱལ། །
11-1-279


དཀྱིལ་འཁོར་ཆེན་པོའི་ལས་བྱེད་པས། ཁྱོད་ཀྱིས་བར་ཆད་མ་བྱེད་པར། །དགེ་བའི་གྲོགས་
པོ་ཉིད་དུ་མཛོད། །ཅེས་ལན་གསུམ་བརྗོད། གསུམ་པ་ས་སྦྱང་བ་ལ། དང་པོ་དྲག་པོ་དང༌། ཞི་བའི་སྦྱིན་བསྲེག་གིས་སྦྱང་
བ་ཡིན། གཉིས་པ་ལས་དང་བྱ་བས་སྦྱང་བ་སྤྱི་དང་མཐུན། གསུམ་པ་རྫས་སྔགས་ཀྱིས་སྦྱང་བ་ནི། ༀ་སུམྦྷ་ནི་སུམྦྷ་[ནི]
ཧཱུཾ། གྲྀཧྞ་གྲྀཧྞ་ཧཱུཾ། གྲྀཧྞ་པཱ་ཡ་གྲྀཧྞ་པཱ་ཡ་ཧཱུཾ། ཨཱ་ན་ཡ་ཧོ་བྷ་ག་ཝཱན་བིདྱཱ་རཱ་ཛ་ཧཱུཾ་ཕཊ། ཅེས་ལན་
བདུན་བཟླ་ཞིང་དྲི་ཆབ་གཏོར་རོ། །
བཞི་པ་བསྲུང་བ་ནི། ཧཱུཾ་ཁཾ་སྟོང་པའི་ངང་ལས་ཧཱུཾ་ལཾ་ཡོངས་སུ་གྱུར་པ་ལས་གསེར་གྱི་ས་
གཞིའི་དབུས་སུ་ཧཱུཾ་ལས་བྱུང་བའི་སྣ་ཚོགས་རྡོ་རྗེ་ཧཱུཾ་གིས་མཚན་པ། དེ་ལས་འོད་འཕྲོས་པས་
རྡོ་རྗེ་ས་གཞི་དང་རྭ་གུར་དུ་གྱུར། ༀ་བཛྲ་རཀྵ་རཀྵ་ཧཱུཾ་ཧཱུཾ་ཕཊ་སྭཱཧཱ། ཞེས་ལན་གསུམ་བརྗོད། ལྔ་པ་
ཏིང་ངེ་འཛིན་གྱིས་ས་བཟུང་བ་ནི། བླ་མ་དག་པའི་ཆོ་ག་ནས་བརྩམས་ཏེ་བཟླས་པའི་བར་དུ་རྫོགས་པར་ཉམས་སུ་བླང༌། སྔགས་
རྣམས་ཀྱང་བརྒྱ་རྩ་རེ་ཙམ་བཟླ་བར་བྱའོ། །དྲུག་པ་བགེགས་སྦྱང་བ་ནི། ལས་ཀྱི་སློབ་དཔོན་ཡོད་ན། དེས་གསོལ་བཏབ་ཀྱི་བྱ་
བ་བྱེད་པ་ཡིན་ལ། མེད་ན་སློབ་མ་གང་ཡང་རུང་བ་བཞིས་དུས་གཅིག་ཏུ་གསོལ་བ་གདབ། དེ་ཡང་མེད་ན་སློབ་མ་གཅིག་ཉིད་
ཀྱིས་ཕྱོགས་བཞི་ནས་རིམ་པས་བྱས་ཀྱང་རུང་སྟེ། གང་ལྟར་ཡང་སློབ་དཔོན་གྱི་ཕྱོགས་བཞིར་མཆོད་པ་རྣམ་ལྔར་བཤམས། 
གོང་ལྟར་མཆོད་པ་བྱིན་གྱིས་བརླབས་ལ་འབུལ། གཞུང་ལས། རང་བཞིན་རྣམ་དག་སོགས་ཀྱིས་བསྟོད་པར་བཤད་ཀྱང༌། དེ་
བོད་ན་མེད་པས་དེའི་ཚབ་ཏུ། རྣམ་དག་ཆོས་ཀྱི་དབྱིངས་ལས་མ་གཡོས་ཀྱང༌། །ཐབས་ཀྱི་སྤྲུལ་པ་
སྣ་ཚོགས་སྟོན་མཛད་པའི། །གདུག་པ་འདུལ་ཕྱིར་འཇིགས་པའི་སྐུར་སྟོན་པ། ཁྲོ་བོའི་རྒྱལ་
པོ་ཧེ་རུ་ཀ་དཔལ་འདུད། །ཅེས་བསྟོད། དཀྱིལ་འཁོར་གཙོ་བོ་ཀུན་གྱི་དངོས། །སྡིག་པ་ཐམས་
ཅད་ཟད་བྱེད་པ། །སྒྱུ་འཕྲུལ་ཆེན་མོའི་དཀྱིལ་འཁོར་ནི། །མགོན་པོ་ཆེན་པོས་བཤད་དུ་
གསོལ། །དེས་ལན་གསུམ་གསོལ་བ་བཏབ། དེ་ནས། བདག་ཉིད་ཐུགས་རྗེའི་སྤྱན་གྱིས་འགྲོ་བ་མཐའ་
དག་ལ་གཟིགས་ཏེ། །ཐུགས་ཀའི་འོད་ཟེར་གྱིས་ལྷ་མོ་བཞི་པོ་ཡོངས་སུ་དྲངས་ཏེ། རང་གི་
ཞལ་བཞི་ལ་ཐིམ། གཞལ་མེད་ཁང་བསྲུང་བའི་འཁོར་ལོ་དང་བཅས་པ་ཡང་རང་གི་སྙིང་
11-1-280


གར་ཐིམ། རང་གི་མིག་གཡས་པར་མ་ལས་ཉི་མ། །གཡོན་པར་ཊ་ལས་ཟླ་བ། མིག་འབྲས་
ཧཱུཾ་ལས་རྡོ་རྗེ་འབར་བ། རྐང་མཐིལ་གཉིས་སུ་ཨ་ལས་བྱུང་བའི་རྡོ་རྗེ་རྒྱ་གྲམ་གཉིས་སུ་གྱུར། 
ཧཱུཾ་རིང་པོ་ལན་མང་དུ་བརྗོད། ཁྲོ་བོའི་ཚོགས་ཀྱིས་བགེགས་བསྐྲད། རྡོ་རྗེ་རྒྱ་གྲམ་དང་བརྐྱང་བའི་
འོད་ཟེར་གྱིས་ས་གཞི་དང་རྭ་གུར་དུ་གྱུར། དབུས་ནས་དབང་ལྡན་གྱི་མཚམས་སུ་འགྱིང་བག་དང་བཅས་རྡོ་
རྗེ་དྲིལ་བུ་ཐོགས་ཏེ། ཧཱུཾ་སོང་ཤིག་བགེགས་ཚོགས་མ་ལུས་ཀུན། །ལྷ་དང་ལྷ་མིན་གསང་བ་པ། །
བགེགས་ཀྱི་ཚོགས་ཆེན་མ་ལུས་ཀུན། །གནོད་པར་བྱེད་པའི་བགེགས་ཚོགས་རྣམས། །སྒྱུ་
འཕྲུལ་ཆེན་མོའི་བདག་ཉིད་གཙོ། །བདེ་ཆེན་ཡེ་ཤེས་ལས་བྱུང་བ། །ང་ནི་དཔལ་ལྡན་རྡོ་རྗེ་
དངོས། །བཀའ་ཡི་འཁོར་ལོ་རབ་སྦྱོར་བྱེད། །གལ་ཏེ་ང་ལས་འདས་གྱུར་ན། །རྡོ་རྗེ་རབ་ཏུ་
འབར་བ་ཡིས། །མགོ་བོ་ཚལ་པ་བརྒྱར་འགས་ཤིང༌། །ཞི་བར་འགྱུར་བ་གདོན་མི་ཟ། །དེ་
བས་གཞན་དུ་འགྲོ་བར་གྱིས། །ༀ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ཧཱུཾ་སོང་ཤིག༴ ཅེས་པ་
མན་ཆད་ལན་གསུམ་བརྗོད། ཅུང་ཟད་སྤྲོས་པ་ལ་དགའ་ན་ཧཱུཾ་ཧཱུཾ་ཞེས་གླུར་ལེན་ཞིང༌། སྟང་སྟབས་རྣམས་སྐབས་འདིར་བྱ། ༀ་
བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བནྡྷ་ཧཱུཾ་ཕཊ། ཀྱིས་ཕུར་བུ་བྱིན་གྱིས་རླབས། ༀ་གྷ་གྷ༴ སོགས་དང༌། ༀ་
བཛྲ་མུདྒ་ར༴ སོགས་ཀྱིས་ཕུར་གདབ་བྱ། བསྡུ་ན་ཧཱུཾ་ཞེས་བསྐོར་བ་ལན་གསུམ་མམ་གཅིག་གིས་ཀྱང་རུང་ངོ༌། །གཉིས་པ་
སྟ་གོན་ལ། ལྷ་ལྷག་གནས། བུམ་པ་ལྷག་གནས། སློབ་མ་ལྷག་གནས་ཏེ་གསུམ་ལས། དང་པོ་ནི། དཀྱིལ་འཁོར་གྱི་ས་གཞི་དྲི་
བཟང་གིས་ཟླུམ་པོར་བྱུགས། དྲི་བཟང་གི་ཐིག་ལེ་ལྔ་ཚོམ་གྱི་སྟེང་དུ་མེ་ཏོག་གི་ཚོམ་བུ་བཀོད། མཆོད་པ་སྣ་ལྔ་མཆོད་ཡོན་དང་
བཅས་པ་བཤམ། རྣལ་འབྱོར་གྱི་ཡོ་བྱད་རྣམས་ཚོགས་པར་བྱས་ཏེ། གོང་དུ་བཤད་པ་ལྟར་གནས་ཀྱི་བདག་པོའི་གཏོར་མས། 
སྔོན་འགྲོ་གཏོར་མ་བཏང༌། གནས་ཡོ་བྱིན་རླབས་སྤྱི་དང་མཐུན་པའམ། གོང་བཞིན་མཆོད་པ་བྱིན་རླབས་བྱས་ནས། བླ་མ་དག་
པ་ནས་བཟླས་པའི་བར་གྱི་བདག་བསྐྱེད་བྱ། མདུན་བསྐྱེད་བསངས་སྦྱངས། སྟོང་པའི་ངང་ལས་ཚོམ་བུའི་གནས་
སུ་ཧེ་རུ་ཀ་ལྷ་ལྔ་ཡོངས་སུ་རྫོགས་པ་ནི། དབུས་སུ་ༀ་ཨཱཿཧྲཱིཿཧཱུཾ་ཧཱུཾ་ༀ་བུདྡྷ་ཌཱ་ཀི་ནཱི་ཨཱཿཧྲཱིཿཧཱུཾ་ཧཱུཾ་
ཡོངས་སུ་གྱུར་པ་ལས། དཔལ་ཧེ་རུ་ཀ་སྔོན་པོ༴ ནས་དབུས་ན་བཞུགས་པའོ། །ཤར་དུ་ༀ་
11-1-281


བཛྲ་ཌཱ་ཀི་ནཱི་ཨཱཿཧྲཱིཿཧཱུཾ་ལས། རྡོ་རྗེ་མཁའ་འགྲོ་མ༴ ནས། ཐོད་པ་བསྣམས་པ༴ ལྷོར་ༀ་རཏྣ་
ཌཱ་ཀི་ནཱི་ཨཱཿཧྲཱིཿ ཧཱུཾ་ལས་རིན་ཆེན་མཁའ་འགྲོ་མ། ནས། ཁ་ཊྭཱཾ་ག་བསྣམས་པ། ནུབ་ཏུ་ༀ་པདྨ་
ཌཱ་ཀི་ནཱི་ཨཱཿཧྲཱིཿཧཱུཾ་ལས་པདྨ་མཁའ་འགྲོ་མ༴ ནས། མདའ་བསྣམས་པ། བྱང་དུ་ༀ་བི་ཤྭཌཱ་ཀི་ནཱི་
ཨཱཿཧྲཱིཿཧཱུཾ་ལས་སྣ་ཚོགས་མཁའ་འགྲོ་མ༴ ནས། ཌཱ་མ་རུ་བསྣམས་པའོ། །ལྷ་མོ་ལྔ་ནི༴ ཞེས་པ་
ནས། འཛིན་པའོ། །རང་གི་ཐུགས་ཀའི་ས་བོན་གྱི་འོད་ཟེར་གྱིས་ཡེ་ཤེས་ཀྱི་འཁོར་ལོ་མདུན་
གྱི་ནམ་མཁར་བཛྲ་ས་མཱ་ཛཿ མཆོད་ཡོན་དང་ཉེར་སྤྱོད་ལྔས་མཆོད། མཆེ་བ་གཙིགས་ཤིང༌ ནས། ཕྱག་
འཚལ་བསྟོད། ཊཀྐི་ཧཱུཾ་ཛཿ ཊཀྐི་ཧཱུཾ་ཧཱུཾ། ཊཀྐི་ཧཱུཾ་བཾ། ཊཀྐི་ཧཱུཾ་ཧོཿ ཞེས་པས་བསྲེས། རང་གི་སྙིང་གའི་
འོད་ཀྱིས་དབང་གི་ལྷ་སངས་རྒྱས་བྱང་སེམས༴ ཞེས་པ་ནས། དོན་གྲུབ་ཀྱིས་དབུ་བརྒྱན། གོང་
ལྟར་མཆོད་པ་བྱིན་གྱིས་བརླབས་ལ། ༀ་ཤྲཱི་ཧེ་རུ་ཀ་པཉྩ་ཌཱ་ཀི་ནཱི་ཨརྒྷཾ་པྲ་ཏཱིཙྪ་ཨཱ་ཧཱུཾ། དེ་བཞིན་དུ་པཱདྱཾ་ནས། 
ཤཔྟའི་བར་གྱིས་མཆོད། ལྷ་སོ་སོའི་སྔགས་ཀྱི་མཐར་འབྲུ་གསུམ་བཏགས་པས་ནང་མཆོད། མཁའ་འགྲོ་ལྔ་དཔག་
ཏུ་མེད་པ་སྤྲུལ་ཏེ་རྗེས་སུ་ཆགས་པས་མཉེས་པར་བསམ་ལ། ཧཱུཾ་ཞེས་བརྗོད་པས་གསང་བའི་མཆོད་པ་
རྣམས་བྱ། མི་བསྐྱོད་རྡོ་རྗེ་ཡེ་ཤེས་ཆེ། །ཞེས་སོགས་ཀྱིས་བསྟོད། སྤྲོས་པ་ལ་དགའ་ན་དངོས་གཞིའི་མདུན་བསྐྱེད་ཀྱི་
སྐབས་ལྟར་མཆོད་བསྟོད་རྒྱས་པ་བྱས་ཀྱང་རུང་ངོ༌། །དེ་ནས་སྤོས་དང་བཅས་པའི་རྡོར་དྲིལ་འཛིན་པས། །ཧེ་རུ་ཀ་དཔལ་
བཅོམ་ལྡན་འདས། །སངས་རྒྱས་མཁའ་འགྲོ་མ་དང་ལྡན། །ཕྱོགས་བཞིའི་མཁའ་འགྲོ་
མ་རྣམས་དང༌། །རིག་པའི་ལྷ་མོ་རྫུ་འཕྲུལ་ཅན། །བྱང་ཆུབ་སེམས་དཔའ་ལ་སོགས་ཀུན། །
ཐམས་ཅད་བདག་ལ་དགོངས་སུ་གསོལ། །སློབ་མ་རྣམས་ལ་ཕན་ཕྱིར་དང༌། ཁྱེད་ལ་ཡང་
ནི་མཆོད་པའི་ཕྱིར། །བདག་གིས་སྔགས་སྡིག་འཇིག་བྱེད་པའི། །ནངས་པར་དཀྱིལ་འཁོར་
འབྲི་ལགས་ན། །རྗེས་སུ་རྩེ་བར་དགོངས་ནས་ནི། །བྱིན་གྱིས་བརླབ་པར་མཛད་དུ་གསོལ། །
ཞེས་ལན་གསུམ་གསོལ་བ་བཏབ་པས་སྙན་གསན་དབབ། གཉིས་པ་ནི། ལྷ་ལྔའི་བུམ་པ་ལ་རིགས་ལྔའི་མཚན་མ་དང༌། ལས་
བུམ་ལ་རྡོ་རྗེ་རྒྱ་གྲམ་འབྲི། གཞི་དཀར་པོའི་སྟེང་དུ་མེ་ཏོག་བཀྲམ་པ་ལ་ལྷའི་རིམ་པ་འགོད། སུམྦྷའི་སྔགས་བཟླ་ཞིང་གུ་གུལ་
11-1-282


བདུག །ཡུངས་ཀར་གྱིས་བྲབས་ལ་བཞག །བུམ་པ་རྣམས་བསངས་སྦྱངས་སྟོང་པའི་ངང་ལས་བྷྲུཾ་ལས་རིན་པོ་ཆེའི་
བུམ་པ་མཚན་ཉིད་ཐམས་ཅད་ཡོངས་སུ་རྫོགས་པ། ནང་ལྷའི་བཞུགས་གནས་འོད་ཟེར་འཕྲོ་
བ་དང་བཅས་པར་གྱུར་པ་སོ་སོའི་དབུས་སུ། པཾ་ལས་པདྨ་དང་རཾ་ལས་ཉི་མའི་དཀྱིལ་འཁོར་
རེ་རེ། དེ་རྣམས་ཀྱི་སྟེང་དུ་ཧཱུཾ་ༀ་ཧཱུཾ་སྭཱ་ཨཱཿཧཱ་རྣམས་ཀྱི་འོད་ཀྱི་འཕྲོ་འདུ་ལས་རྡོ་རྗེ་དང་མདའ་
དང་རྡོ་རྗེ་དང་རིན་པོ་ཆེ་དང་པདྨ་དང་རལ་གྲི་རྣམས་ཧཱུཾ་ༀ་ཧཱུཾ་སྭཱ་ཨཱཿཧཱ་རྣམས་ཀྱིས་མཚན་པ། 
དེ་རྣམས་ལས་སྐུ་ཕྲ་མོ་དཔག་ཏུ་མེད་པ་འཕྲོས། སངས་རྒྱས་མཆོད་སེམས་ཅན་གྱི་དོན་བྱས། 
ཚུར་འདུས་ཡོངས་སུ་གྱུར་པ་ལས་དབུས་ཀྱི་བུམ་པར་དཔལ་ཧེ་རུ་ཀ༴ སོགས་དང༌། ཤར་གྱི་བུམ་
པར་རྡོ་རྗེ་མཁའ་འགྲོ་མ༴ སོགས་དང༌། ལྷོའི་བུམ་པར་རིན་ཆེན་མཁའ་འགྲོ་མ༴སོགས་དང༌། ནུབ་
ཀྱི་བུམ་པར་པདྨ་མཁའ་འགྲོ་མ༴སོགས་དང༌། བྱང་གི་བུམ་པར་སྣ་ཚོགས་མཁའ་འགྲོ་མ༴སོགས་
དང༌། ལྷ་མོ་ལྔ་པོ་ནི༴ ནས། འཛིན་པའོའི་བར་རྣམས་ལྷ་སྟ་གོན་གྱིས་རིགས་འགྲེ། སྙིང་གའི་ཧཱུཾ་གི་འོད་ཀྱིས་
ཡེ་ཤེས་སེམས་དཔའ་བཛྲ་ས་མཱ་ཛཿ ཛཿཧཱུཾ་བཾ་ཧོ། ལྷ་སྟ་གོན་གྱི་སྐབས་ལྟར་མཆོད་བསྟོད་བྱས་ལ། བུམ་པའི་
སྟེང་དུ་ཐོད་པའམ་དུང་ཆོས་བདུད་རྩིས་གང་བ་བདུད་རྩི་ལ་རེག་པ་ཙམ་དུ་རྡོ་རྗེ་གཟུངས་ཐག་དཔྱངས། གཟུངས་ཐག་ཁ་རྒྱན་ལ་
བཅིང༌། སྣེ་མོ་ནས་སློབ་དཔོན་གྱིས་བཟུང་ངོ༌། །སྔགས་ཀྱི་འོད་ཟེར་གཟུངས་ཐག་ལ་འཁྲིལ་ཏེ་བུམ་པར་
སོང་བས་ལྷ་ལྔ་བུམ་ཆུའི་རྡུལ་ཕྲ་རབ་ཀྱི་གྲངས་དང་མཉམ་པས་བུམ་པ་གང་བར་གྱུར། སོ་
སོར་སྔགས་བརྒྱ་རྩ་རེ་བཟླའོ། །ཀ་པཱ་ལའི་བདུད་རྩི་བུམ་པ་སོ་སོར་བླུག །བུམ་པའི་ལྷ་རྣམས་ཟག་པ་མེད་པའི་
བདེ་བས་ཐུགས་རྒྱུད་ཚིམ་སྟེ། བདུད་རྩིར་ཞུ་ནས་བུམ་ཆུ་དང་དབྱེར་མེད་དུ་གྱུར། ལས་བུམ་
སྟོང་པའི་ངང་ལས་རིན་པོ་ཆེའི་བུམ་པ་མཚན་ཉིད་ཚང་བའི་ནང་དུ། ཧཱུཾ་ལས་ཁྲོ་བོ་བདུད་རྩི་
འཁྱིལ་པ་སྐུ་མདོག་སྔོན་པོ། གཡས་རྡོ་རྗེ་གཡོན་སྡིགས་མཛུབ་མཛད་པ། ཁྲོ་བོའི་རྒྱན་དང་
ཆ་ལུགས་རྫོགས་ཤིང༌། པད་ཉི་ལ་གཡོན་བརྐྱང་སྟབས་ཀྱིས་མེ་དཔུང་འབར་བའི་དབུས་ན་
བཞུགས་པ། རང་གི་སྙིང་གའི་འོད་ཀྱིས་ཁྲོ་བོ་ཡེ་ཤེས་སེམས་དཔའ་བཛྲ་ས་མཱ་ཛཿ ཛཿཧཱུཾ་བཾ་
11-1-283


ཧོཿ མཆོད་པ་ལྔས་མཆོད། གཟུངས་ཐག་གོང་བཞིན་བཤམ། སྔགས་ཀྱི་འོད་ཟེར་གཟུངས་ཐག་ལ་འཁྲིལ་
ཏེ་བུམ་པར་སོང་བས། ཁྲོ་ཆུང་བུམ་ཆུའི་རྡུལ་ཕྲ་རབ་ཀྱི་གྲངས་དང་མཉམ་པས་བུམ་པ་གང་
བར་གྱུར། ༀ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ཅེས་བརྒྱ་ཙམ་བཟླས་ལ། འཇིགས་པའི་ཧཱུཾ་སྒྲ་ངེས་
སྒྲོག་ཅིང༴ ཞེས་སོགས་ཀྱི་བསྟོད། རྣལ་འབྱོར་པ་བདག་ཅག་དཔོན་སློབ་རྣམས་ཀྱིས་ཆོ་གའི་རིམ་
པ་འདི་མ་ཐོན་གྱི་བར་དུ་བགེགས་བཟློག་པ་དང༌། བར་ཆད་ཐམས་ཅད་བསྲུང་དུ་གསོལ། 
ཞེས་གསོལ་བ་བཏབ་ལ་བཞག །མར་རྔོག་གི་ལུགས་ལ་ལས་བུམ་གྱི་ལྷ་མི་བཞུ་མོད་ཅི་ལྟར་སྐབས་སུ་བབ་པས་རུང་ངོ༌། །
གསུམ་པ་ནི་སློབ་མའི་བྱ་བ་ཡིན་ཡང་དཀྱིལ་འཁོར་གྱི་ལས་ཀྱི་སྐབས་འདིར་འབྲེལ་ཆེ་བས་ཞོར་ལ་བསྟན་པ་སྟེ། སློབ་
མ་རྣམས་ལ་སྔོན་འགྲོའི་ཆོས་བཤད་བྱ། དེས་ཀྱང་མཎྜལ་འབུལ། སློབ་དཔོན་གྱིས་འདི་སྐད་ཅེས་བརྗོད་དོ། །སྔགས་ཀྱི་
དངོས་གྲུབ་དོན་གཉེར་གང༌། །དཀྱིལ་འཁོར་འདི་ནི་གཞུག་པར་བྱ། །བསོད་ནམས་འདོད་
པས་དེ་ལས་གཞན། །གཞན་ནི་འཇིག་རྟེན་ཕ་རོལ་གཉེར། །སླར་ཡང་དད་པ་ལྡན་པ་དག །
འཇིག་རྟེན་ཕ་རོལ་ལ་དམིགས་ནས། །བློ་ལྡན་དཀྱིལ་འཁོར་གཞུག་བྱ་སྟེ། །འདི་ཡི་འབྲས་
བུ་གཉེར་མི་བྱ། །གལ་ཏེ་འདི་འབྲས་དོན་གཉེར་ན། །འཇིག་རྟེན་ཕ་རོལ་འགྲུབ་མི་འགྱུར། །
འཇིག་རྟེན་ཕ་རོལ་ལ་དམིགས་ན། །འབད་པ་མེད་པར་འདི་འབྲས་འགྲུབ། །ཅེས་བརྗོད་ཅིང་
དོན་བཤད། དེ་ནས་གསོལ་བ་བཏབ་པ་ནི། དགའ་ཆེན་ཁྱོད་བདག་སྟོན་པ་སྟེ། །སློབ་དཔོན་ཁྱོད་ནི་
དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་
ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་
ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་
མཆོག་ཏུ། །མགོན་པོ་ཆེན་པོས་བདག་འཇུག་མཛོད། །ཅེས་ལན་གསུམ་དུ་གསོལ་བ་གདབ། དེ་ནས། 
སློབ་དཔོན་གྱིས་སློབ་མ་དེ་འོད་ཀྱི་གོང་བུར་བྱས་ལ། རང་གི་ཞལ་དུ་ཞུགས། ཨ་ཝ་དྷཱུ་ཏཱི་
ནས་ཡུམ་གྱི་པདྨར་བབས། ཧེ་རུ་ཀའི་གཟུགས་ཀྱིས་ཕྱིར་སྤྲོས་པ་ལ། སྔགས་ཀྱི་ཐེག་པར་བློ་དགུག་
11-1-284


པ་ནི། བུ་ཚུར་ཐེག་པ་ཆེན་པོ་ལ། ཁྱོད་ནི་ཚུལ་ཆེན་སྣོད་ཡིན་ཀྱི། །གསང་སྔགས་སྤྱོད་ཚུལ་ཆོ་
ག་ནི། ཁྱོད་ལ་ཡང་དག་བསྟན་པར་བྱ། །དུས་གསུམ་འབྱུང་བའི་སངས་རྒྱས་རྣམས། །སྐུ་
གསུང་ཐུགས་ཀྱི་རྡོ་རྗེ་ཅན། །མཉམ་ཉིད་ཡེ་ཤེས་ཐོབ་པ་ནི། །རྡོ་རྗེ་རབ་སྔགས་སྒོམ་པས་སོ། །
གསང་སྔགས་སྦྱོར་བ་མཉམ་མེད་དང༌། །ཧེ་རུ་ཀ་དཔལ་སྐྱོབ་པ་ཡིས། །བདུད་སྡེ་ཤིན་ཏུ་མི་
བཟད་པའི། །དཔུང་ཆེན་དག་ཀྱང་དེ་ཡིས་བཅོམ། །དེ་བས་ཀུན་མཁྱེན་ཐོབ་བྱའི་ཕྱིར། །བུ་
ཡི་བློ་གྲོས་འདི་གྱིས་ཤིག །ཅེས་པའམ་འགྱུར་སྤྱི་དང་མཐུན་པར་བརྗོད་དེ། དུས་གསུམ་གྱི་སངས་རྒྱས་
རྣམས་ཀྱང་གསང་སྔགས་རྡོ་རྗེ་ཐེག་པ་ལ་བརྟེན་ནས་སངས་རྒྱས་པ་ཡིན་པས་འདི་ལ་མོས་
པ་དང་གུས་པ་རྩེ་གཅིག་ཏུ་གྱིས་ཤིག བྱས་ལ་སྤྲོ་བ་བསྐྱེད་དོ། །
དེ་ནས་རྣ་བ་གཏད་པར་བསྐུལ་བ་ནི། རྟོག་པ་ཐམས་ཅད་ལེགས་པར་བསྡུས་ནས་ནི། །ཤིན་ཏུ་
བསམ་པ་བཟང་དང་ལྡན་པས་ཉོན། །རྗེད་ངེས་བློ་ལ་བདེ་བར་གཤེགས་པ་སོགས། །ཡི་
དམ་མཁའ་འགྲོ་རྣམས་ཀྱིས་བྱིན་མི་རློབ། །ཅེས་བརྗོད། དེ་ནས་སློབ་མའི་རྒྱུད་ཡོངས་སུ་དག་པའི་དོན་དུ་ལྔ་
རྣམ་པར་དག་པར་བྱས་ཏེ། བདག་གིས་སྡིག་པ་བགྱིས་པ་དང༌། །བགྱིད་དུ་སྩལ་དང་ཡི་རང་བ། །
སངས་རྒྱས་སྤྱན་སྔར་མཆིས་ནས་སུ། །མ་ལུས་སོ་སོར་བཤགས་པར་བགྱི། །ཞེས་པས་སྡིག་པ་
བཤགས་པ་དང༌། སངས་རྒྱས་བྱང་ཆུབ་སེམས་དཔའ་དང༌། །རང་རྒྱལ་དགྲ་བཅོམ་འགྲོ་རྣམས་
དང༌། །སྒོམ་དང་བཟླས་བརྗོད་བསོད་ནམས་ཀྱི། །ཚོགས་ལ་བདག་ནི་ཡི་རང་ངོ༌། །ཞེས་པས་
རྗེས་སུ་ཡི་རང་བ་དང༌། སྒྱུ་འཕྲུལ་གཙོ་བོ་ཡབ་ཡུམ་དང༌། །མཁའ་འགྲོ་མ་དང་བཅས་པ་དང༌། །
གསང་སྔགས་ཐེག་པ་བླ་མེད་པའི། །ཆོས་མཆོག་ལ་ཡང་སྐྱབས་སུ་མཆི། །ཞེས་པས་སྐྱབས་སུ་
འགྲོ་བ་དང༌། དུས་གསུམ་བདེ་གཤེགས་ཐམས་ཅད་དང༌། །བྱང་ཆུབ་སེམས་དཔའ་ཐམས་ཅད་
ཀྱིས། །བྱང་ཆུབ་སེམས་ནི་བསྐྱེད་པ་ལྟར། །དེ་བཞིན་བདག་གིས་སེམས་བསྐྱེད་དོ། །ཞེས་པས་
སེམས་བསྐྱེད་དང༌། བདག་གི་དགེ་བའི་ལས་རྣམས་ཀྱིས། །འཇིག་རྟེན་མྱུར་དུ་སངས་རྒྱས་ཤོག །
11-1-285


སེམས་ཅན་འཁོར་བའི་རྒྱ་མཚོ་ལས། །བླ་མེད་གནས་སུ་བསྒྲལ་བར་བགྱི། །ཞེས་པས་དགེ་བའི་རྩ་
བ་བསྔོ་ཞིང༌། དམ་བཅའ་བ་རྣམས་ལན་གསུམ་གསུམ་རྗེས་བཟློས་བྱེད་དུ་བཞུག་གོ །དེ་ནས་གསོལ་བ་གདབ་པ་སྔོན་དུ་འགྲོ་
བས། སྡོམ་པ་བཟུང་བར་ཁས་བླངས་པ་ནི། འགྲོ་བའི་མགོན་པོ་བདག་ལ་དགོངས། །མ་ལུས་ཕྱོགས་
བཞུགས་བདེ་གཤེགས་རྣམས། །དུས་འདི་ནས་བཟུང་སངས་རྒྱས་པར། །བླ་མེད་བདག་ལ་
གཟིགས་པར་མཛོད། །ཇི་ལྟར་དུས་གསུམ་མགོན་པོ་རྣམས། །བྱང་ཆུབ་དུ་ནི་ངེས་མཛད་
པའི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་པར་བགྱི། །སངས་རྒྱས་
ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །སངས་རྒྱས་རྣལ་འབྱོར་
ལས་སྐྱེས་པའི། །སྡོམ་པ་དེང་ནས་བཟུང་བར་བགྱི། །རྡོ་རྗེ་རིགས་མཆོག་ཆེན་པོ་ལ། །རྡོ་རྗེ་
དྲིལ་བུ་ཕྱག་རྒྱ་ཡང༌། །ཡང་དག་ཉིད་དུ་བཟུང་བར་བགྱི། །སློབ་དཔོན་དག་ཀྱང་བཟུང་བར་
བགྱི། །རིན་ཆེན་རིགས་མཆོག་ཆེན་པོ་ཡིས། །དམ་ཚིག་ཡིད་དུ་འོང་བ་ལ། །ཉིན་རེ་བཞིན་
དུ་ལན་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །པདྨའི་
རིགས་ཆེན་དག་པ་ལ། །ཕྱི་ནང་གསང་བའི་ཐེག་པ་གསུམ། །དམ་པའི་ཆོས་ཀྱང་མ་ལུས་
བཟུང༌། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་
ཉིད་དུ་བཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །ཚུལ་ཁྲིམས་ཀྱི་ནི་བསླབ་པ་
དང༌། །དགེ་བའི་ཆོས་ནི་སྡུད་པ་དང༌། །སེམས་ཅན་དོན་བྱེད་ཚུལ་ཁྲིམས་གསུམ། །བདག་
གིས་བརྟན་པོར་བཟུང་བར་བགྱི། །གཉིས་སུ་མེད་པའི་ཚངས་སྤྱོད་དང༌། །རང་གི་དམ་ཚིག་
བསྲུང་བར་བགྱི། །བྱང་ཆུབ་སེམས་ནི་བླ་མེད་པ། །དམ་པ་བདག་གིས་བསྐྱེད་བགྱིས་ནས། །
སེམས་ཅན་ཀུན་ཀྱི་དོན་གྱི་ཕྱིར། །བདག་གིས་སྡོམ་པ་མ་ལུས་བཟུང༌། །མ་གྲོལ་བ་རྣམས་
གྲོལ་བར་བགྱི། །མ་བསྒྲལ་བ་རྣམས་བསྒྲལ་བར་བགྱི། །དབུགས་མ་ཕྱིན་པ་དབུགས་དབྱུང་
ཞིང༌། །སེམས་ཅན་མྱ་ངན་འདས་ལ་འགོད། །ཅེས་རྗེས་བཟློས་བྱེད་དུ་གཞུག་གོ །སློབ་མ་རྣམས་སྐད་
11-1-286


ཅིག་གིས་ཧེ་རུ་ཀར་གྱུར། གནས་གསུམ་དུ་དྲི་བཟང་གི་ཐིག་ལེ་བཀོད། དེ་ཉིད་དུ་འབྲུ་གསུམ་དང་ཕྱག་མཚན་གསུམ་
དུ་བསྐྱེད། མི་བསྐྱོད་སྣང་མཐའ་རྣམ་པར་སྣང་མཛད་རྣམས་སྤྱན་དྲངས་ཏེ་བསྟིམ། དེ་ལ་མཆོད་པ་ལྔས་མཆོད། དངོས་གྲུབ་ཀྱི་
ལྟས་བརྟགས་པའི་དོན་དུ། སོ་ཤིང༌། ༀ་ཨཱཿཧཱུཾ་གིས་སློབ་མ་ལ་གཏད། དེའི་རྣམ་ལྔའི་མཎྜལ་གྱི་སྟེང་དུ་འདོར་དུ་གཞུག་པ་སྤྱི་
དང་མཐུན། དེ་ནས་ཁྱོར་ཆུ། ༀ་ཧྲཱིཿབི་ཤུདྡྷ་དྷརྨ་དྷཱ་ཏུ་སརྦ་པཱ་བཾ་ནི་ཙཱ་སྱ་ཤོདྷ་ཡ་སརྦ་བི་ཀལྤན་ཨ་པ་
ན་ཡ་ཧཱུཾ། ཞེས་བཟླས་ཏེ་ཧུབ་གསུམ་འཐུང་དུ་གཞུག དེ་ནས་ཀུ་ཤ་འབྲུ་གསུམ་དང༌། དྲི་བཟང་གི་ཆུས་བསངས་ལ། སྔས་དང་
སྟན་གྱི་དོན་དུ་སྦྱིན། བར་ཆད་ཞི་བའི་དོན་དུ་བསྲུང་སྐུད་ལ་སྙིང་པོ་ལན་བདུན་བཟླས་པ་སློབ་མའི་དཔུང་པར་བཅིང་ངོ༌། །དེ་
ནས་ཟབ་པ་དང་རྒྱ་ཆེ་བའི་ཆོས་བཤད་པ་ནི། འཇིག་རྟེན་ཁམས་ནི་མ་ལུས་པར། །ཐམས་ཅད་མཁྱེན་པ་
འབྱུང་མི་འབྱུང༌། །ཨུ་དུམ་ཝ་རའི་མེ་ཏོག་བཞིན། །རྒྱ་ལམ་ན་ནི་རེས་འགའ་ཞིག །འབྱུང་
འགྱུར་ཡང་ནི་མི་འབྱུང་ངོ༌། །གསང་སྔགས་སྤྱོད་པའི་ཚུལ་འབྱུང་བ། །དེ་བས་ཀྱང་ནི་རྙེད་
དཀའ་སྟེ། །གང་གིས་སེམས་ཅན་མཉམ་མེད་དོན། །བླ་ན་མེད་པ་བྱེད་ནུས་པ། །གཉིས་མེད་
ཟབ་མོའི་སྤྱོད་ཚུལ་འདི། །སེམས་ཅན་སངས་རྒྱས་ཐོབ་བྱེད་པའོ། །དང་པོ་བསྐལ་པ་གྲངས་
མེད་ནས། །བསགས་པའི་སྡིག་པ་གང་དང་གང༌། །དེ་ཀུན་ཟད་པར་གྱུར་པ་ནི། །ཟབ་མོའི་
དཀྱིལ་འཁོར་མཐོང་བས་སོ། །ཞེས་བརྗོད་དེ་དོན་བཤད་དོ། །རྨི་ལམ་བརྟག་ཅིང་ངན་ན་བསྲུང་བ་སྤྱི་དང་འདྲ། དེ་
ནས་རྗེས་ཀྱི་བྱ་བ་ནི། ཚོགས་ཀྱི་བྱ་བ་ཡོད་ན་སྐབས་འདིར་བྱ་ཞིང༌། འཇིག་རྟེན་དང་འཇིག་རྟེན་ལས་འདས་པའི་ལྷ་ལ་སྒྲུབ་
ཐབས་ལྟར་གཏོར་མ་ཕུལ། སློབ་དཔོན་ཡོལ་བའི་ནང་དུ་སོང་ནས། མཆོད་པ་གསར་དུ་བཤམ། གོང་ལྟར་བྱིན་གྱིས་བརླབས་
ནས་འབུལ་བ་དང༌། དེ་ཉིད་ལྔ་པའི་བསྟོད་པ་བྱ། མ་འབྱོར་པ་དང་ཉམས་པ༴ སོགས་ཀྱིས་བཟོད་པར་གསོལ་ལྷག་
ཆད་སྐང་བའི་དོན་དུ་ཡིག་གེ་བརྒྱ་བ་ཅི་རིགས་པར་བཟླས། བཅོམ་ལྡན་འདས་སྒྱུ་འཕྲུལ་ཆེན་མོའི་དཀྱིལ་
འཁོར་གྱི་ལྷ་ཚོགས་རྣམས་ཀྱིས་བདག་དང་སློབ་མ་སྔོན་དུ་འགྲོ་བའི་སེམས་ཅན་ཐམས་ཅད་
ལ་བར་ཆད་ཞི་བ་དང༌། མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་དུ་གསོལ། ཞེས་
གསོལ་བ་བཏབ། སྨོན་ལམ་དང་བཀྲ་ཤིས་ཅི་རིགས་པར་བརྗོད། དེ་ཉིད་ཀྱི་ནུབ་མོར་མར་མེ་བདུག་སྤོས་སོགས་མཆོད་པ་རྒྱུན་
11-1-287


མ་ཆད་པར་བྱའོ། །ནང་པར་ཉི་མ་མ་ཤར་བའི་སྔོན་དུ་མཆོད་པ་གཅིག་བཤམ། རྡོ་རྗེ་ཤུགས་ཀྱི་ཕྱག་རྒྱ་དང༌། ༀ་བེ་གཱ་ཀྲ་
མ་ཧོཿ ཞེས་པའི་སྔགས་ཀྱིས་སྟ་གོན་ཀྱི་དཀྱིལ་འཁོར་ནམ་མཁར་བཏེག་གོང་བཞིན་མཆོད་པ་བྱིན་རླབས་དང་མཆོད་བསྟོད་
བྱ། དཔལ་སྒྱུ་འཕྲུལ་ཆེན་མོའི་ལྷ་ཚོགས་རྣམས་དོ་ནུབ་སྤྱན་མ་དྲངས་ཀྱི་བར་དུ་མདུན་གྱི་
ནམ་མཁར་བཞུགས་ལ། བདག་ཅག་སློབ་མར་བཅས་པ་ལ་བྱིན་གྱིས་བརླབ་ཏུ་གསོལ། ཞེས་
བརྗོད། གསུམ་པ། དཀྱིལ་འཁོར་ཞག་གི་ཆོ་ག་ལ། ཐིག་ཚོན་གྱི་ཆོ་ག །དཀྱིལ་འཁོར་བརྒྱན་པ། དཀྱིལ་འཁོར་སྒྲུབ་པ། བདག་
ཉིད་འཇུག་པ་སྟེ་བཞི་ལས། དང་པོ་ནི་ཐིག་སྐུད་ཆང་བུ་ལྔ་ལྔ་ཚོམ་དུ་བཞག །ཚོན་སྣ་ལྔ་ཐོད་པར་བླུགས་པ་ལ་རིགས་ལྔའི་ས་
བོན་སོ་སོར་འབྲི། བསངས་སྦྱངས། སྟོང་པའི་ངང་ལས་ཧཱུཾ་ལས་མི་བསྐྱོད་པ་སྔོན་པོ་རྡོ་རྗེ་དང་དྲིལ་བུ་
འཛིན་པ། བྷྲུཾ་ལས་རྣམ་སྣང་དཀར་པོ་འཁོར་ལོ་དང་དྲིལ་བུ་འཛིན་པ། ཨཾ་ལས་རིན་འབྱུང་
སེར་པོ་ནོར་བུ་དང་དྲིལ་བུ་འཛིན་པ། ཛྲིཾ་ལས་འོད་དཔག་མེད་དམར་པོ་པདྨ་དང་དྲིལ་བུ་
འཛིན་པ། ཁཾ་ལས་དོན་གྲུབ་ལྗང་ཁུ་རལ་གྲི་དང་དྲིལ་བུ་འཛིན་པ། ཐམས་ཅད་ཀྱང་རང་སྣང་
གི་ཡུམ་དང་བཅས་པར་གྱུར། རང་གི་སྙིང་གའི་འོད་ཀྱིས་རིགས་ལྔ་ཡེ་ཤེས་སེམས་དཔའ་
བཛྲ་ས་མཱ་ཛཿ ཛཿཧཱུཾ་བཾ་ཧོ། གཉིས་སུ་མེད་པར་གྱུར། མཆོད་ཡོན་སྔོན་དུ་འགྲོ་བའི་མེ་ཏོག་སོགས་ཀྱིས་མཆོད་
དེ་ཉིད་ལྔ་པའམ། ཆོས་སྐུ་ནམ་མཁའ་བཞིན་དུ་དབྱེར་མེད་ཀྱང༴ སོགས་ཀྱིས་བསྟོད། རིགས་ལྔ་འོད་དུ་
ཞུ་སྟེ་ཐིག་ཚོན་དུ་གྱུར། དེ་ནས། ༀ་ཨ་ནོ་ནྱཿཨ་ནུ་ག་ཏ་སརྦ་དྷརྨ་པ་ར་སྤ་ར་ཨ་ནུ་པྲ་བིཥྚ་སརྦ་
དྷརྨཿ ཨརྱནྟ་ཨ་ནུ་པྲ་བིཥྚ་སརྦ་དྷརྨཿ ༀ་ཨཱཿཧཱུཾ། ཞེས་བརྗོད་ཅིང་ཐིག་སྐུད་བསྒྲིལ། དེ་ཉིད་བདུད་རྩི་ལྔའི་ཆུ་ལ་
སྦངས་ཏེ། ཛྫཿཛྫཿཞེས་བརྗོད་ཅིང་ཐིག་སྣ་སློབ་མའི་ལག་ཏུ་གཏད། སློབ་མས་ཀྱང་དེ་སྐད་བརྗོད་ཅིང་དྲངས། །སློབ་དཔོན་
ནུབ་དང་ལྷོར་གནས་ལ། །སློབ་མ་ཤར་དང་བྱང་ཕྱོགས་སུ། །འདུག་སྟེ་རྣམ་གཉིས་ཚངས་ཐིག་གདབ། །སློབ་དཔོན་མེ་དང་རླུང་
གནས་ཏེ། །སློབ་མ་དབང་ལྡན་བདེན་བྲལ་དུ། །འདུག་ལ་ཤར་དང་ནུབ་གདབ་བོ། །དེ་ཉིད་གནས་དང་སློབ་མ་ནི། །དབང་ལྡན་
གནས་པས་བྱང་གི་ཐིག །བྱིན་ཟ་སྲིན་པོར་གནས་པས་ལྷོ། །དེ་ཉིད་གནས་དང་བདེན་བྲལ་དང༌། །སློབ་མ་རླུང་དང་དབང་ལྡན་
དུ། །གནས་པས་མཚམས་ཀྱི་ཐིག་གདབ་བོ། །དེ་དག་གི་ཚེ་ༀ་བཛྲ་ས་མཱ་ཡ་སུ་ཏྲ་མ་ཏི་ཀྲ་མ་ཧཱུཾ། ཞེས་བརྗོད་ཅིང༌། 
11-1-288


རྡོ་རྗེ་དང་བཅས་པའི་ལག་པས་གནམ་ཐིག་ཏུ་གདབ། དེ་ནས། ༀ་བཛྲ་མུཿ ཡེ་ཐིག་གི་ཡེ་ཤེས་པ་གཤེགས། 
ལས་ཐིག་གཞན་ཡོད་ན་དེ་དང་མེད་ན་ཡེ་ཐིག་དེ་ཉིད་ཀྱིས་ལས་ཐིག་མཛད། ཆ་ཆེན་ཉི་ཤུར་བྱས་ནས་ནི། །གཡས་གཡོན་དག་
ཏུ་བཅུ་བཅུ་སྟེ། །དང་པོ་ལྟེ་བ་གསུམ་འདབ་མ། །ཟེའུ་འབྲུ་རྡོར་འཕྲེང་དེ་ནང་བསྐོར། །བཞི་པ་ལྷ་སྣམ་དག་ཏུ་བྱ། །ལྷག་མ་རྟ་
བབས་རྣམ་བཞི་ལུགས། །སྤྱི་དང་མཚུངས་སོ་དགུ་པ་ལ། །དུར་ཁྲོད་བཅུ་པ་ཕྱེད་དུ་བསྒོས། །རྭ་བ་དང་ནི་མེ་རིའི་ས། །ཞེས་སོ། །
དབང་ལྡན་དུ་ཕྱི་ནས་རིམ་པ་བཞིན་དཀར་སེར་དམར་ལྗང་སྔོ་བའི་རེ་ཁ་ལྔ་འཁྱིད་གང་ཙམ་དུ་སློབ་དཔོན་ཁོ་ནས་བྲིས་ཏེ། ཐོད་
པས་བཀབ། དེའི་སྟེང་དུ་རྡོ་རྗེ་བཞག །མེ་ཏོག་འགའ་ལག་ཏུ་བཟུང་ནས། འདི་ནི་ཆོས་དབྱིངས་རྣམ་པར་དག །
སེམས་ཅན་ཁམས་ནི་རབ་དགྲོལ་བྱེད། །སྒྱུ་འཕྲུལ་ཞེས་བྱ་རྒྱལ་པོ་ཆེ། །ཚོན་གྱི་ལས་ནི་
ཡང་དག་བརྩམ། །ཞེས་བརྗོད་ཅིང་མེ་ཏོག་གཏོར། དེ་ནས་ཐམས་ཅད་ཀྱིས་ཅི་འདོད་དུ་བྲི་བར་བྱ་སྟེ། ལྟེ་བ་སྔོན་པོ་ཟེའུ་
འབྲུ་ཁྲ་བོ་འདབ་བརྒྱད་དམར་པོ་གོང་རིས་མཛེས་ཚོན། གཞི་དཀར་པོ་ལ་རྡོ་རྗེ་སྔོན་བོའི་འཕྲེང་བ། ལྷ་སྣམ་ཕྱོགས་མདོག་འདོད་
ཡོན་དམར། ཕ་གུ་སེར་དྲ་ཕྱེད་སྔོ་སྒོ་རྟ་བབས་སྤྱི་དང་མཐུན། དུར་ཁྲོད་གཞི་ནག་པོ་ལ་མཚན་མ་དཀར་པོ། རྭ་བ་དཀར་པོ་ལ་རྡོ་
རྗེ་སྔོན་པོ། མེ་རི་ཁ་དོག་སྣ་ཚོགས་པའོ། །ལྷ་མཚན་ནི་དབུས་ཀྱི་ལྟེ་བ་ལ་ཐོད་པ་དང་ཁ་ཊྭཱཾ་ག །འདབ་མ་ལ་ཤར་དུ་རྡོ་རྗེ། ལྷོར་
རིན་པོ་ཆེ། ནུབ་ཏུ་པདྨ། བྱང་དུ་རལ་གྲི། མཚམས་བཞིར་བུམ་ཐོད། ལྷ་སྣམ་ལ་བཀྲ་ཤིས་བུམ་པ་བརྒྱད་རྣམས་བྲིའོ། །གཉིས་པ་
ནི། ཁང་པ་རྒྱན་ཐམས་ཅད་ཀྱིས་བརྒྱན་ལ། གཞུང་ལས། སྐབས་འདིར་བུམ་པ་བསྐོར་བར་བཤད། མཆོད་པའི་བྱེ་བྲག་རྣམས་ནི་
བཅུ་ལས་མི་ཉུང་བ་བཤམ་པ་དང༌། བསྡུ་ན་གཏོར་མ་གཉིས་སུ་བཤམ། གཞན་དུ་ན། ལྷ་ལྔ་དང༌། ཕྱོགས་སྐྱོང་དང༌། ཞིང་སྐྱོང་
དང༌། གཞི་བདག་གི་གཏོར་མ་སྟེ་བརྒྱད་བཤམ། སྒོས་ཀྱི་ཆོས་སྐྱོང་སོགས་ཀྱི་གཏོར་མ་ཡོད་ནའང་བཤམ་མོ། །གསུམ་པ་ནི་སློབ་
དཔོན་གྱི་མདུན་དུ་མཆོད་པ་ལྔ་དང༌། རྡོར་དྲིལ་ཅང་ཏེའུ་ནང་མཆོད་བཟེད་ཞལ་མཆོད་ཡོན་གྱི་སྣོད་སོགས་ཚོགས་པར་བྱས། ཧཱུཾ་
ཞེས་བརྗོད་ཅིང༌། ༀ་བཛྲ་རཀྵ༴ སོགས་ལན་གསུམ་གྱིས་བསྲུང་བར་བྱ། ནང་མཆོད་གཏོར་མ་ལྟར་བྱིན་གྱིས་བརླབས་ལ། 
རྡོ་རྗེའི་རྩེས་དཀྱིལ་འཁོར་དང་ཡོ་བྱད་རྣམས་ལ་བསངས་གཏོར་བྱ་ཞིང༌། ༀ་ཨཱཿཧཱུཾ། ཞེས་ལན་མང་དུ་བརྗོད། སྔོན་འགྲོ་
གཏོར་མ་དང༌། གནས་ཡོ་བྱིན་རླབས་བྱ། ལྷ་མཚན་རྣམས་སྐད་ཅིག་གིས་འོད་ཀྱི་གོང་བུར་གྱུར། དེའི་
རྐྱེན་གྱིས་རྟེན་གཞལ་ཡས་ཁང་བརྟེན་པ་ལྷ་དང་བཅས་པ། ཐབས་ཤེས་རབ་ཀྱི་རང་བཞིན་
11-1-289


སྐད་ཅིག་གིས་གསལ་བར་གྱུར་པ་ནི། ཉི་མའི་དཀྱིལ་འཁོར་གྱི་སྟེང་དུ་སྣ་ཚོགས་རྡོ་རྗེའི་ས་
གཞི་དང་༴ ཞེས་པ་ནས། ཡོངས་སུ་བསྐོར་བའི་དབུས་སུ་ཞེས་པའི་བར་སྒྲུབ་ཐབས་བཞིན་ལས། ཨེ་ལས་ཞེས་
དང༌། ཡཾ་ལས། རཾ་ལས། བཾ་ལས། ལཾ་ལས། པཾ་ལས། ཧཱུཾ་ལས། བྷྲུཾ་ལས་ཞེས་པ་རྣམས་དོར། དབུས་སུ་པདྨ་དམར་པོ་
འདབ་མ་བརྒྱད་པ། དའི་ལྟེ་བ་དང་ཕྱོགས་བཞིར་ཉི་མའི་དཀྱིལ་འཁོར་རེ་རེ། མཚམས་ཀྱི་
འདབ་མ་ལ་བུམ་པ་བདུད་རྩིས་གང་བ། ལྷ་སྣམ་ལ་བཀྲ་ཤིས་ཀྱི་བུམ་པ་བརྒྱད་དང་བཅས་
པ། དབུས་ཀྱི་མཚན་མ་དཔལ་ཧེ་རུ་ཀ་སྔོན་པོ༴ ནས། དབུས་ན་བཞུགས་པའོ། །ཤར་གྱི་
འདབ་མའི་མཚན་མ་རྡོ་རྗེ་མཁའ་འགྲོ་མ༴ ནས། ཐོད་པ་བསྣམ་པ། ལྷོའི་འདབ་མའི་མཚན་མ་
རིན་ཆེན་མཁའ་འགྲོ༴ ནས། ཁ་ཊྭཱཾ་ག་བསྣམས་པ། ནུབ་ཀྱི་འདབ་མའི་མཚན་པདྨ༴ ནས། མདའ་
བསྣམས་པ། བྱང་གི་འདབ་མའི་མཚན་མ་སྣ་ཚོགས༴ ནས། ཌཱ་མ་རུ་བསྣམས་པ། ལྷ་མོ་ལྔ་ནི༴
ནས། འཛིན་པའོ། །རང་གི་སྙིང་གའི་ས་བོན་གྱི་འོད་ཟེར་གྱིས། ནམ་མཁར་བཞུགས་པའི་སྟ་
གོན་གྱི་ལྷ་རྣམས་བཛྲ་ས་མཱ་ཛཿ མཆོད་བསྟོད་བསྡུས་པ་ཞིག་བྱ། ཊཀྐི་ཧཱུཾ་ཛཿ སོགས་སྔགས་བཞིས། གཉིས་
སུ་མེད་པར་བསྲེས། ༀ་བཛྲ་པྲ་བེ་ཤ་ཡ་ཧཱུཾ། བདག་ཉིད་དཀྱིལ་འཁོར་གྱི་དབུས་སུ་ཕྱིན་པར་
གྱུར། ༀ་བཛྲ་ཨུརྒྷ་ཊ་ས་མ་ཡ་པྲ་བེ་ཤ་ཡ་ཧཱུཾ། ཞེས་ཕྱག་རྒྱ་དང་བཅས་པ་ལན་བཞིས་སྒོ་ཕྱེ། བླ་མ་དག་པ༴
ནས། བརྩམས་ཏེ། བཟླས་པ་ཐུན་གཅིག་བྱ་བ་ཡན་ཆད་མངོན་རྟོགས་རྫོགས་པར་བསྒོམ། 
ཛཿཧཱུཾ་བཾ་ཧོཿ ལན་བདུན། བདག་བསྐྱེད་ཀྱི་དཀྱིལ་འཁོར་དང་གཟུགས་བརྙན་དཀྱིལ་འཁོར་
གཉིས་སུ་མེད་པར་ཐིམ། གཞུང་ལས་སྐབས་འདིར་བུམ་པ་དཀྱིལ་འཁོར་ལ་འགོད་པར་བཤད་དོ། །གཙོ་བོ་ཡབ་
ཡུམ་གྱི་སེ་གོལ་གྱི་སྒྲ་དང་སྙོམས་པར་ཞུགས་པའི་སྦྱོར་མཚམས་ནས་བྱུང་བའི་འོད་ཀྱིས་ཡེ་
ཤེས་ཀྱི་འཁོར་ལོ་སྤྱན་དྲངས། བདག་གི་ཞལ་དུ་ཞུགས། རྡོ་རྗེའི་ལམ་ནས་ལྷ་མོའི་པདྨར་
སྤྲོས། རྟེན་དང་བརྟེན་པར་བཅས་པའི་དཀྱིལ་འཁོར་ཡུམ་གྱི་མཁའ་ནང་ནས་ཕྱིར་ཕྱུང༌། 
མདུན་གྱི་ནམ་མཁར་གནས་པར་གྱུར། ཧཱུཾ་ཞེས་བགེགས་བསྐྲད། བླ་མ་དག་པའི་སྐབས་ལྟར་མཆོད་པས་མཆོད། 
11-1-290


དེ་ཉིད་ལྔ་པས་བསྟོད། ཊཀྐི་ཧཱུཾ་ཛཿ སོགས་ཀྱིས་དཀྱིལ་འཁོར་ལ་དགུག་གཞུག་བྱ། སྙིང་གའི་འོད་ཀྱིས་དབང་གི་
ལྷ་སངས་རྒྱས་བྱང་སེམས༴ ཞེས་པ་ནས། དབུ་བརྒྱན་གྱི་བར། དཀྱིལ་འཁོར་ལ་དབང་བསྐུར་རྒྱས་གདབ་བྱ། 
མཆོད་རྫས་རྣམས་ལ་དམིགས་ཏེ། ཧཱུཾ་ཞེས་བགེགས་བསྐྲད། ཡི་གེ་འབྲུ་གསུམ་མང་དུ་བརྗོད་པས་བྱིན་གྱིས་བརླབས། རྟེན་
ཅིང་འབྲེལ་བར་འབྱུང་བ་ཡི། སོགས་ཀྱི་ཚིགས་བཅད་དང་སྦྱར་ཏེ། ༀ་ཤྲཱི་ཧེ་རུ་ཀ་པཉྩ་ཌཱ་ཀི་ནཱི་ཨརྒྷཾ་པྲ་
ཏཱིཙྪ་ཨཱཿཧཱུཾ། སོགས་ཀྱིས་མཆོད་ཡོན་སྔོན་དུ་འགྲོ་བའི་ཉེར་སྤྱོད་ལྔ་རོལ་མོ་དང་བཅས་པ་དང༌། ཁ་དོག་དབྱིབས་
ལེགས༴ སོགས་ཀྱིས་འདོད་ཡོན་ལྔ་དང༌། བདེ་བར་གཤེགས་པ་ཐམས་ཅད་ལ་སོགས་ཀྱིས་རྒྱལ་སྲིད་སྣ་
བདུན་དང༌། དེང་ནས་བརྩམས་ཏེ་རྫོགས་སངས་རྒྱས། །སོགས་ཀྱིས་སྒེག་སོགས་བརྒྱད་རྣམས་ཀྱིས་མཆོད་དོ། །
ནང་མཆོད་ནི། གཏོར་མ་ལྟར་བྱིན་གྱིས་བརླབས། ཧེ་རུ་ཀ་དཔལ་རྡོ་རྗེ་མཁའ་འགྲོ་མ། །ཀུ་ཀུ་རཱི་པ་མཚོ་
སྐྱེས་རྡོ་རྗེ་དང༌། །ཌོམྦི་པ་དང་ཏིལླི་ནཱ་རོ་པ། །ཞི་བ་བཟང་པོ་ཆོས་ཀྱི་བློ་གྲོས་དང༌། །ཆོས་ཀྱི་
རྡོ་རྗེ་ཞེ་སྡང་རྡོ་རྗེ་དང༌། །རྔོག་སྟོན་ཀུན་དགའ་རྔོག་སྟོན་གཟི་བརྗིད་གྲགས། །རིན་བཟང་
ཆོས་རྒྱལ་པ་དང་དོན་གྲུབ་དཔལ། །བྱང་ཆུབ་དཔལ་བཟང་བྱང་ཆུབ་དཔལ་གྲུབ་དང༌། །
བཀྲ་ཤིས་དཔལ་གྲུབ་བློ་གྲོས་དཔལ་བཟང་དང༌། །གྲོལ་མཆོག་ཞབས་དང་རྗེ་བཙུན་ལྷ་
དབང་གྲགས། །རྩ་བརྒྱུད་བླ་མ་རྣམས་ལ་མཆོད་པ་འབུལ། ༀ་ཨཱཿཧཱུཾ། དེ་ནས་ལྷ་སོ་སོའི་སྙིང་པོའི་
མཐར་འབྲུ་གསུམ་བཏགས་ཏེ། མཐེབ་སྲིན་གཡོན་པས་བླངས་ལ་འབུལ། སླར་ཡང་འབྲུ་གསུམ་ལན་བརྒྱད་ཀྱིས་དུར་ཁྲོད་
གནས་པ་རྣམས་ལ་འབུལ། ཆོས་སྐྱོང་དང་གཞི་བདག་གི་བར་ལ་འབུལ་བར་སྤྲོ་ནའང་བར་འདིར་འབུལ་ལོ། །གསང་བའི་མཆོད་
པ་ནི། སངས་རྒྱས་མཁའ་འགྲོ་མའི་མགོ་བོར༴ ཞེས་པ་ནས། ཨ་ཝ་དྷུ་ཏཱིའི་ལམ་ནས་བྱང་ཆུབ་ཀྱི་
སེམས་ཀྱི་ངོ་བོར་གྱུར་པ་སྐུའི་ཆ་ཐམས་ཅད་དུ་ཁྱབ་པས་བདེ་སྟོང་གཉིས་སུ་མེད་པའི་ཡེ་
ཤེས་སྐུ་ཉམས་སུ་བསྟར་བར་གྱུར། ཞེས་སོ། །དེ་ནས་བསྟོད་པ་ནི། མཆེ་བ་གཙིགས་ཤིང་༴ སོགས་དང༌། 
དེ་ཉིད་ལྔ་པ་དང༌། གྲུབ་ཐོབ་ཀུ་ཀུ་རཱི་པ་ཉིད་ཀྱིས་མཛད་པའི་བསྟོད་པ་འདིས་ཀྱང་བསྟོད་དེ། དཔལ་ལྡན་རྡོ་རྗེ་མཁའ་
འགྲོ་མ། །མཁའ་འགྲོ་མ་ཡི་འཁོར་ལོར་བསྒྱུར། །ཡེ་ཤེས་ལྔ་དང་སྐུ་གསུམ་ཉིད། །འགྲོ་བ་
11-1-291


སྐྱོབ་ལ་ཕྱག་འཚལ་ལོ། །ཇི་སྙེད་རྡོ་རྗེ་མཁའ་འགྲོ་མ། །ཀུན་ཏུ་རྟོག་པའི་འཆིང་གཅོད་ཅིང༌། །
འཇིག་རྟེན་བྱ་བ་རབ་འཇུག་མ། །དེ་སྙེད་རྣམས་ལ་ཕྱག་འཚལ་བསྟོད། །གཉིས་མེད་ཡེ་
ཤེས་མཁའ་འགྲོ་མ། །ལྷན་ཅིག་སྐྱེས་པའི་རོ་སྙོམས་ཤིང༌། །བདག་མེད་ངོ་བོ་ཕྱག་རྒྱ་ཆེ། །
སངས་རྒྱས་མཁའ་འགྲོ་ཕྱག་འཚལ་བསྟོད། །བྱང་ཆུབ་སེམས་མཆོག་རྣམ་པར་དག །འགྱུར་
བ་མེད་པའི་རྡོ་རྗེའི་དབྱིངས། །མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་མཁའ་འགྲོ་ཕྱག་འཚལ་
བསྟོད། །མཆོག་སྦྱིན་མ་ནི་བདེ་བ་ཆེ། །མི་ཟད་རྡོ་རྗེ་ནོར་བུའི་དབྱིངས། །བླ་ན་མེད་པའི་
དབང་བསྐུར་བ། །རིན་ཆེན་མཁའ་འགྲོ་ཕྱག་འཚལ་བསྟོད། །དྲི་མེད་ཆོས་ནི་རྣམ་པར་དག །
སྐུ་གསུང་ཐུགས་ནི་མཚན་མ་བྲལ། །དྲི་མེད་ཡེ་ཤེས་ཆེ་བརྙེས་པ། །པདྨ་མཁའ་འགྲོ་ཕྱག་
འཚལ་བསྟོད། །རྡོ་རྗེ་ལས་ནི་ཐོགས་པ་མེད། །རྣལ་འབྱོར་དབང་ཕྱུག་འགྲོ་བའི་མགོན། །
ནན་ཏན་ཡེ་ཤེས་ཆེ་བརྙེས་པ། །ལས་ཀྱི་མཁའ་འགྲོ་ཕྱག་འཚལ་བསྟོད། །ཅེས་པའོ། །
བར་འདིར་སྦྱིན་བསྲེགས་དང༌། །ཚོགས་ཀྱི་འཁོར་ལོའི་མཆོད་པས་ཀྱང་མཆོད། དེ་ནས་གཏོར་མ་གཉིས་ཁོ་ན་བཤམས་
ན། །གཏོར་ཆོག་ལྟར་གཏོར་མ་འབུལ། བརྒྱད་བཤམས་པ་ལྟར་ན། གཏོར་མ་དང་པོ་ལྔ་འཇིག་རྟེན་འདས་གཏོར་དང༌། དྲུག་
པ་ཨ་ཀཱ་རོ། ལན་བཅུས་ཕྱོགས་སྐྱོང་དང༌། བདུན་པ་གཏོར་ཆོག་ལྟར་ཞིང་སྐྱོང་དང༌། བརྒྱད་པ་གཞི་བདག་གཏོར་མ་ནི་ཁ་
འབར་མའི་སྔགས་ཀྱིས་བཏང་ངོ༌། །སྒོས་ཀྱི་ཆོས་སྐྱོང་ཡོད་ནའང་སྐབས་སུ་གང་བབ་ཏུ་བྱའོ། །དེ་ནས་བླ་མ་གོང་མ་རྣམས་ནི་
སྐབས་འདིར་དམ་ཚིག་གསུམ་གྱི་གླུ་བླངས་བར་བཞེད་དེ། འོན་ཀྱང་གཞུང་ལས་མ་བཤད་པས་བསྡུ་ན་མེད་ཀྱང་ཆོག་གོ །
བཞི་པ་ནི། སློབ་མ་ལ་དབང་བསྐུར་བ་དེ་ཙམ་ཞིག་བདག་འཇུག་བླང་ངོ༌། །གཉིས་པ་སློབ་མ་དཀྱིལ་འཁོར་དུ་གཞུག་ཅིང་
དབང་བསྐུར་བ་དངོས་ནི། ཡོལ་བའི་ཕྱི་རོལ་དུ་སྔོན་འགྲོའི་ཆོས་བཤད། སློབ་མས་མཎྜལ་ཕུལ། ཆོས་རྣམས་གཟུགས་
བརྙན་ལྟ་བུ་སྟེ། །ཞེས་པ་ནས། མཐོང་བར་ཤོག་གི་བར་བདེན་སྟོབས་བརྗོད། སངས་རྒྱས་ཀུན་གྱི་རང་
བཞིན་སྐུ། །སློབ་དཔོན་མགོན་ལ་སྐྱབས་སུ་མཆི། །གཙོ་བོ་མཁའ་འགྲོ་མར་བཅས་པའི། །
ལྷ་རྣམས་ཀུན་ལ་ཕྱག་འཚལ་ལོ། །ཐར་པ་ཆེན་པོའི་གྲོང་མཆོག་ཏུ། །མགོན་པོས་བདག་ནི་
11-1-292


གཞུག་ཏུ་གསོལ། །ལན་གསུམ་གྱིས་གསོལ་བ་བཏབ། ༀ་ཨཱཿཧཱུཾ་གིས་གདོང་བཅིང༌། སློབ་དཔོན་གྱི་ལག་གི་
རྡོ་རྗེ་ལ་འཇུས་ཏེ་ཡོལ་བའི་ནང་དུ་བཅུག གུ་གུལ་གྱིས་བདུག །ཡུངས་དཀར་གྱིས་བྲབས་བཞིན་པས། ལས་
ཐམས་ཅད་པའི་སྔགས་ཀྱིས་བགེགས་བསྐྲད། བུ་ཁྱོད་སུ་ཡིན་དྲིས་པ་ལ། བདག་སྐལ་བ་བཟང་པོ་ཅན་
ལགས། ཞེས་ལན་གདབ་ཏུ་གཞུག དེ་བཞིན་གཤེགས་པ་ཀུན་གྱི་གནས། །ཧེ་རུ་ཀ་དཔལ་གྲོང་ཁྱེར་
མཆོག །སྙིང་པོའི་དཀྱིལ་འཁོར་འདི་རུ་ནི། །བདག་གིས་སློབ་མ་གཞུག་པར་བགྱི། །ཞེས་
དཀྱིལ་འཁོར་ལ་གསོལ་བ་གདབ། དཀྱིལ་འཁོར་གྱི་སྒོ་བཞི་ཡིད་ཀྱིས་ཕྱེ་བར་མོས། སློབ་མས་གནས་གསུམ་དུ་ཐལ་མོ་སྦྱོར་
བཞིན་པས། ༀ་ན་མ་སྟེ་ཧཱུཾ། ན་མོ་མི་ཧཱུཾ། ན་མོ་ན་མ་ཧཱུཾ་སྭཱཧཱ། ཞེས་བརྗོད་པས་ཕྱག་འཚལ་བ་སྔོན་དུ་བཏང་ལ། 
ཤར་ནས་སྙིང་གར་ཐལ་མོ་སྦྱོར་བཞིན་དུ། ༀ་བཛྲ་ཌཱ་ཀི་ནཱི་པཱུ་ཛ་ཨུ་པ་སྠཱ་ན་ཡ། ཨཱཏྨ་ནཾ་ནིརྱཱ་ཏ་ཏ་ཡཱ་མི། 
སརྦ་ཏ་ཐཱ་ག་ཏ། ཨ་ཀྵོ་བྷྱཿཨ་བྷི་ཥིཉྩ། ཨ་དྷི་ཏིཥྛ་སྭཱ་མཾ། ཞེས་བརྗོད་དུ་གཞུག །དེ་བཞིན་དུ་བཛྲ་ཞེས་པའི་
གནས་སུ། རཏྣ་དང༌། ཨཀྵོ་བྷྱཿ ཞེས་པའི་གནས་སུ། རཏྣ་སམྦྷ་ཝ་བཅུག་སྟེ། དཔྲལ་བར་ཐལ་མོ་སྦྱར་ལ་ལྷོ་ནས་
དང༌། དེ་བཞིན་དུ། པདྨ་ཞེས་དང༌། པདྨ་དྷ་ར་ཞེས་སྦྱར་ལ་ནུབ་ནས་དང༌། བི་ཤྭ་ཞེས་དང༌། ཨ་མོ་གྷ་སདྡྷི་ཞེས་སྦྱར་
བས་བྱང་ནས་ཕྱག་འཚལ། དེ་ནས་སྟ་གོན་བཞིན་རྒྱུན་བཤགས་བྱེད་དུ་གཞུག་པའམ། བསྡུ་ན་མ་བྱས་ཀྱང་ཆོག །ལས་བུམ་གྱི་
ཆུ་ཅུང་ཟད་བླུད་ལ། དམ་ཚིག་དེ་ཉིད་བདག་ལ་སྩོལ། །སྡོམ་པ་རྣམས་ཀྱང་བདག་ལ་སྩོལ། །བྱང་
ཆུབ་མཆོག་ཏུ་སེམས་བསྐྱེད་པ། །སློབ་དཔོན་ཆེན་པོ་བདག་ལ་སྩོལ། །ལན་གསུམ་རྗེས་བཟློས་བྱ། 
སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ལ་སྐྱབས་སུ་སོང༌། །འདི་ནི་
སངས་རྒྱས་རིགས་དག་པའི། །སྡོམ་པ་བརྟན་པོར་གྱུར་པའོ། །རྡོ་རྗེ་དྲིལ་བུ་ཕྱག་རྒྱ་ནི། །བློ་
ཆེན་ཁྱོད་ཀྱིས་བཟུང་བར་བྱ། །བྱང་ཆུབ་སེམས་གང་དེ་རྡོ་རྗེ། །ཤེས་རབ་དྲིལ་བུ་དེ་བསྒྲགས་
སོ། །སློབ་དཔོན་ཁྱོད་ཀྱིས་བཟུང་བྱ་སྟེ། །བླ་མ་སངས་རྒྱས་ཀུན་དང་མཉམ། །འདི་ནི་རྡོ་རྗེའི་
རིགས་དག་པའི། །དམ་ཚིག་སྡོམ་པ་ཡིན་པར་བཤད། །རིན་ཆེན་རིགས་ལ་རྟག་ཏུ་ནི། །ཉིན་
དང་མཚན་མོ་ལན་དྲུག་ཏུ། །ཟང་ཟིང་མི་འཇིགས་ཆོས་དང་བྱམས། །སྦྱིན་པ་རྣམ་བཞི་རྟག་
11-1-293


ཏུ་སྦྱིན། །ཕྱི་ནང་གསང་བའི་ཐེག་པ་གསུམ། །དམ་པའི་ཆོས་ནི་མ་ལུས་བཟུང༌། །འདི་ནི་
པདྨའི་རིགས་དག་པའི། །དམ་ཚིག་ཡིད་དུ་འོང་བའོ། །ལས་ཀྱི་རིགས་མཆོག་ཆེན་པོ་ལ། །
སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་བཟུང་བར་བགྱི། །མཆོད་པའི་ལས་ཀྱང་
ཅི་ནུས་བགྱི། །དེ་ནས་སློབ་མས། སངས་རྒྱས་ཀུན་ལ་ཕྱག་འཚལ་ལོ། །ཧེ་རུ་ཀ་དཔལ་མཁའ་
འགྲོར་བཅས། །ཀུན་ནས་བདག་ལ་དགོངས་སུ་གསོལ། །ཇི་ལྟར་དུས་གསུམ་མགོན་པོ་
རྣམས༴ མན་ཆད་སྤྱི་དང་འདྲ་བས། རིགས་ལྔའི་སྡོམ་པ་བཟུང༌། དེ་ནས་སློབ་མ་ལས་ཐམས་ཅད་པའི་བུམ་ཆུས་བསངས། 
ཨཱ་ཁཾ་ཝཱི་ར་ཧཱུཾ། གིས་མེ་ཏོག་གི་འཕྲེང་བ་གཏད། སློབ་མའི་སྙིང་གར་ཟླ་བ་ལ་གནས་པའི་རྡོ་རྗེ་ༀ་སརྦ་
ཡོ་ག་ཙིཏྟ་ཨུཏ་པ་ཏ་ཡ་མི། ཞེས་བརྗོད་དུ་གཞུག །རྡོ་རྗེ་སྙིང་གར་རེག་སྟེ། སུ་ར་ཏེ་ས་མ་ཡ་སྟཾ། བོ་དྷི་ཙིཏྟ་
བཛྲ་ཡ་ཐཱ་སུ་ཁཾ། ཞེས་ཐམས་ཅད་རྣལ་འབྱོར་དུ་སེམས་བསྐྱེད། ཨཱ་ཁཾ་ཝཱི་ར་ཧཱུཾ། ཞེས་ཡོལ་བའི་ནང་དུ་བཅུག །དེ་
ནས་དམ་ཚིག་བསྒྲག་པ་ནི། དེང་ཁྱོད་དཔལ་ཧེ་རུ་ཀ་དང་མཁའ་འགྲོ་མ་རྣམས་ཀྱི་རིགས་སུ་ཞུགས་
ཀྱི་ངས་ཁྱོད་ལ་དཔལ་ཧེ་རུ་ཀའི་ཡེ་ཤེས་བསྐྱེད་པར་བྱ་སྟེ། ཡེ་ཤེས་གང་གིས་ཁྱོད་དེ་བཞིན་
གཤེགས་པ་ཐམས་ཅད་དང་དཔལ་ཧེ་རུ་ཀ་དང་མཁའ་འགྲོ་མའི་དངོས་གྲུབ་ཀྱང་ཐོབ་པར་
འགྱུར་ན་དངོས་གྲུབ་གཞན་ལྟ་ཅི་སྨོས། ཁྱོད་ཀྱིས་དཀྱིལ་འཁོར་མ་མཐོང་བའི་མདུན་དུ་
བརྗོད་པར་མི་བྱ་སྟེ་དམ་ཚིག་ཉམས་པར་གྱུར་ཏ་རེ། རྡོ་རྗེ་སྤྱི་བོར་བཞག་སྟེ། འདི་ནི་སུ་ཡང་རུང་བ་
ལ། །གལ་ཏེ་ཁྱོད་ཀྱིས་སྨྲས་གྱུར་ན། ཁྱོད་ཀྱི་དམ་ཚིག་རྡོ་རྗེ་ཡིས། །རང་གི་མགོ་བོ་འགས་
པར་འགྱུར། །རྡོ་རྗེ་སྙིང་གར་གཏད་ལ། ཧེ་རུ་ཀ་དཔལ་དེང་ཁྱོད་ཀྱི། །སྙིང་ལ་ཡང་དག་གཞུགས་
པར་གྱུར། །གལ་ཏེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །བདུད་རྩི་བླུད་ལ། ༀ་
བཛྲ་ཨུ་ད་ཀ་ཧཱུཾ་ༀ་ཨཱཿཧཱུཾ། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །
དམ་ཚིག་བསྲུངས་ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་གྲུབ། །ༀ་སརྦ་པཉྩ་ཨ་མྲྀ་
ཏོ་ད་ཀ་ཧཱུཾ། རྡོ་རྗེ་སྤྱི་བོར་གཏུགས་ཏེ། དེང་ནས་བརྩམས་ཏེ་ཁྱོད་ཀྱི་ནི། །ཧེ་རུ་ཀ་དཔལ་ང་ཡིན་གྱི། །
11-1-294


ང་ཡིས་བསྒོ་བ་ཁྱོད་ཀྱིས་གྱིས། ཁྱོད་ཀྱིས་ང་ལ་བརྙས་བྱས་ན། །མི་བདེ་མ་སྤངས་དུས་བྱས་
ནས། །དམྱལ་བར་ལྷུང་བར་གྱུར་ཏ་རེ། །སློབ་མས་ཡེ་ཤེས་དབབ་པའི་དོན་དུ་གསོལ་བ་གདབ་པ་ནི། དེ་
བཞིན་གཤེགས་པ་ཐམས་ཅད་ཀྱི། །བདག་ལ་བྱིན་གྱིས་རློབས་མཛོད་ལ། །རྡོ་རྗེ་ཡེ་ཤེས་བླ་
མེད་ནི། །ད་ལྟ་ཉིད་དུ་དབབ་དུ་གསོལ། །ཞེས་ལན་གསུམ། འབྲུ་གསུམ་གྱིས་ནང་མཆོད་བླུད་ལ། འདི་སྐད་
ཅེས། ཁྱེད་རང་རྣམས་ཧེ་རུ་ཀ་ཞལ་གཅིག་ཕྱག་གཉིས་པ། སྙིང་ག་པདྨ་འདབ་མ་བཞིའི་སྟེང་
དུ་ཉི་མ་ལ་གནས་པའི་ཧཱུཾ་སྔོན་པོ། །ༀ་ཨཱཿཧྲཱིཿཧཱུཾ་ཧཱུཾ་ཞེས་པའི་སྔགས་ཀྱིས་བསྐོར་བ། མར་མེ་བཞིན་དུ་འོད་
འབར་བ་ལ་མ་ཡེངས་པར་རྩེ་གཅིག་ཏུ་སྒོམ་ཤིག །མདུན་བསྐྱེད་དཀྱིལ་འཁོར་གྱི་གཙོ་བོའི་ཐུགས་ཀ་ནས་
ཧཱུཾ་སྔོན་པོ་འོད་འཕྲོ་བ། དེ་ལས་འོད་ཟེར་དཀར་པོ་འཕྲེང་མ་ཆད་པ་བྱུང་བ་སྙིང་གར་ཞུགས། 
ལུས་ཐམས་ཅད་འོད་ཟེར་དཀར་པོས་གང་བར་མོས། ཞེས་བརྗོད་ལ་རོལ་མོའི་སྒྲ་དང་བཅས་ཏེ། ༀ་
ཨཱཿཧྲཱིཿཧཱུཾ་ཧཱུཾ་ༀ་བཛྲ་ཨཱ་བེ་ཤ་ཡ་ཨ་ཨ། ཞེས་དྲག་ཏུ་བརྗོད་ཅིང༌། དེ་བཞིན་གཤེགས་པ་ཐམས་ཅད་བཀུག་སྟེ་སློབ་
མའི་ལུས་ལ་བཅུག་པར་བསྒོམ། གཉིས་པ་སྤོགས་ཆོག་ནི། སློབ་མའི་སྙིང་གར་ཟླ་བ་ལ་གནས་པའི་ཧེ་རུ་ཀ་
ཡབ་ཡུམ་སྙོམས་པར་ཞུགས་པའི་སྦྱོར་མཚམས་ནས་འོད་ཟེར་དམར་པོའི་ཚོགས་བསམ་
གྱིས་མི་ཁྱབ་པ་བྱུང་སྟེ་ལུས་ཐམས་ཅད་གང༌། མཐར་ཡབ་ཡུམ་འོད་ཟེར་དམར་པོར་ཞུ། 
ལུས་ཀྱི་ནང་ཐམས་ཅད་འོད་ཟེར་དམར་པོས་གང་བར་སྒོམས་ཤིག ཅེས་བརྗོད་ལ་རོལ་མོའི་སྒྲ་བྱ་བ་
གོང་བཞིན་སློབ་མའི་སྤྱི་བོར་རྡོ་རྗེ་རྒྱ་གྲམ་བཞག་སྟེ། ཏིཥྛ་བཛྲ། ཞེས་བརྗོད་པས་བརྟན་པར་བྱས། ནམ་མཁའི་ཁ་དོག་འབྲི། 
ལྷའི་རིགས་ཀྱི་རིམ་པ་དང༌། །བསོད་ནམས་རིམ་པ་དེ་བཞིན་ཤོག །འདི་ཡི་དངོས་གྲུབ་ཅི་
འདྲར་འགྱུར། །རིགས་ནི་གང་གི་སྣོད་དུ་འགྱུར། །འདི་ལ་བསོད་ནམས་ཅི་ཡོད་པ། །དཀྱིལ་
འཁོར་འདིར་ནི་དེ་བཞིན་ཤོག །ཅེས་སློབ་དཔོན་གྱིས་བདེན་སྟོབས་བརྗོད། བདེ་གཤེགས་སྙིང་པོའི་
དཀྱིལ་འཁོར་དུ། །རིག་པའི་མེ་ཏོག་འདི་ཕུལ་བས། །སྔོན་ཚེ་ཡེ་ཤེས་བསྙེན་པའི་ལྷ། །གང་
ཡིན་དེ་ལ་འབབ་པར་ཤོག །ༀ་པྲ་ཏཱིཙྪ་བཛྲ་ཧོ། ཞེས་བརྗོད་དུ་གཞུག་ཅིང་མེ་ཏོག་འབུལ། སེམས་ཅན་
11-1-295


སྟོབས་ཆེན་ཁྱོད་ཀྱིས་ནི། །འདི་ནི་རབ་ཏུ་གུས་པས་བཟུང༌། ཞེས་མེ་ཏོག་སློབ་མའི་མགོ་ལ་བཅིངས། 
སྐབས་འདིར་མེ་ཏོག་སྦྱིན་པ་འདི་མར་རྔོག་སོགས་གོང་མའི་ཕྱག་ལེན་ཡིན། གཞུང་དོན་ནི་མ་ཡིན་ནོ། །སློབ་མའི་མིག་གཉིས་ལ་
ཡི་གེ་ༀ། ཧེ་རུ་ཀ་དཔལ་དེང་ཁྱོད་ཀྱི། །མིག་འབྱེད་པར་ནི་བརྩོན་པར་མཛད། །ཕྱེ་བས་ཐམས་
ཅད་མཐོང་བ་ཡང༌། །རྡོ་རྗེའི་མིག་ནི་བླ་ན་མེད། །ༀ་བཛྲ་ནཻ་ཏྲ་ཨ་པ་ཧ་ར་པ་ཊ་ལམ་ཧྲཱིཿ ཞེས་
གདོང་གཡོགས་ཕྱེ། དེ་ནས་བལྟ་བར་བསྐུལ་བ་ནི། དཀྱིལ་འཁོར་བཟང་པོ་འདི་ལ་ལྟོས། །ད་ནི་དད་པ་
རབ་ཏུ་བསྐྱེད། ཁྱོད་ནི་རྣལ་འབྱོར་མ་རིགས་སྐྱེས། །སྔགས་དང་ཕྱག་རྒྱས་བྱིན་གྱིས་
བརླབས། །འགྲོ་བ་ཕུན་ཚོགས་དངོས་གྲུབ་ཀུན། །དངོས་གྲུབ་ཐམས་ཅད་མངོན་དུ་འགྱུར། །
དམ་ཚིག་ཐམས་ཅད་བསྐྱང་བ་དང༌། །སྔགས་རྣམས་ལ་ཡང་བརྩོན་པར་གྱིས། །ཞེས་བརྗོད་ལ་
མངོན་རྟོགས་ལྟར་ལྷ་ངོ་སྟོན། བདག་འཇུག་གི་སྐབས་སུ། དཀྱིལ་འཁོར་ཆེན་པོ་མངོན་སུམ་དུ་མཐོང་ཞིང་
བྱིན་གྱིས་བརླབས་པར་གྱུར་ཞེས་བརྗོད། དེ་ནས་དབང་བསྐུར་བ་དངོས་ལ་བཞི་ལས། དང་པོ་བུམ་དབང་བསྐུར་བ་
ནི། མཎྜལ་ཕུལ། ཧེ་རུ་ཀ་དཔལ་དབང་བསྐུར་བ། །འགྲོ་བ་སྐྱོབས་ཕྱིར་གཟི་བརྗིད་ཅན། །ཇི་
ལྟར་ཡོན་ཏན་འབྱུང་གནས་སྩལ། །དེ་བཞིན་བདག་ལ་དེང་སྩོལ་ཅིག །དཔའ་བོ་ཆེན་པོ་མི་
ལྡོག་པའི། །དབང་བསྐུར་བ་ནི་བདག་ལ་སྩོལ། །སེམས་ཅན་ཀུན་ཀྱི་དོན་བགྱིད་ཕྱིར། །
བདག་ནི་རྟག་ཏུ་སློབ་དཔོན་འགྱུར། །སློབ་དཔོན་གྱི་ཐུགས་ཀ་ནས་འོད་འཕྲོས་དབང་གི་ལྷ་
དཔལ་ཧེ་རུ་ཀ་རྡོ་རྗེ་མཁའ་འགྲོ་མའི་ཚོགས་དཔག་ཏུ་མེད་པ་དང་བཅས་པ་བཛྲ་ས་མཱ་ཛཿ ཨ་
རྒྷཾ་དང་ཉེར་སྤྱོད་ཕུལ། རྡོ་རྗེ་ཅན་གྱི་སངས་རྒྱས་ལ༴ ནས། གནང་བར་ཞུ་ཞེས་གསོལ་བ་གདབ་བོ། །སློབ་
མ་དཀྱིལ་འཁོར་གྱི་ཤར་ཕྱོགས་སུ་པདྨ་འདབ་བརྒྱད་ཁྲི་དང་བཅས་པ་ལ་བཞག་པའམ་
བཞག་པར་མོས་སུ་བཅུག །ཡུངས་ཀར་གྱིས་བྲབས། འཁྱིལ་བའི་སྔགས་ཀྱིས་བགེགས་བསྐྲད། ཧཱུཾ་ཞེས་བསྲུང་བ་
བྱ། སྟེང་དུ་གདུགས་ཕུབ། མཐའ་སྐོར་དུ་མཆོད་པའི་སྤྲིན་གྱི་ཕུང་པོས་བསྐོར་བར་མོས། སློབ་
མ་མཧཱ་མ་ཡ་ཧེ་རུ་ཀའི་སྐུར་གྱུར། ༀ་པྲ་ཏཱིཙྪ་ཧོཿ གཙོ་བོ་ལ་མེ་ཏོག་དོར། ༀ་དྷརྨྨ་ཀུཎྜ་ཨ་བྷི་ཥིཉྩ་ཧཱུཾ། 
11-1-296


མེ་ཏོག་འཕྲེང་བ་སློབ་མའི་སྤྱི་བོར་བཞག་གོ །དབང་དང་པོའོ། །བསངས་སྦྱངས། དབང་རྫས་བུམ་ཆུ་མི་དམིགས་
ཏེ་སྟོང་པར་གྱུར། སྟོང་པའི་ངང་ལས་ཧཱུཾ་ལས་བྱུང་བའི་མི་བསྐྱོད་པ་ཧེ་རུ་ཀ །སྔོན་པོ་རྡོ་རྗེ་
དང་དྲིལ་བུ་འཛིན་པ། རུས་པའི་རྒྱན་ཅན། ཡུམ་མཱ་མ་ཀཱི་སྔོན་མོ་གྲི་ཐོད་འཛིན་པ་དང་མཉམ་
པར་སྦྱོར་བར་གྱུར། རང་གི་སྙིང་ག་ནས་འོད་ཟེར་འཕྲོས། སངས་རྒྱས་ཐམས་ཅད་མི་བསྐྱོད་
པའི་རྣམ་པར་བཛྲ་ས་མཱ་ཛཿ ཛཿཧཱུཾ་བཾ་ཧོཿ གཉིས་སུ་མེད་པར་ཐིམ། བཛྲ་དྷྲིཀ་ཅེས་ལན་བདུན་
བཟླས། མི་བསྐྱོད་པ་ཞུ་བ་ལས་བྱུང་བའི་བུམ་པའི་ཆུར་གྱུར། བུམ་ཆུ་རྣམས་གཙོ་བོའི་བུམ་པའམ་ཐོད་པར་
བསྡུས་ལ། དབང་བསྐུར་རྡོ་རྗེ་ཆེན་པོ་ནི། ཁམས་གསུམ་ཀུན་ཀྱིས་ཕྱག་བྱས་པ། །སངས་རྒྱས་
ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ༀ་ཨཱཿཧྲཱིཿཧཱུཾ་ཧཱུཾ་ༀ་བཛྲ་ཨ་བྷི་
ཥིཉྩ་མི། ཞེས་བུམ་པའི་ཆུས་དབང་བསྐུར་བ་ན། མཁའ་འགྲོ་མ་བུམ་པ་ཐོགས་པ་དཔག་ཏུ་མེད་པས་
ཀྱང་དབང་བསྐུར་བར་གྱུར། དེ་ལྟར་ན་ཆུ་དབང་བསྐུར་བས་ཀུན་གཞི་རྣམ་ཤེས་གནས་གྱུར་
ནས། མེ་ལོང་ལྟ་བུའི་ཡེ་ཤེས་རྒྱུད་ལ་སྐྱེས་པ་ཡིན་ནོ། །ཞེས་རྟོགས་པ་བསྐྱེད། བསངས་སྦྱངས། དབང་
རྫས་ཅོད་པན༴ ཨཾ་ལས་རིན་ཆེན་འབྱུང་ལྡན་ཧེ་རུ་ཀ་སེར་པོ་རིན་པོ་ཆེ་དང་དྲིལ་བུ་འཛིན་པ། 
རུས་པའི་རྒྱན་ཅན། ཡུམ་རིན་ཆེན་སྒྲོལ་མ་སེར་མོ་གྲི་ཐོད་འཛིན་པ་དང་མཉམ་པར་སྦྱོར་
བར་གྱུར། རང་གི་སྙིང་ག་ནས་འོད་ཟེར་འཕྲོས། སངས་རྒྱས་ཐམས་ཅད་རིན་ཆེན་འབྱུང་
ལྡན་གྱི་རྣམ་པར་བཛྲ་ས་མཱ་ཛཿཛཿ ཧཱུཾ་བཾ་ཧོཿ གཉིས་སུ་མེད་པར་ཐིམ། སྭ་རཏྣ་དྷྲིཀ་ཅེས་ལན་
བདུན་ཙམ་བཟླས་ལ། རིན་ཆེན་འབྱུང་ལྡན་ཞུ་བ་ལས་བྱུང་བའི་ཅོད་པན་དུ་གྱུར། ཐོར་ཚུགས་ཅོད་
པན་གྱིས་བརྒྱན་པ། །སངས་རྒྱས་ཀུན་ཀྱིས་བསྔགས་པ་ཡི། །རིན་ཆེན་དག་གི་དབུ་རྒྱན་
དང༌། །དར་དཔྱངས་དབང་བསྐུར་སྦྱིན་པར་བྱ། །ༀ་བཛྲ་པཱ་ཊ་ཀ་ཨ་རལླི་ཧཱུཾ། ༀ་རཏྣ་ཨ་བྷི་
ཥིཉྩ་མི། ཞེས་དབུ་རྒྱན་གྱིས་དབང་བསྐུར་བ་ན། མཁའ་འགྲོ་མ་དཔག་ཏུ་མེད་པས་ཀྱང་ཅོད་
པན་གྱིས་དབང་བསྐུར་བར་གྱུར། དེ་ལྟར་དབུ་རྒྱན་གྱི་དབང་བསྐུར་བས་ཉོན་མོངས་པ་ཅན་
11-1-297


གྱི་ཡིད་གནས་གྱུར་ནས། མཉམ་པ་ཉིད་ཀྱི་ཡེ་ཤེས་རྒྱུད་ལ་སྐྱེས་པ་ཡིན་ནོ། །བསངས་སྦྱངས། 
དབང་རྫས་རྡོ་རྗེ༴ ཛྲིཾ་ལས་སྣང་བ་མཐའ་ཡས་ཧེ་རུ་ཀ་དམར་པོ་པདྨ་དང་དྲིལ་བུ་འཛིན་པ་
རུས་པའི་རྒྱན་ཅན། ཡུམ་གོས་དཀར་མོ་དམར་མོ་གྲི་ཐོད་འཛིན་པ་དང་མཉམ་པར་སྦྱོར་བ༴
སོགས་དང༌། ཨཱཿཨ་རོ་ལིཀ༴ ཅེས་བཟླ། འོད་དཔག་མེད༴ རྡོ་རྗེར་གྱུར། སློབ་མའི་ལག་པ་གཡས་པར་རྡོ་རྗེ་
གཏད་ལ། ༀ་སངས་རྒྱས་རྡོ་རྗེའི་དབང་བསྐུར་བས། །དེ་རིང་ཁྱོད་ལ་དབང་བསྐུར་བྱ། །སངས་
རྒྱས་ཀུན་ཏུ་རབ་གྲུབ་ཕྱིར། །རྡོ་རྗེ་འདི་ནི་ཁྱོད་ཀྱིས་བཟུང༌། ༀ་བཛྲ་ཨ་དྷི་པ་ཏི་སྟྭཾ། ཨ་བྷི་
ཥིཉྩ་མི། ཐོག་མཐའ་མེད་པའི་སེམས་དཔའ་ནི། །རྡོ་རྗེའི་སེམས་དཔའ་དགའ་བ་ཆེ། །ཀུན་དུ་
བཟང་པོ་ཀུན་བདག་ཉིད། །རྡོ་རྗེ་སྙེམས་ཚུལ་བདག་པོའི་བདག །ཅེས་སྙིང་གར་བཟུང་དུ་འཇུག་གོ །
མཁའ་འགྲོ་མ་དཔག་ཏུ་མེད་པས་ཀྱང་དབང་བསྐུར། དེ་ལྟར་ན་རྡོ་རྗེའི་དབང་བསྐུར་བས། 
ཡིད་ཀྱི་རྣམ་པར་ཤེས་པ་གནས་གྱུར་ནས། སོ་སོར་ཀུན་ཏུ་རྟོག་པའི་ཡེ་ཤེས་རྒྱུད་ལ་སྐྱེས་པ་
ཡིན་ནོ། །བསངས་སྦྱངས། དབང་རྫས་དྲིལ་བུ། ཁཾ་ལས་དོན་ཡོད་གྲུབ་པ་ཧེ་རུ་ཀ་ལྗང་ཁུ་རལ་གྲི་
དང་དྲིལ་བུ་འཛིན་པ་རུས་པའི་རྒྱན་གྱིས་བརྒྱན་པ། ཡུམ་དམ་ཚིག་སྒྲོལ་མ་ལྗང་ཁུ་གྲི་ཐོད་
འཛིན་པ་དང་མཉམ་པར་སྦྱོར་བར༴ ཧ་པྲཛྙཱ་དྷྲྀཀ༴ ཅེས་བཟླས། དོན་ཡོད་གྲུབ་པ་དྲིལ་བུར༴ དེ་
ནས་དྲིལ་བུ་ལག་པ་གཡོན་དུ་བྱིན་ལ། འདི་སྟེ་སངས་རྒྱས་ཐམས་ཅད་ཀྱི། །ཤེས་རབ་དབྱངས་ཀྱི་རྗེས་
འགྲོར་བཤད། ཁྱོད་ཀྱིས་ཀྱང་ནི་རྟག་ཏུ་བཅང༌། །བྱང་ཆུབ་མཆོག་ཏུ་རྒྱལ་བ་བཞེད། །སྲིད་
པ་ངོ་བོ་ཉིད་ཀྱིས་དག །ངོ་བོ་ཉིད་ཀྱིས་སྲིད་བྲལ་བྱས། །རང་བཞིན་དག་པའི་སེམས་ཅན་
གྱིས། །མཆོག་གི་སྲིད་པ་བྱེད་པར་འགྱུར། །ༀ་ཤྲཱི་ཧེ་རུ་ཀ་ཨ་དྷི་པ་ཏི་སྟཾ། ཨ་བྷི་ཥིཉྩ་ཏིཥྛ་བཱི་ར་
ས་མ་ཡ་སྟྭཾ། མཁའ་འགྲོ་མ་དཔག་ཏུ་མེད་པས་ཀྱང་དྲིལ་བུའི་དབང་བསྐུར། དེ་ལྟར་ན་དྲིལ་
བུའི་དབང་བསྐུར་བས་སྒོ་ལྔའི་རྣམ་ཤེས་གནས་གྱུར་ནས་བྱ་བ་སྒྲུབ་པའི་ཡེ་ཤེས་རྒྱུད་ལ་
སྐྱེས་པ་ཡིན་ནོ། །སློབ་མ་མཧཱ་མ་ཡ་དཔལ་ཧེ་རུ་ཀ་ལ་ཡུམ་སངས་རྒྱས་མཁའ་འགྲོ་མས་
11-1-298


འཁྱུད་པར་གྱུར། ཤེས་རབ་བཅུ་དྲུག་ལོན་པ་ལ། །ལག་པ་དག་གིས་ཡང་དག་འཁྱུད། །རྡོ་རྗེ་
དྲིལ་བུ་མཉམ་སྦྱོར་བ། །སློབ་དཔོན་གྱི་ནི་དབང་དུ་བརྗོད། །ཡིད་ཀྱི་ལུས་སུ་བརྟན་པའི་
ཕྱིར། །ཕྱག་རྒྱའི་དམ་ཚིག་རབ་ཏུ་བརྗོད། །གང་གི་ལུས་ནི་ཐམས་ཅད་བརྟན། །དེས་ན་ཕྱག་
རྒྱ་རབ་ཏུ་བསྒྲགས། །ཞེས་ཕྱག་རྒྱ་སྐུའི་དམ་ཚིག་བཟུང་ངོ༌། །དབང་རྫས་རྡོ་རྗེ་དང་རྡོ་རྗེ་དྲིལ་བུ་མི་
དམིགས་ཏེ་སྟོང་པར་གྱུར། སྟོང་པའི་ངང་ལས་བྷྲུཾ་ལས་རྣམ་སྣང་དཀར་པོ་འཁོར་ལོ་དང་དྲིལ་
བུ་འཛིན་པ་རུས་པའི་རྒྱན་ཅན། ཡུམ་སྤྱན་མ་དཀར་མོ་གྲི་ཐོད་འཛིན་པ་དང་མཉམ་པར་སྦྱོར་
བར་[གྱུར། རང་གི་སྙིང་ག་ནས་འོད་ཟེར་འཕྲོས་སངས་རྒྱས་ཐམས་ཅད་རྣམ་པར་སྣང་
མཛད་ཀྱི་རྣམ་པར་བཛྲ་ས་མཱ་ཛཿ ཛཿཧཱུཾ་བཾ་ཧོཿ གཉིས་སུ་མེད་པར་ཐིམ།] ༀ་ཛི་ན་ཛིག༴ ཅེས་
མང་དུ་བཟླས། རྣམ་སྣང་ཞུ་བ་ལས་བྱུང་བའི་དབང་རྫས་རྡོ་རྗེ་དང་རྡོ་རྗེ་དྲིལ་བུར་གྱུར། སློབ་མའི་
མགོ་བོར་རྡོ་རྗེ་དང་དྲིལ་བུ་བཞག་ལ། ༀ་ཤྲཱི་ཧེ་རུ་ཀ་ཨ་དྷི་པ་ཏི་སྟཾ། ཨ་བྷི་ཥིཉྩ་མི། ཤྲཱི་ཧེ་རུ་ཀ་ནཱ་མ་ཨ་
བྷི་ཥེ་ཀ་ཏ། ཀྱེ་དཔལ། རིགས་དང་མཐུན་པའི་མིང་བཏགས། ཞེས་མིང་གི་དབང་བསྐུར་བ་ན། མཁའ་
འགྲོ་མ་དཔག་ཏུ་མེད་པས་ཀྱང་མིང་གི་དབང་བསྐུར། དེ་ལྟར་མིང་གི་དབང་བསྐུར་བས། 
ཕུང་པོ་བཞི་གནས་གྱུར་ནས། ཆོས་ཀྱི་དབྱིངས་ཀྱི་ཡེ་ཤེས་མངོན་དུ་གྱུར་པ་ཡིན་ནོ། །དེ་ནས་
དབང་རྫས་རྣམས་བསངས་སྦྱངས། སྟོང་པའི་ངང་ལས། ཨ་ལས་གྲི་གུག་དང་ཌཱ་མ་རུ་ཧཱུཾ་ལས་ཐོད་པ་
དང་ཁ་ཊྭཱཾ་ག་རྣམས་ཐབས་དང་ཤེས་རབ་ཟུང་འཇུག་གི་རང་བཞིན་དུ་གྱུར། ཧེ་རུ་ཀ་དཔལ་
ཁ་ཊྭཱཾ་ག །རྣལ་འབྱོར་མ་ནི་ཌཱ་མ་རུ། །རྡོ་རྗེ་ཁ་ཊྭཱཾ་རྡོ་རྗེར་བཅས། །དྲིལ་བུ་སིལ་སིལ་སྒྲ་སྒྲོག་
པ། །ཚངས་པའི་སྐུད་ཐོགས་རྣལ་འབྱོར་བདག །གྲི་གུག་དང་ནི་ཀ་པཱ་ལ། །དཔའ་བོ་ཆེན་
པོས་བླང་བར་གྱིས། །འདི་གཞུང་ལས་མ་བཤད་ཀྱང་བོད་ཀྱི་བླ་མ་རྣམས་མཛད་པ་མི་འབྲེལ་བ་མ་ཡིན་ནོ། །སློབ་མའི་
སྙིང་གའམ་ལག་ཏུ་རྡོ་རྗེ་གཏད་ཅིང༌། འདི་སྟེ་སངས་རྒྱས་ཐམས་ཅད་ཀྱི། །ཧེ་རུ་ཀ་དཔལ་ཕྱག་ན་
གནས། ཁྱོད་ཀྱིས་ཀྱང་ནི་རྟག་ཏུ་བཅང༌། །ཧེ་རུ་ཀ་དཔལ་བརྟུལ་ཞུགས་བརྟན། །ༀ་སརྦ་ཏ་
11-1-299


ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ཨེ་ཥ་སྟྭཾ་དྷ་ར་ཡ་མི་ཧཱུཾ་ཧ་ཧ་ཧ་ཧ་ཧིཿ ཞེས་རྡོ་རྗེ་བརྟུལ་ཞུགས་སྦྱིན་ནོ། །
ཛཿཧཱུཾ་བཾ་ཧོཿ དབང་གི་ལྷ་རྣམས་སློབ་མ་ལ་ཐིམ། མཆོད་པ་བརྟན་བཞུགས་བྱའོ། །རྒྱུད་བསྡུས་པ་འདི་དག་ལ་
ཆོ་གའང་བསྡུས་པ་ཤིན་ཏུ་འོས་པས། དེ་ཙམ་གྱིས་ཀྱང་ལུགས་འདིའི་བུམ་དབང་མ་ཚང་བ་མེད་པ་ཡིན་ལ། སྤྲོས་པ་ལ་དགའ་ན་
འདི་དག་ཀྱང་བྱ་བར་བཞེད་དེ། ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་རབ་རིབ་བསལ་བ་
ལྟར། །བུ་ཁྱོད་ཀྱི་ནི་མི་ཤེས་པའི། །རབ་རིབ་རྒྱལ་བ་རྣམས་ཀྱིས་བསལ། །ༀ་བཛྲ་ནཻ་ཏྲ་ཨ་
པ་ཧ་ར་པ་ཊ་ལཾ་ཧྲཱིཿ ཞེས་མིག་ཐུར་དང༌། ཆོས་རྣམས་གཟུགས་བརྙན་ལྟ་བུ་སྟེ། །གསལ་ཞིང་དག་
ལ་རྙོག་པ་མེད། །བཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་ཀུན་ཏུ་འབྱུང༌། །ཞེས་
བརྗོད་དེ་མེ་ལོང་དང༌། ཧོཿལས་སྐྱེས་པའི་མདའ་གཞུ། ཧོཿསརྦ་ཏ་ཐཱ་ག་ཏ་ཨ་ནུ་རཱ་ག་ཡ་སྭཿ ཞེས་
མདའ་གཞུ་ལག་ཏུ་གཏད་དེ་འཕེན་ཚུལ་བྱེད་དུ་གཞུག །རྐང་པའི་བར་དུ་འཁོར་ལོ་བཙུག་ལ། དེ་རིང་ཕྱིན་ཆད་འཇིག་
རྟེན་ལ། །སྐྱོབས་པ་རྣམས་ཀྱི་འཁོར་ལོ་བསྐོར། །ཆོས་ཀྱི་འཁོར་ལོ་བླ་མེད་པས། །ཀུན་ཏུ་
སྡིག་མེད་དྲི་མེད་པའོ། །དུང་དང་པོ་ཏི་གཏད་ལ། ཁྱོད་ཀྱི་ཐེ་ཚོམ་དོགས་མེད་པར། །ཡིད་གཉིས་
མེད་པའི་སེམས་ཀྱིས་སུ། །ཆོས་ཀྱི་དུང་ནི་བླ་མེད་པས། །དྲི་མེད་ཀུན་ཏུ་གང་བར་བྱོས། །ཞི་
དང་རྒྱས་དང་དབང་དང་དགུག །སྡང་བར་བྱེད་དང་གནོད་སོགས་དང༌། །བསད་དང་བསྐྲད་
པ་ཐམས་ཅད་དེ། །ལས་དེ་རྣམས་ནི་སྒྲུབ་པར་གྱིས། །ཞེས་ལས་སྣ་ཚོགས་དང༌། ནངས་པར་སྔར་
ལངས་སེམས་དག་ཉིད། །མ་ལུས་ལས་ནི་བྱས་ནས་ཀྱང༌། །སྲུང་དང་བཟའ་བ་ལ་སོགས་པ། །
སྡོམ་པའི་བདག་ཉིད་ཅན་སྲུང་ངོ༌། །ཞེས་དམ་ཚིག་སྦྱིན་ནོ། །བླ་གོས་གྱོན་ཞིང་སྐྱབས་སྦྱིན་དང་བཅས་པས། 
འདིར་ནི་ཁྱོད་ལ་ངས་ལུང་བསྟན། །ཧེ་རུ་ཀ་དཔལ་དེ་བཞིན་གཤེགས། །སྲིད་པ་ཤིན་ཏུ་
བསྒྲུབ་པས་ནི། །སྲིད་པའི་ངན་འགྲོ་རྣམས་ལས་བཏོན། །ཧེ་ཤྲཱི་ཆེ་གེ་མོ་ན་མ་སརྦ་ཏ་ཐཱ་ག་ཏ་
སིདྡྷ་ས་མ་ཡ་བྷུར་བྷུཿཝ་སྭ། སངས་རྒྱས་ཐམས་ཅད་ཀྱིས་ལུང་བསྟན་པར་མོས་པ་གྱིས་ཤིག །
གསང་ཆེན་མཆོག་གི་དཀྱིལ་འཁོར་དུ། །མཐོང་བ་དང་ནི་བཅུག་པ་ཡིས། །སྡིག་པ་ཀུན་
11-1-300


ལས་རྣམ་གྲོལ་ནས། ཁྱོད་ནི་དེ་རིང་བདེ་བར་གནས། །སློབ་དཔོན་བརྙས་པར་མི་བྱ་ཞིང༌། །
གུས་པ་ཡིས་ནི་མཆོད་པར་བྱེད། །རྡོ་རྗེ་དྲིལ་བུ་ཕྱག་རྒྱ་ཡང༌། །ཡོངས་སུ་བཏང་བར་མི་བྱའོ། །
དམ་ཚིག་སྡོམ་པ་བསྲུང་བྱ་སྟེ། །རྣམ་པར་མི་རྟོག་གོས་མེད་པས། །རང་ལྷའི་རྣལ་འབྱོར་
གནས་པ་ཡིས། །འདོད་པའི་ཡོན་ཏན་བསྟེན་པར་བྱ། ཁྱོད་རང་སངས་རྒྱས་རིགས་སུ་སྐྱེས། །
ཞེས་དབུགས་དབྱུང་ངོ༌། །མིག་ཐུར་ནས་འདིའི་བར་བུམ་དབང་དང་བཞི་པའི་འཇུག་འདམ་ཀ་དང་གསང་དབང་གི་མཐར་ཡང་
རུང་བར་བཤད་པས་ནུབ་གཅིག་ལ་དབང་ཇི་ཙམ་བྱེད་པ་དེའི་མཐར་སྦྱོར་རོ། །དེ་ལྟར་ན་བུམ་པའི་དབང་ཐོབ། 
ལུས་ཀྱི་དྲི་མ་དག །དམན་པ་དབྱིབས་ཀྱི་རྣལ་འབྱོར་སྒོམས་པ་དང༌། རྒྱུད་ཉན་བཤད་དང་
གཏོར་མའི་བྱ་བ་ལ་སོགས་པ་ལ་དབང་ངོ༌། །
གཉིས་པ་གསང་དབང་ནི། རིག་མ་མཚན་ལྡན་དང་བཅས་པའི་ཞིང་ཁམས་ཕུལ་བར་བསམས་ལ། མཎྜལ་ཕུལ། ཁྱོད་
ཀྱི་ཞབས་ཀྱི་དྲིན་གྱིས་ནི། །བདག་གིས་བླ་མེད་བྱང་ཆུབ་ཐོབ། །གསང་བའི་དབང་བསྐུར་
གསང་བ་ཆེ། །གཙོ་བོ་ཆེན་པོས་བདག་ལ་སྩོལ། །ཞེས་ལན་གསུམ་གྱིས་གསོལ་བ་བཏབ། ༀ་ཨཱཿཧཱུཾ་
མིག་དར་བཅིང༌། མངོན་རྟོགས་ལྟར། སངས་རྒྱས་མཁའ་འགྲོ་མའི་མགོ་བོར་ༀ་དཀར་པོ་ཞེས་པ་ནས་
[སྙིང་གར་ཧཱུཾ་སྔོན་པོ། ལྟེ་བར་སྭཱ་སེར་པོ། གསང་གནས་སུ་ཨཱཿདམར་པོ། བརླ་གཉིས་ལ་ཧ་
ལྗང་ཁུ། མཁའ་གསང་སྟོང་པའི་ངང་ལས་ཧཱུཾ་རྡོ་རྗེ་ༀ་ལས་ནོར་བུ། ཧྲཱི་ལས་པདྨ་བྷྲུཾ་ལས་ཟེའུ་
འབྲུའོ། །འཁྱུད་པ་ཙུམ་པ་ལ་སོགས་པས་ཤེས་རབ་མ་ལ་བདེ་བ་སྐྱེས་པ་ན། ལྷ་མོ་བཞིས། ཨེ་
མ་གཉེན་མཆོག་རྡོ་རྗེའི་འོད་ཀྱིས་པདྨ་རབ་ཕྱེ་ཤིག ཨ་ལ་ལ་ལ་ལ་ཧོ། བདེ་བ་ཆེན་པོ་རབ་ཏུ་
དགྱེས་པའི་གར་མཛོད་ཅིག །ཇི་ལྟར་ཉི་མའི་འོད་ཀྱིས་པདྨ་རབ་ཁ་འབྱེད་པ་བཞིན། ཨ་ལ་
ལ་ལ་ལ་ཧོ། བདེ་བ་ཆེན་པོ་རབ་ཏུ་དགྱེས་པའི་གར་མཛོད་ཅིག །ཅེས་བསྐུལ་བས། འདོད་པའི་
སྒྱུ་རྩལ་དང་བཅས་སྙོམས་པར་ཞུགས་པའི་སྒྲ་དང་སྦྱོར་མཚམས་ནས་བྱུང་བའི་ཕཊ་ཡིག་གི་
སྒྲས། སངས་རྒྱས་ཐམས་ཅད་བཀུག་ནས་]ཡབ་ཀྱི་ཞལ་དུ་ཞུགས། བྱང་ཆུབ་ཀྱི་སེམས་སུ་
11-1-301


ཞུ་བ་ཨ་ཝ་དྷུ་ཏཱིའི་ལམ་བརྒྱུད་རྡོ་རྗེ་ནས་ཕྱུང་སྟེ། ཤེས་རབ་ཀྱི་མཁར་གནས་པའི་བྱང་ཆུབ་
ཀྱི་སེམས་ལྕེ་སྟེང་དུ་བབས་པར་གྱུར། དབང་བསྐུར་རྡོ་རྗེ་ཆེན་པོ་ནི། སོགས་ཀྱི་མཐར་འབྲུ་གསུམ་
བརྗོད་ལ། འོ་མ་དང་བདུད་རྩི་རིལ་བུ་སྦྱར་བ་སྦྱིན། དེས་ཀྱང༌། ཨ་ཏི་སུ་ཁཾ། ཞེས་བརྗོད། འབྲུ་གསུམ་གྱིས་མིག་རས་
བསལ་ལོ། །དེ་ལྟར་ན་གསང་བའི་དབང་ཐོབ་པས་ངག་གི་དྲི་མ་དག །སྟེང་སྒོ་སྔགས་ཀྱི་རྣལ་
འབྱོར་སྒོམ་པ་དང༌། བཟའ་བའི་དམ་ཚིག་བསྟན་པ་ལ་དབང་བ་ཡིན་ནོ། །གསུམ་པ་ཤེས་རབ་
ཡེ་ཤེས་ཀྱི་དབང་ནི། སློབ་མས་མཎྜལ་འབུལ། སློབ་དཔོན་གོ་འཕང་ཆེ་རང་བཞིན། །སྐལ་པ་ཆེན་པོ་
བདག་ལ་སྩོལ། །བདེ་གཤེགས་རྣམས་ཀྱི་དབང་བསྐུར་ནི། །སངས་རྒྱས་བྱང་ཆུབ་རབ་སྒྲུབ་
པ། །བརྟུལ་ཞུགས་མཆོག་གི་ཁྱོད་དྲིན་གྱིས། །བདག་ལ་ངེས་པར་སྩལ་ནས་ཀྱང༌། །དེས་ནི་
སེམས་ཅན་དཔག་མེད་དོན། །ཇི་ལྟར་འདུལ་བཞིན་བདག་བགྱིད་དོ། །ཞེས་ལན་གསུམ་གསོལ་
བ་གདབ། །འབྲུ་གསུམ་གྱིས་མིག་དར་བཅིངས། དེ་ནས་སློབ་དཔོན་གྱི་ཐུགས་ཀ་ནས། རིག་མ་མཚན་
ཉིད་དང་ལྡན་པ་ཞིག་སངས་རྒྱས་མཁའ་འགྲོ་མ་མཛེས་སྒེག་ལང་ཚོ་དང་ལྡན་པར་བྱིན་གྱིས་
རླབས་ཏེ། ཁྱེད་རང་རྣམས་ཧེ་རུ་ཀར་གསལ་བ་ལ་འཁྱུད་པར་མོས། མཛེས་མ་འདི་ནི་བཟུང་
བ་དང༌། །བསྟེན་བྱར་སངས་རྒྱས་ཀུན་གྱིས་བསྔགས། །འདི་ནི་གཟུངས་མ་ཡིད་དགའ་མ། 
ཁྱོད་ཀྱིས་རྟག་ཏུ་བརྗོད་པར་གྱིས། །རང་སྣང་བའི་ལྷ་སྐུ་ཡབ་ཡུམ་མཉམ་པར་སྦྱར་བའི་རྐྱེན་
གྱིས། ལྟེ་བའི་གཏུམ་མོ་ཡེ་ཤེས་ཀྱི་མེ་ཨ་ཐུང་དྲོད་ཀྱི་རང་བཞིན་ཅན་འབར་བ་ལ་མཉམ་
པར་བཞག་པས། སྤྱི་བོའི་ཐིག་ལེ་ཞུ་བའི་དགའ་བ་བཞི་རྒྱུད་ལ་སྐྱེས་པར་གྱུར། འབྲུ་གསུམ་
གྱིས་མིག་དར་དབྱེའོ། །དེ་ལྟར་ན་ཤེས་རབ་ཡེ་ཤེས་ཀྱི་དབང་ཐོབ་པས། ཡིད་ཀྱི་དྲི་མ་དག །འོག་
སྒོ་སྔགས་ཀྱི་རྣལ་འབྱོར་སྒོམ་པ་ལ་དབང་བ་ཡིན་ནོ། །བཞི་པ་ཚིག་དབང་རིན་པོ་ཆེ་ནི། མཎྜལ་ཞིག་ཕུལ་
ལ། མཚོན་བྱ་དོན་བདེ་སྟོང་གཉིས་སུ་མེད་པའི་ཡེ་ཤེས་ཤེས་བྱ་གཤིས་ཀྱི་དངོས་པོའི་གནས་
ལུགས་དེ་ཉིད་མཚོན་བྱེད་དཔེ་དབང་གསུམ་པའི་དུས་སུ་ཉམས་མྱོང་གི་སྒོ་ནས་གཏན་ལ་
11-1-302


ཕབ་པས་དེའི་རང་བཞིན་གདོད་མ་ནས་འོད་གསལ་བདེ་ཆེན་རྣམ་པ་ཐམས་ཅད་པ་ཡིན་ཏེ། 
རྒྱུད་ལས། ཆོས་རྣམས་རང་བཞིན་འོད་གསལ་བ། །གདོད་ནས་དག་ཅིང་རྙོག་པ་མེད། །ཐབས་
བརྗོད་དེ་ཡིས་དེ་ལ་ནི། །རང་བྱུང་ཡེ་ཤེས་ལྔ་ལྡན་འགྱུར། །ཞེས་གསུངས་པ་ཡིན་ནོ། །ཞེས་མཚམས་སྦྱར་
ནས་གནས་ལུགས་ལ་ཅུང་ཟད་འཇོག་ཏུ་གཞུག དེ་ལྟར་ན་དབང་བཞི་པ་ཐོབ་པས་ལུས་ངག་ཡིད་གསུམ་
ཐ་དད་དུ་འཛིན་པ་དག །མཐར་ཐུག་ཆོས་ཀྱི་རྣལ་འབྱོར་སྒོམ་པ་ལ་དབང་ངོ༌། །གཙོ་བོས་ཇི་
ལྟར་བཀའ་སྩལ་སོགས། མཎྜལ་འབུལ། དེང་ནས་བརྩམས་ཏེ་སོགས་སྤྱི་དང་འདྲའོ། །དབང་བཞི་ཉིན་ཞག་སོ་སོ་
ལ་བསྐུར་ན། གསང་བ་དང༌། ཤེས་རབ་ཀྱི་དབང་ལ་ཡང་སྤྱོད་པའི་དབང་མ་གཏོགས། ཆུ་ནས་བརྟུལ་ཞུགས་ཀྱི་བར་བུམ་དབང་
ལྟར་ཕལ་ཆེར་སྔོན་དུ་འགྲོ་བར་བྱེད་ལ། ཁྱད་པར་ནི་ཕྱག་རྒྱའི་དམ་ཚིག་བརྟུལ་ཞུགས་ཀྱི་རྗེས་སུ་བྱེད་པའོ། །རྩ་བའི་ས་བཅད་
གསུམ་པ་རྗེས་ཀྱི་ཆོ་ག་ལ་མཆོད་པ་བྱིན་རླབས་དང་འབུལ་ཚུལ་ས་ཆོག་གི་སྐབས་སུ་བཤད་པ་དང་འདྲ། དེ་ཉིད་ལྔ་པས་བསྟོད། 
མ་འབྱོར་པ་དང་སོགས་བཟོད་གསོལ་ནས་བཀྲ་ཤིས་ཀྱི་བར་སྟ་གོན་གྱི་སྐབས་བཞིན། ༀ་ཁྱེད་ཀྱིས་སེམས་ཅན་
དོན་ཀུན་མཛད། །སོགས་ཀྱི་མཐར། ༀ་ཨཱཿཧཱུཾ་བཛྲ་མུཿ ཞེས་ལན་གསུམ་གྱིས་ཡེ་ཤེས་པ་གཤེགས། ཛཿཧཱུཾ་བཾ་
ཧོཿ ལན་བདུན་གྱིས་དམ་ཚིག་པ་རང་ལ་བསྡུ། ཨ་ཀཱ་རོའི་སྔགས་ཀྱིས་རྡུལ་ཚོན་ཕྱགས་ཤིང༌། དྲི་བཟང་གི་ཆུས་ཐིག་རྣམས་
དབྱི། རྡུལ་ཚོན་ཆུ་བོར་སྤྱན་དྲངས་ལ། དཀྱིལ་འཁོར་གྱི་ཤུལ་དུ་ཞི་བའི་སྦྱིན་བསྲེག་བྱ། སྔར་དངོས་སུ་ཕུར་གདབ་བྱས་ན་ཕུར་
པའང་དབྱུང་དགོས་སོ། །རྒྱུད་རྒྱལ་སྒྱུ་འཕྲུལ་ཆེན་མོ་ཡི། །དཀྱིལ་འཁོར་ཆོ་ག་རབ་གསལ་བར། །བྲིས་པའི་དགེ་བ་གང་ཡིན་
དེས། །འགྲོ་ཀུན་ཧེ་རུ་ཀར་གྱུར་ཅིག།    །།
མཧཱ་མ་ཡའི་དཀྱིལ་འཁོར་གྱི་ཆོ་ག་རིན་ཆེན་སྒྲོན་མ་ཞེས་བྱ་བ་འདི་ནི། རྡོ་རྗེ་འཛིན་པ་བྱམས་པ་ངག་དབང་ཀུན་དགའ་
ཞེས་བྱ་བའི་གསུང་གིས་བསྐུལ་ནས། རྒྱལ་ཁམས་པ་ཏྭ་ར་ནཱ་ཐས་སྦྱར་བ་སྟེ། ཡང་སྨྲས་པ། རྒྱ་གཞུང་རྣམས་ནི་གོ་དཀའ་སྟེ། །
འགའ་ཞིག་བརྒྱུད་པའང་ཆད་པ་དང༌། །ལུགས་འདིར་མཁས་ཤིང་གྲུབ་བརྙེས་པ། །ཕྱོགས་འདིར་བྱོན་པས་སྦྱར་བ་ཡང༌། །ཅུང་
ཟད་བརྗོད་པ་མི་བདེ་ཞིང༌། །མཁས་པ་འགའ་ཞིག་གིས་སྦྱར་བ། །དཔེ་སྣ་སྣ་ཚོགས་བསྡུས་པའི་ཕྱིར། །སྙིང་པོ་བྱིན་རླབས་རྒྱུན་
ཆད་དང༌། །མན་ངག་ལྡན་པའི་ཡི་གེ་ནི། །གསལ་པོ་གཞན་ཡང་མ་མཐོང་བས། །གཞུང་དང་མན་ངག་ཇི་བཞིན་དུ། །ཅུང་ཟད་
11-1-303


འབད་རྩོལ་བྱས་པ་ཡིན། །མཧཱ་མ་ཡ་ལ་དཀྱིལ་ཆོག་རྒྱ་གཞུང་བཞི་ཡོད་དེ། དཀྱིལ་ཆོག་རིམ་པ་གསལ་བ་ལོ་ཙཱ་བ་གཞོན་ནུ་ཚུལ་
ཁྲིམས་ཀྱི་འགྱུར། འདིའི་དཔེ་རྙིང་མང་པོ་ལ་མཛད་བྱང་མེད། ཁ་ཅིག་ལས་ཀུ་ཀུ་རི་པས་མཛད། ཅེས་འབྱུང༌། མར་རྔོག་ཀྱང་དེ་
ལྟར་བཞེད། དོན་ལའང་ཀུ་ཀུ་རི་པའི་གསུང་དངོས་སམ་གསུང་གི་རྒྱུན་མ་ནོར་པ་ཡིན་པར་ངེས་ལ། ཁ་ཅིག་ལས་ནག་པོ་སྤྱོད་
པས་མཛད་ཅེས་འབྱུང་ན་ཆོག་སྒྲོས་རྣམས་སྡོམ་པའི་དཀྱིལ་ཆོག་དང་མཐུན་ཤས་ཆེ་བ་བསམས་པའོ། །གཞན་དཔལ་བརྒྱན་
པས་མཛད་པ་དང༌། འདུལ་བས་བྱིན་གྱིས་མཛད་པའི་དཀྱིལ་ཆོག་ཡོད། ཀུ་ཀུ་རི་པ་ཉིད་ཀྱིས་མཛད་ཟེར་བའི་དབང་ཆོག་འགོས་
འགྱུར་ཞིག་ཡོད་དེ། ཀུ་ཀུ་རི་པའི་རྩོམ་མིན་པར་ངེས་སོ། །རྒྱ་གར་གྱི་སྒྲུབ་དཀྱིལ་གྱི་རིགས་ལ། རྒྱལ་པོ་དྷརྨྨ་པཱ་ལ་ཡན་ཆད་
ལ་བརྩམས་པ་དང༌། དེ་རྗེས་སྒོ་དྲུག་གི་བར་དང༌། དེ་ནས་ཨ་བྷ་ཡའི་བར་དང༌། དེའི་ཕྱིས་སུ་བྱུང་བ་སྟེ། དུས་ཐོག་བཞི་པོ་དེའི་
སྐབས་ཀྱི་བསྟན་བཅོས་རྣམས་ལ་རྩོམས་ཀྱི་བབས་བྱེད་ལུགས་མི་འདྲ་བ་རེ་སྣང་བ་དེ་གོ་ན། རིམ་པ་གསལ་བ་འདི་དང་པོའི་
རིགས་སུ་འདུག །གཞན་འདི་རྣམས་གསུམ་པའི་རིགས་སུ་འདུག་པས། མཧཱ་མ་ཡའི་དཀྱིལ་ཆོག་རྩ་བ་དེ་རིམ་པ་འདིར་འདུག །
ཉན་བཤད་ཀྱི་བཀའ་ཡང་འདི་ལ་ཡོད་པས་བྱིན་རླབས་ཀྱི་རྒྱུན་ཅན་ཡིན། འདིར་བརྒྱུད་པ་གོང་མའི་ཕྱག་ལེན་ཁ་སྐོངས་རྣམས་
མན་ངག་ལྟར་བྱས་དགྱེས་རྡོར་སོགས་ཀྱི་འདྲེས་བྱས་པ་འདིའི་གཞུང་དང་མི་མཐུན་པ་རྣམས་དོར་ཏེ། གཙང་དག་ཏུ་སྦྱར་བའོ།    །
11-1-304


༄༅། །དཔལ་སྒྱུ་འཕྲུལ་ཆེན་མོའི་ཁྲིད་ཡིག་རྒྱལ་བའི་ལམ་བཟང་
ཞེས་བྱ་བ་ཤིན་ཏུ་རྣམ་པར་དག་ཅིང་
གསལ་བ་བཞུགས། 
༄༅། །ན་མོ་གུ་རུ། ཟག་མེད་བདེ་ལ་དགྱེས་རོལ་ཞིང༌། །བདུད་བཞི་འདུལ་ཕྱིར་
དྲག་པོའི་སྐུ། །སྒྱུ་འཕྲུལ་ཧེ་རུ་ཀར་བཏུད་ནས། །རྫོགས་རིམ་ལ་བརྟེན་སྒྲུབ་ཐབས་བཤད། །
འདིར་མཧཱ་མཱ་ཡའི་འཁྲིད་ཚུལ་གྱི་སྙིང་པོ་ཙམ་བརྗོད་དེ། འདི་ལ་གཉིས། སྔོན་འགྲོ་དང༌། 
དངོས་གཞིའོ། །དང་པོ་ལ། སྡིག་སྒྲིབ་སྦྱངས་པ་དང༌། ཚོགས་བསགས་པ་གཉིས། དང་པོ་
ནི། སྐྱབས་འགྲོ་སེམས་བསྐྱེད་སྤྱི་དང་མཐུན་པར་བྱས་ལ་ཧེ་རུ་ཀའི་ཡི་གེ་བརྒྱ་པའི་རྣལ་
འབྱོར་ལ་བརྩོན་པར་བྱེད་པའོ། །དེ་ནི་སྤྱི་དང་འདྲ་བ་ལས་རྡོ་རྗེ་སེམས་དཔའ་སྐད་ཅིག་གིས་
བསྐྱེད་ཅིང་གནས་གསུམ་བྱིན་རླབས་སོགས་མི་དགོས་སོ། །གཉིས་པ་ནི། མདུན་དུ་རྟེན་གྱི་
མཎྜལ་ཚོམ་བུ་ལྔ་པ་ཞིག་བཤམ། དེ་རྣམས་སེངྒེའི་ཁྲི་ལྔ་ཚོམས་སུ་མོས། མདུན་དུ་མཆོད་
པའང་ཅི་འབྱོར་བ་བཤམ། དབུས་ཀྱི་གདན་ལ་བླ་མ་དང་མཧཱ་མཱ་ཡ་ཡབ་ཡུམ་དབྱེར་མེད་པ་
དང༌། ཕྱོགས་བཞིའི་གདན་ལ་མཁའ་འགྲོ་མ་བཞི་བསྒོམ། མཐའ་སྐོར་དུ་མཆོད་པར་འོས་
པ་ཐམས་ཅད་ཀྱིས་བསྐོར་བར་བསམ་ལ། མཆོད་པ་བྱིན་རླབས་དང་འབུལ་བ་སྤྱི་དང་མཐུན་
པར་བྱ། དེ་ནས་མཆོད་པའི་མཎྜལ་ཐོག་མཐར་རྒྱས་པ་རེ་དང༌། བར་དུ་ཐུན་གྱི་གྲངས་འཛིན་
ཚོམ་བུ་བདུན་མ་ལ་མཛད་ཅིང༌། ཐུན་རེ་རེར་བརྒྱ་རྩ་ལས་མི་ཉུང་བ་རེ་འབུལ། ཐུན་གྱི་
མཐར་གསོལ་བ་དྲག་ཏུ་བཏབ་པས། མཆོད་ཡུལ་གཞན་རྣམས་གཙོ་འཁོར་ལྔ་ལ་ཐིམ། ལྷ་
11-1-305


མོ་བཞི་ཡང་གཙོ་བོ་ལ་ཐིམ། སླར་ཡང་མོས་གུས་དྲག་ཏུ་བྱས་པས། བླ་མ་ཧེ་རུ་ཀ་ཡབ་ཡུམ་
ཡང་བདག་ཉིད་ལ་ཐིམ་པར་བསམས་ལ་ཅུང་ཟད་མཉམ་པར་བཞག་གོ །
གཉིས་པ་དངོས་གཞི་ལ་བཞི་སྟེ། དམན་པ་དབྱིབས་ཀྱི་རྣལ་འབྱོར། ཟབ་པ་སྔགས་
ཀྱི་རྣལ་འབྱོར། མཐར་ཐུག་ཆོས་ཀྱི་རྣལ་འབྱོར། འཕྲོས་དོན་སྒྱུ་མ་གསུམ་རྒྱུད་ཀྱི་གདམས་
ངག་དང་བཞི་ལས། དང་པོ་ནི། སློབ་དཔོན་ཀུ་ཀུ་རཱི་པས་མཛད་པའི་སྒྲུབ་ཐབས་རྒྱས་འབྲིང་
བསྡུས་གསུམ་གང་རུང་ལྟར་ཉམས་སུ་བླང་བར་བྱ་ལ། དེ་ཙམ་མ་འགྲུབ་ན། སྐྱབས་སེམས་
སྔོན་དུ་འགྲོ་བའི་སྒོ་ནས། ཤུ་ནྱ་ཏས་སྟོང་པར་སྦྱངས། སྟོང་པའི་ངང་ལས་སྐད་ཅིག་ཙམ་
གྱིས་རང་ཉིད་མཧཱ་མཱ་ཡ་ཧེ་རུ་ཀའི་སྐུར་གསལ་བཏབ། སྐུ་དེ་ཡང་འཇའ་ཚོན་ལྟ་བུ་སྣང་སྟོང་
གཉིས་སུ་མེད་པར་བསྒོམ་མོ། །གཉིས་པ་སྔགས་ཀྱི་རྣལ་འབྱོར་ལ། སྟེང་སྒོ་སྔགས་ཀྱི་རྣལ་
འབྱོར་དང༌། འོག་སྒོ་སྔགས་ཀྱི་རྣལ་འབྱོར་གཉིས། དང་པོ་ལ། འཁོར་ལོ་སྔགས་ཀྱི་རྣལ་
འབྱོར་དང༌། ཐིག་ལེ་སྔགས་ཀྱི་རྣལ་འབྱོར་དང༌། ཕྲ་མོ་སྔགས་ཀྱི་རྣལ་འབྱོར་གསུམ་ལས། 
དང་པོ་ལ་ཡང་འཁོར་ལོ་གཅིག་ལ་བརྟེན་པ་དང༌། གཉིས་ལ་བརྟེན་པ་དང༌། བཞི་ལ་བརྟེན་
པ་སྟེ་གསུམ་མོ། །དང་པོ་ནི། ལུས་རྣམ་སྣང་གི་ཆོས་བདུན་སྤྱི་དང་མཐུན་པར་བཅས། རླུང་
རོ་ལན་གསུམ་བསལ་ལ་རང་དགར་བཞག །འདི་གཉིས་འོག་མ་ཐམས་ཅད་ལ་རིགས་
འགྲེའོ། །དེ་ནས་ལུས་ཀྱི་དབུས་སུ་རྩ་གསུམ་གསུམ་གཞིབས་སུ་ཡོད་པ། དབུ་མ་ཆོས་བཞི་
ལྡན་ཏེ། དམར་བ། དྲང་བ། སྲབ་པ། འོད་གསལ་བའོ། །རོ་མ་དམར་བ་རཀྟས་གང་བ། 
རྐྱང་མ་དཀར་བ་ཀུནྡས་གང་བ། གསུམ་ཀར་གྱི་ཡས་སྣ་སྤྱི་བོར་སླེབ་པ། མར་སྣ་ལྟེ་བར་རྩ་
མདུད་ཆོས་འབྱུང་གསུམ་པའི་ནང་དུ་ཆུག་པ། དབུ་མའི་མས་སྣའི་ནང་ལྟེ་བར་ཨ་ཤད། རོ་
མ་ལ་ཀཱི་ལི་སོ་གཉིས་སྟེང་ནས་མར་རིམ་པས་བཀོད་པ་དང༌། རྐྱང་མ་ལ་ཨཱ་ལི་བཅུ་དྲུག་
འོག་ནས་སྟེང་དུ་རིམ་པས་བཀོད་པ་སྟེ། ཡི་གེ་འགོད་ཚུལ་འདི་སློབ་དཔོན་ནཱ་རོ་པའི་བཞེད་
11-1-306


པ་ཡིན་སྐད་ཅིང༌། མཧཱ་མཱ་ཡ་ལ་མཁས་པའི་སློབ་དཔོན་གཞན་རྣམས་ནི། ཨཱ་ལི་ཀཱ་ལིའི་
སྟེང་འོག་རིམ་པ་འདི་གོ་བཟློག་པར་འདོད་དོ་ཞེས་གསུང་ངོ༌། །དེ་ནས་རླུང་ཁ་སྦྱོར་ཅུང་ཟད་
བཟུང་ལ། སྟེང་འོག་གི་རླུང་གིས་ལྟེ་བའི་ཨ་ཤད་ལ་བསྐུལ་བས། ཅུང་ཟད་འབར་ཞིང་བདེ་
དྲོད་ཀྱི་ཉམས་རྒྱས་པར་བསམ། གཉིས་པ་ནི། བཤད་མ་ཐག་པ་དེ་ཉིད་དང་དམིགས་པའི་
གཞི་འདྲ་བ་ལས། སྤྱི་བོར་དབུ་མའི་ནང་དུ་ཧཾ་དཀར་པོ་མགོ་བོ་ཐུར་དུ་བལྟ་བ་གཅིག་གསལ་
བཏབ་ལ་རླུང་ཁ་སྦྱོར་འཇམ་པོར་བཟུང་བས། ལྟེ་བའི་ཨ་ཤད་ལས། མེ་ལྕེ་ཕྲ་མོ་དམར་སེར་
ཞིག་སིར་ཏེ་འབར་ནས་སྤྱི་བོའི་ཧཾ་གི་ཆ་ཤས་བསྲེགས་པས། བྱང་ཆུབ་ཀྱི་སེམས་ཁུ་འཕང་
ལྟ་བུ་ཁྲོ་ལོ་ལོ་འབབ་པའམ་ཆུ་རྒྱུན་ཕྲ་མོ་ལྟར་ཅིལ་ལི་ལི་བབས་ནས་མེའི་མཐའ་མ་ན་མར་
སིབ་སིབ་ཐིམ་པར་བསམ། གསུམ་པ་ནི། རྩ་གསུམ་གོང་དང་འདྲ་བ་ལས། ལྟེ་བ། སྙིང་ག
མགྲིན་པ། སྤྱི་བོ་རྣམས་སུ། རྩ་འཁོར་ལོ་རྩ་འདབ་བཞི་པ་རེ་རེ་ཡོད་པ་ཐམས་ཅད་ཀྱང་ཁ་
དོག་དམར་པོ། དབུ་མའི་ནང་ལྟེ་བར་ཨ་དང༌། མགྲིན་པར་ༀ་མགོ་བོ་གྱེན་བསྟན། དེ་གཉིས་
དམར་པོ། སྙིང་གར་ཧཱུཾ་སྔོན་པོ། སྤྱི་བོར་ཧཾ་དཀར་པོ་མགོ་བོ་ཐུར་བསྟན་ནོ། །རོ་རྐྱང་གི་ཡི་
གེ་ཡང་སྔར་ལྟར་བསྒོམ་ལ། རླུང་ཁ་སྦྱོར་བཟུང་བས། ཨ་ལས་མེ་ཤིན་ཏུ་རྣོ་བ་ཕྲ་བ་ཞིག་
འབར། དབུ་མའི་ལམ་རྒྱུད། སྙིང་གའི་ཧཱུཾ་དང་མགྲིན་པའི་ༀ་ཕུག་སྟེ། སྤྱི་བོའི་ཧཾ་ལ་བསྣུན་
པས། བྱང་སེམས་ཞུ་སྟེ། ༀ་དང་ཧཱུཾ་ཁེངས་ཤིང་དེ་དག་གི་དྭངས་མ་{དང}་ཡང་ལྷན་ཅིག་ཏུ་
བབས་པའམ། ཡང་ན་ཡི་གེ་དེ་གསུམ་ལས་སོ་སོར་བབས་ཏེ། རྐང་གསུམ་གྱི་རྣམ་པར་སྒོམ་
པའམ་ཁུ་འཕང་འབབ་པ་ལྟར་བྱས་ཀྱང་རུང་སྟེ། དེ་རྣམས་ལྟེ་བའི་ཨ་ལ་སིབ་སིབ་ཐིམ་པས། 
ལུས་སེམས་བདེ་བས་གང་བར་བསམ། གཉིས་པ་ཐིག་ལེ་སྔགས་ཀྱི་རྣལ་འབྱོར་ལ། རྣམ་པ་
གསུམ་སྟེ། སྟེང་གི་སྣ་རྩེར་སྒོམ་པ་དང༌། འོག་གི་སྣ་རྩེར་སྒོམ་པ་དང༌། ལུས་ཀྱི་དབུས་སུ་སྒོམ་
པའོ། །དང་པོ་ནི། དམིགས་པའི་ངོ་བོ་གཅིག་ཡིན་ཡང༌། སྒྲུབ་ཐབས་སོ་སོའི་དགོངས་པས། 
11-1-307


དམིགས་སྐོར་ལྔར་འགྱུར་ཏེ། དེ་ཡང་སློབ་དཔོན་ཆེན་པོ་ཤཱནྟི་པའི་མན་ངག་ལྟར་ན། རང་གི་
སྙིང་པདྨ་དམར་པོ་འདབ་མ་བཞི་པར་ཁ་ཕྱེ་བ། འདབ་མ་བཞི་ལ་ཐིག་ལེ་རེ། དེའི་ལྟེ་བར་ཉི་
མའི་དཀྱིལ་འཁོར་མེ་དང་རླུང་གི་རང་བཞིན་དེའི་སྟེང་དུ་ཟླ་བ་ས་དང་ཆུའི་རང་བཞིན། ཉི་
ཟླ་གཉིས་པོ་གའུ་ཁ་སྦྱོར་དུ་གནས་པའི་དབུས་སུ། ཐིག་ལེ་དཀར་པོ་ཡུངས་ཀར་ཙམ། ཉི་
ཟླ་ཁ་སྦྱོར་ལ། བ་ཐག་ཕྲ་མོ་ཞིག་གིས་མདུན་རྒྱབ་ཏུ་ཚན་གསུམ་དུ་དཀྲིས། སྟེང་གི་ཟླ་བའི་
ཐད་ཀྱི་དེ་གསུམ་ལ། དབྱངས་གསལ་གྱི་ཡི་གེ་རྣམས་བརྒྱུས་པར་བསམ་སྟེ། དེ་ཡང་གཡས་
པ་ལ། ཀ་ནས་དའི་བར་ང་ཉ་སྤངས་པ་དང༌། དབུས་མ་ལ་དབྱངས་བཅུ་དྲུག་དང༌། གཡོན་
པ་ལ་དྷ་ནས་ཀྵའི་བར་རྣམས་ཏེ་ཡི་གེ་རྣམས་འཕྲེང་རྡོག་ལྟ་བུ་ལ། འོད་ཀྱི་བ་ཐག་ཕྲེང་ཐག་
ལྟ་བུ་དང༌། དབུས་ཀྱི་ཟླ་བ་ལ་བུ་ག་ཕྲ་མོ་ཞིག་དང་དེ་ཡོད་པར་བསམས་ལ། ལམ་དེ་ནས་
ཐིག་ལེ་ལ་སེམས་དྲག་ཏུ་གཏོད་པའོ། །ཞེས་རྔོག་གོང་མ་དག་གསུང༌། འགྲེལ་པ་ཡོན་ཏན་
དང་ལྡན་པ་ལས་འདི་དང་ཅུང་ཟད་མི་འདྲ་བ་ཞིག་གསུངས་སོ། །སློབ་དཔོན་ཀུ་ཀུ་རཱི་པའི་
སྒྲུབ་ཐབས་བསྡུས་པ་ཤིན་ཏུ་སྤྲོས་མེད་ལྟར་ན། དབྱིབས་ཀྱི་རྣལ་འབྱོར་ནི། དེར་རྡོར་སེམས་
ཡབ་ཡུམ་དུ་སྒོམ་པར་བཤད་ཀྱང༌། མཐའ་གཅིག་ཏུ་མ་ངེས་པས། ཧེ་རུ་ཀ་བསྒོམ་ཀྱང་ཆོག །
སྙིང་གར་པདྨ་དཀར་ལ་དམར་བའི་མདངས་ཆགས་པ་འདབ་མ་བཞི་པ། ལྟེ་བ་ལ་ཉི་ཟླ་
གའུ་ཁ་སྦྱོར་དབུས་སུ་ཐིག་ལེ་དཀར་པོ་དང་བཅས་པ་སྔར་བཞིན་གསལ་བཏབ་ལ། འདབ་
མ་བཞི་ལ་ཐིག་ལེ་བཞི་བསྒོམ་སྟེ། དེ་ཡང་ཤར་སྔོ། ལྷོར་སེར། ནུབ་དམར། བྱང་ལྗང་པའོ། །
དབུས་ཀྱི་ཟླ་བ་ལ་སྒྲ་དང་བཅས་ཏེ་བུ་ག་རྟ་རྔ་ཤོང་བ་ཞིག་དོད། རང་གི་དབུགས་ཕྱི་ལ་འགྲོ་
བ་དང་བསྟུན་ཏེ། ཐིག་ལེ་ལས་འོད་ཟེར་གྱི་སྐུད་པ་ཞིག་བྱུང་ཟླ་བའི་བུ་ག་ནས་ཐོན། མདུན་
རྒྱབ་དང་གཡས་གཡོན་དུ་རྒྱ་གྲམ་རིས་སུ་དཀྲིས་སླར་ཐིག་ལེ་ལ་ཟུག་པར་བསམ། དབུགས་
ཕྱིར་འགྲོ་བའི་ཚེ་ཐིག་ལེ་ལས་ༀ་ཡིག་རྒྱང་སྟེ་ཐོན་སྣ་སྒོ་ནས་ཕྱིར་སོང༌། ནང་དུ་འོང་བའི་ཚེ་
11-1-308


ཧཱུཾ་ཞིག་སྣ་སྒོ་ནས་ཞུགས་སྔར་གྱི་ལམ་བརྒྱུད་ནས་ཐིག་ལེ་ལ་ཐིམ་པར་བསམ། དེ་ལྟ་བུའི་རྡོ་
རྗེའི་བཟླས་པ་ལན་མང་དུ་བྱས་ཏེ་མཐར་རླུང་འགྲོ་འོང་དང་བྲལ་བར་བསམས་ནས། དེའི་
རྗེས་ལ་ཐིག་ལེ་ཉིད་ལ་སེམས་གཏོད་པ་གསང་བའི་མན་ངག་བཟླ་བའི་དོད་དུ་སྦ་བ་ཞེས་བྱ་
བ་ཡིན་ལ། ཟླ་བའི་བུ་ག་ནས་ཐིག་ལེ་འཇུར་གྱིས་བྱུང་ནས་ཟླ་བའི་སྟེང་དུ་ཡེར་རེ་འདུག་པ་
ལ་སེམས་གཏོད་པ་ནི་གསང་བའི་མན་ངག་ནམ་མཁར་འཕྱར་བ་ཞེས་པ་ཡིན་ཞིང༌། ཉི་ཟླ་
ཁ་སྦྱོར་གྱི་བར་ན་གནས་པའི་ཐིག་ལེ་ཉིད་སེམས་སེམས་ཉིད་ཐིག་ལེ་ཞེས་ཐིག་ལེའི་དབུས་
སུ་རང་ཉིད་ཞུགས་པར་སྒོམ་པ་ནི་གསང་བའི་མན་ངག་ཕྲ་མོར་བཞག་པ་ཞེས་པ་ཡིན་ནོ། 
ཁ་ཅིག་གཞུང་དངོས་བསྟན་ལ་ཞེན་ནས་སྟེང་དང་ཕྲ་མོ་གཉིས་འགོག་པ་ནི། མཁས་འདོད་
ལངས་པས་མན་ངག་ལ་སྡང་བ་ཙམ་དུ་ཟད་དོ། །སློབ་དཔོན་འགྲོ་བ་བཟང་པོའི་དེ་ཁོ་ན་ཉིད་
ཀྱི་མན་ངག་ལྟར་ན། རང་གི་སྙིང་པདྨ་དམར་པོ་འདབ་བཞི་པའི་རྣམ་པར་ཁ་གྱེས་པའི་ལྟེ་
བར་ཉི་མ་མེ་རླུང་གི་རང་བཞིན་གྱི་སྟེང་དུ་ཟླ་བ་ས་ཆུའི་རང་བཞིན་ཁ་སྦྱོར་གྱི་དབུས་སུ་ཐིག་
ལེ་སྔར་དང་མཚུངས་པར་བསྒོམས་ཏེ་དེ་ཉིད་ལ་སེམས་འཛིན་པའོ། །གཞུང་འདིའི་མནའ་
མཆན་ལས་ཀུ་ཀུ་རཱི་པའི་སྒྲུབ་ཐབས་རྒྱས་པའི་ལུགས་དང་འདྲ་བར་བཤད་ཀྱང༌། འགྲོ་
བཟང་གི་གཞུང་གི་དགོངས་པ་འདི་ལས་མི་འདའ་འོ། །ཀུ་ཀུ་རཱི་པའི་སྒྲུབ་ཐབས་རྒྱས་པའི་
ལུགས་ལྟར་ན། སྙིང་གར་པདྨ་འདབ་བཞིའི་ལྟེ་བར་ཉི་ཟླ་གའུ་ཁ་སྦྱོར་གྱི་དབུས་སུ་ཐིག་ལེ་
སྔ་མ་ལྟར་བསྒོམས་ནས། རླུང་ཅུང་ཟད་ཁ་སྦྱར་བས། ཏོག་ཅེས་པའི་སྒྲ་ཞིག་བྱུང་ནས་སྟེང་
གི་ཟླ་བ་ལ་བུ་ག་རྔ་འབྲུམ་ཤོང་པ་ཙམ་ཞིག་དོད། བུ་ག་དེ་ནས་རླུང་འགྲོ་འོང་ལན་བདུན་
ཙམ་བྱས་པར་བསམ། དེ་ནས་ཐིག་ལེ་ལས་འོད་ཟེར་གྱི་སྐུད་པ་བ་ཐག་ཙམ་ལ་ཨཱ་ལི་ཀཱ་ལི་
འཕྲེང་བ་སྟར་ལ་བརྒྱུས་པ་ཞིག་བྱུང་ཟླ་བའི་བུ་ག་ནས་འཐོན། མདུན་རྒྱབ་ཏུ་དཀྲིས་གསུམ་
དང་གཡས་གཡོན་དུ་བཞི་འཁྱོག་མཚམས་སུ་ཕྱེད་དེ་ཕྱེད་དང་བརྒྱད་དུ་དཀྲིས། སླར་ཡང་
11-1-309


ཐིག་ལེ་ཉིད་ལ་ཐིམ་པར་བསམ། དེ་ནས་འཇམ་རླུང་ཁ་སྦྱོར་དུ་བཟུང་ནས་ཐིག་ལེ་ལ་སེམས་
འཛིན། གསང་བའི་མན་ངག་ཟླ་བའི་དོད་དུ་སྦ་བ་ལ་སོགས་པ་གསུམ་པོ་གང་རུང་ཤིག་
བསྒོམ་སྟེ་གོང་དང་འདྲའོ། །འདིའི་ཡན་ལག་ཏུ་རྡོ་རྗེ་བཟླས་པ་ནི། པདྨ་ཉི་ཟླ་ཐིག་ལེ་རྣམས་
སྔ་མ་ལྟར་བསྒོམས་ལ། ཐིག་ལེའི་མཐར་ཨཱ་ལི་བཅུ་དྲུག་ཀཱ་ལི་སོ་བཞི་རྣམས་འོད་ཀྱི་སྐུད་
པ་ལ་བརྒྱུས་པ་སྦྲུལ་འཁྱིལ་བ་ལྟར་ཁོར་རེ་དཀྱིལ་ལེ་འཁོར་བ་བསམ། རླུང་ཕྱིར་འགྲོ་བའི་
ཚེ་ༀ་ཞེས་པའི་སྒྲ་དང་བཅས་སྟེང་གི་ཟླ་བ་ཕུག་སྟེ་སྣ་བུག་གཡས་ནས་འཐོན། ཨ་ཕྱི་རོལ་དུ་
རྒྱང་ངེ་འདུག་པ་དང་ཀྵ་སྙིང་གའི་ཟླ་བ་ལ་རེག་གེ་འདུག་པར་བསམ། རླུང་ནང་དུ་རྔུབ་པའི་
མཚམས་སུ་འོད་ཀྱི་སྐུད་པ་དེ་འཁྱོགས་ཏེ། ཨ་སྣ་བུག་གཡོན་པ་ལ་རེག་གིས་བྱུང་བ་ན་ཀྵ་ཟླ་
བ་དང་བྲལ་བར་བསམ། རླུང་ནང་དུ་འོང་བའི་ཚེ་ཧཱུཾ་གི་གདངས་དང་བཅས་སྣ་བུག་གཡོན་
ནས་ཞུགས། ཨ་སྙིང་གའི་ཟླ་བ་ལ་རེག་པ་ན། ཀྵ་སྣ་བུག་གཡས་ནས་མདུན་དུ་རྒྱངས་ཀྱིས་
འཐོན་པར་བསམ། རླུང་ཅུང་ཟད་བཟུང་བའི་ཚེ་ཟླ་བའི་བུ་ག་ནས་ཞུགས་ཏེ་ཐིག་ལེ་ལ་སྐོར་
གྱིས་འཁྱིལ་པར་བསམས་ལ། ཨཱཿཞེས་པའི་གདངས་ཡིད་ཀྱིས་དྲན་པར་བྱའོ། །དེ་ལྟར་ལན་
མང་དུ་བསྒོམ། དམིགས་པས་ངལ་ན་འོག་ནས་འབྱུང་བ་ལྟར་རྡོ་རྗེའི་བཟླས་པ་བྱའོ། །
གཉིས་པ་ནི། སྐྱེས་པའི་རྡོ་རྗེ་ནོར་བུའམ་གསང་གནས་བདེ་སྐྱོང་གི་འཁོར་ལོར་
བསྒོམས་ཀྱང་རུང་ལ། བུད་མེད་ཀྱི་ནི་པདྨའི་ཟེའུ་འབྲུར་བསྒོམ་སྟེ། དེ་ཡང་པདྨ་དམར་པོ་
འདབ་བརྒྱད་ཁ་ཟུམ་ཐབས་སུ་ཡོད་པ། ཟེའུ་འབྲུ་དམར་རོང་རེ་བ་གཅིག་བསམ། དེར་ཉི་
ཟླ་ཁ་སྦྱོར་གྱི་དབུས་སུ་ཐིག་ལེ་ཡུང་འབྲུ་ཙམ་ཞིག་བདེ་བའི་རང་བཞིན་དུ་བསམ། དེ་ནས་
རྡོ་རྗེའི་བཟླས་པ་བྱ་བ་འདོད་ན། སྟེང་རླུང་ནང་དུ་འཇུག་པའི་ཚེ་ཐིག་ལེ་ལས། ༀ་བྱུང་ཟླ་བ་
ཕུག་ནས་རྡོ་རྗེའི་བུ་ག་ནས་རྒྱངས་ཀྱིས་འཐོན། སྟེང་རླུང་ཕྱིར་འགྲོ་བའི་ཚེ་ༀ་ཧཱུཾ་གི་རྣམ་པ་
ཅན་དུ་གྱུར་ནས་སྔར་གྱི་ལམ་ནས་ཚུར་བྱུང༌། ཐིག་ལེ་ལ་ཐིམ་པར་བསམ། སྟེང་རླུང་ཕྱིར་
11-1-310


འཛིན་པའི་ཚེ་ཨཱཿཞེས་དྲན་པར་བྱའོ། །
གསུམ་པ་ནི། སློབ་དཔོན་ཀུ་ཀུ་རཱི་པའི་མཛད་པའི་སྒྲུབ་ཐབས་འབྲིང་པོ་ལས་འབྱུང་བ་
སྟེ། སྤྱི་བོར་རླུང་གི་དཀྱིལ་འཁོར་ཟླ་གམ་ལྗང་ཁུ། སྙིང་གར་ས་སེར་པོ་གྲུ་བཞི། ལྟེ་བར་ཆུ་
དཀར་པོ་ཟླུམ་པོ། མདོམས་བར་དུ་མེ་དམར་པོ་གྲུ་གསུམ། སྤྱི་བོའི་རླུང་གི་དཀྱིལ་འཁོར་
གྱི་སྟེང་དུ་ཐིག་ལེ་དཀར་པོ་དེའི་སྟེང་དུ་ཧཾ་མགོ་བོ་ཐུར་དུ་ལྟ་བའོ། །སྤྱི་བོའི་རླུང་གི་དཀྱིལ་
འཁོར་གཡོས་པས། ཐིག་ལེ་ཧྲིལ་ཏེ་འགྲིལ་འོག་ཏུ་སོང་སྙིང་གར་བབས། སའི་དཀྱིལ་
འཁོར་ཐིག་ལེ་ལ་ཐིམ། དེ་བཞིན་དུ་ལྟེ་བའི་ཆུ་དང༌། མདོམས་ཀྱི་མེ་ཡང་ཐིག་ལེས་ཟོས། རྡོ་
རྗེའི་རྩེར་དཀར་ཙེར་གྱིས་བྱུང༌། ཡང་ཡར་ཧྲིལ་ལི་ལི་འགྲིལ། སྤྱི་བོའི་རླུང་ཡང་ཟོས། ཧཾ་ལ་
ཐིམ། དེ་ནས་དབུགས་དང་འགྲོགས་ཏེ། རླུང་ཕྱིར་སོང་ཙ་ན། ཧཾ་ལས་ཐིག་ལེ་ཆད། རྡོ་རྗེའི་
རྩེར་དཀར་རྩེར་གྱིས་བྱུང༌། ནང་དུ་རྔུབས་ཙ་ན་ཡར་བྱུང་ཧཾ་ལ་ཐིམ། དེ་ལྟ་བུ་ལན་འགའ་
ཟུང་བྱས་ཏེ། དེ་ནས་ཐིག་ལེ་དེ་ཉིད་ནར་གྱིས་སོང་ཡར་སྣ་ཧཾ་ལ་འབྱར་མས་སྣས་རྡོ་རྗེའི་བུ་
ག་ཁེངས་ཏེ། ལུས་ཀྱི་དབུས་ན་ཡར་སྐྱ་ཤར་རེ་བ་དེ་དྲང་ངེ་འདུག་པར་བསམས་ལ་དར་ཅིག་
བཞག །དེ་ནས་ལྟེ་བའི་ཐད་ནས་ཐིག་ལེ་སྐུད་པ་ལྟ་བུ་དེ་ལས་ཡལ་ག་གཉིས་ཀྱིས། ཡར་
ན་ར་ར་སོང་ནས་སྣ་བུག་གཡས་གཡོན་ལ་ཟུག་པར་བསམ། དབུགས་ཕྱིར་འགྲོ་བའི་ཚེ་
ལྟེ་བ་ནས་ༀ་ཞིག་གཡས་ཀྱི་ཐིག་ལེའི་བ་ཐག་ལ་འཁྲིལ་ནས་སྣ་གཡས་ནས་འཐོན། ནང་
དུ་འོང་བའི་ཚེ་ཧཱུཾ་དུ་གྱུར་སྣ་གཡོན་ནས་ཞུགས། གཡོན་གྱི་བ་ཐག་ལ་འཁྲིལ་ནས་ལྟེ་བར་
སླེབ། གནས་པའི་ཚེ་ཨཱཿརུ་སོང་སྟེ་དབུས་ཀྱི་བ་ཐག་ལ་བརྟེན་པར་བསམ། དེ་ལྟར་མ་ནིང་
གི་བཟླས་པ་གང་ནས་ཤིག་པའོ། །གསུམ་པ་ཕྲ་མོ་སྔགས་ཀྱི་རྣལ་འབྱོར་ལ། རླུང་རྒྱ་ཡན་
ལ་བསླབ་པ། བགྲང་ཞིང་རྩི་བ་ལ་བསླབ་པ། བུམ་པ་ཅན་ལ་བསླབ་པ་སྟེ་གསུམ་མོ། །དང་
པོ་ལ་གཉིས་ཀྱི། རྒྱ་ཡན་ཙམ་པོ་ནི། དབུགས་ཕྱིར་འགྲོ་བའི་ཚེ་ནད་དང་སྡུག་བསྔལ་དང་རྒ་
11-1-311


ཤི་སྟེར་བའོ་སྙམ་དུ་བསམ། ནང་དུ་འོང་བའི་དུས་ཚེ་དང་བསོད་ནམས་དང་མདངས་སྟོབས་
རྒྱས་པར་བྱེད་པའོ་སྙམ་དུ་བསམ་མོ། །
གཉིས་པ་རྡོ་རྗེའི་བཟླས་པ་ལ་བསླབ་པ་ནི། རླུང་ཕྱིར་འགྲོ་བ་ན་ༀ། ནང་དུ་འཇུག་པ་
ན་ཧཱུཾ་གནས་པ་ན་ཨཱཿཞེས་པ་རྣམས་ཡིད་ཀྱིས་དྲན་པར་བྱེད་པའོ། །གཉིས་པ་ལ་གསུམ་ལས་
དང་པོ་བགྲང་ཞིང་རྩི་བ་ཙམ་པོ་ནི། དབུགས་ཕྱི་འགྲོ་ནང་འགྲོ་གཅིག་ཏུ་བསྡོམས་པ་བཅུ་
ཚན་བཅུ་ཚན་དུ་བཅད་དེ་ཡང་ཡང་སྒྲོང་བའོ། །གཉིས་པ་རྡོ་རྗེའི་བཟླས་པ་ལ་བརྟེན་པ་ནི་རྡོ་
རྗེའི་བཟླས་པ་དང་སྦྱར་ཏེ། བཅུ་ཚན་བཅུ་ཚན་ཏུ་སྒྲོང་བའོ། །གསུམ་པ་མན་ངག་གི་གནད་
ལ་བརྟེན་པ་ནི། །སྙིང་གར་ཟླ་བའི་སྟེང་དུ་ཧཱུཾ་དཀར་པོ། །དེ་ལས་སྐྱེས་པའི་འོད་ཟེར་གྱི་སྐུད་
པའི་སྣེ་ལ་ༀ་གྱིས་མཚན་པ། སྐུད་པ་དེ་ཉིད་ཧཱུཾ་ལ་གཡས་སྐོར་དུ་ལན་བདུན་དུ་བསྐོར་བར་
བསམ་ལ། དབུགས་ཕྱིར་འགྲོ་བའི་ཚེ་དེ་སྐོར་ལོག་ཏུ་ཞིག་སྟེ། རླུང་གང་ནས་རྒྱུ་བའི་སྣ་སྒོ་
ནས་རྒྱངས་ཀྱིས་འཐོན། ནང་དུ་འོང་བའི་ཚེ་སྔར་བཞིན་ཧཱུཾ་ལ་སྐོར་བ་ལན་བདུན་དུ་བསྐོར་
བར་བསམ། དེ་ཉིད་བཅུ་ཚན་བཅུ་ཚན་དུ་སྒྲོང་པའོ། །
གསུམ་པ་བུམ་པ་ཅན་ལ་རིམ་གྱིས་དགག་པ་དང༌། བཙན་ཐབས་སུ་དགག་པའོ། །དང་
པོ་ནི། ལུས་གནད་སོགས་ལེགས་པར་བཅོས་ཏེ། ལག་ལེན་ལྟར་ཧཱ་རིང་པོས་རླུང་རོ་བསལ་
པ་ལན་བཅུ་ཙམ་བྱས་ཏེ། རླུང་ཤར་གྱིས་རྔུབས་ཏེ། ལྟེ་བར་དྲག་ཏུ་མནན། འོག་རླུང་ཡར་
འཐེན་པས། རླུང་གཉིས་ལྟེ་བར་ཁྲུག་ཆིལ་ཆིལ་འཐབ་པ་ལ་སེམས་བརྟད། བདེ་དྲོད་ཡིད་ལ་
བྱའོ། །གཉིས་པ་ནི་སེང་གེ་རྣམ་རོལ་གྱི་ཕྱག་རྒྱ་བཅས་ལ་བུམ་ཅན་དྲག་ཏུ་བཟུང་བ་སྟེ། འདི་
ཐུན་རེ་ལ་ལན་འགའ་ཟུང་རེ་ལས་མི་བྱའོ། །གཉིས་པ་འོག་སྒོ་སྔགས་ཀྱི་རྣལ་འབྱོར་ནི་བླ་
མའི་མན་ངག་དང་ཡིག་ཆུང་ལས་ལོགས་སུ་ཤེས་པར་བྱའོ། །
གསུམ་པ་མཐར་ཐུག་ཆོས་ཀྱི་རྣལ་འབྱོར་ལ། ཐུན་མོང་དང༌། ཐུན་མོང་མ་ཡིན་པ་
11-1-312


གཉིས་ལས། དང་པོ་ལ་རང་བཞིན་ལམ་འཁྱེར་དང༌། སྣང་བ་ལམ་འཁྱེར་གཉིས་ལས། དང་
པོ་ནི། ལུས་གནད་བཅོས། སེམས་རང་བབས་སུ་ལྷོད་ཀྱིས་ཀློད། དེའི་ངང་ནས་སེམས་ཀྱི་
ངོ་བོ་ལ་ཆེ་རེ་བལྟས་པས། གསལ་ལ་ངོས་གཟུང་མེད་པ་གཅིག་འཆར་ཏེ། དེ་ངོས་གཟུང་ལ་
མཉམ་པར་བཞག །གཉིས་པ་ནི། ཚོགས་དྲུག་གི་སྣང་བ་སྣ་ཚོགས་སུ་ཤར་བ་འདི་ཉིད་ལ་
ཆེ་རེ་བལྟས་ཤིང་སྣང་ཙམ་དེ་ཉིད་ངོ་ཤེས་པར་བྱས་ཏེ། བཟོ་བཅོས་མེད་པར་ཆམ་མེ་བཞག་
པ་ན་སྣང་བ་དེ་ཐམས་ཅད་སྣང་སྟོང་དུ་འཆར་བའོ། །གཉིས་པ་ལ་ཡང༌། རང་བཞིན་ལམ་
འཁྱེར་དང༌། སྣང་བ་ལམ་འཁྱེར་གཉིས་ལས། དང་པོ་ནི། སྔགས་ཀྱི་རྣལ་འབྱོར་སྒོམས་པའི་
བདེ་བ་ཡིད་ལ་བྱས་ནས་སེམས་བདེ་སྟོང་དུ་ངོ་འཕྲོད་པར་བྱས་ཏེ་སྒོམ་པའོ། །གཉིས་པ་ནི། 
སེམས་བདེ་སྟོང་དེས་ཚོགས་དྲུག་གི་སྣང་བ་ལ་རྒྱས་འདེབས་པ་སྟེ། འདིས་ཚོགས་དྲུག་གི་
སྣང་བ་ཐམས་ཅད་བདེ་བར་འཆར་རོ། །
བཞི་པ་འཕྲོས་དོན་སྒྱུ་མ་གསུམ་བརྒྱུད་ལ། སྣང་བ་སྒྱུ་མ། རྨི་ལམ་སྒྱུ་མ། བར་དོ་སྒྱུ་མ་
གསུམ་ལས། དང་པོ་ནི་བདག་དང་སྣང་བ་ཐམས་ཅད་མཧཱ་མཱ་ཡའི་དཀྱིལ་འཁོར་དུ་བསྒོམས་
ཏེ། འདི་ཐམས་ཅད་ཀྱང་རང་གི་སེམས་ཀྱི་སྣང་བ་ཙམ་ཡིན། སྣང་ཡང་བདེན་པས་སྟོང་པ་
སྒྱུ་མ་ལྟ་བུའོ་ཞེས་སྒྱུ་མའི་འདུན་པ་དྲག་ཏུ་སྦྱོང་བའོ། །གཉིས་པ་ལ། རྨི་ལམ་བཟུང་བ་དང༌། 
སྦྱང་བ་དང༌། གཅིག་ཏུ་བྱ་བའོ། །དང་པོ་ནི། མགྲིན་པར་པདྨ་དམར་པོ་འདབ་མ་བཞི་པའི་
ལྟེ་བ་ལ་ༀ། འདབ་མ་བཞི་ལ། ཨ་ནུ་ཏ་ར་བཞི་བཀོད་ལ། དམིགས་པའམ། ཡང་པདྨའི་ལྟེ་
བར་ཐིག་ལེ་ནག་པོ་ཨ་སྔོན་པོས་མཚན་པ་ལ་དམིགས་ནས། དོ་ནུབ་རྨི་ལམ་ཟིན་པར་བྱའོ་
སྙམ་པའི་འདུན་པ་དྲག་ཏུ་བྱའོ། །
གཉིས་པ་ནི་རྨི་ལམ་རྨི་ཚད་ཟིན་པ་ན། དོ་ནུབ་རྨི་ལམ་རྨི་བའི་ཚེ་སྣང་བ་ཐམས་ཅད་མཧཱ་
མཱ་ཡའི་དཀྱིལ་འཁོར་དུ་བསྒྱུར་བར་བྱའོ་སྙམ་དུ་འདུན་པ་དྲག་ཏུ་སྦྱངས་ཏེ། སད་དུས་ཀྱི་
11-1-313


སྣང་བ་ཐམས་ཅད་དཀྱིལ་འཁོར་དུ་བསྒོམས་པས། རྨི་ལམ་འཁྲུལ་པའི་སྣང་བ་ཤར་ནའང་
ཤར་མ་ཐག་ཏུ་དམིགས་པ་འདི་བསྒོམས་པས་དཀྱིལ་འཁོར་དུ་འགྱུར་བའོ། །གསུམ་པ་ནི། 
ཉིན་པར་དོ་ནུབ་རྨི་ལམ་རྨི་བ་ན་སྔགས་ཀྱི་རྣལ་འབྱོར་དང་ཆོས་ཀྱི་རྣལ་འབྱོར་བསྒོམ་སྟེ། །
རྨི་ལམ་འོད་གསལ་དུ་འཇུག་པར་བྱའོ་སྙམ་པའི་འདུན་པ་དྲག་ཏུ་བྱའོ། །འདིས་མཚན་མོ་རྨི་
ལམ་ཤར་བའི་ཚེ། གདམས་པ་འདི་དྲན་ཏེ་སྙིང་གའི་ཐིག་ལེ་སོགས་བསྒོམས་པའི་རྨི་ལམ་གྱི་
སྣང་བ་ཡལ་ཏེ་འོད་གསལ་འཆར་ལ། དེ་ནས་ཆོས་ཀྱི་རྣལ་འབྱོར་བསྒོམས་པས་འོད་གསལ་
ཡུན་རིང་དུ་སྐྱོང་ཐུབ་པ་ཡིན་ནོ། །གསུམ་པ་ལ་ཡང་གཟུང་བ་དང༌། སྦྱང་བ་དང༌། གཅིག་ཏུ་
བྱ་བ་གསུམ་ལས། དང་པོ་ནི། སྣང་བ་འདི་ཐམས་ཅད་བར་དོ་ཡིན་པ་འདུག་སྙམ་པའི་འདུན་
པ་དྲག་ཏུ་སྦྱངས། གཉིད་ཉལ་ཁར་ཡང༌། ད་ལྟ་རང་རྨི་ལམ་འབྱུང་བས། དེ་བར་དོར་ངོ་ཤེས་
པར་བྱའོ་སྙམ་པའི་འདུན་པ་ཡང་ཡང་སྦྱང་ངོ༌། །དེའི་རྨི་ལམ་དུ་བར་དོའི་དགེ་སྦྱོར་ཟིན་པ་
རྟག་ཏུ་འོང་ན་བར་དོ་ཟིན་པ་ཞེས་ཐ་སྙད་འཇོག་གོ །
གཉིས་པ་ནི། ཉིན་པར་བར་དོའི་འདུན་པ་སྦྱངས་ནས། བར་དོ་འཁྲུལ་པའི་སྣང་བ་འདི་
ལྷ་སྐུར་བསྒྱུར་བར་བྱའོ་སྙམ་པས་རང་ཧེ་རུ་ཀ་ཡབ་ཡུམ་དང༌། སྣོད་ཐམས་ཅད་གཞལ་ཡས་
ཁང༌། བཅུད་ཐམས་ཅད་མཧཱ་མཱ་ཡ་ཡབ་ཡུམ་མམ་བླ་མ་ཡབ་ཡུམ་དུ་དྲན་པར་བྱའོ། །འདིར་
ཡང་བདེན་མེད་ཀྱི་འདུན་པ་དྲག་ཏུ་སྦྱོང་བ་གལ་ཆེ། གསུམ་པ་ནི། རྨི་ལམ་དང་བར་དོའི་
གདམས་པ་འདི་ལ་རྟེན་ནས། གཉིད་ཐམས་ཅད་འོད་གསལ་དུ་ཆུད་པར་བྱས་ཏེ་ནམ་ཞིག་
ན་འཆི་བ་འོད་གསལ་ངོས་འཛིན་པ་ཡིན་ནོ། །དེ་ལྟར་ན་དཀྱུས་ཀྱི་འཁྲིད་ཚུལ་ནི་དེ་དག་ཁོ་
ན་ཡིན་ལ། གཞན་རྫོགས་རིམ་ཐོར་བུ་པ། གདམས་ངག་བཀའ་དྲུག་དང༌། བསམ་གཏན་གྱི་
ལས་ཚོགས་དྲུག་པོ་ལ་བསྐྱེད་རིམ་དང་རྫོགས་རིམ་གྱི་མན་ངག་རེ་རེ་ཡོད་ཅིང༌། གཞན་གྱི་
གྲོང་སོགས་བྱ་བ་དང༌། ཞེས་པ་ལས་འཕྲོས་ནས། བསྲེ་འཕོ་ནས་འབྱུང་བ་ལྟར་འཕོ་བ་གྲོང་
11-1-314


འཇུག་གཉིས་ཀྱང་སྟོན་ནོ། །ད་ལྟ་སྒྱུ་མ་གསུམ་བརྒྱུད་ཀྱི་ཉམས་ལེན་བྱེད་པ་འདི་ལས་དང་
པོ་པའི་སྒྱུ་ལུས་དང་འོད་གསལ་ཡིན་ལ། འདི་ལ་བརྟེན་ནས་རྣལ་འབྱོར་པའི་དེ་དག་རྒྱུད་ལ་
སྐྱེ་བ་ཡིན་ནོ། །འདི་དག་རྒྱུད་ཀྱི་ཇི་ལྟར་བསྟན་ཚོད་ནི། ཨཱ་ལི་ཀཱ་ལི་མཉམ་བྱས་ནས། ཞེས་
སོགས་རྐང་པ་དྲུག་གིས་འཁོར་ལོ་སྔགས་ཀྱི་རྣལ་འབྱོར་དང༌། བཟང་པོའི་ཡི་གེའི་འཕྲེང་
བ་རྣམས། ཞེས་སོགས་ཀྱིས་ཐིག་ལེ་སྔགས་ཀྱི་རྣལ་འབྱོར་སྟེང་འོག་དང༌། གོང་བུར་སོང་
བའི་འོད་དེ་ཡི། ཞེས་པའི་ཐིག་ལེ་ལུས་ཀྱི་དབུས་སུ་སྒོམ་པ་དང༌། དང་པོའི་ཡི་གེའི་སྦྱོར་བ་
ཡི། །སོགས་ཀྱིས་རྡོར་བཟླས་དང་འབྲེལ་བ་རྣམས་དང༌། སྲོག་དང་རྩོལ་བ་བསྡམས་ནས་སུ། །
ཞེས་པས། བུམ་པ་ཅན་རིམ་གྱིས་དགག་པ་དང༌། མིག་གཉིས་དང་ནི་སོགས་ཀྱིས་བཙན་
ཐབས་སུ་དགག་པ་དང༌། གང་གང་དབང་བོའི་ལམ་ལས་ནི། ཞེས་སོགས་ཀྱིས་ཆོས་ཀྱི་རྣལ་
འབྱོར་དང༌། རྣལ་འབྱོར་གཉིད་དང་ཡང་དག་ལྡན། ཞེས་པ་དང་ཇི་ལྟར་སྐུ་གསུམ་མཆོག་
སྟེར་བའི། སོགས་ཀྱིས་སྒྱུ་མ་གསུམ་བརྒྱུད་ཀྱི་གདམས་ངག་དང༌། དབྱིབས་ཀྱི་རྣལ་འབྱོར་
ནི་ལེའུ་གསུམ་ཆར་དུ་རྒྱས་པར་གསུངས་པ་དང༌། འོག་སྒོ་སྔགས་ཀྱི་རྣལ་འབྱོར་ཡང་སྔ་ཕྱིར་
འཐོར་ཐབས་སུ་མང་དུ་བསྟན་པ་ཡིན་ནོ། །སྒྱུ་མ་གསུམ་བརྒྱུད་ཀྱི་ཡན་ལག་ཏུ། འབྱམས་
བཅོད་བཞི་སྦྱོར་བའང་སྣང་ལ། དེའི་རྣམ་གཞག་ཤེས་པར་འདོན་ན། གསང་འདུས་ནག་
འཁྲིད་ཀྱི་ཡིག་རྙིང་ངམ། རིམ་ལྔ་མར་ལུགས་ཀྱི་ཁྲིད་ཡིག་ཤིན་དུ་དག་ཅིང་གསལ་བ་ཞིག་
ཁོ་བོས་སྦྱར་ཡོད་པས་དེ་ལྟར་ཤེས་པར་བྱའོ།།    །།
འདིར་སྨྲས་པ། སྙིང་པོ་མཆོག་གྱུར་ལམ་བཟང་རྨད་བྱུང་འདི། །ཆོས་ཀྱི་བློ་གྲོས་མཚན་
འཆང་ཧེ་རུ་ཀ །གང་དེའི་སྲོལ་འཛིན་རིན་ཆེན་བདུན་བརྒྱུད་སོགས། །རྡོ་རྗེ་འཛིན་རྒྱལ་
རྣམས་ཀྱིས་དར་བར་མཛད། །ད་ལྟ་ཕྱོགས་མེད་སྤྱོད་པའི་རྣལ་འབྱོར་པ། །ཏཱ་ར་ནཱ་ཐ་བདག་
གི་ཡིད་བདེའི་སོས། །མཁས་རློམ་རྣམས་ལ་མིང་ཡང་མ་གྲགས་ན། །བློ་ཆུང་ང་རྒྱལ་ཅན་
11-1-315


ལ་ལྟ་ཅི་སྨོས། །རྟག་ཏུ་དམན་པར་རྒྱུ་ཡང་ཅ་ཅོ་ཅན། །གྱ་གྱུར་སྤྱོད་པའི་ཆུ་ཀླུང་འགའ་མེད་
དམ། །ཆུ་སྐྱར་སྒྱུ་མའི་བརྟུལ་ཞུགས་འཛིན་མཐོང་ནས། །ཤེས་ལྡན་རྣམས་ནི་བག་ཡོད་ལམ་
དུ་གཞོལ། །ཤིན་ཏུ་རྙེད་དཀའི་རིན་ཆེན་འདི། །རིན་ཐང་མེད་པར་ཡོངས་ཤེས་ནས། །ལྷག་
བསམ་དག་པའི་བྱི་དོར་དུ། །ཏཱ་ར་ནཱ་ཐས་སྦྱར་བ་ཡིན། །ཞུས་དག དགེ་ལེགས་འཕེལ། 
11-1-316


༄༅། །དཔལ་རྒྱུད་ཀྱི་རྒྱལ་པོ་སྒྱུ་འཕྲུལ་ཆེན་མོ་མཧཱ་མཱ་ཡའི་
རྒྱ་ཆེར་བཤད་པ་དེ་ཁོ་ན་ཉིད་ཀྱི་སྒྲོན་མ་
ཞེས་བྱ་བ་བཞུགས། 
༄༅། །ན་མོ་གུ་རུ་བུདྡྷ་བོ་དྷི་སཏྭེ་བྷྱཿ དཔལ་ལྡན་རྒྱུད་ཀྱི་རྒྱལ་པོ་སྒྱུ་འཕྲུལ་ཆེན་མོའི་
རྒྱ་ཆེར་བཤད་པ་དེ་ཁོ་ན་ཉིད་ཀྱི་སྒྲོན་མ་ཞེས་བྱ་བ། བླ་མ་དང༌། དཔལ་ཧེ་རུ་ཀ་དབྱེར་མ་
མཆིས་པ་རྡོ་རྗེ་མཁའ་འགྲོ་མའི་ཚོགས་དང་བཅས་པ་ལ་ཕྱག་འཚལ་ལོ། །དཔལ་ལྡན་བདེ་
བ་དམ་པ་ཐུགས་རྗེའི་སྟོབས། །ནམ་མཁའ་དང་མཉམ་སྙིང་པོའི་ཡེ་ཤེས་ནི། །མཐའ་ཡས་
སྒྱུ་མའི་རོལ་རྩེད་སྟོན་མཁས་པ། །གཅིག་པུ་མཆོག་ཏུ་ཆེ་བ་ལྷག་པའི་ལྷར། །སྙིམ་པ་མེ་ཏོག་
གིས་བཀང་ཤིང༌། །མགྲིན་པ་དམའ་བས་ཞབས་བཏུད་དེ། །མཐའ་མེད་འཁོར་བ་ཇི་སྲིད་
བར། །དངོས་པོ་ཀུན་གྱིས་ཕྱག་འཚལ་ལོ། །རྒྱུད་རྒྱལ་ཡིད་བཞིན་ནོར་བུ་ཡི། །རྒྱལ་མཚན་
འགྲོ་བའི་རེ་བསྐོང་གང༌། །གཞན་ངོར་མཛེས་པ་བསྐྱེད་པའི་ཕྱིར། །ཚིག་གི་མེ་ཏོག་འཕྲེང་
བས་མཆོད། །དེ་ལ་འདིར་དཔལ་སྒྱུ་འཕྲུལ་ཆེན་མོའི་རྒྱུད་ཀྱི་རྒྱལ་པོ་རྒྱུད་རྒྱས་པ་ལས་
ཡོངས་སུ་ཕྱུང་བ་ཉུང་ངུའི་རྒྱུད་འདི་ནི་ཚིག་ཚོགས་ཤིན་དུ་ཉུང་ཡང་དོན་ལྷག་པར་རྒྱས་པའོ། །
གཞན་ཡང་རྡོ་རྗེའི་ཚིག་གི་དོན་རྣམ་པར་དབྱེ་དཀའ་བའི་ཕྱིར། བྱིས་པའི་བློ་ཅན་བདག་ལྟ་
བུ་རྣམས་ཀྱི་སྤྱོད་ཡུལ་མ་ཡིན་ཡང༌། བླ་མ་དམ་པའི་མན་ངག་ལེགས་པར་མནོས་ཤིང༌། རྡོ་
རྗེ་ཐེག་པ་ལ་ཚད་མར་གྱུར་པའི་གྲུབ་པའི་སློབ་དཔོན་རྣམས་ཀྱི་གསུང་གི་རྒྱུན་ཐོས་པ་དང༌། 
རྡོ་རྗེ་འཛིན་པ་ཆེན་པོ་རྣམས་ཀྱིས་མཛད་པའི་རྣམ་པར་བཤད་པ་ལ་བརྟེན་ནས། རང་གི་བློ་
11-1-317


