4-1-1a


༄༅།  །རྗེ་ཐམས་ཅད་མཁྱེན་པ་ཙོང་ཁ་པ་ཆེན་པོ་བློ་བཟང་གྲགས་པའི་བཀའ་འབུམ་ང་པའི་དཀར་ཆག་བཞུག་སོ།།
4-1-1b


༄༅༅།   །སྭསྟི། མ་སྨད་སྙིང་སྟོབས་ལྷོ་ལམ་ལས་འོངས་པའི། །དཔྱད་བཟོད་གཏམ་གྱི་དྲི་བསུང་ཡོངས་རྫོགས་པ། །ལུང་རིགས་མགྱོགས་འགྲོའི་ཤུགས་ཀྱིས་འཛམ་གླིང་ཁྱོན། །ཀུན་
ཁྱབ་འཇམ་མགོན་ཡབ་སྲས་ཞིང་འདིའི་དབས། །གང་དེའི་བཞེད་སྲོལ་ཛ་མྤུའི་གསེར་བ་ཞུན་རྒྱུན། །དབྱིག་ལྡན་སྒེག་མོའི་ལྟོ་བར་ཡུན་འཁྱིལ་སླད། །དགའ་ལྡན་༧ སྐུ་བཅར་དར་ཧན་མཁན་པོ་ཡིས། །འཛད་
མེད་པར་གྱི་ཆོས་སྦྱིན་སྤེལ་བ་ལས། །སྔོན་རབས་མཁས་སྙེམས་མེས་རྒན་རྣམ་དཔྱོད་ཀྱིས། །མ་ལྕིགས་ཁུངས་ལྡན་མདོ་རྒྱུད་དཀའ་གནད་གཟུགས། །རྫོགས་པའི་ལེགས་བཤད་ཀུན་མཐོང་པུ་སྟ་ཀར་
རྒྱ་ཆེར་བཤད་པོ་སྒྲོན་གསལ་མཆན་བཅས་བཞུགས། །༼ད༽པར་རྒྱུད་ཐམས་ཅད་ཀྱི་རྒྱལ་པོ་དཔལ་དང་གསང་བ་འདུས་པའི་རྒྱ་ཆེར་བཤད་པ་སྒྲོན་མ་གསལ་པའི་ཚིག་དོན་ཇི་བཞིན་འབྱེད་པའི་
མཆན་གྱི་ཡང་འགྲེལ་ལ། ༤༠༠ དཀར་ཆག་ལ་ ༡ ཁྱོན་ ༤༧༧ བཞུགས།། སརྦ་ཛ་ག་ཏཾ།།  །།
4-2-1a



༄༅། །རྒྱུད་ཐམས་ཅད་ཀྱི་རྒྱལ་པོ་དཔལ་གསང་བ་འདུས་པའི་རྒྱ་ཆེར་བཤད་པ་སྒྲོན་མ་གསལ་བའི་ཚིག་དོན་ཇི་བཞིན་འབྱེད་པའི་མཆན་གྱི་ཡང་འགྲེལ་བཞུགས་སོ།།
4-2-1b


༄༅༅། །དངོས་གྲུབ་མཆོག་ནི་བདེ་ཆེན་གྱིས་འཐོབ་པའི། །ཚུལ་འདི་བསྟན་ཕྱིར་རིག་མའི་མཆོག་དང་ནི། །མཉམ་སྦྱོར་བླ་མ་དང་པོའི་མགོན་པོ་ཡི། །ཞབས་ཀྱི་པདྨར་སྤྱི་བོས་ཕྱག་འཚལ་ཏེ། །
གྲུབ་པའི་མཆོག་བརྙེས་བདེ་བ་ཆེན་པོ་ཡིས། །འཇིག་རྟེན་གསུམ་གྱི་རིན་ཆེན་གཅིག་པུ་ཞེས། །གསུངས་པའི་རྒྱུད་རྒྱལ་དཔལ་ལྡན་འདུས་པ་ཡི། །རྒྱ་ཆེར་བཤད་པ་ཟླ་མེད་སྒྲོན་གསལ་གྱི། །ལེའུ་སོ་སོའི་དཀའ་
གནས་མཐའ་གཅོད་རྣམས། །ལོགས་སུ་འཆད་ཅིང་རྒྱུད་འགྲེལ་ཚིག་དོན་རྣམས། །ཇི་བཞིན་ཞིབ་ཏུ་བཤད་པ་མི་སྣང་བས། །ཚིག་དོན་ཇི་བཞིན་མཆན་གྱིས་གསལ་བར་བྱ། །རྒྱ་གར་ན་པྲཱཀྲི་ཏ་ཡུལ་མི་
རང་བཞིན་པ་སོ་སོའི་སྐད་དང་། ཨ་བ་བྷྲཾ་ཤ་ཟུར་ཆག་གི་སྐད་དང་། པི་ཤ་ཙ་ཤ་ཟའི་སྐད་དང༌། སཾ་སྐྲྀ་ཏ་ལེགས་པར་སྦྱར་བ་ལྷའི་སྐད་དེ། སྐད་རིགས་བཞི་ཡོད་པ་ལས། ལེགས་པར་སྦྱར་བའི་སྐད་དུ་འགྲེལ་
4-2-2a


པའི་མཚན་ལ་པྲ་དཱི་པོ་ཏྱ་ཏ་ན་ནཱ་མ་ཊཱི་ཀཱ། ཞེས་འབྱུང་ངོ་། །མཚན་དེ་བོད་ཀྱི་སྐད་དུ་བསྒྱུར་ན། པྲ་དཱི་པ་ནི་སྒྲོན་མ་དང་། པའི་ན་རོར་འགྲོ་རྒྱུའི་ཨུ་དང་། ཏྱོ་དང་ཏ་ན་བཞི་ནི་གསལ་བར་བྱེད་པ་དང་། ནཱ་མ་
ནི་ཞེས་བྱ་བ་དང་འི་ཊཱི་ཀཱ་ནི་རྒྱ་ཆེར་བཤད་པ་སྟེ་རྒྱས་འགྲེལ་དང་། རྒྱ་ཆེར་འགྲེལ་དུའང་བསྒྱུར་རོ།། ༈ རང་དོན་མཐར་ཐུག་བླ་ན་མེད་པའི་བྱང་ཆུབ་ལ་དམིགས་པས་བྱང་ཆུབ་སེམས་དཔའ་དང་། གཞན་
དོན་མཐར་ཐུག་པ་ལ་དམིགས་པས་སེམས་དཔའ་ཆེན་པོ་གསུང་གི་དབང་ཕྱུག་བརྙེས་པས་གསུང་༼རྩ་བའི་རྒྱུད་དུ་དོན་ཟབ་པ་རྣམས་སྦས་པ། མུན་ཁྲོད་དུ་སྒྲོན་མེ་སྦར་བ་ལྟར་གསལ་བར་བྱེད་པས་སྒྲོན་མ་གསལ་བའོ། །༽གི་མངའ་
བདག་རྩུབ་རེག་གི་དྲི་མ་སྤངས་ཤིང་སེམས་ཅན་མཐའ་དག་ལ་བྱམས་པས་ཁྱབ་པས་འཇམ་པའི་དཔལ་གཉིས་སུ་མེད་པའི་ཡེ་ཤེས་ཀྱི་ངོ་བོ་ཉིད་ཀྱི་སེམས་དཔའ་ལ་ཕྱག་འཚལ་ལོ། །༼ཞེས་པ་ལོ་ཙྪ་བའི་འགྱུར་གྱི་ཕྱག་གོ། 
4-2-2b


༈ དཔལ་ལྡན་རྒྱུད་རྒྱལ་རྣལ་འབྱོར་རྒྱུད་ཀྱིས་ཤིན་ཏུ་གསལ་བར་རྣམ་ཕྱེ་ལེགས་བཤད་པ། །མཐའ་དྲུག་གི་ནི་འཆིང་བས་བཅིངས་པས་རྒྱལ་སྲས་ཡུལ་གྱུར་རྒྱལ་བའི་འདུས་གང་ཡིན། །སངས་རྒྱས་ཀུན་གྱིས་རིམ་
གཉིས་གནས་ཀྱིས་རྒྱས་བཏབ་དེ་ནི་ཀླུ་སྒྲུབ་ལས་རྙེད་པ། །ཁྱབ་བདག་དཔལ་ལྡན་རྡོ་རྗེ་སེམས་དཔར་བཏུད་དེ། ༈ ཟླ་བ་གྲགས་པས་རིམ་བཞིན་བཤད། །ཅེས་པའི་ཚིགས་སུ་བཅད་པ་འདིས་འགྲེལ་པའི་མཆོད་བརྗོད་དང་། བརྩམ་པར་དམ་བཅའ་