དང་འཚམ་པར་ཅི་ནུས་ཤིག་དབྱེ་བར་བྱའོ། །དེ་ལ་སྔོན་དུ་འགྲོ་བ་རྒྱུད་སྡེ་སྤྱིའི་རྣམ་གཞག་
དང༌། རྒྱུད་ཀྱི་མངོན་པར་རྟོགས་པ་ལེགས་པར་ཤེས་ནས་རྒྱུད་ཀྱི་ཚིག་དོན་ལ་འཇུག་དགོས་
པ་ལས། དང་པོ་ནི་གཞན་དུ་ཤེས་པར་བྱ་ལ། གཉིས་པ་ལ་ཡང༌། ཐེག་པ་བླ་ན་མེད་པའི་རྒྱུད་
སྤྱིའི་མངོན་པར་རྟོགས་པ། རྒྱུད་གསུམ་གྱི་དོན་ལ་ངེས་པ་རྙེད་ཅིང༌། ཁྱད་པར་དུ། རིམ་པ་
གཉིས་ཀྱི་ངོ་བོ་དང༌། དབྱེ་བ་དང༌། ངེས་ཚིག་དང༌། གོ་རིམ་དང༌། གྲོལ་བར་འགྱུར་བའི་རྒྱུ་
མཚན་དང༌། བྱེ་བྲག་ཏུ་བསྐྱེད་པའི་རིམ་པ་ལ། ཏིང་ངེ་འཛིན་གསུམ་དང༌། བསྙེན་སྒྲུབ་ཡན་
ལག་བཞི་དང༌། རྣལ་འབྱོར་བཞི་དང༌། ཡན་ལག་དྲུག་དང༌། དེ་དག་གི་སྦྱང་བྱ་སྦྱོང་བྱེད་
སྦྱངས་འབྲས་རྣམས་དམིགས་ཕྱེད་པ་དང༌། རྫོགས་པའི་རིམ་པ་ལ། གང་ལ་གནད་དུ་བསྣུན་
པའི་གཞི་གནས་པ་རྩ། གཡོ་བ་རླུང༌། བཀོད་པ་བྱང་ཆུབ་ཀྱི་སེམས་རྣམས་དང༌། རྫོགས་རིམ་
གྱི་ངོ་བོ་ལ། རླུང་སེམས་དབུ་མར་འཇུག་བྱེད་དང༌། ཞུགས་ཟིན་གྱི་བྱ་བ་རྣམས་དང༌། རིམ་
པ་གཉིས་ལ་དྲོད་ཐོབ་ནས་སྤྱོད་པས་འབྲས་བུ་ལ་མཚམས་སྦྱོར་བའི་ཚུལ་དང༌། ལམ་ལྔ་དང་
ས་བཅུའི་རྣམ་པར་བཞག་པ་རྣམས་ལ་ངེས་པ་རྙེད་པ་ཞིག་དགོས་པས་དེ་དག་ཀྱང་གཞན་
དུ་ཤེས་པར་བྱའོ། །ཐུན་མོང་མ་ཡིན་པ་རྒྱུད་འདི་ཉིད་ཀྱི་མངོན་པར་རྟོགས་པ་ལ། སྡེ་སྣོད་
གང་དུ་གཏོགས་པ་ངོས་བཟུང་བ་དང༌། ཐུན་མོང་མ་ཡིན་པའི་མཚན་གྱི་དགོས་དོན་དང༌། 
མི་ཡུལ་དུ་སུས་སྤྱན་དྲངས་པ་དང༌། རྒྱུད་ཀྱི་བསྡུས་པའི་དོན་བསྟན་པ་དང༌། རྒྱུད་གསུམ་གྱི་
རང་བཞིན་རྣམ་པར་བཞག་པ་སྟེ་དོན་ཚན་ལྔ་ལས། དང་པོ་ནི། མདོ་དང་སྔགས་གཉིས་ལས་
སྔགས་ཀྱི་ཐེག་པ་དང༌། དེ་ལ་རྒྱུད་སྡེ་བཞི་ལས་རྣལ་འབྱོར་བླ་ན་མེད་པ་སྟེ། དེ་ལ་ཡང་ཕ་
རྒྱུད་དང༌། མ་རྒྱུད་གཉིས་ལས་མ་རྒྱུད་ཅེས་བྱ་བ། ཤེས་རབ་ཀྱི་རྒྱུད་དམ་རྣལ་འབྱོར་མའི་
རྒྱུད་ཅེས་ཀྱང་བྱ་བར་གཏོགས་ཏེ། དེ་སྐད་དུ། རིག་པ་འཇིག་རྟེན་གསུམ་པོ་ན། ཁྱོད་དང་
མཉམ་པ་ང་ལས་མེད། ཅེས་མཧཱ་མ་ཡའི་རྒྱུད་འདིའི་རིག་སྔགས་ནི། ཡུམ་སངས་རྒྱས་མཁའ་
11-1-318


འགྲོ་མའི་རིག་སྔགས་ཡིན་པར་བཤད་ཅིང༌། སྔགས་དེ་ཉིད་ལྷ་མོའི་རིགས་སྔགས་ཡིན་ལ། 
དཀྱིལ་འཁོར་དང༌། ལས་ཚོགས་ཀྱི་ཆོ་ག་ཐམས་ཅད་སྔགས་དེ་ཉིད་ཀྱི་དབང་དུ་བྱས་པ་ཡིན་
པའི་ཕྱིར་རོ། །དེ་ལྟ་བུའི་རྣལ་འབྱོར་མའི་རྒྱུད་ལ་དབྱེ་ན་རིགས་དྲུག་ཏུ་ཡོད་པ་ལས། རིགས་
ཀྱི་གཙོ་བོ་ཧེ་རུ་ཀའི་རིགས་སུ་གཏོགས་ཤིང༌། ཡང་མ་རྒྱུད་ཀྱི་གཙོ་བོའི་དབང་དུ་མཛད་ནས། 
རྡོ་རྗེ་གུར་ལས། ཇི་སྐད་དུ། མཁའ་འགྲོ་སྡེ་དང་རྒྱ་མཚོ་སྡེ་དང་ནམ་མཁའ་དང༌། །གསེར་གྱི་
ཆར་པ་དང་ནི་དགའ་ཆེན་ཟ་ནུས་དང༌། །བདེ་ཆེན་སྒེག་པ་དང་ནི་གསང་བ་ཡིད་བདེ་དང༌། །
རྒྱུད་དེ་རྣམས་ལ་ཕན་པའི་རྡོ་རྗེ་མཁའ་འགྲོ་དང༌། །སངས་རྒྱས་ཐམས་ཅད་དགྱེས་པ་རྡོ་
རྗེའི་དཀྱིལ་འཁོར་དང༌། །གསང་བ་མཛོད་དང་རྡོ་རྗེ་བདུད་རྩི་ལས་བྱུང་བའི། །འཁོར་ལོ་
བདེ་མཆོག་གུར་དང་ཕུན་སུམ་ཚོགས་པ་རྣམས། །རྣལ་འབྱོར་མ་ཡི་རྒྱུད་ནི་དྲུག་པར་གྲགས་
པ་ཡིན། །ཞེས་གསུངས་ཏེ་མ་རྒྱུད་བཅུ་བཞི་ལས་འདི་ནི་གསང་བ་ཡིད་བདེའོ། །འདི་ལ་
རྒྱ་བོད་གཉིས་ན་བཤད་རྒྱུད་རང་རྐང་པ་ནི་མེད་ལ། གསང་བ་ཀུན་ལས་བཏུས་པ་ཞེས་བྱ་
བའི་རྒྱུད་ཀྱི་ལེའུ་འགའ་ཞིག་གིས་རྒྱུད་འདི་བཤད་པར་གྲགས་ནའང་དེ་ནི་ད་ལྟ་བོད་ན་མེད་
ཅིང༌། དཔལ་རྡོ་རྗེ་མཁའ་འགྲོའི་རྒྱུད་དུ། རྒྱུད་འདིའི་ཚིག་རགས་རིམ་རྣམས་འདྲེན་པར་
མཛད་ཅིང་ཅི་རིགས་པ་མི་གསལ་བ་གསལ་བའི་ཕྱིར་བཤད་པ་ཡང་མཛད་ལ། ཟླ་གསང་
ཐིག་ལེ་དང་ཅུང་ཟད་འབྲེལ་བ་དང༌། འདིའི་རྒྱུད་དོན་ཅི་རིགས་པ་སཾ་པུ་ཊིས་ཀྱང་ཅུང་ཟད་
འཆད་ཅིང་ཕག་མོ་དོན་གྲུབ་མའི་རྟོག་པ་དང༌། འཕྲེང་བའི་རིག་པ་འཛིན་མའི་རྟོག་པ་གཉིས་
ཀྱང་རྒྱུད་འདིའི་ཕྱོགས་མཐུན་དུ་སྣང་ངོ༌། །
གཉིས་པ་ནི། རྒྱུད་ཀྱི་རྒྱལ་པོ་འདི་ལེའུ་གསུམ་ཚིགས་སུ་བཅད་པ་དགུ་བཅུ་ལྷག་བཅས་
ཙམ་དང་ལྷ་ལྔའི་དཀྱིལ་འཁོར་ཁོ་ན་དང༌། མངོན་པར་རྟོགས་པ་ཡང་གཞན་ལས་མདོར་
བསྡུས་པར་གསུངས་པ་ནི། གང་ཟག་བསྡུས་པ་ལ་དགའ་བ་རྣམས་རྗེས་སུ་བཟུང་བའི་ཆེད་
11-1-319


ཡིན་ནོ། །གསུམ་པ་ནི། གྲུབ་པའི་སློབ་དཔོན་ཀུ་ཀུ་རཱི་པས་སྤྱན་དྲངས་པ་སྟེ། དེ་ཉིད་ཀྱི་ལོ་
རྒྱུས་སུ་ལྟའོ། །བོད་ཀྱི་ཡུལ་དུ་ཐོག་མར་འགོས་ཁུག་པས་བསྒྱུར་བཤད་མཛད་ཅིང༌། ལོ་ཙ་
བ་གཞན་དང་གཞན་གྱིས་ཀྱང་གཏན་ལ་ཕབ་མོད་ཀྱི། འདི་ནི་རྗེ་བཙུན་མར་པ་ལྷོ་བྲག་པ་
ནས་བརྒྱུད་པ་སྟེ། དེས་ཀྱང་སློབ་དཔོན་ཤནྟི་པའི་ལུགས་དང༌། ནག་པོ་པའི་ལུགས་དང༌། ནཱ་
རོ་པའི་མན་ངག་གི་ལུགས་གསུམ་རྫོགས་པར་གསན་ཞིང༌། སློབ་དཔོན་གཞན་གྱི་མན་ངག་
ཀྱང་ཅི་རིགས་པ་གསན་པར་གསལ་ལ། ཕྱིས་སློབ་དཔོན་ཀུ་ཀུ་རཱི་པ་ཉིད་ལ་ཡེ་ཤེས་ཀྱི་སྣང་
བའི་ཚུལ་གྱིས་དངོས་སུ་གནང་བ་ནོད་པ་ཡིན་ནོ། །རྣམ་ཐར་ཡོངས་ཁྱབ་ལྷད་ཅན་རྣམས་སུ། 
ཀུ་ཀུ་རཱི་པ་དང་ཞི་བ་བཟང་པོ་གཅིག་པར་འདོད་པ་ནི་མུན་སྤྲུལ་ཏེ། ཞི་བ་བཟང་པོ་ནི་མར་
འགོས་གཉིས་ཆར་ཀྱི་བླ་མ། རྗེ་མར་པས་ཀྱང་རྒྱུད་སྡེ་གཞན་མང་པོ་གསན་པའི་བླ་མའང་
ཡིན་མོད་ཀྱི། དེ་ཉིད་མཧཱ་མ་ཡའི་རྒྱུད་ལ་ཆེས་མཁས་ཤིང་གྲུབ་པ་བརྙེས་པ་ཡིན་པས། མཧཱ་
མ་ཡ་བླ་མ་ཐར་པའི་ལམ་སྟོན་ཀྱི་རྗེས་སུ་འབྲངས་ཞེས། གཙོ་བོར་ནག་པོ་ཤནྟི་བྷ་དྲ་དང་
བཞེད་པ་མཐུན་ལ། དཔལ་ནཱ་རོ་པའི་མན་ངག་གི་ཁྱད་པར་ཅུང་ཟད་ཙམ་གྱིས་བརྒྱན་པའོ། །
འདིར་དབང་རྒྱུད་མན་ངག་གསུམ་ཆར་མར་ལུགས་ཀྱིས་གཞུང་བསྲངས་ནས། གྲུབ་ཆེན་ཞི་
བ་སྦས་པའི་མན་ངག་ལེགས་ཆས་ཅུང་ཟད་བརྒྱན་པར་བྱའོ། །
བཞི་པ་ནི། རྒྱུད་ཀྱི་ཆིངས་སམ་བསྡུས་པའི་དོན་ཏེ་རྗེ་མར་པའི་ཞལ་ནས། ངས་གསང་
སྔགས་ཀྱི་པོ་ཏི་གང་བཤད་ཀྱང༌། པོ་ཏི་དེའི་དཀྱུས་སྟོད་སྨད་ཀྱི་དོན་ཐམས་ཅད་ཐུན་ཆུང་
གཅིག་གི་ནང་དུ་བསྡུས་ནས། སློབ་མའི་བློ་ལ་སྐྱེལ་ཤེས་པ་ཡིན་གསུང་སྟེ། འདིར་དོན་གྱི་
གཙོ་བོ་སུམ་ཅུ་རྩ་གཉིས་སུ་བསྡུའོ། །དེ་ཡང༌། ས་ཆོག །སྟ་གོན། དཀྱིལ་འཁོར་ཞག་གི་ཆོ་
ག་དབང་བསྐུར་བ་སྟེ་བཞིའམ། ཡང་ན་བུམ་དབང༌། གསང་དབང༌། ཤེས་རབ་ཡེ་ཤེས་ཀྱི་
དབང༌། བཞི་པ་ཚིག་དབང་སྟེ་དབང་གི་མངོན་རྟོགས་བཞི་པོ་ངོ་བོ་ཐབས་རྒྱུད་ཡིན་ཡང༌། 
11-1-320


རྒྱུ་རྒྱུད་བསོས་འདེབས་བྱེད་ཡིན་པའི་ཕྱིར། རྒྱུ་རྒྱུད་ཀྱི་མངོན་རྟོགས་སུ་མཛད་ལ། དམན་
པ་དབྱིབས་ཀྱི་རྣལ་འབྱོར་རིགས་གཉིས་འཁོར་ལོ་སྔགས་ཀྱི་རྣལ་འབྱོར། ཐིག་ལེ་སྔགས་
ཀྱི་རྣལ་འབྱོར། ཕྲ་མོ་སྔགས་ཀྱི་རྣལ་འབྱོར། འོག་སྒོ་སྔགས་ཀྱི་རྣལ་འབྱོར། མཐར་ཐུག་
ཆོས་ཀྱི་རྣལ་འབྱོར། རྣལ་འབྱོར་གྱི་དམ་ཚིག་སྟེ་བརྒྱད་ནི་ཐབས་རྒྱུད་ཀྱི་མངོན་རྟོགས་དང༌། 
ལས་ཆེན་བརྒྱད་ཐུན་མོང་གི་དངོས་གྲུབ་བརྒྱད། མཆོག་གི་དངོས་གྲུབ་ལ་སྐུ་བཞི་སྟེ། ཉི་ཤུ་
ནི་འབྲས་རྒྱུད་ཀྱི་མངོན་རྟོགས་སོ། །དེ་རྣམས་སུ་རྒྱུད་དོན་མཐའ་དག་འདུས་པ་མ་ཡིན་ཀྱང་
སྒྲུབ་པ་པོ་ལ་ཉེ་བར་མཁོ་བའི་དོན་གྱི་གཙོ་བོ་ཐམས་ཅད་ཚང་བ་ཡིན་ནོ། །ཡང་ན། སྒོམ་བྱ་
དངོས་པོའི་གནས་ལུགས། སྒོམ་པ་པོ་གང་ཟག་གི་མཚན་ཉིད། ཇི་ལྟར་སྒོམ་པའི་ཚུལ། དེ་
ལྟར་སྒོམས་པའི་འབྲས་བུ་སྟེ་བཞི་ལས། དང་པོ་ནི། ལུས་སེམས་ཀྱི་གནས་ལུགས་སོགས་
སོ། །
གཉིས་པ་ནི་དབང་བཞི་རྫོགས་པར་ཐོབ་པ་དང༌། དམ་ཚིག་མ་ཉམས་པ་དགོས་པས་
དེའི་རྣམ་གཞག་གོ །གསུམ་པ་ནི་སྔགས་དབྱིབས་ཆོས་གསུམ་སྤྱོད་པ་དང་བཅས་པའོ། །
བཞི་པ་ནི་ལས་དང་དངོས་གྲུབ་སྟེ། བཞི་པོ་འདིས་ནི། རྒྱུད་དོན་མ་ལུས་པ་ཡོངས་སུ་རྫོགས་
པར་བསྡུས་སོ། །ལྔ་པ་ལ། རྒྱུ་རྒྱུད་ཀྱི་རང་བཞིན་བསྟན་པ། ཐབས་རྒྱུད་ཀྱི་རིམ་པ་བཤད་པ། 
འབྲས་རྒྱུད་ཀྱི་རྣམ་པར་བཞག་པ་དང་གསུམ་མོ། །དང་པོ་ལ། སེམས་རང་བཞིན་གྱི་འོད་
གསལ་བ་ནི་ཆོས་ཐམས་ཅད་ཀྱི་ཆོས་ཉིད་ཡིན་པ་དང༌། རང་བཞིན་གྱི་རྣམ་པར་དག་པ་དང༌། 
འཁོར་བའི་ཆོས་ཐམས་ཅད་ཀྱི་དབྱིངས་དང༌། མྱ་ངན་ལས་འདས་པའི་ཆོས་ཐམས་ཅད་ཀྱི་
རྟེན་དང༌། རང་གི་རིག་པའི་བདག་ཉིད་དུ་གནས་པ་སྟེ་ཁྱད་པར་ལྔ་ལས། དང་པོ་ནི། གང་
ཞིག་གིས་ནི་ཀུན་ཁྱབ་པ། །ཞེས་དང༌། སེམས་དང་སེམས་མེད་སེམས་རང་བཞིན། །ཞེས་པ་
ལ་སོགས་པས་བསྟན། གཉིས་པ་ནི། ཆོས་རྣམས་རང་བཞིན་འོད་གསལ་བ། །གདོད་ནས་
11-1-321


དག་ཅིང་རྙོག་པ་མེད། །ཅེས་དང༌། 
གསུམ་པ་ནི། འཇིག་རྟེན་གསུམ་པོ་ཡང་སྤྲོའོ། །ཞེས་དང༌། བཞི་པ་ནི། ཚངས་ལ་སོགས་
པ་བདག་ཉིད་ཆེ། །ཞེས་དང༌། ལྔ་པ་ནི། སྒྲུབ་པའི་དབང་ཕྱུག་རིག་པ་ཉིད། །ཅེས་པས་བསྟན་
ནོ། །དེ་ཡང་རགས་པར་ན་རྒྱུ་རྒྱུད་ནི་རྟེན་གྱིས་གང་ཟག་སྟེ། དབང་བཞི་ཐོབ་པའི་ཁྱད་པར་
དང་ལྡན་པའོ། །དེ་ཡང་ཞིབ་མོར་ན་དེའི་སེམས་རྒྱུད་དོ། །དེའི་ཕྱིར་རྒྱུ་རྒྱུད་དངོས་ནི་སེམས་
རང་བཞིན་གྱིས་འོད་གསལ་བ་ཡིན་ལ། རྒྱུ་རྒྱུད་ཀྱིས་བསྡུས་པ་ནི། འཁོར་བའི་ཆོས་ཐམས་
ཅད་ཀྱང་ཡིན་ནོ། །
གཉིས་པ་ལ། སྨིན་བྱེད་དབང་བཞི། གྲོལ་བྱེད་རིམ་པ་གཉིས། བསྲུང་བྱ་དམ་ཚིག །ཉེ་
རྒྱུ་སྤྱོད་པ། བགྲོད་བྱ་ལམ་གྱི་རྣམ་གཞག་སྟེ་ལྔ་ལས། དང་པོ་ནི། སྒྱུ་འཕྲུལ་ཆེན་མོ་རབ་སྦྱོར་
བས། །ཞེས་སོགས་ཀྱིས་དཀྱིལ་འཁོར་སྒྲུབ་པ་བསྟན། སངས་རྒྱས་ཐམས་ཅད་འཕྲོག་པ་
དང༌། ཞེས་པའི་སངས་རྒྱས་ཐམས་ཅད་ཅེས་པས་བུམ་དབང་བསྟན། འཕྲོག་པ་དང༌། ལྷ་
མཆོག་ལས་སྐྱེས་བུ་མོ་སྤྱད། ཅེས་པས་གསང་དབང་བསྟན། རྣལ་འབྱོར་དབང་ཕྱུག་བྱེད་
རིག་པ། །ཞེས་པས་ཤེས་རབ་ཡེ་ཤེས་ཀྱི་དབང་བསྟན། དེ་བཞིན་དུ་ནི་ཞེས་པས་དབང་
བཞི་པ་བསྟན་ཏེ། ཚིགས་སུ་བཅད་པ་དེ་ཉིད་ལ་སྒྲ་ཇི་བཞིན་པ་མ་ཡིན་པའི་བཤད་པའི་དོན་
ནོ། །མན་ངག་གཞན་ལས་ནི། མིག་འཕྲུལ་བྱེད་ཅེས་པའི་ཚིག་ཀྱང་དབང་བཞི་པ་སྟོན་བྱེད་
དུ་མཛད་དེ་ཤིན་ཏུ་ལེགས་སོ། །གཉིས་པ་ལ། བསྐྱེད་རིམ་དང༌། རྫོགས་རིམ་གཉིས། དང་
པོ་ནི། དམན་པ་དབྱིབས་ཀྱི་རྣལ་འབྱོར་ཏེ། འདི་ལ་ཡང་རང་བཞིན་དབྱིབས་ཀྱི་རྣལ་འབྱོར་
དང༌། སྤྲུལ་པ་དབྱིབས་ཀྱི་རྣལ་འབྱོར་གཉིས་ལས། དང་པོ་ནི། སྐད་ཅིག་གམ་ས་བོན་ལས་
བསྐྱེད་པ་ཙམ་གྱི་ཆོ་ག་མདོར་བསྡུས་པས་སྒོམ་ཞིང༌། བསྒོམ་བྱའི་ལྷ་ཡང་སྤྲུལ་གཞི་རྡོ་རྗེ་
སེམས་དཔའ་ཉིད་བསྒོམ་པའི་ལྷའི་རྣལ་འབྱོར་ཡིན་ལ། ཕྱི་མ་ནི་ཆོ་ག་རྒྱས་བསྡུས་གང་
11-1-322


ཡིན་ཀྱང་རུང་སྟེ། བསྒོམ་བྱ་ལྷ་ནི་ཧེ་རུ་ཀའམ་མཁའ་འགྲོ་མ་བསྒོམ་པའོ། །འདིར་མན་ངག་
གཞན་གྱི་དགོངས་པ་ལྟར་རང་བཞིན་དབྱིབས་ཀྱི་རྣལ་འབྱོར་ལ་བསྐྱེད་རྫོགས་གཉིས་ཀའི་
ཆ་ཡོད་དེ། རྫོགས་རིམ་གྱི་ལྷ་སྐུ་ཐམས་ཅད་རང་བཞིན་དབྱིབས་ཀྱི་རྣལ་འབྱོར་ཡིན་ལ། 
བསྐྱེད་རིམ་དུ་གཏོགས་པ་ནི་གོང་དུ་བཤད་པ་བཞིན་ཏེ། དེ་ལྟར་ན། དབྱིབས་ཀྱི་རྣལ་འབྱོར་
ལ་ཡང༌། དམན་པ་དབྱིབས་ཀྱི་རྣལ་འབྱོར་བསྐྱེད་རིམ་ཁོ་ནར་ངེས་པ་དང༌། མཆོག་དབྱིབས་
ཀྱི་རྣལ་འབྱོར་རྫོགས་རིམ་ཁོ་ནར་ངེས་པའོ། །དེའི་ཕྱིར་བསྐྱེད་རྫོགས་ཐམས་ཅད་སྔགས་
དབྱིབས་ཆོས་གསུམ་དུ། འདུ་ཡང་དམན་པ་དབྱིབས། ཟབ་པ་སྔགས། མཐར་ཐུག་ཆོས་
ཞེས་བྱ་བ་གསུམ་དུ་མི་འདུ་ཞིང༌། དེ་ལྟར་འཆད་པ་ནི་ཉམས་སུ་བླང་བྱའི་གཙོ་བོ་གསུམ་
བསྡུས་པའི་དབང་དུ་བྱས་པ་སྟེ། སྔོན་བསྐྱེད་རིམ་ལ་གོམས་པ་ཞིག་གིས་རྫོགས་རིམ་བསྒོམ་
པའི་ཚེ་ལྷ་སྐུ་ཆེད་དུ་མ་བསྒོམས་ཀྱང་རང་ཤུགས་ཀྱིས་འཆར་བ་སོགས་རྒྱུ་མཚན་དུ་མ་སྣང་
བས་སོ་ཞེས་པ་འདི་རང་ལུགས་སུ་བཟུང་བར་བྱའོ། །འདིར་ཧེ་རུ་ཀ་ལྷ་ལྔའི་བསྐྱེད་པའི་རིམ་
པའི་དོན་ཅུང་ཟད་བཤད་པར་བྱ་སྟེ། དེ་ལ་ཆོས་བཅུ་བཞི་ལས། དང་པོ་བླ་མ་དག་པའི་ཆོ་ག་
ནི། སྦྱང་བྱ་སྐྱེ་བ་སྔ་མར་འཕེན་འགྲུབ་ཀྱི་ལས་གསོགས་པ་སྦྱོང་ཞིང༌། སྦྱངས་འབྲས་བསོད་
ནམས་ཀྱི་ཚོགས་གསོག་པ་མཚོན། གཉིས་པ་ཚད་མེད་བཞི་བསྒོམ་པ་ཡང་ཡུལ་མཆོག་
དམན་གྱི་ཁྱད་མ་གཏོགས་དེ་དང་དོན་མཐུན་ཞིང་ལྷ་རྣམས་སྙིང་རྗེ་ཆེན་པོར་འཆར་བར་
བྱེད། གསུམ་པ་སྟོང་ཉིད་བསྒོམས་པས། འཆི་བ་སྦྱོང་ཞིང་ཆོས་སྐུ་ལམ་དུ་བྱེད། རྫོགས་རིམ་
བསྒོམ་པའི་དུས་ན་རླུང་སེམས་སྙིང་ཁར་འདུས་པའི་འོད་གསལ་འཆར་བར་འགྱུར་བའི་རྒྱུ་
གྲུང་པོ་བྱེད་ཅིང༌། སྣང་བ་སྟོང་ཉིད་དུ་འཆར་བ་དང༌། དཀྱིལ་འཁོར་གྱི་འཁོར་ལོ་གཉིས་སུ་
མེད་པའི་ཡེ་ཤེས་ཀྱི་ཆོ་འཕྲུལ་དུ་ཤེས་པའི་དགོས་པ་ཡོད་དོ། །
བཞི་པ་བསྲུང་འཁོར་ནི། གཙོ་བོར་བར་ཆད་བསྲུང་བའི་ཆེད་ཡིན་ལ། སྐྱེ་བ་ལེན་པ་ལ་
11-1-323


གེགས་མེད་པ་དང༌། བདུད་བཞི་བཅོམ་པ་མཚོན། ལྔ་པ་རྟེན་དང་བཅས་པའི་འཁོར་གྱི་ལྷ་
བསྐྱེད་པ་ལ། ལྷའི་གནས་བསྐྱེད་པ་དང༌། ལྷ་དངོས་བསྐྱེད་པ་གཉིས་ལས། དང་པོ་ནི་ཆོས་
འབྱུང་གིས་ནམ་མཁའ་མཚོན་ཞིང་དཀྱིལ་འཁོར་བདེ་སྟོང་དུ་ཤེས་པར་བྱེད། འབྱུང་བཞི་རི་
རབ་གཞལ་ཡས་ཁང་དང་བཅས་པ་གྲུབ་པ་ནི། སྣོད་ཀྱི་འཇིག་རྟེན་དང༌། ཡེ་ཤེས་ཀྱི་གཞལ་
མེད་ཁང་མཚོན། རྫོགས་རིམ་གྱི་རྟེན། སྤྱི་བོ་རླུང༌། མགྲིན་པ་མེ། སྙིང་ཁ་ཆུ། ལྟེ་བ་ས། དབུ་
མ་རི་རབ། པདྨ་རྩ་འཁོར། རྡོ་རྗེ་ནི་འབྱུང་བའི་ཁམས་ཀྱི་དྭངས་མ་རྣམས་མཚོན་ལ་དེའི་ཚེ་
ལྷ་བསྐྱེད་པ་ནི་རྫོགས་རིམ་གྱི་ཡེ་ཤེས་སོ། །གཉིས་པ་ནི། མའི་མངལ་གྱི་གནས་དང༌། ཐུན་
མོང་མ་ཡིན་པའི་ཞིང་རྣམ་པར་དག་པ་དབུས་ཀྱི་པདྨ་ཡིན་ལ། ཧྲིཿཡིག་ནི་བར་དོའི་རྣམ་
ཤེས། དེ་ནས་བྱུང་བའི་ཐིག་ལེའི་གོང་བུ་ནི་མངལ་དུ་གནས་པའི་ཁུ་ཁྲག་དང་སྤྲུལ་སྐུ་དང་
སྐུ་རྡོ་རྗེ། ཡིག་འབྲུ་ནི་བར་དོའི་རླུང་སེམས་དེར་ཞུགས་པ་དང་ལོངས་སྐུ་དང་གསུང་རྡོ་རྗེ། 
ཕྱག་མཚན་ས་བོན་གྱིས་མཚན་པ་ནི་ཡན་ལག་དང་དབང་པོ་རྣམས་དོད་པ་དང་ཆོས་སྐུ་དང་
ཐུགས་རྡོ་རྗེ། འོད་ཟེར་སྤྲོ་བསྡུ་ནི་ལུས་འཕེལ་བ། ཞལ་ཕྱག་རྫོགས་པ་ནི་མངལ་ནས་བཙས་
པ་དང་བདེ་བ་ཆེན་པོའི་སྐུ་མཚོན་ནོ། །དྲུག་པ་གླུས་བསྐུལ་བ་ནི། དབུས་ཀྱི་ཐིག་ལེའི་གོང་
བུ་ཁུ་ཁྲག་སེམས་གསུམ་གཅིག་ཏུ་འདུས་པའི་ངོ་བོ་འབྱུང་བཞིའི་ནུས་པས་འཕེལ་བ་དང་
ཚད་མེད་བཞིས་གཞན་དོན་ལ་བསྐུལ་བ་ཡིན་ནོ། །བདུན་པ་གཙོ་བོ་བསྐྱེད་པ་ལ། ས་བོན་ནི་
རྩ་དང་སྲོག་གི་རླུང་ཆགས་པ་སྟེ་ཕྱག་མཚན་མན་ཆད་གོང་དང་འདྲ། འདིའི་བསྐྱེད་ཆོག་ནི། 
སྐུ་བཞི་ལམ་དུ་བྱེད་པ་རིམ་པ་བཞི་བསྐྱེད་ཅེས་བྱ་བ་རིམ་པ་ལོགས་པ་ཞིག་ཡིན་ལ། སྒྲུབ་
ཐབས་གཞན་དང་གཞན་ལས་ནི་མངོན་བྱང་ལྔ་བསྐྱེད་དང༌། ཆོ་ག་གསུམ་བསྐྱེད་དང༌། འོད་
ཀྱི་གོང་བུ་ལས་བསྐྱེད་པ་དང༌། རྒྱུ་འབྲས་རྡོ་རྗེ་འཛིན་པའི་དབྱེ་བ་བྱེད་པ་སོགས་མང་དུ་ཡོད་
མོད། རྡོ་རྗེའི་ཚིག་གཅིག་ལ་དོན་དུ་མ་འཐད་ལྡན་དུ་འབྱུང་བའི་ཕྱིར་ཐམས་ཅད་ཀྱང་ལེགས་
11-1-324


པ་ཁོ་ན་སྟེ། འོན་ཀྱང་རྒྱུད་འདིའི་ཐུན་མོང་མ་ཡིན་པའི་དགོངས་པ་ནི་དཀྱུས་ཉིད་ཡིན་པར་
གསལ་ལོ། །
བརྒྱད་པ་ཡི་གེ་དགོད་པ་ནི་མིག་སོགས་སྐྱེ་མཆེད་རྫོགས་ཤིང་ལུས་ངག་ཡིད་གསུམ་
དང་རླུང་སེམས་ཀྱི་སྟོབས་འཕེལ་བ་དང༌། ཡོན་ཏན་མཐའ་དག་གིས་བརྒྱན་ཞིང་རྡོ་རྗེ་གསུམ་
གཅིག་ཏུ་གྱུར་པ་དང་སྐུ་གསུམ་མཉམ་པ་ཉིད་མཚོན། དགུ་པ་ཡེ་ཤེས་པ་བསྲེ་བ་ནི། ལོ་བཅུ་
དྲུག་གི་མཐར་ཚོར་བ་དང་འདུ་ཤེས་རྫོགས་པ་དང༌། སངས་རྒྱས་ཐམས་ཅད་ཡེ་ཤེས་མཉམ་
པ་ཉིད་དུ་གྱུར་པ་མཚོན། བཅུ་པ་དབང་བསྐུར་བ་ནི། རིགས་དང་མཐུན་པའི་ལས་ལ་དབང་
བསྒྱུར་བ་དང༌། དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བ་མཚོན། བཅུ་གཅིག་
པ་མཆོད་པ་དང༌། བཅུ་གཉིས་པས་བསྟོད་པ་དང༌། བཅུ་གསུམ་པ་བདུད་རྩི་མྱངས་བ་གསུམ་
ནི་རིམ་པས་སྐུ་དང་གསུང་དང་ཐུགས་རྡོ་རྗེ་གསུམ་མཉེས་ཤིང་བསྐུལ་བའི་ཆེད་དུ་ཡིན་ལ། 
འདོད་པའི་ཡོན་ཏན་ལ་ལོངས་སྤྱོད་པ་དང༌། ཡེ་ཤེས་ཀྱི་མཆོད་པ་རྒྱུན་མི་འཆད་པར་འབྱུང་
བ་མཚོན་ནོ། །
བཅུ་བཞི་པ། དག་པ་དྲན་པ་ནི། དེ་ལྟར་དཀྱིལ་འཁོར་གྱི་འཁོར་ལོ་བསྒོམ་པ་དེ་ཡང་
གཟུང་འཛིན་ཅན་གྱི་སྣང་བ་ལས་འདས་ཏེ་ཡང་དག་པའི་ཡེ་ཤེས་སུ་ཤེས་པའི་ཆེད་ཡིན་ལ། 
དེ་དག་གི་མཐར་ལྷར་སྣང་ལ་སེམས་བརྟན་པོར་སྒྲུབ་དགོས་པ་ཡིན་ནོ། །དེ་ཡང་ཐ་མལ་དུ་
སྣང་བ་བཟློག་པའི་དོན་དུ་ལྷའི་རྣམ་པ་ལ་བསླབ་པ་དང༌། ཐ་མལ་གྱི་ཞེན་པ་ལྡོག་པའི་དོན་
དུ་ལྷའི་ང་རྒྱལ་ལ་བསླབ་པ་གཉིས་ངེས་པར་དགོས་ཤིང་རེ་ཞིག་བསྐྱེད་རིམ་ཁོ་ན་བསྒོམ་
པའི་ཚེ་ལྷར་སྣང་དང༌། ང་རྒྱལ་དེ་ཡང་ཡང་དག་པའི་ཡེ་ཤེས་སུ་བསྒྱུར་བའི་ཕྱིར་དཀྱིལ་
འཁོར་སྒྱུ་མ་ལྟ་བུར་འཆར་བ་ལས་བསླབ་དགོས་ཤིང༌། བསྐྱེད་རྫོགས་ལྷན་གཅིག་ཏུ་སྒོམ་
པས་ནི་དེའི་བྱ་བ་རྫོགས་རིམ་གྱིས་འགྲུབ་པའི་ཕྱིར་ཆོས་ཀྱི་རྣལ་འབྱོར་ལས་གཞན་པའི་
11-1-325


སྟོང་པའི་རྒྱས་གདབ་མི་དགོས་སོ། །མཐར་དཀྱིལ་འཁོར་ཉེ་བར་བསྡུ་བ་ནི། འདུ་བྱེད་ཀྱི་
ཐ་མ་འཇིག་པར་འགྱུར་བ་ངེས་པར་སྦྱོང་ཤིང༌། སྤྲུལ་པ་སྣ་ཚོགས་པ་ཐམས་ཅད་ཀྱང་ཆོས་
ཀྱི་དབྱིངས་སུ་རོ་གཅིག་པས་མཚོན་ལ་རྫོགས་རིམ་ཀྱི་སྐབས་སུ་འོད་གསལ་འཆར་སླ་ཞིང་
གནས་སྐབས་འདི་ཉིད་དུ་ཡང་མི་རྟོག་པའི་ཏིང་ངེ་འཛིན་སྐྱེ་བ་དང༌། བྱིན་རླབས་བརྟན་པའི་
དགོས་པ་རྣམས་ཡོད་དོ། །དེ་ལྟར་བསྐྱེད་རིམ་དེ་ཉིད་ལམ་གྱི་གཙོ་བོ་ཡིན་ལ་ངག་གི་ཞེན་པ་
བཟློག་ཅིང་ལྷའི་ཐུགས་བརྒྱུད་བསྐུལ་བའི་ཕྱིར་བཟླས་པ་བྱེད་པ་དང༌། ལས་སྒྲུབ་ཅིང་བར་
ཆད་ཞི་བའི་ཕྱིར་གཏོར་མ་འབུལ་བ་དང༌། ཟས་ཀྱི་བྱ་བ་བསོད་ནམས་ཀྱི་ཚོགས་སུ་བསྒྱུར་
བའི་ཕྱིར་ཁ་ཟས་ཀྱི་རྣལ་འབྱོར་དང་སྤྱོད་པ་རྣམ་པར་དག་པའི་ཕྱིར་ཐུན་མཚམས་ཀྱི་རྣལ་
འབྱོར་དང༌། གཉིད་དགེ་བར་འགྱུར་བའི་ཕྱིར། ཉལ་བ་དང་ལྡང་བའི་རྣལ་འབྱོར་ཏེ། དེ་
རྣམས་རྣལ་འབྱོར་གྱི་ཡན་ལག་ཡིན་ནོ། །དེ་ལྟ་བུའི་བསྐྱེད་རིམ་གཞུང་དང་སྦྱར་བ་ནི། ཡིད་
ཀྱི་པདྨ་བསམ་བྱ་བ། །སོགས་ཀྱིས་རྟེན་གྱི་དཀྱིལ་འཁོར་བསྟན། གོང་བུར་སོང་བའི་འོད་དེ་
ཡི། སོགས་ལ་སྤྱི་དོན་གྱི་བཤད་པ་སྦྱར་བས། ཐིག་ལེའི་གོང་བུ་བསྟན། ཡི་གེ་དང་ནི་སྔགས་
གཟུགས་ཀྱི། ཞེས་པའི་ཡི་གེ་ཞེས་པའི་དོན་ཕྱོགས་གཅིག་གིས་ས་བོན་དང༌། སྔགས་ཞེས་
པའི་དོན་ཕྱོགས་གཅིག་གིས་ཕྱག་མཚན་དང༌། གཟུགས་ཞེས་པས་སྐུ་ཡོངས་སུ་རྫོགས་པ་
བསྟན་ཏེ། དེ་ཡང་ཤར་དུ་ཨུཏྤལ་སྔོན་པོའི་མདོག །ཅེས་སོགས་ཀྱིས་རྒྱས་པར་བཤད་དོ། །
བྱིན་གྱིས་རླབས་པ་ནི། ཡི་གེ་ཞེས་པའི་དོན་ཕྱོགས་གཅིག་དང༌། ཁྱད་པར་སྐྱེ་མཆེད་
བྱིན་རླབས་ནི། ཡི་གེ་དྲུག་དང་ཡང་དག་ལྡན། །ཞེས་སོགས་དང༌། སྐུ་གསུང་ཐུགས་བྱིན་
རླབས་ནི། དང་པོའི་སྔགས་དང་ཡང་དག་ལྡན། །ཞེས་སོགས་དང༌། དབང་བསྐུར་ནི། སངས་
རྒྱས་གཟུགས་ཀྱི་ཉེར་བརྒྱན་པའོ། །ཞེས་པ་དང༌། ཞུ་བ་གླུས་བསྐུལ་དང༌། བདུད་རྩི་མྱང་
བ་ནི། ལེའུ་གསུམ་པར། བརྒྱུད་པའི་ཐ་མར་ལེགས་གནས་པ། །ཞེས་པ་ནས་རྡོ་རྗེ་སེམས་
11-1-326


དཔའ་ཡང་དག་བསྐུལ། །ཞེས་པའི་བར་གྱིས་རྒྱས་པར་བསྟན་ཏེ། འདིའི་བདུད་རྩི་མྱང་བ་
ནི། གཞན་དང་ཐུན་མོང་མ་ཡིན་པ་ཞིག་གོ །བཟླས་པ་ནི། སྔགས་ཞེས་པ་དང༌། གང་ཞིག་
བསམ་པ་ཙམ་གྱིས་ནི། ཞེས་སོགས་དང༌། བཟང་པོའི་ཡི་གེའི་འཕྲེང་བ་རྣམས། །ཞེས་པའི་
དོན་ཕྱོགས་གཅིག་གིས་བསྟན། གཏོར་མའི་ཆོ་ག་ནི། ཡི་གེ་གོ་བཟློག་སྦྱོར་བ་ཡི། སོགས་
ཀྱིས་ཤུགས་ལ་འཕངས་པ་ཡིན་ནོ། །ལྷག་མ་རྣམས་ནི་བསྐྱེད་རིམ་སྤྱིའི་འགྲོས་སྦྱར་བར་
ཤེས་པར་བྱའོ། །
གཉིས་པ་རྫོགས་རིམ་ལ། སྔགས་ཀྱི་རྣལ་འབྱོར་དང༌། ཆོས་ཀྱི་རྣལ་འབྱོར་དང༌། སྒྱུ་མ་
གསུམ་རྒྱུད་དང་འབྲེལ་བ་རྣམས་སོ། །དང་པོ་ལ་སྟེང་སྒོ་སྔགས་ཀྱི་རྣལ་འབྱོར་དང༌། འོག་
སྒོ་སྔགས་ཀྱི་རྣལ་འབྱོར་རོ། །དང་པོ་ལ་ཡང་འཁོར་ལོ་སྔགས་ཀྱི་རྣལ་འབྱོར་དང༌། ཐིག་ལེ་
སྔགས་ཀྱི་རྣལ་འབྱོར་དང༌། ཕྲ་མོ་སྔགས་ཀྱི་རྣལ་འབྱོར་རོ། །དང་པོ་ལ་མན་ངག་གི་དབྱེ་
བས། འཁོར་ལོ་གཅིག་ལ་བརྟེན་པ་དང༌། འཁོར་ལོ་གཉིས་ལ་བརྟེན་པ་དང༌། འཁོར་ལོ་
བཞི་ལ་བརྟེན་པ་སྟེ་གསུམ་ཡོད་ཀྱང་རྡོ་རྗེའི་ཚིག་གཅིག་གིས་བསྟན་ཏེ། ཨཱ་ལི་ཀཱ་ལི་མཉམ་
བྱས་ཏེ། སོགས་ཀྱིས་སོ། །འདི་ནི་རྒྱུད་སྡེ་གཞན་ལས་གསུངས་པའི་གཏུམ་མོ་མེ་དམིགས་
ཀྱི་རྣལ་འབྱོར་རོ། གཉིས་པ་ལ། སྟེང་གི་སྣ་རྩེ་དང་འབྲེལ་བ་སྙིང་ཁར་བསྒོམ་པ་དང༌། ལུས་
ཀྱི་དབུས་སུ་བསྒོམ་པ་དང༌། འོག་གི་སྣ་རྩེར་བསྒོམ་པ་དང་གསུམ་ཡོད་ལ། དང་པོ་ལ། སློབ་
དཔོན་སོ་སོའི་མན་ངག་གི་དབྱེ་བས་གདམས་ངག་ཐ་དད་པ་ཡོད་ཀྱང་ངོ་བོ་ནི་སྙིང་ཁའི་ཐིག་
ལེར་གཅིག་ཅིང༌། དེ་ཡང༌། བཟང་པོའི་ཡི་གེའི་འཕྲེང་བ་རྣམས་ཞེས་པས་བསྟན། གཉིས་
པ་ནི། གོང་བུར་སོང་བའི་འོད་དེ་ཡི་སོགས་ལ་སྦས་དོན་གྱི་བཤད་པའི་ཕྱོགས་གཅིག་གིས་
བསྟན། གསུམ་པ་ནི། རྟག་ཏུ་ཤེས་རབ་ཐབས་སོགས་ཀྱི། །ཞེས་པའི་ནང་བཤད་དང༌། 
བརྒྱད་པའི་མཐའ་མར་ལེགས་གནས་པ་སོགས། མཁའ་གསང་བྱིན་རླབས་སྟོན་པའི་ཚིག་
11-1-327


རྣམས་ཉིད་ཀྱིས་བསྟན་ནོ། །གསུམ་པ་ཕྲ་མོ་སྔགས་ཀྱི་རྣལ་འབྱོར་ལ། རྡོ་རྗེའི་བཟླས་པ་དང་
འབྲེལ་བ་རྣམས་དང༌། བུམ་པ་ཅན་དང་འབྲེལ་པ་རྣམས་སོ། །
དང་པོ་ལ་མན་ངག་མང་དུ་ཡོད་ཀྱང་སྟོན་བྱེད་ཀྱི་ཚིག་ནི། གང་ཞིག་བསམ་པ་ཙམ་གྱིས་
ནི། སོགས་ཏེ་སྒྲ་ཇི་བཞིན་པས་བཤད་པའོ། །གཉིས་པ་ལ་གཉིས་ཀྱི་བཙན་ཐབས་སུ་དགག་
པ་ནི། མིག་གཉིས་དང་ནི་རྣ་བ་དང༌། །ཞེས་སོགས་ཀྱིས་བསྟན་ཅིང༌། སྦྱོར་བས་དགག་པ་
ནི། སྲོག་དང་རྩོལ་བ་བསྡམས་ནས་སུ། །ཞེས་པས་བསྟན། གཉིས་པ་འོག་སྒོ་སྔགས་ཀྱི་
རྣལ་འབྱོར་ནི། ངེས་པ་མེད་སོགས་དང༌། རྟག་ཏུ་ཤེས་རབ། སོགས་དང༌། བདུད་རྩི་མྱང་
བའི་ཚིག་དང༌། སྤྱོད་པ་སྟོན་པ་རྣམས་ཀྱིས་ཀྱང་འཆད་དོ། །གཉིས་པ་ཆོས་ཀྱི་རྣལ་འབྱོར་ནི། 
གང་གང་དབང་པོའི་ལམ་ལས་ནི། །སོགས་ཀྱིས་གསལ་བར་བསྟན་ཞིང༌། ཤེས་བྱ་གཤིས་
ཀྱི་གནས་ལུགས་འཆད་པ་རྣམས་ཀྱིས་ཀྱང་དོན་གྱིས་བསྟན་པ་ཡིན་ནོ། །གསུམ་པ་སྒྱུ་མ་
གསུམ་རྒྱུད་ཀྱི་གདམས་པ་དང་འབྲེལ་བ་བསྟན་པ་ནི། སྒྱུ་ལུས་དང༌། འོད་གསལ་གཉིས་
སུ་འདུ་ཞིང༌། དང་པོ་ལ་ཡང་མཉམ་རྗེས་གཉིས་སུ་དབྱེ། {དེས་ན། [དེ་ནས་]འོད་གསལ་
ཆོས་སྐུའི་ལམ་དང༌། མཉམ་བཞག་སྒྱུ་མ་ལོངས་སྐུའི་ལམ་དང༌། རྗེས་ཐོབ་སྒྱུ་མ་སྤྲུལ་སྐུའི་
ལམ་སྟེ། ཇི་ལྟར་སྐུ་གསུམ་མཆོག་སྟེར་བ། །ཞེས་པས་བསྟན་ནོ། །རྣལ་འབྱོར་གཉིད་དང་
ཡང་དག་ལྡན། །ཞེས་པས་གཉིད་ཀྱི་འོད་གསལ་གཙོ་བོར་གྱུར་པའི་འོད་གསལ་གྱི་གདམས་
ངག་བསྟན་ལ། རླུང་སེམས་ཙམ་ལས་གྲུབ་པའི་སྒྱུ་ལུས་ཀྱི་ཁྱད་ཆོས་རླུང་སེམས་ལྷ་སྐུའི་རྣམ་
པར་གྱུར་པ་ནི། གོང་བུར་སོང་བའི་འོད་དེ་ཡི། །ཞེས་པའི་སྦས་བཤད་པ་དང༌། རྒྱན་རྣམས་
ཐམས་ཅད་ཡོངས་རྫོགས་པ། །ཞེས་པའི་དོན་ཕྱོགས་གཅིག་དང༌། དཔག་ཚད་བརྒྱའི་ཁྱོན་
ཙམ་དུ། །འདི་ནི་རབ་ཏུ་སྣང་བར་བྱེད། །ཅེས་པ་རྣམས་ཀྱིས་བསྟན་ཞིང༌། དེ་ཉིད་འཇིག་རྟེན་
པའི་ལྷའི་མིག་གིས་མི་མཐོང་བ་ནི། ཐམས་ཅད་ཀྱིས་ནི་མི་མཐོང་ཞིང༌། ཞེས་པས་བསྟན། 
11-1-328


དེ་དག་གཙོ་བོར་མཉམ་བཞག་སྒྱུ་མ་ཡིན་ཞིང༌། རྗེས་ཐོབ་སྒྱུ་མ་ནི། སྟོང་ཕྲག་གཅིག་ཏུ་སྣང་
བར་འགྱུར། ཞེས་པའི་ཚིག་གིས་འཕངས་པ་ཡིན་ནོ། །སྒྱུ་མ་དེ་སྤྱོད་པ་ལ་བལྟོས་པ་ནི། གང་
གི་ཤེས་པའི་དངོས་གྲུབ་ཀྱིས་སོགས་དང༌། ཕྱག་རྒྱ་ལ་བལྟོས་པ་ནི། རྣལ་འབྱོར་མ་ཡི་གྲུབ་
སྦྱོར་བས། སོགས་སོ། །
དེ་ལྟར་རྒྱུད་ཀྱིས་ཇི་སྐད་བསྟན་པའི་ཚུལ་མདོ་ཙམ་དུ་ཤེས་ནས། དེ་དག་གི་སྙིང་པོ་ཅུང་
ཟད་ཙམ་བརྗོད་ན། སྒྲུབ་པོ་མཐའ་དག་གིས། མཐར་ཐུག་ཆོས་ཀྱི་རྣལ་འབྱོར་ཐོག་མཐའ་
བར་གསུམ་གྱི་གནས་སྐབས་ཐམས་ཅད་དང༌། འོག་སྒོ་སྔགས་ཀྱི་རྣལ་འབྱོར་དུས་སྐབས་ཅི་
རིགས་པར་སྒྲུབ་དགོས་པ་ཁོ་ན་ཡིན་ལ། སྟེང་སྒོ་སྔགས་ཀྱི་རྣལ་འབྱོར་རྣམ་གྲངས་མང་པོ་
དེ་དག་ལས་གང་ཡང་རུང་བ་གཅིག་ནི་ངེས་པར་བསྒོམ་དགོས་ཀྱང༌། ཐམས་ཅད་གང་ཟག་
གཅིག་གིས་ངེས་པར་བསྒོམ་དགོས་པར་ནི་མ་ངེས་ཏེ། ཤིན་ཏུ་བརྩོན་པས་རིང་དུ་གོམས་པ་
ལས་ནི་རེ་རེས་ཀྱང་དྲོད་ཆུང་ངུའི་རྟོགས་པ་བསྐྱེད་པར་ནུས་ཏེ། དེ་ནས་འོག་སྒོའི་རྣལ་འབྱོར་
ལ་བརྟེན་ཏེ། དྲོད་ཆེན་པོ་དང༌། རྩེ་མོའི་བར་དུ་བགྲོད་པར་ནུས་པ་ཡིན་ནོ། །དེས་ན་རྣལ་
འབྱོར་འདི་རྣམས་ལ་ལམ་ཁྲིགས་ཆགས་ཀྱི་དབང་དུ་བྱས་པ་དང༌། ལམ་བློ་ཆོད་ཀྱི་དབང་
དུ་བྱས་པ་གཉིས་ལས། དང་པོ་ལྟར་ན་ཐམས་ཅད་གང་ཟག་གཅིག་གི་ཆ་རྐྱེན་དུ་སྡེབས་པ་
ཡིན་ཏེ། དེ་ཡང་བསྐྱེད་པའི་རིམ་པ་ལ་ཅུང་ཟད་བརྟན་པའི་གང་ཟག་གིས་དང་པོར་རླུང་སྦྱང་
བར་བྱ་བའི་ཕྱིར་ཕྲ་མོ་སྔགས་ཀྱི་རྣལ་འབྱོར་ལ་ཅུང་ཟད་བསླབ། དེ་ནས་ཐོག་མར་ཐུར་སེལ་
གྱི་རླུང་དབང་དུ་བྱེད་པའི་ཕྱིར། འོག་གི་སྣ་རྩེ་ལ་གནད་དུ་བསྣུན་པའི་སྔགས་ཀྱི་རྣལ་འབྱོར་
བསྒོམ། དེས་གསང་བའི་རྩ་མདུད་གྲོལ་བའམ་ལྷོད་པོར་སོང་བ་ན། དེའི་རྐྱེན་གྱིས་སྙིང་ཁའི་
རྩ་མདུད་ཀྱང་འབྱེད་པར་སླ་བའི་ཕྱིར་སྙིང་ཁར་སྒོམ་པ་ལ་བསླབ་བོ། །དེ་ཉིད་སྟེང་གི་སྣ་རྩེ་
དང་ཡང་འབྲེལ་བས། སྲོག་རླུང་གི་བྱ་བ་བྱེད་པའི་གནས་སྙིང་ཁ་གཙོ་བོར་གྱུར་པའི་ལུས་དེ་
11-1-329


ཡན་ཆད་ཀྱི་རྩ་འཁོར་ཐམས་ཅད་ཀྱི་རྩ་མདུད་འཇིག་ཅིང་དག་པར་བྱེད་དོ། །དེ་དག་གིས་
རྩ་མདུད་གྲོལ་བའམ་ལྷོད་པོར་སོང་བ་ན། རང་ལུས་ལ་བརྟེན་པའི་དགའ་བཞི་རྫོགས་པར་
བསྐྱེད་པའི་ཕྱིར་འཁོར་ལོ་སྔགས་ཀྱི་རྣལ་འབྱོར་བསྒོམ་སྟེ། ཡུར་བ་ལེགས་པར་བཅོས་ནས་
ཆུ་འདྲེན་པ་ལྟར་རྩའི་ལམ་རྣམས་བྱང་པ་ན། གཏུམ་མོ་ལ་བརྟེན་ནས་དགའ་བཞི་འདྲེན་པ་
ཡིན་ནོ། །
དེས་ཀྱང་ཁམས་ཕྲ་མོ་རྣམས་ཐིམ་དཀའ་བར་གྱུར་པ་ན། ཐིག་ལེ་སྔགས་ཀྱི་རྣལ་འབྱོར་
ལུས་ཀྱི་དབུས་སུ་བསྒོམས་པས་ཁམས་ཕྲ་རགས་ཀྱི་ཐིམ་ཚུལ་ཅི་རིགས་པ་འཕྲལ་དུ་འབྱུང་
ཞིང༌། དེ་ཡན་ཆད་དུ་འོག་སྒོ་སྔགས་ཀྱི་རྣལ་འབྱོར་བསྒོམ་ཡང་རུང༌། མི་བསྒོམ་ཡང་རུང་
སྟེ། སྐབས་འདི་ཉིད་ནས་འོག་སྒོ་ངེས་པར་བོགས་འབྱིན་དགོས་ལ། དེ་ལ་བརྟེན་ནས་ལམ་
གྱི་ལྷན་སྐྱེས་སེམས་རྣམ་པར་དབེན་པ་མཐར་ཕྱིན་པ་ཐོབ་ཅིང༌། དེའི་སྐད་ཅིག་གཉིས་
པར་རླུང་སེམས་ཙམ་གྱི་སྐུ་འགྲུབ་པར་འགྱུར་རོ། །དེ་ལྟར་ཡང༌། དུས་བཞི་རབ་ཏུ་སྦྱོར་བ་
ཡིས། །འགྲུབ་པར་འགྱུར་པ་གོམས་པའི་མཆོག་ཅེས་དང༌། །རྣལ་འབྱོར་མའི་གྲུབ་སྦྱོར་བས། །
འཕྲལ་དུ་ཡིད་ཆེས་ཡང་དག་འཇུག་ཅེས་སོ། །
གཉིས་པ་ལམ་བློ་ཆོད་ལྟར་ན། བསྐྱེད་རིམ་ལ་ཅུང་ཟད་བརྟན་པ་ཐོབ་པའམ་བསྐྱེད་
རྫོགས་ལྷན་ཅིག་ཏུ་བསྒོམ་ཡང་རུང་སྟེ། རྫོགས་རིམ་འཁོར་ལོ་སྔགས་ཀྱི་རྣལ་འབྱོར་ཁོ་ན་
བསྒོམས་པས་ཐོག་མར་ལྟེ་བར་རླུང་སེམས་ཞུགས་གནས་ཐིམ་གསུམ་བྱེད་ཅིང༌། དེ་ལས་
གཏུམ་མོ་རིམ་གྱིས་འབར། རོ་མ་ལས་བརྒྱུད་དེ་སྤྱི་བོར་ཕྱིན་པ་ན། སྤྱི་བོའི་ཧཾ་ཡིག་བཞུ་བའི་
རྒྱུན་རྐྱང་མ་ནས་འབབ་པར་འགྱུར་ལ། དེ་ཉིད་ལྟེ་བར་འཕྲད་པའི་བདེ་དྲོད་ཁྱད་པར་ཅན་
སྐྱེས་པ་ན། རིམ་པས་དབུ་མའི་ནང་དུ་འབར་འཛག་འབྱུང༌། དེས་ཐོག་མར་ལྟེ་བའི་རྩ་མདུད་
རྣམས་གྲོལ་ཞིང༌། དེ་ནས་སྤྱི་བོའི་རྩ་མདུད་གྲོལ་བར་འགྱུར། སྤྱི་བོ་གྲོལ་བས་མགྲིན་པ་ཡང་
11-1-330


བདེ་བླག་ཏུ་གྲོལ་ཞིང༌། ལྟེ་བ་དང་མགྲིན་པ་གྲོལ་བས་མཐར་སྙིང་ཁ་ཡང་དཀའ་བ་མེད་པར་
གྲོལ་བར་འགྱུར་ཏེ་འབར་འཛག་གི་དགའ་བཞི་ཡང་ཡང་དྲངས་པས་ལམ་གྱི་དགའ་བ་དང༌། 
མཆོག་དགའམ། སྣང་མཆེད་ཀྱི་རྟོགས་པ་སྐྱེད་ཐུབ་ཅིང༌། དེ་ནས་འོག་སྒོས་བོགས་ཕྱུང་
བས་ལམ་གྱི་ལྷན་སྐྱེས་སྐྱེ་བར་འགྱུར་རོ། །དེ་བཞིན་དུ། ཐིག་ལེ་སྔགས་ཀྱི་རྣལ་འབྱོར་ལུས་
ཀྱི་དབུས་སུ་བསྒོམས་པས་ཀྱང་སྣ་སྒོ་ནས་བརྩམས་ཏེ། དཔྲལ་པའི་རྩ་མདུད་ལྷོད་པོ་བྱེད་
ཅིང༌། དེའི་རྗེས་སུ་གསང་བའི་རྩ་མདུད་དང༌། དེ་ནས་འཁོར་ལོ་གསུམ་ཆ་མཉམ་དུ་ལྷོད་
པོར་འགྱུར་ལ། མཐར་རོ་རྐྱང་གི་རྒྱུ་བ་འགག་པ་ནས་དབུ་མར་རླུང་ཐིམ་དམར་ཆ་འབར་ཏེ། 
རོ་མའི་ལམ་ནས་འགྲོ་བ་སོགས་གོང་བཞིན་རྟོགས་པ་སྐྱེའོ། །ཡང་འོག་གི་སྣ་རྩེ་དང་དབུ་
མའི་མས་སྣར་གནད་དུ་བསྣན་པ་ལས། ཐོག་མར་དམིགས་པའི་བྱེ་བྲག་གི་ནོར་བུའམ་བདེ་
སྐྱོང་འཁོར་ལོ་ཐུར་སེལ་གྱིས་དབང་བྱས་པའི་རླུང་རྣམས་བཟློག་ཅིང་ཐིམ་པར་འགྱུར་ངེས་
རང་གནས་ཀྱི་རྩ་མདུད་འགྲོལ་ཞིང༌། གཙུག་ཏོར་དང་སྤྱི་བོའི་རྩ་མདུད་ཀྱང་ལྷོད་པོར་འགྱུར་
ལ། ཁྱད་པར་དེ་དག་ཏུ་རླུང་ཐིམ་པའི་རྐྱེན་གྱིས་དབུ་མའི་མས་སྣ་ཡོངས་སུ་གང་ཞིང་རྒྱས་
པར་འགྱུར་ཏེ། ལས་ཀྱི་རླུང་གསར་དུ་གྲུབ་ནས། དེས་ལྟེ་འོག་སོར་བཞིར་གནས་པའི་ཚངས་
པའི་མེ་དྲག་ཏུ་སྦར་བར་ནུས། མེ་རླུང་དེ་ཉིད་ཀྱི་ཤུགས་ཀྱིས་ལྟེ་བའི་ཨ་ཤད་ཀྱང་ཅུང་ཟད་
འབར་བར་བྱེད་མོད་ཀྱི། སྔར་ལྟེ་བར་རླུང་སེམས་ཐིམ་པར་བྱེད་པའི་རྫོགས་རིམ་གཞན་མ་
བསྒོམས་ན་ལྟེ་བའི་གཏུམ་མོ་སྟོབས་ཆུང་བས་ལས་ཐམས་ཅད་ཚངས་པའི་མེས་བྱེད་དོ། །རོ་
མ་ནས་འབར་བས་སྤྱི་བོ་དང་གཙུག་ཏོར་གྱི་ཐིག་ལེ་ཅི་རིགས་པར་བཞུ་ནས་རྐྱང་མ་ནས་
བབས་ཏེ། ལྟེ་བར་འཕྲོད་པ་ལན་མང་དུ་བྱུང་བ་ན། ལྟེ་བའི་གཏུམ་མོ་ཡང་སྟོབས་རྒྱས་ཏེ་དབུ་
མར་འབར་འཛག་བྱེད་པ་གོང་དང་འདྲའོ། །དེ་བཞིན་དུ་སྙིང་ཁར་སྒོམ་པ་ལ་ཡང་རླུང་བཅུ་པོ་
ཐམས་ཅད་ཀྱི་རྩ་བའི་གནས་སྙིང་ཁ་ཡིན་ཞིང༌། ལུས་ཆགས་པ་ན་ཡང་ཐོག་མར་སྙིང་ཁ་ནས་
11-1-331


ཆགས། འཆི་བའི་ཚེ་ཡང་མཐར་རླུང་སེམས་སྙིང་ཁར་འདུས་པས་གང་ལ་གནད་དུ་བསྣུན་
པའི་ལུས་ཀྱི་གནས་གཙོ་བོ་ཡིན་ནོ། །འོན་ཀྱང་ཐབས་གཞན་གྱི་འཕྲུལ་མེད་ན་རྩ་མདུད་
ཤིན་ཏུ་དབྱེ་བར་དཀའ་བ་ཡིན་མོད་ཀྱིས། མན་ངག་གི་གནད་ཁྱད་པར་ཅན་གྱིས་ཟིན་པ་
ལ་ནི་ཚེགས་ཆེན་པོ་མི་དགོས་པ་ཡིན་ནོ། །དེ་ཡང་དང་པོར་སྙིང་ཁར་སྲོག་གིས་དབང་བྱས་
པའི་རླུང་རྣམས་ཅི་རིགས་པར་ལོག་པས་རྩ་མདུད་འགྲོལ་སླ་བར་གྱུར་པ་ན་རྡོ་རྗེའི་བཟླས་
པ་བྱས་པས་སྨིག་མའི་སྦུབས་འགགས་པ་ཐུར་མས་བསངས་པ་བཞིན་དུ་རྩའི་ལམ་ཡངས་
པོར་གྱུར་ཞིང་རྩ་མདུད་རྣམས་ཀྱང་ལྷོད་པོར་འགྱུར་རོ། །སྙིང་ཁའི་རྩ་མདུད་ལྷོད་པོར་གྱུར་
པས་ལྟེ་བ་དང་མགྲིན་པ་ཡང་རིམ་གྱིས་ལྷོད་པོར་འགྱུར་ལ། མགྲིན་པའི་ནུས་པས་སྤྱི་བོ་ཡང་
སྟེ། འཁོར་ལོ་གཞན་རྣམས་ཀྱི་རྩ་མདུད་ལྷོད་པོར་གྱུར་པ་ན་དམིགས་པ་གཏོད་ས་སྙིང་ཁ་ཁོ་
ནར་བྱས་ཀྱང་འཁོར་ལོ་གཞན་རྣམས་ཀྱི་རླུང་ཡང་རང་གནས་སུ་འདུ་སྟེ། ཐིམ་པ་ལ་སོགས་
པའི་རིམ་པས་གཏུམ་མོ་འབར་ཏེ། དེས་ཀྱང་སྙིང་ཁའི་རྩ་མདུད་ཅི་རིགས་པ་འཇིག་ལ་ཁྱད་
པར་གོང་དུ་བཤད་པ་བཞིན་གྱི་འབར་འཛག་ཐུན་མོང་མ་ཡིན་པ་གྲུབ་པའི་ཚེ། རླན་དང་དྲོད་
དང༌། ནམ་ཟླའི་དུས་ཀྱི་ཁྱད་པར་གསུམ་འཛོམས་ན་མེ་ཏོག་ཁ་བྱེ་ཞིང་འབྲས་བུ་སྨིན་པར་
འགྱུར་བ་བཞིན་སྙིང་ཁའི་རྩ་མདུད་གྲོལ་ཞིང་རྩ་རྣམས་རྒྱས་པས་རླུང་དང་ཁམས་ཀྱི་བགྲོད་
པ་གནས་དེར་རིམ་གྱིས་ཐིམ་པར་འགྱུར་བ་ཡིན་ལ། དེ་ཐིམ་པ་ལས། ལམ་གྱི་དགའ་བ་དང་
མཆོག་དགའ་སྐྱེ་བ་སོགས་གོང་བཞིན་ནོ། །
སྤྱིར་རང་ལུས་ལ་བརྟེན་པའི་རྫོགས་རིམ་གྱི་གཙོ་བོ་གཏུམ་མོའི་མེ་དམིགས་ཡིན་ཡང༌། 
འདིར་ནི་འདི་ཉིད་གཙོ་བོ་ཡིན་ཏེ། སློབ་དཔོན་རིན་ཆེན་འབྱུང་གནས་ཀྱིས་ཀྱང་འདི་ཁོ་ན་
བཤད་དོ། །འདི་ལ་ཉི་ཟླ་ཁ་སྦྱོར་དུ་བྱེད་པ་ནི། སྙིང་ཁའི་ཐིག་ལེ་དེ་ཉིད་ཁམས་དཀར་དམར་
ཁ་སྦྱོར་དུ་གནས་པ་མཚོན་ཞིང༌། དེའི་ནང་དུ་ཐིག་ལེ་ཕྲ་མོ་སྒོམ་པ་ནི། དཀར་དམར་དེའི་
11-1-332


དབུས་ན་རླུང་དྲོད་ཀྱི་རང་བཞིན་ཅན་ཚེ་སྲོག་གི་ངོ་བོ་སེམས་ཀྱི་རྟེན་ཕྲ་ཤོས་གང་ཡིན་པ་དེ་
ཡིན་ཏེ། འདི་ལ་འོད་ཀྱི་སྐུད་པ་ཡི་གེའི་འཕྲེང་བ་དང་བཅས་པ་{དཀྲི་[དཀྲིས་]པ་ནི། དབུས་
ཀྱི་རླུང་གི་ཐིག་ལེ་དེ་ལས་རོ་རྐྱང་དུ་རྒྱུ་བའི་གཟུང་འཛིན་གྱི་རླུང་རྣམས་འབྱུང་བའི་གཞི་རླུང་
ཕྲ་མོ་སྒྲ་དང་རྟོག་པ་བསྐྱེད་པར་བྱེད་པས་སྟེང་གི་ཐིག་ལེའི་དབུས་ཕུག་ནས་བྱུང་སྟེ། རླུང་དེ་
ཉིད་རྒྱུ་བའི་རྩ་ཤིན་ཏུ་ཕྲ་བ་གསུམ་དཀྲིས་རྒྱ་གྲམ་རིས་ཀྱིས་ཐིག་ལེ་ཁ་སྦྱོར་བཅིངས་པའི་
ནང་དུ་འཁོར་ཞིང་རྒྱུ་བ་དེ་མཚོན་ནོ། །
ཡང་ཐིག་ལེ་དཀར་པོ་ནི་བདེ་བ། དམར་པོ་ནི་གསལ་བ། དབུས་ཀྱི་ཐིག་ལེ་ནི་སྟོང་པ། 
རི་མོ་ཕྱེད་བཅས་བདུན་ལས་བདུན་ནི་ཉོན་ཡིད་སོགས་རྣམ་ཤེས་ཚོགས་བདུན། ཕྱེད་པ་ནི་
ཀུན་གཞི་རྣམ་ཤེས་སོ། །ཞེས་ཕལ་ཆེར་འཆད་ལ། རྗེ་བཙུན་མར་པའི་མན་ངག་ཐུན་མོང་མ་
ཡིན་པ་ལས་ནི། རི་མོ་ཕྱེད་བཅས་བདུན་དུ་བཤད་པ་མན་ངག་གབ་པ་སྟེ། དོན་དུ་ཕྱེད་དང་
བདུན་ནོ། །ཕྱེད་ནི་ཉོན་ཡིད་མཚོན་ལ། དྲུག་ནི་རྣམ་ཤེས་ཚོགས་དྲུག་ཉི་ཟླ་ཁ་སྦྱོར་ཀུན་གཞི། 
བཟང་པོའི་ཐིག་ལེ་ནི་ཆོས་ཉིད་དེ། དེ་སྐྱོན་གྱིས་མ་གོས་པའི་བརྡར་དཀར་པོ། སྤྲོས་པ་སྤངས་
པའི་བརྡར་ཟླུམ་པོ། རྟོགས་དཀའ་བའི་བརྡར་ཆ་ཕྲ་བ་སྟེ། རྣམ་པར་ཤེས་པའི་ཚོགས་བདུན་
ནི་ཕྱེད་དང་བདུན་གྱི་རྩ་ལ་བརྟེན། ཀུན་གཞི་ནི་ཐིག་ལེ་ཁ་སྦྱོར་ལ་རྟེན་ནོ། །ཞེས་གསུང་སྟེ་
ཤིན་ཏུ་ལེགས་པར་མངོན་ནོ། །ཕྲ་མོ་སྔགས་ཀྱི་རྣལ་འབྱོར་ལ་ཡང་རྡོ་རྗེའི་བཟླས་པ་དང་
འབྲེལ་བ་རྣམས་ཀྱིས་རླུང་ལས་སུ་རུང་ཞིང་རྩ་མདུད་ཡང་པོར་བྱས་ནས་བུམ་པ་ཅན་གྱི་སྦྱོར་
བས་ཐོག་མར་དབང་པོའི་སྒོ་རྣམས་ཀྱི་རླུང་ནང་དུ་བཟློག་ཅིང༌། རིམ་གྱིས་ལྟེ་བར་ཐིམ་པར་
འགྱུར་ལ། དེས་གཏུམ་མོ་འབར་བ་ལ་སོགས་པའི་བྱ་བ་བྱེད་དོ། །དེ་ལྟར་ན་འོག་སྒོ་སྔགས་
ཀྱི་རྣལ་འབྱོར་ནི་ཐམས་ཅད་འབྲེལ་བར་འབྱུང་མོད་ཀྱི། དེ་གཅིག་པུས་ལམ་རྫོགས་པ་ལྟར་
བཤད་པ་རྣམས་ནི། དེ་ཉིད་ཀྱང་རླུང་སྦྱང་བ་སོགས་སྔོན་འགྲོ་གཞན་ལ་བལྟོས་པ་ཡིན་པའི་
11-1-333


ཕྱིར། སྟེང་སྒོའི་རྫོགས་རིམ་ལ་གཏན་ནས་མ་བརྟེན་པ་མི་སྲིད་པས་རྫོགས་རིམ་གྱི་རྟོགས་
པ་རྫོགས་པར་བསྐྱེད་པ་ལ་སྟེང་སྒོ་དང་འོག་སྒོའི་རྣལ་འབྱོར་གཉིས་ཀ་དགོས་ཀྱི། ཡ་གྱལ་
བ་རེ་རེས་ཆོག་པ་ནི་མ་ཡིན་ནོ། །དེ་ལ་ཕྱག་རྒྱ་སྲོག་རྩོལ་དུ་འགྲོ་བའི་གནད་ཐམས་ཅད་ནི་
སྤྱི་དང་འདྲ་པར་ཤེས་པར་བྱའོ། །དེ་དག་བསྒོམ་པའི་གནས་སྐབས་སུ་སྒྱུ་མ་གསུམ་རྒྱུད་ཀྱི་
གདམས་པ་བསྒོམས་ཀྱང་རུང་མ་བསྒོམས་ཀྱང་རུང་སྟེ། ལམ་གྱི་དགའ་བའི་རྟོག་པ་ནམ་
སྐྱེས་པའི་ཚེ། གཉིད་ཀྱི་འོད་གསལ་རང་ཤུགས་ཀྱིས་བསྒོམ་པར་ནུས་ཤིང༌། དེ་ཉིད་ཇེ་བཟང་
དུ་འགྱུར་ལ་རྨི་ལམ་དང་ཐུན་མཚམས་ཐམས་ཅད་དུ་ལྷ་སྐུའི་སྣང་བ་ཅི་རིགས་པ་འབྱུང་ཞིང༌། 
ལྷ་སྐུ་ཤར་རུང་མ་ཤར་རུང༌། སྣང་སྟོང་སྒྱུ་མ་ལྟ་བུའི་སྒྱུ་ལུས་འཁོར་ཡུག་ཏུ་འབྱུང་ངོ༌། །རླུང་
སེམས་ཙམ་གྱི་སྐུ་གྲུབ་པ་ཕན་ཆད་ནས་རྨི་ལམ་ཡང་མཉམ་བཞག་སྒྱུ་མ་ཁོ་ནར་འབྱུང་ལ། 
རྗེས་ཐོབ་ཐམས་ཅད་དུ་ལྷ་སྐུའི་སྣང་བ་དང་མི་འབྲལ་བ་ཡིན་ནོ། །དེ་ལ་ད་ལྟ་ལས་དང་པོ་པ་
རྣམས་ཀྱིས་སྒྱུ་མ་གསུམ་རྒྱུད་ཀྱི་གདམས་ངག་བསྒོམས་ན། ལམ་གྱི་དགའ་བའི་རྟོགས་པ་མ་
སྐྱེས་གོང་དུ་ཡང་དེ་རྣམས་རྗེས་མཐུན་པ་རྒྱུད་ལ་སྐྱེ་བར་འགྱུར་ཞིང༌། ཁྱད་པར་དངོས་གཞི་
དེ་དག་སྐྱེ་བ་ལ་ཤིན་ཏུ་མྱུར་བའི་ཕྱིར། །རྡོ་རྗེ་སེམས་དཔའི་གསེང་ལམ་དུ་གྲགས་སོ། །དེ་ལ་
སྒྱུ་མ་གསུམ་ནི། སད་དུས་སྒྱུ་མ་དང༌། རྨི་ལམ་སྒྱུ་མ་དང༌། བར་དོ་སྒྱུ་མའོ། །དེ་དང་འབྲེལ་བ་
ལ་བསྲེ་བ་གསུམ་གསུམ་དགུ་སྟེ། འོད་གསལ་ཆོས་སྐུ་དང་བསྲེ། དེ་བཞིན་དུ། མཉམ་བཞག་
སྒྱུ་མ་ལོངས་སྐུ། རྗེས་ཐོབ་སྒྱུ་མ་སྤྲུལ་སྐུ། གཉིད་འཐུག་ཆོས་སྐུ། རྨི་ལམ་ལོངས་སྐུ། གཉིད་
སད་སྤྲུལ་སྐུ། འཆི་བ་ཆོས་སྐུ། བར་དོ་ལོངས་སྐུ། སྐྱེ་བ་སྤྲུལ་སྐུ་དང་བསྲེ་བའོ། །ཡང་འོད་
གསལ་ཆོས་སྐུ། རྨི་ལམ་ལོངས་སྐུ། སྒྱུ་ལུས་སྤྲུལ་སྐུ་དང་བསྲེ་བ་སྟེ་གསུམ་དུ་ཡང་མཛད་ལ། 
བསྲེ་བའི་དོན་ནི་ལམ་དུ་བྱེད་པའོ། །འདི་དག་གི་དོན་རྒྱས་པར་གཞན་དུ་བཤད་པར་བྱའོ། །
གསུམ་པ་དམ་ཚིག་ལ་བཟའ་བའི་དམ་ཚིག་དང༌། བསྲུང་བའི་དམ་ཚིག་གཉིས་ལས། 
11-1-334


དང་པོ་རྒྱུན་གྱི་བཟའ་བའི་དམ་ཚིག་ནི། ཁ་ཟས་བདུད་རྩིར་བྱིན་གྱིས་བརླབས་ནས་བཟའ་
བ་ཡིན་ལ། མཆོག་གི་བཟའ་བའི་དམ་ཚིག་ནི་བདུད་རྩི་རིལ་བུ་བརྟེན་པ་སྟེ། དེ་དག་ཀྱང་
དམ་ཚིག་ཆེན་པོའི་དངོས་གྲུབ་ནི། །རི་ལུ་ཆེན་པོ་སྒྲུབ་པར་བྱ། །ཞེས་དང༌། མཐེ་བོང་དང་
ནི་སོགས་དང༌། དམ་ཚིག་སྒྲུབ་པའི་དམ་པ་སྟེ། །ཞེས་པ་ནས། འདི་ནི་རྒྱུད་འདིར་གསུངས་
ཀྱི་གཞན་དུ་སྦས། ཞེས་པའི་བར་རྣམས་ཀྱིས་རྒྱས་པར་བཤད་ཅིང༌། ཡི་གེ་གོ་བཟློག་སྦྱོར་
བ་སོགས་ཀྱི་བྱིན་རླབས་ཀྱང་བསྟན་ལ། སྤྱོད་པ་སྟོན་པའི་ཚིག་རྣམས་ཀྱི་ཞོར་བྱུང་ལ་ཡང་ཅི་
རིགས་པར་ཡོད་དོ། །མཆོད་པའི་དམ་ཚིག་གི་བཟའ་བ་ཚོགས་ཀྱི་འཁོར་ལོ་ནི། རྣལ་འབྱོར་
དཔའ་ཆེན་རྟག་རོལ་ཏེ། །ཞེས་དང༌། ཉིན་རེར་བཟླ་བ་བཏུང་བའོ། །ཞེས་པས་བསྟན་ཞིང༌། 
གཞན་ཡང་ཅི་རིགས་པར་སྦྱར་རོ། །གཉིས་པ་ནི། རྒྱུད་འདིར་རྒྱས་པར་མ་གསུངས་ཀྱང༌། དེ་
ལྟར་རྟག་ཏུ་གུས་ལྡན་པས། །ཞེས་པས་ཟུར་གྱིས་འཕངས་པ་ཡིན་ནོ། །
དེ་ཡང་རྩ་བའི་ལྟུང་བ་བཅུ་བཞི་པོ་རྣམས་ཕལ་ཆེར་ཐུན་མོང་མ་ཡིན་པའི་རྒྱུ་མ་གུས་པ་
ལས་བྱུང་བ་ཡིན་པས། དེའི་གཉེན་པོ་བསྟན་པའི་ཕྱིར་དམ་ཚིག་བསྲུང་ཚུལ་ཁྱད་པར་ཅན་
ཡིན་ནོ། །བཞི་པ་ནི། འགའ་ཞིག་རྒྱུད་འདིའི་ལུགས་ལ་སྤྱོད་པའི་རྣམ་གཞག་མི་དགོས་པར་
འདོད་པའང་བྱུང་མོད་ཀྱི། སྤྲོས་བཅས་ཁོ་ན་ལ་བསམས་ན་ནི་རུང་ཡང་སྲིད་ཀྱི། སྤྱིར་སྤྱོད་པ་
མ་སྤྱད་པར་འབྲས་བུ་མཆོག་ལ་སྦྱོར་ནུས་པ་ནི་མི་སྲིད་དོ། །ཡང་ཁ་ཅིག་རྒྱུད་འདི་ལས་སྤྱོད་
པ་མ་བསྟན་པར་འདོད་པ་ཡང་རྒྱུད་དོན་མི་ཤེས་པའི་རྣམ་འགྱུར་རོ། །དེས་ན་སྤྱིར་འོག་སྒོའི་
རྫོགས་རིམ་སྟོན་བྱེད་ཐམས་ཅད་ཀྱང་སྤྱོད་པའི་ཕྱོགས་སུ་དགོས་ཤིང༌། ཁྱད་པར་རྡོ་རྗེ་རྣལ་
འབྱོར་མ་རྣམས་དང༌། རྣམ་པ་སྣ་ཚོགས་གཟུགས་སུ་ནི། །རྣལ་འབྱོར་བདག་ཉིད་སྟོན་པར་
བྱེད། །ཅེས་པས་སྤྲོས་བཅས་ཀྱི་སྤྱོད་པ་བསྟན། འདོད་པ་ཀུན་ལ་ཉེར་སྤྱོད་པ། །སོགས་ཚིག་
རྐང་གསུམ་གྱིས་སྤྲོས་མེད་ཀྱི་སྤྱོད་པ་བསྟན། རྣལ་འབྱོར་གཉིད་དང་ཡང་དག་ལྡན་ཞེས་
11-1-335


པས་ཤིན་ཏུ་སྤྲོས་མེད་ཀྱང་ཤུགས་ལ་འཕངས། སྒྱུ་འཕྲུལ་ཆེན་པོ་རབ་སྦྱོར་བ། །སོགས་དང༌། 
རྒྱན་རྣམས་ཐམས་ཅད་ཡོངས་རྫོགས་པ། །སོགས་ཀྱིས་སྤྲོས་བཅས་སྤྲོས་མེད་ཀྱི་ཆ་ལུགས་
བསྒྱུར་བ་དང༌། ཆོ་གའི་རིམ་པ་བསྟན། རྟག་ཏུ་སེམས་ཅན་དོན་བྱེད་པའོ། །ནས་རྣལ་འབྱོར་
མ་དང་ལྷན་ཅིག་སྦྱར་གྱི་བར་གྱིས་སྤྱོད་པའི་བྱ་བ་རྣམས་བསྟན། མན་ངག་གཞན་ལས་ནི། 
ཕྱོགས་ལས་རྣམ་རྒྱལ་སོགས་སྤྱོད་པ་གསུམ་གྱི་རྣམ་གཞག་དུས་དང་བཅས་པའང་བསྟན་
པར་བཞེད་པས། སྤྱོད་པ་སྟོན་བྱེད་ཀྱི་གཞུང་ཚིག་ཉུང་ཡང་དོན་ཤིན་ཏུ་རྒྱས་སོ། །
ལྔ་པ་ནི། དཀྱུས་ཀྱི་རྒྱུད་བཤད་དང༌། མན་ངག་ན་གསལ་བར་མི་བཞུགས་པས། དཔལ་
ཧེ་རུ་ཀའི་གནས་བརྙེས་པ་རྩོད་པའི་དུས་ཀྱི་འགྲོ་བ་མཐའ་དག་གི་སྐྱབས་གཅིག་པུ་འཕགས་
ཡུལ་ལྷོ་ཕྱོགས་ཀྱི་རྒྱུད་དུ་བྱོན་པ་གྲུབ་ཆེན་ཞི་བ་སྦས་པའི་མན་ངག་མདོ་ཙམ་བརྗོད་ན། 
རྫོགས་རིམ་གྱི་རྟོགས་པ་སྐྱེས་ཀྱང་རུང༌། མ་སྐྱེས་ཀྱང་རུང༌། བསྐྱེད་རིམ་ལ་བརྟན་པ་ཐོབ་
ན་ཚོགས་ལམ་བགྲོད་པ་ཡིན་ཞིང༌། བསྐྱེད་རིམ་མ་བསྒོམས་པར་རྫོགས་རིམ་གྱིས་ཚོགས་
ལམ་དང༌། དྲོད་འབྲིང་ཙམ་བགྲོད་པའང་ཡོད་མོད། དྲོད་ཆེན་པོ་ཐོབ་པ་ལ་ནི་རིམ་པ་གཉིས་
ཀ་སྒོམ་དགོས་པ་ཁོ་ན་ཡིན་ནོ། །ཞེས་པ་འདི་ནི། ཐེག་པ་བླ་ན་མེད་པར་ངེས་པའི་ཚིག་གོ །
དེ་ལ་ལྷ་དང་ནོར་བདག་དྲི་ཟ་དང༌། །སོགས་དང༌། ལས་དང་གྲུབ་པ་ཆུང་ངུ་རྣམས་ཀྱིས། 
ཚོགས་ལམ་གྱི་ཡོན་ཏན་གཙོ་བོར་བསྟན་པར་མངོན་ལ། ཁྱད་པར་དྲོད་ནི། རྣལ་འབྱོར་མ་ཡི་
གྲུབ་སྦྱོར་བས། །འཕྲལ་དུ་ཡིད་ཆེས་ཡང་དག་འཇུག །ཅེས་པས་བསྟན། རྩེ་མོ་ནི། ཐམས་
ཅད་ཀྱིས་ནི་མི་མཐོང་ཞིང༌། །སོགས་ཀྱིས་བསྟན། བཟོད་པ་ནི། དེ་ཕྱིར་ཡེ་ཤེས་འདི་གསང་
ཞིང༌། །མི་གསལ་ཡི་གེ་མེད་པའོ། །ཞེས་པས་བསྟན་ཏེ། གོ་རིམ་བཞིན་ནུས་པ་རྙེད་པ་
དང༌། ཡེ་ཤེས་ཀྱི་ལྷ་འགྲུབ་པ་དང༌། རང་བཞིན་བརྒྱད་བཅུའི་རྣམ་རྟོག་གསལ་པོ་འགགས་
པ་རྣམས་སོ། །ཆོས་མཆོག་ནི་དུས་བཞི་རབ་ཏུ་སྦྱོར་བ་ཡིས། ནས་སྒོ་དགུ་ལས་ནི་བྱུང་བའི་
11-1-336


རྫས་ཀྱི་བར་ལ། མཐར་ཐུག་གི་བཤད་པས། མཐོང་ལམ་གྱི་མངོན་བྱང་དང༌། མཐར་ཐུག་
གི་མངོན་བྱང་གཉིས་ཀ་སྟོན་པའི་དང་པོ་དེའི་སྦྱོར་བས་ཤུགས་ལ་བསྟན་ནོ། །ཚེ་རིང་བརྩོན་
འགྲུས་ཆེན་པོ་དང༌། །སོགས་ཀྱིས། གསང་སྤྱོད་ཀྱི་ཕན་ཡོན་དང༌། ལྷའི་མིག་དང༌། སོགས་
ཀྱིས། སྨྱོན་པའི་སྤྱོད་པའི་འབྲས་བུ་དང༌། དེ་ཡི་ཚེ་ནི་སོགས་ཀྱིས། ཀུན་བཟང་གི་སྤྱོད་པའི་
ཕན་ཡོན་བསྟན། དེ་བཞིན་གཤེགས་པ་ཀུན་གྱི་དཔལ། །སོགས་ཀྱིས་ཕྱོགས་ལས་རྣམ་རྒྱལ་
གྱི་སྤྱོད་པའི་ཕན་ཡོན་བསྟན་ལ། དེ་ལྟར་རྒྱུན་དུ་སོགས་སྤྱོད་པའི་དུས་ཀྱི་ཁྱད་པར་རོ། །གྲུབ་
པ་ཀུན་ལས་འཕྲོག་པ་དང་ནས། །རོལ་མོ་ལས་བྱུང་མཁྱེན་གྱི་བར་དང༌། རྣལ་འབྱོར་མ་ཀུན་
སྦྱོར་བའི་མ། །ཞེས་པ་ནས། རྣལ་འབྱོར་དབང་ཕྱུག་བྱེད་རིག་པ། །ཞེས་པའི་བར་གྱི་སྒྲ་ཇི་
བཞིན་པའི་བཤད་པས། ཟུང་འཇུག་ཐོབ་པའི་ཡོན་ཏན་རྣམས་བསྟན་ཏེ། ཕན་ཡོན་གཞན་
རྣམས་ནི། བསྐྱེད་རིམ་དང༌། སྟོང་ཉིད་རྟོགས་པ་སོགས་ཐམས་ཅད་ཀྱི་ཕན་ཡོན་ཡིན་ནོ། །
གསུམ་པ་འབྲས་རྒྱུད་ཀྱི་རྣམ་པར་བཞག་པ་ནི། འབྲས་རྒྱུད་དངོས། རྫོགས་པའི་སངས་
རྒྱས་ཀྱི་གོ་འཕང་ཡིན་ལ། ཐུན་མོང་གི་དངོས་གྲུབ་དང་ལས་ཚོགས་ནི། འབྲས་རྒྱུད་དངོས་
མ་ཡིན་ཡང༌། དེའི་ཕྱོགས་མཐུན་ཡིན་པས། འདིར་བཤད་དོ། །དེ་ལ་དངོས་གྲུབ་ཕྲ་མོ་དེ་
དག་དང༌། ལས་ཚོགས་རྣམས་ནི་ངོ་བོ་ཐབས་རྒྱུད་ཡིན་ཏེ། སྒྲུབ་པ་པོའི་བསོད་ནམས་ཀྱི་
ཚོགས་རྫོགས་པར་བྱེད་པའི་ལམ་ཡིན་པའི་ཕྱིར་རོ། །འབྲས་རྒྱུད་དང་ཕྱོགས་མཐུན་པའི་རྒྱུ་
མཚན་ནི། གནས་སྐབས་ཀྱི་འབྲས་བུ་ཡིན་པའི་ཕྱིར་དང༌། རང་ཉིད་འབད་རྩོལ་དང་བྲལ། 
བདེ་བའི་གོ་འཕང་གི་གནས་ཐོབ་ཅིང༌། དཀའ་བ་མེད་པར་སེམས་ཅན་གྱི་དོན་འགྲུབ་པ་
ཡིན་པའི་ཕྱིར་རོ། །འདི་ལ་དབྱེ་ན། འབྲས་བུ་ཆུང་ངུ་ལས་ཚོགས་བརྒྱད། འབྲིང་པོ་ཐུན་མོང་
གི་དངོས་གྲུབ་བརྒྱད། ཆེན་པོ་མཆོག་གི་དངོས་གྲུབ་བོ། །དང་པོ་ནི། རྨོངས་པ་དང་ནི་རེངས་
པ་དང༌། །གསད་དང་བསྐྲད་པ་ལ་སོགས་དང༌། །དབང་དང་དགུག་པའི་ལས་རྣམས་དང༌། །
11-1-337


ཞེས་དྲུག་དང༌། ཞེ་འགྲས་པ་དང་རྨུགས་པ་ཉིད། །ཅེས་པ་སྟེ་བརྒྱད་དོ། །
གོ་ཆ་དྲུག་གི་ལས་ཚོགས་རྣམས་ཀྱང་དབང་དང་དགུག་པའི་ལས་གཉིས་སུ་ཕལ་ཆེར་
འདུས་ཤིང༌། ཆ་ཤས་འགའ་ཞིག་ནི་གསད་པར་བསྡུའོ། །གཉིས་པ་ནི། མིག་འཕྲུལ་བྱེད་
ཅེས་དང༌། ནམ་མཁར་འགྲོ་བ་ཉིད་ཀྱང་ངོ༌། །གཞན་གྱི་གྲོང་སོགས་བྱ་བ་དང༌། །མི་སྣང་བ་
དང་གང་ཡང་རུང༌། །ཞེས་དང༌། དེ་བཞིན་ས་འོག་འགྲོ་བའོ། །རིག་འཛིན་འཁོར་ལོ་བསྒྱུར་
ཉིད་འགྱུར། །འཆི་བ་མེད་ཅིང་རྒས་པ་མེད། །རྣལ་འབྱོར་སྒྱུ་མའི་རིག་པ་{ནི[ཡིན]། །འདི་
ཡིས་ན་བ་མེད་པར་འགྱུར། །ཞེས་པའི་རྒས་པ་མེད་པ་དང༌། ན་བ་མེད་པ་གཅིག་དུ་བསྡོམས་
ནས། ནད་འཇོམས་ཀྱི་དངོས་གྲུབ་ཞེས་བྱ་སྟེ། དེ་ལྟར་བརྒྱད་དོ། །གསུམ་པ་ནི། ངོ་བོ་སྐུ་བཞི་
དང༌། ཁྱད་ཆོས་ཡེ་ཤེས་ལྔ་ལས། དང་པོ་ནི། ཇི་ལྟར་སྐུ་གསུམ་མཆོག་སྟེར་བ། །ཞེས་དང༌། 
ཟབ་མོ་སངས་རྒྱས་བསྟན་པའོ། །ཞེས་པས་སྤྱིར་བསྟན་ཅིང༌། སངས་རྒྱས་བྱང་ཆུབ་གནས་
ཞི་བ། །ཞེས་པས་ཆོས་སྐུ་དང༌། དེ་ཉིད་བླ་ན་མེད་པ་འགྲུབ། །ཅེས་པས་ངོ་བོ་ཉིད་སྐུ་དང༌། 
རྒྱན་རྣམས་ཐམས་ཅད་ཡོངས་རྫོགས་པ། །སོགས་ལ་མཐར་ཐུག་གི་བཤད་པས་ལོངས་སྐུ་
དང༌། གངྒཱའི་བྱེ་སྙེད་སངས་རྒྱས་རྣམས། །ཞེས་པས་སྤྲུལ་པའི་སྐུ་དང༌། རྡོ་རྗེ་འཛིན་པ་ཆེན་
པོ་དང༌། ཞེས་སོགས་ཀྱིས། དབྱེ་གཞི་བདེ་ཆེན་གྱི་སྐུ་ཡང་བསྟན་པ་ཡིན་ནོ། །གཉིས་པ་ནི། 
རང་བྱུང་ཡེ་ཤེས་ལྔ་ལྡན་འགྱུར། །ཞེས་པ་དང༌། སེམས་དང་སེམས་མེད་སེམས་རང་བཞིན། །
སོགས་ཀྱིས་བསྟན་ཞིང་འདིར་འཕྲིན་ལས་ནི་ལམ་ལྔའི་ཕན་ཡོན་སྟོན་བྱེད་ཐམས་ཅད་ཀྱིས་
རྒྱས་པར་བཤད་པར་ཡང་འགྱུར་ཞིང༌། ཆོ་གའི་ཐབས་ནི་རྣམ་པ་སྣ་ཚོགས་བསྟན་པ་ནི། ལྷ་
མོ་ཡིད་ལ་འདོད་པ་རྣམས་ནི་གསུངས་པའོ། །ཞེས་པས་ཀྱང་བསྟན། འབྲས་བུའི་རྒྱུད་འདི་
ནི། ཕྱག་འཚལ་གྱིས་ཀྱང་བསྟན་ཏོ། ཚིག་རྐང་དང་པོ་གསུམ་གྱིས་སྐུ་གསུམ་ཡེ་ཤེས་ལྔ་དང་། 
ལྷག་མས་འཕྲིན་ལས་གསལ་བར་བསྟན་པའི་ཕྱིར་རོ། །འདིར་ནི་བཤད་པའི་སྒོ་དེ་ཙམ་
11-1-338


བསྟན་པར་ཟད་ཀྱི་ལམ་སྤྱི་དང་ཁྱད་པར་གྱི་མཐའ་དཔྱོད་པ་རྒྱས་པ་བླ་མའི་ཞལ་ལུང་ཐོབ་
པས་རྟོགས་པར་བྱ་དགོས་སོ། །
ད་ནི་དེ་ལྟར་བཤད་པ་དེ་རྣམས་སུ་ལུང་དང་རིག་པས་གྲུབ་པའི་མཐའ་ཅུང་ཟད་བརྗོད་
པར་བྱ་སྟེ། ༀ་སངས་རྒྱས་མཁའ་འགྲོ་ལ་ཕྱག་འཚལ་ལོ། །རྣམ་པར་ཤེས་པའི་ཡུལ་ཡིན་
ཕྱིར། །དངོས་པོ་ཐམས་ཅད་རང་བཞིན་མེད། །དངོས་པོ་ཡོད་པ་མི་སྲིད་ཕྱིར། །དངོས་མེད་
ཅེས་བྱ་ག་ལ་ཡོད། །ཐ་སྙད་པ་ཡི་ཚད་མ་ལས། །སྣང་བའི་དངོས་པོ་ཡོད་མིན་ན། །རྟོག་པས་
བཏགས་པ་ཙམ་ཞིག་གི །མི་སྣང་དངོས་མེད་ལྟ་ཅི་སྨོས། །དངོས་དང་དངོས་མེད་ལས་གྲོལ་
བའི། །གཉིས་མེད་ཡེ་ཤེས་རྟག་ཏུ་ཡོད། །ནམ་ཡང་འགྱུར་བ་མེད་པའི་ཕྱིར། །འདི་ནི་རྟག་
ཅིང་བརྟན་པ་ཡིན། །ཡེ་ཤེས་ཁོ་ནས་མྱོང་བའི་ཕྱིར། །དོན་དམ་ཡིན་པར་རྒྱལ་བས་གསུངས། །
རྣམ་ཤེས་བསླུ་བར་མི་བྱེད་པས། །གསོག་གསོབ་བརྫུན་པ་མ་ཡིན་ནོ། །ཡུལ་དང་དུས་ཀྱིས་
མ་བསྡུས་ཤིང༌། །སྒྲ་དང་རྟོག་པའི་ཡུལ་མིན་ལ། །གཉེན་པོས་མི་འཇོམས་ངེས་འབྱིན་མིན། །
ཀུན་རྫོབ་ཤེས་པས་མི་མྱོང་ཞིང༌། །དཔྱད་པའི་ཡུལ་དུ་མ་གྱུར་བའོ། །དེ་ལྟར་རྫུན་པར་
འཇོག་པ་ཡིན། ཁྱད་ཆོས་བརྒྱད་དང་བྲལ་བའི་ཕྱིར། །འདི་ནི་བདེན་པ་ཁོ་ན་ཡིན། །སྤྲོས་
པའི་མཚན་མ་བརྒྱད་སྤངས་པས། །སྤྲོས་པ་མེད་ཅིང་མཚན་མ་མེད། །ཤེས་བྱ་གཤིས་ཀྱི་
གནས་ལུགས་འདི། །བློ་འདས་བརྗོད་བྲལ་ཞེས་སུ་བརྟགས། །རྒྱུ་རྒྱུད་ཐབས་རྒྱུད་འབྲས་
རྒྱུད་ཅེས་བྱ་བ། །དོན་དམ་དབང་དུ་གསུམ་པོ་ངོ་བོ་གཅིག །ཤེས་བྱ་གཤིས་ཀྱི་གནས་ལུགས་
ཁོ་ན་ཡིན། །ཀུན་རྫོབ་ཀྱི་ནི་གསུམ་པོ་ཐ་དད་དོ། །གཞི་ཡི་གཤིས་དང་ལམ་གྱི་ཆོས་ཉིད་
དང༌། །འབྲས་བུ་དམ་པའི་དོན་གྱི་སངས་རྒྱས་གསུམ། །ཆོས་ཅན་དབང་གི་མིང་འདོགས་ཐ་
དད་ཙམ། །ངོ་བོ་གཅིག་ཅིང་གནས་སྐབས་དབྱེ་བའང་མེད། །སྣ་ཚོགས་འཁོར་བའི་ཆོས་ཀྱི་
རྒྱུ་རྒྱུད་དང༌། །ཉམས་ལེན་བྱེད་ཚུལ་ཉམས་མྱོང་ཐབས་ཀྱི་རྒྱུད། །གསལ་ཐོབ་གཞན་ངོར་
11-1-339


སྣང་བའི་འབྲས་རྒྱུད་དེ། །གསུམ་པོ་འདི་དག་ཀུན་རྫོབ་ཁོ་ན་ཡིན། །ཆོས་ཉིད་གསལ་དང་
སྟོང་དང་བདེ་བའི་ཕྱིར། །ལམ་ཡང་ལྷ་སྐུ་སྟོང་ཉིད་བདེ་བ་སྒོམ། །དེ་ལྟར་བསྒོམས་པས་ཆོས་
ཉིད་དེ་ལྟ་བུའི། །དྲི་མ་དག་སྟེ་མངོན་གྱུར་འབྲས་བུ་ཡིན། །སྒྱུ་མའི་རྒྱལ་པོས་སྒྱུ་མའི་རྒྱལ་པོ་
གཞན། །འཇོམས་པའི་དཔེ་ཡིས་ཡང་ཡང་གསུངས་པ་ལྟར། །སྦྱང་བྱ་ཀུན་རྫོབ་སྦྱོང་བྱེད་ཀུན་
རྫོབ་སྟེ། །འབྲས་བུ་ཐོབ་པར་བརྟགས་པའང་ཀུན་རྫོབ་ཡིན། །རང་བཞིན་རྣམ་དག་དོན་
དམ་ཡིན་པའི་ཕྱིར། །རྣམ་དག་དེ་ལ་རྣམ་པར་དག་པ་རུ། །རང་ངོ་ཤེས་པའི་དག་པ་གཉིས་
ལྡན་ཀྱང༌། །དོན་དམ་ཁོ་ན་ཡིན་གྱི་ཀུན་རྫོབ་མིན། །རྣམ་པར་རྟོག་པས་བཏགས་པའི་ལྷ་སྐུ་
དང༌། །བློས་བྱས་སྟོང་ཉིད་ཞུ་བདེའི་ལྷན་སྐྱེས་རྣམས། །ཡེ་ཤེས་རྟོགས་པའི་ཐབས་སུ་བརྟེན་
དགོས་མོད། །ཤིན་ཏུ་ཉེ་བའི་ཐབས་ཀྱང་མ་ཡིན་ནོ། །སྒྱུ་ལུས་ཟུང་འཇུག་ལམ་གྱི་ལྷ་སྐུ་དང༌། །
སྟོང་ཉིད་དབྱིངས་སུ་འཇོག་པའི་ཤེས་པ་དང༌། །ཚོགས་དྲུག་ཤེས་པས་གསལ་བར་མྱོང་
བ་ཡི། །ཐིག་ལེ་འགྱུར་མེད་བདེ་སྟོང་ལྷན་སྐྱེས་རྣམས། །གནས་ལུགས་རྟོགས་པར་ཉེ་བའི་
ཐབས་མཆོག་སྟེ། །ཐབས་དེ་རྣམས་ཀྱང་ཀུན་རྫོབ་སྒྱུ་མ་ཙམ། །རེས་འགའ་དོན་དམ་ཡིན་
པར་གསུངས་སྲིད་ནའང༌། །དོན་དམ་རྟོགས་པའི་ཐབས་ལ་དགོངས་པ་ཡིན། །དམ་པའི་དོན་
གྱི་བདེ་གསལ་སྟོང་པ་ནི། །རྣམ་ཤེས་ཡུལ་མིན་ཡེ་ཤེས་ཁོ་ནའི་ཡུལ། །མ་བཅོས་ལྷུན་གྲུབ་
དངོས་པོའི་གནས་ལུགས་ཏེ། །རང་རིག་ཙམ་གྱི་ངོ་བོར་རྟག་ཏུ་གནས། དེ་ལྟར་རྒྱུད་ཀྱི་སྤྱིའི་
དོན་བློ་ཡུལ་དུ་ངེས་པར་བྱས་ནས། ད་ནི་རྒྱུད་ཀྱི་ཚིག་གི་དོན་བཤད་པ་ལ་འཇུག་པར་བྱའོ། །
དེ་ཡང་དགོས་པའི་དོན་དང༌། བསྡུས་པའི་དོན་དང༌། ཚིག་གི་དོན་གསུམ་ལས། དང་པོ་
ནི། རྒྱུད་འདིའི་ཚིག་གི་ཚོགས་ནི་བརྗོད་བྱེད་ཡིན་ལ། རྒྱུད་གསུམ་ནི་བརྗོད་བྱ་ཡིན། དེ་ཉིད་
བདེ་བླག་ཏུ་རྟོགས་ནས་ལམ་ལ་ཡོངས་སུ་འཇུག་ཅིང་གནས་སྐབས་ཀྱི་འབྲས་བུ་ཐོབ་པ་ནི་
དགོས་པ་ཡིན་ལ། མཆོག་གི་དངོས་གྲུབ་ཐོབ་པ་ནི་དགོས་པའི་ཡང་དགོས་པའོ། །བརྗོད་བྱ་
11-1-340


དང༌། རྗོད་བྱེད་དང༌། དགོས་པ་དང༌། ཉིང་དགོས་རྣམས་ཕྱི་མ་ཕྱི་མ་སྔ་མ་སྔ་མ་ལ་བལྟོས་པ་
ནི་འབྲེལ་བའོ། །
གཉིས་པ་ལ། སྒྲ་ཇི་བཞིན་པ་ཁོ་ནའི་དབང་དུ་བྱས་པའི་བསྡུས་དོན་དང༌། མཐའ་དྲུག་ལ་
དགོངས་པའི་དབང་དུ་བྱས་པའི་བསྡུས་དོན་ནོ། །དང་པོ་ནི་བསྡུས་དོན་བཞི་བཅུ་ཞེ་གཉིས་
ཏེ། དེ་ནས་རྡོ་རྗེ་མཁའ་འགྲོ་མ་སོགས་ཀྱིས་བཤད་པར་དམ་བཅའ་བ་དང༌། གང་ཞིག་གིས་
ནི་སོགས་ཤེས་བྱ་གཤིས་ཀྱི་གནས་ལུགས་རྟོགས་པའི་ཕན་ཡོན་དང་བཅས་པ་དང༌། ཆོས་
རྣམས་སོགས་རྒྱུད་གསུམ་གྱི་རང་བཞིན་དང༌། རྣལ་འབྱོར་མ་ཀུན་སོགས་འབྲས་རྒྱུད་རྒྱས་
བཤད་དང༌། ཡི་གེ་དང་ནི་སོགས་བསྐྱེད་རིམ་མདོར་བསྟན་དང༌། ངེས་པ་མེད་ཅིང་སོགས་
ཆགས་ལམ་གྱི་ཆེ་བ་དང༌། རྟག་ཏུ་ཤེས་རབ་སོགས་ཕྲ་ཐིག་གི་རྣལ་འབྱོར་དང༌། སེམས་དང་
སོགས་ཡེ་ཤེས་ལྔ་དང༌། ཨཱ་ལི་སོགས་ཀྱིས་གཏུམ་མོ་དང༌། གང་གང་སོགས་ཀྱིས་བསམ་མི་
ཁྱབ་དང༌། དམ་ཚིག་ཆེན་པོ་སོགས་ཀྱིས་མཆོག་གི་བཟའ་བ་དང༌། སྒྱུ་འཕྲུལ་ཆེན་མོ་རབ་
སྦྱོར་སོགས་ཀྱིས་མཆོད་པའི་བྱ་བ་དང༌། གང་གི་ཤེས་པའི་སོགས་ཀྱིས་ཐིག་ལེའི་རྣལ་འབྱོར་
དང་བཟླས་པ་གཉིས་ཀ་དང༌། འདོད་པ་སོགས་ཀྱིས་སྤྱོད་པ་ཕན་ཡོན་དང་བཅས་པ་དང༌། 
བཀླགས་པས་གྲུབ་པ་སོགས་ཀྱིས་རྒྱུད་ཀྱི་ཆེ་བ་སྟེ་ལེའུ་དང་པོ་དོན་ཚན་བཅོ་ལྔའོ། །ལེའུ་ཕྱི་
མ་གཉིས་ནི་དེའི་མ་ཚང་བ་ཁ་བསྐོང་བ་སྟེ། དེ་ནས་རྣལ་འབྱོར་མའི་སོགས་རྡོ་རྗེའི་བཟླས་
པ་དང༌། དེ་ལ་བརྟུལ་ཞུགས་སོགས་དེའི་ཆེ་བ་དང༌། སྔགས་དང་སོགས་རྒྱུད་དོན་གྱི་གཙོ་
བོ་བསྡུ་བ་དང༌། དེ་ལྟར་རྒྱུན་དུ་སོགས། རྣལ་འབྱོར་གོམས་པའི་དུས་ཚད་དང༌། དབང་པོའི་
མདོག་དང་སོགས་གོ་ཆ་དྲུག་གི་ལས་ཚོགས་དང༌། ཡི་གེ་དྲུག་དང་སོགས་གོ་ཆ་འགོད་ཚུལ་
དང༌། མིག་གཉིས་སོགས་བུམ་པ་ཅན་བཙན་ཐབས་སུ་དགག་པ་དང༌། སྲོག་དང་སོགས་
རྩོལ་བས་དགག་པ་དང༌། འོག་མིན་སོགས་དངོས་པོའི་རང་བཞིན་ཡིན་ཡང་རྟོགས་དཀའ་བ་
11-1-341


དང༌། གང་ཕྱིར་སོགས་རྣལ་འབྱོར་གྱི་མན་ངག་གིས་རྟོགས་སླ་བ་དང༌། རྣལ་འབྱོར་སོགས་
འོད་གསལ་གྱི་རྣལ་འབྱོར་དང༌། གོང་བུར་སོགས་ལུས་ཀྱི་དབུས་སུ་ཐིག་ལེའི་རྣལ་འབྱོར་
བསྒོམ་པ་དང༌། སྒོ་དགུ་སོགས་བཟའ་བའི་དམ་ཚིག་ཕན་ཡོན་དང་བཅས་པའི་འཕྲོས་ཏེ་
ལེའུ་གཉིས་པ་དོན་ཚན་བཅུ་གསུམ་མོ། །
དེ་ནས་སོགས་བཤད་པར་ཞལ་གྱིས་བཞེས་ཏེ། དམ་ཚིག་སོགས་བདུད་རྩི་རིལ་བུ་
སྒྲུབ་ཐབས་དང༌། དེ་ནས་འདིར་སོགས་ལྷའི་རྣལ་འབྱོར་གྱི་རྒྱས་བཤད་དང༌། དང་པོའི་
སྔགས་དང་སོགས་བདུད་རྩི་བྱིན་གྱིས་རློབ་ནུས་པའི་ཚད་དང༌། དེ་ལྟར་རྣལ་འབྱོར་སོགས་
ལྷའི་རྣལ་འབྱོར་བསྒོམ་པའི་ཕན་ཡོན་དང༌། ཡི་གེ་གོ་བཟློག་སོགས་ཀྱིས་བཟའ་བའི་དམ་
ཚིག་བྱིན་གྱིས་རློབས་ཚུལ་དང༌། རྡོ་རྗེའི་ཆུ་དང་སོགས་མཆོག་གི་བཟའ་བ་བརྟེན་ཚུལ་དང༌། 
ཡི་གེ་བརྒྱད་ཀྱི་སོགས་བཟའ་བའི་དམ་ཚིག་བརྟེན་ཚུལ་སྤྱི་དང་བརྒྱད་པའི་ཐ་མར་སོགས་
མཁའ་གསང་བྱིན་རླབས་དང༌། དེ་ནས་འདིར་ནི་སོགས་ཞུ་བ་གླུས་བསྐུལ་དང༌། དེ་ལྟར་
རྟག་ཏུ་སོགས་རྒྱུན་གྱི་ཉམས་ལེན་སྤྱོད་པར་བཅས་པའི་དུས་དང༌། རྒྱན་རྣམས་སོགས་རིག་
མ་ཆས་སུ་འཇུག་ཚུལ་ཕན་ཡོན་དང་བཅས་པ་དང༌། དབང་པོ་གཉིས་ནི་སོགས་སྤྱོད་པའི་
ལོངས་སྤྱོད་ཕན་ཡོན་དང་བཅས་པ་སྟེ། ལེའུ་གསུམ་པ་ལ་དོན་ཚན་བཅུ་གཉིས་སོ། །
འདིར་ཚིགས་བཅད་དུ་གྱུར་པ་ནི་སོགས་རྒྱུད་ཀྱི་དོན་བསྡུ་དང༌། གང་གི་ཁྱིམ་དུ་སོགས་
ནི་རྒྱུད་འདིའི་ཆེ་བའི་འཕྲོས་ཏེ། ལེའུ་གསུམ་པའི་འཕྲོས་དོན་ཚན་གཉིས་སོ། །གཉིས་པ་
ནི། རྒྱུད་གསུམ་གཏན་ལ་ཕབ་པའི་མངོན་པར་རྟོགས་པའི་སྟེང་དུ་རྒྱུད་ཚིག་རྣམས་འཁྲུགས་
སྡེབས་པ་ཉིད་ཡིན་ཏེ་གོང་དུ་བཤད་ཟིན་ཏོ། །གསུམ་པ་ཚིག་དོན་ལ། བཤད་པ་ལ་འཇུག་
པའི་བྱ་བ། བཤད་པ་ཉིད་ཉེ་བར་དགོད་པ། བཤད་པ་མཐར་ཕྱིན་པའི་བྱ་བའོ། །དང་པོ་ལ་
མཚན་གྱི་དོན་དང༌། འགྱུར་གྱི་ཕྱག་གཉིས་ལས་དང་པོ་ནི། རྒྱ་གར་སྐད་དུ། ཤྲཱི་མཧཱ་མ་ཡ་
11-1-342


ཏནྟྲ་རཱ་ཛ་ནཱ་མ། བོད་སྐད་དུ། དཔལ་སྒྱུ་འཕྲུལ་ཆེན་མོ་ཞེས་བྱ་བ་རྒྱུད་ཀྱི་རྒྱལ་པོ་ཞེས་པ་སྟེ། 
དེ་ཡང༌། ཤྲཱི་ནི་དཔལ་མཧཱ་ནི་ཆེན་པོ། མ་ཡ་ནི་སྒྱུ་མའམ་སྒྱུ་འཕྲུལ། ཏནྟྲ་ནི་རྒྱུད། རཱ་ཛ་ནི་
རྒྱལ་པོ། ནཱ་མ་ནི་ཞེས་བྱ་བ་སྟེ་མཚན་ཐོག་མར་སྨོས་པ་ནི། ལོ་ཙཱ་བས་སྦྱར་བ་ཡིན་ཀྱང་རྒྱུད་
དོན་གྱི་གཙོ་བོ་མཚན་དོན་ལ་འདུ་བ་ཡིན་ལ། དེ་ཉིད་ཀྱིས་ན། དབང་པོ་རབ་ཀྱིས་མཚན་
དོན་དུ་གོ་བ་ཞེས་བླ་མ་དམ་པ་རྣམས་གསུང་སྟེ། དེས་ན། ཤྲཱི་མཧཱ་མ་ཡ་ཞེས་བྱ་བ་ལ། མ་ནི་
མུ་དྲ་སྟེ་ལས་ཀྱི་ཕྱག་རྒྱ། ཧ་ནི་ཐབས་ཀྱི་རྩ་ཁ་ཁ་མུ་ཁ་ཡི་གེ་ཧའི་རྣམ་པར་གནས་པ། ཡ་ནི་
རླུང་སྟེ་དེ་གཉིས་མཉམ་པར་སྦྱར་བས་རླུང་འགགས་པ། མ་ནི་རྗེས་ཆགས་ཀྱི་མེས་ཞུ་བའི་
ཐིག་ལེ། སྲོག་གི་ཨ་ཡིག་ནི་དེ་རྣམས་ལ། རྒྱས་ཐེབས་པའི་སྐྱེ་བ་མེད་པ། ཤྲཱི་ནི་དེ་ལས་
བྱུང་བའི་དགའ་བ་བཞིའི་ཡེ་ཤེས་རྣམས་སོ། །འདིས་ཤེས་རབ་ཡེ་ཤེས་ཀྱི་དབང་དངོས་སུ་
བསྟན་པས་སྔོན་དུ་བསྐུར་རྒྱུའི་བུམ་དབང་དང༌། གསང་དབང༌། ཕྱིས་བསྟན་པར་བྱ་རྒྱུའི་
བཞི་པ་རྣམས་ཤུགས་ལ་འཕངས་སོ། །ཡང་མཧཱ་ནི་ཡབ་ཧེ་རུ་ཀ །མ་ཡ་ནི་ཡུམ་ལྷ་མོ་ལྔ། ཤྲཱི་
ནི་ཐབས་དང་ཤེས་རབ་མཉམ་པར་སྦྱོར་བ་སྟེ་དབྱིབས་ཀྱི་རྣལ་འབྱོར་ཡང་བསྟན་ལ། ཡང་
མ་ཡིག་གིས་མགྲིན་པ་ལོངས་སྤྱོད་ཀྱི་འཁོར་ལོ། ཡ་ཡིག་གིས་སྤྱི་བོ་བདེ་བ་ཆེན་པོའི་འཁོར་
ལོ་བསྟན་ཏེ། འཁོར་ལོ་དེ་གཉིས་ཀྱི་ལྟེ་བའི་རྩ་མདུད་ཀྱང་རྒྱ་གར་གྱི་ཡི་གེ་མ་ཡ་གཉིས་ཀྱི་
རྣམ་པར་ཡོད་པས་སོ། །ཧ་ཡིག་གིས་སྙིང་ཁའི་ཧཱུཾ་དང༌། མ་ནི་ལྟེ་བའི་གཏུམ་མོ་སྟེ། སྲོག་གི་
ཨ་ནི་ཨ་ཐུང་ཡིན་ལ། དེ་ཡང་ཐིག་ལེའི་ངོ་བོར་གནས་པ་ནི་མ་ཉིད་ཀྱིས་མཚོན་ནོ། །འབར་
འཛག་ལས་བདེ་སྟོང་གི་ཡེ་ཤེས་སྐྱེ་བ་ནི་ཤྲཱི་སྟེ་སྔགས་ཀྱི་རྣལ་འབྱོར་བསྟན་ནོ། །སྒྱུ་འཕྲུལ་
ཞེས་བྱ་བ་ནི་ཀུན་རྫོབ་རྣམ་པ་སྣ་ཚོགས་པ་ཡིན་ལ། ཆེན་པོ་ནི་དོན་དམ་སྟོང་པ་ཉིད་དེ། 
བདེན་གཉིས་ཟུང་དུ་འཇུག་པའི་ཡེ་ཤེས་ནི་དཔལ་གྱི་དོན་ནོ། །དེ་ཡང་ཀུན་རྫོབ་མེད་པ་
དང༌། དོན་དམ་ཡོད་པ་ངོ་བོ་གཅིག་པ་ནི་བདེན་གཉིས་ཟུང་འཇུག་གི་དོན་ནོ། །འདིས་ཆོས་
11-1-343


ཀྱི་རྣལ་འབྱོར་བསྟན། མཧཱ་མ་ཡ་ཞེས་པ་ཡི་གེ་བཞིས་སྐུ་བཞི་མཚོན་ལ། དཔལ་ནི་གཉིས་
ཏེ། བདག་གི་དཔལ་དང༌། གཞན་གྱི་དཔལ་ལོ། དང་པོ་ནི་སྐུ་བཞི་དབྱེར་མེད་པའི་བདག་
ཉིད་ཡིན་ལ། ཕྱི་མ་ནི་གཟུགས་སྐུ་གཉིས་ཀྱིས་སེམས་ཅན་གྱི་དོན་མཛད་པའམ་འཕྲིན་ལས་
སོ། །དེ་ནི་འབྲས་བུ་དང་སྦྱར་བ་ཡིན་ལ། མན་ངག་གཞན་ལས་ནི། སྒྱུ་འཕྲུལ་ཀུན་རྫོབ་ཆེན་
པོ་དོན་དམ་སྒྱུ་འཕྲུལ་ལྷ་མོ་ཆེན་པོ་ཡབ། སྒྱུ་འཕྲུལ་སྟོང་པ། ཆེན་པོ་བདེ་བ། སྒྱུ་འཕྲུལ་སྐུ། 
ཆེན་པོ་ཡེ་ཤེས་ཞེས་སྦྱར་ཏེ་གཞི་དང་བསྐྱེད་རིམ་དང༌། རྫོགས་རིམ་དང༌། འབྲས་བུ་རྣམས་
བསྟན་པར་བཞེད་ལ་དཔལ་གྱི་དོན་ནི་སྔར་དང་འདྲའོ། །
གཉིས་པ་ནི། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །ཞེས་པ་སྟེ། འདི་ཉིད་ལོ་ཙཱ་
བས་འགྱུར་གྱི་ཚེ་བཅུག་པའམ། རྒྱ་དཔེ་ལ་བཞུགས་པ་ལྟར་བསྒྱུར་བའང་སྲིད་མོད་ཀྱི་རྒྱུད་
ཀྱི་རྡོ་རྗེའི་ཚིག་ནི་མ་ཡིན་ནོ། །༼གཉིས་པ༽གསུམ་པ་ལ། ཕྱག་འཚལ་བ་དང༌། བཤད་པར་ཞལ་གྱིས་
བཞེས་པ་དང༌། གཞུང་དངོས་སོ། །དང་པོ་ནི། དཔལ་ལྡན་རྡོ་རྗེ་མཁའ་འགྲོ་མ། །ཞེས་པ་
ལ་སོགས་པ་སྟེ། འདི་ལ་སློབ་དཔོན་ཤཱནྟི་པའི་འགྲེལ་པར་བཤད་པ་ནི་མ་མཛད་ལ། ཡིག་
མཁན་གྱིས་བཅུག་པ་ཡིན་ནོ་ཞེས་གསུང་བར་གྲགས་སོ། །ནག་པོ་པ་ནི། མཧཱ་མ་ཡའི་རྒྱུད་
དངོས་ཀྱི་ཚིག་སྟེ། དེ་ཡང་རྒྱུད་ཀྱི་མདོར་བསྟན་དུ་བཞེད་པས། བཤད་པ་ཞིབ་མོར་མཛད་
དོ། །སློབ་དཔོན་གཞན་འགའ་དག་གླེང་གཞིར་འདོད་ལ། སློབ་དཔོན་ཁ་ཅིག་ནི་གླེང་གཞི་
དང༌། མདོར་བསྟན་དུ་མི་མཛད་པར་ཚིགས་བཅད་གཉིས་པོ་འདི་ནི་མཆོད་བརྗོད་ཡིན་ཞིང༌། 
དེ་ནས་རྡོ་རྗེ་མཁའ་འགྲོ་མ་སོགས་བཤད་པར་དམ་བཅའོ། །དེ་བཞིན་གཤེགས་པ་རྣམས་
ནི་རང་དོན་དུ་མཆོད་བརྗོད་དང༌། བཤད་པར་དམ་བཅའ་བྱས་པ་ལ་དགོས་པ་མེད་མོད་ཀྱི། 
རྗེས་འཇུག་གཞན་རྣམས་ཀྱིས་བསྟན་བཅོས་བྱེད་པའི་ཚེ་འདི་ལྟར་གྱིས་ཤིག་པའམ། རྒྱུད་
འཆད་པའི་ཚེ་བར་ཆད་མི་འབྱུང་ཞིང༌། བསོད་ནམས་ཀྱི་ཚོགས་རྒྱ་ཆེན་པོ་འགྲུབ་པ་དང༌། 
11-1-344


བཤད་པ་མཐར་ཕྱིན་པའི་དོན་དུ། སྟོན་པ་ཉིད་ཀྱིས་གསུངས་པར་འདོད་དེ། འོན་ཀྱང་འདི་
ནི་ཅུང་ཟད་མི་ལེགས་ཏེ། རྒྱུད་གཞན་གང་ལའང་དེ་ལྟ་བུའི་སྟོན་ཚུལ་མེད་པ་དང༌། གླེགས་
བམ་མཆོག་ཏུ་དག་པ་མང་པོ་ལའང་ཚིགས་བཅད་འདི་གཉིས་མི་བཞུགས་པ་ཡང་ཡོད་པ་
དང༌། ཤིང་རྟ་ཆེན་པོ་འགའ་ཞིག་གིས་ཀྱང་མ་བཤད་པའི་ཕྱིར་ཞེས་བླ་མ་རྣམས་གསུང་པ་
ལྟར་འཐད་དོ། །
ཡང་བླ་མ་གོང་མ་རྣམས་ནི། ཇོ་བོ་ནཱ་རོ་པའི་གསུང་གིས་རྒྱུད་ཚིག་དངོས་མ་ཡིན་ཀྱང་
སློབ་དཔོན་ཀུ་ཀུ་རཱི་པས། རྒྱུད་ཚིག་ཡི་གེར་བཀོད་པའི་ཚེ། གཞུང་མཛེས་པའི་ཕྱིར་ཐོག་མར་
བཀོད་དོ། །ཞེས་གསུངས་སོ། །དེ་ལ་འདི་སྡོམ་འབྱུང་སོགས་ལས་འབྱུང་བའི་ཕྱིར་སྤྱིར་ནས་
རྡོ་རྗེའི་ཚིག་དངོས་ཡིན་ལ། མཧཱ་མ་ཡའི་རྒྱུད་ཚིག་དངོས་ཡིན་མིན་དཔྱད་པའི་གནས་སུ་སྣང་
མོད་ཀྱི། གླེང་གཞི་དང༌། རྒྱུད་ཀྱི་མདོར་བསྟན་ནི་མ་ཡིན་ཏེ། ཚིག་དོན་ཉིད་ཀྱིས་གསལ་ལ། 
མཆོད་བརྗོད་ཀྱང་མ་ཡིན་ཏེ། ཐེག་པ་ཆེན་པོའི་མདོ་རྒྱུད་གཞན་གང་ལ་ཡང་ཡོད་པ་མ་ཡིན་
པས་སོ། །གང་ཉན་ཐོས་ཀྱི་སྡེ་སྣོད་འགའ་ཞིག་ལ་ཡོད་པ་ནི། དཔལ་གྱི་མགུར་ནས་བྱུང་བ་
མ་ཡིན་ཏེ། བསྡུད་པ་པོ་ཁོ་ནའི་ཚིག་ཡིན་ལ། བླ་མེད་ཀྱི་རྒྱུད་ཚིག་ལ་ནི། གླེང་གཞི་དང༌། 
མཚམས་སྦྱོར་བ་ལ་སོགས་པ་རྒྱུད་ཚིག་ཐམས་ཅད་ཀྱང་སྟོན་པ་ཉིད་ཀྱི་ཞལ་ནས་གསུང་པ་
ཁོ་ན་ཡིན་ནོ། །སྤྲོས་པས་ཆོག་གོ །དེ་ཡང༌། ཚིགས་བཅད་དང་པོས་འཇིག་རྟེན་འདས་པའི་
དཀྱིལ་འཁོར་ལ་ཕྱག་འཚལ་བ་དང༌། ཚིགས་བཅད་ཕྱི་མས་ཞིང་གི་རྣལ་འབྱོར་མ་རྣམས་
ལ་ཕྱག་འཚལ་བ་བསྟན་ནོ། །དེ་ལ། དཔལ་ལྡན་རྡོ་རྗེ་མཁའ་འགྲོ་མ། །ཞེས་པའི་དཔལ་
ནི་རང་རྒྱུད་ཀྱི་ཡོན་ཏན་དང༌། གཞན་དོན་གྱི་འཕྲིན་ལས་ཡིན་ལ། དེ་ཉིད་གང་ལ་ལྡན་ཞིང་
མངའ་བའི་དཔལ་སངས་རྒྱས་མཁའ་འགྲོ་མ་ནི་རྡོ་རྗེ་སྟེ་རྟག་བརྟན་གཡུང་དྲུང་གི་གོ་འཕང་
བརྙེས་པ་ཡིན་ལ། མཁའ་འགྲོ་མ་ཞེས་བྱ་བ་ནི། ནམ་མཁའི་བརྡས་བསྟན་པའི་དབྱིངས་སྟོང་
11-1-345


པ་ཉིད་ལ། རིག་པའི་ཡེ་ཤེས་གཉིས་སུ་མེད་པའི་ཚུལ་གྱིས་འགྲོ་བ། ཤེས་རབ་དོན་དམ་
པའི་རང་བཞིན་ཡིན་པའི་ཕྱིར། མ་ཞེས་མོ་རྟགས་ཀྱི་ཚིག་རྣམ་པར་བརྗོད་པ་སྟེ། དེ་སྐད་དུ། 
རྒྱུད་གཞན་རྣམས་ལས་ཀྱང་ཌེཾ་ནི་ནམ་མཁར་འགྲོ་བ་སྟེ། སྐད་ཀྱི་དབྱིངས་ལས་རྣམ་པར་
བརྟགས། །ནམ་མཁའ་ཀུན་དུ་སྤྱོད་གྲུབ་པས། །མཁའ་འགྲོ་མ་ཞེས་རབ་ཏུ་གྲགས། །ཞེས་
སོ། །མཁའ་འགྲོ་མ་ཡི་ཞེས་པ་ནི། རིགས་བཞིའི་མཁའ་འགྲོ་མ་ལ་སོགས་པ་དཀྱིལ་འཁོར་
གྱི་ལྷ་ཚོགས་ཐམས་ཅད་དོ། །དེ་རྣམས་ཀྱི་འཁོར་ལོས་བསྒྱུར་བ་ནི་དཔལ་ཧེ་རུ་ཀ་སྟེ། གང་
ཞིག་ཐབས་དང་ཤེས་རབ་གཉིས་སུ་མེད་པ་ཟུང་དུ་འཇུག་པ་མཚོན་པ་དེ་ནི་དཔལ་ཧེ་རུ་ཀ་
དང༌། སངས་རྒྱས་མཁའ་འགྲོ་མ་མཉམ་པར་སྦྱོར་བའི་སྐུ་སྟེ། དེའི་ཡོན་ཏན་གྱི་ཁྱད་པར་
ནི། ཡེ་ཤེས་ལྔ་དང་སྐུ་གསུམ་ཉིད། །ཅེས་པས། སྐུ་གསུམ་དང་ཡེ་ཤེས་ལྔ་ངོ་བོ་གཅིག་གི་
བདག་ཉིད་དོ། །དེ་ལ་སྤྲོས་པ་ཐམས་ཅད་དང་བྲལ་བའི་ཡེ་ཤེས་ཆོས་ཀྱི་སྐུ་ཡིན་ལ། དེ་དང་
ངོ་བོ་གཅིག་པའི་དཀྱིལ་འཁོར་གྱི་འཁོར་ལོ་ནི་ལོངས་སྤྱོད་རྫོགས་པའི་སྐུ་སྟེ། དེ་ལ་མངའ་
བའི་ཡོན་ཏན་ས་བཅུ་པ་ནས་སོ་སོ་སྐྱེ་བོའི་བར་གྱི་གདུལ་བྱ་གཞན་སྣང་དུ་སྐུ་དང་མཛད་པ་
སྟོན་པར་ནུས་པ་བརྩེ་བ་དང་ནུས་མཐུའི་ཡེ་ཤེས་ནི་སྤྲུལ་པའི་སྐུའོ། །ཡེ་ཤེས་དེ་དང་རང་
རྒྱུད་ཀྱིས་བསྡུས་པའི་སྐུ་གཉིས་འཛོམས་པའི་མཐུ་ལས་ས་བཅུ་པའི་བྱང་ཆུབ་སེམས་དཔའ་
རྣམས་ལ་ངེས་པ་ལྔ་ལྡན་གྱི་ལོངས་སྐུ་སྣང་ལ། གཞན་རྣམས་ལ་གཟོ་དང་སྐྱེ་བ་དང༌། མཆོག་
གི་སྤྲུལ་སྐུ་སོགས་བརྟན་གཡོ་སྣ་ཚོགས་པའི་སྣང་བརྙན་འཆར་བ་ནི་ལོངས་སྤྱོད་རྫོགས་པ་
དང༌། སྤྲུལ་པ་དངོས་ཡིན་ཀྱང་ལོངས་སྤྱོད་རྫོགས་པའི་སྐུ་དང༌། སྤྲུལ་པའི་སྐུ་དངོས་མ་ཡིན་
ཏེ། གདུལ་བྱ་གཞན་སྣང་ཡིན་པས་སོ། །འོན་ཀྱང་སྐུ་དེ་གཉིས་ཀྱིས་བསྡུས་པར་འཇོག་སྟེ། 
དེ་གཉིས་ཀྱི་མཐུ་ལས་བྱུང་བའི་ཕྱིར། མར་མེའི་འོད་མར་མེའི་ཆོས་སུ་བསྡུ་བ་བཞིན་ནོ། །
གང་རང་རྒྱུད་ཀྱིས་བསྡུས་པ་དང༌། ལོངས་སྤྱོད་དང༌། སྤྲུལ་པ་འབྱུང་བའི་གཞི་གང་ཡིན་པ་
11-1-346


དེ་ནི། དེ་དང་དེའི་སྐུ་དངོས་སུ་རྣམ་པར་གཞག་གོ །
ཡེ་ཤེས་ལྔ་ནི། ཆོས་ཀྱི་དབྱིངས་སྤྲོས་པ་ཐམས་ཅད་དང་བྲལ་བ་ཆོས་ཐམས་ཅད་ཀྱི་ངོ་
བོར་གནས་པ་ནི་ཆོས་དབྱིངས་ཡེ་ཤེས་དང༌། ཡེ་ཤེས་དེ་ཉིད་ཀྱིས་ཆོས་ཐམས་ཅད་གཟིགས་
པ་ནི་མེ་ལོང་ཡེ་ཤེས་དང༌། གཟིགས་པའི་ཆོས་ཐམས་ཅད་མཉམ་པར་རྟོགས་པ་ནི། མཉམ་
ཉིད་ཡེ་ཤེས་དང༌། ངོ་བོ་སྟོང་པ་ཉིད་ཡིན་ཀྱང་ཀུན་རྫོབ་མཚན་ཉིད་མ་འདྲེས་པ་མཁྱེན་པ་ནི་
སོར་རྟོག་ཡེ་ཤེས་དང༌། རྒྱུ་འབྲས་མཐའ་དག་ཅིག་ཅར་གསལ་བར་རྟོགས་པའི་རྒྱུ་ལས་བྱུང་
བ། སེམས་ཅན་ཐམས་ཅད་ལ་མཉམ་པར་འཇུག་པའི་སྙིང་རྗེ་ཆེན་པོ་དམིགས་པ་མེད་པ་ནི། 
སེམས་ཅན་གྱི་དོན་སྒྲུབ་པའི་ཕྱིར། བྱ་བ་སྒྲུབ་པའི་ཡེ་ཤེས་སོ། །དེའི་འཕྲིན་ལས་ནི། འགྲོ་བ་
སྐྱོབ་ལ་ཞེས་པ་སྟེ། འགྲོ་བ་དྲུག་གི་སེམས་ཅན་ཐམས་ཅད་སྒྲིབ་པ་གཉིས་བག་ཆགས་དང་
བཅས་པ་ལས་ཡོངས་སུ་སྐྱོབ་པའི་ཕྱིར་རོ། །ཕྱག་འཚལ་བ་ནི། ཀུན་རྫོབ་ཏུ་སྒོ་གསུམ་གུས་
པས་ཕྱག་འཚལ་བ་དང༌། དོན་དམ་པར་ཡེ་ཤེས་དེ་ཉིད་རྟོགས་པར་བྱེད་པ་སྟེ། གང་གིས་
རང་གི་ཡེ་ཤེས་ནི། །ལེགས་མཐོང་གང་ཡིན་ཕྱིར་ཕྱག་ཡིན། །ཞེས་སོ། ཇི་སྙེད་རྡོ་རྗེ་མཁའ་
འགྲོ་མ། །ཞེས་སོགས་ལ། ངོ་བོ་སངས་རྒྱས་ཀྱི་ས་ལ་གནས་པ་ཡིན་ཀྱང་རྣམ་པ་འགྲོ་བ་ལྔ་
པོ་གང་རུང་གི་ལུས་ཅན་ཚོགས་ལམ་ནས་ས་བཅུ་པའི་བར་གྱི་ལམ་ལ་གནས་པ་ལྟར་སྟོན་པ་
དང༌། དངོས་སུ་ཡང་ས་བཅུ་གཉིས་ལ་གནས་པ་རྣམས་ཀྱང་སྟེ། ཞིང་རྣམས་ན་ཡོངས་སུ་རྒྱུ་
ཞིང་སྤྱོད་པ་ཡིན་ལ། ཇི་སྙེད་ཅེས་པ་མང་ཚིག་སྟེ། ཞིང་སྐྱེས་དང༌། སྔགས་སྐྱེས་དང༌། ལྷན་
ཅིག་སྐྱེས་མའི་རིགས། རྡོ་རྗེ་མཁའ་འགྲོ་མ་གྲངས་མེད་པ་རྣམས་སོ། །དེའི་མཛད་པ་ནི། 
བདག་དང་གཞན་གྱི་ཀུན་དུ་རྟོག་པའི་འཆིང་བ་གཅོད་པར་མཛད་ཅིང༌། འཕྲིན་ལས་འཇུག་
ཚུལ་ནི། འཇིག་རྟེན་རྣམས་གང་ལ་གང་འདུལ་གྱི་བྱ་བ་རྣམ་པ་སྣ་ཚོགས་པ་ཐམས་ཅད་ལ་
རབ་ཏུ་འཇུག་ཅིང་ཞུགས་ནས། བླ་ན་མེད་པའི་བྱང་ཆུབ་ལ་དཀྲི་བར་མཛད་པ་ལ་དེ་སྙེད་
11-1-347


རྣམས་ལ་བདག་ཕྱག་འཚལ་ལོ་ཞེས་པའོ། །གཉིས་པ་ནི། དེ་ནས་ཞེས་སོགས་ཏེ། འདི་ནི་
རྒྱུད་རྒྱས་པ་ལས་ཡོངས་སུ་བྱུང་བ་ཡིན་པའི་ཕྱིར། སྔར་རྒྱས་པར་གསུངས་ཟིན་པ་ལས་སླར་
ཡང་བསྡུས་པ་ལ་དགའ་བ་རྣམས་ཀྱི་དོན་དུ་དེ་ནས་ཞེས་ཚིག་གི་མཚམས་སྦྱར་བའོ། །སློབ་
དཔོན་ཤནྟིའི་པའི་འགྲེལ་པ་ལས། དེ་ནས་དེ་ལ་ཞེས་པའི་བཤད་པ་མཛད་ཅིང༌། ནག་པོ་པས་
ནི། དེ་ནས་དེས་ན་ཞེས་པའི་ཚིག་ལ་བཤད་པ་མཛད་ཀྱང༌། གཞུང་ཕལ་ཆེར་ན། དེ་ལ་དང༌། 
དེས་ན་ཞེས་པའི་ཚིག་མེད་ཅིང༌། བླ་མ་གོང་མ་རྣམས་ཀྱང་དེའི་དབང་དུ་བྱས་ནས་འཆད་
པས་འདིར་ཡང་དེ་ལྟར་བྱའོ། །
སློབ་དཔོན་ཁ་ཅིག་ནི། དེ་ནས་ཞེས་པའི་ཨ་ཐ་ཞེས་པ་ལ། ཨ་ནི་སྟོང་པ་ཉིད་དེ་ཨེ་ཡིག་
གི་དོན་ཡིན་ལ། ཐ་ནི་དབྱིབས་ཀྱི་ཁྱད་པར་གྱིས་ཝཾ་ཡིག་མཚོན་པ་ཡིན་པས། ཚིག་འདི་གླེང་
གཞིར་ཡང་འདོད་ལ། ནག་པོ་པས་ནི། རྒྱུད་འདི་ལ་གླེང་གཞི་མེད་དེ། ཐེག་པ་མཆོག་གི་
ལུགས་ལ་སངས་རྒྱས་སྤྲུལ་པའི་སྐུ་ཡང་མྱ་ངན་ལས་འདའ་བ་མེད་པས། བསྡུད་པ་པོ་རྣམས་
ཀྱི་ཐོས་པ་སྒྲོག་པ་མི་དགོས་པ་མཚོན་པར་བཤད་མོད། རྒྱུད་སྡེ་འགའ་ཞིག་ལ་གླེང་གཞི་
མེད་པའང་སྣང་ལ་ཁྱད་པར་རྒྱུད་རྒྱས་པ་སྟོང་ཕྲག་བཅུ་དྲུག་པ་གསུངས་པའི་རྗེས་ཐོགས་སུ། 
བར་མ་ཆད་པར་རྒྱུད་འདི་ཉིད་གསུངས་པའི་ཕྱིར། རྒྱུད་ཕྱི་མ་རྣམས་ལྟར་གླེང་གཞི་མེད་པ་
ཡིན་ནོ་ཞེས་བླ་མ་གོང་མ་རྣམས་གསུང་པ་ལྟར་ལེགས་སོ། །རྡོ་རྗེ་མཁའ་འགྲོ་མ་ཞེས་པ་ལ་
རྡོ་རྗེ་ནི་འགྱུར་བ་མེད་པ་སྤྲོས་པ་དང་བྲལ་བའི་ཡེ་ཤེས་མངོན་དུ་གྱུར་པ་སྟེ། དེ་ལྟ་བུའི་རྡོ་རྗེ་
མཁའ་འགྲོ་མ་རྣམས་ནི། སྐུ་དང༌། གསུང་དང༌། ཐུགས་ཀྱི་གསང་བ་བསམ་གྱིས་མི་ཁྱབ་པ་
ཡིན་པའི་ཕྱིར། གསང་བའི་དབང་ཕྱུག་མ་རྣམས་ཏེ། དེ་རྣམས་ཀྱི་རྒྱུད་ཅེས་བྱ་བ་ནི། བརྗོད་
བྱ་དོན་གྱི་དབང་ལྟར་བྱས་ན་དེ་དག་གིས་རྟོགས་པར་བྱ་བ་ཡེ་ཤེས་ཀྱི་ཡུལ་ཉམས་སུ་མྱོང་བ་
དང༌། ཡོངས་སུ་སྤྱད་པའི་དོན་ཡིན་ལ། བརྗོད་བྱེད་ཚིག་གི་དབང་ལྟར་ན། དེ་རྣམས་ཀྱིས་
11-1-348


གསུངས་པའོ། །དེའི་ཁྱད་པར་ནི། མཆོག་ཏུ་གསང་བ་སྟེ། མུ་སྟེགས་དང་ཐེག་པ་འོག་མའི་
རིགས་ཐམས་ཅད་ལ་གསང་བའམ། མཆོག་ནི་རྣམ་པར་མི་རྟོག་པའི་ཡེ་ཤེས་ཡིན་ལ། དེའི་
སྤྱོད་ཡུལ་དེ་ཁོ་ན་ཉིད་ནི་གཞན་གྱིས་རྟོགས་པ་མ་ཡིན་པའི་ཕྱིར་གསང་བའོ། །མཆོག་ཏུ་
གསང་བ་ཞེས་བྱ་བའི་རྒྱུད་ཅེས་པ་ལྟར་ན། རྒྱུད་ཀྱི་མཚན་སྟོན་པ་ཡིན་པས། གསང་བ་ནི་
གསང་བ་ཡིད་བདེའོ་ཞེས་བླ་མ་གོང་མ་རྣམས་གསུང་ངོ༌། །གང་ལྟར་ཡང་བརྗོད་བྱ་དོན་གྱི་
མིང་བརྗོད་བྱེད་ལ་བཏགས་པ་ཡིན་པས། རྒྱུད་ཀྱི་རྒྱལ་པོ་འདི་ལ་ཡང་རྡོ་རྗེ་མཁའ་འགྲོ་མ་
གསང་བའི་དབང་ཕྱུག་མ་རྣམས་ཀྱི་མཆོག་ཏུ་གསང་བ་ཞེས་པའི་མཚན་གདགས་སུ་རུང་ངོ༌། །
དེས་ན་དེ་ལྟ་བུའི་རྒྱུད་བཤད་པར་བྱ་སྟེ། ཞེས་ཞལ་གྱིས་བཞེས་པའོ། །
གསུམ་པ་ནི། གོང་དུ་བསྟན་པའི་བསྡུས་དོན་རྣམ་པ་གཉིས་ཀྱི་སྟེང་ནས་བཤད་ཀྱང་རུང་
མོད་ཀྱི། བློ་གྲོས་འཕེལ་བའི་ཕྱིར་བསྡུས་དོན་རྣམ་གྲངས་གཞན་གྱི་སྒོ་ནས་བཤད་པར་བྱ་
སྟེ། དེ་ཡང་ལེའུ་དང་པོས་གཞི་ལམ་འབྲས་བུ་གསུམ་གྱི་རྣམ་གཞག་རྒྱས་པར་བཤད་ལེའུ་ཕྱི་
མ་གཉིས་ཀྱིས་མ་ཚང་བ་ཁ་བསྐོང་བ་ཞིབ་མོར་བསྟན། དོན་བསྡུ་ཕན་ཡོན་དང་བཅས་པས་
རྒྱས་བཤད་ལ་ངེས་ཤེས་བསྐྱེད་པ་སྟེ་གསུམ་མོ། །དང་པོ་ལ་ལྔ་སྟེ། གཞི་ལམ་འབྲས་བུས་
བསྡུས་པའི་ཤེས་བྱའི་གནས་ཚུལ་རྒྱས་པར་བཤད། རྟེན་གྱི་གང་ཟག་སྣོད་རུང་དུ་སྒྲུབ་པའི་
ཕྱིར་དབང་བསྐུར་བ་བསྟན། བློ་དམན་སྤྲོ་བ་བསྐྱེད་པའི་ཕྱིར་ལས་དང་ཐུན་མོང་གི་དངོས་
གྲུབ་བཤད། ཉམས་ལེན་ལམ་གྱི་ངོ་བོ་མཐར་རྒྱས་སུ་རྣམ་པར་དབྱེ། དེ་ལྟར་སྟོན་པའི་རྒྱུད་
ཀྱི་ཆེ་བ་ཆེད་དུ་བྱ་བའི་གདུལ་བྱ་བསྟན་པ་དང་བཅས་པའོ། །དང་པོ་ལ། ཤེས་བྱ་གཤིས་ཀྱི་
གནས་ལུགས་རྒྱས་པར་བསྟན་པ་དང༌། རྒྱུད་གསུམ་གྱི་རང་བཞིན་རྣམ་པར་དབྱེ་བའོ། །དང་
པོ་ལ། ཤེས་བྱ་གཤིས་ཀྱི་གནས་ལུགས་དང༌། དེ་རྟོགས་པའི་ཕན་ཡོན་ནོ། །
དང་པོ་ནི་གང་ཞིག་གིས་ནི་ཀུན་ཁྱབ་པ། །ཞེས་པ་ནས། སྒྱུ་མའི་བདག་ཉིད་ཅེས་རྣམས་
11-1-349


གྲགས། །ཞེས་པའི་བར་ཏེ། འདི་ལ་དོན་གྱི་གཙོ་བོ་སེམས་དངོས་པོའི་གནས་ལུགས་སྦྱར་
བ་དང༌། སྦས་དོན་ལུས་དངོས་པོའི་གནས་ལུགས་དང་སྦྱར་བ། འཕྲོས་དོན་འབྲས་བུའི་
གནས་སྐབས་དང་སྦྱར་བ་སྟེ་གསུམ་ལས། དང་པོ་ནི། ཆོས་ཀྱི་དབྱིངས་སྤྲོས་པ་ཐམས་ཅད་
དང་བྲལ་བའི་ཡེ་ཤེས། གང་ཞིག་གིས་ནི་དངོས་པོ་ཀུན་ལ་ཡོངས་སུ་ཁྱབ་པ་སྟེ། གང་ལ་
ཁྱབ་པའི་དངོས་པོ་ཀུན་དེ་ཡང་ཅི་ཞེ་ན། རྒྱུ་དང་མི་རྒྱུ་ཞེས་ཏེ། རྒྱུ་བ་བཅུད་ཀྱི་སེམས་ཅན་
ཐམས་ཅད་དང༌། མི་རྒྱུ་བ་སྣོད་ཀྱི་འཇིག་རྟེན་ཐམས་ཅད་ལ་ཁྱབ་བོ། །དེ་ཡང་ཆོས་ཉིད་ཀྱི་
ཚུལ་གྱིས་མཉམ་པ་ཉིད་དུ་ཁྱབ་པ་ཡིན་ཞིང༌། དེ་ཉིད་དོན་དམ་པའི་བྱེད་པ་པོར་བསྟན་པ་
ནི། ཚངས་སྒོ་ང༌། ཞེས་བྱ་བ་ལ་སོགས་པ་སྟེ། དེ་ཡང༌། ཚངས་པའི་སྒོ་ང་ལས་ནི་ཚངས་པ་
བྱུང་ལ། དེས་ནི་འཇིག་རྟེན་འདི་དག་སྤྲུལ་ཤིང་འཇིག་པར་བྱེད་དོ་ཞེས་འཇིག་རྟེན་རྣམས་
བློས་རྣམ་པར་རྟོག་པ་དེ་བཞིན་དུ། དེ་དང་མཐུན་པའི་ཚིག་གིས་བསྟན་པ་ཡིན་ཞིང༌། འཇིག་
རྟེན་ན་དེ་ལྟར་འདོགས་པ་ཡང་དེ་ཁོ་ན་ཉིད་ཀྱི་ཕྱོགས་གཅིག་གོ་བ་ལ་བསྟེན་ནས་སྐྱེས་པའི་
འཕྲུལ་བ་སྟེ། དམུས་ལོང་གིས་གླང་པོ་ཆེ་ལ་རེག་པ་བཞིན་ནོ། །དེས་ན་གཉིས་སུ་མེད་པའི་
ཡེ་ཤེས་གང་ལས་སྒྲིབ་བྲལ་དུ་གྱུར་པ་ན། དག་པའི་དཀྱིལ་འཁོར་རབ་འབྱམས་འབྱུང་ཞིང༌། 
མྱ་ངན་ལས་འདས་པ་ཐོབ་པ་ཞེས་བྱ་ལ། དེ་ཉིད་དྲི་མ་དང་བཅས་པ་ལས་ནི་དྲི་མ་རྣམས་ཀྱི་
མཐུས་སྲིད་པ་འཁོར་བའི་ཆོས་ཐམས་ཅད་བྱུང་ཞིང༌། ལམ་བསྒོམས་པས་དེ་དག་དབྱིངས་དེ་
ཉིད་དུ་ཉེ་བར་འགག་པའང་ཡིན་ནོ། །
དེས་ན་དབྱིངས་སྟོང་པ་ཉིད་ཀྱི་ངང་ལས་འཁོར་འདས་མཐའ་དག་བྱུང་ཞིང༌། བྱུང་བའི་
དུས་ནའང་སྟོང་པའི་བདག་ཉིད་དུ་གནས། མ་དག་པའི་ཆོས་རྣམས་འགག་པ་ནའང༌། དེའི་
བདག་ཉིད་དུ་འགག་སྟེ། དེ་ལ་དགོངས་ནས། བསྐྱེད་པ་དང༌། འཇིག་པའམ་སྤྲོ་བ་དང་
བསྡུད་པའི་བྱེད་པ་པོ་ཞེས་དབྱིངས་དེ་ཉིད་ལ་གསུངས་པ་ཡིན་གྱི། བྱེད་པའི་སྐྱེས་བུ་ཡོད་པ་
11-1-350


ནི་མ་ཡིན་ནོ། །དེ་ལྟར་ན་ཆོས་ཀྱི་དབྱིངས་དེ་ཉིད་ནི་ཚངས་པའི་སྒོ་ང་ཞེས་རྣམ་པར་བཏགས་
པའི་གཞི་ཡིན་ལ། འབྲས་བུའི་དུས་ན་ལྷ་མོ་སྟེ་རྣལ་འབྱོར་མའི་དཀྱིལ་འཁོར་གྱི་འཁོར་ལོ་
ཐམས་ཅད་བསྐྱེད་པར་བྱེད་ཅིང༌། ཚངས་པའི་བརྡས་ནི་སངས་རྒྱས་རྣམ་པར་སྣང་མཛད་
དེ། དེ་ལ་སོགས་པའི་སྒྲས་མི་བསྐྱོད་པ་ལ་སོགས་པ་རིགས་བཞི་དང༌། དེས་མཚོན་པའི་ལྷ་
ཡབ་ཀྱི་དཀྱིལ་འཁོར་ཐམས་ཅད་ཀྱང་སྤྲོ་བར་བྱེད་པའི་བདག་ཉིད་ཆེན་པོའོ། །གཞན་ཡང་
ཚངས་པ་དང༌། ཁྱབ་འཇུག་དང༌། དབང་ཕྱུག་དང༌། གཙོ་བོ་དང༌། དུས་ལ་སོགས་པ་བྱེད་པ་
པོར་བཏགས་པ་ཐམས་ཅད་ཀྱང་ཆོས་དབྱིངས་འདི་ལ་བརྟེན་ནས་བཏགས་པ་ཡིན་པའི་ཕྱིར་
དེ་རྣམས་ཀྱི་བདག་ཉིད་ཆེན་པོའོ་ཞེས་ཀྱང་བཤད་པར་བྱའོ། །དེ་རྣམས་ཀྱིས་ནི་གསང་ཆེན་
འདི། །ཞེས་པ་ལ། རྡོ་རྗེ་མཁའ་འགྲོ་མ་རྣམས་དང༌། དེ་བཞིན་གཤེགས་པ་དེ་རྣམས་ཀྱིས་
ནི་མངོན་དུ་གྱུར་ཞིང་རྟོགས་པའི་གསང་བ་ཆེན་པོ་སྟེ་གཞན་གྱིས་རྟོགས་པར་དཀའ་བ་ཤེས་
བྱ་གཤིས་ཀྱི་གནས་ལུགས་སེམས་རང་བཞིན་གྱི་འོད་གསལ་བ་འདི་ནི། སྒྱུ་འཕྲུལ་ཆེན་མོ་
ཞེས་བྱ་སྟེ། དཔེར་ན་སྒྱུ་འཕྲུལ་གྱི་རིག་སྔགས་ལས་ནམ་མཁའ་སྟོང་པར་ཡང་ཁང་བཟང་ལ་
སོགས་པ་སྤྲུལ་པར་བྱེད། ཤིང་བུ་དང༌། རྡེའུ་ལས་ཀྱང་རྟ་དང་གླང་པོ་སྤྲུལ་པ་ན། དེ་དག་སྣང་
བའི་དུས་ཉིད་ན་ནམ་མཁའ་དང་ཤིང་བུ་དང་རྡེའུ་ལས་གཞན་པ་གང་ཡང་ཡོད་པ་མ་ཡིན་
ཞིང༌། མེད་ཀྱང་རྐྱེན་དེ་དག་ལ་རྟེན་ནས་དེ་དང་དེར་སྣང་བ་བཞིན་དུ་སེམས་ཀྱི་རང་བཞིན་
གདོད་མ་ནས་སྤྲོས་པ་དང་བྲལ་བ་རང་གི་རིག་པའི་བདག་ཉིད་ཙམ་ལས། འཁོར་འདས་
ཀུན་རྫོབ་ཀྱི་སྣང་བ་ཅི་ཡང་འཆར་མོད་ཀྱི། ཤར་བའི་དུས་ན་ཡང་དེའི་ངོ་བོར་མེད་ཅིང༌། 
རང་རིག་ཙམ་ཁོ་ན་གནས་པ་ཡིན་ལ། ནམ་མཁའ་སོགས་མེད་ན་སྒྱུ་མ་སྤྲུལ་པ་མི་འབྱུང་བ་
བཞིན་དུ། སེམས་ཉིད་མེད་ན་འཁོར་འདས་ཀྱི་སྣང་བ་མི་འབྱུང་བས་དེ་དང་དེས་སྤྲུལ་ཞེས་
བརྗོད་ཀྱིས། སྤྲུལ་པར་བྱ་བ་དང༌། སྤྲུལ་པ་པོ་ཡོངས་སུ་འབྲེལ་པ་ནི་མེད་ལ་སྒྱུ་མ་དང་འདྲ་
11-1-351


བ་ཡང་དག་པའི་སྒྱུ་མ་ཡིན་པའི་ཕྱིར་སྒྱུ་འཕྲུལ་ཆེན་མོའོ། །དེ་ཉིད་ནི་བླ་ན་མེད་པ་ཡང་དག་
པ་རྫོགས་པའི་བྱང་ཆུབ་ཀྱི་ཕུན་སུམ་ཚོགས་པ་ཐམས་ཅད་ལ་དབང་བསྒྱུར་བའི་ཕྱིར་དབང་
ཕྱུག་ཆེན་པོ་ཞེས་བྱ་ལ། སྒྱུ་འཕྲུལ་ཆེན་མོ་དེ་ཉིད་ནི་ལམ་བསྒོམས་པས་འཁོར་བའི་ཆོས་
ཐམས་ཅད་ཡོངས་སུ་ཟད་པར་བྱེད་པའི་ཕྱིར། དྲག་མོ་ཆེན་མོ་ཞེས་ཀྱང་བྱའོ། །དེ་ལྟར་ཡང་
དགྱེས་པའི་རྡོ་རྗེ་ལས། རང་གིས་འཕྲོག་ཅིང་རང་གིས་བྱེད། །རང་ཉིད་རྒྱལ་པོ་རང་གཙོ་བོ། །
ཞེས་གསུངས་སོ། །སྟོང་པ་ཉིད་ལས་འབྱུང་བ་བཞི་དང༌། འབྱུང་བ་ལས་གྱུར་པའི་དངོས་པོ་
གཟུགས་སྒྲ་དྲི་རོ་རེག་བྱའི་ཚོགས་རྣམས་སྒྱུ་མ་ལྟར་སྣང་བ་ཤར་བའི་ཚུལ་གྱིས་བསྐྱེད་པར་
མ་ཟད། སྒྱུ་མའི་སྣང་བ་ནུབ་པ་ལྟར་འགྲོ་འོང་མེད་པའི་ཚུལ་གྱིས་ཡང་དག་པར་བསྡུད་པར་
མཛད་པའང་ཡིན་ལ། དཔེར་ན་ཆུ་རླབས་ཐམས་ཅད་ལ་ཆུས་ཁྱབ་པ་བཞིན་དུ། ཀུན་རྫོབ་
ཀྱང་ཇི་ལྟར་སྣང་བ་དེ་ཐམས་ཅད་ནི་ཡོད་པ་མ་ཡིན་ལ། དེ་དག་ལ་ཇི་ལྟར་ཡོད་པའི་ཆོས་
ཉིད་ཐམས་ཅད་ལ་ནི་རང་གི་སེམས་ཉིད་ཁོ་ན་བདག་གཅིག་པའི་ཚུལ་གྱིས་ཡོངས་སུ་ཁྱབ་
པོ་ཞེས། དོན་ནི་ཆོས་ཉིད་ཐ་དད་མེད་པའོ། །དེ་བཞིན་དུ་རྒྱུ་བ་བཅུད་དང༌། མི་རྒྱུ་བ་སྣོད་
ཀྱི་འཇིག་རྟེན་གསུམ་པོ་འདི་ཀུན་ལ་ཤེས་བྱ་གཤིས་ཀྱི་གནས་ལུགས་སེམས་ཉིད་གང་གིས་
བྱེད་པ་པོ། །རྒྱུའི་ཚུལ་གྱིས་ཁྱབ་པ་དང༌། ངོ་བོ་རང་བཞིན་གཅིག་པའི་ཚུལ་གྱིས་ཀྱང་ཁྱབ་
ཅེས་བརྗོད་དོ། །དེ་ལྟ་བུའི་ཆོས་ཉིད་དེ་ལམ་བསྒོམ་པའི་ཚེ་དེ་ནས་ཡང་ནི་མ་དག་པའི་སྣང་
བ་འདི་ཐམས་ཅད་གདོད་མ་ནས་མེད་པ་ལ་མེད་པར་རྟོགས་པས་སྤང་བྱ་སྤོང་དུ་མེད་པའི་
ཚུལ་གྱིས་དབྱིངས་དེར་ཡོངས་སུ་བསྡུས་ནས་སྐུ་དང་གསུང་དང་ཐུགས་ཀྱི་གསང་བ་བསམ་
གྱིས་མི་ཁྱབ་པ་དོན་དམ་པའི་འཇིག་རྟེན་གསུམ་པོ་དག་པ་གཉིས་ལྡན་གྱི་ཚུལ་གྱིས་སླར་
ཡང་སྤྲོ་བར་བྱེད་དོ། །དེའི་དོན་ནི་མ་དག་པའི་སྣང་བ་འགགས་ནས་དག་པའི་ཡེ་ཤེས་སྤྲོ་བ་
སྟེ། དག་པ་དེ་ཉིད་དངོས་པོའི་གནས་ལུགས་སུ་གདོད་མ་ནས་ཡོད་པ་ཡིན་ཀྱང་དྲི་མ་སྤངས་
11-1-352


པའི་ཚེ་མངོན་དུ་གྱུར་པ་ན་སླར་ཡང་སྤྲོས་པ་དང་འདྲ་བའི་ཕྱིར་ཡང་སྤྲོ་བའོ་ཞེས་གསུངས་
པ་ཡིན་ནོ། །གསང་བ་པ་སྟེ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་འདི་རྟོགས་
པ་ལས་སངས་རྒྱས་དང་བྱང་ཆུབ་སེམས་དཔའ་འཇོག་པའི་ཕྱིར་སངས་རྒྱས་ཐམས་ཅད་ཀྱི་
བསྐྱེད་བྱེད་ཀྱིས་དོན་དམ་དབྱིངས་ཤེས་རབ་ཀྱི་ཕ་རོལ་དུ་ཕྱིན་མ་འདི་ནི་གོང་དུ་བཤད་པའི་
རྒྱུ་མཚན་དེ་རྣམས་ཀྱི་ཕྱིར་སྒྱུ་མའི་བདག་ཉིད་ཅེས་རྣམ་པར་གྲགས་པ་ཡིན་ནོ། །ཞེས་བྱའོ། །
གཉིས་པ་ནི། གང་ཞིག་གིས་ནི་སོགས་ལ་སྙིང་ཁར་གནས་པའི་བཟང་པོའི་ཐིག་ལེ་
གང་ཞིག་གིས་ནི་དངོས་པོ་ཀུན་ལ་ཡོངས་སུ་ཁྱབ་པ་ཡིན་ཏེ། ཕྱི་རོལ་སྣོད་བཅུད་ཀྱི་སྣང་བ་
ཐམས་ཅད་རང་ལུས་ཀྱི་རྩ་ཁམས་ཀྱི་མཐུ་ལས་སྣང་བ་ཡིན་ལ། ལུས་མཐའ་དག་ནི། དང་
པོར་ཐིག་ལེ་དེ་ལས་སྐྱེས་ཤིང༌། གནས་པའི་ཚེ་ཡང་དེ་ཉིད་ཀྱིས་དབང་བསྒྱུར་བར་བྱེད་ལ། 
འཇིག་པའི་ཚེ་ཡང་གཞན་རྣམས་ཀྱི་ནུས་པ་དེ་ལ་ཐིམ་ནས་འགག་པར་འགྱུར་བས། ལུས་
ཀུན་ལ་ཁྱབ། སེམས་ལ་རྟེན་གྱི་ཚུལ་དུ་ཡོད་པས་ཐིག་ལེ་འགྱུར་བ་ལ་སེམས་ཀྱི་འགྱུར་བ་
འབྱུང་བའི་ཕྱིར་ཁྱབ་པ་ཞེས་བྱ། དེ་ཕྱིར་འདི་ལ་ཚངས་པའི་སྒོ་ང་དང༌། ཚངས་པ་ལ་སོགས་
པས་བསྙད་ཅིང༌། ལྷ་མོ་ཐམས་ཅད་ཅེས་པ་ལ། ལྷ་མོ་ནི་སྤྱན་མ་ལ་སོགས་པ་བཞི་སྟེ། དེའི་
བརྡས་འབྱུང་བ་བཞིའི་རླུང་བསྟན་པས་བཟང་པོའི་ཐིག་ལེ་ལས་འབྱུང་བ་བཞིའི་རླུང་བསྟན་
པས་བཟང་པོའི་ཐིག་ལེ་ལས་འབྱུང་བ་བཞིའི་རླུང་སྙིང་ཁའི་རྩ་འདབ་བཞི་ལ་འབབ་པ་
རྣམས་བསྐྱེད་པར་བྱེད་ཅིང༌། དེས་ཀྱང་ལུས་ཀྱི་འབྱུང་བ་བཞི་མཐའ་དག་བསྐྱེད་དོ། །ཚེ་དང་
སྟོབས་སོགས་ཡོངས་སུ་འཕེལ་བའི་ཕྱིར་དབང་ཕྱུག་ཆེན་པོ་ཞེས་བྱ་ལ། ཚེའི་ནུས་པ་ཟད་
པ་ན་ཐིག་ལེ་འདིར་ཉིད་ཀྱི་མཐུས་འཆི་བ་སྟེར་བའི་ཕྱིར་དྲག་མོ་ཆེན་མོ། དེའི་ཚེ་འབྱུང་བ་
ཐིམ་རིམ་གྱིས་ཡོངས་སུ་བསྡུད་པར་ཡང་བྱེད་ལ། རྒྱུ་དང་མི་རྒྱུའི་འཇིག་རྟེན་གསུམ་ཞེས་པ་
ལ། རྒྱུ་བ་ནི་རླུང༌། མི་རྒྱུ་བ་ནི་སེམས་ཏེ། རླུང་སེམས་ཐིམ་པ་ལས། སྣང་བ་དང༌། མཆེད་
11-1-353


པ་དང༌། ཐོབ་པའི་རང་བཞིན་གྱི་འཇིག་རྟེན་གསུམ་འཆར་བར་འགྱུར་ལ། དེའི་མཐར་འོད་
གསལ་དུ་ཡོངས་སུ་བསྡུས་ནས་སླར་ཡང་བར་དོ་སྐྱེ་སྲིད་ཀྱིས་བསྡུས་པའི་ལུས་ངག་ཡིད་
གསུམ་གྱི་འཇིག་རྟེན་གསུམ་སྤྲོ་བར་བྱེད་དོ། །དེའི་ཕྱིར་གསང་བ་རྩ་རླུང་ཐིག་ལེ་ཐམས་ཅད་
ཀྱི་མ་མོའམ་བསྐྱེད་གཞི་སྙིང་ཁའི་ཐིག་ལེ་འདི་ནི་སྒྱུ་མ་ཆེན་མོའམ་སྒྱུ་མའི་བདག་ཉིད་ཅེས་
བྱ་སྟེ། འདི་ལས་དཀར་དམར་གྱི་ཚོགས་པ་སྤྲུལ་པ་དང༌། དེ་དག་གི་རྣམ་འགྱུར་ལས་ཁམས་
སྣ་ཚོགས་པ་སྤྲུལ་ཞིང་བསྡུད་པར་བྱེད་པའི་ཕྱིར་རོ། །
གསུམ་པ་ནི། སྒྱུ་འཕྲུལ་ཆེན་མོ་དངོས་ནི་དཔལ་རྡོ་རྗེ་སེམས་དཔའ་ལོངས་སྤྱོད་རྫོགས་
པའི་སྐུ་ཉིད་ཡིན་ལ། དེའི་ལོངས་སྐུ་ཡང་སྣང་ཚུལ་དང་གནས་ཚུལ་གཉིས་ཀར་བསྡོམས་
པ་ལ་བྱེད་དགོས་ཤིང༌། དེའི་སྤྲུལ་པའི་སྒྱུ་མ་ནི་སྤྲུལ་སྐུ་མཛད་པ་དང་བཅས་པའོ། །སངས་
རྒྱས་རང་སྣང་གི་སྐུ་གསུམ་ནི་ཤེས་བྱ་ཐམས་ཅད་ལ་མཉམ་པ་ཉིད་དུ་ཁྱབ་པ་དང༌། འཕྲིན་
ལས་ལ་རྒྱང་རིང་ཐུང་མི་མངའ་བའི་ཕྱིར་ཀུན་ལ་ཁྱབ་པ་དང༌། གཞན་སྣང་དུ་སྤྲུལ་པའི་སྐུ་
སྣ་ཚོགས་པ་སྤྲོ་ཞིང་བསྡུ་བར་མཛད་པ་སྟེ། ཡེ་ཤེས་ཀྱི་ལྷ་སྒྱུ་འཕྲུལ་ཆེན་མོ་གང་ཞིག་གིས་
ནི་རྒྱུ་བ་དང་མི་རྒྱུ་བ་ཀུན་ལ་ཁྱབ་པས་ལོངས་སྐུ་ཞིང་དང་བཅས་པ་ནི་ཚངས་པའི་སྒོ་ང་དང་
མཚུངས་ལ། ལྷ་མོའི་དཀྱིལ་འཁོར་གྱི་འཁོར་ལོ་སྤྲོ་ཞིང༌། ཚངས་པའི་བརྡས་བསྟན་པ་ཧེ་རུ་
ཀ་ཞལ་བཞི་པ་ལ་སོགས་པ་དེ་བཞིན་གཤེགས་པ་རིགས་ལྔའི་དཀྱིལ་འཁོར་དཔག་ཏུ་མེད་
པ་སྤྲུལ་པར་མཛད་པ་འགྲོ་བ་རྣམས་ལ་ཕུན་སུམ་ཚོགས་པ་སྩོལ་ཞིང༌། སྒྲུབ་པ་པོ་ལ་དངོས་
གྲུབ་ཁྱད་པར་ཅན་སྦྱིན་པར་མཛད་པའི་ཕྱིར་དབང་ཕྱུག་ཆེན་མོ། ཉེས་པ་རྣམས་འཇོམས་
ཤིང་གདུག་པ་ཅན་རྣམས་ཚར་གཅོད་པའི་ཕྱིར་དྲག་མོ་ཆེན་མོ་སྟེ། དེ་ལྟར་མཛད་པ་གཉིས་
དང་ལྡན་པའི་སྤྲུལ་པའི་སྐུ་འཇིག་རྟེན་གསུམ་དུ་བསྡུ་ཞིང་སྤྲོ་བར་མཛད་ལ། འགྲོ་བ་འདུལ་
བའི་ཕྱིར་འབྱུང་བའི་ཁམས་ཀྱི་སྤྲུལ་པ་སྤྲོ་ཞིང་བསྡུ་བར་[ཡང]་མཛད་དོ། །དེ་ལྟར་ཡང༌། ས་
11-1-354


སོགས་འབྱུང་བ་ཆེན་པོ་དང༌། ནམ་མཁའ་བཞིན་དུ་རྟག་པར་ཡང༌། སེམས་ཅན་དཔག་ཏུ་
མེད་པ་ཡི། རྣམ་མང་ཉེར་འཚོའི་གཞིར་ཡང་ཤོག །ཅེས་པ་ལྟར་རོ། །དེ་རྣམས་ཀྱི་ཁ་སྦྱོར་ལ་
སོགས་པ་ཡན་ལག་བདུན་ཡང་བསྟན་པའོ། །གསང་བ་པ་སོགས་ལ། དེའི་ཕྱིར་གསང་བ་པ་
སྤྲུལ་པའི་སྐུ་རྣམས་ཀྱིས་ལོངས་སྐུ་འདི་ནི་སྒྱུ་མའི་བདག་ཉིད་དོ། །ཞེས་པའི་དོན་ནོ། །
གཉིས་པ་ནི། །འཇིག་རྟེན་གསུམ་སྒྲུབ་རིགས་པ་སྟེ། ཞེས་པ་ནས། ཐང་ལས་སྐྱེས་ཞེས་
པའི་བར་ཏེ། འདི་ལ་སྒྲ་ཇི་བཞིན་པ་དང་མན་ངག་གཉིས་ལས་སྒྲ་ཇི་བཞིན་པའི་[རིག་པའི་]
དོན་ནི། དངོས་པོའི་གནས་ལུགས་ཡོངས་སུ་རྟོགས་པའི་ཕན་ཡོན་ཏེ། ཡང་དག་པའི་ཡེ་ཤེས་
འདི་ནི་འཇིག་རྟེན་གསུམ་གྱི་དངོས་གྲུབ་ཐམས་ཅད་སྒྲུབ་པར་བྱེད་པའི་རིག་པ་སྟེ་སྔགས་
ཡིན་ལ། རིག་པ་ཞེས་པའི་སྐད་དོད། བི་དྱཻ་ཞེས་མོ་རྟགས་ཡོད་པར་བཤད་དེ། ལྷ་མོའི་རིག་
སྔགས་ཡིན་པའི་དོན་ནོ། །དོན་དམ་པའི་རིག་སྔགས་འདི་ནི་འདོད་པའི་འབྲས་བུ་འཇིག་
རྟེན་དང་འཇིག་རྟེན་ལས་འདས་པའི་དངོས་གྲུབ་ཐམས་ཅད་རབ་ཏུ་སྟེར་བ་ཡིན་ལ། སྒྲུབ་
པོ་གང་གིས་གནས་ལུགས་འདི་རྣམ་པར་རབ་ཏུ་ཤེས་པ་ཙམ་གྱིས་སྒྲུབ་པོའི་དབང་ཕྱུག་ཏུ་
འགྱུར་ཞིང༌། ཀུན་རྫོབ་དང་དོན་དམ་པའི་ཆོས་མཐའ་དག་རིག་ཅིང་ཤེས་པར་བྱེད་པ་ཉིད་
ཡིན་ནོ། །
གཞན་ཡང་ལྷའི་གཙོ་བོ་རྣམས་དང༌། ནོར་བདག་སྟེ་གནོད་སྦྱིན་གྱི་གཙོ་བོ་དང༌། དྲི་
ཟ་མཐུ་བོ་ཆེ་རྣམས་དང༌། གཏེར་གྱི་བདག་པོ་མ་ཡིན་པའི་གནོད་སྦྱིན་ཕལ་པ་རྣམས་དང༌། 
ཐག་བཟང་རིས་ལ་སོགས་པ་ལྷ་མ་ཡིན་དང༌། མིའི་འགྲོ་བར་བཅས་པ་རྣམས་དང༌། གཞན་
ཡང་གང་ཡང་རུང་བ་རིག་སྔགས་ཁོ་ནས་དགོས་པ་ཐམས་ཅད་སྒྲུབ་པར་བྱེད་པ། དོན་ཐམས་
ཅད་སྒྲུབ་པ་ལ་སོགས་པ་རིག་པ་འཛིན་པ་རྣམས་དང༌། དུད་འགྲོའི་འགྲོ་བར་གཏོགས་པ་
གཟུགས་དང་ལོངས་སྤྱོད་དང་རྫུ་འཕྲུལ་ཕུན་སུམ་ཚོགས་པ་དང་ལྡན་པ་མིའམ་ཅི་དང༌། ལྟོ་
11-1-355


འཕྱེ་ཆེན་མོ་སྟེ་ཀླུའི་རྒྱལ་པོ་རྣམས་དང༌། ཡི་དྭགས་ཀྱི་འགྲོ་བར་གཏོགས་པ་སྲིན་པོ་དང༌། ཤ་
ཟ་སྟེ་ཀུན་ཏུ་རྒྱུ་བའི་འདྲེ་རྣམས་དང༌། གཞན་ཡང་གང་ཅི་ཡང་རུང་བ་དེ་ཐམས་ཅད་སྒྲུབ་པ་
པོ་དེ་ལ་མངག་གཞུག་བྱེད་ཅིང་འདོད་པ་ཐམས་ཅད་སྟེར་བའི་ཚུལ་གྱིས་འགྲུབ་པར་འགྱུར་
རོ་ཞེས་དེ་ཁོ་ན་ཉིད་རྟོགས་ན་དེ་རྣམས་མ་བསྒྲུབས་པར་ཡང་འགྲུབ་པའི་དོན་ནོ། །དེ་བཞིན་
དུ་འདུ་བར་འགྱུར་རོ། །སུ་ཞིག་ཅེ་ན། འབྱུང་པོ་ཕལ་པ་རྣམས་ཐམས་ཅད་དང༌། ཆུ་སྲིན་ལ་
སོགས་པ་ཆུ་ལས་སྐྱེས་པ་དང༌། སྟག་ལ་སོགས་པ་ཐང་ལས་སྐྱེས་པ་རྣམས་ཀྱང་སྟེ། རུས་
སྦལ་ཞབས་དང༌། ཌོམྦི་ཧེ་རུ་ཀ་བཞིན་ནོ། །གཉིས་པ་ནི། བསྐྱེད་པའི་རིམ་པ་ལ་ཅུང་ཟད་
བརྟན་ཞིང༌། སྔགས་ཀྱི་ནུས་པ་གྲུབ། ཡི་དམ་གྱི་ལྷ་ལ་གནང་བ་ཐོབ་ན་དེ་དག་སྒྲུབ་པའི་
ཚུལ་ཡང་སྟོན་པ་ཡིན་ལ། ཚངས་པ་ལ་སོགས་པའི་ལྷ་དང༌། ཐིག་ལེ་མཆོག་མ་ལ་སོགས་
པའི་ལྷའི་སྨད་འཚོང་མ་དག་ནི་དེ་བང་རུའི་ཤིང་ལ་གཟུགས་བྱ། ཛམྦྷ་ལ་ལ་སོགས་པའི་ནོར་
བདག་ནི་གསེར་དང་དྲི་ཟ་རྣམས་ནི་ཙན་དན་དང༌། གནོད་སྦྱིན་ཕལ་པ་ནི་རས་བྲིས་དང༌། མི་
ནི་སྤྲ་ཚིལ་དང༌། རིག་པ་འཛིན་པ་རྣམས་ཀྱང་རས་བྲིས་དང༌། མིའམ་ཅི་ནི་རྡོ་ལེབ་དང༌། ལྟོ་
འཕྱེ་ཆེན་པོ་སོགས་ཀླུ་ནི་ནཱ་ག་གེ་སར་གྱི་ཤིང་དང༌། སྲིན་པོ་རྣམས་ནི་རོ་སོལ་དང༌། ཤ་ཟ་
རྣམས་ནི་ཤོག་{གུ[ག་]ཤིང་དང༌། དེ་དག་གི་ལྷ་མོ་རྣམས་ཀྱང་རྒྱུ་དེ་དང་མཐུན་ཏེ། གཟུགས་
བརྙན་བྱས་ལ། ལྷ་དེ་རྣམས་སུ་བསྐྱེད་ཅིང་སྤྱན་དྲངས་ལ་དབང་བསྐུར་ཏེ་རབ་གནས་བྱའོ། །
ཧེ་རུ་ཀའི་དཀྱིལ་འཁོར་ཟླ་གམ་བྱས་ལ་ལྷ་ལྔ་བཞུགས་སུ་གསོལ་ནས་མཆོད་གཏོར་སྦྱིན་
བསྲེག་སོགས་ཀྱིས་མཉེས་པར་བྱས་ཏེ་གསོལ་བ་གདབ་བོ། །དེའི་མདུན་དུ་སོ་སོའི་མཎྜལ་
བྱ་སྟེ། སྲིན་པོ་ལ་ནི་ཁྲག་ཆེན་པོ་བདུད་རྩི་ལྔར་བཅས་པས་དང༌། ཤ་ཟ་རྣམས་ལ་ནི་ཆུ་དང་
ཆང་དང་སྤོས་ཀྱི་ཕྱེ་མས་བྱ་ལ། ཀླུ་རྣམས་ལ་ནི། གླ་རྩི་དང༌། ནཱ་གི་ཡོངས་སུ་སྤངས་པའི་དྲི་
བཟང་པོ་འོ་མ་དང་སྦྱར་བའི་དང༌། གཞན་རྣམས་དྲི་བཟང་ཅི་བདེ་བས་མཎྜལ་བྱས་ལ་དེར་
11-1-356