བ་གཉིས་བསྟན་པའི་དང་པོ་ནི། ཁྱབ་བདག་ནས་བཏུད་ཅེས་པའི་བར་རོ། །གཉིས་པ་ནི་དེའི་ལྷག་མ་རྣམས་སོ། །དེ་ལ་བཏུད་ཅེས་དྲང་ངོ་། །གང་ལ་ན་རྡོ་རྗེའི་རིགས་ལ་སོགས་པའི་རིགས་ཀུན་ལ་ཁྱབ་པའི་བདག་པོ་གཉིས་སུ་མེད་པ་ཟུང་འཇུག་གི་ཡེ་ཤེས་ཀྱི་དཔལ་རང་གི་ངོ་བོར་ལྡན་
ཞིང་། མཉམ་སྦྱོར་ལས། རྡོ་རྗེ་སྟོང་པ་ཉིད་དུ་བརྗོད། །སེམས་དཔའ་ཡེ་ཤེས་ཙམ་ཉིད་དེ། །དེ་དག་བདག་ཉིད་གྲུབ་པ་ནི། །རྡོ་རྗེ་སེམས་དཔའ་ཞེས་བརྗོད་དོ། །ཞེས་གསུངས་པ་ལྟར། རྡོ་རྗེ་སྟོང་པ་ཉིད་མཐར་ཐུག་པ་དང་། སེམས་དཔའ་ཡེ་ཤེས་གཉིས་རོ་གཅིག་ཏུ་ཞུགས་པ་
གྲུབ་པ་ལའོ། །གང་གིས་ན་འགྲེལ་པ་མཛད་པས་སོ། །ཇི་ལྟར་ན། སྒོ་གསུམ་གུས་པས་སོ། །དགོས་པ་ཅིའི་ཕྱིར་དུ་ན། རང་ཉིད་དམ་པར་བསྟན་པ་དང་། རྩོམ་པའི་བར་ཆད་ཞི་བ་དང་། གཞན་དང་བ་བསྐྱེད་པའི་ཆེད་དུའོ། །དེ་ཞེས་པ་ལྷག་མ་འདྲེན་པས་བཏུད་ནས་ཅི་ཞིག་
བྱེད་ཅེ་ན། བཤད་ཅེས་དྲང་ངོ་། །གང་བཤད་ན་གཉིས་སུ་མེད་པའི་ཡེ་ཤེས་ཟུང་འཇུག་གི་དཔལ་དང་ལྡན་པ་ནི་བརྗོད་བྱའི་གཙོ་བོའི་མིང་གིས་རྗོད་བྱེད་ལ་བཏགས་པའོ། །རྒྱུད་ནི་འདུས་པ་ཕྱི་མ་ལས། རྒྱུད་ནི་རྒྱུན་ཞེས་བྱ་བར་གྲགས། །རྒྱུན་དེ་རྣམ་པ་གསུམ་འགྱུར་ཏེ། །གཞི་དང་
4-2-3a


དེ་བཞིན་རང་བཞིན་དང་། །མི་འཕྲོགས་པ་ཡིས་རབ་ཕྱེ་བ། །རྣམ་པ་རང་བཞིན་རྒྱུ་ཡིན་ཏེ། །དེ་བཞིན་མི་འཕྲོགས་འབྲས་བུའོ། །གཞི་ནི་ཐབས་ཞེས་བྱ་བ་སྟེ། །གསུམ་གྱིས་རྒྱུད་ཀྱི་དོན་བསྡུས་པའོ། །ཞེས་རྒྱུད་ཀྱི་སྒྲ་དོན་ནི་རྒྱུན་ཆགས་པ་
དང་། དེ་ལ་རང་བཞིན་ཞེས་པ་སྒྲུབ་པ་པོ་རིན་པོ་ཆེ་ལྟ་བུའི་གང་ཟག་གི་རང་བཞིན་རྒྱུ་རྒྱུད་དང་། གཞི་ཞེས་པ་རིམ་གཉིས་ཀྱི་བསྙེན་སྒྲུབ་ཡན་ལག་བཞི་ཐབས་རྒྱུད་དང་། མི་གནས་པའི་མྱང་འདས་རྡོ་རྗེ་འཆང་ངམ་ཟུང་འཇུག་གི་སྐུ་གཞན་གྱིས་འཕྲོག་པར་མི་ནུས་པ་