གཟུགས་བརྙན་བཞག་གོ །མི་ཡི་ནི་ལིང་གའི་ཚུལ་གྱིས་གན་ཀྱལ་དུ་འཇོག་ལ། གཞན་
རྣམས་ནི་མཆོད་པའི་དོན་དུ་བཞུགས་སུ་གསོལ་ལོ། །ལྷ་མིན་ལ་ནི་གཟུགས་བརྙན་བྱེད་
པ་མེད་དེ། མཎྜལ་ཉིད་མཆོད་པར་བྱེད་དོ། །གནོད་སྦྱིན་རྣམས་ལ་ཤིང་འབྲས་བ་དན་དང་
བཅས་པ་དང༌། ལྷ་མིན་ལ་ཆང་དང༌། ཀླུ་ལ་དཀར་གསུམ་དང༌། རིག་པ་འཛིན་པ་ལ་མེ་ཏོག་
བླུག་པའི་གཏོར་མ་དང༌། མིའམ་ཅི་ལ་བ་གླང་གི་ཤ་དང༌། གུ་གུལ་གྱི་གདུག་པ་དང་བཅས་
པ་དང༌། སྲིན་པོ་ལ་ཤ་ཁྲག་དང༌། ཤ་ཟ་ལ་སྲན་ཆན་ནོ། །ཉེར་སྤྱོད་ལྔ་ནི་ཐམས་ཅད་པ་ལ་
སྦྱར་བར་བྱའོ། །སྔགས་རྐང་པ་རེ་རེའི་ཧཱུཾ་ཕཊ་ཀྱི་ནང་དུ། དེ་དང་དེའི་མིང་སྨོས་པའི་མཐར་
ཨ་གཙྪ་ལན་གཉིས་སྦྱར་བ་སྟེ། དཔེར་ན། ༀ་སུཾ་བྷ་ནི་སུཾ་བྷ་མཧཱ་བྲཧྨ་ཎ་ཨཱ་གཙྪ་ཨཱ་གཙྪ་ཧཱུཾ་
ཧཱུཾ་ཕཊ། ཞེས་པ་ནི་བསྙེན་པའོ། །དེས་དེ་དག་འོངས་པ་མཐོང་ན་དངོས་གྲུབ་ཀྱི་དོན་དུ་གཙོ་
བོའི་སྔགས་ཀྱི་མཐར་ༀ་སིདྡྷི་བཛྲ་སུ་ར་ཡ་ཧཱུཾ་ཞེས་པ་ནི་ལྷ་སྒྲུབ་པའི་དང༌། སུ་ར་ཡ་ཧཱུཾ་གི་
ཚབ་ཏུ། ཨ་སུ་ར་ཡ་ཨ་ཞེས་པ་ལྷ་མིན་དང༌། ད་ན་དྷ་ༀ་ཞེས་པས་ནོར་བདག་དང༌། གནྡྷརྦྷ་
སྭཱཧཱ་ཞེས་པ་དྲི་ཟ་དང༌། {ཨོ[་ཡོ]་ཡཀྵ་ཧཱུཾ་ཞེས་པ་གནོད་སྦྱིན་དང༌། སརྦ་ཨརྠ་སིདྡྷི་སྭཱཧཱ་ཞེས་
པ་རིག་འཛིན་དང༌། ༀ་མ་ནོ་ཧ་རི་སྭཱཧཱ་ཞེས་པ་མིའམ་ཅི་མོ་དང༌། རང་མིང་གིས་མིའམ་ཅི་
དང༌། ཕུཿཨཱ་གཙྪ་ནཱ་ག་ཕུ་ཞེས་པ་ཀླུ་ཆེན་དང༌། ཀྲོ་ཀ་རི་སྭཱཧཱ་ཞེས་པ་སྲིན་པོ་དང༌། མི་ཙི་མི་
ཙི་སྭཱཧཱ་ཞེས་པ་ཤ་ཟ་རྣམས་བསྒྲུབ་པར་བྱེད་པའི་སྔགས་སོ། །
གལ་ཏེ་མ་གྲུབ་ན་ཐམས་ཅད་ལ། ཧཱུཾ་ཧ་ན་ཕཊ་ཅེས་པས་གཟིར་བར་བྱའོ། །གནས་
ཀྱི་ཁྱད་པར་ཡང་མིའམ་ཅི་ནི་རིའི་རྩེ་མོ་དང༌། སྲིན་པོ་ནི་དུར་ཁྲོད་དང༌། ཀླུ་ནི་ཆུ་ངོགས་
དང༌། ལྷག་མ་ནི་ཅི་བདེར་སྒྲུབ་བོ། །མི་རྣམས་མངག་གཞུག་ཏུ་སྒྲུབ་པ་ནི། འོག་ཏུ་འཆད་
པའི་དབང་གི་ལས་ཡིན་ལ། གཞན་རྣམས་དེ་དག་ཐམས་ཅད་ཉིད་བདག་གི་དྲུང་དུ་འོངས་
ནས། སྒྲུབ་པ་པོ་བདག་གིས་ཅི་ཞིག་བགྱི་ཞེས་པའི་བར་དུ་བསྒྲུབ་པ་ཡིན་ལ། དེ་ནས་ཡིད་
11-1-357


ལ་འདོད་པའི་དོན་སྨྲས་ཏེ་མཆོད་པ་ཙམ་གྱིས་དོན་འགྲུབ་པ་ཡིན་ནོ། །འབྱུང་པོ་ཕལ་གྱི་
སྒྲུབ་པ་ནི། ཉ་ཤ་ཤ་ཆང་ལ་ཕུག་ཤིང་འབྲས་སྣ་ཚོགས་པ་བཏབ་པའི་འབྲུ་ཆན་གྱི་གཏོར་མ་
བྱ་ལ། ས་སྟེགས་ཀྱི་མཎྜལ་རྒྱ་སྤོས་ཀྱིས་བྱུགས་པ་དག་བྱ་ཞིང་གཟུགས་བརྙན་མི་དགོས་སོ། །
དགུག་པའི་སྔགས་ནི། རང་མིང་ལ་ཨཱ་ཀཪྵཡ་ཛ། ཞེས་བཏགས་པ་ནི་བསྙེན་པ་ཡིན་ཞིང༌། 
འབྱུང་པོ་ཕལ་པ་རྣམས་ལ་ལས་ཕྲ་མོ་བྱེད་པ་ལས་དངོས་གྲུབ་སྦྱིན་རྒྱུ་མེད་པས་དངོས་གྲུབ་
ཀྱི་དོན་དུ་སྒྲུབ་པ་མི་དགོས་ལ། གཞན་ལྷག་མ་སྔ་མ་དང་འདྲའོ། །ཆུ་དང་ཐང་ལས་སྐྱེས་
པའི་སྲོག་ཆགས་རྣམས་དབང་དུ་བྱེད་པ་ནི་གོང་དུ་བཤད་པའི་སྒྲུབ་པ་པོ་དབང་དུ་བྱེད་པའི་
སྔགས་དང་དམིགས་པ་ཁོ་ནས་ཆོག་པ་ཡིན་ནོ། །
གཉིས་པ་རྒྱུད་གསུམ་གྱི་རང་བཞིན་རྣམ་པར་དབྱེ་བ་ནི། ཆོས་རྣམས་རང་བཞིན་འོད་
གསལ་བ། །ཞེས་པ་ནས་སྒྱུ་མ་ཀུན་གྱི་རྣམ་པར་རོལ། །ཞེས་པའི་བར་ཏེ། དེ་ཡང་རྒྱུ་རྒྱུད་དང༌། 
ཐབས་རྒྱུད་དང༌། འབྲས་རྒྱུད་བསྟན་པ་གསུམ་ལས། དང་པོ་ནི། ཆོས་རྣམས་ཐམས་ཅད་
ཀྱི་རང་བཞིན་འོད་གསལ་བའི་ཡེ་ཤེས་ཏེ། དེ་ལ་འོད་གསལ་བའི་དོན་དྲི་མས་མ་བསྒྲིབས་
པའི་དོན་ཡང་ཡིན་མོད་ཀྱི། སྒྲིབ་པ་བཀག་ཙམ་གྱི་མེད་པར་དགག་པའི་མཚན་ཉིད་ཅན་ལ་
ནི། འོད་ཀྱི་དོན་ཡང་མ་ཚང་ལ། གསལ་བའི་དོན་ཡང་མ་ཚང་ངོ༌། །དེ་ན་སྤྲོས་པ་མཐའ་དག་
སྤངས་པས་ཁྱད་པར་དུ་བྱས་པའི་ཡེ་ཤེས་ཡིན་པའི་ཕྱིར་ན་གསལ་བ་དང་དོན་དམ་པའི་ཡེ་
ཤེས་ཀྱི་སྣང་བ་དང་བཅས་པའི་ཕྱིར་འོང་སྟེ། འོད་གསལ་གྱི་སྐད་དོད། པྲ་བྷ་སྭ་ར་ཞེས་པའི་
སྒྲ་ལས་དྲངས་ན། པྲ་བྷ་ནི་པྲ་བྷ་ཝ་སྟེ་ཡང་དག་པའི་དངོས་པོའམ། ཡང་དག་པར་ཡོད་པའི་
དོན་ཏེ། ཡེ་ཤེས་ཀྱི་སྣང་ངོར་དོན་དམ་པའི་སྣང་བ་དང་བཅས་པའི་དོན་ཏེ་འོང་ངོ༌། །སྭ་ར་ནི་
དབྱིངས་དང་སྲོག་དང༌། ཨ་སྭ་ད་ར་ས་དེ། རོ་བཅུད་ཕུན་སུམ་ཚོགས་པ་དང༌། སྣང་བས་ཁྱབ་
པར་བྱས་པ་རྣམས་ལ་འཇུག་པས་འདིར་ཡང་ན་དེས་མཚོན་པའི་སྒྲའམ་དབྱངས་དང༌། ཆོས་
11-1-358


ཐམས་ཅད་ཀྱི་སྲོག་ཆོས་ཉིད་ཀྱི་ཚུལ་དུ་གནས་པ་དང༌། བདེ་བ་ཆེན་པོའི་རོར་ཤར་བ་དང༌། 
རང་རིག་རང་གསལ་གྱི་བདག་ཉིད་ཅན་རྣམས་ཏེ་གསལ་བའི་དོན་ནོ། །རང་བཞིན་གྱི་འོད་
གསལ་བ་དེའི་ཁྱད་པར་ནི་གློ་བུར་གྱི་དྲི་མ་མཐའ་དག་གིས་གདོད་ནས་དག་པ་སྟེ། དྲི་མ་དེ་
དག་གི་ངོ་བོར་ནམ་ཡང་མེད་པ་ཡིན་ཞིང༌། རྙོག་པ་མེད་པ་སྟེ་དེ་ཉིད་ཀུན་རྫོབ་ཏུ་དྲི་མ་དང་
བཅས་པའི་དུས་ན་ཡང་དྲི་མ་དེ་དག་གིས་དེ་ངན་པར་མ་བྱས་པ་སྟེ། དེ་ལྟར་ན། རང་ཉིད་དྲི་
མའི་ངོ་བོར་མེད་ཅིང་དྲི་མས་མ་གོས་པ་ཡིན་ལ། དེའི་དྲི་མ་ཡང་ཉོན་མོངས་པ་དང༌། ཤེས་
བྱའི་སྒྲིབ་པ་ལ་སོགས་པ་ཀུན་རྫོབ་ཀྱི་ཆོས་ཐམས་ཅད་དོ། །དེ་ལྟར་ན་གཉིས་སུ་མེད་པའི་
ཡེ་ཤེས་སེམས་ཀྱི་རང་བཞིན་དེ་ནི་ཡོངས་སུ་གྲུབ་པ་དང༌། སྐྱེ་འགག་མེད་པ་དང༌། རྟག་ཅིང་
བརྟན་པ་ཡིན་ཏེ། དེ་ལྟར་ཡང་དཔལ་རྡོ་རྗེ་མཁའ་འགྲོའི་རྒྱུད་ལས། སེམས་ཅན་ཐམས་ཅད་
ཀྱི་རྒྱུད་ལ་མཉམ་པར་གནས་པས་དུར་ཁྲོད་དོ། །གདོད་མ་ནས་གྲུབ་པ་ནི་རྟག་ཏུ་གྲུབ་པ་སྟེ་
འཆར་བ་དང་ནུབ་པ་སྤངས་ཤིང༌། ནམ་མཁའ་ལྟར་ཡོངས་སུ་གྲུབ་པ་རྟག་ཏུ་བདེ་བ་ཆེན་
པོའི་ཚུལ་གྱིས་དམིགས་པས་དེའི་རང་བཞིན་དུ་བྱས་པའོ། །ཞེས་གསུངས་པས་སོ། །རྙོག་པ་
མེད་པའི་དོན་བླ་མ་གོང་མ་རྣམས་དངོས་པོ་དང༌། དངོས་མེད་དང་བཏང་སྙོམས་ཀྱི་རྙོག་པ་
མེད་པ་ཞེས་གསུངས་པ་ཡང་གཙོ་བོའི་དོན་ལ་འདི་ཉིད་དེ། དངོས་པོ་ཡུལ་ཡུལ་ཅན་རྣམས་
དང༌། དེ་དག་ལ་བལྟོས་པའི་དངོས་མེད་དེ་ཐམས་ཅད་ཀྱང་འདུས་བྱས་སོ། །དེ་ལྟར་ཡང་
དབུ་མ་ལས། དངོས་པོ་གཞན་དུ་གྱུར་བ་ན། །དངོས་མེད་ཡིན་ཞེས་སྐྱེ་ངན་སྨྲ། །ཞེས་དང༌། 
དངོས་དང་དངོས་མེད་འདུས་བྱས་ཡིན་ཞེས་སོ། །བཏང་སྙོམས་ནི། དེ་ལྟ་བུའི་དངོས་པོ་དང་
དངོས་མེད་ལྟོས་གྲུབ་ཏུ་བཞག་ནས། གཉིས་ཆར་བཀག་ཙམ་གྱི་མེད་པར་དགག་པའི་མཚན་
ཉིད་དོ། །དེ་གསུམ་གྱི་མཚན་ཉིད་འདི་ལ་མེད་པའི་ཕྱིར་ཡེ་ཤེས་རྙོག་པ་མེད་པའོ། །ཅི་སྟེ་
ཡེ་ཤེས་དེ་ཉིད་ཡོད་ན་མི་སྟོང་པ་ཡོད་པ་དང༌། གཟུང་འཛིན་གཉིས་ཀྱིས་སྟོང་པའི་སྟོང་ཉིད་
11-1-359


ཡོད་ན་སྟོང་པ་ཡོད་པར་འགྱུར་བས། གལ་ཏེ་མི་སྟོང་ཅུང་ཟད་ཡོད། སྟོང་པ་ཅུང་ཟད་ཡོད་
པར་འགྱུར། །མི་སྟོང་ཅུང་ཟད་ཡོད་མིན་ན། །སྟོང་པ་ཡོད་པར་ག་ལ་འགྱུར། །ཞེས་དབུ་མར་
གསུངས་པའི་རིགས་པས་གནོད་པར་འགྱུར་རོ། །སྙམ་ན། བདེན་ཏེ་འོན་ཀྱང་འདི་ནི་གནོད་
པ་མ་ཡིན་ནོ། །འདིའི་དོན་ནི་སྟོང་པ་དང་མི་སྟོང་པ་ཞེས་སྤྱི་ཁྱབ་ཏུ་སྦྱོར་བ་མ་ཡིན་ཏེ། དངོས་
པོ་རེ་རེ་ཉིད་ལ་རྣམ་པར་བཞག་པ་ཡིན་པར་སྔ་མའི་ཚིག་གི་འབྲེལ་ལས་ཤེས་པ་ཡིན་ནོ། །
གལ་ཏེ་སློབ་དཔོན་བུདྡྷ་པཱ་ལི་ཏ་དང༌། བྷ་བྱ་ལ་སོགས་པས་སྟོང་པ་དང་མི་སྟོང་པ་སྤྱི་
ཁྱབ་ཏུ་བཀྲལ་བས་སོ་སྙམ་ན། དེ་དག་ནི་གཞུང་འདི་ལ་ཚད་མ་མ་ཡིན་ཏེ། གལ་ཏེ་ཚད་མ་
ཡིན་ན་ཡང་རིག་བྱེད་དང༌། དྲན་པའི་གཞུང་ལྟར་སློབ་དཔོན་དེ་གཉིས་ཀྱི་ཚིག་ཀྱང་ཕན་
ཚུན་ཤིན་ཏུ་འགལ་བའི་ཕྱིར་འགལ་བ་ལ་མ་འཁྲུལ་པའི་ཚད་མ་ཡོད་པར་འགྱུར་ལ། གཞུང་
གཅིག་ཉིད་ལ་ལུང་ཚད་མ་དང་ཚད་མ་མ་ཡིན་པའི་དབྱེ་བ་ནི་མི་རུང་སྟེ། འཁྲུལ་པ་མང་དུ་
སྨྲས་པའི་རྗེས་སུ་ལེགས་པར་སྨྲས་པ་ཡང་སྲིན་བུའི་ཡི་གེ་དང་འདྲའོ། །འོ་ན་ཁྱོད་ཀྱི་ལུགས་
ལ་ཅི་ཞིག་ཅེ་ན། གལ་ཏེ་བུམ་པ་ཡོད་པར་གྱུར་ན་ནི་བུམ་པ་བཀག་པའི་སྟོང་ཉིད་ཀྱང་ཡོད་
རིགས་ན། བུམ་པ་གདོད་མ་ནས་མེད་པའི་ཕྱིར་དེ་བཀག་ཙམ་གྱི་སྟོང་ཉིད་ཀྱང་མེད་དེ། 
བུམ་པ་དང་བུམ་པ་བཀག་པའི་སྟོང་ཉིད་གཉིས་ཀར་རྟོག་ངོ་ཙམ་ཡིན་པའི་ཕྱིར་རོ། །ཞེས་
པའི་དོན་ཏེ། དེས་ཀུན་རྫོབ་ཀྱི་ཆོས་ཐམས་ཅད་ལ་སྦྱར་བར་བྱའོ། །དོན་དམ་པ་ལ་ནི་མི་
མཚུངས་ཏེ། དོན་དམ་པ་ནི་མི་འགོག་ཅིང་མི་ཁེགས་པའི་ཕྱིར། དེ་བཀག་པའི་སྟོང་ཉིད་ཀྱང་
མི་སྲིད་ལ། དོན་དམ་པའི་ཀུན་རྫོབ་མ་ཡིན་ཀྱང་ཀུན་རྫོབ་བཀག་པའི་སྟོང་ཉིད་ཀྱང་མ་ཡིན་
ཏེ། དོན་དམ་པ་ལ་ཀུན་རྫོབ་ཀྱི་དགག་སྒྲུབ་གཉིས་ཀ་བྲལ་བའི་ཕྱིར་རོ། །དཔལ་གཤིན་རྗེ་
གཤེད་ནག་པོ་ལས་ཀྱང༌། ཆོས་རྣམས་ངོ་བོ་བདེ་བ་ཆེན་པོའི་དངོས། །མཆོག་ཏུ་དགའ་བ་
འདི་ཡི་ངོ་བོ་ནི། །དེ་ལ་གཟུགས་མེད་བསོད་ནམས་མེད་ཅིང་སྡིག་པ་མེད། །སྐྱེ་དང་འགག་
11-1-360


པ་དག་ནི་ཡོད་མ་ཡིན། །ཞེས་དང༌། དངོས་པོ་ཐམས་ཅད་དངོས་མེད་བཤད། །དངོས་པོ་
མེད་ཅེས་མ་བསྒྲགས་{ལ[པ]། །ཞེས་ཀྱང་གསུངས་ཏེ། བདེ་བ་ཆེན་པོ་ལ་གཟུང་འཛིན་
མེད་པ་དང༌། དངོས་པོ་དངོས་མེད་ལས་གྲོལ་བ་དོན་དམ་པར་བཤད་དོ། །
གཉིས་པ་ནི། ཐབས་བརྗོད་ཅེས་པ་སྟེ། ཐབས་ནི་ཐབས་ཀྱི་རྒྱུད་སྨིན་པར་བྱེད་པའི་
དབང་དང་གྲོལ་བར་བྱེད་པའི་ལམ། བརྗོད་པ་ནི་སློབ་དཔོན་གྱིས་སློབ་མ་ལ་བསྟན་པའོ། །
གསུམ་པ་ནི། དེ་ལྟར་བསྟན་པ་ལྟར་ཉམས་སུ་བླངས་པ་དེ་ཡིས་སློབ་མ་སྒྲུབ་པ་པོ་དེ་ཡི་
རྒྱུད་ལ་ནི་གོང་དུ་བཤད་པ་ལྟར་དྲི་མ་ཐམས་ཅད་སྤངས་པའི་ཡེ་ཤེས་ལྔ། མངོན་གྱུར་དུ་ལྡན་
པར་འགྱུར་ཏེ། འབྲས་དུས་ཀྱི་ཡེ་ཤེས་དེའི་ཁྱད་པར་ཡང་དྲི་མ་ཐམས་ཅད་སྤངས་པ་མངོན་
དུ་གྱུར་པ་ཡིན་མོད་ཀྱི་རང་བྱུང་ཞེས་སྨོས་པས་བསྐྱེད་པའི་རྒྱུ་རྐྱེན་ཐམས་ཅད་སྤངས་ཤིང༌། 
གདོད་མ་ནས་ལྷུན་གྱིས་གྲུབ་པའོ། །གཞན་ཡང་ཐུན་མོང་དང་འབྲེལ་བའི་ཡོན་ཏན་གྱི་ཁྱད་
པར་ཐོབ་པ་ནི་ལམ་གྱི་དུས་ཉིད་ནས་འབྱུང་སྟེ། སྔགས་སྐྱེས་ལ་སོགས་པ་རྣལ་འབྱོར་མ་ཀུན་
གྱི་འདུ་བ་ཁྱད་པར་ཅན་ཐོབ་པའི་སྦྱོར་བ་དང་རྣལ་འབྱོར་གྱི་ཡེ་ཤེས་ཤེས་རབ་ཀྱི་ཕ་རོལ་དུ་
ཕྱིན་མ་ཐོབ་པར་འགྱུར་ལ། ཁམས་གསུམ་དུ་གཏོགས་པ་པོའི་རིག་པ་འཛིན་པ་ལ་སོགས་པ་
དངོས་གྲུབ་དང་ལོངས་སྤྱོད་མ་ལུས་པ་ཀུན་མ་ལུས་ཤིང་ལུས་པ་མེད་པ་འགྲུབ་པར་འགྱུར་
ཏེ། གང་ཅི་ཡང་རུང་བ་འདི་མི་འགྲུབ་ཅེས་པའམ་འདི་མི་ཐོབ་ཅེས་པ་མེད་པའོ། །གཞན་
ཡང་སྤྲུལ་པ་སྒྱུ་མ་ལྟ་བུ་ཡུལ་དང་དུས་དང་རྣམ་པ་ཀུན་གྱི་སེམས་ཅན་རྣམས་ཀྱི་དོན་དུ་སྒྱུ་
འཕྲུལ་རྣམ་པར་རྩེ་བ་ལ་སོགས་པས་རོལ་པར་ཡང་བྱེད་དོ། །ཡང་བཤད་པའི་རྣམ་གྲངས་
གཞན་ནི། རྣལ་འབྱོར་མ་ཀུན་གྱི་འཇིག་རྟེན་པ་དང༌། སྦྱོར་བའི་མ་ནི་འཇིག་རྟེན་ལས་འདས་
པའི་ཕོ་ཉ་མོ་སྟེ། མ་ལུས་འགྲུབ་པ་ནི་དོན་དམ་སྟོང་ཉིད་རྟོགས་པ་དང༌། སྒྱུ་མ་སོགས་ཀུན་
རྫོབ་སྒྱུ་མ་ལྟ་བུར་མཐོང་བའི་དོན་དུའང་བཤད་དོ། །
11-1-361


གཉིས་པ་ནི། སངས་རྒྱས་ཐམས་ཅད་ཅེས་པ་ནས། མིག་འཕྲུལ་བྱེད་ཅེས་པའི་བར་ཏེ། 
དེ་ལ་དོན་གྱི་གཙོ་བོ་སྒྲ་ཇི་བཞིན་པ་མ་ཡིན་པ་དང༌། རྣམ་གྲངས་སྒྲ་ཇི་བཞིན་པའོ། །དང་པོ་
ནི། སངས་རྒྱས་ཐམས་ཅད་ནི་དེ་བཞིན་གཤེགས་པ་ལྔ་སྟེ། དེའི་དབང་བསྐུར་བ་ཆུ་དང་ཅོད་
པན་དང་རྡོ་རྗེ་དང་དྲིལ་བུ་དང་མིང་གི་དབང་རྣམས་སོ། །སློབ་དཔོན་དང་སློབ་མ་གཉིས་
ཀ་ལ་ཡང་དབང་གི་ངོ་བོ་ནི་ལྔ་ལས་གཞན་དུ་མེད་དེ། གང་སློབ་དཔོན་གྱི་དབང་བསྐུར་བ་
ལོགས་སུ་བྱེད་པ་ལ་ཡང་དམ་ཚིག་གསུམ་སྦྱིན་པ་སོགས་སྔོན་འགྲོའི་ཆོ་གའི་ཁྱད་པར་མ་
གཏོགས། དབང་ལྔའམ་ཆུ་དབང་ཁོ་ན་བཟློས་ཏེ་སྦྱིན་པར་བྱེད་པ་ཉིད་ཡིན་ལ། ཆོ་ག་ལྷག་
མ་རྣམས་ནི་ཡན་ལག་ཙམ་ཡིན་པས་སོ། །ཐམས་ཅད་འཕྲོག་པ་དང་ཞེས་བྱ་བ་ནི། གསང་
བའི་དབང་ལ་བྱང་ཆུབ་ཀྱི་སེམས་སྒྲུབ་པའི་དོན་དུ། སངས་རྒྱས་ཐམས་ཅད་རང་གི་ལུས་ལ་
ཡོངས་སུ་བཅུག་སྟེ། བྱང་ཆུབ་ཀྱི་སེམས་སུ་ཞུ་བར་གྱུར་པའོ། །ལྷའི་མཆོག་ནི་དཀྱིལ་འཁོར་
གྱི་གཙོ་མོ་སྟེ། དེ་ལས་སྐྱེས་པ་ནི། དེའི་བདག་ཉིད་དུ་མོས་པའི། རིགས་ཀྱི་ཕྱག་རྒྱ་བུ་མོ་ལང་
ཚོ་མ་བྱིན་གྱིས་བརླབས་པ་དང་མཉམ་པར་སྦྱར་བས་སྤྱོད་པའི་བྱང་ཆུབ་ཀྱི་སེམས་སློབ་མའི་
ཁར་དབབ་པ་ཡིན་ནོ། །དེ་ལྟར་ཡང༌། རོ་མཉམ་སློབ་མའི་སྤྱོད་ཡུལ་ཉིད། དེ་ཉིད་ལ་ཡང་
བྱ་བར་བྱ། ཞེས་པའི་ཚུལ་གྱིས་རོ་མཉམ་དེ་བཞིན་ཉིད་ཀྱི་ཡེ་ཤེས་ངོ་འཕྲོད་ཅིང་བསྒོམ་པར་
ནུས་པ་དེ་ནི་རྣལ་འབྱོར་གྱི་དབང་ཕྱུག་སྟེ། དེ་ལྟ་བུར་སློབ་མ་ཡོངས་སུ་བསྒྲུབ་པར་བྱེད་པ་ནི་
ཤེས་རབ་ཡེ་ཤེས་ཀྱི་དབང་ངོ༌། །
རིག་པ་ཞེས་སྨོས་པ་ནི་ཤེས་རབ་ཡེ་ཤེས་ཞུ་བདེ་དེ་ཉིད་ལེགས་པར་རྒྱུད་ལ་སྐྱེས་པ་ན་
རང་བཞིན་གྱི་བདེ་བ་ཆེན་པོ་ཡང་རིག་ཅིང་མཚོན་པར་ནུས་པའི་དོན་ནོ། །དེ་བཞིན་དུ་ནི་
ཞེས་བྱ་བ་ནི་བཞི་པ་དོན་དམ་པའི་དབང་བསྐུར་བ་སྟེ། དེ་ལྟར་དེ་བཞིན་བཞི་པ་ཡང༌། །ཞེས་
པའི་ཚུལ་གྱིས་ཤེས་རབ་ཡེ་ཤེས་ལྷན་ཅིག་སྐྱེས་པའི་དགའ་བ་ཡིན་པ་དེ་བཞིན་དུ་ནི་བཞི་
11-1-362


པ་ཡང་ལྷན་ཅིག་སྐྱེས་པའི་དགའ་བའོ། །ཞེས་པའི་དོན་ཡིན་ལ། མིག་འཕྲུལ་བྱེད་ཅེས་པའི་
དོན་ནི་བླ་མ་སྔ་མ་རྣམས་ཐུན་མོང་གི་དངོས་གྲུབ་ཀྱི་ནང་ཚན་མིག་འཕྲུལ་གྱི་དངོས་གྲུབ་
ཏུ་བཞེད་ལ། མན་ངག་གཞན་ལས་ནི་སྔ་མའི་ཚིག་གི་འཕྲོས་ལ་སྦྱར་ཏེ། སྣང་སྟོང་གཉིས་
སུ་མེད་པའི་དཀྱིལ་འཁོར་གྱི་དོན་ཡིན་པས་ལྷན་ཅིག་སྐྱེས་པའི་བདེ་སྟོང་དང༌། ལྷ་སྐུ་སྣང་
སྟོང་སྒྱུ་མ་ལྟ་བུ་ཟུང་དུ་འཇུག་པའི་ཡེ་ཤེས་དབང་བཞི་པ་ཉིད་དུ་བཞེད་པ་ཤིན་ཏུ་ལེགས་
སོ། །ནག་པོ་པའི་འགྲེལ་པ་ལས་བླ་མ་གོང་མ་རྣམས་དང་ཕལ་ཆེར་མཐུན་པ་ལས་དབང་གི་
སྐབས་གསང་དབང་ཁོ་ན་ལ་སྦྱོར་བ་དང༌། མིག་འཕྲུལ་བྱེད་ཀྱང་ཐུན་མོང་གི་དངོས་གྲུབ་ལ་
སྦྱོར་མོད་ཀྱི། སྤྲུལ་པ་སྣ་ཚོགས་པས་སེམས་ཅན་གྱི་དོན་མཛད་པ་ལ་བཤད་དོ། །
གཉིས་པ་ནི། འབྲས་བུའི་རྒྱུད་ལ་ཐུན་མོང་གི་ཡོན་ཏན་གྱི་འཕྲོས་ཏེ། སངས་རྒྱས་ཞེས་
པ་ལ་བུདྡྷ་ཞེས་པའི་སྒྲ་ལས་དྲངས་ན་བློ་གྲོས་དང་ལྡན་པའི་དོན་ཏེ། འཇིག་རྟེན་ན་མཐུ་དང་
རྫུ་འཕྲུལ་ཆེ་བའི་ལྷ་མི་བློ་ལྡན་ཐམས་ཅད་རྫུ་འཕྲུལ་དང་བློ་གྲོས་ཀྱི་སྟོབས་ཀྱིས་ཟིལ་གྱིས་
མནན་ནས་སྟོབས་འཕྲོག་པར་བྱེད་པ་དང༌། ལྷའི་མཆོག་གི་རིགས་ལས་སྐྱེས་པའི་བུ་མོ་སྟེ་
ལྷ་མོ་དཔལ་མོ་དང༌། དཀའ་བཟློག་མ་དང༌། ཏུག་མི་ལ་སོགས་པ་ལ་ཡོངས་སུ་ལོངས་སྤྱོད་
པར་བྱེད་ལ། རྣལ་འབྱོར་ཅན་མང་པོའི་དབང་ཕྱུག་གམ་གཙོ་བོ་བྱེད་པར་འགྱུར་ཞིང༌། ཕ་
རོལ་གྱི་སེམས་ཤེས་པ་སོགས་རིག་པ་དང༌། དེ་བཞིན་དུ་མིག་འཕྲུལ་གྱི་དངོས་གྲུབ་ལ་
སོགས་པ་བྱེད་པའོ་ཞེས་པའི་དོན་ནོ། །འདིར་མན་ངག་ནི། སྙིང་པོ་ལ། ༀ་བ་ར་བ་ར་པྲ་ཝ་
ར་པྲ་ཝ་ར་ཧཱུཾ། ཞེས་བཏགས་པ་བཟླས་ཏེ་ཤུ་ཐག་དང་སྐྱུར་པོའི་སྦྱོར་བས། བློ་གྲོས་སྐྱེ་ཞིང༌། 
ༀ་ཛ་ལ་ཡ་ཝ་ཧཱུཾ་ཞེས་བཏགས་པ་བཟླ་ཞིང་སྙིང་ཁའི་འཁོར་ལོ་སྒོམ་པས་ཤེས་པ་སྟེ། མངོན་
ཤེས་སྐྱེ་བར་འགྱུར་རོ། །གསུམ་པ་ལ། ཚིག་གི་དོན་དང༌། དེའི་མན་ངག་གཉིས་ལས། དང་
པོ་ནི། རྨོངས་པ་དང་ནི་རེངས་པ་དང༌། །ཞེས་པ་ནས། འདི་ཡིས་ན་བ་མེད་པར་འགྱུར། མེད་
11-1-363


པའི་བར་ཏེ། མིག་འཕྲུལ་བྱེད་ཅེས་པའང་བསྡུའོ། །དེ་ཡང་གདུལ་བྱའི་སྐྱེ་བོ་མངག་གཞུག་
ཏུ་འགྱུར་བའི་དབང་དུ་བྱེད་པ་དང༌། སེམས་རྣམ་པར་འཕྲུལ་ཏེ་རྐང་གིས་འོང་བའི་རྐང་པ་
དགུག་པ་དང༌། དབང་མེད་དུ་ནམ་མཁའི་ལམ་ལས་འོང་བའི་གོང་བུ་དགུག་པ་དང༌། ཆང་
དགུག་པ་ལ་སོགས་པ་སྟེ་དགུག་པའི་ལས་རྣམས་དང༌། སེམས་བླུན་པོར་བྱེད་པའི་རྨོངས་པ་
དང༌། མིག་གི་མཐོང་བ་འཆིང་བ་ནས་ལུས་རེངས་པ་དང༌། ཡིད་དྲན་མེད་དུ་བྱེད་པའི་བར་
གྱི་དབང་པོ་དྲུག་འཆིང་བ་ནི་རེངས་པ་དང༌། ཤིན་ཏུ་གདུལ་དཀའ་བ་བསད་པ་དང༌། གནས་
ནས་བསྐྲད་པ་དང༌། སོགས་པའི་སྒྲས་ནི་རིམས་དང་ཕུར་བུས་གདབ་པ་ལ་སོགས་པ་བསྟན་
ཏེ། དེ་ལྟར་སྐབས་འདིར་དངོས་སུ་ལས་དྲུག་དང༌། ནམ་མཁར་འགྲོ་བ་སྟེ་མཁའ་སྤྱོད་ཀྱི་
དངོས་གྲུབ་ཉིད་དང་ནི། ཕ་རོལ་གཞན་གྱི་གྲོང་སྟེ་ལུས་ལ་འཇུག་པ་གྲོང་འཇུག་གི་འཕོ་བ་
དང༌། སོགས་བྱ་བ་དང་ཞེས་པའི་སོགས་ཀྱི་སྒྲས་ནི་གོང་དུ་འཕོ་བ་ཡང་བསྟན་ནོ། །ལུས་མི་
སྣང་བར་བྱེད་པ་དང༌། གང་ཅི་ཡང་རུང་བའི་དངོས་གྲུབ་དང་ལས་ཚོགས་གཞན་ཡང་འགྲུབ་
སྟེ། ཞེས་མཚམས་སྦྱར་ནས། ཕན་ཚུན་ཞེ་འགྲས་པ་སྟེ་དབྱེ་བ་དང༌། རྨུགས་པ་ནི་བླུན་ཞིང་
གཉིད་ཀྱིས་ནོན་པར་བྱེད་པ་ཉིད་དེ། འདིར་ལས་ཚོགས་གཉིས་སྨོས་ལ། སྔར་བཤད་པའི་
དངོས་གྲུབ་ཀྱི་འཕྲོས་ལས། དེ་བཞིན་དུ་ས་འོག་ཏུ་འགྲོ་བའོ་སྟེ་ས་འོག་གི་དངོས་གྲུབ་དང༌། 
རིག་པ་འཛིན་པའི་འཁོར་ལོས་བསྒྱུར་བ་ཉིད་དུ་འགྱུར་པ་ནི། རིག་པ་འཛིན་པའི་གཙོ་བོར་
འགྱུར་བའི་དངོས་གྲུབ་སྟེ། རལ་གྲིའི་རིག་པ་འཛིན་པ་ལྟ་བུའམ། ལུས་གནས་གྱུར་པས་
འདོད་པ་དང་གཟུགས་ཀྱི་རིག་པ་འཛིན་པ་སྟེ། ལུས་ཀྱི་རིག་པ་འཛིན་པ་དེ་ཐོབ་ན། རིག་པ་
འཛིན་པ་ཕལ་པ་དུ་མ་རྗེས་སུ་འབྲང་བའི་འཁོར་དུ་འགྱུར་བའི་ཕྱིར་རོ། །འཆི་བ་མེད་ཅིང་
ཞེས་པ་སྟེ། ཚེ་བསྐལ་པར་གནས་པ་ལ་སོགས་པ་ཚེ་རིང་པོར་འགྱུར་བའི་དངོས་གྲུབ་དང༌། 
རྒས་པ་མེད་པའི་དངོས་གྲུབ་དང༌། ན་བ་སྟེ་ནད་མེད་པར་འགྱུར་བའི་དངོས་གྲུབ་སྟེ། རྣམ་
11-1-364


གྲངས་ཀྱི་ཚུལ་གྱིས་གསུམ་གསུངས་པ་ལས་ཕྱི་མ་གསུམ་པོ་ནི་བཅུད་ལེན་གྱི་དོན་ནོ། །རྣལ་
འབྱོར་སྒྱུ་མའི་རིག་པ་ནི། འདི་ཡིས་ཞེས་པའི་དོན། ལས་དང་དངོས་གྲུབ་དེ་རྣམས་རྣལ་
འབྱོར་བ་ཆོས་ཐམས་ཅད་སྒྱུ་མ་ལྟར་རྟོགས་པའི་དོན་དམ་པའི་རིག་པའམ་སྔགས་འདི་ཡིས་
འགྲུབ་ཅེས་པ་སྟེ། སྒྲ་ཇི་བཞིན་པ་ལྟར་ན། གོང་གི་ཕན་ཡོན་གྱི་འཕྲོས་ཡིན་ལ་དོན་དུ་ནི། 
ཆོས་རྣམས་བདེན་མེད་དུ་ཤེས་པས་ལས་དང་དངོས་གྲུབ་ཐོགས་མེད་དུ་འགྲུབ་པ་ཡིན་ཞིང༌། 
དངོས་པོ་ལ་བདེན་པར་འཛིན་པ་ཤིན་ཏུ་དམ་པས་ནི། ལས་ཚོགས་ཀྱང་ཤིན་ཏུ་དཀའ་བའི་
སྒོ་ནས་འགྲུབ་པ་ཙམ་སྲིད་མོད་ཀྱིས། དངོས་གྲུབ་ནི་ཕལ་ཆེར་མི་འགྲུབ་པ་ཞིག་གོ །དེ་ལ་
མིག་འཕྲུལ་བྱེད་ཅེས་པ་མིག་འཕྲུལ་གྱི་དངོས་གྲུབ་སྟེ། དེ་ཉིད་དངོས་གྲུབ་བརྒྱད་ཀྱི་གྲངས་
སུ་བགྲངས་པ་ལྟར་ན་རྒས་པ་མེད་པ་དང༌། ན་བ་མེད་པ་གཉིས་ནད་འཇོམས་ཀྱི་དངོས་གྲུབ་
ཅེས་གཅིག་ཏུ་བསྡོམས་སོ། །དེ་ཉིད་མི་བགྲོང་པ་ལྟར་ན་གསུམ་པོ་སོ་སོར་བྱ་མོད་ཀྱི། རྒྱུད་
གཞན་ལས་ཀྱང༌། འཆི་བ་མེད་དང་ནད་འཇོམས་སོ་ཞེས་པ་ལྟར་ན་སྔ་མ་ཉིད་ལེགས་སོ། །
གཉིས་པ་ནི་ལས་ཚོགས་དང་དངོས་གྲུབ་ཀྱི་སྒྲུབ་ཐབས་གཉིས་སུ་དབྱེ་སྟེ། དགུག་པའི་
གནས་སྐབས་སུ་གོང་བུ་དགུག་པ་ལ་སོགས་པའི་ཁྱད་པར་རྣམས་ལེའུ་གཉིས་པར་འཆད་
པས་འདིར་དགུག་པ་སྤྱིའི་བྱ་བ་ཙམ་སྟོན་ནོ། །དེ་ལ་འཁྲུལ་འཁོར་བཤད་པར་བྱ་སྟེ། རི་མོ་
བརྒྱད་བརྒྱད་བསྣོལ་མར་བྲིས་ནས་རེ་མིག་བདུན་བདུན་བཞི་བཅུ་ཞེ་དགུར་བྱས་ལ། སྟེང་
གི་གཡས་ཟུར་ནས་ཕྱི་ནས་ནང་དུ་སྦྲུལ་འཁྱིལ་བའི་ཚུལ་གྱིས་ཞལ་བཞི་པའི་སྔགས་ཀྱི་
ཡིག་འབྲུ་རེ་རེ་རེ་མིག་ལ་དགོད་པར་བྱ་བ་ལས། ཕཊ་བཞི་པོ་ཕ་དང་ཌ་སོ་སོར་འགོད་དོ། །
དབུས་ཀྱི་རེ་མིག་སྟོང་པ་གཅིག་པུ་ལ་སྒྲུབ་བྱའི་མིང་སྤེལ་བཀོད་དེ། འདི་ནི་རིགས་ལྡན་
གྱི་འགྲོས་ཆེན་པོར་གྲགས་པ། དཔལ་ཁ་སྦྱོར་ཐིག་ལེར་གསལ་བར་བཤད་པ་ཉིད་ཡིན་ནོ། །
འདི་ལ་ཡང་དབང་དང༌། དགུག་པ་དང༌། བསད་བསྐྲད་རྨོངས་རེངས་དབྱེ་བ་དང་རྨུགས་པ་
11-1-365


རྣམས་ལ་ནི། ཡི་གེ་མགོ་བོ་ནང་བསྟན་དུ་བྱེད་ལ་འདིར་དངོས་སུ་མ་བཤད་ཀྱང་ཞི་རྒྱས་ལ་
མགོ་ཕྱིར་བསྟན་ནོ། །
འཁོར་ལོའི་ཁྱད་པར་གཞན་གཉིས་པ་བཤད་པར་བྱ་སྟེ། འཁོར་ལོ་གྲུ་བཞིའི་དབུས་སུ་
ཐིག་བཞིས་རེ་མིག་དགུར་བྱའོ། །དེའི་དབུས་དང་ཕྱོགས་བཞིར་ཡང་རེ་མིག་དགུར་དགུར་
དབྱེའོ། །དེ་དག་ལས་ཤར་དུ་ཨུ་ཨཱུ། པ་ཕ་བ་བྷ་མ།{ཝ་བ[ ཝལཔ]ཞེས་པ་རྣམས་འགོད་
ཅིང༌། དབུས་ཀྱི་ཡི་གེའི་གཡས་གཡོན་དུ་ཨོ་ཨཽ་བྲིའོ། །ལྷོ་རུ་ལི་ལཱི། ཏ་ཐ་ད་དྷ་ན། ལ་ས། 
ནུབ་ཏུ་རྀ་རཱྀ། ཊ་ཋ་ཌ་ཌྷ་ཎ། ར་ཥ། བྱང་དུ་ཨི་ཨཱི། ཙ་ཚ་ཛ་ཛྙ་ཉ། ཡ་ཤ །དབུས་ཀྱི་ཡི་གེའི་
གཡས་གཡོན་དུ་ཨེ་ཨཻ། དབུས་སུ་ཨ་ཨཱ། ཀ་ཁ་ག་གྷ་ང༌། ཧ་ྈྐ་དབུས་ཀྱི་ཡི་གེའི་གཡས་
གཡོན་དུ་ཨཾ་ཨཿ དེ་ཡང་ཞི་རྒྱས་ལ་ནི་མགོ་དབུས་སུ་འབྱུང་ཞིང་ཤར་ནས་གཡས་བསྐོར་
གྱིས་འགོད། །དབང་དྲག་ལ་ནི་མགོ་ལྷོ་ནས་བརྩམས་ཏེ་མཇུག་མ་དབུས་སུ་འོང་བར་བྱ། 
མཚམས་ཀྱི་རེ་མིག་ཆེན་པོ་བཞི་ལ་ནི། ལས་དང་རྗེས་སུ་མཐུན་པའི་མིང་སྤེལ་བསྐུལ་ཚིག་
དང་བཅས་པ་འབྲིའོ། །དེ་དག་ཀྱང༌། ཞི་བ་ཟླ་བའི་དཀྱིལ་འཁོར་ལ། །རྒྱས་པ་ཟླ་བ་སེར་
པོ་ལ། །དབང་དང་དགུག་པ་མེ་དཀྱིལ་དུ། །དྲག་པོ་རླུང་ལ་དགོད་པར་བཤད། ཞི་བ་གཙང་
མའི་རས་ལ་སྟེ། །རྒྱས་པ་དར་ལ་བྲི་བ་ཉིད། །དབང་ནི་གྲོ་གའི་འདབ་མ་ལ། །དྲག་པོ་པགས་
པའམ་རོ་རས་ལའོ། །ཞི་བ་ཙན་དན་སྦྱར་བ་དང༌། །རྒྱས་པ་རིན་ཆེན་བསྲེས་པ་སྟེ། དབང་
ལ་རང་བྱུང་ཙན་དན་དམར། །དྲག་པོ་དུག་ཁྲག་སྐེ་ཚེས་བྲི། །གུར་གུམ་ཙན་དན་གི་ཧཾ་དང༌། །
གླ་རྩི་སྦྱར་བའི་བཞི་མཉམ་ནི། །བསྲུང་སོགས་དགེ་བའི་ལས་ཀུན་ལའོ། །དབྱེ་བ་རྟ་དང་
མ་ཧེ་ཁྲག །རྨུགས་པ་ལུག་གི་ཁྲག་གིས་ཏེ། །སྦལ་པ་རུ་སྦལ་རེངས་པ་ལའོ། ཁ་དང་འུག་
པའང་དབྱེ་བར་བཤད། །དེ་དག་སྣག་ཚའི་ཁྱད་པར་ཡིན། ཁམ་ཕོར་གཙང་མར་ཞི་བ་སྟེ། །
རིན་ཆེན་སྣོད་ནི་རྒྱས་པ་ལའོ། །རྫའམ་ཐོད་བཟང་དབང་ལ་སྟེ། །ཐོད་ངན་དྲག་པོའི་ལས་
11-1-366


ལ་ཤིས། །ཞི་ལ་སྲིན་སྐུད་གཙང་མས་དཀྲི། །དར་སྐུད་སེར་པོ་རྒྱས་པ་ལས། །དབང་ལ་
བུད་མེད་སྐྲ་ཡིས་ཏེ། །དྲག་པོ་རོ་སྐྲ་ཕྱིར་བསྒྲིམས་ཉིད། །ཞི་རྒྱས་དབང་དང་དྲག་པོ་ལ། །ཆ་
བྱད་དཀར་སེར་དམར་དང་ནག །ཕྱོགས་ནི་ཤར་བྱང་ནུབ་དང་ལྷོ། །སྲོད་དང་སྔ་དྲོ་དགོང་
ཁ་དང༌། །ཕྱེད་གཉིས་རྣམས་ནི་དུས་སུ་བཤད། །དུལ་བའི་སེམས་དང་སྤྲོ་བ་དང༌། །ཆགས་
སེམས་བྲོས་པའི་སེམས་དག་ནི། །བསམ་པའི་ཁྱད་པར་ཉིད་དུ་བརྗོད། །འོན་ཀྱང་རེངས་ལ་
སེར་པོ་སྟེ། །རྨུགས་དང་རྨོངས་པ་དཀར་པོ་ཡིན། །རྒྱུད་འདིར་ལྷ་ཡི་དབྱེ་བ་ནི། །མེད་དེ་ཀུན་
གྱིས་ཐམས་ཅད་འགྲུབ། །འཁོར་ལོའི་རབ་ཏུ་གནས་པ་ནི་སྤྱི་དང་འདྲ་ལ་སྒྲུབ་པའི་ཚུལ་ཡང་
མཚུངས་ཤིང་བསྐུལ་ཚིག་བྲི་བའི་ཁྱད་པར་ཡང༌། སྭཱཧཱ་ཆེ་གེ་མོའི་གནོད་པ་ཤནྟིང་ཀུ་རུ་སྭཱཧཱ། 
ཞེས་པ་ལྟ་བུ་ནི་ཞི་བ་དང༌། ཧཱུཾ་ཆེ་གེ་མོ་ལ་རཀྵ་ཧཱུཾ། ཞེས་པ་བསྲུང་བ་དང༌། ནཱ་མཿཆེ་གེ་མོ་པུཥྚཾ་
ཀུ་རུ་ན་མཿརྒྱས་པ་དང༌། ཡ་ཝ་ཥ་ཊ་ཆེ་གེ་མོ་ཝ་ཤ་མ་ན་ཡ་ཝ་ཥ་ཊ། ཞེས་པ་དབང་དང༌། ཧྲི་
ཛ་ཆེ་གེ་མོ་ཨ་ཀཪྵ་ཡ་ཧྲི་ཛ་ཞེས་པ་ནི་དགུག་པ་དང༌། ཕཊ་ཆེ་གེ་མོ་མ་ར་ཡ་ཕཊ། ཅེས་པ་ནི་
བསད་པ་དང༌། དེ་བཞིན་དུ་ཨུཙྪ་ཊ་ཡ་བསྐྲད་པ་དང༌། བི་དྭེ་ཥ་ཡ་དབྱེ་བ་དང༌། ལཾ་ཆེ་གེ་མོ་
སྟཾ་བྷ་ཡ་ལཾ། རེངས་པ་དང༌། དེ་བཞིན་དུ། ནི་ཏྲ་ཨ་བོ་ལི་རྨུགས་པ་དང༌། མོ་ཧ་ན་ནི་རྨོངས་
པའོ། །བཟླས་པ་ཡང་སྔགས་རྐང་པ་རེ་རེའི་ནང་དུ་བསྐུལ་ཚིག་བཅུག་པ་སྟེ། ༀ་སུཾ་བྷ་ནི་སུཾ་
བྷ་ཆེ་གེ་མོ་ཤནྟིང་ཀུ་རུ་སྭཱཧཱ་ཧཱུཾ་ཕཊ། ཞེས་པ་ལ་སོགས་པའམ། ༀ་ཨ་ཨཱ་ཀ་ཁ་ག་གྷ་ང༌། ཧ་ྈྐ་
ཆེ་གེ་མོ་ཤནྟིཾ་ཀུ་རུ་སྭཱཧཱ། ཞེས་པ་ལྟ་བུའོ། །ཆོ་ག་ལྷག་མ་རྣམས་དང༌། བསམ་གཏན་གྱི་སྦྱོར་
བ་ནི་སྤྱི་དང་འདྲ་ཞིང༌། བླ་མའི་མན་ངག་ལས་རྟོགས་དགོས་པའི་ཕྱིར་འདིར་མ་བརྗོད་དོ། །
གཉིས་པ་དངོས་སྒྲུབ་ཀྱི་སྒྲུབ་ཐབས་ནི། མིག་འཕྲུལ་གྱི་དངོས་གྲུབ་སྒྲུབ་པར་འདོད་
པས་སྨད་འཚོང་མའི་ཐོད་པར་བསྐྱེད་པའི་ཡུངས་ཀར་གྱི་སྣུམ་ཐོད་པ་དེ་ཉིད་དུ་བླུགས་ལ། 
དེའི་སྟེང་དུ་རང་བྱུང་གི་གཟུགས་བརྙན་ཅན་གྱི་ཤེལ་ཞིག་ཀྱང་བཞག་པར་བྱའོ། །མདུན་དུ་
11-1-367


མཎྜལ་མཆོད་པ་དང་གཏོར་མར་བཅས་པ་བཤམས་ལ། དེ་ཡང་ཁྱབ་འཇུག་སྐུ་མདོག་ནག་
པོ་ཕྱག་བཞི་ན་འཁོར་ལོ་དང་དུང་དང་དབྱུག་པ་དང་ཀཽ་སྟུ་བྷ་རྣམས་འཛིན་པ་སྤྱན་དྲངས་
བར་བྱ་སྟེ། ༀ་ཨཱ་བཛྲ་ན་ར་ཡ་ཎ་ཧཱུཾ་ཧཱུཾ་ཨཱཿ སྭཱཧཱ་ཞེས་པས་སོ། །དེ་ནས་དངོས་གྲུབ་ཀྱི་དོན་
དུ་མཆོད་གཏོར་ཕུལ་ལ་ༀ་མ་ཡ་{ཙ་པྲ་ས་མ་ཡཾ[ཙཀྲ་སདྡྷ་ཡ]་སརྦ་ཨ་སུ་ར་ད་མ་ན་ཧཱུཾ་ཧཱུཾ་
སྭཱཧཱ། ཞེས་བཟླས་པས་འགྲུབ་ཏུ་རུང་བའི་མཚན་མ་མཐོང་བ་ན། སྔགས་དེ་ལ་དངོས་གྲུབ་
འབེབས་པའི་སྤྱི་སྔགས་བཏགས་ཏེ། རྫས་ལ་དམིགས་ནས་དྲག་ཏུ་བཟླས་པས་རྫས་ཀྱི་
དབུས་སུ་སྒྱུ་མ་སྣ་ཚོགས་པ་མཐོང་ན། མཆོད་གཏོར་དང་སྦྱིན་བསྲེག་གི་ལྷ་མཉེས་པར་བྱས་
ལ་འབྲུ་མར་བཏུང་ཞིང་ཤེས་ལྕེ་འོག་ཏུ་བཅུག །ཐོད་པ་མཆོད་པ་དང་བཅས་ཏེ་ཆུ་བོ་ཆེན་པོར་
དོར་ནས།{ཕྱིས[ ཕྱི་མ་]སྔགས་ཀྱི་མཐར་འདོད་པའི་དོན་གྱི་བསྐུལ་ཚིག་སྦྱར་བ་ཙམ་གྱིས་
འགྲུབ་པའོ། །མཁའ་ལ་སྤྱོད་པ་ནི། རྒྱུད་གཞན་ལས་འབྱུང་བའི་རལ་གྲི་དང༌། རོ་ལངས་ལ་
སོགས་པས་ཀྱང་འགྲུབ་པར་འགྱུར་ལ། འོག་ནས་འབྱུང་བའི་ཧེ་རུ་ཀ་རྟ་གདོང་ཅན་བསྒོམ་
སྟེ། ༀ་ཕུཾ་ཕུཾ་ཕུཾ་ཧཱི་ཧཱི་ཧཱི་ཁེ་ཙ་ར་སིདྡྷི་སྭཱཧཱ། ཞེས་དངོས་གྲུབ་ཀྱི་དོན་དུ་དྲག་ཏུ་བཟླས། དེ་གྲུབ་
པའི་མཚན་མ་བྱུང་ན། མར་ངོའི་ཚེས་བརྒྱད་ལ་དུར་ཁྲོད་ནས་སྐྱེས་པའི་རོ་མ་རྨས་པ་གསར་
པ་བླངས་ཏེ། བཀྲུས་ཤིང་རྒྱན་གྱིས་བརྒྱན་ལ་མགོ་བོ་ཤར་དུ་ཕྱོགས་པས་བཞག དེའི་སྙིང་
ཁར་རང་ཉིད་གཅེར་བུ་སྐྲ་གྲོལ་བས་འདུག ཁའི་སྟེང་དུ་ཐོད་པ་ཡུངས་ཀར་གྱིས་བཀང་བ་
བཞག་སྟེ། གོང་གི་རྣལ་འབྱོར་ལ་གནས་པས་དྲག་ཏུ་བཟླས་ཤིང༌། དངོས་གྲུབ་དབབ་པའི་
སྤྱི་སྔགས་ཀྱང་བཟླས་སོ། །ཡུངས་དཀར་མི་སྣང་བར་གྱུར་པ་ན་ཐོད་པ་ཚེ་འུར་བོར་སྟེ། དེ་
ཙམ་གྱིས་འགྲུབ་པར་གྱུར་ལ། གལ་ཏེ་མ་གྲུབ་ན་ཤིང་ས་ལ་སེར་པོའི་སྒྲོམ་བུར་ལིག་བུ་མིག་
སྣར་བཅུག་ནས། གཞོན་ནུ་མའི་སྐྱེ་གནས་ཀྱི་དབུས་སུ་བཞག་པ་སྔར་བཞིན་བསྒྲུབས་པས་
འབར་བར་གྱུར་པ་ན། དེ་ཉིད་ཟོས་པ་ཙམ་གྱིས་དཔག་ཚད་སྟོང་གི་སྟེང་དུ་མཁའ་ལ་ཡོངས་
11-1-368


སུ་སྤྱོད་པར་འགྱུར་རོ། །གྲོང་དུ་འཇུག་པའི་དངོས་གྲུབ་ནི། གདན་བཞི་དང༌། ཁ་སྦྱོར་ཐིག་
ལེ་ལས་གསུངས་པ་བཞིན་བསྒྲུབ་སྟེ། ཕྱི་སྣང་བ་རགས་པ་ལ་བདེན་མེད་ཀྱི་གསལ་སྣང་ཅུང་
ཟད་ཡོད་ཅིང་རླུང་དང་ཐིག་ལེ་གནས་གཞན་དང་གཞན་དུ་སྤོ་ནུས་པ་དང༌། དངོས་གྲུབ་དེ་
ཉིད་སྩོལ་བའི་མཁའ་འགྲོ་མའི་རིག་སྔགས་གྲུབ་ཅིང་དེ་མཉེས་པས་བཀའི་གནང་བ་ཐོབ་པ་
དགོས་པར་བཤད་དོ། །གོང་དུ་འཕོ་བ་ནི་གྲོང་འཇུག་དང་འབྲེལ་བས་བཤད་ཀྱི། དངོས་གྲུབ་
བརྒྱད་ལ་མི་བགྲོང་ཞིང༌། དེ་ཡང་གདན་བཞི་དང་ཁ་སྦྱོར་ཐིག་ལེ་བཞིན་དུའོ། །མི་སྣང་བ་ནི། 
ཏ་ཀ་རའི་བྱང་ཕྱོགས་ཀྱི་རྩ་བ་དགེ་སྦྱོང་གཅེར་བུས་བླངས་པ་ཟླ་བ་གཟས་གཟུང་པ་ན་རིལ་
བུར་བྱའོ། །མིག་སྨན་རྡོ། སེ་བ་ལའི་ཚེར་མ། སྦྲང་རྩི། ས་འོག་གི་བུང་བ། དང་པོའི་རང་བྱུང་ ། 
 པདྨའི་གེ་སར་རྣམས་བཏགས་པའི་རིལ་བུ་དང༌། ཨ་ཤོ་ཀ་སྔོན་པོའི་མྱུ་གུ་རང་བྱུང་གི་མེ་
ཏོག་གིས་བགོས་པའི་རིལ་བུ་བྱས། ཕུག་རོན་གྱི་ཁོག་པར་མིག་སྨན་རྡོ་བཅུག་ལ། རོ་བསྲེག་
པའི་མེ་ལ་བསྲེགས་པ། བྱི་ལ་ནག་པོའི་ཁྲག་གིས་མེ་བསད་པའི་སྟེང་དུ་བཞག་ལ་དངོས་
གྲུབ་དབབ་པའི་སྤྱི་སྔགས་བཟླས་པས། དེ་དག་ལས་གང་ཡང་རུང་བ་ཞིག་འབར་བར་
འགྱུར་ཏེ། དེས་དཔྲལ་བར་ཐིག་ལེ་བྱ། རིལ་བུ་གཞན་གཉིས་ནི་ཁ་ནང་དུ་བཅུག་ཅིང་ཐལ་
བ་ལུས་ལ་བྱུག་པ་ཙམ་གྱིས་འགྲུབ་པར་འགྱུར་ལ། རྒྱུད་གཞན་ལས་ནི་གསེར་དང༌། དངུལ་
དང༌། ཟངས་ཏེ་ལྕགས་གསུམ་གྱིས་རིལ་བུ་གཡོག་དགོས་པར་བཤད་དོ། །ས་འོག་གི་དངོས་
གྲུབ་ནི། དང་པོར་རྩ་བའི་སྔགས་ཀྱི་ནང་དུ། བ་ཏ་ལ་སིདྡྷི་ད་ཡ་ཀ་སྭཱཧཱ། ཞེས་བཟླས་ཤིང་
མཆོད་པས་མཚན་མ་མཐོང་བ་ན། རྡོའམ་གནམ་ལྕགས་ཀྱི་རྡོ་རྗེ་དཀྱིལ་འཁོར་གྱི་དབུས་སུ་
བཞག་ལ། སྔགས་ཀྱི་ནང་དུ་བཛྲ་པཱ་ཏ་ལ་བྷཉྩ་བྷཉྩ་ཞེས་བཅུག་ཅིང༌། དངོས་གྲུབ་དབབ་
པའི་སྤྱི་སྔགས་བཏགས་ཏེ་བཟླས་པས་འབར་བར་གྱུར་པ་ན་བསྲུང་བ་བྱས་ཏེ། ལྷ་ལ་མཆོད་
པར་བྱའོ། །དེ་ནས་དངོས་གྲུབ་བླངས་ནས་ས་འོག་གི་སྒོ་རྙེད་པར་འགྱུར་ཞིང༌། དཔལ་གྱི་སྒོ་
11-1-369


ལས་ས་འོག་གི་ལམ་དུ་སོང་སྟེ། ཀླུའི་རྒྱལ་པོའམ་ལྷ་མ་ཡིན་གྱི་གནས་སུ་གནས་ནས་བདུད་
རྩི་ལ་ལོངས་སྤྱོད་པའི་ཚེ་ཉི་ཟླ་དང་མཉམ་པར་འགྱུར་རོ། །དཔལ་གྱི་སྒོ་ཆེན་པོ་ནི། ལྷ་མ་
ཡིན་གྱི་ངོས་དང༌། ཨོ་ཏྲེའི་ཡུལ་གྱི་ཨ་མྲའི་འབྲས་བུ་ཆེན་པོ་ཞེས་བྱ་བའི་རིའི་རྩ་བ་ན་ཡོད་
པར་བཤད་ཅིང༌། ཆ་ཤས་ནི་ཡུལ་ཕལ་མོ་ཆེ་ན་ཡོད་དོ། །དེ་ཡང་རྡོ་རྗེ་ས་འོག་གི་རྒྱུད་དང༌། 
རིག་པ་མཆོག་གི་རྒྱུད་ནས་རྒྱས་པར་གསུངས་པ་བཞིན་ཏེ། འོན་ཀྱང་ཐེག་པ་བླ་ན་མེད་པ་
ལས་དེ་རྣམས་འགྲུབ་པ་ནི། ཡེ་ཤེས་སྟོབས་དང་ལྡན་པ་ཡིན་པའི་ཕྱིར་གྲུབ་པ་ཕྲ་མོ་ཙམ་ལ་
གནས་པར་མི་འགྱུར་ཞིང༌། འཁྲུལ་འཁོར་གཞོམ་པ་ལ་སོགས་པའི་དཀའ་བ་ཡང་མི་དགོས་
ཏེ་དངོས་གྲུབ་གཞན་རྣམས་ལའང་རིགས་འགྲེའོ། །
རིག་པ་འཛིན་པའི་འཁོར་ལོ་བསྒྱུར་བ་སྒྲུབ་པ་ནི། ཤིང་ངམ་རིན་པོ་ཆེའམ་བྱང་ཆུབ་ཀྱི་
ཤིང་གི་ལོ་མ་ལ་ཕྱག་མཚན་བྱས་ཏེ། རང་ཉིད་ལྷར་གསལ་བ་དང་ཕྱག་མཚན་གཉིས་ཀ་ལ་
དམིགས་ཏེ། དངོས་གྲུབ་དབབ་པའི་སྤྱི་སྔགས་དང་ཁྱད་པར་གྱི་སྔགས་བཟླས་པས་འབར་
སྣང་ཤིན་དུ་བརྟན་པར་གྱུར་པ་ན། ལྷ་མཆོད་ཅིང་དངོས་གྲུབ་བླངས་པ་ཙམ་གྱིས་རིག་པ་
འཛིན་པའི་རྒྱལ་པོར་འགྱུར་རོ། །བྱེ་བྲག་གི་སྔགས་ནི་འདི་ལྟ་སྟེ། རལ་གྲི་ལ་ཁཌྒ་ས་དྷ་ཡ་ས་
དྷ་ཡ་ཞེས་པ་སྔགས་ཀྱི་ནང་དུ་བཅུག་པའོ། །དེས་གཞན་ལ་ཡང་འགྲེ་བར་བྱའོ། །ཕྱི་མ་བཅུད་
ལེན་གྱི་ཁྱད་པར་འདི་རྣམས་ལ་སྔགས་ཀྱི་ནང་དུ་བཛྲ་ར་ས་ཡ་ན་ཝ་ར་དེ་ཞེས་པ་བཅུག་ཅིང་
དངོས་གྲུབ་དབབ་པའི་སྤྱི་སྔགས་དང་བཅས་པ་འབུམ་དུ་བཟླས་ནས། ཕྱིས་བཅུད་ལེན་གྱི་
རྫས་ལ་རེ་རེའི་ཐམས་ཅད་འདུས་པ་ཇི་ལྟར་སྐབས་སུ་བབ་པའི་ཚེ་ཉིན་མཚན་གཅིག་གམ་
ཉིན་ཞག་བདུན་དུ་ཡོངས་སུ་བཟླས་ལ་ཡང་དང་ཡང་དུ་བསྲུང་བ་དག་ལྷ་རྣམས་མཆོད་དེ་
དངོས་གྲུབ་བླངས། རྫས་དེ་བསྟེན་པ་ཙམ་གྱིས་ནི་དངོས་གྲུབ་ཏུ་འགྱུར་བ་ཡིན་ལ། དེ་དག་
མེད་ཀྱང་རྫས་ཀྱི་མཐུ་ཉིད་ལས་ཚེ་རིང་བ་དང་རྒས་པ་ཐག་བསྲིང་བ་དང༌། ནད་བྱང་བར་
11-1-370


འགྱུར་རོ། །དེ་ལ་གོང་བུ་དགུག་པ་ལ་སོགས་པའི་ལས་རྣམས་དང༌། དངོས་གྲུབ་ཐམས་ཅད་
ནི་དཀྱིལ་འཁོར་ཀྱི་འཁོར་ལོའམ་ལྷ་དཔའ་བོ་གཅིག་པ་ལ་ཡང་རུང་སྟེ། གསལ་སྣང་ཤིན་
ཏུ་བརྟན་པ་དང༌། གཉིད་དང་ནད་ཀྱི་དབང་དུ་མི་འགྱུར་བ་དང༌། རྩ་བའི་སྔགས་གང་ཡང་
རུང་བ་གཅིག་གི་ནུས་པ་ཐོབ་པ་དང༌། ཕྱི་རོལ་ལ་བདེན་ཞེན་སྲབ་པ་ཞིག་གིས་དངོས་གྲུབ་
ཀྱི་དོན་དུ་ལྷ་ལ་སྒྲུབ་པ་བྱས་པས། དངོས་སམ་རྨི་ལམ་དུ་གནང་བ་ཐོབ་པས་ཇི་སྐད་བཤད་
པ་བཞིན་ཆོ་ག་མ་ཉམས་པར་སྒྲུབ་པར་བྱ་ཡི། གཞན་དུ་ན་ཉོན་མོངས་པ་ཙམ་དུ་ཟད་དོ། །
དངོས་གྲུབ་ཐོབ་པར་འདོད་པས་ཡིད་ལ་བརྣག་པའི་དངོས་གྲུབ་གཅིག་པུ་གཉིས་སུ་མེད་པ་
རབ་ཏུ་གསང་བས་བསྒྲུབ་པར་བྱ་ཡི། གཞན་དུ་ན་ཁམས་གསུམ་གྱི་ལྷ་དང་མི་དང་འབྱུང་པོ་
རྣམས་ཀྱི་དཔྱས་གདགས་པའི་གནས་སུ་འགྱུར་རོ། །དེ་དག་ཀྱང་བསྐྱེད་རིམ་ཙམ་གྱི་ཕྱོགས་
ལས་ཡིན་གྱི་རྫོགས་པའི་རིམ་པའི་ཡེ་ཤེས་ལས་དངོས་གྲུབ་ཐུན་མོང་བ་གང་ཞིག་འགྲུབ་
པར་འགྱུར་བ་གང་ཡིན་པ་དེ་དག་ནི་བཟླས་པ་དང༌། རྫས་དང༌། ཆོ་ག་ལ་བལྟོས་པ་མ་ཡིན་
ནོ། །རྒྱུད་འདི་ཉིད་དུ་མ་གསུངས་ཀྱང་མིག་སྨན་ལ་སོགས་པ་དང་དངོས་གྲུབ་ཀྱི་རྟོག་པ་གང་
ཡིན་པ་དེ་ཐམས་ཅད་ཀྱང་རྣལ་འབྱོར་འདི་ལ་གནས་པས་བསྒྲུབ་ཏུ་རུང་བར་ཤེས་པར་བྱའོ། །
ལས་ཚོགས་ཕལ་པ་རྣམས་ནི་སྔགས་ཀྱི་བཟླས་པ་བྱེ་བ་བཟློས་པས་ཀྱང་འགྲུབ་པར་འགྱུར་
ཞིང༌། མ་ཡེངས་པའི་སེམས་དང་ལྡན་པས་དེ་ཡང་མྱུར་བ་དང༌། སྟོབས་དང་ལྡན་པས་འགྲུབ་
པར་འགྱུར་རོ། །འཆི་བ་མེད་ཅིང་ཞེས་བྱ་བ་ལ་སོགས་པ་རྣམས་ཀྱི་མན་ངག་ནི། གདམས་
ངག་བཀའ་དྲུག་ཏུ་གྲགས་པ་རླུང་བཅིང་བ་དང༌། ཡིད་བཅིང་བ་དང་ཐིག་ལེ་བཅིང་བའི་རྣལ་
འབྱོར་ལ་གནས་ནས་རྒ་ནད་འཆི་བ་གསུམ་བཅིང་བ་ལ་བཅུད་ལེན་ཞིང་སྟོན་ཏེ། དྲག་ཤུལ་
གྱི་སྤྱོད་ལམ་དང་ཁ་ཟས་མི་འཕྲོད་པ་སྤངས། ཉིན་མོ་སྣ་བུག་གཡས་དང༌། མཚན་མོ་སྣ་བུག་
གཡོན་རས་ཀྱིས་བཀག །རྒྱུ་ཞབས་དང་འོག་སྒོ་གཉིས་རས་ཀྱིས་སྡོམ། བཤང་གཅིའི་བྱ་བ་
11-1-371


བྱེད་པའི་ཚེ་སྟོང་བསུས་བྱ་ཞིང་དབུགས་བསྡམས། རྟིང་པས་རྡོ་རྗེའི་རྩ་བ་བསྡམས། ཉལ་
བའི་ཚེ་སེང་གེའི་ཉལ་སྟབས་སམ་ཙོག་པུ་བྱ། ཐོ་རངས་ཀྱི་མི་བསྐྱོད་པ་གྲང་མོ་ཁ་ནང་དུ་
ཡུན་རིང་དུ་བསྲུབ། ཡང་ཁ་དཀྲུས་ཏེ། བསྲུབས་པ་བསགས་ལ་མི་བསྐྱོད་པར་སྤངས་པའི་
ཨ་རུ་རའི་ཁུ་བ་དང༌། ཁ་དོག་སྔོ་ཞིང་སྲིན་ལག་ན་དཔལ་བེའུ་ཡོད་པ་གཞོན་ནུ་མར་གྱུར་
པའི་རྡུལ་དང་བསྲེས་ཏེ། དང་པོར་རླུང་གང་ནས་རྒྱུ་བའི་སྣ་བུག་ནས་བཏུང་། རྐང་པ་སྐྱིལ་
ཀྲུང་ལག་གཉིས་པུས་མོ་ལ་བཀབ། བསུས་པ་གཡས་གཡོན་དུ་དྲག་ཏུ་བསྐོར་ལ་ཚིགས་པ་
གཅེར་ཏེ། སྟོང་བསུས་བྱའོ། །ཀོས་ཀོས་ཨོལ་མདུད་བསྡམས་ཏེ་བུམ་པ་ཅན་དྲག་ཏུ་བཟུང༌། 
དེ་འདྲ་ལན་གསུམ་དུ་བྱ་ཞིང་ལུས་སྦྱོང་འགའ་ཞིག་བྱ། དེ་ལྟར་ན་ཟླ་བ་དྲུག་གིས་ནད་རྙིང་པ་
བྱང་ཞིང་གསར་པ་མི་བསྐྱེད་པ་དང༌། སྐྲ་དཀར་གཉེར་མ་སྤངས་ཤིང་ཉམས་སྟོབས་དང་ལྡན་
པས་ཚེ་རིང་པོར་འགྱུར་རོ། །རྒྱས་པར་ཡིག་རྙིང་ལས་ཤེས་པར་བྱའོ། །
མན་ངག་གཞན་ལས་ནི་འཆི་བ་བཅད་པ་ལ་བདུད་རྩི་ལྔའི་བཅུད་ལེན་སྟོན་ཏེ། མདོག་
ནག་ལུས་བཟང་སྐྲ་སྣུམ་པ་མི་གནག་པ། དྲི་ཞིམ་པ། ལང་ཚོ་ཕུན་སུམ་ཚོགས་པ་གཞོན་ནུ་
མའི་མར་ངོའི་རྡུལ་དང་པོ་དང་ཐ་མ་སྤངས་པའི་བར་མ་བཟུང་བར་བྱའོ། །དེ་ཡང་དང་པོ་ཐ་
མས་ནད་བསྐྱེད་ཅིང༌། དཀར་བཤམ་མཐུ་ནི་ཆུང་བར་བཤད། ཟླ་བ་ཡར་ངོ་ལས་བྱུང་བ། །
དེས་ནི་རྒས་པ་བསྐྱེད་པར་བྱེད། ཅེས་བཤད་པས་དེ་རྣམས་སྤང་ངོ༌། །དེ་བཞིན་དུ་དྲི་ཆུ་བར་
པ་བཟུང་བར་བྱ། འོ་ཐུག་གི་བཟའ་བ་ལས་བྱུང་བའི་བཞི་མཉམ་བླངས་ཏེ། གླ་རྩིས་དུག་
ཕྱུང༌། མགོ་ལས་སྐྱེས་པ་དང༌། སྦུབས་ལས་སྐྱེས་པ་དང༌། ཤ་ལས་སྐྱེས་པ་སྟེ་ཤ་ཆེན་དྭངས་
མ་གསུམ་བླངས། མཐུ་དང་ལྡན་པའི་བྱང་ཆུབ་ཀྱི་སེམས་ཀྱང་བཞག བྱིན་གྱིས་བརླབ་
ཏེ་གལ་ཏེ་སོ་སོར་བསྟེན་ན། དགུན་སྟོད་ནམ་ཕྱེད་རང་བྱུང་མེ་ཏོག་སྟེ། །དཔྱིད་ནི་ཉི་ཤར་
དུས་ན་དྲི་ཆེན་ནོ། །དྲི་ཆུ་དབྱར་དུས་ཉི་མ་བསྣུར་ཙམ་སྟེ། །སོས་ཀ་ཤ་ཆེན་དྭངས་མ་ཉི་ཕྱེད་
11-1-372


ལའོ། །སྟོན་དུས་སྲོད་ལ་མྱོས་བྱེད་ཁྲག་བཅས་ཏེ། །དགུན་སྨད་ཐོ་རངས་ག་བུར་བསྟེན་པར་
བྱ། །དེ་དག་ཀྱང་རླུང་གང་ནས་རྒྱུ་བའི་སྣ་ནས་བསྟེན་པ་མཆོག་ཡིན་ལ། བཟའ་བ་ནི་ཕལ་
པའོ། །ཡང་དྲི་ཆེན་གྱི་མར་ཁུ་བྱས་ལ། དེ་ཉིད་སྲང་གཅིག་གི་ཚད་དུ་བྱས་སོ། །ཏིལ་མར་སྲང་
གཉིས་དང༌། མར་སྲང་བཅུ་གཉིས། ཏིལ་མར་གྱི་ཉིས་འགྱུར་འོ་མ་རྣམས་ལྷན་ཅིག་ཏུ་བཙོས་
པ་ལ་གསེར་ཐལ་སྲང་བཞི། འབྲས་བུ་གསུམ། བྷྲིཾ་ག་རཱ་ཛ། ཙེ་དི་ཞེས་བྱ་བ་ས་ས་པ་ཏྲ་ཡང་
ཟེར་བ་རང་བསྐྱུར་གྱི་སྔོ་གཅིག །ལྡོང་རོས་ཏེ་དེ་རྣམས་ཚིགས་མ་བོར་པའི་དྭངས་མ་སྲང་རེ་
རེ། ཡུང་བ་ནག་པོ། བ་ཀུ་ཙི་དཀར་པོ། ཨུཏྤལ་ཁ་འབུས་པ། ལྕགས་དྲེག་མུ་ཟི་སེར་པོ། གུ་
གུལ། སྤོས་དཀར། ག་བུར། གླ་རྩི་རྣམས་ཇི་ལྟར་འོས་པར་བཏབ། ལྷག་མ་གཞན་བཞི་ཡང་
བསྲེས་ལ་བསྒྲུབས་ཏེ་བསྟེན་ན། ལོ་དྲུག་གམ་བཅུ་གཉིས་ཀྱིས་འཆི་བདག་ཐག་བསྲིངས་
ཏེ། ཚེ་ལོ་དྲུག་བརྒྱ་ནས་བདུན་སྟོང་གི་བར་དུ་ཐུབ་པའོ། །འབྲས་བུ་གསུམ་པོ་འོ་མ་དང་ཆུར་
བཙོས་པས་མགོ་བོ་བཀུ། ཐལ་དཀར་རྡོ་རྗེ་དང༌། འབྲས་དམར་པོ་བསྲེས་པའི་འཁུར་བ་མར་
དུ་བཙོས་ཏེ་སྦྲང་རྩི་དང་ལྷན་ཅིག་བཟའ་བས་ནི་ནད་ཀུན་འཇོམས་པ་ཡིན་ལ། སྐྲ་དཀར་དང་
གཉེར་མའང་སེལ་བ་ཡིན་ནོ། །འབྲས་བུ་གསུམ་དང་ཙནྡན་དྲི་ཆུ་བར་པར་སྦྱར་བ་ཟླ་བ་དྲུག་
ཏུ་སྣ་ནས་རྔུབས་པ་དང་འཐུང་བས་རྒས་པ་སེལ་བར་འགྱུར་རོ། །རྫས་ཀྱི་དངོས་གྲུབ་ཐམས་
ཅད་ལ་དངོས་གྲུབ་དབབ་པའི་སྤྱི་སྔགས་ནི། ༀ་བཛྲ་རོ་ཥ་མཧཱ་ཀྲོ་དྷ་སིདྡྷི་ཨ་ཀཪྵ་ཡ་ཧཱུཾ་ཛཿ
ཞེས་པའོ། །དེ་ལྟར་ན། རྣལ་འབྱོར་སྒྱུ་མའི་རིག་པ་འདི། །ཞེས་པ་ལ་ཆོས་ཐམས་ཅད་སྒྱུ་མ་
ལྟ་བུ་ལ་ལམ་སྒྱུ་མ་ལྟ་བུར་བསྒོམས་པས་འབྲས་བུ་ཡང་ལས་དང་དངོས་གྲུབ་ཀྱི་ཚོགས་སྒྱུ་
མ་ལྟ་བུར་འགྲུབ་ཅེས་བླ་མ་གོང་མ་རྣམས་གསུང་ངོ༌། །བཞི་པ་ལ། གཙོ་བོའི་དོན་ལམ་རིམ་
པ་གཉིས་མདོར་བསྟན་པ་དང༌། ཆགས་ཆེན་གྱི་ལམ་གྱི་ཆེ་བ་བརྗོད་པ་དང༌། འོག་གི་སྣ་རྩེ་
དང་འབྲེལ་བའི་ཐིག་ལེའི་རྣལ་འབྱོར་བཤད་པ་དང་གཞི་ལམ་འབྲས་བུའི་ཡེ་ཤེས་བསྟན་པ་
11-1-373


དང༌། འཁོར་ལོའི་རྣལ་འབྱོར་བསྟན་པ་དང༌། ཆོས་ཀྱི་རྣལ་འབྱོར་སྒོམ་ཚུལ་དང༌། མཆོག་གི་
བཟའ་བ་དང༌། མཆོད་པ་ཆེན་པོ་དང༌། ཟབ་མོའི་ལམ་སྤྱོད་པ་དང་བཅས་པ་བསྟན་པའོ། །
དང་པོ་ནི། ཡི་གེ་དང་ནི་སོགས་ཏེ་སྒྲ་ཇི་བཞིན་པ་དང་ཇི་བཞིན་མ་ཡིན་པའི་བཤད་པ་
གཉིས་ལས། ཇི་བཞིན་པ་ནི། ཡི་གེ་ཞེས་པས་ལྷ་རྣམས་ས་བོན་ལས་བསྐྱེད་པ་དང༌། གོ་ཆ་
དང་སྐུ་གསུང་ཐུགས་བྱིན་གྱིས་བརླབ་པའི་ཡི་གེ་རྣམས་བསྟན་ཞིང༌། སྔགས་ནི་བཟླས་པའི་
སྔགས་དང༌། ཞུ་བ་གླུས་བསྐུལ་ལ་སོགས་པའོ། །ཡང་ན། སྔགས་ནི་སྔགས་ཀྱི་ལྷ་རིགས་ལྔ་
སྟེ། དེའི་ཕྱག་མཚན་ཡིན་ལ། དེ་ལས་ལྷ་བསྐྱེད་པ་{འང[་རང་]ཡིན་ནོ། །གཟུགས་ཀྱིས་ནི་
ལྷ་ལྔའི་བདག་ཉིད་ཅན་ལྷའི་རྣམ་པས་སོ། །
རབ་ཏུ་བྱེད་ཅེས་པ་ནི་གོང་དུ་བཤད་པ་དང༌། འཆད་པར་འགྱུར་བའི་ལས་དང་དངོས་
གྲུབ་རྣམས་ལྷ་སྒོམ་སྔགས་བཟླས་གོམས་པའི་རྣལ་འབྱོར་པས་ནི་ཐོབ་པར་བྱེད་པའི་དོན་
ནོ། །དེས་ནི་འདི་སྐད་ཅེས་བསྟན་པར་འགྱུར་ཏེ། ས་བོན་ལ་སོགས་པ་བསྐྱེད་ཆོག་གི་ཆོ་གས་
ལྷ་རྣམས་བསྐྱེད་དེ། སྐྱེ་མཆེད་སོགས་བྱིན་གྱིས་བརླབས་ནས་སྔགས་བཟློས་པར་བྱེད་པའི་
རྣལ་འབྱོར་པས་ནི་ལས་དང་དངོས་གྲུབ་ཐམས་ཅད་འགྲུབ་བོ། །ཇི་ལྟར་འགྲུབ་ན། དང་པོར་
བཀླགས་པ་སྟེ་སློབ་དཔོན་ལ་ཉན་པའི་ཐོས་པ་དང༌། དེའི་འོག་ཏུ་དོན་སེམས་པའི་བསམ་པ་
དང༌། དེ་ནས་དེ་ཉིད་སྒོམ་པར་བྱེད་པའི་རྣལ་འབྱོར་དང༌། དེ་ལས་སྐྱེས་པའི་ཡེ་ཤེས་ནི་ཏིང་
ངེ་འཛིན་ཏེ། དེ་ཐོབ་པ་ན་ལས་དང་དངོས་གྲུབ་དེ་རྣམས་ཀྱང་བཀླག་པ་ཙམ་གྱིས་གྲུབ་པར་
གྱུར་པའི་རིག་པ་སྟེ། དེར་མ་ཟད་རིག་པའི་དངོས་གྲུབ་སྟེ། ཕྱག་རྒྱ་ཆེན་པོ་མཆོག་གི་དངོས་
གྲུབ་ཀྱང་ཚེ་འདི་ཉིད་ལ་མངོན་དུ་བྱེད་པར་འགྱུར་རོ། །དེ་ཡང་བསྐྱེད་རིམ་ཁོ་ནས་མཆོག་
འགྲུབ་པ་མ་ཡིན་ཏེ། འོན་ཀྱང་རྫོགས་རིམ་ལ་བརྟེན་ནས་རྒྱུད་དེ་མཆོག་ལ་སྦྱོར་བའི་ཕྱིར་དེ་
སྐད་ཅེས་གསུངས་པ་ཡིན་ལ། འདིས་ནི་བསྐྱེད་རིམ་མཆོག་གི་དངོས་གྲུབ་ཀྱི་རྒྱུད་པའི་རྒྱུར་
11-1-374


ངེས་པ་དང༌། ལས་དང་ཐུན་མོང་གི་དངོས་གྲུབ་ལ་དངོས་སུ་སྦྱོར་བར་བསྟན་ཏོ། །
གཉིས་པ་ནི། རྣལ་འབྱོར་སྒྱུ་མའི་རིག་པ་འདི། །ཡི་གེ་དང་ནི་ཞེས་སྦྲེལ་ཏེ། རྣལ་འབྱོར་
ནི་ཐབས་དང་ཤེས་རབ་གཉིས་སུ་མེད་པའི་རྣལ་འབྱོར་ཏེ། དེས་ཆོས་ཐམས་ཅད་སྒྱུ་མ་ལྟ་
བུར་རིག་ནས། ཡི་གེ་ནི་འགྱུར་བ་མེད་པ་སྟེ་མི་འགྱུར་པའི་བདེ་བ་ཆེན་པོ། སྔགས་གཟུགས་
ནི་སྔགས་ཀྱི་གཟུགས་ཞེས་པར་བཏོན་ཏེ། ཡིད་སྐྱོབ་པར་བྱེད་པའི་རྫོགས་རིམ་བདེ་སྟོང་གི་
ཡེ་ཤེས་ཀྱི་རང་སྣང་ལས་བྱུང་བའི་ལྷའི་སྐུ་སྒྱུ་ལུས་སམ་ཟུང་འཇུག་གོ །བཀླགས་པ་སོགས་
ནི་རྫོགས་རིམ་གྱི་མན་ངག་ཐོས་པ་ལ་སོགས་དང་སྦྱར་ཏེ། རིག་པའི་དངོས་གྲུབ་ཀྱང་བྱེད་
འགྱུར་ནི་སྒྲ་ཇི་བཞིན་པའོ། །གཉིས་པ་ནི་ངེས་པ་མེད་ཅིང་ནས་འགྲུབ་པར་འགྱུར་གྱི་བར་
ཏེ། ཐེག་པ་མཆོག་གི་ལམ་བསྐྱེད་རྫོགས་ཟབ་མོ་ལ་ཡོངས་སུ་གཞོལ་བ་ལ་ནི། ཕྱོགས་དང་
དུས་དང་ཆ་བྱད་དང་ཚེས་གྲངས་དང་གཟའ་སྐར་ངེས་པ་མེད་ཅིང་ཆགས་བྲལ་གྱི་དཀའ་ཐུབ་
ཀྱང་ངེས་པར་དགོས་པ་མེད་ལ། མེ་ལྔ་བསྟེན་པ་དང༌། སྨྲ་བཅད་སོགས་དཀའ་བ་སྤྱོད་པ་
བསྟེན་པ་མེད་ཅིང༌། དེ་བཞིན་དུ་བསྙུང་བར་གནས་པ་ཡང་མི་དགོས་ལ། རྣལ་འབྱོར་བསྒོམ་
པ་ལས་གཞན་དུ་ལུས་དང་ངག་དང་ཡིད་ཀྱི་ངེས་པའི་སྡོམ་པ་མེད་ཅིང༌། དབང་ཤེས་ལྔའི་
འཁོར་དུ་གྱུར་པའི་བདེ་བ་ནི་དགའ་བ་དང༌། ནང་གི་བདེ་བ་དམ་པ་ནི་བདེ་བ་སྟེ། དེ་ལྟ་བུའི་
དགའ་བ་དང་བདེ་བ་དམ་པས་འགྲུབ་པར་འགྱུར་ཏེ། ལམ་མྱུར་བ་དང༌། ལམ་བདེ་བའི་དོན་
ནོ། །བླ་མ་གོང་མ་ཁ་ཅིག་འདི་འོག་སྒོ་སྔགས་ཀྱི་རྣལ་འབྱོར་གྱི་ཁྱད་ཆོས་ཁོ་ན་ལ་སྦྱོར་བའང་
ཡོད་མོད་ཀྱི། དེ་ལ་གཙོ་བོར་སྦྱར་ན་ཡང་ལེགས་ལ། འདིར་ནི་ཆགས་ཆེན་གྱི་ལམ་སྤྱིའི་ཆེ་
བའོ། །
གསུམ་པ་ནི་རྟག་ཏུ་ཤེས་རབ་ཞེས་པ་ནས། སྤྱོད་ཡུལ་ལ། ཞེས་པའི་བར་ཏེ། དེ་ལ་སྣང་
བ་སེམས་ཀྱི་སྦས་པ་དང༌། འདོད་ཆགས་ཆོས་ཀྱི་སྦས་པའི་དོན་གཉིས་ཏེ། དང་པོ་ནི། རྟག་ཏུ་
11-1-375


ཞེས་པ་ནི་རྟག་ཏུ་བསྒོམ་པའི་དོན་ཡིན་ལ། ཤེས་རབ་སྟེ་བུད་མེད་དང༌། ཐབས་སྐྱེས་པའི་ལྟེ་
བའི་དབུས་ཏེ་གསང་བའི་སྣ་རྩེར་གནས་པའི་དཔའ་བོ་བདེ་བའི་རང་བཞིན་གྱི་ཐིག་ལེ་ལ་
སེམས་གཏད་པས། གེ་སར་གྱི་སྒྲས་ཁ་ཁ་མུ་ཁའི་རྩ་ནང་དུ་རླུང་སེམས་དབུ་མར་འགགས་
པས། གསང་བའི་ཡེ་ཤེས་ཀྱི་སྤྱོད་ཡུལ་ཅན་ཐོབ་པར་འགྱུར་རོ། །གཉིས་པ་ནི། ཤེས་རབ་
དང་ཐབས་ནི་རིག་མ་དང་སྒྲུབ་པ་པོ་སོགས་ཀྱི་སྒྲས་མཁའ་གསང་བྱིན་གྱིས་བརླབས་པ་
སོགས་འདུ་ཤེས་གསུམ་དང་ལྡན་པས། སྒྲུབ་དགོས་པར་བསྟན་ལ། ལྟེ་བ་སྟེ་གསང་བའི་
པདྨའི་དབུས་སུ་གནས་པའི་རྡོ་རྗེ་ནོར་བུའི་རྩེ་མོར་ལྷན་ཅིག་སྐྱེས་པའི་ཡེ་ཤེས་ཡང་དག་པར་
བརྟན་པའི་ཐིག་ལེ་ནི། རང་བཞིན་བརྒྱད་ཅུའི་རྣམ་པར་རྟོག་པ་འཇོམས་པའི་ཕྱིར་དཔའ་
བོ་སྟེ། གེ་སར་ནི་ཤེས་རབ་མའི་པདྨའི་དབུས་སུ་གནས་པའི་རྡོ་རྗེ་དབྱིངས་ཀྱི་དབང་ཕྱུག་
མའི་རྩ་ཡིན་ལ། གསང་བའི་སྤྱོད་ཡུལ་ནི། ཐབས་ཀྱི་གསང་བའི་བུ་གར་དེ་ཉིད་ཡོངས་སུ་
རྒྱུ་བའི་དོན་ནོ། །འདིའི་དོན་གྱི་གཙོ་བོ་ནི་འོག་སྒོ་སྔགས་ཀྱི་རྣལ་འབྱོར་ལ་སྦྱར་བ་འདི་ཡིན་
ནོ། །བཞི་པ་ནི། སེམས་དང་ཞེས་པ་ནས་བསྟན་པའོ། །ཞེས་པའི་བར་ཏེ། དེ་ལ་ཡང་སྤྱི་དོན་
དང་སྦས་དོན་དང༌། མཐར་ཐུག་གསུམ་ལས། དང་པོ་ནི། གཏན་ལ་དབབ་པའི་ཆོས་ཐམས་
ཅད་ནི་ལྔ་སྟེ། སེམས་ནི་རྣམ་ཤེས་ཚོགས་བརྒྱད་དང༌། སེམས་མེད་དོན་དུ་སྣང་བ་དང༌། ནམ་
མཁའ་སོགས་དང༌། སེམས་ཀྱི་རང་བཞིན་ཏེ་སེམས་བྱུང་རྣམས་དང༌། རང་བཞིན་ཤེས་པ་ནི་
ལམ་གྱི་ཡེ་ཤེས་དང༌། ཤེས་བྱའི་བདག་ཉིད་ཆོས་དབྱིངས་སོ། །དེ་རྣམས་ནི་བདག་དཔལ་
ཧེ་རུ་ཀས་ད་ལྟ་བཤད་ཅིང༌། སྔར་བསྟན་པ་དང་ཕྱིས་བསྟན་པར་བྱ་བ་སྟེ། དེ་རྣམས་སངས་
རྒྱས་ཀྱི་ཆོས་བསྟན་པ་ཟབ་མོས་འཁྲུལ་མེད་དུ་སྟོན་ནོ་ཞེས་པའོ། །
གཉིས་པ་ནི། རིམ་པ་གཉིས་བསྒོམས་པའི་བདེ་སྟོང་གི་ཡེ་ཤེས་དེ་ཡང་ལམ་དུས་ཀྱི་
ཡེ་ཤེས་ལྔ་དང༌། སྐུ་གསུམ་གྱི་བདག་ཉིད་དེ་བདེ་གསལ་གྱི་ངོ་བོར་གནས་པའི་ཕྱིར་སེམས་
11-1-376


ཞེས་བྱ་བ། མེ་ལོང་ཡེ་ཤེས་དང༌། དེ་ཉིད་ལ་སྤྲོས་པའི་མཚན་མ་བཟུང་དུ་མེད་པ་ནི་སེམས་
མེད་དེ། མཉམ་ཉིད་ཡེ་ཤེས་དང༌། ཡེ་ཤེས་དེ་ཉིད་རང་གི་རང་ངོ་ཤེས་པ་ནི། སེམས་ཀྱི་རང་
བཞིན་ཏེ། སོར་རྟོག་ཡེ་ཤེས་དང་རང་གཞན་སྣོད་བཅུད་ཀྱི་དངོས་པོ་རྣམས་གསལ་བར་
ཤེས་ཤིང་དེ་དང་དེའི་མངོན་པར་འདུ་བྱེད་པ་ཡང་སྟོང་པ་ཉིད་དུ་ཤེས་པ་ནི། རང་བཞིན་
ཤེས་པ་སྟེ་བྱ་སྒྲུབ་ཡེ་ཤེས་དང༌། ཕྱི་དང་ནང་དུ་ཇི་ལྟར་སྣང་བ་དེ་ཐམས་ཅད་ནི་ཤེས་བྱ་སྟེ། 
དེ་བདེ་སྟོང་གི་ཡེ་ཤེས་སུ་རོ་གཅིག་ཏུ་རྟོགས་པ་ནི། བདག་པོའི་དོན་ཏེ་ཆོས་ཀྱི་དབྱིངས་ཀྱི་
ཡེ་ཤེས་སོ། །འདི་དང་མཉམ་ཉིད་གཉིས་མི་རྟོག་པའི་ཆ་ནས་བཞག་ལ། གཞན་གསུམ་བདེ་
གསལ་གྱི་ཆ་ནས་བཞག་གོ །དེ་གསུམ་དུ་བསྡུ་བ་ནི་བདག་གིས་བཤད་པར་བྱ་སྟེ། ཡེ་ཤེས་
དེ་ཉིད་རྟོག་པའི་ཡུལ་མ་ཡིན་པའི་ཕྱིར་ཟབ་པ་ནི་ཆོས་སྐུ་ཡིན་ལ། དེས་སྤངས་བྱ་འཇོམས་
ཤིང་དངོས་པོའི་གནས་ལུགས་རྟོགས་པའི་ཡེ་ཤེས་རྒྱས་པར་འགྱུར་བའི་ཕྱིར་སངས་རྒྱས་
ཏེ་ལོངས་སྐུ་དང༌། དེ་ལྟར་མ་རྟོགས་པའི་སེམས་ཅན་ལ་སྙིང་རྗེ་ཆེན་པོ་སྐྱེས་ཏེ། རང་གིས་
རྟོགས་པ་བཞིན་གཞན་ལ་སྟོན་པར་འདོད་པ་ནི་སྤྲུལ་སྐུའོ། །དེ་ལྟར་ན་སྟོང་ཉིད་ཆོས་སྐུ། ཡེ་
ཤེས་ལོངས་སྐུ། སྙིང་རྗེ་སྤྲུལ་སྐུ་ཞེས་སྦྱོར་བ་ཡིན་ལ། ཡང་ཟབ་མོ་སྟོང་པ་དང༌། སངས་རྒྱས་
བདེ་བ་དང༌། བསྟན་པ་ནི་སྣང་བ་སྣ་ཚོགས་པའི་དོན་ཏེ། སྟོང་པ་ཆོས་སྐུ། བདེ་བ་ལོངས་སྐུ་
གསལ་བ་སྤྲུལ་སྐུར་འཆད་པའི་ལུགས་སོ། །གསུམ་པ་ནི། སེམས་དང་སེམས་དཔའ་བསམ་
པའི་གཟུགས། །ཡེ་ཤེས་ཤེས་བྱའི་རང་བཞིན་བདག །ཅེས་ནག་པོ་པའི་འགྲེལ་པར་འདོན་
པ་ལྟར་བྱ་སྟེ། རྟོག་པ་དང་བྲལ་བའི་སེམས་ཀྱིས་ཇི་ལྟ་བ་དང་ཇི་སྙེད་པ་གཉིས་དེ་ཀར་
མངོན་སུམ་དུ་མཐོང་བའི་ཕྱིར། མེ་ལོང་ལྟ་བུ་ལ་སེམས་ཤེས་བརྗོད་པ་དང༌། རང་གི་ཆོས་
ཉིད་སེམས་ཅན་ཐམས་ཅད་ལ་ཀུན་ཏུ་གནས་པར་གཟིགས་པས། མཉམ་པ་ཉིད་ནི་སེམས་
དཔའ་དང༌། བདག་དང་ཆོས་ཀྱིས་སྟོང་པའི་སེམས་ཙམ་གྱི་ཆོས་ཐམས་ཅད་རྟེན་འབྲེལ་མ་
11-1-377


འཁྲུགས་པར་གཟིགས་པའི་ཕྱིར། སོ་སོར་རྟོག་པ་ནི་བསམ་པའི་གཟུགས་དང༌། རྣམ་རྟོག་
འགགས་ཀྱང་སྨོན་ལམ་གྱི་དབང་གིས་ཡིད་བཞིན་གྱི་ནོར་བུ་ལྟར་སེམས་ཅན་གྱི་དོན་བྱེད་
པས། བྱ་བ་སྒྲུབ་པ་ལ་ནི་ཡེ་ཤེས་ཞེས་བྱ་བ་དང༌། རང་བཞིན་གྱི་དྲི་མ་མེད་པའི་མཚན་ཉིད་
ཅན་ནི་ཆོས་ཐམས་ཅད་ཀྱི་ཆོས་ཉིད་ཡིན་པའི་ཕྱིར། ཆོས་དབྱིངས་ཡེ་ཤེས་ནི་ཤེས་བྱའི་རང་
བཞིན་དང་བདག་པོའོ། །དེ་ལྟ་བུའི་ཡེ་ཤེས་ལྔ་པོ་དེ་ཉིད་གསུམ་དུ་བསྡུ་བ་ནི་བདག་གིས་
བཤད་པར་བྱ་སྟེ་ཤིན་ཏུ་རྣམ་པར་དག་པའི་དབྱིངས་གཞན་གྱིས་མྱོང་བ་མ་ཡིན་པས་ཆོས་
ཀྱི་སྐུ་ནི་ཟབ་མོ་ཡིན་ལ། སངས་རྒྱས་རང་ཉིད་ལ་སྣང་བའི་སྐུའམ། ས་བཅུ་པའི་བྱང་ཆུབ་
སེམས་དཔའ་རྣམས་ལ་མཚན་དཔེ་ཅན་དུ་སྣང་བའི་ལོངས་སྤྱོད་རྫོགས་པའི་སྐུ་ནི་སངས་
རྒྱས་དང༌། ཐུན་མོང་བའི་གདུལ་བྱ་རྣམས་ལ་ཕུན་སུམ་ཚོགས་པ་ཡོངས་སུ་སྩོལ་བའི་ཕྱིར་
མཛད་པ་སྣ་ཚོགས་པ་དང༌། ཆོས་སྣ་ཚོགས་པ་སྟོན་པ་ནི། སྤྲུལ་པའི་སྐུ་སྟེ་བསྟན་པའོ། །དེ་
ཡང་ཆོས་ཀྱི་དབྱིངས་ཀྱི་ཡེ་ཤེས་ནི་ཆོས་སྐུ་ཡིན་ལ། མེ་ལོང་ལྟ་བུའི་ཡེ་ཤེས་ནི་ལོངས་སྤྱོད་
རྫོགས་པའི་སྐུ་དང༌། བྱ་བ་སྒྲུབ་པའི་ཡེ་ཤེས་ནི་སྤྲུལ་པའི་སྐུ་དང༌། ཡེ་ཤེས་ལྷག་མ་གཉིས་
ནི་དགོས་པའི་དབང་གིས་ཅི་རིགས་པར་བསྡུ་བ་ལས། རེ་ཞིག་ལོངས་སྐུར་བསྡུ་བར་བྱའོ། །
ལྔ་པ་ནི། ཨཱ་ལི་ཀཱ་ལི་ཞེས་པ་ནས། གཟུགས་ཀྱིས་སོ་ཞེས་པའི་བར་ཏེ། འདི་ལ་བསྒོམ་བྱ་
དམིགས་པ་ལ་སྦྱར་བ་དང༌། བགྲོད་བྱ་ལམ་ལ་སྦྱར་བ་གཉིས་ལས། དང་པོ་ནི། ཨཱ་ལི་ཀཱ་ལི་
མཉམ་བྱས་ནས། །ཞེས་བྱ་བ་ནི། རོ་མའི་ནང་དུ་ཀཱ་ལི་སོ་གཉིས་དང༌། རྐྱང་མའི་ནང་དུ་ཨཱ་
ལི་ཉིས་འགྱུར་སོ་གཉིས་དེ་ལྟར་ཡིག་འབྲུ་གྲངས་མཉམ་པ་ཧཱུཾ་ཡིག་གི་ཐག་པ་ལ་བརྒྱུས་པའོ། །
རི་མོ་ནི་ལྟེ་བའི་ཨཾ་ཡིག་སྟེ། དེ་ལ་རླུང་དང་སེམས་སྦྱར་བར་བྱས་ནས། རི་མོ་དེ་ཉིད་ལས་
གཏུམ་མོ་ཡེ་ཤེས་ཀྱི་མེ་སྟེང་དུ་འབར་བ་ལས་ནི་ཧཾ་ཡིག་ཞུ་བའི་ཐིག་ལེ་འོག་ཏུ་འབབ་བར་
བྱེད་པའོ། །དེ་ཡང་ཇི་ལྟར་འབབ་ཅེ་ན། ཁུ་བ་བྱང་ཆུབ་ཀྱི་སེམས་འབབ་པ་ནི་བདེ་བའི་ཡེ་
11-1-378


ཤེས་དམ་པ་བསྐྱེད་པ་དང༌། ཚེ་རིང་པོར་བྱེད་པ་སོགས་ཀྱི་ནུས་པ་དང་ལྡན་པའི་ཕྱིར་བདུད་
རྩི་ཡིན་ལ། དེ་ཉིད་ཐིགས་པ་འབབ་པའི་གཟུགས་སམ་རྣམ་པ་བསྒོམས་པ་ལས་ཡེ་ཤེས་སྐྱེ་
བར་འགྱུར་རོ། །གཉིས་པ་ནི། ཨཱ་ལི་ཀཱ་ལི་རྐྱང་མ་དང་རོ་མའི་རླུང་སྟེ་དེ་ཉིད་མཉམ་པར་རྒྱུ་
བར་བྱས་ནས། རི་མོ་སྟེ་རྩ་ཨ་ཝ་དྷཱུ་ཏིའི་ནང་དུ་རབ་ཏུ་སྦྱར་བར་བྱའོ། །དེ་ཡང་མཉམ་ཞེས་
པ་རླུང་དབུ་མར་ཞུགས་པ་བསྟན་ཞིང་རི་མོ་དེ་ལ་སྦྱར་ཞེས་པས་དབུ་མར་གནས་པ་བསྟན་
ནོ། །རི་མོའི་སྟེང་དུ་སོགས་ཀྱིས་དབུ་མར་ཞུགས་ཟིན་པའི་བྱེད་ལས་ཡིན་པའི་ཕྱིར་དེ་ཉིད་
བསྟན་པ་ཡིན་ཏེ་དབུ་མའི་ནང་དུ་རླུང་ཐིམ་པ་ན་ལྟེ་བའི་རེ་ཁ་གཏུམ་མོ་ཡེ་ཤེས་ཀྱི་མེ་རོ་མའི་
ལམ་ནས་བརྒྱུད་འཁོར་ལོ་བཞི་ཡོངས་སུ་བསྲེགས་ནས་སྤྱི་བོར་ཕྱིན་པར་འགྱུར་རོ། །དེ་
ཡང་རླུང་ཐིམ་པའི་ཚེ་འབྱུང་བའི་རིམ་པས། ལྟེ་བའི་དཀྱིལ་འཁོར་དུ་རྨིག་རྒྱུ་ལ་སོགས་པའི་
རྟགས་ལྔ་མཐོང་ཞིང༌། རོ་མ་ནས་འབར་བ་ན་རྩ་གསར་དུ་དྲལ་བའི་མཐུས་སྡུག་བསྔལ་དང་
འབྲེལ་བའི་ཏིང་ངེ་འཛིན་འབྱུང་སྟེ། དུས་གསུམ་ལས་དུས་ངན་པ་སྡུག་བསྔལ་གྱི་དུས་ཞེས་
བྱ་བ་ཡིན་ནོ། །དེ་ཡང་ཁྲག་དང་མཁྲིས་པའི་ཁམས་འཁྲུག་པ་སྙམ་བྱེད་པ་དང༌། སྐོམ་དད་
ཆེ་ཞིང་ཚ་བ་བསྐྱེད་པ་དང༌། སྙིང་ཁར་ཕྱིན་པས་ཤེས་པ་འཕྱོ་བ་དང༌། མགྲིན་པར་བྱིན་པས་
འདར་བ་དང་སྐད་འགག་པ་སོགས་འབྱུང་ཞིང༌། སྤྱི་བོར་ཕྱིན་དུ་ཉེ་བ་ན། དེ་དག་ཏུ་གཟེར་
བ་སོགས་འབྱུང་ངོ༌། །དེ་ནས་སྤྱི་བོར་ཕྱིན་པ་ན། བྱང་ཆུབ་ཀྱི་སེམས་རྐྱང་མའི་ལམ་ནས་འོག་
ཏུ་འབབ་པར་བྱེད་དོ། །དེའི་ཚེ་འཛིན་པ་དམ་པོ་དང་བཅས་པའི་བདེ་བའི་ཉམས་ཤས་ཆེར་
འབྱུང་སྟེ། དུས་གསུམ་ལས་དུས་བཟང་པོ་བདེ་བའི་དུས་ཞེས་བྱའོ། །འདི་ལ་ཡང་ཁམས་
ཀྱི་བགྲོད་པ་མི་བརྟན་པ་སྙམ་བྱེད་པ་དང༌། རླུང་དང་གྲང་བ་འཕེལ་སྙམ་བྱེད་པའི་སྐབས་
ཀྱང་ཅུང་ཟད་འབྱུང་ལ། འོན་ཀྱང་འཁོར་ལོ་གསུམ་ཞུ་བ་ལ་བདེ་བ་དང་གསལ་བ་དང༌། མི་
རྟོག་པའི་ཉམས་ཅུང་ཟད་ཡོད་དོ། །འཁོར་ལོ་སོ་སོའི་རྩ་མདུད་ལ་འབར་འཛག་ལན་གསུམ་
11-1-379


བཟློག་པར་འགྱུར་བ་དེའི་ཚེ་ཟུག་རྔུ་དང་བཅས་པར་འགྱུར་རོ། །ཞེས་བླ་མ་གསུང་ངོ༌། །བྱང་
ཆུབ་ཀྱི་སེམས་ལྟེ་བའི་མེ་དང་ཕྲད་པའི་ཚེ། ཆོས་ཀྱི་ཕྱག་རྒྱ་ལྷན་ཅིག་སྐྱེས་པའི་ཡེ་ཤེས་སྐྱེས་
ཏེ། དེའི་རྐྱེན་གྱིས་རླུང་སེམས་ལྷག་པར་འགག་པར་འགྱུར་རོ། །དེས་གཏུམ་མོའི་མེ་ཤིན་ཏུ་
རྣོ་བ་སྟོབས་དང་ལྡན་པར་འགྱུར་ཏེ་དབུ་མའི་སྒོ་ཕྱེ་ནས། དབུ་མའི་ནང་གི་རྩ་མདུད་རྣམས་
རིམ་གྱིས་གྲོལ་བ་ལས། སྤྱི་བོར་ཕྱིན་པ་ན་ཧཾ་ཡིག་གི་སྙིང་པོ་ཡོངས་སུ་ཞུ་སྟེ། རིམ་གྱིས་
འཁོར་ལོ་བཞི་བརྒྱུད་ནས། ལྟེ་བར་འབབ་བོ། །དེ་ལས་རབ་ཏུ་འབར་ཞིང་འབར་བ་ལས་
ཀྱང་ལྷག་པར་འཛག་སྟེ། དབུ་མར་འབར་འཛག་ལན་གཅིག་འཕྲོད་པ་ན་འབར་འཛག་ཁོར་
མར་འབྱུང་ངོ༌། །དབུ་མའི་ནང་དུ་འབར་བས་ནི། སྟོང་པ་ཉིད་དང་མི་རྟོག་པར་འགྱུར་ལ། 
ཧཾ་ཡིག་ཞུ་བས་ནི་བདེ་བ་ཆེན་པོའོ། །དེས་ན་བདུད་རྩི་ཐིགས་པའི་ཚུལ་ལས་སོ་ཞེས་པ་ནི། 
དབུ་མའི་ནང་གི་འབར་འཛག་བརྟན་པ་སྟེ། དུས་གསུམ་ལས་བསམ་གྱིས་མི་ཁྱབ་པའི་དུས། 
མི་རྟོག་པའོ། །འདི་ལ་དང་པོ་འབར་བའི་དུས་ནས་བཟུང་སྟེ། དབུ་མའི་རྩ་མདུད་རྣམས་ཅུང་
ཟད་གྲོལ་བ་དང༌། དང་པོ་འབབ་པ་ལས་ཀྱང་དགའ་བ་གསུམ་གྱི་རྟོགས་པ་ཅི་རིགས་པ་སྐྱེ་
བར་འགྱུར་བས་ཡོན་ཏན་གྱི་ཁྱད་པར་མང་དུ་ཐོབ་ཅིང༌། བགེགས་ཐམས་ཅད་ལས་རང་
གྲོལ་བའོ། །འདི་ཉིད་བོགས་ཕྱུང་བས་མི་རིང་བར་སྦྱོར་ལམ་དྲོད་ཆེན་པོར་འགྱུར་རོ། །
དྲུག་པ་ནི། གང་གང་ཞེས་པ་ནས་རང་བཞིན་འབབ་གྱི་བར་ཏེ། དེ་ཡང་མིག་ལ་སོགས་
པ་གང་དང་གང་གི་དབང་པོའི་ལམ་ལས་གཟུགས་སོགས་ཡུལ་འཛིན་པའི་རྣམ་པར་ཤེས་
པར་འབྱུང་བ་ཐམས་ཅད་ནི་དེ་དང་དེའི་རང་བཞིན་ལྷན་ཅིག་སྐྱེས་པ་སྤྲོས་པ་ཐམས་ཅད་དང་
བྲལ་བའི་ཡེ་ཤེས་སུ་སྐྱེ་བར་འགྱུར་ལ། དེ་ལྟ་བུའི་ཡེ་ཤེས་དེ་ཡང་མཆོག་རྡོ་རྗེ་སློབ་དཔོན་
གྱིས་ཤེས་རབ་ཡེ་ཤེས་བཞི་པར་བཅས་པའི་དབང་བསྐུར་བའི་དུས་རང་རྒྱུད་ལ་ཉམས་མྱོང་
གི་ཚུལ་གྱིས་ཡོངས་སུ་བཞག་པ་དེ་ཉིད་རིམ་པ་གཉིས་ཀྱི་རྣལ་འབྱོར་གྱི་ཚེ་ཡང་རྒྱས་གདབ་
11-1-380


ཀྱི་ཚུལ་གྱིས་གོམས་པས་སངས་རྒྱས་ཀུན་གྱི་ཡེ་ཤེས་དང་མཉམ་པ་ཉིད་ཀྱི་རང་བཞིན་ཅན་
རང་བཞིན་ལྷན་ཅིག་སྐྱེས་པ་རྒྱུད་ལ་འབབ་ཅིང་སྐྱེ་བར་འགྱུར་རོ། །ནག་པོ་པའི་འགྲེལ་པ་
ལས་ནི། མཆོག་ཏུ་ཕན་པའི་རྣལ་འབྱོར་གྱིས། །ཞེས་བཏོན་ཏེ། མཆོག་ནི་སྟོང་པ་ཉིད། ཕན་
པ་ནི་སྙིང་རྗེ་སྟེ། དེ་གཉིས་ཟུང་དུ་འཇུག་པའི་རྣལ་འབྱོར་ལས་ནི། སངས་རྒྱས་ཀུན་གྱི་རང་
བཞིན་ཆོས་སྐུ་ཐོབ་པའི་དོན་དུ་བཤད་དོ། །འདི་དོན་ནི། ཞུ་བདེ་ལས་ཐོབ་པའི་བདེ་སྟོང་
གཉིས་སུ་མེད་པའི་ཡེ་ཤེས་རྣམ་མེད་ཕྱག་ཆེན་ནི་ཆོས་ཀྱི་རྣལ་འབྱོར་དངོས་ཡིན་ལ། དེས་
ནི་རྣམ་ཤེས་ཐམས་ཅད་བདེ་བའི་རོར་འཆར་བར་བྱེད་ཅིང་ལམ་གྱི་རང་བཞིན་ལྷན་སྐྱེས་
རྒྱུད་ནས་ཆོས་སྐུ་ཐོབ་པའི་ཐབས་ཀྱི་གཙོ་བོའོ། །དེ་སྒྲུབ་པའི་ཕྱིར་བསྐྱེད་རྫོགས་ཐམས་ཅད་
ལ་བདེ་སྟོང་གིས་རྒྱས་འདེབས་པ་ཡང་ཆོས་ཀྱི་རྣལ་འབྱོར་ཏེ། རྒྱུ་ལ་འབྲས་བུའི་མིང་གིས་
བཏགས་སོ། །བདུན་པ་ནི། དམ་ཚིགས་སོགས་ཏེ། བཟའ་བའི་དམ་ཚིག་ཆེན་པོའམ་མཆོག་
གི་རྣལ་འབྱོར་ཅན་ལ་དངོས་གྲུབ་ཆེན་པོར་འགྱུར་བའི་ཕྱིར། བདུད་རྩི་རིལ་བུ་ཕན་ཡོན་ཆེན་
པོ་དང་ལྡན་པ་སྒྲུབ་ཅིང་བཟའ་བར་བྱའོ་ཞེས་པ་སྟེ། རྒྱས་པར་འོག་ཏུ་འཆད་དོ། །
བརྒྱད་པ་ལ། མཆོད་པ་ཆེན་པོ་ནི་རྣམ་པ་གསུམ་སྟེ། སྤྱིའི་དོན་དང༌། སྦས་དོན་དང༌། 
མཐར་ཐུག་གོ །དང་པོ་ནི། དཀྱིལ་འཁོར་སྒྲུབ་པའི་མཆོད་པ་སྟོན་ཏེ། །རྡོ་རྗེ་སློབ་དཔོན་
དཔལ་སྒྱུ་འཕྲུལ་ཆེན་མོ། རང་རིགས་ཀྱི་ཕྱག་རྒྱ་དང་རབ་ཏུ་སྦྱོར་བ་ལས་སྦྱོར་བ་སྟེ་དཀྱིལ་
འཁོར་གྱི་འཁོར་ལོ་རབ་ཏུ་སྤྲོ་བའི་རྣལ་འབྱོར་དང་ཞེས་པས་དཀྱིལ་འཁོར་སྒྲུབ་པ་བསྟན་
ཞིང༌། འདོད་པའི་ཡོན་ཏན་ལྔ་དང་བཅས། །མཆོད་པ་ལྔ་དང་ཡང་དག་ལྡན། །ཞེས་པ་ནི་
སྒྲ་ཇི་བཞིན་པ་སྟེ་དཀྱིལ་འཁོར་མཆོད་པའོ། །གཏོར་མའི་ཆོ་ག་ཡང་ཚིག་འདིས་ཟུར་གྱིས་
འཕངས་པ་ཡིན་ཏེ། བྱིན་བརླབ་ཀྱི་ཆོ་ག་ནི། ཁ་ཟས་བྱིན་བརླབ་དང་ཐུན་མོང་སྟེ་འོག་ཏུ་
སྟོན་ལ། གཏོར་མ་འབུལ་བའི་སྔགས་ནི། སློབ་དཔོན་ཆེན་པོ་ཀུ་ཀུ་རཱི་པས། ཟླ་གསང་ཐིག་
11-1-381


ལེའི་རྒྱུད་དང༌། འཕྲེང་བའི་རིག་པ་འཛིན་མའི་རྟོག་པ་དང་མཐུན་པར་གཏོར་ཆོག་མཛད་དོ། །
མན་ངག་གཞན་ལས་ནི། ༀ་བཛྲ་ཊཱ་ཀི་ནཱི་ཨི་མཾ་བཱ་ལིང་གྲྀཧྞ་གྲྀཧྞ་ཧཱུཾ་ཕཊ། ཛཿཧཱུཾ་བཾ་ཧོཿ ས་
མ་ཡ་སྟྭཾ། ཏྲི་ཤྱ་ཧོ་ཞེས་པའི་སྔགས་ཉིད་འདོན་པ་སྤོས་པས་འཇིག་རྟེན་དང་འཇིག་རྟེན་ལས་
འདས་པ་ཐམས་ཅད་ལ་འབུལ་བར་བཞེད་དོ། །སྡོམ་པ་བྱེད་པར་འགྱུར་ཞེས་པ་ནི། བདག་
ཉིད་འཇུག་ཅིང་དབང་བླང་བ་དང༌། སློབ་མ་ལ་དབང་བསྐུར་བ་སྟེ། རང་སྡོམ་པ་གསོ་ཞིང་
གཞན་གྱིས་སྡོམ་པ་ཐོབ་པར་བྱེད་པས་ནའོ། །སྒྲུབ་པོའི་དབང་ནི་རིམ་པ་གཉིས་ལ་ནུས་པ་
རྙེད་པ་སྟེ། དེས་བདག་ཉིད་ཀྱི་དངོས་གྲུབ་ཀྱི་དོན་དུ་དཀྱིལ་འཁོར་སྒྲུབ་ཅིང་མཆོད་པ་ཤེས་
པར་བྱ་བ་ཡིན་ཏེ། སྒྲུབ་པ་ཆེན་པོ་དེ་ལས་ནི་ཐུན་མོང་གི་དངོས་གྲུབ་ཆེན་པོ་ཤིན་དུ་རྟག་ཅིང་
མི་ཉམས་པ་ཐོབ་པར་འགྱུར་བའོ། །
གཉིས་པ་ནི། འོག་སྒོ་སྔགས་ཀྱི་རྣལ་འབྱོར་རྒྱས་པར་སྟོན་པ་སྟེ་སྒྱུ་འཕྲུལ་ཆེན་མོ་ཡབ་
ཡུམ་གྱི་ལྷ་བསྒོམས་པའི་སྦྱོར་བ་ལ་རབ་ཏུ་གནས་པས་རྡོ་རྗེ་དབྱིངས་ཀྱི་དབང་ཕྱུག་མའི་རྩ་
དང༌། ཁ་ཁ་མུ་ཁ་རབ་ཏུ་སྦྱོར་བ་ལས་དབུ་མའི་མས་སྣ་ལས་ཀྱི་རླུང་གིས་གང་ཞིང་རྒྱས་པར་
འགྱུར་རོ། །དེ་ལྟར་ཡང་དཔལ་རྡོ་རྗེ་འཕྲེང་བའི་རྒྱུད་ལས། དཔའ་བོ་དང་ནི་རྣལ་འབྱོར་
མ། །གང་ཚེ་གསང་བའི་རྩ་གཉིས་སོ། །ཡང་དང་སྦྱོར་བས་རེག་གྱུར་པ། །དེ་ཚེ་ནམ་མཁའ་
རྣམ་རྒྱས་ཉིད། །ནམ་མཁའ་ལས་ནི་སྐྱེས་པའི་རླུང༌། །དེ་ཡི་མེ་ནི་རབ་སད་དེ། ཅེས་སོགས་
གསུངས་པ་ལྟར་གཏུམ་མོ་རབ་ཏུ་འབར་བས་ཧཾ་ཡིག་བཞུ་སྟེ་དཀར་དམར་ཁ་སྦྱོར་དུ་འགྱུར་
རོ། །དེ་ལས་བྱང་ཆུབ་ཀྱི་སེམས་འཛག་མེད་དུ་འཆིང་བའི་བདེ་ཆེན་གྱི་སྡོམ་པ་མངོན་དུ་བྱེད་
པར་འགྱུར་ལ། གཞན་ཡང་ཤེས་རབ་ཀྱི་རང་བྱུང་ནི་མེ་ཏོག་སྟེ། དེ་ཉིད་བདག་གི་དབུ་མར་
ཐིམ་པ་དང༌། གཏུམ་མོར་འབར་བས་རྣམ་རྟོག་འགགས་པའི་བདུག་སྤོས་དང༌། སྙིང་ཁར་
འབར་འཛག་གི་འགྲོ་འོང་ལ་རྟེན་ནས་འོད་གསལ་འཆར་བའི་མར་མེ་དང༌། བྱང་ཆུབ་ཀྱི་
11-1-382


སེམས་ལུས་ལ་ཁྱབ་པའི་དྲི་མཆོག་གི་བྱུག་པ་དང༌། དབང་ཤེས་ཐམས་ཅད་བདེ་བར་ཤར་
བའི་ཞལ་ཟས་ཏེ་མཆོད་པ་ལྔ་དང་ཡང་དག་པར་ལྡན་པ་ཡིན་ལ། དེ་བཞིན་དུ་རིག་མའི་ཁ་
སྦྱོར་གྱི་འདོད་པའི་ཡོན་ཏན་ལྔ་ལ་སེམས་ཟིན་པའི་བདེ་སྟོང་གི་ཏིང་ངེ་འཛིན་ལྔ་དང་ཡང་
བཅས་པ་སྒྲུབ་པོའི་དབང་པོ་གང་གིས་ཞུ་བདེ་དེ་ཉིད་སྤྲོས་བྲལ་དུ་ཤེས་པར་བྱ་བ་ཡིན་ཏེ། 
དེ་ལས་ནི་མཆོག་གི་དངོས་གྲུབ་ཤིན་ཏུ་རྟག་པ་ཐོབ་པར་འགྱུར་རོ། །
གསུམ་པ་ནི། སྒྱུ་འཕྲུལ་ཆེན་མོའི་རབ་ཏུ་སྦྱོར་བ་སྟེ། སྤྱོད་པའི་ཚེ་ལྷའི་རྣལ་འབྱོར་དང་
ཇི་ལྟར་འོས་པར་ཆས་སུ་ཞུགས་པའི་ཚོགས་ཀྱི་དཀྱིལ་འཁོར་རོ། །ཕྱི་དང་ནང་གི་འདོད་པའི་
ཡོན་ཏན་ལྔའི་ལོངས་སྤྱོད་དང་ཡང་ལྡན་པར་བྱས་ཏེ་ཕྱག་རྒྱའི་ཚོགས་དང་མཉམ་པར་སྦྱོར་
བ་དང་ལྷན་ཅིག་འོད་གསལ་བ་བསྒོམས་ན་སྒྱུ་མའི་ལུས་དེ་ཡང་འོད་གསལ་དུ་སྡོམ་ཞིང་
ཐིམ་པར་བྱེད་པར་འགྱུར་རོ། །རྒྱུ་ཅི་ཞིག་གི་ཞེ་ན། མཆོད་པ་ལྔ་དང་ཡང་དག་ལྡན་ཞེས་བྱ་
བ་ལ་གོང་དང་མཐུན་པ་ལས་མངོན་པར་རྟོགས་པ་འདི་ཡིན་ཏེ། མཐོང་ལམ་ཐོབ་པའི་ལྔ་
ལོགས་སུ་ཉེ་རྒྱུའི་དབང་བསྐུར་བ་ལ་ཐོག་མར་བདུག་སྤོས་ཀྱི་དོན་གཏུམ་མོ་རབ་ཏུ་འབར་
བར་འགྱུར་ཞིང༌། དེ་ནས་དྲི་ཆབ་ཀྱི་དོན་བྱང་ཆུབ་ཀྱི་སེམས་ཞུ་བ་དང༌། མེ་ཏོག་གི་དོན་
དམར་ཆ་དང་འབྲེལ་བ་སྤྱི་བོར་བརྟན་པ། མར་མེའི་དོན་མཐོང་ལམ་དོན་གྱི་འོད་གསལ་སྐྱེ་
བར་འགྱུར་རོ། །ཞལ་ཟས་ཀྱི་དོན་དབང་ཤེས་ལྔ་བདེ་བར་འཆར་བ་ནི། དེའི་སྦྱོར་བའི་དུས་
ན་རིག་མའི་འདོད་ཡོན་ལྔ་ལ་སྤྱོད་པའི་དུས་ཀྱང་འབྱུང་ཞིང༌། འོད་གསལ་དེ་ལས་ལངས་
པའི་གནས་སྐབས་ན་ཡུལ་གྱི་སྣང་བ་ཤར་བའི་ཚེ་ཡང་འབྱུང་ངོ༌། །དེ་ལྟ་བུའི་སྒྲུབ་པོའི་དབང་
པོ་དེས་སྤྱོད་པ་ལ་བརྟེན་ཏེ། འོད་གསལ་དུ་ལྡང་འཇུག་ཤེས་པར་བྱ་དགོས་པ་ཡིན་ཏེ། དེ་
ལས་ཟུང་འཇུག་གི་དངོས་གྲུབ་ཤིན་ཏུ་རྟག་ཅིང་རྒྱུན་མི་འཆད་པ་ཐོབ་པར་འགྱུར་བས་སོ། །
འདིས་ནི་མར་གཞལ་ཏེ་སྤྱོད་པ་ལ་བརྟེན་ཏེ་སྒྱུ་ལུས་སྒྲུབ་ཚུལ་དང༌། ཡར་གཞལ་ཏེ་ཕྱོགས་
11-1-383


ལས་རྣམ་རྒྱལ་དང༌། ཉེ་རྒྱུ་ཆེན་པོའི་སྤྱོད་པ་ལ་བརྟེན་ཏེ་མི་སློབ་པའི་ཟུང་འཇུག་སངས་རྒྱས་
ཀྱི་གོ་འཕང་སྒྲུབ་ཚུལ་ཡང་རིགས་འགྲེ་བས་ཤེས་པར་བྱ་སྟེ། ཞིབ་མོར་རྒྱུད་སྡེ་གཞན་ནམ་
སློབ་དཔོན་གྱི་ངག་ལས་རྟོགས་པར་བྱའོ། །དགུ་པ་ལ། བཤད་པར་ཞལ་གྱིས་བཞེས་པ་
དང༌། ཞོར་བྱུང་སྤྱོད་པའི་སྔོན་འགྲོ་རིམ་གཉིས་ཀྱི་མན་ངག་ཅུང་ཟད་བསྟན་པ་དང༌། སྤྱོད་པ་
ཕན་ཡོན་དང་བཅས་པ་རྒྱས་པར་བཤད་པའོ། །
དང་པོ་ནི། གང་གིས་ཤེས་པའི་ཞེས་པ་ནས། དེ་བཤད་བྱ་ཞེས་པའི་བར་ཏེ། འདི་ལ་
ཡང༌། དྲང་དོན་དང༌། ངེས་དོན་གཉིས་ལས། དང་པོ་ནི་སྒྲུབ་པོ་གང་གིས་ཐབས་གང་ཞིག་
ཤེས་ཤིང་རྟོགས་པའི་འབྲས་བུ་དངོས་གྲུབ་ནི་འདོད་ཁམས་དང་གཟུགས་ཁམས་ཀྱི་ལྷའི་
གནས་སུ་དེ་དག་གི་རིག་པ་འཛིན་པར་མྱུར་དུ་འགྲོ་བར་འགྱུར་བའི་ཐབས་དེ་ནི། ཧེ་རུ་ཀ་
ང་ཡིས་བཤད་པར་བྱ་སྟེ། ལྷ་མོ་ཞེས་སངས་རྒྱས་མཁའ་འགྲོ་མ་ལ་བོས་ནས། ང་ནི་འབྲས་
བུ་ལ་མི་བསླུ་བ་བདེན་པའི་ཚིག་ཁོ་ནར་སྨྲའོ། །ལྷ་མོ་སྒྱུ་འཕྲུལ་ཆེན་མོ་ཁྱོད་ལ་ངས་ས་འོག་
ས་སྟེང་ས་བླས་བསྡུས་པའི་འཇིག་རྟེན་གསུམ་གྱི་དངོས་གྲུབ་དང་ཕུན་སུམ་ཚོགས་པ་ཐམས་
ཅད་སྒྲུབ་པའི་ཐབས་དེ་བཤད་པར་བྱའོ། །ཞེས་ཐུན་མོང་གི་དངོས་གྲུབ་ཆེན་པོ་རྣམས་ཀྱང་
སྤྱོད་པ་ལ་རག་ལས་པའི་དོན་ནོ། །
གཉིས་པ་ནི། གཞན་རྣམས་འདྲ་བ་ལ་ལྷའི་གནས་སུ་འགྲོ་བ་ནི་རླུང་སེམས་ཙམ་གྱི་
སྐུའམ་སློབ་པའི་ཟུང་འཇུག་གི་སྐུའམ། ལོངས་སྤྱོད་རྫོགས་སྐུ་ཐོབ་པ་གསུམ་ཆར་ལ་འཇུག་
པ་ལས་གཙོ་བོ་ནི་ཕྱི་མ་ཡིན་ལ། དངོས་གྲུབ་དེ་ནི་བརྫུན་པ་མ་ཡིན་ཏེ་བདེན་པ་ཡིན་པར་
ང་སྨྲའོ། །ཞེས་ལོངས་སྤྱོད་རྫོགས་སྐུ་ནི་བདེན་པའི་དོན་ཅན་ཡིན་ལ། དང་པོ་གཉིས་ཀྱང་
ཐོབ་བྱའི་དོན་ལ་མི་བསླུ་བའི་ཐབས་བདེན་པའོ། །འཇིག་རྟེན་གསུམ་ནི་སྐུ་དང་གསུང་དང་
ཐུགས་རྡོ་རྗེ་གསུམ་མོ། །སྤྱོད་པའི་འབྲས་བུ་གསུམ་མམ་བཞི་བཤད་པ་འདིས་སྤྱོད་པའི་དུས་
11-1-384


སྐབས་ཀྱང་ཞོར་ལ་སྟོན་པ་ཡིན་ནོ། །
གཉིས་པ་ལ། ཡིག་དོན་དང་སྤྱི་དོན་དང༌། སྦས་དོན་དང༌། མཐར་ཐུག་གི་དོན་དུ་བཤད་
པ་སྟེ་བཞི་ལས། དང་པོ་ནི། སྔགས་ཀྱི་བཟླས་པ་དང་སྦྱར་བར་བྱ་སྟེ། རྣལ་འབྱོར་ཆེན་པོ་
སྟེ་དམ་ཚིག་དང་ལྡན་པ་རྣམས་ཀྱིས་ནི་ལྷའི་རྣལ་འབྱོར་ལ་གནས་པའི་སྒོ་ནས་སྔགས་ཀྱི་
བཟླས་པ་བྱེད་པའི་ཚེ་བཟང་པོ་སྟེ་ནུས་མཐུ་ཕུན་སུམ་ཚོགས་པ་དང་ལྡན་པའི་ཡི་གེའི་འཕྲེང་
བ་སྙིང་ཁར་བཀོད་ཅིང་བསམས་ལ་དེ་ལ་གསལ་སྣང་ཐོབ་ཅིང་བཟླས་པ་ཙམ་གྱིས་ནི་རྒྱུ་བ་
ལྷ་སོགས་དབང་དུ་བྱེད་པ་དང༌། མི་རྒྱུ་བ་གཏེར་གྱི་བུམ་པ་ལ་སོགས་པ་འགྲུབ་པར་འགྱུར་
རོ། །ཞེས་པ་སྒྲ་ཇི་བཞིན་པའོ། །འདི་ནི་མན་ངག་གཞན་ལས་འབྱུང་བ་སྟེ། སྔགས་ཀྱི་འཕྲེང་
བ་ཅི་ཞིག་ཡིན་ཞེ་ན། ༀ་སུཾ་བྷ་ནི་སུཾ་བྷ་ཧཱུཾ་ཧཱུཾ་ཕཊ། ༀ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ༀ་གྲྀཧྞ་པཱ་ཡ་གྲྀཧྞ་
པཱ་ཡ་ཧཱུཾ་ཧཱུཾ་ཕཊ། ༀ་ཨཱ་ན་ཡ་ཧོ་བྷ་ག་ཝན་བཛྲ་ཧཱུཾ་ཧཱུཾ་ཕཊ། ཅེས་པ་ནི་བཅོམ་ལྡན་འདས་ཀྱི་
འཕྲེང་བའི་སྔགས་ཏེ། དཔལ་རྡོ་རྗེ་མཁའ་འགྲོའི་བདེ་ཆེན་འཁོར་ལོ་དང༌། འདི་ཉིད་ཀྱི་
དཀྱིལ་འཁོར་ནི། སྟོན་བྱེད་ཀྱི་ཚིག་ཀྱང་ཕལ་ཆེར་འདྲ་ཞིང་དོན་ཡང་གཅིག་ལ་རྒྱུད་དེ་ཉིད་
ལས་ཀྱང་མཧཱ་མ་ཡའི་དཀྱིལ་འཁོར་ཡིན་པར་གསུངས་པས་རྒྱུད་འདིའི་དགོངས་པ་རྡོ་རྗེ་
མཁའ་འགྲོས་བཀྲལ་བའི་ཚུལ་ལས་འཕྲེང་བའི་སྔགས་ནི་དེའོ། །ༀ་རྀ་རཱྀ་ྈྐ་ལྀ་ལཱྀ་ྉྤ་ཧྲི་ཧ་
ཧེ་ཕཊ། སྙིང་པོའོ། །ༀ་ཨ་ཨཱ་ཀ་ཙ་ཊ་ཏ་པ་ཡ་ཤ ཨི་ཨཱི་ཁ་ཚ་ཋ་ཐ་ཕ་ར་ཥ། ཨུ་ཨཱུ་ག་ཛ་ཌ་ད་
བ་ལ་ས། ཨེ་ཨཻ་གྷ་ཛྙ་ཌྷ་དྷ་བྷ་ཝ་ཧ། ཨོ་ཨཽ་ང་ཉ་ཎ་ན་མ་ཨཾ་ཨཿསྭཱཧཱ། མཁའ་འགྲོ་མ་རྣམས་
ཀྱི་ཕྲེང་སྔགས་ཏེ་རྣམ་པ་དཀྲུགས་པ་ཞེས་བྱ་བ། ལྷ་རྣམས་ཀྱི་ཐུགས་རྒྱུད་བསྐུལ་བའི་བསྙེན་
པ་ཐོག་མ་ཉིད་དུ་བྱ་བ་ཡིན་ལ། ཕྱེད་ཕྱི་མ་ནི་འཇམ་པོར་བཟླ་བ་ཞེས་བྱ་བ། ༀ་ཨེ་ཨཻ། ཨོ་
ཨཽ་ཨཾ་ཨཿ ཧྲི་ཧ་ཧེ་ཕཊ། གཙོ་བོའི་སྙིང་པོའོ། །ༀ་ཨ་ཨཱ་ཀ་ཁ་ག་གྷ་ང་ཧ༵་ྈྐ་སྭཱཧཱ། སངས་རྒྱས་
མཁའ་འགྲོ་མའིའོ། །ༀ་ཨི་ཨཱི་ཙ་ཚ་ཛ་ཛྙ་ཉ་ཡ་ཤ་ཧཱུཾ་ཕཊ། ལས་ཀྱི་མཁའ་འགྲོ་མའིའོ། །ༀ་རྀ་
11-1-385


རཱྀ་ཊ་ཋ་ཌ་ཌྷ་ཎ་ར་ཥ་ཧྲིཿཛཿཔདྨ་མཁའ་འགྲོ་མའིའོ། །ༀ་ལྀ་ལཱྀ་ཏ་ཐ་ད་དྷ་ན་ལ་ས་ན་མཿ རིན་
ཆེན་མཁའ་འགྲོ་མའི་འོ། ༀ་ཨུ་ཨཱུ་པ་ཕ་བྷ་མ་ཝ་ྉྤ་ༀ། རྡོ་རྗེ་མཁའ་འགྲོ་མའིའོ། །སྔགས་
དང་རྒྱུད་ལ་མཁས་པའི་སློབ་དཔོན་ཁ་ཅིག་ནི། ༀ་ཤྲཱི་ཧེ་རུ་ཀ་བཛྲ་སརྦ་དུཥྚཾ་ས་མ་ཡ་མུ་དྲཱ་པྲ་
བྷཉྫ་ཀ་ཧཱུཾ་ཕཊ། ཅེས་པ་ཧེ་རུ་ཀའི་སྤྱི་སྔགས་ཀྱང་བཟླ་བར་བཞེད་དོ། །
གཉིས་པ་ནི། བཟང་པོ་ནི་གང་ཞིག་རྟོགས་ན་ཡོན་ཏན་ཐམས་ཅད་ཐོབ་པའི་ཕྱིར་ཆོས་
ཀྱི་དབྱིངས་ནི་བཟང་པོའོ། །ཡི་གེ་ནི་ཨ་ཀྵ་ར་ཞེས་པ་འགྱུར་བ་མེད་པ་དེ་ཡང་འགྱུར་བ་མེད་
པ་ཡུལ་དུ་བྱས་པའི་ཕྱིར། ཡེ་ཤེས་ནི་འགྱུར་མེད་དེ། དེ་ཉིད་ཡང་ནས་ཡང་དུ་གོམས་པར་
བྱེད་པ་ནི་འཕྲེང་བའོ། །དེས་ནི་རྒྱུ་བ་དང་མི་རྒྱུ་བའི་སྣོད་བཅུད་མཐའ་དག་སྟོང་པ་ཉིད་དུ་
རྟོགས་པར་འགྱུར་རོ། །
གསུམ་པ་ནི། བཟང་པོ་ནི་སྙིང་ཁའི་ཐིག་ལེ་སྟེ། དཀར་དམར་གྱི་དབུས་ན་གནས་པའི་
མི་ཤིགས་པ་ཡིན་ལ། ཡི་གེའི་ཕྲེང་པ་ནི་རོ་རྐྱང་གི་རླུང་མཚོན་པ་ཨཱ་ལི་ཀཱ་ལིའི་འཕྲེང་བའོ། །
དེས་ནི་རྒྱུ་བ་རླུང་དང་མི་རྒྱུ་བ་སེམས་དབུ་མར་འགགས་པའི་ཡེ་ཤེས་ཁྱད་པར་ཅན་སྐྱེ་བར་
འགྱུར་ཞིང་མངོན་པར་ཤེས་པ་ལ་སོགས་པ་འབྱུང་བར་འགྱུར་རོ། །གཞུང་འདིའི་དོན་གྱི་
གཙོ་བོ་ནི་{སྦས་[སྔགས]་དོན་འདི་ཁོ་ན་ཡིན་པར་བཞེད་དོ། །བཞི་པ་ནི་བཟང་པོའི་ཡེ་གེ་
ནི་འོད་ཟེར་ལྔའི་བདག་ཉིད་ཅན་གྱི་རླུང་བཅུ་རྣམ་པར་དག་པ་ཟུང་དུ་འཇུག་པའི་སྐུ་དེ་ཉིད་
ཡོངས་སུ་བསྒོམས་པས་རྒྱུ་བ་ལྷ་སྐུ་དང༌། མི་རྒྱུ་བ་གཞལ་མེད་ཁང་དང་ཞིང་ཁམས་དག་པའི་
སྣང་བ་རབ་འབྱམས་མཆེད་དེ་ས་གོང་ནས་གོང་དུ་འགྲོ་བར་འགྱུར་རོ། །འདིར་བསམས་པ་
ཙམ་གྱིས་ནི་ཞེས་བྱ་བ་ལ་སོགས་པ་ནི་མྱུར་དུ་འགྲུབ་པའི་ཕན་ཡོན་ནོ། །
གསུམ་པ་ནི། འདོད་པ་ཀུན་ལ་ཉེར་སྤྱོད་པ། །ཞེས་པ་ནས། རང་གི་གཟུགས་ནི་ཡོངས་
{བརྗེ་[རྗེ་]ཉིད་ཞེས་པའི་བར་ཏེ། རིམ་པ་གཉིས་ལ་བརྟན་པ་ཐོབ་པ་ནི། འདོད་པའི་ཡོན་
11-1-386


ཏན་ལྔ་ལ་ཡོངས་སུ་ལོངས་སྤྱོད་ཅིང་ཡིད་ལ་ཇི་ལྟར་འདོད་པར་གླུ་དང་གར་ལ་སོགས་པ་ཨ་
རལླི་སྤྲོས་པ་རྒྱས་པའམ་བསྡུས་པ་ཇི་ལྟར་འདོད་པ་བཞིན་དུ་བསྟེན་པ་ཡིན་ལ། དེ་ཡང་སྤྲོས་
བཅས་དང༌། སྤྲོས་མེད་ཀྱི་སྤྱོད་པའི་བྱ་བ་གཉིས་ཅན་ལ་འགྲེལ་ཏེ། གཙོ་བོར་སྤྲོས་མེད་ཡིན་
པར་མངོན་ནོ། །དེ་ཡང་ཇི་ལྟར་ཞེ་ན། སྒྲུབ་པོ་གྲུབ་པའི་ཕྱག་རྒྱ་གཅིག་གམ་ལྔ་ལ་སོགས་པ་
ཇི་ལྟར་འོས་པ་དང་ལྷན་ཅིག་དུ་གནས་གཅིག་ཏུ་འདུག་པ་ན་ཚོགས་ཀྱི་ཁང་པ་བསྡུས་པའམ། 
ཡུལ་དུ་རྒྱུ་བ་ལ་ནི་ཚོགས་ཀྱི་ཁང་པ་མེད་དེ། ཇི་ལྟར་འདོད་པའི་གནས་སོ། །དེར་ཚོགས་ཀྱི་
འཁོར་ལོའི་སྤྱོད་པས་འདོད་པའི་ཡོན་ཏན་ལ་ཅི་བདེར་རོལ་བ་ཡིན་ཏེ། རྣལ་འབྱོར་དཔའ་
ཆེན་ཞེས་བྱ་བ་ནི། སྤང་བྱའི་ཚོགས་ཐམས་ཅད་རབ་ཏུ་འཇོམས་པ་ལ་ཞུགས་པའི་ཕྱིར་དཔའ་
བོ་ཆེན་པོ་སྟེ། རྟག་ཏུ་རོལ་བ་ནི་སྤྲོས་མེད་ཀྱི་སྤྱོད་པ་སྤྱད་བླ་བའི་ཕྱིར་རྒྱུན་དུ་རོལ་པའོ། །
རྡོ་རྗེ་རྣལ་འབྱོར་མ་རྣམས་དང་ཞེས་སོགས་ནི། སྤྲོས་བཅས་ཀྱི་སྤྱོད་པ་སྟེ། ཚོགས་ཀྱི་
ཁང་པ་རྒྱན་ཐམས་ཅད་ཀྱིས་བརྒྱན་པར་གྲུབ་པའི་ཕྱག་རྒྱ་ཇི་ལྟར་ཉུང་ན་ཡང་ལྔ་དང་བཅས་
པའོ། །དེ་ལ་ལྔ་ནི། ལྷའི་གནས་སུ་བཞག་པར་བྱ་ལ། སྒེག་མོ་ལ་སོགས་པ་ལྷ་མོ་བཞི་དང་
བཅས་པ་དགུའི་བདག་ཉིད་ཅན་དང༌། མེ་ཏོག་མ་ལ་སོགས་པ་བཞི་ཡང་བསྣན་ན་བཅུ་
གསུམ་དང༌། སྒོ་མ་བཞི་བསྣན་པས་བཅུ་བདུན་དང༌། མཚམས་བཞིར་བུམ་པ་འཛིན་པའི་
དཔའ་བོ་བཞི་བསྣན་ན་ཉི་ཤུ་རྩ་གཅིག་གི་བདག་ཉིད་ཅན་དུ་འགྱུར་བ་ཡིན་ལ། གལ་ཏེ་རྣལ་
འབྱོར་པ་དང༌། རྣལ་འབྱོར་མའི་ཚོགས་ཤིན་ཏུ་མང་པོར་གྱུར་ན། ལྷ་རེ་རེའི་གནས་སུ་མང་
དུ་འདུག་པར་བྱའོ། །དེ་དག་ཀྱང་རིགས་དང་ཁ་དོག་དང་བསམ་པའི་ཁྱད་པར་གྱིས་རིགས་
སོ་སོ་དང་མཐུན་པར་ཕྱོགས་རྣམས་སུ་དགོད་པར་བྱའོ། །དེ་ལྟ་བུའི་རྡོ་རྗེ་རྣལ་འབྱོར་མའི་
ཚོགས་རྣམས་དང་ལྷན་ཅིག་ཏུ་སྤྱོད་དོ། །རྣམ་པ་སྣ་ཚོགས་གཟུགས་ཤེས་བྱ་བ་ནི་ཆ་ལུགས་
བསྒྱུར་བའི་ཁྱད་པར་ཏེ། ཤིང་དང་ཁམས་དང་རྩ་ལས་བྱུང་བའི་འབག་གྱོན་པའམ་ལྷ་སོ་
11-1-387


སོའི་ཁ་དོག་ཏུ་བསྒྱུར་ནས་ན་བཟའ་དང་རྒྱན་དུ་བཅས་ཤིང༌། གདན་གྱི་ཁྱད་པར་ཡང་སྣ་
ཚོགས་པདྨ་ལ་སོགས་པ་རས་ལ་བྲི་བར་བྱ། ཕྱག་མཚན་དག་ཀྱང་ལག་ཏུ་ཐོགས་དགོས་པ་
ལས་ཕྱག་མཚན་མང་པོ་དག་ལ་ནི་ཕྱག་མཚན་དང་པོ་ཉིད་དོ། །རྣལ་འབྱོར་བདག་ཉིད་སྟོན་
པར་བྱེད་ཅེས་བྱ་བ་ནི་བསྒོམ་བསམ་གྱི་ཁྱད་པར་ཏེ། ཐམས་ཅད་སྟོང་པ་ཉིད་དུ་ཡོངས་སུ་
བཅུག་ནས། བདག་ཉིད་འཁོར་ལོའི་དབང་ཕྱུག་ཏུ་ལྷག་པར་མོས་པའི་བྱང་ཆུབ་ཀྱི་སེམས་
ཀྱི་འོད་ཟེར་ལས་དཀྱིལ་འཁོར་བ་རྣམས་སྤྲོ་བར་བྱེད་པའི་ཕྱིར་དཔའ་བོ་དང་རྣལ་འབྱོར་མ་
ཐམས་ཅད་ཀྱང་རང་གི་བདག་ཉིད་དུ་མོས་དགོས་པས། བདག་ཉིད་དཀྱིལ་འཁོར་གྱི་འཁོར་
ལོའི་ལྷ་ཚོགས་སུ་སྟོན་པར་བྱེད་དོ། །ཞེས་པའོ། །དེ་ལྟར་སྤྲོས་བཅས་དང་སྤྲོས་མེད་ཀྱི་སྤྱོད་
པའི་བྱ་བ་བཤད་ནས། སྤྱོད་པ་རྣམས་ཀྱི་ཕན་ཡོན་བཤད་པ་ལ། དེ་བཞིན་གཤེགས་པ་ཀུན་
གྱི་དཔལ། །ཞེས་པ་ནི་ཕྱོགས་ལས་རྣམ་རྒྱལ་གྱི་སྤྱོད་པ་སྤྱད་པས་དེ་བཞིན་གཤེགས་པ་
ཐམས་ཅད་ཀྱི་དཔལ་ཏེ་སྐུ་གསུང་ཐུགས་ཀྱི་ཡོན་ཏན་དང་འཕྲིན་ལས་རྣམས་རིགས་མཐུན་
པ་ཆ་ཤས་རེ་རེ་ནས་ཐོབ་སྟེ་མཐར་དངོས་གྲུབ་ཆེན་པོ་སངས་རྒྱས་ཀྱི་གོ་འཕང་སྟེར་བར་
འགྱུར་རོ། །སྟེར་བའི་དོན་ནི་སྤྱོད་པ་དེས་དངོས་གྲུབ་ཐོབ་པའི་དོན་ནོ། །གསང་ཏེ་སྤྱོད་པ་
སྤྱད་པ་ལས་ཕན་ཡོན་ཅི་ཞིག་ཐོབ་པར་འགྱུར་ཞེ་ན། བཅུད་ལེན་ཞེས་བྱ་བ་ལ་སོགས་པ་
སྟེ། ལྷ་དང་ཀླུ་དང་སྲིན་པོ་དང་མཁའ་འགྲོ་མ་རྣམས་ལས་བཅུད་ལེན་རྣམ་པ་སྣ་ཚོགས་པ་
དག་བླངས་ཏེ། རྟག་ཏུ་སྟེ་ཉིན་རེ་བཞིན་དུ་གཞན་ལ་བྱིན་པས་སེམས་ཅན་རྣམས་ནད་མེད་
ཅིང་རྒས་པ་མེད་ལ་འཆི་བདག་ཐག་རིང་བ་སོགས་ཀྱི་དོན་བྱེད་པའོ། །གཞན་ཡང་ཚོགས་
ཀྱི་འཁོར་ལོའི་དམ་རྫས་ཀྱི་དོན་དུ་ཁུ་བ་དགུག་པ་དང༌། ཆང་དགུག་པ་དང༌། གོང་བུ་ཆེན་པོ་
སྟེ་སྐྱེས་པའམ་བུད་མེད་ལ་སོགས་པ་ནམ་མཁའི་ལམ་ནས་དངོས་སུ་དགུག་པ་དང༌། སྐྱེ་བ་
བདུན་པའི་རོ་དངོས་དགུག་པ་ཉིད་དང༌། ཤ་ཆེན་དམ་དུམ་དག་ཀྱང་བཀུག་སྟེ། དེས་མཚོན་
11-1-388


པའི་རྫས་ཀྱི་ཁྱད་པར་གཞན་ཡང་དགུག་པའོ། །དེ་དག་སྐལ་བ་བཟང་མོའི་རྣལ་འབྱོར་མ་
རྣམས་དང་ལྷན་ཅིག་ཏུ་སྤྱོད་པ་སྟེ། འདི་ནི་གསངས་ཏེ་སྤྱོད་པ་མཐར་ཕྱིན་པ་ལས་ནུས་པ་
དེ་རྣམས་ཐོབ་པར་འགྱུར་བས་དེའི་འབྲས་བུ་དང༌། སྨྱོན་པའི་སྤྱོད་པ་ཞེས་བྱ་བ་ཨ་ཝ་དྷཱུ་
ཏི་འཇིག་རྟེན་པའི་མངོན་དུ་སྤྱོད་པའི་ཚེ་ལུས་འདི་རྣམས་ལ་སྦྱར་ནས་རང་གཞན་གྱི་དོན་
བསྒྲུབ་དགོས་པ་ཡིན་ནོ། །སྨྱོན་པའི་སྤྱོད་པ་སྤྱད་པའི་ཕན་ཡོན་ནི། ཚེ་རིང་སོགས་ཏེ་སྔར་གྱི་
ཡོན་ཏན་རྣམས་ཀྱི་སྟེང་དུ། ནད་དང་རྒ་ཤིས་ཟིལ་གྱིས་མི་ནོན་པ་དང༌། ལོག་པར་ལྟ་བ་ཚར་
གཅོད་ནུས་པ་སོགས་བརྩོན་འགྲུས་ཆེན་པོས་ཕ་རོལ་གནོན་པ་སྟེ་རྒྱུད་གཞན་ལས་གསུངས་
པའི་ལྟ་སྟངས་བཞི་འགྲུབ་པ་དང་དོན་གཅིག་གོ །གཟི་བརྗིད་ཆེན་པོ་ནི། འཇིག་རྟེན་གྱི་ལྷ་
རྫུ་འཕྲུལ་ཆེ་བར་གྲགས་པ་རྣམས་ཀྱིས་ཟིལ་གྱིས་གནོན་མི་ནུས་པ་ཡིན་ལ། སྟོབས་ཆེན་པོ་
ནི། ཏིང་ངེ་འཛིན་གྱི་སྟོབས་ཀྱིས་ཉོན་མོངས་དང་སྡུག་བསྔལ་ཐམས་ཅད་ཟིལ་གྱིས་གནོན་
ནུས་པ་སྟེ། མགོ་བཅད་ཀྱང་སླར་སྐྱེ་བར་ནུས་པ་ལྟ་བུའོ། །འདི་ནི་སྨྱོན་པའི་སྤྱོད་པ་མཐར་
ཕྱིན་ནས་ཐོབ་པ་སྟེ། ཀུན་བཟང་གི་སྤྱོད་པ་ལ་གནས་པ་རྣམས་ཀྱི་ཡོན་ཏན་ནོ། །ཀུན་བཟང་
གི་སྤྱོད་པའི་སྐབས་ཀྱི་ཕན་ཡོན་ནི་ལྷའི་མིག་དང་སོགས་ཏེ། དེ་ལ་མངོན་ཤེས་ལྔ་ནི། ལྷའི་
མིག་གི་མངོན་ཤེས་དང༌། རྣ་བའི་མངོན་ཤེས་དང༌། གཞན་གྱི་སེམས་ཤེས་པའི་མངོན་ཤེས་
དང༌། སྔོན་གྱི་གནས་རྗེས་སུ་དྲན་པའི་མངོན་ཤེས་དང༌། རྫུ་འཕྲུལ་གྱི་མངོན་ཤེས་སོ། །དེ་
ལྟར་ན་འདིར་ལྷའི་མིག་གི་མངོན་ཤེས་དང་རྫུ་འཕྲུལ་དང་ལྡན་པར་སྨོས་པས་བར་གྱི་གསུམ་
པོའང་ཤུགས་ལ་བསྟན་ཞིང༌། སྤྱོད་པ་འདི་ལ་ཉམས་ལེན་ནི། ཉིན་རེ་བཞིན་དུ་ཟླ་བ་སྟེ་
བདུད་རྩིའི་བཏུང་བས་ཡོངས་སུ་ཚིམ་པར་བྱེད་པའོ། །འདིར་ཟླ་བ་བཏུང་བ་ཞེས་བྱ་བས་ནི་
ཟླ་བ་འདུས་པའི་སྟོན་མོ་སྟེ་ཚོགས་ཀྱི་འཁོར་ལོ་བསྟན་པ་ཡིན་ལ། དེ་ཡང་དཔལ་འཁོར་ལོ་
སྡོམ་པ་ལས། སྤུན་དང་སྡུག་པ་མཆོད་པ་སྟེ། །ལེགས་གནས་ཟླ་བ་འདུས་པ་ལའོ། །ཞེས་
11-1-389


གསུངས་ཤིང༌། རྣལ་འབྱོར་མ་ཀུན་སྤྱོད་ལས་ཀྱང༌། །ཧེ་རུ་ཀ་དཔལ་དབའ་བོ་མཆོག །སྐྱེ་
བོ་དམ་པ་ཀུན་འདུས་པ། །ཞི་བའི་བཏུང་བས་འགྲུབ་འགྱུར་པ། །རྟག་པའི་གོ་འཕང་མཆོག་
ཡིན་ཏེ། ཞེས་ཚོགས་ཀྱི་ཁང་པར་རྣལ་འབྱོར་ཕོ་མོ་རྣམས་ཇི་ལྟར་འདོད་པའི་ལྷའི་རྣམ་པར་
གནས་ནས། ཁ་ཟས་རྣམས་བདུད་རྩིར་བྱིན་གྱིས་བརླབས་པ་ནི་ཟླ་བའི་དོན་ཡིན་ལ། །དེ་
རྣམས་སྣོད་གཅིག་ཏུ་བཟའ་བ་ནི་འདུས་པ་སྟེ་ཕྱིའི་ཟླ་བ་འདུས་པའོ། །ཐབས་དང་ཤེས་
རབ་མཉམ་པར་སྦྱར་བ་ལས་རྩ་སྟོང་ཕྲག་བདུན་བཅུ་རྩ་གཉིས་ཀྱི་བྱང་ཆུབ་ཀྱི་སེམས་ཞུ་
བ་ནོར་བུར་ཡོངས་སུ་སོན་ཞིང་སླར་ཡང་དབུ་མའི་ལམ་ལས་སྤྱི་བོར་ཐིམ་པར་བྱས་པ་ནི་
ནང་གི་ཟླ་བ་འདུས་པའོ། །ཀུན་ཏུ་བཟང་པོའི་སྤྱོད་པ་མཐར་ཕྱིན་པས་ནི་ཕན་ཡོན་འདི་ལྟ་
བུ་ཐོབ་སྟེ། སྒྲུབ་པ་དེ་ཡི་ཚེ་ནི་འཕེལ་བར་གྱུར་ཏེ། བསྐལ་པ་ཆེན་པོ་ལ་སོགས་པ་ཇི་ལྟར་
འདོད་པའི་བར་དུ་གནས་པར་གྱུར་པ་སྟེ་ཚེ་ལ་དབང་ཐོབ་པ་དང༌། བལྟ་བས་མི་ངོམས་
པའི་ལུས་ཏེ་མཚན་དཔེ་ཅན་གྱི་སྐུ་རྗེས་མཐུན་པ་འགྲུབ་པ་དང༌། སྐད་ཅིག་གཅིག་ལ་ཞིང་
ཁམས་བརྒྱ་གཡོ་བར་བྱེད་པ་སོགས་ཆོ་འཕྲུལ་སྣ་ཚོགས་པ་དག་ནི་སྟོན་པར་བྱེད་ལ་ཡིད་ལ་
བསམ་མ་ཐག་པ་སྟེ་ཇི་ལྟར་འདོད་པ་ཙམ་གྱི་རང་གི་གཟུགས་ནི་གཟུགས་རྣམ་པ་སྣ་ཚོགས་
པ་རྣམས་སུ་ཡོངས་སུ་རྫོགས་ཞིང་སྟོན་པ་ཉིད་ཡིན་ཏེ། ཚངས་པ་ལ་སོགས་པའི་ལྷའམ་སྟག་
དང་རི་བོང་ལ་སོགས་པ་གཟུགས་རྣམ་པ་སྣ་ཚོགས་པ་ཉིད་ཀུན་དུ་སྟོན་པར་བྱེད་པའི་དོན་
ནོ། །འདིར་གཟུགས་བརྗེ་བའི་མན་ངག་ནི་དང་པོར་བྲམ་ཟེའི་ཐོད་པ་ཡུངས་ཀར་ཡོངས་སུ་
བསྐྱེད་པ་ཕྱིས་དམངས་རིགས་ཀྱི་ཐོད་པར་བསྐྱེད་ལ། དེའི་མྱུ་གུ་ལ་གུཉྫ་དཀར་པོ་ཡོངས་སུ་
བླུགས་ཏེ། ཕྱོགས་མཚམས་བརྒྱད་དུ་སྲོག་ཆགས་རྣམ་པ་སྣ་ཚོགས་པ་དག་གི་སྤུ་བསྲེགས་
པའི་ཐལ་བ་དང་ཁྲག་གིས་བསྒོས་ལ་འཕྲེང་བའི་སྔགས་ཀྱི་མཐར་དངོས་གྲུབ་དབབ་པའི་
སྔགས་བཟླས་པས་དྲོད་སྐྱེ་ཞིང༌། སྲོག་ཆགས་དེ་དག་གི་སྒྲ་འབྱིན་པར་གྱུར་པ་ན། རྫས་
11-1-390


བསྲུངས་ནས་ལྷ་ལ་དངོས་གྲུབ་ཞུའོ། ཕྱིས་རྫས་དེ་དཔྲལ་བར་བྱུགས་ལ་སྲོག་ཆགས་གང་གི་
གཟུགས་འཛིན་པར་རང་འདོད་པ་དེའི་རྣམ་པ་ཡིད་ལ་བྱས་ཏེ། སྤེལ་ཚིག་དང་བཅས་པའི་
སྔགས་བཟླས་པས་ཇི་ལྟར་འདོད་པའི་གཟུགས་སུ་འགྱུར་ལ། རྫས་ཕྱིས་པས་ནི་གྲོལ་བར་
འགྱུར་རོ། །རང་གི་གཟུགས་ཡོངས་སུ་བསྒྱུར་བ་ཡིན་གྱི་གཞན་གྱི་ནི་མ་ཡིན་ནོ། །རྫས་ཀྱི་
སྦྱོར་བས་འགྲུབ་པ་འདི་ནི་མིག་འཕྲུལ་གྱི་དངོས་གྲུབ་སོགས་དང་མཚུངས་པར་རྒྱུད་འདིའི་
རིགས་སྔགས་ཀྱི་འབྲས་བུ་ཡིན་པར་འཆད་ཀྱི། སྤྱོད་པ་ལ་གནས་པས་འདི་དག་བྱ་དགོས་
པ་ནི་མ་ཡིན་ནོ། །ལྔ་པ་རྒྱུད་ཀྱི་ཆོ་ག་ཆེད་དུ་བྱ་བའི་གདུལ་བྱ་དང་བཅས་པ་ནི། ཀླགས་པས་
འགྲུབ་པ་དོན་ཡོད་པ་སོགས་ཏེ། ཀླགས་པ་ཙམ་སྟེ་ཤིན་དུ་མྱུར་བས་ཕན་ཡོན་དེ་དག་འགྲུབ་
པ་ནི་ཐེ་ཚོམ་མེད་པར་འབད་པས་དོན་ཡོད་པས་འབྲས་བུ་དེ་དག་འགྲུབ་པས་ན། རིག་མའི་
དབང་ཕྱུག་མཁའ་འགྲོ་མ། དཔལ་སྒྱུ་འཕྲུལ་ཆེན་མོའི་རིག་པའི་གསང་སྔགས་དམ་པ་འདི་
ནི་རིག་སྔགས་ཀྱི་གཙོ་བོ་འགྲན་ཟླ་མེད་པ་མི་མཉམ་པ་དང་མཉམ་པའི་སྔགས་ཏེ། འཇིག་
རྟེན་གསུམ་པོའི་གནས་འདི་ན། ལྷ་མོ་སངས་རྒྱས་མཁའ་འགྲོ་མ་ཁྱོད་ཀྱི་རིགས་སྔགས་དང་
སྟོབས་མཉམ་པ་ནི། དཔལ་ཧེ་རུ་ཀ་དེའི་རིག་སྔགས་ལས་གཞན་མེད་དེ། དེའི་ཕྱིར་ན། རྒྱལ་
བས་གསུངས་པའི་རྒྱུད་རྣམས་ཐམས་ཅད་ཀུན་གྱི་སྔགས་རྣམས་འབྲས་བུ་འགྲུབ་པར་བྱེད་
པའི་ལུང་འདི་ནི། སེམས་ཅན་རྣམས་ཀྱི་དོན་དང་ཡོན་ཏན་དུ་མས་མཛེས་པར་བརྒྱན་པ་མ་
ལྷ་མོ་ཁྱོད་ལ་བཤད་པ་ཡིན་ཞེས་པ་སྟེ། དེ་ལ་ལུང་ཞེས་པ་ལ་བཤད་ཚུལ་མི་འདྲ་བ་དུ་མ་
བྱུང་ཡང༌། ཨཱ་ག་མ་ཞེས་པ་འཇིག་རྟེན་དུ་ཡོངས་སུ་གྲགས་པའི་རྒྱུ་ཚོགས་མ་ཚང་བའམ་མི་
མཐུན་པའི་རྒྱུ་ལས་ཀྱང་འབྲས་བུ་འབྱུང་བས་ན་གློ་བུར་དུ་འགྲུབ་པའི་དོན་ཏེ། འཇིག་རྟེན་
དུ་རྫས་སྔགས་ཀྱི་སྦྱོར་བ་ལ་ལུང་ཞེས་གྲགས་པ་ཡང་དོན་དེ་ཉིད་ཡིན་ལ། དེས་ན་སྔགས་
ཀྱི་ཐེག་པ་འདིར་བླ་ན་མེད་པའི་བྱང་ཆུབ་སོགས་མཆོག་དང་ཐུན་མོང་གི་དངོས་གྲུབ་རྣམས། 
11-1-391


གྲངས་མེད་གསུམ་དུ་ཚོགས་གསོགས་པ་སོགས་དཀའ་བ་སྤྱད་མི་དགོས་པར་འཇུག་པ་བདེ་
བས་ཡུད་ཙམ་གྱིས་འགྲུབ་པ་དང༌། ཆེད་དུ་མི་སྤོང་བའི་སྦྱོར་བས་ཉོན་མོངས་དག་པར་བྱེད་
པ་སོགས་ནི་ལུང་སྟེ། ནད་གསོ་བར་དཀའ་བ་ཡང་སྔགས་ཀྱི་བྱེད་པས་སྐད་ཅིག་ཙམ་གྱིས་
གསོ་བ་དང༌། དུག་ཀྱང་བཅུད་ལེན་དུ་འགྱུར་བ་བཞིན་ནོ། །དེས་ན་རྒྱུད་འདི་རྒྱུད་རྣམས་
ཀུན་གྱི་སྔགས་རྒྱུད་ཀྱི་སྦྱོར་བ་གཅེས་ཤོས་ཡིན་ནོ་ཞེས་པའི་དོན་ནོ། །དེ་ལྟར་ལེའུ་དང་པོའི་
རྒྱུད་དངོས་བཤད་ནས་མཚན་བསྟན་པ་ནི། རྣལ་འབྱོར་མ་རྣམས་ཀྱི་དབང་ཕྱུག་མ་སྟེ་གཙོ་
མོ་སངས་རྒྱས་མཁའ་འགྲོ་མའི་རིག་སྔགས་ཆེན་པོའི་ཆོ་ག་བཤད་པ་ལ། ལེའུ་གསུམ་ཡོད་
པ་ལས་མཆོག་དང་ཐུན་མོང་གི་དངོས་གྲུབ་ཀྱི་མཚན་མ་བསྟན་པ་ཞེས་བྱ་བ་སྟེ་ལེའུ་དང་
པོའོ། །དེ་ལ་མཚན་མ་ནི་རྒྱུ་དང་རྟགས་གཉིས་ཆར་ལ་འཇུག་སྟེ། རྒྱུ་ཡང་རང་བཞིན་གྱི་རྒྱུ་བ་
དང༌། རྐྱེན་ཉེ་བར་སྒྲུབ་པ་གཉིས་ལས། དང་པོ་ནི་གཤིས་ཀྱི་གནས་ལུགས་ཡིན་ལ། གཉིས་
པ་ནི་དབང་དང་རིམ་གཉིས་སྤྱོད་པ་དང་བཅས་པ་རྣམས་སོ། །རྟགས་ནི་ཇི་ལྟར་འདོད་པར་
ལས་སྣ་ཚོགས་པ་སྒྲུབ་ཅིང་དངོས་གྲུབ་ཕྲ་མོ་སྣ་ཚོགས་པ་ལ་རང་དབང་འབྱོར་བ་ཡིན་པས། 
དངོས་གྲུབ་ཀྱི་མཚན་མ་ཞེས་པས་ནི་ལེའུ་དང་པོའི་བརྗོད་བྱ་ཐམས་ཅད་བསྟན་ནོ། །ལེའུ་
དང་པོ་འདི་རྒྱ་ཆེར་བཤད་པའོ། །
ལེའུ་གཉིས་པ་ལ། དངོས་གྲུབ་བསྐུལ་བ་བཟླས་པའི་རྣལ་འབྱོར་བཤད། གཞི་ལམ་
འབྲས་བུའི་འབྲེལ་བ་བསྡུས་ཏེ་བསྟན། རྣལ་འབྱོར་གོམས་པའི་དུས་ཀྱི་ངེས་པ་བཤད། གོ་
ཆ་དྲུག་དང་འབྲེལ་བའི་ལས་ཚོགས་སྒྲུབ། རྫོགས་པའི་རིམ་པའི་མ་ཚང་ཁ་བསྐོང་བྱ། བཟའ་
བའི་དམ་ཚིག་བསྟེན་ཚུལ་སྙིང་པོར་བསྟན། དང་པོ་ནི། དེ་ནས་རྣལ་འབྱོར་མའི་དབང་ཕྱུག་
ཆེན་པོ་རྣམས་ཀྱི་ཞེས་པ་ནས། དངོས་དང་དངོས་མེད་རྣམ་སྤངས་པའོ། །ཞེས་པའི་བར་ཏེ། 
ལེའུ་དང་པོ་གསུངས་ཟིན་པའི་རྗེས་ཐོགས་དེ་ནས་འཇིག་རྟེན་ལས་འདས་པའི་རྣལ་འབྱོར་
11-1-392


མའི་དབང་ཕྱུག་མ་ཆེན་མོ་དེ་བཞིན་གཤེགས་པ་རྣམས་ཀྱི་དགོངས་པ་སྦྱོར་བ་སྟེ། རྣལ་
འབྱོར་གོམས་པའི་དངོས་གྲུབ་ཁྱད་པར་ཅན་གྱི་འབྲས་བུ་སྟེར་བའི་སྔགས་ཀྱི་ཡི་གེ་བཟང་
པོ་བཤད་པར་བྱའོ། །ཞེས་ཞལ་གྱིས་བཞེས་ཏེ། སངས་རྒྱས་ཐམས་ཅད་ཀྱི་དགོངས་པ་ཡིན་
ཡང་རྣལ་འབྱོར་མ་སྨོས་པ་ནི་རྒྱུད་འདི་མ་རྒྱུད་ཡིན་པས་སྔགས་རྒྱུད་རྣལ་འབྱོར་མ་གཙོ་བོར་
གྱུར་པ་སྟོན་པའི་ཕྱིར་རོ། །གང་ཞིག་བསམས་པ་སོགས་ལ་དགོངས་པ་ཅན་མ་ཡིན་པ་དང༌། 
དགོངས་བཤད་གཉིས་ལས། དང་པོ་ནི།{གང་ཞིག[གང་གི]་བསམས་པ་སྟེ་ཡིད་ལ་བྱས་
ཤིང་གོམས་པ་ཙམ་གྱིས་ནི། རླུང་དབུ་མར་ཞུགས་གནས་ཐིམ་གསུམ་བྱེད་ཅིང༌། དེ་ལས་
བྱུང་བའི་བདེ་སྟོང་གི་ཡེ་ཤེས་སྐྱེས་པ་ནི། རྣལ་འབྱོར་མའི་མཆོག་ཤེས་རབ་ཀྱི་ཕ་རོལ་དུ་
ཕྱིན་པའི་ཡེ་ཤེས་སྟེར་བ་སྟེ་ཐོབ་པར་འགྱུར་བའི་ཐབས་འདི་ཡིན་ཏེ། དང་པོའི་ཡི་གེ་སྟེ། ཡི་
གེ་སློབ་པ་རྣམས་ཐམས་ཅད་ཀྱི་ཐོག་མ་ཡིན་པའི་ཕྱིར་ༀ་ཡིག་དང་རླུང་གཉིས་སུ་མེད་པའི་
སྦྱོར་བ་ཡིས། རྟག་ཏུ་དབུགས་ནི་ཕྱིར་བཏང་བར་བྱ་ལ། དེས་ནི་དངོས་པོ་མེད་པ་འགྲུབ་པར་
བྱེད་ཅིང༌། ཡི་གེ་སྡེ་ཚན་བརྒྱད་ཀྱི་མཐའ་རུ་གནས་པ་གསལ་བྱེད་ཡི་གེ་ཧ་ཡིག་དང་ལྡན་
པའི་དབྱངས་ཨཱུ་སྟེ་ཧཱུཾ་ཡིག་དང་ཐིག་ལེར་བཅས་པ་སྟེ་ཧཱུཾ་གིས་རྣལ་འབྱོར་བའི་དབུགས་ནང་
དུ་རྔུབ་པར་བྱེད་པ་ནི་དངོས་པོ་འགྲུབ་པའོ། །དེ་གཉིས་ཀྱི་ཤུགས་ལས་རླུང་གནས་པ་དང་
ཨཱཿཡིག་སྦྱོར་བའང་བསྟན་ཏེ། དངོས་པོ་དང་དངོས་མེད་སྤངས་པའི་ཡེ་ཤེས་སྐྱེ་བར་འགྱུར་
བའོ། །
འདིར་སྔ་ཕྱིར་སྦྱོར་བ་ཞེས་པ་མང་པོ་ཞིག་ནི་རྣལ་འབྱོར་ཏེ། ཉམས་སུ་བླངས་པའི་དོན་
ཡིན་ལ། དངོས་མེད་ནི་རྒས་པ་དང༌། ན་བ་དང༌། འཆི་བ་དང་ལུས་ཀྱི་དངོས་པོ་ཟད་པར་
བྱེད་པའི་དོན་ཡིན་པ་ལས། རྣལ་འབྱོར་གྱི་སྟོབས་ཀྱིས་བཅིངས་པས་ནི་རྣམ་པར་རྟོག་པ་
ཟད་པར་བྱེད་དོ། །དངོས་པོ་ནི། ཚེ་དང་ལུས་རྒྱས་པ་དང་རྣམ་པར་རྟོག་པ་འཕེལ་བ་ཡིན་ལ། 
11-1-393


འདིར་ལམ་དུ་རྒྱས་པས་ནི་རྡོ་རྗེའི་ལུས་དང་ཡེ་ཤེས་རྒྱས་པར་བྱེད་དོ། །སྐྱོན་དུ་གྱུར་པའི་
དངོས་པོ་དངོས་མེད་སྤངས་ནས་ཤེས་རབ་ཀྱི་ཕ་རོལ་དུ་ཕྱིན་མ་ལ་གནས་པ་ནི་རླུང་གནས་
པའི་ཕན་ཡོན་ཏེ། གཞུང་འདིས་རྡོ་རྗེའི་བཟླས་པ་བསྟན་ལ་རྡོ་རྗེའི་བཟླས་པའི་དོན་རྒྱས་
པ་ནི། དཔལ་རྡོ་རྗེ་འཕྲེང་བའི་རྒྱུད་དང་རིམ་ལྔ་སྤྱོད་བསྡུས་སོགས་ལས་བཤད་པ་བཞིན་
ཤེས་དགོས་ཀྱི། ཡི་གེ་མངས་པར་ཡང་འགྱུར་ཞིང་རྒྱུད་འདི་འཆད་པའི་རྒྱ་བོད་ཀྱི་བླ་མ་སྔ་
མ་རྣམས་ཀྱིས་ཀྱང་མ་གསུངས་པས་འདིར་ནི་མི་འབྲིའོ། །མན་ངག་གཞན་ལས་ནི་རྔུབ་པ་
གནས་པའི་དོན་ཅན་དུ་གསུངས་ཤིང༌། དངོས་དང་དངོས་མེད་སྤངས་པ་ཡང་དེའི་ཕན་ཡོན་
དུ་འཆད་ལ། དང་པོའི་ཡི་གེ་ནི་གཉིས་ཏེ། བརྗོད་པའི་དང་པོ་ༀ་དང༌། དབྱངས་ཀྱི་དང་པོ་
ཨའོ། །མན་ངག་གིས་ནི་ཨ་ཡིག་རིང་པོ་རྣམ་བཅད་ཅན་ཡང་བྱ་སྟེ། རིང་པོ་དང་རྣམ་བཅད་
ཕྱིས་འགྲུབ་པ་ཙམ་སྟེ། རྩ་བའི་ཡི་གེ་དབྱངས་དང་པོ་ཉིད་ཡིན་པ་དང༌། དབུགས་བཏང་
བ་ནི། ཕྱི་རོལ་དུ་བཏང་བ་དང༌། ནང་དུ་བཏང་བ་ཞེས་འབྱུང་འཇུག་གཉིས་ཆར་ལ་འཇུག་
གོ །ཕྱི་རོལ་དུ་འགྲོ་བ་ༀ་ཡིག་གི་རླུང་གཅིག་ཉིད་སྙིང་ཁའི་ཨ་དང༌། མགྲིན་པའི་གཡས་ལ་
བརྟེན་པའི་ཨུ་དང༌། སྤྱི་བོའི་ཀླད་ཀོར་རྣམས་ལ་རེག་པས་ༀ་གྱི་གདངས་དུ་འབྱུང་ཞིང༌། དེའི་
བཟླས་པས་དེ་རྣམས་ཀྱི་རྩ་མདུད་གྲོལ་བར་འགྱུར་ལ་འབྱུང་བ་ཐིམ་རིམ་གྱིས་ཡེ་ཤེས་ཁྱད་
པར་ཅན་ཡང་སྐྱེའོ། །ནང་དུ་འོང་བ་ན་གསང་བའི་བར་དུ་འགྲོ་བས། མགྲིན་པའི་གཡོན་ལ་
བརྟེན་པས་ཨ་ཡིག་གི་གདངས་དང༌། དེ་ཉིད་སྙིང་ཁའི་ཨ་ལ་རེག་པས་རིང་པོར་འགྱུར་ཞིང་
གསང་བར་ཐུར་སེལ་ཧ་སྲོག་མེད་དང་ཕྲད་པས་ན་རྣམ་པར་བཅད་པའོ། །མགྲིན་པ་ཡན་
ཆད་ཀྱི་རླུང་ཨུ་དང༌། ཐུར་སེལ་ཧ་སྙིང་ཁའི་མི་ཤིགས་པའི་ཐིག་ལེ་ལ་ཡོངས་སུ་བསྡུས་པ་ནི་
ཧཱུཾ་སྟེ། དེ་ལས་འོད་གསལ་བའི་ཡེ་ཤེས་སྐྱེའོ་ཞེས་གསུངས་སོ། །རྒྱུད་འདིར་འབྱུང་བ་སོ་སོའི་
རྡོ་རྗེའི་བཟླས་པ་ནི་མ་གསུངས་ཏེ། རླུང་དང་ཁ་དོག་དང༌། དབྱིབས་དང་ཚད་ཐ་དད་པ་དེ་
11-1-394


དག་ལུས་ཀྱི་གནས་ཐབས་ལ་ཡོད་ཀྱང་རྣལ་འབྱོར་བསྒོམ་པའི་ཚེ་མི་དགོས་ཏེ། རླུང་སྔགས་
དབྱེར་མེད་པའི་བཟླས་པ་ཁོ་ནས་ཐམས་ཅད་དག་པར་བྱེད་པའི་ཕྱིར་རོ། །ཞེས་མདོར་
བསྡུས་སུ་དགོངས་པའོ། །
གཉིས་པ་ནི། ཉེ་སྙིང་གི་བཟླས་པ་ཡིན་ཏེ། བསམ་པ་ཙམ་ཞེས་པ་ནི་མྱུར་བའི་དོན་ལ་
ཕུལ་བྱུང་གི་ཚིག་གམ་རྣལ་འབྱོར་ཤིན་དུ་གོམས་པ་རྣམས་ཀྱི་ལས་ལ་སྦྱོར་བའི་ཚེ། བསམ་
པ་ཙམ་གྱིས་འགྲུབ་པའི་དོན་ཡང་ཡིན་ནོ། །རྣལ་འབྱོར་མ་མཆོག་ནི་རིགས་ལྔའི་མཁའ་འགྲོ་
རྣམས་ཏེ། དེ་རྣམས་ཀྱི་ཐུགས་རྒྱུད་བསྐུལ་བས་གྲུབ་པ་སྟེར་བར་འགྱུར་རོ། །མཁའ་འགྲོ་མ་
སྨོས་པས་དཔལ་ཧེ་རུ་ཀ་ཡང་ངོ༌། །དང་པོའི་ཡི་གེ་སོགས་ལ་ༀ་དང་ཧཱུཾ་གསལ་བར་བསྟན་
པས་བར་དུ་སོ་སོའི་ས་བོན་ནམ་མཚན་བཅུག་པ། ༀ་ཧྲིཿཧཱུཾ་ཞེས་པ་ལ་སོགས་པ་དེ་ཁོ་ན་ཉིད་
གཉིས་སྤེལ་བར་འདོད་པའང་ཡོད་མོད་ཀྱི། མན་ངག་རྣམས་ལས་དངོས་པོ་ཞེས་པའི་བརྡས་
གསལ་བྱེད་དང་དངོས་མེད་ཀྱི་བརྡས་དབྱངས་ཏེ། ཨའི་ངོ་བོར་གནས་པས་གསལ་བྱེད་ཉིད་
ཀྱང་མ་ཡིན་ལ། ཚེག་དྲག་དང་བཅས་པའི་དབྱངས་ཉིད་ཀྱང་མ་ཡིན་པས་ཨཱཿའོ། །དེས་ན་
སྔགས་འབྲུ་གསུམ་དུ་བཤད་པའི་ཕྱིར་དེ་ཉིད་གསུམ་སྤེལ་ངེས་པར་བྱ་དགོས་པར་བཞེད་པ་
ལགས་ཤིང༌། འདིའི་སྒྲུབ་པའི་ཐབས་ཇོ་བོ་ཆེན་པོ་ཨ་ཏི་ཤས་མཛད་པའི་རྒྱ་དཔེ་མཐོང་བ་
ལས་ནི། ༀ་ཨཱཿཧྲིཿཧཱུཾ་ཕཊ་སྭཱཧཱ་ཞེས་སོགས་དེ་ཉིད་ལྔ་སྤེལ་ཡང་མཛད་དེ། ལྷ་ཁྲོ་བོའི་སྔགས་
ཡིན་པའི་ཕྱིར་ཤིན་ཏུ་ལེགས་པར་ཡང་མངོན་ནོ། །དེ་ཉིད་གསུམ་སྤེལ་གྱི་ཚེ་ནི། མཚན་སྤེལ་
ཡང་རུང༌། ས་བོན་སྤེལ་ཡང་རུང༌། ས་བོན་ཡང་སློབ་དཔོན་སོ་སོའི་འདོད་ཚུལ་གྱིས་ༀ་ཧཱུཾ་
ཏྲཾ་ཧྲི་ཨ་དང༌། བྷྲུཾ་ཨཾ་ཛྲིཾ་ཁཾ་ཧཱུཾ་དང༌། ༀ་ཧཱུཾ་སྭཱ་ཨ་ཧཱ་ཞེས་པ་རྣམས་མཁའ་འགྲོ་ལྔ་ལ་ཅི་རིགས་
པར་ཡོད་ཅིང༌། དཔལ་ཧེ་རུ་ཀ་ལ་ཧྲཱིཿདང་ཧཱུཾ་ནི་ཀུན་དུ་གདམ་ངའོ། །དེ་ཡང་དཔེར་བརྗོད་
ན། ༀ་ཨཱཿཧྲིཿཧཱུཾ། ༀ་ཨཱཿཧཱུཾ་ཧཱུཾ། ༀ་ཨཱཿཤྲཱི་ཧེ་རུ་ཀ་ཧཱུཾ། ཞེས་པ་གཙོ་བོ་དང༌། ༀ་ཨཱཿསྭཱ་ཧཱུཾ། ༀ་
11-1-395