འབྲས་བུའི་རྒྱུད་དུ་ནཱ་རོ་པས་བཤད་དེ་དོན་གྱི་རྒྱུད་ལ་གསུམ་དུ་ཕྱེ་བའོ། །ཤཱནྟི་པ་དང་ཨ་བྷྱཱ་ཀ་རས་རྒྱུ་རྒྱུད་སེམས་ཀྱི་ཆོས་ཉིད་ལ་བཤད་དོ། །དེ་གསུམ་བརྗོད་བྱར་སྟོན་པའི་སྒྲ་ལ་ཡང་རྒྱུད་ཅེས་བྱ་སྟེ་འདིར་ཕྱི་མའོ། །རྒྱལ་པོ་ནི་རྒྱུད་ཀུན་གྱི་གཙོ་བོའི་དོན་ནོ། །རྒྱལ་བ་ཐམས་
ཅད་ཀྱི་སྐུ་གསུང་ཐུགས་ཀྱི་གསང་བ་གསུམ་འདུས་པ་གང་ཡིན་པ་དེའོ། །དེ་ནི་ཁྱད་པར་གསུམ་དང་ལྡན་པའི་ཁྱད་པར་དང་པོ་ནི། རྣལ་འབྱོར་གྱི་རྒྱུད་ནི་རྣལ་འབྱོར་མའི་རྒྱུད་ཀྱི་ཟླས་དྲངས་པའི་ཐབས་རྒྱུད་ཡིན་ལ། དེའི་ནང་ནས་བཤད་རྒྱུད་དགོངས་པ་ལུང་སྟོན་སོགས་དྲུག་གིས་རྩ་རྒྱུད་ཀྱི་ཚིག་དོན་ཤིན་ཏུ་
གསལ་བར་རྣམ་པར་ཕྱེ་ནས་ལེགས་པར་བཤད་པའོ། །འདིས་ནི་འདུས་པ་ནི་བཅོམ་ལྡན་འདས་ཉིད་ཀྱིས་རང་གི་འགྲེལ་པ་རྣམས་ཀྱིས་ལེགས་པར་བཤད་པར་སྟོན་པས་ཁྱད་པར་དུ་འཕགས་པར་སྟོན་ཏོ། །ཁྱད་པར་གཉིས་པ་ནི་འདུས་པ་མཐའ་དྲུག་གི་འཆིང་བྱེད་ཀྱི་ནི་འཆིང་
བས་བཅིངས་པ་སྟེ་རྒྱས་བཏབ་པས་ཇི་ལྟ་བ་བཞིན་དུ་རྒྱལ་སྲས་ས་ཐོབ་པ་དང་། རིན་པོ་ཆེ་ལྟ་བུའི་གང་ཟག་རྣམས་ཀྱི་སྤྱོད་ཡུལ་དུ་གྱུར་པའོ། །ཞེས་རྟོགས་དཀའ་བར་སྟོན་ནོ། །འོག་གི་རྒྱས་བཏབ་ཅེས་པ་འདིར་ཡང་འཐོབ་སྟེ། མཐའ་དྲུག་ཚིག་གིས་ངེས་བྱས་པ། །རྒྱས་བཏབ་དོན་
4-2-3b


ནི་རབ་རྟོགས་བྱ། །ཞེས་པ་ལྟར་རོ། །མཐའ་དྲུག་གིས་ཚུལ་བཞི་ཡང་བཟུང་སྟེ། དེ་ནི་དེར་འདུ་བས་སོ། །ཁྱད་པར་གསུམ་པ་ནི། བསྐྱེད་རྫོགས་ཀྱི་རིམ་པ་གཉིས་ཡིན་ལ་གནས་ཀྱང་ཡིན་པས་དེ་གཉིས་ཀྱིས་འདུས་པའི་དོན་ལ་རྒྱས་བཏབ་པ་སྟེ། ཆིངས་དེ་གཉིས་ལས་མི་འདའ་བར་བྱས་པའོ། །རྒྱས་འདེབས་
མཁན་ནི་སངས་རྒྱས་ཐམས་ཅད་གཅིག་ཏུ་འདུས་པའི་བདག་ཉིད་ཡིན་པས་སངས་རྒྱས་ཀུན་གྱིས་ཏེ། རྒྱུད་ཀྱི་སྟོན་པ་རྡོ་རྗེ་འཆང་གིས་སོ། །གང་གིས་བཤད་ན་ཟླ་བ་གྲགས་པས་སོ། །ཇི་ལྟར་བཤད་ན། ཀླུ་སྒྲུབ་ལས་རྙེད་པའི་རིམ་པ་ཇི་བཞིན་ཏེ། དེ་ལས་མི་འདའ་བར་རོ། །དེ་ལས་རྙེད་ཚུལ་ནི། དེ་ནི་ཀླུ་སྒྲུབ་ལས་