ཨཱཿཏཾ་ཧཱུཾ། ༀ་ཨཱཿཨཾ་ཧཱུཾ། ༀ་ཨཱར་རྣཌ་ཀི་ནི་ཧཱུཾ། ཞེས་པ་ནི་རིན་ཆེན་མཁའ་འགྲོ་མའི་སྔགས་
སོ། །མན་ངག་ལས་ནི་ཉིས་བསྡོམས་སུ་མཛད་ནས་ལྷ་མོ་རྣམས་ལ་ཡང་གཙོ་བོའི་ས་བོན་
གཅིག་ཐབས་དང་ཤེས་རབ་གཉིས་སུ་མེད་པའི་ཚུལ་གྱིས་སྤེལ་བ་ནི། གྲུབ་ཆེན་ཀུ་ཀུ་རཱི་པ་
ཉིད་ཀྱི་ཡང་དགོངས་པ་སྟེ། ༀ་ཨཱཿཧྲིཿཧཱུཾ། གཙོ་བོ་དང༌། མཁའ་འགྲོ་ལྔ་ལ། ༀ་བུདྡྷ་ཌཱ་ཀི་
ནཱི་ཨཱཿཧྲིཿཧཱུཾ། ཞེས་པ་ལ་སོགས་པ་བཟླའོ། །འདི་ལ་དབུགས་འབྱུང་རྔུབ་ཀྱི་ཚིག་གསུངས་པ་
ནི། འགོག་པའི་བཟླས་པ་དང་སྦྱར་ཏེ། རླུང་བཟུང་བའི་ཚེ་བཟླས་པ་ཉིད་ཅི་ནུས་བྱ་བ་ཡིན་
ལ། འབྱུང་རྔུབ་བྱེད་དགོས་པའི་ཚེ་ༀ་ཧཱུཾ་གཉིས་དང་སྤེལ་བ་ཡིན་ནོ། །གཉིས་པ་ནི། གནང་
བ་བག་ཡངས་ཀྱི་ཆེ་བ་དང༌། དོན་དངོས་བསྟན་པའོ། །དང་པོ་ནི། འདི་ལ་སོགས་ཏེ་ཐེག་པ་
བླ་ན་མེད་པ་འདིར་ནང་ལ་མཆོག་ཏུ་གཞོལ་བའི་ཚེ་རིམ་པ་གཉིས་ཀའམ། སྔགས་ལ་གཞོལ་
བ་དང༌། ནང་ལ་གཞོལ་བ་གང་ཡིན་ཀྱང་རུང་སྟེ། རྫོགས་པའི་རིམ་པའི་སྐབས་སུ་ནི། རྣལ་
འབྱོར་པ་འདི་ལ་ཁྲུས་དང་གཙང་སྦྲ་ལ་སོགས་པ་ལུས་ངག་གི་བརྟུལ་ཞུགས་གང་ཡང་མ་
བཤད་དེ། འཕྲེང་བ་བགྲང་འཕྲེང་དང༌། ངག་གི་བརྗོད་པ་དང་བཅས་པའི་སྔགས་བཟླས་
པ་དང༌། ཆ་ལུགས་སམ་མཚན་མ་དང་བཅས་པའི་བཟུང་བ་དང་ཕྱི་རོལ་གྱི་བསྲེག་བླུགས་
སྦྱིན་བསྲེག་གི་ནི་ལས་རྣམས་ཀྱང་ནི་དགོངས་པ་མ་ཡིན་ཏེ་དེ་དག་ནི་གཅིག་ནས་གཅིག་ཏུ་
བཟློག་པར་འགྱུར་བའི་ཕྱིར་ཞེས་གསུངས་པ་ནི། གཅིག་ནས་གཅིག་ཏུ་ཞེས་པ་གཅིག་དང་
གཅིག་ཏུ་སྟེ། རེ་རེ་བཞིན་སོ་སོར་བཟློག་པའི་དོན་ཏེ། བརྟུལ་ཞུགས་ནི་བརྟུལ་ཞུགས་ཀྱི་ནང་
དུ་བཟློག །སྦྱིན་བསྲེག་ནི་སྦྱིན་བསྲེག་གི་ནང་དུ་བཟློག་ཅེས་པའི་བར་རོ། །དེའི་དོན་ཡང་
ནང་དུ་ཉེས་པས་མ་གོས་པའི་སེམས་ཀྱི་བརྟུལ་ཞུགས་ཐོབ་པ་ན། ལུས་ངག་གི་བྱ་བ་བླང་
དོར་མེད་པར་རྟོགས་ཏེ། ལུས་ངག་གི་བརྟུལ་ཞུགས་སེམས་ཀྱི་བརྟུལ་ཞུགས་ལ་རང་བཞིན་
གྱིས་ཐིམ་པ་ཡིན་ཏེ། ལུས་ངག་གི་བརྟུལ་ཞུགས་བསམ་པས་སྤངས་པ་ནི་མ་ཡིན་ནོ། །དེས་
11-1-396


མཚོན་ཏེ་སྔགས་རྣམས་ནི་རླུང་དབུ་མར་ཐིམ་པའི་སྒྲ་དང༌། ཆ་བྱད་རྣམས་ལུས་སྣང་སྟོང་དུ་
ཤར་བའི་ལྷ་སྐུ་དང༌། རྩོལ་བྱས་ཀྱི་དམིགས་པ་རྣམས་རྩོལ་མེད་ཀྱི་དམིགས་པ་དང༌། སྦྱིན་
བསྲེག་གི་ལས་རྣམས་འབར་འཛག་གི་སྦྱིན་བསྲེག་དུ་ཐིམ་ཞེས་བརྗོད་དོ། །བགྲང་འཕྲེང་
གསལ་བར་མ་བཤད་ཀྱང་བགྲང་འཕྲེང་གི་དེ་ཁོ་ན་ཉིད་དུ་ཐིམ་པར་བརྗོད་དོ། །གཉིས་པ་
ནི། སྔགས་དང་སོགས་ཏེ། དེ་ལ་གཞིའི་དུས་ན་སེམས་ཅན་རྣམས་ཀྱི་ངག་ནི་སྔགས་དང༌། 
ལུས་ནི་དབྱིབས་དང༌། སེམས་ནི་ཆོས་ཀྱི་བདག་ཉིད་དང་སྟེ། སྦྱོར་བ་ནི་དེ་རྣམས་ཀྱི་ལས་
སོ། །དེ་ལས་སྣང་མཆེད་ཐོབ་གསུམ་གྱི་ཡེ་ཤེས་རྣམ་པ་གསུམ་ཐིམ་རིམ་གྱིས་ནི་འཆི་སྲིད་
དང༌། ལུགས་བཟློག་གིས་སྐྱེ་སྲིད་མངོན་དུ་བྱེད་ན་ཡང་སྲིད་པའི་ཉེས་པས་སྔགས་དབྱིབས་
ཆོས་གསུམ་གྱི་རང་བཞིན་ལ་གོས་པར་མི་འགྱུར་རོ། །ལམ་ལ་སྦྱར་བ་ནི། བསྐྱེད་པའི་རིམ་
པ་ལྟར་ན་ངག་གི་ཞེན་པ་བཟློག་པའི་དོན་དུ་སྔགས་ཀྱི་བཟླས་པ་དང༌། ལུས་ཀྱི་ཞེན་པ་
བཟློག་པའི་དོན་དུ་བསྐྱེད་རིམ་ལྷའི་དབྱིབས་དང༌། སེམས་ཀྱི་ཞེན་པ་བཟློག་པའི་དོན་དུ་
ཆོས་རྣམས་ཀྱི་བདག་ཉིད་སྟོང་པ་ཉིད་བསྒོམ་པའི་སྦྱོར་བ་རྣམ་པ་གསུམ་པོ་གོམས་པར་བྱས་
ནས་དེ་ལས། ལས་དང་པོ་པ་དང༌། ཡེ་ཤེས་ཕེབས་པ་དང༌། ཡེ་ཤེས་ལ་དབང་བའི་ཡེ་ཤེས་
རྣམ་པ་གསུམ་ཐོབ་ཅིང༌། སྲིད་པའི་ཉེས་པས་མི་གོས་པ་སྟེ་དེ་སྦྱོང་བར་བྱེད་པའོ། །
རྫོགས་རིམ་ལ་སྦྱར་ན། རྩ་རླུང་ཐིག་ལེ་ལ་གནད་དུ་བསྣུན་པ་སྔགས་ཀྱི་རྣལ་འབྱོར་
དང༌། སྒྱུ་ལུས་དབྱིབས་ཀྱི་རྣལ་འབྱོར་དང༌། ལྟ་བ་དང་འོད་གསལ་གྱི་བདག་ཉིད་སྟོང་པ་
ནི་ཆོས་ཀྱི་རྣལ་འབྱོར་ཏེ་སྦྱོར་བ་རྣམ་པ་གསུམ་ནི། ལས་དང་ཡེ་ཤེས་དང༌། ཕྱག་རྒྱ་ཆེན་
པོའི་སྦྱོར་བའོ། །ཡེ་ཤེས་རྣམ་པ་གསུམ་ནི་སྣང་བ་དང༌། སྣང་བ་མཆེད་པ་དང༌། སྣང་བ་
ཉེ་བར་ཐོབ་པའི་རྟོགས་པ་སྟེ། གཙོ་བོར་སྦྱོར་བའི་ལམ་གྱི་བདག་ཉིད་དོ། །དེ་ལྟ་བུའི་ཡེ་
ཤེས་གསུམ་ཡོངས་སུ་སྐྱེས་པས་ནི། སྲིད་པའི་ཉེས་པ་སྟེ་ལས་ངན་པ་དག་གིས་གོས་པར་མི་
11-1-397


འགྱུར་རོ། །ཅིའི་ཕྱིར་མི་འགྱུར་ཞེ་ན། རང་བཞིན་བརྒྱད་བཅུའི་རྣམ་པར་རྟོག་པ་སྤོང་བ་ལ་
བར་མ་ཆད་དུ་ཞུགས་པའི་ཕྱིར་རོ། །དེ་ལྟར་ཡང་རིམ་ལྔ་ལས། འདི་ནི་སྔོན་ལས་རྣམ་སྨིན་
ཞེས། །རྨོངས་པ་རྣམས་ནི་མྱ་ངན་བྱེད། །རང་བཞིན་སྣང་བའི་ཚུལ་གྱིས་ནི། །དེ་ཉིད་ཤེས་
པས་གྲོལ་བར་འགྱུར། །ཞེས་སོ། འབྲས་བུ་ལ་སྦྱར་བ་ནི། སྔགས་ནི་གསུང་རྡོ་རྗེ་སྟེ་ལོངས་
སྐུ་དང༌། དབྱིབས་ནི་སྐུ་རྡོ་རྗེ་སྟེ་སྤྲུལ་སྐུ་དང༌། ཆོས་ནི་ཐུགས་རྡོ་རྗེ་སྟེ་ཆོས་སྐུའོ། །དེ་དག་
གང་ལས་འབྱུང་ཞེ་ན། སྦྱོར་བ་རྣམ་པ་གསུམ་སྟེ་རྩ་དང་རླུང་དང་ཁམས་ཀྱི་བགྲོད་པའམ་
དཀར་དམར་རླུང་གསུམ་གྱི་བགྲོད་པ་ཐིམ་པར་བྱེད་པའི་ཐབས་ཀྱིས་ཏེ། དེ་ལས་སྐྱེས་པའི་
སྣང་བ་གསུམ་གྱི་ཡེ་ཤེས་ཀྱིས་ཡང་དག་པའི་མཐའ་མངོན་དུ་བྱེད་དེ། དེས་ནི་སྲིད་པའི་ཉེས་
པ་སྒྲིབ་པ་རྣམས་སྤོང་བར་འགྱུར་རོ། །དེ་ལ་མངོན་པར་བྱང་ཆུབ་པ་དང་པོས་ནི། རང་བཞིན་
བརྒྱད་བཅུའི་རྣམ་རྟོག་སྤངས་ནས། མཐུན་པའི་སྐུ་གསུང་ཐུགས་རྡོ་རྗེ་མངོན་དུ་བྱེད་པ་ནི་
སློབ་པའི་ཟུང་འཇུག་གོ །རྩ་ཁམས་སོགས་ཀྱི་སྣང་བ་ཕྲ་མོ་ཐིམ་པ་ལས་མངོན་པར་བྱང་ཆུབ་
པ་ཕྱི་མས་ནི། ཉོན་མོངས་པའི་བག་ཆགས་དང་བཅས་པའི་ཤེས་བྱའི་སྒྲིབ་པ་མཐའ་དག་
བཅོམ་ནས་རྡོ་རྗེ་འཆང་ཉིད་དུ་འགྱུར་བའོ། །དེ་དག་ལས་དོན་གྱི་གཙོ་བོ་གང་ཞིག་བཟུང་ཞེ་
ན། སྤྱིར་གཞི་དུས་ཀྱི་དབྱིབས་ལ་ལམ་དུས་ཀྱི་དབྱིབས་ཀྱི་རྣལ་འབྱོར་བསྒོམས་པས་འབྲས་
དུས་ཀྱི་དབྱིབས་མངོན་དུ་བྱེད་པ་སོགས་གཞི་ལམ་འབྲས་བུའི་འབྲེལ་ཤེས་པར་བྱས་ནས་
གཙོ་བོར་བསྐྱེད་རིམ་དབྱིབས་ཀྱི་རྣལ་འབྱོར་བསྒོམས་པས་ལུས་ཀྱི་དྲི་མ་སྦྱོང་བའི་མགོ་
བརྩམས། རྫོགས་རིམ་སྔགས་ཀྱི་རྣལ་འབྱོར་བསྒོམས་པས་གཙོ་བོར་ངག་གི་དྲི་མ་སྦྱོང༌། 
ཐུན་མོང་དུ་ཆོས་ཀྱི་རྣལ་འབྱོར་གྱིས་གཙོ་བོར་སེམས་ཀྱི་དྲི་མ་སྦྱོང༌། མཐར་དྲི་མ་གསུམ་པོ་
ཅིག་ཅར་སྤངས་པ་ན་སྐུ་གསུམ་མངོན་དུ་བྱེད་པའོ། །དེ་ལ་སྔགས་ནི་རླུང་དག་པར་བྱེད་པ་
སྟེ། རླུང་གི་ལས་ཀུན་བྱེད་པ་ཡིན་པའི་ཕྱིར། དེ་ཉིད་ཐོག་མར་བརྗོད་དེ། བསྒོམ་པར་བྱ་བའི་
11-1-398


རྣལ་འབྱོར་གང་ལ་འདི་ཁོ་ན་གནད་དུ་ཆེ་བའི་ཕྱིར་རོ། །དབྱིབས་ཞེས་བྱ་བ་ནི་དཀྱིལ་འཁོར་
གྱི་འཁོར་ལོའི་རྣམ་པ་སྟེ། དོན་དམ་པའི་དཀྱིལ་འཁོར་གྱི་འཁོར་ལོ་བསྒོམ་པར་བྱ་བའི་ཕྱིར་
ཀུན་རྫོབ་ཀྱི་དཀྱིལ་འཁོར་འཁོར་ལོ་བསྒོམ་པ་ཡང་དབྱིབས་སོ། །ཆོས་ཤེས་བྱ་བ་ནི་ཆོས་
རྣམས་ཀྱི་དེ་ཁོ་ན་ཉིད་དེ། དེ་ཉིད་བསྒོམ་པའི་ཕྱིར་རྣལ་འབྱོར་རོ། །འོ་ན་ཆོས་རྣམས་ཀྱི་རང་
བཞིན་སྟོང་པ་ཉིད་ཁོ་ན་ཡིན་ན་བདེ་བ་དང་གསལ་བ་བསྒོམ་པ་ཡང་ཆོས་ཀྱི་རྣལ་འབྱོར་
དུ་ཅིའི་ཕྱིར་བཞག་ཅེ་ན། སྟོང་པ་ཉིད་ཡིན་པ་ནི་བདེན་མོད། མེད་པར་དགག་པའི་མཚན་
ཉིད་ཅན་གྱི་སྟོང་པ་ཉིད་ནི་མ་ཡིན་ནོ། །སློབ་དཔོན་ཆེན་པོ་ཀུ་ཀུ་རཱི་པས་རྨོངས་པ་འགྲོལ་
བའི་བརྟག་པ་ཞེས་བྱ་བའི་སྒྲུབ་ཐབས་ལས། ཧེ་ཞེས་བྱ་བ་ནི་ཆོས་ཐམས་ཅད་རྒྱུ་དང་བྲལ་
བའོ། །ཧ་ཞེས་བྱ་བ་ནི་ཆོས་ཐམས་ཅད་འཕེལ་པ་དང་བྲི་བ་མེད་པའོ། །ཨེ་ཞེས་བྱ་བ་ནི་ཆོས་
ཐམས་ཅད་རྟོག་པ་ལས་རྣམ་པར་གྲོལ་བའོ། །རུ་ཞེས་བྱ་བ་ནི་ཆོས་ཐམས་ཅད་སྒྲ་བརྙན་དང་
འདྲ་བའོ། །ར་ཞེས་བྱ་བ་ནི་ཆོས་ཐམས་ཅད་དགའ་བ་དང་ལྡན་པའོ། །ཨུ་ཞེས་བྱ་བ་ནི་ཆོས་
ཐམས་ཅད་སྐྱེ་ཤི་དང་བྲལ་བའོ། །ཀཱ་ཞེས་བྱ་བ་ནི་ཆོས་ཐམས་ཅད་གང་ན་ཡང་མི་གནས་
པའོ། །ཀ་ཞེས་བྱ་བ་ནི་ཆོས་ཐམས་ཅད་བདེ་བ་དང་ལྡན་པའོ། །ཨ་ཞེས་བྱ་བ་ནི་ཆོས་ཐམས་
ཅད་སྐྱེ་བ་མེད་པའི་སྒྲའོ། །ཞེས་བྱ་བ་འདིས་སྟོང་པ་ཉིད་དུ་སྒོམ་པར་བྱས་ནས་ཞེས་གསུངས་
ཏེ། ཆོས་ཐམས་ཅད་ཀྱི་རང་བཞིན་ནི་དགའ་བ་དང་བདེ་བར་ལྡན་པར་བཤད་ལ། དེ་ཡང་
ངོ་བོ་ཐ་དད་པར་ལྡན་ན་ནི་རང་བཞིན་ལྡན་པར་མི་འགྱུར་བས་རང་བཞིན་ཉིད་དགའ་བདེ་
ཡིན་པའི་དོན་ཡིན་ལ། དེ་ཉིད་ཀྱང་སྐྱེ་འགག་གནས་གསུམ་དང་བྲལ་ཞིང༌། ཡུལ་དུས་གང་
ན་ཡང་མི་གནས་ལ། རྒྱུ་གང་གིས་ཀྱང་མ་བསྐྱེད་ཅིང༌། ཡང་དག་པ་མ་ཡིན་པའི་ཀུན་དུ་
རྟོག་པ་ལས་རྣམ་པར་གྲོལ་བ་ཡོན་ཏན་འཕེལ་བ་དང་སྐྱོན་བྲི་བ་མེད་པའི་མཚན་ཉིད་ཅན་
བྲག་ཆ་ལྟ་བུར་གཅིག་དང་དུ་མ་ལས་གྲོལ་བ་གདོད་མ་ནས་གང་ལས་ཀྱང་མ་སྐྱེས། གང་
11-1-399


གིས་ཀྱང་མ་བྱས་པས་འདུས་མ་བྱས་པ། འདི་ནི་སྟོང་པ་ཉིད་ཀྱང་ཡིན་ལ་ཡེ་ཤེས་ཀྱང་ཡིན་
ཏེ། ཡང་དག་པ་མ་ཡིན་པའི་ཀུན་དུ་རྟོག་པ་ནི་མ་ཡིན་ནོ། །ཀུན་དུ་རྟོག་པ་དེ་ཡང་གང་ཞེ་ན། 
རྣམ་པར་ཤེས་པའི་ཚོགས་བརྒྱད་དང༌། སེམས་ལས་བྱུང་བ་རྣམས་དང༌། དེ་དག་ལ་ཁམས་
གསུམ་དུ་སྣང་བའི་རྣམ་རིག་རྣམས་སོ། །དེ་ལྟར་ཡང་རྒྱལ་བ་མི་ཕམ་པས། ཡང་དག་མ་ཡིན་
ཀུན་རྟོག་ནི། །སེམས་དང་སེམས་བྱུང་ཁམས་གསུམ་པ། །ཞེས་སོ། །ཡེ་ཤེས་དེ་ཉིད་དེ་ལྟར་
ཡིན་པར་ནི། གྲུབ་པའི་སློབ་དཔོན་འགྲོ་བ་བཟང་པོ་ཞེས་བྱ་བས། རྒྱུད་འདིའི་ཐིག་ལེའི་རྣལ་
འབྱོར་གསལ་བར་བྱེད་པའི་ཕྱིར། མངོན་བརྗོད་བླ་མའི་རྒྱུད་ཀྱི་ཚིག་བསྡུས་ཏེ། དེ་ཁོ་ན་ཉིད་
ཀྱི་མན་ངག་མཛད་ལ། དེའི་འགྲེལ་པར་འདི་སྐད་ཅེས་གསུངས་ཏེ། བྱང་ཆུབ་ཅེས་བྱ་བ་རྣམ་
པར་མི་རྟོག་པའི་ཡེ་ཤེས་སོ། །སེམས་དཔའ་ནི་དགོངས་པ་གང་ཡིན་པ་དེ་ལ་དེ་སྐད་ཅེས་
བྱའོ། །
དེ་སྐད་དུ། གཟུང་དང་འཛིན་པའི་མཚན་ཉིད་ལ། །བྱང་ཆུབ་ཅེས་བྱ་འགའ་ཡང་མེད། །
རྟོག་པའི་ཤེས་པ་ལས་གྲོལ་བའི། །སེམས་ནི་བྱང་ཆུབ་ཡིན་ཞེས་བཤད། །ཅེས་བཤད་པའི་
ཕྱིར་རོ། །ཞེས་གསུངས་ཤིང༌། དེ་ཉིད་ཆོས་ཀྱི་དབྱིངས་ཀྱི་ཡེ་ཤེས་ཞེས་བྱ་བ་ཆོས་ཀྱི་དབྱིངས་
ཀྱང་ཡིན་ལ། ཡེ་ཤེས་ཀྱང་ཡིན་པའི་དོན་ཏེ། དེ་ཉིད་ལས་ཇི་ལྟར་གཉིས་སུ་མེད་པར་ཉེ་བར་
འགྲོ་བ་ཡིན་ཞེ་ན། ཅུང་ཟད་ཙམ་ཡང་མི་གསལ་བ་མ་ཡིན་གྱི་རྟོག་པ་མེད་པ་ལས་གསལ་
བར་འགྱུར་བ་ཡིན་ཏེ། དེ་ལྟ་བུར་གྱུར་པའི་བཅོམ་ལྡན་འདས་ཆོས་ཀྱི་དབྱིངས་ཀྱི་ཡེ་ཤེས་
དེ་ལ་ཕྱག་འཚལ་ལོ། །ཞེས་བྱ་བར་སྦྱར་རོ། །ཆོས་ཀྱི་དབྱིངས་དེ་ལ་ཕྱག་བཙལ་ནས་ཞེས་
གསུངས་ཏེ། དེའི་ཅུང་ཟད་ཙམ་ཡང་མི་གསལ་བ་ནི་མེད་དགག་གི་དོན་ཡིན་ལ། གདོད་མ་
ནས་རྙོག་པ་མེད་པ་གསལ་བར་མངོན་དུ་འགྱུར་བར་ཡང་བཤད་དོ། །ཡེ་ཤེས་དེ་ཡང་འབྲས་
བུའི་དུས་ཁོ་ནའོ་སྙམ་ན་མ་ཡིན་ཏེ། དེ་ཉིད་ལས། དེ་བཞིན་གཤེགས་པ་དེ་དག་ཐམས་
11-1-400


ཅད་ནི་ཡེ་ཤེས་དེ་ལས་སྐྱེས་པ་ཡིན་ལ། རྒྱལ་བ་མཆོག་གཅིག་པུ་དེ་ལས་འཁྲུངས་པར་མ་
ཟད་ཀྱི། ཁམས་གསུམ་པོ་ཡང་དེ་ལས་སྐྱེས་པ་ཡིན་ཏེ། ཁམས་གསུམ་པོ་བསྐྱེད་པའི་རྒྱུ་ནི། 
ཁམས་གསུམ་མ་ལུས་པ་ཡེ་ཤེས་ཀྱི་བྱེད་པ་ཅན་ནོ་ཞེས་བྱ་བའི་དོན་ནོ། །ཞེས་གསུངས་པས་
འབྲས་དུས་ཀྱི་ཡེ་ཤེས་ལས་ཁམས་གསུམ་པོ་ཇི་ལྟར་སྐྱེ། དེའི་ཕྱིར་གཞི་དངོས་པོའི་གནས་
ལུགས་ཙམ་མོ། །
གསུམ་པ་ནི། དེ་ལྟར་སོགས་ཏེ། བསྐྱེད་པའི་རིམ་པ་དང༌། རྫོགས་པའི་རིམ་པའི་རྣལ་
འབྱོར་གསུམ་པོ་དག་ལ་སོ་སོར་གོམས་པ་བརྟན་པའི་དུས་དང་དབང་པོ་དམན་པའི་རབ་ཀྱི་
སྨྱོན་པའི་སྤྱོད་པ་དང༌། ཀུན་བཟང་དང༌། ཕྱོགས་ལས་རྣམ་རྒྱལ་གྱི་སྤྱོད་པ་རྣམས་སོ་སོར་ཇི་
ཙམ་དུ་སྤྱོད་པའི་དུས་ནི། ཐམས་ཅད་ཀྱང་ཐུན་མོང་དུ་བསྟན་པ་ཟླ་བ་དྲུག་དྲུག་སྟེ། །དེ་ལྟར་
རྣལ་འབྱོར་པས་བར་མ་ཆད་པར་རྒྱུན་ཏུ་རྟག་ཏུ་གོམས་པར་བྱས་པ་ཉིད་ཀྱིས་ནི། དཔལ་རྡོ་
རྗེ་སེམས་དཔའ་དང་མཉམ་པའི་གོ་འཕང་ཡང་ཟླ་བ་དྲུག་གིས་ངེས་པར་འགྲུབ་པར་འགྱུར་
རོ། །འདི་ལ་ཕྱོགས་ལས་རྣམ་རྒྱལ་གྱི་སྤྱོད་པ་ལ་རྡོ་རྗེ་སེམས་དཔའི་གོ་འཕང་དང་མཉམ་
པ་ཡང་སྒྲ་ཇི་བཞིན་པ་ཡིན་ལ། གཞན་རྣམས་ལ་མཉམ་པ་ནི་འདྲ་བའི་དོན་ཏེ། ཕྱོགས་འདྲ་
ལ་དགོངས་པའོ། །དེ་ཉིད་བསྐྱེད་རིམ་བརྟན་པ་ཙམ་ལ་ཡང་ཡོད་པའི་ཕྱིར། ལྷག་མ་གཞན་
རྣམས་ལ་ལྟ་སྨོས་ཀྱང་ཅི་དགོས། དབང་པོ་རབ་འབྲིང་དག་ལ་ནི། སྤྱོད་པའི་དུས་ཟླ་བ་ཕྱེད་
དང༌། ཟླ་བ་གཅིག་གམ། ཕྱོགས་གསུམ་སོགས་ཀྱང་གསུངས་ཤིང༌། དབང་པོ་དམན་པའི་
འབྲིང་དང་ཐ་མས་ནི་སྤྱོད་པ་ལན་གཉིས་སམ་གསུམ་ཙམ་དགོས་ཤིང༌། རིམ་གཉིས་ཀྱི་རྣལ་
འབྱོར་བརྟན་པར་བྱེད་པ་ལ་ཡང་དེས་རིགས་འདྲེའོ། །
བཞི་པ་ལ་གོ་ཆ་སོ་སོའི་ལས་ཚོགས་དང༌། ཕྱོགས་ཅིག་ཏུ་སྒོམ་པའི་ཕན་ཡོན་བསྟན་
པའོ། །དང་པོ་ནི། དབང་པོའི་མདོག་དང་ཡང་དག་ལྡན། ཞེས་པ་ནས། ཁྲག་འགུགས་པ་ཡི་
11-1-401


དམ་པའོ། །ཞེས་པའི་བར་ཏེ། འདི་དག་ལ་སྒྲ་ཇི་བཞིན་པ་དང༌། ཇི་བཞིན་མ་ཡིན་པའི་དོན་
གཉིས་ལས། དོན་གྱི་གཙོ་བོ་ནི་དང་པོ་ཡིན་ནོ། །དེ་ཡང་དབང་པོ་རྣོན་པོས་ལྷ་ལྔའི་དཀྱིལ་
འཁོར་གོ་ཆའི་ཡི་གེ་དང་བཅས་པ་རྣམས་ལ་གསལ་སྣང་བརྟན་པོར་ཐོབ་པ་ཙམ་གྱིས་ཕྱིས་
ལས་ལ་སྦྱར་བས་འགྲུབ་ཅིང༌། དབང་པོ་དམན་པས་ནི་གསལ་སྣང་དེ་ཐོབ་པར་མ་ཟད་རྩ་
བའི་བསྙེན་པ་ཚད་དང་ལྡན་པར་སོང་ཞིང་སྒྲུབ་པའི་དོན་དུ་འབུམ་ཡང་བཟླས་ལ། གོ་ཆའི་
སྔགས་ཀྱི་ཡིག་འབྲུ་རྣམས་ཉིད་ལ་ཡང་བསྙེན་པ་འབུམ་དང༌། སྒྲུབ་པ་ཁྲི་བྱས་ན་ཕྱིས་ལས་
ལ་སྦྱར་བས་གདོན་མི་ཟ་བར་འགྲུབ་སྟེ། སོ་སོའི་སྔགས་དམིགས་གསལ་ཅན་རྣམས་ཀྱང་
འབུམ་མམ་ཁྲིར་བཟླ་དགོས་པར་མངོན་ཞིང༌། ཁྱད་པར་ལྷ་ཆེན་པོ་རྣམས་དབང་དུ་བྱེད་པ་
དང༌། གོང་བུ་དགུག་པ་ནི་དངོས་གྲུབ་དང་ཕྱོགས་མཐུན་པ་ཡིན་པའི་ཕྱིར། ལྷའི་སྣང་བ་
ཡང་ཐོབ་དགོས་པར་མངོན་ལ། ཇི་སྐད་དུ། རྡོ་རྗེའི་ཤིང་ལ་དགུག་པ་ཉིད། །གཡོ་བྱས་རྩ་
ལ་རེངས་བྱེད་ཉིད། །ཅེས་དང༌། དབང་ནི་མེ་ཏོག་རབ་ཏུ་གྲགས། །ཞེས་གསུངས་པ་ལྟར་
དང་པོ་ཉམས་སད་པར་བྱ་བའི་ཕྱིར། མེ་ཏོག་ལ་སྦྱར་ན་མེ་ཏོག་ཕ་རོལ་ཏུ་ཁ་བལྟས་པ་ཡང་
ཚུར་ལ་བལྟ་བ་དང༌། ཤྲཱི་ཁནྡྷའི་ཤིང་ལས་ལོ་མ་དགུག་པས་ཁུ་ཁྲག་དགུག་པའི་ནུས་པ་ཐོབ་
པར་ཤེས་མོད་ཀྱི། ལྷ་དང་མི་བསོད་ནམས་ཀྱི་མཐུ་དང་ལྡན་པའི་ཕྱིར་སླར་ཡང་སྒྲུབ་པ་ཟླ་
བ་དྲུག་བསྐྱར་བས་ལས་ལ་སྦྱོར་དགོས་སོ། །ཞེས་པ་མན་ངག་གོ་ཞེས་བླ་མ་གོང་མ་རྣམས་
གསུངས་ཏཻ་ལེགས་པར་ཡང་མངོན་ནོ། །དེ་ལ་དབང་པོའི་མདོག་ཅེས་བྱ་བ་ནི་རྡོ་རྗེ་མཁའ་
འགྲོའི་འགྱུར་ལྟར་ན་དབང་སྔོན་དུ་མཛད་ལ། གཞན་ནི་དམར་པོ་སྟེ། དབང་དགུག་གི་ལས་
ཡིན་པས་སོ། །དེ་ནང་དབང་པོ་ནི་ཨིནྡྲ་གོ་བ་སྟེ། ལྷམ་བུ་ཆུ་ཤེར་ཞེས་བྱ་བའི་སྲོག་ཆགས་
ཤིན་ཏུ་མདོག་དམར་བ་ཞིག་གི་མིང་ངོ༌། །དེ་ལྟ་བུའི་མདོག་དང་ཡང་དག་པར་ལྡན་པའི་ཧེ་
རུ་ཀར་བདག་ཉིད་སྒོམ་སྟེ། མགྲིན་པར་དང་པོའི་ཡི་གེ་ཨ་ཐུང་དམར་པོ་བསམ་པར་བྱས་
11-1-402


ཏེ། རང་གི་རིག་པ་སྟེ། རང་སྣང་བ་ལས་བྱུང་པའི་ལྷ་མོས་སངས་རྒྱས་མཁའ་འགྲོ་མ་དང༌། 
རབ་ཏུ་མཉམ་པར་སྦྱར་བར་བསྒོམས་ཏེ། རྗེས་ཆགས་ཀྱིས་ཡོངས་སུ་བསྐུལ་བས་ཡབ་ཡུམ་
གཉིས་ཀའི་མགྲིན་པའི་ཨ་ལས་འོད་ཟེར་དམར་པོ་འཕྲོས། སྦྱོར་མཚམས་ནས་སྤྲོས་ཏེ་སྒྲུབ་
བྱ་ཡོངས་སུ་བཀུག་པར་བསམས་ན། དེའི་མོད་ལ་སྒྲུབ་བྱ་དེ་ཉིད་མྱུར་དུ་ཁུག་པར་འགྱུར་
ཏེ། སྔགས་ཀྱིས་ཁྱད་པར་ནི། ཙ་ལ་ཡ་པཱ་ད་ཙ་ལ་ནེ་ཨ་ཀཪྵ་ཡ། ཞེས་བསྐུལ་ཚིག་དང་
བཅས་པས་སོ། །གོ་ཆ་གཉིས་པའི་ལས་ནི་བསྐྱེད་གཞི་སྔ་མ་དང་འདྲ་བ་ལས་རྣ་བ་གཉིས་སུ་
ཡི་གེ་གཉིས་པ་སྟེ་ཨཱ་རིང་པོ་དང་ལྡན་པར་བསྒོམས་ལ། དེ་ལས་འོད་ཟེར་སྤྲོས་ཏེ། སྒྲུབ་བྱ་
གང་ཡིན་པ་ཞགས་པས་བཅིངས་ཤིང་ལྕགས་ཀྱུས་སྙིང་ཁར་བཏབ་ནས། མེ་རླུང་གི་དཀྱིལ་
འཁོར་གྱི་སྟེང་དུ་སྐྱོན་ཏེ་དྲངས་པར་བསམས་ཞིང་རྣམ་པར་སྒོམ་པར་བྱས་ན་ས་གསུམ་པོ་
མཁའ་སྤྱོད་ས་སྟེང་ས་འོག་ན་གནས་པའི་མི་དང་མི་མ་ཡིན་གང་ཡིན་ཀྱང་རུང་སྟེ། དེ་རྣམས་
མ་ལུས་པ་ནི་སྔགས་པ་དེ་ཡིས་ཐམས་ཅད་དབང་དུ་འགྱུར་རོ། །དེ་ལ་འོད་ཟེར་རམ་བདུད་
རྩིས་ལུས་འགེངས་པའི་དམིགས་པ་ཡང་དགོས་སོ། །སྔགས་ནི་ཆེ་གེ་མོ་ཝ་ཤ་མ་ན་ཡ་ཧོ། 
ཙིཏྟ་ཨ་ཀཪྵ་ཡ་ཛཿ ཆེ་གེ་མོ་ཧྲི་ཧཱུཾ་ཨ། ཆེ་གེ་མོ་ཧྲི་ཧཱུཾ་ཡཾ། ཞེས་བཟླའོ། །གོ་ཆ་གསུམ་པ་ༀ་གྱི་
ལས་ཚོགས་ནི་གཉིས་ཏེ། ལྷ་ཆེན་པོ་དགུག་པ་དང༌། གོང་བུ་དགུག་པའོ། །དང་པོ་ནི། མཚན་
མ་གཅིག་པའི་དྲུང་དུ་ཤ་ཆང་དང་གུ་གུལ་གྱིས་བདུག་པ་དང༌། ཁྲག་གི་དཀྱིལ་འཁོར་བྱས་
ལ། ༀ་ཙ་མུཎྜི་རྡཱུམྨ་ཀེ་ཤི་བིཏྱུ་ཛྫི་ཧེ། ཧ་ན་ཧ་ན། པ་ཙ་པ་ཙ། ཆེ་གེ་མོ་ཨཱ་ན་ཡ་སྭཱཧཱ། ཞེས་
ཁྲག་གི་ཨརྒྷཾ་དང་བཅས་པས་ཉིན་མཚན་བདུན་ནམ་ཉི་ཤུ་རྩ་གཅིག་ཏུ་ཙ་མུཎྜི་སྒྲུབ་པར་
བྱའོ། །གྲུབ་ནས་བཀའ་བསྒོ་སྟེ། གཞི་གོང་དང་འདྲ་བ་ལས། མིག་གཉིས་ལ་ༀ་དམར་པོ་
བསྒོམ་སྟེ་དེ་ལས་འོད་ཟེར་སྤྲོས་ནས། ཙ་མུཎྜི་ལ་ཕོག་པས་དེ་དབང་དུ་གྱུར་ནས་བཀའ་ནོད་
པ་ལ་བཀའ་བསྒོས་པས། འོད་ཟེར་གྱི་སྣེ་ལ་དེ་སོང་ནས་སྒྲུབ་བྱ་བཀུག་པར་བསམས་ལ། 
11-1-403


སྙིང་པོའི་མཐར་གོང་གི་སྔགས་བརྟགས་པས་ཚངས་པ་དང༌། ཁྱབ་འཇུག་དང༌། དབང་པོ་
སྟེ་བརྒྱ་བྱིན་དང༌། དེ་བཞིན་དུ་དབང་པོ་གཉིས་པ་ནི། དབང་ཕྱུག་ཆེན་པོ་སྟེ་དེ་དང༌། འདོད་
པའི་དབང་ཕྱུག་སྟེ་བདུད་དང༌། གཞན་ཡང་ལྷ་ཆེན་པོ་དེ་དག་ཆུང་མར་བཅས་པའང་བཀུག་
སྟེ། བདག་གི་མངག་གཞུག་ཏུ་བྱེད་པའོ། །འདི་དང་གོང་བུ་དགུག་པ་ལ། རྐང་པ་གཡོན་
དང༌། རྡོ་ལེབ་ལ་རི་རབ། ཟུར་བཞིར་ཧྲིཿ དབུས་སུ་སྔགས་དང་བཅས་པ་རྒྱ་ཚོས་ཀྱི་བྲིས་
ནས། རྡོ་ལེབ་རྐང་པས་མནན་ནས་བཟླས་པས་འགྲུབ་བོ། །སྒྲུབ་པ་པོ་བསོད་ནམས་ཆུང་
ངུས་ཀྱང་དེ་རྣམས་ཀྱི་འཁོར་དུ་གྱུར་པའི་ལྷ་ཕོ་མོ་དགུག་པར་ནུས་སོ། །ཡེ་ཤེས་ཡི་གེ་ཞེས་
བྱ་བ་ནི། ༀ་ཡིག་སྟེ་ཡེ་ཤེས་ལྔའི་བདག་ཉིད་ཡིན་པའི་ཕྱིར་རོ། །ཞེས་བླ་མ་རྣམས་གསུང་ངོ༌། །
དེས་བསྐུལ་བྱས་ནས་ཞེས་པ་ནི། ཙ་མུཎྜི་བསྐུལ་བའོ། །གཉིས་པ་ནི། ༀ་གྱི་ཡི་གེ་ལས་བྱུང་
བའི་ཧེ་རུ་ཀའི་ཆ་བྱད་དུ་བདག་ཉིད་བསམ་ལ། མིག་ལ་ༀ་དགོད་དོ། །གནས་དང་དམ་རྫས་
གོང་བཞིན་ལས་ནག་པོ་ཆེན་པོ་བསྒྲུབ་སྟེ། ༀ་ན་མཿ ཤྨ་ཤ་ན་ཝཱ་སི་ནི་མཧཱ་ཀཱ་ལ་ཨ་ནུ་ཙ་རཱ་
ཡ། ཏདྱ་ཐཱ། ༀ་ཙ་ལ་པྲ་ཙ་ལ། ལ་ལ་ལཱ་ལ་ཡ། དེ་བ་ལིངྒ་སྭཱཧཱ། ཞེས་བཟླའོ། །ༀ་གྱི་འོད་
ཟེར་གྱིས་ནག་པོ་ཆེན་པོ་དབང་དུ་བྱས་པར་བསམ་མོ། །
དེ་ནས་ལས་ལ་སྦྱར་བ་ནི། ༀ་གྱི་འོད་ཟེར་མིག་འབྲས་གཉིས་དང་གནས་གསུམ་ནས་
སྤྲོས་ནས་ནག་པོ་ཆེན་པོ་བསྐུལ། འོད་ཟེར་གསུམ་པོ་སྒྲུབ་བྱའམ་མི་རོའི་གནས་གསུམ་དུ་
ཕོག །ནག་པོ་ཆེན་པོས་ཞགས་པ་དང་ལྕགས་ཀྱུ་བཏབ་ཅིང༌། མེ་རླུང་གི་སྦྱོར་བ་དང་བཅས་
པས་སྔགས་ཀྱི་ནང་དུ་སྤེལ་ཚིག་ཆུག་པར་བྱས་ཏེ་བཟླས་ན་ཞག་བདུན་ལ་སོགས་པས། དམ་
རྫས་ཀྱི་བམ་ཆེན་དངོས་སུ་དགུག་པའམ། སྐྱེས་པའམ། བུད་མེད་སོགས་ནམ་མཁའི་ལམ་
ལས་འགུག་པར་འགྱུར་རོ། །དེ་ཡང་རྐང་པ་དགུག་པ་ནི་རྐང་པས་འོང་བ་ཡིན་ལ། གོང་བུ་
དགུག་པ་ནི། ནམ་མཁའ་ལས་འོང་བའོ། །སྐུ་གསུང་ཐུགས་ལ་ལེགས་གནས་པ། ཞེས་པའི་
11-1-404


དོན་ནི་དཔྲལ་མགྲིན་སྙིང་ག་གསུམ་ནས་འོད་ཟེར་སྤྲོ་ཞིང༌། སྒྲུབ་བྱའི་དཔྲལ་མགྲིན་སྙིང་ག་
གསུམ་ནས་འགུག་པའི་དོན་ཡིན་ལ། སྦྱོར་བ་རྣམ་པ་གསུམ་ནི་འོད་ཟེར་སྤྲོ་ཞིང་ལྷ་བསྐུལ་བ་
དང༌། མེ་རླུང་གི་སྦྱོར་བ་དང༌། ཞགས་པ་ལྕགས་ཀྱུའི་སྦྱོར་བ་སྟེ། དེ་རྣམས་བསྒོམ་པར་བྱས་
ན། གོང་བུ་འགུགས་པའི་ཐབས་དམ་པ་ཡིན་ནོ། །
འཆད་འགྱུར་གསུམ་པོ་འདི་ལ། འཁོར་ལོ་རྒྱ་གྲམ་བསྣོལ་མ་ལ་དབུས་སུ་ཧ། ཤར་
སོགས་གཡོན་བསྐོར་གྱི་ཧེ་ཧོ་ཧཱུཾ་ཧཾ་མགོ་ནང་དུ་བསྟན་པ་བྲི་སྟེ། རྫས་མཐུན་བསྲེས་པའི་
ས་ཡིས་མདོག་མཐུན་གྱིས་ཐོད་པ་ལ་བྲིས་པ་སྟེང་དུ་བཞག་གོ །དེ་ལ་གོ་ཆ་བཞི་པའི་ལས་
ནི། ཡི་གེ་ཁེ་ལས་ཡང་དག་པར་བྱུང་པའི་ཧེ་རུ་ཀ་སྐུ་མདོག་དཀར་པོ་ཕྱག་བཞི་པ། རྡོ་རྗེ་
དང་དྲིལ་བུ་དང༌། རྩེ་གསུམ་དང༌། ཐོད་པ་འཛིན་པ་བསྒོམ་སྟེ། ལག་ན་ཐོད་པ་ཆགས་པའི་
བདག་ཉིད་ཅེས་པ་ནི་གཡོན་གྱི་ཐ་མ་བསྟན་པ་ཡིན་ནོ། །སྣ་ལ་ཡི་གེ་ཁ་དང་ཡང་དག་པར་
ལྡན་པར་བསྒོམས་ལ། དེའི་འོད་ཟེར་བུད་མེད་དང་སྐྱེས་པའི་བྱེ་བྲག་གིས་ཡབ་ཡུམ་གྱི་རྡོ་རྗེ་
དང་པདྨའི་སྣ་རྩེ་ནས་སྤྲོས་ཏེ་སྒྲུབ་བྱའི་རྩ་ཁ་ཁ་མུ་ཁའམ། ན་རན་སི་ཀ་ནས་ཞུགས། ལྟེ་བའི་
དཀྱིལ་འཁོར་ཡང་ཕུག་སྟེ། སྤྱི་བོ་ནས་བྱང་ཆུབ་ཀྱི་སེམས་འོད་ཟེར་གྱི་སྦུ་གུས་དྲངས་པར་
བསམ་ལ། མདུན་དུ་བཞག་པའི་ཐོད་པའི་ནང་དུ་འབབ་པར་བསྒོམས་ཏེ། ༀ་ཨཱཿཀོདྷྲི་ཎི་ཨ་
ཀཪྵ་ཎི། གཽ་རི་ཛཱཿཧྲིཿདུཥྚ་སྱ་དུཥྚ་ཡ། ཤུ་ཀྲ་མཱ་ཀཪྵ་ཡ། ཛཿཛཿཛཿཧཱུཾ་སྭཱཧཱ། ཞེས་བཟླས་པས་
གཞན་གྱི་ལུས་ལས་ཁུ་བ་འགུགས་པའི་ཐབས་མཆོག་ཡིན་ནོ། །སཾ་པུ་ཊི་ལས་ནི་འདི་ལ་ཡང་
ཞལ་བཞི་བཤད་ཅིང༌། རྡོ་རྗེ་མཁའ་འགྲོ་ལས་ཀྱང་ངོ༌། དེའི་ཁ་དོག་ནི་གཡོན་སྐོར་གྱི་དཀར་
དམར་སེར་ནག་གོ །གོ་ཆ་ལྔ་པའི་ལས་ནི་རོ་{ས་[སྐྲ་]བཏིང་བའི་སྟེང་དུ། རྫ་མཁན་གྱི་ལག་
པ་ཕྱིས་པའི་ས་ལས་རྫ་བུམ་བྱས་པ་བཞག་ལ། ཡི་གེ་ཙི་ལས་ཡང་དག་པར་བྱུང་བ་རང་ཉིད་
ཧེ་རུ་ཀ་ཁ་དོག་སེར་པོ་ཀུན་དུ་འོང་དེ་སྣ་ཚོགས་འཕྲོ་བ། རྩ་ཞལ་རྟ་ཡི་གདོང་གི་ཚུལ་བྱས་ན་
11-1-405


སྟེ། རྟ་གདོང་དང་ཞལ་བཞིའི་མདོག་ནི་གཡས་བསྐོར་གྱིས་སེར་ནག་དམར་ལྗང་བ། ཕྱག་
བཞི་ན་རྡོ་རྗེ་ཐོད་ཁྲག་ལྕགས་ཀྱུ་ཞགས་པ་བསྣམས་པ། དཔྲལ་བར་ཡི་གེ་ཙི་དང་ཡང་དག་
པར་ལྡན་པ། དེ་ལས་འོད་ཟེར་སྦུབས་ཅན་སྤྲོས་ཏེ། གཞན་གྱི་ཆང་སྣོད་ལས་ཆང་དྲངས་ཏེ། 
མདུན་གྱི་བུམ་པའི་ནང་དུ་འབབ་པར་མོས་ལ། ༀ་གྷོ་ནེ་སུ་གྷོ་ནེ་བཛྲ་མཱ་མ་ཀཱི་བྷ་ར་བྷ་ར་སཾ་
བྷ་ར་སཾ་བྷ་ར། ཏྲཻ་དྷ་ཏུ་ཀ །མ་དྱ་ཨ་ཀཪྵ་ཡ་ཛཿ ཞེས་བཟླས་པ་ཆང་འགུགས་པའི་ཐབས་
དམ་པ་ཡིན་ནོ། །
དྲུག་པའི་ལས་ནི་ས་བོན་ར་ཡིག་ལས་སྐྱེས་ཤིང༌། སྐུ་མདོག་དམར་པོ་འོད་ཆེན་པོ་
འཕྲོ་བ་ཕྱག་གཞི་རྡོ་རྗེ་རལ་གྲི་ཁ་ཊྭཾ་ཐོད་པ་ཅན། ཞལ་བཞི་གཡས་བསྐོར་ཀྱིས་དམར་སེར་
དཀར་ནག་པ། རྩ་བའི་ཞལ་ལྕེ་སྤྱང་གི་ཞལ་དུ་ལེགས་པར་གནས་པ། སྙིང་ཁར་ཡི་གེ་ར་
དང་ཡང་དག་པར་ལྡན་པ། ཁྲོ་བོའི་སེམས་ཀྱིས་ཡང་དག་པར་བསྒོམ་པར་བྱས་ནས། སྣ་རྩེ་
ནས་ཧཱུཾ་ལས་སྐྱེས་པའི་སྣ་ཚོགས་རྡོ་རྗེ་ཧཱུཾ་གིས་མཚན་པ་དང༌། སྙིང་ཁའི་ར་ལས་འོད་ཟེར་གྱི་
སྦུབས་སྤྲོས་ཏེ། བསྒྲུབ་བྱའི་རྩ་དང་ཡན་ལག་བྲལ་ནས་ཁྲག་དྲངས་ཏེ་མདུན་གྱི་ཐོད་པའི་
ནང་དུ་འབབ་པར་བསྒོམས་ལ། ༀ་བཛྲ་ཌཱ་ཀི་ནཱི་ཆེ་གེ་མོའི་རཀྟ་མཱ་ཀཪྵ་ཡ་ཧཱུཾ་ཕཊ། ཅེས་
བཟླས་པས་ཁྲག་འགུགས་པའི་མཆོག་ཡིན་ནོ། །འདི་གསུམ་ལ་རིམ་པས་ལྷ་མོ་གཱཽ་རི་དང༌། 
མཱ་མ་ཀཱི་དང་རྡོ་རྗེ་མཁའ་འགྲོ་མ་རྣམས་བསྐུལ་ནས་དགུགས་པར་བསམ་པ་དང༌། སྣོད་ཀྱི་
ནང་དུ་མཐུན་པའི་རྫས་ཅུང་ཟད་ཐོག་མ་ཉིད་ནས་ཡོད་པར་བྱའོ། །གཉིས་པ་ནི། མན་ངག་
ལས་འབྱུང་བ་ལྟར་ཆགས་ལམ་གྱི་ཡན་ལག་འགའ་ཞིག་སྟེ། ལས་ཚོགས་དང་པོ་ཐིག་ལེ་
བཟུང་བའི་ཐབས་གཙོ་ཆེ་བ་དང༌། གཉིས་པ་གསུམ་པ་འཛིན་འགྲེམས་གཉིས་ཀ་དང༌། བཞི་
པ་ནི་བཟུང་བཟློག་ཁྱབ་པ་གསུམ་ཀ་དང་ལྔ་པ་དཀར་པོ་འདྲེན་པ། དྲུག་པ་ཁྱབ་པར་བྱེད་པ། 
བདུན་པ་དམར་ཆ་འདྲེན་པ་སྟེ། མན་ངག་རེ་རེ་དང་ཚིགས་བཅད་རེ་སྦྱོར་བ་སྟེ། མར་རྔོག་གི་
11-1-406


མན་ངག་རྙིང་པ་རྣམས་དང༌། ཞལ་ལས་རྟོགས་པར་བྱའོ། །
གཉིས་པ་ནི། གོང་དུ་བཤད་པའི་ཡི་གེ་དྲུག་པོ་དེ་དག་བདག་ཉིད་དཔལ་ཧེ་རུ་ཀའི་སྐུར་
གསལ་བ་ལ་ཡང་དག་པར་ལྡན་པར་བྱ་སྟེ། མགྲིན་པ། རྣ་བ། མིག །སྣ། དཔྲལ་བ་སྙིང་ག་
རྣམས་སུ་ཆབས་གཅིག་ཏུ་བཀོད་པས། གནས་དྲུག་པོ་དེ་དག་ཏུ་ངེས་པར་སེམས་སྦྱོར་བས་
ནི། རྣལ་འབྱོར་པ་དེ་ལ་མཁའ་འགྲོ་མའི་ཚོགས་སྔགས་སྐྱེས་དང༌། ཞིང་སྐྱེས་དང༌། ལྷན་
སྐྱེས་ཀྱི་རྡོ་རྗེ་རྣལ་འབྱོར་མ་རྣམས་ཀྱིས་རྒྱུད་བྱིན་གྱིས་བརླབས་པའི་སྒོ་ནས་སམ་དངོས་སུ་
འགྲུབ་པར་འགྱུར་རོ། །དེ་དག་གི་འདུ་བ་དམ་པ་ཐོབ་ནས་ཀྱང་དངོས་གྲུབ་རྒྱ་ཆེན་པོ་སྩོལ་
བར་འགྱུར་རོ། །འདིར་མན་ངག་གཞན་ནི་ག་ཌྷཱ་ཞེས་བྱ་བའི་ཉའི་རུས་པ་ལ། གཱཽ་རི་ལ་སོགས་
པ་མཁའ་འགྲོ་མ་གང་ཡང་རུང་བའི་གཟུགས་བྲིའོ། དེ་ཉིད་བསྐྱེད་ཅིང་སྤྱན་དྲངས་ལ་སྡིགས་
མཛུབ་གཉིས་ཀྱི་མཐེའུ་ཆུང་སྦྲེལ་ཞིང་རྩེ་མོ་སྤྲད་པ་དཔྲལ་བར་བཟློག་པ་ནི་ཧེ་རུ་ཀའི་ཕྱག་
རྒྱ་སྟེ་དེས་གནས་ལ་ཕབ་ནས། གོ་ཆའི་སྔགས་ཀྱི་འོད་ཟེར་གྱིས་མཁའ་འགྲོ་མ་རྣམས་ཡང་
ནས་ཡང་དུ་དགུག་ཅིང་དབང་དུ་བྱས་པར་ཡང་མོས་ལ། ༀ་ཨ་ཨཱ་ཁེ་ཙི་རཾ་གཽ་རཱི་ཨཱ་ཀཪྵ་ཡ་
ཛཿཛཿཞེས་པ་ལ་སོགས་པས་དགུག་ཅིང༌། གོ་རཱི་ས་དྷ་ཡ་ས་དྷ་ཡ། ཞེས་པས་བསྒྲུབ་པར་
བྱའོ། །མངོན་སུམ་དུ་འོང་པ་ན་མཆོད་པས་མཆོད་དེ་གནད་ལ་ཕབ་པས་དངོས་གྲུབ་སྩོལ་
བར་འགྱུར་རོ། །རྡོ་རྗེའི་ཚིག་འདིས་ནི་བསྐྱེད་རིམ་གྱི་ཚེ་གོ་ཆ་བཅིང་བ་གསལ་བར་བསྟན་
པའོ། །
འདིར་མན་ངག་གསུང་སྒྲོས་གཞན་ལས་ནི། གོ་ཆའི་ཡི་གེ་འདི་དག རྒྱུད་འདིར་བསྡུས་
པར་དགོངས་པས་ཡི་གེ་ཉིད་དུ་གསུངས་པར་ཟད་ཀྱི་ངོ་བོ་ནི་དཔའ་བོ་དྲུག་ལྷ་མོ་དྲུག་དང་
བཅས་པའོ། །དེས་ན་འདིར་ཡང་ལས་ཚོགས་སྐབས་ལྟར་གསལ་ལ། རྡོ་རྗེ་མཁའ་འགྲོ་དང་
ཁ་སྦྱོར་ན་ཡང་གསལ་བ་དང༌། རྒྱུད་ཀུན་ལས་བཏུས་པར་ཡང་འབྱུང་ཞིང༌། སློབ་དཔོན་དྷརྨ་
11-1-407


པས་ཀྱང༌། ཐུང་ངུ་དག་ནི་རླུང་ཡིན་ཏེ། །འཇིག་རྟེན་དབང་ཕྱུག་མིག་སྨན་དང༌། །ཨ་ལས་
དག་པ་ནི་སྒྲ་ལས་བྱུང༌། །ཐོས་བྱེད་དག་པའི་ཤེས་དང་མཚུངས། །ཨཱཿ སྣ་ཚོགས་གཟུགས་
ཅན་མཐོང་བའི་ཡུལ། རྡོ་རྗེ་སྐུ་སྟེ་རྟག་པའོ། །{ཨོཾ[ཨཾ]་དབུགས་ནི་ནང་གི་བདེ་བ་སྟེ། ཁུ་
བའི་གཟུགས་ཅན་རྡོ་རྗེ་སེམས། ཁེ༴ ལུས་རབ་བདེ་བས་སེར་སྣ་ཡིན། །གསེར་མཚུངས་
གསེར་གྱི་རིགས་རྒྱལ་ལོ། །ཙཻ༴ ཐུགས་ནི་ཀུན་ལ་རྗེས་སུ་ཆགས། །ཕྱག་ན་རྡོ་རྗེ་འཆར་ཀའི་
འོད། །ར༴ ཞེས་གསུངས་ཏེ་རྒྱུ་མཚན་ནོ། །ལྔ་པ་ལ། སེང་གེ་རྣལ་རོལ་གྱི་སྦྱོར་བ་དང༌། རླུང་
འགགས་པ་ལས་ཡེ་ཤེས་སྐྱེ་ཚུལ་དང༌། གོང་བུའི་རྣལ་འབྱོར་བཤད་པ་སྟེ་གསུམ་ལས། དང་
པོ་ནི། མིག་གཉིས་དང་ནི་སོགས་ཏེ། འདི་ལ་ཕྱག་རྒྱ་སེང་གེ་རྣམ་རོལ་ཞེས་བྱ་བ་གོ་ཆའི་
ལྷ་རྣམས་མིག་གཉིས་དང་ནི་རྣ་བ་དང༌། དེ་བཞིན་དུ་སྣ་དང༌། ཡིད་དེ་སྙིང་ག་དང༌། གཞན་
གཉིས་ནི་དཔྲལ་བ་དང་མགྲིན་པ་རྣམས་སུ་ཡོངས་སུ་བཀོད་པས་སེང་གེ་ལྟར་བར་ཆད་གང་
གིས་ཀྱང་འཇིགས་པ་མེད་པས་རྣམ་པར་རོལ་བའི་ལྷ་སྐུ་ཕྱག་རྒྱ་ཆེན་པོ་སྟེ། དེའི་སྒོ་ནས་
རྣལ་འབྱོར་པས་ཕྱོགས་བཅིང་བ་སྟེ་བསྲུང་བ་བྱའོ། །དངོས་སུ་ནི་ཐུན་མཚམས་ཀྱི་བསྲུང་བ་
བསྟན་པ་ཡིན་ལ། སློབ་དཔོན་ཆེན་པོ་ཤནྟི་པས་ཚིག་འདིས་གོ་ཆ་དགོད་པའི་གནས་བསྟན་
པར་བཤད་པའི་དོན་ཡང་དེ་ཉིད་དོ། །བཟློག་པ་སེང་གེ་རྣམ་རོལ་ཞེས་བྱ་བ་མིག་གི་འོད་
ཟེར་ཉམས་པ་དང༌། རྣ་བའི་སྒྲ་ཞི་བ་དང༌། སྣའི་བར་ཀ་ཆད་པ་དང༌། ལྕེའི་རྩ་བར་ཐིག་
ནག་པོ་དང༌། ཡིད་གཉིས་ནི་སྙིང་ག་དང་སྤྱི་བོ་སྟེ། བྲང་གི་དྲ་བ་ཞོམ་པ་དང༌། སྤྱི་བོའི་དུད་
པ་ཡལ་བ་སྟེ་འཆི་ལྟས་དྲུག་པོ་དེ་དག་གང་ཤར་ཡང་དེ་རྣམས་སུ། རྡོ་རྗེ་གདན་བཞི་སོགས་
ལས་བཤད་པའི་ལྷ་མོའི་ས་བོན་དག་བསྒོམས་ནས་བུམ་པ་ཅན་ཡོངས་སུ་བཅིང་བར་བྱ་སྟེ། 
དེས་ནི་འཆི་བའི་འཇིགས་པ་མེད་པས་སེང་གེ་ལྟར་རྣམ་པར་རོལ་བར་འགྱུར་རོ། །རླུང་སེང་
གེ་རྣམ་པར་རོལ་པ་ནི། བུམ་པ་ཅན་བཙན་ཐབས་སུ་དགག་པའི་མན་ངག་ཡིན་ཏེ། མིག་
11-1-408


གཉིས་མཛུབ་མོ་དང༌། རྣ་བ་མཐེ་བོང་དང༌། སྣ་གུང་མོས་གཅེར་བ་དང༌། དངོས་སུ་མ་བཤད་
ཀྱང་དེ་བཞིན་ཞེས་པའི་ཚིག་ཟུར་གྱིས་མཆུ་སྲིན་ལག་དང༌། མཐེའུ་ཆུང་གི་བར་དུ་བསྡམ་པ་
བསྟན་ཞིང༌། ཡིད་གཉིས་ཞེས་པ་ནི་འོག་སྒོ་གཉིས་ཏེ། དེ་དག་རྐང་པའི་གནད་ཀྱིས་བཀག་
ལ། རྣལ་འབྱོར་པས་བུམ་པ་ཅན་བཅིང་བར་བྱ་སྟེ། རྣལ་འབྱོར་འདི་ནི་རླུང་ལས་རྣམ་པར་
རྒྱལ་བའི་སྟོབས་དང་ལྡན་པའི་ཕྱིར། སེང་གེ་རྣམ་པར་རོལ་པའི་ཕྱག་རྒྱ་ཞེས་བྱའོ། །འདིས་
ནི་སེང་གེ་རྣམ་པར་རོལ་ཞེས་བྱ་བའི་ལུས་སྦྱོངས་ཀྱིས་རླུང་དང་ཁམས་ཁྱབ་པར་བྱེད་པ་ཡང་
གསལ་བར་བསྟན་ནོ། །
གཉིས་པ་ནི། སྲོག་དང་རྩོལ་བ་བསྡམས་ནས་སུ། །ཞེས་པ་ནས། རྣལ་འབྱོར་གཉིས་
དང་ཡང་དག་ལྡན། །ཞེས་པའི་བར་ཏེ། །འདི་ལས་སྤྱི་དོན་གྱི་བཤད་པ་དང༌། སྦས་དོན་གྱི་
བཤད་པ་དང༌། མཐར་ཐུག་པའི་བཤད་པ་སྟེ་གསུམ་ལས། དང་པོ་ནི། བླ་མ་གོང་མ་རྣམས་
ཀྱི་མན་ངག་ལྟར་ན། རླུང་ཕྱིར་འགྲོ་བ་སྲོག་དང༌། ནང་དུ་འོང་བ་རྩོལ་བར་བཞེད་ལ། ནག་
པོ་པས་ནི་སྲོག་དང་རྩོལ་བ་ནི་རླུང་ངོ༌། །ཞེས་སྲོག་རྩོལ་བྱ་བ་རླུང་གི་རྣལ་འབྱོར་ཉིད་ཀྱི་མིང་
དུ་མཛད་ལ། སྲོག་རླུང་རྩོལ་བ་དང༌། འགོགས་པ་ཞེས་སེམས་འགྲེལ་སོགས་ལས་བཤད་
དེ། གང་ལྟར་སྦྱར་ཡང་གཙོ་བོའི་དོན་ལ་རུང་བ་ཁོ་ནའོ། །འདིར་ནི་བུམ་པ་ཅན་གྱི་སྦྱོར་བས་
དགག་པ་བསྟན་ཏེ། དེ་ལ་བླ་མ་གོང་མ་རྣམས་ཀྱི་མན་ངག་ནི། རླུང་ཕྱི་རོལ་དུ་འགྲོ་བའི་ཚེ། 
འགྲོ་བ་རྣམས་ལ་ཕན་གནོད་བྱེད་ཚུལ་བསམ་པ་དང༌། ནང་དུ་འོང་བ་ན་བདག་རང་ལའང་
བྱེད་ཚུལ་བསམ་པ་ནི། རླུང་གི་མཚན་ཉིད་རྗེས་སུ་དྲན་པ་དང༌། འགྲོ་འོང་གི་རེག་བྱ་བདེ་
བར་བསམ་པ་ནི། རླུང་བདེ་བའི་དམིགས་སུ་བསྒོམ་པ་དང༌། བཙན་ཐབས་དང༌། སྦྱོར་བའི་
བུམ་ཅན་བསྒོམ་པ་ནི། རླུང་དགག་པའི་སྦྱོར་བ་དང༌། བུམ་ཅན་རབ་འབྲིང་ཐ་མ་གསུམ་ནི་
ཁེགས་པའི་ཚད་དང༌། རྗེས་རླུང་མ་འཁྲུགས་པར་བྱེད་པ་ནི། རླུང་གི་རྗེས་འགྲོ་ཞེས་བྱ་བ་སྟེ། 
11-1-409


རླུང་གི་མན་ངག་རྣམ་པ་ལྔའོ། །དེས་ན་བུམ་པ་ཅན་གྱི་སྦྱོར་བས། སྲོག་དང་རྩོལ་བ་བསྡམས་
ཏེ། ལྷ་དང་ཡིག་འབྲུ་དང་སྟོང་པའི་རྣལ་འབྱོར་ལེགས་པར་བསྒོམས་ན་སྐད་ཅིག་དེ་ལ་སྟེ་
མྱུར་ཏུ་ཡེ་ཤེས་འབར་བར་འགྱུར་ལ། ཡེ་ཤེས་ཆེན་པོ་རང་གི་ལུས་ལ་གནས་ཤིང༌། སེམས་
ཀྱི་ངོ་བོ་ཉིད་ཡིན་པའི་ཕྱིར་འོག་མིན་གྱི་སྲིད་པའི་མཐར་ཐུག་པ་སྟེ། གཟུགས་མེད་ཁམས་ལ་
གནས་གཞན་མེད་པའི་དབང་དུ་བྱས་ནས་དམྱལ་བ་ནས་འོག་མིན་གྱི་བར་གྱི་གནས་རྣམས་
སུ་རྒྱུ་བ་ནི་འགྲོ་བའི་དོན་ཡིན་པས་འགྲོ་བ་རིགས་དྲུག་དང༌། མི་རྒྱུ་བ་སྲིད་པ་བར་མ་རྣམས་
ཏེ། སེམས་ཅན་གྱི་འཇིག་རྟེན་བདུན་པོ་དེ་དག་ཐམས་ཅད་དུ་ནི། དུས་རྟག་ཏུ་དེ་བཞིན་ཉིད་
ཀྱི་ཡེ་ཤེས་དེ་ཉིད་ལ་བསྒོམ་ཞིང་སེམས་པར་བྱེད་པ་ཡིན་ཀྱང་དེའི་གནས་ལུགས་རྟོགས་པ་
ནི་མ་ཡིན་ཏེ། གནས་ཚུལ་ལས་ཕྱིན་ཅི་ལོག་ཏུ་སེམས་པའི་རྒྱུ་མཚན་གྱིས་སོ། །དེ་ལྟར་ཡང་
བྲམ་ཟེ་ཆེན་པོས། ཁྱིམ་དང་ཁྱིམ་ན་དེ་ཡི་གཏམ་སྨྲ་ཡང༌། །བདེ་ཆེན་གནས་ནི་ཡོངས་སུ་ཤེས་
པ་མེད། །ཅེས་སོ། །གལ་ཏེ་གནས་ལུགས་ཀྱི་དོན་དེ་ནི་འགྲོ་བའི་གནས་རིགས་ཀུན་དུ་རབ་
ཏུ་རྟོགས་ན་འགྲོ་བའི་རོལ་པ་རྟེན་འབྲེལ་ཡན་ལག་བཅུ་གཉིས་ཀྱི་སྒོ་ནས་སྲིད་པར་འཁོར་
བ་རྣམ་པར་འཇིག་པ་སྟེ། མྱ་ངན་ལས་འདས་པ་ཐོབ་པར་འགྱུར་རོ། །དེ་ལྟ་བུའི་ཡེ་ཤེས་འདི་
ཉིད་དང༌། དེ་བསྐྱེད་པའི་ཐབས་རྣམས་ཀྱང་སོ་སོ་སྐྱེ་བོས་ལྟ་ཅི་སྨོས། ཉན་ཐོས་དང་རང་
སངས་རྒྱས་དང་ཕ་རོལ་དུ་ཕྱིན་པའི་ལམ་ཁོ་ན་ལ་གནས་པའི་བྱང་སེམས་འཕགས་པ་རྣམས་
ཀྱིས་ཀྱང་མི་ཤེས་པའི་ཕྱིར་དང༌། སྔགས་ལ་འཇུག་པའི་སྐལ་བ་དང་མི་ལྡན་ན་དེ་རྣམས་ལ་
ཡང་གསང་དགོས་པའི་ཕྱིར་གསང་བ་ཡིན་ཏེ། དེ་ལྟ་བུའི་ཐབས་ནི་རྒྱུད་སྡེ་རྣམས་སུ་ཡང་
བླ་མའི་མན་ངག་མེད་ཀྱང་རྟོགས་པའི་ཡི་གེ་ཚིགས་གསལ་པོ་མེད་པའི་ཕྱིར་མི་གསལ་བར་
བསྟན་ནོ། །འོ་ན་སུ་ཞིག་གིས་ཤེས་པར་འགྱུར་ཞེ་ན། གང་གི་ཕྱིར་སངས་རྒྱས་རྣམས་ཁོ་ནས་
མཁྱེན་པའི་སྤྱོད་ཡུལ་ཡིན་མོད་ཀྱི། དེའི་མན་ངག་གཅིག་ནས་གཅིག་ཏུ་བརྒྱུད་པ་མ་ཆད་
11-1-410


པའི་ཕྱིར། རྡོ་རྗེ་སློབ་དཔོན་དམ་པའི་མན་ངག་དང་ལྡན་ན་ད་ལྟའི་སོ་སོ་སྐྱེ་བོ་ཁ་ཅིག་གིས་
ཀྱང་ཐབས་ཤེས་སོ། །ཡང་ནག་པོ་པའི་འགྲེལ་པ་ལས་ནི། དེ་ཕྱིར་ཞེས་སོགས་ཡེ་ཤེས་ཉིད་
ཀྱི་མཚན་ཉིད་ལ་བཤད་དེ། ཇི་སྐད་དུ། འགྲེལ་པ་ལས། ཡེ་ཤེས་ཞེས་བྱ་བ་ནི། རྣམ་པར་མི་
རྟོག་ཀྱང་བེམ་པོ་ལས་ལོག་པའོ། །མི་གསལ་ཞེས་བྱ་བ་ནི། མཚན་མ་དང་རྣམ་པར་རྟོག་པ་
ཐམས་ཅད་ཀྱིས་བསྟན་པར་མི་ནུས་པའི་ཕྱིར་རོ། །
ཡི་གེ་མེད་ཅེས་བྱ་བ་ནི་ཐིག་ལེ་སྒྲ་དང་བྲལ་བའི་ཕྱིར་རོ། །གང་ཕྱིར་སངས་རྒྱས་རྣམས་
ཀྱིས་མཁྱེན་ཞེས་བྱ་བ་ནི་བཅོམ་ལྡན་འདས་གཅིག་པུ་ཉིད་ཀྱིས་མཁྱེན་པའོ། །ཞེས་གསུངས་
ཏེ། རྣམ་པར་མི་རྟོག་པའི་སེམས་དང༌། སྤྲོས་པའི་མཚན་མ་མི་གསལ་བ་དང༌། བརྗོད་དུ་མེད་
པའི་ཕྱིར་གནས་ལུགས་དེ་སངས་རྒྱས་ཁོ་ནས་མཁྱེན་ཞེས་པའི་དོན་ནོ། །རྣལ་འབྱོར་གཉིད་
དང་ཡང་དག་ལྡན་ཞེས་བྱ་བ་ནི། གཉིད་ལ་འཇུག་པའི་ཚེ་རྟོག་པ་རགས་རིམ་ནས་འགག་པ་
ལྟར། ཡེ་ཤེས་སྐྱེ་བ་ན་ཡང་དེ་ལྟར་འགག་སྟེ། ཐབས་ཤེས་གཉིས་སུ་མེད་པའི་རྣལ་འབྱོར་
གྱི་དབྱིངས་སུ། སེམས་སེམས་བྱུང་ཐམས་ཅད་བརྒྱལ་ཞིང་གཉིད་ལོག་པ་དང་འདྲ་བའི་ཁྱད་
པར་དང་ཡང་དག་པར་ལྡན་པའོ། །
གཉིས་པ་ནི། སྲོག་དང་རྩོལ་བའི་རླུང་ནི་དབུ་མར་སེམས་བཞག་པ་ལས་བསྡམས་ཤིང་
བཅིང་བར་འགྱུར་ཏེ། དེ་ལྟར་བསྒོམས་ན་མྱུར་དུ་སྐད་ཅིག་དེ་ལ་གཏུམ་མོ་འབར་བར་འགྱུར་
རོ། །དེ་ཡང་རླུང་དབུ་མར་ཞུགས་པ་དང༌། གནས་པ་དང༌། ཐིམ་པའི་རིམ་པ་ལ་འཆིང་བ་
ཡིན་ནོ། །གང་དག་ཞུགས་གནས་ཐིམ་གསུམ་གྱི་བརྡའ་དོན་གཉིས་ཀ་བོད་དུ་ཕྱིས་སྦྱར་
བའོ་ཞེས་སེམས་པ་དེ་དག་ནི། རང་ལུགས་སུ་འཛིན་པའི་མན་ངག་གི་ཡི་གེ་ཁོ་ན་མཐོང་
ཞིང་ཉམས་མྱོང་དང་བྲལ་ལ། རྒྱུད་གཞུང་མན་ངག་མཐོང་བས་ཀྱང་དབུལ་བར་གྱུར་པ་སྟེ། 
བརྒྱུད་པ་འདི་མན་ངག་སྔ་ཕྱི་ཐམས་ཅད་ལ་ཡང་དེ་ལྟར་གྲགས་ཤིང༌། རྫོགས་པའི་རིམ་པའི་
11-1-411


རྣལ་འབྱོར་པ་དུས་གསུམ་དུ་གཤེགས་པ་རྣམས་ཀྱིས་མྱོང་བས་གྲུབ་པ་ཡིན་པའི་ཕྱིར་དང༌། 
རེ་ཤིག་གཞན་ལྟ་ཞོག་གི་རྒྱུད་འདིའི་ཕྱོགས་ལ་ཡང་ནག་པོ་པའི་རྒྱུད་འགྲེལ་དང༌། འགྲོ་
བ་བཟང་པོའི་དེ་ཁོ་ན་ཉིད་ཀྱི་འགྲེལ་པ་ལས། རྒྱུད་ཀྱི་ལུང་དྲངས་པ། འགྲོ་དང་འོང་དང་
གནས་པ་ཉིད། །དལ་ཞིང་དལ་བའི་རིམ་གྱིས་ནི། །ཞི་བའི་གོ་འཕང་མངོན་ཕྱོགས་ནས། །དེ་
ནས་རང་བཞིན་མེད་པར་འགྲོ། །ཞེས་པའི་ཚིག་རྐང་ཕྱི་མ་གསུམ་པོ་རེ་རེས་ཞུགས་པ་དང༌། 
གནས་པ་དང་ཐིམ་པ་བསྟན་ཞིང༌། །དེ་ཁོ་ན་ཉིད་ཀྱི་འབྲེལ་བར་འདི་སྐད་ཅེས། གང་གི་ཚེ་
རྣལ་འབྱོར་པ་འགྲོ་བ་དང༌། འོང་བ་དང༌། གནས་པའི་རིམ་གྱིས་དལ་བུ་དལ་བུས་སྐད་ཅིག་
རེ་རེ་ཞིང་སློབ་པར་བྱེད་པས་ན་དེའི་ཚེ་ཞི་བ་ཉིད་ལ་རབ་ཏུ་འཇུག་པར་འགྱུར་རོ། །ཞེས་
གསུངས་པས་འཇུག་པ་དང༌། ཞུགས་པར་གྱུར་ན་རྩ་དབུགས་གཉིས་འགག་པར་འགྱུར་ཞེས་
གནས་པ་དང༌། དེ་གཉིས་འགགས་ནས་ཀྱང་དངོས་པོ་མེད་པའི་གནས་སུ་འགྲོ་བར་འགྱུར་
རོ། །ཞེས་ཐིམ་པ་རྣམས་ཤིན་ཏུ་གསལ་བར་བསྟན་ཏེ། དངོས་པོ་མེད་པའི་དོན་ནི་དབུ་མའི་
ནང་དུ་རླུང་ཡལ་བའོ། །དེ་བཞིན་དུ་གྲུབ་ཆེན་ཀུ་ཀུ་རཱི་པས་སྒྲུབ་ཐབས་རྒྱས་པར་ཡང༌། 
གཞུག་དང་གནས་དང་ཕྱིར་དབྱུང་བ། །དལ་ཞིང་དལ་པས་གཞན་མི་འགྲོ། །ཞེས་གསུངས་
པའི་དལ་བ་ནི་དབུ་མར་ཞུགས་པ་ཡིན་ལ། གཞན་མི་འགྲོ་ནི་དབུ་མར་གནས་པ་ཡིན་ཞིང༌། 
སྒྲུབ་ཐབས་བསྡུས་པ་ལས། དེ་ལ་ཡང་ནི་ཞུགས་ནས་ནི། །མཚན་མ་ལྔའམ་བརྒྱད་འབྱུང་ངོ༌། །
དེ་ནས་འོད་གསལ་གནས་པར་འགྱུར། །ཞེས་རླུང་ཐིམ་པའི་རྣམ་གཞག་རྒྱས་པར་གསུངས་
སོ། །དེས་ནི་ཞུགས་གནས་ཐིམ་གསུམ་སྔོན་དུ་འགྲོ་བས་གཏུམ་མོ་འབར་ཞིང་དེ་ལས་ཧཾ་
ཡིག་ཞུ་བའི་ཡེ་ཤེས་སྐྱེས་པ་ན། རང་བཞིན་གྱི་བདེ་བ་མཚོན་ནུས་པ་ཡིན་ལ། དེ་ལྟ་བུའི་ཡེ་
ཤེས་སྐྱེ་བར་འགྱུར་བའི་གནས་ནི་རྡོ་རྗེའི་ལུས་ལ་གནད་དུ་བསྣུན་པ་ལས་འབྱུང་ཞིང༌། དེ་
ཡང་རྒྱུ་བ་ནི་རླུང་གི་དབང་ལྟར་ན་རྟོག་བཅས་ཀྱི་རླུང༌། ཐིག་ལེའི་དབང་ལྟར་ན་མགྲིན་པ་
11-1-412


བྱང་ཆུབ་ཀྱི་སེམས། མི་རྒྱུ་ནི་རྟོག་མེད་ཀྱི་རླུང་དང་འགྲིམ་མེད་བྱང་ཆུབ་ཀྱི་སེམས། འཇིག་
རྟེན་བདུན་ནི་རྩ་འཁོར་ལོ་བཞི་དང་རྡོ་རྗེ་ནོར་བུ་དང༌། སྨིན་མཚམས་དང༌། ལྟག་པའི་མདུད་
སྒོ་སྟེ་བདུན་ནོ། །
འཇིག་རྟེན་ཐམས་ཅད་རྩ་རླུང་ཐིག་ལེ་དེ་རྣམས་ཀྱི་བྱ་བ་ལ་སྤྱོད་པ་ཡིན་པའི་ཕྱིར་བསྒོམ་
པ་ཡིན་ཀྱང་གནད་དུ་བསྣུན་པ་མེད་པའི་ཕྱིར་ཡེ་ཤེས་དེ་རྟོགས་པ་ནི་མ་ཡིན་ནོ། །ཡང་ན་རྒྱུ་
དང་མི་རྒྱུ་སོགས་ལ་རྒྱུ་བ་དང་མི་རྒྱུ་བས་བསྡུས་པའི་འཇིག་རྟེན་བདུན་ཏེ། འབྱུང་བ་བཞི་
དང༌། ནམ་མཁའ་དང༌། རྣམ་པར་ཤེས་པ་དང༌། ཆོས་ཀྱི་ཁམས་ཀྱི་དངོས་པོ་སྟེ། འགྲོ་བ་
རྣམས་དེ་དག་ལ་སྤྱོད་ཀྱང་དེའི་རང་བཞིན་མི་ཤེས་ཤེས་པའི་དོན་དུ་ཡང་བཤད་དོ། །དེའི་
རྒྱུ་བ་ནི་རྣམ་པར་ཤེས་པ་དང༌། ཆོས་ཁམས་ཀྱི་ཕྱོགས་གཅིག་སེམས་བྱུང་རྣམས་ཡིན་ལ། 
གཞན་རྣམས་མི་རྒྱུ་བའོ། །གལ་ཏེ་སོགས་ཀྱི་དོན་ནི་གནད་དུ་མ་བསྣུན་ཀྱང་ཡེ་ཤེས་རྟོགས་
པ་སྲིད་ལ་འགྲོ་བའི་རོལ་པ་འཁོར་བ་སྟོང་པར་འགྱུར་རོ། །དེའི་ཕྱིར་སོགས་ཀྱི་དོན་ནི། རླུང་
ཐིམ་པས་ཡེ་ཤེས་རྣམ་པ་གསུམ་པོ་སྐྱེས་པ་ན། རང་བཞིན་བརྒྱད་བཅུའི་རྣམ་པར་རྟོག་པ་མི་
གསལ་བ་སྟེ། རིམ་གྱིས་བཟོད་པ་ཐོབ་པ་ནི། མངོན་འགྱུར་བ་འགག་པར་འགྱུར་ལ། ཡི་གེ་
སྟེ་སྣང་བ་གསུམ་གྱི་བཞོན་པར་གྱུར་པའི་རླུང་རྣམས་ཀྱང་ཐིམ་ཞིང་མེད་པར་འགྱུར་ཏེ། དེ་
ལས་ནི་སངས་རྒྱས་རྣམས་ཁོ་ནའི་སྤྱོད་ཡུལ་དུ་གྱུར་པའི་མཁྱེན་པའམ་ཡེ་ཤེས་འོད་གསལ་
ཐོབ་པར་འགྱུར་རོ། །ཞེས་པའི་དོན་ནོ། །དེ་ལྟར་སད་དུས་སུ་རླུང་འགགས་པས་ཡེ་ཤེས་སྐྱེ་
ཚུལ་བཤད་ནས། འགགས་པས་སྐྱེ་ཚུལ་གཞན་ཡང་ཡོད་དེ་རྣལ་འབྱོར་སོགས་ཀྱི་དོན་རྣལ་
འབྱོར་བདེ་སྟོང་གི་ཡེ་ཤེས་དང༌། ལྷ་སྐུ་གཉིད་འཐུག་པོ་དང་རྨི་ལམ་གྱི་དུས་སུ་ཡང་དག་པར་
ལྡན་པར་བྱེད་པས་ཀྱང་ཁམས་ཕྲ་རགས་དང༌། རླུང་རྣམས་ཐིམ་ཞིང་རང་བཞིན་བརྒྱད་བཅུ་
འགགས་ནས་སྟོང་པ་བཞི་མངོན་དུ་བྱེད་དོ། །ཞེས་པའི་དོན་ཏེ་གཉིད་བསམ་གཏན་དང་བསྲེ་
11-1-413


བ་དང༌། རྨི་ལམ་བསམ་གཏན་དང་བསྲེ་བའི་གདམས་པ་རྣམས་གསལ་བར་བསྟན་ནོ། །
གསུམ་པ་ནི། སྲོག་རྩོལ་ནི་རླུང་གི་འགྲོས་ཏེ་ཡེ་ཤེས་སུ་ཐིམ་པ་ན། མཐོང་ལམ་གྱི་ཡེ་
ཤེས་འབར་བར་འགྱུར་རོ། །སྣོད་བཅུད་ཐམས་ཅད་ཀྱི་རང་བཞིན་འོད་གསལ་ཡིན་པ་སྐྱེ་བོ་
ཐམས་ཅད་དེ་ལ་སྤྱོད་ཀྱང་དེ་ནི་མི་རྟོགས་ལ། གཉིད་འོད་གསལ་དུ་བཅུག་པའི་ཤིན་ཏུ་སྤྲོས་
མེད་ཀྱི་སྤྱོད་པ་ཁོ་ནས་གནས་ལུགས་མངོན་དུ་འགྱུར་བ་ནི་སངས་རྒྱས་ཁོ་ནའི་སྤྱོད་ཡུལ་ཏེ། 
གདམས་པ་འདི་ནི་གསང་ཞིང་ཚིག་གིས་མི་མཚོན་པའོ་ཞེས་པ་བྷཱུ་སུ་ཀུའི་སྤྱོད་པ་བསྟན་ནོ། །
གསུམ་པ་ནི། གོང་བུ་སོགས་ཏེ། འདི་ལ་གསུམ་ལས་སྤྱི་དོན་ལྟར་བཤད་ན་བསྐྱེད་རིམ་གོང་
བུའི་རྣལ་འབྱོར་ནི། ཐིག་ལེའི་འོད་ཀྱི་གོང་བུར་སོང་བའི་འོད་ཟེར་གྱི་སྤྲོ་བསྡུ་ཡིས། ལྷ་སོ་
སོའི་གཟུགས་གཅིག་སྟེ་རེ་རེ་རུ་ནི་བསྒོམ་པར་བྱའོ། །ཞེས་པའི་དོན་ཡིན་ལ། སྦས་དོན་ལ་
གཉིས་ཀྱི་སྣང་བ་སེམས་ཀྱི་སྦས་པ་ནི། ཐིག་ལེའི་རྣལ་འབྱོར་ལུས་ཀྱི་དབུས་སུ་བསྒོམ་པ་སྟེ། 
སྤྱི་བོའི་ཐིག་ལེ་གོང་བུའི་རྣམ་པ་གསང་བར་སོང་ཞིང༌། སླར་ཡང་གྱེན་དུ་ལོག་པའི་འོད་ཟེར་
དེ་ཡིས་ནི་འབྱུང་བ་རྣམས་ཐིམ་པར་བྱེད་ཅིང༌། དེ་ནས་དབུ་མའི་ནང་དུ་བདེ་བའི་ཐིག་ལེ་
སྐུད་པ་གཅིག་པུར་བརྐྱང་བའི་གཟུགས་སུ་བྱེད་དོ་ཞེས་པའི་དོན་ཏེ། སྤྱིར་སྔགས་གོང་བུའི་
རྣལ་འབྱོར་ནི། ཐིག་ལེའི་རྣལ་འབྱོར་ཐམས་ཅད་ཀྱི་མིང་ངོ༌། །ཀུན་རྫོབ་བདེན་པས་སྦས་
པ་ནི། འོད་དེ་རླུང་རྣམས་སེམས་དང་རོ་གཅིག་ཏུ་འདྲེས་པ་གོང་བུ་སྟེ་རགས་པའི་ལུས་ལས་
ལོགས་ཤིག་ཏུ་གཅིག་ཏུ་འགྲིལ་བ་ལྟར་གནས་པ་ནི། ལྷའི་གཟུགས་གཅིག་ཏུ་སྒོམ་པར་བྱེད་
དེ། ཞེས་མ་དག་པའི་སྒྱུ་ལུས་ཀྱི་མཚན་ཉིད་གསལ་བར་བསྟན་ནོ། །མཐར་ཐུག་གི་བཤད་པ་
ནི། གོང་བུར་སོན་པའི་དོན་ཆོས་ཐམས་ཅད་ཀྱི་ཆོས་ཉིད་གཅིག་ཏུ་འདུས་པ་སྟེ། འོད་ནི་འོད་
གསལ་བའི་སེམས་ཡིན་ལ། སེམས་ཉིད་ལྷའི་གཟུགས་གཅིག་ཏུ་ནི་བསྒོམ་པར་བྱེད་པ་སྟེ། 
དག་པའི་སྒྱུ་ལུས་ཟུང་འཇུག་གི་དོན་ནོ། །
11-1-414


དྲུག་པ་ལ། བསྒོམ་བསམ་དང༌། སྟོན་ཚུལ་ཕན་ཡོན་དང་བཅས་པ་གཉིས་ལས། དང་
པོ་ནི་སྒོ་དགུ་སོགས་ཏེ། ལུས་ཀྱི་སྒོ་དགུ་ལས་བྱུང་བ་མིག་རྣ་ལ་སོགས་པ་རྣམས་ཤ་ལྔ་བདུད་
རྩི་ལྔ་སོགས་རིགས་ལྔའི་དམ་རྫས་ཀྱི་བདག་ཉིད་དུ་རྣམ་པར་བསྒོམས་ཏེ། དེ་དག་ཞུ་བའི་
བདུད་རྩིར་ཡང་བསམས་ལ། དོན་དམ་པར་བཟའ་བྱ་བཟའ་པོ་བཟའ་ཚུལ་རྣམས་རང་
བཞིན་མེད་པར་རྟོགས་པའི་བློ་གྲོས་དང་ལྡན་པས། བཟང་ངན་བླང་དོར་གཙང་མི་གཙང་
སོགས་ཀྱི་རྟོག་པ་སྤངས་ཏེ། རྣམ་པར་མི་རྟོག་པའི་བློས་བཟའ་བར་བྱའོ། །གཉིས་པ་ལ་
རྒྱུན་གྱི་བཟའ་བའི་དམ་ཚིག་ལ་སྦྱར་བ་དང༌། གསང་དབང་བསྐུར་བ་ལ་སྦྱར་བའོ། །དང་པོ་
ནི། དམ་རྫས་དེ་ཡང་ལག་པ་གཡོན་པའི་མཐེ་བོང་དང༌། སྐྱོང་མེད་དེ་སྲིན་ལག་གིས་རིལ་
བུའམ་ཐིགས་ཐོར་དུ་བླངས་ཏེ། རང་གི་ཁར་ནི་ཡིད་བཞིན་ནོར་བུའི་ལྟ་བུའི་བདུད་རྩི་ལེན་
ཞིང་བཟའ་བར་བྱེད་ན་བདུད་རྩི་སྟེ་འཆི་བ་མེད་པའི་རང་བཞིན་ལས་བྱུང་བའི་རྟག་ཅིང་མི་
འགྱུར་བའི་དངོས་གྲུབ་ཐོབ་པར་འགྱུར་རོ། །གཉིས་པ་ནི། སློབ་དཔོན་རིག་མར་བཅས་པའི་
བྱང་ཆུབ་ཀྱི་སེམས་རྡོ་རྗེའམ་པདྨ་ལས་མཐེ་བོང་དང་མིང་མེད་ཀྱིས་བླངས་ནས་སློབ་མའི་
ཁར་དབབ་པ་ལས། གཞོན་ནུ་མའི་བདེ་བ་ལྟ་བུའི་ཉམས་མྱོང་གི་བདུད་རྩི་དབང་གི་ཡེ་ཤེས་
སྐྱེ་ལ། རིམ་གཉིས་བསྒོམ་པའི་ཚེ། དེས་བརྒྱས་བཏབ་སྟེ་བསྒོམས་པས་དེ་ལས་བྱུང་བའི་
རྟག་པ་མི་འགྱུར་བའི་བདེ་བའི་དངོས་གྲུབ་ཐོབ་པར་འགྱུར་རོ་ཞེས་པའོ། །དེ་ནས་ལེའུའི་
མཚན་བསྟན་པ་ལ་རྣལ་འབྱོར་མའི་དབང་ཕྱུག་མའི་རིག་པ་ཆེན་པོ་ལས། ཞེས་པ་གོང་
བཞིན་ནོ། །སྦྱོར་བ་ནི་ཉམས་ལེན་གྱི་ལམ་སྟེ། དེ་ཉིད་གསལ་བར་གོ་ཞིང་གཏན་ལ་དབབ་
པའི་ལེའུ་སྟེ་གཉིས་པའོ། །ཞེས་སོ། །
དེ་ཡང་བཟའ་བའི་དམ་ཚིག་དང༌། རྫོགས་རིམ་དང༌། གོ་ཆའི་ལས་ཚོགས་རྣམས་བྱེ་
བྲག་ཏུ་བཤད་པས་ཀྱང་བསྐྱེད་རྫོགས་ཀྱི་བསྡུས་པའི་རྒྱུད་ཀྱིས་སྦྱོར་བ་གསལ་བར་བྱས་
11-1-415


པའང་ཡིན་ལ། ཁྱད་པར་དུ་ལམ་གྱི་སྤྱི་ཆིངས་སྔགས་དབྱིབས་ཆོས་གསུམ་གཏན་ལ་ཕབ་
པའི་ཕྱིར་དེ་སྐད་ཅེས་བྱའོ། །ལེའུ་གཉིས་པའི་རྒྱ་ཆེར་བཤད་པའོ།།    །།
༈ ལེའུ་གསུམ་པ་ནི་གོང་དུ་བཤད་པའི་ལེའུ་གཉིས་ཀྱི་མ་ཚང་བ་ཁ་བསྐོང་བ་ཡིན་ཏེ། 
དེ་ལ། དམ་རྫས་རིལ་བུའི་བསྙེན་པ་བྱེད་ཚུལ་དང༌། བསྐྱེད་རིམ་ཁ་སྐོང་རྒྱས་པར་བཤད་པ་
དང༌། དངོས་གྲུབ་སྒྲུབ་པའི་ཐབས་ཀྱི་ཁ་སྐོང་དང༌། དམ་རྫས་སྦྱང་པའི་ཐབས་མཆོག་རྒྱས་
པར་བསྟན། རྗེས་སུ་ཆགས་པ་སྤྱི་ཡི་ཐབས་རྣམས་བཤད། ཕྱི་ནང་སོགས་ཀྱི་ཞུ་བ་གླུས་
བསྐུལ་བསྟན། སྦྱོང་བ་གཅོད་གྱུར་རྣལ་འབྱོར་ལམ་རིམ་བཤད། འབྲས་བུ་བླ་ན་མེད་པའི་
ངོ་བོ་བསྟན། ཞེས་པ་སྟེ་བརྒྱད་ལས། དང་པོ་ནི། དེ་ནས་ཡང་དག་བཤད་བྱ་བ་ཞེས་པ་ནས། 
དེ་ནི་རྒྱུད་འདིར་གསུངས་ཀྱིས་ཀུན་ཏུ་སྦས། །ཞེས་པའི་བར་ཏེ། དེ་ཡང་དམ་ཚིག་གི་རིལ་བུ་
བྱེད་པ་ལ་བསྙེན་པ་དང༌། སྒྲུབ་པ་དང༌། ལས་ལ་སྦྱོར་བ་གསུམ་གྱིས་རིལ་བུའི་དངོས་གྲུབ་ཏུ་
འགྱུར་རོ། །དེ་ཡང༌། ལེའུ་གཉིས་པའི་རྗེས་ཐོགས་དེ་ནས་དམ་ཚིག་གི་རྫས་སྒྲུབ་པའི་ཐབས་
སྐྱོན་མེད་ཅིང་ཡང་དག་པར་བཤད་པར་བྱ་བ་ནི། དམ་ཚིག་སྒྲུབ་པའི་ཐབས་མཆོག་རབ་དམ་
པ་སྟེ། རྫས་ཀྱི་ཁྱད་པར་གཞན་སྒོ་དགུ་ལས་བྱུང་བ་དང༌། གོང་དུ་ཇི་སྐད་བཤད་པའི་བཅུད་
ལེན་གྱི་སྦྱོར་བའི་ཚོགས་ནི་བཟའ་བར་བྱ་བ་སྟེ། ཐམས་ཅད་མཁྱེན་པ་སངས་རྒྱས་ཉིད་ཀྱི་
འབྲས་བུ་སྟེར་བའོ། །དེ་བཞིན་གཤེགས་པ་རིགས་ལྔའི་དམ་རྫས་ཡིན་པའི་ཕྱིར་སངས་རྒྱས་
ཉིད་ཀྱི་འབྲས་བུའང་བརྒྱུད་ནས་སྟེར་བ་ཡིན་ལ། དངོས་སུ་ནི་རིལ་བུའི་དངོས་གྲུབ་གྲུབ་པ་
ན་གཞན་གྱི་སེམས་ཤེས་པ་ལ་སོགས་པ་ཐམས་ཅད་མཁྱེན་པ་དང་ཕྱོགས་མཐུན་པའི་འབྲས་
བུ་སྟེར་བའོ། །རྫས་གང་ཞིག་ཟོས་པ་ཙམ་གྱིས་ནི་འབྱུང་པོ་མ་སྟེ། འཇིག་རྟེན་དང་འཇིག་
རྟེན་ལས་འདས་པའི་རྡོ་རྗེ་མཁའ་འགྲོ་མ་རྣམས་འགྲུབ་པར་འགྱུར་བ་ནི་བདུད་རྩིའི་རིལ་
བུའོ། །འདི་ལ་ཡང་རྫས་དང༌། དུས་དང༌། སྒྲུབ་ཚུལ་དང༌། རིལ་བུའི་ཚད་དང༌། ཕན་ཡོན་
11-1-416


དང༌། རྒྱུད་གཞན་དུ་སྦས་པས་རྙེད་དཀའ་བ་སྟེ་དོན་ཚན་དྲུག་རིམ་པ་ལྟར་གནས་སོ། །དེ་
ཡང་བརྟན་པ་སྟེ་དལ་གྱིས་འགྲོ་བ་གླང་པོ་ཆེའི་ཤ་དང༌། མྱུར་འགྲོ་སྟེ་རྟ་ཤ་ཉིད་དང༌། དེ་
བཞིན་དུ་ནི་བ་ལང་གི་ཤ་དང༌། ཁྱི་ཤ་དང༌། ཆེན་པོ་ནི་ཤ་ཆེན་ཏེ་མིའི་ཤ་དང་ཡང་དག་པར་
ལྡན་པར་བྱས་པ་དང༌། དེ་བཞིན་དུ་ཡེ་ཤེས་ལྔའི་རྣམ་དག་དང་ལྡན་པའི་བདུད་རྩི་ལྔ་སྟེ་རྫས་
བཅུའོ། །
དུས་ནི་ཡར་ངོའི་ཚེས་བརྒྱད་ནས་ནི་ཡར་ངོའི་ཚེས་བཅུ་བཞིའི་བར་དག་ཏུ་སྟེ། དེ་ལྟར་
ཉིན་མོ་དང་མཚན་མོ་བདུན་ཏེ་ཞག་གི་ཉི་མ་བདུན་དུ་བསྒྲུབ་པར་བྱའོ། །ཇི་ལྟར་ན་ལྷན་
ཅིག་མ་ཡིན་པར་བགོ་བཤའ་བྱས་པ་སྟེ། ཤ་རེ་དང་བདུད་རྩི་རེ་སྦྱར་ནས་དབུས་སུ་མི་ཤ་
དང༌། བྱང་སེམས། ཤར་དུ་གླང་པོའི་ཤ་དང༌། དྲི་ཆེན། ལྷོ་རུ་རྟའི་ཤ་དང༌། དྲི་ཆུ། ནུབ་ཏུ་
བ་ལང་གི་ཤ་དང༌། རཀྟ། བྱང་དུ་ཁྱི་ཤ་དང༌། རྒྱུངས་པ་རྣམས་ཡོངས་སུ་སྦྱར་ཏེ་བགོས་པའི་
དོན་ནོ། །དེ་ཉིད་ལས་ཀྱིས་ཤི་བའི་ལྕེ་སྤྱང་གི་ཁོག་པ་སྐམ་པོའི་དབུས་སུ་ལེགས་པར་བཞག་
ལ་འབྲུ་གསུམ་བཟླ་ཞིང་འཆད་པར་འགྱུར་བའི་ཏིང་ངེ་འཛིན་གྱིས་སྒྲུབ་བོ། །ཞག་བདུན་
ནས་ཁོག་པ་དེ་ལས་རྫས་དེ་རྣམས་བཏོན་ཏེ་ལྔ་པོ་དག་བསྲེས་ཤིང་འདམ་རྟགས་སུ་བྱས་
པ་ལས་ནི། དོན་གྲུབ་སྟེ་ཡུངས་ཀར་གྱི་འབྲས་བུའི་ཚད་ཙམ་དུ་རིལ་བུ་སྒྲིལ་བར་བྱའོ། །དེ་
ལས་མཆོག་དང་ཐུན་མོང་གི་དངོས་གྲུབ་ཀྱི་འབྲས་བུ་ཆེན་པོ་རབ་ཏུ་རྟོགས་པ་སྟེ་ཐོབ་པར་
འགྱུར་བས་ན། དེ་ནི་མཧཱ་མ་ཡའི་རྒྱུད་འདིར་གསུངས་ཀྱི། བསྡུས་པའི་རྒྱུད་གཞན་ཀུན་དུ་
ནི་སྦས་པ་མཛད་དོ། །ཞེས་པའི་དོན་ཏོ། །རབ་ཏུ་རྟོགས་པ་ཞེས་པ་ནག་པོ་པའི་འགྲེལ་པ་
དང་བསྟུན་པའི་འགྱུར་ལས་ནི། འབྲས་བུ་ཆེན་པོའི་སངས་རྒྱས་རྣམས་ཀྱིས་ཐམས་ཅད་དུ། 
སྦས་པའོ་ཞེས་འབྱུང་སྟེ། དངོས་གྲུབ་ཀྱི་འབྲས་བུ་ཆེན་པོ་འབྱུང་བའི་རྒྱུ་མཚན་གྱིས་གཞན་
དུ་སྦས་པར་བཤད་ཀྱང་དཀྱུས་ཉིད་འགྱུར་ལེགས་པར་མངོན་ལ། རྒྱུད་གཞན་དུ་སྦས་པ་ནི། 
11-1-417


ནག་པོའི་འགྲེལ་པ་དང༌། བླ་མ་གོང་མ་རྣམས་རིལ་བུ་ཆེ་ཆུང་གི་ཚད་སྦས་པར་འཆད་ནའང༌། 
རིལ་བུ་སྒྲུབ་ཐབས་ཉིད་སྦས་པ་ལ་འཆད་དགོས་ཤིང༌། སྡོམ་འབྱུང་ལ་སོགས་པའི་རྒྱུད་སྡེ་
གཞན་ལས་ཀྱང་གསུངས་མོད་ཀྱི། ཀུན་དུ་སྦས། ཞེས་པ་ལ་སོགས་པ་འདི་དང་འདྲ་བའི་
ཚིག་རྣམས་ནི་ཕལ་ཆེ་བའམ་མང་པོའི་དོན་ཡིན་པས། རྒྱུད་མང་པོར་སྦས་པའམ། ཕལ་ཆེར་
དུ་སྦས་པའི་དོན་ཡིན་ཞིང༌། ཁྱད་པར་སྡོམ་འབྱུང་ལ་སོགས་པ་བཤད་རྒྱུད་རྣམས་ནི་སྟོན་པ་
རང་ཉིད་ཀྱིས་མཛད་པའི་འགྲེལ་པ་ཡིན་པས། སྦས་མ་སྦས་དེ་དག་གི་ཆ་ནས་མི་འཇོག་གི་
རྩ་རྒྱུད་དུ་སྦས་མ་སྦས་བྱ་དགོས་པས། བདེ་དགྱེས་གསང་འདུས་ལ་སོགས་པ་རྩ་རྒྱུད་བསྡུས་
པ་རྣམས་ན་དམ་ཚིག་གི་བཟའ་བ་གསུངས་ཀྱང་རིལ་བུ་མ་གསུངས་པ་ལ་དགོངས་པའོ། །
གཉིས་པ་ལ། རྟེན་གྱི་དཀྱིལ་འཁོར་དང༌། བསྐྱེད་པའི་གོ་རིམ་དང༌། རྟེན་པ་ལྷ་ཉིད་
རྒྱས་པར་བཤད་པའོ། །དང་པོ་ནི། དེ་ནས་འདིར་སོགས་ཏེ། དམ་ཚིག་གི་རྫས་བཤད་པའི་
རྗེས་ཐོགས་དེ་ནས་རྒྱུད་འདིར་དབྱིབས་ཀྱི་རྣལ་འབྱོར་བསྐྱེད་རིམ་གྱི་སྒྲུབ་པའི་ཐབས་འབྱུང་
ཞིང་འཆད་པ་ནི། ཡིད་ཀྱིས་ལྷའི་གདན་པདྨ་བསམ་པར་བྱ་བ་སྟེ། དེ་ཡང་ཁ་དོག་དམར་པོ་
ཀུན་དུ་འོང་སྟེ་འོད་ཟེར་སྣ་ཚོགས་པ་འཕྲོ་བའོ། །པདྨ་འདབ་བརྒྱད་དམར་པོ་ཞེས་བླ་མ་གོང་
མ་རྣམས་བཞེད་ལ། བསྒོམ་པའི་ཚེ་པདྨ་འདབ་བཞི་དམར་པོ། བྲི་བའི་ཚེ་ནི་སྣ་ཚོགས་པདྨ་
འདབ་བརྒྱད་དེ། འོན་ཀྱང་དེའི་ཕྱོགས་ཀྱི་འདབ་མ་བཞི་དམར་པོ་ཡིན་པའི་ཕྱིར་ཁ་དོག་
དམར་པོའོ། །ཞེས་ཁ་ཅིག་གོ །དེ་བཞིན་དུ་རྒྱུད་ཀྱི་དངོས་བསྟན་ལྟར་བདག་བསྐྱེད་དང༌། 
ཕྱི་རོལ་མཆོད་པའི་ཚེ་གཞལ་ཡས་ཁང་མི་བྱེད་ཅིང་དབང་བསྐུར་བའི་དཀྱིལ་འཁོར་ལ་བྱེད་
པ་ལུགས་གཅིག་ཡིན་ཞིང༌། བདག་བསྐྱེད་ལའང་འབྱུང་བཞི་བསྲུང་འཁོར་གཞལ་ཡས་ཁང་
དང་བཅས་པས་ཁ་འགེངས་པ་ནི་ལུགས་གཉིས་པ་སྟེ། འདི་ལེགས་པར་ཡང་མངོན་མོད་
འོན་ཀྱང་ཐམས་ཅད་འཐད་པ་ཁོ་ནའོ། །གཉིས་པ་ནི། ལྷ་མོ་སོགས་ཏེ། དང་པོར་ཕྱོགས་
11-1-418


ཀྱི་འདབ་མ་བཞི་ལ་ལྷ་མོ་བཞི་དང་ཡང་དག་པར་ལྡན་པའི་བསྐྱེད་ཆོག་བྱ་སྟེ། དེའི་རྗེས་སུ་
སངས་རྒྱས་མཁའ་འགྲོ་མའི་གཟུགས་ཀྱིས་ཉེ་བར་འཁྱུད་ཅིང་བརྒྱན་པའི་ཧེ་རུ་ཀ་བསྐྱེད་
པའོ། །ཞེས་པ་སྟེ་གླུས་བསྐུལ་བ་ལས་བཞེངས་པ་བསྟན་ནོ། །ནག་པོ་པས་ནི་སངས་རྒྱས་
ནི་སངས་རྒྱས་ལྔ་སྟེ་མཁའ་འགྲོ་མ་ལྔ་བསྐྱེད་པ་བསྟན་ནོ། །ཞེས་གསུངས་ལ། མན་ངག་
གཞན་ལས་ནི། སངས་རྒྱས་ལྔའི་གཟུགས་ཀྱིས་དབུ་ལ་བརྒྱན་པ་སྟེ། ལྷ་དབང་བསྐུར་བ་
བསྟན་པར་བཞེད་དོ། །གསུམ་པ་ནི། བསྐྱེད་པའི་གོ་རིམ་དང་མཐུན་པར་དང་པོར་ལྷ་མོ་
བཞིའི་སྐུ་མདོག་བསྟན་པས་ནི། ཤར་དུ་བཞུགས་པའི་རྡོ་རྗེ་མཁའ་འགྲོ་མ་ཨུཏྤལ་སྔོན་པོའི་
མདོག་ཅན་དང༌། ལྷོ་རུ་བཞུགས་པའི་རིན་ཆེན་མཁའ་འགྲོ་མ་སེར་པོ་གསེར་ལྟ་བུ་སྣང་བའོ། །
ནུབ་ཏུ་པདྨ་མཁའ་འགྲོ་མ་སྐུ་མདོག་དཀར་བ་ལ་དམར་བའི་མདངས་འོད་དང་བཅས་པའོ། །
བྱང་དུ་སྣ་ཚོགས་མཁའ་འགྲོ་མ་མརྒད་ཀྱི་འོད་དང་མཚུངས་པར་ལྗང་ཁུ་ཡིན་ནོ། །འདིར་
བསྟན་བཞི་དང༌། འོག་ནས་འབྱུང་བའི་ཧེ་རུ་ཀ་ཡབ་ཡུམ་སྟེ་ཐམས་ཅད་ཀྱི་སྤྱིའི་མཚན་ཉིད་
ནི། སྐུ་ལས་སྐྱེས་པའི་མེ་འབར་བའི་འཕྲེང་བ་འཁྲིགས་པ་དང༌། ཕྱག་བཞི་པ་ཞལ་བཞི་པ། 
ཞལ་རེ་རེ་ལ་སྤྱན་གསུམ་གསུམ་གྱི་མཛེས་པ། ཞལ་གྱི་ཁ་དོག་ནི་སྒྲུབ་ཐབས་སུ་བཤད་པ་
བཞིན་ཡིན་ལ། དེ་ཡང་གཞིའི་དུས་ན་འབྱུང་བ་ཆེན་པོ་རེ་རེ་གང་དུ་གནས་པ་དེར་འབྱུང་བ་
གཞན་གསུམ་གྱི་ཚོགས་པའང་ཡོད་དེ། ཇི་སྐད་དུ། གང་ན་གཅིག་ཡོད་པ་དེར་ཐམས་ཅད་
ཀྱང་ངོ༌། །ཞེས་གསུངས་སོ། །ཚུལ་དེ་ཡོངས་སུ་སྦྱོང་པའི་ཕྱིར་ཞལ་གྱི་དབྱེ་བས་ཁ་དོག་
བཞི་པའོ། །སོ་སོའི་ཕྱག་མཚན་སོགས་བཤད་པ་ནི། ཤར་ཕྱོགས་ཀྱི་ལྷ་མོ་ནི་སྤྱན་གསུམ་པ། 
ཕྱག་གཡོན་གྱི་འོག་མ་ན་ཁ་ཊཱཾ་ག་སྣང་སྟོང་ལྷ་སྐུའི་རང་བཞིན་དང༌། དང་པོ་ན་དྲིལ་བུ་ཆོས་
ཐམས་ཅད་བདག་མེད་པར་མཚོན་པ། གཡས་ཀྱི་དང་པོ་ན་བྱང་ཆུབ་ཀྱི་སེམས་མཚོན་པའི་
རྡོ་རྗེ་དང༌། འོག་མ་ན་བདེ་བ་ཆེན་པོ་མཚོན་པའི་ཐོད་པ་བསྣམས་པ་བསམ་མོ། །ལྷོ་ཕྱོགས་
11-1-419


ཀྱི་ལྷ་མོའི་ཕྱག་གཡས་ཀྱི་དང་པོ་ན་སྐུ་གསུམ་མཚོན་པའི་མདུང་རྩེ་གསུམ་པ་དང༌། གཡོན་
གྱི་དང་པོ་ན་དེ་བཞིན་གཤེགས་པའི་ཡོན་ཏན་གྱི་རང་བཞིན་རིན་པོ་ཆེ་དང༌། གཡས་འོག་
མ་ན་མཁའ་འགྲོ་མ་རྣམས་དབང་དུ་བྱེད་ཅིང་ཉོན་མོངས་པ་ལྷུང་བར་བྱེད་པའི་བ་དན་དང༌། 
གཡོན་འོག་མ་ན་འགྲོ་བ་འདུལ་བ་མཚོན་པའི་ལྕེ་སྤྱང་བསྣམས་པའོ། །ནུབ་ཕྱོགས་ཀྱི་ལྷ་
མོའི་ཕྱག་གཡོན་གྱི་དང་པོ་ན་ཐབས་མཁས་མཚོན་པའི་གཞུ་དང༌། གཡས་དང་པོ་ན་བདག་
མེད་རྟོགས་པའི་མདའ་དང༌། གཡོན་འོག་མ་ན་སེམས་ཅན་གྱི་དོན་སྣ་ཚོགས་པ་མཛད་པའི་
སྣ་ཚོགས་པདྨ་དང༌། གཡས་འོག་མ་ན་བདེ་བ་བསྲུང་བར་བྱེད་པའི་ཐོད་པ་བསྣམས་པའོ། །
བྱང་ཕྱོགས་ཀྱི་ལྷ་མོའི་ཕྱག་གཡས་ཀྱི་དང་པོ་ན། ཤེས་རབ་ཀྱི་རལ་གྲི་དང༌། གཡོན་གྱི་དང་
པོ་ན་སྙིང་རྗེས་སེམས་ཅན་འཛིན་ཞིང་འཆིང་བའི་ཞགས་པ་དང༌། གཡས་འོག་མ་ན་རྣམ་པ་
ཀུན་ཀྱི་མཆོག་དང་ལྡན་པའི་སྟོང་པ་ཉིད་ཀྱི་སྒྲ་སྒྲོག་པའི་རྔེའུ་ཆུང་དང༌། གཡོན་འོག་མ་ན་
བདུད་བཞིའི་མགོ་བོ་བཅད་པའི་ཐོད་པ་ཁྲག་གང་བསྣམས་པའོ། །པདྨའི་ལྟེ་བ་ལ་ཅི་ཞིག་
དགོད་པར་བྱ་ཞེ་ན། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེ་
སྟེ། རྡོ་རྗེ་གསུམ་དབྱེར་མི་ཕྱེད་པའི་ཕྱིར་རྡོ་རྗེ་འཆང་ངོ༌། །དེ་ཉིད་ཧེ་རུ་ཀར་གྱུར་པ་ནི། པདྨ་
འདབ་བཞི་པ་དེའི་དབུས་ཀྱི་ལྟེ་བ་རུ་བཞུགས་པ་བསམ་པར་བྱའོ། །ཇི་ལྟར་ཞེ་ན། སྐུ་མདོག་
ནག་པོ་ཞལ་བཞི་ཕྱོགས་ཀྱི་མདོག་ཅན། ཕྱག་གཡོན་གྱི་དང་པོ་ན་ཁ་ཊྭཱཾ་ག གཡས་ཀྱི་དང་པོ་
ལ་ཐོད་པ་ཉིད་དང༌། དེ་བཞིན་དུ་གཡོན་འོག་ནས་གཞུ་དང༌། གཡས་འོག་ནས་མདའ་ཉིད་
དོ། །དེ་ཡང་ཐོད་པ་ནི་འགྱུར་བ་མེད་པའི་བདེ་བ་དང༌། ཁ་ཊྭཾ་ག་ནི་རྣམ་པ་ཀུན་གྱི་མཆོག་དང་
ལྡན་པའི་སྟོང་པ་ཉིད་ཀྱི་ལྷའི་སྐུ་དང༌། གཞུ་ནི་ཐབས་ཀྱི་ཚུལ་དང༌། མདའ་ནི་ཡང་དག་པའི་
དོན་རྟོགས་པའི་ཤེས་རབ་བོ། །ལྷ་མོ་སངས་རྒྱས་མཁའ་འགྲོ་མ་ཡང་ཕྱག་མཚན་གཙོ་བོ་དང་
མཚུངས་པ་ཡིན་ནོ། །གཙོ་བོ་ཡབ་ཡུམ་ཁ་དོག་མཚུངས་པར་མཛད་པ་དང༌། ཞབས་གཡས་
11-1-420


བསྐུམ་གཡོན་བརྐྱང་བའི་ཕྱེད་ཀྲུང་དུ་མཛད་པ་དང༌། དེ་ཉིད་གོ་བཟློག་པ་དང༌། ཡུམ་སྐུ་
མདོག་དམར་མོ་མཛད་པ་སོགས་ལྷའི་རྣམ་པའི་ཁྱད་པར་རྣམས་དང༌། རྒྱུ་འབྲས་རྡོ་རྗེ་འཛིན་
པ་གཉིས་སུ་བྱེད་པ་དང༌། མངོན་བྱང་ལྔ་བསྐྱེད་སོགས་རྒྱུད་སྡེ་གཞན་དང་མཐུན་པའི་བསྐྱེད་
ཆོག་མཛད་པ་རྣམས་ནི། སྒྲུབ་ཐབས་སོ་སོའི་དགོངས་པ་སྟེ། ཐམས་ཅད་མི་རུང་བ་མ་ཡིན་
མོད། །འོན་ཀྱང་ཕན་ཚུན་གཅིག་ཏུ་བསྲེ་བར་ནི་མི་བྱའོ། །
གསུམ་པ་ནི། དང་པོའི་སྔགས་དང་ཡང་དག་ལྡན། །ཞེས་པ་ནས། སེམས་ཀྱི་རོལ་མོ་
ལས་བྱུང་མཁྱེན། །ཞེས་པའི་བར་ཏེ། འདི་ལ་དྲང་བའི་དོན་དང༌། ངེས་པའི་དོན་གྱི་བཤད་
པ་གཉིས་སོ། །དང་པོ་ནི། དམ་རྫས་ཀྱི་རིལ་བུའི་སྒྲུབ་པ་དང༌། ལས་སྦྱོར་དང༌། ཕན་ཡོན་
གསུམ་བསྟན་པ་ཡིན་ཏེ། འཆད་འགྱུར་ལྟར། དང་པོའི་སྔགས་ༀ་ཡིག་སྟེ། དེ་ལ་སོགས་པ་
ཡི་གེ་འབྲུ་གསུམ་དང་ཡང་དག་པར་ལྡན་པར་བསྒོམས་ན། དམ་རྫས་དེ་སྐད་ཅིག་དེ་ལ་སྟེ་
མྱུར་དུ་འབར་བར་འགྱུར་རོ། །དཔལ་གསང་བ་འདུས་པ་ལས་ཀྱང༌། བཤང་གཅི་ཤ་ཡི་བྱ་
བ་དང༌། །རྡོ་རྗེ་གསང་བའི་ཚིག་དག་གིས། །སྔགས་རྣམས་ཀུན་ལ་ཡི་གེ་ༀ། །བསྒོམ་ན་དེ་
མ་ཐག་ཏུ་འབར། །ཞེས་སོ། །དེ་ལྟར་རྣལ་འབྱོར་པས་དམ་རྫས་དེ་བརྟན་པའི་ཕྱིར་སྒྲུབ་ན། 
དྲོད་དང་དུ་བ་དང༌། མེ་སྦར་བའི་{ལྟར[ལྟ་བ་]གསུམ་གྱིས་རྫས་ཀྱི་དངོས་གྲུབ་དེའི་འབྲས་
བུ་རབ་ཏུ་སྟེར་བའི་ནུས་པ་དང་ལྡན་པར་འགྱུར་རོ། །རྣལ་འབྱོར་མ་རྣམས་ཀྱི་དངོས་གྲུབ་
ཀྱི་སྦྱོར་བ་དེ་ལ་བསྟེན་ནས་འཕྲལ་དུ་ཡིད་ཆེས་ཡང་དག་པ་འཛུག་པར་འགྱུར་བའི་རྟགས་
མང་དུ་འབྱུང་སྟེ་གནས་འདི་ན་སྒྲུབ་པ་པོ་གནས་སོ་ཞེས་མཁའ་འགྲོ་མ་རྣམས་འདུས་ཤིང་
བྱིན་གྱིས་བརླབས་པས། སྒྲ་དང༌། འོད་དང༌། མེ་ཏོག་གི་ཆར་དང༌། དྲི་བཟང་པོ་འཐུལ་བ་
དང༌། བདུད་རྩི་འབབ་པ་དང༌། སྐུ་གཟུགས་བཞད་པ་དང༌། སྔགས་ཀྱི་ལྷ་རྣམས་ཀྱི་ལུས་
སྣང་བར་བྱེད་པ་དང༌། ལུང་སྟོན་པ་སོགས་འབྱུང་བའི་དོན་ནོ། །དངོས་གྲུབ་ཀྱི་ལས་ལ་
11-1-421


སྦྱར་བ་ནི། དེའི་ཚེ་རྫས་བསྲུང་བ་བྱས་ནས། ལྷ་མཆོད་ཅིང་དངོས་གྲུབ་བླང་ངོ༌། །ལས་ལ་
སྦྱོར་བ་ནི། རིལ་བུ་ཁར་བཅུག་ན་ལྷ་མི་ཐམས་ཅད་ཀྱིས་ནི་མི་མཐོང་བར་འགྱུར་ཞིང༌། ཡང་
གཟུགས་དུ་མར་བསྒྱུར་བར་བྱའོ་སྙམ་པས་ཟོས་ཤིང་ལུས་ལ་བྱུགས་ན། ལུས་ཀྱི་བཀོད་པ་
སྟོང་ཕྲག་གཅིག་ཏུ་ཡང་གཞན་ལ་སྣང་ཞིང་སྟོན་པར་འགྱུར་རོ། །ཕན་ཡོན་ནི། དེ་བཞིན་དུ་
རང་ཉིད་རིལ་བུ་དེ་དང་བཅས་པས་གཞན་གྱི་མིག་སྨན་དང༌། རྐང་མགྱོགས་དང༌། གཏེར་
ལ་སོགས་པ་དངོས་གྲུབ་རྣམས་འཕྲོག་པར་བྱའོ་སྙམ་པའི་སེམས་བསྐྱེད་ན་ཐུན་མོང་གི་གྲུབ་
པ་ཐོབ་པ་གཞན་རྣམས་ཀུན་ལས་དེ་རྣམས་འཕྲོག་པར་ནུས་པ་དང༌། ལྷའི་བུ་མོ་མཆོག་ལ་
སྟེ་རིག་སྔགས་འཆང་བ་རྣམས་དང་ལྷན་ཅིག་ཏུ་སྤྱོད་པར་བྱེད་དོ། །གངྒཱའི་ཀླུང་གི་བྱེ་མའི་
གྲངས་སྙེད་དང་མཉམ་པའི་སངས་རྒྱས་སྤྲུལ་པའི་སྐུར་གྲགས་པ་རྣམས་རང་ཉིད་ཀྱི་རྡོ་རྗེའི་
གནས་ཏེ། བདེ་བ་ཅན་ལ་སོགས་པ་དག་པའི་ཞིང་རྣམས་ན་བཞུགས་པ་དག་ལག་ཏུ་སྐྱུ་རུ་
རའི་འབྲས་བུ་བཞག་པ་བཞིན་དུ་རྡོ་རྗེ་མིག་གི་མངོན་པར་ཤེས་པས་མཐོང་བར་འགྱུར་རོ། །
དེ་བཞིན་དུ། རྡོ་རྗེའི་རྣ་བ་དང༌། རྡོ་རྗེའི་སྣ་དང༌། རྡོ་རྗེའི་ལྕེ་དང༌། རྡོ་རྗེའི་ལུས་རྣམས་ཀྱིས་
སྒྲ་དང༌། དྲི་དང༌། རོ་དང༌། རེག་བྱ་ཆེན་པོ་དག་མྱོང་བར་འགྱུར་པ་ཡང་ཤུགས་ལ་བསྟན་
ཞིང༌། དྲུག་པ་ཡིད་ཀྱི་མངོན་པར་ཤེས་པ་བསྟན་པ་ནི། གངྒཱའི་བྱེ་མའི་གྲངས་ཇི་སྙེད་པ་དེ་
སྙེད་ཀྱི་ཞིང་དག་ན་གནས་པའི་སྐུ་གསུང་ཐུགས་ཏེ་སེམས་ཅན་རྣམས་ཀྱི་ལུས་ངག་ཡིད་
གསུམ་གྱི་མཚན་ཉིད་སྟེ། རྣམ་པ་དང༌། བྱེད་པ་དང༌། སྤྱོད་པ་ནི་དངོས་པོ་བརྟན་གཡོ་ཐམས་
ཅད་ཀུན་གྱི་ངོ་བོ་དང་རྒྱུ་དང་འབྲས་བུའི་བདག་ཉིད་རྣམས་དང་བཅས་པ་ཐམས་ཅད་ཤེས་
ཤིང༌། དེར་མ་ཟད་དེ་རྣམས་སེམས་ཀྱི་རོལ་མོ་སྟེ་སེམས་ཀྱི་ཆོ་འཕྲུལ་ཙམ་ལས་བྱུང་བར་
ཡང་མཁྱེན་ནོ། །ཡང་གཅིག་ཏུ་ན། རོལ་མོ་ནི་གར་མཁན་སོགས་རོལ་རྩེད་དེ། བདེན་པར་
འཛིན་པ་མེད་ཀྱང་སེམས་ཀྱི་རོལ་རྩེད་དམ་ལྟད་མོ་སྣ་ཚོགས་བལྟ་བའི་ཚུལ་གྱིས་མཁྱེན་
11-1-422


ཞེས་སྦྱར་ཀྱང་རུང་ངོ༌། །དེ་ལྟ་བུའི་མཐོང་བྱ་སངས་རྒྱས་དང༌། སེམས་ཅན་ཐམས་ཅད་ཀྱང་
ཀུན་རྫོབ་ཏུ་སེམས་ཙམ་སྟེ། དེ་ལྟར་ཡང་མཁའ་འགྲོ་མ་རྡོ་རྗེ་གུར་ལས། ནམ་མཁའ་འབྱུང་
བ་ཐམས་ཅད་དང༌། །ཆོས་རྣམས་ཀུན་གྱི་གཞིར་འགྱུར་ཞིང༌། །བདེ་མཆོག་དག་པའི་སེམས་
ཉིད་དེ། །མཁའ་བཞིན་དག་པའི་སེམས་ཉིད་ཀྱང༌། །ཡུལ་དང་དབང་པོའི་རང་བཞིན་ནི། །
སེམས་ལས་ཕྱི་རོལ་གྱུར་མིན་ཡང༌། །གཟུགས་སོགས་སོ་སོར་སྣང་བ་རྣམས། །སེམས་
ཉིད་ཁོ་ན་སྣང་བ་ཡིན། །ཞེས་དང༌། སྟོང་པ་མ་ཡིན་པའི་ཕྱི་རོལ་གྱི་དོན་དུ་སེམས་སྟོང་པ་ཇི་
ལྟར་སྣང་བར་གྱུར་པ་ལགས། དེ་བཞིན་གཤེགས་པ་རྣམས་ཀྱིས་གསུངས་པ། ཐོག་མ་མེད་
པའི་སྲིད་རྒྱུན་ནས། །ཕྱི་རོལ་དོན་དུ་བཏགས་པ་སྟེ། །ཐམས་ཅད་སེམས་ཀྱི་རྣམ་སྤྲུལ་ཞིང༌། །
སེམས་ཉིད་ཀུན་ཏུ་སོང་བའོ། །ཞེས་གསུངས་ལ། རྒྱུད་འདི་ཉིད་དང་འབྲེལ་བ་ལ་ཡང་རིན་
ཆེན་འབྱུང་གནས་ཞི་བའི་ཞབས་ཀྱིས་དེ་བཞིན་དུ་བཀྲལ་ཞིང༌། འགྲེལ་པ་གཞན་གསུམ་གྱི་
དགོངས་པ་ཡང་དེ་དང་མཚུངས་ལ། གྲུབ་ཐོབ་འགྲོ་བ་བཟང་པོའི་དེ་ཁོ་ན་ཉིད་ཀྱི་འགྲེལ་པ་
ལས་ཀྱང༌། གང་གི་ཕྱིར་ཁམས་གསུམ་པོ་འདི་དག་ཐམས་ཅད་སེམས་ཀྱི་རྣམ་པར་ཡོངས་
སུ་གྱུར་པ་ཡིན་གྱི་ཕྱི་རོལ་ན་ཡོད་པ་མ་ཡིན་ཏེ་བེམ་པོའི་བདག་ཉིད་ཅན་རྣམས་ནི་སྣང་བར་
མི་རིགས་པའི་ཕྱིར་རོ། །ཞེས་བྱ་བར་དགོངས་ཏེ། ཇི་སྐད་དུ། ཀྱཻ་རྒྱལ་བའི་སྲས་དག་ཁམས་
གསུམ་པོ་འདི་དག་ནི་སེམས་ཙམ་མོ། །ཞེས་གསུང་བའི་ཕྱིར་རོ། །འོ་ན་ཕྱི་རོལ་དུ་བལྟོས་
པ་མེད་ན། གང་གིས་ཇི་ལྟར་མཆོད་ཅེ་ན། འདི་ཉིད་མཆོད་པ་ཡིད་ཀྱིས་ནི། ཞེས་སོགས་
གསུངས་ཏེ། སྤྱིར་འཕགས་ཡུལ་གྱི་རྡོ་རྗེ་སློབ་དཔོན་ཕལ་ཆེར་གྱི་དགོངས་པ་ཡིན་ལ། ཁྱད་
པར་དུ་རྒྱུད་འདི་འགྲེལ་པར་བྱེད་པ་ཚད་ལྡན་རྣམས་ཀྱི་དགོངས་པར་ངེས་སོ། །ཡང་སྒྲ་ཇི་
བཞིན་པ་ནི། ཡི་གེ་དང་པོ་ན་ༀ་ཡིག་སོགས་ཀྱིས་གནས་གསུམ་བྱིན་གྱིས་བརླབས་པ་ཡིན་
ལ། དེ་ལྟར་རྣལ་འབྱོར་པས་སྒྲུབ་ན་ཞེས་བྱ་བ་ལ་སོགས་པ་ནི་ལྷ་སྐུ་བསྒོམ་པའི་ཕན་ཡོན་
11-1-423


ཡིན་ལ། ཕན་ཡོན་དེ་དག་འབྱུང་བའི་རྒྱུ་མཚན་ནི་རྡོ་རྗེ་རྣལ་འབྱོར་མ་རྣམས་ཀྱི་གྲུབ་པའི་
སྦྱོར་བ་དང་ཏིང་ངེ་འཛིན་སྩོལ་བར་མཛད་པས་སོ། །སྟོང་ཕྲག་གཅིག་ཏུ་སྣང་བར་འགྱུར་བ་
ནི། །དུས་གཅིག་ལ་གཟུགས་ཡོངས་སུ་བརྗེ་བར་འདོད་པས་སྟོང་ཕྲག་གཅིག་གམ། སྟོང་སྤྱི་
ཕུད་ཀྱི་འཇིག་རྟེན་གྱི་ཁམས་གཅིག་ཏུ་སྤྲུལ་པ་སྣ་ཚོགས་སྟོན་པར་ནུས་པ་སྟེ། མི་སྣང་བར་
ནི་སྟོང་གཅིག་དང༌། ཞེས་གསུངས་པ་དང་ཡང་མཐུན་པར་འགྱུར་རོ། །སེམས་ཀྱི་རོལ་མོ་ནི་
བསམ་པ་ཙམ་གྱིས་ཇི་ལྟར་འདོད་པར་ཤེས་པའམ། གོང་མ་རྣམས་གསུང་པ་ལྟར་ན། མཁྱེན་
པས་སེམས་ཀྱི་རོལ་མོ་གྱུར་ཞེས་པའི་དོན་དུ་སྦྱར་ནས། སངས་རྒྱས་དང་སེམས་ཅན་ཀུན་གྱི་
གནས་ལུགས་ཤེས་ཤིང༌། འདོད་ན་མི་སྣང་བར་ཡང་བྱེད་ལ། འདོད་ན་སྟོང་ཕྲག་གཅིག་ཏུ་
སྣང་བར་ཡང་བྱེད་པས་བདག་ཉིད་རོལ་མོ་སྟོན་པ་པོར་འཆད་དོ། །གཉིས་པ་ངེས་པའི་དོན་
ལ་སྦྱར་བ་ནི། རྫོགས་རིམ་ལ་སྦྱོར་བའི་དང་པོ་ཉིད་ནས་དང་པོའི་སྔགས་ནི། ཡིད་མ་དག་
པའི་སྣང་བ་ལས་སྐྱོབ་པར་བྱེད་པའི་ལྷ་སྐུ་སྟེ། དང་པོ་ཞེས་སྨོས་པ་ནི། བསྐྱེད་རིམ་གྱི་བསྐྱེད་
མཆོག་ལ་མི་བལྟོས་པར་སེམས་བདེ་སྟོང་དུ་ཤར་བའི་ངང་ནས་སྐད་ཅིག་གིས་བསྐྱེད་པ་སྟེ། 
རྣལ་འབྱོར་དེ་དང་ཡང་དག་པར་ལྡན་པས་བསྒོམ་ན་སྐད་ཅིག་དེ་ལ་གསལ་སྣང་མཆེད་ཅིང་
འབར་བར་འགྱུར་རོ། །དེ་ལྟ་བུའི་ལྷ་སྐུ་དེ་ཉིད་སྔགས་ཀྱི་རྣལ་འབྱོར་གྱིས་བོགས་ཕྱུང་ཞིང་
བསྒྲུབ་ན་རྫས་ཏེ་རླུང་སེམས་ཙམ་གྱི་སྐུའི་དངོས་གྲུབ་ཀྱི་འབྲས་བུ་རབ་ཏུ་སྟེར་བར་འགྱུར་
རོ། །དེ་ཉིད་བོགས་འབྱིན་པར་བྱེད་པ་ནི། རྣལ་འབྱོར་མ་ཡི་གྲུབ་སྦྱོར་བས། །ཞེས་པ་སྟེ། དེ་
ཡང་ལས་ཀྱི་ཕྱག་རྒྱའི་རྣལ་འབྱོར་སྤྱི་ལྡོག་ནས་ཀྱང་སྒྲུབ་པ་ཡིན་ལ། ཁྱད་པར་རྣལ་འབྱོར་
མ་སྟེ་སྔགས་སྐྱེས་དང་ཞིང་སྐྱེས་ཀྱི་འདུ་བ་ཁྱད་པར་ཅན་སྒྲུབས་ནས་དྲོད་ཆེན་པོའི་ཡེ་ཤེས་
མཐར་ཕྱིན་པར་བྱེད་དེ། དེའི་རྟགས་སུ་ལྟ་སྟངས་བཞི་གྲུབ་པ་ལ་སོགས་པ་འཕྲལ་དུ་ཡིད་
ཆེས་ཀྱི་རྟགས་མང་པོ་ཡང་དག་པར་འཇུག་སྟེ། སྦྱོར་ལམ་དྲོད་དོ། །དེའི་རྗེས་ཐོག་ཏུ་རླུང་
11-1-424


སེམས་ཙམ་གྱི་སྐུ་འགྲུབ་པ་ནི། ཁམས་གསུམ་གྱི་མིག་ཐམས་ཅད་ཀྱིས་ནི་མི་མཐོང་སྟེ། ཇི་
སྐད་དུ། ཚངས་པ་དྲག་པོ་ལ་སོགས་ལྷས། །ནམ་ཡང་མཐོང་བར་མི་འགྱུར་རོ། །ཞེས་པ་ལྟར། 
རྗེས་ཐོབ་ཀྱི་སྒྱུ་ལུས་ནི། སྟོང་ཕྲག་གཅིག་ཏུ་སྣང་བར་འགྱུར། །ཞེས་པ་ལ་སྟོང་ཕྲག་ནི་མཚོན་
པ་ཙམ་སྟེ། རྩ་བའི་ཡེ་ཤེས་ཀྱི་སྐུ་ལས་ཡེ་ཤེས་ཀྱི་སྐུ་དཔག་ཏུ་མེད་པ་སྤྲོ་བའོ། །དེ་ལྟར་
ཡང་དཔལ་གསང་བ་འདུས་པ་ལས། ལུས་དང་ངག་སེམས་རྡོ་རྗེ་ལ། རྡོ་རྗེ་འཇམ་པ་རབ་
ཏུ་བསྒོམ། ལུས་དང་ངག་སེམས་ལ་སྤྲོས་པས། །རྡོ་རྗེ་འཇམ་པ་འདྲ་བར་འགྱུར། །ཞེས་རྡོ་
རྗེའི་སྐུ་ཤ་ཁྲག་སྤངས་པས་འཇམ་པ་སྟེ། རྩ་བའི་སྐུ་གཅིག་གྲུབ་པ་ན། སྐུ་དུ་མ་སེམས་ཅན་
གྱི་ཁམས་ལ་སྤྲོས་པ་ཐམས་ཅད་ཀྱང་སྐུ་གསུང་ཐུགས་རྡོ་རྗེར་སྣང་བ་ཡིན་ནོ། །དེ་དག་ཀྱང་
སྤྱོད་པས་མཐར་ཕྱིན་པ་ལས་ཟུང་འཇུག་གི་སྐུ་འགྲུབ་པར་འགྱུར། དེའི་ཡོན་ཏན་ནི། གྲུབ་པ་
ཀུན་ལས་འཕྲོག་པ་སྟེ། །གྲུབ་པ་འཇིག་རྟེན་པ་མཐའ་དག་ཟིལ་གྱིས་གནོན་པ་དང༌། ལྷའི་བུ་
མོ་མཆོག་སྟེ་ས་བཅུ་ལ་གནས་པའི་རྡོ་རྗེ་ཕོ་ཉ་མོ་རྣམས་ཀྱི་འདུ་བ་ཁྱད་པར་ཅན་ལ་སྤྱོད་པར་
བྱེད་པ་ལས། ཡང་ན་གྲུབ་པ་ཀུན་ལས་འཕྲོག་པ་དང༌། ཞེས་སོགས་ནི་སྤྱོད་པ་དམ་པ་སྟེ། དེ་
སྐད་དུ། ཁ་སྦྱོར་ལས། ཆུས་བྱུང་ཡིད་འོང་རིན་ཆེན་དང༌། །རིག་པ་འཛིན་པའི་ཉམས་དགའ་
ལ། །ལྷ་ཡི་བུ་མོ་གནོད་སྦྱིན་མོ། །ཡང་ན་ཀླུ་མོ་ས་འོག་ཏུ། །གནས་པ་དང་ནི་ལྷ་མིན་མོ། །
འདི་དང་ཡོ་གིས་རིག་མ་གཅིག །རང་གི་སེམས་ལ་མངོན་འདོད་པ། །ལྕགས་ཀྱུ་ཞགས་པའི་
རབ་སྦྱོར་བས། །རྣལ་འབྱོར་པ་ཡིས་བཀུག་ནས་སྒྲུབ། །ཉེ་བར་དགོས་པ་རྒྱས་པ་ཀུན། །མ་
བླངས་པར་ནི་ལྷ་ཡིས་སྟེར། །རྒས་དང་ནད་ལས་རྣམ་པར་གྲོལ། །གཉིས་མེད་རྣམ་གསུམ་
སྡིག་པ་མེད། །ཅེས་གསུངས་ཏེ། །རྒ་ནད་འཆི་གསུམ་སྤངས་པ་དང༌། །སྒོ་གསུམ་གྱི་ཁ་ན་
མ་ཐོ་བ་མེད་པའི་ཕན་ཡོན་ལྷག་པོར་བཤད་དོ། །གངྒཱའི་བྱེ་སྙེད་སོགས་ནི་མཚོན་པ་ཙམ་སྟེ། 
སངས་རྒྱས་ཀྱི་ཞིང་གཞལ་དུ་མེད་པ་དག་མཐོང་བ་ཡིན་ལ། རྡོ་རྗེའི་གནས་བཞུགས་པ་ཞེས་
11-1-425


པ་སྟོང་པ་ཉིད་ཀྱི་དོན་ལ་མཉམ་པར་བཞག་པ་ཡིན་པར་བཤད་དོ། །གངྒཱའི་ཇི་སྙེད་ཞིང་དག་
གི །ཞེས་བྱ་བ་ལ་སོགས་པ་ནི། སངས་རྒྱས་རྣམས་ཀྱི་སྐུ་གསུང་ཐུགས་ཀྱི་བདག་ཉིད་ཐམས་
ཅད་རང་གི་སེམས་ཀྱི་རང་བཞིན་དུ་མཐོང་བ་སྟེ་ཕྱི་མ་འདི་ནི་མི་སློབ་པའི་ཟུང་འཇུག་གི་
ཡོན་ཏན་དུ་མངོན་ནོ། །
བཞི་པ་ནི། ཡི་གེ་གོ་བཟློག་སྦྱོར་བ་ཡི། །ཞེས་པ་ནས། ཡི་གེ་གསུམ་མཐའ་ཞེས་བྱ་
སྟེ། ཞེས་པའི་བར་ཡིན་ལ། འདིར་ནི་ཁ་ཟས་ཀྱི་རྣལ་འབྱོར་དང༌། ཚོགས་ཀྱི་འཁོར་ལོ་དང༌། 
དམ་རྫས་བདུད་རྩི་དང་གཏོར་མ་བྱིན་གྱིས་བརླབས་པ་རྣམས་ཐུན་མོང་དུ་བསྟན་པ་ཡིན་
ཏེ། འདི་ལ་རྣལ་འབྱོར་དང༌། ཏིང་ངེ་འཛིན་དང༌། སྔགས་དང་བསྟན་ཚུལ་ཏེ། དེ་ཡང་ཡི་གེ་
འབྲུ་གསུམ་གོ་བཟློག་པའི་སྦྱོར་བ་ཡིས་ཏེ། བླ་མ་གོང་མ་རྣམས་ཀྱི་མན་ངག་ལྟར་ན། ཤ་ལྔ་
བདུད་རྩི་ལྔ་རྣམས་རྣམ་པ་ༀ་གྱི་རྣམ་པར་གནས་པ་རྩེ་མོར་སྲོག་མཚོན་བྱེད་ཨ་ཡིག་གིས་
བརྒྱན་པ། སྟེང་དུ་ཟླ་ཕྱེད་ལ་གནས་པའི་རྡོ་རྗེ་ཧཱུཾ་གིས་མཚན་པ་སྟེ། འབྲུ་གསུམ་པོ་སྟེང་འོག་
གོ་བཟློག་པའི་ཚུལ་དུ་གནས་པ་ཡིན་ལ། སྒྲུབ་ཐབས་འགའ་ཞིག་ལྟར་ན། རྫས་བཅུ་ༀ་གྱིས་
མཚན་པ། ཟླ་བ་ལ་ཨཱས་མཚན་པ། རྡོ་རྗེ་ཧཱུ་གིས་མཚན་པ་རྣམས་བརྩེགས་པར་ཡང་བྱས་
ལ། གང་ལྟར་ཀྱང་གོ་བཟློག་གི་དོན་འདྲའོ། །ཡི་གེ་འབྲུ་གསུམ་གྱི་རྣམ་པའི་སྔགས་ནི་ཐོད་
པ་དེ་རུ་རྣམ་པར་བསྒོམ་པར་བྱའོ། །དམ་རྫས་ཇི་ལྟར་བཟའ་བ་ནི། རྡོ་རྗེའི་ཆུ་སྟེ་དྲི་ཆུའམ་
བྱིན་གྱིས་བརླབ་པའི་ཆང་དང་ཡང་དག་པར་ལྡན་པར་བྱ་སྟེ། རི་ལུ་རེ་རེ་བཟའ་བར་བྱ་བ་
ནི། རིལ་བུ་རེ་རྡོ་རྗེའི་ཆུ་ཕུལ་གང་གིས་ཕུལ་ཏེ་མིད་པའི་དོན་ནོ། །སྔགས་བསྟན་པ་ནི་ཡི་གེ་
སྡེ་ཚན་བརྒྱད་ཀྱི་ཐ་མར་ལྡན་པ་སྟེ་ཧ་ཡིག་ལ་སྲོག་ཨུ་དང་མགོ་བོར་ཐིག་ལེས་བརྒྱན་པར་
བཅས་པ་ནི་ཧཱུཾ་སྟེ། དེ་སྔགས་ཀྱི་མཐར་ཡང་དག་པར་སྦྱར་བར་བྱས་ལ། སྔགས་འདི་ནི་ཀུན་
དུ་བརྗོད་པར་བྱ་སྟེ། སྔགས་ནི་འདི་ཡིན་ཏེ། འདི་ནི་གསང་བ་ཉེར་བརྟགས་ཞེས་འབྱུང་བ་
11-1-426


ལས། གསང་བ་ཉེར་བརྟག་ཅེས་པའི་སྐད་དོད། གུཧྱ་བྷཀྵ་བྷཀྵེ་ཞེས་པའོ། །བཟའ་བའི་དམ་
ཚིག་གི་རྣལ་འབྱོར་ནི། རྣལ་འབྱོར་མ་ཀུན་སྦྱོར་བ་ཡི། །ཞེས་པ་སྟེ། དྲང་དོན་ལྟར་ན་དཔལ་
ཧེ་རུ་ཀ་རྣལ་འབྱོར་མ་ཀུན་དང་རབ་ཏུ་སྦྱོར་བའི་སྐུ་ཅན་ཏེ་ལྷ་ལྔའམ། གཙོ་བོ་ཡབ་ཡུམ་གྱི་
ང་རྒྱལ་དང་ལྡན་པའོ། །ངེས་པའི་དོན་ལྟར་ན། རྣལ་འབྱོར་མིན་བདག་མེད་པ་སྟེ། །ཀུན་
ཞེས་པའི་སྒྲས་ནི་ཆོས་ཐམས་ཅད་དོ། །དེ་ལྟར་ཆོས་ཐམས་ཅད་བདག་མེད་པའི་རྣལ་འབྱོར་
གོམས་པས་བཟའ་བའི་དམ་ཚིག་སྒྲུབ་པའི་དོན་ནོ། །སྔར་བཤད་པའི་སྔགས་དེ་ཡང་དང་
པོའི་སྔགས་ༀ་དང་ཡང་དག་པར་ལྡན་པ་བྱེད་དགོས་ལ། གལ་ཏེ་སྒྲུབ་པ་པོ་རྣལ་འབྱོར་ཅན་
རྣམས་ཀྱིས་དངོས་གྲུབ་ཐོབ་པར་འདོད་ན། {ཁམས་[ཁ་ཟས་]བྱིན་གྱིས་བརློབ་ཀྱང་རུང་
དམ་རྫས་ཀྱི་རིལ་བུ་སྟེན་ཀྱང་རུང་སྟེ། སྔགས་དེ་ཉིད་ལན་བདུན་དུ་མངོན་པར་བསྔགས་ཏེ། 
རྣལ་འབྱོར་པས་ཉིན་རེར་ཐུན་བཞི་སོགས་རྟག་པར་བཟའ་བར་བྱའོ། །ཡི་གེ་གསུམ་ནི། ཨ་
གཉིས་དང་ཚེག་དྲག་ཡིན་ལ་དེ་རྣམས་འདུས་པ་ནི་ཨཱཿསྟེ། དེ་ཉིད་ཐོག་མའི་མཐའམ། ཕྱེད་
གོང་མའི་མཐར་སྦྱར་བ་ཞེས་བྱ་སྟེ། ཡི་གེ་དེ་ཉིད་ཀྱང་གོང་གི་སྔགས་ལ་བསྣན་དགོས་སོ། །
དེ་ཡང་ༀ་ཐོག་མ་དང༌། ཨཱཿབར་པ་དང༌། ཧཱུཾ་ཐ་མར་སྦྱར་བས་ༀ་གུ་ཧྱ་བྷཀྵ་ཨཱཿབྷཀྵེ་ཧཱུཾ། 
ཞེས་པར་འགྱུར་ལ། ཡང་འགའ་ཞིག་ལྟར་ན། རིལ་བུ་བཟའ་བའི་སྔགས་ལ། ༀ་ཨཱཿགུཧྱ་
བྷཀྵ་བྷཀྵེ་ཧཱུཾ། ཞེས་པའང་ཡོད་པ་གང་གདམ་ངར་མངོན་ནོ། །
ལྔ་པ་ནི། བརྒྱད་པའི་ཐ་མར་ལེགས་གནས་པ། །ཞེས་པ་ནས་དེ་ལྟའི་སྦྱོར་བ་ཀུན་ཤེས་
བྱ། །ཞེས་པའི་བར་ཏེ། དེ་ཡང་སྡེ་ཚན་བརྒྱད་པའི་ཐ་མར་ལེགས་པར་གནས་པའི་ཧ་སྲོག་
ཨུ་དང་ཐིག་ལེ་ཡང་དག་པར་ལྡན་པ་ཧཱུཾ་ཡིག་ལས་གསང་བའི་རྡོ་རྗེ་ཡི་གེ་མཆོག་ཏུ་གྱུར་པའི་
གནས་ཏེ། ཡི་གེའི་མཆོག་ཧཱུཾ་གིས་གནས་ཡིན་པའམ། ཡི་གེ་ནི་འགྱུར་མེད་དུ་བསྒྱུར་ནས། 
འགྱུར་བ་མེད་པ་མཆོག་གི་གནས་ཏེ། འགྱུར་བ་འགགས་པར་བྱེད་པའི་གནས་སམ་འགྱུར་
11-1-427


མེད་སྟོང་ཉིད་ཀྱི་ཡེ་ཤེས་མཚོན་པའི་དོན་ནོ། །ཡི་གེ་དང་པོ་ༀ་གྱི་སྦྱོར་བ་ལས་བྱུང་བའི་ནོར་
བུས་མཚན་པ། ཤེས་རབ་ཀྱི་མཁའ་ས་བོན་ཧྲི་ཞེས་བྱ་བ་ཡང་དག་པར་ལྡན་པ་ལས་བྱུང་
བ་ཨའི་མཐའ་དང་ཡང་དག་སྦྱར། ཞེས་བྱ་བ་ནི། མཐའ་དང་ཨ་ནི་ཡང་དག་སྦྱར། །ཞེས་
བྱ་བའི་དོན་དུ་བྱ་སྟེ། ཟེའུ་འབྲུའི་མཐའམ་རྩེ་མོར་ཨ་ཡིག་ཡང་དག་པར་སྦྱར་བའོ། །དེ་
བཞིན་གཤེགས་པ་རིགས་ལྔའི་ས་བོན་ལྔའི་འོད་ཟེར་གྱིས། ཤེས་རབ་ཀྱི་ལུས་རབ་ཏུ་བགང་
བར་བྱ་བ་སྟེ། སྤྱི་བོར་ༀ་དཀར་པོ། སྙིང་ཁར་ཧཱུཾ་སྔོན་པོ། ལྟེ་བར་སྭཱ་སེར་པོ། གསང་བར་
ཨཱཿདམར་པོ། བརླ་གཉིས་ལ་ཧ་ལྗང་ཁུ་རྣམས་དེ་བཞིན་གཤེགས་པ་རིགས་ལྔའི་བདག་ཉིད་
ཅན་རིགས་ལྔའི་རྡུལ་ཕྲ་རབ་སྤྲོ་བའོ། །བྱང་ཆུབ་ཀྱི་སེམས་མི་འགྱུར་བའི་དོན་དུ་ནི་བསྐྱེད་
རིམ་ལྟར་ན། བུ་གར་ཕཊ་ཀྱི་ཡི་གེས་དགག་པ་རྣམ་པར་བསྒོམ་པ་དང༌། རྫོགས་རིམ་ལྟར་
ན། རླུང་ངམ་ཏིང་ངེ་འཛིན་གྱི་བྱང་ཆུབ་ཀྱི་སེམས་འཆིང་བའི་ཐབས་རྣམ་པར་དག་པ་བསྒོམ་
སྟེ། པདྨ་རབ་ཏུ་རྒྱས་པར་བྱ། ཞེས་བྱ་བ་ནི་རྗེས་སུ་ཆགས་པའི་སྦྱོར་བས་གསང་བའི་རྩ་རབ་
ཏུ་རྒྱས་པར་བྱེད་པའོ། །ཡང་གཅིག་ཏུ་ན། ཀ་ར་ཎ་སྔོན་དུ་འགྲོ་བས་ཐབས་ཤེས་སྙོམས་པར་
འཇུག་པའི་དོན་ཏེ། མཁའ་ནི་སྟོང་ཉིད་མཚོན་ལ་རྡོ་རྗེ་ནི་རིག་པའི་ཡེ་ཤེས། མཉམ་པར་
སྦྱོར་བ་ནི་ཟུང་དུ་འཇུག་པའི་དོན་ཏེ། རྣམ་པར་མི་རྟོག་པའི་ཡེ་ཤེས་དེས་རྒྱས་འདེབས་པ་ནི། 
ཐོག་མཐའ་བར་གསུམ་ཐམས་ཅད་དུ་གལ་ཆེའོ། །དེ་ལ་ཇི་སྙེད་རྡོ་རྗེ་ཅན་ཞེས་པ་བླ་མ་གོང་
མ་རྣམས་ནི་རྡོ་རྗེ་ཅན་ཞེས་པ་སྒྲུབ་པ་པོའི་དོན་དུ་བཤད་ནས། སྒྲུབ་པ་པོ་དངོས་གྲུབ་འདོད་
པས་དེ་ལྟར་བཤད་པའི་སྦྱོར་བ་ཀུན་ཤེས་པས་སྒོམ་པར་བྱའོ། །ཞེས་པའི་དོན་དུ་མཛད་
ཅིང༌། གཅིག་ཏུ་ན་རྡོ་རྗེ་ཅན་ཏེ། དཀྱིལ་འཁོར་གྱི་ལྷ་ཚོགས་ཇི་སྙེད་པ་རྣམས་ཀྱི་དངོས་གྲུབ་
ཐོབ་པར་འདོད་ན། དེ་ལྟ་ཞེས་པ་ནི། དེ་ཁོ་ན་ཉིད་དང༌། གོང་དུ་བཤད་པའི་སྦྱོར་བ་ཐམས་
ཅད་ཤེས་པས་རྗེས་ཆགས་ཀྱི་སྦྱོར་བ་ལ་བརྩོན་པར་བྱའོ། །ཞེས་པའི་དོན་དུ་བཤད་ནའང་
11-1-428


ཤིན་ཏུ་ལེགས་སོ། །དེ་ཁོ་ན་ཉིད་དེ་ཡང་གང་ཞེ་ན། སྟོང་ཉིད་སྙིང་རྗེའི་སྙིང་པོ་ཅན་ཏེ། དེ་
སྐད་དུ་ཡང༌། སྟོང་ཉིད་སྙིང་རྗེ་དབྱེར་མེད་པར། །གང་དུ་སེམས་ནི་རབ་བསྒོམ་པ། །འདི་
ནི་སངས་རྒྱས་ཆོས་དང་ནི། །དགེ་འདུན་གྱི་ཡང་བསྟན་པ་ཡིན། །ཞེས་གསུངས་ཤིང༌། ཆོས་
དབྱིངས་རང་བཞིན་གྱིས་བསྒྲུབས་ན། །བདག་ཏུ་འཛིན་པ་ངེས་པར་སེལ། །ཐབས་དང་ཤེས་
རབ་བསྡུ་བྱས་ན། །དེ་ནི་སངས་རྒྱས་བསྟན་ལ་གནས། །ཞེས་གསུངས་པས། སེམས་ཅན་
འཁོར་བ་ལས་སྒྲོལ་བ་ལ་ཞུགས་ཤིང་བརྩེ་བའི་ངང་ཚུལ་ཅན་གྱི་སྙིང་རྗེ་དང༌། ཆོས་ཐམས་
ཅད་བདག་མེད་པའི་རང་བཞིན་དུ་མཐོང་བ་ནི། ཐེག་པ་མཐའ་དག་གི་སྙིང་པོ་ཡིན་ཞིང༌། 
ཡང་བླ་ན་མེད་པའི་ཐེག་པ་འདིར་ནི་སྙིང་རྗེ་དེ་ཡང་བདེ་བ་ཆེན་པོ་དང༌། སྟོང་པ་ཉིད་དེ་ཡང་
དཀྱིལ་འཁོར་གྱི་འཁོར་ལོར་འཆར་བ་ཞིག་ངེས་པར་དགོས་སོ། །དེ་གཉིས་ཟུང་དུ་འཇུག་པ་
ནི་དེ་ཁོ་ན་ཉིད་ཀྱི་ལམ་བྱང་ཆུབ་ཀྱི་སེམས་ཞེས་བརྗོད་དོ། །རང་བཞིན་བྱང་ཆུབ་ཀྱི་སེམས་
ཡིན་པའི་ཕྱིར་ལམ་བྱང་ཆུབ་ཀྱི་སེམས་བསྒོམས་པས། འབྲས་བུའང་བྱང་ཆུབ་ཀྱི་སེམས་རྡོ་
རྗེར་འགྱུར་ཏེ། ཇི་སྐད་དུ། བྱང་ཆུབ་སེམས་ཀྱི་འབྲས་བུ་གང༌། །དེ་ནི་སངས་རྒྱས་ཡེ་ཤེས་
མཆོག །རྡོ་རྗེ་སེམས་དཔའི་རང་བཞིན་དེའི། །ཆོས་དང་ལོངས་སྤྱོད་སྤྲུལ་པ་ཡིན། །ཞེས་
གསུངས་སོ། །དེ་ལྟར་བདག་མེད་པ་སྟོང་པ་ཉིད་ཡིན་ན། དེ་ཉིད་ཅི། སྨྲས་པ། དཔལ་ཁ་
སྦྱོར་ཐིག་ལེ་ལས། ཡང་འདི་ལྟར་སྟོང་པ་ཉིད་གང་ཞེ་ན། ཆོས་དང་གང་ཟག་གི་དོན་དངོས་
པོ་མེད་པ་སྟོང་པ་ཉིད་དེ། དེའི་ཕྱིར་དེ་ལས་བྱུང་བ་དམ་པའི་དངོས་པོ་འདིར་དེ་སྟོང་པ་ཉིད་
དང༌། ཕ་རོལ་གྱི་ཆོས་དང༌། གང་ཟག་དངོས་པོ་མེད་པ་སྟོང་ཉིད་དེ་ལས་བྱུང་བ་དམ་པའི་
དངོས་པོའོ། །ཞེས་གསུངས་པས་སྔར་ཇི་སྐད་བཤད་པའི་ཡེ་ཤེས་སྟོང་པ་ཉིད་གཟུང་འཛིན་
སྤངས་པའི་མཚན་ཉིད་ཅན་ནོ། །
དྲུག་པ་ནི། དེ་ནས་འདིར་ཞེས་པ་ནས། རྡོ་རྗེ་སེམས་དཔའ་ཡང་དག་བསྐུལ། ཞེས་
11-1-429


པའི་བར་ཏེ། འདི་ལ་ཕྱི་བསྐྱེད་རིམ་ལ་སྦྱར་བ་དང༌། ནང་རྫོགས་རིམ་ལ་སྦྱར་བ། གསང་བ་
སྤྱོད་པ་ལ་སྦྱར་བ། དེ་ཁོ་ན་ཉིད་འབྲས་བུ་ལ་སྦྱར་བ་སྟེ་བཞི་ལས། དང་པོ་ནི། རྗེས་ཆགས་
བཤད་པའི་རྗེས་དེ་ནས་འདིར་དཔལ་རྡོ་རྗེ་རྣལ་འབྱོར་མ་བཞི་པོ་རྣམས་ཀྱི་དགོངས་པ་སྟེ་
རབ་ཏུ་གསང་བའི་དོན་དཔལ་རྡོ་རྗེའི་གླུ་སྟེ། དེས་གཙོ་བོ་སྐྱེ་བའི་སྲིད་པ་ཉེ་བར་བླངས་པའི་
ཚུལ་གྱིས་བཞེངས་པར་བྱེད་པའམ། རྗེས་ཆགས་ཀྱི་བདེ་བ་ཉིད་སྲིད་པ་སྟེ། དེ་ལྟ་བུ་ཤིན་
ཏུ་སྒྲུབ་པར་བྱེད་པའི་ཐབས་གླུར་བླངས་པ། ཨེ་མ་སོགས་ནི། རྗེས་སུ་ཆགས་པ་མཛད་པར་
བསྐུལ་བའི་ཚིག་སྟེ། སྒྲ་ཇི་བཞིན་པ་ནི་གོ་སླ་ལ། དགྱེས་པའི་གར་ཞེས་བྱ་བ་ནི་རོལ་པ་དྲུག་
བཅུ་རྩ་བཞི་ལ་སོགས་པའོ། །ཨ་ལ་ལ་ལ་ལ་ཞེས་བྱ་བ་ནི་རབ་ཏུ་བསྐུལ་བའི་ཚིག་གོ །དེ་
ལྟར་བསྐུལ་བ་དེ་ནས་གླུ་དེ་བླངས་པ་ཙམ་གྱིས་རྡོ་རྗེ་འཛིན་པ་ཆེན་པོ་ཐིག་ལེའི་རྣམ་པ་ལས་
བཞེངས་ཏེ། རྡོ་རྗེ་མཁའ་འགྲོ་མ་རྣམས་ཀྱི་གཙོ་བོར་བཞུགས་པའམ། བདུད་རྩི་མྱང་བ་
དང་འབྲེལ་བའི་ཚེ་བསྐུལ་བ་ཙམ་གྱིས་རྡོ་རྗེ་འཛིན་པ་ཆེན་པོ་ལྷ་མོ་རྣམས་དང་རྗེས་ཆགས་
ཀྱི་རོལ་པའི་གར་མཛད་དོ། །དེ་ལྟར་ན་གླུ་འདི་ནི་རྡོ་རྗེ་སེམས་དཔའ་ཡང་དག་པར་བསྐུལ་
བའོ། །བདུད་རྩི་མྱང་བ་དང་འབྲེལ་བའི་ཚེ། གོང་དུ་བཤད་པའི་རྗེས་ཆགས་ཀྱི་ཚིག་རྣམས་
དང༌། གླུས་བསྐུལ་བ་འབྲེལ་ཆགས་སུ་སྦྱོར་དགོས་སོ། །
གཉིས་པ་ནི། རྡོ་རྗེ་མཁའ་འགྲོ་མ་ནི་རྩ་རྣམས་ཏེ། དེ་རྣམས་ཀྱི་རླུང་དབུ་མར་ཐིམ་པའི་
སྒྲ་ནི་གླུའོ། །དེ་ལས་རྟགས་ལྔ་དང་ཡོན་ཏན་བརྒྱད་འབྱུང་བ་ནི། སྲིད་པ་ཤིན་ཏུ་སྒྲུབ་པ་
སྟེ། དེ་ལ་རྟགས་ལྔ་ནི་འབྱུང་བའི་རླུང་ལྔ་རིམ་པ་བཞིན་དུ་ཐིམ་པ་ལས། སྨིག་སྒྱུ་དང༌། དུ་
བ་དང༌། མཁའ་སྣང་བ་དང༌། མར་མེ་དང༌། ནམ་མཁའ་ལྟ་བུ་སྟེ། རྟགས་སྣང་ངམ་རྟགས་
ཅན་གྱི་ཤེས་པ་བརྟན་གཡོའི་ཚད་ཀྱི་དཔེའོ། །རྒྱུད་སོ་སོའི་དགོངས་པས་རྟགས་དང་རྟགས་
ཅན་གཉིས་ཀར་ཡོད་པས་ཕན་ཚུན་དུ་ཁ་བསྐང་སྟེ། གཉིས་པ་འགལ་མེད་དུ་བྱའོ། །རྒྱུད་
11-1-430


འདི་ཉིད་ཀྱི་དགོངས་པ་ལ་རྟགས་ཅན་གཙོ་ཆེ་བར་བླ་མ་རྣམས་བཞེད་དེ། ཡོན་ཏན་བརྒྱད་
ནི། སའི་ཡོན་ཏན་སྟོབས་ཆེ་བ་དང༌། ཆུའི་ཡོན་ཏན་དབྱིབས་མཛེས་ཤིང་ཉམས་བདེ་བ་དང༌། 
མེའི་ཡོན་ཏན་དྲོད་དང་ཁ་དོག་གཟི་བརྗིད་ཆེ་བ་དང༌། རླུང་གི་ཡོན་ཏན་ཡང་ཞིང་ཤུགས་
འགྱོགས་པ་དང༌། ཉི་མའི་ཡོན་ཏན་ཅི་རིགས་པར་སྤྲུལ་པ་བྱེད་པ་དང༌། ཟླ་བའི་ཡོན་ཏན་
རབ་ཏུ་དྭངས་པའི་ལུས་དང༌། ནམ་མཁའི་ཡོན་ཏན་མི་སྣང་བ་དང༌། རྣམ་པར་ཤེས་པའི་ཡོན་
ཏན་ཏིང་ངེ་འཛིན་བདེ་བ་དང་བཅས་ཤིང་མངོན་ཤེས་ཅི་རིགས་པ་འབྱུང་བའོ། །རྟགས་ལྔ་ནི་
སྤྱོད་པའི་སྔོན་དུ་ཐོབ་པ་ངེས་པར་དགོས་ལ། ཡོན་ཏན་བརྒྱད་ནི་སྤྱོད་པས་འགྲུབ་པའོ། །རྡོ་
རྗེ་འོད་ཀྱིས་པདྨ་རབ་ཏུ་ཕྱེ་བ་ནི། སྙིང་ཁས་ལྟེ་བ་དང༌། མགྲིན་པས་སྤྱི་བོ་འབྱེད་པའོ། །ཇི་
ལྟར་ཉི་མའི་འོད་ཀྱི་སོགས་ནི། ལྟེ་བའི་མེ་འོད་ཀྱི་ཧཾ་ཡིག་གི་གནས་རྩ་ཁ་དབྱེ་བ་སྟེ། ཨ་ལ་
ལ་ལ་ལ་ཧོ། ཞེས་ཡི་གེ་དྲུག་ལན་གཉིས་ནི། འཁོར་ལོ་བཞི་དང་དབུ་མའི་ཡས་སྣ་དང་མས་
སྣ་རྣམས་སུ་རླུང་ཐིམ་པའི་ཡེ་ཤེས་དང༌། ཐིག་ལེ་འབབ་པའི་ཡེ་ཤེས་དེ་འབྱུང་བ་སྟོན་ལ་
ཐམས་ཅད་ལས་ཀྱང་ཏིང་ངེ་འཛིན་གྱི་ཉམས་དཔག་ཏུ་མེད་པ་འབྱུང་བ་ནི། བདེ་བ་ཆེན་པོ་
རབ་ཏུ་རྒྱས་པའི་གར་རོ། །གླུ་ཙམ་གྱིས་ཞེས་པ་ནི། རླུང་དབུ་མར་ཐིམ་པ་ཙམ་གྱིས་ཞེས་
པའི་དོན་ནོ། །རྡོ་རྗེ་འཛིན་པ་ཆེན་པོ་དང་ནི་བདེ་བ་དང་ལྷ་སྐུ་སྣ་ཚོགས་པ་སྤྲོས་བྲལ་དུ་རོ་
མཉམ་པའི་རྡོ་རྗེ་འཆང་གི་དབུགས་དབྱུང་ཡིན་ལ། རྡོ་རྗེ་མཁའ་འགྲོ་མ་རྣམས་གར་ཞེས་པ་
ནི། མཁའ་འགྲོ་མ་ལྔ་ནི་སངས་རྒྱས་ལྔའི་བདག་ཉིད་དེ། བདེ་བ་དང་ལྷ་སྐུའི་ཏིང་ངེ་འཛིན་
དེ་བཞིན་གཤེགས་པའི་དབུགས་དབྱུང་བའོ། །རྡོ་རྗེ་སེམས་དཔའ་ཡང་དག་བསྐུལ། །ཞེས་
བྱ་བ་ནི། དེ་བཞིན་གཤེགས་པའི་དབུགས་དབྱུང་དེ་ལ་བརྟེན་ནས་རྡོ་རྗེ་འཆང་གི་དབུགས་
དབྱུང་ཐོབ་པ་ནི། ཟུང་དུ་འཇུག་པ་སྟེ་བསྐུལ་བ་ནི་ཐོབ་པར་བྱེད་པའི་དོན་ནོ། །གསུམ་པ་
ནི། རྡོ་རྗེ་རྣལ་འབྱོར་མ་ནི་སྤྱོད་པའི་དུས་ཀྱི་ཕྱག་རྒྱ་སྟེ། དཔལ་རྡོ་རྗེའི་གླུ་ནི་སྲེད་ཀྱི་ཡི་གེ་ལ་
11-1-431


སོགས་པ་དགའ་བའི་སྒྲའོ། །སྲེད་པ་ནི་འདོད་ཆགས་ཆེན་པོ་སྟེ་ལྷན་ཅིག་སྐྱེས་པའི་དགའ་
བའོ། །གཉེན་མཆོག་ཅེས་བྱ་བ་ནི། སྒྲུབ་པ་པོ་དང་ཕྱག་རྒྱ་གཉིས་ཀར་ཡང་དངོས་གྲུབ་ལ་
ཉེ་བར་གྱུར་བའི་སྤུན་དང་སྲིང་མོ་ཡིན་པའི་ཕྱིར་རོ། །རྡོ་རྗེའི་འོད་ནི་བྱང་ཆུབ་ཀྱི་སེམས་ཀྱི་
འོད་ཟེར་ཏེ། དེས་རྩ་འཁོར་ལོ་རྣམས་ཀྱི་པདྨའི་འདབ་མ་རྣམས་རབ་ཏུ་སད་པར་མཛོད་ལ། 
དེ་ལས་ཡེ་ཤེས་ཅི་ཞིག་སྐྱེ་ན། ལ་ཡིག་བཞི་ནི་དགའ་བ་བཞི་ཡིན་ལ། ཨ་ནི་སྟོང་པ་ཉིད། ཧོ་
ནི་དཀྱིལ་འཁོར་གྱི་འཁོར་ལོར་རབ་ཏུ་གསལ་བ་སྟེ་དབུགས་དབྱུང་དེ་གཉིས་ཀྱི་དགའ་བ་
བཞི་ལ་རྒྱས་བཏབ་པའི་བརྡར་ཡི་གེ་དེ་གཉིས་ཐོག་མཐར་བཀོད་དོ། །བདེ་བ་ཆེན་པོ་རབ་ཏུ་
རྒྱས་པ་ཞེས་པ་ནི་དགའ་བཞི་རྫོགས་པར་བསྐྱེད་ཐུབ་པའོ། །གར་ནི་འདོད་ཆགས་ཆེན་པོའི་
གར་ཏེ། སྦྱོར་བ་དྲུག་ཅུ་རྩ་བཞི་ལ་སོགས་པའོ། །ཉི་མའི་འོད་ནི་བྱང་ཆུབ་ཀྱི་སེམས་དམར་
ཆ་རྡུལ་ལས་སྐྱེས་པའི་ཆགས་ཆེན་ཏེ། དེའི་མཐུ་ལས་གསང་བའི་ཆོས་འབྱུང་ལ་སོགས་པ་
རྩ་རྣམས་པདྨ་རྒྱས་པ་ལྟར་ཁ་བྱེ་བའོ། །ལྷག་མ་གོང་བཞིན་ཏེ། ལན་གཉིས་སུ་བཟློས་པ་ནི། 
དགྱེས་རྡོར་ལས། རེ་ཤིག་བཙུན་མོ་ཤེས་རབ་སྟེ། །སྐྱེས་བུ་ཐབས་སུ་བརྗོད་པར་བྱ། །ཀུན་
རྫོབ་དོན་དམ་དབྱེ་བ་ལས། །ཕྱི་ནས་དེ་ཡི་རྣམ་པ་གཉིས། །རེ་ཤིག་སྐྱེས་བུ་རྣམ་པ་གཉིས། །
དེ་ཡི་ཁུ་བའམ་བདེ་བ་ཉིད། །སྐྱེས་བུ་ཇི་བཞིན་ཤེས་རབ་ལའང༌། །དེ་ཡི་ཁུ་བའམ་བདེ་བ་
ཉིད། །ཅེས་གསུངས་པ་ལྟར་རོ། །དེ་ལྟར་ཞུ་བདེའི་ལྷན་ཅིག་སྐྱེས་པ་དེ་ཉིད་རྒྱ་ཆེར་སྤེལ་ཏེ། 
རྩལ་སྦྱང་བའི་དོན་དུ་ཨ་རལླིའི་བྱ་བ་རྣམས་རྩོམ་པ་སྟེ། དེ་ཡང་རྡོ་རྗེ་འཛིན་པ་ཆེན་པོ་དང་
ཞེས་པ་ནི། དཔལ་རྡོ་རྗེ་སེམས་དཔའ་ཡབ་ཡུམ་གྱི་ཆས་སུ་ཞུགས་ཏེ། སེམས་ཅན་རྣམས་ལ་
བདེ་བས་བྱིན་གྱིས་བརློབ་པའི་དོན་དུ་གླུ་དང་གར་ལ་སོགས་པ་རོལ་པ་རྒྱ་ཆེན་པོ་སྤྱོད་པ་སྟེ། 
རྡོ་རྗེ་འཆང་གི་དབུགས་དབྱུང་གི་དཀྱིལ་འཁོར་ཡིན་ལ། རྡོ་རྗེ་མཁའ་འགྲོ་མ་རྣམས་ཞེས་
པ་ནི། སྒྲུབ་པ་པོ་ཧེ་རུ་ཀ་དང༌། ཕྱག་རྒྱ་ལྔ་མཁའ་འགྲོ་ལྔའི་ཆས་སུ་ཞུགས་ཏེ། ལས་བཞི་
11-1-432


སོགས་སྒྲུབ་པའི་དོན་དུ། གླུ་དང་གར་གྱི་རོལ་པ་བྱེད་པ་ཧེ་རུ་ཀའི་དབུགས་དབྱུང་གི་དཀྱིལ་
འཁོར་རོ། །རྒྱུད་སྡེ་གཞན་འགའ་ལས་གཞན་ཡང་གསུངས་ཀྱང་འདིར་རྡོ་རྗེ་སེམས་དཔའི་
དཀྱིལ་འཁོར་ལ་གཙོ་བོ་ཡབ་ཡུམ་ཁོ་ན་བཤད་པ་དང༌། སངས་རྒྱས་རིགས་གཞན་བཞི་
པོའི་དཀྱིལ་འཁོར་མ་གསུངས་ཏེ། ཧེ་རུ་ཀའི་དཀྱིལ་འཁོར་ཁོ་ན་བསྟན་ལ། འཁོར་བ་ཐོག་
མར་ལེགས་པར་སྦྱངས་བ་ཅུང་ཟད་མ་ཚང་ན་ཡེ་ཤེས་ཕབ་པ་དང༌། དབང་བསྐུར་ཏེ་གཞུག་
པ་ཡིན་ལ། དེའི་མན་ངག་ནི། མི་རོའི་ཁར་ཞག་བདུན་གཞག་པའི་གུ་གུལ་ལ་དངོས་གྲུབ་
ཕབ་ནས། དུར་ཁྲོད་ཀྱི་མེ་ལ་བསྲེག་པ། ཟླ་མཚན་གྱི་རས་དང༌། བྱི་ལ་ནག་པོའི་བྲུན་གྱིས་
བདུག་པར་བཅས་པའོ། །གལ་ཏེ་འཁོར་ལྷག་པོར་ཡོད་ན་མཆོད་པའི་གཟུང་མར་སྦྱོར་བ་ནི་
འདི་ཉིད་ཀྱི་རང་ལུགས་སོ། །རྡོ་རྗེ་སེམས་དཔའ་ཡང་དག་བསྐུལ། །ཞེས་བྱ་བ་ནི། ལྷ་རྣམས་
ཀྱི་ཐུགས་རྒྱུད་བསྐུལ་བའི་མཆོག་མཐར་ཐུག་པ་ནི་སྤྱོད་པ་ཡིན་པར་དགོངས་པ་སྟེ། དཔལ་
གསང་བ་གྲུབ་པ་ལས་ཀྱང༌། །རྐང་རྐྱང་བྱ་བ་སྤངས་ནས་སུ། །འཁོར་བའི་མངག་གཞུག་དོར་
ནས་ནི། །རྡོ་རྗེ་སེམས་དཔའ་རྒྱལ་པོ་ཆེ། །ཡང་དང་ཡང་དུ་བསྐུལ་བར་བྱ། ཞེས་གསུངས་པ་
བཞིན་ནོ། །
བཞི་པ་ནི། དེ་ནས་འདིར་རྣལ་འབྱོར་མ་རྣམས་ཀྱི་ངེས་པའི་དོན་གྱི་གླུ་ཡང་དག་པར་
བླངས་པའོ། །རྡོ་རྗེ་ཡེ་ཤེས་ལྔའི་བདག་ཉིད་རྒྱལ་བ་རིགས་ལྔ་སྟེ། བདག་ཉིད་ལ་སྣང་བའི་
ཆོས་ཐམས་ཅད་རིགས་ལྔའི་ངོ་བོར་ཤར་བ་ནི། ཆོས་ཐམས་ཅད་རིགས་ལྔར་སྦྱོར་བའི་ངང་
ཚུལ་ཅན་ཡིན་པའི་ཕྱིར་རྣལ་འབྱོར་རོ། །དགོངས་པ་ནི་མཉམ་པར་བཞག་པའི་རྟོགས་པའོ། །
དེ་ཡང་ཅི་ཞིག་ཅེ་ན། དམིགས་པ་མེད་པའི་སྙིང་རྗེ་ཆེན་པོས་འགྲོ་བ་གྲོལ་བར་བཞེད་དེ། 
དཔལ་ནི་བསོད་ནམས་ཏེ་ཐབས་དང༌། རྡོ་རྗེ་ནི་ཤེས་རབ་སྟེ་ཡེ་ཤེས་སོ། །གླུ་ནི་ཐབས་དང་
ཤེས་རབ་དེ་དག་འགྲོ་བ་ལ་སྟོན་པར་དགོངས་པ་སྟེ། དེ་ཡང་སྲིད་པ་སྒྲུབ་པའི་སྒོ་ནས་ཞེས་
11-1-433


པ་ལ། སྲིད་པ་ནི་གཟུགས་ཀྱི་སྐུ་གཉིས་སོ། །ཤིན་ཏུ་སྒྲུབ་པ་ནི། སྲིད་པ་དང་ཞི་བའི་མཐའ་
རབ་ཏུ་གནོན་པ་ཞེས་པའི་དོན་དུ་བཤད་ལ། རྡོ་རྗེ་ནི་བདེ་བ་ཆེན་པོ་སྟེ། བྱང་ཆུབ་ཀྱི་སེམས་
གཡོ་མེད་དུ་བཅིངས་པའི་བདེ་བས་པདྨ་སྟོང་པ་ཉིད་སད་པར་བྱེད་པ་དང༌། ཉི་མའི་འོད་
ཀྱིས་སོགས་ལ་རང་གི་ལུས་ལ་དམར་ཆ་ཡང་ཡོངས་སུ་བཅིངས་པས་སྟོང་ཉིད་རྟོགས་པའི་
ཐབས་དམ་པར་འགྱུར་བ་བཞིན་བྱང་ཆུབ་ཀྱི་སེམས་བཅིངས་པས་ཀྱང་ངོ༌། །དེ་ལྟར་རླུང་
འགགས་ཤིང་ཐིག་ལེ་བཅིངས་པ་ལས་བྱུང་བའི་མི་འགྱུར་བའི་དགའ་བཞི་དང༌། སྟོང་པ་དང་
ལྷ་སྐུ་རྣམས་ཟུང་དུ་འཇུག་པ་ནི། ཨ་ལ་ལ་ལ་ལ་ཧོ་ཞེས་པས་བསྟན་ཏེ། རང་གཞན་གྱི་ཕུན་
སུམ་ཚོགས་པ་རྒྱ་ཆེར་འབྱུང་བ་ནི་རབ་ཏུ་དགྱེས་པའི་གར་ཏེ། རང་གཞན་གྱི་དབྱེ་བས་ལན་
གཉིས་སུ་བསྟན་ནོ། །གཞན་ཡང་དེ་ནས་བཤད་པར་བྱ་བ་གླུ་ཡི་སྒྲས་ཆོས་སྟོན་པ་དང༌། གར་
གྱི་སྒྲས་ནི་སྤྲུལ་པ་སྣ་ཚོགས་པ་སྟེ། རྒྱུད་གཅིག་ཀྱང་ཐ་དད་པར་སྣང་བ་གར་མཁན་གྱི་རོལ་
བ་བཞིན་དུ་སེམས་ཅན་གྱི་དོན་བྱེད་པའོ། །ཡང་དག་བསྐུལ་ཞེས་བྱ་བ་ནི། གླུ་དང་གར་དེ་ལྟ་
བུ་ལ་ཚད་མེད་བཞིའི་རང་བཞིན་ལྷ་མོ་བཞིས་བསྐུལ་བར་བྱེད་པའོ། །སུ་ཞིག་བསྐུལ་ཞེ་ན། 
རྡོ་རྗེ་འཛིན་པ་ཆེན་པོ་དང་རྡོ་རྗེ་རྣལ་འབྱོར་མ་རྣམས་ཞེས་པ་སྟེ་དཔེ་མེད་པའི་བདེ་བ་ཆེན་
པོའི་སྐུའོ། །སྐུ་གསུམ་དང༌། ངོ་བོ་ཉིད་སྐུའི་དབྱེ་གཞི་བདེ་བ་ཆེན་པོའི་སྐུ་མཛད་པ་ནི་རྒྱུད་
འདིའི་དགོངས་པ་ཡིན་ཏེ། སློབ་དཔོན་དྷརྨ་པས་ཀྱང༌། རྡོ་རྗེ་སེམས་དཔའ་བདེ་བ་ཆེ། །ལྷ་
རྫས་བཙུན་མོ་དང་འདུས་པ། །དེ་ལས་ཆོས་དང་སྤྲུལ་པ་དང༌། །ངོ་བོ་ཉིད་དང་ལོངས་སྤྱོད་
རྫོགས། །བསྐྱེད་དང་བསྡུད་པར་བྱེད་པ་ཡིན། ཞེས་གསུངས་པས་སོ། །ཞེས་པ་ནི་མན་ངག་
གཞན་ནོ། །དེ་ལ་རྡོ་རྗེ་ཞེས་པ་ནི། བླ་ན་མེད་པའི་ཡེ་ཤེས་ཏེ། རང་བཞིན་མེད་པའི་ཡན་ལག་
གོ །དེ་ཉིད་འཛིན་པ་ཆེན་པོ་ནི། སྙིང་རྗེ་ཆེན་པོས་སྟོང་ཉིད་ཡོངས་སུ་བཟུང་བ་ལས། རྒྱུན་མི་
འཆད་པ་དང༌། འགོག་པ་མེད་པ་ཤུགས་ལ་བསྟན་པའོ། །རྡོ་རྗེ་མཁའ་འགྲོ་མ་རྣམས་ཞེས་
11-1-434


པས་ཁ་སྦྱོར་བསྟན་པས། བདེ་བ་ཆེན་པོ་དང༌། ལོངས་སྤྱོད་རྫོགས་པའི་ཡན་ལག་ཀྱང་དོན་
གྱིས་འཕངས་སོ། །དེ་ལྟར་ན་ཞུ་བ་ནི་བསྐྱེད་རིམ་གྱི་གནས་སྐབས་སུ་ཐིག་ལེའི་འོད་ཀྱི་གོང་
བུ་དང༌། རྫོགས་རིམ་གྱི་སྐབས་ཐིག་ལེ་བྱང་ཆུབ་ཀྱི་སེམས་དང༌། འབྲས་བུའི་སྐབས་སུ་བདེ་
སྟོང་དབྱེར་མེད་ཡང་དག་པའི་མཐའོ། །གླུས་བསྐུལ་བ་ནི། ལྷ་སྐུར་བཞེངས་པའི་དོན་དང༌། 
ཐིག་ལེ་འབར་འཛག་འགྲོ་འོང་གི་དོན་དང༌། གཞན་དོན་དུ་གཟུགས་སྐུར་བཞེངས་པའི་དོན་
གསུམ་ལ་བསྐུལ་བའོ། །
བདུན་པ་ལ། ཕྱི་ནང་གསང་བ་དེ་ཁོ་ན་ཉིད་ཀྱི་བཤད་པ་བཞི་ལས། དང་པོ་ནི། དེ་ལྟར་
རྟག་ཏུ་གུས་པའི་སྒོ་ནས་དམ་ཚིག་ལ་ཡང་དག་པར་གནས་པ་དང་ལྡན་པས་སྦྱོར་བ་རྣལ་
འབྱོར་གྱི་དངོས་གྲུབ་ཐོབ་པར་འགྱུར་བ་ཉིད་ཡིན་ལ། དེ་ལ་གུས་པ་ནི། ལྷ་དང་བླ་མ་ལ་
གུས་པ་དང༌། གཞིའི་ཆོས་ལ་གུས་པ་དང༌། དམ་ཚིག་གི་རྫས་ལ་གུས་པ་དང༌། ཆོས་ལ་གུས་
པ་དང༌། སྐྱེ་བོ་དམ་པ་ལ་སོགས་པ་སེམས་ཅན་རྣམས་ལ་གུས་པ་སྟེ་ལྔ་ཡིན་ལ། ཐམས་ཅད་
ཀྱང་བསླབ་པ་དང་དམ་ཚིག་ལ་གུས་པར་འདུས་སོ། །འདི་རྣམས་གྱིས་སྔགས་ཀྱི་དམ་ཚིག་
མཐའ་དག་བསྲུང་བར་ནུས་པ་ཡིན་ཏེ། ཆོས་ལ་གུས་པས་ལུང་གི་ཆོས་མི་སྤོང་སྟེ་གྲུབ་མཐའ་
མི་དམོད། ཆོས་ལ་གཅེས་སྤྲས་ཀྱིས་སྣོད་མིན་ལ་མི་འཆད། ལམ་ཉམས་ལེན་མི་སྤོང་ཞིང༌། 
སྒྲུབ་པའི་ཆོས་མི་སྤོང་བས་སངས་རྒྱས་ཀྱི་བཀའ་ལས་མི་འདའ་ཞིང་དེ་གཉིས་ཀྱིས་ཐེག་པ་
གསུམ་ལས་ཚིག་འཛིན་པ་དང༌། དོན་ཉམས་སུ་ལེན་པ་ཤུགས་ལ་འབྱུང་ངོ༌། རྩ་ལྟུང་ལྷག་
མ་རྣམས་ཀྱང་སློབ་དཔོན་དང༌། སེམས་དང་དམ་ཚིག་གི་རྫས་དང༌། གཞིའི་ཆོས་ལ་སྨད་
པར་འདུས་ཤིང་དེ་རྣམས་ལ་གུས་པས་དེ་དག་སྤོང་ལ་ཁྱད་པར་དུ་བསྟེན་པར་བྱ་བ་དམ་
རྫས་རྒྱ་ལས་རིགས་ལྔར་ཤེས་པ་དང༌། གཞིའི་ཆོས་ཉོན་མོངས་པ་ལྔའི་རང་བཞིན་ཡེ་ཤེས་
སུ་ཤེས་པ་དང༌། འགྲོ་བ་རྣམས་ཀྱི་ལུས་ངག་ཡིད་གསུམ་སྐུ་གསུང་ཐུགས་རྡོ་རྗེར་ཤེས་པས་
11-1-435


བསྒྲུབ་པར་བྱ་བའི་དམ་ཚིག་རྣམས་ཀྱང་འགྲུབ་པ་ཡིན་ནོ། །དེ་སྐད་དུ། རྡོ་རྗེ་སྙིང་པོ་རྒྱན་
སོགས། རྒྱུད་སྡེ་དུ་མ་ལས་གསུངས་པ། གྲོལ་བའི་ཐིག་ལེར་ལུང་དྲངས་པ། འདོད་ཆགས་
ཞེ་སྡང་གཏི་མུག་དང༌། །སྲེད་དང་འདུ་བྱེད་འཕེལ་བ་ཡི། །ཆོས་ལྔ་སྐྱེས་མཆོག་རྣམས་ཀྱིས་
གསུངས། །བཤང་གཅི་ཁུ་བ་མཆི་མ་ཁྲག །འཛག་པ་འབྱུང་བ་བཞི་བསྡུས་པ། །བསྒོམ་པའི་
བློ་གྲོས་རྟོགས་པ་ཡིས། །རྟག་ཏུ་བཟའ་ཞིང་སྦྱིན་བསྲེག་བྱ། །ཞེས་དང༌། རྡོ་རྗེ་ལུས་ཅན་དམ་
ཚིག་པས། །ལས་བྱུང་སྐྱེས་པ་བུད་མེད་ཀྱི། །དུ་མའི་གཟུགས་ལ་བརྙས་མི་བྱ། །ཞེས་སོགས་
གསུངས་སོ། །དེ་ལྟར་དམ་ཚིག་ལ་གནས་ནས་ཉིན་རེ་བཞིན་དུ་ཐུན་བཞིར་དམིགས་པ་ལ་
རབ་ཏུ་སྦྱོར་བ་ཡིས་དངོས་གྲུབ་འགྲུབ་པ་ལ་ཤིན་ཏུ་ཉེ་བར་བྱེད་པར་འགྱུར་བས་ན་གོམས་
པར་བྱ་བའི་མཆོག་གོ །དེ་ལས་ཅི་ཞིག་འབྱུང་ན་རྒྱན་ཏེ་མངོན་ཤེས་རྣམས་ཐམས་ཅད་
ཡོངས་སུ་རྫོགས་པ་དང༌། སྤོས་དང་མེ་ཏོག་གི་བརྡས་བསྟན་པ་བྱང་ཆུབ་ཀྱི་ལམ་ཡན་ལག་
བདུན་རྣམས་ཏེ། དེ་ལ་འཇུག་ཅིང་བརྒྱན་པར་འགྱུར་རོ། །དེའི་རྗེས་ཐོགས་ཉིད་དུ་འབྲས་བུ་
སངས་རྒྱས་ཀྱི་སྐུ་གསུམ་མཆོག་དངོས་སུ་སྟེར་བ་སྟེ། དེའི་ཉེ་བའི་རྒྱུ་འཕགས་པའི་གོ་འཕང་
ཐོབ་པར་འགྱུར་ལ། ཇི་ལྟར་ཞེས་པ་ནི། སངས་རྒྱས་ཀྱི་སྐུ་གསུམ་ཇི་ལྟ་བ་སྟེ་རྣམ་པ་འདྲ་བ་
ས་དང་པོ་ནས་ཐོབ་པའི་དོན་ནོ། །དེ་ལྟ་བུའི་མཆོག་གི་དངོས་གྲུབ་ངེས་པར་ཐོབ་པར་འགྱུར་
ལ། དེ་ཐོབ་ན་དཔག་ཚད་བརྒྱའི་ཁྱོན་ནི་མཚོན་པ་ཙམ་སྟེ། དཔག་ཏུ་མེད་པའི་ཞིང་དུ་དཔག་
ཏུ་མེད་པའི་སྐུའི་སྤྲུལ་པ་{འགྱེད[་བསྐྱེད]་པ་དང༌། གསུང་གི་ཆོས་སྟོན་པ་དང༌། ཐུགས་ཀྱི་
ཡེ་ཤེས་ཀྱི་སྣང་བས་སྐུ་འདི་ནི་རབ་ཏུ་གསལ་ཞིང་སྣང་བར་བྱེད་དོ། །དེ་ལ་མཆོག་གི་དངོས་
གྲུབ་ཕལ་པ་ནི་མཐོང་ལམ་ནས་ཐོབ་ཅིང༌། གཙོ་བོ་ནི་སངས་རྒྱས་ཉིད་དོ། །སངས་རྒྱས་དང་
མཐུན་པའི་སྐུ་གསུམ་པོ་དེ་ཡང་འདི་ལྟ་སྟེ། ཆོས་ཉིད་མངོན་སུམ་དུ་རྟོགས་པ་ནི་ཆོས་སྐུ་དང༌། 
མཚན་དཔེ་རྗེས་མཐུན་པའི་ཡེ་ཤེས་ཀྱི་སྐུ་ནི་ལོངས་སྐུ་དང༌། སྤྲུལ་པ་སྣ་ཚོགས་པས་སེམས་
11-1-436


ཅན་གྱི་དོན་བྱེད་པ་སྤྲུལ་སྐུའོ། །ལམ་དེ་དག་གི་སྦྱོར་བའི་རྩ་བ་ཡང་དད་པ་དང་ཤེས་རབ་ཀྱི་
དབང་པོ་གཉིས་ནི་མཉམ་པར་སྦྱོར་བས་སྤྱོད་པ་དང༌། ལྟ་བ་དག་པར་འགྱུར་ལ། དམ་པའི་
ཆོས་སྟོན་པའི་སྒོ་གསུང་རབ་ཡན་ལག་དགུ་ལས་ནི་གང་བྱུང་བའི་དོན་རྣམས་ཀྱང་སྒྲུབ་པར་
བྱའོ། །
གཉིས་པ་ནི། དེ་ལྟར་རྟག་ཏུ་ལམ་ལ་གུས་སྦྱོར་གྱི་བརྩོན་འགྲུས་དང་ལྡན་པས་བསྒྲུབས་
ན་སྦྱོར་བ་ནི་དངོས་གྲུབ་སྟེ་ཉམས་ལེན་འབྲས་བུ་དང་བཅས་པར་འགྱུར་བ་ཉིད་ཡིན་ལ། 
དགའ་བཞིའི་རྟོགས་པ་སྐྱེས་པའི་དུས་བཞི་ལ་སེམས་རྩེ་གཅིག་ཏུ་རབ་ཏུ་སྦྱོར་བའི་གོམས་
པ་མཆོག་གིས་ཚེ་འདི་ཉིད་ལ་དངོས་གྲུབ་འགྲུབ་པར་འགྱུར་བའོ། །དེ་ཡང་དགའ་བ་གསུམ་
པའི་མཐར་རླུང་སེམས་ཙམ་གྱི་སྐུ་འགྲུབ་པ་ནི་རྒྱན་རྣམས་ཐམས་ཅད་ཡོངས་སུ་རྫོགས་ཤིང་
དཔག་ཚད་བརྒྱ་སྟོང་མང་པོའི་ཁྱོན་ཙམ་དུ་འདིའི་འོད་ཟེར་ནི་ཁྱབ་ཅིང་སྣང་བར་བྱེད་ལ། དེ་
གྲུབ་ཙམ་ཉིད་ན་སྤོས་དང་མེ་ཏོག་ལ་སོགས་པས་རྣམ་པར་བརྒྱན་པ་མཆོད་པའི་སྤྲིན་གྱི་ཕུང་
པོ་རང་བྱུང་དུ་འབྱུང་སྟེ། རིམ་ལྔ་ལས། གཙོ་བོ་བདེ་བ་ཀུན་རང་བཞིན། །སེམས་པ་ཆེན་
པོ་འགྲོ་དང་བཞུགས། །གནས་དང་ཟས་དང་གོས་ལ་སོགས། །མཁའ་ལས་སྐད་ཅིག་དག་
གིས་རྙེད། །ཅེས་སྐུ་འདི་འགྲུབ་པ་ན་ནམ་མཁའ་མཛོད་ཀྱི་ཏིང་ངེ་འཛིན་གྱི་རིགས་ཤིག་ཐོབ་
པར་བཤད་དོ། །ཇི་ལྟར་སྐུ་གསུམ་མཆོག་སྟེར་བ། །ཞེས་པ་ནི། དཀྱིལ་འཁོར་གྱི་འཁོར་
ལོར་གསལ་བ་སྤྲུལ་སྐུ་དང༌། རླུང་སེམས་ཐིག་ལེ་འགགས་པའི་བདེ་བ་ལོངས་སྐུ་དང༌། སྟོང་
ཉིད་རྣམ་པར་མི་རྟོག་པས་ཆོས་སྐུ་སྟེར་བའོ། །དབང་པོ་གཉིས་ནི་རྩ་དང་ཁམས་ཏེ་དེར་རླུང་
སེམས་བསྡུད་པའི་ཚུལ་གྱིས་མཉམ་པར་སྦྱོར་བ་དང༌། སྒོ་དགུ་ནས་འབྱུང་བའི་རླུང་རྣམས་
འགགས་པ་ལས་ཡེ་ཤེས་དེ་སྐྱེ་བར་འགྱུར་རོ། །
གསུམ་པ་ནི་དེ་ལྟར་རབ་ཏུ་གུས་པའི་རིག་མ་དང་ལྡན་པས་སྦྱོར་བའི་དངོས་གྲུབ་ཏུ་
11-1-437


འགྱུར་བ་ཡིན་ལ། དེ་ལས་ཡེ་ཤེས་བཟང་པོ་སྐྱེས་ན། སྤྱོད་པ་བྱ་སྟེ། དུས་བཞི་ནི་ཐུན་ཚོད་
བཞི་དང་དགའ་བ་བཞི་ཡང་སྟེ་ཐུན་བཞིར་དགའ་བ་བཞིའི་ཡེ་ཤེས་རིང་དུ་གོམས་པར་བྱས་
ཤིང་དེ་ཉིད་རྒྱ་ཆེར་སྤེལ་བའི་ཆོ་གའི་རོལ་པ་ལ་རབ་ཏུ་སྦྱར་བ་ཡིས་གོམས་པ་མཆོག་ལས་
འདོད་པའི་དངོས་གྲུབ་འགྲུབ་པར་འགྱུར་བའོ། །རྒྱན་རྣམས་ཐམས་ཅད་ཡོངས་སུ་རྫོགས་
པའི་ལྷའི་ཆ་ལུགས་སུ་ཡོངས་སུ་ཞུགས་ཤིང༌། སྤོས་དང༌། མེ་ཏོག་ལ་སོགས་པ་མཆོད་པ་དང་
ཚོགས་ཀྱི་འཁོར་ལོའི་ཡོ་བྱད་ཐམས་ཅད་ཀྱིས་ཡོངས་སུ་བརྒྱན་ནས་ཁྱད་པར་གྱི་དམ་ཚིག་
སྒོ་དགུ་ལས་བྱུང་བའི་རྫས་མི་སྤང་བ་དང༌། ཐུན་བཞིར་ཐབས་དང་ཤེས་རབ་ཀྱི་དབང་པོ་
གཉིས་མཉམ་པར་སྦྱོར་བ་སྟེ། དེ་ལྟར་ཡང་དཔལ་འདུས་པ་ལས། དུས་བཞིར་ཇི་ལྟར་ཆོ་ག་
བཞིན། །རྡོ་རྗེ་མོ་ནི་ཉིན་རེར་སྦྱངས། །ཞེས་པ་ལྟར་རོ། །དེ་ནི་སྤྲོས་བཅས་ཏེ་སྤྲོས་མེད་ལ་ནི་
རྒྱན་དང་ཆ་བྱད་དང༌། མཆོད་པའི་ཡོ་བྱད་རྫོགས་པར་མེད་ན་ཅི་རིགས་པས་ཆོག་གོ །ཤིན་
ཏུ་སྤྲོས་མེད་ལ་ནི་ཡིད་ཀྱི་ཕྱག་རྒྱ་ཁོ་ན་དང༌། གཉིད་དང་བསམ་གཏན་བསྲེ་བའོ། དེ་ལྟ་བུའི་
སྤྱོད་པ་དེས་ནི། སྒྱུ་ལུས་མ་གྲུབ་པ་འགྲུབ་པར་བྱེད། འོད་གསལ་མ་ཐོབ་པ་ཐོབ་པར་བྱེད། 
ཟུང་འཇུག་འགྲུབ་ནས་ཀྱང་འབྲས་བུ་ལ་མཚམས་སྦྱོར་བར་བྱེད་པའི་ཕྱིར་སྔར་སངས་རྒྱས་
པ་རྣམས་ཀྱི་སྐུ་གསུམ་ཇི་ལྟ་བ་དེ་ལྟ་བུའི་མཆོག་སྟེར་བའི་དངོས་གྲུབ་ངེས་པར་འཐོབ་པར་
འགྱུར་བའོ། །འདིར་ནག་པོ་པས་བོགས་འབྱིན་དུ་གྱུར་པའི་ཕྱག་རྒྱའི་ལམ་ལས་མི་འགྱུར་
བའི་བདེ་བ་སྒྲུབ་ཚུལ་སྤྱིར་བཤད་པས། བྱེ་བྲག་སྤྱོད་པ་སྟོན་པ་ལ་ཡང་མི་འགལ་མོད་ཀྱི། 
རྒྱན་རྣམས་ཞེས་སོགས་ཀྱི་ཆ་ལུགས་དང་མཆོད་པའི་ཁྱད་པར་ནི་སྤྱོད་པ་ཁོ་ན་ལ་ཆེད་ཆེར་
དགོས་པའི་ཕྱིར་ཚིག་རྐང་དང་པོ་གཉིས་མ་གཏོགས་སྤྱོད་པ། འབྲས་བུ་དང་བཅས་པ་ཉིད་
ལ་སྦྱར་བར་བྱའོ། །མན་ངག་གཞན་ལས་ནི། དེའི་ཚེ་ཕྱག་རྒྱའི་གཟུགས་ལ་ལྟ་བའི་བདེ་བ་
བསྒོམས་པས་མིག་ཏུ་རྒྱུ་བའི་རླུང་དབུ་མར་འགག་པ་སྟེ། མིག་ཤེས་བདེ་བ་ཆེན་པོར་འགྱུར་
11-1-438


བ་སོགས་སྒོ་དགུ་ལས་ནི་གང་བྱུང་བ་ཞེས་པའི་དོན་དང༌། དབང་པོ་གཉིས་ནི་སོགས་རིག་མ་
དང་མཉམ་པར་སྦྱར་བས་ནང་གི་བདེ་བ་ཆེན་པོས་རྩ་མདུད་ཞིག་ཅིང་རྩ་ཁམས་རླུང་རྣམས་
དག་པར་བྱེད་པའི་དོན་ནོ། །ཞེས་གསུང་ངོ༌། །
བཞི་པ་ནི། རྟག་ཏུ་ལམ་ལ་གུས་པ་དང་ལྡན་པས་བསྒོམས་ན་དངོས་གྲུབ་མྱུར་དུ་ཐོབ་
པ་ནི། སྦྱོར་ལམ་བཟོད་པ་མཐར་ཕྱིན་པ་ན་སངས་རྒྱས་སྤྲུལ་སྐུ་རྣམས་ཀྱིས་དབང་བསྐུར་
བས་མངོན་པར་བྱང་ཆུབ་པའི་རིམ་པ་འབྱུང་སྟེ། དུས་བཞི་ནི་དགའ་བ་བཞི་དང་སྟོང་པ་བཞི་
ཡིན་ལ། དེའི་དང་པོ་གསུམ་ནི་སྦྱོར་ལམ་ཆོས་མཆོག་ཡིན་ཞིང༌། བཞི་པ་ནི་མཐོང་ལམ་མོ། 
དེ་ནས་ཕྱག་རྒྱ་ཆེན་པོ་རྡོ་རྗེ་འཆང་འགྲུབ་པར་འགྱུར་བའི་དོན་དུ་བསྒོམ་ལམ་གྱི་གོམས་པ་
མཆོག་ཏུ་བྱའོ། །ཅི་ཞིག་གོམས་པར་བྱེད་ཅེ་ན། ཟུང་འཇུག་གི་སྐུ་རྒྱན་དང་མཆོད་པ་ཡོངས་
སུ་རྫོགས་པ་ཐོབ་པ་དེ་ཉིད་ཐུགས་ལྷན་སྐྱེས་ཀྱི་བདེ་བའི་དབང་པོ་དང༌། སྐུ་འཇའ་ལུས་གྱི་
དབང་པོ་ངོ་བོ་གཅིག་ཏུ་མཉམ་པར་སྦྱོར་བ་དེ་ཉིད་གོམས་པར་བྱས་པས་སྒོ་དགུ་སྟེ། ས་དང་
པོ་ནས་དགུ་པའི་བར་ལ་གང་འབྱུང་བའི་ཏིང་ངེ་འཛིན་དང་ཡོན་ཏན་གྱི་ཁྱད་པར་རྣམས་ཐོབ་
ཅིང་གོམས་པར་བྱེད་དོ། །ཟུང་འཇུག་དེ་ཉིད་ལ་སྐུ་གསུམ་མཆོག་སྟེར་བའི་དངོས་གྲུབ་ཅེས་
བྱ་སྟེ། འོད་གསལ་རྟོག་མེད་ཀྱི་ཆོས་སྐུ་དང༌། འཇའ་ལུས་ཟག་མེད་ཀྱི་ལོངས་སྐུ་དང༌། རྗེས་
ཐོབ་ཏུ་དཀྱིལ་འཁོར་སྤྲོ་བསྡུ་དང་མཆོད་པས་སྤྲུལ་སྐུ་སྟེར་བར་བྱེད་པས་སོ། །ཡང་དེ་རྣམས་
ཉིད་མངོན་བྱང་ཕྱི་མ་ལ་སྦྱར་ན། དཔག་ཚད་བརྒྱའི་སོགས་དང་རྒྱན་རྣམས་སོགས་ཀྱིས་
ལོངས་སྐུ་དངོས་བསྟན་ཞིང༌། དབང་པོ་གཉིས་ནི་ཞེས་པ་ཁ་སྦྱོར་གྱི་ཡན་ལག་དང༌། སྒོ་དགུ་
ནི་རིགས་ལྔ་ཡུམ་བཞིའི་དཀྱིལ་འཁོར་སྤྲུལ་པ་དང༌། སྐུ་གསུམ་ནི་སྒྲ་ཇི་བཞིན་པ་སྟེ། དེ་དག་
ཐོབ་བྱ་ལ་སྦྱར་ནས་ཐོབ་བྱེད་ལམ་ནི་ས་བཅུ་པའི་ཐ་མར་སངས་རྒྱས་ལོངས་སྤྱོད་རྫོགས་
པའི་སྐུ་དབང་བཞི་བསྐུར་བས་དགའ་བ་བཞི་དང་སྟོང་པ་བཞིའི་རང་བཞིན་མངོན་པར་བྱང་
11-1-439


ཆུབ་པ་དང་པོ་བཞི་ནི་དུས་བཞི་སོགས་ཀྱིས་བསྟན་ལ། མངོན་བྱང་ལྔ་པ་ནི་འབྲས་བུ་ཉིད་དོ། །
དེ་ལྟར་ན། ཇི་ལྟར་སྐུ་གསུམ་མཆོག་སྟེར་བའི་ཞེས་པ་ལ། དོན་བཞིན་བཤད་པ་རྣམས་དྲིལ་
བས་སྒྱུ་མ་གསུམ་རྒྱུད་ཀྱི་མན་ངག་ལེགས་པར་ཐོན་པའོ། །
བརྒྱད་པ་ནི། བཤད་མ་ཐག་པ་དེ་རྣམས་ཀྱི་འབྲས་བུ་སྟེ། དེ་ཡང་འབྲས་བུའི་གཙོ་བོ་
བཤད་པའོ། །དེ་ལ་སངས་རྒྱས་བྱང་ཆུབ་གནས་ཞི་བ། ཞེས་པ་ནི་ཆོས་ཀྱི་སྐུ་སྟེ། སངས་རྒྱས་
རྣམས་ཀྱི་སངས་རྒྱས་པའམ་བྱང་ཆུབ་པ་ནི་སྒྲིབ་གཉིས་བག་ཆགས་དང་བཅས་པ་སངས་
ཤིང་བྱང་ལ་ཆོས་ཐམས་ཅད་ལ་ཡེ་ཤེས་ཀྱི་སྣང་བ་རྒྱས་ཤིང་ཆུབ་པ་སྟེ། སངས་རྒྱས་དང་
བྱང་ཆུབ་གཉིས་སྨོས་པས། དང་པོ་ཇི་ལྟ་བའི་དོན་ལ་སངས་ཤིང་རྒྱས་པ་དང༌། གཉིས་པ་ཇི་
སྙེད་པའི་ཆོས་ལ་བྱང་ཞིང་ཆུབ་པའོ། །གནས་ཞེས་བྱ་བ་ནི་བག་ཆགས་རྣམ་པར་དག་པའི་
དབྱིངས་དང་རང་བཞིན་ནོ། །ཞི་བ་ཞེས་པ་ནི་སྤྲོས་པ་ཐམས་ཅད་ཉེ་བར་ཞི་བའོ། །དེས་ནི་
སེམས་ཀྱི་རང་བཞིན་སྤྲོས་བྲལ་དེས་ཇི་ལྟ་བ་དང་ཇི་སྙེད་པའི་ཆོས་ཐམས་ཅད་སྒྲིབ་མེད་དུ་
རྟོགས་པ་ནི་ཆོས་སྐུའོ། །དེ་ཉིད་བླ་ན་མེད་པ་འགྲུབ། ཅེས་པ་ནི་ངོ་བོ་ཉིད་སྐུ་སྟེ། ཆོས་སྐུ་
དང་ངོ་བོ་གཅིག་ཀྱང་རྟོགས་བྱེད་ཆོས་སྐུ་དེའི་རྟོགས་བྱའི་ཆ་ནས་བཞག་པའོ། །དེ་ཁོ་ན་ཉིད་
ནི་ཆོས་རྣམས་ཀྱི་གནས་ལུགས་དེ་བཞིན་ཉིད་སྟེ་བླ་ན་མེད་པ་ནི་གདོད་ནས་གྲུབ་པའི་ཡོན་
ཏན་ཐམས་ཅད་ཀྱིས་ཉེ་བར་བརྒྱན་པའོ། །འདི་ནི་འགྱུར་བ་མེད་པའི་ཡོངས་གྲུབ་སྟེ། ཆོས་
ཀྱི་སྐུ་ཡང་ཕྱིན་ཅི་མ་ལོག་པའི་ཡོངས་གྲུབ་དོན་དམ་པའོ། །ཡོངས་གྲུབ་དང་དོན་དམ་པར་
བཏགས་པ་གཞན་ནི་ལམ་གྱི་བདེན་པ་སྟེ། དེ་ནི་དེ་ཁོ་ན་ཉིད་མ་ཡིན་ནོ། །ཡོངས་གྲུབ་དེ་ནི་
འདིར་ཞི་བ་ཞེས་ཡོངས་སུ་སྨོས་པས་རྣམ་པར་འཇིག་པའི་ཚུལ་ཅན་གྱི་མིང་མཐུན་ཕྱོགས་
ཡོངས་སུ་ཞི་བས་ན་རྟག་བརྟན་གཡུང་དྲུང་ངོ༌། །དེ་ལྟར་ཡང་ནག་པོ་པའི་འགྲེལ་པ་ལས། ཞི་
བ་ཞེས་བྱ་བ་ནི་རང་བཞིན་ཏེ། རྣམ་པར་མི་འཇིག་པ་རྟག་པའོ། །དེ་ཉིད་ཅེས་བྱ་བ་ནི་གཉིས་
11-1-440


སུ་མེད་པའི་ཡེ་ཤེས་ཕྱིན་ཅི་མ་ལོག་པས་སོ། །ཞེས་གསུངས་སོ། །འོ་ན་ལང་ཀར་གཤེགས་
པ་ལས། བློ་ཡིས་རྣམ་པར་དཔྱད་ན་ནི། །གཞན་དབང་མེད་ཅིང་ཀུན་བཏགས་མེད། །ཡོངས་
སུ་གྲུབ་པའི་དངོས་མེད་ན། །བློ་ཡིས་ཇི་ལྟར་རྣམ་པར་བརྟག །རང་བཞིན་མེད་ཅིང་རྣམ་རིག་
མེད། །ཀུན་གཞི་མེད་ཅིང་དངོས་མེད་ན། །བྱིས་པ་ངན་པ་རྟོག་གེ་བ། །རོ་དང་འདྲ་བས་འདི་
དག་བཏགས། །ཞེས་རང་བཞིན་མེད་ཅིང་ཡོངས་གྲུབ་མེད་པར་གསུངས་པ་མ་ཡིན་ནམ་ཞེ་
ན། བདེན་ཏེ་འོན་ཀྱང་ལུང་འདི་ཉིད་ཀྱིས་ཀྱང་ཡོངས་སུ་གྲུབ་པ་ནི་བདེན་ཡོད་དུ་གྲུབ་སྟེ། 
དེའི་ཀུན་གཞི་ནི། དེ་ཉིད་དུ་རྒྱ་ཆེར་བཤད་པ་མཛད་པའི་རྣམ་ཤེས་ཉིད་ཡིན་ལ། རྣམ་རིག་
ནི་གཟུང་འཛིན་གྱི་སྣང་བ་རྣམས་ཡིན་ཞིང༌། རང་བཞིན་ནི་ཀུན་རྫོབ་རྣམས་ཀྱི་རང་བཞིན་
བཀག་ཙམ་གྱི་སྟོང་ཉིད་དེ་ཡིན་ལ་དེ་དག་དང༌། ཀུན་བརྟགས་དང་གཞན་དབང་རྣམས་ལ་
ཁྱད་པར་མ་སྦྱར་བར་སྤྱི་ལྡོག་ནས་མེད་པར་གསུངས་ཤིང༌། ཡོངས་སུ་གྲུབ་པ་ལ་ནི་དངོས་
པོའི་མཚན་ཉིད་མེད་པར་གསུངས་པས། དེ་ཉིད་ཀྱི་ངོ་བོ་ནི་ཡོད་པ་ཁོ་ནར་བསྟན་ནོ། །འོ་ན་
དངོས་མེད་ཀྱང་མེད་པར་ཅིའི་ཕྱིར་མི་གསུང་ཞེ་ན། དེ་ནི་ཀུན་བརྟགས་བཀག་པ་ཉིད་ཀྱིས་
ཁེགས་པ་ལ་དགོངས་པའོ། །དེས་ན་བྲམ་ཟེ་ཆེན་པོའི་ཞལ་སྔ་ནས། ཡང་ན་ཐབས་ཀྱི་བདེ་བ་
སྐད་ཅིག་མ། །ཡང་ན་དེ་ཉིད་གཉིས་སུ་འགྱུར་བ་སྟེ། །བླ་མའི་དྲིན་གྱིས་སླར་ཡང་ནི། །བརྒྱ་
ལ་འགའ་ཡིས་ཤེས་པར་འགྱུར། །གྲོགས་དག་ཟབ་མོ་དང་ནི་རྒྱ་ཆེ་བ། །གཞན་མེད་བདག་
ཉིད་མ་ཡིན་པར། །ལྷན་ཅིག་སྐྱེས་དགའ་བཞི་པའི་དུས། །གཉུག་མ་ཉམས་སུ་མྱོང་པས་ཤེས། 
ཞེས་དང༌། རང་བཞིན་དག་པའི་སེམས་ལ་བསམ་གཏན་དག་གིས་མི་བསླད་དེ། བདག་ཉིད་
བདེ་ལ་གནས་ཤིང་གདུང་བར་མ་བྱེད་ཅིག །ཅེས་གསུངས་པ་ལྟར་ཐབས་ཀུན་རྫོབ་ཀྱི་བདེ་
བ་ཐམས་ཅད་ནི་སྐད་ཅིག་མ་ཡིན་ལ། ཡང་ན་བདེ་བ་དེ་ལ་སྐད་ཅིག་མ་དང་རྟག་པ་གཉིས་
སུ་དབྱེ། དེའི་རྟག་པ་ནི་ཟབ་པ་ཡང་ཡིན། རྒྱ་ཆེ་བའང་ཡིན། བདག་གཞན་ལ་སོགས་པ་
11-1-441


མཚན་མ་ཐམས་ཅད་སྤངས་པ། བཞི་པའི་ཉམས་མྱོང་ལ་བརྟེན་ནས་ཤེས་ཤིང་རྟོགས་པར་
འགྱུར་བ་མ་གཏོགས་སྔོན་མེད་གསར་དུ་བྱུང་བ་མ་ཡིན་ཏེ། གཉུག་མ་དངོས་པོའི་གནས་
ལུགས་སོ། །ལམ་གྱི་ཤེས་པ་བརྫུན་པས་བསླད་ཅིང་གདུང་བར་མ་བྱེད་ཅིག །རང་ཉིད་ཀྱི་
གནས་ཚུལ་བདེ་བར་གནས་པ་ཡིན་ནོ། །ཞེས་པའི་དོན་ནོ། །དེ་ལྟར་ན་ལེའུ་གསུམ་པ་དངོས་
ནི་དེ་ཡན་ཆད་ཡིན་ལ་འདི་ལ་ལེའུའི་མཚན་བསྟན་པ་མེད་པའི་ཕྱིར་མཚན་བཤད་པ་མི་
དགོས་ཀྱང་བརྗོད་བྱའི་དོན་གྱི་དབང་དུ་བྱས་ཏེ། ཁ་བསྐོང་གི་ལེའུ་ཞེས་བླ་མ་གོང་མ་རྣམས་
གསུང་ངོ༌། །འདི་ལ་ལེའུའི་མཚམས་བཅད་པ་མེད་པས་དོན་བསྡུ་ཕན་ཡོན་དང་བཅས་པ་
འདིར་བསྡུས་ཀྱང་མི་འགལ་ལོ། །དེ་ལྟར་ན་རྒྱུད་དོན་མཐའ་དག་ཤེས་བྱ་དང་དངོས་པོའི་
གནས་ལུགས་སོགས་བཞིར་བསྡུས་ཀྱང་རུང་ལ། རྒྱུད་གསུམ་དུ་བསྡུས་ཀྱང་རུང༌། གནས་
ཐབས་གསུམ་དུ་བསྡུས་ཀྱང་རུང༌། སྔགས་དབྱིབས་ཆོས་གསུམ་དུ་བསྡུས་ཀྱང་རུང༌། ཞེས་
བླ་མ་རྣམས་གསུང་པ་ལྟར་གནས་སོ། །ལེའུ་གསུམ་པའི་རྒྱ་ཆེར་བཤད་པའོ།།    །།
གསུམ་པ་དོན་བསྡུ་ཕན་ཡོན་དང་བཅས་པ་ལ། །དོན་བསྡུ་དང༌། ཕན་ཡོན་ནོ། །དང་པོ་
ནི། འདིར་ཚིགས་བཅད་དུ་གྱུར་པ་ནི། ཞེས་སོགས་ཏེ། ཚིགས་བཅད་ཅེས་པ་ནི་དོན་བསྡུ་
ཆེད་དུ་བརྗོད་པས་ངེས་པ་བསྐྱེད་པ་སྟེ། དེ་ལ་གཟུགས་ནི་ལྷའི་སྐུ། ཕྱག་རྒྱ་ནི་རྒྱན་གྱི་ཁྱད་
པར་ལ་སོགས་པ་རྣམས་དང༌། མཚན་མ་ནི་ཕྱག་མཚན་དང་ཡི་གེ་དང་སྔགས་རྣམས་སོ། །
རྫས་ནི་དམ་ཚིག་གི་རིལ་བུ་ལ་སོགས་པ་རྣམས་དང༌། བསམ་གཏན་ཏེ་གཙོ་བོར་རྫོགས་
པའི་རིམ་པ་རྣམས་དང༌། བསྒོམ་པ་ཡི་ཞེས་པ་ནི་མཐར་ཐུག་ཆོས་ཀྱི་རྣལ་འབྱོར་དང༌། རིག་
པ་བརྟུལ་ཞུགས་ཀྱི་སྤྱོད་པའོ། །ཆོ་གའི་ཐབས་ནི་རྣམ་པ་སྣ་ཚོགས་ཞེས་པ་ལས་དང་དངོས་
གྲུབ་ཀྱི་རྟོགས་པ་རྣམས་སོ། །དང་པོ་གསུམ་ནི་དབྱིབས་ཀྱི་རྣལ་འབྱོར་ཡན་ལག་དང་བཅས་
པ་སྟེ། ཡང་ན་ཕྱག་རྒྱའི་མཚན་མ་ཞེས་གཅིག་ཏུ་བསྡོམས་ནས་ངོ་བོ་མཚན་མའོ། །དེ་ལྟར་
11-1-442


ན་བསྐྱེད་རིམ་དང༌། དམ་རྫས་དང༌། རྫོགས་རིམ་དང༌། སྤྱོད་པ་དང༌། ལས་ཚོགས་ཏེ་དོན་
ལྔའོ། །དང་པོ་ལ་སོ་སོར་ཕྱེ་བས་བདུན་ནམ་དྲུག་ཏུ་བསྡུས་ཀྱང་རུང་ལ། དེའི་དམ་རྫས་
ཀྱི་ནི་དམ་ཚིག་ཐམས་ཅད་ཀྱང་དོན་གྱིས་བསྟན་པ་ཡིན་ནོ་ཞེས་གསུང༌། དེ་ལྟར་དོན་ལྔའི་
བདུན་པོ་དེ་དག་ནི། འདོད་པའི་དངོས་གྲུབ་སྒྲུབ་པའི་ཐབས་ཏེ། ལྷ་མོ་ཞེས་འཁོར་ལོའི་
དབང་ཕྱུག་མ་ལ་བོས་ནས་སེམས་ཅན་རྣམས་ཀྱི་འདི་ལ་འདོད་པའི་དོན་རྣམས་མཐའ་དག་
སྒྲུབ་པར་བྱ་བའི་ཕྱིར་གསུངས་པའོ། །ཡིད་ལ་འདོད་པའི་དོན་སེམས་ཅན་རྣམས་ཀྱི་བསམ་
པ་ཇི་ལྟ་བ་བཞིན་དང༌། སྐལ་པ་ཇི་ལྟ་བ་བཞིན་དུ་འགྲོ་བའི་དོན་སྤྱོད་པ་ཡིན་པས་དེ་བཞིན་
གཤེགས་པ་རྣམས་ཀྱི་འཕྲིན་ལས་བསྟན་པ་ཡིན་ནོ། །ཞེས་གོང་མ་རྣམས་གསུང་ལ། ཡང་
ཡིད་ལ་འདོད་པ་ནི་དངོས་གྲུབ་ཡིན་ལ། ཆོ་གའི་ཐབས་སྣ་ཚོགས་ནི་ལས་ཚོགས་ཡིན་ཞིང༌། 
ཕྱག་རྒྱའི་མཚན་མ་ཞེས་པའི་ཕྱག་རྒྱ་ནི་ལོགས་སུ་མི་བགྲང་བར་གཟུགས་དང་མཚན་མ་
ལ་རྩེ་གཅིག་ཏུ་མཉམ་པར་འཇོག་པའི་རྣལ་འབྱོར་དུ་བཤད་ནས་བསྡུས་དོན་བདུན་དུ་ནག་
པོ་པས་བཤད་ལ། ཡང་ཡིད་ལ་འདོད་པ་ནི། ཆོ་གའི་ཐབས་སྣ་ཚོགས་ཏེ། སྐུ་གསུམ་དང༌། 
ལས་ཚོགས་དང༌། གཟུགས་ཡོངས་སུ་བརྗེ་བ་དང༌། གྲོང་དུ་འཇུག་པ་དང༌། མི་སྣང་བ་དང༌། 
དབང་བསྐུར་བ་དང༌། བདུད་རྩི་སྒྲུབ་པ་སྟེ་སྦས་པ་བདུན་ལ་བྱེད་པ་དང་དཀྱིལ་འཁོར་གྱི་དེ་
ཁོ་ན་ཉིད་དང༌། ལྷའི་དེ་ཁོ་ན་ཉིད་དང༌། སྔགས་ཀྱི་དེ་ཁོ་ན་ཉིད་དང༌། ལས་ཚོགས་ཀྱི་དེ་ཁོ་
ན་ཉིད་དང༌། གླུའི་དེ་ཁོ་ན་ཉིད་དང༌། དམ་ཚིག་གི་དེ་ཁོ་ན་ཉིད་དང༌། དམན་པའི་དངོས་གྲུབ་
ཀྱི་དེ་ཁོ་ན་ཉིད་དང༌། གཟུགས་ནས་བསྒོམ་པའི་བར་མང་དུ་གསུངས་ཀྱང༌། འདོད་པའི་དོན་
སྒྲུབ་པའི་ཐབས་དེ་ཁོ་ན་ཉིད་བདུན་པོ་འདིའོ་ཞེས་པའི་དོན་དུ་འཆད་པ་ཡོད་དེ། ཐམས་ཅད་
མི་འགལ་བར་མངོན་ནོ། །མན་ངག་གཞན་ལས་ནི། གཟུགས་ནི་དབྱིབས་ཀྱི་རྣལ་འབྱོར་
དང༌། ཕྱག་རྒྱ་ནི་ལས་ཀྱི་ཕྱག་རྒྱའི་རྣལ་འབྱོར་དང༌། མཚན་མ་ནི་མཚན་བཅས་ཀྱི་རྫོགས་
11-1-443


རིམ་དང༌། རྫས་ནི་ལས་ཚོགས་དང་དངོས་གྲུབ་ཀྱི་རྫས་ཐམས་ཅད་དེ། སྨན་དང་སྔགས་དང་
འཁོར་ལོ་གསུམ་ཆར་བསྟན་པ་ཡིན་ལ་བསམ་གཏན་ནི་མཚན་མ་མེད་པའི་རྫོགས་རིམ་སྟེ་
ལྔ་པོ་མཚན་གཞིར་བཟུང་ནས་དེ་དག་ལ་སོགས་པ་བསྒོམ་ཞིང་ཉམས་སུ་ལེན་པའི་ཆོ་གའི་
ཐབས་སྤྲོས་བཅས་དང་སྤྲོས་མེད་སྣ་ཚོགས་པ་རྒྱུད་འདིར་གསུངས་པ་རྣམས་དང་སེམས་
ཅན་རྣམས་ཀྱི་འདོད་པའི་དོན་འདིར་གསུངས་པ་དང་མ་གསུངས་པ་ཐམས་ཅད་སྒྲུབ་པར་
བྱེད་པའི་ཐབས་སོ། །དེ་ལ་རྒྱུད་འདིར་མ་གསུངས་པ་ནི་འདིའི་རྣལ་འབྱོར་ལ་བརྟེན་ནས། 
རྒྱུད་གཞན་ལས་གསུངས་པའི་ལས་ཚོགས་ཐམས་ཅད་སྒྲུབ་ཏུ་རུང་བ་སྟེ། དེ་ཡང་དཔེར་ན་
སྒྱུ་འཕྲུལ་ཆེན་མོའི་བསྙེན་པ་མཐར་ཕྱིན་པས་མདུན་དུ་ཁྲོ་བོ་ཆེན་པོ་སྟོབས་པོ་ཆེ་མདུང་རྩེ་
གསུམ་པ་དང་སྦྲུལ་ཞགས་འཛིན་པ་ཁ་དོག་དུད་ཁ་བསྒོམས་ཏེ། མཆོད་གཏོར་སྤྱི་དང་མཐུན་
པར་ཕུལ་ནས་ༀ་བཛྲ་ཀྲོ་དྷ་མཧཱ་བཱ་ལ་ཧ་ན་ད་ཧ་ནི་པ་ཙ་བི་དྷྭཾ་ས་ཡ་ཡོ་སཽ་མཱ་ར་ཡ་ཧཱུཾ་ཕཊ། 
ཅེས་ཁྲི་བཟླས་ཤིང་བསྙེན་པ་བྱའོ། །
ཕྱི་ནས་ཇི་ལྟར་འདོད་པར་ཆར་དབབ་སྟེ། གྲོག་མཁར་གྱི་ས་དང༌། བའི་རྣམ་ལྔ་ལ་ནོར་
རྒྱས་ཀྱི་གཟུགས་བྱ། ཀ་ར་ཝི་རའི་ལྕུག་མས་ཆུ་གཏོར་ཞིང་གུ་གུལ་གྱིས་བདུག །དཀར་
གསུམ་གྱི་གཏོར་མ་བྱིན་ལ། སྟོབས་པོ་ཆེ་བསྐུལ་ནས་བཀའ་བསྒོས་ན། ཇི་ལྟར་འགོར་ཡང་
ཞག་བདུན་གྱིས་དབབ་པར་འགྱུར་ལ། གལ་ཏེ་མི་འབབ་ན་གཟུགས་དུམ་བུར་གཏུབས་ཏེ་
བུམ་པར་བླུག་ལ་ཆུ་བོ་ཆེན་པོར་བསྐུལ་ནས་སྔགས་དྲག་ཏུ་བཟླས་ན། ཐེ་ཚོམ་མེད་པར་ཆར་
ཆེན་པོ་འབབ་བར་འགྱུར་རོ། །གཞན་ཡང་རབ་ཏུ་གནས་པ་དང༌། བསྲེགས་བླུགས་དང༌། 
སའི་ཆོ་ག་དང༌། ཕ་རོལ་གྱི་སྡེ་གཞིག་པ་དང༌། ཞི་བ་དང༌། རྒྱས་པའི་ཁྱད་པར་རྣམ་པ་དུ་མ་
རྣམས་དང༌། མིག་སྨན་དང༌། རོ་ལངས་དང༌། རྐང་མགྱོགས་དང༌། གནོད་སྦྱིན་མོ་དང༌། བུམ་
པ་བཟང་པོ་ལ་སོགས་པ་ཇི་ལྟར་འདོད་པ་ཐམས་ཅད་བསྒྲུབས་པས་དངོས་གྲུབ་ཀྱི་འབྲས་བུ་
11-1-444


ཆེན་པོར་འགྱུར་རོ། །ཞེས་གསུང་ངོ༌། །
གཉིས་པ་ནི། གང་གིས་ཁྱིམ་དུ་སོགས་ཏེ། ཁྱིམ་གང་དུ་རྒྱུད་འདིའི་གླེགས་བམ་ལ་
གུས་པས་མཆོད་པས་གནས་པ་དང༌། ཀློག་པ་སྟེ་ཁ་ཏོན་དང་ཐོས་བསམ་བྱེད་པ་དང༌། དོན་
བསྒོམས་པར་བྱེད་པ་དེ་དག་དམ་ཚིག་དང་བཅས་པ་ནི་ངེས་པར་དགོས་ཏེ། དེ་ལ་ཕན་ཡོན་
གྱི་ཚོགས་འདི་རྣམས་འབྱུང་ངོ༌། །ཅི་ཞིག་ཅེ་ན། ནད་དང་རིམས་ཀྱི་ཚོགས་མི་འབྱུང་བ་དང༌། 
རྒས་པར་མི་འགྱུར་བ་དང༌། ལྷའི་བུའི་བདུད་ཀྱིས་སེམས་གཡེང་བར་བྱེད་པ་ལ་སོགས་པ་
བགེགས་ཀྱི་གནོད་པའི་རིགས་གང་ཡང་མི་འབྱུང་ལ། འཆང་ཞིང་ཀློག་པ་ཙམ་གྱིས་ཀྱང་
དུས་མ་ཡིན་པའི་འཆི་བ་བཟློག་ཅིང༌། རྩེ་གཅིག་ཏུ་བསྒོམ་པས་ནི་རྡོ་རྗེའི་ལུས་འགྲུབ་པས་
འཆི་བར་མི་འགྱུར་ཏེ། སྒྲུབ་པ་པོ་དེ་རྣམས་ལ་ནི། རྒྱུན་དུ་དུས་ཐམས་ཅད་དུ་རྣལ་འབྱོར་མའི་
དབང་ཕྱུག་ལ་འཕགས་མ་ཆེན་མོ་རྣམས་ཀྱིས་བགེགས་བསྲུང་ཞིང༌། ཞི་བ་དང༌། རྒྱས་པ་ལ་
སོགས་པའི་ཆོ་ག་བཟང་པོ་མཛད་པར་འགྱུར་བའི་ཕྱིར་རོ། །རྒྱུན་དུ་ཞེས་པ་དང་དུས་ཐམས་
ཅད་དུ་ཞེས་སོ་སོར་སྨོས་པ་ནི། རྒྱུན་དུ་ཞེས་པས། བསྲུང་བ་ལ་སོགས་པའི་ཆོ་ག་བཟང་པོ་
ཇི་སྲིད་མཛད་པ་དེ་སྲིད་དུའང་མཉམ་པར་བཞག་པ་དང༌། མ་བཞག་པ་དང༌། གཉིད་ལོག་
པ་དང༌། སད་པ་ལ་སོགས་པའི་གནས་སྐབས་གང་དུ་ཡང་བར་སྟོང་ཅུང་ཟད་ཙམ་ཡང་མེད་
པའི་དོན་ཡིན་ལ། དུས་ཐམས་ཅད་དུ་ཞེས་པ་སྤྱིའི་དུས་ཀྱི་ཚད་བསྟན་པས། གང་རྒྱུད་འདི་
ལ་ཞུགས་པ་ནས་སངས་རྒྱས་མ་ཐོབ་ཀྱི་བར་མ་འོངས་པའི་དུས་ཐམས་ཅད་ཅེས་པའོ། །དེ་
ལྟར་ན། རྒྱུད་འདི་ཚིག་ཉུང་ཡང༌། རྩ་རྒྱུད་བསྡུས་པ་ཡོངས་རྫོགས་ཡིན་པའི་ཕྱིར། བརྗོད་
བྱའི་དོན། རྒྱུད་ཆེན་པོ་གཞན་ལས་ཉུང་བ་ནི་མ་ཡིན་ནོ། །
གསུམ་པ་བཤད་པ་མཐར་ཕྱིན་པའི་བྱ་བ་ནི། རྡོ་རྗེ་རྣལ་འབྱོར་མ་རྣམས་ཀྱི་དགོངས་པ་
སོགས་ཏེ། དེ་ལ་རྡོ་རྗེ་རྣལ་འབྱོར་མ་ནི་བཤད་ཟིན་ཏོ། །དེ་རྣམས་ཀྱི་དགོངས་པ་སྟེ་ཇི་ལྟར་
11-1-445


རྟོགས་ཤིང་སྐུ་ཉམས་སུ་བསྟར་པའི་དོན་མི་རྟོག་པའི་བདེ་བ་ཆེན་པོས་ཆོས་ཉིད་རྟོགས་པར་
བྱེད་པའི་ལམ་ནི་མཆོག་ཏུ་གསང་བ་ཡིན་ལ་གསང་བ་ཆེན་པོ་ནི་འབྲས་བུ་སྐུ་དང་ཡེ་ཤེས་ཏེ། 
དེའི་ཉེ་བར་སྤྱོད་པ་ཞིང་དང༌། གདུལ་བྱ་དང༌། འཕྲིན་ལས་རྒྱས་པར་བཤད་པ་དང་བཅས་
པའི་རྒྱུད་ཀྱི་རྒྱལ་པོ་འདི་ཡོངས་སུ་རྫོགས་སོ། །ཞེས་པ་ལ་རྫོགས་པ་ནི་བཤད་ཟིན་པའི་
དོན་དང༌། ས་མཱ་པྟ་ཞེས་པའི་སྒྲ་ལས་དྲངས་ན། སྟོན་པས་དེ་ལྟར་གསུངས་པས་འཁོར་ཀྱིས་
ཡང་དག་པར་རྟོགས་སོ། །ཡང་དག་པར་ཐོབ་བོ། །ཞེས་པའི་དོན་ནོ། །དེ་ལྟར་མར་རྔོག་གི་
བཤད་སྒྲོས་ཇི་ལྟ་བ་བཞིན་རྫོགས་པར་བཤད་ནས། ཤནྟི་པ་དང༌། ནག་པོ་པའི་འགྲེལ་པ་
ལས་ལེགས་ཆ་ཅུང་ཟད་བླངས་ཤིང༌། དཔལ་རྒྱན་པ་དང༌། མི་ཐུབ་ཟླ་བའི་འགྲེལ་པ་ནི་སྔ་
མ་རྣམས་ལས་ལེགས་ཁྱད་ཐོན་པ་ཆེར་མི་སྣང་ལ། འཕགས་ཡུལ་གྱི་མན་ངག་ཁྱད་པར་ཅན་
མང་པོས་ཀྱང་བརྒྱན་ཏེ་གཞན་ཡང་འདི་ཉིད་ཀྱི་ཡི་གེ་རྒྱ་བོད་དུ་བྱུང་བ། ཕྱོགས་འདིར་ཇི་
ཙམ་ཡོད་པ་ཕལ་ཆེར་གྱི་དོན་ཁོང་དུ་ཆུད་ནས་བརྗོད་ཟིན་ཏོ། །
འདིར་སྨྲས་པ། ནག་པོའི་འགྲེལ་པར་སློབ་མ་ལ་བཤད་དང༌། །ཤནྟི་པས་མཛད་ཚོགས་
བཤད་བཟང་པོ་དང༌། གྲུབ་པའི་དགོངས་འདུས་མར་པའི་མན་ངག་སྟེ། །སྔགས་སྲོལ་བཤད་
པ་བཟང་པོ་གསུམ་ཐོས་ཤིང༌། །ཞི་བའི་ཞབས་ཀྱི་མན་ངག་མཆོག་གིས་བརྒྱན། །རྒྱུད་འདིར་
བརྟེན་པའི་རྒྱ་བོད་གཞན་རྣམས་ཀྱི། །ཡེ་གེ་ཕྱོགས་འདིར་ཡོད་པའང་ཕལ་ཆེར་མཐོང༌། །
ཀུན་འདུས་ཟབ་ཅིང་རྒྱ་ཆེའི་འགྲེལ་པ་འདིའོ། །མན་ངག་ནི་རྩོད་པའི་ཡུལ་མ་ཡིན་པ་དང༌། 
ཁྱད་པར་དུ། གསང་སྔགས་སྨྲ་རྣམས་མང་དུ་ནི། །སྤྲོས་ཏེ་སྨྲས་པས་ཅི་ཞིག་བྱ། ཁྱད་པར་
དུ་ནི་སེམས་སྒྲུབ་སྟེ། །སེམས་ལས་རྫོགས་པའི་སངས་རྒྱས་འབྱུང༌། །ཞེས་པའི་དོན་ཡིད་ལ་
གཞག་ནས་སྤྲོས་ཏེ་མི་བརྗོད་དོ། །ད་ནི་གཞན་ཞིག་དཔྱད་པར་བྱ་སྟེ། འདིར་ཁ་ཅིག་ཚོགས་
ལ་བཤད་པའི་སྒྲ་ཙམ་ལ་བརྟེན་པའི་ཚིག་གི་སྦུ་འཕྲེང་ཙམ་སྟེ། མན་ངག་དང་བྲལ་བའི་ཕྱིར་
11-1-446


སྙིང་པོ་མེད་པའོ། །ཞེས་སྨྲ་བ་དེ་དག་ནི་རང་གི་དེ་ཉིད་སྟོན་པར་ཟད་དེ། ཚོགས་སློབ་ཀྱི་
བཤད་ཚུལ་འདི་གཉིས་ཆར་ཡང་སྟོན་པ་ཉིད་ཀྱིས་གསུངས་པའི་འཆད་ཚུལ་ཡིན་པས་སོ། །
ཡིན་ཡང་དེར་འགྱུར་ན་སྟོན་པས་རྒྱུད་དོན་ལོག་པར་བཀྲལ་པར་འགྱུར་རོ། །ཞེས་ཐལ་
བར་འགྱུར་བ་མ་ཡིན་ནམ། མཁས་པས་མངོན་པའི་ང་རྒྱལ་གྱིས་རྒྱུད་ཀྱི་འགྲེལ་པ་བྱས་པ་
དེ་དག་ནི། རང་གི་རྣམ་པར་རྟོག་པ་ཙམ་ཡིན་གྱི། ཚོགས་སློབ་ཀྱི་བཤད་པ་གང་ཡང་མ་ཡིན་
ནོ། །ཚོགས་ལ་བཤད་པ་དེ་ལ་དོན་དམ་སྟོན་པའང་ཤིན་ཏུ་མང་ཞིང༌། ཀུན་རྫོབ་གཙོ་བོར་
སྟོན་པ་ཡིན་ཀྱང༌། ཐར་པ་མཆོག་དོན་གཉེར་ལ་ངེས་པར་དགོས་པ་ཤ་སྟག་སྟེ། སྟོང་པ་ཉིད་
དང༌། སྙིང་རྗེ་དང༌། དམ་ཚིག་དང༌། བསྐྱེད་པའི་རིམ་པ་ལ་སོགས་པ་ནི། དེའི་དོན་ཡིན་པས་
སོ། །གང་ཚོགས་ལ་བཤད་པའི་དོན་མེད་ན་ནི་གསང་སྔགས་ལོག་པར་སྤྱོད་པའི་གནས་ཀྱང་
ཡོད་ལ། ཚོགས་བཤད་དེ་ཡོད་པ་ལ་སློབ་མ་ལ་བཤད་པས་ཉེ་བར་བརྒྱན་པ་ན། མཆོག་
སྒྲུབ་པའི་ཐབས་བླ་ན་མེད་པ་རྙེད་པར་འགྱུར་རོ། །ཞེས་རྟོགས་པར་བྱའོ། །གླེགས་བམ་གྱི་
མཐར། རྒྱ་གར་གྱི་མཁན་པོ་ཨ་ནཱི་ལ་བཛྲ་དང༌། བོད་ཀྱི་ལོ་ཙཱ་བ་འགོས་ལྷས་བཙས་ཀྱིས་
བསྒྱུར་ཞིང་ཞུས་ཏེ་གཏན་ལ་ཕབ་པའོ། །ཞེས་འབྱུང་བ་ནི་འགྱུར་བྱང་སྟེ། ལོ་ཙཱ་བ་འགོས་
ཁུག་པ་ཉིད་ཀྱིས་བསྒྱུར་བ་ལ་ཡང༌། པཎྜི་ཏ་ཛི་ན་ཝརྨ་དང༌། ཤནྟི་བྷ་ཏྲའི་དྲུང་དུ་བསྒྱུར་བའི་
འགྱུར་ཁྱད་ཡོད་པ་རེ་ཡང་སྣང་མོད། བརྒྱུད་པ་འདི་ལ་འགྱུར་སྔར་སྨོས་པ་འདི་གཙོ་བོར་
མཛད་ཅིང༌། འགོས་འགྱུར་ཕྱི་མ་ཡང་འདི་ཡིན་ལ། འདི་ལ་གློག་སྐྱས་ཅུང་ཟད་བཅོས་པའང་
ཡོད་ཅིང༌། ཕྱིས་གཞན་དང་གཞན་གྱིས་བཅོས་པའང་མཐོང་མོད། འགོས་འགྱུར་ཉིད་བྱིངས་
ཆེ་ཞིང་ལེགས་པར་མངོན་ནོ། །རྡོ་རྗེ་དང་མཚུངས་རྡོ་རྗེའི་ཚིག །དབྱེ་བ་དཀའ་བ་འདི་དབྱེ་
ལས། །བླ་མེད་གོ་འཕང་བླ་མ་ཡི། །གནས་ལ་འགྲོ་ཀུན་གནས་པར་ཤོག །དཔལ་ལྡན་རྡོ་རྗེ་
རོལ་པ་མོས། །གནང་བའི་མཚན་མ་ཐོབ་པ་ན། །བླུན་པོའི་བློས་ཀྱང་འགྲེལ་པ་བྱས། །དེ་ལ་
11-1-447


འཕགས་རྣམས་བཟོད་པར་མཛོད། །རྩ་བའི་རྒྱུད་རྒྱལ་ཚིག་ཉུང་དོན་རྒྱས་པ། །ཕྱོགས་འདིར་
དེང་སང་ནུབ་ཏུ་ཉེ་མཐོང་ནས། །སྐལ་ལྡན་འགའ་ཞིག་བློ་གྲོས་རྒྱས་བྱའི་ཕྱིར། །རྒྱས་འགྲེལ་
བྱས་པ་འདི་ཡང་དོན་བཅས་ཡིན།།    །།
ཞེས་པ་དཔལ་སྒྱུ་འཕྲུལ་ཆེན་མོའི་རྒྱུད་ཀྱི་རྒྱ་ཆེར་བཤད་པ་དེ་ཁོ་ན་ཉིད་ཀྱི་སྒྲོན་མ་ཞེས་
བྱ་བ་འདི་ནི། རང་ཉིད་ཀྱི་དྲན་པ་གསོ་བ་དང༌། རྒྱུད་འདི་དོན་དུ་གཉེར་བའི་སྐལ་ལྡན་འགའ་
ཞིག་ད་ལྟར་ཡོད་སྲིད་ཅིང་ཕྱིས་འབྱུང་བར་འགྱུར་ན། དེ་དག་ལ་ཤིན་ཏུ་ཕན་པར་མཐོང་སྟེ། 
རྒྱལ་ཁམས་པ་ཏཱ་ར་ནཱ་ཐས་རང་ལོ་སུམ་ཅུ་རྩ་བཞིར་སོན་པའི་དུས། ས་གའི་ཚེས་བཅོ་ལྔ་ལ། 
དཔལ་ཇོ་མོ་ནང་དུ་སྦྱར་བའོ། །བཀྲ་ཤིས་དགེ་ལེགས་འཕེལ། མངྒ་ལཾ། 
11-1-448


༄༅། །དཔལ་སངས་རྒྱས་ཐོད་པའི་སྒྲུབ་ཐབས་དེ་ཁོ་ན་ཉིད་
གསལ་བ་ཞེས་བྱ་བ་བཞུགས། 
༄༅། །ༀ་སྭཱ་སྟི། དམ་པའི་བདེ་མཆོག་བདུད་རྩིས་ངེས་བྲན་པའི། །ཤེས་རབ་མཛེས་མའི་ཚོགས་ཀྱིས་རྩེན་པའི་
སྐུ། །དཔྱིད་ཀྱི་དགའ་བས་སེམས་ཅན་ཕན་དགེས་ཀྱང༌། །བདུད་ཀྱི་སྟོབས་འཇོམས་ཧེ་རུ་ཀ་ལ་འདུད། །མགོན་པོ་དེ་ཡིས་ངེས་
པར་ཡང༌། །བྱང་ཆུབ་ལ་སྦྱར་མཁས་རྣམས་ཀྱིས། །རྣམ་དག་གཞུང་ལམ་བསྟན་པ་ལ། །བྱེད་པ་ཅི་ཡང་དགེ་ལེགས་ཉིད། །འདིར་
དཔལ་སངས་རྒྱས་ཐོད་པ་ལས་འབྱུང་བ། ཧེ་རུ་ཀའི་དཀྱིལ་འཁོར་རྒྱས་པ་སྒོམ་པར་འདོད་པས། སྐྱབས་འགྲོ་སེམས་བསྐྱེད་རྡོ་རྗེ་
སེམས་དཔའི་སྒོམ་བཟླས་རྣམས་བྱས་ལ། ཧཱུཾ་ཕཊ། ཅེས་བཟླས་པས། བདག་དང་གནས་དང་རྣལ་འབྱོར་སྲུང་བ་བྱས་ཤིང༌། 
འོག་ནས་འཆད་པ་ལྟར་ནང་མཆོད་བྱིན་གྱིས་རླབས་ཏེ། ༀ་ཨཱཿཧཱུཾ་གིས་བདུད་རྩི་མྱངས་པར་འདིར་འབྱུང་པོ་ཐམས་ཅད་པའི་
གཏོར་མ་སྦྱིན་པར་མི་འཇིགས་པའི་གཞུང་འགྲེལ་ལས་འབྱུང་བ་ལྟར་བྱས་ཀྱང་ལེགས། མ་འགྲུབ་ཀྱང་འགལ་བ་མེད་དོ། །
རང་གི་སྙིང་གར་ཉི་མ་ལ་གནས་པའི་རྡོ་རྗེ་ཧཱུཾ་གིས་མཚན་པ། དེའི་འོད་ཀྱིས་དཔལ་ཧེ་རུ་ཀ་
གཉུག་མའི་དགའ་མ་སྣ་ཚོགས་བདེ་མས་འཁྱུད་པ། ཕྲེང་བཟང་མ་ལ་སོགས་པ་རྡོ་རྗེ་རོལ་པ་
མོ་ཉི་ཤུ་རྩ་བཞིས་བསྐོར་བ་སྤྱན་དྲངས་ཏེ། རང་ལ་མངོན་དུ་ཕྱོགས་པས་བཞུགས་པར་གྱུར། 
འོད་ཟེར་རྣམས་སྙིང་གའི་ཧཱུཾ་ལ་ཐིམ། ཡང་སྙིང་གའི་ཧཱུཾ་ལས་ལྷ་མོ་བརྒྱད་ཅིག་ཅར་སྤྲུལ་ནས་
མཆོད་པར་གྱུར། འཛག་པ་དེ་ལས་རྣལ་འབྱོར་མ། །བརྒྱད་པོ་བུ་མོ་རྣམས་ཀྱི་མཆོག །མཆོད་
པ་སྣ་ཚོགས་འཛིན་པ་ཡིས། །མགོན་པོ་ཧེ་རུ་ཀ་མཆོད་དོ། །རྡོ་རྗེ་མགོན་པོའི་ཤར་གནས་པ། 
རྡོ་རྗེ་མཆེ་བ་མ་ཡིས་ནི། །ཐོད་པ་ཁྲག་གིས་བཀང་བཟུང་སྟེ། །གཟི་བརྗིད་ཆེན་པོ་གསོལ་
བར་མཛོད། །རྡོ་རྗེ་ཕོ་ཉ་བདག་ཉིད་ཆེ། དབང་ལྡན་དུ་ནི་ཅང་ཏེའུ་བརྡུང༌། །རྡོ་རྗེ་གདོད་མ་དྲི་
སྣོད་དང༌། །མེ་ཡི་ཕྱོགས་སུ་རྣམ་པར་གནས། །རྡོ་རྗེ་ཅན་མ་གྲགས་ཆེན་མོ། །མཆོད་ཡོན་
11-1-449


སྣོད་ཅན་བདེན་བྲལ་ནི། །རྡོ་རྗེ་གཙིགས་མ་ལྷོ་ཡི་ནི། །ཕྱག་ན་རྔ་བོ་ཆེ་འཛིན་གསུངས། །རླུང་
དུ་རྡོ་རྗེ་ལྟེ་བ་མ། །རི་བོང་ཅན་གྱི་སྣོད་འཛིན་ནོ། །ནུབ་ཏུ་རྡོ་རྗེ་འཇིགས་མ་ནི། །ལྕེ་སྤྱང་ཕྱག་
ན་འཛིན་པར་གསུངས། །བྱང་དུ་འདོད་ཆགས་རྡོ་རྗེ་མ། །ལྷ་མོའི་ཆགས་པས་གཙོ་བོ་མཆོད། །
དེ་ལྟར་ཧེ་རུ་ཀ་བསམ་ནས། །རྣལ་འབྱོར་མ་ནི་བརྒྱད་ཀྱིས་མཆོད། །སྣ་ཚོགས་ཟས་དང་སྣ་
ཚོགས་སྐོམ། །སྣ་ཚོགས་རོལ་མོ་མཆོག་གསུངས་དང༌། །དྲི་ཞིམ་ལྔ་དང་མེ་ཏོག་སྤོས། །འདི་
དག་གིས་ནི་གཙོ་བོ་མཆོད། །མཆོད་ཡོན་ཞལ་བསིལ་དེ་བཞིན་ཁྲུས། །གླུ་ཡི་མཆོག་ནི་རྣམ་
མང་པོས། །མགོན་པོ་ཁྲག་འཐུང་བདག་ཉིད་ཆེ། །འདི་དག་གིས་ནི་མཆོད་པར་བྱ། །ཞེས་པ་ནི་
མཆོད་པའོ། །རྒྱས་པ་ལ་སྤྲོ་ན། འོག་ནས་འབྱུང་བའི་མཆོད་སྔགས་རྣམས་ཀྱིས་མཆོད་དོ། །ཁྲག་འཐུང་ཡོན་ཏན་ཟབ་
མངའ་བ། །དངོས་པོ་ཀུན་གྱི་རང་བཞིན་མཆོག །སེམས་ཅན་ཀུན་ལ་ཕན་དགྱེས་དང༌། །སྣ་
ཚོགས་སྡེ་ལ་རྟག་ཏུ་འདུད། །དཔལ་ལྡན་ཁྲག་འཐུང་རྒྱལ་པོ་ཆེ། །ཉི་ཤུ་རྩ་བཞིའི་དྲ་བ་སྡོམ། །
དངོས་ཀུན་རང་བཞིན་འགྲོ་བ་སྐྱོབ། །སྣ་ཚོགས་སྡེ་ལ་ཕྱག་འཚལ་ལོ། །ཞེས་ཕྱག་བྱ། བདག་
གིས་བདག་ཉིད་ཀྱི་སྡིག་པ་ཐམས་ཅད་འཆགས་ཤིང་སླར་ཡང་མི་བགྱིད་དོ། །སངས་རྒྱས་
དང་བྱང་ཆུབ་སེམས་དཔའ་དང༌། འཕགས་པ་དང༌། སོ་སོའི་སྐྱེ་བོ་ཐམས་ཅད་ཀྱི་བསོད་
ནམས་ཐམས་ཅད་ལ་རྗེས་སུ་ཡི་རང་ངོ༌། །བདག་ཉིད་ཀྱི་དགེ་བ་ཐམས་ཅད་བླ་ན་མེད་པ་
ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ། །སངས་རྒྱས་དཀོན་
མཆོག་དང༌། ཤེས་རབ་ཀྱི་ཕ་རོལ་དུ་ཕྱིན་པ་ཆོས་དཀོན་མཆོག་དང༌། ཕྱིར་མི་ལྡོག་པའི་བྱང་
ཆུབ་སེམས་དཔའ། འཕགས་པའི་དགེ་འདུན་དཀོན་མཆོག་ལ་བྱང་ཆུབ་ཀྱི་བར་དུ་སྐྱབས་སུ་
མཆིའོ། །ཀྱེ་མ་མ་ལ་བདག་གིས་སེམས་ཅན་ཀུན་གྱི་དོན་དང༌། ཕན་པ་དང༌། བདེ་བ་དང༌། 
ཇི་སྲིད་དུ་དེ་རྣམས་ཤིན་ཏུ་མཐར་ཐུག་པའི་མྱ་ངན་ལས་འདས་པ། བླ་ན་མེད་པ་དེ་བཞིན་
གཤེགས་པའི་ཡེ་ཤེས་ལ་བཀོད་པའི་བར་དུ་དེའི་ལམ་སྒྲུབ་པས་བླ་ན་མེད་པ་ཡང་དག་པར་
11-1-450


རྫོགས་པའི་བྱང་ཆུབ་མངོན་པར་བྱང་ཆུབ་པར་བགྱིའོ། །ཞེས་ལན་གསུམ་མོ། །སེམས་ཅན་ཐམས་
ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་
དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དང་མི་འབྲལ་བར་གྱུར་ཅིག །ཉེ་རིང་
ཆགས་སྡང་དང་བྲལ་བའི་བཏང་སྙོམས་ཚད་མེད་པ་ལ་གནས་པར་གྱུར་ཅིག །འོག་གི་རླུང་
གིས་བསྐུལ་བས་འབར་བའི་གཏུམ་མོའི་མེས་འཁྱུད་པའི་སྙིང་གའི་ཧཱུཾ་ལས། འོད་ཟེར་འཕྲོས་
ཁམས་གསུམ་མ་ལུས་པ་བསྲེགས་ཏེ་སྟོང་པར་སྦྱངས། ༀ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨུཏྤ་
ཀོ྅ཧཾ། སྟོང་པའི་ངང་ལས། སྔོན་གྱི་སྨོན་ལམ་གྱི་མཐུ་ལས། རཾ་ལས་བྱུང་བའི་ཉི་མའི་སྟེང་
དུ། ཧཱུཾ་ལས་སྣ་ཚོགས་རྡོ་རྗེ་ལྟེ་བ་ཧཱུཾ་གིས་མཚན་པ། དེ་ལས་འོད་འཕྲོས། རྡོ་རྗེའི་ས་གཞི་རྭ་
གུར་བླ་རེ་མདའི་དྲ་བ། མེ་དཔུང་འབར་བ་དང་བཅས་པའི་དབུས་སུ། ཨེ་ལས་ཆོས་ཀྱི་འབྱུང་
གནས་གྲུ་གསུམ་དཀར་པོའི་ནང་དུ། ཡཾ་ལས་རླུང་གི་དཀྱིལ་འཁོར་སྔོན་པོ་ཟླ་གམ་བ་དན་
དང་ཡཾ་གྱིས་མཚན་པ། དེའི་སྟེང་དུ་རཾ་ལས་མེའི་དཀྱིལ་འཁོར་དམར་པོ་གྲུ་གསུམ་འབར་བ་
བདུན་དང་རཾ་གྱིས་མཚན་པ། དེའི་སྟེང་དུ་བཾ་ལས་ཆུའི་དཀྱིལ་འཁོར་དཀར་པོ་ཟླུམ་པོ་བུམ་
པ་དང་བཾ་གྱིས་མཚན་པ། དེའི་སྟེང་དུ་ལཾ་ལས་སའི་དཀྱིལ་འཁོར་སེར་པོ་གྲུ་བཞི་རྡོ་རྗེ་དང་
ལཾ་གྱིས་མཚན་པ། དེ་ལྟར་འབྱུང་བ་བཞི་རོ་གཅིག་ཏུ་འདྲེས་པ་ལས། རིན་པོ་ཆེ་སྣ་ཚོགས་
ལས་གྲུབ་པའི་གཞལ་མེད་ཁང་གྲུ་བཞི་པ། སྒོ་བཞི་པ། རྟ་བབས་བཞིས་བརྒྱན་པ། སྔོ་དཀར་
སེར་དམར་ལྗང་བའི་རྩིགས་པ་རིམ་པ་ལྔ་དང་ལྡན་པ། རིན་པོ་ཆེའི་ཕ་གུ་དང༌། དྲ་བ་དང༌། 
དྲ་བ་ཕྱེད་པ་དང༌། ཤར་བུ་དང༌། མངའ་ཡབ་དང་ལྡན་པ། རྩིགས་པའི་ཕྱི་རོལ་དུ་མཆོད་པའི་
གཟུངས་མ་རྣམས་དང་ལྡན་པའི་ཁ་ཁྱེར་གྱིས་བསྐོར་བ། རིན་པོ་ཆེ་ཐམས་ཅད་ཀྱི་རང་བཞིན་
ལས་བྱུང་བ་ཀ་བ་དང༌། དྲིལ་བུ་ལ་སོགས་པ་རྒྱན་ཐམས་ཅད་ཀྱིས་བརྒྱན་པ། སྟེང་ཐོག་རིམ་
པར་ཕུབ་པའི་དབུས་ཕྱུར་བུའི་རྩེ་མོར་རྡོ་རྗེ་རིན་པོ་ཆེའི་ཏོག་གིས་བརྒྱན་པ། ནང་གི་ལྷ་སྣམ་
11-1-451


ཤར་དཀར་བྱང་སེར་ནུབ་དམར་ལྷོ་ནག །དབུས་སྔོ་བའི་ས་གཞིའི་སྟེང་དུ། སྐུའི་འཁོར་ལོ་
དཀར་པོ་རྩིབས་བརྒྱད་པ། རྩིབས་ཆན་སྔོན་པོ། མུ་ཁྱུད་ལ་རྡོ་རྗེ་དཀར་པོའི་ཕྲེང་བས་བསྐོར་
བ། དེའི་ལྟེ་བར་གསུང་གི་འཁོར་ལོ་དམར་པོ་རྩིབས་བརྒྱད་པ། རྩིབས་ཆན་ལྗང་ཁུ་མུ་ཁྱུད་
ལ་རྡོ་རྗེ་དམར་པོའི་རྭ་བས་བསྐོར་བ། དེའི་ལྟེ་བར་ཐུགས་ཀྱི་འཁོར་ལོ་ནག་པོ་རྩིབས་བརྒྱད་
པ། མུ་ཁྱུད་ལ་རྡོ་རྗེ་སྔོན་པོས་རྭ་བས་བསྐོར་བ། འཁོར་ལོའི་ལྟེ་བ་སྣ་ཚོགས་པདྨ་འདབ་མ་
བརྒྱད་པས་ཁྱབ་པ། དེའི་ལྟེ་བ་སྔོན་པོ་ལ་སླར་ཡང་པདྨ་ལ་གནས་པའི་ཆོས་ཀྱི་དབྱིངས་ཀྱི་
རང་བཞིན་མི་རོའི་སྙིང་གར་ཉི་མའི་དཀྱིལ་འཁོར་དང༌། ཕྱོགས་ཀྱི་འདབ་མ་བཞི་དང༌། 
འཁོར་ལོ་ཕྱི་མ་གཉིས་ཀྱི་རྩིབས་རྣམས་སུ་པད་ཉི་དང༌། སྒོ་བཞིར་པདྨ་ཉི་མ་མི་རོའི་གདན་
རྣམས་སོ། །མེ་ལྕེའི་ཁོར་ཡུག་གི་ཕྱི་རོལ་དུ། དུར་ཁྲོད་ཆེན་པོ་བརྒྱད་ཀྱིས་ཡོངས་སུ་བསྐོར་
བ་ནི། ཤིང་བརྒྱད་ཀྱི་རྩེ་མོར་ཞིང་སྐྱོང་བརྒྱད་དང༌། རྩ་བ་ན་ཕྱོགས་སྐྱོང་བ་རྣམས་དང༌། ཀླུའི་
དབང་པོ་བརྒྱད་དང༌། སྤྲིན་གྱི་བདག་པོ་བརྒྱད་དང༌། མངོན་པར་འཕགས་པའི་རི་བརྒྱད་
དང༌། དེ་ལ་གནས་པའི་མཆོད་རྟེན་བརྒྱད་དང༌། དྲག་ཏུ་འབབ་པའི་ཆུ་ཀླུང་བརྒྱད་དང༌། རབ་
ཏུ་འབར་བའི་མེ་བརྒྱད་དང༌། བྱ་དང་གཅན་གཟན་སྣ་ཚོགས་དང༌། སྦྲུལ་གྱིས་ཁྱབ་པ། 
གསལ་ཤིང་གིས་ཕུག་པ་དང༌། ཤིང་ལ་དཔྱངས་པ་དང༌། ཕྱེད་ཚིག་པ་དང༌། དུམ་བུར་གྱུར་
པ་དང༌། མ་གྱུར་པའི་མི་རོ་སྣ་ཚོགས་དང༌། རུས་པའི་དུམ་བུས་ཁྱབ་པ། རོ་ལངས་དང༌། སྲིན་
པོ་དང༌། མཁའ་འགྲོ་མ་དང༌། གྲུབ་པ་ཐོབ་པ་དང༌། དཔའ་བོ་དང་རྣལ་འབྱོར་མའི་ཚོགས་
ཡོངས་སུ་རྒྱུ་བས་ངོ་མཚར་བར་བྱེད་པའོ། །གཞལ་ཡས་ཁང་གི་དབུས་ཀྱི་གདན་གྱི་སྟེང་དུ། 
གཡོན་བསྐོར་གྱིས། ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་ཨཿ ཕྲག་གཉིས་མཚན་
བཟང་པོ་སུམ་ཅུ་རྩ་གཉིས་ཀྱི་ངོ་བོ་དེ་རྣམས་ཞུ་བ་ལས་བྱུང་བའི་ཟླ་བའི་དཀྱིལ་འཁོར་མེ་
ལོང་ལྟ་བུའི་ཡེ་ཤེས་སོ། །དེའི་སྟེང་དུ་གཡས་བསྐོར་གྱིས། ཀ་ཁ་ག་གྷ་ང༌། ཙ་ཚ་ཛ་ཛྙཱ་ཉ། ཊ་
11-1-452


ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ་ཀྵ། ཡ་ར་ལ་ཝ་ཌ་ཌྷ། ཕྲག་
གཉིས་དཔེ་བྱད་བཟང་པོ་བརྒྱད་ཅུའི་ངོ་བོ་དེ་རྣམས་ཞུ་བ་ལས་བྱུང་བའི་ཉི་མའི་དཀྱིལ་
འཁོར་མཉམ་པ་ཉིད་ཀྱི་ཡེ་ཤེས་སོ། །དེ་གཉིས་ཀྱི་བར་དུ་ཧཱུཾ་ལས་རྡོ་རྗེ་སྔོན་པོ་རྩེ་ལྔ་པ། ལྟེ་
བ་ལ་ཧཱུཾ་གིས་མཚན་པ་ཐབས་དང་ཤེས་རབ་ཟུང་དུ་འཇུག་པའི་རང་བཞིན་ནི་སོ་སོར་རྟོག་
པའི་ཡེ་ཤེས་སོ། །དེ་ལས་འོད་ཟེར་འཕྲོས། སེམས་ཅན་ཐམས་ཅད་བླ་ན་མེད་པའི་བྱང་ཆུབ་
ལ་བཀོད་པ་ནི། བྱ་བ་སྒྲུབ་པའི་ཡེ་ཤེས་སོ། །ཟླ་ཉི་རྡོ་རྗེ་ཧཱུཾ་ཡིག་དང་བཅས་པ་རོ་གཅིག་ཏུ་
འདྲེས་པ་ལས། སྐུ་ཡོངས་སུ་རྫོགས་པར་གྲུབ་པ་ནི་ཆོས་ཀྱི་དབྱིངས་ཀྱི་ཡེ་ཤེས་སོ། །དེ་ཡང་
བཅོམ་ལྡན་འདས་ཡབ་ཡུམ་གྲུབ་པ་ན། ནོར་བུ་དང་ནོར་བུའི་འོད་ཟེར་གྱི་ཚུལ་གྱིས། རྣལ་
འབྱོར་མ་ཉི་ཤུ་རྩ་བཞི་ཡང༌། ཧཱུཾ་ཡིག་དེ་ཉིད་ཀྱི་སྣང་བ་ལས་གྲུབ་སྟེ། དབུས་ཀྱི་གདན་གྱི་
སྟེང་དུ་རྒྱུ་རྡོ་རྗེ་འཛིན་པ། ཀུན་ད་དང་ཟླ་འོད་ལྟར་དཀར་ཞིང་འཚེར་བའི་སྐུ་ལས་ནོར་བུའི་
འོད་ཟེར་འཕྲོ་བ། ཕྱག་གཡས་གཉིས་ན་ཅང་ཏེ་དང་གྲི་གུག །གཡོན་གཉིས་ན་ཁ་ཊྭཱཾ་ག་དང་
ཐོད་པ་བསྣམས་པ། འབྲས་བུ་རྡོ་རྗེ་འཛིན་པ་ལྟར་མཚན་ཉིད་ཐམས་ཅད་ཡོངས་སུ་རྫོགས་
པ། བཅོམ་ལྡན་འདས་མ་སྣ་ཚོགས་བདེ་མ་དམར་མོས་འཁྱུད་པའོ། །སྤྱིར་རྒྱུ་རྡོ་རྗེ་འཛིན་པ་སྔོན་པོས་
ཀྱང་རུང་ལ། བྲམ་ཟེ་ཆེན་པོས་མཛད་པར་གྲགས་པའི་སྒྲུབ་ཐབས་ནི། སྐབས་འདིར་གཡས་གཉིས་གྲི་ཐོད་གཡོན་གཉིས་ཁ་ཊྭཱཾ་
རྡོ་རྗེ། ཡུམ་ཡང་དཀར་མོ་ཕྱག་གཉིས་མས་ཕྱག་མཚན་བཞི་བཟུང་བ་སྟེ། གཡས་ཅང་ཏེའི་སྟེང་ན་གྲི་གུག་དང༌། གཡོན་ཁ་ཊྭཱཾ་
ཐོད་པ་ལྷན་ཅིག་པར་བཤད་པའང་སྣང་ངོ༌། །ཐུགས་ཀྱི་འཁོར་ལོའི་འདབ་མ་རྣམས་ལ། ཤར་དུ་འཕྲེང་
བཟང་མ། བྱང་དུ་ཐོད་ཅན་མ། ནུབ་ཏུ་འཇིགས་བྱེད་མ། ལྷོར་ཐུབ་དཀའ་མ། དབང་ལྡན་ལ་
སོགས་པའི་མཚམས་ཀྱི་འདབ་མ་བཞི་ལ། གཡས་བསྐོར་གྱིས་ཁུ་བ་དང༌། རྡུལ་དང༌། བདུད་
རྩི་ལྔ་དང༌། སྒྲོན་མ་ལྔས་གང་བའི་ཐོད་པའོ། །ཐུགས་ཀྱི་འཁོར་ལོའི་རྩིབས་བརྒྱད་ལ། ཤར་
དུ་དགེ་བའི་སྐ་རགས་ཅན་མ། བྱང་དུ་གཟུགས་ཅན་མ། ནུབ་ཏུ་རྣམ་རྒྱལ་མ། ལྷོར་འབྱུང་
11-1-453


གནས་མ། དབང་ལྡན་དུ་དུས་ཅན་མ། མེར་མཚོ་ཆེན་མ། བདེན་བྲལ་དུ་བྱེད་ཅན་མ། རླུང་དུ་
སྡུད་བྱེད་མའོ། །སྐུའི་འཁོར་ལོའི་རྩིབས་བརྒྱད་ལ། ཤར་དུ་སྒྲོལ་བྱེད་མ། བྱང་དུ་འཇིགས་
མཐོང་མ། ནུབ་ཏུ་ལེགས་མཐོང་མ། ལྷོར་མི་ཕམ་མ། དབང་ལྡན་དུ་དགེ་བ་མ། མེར་གྲིབ་
གནོན་མ། བདེན་བྲལ་དུ་དུས་མཚན་མ། རླུང་དུ་གྲགས་ཆེན་མ། ཤར་སྒོར་མཛེས་སྡུག་མ། 
བྱང་སྒོར་ནོར་འཛིན་མ། ནུབ་སྒོར་སྐལ་བཟང་མ། ལྷོ་སྒོར་ཡིད་འོང་མ་ནས་ཟླ་བའི་རྒྱུན་
འབབ་པའོ། །འདི་དག་ཀྱང་མཚན་ཉིད་དཀྱིལ་འཁོར་རྒྱལ་མཆོག་གི་སྐབས་དང་འདྲའོ། །ལྷ་མོ་ཉི་ཤུ་རྩ་བཞིའི་
ཐོད་པར་གནས་པའི་བདུད་རྩིས་བཅོམ་ལྡན་འདས་ལ་ཡང་དག་པར་མཆོད་ཅིང༌། ཡུམ་གྱི་
དཔྲལ་བར་ༀ། མགྲིན་པར་ཨཱཿ སྙིང་གར་ཧཱུཾ། གསང་བར་སྭཱ། བརླ་གཉིས་ལ་ཧཱ། དེ་རྣམས་
ཀྱི་འོད་ཀྱིས་སྐུ་གང༌། ཡུམ་གྱི་བྷ་ག་ཧྲཱིཿལས་བྱུང་བའི་པདྨ་དམར་པོ། ལྟེ་བ་ལ་ཨཱཿཡིག་
དམར་པོས་མཚན་པ། ཡབ་ཀྱི་ལིངྒ་ཧཱུཾ་ལས་བྱུང་བའི་རྡོ་རྗེ་ནག་པོ་རྩེ་མོ་ལ་ༀ་དཀར་པོས་
མཚན་པ། ལྷ་མོ་ཉི་ཤུ་རྩ་བཞི་སྣ་ཚོགས་བདེ་མ་དང་ལྷན་ཅིག་དབྱེར་མེད་པས། བཅོམ་ལྡན་
འདས་ལ་འདོད་པ་མཛད་དེ་བཅོམ་ལྡན་འདས་ཀྱིས་ཀྱང་ངོ༌། །ༀ་སརྦ་ཏ་ཐཱ་ག་ཏ་ཨ་ནུ་རཱ་ག་
ཎ་བཛྲ་སྭ་བྷཱ་ཝ་ཨཏྨ་ཀོ྅ཧཾ། རྗེས་སུ་ཆགས་པའི་མེས་ཤེས་རབ་མའི་འཁོར་ལོ་བཅོམ་ལྡན་
འདས་དང་ལྷན་ཅིག་ཞུ་བར་གྱུར་པ། ཉི་མའི་དཀྱིལ་འཁོར་གྱི་གདན་ལ་ཁུ་བའི་གཟུགས་
ཀྱིས་གནས་པར་གྱུར་ཏོ། །དང་པོ་སྦྱོར་བའི་ཏིང་ངེ་འཛིན་ནོ། །དེ་ནས་ཐིག་ལེ་ལས་སྤྲུལ་པའི་ལྷ་མོ་
རྣམས་ཀྱིས། གདུང་བ་དང་བཅས་པས་བསྐུལ་བ་ནི། །བྱམས་པའི་རང་བཞིན་འཕྲེང་བཟང་
མས། །ཅི་སྟེ་འཇིག་རྟེན་སྙན་མནན་ན། །ཅི་{ཕྱིར[་སྟེ་]ཁྱོད་ནི་མི་དགྱེས་གྱུར། །གལ་ཏེ་ཁྱོད་
བདག་ཚིག་གསན་ན། །མི་དགྱེས་གྱུར་བ་མཐའ་དག་ཐོང༌། །སྙིང་རྗེའི་རང་བཞིན་ཐོད་ཅན་
མས། །སྟོང་པའི་གཟུགས་ནི་མ་མཛད་པར། །ཉིད་ཀྱི་དགོངས་པ་གྲགས་པར་མཛོད། །སྲིད་
འཇིགས་སྐྱེ་བོ་ཀུན་བསླུ་བས། །རྣལ་འབྱོར་མ་ཡི་གྲོགས་པོ་བཞེངས། །དགའ་བའི་རང་
11-1-454


བཞིན་འཇིགས་བྱེད་མས། །བདག་པོ་སྔོན་གསུངས་དྲན་པར་མཛོད། །བྱ་བར་སྒྱིད་ལུག་མ་
མཛད་ཅིག ཁྱོད་མི་སྣང་ན་སྐྱེ་བོ་ཀུན། །ལྷུང་བས་འགྲོ་བ་མི་དགར་འགྱུར། །བཏང་སྙོམས་
རང་བཞིན་ཐུབ་དཀའ་མས། །ལོག་པའི་ང་རྒྱལ་མ་མཛད་པར། །མཛའ་བོ་སྟོང་པའི་རང་
བཞིན་ཐོང༌། །དངོས་པོ་མཐའ་ཡས་ཁྱོད་ཐོང་ལ། །རྣལ་འབྱོར་མ་ཡི་ཚོགས་ལ་སྤྱོད། །ཚིགས་
བཅད་འདི་དག་མི་འཇིགས་པའི་གཞུང་འགྲེལ་འགྱུར་གསར་ན་དྲངས་པ་རྣམས་གོ་བདེ་ཞིང་འགྱུར་ལེགས་པར་སྣང་ཡང༌། ལག་
ལེན་མཛད་པའི་རྒྱུན་ལ་གྱི་ཇོའི་འགྱུར་བཞིན་མཛད་ཀྱིན་སྣང་བས་དེ་ལྟར་དྲངས་སོ། །ས་ར་ཧས་མཛད་ཟེར་བའི་སྒྲུབ་ཐབས་
ལྟར་ན། གཙོ་བོ་ཡབ་ཡུམ་ཞུ་བ་མ་གཏོགས་འཁོར་གྱི་ལྷ་མོ་རྣམས་གནས་ཤིང་དེའི་ཕྱིར་ཐིག་ལེ་ལས་ལྷ་མོ་སྤྲོ་བ་མེད་ལ། བསྐུལ་
མཁན་ཡང་མཛེས་སྡུག་མ་ལ་སོགས་པ་སྒོ་མ་བཞིས་བྱེད་དོ། །དེ་ལྟར་བསྐུལ་མ་ཐག་ཏུ་ཐིག་ལེ་དེ་ཉིད་ཧཱུཾ་དུ་
གྱུར་ཞིང༌། ཧཱུཾ་ལས་རྡོ་རྗེ་ཧཱུཾ་གིས་མཚན་པ་ལས། བཅོམ་ལྡན་འདས་དཔལ་ཧེ་རུ་ཀ་སྐུ་མདོག་
སྔོན་པོ་ཆུ་ཤིང་གི་མེ་ཏོག་གསར་དུ་ཁ་བྱེ་བ་ལྟ་བུའི་མདངས་ཅན། ཞལ་གཅིག་ཕྱག་བཞིའི་
གཡས་ཀྱི་དང་པོས་ཅང་ཏེའུ་སྟེང་དུ་འཁྲོལ་ཞིང༌། གཡོན་གྱི་དང་པོས་ཁ་ཊྭཱཾ་ག་དཀར་པོ་གྱེན་
དུ་བསྒྲེང་བ། གཡས་འོག་མས་གྲི་གུག་བསྣུན་པའི་ཚུལ་ཅན། གཡོན་འོག་མས་ཐོད་པ་བདུད་
རྩིས་གང་བ་འཛིན་པས་ཡུམ་ལ་འཁྱུད་པ། སྣ་ཚོགས་པདྨའི་ལྟེ་བར་པདྨ་དམར་པོ་དང་མི་
རོའི་སྙིང་ག་ལ་གནས་པའི་ཉི་མའི་དཀྱིལ་འཁོར་ལ། གཡོན་བརྐྱང་བའི་སྐྱིལ་ཀྲུང་ཕྱེད་པའི་
གར་གྱིས་བཞུགས་པ། འཇིགས་ཤིང་ཁྲོས་ལ་དྲག་པོའི་སྐུ་ཅན། ཉི་མའི་དཀྱིལ་འཁོར་གསར་
དུ་ཤར་བ་ལྟ་བུའི་སྤྱན་གསུམ་པ། ཞལ་ནས་ཧཱུཾ་གི་སྒྲ་སྒྲོག་པས་བདུད་དང་ཕས་ཀྱི་རྒོལ་བ་
ཐམས་ཅད་སྡིགས་ཤིང་ཕྱེ་མར་མཛད་པ། མི་བཟད་པའི་མཆེ་བ་རྣོན་པོ་གཙིགས་པ། ཐལ་
བ་ཆེན་པོས་སྐུ་ལ་ཉེ་བར་བརྒྱན་པ། སྟག་གི་ལྤགས་པའི་ཤམ་ཐབས་རྒྱབ་ཀྱི་ཆར་འཛིན་པ། 
མིའི་རྒྱུ་མ་རློན་པའི་ཚངས་སྐུད་དང༌། དཔྲལ་བར་ཐོད་པ་ལྔའི་ཕྲེང་བས་བརྒྱན་ཞིང༌། ཐོད་
རློན་ལྔ་བཅུའི་དོ་ཤལ་ཅན། སྣ་ཚོགས་རྡོ་རྗེ་དང་ཟླ་བ་ཕྱེད་པས་དབུ་ལ་བརྒྱན་པ། དབུ་སྐྲ་
11-1-455


དམར་སེར་གྱེན་དུ་བརྫེས་པ། འཁོར་ལོ་དང༌། རྣ་ཆ་དང༌། མགུལ་རྒྱན་དང༌། གདུབ་བུ་དང༌། 
སྐེ་རགས་ཏེ་རུས་པའི་ཕྱག་རྒྱ་ལྔས་བརྒྱན་པ། གར་གྱི་ཉམས་དགུ་དང་ལྡན་ཞིང༌། ཐུགས་རྗེ་
ཆེན་པོས་ལུས་ཅན་རྣམས་འཁོར་བ་ལས་འདོན་པར་མཛད་པའོ། །དེ་ལ་འཁྱུད་པའི་སྣ་
ཚོགས་བདེ་མ་རྣལ་འབྱོར་མའི་དབང་མོ་ནི། སྐུ་མདོག་བནྡྷུ་ལྟར་དམར་བ། རུས་པའི་རྒྱན་
ཅན། རྣམ་པར་འགྱུར་པའི་ཞལ། དབུ་སྐྲ་ཁམ་སེར་གྲོལ་ཞིང་གྱེན་དུ་འབར་བ། ཞལ་གཅིག་
ཕྱག་གཉིས། སྤྱན་གསུམ་མཆེ་བའི་མྱུ་གུ་གཙིགས་པ། ཕྱག་གཡོན་པས་ཐོད་པ་རང་བྱུང་
སིཧླའི་རྒྱུན་གྱིས་གང་བ་འཛིན་ཞིང་ཡབ་ལ་འཁྱུད་པ། གཡས་གྲི་གུག་དང་བཅས་པ་སྟེང་དུ་
སྒྲེང་བས། གདུག་པ་ཐམས་ཅད་ལ་བསྣུན་པར་མཛད་པ། སྒེག་ཅིང་གཡོ་བས་རྩེན་པའི་སྐུ། 
ཤིད་ཀྱི་སྒྲ་དང་བཅས་པའི་སྒྱུ་རྩལ་དང་རྩེད་འཇོས་རོལ་པ་ཅན་ནོ། །མི་འཇིགས་པའི་གཞུང་འགྲེལ་
ལས་ཡབ་ཧེ་རུ་ཀ་དབུ་སྐྲ་ནག་པོ་རལ་པའི་ཅོད་པན་དུ་བྱས་པར་བཤད་དེ་གདམ་ང་ཡིན་པས་མི་འགལ་ལོ། །གཙོ་བོ་ཡབ་ཡུམ་
གྲུབ་པ་དང༌། རྣལ་འབྱོར་མ་ཉི་ཤུ་རྩ་བཞི་ཡང་སྐད་ཅིག་གིས་གྲུབ་པར་གྱུར་ཏེ། ཐུགས་ཀྱི་འཁོར་ལོའི་འདབ་མ་
རྣམས་ལ། ཞེས་པ་ནས། ལྷོ་སྒོར་ཡིད་འོང་མ་སྟེ་རྣལ་འབྱོར་མ་ཉི་ཤུ་རྩ་བཞི་པོ་ཐམས་ཅད་
ཀྱང་སྔོན་མོ་ཨིནྡྲ་ནཱི་ལས་འོད་ཟེར་འབར་བ། ཞལ་གཅིག་ཕྱག་གཉིས་སྤྱན་གསུམ་མ་གཡས་
གྲི་གུག་འཕྱར་ཞིང༌། གཡོན་ཐོད་ཁྲག་ཐུགས་ཀར་འཛིན་པ། འཛུམ་ཁྲོས་མཆེ་བ་གཙིགས་
ཤིང་སྐྲ་སེར་གྱེན་དུ་གྲོལ་བ། མེ་ཏོག་མནྡྷ་ར་བ་ཁ་བྱེ་བ་ལྟ་བུའི་ཉི་མའི་གདན་ལ་གནས་པ། 
སྒོ་སྐྱོང་མ་བཞི་ནི་དབུགས་བྲལ་གྱི་གདན་ལ་གཡོན་བརྐྱང་གི་སྟབས་དང་གཞན་རྣམས་
གཡོན་བརྐྱང་པའི་སྐྱིལ་ཀྲུང་ཕྱེད་པའི་གར་སྟབས་ཀྱིས་བཞུགས་པ། རྣལ་འབྱོར་མ་ཉི་ཤུ་རྩ་
ལྔ་པོ་ཐམས་ཅད་མི་མགོའི་དབུ་རྒྱན་དང་ཕྲེང་བ་སྤངས་ཤིང་རུས་པའི་ཕྱག་རྒྱ་ལྔ་དང༌། 
ཕྱོགས་ཀྱི་གོས་ཅན། ཞལ་ནས་ཁྲག་ཆེན་གྱི་ཟེགས་མ་འཐོར་བ། རབ་ཏུ་ཆགས་པས་ཟླ་བའི་
རྒྱུན་འབབ་པའོ། །ཡང་ན་གདམ་ང་ལ་ཐུགས་འཁོར་བ་རྣམས་ནག་མོ་གསུང་འཁོར་བ་རྣམས་དཀར་སེར། སྐུ་འཁོར་བ་
11-1-456


རྣམས་ལྗང་ཁུ། སྒོ་སྐྱོང་རྣམས་ནག་མོར་ཡང་བསྡུས་པའི་རྒྱུད་ཉིད་ལས་བཤད་པ་ལྟར་བྱ་ལ། །ཡང་ཐུགས་འཁོར་བ་དང་སྒོ་སྐྱོང་
རྣམས་ཕྱོགས་མདོག །གསུང་འཁོར་པ་རྣམས་དམར་མོ། སྐུ་འཁོར་པ་རྣམས་དང༌། སྣ་ཚོགས་བདེ་མ་ཡང་དཀར་མོར་ས་ར་ཧའི་
གཞུང་དུ་གྲགས་པ་ལས་འབྱུང་ཞིང༌། དེ་ཉིད་རྩ་རྒྱུད་ཀྱི་དགོངས་པ་ཡིན་པར་ཡང་གྲགས་ལ། གཞན་དེ་དང་འདྲ་བ་ལས། 
འཇིགས་བྱེད་མ་དཀར་མོར་འདོད་པ་ཡང་བཤད་པ་དང༌། རྫོགས་འཕྲེང་ལས་གཙོ་བོ་ཧེ་རུ་ཀའི་སྨད་གཡོགས་གླང་པོ་ཆེའི་
པགས་པ་ཡང་བཤད་ལ། འཁོར་ཉེར་བཞི་སྟག་ལྤགས་རྒྱབ་ཏུ་འཕྱར་བ་བྱེད་པའང་ཡོད་པ་དང༌། དེ་བཞིན་དུ། ཡུམ་སྣ་ཚོགས་
བདེ་མ་ཕྱག་བཞི་ཕྱག་མཚན་ཡབ་དང་འདྲ་བ་ཡང་ད་ལྟའི་རྒྱུད་འདི་ལས་གསུངས་ཏེ། དེ་དག་ལས་རང་ཉིད་ཇི་ལྟར་མོས་པ་ཞིག་
བསྒོམ་པར་བྱའོ། །བཅོམ་ལྡན་འདས་ཀྱི་ཐུགས་ཀར་ༀ། དཔྲལ་བར་ཧཾ། མགྲིན་པར་ཧེཾ། སྤྱི་བོར་
ཧཻཾ། ཕྲག་པ་གཉིས་ལ་ཧོཾ། མིག་གཉིས་ལ་ཧཽཾ། གསང་བ་ལ་ཧི། ལུས་ཐམས་ཅད་ལ་ཧཿ ཞེས་པ་
གོ་ཆའོ། །ཐུགས་ཀར་ཧཱུཾ་ལས་རྡོ་རྗེ་ནག་པོའི་ལྟེ་བར་ཧཱུཾ་གིས་མཚན་པ། མགྲིན་པར་ཨཿལས་
པདྨ་དམར་པོ་ཨས་མཚན་པ། སྤྱི་བོར་ༀ་ལས་འཁོར་ལོ་དཀར་པོ་ༀ་གྱིས་མཚན་པ། སྙིང་
གར་ཉི་མ་ལ་གནས་པའི་རྡོ་རྗེའི་ལྟེ་བ་ལ་ཧཱུཾ་དེ་ལས་འོད་འཕྲོས། དཔལ་སངས་རྒྱས་ཐོད་པ་
ལྷ་ཉི་ཤུ་རྩ་ལྔའི་དཀྱིལ་འཁོར། ཡེ་ཤེས་སེམས་དཔའ་བཛྲ་ས་མཱ་ཛཿ ཧཱུཾ་ཞེས་བགེགས་བསྐྲད། ༀ་
ཨཱཿཧྲཱིཿཔྲ་ཝ་ར་སད་ཀ་རཱ་ར་ཐཾ། བཛྲ་ཨརྒྷཾ་པྲ་ཏཱིཙྪ་སྭཱཧཱ། ཛཿཧཱུཾ་བཾ་ཧོཿ སྒོ་མ་བཞི་པོས་དགུག་གཞུག་
བཅིང་མཉེས་བྱ། ༀ་བུདྡྷ་ཀ་པཱ་ལི་ནཱི་ཨཱཿཁཾ་བྲཾ་དྲུཾ་སྲུཾ་ཨཱཾ་ཨཱཾ་ཨཱཾ་ཧཱུཾ་ཧཱུཾ་ཧཱུཾ་ཕཊ་ཕཊ། ཞེས་ཡེ་ཤེས་
སེམས་དཔའ་དང་རོ་མཉམ་གཅིག་ཏུ་འདྲེས་པར་གྱུར། དེ་ནས་ལྟེ་བར་གཏུམ་མོ་འབར་བས་
བདེ་བ་ཆེན་པོའི་འཁོར་ལོར་གནས་པའི་བདུད་རྩི་ཞུ་ཞིང་བབས་ཏེ། ཆོས་ཀྱི་འཁོར་ལོའི་ས་
བོན་ལ་ཁྲུས་གསོལ་བའི་དུས་སུ། དེའི་རྩ་བརྒྱད་ཀྱི་རང་བཞིན་མཁའ་འགྲོ་མ་བརྒྱད། སྒེག་
ཅིང་མཛེས་སྡུག་ཕུན་སུམ་ཚོགས་པ། ལོ་བཅུ་གཉིས་ལོན་པའི་ན་ཚོད་ཅན་རྣམས་ཀྱིས། བྱང་
ཆུབ་ཀྱི་སེམས་ཀྱིས་གང་བའི་བུམ་པ་ཐོགས་ཏེ། འཛུམ་པའི་འོད་ཟེར་དང་བཅས་པ་ཕྱིར་
སྤྲོས། སྙིང་གའི་ས་བོན་ལས་འོད་ཟེར་འཕྲོས་པས་སྤྱན་དྲངས་པའི་ཕྱོགས་བཅུའི་དེ་བཞིན་
11-1-457


གཤེགས་པ་རིག་པའི་ལྷ་མོར་བཅས་པ་རྣམས། རབ་ཏུ་དྭངས་ཤིང་བཞད་པའི་འཛུམ་དམུལ་
ཏེ། ཧེ་རུ་ཀ་རྒྱལ་བར་གྱུར་ཅིག །རྒྱལ་བར་གྱུར་ཅིག ཅེས་གསུང་བཞིན་གྱུར། ཡང་དང་ཡང་
དུ་ཕྱག་འཚལ་ཏེ། །ཐལ་མོ་སྦྱར་ནས་གསོལ་འདེབས་ན། ཐུགས་རྗེ་ཆེ་དང་ལྡན་པ་རྣམས། །
བདག་ལ་དབང་ནི་སྐུར་དུ་གསོལ། །བརྩེ་ལྡན་གྲགས་པ་ཆེན་པོ་པས། །རྡོ་རྗེ་རྣལ་འབྱོར་མ་
དབང་བསྐུར། །འཁོར་བའི་འདམ་དུ་བྱིང་བ་བདག །དབང་བསྐུར་པ་ཡིས་བདག་སྒྲོལ་
མཛོད། །ༀ་ཨ་བྷི་ཥིཉྩ་ནྟུ་མཱཾ། སརྦ་ཡོ་གཱི་ཎྱོ་མུ་ཀུ་ཊེ་ཨ་ཏྲ་ཨ་དྷི་ཏིཥྛནྟུ་ཨཱ་གཙྪནྟུ་ཧཱུཾ་སྭཱཧཱ། ཞེས་
གསོལ་བ་བཏབ་པས། གདུགས་དང་རྒྱལ་མཚན་དང་བ་དན་དང༌། གོས་དང༌། རོལ་མོ་ལ་
སོགས་པ་ཉེ་བར་མཁོ་བ་ཐམས་ཅད་དང་ལྡན་པ། ཡེ་ཤེས་ཀྱི་བདུད་རྩིས་གང་བའི་བུམ་པ་
དཀར་པོ་འཛིན་པ་རྣམས་ཀྱིས་ཁྲུས་གསོལ་བ་དང༌། བཀྲ་ཤིས་དང༌། རྔ་བོ་ཆེའི་སྒྲ་དང༌། 
ཙནྡན་དང་གུར་གུམ་དང་མེ་ཏོག་ལ་སོགས་པའི་ཆར་ཕབ་ཅིང༌། ཕྱི་དང་གསང་བ་དང་ཤེས་
རབ་ཡེ་ཤེས་དང༌། བཞི་པའི་དབང་བསྐུར་བར་མཛད་དོ། །དེ་ནས་དབང་ལྷ་རྣམས་སྙིང་གའི་
རྩ་བརྒྱད་ལ་ཐིམ། གཙོ་བོ་རྡོ་རྗེ་སེམས་དཔའི་ངོ་བོ་ལ། མི་བསྐྱོད་པ་གཙོ་བོར་གྱུར་པའི་
རིགས་ལྔས་དབུ་བརྒྱན་པ་དང༌། སྣ་ཚོགས་བདེ་མ་ལ་རྡོ་རྗེ་སེམས་དཔའ་དང༌། ཐུགས་
འཁོར་བ་རྣམས་ལ་རིན་ཆེན་འབྱུང་ལྡན་དང༌། གསུང་འཁོར་བ་རྣམས་ལ་འོད་དཔག་མེད་
དང༌། སྐུ་འཁོར་བ་རྣམས་ལ་རྣམ་པར་སྣང་མཛད་དང༌། སྒོ་སྐྱོང་རྣམས་ལ་དོན་ཡོད་གྲུབ་པས་
དབུ་བརྒྱན་རྩ་བརྒྱད་པོ་ལས་བྱུང་བའི་རྣལ་འབྱོར་མ་བརྒྱད་པོ་རྣམས་ཀྱི་གཙོ་བོ་ལ་མཆོད་
པར་གྱུར། ༀ་བུདྡྷ་ཀ་པཱ་ལི་ནི་མ་ཊ་མ་ཊ་ཨ་སྭཱཧཱ། མེ་ཏོག་འབུལ་བའི་སྔགས་སོ། །ༀ་མཧཱ་ཀ་པཱ་ལ་
བཛྲཱི་བ་ར་བ་ར་ཏ་ཊ་སྟ་ཊ་ཡ་སྟ་ཊ་ཡ་མ་ཊ་མ་ཊ་ཧཱུཾ་ཧེ་སྭཱཧཱ། དྲི་ཆབ་འབུལ་བའི་སྔགས་སོ། །ༀ་བུདྡྷ་ཀ་
པཱ་ལི་ནི་ཏ་ཊ་སྥོ་ཊ་ཡ་སརྦ་ཤུ་བྷ་པྲ་དཱ་ཡི་ནི་ཧཱུཾ་ཕཊ། སྦོས་འབུལ་བའི་སྔགས་སོ། །ༀ་བུདྡྷ་ཀ་པཱ་ལི་ནི་
གྲྀཧྞ་གྲྀཧྞ་གྲྀཧྞ་པ་ཡ་གྲྀཧྞ་པ་ཡ་བ་ར་བ་ར་ཏ་ཊ་ཏ་ཊ། སྟ་ཊ་ཡ་སྟ་ར་ཡ་མ་ཊ་ཧཱུཾ་ཧཱུཾ་སྭཱཧཱ། མར་མེ་
11-1-458


འབུལ་པའི་སྔགས་སོ། །ༀ་བུདྡྷ་ཀ་པཱ་ལི་ནི། གྲྀཧྞ་གྲྀཧྣ་གྲྀཧྣ་པ་ཡ་གྲྀཧྣ་པ་ཡ་ཁཱ་ཁཱ་ཧཱུཾ། ལྷ་བཤོས་འབུལ་
བའི་སྔགས་སོ། །ༀ་མཧཱ་ཀ་པཱ་ལི་བཛྲ་དྷརྨ་དྷརྨ་མེ་གྷེ་བ་རེ་པྲ་བ་རེ་བ་ར་བ་ར་ཀ་ར་ཀ་ར། ཏ་ཊ་ཏ་
ཊ། ཧ་ཧེ་སྭཱཧཱ། གོས་འབུལ་བའི་སྔགས་སོ། །སྐབས་འདིར། སྤྲོ་ན་གོང་ཚོགས་ཞིང་གི་སྐབས་ལྟར། ཚིགས་བཅད་བརྗོད་
པས། ཕྱི་ནང་གསང་བའི་མཆོད་པ་མཐའ་དག་འབུལ་བ་སྐབས་སུ་བབ་པའང་ཡིན་ནོ། །དེ་ནས། རྡོ་རྗེ་དང་ནི་པདྨ་
འདུས་ཤིང་བདུད་རྩིས་བདེ་རྒྱས་ཤིང༌། །རིམ་གྱིས་ཡོངས་གྱུར་སྐུ་ཅན་སེམས་ཅན་དོན་དུ་
གར་བྱེད་པ། །རྡོ་རྗེ་ལྷ་མོའི་རྩེད་མོའི་རོལ་བས་རྩེར་མཛོད་འགྲོ་རྨོངས་ལ། །འགྲོ་ལ་མི་
དམན་ཀུན་དགའ་སྟེར་བ་ཁྱོད་ལ་བདག་འདུད་དོ། །ཞེས་བསྟོད། དེ་ནས་བདུད་རྩི་མྱང་བ་ནི། ཡབ་ཡུམ་
སྙོམས་པར་ཞུགས་པའི་དགའ་བའི་སྒྲས་དེ་བཞིན་གཤེགས་པ་ལྔ་རྣམས་སྤྱན་དྲངས། སྤྱི་བོ་
ནས་ཞུགས་ཐུགས་ཀར་བྱང་ཆུབ་ཀྱི་སེམས་དང་འདྲེས། རྡོ་རྗེའི་ལམ་ནས་ཡུམ་གྱི་པདྨར་
བབས་པ། ཡེ་ཤེས་བདུད་རྩི་ལྔའི་རང་བཞིན་དུ་གནས་པ་ལ། ལྷ་ཐམས་ཅད་ཀྱི་ལྗགས་ལས་
བྱུང་བའི་འོད་ཟེར་གྱི་སྦུ་གུས་དྲངས་ནས། གསོལ་བས་ཚིམ་ཞིང་མཉེས་པར་གྱུར། ནང་གི་བདུད་
རྩི་མྱང་བའོ། །ནང་མཆོད་བསངས་སྦྱངས། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་སྔོན་པོ་
གཞུའི་དབྱིབས་ཅན་བ་དན་གྱིས་མཚན་པ། དེའི་སྟེང་དུ་རཾ་ལས་མེའི་དཀྱིལ་འཁོར་དམར་པོ་
ཟུར་གསུམ་པ་འབར་བ་བདུན་གྱིས་མཚན་པ། དེའི་སྟེང་དུ་ༀ་ཨཱཿཧཱུཾ་ལས་བྱུང་བའི་མི་མགོའི་
སྒྱེད་པུ་གསུམ་གྱི་སྟེང་དུ། ཨཱཿལས་བྱུང་བའི་ཐོད་པ་དུམ་བུ་གསུམ་པ་ཕྱི་དཀར་ལ་ནང་
དམར་བའོ། །དེའི་ནང་དུ་བྃ་རྃ་ཤཱུྃ་མྃ་མུྃ་རྣམས་ལས་དྲི་ཆེན་རཀྟ་བྱང་སེམས་ཀྱི་ཀླད་པ་དྲི་ཆུ་
སྟེ་བདུད་རྩི་ལྔ་དང༌། གྃ་ཀུྃ་དྃ་ཧྃ་ནྃ་རྣམས་ལས་བ་གླང་ཁྱི་གླང་པོ་རྟ་མི་ཤ་སྟེ་སྒྲོན་མ་ལྔ་ལ། 
ༀ་ཧཱུཾ་ཁཾ་སྭཱ་ཧཱུཾ་གིས་མཚན་པ། འོག་གི་རླུང་གཡོས་མེ་སྦར་བས་རྫས་བཅུ་ཡི་གེ་དང་བཅས་པ་
ཞུ་བའི་རླངས་པ་རྣམས་སྟེང་གི་བར་སྣང་ལ་ཧཱུཾ་ལས་རྡོ་རྗེ་སྔོན་པོ་ཧཱུཾ་གིས་མཚན་པར་གྱུར་པ་
ལ་རེག་པས་དེ་ཞུ་ནས་ཐོད་པར་ལྷུང་བ་རྫས་རྣམས་དང་རོ་གཅིག་ཏུ་འདྲེས་པར་གྱུར། ཡང་
11-1-459


མཐོ་གང་ཙམ་གྱི་བར་སྣང་ལ། ༀ་ལས་ཟླ་བ་ༀ་གྱིས་མཚན་པ་ལས་འོད་འཕྲོས། ཕྱོགས་
བཅུའི་དེ་བཞིན་གཤེགས་པ་རྣམས་ལས། བྱང་ཆུབ་ཀྱི་སེམས་ཀྱི་བདུད་རྩི་སྤྱན་དྲངས་པ་
དང༌། ནོར་བུ་དང་སྔགས་དང་སྨན་གྱི་ནུས་པའི་བྱེ་བྲག་ཐམས་ཅད་བཀུག་སྟེ་རྫས་ལ་ཐིམ་
པས། དེ་ཐམས་ཅད་དངུལ་ཆུའི་མདོག་ཅན་རབ་ཏུ་བསིལ་བའི་བདུད་རྩིའི་རྒྱ་མཚོ་ཆེན་པོར་
གྱུར། ༀ་ཨཱཿཧཱུཾ། ལན་གསུམ་གྱིས་བྱིན་གྱིས་བརླབས། ཡང་ལན་གཅིག་གིས་བདུད་རྩི་མྱངས་ནས། ཧཱུཾ་དཀར་པོ་
ལས་སྐྱེས་པའི་ལྗགས་རྡོ་རྗེ་རྩེ་གཅིག་པས་དྲངས་ཏེ་གསོལ་བར་བསམ་སྟེ། ཕྱིའི་བདུད་རྩི་མྱངས་
བའོ། །དེ་དག་ནི་དཀྱིལ་འཁོར་རྒྱལ་པོ་མཆོག་གི་ཏིང་ངེ་འཛིན་ནོ། །དཀྱིལ་འཁོར་གྱི་འཁོར་
ལོའི་བདག་གཞན་སྣོད་བཅུད་དང་བཅས་པ་ཐམས་ཅད་རྨི་ལམ་ལྟ་བུར་བསམ་ཞིང༌། སྤྲུལ་
པ་སྤྲོ་བསྡུས་སེམས་ཅན་གྱི་དོན་བྱེད་པ་ནི་ལས་རྒྱལ་པོ་མཆོག་གི་ཏིང་ངེ་འཛིན་ནོ། །དེ་ནས་མི་
འཇིགས་པའི་གཞུང་འགྲེལ་ལྟར་ན། འཁོར་ལོ་སྡོམ་པའི་མན་ངག་དང་མཚུངས་པར། ལུས་དཀྱིལ་སྒོམ་པར་ཡང་མཛད་དེ། དེ་
ལྟར་སྤྱིར་ཤིན་ཏུ་འཐད་ཅིང༌། ཕུན་སུམ་ཚོགས་པའི་ཡན་ལག་ཡིན་ཏེ། སྒོམ་པར་སྤྲོ་ན་གཞུང་འགྲེལ་ཉིད་ལས་ཚོལ་བར་བྱའོ། །
འོན་ཀྱང་བསྡུས་རྒྱུད་འདིའི་དངོས་བསྟན་ལ་མེད་པས་ན། མེད་མི་རུང་གི་ཡན་ལག་ཏུ་མི་འགྱུར་བའི་ཕྱིར། བསྡུས་པ་ལ་དགའ་
བའི་དོན་དུ་བརྩམས་པའི་སྐབས་འདིར་མ་བྲིས་སོ། །དེ་ནས་ཡང་འདི་ལྟར་སྒོམ་ཏེ། སྤྲུལ་པའི་འཁོར་ལོ་པདྨ་འདབ་
མ་དྲུག་ཅུ་རྩ་བཞི་པའི་ཁ་སྟེང་དུ་ཕྱོགས་པའི། མདུད་པའི་བུ་གར་ཨཾ་སྔོན་པོའོ། །ཆོས་ཀྱི་
འཁོར་ལོ་རྩིབས་བརྒྱད་པ་འོག་ཏུ་ཁ་ཕྱོགས་པའི་བུ་གར་ཧཱུཾ་སྔོན་པོའོ། །སྟེང་དུ་ཁ་ཕྱོགས་
པའི་ལོངས་སྤྱོད་རྫོགས་པའི་འཁོར་ལོ་རྩིབས་བཅུ་དྲུག་པའི་བུ་གར་ༀ་དམར་པོའོ། །བདེ་བ་
ཆེན་པོའི་འཁོར་ལོ་རྩིབས་སུམ་ཅུ་རྩ་གཉིས་པོ་འོག་ཏུ་ཁ་ཕྱོགས་པའི་བུ་གར་ཧཾ་དཀར་པོའོ། །
གསང་བའི་འཁོར་ལོར་གནས་པའི་རླུང་གིས་བསྐུལ་བའི་མེ་གཏུམ་མོའི་རང་བཞིན་ཨཾ་
ཡིག་འབར་བའི་འོད་ཟེར་གྱིས་བཞུ་བའི་ཧཱུཾ་ཡིག་ལ་སོགས་པ་ཡི་གེ་གསུམ་དང་ལྷན་ཅིག་
དབྱེར་མེད་པའི་ཨཾ་ཡིག་ལྷན་ཅིག་སྐྱེས་པའི་དགའ་བའི་རང་བཞིན་གྱི་ཐིག་ལེར་གྱུར་པའི་
11-1-460


དཔའ་བོ་སྒོམ་ཞིང༌། སྒོམ་པ་ཡོངས་སུ་སྨིན་པར་མོས་ནས། དེ་ཉིད་ལས་འོད་ཟེར་གྱི་རེ་ཁ་ཕྲ་
མོ་མེ་ལྕེ་འབར་བ་ལྟར་གནས་པས་བལྟ་བར་བྱའོ། །དེ་མཐུས་བདུད་རྩི་འཛགས་པས་གང་
སྟེ་དཔའ་བོ་བཀྲུས་པ་ན་འོད་ཟེར་གྱི་རེ་ཁ་དེ་ཡང་བསིལ་བར་གྱུར་ཏེ། དེ་ནས་དཔའ་བོ་ལ་
སེམས་ངེས་པས། ཇི་སྲིད་དུ་སེམས་བརྟན་པ་ཐོབ་པར་མཚན་མ་རྣམས་ཀྱི་ཉེ་བར་དམིགས་
པ་དེ་སྲིད་དུ་བལྟ་བར་བྱའོ། །བརྟན་པ་ཉེ་བར་མཚོན་པ་ན། འོད་ཟེར་གྱི་རེ་ཁ་དེའི་སྣང་བས་
སྣ་ཚོགས་པ་གསལ་བར་སྣང་བར་བྱེད་པར་བསམ་སྟེ། ཐམས་ཅད་ལག་མཐིལ་གྱི་སྐྱུ་རུ་ར་
ལྟར་བལྟའོ། །ཏིང་ངེ་འཛིན་ཐམས་ཅད་ཀྱང་མྱུར་དུ་རྫོགས་པར་བྱའོ། །ཞེས་པ་ཐིག་ལེའི་རྣལ་འབྱོར་
རོ། །དེ་ནས་བཟླས་པ་ནི། རྡོ་རྗེའི་བཟླས་པ་ཐུན་མོང་དང༌། ཐུན་མོང་མ་ཡིན་པ་གང་ཡང་རུང་བ་སྔོན་དུ་འགྲོ་བས། ངག་བཟླས་
བྱ་སྟེ། ༀ་ཧྲཱིཿབུདྡྷ་ཧཱུཾ་ཀ་པཱ་ལི་ནི་ཨཱཿ ཞེས་པ་སྟེ་རྩ་བའི་སྔགས་སོ། །ༀ་བུདྡྷ་ཀ་པཱ་ལི་ནཱི་ཨཱཿཧྲཱིཿཧཻ་ཧཱུཾ་ཕཊ། 
སྙིང་པོའོ། །ༀ་བུདྡྷ་ཀ་པཱ་ལི་ནཱི་བཛྲི་ཎཱི་ཧཽ་དུར་ཛ་ཡ་དུར་ལཀྵེ་ཧཱུཾ་ཕཊ། ཅེས་པ་ནི་ཉེ་བའི་སྙིང་པོའོ། །དེ་ལྟར་
ཅི་འགྲུབ་ཏུ་བཟླས་ལ། གཏོར་བསྔོ་མི་བྱེད་ན་འོག་ནས་འབྱུང་བ་ལྟར་དཀྱིལ་འཁོར་ཉེར་བསྡུ་བྱའོ། །འགྲུབ་ན་བཟླས་པའི་
མཐར་གཏོར་མ་ངེས་པར་བྱ་སྟེ། གཏོར་མ་ནང་མཆོད་ལྟར་བྱིན་གྱིས་བརླབས། སྟོང་པའི་ངང་ལས་བསྲུང་བའི་
འཁོར་ལོའི་དབུས་སུ། སྐད་ཅིག་ཙམ་གྱིས་ཡེ་ཤེས་སེམས་དཔའི་དཀྱིལ་འཁོར་གྱི་འཁོར་ལོ་
རྫོགས་པར་བྱོན་པ། བདག་ཉིད་ཀྱིས་སྒོམས་པའི་དཀྱིལ་འཁོར་གྱི་འཁོར་ལོ་དང་གཉིས་སུ་
མེད་པར་གྱུར། གོང་གི་དམ་ཡེ་བསྲེ་བའི་སྔགས་ལན་གསུམ་བཟླས། དུར་ཁྲོད་ཀྱི་ས་གཞི་ལ་ཕྱོགས་སྐྱོང་བ་
ཐམས་ཅད་ཀྱང་གནས་པར་གྱུར། གོང་བཞིན་ཆུ་གཉིས་དང་ཉེར་སྤྱོད་ལྔ་དང་ལྷ་མོ་བརྒྱད་ཀྱི་ས་མཆོད། ༀ་བུདྡྷ་
ཀ་པཱ་ལི་ནི་བ་ལིཾ་གྲྀཧྞཱ་གྲྀཧྞཱ། གྲྀཧྞཱ་པ་ཡ་གྲྀཧྞཱ་པ་ཡ་ཁཱ་ཁཱ་ཧཱུཾ། ཞེས་དཀྱིལ་འཁོར་གྱི་ལྷ་ཚོགས་རྣམས་ལ་ལན་
བདུན་གྱིས་ཕུལ། ༀ་བུདྡྷ་ཀ་པཱ་ལ་བཛྲ་ཙ་ཊེ་སུ་ཙེ་ཊེ། ཨཾ་[ལཾ་བ་ནེ{ཁཾ་བཱ་རེ}པྲཱི་ཎཱ་ཡ། སརྦྦ་བྷཱུ་ཏཱ་
ན། མ་རཱ་ཡ་སརྦྦ་མཱ་རཱ་ན། ཀཱི་ལ་ཡ་སརྦྦ་དུཥྚཱ་ན། ཨུ་ཙ་ཊ་ཡ་སརྦྦ་བིགྷྣཱན། བི་དྲ་བཱ་ཡ། བྷོ་བྷ་
ག་ཝ་ཏེ། ཡཀྵ་རཀྵ་ས། པཱི་ཤཱ་ཙ་ན། ཤོ་ཥ་ཡ། ཏཱ་ཌ་ཡ། སསྟ་པཱ་ཏཱ་ལ་ག་ཏཱ་ན། ས་ར་ས་ར། པྲ་
11-1-461


ས་ར་པྲ་ས་ར། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཅེས་ལན་གསུམ་གྱིས་འབྱུང་པོའི་ཚོགས་ལ་ཕུལ། ཆོས་རྣམས་
གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྟོག་པ་མེད། །བཟུང་དུ་མེད་ཅིང་བརྗོད་དུ་
མེད། །རྒྱུ་དང་ལས་ལས་ཀུན་དུ་འབྱུང༌། །ངོ་བོ་ཉིད་མེད་གནས་མེད་པ། །དེ་ལྟར་ཆོས་རྣམས་
ཤེས་ཀྱིས་ལ། །སེམས་ཅན་དོན་ནི་མཉམ་མེད་བྱོས། །འོན་ཏེ་སངས་རྒྱས་སྲས་སུ་སྐྱེས། །ཞེས་
ཆོས་བཤད་ནས། སེམས་ཅན་ཐམས་ཅད་བདེ་གྱུར་ཅིག །སེམས་ཅན་ཐམས་ཅད་སྐྱོན་མེད་པའི། །
ལམ་དེ་ཉིད་དུ་ཞུགས་ནས་ཀྱང༌། །སངས་རྒྱས་ཉིད་དང་ཕྲད་གྱུར་ཅིག །མ་གྲོལ་བ་རྣམས་
གྲོལ་བར་ཤོག །མ་བརྒལ་བ་རྣམས་བརྒལ་བར་ཤོག །རྣལ་འབྱོར་གཙུག་ལག་དམ་པ་ལ། །
ད་ལྟ་ཉིད་དུ་གནས་པར་ཤོག །ཅེས་དགེ་བ་བསྔོས་ནས། རྣལ་འབྱོར་བདག་ཅག་འཁོར་བཅས་ལ། །
ནད་མེད་ཚེ་དང་དབང་ཕྱུག་དང་༴ ཞེས་པ་ནས། ཡིད་ལ་འདོད་པ་ཀུན་འགྲུབ་ཤོག །གི་བར་གྱིས་
ཕྲིན་ལས་བཅོལ། ཨརྒྷཾ༴ ནས་ཤཔྟའི་བར་གྱིས་མཆོད་པ་སྤྱི་དང་འདྲ་བར་ཕུལ། ཡིག་བརྒྱ། བཟོད་གསོལ། གཤེགས་
གསོལ་རྣམས་བྱས་ཏེ། ཁུ་ཚུར་ས་ལ་བརྐྱང་ནས་སེ་གོལ་གཏོགས་ཏེ། ༀ་ཨཱཿཧཱུཾ་མུཿ ཞེས་པ་དང་དྲིལ་བུ་འཁྲོལ་བས་
གཤེགས་སུ་གསོལ། དེ་ནས་དཀྱིལ་འཁོར་ཉེ་བར་བསྡུ་བ་ནི། རང་གི་སྙིང་ག་ནས་འོད་ཟེར་འཕྲོས། སྣོད་
བཅུད་ཐམས་ཅད་རྟེན་དང་བརྟེན་པའི་དཀྱིལ་འཁོར་དུ་གྱུར་པ། བདག་གིས་བསྒོམས་པའི་
དཀྱིལ་འཁོར་ལ་ཐིམ། དུར་ཁྲོད་བརྒྱད་བསྲུང་བའི་འཁོར་ལོ༴ དེ་གཞལ་ཡས་ཁང་གདན་
དང་བཅས་པ་ལ༴ དེ་ཡང་ལྷ་རྣམས་ལ༴ ལྷ་རྣམས་གཙོ་བོ་ཡབ་ཡུམ་ལ༴ གཙོ་བོ་ཡབ་ཡུམ་
ཡང་ཐུགས་ཀའི་ཧཱུཾ་ལ༴ དེ་ཡང་འོད་གསལ་དུ་ཐིམ་པར་གྱུར། བར་སྐབས་དེར། ཅུང་ཟད་མཉམ་པར་
བཞག །དེ་ལས་ཐུན་མཚམས་ཀྱི་ལྷ་སྐུ་བསྒོམས་ཏེ་དགེ་བ་བསྔོའོ། །གལ་ཏེ་དཀྱིལ་འཁོར་བསྡུས་པའི་རྗེས་སུ་གཏོར་མ་བསྔོ་ན། 
མདུན་བསྐྱེད་དམ་ཚིག་པ་ས་བོན་ནི་སྔགས་ཙམ་ལས་བསྐྱེད། ཡེ་ཤེས་པ་དང་བསྲེས་ནས་གཏོར་མ་འབུལ་བའམ། བསྡུ་ན་སྐད་
ཅིག་གིས་བསྐྱེད་ནས་སྤྱན་དྲངས་ཀྱང་ཆོག་སྟེ། གཤེགས་གསོལ་གྱི་མཐར་ཡང་སྨོན་ལམ་དང་བཀྲ་ཤིས་གང་འགྲུབ་བྱའོ། །
གཞན་རྣལ་འབྱོར་གྱི་ཡན་ལག་རྣམས་ནི། ཐེག་པ་བླ་ན་མེད་པའི་བསྐྱེད་རིམ་གྱི་སྒྲུབ་ཐབས་སྤྱི་དང་འདྲ་བས་འདིར་མ་བརྗོད་
11-1-462


དོ། །དམ་པ་རྣམས་ནི་ཆོས་ཀྱི་བང་མཛོད་འཛིན། །གསར་པའི་ལེགས་བཤད་རྒྱས་ཀྱང་ངོམས་པ་མེད། །སྐྱེ་བོ་ཉོན་མོངས་ཅན་གྱི་
ཐིབས་པོར་ཡང༌། །ཐེག་མཆོག་ཉི་འོད་འཇུག་པ་འགའ་ལ་སྲིད། །དེ་ཕྱིར་མཆོག་ཏུ་རྙེད་དཀའ་བའི། །སྒྲུབ་ཐབས་བྱས་པའི་དགེ་
བ་གང༌། །ཀུན་ལ་ཕན་པའི་སེམས་ཀྱིས་ཏེ། །མཁའ་ཁྱབ་ཧེ་རུ་ཀར་གྱུར་ཅིག །ཅེས་པ་དཔལ་སངས་རྒྱས་ཐོད་པའི་སྒྲུབ་ཐབས་
དེ་ཁོ་ན་ཉིད་གསལ་བ་ཞེས་བྱ་བ་འདི་ཡང༌། རྒྱུད་ཀྱི་རྒྱལ་པོ་ཉིད་སློབ་དཔོན་ས་ར་ཧ་པས་མཛད་པར་བྱེད་པའི་གཞུང་འགྲེལ་
བཞི་དང་བཅས་པ་དང༌། པདྨ་བཛྲ་གྱིས་མཛད་པའི་རྒྱུད་འགྲེལ་འགྱུར་འཕྲོ་དང༌། ཨ་བྷ་ཡཱ་ཀ་རའི་ཞལ་སྔ་ནས་མཛད་པའི་
འགྲེལ་ཆེན་མི་འཇིགས་པའི་གཞུང་འགྲེལ་རྣམས་ལ་ངེས་པ་ཅུང་ཟད་རྙེད་ཅིང༌། དེ་རྣམས་ལས་ཕལ་ཆེར་ཕྱི་མ་ཉིད་མཆོག་ཏུ་
མཐོང་སྟེ། གཙོ་བོར་དེའི་རྗེས་སུ་འབྲངས་ནས། རྒྱལ་ཁམས་པ་ཏཱ་ར་ནཱ་ཐས་ཇོ་ནང་དཔལ་གྱི་རི་ཁྲོད་དུ་སྦྱར་བའོ།།    །།བཀྲ་
ཤིས། 
11-1-463


༄༅། །དཔལ་སངས་རྒྱས་ཐོད་པའི་དཀྱིལ་འཁོར་གྱི་ཆོ་ག་དེ་ཁོ་ན་
ཉིད་གསལ་བ་ཞེས་བྱ་བ་བཞུགས། 
༄༅། །དཔལ་སངས་རྒྱས་ཐོད་པའི་དཀྱིལ་འཁོར་གྱི་ཆོ་ག་དེ་ཁོ་ན་ཉིད་གསལ་བ་ཞེས་བྱ་བ། རྡོ་རྗེ་འཛིན་པ་ལ་ཕྱག་
འཚལ་ལོ། །རྡོ་རྗེ་སངས་རྒྱས་རྣམ་སངས་རྒྱས། །སྟོང་པའི་ཡབ་གཅིག་ལྷག་པའི་ལྷ། །གཅིག་པུ་བདེ་བ་ཆེ་རང་བཞིན། །རང་བྱུང་
བཅོམ་ལྡན་ལ་ཕྱག་འཚལ། །རྒྱུད་འདི་གཙོར་བྱེད་ཉུང་བའི་ཕྱིར། །ཆོ་ག་རབ་རྒྱས་ཉེར་མཁོ་མེད། །ཟབ་མོའི་ཆོས་མཆོག་མི་ནུབ་
ཕྱིར། །དོན་ཚང་མདོར་བསྡུས་ཙམ་ཞིག་འབྲི། །དེ་ལ་འདིའི་དཀྱིལ་ཆོག་རིམ་པ་གསལ་བ་ཞེས་བྱ་བ། བྲམ་ཟེ་ཆེན་པོའི་གཞུང་དུ་
གྲགས་པ་འདི་ལས། ས་ཆོག་གི་རིམ་པ་ལ་ཆོ་ག་སྤྱི་ནག་པོ་སྤྱོད་པས་མཛད་པའི་བདེ་མཆོག་གི་དཀྱིལ་ཆོག་དང་འདྲ་རུང་བ་ལས། 
གསོལ་བཏབ་དང་གཏོར་སྔགས་སོགས་མི་འདྲ་བ་མང་དག་དང་བཅས་པ་འབྱུང་མོད་ཀྱི། ས་ཆོག་ནི་གསང་བ་སྤྱིའི་ཆོ་གའི་རྗེས་
སུ་འབྲངས་པས་དོན་གྲུབ་ཅིང་ལེགས་པར་འགྱུར་བའི་ཕྱིར། གཞན་དུ་ཤེས་པར་བྱ་ལ། ཆོ་ག་ལྷག་མ་རྣམས་ལ། མི་འཇིགས་
པའི་གཞུང་འགྲེལ་ལས་ཀྱང༌། ལག་ལེན་འདེབས་རུང་དུ་གསུངས་མོད་ཀྱི། རྒྱུད་འདིའི་དཀྱིལ་ཆོག་རང་རྐང་ཚུགས་པ་ཕྱོགས་
འདིར་འགྱུར་བ་ནི་རིམ་པ་གསལ་བ་གཅིག་བུ་ཡིན་པའི་ཕྱིར། ཆོ་ག་ལྷག་མ་རྣམས་གཙོ་བོར་དེའི་རྗེས་སུ་འབྲང་བར་བྱའོ། །དེ་
ཡང་དང་པོར་སྟ་གོན་གྱི་བྱ་བ་ལ། སྔོན་དུ་བྱ་བའི་རིམ་པ་དང༌། སྟ་གོན་དངོས་སོ། །དང་པོ་ནི། སྔོན་འགྲོ་གཏོར་མ། ཨ་མྲྀ་
ཏས་བསངས། སྭ་བྷཱ་ཝས་སྦྱངས། ༀ་ཨཱཿཧཱུཾ་གིས་བྱིན་གྱིས་བརླབས། སྲིད་པ་གསུམ་གྱི་འབྱུང་པོའི་ཚོགས་
རྣམས་བཛྲ་ས་མཱ་ཛཿ ཨརྒྷཾ་ནས་ཤཔྟའི་བར་གྱིས་མཆོད། ༀ་བུདྡྷཱ་ཀ་པཱ་ལ་བཛྲ་ཙེ་ཊེ། ཞེས་པ་ནས། 
ཡིད་ལ་འདོད་པ་ཀུན་འགྲུབ་ཤོག་གི་བར་སྒྲུབ་ཐབས་ཀྱི་གཏོར་ཆོག་ལྟར་བརྗོད། དེ་ནས་འཕྲིན་བཅོལ་སྤྱི་དང་
མཐུན་པར་ཡང་བྱས་ནས། རོལ་མོའི་སྒྲ་དང་བཅས་ཏེ་གཏོར་མ་ཕྱི་རོལ་དུ་དོར་རོ། །དེ་རྗེས་གནས་དང་ཡོ་བྱད་བྱིན་གྱིས་
བརླབས་པ་ཡང་བདེ་དགྱེས་སོགས་སྤྱི་དང་འདྲའོ། །དེ་ནས་སྒྲུབ་ཐབས་ལྟར། སྐྱབས་འགྲོ་ནས་བཟླས་པའི་བར་དང༌། དཀྱིལ་
འཁོར་ཉེར་བསྡུ་ཏེ། མངོན་རྟོགས་རྒྱས་པ་རྫོགས་པར་སྒོམ། གཉིས་པ་སྟ་གོན་དངོས་ནི། དཀྱིལ་འཁོར་གྱི་ས་གཞིའམ་མཎྜལ་ལ་
11-1-464


ས་ལྷའི་མཆོད་གཏོར་ཚོམ་བུ་དང་བཅས་པ་བཀོད། ༀ་ཧཾ། ཧཾ་གི་སྒྲ་དང་ཧཱུཾ་གི་འོད་ཀྱིས་བསྐུལ་ནས། ས་
འོག་ནས་སའི་ལྷ་མོ་འཁོར་དང་བཅས་པ་བྱུང༌། ཚོམ་བུའི་སྟེང་དུ་བྱོན་པ་ནི་སའི་ལྷ་མོ་གསེར་
གྱི་མདོག་ཅན་ཞི་བའི་ཉམས་དང་ལྡན་པ། ཕྱག་གཉིས་ཀྱིས་བདུད་རྩིས་གང་བའི་རིན་པོ་
ཆེའི་བུམ་པ་བསྣམས་པ། རྒྱན་དང་ན་བཟའ་དཀར་པོ་ཅན་དུ་གྱུར། འབྲུ་གསུམ་གྱིས་མཆོད་པ་བྱིན་
གྱིས་བརླབས། ༀ་པྲི་ཐི་ཝཱི་དེ་ཝཱི་བྷྱཿ ཨརྒྷཾ་པྲ་ཏཱིཙྪ་སྭཱཧཱ། དེ་བཞིན་དུ་སྦྱར་ཏེ། པཱ་དྱཾ། པུཥྤེ། དྷཱུ་པེ། ཨཱ་ལོ་
ཀེ། གནྡྷེ། ནཻ་ཝི་དྱ། ཤཔྟ་ཨཱཿཧཱུཾ། གཏོར་མ། ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་
ལས། ཨ་ལས་ཀ་པཱ་ལ་ཡངས་ཤིང་རྒྱ་ཆེ་བའི་ནང་དུ། ཤ་ལྔ་བདུད་རྩི་ལྔ་ཞུ་བ་ལས་བྱུང་བའི་
གཏོར་མ་ཡེ་ཤེས་ཀྱི་བདུད་རྩིའི་རྒྱ་མཚོར་གྱུར། ༀ་ཨཱཿཧཱུཾ་ཧ་ཧོ་ཧྲི། ༀ་པྲི་ཐི་ཝཱི་དེ་ཝཱི་བྷྱཿ ན་
མཿསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿ སརྦ་ཐཱ་ཁཾ་ཨུད་ག་ཏེ་སྥ་ར་ཎ་ཨི་མཾ་ག་ག་ན་ཁཾ་གྲྀཧྞེ་དཾ་
བྷ་ལིང་ཏ་ཡེ་སྭཱཧཱ། ལན་གསུམ། ༀ་སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་
ཁྱད་པར་གྱི། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་དབང་དུ་གྱུར། །ཧེ་རུ་ཀ་དཔལ་
དཔའ་བོ་ཡིས། །ཇི་ལྟར་བདུད་ཀྱི་སྟོབས་བཅོམ་པ། །དེ་བཞིན་བདག་གིས་བདུད་སྡེ་ལས། །
རྒྱལ་བར་བྱས་ཏེ་དཀྱིལ་འཁོར་བྲི། ༀ་པྲི་ཐི་ཝཱི་དེ་ཝཱི་བྷྱཿ ཨརྒྷཾ་པྲ་ཏཱིཙྪ་སྭཱཧཱ། སའི་ལྷ་མོ་
སླར་ཡང་ས་དེ་ཉིད་ལ་ཐིམ་པར་གྱུར། དེ་རྣམས་སའི་ལྷ་མོའི་སྟ་གོན་ནོ། །དེ་དག་བསལ་ཏེ་དཀྱིལ་འཁོར་གྱི་ས་
གཞིའམ། མཎྜལ་ལ་ལྷ་དང་གྲངས་མཉམ་པའི་ཚོམ་བུ་བཀོད། མཐའ་མཆོད་གཏོར་གྱིས་བསྐོར། དཀྱིལ་འཁོར་གྱི་
དབུས་སུ་པད་ཉི་རོའི་གདན་ལ། ཧཱུཾ་དང་རྡོ་རྗེ་ལས། བཅོམ་ལྡན་འདས་ཡབ་ཡུམ་གྲུབ་པ་ན། 
ནོར་བུ་དང་ནོར་བུའི་འོད་ཟེར་གྱི་ཚུལ་གྱིས་རྣལ་འབྱོར་མ། ཉི་ཤུ་རྩ་བཞི་ཡང་གྲུབ་པ་ནི། 
དབུས་སུ་བཅོམ་ལྡན་འདས་དཔལ་ཧེ་རུ་ཀ༴ ནས། རྩེད་འཇོའི་རོལ་པ་ཅན་ནོ། །དེའི་ཕྱི་རོལ་
ཤར་དུ་ཕྲེང་བཟང་མ༴ སོགས། དབང་ལྡན་ལ་སོགས་པའི་མཚམས་བཞི་ལ། གཡས་བསྐོར་
གྱི༴ ནས། ཐོད་པའོ། །དེའི་ཕྱི་རོལ་ཤར་དུ་དགེ་བའི་སྐ་རགས་ཅན་མ༴ ནས། སྡུད་བྱེད་མའོ། །
11-1-465


དེའི་ཕྱི་རོལ་ཤར་དུ་སྒྲོལ་བྱེད་མ༴ ནས། རླུང་དུ་གྲགས་ཆེན་མའོ། །དེའི་ཡང་ཕྱི་རོལ་ཤར་དུ་
མཛེས་སྡུག་མ། བྱང་དུ་ནོར་འཛིན་མ། ནུབ་ཏུ་སྐལ་བཟང་མ། ལྷོར་ཡིད་འོང་མ་སྟེ། རྣལ་
འབྱོར་མ་ཉི་ཤུ་རྩ་བཞི་པོ༴ ནས། ཟླ་བའི་རྒྱུན་རབ་ཏུ་འབབ་པའོ། །བཅོམ་ལྡན་འདས་ཀྱི་
ཐུགས་ཀར་ༀ༴ ནས། བདུད་རྩིའི་རྒྱ་མཚོ་ཆེན་པོར་གྱུར་གྱི་བར། གོ་ཆ་གནས་གསུམ་བྱིན་རླབས། ཡེ་ཤེས་
པ་བསྟིམས་པ། དབང་བསྐུར་རྒྱས་བཏབ། མཆོད་པ། བསྟོད་པ། ནང་གི་བདུད་རྩི་མྱངས་བ། ཕྱི་རོལ་གྱི་བདུད་རྩི་བྱིན་གྱིས་
བརླབས་པ་རྣམས་མངོན་རྟོགས་ལྟར་བྱ། སྙིང་པོའི་མཐར་འབྲུ་གསུམ་བཏགས་པ་ལན་གསུམ་བརྗོད་པས་ནང་མཆོད་ཕུལ། 
སྤྲོས་པ་ལ་དགའ་ན། མཆོད་བསྟོད་རྣམས་རྒྱས་པ་དངོས་གཞིའི་སྐབས་ནས་ཁ་བསྐང་བས་ཆོག་གོ །གཏོར་མ་ནང་མཆོད་ལྟར་
བྱིན་གྱིས་བརླབས་ལ། ༀ་བུདྡྷ་ཀ་པཱ་ལི་ནི་བ་ལིཾ་གྲྀཧྞ་ཞེས་པ་ནས། ཀུན་འགྲུབ་ཤོག །གི་བར་གྱི་འཕྲིན་ལས་
བཅོལ། སྤོས་དང་བཅས་པས་རྡོར་དྲིལ་འཛིན་པས། གཉིས་མེད་ཡེ་ཤེས་ལས་བྱུང་བའི། །ཁྱབ་བདག་
དངོས་ཀུན་བདག་ཉིད་ཅན། །སྟོན་པའི་གཙོ་བོ་ཁྲག་འཐུང་དཔལ། །སྣ་ཚོགས་བདེ་མར་
ཡང་དག་ལྡན། །ཕྱོགས་མཚམས་རྣམས་ཀྱི་མཁའ་འགྲོ་མ། །རིགས་པའི་ལྷ་མོ་རྫུ་འཕྲུལ་
ཅན། །བྱང་ཆུབ་སེམས་དཔའ་ལ་སོགས་ཀུན། །མ་ལུས་བདག་ལ་དགོངས་སུ་གསོལ། །སློབ་
མ་ལ་ནི་ཕན་པ་དང༌། ཁྱེད་རྣམས་ལ་ཡང་མཆོད་པའི་ཕྱིར། །རྡོ་རྗེ་ཅན་བདག་འདི་ཞེས་པས། །
ནངས་པར་དཀྱིལ་འཁོར་བྲི་བར་བྱ། །རྗེས་སུ་བརྩེ་བས་ཉེར་དགོངས་ཏེ། །ཀུན་གྱིས་བྱིན་
གྱིས་བརླབ་ཏུ་གསོལ། །ཞེས་ལན་གསུམ་གསོལ་བ་བཏབ་བོ། །མཆོད་པ་ཁ་གསོས་ཏེ། འབྲུ་གསུམ་གྱིས་བྱིན་གྱིས་
བརླབས། རྩ་བརྒྱད་པོ་ལས་བྱུང་བའི༴ ཞེས་པ་ནས། ཁྱོད་ལ་བདག་འདུད་དོ། །ཞེས་པའི་བར་གྱིས་མཆོད་
བསྟོད་དང༌། སྙིང་པོའི་མཐར་འབྲུ་གསུམ་སྦྱར་བས་ནང་མཆོད་ཕུལ། རྟེན་དང་བརྟེན་པར་བཅས་པའི་དཀྱིལ་
འཁོར་པ་ཐམས་ཅད་རང་གི་སྣ་བུག་གཡོན་ནས་ཞུགས་ཏེ་སྙིང་གར་ཐིམ། དེ་རྣམས་ལྷ་སྟ་གོན་ནོ། །
དེ་ནས་རྒྱས་པར་ན། ལྷ་གྲངས་དང་མཉམ་པའི་བུམ་པ་བྱ་སྟེ། གཙོ་བོའམ་བྱང་སྒོའི་ལྷ་མོ་གང་རུང་ལས། ལས་བུམ་ལོགས་སུ་
མི་བྱེད་པ་ལྟར་ན། བུམ་པ་ཉེར་ལྔ་ཡིན་ལ། ལོགས་སུ་བྱེད་པ་ལྟར་ན་ཉེར་དྲུག་གོ །འོན་ཀྱང་དེང་སང་གི་ལག་ལེན་ལྟར་ན། ལས་
11-1-466


བུམ་ལོགས་སུ་བྱེད་ཅིང་ལྷ་བུམ་གཅིག་ལ་བསྡུ་བ་ཡིན་པས། བུམ་པ་གཉིས་སྤྱི་དང་མཐུན་པར་བཤམས། ༀ་ཨ་མྲྀ་ཏས་
བསངས། སྭ་བྷཱ་ཝས་སྦྱངས། སྟོང་པའི་ངང་ལས་པཾ་ལས་སྣ་ཚོགས་པདྨའི་སྟེང་དུ་ཨ་ལས་ཟླ་བའི་
གདན་རེ་རེ། དེའི་སྟེང་དུ་པཾ་ལས་རིན་པོ་ཆེ་བུམ་པ། ལྟོ་བ་ལྡིར་བ། མགྲིན་པ་ཕྲ་བ། མཆུ་
འཕྱང་བ། ལྷ་རྫས་ཀྱི་གོས་ཀྱི་མགུལ་བཅིངས་དང༌། དཔག་བསམ་གྱིས་ཤིང་གིས་ཁ་བརྒྱན་
པ། ནང་ཆུ་དང་བཅུད་ཐམས་ཅད་ཀྱིས་ཡོངས་སུ་གང་བའི་རྣམ་རྒྱལ་བུམ་པའི་དབུས་སུ། 
པད་ཉིའི་གདན་གྱི་སྟེང་དུ། གཡོན་སྐོར་གྱི་ཨ་ཨཱ་ཨི་ཨཱི་ནས། ཧཱུཾ་ཡིག་དེ་ཉིད་ཀྱི་སྣང་བ་ལས་
གྲུབ་སྟེ། བཅོམ་ལྡན་འདས་དཔལ་ཧེ་རུ་ཀ་སྐུ་མདོག་སྔོན་པོ་ནས། རོལ་པ་ཅན་ནོ། །ཤར་དུ་
ཕྲེང་བཟང་མ༴ ཞེས་པ་ནས། བཛྲ་ཨརྒྷཾ་པྲ་ཏཱིཙྪ་སྭཱཧཱ། ཞེས་པའི་བར། ལྷ་སྟ་གོན་གྱི་སྐབས་དང་སྒྲུབ་ཐབས་
བཞིན་བྱ། རྩ་བརྒྱད་པོ་ལས་བྱུང་བའི་ནས། བདག་འདུད་དོ། །ཞེས་མཆོད་བསྟོད་དང༌། སྙིང་པོའི་འབྲུ་གསུམ་
གྱིས་ནང་མཆོད་ཕུལ། ཛཿཧཱུཾ་བཾ་ཧོཿ ཡེ་ཤེས་སེམས་དཔའ་དང་རོ་གཅིག་ཏུ་འདྲེས་པས། ལྷ་རྣམས་
བྱང་ཆུབ་ཀྱི་སེམས་ཀྱི་ངོ་བོར་གྱུར། གཙོ་བོའི་སྙིང་པོ་ཉིད་ཅི་འགྲུབ་ཏུ་བཟླའོ། །ལས་བུམ་གྱི་ནང་དུ་ཧཱུཾ་
དང་སྣ་ཚོགས་རྡོ་རྗེ་ལས། ཁྲོ་བོ་བདུད་རྩི་འཁྱིལ་བ་ལྗང་ཁུ། ལྗང་དཀར་སེར་བའི་ཞལ་
གསུམ་ཕྱག་དང་པོ་གཉིས་ཀྱིས་སྣ་ཚོགས་རྡོ་རྗེ་དང་ཐོད་ཁྲག་འཛིན་པས། རང་སྣང་གི་ཡུམ་
ལ་འཁྱུད་པ། འོག་མ་གཉིས་ཀྱིས་སྡིགས་མཛུབ་དང་བཅས་པའི་རྡོ་རྗེ་འབར་བ་དང་ཁ་ཊྭཱཾ་ག་
བསྣམས་པ། ཁྲོ་བོའི་ཆ་བྱད་ཡོངས་སུ་རྫོགས་པའོ། །དཔྲལ་བར་ༀ། མགྲིན་པར་ཨཱཿ ཐུགས་
ཀར་ཧཱུཾ། ཡེ་ཤེས་སེམས་དཔའ་བདུད་རྩི་འཁྱིལ་བ་བཛྲ་ས་མཱ་ཛཿ ཛཿཧཱུཾ་བཾ་ཧོཿ ༀ་བཛྲ་ཀུཎྜ་
ལི་བཛྲ་ཧཱུཾ་ཕཊ། ཅེས་ཅི་ནུས་སུ་བཟླས་པའི་མཐར། བུམ་པ་གཉིས་ཀར་ལ་ཐུན་མོང་དུ། ཨརྒྷཾ་ནས། ཤཔྟའི་བར་
གྱིས་མཆོད། རྡོ་རྗེ་དང་ནི༴ སོགས་དང༌། འཇིགས་པའི་ཧཱུཾ་སྒྲ༴ སོགས་ཀྱིས་བསྟོད། ཡིག་བརྒྱ་ལན་གསུམ། མ་
འབྱོར་པ་དང༴ སོགས་ཀྱིས། བཟོད་པར་གསོལ། དུང་ཕོར་གྱི་ནང་གི་ཧེ་རུ་ཀ་ཡང་ཞུ་བར་གྱུར། 
མེ་ཏོག་དང་སྤོས་ལ་སོགས་པས་མཆོད་དོ། །སྐབས་འདིར་གཏོར་མ་འབུལ་བར་བཤད་པ་འགའ་ཞིག་ལ་ཡོད་ཀྱང༌། འདིར་བུམ་
11-1-467


པ་ལ་གཏོར་མ་མེད་ལ། མདུན་བསྐྱེད་ལ་གོང་གི་དེས་ཆོག་པས་འདིར་མི་དགོས་སོ། །བུམ་བསྐྱེད་ཀྱི་སྐབས་འདིར། རིམ་པ་
གསལ་བ་དང༌། གཞུང་འགྲེལ་དང༌། འགྲེལ་པ་ཡེ་ཤེས་ལྡན་གསུམ་ནས་སོ་སོར་ཅུང་ཟད་མི་འདྲ་བ་ཙམ་ཁོ་ན་བཤད་ཀྱང༌། རྒྱུད་
ལས། མདོག་དང་མཚན་མར་ལྡན་པ་ཡི། །དེ་བཞིན་གཤེགས་རྣམས་ས་བོན་གྱི། །འོད་ཟེར་གྱི་ནི་རྣམ་པར་བསམ། །བདག་ཉིད་
ཆེན་པོ་གྲགས་ཆེན་པོ། །བུམ་པ་རུ་ནི་ཞུགས་ཙམ་གྱིས། །དམ་ཚིག་དཀྱིལ་འཁོར་ཞུ་བར་གྱུར། །ཞེས་གསལ་བར་གསུངས་པའི་
རྗེས་སུ་འབྲངས་པའོ། །འདིར་ལས་བུམ་མི་བྱེད་ན་བུམ་པ་གཅིག་གིས་ཀྱང་རུང་བར་མངོན་ནོ། །དེ་རྣམས་བུམ་པ་སྟ་གོན་ནོ། །
དེ་ནས་སློབ་མ་རྣམས་ཁྲུས་བྱས། མཎྜལ་ཕུལ། ཐལ་མོ་སྦྱར་ནས། འདིའི་རྗེས་ཟློས་བྱེད་དེ། དགའ་ཆེན་ཁྱོད་བདག་
སྟོན་པ་སྟེ། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་སྟོན་པ། །
མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་
ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་
ལ་སྩོལ། །ཐར་པ་ཆེན་པོའི་གྲོང་མཆོག་ཏུ། མགོན་པོས་བདག་ནི་གཞུག་ཏུ་གསོལ། །སློབ་
དཔོན་གྱི་ཐུགས་ཀ་ནས་འོད་ཟེར་འཕྲོས། སློབ་མ་རྣམས་ཞལ་དུ་བཅུག །ཐུགས་ཀའི་ཧཱུཾ་ཡིག་
གི་འོད་ཟེར་འབར་བས་སྡིག་སྒྲིབ་ཐམས་ཅད་བསྲེགས། ཧེ་རུ་ཀ་ཞལ་གཅིག་ཕྱག་གཉིས་གྲི་
ཐོད་འཛིན་པའི་རྣམ་པས་རྡོ་རྗེའི་ལམ་ནས་ལྷ་མོའི་པདྨར་ཕྱུང་ཤིང༌། ཧཱུཾ་ཞེས་གསང་བའི་
མཁའ་ནས་སྤྲོས་ཏེ། ཕྱི་རོལ་དུ་པད་ཉི་ལ་འཁོད་པར་མོས། བུ་ཚུར་ཐེག་པ་ཆེན་པོ་ལ། ཁྱོད་
ནི་ཚུལ་ཆེན་སྣོད་ཡིན་ཏེ། །གསང་སྔགས་སྤྱོད་ཚུལ་ཆོ་ག་ནི། ཁྱོད་ལ་ཡང་དག་བཤད་པར་
བྱ། །རྫོགས་པའི་སངས་རྒྱས་གང་འདས་དང༌། །དེ་བཞིན་གང་དག་མ་བྱོན་དང༌། །ད་ལྟར་
བྱུང་བའི་རྫོགས་སངས་རྒྱས། །འགྲོ་ལ་ཕན་ཕྱིར་གང་བཞུགས་པ། །དེ་དག་ཀུན་གྱིས་གསང་
སྔགས་ཀྱི། །ཆོ་ག་བཟང་པོ་འདི་མཁྱེན་ནས། །དཔའ་བོས་བྱང་ཆུབ་ཤིང་དྲུང་དུ། །ཐམས་
ཅད་མཁྱེན་པ་ཚད་མེད་བརྙེས། །གསང་སྔགས་སྤྱོད་པ་མཉམ་མེད་དེ། །སྐྱོབ་པ་དཔལ་ལྡན་
ཧེ་རུ་ཀས། །བདུད་སྡེ་ཤིན་ཏུ་མི་ཟད་པ། །དཔུང་ཆེན་དག་ཀྱང་དེ་ཡིས་བཅོམ། །དེ་བས་ཀུན་
11-1-468


མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག །གོང་ནས་གོང་མའི་སྡོམ་པ་ནི། །བུ་
ཁྱོད་ཀྱིས་ནི་བཟུང་བྱ་སྟེ། །གྲོལ་བའི་རྒྱུ་ནི་དེ་ལས་གཞན། །ཐབས་ནི་ཅི་ཡང་ཡོད་མ་ཡིན། །
ཞེས་སློབ་དཔོན་གྱིས་བརྗོད། དེ་ནས་སློབ་མས་རྒྱུན་བཤགས་ལན་གསུམ་བྱ་སྟེ། བདག་གིས་སྡིག་པ་བགྱིས་པ་
དང༌། །བགྱིད་དུ་སྩལ་དང་ཡི་རང་དང༌། །སངས་རྒྱས་སྤྱན་སྔར་མཆིས་ནས་ནི། །མ་ལུས་སོ་
སོར་བཤགས་པར་བགྱི། །སངས་རྒྱས་བྱང་ཆུབ་སེམས་དཔའ་དང༌། །རང་རྒྱལ་དགྲ་བཅོམ་
འགྲོ་རྣམས་ཀྱི། །བསྒོམ་དང་བཟླས་བརྗོད་བསོད་ནམས་དང༌། །ཚོགས་དག་ལ་ནི་ཡི་རང་
ངོ༌། །སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་མཆི། །སངས་རྒྱས་
ཐོད་པ་མཁའ་འགྲོ་མ། །འཁོར་ལོ་གསུམ་གྱི་བདག་ཉིད་ཅན། ཀུན་ལ་རྟག་ཏུ་སྐྱབས་སུ་མཆི། །
དཔའ་བོ་དཔའ་མོ་དབང་ལྷ་མོ། །བྱང་ཆུབ་སེམས་དཔའི་བདག་ཉིད་ཆེ། ཁྱད་པར་དུ་ཡང་
སློབ་དཔོན་ལ། །རྟག་ཏུ་བདག་ནི་སྐྱབས་སུ་མཆི། །དཔལ་ལྡན་ཁྲག་འཐུང་དཔའ་བོ་དང༌། །
རྣལ་འབྱོར་མ་དང་སྣང་མཛད་སོགས། །བྱང་ཆུབ་སེམས་དཔའ་དཔག་མེད་སོགས། །ཐམས་
ཅད་བདག་ལ་དགོངས་སུ་གསོལ། །ཆེ་གེ་དུས་འདི་ནས་བཟུང་སྟེ། །ཇི་སྲིད་གཉིས་མེད་ལ་
གནས་པར། །དེ་ཡི་ཚངས་སྤྱོད་གཉིས་མེད་པ། །བྱང་ཆུབ་མཆོག་སེམས་བསྐྱེད་པར་བགྱི། །
བདག་གི་དགེ་བའི་ལས་རྣམས་ཀྱིས། །སངས་རྒྱས་མྱུར་དུ་བསྒྲུབས་བྱས་ཏེ། །སེམས་ཅན་
འཁོར་བའི་རྒྱ་མཚོ་ལས། །བླ་མེད་གནས་སུ་བསྒྲལ་བར་བགྱི། །སློབ་མ་སྐད་ཅིག་གིས་ཧེ་རུ་
ཀར་བསྐྱེད་པའི་གནས་གསུམ་དུ་དྲིའི་ཐིག་ལེ་དང༌། ༀ་ཨཱཿཧཱུཾ་ལས་འཁོར་ལོ་དང༌། པདྨ་དང་
རྡོ་རྗེ་རྣམས་ཡིག་འབྲུས་མཚན་པ་ལས་འོད་འཕྲོས་པས། སངས་རྒྱས་རྣམས་ཀྱི་སྐུ་གསུང་
ཐུགས་ཀྱི་ནུས་པ་བཀུག་ནས་བསྟིམས་ལ། སྤྱི་བོར་མེ་ཏོག །མདུན་དུ་སྤོས། སྤྱན་ལ་མར་མེ། 
ཐུགས་ཀར་དྲི། ཞལ་དུ་ལྷ་བཤོས། སྙན་ལ་རོལ་མོ་རྣམས་འབུལ་ལོ། །དེ་ནས་ཨུ་དུམ་ཝ་རའམ། ཨ་ཤྭཏྠ་ལ་
སོགས་པའི་སོ་ཤིང་སོར་བཅུ་གཉིས་པ། རྩེ་མོ་མེ་ཏོག་ལྡན་པ་ལ། ༀ་ཧཱུཾ་ཧེ་བྷ་ག་ཝ་ཏི་མུ་ཁཾ་པ་རི་ཤུདྡྷཾ་ཀུ་རུ་
11-1-469


སྭཱཧཱ། ཞེས་ལན་བདུན་བསྔགས་པ་ལག་ཏུ་བྱིན་ནས་ཤར་རམ་བྱང་དུ་ཁ་བལྟས་ཏེ། དོར་བ་ལས་དངོས་གྲུབ་ལུང་བསྟན། དེ་
ནས། ༀ་ཧྲིཿབི་ཤུདྡྷ་དྷརྨ་སརྦ་པཱ་པཾ་ནི་ཙ་ཨ་སྱ་བི་ཤོ་དྷ་ཡ་སརྦ་བི་ཀལྤཱན་ཨ་པ་ན་ཡ་ཧཱུཾ། ཞེས་པས་
ཁྱོར་ཆུ་བླུད་ནས། གཙོ་བོའི་སྙིང་པོ་བཟླས་པའི་སྲད་བུ་དམར་པོ་ལ་མདུད་པ་གསུམ་དང་ལྡན་པས། སྐྱེས་པའི་དཔུང་པ་གཡོན། 
བུད་མེད་ཀྱི་གཡས། བྱིས་པའི་མགུལ་དུ་བཅིངས་པ་ལ། འབྲུ་གསུམ་བརྗོད་ནས། ཀུ་ཤ་བྱིན་གྱིས་བརླབས་ཏེ་སྔས་དང་སྟན་དུ་
སྦྱིན་པར་བྱའོ། །དེ་ནས། འཇིག་རྟེན་དུ་ནི་ཀུན་མཁྱེན་དག །ཨུ་དུམ་ཝ་རའི་མེ་ཏོག་ལྟར། །བརྒྱ་
ལམ་ན་ནི་རེས་འགའ་ཞིག །འབྱུང་འགྱུར་ཡང་ནི་མི་འབྱུང་ངོ༌། །གསང་སྔགས་སྤྱོད་པའི་
ཚུལ་འདི་ནི། །དེ་བས་ཀྱང་ནི་རྙེད་དཀའ་སྟེ། །གང་གིས་མཉམ་མེད་སེམས་ཅན་དོན། །བླ་
མེད་པར་བྱེད་ནུས་པ་ཡིན། །གཉིས་མེད་ཟབ་མོའི་སྤྱོད་ཡུལ་འདིས། །སེམས་ཅན་སངས་
རྒྱས་ཐོབ་བྱེད་པའོ། །དང་པོ་བསྐལ་པ་གྲངས་མེད་ནས། །བསགས་པའི་སྡིག་པ་གང་དང་
གང༌། །དེ་ཀུན་ཟད་པར་འགྱུར་བ་ནི། །ཟབ་མོའི་དཀྱིལ་འཁོར་མཐོང་བས་སོ། །ཞེས་བརྗོད་ཅིང་
དོན་ཡང་བཤད་ནས། ཀུ་ཤའི་སྟན་ལ་སེང་གེའི་ཉལ་སྟབས་ཀྱིས་ཉོལ་ལ་རྨི་ལམ་རྟོག་ཤིག །
ནངས་པར་དཀྱིལ་འཁོར་ཆེན་པོ་མཐོང་བར་འགྱུར་རོ། །ཞེས་བསྒོ་བར་བྱའོ། །དེ་ནས་ཐུན་མོང་མ་ཡིན་
པའི་བསྲུང་བ་ནི། སློབ་དཔོན་གྱི་ལག་པ་གཡོན་པ་དྲིས་བྱུགས་ཤིང༌། མེ་ཏོག་གི་བཀྲ་ཤིས་པར་
ཟླ་བའི་དཀྱིལ་འཁོར་བསྒོམས་ལ། སངས་རྒྱས་ཐམས་ཅད་སྤྱན་དྲངས་ཏེ་བྱང་སེམས་སུ་ཞུ་
བ་ཟླ་བ་ལ་ཐིམ། དེ་བཞིན་དུ་མགྲིན་པར་ཡང་གསལ་བཏབ་ནས། སློབ་མའི་སྤྱི་བོར་ལག་པ་
བཞག་ལ། ༀ་བུདྡྷ་ཨ་ཏ་ཆེ་གེ་མོའི་ཀཱ་ཡ་ཨདྷི་ཏིཥྛ་ཡནྟུ་མ་ཙ་ལ་མ་ཙ་ལ། ཏིཥྛ་ཏིཥྛ། ཧ་ར་ཧ་
ར། བི་དྷ་ར་བི་དྷ་ར། དྲ་བ་དྲ་བ། བྷོ་བྷ་ག་ཝན་སརྦ་བུདྡྷ་ཀ་པཱ་ལ་བཛྲ་སྱ་ཡ་ཀ་ཏཾ་མ་ལ་ཀཱ་ཡ་
ཤཱི་གྷྲཾ་ཀུ་རུ་ཀུ་རུ་ཧཱུཾ་ཧཱུཾ་ཧཱ་ཧཱ། ཞེས་ལན་བདུན་བཟླས། སངས་རྒྱས་ཐམས་ཅད་འདུས་པའི་ངོ་བོ་ཟླ་བ་
ཞུ་ནས་སློབ་མའི་ལུས་ལ་ཐིམ་པར་བསམ་མོ། །དེ་རྣམས་སློབ་མ་སྟ་གོན་ནོ། །
དེ་ནས་དཀྱིལ་འཁོར་གྱི་ཉི་མ་ལ། ནངས་པར་སྔར་ལངས་ཏེ་ཧེ་རུ་ཀའི་ང་རྒྱལ་དང་ལྡན་པས། ཐོད་པའི་ནང་དུ་བཞག་པའི་
11-1-470


ཐིག་སྐུད་ལྔ་སོ་སོའི་ས་བོན་ལས་རྒྱལ་བ་རིགས་ལྔར་བསྐྱེད། མཆོད་བསྟོད་བྱས་ཏེ་བཞུ་ནས། ཐིག་ཆེན་བརྒྱད་གདབ་པའི་དུས་
སུ། འཇིག་རྟེན་ཁམས་ནི་མ་ལུས་པའི། །སངས་རྒྱས་ལ་སོགས་འགྲོ་བའི་དོན། ཁྱེད་ཀྱི་དུས་ནི་
འདི་ཡིན་ནོ། །ཞེས་བརྗོད། ཡེ་ཐིག་དང་ལས་ཐིག་མཐའ་དག་ལེགས་པར་བཏབ་ལ། རྡུལ་ཚོན་ཁ་དོག་སྣ་ལྔ་དང༌། ཐིག་
སྐུད་བཞིན་བྱིན་གྱིས་བརླབས་ནས། འདི་ནི་ཆོས་དབྱིངས་དག་པ་སྟེ། །སེམས་ཅན་ཁམས་ནི་རབ་སྒྲོལ་
བྱེད། །སངས་རྒྱས་ཐོད་པ་རྒྱལ་ཆེན་པོ། །དེ་བཞིན་གཤེགས་པ་ཀུན་ཀྱི་གནས། །ཉེས་པ་ཀུན་
ལས་རྣམ་གྲོལ་བ། །ཚོན་གྱི་ལས་ལ་ཡང་དག་འཇུག །ཅེས་བརྗོད་ཅིང་སློབ་དཔོན་གྱི་ཚོན་ཐོག་མར་དབྱེའོ། །
ཐིག་ཚོན་བྱིན་བརླབ་ཀྱི་ལག་ལེན་ནི། བདེ་མཆོག་སོགས་སྤྱི་དང་འདྲ་ལ། ཐིག་ཚོན་གྱི་མཚན་ཉིད་ཀྱང་ལོགས་སུ་འཆད་པར་
འགྱུར་བས། དེ་དང་དེ་དག་ལས་ཤེས་པར་འགྱུར་བའི་ཕྱིར། འདི་རྒྱས་པར་མ་སྨོས་སོ། །དེ་ལྟར་ན་དཀྱིལ་འཁོར་ཞག་གི་ཆོ་གའོ། །
དེ་ནས་རྒྱན་དང་མཆོད་པ་རྣམས་ཀྱང་བཀྲམ་པར་བྱ་སྟེ། རྣམ་རྒྱལ་བུམ་པ་ལྷོ་སྒོ་དང༌། ལས་བུམ་བྱང་སྒོར་འགོད་པར་བཞེད་
དེ། དཀྱིལ་འཁོར་གྱི་ཞལ་འཇིག་རྟེན་པའི་ལྷ་ལ་བསྟན་པའི་དབང་དུ་བྱས་པའོ། །རྒྱུད་ལས། བ་དན་རྣམ་པ་བརྒྱད་ཀྱིས་བརྒྱན། །
ཞེས་པ་ལྟར། ཕྱོགས་ཀྱི་མདོག་ཅན་གྱི་བ་དན་བརྒྱད་ཀྱང་བཙུགས། གཞན་སྤྱི་དང་འདྲའོ། །སྔོན་འགྲོ་གཏོར་མ་དང༌། གནས་
ཡོ་བྱིན་བརླབ་སྔོན་དུ་བཏང༌། སྐྱབས་འགྲོ་ནས་བདུད་རྩི་མྱང་བའི་བར་སྒྲུབ་ཐབས་ནས་འབྱུང་བར་ལྟར་རྫོགས་པར་སྒོམ། སྤྲོ་ན་
བགེགས་སྦྱང་བ་དང༌། ཏིལ་སྦྱང་དང༌། ཁྲུས་གསོལ་བྱ། བྲིས་པའི་དཀྱིལ་འཁོར། ཨ་མྲྀ་ཏས་བསངས། སྭབྷ་ཝས་སྦྱངས། 
སྟོང་པའི་ངང་ལས་སྔོན་གྱི་སྨོན་ལམ་གྱི༴ ནས། ངོ་མཚར་བར་བྱེད་པའོ། །ཞེས་པའི་བར་གྱི་གཞལ་
ཡས་ཁང་གདན་བཅས་བསྐྱེད། གཞལ་ཡས་ཁང་གི་དབུས་ཀྱི༴ ཞེས་པ་ནས། ཆོས་ཀྱི་དབྱིངས་ཀྱི་ཡེ་ཤེས་
སོ། །དེ་ཡང་དབུས་ཀྱི་གདན་གྱི་སྟེང་དུ། བཅོམ་ལྡན་འདས་དཔལ་ཧེ་རུ་ཀ་སྐུ་མདོག་སྔོན་པོ༴
ནས། རྩེད་འཇོའི་རོལ་པ་ཅན་ནོ། །དཔལ་ཧེ་རུ་ཀའི་ཞལ་ནས་ཧཱུཾ་ཞེས་པའི་སྒྲ་བསྒྲགས་པས། 
རྣལ་འབྱོར་མ་ཉི་ཤུ་རྩ་བཞི་ཡང་སྐད་ཅིག་གིས་གྲུབ་པར་གྱུར་སྟེ། ཐུགས་ཀྱི་འཁོར་ལོའི༴ ནས། 
ཟླ་བའི་རྒྱུ་འབབ་པའོ། །ཞེས་བརྗོད་ཅིང་སྒོམ་སྟེ་དམ་ཚིག་པ་བསྐྱེད་པའོ། །འདི་སྐབས་རིམ་པ་གསལ་བ་ལས། གཙོ་
བོ་ཧཱུཾ་ལས་སྐད་ཅིག་གིས་བསྐྱེད་པར་བཤད་པ་ནི། ཟོར་ཡང་བར་དགོངས་པ་སྟེ་བསྡུ་ན་དེ་ལྟར་རུང་ལ། ཡབ་རྐྱང་དུ་བཤད་པ་ནི་
11-1-471


ཅུང་ཟད་མི་ལེགས་ཤིང༌། ཡང་ན་གཙོ་འཁོར་དུས་གཅིག་ཏུ་བསྐྱེད་ཀྱང་ཤིན་ཏུ་ལེགས་སོ། །བདག་སྐྱེད་ཀྱི་བསྒོམ་པའི་
དཀྱིལ་འཁོར་དང༌། གཟུགས་བརྙན་གྱི་དཀྱིལ་འཁོར་དབྱེར་མེད་དུ་གྱུར། རང་གི་ཐུགས་ཀ་
ནས་སྟ་གོན་གྱི་དཀྱིལ་འཁོར་སྤྲོས་ཏེ་ནམ་མཁར་བཞུགས། ཨརྒྷཾ༴ ནས་ཤཔྟའི་བར་གྱིས་མཆོད། 
རྡོ་རྗེ་དང་ནི༴ སོགས་ཀྱིས་བསྟོད། ཛཿཧཱུཾ་བཾ་ཧོཿ ཞེས་དམ་ཚིག་གི་དཀྱིལ་འཁོར་དང་གཉིས་སུ་
མེད་པར་བསྟིམ། བཅོམ་ལྡན་འདས་ཀྱི་ཐུགས་ཀར་ༀ༴ ནས། དོན་ཡོད་གྲུབ་པས་དབུ་བརྒྱན། 
རང་ཉིད་དཀྱིལ་འཁོར་གྱི་གཙོ་བོའི་ཐུགས་ཀ་ནས་སྤྲུལ་པའི་ལས་ཀྱི་ཧེ་རུ་ཀ་ཕྱག་གཉིས་
པར་གྱུར། སྒྲུབ་མཆོད་ཞག་སྦྲེལ་མ་བྱེད་པའི་དངོས་གཞིའི་ཉི་མ་རྟིང་མ་རྣམས་ལ། སྐབས་འདིར་སྟ་གོན་གྱི་སྐབས་སུ་བཤད་
པ་བཞིན་བུམ་བསྐྱེད་བཟླས་པའི་བར་དུ་བྱའོ། །མཆོད་པ་བྱིན་རླབས་བླ་མེད་སྤྱི་དང་མཐུན་པར་བྱས། དཀྱིལ་འཁོར་དང་བུམ་
པའི་ལྷ་ལ་དུས་གཅིག་ཏུ་མཆོད་པར་བསམ་ལ་མཆོད་པ་འབུལ་བ་ནི། བསྡུ་ན་བདག་བསྐྱེད་དམ་སྟ་གོན་གྱི་སྐབས་སུ་བཤད་པ་
ལྟར་གྱིས་ཆོག་ལ། ཅུང་ཟད་སྤྲོས་པ་ལ་མོས་ན། དྭངས་ཤིང་དྲི་མེད་ཡིད་འོང་བའི། །སྔགས་ཀྱི་ཡོན་ཆབ་
མཆོག་འདི་དག །སོགས་དང༌། ༀ་བུདྡྷ་ཀ་པཱ་ལ། ཛ་ཧཱུཾ་ཁཾ་རཾ་ཨ། དེ་བཞིན་དུ་སྦྱར་ཏེ། ཞབས་བསིལ་
དང༌། པཱ་དྱཾ། འཐོར་ཐུང་དང་པྲོཀྵ་ཎཾ་སྟེ་ཆུ་གསུམ་འབུལ། ༀ་ལྷ་ཡི་མེ་ཏོག་ཤིན་ཏུ་དམར་སོགས་དང༌། ༀ་
བུདྡྷ་ཀ་པཱ་ལི་ནི་མ་ཊ༴ སོགས། ༀ་ཙནྡན་ག་བུར༴ སོགས། ༀ་བུདྡྷ་ཀ་པཱ་ལི་ནི་ཏ་ཊ༴ སོགས་ༀ་
མར་མེའི་འོད་ཟེར་འབར་བ༴ སོགས་ༀ་བུདྡྷ་ཀཱ་པཱ་ལི་ནི་གྲྀཧྞ༴ སོགས། སྣ་ཚོགས་ལྷ་ཡི་དྲི་ཞིམ་
པ་སོགས་དང༌།ༀ་མཧཱ་ཀ་པཱ་ལི༴ སོགས་ༀ་ཁ་དོག་དྲི་དང་༴ སོགས་དང༌། ༀ་བུདྡྷ་ཀ་པཱ་ལི་ནི་གྲྀཧྞ་ནས། 
ཁཱ་ཁཱ་ཧཱུཾ། ༀ་པ་ཊ་ཧ་དང་༴ སོགས་དང༌། ༀ་བཛྲ་ཤཔྟ་ཨཱཿཧཱུཾ། གིས་རོལ་མོ་ཕུལ། གོས་ཟུང་འབུལ་བ་ཡང་
སྤྱི་དང་འདྲ་བ་ལས། སྔགས་ནི། ༀ་མཧཱ་ཀ་པཱ་ལ༴ བཛྲ་དྷརྨ ༴ སོགས་སོ། །གཞན་ཡང་སྤྲོ་ན་ལྷ་མོ་བཅུ་དྲུག་དང༌། 
རིན་ཆེན་བདུན་དང༌། འདོད་ཡོན་ལྔ་ལ་སོགས་པས་མཆོད། དེ་ནས་བསྟོད་པ་ནི། རྡོ་རྗེ་དང་ནི༴ སོགས་དང༌། ཧཱུཾ་ཆོས་
དབྱིངས་རྣམ་དག་དབྱིངས་ལས་བྱུང༌། །གདུག་པ་འདུལ་མཛད་ཁྲོ་བོའི་སྐུ། །མི་བཟད་ཧ་
ཧར་བཞད་པ་ཡི། ཁྲག་འཐུང་སྐུ་ལ་ཕྱག་འཚལ་འདུད། །བདུད་ཀྱི་དཀྱིལ་འཁོར་ཕམ་མཛད་
11-1-472