རྙེད་པ་ཞེས་པའི། དེ་ནི་ཞེས་པའི་ཁྱད་པར་གསུམ་སྟོན་པས་རྣམ་པ་གསུམ་དུ་སྦྱར་ཏེ། རྩ་རྒྱུད་ཀྱི་ཚིག་དོན་གང༌། བཤད་རྒྱུད་ཀྱི་གཞུང་གང་གིས་འཆད་པའི་རྩ་བཤད་སྦྱོར་ཚུལ་དང་། མཐའ་དྲུག་གིས་རྒྱས་བཏབ་པའི་རྒྱ་འགྲོལ་ཚུལ་གཞུང་འདི་དང་འདི་མཐའ་དྲུག་གི་འདིས་བཤད་ཅེས་པ་དང་། དེ་ལྟར་
བཤད་པའི་དོན་རྣམས་ལམ་གྱི་རིམ་པར་སྡུད་པ་ནི། རིམ་གཉིས་ཡན་ལག་དང་བཅས་པར་སྡུད་ཚུལ་མགོན་པོ་ཀླུ་སྒྲུབ་ལས་ཇི་ལྟར་རྙེད་པ་བཞིན་དུ་འཆད་དོ།། ༈ གལ་ཏེ་ཁྱེད་འདུས་པའི་རྒྱུད་འཆད་ན་རྒྱུད་ཀྱི་དོན་རིམ་པ་དུ་ཞིག་ཏུ་བྱེད་ཅེ་ན་རིམ་པ་ལྔར་བྱེད་དོ། །ཞེས་སྟོན་པ་ནི། གསང་སྔགས་
ཀྱི་སྐུ་ནི་རབ་ཏུ་སྒྲུབ་པར་བྱེད། །པ་ནི་རིམ་ལྔའི་གསང་སྔགས་ཀྱི་སྐུ་དེ་གང་ཡིན་སྙམ་ན་འདི་པའི་ལུགས་ཀྱི་རིམ་པ་གཉིས་ཀྱི་ལྷའི་སྐུ་ལ་རིམ་པ་བཞིན་དུ་སྔགས་ཀྱི་སྐུ་དང་ཡེ་ཤེས་ཀྱི་སྐུ་ཞེས་ཟེར་བས་སྔགས་ཀྱི་སྐུ་ནི་བསྐྱེད་པའི་རིམ་པའི་ལྷའི་སྐུའོ། །རིམ་པ་དང་པོ་ཡིན་ནོ།། ༈  རྡོར་བཟླས་
མཐར་ཕྱིན་པའི་རྗེས་སུ་དེ་དང་ཕྱག་རྒྱ་ལ་བརྟེན་ནས་དྲངས་པའི་ཡེ་ཤེས་གསུམ་སེམས་ཀྱི་དེ་ཁོ་ན་ཉིད་ལ་དམིགས་པར་བསྐྱེད་པས་སེམས་ཀྱི་དེ་ཁོ་ན་ཉིད་ལ་དམིགས་པའི་སྣང་པ་མཆེད་ཐོབ་གསུམ་ཙམ་༼ཚབ་ཀྱིས། བསྐྱེད་པའི་རིམ་པ་གསང་སྔགས་སྐུ། །རབ་ཏུ་སྒྲུབ་བྱེད་དང་པོ་ཡིན། །ཞེས་
4-2-4a


བསྒྱུར་བ་གོ་སླའོ། །དེས་ན་ཁ་ཅིག་སྔགས་ཀྱི་སྐུ་སྒྲུབ་པ་བསྐྱེད་རིམ་དུ་འདོད་པ་བཀག་ནས་རྡོར་བཟླས་ལ་བྱེད་ཅིང་། དེ་རྫོགས་རིམ་གྱི་དང་པོའོ། །ཞེས་པ་ནི་དོན་མ་རྟོགས་པའི་བཤད་པའོ། །༼ཞིག་ནི། །རིམ་ལྔའི་རིམ་པ་གཉིས་པ་ཞེས་བརྗོད་དོ། །ཡེ་ཤེས་དེ་གསུམ་ནི་
རང་བཞིན་གྱི་རྟོག་པ་ཚན་པ་གསུམ་གྱིས་རིམ་པ་བཞིན་སྟོང་པས་ཙམ་གྱི་སྒྲས་ནི་རྟོག་པ་འགོག་པའོ། །རྫོགས་རིམ་གྱི་ལུས་དབེན་དང་རྡོར་བཟླས་ཀྱང་སེམས་དམིགས་ཀྱི་རིམ་པར་བསྡུས་པ་ཡིན་པས་ཡེ་ཤེས་གསུམ་སེམས་དབེན་དུ་བཤད་པ་ནི་གཙོ་བོའི་དོན་ནོ།།། ༈ སེམས་དབེན་གྱི་རླུང་སེམས་ཙམ་