ཅིང༌། །རྡོ་རྗེ་ཧཱུཾ་མཛད་ཡི་གེ་ཧཱུཾ། །ཆ་ལུགས་དུ་མ་རབ་ཏུ་འཇིགས། །འཇིགས་བྱེད་འཇིགས་
པར་མཛད་ལ་འདུད། །སེང་གེ་འཕྲོག་བྱེད་ཚངས་པའི་གཙོས། །གང་གི་ཞབས་ལ་ཕྱག་
འཚལ་བ། ཁམས་གསུམ་དབང་ཕྱུག་སྲིད་གསུམ་འཇོམས། །དཔའ་བོའི་དབང་ཕྱུག་ཁྱོད་ལ་
འདུད། །གཉུག་མའི་དགའ་མ་ལྷན་ཅིག་སྐྱེས། །བདག་མེད་དོན་གྱི་ཡེ་ཤེས་དངོས། །སེམས་
ཅན་ཀུན་ལ་ཕན་དགྱེས་པ། །སྣ་ཚོགས་བདེ་མ་ལ་ཕྱག་འཚལ། །བསམ་གྱིས་མི་ཁྱབ་པ་ཡི་
ཐུགས། །ཤེས་བྱ་ཀུན་ལ་རབ་གཡོ་བ། །མཁའ་སྤྱོད་རྣལ་འབྱོར་སྐུར་སྟོན་པ། །ཕྲེང་བཟང་
མ་སོགས་ལ་ཕྱག་འཚལ། །ཟག་མེད་བདེ་བ་བཅུད་ཀྱི་ལེན། །ཡེ་ཤེས་བདུད་རྩིས་གང་བ་
ཡིས། །ཐོད་པ་བཞི་པོ་རབ་སྤྲུལ་བ། །མཆོད་པའི་ལྷ་ལ་ཕྱག་འཚལ་འདུད། །གང་གི་གསུང་
དབྱངས་མི་ཟད་པ། །འགྲོ་ཀུན་བསམ་པ་ཇི་བཞིན་འཇུག །ས་སྤྱོད་རྣལ་འབྱོར་མ་ཡི་ཚུལ། །
དགེ་བའི་སྐ་རགས་ཅན་སོགས་འདུད། །ཇི་ལྟ་ཇི་ལྟར་འདུལ་བའི་སྐུ། །སྣ་ཚོགས་སྤྲུལ་པ་
ཐབས་ཀྱི་དོན། །ས་འོག་སྤྱོད་པའི་རྣལ་འབྱོར་མ། །སྒྲོལ་བྱེད་མ་སོགས་ཕྱག་འཚལ་འདུད། །
ཞི་དང་རྒྱས་དང་དབང་དགུག་དང༌། །མངོན་སྤྱོད་འཕྲིན་ལས་སྤྱོད་མཛད་ཅིང༌། །འགྲོ་བའི་
དོན་ལ་གཞོལ་བ་ཡི། །སྒོ་སྐྱོང་རྣམས་ལ་ཕྱག་འཚལ་ལོ། །རྒྱལ་བའི་ཁང་བཟང་ཉམས་
དགའ་བ། །ཨེ་ཡིག་བྷ་ག་ཆོས་ཀྱི་དབྱིངས། །རྒྱན་རྣམས་ཀུན་ཀྱིས་རབ་བརྒྱན་པ། །གཞལ་
མེད་ཁང་ལ་གུས་ཕྱག་འཚལ། །སྣ་ཚོགས་རྡོ་རྗེ་པདྨ་ཉི། །དུར་ཁྲོད་ཆེན་པོའི་རབ་བསྐོར་
ཞིང༌། །རྡོ་རྗེའི་གུར་བཅིངས་ལ་སོགས་པ། །དེ་དག་རྣམས་ལ་ཕྱག་འཚལ་བསྟོད། །ཅེས་པས་
བསྟོད་པར་བྱའོ། །དེ་ནས་རོལ་མོའི་སྒྲ་དང་བཅས་ཏེ། སྙིང་གའི་ཧཱུཾ་ལས་ལྷ་མོ་བརྒྱད་ཅིག་ཅར་སྤྲུལ༴ ཞེས་པ་
ནས། འདི་དག་གིས་ནི་མཆོད་པར་བྱ། །ཞེས་པའི་བར་བརྗོད་ལ། ཡབ་ཡུམ་སྙོམས་པར་ཞུགས་པའི༴
ཞེས་པ་ནས། ༀ་ཨཱཿཧཱུཾ། ལན་གསུམ་བར་སྒྲུབ་ཐབས་ལྟར་ནང་གི་བདུད་རྩི་མྱང་བ་དང༌། ཕྱིའི་བདུད་རྩི་བྱིན་རླབས་རྣམས་བྱ། 
དེ་ནས་ནང་མཆོད་འབུལ་བ་ནི། ཧེ་རུ་ཀ་དཔལ་ཡེ་ཤེས་མཁའ་འགྲོ་མ། །བློ་གྲོས་རིན་ཆེན་གྲུབ་ཐོབ་
11-1-473


ས་ར་ཧ། །ཀླུ་སྒྲུབ་ཤཱ་ཝཱ་རི་དང་མཻ་ཏྲི་པ། །མར་པ་ལོ་ཙཱ་ཚུར་སྟོན་དབང་ངེ་དང༌། །རོ་མཉམ་རྡོ་
རྗེ་རྒྱ་སྟོན་ཡོན་ཏན་གྲགས། ཁམ་པ་ཤཀ་རྡོར་བར་བཏང་ཆོས་ཀྱི་གྲགས། །རྒན་ལྷས་པ་དང་
ཆོས་རྗེ་བསོད་ནམས་འཕེལ། །བག་སྟོན་གཞོན་ཚུལ་མཁས་གྲུབ་བྲག་དཀར་བ། ཁྱུང་ལྷས་
པ་དང་གྲུབ་ཆེན་ཀུན་བློའི་ཞབས། །བླ་ཆེན་གྲགས་རིན་ནམ་མཁའ་ཚུལ་ཁྲིམས་དང༌། །ཟླ་
བ་རྒྱལ་མཚན་ཆོས་ཀྱི་སེང་གེ་དང༌། །ནམ་མཁའ་རིན་ཆེན་རྩ་བའི་བླ་མ་སྟེ། །བརྒྱུད་ལྡན་
བླ་མ་ཀུན་ལ་མཆོད་པ་འབུལ། ༀ་ཨཱཿཧཱུཾ། གཙོ་བོའི་སྙིང་པོའི་མཐར་འབྲུ་གསུམ་བཏགས་པ། ལན་བདུན་གྱིས་
དཀྱིལ་འཁོར་ལྷ་ཚོགས་རྣམས་ལ་འབུལ། མཆོད་པའི་མགྲོན་རྣམས་ལ་འབུལ་ཚུལ་ཡང་བདེ་དགྱེས་སོགས་དང་འདྲ། མཐར་
བདག་ཉིད་ཀྱི་བདུད་རྩི་མྱངས་ནས། ༀ་ཨ་མྲྀ་ཏ་སྭཱ་ད་ན་བཛྲ་སྭ་བྷ་ཝ་ཨཏྨ་ཀོ྅ཧཾ། དེའི་རྗེས་སུ་འཇིག་རྟེན་
དང་འཇིག་རྟེན་ལས་འདས་པའི་གཏོར་མ་འབུལ་ཏེ། སྟ་གོན་གྱི་སྐབས་སུ་བཤད་པ་བཞིན་ནོ། །དེ་དག་ནི་དཀྱིལ་འཁོར་སྒྲུབ་
ཅིང་མཆོད་པའི་ཆོ་གའོ། །དེ་ནས་ཁྲུས་དང་མཎྜལ་སྔོན་དུ་འགྲོ་བས། ཨཱཿཁཾ་ཝཱི་ར་ཧཱུཾ། གྱིས་མིག་དར་བཅིངས་ཤིང་མེ་ཏོག་
བཟུང༌། སངས་རྒྱས་ཀུན་གྱི་རང་བཞིན་སྐུ། །སློབ་དཔོན་ལ་ནི་བདག་སྐྱབས་མཆི། །དཔའ་བོ་
རྣལ་འབྱོར་མ་འཁོར་ལོ། །རྣལ་འབྱོར་གནས་ལ་བདག་ཕྱག་འཚལ། །ཐར་པ་ཆེན་པོའི་གྲོང་
མཆོག་ཏུ། །མགོན་པོས་བདག་ནི་གཞུག་ཏུ་གསོལ། །དོན་དམ་སྨྲ་བའི་སེང་གེ་རྣལ་འབྱོར་
ཞེས་བྱ་བ། །ཉོན་མོངས་གཅོད་པའི་དོན་ལ་ཤིན་ཏུ་མཁས་གྱུར་པ། །སྲིད་པའི་ཉེས་བརྒྱ་སྐྱེད་
རྩ་ཉོན་མོངས་ཆོམས་མཛོད་ལ། །རྣལ་འབྱོར་དོན་དམ་རྒྱལ་པོ་དེ་ཉིད་གྲུབ་པར་མཛོད། །ཅེས་
ལན་གསུམ་གསོལ་བ་གདབ། ཀྱེ་ཁྱོད་སུ་ཡིན། ཞེས་དྲིས་པའི་ལན་དུ། བདག་ནི་རྒྱལ་བའི་སྲས་སོ། །དེ་ནས་
དཀྱིལ་འཁོར་ལ་གསོལ་བ་གདབ་པ་ནི། དེ་བཞིན་གཤེགས་པ་ཀུན་གྱི་གནས། །ཧེ་རུ་ཀ་དཔལ་གྲོང་
ཁྱེར་མཆོག །སྙིང་པོའི་དཀྱིལ་འཁོར་འདི་རུ་ནི། །བདག་གིས་སློབ་མ་གཞུག་པར་བགྱི། །ལན་
གསུམ། ལྷས་གནང་བ་སྦྱིན་པར་མོས། ཛཿཧཱུཾ་བཾ་ཧོཿ ཡོལ་བའི་ནང་དུ་བཅུག་པར་མོས། ༀ་ན་མ་སྟེ་ཧཱུཾ། ན་མོ་མེ་
ཧཱུཾ། ན་མོ་ན་མཿཧཱུཾ། ཞེས་ཐུན་མོང་དུ་ཕྱག་བྱ། ༀ་སརྦ་བཱི་ར་ཡོ་གི་ནཱི་པུ་ཛ་ཨུ་པ་སྠཱ་ན་ཡ་ཨཱཏྨ་ནཾ་ནི་ཏྱ་
11-1-474


ཏ་ཡ་མི། སརྦ་ཏ་ཐཱ་ག་ཏ་ཝཱི་ར་ཡོ་གི་ནཱི་ཨཱཏྨ་སུ་མ་ལ་ཨ་དྷི་ཏིཥྛཱ་སྭ་མཾ། ཞེས་ཤར་སྒོ་དང༌། ༀ་སརྦ་
བཱི་ར་ཡོ་གི་ནཱི་པུ་ཛ་ཨ་བྷི་ཥེ་ཀ་ཡ་ཨཱཏྨ་ནཾ་ནིརྱ་ཏ་ཡ་མི། སརྦ་ཏ་ཐཱ་ག་ཏ་ཝཱི་ར་ཡོ་གི་ནཱི་ཨཱཏྨ་ཀཱ་
མ་ནི་ཨ་བྷི་ཥིཉྩནྟུ་མཾ། ཞེས་བྱང་སྒོ་དང༌། ༀ་སརྦ་བཱི་ར་ཡོ་གི་ནཱི་པུ་ཛ་ཨ་པྲ་ཝརྟ་ནཱ་ཡ་ཨཱཏྨ་ནཾ་ནིརྱ་
ཏ་ཡ་མི། སརྦ་ཏ་ཐཱ་ག་ཏ་ཝཱི་ར་ཡོ་གི་ནཱི། ཨཱཏྨ་བྷི་མ་པྲ་ཝརྟ་ཡ་མཾ། ཞེས་ནུབ་སྒོ་དང༌། ༀ་སརྦ་བཱི་ར་
ཡོ་གི་ནཱི་པུ་ཛ་ཀརྨ་ཎེ་ཨཱཏྨ་ནཾ་ནིརྱ་ཏ་ཡ་མི། སརྦ་ཏ་ཐཱ་ག་ཏ་ཝི་ར་ཝོ་གི་ནཱི་ཨཱཏྨ་ཨརྱ་གརྨ་ཀུ་རུ་
མཾ། ཞེས་ལྷོ་ཕྱོགས་ནས་ཕྱག་འཚལ། སྐབས་འདིར་རིམ་པ་གསལ་བ་ལས། ཐལ་མོ་འགོད་པ་སྤྱི་དང་ཅུང་ཟད་མི་འདྲ་བ་བཤད་
མོད་ཀྱང༌། སྤྱི་དང་མཐུན་པར་སྙིང་ག་སྤྱི་གཙུག་མགྲིན་པ་དཔྲལ་བ་རྣམས་སུ་རིམ་བཞིན་སྦྱར་རོ། །
དེ་ནས་སྡོམ་པ་བསྒྲགས་པ་ནི། སངས་རྒྱས་ཆོས་དང་དགེ་འདུན་ཏེ། །དཀོན་མཆོག་གསུམ་ལ་
སྐྱབས་སུ་སོང༌། །འདི་ནི་སངས་རྒྱས་རིགས་ཡིད་འོང༌། །སྡོམ་པ་བརྟན་པོར་གྱུར་བའོ། །རྡོ་
རྗེ་དྲིལ་བུ་ཕྱག་རྒྱ་ཡང༌། །བློ་ཆེན་ཁྱོད་ཀྱི་བཟུང་བར་བྱ། །བྱང་ཆུབ་སེམས་གང་དེ་རྡོ་རྗེ། །
ཤེས་རབ་དྲིལ་བུ་ཞེས་བསྒྲགས་སོ། །སློབ་དཔོན་ཁྱོད་ཀྱིས་བཟུང་བར་བྱ། །བླ་མ་སངས་
རྒྱས་ཀུན་དང་མཉམ། །འདི་ནི་རྡོ་རྗེའི་རིགས་དག་པའི། །དམ་ཚིག་སྡོམ་པ་ཡིན་པར་བཤད། །
རིན་ཆེན་རིགས་ལ་རྟག་ཏུ་ནི། །ཉིན་རེ་བཞིན་ཡང་ལན་དྲུག་ཏུ། །ཆོས་དང་ཟང་ཟིང་མི་
འཇིགས་བྱམས། །སྦྱིན་པ་རྣམ་བཞི་རྟག་ཏུ་སྦྱིན། །ཕྱི་ནང་གསང་བ་ཐེག་པ་གསུམ། །དམ་
པའི་ཆོས་ནི་མ་ལུས་བཟུང༌། །འདི་ནི་པདྨའི་རིགས་དག་པའི། །དམ་ཚིག་ཡིད་དུ་འོང་བའོ། །
ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་
བཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །དེ་ནས་སྡོམ་པ་བཟུང་བ་ནི། གཙོ་བོས་ཇི་
ལྟར་བཀའ་སྩལ་པ། །དེ་ལྟར་བདག་གིས་བགྱིད་པར་འཚལ། །ལན་གསུམ་མོ། །རང་གི་སྙིང་གར་
ཟླ་བའི་སྟེང་དུ་རྡོ་རྗེ་རྩེ་ལྔ་པ་གནས་པའོ། །མེ་ཏོག་ཕྲེང་བ་དང་བཅས་པའི་རྡོ་རྗེ་ལྔ་པ་སྙིང་གར་བཟུང་ལ། ༀ་
སརྦ་ཡོ་ག་ཙིཏྟ་ཨུ་པ་ཏ་ཡ་མི། ཞེས་སེམས་བསྐྱེད། རྡོ་རྗེ་སྙིང་གར་གཏད། ༀ་སུ་ར་ཏེ་ས་མ་ཡ་སྟཾ་ཧོཿསིདྡྷ་
11-1-475


བཛྲ་ཡ་ཐ་སུ་ཁཾ། ཞེས་སོ། །ༀ་བཛྲ་ཀུཎྜ་ལི་བཛྲ་ཧཱུཾ་ཕཊ། ལས་བུམ་གྱི་ཆུས་བསངས། ཨཱ་ཁཾ་ཝཱི་ར་ཧཱུཾ། 
དཀྱིལ་འཁོར་གྱི་ནང་དུ་ཞུགས་པར་མོས། །དེ་ནས་དམ་ལ་བཞག་པ་ནི། དེང་ཁྱོད་དཔའ་བོ་དང་རྣལ་འབྱོར་མ་
ཐམས་ཅད་ཀྱི་རིགས་སུ་ཞུགས་ཀྱི། ངས་ཁྱོད་ལ་དཔལ་ཧེ་རུ་ཀའི་ཡེ་ཤེས་བསྐྱེད་པར་བྱ་སྟེ། 
ཡེ་ཤེས་གང་གིས་ཁྱོད་དེ་བཞིན་གཤེགས་པ་ཐམས་ཅད་དང་དཔའ་བོ་དང་རྣལ་འབྱོར་མ་
ཐམས་ཅད་ཀྱི་དངོས་གྲུབ་ཀྱང་ཐོབ་པར་འགྱུར་ན། དངོས་གྲུབ་གཞན་རྣམས་ལྟ་ཅི་ཞིག་
སྨོས། ཁྱོད་ཀྱིས་དཀྱིལ་འཁོར་མ་མཐོང་བ་རྣམས་ཀྱི་མདུན་དུ་སྨྲ་བར་མི་བྱ་སྟེ། དམ་ཚིག་
ཉམས་པར་འགྱུར་ཏ་རེ། ཞེས་དང༌། ཧེ་རུ་ཀ་དཔལ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་
གྱུར། །གལ་ཏེ་ཚུལ་འདི་སྨྲས་གྱུར་ན། །དེ་མ་ཐག་ཏུ་དྲལ་ཏེ་གཤེགས། །ཞེས་དང༌། མནའ་ཆུ་འཐུང་
ཞིང༌། འདི་ནི་ཁྱོད་ཀྱི་དམྱལ་བའི་ཆུ། །དམ་ཚིག་འདས་ན་བསྲེག་པར་བྱེད། །དམ་ཚིག་བསྲུང་
ན་དངོས་གྲུབ་ནི། །རྡོ་རྗེ་བདུད་རྩིའི་ཆུ་འདིས་ཐོབ། ༀ་པཉྩ་ཨ་མྲྀ་ཏ་ཨུ་ད་ཀ་ཋ་ཋ་ཋ་ཧཱུཾ། ཞེས་
དང༌། དེ་ནས་བརྩམས་ཏེ་ཁྱོད་ཀྱི་དཔལ་ཧེ་རུ་ཀ་ང་ཡིན་གྱི། གང་ངས་འདི་བྱོས་ཤིག་ཅེས་བསྒོ་
བ་དེ་བྱ་དགོས་སོ། ཁྱོད་ཀྱིས་ང་ལ་བརྙས་པར་ཡང་མ་བྱེད་ཅིག ཁྱོད་མི་བདེ་བ་མ་སྤངས་
པར་དུས་བྱས་ནས་དམྱལ་བར་ལྟུང་བ་འགྱུར་ཏ་རེ། ཞེས་པའོ། །དེ་ནས་ཡེ་ཤེས་དབབ་པ་ནི། དཔའ་བོ་
དང་རྣལ་འབྱོར་མ་ཐམས་ཅད་ཀྱིས་བྱིན་གྱིས་རློབས་ཤིག །དཔལ་ཧེ་རུ་ཀ་དང་རྣལ་འབྱོར་
མ་ཐམས་ཅད་ཀྱི་ཡེ་ཤེས་བདག་ལ་དབབ་ཏུ་གསོལ། །རང་གི་སྙིང་གར་ཉི་མའི་དཀྱིལ་
འཁོར་གྱི་སྟེང་དུ། དཔལ་སངས་རྒྱས་ཐོད་པ་ཡབ་ཡུམ་ཁ་སྦྱོར་གྱི་སྐུ། འོད་ཟེར་དཔག་ཏུ་
མེད་པ་འབར་བ། སྐུ་ཆུང་ལ་ཡན་ལག་དོད་པར་གྱུར། ཡབ་ཡུམ་སྙོམས་པར་ཞུགས་པས་
མཁའ་གསང་བསྐྱོད་པ་ལས་བྱུང་བའི་འོད་ཟེར་དམར་པོས་ལུས་ཀྱི་ནང་ཐམས་ཅད་གང་
བས་ལུས་སེམས་ཐམས་ཅད་བདེ་བས་ཁྱབ། གཙོ་བོའི་ཐུགས་ཀ་ནས་འོད་ཟེར་འཕྲོས། 
དཀྱིལ་འཁོར་གྱི་ལྷ་ཚོགས་དང་སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱི་ཐུགས་ཀ་
11-1-476


ནས། དཔལ་ཧེ་རུ་ཀ་མཁའ་འགྲོ་མའི་ཚོགས་དང་བཅས་པ་སྤྱན་དྲངས་ཏེ། རང་ཉིད་ལ་
གཉིས་སུ་མེད་པར་ཐིམ་པར་གྱུར། ༀ་ཏིཥྛ་མཧཱ་ཀྲོ་དྷ་ཨཱ་བེ་ཤ་ཧཱུཾ། ༀ་ཤྲཱི་ཧེ་རུ་ཀ་བིད་མ་ཧེ་
བིདྱ་རཱ་ཛ་ཡ་དྷཱི་མ་ཧེ་སྭཱཧཱ། ཞེས་རོལ་མོའི་སྒྲ་དང་བཅས་ཏེ་དབབ་བོ། །ༀ་ཏིཥྛ་བཛྲ། ཞེས་སྤྱི་བོར་རྡོ་རྗེ་རྒྱ་གྲམ་
བཞག་སྟེ་བརྟན་པར་མོས། ལྷ་རྣམས་རིགས་ཀྱི་རིམ་པ་བཞིན། །བསོད་ནམས་ཅི་འདྲ་དེ་འདྲར་ཤོག །
འདི་ཡི་དངོས་གྲུབ་ཅི་འདྲར་འགྱུར། །དཀྱིལ་འཁོར་འདིར་ནི་དེ་བཞིན་ཤོག །པྲ་ཏཱིཙྪ་བཛྲ་
ཧོཿ ཞེས་མེ་ཏོག་དང༌། ༀ་པྲ་ཏི་གྲྀཧྞ་ཏྭཾ་ཨེ་མཾ་སཏྭ་མཧཱ་བ་ལ། ཞེས་མེ་ཏོག་རང་གི་སྤྱི་བོར་བཞག །རང་གི་ལས་
དང་རྗེས་སུ་མཐུན་པར་ནམ་མཁའི་ཁ་དོག་མཐོང་བར་མོས། སློབ་མ་དབང་བསྐུར་གྱི་དུས། སྐབས་འདིར་ནམ་མཁའི་ཁ་དོག་
བརྟག ཧེ་རུ་ཀ་དཔལ་དེང་ཁྱོད་ཀྱི། །མིག་འབྱེད་པ་ནི་བརྩོན་པར་མཛད། །ཕྱེ་བས་ཐམས་ཅད་
མཐོང་བར་ཡང༌། །རྡོ་རྗེའི་མིག་ནི་བླ་ན་མེད། བཛྲ་ནཻ་ཏྲ་ཨ་པ་ཧ་ར་པ་ཊ་ལཾ་ཧྲཱིཿ ཞེས་མིག་དར་ཕྱེ། 
དཀྱིལ་འཁོར་བཟང་པོ་འདི་ལ་ལྟོས། །ད་ནི་དང་བ་རབ་ཏུ་སྐྱེ། ཁྱོད་ནི་རྣལ་འབྱོར་མ་རིགས་
སྐྱེས། །སྔགས་དང་ཕྱག་རྒྱས་བྱིན་གྱིས་བརླབས། །འགྲོ་བ་ཕུན་སུམ་ཚོགས་ཀུན་དང༌། །
དངོས་གྲུབ་ཀུན་ཁྱོད་མངོན་དུ་གྱུར། །དམ་ཚིག་ཐམས་ཅད་བསྐྱང་བ་དང༌། །སྔགས་རྣམས་
ལ་ཡང་བརྩོན་པར་གྱིས། །ཞེས་ལྟ་བར་བསྐུལ། རྟེན་དང་བརྟེན་པར་བཅས་པའི་དཀྱིལ་འཁོར་
ཐམས་ཅད་མངོན་སུམ་བཞིན་དུ་གསལ་བར་གྱུར། ཞེས་བརྗོད། སློབ་མ་དབང་བསྐུར་གྱི་སྐབས་སུ། སྐབས་
འདིར་མངོན་རྟོགས་ལྟར་ལྷ་ངོ་བསྟན་ནོ། །སྣ་ཚོགས་པདྨའི་གདན་སྟེང་ནས། །གཉིས་སུ་མེད་པས་
ལེགས་པར་འཁྱུད། །དངོས་པོ་ཀུན་གྱི་རང་བཞིན་ཅན། །དངོས་གྲུབ་མ་ལུས་སྩོལ་བ་པོ། 
ཁྲག་འཐུང་ཆེ་ལ་བུ་ཁྱོད་ལྟོས། །སྣ་ཚོགས་བདེ་མས་གཙོར་མཛད་པའི། །ཕྲེང་བཟང་མ་
སོགས་ལྷ་མོ་ལྔ། །ཐོད་པ་བཞི་པོར་བཅས་པ་ཡི། །རབ་ཟབ་ཐུགས་ཀྱི་འཁོར་ལོ་དང༌། །དགེ་
བའི་སྐེ་རགས་ཅན་ལ་སོགས། གསུང་གི་རྣམ་དག་འཁོར་ལོ་དང༌། །སྒྲོལ་བྱེད་མཁའ་འགྲོ་མ་
ལ་སོགས། །རྣམ་དག་སྐུ་ཡི་འཁོར་ལོ་སྟེ། །རབ་དང་འབྲིང་དང་ཐ་མ་ཅན། །མཛེས་སྡུག་ལ་
11-1-477


སོགས་ལྷ་མོ་བཞི། །གཟུགས་སོགས་དག་པའི་བདག་ཉིད་འགྱུར། །ལྷ་རྣམས་དེ་ཉིད་མཚན་
མ་ཡིན། །ཞེས་བརྗོད། དེ་རྣམས་ནི་འཇུག་པའི་ཆོ་གའོ། །དེ་ནས་དབང་དངོས་ནི་བུམ་དབང་གི་དོན་དུ་མཎྜལ་ཕུལ་ལ། ཧེ་
རུ་ཀ་དཔལ་དབང་བསྐུར་བ། །འགྲོ་བ་སྐྱོབ་པའི་གཟི་བརྗིད་ཅན། །ཇི་ལྟར་ཡོན་ཏན་འབྱུང་
གནས་སྩལ། །དེ་བཞིན་བདག་ལ་དེང་སྩོལ་ཅིག །དཔའ་བོ་ཆེན་པོ་མི་བཟློག་པའི། །དབང་
བསྐུར་བ་ནི་བདག་ལ་སྩོལ། །སེམས་ཅན་ཀུན་ཀྱི་དོན་གྱི་ཕྱིར། །བདག་ནི་རྟག་ཏུ་སློབ་དཔོན་
གྱུར། །ལན་གསུམ་གྱིས་གསོལ་བ་བཏབ། དཀྱིལ་འཁོར་གྱི་ཤར་སྒོའི་ཕྱོགས་སུ་དབང་སྟེགས་སེང་ཁྲི་
པདྨ་གདན་ནང་ཚངས་ཅན་བརྩེགས་པའི་སྟེང་དུ། བདག་ཉིད་དཔལ་ཧེ་རུ་ཀ་ཞལ་གཅིག་
ཕྱག་བཞི་པ། སྐུ་མདོག་སྔོན་པོ་ཌཱ་མ་རུ་ཁ་ཊྭཱཾ་ག་གྲི་གུག་ཐོད་པ་འཛིན་པ་མཚན་ཉིད་ཐམས་
ཅད་ཡོངས་སུ་རྫོགས་པའི་སྐུར་གྱུར། སྟེང་དུ་གདུགས་དང་མཐའ་སྐོར་དུ་མཆོད་པའི་ཚོགས་
ཀྱིས་ཡོངས་སུ་གང་བར་བྱས། དེ་ནས་དཀྱིལ་འཁོར་གྱི་གཙོ་བོའི་ལྟེ་བར་གཏུམ་མོ་འབར་
བས། ཞེས་པ་ནས། མེ་ཏོག་ལ་སོགས་པའི་ཆར་ཕབ་ཅིང༌། དབང་བསྐུར་བར་མཛད་དོ། །ཞེས་
བརྗོད། ཡུངས་ཀར་གྱིས་བྲབ་ཅིང་གཙོ་བོའི་སྔགས་བརྗོད། རྣམ་རྒྱལ་བུམ་པ་བཏེག་སྟེ་མེ་ཏོག་འཐོར་ཞིང༌། ༀ་ཕུན་སུམ་
ཚོགས་པ་མངའ་བ། སོགས་ཀྱིས་ཤིས་པ་བརྗོད་ཅིང་རོལ་ཆེན་བྱའོ། །དེ་ནས། དབང་བསྐུར་རྡོ་རྗེ་ཆེན་པོ་ནི། 
ཁམས་གསུམ་ཀུན་གྱིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་
བྱུང་བ་སྦྱིན་པར་བྱ། །ༀ་ཧེ་རུ་ཀ་ཝཱི་ར་ཏྭཾ་ཨ་བྷི་ཥིཉྩ། ཞེས་བུམ་པའི་ཆུས་དབང་བསྐུར་ཏེ། 
རིག་པའི་ལྷ་མོ་རྫུ་འཕྲུལ་ཅན་རྣམས་ཀྱིས་དབང་བསྐུར་བར་གྱུར། དབུ་རྒྱན་བསངས་སྦྱངས། སྟོང་
པའི་ངང་ལས། ཧཱུཾ་ༀ་སྭཱ་ཧྲཱིཿཁཾ་རྣམས་ལས་བྱུང་བའི་དབུ་རྒྱན་དར་དཔྱངས་དང་བཅས་པ། དེ་
བཞིན་གཤེགས་པ་རིགས་ལྔའི་ངོ་བོ། རིགས་ལྔའི་སྐུ་གཟུགས་ཀྱིས་མཚན་པར་གྱུར། དབུ་རྒྱན་
དང་དར་དཔྱངས་བཅིངས་ལ། ཐོར་ཚུགས་ཅོད་པན་གྱིས་བརྒྱན་པ། །སངས་རྒྱས་ཀུན་གྱིས་རབ་
བསྔགས་པའི། །རིན་ཆེན་དབུ་རྒྱན་དམ་པ་དང༌། །དར་དཔྱངས་དབང་བསྐུར་སྦྱིན་པར་བྱ། །
11-1-478


ༀ་པ་ཊ་ཀ་བཛྲ་ཨ་ར་ལི་ཧོ། དེ་ནས་རྡོ་རྗེ་རྩེ་དགུ་པ་བསངས་སྦྱངས། སྟོང་པའི་ངང་ལས་ཧཱུཾ་ལས་དཔལ་
རྡོ་རྗེ་སེམས་དཔའ་དཀར་པོ་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། དེ་ཉིད་ཞུ་བ་
ལས་བྱུང་བའི་སངས་རྒྱས་ཐམས་ཅད་ཀྱི་ཐུགས་ཀྱི་ངོ་བོར་རྡོ་རྗེར་གྱུར། སངས་རྒྱས་ཀུན་གྱི་
རྡོ་རྗེ་ཡི། །དབང་གིས་དེ་རིང་ཁྱོད་དབང་བསྐུར། །སངས་རྒྱས་ཀུན་ཏུ་རབ་བསྒྲུབ་ཕྱིར། །རྡོ་
རྗེ་འདི་ནི་ཁྱོད་ཀྱིས་ལོངས༌། །ༀ་བཛྲ་ཨ་དྷི་པ་ཏི་ཏྭཾ། ཨ་བྷི་ཥིཉྩ་མཾ། རྡོ་རྗེ་གསོར་ཞིང་སྙིང་གར་གཏད་
ལ། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་དུ་བཟང་
པོ་ཀུན་བདག་ཉིད། །རྡོ་རྗེ་སྙེམས་ཚུལ་བདག་པོའི་བདག །ཅེས་རྡོ་རྗེའི་དེ་ཁོ་ན་ཉིད་བསམ། དྲིལ་བུ་
བསངས་སྦྱངས། སྟོང་པའི་ངང་ལས་ཤེས་རབ་ཀྱི་ཕ་རོལ་དུ་ཕྱིན་མ་དཀར་མོ་གྲི་གུག་དང་ཐོད་པ་
འཛིན་པ། རང་སྣང་པའི་ཐབས་ཀྱིས་འཁྱུད་པ། དེ་ཞུ་བ་ལས་བྱུང་བའི་རྩེ་དགུ་པས་མཚན་
པའི་དྲིལ་བུར་གྱུར། འདི་ནི་རྣལ་འབྱོར་མ་ཀུན་གྱི། །ཤེས་རབ་དབྱངས་ཀྱི་རྗེས་འགྲོར་
བཤད། ཁྱོད་ཀྱིས་ཀྱང་ནི་རྟག་ཏུ་བཅིངས། །བྱང་ཆུབ་མཆོག་ཏུ་རྒྱལ་བ་བཞེད། །ༀ་ཤྲི་ཧེ་རུ་
ཀ་ཨ་དྷི་པ་ཏི་ཏྭཾ། ཨ་བྷི་ཥིཉྩ་ཏིཥྛ་བཱི་ར་ས་མ་ཡ་ཏྭཾ། དྲིལ་བུ་ལན་བརྒྱད་དུ་དཀྲོལ་ལ་དཀུར་བསྟེན། སྲིད་པ་
ངོ་བོ་ཉིད་ཀྱིས་དག །ངོ་བོ་ཉིད་ཀྱིས་དངོས་མེད་བྱས། །རང་བཞིན་དག་པའི་སེམས་དཔའ་
མཆོག །སྲིད་པ་དམ་པ་བྱེད་པར་ཤོག །ཅེས་དྲིལ་བུའི་དེ་ཁོ་ན་ཉིད་དྲན་པར་བྱའོ། །དེ་ལ་རིམ་པ་གསལ་བ་ལས། 
རྡོ་རྗེ་ཆེན་པོ་རྩེ་དགུ་པ། །དེ་ཉིད་ལྡན་པས་བྱིན་བརླབས་ནས། །ཞེས་འབྱུང་བ་ནི། རྡོ་རྗེའི་དེ་ཁོ་ན་ཉིད། །བྱང་ཆུབ་
སེམས་གང་དེ་རྡོ་རྗེ། །ཞེས་སོགས་དྲན་པ་ཡིན་གྱི། ལྷ་ཉི་ཤུ་རྩ་བདུན་གྱི་དེ་ཉིད་དྲན་པ་ལ་སོགས་པ་ནི་མ་ཡིན་ནོ། །དེས་
ན། འདིར་རྡོ་རྗེ་དང་དྲིལ་བུ་རྡོར་སེམས་ཡབ་ཡུམ་དུ་བསྐྱེད། ཡབ་རྡོ་རྗེ་དང་ཡུམ་དྲིལ་བུར་བསྒྱུར་ནས། དབང་དེ་ཉིད་རིམ་ཅན་
དུ་བསྐུར་ཡང་ལེགས་པར་འགྱུར་ཏེ། རིམ་པ་གསལ་བའི་བཞེད་པ་ཡང་དེ་ཡིན་ནོ། །རྡོར་དྲིལ་སྙིང་གར་འཁྱུད་རྒྱ་བྱས་ལ། 
བདག་ཉིད་དཔལ་ཧེ་རུ་ཀ་ཡུམ་སྣ་ཚོགས་བདེ་མས་འཁྱུད་པ། ཐུགས་རྒྱུད་བདེ་བ་ཆེན་པོས་
གང་བར་གྱུར། རྡོ་རྗེ་དྲིལ་བུ་ཡང་དག་འཁྱུད། །གཡོན་སྙེམས་པ་དང་སྒྲོས་སྣོན་འཆང༌། །
11-1-479


གཉིས་མེད་གཉིས་མེད་རྣལ་འབྱོར་ཏེ། །ཕྱག་རྒྱ་ཆེན་པོར་བྱིན་གྱིས་བརླབས། །ཞེས་ཕྱག་རྒྱ་
སྐུའི་དམ་ཚིག་དྲན་པར་བྱའོ། །དཀྱིལ་འཁོར་གྱི་གཙོ་བོའི་ཐུགས་ཀ་ནས་སྔགས་ཀྱི་ཕྲེང་བ་བྱུང༌། 
ཞལ་ནས་ཐོན། རང་གི་ཁ་སྒོ་ནས་ཞུགས། སྙིང་གའི་ཧཱུཾ་ལ་ཐིམ། སྙིང་པོ་ལན་གསུམ་བརྗོད། བཅོམ་
ལྡན་བདག་ལ་སྩལ་ལགས་ཀྱི། །བདག་ལ་འགོ་བར་མཛད་དུ་གསོལ། །ལན་གསུམ། བཅོམ་
ལྡན་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། །སྔགས་ཀྱི་དངོས་གྲུབ་
སྩལ་དུ་གསོལ། །བརྟུལ་ཞུགས་བརྟན་པར་མཛད་དུ་གསོལ། །འདིར་གཞུང་ལས། བྱིན་བརླབ་ཆེ་ལྡན་
སྔགས་ཀྱིས་ནི། །སྔགས་ཀྱི་དབང་བསྐུར་སྦྱིན་པར་བྱ། །ཞེས་འབྱུང་བ་ནི། སྔགས་དབང་སྟེར་དགོས་པའི་དོན་ཡིན་གྱི། ཚིག་དེ་
བརྗོད་དགོས་པའི་དོན་མ་ཡིན་ནོ། །དེ་ནས་དཔལ་ཧེ་རུ་ཀ་ཡབ་ཡུམ་གྱི་ངོ་བོ་རྡོ་རྗེ་དྲིལ་བུ་སྤྱི་བོར་
བཞག་པས་ལུས་འོད་ཀྱིས་གང་བར་བསམ་ལ། ༀ་ཤྲཱི་ཧེ་རུ་ཀ་ཨ་དྷི་པ་ཏི་ཏྭཾ། ཨ་བྷི་ཥིཉྩ་མཾ། ཤྲཱི་
ཧེ་རུ་ཀ་ནཱ་མ་ཨ་བྷི་ཥེ་ཀ་ཏ། ཀྱེ་དཔལ༴ ཞེས་གསང་མཚན་དྲན་པར་བྱ། མིང་གི་དབང་ངོ༌། །དེ་ལྟར་དབང་
དེ་རྣམས་བསྐུར་བས། ཉོན་མོངས་པ་ལྔ་དག །ཕུང་པོ་ལྔ་གནས་གྱུར། ཡེ་ཤེས་ལྔ་མངོན་དུ་
བྱའོ། །སངས་རྒྱས་ལྔའི་འཕྲིན་ལས་བསྒྲུབ་པ་ལ་དབང་ངོ༌། །བདག་ཉིད་རྡོ་རྗེ་སེམས་དཔའ་
སྐུ་མདོག་དཀར་པོ་རྡོ་རྗེ་དང་དྲིལ་བུ་འཛིན་པར་གྱུར། རྡོ་རྗེ་སེམས་དཔའི་ངོ་བོ་རྡོ་རྗེ་ལག་ཏུ་གཏོད་ལ། 
འདི་དེ་སངས་རྒྱས་ཐམས་ཅད་དེ། །ཧེ་རུ་ཀ་དཔལ་ཕྱག་ན་འདུག ཁྱོད་ཀྱི་ཀྱང་ནི་རྟག་ཏུ་
བཅང༌། །ཧེ་རུ་ཀ་དཔལ་བརྟུལ་ཞུགས་བརྟན། །ༀ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ། །ཏིཥྛ་
ཨེ་ཥ་ཏྭཾ། དྷ་ར་ཡཱ་མི་ཧཱུཾ། ཧ་ཧ་ཧ་ཧོཿ རྡོ་རྗེ་བརྟུལ་ཞུགས་སོ། །རང་ཉིད་སངས་རྒྱས་ཐོད་པ་ཧེ་རུ་ཀའི་
སྐུར་གྱུར། ཧཱུཾ་ལས་བྱུང་བའི་ཕྱག་མཚན་རྣམས་གཏད། ཧེ་རུ་ཀ་དཔལ་ཁ་ཊྭཱཾ་ག །རྣལ་འབྱོར་
མ་ནི་ཌཱ་མ་རུ། །རྡོ་རྗེ་ཁ་ཊྭཱཾ་རྡོ་རྗེར་བཅས། །དྲིལ་བུ་སིལ་སིལ་སྒྲ་སྒྲོག་ཅིང༌། །ཚངས་པའི་
སྐུད་ཐོགས་རྣལ་འབྱོར་བདག ཁ་ཊྭཱཾ་ག་དང་རྣལ་འབྱོར་སྣོད། །དཔའ་བོ་ཆེན་པོས་བླང་བར་
བགྱི། །སྤྱོད་པའི་བརྟུལ་ཞུགས་སོ། །དེ་ནས་དབང་གི་ལྷ་རྣམས་གཙོ་བོའི་ཐུགས་ཀའི་རྩ་བརྒྱད་ལ་
11-1-480


ཐིམ། སྤྲོས་པ་ལ་དགའ་ན་ཆུ་དབང་ནས་འདིའི་བར་དབང་རྫས་ལ་གནས་གསུམ་བྱིན་རླབས། ཡེ་ཤེས་སྤྱན་འདྲེན། དབང་
བསྐུར་རྒྱས་གདབ་རྣམས་བྱེད་པ་དང༌། དབང་ལྔ་ལ་སློབ་མའི་མཆོད་པ་དང༌། རྟོགས་སྐྱེད་སོགས། སྤྱི་དང་མཐུན་པ་དང༌། བར་
འདིར་ལྷ་མཆོད་པ་དང༌། མིག་ཐུར་སོགས་རྗེས་གནང་རྒྱས་པའང་བྱས་པས་ཆོག་གོ །འོན་ཀྱང་སྤྲོས་པ་ཙམ་དུ་རིག་པར་བྱའོ། །
ཞི་དང་རྒྱས་དང་དབང་དང་དགུག །སྡང་དང་དབྱེ་དང་མནན་ལ་སོགས། །བསད་དང་
བསྐྲད་པ་ཐམས་ཅད་སྟེ། །ལས་དེ་རྣམས་ནི་བསྒྲུབ་པར་བགྱི། །རལ་གྲི་མིག་སྨན་ས་འོག་
དང༌། །མཆིལ་ལྷམ་དེ་བཞིན་རིལ་བུ་སྟེ། །རྣལ་འབྱོར་མ་ཡི་དངོས་གྲུབ་ནི། །དེ་ནི་ཅི་དགར་
བསྒུབ་པར་བགྱི། །རྗེས་གནང་ངོ༌། །དེ་ནས་ལུང་བསྟན་ནི། ཧེ་རུ་ཀ་དཔལ་ལུང་སྟོན་བཞིན། །མགྲིན་
གཅིག་ཏུ་ནི་ཐམས་ཅད་ཀྱི། །འདི་ལྟར་ང་ཡིས་ལུང་བསྟན་ཏེ། །ཧེ་རུ་ཀ་དཔལ་དེ་བཞིན་
གཤེགས། །དངོས་པོ་མཆོག་ཏུ་གྲུབ་པའི་ཕྱིར། །སྲིད་པའི་ངན་འགྲོ་རྣམས་ལས་བཏོན། །ཤྲཱི་
ཧེ་རུ་ཀ་ནཱ་མ། ཏ་ཐཱ་ག་ཏ་ཏིཥྛ་སིདྡྷི་ས་མ་ཡ་ཏྭཾ། བྷུ་ར་བྷུཿཝ་སྭཿ གསང་མཚན་དྲན་པར་བྱ་སྟེ། ལུང་བསྟན་
ནོ། །མཆོག་ཏུ་གསང་བའི་དཀྱིལ་འཁོར་འདིར། །ཞུགས་པ་དང་ནི་མཐོང་བས་ཀྱང༌། །སྡིག་པ་
ཀུན་ལས་ངེས་གྲོལ་ཏེ། །དེ་རིང་ཁྱོད་རྣམས་བདེ་བར་གནས། །དབང་འདི་བསྐུར་བ་ཙམ་
གྱིས་ནི། །སློབ་མ་ཡོན་ཏན་བདག་པོར་འགྱུར། །སློབ་དཔོན་ཉིད་ཀྱང་བདེ་བ་ཡི། །བརྟན་
གཡོ་ཀུན་གྱི་དམ་ཚིག་ཡིན། །ནངས་པར་སྔར་ལངས་སེམས་དག་ཉིད། །མ་ལུས་ལས་ནི་
བྱས་ནས་ཀྱང༌། །སྲུང་དང་བཟའ་བ་ལ་སོགས་པ། །སྡོམ་པའི་བདག་ཉིད་ཀྱིས་བསྲུང་ངོ༌། །
ལུས་དང་སྲོག་ལ་ལྟོས་མེད་པར། །དམ་ཚིག་དང་ནི་སྡོམ་པ་བསྲུང༌། །ཉིན་དང་མཚན་མོ་
ལན་གསུམ་དུ། །ཉིན་རེ་བཞིན་ཡང་བཟླ་བར་བྱ། །གང་ཚེ་ཉམས་གྱུར་རྣལ་འབྱོར་པ། ཁ་ན་
མ་ཐོ་སྦོམ་པོར་འགྱུར། །དགུན་ཟླ་འབྲིང་པོ་ནས་བརྩམས་ཏེ། །ཟླ་བ་རེ་རེ་བསྲུང་བ་ནི། །
གཉིས་མེད་གཉིས་མེད་འཁོར་ལོ་གནས། །ཚེས་བཅུ་ལ་ནི་དེ་རབ་མཆོད། །ཆང་དང་ཤ་
སོགས་གང་ཅིའང་རུང༌། །དཔའ་བོ་རྣལ་འབྱོར་མ་ཡི་ཚོགས། །ཐམས་ཅད་གཉིས་མེད་དབང་
11-1-481


ན་གནས། །ཧེ་རུ་ཀ་དཔལ་རབ་ཏུ་མཆོད། །ཐེག་པ་དམན་ལ་འདོད་མི་བྱ། །སེམས་ཅན་ལ་
ཡང་རྒྱབ་མི་ཕྱོགས། །འཁོར་བ་དག་ཀྱང་མི་སྤོང་ཞིང༌། །མྱ་ངན་འདས་ལ་དགར་མི་རུང༌། །
དཔའ་བོ་རྣལ་འབྱོར་མ་ཀུན་ལ། ཁྱོད་ཀྱིས་བརྙས་པར་མི་བྱ་སྟེ། །ཕྱག་རྒྱ་གཞོམ་པ་མཚོན་
ཆ་དང༌། །མཚན་མ་འགོད་པར་མི་བགྱིད་དོ། །དམ་ཚིག་རབ་བསྲུང་བསོད་ནམས་ཀྱིས། །ཚེ་
འདི་ཉིད་ལ་འགྲུབ་པར་འགྱུར། །བུད་མེད་ཐམས་ཅད་མཐོང་བ་ན། །གཡོན་ནས་ལན་
གསུམ་བསྐོར་བྱ་ཞིང༌། །སྤྱི་བོས་ཕྱག་ནི་བྱས་ནས་ཀྱང༌། །ལན་གསུམ་བར་དུ་གསོལ་བ་
གདབ། །བདག་བུ་ཁྱོད་ཉིད་མ་ཡིན་ཏེ། །ཇི་སྲིད་བྱང་ཆུབ་འབྱུང་བར་དུ། །བྱང་ཆུབ་ཡན་
ལག་ནུ་མ་ལས། །བྱུང་བའི་རང་གི་འོ་མས་སྐྱོངས། །གཉིས་མེད་ཡེ་ཤེས་དཔྱོད་ལྡན་པར། །
བསླབ་པ་བླངས་པ་སྔོན་འགྲོ་བས། །སྒྲ་སོགས་སྟོང་པ་སྔོན་འགྲོ་བའི། །ཚངས་པར་སྤྱོད་པ་
ཤིན་ཏུ་སྲུངས། །དམ་ཚིག་དེ་ལ་རྟག་གནས་ཏེ། །དེ་སྔོན་འགྲོ་བ་སྦས་པའི་ཡིད། །སྤྱོད་དང་
གྲོལ་བའི་གནས་འདོད་པའི། །ཡིད་ལ་འདོད་པ་ཀུན་འགྲུབ་འགྱུར། །ཞེས་དཀྱིལ་འཁོར་གྱི་བདག་
པོས་གསུངས་པར་བསམ་ཤིང༌། གཙོ་བོས་ཇི་ལྟར་བཀའ་སྩལ་པ། །དེ་ལྟར་བདག་གིས་བགྱིད་པར་
འཚལ། །ལན་གསུམ་གྱིས་ཁས་བླང་ངོ༌། །དེ་ལྟར་བུམ་པའི་དབང་ཐོབ་པས། །བསྐྱེད་རིམ་འཕྲིན་
ལས་ཀུན་ལ་དབང༌། །ཕྱིར་མི་ལྡོག་པའི་ས་ཐོབ་ཅིང༌། །སྤྲུལ་སྐུའི་གོ་འཕང་མངོན་དུ་འགྱུར། །
གསང་བའི་དབང་གི་དོན་དུ་མཎྜལ་ཕུལ། བདག་ནི་འཁོར་བའི་འདམ་དུ་བྱིང༌། །དཔུང་གཉེན་མཛོད་
ཅིག་སྐྱོབ་པ་པོ། །བདག་ནི་སྐལ་དམན་རྩོལ་བ་ཆུང༌། །སངས་རྒྱས་ཆོས་དང་རྣམ་བྲལ་བས། །
ཀྱཻ་སྟོན་པ་བླ་མ་ཆེ། །མགོན་པོ་ཁྱོད་ཀྱིས་བརྩེ་བར་མཛོད། །ཅེས་ལན་གསུམ། དེ་ནས། ༀ་ཧེ་རུ་ཀ་
ཝཱི་ར་ཏྭཾ། བཛྲ་ཨ་བྷི་ཥིཉྩ། ཞེས་ཆུ་དབང་དང༌། ༀ་པ་ཊཾ་ཀ་བཛྲ་ཨཱ་ར་ལི་ཧོཿ ཞེས་དབུ་རྒྱན་དང༌། ༀ་བཛྲ་
ཨ་དྷཱི་པ་དྷི་ཏྭཾ་ཨ་བྷི་ཥིཉྩ་མི། ཞེས་རྡོ་རྗེ་དང༌། ༀ་ཤྲཱི་ཧེ་རུ་ཀ་ཨ་དྷི་པ་དྷི་ཏྭཾ། ཨ་བྷི་ཥིཉྩ་ཏིཥྛ་བཱི་ར་ས་
མ་ཡ་ཏྭཾ། ཞེས་དྲིལ་བུ་དང༌། ༀ་ཤྲཱི་ཧེ་རུ་ཀ་ཨ་དྷི་པ་དྷི་ཏྭཾ། ཨ་བྷི་ཥིཉྩ་མི། ཤྲཱི་ཧེ་རུ་ཀ་ནཱ་མ་ཨ་བྷི་ཥེ་
11-1-482


ཀ་ཏ། ཞེས་མིང་གི་དབང་བསྐུར་རོ། །འདིར་དེ་ཙམ་གྱིས་དོན་འགྲུབ་པར་མཐོང་བས། ཟོར་ཡང་པའི་དབང་དུ་བྱས་ལ། གཞུང་
ལས། སྔར་གསུངས་ཆོ་ག་བཞིན་དུ་ནི། །ཆུ་སོགས་དབང་རྣམས་བསྐུར་བར་བྱ། །ཅེས་སྔགས་དབང་མ་གཏོགས་གོང་བཞིན་
བསྐུར་བར་བཤད་པ་ཡིན་ཏེ། སྤྲོས་པ་ལ་དགའ་ན་དེ་ལྟར་བྱའོ། །སྒྱུ་ཐོད་ཀྱི་དཀྱིལ་ཆོག་རིམ་པ་གསལ་བ་གཉིས་ཀྱི་ལུགས་ལ། 
སྐབས་འདིར་འདི་ལྟ་བུ་བཤད་ཀྱི། རྒྱུད་དང་དཀྱིལ་ཆོག་གཞན་ཕལ་ཆེར་ལས་མི་འབྱུང་བས། མི་སྤྲོ་ན་མ་བྱས་ཀྱང་ཆོག་གོ །ཨཱ་
ཁཾ་བཱི་ར་ཧཱུཾ་གིས་གདོང་གཡོགས། ཡིད་ཀྱི་ལུས་ནི་བརྟན་པའི་ཕྱིར། །ཕྱག་རྒྱའི་དམ་ཚིག་རབ་ཏུ་
བརྗོད། །གང་གི་ལུས་ནི་ཐམས་ཅད་བརྟན། །དེས་ན་ཕྱག་རྒྱར་རབ་ཏུ་བསྒྲགས། །བླ་མ་ཧེ་རུ་
ཀ་ཡབ་ཡུམ་སྙོམས་པར་ཞུགས་པའི་དགའ་བའི་སྒྲས་ཕྱོགས་བཅུའི་སངས་རྒྱས་སྲས་དང་
བཅས་པ་ཐམས་ཅད་སྤྱན་དྲངས། ཡབ་ཡུམ་གྱི་སྐུ་ལ་ཞུགས། ཐུགས་ཀར་བྱང་ཆུབ་ཀྱི་སེམས་
སུ་ཞུགས། གསང་བར་ལྷན་ཅིག་སྐྱེས་པའི་ཡེ་ཤེས་བརྟན་པར་བྱས་པའི་བྱང་ཆུབ་ཀྱི་སེམས་
བདག་གི་ལྕེ་ཐོག་ཏུ་བཞག །འདས་པའི་རྡོ་རྗེ་འཆང་སོགས་ཀྱི། །ཇི་ལྟར་སངས་རྒྱས་སྲས་
དབང་བསྐུར། །བྱང་ཆུབ་སེམས་ནི་བཟང་པོ་ཡིས། །དེ་ལྟར་བུ་ཁྱོད་དབང་བསྐུར་རོ། །སྙིང་
པོའི་མཐར། ༀ་ཨཱཿཧཱུཾ། ཞེས་བརྗོད། བདུད་རྩི་མྱངས། ཨ་ཏི་སུ་ཁཾ། ཞེས་བརྗོད། གདོང་གཡོགས་བསལ། དེ་ལྟར་
གསང་བའི་དབང་ཐོབ་པས། །སྔགས་བཟླས་རླུང་སོགས་སྒོམ་ལ་དབང༌། །ས་བཅུ་པ་དང་
སྐལ་བ་མཉམ། །ལོངས་སྐུའི་གོ་འཕང་མངོན་དུ་འགྱུར། །ཤེས་རབ་ཡེ་ཤེས་ཀྱི་དབང་གི་དོན་དུ་མཎྜལ་
ཕུལ། བདག་ནི་འཁོར་བའི་འདམ་དུ་བྱིང༌། །རྣམ་རྟོག་མང་དང་བདག་ལྡན་པས། །བག་ཆགས་
ཡང་དག་བཅད་པ་ཡི། །མཛེས་མ་ཁྱོད་ཀྱིས་སྐྱོབ་པར་མཛོད། །གྲགས་པ་ཆེན་པོ་སྙིང་རྗེ་ཆེ། །
ལྷ་མོ་དེས་ནི་ཞི་བར་མཛོད། །ཅེས་ལན་གསུམ། སློབ་དཔོན་དཀྱིལ་འཁོར་གྱི་གཙོ་བོ་ཧེ་རུ་ཀ་
ཡབ་ཡུམ་སྙོམས་པར་ཞུགས་པའི་རྗེས་ཆགས་ཀྱི་རྐྱེན་གྱིས། ལྟེ་བར་གཏུམ་མོ་སྦར་བས་བདེ་
བ༴ ཞེས་པ་ནས། གསུང་བཞིན་པར་གྱུར། ཀྱཻ་ཨཱ་ཧོཿ དཔེར་ན་བུ་ཚ་མེད་པའི་ཁྱིམ། །ཤི་མ་ཐག་
ཏུ་སྟོང་པར་འགྱུར། །དེ་བཞིན་དབང་དང་བྲལ་ན་ནི། །ཡེ་ཤེས་ཀུན་དུ་སྟོང་པ་ཉིད། །དཔེར་
11-1-483


ན་པི་ཝཾ་སྦྱོར་སོགས་ཀུན། །རྒྱུད་དང་བྲལ་ན་རྡུང་མི་རུང༌། །དེ་བཞིན་དབང་དང་བྲལ་ན་ནི། །
སྔགས་དང་བསམ་གཏན་འགྲུབ་མི་འགྱུར། །རྨོངས་པ་གང་ཞིག་དབང་མེད་པར། །བདག་
ནི་དབང་བསྐུར་ཞེས་སྨྲ་བ། །ཇི་སྲིད་སངས་རྒྱས་ཞུགས་ཀྱི་བར། །སློབ་མར་བཅས་ཏེ་དམྱལ་
བར་འགྲོ། །ཞེས་ཉེས་དམིགས་བསྒྲགས་སོ། །འདི་བྲམ་ཟེ་ཆེན་པོའི་གཞུང་འགྲེལ་དུ་གྲགས་པ་འདི་དག་ཏུ། གོང་མའི་
དབང་གསུམ་ལ་སོ་སོར་ཕྲལ་ཏེ་སྦྱར་ཡང༌། དེ་འདྲའི་ངེས་པ་མི་སྣང་བས། འདིར་ཆབས་གཅིག་ཏུ་སྒྲོག་གོ །དེ་ནས་ཡང་དང་
ཡང་དུ་ཕྱག་འཚལ་ཏེ། ཞེས་པ་ནས་ཆར་ཕབ་ཅིང་དབང་བསྐུར་བར་མཛད་དོ། །ཞེས་བརྗོད། གོང་
གསལ་དབང་གི་སྐབས་ལྟར་དབང་ལྔ་དང༌། ཡིད་ཀྱི་ལུས་སུ༴ སོགས། ཕྱག་རྒྱའི་དམ་ཚིག་དང༌། འདས་པའི་རྡོ་རྗེ༴
སོགས་ཀྱིས་གསང་དབང་ཡང་བསྐུར་བར་མོས། དེ་ནས་ཡང་སྔོན་བཞིན་མིག་དར་བཅིངས། དབང་གི་ལྷ་མཁའ་འགྲོ་
མ་རྣམས་ཀྱིས་གདམས་པར་མོས་ལ། བཅུ་གཉིས་ལོ་ལོན་བུ་མོ་ནི། །ཚུལ་ཁྲིམས་མ་ཉམས་
ཆགས་ཆུང་བ། །ཐོས་དང་ལྡན་ཞིང་གྲགས་ཆེན་མོ། །ནད་མེད་སྙིང་རྗེ་དང་ལྡན་པ། །སེམས་
ཅན་དོན་ལ་གཅིག་ནན་ཏན། །དགོད་ཅིང་པདྨའི་སྤྱན་དང་ལྡན། །ཟླ་བའི་ཆ་འདྲ་གདོང་
མཛེས་མ། །མུ་ཅོར་མི་སྨྲ་བརྟན་ཞིང་དུལ། །ཤེས་རབ་པདྨའི་ནང་དབུས་སུ། །དཔག་ཚད་བྱེ་
བའི་དཀྱིལ་འཁོར་ལ། །སུམ་བརྩེགས་དག་པའི་བདག་ཉིད་ལུས། །འཁོར་བའི་འཇིགས་པ་
ལས་སྐྱོབ་པ། །དཀྱིལ་འཁོར་དེ་ཡི་དབུས་གནས་པའི། །མཁས་པའི་སློབ་མ་བཟང་དབང་
བསྐུར། །གལ་ཏེ་བྱང་ཆུབ་བླ་མེད་འདོད། །ཕྱི་ཡི་དཀྱིལ་འཁོར་བྱ་བ་མིན། །ལྷ་རྣམས་བཤིག་
པ་ཙམ་གྱིས་ནི། །སྡིག་པ་ཆེན་པོར་སྐྱེ་བར་འགྱུར། །དེས་ན་རྡུལ་ཚོན་ཙམ་གྱིས་ནི། །དེ་བཞི་
ལྷ་རྣམས་དག་མི་འགྱུར། །རྡོ་རྗེ་འཁོར་ལོ་རིན་ཆེན་དང༌། །དེ་བཞིན་པདྨ་རལ་གྲི་ཉིད། །བྱས་
ནས་སླར་ཡང་འཇིག་བྱེད་པ། །སྐྱེས་བུ་ཐ་ཤལ་དམྱལ་བར་འགྲོ། །གང་གིས་སངས་རྒྱས་
སྤྱན་འདྲེན་ཞིང༌། །གང་གིས་གཤེགས་སུ་གསོལ་བ་ཡིན། །རྡོ་རྗེ་སེམས་དཔའ་བྱོན་པ་དང༌། །
དེ་བཞིན་གཤེགས་པ་བྱོན་པ་རྣམས། །གང་ནའང་བཞུགས་པ་མ་ཡིན་ཏེ། །དྲི་མ་མེད་ཅིང་
11-1-484


དག་པའི་ལུས། །གང་གིས་སྤྱན་དྲངས་གཤེགས་སུ་གསོལ། །དེ་ཉིད་ཀྱིས་ན་བརྟག་མེད་
པར། །དེ་བཞིན་གཤེགས་པ་རྣམས་ཕྱག་བྱ། །དེ་ནས་མཚན་ཉིད་ཐམས་ཅད་ཡོངས་སུ་
རྫོགས་པའི་རིག་མ་གཏད་པར་མོས་ལ། གང་གིས་ཤེས་རབ་མ་མཉེས་པར། །སངས་རྒྱས་
ཐམས་ཅད་ཀྱིས་ནི་མཆོད། །འདི་ཉིད་ལ་ནི་སངས་རྒྱས་བཞུགས། །གཞན་གང་དངོས་གྲུབ་
གཙོ་བོ་དང༌། །སྙིང་རྗེ་ལྡན་པ་གཞན་གང་ཞིག །མཁའ་འགྲོ་མ་ཀུན་འདི་ལ་བཞུགས། །
གསང་བ་ཕྱི་ཡི་ལྔ་དང་ནི། །བདུན་དང་བཅུ་བཞིར་བཤད་པ་དང༌། །གཉིས་ཀ་གཅིག་ཏུ་
འདུས་པའོ། །ཞེས་སོ། །དེ་ནས་སྤྲོ་ན་བར་འདིར། དྲི་བ་དྲི་ལན་སོགས་ཀྱང་བྱ། བདག་དང་རིག་མ་གཉིས་ཀ་
མི་དམིགས་ཏེ་སྟོང་པ་ཉིད་དུ་གྱུར། སྟོང་པའི་ངང་ལས་བཅོམ་ལྡན་འདས་དཔལ་ཧེ་རུ་ཀ་སྐུ་
མདོག་སྔོན་པོ༴ ནས། རྩེད་འཇོའི་རོལ་པ་ཅན་ནོ། །ཡབ་ཡུམ་གཉིས་ཀའི་ཐུགས་ཀར་ༀ༴ ནས། 
རྡོ་རྗེའི་ལྟེ་བ་ལ་ཧཱུཾ། ཡུམ་གྱི་བྷ་ག་ཧྲཱིཿལས༴ ནས། ༀ་དཀར་པོས་མཚན་པ་ཡབ་ཡུམ་སྙོམས་
པར་ཞུགས་པས། ལུགས་འབྱུང་དང་ལུགས་ཟློག་གི་དགའ་བ་བཞི་མངོན་དུ་བྱས་པར་གྱུར། 
འདོད་ཆགས་མ་ཡིན་ཆགས་བྲལ་མིན། །དབུ་མར་དམིགས་པར་མི་འགྱུར་རོ། །གསུམ་པོ་
སྤངས་པ་ཁོ་ན་ལས། །ལྷན་ཅིག་སྐྱེས་པ་བྱང་ཆུབ་བརྗོད། །གང་དུ་དབང་པོ་ཉམས་གྱུར་དང༌། །
བདག་གི་རང་བཞིན་རྣམ་པར་ཉམས། །ལྷན་ཅིག་སྐྱེས་དགའ་རྟོགས་དེ་ཡིན། །བླ་མའི་ཞལ་
ལས་གསལ་འདྲི་ནའོ། །ཞེས་བརྗོད། གདོང་གཡོགས་བསལ། དེ་ལྟར་ཤེས་རབ་དབང་ཐོབ་པས། །
ལས་དང་ཡེ་ཤེས་ལམ་ལ་དབང༌། །བཅུ་གཉིས་པ་དང་སྐལ་མཉམ་ཞིང༌། །ཆོས་སྐུའི་གོ་
འཕང་མངོན་དུ་འགྱུར། དེ་ནས་དབང་བཞི་པའི་དོན་དུ་མཎྜལ་ཕུལ། ཁྱོད་ཞབས་པདྨོའི་བཀའ་དྲིན་གྱིས། །
གཙོ་བོའི་དབང་བསྐུར་རྣམ་གསུམ་ཐོབ། །དེ་རིང་རིན་ཆེན་བཞི་པ་ཡང༌། །བདག་ལ་བཀའ་
དྲིན་སྐྱབས་དུ་གསོལ། །ལན་གསུམ། གང་ཞིག་ཤར་དུས་ཚེ་ན་དབང་པོ་དང༌། །ཡུལ་རྣམས་ནུབ་
གྱུར་དེ་ལ་ཕྱག་འཚལ་ལོ། །མཁས་པ་རྣམས་ཀྱི་སྙིང་སྦས་སུ་སད་པ། །ཕྱིས་ནི་མངོན་དགའ་
11-1-485


རྒྱལ་བའི་མཛེས་སྐུ་གཅིག །སོ་སོ་རང་གིས་རིག་པ་གདོད་མ་ནས་གནས་པའི་ཡེ་ཤེས། 
མངོན་གསུམ་དུ་ཤར་ན་གཟུང་འཛིན་ནུབ་པར་སྣང་ལ། རྟོགས་བྱ་དང་རྟོགས་བྱེད་དབྱེ་བ་
མེད་པས་སེམས་ཉིད་ཀྱི་རང་བཞིན་ལྷན་ཅིག་སྐྱེས་དགའ་རྣམ་པ་ཐམས་ཅད་པའོ། །དེ་ལྟར་
ཡང༌། ཕྱག་རྒྱ་ཆེན་པོ་ཐིག་ལེ་ལས། །ཡང་དག་དྲི་མེད་རྣམ་པའི་འོད། །གང་དུ་ཡང་ན་གནས་
མེད་དོ། །ཤར་བ་མ་ཡིན་ནུབ་པ་མིན། །རྟག་ཏུ་ཤར་བ་ཆར་ཡང་མཆོག །ཅེས་གསུངས་སོ། །
མཚམས་མེད་ལྔ་རེ་བྱེད་པ་དང༌། །རྨོངས་གང་མ་རུང་ལས་བྱེད་དང༌། །སྐྱེ་བ་དམན་གྱུར་
འགྲོ་བ་རྣམས། །རྡུལ་ཚོན་མཐོང་བས་གྲོལ་བར་འགྱུར། །དཀྱིལ་འཁོར་དག་ཏུ་མངོན་
ཞུགས་པས། །གཙང་མའི་གནས་སུ་སྐྱེ་བར་འགྱུར། །ཤིན་ཏུ་སྦྱོར་བའི་སེམས་ཀྱིས་ནི། །སྐྱེ་
འདིར་དངོས་གྲུབ་མ་ཐོབ་ཀྱང༌། །སྐྱེ་གཞན་སྲིད་པར་དངོས་གྲུབ་འགྱུར། །དབང་བསྐུར་ཡང་
དག་སྦྱིན་ལྡན་ན། །སྐྱེ་དང་སྐྱེ་བར་དངོས་གྲུབ་འགྱུར། །དེ་ཡི་སྐྱེ་བ་བདུན་ལ་ནི། །མ་བསྒྲུབ་
པར་ཡང་དངོས་གྲུབ་ཐོབ། །གང་ཡང་སྒོམ་པ་དང་ལྡན་ཞིང༌། །གལ་ཏེ་དམ་ཚིག་སྡོམ་ལ་
གནས། །སྐྱེ་འདིར་ལས་དབང་གིས་མ་གྲུབ། །རེ་ཞིག་དམ་ཚིག་ཉམས་པ་ལ། །དངོས་གྲུབ་
ཐོབ་པ་ལྟ་ཞོག་གི །མི་ཡི་སྐྱེ་བའང་རྙེད་པར་དཀའ། །གང་ཡང་བླ་མ་བརྒྱུད་པ་ཡི། །རིམ་
འོངས་དེ་ཉིད་རིག་པ་ཡི། །སྒྲུབ་པ་པོ་ཡིས་འགྲུབ་སྙམ་དགོངས། །ཞེས་དམ་ཚིག་བཤད་དོ། །དེ་ལྟར་
བཞི་པའི་དབང་ཐོབ་པས། །ཕྱག་རྒྱ་ཆེན་པོ་བསྒོམ་པར་དབང༌། །རྡོ་རྗེ་འཛིན་དང་སྐལ་
མཉམ་སྟེ། །ལྷན་ཅིག་སྐྱེས་སྐུ་མངོན་དུ་འགྱུར། །ཞེས་སོ། །གཙོ་བོས་ཇི་ལྟར༴ སོགས་ལན་གསུམ། 
གཏང་རག་གི་མཎྜལ་ཕུལ། དེང་ནས་བརྩམས་ཏེ༴ སོགས་དགེ་བ་བསྔོ། སྐབས་འདིའི་མཆོད་གཏོར་གྱི་མཐར། སྦྱིན་
བསྲེག་དང་ཚོགས་ཀྱི་འཁོར་ལོ་སོགས་ཅི་འགྲུབ་ཏུ་བྱའོ། །དེ་དག་ནི་བདག་ཉིད་འཇུག་ཅིང་དབང་བླང་བའོ། །སློབ་མ་གཞུག་
ཅིང་དབང་བསྐུར་བ་ཡང་དེ་ཉིད་འདོན་པ་སྤོས་པས་འགྲུབ་པར་འགྱུར་བའི་ཕྱིར། ཟློས་ཏེ་བརྗོད་པར་མ་བྱས་སོ། །དེ་ནས་རྗེས་
ཆོག་གི་མཆོད་པ་བཤམས་ལ་བྱིན་གྱིས་བརླབས། ཨརྒྷཾ་ནས་ཤཔྟའི་བར་གྱིས་མཆོད། རྡོ་རྗེ་དང་ནི༴ སོགས་ཀྱིས་
11-1-486


བསྟོད། བདུད་རྩི་ཕུལ། འདོད་དོན་གསོལ་བཏབ། ཡིག་བརྒྱ་བཟོད་གསོལ་རྡུལ་ཚོན་གྱི་དཀྱིལ་འཁོར་གཤེགས་སུ་གསོལ་བ་
དང༌། རས་བྲིས་ཡིན་ན་བརྟན་བཞུགས་བྱ་བ་དང༌། རྡུལ་ཚོན་ཆོ་ག་ཉིན་ཞག་སྦྲེལ་མའི་སྐབས། ཞག་སྔ་མ་རྣམས་ལ་བརྟན་
བཞུགས་དང༌། །ཕྱི་མ་ལ་གཤེགས་གསོལ་བྱ་བ་དང༌། མཐར་རང་ལ་གོ་ཆ་དགོད་ཅིང༌། སྨོན་ལམ་དང་བཀྲ་ཤིས་རྣམས་བྱ་སྟེ་སྤྱི་
དང་འདྲའོ། །ཟབ་མོ་བློ་མིག་དག་པས་མཐོང་བ་ན། །དད་པའི་སྙིང་ལ་མི་གཡོའི་གོ་སྐབས་ཅི། །ངེས་པའི་གཞུང་དང་མཐུན་པར་
ལེགས་སྦྱར་བའི། །དཀྱིལ་ཆོག་འདིས་ཀྱང་འགྲོ་ལ་ཕན་པར་འགྱུར། །དགེ་དེས་བཅོམ་ལྡན་རྡོ་རྗེ་སྙིང་རྗེའི་སྟོབས། །རྡོ་རྗེ་བཙུན་
མོའི་བདེ་བས་རོལ་པ་ཅན། །མཉམ་མེད་དེ་དང་མཉམ་པར་ཉེར་སྤྱོད་པའི། །གསང་བའི་བདག་དང་མཚུངས་པར་ད་གྱུར་ཅིག །
ཅེས་པ་དཔལ་སངས་རྒྱས་ཐོད་པའི་དཀྱིལ་འཁོར་གྱི་ཆོ་ག་དེ་ཁོ་ན་ཉིད་གསལ་བ་ཞེས་བྱ་བ་འདི་ཡང༌། རྒྱལ་ཁམས་པ་ཏཱ་
ར་ནཱ་ཐས་སྨྲས་པའོ།།    །།མངྒ་ལཾ། སློབ་དཔོན་ནག་པོ་སྤྱོད་པའི་ལུགས་ཀྱི་འཁོར་ལོ་སྡོམ་པའི་དཀྱིལ་འཁོར་གྱི་ཆོ་ག་ཤེས་པས། 
འདི་ལ་འཇུག་པར་བྱའོ། །
11-1-487


༄༅། །རྣལ་འབྱོར་མ་རྒྱུད་ཀྱི་རྒྱལ་པོ་སངས་རྒྱས་ཐོད་པའི་
རྫོགས་རིམ་བཞུགས། 
༄༅། །ༀ་སྭཱ་སྟཱི། འདིར་རྣལ་འབྱོར་མའི་རྒྱུད་ཀྱི་རྒྱལ་པོ་དཔལ་སངས་རྒྱས་ཐོད་
པའི་བསྐྱེད་རྫོགས་ཀྱི་གདམས་པ་ཉམས་སུ་ལེན་པ་ལ། བསྐྱེད་པའི་རིམ་པ་ནི་མི་འཇིགས་
པའི་གཞུང་འགྲེལ་ལས་འབྱུང་བ་ལྟར་ལྷ་ཉེར་ལྔའི་མངོན་རྟོགས་རྫོགས་པར་སྒོམ་པའམ། 
རྫོགས་པའི་རྣལ་འབྱོར་གྱི་རིམ་པའམ། གཙོ་རྐྱང་སོགས་མན་ངག་ལྟར་བསྒོམ་པར་བྱའོ། །
རྫོགས་རིམ་སྒོམ་པར་འདོད་ན་ཐོག་མར་བསྲུང་བ་བྱ་བ་ནི། ༀ་བུདྡྷ་ཀ་པཱ་ལི་ནི་ཨ་ཁཾ་གྲཾ་
དྲུཾ་ཤྲུཾ་ཧཱུཾ་ཕཊ་ཅེས་པའི་སྔགས་འདི་བརྗོད་པས་སོ། །དེ་ནས་རང་ཉིད་སྐད་ཅིག་ཙམ་གྱིས་
བཅོམ་ལྡན་འདས་སངས་རྒྱས་ཐོད་པའི་སྐུར་ལམ་གྱིས་བསྒོམ་པར་བྱའོ། །སྐུའི་རྣམ་པ་ནི་སྐུ་
མདོག་མཐིང་ནག་ཞལ་གཅིག་ཕྱག་བཞི་པ། གཡས་ཀྱི་དང་པོས་གྲི་གུག་དང་གཡོན་གྱི་དང་
པོས་ཐོད་པ་འཛིན་པ། ལྷག་མ་གཉིས་གཡས་ཀྱིས་ཅང་ཏེའུ་དང༌། གཡོན་གྱིས་ཁ་ཊྭཱཾ་འཛིན་
པ། ཞབས་གཡོན་བརྐྱང་བའི་སྐྱིལ་ཀྲུང་ཕྱེད་པའི་གར་སྟབས་ཀྱིས་པད་ཉི་རོའི་གདན་ལ་
བཞུགས་པ། སྒྲུབ་ཐབས་རྙིང་པ་དང་མན་ངག་ལས་དབུ་སྐྲ་སེར་པོ་གྱེན་བརྫེས་སུ་བཞེད། 
གཞུང་འགྲེལ་ལས་འཁོར་ལོ་སྡོམ་པ་ལྟ་བུར་བཤད། རུས་པའི་རྒྱན་དྲུག་དང་ལྡན་པ། མགོ་
འཕྲེང་ཅན། ཡུམ་སྣ་ཚོགས་བདེ་མ་སྐུ་མདོག་དམར་མོ་གཅེར་མོ་རྒྱན་མེད་གྲི་གུག་དང་ཐོད་
པ་འཛིན་པས་འཁྱུད་པའི་སྐུ་ཅན་ནོ། །དེ་ནི་རྟེན་བསྐྱེད་རིམ་བསྡུས་པ་སྟེ་དམིགས་སྐོར་
གཅིག་གོ །
དངོས་གཞི་ལ། ཐོག་མར་རླུང་གི་རྣལ་འབྱོར་རྣམ་པ་བཞི་ལས། དང་པོ་རྡུལ་མཐའ་
11-1-488


ཅན་ནི། རླུང་ཕྱིར་འགྲོ་བའི་ཚེ་སྒྲ་མེད་ཤིན་ཏུ་དལ་བ་རྡུལ་མི་ལྡེག་པ་ལྟ་བུའི་རྒྱུན་མ་ཆད་
པར་འབུད་ཅིང་འབུད་པ་རྫོགས་པའི་ཚེ་ལྟོ་བ་ཚིགས་པ་ལ་བཅར་ཏེ་ཕྱིར་ནན་ཙམ་བྱེད་པ་
དམིགས་སྐོར་གཉིས་པའོ། །
གཉིས་པ་གང་བ་ཅན་ནི། རླུང་ནང་དུ་འོང་བའི་ཚེ་སྒྲ་མེད་ཤིན་དུ་དལ་བའི་ངང་ནས་
རྔུབ་ཅིང་རྔུབས་ཟིན་པ་ན་ཅུང་ཟད་གཅིག་ནང་དུ་ནན་ཙམ་བྱས་ཀྱང་ཕྱི་ལ་ཤར་གྱིས་བཏང༌། 
དམིགས་སྐོར་གསུམ་པའོ། །
གསུམ་པ་རེངས་པ་ཅན་ནི། རླུང་ཕྱིར་བུས་ལ་ཕྱིར་ཐུབ་ཚད་དུ་བཟུང༌། མིག་ནམ་མཁར་
བལྟ་སྟེ་དམིགས་སྐོར་བཞི་པའོ། །དེ་རྣམས་ལ་དབུགས་ཀྱི་འགྲོ་འོང་དང་བསྟུན་པའི་འོད་
ཟེར་འགྲོ་འོང་ལ་དམིགས་པ་བྱའོ། །
བཞི་པ་བུམ་པ་ཅན་ལ་ཐོག་མར་འཇམ་རླུང་བགང་བ་ལ་བསླབ་སྟེ་སྔོན་འགྲོ་ཡིན། 
དམིགས་སྐོར་ལྔ་པའོ། །དེ་ནས་སྟེང་རླུང་ཤར་གྱིས་རྔུབས་དམིགས་པ་ནི་ལུས་ཀྱི་སྟོད་ཀྱི་
རླུང་རྣམས་འོད་ཟེར་ཁ་དོག་སྣ་ཚོགས་པའི་རྣམ་པས་ལྟེ་བར་སླེབ་པར་བསམ་ཐུར་སེལ་དྲག་
ཏུ་འཐེན་པས་སྨད་ཀྱི་རླུང་རྣམས་འོད་ཟེར་གྱི་རྣམ་པས་ལྟེ་བར་སླེབ་པར་བསམ་ལ་རླུང་བུམ་
ཅན་ཁ་སྦྱོར་དྲག་ཏུ་བཟུང༌། རེས་འགའ་སྟེང་འོག་གི་རླུང་རྣམས་དཀྲུགས་པའི་ཚུལ་གྱིས་
འདྲེས་པར་བསམ། རེས་འགའ་སོ་སོར་གྱེས་པར་བསམ་མོ། །མི་བདེ་བ་སྙམ་བྱེད་ན་གཞི་
ལ། སྐབས་སུ་བབ་པ་ན་ཁ་ནང་གི་རླུང་མིད་པ་མང་ཉུང་ཇི་ལྟར་རིགས་པར་བྱ་བ་ནི་བུམ་ཅན་
དངོས་ཏེ་དམིགས་སྐོར་ལྔ་པའོ། །
དེ་རྣམས་ནི་ཕྲ་མོའི་རྣལ་འབྱོར་རོ། །གཏུམ་མོ་རྡོར་བཟླས་དང་བཅས་པ་ལ་གཏུམ་
མོའི་རྣལ་འབྱོར་ནི་རྣམ་པ་གསུམ་ལས། དང་པོ་ནི་ལུས་ལ་རྩ་གསུམ་འཁོར་ལོ་བཞི་གསལ་
གདབ་པར་བྱ་སྟེ། ལུས་ཀྱི་དབུས་སུ་རྩ་དབུ་མ་སྦོམ་ཕྲ་མདའ་སྨྱུག་འབྲིང་པོ་ཙམ་ཁ་དོག་
11-1-489


སྔོན་པོ་ཡས་སྣ་སྤྱི་བོ་དང༌། མས་སྣ་ལྟེ་འོག་སོར་བཞིར་ཟུག་པ། གཡས་སུ་རོ་མ་དམར་པོ་
དང༌། གཡོན་དུ་རྐྱང་མ་དཀར་པོ་གཉིས་ཀྱི་མས་སྣ་དབུ་མའི་མས་སྣར་ཆུག་ཙམ་དང༌། ཡས་
སྣ་སྣ་བུག་གཡས་གཡོན་གཉིས་སུ་ཟུག་པར་བསམ། ལྟེ་བ་སྤྲུལ་པའི་འཁོར་ལོ་རྩ་འདབ་
དྲུག་ཅུ་རྩ་བཞི་པ་ཁ་དོག་གསེར་བཙོ་མ་ལྟར་སེར་བའི་ལྟེ་བ་རྩ་དབུ་མའི་ནང་དུ་ཉི་མའི་
དཀྱིལ་འཁོར་གྱི་སྟེང་དུ་ཨཾ་སྔོན་པོ་ཞིག་གསལ་བཏབ། སྙིང་ག་ཆོས་ཀྱི་འཁོར་ལོ་རྩ་འདབ་
བརྒྱད་པ་ཁ་དོག་ནག་པོའི་ལྟེ་བ་དབུ་མའི་ནང་དུ་ཟླ་བའི་དཀྱིལ་འཁོར་གྱི་སྟེང་དུ་ཧཱུཾ་ནག་པོ་
ཞིག་གསལ་བཏབ། མགྲིན་པ་ལོངས་སྤྱོད་ཀྱི་འཁོར་ལོ་རྩ་འདབ་བཅུ་དྲུག་པ་ཁ་དོག་དམར་
པོའི་ལྟེ་བའི་དབུ་མའི་ནང་དུ་ༀ་དམར་པོ་ཞིག་གསལ་བཏབ། སྤྱི་བོ་བདེ་བ་ཆེན་པོའི་འཁོར་
ལོ་རྩ་འདབ་སོ་གཉིས་པ་ཁ་དོག་དཀར་པོའི་ལྟེ་བར་ཧཾ་དཀར་པོ་མགོ་བོ་ཐུར་དུ་བསྟན་པ་
ཞིག་གསལ་བཏབ། བཤང་སྒོར་རླུང་གི་དཀྱིལ་འཁོར་ཟླ་གམ་སྔོན་པོ་དང༌། དེའི་སྟེང་དུ་
མེའི་དཀྱིལ་འཁོར་གྲུ་གསུམ་དམར་པོ་རྣམས་གསལ་བཏབ། དེ་ནས་རླུང་རོ་བསལ་བ་ནི་
ཐོག་མར་རླུང་ཕར་ཟང་ཚུར་ཟང་ལན་ཁ་ཡར་ཞིག་བྱས་ལ། དེ་ནས་དང་པོར་ལུས་སྒུར་བ་
ལས་རིམ་གྱིས་སྒྱེད་ཀྱིས་བྱེད་ཅིང་སྣ་བུག་ནས་ཧཱུཾ་གི་སྒྲ་དང་བཅས་ཏེ་རླུང་རོ་ལན་གསུམ་
བསལ། དེ་ནས་ལུས་ཀྱི་སྟོད་སྒུར་གདོང་ཐུར་དུ་བསྟན་ལ་ཁ་ནས་ཧལ་ཞེས་པའི་སྒྲས་རླུང་རོ་
ལན་གསུམ་བསལ་ལོ། །དེ་ནས་སྟེང་རླུང་མྱུར་བར་རྔུབས་པས་རོ་རྐྱང་གི་ནང་བརྒྱུད་དེ་སོང་
བ་ལས་དབུ་མའི་མས་སྣར་ཞུགས། ཐུར་སེལ་དྲག་ཏུ་འཐེན་པས་བཤང་སྒོའི་རླུང་གཡོས་མེ་
འབར་བས་མེ་རླུང་འདྲེས་པ་དེ་དབུ་མའི་ནང་ནས་ཞུགས་ལྟེ་བའི་ཨཾ་ལ་རེག་པས་ཨཾ་ལས་
རེག་བྱ་ཤིན་ཏུ་ཚ་བའི་གཏུམ་མོའི་མེ་སྔོན་པོ་ཞིག་ཆེར་གྱིས་འབར་དབུ་མའི་ནང་བརྒྱུད་
སྙིང་གའི་ཧཱུཾ་ལ་རེག་པས་ཧཱུཾ་ལས་འོད་ཟེར་དཔག་ཏུ་མེད་པ་འཕྲོས་རྩ་སྟོང་ཕྲག་བདུན་ཅུ་རྩ་
གཉིས་ཀྱི་ནང་ཐམས་ཅད་གང་ཞིང་དེར་གནས་པའི་བྱང་ཆུབ་ཀྱི་སེམས་རྣམས་ཞུ་བར་བྱས་
11-1-490


འོད་ཟེར་བ་སྤུའི་བུ་ག་ནས་ཕྱིར་འཐོན་སེམས་ཅན་རྣམས་ཀྱི་ལུས་ངག་ཡིད་གསུམ་གྱི་དྭངས་
མ་རྣམས་དང༌། ས་ཆུ་མེ་རླུང་སོགས་འབྱུང་བའི་ཁམས་ཀྱི་བཅུད་རྣམས་དང༌། སངས་རྒྱས་
བྱང་སེམས་རྣམས་ཀྱི་བྱིན་བརླབ་ཐམས་ཅད་བསྡུས་ཏེ། བ་སྤུའི་བུ་ག་ནས་ཞུགས། དེ་རྣམས་
དང་རྩ་སྟོང་ཕྲག་བདུན་ཅུ་རྩ་གཉིས་ཀྱི་བྱང་ཆུབ་ཀྱི་སེམས་རྣམས་སྤྱི་བོར་འདུས་ཤིང༌། སྤྱི་
བོའི་ཧཾ་ལས་བྱུང་བའི་བྱང་སེམས་ལྷན་ཅིག་ཏུ་བབས་ཏེ་རིམ་གྱིས་དབུ་མའི་ནང་བརྒྱུད་སྙིང་
གའི་ཧཱུཾ་ལས་ཁྲུས་གསོལ་བའི་ཚུལ་གྱིས་ཁྱིལ་ལི་ལི་འཁྱིལ་ཞིང་བྱང་སེམས་རྣམས་སྙིང་གའི་
ཧཱུཾ་ལ་ཐིམ་པར་བསམ་པ་ནི་གཏུམ་མོའི་དམིགས་པ་དང་པོ་སྟེ་དམིགས་སྐོར་དྲུག་པའོ། །
གཉིས་པ་ནི་འོད་ཟེར་བ་སྤུའི་བུ་ག་ནས་ཕྱིར་འཐོན་པའི་བར་སྔར་དང་འདྲ་བ་ལས། དེ་
ནས་སྣོད་བཅུད་ཀྱི་དྭངས་མ་རྣམས་རང་གི་སྤྱི་བོར་ཞུགས། དེ་རྣམས་དང་ཧཾ་ལས་བྱུང་བའི་
བྱང་ཆུབ་ཀྱི་སེམས་རྣམས་ལྷན་ཅིག་དབུ་མའི་ནང་བརྒྱུད་དེ་སྙིང་གའི་ཧཱུཾ་གི་སྐེད་པ་ཙམ་
དུ་འབར་འཛག་རྩེ་སྤྲད་དོ། །དེ་ཡང་རེས་འགའ་བྱང་སེམས་ཀྱི་རྒྱུན་སྟོབས་ཆེ་བར་གྱུར་
ཏེ་གཏུམ་མོའི་མེ་དེ་ཧཱུཾ་གི་ཞབས་ཀྱུ་ལས་སོར་གང་ཙམ་གྱིས་དམའ་བར་བསྡུས་ཤིང་བྱང་
སེམས་ཀྱི་རྒྱུན་དེར་སླེབ་པར་བསམ། རེས་འགའ་གཏུམ་མོའི་མེ་སྟོབས་ཆེ་བར་གྱུར་ཏེ་
གཏུམ་མོ་ཧཱུཾ་གི་ན་ད་ལས་སོར་གང་ཙམ་གྱི་མཐོ་བར་སོང་བ་ན་བྱང་སེམས་ཀྱི་རྒྱུན་ཡང་དེ་
ཙམ་དུ་ཡར་ཐུང་ངུ་སོང་བར་བསམ་ཞིང་རླུང་བུམ་པ་ཅན་བཟུང་བ་ནི་གཏུམ་མོའི་དམིགས་
པ་གཉིས་པ་སྟེ་དམིགས་སྐོར་བདུན་པའོ། །
གསུམ་པ་ནི་གཞན་སྔར་དང་འདྲ་བ་ལས་འབར་འཛག་ལྟེ་བར་རྩེ་སྤྲད་དེ་སྒོམ་པ་ནི་
གཏུམ་མོའི་དམིགས་པ་གསུམ་པ་སྟེ་དམིགས་སྐོར་བརྒྱད་པའོ། །
ཡང་ན་གཏུམ་མོ་འདི་རྣམས་བུམ་པ་ཅན་གྱི་རླུང་སྦྱོར་དང་མ་སྦྲེལ་བར་རླུང་རང་བབ་ཀྱི་
ངང་ནས་སྒོམ་ན་དབུགས་ཕྱིར་འགྲོ་བའི་ཚེ་གཏུམ་མོ་འབར། ནང་དུ་འཇུག་པའི་ཚེ་ཧཾ་ལས་
11-1-491


བྱང་ཆུབ་ཀྱི་སེམས་བབས། གནས་པའི་ཚེ་འབར་འཛག་རྩེ་སྤྲད་དེ་བསྒོམ། དེ་ལ་ནང་ཚན་
གསུམ་ཡོད་པས་སྒོམ་པ་ན་དམིགས་སྐོར་གསུམ་ཡང་ཆིག་འཁྲིད་འབོགས་པའམ། གོ་སླ་
བའི་སྒོ་ནས་དམིགས་སྐོར་གཅིག་ཏུ་བསྒོམས་ཏེ་དམིགས་སྐོར་དགུ་པའོ། །
དེ་ལྟར་གཏུམ་མོ་ནི་རང་ལུས་ཐབས་ལྡན་གྱི་ཐིག་ལེའི་རྣལ་འབྱོར་རོ། །གཏུམ་མོའི་རྣལ་
འབྱོར་གསུམ་པོ་དེ་ལས་གང་ཡང་རུང་བ་ཞིག་ཡུན་རིང་དུ་བསྒོམས་ཀྱང་བདེ་དྲོད་ཀྱི་ཡེ་ཤེས་
སྐྱེད་མ་བཏུབ་ན། བོགས་འདོན་གྱི་རླུང་སྦྱོར་རྣམས་བསྒོམ་པར་བྱ་སྟེ། དེ་ལ་ཡང་དབུ་མའི་
སྒོར་རླུང་རྣམས་སྡུད་པ་དང༌། དབུ་མའི་སྒོ་དབྱེ་བ་དང༌། བཙན་ཐབས་ཀྱི་སྦྱོར་བ་དང་གསུམ་
མོ། །དང་པོ་ལ་གཉིས་ལས་རླུང་སྦྱོར་དང་པོ་ནི་ལུས་གནད་སེམས་སྐྱིལ་ལྷོད་པ་ཙམ་བྱ་ཞིང་
ལག་པ་གཉིས་པུས་མོའི་སྟེང་དུ་བཞག །ལུས་སྒྱེད་ཅིང་རླུང་རོ་བསལ། སྟེང་རླུང་བཤར་
ཀྱིས་རྔུབས་ལ། སྐེད་པའི་ཐད་ནས་བཟུང་རླུང་མདུན་ངོས་སུ་ཐུབ་ཚད་དུ་ཕུལ་བ་དང༌། ལྟོ་
བ་མདུན་ངོས་སུ་ཕྱིར་དྲག་ཏུ་བསྐྱེད་དོ། །དེ་རྗེས་གསང་གནས་ཀྱི་རླུང་གི་སྣེ་མོ་རྒྱབ་ངོས་ལ་
བཅུག་གོ །རླུང་ཕྱིར་འབུད་པའི་ཚེ་རྒྱབ་རླུང་དྲག་ཏུ་འཐེན་ལ་ལྟོ་བ་ཚིགས་པ་ལ་གཅེར་བ་སྟེ་
དམིགས་སྐོར་བཅུ་པའོ། །
རླུང་སྦྱོར་གཉིས་པ་ནི། ལུས་གནད་སྔར་བཞིན་ལས་རླུང་ཕྱིར་བུས་ཤིང༌། དབུ་མ་བསྒྱེལ་
བཤིག་ཡང་ཡང་བྱེད་པ་དམིགས་སྐོར་བཅུ་གཅིག་པ་སྟེ་དེ་གཉིས་རླུང་རྣམས་དབུ་མའི་སྒོར་
སྡུད་པར་བྱེད་པའོ། །
གཉིས་པ་དབུ་མའི་སྒོ་དབྱེ་བ་ལ་ཡང་གཉིས་ལས། དང་པོ་ལུས་གནད་སྔར་དང་འདྲ་བ་
ལས། རླུང་ལྟོ་བར་མནན་ཞིང་མདུན་ངོས་སུ་དྲག་ཏུ་བཀྱེད་ཅིང་ཡང་རླུང་མ་ཤོར་བར་ལྟོ་བ་
ཚིགས་པ་ལ་གཅེར་ཏེ་དམིགས་སྐོར་བཅུ་གཉིས་པའོ། །
རླུང་སྦྱོར་གཉིས་པ་ནི་ལུས་གནད་པུས་མོ་གཉིས་ས་ལ་བཙུགས་ལག་པ་གཡས་གཡོན་
11-1-492


གྱིས་མཁལ་ཁུང་གཡས་གཡོན་གཉིས་ཀྱི་ཕྱི་མཚམས་ནས་བསྡམས་ལ་རླུང་མཁལ་ཁུང་དུ་
དྲངས། གཞན་སྔར་དང་འདྲ་བ་ལས་མཐར་རླུང་ཕྱིར་འབུད་པའི་ཚེ་མགོ་བོ་དང༌། རོ་སྟོད་
གཡས་གཡོན་དུ་གཅུ་པ་ནི་དམིགས་སྐོར་བཅུ་གསུམ་པ་སྟེ་རླུང་སྦྱོར་དེ་གཉིས་ནི་དབུ་མའི་
སྒོ་དབྱེ་བར་བྱེད་པའོ། །
གསུམ་པ་བཙན་ཐབས་ཀྱི་སྦྱོར་བ་ལ་གཉིས་ལས། དང་པོ་ནི། ལུས་གནད་ཙོག་བུར་
བྱས་ལ་རླུང་བུམ་ཅན་བཟུང་ཞིང་ལག་པ་གཉིས་ཀྱིས་མགྲིན་པའི་འཕར་རྩ་གཉིས་གནོན་པ་
ནི་ལོངས་སྤྱོད་ཀྱི་རླབས་ཏེ་དམིགས་སྐོར་བཅུ་བཞི་པའོ། །
གཉིས་པ་ནི་རྐང་པ་གཡས་པའི་རྟིང་པས་བཤང་སྒོ་བཀག་ཅིང་ལག་པ་གཡོན་པ་རྐང་
པ་གཡོན་པའི་བརླ་དང་བྱིན་པའི་བར་དུ་བཅུག་ནས་གདན་ལ་བརྟད། ལག་པ་གཡས་པ་ཁུ་
ཚུར་བཅངས་པ་གཡོན་པའི་མཆན་ཁུང་དུ་བཅུག་ཅིང་གཡོན་པའི་བར་ལྷུས་མནན་ལ་རླུང་
བུམ་ཅན་བཟུང་ཞིང༌། མཆན་ཁུང་གཡོན་ངོས་སུ་རླུང་དྲག་ཏུ་དགང་ངོ༌། །དམིགས་སྐོར་བཅོ་
ལྔ་པའོ། །
ཡང་གཡས་ཕྱོགས་ལ་ནི་དེ་ལས་གོ་ལྡོག་པ་སྟེ་དམིགས་སྐོར་བཅུ་དྲུག་པའོ། །
འདི་ནི་བཙན་ཐབས་ཀྱིས་སྦྱོར་བ་གཉིས་པ་ཡིན་ཞིང༌། དེ་དག་གིས་ནི་རླུང་གཡས་
གཡོན་དུ་སྤོ་བར་ནུས་སོ། །དེ་ནས་རྡོ་རྗེའི་བཟླས་པ་ནི། །རླུང་ནང་དུ་དལ་བུས་འོང་བའི་ཚེ་
ༀ་གྱི་སྒྲ་དང་ལྡན་པར་མོས་ཤིང་ལུས་ཀྱི་དབུས་སུ་གནས་པའི་ཚེ་ཧྲིཿཏེ་གཞིལ་བ་ཡང་དེའི་
ནང་དུ་འདུས་པ་དང༌། འགྲོ་འགྲོ་བའི་ཚེ་ལྟོ་བ་གཅེར་བ་ན་བུདྡྷ་དང༌། ཕྱིར་བཟུང་ཞིང་ཧཱུཾ་
གི་སྒྲ་བྱ་སྒྲ་ནམ་མཁའ་དང་མཉམ་པར་མོས། ཀ་པཱ་ལི་ནི་ཞེས་པའི་སྒྲས་ཡང་དབུས་གཡས་
གཡོན་གསུམ་ནས་དྲངས་ནང་དུ་འོངས་ཤིང་སྤྱི་བོ་ལས་བྱང་ཆུབ་ཀྱི་སེམས་ཀྱི་རྒྱུན་བབས་
པར་མོས། གནས་པའི་ཚེ་ཧཱུཾ་གི་སྒྲ་དང་སྲོག་ཐུར་མདུན་དུ་ཕུལ་བས་བྱང་ཆུབ་སེམས་ཀྱིས་
11-1-493


ལུས་ཐམས་ཅད་གང་བར་མོས་ཕྱིར་འགྲོ་བའི་ཚེ་ཨཱཿཞེས་པའི་སྒྲ་དང་བཅས་པར་བསམ་
ཞིང་ཁ་ནས་དྲག་ཏུ་བུས་ལ་འདར་དཀྲུག་བྱ་སྟེ་དམིགས་སྐོར་བཅུ་བདུན་པའོ། །
དེ་ནི་བུམ་ཅན་གཉིས་ཀྱི་རིང་ལ་ཡི་གེ་བཅུ་གཅིག་པའི་རྡོར་བཟླས་ཚར་གཅིག་འགྲོ་
བར་བྱེད་པའོ། །དེ་ལྟར་ན་དེ་ཡན་ཆོད་ནི་རང་ལུས་ཐབས་ལྡན་གྱི་མན་ངག་དམིགས་བཅས་
ཀྱི་རྫོགས་རིམ་ཡིན་ཞིང༌། གཞན་ལུས་ཤེས་རབ་མ་ལ་བརྟེན་པའི་དམིགས་བཅས་ཀྱི་ཐིག་
ལེའི་རྣལ་འབྱོར་ནི་ལོགས་སུ་ཤེས་པར་བྱའོ། །
དམིགས་མེད་རྣམ་པར་མི་རྟོག་པའི་རྫོགས་རིམ་ལ་ཐོག་མར་སོ་སོར་སྡུད་པའི་རྣལ་
འབྱོར་ནི། ལུས་གནད་སྤྱི་དང་མཐུན་པར་བྱས་ཤིང༌། མིག་གི་ལྟ་སྟངས་གྱེན་ཐུར་ཐད་ཀ་
གང་རུང་ལ་མིག་འབྲས་མི་གཡོ་བར་བལྟ། སེམས་རྣམ་རྟོག་གི་འཕྲོ་འདུ་ཐམས་ཅད་སྤངས་
ཏེ་བཟོ་མེད་དུ་ལྷོད་དེ་འཇོག་པ་ནི་སོ་སོར་སྡུད་པའོ། །ཡུལ་སྣང་དང་རྣམ་རྟོག་ཅི་ཤར་བ་
ཐམས་ཅད་སེམས་ཀྱི་རང་བཞིན་ལས་མ་འདས་པས་གང་ཤར་བ་དེ་ལ་བཟོ་མེད་དུ་འཇོག་
པ་ནི་བསམ་གཏན་གྱི་རྣལ་འབྱོར་རོ། །རྣལ་འབྱོར་དེ་གཉིས་ནི་རྒྱས་པར་བྲམ་ཟེ་ཆེན་པོའི་
དོ་ཧའི་ཁྲིད་ཡིག་ཏུ་བཤད་ཟིན་པ་ཁོ་ནའོ། །དེ་ལྟར་གོང་གི་དམིགས་བཅས་ཀྱི་རྫོགས་རིམ་
དང༌། དམིགས་མེད་ཀྱི་རྫོགས་རིམ་འདི་ཡུན་རིང་དུ་བསྒོམས་པས་གཡས་གཡོན་རོ་རྐྱང་གི་
རླུང་འགགས་ཏེ་དབུ་མར་ཞུགས་པ་ནི་སྲོག་རྩོལ་དང༌། དབུ་མའི་ནང་གི་རླུང་རྣམས་འཁོར་
ལོ་སོ་སོའི་ལྟེ་བའི་ཐིག་ལེ་ལ་ཐིམ་པ་ནི་འཛིན་པ་དང༌། སྟོང་གཟུགས་ཀྱི་ཕྱག་རྒྱས་ཞུ་བདེ་
འདྲེན་པ་ནི་རྗེས་དྲན་དང༌། མི་འགྱུར་བའི་བདེ་བའི་ཡེ་ཤེས་སྐད་ཅིག་མ་དང་པོ་སྐྱེས་པ་ནས་
ཏིང་ངེ་འཛིན་ནོ། །དེ་ཡང་གོང་གི་ཕྲ་ཐིག་གི་རྣལ་འབྱོར་ལ་རྩེ་གཅིག་ཏུ་འབད་པས་བདེ་དྲོད་
ཀྱི་ཉམས་མྱོང་ཅི་རིགས་པ་སྐྱེས་ན་དམིགས་མེད་ཀྱི་རྫོགས་རིམ་དེ་སྒོམ་པ་ལ་བོགས་ཆེ་ཞིང་
དམིགས་མེད་བསྒོམས་པས་དམིགས་བཅས་ཀྱི་རྒྱུན་དེ་ཡང་རྫོགས་རིམ་རྣམ་པར་མི་རྟོག་
11-1-494


པར་འགྱུར་ལ། ཕྲ་ཐིག་གི་རྣལ་འབྱོར་དེ་ཁོ་ན་ཡུན་བསྲིངས་ཏེ་སྒོམས་ན་ཡང་ཐོག་མར་རང་
ཤུགས་ཀྱི་སེམས་ལྷན་ཀྱིས་གནས་པ་དང༌། བདེ་བའི་ཉམས་མྱོང་ཅི་རིགས་པ་སྐྱེ་ཞིང༌། དེ་
ནས་མི་རིང་བར་བདེ་སྟོང་གི་ཏིང་ངེ་འཛིན་མཆོག་རང་ཤུགས་ལ་སྐྱེ་བར་འགྱུར་རོ།།    །།
དཔལ་སངས་རྒྱས་ཐོད་པའི་རྒྱུད་ལས་འབྱུང་བའི་རྫོགས་རིམ་གཞུང་ཤིང་གི་ཁྲིད་ཡིག་
འདི་ཡང་ཏཱ་ར་ནཱ་ཐས་སྨྲས་པ་སྟེ་རྒྱ་གར་གྱི་མཁས་གྲུབ་སློབ་དཔོན་ཎིརྦཱ་ཎ་ཤྲིའི་གསུང་
བཞིན་བཀོད་པའོ། །ཞུས་དག
11-1-495


༄༅། །དཔལ་རྡོ་རྗེ་གདན་བཞིའི་རྩ་བའི་དཀྱིལ་འཁོར་ཡེ་ཤེས་
དབང་ཕྱུག་མ་ལྷ་བཅུ་གསུམ་གྱི་བདག་ཉིད་ཅན་གྱི་
སྒྲུབ་ཐབས་བདུད་རྩིའི་ཐིག་ལེ་
ཞེས་བྱ་བ་བཞུགས། 
༄༅། །ན་མོ་གུ་རུ། ཡེ་ཤེས་རང་བཞིན་བདེ་བའི་གཏེར། །ཆོས་དབྱིངས་མཁའ་མཉམ་དབང་ཕྱུག་མ། །གྲུབ་པ་ཀུན་གྱི་
མཆོག་སྩོལ་མཛད། །རྡོ་རྗེ་ལྷ་མོས་དགེ་ལེགས་སྩོལ། །ཐར་པ་དམ་པའི་གྲོང་ཁྱེར་དུ། །སྐལ་ལྡན་གཞུག་པའི་སྒོ་མོ་བརྒྱ། །དེ་
ལས་གཅིག་གཅིག་འདིར་དབྱེ་སྟེ། །རྒྱལ་བའི་ལམ་འདི་ཐུན་མོང་མིན། །འདིར་རྣལ་འབྱོར་མའི་རྒྱུད་ཀྱི་རྒྱལ་པོ་ཆེན་པོ་རྡོ་རྗེ་
གདན་བཞི་ལས་འབྱུང་བའི་རྩ་བའི་དཀྱིལ་འཁོར་རྗེ་བཙུན་ཡེ་ཤེས་དབང་ཕྱུག་མ་ལྷ་བཅུ་གསུམ་གྱི་བདག་ཉིད་ཅན་སྒྲུབ་པར་
འདོད་པས། སྒྲུབ་པ་དངོས་ཀྱི་རིམ་པ་དང༌། རྗེས་ཐུན་མཚམས་ཀྱི་ཆོས་སོ། །དང་པོ་ལ་བསྐྱེད་པའི་རིམ་པ་དང༌། རྫོགས་པའི་
རིམ་པའོ། །དང་པོ་ལ་གཉིས་ཏེ་བསྐྱེད་རིམ་དངོས་དང༌། ཡན་ལག་བཟླས་པའོ། །དང་པོ་ལ་བཞི་སྟེ། རྣལ་འབྱོར་དང༌། རྗེས་
སུ་རྣལ་འབྱོར་དང༌། ཤིན་ཏུ་རྣལ་འབྱོར་དང༌། རྣལ་འབྱོར་ཆེན་པོའོ། །ཡང་ན་དབྱེ་བ་གསུམ་སྟེ། དང་པོ་སྦྱོར་བ་དང༌། དཀྱིལ་
འཁོར་རྒྱལ་མཆོག་དང༌། ལས་རྒྱལ་པོ་མཆོག་གི་ཏིང་ངེ་འཛིན་ཏེ་གསུམ་མོ། །དེ་རྣམས་ཀྱི་དབྱེ་བའི་སྡོམ་ནི། རྟེན་སྦྱང་མཆོད་
སྒྲུབ་བགེགས་བསྲུང་དང༌། །ཚོགས་བསག་རྣམས་ནི་རྣལ་འབྱོར་རོ། །བསྐུལ་བས་བཞེངས་དང་བྱིན་གྱིས་བརླབ། །དབང་བསྐུར་
མཆོད་བསྟོད་རྗེས་རྣལ་འབྱོར། །རྟེན་བསྐྱེད་བརྟེན་པ་བསྐྱེད་པ་དང༌། །བྱིན་བརླབ་ཤིན་ཏུ་རྣལ་འབྱོར་ཡིན། །དགུག་གཞུག་
ཕྱག་རྒྱས་རྒྱས་བཏབ་དང༌། །མཆོད་བསྟོད་བདུད་རྩི་མྱང་བ་ནི། །རྣལ་འབྱོར་ཆེན་པོ་ཡིན་པར་བཤད། །དེ་ལྟར་ཡན་ལག་བཅུ་
བཞི་ནི། །རྣལ་འབྱོར་བཞི་ཡིས་བསྡུས་པ་ཡིན། །ཡང་ན་ཏིང་འཛིན་གསུམ་གྱིས་བསྡུས། །གཙོ་མོ་བསྐྱེད་པ་ཡན་ཆད་ནི། །དང་
པོ་སྦྱོར་བ་ཡིན་པར་འདོད། །རྟེན་དང་བརྟེན་པ་བསྐྱེད་པ་གཉིས། །དཀྱིལ་འཁོར་རྒྱལ་མཆོག་ཞེས་སུ་བྱ། །རྣལ་འབྱོར་ཆེན་པོར་
11-1-496


གང་བསྟན་པ། དེ་ནི་ལས་རྒྱལ་མཆོག་ཡིན་ནོ། །མངོན་རྟོགས་ཆིངས་ནི་གཉིས་ཡོད་ཀྱང༌། །ཡན་ལག་བཅུ་བཞིར་མཚུངས་པ་
ཡིན། །དེ་ལ་ཡན་ལག་བཅུ་བཞི་ནི། རྟེན་སྦྱང་བ། མཆོད་པ་སྒྲུབ་པ། བགེགས་བསྲུང་བ། ཚོགས་བསག་པ། བསྐུལ་ནས་བཞེངས་
བ། བྱིན་གྱིས་བརླབ་པ། དབང་བསྐུར་བ། མཆོད་ཅིང་བསྟོད་པ། རྟེན་གྱི་དཀྱིལ་འཁོར། བསྐྱེད་པ་བརྟེན་པ། ལྷ་ཚོགས་སྤྲོ་བ། གོ་ཆ་བྱིན་
གྱིས་བརླབ་པ། ཡེ་ཤེས་འཁོར་ལོ་དགུག་གཞུག་ཕྱག་རྒྱས་བཏབ་པ། མཆོད་བསྟོད་བདུད་རྩི་མྱང་བ་རྣམས་སོ། །དེ་ལ་དང་པོ་བྲིས་
སྐུ་ལ་སོགས་པའི་མདུན་དུ་ཙན་དན་དམར་པོ་ལ་སོགས་པའི་མཎྜལ་ཚོམ་བུ་དང་བཅས་པ། མདུན་དུ་མཆོད་ཡོན་གཡས་སུ་
ཉེར་སྤྱོད། གཡོན་དུ་བསང་ཆུ་རྣམས་བཤམ། སྐྱབས་སེམས་དང་ཡིག་བརྒྱ་ཅི་རིགས་པ་སྔོན་དུ་བཏང་ལ། དང་པོ་རྟེན་སྦྱང་བ་
ནི། རང་སྐད་ཅིག་གིས་ཡེ་ཤེས་མཁའ་འགྲོ་མར་གསལ་བའི་སྙིང་ཆུ་ཤིང་གི་མེ་ཏོག་འདབ་མ་
བརྒྱད་པ་ཁ་བྱེ་བའི་ལྟེ་བར་ཟླ་བའི་དཀྱིལ་འཁོར། དེའི་སྟེང་དུ་ཧཱུཾ་ལས་རྡོ་རྗེ་སྔོན་པོ་རྩེ་ལྔ་པ་
ཧཱུཾ་གིས་མཚན་པ་ནི་སེམས་སྦྱང་བའོ། །ལག་པ་གཡས་པའི་མཐིལ་དུ་ཨ་ཡིག་ལས་ཉི་མའི་དཀྱིལ་
འཁོར། མཐེ་བོང་ལ་སོགས་པའི་སོར་མོ་ལྔ་ལ་ཨཱཿསུཾ་ཀྵུཾ་ཡུཾ་ཧཱུཾ་རྣམས་རྡོ་རྗེ་རྩེ་ལྔ་པ། གཡོན་
པའི་མཐིལ་དུ་སོཾ་ཡིག་ལས་ཟླ་བ། མཐེ་བོང་ལ་སོགས་པའི་སོར་མོ་ལྔ་ལ། སཾ་སྨྼྻུཾ། ཧྨྼྻུཾ། ཡྨྼྻུཾ།
ཀྵྨྼྻུ།  རྣམས་ལས་པདྨ་འདབ་མ་ལྔ་པར་གྱུར། ལག་པ་བྱིན་གྱིས་བརླབ་པའོ། །མགྲིན་པར་ཧྲཱིཿལས་པདྨ་
འདབ་བརྒྱད་དམར་པོ། ལྕེའི་འདབ་མར་ཟླ་བ་ལ་གནས་པའི་ཧཱུཾ་ལས་རྡོ་རྗེ་ཧཱུཾ་གིས་མཚན་
པ། ༀ་ཨཱཿཛི་ཧ་སཾ་བརྟ་ནི་ཧཱུཾ་ཕཊ། ལན་གསུམ། གཡོན་པ་བ་དན་གསུམ་པའི་ཕྱག་རྒྱས་གནས་རྣམས་སུ་རེག་ཅིང༌། 
སྤྱི་བོ་ཀྵུཾ་མིག་གཉིས་སུ་ཧཱུཾ། རྣ་བ་དང་སྣ་ལ་ཡུམ། ལྕེ་ལ་སུཾ། མགྲིན་པར་སྨྼྻུཾ། དཔུང་པར་ཧྨྼྻུཾ།
སྙིང་གར་ཡྨྼྻུཾ། ལྟེ་བར་ཀྵྨྼྻུ། ཅེས་བྱིན་གྱིས་བརླབ་བོ། །
གཉིས་པ་མཆོད་པ་སྒྲུབ་པ་ནི། སེང་གེ་མོའི་དམ་ཚིག་གི་ཕྱག་རྒྱ་བཅས་ལ། ༀ་{ས་མ་ར་ཡུཾ}ཞེས་མང་དུ་བཟླས་
པས་བསང་ཆུ་བསྒྲུབས་ལ། རྡོ་རྗེ་རྩེ་གཅིག་པའི་ཕྱག་རྒྱ་མཆོད་ཡོན་གྱི་སྣོད་དང་གཏོར་མ་ལ་རེག་སྟེ། ༀ་ཧཱུཾ་སྭཧཱ། ཞེས་ལན་
བདུན། ཨཱརྱ་དེ་བའི་གཞུང་དངོས་ལས་མཆོད་ཡོན་ཁོ་ནས་བསང་ཆུ་བྱེད་པར་བཤད་ཀྱང་ལག་ལེན་དུ་བསང་ཆུ་ལོགས་སུ་བྱེད་
11-1-497


པས། སྔར་བསྒྲུབས་པའི་བསང་ཆུས། གནས་དང་མཆོད་རྫས་ལ་གཏོར་ལ། ༀ་སརྦ་བི་མ་ལ་སཾ་ཤོ་དྷ་ནི་ཧཱུཾ་ཕཊ། 
ཀྱིས་བསངས། སྟོང་པའི་ངང་ལས་གསེར་གྱི་སྣོད་བཟང་ཞིང་རྒྱ་ཆེ་བ་རྣམས་ཀྱི་ནང་དུ། ༀ་བཾ་ཧཱུཾ་
ཤྲིཾ་ཀུཾ་ཀྵུཾ་ཨིཾ་གུཾ་རྣམས་ལས་བྱུང་བའི་མཆོད་རྫས་ཟག་མེད་བདེ་བའི་རང་བཞིན་ནམ་མཁའ་
དང་མཉམ་པར་གྱུར། རྡོ་རྗེ་རྩེ་གཅིག་པའི་ཕྱག་རྒྱ་དང༌། ༀ་པྲ་ཏཱི་ཙྪ་ཨརྒྷཾ་ཧཱུཾ། གཡས་ཀྱི་མཐེབ་མཛུབ་སྦྱར་བ་
དང༌། པྲ་བ་ར་སཏ་ཀཱ་ར་པཱ་དྱཾ་པྲ་ཏཱིཙྪ་ཧཱུཾ། དེ་བཞིན་དུ་དྲི་ཆབ་ལ་སོགས་པའི་ཕྱག་རྒྱ་དང་བཅས་ཏེ། ༀ་ཧཱུཾ་སྭཱཧཱ། 
ༀ་ཤྲཱ་སྭཱཧཱ། ༀ་ཀུཾ་སྭཱཧཱ། ༀ་ཀྵུཾ་སྭཱཧཱ། ༀ་ཨིཾ་སྭཱཧཱ། ༀ་གུཾ་སྭཱཧཱ། ཞེས་བྱིན་གྱིས་བརླབ། 
གསུམ་པ་བགེགས་བསྲུང་བ་ནི། རྡོ་རྗེ་ཁུ་ཚུར་གཉིས་ལས་གུང་མོ་གཉིས་བསྒྲེང་བ་དང༌། ༀ་ཧཱུཾ་ཕཊ། མཐེ་བོང་
གཉིས་སྦྲེལ། སོར་མོ་ལྷག་མ་ངང་པའི་གཤོག་པ་ལྟ་བུ་ཕྱིར་ལྡོག་ལ་སྙིང་གར་བཞག ༀ་བཛྲ་ཀ་ཝ་ཙ་ཧཱུཾ་ཕཊ། བདག་
བསྲུང་བའོ། །སེམས་མ་རྡོ་རྗེ་མའི་ཕྱག་རྒྱ་ཕྱོགས་ཀུན་དུ་བསྐོར་ལ། ༀ་ཧཱུཾ་སྭཱཧཱ། ཕུར་བུའི་ས་གཞི་དང་རྡོ་རྗེའི་
རྭ་བ་དང་དྲ་བར་གྱུར། གནས་བསྲུང་བའོ། །རྡོ་རྗེ་ཁུ་ཚུར་གན་ཀྱལ་ལས་འཛུབ་མོ་བརྐྱང་བ་རྩེ་སྤྲད་དེ་ལྡོག་ནས་སྙིང་ག་
དང་རྒྱབ་དང་སྤྱི་བོ་རྣམས་སུ་ལན་གསུམ་བསྐོར་ནས། ༀ་ཌ་ཊྭུཾ་ཧཱུཾ་སྭཱཧཱ། མཉམ་པའི་ཐལ་མོ་ལན་གསུམ་གདབ་སྟེ། ༀ་
བཛྲ་ཏུ་ཤྱ་ཧོཿ ཅེས་གོ་ཆ་བཅིང་བ་ནི་རྣལ་འབྱོར་བསྲུང་བའོ། །
བཞི་པ་ཚོགས་བསག་པ་ནི། རང་གི་སྙིང་གའི་ཧཱུཾ་ལས་འོད་འཕྲོས། བཅོམ་ལྡན་འདས་མ་ཡེ་
ཤེས་དབང་ཕྱུག་མ་ལྷ་བཅུ་གསུམ་གྱི་དཀྱིལ་འཁོར་སངས་རྒྱས་བྱང་ཆུབ་སེམས་དཔའི་
ཚོགས་དང་བཅས་པ་ༀ་བཛྲ་ས་མཱ་ཛ། མཎྜལ་གྱི་སྟེང་དུ་བཞུགས་པར་གྱུར། དེ་ལ་མཆོད་པ་ནི་
གཡས་པའི་མཐེབ་མཛུབ་སྦྱར། སོར་མོ་ལྷག་མ་རྣམས་བརྐྱང་སྟེ། ༀ་ཤྲཱིཾ་སྭཱཧཱ། མེ་ཏོག་དང༌། ལག་པ་བརྐྱང་སྟེ་དྲིས་བྱུག་
པའི་ཚུལ་དུ། ༀ་ཧཱུཾ་སྭཱཧཱ། དྲི་ཆབ་དང༌། ལག་པ་གཡས་པའི་གུང་མོ་བསྒྲེང་ཞིང་སོར་མོ་ལྷག་མའི་རྩེ་སྦྱར་བ་དང༌། ༀ་ཀུཾ་
སྭཱཧཱ། བདུག་སྤོས་སོ། །གཡས་པའི་ཁུ་ཚུར་ལས་མཐེ་བོང་བསྒྲེང་བ་དང༌། ༀ་ཀྵུཾ་སྭཱཧཱ། མར་མེའོ། །ཐལ་མོ་ཁ་གྱེན་དུ་ཕྱེ་
བ་ལས། མཐེ་བོང་གཉིས་དབུས་སུ་བསྐྱོད་པ་དང༌། ༀ་ཨིཾ་སྭཱཧཱ། ཞལ་ཟས་དང༌། དེ་ཉིད་ལས་མཐེ་བོང་ཕྱིར་བསྐྱེད་པ་དང༌། 
ༀ་གུཾ་སྭཱཧཱས་གཏོར་མ་འབུལ་ལོ། །དེ་ནས་པད་སྐོར་སྔོན་དུ་འགྲོ་བས་ཐལ་མོ་སྦྱར་ནས། ༀ་ན་མ་སྟེ་ཧཱུཾ་ན་མཱ་མི་ཧཱུྃ་
11-1-498


ན་མོ་ན་མཿཧཱུྃ་སྭཱཧཱ། ༀ་པཉྩ་ཌཱ་ཀི་ནཱི་པཱུ་ཛ་ཨུ་པ་ས་ཐཱ་ནཱ་ཡ་ཨཏྨཱ་ནཱཾ་ནཱིར་ཡ་ཏ་ཡཱ་མི། ༀ་ཨཱ་
ཙཱིཪྻ་པཱུ་ཛ་ཨུ་པ་ས་ཐཱ་ནཱ་ཡ་ཨཏྨཱ་ནཱཾ་ནཱིཪྻ་ཏ་ཡཱ་མི། ༀ་ས་ཀ་ལ་{ས་}ཏྭ་པ་རི་ཏྲ་ཎཱ་ཡ་ཨཱཏྨ་ནཱཾ་
ནཱིཪྻ་ཏ་ཡཱ་མི། ས་མ་ཡ་སྟཱཾ། ས་མ་ཡ་ཧོ་ཧོ་ཧོཿ ཞེས་པ་རྣམས་ལན་གསུམ་གྱིས་ཕྱག་བྱ། སངས་རྒྱས་ཆོས་
དང་དགེ་འདུན་ལ། །རྟག་ཏུ་བདག་ནི་སྐྱབས་སུ་མཆི། །ཐམས་ཅད་ཐེག་པ་གསུམ་པོ་དང༌། །
སྦྱོར་བ་གསང་བའི་མཁའ་འགྲོ་མ། །དཔའ་བོ་དཔའ་མོ་དབང་ལྷ་མོ། །བྱང་ཆུབ་སེམས་
དཔའ་བདག་ཉིད་ཆེ། ཁྱད་པར་དུ་ཡང་སློབ་དཔོན་ལ། །རྟག་ཏུ་བདག་ནི་སྐྱབས་སུ་མཆི། །
རྣམ་སྣང་མི་བསྐྱོད་རིན་ཆེན་མཆོག །སྣང་བ་མཐའ་ཡས་དོན་ཡོད་སོགས། །སངས་རྒྱས་
བྱང་ཆུབ་སེམས་དཔའ་ཀུན། བདག་ལ་དགོངས་པར་མཛད་དུ་གསོལ། ཆེ་གེ་མོ་ཞེས་བྱ་བ་
བདག །དུས་འདི་ཉེ་བར་བཟུང་ནས་སུ། །བྱང་ཆུབ་ཆེན་པོ་ཐོབ་ཀྱི་བར། །བླ་ན་མེད་པའི་
བྱང་ཆུབ་སེམས། །མཆོག་ཏུ་བདག་གིས་བསྐྱེད་པར་བགྱི། །ཇི་ལྟར་དུས་གསུམ་མགོན་པོ་
རྣམས། །བྱང་ཆུབ་དུ་ནི་ངེས་མཛད་པའི། །བྱང་ཆུབ་སེམས་ནི་བླ་ན་མེད། །དམ་པ་བདག་
གིས་བསྐྱེད་པར་བགྱི། །ཚུལ་ཁྲིམས་ཀྱི་ནི་བསླབ་པ་དང༌། །དགེ་བའི་ཆོས་ནི་སྡུད་པ་དང༌། །
སེམས་ཅན་དོན་བྱེད་ཚུལ་ཁྲིམས་གསུམ། །སོ་སོར་བརྟན་པོར་བཟུང་བར་བགྱི། །སངས་
རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །སངས་རྒྱས་རྣལ་
འབྱོར་ལས་སྐྱེས་པའི། །སྡོམ་པ་དེང་ནས་བརྟན་པོར་བཟུང༌། །རྡོ་རྗེ་རིགས་མཆོག་ཆེན་པོ་
ལ། །རྡོ་རྗེ་དྲིལ་བུ་ཕྱག་རྒྱ་ཡང༌། །ཡང་དག་ཉིད་དུ་བཟུང་བར་བགྱི། །སློབ་དཔོན་དག་ཀྱང་
བཟུང་བར་བགྱི། །རིན་ཆེན་རིགས་མཆོག་ཆེན་པོ་ཡི། །དམ་ཚིག་ཡིད་དུ་འོང་བ་ལ། །ཉིན་རེ་
བཞིན་ཡང་དུས་དྲུག་ཏུ། །སྦྱིན་པ་རྣམ་བཞི་རྟག་ཏུ་སྦྱིན། །བྱང་ཆུབ་ཆེན་པོ་ལས་བྱུང་བའི། །
པདྨའི་རིགས་ཆེན་དག་པ་ལ། །ཕྱི་དང་གསང་བ་ཐེག་པ་གསུམ། །དམ་པའི་ཆོས་ནི་མ་ལུས་
བཟུང༌། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པ་ནི། །ཡང་དག་ཉིད་
11-1-499


དུ་བཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་མེད་པ། །
དམ་པ་བདག་གིས་བསྐྱེད་བགྱིས་ནས། །སེམས་ཅན་ཀུན་གྱི་དོན་གྱི་ཕྱིར། །བདག་གིས་
སྡོམ་པ་མ་ལུས་བཟུང༌། །མ་བསྒྲལ་བ་རྣམས་བདག་གིས་སྒྲོལ། །མ་གྲོལ་བ་རྣམས་བདག་
གིས་དགྲོལ། །དབུགས་མ་ཕྱིན་པ་དབུགས་དབྱུང་ཞིང༌། །སེམས་ཅན་མྱ་ངན་འདས་ལ་
དགོད། །ཅེས་ལན་གསུམ། །མཆོད་ཡུལ་རང་ལ་ཐིམ། ལྔ་པ་བསྐུལ་ཞིང་བཞེངས་པ་ནི། སྙིང་གར་ཟླ་བ་ལ་གནས་
པའི་ཀྵུཾ་ཡིག་དམར་པོའི་འོད་ཟེར་ཀྱིས་རང་ལུས་དང་སྣོད་བཅུད་ཐམས་ཅད་བསྲེགས་ཏེ་
སྟོང་ཉིད་དུ་སྦྱངས། །སེམས་ཉིད་འོད་གསལ་ཆོས་ཀྱི་སྐུ་ལ་གནས་པར་གྱུར། །ༀ་སྭཱ་བྷཱ་ཝ་
ཤུདྡྷཿསརྦ་དྷརྨཱཿསྭཱ་བྷཱ་ཝ་ཤུདྡྷོ་ཧཾ། དེའི་ཚེ་མཁའ་འགྲོ་མ་བཞིའི་གླུ་དབྱངས་ཀྱིས་བསྐུལ་བ་ནི། 
ཛཿཛཿཛཿཛཿརྡོ་རྗེ་སེམས་དཔའ་དངོས་གྲུབ་བཞུགས་པའི་བདག་པོ་ཁྱོད། །ཧ་ཧ་ཧ་ཧ་ཧཱུཾ་ཡིག་
མགོན་པོ་དམ་ཚིག་བདག་པོ་བདག་ཕྱག་འཚལ། །བ་བ་བ་བ་རྡོ་རྗེ་སྒྲོག་གི་གསང་བ་ལས་
བྱུང་སྐུ་འཛིན་པ། ཨ་ཨ་ཨ་ཨ་ཨ་ཧོ་མགུ་བའི་རྡོ་རྗེ་ཨ་ལི་གཅིག་ཏུ་ཐིམ་པའི་ཧཱུཾ། དེ་ནས་སྟོང་
པའི་ངང་ལས་ཨ་ཨཱ་ཨི་ཨཱི་ཨུ་ཨཱུ་རི་རཱི་ལ་ལཱ་ཨེ་ཨཻ་ཨོ་ཨཽ་ཨཾ་ཨཿལས་ཟླ་བའི་དཀྱིལ་འཁོར། 
དེའི་སྟེང་དུ་ཀ་ཁ་ག་གྷ་ང༌། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་
ལ་ཝ་ཤ་ཥ་ས་ཧ་ཀྵ་ལས་ཟླ་བའི་དཀྱིལ་འཁོར་གཉིས་པར་གྱུར། ཛྙ་ནོ་྅ཧཾ། ཟླ་བའི་དབུས་
སུ་ཧཱུཾ་ལས་རྡོ་རྗེ་སྔོན་པོ་རྩེ་ལྔ་པ་ཧཱུཾ་གིས་མཚན་པ། ༀ་བཛྲ་ཤུདྡྷཿསརྦ་དྷརྨཱཿབཛྲ་ཤུདྡྷོ྅ཧཾ། རྡོ་
རྗེ་དེ་ལས་འོད་འཕྲོས། དེ་བཞིན་གཤེགས་པ་དཔག་ཏུ་མེད་པ་སྤྲུལ། ཞིང་ཁམས་ཐམས་ཅད་
དུ་སེམས་ཅན་གྱི་དོན་བྱས། སླར་ཡང་རྡོ་རྗེ་དེ་ཉིད་ལ་ཐིམ་ༀ་བརྟ་མོ་ནོ྅ཧཾ་ཧོཿ དེ་ལས་རང་
ཉིད་ཡེ་ཤེས་མཁའ་འགྲོ་མ་སྐུ་མདོག་སྔོན་མོ་ཆར་སྤྲིན་འཁྲིགས་པ་ལྟ་བུ་འོད་ཟེར་འབར་བ། 
རྩ་ཞལ་མཐིང་ཁ་ཤས་ཆེར་ཁྲོས་པ། གཡས་ཞལ་དཀར་པོ་ཅུང་ཟད་བཞད་པ། གཡོན་ཞལ་
དམར་པོ་སྒེག་པའི་ཉམས་ཅན། ཞལ་རེ་རེ་ལ་སྤྱན་གསུམ་གསུམ་དང་ལྡན་པ། དབུ་སྐྲ་
11-1-500


དམར་སེར་གྲོལ་བ། སངས་རྒྱས་ལྔ་དང་ཐོད་སྐམ་ཀྱིས་དབུ་ལ་བརྒྱན་པ། ན་བཟའ་དམར་
པོ་བསྣམས་ཞིང་སྦྲུལ་དང་རིན་པོ་ཆེའི་སྤྲས་པ། འོད་ཟེར་འབར་བའི་ཕྲེང་བ་ཅན། ཕྱག་དྲུག་
གི་གཡས་པ་གསུམ་གྱིས་ཁ་ཊྭཱཾ་ག་འཕྱར་བ་དང༌། དགྲ་སྟ་དང༌། རྡོ་རྗེ། གཡོན་གསུམ་གྱིས་རྡོ་
རྗེ་དྲིལ་བུ་དང༌། ཐུགས་ཀར་གཏོད་པའི་ཐོད་པ་དང༌། རལ་གྲི་འཛིན་པ། སེངྒེའི་གདན་གྱི་
སྟེང་དུ་པད་ཉི་ལ་སེམས་དཔའི་སྐྱིལ་མོ་ཀྲུང་གིས་བཞུགས་ཤིང་རང་འོད་ཀྱི་རྡོ་རྗེ་སེམས་
དཔའ་ལ་འཁྱུད་པའོ། །ༀ་ཨུདྦྷ་ཝོ྅ཧཾ་ཨཱ་ཨཱ་ཨཱ་ཨཾ་ཧཱུཾ་སྭཱཧཱ། ༀ་ཡོ་ག་ཤུདྡྷ་སརྦ་དྷརྨཱཿཡོ་ག་
ཤུདྡྷོ྅ཧཾ། རྡོ་རྗེ་གསོར་ཞིང༌། ༀ་ཛྙཱ་ན་ཀཱ་ཡོ྅ཧཾ། དྲུག་པ་བྱིན་ཀྱིས་བརླབ་པ་ནི། གོང་བཞིན་ཡན་ལག་བརྒྱད་བསྲུང་བ་
དང༌། དཔྲལ་བར་ༀ། མགྲིན་པར་ཨཱཿ ཐུགས་ཀར་ཧཱུཾ། བ་དན་རྩེ་གསུམ་པའི་ཕྱག་རྒྱས་རེག་ལ། ༀ་བཛྲ་
ཀཱ་ཡ་ཧོ། ༀ་བཛྲ་བཱཀྱ་ཨཱཿༀ་བཛྲ་ཙིཏྟ་ཧཱུཾ། ཞེས་པ་རྣམས་ཀྱིས་རྒྱས་བཏབ། བདུན་པ་དབང་བསྐུར་བ་ནི། ཐལ་མོ་
སྦྱར་བའི་མཐའ་བཞི་ལྕགས་སྒྲོག་ལྟར་འདུད། དབུས་གཉིས་རྩེ་སྦྱར། བར་པ་བཞི་བརྐྱང་བ་རྡོ་རྗེ་རྩེ་ལྔ་པའི་ཕྱག་རྒྱ་སྙིང་ག་
དཔྲལ་བ་མགྲིན་པ་སྤྱི་བོ་རྣམས་སུ་རེག་ཅིང༌། ས་མ་ཡོ྅ཧཾ་ཧཱུཾ་ཧཱུཾ་ས་མ་ཡོ་སྟྭཾ་ཨ་དྷ་ཏིཥྚ་མཱཾ། ཅེས་བརྗོད། རྡོ་རྗེ་རྩེ་
གསུམ་གྱི་ཕྱག་རྒྱ་མགོ་བོའི་གནས་ལྔར་རེག་སྟེ། ༀ་ཧཱུཾ་ཨཱཿསྭཱཧཱ། རྣམ་སྣང་གཙོ་བོར་གྱུར་པའི་རིགས་ལྔས་
དབུ་བརྒྱན། བརྒྱད་པ་མཆོད་བསྟོད་ནི། གོང་དུ་བསྟན་པ་ལྟར་ཕྱག་རྒྱ་བྱས་ལ། ༀ་བཛྲ་པུཥྤེ་མཱ་ལེ་སྭཱཧཱ། ༀ་དྷཱུ་
པེ་ཤྭ་རི་ཧཱུཾ་སྭཱཧཱ། ༀ་ཏིཀྵྞ་དཱི་པེ་ཧཱུཾ་སྭཱཧཱ། ༀ་པྲ་ཏཱིཙྪ་སུ་གནྡྷེ་ཧཱུཾ་སྭཱཧཱ། ༀ་ཀུ་རུ་ཀུ་རུ་མཧཱ་བ་ལི་ཧཱུཾ་
སྭཱཧཱ། ཞེས་པས་མཆོད། ༀ་ཧཱུཾ་སྭཱཧཱ། རྡོ་རྗེ་བཟུང༌། ༀ་ཧྲཱིཿསྭཱཧཱ། དྲིལ་བུ་དཀྲོལ། འཕྲོག་བྱེད་ཅོད་པན་ནོར་
བུའི་འོད་ཀྱིས་ཞབས་གཉིས་བརྒྱན། །དྲིལ་བུ་ལས་བྱུང་ཐུགས་ཀར་དམ་དུ་འཁྱུད་པའི་སྐུ། །
ཞབས་གཉིས་བསྐྱོད་པས་གསང་བ་ལས་བྱུང་པདྨར་སྦྱོར། །རྡོ་རྗེ་སེམས་མཛེས་དབང་ཕྱུག་
དམ་པའི་གོ་འཕང་མཆོག །ཅེས་བསྟོད། དགུ་པ་རྟེན་གྱི་དཀྱིལ་འཁོར་སྒོམ་པ་ནི། ལག་པ་གཡོན་པའི་རྒྱབ་དང༌། 
གཡས་ཀྱི་མདུན་སྦྱར་བས་དབང་ལྡན་ནས་བརྩམས་ཏེ་བསྐོར་ཞིང༌། ༀ་བཛྲ་པྲ་ཀ་ར་ཧཱུཾ་ཕཊ། རྡོ་རྗེའི་རྭ་བ་དང༌། ལག་
གཉིས་ཕན་ཚུན་རྩེ་སྤྲད། ༀ་ཛུཾ་སྭཱཧཱ། སྟེང་དུ་རྡོ་རྗེ་དྲ་བ་དང༌། གཡོན་པའི་ཁུ་ཚུར་གྱིས་མཐེ་བོ་ས་ལ་བཙུགས་ཏེ། 
11-1-501


ༀ་བྷྲུཾ་སྭཱཧཱ། འོག་ཏུ་ཕུར་བུའི་ས་གཞི་དང༌། དེ་རྣམས་སྟེང་དུ་བསྐོར་ཏེ། ༀ་ཛཾ་སྭཱཧཱ། ནམ་མཁའ་ལ་རྡོ་རྗེའི་བླ་
བྲེའོ། །བསྲུང་བའི་འཁོར་ལོའི་ནང་དུ་ཡུམ་ལས་རླུང་གི་དཀྱིལ་འཁོར་སྔོན་པོ་ཟླ་གམ་ཀྵུཾ་ལས་
མེའི་དཀྱིལ་འཁོར་དམར་པོ་གྲུ་གསུམ། སུཾ་ལས་ཆུའི་དཀྱིལ་འཁོར་དཀར་པོ་ཟླུམ་པོ། དེའི་
སྟེང་དུ་ཧཱུཾ་ལས་སའི་དཀྱིལ་འཁོར་སེར་པོ་གྲུ་བཞི། ཧཱུཾ་སུཾ་ཧཱུཾ་ལས་རི་རབ་ལྷུན་པོ་ལྕོག་བརྒྱད་
ཀྱིས་མཛེས་པ་རྣམས་སྟེང་ནས་སྟེང་དུ་བརྩེགས་པའོ། །རྡོ་རྗེ་བསྡམ་པ་ཁ་སྦུབ་སྟེ་ས་ལ་བཞག ༀ་ཧཱུཾ་
སྭཱཧཱ། ས་གཞི་རྡོ་རྗེའི་རང་བཞིན་དུ་གྱུར། དེའི་སྟེང་དུ་རིན་པོ་ཆེ་སྣ་བདུན་གྱིས་སྤྲས་པའི་
གསེར་གྱི་གཞལ་མེད་ཁང་གྲུ་བཞི་སྒོ་བཞི་རྟ་བབས་བཞིས་བརྒྱན་པ། རྩིག་པ་རིམ་པ་ལྔ་
དང་ལྡན་པ། རིན་པོ་ཆེའི་ཕ་གུ་དང༌། དྲ་བ་དང༌། དྲ་བ་ཕྱེད་པ་དང༌། ཤར་བུ་དང༌། མདའ་
ཡབ་དང་ལྡན་པ། རྩིག་པའི་ཕྱི་རོལ་དུ་མཆོད་པའི་གཟུངས་མ་རྣམས་དང་ལྡན་པའི་ཁ་ཁྱེར་
གྱིས་བསྐོར་བ། རིན་པོ་ཆེའི་རང་བཞིན་གྱི་ཀ་བ་དང༌། དྲིལ་བུ་ལ་སོགས་པའི་རྒྱན་ཐམས་
ཅད་ཀྱིས་བརྒྱན་པ། ནང་ཀ་བ་བརྒྱད་དང་ལྡན་པས་སྟེང་ཐོག་རིམ་པར་ཕུབ་པ། དབུས་ཕྱུར་
བུའི་རྩེ་མོར་རྡོ་རྗེ་རིན་པོ་ཆེའི་ཏོག་གིས་བརྒྱན་པ། ནང་གི་ལྷ་སྣམ་ཤར་དཀར་བྱང་སེར་ནུབ་
དམར་ལྷོ་ནག དབུས་སྔོ་བའི་སྟེང་དུ་པདྨ་དཀར་པོ་འདབ་མ་བརྒྱད་པའོ། །གཞལ་ཡས་ཁང་
གི་ཕྱི་རོལ་པདྨའི་ཁོར་ཡུག་དང༌། མཚན་ཉིད་ཐམས་ཅད་ཡོངས་སུ་རྫོགས་པའི་དུར་ཁྲོད་
ཆེན་པོ་བརྒྱད་དང༌། རྡོ་རྗེའི་རྭ་བ་དང༌། མེའི་ཁོར་ཡུག་གིས་བསྐོར་བ། ནང་གི་པདྨའི་ལྟེ་བ་
དང་ཕྱོགས་བཞིའི་འདབ་མ་ལ་སེང་གེའི་གདན་པད་ཉི་དང་བཅས་པ། སྟེང་གི་ནམ་མཁའ་
ལ་གདུགས་དཀར་པོ་རེ་རེས་བརྒྱན་པའོ། །བྱང་ཤར་དུ་གླང་པོ་ཆེ། ཤར་ལྷོར་རིན་པོ་ཆེ་སྣ་
བདུན་གྱི་ཁྲི། ལྷོ་ནུབ་ཏུ་མ་ཧེ། ནུབ་བྱང་དུ་སྦྲུལ། སྒོ་བཞིར་མི་རོའི་གདན་དེ་རྣམས་ཀྱི་སྟེང་
དུའང་པདྨ་དང་ཉི་མའི་གདན་རེ་རེའོ། །བཅུ་པ་བརྟེན་པ་ལྷ་ཚོགས་སྤྲོ་བ་ནི། བདག་ཉིད་ནམ་མཁར་
གནས་པའི་ཐུགས་ཀ་ནས་ཁམས་ལྔའི་དྭངས་མ་རླུང་འོད་ཀྱི་གོང་བུ་གཞལ་མེད་ཁང་གནས་
11-1-502


སུ་བབས་ཤིང༌། ཞུགས་པ། དབུས་ཀྱི་གདན་གྱི་སྟེང་དུ་ཧཱུཾ་དུ་གྱུར། ཧཱུཾ་ལས་རྡོ་རྗེ་ཧཱུཾ་གིས་
མཚན་པའི་འོད་ཟེར་གྱི་འཕྲོ་འདུ་ལས་ཡེ་ཤེས་མཁའ་འགྲོ་མ་སྐུ་མདོག་སྔོན་མོ་ནས་སེམས་
དཔའི་སྐྱིལ་ཀྲུང་གིས་བཞུགས་པའོ། །འདི་སྤྱི་ཐེར་བ་རྣམ་རྒྱལ་དབང་པོ་དང༌། རྔོག་པའི་བཞེད་པ་ནི། ནམ་མཁའི་
ལྷ་ཉིད་བབས་པར་བཞེད་དོ། །རང་གི་སྙིང་གར་ཟླ་བ་ལ་ཡི་གེ་རླུང་གི་རང་བཞིན་གྱི་ལྷ་ཚོགས་རྣམས་
འཁོད་པར་བསམ་རང་གི་ཐུགས་ཀ་ནས་ནམ་མཁའི་རླུང་ཧཱུཾ་ཞེས་སྤྲོས་པ་ལས་ཡེ་ཤེས་
མཁའ་འགྲོ་མའི་ཚོགས་དཔག་ཏུ་མེད་པ་སྤྲོས། སེམས་ཅན་ཐམས་ཅད་ཀྱི་དོན་བྱས། ཚུར་
འདུས་ནམ་མཁར་བཞུགས་པའི་ཡེ་ཤེས་དབང་ཕྱུག་མ་དང་བཅས་པ་དབུས་ཀྱི་ཡེ་ཤེས་
མཁའ་འགྲོ་མ་ལ་ཐིམ། རང་གི་ཆུའི་རླུང་སུཾ་ཞེས་བྱ་བས་ཕྱུང་བ་ལས་ཤར་དུ་རྡོ་རྗེ་མཁའ་
འགྲོ་མ་ཟླ་བའི་མདོག་ཅན། མེའི་རླུང་ཀྵུཾ་ཞེས་བྱ་བས་ཕྱུང་བ་ལས་བྱང་དུ་དྲག་མོ་མཁའ་འགྲོ་
མ་གསེར་གྱི་མདོག་ཅན། རླུང་གི་རླུང་ཡུཾ་ཞེས་བྱ་བས་ཕྱུང་བ་ལས་ནུབ་ཏུ་རོ་ལངས་མཁའ་
འགྲོ་མ་བྱི་རུའི་མདོག་ཅན། སའི་རླུང་ཧཱུཾ་ཞེས་བྱ་བས་ཕྱུང་བ་ལས་ལྷོར་གདོལ་བ་མོ་མཁའ་
འགྲོ་མ་བུང་བའི་མདོག་ཅན། དེ་བཞི་ཀར་ཡང་གོས་དམར་པོ་བསྣམས་ཤིང༌། ཕྱག་གཡས་
ཁ་ཊྭཱཾ་ག་གཡོན་ཐོད་པ་བསྣམས་པའོ། །མེ་ཆུ་འདྲེས་པའི་རླུང་སྨྼྻུཾ། ཞེས་པས་སྤྲོས་པ་ལས། 
བྱང་ཤར་དུ་སེང་གེ་གདོང་མ་གཡས་སེར་གཡོན་དཀར་བ། ཆུ་ས་འདྲེས་པའི་རླུང་ཧྨྼྻུཾ། ཞེས་
པས་སྤྲོས་པ་ལས་ཤར་ལྷོར་སྟག་གདོང་མ་གཡས་དཀར་གཡོན་སྔོ་བ། ས་རླུང་འདྲེས་པའི་
རླུང་ཡྨྼྻུཾ། ཞེས་པས་སྤྲོས་པ་ལས་ལྷོ་ནུབ་ཏུ་ཅེ་སྤྱང་གདོང་གཡས་སྔོ་གཡོན་དམར་བ། རླུང་མེ་
འདྲེས་པའི་རླུང་ཀྵྨྼྻུཾ། ཞེས་བྱ་བས་སྤྲོས་པ་ལས་ནུབ་བྱང་དུ་འུག་གདོང་མ་གཡས་དམར་
གཡོན་སེར་བ། དེ་རྣམས་མཛེས་པའི་ན་བཟའ་ཅན། གཡས་རྡོ་རྗེ་ལྕགས་ཀྱུ་དང་གཡོན་
ཞགས་པ་དང་བཅས་པའི་སྡིག་འཛུབ་མཛད་པ། གཤེར་བྱེད་ཀྱི་རླུང་ཕུཾ་ཞེས་བྱ་བས་སྤྲོས་པ་
ལས་ཤར་སྒོར་རྒྱལ་དབང་མ་དཀར་མོ་ལག་པའི་རྩེ་གཉིས་ཁར་བཅུག་ནས་དྲག་ཏུ་རྒོད་པ། 
11-1-503


སྲེག་བྱེད་ཀྱི་རླུང་ཕྲེཾ་ཞེས་བྱ་བས་སྤྲོས་པ་ལས་བྱང་སྒོར་འབར་བྱེད་མ་སེར་མོ་སྤྱི་བོར་ཐལ་མོ་
སྦྱར་བས་གནས་པ། གཡོ་བྱེད་ཀྱི་རླུང་ཕྲོཾ་ཞེས་བྱ་བས་སྤྲོས་པ་ལས་ནུབ་སྒོར་འཐིབ་བྱེད་མ་
དམར་མོ་སྙིམ་པ་ཁྲག་གིས་བཀང་ནས་གསོལ་བ། ནོར་འཛིན་གྱི་རླུང་ཕྲིཾ་ཞེས་བྱ་བས་སྤྲོས་
པ་ལས་ལྷོ་སྒོར་འཕྲོག་བྱེད་མའམ་གཡོ་ལྡན་མ་ནག་མོ་གཡས་སྡིགས་འཛུབ་དང༌། གཡོན་
གཏུན་ཤིང་བསྣམས་པ། དེ་ལྟར་སྒོ་སྐྱོང་བཞི་ནི་ཞབས་གཡོན་བརྐྱང་གི་སྟབས་ཀྱིས་
བཞུགས་པ། མཁའ་འགྲོ་མ་བཅུ་གཉིས་པོ་ཐམས་ཅད་ཀྱང་ཞལ་གཅིག་ཕྱག་གཉིས་སྤྱན་
གསུམ་མ། ཤིན་ཏུ་འཇིགས་ཤིང་མཆེ་བ་གཙིགས་མ། །དབུ་སྐྲ་དམར་སེར་གྲོལ་ཞིང་འཕྱང་
བ། །སྦྲུལ་ལ་སོགས་པ་རྒྱན་ཐམས་ཅད་ཀྱིས་བརྒྱན་པ། །འབར་བའི་འོད་ཀྱི་འཕྲེང་བས་
ཡོངས་སུ་བསྐོར་བའོ། །བཅུ་གཅིག་པ་གོ་ཆ་བྱིན་གྱིས་བརླབ་པ་ནི། བ་དན་རྩེ་གསུམ་པའི་ཕྱག་རྒྱས་གནས་རྣམས་སུ་
རེག་སྟེ། ལྕེ་ལ་སུཾ། སོགས་བུ་ག་བརྒྱད་གོང་བཞིན་བྱིན་གྱིས་བརླབས། ༀ་བཛྲ་ཀཱ་ཡ་ཧཱུཾ། ༀ་བཛྲ་ཝཱ་ཀྱ་ཨཱཿ ༀ་
བཛྲ་ཙིཏྟ་ཧཱུཾ། ཞེས་སོ། །བཅུ་གཉིས་པ་ཡེ་ཤེས་སེམས་དཔའ་དགུག་གཞུག་ནི། རང་གི་སྙིང་གའི་ས་བོན་ལས་
འོད་ཟེར་འཕྲོས་པས། ཡེ་ཤེས་མཁའ་འགྲོ་མ་ལྷ་བཅུ་གསུམ་གྱི་དཀྱིལ་འཁོར་མདུན་གྱི་ནམ་
མཁར་ༀ་བཛྲ་ས་མཱ་ཛ། ༀ་བཛྲ་པུཥྤེ་མཱ་ལེ་སོགས་མཆོད་པ་ལྔས་གོང་བཞིན་མཆོད། འཕྲོག་བྱེད་ཅོད་
པཎ་སོགས་ཀྱིས་བསྟོད། ༀ་བཛྲ་ཨངྐུ་ཤ་ཛཿ ༀ་སྨྼྻུཾ། སོགས་ཀྱིས་བགེགས་བསྐྲད། ༀ་བཛྲ་པཱ་ཤ་ཧཱུཾ། ༀ་
བཛྲ་སྥོ་ཊ་བཾ། ༀ་བཛྲ་གྷཎྜེ་ཧོཿ པདྨའི་ཕྱག་རྒྱ་དང༌། ༀ་ཏིཥྛ་ཨ་ས་ན་ཧཱུཾ་ཕཊ་ཀྱིས་གདན་ཕུལ་བཅུ་གསུམ་པ་
ཕྱག་རྒྱས་བཏབ་པ་ནི། ༀ་ཧཱུཾ་ཧཿས་མ་ཡ་ཡུ་ཏིཥྛ་དྲྀ་ཤྱ་ཛཿཧཱུཾ་བཾ་ཧོཿས་མ་ཡ་སྟཾ་ས་མ་ཡོ྅ཧཾ། ཞེས་པའི་
སྔགས་དང༌། གཡས་དང་གཡོན་དུ་པད་སྐོར་སྔོན་དུ་འགྲོ་བའི་རྡོ་རྗེ་བསྡམས་པ་བཅིང་པ་ནི། ཕྱག་རྒྱ་ཐམས་ཅད་ཀྱི་སྔོན་འགྲོ་བ་
ཡིན་ལ། དེ་འདྲ་རེ་རེའི་མཐར་སོ་སོའི་ཕྱག་རྒྱ་འཆིང་བ་ལས་རྡོ་རྗེ་ཁུ་ཚུར་གཡོན་པ་སྙིང་གར་བཞག གཡས་པ་མཆན་ཁུང་
གཡོན་དུ་བཅུག་པ་དང༌། ༀ་ཧཱུཾ་སྭཱཧཱ། ལྷ་སྤྱིའི་དམ་རྒྱའོ། རྡོ་རྗེ་ཁུ་ཚུར་རམ་རྡོ་རྗེ་བསྡམས་པ་ལས་གུང་མོ་གཉིས་བརྐྱང་བ་
དང༌། ༀ་ཨ་ཧཱུཾ་སྭཱཧཱ། ཡེ་ཤེས་མཁའ་འགྲོ་མའི་འོ། །སོར་མོ་བསྣོལ་ལག་མཐིལ་ལན་གསུམ་བརྡེབ། མཐེ་བོང་ཐལ་མོའི་
11-1-504


དབུས་སུ་བསྐྱོད་པ་དང༌། ༀ་ཨ་སྭཱཧཱ། རྡོ་རྗེ་མའི་འོ། །རྡོ་རྗེའི་ཁུ་ཚུར་ལས་མཐེ་བོང་གཉིས་བསྒྲེང་བ་དང༌། ༀ་ཨཱ་སྭཱཧཱ་
དྲག་མོའི་འོ། །དེ་ནས་མཐེ་ཆུང་གཉིས་བསྒྲེང་བ་དང༌། ༀ་ཨཱཿསྭཱཧཱ། རོ་ལངས་མའི་འོ། །དེ་ཉིད་ལས་གུང་མོ་བསྒྲེང་བ། ༀ་
ཨཾ་སྭཱཧཱ། གདོལ་པ་མོའི་དང༌། རྡོ་རྗེ་ཁུ་ཚུར་ཁ་སྤྲད་པ་ལས་འཛུབ་མོ་གཉིས་རྩེ་སྒུར་མོར་བརྐྱང་བ་ནི་མཚམས་ཀྱི་ལྷ་མོ་བཞི་
སྟེ། ༀ་ར་སྭཱཧཱ། སེང་གེ་མོའི་འོ། །ༀ་རཱ་སྭཱཧཱ། སྟག་མོའི་འོ། །ༀ་ལ་སྭཱཧཱ། ཞེས་ཅེ་སྤྱང་མོའི་འོ། །ༀ་ལཱ་སྭཱཧཱ། 
འུག་པ་མོའི་འོ། །ཐལ་མོ་གཉིས་ཁ་ཕྱེ་སྟེ་མཐེ་བོང་ཁར་བཅུག་པ་དང༌། ༀ་ཕུཾ་སྭཱཧཱ། རྒྱལ་དབང་མོའི་འོ། །སོར་མོ་བསྣོལ་
བའི་ཐལ་མོ་སྤྱི་བོར་བཞག་པ་དང༌། ༀ་ཕྲེཾ་སྭཱཧཱ། འབར་བྱེད་མའི་འོ། །ཐལ་མོ་སྦྱར་ཏེ་ཁ་ཕྱེ་བ་ཁའི་ཐད་དམ་གསང་གནས་
སུ་བཞག་པ་དང༌། ༀ་ཕྲོཾ་སྭཱཧཱ། འཐིབ་བྱེད་མའི་འོ། །པད་སྐོར་གྱི་མཐར་སོར་མོ་སྐྱེ་གནས་དབྱེ་བའི་ཚུལ་ལམ། ཡང་ན་རྡོ་རྗེ་
བསྡམས་པ་ལས་འཛུབ་མོ་གཉིས་བརྐྱང་བ་གསང་བར་བཞག་པའམ། གཡོན་པའི་ཁུ་ཚུར་རྣ་བའི་རྩར་བཞག་པ་དང༌། ༀ་ཕྲིཾ་
སྭཱཧཱ། འཕྲོག་བྱེད་མའི་འོ། །ཡང་ན་དེ་བཞི་ལ། ༀ་ཨིཾ་སྭཱཧཱ། ༀ་ཨེཾ་སྭཱཧཱ། ༀ་ༀ་སྭཱཧཱ། ༀ་ཨཱཿསྭཱཧཱ། ཞེས་པ་
རྣམས་ཀྱང་བཤད་དེ། ཕྱག་རྒྱ་དང་བཅས་པའི་སྔགས་དེ་དག་ལན་བདུན་བདུན་གྱིས་བརྟན་པར་བྱེད་པའོ། །འདི་དག་ནི་དམ་
ཚིག་གི་ཕྱག་རྒྱས་རྒྱས་བཏབ་པ་ཡིན་ཏེ། གདན་བཞིའི་བསྡུས་རྒྱུད་གཞུང་མན་ངག་དང་བཅས་པ་ལས་འདི་ཙམ་ཁོ་ན་གསུངས་
པས། ཡེ་ཤེས་དབང་ཕྱུག་མའི་དཀྱིལ་འཁོར་ལ་ཕྱག་རྒྱ་རྒྱས་འདེབས་གཞན་རྣམས་མི་དགོས་ལ། དཀྱིལ་ཆོག་སྙིང་པོ་མདོར་
བསགས་དང༌། རྣལ་འབྱོར་ནམ་མཁའི་སྒྲུབ་ཐབས་རྣམས་ལས་ནི། ཕྱག་རྒྱ་བཞི་རྒྱས་བཏབ་ཏུ་གསུངས་ཏེ། རྒྱུད་རྒྱས་པའི་
དགོངས་པར་འདོད་དོ། །ཡང་རང་གི་སྙིང་གའི་ས་བོན་གྱི་འོད་ཟེར་གྱིས་དབང་གི་ལྷ་སངས་རྒྱས་བྱང་
ཆུབ་སེམས་དཔའ་ཐམས་ཅད་མདུན་གྱི་ནམ་མཁར་བཛྲ་ས་མཱ་ཛཿ ལྷ་མོ་བདུད་རྩིའི་བུམ་ཆུ་
ཐོགས་པ་རྣམས་ཀྱིས་བུམ་པའི་ཆུའི་དབང་བསྐུར། ལྷ་ཐམས་ཅད་ལ་རིགས་ལྔའི་དབུ་རྒྱན་
གྱི་སྟེང་དུ་རྡོ་རྗེ་རྩེ་ལྔ་པས་མཚན་པར་གྱུར། བཅུ་བཞི་པ་མཆོད་བསྟོད་བདུད་རྩི་མྱང་བ་ནི། ཉེར་སྤྱོད་ལྔ་དང་ཤ་
ལྔ་དང་བདུད་རྩི་ལྔ་དང་གཏོར་མ་སོགས་བྱིན་གྱིས་བརླབ་པར་མོས་ལ། ༀ་ཧ་ཧོ་ཧྲཱིཿསྭཱཧཱ། ལན་མང་དུ་བརྗོད། གོང་
བཞིན། པུཥྤེ་མཱ་ལེ་ལ་སོགས་པ་མཆོད་པ་ལྔས་མཆོད། སྤྲོ་ན་ཕྱག་རྒྱ་ཉི་ཤུས་ཀྱང་མཆོད་ཅིང་སྒེག་སོགས་བརྒྱད་ཀྱིས་མཆོད་
པར་མོས་ལ། ༀ་ཧཱུཾ་སྭཱཧཱ། སྒེག་མོ་དང༌། ༀ་ཧཱུཾ་ཧོཿསྭཱཧཱ། པི་ཝཾ་མ་དང༌། ཁའི་རྩར་མཛུབ་མོས་གཡབ་པས། ༀ་ཧཱུཾ་ཧཱུཾ་
11-1-505


ཧཱུཾ་སྭཱཧཱ་གླུ་མ་དང༌། ༀ་སུ་ན ར་ཏྱ་སྭཱཧཱ། གར་མ་དང༌། ༀ་ཧཱུཾ་སྭཱཧཱ་དྲི་ཆབ་མ་དང༌། ༀ་ཤྲཱ་སྭཱཧཱ། མེ་ཏོག་མ་དང༌། 
ༀ་ཀུཾ་སྭཱཧཱ། བདུག་སྤོས་མ་དང༌། ༀ་ཀྵུཾ་སྭཱཧཱ། མར་མེ་མ་རྣམས་སོ། །དེ་ནས་རྡོ་རྗེའི་གླུའི་མཆོད་པ་ནི། ༀ་ཧཱུཾ་སྭཱཧཱ་ས་
རྡོ་རྗེ་བླངས་ལ། མཛེས་པའི་རྡོ་རྗེ་གསོར་བྱས་ལ། །ཐམས་ཅད་མྱ་ངན་འདས་པར་སྒྲོལ། །ཆོས་
ཀྱི་རྣམ་པར་དག་བྱེད་པ། །རྡོ་རྗེ་སྙིང་པོ་བླང་བར་གྱིས། །ལྷ་ཉི་ཤུ་རྩ་བདུན་དུ་ཤེས་པས་རྡོ་རྗེ་གསོར། ༀ་
ཧྲཱིཿསྭཱཧཱ། དྲིལ་བུ་བླངས། ༀ་བཛྲ་གྷཎྜེ་ར་ཎི་ཏ་པྲ་ར་ཎི་ཏ་སཾ་པྲ་ར་ཎི་ཏ་སརྦ་བུདྡྷ་ཀྵེ་ཏྲ་པྲ་ཙ་ལི་ཏེ་
པྲ་ཛྙཱ་པ་ར་མི་ཏ་ན་ད་སམྦྷ་ཝེ་ཏ་བཛྲ་དྷརྨ་ཧྲི་ད་ཡ་ནི་སནྟོ་ཥ་ནི་ཧཱུཾ་ཧཱུཾ་ཧཱུཾ་ཧོ་ཧོ་ཧོ་ཨཱ་ཁཾ་སྭཱཧཱ། ལྷ་ཉི་
ཤུ་རྩ་གཅིག་གི་ངོ་བོར་མོས་ནས་ཕྱོགས་བརྒྱད་དུ་དཀྲོལ་ལོ། །དེ་ནས་འདི་སྐད་ཅེས། ཧཱུཾ་བདེ་བའི་ཐུགས་གདན་རྡོ་
རྗེ་ཅན། །བདག་གི་མིག་གིས་དེ་མཐོང་ངོ༌། །ཡིག་གེ་དངོས་པོའི་རང་བཞིན་ནི། །སྟོང་པ་
རྒྱས་པ་དེ་ཡིན་ནོ། །དངོས་དང་དངོས་མེད་ལས་གྲོལ་བའི། །དབུས་ནི་རྣམ་པར་ཤེས་བྱས་
ཏེ། །ཡིག་གེ་ཐམས་ཅད་འཇོམས་བྱས་ནས། །འདི་ནི་ཤིནྟུ་བསམ་པ་ཡིན། །ཕན་ཚུན་འཁྱུད་
ནས་སྦྱོར་བ་ལས། །འགྱིང་བག་ཏུ་ནི་འདའ་བྱའོ། །གཉིས་མེད་ཆོས་ནི་རྙེད་གྱུར་ནས། །མྱ་
ངན་འདས་པ་འདི་ཐོབ་བོ། །འཁོར་བའི་བྱ་བ་མ་རྨོངས་ན། །དེ་ནི་མྱ་ངན་ལས་འདས་པ། །
རང་བཞིན་ཀུན་གྱི་རྣལ་འབྱོར་མ། །གར་བྱེད་སྨྱོ་བ་བཞིན་དུ་ནི། །རྣལ་འབྱོར་མ་ལྔ་སངས་
རྒྱས་ཏེ། །དེ་ནི་དེ་བཞིན་ཉིད་དུ་བརྟག །སྣ་ཚོགས་མང་པོ་གཟུགས་སྤྲུལ་པ། །སེམས་ཅན་
རྣམ་པར་སྨིན་བྱེད་དེས། །འཁོར་བ་ཡི་ནི་དོན་བྱེད་དེ། །ཆོས་ཉིད་འདི་ལ་མ་རྨོངས་ན། །རྣལ་
འབྱོར་པ་ཡི་ཐར་ལམ་འདི། །ཆོས་ཀྱི་སྙིང་པོ་ཕྱག་འཚལ་ལོ། །དེ་བཞིན་དུ། །སེམས་ཅན་སྒྲོལ་
བྱེད་རྣལ་འབྱོར་བདག་ལ་བསྟོད་ཕྱག་འཚལ། །ཀུན་ཏུ་བདག་ཉིད་ངོ་བོ་གཅིག་ལ་བསྟོད་
ཕྱག་འཚལ། །འཁོར་བའི་རྒྱ་མཚོ་རྨོངས་པ་གཅོད་ལ་བསྟོད་ཕྱག་འཚལ། བདག་གིས་རྟག་
ཏུ་དེ་བཞིན་ཉིད་གཅིག་བསྟོད་ཕྱག་འཚལ། །ཅེས་པས་བསྟོད། སྤྲོས་པ་ལ་དགའ་ན། བསྟོད་པ་རྒྱས་པ་བྱེད་
པར་གཞུང་ནས་བཤད་ཅིང་མན་ངག་ལས་ཀྱང་མཛད་དོ། །དེ་ནས་བདུད་རྩི་མྱང་བ་ནི། པད་སྐོར་སྔོན་དུ་འགྲོ་བས་བདུད་རྩིའི་
11-1-506


སྣོད་བླངས་ལ། ལག་མཐིལ་གཡས་པར་ཉི་མའི་སྟེང་དུ་ཐོད་པ། གཡོན་རྩེ་གསུམ་གྱི་ཕྱག་རྒྱས་
ཁ་བཀབ་ལ། ལག་མཐིལ་གཡོན་དུ་ཨ་ལས་བྱུང་བའི་ཟླ་བའི་སྟེང་དུ་སུཾ་དཀར་པོ་ལ་ཨཱ་ལི་
བཅུ་དྲུག་གིས་བསྐོར་བའོ། དེ་རྣམས་དང་སོར་མོ་རྡོ་རྗེར་གྱུར་པ་ལས་བདུད་རྩིའི་རྒྱུན་
བབས་པས་ཐོད་པ་གང་བར་གྱུར། ༀ་ཧ་ཧོ་ཧྲིཿཞེས་བརྗོད་ཅིང༌། གཡོན་པའི་མཐེ་བོང་ཧཱུཾ་ལས་
གསེར་གྱི་ས་གཞི་སྲིན་ལག་སུཾ་ལས་རི་རབ་ཏུ་མོས། བསྲུབས་པས་བདུད་རྩིའི་རྒྱ་མཚོར་
གྱུར་པར་བསམས་ཏེ། འབྲུ་གསུམ་གྱིས་ཐིགས་གཏོར་ལན་གསུམ། མགྲིན་པར་མཆོད་རྟེན་དཀར་པོ་གནས་པ་ལ་ཕུལ། དེ་
བཞིན་དུ་སྙིང་གར་ཡེ་ཤེས་སེམས་དཔའ་དང༌། སྤྱི་བོར་བླ་མ་རྣམས་ལ་ཐིགས་གཏོར་གསུམ་གསུམ་འབུལ། དེ་ནས་གོང་དུ་
བསྟན་པའི་སྔགས་རྣམས་ཀྱིས་ནུས་ན་ལྷ་ཐམས་ཅད་ལ་ལན་གསུམ་གསུམ་འབུལ་ལ། མ་ནུས་ན་གཙོ་མོ་ལ་ལན་གསུམ་དང༌། 
འཁོར་རྣམས་ལ་རེ་རེའོ། །དེ་རྣམས་ཀྱིས་ཡན་ལག་བཅུ་བཞི་བསྟན་ཟིན་ཏོ། །དེ་ནས་ལྷའི་སྐུ་ལ་སེམས་འཛིན་ན། ལྷ་རྣམས་ཀྱི་
མཚན་སྔགས་སམ། སོ་སོའི་སྙིང་པོ་བརྗོད་ལ། ལྷ་རྣམས་གསལ་བཏབ་སྟེ། འཁོར་ལོའི་དབང་ཕྱུག་མའི་སྐུ་ལ་སེམས་བཟུང་བར་
བྱའོ། །གཉིས་པ་བསྐྱེད་རིམ་གྱི་ཡན་ལག་བཟླས་པ་ནི། ཐོག་མར་བགྲང་འཕྲེང་བསངས་སྦྱངས། ཡེ་ཤེས་ཀྱི་ལྷར་གྱུར་
བཞུ་བ་ལས་བགྲང་འཕྲེང་དུ་ལྟས་ལ། སྙིམ་པ་སྦྱར་བ་ཉི་ཟླ་ཁ་སྦྱོར་གྱི་ནང་དུ་ཆུད་པར་
བསམ། ༀ་པ་དེ་པ་དེ་མ་ཧཱ་ཛྙ་ནཾ་སརྦ་བུདྡྷ་མཧཱ་ཨུད་བྷ་ཝེ་ཧཱུཾ་ཧཱུཾ་ཧཱུཾ་ཧོ་ཧོ་ཧོ་ཨཿསྭཱཧཱ། ཞེས་བཟླས་
པས་བྱིན་གྱིས་བརླབས། ༀ་ཧཱུཾ་སྭཱཧཱ། ཞེས་པ་ཉིད་ཅི་ནུས་སུ་བཟླ་ཞིང༌། གཙོ་བོ་ལ་སུམ་འབུམ་དང༌། འཁོར་རྣམས་ལ་ཁྲི་
ཁྲག་རེ་རེའོ། །ༀ་ཛུཾ་ཧཱུཾ་སྭཱཧཱ། གཙོ་འཁོར་ཐམས་ཅད་ཀྱི་སྤྱིའི་སྔགས་སོ། །འདིར་བླ་མ་རྔོག་པ་རྣམས་མཐའ་ན་བཞུགས་པའི་
ལྷ་ནས་བརྩམས་ཏེ་རིམ་གྱིས་བཟླ་བ་ནཱ་རོ་པའི་མན་ངག་ཏུ་འདོད་མོད་ངེས་པར་དགོས་པ་ནི་མིན་ནོ། །གཉིས་པ་རྫོགས་པའི་
རིམ་པ་ནི། གསང་བའི་གདན་དང་བླ་མའི་མན་ངག་ལས་ཤེས་པར་བྱའོ། །རྗེས་ཐུན་གྱི་བྱ་བ་ལ། གཏོར་མའི་བྱ་བ་དང་མ་འབྲེལ་
ན། སྐབས་འདིར་དཀྱིལ་འཁོར་ཉེར་བསྡུ་བྱ་སྟེ། ༀ་ཨཱཏྨ་ཏིཥྛ་ཧཱུཾ་སྭཱཧཱ། དཀྱིལ་འཁོར་པ་རྣམས་རང་གི་
དབུགས་ཀྱིས་དྲངས་ཏེ་ལུས་ལ་ཞུགས་པ་ནི། སྙིང་གར་ཡེ་ཤེས་མཁའ་འགྲོ་མ། ལྕེ་ལ་རྡོ་རྗེ་
མ་སྤྱི་གཙུག་ཏུ་དྲག་མོ། རྣ་བ་དང་སྣ་ལ་རོ་ལངས་མ། མིག་གཉིས་ལ་གདོལ་བ་མོ། མགྲིན་
11-1-507


པར་སེང་གེ་མ། དཔུང་པ་གཉིས་སུ་སྟག་མོ། སྙིང་གར་ཅེ་སྤྱང་མ། ལྟེ་བར་འུག་པ་མ། བརླ་
གཡས་ལ་རྒྱལ་དབང་མ། གཡོན་ལ་འབར་བྱེད་མ། ལག་ངར་གཡས་ལ་འཇིབ་བྱེད་མ། 
གཡོན་ལ་གཡོ་ལྡན་མ་རྣམས་ཐིམ་སྟེ། གནས་དེ་དང་དེར་ཡི་གེའི་གཟུགས་ཀྱིས་གནས་པར་
གྱུར། རྟེན་གྱི་དཀྱིལ་འཁོར་ཡང་རང་ཉིད་ལ་ཐིམ། བདག་ཉིད་ཀྱང་འོད་གསལ་གྱི་ངང་དུ་
ཞུགས། ཡང་ཐུན་མཚམས་ཀྱི་ལྷ་སྐུར་ལངས་ལ་དགེ་བ་བསྔོའོ། །གཏོར་མའི་ཆོ་ག་ནི། འགྲུབ་ན་མཎྜལ་ཟླུམ་པོའི་དབུས་སུ། 
ཁྲག་དང་ཙན་དན་གྱི་གྲུ་གསུམ་དུ་བྱུགས་པའི་ནང་ཟླུམ་སྐོར་དང༌། ལེ་ཚེ་དགུ་ཚོན་དཀར་པོས་འབྲི། དེ་དག་ལས་དབུས་སུ་ཁྲག་
གི་ཐིག་ལེ་བཅུ་གསུམ་དང༌། རེ་མིག་བརྒྱད་ལ་ལྔ་ལྔ་བྱ། གཏོར་མ་ཁ་ཟས་བཟང་དགུ་ལ་ཤ་དང་ཉ་དང་བྱི་ཀྱུ་དང་འབྲུ་དང་ཟས་
ཀྱི་བྱེ་བྲག་འབྱོར་ཚད་དབུལ། ཤ་ལྔ་བདུད་རྩི་ལྔ་དངོས་སམ་མཚོན་བྱེད་བསྲེས་ལ་མེ་ཏོག་དམར་པོའི་ལ་སོགས་པའི་མཆོད་པ་
ལྔ་བཤམས། བདག་བསྐྱེད་ཀྱི་མཐའ་དཀྱིལ་འཁོར་མ་བསྡུས་པའི་སྐབས་ཡིན་ན། དེའི་དབུས་སུ་དཀྱིལ་འཁོར་དམིགས། དུར་
ཁྲོད་ལ་ཕྱོགས་སྐྱོང་རྣམས་སྤྱན་འདྲེན། རང་ཉིད་ལས་ཀྱི་ལྷ་མོར་ཟུར་དུ་བྱེ་ནས་གཏོར་མ་འབུལ་བའི་ལས་བྱེད་པར་བསམ་
དགོས་ཤིང༌། དུས་སྐབས་གཞན་དང་བདག་བསྐྱེད་བསྡུས་པའི་མཐའ་ལ་ཡིན་ན། བདག་ཉིད་གཙོ་མོར་སྐད་ཅིག་གིས་བསྐྱེད་ལ། 
བདག་ཉིད་ཀྱི་ཐུགས་ཀ་ནས་ལྷ་བཅུ་གསུམ་གྱི་དཀྱིལ་འཁོར་སྒོ་མ་བཞི་དང་བཅས་པ་ལྷ་ལྔའམ། གཙོ་མོ་ཁོ་ན་སྤྲོས་ཀྱང་རུང་སྟེ། 
མཎྜལ་གྱི་སྟེང་དུ་སྐད་ཅིག་གིས་བཞུགས་པར་བསམ། དེ་ནས་ཕྱོགས་སྐྱོང་རྣམས་སྤྱན་དྲངས་ཏེ་འགོད་པ་ཡིན་ནོ། །དེའི་ཕྱིར་
མཎྜལ་གྱི་ཚོམ་བུ་ཡང་ལྷ་གྲངས་དང་མཐུན་པར་འགོད་དགོས་སོ། །དེ་ལ་ངག་འདོན་གྱི་རིམ་པ་ནི་འདི་ཡིན་ཏེ། ༀ་སརྦ་བི་
མ་ལ་སཾ་ཤོདྷ་ནི་ཧཱུཾ་ཕཊ། ཀྱིས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཡུམ་ལས་རླུང༌། ཀྵུཾ་
ལས་མེ། ༀ་ཨཱཿཧཱུཾ་ལས་སྒྱེད་པུ་གསུམ། ཨ་ལས་ཐོད་པ། དེའི་ནང་གི་དབུས་དང་ཤར་ནས་
གཡོན་སྐོར་གྱི་ཧཱུཾ་སུཾ་ཀྵུཾ་ཡུཾ་ཧཱུཾ་རྣམས་ལས་གཞི་མཉམ་དྲི་ཆུ་རཀྟ་ཁུ་བ་ངར་སྣབས་རྣམས་རེ་རེ་
ཡང་འབྱུང་བ་ལྔའི་རང་བཞིན་ཡི་གེ་ལྔ་པོ་དེ་རྣམས་ཚར་རེ་རེས་མཚན་པ། རྫས་ལྔ་པོ་སོ་
སོའི་དབུས་སུ་ཟླ་བའི་དཀྱིལ་འཁོར་ལ་བདུད་རྩིའི་ཡིག་གེ་ཨ་དཀར་པོའོ། །ཡང་དེའི་སྟེང་
དུ་དབུས་དང་ཤར་ནས་གཡས་སྐོར་གྱི་ཧཱུཾ་སྲིཾ་གྲིཾ་ཛྲིཾ་ཧཱུཾ་ལས་མི་བ་གླང་ཁྱི་རྟ་གླང་པོའི་ཤ་སྟེ་
11-1-508


ལྕགས་ཀྱུ་ལྔ་པོ་ལ་དེ་བཞིན་གཤེགས་པ་རིགས་ལྔའི་རང་བཞིན་སླར་ཡང་ཡི་གེ་དེ་ཉིད་ཀྱིས་
མཚན་པ་དེ་དག་ཀྱང༌། ལྕགས་ཀྱུ་ཆེན་པོ་རྣམ་སྣང་མཛད། རྡོ་རྗེ་ལྕགས་ཀྱུ་མི་བསྐྱོད་པ། 
གནས་ཀྱི་ལྕགས་ཀྱུ་རིན་ཆེན་དབང༌། གཡོ་བའི་ལྕགས་ཀྱུ་འོད་དཔག་མེད། རྒྱལ་པོའི་
ལྕགས་ཀྱུ་དོན་ཡོད་གྲུབ། དེ་ལྟར་ལྕགས་ཀྱུ་ལྔ་སོ་སོའི་དབུས་སུ་ཉི་མའི་དཀྱིལ་འཁོར་ལ་ཀྵུཾ་
དམར་པོ། ཧ་ཧོཿཧྲཱིཿཧ་ལས་འོད་དཔག་མེད་སེར་པོས་ཁ་དོག་དང༌། ཧོཿལས་རྣམ་སྣང་དཀར་
པོས་དྲི་དང༌། ཧྲཱིཿལས་མི་བསྐྱོད་པ་སྔོན་པོས་རོ་རྣམས་ཕུན་སུམ་ཚོགས་པར་བྱས། ཨ་ཀྵུཾ་
ཞེས་བརྗོད་པས་རླུང་གཡོས་མེ་སྦར་རྫས་རྣམས་འོད་དུ་ཞུ་བ་འཆར་ཀའི་མདངས་ཅན་དབུ་
བ་དང་བཅས་པར་གྱུར། དེའི་རླངས་པ་དང་ཧཱུཾ་ཡིག་ལས་རྡོ་རྗེ་ཁ་ཊྭཱཾ་གར་གྱུར་པ་ཞུ་ནས་ལྷུང་
ཞིང་འདྲེས་པ་ཤེལ་གྱི་རྣམ་པ་ལྟར་དངས་པར་གྱུར། དེའི་སྟེང་དུ་ༀ་ལས་བྱུང་བའི་ཟླ་བ་ལ་
ཨཱ་ལི་ཀཱ་ལི་རྣམས་གནས་པ་ཡོངས་སུ་གྱུར་པ་ལས་ༀ་ཨཱཿཧཱུཾ་བརྩེགས་པ་རྣམས་སུ་གྱུར། 
དེའི་འོད་ཟེར་གྱིས་འཁོར་འདས་སྣོད་བཅུད་ཐམས་ཅད་ཀྱིས་བདུད་རྩི་རྣམས་བཀུག་སྟེ། དེ་
ལ་ཞུགས་ཡི་གེ་གསུམ་དང་ཟླ་བ་ཡང་དེ་ཉིད་ལ་ཐིམ། ༀ་ཨཱཿཧཱུཾ། ལན་གསུམ་བརྗོད་དེ་གཏོར་མ་བྱིན་
གྱིས་བརླབ་པའོ། །རང་གི་སྙིང་ག་ནས་ཡེ་ཤེས་དབང་ཕྱུག་མ་ལྷ་བཅུ་གསུམ་གྱི་དཀྱིལ་འཁོར་
སྤྲོས་དབུས་ཀྱི་རེ་མིག་ཏུ་བཞུགས་པར་གྱུར། ༀ་ཨ་ཀཱ་རོ་མུ་ཁཾ་སརྦ་དྷརྨ་ཎཱཾ་ཨདྱ་ནུཏྤནྣ་ཏྭ་ཏ། 
ༀ་གུཾ་སྭཱཧཱ། ཅེས་པས་མཎྜལ་དཀྱིལ་འཁོར་གྱི་ལྷ་ལ་ཕུལ། ཧཱུཾ་མཛད་ཀྱི་ཕྱག་རྒྱ་བཅས་ལ། ༀ་ཀུ་རུ་ཀུ་རུ་ས་མ་ཡ་
ཨ་དྷི་པ་ཏི་ཧཱུཾ་ཛཿསྭཱཧཱ། ༀ་བརྟ་ལི་བརྟ་ལི་མ་ཧཱ་བརྟ་ལི་ཧུཾ་ཧཱུཾ་ཧཱུཾ་ཛཿསྭཱཧཱ། ལན་གསུམ་བརྗོད། ཞིང་
སྐྱོང་རྣམས་མཎྜལ་གྱི་གནས་སོ་སོར་བཞུགས་པ་ནི། ཤར་དུ་ནག་པོ་དྲག་{མོ[་པོ]་ལ་རྒན་
བྱད་མ་ལ་སོགས་པ་བཞིས་བསྐོར་བ། བྱང་དུ་དྲག་པོ་ཆེན་པོ་ལ་རྒྱལ་བ་མ་ལ་སོགས་པ་
བཞིས་བསྐོར་བ། ནུབ་ཏུ་ལྷས་སྦྱིན་ལ་ནག་མོ་བཟང་མོ་ལ་སོགས་པ་བཞིས་བསྐོར་བ། ལྷོར་
ནག་པོ་ལ་དབང་མོ་ལ་སོགས་པ་བཞིས་བསྐོར་བ། བྱང་ཤར་དུ་རྩིགས་བྱེད་ལ་འཕྲོག་བྱེད་
11-1-509


མ་ལ་སོགས་པ་བཞིས་བསྐོར་བ། ཤར་ལྷོར་འཇིགས་བྱེད་ལ་དྲག་མོའི་གཟུགས་ལ་སོགས་
པ་བཞིས་བསྐོར་བ། ལྷོ་ནུབ་ཏུ་དགའ་བ་ལས་འདས་པ་ལ་ཐོད་ཕྲེང་མ་ལ་སོགས་པ་བཞིས་
བསྐོར་བ། ནུབ་བྱང་དུ་བགེགས་ཀྱི་རྒྱལ་པོ་ལ་རལ་གྲི་མ་ལ་སོགས་པ་བཞིས་བསྐོར་བ། 
གཙོ་བོ་བརྒྱད་ནི་ཞལ་གཅིག་ཕྱག་བཞི། གཡས་ན་རལ་གྲི་དང་དགྲ་སྟ། གཡོན་ན་རྡོ་རྗེ་དང་
མདའ་གཞུ་འཛིན་པ། འཁོར་རྣམས་ནི་གཡས་མཚོན་ཆ་སྣ་ཚོགས་དང༌། གཡོན་མཆོད་རྫས་
སྣ་ཚོགས་ཀྱིས་གང་བའི་ཐོད་པ་བསྣམས་པ། ཕྱོགས་ན་གནས་པ་རྣམས་ཤར་དཀར། བྱང་
སེར་ནུབ་དམར་ལྷོ་ནག་ཟུར་ཐིག་གི་ས་ལ་གནས་པ་གསུམ་གསུམ་ནི་ཕྱེད་གཟུགས་ཅན་
ཐམས་ཅད་ཀྱང་གཅེར་བུ་སྤྱན་གསུམ་རོའི་གདན་ལ་གནས་པའོ། །དེ་ནས་ༀ་པྲ་ཏཱིཙྪ་ཨརྒྷཾ་ནས
ༀ་གུཾ་སྭཱ་ཧཱའི་བར་ཚོགས་ཞིང་གི་སྐབས་ལྟར་ཆུ་གཉིས་དང་ཉེར་སྤྱོད་ལྔས་མཆོད། གཡོན་བ་དན་རྩེ་གསུམ་པའི་ཕྱག་རྒྱ་
གཏོར་སྣོད་ལ་རེག་པར་མོས། གཡས་རྡོ་རྗེ་སྡིག་མཛུབ་བསྒྲེངས་ནས་གཏོར་མ་བསྔོ་བ་ནི། འདི་སྐད་ཅེས། ༀ་ཤིང་གཅིག་
དང་ནི་དུར་ཁྲོད་དང༌། །རི་དང་བྲག་དང་ཕུག་གི་ས། །ཡུལ་གྱི་འདབས་དང་ལམ་དང་གཞིའི། 
ཁྱད་པར་དུ་ནི་ཁང་སྟོང་དང༌། །སྣོད་དང་ཐང་དང་ས་སྟོང་དང༌། ཁྱད་པར་གདོལ་བའི་ཁྱིམ་
གནས་པ། །ནག་པོ་དྲག་པོ་དྲག་ཆེན་པོ། ལྷས་སྦྱིན་མཉམ་དུ་བསྟེན་པ་དང༌། །ནག་པོ་རྩིགས་
དང་འཇིགས་བྱེད་དང༌། དགའ་བ་ལ་འདས་བགེགས་རྒྱལ་པོ། །རྒན་བྱད་མ་དང་དྲག་མོ་
དང༌། །འཇིགས་བྱེད་མ་དང་ཨུ་མས་བསྟོད། །རྒྱལ་མ་རྣམ་པར་རྒྱལ་དབང་མོ། །ཐུབ་མེད་
གཞན་གྱིས་མི་ཐུབ་མ། །ནག་མོ་བཟང་མོ་ནག་ཆེན་མོ། །ནག་སྦོམ་མ་དང་རྣལ་འབྱོར་མ། །
དབང་མོ་དང་ནི་ཟླ་བ་མོ། །ནག་མོ་སྡང་བ་ལམ་པ་ཀཱི།འཕྲོག་བྱེད་མ་དང་མར་མེ་མ། །
འཇིབ་བྱེད་ཡུལ་གནས་རྣལ་འབྱོར་མ། །དྲག་མོའི་གཟུགས་དང་གཟུགས་ཆེན་མ། །མཆེ་བ་
གཙིགས་དང་ཐོད་ཅན་མ། །ཐོད་འཕྲེང་འཕྲེང་ཅན་ཁ་ཊྭཱཾ་མ། །སྦྲུལ་ཆེན་རལ་གྲི་དགྲ་སྟ་མ། །
རྡོ་རྗེ་དེ་བཞིན་གཞུ་ལག་དང༌། ལྷ་ཡི་དབང་ཕྱུག་མ་རྣམས་ནི། །མཁའ་འགྲོ་ལྔ་ཡི་བདག་
11-1-510