ལས་བསྒྲུབས་པའི་ལྷ་ཡེ་ཤེས་ཀྱི་སྐུ་ཀུན་རྫོབ་བདེན་པ་ཞེས་བསྟན་པ་འཇའ་ལུས་རྡོ་རྗེ་སེམས་དཔའི་སྐུ་ནི། ཡིད་འཕྲོག་པའི་ཡིད་དུ་འོང་བ་རིམ་ལྔའི་རིམ་པ་གསུམ་པའོ།། ༈ ཀུན་རྫོབ་ཀྱི་བདེན་པ་སྒྱུ་མའི་ལུས་དེ་བསམ་གཏན་གཉིས་ཀྱིས་འོད་གསལ་དུ་
འཇུག་པ་ལ་ཡང་དང་ཡང་དུ་གོམས་པར་བྱས་པས་མཐར་སྒྱུ་ལུས་རྣམ་པར་དག་ནས་དོན་གྱི་འོད་གསལ་དུ་ཞུགས་པ་འི་ཡེ་ཤེས་ནི། །རིམ་ལྔའི་རིམ་པ་བཞི་པ་ཞེས་བརྗོད་དོ།། ༈ རླུང་སེམས་ཙམ་ལས་བསྒྲུབས་པའི་དག་པའི་སྒྱུ་མའི་སྐུ་ཀུན་རྫོབ་ཀྱི་བདེན་པ། དོན་དམ་པའི་
བདེན་པ་དང་རོ་གཅིག་ཏུ་ཞུགས་པའི་དོན་གྱི་འོད་གསལ་གྱི་ཡེ་ཤེས་ཀྱི་བདེན་པ་གཉིས་སྔ་མ་སྐུ་དང་ཕྱི་མ་ཐུགས་སུ་ངོ་བོ་གཅིག་ཏུ་སྦྱོར་བ་གང་ཡིན་པ། །མཚན་ཟུང་༼དེ་ཡང་རིམ་པ་དེའི་གཙོ་བོའི་དོན་ཡིན་པས་འོད་གསལ་དུ་འཇུག་པའི་ཐབས་བསམ་གཏན་གཉིས་ལ་སོགས་པ་ཡང་རིམ་
པ་དེར་བསྡུའོ། །༽འཇུག་ཅེས་བྱ་བ་ནི་རིམ་ལྔའི་རིམ་པ་ལྔ་པའོ་སྟེ།། ༈ དེ་འདྲ་བའི་རིམ་པ་ལྔ་པོ་འདི་ནི་རྡོ་རྗེ་འཆང་སྒྲུབ་པའི་ཡན་ལག་སྟེ་ཐབས་ཀུན་གྱི་ནང་ནས་མཆོག། ཏུ་གྱུར་པས་འདིའི་གོང་ན་གཞན་མེད་པའོ། །འོག་ནས་འདུས་པ་རྒྱུད་སྡེ་ཀུན་གྱི་རྩ་བར་
4-2-4b


སྟོན་པས་རྒྱུད་ཀུན་ཞེས་པ་རྒྱུད་སྡེ་བཞི་ག་ལ་བྱ་ལ། དེ་རྣམས་ཀྱི་གྱི་ནི་དོན་གྱི་གཙོ་བོ་ཀུན་རིམ་པ་ལྔ་པོ་འདིར་བསྡུས་པའོ། །ཞེས་བསྟན་པས་གསུང་རབ་ཐམས་ཅད་ཀྱི་གནད་མེད་མི་རུང་བ་རྣམས་འདུས་པའི་སྡོམ་དུ་བསྟན་ནོ།། ༈ སྔར་བཤད་པའི་རིམ་ལྔར་རྒྱུད་ཀུན་གྱི་གནད་རྣམས་འདུ་བ་དེ
བས་ན་སྔར་བཤད་པའི་བསྐྱེད་རིམ་དང་རྫོགས་རིམ་གྱི་༼པ་ཚབ་ཀྱིས་གང་གིས་ཤེས་པ་དེས་རྒྱུད་རིག་ཅེས་བསྒྱུར་བ་གོ་སླའོ། །༼རིམ་པ་འདི་ལས་བརྩམས་པ་ཡི་དབྱེ་བ་ཡང་། །བླ་མེད་ཀྱི་རྒྱུད་སོ་སོར་རྒྱ་ཆེར་སྤྲོས་པའི་རིམ་པས་རྣམ་པ་མང་། །པོ་ཡོད་ཀྱང་། དེ་རྣམས་འདིར་