ཉིད་དང༌། །ལས་ཀུན་རྗེས་སུ་སྒྲུབ་བྱེད་མ། །སྦྱོར་བའི་དཀྱིལ་འཁོར་རྒྱལ་ཆེན་པོ། །དེ་
བཞིན་རྡོ་རྗེ་དབང་ཕྱུག་གཙོ། །དེ་བཞིན་གཤེགས་པའི་སྐུ་ཆེན་པོ། །གོས་མེད་སྦྱོར་བ་སྐྱེད་
བྱེད་མ། །རྡོ་རྗེ་དབང་ཕྱུག་མ་བཀའ་ཡིས། །ཐམས་ཅད་ཐམས་ཅད་འདིར་སྤྱོན་ཅིག །ༀ་
ཀཀྐ་ཏ་ན་བནྦ་ནྡྷ་ན། ཁཁྑཱ་ད་ན་སརྦ་དུཥྚཱཾ་ཧ་ན་ཧ་ན་གྷཱ་ཏ་ཡ་གྷཱ་ཏ་ཡ་ཨ་མུ་ཀ་སྱཱ་ཨི་དཾ་ཀཱཪྻ་
{སཱ[་བཱ]་དྷ་ཡ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་ཛཿསྭཱཧཱ། ཞེས་ལན་གསུམ་བརྗོད་ཅིང་སེ་གོལ་གཏོགས། ལག་གཉིས་ཁུ་
ཚུར་རྒྱབ་སྤྲད་པའི་སྲིན་ལག་སྦྲེལ་ལ། ༀ་བྷཀྵ་བྷཀྵ་སརྦ་ཡོ་ག་ཡོ་གཱི་ཤྭ་རྭི་ཧཱུཾ་ཧཱུཾ་ཧཱུཾ་ཛཿསྭཱཧཱ། ཅེས་ལན་མང་དུ་
བརྗོད་ལ། རང་གི་དམ་ཚིག་ལ་གནས་པར་བསམ། མཆོད་སྦྱིན་གཏོར་མ་འདི་སྣོམས་ལ། །རྣལ་འབྱོར་
བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང༌། །དཔལ་དང་གྲགས་དང་
སྐལ་བ་བཟང༌། །ལོངས་སྤྱོད་རྒྱ་ཆེན་ཀུན་ཐོབ་ཅིང༌། །དབང་དང་མངོན་སྤྱོད་དགྲ་སྡེ་
འཇོམས། །དགར་དང་དབྱེ་དང་དགུག་པ་དང༌། །ནད་དང་གདོན་སོགས་ཞི་བ་ཡི། །ལས་ཀྱི་
དངོས་གྲུབ་ཐམས་ཅད་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་
གཏོང་གྲོགས་མཛོད། །དུས་མིན་འཆི་དང་ནད་རྣམས་དང༌། །གདོན་དང་བགེགས་རྣམས་
མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་
རྟེན་བདེ་ཞིང་ལོ་ལེགས་དང༌། །འབྲུ་རྣམས་འཕེལ་ཞིང་ཆོས་འཕེལ་བ། །དགེ་ལེགས་ཐམས་
ཅད་འབྱུང་བ་དང༌། །ཡིད་ལ་འདོད་པ་ཀུན་འགྲུབ་ཤོག །ཅེས་འཕྲིན་ལས་གཞོལ། ཧཱུཾ་ཧཱུཾ་ཧཱུཾ། ཞེས་རྡོ་རྗེ་
དྲིལ་བུ་སྙིང་གར་བསྣོལ། ཕན་ཚུན་འཁྱུད་པའི་སྦྱོར་ལྡན་པ། །རྫུ་འཕྲུལ་གྱིས་ནི་བརྒྱན་པ་འདི། །
མགོན་པོ་ལུས་ལ་མཛེས་པའི་སྐུ། །དངོས་ལས་གྲོལ་བ་བདག་ཕྱག་འཚལ། ཅེས་གླུ་བླངས་ནས་
དྲིལ་བུ་སིལ་བཞིན་དུ། སེམས་ཅན་སྒྲོལ་མཛོད་སོགས་ཀྱིས་བསྟོད། །དེ་ནས་གཏོར་ཆོག་ཙམ་ཡིན་ན། སེམས་
ཅན་ཐམས་ཅད་ནད་མེད་ཅིང༌། །སེམས་ཅན་ཐམས་ཅད་བདེ་གྱུར་ཅིག །གང་གི་ལམ་ནས་
འགྲོ་བ་ཡི། །སངས་རྒྱས་ཉིད་དུ་འགྲུབ་གྱུར་ཅིག །མ་རྒལ་བ་རྣམས་བདག་གིས་སྒྲོལ། །མ་
11-1-511


གྲོལ་བ་རྣམས་བདག་གིས་དགྲོལ། །དེ་ལྟར་རྗེས་སུ་བརྩེ་བའི་ཕྱིར། །རྣལ་འབྱོར་གཙུག་ལག་
བདག་བགྱིའོ། །ཞེས་པས་སྨོན་ལམ་བཏབ། ༀ་སརྦ་དུཥྚན་པྲ་དུཥྚཱན་ཧ་ན་ཧ་ན་གྲྀཧྣ་གྲྀཧྣ་ཁ་ཁ་ཁཱ་ཧི་
ཁཱ་ཧི་གཙྪ་གཙྪ་སྭ་བྷ་ཝ་པུ་ནཱ་{རཱཾ[རཱ]་ག་མ་ནཱ་ཡ་ཧཱུཾ་ཕཊ་སྭཱཧཱ། ཞེས་བརྗོད་དེ་སེ་གོལ་གཏོགས། འཇིག་
རྟེན་པའི་ལྷ་རྣམས་གཤེགས་སུ་གསོལ། གཡོན་ཁུ་ཚུར་སྙིང་གར་བཞག གཡས་ས་ལ་བརྐྱང་སྟེ། ༀ་ཨཏྨ་
ཏིཥྚ་སྭཱཧཱ། ཡེ་ཤེས་ཀྱི་དཀྱིལ་འཁོར་རང་ལ་བསྡུ་བ་གོང་བཞིན་པས། གཞལ་མེད་ཁང་བསྡུ་བ་མི་དགོས། མཇུག་ཏུ་སྨོན་ལམ་
དང་བཀྲ་ཤིས་ལ་སོགས་པ་བྱའོ། །གལ་ཏེ་ཚོགས་མཆོད་དང་འབྲེལ་བ་ཡིན་ན། དང་པོར་གཏོར་མ་གཉིས་བཤམས། ཚོགས་
རྫས་དང་ལྷན་ཅིག་བྱིན་གྱིས་བརླབ་ནས། ཕུད་གཅིག་འཇིག་རྟེན་ལས་འདས་པའི་གཏོར་མ་ལ་སྦྲན། ཕུད་གཉིས་བ་ཕྱོགས་སྐྱོང་
གི་གཏོར་མ་ལ་སྦྲན། གོང་བཞིན་བསྔོས་ནས་བསྟོད་པ་ཡན་ཆད་སོང་བ་ན། བར་འདིར་ཚིགས་བཅད་ཀྱིས་འདྲེན་ཅིང་ཚིགས་
བཅད་ཀྱིས་བླངས། རང་རང་གི་ཕུད་ནས་བླ་མ་ཡི་དམ་ཆོས་སྐྱོང་སོགས་ལ་བསྔོས། ཚོགས་ལ་ལོངས་སྤྱོད། ལྷག་མ་བསྡུས། 
ལྷག་མ་དང་པོ་དུད་སོལ་མ་ལ་འབུལ་བ་ནི། འབར་བའི་ཕྱག་རྒྱས་བཀབ་ལ། ཆང་གིས་ཁ་ཁྲུ་བཏབ། ༀ་ཨཱཿཧཱུྃ་ཧ་ཧོཿཧྲཱིཿ
བྱིན་གྱིས་བརླབས། མཛུབ་མོ་མཆེ་བའི་ཕྱག་རྒྱ་ཁ་འགྲམ་དུ་བཟུང་ལ། ༀ་བྷུ་བརྟ་ལི་བརྟ་ལི། ཞེས་སྤྱན་དྲངས། ༀ་
ཀུ་རུ་ཀུ་རུ་བརྟ་ལི་བརྟ་ལི། དུར་ཁྲོད་བདག་མོ་དངོས་གྲུབ་ཞལ། །གཏུམ་མོ་གཙིག་བྱེད་ཡི་
དྭགས་ཁ། །དམ་ཚིག་སྲུང་མ་ཁྲག་དགའ་མ། །ཀི་ལི་སྒྲ་སྒྲོགས་སྦྱོར་ཟིན་མ། །དུར་ཁྲོད་རོ་ཡི་
ཚལ་དབུས་སུ། །གཙིགས་བྱེད་གཏུམ་མོ་དུད་སོལ་མ། །ཚོགས་དང་ཕོ་ཉར་བཅས་པ་རུ། །
གསོལ་ཅིག་བཞེས་ཤིག་དམ་ཚིག་ལྷ། །གནས་ནས་གནས་སུ་མཛད་དུ་གསོལ། །བདག་གི་
སེམས་ལ་ཅི་འདོད་པ། །དེ་ནི་ཁྱོད་ཀྱིས་གྲུབ་པར་གྱིས། །བདག་གིས་ལས་ནི་ཅི་བྱེད་ཀྱང༌། །
དེ་ལ་ཀུན་གྱིས་གྲོགས་མཛོད་ཅིག ༀ་གྲྀཧྣ་གྲྀཧྣ་སརྦ་དུཥྚཱཾ་བྷ་ཀྵ་བྷ་ཀྵ་ཕུཾ་ཕྲེཾ་ཕྲོཾ་ཕྲིཾ་ཕཊ་སྭཱཧཱ། 
ཞེས་བརྗོད་ལ་སེ་གོལ་གསུམ་གཏོག་པས་གཤེགས་སུ་གསོལ། ཤིན་ཏུ་ལྷག་མ་ཆུ་དང་སྦྱར་ཏེ། ༀ་ཨུ་ཙི་ཊ་ཧ་རི་
བྷྱཿསྭཱཧཱ། ཞེས་རོལ་མོ་དང་བཅས་ཏེ་ལམ་གྱི་བཞི་མདོར་བསྐྱལ་ལོ། །དེ་ནས་ནང་དུ་འོང་ནས་བཀྲ་ཤིས་ཀྱི་གླུ་བླང་བ་ནི། ཏེ་
ན་ཧཱུཾ་ཏེ་ན་ཧཱུཾ། ཏེ་ན་ཏེ་ཏེ་ཧཱུཾ། སྟོན་ཀའི་ཟླ་བཞིན་མཛེས་པའི་ཞལ། །ཟླ་བ་ལྟར་དཀར་སྐུ་
11-1-512


གཙང་མ། དེ་ན་ཧཱུཾ་སོགས། ཕུན་ཚུན་འཁྱུད་པའི་སྦྱོར་འཆང་བ། །རྡོ་རྗེ་དྲིལ་བུ་ཕྱག་རྒྱ་མཆོག །
ཏེ་ན་ཧཱུཾ་སོགས། འགྲོ་བ་ལ་ཁྱབ་རྫུ་འཕྲུལ་སྐུ། །མཛེས་པའི་རྒྱན་གྱི་གཟུགས་ཅན་ཏེ། །ཏེ་ན་ཧཱུཾ་
སོགས། རང་དགར་སེམས་ཅན་དཀྲོལ་མཛད་པ། །རྐྱེན་གཟུགས་གང་དེ་ལ་ཕྱག་འཚལ། ཏེ་ན་
ཧཱུཾ་སོགས། བཀྲ་ཤིས་དབྱངས་ཀྱིས་བཀང་བྱས་ཏེ། །ཐམས་ཅད་ཀུན་གྱིས་གླུར་བླང་ངོ༌། །དེ་ནས་
ཡིག་གེ་བརྒྱ་པ་བཟླ་བཞིན་དུ། མ་འབྱོར་བ་སོགས་ཀྱིས་བཟོད་པར་གསོལ། སེམས་ཅན་ཐམས་ཅད་ནད་མེད་
སོགས་སྨོན་ལམ་བཏབ། སྭ་བྷཱ་ཝ་དང༌། བཛྲ་ཤུདྡྷ་དང༌། ཡོ་ཀ་ཤུདྡྷོའི་སྔགས་གསུམ་བརྗོད། དོན་ཡིད་ལ་བཞག ༀ་
ཁྱོད་ཀྱིས་སེམས་ཅན་དོན་ཀུན་མཛད། སོགས་ཀྱི་མཐར། ༀ་གཙྪ་གཙྪ་སྭཱ་བྷཱ་ཝ་ནཾ་ཧཱུཾ་ཕཊ། ཅེས་པས་
འཇིག་རྟེན་འདས་པའི་གཏོར་མགྲོན་དང༌། ༀ་སརྦ་དུཥྚཾ༴ སོགས་སམ། ༀ་གཙྪ་གཙྪ་སྭ་བྷཱ་ཝ་པུ་ན་རཱ་ག་མ་ནཱ་
ཡ་ཛཿཧཱུཾ་ཕཊ་སྭཱཧཱ། ཞེས་སེ་གོལ་ལན་གསུམ་གདབ་པས་འཇིག་རྟེན་པ་རྣམས་གཤེགས། ༀ་ཨཱཏྨ་ཏིཥྛ་སོགས་གོང་
ཉེར་བསྡུས་སྐབས་སུ་བསྟན་པ་བཞིན་བྱས་ནས། མཐར་སྨོན་ལམ་དང་བཀྲ་ཤིས་ཀྱང་ཅི་འགྲུབ་བྱའོ། །འདི་ནི་རྒྱུད་རྒྱས་པའི་
རྗེས་སུ་འབྲངས་ཏེ། ཆོ་ག་རྒྱས་པར་སྦྱར་བ་ཨཱརྱ་དེ་བའི་གཞུང་ལ། བླ་མའི་མན་ངག་ལག་ལེན་སྦྱར་བ་ལྟར་བཤད་པ་ཡིན་ལ། 
ད་ལྟའི་རྩ་རྒྱུད་བསྡུས་པ་ཁོ་ནའི་ལུགས་ནི་བྷ་བ་བྷ་དྲ་དང༌། ཨ་བྷ་ཡའི་གཞུང་ལྟར་ཡིན་ནོ། །ལུགས་དེ་ཡང་ཉམས་ལེན་ལ་མཁོ་
བས་ལོགས་སུ་འབྲི་བར་འགྱུར་རོ། །འདིར་ནི་ནོངས་ན་མཁའ་འགྲོའི་ཚོགས་ལ་བཤགས། །དགེ་བ་གང་དེ་མཁའ་དང་མཉམ་
གྱུར་ནས། །ལྷན་སྐྱེས་གདོད་མའི་ཤེས་རབ་མཆོག་དེ་དང༌། །ཡིད་གཅུགས་རྡོ་རྗེ་སེམས་དཔའ་མངོན་གྱུར་ཤོག །ཅེས་དཔལ་རྡོ་
རྗེ་གདན་བཞིའི་རྩ་བའི་དཀྱིལ་འཁོར་ཡེ་ཤེས་དབང་ཕྱུག་མ་ལྷ་བཅུ་གསུམ་གྱི་བདག་ཉིད་ཅན་གྱི་སྒྲུབ་ཐབས་བདུད་རྩིའི་ཐིག་
ལེ་ཞེས་བྱ་བ་འདི་ཡང་རྒྱལ་ཁམས་པ་ཏཱ་ར་ནཱ་ཐ་ཞེས་བྱ་བས་གཞན་ལ་ཕན་པའི་ཕྱིར་ངེས་པར་སྦྱར་བ་སྟེ། རྒྱུད་ཀྱི་རྒྱལ་པོ་འདིའི་
རྒྱུད་གཞུང་འགྲེལ་པ་མན་ངག་གི་ངེས་གསང་ཆ་ཙམ་རིག་ནས། སྙིང་པོའི་དོན་ཤིན་ཏུ་འཁྱེར་བདེ་བར་བརྗོད་པ་སྟེ། སྒྲུབ་གནས་
ཀྱི་རྒྱལ་པོ་ཇོ་ནང་དུ་ངེས་པར་སྦྱར་བའོ།།    །།ཞུས་དག མངྒ་ལཾ། 
11-1-513


༄༅། །དཔལ་རྡོ་རྗེ་གདན་བཞིའི་དཀྱིལ་འཁོར་གྱི་ཆོ་ག་
བདུད་རྩིའི་ཐིག་ལེ་ཞེས་བྱ་བ་བཞུགས། 
༄༅། །ༀ་སྭཱ་སྟཱི། དཔལ་རྡོ་རྗེ་གདན་བཞིའི་དཀྱིལ་འཁོར་གྱི་ཆོ་ག་བདུད་རྩིའི་ཐིག་ལེ་ཞེས་བྱ་བ། སངས་རྒྱས་ལ་ཕྱག་
འཚལ་ལོ། །ཡེ་ཤེས་དབང་ཕྱུག་སྙིང་རྗེའི་བདུད་རྩི་ཡིས། །བདག་གི་སྙིང་ལ་དབུགས་དབྱུང་ཉེར་གནས་མཛོད། །གསང་སྔགས་
རྒྱ་མཚོའི་ཕ་མཐའ་རིག་མིན་ཡང༌། །དམ་པའི་གསུང་གི་རྗེས་འབྲང་འདིར་རྩོལ་ཏེ། དད་དང་ཕན་པའི་བློ་ཅན་གྱིས། །བྱ་བ་
འགའ་ལ་འཇུག་འགྱུར་བ། །དེ་ནི་ལེགས་སམ་ཉེས་ཀྱང་རུང༌། །དམ་པ་རྣམས་ཀྱིས་བཀག་པ་མེད། །
རྡོ་རྗེ་གདན་བཞིའི་དཀྱིལ་འཁོར་གྱི་ཆོ་ག་ཆེན་པོ་རྣམས་ཀྱིས་ཉེ་བར་སྦྱར་བ་དེ་དག་ལག་ལེན་ཏུ་འདེབས་དཀའ་བ་དང༌། 
འདི་ལ་རྩལ་འདོན་དུ་བྱེད་པ་ཡང་ཉུང་བའི་ཕྱིར་དུས་མཐའ་འདིར་གཞན་ལ་ཤིན་ཏུ་ཕན་པར་མ་མཐོང་ཞིང༌། མཁས་པར་མངོན་
པའི་ང་རྒྱལ་ཅན་ཕྱིས་བྱུང་འགའ་ཞིག་གིས་མདོར་བསྡུས་སུ་སྦྱར་བ་འགའ་ཞིག་མཐོང་ཡང་ལྷག་ཆད་ནོར་བའི་སྐྱོན་མང་པོས་
སྙིང་པོ་མེད་པར་བྱས་སྣང་བས། འདིར་དེ་དག་ལས་ཟློག་སྟེ་ཉུང་གསལ་འཁྱེར་བདེ་རང་གཞུང་དང་མཐུན་ཅིང་ལྷག་ཆད་ནོར་
བའི་སྐྱོན་དང་བྲལ་བར་བྱའོ། །འདི་ལ་བསྙེན་པའི་ཆོ་ག་ནི། ཡེ་ཤེས་དབང་ཕྱུག་མ་ལྷ་[བཅུ་]གསུམ་མའམ། བསྡུ་ན་ལུགས་འདི་
ཉིད་ཀྱི་རྡོ་རྗེ་སེམས་དཔའི་སྒྲུབ་ཐབས་ཀྱིས་ཀྱང་རུང་ལ། དེའི་རྗེས་སུ་ཡེ་ཤེས་དབབ་པའི་བསྙེན་པ་ནི། ༀ་བཛྲ་སཏྭ་ཨཱ་བེ་
ཤ་ཡ་ཨཱ། ཞེས་པའམ། ༀ་ཡོ་ག་ཨཱ་བེ་ཤ་ཡ་ཨ། ཅེས་པ་འབུམ་ཕྲག་གསུམ་མོ། །ཡང་ན་ༀ་མ་ཎི་གུ་རུ་དྲ་དྷ་ཙི་ལི་
ཙི་ལི་ཧཱུཾ་ཕཊ། སུམ་འབུམ་བཟླས་ན་ལྟས་པ་ཙམ་གྱིས་འབེབས་ནུས་སོ། །ༀ་མ་ཏ་ལི་ཧཱུཾ་ཕཊ། སུམ་འབུམ་བཟླས་ན་ཐོས་
པ་ཙམ་གྱིས་སོ། །ༀ་མ་ཏ་ལི་ཙིཏྟ་ཙ་ལི་ཏི་ཧཱུྃ་ཧཱུྃ་ཕཊ། འབུམ་གྱིས་ཐག་རིང་དུ་གནས་པ་ལ་ཡང་ངོ༌། །ༀ་བ་ཏ་ལི་བ་ཏ་
ལི་ཧཱུྃ་ཕཊ། འབུམ་གྱིས་མིང་ཙམ་བརྗོད་པའི་ཡུལ་ལ་ཡང་ངོ༌། །ༀ་བ་ཏ་ལི་བ་ཏ་ལི་ཧཱུྃ་ཕཊ། སུམ་འབུམ་བཟླས་པས། རྡོ་
ཤིང་སོགས་བརྟན་པའི་དངོས་པོ་ལ་ཡང་ངོ༌། །དེ་ནས་རྫས་བསགས་ཏེ། ར་ནག་གི་ཚེ་བུ་བཞི་དང༌། ལྕེ་སྟེ་ཡན་ལག་ལྔ། གུ་གུལ་
དང༌། ཚིལ་ཆེན་ཏེ་སྨན་བདུན་བདུད་རྩིའི་ཆུ་དང་སྦྱར་བ་ལ། རྡོ་རྗེ་མའི་ས་བོན་མང་དུ་བཟླས་པའམ། ཡང་འོལ་མ་སི་དང༌། དྷ་
11-1-514


ཏུ་ར་དང༌། ལྕགས་ཀྱུ་ལྔ་དང་། གུ་གུལ་དང༌། མར་ནག་སོགས་སྦྱར་བ་ལྕེ་ལ་བཞག་རྒྱུ་ཡིན་ཏེ། དེ་ལྟར་ཡེ་ཤེས་འབེབས་པའི་
རྫས་རྣམས་ཀྱང་བསྒྲུབ་པར་བྱའོ། །འདིར་སློབ་མ་རྗེས་བཟུང་ཡེ་ཤེས་འབེབས་པ་ལྟ་བུ་ཅིག་བཤད་ཀྱང༌། སྤྱི་དང་འདྲ་བར་བྱེད་
པ་ལེགས་ཤིང༌། ས་ཆོག་ཀྱང་དཀྱིལ་ཆོག་མདོར་བསགས་ལས་སྤྱི་དང་མི་འདྲ་བ་འགའ་རེ་བཤད་ནའང༌། གསང་བ་སྤྱིའི་ཆོ་ག་
ལྟར་བྱས་ན་ལེགས་སོ། །སྟ་གོན་ལ་སྔོན་དུ་འགྲོ་བ་ནི། སྒྲུབ་ཐབས་ནས་བཤད་པ་ལྟར་གྱི་ཡོ་བྱད་རྣམས་བཤམས། སྐྱབས་འགྲོ་
ནས་བརྩམས་ཏེ་རྟེན་གྱི་དཀྱིལ་འཁོར་ཡང་རང་ལ་ཐིམ་གྱི་བར་བདག་བསྐྱེད་རྫོགས་པར་བསྒོམ། དེ་ནས་སའི་ལྷ་མོ་སྟ་གོན་ནི། 
དཔལ་འཁོར་ལོ་སྡོམ་པའི་དཀྱིལ་འཁོར་གྱི་ཆོ་ག་བདེ་བ་ཆེན་པོའི་ཆར་ཡང་དུ་བཤད་པ་ལྟར་བྱ་ལ། དེ་ནས་ལྷ་སྟ་གོན་ནི་དཀྱིལ་
འཁོར་གྱི་ས་གཞིར་སྐྱ་ཐིག་བཏབ་ལྷ་གནས་སུ་ཚོམ་བུ་བཀོད། མཐའ་མཆོད་གཏོར་གྱིས་བསྐོར། ༀ་ཧཱུཾ་སྭཱཧཱ། ལན་བདུན་
ནས། ༀ་གུཾ་སྭཱ་ཧཱའི་བར་དུ་སྒྲུབ་ཐབས་ལྟར་མཆོད་པ་བྱིན་གྱིས་བརླབ། ཚོམ་བུ་ལ་དམིགས་ནས། ༀ་ཛྙཱ་ན་ཌཱ་ཀི་ནི་ཧཱུཾ། 
ༀ་ཡོ་གཱཾ་པ་ར་ཧཱུཾ། ༀ་བཛྲ་ཌཱ་ཀི་ནི་སུཾ། ༀ་གྷོ་རི་ཌཱ་ཀི་ནི་ཀྵུཾ། ༀ་བེ་ཏ་ལི་ཌཱ་ཀི་ནི་ཡུཾ། ༀ་ཙཎྜ་ལི་
ཌཱ་ཀི་ནི་ཧཱུཾ། ༀ་སིང་ཧ་ཌཱ་ཀི་ནི་སྨྼྻུཾ། ༀ་བྱ་གྷྲ་ཌཱ་ཀི་ནི༌ཧྨྼྻུཾ། ༀ་ཛ་མྦྷུ་ཀ་ཌཱ་ཀི་ནི་ཡྨྼྻུཾ། ༀ་ཨུ་ལུ་ཀ་ཌཱ་
ཀི་ནི་ཀཥམརཡུཾ། ༀ་ཌཱ་ཀི་ནི་ཕུཾ། 
ༀ་དཱི་པི་ནི་ཕྲེཾ། ༀ་ཙཱུ་ཥི་ཎི་ཕྲོཾ། ༀ་ཀཾ་པོ་ཛཾ་ཕྲིཾ། ཞེས་བརྗོད། མདུན་བསྐྱེད། ༀ་ཧཱུཾ་སྭཱཧཱས་བསངས། 
སྭཱ་བྷཱ་ཝས་སྦྱངས། སྟོང་པའི་ངང་ལས་བསྲུང་བའི་འཁོར་ལོའི་ནང་དུ་ཡཾ་ལས་རླུང་ཞེས་པ་ནས་ཉི་
མའི་གདན་རེ་རེའོ། །དབུས་ཀྱི་གདན་གྱི་སྟེང་དུ་ཡེ་ཤེས་མཁའ་འགྲོ་མ་ཞེས་པ་ནས། སེམས་
དཔའི་སྐྱིལ་ཀྲུང་གིས་བཞུགས་པའོ། །ཤར་དུ་རྡོ་རྗེ་མཁའ་འགྲོ་མ་ཟླ་བའི་མདོག་ཅན། བྱང་
དུ་དྲག་མོ་མཁའ་འགྲོ་མ་གསེར་གྱི་མདོག་ཅན། ནུབ་ཏུ་རོ་ལངས་མཁའ་འགྲོ་མ་བྱི་རུའི་
མདོག་ཅན། ལྷོར་གདོལ་པ་མོ་མཁའ་འགྲོ་མ་བུང་བའི་མདོག་ཅན་ཞེས་པ་ནས་ཐོད་པ་བསྣམས་
པའོ། །བྱང་ཤར་དུ་སེང་གདོང་མ་གཡས་སེར་གཡོན་དཀར་བ། ཤར་ལྷོར་སྟག་གདོང་མ་
གཡས་དཀར་གཡོན་སྔོ་བ། ལྷོ་ནུབ་ཏུ་ཅེ་སྤྱང་གདོང་མ་གཡས་སྔོ་གཡོན་དམར་བ། ནུབ་
11-1-515


བྱང་དུ་འུག་གདོང་མ་གཡས་དམར་གཡོན་སེར་བ་ནས་སྡིག་མཛུབ་མཛད་པ། ཤར་སྒོར་
རྒྱལ་དབང་མ་ནས། དྲག་ཏུ་རྒོད་པ། བྱང་སྒོར་ནས་གནས་པ། ནུབ་སྒོར་ནས་གསོལ་བ། ལྷོ་
སྒོར་འཕྲོག་བྱེད་མ་ནས་ཡོངས་སུ་བསྐོར་བའོ། །རང་གི་སྙིང་གའི་ས་བོན་ལས། འོད་ཟེར་
ནས། རྡོ་རྗེ་རྩེ་ལྔ་པས་མཚན་པར་གྱུར་གྱི་བར་ཡེ་ཤེས་དགུག་གཞུག་དང༌། དབང་བསྐུར་རྒྱས་གདབ་བྱའོ། །ༀ་
ཧ་ཧོ་ཧྲཱི་སྭཱཧཱས་མཆོད་པ་བྱིན་གྱིས་བརླབ་པ་ནས། བདུད་རྩི་མྱང་བ་རྫོགས་ཀྱི་བར། སྒྲུབ་ཐབས་ལྟར་བྱས་ནས་གསོལ་བ་
གདབ་པར་བྱ་སྟེ། ཡེ་ཤེས་དབང་ཕྱུག་བཅོམ་ལྡན་འདས། །རིག་པའི་རྒྱལ་པོ་ཕྱག་འཚལ་ལོ། །
མགོན་པོ་ཐུགས་རྗེའི་བདག་ཉིད་ཅན། །མ་ལུས་བདག་ལ་དགོངས་སུ་གསོལ། །སློབ་མ་
རྣམས་ལ་ཕན་པ་དང༌། ཁྱེད་རྣམས་ལ་ཡང་མཆོད་པའི་ཕྱིར། །བདག་མིང་རྡོ་རྗེ་ཆེ་གེ་མོ། །
ནངས་པར་དཀྱིལ་འཁོར་བྲི་བར་འཚལ། རྗེས་སུ་བརྩེ་བར་ཉེར་དགོངས་ཏེ། །ཀུན་གྱིས་
བྱིན་གྱིས་བརླབ་ཏུ་གསོལ། །ཅེས་ལན་གསུམ་མོ། །ༀ་བཛྲ་ཨུ་ཏིཥྛ་ཞེས་དཀྱིལ་འཁོར་ནམ་མཁར་བཏེགས་ལ། 
ཨརྒྷཾ་ནས། ཤཔྟའི་བར་གྱིས་མཆོད། སེམས་ཅན་སྒྲོལ་བྱེད་སོགས་ཀྱིས་བསྟོད། དཀྱིལ་འཁོར་གྱི་ལྷ་
ཚོགས་རྣམས་ཇི་སྲིད་སྤྱན་མ་དྲངས་ཀྱི་བར་དུ་མདུན་གྱི་ནམ་མཁར་བཞུགས་ལ། བདག་
ཅག་སློབ་མར་བཅས་ལ་བསྲུང་བ་དང༌། ནང་པར་དཀྱིལ་འཁོར་ཆེན་པོ་བྱིན་གྱིས་བརླབ་
པའི་འཕྲིན་ལས་མཛད་དུ་གསོལ། ཅེས་བརྗོད་དོ། །བུམ་པ་ལ་སོགས་པ་རྫས་སྟ་གོན་ནི་པདྨ་འདབ་བརྒྱད་བྲིས་
པའི་དབུས་སུ་བུམ་པ། ཤར་དུ་ཐིག་སྐུད། ལྷོར་རྡོ་རྗེ། བྱང་དུ་དྲིལ་བུ། ནུབ་ཏུ་བདུད་རྩི་ལྔས་གང་བའི་དུང་ཆོས། མཚམས་བཞི་
དང་བུམ་པའི་མདུན་ངོས་དེ་ལྔར། ཚོན་རྩི་ལྔ་བཞག་མཐའ་མཆོད་པས་བསྐོར། བསང་སྦྱངས། སྟོང་པའི་ངང་ལས། པཾ་
ལས་སྣ་ཚོགས་པདྨ་དང༌། ཨ་ལས་ཟླ་བའི་གདན། དེའི་སྟེང་དུ་བྷྲུཾ་ལས་རིན་པོ་ཆེའི་བུམ་པ་
ལྟོ་བ་ལྡིར་བ། མགྲིན་པ་ཕྲ་བ། མཆུ་འཕྱང་བ། ལྷ་རྫས་ཀྱི་གོས་ཀྱི་གོས་ཟུང་དང་དཔག་
བསམ་གྱི་ཤིང་གིས་ཁ་བརྒྱན་པ། ནང་ཆུ་དང་བཅུད་ཐམས་ཅད་ཀྱིས་ཡོངས་སུ་གང་བའི་
རྣམ་རྒྱལ་བུམ་པའི་ནང་དུ། དག་པའི་ཆུ་བོ་ཡོངས་སུ་གྱུར་པ་ལས། རྡོ་རྗེ་མཁའ་འགྲོ་མ་སྐུ་
11-1-516


མདོག་དཀར་མོ་མཆོག་གི་འོད་ཟེར་འཕྲོ་བ། ཕྱག་གཉིས་རྡོ་རྗེ་དང་དྲིལ་བུ་འཛིན་པས། རང་
སྣང་གི་ཡབ་ལ་འཁྱུད་པ། དར་དང་རིན་པོ་ཆེའི་རྒྱན་གྱིས་བརྒྱན་པ། རང་གི་སྙིང་ག་ནས་
འོད་ཟེར་འཕྲོས། ཡེ་ཤེས་སེམས་དཔའ་བཛྲ་ས་མཱ་ཛ། ༀ་ཤྲིཾ་སྭཱཧཱ། ༀ་ཧཱུཾ་སྭཱཧཱ། ༀ་ཀུཾ་སྭཱཧཱ། 
ༀ་ཀྵུཾ་སྭཱཧཱ། ༀ་ཨིཾ་སྭཱཧཱ། ༀ་གུང་སྭཱཧཱ། ཅེས་པས་མཆོད། རྡོ་རྗེ་རྩེ་ལྔ་པའི་ཕྱག་རྒྱའི་ཁུ་ཚུར་གཉིས་ལས་འཛུབ་མོ་
གཉིས་སྦྱར་བའི་ཕྱག་རྒྱ་སྙིང་གར་བཞག་ལ། ༀ་ཨཱཿསྭཱཧཱ། ཞེས་དམ་ལ་བཞག བཟུང་ཐག་ནས་བཟུང་བའམ། ལག་པ་
གཡས་པས་བཟུང་བའི་རྡོ་རྗེའི་བུམ་པའི་ཁར་རེག་ལ། སྔགས་དེ་ཉིད་བརྒྱ་རྩ་བཟླའོ། །དེ་ནས་ༀ་ཧཱུཾ་སུཾ་ཀྵུཾ་ཡུཾ་ཧཱུཾ་སྭཱཧཱ། 
ཞེས་བརྒྱ་རྩ་དུང་ཆོས་ལ་བཟླ། དེས་རྡོར་དྲིལ་དང་སྐུད་པ་ལ་བསངས་གཏོར་བྱས་ལ། ༀ་ཧཱུཾ་སྭཱཧཱ། བརྒྱ་རྩས་དེ་རྣམས་བྱིན་
གྱིས་བརླབས། ༀ་སྨྼྻུཾ་སྭཱཧཱ། བརྒྱ་རྩས་ཚོན་རྩི་ལ་སོགས་པ་བྱིན་གྱིས་བརླབ་བོ། །དེ་ནས་གཏོར་མ་བཤམས་ཏེ། ༀ་སརྦ་
བི་མ་ལ་ཞེས་པ་ནས་ཛཿཧཱུཾ་ཕཊ་སྭཱཧཱའི་བར་དང༌། བཀྲ་ཤིས་ཀྱི་བར་དུ་མངོན་རྟོགས་བཞིན་གཏོར་འབུལ་བྱའོ། །དེ་ནས་
སློབ་མ་སྟ་གོན་ནི། སློབ་མ་ཁྲུས་བྱས་དེས་མཎྜལ་ཕུལ་བསང་ཆུས་བསང་གཏོར་བྱ། སྤྲོ་ན་མྱ་ངན་ལས་འདས་པའི་བསམ་པ་
བརྟན་པོ་བསྐྱེད་པ་དང༌། སློབ་དཔོན་རྡོ་རྗེ་སེམས་དཔའ་ཡབ་ཡུམ་གྱི་ང་རྒྱལ་ལ་གནས་པས་ནང་དབང་བསྐུར་བ་ཡང་བྱ། མདོར་
བསྡུས་སུ་ན་དེ་མེད་ཀྱང་ཆོག་གང་ལྟར་ཡང༌། དགའ་ཆེན་ཁྱོད་བདག་སྟོན་པ་སྟེ་སོགས་སྤྱི་དང་མཐུན་པ་ལན་
གསུམ་གྱིས་གསོལ་བ་བཏབ། བུ་ཚུར་ཐེག་པ་ཆེན་པོ་ཡི། །ཞེས་སོགས་མངོན་བྱང་ལས་འབྱུང་བའི་ཚིག་གིས་སྤྲོ་བ་
བསྐྱེད། བདག་གིས་སྡིག་པ་བགྱིས་པ་དང༌། །སོགས་ཀྱིས་བཤགས་པ་དང༌། སངས་རྒྱས་བྱང་ཆུབ་
སེམས་དཔའ་དང༌། སོགས་ཡི་རང་དང༌། སེམས་བསྐྱེད་མངོན་པར་སངས་རྒྱས་ནས་སོགས་སྐྱབས་འགྲོ་
དང༌། སངས་རྒྱས་འབྱུང་བ་ཇི་ལྟ་བར་སོགས་སེམས་བསྐྱེད་དང༌། བདག་གིས་དགེ་བའི་ལས་རྣམས་
ཀྱིས། །སོགས་བསྔོ་བ་རྣམས་བྱས་ལ། སློབ་མ་ཡེ་ཤེས་དབང་ཕྱུག་མ་དཀར་མོ། ཁ་ཊྭཱཾ་ག་དང་ཐོད་པ་
འཛིན་པའི་སྐུར་གྱུར། གནས་གསུམ་དུ་བདུད་རྩིའི་ཐིག་ལེ་བྱས་ལ། ༀ་བཛྲ་ཙི་ཏ་ཧཱུཾ། ༀ་བཛྲ་ཝཱ་ཀྱ་ཨཱཿ
ༀ་བཛྲ་ཀཱ་ཡ་ཧོཿ ཞེས་བརྗོད། མེ་ཏོག་ལ་སོགས་པའི་མཆོད་པ་ལྔ་ཕུལ། ༀ་ཨཿཛི་ཏ་སཾ་རྦརྟ་ནི་ཧཱུཾ་ཞེས་ལན་
བདུན་བསྔགས་པའི་སོ་ཤིང་སྦྱིན་ལ། སྤྱི་དང་མཐུན་པར་དོར། ༀ་སརྦ་བི་མ་ལ་སཾ་ཤོ་དྷ་ནི་ཧཱུཾ་ཕཊ། ཞེས་འཁྱོར་ཆུ་
11-1-517


སྦྱིན། སྲུང་སྐུད་དང་ཀུ་ཤ་སྤྱི་དང་མཐུན། སངས་རྒྱས་ཆོས་དང་དགེ་འདུན་ལ། ཅེས་པ་ནས། སེམས་ཅན་མྱ་
ངན་འདས་ལ་དགོད། །ཅེས་པའི་བར། རྗེས་ཟློས་ལན་གསུམ་གྱིས་སྡོམ་པ་སྦྱིན། སྤྲོ་བ་བསྐྱེད་པ་ནི། ཐེག་པ་ཆེན་
པོ་འབྲས་འབྱུང་བའི། །ལམ་མཆོག་དཔལ་དང་ལྡན་པ་འདི། ཁྱེད་རྣམས་རྣམ་པར་གྲོལ་བ་
ཡི། །དེ་བཞིན་གཤེགས་པར་འགྱུར་བ་ཡིན། །མཚམས་མེད་ལྔ་ཡི་ལས་ཅན་ཡང༌། །ཚོན་རྩི་
མཐོང་བས་གྲོལ་བར་འགྱུར། །དཀྱིལ་འཁོར་ཞུགས་དང་དབང་བསྐུར་བ། །གཙང་མའི་
གནས་སུ་སྐྱེ་བར་འགྱུར། །སྦྱིན་བདག་ལས་ཅན་རྣལ་འབྱོར་པས། །བྱང་ཆུབ་དམ་པ་ཐོབ་
པར་འགྱུར། །ཇི་བཞིན་ལམ་འདི་རྡོ་རྗེ་ཉོན། །མཉམ་པར་བཞག་པས་གཙུག་ལག་འདིའི། །
ཡི་གེ་དང་ནི་ཚིགས་བཅད་ཙམ། །གང་དག་ཉན་བྱེད་དེ་དག་ནི། །མཐོ་རིས་ལོངས་སྤྱོད་
ཐོབ་འགྱུར་བའམ། ཡང་ན་འཁོར་ལོ་བསྒྱུར་བའོ། །ཞེས་པའམ། འཇིག་རྟེན་དུ་ནི་ཀུན་མཁྱེན་
དག ཅེས་སོགས་སྤྱི་དང་མཐུན་པར་བརྗོད་ཀྱང་རུང༌། དེ་ནས་རྨི་ལམ་བརྟག་ཅིང་ངན་ན་སྲུང་བ་ནི་སྤྱི་དང་འདྲའོ། །དེ་དག་ནི་
སྟ་གོན་དུ་གནས་པའི་སྐོར་རོ། །དེ་ནས་སྔར་གྱི་ཐིག་སྐུད་སྣོད་གཙང་མར་བཞག་ལ། བསངས་སྦྱངས། ༀ་སུཾ་ཀྵུཾ་ཡུཾ་ཧཱུཾ་སྨྼྻུཾ། 
ཧྨྼྻུཾ། ཡྨྼྻུཾ། ཀྨྼྻུ། རྣམས་ཡོངས་སུ་གྱུར་བ་ལས། ཐིག་སྐུད་རེ་རེ་ཡང་ལྷ་མོ་དགུ་དགུའི་བདག་ཉིད་
དུ་གྱུར། {ཧུཾ་ཧུཾ་ཧུཾ་[ཧཱུཾ་ཧཱུཾ་ཧཱུཾ]ཞེས་སྐུད་པ་བསྒྲིལ་ཞིང་བརྐྱང་ལ། མཐར་ཐལ་མོ་ཁ་སྦྱོར་དུ་བཟུང་སྟེ། ༀ་ཨ་ཨཱ་
ཨཱཿཨཾ་ཧཱུཾ་སྭཱཧཱ། ཞེས་ལན་མང་དུ་བཟླས་ཤིང་བྱིན་གྱིས་བརླབ་ལ་ཐིག་གདབ་པར་བྱའོ། །ཐིག་གི་བྱ་བ་རྫོགས་པ་ན་རྡུལ་
ཚོན་ལྔ་པོ། ཧཱུཾ་སུཾ་ཀྵུཾ་ཡུཾ་ཧཱུཾ་རྣམས་ལས་བྱུང་བའི་ཚོན་སྣ་ལྔ་པོ་ལྷ་མོ་ལྔའི་ངོ་བོར་གྱུར། ས་བོན་ལྔ་པོ་དེ་
ཉིད་ལན་མང་དུ་བཟླས་ཏེ། སློབ་དཔོན་གྱིས་དང་པོར་རྡུལ་ཚོན་དགྱེ་ཞིང༌། ཕྱི་ནས་སློབ་མ་རྣམས་ཀྱིས་ཀྱང་ངོ༌། །ཐིག་དང་ཚོན་
གྱི་མཚན་ཉིད་ནི་གཞན་དུ་འབྲི་བར་འགྱུར་རོ། །ཐིག་མཚོན་གྱི་བྱ་བ་སྤྱི་དང་མཐུན་པར་བྱས་ཀྱང་རུང་མོད་ཀྱི། །གོང་དུ་བཤད་པ་
ཉིད་ལུགས་འདིའི་སྒོས་ཆོས་སུ་བཤད་པའི་ཕྱིར། འདི་ཁོ་ན་ལྟར་བྱའོ། །དེ་ནས་རྒྱན་དགོད་པ་ནི་སྤྱི་དང་འདྲ་བ་ལས་ཁྱད་པར་དུ་
ཤར་དུ་སེང་གེ། བྱང་དུ་རྨ་བྱ། ནུབ་ཏུ་ངང་པ། ལྷོར་ཆུ་སྲིན་གྱིས་མཚན་པ་གཉིས་གཉིས་ཏེ་རྒྱལ་མཚན་བརྒྱད་དང༌། ཤར་དུ་རྒྱལ་
དང་བཀྲ་ཤིས། བྱང་དུ་དངོས་གྲུབ་དང་རྫུ་འཕྲུལ། ནུབ་ཏུ་རྒྱལ་བ་དང་རྣམ་རྒྱལ། ལྷོར་གྲུབ་པ་དང་འཇིགས་པ་སྟེ། བུམ་པ་
11-1-518


བརྒྱད་འགོད་པར་བཤད་ཅིང༌། དངོས་སུ་མེད་ན་ཡིད་ཀྱིས་བྱའོ། །དེ་ནས་དཀྱིལ་འཁོར་སྲུང་བ་ནི་ཧཱུཾ་ཞེས་སྔོན་དུ་འགྲོ་བས་
བཤད་ནས་བཛྲ་ཌཱ་ཀི་ནི་ཨཱཿཧཾ་ༀ་ཧཱུཾ་ཧ་ན་ཧ་ན་མཱ་ར་ཡ་དུཥྚཱ་ན་གྷཱ་ཏ་ཡ་གྷཱ་ཏ་ཡ་ཨཿཨཿཧཱུཾ་ཧྲཱི་ཕཊ། 
བྱང་ནས་གྷོ་རི་ཌཱ་ཀི་ནི་ཨཱཿཧཾ། ༀ་ཧཱུཾ་ཨཿཕཊ། ནུབ་ནས་བཻ་ཏཱ་ལི་ཌཱ་ཀི་ནི་ཨཱ་ཧཾ། ༀ་ཧཱུཾ་ཨཱཿཕཊ། ལྷོ་
ནས་ཙནྜ་ལི་ཌཱ་ཀི་ནཱི་ཨ་ཧ། ༀ་ཧཱུཾ་ཨཾ་ཕཊ། སླར་ཡང་དབུས་སུ་བསམ་ནས་ཤར་ནས། ཛྙཱ་ན་ཌཱ་ཀི་ནི་ཨཱ་ཧཾ། 
ༀ་ཧཱུཾ་ཧ་ན་སོགས་གོང་བཞིན་སྤྲོས་པ་ལ་དགའ་ན་སྐབས་འདིར་སྟང་སྟབས་བཅུ་བཞི་བྱའོ། །སེམས་མ་རྡོ་རྗེ་མའི་ཕྱག་རྒྱས་
བསྐོར་ཏེ། ༀ་ཧཱུཾ་ཕུ་ཕཊ། རྡོ་རྗེ་གུར་དུ་གྱུར། རྡོ་རྗེ་བསྡམས་པ་ལས་མཐེ་བོང་དང་མཐེ་ཆུང་གཉིས་བསྒྲིག་ཏེ་བརྐྱང་
བ་བསྐོར་ཏེ། ༀ་ཛཾ་བྷ་ནི་ཧཱུཾ་ཕཊ། རྡོ་རྗེ་རྭ་བར་གྱུར་ལག་པ་གཉིས་གན་རྐྱལ་དུ་བརྐྱང་བ་རྩེ་སྤྲད། སའི་གནས་ལྔར་
བརྡབས་ཏེ། ༀ་ཛུཾ་ཕཊ། ས་འོག་རིམ་པ་བདུན་དུ་ཕུག་པས་བགེགས་རྣམས་ཀྱིས་སྙིང་གར་ཕུར་བུས་གདབ་ཅིང༌། རྡོ་རྗེའི་
ས་གཞི་བཅིངས་པར་འགྱུར། དེ་ནས་དངོས་གཞི་སྒྲུབ་པའི་ཆོ་ག་ལ་གཉིས་ལས། དང་པོ་བུམ་པ་སྒྲུབ་པ་ནི། བུམ་པ་
བཅུ་བཞིའམ་བརྒྱད་འབྱོར་ན་རབ་སྟེ། ལྷ་མོ་བཅུ་གསུམ་དང་ལས་ཐམས་ཅད་པ་སྟེ་བཅུ་བཞི་དང༌། ཡང་ན་བཀྲ་ཤིས་བུམ་པའི་
ནུབ་ཀྱི་རྣམ་རྒྱལ་དུ་གཙོ་བུམ་དང༌། རོ་ལངས་མའམ་སེངྒེ་མ་ལ་ལས་བུམ་འཚོལ་བ་ཡིན་ནོ། །འོན་ཀྱང་དེང་སང་ལག་ལེན་བུམ་
པ་གཉིས་ལ་བྱེད་པས། སྤྱི་དང་མཐུན་པར་བཀོད་ལ། བསངས་སྦྱངས། བུམ་པ་གོང་བཞིན་བསྐྱེད་ནས། ༀ་ཏཱ་པ་ཏེ་ཏཱ་པ་
ཏེ་མ་ཧཱ་ཏཱ་པ་ཏེ་ཧཱུཾ་སྭཱཧཱ། ལན་བདུན་ལྷའི་ཆུ་བོ་དལ་གྱིས་འབབ་པར་གྱུར། གཡོན་པའི་མཐེ་བོང་དང་
མཐེའུ་ཆུང་རྩེ་སྦྱར་བུམ་པ་ལ་རེག་ཚུལ་བྱེད་ཅིང༌། ༀ་ཧཱུཾ་སུཾ་ཀྵུཾ་ཡུཾ་ཧཱུཾ་སྭཱཧཱ། ཞེས་ལན་བདུན་བཟླས་ཤིང༌། བསྡུ་ན་ལྷའི་
རྣམ་པ་བསྐྱེད་པ་མེད་པར་སྔགས་བཟླས་པ་ཙམ་ཀྱིས་ཀྱང་ཆོག་མོད་ཀྱི། བླ་མ་གོང་མ་རྣམས་ཀྱི་ལག་ལེན་ལྟར་ན། རྣམ་རྒྱལ་
བུམ་པའི་དབུས་སུ་ཡེ་ཤེས་མཁའ་འགྲོ་མ་ཞེས་པ་ནས་ཐོད་པ་བསྣམས་པའོ། །བྱང་ཤར་དང་
ལས་བུམ་དུ་སེང་གདོང་མ་ཞེས་པ་ནས། རྡོ་རྗེ་རྩེ་ལྔ་པས་མཚན་པར་གྱུར་གྱི་བར་ལྷ་སྟ་གོན་གྱི་སྐབས་
བཞིན་ཡིན་ནོ། །དེ་ནས་གཟུངས་ཐག་ནས་བཟུང༌། ༀ་ཧཱུཾ་སྭཱཧཱ། ཞེས་པ་ཉིད་ཅི་འགྲུབ་དང༌། དམ་བརྒྱའི་སྐབས་སུ་བཤད་
པའི་སྔགས་སམ། ལྷ་རྣམས་ཀྱི་འབྱིན་སྔགས་གང་རུང་གི་སྒོ་ནས། འཁོར་གྱི་བཟླས་པ་ཡང་ཅི་འགྲུབ་བྱས་ཏེ། མཐར་མངོན་
རྟོགས་བཞིན་མཆོད་པ་བྱིན་གྱིས་རླབས། ༀ་ཤྲཱ་སྭཱཧཱ། ལ་སོགས་པས་མཆོད། སེམས་ཅན་སྒྲོལ་བྱེད༴ སོགས་ཀྱིས་
11-1-519


བསྟོད་ནས། ཡིག་བརྒྱ་ལན་གསུམ། མ་འབྱོར་པ་དང་༴ སོགས་ཀྱིས། བཟོད་པར་གསོལ་མཆོད་ཡོན་ཕུལ། ལྷ་རྣམས་
འདོད་ཆགས་ཆེན་པོའི་མེས་ཡེ་ཤེས་ཀྱི་བདུད་རྩི་ཞུ་བར་གྱུར། ཞེས་བརྗོད་དོ། །གཉིས་པ་དཀྱིལ་འཁོར་
བསྒྲུབ་པ་ལ། བདག་བསྐྱེད་དང་མདུན་བསྐྱེད་གཉིས་ལས་དང་པོ་ལ་དཀྱིལ་ཆོག་སྙིང་པོ་མདོར་བསགས་ལས། རྣལ་འབྱོར་ནམ་
མཁའི་དཀྱིལ་འཁོར་གྱི་དབང་དུ་བྱས་ནས། རྡོ་རྗེ་སེམས་དཔའ་གཙོ་རྐྱང་གིས་ཆོག་པའི་ལུགས་ཡོད་ཀྱང༌། ཡེ་ཤེས་དབང་ཕྱུག་
མའི་དཀྱིལ་འཁོར་ལ་དེ་མི་འགྲིག་ཅིང༌། བོད་དུ་འགྱུར་བའི་རྒྱུད་འདི་ལ་བླ་མ་གོང་མ་རྣམས་ཀྱི་མན་ངག་ལྟར། དཀྱིལ་འཁོར་
ཡོངས་རྫོགས་སྒོམ་པ་ཉིད་ལེགས་པས་དེའི་དབང་ལྟར་བྱས་ནས་བཤད་པར་བྱའོ། །མཁའ་འགྲོ་སྤྱི་གཏོར་གྱི་སྒོ་ནས་སྔོན་འགྲོ་
གཏོར་མ་བཏང་གནས་ཡོ་བྱིན་གྱིས་བརློབ་པ་ཡང་བྱ་སྟེ། སེངྒེ་མའི་སྔགས་ཀྱིས་བསང་བ་ལས་གཞན་སྡོམ་པའི་ཆོ་ག་སོགས་སྤྱི་
དང་འདྲའོ། །དེ་རྗེས་སྐྱབས་འགྲོ་ནས་བརྩམས་ཏེ། དཀྱིལ་འཁོར་ཉེར་བསྡུའི་བར་རྫོགས་པར་བསྒོམ། སླར་ཡང་ཐུན་མཚམས་
ཀྱི་ལྷ་སྐུར་ལངས་པར་གྱུར། གཉིས་པ་མདུན་བསྐྱེད་ནི། བསངས་སྦྱངས་སྟོང་པའི་ངང་ལས། ཧཱུྃ་ལས་བྱུང་བའི་
བསྲུང་བའི་འཁོར་ལོའི་ནང་དུ་ཡུཾ་ལས་རླུང་གི་ནས་ཉི་མའི་གདན་རེ་རེའོ། །དབུས་ཀྱི་གདན་
གྱི་སྟེང་དུ་ཧཱུཾ་ལས་རྡོ་རྗེ་ཧཱུཾ་གིས་མཚན་པ། ཕྱོགས་བཞིར་སུཾ་ཀྵུཾ་ཡུཾ་ཧཱུཾ་རྣམས་ལས་བྱུང་བའི་ཁ་
ཊཱཾ་ག་མཚམས་བཞིར་སྨྼྻུཾ་ཧྨྼྻུཾ་ཡྨྼྻུཾ་ཀྵྨྼྻུཾ་རྣམས་ལས་བྱུང་བའི་ལྕགས་ཀྱུ་སྒོ་བཞིར་ཕུཾ་ཕྲེཾ་ཕྲོཾ་ཕྲིཾ་རྣམས་
ལས་བྱུང་པའི་རང་རང་གི་ཕྱག་རྒྱ་རྣམས་ཡོངས་སུ་གྱུར་པ་ལས་དབུས་ཀྱི་གདན་གྱི་སྟེང་དུ། 
ཡེ་ཤེས་མཁའ་འགྲོ་མ་སྔོན་མོ༴ ཞེས་པ་ནས། ཡོངས་སུ་བསྐོར་བའོའི་བར་ལྷ་སྟ་གོན་དང་བུམ་བསྐྱེད་ཀྱི་
སྐབས་བཞིན་ནོ། །ༀ་བཛྲ་ཀཱ་ཡ་ཧཱུཾ་ནས་རྡོ་རྗེ་རྩེ་ལྔ་པས་མཚན་པར་གྱུར་གྱི་བར་ཡང་སྒྲུབ་ཐབས་བཞིན་ནོ། །
རང་གི་སྙིང་ག་ནས་འོད་ཟེར་འཕྲོས། སྟ་གོན་གྱི་དཀྱིལ་འཁོར་མདུན་གྱི་ནམ་མཁར་བཛྲ་ས་
མཱ་ཛཿ ༀ་སྨྼྻུཾ་སྭཱ་ཧཱས་བསངས། ༀ་ཤྲིཾ༴ སོགས་ཀྱིས་མཆོད། སེམས་ཅན་སྒྲོལ་བྱེད༴ སོགས་ཀྱིས་བསྟོད། 
ཛཿཧཱུཾ་བཾ་ཧོཿལན་བཅུ་དྲུག་སོགས་ཀྱིས་གཉིས་སུ་མེད་པར་བསྲེའོ། །འདིར་མདོར་བསགས་ཀྱི་ཆོ་ག་འགྱུར་སྔ་ཕྱི་གཉིས་ལ་
འགྱུར་ཁྱད་ཙམ་མ་ཡིན་པར་རྒྱ་དཔེ་རང་ལས་དོན་གཏན་ནས་མི་འདྲ་བར་ཤིན་ཏུ་ཁྱད་ཆེ་བར་སྣང་བས། སྤྱིར་ཡིད་བརྟན་དཀའ་
བ་ཙམ་ཡིན་ནའང༌། འདིར་སྦྱར་བ་ནི། བླ་མ་གོང་མ་རྣམས་ཀྱི་མན་ངག་ཡིན་པ་ལས། མདོར་བསགས། འགོས་འགྱུར་དང་ཕལ་
11-1-520


ཆེར་མཐུན་ལ། དེ་ཉིད་བླ་མེད་ཀྱི་དཀྱིལ་ཆོག་ཕལ་ཆེར་དང་ཡང་མཐུན་པས་ལེགས་པར་ཡང་མངོན་ནོ། །འགྱུར་རྙིང་ལས་ནམ་
མཁའི་ལྷ་འབེབས་པ་ཁོ་ན་ལས་གཞན་མ་བཤད་དེ། རྒྱུད་སྡེ་འོག་མའི་ཆོ་ག་འགའ་ཞིག་དང་འདྲ་རུང་ཙམ་མོ། དེའི་རྗེས་སུ་
མཆོད་པའི་བྱ་བ་ནི་མཆོད་པ་བཟང་རྒྱས་སུ་བཤམས། བསྡུ་ན་སྒྲུབ་ཐབས་སུ་བྱུང་བའི་མཆོད་བསྟོད་བདུད་རྩི་མྱང་བ་ཙམ་གྱིས་
ཀྱང་ཆོག་ལ། ཅུང་ཟད་རྒྱས་པར་བྱེད་ན། དྭངས་ཤིང་དྲི་མེད་ཡིད་འོང་བའི༴ སོགས་དང༌། ༀ་བཛྲ་ཨརྒྷཾ་པྲ་
ཏཱིཙྪ་སྭཱཧཱ། སྣ་ཚོགས་ལྷ་ཡི་དྲི་ཞིམ་པ༴ སོགས། ༀ་པྲ་ཏཱིཙྪ་སུ་གནྡྷེ་ཧཱུཾ་སྭཱཧཱ། ༀ་ལྷ་ཡི་མེ་ཏོག་ཤིན་
ཏུ་དམར༴ སོགས། ༀ་པུཥྤེ་མཱ་ལེ་ཧཱུཾ་སྭཱཧཱ། ༀ་ཙནྡན་ག་བུར་སོགས། ༀ་དྷཱུ་པེ་ཤྭ་རི་ཧཱུཾ་སྭཱཧཱ། ༀ་མར་
མེ་འོད་ཟེར༴ སོགས། ༀ་ཏཱིཀྵ་ཎཱ་དཱི་པེ་ཧཱུཾ་སྭཱཧཱ། ༀ་ཁ་དོག་དྲི་དང་༴ སོགས། ༀ་ཀུ་རུ་ཀུ་རུ་མཧཱ་བ་
ལི་ཧཱུཾ་སྭཱཧཱ། ༀ་པ་ཊ་ཧ་དང་༴ སོགས། ༀ་བཛྲ་ཤཔྟ་ཨཱཿཧཱུཾ། དེ་ནས་གོས་ཟུང་སྤྱི་དང་མཐུན་པར་འབུལ། ཏེ་ན་
ཧཱུཾ་ཏེ་ན་ཧཱུཾ་ཏེ་ན་ཏེ་ཏེ་ཧཱུཾ། ཞེས་པའི་སྐབས། ལྟེ་སྙིང་དཔྲལ་བ་རྣམས་སུ་པད་སྐོར་བྱས་ལ། སླར་སྙིང་གར་ཕབ། ཧཱུཾ་ཧཱུཾ། 
ཞེས་རྡོ་རྗེ་ཁུ་ཚུར་དཀུར་བརྟེན་ཅིང་སྒེག་པའི་ཚུལ་དུ་བྱ། དེ་ཉིད་ཐམས་ཅད་ཀྱི་སྔོན་ཏུ་འགྲོ་བའི། པི་ཝཾ་ཚུལ་གྱིས་བསྒྲེང་བས་
དང༌། བཛྲ་བཱི་ནི། པི་ཝཾ་གི་ཚུལ་དང༌། གླིང་བུའི་ཚུལ་གྱིས་འབུད་པ་དང༌། བཛྲ་ཝཾ་སེ། གླིང་བུའི་ཚུལ་ལོ། །བཛྲ་ཤང་
ཁ་རྡོ་རྗེ་ཁུ་ཚུར་གྱི་མཐེ་ཆུང་རྩེ་སྦྱར་བ་དུང་གི་ཚུལ་ཁར་བཞག་གོ །སིལ་ཁྲོལ་ཚུལ་གྱིས་བསྡེབ་པ་དང༌། བཛྲ་ཛ་ལ་ཧ་རི། 
མཁར་རྔ་བརྡུང་བའི་ཚུལ་ལོ། །ཕྱག་འཚལ་ཚུལ་གྱིས་འདུད་པ་དང༌། བཛྲ་བནྡྷི་དཔྲལ་བར་ཐལ་མོ་སྦྱར་བའོ། །རྔ་ཡབ་ཚུལ་
གྱིས་གཡོབ་པ་དང༌། བཛྲ་ཙ་མ་ར། ལག་པ་གཡས་བརྐྱང་སྟེ་བསྐྱོད་པའོ། །རྒྱལ་མཚན་ཚུལ་གྱིས་བསྒྲེང་བ་དང༌། བཛྲ་
དྷྭ་ཛ་ལག་གཉིས་སྟེང་དུ་བསྒྲེང་བ། བླ་བྲེའི་ཚུལ་གྱིས་བྲི་བ་དང༌། བཛྲ་བི་ཏ་ན་རྡོ་རྗེ་ཁུ་ཚུར་གྱི་འཛུབ་མོ་བརྐྱང་བས་ངོས་
གཉིས་སུ་བླ་རེ་བྲི་བའི་ཚུལ་ལོ། །བ་དན་ཚུལ་གྱིས་འཕྱར་བ་དང༌། བཛྲ་པ་ཏཾ་གི། གཡོན་པའི་མཛུབ་མོ་སྒྲེང་བ་ལ། གཡས་
པའི་གོང་མཛུབ་བསྒྲེང་བས་བསྐོར་བ་དང༌། གདུགས་ཀྱི་ཚུལ་གྱིས་དགབ་པ་དང༌། བཛྲ་ཚ་ཏྲཾ་ག གཡོན་དེ་དང་འདྲ་བ་ལས་
གཡས་ཀྱི་ལག་མཐིལ་བཀབ་བའོ། །རྔ་ཟླུམ་ཚུལ་གྱིས་བརྡེབ་པ་དང༌། བཛྲ་མུ་ར་ཛེཾ། རྔ་སྟེང་ནས་བརྡུང་བའི་ཚུལ་ལོ། །རྫ་
རྔའི་ཚུལ་གྱིས་བརྡུང་བ་དང༌། བཛྲ་པ་ཊ་ཧ། བློ་གཉིས་ནས་བརྡུང་བའི་ཚུལ་ལོ། །གར་གྱི་ཚུལ་གྱིས་ཡན་ལག་བསྐྱོད། 
བཛྲ་ཎི་ཏ། གར་གྱི་ཚུལ་བྱའོ། །བཞད་པའི་ཚུལ་གྱིས་འཛུམ་པ་དང༌། བཛྲ་ཧ་སྱེ། རྒོད་པའི་ཚུལ་ལོ། །སྒེག་པའི་ཚུལ་
11-1-521


གྱིས་སྒེག་པ་དང༌། བཛྲ་བ་ལི་སྱ་བརླ་གཡོན་པའི་སྟེང་དུ་ལག་མཐིལ་ཁ་སྦུབ་དུ་བཞག་པ་དང༌། ལག་གཉིས་རྣ་བའི་ཐད་
དཀར་ཕྱར་རོ། །ཁྲོ་བོའི་ཚུལ་གྱིས་འཇིགས་པ་དང༌། བཛྲ་ཨུ་གྲ རྡོ་རྗེ་བསྡམས་པ་སར་བཞག་པའོ། །མདའ་འཕེན་ཚུལ་གྱིས་
དྲང་བ་བྱ། བཛྲ་ཤཱ་ར་གཡོན་གྱི་ཕྱོགས་སུ་མདའ་འཕང་བའི་ཚུལ་ལོ། །རྡོ་རྗེ་གསོར་ཞིང་ཕྱག་འཚལ་ལོ། །བཛྲ་པྲོལླ་
གཡས་ཀྱི་རྡོ་རྗེ་གསོར་བའི་ཚུལ་ལོ། །ཆགས་པའི་ཚུལ་གྱིས་ནུ་མ་འཇིབ། བཛྲ་ཨོཊྚ། ལག་གཉིས་ནུ་མ་འཚིར་བའི་ཚུལ་ལོ། །
གུས་པའི་ཚུལ་གྱིས་ཐལ་མོ་སྦྱོར། བཛྲ་བྷཀྟ། སྙིང་གར་ཐལ་མོ་སྦྱར་བའི་ཚུལ་ལོ། །དེ་ལྟར་ན་ཕྱག་རྒྱ་ཉི་ཤུའི་མཆོད་པའོ། །
ཕྱག་རྒྱ་སྤྱི་དང་མཐུན་པར་བཅས་ལ། ༀ་ཧཱུཾ་སྭཱཧཱ། སྒེག་མོ་དང་༴ ཞེས་པ་ནས། མར་མེ་མའི་བར་སྒེག་སོགས་
བརྒྱད་ཀྱིས་མཆོད། དེ་བཞིན་དུ་རྒྱལ་སྲིད་སྣ་བདུན་དང་འདོད་ཡོན་ལྔ་ལ་སོགས་པ་སྣ་ཚོགས་པའི་མཆོད་པས་མཆོད་པར་བྱའོ། །
སྤྱི་བོར་ཐལ་མོ་སྦྱར་ནས་ལྟག་པར་དར་སྣེ་འཕྱང་བ་དང༌། ༀ་ཧཱུཾ་སྭཱཧཱ། ཞེས་དར་དཔྱངས་དང༌། སྔགས་དེ་ཉིད་དང༌། ལག་
པ་གཡོན་པས་མགོའི་གནས་ལྔར་གཏུགས་པས་ཅོད་པན་དང༌། གཡས་འཛུབ་མོ་བརྐྱང་བའི་རྣ་བ་མགྲིན་པ་དཔུང་པ་འཁྲིག་མ་
ནུ་མ་རྐང་པ་སོགས་ལ་རེག་སྟེ་སྔགས་དེ་ཉིད་དཻ་རྒྱན་ཆའོ། །ན་བཟའ་སྐོན་པའི་ཚུལ་དང་སྔགས་དེ་ཉིད་དེ་དགོས་སོ། །ཐལ་མོ་
ཁོང་སྟོང་དུ་མཉམ་པར་སྦྱར། ༀ་ཛཾ་སྭཱཧཱ་འབྲས་བུ་སྣ་ཚོགས་སོ། །ལག་མཐིལ་གཡས་པའི་སྟེང་དུ་གཡོན་པའི་མཐེབ་སྲིན་
སྦྱར་བ་དང༌། ༀ་ཧ་ཧོ་ཧྲི་ཧཱུཾ་སྭཱཧཱ། བདུད་རྩི་ལྔ་དང༌། རྡོ་རྗེ་བསྡམས་པ་ཁ་ཕྱེ་ལ། ༀ་ཤྲཱིཿཧཱུཾ་གྷུང་ཛཿསཿསྭཱཧཱ། 
ལྕགས་ཀྱུ་ལྔ་སོགས་བཟའ་བ་སྣ་ཚོགས་སོ། །དེ་ནས་དྲིལ་བུ་སིལ་ཞིང༌། ༀ་ཧཱུཾ་ཧཱུཾ་ཧཱུཾ་གྷུཾ་ཕྲུཾ་ཧཱུཾ་ཧཱུཾ་ཧཱུཾ། ༀ་གྷེ་གྷེ་གྷེ་ཧཱུཾ། 
ༀ་ཏེ་གྷུ་ཏེ་གྷུ་ཧཱུཾ། མཛེས་པའི་རྡོ་རྗེ༴ ཞེས་པ་ནས། ཧོ་ཧོ་ཧོ་སྭཱཧཱ། སྤྲོ་ན་ཧཱུཾ་བདེ་བའི་ཐུགས་གདན༴
སོགས་ཀྱང་བརྗོད། སེམས་ཅན་སྒྲོལ་བྱེད༴ སོགས་ཀྱི་མཐར། བཅོམ་ལྡན་ཡན་ལག་དང་འབྲེལ་བདེ་
བ་ཆེན་པོའི་བྱང་ཆུབ་བརྙེས། །སྒེག་དང་ཁྲོ་དང་བཞད་པའི་དེ་ཁོ་ན་ཉིད་སྐུ། །ཨིནྡྲ་ནཱི་ལ་དང་
མཚུངས་འབར་བ་མཛེས་པའི་ལུས། །དཔལ་ལྡན་ཡེ་ཤེས་མཁའ་འགྲོ་མ་ཁྱེད་ཞབས་ཀྱི་
པདྨར་འདུད། །སངས་རྒྱས་ཀུན་ཀྱི་རིགས་ཀྱི་ཆུ་ལས་བྱུང་བ་དག་པའི་སྐུ། །སྤྱན་དཀྱུས་རིང་
རབ་གསལ་ཞིང་སྙིང་རྗེའི་རྒྱན་གྱིས་བརྒྱན། ཁ་ཊྭཾ་ག་དང་བདུད་རྩིས་གང་བའི་ཐོད་པ་
བསྣམས། །དཔལ་ལྡན་རྡོ་རྗེ་མཁའ་འགྲོ་མ་ཁྱོད་ཞབས་ཀྱི་པདྨར་འདུད། །འོད་ཀྱི་རང་
11-1-522


བཞིན་ནོར་བུའི་རིགས་ལས་བྱུང་བའི་དྲི་མེད་ལུས། །ཕྱག་གི་ཁུ་ཚུར་གྱིས་ནི་ཁ་ཊྭཱཾ་ག་དང་
པདྨའི་སྣོད། །དྲག་པོའི་ཆར་གྱི་རྒྱུན་དང་འདྲ་བས་ས་སྟེང་ཚིམ་མཛད་པའི། །དཔལ་ལྡན་དྲག་
མོའི་མཁའ་འགྲོ་མ་ཁྱོད་ཞབས་ཀྱི་པདྨར་འདུད། །ཆུ་ལས་སྐྱེས་བཞིན་དེ་ཉིད་དབུགས་ཀྱི་
ཐིག་ལེའི་ངོ་བོ་ཉིད། །ཕྱག་མཚན་ཁ་ཊྭཾ་གས་མཚན་པདྨའི་འདབ་མ་འཛིན་མཛད་ཅིང༌། །སྐྱེ་
བོ་རྨོངས་པའི་ཐེ་ཚོམ་ངེས་པར་སེལ་མཛད་པའི། །རོ་ལངས་མཁའ་འགྲོ་མ་ཁྱོད་ཞབས་ཀྱི་
པདྨར་འདུད། །ལས་ཀྱི་རྗེས་སུ་བྱེད་པའི་མེ་ཡི་རང་བཞིན་རྣམ་པར་དག་པའི་ལུས། ཁ་ཊྭཾ་
གས་མཚན་པད་སྣོད་ཀྱིས་ནི་ཕྱག་གཉིས་མཚན། །ཤ་ཟ་གཏུམ་པོའི་ཚོགས་ཀུན་ཕྱེ་མར་རབ་
ཏུ་རློག །གཏུམ་མོ་མཁའ་འགྲོ་མ་ཁྱོད་ཞབས་ཀྱི་པདྨར་འདུད། །དཔལ་ཆེན་སེངྒེ་འུག་པ་མོ་
ནི་མང་པོ་ཧཱུཾ་སྒྲོགས་ང་རོ་ཅན། །དཔལ་ལྡན་སྟག་མོ་ཅེ་སྤྱང་མོ་ཡང་སྐྱེ་བའི་རིམ་ནི་གདུག་པ་
འཇོམས། །ཞགས་པ་ལྕགས་ཀྱུ་སྡིགས་འཛུབ་དག་གིས་བསྣམས་པའི་ཕྱག །ཁྱེད་ཀྱི་ཞབས་
ཀྱི་པདྨར་བདག་ནི་སྐྱབས་སུ་མཆི། །དཔལ་ལྡན་མཁའ་འགྲོ་རབ་མཆོག་འབར་བྱེད་
འཇིགས་བྱེད་མ། །འཕྲོག་བྱེད་མ་ནི་རྟག་ཏུ་མཉམ་མེད་དངོས་གྲུབ་མང་ལ་སྟེར། །གདུལ་
དཀའ་འདུལ་བར་མཛད་པའི་སེམས་ཀྱི་བདག་ཉིད་རྒྱལ། ཁྱོད་ཀྱི་ཞབས་ཀྱི་པདྨར་ཕྱག་
འཚལ་སྐྱབས་སུ་མཆི། ཞེས་པས་བསྟོད། ༀ་ཤུདྡྷ་དྷརྨ་ཧཱུཾ་ཨ་ཨཱ་ཨཱཿཨཾ་སྭཱཧཱ། ཞེས་ལན་མང་དུ་བརྗོད་དོ། །
དེ་ནས་གཏོར་མ་འབུལ་བ་ནི། དང་པོ་སློབ་དཔོན་གྱིས་དྲིལ་བུ་དཀྲོལ་ཞིང་རྡོ་རྗེ་སེམས་དཔའི་ང་རྒྱལ་ལ་གནས་པས། བརྒྱ་
བྱིན་གདུགས་ནི་ཐོགས་པ་དང༌། །ཚངས་པ་བསིལ་གཡབ་གཡོབ་པར་བྱེད། །སེངྒེ་མདུན་
གནས་གསོལ་ཀ་པ། །འཕྲོག་བྱེད་ཡོན་ཏན་སྒྲོག་བྱེད་ཅིང༌། །འཇིག་རྟེན་གསུམ་གྱིས་ཕྱག་
བྱས་པ། །རྡོ་རྗེ་སེམས་དཔའ་རྒྱལ་གྱུར་ཅིག །ཅེས་ཤིས་པ་བརྗོད་དོ། །དེ་ནས་ཤར་དུ་སོང་ནས་ཧཱུཾ་ཞེས་རྡོ་རྗེའི་
ལྟ་བ་དང༌། རོལ་པའི་སྟབས་ཀྱིས་འདུག་ནས་རྡོ་རྗེ་གསོར་ཞིང་དྲིལ་བུ་དཀྲོལ་ལོ། །དཀར་གསུམ་མངར་གསུམ་འབྲས་དཀར་མེ་
ཏོག་དཀར་པོ་སོགས་ཀྱི་གཏོར་མ་དང༌། དྲི་བཟང་གི་མཎྜལ་གྲུ་བཞི་པ་མེ་ཏོག་དཀར་པོ་བཀྲམ་པ་མདུན་དུ་བཀོད། མཆོད་པ་
11-1-523


རྣམས་ཀྱང་བཤམ་མོ། །དེ་ནས་ཁམས་གསུམ་རྣམ་རྒྱལ་གྱི་ཕྱག་རྒྱ་གཡོབ་ཅིང༌། ༀ་བ་ཏཱ་ལི་མཧཱ་བ་ཏཱ་ལི་ཧཱུཾ་ཧཱུཾ་ཧཱུཾ་ཛ་
སྭཱཧཱ། ཞེས་ལན་གསུམ་དང༌། ༀ་རྒྱུ་བ་དང་ནི་ཆེར་རྒྱུ་བ། །ཡི་དྭགས་རྒྱུ་བ་ཉི་མ་ཟླ། །དངོས་གྲུབ་
གདོང་དང་རྒྱལ་བ་དང༌། །རྟ་ཡི་རྒྱལ་དང་ཟླ་བའི་རྒྱལ། །ལྷ་མོ་ཨུ་མ་གངྒཱ་དང༌། །གཟུགས་
མཛེས་དགའ་མ་འདུས་པ་དང༌། །གཟའ་རྣམས་ཀུན་དང་ཚོགས་ཀྱི་གཙོ། །ཀརྟི་ཀ་དང་
དཔལ་ལྡན་མ། །ལྷ་མོ་རི་བོང་འཛིན་པ་ཉིད། །ལྷག་པ་དང་ནི་ལྷག་པ་ཆེ། །ལྷ་ཡི་རྒྱལ་པོ་ལྷ་
མིན་རྒྱལ། །པུཀྐཱ་སི་དང་སྤོས་ཆེན་མོ། །ཧཱུཾ་ཧོཿཨཱ་ཀཪྵ་ཡ་ཨཱཪྵ་ཡ། ས་མ་ཡ་ཨ་དྷི་པ་ཏི་ཧཱུཾ་ཕཊ་
ཛཿསྭཱཧཱ། ཞེས་སྤྱན་དྲངས། ཕྱག་རྒྱ་སྔ་མ་ལས་འཛུབ་མོ་གཉིས་འདུད་དེ། ༀ་བྷཀྵ་བྷཀྵ་ས་མ་ཡ་ཨ་དྷི་པ་ཏི་ཛུཾ་
ཧཱུཾ་ཕཊ་སྭཱཧཱ། ཞེས་ལན་བདུན་ལ་སོགས་པས་ཕུལ་ཨརྒྷཾ་ནས་ཤཔྟའི་བར་གྱིས་མཆོད་མཆོད་སྦྱིན་གཏོར་མ་
འདི་བཞེས་ལ་ནས་ཡིད་ལ་འདོད་པ་ཀུན་འགྲུབ་ཤོག་གི་བར་གྱིས་ཕྲིན་ལས་བཅོལ། སེམས་ཅན་
ཐམས་ཅད་ནད་མེད་ཅིང༌། །ཞེས་སྨོན་ལམ་བཏབ་ཡིག་བརྒྱ་བཟོད་གསོལ་སོགས་བྱ། མཆོད་ཡོན་འགྲོ་ཕྱོགས་སུ་
བསྒྲེང་བས་རོལ་མོའི་སྒྲ་དང་བཅས་ཏེ་གཏོར་མ་ཤར་ཕྱོགས་སུ་བཏང་ངོ༌། །དེ་ནས་བྱང་ཕྱོགས་སུ་སོང་སྟེ་སྤྱིའི་བྱ་བ་སྔར་དང་
འདྲ་བ་ལས། གཏོར་མ་སྤོས་དང་མེ་ཏོག་དྲི་ཞིམ་དང༌། འོ་མའི་ཁམ་ཕོར་སོགས་དང༌། སློབ་དཔོན་མཉམ་པའི་རྐང་སྟབས་དང༌། 
མཎྜལ་མེ་ཏོག་སེར་པོ་བཀྲམ་མོ། །ༀ་རྒྱུ་བ༴ སོགས་ཀྱི་དོད་དུ། ༀ་མཐའ་ཡས་དང་ནི་ནོར་རྒྱས་བུ། །འཇོག་
པོ་དང་ནི་སྟོབས་ཀྱི་རྒྱུ། །པདྨ་པདྨ་ཆེན་པོ་དང༌། །དུང་སྐྱོངས་དང་ནི་རིགས་ལྡན་དང༌། །ལྷ་མོ་
ལྷ་མོ་ཆེན་མོ་དང༌། །ཟླ་བའི་སྤྱི་གཙུག་སྤྱི་གཙུག་ཆེ། །དབྱུག་འཛིན་དབྱུག་འཛིན་ཆེན་པོ་
དང༌། །སོག་མ་མེད་དང་གུ་ལི་ཏ། །དགའ་བོ་དང་ནི་ཉེ་དགའ་བོ། །རྒྱ་མཚོ་རྒྱ་མཚོ་ཆེན་པོ་
དང༌། །ཚ་བ་ཚ་བ་ཆེན་པོ་དང༌། །དཔལ་གྱི་འོད་དང་འོད་པོ་ཆེ། །རིན་ཆེན་འོད་དང་གཟུགས་
མཛེས་དང༌། གཟུགས་ཆེན་འོད་བཟང་ལྟོ་འཕྱེ་ཆེ། །སྨིག་སྒྱུ་དང་ནི་སྨིག་སྒྱུ་ཆེ། །ༀ་ཨཱ་གཙྪ་
ཨ་གཙྪ་མཧཱ་ནཱ་ག་ཨ་དྷཱི་པ་ཏི་སརྦ་བྷུརྦྷུ་ཝ་ཕུཾ་ཕཊ་སྭཱཧཱ། གཡོན་གྱི་མཐེ་བོའི་སྟེང་དུ་གཡས་ཀྱི་ལག་མཐིལ་
བཞག་སྟེ། སོར་མོ་རྣམས་གདེངས་ཀ་ལྟར་བྱས། ༀ་ཧི་ལི་ཧི་ལི་མཧཱ་ཧི་ལི་ཕྲུཾ་ཕྲེཾ་ཕུཿསྭཱཧཱ། ལན་བདུན་གྱིས་ཕུལ། 
11-1-524


ཨརྒྷཾ་སོགས་པས་མཆོད་པ་མན་ཆད་སྔར་དང་འདྲ་བ་ལས། གཏོར་མ་བྱང་ཕྱོགས་སུ་གཏང་ངོ༌། །དེ་བཞིན་དུ་ནུབ་ཕྱོགས་སུ་
ཡང་བྱ་བ་སྤྱི་རྣམས་སྔར་དང་འདྲ་བ་ལས། ཟླུམ་པོའི་འདུག་སྟངས་དང༌། །གཏོར་མ་ཞོ་དང་སྦྲང་རྩི་དང༌། །སྐེ་ཚེའི་སྣུམ་མཁུར་
གྱིས་བརྒྱན་པ་དང༌། །མཎྜལ་མེ་ཏོག་དཀར་པོ་བཀྲམ་པའོ། །ༀ་ནོར་བུ་བཟང་དང་གང་བ་བཟང༌། །རྒྱལ་
བཟང་དགའ་བྱེད་ཕུར་བུ་དང༌། །ཕུར་བུ་ཆེ་དང་པདྨའི་གཙུག །དུང་གི་གཙུག་ཕུད་གར་དང་
ནི། །གར་ཆེན་འབིགས་པར་བྱེད་པ་དང༌། །གཅོད་པར་བྱེད་དང་བགང་བར་བྱེད། །ནོར་བུ་
ནོར་མིན་ཤིན་ཏུ་ནོར། གཟུགས་བཟང་རོལ་པ་རོལ་ཆེན་པོ། །རྒོད་དང་འཚེ་དང་རྣམ་པར་
བསྐྱོད། །དཔལ་བཟང་དང་ནི་གཟུགས་མཛེས་རྣམས། །བདེ་བ་ཆེན་པོའི་བཀའ་འདི་ཡིས། །
གནོད་སྦྱིན་གནོད་སྦྱིན་མོ་འདིར་སྦྱོན། །ཧཱུཾ་ཨཱ་པ་ད་ར་ཨཱ་པ་ད་ར། །ༀ་པ་ཏ་ལི་པ་ཏ་ལི་བྷཀྵ་
པ་ཡ་ཡོ་གི་ནི་མ་ཏ་ཧཱུཾ་ཧཱུཾ་ཧཱུཾ་སྭཱཧཱ། ཞེས་སྤྱན་དྲངས། ལག་གཉིས་རྡོ་རྗེ་ཁུ་ཚུར་བཅིངས་ཤིང་སྦྱར་ནས་སྙིང་ཁར་བཞག
ༀ་དྷ་ན་ཨ་དྷི་པ་ཏ་ཡེ་པ་ཏ་ཡེ་ཕུཾ་སྭཱཧཱ། ལན་བདུན་གྱིས་ཕུལ། རྗེས་གོང་དང་འདྲ་བ་ལས་གཏོར་མ་ནུབ་ཕྱོགས་སུ་
བཏང་ངོ༌། །དེ་ནས་ལྷོ་ཕྱོགས་སུ་ཙན་དན་དམར་པོ་དང༌། ཁྲག་གི་མཎྜལ་གྲུ་གསུམ་ལ། མེ་ཏོག་དམར་པོ་དང་སྔོན་པོ་སོགས་
བཀྲམ། གཏོར་མ་ཤ་ཁྲག་སྒོག་བཙོང་འཁུར་བ་སྣུམ་འཁུར་སོགས་ཀྱིས་བརྒྱན། ཁྲག་གི་མཆོད་ཡོན་དང་བཅས་པ་བཤམ། སློབ་
དཔོན་གྱིས་རྐང་པ་ལན་གསུམ་དུ་སྤོས་པས་གྲུ་གསུམ་གྱི་རྣམ་པར་བྱས། དེའི་དབུས་སུ་རྡོ་རྗེའི་རྐང་སྟབས་སྔོན་དུ་འགྲོ་བས། 
གཡས་བརྐྱང་གི་གནས་ལ། ༀ་ཤིང་གཅིག༴ ཞེས་པ་ནས ཐམས་ཅད་འདིར་བྱོན་ཅིག ༀ་ཀ་ཀ་ཏ་སོགས། 
འཆི་མེད་རྣམ་རྒྱལ་གྱི་ཕྱག་རྒྱ་ལས་མཛུབ་མོ་འདུད་ཏེ། ༀ་ཏིཥྛ་ཧཱུཾ། བྷཀྵ་བྷཀྵ་ཛཿཕཊ་སྭཱཧཱ། ལན་བདུན་གྱིས་ཕུལ། 
རྗེས་སྔར་དང་འདྲ་བ་ལས། གཏོར་མ་ལྷོ་ཕྱོགས་སུ་གཏང་ངོ༌། །འདི་དག་ལ་སྤྲོ་ཞིང་ནུས་ན། ཤར་གྱི་གཏོར་མ་བཏང་ནས། ཤར་
དང་དེའི་ཕྱོགས་བྲལ་གྱི་བགེགས་རྣམས་བསྐྲད་ཅིང་ཚམ་རྔམ་རོལ་མོ་དང་བཅས་པས་དཀྱིལ་འཁོར་གྱི་དྲུང་དུ་འོངས་ནས། ཉེ་
རེག་བྱས། ཕྱག་བཙལ། རྡོ་རྗེའི་གླུ་བླང༌། ཡང་གོང་བཞིན། ཤིས་པ་བརྗོད་ནས་བྱང་ཕྱོགས་སུ་སོང་ནས་གཏོར་མ་སྦྱིན་པ་སོགས་
ཐམས་ཅད་ལ་དེས་རིགས་འདྲེ་བར་བྱ། དེ་ཙམ་མི་ལྕོགས་ན། ཤར་ཕྱོགས་ཀྱི་གཏོར་མ་བཏང་ནས་བྱང་དུ་འགྲོ་བ་སོགས། གཡོན་
སྐོར་གྱིས་སོང་ནས། ལྷོ་ཕྱོགས་ཀྱི་གཏོར་མ་བཏང་གྲུབ་མཚམས། ཕྱོགས་བཞིའི་བགེགས་བསྐྲད་ཅིང་ཚམ་རྔམ་བྱས་ནས་ནང་དུ་
11-1-525


འོང༌། ཉེ་རེག་ལ་སོགས་པ་མ་བྱས་ཀྱང་ཆོག་ལ། ཡེ་ཤེས་དབང་ཕྱུག་མའི་དཀྱིལ་འཁོར་ཆོ་གའི་དབང་དུ་བྱས་པ་ལ། ཤར་བྱང་
ནུབ་གསུམ་གྱི་གཏོར་ཆོག་བོར་ཀྱང་རུང༌། མ་རྒྱུད་སྤྱིའི་ཆོ་ག་ཕྱོགས་བཞི་གཏོར་ཆོག་ཞོར་ལ་ཤེས་པའི་དགོས་པ་ཡོད་པས་དེས་
བྱེད་དོ། །དེ་ནས་སྐབས་འདིར་འགྲུབ་ན་སྦྱིན་སྲེག་དང༌། ཆུའི་མཆོད་སྦྱིན་རྒྱས་པས་མཉེས་པར་བྱ་ལ། ལོང་མེད་པའམ་མི་ནུས་
ན། ལག་མཐིལ་གཡས་པར་ཉི་མའི༴ ཞེས་པ་ནས། བསྲུབས་པའི་རྒྱ་མཚོར་གྱུར་གྱི་བར་མངོན་རྟོགས་
བཞིན། རྡོ་རྗེ་འཆང་དབང་རྣལ་འབྱོར་མ། །ཀླུ་སྒྲུབ་ཨཱརྱ་དེ་བ་དང༌། །ཀུན་ཏུ་བཟང་པོ་སུ་མ་ཏི། །
དགེ་བའི་གོ་ཆ་རྣམ་རྒྱལ་དབང༌། །མར་པ་ཆོས་ཀྱི་རྡོ་རྗེ་དང༌། །མདོ་སྡེ་ཐོགས་མེད་གྲགས་
པ་དང༌། །རྒྱ་ཚ་ར་མོ་ཀུན་དགའ་དང༌། །གཟི་བརྗིད་དང་ནི་སེངྒེ་སྒྲ། །སྔོ་ཚ་ཀུན་མཁྱེན་ཛམ་
གླིང་པ། །ཨ་མོ་གྷ་པ་གྲགས་རིན་པ། །ནམ་མཁའ་ཚུལ་ཁྲིམས་མཁྱེན་རབ་རྗེ། །ཆོས་ལྡན་བློ་
གྲོས་ཡེ་རྡོར་བ། །མཁས་དབང་བྱམས་པ་ལྷུན་གྲུབ་སོགས། །རྩ་བརྒྱུད་བླ་མ་རྣམས་མཆོད་
དོ། །ༀ་ཨཱཿཧཱུཾ། ལྷ་བཅུ་གསུམ་བསྐྱེད་སྔགས་རྣམས་ཀྱི་མཐར་འབྲུ་གསུམ་བཏགས་ལ་ཕུལ་མགྲོན་སྤྱི་ལ་འབུལ་བ་ཡང་
གཞན་གྱི་རིགས་འགྲེ། དེ་རྗེས་སྒྲུབ་ཐབས་སུ་བཤད་པའི་གཏོར་ཆོག་ཚོགས་དང་བཅས་པ་དེ་ཙམ་ཞིག་ངེས་པ་བྱ་བ་ལས། ༀ་
སརྦ་བི་མ་ལ༴ ཞེས་པ་ནས། དེ་ཉིད་ལ་ཐིམ། ༀ་ཨཱཿཧཱུཾ། ༀ་ཨ་ཀཱ་རོ༴ ནས ཡོ་ག་ཤུདྡྷོའི་སྔགས་བརྗོད་
པའི་བར་དུ་བྱའོ། །དེ་དག་ནི་དཀྱིལ་འཁོར་མཆོད་པའི་ཆོ་གའོ། །དེ་ནས་ཆོས་རྣམས་གཟུགས་བརྙན་ལྟ་བུ་སྟེ། །
དག་ཅིང་གསལ་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་
ཡང་དག་བྱུང༌། །དེ་བཞིན་དེ་ཉིད་ངེས་པར་བྱུང༌། །བདེན་པ་དེ་ཡིས་དཀྱིལ་འཁོར་ནི། །
གཟུགས་བརྙན་གསལ་བར་སློབ་མ་རྣམས། ཀུན་ཀྱིས་དྲི་མེད་མཐོང་བར་ཤོག །ཅེས་བདེན་
སྟོབས་བརྗོད། དཀྱིལ་འཁོར་དུ་འཇུག་པའི་དོན་དུ་མཎྜལ་ཕུལ། དགའ་ཆེན་ཁྱོད་བདག་སྟོན་པ་སྟེ། སོགས་ཀྱིས་
གསོལ་བ་བཏབ། །སངས་རྒྱས་ཆོས་དང་དགེ་འདུན་ལ། །ཞེས་པ་ནས། །སེམས་ཅན་མྱ་ངན་འདས་ལ་
འགོད། །དེ་ལྟར་རྗེས་སུ་བརྩེ་བའི་ཕྱིར། །བདག་གི་ཚུལ་ཁྲིམས་འདི་བགྱིའོ། །ཞེས་སྡོམ་པ་བཟུང༌། 
ཨཱ་ཁཾ་ཝཱི་ར་ཧཱུཾ་གིས་མེ་ཏོག་དང་མིག་དར་བཏང༌། སངས་རྒྱས་ཀུན་ཀྱི་རང་བཞིན་སྐུ། །སློབ་དཔོན་ལ་
11-1-526


ནི་བདག་སྐྱབས་མཆི། །དཔའ་བོ་རྣལ་འབྱོར་མ་འཁོར་ལོ། །སྦྱོར་བའི་གདན་ལ་བདག་ཕྱག་
འཚལ། །དོན་དམ་སྨྲ་བའི་སེངྒེ་རྣལ་འབྱོར་ཞེས་བྱ་བ། །ཉོན་མོངས་གཅོད་པའི་དོན་ལ་ཤིན་
ཏུ་མཁས་གྱུར་པ། །སྲིད་པའི་ཉེས་བརྒྱ་བསྐྱེད་རྩ་ཉོན་མོངས་ཆོམས་མཛོད་ལ། །རྣལ་འབྱོར་
དོན་དམ་རྒྱལ་པོ་དེ་ཉིད་གྲུབ་པར་མཛོད། །ཅེས་ལན་གསུམ། མཉམ་པ་ཉིད་གསུམ་གྱི་དོན་དྲན་བཞིན་པས། 
ༀ་སྭ་བྷཱ་ཝ་ཤུདྡྷཿསརྦ་དྷརྨཿ སྭ་བྷཱ་ཝ་ཤུདྡྷོ྅ཧཾ། །ༀ་བཛྲ་ཤུདྡྷཿསརྦ་དྷརྨཿ བཛྲ་ཤུདྡྷོ྅ཧཾ། ༀ་ཡོ་ག་
ཤུདྡྷཿསརྦ་དྷརྨཿ ཡོ་ག་ཤུདྡྷོ྅ཧཾ། ཞེས་བརྗོད། ལུས་ཀྱི་ལས་ནི་རྣམ་གསུམ་དང༌། །ངག་གི་ལས་ནི་
རྣམ་པ་བཞི། །ཡིད་ཀྱི་རྣམ་པ་གསུམ་དག་ནི། ལུས་སྡམས་ལས་ནི་དམ་ཚིག་སྲུང༌། །ཞེས་དག་
པའི་ཆོས་བཤད། ང་རྒྱལ་དང་ནི་ཁྲོ་བ་དང༌། །བརླང་དང་ཚིག་རྩུབ་སྤང་བར་བྱ། །སྡིག་པའི་
གྲོགས་པོ་སྤང་བྱ་ཞིང༌། །སྲོག་གཅོད་རྐུ་བ་དེ་བཞིན་ནོ། །ལོངས་སྤྱོད་ཀུན་ལ་མ་ཆགས་ཤིང༌། །
བདག་ཉིད་ངེས་པར་ཆོག་ཤེས་བྱ། །གར་དང་རོལ་མོ་ལྟ་བུ་ཡི། །ཕྱི་ཡི་གཙུག་ལག་ཆགས་
མི་བྱ། །ལྕགས་ཀྱུ་ལྔ་སོགས་དམ་ཚིག་རྣམས། །བརྙས་ཤིང་སྤང་བར་མི་བྱའོ། །ཞེས་དམ་ཚིག་ལ་
བཀོད། ༀ་པཉྩ་ཌཱ་ཀི་ནི་པཱུ་ཛ་ཨུ་པསྠཱ་ནཱ་ཡ། ཨཱཏྨ་ནཾ་ནི་རྱ་ཏ་ཡཱ་མི་ༀ་ཨཱ་ཙཱརྱ་པཱུ་ཛ་ཨུ་པསྠཱ་ནཱ་ཡ་
ཨཏྨནཱཾ་ནཱིརྱཱ་ཏ་ཡཱ་མི། ༀ་ས་ཀ་ལ་ས་ཏྭ་པ་རི་ཏྲ་ཎཱ་ཨཱཏྨ་ནཱཾ་ནིཪྻཱ་ཏ་ཡཱ་མི། དེ་ལྟར་ཤར་ནས་བརྩམས་ཏེ་
ཕྱོགས་བཞིར་ཕྱག་འཚལ་བ་གསུམ་པོ་དེ་ཚར་རེ་རེ་བྱའོ། །རང་ཉིད་ཤར་སྒོར་གནས་པའི་དཔྲལ་བར་ༀ། མགྲིན་པར་
ཨཱཿ ཐུགས་ཁར་ཧཱུཾ། ས་མ་ཡ་སྟྭཾ། ས་མ་ཡ་ཧོཿ ཨ་ནི་ཡིག་འབྲུ་ཀུན་གྱི་མཆོག །གསུང་གི་རྡོ་
རྗེར་བྱིན་གྱིས་རླབས། །ཧཱུཾ་ནི་ཉོན་མོངས་བསྲེགས་པ་སྟེ། །ཐུགས་ཀྱི་རྡོ་རྗེར་བྱིན་གྱིས་
རླབས། །ༀ་ནི་ཡེ་ཤེས་འགུགས་པ་སྟེ། །སྐུ་ཡི་རྡོ་རྗེར་བྱིན་གྱིས་རླབས། །ཅེས་བརྗོད། ཡིད་འོང་
ཁྱོད་ནི་སུ་ཞིག་ཡིན། །ཞེས་དྲིས་པ་ལ། སྡུག་གུ་སྐལ་ཆེན་བདག་ལགས་སོ། །ༀ་ཀི་ལི་ཀི་ལི་མ་
ལི་གྷུརྞི་ཏ། བཛྲ་ཙ་ལི་ཏ། ཡུཾ་ཡུཾ་ཡུཾ་སྭཱཧཱ། ཞེས་ཡོལ་བའི་ནང་དུ་གཞུག་གོ །དེང་ཁྱོད་དེ་བཞིན་གཤེགས་
པ་ཐམས་ཅད་ཀྱི་རིགས་སུ་ཞུགས་ཀྱི། དེ་བས་ན་ངས་ཁྱོད་ལ་རྡོ་རྗེ་ཡེ་ཤེས་བསྐྱེད་པར་བྱ་སྟེ། 
11-1-527


ཡེ་ཤེས་གང་གིས་ཁྱོད་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱང་ཐོབ་པར་འགྱུར་
ན། དངོས་གྲུབ་གཞན་ལྟ་སྨོས་ཀྱང་ཅི་དགོས། ཁྱོད་ཀྱིས་ཀྱང་དཀྱིལ་འཁོར་ཆེན་པོ་མ་མཐོང་
བ་རྣམས་ཀྱི་མདུན་དུ་སྨྲ་བར་མི་བྱ་སྟེ། ཁྱོད་དམ་ཚིག་ཉམས་པར་འགྱུར་ཏ་རེ། རྡོ་རྗེ་སེམས་
དཔའ་དེང་ཁྱོད་ཀྱི། །སྙིང་ལ་ཡང་དག་ཞུགས་པར་གྱུར། །གལ་ཏེ་ཚུལ་འདི་སྨྲས་ན་ནི། །དེ་
མ་ཐག་ཏུ་དྲལ་ཏེ་གཤེགས། །དུང་གི་ཆུ་ལ། ཧ་ཧོ་ཧྲཱི། ལན་གསུམ་སྔགས་པ་ཁར་འཐུངས་ལ། དེ་རིང་ཡེ་
ཤེས་འདི་ཤེས་པས། །བདུད་རྩི་འདི་ནི་མྱང་བར་བྱོས། །འདི་ནི་ཁྱོད་ཀྱི་དམྱལ་བའི་ཆུ། །དམ་
ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་པས། །རྡོ་རྗེ་བདུད་རྩིའི་ཆུ་
འཐུང་ཤིག །ༀ་དུརྒ་ཏི་ཨཱ་ཧ་ར་ཡ་སྭཱཧཱ། དེང་ཕྱིན་ཆད་ཁྱོད་ཀྱི་ཕྱག་ན་རྡོ་རྗེ་ང་ཡིན་གྱི། ངས་
འདི་བྱོས་ཤིག་ཅེས་བསྒོ་བ་གང་ཡིན་པ་དེ་ཁྱོད་ཀྱིས་བྱ་དགོས་སོ། ཁྱོད་ཀྱིས་ང་ལ་བརྙས་
པར་མ་བྱེད་ཅིག །བྱས་ན་ཡ་ང་བ་མ་སྤངས་པར་འཆི་བའི་དུས་བྱས་ནས། །དམྱལ་བར་ལྷུང་
བར་འགྱུར་ཏ་རེ། ཞེས་པས་དམ་ལ་བཞག དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབས་
ལ། དཔལ་རྡོ་རྗེ་སེམས་དཔའ་བདག་ལ་དབབ་དུ་གསོལ། བདག་ཉིད་ཡེ་ཤེས་དབང་ཕྱུག་
མ། སྐུ་མདོག་དཀར་མོ་ཕྱག་གཉིས་པ་ཁ་ཊྭཾ་ག་དང་ཐོད་པ་འཛིན་པའི་སྐུར་གྱུར། སྙིང་ཆུ་
ཤིང་གི་མེ་ཏོག་ཁ་བྱེ་བ་ལྟ་བུའི་དབུས་སུ། རླུང་གི་ས་བོན་ཡུཾ་ཡིག་ཕྱོགས་བཞིར་ཡུ་ཡིག་
བཞིས་བསྐོར་བ། དབུས་ཀྱི་ཡུཾ་ཡིག་གི་སྟེང་དུ་ཧཱུཾ་སྔོན་པོ་ཡེ་ཤེས་ལྔའི་རང་བཞིན་རྐང་པ་
གཉིས་ཀྱི་འོག་ཏུ་ཡང་ཡུཾ་ལས་རླུང་གི་དཀྱིལ་འཁོར། དཀྱིལ་འཁོར་གྱི་གཙོ་མོའི་ཐུགས་ཀ་
ནས་འོད་ཟེར་འཕྲོས། རང་གི་རྐང་འོག་གི་རླུང་དྲག་ཏུ་གཡོས་པས་བར་སྣང་ལ་ཡེ་རེ་རེ་
བཏེག དེའི་རྐྱེན་གྱིས་སྙིང་གའི་རླུང་གི་ས་བོན་ལྔ་ལས་རླུང་གཡོས། ཧཱུཾ་ཡིག་བསྐུལ་བས། ཡེ་
ཤེས་ལྔའི་རང་བཞིན་འོད་ཟེར་སྣ་ལྔ་མཆོག་ཏུ་འབར་བས། རང་ལུས་གང༌། གཙོ་བོའི་ཐུགས་
ཀ་ནས་འོད་ཟེར་འཕྲོས། དཀྱིལ་འཁོར་གྱི་ལྷ་ཚོགས་རྣམས་དང༌། སངས་རྒྱས་བྱང་སེམས་
11-1-528


ཐམས་ཅད་ཀྱི་ཐུགས་ཀ་ནས། ཡེ་ཤེས་དབང་ཕྱུག་མཁའ་འགྲོའི་ཚོགས་དང་བཅས་པ་ཐམས་
ཅད་སྤྱན་དྲངས་ཏེ་རང་ཉིད་ལ་གཉིས་སུ་མེད་པར་ཐིམ། རོལ་མོའི་སྒྲ་དང་བཅས་ཏེ། ༀ་ཨ་ཁཾ་ལ་ལེ་
ཧཱུཾ་ཨཿ འགྱུར་རྙིང་གི་དཔེ་འགའ་ཞིག་ལས། ༀ་ལེ་ལེ་ལེ་ཧཱུཾ་ཨ། ཞེས་པའང་ཡོད་ཅེས་པ་དང༌། གོང་དུ་བཤད་པའི་
དབབ་པའི་སྔགས་དེ་དག་ལས་ཅི་ལྟར་རིགས་པར་བརྗོད་ཅིང༌། སློབ་མ་དབང་བསྐུར་གྱི་དོན་དུ་དེ་ཙམ་གྱིས་མ་ཕེབས་ན། སློབ་
མ་སེངྒེ་མོའི་གཟུགས་སུ་གསལ་པའམ། སྙིང་གར་རྡོ་རྗེའི་རྩེ་མོར་ཧཱུཾ། མཐའ་རླུང་གི་དཀྱིལ་འཁོར་གྱིས་
བསྐོར་བའི་ཡུཾ་ཡིག་གིས་བསྐོར་བ། གཞན་སྔར་བཞིན་ལས། ཧཱུཾ་ཞེས་ཡེ་ཤེས་འབེབས་པའི་སྔགས་བསྙེན་པ་གང་
སོང་དེས་སྔགས་པའི་མེ་ཏོག་དང་ཆུས་བསྣུན། ༀ་ར་མ་ར་མ་ཧོ་ཧོ་ཧོ་ཨ་ཨ་ཨ་ཕཊ། ཅེས་ཟློས་ཤིང་རོལ་མོ་དང་
བཅས་པས། གོང་དུ་བཤད་པའི་བདུག་སྤོས་ཀྱིས་བདུག དམ་རྫས་ལྕེ་ལ་བཞག་པ། ཏིཥྛ་ཡོ་ག་མཧཱ་ཀྲོ་དྷ་ཧཱུཾ་ཧཱུཾ་ཧཱུཾ་
སྭཱཧཱ། ཞེས་པ་བརྟན་བྱེད་ཀྱི་སྔགས་སུ་བླ་མ་གོང་མ་རྣམས་བཞེད་དོ། །སླར་ཡང༌། ༀ་ཏིཥྛ་བཛྲ་ས་མཱ་ཡ། པྲ་ཏི་བ་
ཏི་ཏ་ཧཱུཾ་ཧཱུཾ་ཧཱུཾ་ཧོ་ཧོ་ཧོ་སྭཱཧཱ། ཞེས་པ་ནི་ཡེ་ཤེས་པ་གཤེགས་པའི་སྔགས་སོ། །ནམ་མཁའི་ཁ་དོག་བརྟག་ན་སྐབས་འདིར་
ཡིན་ཡང༌། རང་གཞུང་ནས་གསལ་བར་མ་བཤད་པས་མེད་ཀྱང་ཆོག་གོ །ཏིཥྛ་བཛྲ་ས་མཱ་ཡ་མ་ནུ་པཱ་ལ་ཡ། ཧཱུཾ་ཧཱུཾ་
ཧཱུཾ་ཧོཿཧོཿཧོཿསྭཱཧཱ། ཞེས་མེ་ཏོག་དོར། ༀ་པྲ་གྲྀཧྣ་ཏི་ཏྭཾ་ཨི་མཾ་ས་ཏྭ་མཧཱ་བ་ལ། ཡེ་ཤེས་མཁའ་འགྲོ་
དེང་ཁྱོད་ཀྱིས། །མིག་འབྱེད་པར་ནི་བརྩོན་པར་མཛད། །ཕྱེ་བས་ཐམས་ཅད་མཐོང་བ་ཡང༌། །
རྡོ་རྗེའི་མིག་ནི་བླ་ན་མེད། །ༀ་ཛྙཱ་ན་ཙཀྵུ་ཧཱུཾ་ཨ་སྭཱཧཱ། གདོང་གཡོགས་དཀྲོལ། ད་ནི་དད་པའི་
ཤུགས་ཀྱིས་སུ། །དཀྱིལ་འཁོར་བཟང་པོ་འདི་ལ་ལྟོས། ཁྱོད་ནི་སངས་རྒྱས་རིགས་སུ་སྐྱེས། 
སྔགས་དང་ཕྱག་རྒྱས་བྱིན་གྱིས་རླབས། །དངོས་གྲུབ་ཐོབ་ཕྱིར་དམ་ཚིག་སྐྱོངས། སྔགས་
རྣམས་ལ་ཡང་བརྩོན་པར་གྱིས། །ཞེས་ལྟ་བར་བསྐུལ། ༀ་བཛྲ་མཎྜལ་མཧཱ་མཎྜལ་པྲ་བེ་ཤོ྅ཧཾ། 
ༀ་ཡོ་ག་མཎྜལ་མཧཱ་མཎྜལ་དཪྴི་ཏོ྅ཧཾ། ༀ་གུ་ཧྱ་མཎྜལ་མཧཱ་མཎྜལ་ཨ་བྷི་ཥི་ཀ་ཏོ྅ཧཾ། ས་
མ་ཡ་ཧོ་ས་མ་ཡ་ཧོ། རྟེན་དང་བརྟེན་པར་བཅས་པའི་དཀྱིལ་འཁོར་ཐམས་ཅད་མངོན་སུམ་
དུ་གསལ་བར་འགྱུར། ཅེས་བརྗོད། སློབ་མ་དབང་བསྐུར་ལ་སྐབས་འདིར་ལྷ་ངོ་བསྟན་ནོ། །བ་དན་རྩེ་གསུམ་པའི་ཕྱག་
11-1-529


རྒྱས་གནས་རྣམས་སུ་རེག་ཅིང་སྤྱི་བོར་ཀྵུཾ་ནས།ཀྵྨུྼཾ་གྱི་བར། གནས་བརྒྱད་དུ་བསྲུང་བར་བྱ། དེ་རྣམས་ཀྱི་འཇུག་པའི་ཆོ་ག་
ཡིན་ཅིང༌། དཀྱིལ་ཆོག་དངོས་བསྟན་དང་འདྲ་མིན་ཅུང་ཟད་ཡོད་པ་ནི། དཀྱིལ་ཆོག་རྒྱུད་རྒྱས་པ་ལ་བརྟེན་པ་ཡིན་ནོ་ཞེས་འདོད་
ལ་དཀྱིལ་འཁོར་འདི་བསྡུས་རྒྱུད་ཀྱི་ཡིན་ཞིང༌། གསང་གདན་དང་པོར་འཇུག་པའི་ཆོ་ག་གསལ་བར་བསྟན་པ་ཉིད་དབང་བཙན་
པར་བྱས་ཏེ་བཤད་པ་ཡིན་ལ། བླ་མ་གོང་མ་ཆེས་མཁས་པ་འགའ་ཞིག་ཀྱང་འདི་ལྟར་བཞེད་དོ། །དེ་ནས་དངོས་གཞིའི་དོན་དུ་
མཎྜལ་ཕུལ། དེ་རིང་བདག་ལ་དགོངས་སུ་གསོལ། །བདག་ནི་རྣལ་འབྱོར་མཆོག་རབ་སྟེ། །
བདག་ནི་རྣལ་འབྱོར་རྒྱལ་པོ་བསྐྱེད། །བདག་གིས་རྣམ་ཤེས་འཕོ་བ་ཤེས། །འདི་ནི་སློབ་
མའི་དོན་དེ་ཉིད། །རྒྱལ་པོ་ཉིད་ཀྱིས་དབང་བསྐུར་སྩོལ། །རྣལ་འབྱོར་མ་ཡི་ཚོགས་བཅས་
པའི། །རྡོ་རྗེ་མཁའ་འགྲོའི་གོ་འཕངས་ལས། །ཕྱིར་མི་ལྡོག་པར་བདག་འགྱུར་བའི། །རིག་པ་
གང་ཡིན་དེང་བདག་སྩོལ། ༀ་སྨྼྻུཾ་སོགས་ཀྱིས་བསང་ཆུས་བསངས་ཤིང་ཡུངས་དཀར་གཏོར། །སློབ་དཔོན་
དང་དཀྱིལ་འཁོར་གྱི་ལྷ་ཚོགས་དང༌། མཁའ་དབྱིངས་གང་བའི་སངས་རྒྱས་དང་བྱང་ཆུབ་
སེམས་དཔའ་ལྷ་ཆེན་པོ་རྣམས་ཀྱི་ཞབས་འབྲིང་དང་བཅས་པས་ཤིས་པ་བརྗོད་པར་བསམ་
ཏེ། ༀ་ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །སོགས་དང་རོལ་མོའི་སྒྲ་བྱ། ཆུ་དབང་གི་གོང་
སྐབས་འདིར། །སློབ་མ་དབང་བསྐུར་གྱི་དུས། །མར་རྔོག་སོགས་གོང་མ་རྣམས་ནི་གཏོར་མའི་དབང་བསྐུར་བར་བཞེད་དོ། །དེ་
ཡང་རྒྱུད་ལས། གཉིས་མེད་གཏོར་སྦྱིན་དབང་བསྐུར་བ། དེ་ཡི་ཆོས་ནི་བཤད་པར་བྱ། ཞེས་གསུངས་པའི་དོན་དུ་བཞེད་ལ། 
འགྲེལ་པ་ནས་གཏོར་མ་གཏོང་བ་སྔོན་དུ་འགྲོ་བས། རྡོ་རྗེའི་དབང་སོགས་བསྐུར་བ་ལ་འཆད་དོ། །དེས་ན་གཏོར་དབང་ནི། རྒྱུད་
ཚིག་དེའི་དོན་ལ་ཞུགས་པ་དཀའ་ཡང༌། བྱིན་བརླབ་ཆེན་པོ་དང་ལྡན་པ་དང༌། མན་ངག་ཡིན་པའི་ཕྱིར། བྱས་ན་ལེགས་པའི་ཡན་
ལག་ཏུ་འགྱུར་ལ། མ་བྱས་ཀྱང་ཆོ་ག་ཆད་པའི་ཉེས་པ་མེད་དོ། །རང་ཉིད་དབང་སྟེགས་ཀྱི་སྟེང་དུ་མཆོད་པ་
ཐམས་ཅད་ཀྱིས་ཡོངས་སུ་བསྐོར་བར་གྱུར། དེའི་སྟེང་དུ་རང་ཉིད་མི་བསྐྱོད་པ་སྐུ་མདོག་
སྔོན་པོ་རྡོ་རྗེ་དང་དྲིལ་བུ་འཛིན་པ། རྡོ་རྗེའི་སྐྱིལ་མོ་ཀྲུང་གིས་བཞུགས་ཤིང༌། དར་དང་རིན་
པོ་ཆེའི་རྒྱན་ཐམས་ཅད་ཀྱིས་བརྒྱན་པར་གྱུར། སློབ་དཔོན་མི་བསྐྱོད་པའི་རྣམ་པ་ཅན་དཀྱིལ་
11-1-530


འཁོར་གྱི་ཐུགས་ཀ་ནས་སྤྲུལ་ཏེ། ཆུ་དབང་བསྐུར་བར་གྱུར། དེ་རིང་འཁོར་བ་སྒྲོལ་བྱེད་
པའི། །བྱང་ཆུབ་ཆེན་པོར་དབང་བསྐུར་བྱ། །ༀ་ཨཱཿཕུཾ་ཕེཾ་ཕཊ་ཧཱུཾ་སྭཱཧཱ། ཨརྒྷཾ་ནས། ཤཔྟའི་བར་
གྱིས་མཆོད་ཆུས་དབང་བསྐུར་བས། ཀུན་གཞི་རྣམ་ཤེས་གནས་གྱུར་ཏེ། མེ་ལོང་ཡེ་ཤེས་མངོན་
དུ་བྱས་སོ། །བདག་ཉིད་རིན་ཆེན་འབྱུང་ལྡན་སྐུ་མདོག་སེར་པོ། རིན་པོ་ཆེ་དང༌། དྲིལ་བུ་
ནས་བརྒྱན་པར་གྱུར། དབང་རྫས་དབུ་རྒྱན་མི་དམིགས་ཏེ་སྟོང་པའི་ངང་ལས། ༀ་ཧཱུཾ་ཏྲཾ་ཧྲི་ཨ་
རྣམས་ལས་བྱུང་བའི། རྒྱལ་བ་རིགས་ལྔའི་རང་བཞིན་རིགས་ལྔའི་སྐུ་གཟུགས་ཀྱིས་མཚན་
པའི་དབུ་བརྒྱན་དུ་གྱུར། སློབ་དཔོན་རིན་ཆེན་འབྱུང་ལྡན་གྱི་རྣམ་པ་ཅན། དཀྱིལ་འཁོར་གྱི་
ཐུགས་ཀ་ནས་སྤྲུལ་ཏེ། ཅོད་པན་གྱི་དབང་བསྐུར་ཐོར་ཚུགས་ཅོད་པན་གྱིས་བརྒྱན་པ། །
སངས་རྒྱས་ཀུན་གྱིས་བསྔགས་པ་ཡི། །རིན་ཆེན་ཅོད་པན་དམ་པ་ནི། །དར་དཔྱངས་ལྡན་
པས་དབང་བསྐུར་བྱ། །ༀ་ཧཱུཾ་ཨཱཿསྭཱཧཱ། ཨརྒྷཾ་སོགས་ཀྱིས་མཆོད། ཅོད་པན་གྱིས་དབང་བསྐུར་
བས། ཉོན་མོངས་པ་ཅན་གྱི་ཡིད་གནས་གྱུར་ཏེ། མཉམ་ཉིད་ཡེ་ཤེས་མངོན་དུ་བྱ། ཅོད་པན་
དངོས་སུ་མེད་ན་ཕྱག་རྒྱས་དབང་བསྐུར་ཏེ། རྡོ་རྗེ་སེམས་དཔའ་ལས་གུང་མོ་རྩེ་མོ་ལྟར་བརྐྱང༌། འཛུབ་མོ་རིན་པོ་ཆེའི་དབྱིབས་
ལྟར་བྱས་པ། རིན་པོ་ཆེའི་ཕྱག་རྒྱ་མགོ་བོར་གཏུགས། སྤྲོས་པ་ལ་དགའ་ན་གཉིས་ཀར་བྱེད་པའི་ལུགས་ཀྱང་ཡོད་དོ། །དེ་ནས་
ལྕགས་སྒྲོག་གི་ཕྱག་རྒྱ་སྟེ་ཧཱུཾ་མཛད་ཀྱི་ཕྱག་རྒྱ་འདྲ་བས། ༀ་བཛྲ་ཀཱ་ཡ་ཧཱུཾ་ཨ་སྭཱཧཱ། ཞེས་སྤྱི་བོ་ལ་སོགས་པའི་
གནས་བརྒྱད་དུ་རེག་པས། ཡི་གེ་བརྒྱད་པོ་མཐུ་དང་ལྡན་པར་བྱས་པར་བསམ་མོ། །བདག་
ཉིད་འོད་དཔག་མེད་སྐུ་མདོག་དམར་པོ། །པདྨ་དང་༴ ནས བརྒྱན་པར་གྱུར། བླ་མ་འོད་དཔག་
མེད་ཀྱི་རྣམ་པ་ཅན་དཀྱིལ་འཁོར་གྱི་ཐུགས་ཀ་ནས་སྤྲུལ། དབང་རྫས་རྡོ་རྗེས་དབང་བསྐུར་
བར་གྱུར། སངས་རྒྱས་རྣལ་འབྱོར་ནམ་མཁའ་ཡི། །དབང་ནི་ཁྱོད་ལ་ངས་དབང་བསྐུར། །ༀ་
ཤྲི་ཡོ་གི་བ་རི་སྟཾ་ཨ་བྷི་ཥིཉྩ་མཾ་ཏིཥྛ་བཱི་ར་ས་མ་ཡ་སྟྭཾ། རྡོ་རྗེ་བཟུང་། དེ་ཉིད་གསོར་ལ་སྙིང་གར་གཏད་དེ། 
ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་དགའ་བ་ཆེ། །ཀུན་ཏུ་བཟང་པོ་
11-1-531


ཀུན་བདག་ཉིད། །རྡོ་རྗེ་སྙེམས་ཚུལ་བདག་པོའི་བདག །སེམས་ཉིད་རིག་སྟོང་གཉིས་སུ་
མེད་པ་ནི་སངས་རྒྱས་ཀྱི་ཐུགས་ཡེ་ཤེས་ལྔའི་བདག་ཉིད་དོ། རྡོ་རྗེ་རྣལ་འབྱོར་ནམ་མཁའི་ངོ་
བོར་གནས་པའི་རྡོ་རྗེ་ལྷ་ཉི་ཤུ་རྩ་བདུན་གྱིས་དེ་ཉིད་དྲན་པར་བྱ་སྟེ། ལྟེ་བ་ན་རྡོ་རྗེ་སེམས་
དཔའ། སྟེང་གི་འདབ་མ་བརྒྱད་ནི་བྱང་ཆུབ་སེམས་དཔའ་བརྒྱད། རྭ་ལྔ་ནི་རྒྱལ་བ་རིགས་ལྔ་
འོག་གི་འདབ་མ་བརྒྱད་ནི་ལྷ་མོ་བརྒྱད། རྭ་ལྔ་ནི་མཁའ་འགྲོ་མ་ལྔའི་བདག་ཉིད་དུ་གྱུར། 
ཨརྒྷཾ་སོགས་ཀྱིས་མཆོད། རྡོ་རྗེའི་དབང་བསྐུར་པས། ཡིད་ཀྱི་རྣམ་ཤེས་གནས་གྱུར་ནས། སོ་སོར་
རྟོག་པའི་ཡེ་ཤེས་མངོན་དུ་བྱས། རང་ཉིད་བཅོམ་ལྡན་འདས་དོན་ཡོད་གྲུབ་པ་སྐུ་མདོག་
ལྗང་ཁུ་རལ་གྲི་དང་ནས་རྒྱན་པར་གྱུར། བླ་མ་དོན་ཡོད་གྲུབ་པའི་རྣམ་པ་ཅན་དཀྱིལ་འཁོར་
གྱི་ཐུགས་ཀ་ནས་སྤྲུལ་ཏེ་དྲིལ་བུའི་དབང་བསྐུར་བར་གྱུར། འདི་ནི་སངས་རྒྱས་ཐམས་ཅད་
ཀྱི། །ཤེས་རབ་དབྱངས་ཀྱི་རྗེས་འགྲོར་བཤད། ཁྱོད་ཀྱིས་ཀྱང་ནི་རྟག་ཏུ་བཅང་། །བྱང་ཆུབ་
མཆོག་ཏུ་རྒྱལ་བ་བཞེད། །བཛྲ༌གྷནྜ་ཨ། དྲིལ་བུ་བཟུང་ཅི་རིགས་པར་དཀྲོལ་ལ། དཀུ་གཡོན་པར་བསྟེན། སྲིད་
པ་ངོ་བོ་ཉིད་ཀྱིས་དག །ངོ་བོ་ཉིད་ཀྱི་སྲིད་བྲལ་བྱས། །རང་བཞིན་དག་པའི་སེམས་དཔའ་ཡི། །
དངོས་པོ་མཆོག་ཏུ་བྱེད་པར་འགྱུར། །ངག་གྲག་སྟོང་གཉིས་སུ་མེད་པ་སངས་རྒྱས་ཀྱི་གསུང་
གི་ངོ་བོར་གནས་པའོ། །དྲིལ་བུ་ཡེ་ཤེས་དབང་ཕྱུག་མའི་ངོ་བོར་གནས་པའི་བུམ་པ་དང་ཞལ་
གྱི་གནས་སུ་ཤེས་རབ་ཀྱི་ཕ་རོལ་དུ་ཕྱིན་མ། སྟེང་གི་འདབ་མ་ཞེས་པ༴ ནས། ལྷ་མོ་བརྒྱད་ཀྱི་
བདག་ཉིད་དུ་གྱུར། ཨརྒྷཾ་ལ་སོགས་པས་མཆོད་རྡོ་རྗེ་དྲིལ་བུ་འཁྱུད་རྒྱ་དང༌། གཡོན་དུ་འགྱིང་བའི་ཚུལ་བྱས་ལ། 
བདག་ཉིད་ཡེ་ཤེས་དབང་ཕྱུག་མ་ལ་རྣལ་འབྱོར་ནམ་མཁའི་རང་བཞིན་རྡོ་རྗེ་སེམས་དཔས་
འཁྱུད་པར་གྱུར། འདིར་འཁྱུད་ཚུལ་གོ་བཟློག་པས་བསྒོམས་ཀྱང་རུང་ངོ༌། །གཉིས་མེད་གཉིས་མེད་རྣལ་
འབྱོར་གྱིས། །ཕྱག་རྒྱ་ཆེན་པོར་བྱིན་གྱིས་བརླབས། །སངས་རྒྱས་ཀུན་བདག་རྣལ་འབྱོར་
གྱིས། །དཔའ་བོའི་དབང་བསྐུར་སྦྱིན་པར་བྱ། ༀ་བཛྲ་ཨ་དྷི་པ་ཏི་སྟྭཾ། ཨ་བྷི་ཥིཉྩ་མཾ། ཏིཥྛ་
11-1-532


བཛྲས་མ་ཡ་སྟྭཾ། ཞེས་བརྗོད་དེ་ཕྱག་རྒྱ་ཆེན་པོའི་དབང་བསྐུར་བ་ཡིན་ལ། དྲིལ་བུ་དང་དེ་གཉིས་བསྡོམས་པ་
ནི་བདག་པོའི་དབང་སྟེ། བདག་པོའི་དབང་ཐོབ་པས་སྒོ་ལྔའི་རྣམ་པར་ཤེས་པ་གནས་གྱུར་
ཏེ། བྱ་བ་ནན་ཏན་གྱི་ཡེ་ཤེས་མངོན་དུ་བྱས། མེ་ཏོག་འཐོར་ཞིང༌། བཅོམ་ལྡན་བདག་ལ་སྩལ་
ལགས་ཀྱི། །བདག་ལ་འགོ་བར་མཛད་དུ་གསོལ། །ལན་གསུམ། རང་གི་མགྲིན་པར་ཟླ་བ་ལ་
ཨཾ། མདུན་བསྐྱེད་ཀྱི་ཐུགས་ཀ་ནས་ཨཱ་ལི་ཀཱ་ལིའི་ཕྲེང་བ་བྱུང་སྟེ། མགྲིན་པའི་ཨཾ་ཡིག་ལ་
ཐིམ། ༀ་ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་ཨཿ ཀ་ཁ་ག་གྷ་ང༌། ཙ་ཚ་ཛ་ཛྷ་ཉ། ཊ་
ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ་ཀྵ་སྭཱཧཱ། ལན་གསུམ་མེ་ཏོག་སྤྱི་བོར་
བཞག་སྟེ། བཅོམ་ལྡན་འདི་ལ་སྩལ་ལགས་ཀྱི། །འདི་ལ་ཉེ་བར་མཛད་དུ་གསོལ། །སྔགས་ཀྱི་དབང་
ངོ༌། །བདག་ཉིད་རྣམ་པར་སྣང་མཛད་སྐུ་མདོག་དཀར་པོ་འཁོར་ལོ་དང་༴ ནས་བརྒྱན་པར་གྱུར། 
བླ་མ་རྣམ་པར་སྣང་མཛད་ཀྱི་རྣམ་པ་ཅན་དཀྱིལ་འཁོར་གྱི་ཐུགས་ཀ་ནས་སྤྲུལ། མིང་གི་
དབང་བསྐུར་བར་གྱུར། རྡོར་དྲིལ་སྤྱི་བོར་བཟུང་ནས། ཧེ་ཤྲཱི་ཡོ་གཱཾ་བ་རི་སྟྭཾ། ཨ་བྷི་ཥིཉྩ་མཾ་ནཱ་མཿ ཨ་
བྷི་ཥེ་ཀ་ཏ། སྔར་གྱི་གསང་མཚན་རྙིང་པ་ཡིད་ལ་དྲན་པར་བྱ་ཞིང༌། སློབ་མ་གསར་པ་ལ་དབང་བསྐུར་བ་ཡིན་ན། སྐྱེས་པ་ལ་
རྣལ་འབྱོར་ནམ་མཁའ་དང༌། བུད་མེད་ལ་ཡེ་ཤེས་དབང་ཕྱུག་མར་གདགས་ཏེ། དཔལ་རྣལ་འབྱོར་ནམ་མཁའ་
ཞེས་བྱ་བའི་དེ་བཞིན་གཤེགས་པའོ། །དཔལ་ཡེ་ཤེས་དབང་ཕྱུག་མ་ཞེས་བྱ་བའི་དེ་བཞིན་
གཤེགས་མའོ། །ཞེས་པ་ལྟ་བུའོ། །ཨརྒྷཾ་སོགས་ཀྱིས་མཆོད། མིང་གི་དབང་བསྐུར་བས་གཟུགས་ཀྱི་
ཕུང་པོ་རྣམ་པར་དག་སྟེ། ཆོས་དབྱིངས་ཤིན་ཏུ་དྲི་མ་མེད་པ་མངོན་དུ་གྱུར། ༀ་ཧ་ཧོ་ཧྲི། ཞེས་
པས་མཆོད་པ་རྣམས་བྱིན་གྱིས་བརླབ། ༀ་ཤྲི་སྭཱཧཱ༴ ནས་གུང་སྭཱཧཱའི་བར་ལན་བཞིས། ཕྱོགས་བཞིའི་སངས་
རྒྱས་འཁོར་བཅས་ལ་མཆོད་པར་མོས་ཤིང༌། བདག་ལ་བྱིན་གྱིས་བརླབ་ཏུ་གསོལ། །ཞེས་རེ་
རེའི་མཐར་ཡང་གསོལ་བ་གདབ་བོ། །སློབ་མ་དབང་བསྐུར་བའི་དུས་ནི་དཀྱིལ་འཁོར་ཁང་པའི་ཕྱོགས་བཞིར་གོམ་པ་བརྒྱད་
བརྒྱད་དོར་ནས། སློབ་དཔོན་གྱི་རྗེས་སུ་ཟློས་པའི་ཚུལ་གྱིས། མཆོད་པ་དང་གསོལ་གདབ་དེ་རྣམས་བྱེད་པ་གོང་མའི་ཕྱག་
11-1-533


བཞེས་སུ་གནང་ངོ༌། །བར་འདིར་རྡོ་རྗེ་སློབ་དཔོན་གྱི་དབང་ལོགས་སུ་བསྐུར་བའི་ལུགས་ཡོད་དེ། དེའི་ལུགས་ལྟར་ན་སྤྱི་དང་
འདྲ་ལ། འོན་ཀྱང་གོང་དུ་དམ་ཚིག་གསུམ་སྦྱིན་པ་སྤངས་པས་སོ། །དེ་ལྟར་མོད་ཀྱི་མདོར་བསགས་པ་ལ་སོགས་པའི་ལུགས་འདི་
ལ་ནི། བུམ་དབང་སྤྱི་ལ་རྡོ་རྗེ་སློབ་དཔོན་དུ་འཇོག་པའི་ལུགས་ཡིན་པས། འདི་ལོགས་སུ་མི་དགོས་སོ། །དེས་ན་དེའི་རྗེས་སུ་
མཐའ་བརྟེན་དང་པོ་རྡོ་རྗེ་བརྟུལ་ཞུགས་ནི། རྡོ་རྗེའི་དེ་ཁོ་ན་ཉིད་ཡིད་ལ་དྲན་ཙམ་བྱས་ཏེ། འདི་སྟེ་སངས་རྒྱས་ཐམས་
ཅད་ཉིད། །རྡོ་རྗེ་སེམས་དཔའི་ཕྱག་ན་འདུག ཁྱོད་ཀྱིས་ཀྱང་ནི་རྟག་ཏུ་བཅང་། །རྣལ་འབྱོར་
ནམ་མཁའི་བརྟུལ་ཞུགས་བརྟན། །ༀ་སརྦ་ཏ་ཐཱ་ག་ཏ་སིདྡྷི་བཛྲ་ས་མཱ་ཡ། ཏིཥྛ་ཨེ་ཥ་ཏྭཾ་དྷ་ར་
ཡ་མི། བཛྲ་སཏྭ་ཧཱུཾ་ཧཱུཾ་ཧཱུཾ་ཧ་ཧ་ཧ་ཧོ། །དེ་ནས་གཉིས་པ་རྗེས་གནང་ནི། དེང་ནས་བརྩམས་ཏེ་རྫོགས་
སངས་རྒྱས། །རྣལ་འབྱོར་མ་དང་དཔའ་ཚོགས་ཀུན། །ཅེས་པ་ལ་སོགས་པ་སྒེག་སོགས་བརྒྱད་ཀྱི་ཚིགས་
བཅད་བརྗོད་པ་སྟེ། འཁོར་ལོ་སྡོམ་པའི་དཀྱིལ་འཁོར་གྱི་ཆོ་ག་སོགས་དང་འདྲའོ། །མདོར་བསགས་དང༌། ནག་པོ་སྤྱོད་པའི་
གཞུང་གི་དཔེ་ཕལ་ཆེར་ན། ལྷ་མོ་དྲུག་ལས་མེད་པ་ལ། སྒེག་དང་བཅས་པའི་ཕྲེང་བ་འཕང༌། །ཞེས་པས་སྒེག་ཕྲེང་མེ་ཏོག་མ་
གསུམ་གཅིག་ཏུ་བསྡོམས་སོ་ཞེས་འགའ་ཞིག་འཆད་ཀྱང༌། རྒྱ་དཔེ་མ་དག་པའི་སྐྱོན་ཡིན་པར་མངོན་ནོ། །ཇི་ལྟར་མིག་
མཁན་རྒྱལ་པོ་ཡིས། །འཇིག་རྟེན་རབ་རིབ་བསལ་བ་ལྟར། །བུ་ཁྱོད་ཀྱི་ནི་མི་ཤེས་པའི། །
རབ་རིབ་རྒྱལ་བ་རྣམས་ཀྱིས་བསལ། །ༀ་བཛྲ་ནཻ་ཏྲ་ཨ་པ་ཧ་ར་པ་ཊ་ལཾ་ཧྲི། ཞེས་མིག་ཐུར་དང༌། 
ཆོས་རྣམས་གཟུགས་བརྙན་ལྟ་བུ་སྟེ། །གསལ་ཞིང་དག་ལ་རྙོག་པ་མེད། །གཟུང་དུ་མེད་ཅིང་
བརྗོད་དུ་མེད། །རྒྱུ་དང་ལས་ལས་ཀུན་ཏུ་བྱུང༌། །ངོ་བོ་ཉིད་མེད་གནས་མེད་པ། །དེ་ལྟར་
ཆོས་རྣམས་ཤེས་ཀྱིས་ལ། །སེམས་ཅན་དོན་ནི་མཉམ་མེད་བྱོས། །འོན་ཀྱང་རྣལ་འབྱོར་མ་
སྲས་སྐྱེ། །ཞེས་མེ་ལོང་དང༌། སེམས་ཅན་རྣམས་ལ་ཕན་པའི་ཕྱིར། །འཇིག་རྟེན་ཁམས་ནི་ཐམས་
ཅད་དུ། །བྱ་བ་སྤྱོད་ཚུལ་གསང་བ་ཡི། །ཆོས་ཀྱི་འཁོར་ལོ་བསྐོར་བར་གྱིས། །ཞེས་འཁོར་ལོ་དང༌། 
ཁྱོད་ཀྱི་ཐེ་ཚོམ་དོགས་མེད་པར། །ཡིད་གཉིས་མེད་པའི་སེམས་ཀྱིས་སུ། །ཆོས་ཀྱི་དུང་ནི་བླ་
མེད་པ། །དྲི་མེད་ཀུན་ཏུ་གང་བར་གྱིས། ཞེས་དུང་གཏད་པར་བྱའོ། །དེ་ནས་གསུམ་པ་ལུང་བསྟན་པ་ནི། 
11-1-534


འདིར་ནི་ཁྱོད་ལ་ངས་ལུང་བསྟན། །རྣལ་འབྱོར་ནམ་མཁའ་དེ་བཞིན་གཤེགས། །སྲིད་པ་
ཤིན་ཏུ་དག་པས་ན། །སྲིད་པའི་ངན་འགྲོ་རྣམས་ལས་བཏོན། །ཀྱེ་དཔལ་རྣལ་འབྱོར་ནམ་
མཁའ་ཞེས་བྱ་བའི་དེ་བཞིན་གཤེགས་པ། སིདྡྷི་ས་མ་ཡ་བྷུརྦྷུ་ཝ་སྭཱཿ ཞེས་བརྗོད། བདག་ཉིད་རྡོ་
རྗེ་སེམས་དཔའ་ཡབ་ཡུམ་མཉམ་པར་སྦྱར་བའི་སྐུར་གྱུར། ཤེས་རབ་བཅུ་དྲུག་ལོན་པ་ལ། 
ལག་པ་དག་གིས་ཡང་དག་འཁྱུད། །རྡོ་རྗེ་དྲིལ་བུ་མཉམ་སྦྱོར་བ། །སློབ་དཔོན་གྱི་ནི་དབང་
དུ་བརྗོད། །རང་གི་ཐུགས་ཀར་སངས་རྒྱས་ལྔའི་ངོ་བོ། ༀ་ཧཱུཾ་ཨ་སྭཱཧཱ། ཞེས་པའི་ཡི་གེ་སྡིག་པའི་
གཉེན་པོ་དཔའ་བོ་འོད་ཟེར་དཔག་ཏུ་མེད་པ་འཕྲོ་བའི་གཟི་བརྗིད་དང་ལྡན་པར་གྱུར། 
དཀྱིལ་འཁོར་གྱི་ལྷ་ཚོགས་རྣམས་ཀྱི་ཐུགས་ཀ་ནས་རང་རང་གི་སྔགས་ཀྱི་ཕྲེང་བ་བྱུང༌། སྙིང་
གའི་ཡིག་འབྲུ་ལྔ་ལ་ཐིམ་པས། རྒྱུད་བྱིན་གྱིས་བརླབ་ཤིང༌། ཡེ་ཤེས་བརྟན་པར་གྱུར། ལྷ་བཅུ་
གསུམ་གྱི་སྔགས་ལན་གསུམ་གསུམ་བརྗོད། རང་གི་སྤྱི་བོར་ཀྵུཾ། ཞེས་སོགས་ཡི་གེ་བརྒྱད། བཀོད་དེ་བསྲུང་བའོ། །དེ་
ལྟར་ན་ཕྱི་དབྱིབས་ཀྱི་དཀྱིལ་འཁོར་དུ་སློབ་དཔོན་གྱི་དབང་བསྐུར་པ་ཐོབ་པས། ཡེ་ཤེས་
བསྐྱེད་པའི་རིམ་པར་བསྒོམ་པ། རྣམ་ཤེས་ལས་ཚོགས་དང་འཇིག་རྟེན་པའི་དངོས་གྲུབ་སྒྲུབ་
པ་ལ་དབང་བ་ཡིན་ནོ། །འདིར་བླ་མ་གོང་མ་རྔོག་རྣམས་ནི། ལུང་སྟོན་ཡན་ཆད་ལ་སློབ་དཔོན་གྱི་དབང་ཞེས་གསུང་ལ། 
དེ་ནས་སློབ་མས་མཎྜལ་ཕུལ། གསོལ་བ་བཏབ། སློབ་མ་མེ་ཏོག་ཕོག་པའི་ལྷར་བསྐྱེད། ཆུ་དབང་སྔོན་དུ་འགྲོ་བས། རིག་པ་
གཏད་པ་ལ་སྔགས་ཀྱི་དབང་བསྐུར་བ་དང༌། གཙོ་མོའམ་ལྷ་ཚོགས་རྣམས་ཀྱི་དམ་ཚིག་ཕྱག་རྒྱ། སློབ་དཔོན་གྱི་རྗེས་སུ་ཟློས་པའི་
ཚུལ་གྱི་སློབ་མ་རྣམས་ཕྱག་རྒྱ་འཆར་གཞུག་པ་ནི། ཕྱག་རྒྱའི་དབང་སྟེ། འདི་ལ་སློབ་མའི་དབང་བསྐུར་ཞེས་གསུང་ངོ༌། །ཚུལ་
འདི་སློབ་དཔོན་གྱི་ནི་དབང་བསྐུར་ནས། །རྣམ་ཤེས་ཡེ་ཤེས་བརྟན་པར་བྱ། །ཞེས་དཀྱིལ་ཆོག་ལས་གསུངས་པའི་རྣམ་ཤེས་ཡེ་
ཤེས་ཞེས་པའི་དོན་དུ་དགོངས་པར་སྣང་ལ། དེའི་དོན་གྱི་ཕྱོགས་གཅིག་ལ་ཞུགས་པའང་ཡིན་མོད་ཀྱི། ངེས་པར་དགོས་པའང་མ་
ཡིན་པས་འདིར་མ་བྲིས་སོ། །ཡང་གཞུང་ལས། སྦྱོར་བ་ཡི་ནི་དབང་བསྐུར་ནས། །གསང་བ་ཐམས་ཅད་མངོན་པར་བརྗོད། །
ཅེས་པ་ལ་ཐབས་ཀྱི་དབང་བསྐུར་གསང་དབང་དང༌། ཤེས་རབ་ཀྱི་དབང་བསྐུར་གསུམ་པ་སྟེ། དེ་གཉིས་བསྡོམས་པ་ནི་སྦྱོར་
11-1-535


བའི་དབང་ངོ༌། །དབང་གོང་མ་འདི་གཉིས་ལ་བླ་མ་གོང་མ་རྣམས་ཀྱི་བཞེད་པས། མཎྜལ་གྱི་དཀྱིལ་འཁོར་འཆར་བ་དང༌། ཡེ་
ཤེས་དབབ་པ་དང་མེ་ཏོག་དོར་བ་ལ་སོགས་པ་བཞེད་དོ། །དེ་དག་འགྲུབ་ནའང་བྱིན་རླབས་ཆེ་བའི་ཡན་ལག་ཏུ་འགྱུར་བ་ཡིན་
མོད་ཀྱི། ལག་ལེན་བསྡུ་བའི་ཚེ་མ་འགྲུབ་ཀྱང་མི་འགལ་ཏེ། དེ་འདྲ་དེ་འདིའི་སྒོས་ཀྱི་ཁྱད་ཆོས་ཀྱང་མ་ཡིན་ལ། ཚད་ལྡན་གྱི་
གཞུང་ཕལ་ཆེར་ལས་ཀྱང་མི་འབྱུང་བས་སོ། །འདིར་ནི་ཉུང་ངུ་ལ་མོས་པ་དག་ལ་ཆོ་ག་ཟོར་ཡང་བར་བརྗོད་པར་བྱ་སྟེ། ཀུན་
རྟོག་ཐམས་ཅད་རྣམས་སྤངས་པས། །སྟོང་ཉིད་སྙིང་པོ་ཁྱོད་ལ་འདུད། །ཀུན་མཁྱེན་ཡེ་ཤེས་
ཕུང་པོ་ཅན། །ཡེ་ཤེས་སྐུ་ཁྱོད་ཕྱག་འཚལ་བསྟོད། །ཡོན་ཏན་རྒྱ་མཚོ་ཁྱོད་མཐུ་ཡིས། །དེ་
ཉིད་བླ་མེད་ཤེས་པར་འཚལ། །རྡོ་རྗེ་དབང་བསྐུར་ཀུན་མཁྱེན་གྱིས། །བཀའ་དྲིན་དེ་རིང་
བདག་ལ་གསོལ། །བཅོམ་ལྡན་ཁྱོད་ཞབས་པདྨ་ནི། །སྤངས་ནས་གཞན་ན་སྐྱབས་མ་མཆིས། །
དེ་བས་འཁོར་བ་སྤང་བའི་ཕྱིར། །མགོན་པོས་བདག་ལ་བཀའ་དྲིན་མཛོད། །ཅེས་ལན་གསུམ། 
ཨཱ་ཁཾ་ཝཱིར་ཧཱུཾ་གིས་མིག་དར་བཅིངས། ༀ་ཨཱཿཧཱུཾ་གིས་བདུད་རྩི་གཏོར། སློབ་དཔོན་དང་དཀྱིལ་འཁོར་གྱི་
དབང་ཕྱུག་དབྱེར་མ་མཆིས་པ་དེ་ཉིད། རྣལ་འབྱོར་ནམ་མཁའི་ངོ་བོ་རྡོ་རྗེ་སེམས་དཔའ་ཡེ་
ཤེས་དབང་ཕྱུག་མ་དང་མཉམ་པར་སྦྱོར་བའི་སྐུར་གྱུར། ཡབ་ཡུམ་སྙོམས་པར་ཞུགས་པའི་
དགའ་བའི་སྒྲས། ཕྱོགས་བཅུའི་སངས་རྒྱས་སྲས་དང་བཅས་པ་ཐམས་ཅད་སྤྱན་དྲངས། །
ཡབ་ཡུམ་གྱི་སྐུ་ལ་ཞུགས། ཐུགས་ཀར་བྱང་ཆུབ་ཀྱི་སེམས་སུ་ཞུ། གསང་བར་ལྷན་ཅིག་
སྐྱེས་པའི་ཡེ་ཤེས་བརྟན་པར་བྱས་པའི་བྱང་ཆུབ་ཀྱི་སེམས་བདག་གི་ལྕེ་ཐོག་ཏུ་བཞག ཇི་
ལྟར་འདས་པའི་སངས་རྒྱས་ཀྱིས། །བྱང་ཆུབ་སྲས་ལ་དབང་བསྐུར་ལྟར། །བདག་གིས་
གསང་བའི་སེམས་རྒྱུན་གྱི། །དེ་རིང་ཁྱོད་ལ་དབང་བསྐུར་རོ། །ༀ་ཨཱཿཧཱུཾ། འདི་ནི་དེ་ཉིད་བླ་
ན་མེད། །གཉིས་མེད་ཡེ་ཤེས་བརྗོད་མི་ནུས། །ཆོས་དབྱིངས་ནམ་མཁའ་ལྟ་བུ་ཡི། །དམ་
པའི་བདེ་བ་ཡང་དག་མྱང༌། །ཨ་ཧོ་མཧཱ་སུ་ཁཾ། འབྲུ་གསུམ་གྱིས་གདོང་གཡོགས་བསལ། དེ་ལྟར་ན་
ལུགས་ཀྱི་དཀྱིལ་འཁོར་དུ་གསང་དབང་ཐོབ་པས། རྩ་དང་རླུང་དང་ཐིག་ལེའི་རྣལ་འབྱོར་
11-1-536


རང་ལུས་ཐབས་ལྡན་གྱི་གསང་བ་རྣམས་བསྒོམ་པ་ལ་དབང་ངོ༌། ཁྲག་ཆེན་པོ་ནི་ག་བུར་
བཅས། །ཙནྡན་དམར་དང་ཡང་དག་སྦྱར། །དེ་བཞིན་རྡོ་རྗེའི་ཆུ་དང་བཅས། ལྔ་པ་སེམས་
ལས་བྱུང་བར་བཤད། །སངས་རྒྱས་ཀུན་གྱིས་མཐུན་པར་གསུངས། དམ་ཚིག་འདི་ནི་བླ་ན་
མེད། །བཟང་པོ་ཁྱོད་ཀྱིས་སྐྱང་བར་བྱ། །ཞེས་དམ་ཚིག་བསྒྲག་གོ །དེ་ནས་ཤེས་རབ་ཡེ་ཤེས་ཀྱི་དབང་གི་དོན་དུ་
མཎྜལ་ཕུལ་ལ། སངས་རྒྱས་ཀུན་ལ་གསང་བ་ཆེ། །ཇི་ལྟར་དཔལ་ལྡན་ཐུགས་རྡོ་རྗེས། །རྡོ་རྗེ་
ཆོས་ནི་བསྟན་པ་ལྟར། །མགོན་པོས་བདག་ལ་བཀའ་དྲིན་སྩོལ། །ལན་གསུམ། གོང་བཞིན་མིག་དར་
བཅིངས། ༀ་ཨཱཿཧཱུཾ། བདུད་རྩི་གཏོར། མཚན་ཉིད་ཐམས་ཅད་ཡོངས་སུ་རྫོགས་པའི་རིག་མ་གཏད། གཉིས་མེད་སྦྱོར་
བ་དེ་ཉིད་ནི། །རྡོ་རྗེ་དྲིལ་བུ་ཕྱག་རྒྱ་ཡང༌། །སོ་སོར་དེ་ཉིད་ཀྱིས་བཟུང་བ། །རྡོ་རྗེ་དེ་ཉིད་
བདག་ཉིད་དེ། །དྲིལ་བུ་ཆོས་ཀྱི་གཟུངས་མའོ། ཕྱག་རྒྱ་ཁ་སྦྱོར་ཚུལ་གྱིས་ནི། །དེ་ལ་ཐབས་
ནི་ཐིམ་པར་འགྱུར། །ཐབས་རྡོ་རྗེ་སེམས་དཔའ་དང༌། རིག་མ་ཡེ་ཤེས་དབང་ཕྱུག་མར་གྱུར། 
ཡབ་ཡུམ་རྗེས་སུ་ཆགས་པས་སྙོམས་པར་ཞུགས། རྩ་སྟོང་ཕྲག་བདུན་ཅུ་རྩ་གཉིས་ནས་བྱང་
ཆུབ་ཀྱི་སེམས་འོངས་པ། ཐབས་ཤེས་ཀྱི་སྣ་རྩེར་བྱོན་པ་དང་རང་གནས་སུ་གཤེགས་པའི་
རིམ་པས། ལུགས་འབྱུང་དང་ལུགས་ཟློག་གི་དགའ་བའི་རིམ་པ་རྫོགས་ཏེ་ལྷན་ཅིག་སྐྱེས་པ་
མངོན་དུ་བྱས། ༀ་ཨཱཿཧཱུཾ་གིས་གདོང་གཡོགས་བསལ། བྷ་གའི་དཀྱིལ་འཁོར་དུ་ཤེས་རབ་ཡེ་ཤེས་ཀྱི་
དབང་ཐོབ་པས། ལས་དང་ཡེ་ཤེས་ཀྱི་ཕྱག་རྒྱ་ལ་སོགས་པ་གཞན་ལུས་ཐབས་ལྡན་གྱི་
གསང་བ་ཟབ་མོ་སྒོམ་པ་ལ་དབང་ངོ༌། །བུད་མེད་ཐམས་ཅད་མཐོང་བ་ན། །གཡོན་ནས་ལན་
གསུམ་བསྐོར་བྱ་ཞིང༌། །སྤྱི་བོས་ཕྱག་ནི་བྱས་ནས་ཀྱང༌། །ལན་གསུམ་བར་དུ་གསོལ་བ་
གདབ། །བདག་བུ་ཁྱོད་ནི་མ་ཡིན་ཏེ། །ཇི་སྲིད་བྱང་ཆུབ་འབྱུང་བར་དུ། །བྱང་ཆུབ་ཡན་ལག་
ནུ་མ་ལས། །བྱུང་བའི་རང་གི་འོ་མས་སྐྱོངས། །ཞེས་དམ་ཚིག་བསྒྲགས། དབང་བཞི་པའི་དོན་དུ་མཎྜལ་ཕུལ་
ལ། དོན་དམ་སྨྲ་བའི་སེངྒེ༴ སོགས་ལན་གསུམ་གྱིས་གསོལ་བ་བཏབ། རྟག་པར་ཆོས་ཀྱི་དབྱིངས་ཉིད་ཀྱི། །
11-1-537


གོ་འཕང་མི་གཡོ་རྒྱུན་དུ་གནས། །རྟག་ཏུ་ཕྲ་ཕྱིར་གོས་མེད་པས། །ཡེ་ཤེས་ལ་ནི་རྣམ་ཤེས་
ཐིམ། །རྣམ་ཤེས་ཡེ་ཤེས་ཉིད་གྱུར་ན། །བྱང་ཆུབ་རིམ་པ་མཐོང་བར་གྱུར། །ཆོས་དབྱིངས་
རང་བཞིན་འགྱུར་བ་མེད་པ་རྟོག་པའི་དྲི་མས་མ་གོས་ཤིང༌། རྟག་པ་དང་བྲལ་བའི་ཡེ་ཤེས་
དེ་ཉིད་རང་བཞིན་བདེ་བ་ཆེན་པོ་སྟེ། བཞི་པའི་ཡེ་ཤེས་སོ། །དོན་དམ་བྱང་ཆུབ་སེམས་ཀྱི་
དཀྱིལ་འཁོར་དུ་དབང་བཞི་པ་ཐོབ་པས། མཆོག་གི་གོ་འཕང་སོ་སོར་རང་གི་རིག་པ་མངོན་
དུ་བྱས། དེ་ཡང་དཀྱིལ་ཆོག་ལས་གསང་ཆེན་དེ་དག་ཐམས་ཅད་ཀྱི། །དབང་བསྐུར་བ་ནི་གོ་འཕང་
མཆོག །ཅེས་པས་དབང་བཞི་པ་བསྟན་ནོ། །དེའི་རྗེས་སུ་དམ་ཚིག་གམ་སྤྱོད་པ་ལ་གདམས་པ་ནི། ཆོས་རྣམས་རང་
བཞིན་དག་པ་སྟེ། །དེ་ཡི་དངོས་པོའི་རང་བཞིན་ཉིད། །དངོས་པོ་རང་བཞིན་མེད་པ་རུ། །
རྫོགས་པའི་བྱང་ཆུབ་རིམ་པ་བསྟན། །བཟོད་པའི་ཆོས་ནི་སྔོན་འགྲོ་བས། །སེམས་ཅན་
རྣམས་ནི་གཟིར་མི་བྱ། ཚིག་རྩུབ་ཀྱལ་པ་མི་སྨྲ་ཞིང༌། །སེམས་ཅན་རྣམས་ནི་སུན་མི་དབྱུང༌། །
ཚུལ་ཁྲིམས་སྡོམ་པ་བསྲུང་བྱ་ཞིང༌། །སྐྱེ་བོ་རྣམས་ལ་བརྩེ་མི་བྱ། །བདག་ཉིད་ཤི་བར་གྱུར་
ཀྱང་བླ། །སེམས་ཅན་སྲོག་གཅོད་དེ་ལྟ་མིན། །རབ་འབར་མེ་དང་མཚུངས་པས་ན། །གཞན་
གྱི་ནོར་ལ་རེག་མི་བྱ། །རྣལ་འབྱོར་པ་ཡི་ལུས་བསྲུང་ཞིང༌། །ཕན་ཚུན་དབྱེ་བའི་ལས་མི་བྱ། །
རྣལ་འབྱོར་སྤྱོད་པའི་རྣལ་འབྱོར་པ། །དེ་ལ་བརྫུན་ནི་ཡོད་མ་ཡིན། །སྤྱོད་པ་བག་ཡོད་
བཅས་པ་དང༌། །བཟའ་དང་ལོངས་སྤྱོད་བག་ཡོད་བྱ། །དགའ་བར་རོལ་པ་བག་ཡོད་ཅིང༌། །
གཏོར་སོགས་ཆོ་གའང་བག་ཡོད་ལ། །རྣལ་འབྱོར་བ་ནི་འགྲུབ་འདོད་པས། །སེམས་ཅན་
བསྟེན་ན་འགྲུབ་པར་འགྱུར། །གང་ཞིག་ཐམས་ཅད་ཤེས་པ་ཡི། །སློབ་མ་སེམས་དགའི་ལས་
རྣམས་བྱ། །མཉམ་ཉིད་ཡེ་ཤེས་བསྐྱེད་ནས་སུ། །ཐམས་ཅད་མཉམ་ཉིད་ལྟ་བར་བྱ། །རྟག་ཏུ་
མཉམ་པའི་སྤྱོད་པ་བྱ། །རྟག་ཏུ་རྣལ་འབྱོར་བསམ་གཏན་གུས། བསླབ་པ་བླང་བ་སྔོན་འགྲོ་
བས། །དཀྱིལ་འཁོར་གཏོར་མ་ལ་སོགས་པ། །སེམས་ཅན་དོན་གྱི་ཚུལ་ཁྲིམས་རྣམས། །བུ་
11-1-538


ཡི་སྲོག་བཞིན་བསྐྱང་བར་བྱ། །ཅེས་སོ། །དེ་ནས་གཙོ་བོས་ཇི་ལྟར༴ སོགས་དང༌། གཏང་རག་གི་མཎྜལ་
འབུལ། དེང་ནས་བརྩམས་ཏེ། སོགས་དང༌། གཞན་ཡང་སྨོན་ལམ་མང་དུ་གདབ་པར་བྱའོ། །སླར་ཡང་སྦྱིན་བསྲེག་ལ་
སོགས་པས་དཀྱིལ་འཁོར་གྱི་ལྷ་རྣམས་མཉེས་པར་བྱ་སྟེ། བདག་ཉིད་འཇུག་པའི་རིམ་པའོ། །སློབ་མ་དབང་བསྐུར་བའི་བྱ་བ་ནི། 
བདག་འཇུག་ཉིད་ཀྱིས་རིགས་འགྲེ་ཞིང༌། ཁྱད་པར་ཕྲ་མོ་ཡོད་པ་རྣམས་ཀྱང༌། ཞོར་བྱུང་ལ་བསྟན་ཟིན་ཏེ། ལག་ལེན་ནི་མཐོང་
བ་བརྒྱུད་པ་ལས་ཤེས་པར་བྱའོ། །དེ་ནས་རྗེས་ཀྱི་ཆོ་ག་ནི། མཆོད་པ་ཁ་གསོ་བའམ། གསར་བར་བཤམས་ཏེ་སྒྲུབ་ཐབས་བཞིན་
བྱིན་གྱིས་བརླབས་ནས། ༀ་པྲ་ཏཱིཙྪ་ཨ་རྒྷཾ་ཧཱུཾ་སྭཱཧཱ། ༀ་སུ་གནྡྷེ་སོགས་སྔགས་ཙམ་མཾ། གོང་དུ་བསྟན་པ་ལྟར་ཚིགས་
བཅད་དང་བཅས་པས་ཀྱང་མཆོད། ནང་མཆོད་ཕུལ། བསྟོད་ཐུང་གིས་བསྟོད། སློབ་དཔོན་དང་དཀྱིལ་འཁོར་དབྱེར་མེད་པར་
མོས་ནས། ཧཱུཾ་ཧཱུཾ་ཧཱུཾ་མགོན་ཁྱོད་ཡོངས་སུ་ཐར་པའང་ཁྱོད། །ཆོས་སྟོན་པའང་ཁྱོད་ཡིན་ཏེ། །སྙིང་
རྗེའི་རྒྱུ་ལས་བྱུང་བའི་གཟུགས། །གཟུགས་བཟང་མཐར་ཕྱིན་པའང་ཁྱོད། །ཀྱེ་ཁྱོད་སྲིད་པ་
ལས་སྒྲོལ་ཁྱོད། །རྡོ་རྗེ་ཁྱོད་ལ་ཕྱག་འཚལ་འདུད། །ཐར་པ་རྡོ་རྗེ་ཁྱོད་ཉིད་དོ། །དེ་ནས་གཙོ་འཁོར་
ཐམས་ཅད་ཀྱིས་གསུངས་པར་མོས་ལ། ༀ་ར་མ་ར་མ་ཧོ། ཧི་ཧི་ཧི་ཧཱུཾ་ཧོ་ཨ། ༀ་ར་མ་ར་མ་ཧོ་ཧཱུཾ་ཧཱུཾ་ཧཱུཾ་ཧོ་ཧེ་
ཨ། ༀ་ར་མ་ར་མ་ཕྲུཾ་ཕྲུཾ་ཧཱུཾ། ཕྲུཾ་ཕྲོཾ་ཨ་ༀ་ར་མ་ར་མ་ཧོ། གྷུ་གྷུ་གྷུ། གྷྲ་གྷོ་ཨཱ་སྭཱཧཱ། ཅེས་གླུར་བླངས་
མ་བསྒྲལ་བ་རྣམས་བདག་གིས་བསྒྲལ༴ སོགས་སྨོན་ལམ་བཏབ་དེ་ནས་སློབ་མའམ་ཡོན་བདག་ལ་དུང་ཆོས་ཀྱི་
ཆུ་འཐོར་ཞིང༌། ཤིས་པ་བརྗོད་པ་ནི། དེ་རིང་ཁྱོད་ནི་འཁོར་བ་ཡི། །རྒྱ་མཚོ་ལས་ནི་རབ་བརྒལ་ཞིང༌། །
རྡོ་རྗེ་ལས་བྱུང་རྡོ་རྗེ་སེམས། །སངས་རྒྱས་གོ་འཕང་དབང་བསྐུར་བས། །མྱུར་དུ་སེམས་ཅན་
ཐམས་ཅད་ཀྱི། །དོན་བྱེད་པ་ཡི་སེམས་དང་ལྡན། །ཞེས་བརྗོད། སློབ་མ་དབང་བསྐུར་དང་མ་འབྲེལ་བའི་
སྐབས་སྒྲུབ་མཆོད་ཙམ་ལ། དཀྱིལ་འཁོར་གྱི་གཙོ་མོས་གསུངས་པར་བསམས་ཤིང༌། དུང་གི་ཆུ་རང་ལ་གཏོར་བར་བྱའོ། །དེ་
ནས་ཡིག་བརྒྱ་ལན་གསུམ་བརྗོད། མ་རྙེད་ཡོངས་སུ་སོགས་དང༌། གཙོ་བོ༴ སོགས་ཀྱིས་བཟོད་པར་གསོལ། ༀ་ན་
མཿཏེ་ཧཱུཾ། ན་མཿམི་ཧཱུཾ་ན་མོ་ན་མཿཧཱུཾ་སྭཱཧཱས་ཕྱག་བྱ། གཡོན་པའི་ཁུ་ཚུར་སྙིང་ག་དང་གཡས་པས་ཁུ་ཚུར་ས་ལ་
བཞག་སྟེ། ༀ་ཁྱོད་ཀྱིས་སེམས་ཅན་སོགས། ༀ་གཙྪ་གཙྪ་སོགས་སྔགས་ཚན་གཉིས་ཀྱིས་མགྲོན་རྣམས་གཤེགས་
11-1-539


སུ་གསོལ་བ་ཡིན། སྒྲུབ་མཆོད་ཞག་སྤྲེལ་ལ། ཉི་མ་སྔ་མ་རྣམས་སུ་གཏོར་མགྲོན་ཁོ་ན་གཤེགས་སུ་གསོལ་ནས། དེའི་རྗེས་སུ་
རྟེན་དང་རྡུལ་ཚོན་གྱི་ལྷ་ལ་བརྟན་བཞུགས་བྱ་ལ། ཉི་མ་རྟིང་མ་ལ། ༀ་ཁྱོད་ཀྱིས་སོགས་ཀྱིས་གསོལ་གདབ་མགྲོན་དང་
དཀྱིལ་འཁོར་པ་ལ་ལྷན་ཅིག་ཏུ་བྱས་ནས། སྔགས་གཉིས་ཀྱིས་མགྲོན་རྣམས་གཤེགས། ༀ་ཨསྨ་ཏིཥྛ་སོགས་ཀྱིས་དཀྱིལ་
འཁོར་བ་རང་གི་ལུས་ལ་བསྡུའོ། །ༀ་གི་ལི་གི་ལི་དི་ནི་ཧཱུཾ་ཛ་སྭཱཧཱ། ཞེས་རྡུལ་ཚོན་ཕྱགས་ཏེ། བུམ་པར་བླུག་ནས་སྤྱན་
འདྲེན། དེའི་ཆོ་ག་ནི་སྤྱི་དང་འདྲའོ། །ལྟག་གཏོར་སྐྱེལ་བའི་སྔགས་སྐབས་འདིར་བཤད་ཀྱང༌། སྔགས་སྔོན་དུ་གྲུབ་ན་འདིར་མི་
དགོས་ལ། སྤྱིར་དཀྱིལ་འཁོར་བྲིས་པའི་ཤུལ་དུ། སླར་ཡང་སྦྱིན་བསྲེག་དང་ཚོགས་འཁོར་བྱ་བར་བཤད་ཅིང༌། རས་བྲིས་ཀྱི་
ཕྱོགས་ལ་ནི་ཞག་སྦྲེལ་གྱི་ཉི་མ་སྔ་མ་རྣམས་སྔར་བཤད་པ་དང་འདྲ་བ་ལས། རྟེན་དང་དཀྱིལ་འཁོར་ལ་བརྟན་བཞུགས་ལྷན་ཅིག་
བྱས་པས་ཆོག་གོ །གང་ལྟར་ཡང་མཐར། སྨོན་ལམ་དང༌། བཀྲ་ཤིས་རྒྱ་ཆེར་བྱ། སྲིད་པ་གསུམ་འབར་སྐུ་ནི་རྗེས་
ཆགས་དུལ་བར་ལྡན། །འོད་ཟེར་རྣོན་པོ་སྟོང་ལྡན་ཉི་མ་བརྒྱ་སྟོང་ལྡན། །རྣམ་མང་སྐུ་དང་ཆ་
ལུགས་རྗེས་ཆགས་དུལ་བར་ལྡན། །རྣལ་འབྱོར་ནམ་མཁའ་མཆོག་གི་དབང་ཕྱུག་གར་བྱེད་
རོལ། །ཧཱུཾ་ཧཱུཾ་ཧཱུཾ་ཞེས་གླུ་བླང་ངོ༌། །དེ་ལྟར་ན་འདི་ནི་དཀྱིལ་འཁོར་གྱི་ཆོ་ག་སྙིང་པོ་མདོར་བསགས་ལ་གཙོ་བོར་བརྟེན་པ་ཆོ་
ག་རྒྱས་པའི་རིམ་པ་ལ་ཚིག་ཟོར་ཡང་བར་སྦྱར་བ་ཡིན་པས། རྣལ་འབྱོར་ནམ་མཁའི་དཀྱིལ་འཁོར་རྒྱས་པ་ལ་ཡང་ཆོ་ག་འདི་
ཉིད་འདོན་པ་སྤོས་པས་ཕལ་ཆེར་འགྲུབ་ལ། བསྟོད་པ་དང༌། ལྷ་ངོ་བསྟན་པའི་ཚིགས་བཅད་རྒྱས་པ་ཁ་འགེངས་དགོས་པ་ཡིན་
ནོ། །ཡང་སྙིང་པོ་མདོར་བསགས་ལ་མ་བརྟེན་པར། བསྡུས་པའི་རྒྱུད་འདི་ལས་ཇི་ཙམ་གསུངས་པ་རྣམས་གཞིར་བཞག་ནས། 
ལྷག་མ་རྣམས་གསང་བ་སྤྱིའི་ཆོ་ག་ནས་ཁ་བཀང་ན་ཟོར་ཡང་ཞིང་ལེགས་པ་ཞིག་ཀྱང་འབྱུང་མོད་ཀྱི། རེ་ཞིག་འདིར་མ་བྲིས་སོ། །
མར་རྔོག་གོང་མའི་ལུགས་ཀྱིས་ཀྱང༌། དགྱེས་རྡོར་སོགས་དང་མཐུན་རུང་དུ་སྦྱར་བའི་ཡི་གེ་དུ་མ་སྣང་བ་ཡང་ངེས་པར་གྱིས་
ཤིག ཟབ་ཡངས་རྒྱུད་ནི་ནམ་མཁའི་དཀྱིལ་འཁོར་འདྲ། །དྲེགས་ལྡན་བློ་མིག་ཁབ་ཀྱི་བུ་གར་ལྟ། །སྔོན་དགེ་གང་ཡིན་བློ་གྲོས་
མཐུར་སྨིན་པས། །དེ་ཉིད་གཅིག་ལས་ཆོས་ཀུན་འཇལ་འདི་མཚར། །རྒྱ་བོད་གཞུང་མང་དག་ལས་ལེགས་བཤད་ཀྱི། །སྙིང་པོ་
བསྡུས་པའི་དཀྱིལ་འཁོར་ཆོ་ག་འདི། །ཡི་གེར་བཀོད་པའི་དགེ་བ་གང་ཡིན་དེ། །མཁའ་མཉམ་སེམས་ཅན་ཀུན་ལ་རྒྱས་པར་
བསྔོ། །ཞེས་དཔལ་རྡོ་རྗེ་གདན་བཞིའི་དཀྱིལ་འཁོར་གྱི་ཆོ་ག་བདུད་རྩི་ཐིག་ལེ་ཞེས་བྱ་བ་འདི་ཡང༌། རྒྱལ་ཁམས་པ་ཏཱ་ར་ནཱ་ཐས་
11-1-540


ངེས་པར་བརྗོད་པའོ།།    །།ཤུ་བྷ་མསྟུ། གཅིག་ཞུས་དག
11-1-541


༄༅། །རྡོ་རྗེ་གདན་བཞིའི་འཁྲིད་ཡིག་ཡེ་ཤེས་སྒོ་འབྱེད་
ཅེས་བྱ་བ་བཞུགས། 
༄༅། །ན་མོ་བྷ་ག་བ་ཏི་ཛྙཱ་ནེ་ཤྭརྱཻ། རྡོ་རྗེ་གདན་བཞིའི་འཁྲིད་ཡིག་ཡེ་ཤེས་སྒོ་འབྱེད་
ཅེས་བྱ་བ། བླ་མ་ལ་ཕྱག་འཚལ་ལོ། །གང་འདི་བདེ་ཆེན་འདབ་བརྒྱ་ཁ་བྱེ་བས། །རབ་ཏུ་
འོད་གསལ་ཟེའུ་འབྲུ་མངོན་གྱུར་བ། །བླ་མེད་བླ་མ་ཡེ་ཤེས་དབང་ཕྱུག་མར། །དངོས་ཀུན་
ལྷན་ཅིག་སྤྱི་བོའི་གཙུག་གིས་མཆོད། །དམ་པ་སྔ་མས་མཛད་མོད་ཀྱང༌། །ཐོར་བུར་གནས་
ཤིང་གསལ་མིན་པས། །ཤིན་ཏུ་ཟབ་ཅིང་གསང་བའི་ལམ། །འཁྲུགས་མེད་འདུས་ཤིང་
གསལ་བར་འབྲི། །
དཔལ་རྡོ་རྗེ་གདན་བཞིའི་རྒྱུད་ལས་འབྱུང་བ་རྫོགས་རིམ་གྱི་མན་ངག་རྒྱུད་ཀྱི་དངོས་
བསྟན་ལས་ཀྱང་གསལ་མོད། གྲུབ་ཐོབ་ལོ་པཎ་བརྒྱུད་པའི་མན་ངག་ལས་འབྱུང་བ་ཉིད་
གཙོ་བོར་བྱས་ཏེ་བཤད་པར་བྱའོ། །དེ་ལ་བདག་གི་གདན་གསུམ་པའི་ཞབས་ཀྱི་ཕྱོགས་
དང༌། བཞི་པའི་སྟོད་ཀྱི་ཆ་ནས་གནས་ལུགས་གཏན་ལ་འབེབས་པ་གསུངས། གནས་སྐབས་
གཞན་མང་པོ་ནས་རླུང་གི་རྫོགས་རིམ་ཀྱང་ཅི་རིགས་པར་བཤད། སྦྱོར་གདན་བཞི་པ་ནས་
གཞན་ལུས་ཕྱག་རྒྱའི་སྐོར་རྣམས་གསུངས། 
སང་གདན་རབ་བྱེད་གཉིས་པ་ནས་བསམ་གྱིས་མི་ཁྱབ་པའི་རིམ་པ་བསྟན་ཅིང་བསྐྱེད་
རིམ་ཕྲ་ཐིག་ཀྱང་སྟེ་ནོར་བུའི་ཐིག་ལེ་དང༌། སྨིན་མཚམས་དང་སྙིང་ག་སྟེ་ཐིག་ལེའི་མན་ངག་
དང༌། སྤྱི་འགྲོ་སྒོ་དགག་པ་དང༌། རྫོགས་རིམ་བ་ནུ་དངོས་དང༌། བ་ལང་རྨིག་པ་ཡི་གེ་བཅུ་
གསུམ་པ་དང༌། ཡི་གེ་གཉིས་པ་དང༌། ཡི་གེ་གཅིག་པ་དང་གཞན་སེམས་ཤེས་པར་བྱེད་པ་
11-1-542


དང༌། དེ་ཁོ་ན་ཉིད་ཀྱི་སྦྱིན་སྲེག་རྣམས་གསུངས་སོ། །
རབ་བྱེད་གསུམ་པ་ནས་སྒོང་སྐྱེས་ཀྱི་མན་ངག་དང༌། ཆུ་ཤིང་མེ་ཏོག་ཡི་གེ་བཅུ་གསུམ་
པ་དང༌། གོང་དུ་འཕོ་བ་དང༌། གྲོང་དུ་འཇུག་པ་དང་དེའི་ཡན་ལག་རྣམས་སོ། །
རབ་བྱེད་བཞི་པ་ལས་ཆུ་ཤིང་སྙེ་མ་ཡི་གེ་དགུ་པ་དང༌། མཆོད་རྟེན་བུམ་པའི་ཡན་ལག་
རླུང་བཅིང་བ་དང༌། མཆོད་རྟེན་གྱི་མན་ངག་དང༌། མཆོད་རྟེན་བུམ་པ་དངོས་ཡི་གེ་དགུ་པ་
དང༌། སྒྱུ་མ་གསུམ་གྱི་རྣལ་འབྱོར་རྣམས་སུ་གསུངས་སོ། །དེ་དག་ནི་རྩ་རྒྱུད་ལ་བརྟེན་ཚུལ་
ཡིན་ལ། བཤད་རྒྱུད་སྦྱོར་བའི་རབ་བྱེད་ནས། གསང་བའི་སྦྱིན་སྲེག་དང་ཆུ་ཤིང་མེ་ཏོག་
སོགས་རྩ་རྒྱུད་དང་འདྲ་མིན་ཙམ་རྣམ་གྲངས་དུ་མ་གསུངས་ཤིང༌། གཞན་ཡང་ཕྱག་རྒྱའི་
མཚན་ཉིད་སོགས་མང་དུ་གསུངས་སོ། །བཤད་རྒྱུད་མནྟྲ་ཨང་ཤ་ནས་ༀ་ཡིག་གི་མན་ངག་
དང༌། གཏུམ་མོ་མདའ་འཕེན་དང༌། ཆུ་ཤིང་མེ་ཏོག་གི་རྣམ་གྲངས་གཞན་དང་བརྟུལ་ཞུགས་
ཀྱི་སྤྱོད་པ་སོགས་གསུངས་སོ། །དེ་དག་ནི་འབྲེལ་བ་དང་བླ་མའི་མན་ངག་གི་བཞེད་པས་
གསལ་བར་བཀྲལ་པ་དང༌། རྒྱུད་ཀྱི་ཚིག་དོན་སྒྲ་ཇི་བཞིན་པ་ལས་འབྱུང་ཚུལ་རྣམས་ཡིན་
ལ། སྤྱི་རྒྱུད་ཀྱི་དགོངས་དོན་རྫོགས་རིམ་མཐའ་དག་སུ་ཞིག་གིས་རྟོགས་པར་ནུས། དེ་ལྟ་
མོད་ཀྱི་ཆོས་སྐོར་འདི་ལ་ཕྱོགས་འདིར་འགྱུར་བའི་དབང་དུ་བྱས་ན། ཤིང་གཅིག་གི་བཀའ་
འགྲེལ་ཞེས་བྱ་བ་ཨཱརྱ་དེ་བས་མཛད་པ་དེར། གནས་བརྒྱད་ནང་དོན་ལ་སྦྱར་བའི་བཤད་པ་
ཙམ་ཡོད། གཞན་ཡང་ཛེ་ཏཱ་རིའི་དེ་ཉིད་བཞི་པ་སོགས་ནས། རྫོགས་རིམ་གྱི་རྣམ་གཞག་ཐོར་
བུ་ཅི་རིགས་པ་ཡོད་ཀྱང༌། རིམ་པ་ལྔ་པ་དང་སྤྱོད་བསྡུས་དང༌། དཔྱིད་ཀྱི་ཐིག་ལེ་ལྟ་བུ་རྒྱུད་
དོན་གྱི་འགངས་འཆུན་ཐུབ་པའི་རྫོགས་རིམ་གྱི་རྒྱ་གཞུང་བྱིངས་ཆེ་བ་མེད་པས། རྫོགས་
རིམ་རྒྱས་པ་ནི་རྒྱུད་ཁོ་ནའི་སྟེང་ནས་རྟོགས་དགོས་ཤིང༌། དམིགས་པ་རྣམས་ཕལ་ཆེར་ཡང་
རྒྱུད་ཀྱི་ཚིག་དོན་ཉིད་ལས་གསལ་བར་འབྱུང་བའི་ཕྱིར། ལྷག་པར་ཡིད་ཆེས་པའི་གནས་
11-1-543


ཀྱང་ཡིན་པས། རྒྱུད་ཀྱི་གནས་སྐབས་གང་དང་གང་ནས་རྫོགས་རིམ་ཇི་ལྟར་འབྱུང་བ་དེ་གོ་
སླ་བའི་ཕྱིར། དང་པོ་ཉིད་དུ་ཁུངས་སྨོས་པ་ཡིན་ནོ། །
ད་ནི་དེ་དག་ལག་ཏུ་བླང་བའི་རིམ་པ་ལ། འཁྲིད་ཀྱི་སྔོན་འགྲོ་དང་དངོས་གཞི་གཉིས། 
དང་པོ་ལ་ཡང་སྤྱི་དང་ཁྱད་པར་གྱི་སྔོན་འགྲོ་གཉིས། དང་པོ་སྤྱིའི་སྔོན་འགྲོ་ནི། སྐྱབས་
སེམས་སྔོན་དུ་འགྲོ་བའི་བསགས་སྦྱངས་བླ་མའི་རྣལ་འབྱོར་གསུམ་ཡིན་ཏེ་གཞན་དང་
འདྲའོ། །གཉིས་པ་ཁྱད་པར་གྱི་སྔོན་འགྲོ་ནི། ཁྲོ་བོ་དང་ཕྱག་མཚན་གྱི་སྲུང་འཁོར་རླུང་དང་
སྦྱར་བ་དང༌། ཚོགས་བསག་བླ་མའི་རྣལ་འབྱོར་རླུང་དང་སྦྱར་བ་གཉིས་ཡིན་ཏེ། དེ་དག་ཀྱང་
དཔལ་རིམ་པ་བཞི་པའི་འཁྲིད་ཡིག་དང༌། དགྱེས་རྡོར་གྱི་མན་ངག་བསྲེ་འཕོ་ལས་འབྱུང་བ་
བཞིན་དུ་ཤེས་པར་བྱའོ། །
གཉིས་པ་དངོས་གཞི་ལ། བསྐྱེད་རིམ་གྱི་ལྷ་ལ་བདེ་སྟོང་གིས་རྒྱས་འདེབས་པའི་མན་
ངག་དང༌། རྫོགས་རིམ་ཟབ་མོ་ཇི་ལྟར་སྒོམ་པའི་ཚུལ་གཉིས་སོ། །དང་པོ་ནི། རྒྱུད་ཀྱི་རྒྱལ་
པོ་འདི་ལས་བའི་ནུ་མའི་མན་ངག་ཅེས་བྱ་བ་འབྱུང་སྟེ། གསང་གདན་གྱི་རབ་བྱེད་གཉིས་པ་
ལས། དེའི་དབུས་སུ་ཤེས་བྱ་བ། རྣམ་པར་ཤེས་པ་མཁའ་བཞིན་བརྟག །ཅེས་པའི་དབུས་
ཀྱི་དོན། འཁོར་ལོ་བཞི། སྨིན་མཚམས། ལྟག་པ་ནོར་བུ་སྟེ་བདུན་ལས་འདིར་རྡོ་རྗེ་ནོར་
བུའོ། །དེ་ལའང་དམིགས་པའི་སྒོ་ནས་རྣམ་པ་འདྲ་བ་ཅིག་ཀྱང་སྐབས་ཐོབ་ཀྱི་སྒྲུབ་པ་པོའི་
སོ་སོའི་དུས་སྐབས་ཀྱི་ཁྱད་པར་ལས། བསྐྱེད་རྫོགས་སོ་སོར་འགྱུར་བའི་སྐབས་ཅིག་ཡོད་
པས། འདིར་བསྐྱེད་རིམ་དུ་འགྱུར་བའི་དབང་དུ་བྱས་ཏེ། ཐུན་གྱི་སྔོན་འགྲོ་སྐྱབས་འགྲོ་
སེམས་བསྐྱེད། སྲུང་འཁོར་མཆོད་གཏོར་བསྐྱེད་རིམ་རྒྱས་བསྡུས་གང་རུང་ཞིག་བསྒོམས་
པའི་མཐར། རང་ཉིད་བཅོམ་ལྡན་འདས་མ་ཡེ་ཤེས་དབང་ཕྱུག་མ་ཐུགས་རྡོ་རྗེ་སེམས་དཔའ་
དང་མཉམ་པར་སྦྱོར་བའི་གསང་རྩ་ཕྲད་མཚམས་ཀྱི་པདྨའི་སྣ་རྩེར་ཧཱུྃ་ལས་བྱུང་བའི་རྡོ་རྗེ་
11-1-544