བཤད་པའི་རིམ་ལྔར་ཡང་དག་པར་བསྡུས་པར་ནི། །སྒྲུབ་པ་པོ་གང་གིས་ཤེས་པ་འདུས་པའི་རྒྱུད་རིག་པར་འཇོག་གོ། དེས་ནི། །༼འདིར་རིམ་ལྔར་ལམ་གཞན་རྣམས་འདུ་བར་ཤེས་ཚུལ་དཀའ་བས་དེ་ཇི་ལྟར་ཡིན་སྙམ་ན། མི་སློབ་པའི་ཟུང་འཇུག་གི་སྐུ་གཉིས་ཀྱི་རིགས་འདྲའི་རྒྱུ་
ནི་སྔར་བཤད་པའི་སློབ་པའི་ཟུང་འཇུག་གི་སྐུ་དང་ཐུགས་ཡིན་ཏེ། ལམ་གྱི་སྐབས་ཀྱི་རྫོགས་རིམ་གྱི་གཙོ་བོ་ལ་དེ་འདྲ་གཅིག་དགོས་པ་ནི་རྣལ་འབྱོར་བླ་མེད་ཀྱི་རྒྱུད་ཀུན་ལ་འདྲའོ། །ཟུང་འཇུག་དེ་བསྐྱེད་པ་ལ་ཡ་གཉིས་སྔོན་དུ་བསྐྱེད་དགོས་པས་སྔོན་དུ་དེ་གཉིས་ཀྱི་བསྐྱེད་ཚུལ་དགོས་པ་དང༌། གོ་རིམ་ཡང་དང་པོར་ཀུན་
རྫོབ་སྒྱུ་མ་དང་། དེ་ནས་འོད་གསལ་གྱི་ཡེ་ཤེས་སྐྱེད་པ་དང་། དེ་གཉིས་ཀྱི་སྔོན་དུ་སྒྱུ་མ་དང་། དོན་གྱི་འོད་གསལ་གྱི་ཡེ་ཤེས་གང་ལས་བསྒྲུབ་པའི་གཞི་བསྐྱེད་ཚུལ་དང་དེའི་སྔོན་དུ་དེ་འདྲེན་པའི་ཐབས་ལུས་ལ་གནད་དུ་བསྣུན་ལུགས་རྣམས་དགོས་པར་ཡང་འདྲའོ། །དེ་རྣམས་ལ་ཡང་སྔོན་དུ་དེ་རྣམས་སྐྱེ་བའི་སྨིན་
བྱེད་སྐྱེ་ཤི་བར་དོ་གསུམ་སྐུ་གསུམ་དུ་འཁྱེར་བ་ལས་བརྩམས་པའི་རགས་པ་དང་ཕྲ་བའི་རིམ་པ་དང་པོ་བསྐྱེད་དགོས་པའི་ཚུལ་རྣམས་ལེགས་པར་ཤེས་པ་ཡིན་གྱི། འདུས་པ་ལྟ་བུ་གཅིག་ནས་བཤད་པ་ཇི་མ་ཇི་བཞིན་པ་ཁོ་ན་རྒྱུད་གཞན་ནས་བཤད་དགོས་པར་སྟོན་པ་མིན་ནོ། །དེས་ན་སྔར་བཤད་པའི་རིམ་པ་དེའི་ཕྱག་
4-2-5a


རྒྱས་རྒྱས་བཏབ་པ་ལས་མ་འདས་པར་རྒྱུད་རྣམས་ཀྱི་དོན་གཏན་ལ་འབེབས་ནུས་ན། དེ་ནི་རྒྱུད་འདི་ལྟ་བུ་རྣམས་ལ་མཁས་པར་འཇོག་པའི་དོན་ནོ།། ༈ འདུས་པའི་རྒྱུད་འཆད་ཉན་ལ་འཇུག་རིམ་ཇི་ལྟར་བྱ་ཞེ་ན། སྔོན་དུ་ཡབ་སྲས་ཀྱིས་གསུངས་པའི་རིམ་གཉིས་ཀྱི་