སྔོན་པོ་ནས་འབྲུ་ཙམ་གྱི་ལྟེ་བར་ཐིག་ལེ་དཀར་པོ་ཤིན་ཏུ་ཕྲ་བ་ཡོད་པ་ལ་སེམས་གཏད་དེ་
མཉམ་པར་འཇོག ཡང་ན་རང་ཉིད་རྣལ་འབྱོར་ནམ་མཁའ་འམ་རྡོ་རྗེ་སེམས་དཔར་གསལ་
བཏབ་སྟེ། ཡུམ་ཡེ་ཤེས་དབང་ཕྱུག་མའམ། རྡོ་རྗེ་སྙེམས་མ་དང་མཉམ་པར་སྦྱོར་བའི་གསང་
རྩ་ཕྲད་མཚམས་ཀྱི་རྡོ་རྗེ་ནོར་བུའི་ནང་དུ། ཕྱག་མཚན་དང་བཅས་པའི་ཐིག་ལེ་སྔ་མ་བཞིན་
དུ་བསྒོམ། སྐབས་འདིར་ཡེ་ཤེས་དབང་ཕྱུག་མ་ཞལ་གསུམ་ཕྱག་དྲུག་སྒོམ་པར་མ་ནུས་
ན། ཞལ་གཅིག་ཕྱག་གཉིས་པ། དཀར་མོ་ཁ་ཊྭཱཾ་ག་དང་ཐོད་པ་འཛིན་པར་སྒོམས་ཀྱང་རུང་
ངོ༌། །དམིགས་པ་དེ་ལ་སེམས་བརྟད་ནས་རླུང་སྦྱོར་འདི་ལྟར་བསྒོམ་སྟེ། ལུས་གནད་བཅོས། 
རླུང་རོ་ལན་གསུམ་བསལ། སྟེང་རླུང་དལ་བས་རྔུབས་ཏེ་གསང་བར་གནོན་པ་ཅི་ནུས་སུ་
བཟུང༌། ཡང་དལ་བུས་བཏང་བ་ལ་བསླབ། དེ་ལྟ་བུ་ཟླ་བ་གཅིག་ལ་སོགས་པ་དམིགས་པ་
གསལ་མི་གསལ་དང་བརྩོན་འགྲུས་ཆེ་ཆུང་གི་བྱེ་བྲག་གིས་ཇི་ལྟར་རིགས་པར་བསླབ། རླུང་
ཅུང་ཟད་ཟིན་པའི་རྟགས་བདེ་སྡུག་གི་ཉམས་གང་རུང་ཞིག་འབྱུང༌། དེའི་ཚེ་རྐང་པ་དཀྲུག་
པ་དང༌། རྒྱུ་ཞབས་ཀྱི་རྒྱབ་མདུན་དལ་བུས་བརྡུང་ཞིང་མཉེ་བ་སོགས་བྱས་ནས། དམིགས་
པ་དང་རླུང་སྦྱོར་སྔ་མ་ལྟར་གྱི་ངང་ནས། ཕོ་བ་ལྡིར། ལྟོ་བ་འགྱུར་བྱ་ཞིང༌། ཐུར་སེལ་དབུས་
ནས་ཅུང་ཟད་ཡར་འཐེན་པ་རེ་བྱེད་དེ། རྟག་ཏུ་མི་དགོས་རླུང་ཐེངས་གཉིས་གསུམ་རེ་ལ་དེ་
འདྲ་ལན་རེ་ཙམ་བྱ། སྟེང་འོག་གི་རླུང་ཐམས་ཅད་འོད་ཟེར་གྱི་རྣམ་པས་གསང་བའི་སྣ་རྩེའི་
རྡོ་རྗེ་ཐིག་ལེ་དང་བཅས་པ་ལ་ཐིམ་པར་བསམ། ཡང་ན་ཡུམ་གྱི་བྷ་གའི་ནང་གི་རྩ་སྣ་གཡས་
པ་ལ་ཧཱུཾ་ནག་པོ། གཡོན་པ་ལ་ཧཱུཾ་དམར་པོ། ནག་པོ་ལས་རླུང་གཡོན་དམར་པོ་ལས་མེ་སྦར། 
སྲུབས་པས་མེ་ལྕེ་ཆ་གཉིས་སུ་གྱུར་ཏེ། ཡབ་ཡུམ་གྱི་རྩ་སྣ་དབུས་མ་གཉིས་སོ་སོ་ནས་སོང༌། 
ཡབ་ཀྱི་བྱང་ཆུབ་ཀྱི་སེམས་དཀར་པོ་ཞུ་ཞིང་རྩ་སྒོར་བྱོན། །ཡུམ་གྱི་དམར་པོའང་ཞུ་སྟེ་རྩ་
སྒོར་བྱོན། ཐིག་ལེ་དཀར་དམར་ཁ་སྦྱོར་དུ་འདུག་པ་ལ་སེམས་བརྟད་དོ། །འདི་ལ་གོང་མ་
11-1-545


རྣམས་གསང་བའི་བ་ལང་རྨིག་པ་ཟེར་ཏེ་འོན་ཀྱང་རྒྱས་བསྡུས་མ་གཏོགས་གོང་མ་དང་འདྲ་
བས་བ་ནུར་འཐད་དོ། །འདི་ལས་བདེ་སྟོང་གི་ཉམས་ཁྱད་པར་ཅན་སྐྱེ་ཞིང༌། དེས་ལྷ་སྐུ་ལ་
བོགས་འདོན་པ་སོགས་སྤྱི་དང་འདྲ། དེ་ལ་གོམས་ནས་ཐིག་ལེའི་རྣལ་འབྱོར། སྟེང་གི་སྣ་རྩེ་
ལ་བསླབ་སྟེ་གནས་བདུན་ལས་སྨིན་མཚམས་སུའོ། །འདི་ལ་སྒོ་དགུ་དགག་པར་ཡང་མན་
ངག་ལས་བཤད། བསྐྱེད་རིམ་གྱི་སྐབས་འདིར་མ་བྱས་ཀྱང་ཆོག སྔོན་འགྲོ་བསྐྱེད་རིམ་སྔ་
མ་བཞིན་བསྒོམས་ལ། རང་གི་སྨིན་ཕྲག་གི་ཐད་དཔྲལ་བའི་ནང་དུ། ཆོས་འབྱུང་དཀར་པོ་
གྲུ་གསུམ། རྩ་བ་ཕྲ་བ་ཐུར་བསྟན། གདེངས་ཁ་གྱེན་དུ་ཕྱོགས་པ། དུང་ངམ་རུས་པ་ལས་
གྲུབ་པ་འདྲ་བ་ཅིག་སྒོམ་གསུང༌། ཆོས་འབྱུང་དེ་ཆེ་ན་སོར་བཞི་ཙམ། ཆུང་ན་མཐེ་བོང་ཙམ་
བསྒོམ། དེའི་བར་ཇི་ལྟར་བདེ་བ་ཡིན། ཆོས་འབྱུང་གི་ཁ་མཚམས་ཀྱི་ནང་དུ་གཡས་གཡོན་
ལ་མ་རེག་ཙམ་དུ་ཐིག་ལེ་དཀར་པོའི་སྟེང་དུ་ཧཱུཾ་དཀར་པོ་བསྒོམ་སྟེ། རླུང་ཕྱིར་དལ་བུས་
བཏང་ཕྱིར་ཅུང་ཟད་བཟུང་བས་རླུང་རྣམས་འོད་ཟེར་གྱི་རྣམ་པས་ཡར་སོང་བ། ཆོས་འབྱུང་
ནང་གི་ཐིག་ལེ་ལ་ཕོག་པས་ཐིག་ལེ་དྲག་ཏུ་འཁོར། ཆོས་འབྱུང་དང་ཧཱུཾ་མི་འཁོར་བར་བསམ། 
ཡང་རླུང་ནང་དུ་དལ་བུས་རྔུབས་ཤིང་ཅུང་ཟད་བཟུང་བའི་སྐབས་ཀྱང་རླུང་རྣམས་སྣ་སྒོ་ནས་
ཡར་སོང་སྟེ། ཆོས་འབྱུང་གི་ཐིག་ལེ་ལ་ཕོག་པ་སོགས་གོང་བཞིན་སྒོམ། བདེ་ཉམས་ཡིད་ལ་
བྱེད་ཅིང་སྒྱུ་མ་ལྟ་བུར་ཤེས་པར་བྱ། ཐུན་གྱི་མཇུག་ཏུ་ཧཱུཾ་ཡིག་ཐིག་ལེ་དང་བཅས་པ་བདུད་
རྩི་དཀར་པོའི་རྣམ་པས་མེར་གྱིས་ཞུ། རླན་དང་དྲོད་ཀྱི་རང་བཞིན་ཅན་དེས་ཆོས་འབྱུང་གང་
བ་ལ་སེམས་བརྟད་དེ། རླུང་གི་རྩོལ་བ་སོགས་མི་བྱ་བར། ཤེས་པ་ཁོང་ལྷོད་ཀྱིས་ཀློད་ནས་
བཞག་གོ །སྔར་ཧཱུཾ་ཡིག་ལ་རིག་པ་བསྒྲིམས་པས་དུབ་པ་དེ་འདིར་ངལ་གསོ་བ་ཡིན། ཡང་
ན་ཐིག་ལེ་ཧཱུཾ་དང་བཅས་པའི་དོན་དུ་ཐིག་ལེའི་རང་བཞིན་གྱི་ཟླ་བའི་དཀྱིལ་འཁོར་རྐྱང་པ་
བསྒོམས་ཀྱང་ཆོག་གོ །དམིགས་པ་འདིས་ཀྱང་ལྷ་སྐུ་ལ་བདེ་བས་རྒྱས་ཐེབས་ཤིང༌། བདེ་བ་
11-1-546


ལ་སྟོང་པའི་རྒྱས་འདེབས། དེས་ཀྱང་ལྷ་སྐུ་ལ་བོགས་ཐོན་པ་སོགས་འབྱུང་སྟེ་སྤྱི་དང་འདྲའོ། །
འདི་བསྐྱེད་རིམ་གྱི་ཆ་ལག་ཡིན་ཡང་བའི་ནུ་མ་ཅེས་པའི་བརྡས། གསང་བའི་སྣ་རྩེ་དང༌། སྤྱི་
བོའམ་སྨིན་མཚམས་ཀྱི་སྣ་རྩེ་རྣམས་སྟོན་པ་ཡིན་པས། འདི་གཉིས་ཀར་བ་ནུའི་མན་ངག་ཏུ་
བསྡུའོ། །
གཉིས་པ་རྫོགས་རིམ་ཟབ་མོ་ཉམས་སུ་བླང་བའི་ཚུལ་ལ། རྒྱུད་འདིར་རྫོགས་རིམ་
གང་སྒོམས་ཀྱང་སྔོན་དུ་གཏོང་དགོས་པའི་ཆོས་གཉིས་ཡོད་པས་དེའི་དབང་དུ་བྱས་ནས་
རྫོགས་རིམ་ཀུན་གྱི་སྔོན་འགྲོ་དང་རྫོགས་རིམ་དངོས་སོ། །དང་པོ་ལ་སྒོ་དགུ་དགག་པ་དང་
རྡོ་རྗེའི་བཟླས་པ་གཉིས་སོ། །དང་པོ་ནི། གསང་གདན་གཉིས་པ་ནས། ཁ་དོག་སེར་བོ་འོད་
འབར་བའི་ཅེས་པ་ནས། ལུས་ལ་ཐམས་ཅད་འབར་བའོ། །ཞེས་པའི་བར་ཏེ། རང་ཉིད་ཡེ་
ཤེས་དབང་ཕྱུག་མའམ་རྡོ་རྗེ་སེམས་དཔའི་སྐུར་གསལ་བའི་སྤྱི་གཙུག་ཚངས་པའི་བུ་གར་ཀྵུཾ་
ཡིག་སེར་བོ་འོད་ཟེར་འཕྲོ་བ། མགོ་བོ་ཐུར་བསྟན། འོད་ཟེར་གྱིས་སྤྱི་གཙུག་གི་སྒོ་བཀག་
པར་བསམས་ལ། བུམ་ཅན་འཇམ་རླུང་སྒོམ་པ་ཞག་བདུན་ལ་སོགས་པ་བྱ། དེ་བཞིན་དུ་
སྨིན་མཚམས་སུ་ཧཱུཾ་ནག་པོ་མགོ་ནང་བསྟན། གཞན་སྔར་དང་འདྲ་སྟེ་ཞག་བདུན་སོགས་
བསྒོམ། དེས་གཞན་ལའང་རིགས་འགྲེ་སྟེ། མིག་གཉིས་སུ་ཡང་ཧཱུཾ་ནག་པོ། རྣ་བ་གཉིས་དང་
སྣའི་བུ་ག་གཉིས་ལ་ཡུཾ་དམར་པོ། ལྕེ་ཆུང་དུ་སུཾ་དཀར་པོ་མགོ་བོ་ཐུར་བསྟན། ཆུ་ལམ་དུ་སུཾ་
དཀར་པོ། བཤང་ལམ་དུ་ཀྵུཾ་སེར་པོ། ལྕེ་ཆུང་གི་སུཾ་ཡིག་མ་གཏོགས་དེ་རྣམས་མགོ་བོ་ནང་
དུ་བསྟན་པའོ། །མགྲིན་པར་སམརཡུཾ་། གཡས་སེར་གཡོན་དཀར་བ། ཕྲག་དཔུང་གི་མཚམས་
སུ་ཧམརཡུཾ། གཡས་དཀར་གཡོན་ནག་པ། སྙིང་གར་ཡམརཡུཾ། གཡས་ནག་གཡོན་དམར་བ། ལྟེ་
བར་ཀཥམརཡུཾ། གཡས་དམར་གཡོན་སེར་བ། ཡི་གེ་བརྩེགས་མ་དེ་རྣམས་མགོ་བོ་གྱེན་བསྟན་
དུ་བྱ། དེ་དག་རེ་རེ་བཞིན་འཇམ་རླུང་བཅས་པ་ཞག་བདུན་བདུན་ཙམ་རེ་བསྒོམས་པས། ཟླ་
11-1-547


བ་ཕྱེད་དང་བཞི་ཙམ་དུ་འགྱུར་ཞིང༌། དེ་ནས་དམིགས་པ་གསལ་རུང༌། མི་གསལ་རུང་སྤྱི་བོ་
ནས་བཤང་ལམ་གྱི་བར་དུ་ཡས་རིམ་དང༌། བཤང་ལམ་ནས་སྤྱི་བོའི་བར་མས་རིམ་གྱིས་ཡི་
གེ་རྣམས་གསལ་བཏབ་ནས། དམིགས་པ་གསལ་ན་ཅིག་ཅར་སྣང་བ་ལ་ཡུན་རིང་དུ་བསྒོམ། 
མི་གསལ་ན་བར་དེར་མོས་སྒོམ་ཡུད་ཙམ་རེ་བྱ་ཞིང༌། ཡས་མས་ཀྱི་རིམ་པས་གསལ་
འདེབས་པ་ཉིད་གཙོ་བོར་བསྒོམ། རླུང་ཡང་བུམ་པ་ཅན་སྦྱོར་བ་བཞི་ལྡན་ཉིད་ལ་ནན་ཏན་
དུ་བྱའོ། །གཉིས་པ་རྡོ་རྗེ་བཟླས་པ་ནི། རབ་བྱེད་གཉིས་པར། ས་བོན་འདི་ནི་བཟླས་པར་བྱ། །
ཞེས་དང༌། བཟླས་དང་བསམ་གཏན་རྣལ་འབྱོར་ལས། །ཅེས་དང༌། བཞི་པ་ལས། གལ་
ཏེ་བཟླས་འདོད་རྣལ་འབྱོར་པས། སྙིང་གི་ས་བོན་སྤངས་ནའོ། །ཞེས་དང༌། སྒྲ་མེད་ངག་ནི་
སྤངས་ནས་སུ། །ཡིད་ཀྱི་བཟླས་དང་ལྡན་པར་བྱ། །ཅེས་སོགས་གསུངས་ཏེ། ལུས་གནད་
ལེགས་པར་བཅོས། སྔར་བསྐྱེད་རིམ་གྱི་བདེ་བའི་རྒྱས་འདེབས་གཉིས་སམ། འོག་ནས་
འབྱུང་བའི་རྫོགས་རིམ་གྱི་དམིགས་པ་ཅུང་ཟད་གོམས་པའི་སྐབས་ཡིན་ན། བདེ་བས་དངོས་
སུ་རྒྱས་འདེབས། གཞན་དུ་ན་མོས་པ་ཙམ་བྱ། དེ་ཡང་རླུང་ནང་དུ་འཇུག་པ་ན་ཧཱུཾ་ཞེས་དྲན་
ཅིང༌། རང་ཉིད་ལྷའི་སྐུར་གསལ་བ་དེ་ཉིད་བདེ་བར་མོས། གནས་པ་ན་ཨཱཿཞེས་དྲན་ཅིང༌། 
བདག་གཞན་གཉིས་ཀ་བདེ་བར་མོས། ཕྱིར་འགྲོ་བ་ན་ༀ་ཞེས་དྲན་ཅིང་སྣང་བ་ཐམས་ཅད་
བདེ་བར་མོས། འདི་འོག་ནས་འབྱུང་པའི་རྫོགས་རིམ་ཀུན་ཀྱི་སྔོན་འགྲོའི་ཚུལ་དུ་ཡང་སྦྱོར་
ཞིང༌། རྫོགས་རིམ་དེ་དང་དེ་ལ་བདེ་ཉམས་སྐྱེས་པའི་བོགས་འདོན་དུ་ཡང་སྦྱོར་ལ། བསྐྱེད་
རིམ་གྱི་ཕྲ་ཐིག་གཉིས་པའི་བོགས་འདོན་དུ་ཡང་བྱེད་མོད་ཀྱི། སྒོ་དགུ་དགག་པའི་སྦྱོར་བ་
ཅུང་ཟད་གོམས་པའི་རྗེས་སུ། འདི་ཉིད་ཆེད་གཏད་དུ་ཡུན་རིང་བསྒོམས་ན། རྩ་ལམ་སྦྱོང་
བའི་ཐབས་ཁྱད་པར་ཅན་དུ་འགྱུར་རོ། །
གཉིས་པ་རྫོགས་རིམ་དངོས་ལ། ཁྱབ་བྱེད་རྫོགས་རིམ་གྱི་གནད་དང༌། ཁྱབ་བྱ་རྫོགས་
11-1-548


རིམ་གྱི་གནད་གཉིས་སོ། །དང་པོ་ལ་དབྱེ་ན། བསམ་གྱིས་མི་ཁྱབ་པའི་རྣལ་འབྱོར་དང༌། 
ཆགས་ཅན་ལས་རྒྱའི་ལམ་གཉིས་སོ། །དེའི་དང་པོ་ནི། གསང་གདན་གཉིས་པ་ལས། ཁ་
དོག་མེད་ཅིང་ཚོན་ཀུན་དངོས། །ཞེས་པ་ལ་སོགས་པས་བསྟན་ཏེ། མཚོན་བྱེད་ཐིག་ལེ་
མཚོན་བྱ་སྤྲོས་བྲལ་ལོ། །དེ་ཡང་རང་ལྷར་གསལ་བའི་སྙིང་གར། པདྨ་འདབ་མ་ལྔ་པའི་ལྟེ་བ་
ལ། ཐིག་ལེ་སྔོན་པོ་འདབ་མ་བཞི་ལ་ཤར་དཀར་བ། བྱང་སེར་བ། ནུབ་དམར་བ། ལྷོ་ནག་
པ་སྟེ་ཐིག་ལེ་བཞི་གསལ་བཏབ་བོ། །དུས་གཅིག་ལ་གསལ་ཐེབས་ན་ལྔ་ཆར་ལ་སེམས་
འཛིན། མི་ཐེབས་ན་རེ་རེ་ནས་འཛིན། ཡང་ན་རྡོ་རྗེ་ནོར་བུའི་ནང་དུ་རླུང་སེམས་འདྲེས་པའི་
ཐིག་ལེ་དམར་པོ་རེག་བྱ་ཚ་བ་བདེ་དྲོད་ཀྱི་རང་བཞིན་ཅན་ཅིག་བསྒོམས་ཏེ། དེ་ལ་སེམས་
རྩེ་གཅིག་ཏུ་བཞག་གོ །དམིགས་པ་འདི་རླུང་དབྱུང་བ་དང་ཕྱི་འཛིན་ནང་འཛིན་སྤེལ་མ་བྱེད་
ཅིང་སྦྱངས་པས་གསལ་བའི་ཉམས་ཁྱད་པར་ཅན་སྐྱེའོ། །ཅུང་ཟད་གོམས་ནས་སྔར་བཤད་
པའི་གསང་བའི་ཕྲ་ཐིག་གི་རླུང་སྦྱོར་དེ་བསྒོམས་པས། བདེ་སྟོང་གི་ཉམས་མཐའ་དབུས་མེད་
པ་སྐྱེ་བར་འགྱུར་རོ། །དེའི་ཚེ་རང་ཤུགས་ཀྱིས་རྣམ་པར་མི་རྟོག་པའི་ཉམས་མྱོང་བློས་བྱས་
ལས་འདས་པ་ཞིག་འབྱུང་སྟེ། བུ་དང་སློབ་མ་སྦྱོང་བའི་དཔེས་རྟོག་པ་ལ་བརྟེན་ནས་མི་རྟོག་
པ་བསྐྱེད་པའོ། །ཉམས་ལེན་བསྒོམ་པར་བྱ་བ་ནི་མི་རྟོག་པ་དེ་ཡིན་ན། དེ་ཡང་རྒྱུད་ལས། 
ཡེ་ཤེས་ཀྱིས་ནི་ཤེས་བྱ་བརྟག །ཤེས་བྱས་འགྲོ་བ་བརྟག་པར་བྱ། །ཞེས་གསུངས་པ། བདེ་
སྟོང་གི་ཉམས་ཀྱིས་ལྷ་སྐུ་ལ་རྒྱས་འདེབས། ལྷ་སྐུ་གསལ་སྟོང་བདེ་བ་རང་ཤར་དེས་སྣང་བ་
ཐམས་ཅད་ལ་རྒྱས་འདེབས་པའི་དོན་ཡིན། འོན་ཀྱང་ལག་ལེན་འདི་ལྟར་བྱ་སྟེ། བདེ་བའི་
སྟན་ལ་ལུས་གནད་བཅས་ནས་རླུང་རང་བབས་སུ་བཞག སེམས་དུས་གསུམ་གྱི་རྣམ་པར་
རྟོག་པའི་སྤྲོས་པ་ཐམས་ཅད་སྤངས་ཏེ། ཅི་ཡང་ཡིད་ལ་མི་བྱེད་པར་བཞག་གོ །
འདིར་ལྟ་སྟངས་ཀྱང་སྣ་རྩེར་ལྟ་བར་བཤད། དེ་ལྟར་ཡང་རྩ་རྒྱུད་ཀྱི་གསང་གདན་
11-1-549


གཉིས་པ་ལས། མཉམ་ཉིད་སེམས་ཀྱི་ནན་ཏན་གྱིས། །རང་བཞིན་དག་པའི་དེ་ཁོ་ནས། །
ཡིད་ཀྱིས་བྲིས་ནས་ཀུན་ཆུབ་ཅིང༌། །ཡིད་ཀྱི་མེ་ཏོག་མཆོད་པར་བྱ། །རང་བཞིན་དག་པའི་
བདུག་སྤོས་དང༌། །ཤེས་རབ་སྒྲོན་མ་སྣང་བར་བྱ། །བདུད་རྩི་གཏོར་མས་ཚིམ་པའི་ལུས། །
ཐམས་ཅད་དྲངས་ནས་བཟའ་བར་བྱ། །ཅེས་གསུངས་ཏེ་སེམས་ཀྱི་ངོ་བོ་མ་བཅོས་པ་ལ་
འཇོག་པ་ནི་མཉམ་ཉིད་དེ། མཎྜལ་ཟླུམ་པོའི་ངེས་དོན་རྩ་བའི་དམིགས་པ་ཡིན་ལ། བསམ་
མི་ཁྱབ་ཀྱི་དམིགས་སྐོར་དང་པོའོ། །རང་བཞིན་དག་པ་ནི་མཎྜལ་གཙང་བའི་ངེས་དོན་ཏེ། 
སེམས་དེའི་ངོ་བོ་ལ་ཆེར་གྱིས་བལྟས་ཤིང༌། གནས་ཚུལ་ཇི་ལྟ་བུ་ཞེས་བཙལ་བས། ཕྱི་ནང་
གཉིས་སམ། གཟུང་འཛིན་གཉིས་སམ། སྐྱེ་འགག་གནས་གསུམ་གང་ཡང་མ་གྲུབ་པར་
རྟོགས་པ་དེ་ལ་མཉམ་པར་འཇོག་པ་ནི། སེམས་རང་བཞིན་གྱིས་དག་པ་དེ་དག་པར་རྟོགས་
པའི་ཕྱིར་དུ་སེམས་འཚོལ་བྱེད་པ་སྟེ་དམིགས་ཆེན་གཉིས་པའོ། །ཡིད་ཅེས་པ་ནི་གཉིས་ཏེ་
སྣང་བ་དང་རྣམ་རྟོག་གཉིས་ལ་གོ་བར་བྱའོ། །དེས་ན་དྲི་བཟང་གིས་བྱུགས་པའི་ངེས་དོན་
ནི། གཟུགས་སྒྲ་སོགས་སྣང་བ་ཅི་ཤར་བ་དེ་ཀའི་སྟེང་དུ་ཁ་ནང་ལོག་གི་ཤེས་པས་བཙལ་
ཞིང་བརྟགས་པའི་ཚེ། སྣང་ཙམ་མ་འགག་ཀྱང་དེའི་རང་བཞིན་ཅིར་ཡང་བརྗོད་དུ་མེད་པ་
དེ་ལ་འཇོག་པ་ནི། དམིགས་ཆེན་གསུམ་པའོ། །དེ་བཞིན་དུ་མེ་ཏོག་གི་ངེས་དོན་ནི། ཡིད་
རྣམ་པར་རྟོག་པ་གཡོ་བའི་འཆར་སྒོ་ཆགས་སྡང་དགའ་སྡུག་ལ་སོགས་པ་ཅི་ཤར་ཡང་ཤར་
བ་དེའི་རང་བཞིན་ལ་རང་གིས་བརྟགས་པས། ཤར་བའི་དུས་ཉིད་ན་ངོས་བཟུང་མེད་ལ་
མེད་པ་དེ་ཀ་ཡང་ཡང་རིག་པར་བྱེད་པ་སྟེ། །དམིགས་སྐོར་བཞི་པའོ། །དེ་གཉིས་ལ་གོམས་
ན། །བདུག་སྤོས་ཀྱི་ངེས་དོན། །ཡུལ་སྣང་ཤར་ཡང་རུང༌། རྣམ་རྟོག་སྐྱེས་ཀྱང་རུང་ན། གང་
ཤར་དེ་ལ་མ་བཅོས་པར་བཞག་པས་སྟོང་པའི་རང་བཞིན་ལས་མ་འདས་པའི་རྒྱུན་སྐྱོང་བ་སྟེ་
དམིགས་སྐོར་ལྔ་པའོ། །མར་མེའི་ངེས་དོན་ནི། དེ་དག་ལ་ཅུང་ཟད་མྱོང་བ་ཐོན་ནས་རིག་པ་
11-1-550


དཔངས་བསྟོད། རེས་བསྒྲིམ། རེས་ཀློད། སྟོང་ཉིད་ལ་ངེས་ཤེས་བསྐྱེད། ཁྱད་པར་ནང་དུ་
སེམས་སྟོང་པ་ཉིད། ཕྱིར་ཡུལ་སྟོང་པ་ཉིད། ཕྱི་ནང་མཉམ་ཉིད་ངོ་བོ་གཅིག་ཏུ་གྱུར་པའི་ངང་
སྐྱོང་བ་སྟེ་དམིགས་སྐོར་དྲུག་པའོ། །ཞལ་ཟས་ཀྱི་དཔེ་དོན་ནི། དེ་རྣམས་ལ་མྱོང་བ་ཐོན་ནས། 
གོང་དུ་བཤད་པའི་བདེ་བ་དང་གསལ་བའི་ཉམས་བསྐྱེད་བྱེད་རྣམས་བསྒོམས་ནས། སྤྲོས་
བྲལ་བསམ་མི་ཁྱབ་དེ་དང་ཡང་ཡང་བསྲེས་བཞིན་ཉམས་སུ་བླངས་བས། ཕྱིས་དམིགས་པ་
ལ་མ་བལྟོས་པར་རང་གཞན་སྣོད་བཅུད་ཐམས་ཅད་བདེ་སྟོང་དུ་འཆར་ལ། འགའ་ཞིག་ལ་
རིམས་ཀྱིས་འཆར་བ་ཡང་ཡོད། འགའ་ཞིག་ལ་ཅིག་ཆར་དུ་འཆར་བ་ཡང་ཡོད་དེ་དེ་ནི་མ་
ངེས་སོ། །འདི་དམིགས་ཆེན་བདུན་པའོ། །དེ་ལྟར་ན་དེ་དག་ནི་བསམ་མི་ཁྱབ་ཀྱི་མན་ངག་
གམ། དེ་ཁོ་ན་ཉིད་ལ་ལྷག་པར་མོས་པའི་རྣལ་འབྱོར་ཞེས་བྱ། 
གཉིས་པ་ཆགས་ཅན་ལས་རྒྱའི་ལམ་ནི་གསང་བའི་སྦྱིན་སྲེག་གི་དོན་ཕྱོགས་གཅིག་ལ་
ཡང་གནས་པ་ཡིན་ལ། འདིའི་མན་ངག་ནི་འཁྲིད་ཡིག་ལོགས་སུ་བཀོད་ཡོད་དོ། །
གཉིས་པ་ཁྱབ་བྱ་རྫོགས་རིམ་གྱི་གནད་ལ། ལམ་གྱི་རྩ་བ་དང༌། ཡན་ལག་གཉིས་སོ། །
དང་པོ་ལ། བ་ལང་རྨིག་པའི་གདམས་ངག་དང༌། བ་ནུ་ལྟ་བུ་གདམས་ངག་དང༌། ཆུ་ཤིང་སྙེ་
མའི་གདམས་ངག་དང༌། མཆོད་རྟེན་བུམ་པའི་གདམས་ངག་སྟེ་བཞིའོ། །དང་པོ་ལ། སྔ་ཕྱིར་
བྱུང་བ་ཁ་ཅིག་འདི་སྐད་ཅེས་རང་ལུས་ཀྱི་ཕྱི་རོལ་མདུན་དུ་བ་ལང་རྨིག་པ་སྒོམ་པ་ཕྱི་དང༌། 
ཐིག་ལེ་ལ་བརྟེན་པ་དང༌། ཡི་གེ་ལ་བརྟེན་པ་ནང་དང༌། ཡེ་ཤེས་ཀྱི་ཕྱག་རྒྱ་ལ་བརྟེན་པ་
གསང་བ་དང༌། བ་ལང་རྨིག་པ་དཔེར་བྱས་ནས་ཟུང་འཇུག་སྟོན་པ་དེ་ཁོ་ན་ཉིད་དེ། བ་ལང་
རྨིག་པའི་གདམས་ངག་བཞིར་འདོད་ཀྱང་མི་འཐད་དེ། མདུན་ན་ཡོད་པ་ཁོ་ན་ལ་བསྒོམས་
པས་ནི། ལས་དང་པོ་པའི་རྫོགས་རིམ་གྱི་དམིགས་པར་འགྲོ་བ་དཀའ་བའི་ཕྱིར་དང༌། 
གསུམ་པ་ཡང་ཁྱབ་བྱེད་ཀྱི་མན་ངག་ཏུ་འདུས་པས་ལོགས་སུ་བགྲང་རྒྱུ་མ་ཡིན་པའི་ཕྱིར་
11-1-551


དང༌། བཞི་པ་ནི་དག་སྦྱོར་ཙམ་ཡིན་གྱི། ངོ་བོ་ནི་བསམ་མི་ཁྱབ་ལས་གཞན་པའི་གདམས་
ངག་མ་ཡིན་པའི་ཕྱིར་རོ། །དེས་ན་བ་ལང་རྨིག་པ་ཡི་གེ་བཅུ་གསུམ་པ་དང༌། ཡིག་གེ་གཉིས་
པ་དང༌། ཡི་གེ་གཅིག་པ་དང༌། ཐིག་ལེ་ཙམ་ལ་དམིགས་པ་སྟེ་བཞིའོ། །དང་པོ་ནི། གསང་
གདན་གཉིས་པ་ལས། སྙིང་གའི་དབུས་སུ་ཟླ་བ་བསམ། །ཞེས་པ་ནས། ཐམས་ཅད་གནས་
སུ་བསྒོམ་པར་བྱ། །ཅེས་པའི་བར་དུ་གསུངས་པའི་དོན་ནོ། །དེ་ཡང་སྔོན་འགྲོ་སྔ་མ་ལྟར་
བྱས་ཏེ། ཡི་གེ་བརྒྱད་པོ་ཡང་ལུས་ལ་བཀོད། རྐང་པའི་མཐིལ་གཉིས་སུ་ཡུཾ་ཡིག་སྔོན་པོ་རེ་
རེ་རླུང་གི་རང་བཞིན། དེའི་སྟེང་དུ་ཀྵུཾ་ཡིག་དམར་པོ་རེ་རེ་མེའི་རང་བཞིན། སྙིང་གའི་གནས་
སུ་པདྨ་དམར་པོ་འདབ་བརྒྱད་ཁ་ཟུམ་པའི་ཚུལ་ཅན། དེའི་ནང་པདྨའི་ལྟེ་བར་ཐིག་ལེའི་རང་
བཞིན། ཟླ་བའི་དཀྱིལ་འཁོར་གྱི་སྟེང་དུ་ༀ་མཾ་ཧཱུཾ་ངཾ་ཨ་གང་རུང་ཅིག་སྒོམ་པ་ལྟར་བཤད་ཀྱང་
ལག་ལེན་ༀ་ཡིག་དཀར་པོ་སྒོམ། མཐའ་སྐོར་དུ་ར་ལ་སྤངས་པའི་དབྱངས་བཅུ་གཉིས་ལ་ཁ་
དོག་དཀར་པོ་གཡོན་སྐོར་དུ་བསྐོར་བའོ། །པདྨའི་འདབ་མ་དང་ལྟེ་བའི་མཚམས་སུ་བ་ལང་
རྨིག་པ་སྒོམ་དགོས་ཏེ། དེ་ཡང་དངོས་གནས་ལ་རྩ་ཁ་ཕྲག་ཡོད་པ་ཅིག་ཀ་ཡིན་ཡང༌། སྐབས་
འདིར་དམིགས་པས་སྒོམ་རྒྱུ། མདུན་རྒྱབ་གཉིས་ནས་ཨུཏྤལ་ལའི་འདབ་མ་འདྲ་བའི་རྣམ་
པ་རེ་དང༌། གཡས་གཡོན་གཉིས་ནས་རླུང་གསེང་རེ་ཡོད་པ་དང་གཡས་གཡོན་འདབ་མ་
གཉིས་ཀྱི་རྩེ་མོ་སྟེང་དུ་འཕྲད་ལ་ཁད་པ་ཙམ་བསྒོམ། སྙིང་གའི་པདྨ་དེའི་རྩ་བ་ལྟེ་བར་ཟུག་
པ་དེ་རྩ་དབུ་མ་ཡིན། སྙིང་ག་ཡན་ཆད་ཀྱི་དབུ་མ་མི་སྒོམ། རླུང་རོ་བསལ། འོག་རླུང་ཕྱེད་
ཙམ་འཐེན་པས། རྐང་མཐིལ་གཉིས་ཀྱི་ཡུཾ་ཡིག་ལས་རླུང་གཡོས། ཀྵུཾ་ཡིག་ལས་མེ་འབར། 
བྱིན་པ་དང་བརླའི་ལམ་ལས་རྒྱུད་དེ། ལྟེ་བ་ཙམ་དུ་སླེབ་པས་ལུས་ཐམས་ཅད་ཤིན་ཏུ་དྲོས་
པར་བསམ། རླུང་ཕྱིར་ཅུང་ཟད་བཟུང་ངོ༌། །སྡོམས་པ་ནི། ཆུ་སོ་མཆན་ཁུང་གཉིས་དང་
རྩིབས་ལོག་གཉིས། རྐང་མཐིལ་གཉིས་དང་ལྟེ་བ་སྙིང་གའོ། །ཞེས་འོག་ཕྱོགས་ཀྱི་གནས་
11-1-552


དགུ་དང༌། མིག་རྣ་སྣ་གཉིས་སྤྱི་གཙུག་ལྕེ་ཆུང་དང༌། དཔྲལ་བ་རྒྱབ་སྟེ་སྣ་གཉིས་གཅིག་ཏུ་
བསྡོམས། ཞེས་སྟེང་གི་གནས་དགུ། དེ་ལྟར་གནས་བཅོ་བརྒྱད་པོ་རྣམས་ལས་བདུད་རྩི་
བྱང་ཆུབ་ཀྱི་སེམས་དྲངས་ཏེ་སྤྱི་བོར་སླེབ་པར་བསམ། རླུང་ནང་དུ་རྔུབས་པ་དང་ལྷན་ཅིག་
སྤྱི་བོ་ནས་བདུད་རྩི་བབས། ལྕེ་ཆུང་གི་ལམ་བརྒྱུད། སྙིང་གའི་པདྨའི་སྟེང་དུ་བབས་པས། 
པདྨ་འདབ་བརྒྱད་ཁ་བྱེ་ཞིང༌། བ་ལང་རྨིག་པའང་ཁ་ཕྱེ་བས། ཟླ་བ་ཡིག་འབྲུ་དང་བཅས་པ་
གསལ་ཞིང་འོད་འབར་བ་ལ་བདུད་རྩི་དེ་རྣམས་སིབ་སིབ་ཐིམ། དེ་ནས་འཇམ་རླུང་ཁ་སྦྱོར་
དུ་འཛིན། བ་ལང་རྨིག་པའི་གཡས་གཡོན་གྱི་རྩའི་ཁ་ཕྲག་མདའི་སྟོང་གི་ཁ་ཕྲག་འདྲ་བའི་
གཡས་ནས་རླུང་ཁ་དོག་དཀར་པོ་དང༌། གཡོན་ནས་དམར་པོ་ལངས་ཏེ། ཡི་གེ་རྣམས་ཀྱི་
གདན་ཟླ་བ་ལ་རེག་པས། ཟླ་བ་དེ་ཉིད་དུམ་ཙམ་ཅིག་གཡས་སྐོར་དུ་དྲག་ཏུ་འཁོར་དུམ་ཙམ་
ཅིག་གཡོན་སྐོར་དུ་དྲག་ཏུ་འཁོར། ཟླ་བ་འཁོར་དུས་ལུས་བདེ་བས་གང་བར་མོས། འདི་ལ་
ཡི་གེ་མི་འཁོར་ཞིང༌། ཟླ་བ་ཡང་པདྨའི་ལྟེ་བ་ལ་ཅུང་ཟད་མ་རེག་པར་བསྒོམ། དེ་ཁའི་ངང་ལ་
རླུང་ཐེངས་གཉིས་སམ་གསུམ་སོང་མཚམས་ནས་རླུང་གཉིས་ཞི། ཟླ་བ་ཡིག་འབྲུ་དང་བཅས་
པ་མེར་གྱིས་ཞུ། བ་ལང་རྨིག་པ་ཁེངས། ཤེས་པ་ཁོང་ཀློད་ནས་ཅུང་ཟད་བཞག དེ་དམིགས་
ཐུན་གཅིག་ཡིན། དེ་ཉིད་ཐུན་གྲངས་དང༌། ཐུན་ཚད་མེད་པར་ཡང་ཡང་སྒོམ་པའོ། །ཐུན་གྱི་
གཞུག་ཏུ། གོང་དུ་བཤད་པ་ལྟར་རྡོ་རྗེའི་བཟླས་པ་ཅི་རིགས་པ་བྱའོ། །
གཉིས་པ་ནི་གསང་གདན་གཉིས་པར། བ་ལང་རྨིག་པའི་སྟེང་དུ་ནི་རྟག་ཏུ་བདུད་རྩི་
བཞག་བྱས་ནས། ཞེས་སོགས་ཏེ་དམིགས་པའི་ཁྱད་པར་གཞན་རྣམས་ཐམས་ཅད་དེ་དང་
འདྲ་བ་ལས། སྙིང་གའི་ཟླ་བའི་སྟེང་དུ་ཡི་གེ་ༀ་གཅིག་པུ་བསྒོམ། ལྕེ་ཆུང་དུ་ཧཱུཾ་དཀར་པོ་མགོ་
ཐུར་དུ་བསྟན་པ། བདུད་རྩི་རྣམས་ཀྱང་ཧཱུཾ་ལ་འཁྱིལ་ཞིང་འབབ་པ་དང༌། ཧཱུཾ་རང་ཉིད་ལས་
ཀྱང་བདུད་རྩིའི་རྒྱུན་བབས་པར་བསམ་པ་ནི་ཁྱད་པར་རོ། །འདི་ནི་རྒྱུད་ལས། བ་ལང་རྨིག་
11-1-553


པའི་སྟེང་དུ་ནི། །རྟག་ཏུ་བདུད་རྩི་བཞག་བྱས་ནས། །ཞེས་སོགས་ཀྱི་དོན་དུ་མཛད་ནས་བླ་མ་
གོང་རྣམས་ཀྱི་མན་ངག་ཏུ་དམིགས་པ་ལོགས་པ་གཅིག་ཏུ་བཀྲལ་བ་ཡིན། འོན་ཀྱང་རྒྱུད་ཀྱི་
དངོས་བསྟན་ལྟར་ན་ཡི་གེ་བཅུ་གསུམ་པ་ཉིད་ཀྱི་འཕྲོས་དོན་དུ་གསལ་བས་སྔ་མ་ལ་འདུས་
པར་སྣང་ངོ༌། །
གསུམ་པ་ནི། རབ་བྱེད་གཉིས་པ་ལས། ཨཱ་ལི་ཀཱ་ལི་རབ་སྦྱོར་བའི་ཞེས་སོགས་ཀྱི་དོན་
ཏེ། འཁོར་བ་ལས་བརྒལ་མཚན་ཉིད་ནི། །ཞེས་པ་ནས། དངོས་པོ་དངོས་པོ་བསྒོམ་པར་བྱ། །
ཞེས་པའི་བར་རོ། །རང་ཉིད་ཡེ་ཤེས་མཁའ་འགྲོ་མ་དཀར་མོ་ཕྱག་གཉིས་པ་ཁོ་ནར་བསྒོམ། 
ལྷའི་རྣལ་འབྱོར་གཞན་དང་མི་སྦྱོར་གསུང༌། དེ་ཡང་སྣོད་བཅུད་སྟོང་པར་སྦྱང་བ་སྔོན་དུ་སོང་
ནས། ས་བོན་ཕྱག་མཚན་ཙམ་ལས་བསྐྱེད། གཞན་དམིགས་པ་སྔ་མ་དང་འདྲ་བ་ལས། སྙིང་
གར་ཡི་གེ་ༀ་གཅིག་པུ་སྒོམ་པ་ལས། ལྕེ་ཆུང་གི་ཧཱུཾ་ཡང་མི་བསྒོམ། རླུང་ཁ་སྦྱོར་དགང་བའི་
སྐབས་གཡས་གཡོན་གྱི་རླུང་གཉིས་ༀ་ལ་ཕོག་པས། ༀ་ཡིག་མེར་གྱི་ཞུ་ནས་བ་ལང་རྨིག་པ་
ཁེངས་པར་བསམ། འདི་ལ་ཟླ་བའི་འཁོར་བ་མི་དགོས་སོ། །འདིའི་སྐབས་ཀྱི་ཡི་གེ་རྙིང་པ་
ན། རྒྱུད་ལས། ཨཱ་ལི་ཀཱ་ལི་རབ་སྦྱོར་ཞེས་གསུངས་པའི་དོན་ལ་ད་ལོག་དང་ར་འདུས་པ་ཨ་
ཡིན་པས། ལག་ལེན་དུ་ༀ་ཡིག་བསྒོམ་ཟེར་བ་ནི་ཅལ་ཅོལ་ཙམ་ཡིན་ཏེ། ཌ་དང་ར་འདུས་
པ་སྒྲ་དང་གཟུགས་བརྙན་གང་གི་སྒོ་ནས་ཀྱང་ཨར་འགྲོ་བ་མེད་ཅིང༌། ཌ་ར་འདུས་པ་ལ་ཨཱ་
ལི་ཀ་ལིའི་ཐ་སྙད་ཀྱང་གཏན་ནས་མི་ཐོབ་པ་དང༌། ཨ་ཡིན་ན་ༀ་སྒོམ་པ་ཡང་མི་འཐད་པའི་
ཕྱིར་རོ། །དེས་ན་ཨོ་ཡིག་དབྱངས་དང་ཀླད་ཀོར་གསལ་བྱེད་ཡིན་པས། ཨཱ་ལི་ཀཱ་ལི་དབྱངས་
གསལ་འདྲེས་པའི་དོན་ནི། ༀ་ཡིག་གི་དོན་ནོ། །
འདི་གསུམ་གྱི་སྐབས་སུ་ཡི་གེ་མང་ཉུང་གི་གྲངས་ནི་མེ་རླུང་གི་ཡི་གེ་མི་ཐེ་བའི་གཞན་
རྣམས་ལ་རྩི་བ་ཡིན་པར་གསལ་ལོ། །བཞི་པ་ནི། ཁ་ཅིག་སྙིང་ཆུ་ཤིང་གི་མེ་ཏོག་ཁ་ཐུར་
11-1-554


བསྟན་དེ་གྱེན་དུ་ཁ་བྱེ་བའི་དཀྱིལ་དུ་བསྒོམ་ཟེར་ཏེ། དེ་ལྟར་ན་ཆུ་ཤིང་སྙེ་མའི་མན་ངག་ཏུ་
འགྱུར་གྱི་བ་ལང་རྨིག་པར་མི་འགྱུར་རོ། །དེ་བས་ན་དམིགས་པ་སྔ་མ་དང་འདྲ་བ་ལས། ༀ་
ཡིག་ཀྱང་སྤངས་ཏེ། ཐིག་ལེ་དཀར་པོ་ཟླ་བ་འཁྱིལ་བ་འདྲ་བ་ཞིག་བསྒོམ། རྨིག་པའི་ཕྱི་རོལ་
གཡས་སུ་ཧཱུཾ་ནག་པོ་དང༌། གཡོན་དུ་ཧཱུཾ་དམར་པོ་རླུང་དང་མེའི་རང་བཞིན་བསྒོམ། ནག་པོ་
ལས་རླུང་གཡོས་དམར་པོ་ལས་མེ་འབར། སྤྱི་བོའི་བྱང་ཆུབ་ཀྱི་སེམས་ཞུ་བ་སོགས་སྔར་དང་
འདྲ། མཐར་ཐིག་ལེ་དེ་མེ་རླུང་གཉིས་ལ་ཐིམ། མེ་ཧཱུཾ་དམར་པོ་དེ་རླུང་ཧཱུཾ་ནག་པོ་ལ་ཐིམ། དེ་
ཡང་དབྱིངས་སུ་ཡལ་བར་མོས་པར་བྱའོ། །
གཉིས་པ་བ་ནུ་ལྟ་བུའི་མན་ངག་ནི། གཉིས་པ་ལས། སྟེང་གི་མཆེ་བ་གཉིས་ལས་ཆུ་
འབྱིན་རོ་འདྲ་འོ་མ་ཆུ་ཞེས་པས། ཞེས་སོགས་ཀྱི་དོན་ནོ། །དེ་ཡང་སྔོན་འགྲོ་སྔ་མ་བཞིན་
བཏང་ལ། རང་གི་ལྟེ་འོག་སོར་བཞིན། རྩ་ཀླུ་དབང་འཁྱིལ་བ་ཁ་དོག་དམར་པོ་སྦྲུལ་འཁྱིལ་
བ་ལྟར་སྐོར་བ་བདུན་འཁོར་བ། སྣེ་གཅིག་དབུས་སུ་སླེབ་པ་སྟེང་དུ་ཁ་བལྟས། སྣེ་གཅིག་
མཐའ་ནས་དབུས་སུ་འཁྱོག་ཏེ་དབུས་སུ་སླེབ་ནས་ཁ་འོག་ཏུ་བལྟས་པ། དེའི་འོག་གསང་
བའི་འཁོར་ལོའི་སྟེང་ཐད་དུ། ཆོས་འབྱུང༌། གྲུ་གསུམ་དམར་པོ་སོར་བཞི་པ། དེའི་ནང་དུ་ཀྵུཾ་
ཡིག་སེར་པོ་མེ་རླུང་གི་རང་བཞིན་ཅན། སྤྱི་བོར་ཚངས་བུག་གི་སྒོར་ཡང་ཧཾ་དཀར་པོ། སྙིང་
གའི་ཐད་ཀྱི་དབུས་སུ་ཧཱུཾ་དཀར་པོ་བདུད་རྩི་འཛག་པའི་རང་བཞིན་ཅན། རྐང་མཐིལ་གཉིས་
སུ་མེ་རླུང་གི་ཡི་གེ་ཡང་གོང་གི་བ་ལང་རྨིག་པའི་སྐབས་བཞིན་གསལ་བཏབ། རླུང་ཕྱིར་
བསལ་ཞིང་འོག་རླུང་ཕྱེད་ཙམ་འཐེན་པས། རྐང་མཐིལ་གྱི་མེ་རླུང་ཤུགས་དང་ལྡན་པ་ཡར་
འབར་ཏེ། ཆོས་འབྱུང་གི་ནང་གི་ཀྵུཾ་ཡིག་ལ་རེག་པས། དེ་ལས་མེ་འབར་ཀླུ་དབང་འཁྱིལ་
བའི་འོག་གི་སྒོ་ནས་ཞུགས། དེ་མེས་ཁེངས་ཏེ་སྟེང་གི་སྒོ་ནས་འབར། རླུང་ཕྱིར་བཟུང་བ་ན། 
མེའི་འོད་ཀྱིས་ལུས་ནང་ཐམས་ཅད་ཁེངས། རྩ་སྦུགས་ཐམས་ཅད་ཁྱབ་པས། གོང་དུ་བཤད་
11-1-555


པ་ལྟར། གནས་བཅོ་བརྒྱད་ལ་སོགས་པ་ལུས་ནང་གི་བྱང་ཆུབ་ཀྱི་སེམས་ཐམས་ཅད་ཡར་སྐྱ་
བུན་ནུ་ནུ་སོང་སྟེ་སྤྱི་བོའི་ཧཾ་ཡིག་ལ་ཐིམ། ཧཾ་ཡིག་བོངས་ཀེ་ཆེ་རུ་ནི་མ་སོང༌། མདངས་བཀྲག་
ཆེན་པོ་དང་ལྡན་པར་བསམ། རླུང་ཁ་སྦྱོར་དྲག་ཏུ་བཟུང་ངོ༌། །དམིགས་པའི་གཙོ་བོ་སྤྱི་བོའི་
ཧཾ་ལ་སེམས་གཏོད་པ་ཉིད་ཡིན། ཡང་རྣམ་གྲངས་གཅིག་ལ། དམིགས་པའི་གནད་དེ་ཉིད་ཁོ་
ན་དང་འདྲ་བ་ལས། ལྕེ་ཆུང་དུ་སུཾ་དཀར་པོ་མགོ་བོ་ཐུར་བསྟན་བསམ། འདི་ཡི་གེ་ཧཱུཾ་ཡིག་ལ་
མཆོད་རྟེན་གྱི་མིང་བཏགས་ཏེ། གསང་བའམ། མགྲིན་པའམ། སྙིང་ག་གང་ཡང་རུང་བར་
མཆོད་རྟེན་ཧཱུཾ་སྔོན་པོ་བསྒོམ་རླུང་ནང་དུ་འཇུག་པའི་སྐབས་ཧཾ་ལས་བདུད་རྩིའི་རྒྱུན་བབས། 
ཡས་དཀན་གྱི་ཕུགས་ཡན་ཆད་གང༌། མཐར་ལྕེ་ཆུང་གི་སུཾ་ལ་ཐིམ། དེ་ལས་བདུད་རྩི་བབས་
པ་མཆོད་རྟེན་ཏེ་ཧཱུཾ་ལ་ཐིམ་པར་བསམ་མོ། །འདིར་ཡང་བླ་མའི་མན་ངག་ལས། སྙིང་གར་བ་
ལང་གི་རྨིག་རྗེས་ལྟ་བུ་གཡས་གཡོན་གཉིས་སུ་སྐྱོང་མོ་དང༌། དབུས་སུ་སྒང་ཁྱུར་རེ་བའི་རྩ་
དཀར་པོ་ཅིག་བསྒོམས་ཏེ། དེའི་སྟེང་དུ་ཧཱུཾ་སྒོམ་པར་ཡང་བཞེད་དོ། །དེའི་ཚེ་ན་བྱང་ཆུབ་ཀྱི་
སེམས་ཀྱི་རྒྱུན་གྱིས་རྨིག་རྗེས་ལྟ་བུའི་རྩ་དེ་ཁེངས་པར་བསམ་དགོས། གང་ལྟར་ཡང་འདི་ལ་
དང་པོར་ཧཱུཾ་ཡིག་ལ་ཁྲུས་གསོལ་བས་ཧཱུཾ་གི་ནག་ནོག་དང་སྐྱོན་ཐམས་ཅད་དག དེ་ནས་བདུད་
རྩི་ཧཱུཾ་ལ་ཐིམ་པས་ཧཱུཾ་གང༌། ཧཱུཾ་ལས་བདུད་རྩི་འཕྲོས་པ་རྩ་སྦུགས་གཞན་ཐམས་ཅད་ནས་སོང་
སྟེ། ལུས་ནང་གང་ཞིང་བ་སྤུའི་བུ་ག་ཐམས་ཅད་ནས་དཀར་ཉུག་ཉུག་འདུག་པ་ལ་ཕྱིར་མི་
འགྲོ་བ་བསྒོམ། འཇུག་ཏུ་ༀ་ཧཱུཾ་སྭཱཧཱ། ཞེས་པའི་བཟླས་པ་བྱེད་དེ། རླུང་འབྱུང་འཇུག་སྤངས་
པའི་འགོག་བཟླས་སམ། ནང་དུ་འཇུག་པ་ༀ། གནས་པ་ཧཱུཾ། འབྱུང་བ་སྭཱ། ཕྱིར་གནས་པ་ཧཱ་
དང༌། སྦྱར་བའི་རྡོར་བཟླས་བྱའོ། །
གསུམ་པ་ཆུ་ཤིང་སྙེ་མའི་གདམས་ངག་ལ། ཡི་གེ་བཅུ་གསུམ་པ་དང༌། ཡི་གེ་དགུ་པ་
དང༌། སྒོང་སྐྱེས་ཁྱིམ་གྱི་མན་ངག་སྟེ་གསུམ་མོ། །དང་པོ་ནི། གསང་གདན་གསུམ་པ་ལས། 
11-1-556


ཆུ་ཤིང་མེ་ཏོག་ལྟེ་བ་ནས། །སྙིང་དུ་འགྲེང་བར་གནས་པ་ཡིན། །ཞེས་པ་ནས། འཁོར་བའི་
ཕ་རོལ་བསྒྲལ་བར་བྱ། ཞེས་པའི་བར་ཏེ། ལྟེ་འོག་སོར་བཞིར་ཀྵུཾ་ཡིག་གསེར་མདོག་མེའི་
འོད་ཅན་ཞིག་དང༌། ལྟེ་བ་ནས་སྙིང་གའི་བར་དུ་རྩ་དབུ་མ། སྙིང་ག་ནས་གཡོན་གྱི་ཕྱོགས་སུ་
གུག་པས་རྩ་ཆུ་ཤིང་གི་མེ་ཏོག་རིང་ཐུང་སོར་ལྔ། རྩ་བ་མཐེབ་སོར་བརྒྱད་ཀྱི་འཁོར་བ་ཙམ་
རྩེ་རྣོ་ཟུལ་བ་ཁ་དོག་དམར་པོའོ། །དེའི་ནང་ན་ཡི་གེ་བཅུ་གསུམ་ཡོད་པར་མོས་པ་ཙམ་བྱ། 
རླུང་བུམ་ཅན་ཁ་སྦྱོར་དྲག་ཏུ་བཟུང༌། ལྟེ་འོག་གི་ཀྵུཾ་ལས་གཏུམ་མོ་ཡེ་ཤེས་ཀྱི་མེ་དབུ་མའི་
ནང་དུ་ཅུང་ཟད་འབར། མེ་འོད་ཀྱིས་ལུས་ཐམས་ཅད་གང༌། བྱང་ཆུབ་ཀྱི་སེམས་རྣམས་སྤྱི་
བོར་འདུས་ཤིང་ཐིག་ལེ་ལ་ཐིམ། ཐིག་ལེ་ལས་བདུད་རྩི་འཛགས། ལྕེ་ཆུང་དུ་བབས་ཤིང་དེ་
ལས་བདུད་རྩི་ཕྲ་མོ་ཆུ་ཟིལ་ལྟ་བུ་དཀར་སིབ་སིབ་བབས། ཀྵུཾ་ཡིག་བར་གྱི་{རྩ་}དབུ་མའི་ཕྱི་
ནང་ཐམས་ཅད་དང༌། ཆུ་ཤིང་མེ་ཏོག་ཉིད་ཀྱང་རླན་པར་བྱས། དེ་སྔར་ནས་ཁ་ཐུར་དུ་ཕྱོགས་
པ་དེ་རྐྱེན་དེས་སྟེང་དུ་འགྲེངས་ཤིང༌། དེའི་བུ་ག་དང་བར་གསེང་ཕྲ་མོ་ནས་ཐིག་ལེ་ཕྲ་མོ་
ཞུགས་པ་དབུས་ཀྱི་ཧཱུཾ་ལ་ཕོག་པས། ཧཱུཾ་ལས་འོད་ཟེར་བདུད་རྩིའི་ཐིགས་ཐོར་འདྲ་བ་སྤྲོས་ཏེ་
ཆུ་ཤིང་མེ་ཏོག་གི་ནང་ནས་ཀྱང་རླན་པར་བྱས་པ་དང༌། མེ་ཏོག་དེ་པདྨ་འདབ་བརྒྱད་ཀྱི་རྣམ་
པར་ཁ་བྱེའོ། །དཔེར་ན་རླན་དང་དྲོད་དང་རླུང་གསུམ་གྱི་ནུས་པ་སྨིན་པས། མེ་ཏོག་ཁ་ཕྱེ་བ་
ལྟར་འདིར་ཡང་གཏུམ་མོའི་མེ་འོད་དང༌། རླུང་བུམ་ཅན་དང༌། བདུད་རྩིའི་ཐིགས་པ་གསུམ་
གྱིས་དེ་ཁ་ཕྱེའོ། །དེ་ལ་དབུས་སུ་འོད་དཀར་པོའི་ནང་དུ་ཧཱུཾ་དཀར་པོ། མུ་ཁྱུད་དེ་ལྟེ་བའི་
མཐའི་སྐོར་ལ་རྀ་རཱྀ་ལྀ་ལཱྀ་བཞི་དེ་ཕྱོགས་ཀྱི་འདབ་མ་བཞི་ལ་གཡོན་སྐོར་གྱིས། སུཾ་ཀྵུཾ་ཡུཾ་ཧཱུཾ། 
མཚམས་ཀྱི་འདབ་མ་བཞི་ལ་བྱང་ཤར་ནས་གཡས་སྐོར་གྱིས།སྨྼྻུཾ། ཧྨྼྻུཾ། ཡྨྼྻུཾ། ཀྵྨྼྻུཾ། ཐམས་ཅད་ཀྱང་ཁ་
དོག་དཀར་བོ་འོད་འབར་བ། ཡི་གེ་དེ་རྣམས་ལ་སྤྱི་བོ་ལྕེ་ཆུང་བརྒྱུད་པའི་བདུད་
11-1-557


རྩིའི་རྒྱུན་རྣམས་སོ་སོར་བབས་ཤིང་ཐིམ་པས། ཐམས་ཅད་བདུད་རྩིས་གང་བའི་སྒོ་ནས་
ལུས་སེམས་བདེ་བས་ཁྱབ། དེ་རྣམས་ལས་རྩ་སྦུགས་སོ་སོ་བརྒྱུད་དེ་ལུས་ཀྱི་ནང་ཐམས་
ཅད་བདུད་རྩི་ཐིག་ལེས་གང༌། བ་སྤུའི་མཐའ་ཚུན་ཆོད་ཁྱབ། འོད་ཟེར་དཀར་པོ་བ་སྤུའི་བུ་
ག་ནས་འཕྲོས། སྣང་བ་ཐམས་ཅད་ཁྲ་གསལ་གྱིས་གསལ་བར་བསམ། དེ་ལྟར་ཡང་ཡང་
གསལ་བཏབ་ཀྱིན་བསྒོམ། ཐུན་འཇོག་ཁར་རྡོ་རྗེའི་བཟླས་པ་ཅུང་ཟད་བྱ། 
གཉིས་པ་ནི། གསང་གདན་བཞི་པ་ལས། ཡིད་དུ་འོང་བའི་ས་ཕྱོགས་སུ། །ཞེས་སོགས་
ཀྱིས་སྔོན་འགྲོ་བསྟན་ནས། ཆུ་ཤིང་མེ་ཏོག་ལྟེ་བ་ནས། །སྙིང་ཁར་འགྲེང་བར་གནས་པ་ལ། །
ཞེས་སོགས་ཏེ་བཤད་མ་ཐག་པ་དེ་ཉིད་དང་འདྲ་བ་ལས། ལྟེ་བའི་མུ་འཁྱུད་ལ་ཡི་གེ་མེད། 
འདབ་མ་ལ་ཕྱོགས་བཞིར། ཨ་ཨཱཿ ཨཾ་ཨཿ མཚམས་བཞིར་རྀ་རཱྀ་ལྀ་ལཱྀ་རྣམས་བཀོད་པ་
ནི་ཁྱད་པར་རོ། །གསུམ་པ་ནི། གསང་གདན་གསུམ་པ་ལས། དབང་པོ་ཡུལ་གྱི་ཡེ་ཤེས་ནི། །
གནོད་པར་བྱེད་པ་བསྡོམས་པར་བྱ། །ཞེས་པ་ལ་སོགས་པའོ། །དེ་ལ་འདི་ནི་སྒོང་སྐྱེས་ཁྱིམ་
གྱི་མན་ངག་ཅེས་བྱ་བ། ཆུ་ཤིང་སྙེ་མའི་ཕྱོགས་སུ་གཏོགས་པ་ཙམ་ཡིན་གྱི་དངོས་རང་མིན་
པས། ཆུ་ཤིང་སྙེ་མ་ཡི་གེ་གཅིག་པའི་ཐ་སྙད་བྱེད་པ་ནི་ལེགས་པར་མ་མཐོང་ངོ༌། །དེ་ཡང་
རང་གི་སྙིང་གར་པདྨ་དམར་པོ་འདབ་བརྒྱད་ཁ་བྱེ་བའི་དབུས་སུ། ཐིག་ལེ་དཀར་པོ་བྱིའུ་སྒོ་
ང་ཙམ་ཞིག་གི་དབུས་སུ། ཧཱུཾ་དཀར་པོ་བདེ་བའི་ཉམས་དང་ལྡན་པ་ཅིག་བསྒོམ། མན་ངག་
གི་ཡིག་ཆུང་རྙིང་པ་ན་དེ་ཙམ་ལས་མེད་ལ། རྒྱུད་བཤད་ལས། རྐང་མཐིལ་དུ་མེ་རླུང་གི་རང་
བཞིན་ཡུཾ་ཀྵུཾ། རླུང་གིས་མེ་སྦར་གནས་ཐམས་ཅད་ནས་བདུད་རྩི་དྲངས་པ་སྙིང་གའི་ཧཱུཾ་ཡིག་
ཐིག་ལེ་དང་བཅས་པ་ལ་ཐིམ་པར་བསྒོམས་ཞེས་བཤད་དོ། །
བཞི་པ་མཆོད་རྟེན་བུམ་པའི་མན་ངག་ལ་རླུང་བཅིང་བ་དང༌། རླུང་ཐིམ་པར་བྱེད་པ་
གཉིས་སོ། །དང་པོ་ནི། རབ་བྱེད་བཞི་པར། སྟོང་པ་མཚན་ཉིད་མེད་པ་ཡི། །ཞེས་པ་ནས། 
11-1-558


རྣམ་ཤེས་ཡེ་ཤེས་ཐིམ་པར་བྱ། །ཞེས་པའི་བར་གྱི་མན་ངག་སྟེ། རང་ཡེ་ཤེས་དབང་ཕྱུག་
མའི་སྐུར་གསལ་བའི་སྙིང་གའམ་ལྟེ་བའི་འཁོར་ལོ་པདྨ་དཀར་པོ་འདབ་བརྒྱད་དུ་གསལ་
བའི་པདྨའི་ལྟེ་བ་ལ་འོད་དཀར་པོའི་གོང་བུ་སྒོ་ངའི་དབྱིབས་ཅན་གྱི་ནང་དུ་ཧཱུཾ་དཀར་པོ་ཆེན་
པོ་འོད་འབར་བ་དང༌། ཕྱོགས་ཀྱི་འདབ་མ་བཞི་ལ། ཨ་ཨཱ་ཨཾ་ཨཱཿབཞིའམ། དབྱུག་པ་ལྟ་
བུའི་རི་མོ་གཅིག་པ་དང༌། དེ་འདྲ་གཉིས་གཤིབས་དང༌། ལུག་བརྒྱུད་ལྟ་བུ་སྟེ་ཚེག་དྲག་དང༌། 
ཐིག་ལེ་སྟེ་ཀླད་ཀོར་གྱི་རྣམ་པ་རྣམས་སྒོམ་ཀྱང་རུང༌། ཨཾ་བཞིའམ་ཨ་ཤད་ཀླད་ཀོར་ཅན་
བཞི་སྒོམ་ཀྱང་རུང་སྟེ། དེ་རྣམས་རྒྱལ་བ་རིགས་ལྔའི་ངོ་བོར་མོས། མཚམས་ཀྱི་འདབ་མ་ལ། 
དབྱངས་མ་ནིང་བཞི། སངས་རྒྱས་སྤྱན་མ་སོགས་ཡུམ་བཞིའི་ངོ་བོར་སྒོམ། དཔྱི་མཚམས་
སུ་ཧཱུཾ་མགོ་སྤྲོད་དང༌། སོགས་ཕྲག་ཏུ་ཡང་ཧཱུཾ་མགོ་སྤྲོད་བསྒོམ། སྙིང་གའམ་ལྟེ་བའི་ཧཱུཾ་ལས་
མེ་འོད་འབར། གནས་ཐམས་ཅད་ནས་བདུད་རྩི་ཕྲ་མོ་བཀུག་སྟེ། སྙིང་གའི་ཐིག་ལེ་ཟླ་བ་
ཧཱུཾ་དང་བཅས་པ་ལ་ཐིམ་བར་མོས། རླུང་སྦྱོར་བུམ་པ་ཅན་ཉིད་དོ། །འདིར་གོང་མ་རྣམས་ཀྱི་
ཡི་གེ་ལས། རྐང་མཐིལ་ནས་མེ་རླུང་གི་སྦྱོར་བ་དང༌། སྤྱི་བོ་ལྕེ་ཆུང་ནས་བདུད་རྩི་འབབ་པ་
སོགས་སྔ་མ་རྣམས་དང་མཚུངས་བར་བྱེད་པར་བཤད་ཀྱང༌། དམིགས་པ་ཕན་ཚུན་ཅུང་ཟད་
འདྲེས་པར་མངོན་པས། མཆོད་རྟེན་བུམ་པའི་སྐབས་འདིར་དེ་དག་དགོས་པ་མ་ཡིན་ལ། 
ཡང་ཕྱིས་བྱུང་ཁ་ཅིག་དེ་བཞིན་གཤེགས་པའི་རྒྱུན་ལ་འགྲོ་འོང་བྱེད་པའི་དམིགས་པ་འདིར་
སྦྱོར་ཞིང༌། དེ་ཉིད་རྔུབས་པ་སོགས་ཀྱི་རླུང་སྦྱོར་དང་ཡང་སྦྱོར་བ་ནི། ཐོབ་ཐང་ཡང་མེད་ཅིང་
ཡིག་གེ་རྙིང་པ་ནས་ཀྱང་མ་བཤད་པས། རང་བཟོ་འབའ་ཞིག་གོ །གོང་དུ་བཤད་པ་དེ་ལྟར་
བསྒོམས་པས་རླུང་དབུ་མར་འཇུག་པ་དང༌། རླུང་དབུ་མར་གནས་པ་ལ་བསྔགས་སོ། །
གཉིས་པ་ནི། གསང་གདན་བཞི་པ་ལས། གསང་བ་སྦྱོར་བའི་མཚན་ཉིད་ཀྱི། །དེ་ཉིད་
དེ་ཉིད་མཆོག་དེ་ཉིད། །ཅེས་པ་ནས། རྫོགས་བྱང་ཆུབ་རིམ་འགྲུབ་པར་འགྱུར། ཞེས་པའི་
11-1-559


བར་ཏེ། སྐབས་འདི་ནི་སུཾ་དང་ཀྵུཾ་གིས་སྒོ་དགག་པ་ཙམ་གསུངས་པ་མཚོན་བྱེད་དོ། །སྒོ་
དགུ་དགག་པ་ཐམས་ཅད་བྱས་ནས། རྩ་དབུ་མ་སྤྱི་བོ་ནས་གསང་བའི་བར་དུ་ཡོད་པ་ཅིག་
བསྒོམ། ཚང་རའི་གནས་སུ་ཧཱུཾ་མགོ་སྤྲོད། སོག་ཕྲག་ཏུ་ཧཱུཾ་མགོ་སྤྲོད་ཀྱང་གསལ་བཏབ། པདྨ་
དཀར་པོའི་རྣམ་པ་ཅན་གྱི་སྙིང་གའི་འཁོར་ལོའི་ལྟེ་བ་དབུ་མའི་ནང་འོད་ཀྱི་ཐིག་ལེའི་དབུས་
སུ་ཧཱུཾ་དཀར་བོ་དང༌། ཕྱོགས་ཀྱི་རྩ་འདབ་ལ་སུཾ་ཀྵུཾ་ཡུཾ་ཧཱུཾ་དཀར་སེར་དམར་ནག་པ། མཚམས་
ཀྱི་འདབ་མ་ལ། སྨྼྻུཾ། ཧྨྼྻུཾ། ཡྨྼྻུཾ། ཀྨྼྻུཾ་རྣམས་ཁ་དོག་ཕྱེད་གཟུགས་ཀྱི་རྣམ་པ་སྟེ། གོང་སྒོ་དགག་པའི་
སྐབས་སུ་བཤད་པ་བཞིན་ནོ། །རླུང་བུམ་པ་ཅན་ཁ་སྦྱོར་དྲག་ཏུ་བསྒོམ་རླུང་ཐེངས་གཉིས་
ཙམ་ཡིག་འབྲུ་རྣམས་ལ་སེམས་དྲག་ཏུ་བསྟད། དེ་རྗེས་རླུང་ཐེངས་གཅིག་ཙམ་ལ་ཡིག་གེ་
རྣམས་སྟོང་པར་བསྡུ་སྟེ། བླ་མ་གོང་མ་རྣམས་ནི། དང་པོར་སུཾ་ཡིག་ཧཱུཾ་ལ་ཐིམ། དེ་བཞིན་དུ་
རིམ་པས་ཀྵུཾ་ཡུཾ་ཧཱུཾ་རྣམས་ཀྱང་ཐིམ་པར་བཞེད། དེ་བཞིན་དུ་མཚམས་ཀྱི་ཡིག་གེ་རྣམས་ཀྱི་
ཕྱེད་གཡས་པ་རྣམས་གཡས་སྐོར་དང༌། ཕྱེད་གཡོན་པ་རྣམས་ཀྱང་གཡས་སྐོར་གྱི་ཐིམ་ཞེས་
བཞེད་ལ། བདག་གི་རྣམ་པར་རྟོག་པ་ནི། ཕྱོགས་བཞི་པོ་ལྷོ་ནས་གཡོན་སྐོར་གྱིས་བསྡུས་
ན་འབྱུང་བའི་ཐིམ་རིམ་དང་མཐུན་པར་མངོན་ཞིང༌། མཚམས་བཞིའི་ཡང་གཡས་ཀྱི་ཆ་
རྣམས། ལྷོ་ནུབ་ནས་འགོ་བརྩམས་པའི་གཡོན་སྐོར་དང༌། གཡོན་གྱི་ཕྱོགས་རྣམས་ཤར་ལྷོ་
ནས་འགོ་བརྩམས་པའི་གཡོན་སྐོར་གྱིས་བསྡུས་ན། འབྱུང་བ་ཐིམ་པའི་གོ་རིམ་དང་མཐུན་
ནོ་སྙམ་མོ། །དེ་ནས་ཧཱུཾ་ཡང་རིམ་གྱིས་ཇེ་ཕྲ་ཇེ་ཕྲ་ལ་ཡལ་ནས་གང་ཡང་བསམ་དུ་མེད་པ་
ལ་ཅུང་ཟད་མཉམ་པར་བཞག དེ་ཉིད་ཡང་ནས་ཡང་དུ་སྒོམ་པ་ཡིན། འདི་ལ་བླ་མ་གོང་མ་
རྣམས། ཡི་གེ་རྗེས་གཞིག་གི་ཐ་སྙད་མཛད་པར་གདའ། དེ་ཙམ་ནི་མི་འགལ་ལ། ཚིག་དེ་
ཙམ་ལ་བརྟེན་ནས་ཕྱིས་ཀྱི་ཁ་ཅིག་མཆོད་རྟེན་བུམ་པ་སྔ་མ་ལ་རིལ་འཛིན་དང་འདི་ལ་རྗེས་
གཞིག་ཅེས་ཟེར་བ་ནི། རིལ་འཛིན་རྗེས་གཞིག་ཅེས་པ་གང་ལ་ཟེར་ཡང་མ་ཤེས་པའི་བླུན་
11-1-560


རྟགས་བསྟན་པ་ཡིན་ཡང་གཞན་ལ་མེད་པའི་མཁས་ཁྱད་དུ་རློམས་ནས་སྨྲས་པར་སྣང་ངོ་དེ་
བཞིན་དུ་ཞབས་སྐྱེད་བཞི་ནི། པུས་མོ་བཞི་ཟེར་བ་ཡང་ཡིག་གེ་རྙིང་པ་ལྷག་ཆད་ཅན་ལ་བྲིས་
བཤུས་བྱས་འདུག་ཀྱང༌། རྐང་གཉིས་པ་ལ་པུས་མོ་བཞི་ཨེ་ཡོད་ལྟོས། དེ་འདྲ་སེམས་རྣལ་དུ་
མི་གནས་པའི་གཏམ་མོ། །མཆོད་རྟེན་བུམ་པ་དང་འབྲེལ་བའི་དམིགས་པ་འདི་གཉིས་སྙིང་
གའི་འཁོར་ལོ་དང་ལྟེ་བའི་འཁོར་ལོ་གང་ལ་བརྟེན་ཀྱང་ཆོག་གོ །མན་ངག་གཞན་ལས་སྙིང་
གའི་འཁོར་ལོ་ཁ་ཐུར་དུ་ལྟ་བ་དང༌། ལྟེ་བའི་འཁོར་ལོ་ཁ་གྱེན་དུ་ལྟ་བ་ཁ་སྦྱོར་དྲིལ་བུའམ་
བུམ་པའི་རྣམ་པ་ཅན་ལས། སྙིང་གའི་རྩ་འཁོར་རྣམས་ལ་ཡི་གེ་མགོ་བོ་ཐུར་བསྟན་དུ་བཀོད་
ཅིང༌། ལྟེ་བའི་ཧཱུཾ་གི་འོད་ཀྱིས་དེ་རྣམས་བསྡུ་བ་དང་ལྟེ་བའི་འཁོར་ལོ་ལ་ཡི་གེ་མགོ་གྱེན་
བསྟན་དུ་བཀོད་ནས། སྙིང་གའི་ཧཱུཾ་གི་འོད་ཀྱིས་དེ་རྣམས་བསྡུ་བར་ཡང་བཞེད་དེ། ལྟེ་བར་
དཀྱིལ་འཁོར་རྒྱ་ཆེ་ཞིང༌། སྙིང་གའི་འཁོར་ལོ་རྒྱ་ཆུང་བས་དྲིལ་བུའི་དབྱིབས་ཅན་དུ་འབྱུང་
ཞིང༌། རྒྱ་གར་གྱི་མཆོད་རྟེན་མང་པོ་ལ་བུམ་ལྡིར་དྲིལ་བུའི་དབྱིབས་སུ་འབྱུང་བས། མཆོད་
རྟེན་བུམ་པའི་མིང་དོན་དང་འགྲིག་པའི་མན་ངག་ཤིན་ཏུ་ལེགས་པ་ཞིག་ཡོད་ཀྱང་འདིར་མ་
སྤྲོས་སོ། ཁྱབ་བྱ་བཞི་པོ་འདི་དག་ལ་ཕྱིས་བྱུང་ཤེས་རློམ་འགའ་ཞིག མཆོད་རྟེན་བུམ་པ་
ཤེས་རབ་གཞན་གྱི་གདན། བ་ལང་རྨིག་པ་ཐབས་བདག་གི་གདན། བའི་ནུ་མ་ཟུང་འཇུག་
སྦྱོར་བའི་གདན། ཆུ་ཤིང་མེ་ཏོག་དེ་ཁོ་ན་ཉིད་གསང་བའི་གདན། ཞེས་ས་བཅད་བྱེད་ཀྱང་
འཆད་པ་ནི། དེ་དག་གདན་བཞི་སོ་སོའི་དོན་ལ་སྦྱོར་བའི་དངོས་དང་འགྲེལ་པ་དང་ཕྱོགས་
མཚུངས་པའི་རྒྱུ་མཚན་ཅི་ཡང་མེད་པ་དང༌། གདན་བཞི་པོའི་ངོ་བོ་གང་ལ་འཇོག་ཀྱང་ངོས་
མ་ཟིན་འདུག་པའི་ཕྱིར་དང༌། དེ་དག་ཐབས་དང་ཤེས་རབ་དང་ཟུང་འཇུག་དང་དེ་ཁོ་ན་ཉིད་
དུ་སོ་སོར་འཇོག་པའི་རྒྱུ་མཚན་མེད་པའི་ཕྱིར་དང༌། ཐབས་དང་ཤེས་རབ་དང་ཟུང་འཇུག་
གསུམ་དང་དེ་ཁོ་ན་ཉིད་ཅེས་བྱ་བའི་བཞི་ཚན་བགྲེང་ཚུལ་འདི་འདྲ་གང་ནས་ཀྱང་མ་བཤད་
11-1-561


པའི་ཕྱིར། དེ་སྐད་ཅེས་སྨྲ་བ་དེ་ནི་བླུན་པོ་ངོ་མཚར་བསྐྱེད་པའི་ཕྱིར་དུ་ཚིག་རྐྱང་གི་བྲིས་ཁ་
ཙམ་བསྟན་པར་ཟད་དོ། །
གཉིས་པ་ལམ་གྱི་ཡན་ལག་ལ། བ་ལང་རྨིག་པའི་མན་ངག་གི་ཡན་ལག་ཐོར་བུ་བ་
འགའ་དང་གཅིག །བ་ནུའི་མན་ངག་ཡན་ལག་མེའི་ལས་དང་གཉིས། ཆུ་ཤིང་སྙེ་མའི་ཡན་
ལག་གོང་དུ་འཕོ་བ་རྗེས་འབྲང་དང་བཅས་པ་དང་གསུམ། མཆོད་རྟེན་བུམ་པའི་ཡན་ལག་
སྒྱུ་མ་གསུམ་བརྒྱུད་དང་བཞིའོ། །དང་པོ་ནི། རང་གི་མདུན་དུ་པདྨ་འདབ་མ་བརྒྱད་པའི་ལྟེ་བ་
ལ། བ་ལང་རྨིག་པ་ལྟ་བུའི་ཤུན་པ་ཡོད་པ་ཅིག་བསྒོམ། དེའི་ནང་དུ་ཆུད་ཙམ་གྱིས་གཡས་སུ་
ཡཾ་ནག་པོ་དང༌། གཡོན་དུ་ཧཱུཾ་དམར་པོ། ཡཾ་ལས་རླུང་གཡོས། ཧཱུཾ་ལས་མེ་འབར། མེ་དེའི་རྩ་
བ་རླུང་དང་འདྲེས་པས་སྔོན་པོ། སྐེད་པ་དམར་པོ། རྩེ་མོ་དཀར་པོ་ཅིག་བསྒོམ། དེ་ལྟར་ཡང་
ཡང་གསལ་བཏབ་ཅིང་ཞག་མང་དུ་བསྒོམས་ནས། དེ་ནས་དེ་ཀ་འདྲ་བ་ཅིག་རང་གི་ལྟེ་བར་
བསྒོམ་ཏེ་རླུང་བུམ་པ་ཅན་ལ་བསླབ་བོ། །འདི་ལུས་ཀྱི་ཕྱི་རོལ་གཅིག་པུར་བསྒོམས་པས་
དོན་ཤིན་ཏུ་ཆུང་ལ། དང་པོ་དམིགས་པ་གསལ་བའི་ཆེད་དུ་ཕྱི་རུ་བསྒོམས་ནས། གསལ་བ་
ན་ལྟེ་བར་བསྒོམ། ཐོག་མ་ཕྱི་རུ་བསྒོམས་པའི་དགོས་པ་གེགས་མི་སྡང་བ་ཡིན། འདི་དོན་གྱི་
འཁོར་ལོ་ཅིག་པའི་གཏུམ་མོ་སྣང་ངོ༌། །ཡང་ལུས་ཀྱི་དབུས་སུ་རྩ་ཨ་བ་དྷུ་ཏཱི་སྙིང་གར་པདྨ་
འདབ་བརྒྱད་ཁ་ཕྱེ་བ། དབུ་མའི་ནང་དུ་རྩ་མདུད་བ་ལང་རྨིག་པ་ལྟ་བུ་བསྒོམ། དེའི་དབུས་སུ་
རླུང་སེམས་འདྲེས་པའི་ཐིག་ལེ་ཅིག་བསམ། གཡས་སུ་ཧཱུཾ་ནག་པོ་དང༌། གཡོན་དུ་ཧཱུཾ་དམར་
པོ། །ནག་པོ་ལས་རླུང་གཡོས། དམར་པོ་ལས་མེ་འབར། དབུ་མའི་ལམ་བརྒྱུད། སྤྱི་བོར་
སོན། སྤྱི་བོའི་ཐིག་ལེ་བྱང་ཆུབ་ཀྱི་སེམས་ཞུ་སྟེ། སྙིང་གའི་རླུང་སེམས་འདྲེས་པའི་ཐིག་ལེ་ལ་
ཐིམ། འདི་འཁོར་ལོ་གཉིས་པའི་གཏུམ་མོ་ཡིན། རྔོག་པའི་མན་ངག་གི་ཡི་གེ་ཆེ་བ་ན། ནང་
ཆུ་ཤིང་སྙེ་མའི་གདམས་ངག་ཡིན་གསུང་པ་དེ་ཡང་འདི་དང་གནད་གཅིག དེ་ཆུ་ཤིང་མེ་ཏོག་
11-1-562


གི་གདམས་ངག་ཡིན་པའི་དབང་དུ་བྱས་ནས། དབུ་མའི་གཡོན་ཕྱོགས་སུ་ཡལ་གའི་ཚུལ་དུ་
སྙིང་ཆུ་ཤིང་གི་མེ་ཏོག་ཁ་ཐུར་བསྟན་དེ་གྱེན་དུ་བསླང༌། ཁ་ཕྱེ་བའི་ཟེ་འབྲུ་ལ། ཐིག་ལེ་དཀར་
པོ་མེ་ལོང་འདྲ་བའི་དབུས་སུ། ཧཱུཾ་གཟུགས་བརྙན་འདྲ་བ་བསྒོམ། དེའི་གཡས་གཡོན་དུ་ཧཱུཾ་
དམར་པོ་གཉིས། དེ་ནས་མེ་སྤྲོ་བ་སོགས་དང༌། བདུད་རྩིའི་རྒྱུན་ཐིག་ལེ་ལ་ཐིམ་པས། ཐིག་
ལེ་དང་ཧཱུཾ་གཉིས་ཀར་བཀྲག་མདངས་རྒྱས་པར་བསྒོམ། ཞེས་པ་འབྱུང་སྟེ་འདི་ལྟར་སྒོམ་ཕྱིན་
སྙིང་ལོགས་སྐྱེས་ལ། དབུ་མའི་ནང་གི་བདུད་རྩི་སྟེང་ནས་འབབ་སྟབས་མི་བདེ་བས་མེ་ཏོག་
གིས་ཆུ་དྲངས་པ་བཞིན་སྒོམ་དགོས་མོད། ལར་ནས་འདི་བ་ལང་རྨིག་པ་ཡིན་གྱི་ཆུ་ཤིང་སྙེ་མ་
མིན་པས་ལོགས་སྐྱེས་དེ་མི་དགོས་སོ། །ཡང་དབུ་མའི་ནང་སྙིང་གར་ཧཱུཾ་དམར་པོ། །མགྲིན་
པར་ཨ་དམར་པོ། སྨིན་མཚམས་ཀྱི་ཐད་ཀར་ཧཱུཾ་དཀར་པོ། ཚངས་བུག་ཏུ་ཧཾ་དཀར་པོ། ཧཱུཾ་
ལས་མེ་བྱུང༌། ཨ་དང་ཧཱུཾ་དཀར་པོ་ཕུག་སྟེ་ཧཾ་ལ་རེག་པས་ཐིག་ལེའི་རྒྱུན་བབས། ཧཱུཾ་དཀར་པོ་
དང་ཨ་ཁེངས། སྙིང་གའི་ཧཱུཾ་ལ་ཐིམ་པར་བསྒོམ། འདི་སྙིང་མགྲིན་དཔྲལ་བ་གཙུག་ཏོར་ཏེ་ལྟེ་
བར་མི་ཐེ་བའི་འཁོར་ལོ་བཞི་ལ་བརྟེན་པའི་གཏུམ་མོ་ཡིན་ནོ། །གཞན་ཡང་སྙིང་གི་ནང་ཁོང་
སྟོང་དང༌། ཀླད་པ་དུད་ཁང་གི་ནང་སྟོང་བ་དང་ཐིག་པའི་ལམ་ཞེས་པ་སྨིན་མཚམས་ཀྱི་ནང་
སྟོང་པར་ཐིག་ལེ་དང་འོད་ཀྱི་གོང་བུ་འཁོར་བ་དང༌། ཧཱུཾ་ཡིག་སོགས་བསྒོམས་པས་ཀྱང་ཡང་
དག་པའི་ཡེ་ཤེས་སྐྱེ་བར་བཞེད་དོ། །
གཉིས་པ་ནི། གསང་གདན་གཉིས་པ་ལས། དེ་ནས་མེ་ཡི་ལས་རྣམས་ནི། ཞེས་པ་ལ་
སོགས་པས་སྟོན་ཏེ། མེ་ལྔའི་སྦྱིན་སྲེག་ཅེས་བྱ་བ། །གསང་གནས་ཀྱི་འཁོར་ལོའི་གོང་དུ་
ཆོས་འབྱུང་དམར་པོ་གྲུ་གསུམ་ཀྵུཾ་ཡིག་སེར་པོ་དང་བཅས་པ། ལྟེ་བའི་འོག་ཐད་དུ་ཀླུ་དབང་
འཁྱིལ་པ། སྟེང་དུ་གཏུམ་མོ་ཨ་ཤད་དང་བཅས་པ། དེའི་སྟེང་ལྟེ་བ་རང་གི་ཐད་དུ་པདྨ་
དམར་པོ་འདབ་མ་བརྒྱད་པའི་དབུས་དང་ཕྱོགས་བཞིར་ཉི་མའི་གདན། དབུས་སུ་ཡེ་ཤེས་
11-1-563


དབང་ཕྱུག་མ་ནམ་མཁའི་ཁམས་ཀྱི་རང་བཞིན། ཤར་དུ་རྡོ་རྗེ་མཁའ་འགྲོ་མ་ཆུ་ཁམས་ཀྱི་
རང་བཞིན། བྱང་དུ་དྲག་མོ་མཁའ་འགྲོ་མ་མེ་ཁམས་ཀྱི་རང་བཞིན། ནུབ་ཏུ་རོ་ལངས་མཁའ་
འགྲོ་མ་རླུང་ཁམས་ཀྱི་རང་བཞིན། ལྷོར་གཏུམ་མོ་མཁའ་འགྲོ་མ་ས་ཁམས་ཀྱི་རང་བཞིན། 
དེ་རྣམས་སྐུ་མདོག་སྒྲུབ་ཐབས་ལྟར་སོ་སོའམ། ཡང་ན་ཐམས་ཅད་གཏུམ་མོའི་མེས་བྱིན་
གྱིས་རླབས་པའི་རང་བཞིན་ཁོ་ནས་དམར་མོར་སྒོམས་ཀྱང་རུང་སྟེ། ཕྱག་གཉིས་ཁ་ཊྭཾ་ཐོད་
ཁྲག་འཛིན་པ། ཉི་མའི་དཀྱིལ་འཁོར་ལྔའི་སྟེང་དུ། མེ་དཔུང་ལྔའི་དབུས་ན་སོ་སོར་བཞུགས་
པའོ། །འདི་ལ་ཡིག་རྙིང་མན་ངག་གི་ཡི་གེ་ཆུང་བ་ན། གཙོ་མོ་ནི་རང་གི་སྒལ་ཚིག་ཕྱོགས་ལ་
ཞལ་གཟིགས་པར་བྱེད་ཅིང༌། དེའི་ཕྱིར་ཤར་ཡང་རྒྱབ་ཀྱི་ཕྱོགས་ཡིན་ཞེས་བཤད་ལ། དེའི་
རྒྱུ་མཚན་དཔྱད་པས། ཕྱིའི་སྦྱིན་སྲེག་གི་སྐབས་ཐབས་ཀྱི་ལྷ་རང་ལ་ཞལ་སྟོན་པའི་རིག་པ་
མཚུངས་པ་སྦྱར་བ་མ་གཏོགས་གཞན་མི་སྣང་ངོ༌། །དེ་བས་ན་རང་ལུགས་ནི་སྐབས་འདི་དང་
གོང་འོག་ཀུན་ཏུ། ཤར་ནི་རང་ཉིད་ཀྱི་མདུན་ལ་ངོས་གཟུང་ངོ༌། །དེ་ནས་རྐང་མཐིལ་གཉིས་
སུ་ཡུཾ་ཡིག་རེ་རེ། དེ་ནས་རླུང་འཕྲོས། སུམ་མདོར་འདུས་པ། ཆོས་འབྱུང་གི་ནང་གི་ཀྵུཾ་ཡིག་
ལ་གཙུབས་པས། དེ་ལས་མེ་འབར་བ་ཀླུ་དབང་འཁྱིལ་པ་ནས་བརྒྱུད། ཨ་ཤད་དང་འདྲེས་
པས་ཀྱང་ཆེར་འབར་ཏེ། ལྟེ་བའི་པདྨའི་ཕྱི་ནས་འབར་བས་ལྷ་ལྔ་པོ་གཏུམ་མོའི་མེ་གུར་ཁང་
དུ་བཞུགས་པ་ལྟ་བུར་གྱུར། དེའི་དྲོད་དང་འོད་ཟེར་གྱིས་རྩ་གནས་ཐམས་ཅད་གང་ཞིང་ཞུ། 
གནས་བཅོ་བརྒྱད་དུ་འདུས་པ་རྣམས་སླར་ཡང་སྤྱི་བོར་དྲངས་ཏེ། སྤྱི་བོར་ཐིག་ལེ་གཅིག་
གི་ནང་དུ་འདུས་པའམ། ཡང་ན་ཧི་ཡིག་བསྒོམ་ཏེ་དེ་ལ་འདུས་པར་བསམ། དེ་ལས་བདུད་
རྩིའི་རྒྱུན་བབས་པ། ལྟེ་བའི་ལྷ་མོ་ལྔའི་སྐུ་ལ་ཐིམ་པས། ལུས་སེམས་བདེ་བས་ཁྱབ་པར་
མོས་པར་བྱའོ། །འདིར་རྔོག་པའི་མན་ངག་གི་ཡིག་གེ་ཆེ་བ་ནས། སྤྱི་བོ་ནས་བབས་པའི་
བདུད་རྩིའི་རྒྱུན་ལྕེ་ཆུང་བའི་ནུ་མ་ནས་བརྒྱུད། སྙིང་གའི་བ་ལང་རྨིག་པ་ཁེངས་ནས། ལྟེ་བར་
11-1-564


འབབ་པ་སྒོམ་གསུང་པ་ཡོད་ནའང༌། སྤྱིར་མན་ངག་མ་ནོར་བ་ཡིན་ན་མི་འགལ་མོད། བ་
ལང་རྨིག་པ་གང་བར་བཤད་པ་ཞིག་སྐབས་འདིར་ཡོད་ཀྱང༌། དེ་ནི་སྙིང་གའི་བ་ལང་རྨིག་པ་
མ་ཡིན། ལྟེ་བའི་བ་ལང་རྨིག་པ་ཡིན་པས། ལྟེ་བའི་ལྷ་མོ་ཉིད་མཆོད་པ་ལས་གཞན་པའི་བ་
ལང་རྨིག་པ་གང་བའི་དམིགས་པ་མི་དགོས་ལ། ལྕེ་ཆུང་ལས་བདུད་རྩི་འབབ་པར་བྱེད་པ་
ནི་གཞུང་དུ་མི་གསལ་ཡང་ལེགས་པའི་ཡན་ལག་ཡིན་པས་བསྒོམ་པར་བྱའོ། །རླུང་གི་སྦྱོར་
བ་ནི་བུམ་ཅན་ཉིད་ཡིན་ལ། རྗེས་དམིགས་པ་བསྡུས་ནས་རྡོ་རྗེའི་བཟླས་པའང་བྱའོ། །འདི་
ལ་མན་ངག་གི་ཡི་གེ་དང་མན་ངག་ལུགས་ཀྱི་རྒྱུད་བཤད་ལས། རེས་འགའ་དེ་ཁོ་ན་ཉིད་ཀྱི་
སྦྱིན་སྲེག རེས་འགའ་གསང་བ། རེས་འགའ་ནང་གི་ཐ་སྙད་སྦྱར་བ་སོགས་མ་ངེས་པ་ཞིག་
ཡོད་ཀྱང༌། འདི་ཉིད་ནང་གི་སྦྱིན་སྲེག་ཡིན་པར་བྱའོ། །འདིའི་འཕྲོས་དོན་དུ་ལྷ་མོ་ལྔ་པོ་མེའི་
གུར་ཁང་དང་བཅས་པ་ཡན་ཆད་སྔར་བཞིན་བསྒོམ་ནས། ཁ་ཟས་རྣམས་ཧ་ཧོ་ཧྲཱིའི་སྔགས་
ཀྱིས་སྦྱངས་པ། ལག་པ་ཧོམ་གཟར་གྱི་ཚུལ་གྱིས་བླངས་ནས། ལྟེ་བའི་ལྷ་ལ་མཆོད་པའི་ཕྱིར་
བཟའོ། །འདི་ལའང་ཕྱི་དང་ནང་དུ་འཆད་ཚུལ་གཉིས་ཡོད་ཀྱང༌། རྫོགས་རིམ་གྱི་སྐབས་
འདིར་འདི་འདྲ་ཕྱིའི་སྦྱིན་སྲེག་ཏུ་བྱའོ། །གསང་བའི་སྦྱིན་སྲེག་ནི་ལས་ཀྱི་ཕྱག་རྒྱའི་ལམ་སྟེ། 
དེ་ལས་གཞན་པའི་མན་ངག་མི་དགོས་ཤིང་ཁྱབ་བྱེད་ཡིན་གྱི་ཁྱབ་བྱ་བ་ནུ་[ནི་]མིན་ནོ། །དེ་
ཁོ་ན་ཉིད་ཀྱི་སྦྱིན་སྲེག་ནི་ཕུང་ཁམས་འོད་གསལ་དུ་བསྡུ་བ་ཡིན་ཡང༌། དེའི་མན་ངག་འོག་ཏུ་
འཆད་པར་འགྱུར་རོ། །
གསུམ་པ་ལ། གོང་དུ་འཕོ་བ་དངོས་དང༌། གྲོང་དུ་འཇུག་པ་དང༌། གཞན་སེམས་ཤེས་
པར་བྱེད་པ་དང༌། དབང་དུ་བྱེད་པ་སྟེ་བཞི་ལས། དང་པོ་ནི། རབ་བྱེད་གསུམ་པ་ལས། འཕོ་
བར་སྦྱོར་བའི་མཚན་ཉིད་ནི། །ཞེས་སོགས་ཏེ་སྔོན་འགྲོ་སྔ་མ་དང་འདྲ། སྒོ་དགག་པའི་སྦྱོར་
བ་ཡང་གོང་དུ་བཤད་པ་ལྟར་བསྒོམས་ཟིན་པའི་གང་ཟག་གཅིག་གིས་སླར་ཡང་བུམ་པ་
11-1-565


ཅན་ལ་ནན་ཏན་དུ་བྱ་སྟེ། དེ་ཡང་རང་ཉིད་རྡོ་རྗེའི་ཆོ་ག་གསུམ་བསྐྱེད་ལས་ཡེ་ཤེས་དབང་
ཕྱུག་མ་སྐུ་མདོག་{དམར་མོ་[དཀར་མོ]་དཀར་སྔོ་དམར་བའི་ཞལ་གསུམ་ཕྱག་དྲུག་མ། 
སེམས་དཔའི་སྐྱིལ་མོ་ཀྲུང་གིས་བཞུགས་པ། ཕྱག་གཡས་གསུམ་ན་མདའ་དང་ལྕགས་ཀྱུ་རྡོ་
རྗེ། གཡོན་གསུམ་ན་གཞུ་དང་ཞགས་པ་སྡིགས་འཛུབ། འཛུམ་ཁྲོ་སྒེག་པའི་ཆ་ལུགས་རྒྱན་
ཐམས་ཅད་ཀྱིས་བརྒྱན་པའོ། །ལག་པ་མཉམ་གཞག་དང༌། མིག་སྣ་རྩེར་ལྟ། ལུས་གནད་
གཞན་སྤྱི་དང་འདྲ་རླུང་རོ་བསལ་ཐེངས་ལན་བཅུ་ཙམ་བྱས་ནས། དེ་རྗེས་ཁ་ནས་རླུང་རྔུབས་
ཤིང་མིད་ཏེ་ཐུབ་ཐང་[ཚད་]དུ་འཛིན་པ་ལ་ཞི་བའི་སྦྱོར་བ་ཟེར། ཡང་སྣ་ནས་རྔུབས་ཆུང་དུ་
རྔུབས་ཏེ། འོག་རླུང་འཐེན་ནས་ཁ་སྦྱོར་དུ་དཀྲུག རླུང་ཕྱིར་འབུད་པ་ན། དུམ་བུར་བཅད་
ཅིང་བཅད་ཅིང་དལ་བུས་འབུད་དེ། འབུད་ཐེངས་གཅིག་ལ་དུམ་བུ་ཉི་ཤུ་རྩ་བཞི་རྩ་བཞི་
འོང་བ་བྱ། དེ་ཉིད་གོམས་ནས་འབད་རྩོལ་དང་ཟུག་རྔུ་མེད་པར་བུམ་ཅན་རབ་ཀྱི་ཚད་དུ་
ཁེལ་ན། སླད་ཀྱི་འཕོ་བ་ལ་སྦྱར་བར་བྱའོ། །ཉམས་ལེན་ཕྱོགས་གཅིག་གོ །དེ་ནས་ཡང་སྔར་
བཞིན་གསལ་བ་ལས། སྒོ་བཅུ་གསུམ་དགག་པའི་ཡི་གེ་རྣམས་བཀོད། རྐང་མཐིལ་གཉིས། 
མཁལ་ཁུང་གཉིས། མཆན་ཁུང་གཉིས་རྣམས་སུ་ཡུཾ་ཡིག་སྔོན་པོ་རླུང་གི་འོད་ཟེར་འཕྲོ་བ་རེ་
རེ། སྙིང་པདྨ་འདབ་བརྒྱད་ཀྱི་དབུས་སུ་ཧཱུཾ་ཡིག་སྔོན་པོ་གཅིག་ལ་ཡུམ་ཡིག་བཞིས་བསྐོར་
བ། ཧཱུཾ་ཅུང་ཟད་མཐོ་ཞིང༌། ཡུཾ་བཞི་པོ་ཅུང་ཟད་དམའ་བའི་མགོ་བོ་ནང་དུ་ཕྱོགས་པར་ཡོད་
པ། ལུས་ཀྱི་དབུས་ན་ཡར་ལྟེ་བ་ནས་སྤྱི་བོའི་བར་པདྨ་ཉི་ཤུ་རྩ་གཅིག་བརྩེགས་པ། པདྨའི་
དཀྱིལ་ཕུག་པའི་ཚུལ་དུ་རྩ་དབུ་མ་སྒོམ་ན་ལེགས། མ་སྒོམས་ཀྱང་རུང་སྟེ་ཐམས་ཅད་ལ་བུ་
ག་ཏ་ལེ་ཡོད་པ། སྤྱི་གཙུག་ཚངས་པའི་བུ་གར་ཀྵུཾ་ཡིག་མགོ་བོ་ཐུར་བསྟན། པདྨ་ཉེར་གཅིག་
གི་འོག་མ་ལྟེ་བའི་པདྨའི་སྟེང་དུ་རང་སེམས་ཨ་དཀར་པོ། ཀྵུཾ་ཡིག་དང་ཨ་ཡིག་དེ་གཉིས་
འོད་དཀར་པོའི་ཐག་པས་སྦྲེལ་བའི་ཐག་པ་དེ་དབུ་མའི་ནང་ངམ། པདྨ་རྣམས་ཀྱི་ཁོང་སྟོང་
11-1-566


ན་{མར་[ཡར]་ཏ་ལེ་ཡོད་པ། པདྨ་དེ་དག་ཐམས་ཅད་འདབ་མ་ཕྱི་ལ་གྱེད་ཅིང་ཐུར་དུ་ལོག་
པའི་རྣམ་པ་ཅན་ནོ། །སྙིང་པདྨ་འདབ་བརྒྱད་ཅེས་པ་ལ་འགའ་ཞིག་གཡོན་ཕྱོགས་སུ་སྙིང་
གའི་ཐད་དུ་སྒོམ་པའི་ལུགས་དང༌། ཁ་ཅིག་པདྨ་ཉི་ཤུ་རྩ་གཅིག་བརྩེགས་པའི་བཅུ་གཅིག་
པར་འདོད་པའང་ཡོད་པ་དང༌། དེའི་ཚེ་ཡི་གེ་ལྔ་པོ་ཡང་འོད་ཀྱི་སྐུད་པ་ལ་མ་རེག་པར་དབུ་
མའི་ནང་ངམ་པདྨའི་ཁོང་སྟོང་གི་ནང་དུ་བསྒོམས་ལ་དེ་ལས་ཀྱང་འོད་ཀྱི་སྐུད་པས་རྒྱབ་
ཕྱོགས་སུ་སྒོམ་པར་འདོད་པ་སྟེ་ལུགས་གཉིས་ལས་ལུགས་ཕྱི་མ་འདི་ལེགས་པར་མཐོང་
ངོ༌། །བུམ་པ་ཅན་དྲག་ཏུ་བཟུང་བས། ཡུཾ་ཡིག་དྲུག་པོ་ལས་རླུང་གཡོས་ཏེ་པདྨ་རྣམས་ཡོམ་
ཡོམ་འདུག་པར་བསམ། དེ་ནས་རླུང་ཕྱིར་འགྲོ་བ་དང་ལྷན་ཅིག་ཧིཀ་དྲག་པོ་ལན་ཉི་ཤུ་རྩ་
གཅིག་བརྗོད་དགོས་པ་ལས། ཧིཀ་རེ་ལ་ལྟེ་བའི་ཨ་དེ་འོད་ཀྱི་སྐུད་པས་ཡར་ཐང་ཐང་དྲངས་
བས་པདྨ་རེ་རེའི་སྟེང་དུ་སླེབ་པ་ན། ཕྱི་ནས་ཡུཾ་ཡིག་དྲུག་གི་རླུང་གི་ཤུགས་དང༌། ནང་དུ་ཨ་
དེས་བསྐྱོད་པས་པདྨའི་འདབ་མ་རྣམས་སྔར་ཕྱི་ལ་ཐུར་དུ་ལོག་པ་རྣམས་དེ་དུས་ནང་དུ་ལོག་
པས་འདབ་མའི་རྩེ་རྣམས་གྱེན་ལ་དཀྲོང་དཀྲོང་བྱུང་བར་བསམ། སྙིང་གའི་པདྨར་སླེབ་པ་
ན། ཨ་ཡིག་གི་འོད་ཀྱིས་ཧཱུཾ་ཡིག་འོག་ནས་དྲངས། ཡུཾ་ཡིག་བཞི་པོས་ཧཱུཾ་ཡིག་རྗེས་ནས་ཕུལ། 
འོད་ཀྱི་ཐག་པས་ཀྱང་དྲངས་ཤིང་འཐེན་ནས་སྔར་བཞིན་འགྲོ་བར་བསམ། མཐར་སྤྱི་བོའི་
པདྨའི་སྟེང༌། ཀྵུཾ་ཡིག་གི་འོག་ཏུ་སླེབ། ཡང་རླུང་དལ་བུས་ནང་དུ་བརྔུབས་པ་དང་ལྷན་ཅིག་
ཀ་ཧི་ཞེས་ལན་ཉི་ཤུ་རྩ་གཅིག་དྲན་པར་བྱས་པས། པདྨ་རེ་རེའི་ཐད་ཀྱི་འོག་ཏུ་བབས། སྙིང་
གའི་ཐད་དུ་ཡི་གེ་ལྔ་པོ་སྔར་བཞིན་བསྡད། ཨ་ཉིད་འོག་ཏུ་རིམ་པས་བབས་ཏེ་ལྟེ་བར་སླེབ། 
པད་འདབ་རྣམས་ཀྱང་རིམ་པས་ཐུར་དུ་ཕྱི་ལ་ལོག་པར་བསམ། དེ་ཉིད་ཡང་དང་ཡང་དུ་
གོམས་པས། འཕོ་བའི་རྟགས་འབྱུང་སྟེ་སྤྱི་དང་འདྲ། ལས་ལ་སྦྱར་བའི་སྐབས་སྤྱི་གཙུག་
གི་ཀྵུཾ་ཡིག་བསལ་ཏེ་བུ་ག་ཧ་རེ་བའི་ངང་ནས་གང་འདོད་པའི་གནས་སུ་འཕོ་སྟེ། ཡར་འཕོ་
11-1-567


བ་མ་གཏོགས་མར་འབེབས་པ་མི་དགོས་སོ། །སྤྱིར་ནི་མཆོད་གཏོར་རྒྱ་ཆེར་ཕུལ། སྦྱིན་པ་
བཏང༌། གང་ལ་ཡང་ཞེན་པ་མེད་པར་བྱ། ནང་མཆོད་ཀྱི་ཐིགས་ཐོར་འབུལ་བས། ལྷ་རྣམས་
མཉེས་པར་བྱས་ཏེ། འཕོ་བའི་ལས་ལ་སྦྱོར་སྐད། གློ་གཡས་པ་འོག་ཏུ་བཅུག་པའི་སེངྒེའི་
ཉལ་སྟབས་ཀྱིས་འཕོ་ཞེས་འདོད་དེ་འདི་ནི་མ་ངེས་སོ། །དེ་ཡང་སྒོ་དགུ་དགག་དགོས་པ་ནི། 
བཤང་ལམ་ནས་འཕོས་ན་དམྱལ་བ། ཆུ་ལམ་ནས་དུད་འགྲོ། ཁ་ནས་ཡི་དྭགས། མིག་ནས་
མི། རྣ་བ་ནས་རིག་པ་འཛིན་པ། སྣ་ནས་གནོད་སྦྱིན། ལྟེ་བ་ནས་འདོད་ཁམས་ཀྱི་ལྷ། སྨིན་
མཚམས་ནས་གཟུགས་ཁམས། སྤྱི་གཙུག་གི་རུས་པའི་སྒོ་ནས་འཕོས་ན་གཟུགས་མེད། སྤྱི་
གཙུག་གི་རྩ་དབུ་མའི་ལམ་ནས་འཕོས་ན་མཆོག་ལ་སྦྱོར་བར་བཤད་པས། སྒོ་གཞན་དེ་དག་
དགག་དགོས་པ་ཡིན་ནོ། །འདིར་ནི་བླ་མ་གོང་མའི་མན་ངག་ཁོ་ན་ལྟར་བཤད་དོ། །སྤྱིར་ནི་
གདན་བཞིར། སམྦྷུ་ཊི། རྡོ་རྗེ་མཁའ་འགྲོ། སྡོམ་འབྱུང༌། གཤེད་དམར་འཇམ་དཔལ་ཞལ་
ལུང་སོགས་ནས་འབྱུང་བའི་འཕོ་བའི་རྣམ་གཞག་གཅིག་ཏུ་དྲིལ་བ་ཞིག་ལོགས་སུ་འབྲི་བར་
འདོད་དོ། །སྤྱིར་འཕོ་བ་ནི། འོད་གསལ་གྱི་འཕྲོས་དོན་དུ་སྦྱོར་བའི་སྐབས་ཤིག་ཡོད་མོད་
ཀྱི། ཕྱིས་ཀྱི་མཁས་རློམ་ཁ་ཅིག་བར་དོ་མ་འཁྲུལ་བར་བྱེད་པའི་བསམ་གཏན་འདའ་ཀ་མ་
ཞེས་སྨྲ་བ་ནི། བར་དོའི་གདམས་ངག་དང་འཕོ་བའི་རང་བཞིན་ཤིན་ཏུ་ཐ་དད་པ་ཡིན་པ་ལ། 
དེ་ལྟར་མ་གོ་བར་མ་ཟད་བར་དོར་སྒྱུ་ལུས་ཀྱི་མན་ངག་ནི་བསྲེ་བའི་གདམས་ངག་ཡིན་ན། 
བསྲེ་བ་དང་འཕོ་བའི་དབྱེ་བ་ཙམ་ཡང་མ་ཕྱེད་བཞིན་དུ་ཁོ་བོ་ཅག་བསྲེ་འཕོའི་མངའ་བདག་
ཡིན་གྱི་གཞན་གྱི་ནི་མི་ཤེས་སོ། །ཞེས་རང་བཟོའི་པོ་ཏི་མང་པོ་རྩོམ་པར་བྱེད་པ་ནི་རྫུན་པོ་
ཆེའི་རྣམ་འགྱུར་མི་བཟད་པའོ། །གཉིས་པ་ནི། གསང་གདན་གསུམ་པ་ལས། དེ་ནས་ཕྱི་ཡི་
སྦྱོར་ལ་སོགས། །མཁས་པ་ཡིས་ནི་བཟུང་བར་བྱ། །ཞེས་པ་ནས། འགྲུབ་འགྱུར་འདི་ལ་ཐེ་
ཚོམ་མེད། ཅེས་པའི་བར་ཏེ། བུམ་པ་ཅན་རབ་ཏུ་ཁེངས་ཤིང་བདེ་དྲོད་ཀྱི་གཏུམ་མོ་ཅི་རིགས་
11-1-568


པར་འབར་བས་དམིགས་པ་དང་རླུང་སྦྱོར་ཀྱི་སྒོ་ནས་ལུས་ནང་དུ་ཁམས་དཀར་དམར་འཕོ་
འཇུག་ནུས། ལྷ་སྐུའི་གསལ་སྣང་ཅུང་ཟད་གོམས་ཤིང༌། སྣོད་བཅུད་བདེན་མེད་དུ་བསྒོམས་
པ་ལས་ཉམས་མྱོང་ཅུང་ཟད་ཤར་པ་གཅིག་གིས་གོང་འཕོའི་དམིགས་པ་འབྱོངས་ན། མཁའ་
འགྲོ་མ་བརྒྱད་པོ་གང་རུང་ཅིག་སྒྲུབ་ཅིང་གསོལ་བ་གདབ་པར་བྱའོ། །དེས་བཀའི་གནང་བ་
བྱུང་ན། གྲོང་དུ་འཇུག་པ་སྒྲུབ་པ་བྱ་ཡི། རྒྱུ་ཚོགས་དེ་དག་མ་ཚང་ན་མི་འགྲུབ་བོ། །དེ་ཡང་
མཆོད་གཏོར་བཤམས། བྲིས་སྐུའམ། མེ་ཏོག་གམ། ཡིག་འབྲུ་སོགས་ལ་སེམས་བརྟད་དེ་
རླུང་ཕྱིར་དབྱུང་ཞིང་བཟུང༌། རང་གི་རྣམ་ཤེས་ཧཱུཾ་ཡིག་ཡུཾ་ཡིག་བཞི་ཨ་ཡིག་དང་བཅས་པ་
སྣ་སྒོ་ནས་ཕྱིར་སྤྲོས་ཏེ་དམིགས་རྟེན་ལ་ཐིམ་པ་ཡང་ཡང་བསྒོམ་ཞིང༌། དེའི་ཚེ་འགྲུབ་པའི་
ལྟས་ལ། དྲོད་དང་དུ་བ་དང་མེ་དང་སྒྲ་ལ་སོགས་པ་འབྱུང་ངོ༌། །ཞེས་མན་ངག་ལས་གསུངས་
ཏེ་ཐུན་མོང་གི་དངོས་གྲུབ་ཀྱི་རྟགས་ཡིན་པའི་ཕྱིར་ཤིན་ཏུ་འཐད་དོ། །ལུས་འདི་བོར་ཞིང་
དམིགས་རྟེན་གྱི་དབུས་ན་སེམས་གནས་པའི་ཉམས་བརྟན་པོ་བྱུང་ན་འབྱོངས་པ་ཡིན། དེ་
ནས་ལས་ལ་སྦྱོར་བ་ནི་དཀྱིལ་འཁོར་གྱི་ལྷ་ལ་དངོས་གྲུབ་བསླངས་ཤིང༌། སྲུང་བ་བརྟན་
པོ་བྱས་ནས། དཀྱིལ་འཁོར་རྒྱས་བསྡུས་ཇི་ལྟར་འོས་པའི་དབུས་སུ་རྟེན་མཚན་ཉིད་ཚང་བ་
བཞག་སྟེ་སྔར་དམིགས་རྟེན་ལ་ཇི་ལྟར་སྦྱོང་བ་བཞིན་དུ་བསྒོམ། ༀ་ཧཱུཾ་སྭཱཧཱ་ཞེས་པའི་རྡོར་
བཟླས་གོང་དུ་བཤད་པ་བཞིན་སྦྱར་བས། འཇུག་གནས་གཉིས་ཡུན་ཐུང་བར་བྱས། དབྱུང་
བ་དང་ཕྱི་རོལ་ཏུ་གནས་པ་ཡུན་རིང་དུ་སྦྱར་བས་འགྲུབ་པར་བཞེད་དོ། །གསུམ་པ་ནི། 
གསང་གདན་གཉིས་པ་ལས། དེ་ནས་བྱིན་རླབས་སོགས་སྣང་བས། ཅེས་པ་ནས། སྦྱོར་བ་
འདི་ནི་སྦྱར་བར་བྱ། །ཞེས་པའི་བར་དང༌། གསུམ་པ་ལས། དེ་བས་ཕྱི་རོལ་ལུས་ལ་སོགས། །
ཅེས་སོགས་གསུངས་ཏེ། རང་ཡེ་ཤེས་དབང་ཕྱུག་མའི་སྐུར་གསལ་བའི་ཐུགས་ཀར་ཟླ་བའི་
སྟེང་དུ་ཨ་དཀར་པོ་ཅིག་བསྒོམ། གསལ་སྣང་ལ་བརྟན་པ་ཐོབ་པར་བྱ། དེ་ནས་ལས་ལ་སྦྱོར་
11-1-569


བ་ནི། རང་གི་མདུན་གྱི་འོག་ཕྱོགས་སུ། གང་གི་སེམས་ཤེས་པར་བྱ་རྒྱུའི་བསྒྲུབ་བྱ་དེ། རྡོ་
རྗེ་སེམས་དཔའ་དམར་པོའི་རྣམ་པ་ཅན། དེའི་སྙིང་གར་པདྨ་དམར་པོ་འདབ་བརྒྱད། ལྟེ་
བ་དང་འདབ་མ་བརྒྱད་ལ་ཧཱུཾ་དམར་པོ་རེ་རེ། རང་གི་སྙིང་གའི་ཨ་ལས་འོད་ཟེར་དཀར་པོ་
ཉི་ཟེར་རྡུལ་འདྲ་བ་མང་པོ་འདུས་པའི་གོང་བུ་གཅིག་འཕྲོས། རང་གི་སྣ་བུག་གཡས་ནས་
འཐོན། དེའི་གཡོན་དུ་ཞུགས། སྙིང་གར་སླེབ། འདབ་མའི་ཧཱུཾ་མདུན་མ་དེའི་སྟེང་དུ་བབས། 
ཧཱུཾ་དེ་འོད་དཀར་པོའི་གོང་བུ་ལ་ཐིམ། དེ་བཞིན་དུ་གཡས་སྐོར་གྱི་འདབ་མའི་ཧཱུཾ་རྣམས་
དང༌། མཐར་དབུས་ཀྱི་ཧཱུཾ་ཡང་ཟོས་ནས། བསྒྲུབ་བྱའི་སྣ་སྒོ་གཡས་ནས་འཐོན། རང་གི་
གཡོན་ནས་ཞུགས་ཏེ། སྙིང་གར་ཐིམ། དེ་ལྟར་ཡང་དང་ཡང་དུ་གོམས་པར་བྱ་ཞིང༌། ༀ་ཨ་
སྭཱཧཱ་ཞེས་པ་ཡིད་བཟླས་སུ་བྱ་ཞིང་ཆོས་ཐམས་ཅད་མཉམ་པ་ཉིད་དུ་བསྒོམ་མོ། །ཞེས་མན་
ངག་ལས་འབྱུང་ཞིང་རྒྱུད་ལས་ཀྱང་གསལ་ན། ལག་ལེན་ཅུང་ཟད་གབ་པ་ཡིན་ཏེ། འདིར་
དམིགས་ཕྱེད་པར་བཤད་ན་འདི་ལྟར་དགོས་ཏེ། བསྙེན་པ་ནི་ཨ་བསྒོམས་ནས་ༀ་ཨ་སྭཱཧཱ་
ཡིད་བཟླས་སུ་བྱེད། བཟླས་པའི་ཚད་ཟླ་བ་དྲུག་དང༌། དམིགས་པའི་ཚད་གསལ་སྣང་སྐྱེས་
པ་ཡིན། གསལ་སྣང་མ་ཐོབ་ཀྱང་ཅུང་ཟད་ཤེས་པ་ན་འབྱུང་དུ་རུང་མོད་བཤད་ཚོད་བཞིན་
ནི་མི་འབྱུང་བས་སོ། །ཨའི་གཟུགས་སུ་མ་ཟད་སྒྲ་ཡང་བསྒོམ། སྒྲུབ་པ་ནི་ཁམས་གསུམ་གྱི་
སེམས་ཅན་ཐམས་ཅད་གཅིག་ཏུ་འདུས་ཏེ། བསྒྲུབ་བྱའི་གཟུགས་རྡོ་རྗེ་སེམས་དཔར་བསྒོམ་
པ་སོགས་གོང་བཞིན་ལས། འོད་ཟེར་ཕར་སྤྲོ་བའི་ཚེ་ༀ། བསྒྲུབ་བྱའི་ཁོག་ན་གནས་པའི་ཚེ་
ཨ། ཚུར་འོང་བའི་སྐབས་སྭཱ། སྙིང་གའི་ཨ་ལ་ཐིམ་པའི་དུས་ཧཱ། ཞེས་པ་རླུང་དང་སྦྱར་ནས། 
རྡོར་བཟླས་བྱེད། སྙིང་གའི་ཨ་ལ་ཐིམ་པའི་འོད་འབར་ཞིང་སྒྲ་སྒྲོག་པར་{བྱ}་བསམ། །དེ་
འདྲ་བ་ཟླ་བ་ཕྱེད་དམ་ཟླ་བ་གཅིག་གམ། ཟླ་བ་ཕྱེད་དང་གཉིས་ཀྱིས་འགྲུབ་པར་བཞེད་དེ། 
ཇི་ཙམ་འགོར་ཡང་ཟླ་བ་དྲུག་གིས་སོ། །དེ་ནས་ལས་ལ་སྦྱར་བ་ནི། ནམ་དགོས་དུས་བཟླས་
11-1-570


སྒོམ་དེ་ཉིད་བསྒྲུབ་བྱ་གང་ཡིན་རེ་ལ་དམིགས་ཏེ་སྦྱར་བས་འགྲུབ་ཅིང༌། ཨ་ཡིག་གི་སྒྲ་ལས་
གཏམ་སྣ་ཚོགས་ཐོས་པ་ཡང་འབྱུང་ངོ་ཞེས་པའོ། །
བཞི་པ་ནི། གཞུང་སྔ་མ་ཕ་རོལ་སེམས་ཤེས་དེ་ཉིད་ཀྱི་གསེབ་ཚགས་སུ་འབྱུང་སྟེ། འདི་
ལའང་བསྙེན་སྒྲུབ་ལས་སྦྱོར་གསུམ་གྱི་རིམ་པ་བཤད་མ་ཐག་པ་དེས་རིགས་བསྒྲེ་བ་ཤེས་
པར་བྱས་ཏེ། རང་གི་སྙིང་གར་ཟླ་བ་ལ་ཧཱུཾ། དེའི་འོད་ཀྱིས་སྣང་བ་ཐམས་ཅད་སྟོང་པར་
སྦྱངས་ནས། ས་བོན་ཧཱུཾ་ཡིག་ཆོ་ག་གསུམ་བསྐྱེད་ལས། ཡེ་ཤེས་དབང་ཕྱུག་མ་ཞལ་གསུམ་
ཕྱག་དྲུག་པ། སྐུ་{འགྱིང་[འགྱེད་]འཁྱོག་མེད་པ་ཅིག་བསྒོམ་གསུང་སྟེ། འཕོ་བའི་སྐབས་
སུ་བཤད་པ་ལྟར་དཀར་མོ་དེ་སྒོམས་ན་བཟང༌། དེའི་ཐུགས་ཀར་སྙིང་ཆུ་ཤིང་གི་མེ་ཏོག་
པདྨ་འདབ་བརྒྱད་དཀར་པོ། ལྟེ་བར་ཧཱུཾ་ཡིག་དང་འདབ་མ་བརྒྱད་ལ། ཨཱ་ལ་ཐུང་ངུ་བརྒྱད། 
དེ་རྣམས་ཀྱང་དཀར་པོའོ། །བཟླས་པ་ནི་ༀ་ཧཱུཾ་སྭཱཧཱ། རང་གི་མདུན་དུ་རླུང་དང་མེའི་དཀྱིལ་
འཁོར་བརྩེགས་པའི་སྟེང་དུ་ཉི་མ་ལ་བསྒྲུབ་བྱ་དེ་བཀོད། དེའི་སྙིང་གར་པདྨ་དམར་པོ་འདབ་
བརྒྱད་ཀྱི་ལྟེ་བར་ཧཱུྃ་དང༌། འདབ་མ་བརྒྱད་ལ་ཨཱ་ལ་བརྒྱད་དམར་པོའོ། །ༀ་ཧཱུྃ་སྭཱཧཱ་ཞེས་པ་
དང་སྦྱར་བའི་རྡོར་བཟླས་བྱེད་ཅིང༌། རང་གི་སྙིང་གའི་ཡིག་གེ་དགུ་ལས་ཡི་གེ་དགུ་པོ་གཉིས་
པ་ཞིག་ཆད་དེ། ཐམས་ཅད་ཀྱང་འོད་ཟེར་འཕྲོ་བ། ནང་ན་ཡི་གེའི་རྣམ་པ་གསལ་པ་ལ་ཕྱི་
དབྱིབས་བུང་བའི་གཟུགས་ཅན་དུ་གྱུར་ཏེ། རང་གི་སྣ་བུག་གཡས་ནས་འཐོན། དེའི་གཡོན་
དུ་ཞུགས། སྙིང་གའི་ཡི་གེ་དགུ་པོའི་སྟེང་དུ་བབས། ཕ་རོལ་པོའི་ཡི་གེ་དགུ་པོ་དེ་བུང་བས་
ཟོས་ཤིང་མིད་ནས་རང་རང་གི་ཁོག་པའི་ཡི་གེ་དགུ་ལ་ཐིམ་པས། ཡི་གེ་ཐམས་ཅད་རིང་
པོར་གྱུར། པདྨའི་འདབ་མ་དང་ཟེ་འབྲུ་ཡང་བཅད་ཅིང་ཟོས། དེའི་སྣ་སྒོ་གཡས་ནས་འཐོན། 
རང་གི་གཡོན་དུ་ཞུགས། སྙིང་གའི་ཡི་གེ་དགུ་པོ་ལ་ཐིམ་པས། ཡི་གེ་ཐམས་ཅད་རིང་པོ་འོད་
འབར་བ་བརྗིད་དང་ལྡན་ཅིང་ཉམས་བདེ་བ་དང་ལྡན་པར་བསམ། ཡང་ན་བསྒྲུབ་བྱའི་སྙིང་
11-1-571


གའི་པདྨ་ཟོས་པའི་མཚམས་དེར། ༀ་ཨཱཿཧཱུཾ་གི་རྡོ་རྗེའི་བཟླས་པ་འགའ་རེ་བྱེད་པ་དང༌། རང་
གི་སྙིང་གར་ཐིམ་པའི་རྗེས་སུ་ཡང་རྡོར་བཟླས་བྱེད་པར་འདོད་དེ། སྔགས་རླུང་ལ་མ་གོམས་
པ་གཅིག་གིས་རྡོར་བཟླས་ཡི་གེ་བཞི་པ་ཚར་ཅིག་གི་དུས་སུ། དམིགས་པ་དེ་མ་ཚར་དོགས་
པས་དེའི་ཚབ་ཏུ་སྦྱར་བར་སྣང་ངོ༌། །ཡང་དམིགས་པ་ལུགས་གཅིག་ལ་བུང་བ་དགུ་པོ་རང་
གི་སྙིང་གའི་ཡི་གེ་དགུའི་སྟེང་དུ་བབས། ཕ་རོལ་པོའི་ཡི་གེ་དགུ་པོ་དེ་སྦྲང་རྩི་སྐྱུག་པའི་ཚུལ་
གྱིས་བདུད་རྩི་སྐྱུག་ནས། ཡི་གེ་དགུ་ལ་ཐིམ་པས་{རིང་པོར[་རང་བཞིན]གྱུར། བུང་བ་
ཉིད་སླར་སྤྲོ་བ་ལ་སོགས་པ་སྤྲོ་བསྡུའི་ཚུལ་དེ་ཉིད་ཡང་ཡང་བྱས་ནས། ཐུན་འཇོག་ཁར་རང་
གི་སྙིང་གའི་ཡི་གེ་ལ་བུང་བ་ཐིམ་པར་བྱེད་དོ། ཁ་ཅིག་ཡི་གེ་རྣམས་ནམ་མཁའ་ལ་འཁོར་
ཞིང་འགྲོ་བ་ཉིད་བུང་བ་དང་འདྲ་བས་བུང་བའི་གཟུགས་ཞེས་བརྗོད་ཀྱི། བུང་བའི་གཟུགས་
དབྱིབས་སུ་མི་སྒོམ་ཟེར་ཡང༌། བུང་བའི་གཟུགས་སྒོམ་པ་ཉིད་ལེགས་སོ། །འདིས་མན་
ངག་གཞན་གྱི་བུང་བའི་གཟུགས་གཞན་ལ་ཡང་ངེས་པ་སྟེར་བར་ཡོད། འདི་ལ་ཡང་གཞན་
སེམས་ཤེས་པ་འབྱུང་བར་བཤད་མོད། གཙོ་བོར་དབང་སྡུད་ཡིན་ནོ། །དེ་ལྟར་ན་གཞན་
སེམས་ཤེས་པ་སྒྲུབ་པ་དང་དབང་སྡུད་འདི་གཉིས་བསྐྱེད་རིམ་བཟླས་སྒོམ་ཙམ་ལ་བརྟེན་
ནས་སྒྲུབས་ཀྱང་འགྲུབ་མོད་ཀྱི། གོང་དུ་འཕོ་བ་འབྱོངས་བས། ཤིན་ཏུ་འགྲུབ་པ་ཡིན་པའི་
ཕྱིར། འཕོ་བའི་འཕྲོས་དོན་དུ་གསུངས་ལ། ཆུ་ཤིང་སྙེ་མའི་རྫོགས་རིམ་ལ་བརྟན་པ་ཐོབ་ན། 
འཕོ་བའང་ཚེགས་མེད་པས། གོང་འཕོ་དང་གྲོང་འཇུག་གཉིས་ཆུ་ཤིང་སྙེ་མའི་ཡན་ལག་ཏུ་
བཤད་དོ། །
བཞི་པ་མཆོད་རྟེན་བུམ་པའི་ཡན་ལག་སྒྱུ་མ་གསུམ་བརྒྱུད་ཀྱི་གདམས་ངག་ནི་རབ་བྱེད་
བཞི་པ་པས། བླ་མའི་ལུང་ནི་རྟོགས་པ་ཡིས། །ཞེས་པ་ནས། རྣལ་འབྱོར་པ་ཡིས་བསྒོམ་
པར་བྱ། །ཞེས་པའི་བར་གྱིས་ཟུར་ཙམ་བསྟན་ཏེ། དེ་ལ་སྣང་བ་སྒྱུ་མ། རྨི་ལམ་སྒྱུ་མ། བར་དོ་
11-1-572


སྒྱུ་མའོ། །དང་པོ་ནི། དེ་ཁོ་ན་ཉིད་ཀྱི་སྦྱིན་སྲེག་ལ་བསླབ་པར་བྱ་སྟེ། རྩ་རྒྱུད་ཀྱི་གཞུང་གི་
ནང་གི་སྦྱིན་སྲེག་དང་གཅིག་ལ། བཤད་རྒྱུད་སྦྱོར་བའི་རབ་བྱེད་ཀྱི་མགོ་ནས། བདག་ཉིད་
ལུས་ཀྱི་ཡེ་ཤེས་མེ། ཞེས་སོགས་དང༌། བདག་ཉིད་དེ་ཉིད་མེ་ལ་ནི། སོགས་ཀྱིས་བསྟན་ཏེ། 
རང་ཉིད་ཡེ་ཤེས་དབང་ཕྱུག་མའི་སྐུར་གསལ་བའི་ལྟེ་བར་ཆོས་འབྱུང་གི་སྟེང་དུ་པདྨ་འདབ་
བརྒྱད་ལ། མཁའ་འགྲོ་མ་ལྔ་ནང་གི་སྦྱིན་སྲེག་གི་སྐབས་སུ་བཤད་པ་བཞིན་གསལ་བཏབ། 
དེའི་ནང་གི་ཡེ་ཤེས་དབང་ཕྱུག་མའི་ཐུགས་ཀའམ་ལྟེ་བར་ཨ་ཡིག་དཀར་པོ་ཅིག་བསྒོམ། 
ཀླུ་དབང་འཁྱིལ་བ་དང་ཨ་ཤད་ཀྱང་སྔར་བཞིན་གསལ་བཏབ། རླུང་བུམ་ཅན་བཟུང་ནས་
མེ་སྦར་བའི་བར་ཡང་སྔར་དང་འདྲ། དེའི་ཚེ་ཡེ་ཤེས་དབང་ཕྱུག་མའི་ལྟེ་བའི་ཨ་ལས་འོད་
ཟེར་འཕྲོས། ཕྱིའི་མེ་དང་འདྲེས་ཏེ་འོད་ཟེར་དཔག་ཏུ་མེད་པས་ལུས་གང་བ་སྤུའི་བུ་ག་ནས་
འཕྲོས་པས་མཁའ་དབྱིངས་ཐམས་ཅད་ཁྱབ། ཐམས་ཅད་མཁའ་འགྲོ་ལྔའམ་ཡེ་ཤེས་དབང་
ཕྱུག་མའི་ངོ་བོར་གྱུར། དེ་ཐམས་ཅད་འོད་དུ་ཞུ་ནས་རང་ལ་ཐིམ། རང་ཉིད་ཆོས་འབྱུང་ཀླུ་
དབང་འཁྱིལ་པ་པདྨ་ལྷ་མོ་བཞི་དང་བཅས་པ་ཡེ་ཤེས་དབང་ཕྱུག་མ་ལ་ཐིམ། དེ་ཡང་ཨ་
ཡིག་ལ་ཐིམ། ཨ་དེ་ཡང་ཇེ་ཕྲ་ཇེ་ཕྲར་བསྡུས་ནས་ན་དའི་རྣམ་པར་གྱུར། དེ་ཡང་རིམ་གྱིས་
སྟོང་པར་སྦྱངས། དེ་ཉིད་ཡང་དང་ཡང་དུ་བསྐྱར་གྱིན་བསྒོམ། དམིགས་སྐོར་གཅིག་གོ །ཡང་
སྔ་མ་དང་འདྲ་བ་ལས། འོད་གསལ་དུ་བསྡུས་པའི་ངང་དེར་བདེ་སྟོང་ཡུན་རིང་དུ་བསྒོམ། 
དེ་ནས་རྣམ་རྟོག་གཞན་གྱིས་བར་མ་ཆོད་པར་སྔ་མ་བཞིན་ཕྱི་དང་ནང་གི་སྐུ་རྣམས་གསལ་
གདབ་བོ། །དེ་རྗེས་དེ་ཐམས་ཅད་ལ་སྣང་སྟོང་སྒྱུ་མ་ལྟ་བུའི་འདུན་པ་དྲག་ཏུ་སྦྱངས། ཡང་
སྔར་བཞིན་བསྡུས་ནས་ལྷ་སྐུར་ལྡང་བ་ལ་བསླབ། ཐམས་ཅད་དུ་སྒྱུ་མ་ལྟ་བུའི་འདུན་པ་རྟག་
ཏུ་སྦྱངས། ཐུན་མཚམས་ཀུན་ཏུའང་སྣང་བ་དེ་དང་མ་བྲལ་བར་བྱའོ། །གཉིས་པ་ལ། རྔོག་
པའི་རྫོགས་རིམ་གྱི་ཡི་གེ་ཆུང་བ་ལས། མཚན་མ་མེད་པའི་མཆོད་རྟེན་བུམ་པའི་མན་ངག་
11-1-573


ཅེས། མིང་བཏགས་ནས་འཆད་ཀྱང་མཚན་མེད་ཀྱི་ཐ་སྙད་ནི་མི་ཐོབ་མོད། སྤྱིར་མཆོད་རྟེན་
བུམ་པ་དང་འབྲེལ་བ་ནི་ཡིན་ནོ། །འདི་ལ་དབྱེ་བ་ན་རྨི་ལམ་བཟུང་བ། སྦྱངས་བ། རྨི་ལམ་
དུ་ངོ་ཤེས་པ། དེ་སྒྱུ་མ་ལྟ་བུར་ཤེས་པ་རྨི་ལམ་གཉིད་དང་བསྲེ་བ་སྟེ་ས་བཅད་ལྔ་མཛད་ནས། 
དང་པོ་ནི། མགྲིན་པར་པདྨ་འདབ་བརྒྱད་ཀྱི་ལྟེ་བར་ཨ་དམར་པོ་དང༌། ཕྱོགས་ཀྱི་འདབ་མ་
བཞི་ལ་ཨ་ནུ་ཏ་ར་བསྒོམ། ཨའི་འོད་ཀྱིས་ཡི་གེ་བཞི་རིམ་གྱིས་བསྡུ་བ་སྣང་བ་བཞི་དང་སྦྱོར། 
འདིས་གཉིད་དུས་སུ་དྲན་པས་སླེབ་པ་ཙམ་འོང༌། 
གཉིས་པ་ནི། རྨི་ལམ་དུའང་དམིགས་པ་དེ་སྒོམ་དགོས་སྙམ་པའི་འདུན་པ་སྦྱངས། དེས་
རྨི་ལམ་དུ་དམིགས་པ་སྒོམ་པ་འོང༌། གསུམ་པ་ནི། དོ་ནུབ་རྨི་ལམ་ལ་རྨི་ལམ་དུ་ངོ་ཤེས་པར་
བྱའོ་སྙམ་པའི་འདུན་པ་སྦྱངས་པས་དེ་དུས་རྨི་ལམ་དུ་ངོ་ཡང་ཤེས་པའོ། །བཞི་པ་ནི། གང་
ཟག་དབང་པོ་རྣོན་པོ་ལ་མི་དགོས་རང་ཤུགས་ལ་འབྱུང༌། དབང་རྟུལ་ལ་དམིགས་པ་དེ་ཉིད་
ལ་བརྟེན་ནས་སྒྱུ་མ་ལྟ་བུའི་འདུན་པ་སྦྱོང་བ་སྟེ། དོ་ནུབ་རྨི་ལམ་དུའང་བདེན་མེད་དུ་ཤེས་
པ་འདི་ལ་བསླབ་པར་བྱའོ་སྙམ་པའི་འདུན་པ་སྦྱངས་པས་རྨི་ལམ་དུའང་དེ་བཞིན་དུ་འབྱུང་
ངོ༌། །ལྔ་པ་ནི། ས་བཅད་འདི་ལ་བསྡུས་ཀྱང༌། བར་དོ་སྒྱུ་མའི་གདམས་ངག་ཏུ་དགོས་སོ། །
དེས་ན་རང་ལུགས་ནི་རྒྱུད་འདི་ཉིད་ལས་འབྱུང་བའི་གདམས་ངག་གཉིས་ཏེ། གོང་དུ་བ་
ནུའི་རྫོགས་རིམ་གྱི་སྐབས་ཟུར་ཙམ་སྨོས་པ་ལྟར། མགྲིན་པའམ་གསང་བར་མཆོད་རྟེན་གྱི་
མིང་ཅན་ཧཱུཾ་ཡིག་ལ་བདུད་རྩི་འབབ་པའི་དམིགས་པ་དེ་ཀ་བསྒོམས་ནས་རྨི་ལམ་གྱི་འདུན་
པ་སྦྱོང་བ་ཉིད་ཡིན་ཏེ། མགྲིན་པ་དང་གསང་བ་གཉིས་རྨི་ལམ་གྱི་གནས་ཡིན་པས་འདིར་
དགོས་ཀྱི། བ་ནུའི་གདམས་ངག་དངོས་ལ། གནས་དེ་གཉིས་གཙོ་བོ་མ་ཡིན་ཏེ་སྙིང་ག་ཉིད་
དོ། །དམིགས་པའི་རྣམ་གྲངས་གཉིས་པ་ནི་རབ་བྱེད་བཞི་པ་ལས། ཡང་དག་ལྟའི་གཟུགས་
ཅན་གྱིས། །ཞེས་པ་ནས། ཆོས་ཀྱི་དབྱིངས་ཀྱི་སྦྱོར་བའོ། །ཞེས་པའི་བར་གྱིས་བསྟན་ཏེ། 
11-1-574


སྔོན་འགྲོ་བསོད་ནམས་དང་ཡེ་ཤེས་ཀྱི་ཚོགས་བསགས་པ་སྒྲུབ་ཐབས་ལྟར་བྱ། སྟོང་པའི་
ངང་ལས་པད་ཟླ་ལ་རང་སེམས་ཨ་ཡིག་དཀར་པོ། །དེ་ལས་འཇའ་ཚོན་ལྟ་བུའི་ལུས་ཀྱི་སྣང་
བ་བྱུང༌། དེའི་ལྟེ་བ་མན་ཆད་ཞུ་བ་ལས། ཕྱེད་མཆོད་རྟེན་གྱི་རྨང་གཞི་གྲུ་བཞི་པ། ཕྱེད་བང་
རིམ་གྲུ་བཞི་པ་གཅིག་གམ། དེ་ཉིད་ལས་ནང་ཚན་དུ་ཕྱེ་བའི་བང་རིམ་བཞི་པ། སྒལ་ཚིག་མ་
གཏོགས་ལུས་མ་མོ་ནི་དྲིལ་བུ་སྟེ། ད་ལྟ་བུམ་ལྡིར་དུ་གྲགས་པའི་མཆོད་རྟེན་དངོས་གཞི་ཡིན་
ལ། དབྱིབས་ལྷུང་བཟེད་ཁ་བུབ་ལྟ་བུ་དང་དྲིལ་བུའི་དབྱིབས་ཅན་འདམ་ཀའོ། །མགྲིན་པ་
དང་མགོ་བོ་ཁ་བད། སྒལ་ཚིག་འོག་མ་གསུམ་བོར་བའི་སྒལ་ཚིག་བཅོ་བརྒྱད་གདུགས་བཅོ་
བརྒྱད། རྩ་དབུ་མའམ་གཞུང་བ་སྲོག་ཤིང༌། ཐོད་པ་ནི་ཆར་ཁེབས་སུ་འགྱུར། དེ་ཡང་ཁྲི་གྲུ་
བཞི་རིམ་པ་གཉིས་ས་འོག་གི་འཇིག་རྟེན། བུམ་པ་ནི་ས་སྟེང་གི་འཇིག་རྟེན། བྲེ་ནི་འདོད་
ཁམས་ཀྱི་ལྷའི་འཇིག་རྟེན། གདུགས་བཅུ་བདུན་ནམ་བཅོ་བརྒྱད་ནི་གཟུགས་ཁམས་བཅུ་
བདུན་ནམ་བཅོ་བརྒྱད། སྲོག་ཤིང་ནི་གཟུགས་མེད་ཁམས་སོ་ཞེས་དག་པ་ཤེས་པར་བྱས་
ནས། རང་ལུས་དག་གསལ་འོད་དཀར་པོའི་རང་བཞིན་ལས་གྲུབ་པའི་མཆོད་རྟེན་དཀར་
ཁྲོང་ངེ་བ་ཅིག་ཏུ་གྱུར། དེའི་བུམ་པའི་གནས་སུ་པདྨ་འདབ་བརྒྱད་ཀྱི་ལྟེ་བར་ཨ་དཀར་
པོ་འོད་འབར་བ། བུམ་པའི་འོག་ནས་བང་རིམ་གྱི་ཕྱེད་མཚམས་སུ་ཧཱུཾ་བཞི་ཞབས་ཀྱུ་ཕྱིར་
བསྟན། མགོ་བོ་ནང་བསྟན། མགོ་རུབ་ཀྱི་རྣམ་པར་བྱ། དེ་ཡང་ཡི་གེའི་མགོ་བོ་མཐོ་ཞིང་
མཇུག་དམའ་བར་བྱ། ཀླད་ཀོར་བཞི་འདུས་པའི་སྟེང་དུ་ཧཱུཾ་དཀར་པོ་མགོ་བོ་གྱེན་བསྟན་ནོ། །
ཧཱུཾ་གི་ཞབས་ཀྱུ་དང་ཀླད་ཀོར་སོགས་ལྕགས་སྒྲོག་གི་དབྱིབས་འདྲ་བས། ཧཱུཾ་ལྔ་ཚོམས་དེ་ལ་
སྒྲོགས་པ་ལྔའི་མཆོད་རྟེན་ཟེར། སྐབས་འདིར་ཐམས་ཅད་དཀར་པོ་བསྒོམ། དེ་ལྟ་བུའི་ངང་
ནས་མཆོད་རྟེན་ལ་དམིགས་ཏེ། ཨེ་མ་ཧོ་རྨི་ལམ་རང་ཡིན་སྙམ་པ་སོགས་འདུན་པའི་ཁྱད་
པར་སྔར་བཞིན་སྦྱར་བས། རྨི་ལམ་སྒྱུ་མའི་གདམས་པ་མཆོག་ཏུ་གྱུར་པའོ། །
11-1-575


གསུམ་པ་ནི། གོང་དུ་རྨི་ལམ་སྐབས་ས་བཅད་ལྔ་བྱས་པའི་ལྔ་པ་དེ་ཀ་ཡིན་ཏེ། མན་ངག་
གི་ཡི་གེ་ཆུང་བ་ལས། གཉིད་དང་སྣང་བ་བསྲེ་བའམ། རྨི་ལམ་གཉིད་དང་བསྲེ་བ་ཞེས་བྱུང་
བ་དེ་ཡིན། དེ་ཡང་ད་ལྟ་སད་དུས་སུ་རྨི་ལམ་དུ་ཤེས་པས། རྨི་ལམ་དུ་ཡང་དེ་ལྟར་ཤེས་ལ་
དེས་སད་དུས་ལ་ཡང་ཚུར་བོགས་འབྱིན་ཅིང༌། སྐབས་དེར་གཉིད་འོད་གསལ་དུ་འཇུག་པའི་
གདམས་ངག་བསྒོམ། འདིར་མན་ངག་གི་ཡི་གེ་རྙིང་པ་ན། འདིའི་ལག་ལོངས་གབ་ཅིང་མི་
གསལ་བའི་ཚུལ་གྱིས་ཡོད་པ་དེ། ཕྱིས་ཀྱི་མཁས་འདོད་རྣམས་ཀྱི་ཀྱང་མ་གོ་བར་འདུག་དེ་
ཡང་ཡིག་གེ་ལྔ་པོ་སྔར་གྱི་མགྲིན་པའི་དེ་ཀ་ཡིན་པ་ལྟར་བྱས་ནས། རྗེས་གཞིག་སྒོམ་པ་ཞིག་
འབྱུང་སྟེ། མགྲིན་པའི་དེ་མ་ཡིན། སྙིང་གར་དེ་འདྲ་གཅིག་སྒོམ་རྒྱུ་ཡིན། རྒྱུ་མཚན་མགྲིན་
པའི་དེ་ལ་འདིར་ཨ་དང་གཞན་དུ་ༀ་འབྱུང༌། སྐབས་འདིར་ཧཱུཾ་ལ་བསྡུ་བར་བཤད་པས། སྙིང་
གའི་ཡིན་པར་དཔེ་གསལ་ལོ། །དེས་ན་བདེ་བ་བསྒོམ་ཞེས་བྱ་བ་ཡང་གཉིད་ཀྱི་འོད་གསལ་
སྒོམ་པའི་དོན་ཡིན། སྙིང་གར་ཧཱུཾ་ལ་ཨ་ནུ་ཏ་རས་བསྐོར་བ། བུམ་པ་ཅན་དང་བཅས་ཏེ་སྒོམ་
པ་ཞག་མང་དུ་སོང་ནས། ཧཱུཾ་གི་འོད་ཀྱིས་སྣོད་བཅུད་ཐམས་ཅད་བསྡུ་བའི་རྗེས་གཞིག་མང་
དུ་བསྒོམས་པས་ཉིན་མོའི་འོད་གསལ་དང༌། གཉིད་འཐུག་པོའི་འོད་གསལ་གཉིས་ཀ་ཟིན་
འོང༌། དེ་ནས་འོད་གསལ་དུ་འཇུག་པའི་ཚེ་འཆི་བ་དང་བསྲེ་བའི་འདུན་པ་དང༌། མི་རྟོག་པ་དེ་
ལས་ལངས་མ་ཐག་རྣམ་རྟོག་གཞན་གྱིས་བར་མ་ཆོད་པར། རྡོ་རྗེ་སེམས་དཔའ་འམ་ཡེ་ཤེས་
མཁའ་འགྲོའི་སྐུར་ལངས། ཕྱི་ནང་ཐམས་ཅད་ལ་སྒྱུ་མ་ལྟ་བུའི་འདུན་པ་སྦྱངས། བར་དོ་དང་
བསྲེ་བའི་འདུན་པ་ཡང་བྱའོ། །ཞེས་གསུང་ངོ༌། །འོན་ཀྱང་རྨི་ལམ་དང་བར་དོའི་གདམས་
པ། ཡི་གེ་ལྔ་ལ་བརྟེན་པ་འདི་ནི། མར་ལུགས་ཀྱི་གདམས་ངག་སྤྱིའི་ལུགས་དེ་འདིར་སྦྱར་
བར་སྣང་ལ། ཕན་ཚུན་ཁ་བསྐང་བ་དེ་ཡང་མི་རིགས་པ་མ་ཡིན་མོད། རྒྱུད་འདི་ཉིད་ཀྱི་
ལུགས་ནི་མཆོད་རྟེན་བུམ་པའི་གདམས་ངག་དེ་ལ་བརྟེན་ནས་རིལ་འཛིན་དང་རྗེས་གཞིག་
11-1-576


གི་དམིགས་པ་ལྷག་པོར་བསྣན་པས། འོད་གསལ་དུ་བཅུག་ཅིང་ལྷ་སྐུར་ལྡང༌། སྒྱུ་མ་ལྟ་བུ་
ལ་བསླབ། དེ་ལ་གོམས་ནས་གཉིད་ཀྱི་འོད་གསལ་འཛིན་ཅིང༌། རྨི་ལམ་ལྷ་སྐུར་ཤར་པ་ལ་
བསླབ། དེ་ལ་གོམས་ནས་དེ་ཐམས་ཅད་བར་དོའི་འདུན་པ་དང་བསྲེ་བ་ལ་བསླབས་པས། 
བར་དོ་སྒྱུ་མའི་གདམས་ངག་བླ་ན་མེད་པར་འགྱུར་རོ། །དེ་ལྟར་ན་རྫོགས་པའི་རིམ་པའི་རྣལ་
འབྱོར་དེ་དག་ལ། ཁྱབ་བྱེད་ཁྱབ་བྱའི་དབྱེ་བ་ཇི་ལྟར་ཡིན་སྙམ་ན། དཔེར་ན་བ་ལང་རྨིག་པ་
སྒོམ་པ་ལ། དེའི་ཡན་ལག་ཏུ་བསམ་མི་ཁྱབ་དང་ལས་རྒྱ་འདོད་ཆགས་ཆེན་པོའི་ལམ་གཉིས་
བསྣན་ན། སྐབས་དེ་ཉིད་ཀྱི་ལམ་ཆ་ཚང་བར་འགྱུར་ཏེ། བ་ལང་རྨིག་པས་རླུང་སེམས་དབུ་
མར་བཅུག་པའི་གསལ་སྟོང་གི་ཤེས་པ་དེ་ཉིད་ཞུ་བདེའི་ཉམས་མྱོང་ཁྱད་པར་ཅན་དུ་སྒྱུར་
བ་དང༌། རླུང་མ་འདུས་པ་རྣམས་བསྡུད། བསྡུས་པ་རྣམས་ཐིམ་པར་བྱེད། རྩ་མདུད་ལྷོད་
པོར་བྱེད་པ་སོགས་བོགས་འབྱིན་པ་ཕལ་ཆེར་ལས་རྒྱས་བྱེད་ལ། ཉམས་མྱོང་གི་ཡེ་ཤེས་མི་
རྟོག་པའི་དབྱིངས་སུ་བསྐྱངས་པས། གོང་ནས་གོང་དུ་ན་འཕོས་ཤིང་བརྟེན་པར་བྱེད་པར་
ནི་བསམ་མི་ཁྱབ་བོ། དེ་བཞིན་དུ་བ་ནུ་དང༌། ཆུ་ཤིང་སྙེ་མ་དང༌། མཆོད་རྟེན་བུམ་པ་རྣམས་
ལའང་དེས་རིགས་འགྲེ་བས། ཁྱབ་བྱ་བཞི་པོ་སོ་སོར་གང་སྒོམས་ཀྱང༌། གཉིས་པོ་དེ་ཀུན་ཏུ་
འཇུག་པས་ཁྱབ་བྱེད་ཅེས་བྱའོ། །འདི་ལ་ཡང་ལམ་བློ་ཆོད་དང༌། ལམ་ཁྲིགས་ཆགས་གཉིས་
ལས། དང་པོ་ནི། བསྐྱེད་རིམ་སྔོན་དུ་སོང་ནས། ཁྱབ་བྱ་བཞི་པོ་གང་རུང་ཅིག་ཁོ་ན། ཁྱབ་
བྱེད་གཉིད་ཀྱི་བོགས་བཏོན་ཅིང་བསྐྱངས་པས། དྲོད་ཀྱི་ཡེ་ཤེས་སྐྱེ་བར་འགྱུར་ལ། དེ་ནས་
སྤྱོད་པ་དང་ཉེ་རྒྱུས་མཚམས་སྦྱར་བས་འབྲས་བུ་མངོན་སུམ་དུ་བྱེད་པར་འགྱུར་ཏེ། འདི་ནི་
ཁྱབ་བྱ་བཞི་ཅར་གང་ཟག་གཅིག་གིས་ཁྲིགས་ཆགས་སུ་སྒོམ་མི་དགོས་པའི་ལུགས་སོ། །
གཉིས་པ་ནི། ཁྱབ་བྱའི་མན་ངག་བཞི་ཀར་གང་ཟག་གཅིག་གི་ཆ་རྐྱེན་དུ་སྡེབས་པ་སྟེ། 
བ་ལང་རྨིག་པས་རླུང་དབུ་མར་འགག་པར་བྱེད། བའི་ནུ་མས་རགས་པའི་གཏུམ་མོ་འབར་
11-1-577


ཞིང་བྱང་ཆུབ་ཀྱི་སེམས་འབབ་པའི་བདེ་དྲོད་འབར་འཛག་བསྐྱེད། ཆུ་ཤིང་སྙེ་མས་དང་པོར་
རྩ་མདུད་ལྷོད་པ་དང་བར་དུ་འབྱེད་པ་དང་མཐར་གྲོལ་བར་བྱེད། མཆོད་རྟེན་བུམ་པས་
འབྱུང་བ་ཕྲ་རགས་ཀྱི་རིམ་པ་རྣམས་དབུ་མའི་ནང་གི་བདེ་བའི་ཐིག་ལེ་ལ་ཐིམ་པར་བྱེད་པ་
ཡིན་ཏེ། དེ་འདྲ་བའི་བདེ་སྟོང་གི་ཡེ་ཤེས་ལ་ནི་འོད་གསལ་ཞེས་བྱའོ། །ཀླུ་དབང་འཁྱིལ་པའི་
མན་ངག་ནི། དེ་བཞི་པོའི་ནང་དུ་འདུས་ཏེ། ནང་གི་སྦྱིན་སྲེག་དང༌། བ་ནུའི་སྐབས་སུ་ངེས་
པར་དགོས་ཤིང༌། ཆུ་ཤིང་སྙེ་མའི་སྐབས་སུ་ཡང་ཅུང་ཟད་འཇུག་པ་སྟེ། དོན་ལ་ཚངས་པའི་
མེ་སྦར་བས་ལྟེ་བའི་གཏུམ་མོ་འབར་བར་བྱེད་པའི་ཐབས་ཁྱད་པར་ཅན་ནོ། །དེ་ལ་བ་ལང་
རྨིག་པ་ཞེས་པ་ནི། སྙིང་ག་དང་ལྟེ་བའི་དབུས་ཀྱི་དབུ་མའི་རྩ་མདུད་གཉིས་ལ་ཟེར་བ་ཡིན་
ན་དེ་གཉིས་ལས་ཀྱང༌། གཙོ་བོ་སྙིང་ག་དང་ཕལ་པ་ལྟེ་བའོ། །དེ་གཉིས་སུ་རགས་པའི་རླུང་
རྣམས་ཞུགས་གནས་ཐིམ་གསུམ་བྱས་པའི་འཁོར་ལོ་གཞན་གཉིས་ལའང་རང་ཤུགས་ཀྱིས་
གནད་དུ་བསྣུན་པར་འགྱུར་ཏེ། སྙིང་གའི་ནུས་པས་མགྲིན་པ་དང་ལྟེ་བའི་ནུས་པས་སྤྱི་བོ་
ལའོ། །འོན་ཀྱང་འདི་འཁོར་ལོ་འོག་མ་གཉིས་ཁོ་ན་གཙོ་ཆེ་བར་མངོན་ནོ། །ཡང་བའི་ནུ་མ་
ཞེས་པ་སྤྱི་བོའི་འཁོར་ལོ་དང་ལྕེ་ཆུང་གི་ལམ་གཉིས་ལ་བརྗོད་ཅིང༌། སྐབས་འགར་ཐབས་
ཤེས་ཀྱི་གསང་བའི་སྣ་རྩེ་ལ་བརྗོད་པའང་ཡོད་དོ། །དེ་ཡང་སྔར་རགས་པའི་རྩ་དབུ་མར་
རགས་པའི་རླུང་འགག་པའི་རྒྱུ་བྱས། འདིར་རགས་པའི་གཏུམ་མོ་འབར་ཏེ་རགས་པའི་
ཁམས་དྭངས་མ་རྣམས་ཞུ་བའི་དགའ་བཞི་ཆ་ཚང་པར་འདྲེན་པ་ཡིན་ཅིང༌། ལྷན་སྐྱེས་མཚོན་
པའི་གནས་ནི་ཐབས་ཤེས་ཀྱི་སྣ་རྩེར་བྱ་དགོས་པ་དང༌། སྤྱི་བོའི་བརྡས་ནོར་བུ་དང༌། ལྕེ་ཆུང་
གི་བརྡས་མའི་སྣ་མཚོན་ཅིང་ཐབས་འདི་ནི་འབར་འཛག་གི་སྒོ་ནས། སྤྱིར་རྩ་འཁོར་ལོ་བཞི་
ཅར་ལ་ཆ་མཉམ་པར་གནད་དུ་བསྣུན་པར་འགྱུར། ཁྱད་པར་དམིགས་པ་གང་ལ་བརྟད་པ་དེ་
ཉིད་ལ་གནད་དུ་བསྣུན་པར་འགྱུར་ལ། ཐིག་ལེ་འབབ་པའི་ལམ་ལྕེ་ཆུང་གི་སྒོ་ནས་བྱུང་ན། 
11-1-578


རྒས་པ་དང་དུག་དང་བཀྲེས་སྐོམ་སོགས་སེལ་ཏེ། གནས་སྐབས་ཀྱི་ཡོན་ཏན་དུ་མ་བསྐྱེད་
པར་བྱེད་དོ། །ཡང་ཆུ་ཤིང་སྙེ་མ་ཞེས་པ་ནི། རྒྱུད་གཞན་ལས་དཔྱིད་ཅེས་བཤད་པ་དང་དོན་
གཅིག་སྟེ། སྙིང་གའི་དབུས་ཀྱི་རྩ་ཡིན་ཡང༌། བ་ལང་རྨིག་པ་ལས་ཆེས་ཕྲ་བ་སྟེ། ཤིན་ཏུ་ཕྲ་
བའི་རྩ་དབུ་མའི་ནང་དུ་དྭངས་མ་ཕྲ་བའི་འབར་འཛག་བྱས་པས། སྙིང་གའི་རྩ་མདུད་གྲོལ་
བར་བྱེད་པ་སྟེ། སྙིང་གའི་དེ་གྲོལ་བའི་ཞོར་ལ། གཏུམ་མོ་འབར་བས་མགྲིན་པ་དང་སྤྱི་བོའི་
རྩ་མདུད་གྲོལ། ཐིག་ལེ་བབས་པས་ལྟེ་བ་དང་གསང་བའི་རྩ་མདུད་ཀྱང་འགྲོལ་བར་འགྱུར་
རོ། །འདི་ལའང་ཡེ་ཤེས་ཀྱི་རྩ་ལ་རེག་ཅིང་ཡེ་ཤེས་ཀྱི་གཏུམ་མོའི་འབར་འཛག་སྒྲུབ་པའི་
གནས་སྐབས་དང༌། རྡུལ་ཆོས་སུ་གཏོགས་པའི་རྩ་ཁམས་དྭ་ཤོས་ཀྱི་འབར་འཛག་གཉིས་
ཡོད་དོ། །དེ་ནས་མཆོད་རྟེན་བུམ་པ་ཅེས་བྱ་བ་ནི། སྙིང་གའི་འཁོར་ལོ་ཁ་ཐུར་བསྟན་དང༌། 
ལྟེ་བའི་འཁོར་ལོ་ཁ་གྱེན་བསྟན་དུ་གནས་པ། བར་ཐག་རིང་པོར་ཡོད་ཀྱང༌། རྩ་གཞན་གྱིས་
སྦྲེལ་ཏེ་གནས་པས། མཆོད་རྟེན་གྱི་བུམ་པ་འདྲ་བར་འབྱུང་བས་དེ་སྐད་ཅེས་བརྗོད་ལ། 
འཁོར་ལོ་དེ་གཉིས་ལས་གཙོ་བོ་ནི་སྙིང་ག་དང་ཕལ་པ་ནི་ལྟེ་བའོ། །བ་ལང་རྨིག་པ་དང་འདི་
གཉིས་བྱེད་ལས་མི་འདྲ་སྟེ། དེར་ནི་རགས་པའི་རླུང་ཞུགས་གནས་ཐིམ་གསུམ་བྱེད་པ་ཙམ་
ཡིན་ལ། འདིར་ནི་ཕྲ་རགས་ཀྱི་རླུང་རྣམས་འབྱུང་བ་ཐིམ་འགྲོས་ཀྱི་རིམ་པ་མཐར་ཐུག་པ་
དང་བསྟུན་ནས། བདེ་བའི་ཐིག་ལེ་ལ་ཐིམ་པར་འགྱུར་པ་ཡིན་པས། དེ་ནས་དཔེའི་འོད་
གསལ་ཆེན་པོ་རྒྱུད་ལ་སྐྱེས་ཤིང༌། རྫོགས་པའི་རིམ་པའི་ཡེ་ཤེས་ཀྱི་སྐུ་སྒྱུ་ལུས་དེ་འགྲུབ་པར་
འགྱུར་བས་འདི་དང་སྒྱུ་མ་གསུམ་བརྒྱུད་འབྲེལ་ཆགས་སུ་འཆད་པའི་རྒྱུ་མཚན་ཡང་དེ་ཡིན་
ནོ། །འོན་ཀྱང་འདི་ལྟར་རྟོགས་པར་བྱ་སྟེ། ད་ལྟ་ལས་དང་པོ་པས་ཁྱབ་བྱའི་རྫོགས་རིམ་བཞི་
པོ་འདི་དང༌། སྒྱུ་མ་གསུམ་བརྒྱུད་སྒོམ་པ་ཐམས་ཅད་ནི་ལས་དང་པོ་པའི་སྒོམ་པའི་རིམ་པ་
ཡིན་ཞིང༌། དེ་ཉིད་ས་ལམ་གྱིས་བསྡུས་པའི་ཡེ་ཤེས་དེ་དག་གི་རྣམ་པ་ལམ་བྱེད་ཀྱི་འདྲ་
11-1-579


འབག་ཏུ་འགྱུར་ཏེ། ཤིན་ཏུ་གོམས་པ་ལས་དུས་སྐབས་སོ་སོར་ལམ་སོ་སོའི་ཡེ་ཤེས་དེ་དག་
སྐྱེ་བར་འགྱུར་པའི་རྒྱུ་ཐུན་མོང་མ་ཡིན་པ་ནི་ཡིན་ནོ། །ཡང་འདིར་བདག་གི་རྣམ་པར་རྟོག་པ་
ནི་འདི་ལྟར་སྟེ། བསྐྱེད་རིམ་གྱི་ཕྲ་ཐིག་དང༌། བསམ་མི་ཁྱབ་ནི་སོ་སོར་བསྡུད་པ་དང༌། 
བསམ་གཏན་ནི་དོད་ཡིན་ཅིང༌། ཕྱི་མ་རྣམས་ལས་དང་པོ་པས་བསྒོམས་ན། བ་ལང་རྨིག་པ་
ནི་སྲོག་རྩོལ་གྱི་ཕྱེད་སྔ་མ་དང༌། བ་ནུ་ནི་ཕྱེད་ཕྱི་མ་དང༌། ཆུ་ཤིང་སྙེ་མ་ནི་འཛིན་པའི་ཕྱེད་
གོང་མའི་གནས་སྐབས་དང་ཕྱེད་ཕྱི་མ་གཉིས་ཀ་ལ་འཇུག་ལ་མཆོད་རྟེན་བུམ་པ་ཕྱེད་སྔ་མ་
ཁོ་ན་དང༌། ནང་གི་སྦྱིན་སྲེག་ནི་ཕྱེད་ཕྱི་མ་ཁོ་ནའི་འདྲ་འབག་སྟེ། རྗེས་དྲན་དང༌། ཏིང་ངེ་
འཛིན་ནི་དེ་རྣམས་ཉིད་ཀྱི་འབྲས་བུའི་ཕྱིར་རོ། །འདྲ་འབག་གི་དམིགས་པ་ལོགས་སུ་མ་
བསྟན་ལ། ཆགས་ལམ་ལས་རྒྱ་ནི། དེ་ཀུན་གྱི་སྐབས་སུ་གང་བབ་ཏུ་སྦྱོར་བ་ཡིན་ནོ་སྙམ་མོ། །
ཡང་དག་པར་ན་དོན་གྱི་སྒོ་ནས་འདི་ལས་འདའ་ས་མེད་ལ། འོན་ཀྱང་རྒྱ་བོད་སྔ་མ་རྣམས་
ཀྱིས་དེ་ལྟར་སྦྱར་བ་མེད་པའི་ཕྱིར། གཞན་དག་ཡིད་ཆེས་པར་ནི་དཀའ་འོ། །འདིར་བཤད་
པར་བྱ་རྒྱུ་ཤིན་ཏུ་མང་མོད་ཀྱི། མཐའ་དག་བྲི་བར་མི་ལང་ལ། འོན་ཀྱང་བ་ལང་རྨིག་པ་ལ་
སོགས་པ་འདི་དང་འདི་ལྟ་བུའོ། །དམིགས་པ་འདི་དང་འདི་ལྟ་བུ་དག་ནི་དེ་དང་དེར་
གཏོགས་སོ་ཞེས་སྨྲ་བ་ལ། སོ་སོའི་རང་བཞིན་ངོས་ཟིན་དགོས་པས་ན་ཕྱིས་བྱུང་འགའ་ཟུང་
ལྟར་བྱུང་རྒྱལ་དུ་སྨྲ་བ་དགག་པ་དང༌། དོན་དུ་གཉེར་བ་དག་སྲིད་ན་བློ་གྲོས་ཀྱི་སྣང་བའི་སྒོ་
ཙམ་བསྟན་པའི་ཕྱིར་ཟུར་ཙམ་སྨོས་པའོ། །གཞན་ཡང་རྣལ་འབྱོར་མའི་རྒྱུད་ཀྱི་རྒྱལ་པོ་འདི་
ལ། གདན་བཞིར་གྲགས་ཤིང༌། དེ་ཡང་བདག་གི་གདན་དང༌། གཞན་གྱི་གདན་དང༌། སྦྱོར་
བའི་གདན་དང༌། གསང་བའི་གདན་ནོ། །དེ་ལ་གདན་ཞེས་བྱ་བ་ནི་གནས་ཀྱི་དོན་ཡིན་ལ། 
གནས་ཀྱི་དོན་ཡང་བརྗོད་བྱའི་དོན་དེ་དང་དེ་སྟོན་པའི་གཞུང་གི་སྡེ་ཚན་ཏེ། གནས་སུ་གྱུར་
པ་གཞུང་ཚིག་དེ་དང་དེ་ལ་ནི། གནས་པ་པོ་བརྗོད་བྱའི་དོན་དེ་དང་དེ་གནས་སོ། །ཞེས་པའི་
11-1-580


དོན་ནོ། །རྡོ་རྗེ་ནི་མི་འགྱུར་བ་སྟེ་ཆོས་ཀྱི་དབྱིངས་ཡིན་ལ། དེ་རྟོགས་པར་བྱེད་པའི་ཐབས་
ལའང་རྡོ་རྗེ་ཞེས་བརྗོད་དེ། དོན་རྡོ་རྗེ་དེ་སྟོན་པར་བྱེད་པའི་ཚིག་ནི་རྡོ་རྗེའི་གནས་སམ་
གདན་ནོ། །དེ་ཡང་རྒྱུ་རྒྱུད་བདག་གི་གདན། དབང་དང་བསྐྱེད་རིམ་གཞན་གྱི་གདན་ཞེས་
སོགས་སྔ་མ་ལྟར་གསུང་པ་ལྟར་བཤད་ཀྱང་འགལ་བ་ཆེར་མེད་མོད་ཀྱི། འོན་ཀྱང་འདི་སྐད་
ཅེས་བྱ་སྟེ། དངོས་བསྟན་ཚིག་ཙམ་གྱི་རྗེས་སུ་འབྲངས་པའི་དབང་དུ་བྱས་ན། གཞི་འཁོར་
བའི་ཆོས་ཐམས་ཅད་རང་བཞིན་གྱིས་སྟོང་པ་ནི་བདག་དང༌། གཞན་རྒྱུད་ལྟར་སྣང་བའི་ལྷ་
མཉེས་པར་བྱེད་པ་ནི་གཞན་དང༌། སྔགས་དང་རྒྱུད་ཀྱི་སྦྱོར་བ་རྣམ་པ་དུ་མ་ནི་སྦྱོར་བ་དང༌། 
ནང་རྩ་རླུང་ཐིག་ལེའི་རྣལ་འབྱོར་རྫོགས་རིམ་རྣམས་ནི་གསང་བའོ། །ཡང་བརྗོད་བྱའི་དོན་
གྱི་སྙིང་པོ་སྦས་པའི་ཚུལ་གྱི་དོན་ལྟར་ན། ཆོས་ཉིད་བསམ་གྱིས་མི་ཁྱབ་པའི་ཡེ་ཤེས་ནི་
བདག་སྟེ། རྒྱུད་ཀྱི་ཐོག་མའི་ཞུ་བའི་སྐབས་ན། འབྱུང་བ་བཞིའི་རྣམ་ཤེས་ཡེ་ཤེས་ཇི་ལྟ་བུ་
ཞེས་པ་དང༌། ཁྱིམ་བཅུ་གཉིས་དང༌། རབ་བྱེད་གསུམ་པར་སྟོང་བའི་རང་བཞིན་རྒྱས་པར་
གསུངས་པས། ཁམས་ལྔའི་དྭངས་མ་ཡེ་ཤེས་དང༌། འཁོར་བའི་བདེ་སྡུག་ཐམས་ཅད་འཆར་
བའི་གཞི་བདེན་དོན་བཅུ་གཉིས་དང༌། སྟོང་ཉིད་རྣམ་པ་ཐམས་ཅད་པ་རྣམས་གསལ་བར་
གསུངས་སོ། །གཞན་ནི་གཞི་འཁོར་བའི་ཆོས་ཀུན་རྫོབ་ཀྱི་སྣང་བ་ཐམས་ཅད་པ་སྟེ། དེ་
ཐམས་ཅད་ལ་ཆོས་ཉིད་རང་བཞིན་གྱི་ཚུལ་གྱིས་གནས་པའོ། །དེ་ཡང་གཞན་གདན་ཉིད་ཀྱི་
རབ་བྱེད་དང་པོ་ལས། བདུད་རྩི་ལྔའི་དག་པ་སྟོན་པར་བཞེད་དེ། འབྱུང་བ་རྣམས་ཀྱི་རང་
བཞིན་ཡེ་ཤེས་སུ་བཤད་པས་མཚོན་ནོ། །སྦྱོར་བ་ནི་ལམ་གྱི་ཡེ་ཤེས་རྣམས་ཡིན་ལ། དེ་ཡང་
རྡོ་རྗེ་དྲིལ་བུའི་དག་པ་དང༌། ལས་རྒྱའི་རྗེས་ཆགས་རྒྱས་པར་བཤད་པས་མཚོན་ཏེ། ལམ་
འདིའི་གཙོ་བོ་ཡང་ཟུང་འཇུག་བདེ་བ་ཆེན་པོའི་ལམ་ཉིད་ཡིན་པས་སོ། །གསང་བ་ནི་འབྲས་
བུ་སངས་རྒྱས་ཀྱི་ས་ཡིན་ལ། དེ་ཡང་དབང་དང་རྫོགས་རིམ་རྒྱས་པར་བཤད་པ་ཉིད་ཀྱིས་
11-1-581


ཐུན་མོང་མ་ཡིན་པའི་རྒྱུ་ལས་འབྲས་བུ་དཔོག་པའམ། དབང་བཞིའི་བརྡས་སྐུ་བཞི། རྫོགས་
རིམ་གྱི་རྩ་རླུང་ཐིག་ལེ་རྣམ་པར་དག་པའི་བརྡས། སྐུ་གསུང་ཐུགས་གསུམ་མམ། ཁམས་
གསུམ་གྱི་གནས་ལུགས་ཡིན་པའི་ཕྱིར། འབྲས་བུའི་མཚན་ཉིད་སྟོན་ཏེ། མདོར་ན་རྣམ་
མཁྱེན་མཚོན་བྱེད་ཀྱི་ཆོས་ཀྱིས་རྣམ་མཁྱེན་གོ་བ་བཞིན་ནོ། །གདན་སྔ་མ་གསུམ་གྱི་གནས་
སྐབས་དེ་དང་དེ་དག་ཏུ་དོན་ཚན་གཞན་དང་གཞན་མང་པོ་ཡོད་མོད་ཀྱི། བརྗོད་བྱའི་གཙོ་བོ་
མ་ཡིན་ཞིང༌། འཕྲོས་དོན་ཙམ་ཡིན་པའི་ཕྱིར། དེ་དག་ལ་བརྟེན་ནས་གོང་དུ་སྨོས་པའི་བརྗོད་
བྱ་དེ་དང་དེ་དག་འཐད་དམ་མི་འཐད་ཅེས་སོགས་ཀྱི་དཔྱད་པ་ནི་མི་འཇུག་གོ །གཞན་ཡང་
རྒྱུད་དཀྲུགས་ལུང་བཅུས་མན་ངག་གབ་ཅེས་གསང་སྔགས་པ་ཀུན་ཀྱི་ཁ་སྐད་དུ་གྲགས་པ་
ཡང༌། དོན་ལ་གནས་པ་ཡིན་པས་དྲན་རྒྱུ་གསལ་གསལ་མོའི་དཔྱད་པ་མང་པོ་ལ་སྙིང་པོ་
མེད་དོ། །རྒྱུ་མཚན་དེའི་ཕྱི་ཁྱབ་བྱ་བཞི་དང་གདན་བཞི་སྦྱོར་བ་རང་བཟོར་གོ་ནུས་ཤིང༌། ཕྱི་
ནང་གསང་བ་དེ་ཁོ་ན་ཉིད་ལ་སྦྱོར་བ་ལ་ཡང་རྒྱུ་མཚན་མེད་དེ། ཕྱི་ནི་བསྐྱེད་རིམ། ནང་ནི་
རང་ལུས་ལ་བརྟེན་པའི་རྫོགས་རིམ། གསང་བ་ནི་ལས་ཀྱི་ཕྱག་རྒྱའི་ལམ། དེ་ཁོ་ན་ཉིད་ནི་
སྟོང་པ་ཉིད་རྟོགས་པའི་ཡེ་ཤེས་ལ་སྦྱོར་དགོས་པར་བཤད་ན། ཁྱབ་བྱ་བཞི་པོ་ལ་དེ་དག་
རིམ་པ་ཅན་དུ་སྦྱོར་བ་དོན་མེད་པའི་ཕྱིར་རོ། །ཞེས་ཀྱང་གོ་བར་བྱའོ། །ད་ལྟ་རྒྱུད་འདི་ལ་
དབང་དང་བཤད་པ་མན་ངག་གི་རྒྱུན་ཆ་ཚང་ཙམ་མ་ཆད་པར་བཞུགས་པ་ནི། མར་རྔོག་གི་
ལུགས་ཉིད་ཡིན་ཅིང༌། དབང་ཙམ་དང༌། མན་ངག་ཐོར་བུ་དེ་ཙམ་བརྒྱུད་པ་གཞན་དང་
གཞན་ལ་ཡང་ཅུང་ཟད་ཡོད་མོད། སྔོན་འགོས་དང་གྱི་ཇོ་དང༌། ཇོ་བོ་སྨྲ་ཏི་ལ་སོགས་པས་
ཆོས་འདིའི་རྒྱུད་གཞུང་འགངས་ཆེ་བ་ཐམས་ཅད་བསྒྱུར་ཅིང་བཤད་པར་མཛད་པ་ཡིན་ཀྱང༌། 
ཕྱིས་དཔེ་ཙམ་མ་གཏོགས་རྒྱུན་ཆད་པར་སྣང༌། འདིའི་རྫོགས་རིམ་གྱི་གསལ་བྱེད་ལ། རྔོག་
པས་མཛད་པའི་མན་ངག་ཆུང་བ་ན། ཕྲ་ཐིག་བསམ་མི་ཁྱབ་དང་བཅས་པ་ལ་ཡིག་ཆུང་
11-1-582


གཅིག བ་ནུའི་མན་ངག རྨིག་པའི་མན་ངག ཆུ་ཤིང་སྙེ་མ། མེ་ལྔའི་སྦྱིན་སྲེག དེ་ཁོ་ན་ཉིད་ཀྱི་
སྦྱིན་སྲེག མཆོད་རྟེན་བུམ་པ། སྒྱུ་མ་གསུམ་བརྒྱུད་དེ་ཡིག་ཆུང་བརྒྱད་དོ། །མན་ངག་ཡི་གེ་ཆེ་
བ་ན། སྔོན་འགྲོའི་ཡིག་ཆུང༌། བ་ལང་རྨིག་པའི་ཡི་གེ་བཅུ་གསུམ་པ། སྟེང་གི་མཆེ་བ་གཉིས་
སོགས་ཀྱི་དོན་བ་ནུའི་མན་ངག བ་ལང་རྨིག་པ་ཡིག་གེ་གཉིས་པ། བ་ལང་རྨིག་པ་ཡིག་གེ་
གཅིག་པ། གཞན་སེམས་ཤེས་པའི་མན་ངག མེའི་ལས་ཀྱི་ཤོག་དྲིལ། སྒོང་སྐྱེས་ཁྱིམ་གྱི་མན་
ངག་ཆུ་ཤིང་མེ་ཏོག་གི་མན་ངག་འཕོ་བ་ཡན་ལག་དང་བཅས་པའི་མན་ངག གྲོང་འཇུག་གི་
མན་ངག མཆོད་རྟེན་བུམ་པའི་མན་ངག་དང་པོ་ལུས་མཆོད་རྟེན་གྱི་མན་ངག མཆོད་རྟེན་
བུམ་པའི་མན་ངག་ཕྱི་མ་ཡི་གེ་དགུ་པའི་མན་ངག འཕྲོས་དོན་བ་ལང་རྨིག་པ་བཞིའི་དབྱེ་བ། 
འཕྲོས་དོན་ཆུ་ཤིང་སྙེ་མ་བཞིའི་དབྱེ་བ་སྟེ་ཡིག་ཆུང་བཅུ་དྲུག་ཡོད་དོ། །དེའི་སྔོན་འགྲོ་ཞེས་
པ་ནི་བསམ་མི་ཁྱབ་དང་སྒོ་དགག་པ་གཉིས་སོ། །དེ་དག་ཏུ་མ་འདུས་པ་རྒྱུད་ཊིཀ་ཐོགས་
མེད་གྲགས་པས་མཛད་པ་ན་ཡང་ཅི་རིགས་པ་ཡོད་དེ། གདན་བཞིའི་རྫོགས་རིམ་ལ་མར་
ལུགས་འདི་ཤིན་ཏུ་རྒྱས་པར་སྣང་ངོ༌། །འདི་དག་དང་རྒྱ་གར་གྱི་འགྲེལ་པ་གཉིས་ཀྱི་འཆད་
ཚུལ་ལ་མི་མཐུན་པ་འགའ་རེ་འདུག་ཅིང༌། རྒྱ་འགྲེལ་གཉིས་པོ་ལ་ཡང་བཤད་ཚུལ་མི་འདྲ་
བ་ཅུང་ཟད་ཡོད་ལ། སློབ་དཔོན་བྷ་བ་བྷ་དྲས་མཛད་པའི་འགྲེལ་པ་དང༌། དགེ་བའི་གོ་ཆ་སྨྲི་
ཏི་དང་བཅས་པས་མཛད་པའི་འགྲེལ་པ་སྟེ་འགྲེལ་པ་གཉིས་པོའི་ལུགས་ལ། དམིགས་པའི་
རྣམ་གྲངས་འདི་བས་ཉུང་མོད་ཀྱང༌། སྤྱིར་མཆོག་ཏུ་གྱུར་པའི་མན་ངག་ཡོད་དེ། ཕྱོགས་
གཞན་དུ་ཅུང་ཟད་འཆད་པར་འདོད་དོ། །འདིའི་རྩ་རྒྱུད་ཀྱི་འགྱུར་ལ་འགོས་འགྱུར་ཉིད་
གཞན་ལས་ཅུང་ཟད་ལེགས་ཤིང་གོ་བདེ་བར་ཡོད་ཀྱང༌། མར་རྔོག་རྣམས་སྨྲ་ཏིའི་འགྱུར་གྱི་
སྟེང་ནས་ཉན་བཤད་མཛད་པས། མན་ངག་གི་བཤད་པ་དང༌། སྒོམ་དོན་སྒྲིག་པ་ལ་གོ་སླ་
བའི་ཕྱིར་འདིར་ཡང༌། ལུང་ཁུངས་སྨོས་པ་རྣམས་སྨྲ་ཏིའི་འགྱུར་ནས་དྲངས་པའོ། །རྒྱལ་བའི་
11-1-583


ཐུགས་བཅུད་མཁའ་འགྲོའི་ངེས་གསང་འདི། །ཟབ་མོ་རྒྱུད་ཀྱི་དོན་དང་མི་འགལ་ཞིང༌། །
གྲུབ་མཆོག་རྣམས་ཀྱི་མན་ངག་ཇི་བཞིན་དུ། །གསལ་ལ་མ་འདྲེས་གབ་འཁྲུགས་མེད་པར་
བཀོད། །དེ་ལས་རྣམ་དཀར་དགེ་བའི་ཚོགས། །ཅུང་ཟད་ཐོབ་པ་གང་དེས་ཀྱང༌། །མཐའ་
ཡས་འགྲོ་བ་མ་ལུས་པ། །རྡོ་རྗེ་སེམས་དཔའ་ཉིད་གྱུར་ཅིག །ཅེས་པ་རྡོ་རྗེ་གདན་བཞིའི་
འཁྲིད་ཡིག་ཡེ་ཤེས་སྒོ་འབྱེད་ཅེས་བྱ་བ་འདི་ཡང༌། རྒྱལ་ཁམས་པ་ཏཱ་ར་ནཱ་ཐས་སྨྲས་པ་ཏེ་
རང་ལོ་ལྔ་བཅུ་པར་སོན་པ་ན་ལྷོ་ཕྱོགས་ཀྱི་ཤམྦྷ་ལར་ཅུང་ཟད་ཅིག་བརྗོད་པའོ། །མངྒ་ལཾ། 
ཞུས་དག 
གསལ་བཤད། དཔེ་བསྡུར་མའི་རྟགས། 
སྔོན་མ་རྟག་བརྟན་པར་མ་དང་ཕྱི་མ་འཛམ་ཐང་པར་མ་ཡིན།{ [ ]
རྟག་བརྟན་པར་མ་ཁོ་ནར་ཡོད།{ }
འཛམ་ཐང་པར་མ་ཁོ་ནར་ཡོད།[ ]
འཛམ་པར་དང་རྟག་པར་ཉིས་ཆར་ཡོད་པའི་མཆན། ( )
རྟག་བརྟན་པར་མ་ཁོ་ནར་ཡོད་པའི་མཆན། ＜ ＞