གཞུང་ཕྲན་རྣམས་ལས་ཇི་ལྟར་བཤད་པ་ལྟར་གྱི་སྔགས་ཀྱི་སྐུ་བསྐྱེད་པའི་རིམ་པ་དང་སེམས་དབེན་གྱི་རིམ་པ་དང་སྒྱུ་ལུས་ཀྱི་རིམ་པ་དང་ནི། །སྒྱུ་ལུས་རྣམ་པར་དག་པ་འོད་གསལ་གྱི་རིམ་པ་དང་ནི་བདེན་གཉིས་ཟུང་དུ་འཇུག་པ། །རིམ་པ་ལྔ་ཡི་བསྡུས་པའི་དོན། །
གྱི་གནད་རྣམས་ལེགས་པར་ཤེས་པར་བྱས་ནས་དེའི་རྗེས་སུ་མཐའ་དྲུག་པ་རྩ་བའི་རྒྱུད་འཆད་པ་དང་ཉན་པ་ལ་འཇུག་པར་བྱ་སྟེ། སྔོན་དུ་རྒྱུད་སོ་སོའི་རིམ་གཉིས་ཀྱི་མན་ངག་ལ་ལེགས་པར་ཁྲིད་དེ་གོ་བ་ཆགས་པར་བྱས་ནས། དེའི་འོག་ཏུ་རྒྱུད་ལ་འཇུག་པའི་རིམ་པ་འདི་ནི་མན་ངག་ཆེན་པོ་
བྱིན་པའོ། །གོ། ༈ བཤད་བྱ་རྒྱུད་ཀྱི་ཆེ་བ་ནི་། ཇི་སྲིད་ཡ་ར་ལ་ཝ་ནི་མཐར་གནས་ཀྱི་སྡེ་དང་ཤ་ནས་ཧའི་མཐའི་བར། །ནི་དྲོ་བའི་སྡེ་ཚན་ནོ། །ཀ་ཁ་གྷ་ནི་ཀ་སྡེ་ཡིན་ལ་མཐའ་ནི་རྒྱུད་ཀྱི་མཚན་གྱི་མཐར་ཡི་གེ་དེ་རྣམས་ཡོད་པ་སྟེ། དཔེར་ན། ཡེ་ཤེས་རྡོ་རྗེ་ཀུན་ལས་བཏུས་ཀྱི་
མཐར་ས་མུད་ཙ་ཡ་ཞེས་ཡ་དང་༼ནི་ཆག་གིས། ཇི་སྙེད་དུ་བསྒྱུར། པ་ཚབ་ཀྱིས་ཡ་ར་ལ་ཝ་ཧ་མཐའི་བར། ཞེས་མཐའི་བར་ཞེས་བསྒྱུར་ཀྱང་། དེ་དེའི་ཞེས་གསུངས་པས་གང་གང་གི་དོན་དུ་བྱའོ།། ༧ ཡེ་ཤེས་རྡོ་རྗེ་ཀུན་ལས་བཏུས་ལས་ཀ་ལ་སོགས་པ་རེ་རེའི་མཐའ་ཅན་གྱི་རྒྱུད་ལའང་། རྒྱུད་སྡེ་སྟོང་ཕྲག་རེར་བཤད་ཅིང༌། དེ་ཡང་རྒྱུད་སྡེ་
བཞི་ཀའི་དབང་དུ་མཛད་ནས་གསུངས་པའི་དོན་ནོ། །༽དགོངས་པ་ལུང་སྟོན་གྱི་མཐར་བྱཱ་ཀ་ར་ཎ་ཞེས་ཎཱ་དང་། རྡོ་རྗེ་འཕྲེང་བའི་མཐར་མཱ་ལ་ཞེས་ལ་འབྱུང་བ་ལྟ་བུའོ། །ཎ་ནི་ཊ་སྡེ་དང་ཛ་ནི་ཙ་སྡེ་སྟེ་དེ་རྣམས་ཀྱི་འི་མཐའ། །ཅན་དང་། ཏའམ་ད་དྷ་ནི་ཏ་སྡེ་སྟེ་དེ་རྣམས་ཀྱི་འི་མཐའ་དང་མ་ནི་པ་སྡེ་སྟེ་དེ་རྣམས་ཀྱི་མཐར་བཅས། །
4-2-5b


ནི་མཐའ་ཅན་ནོ། །གསལ་བྱེད་ཀྱི་ཡེ་གེའི་མཐའ་ཅན་གྱི་རྒྱུད་སྡེའི་རྩ་བར་གསུངས་པ་ནི་མཚོན་པ་ཙམ་ཡིན་པས་དབྱངས་ཀྱི་ཡི་གེ་རྣམས་ཀྱིའང་མཐའ་ཅན་གྱི་རྒྱུད་སྡེ། དེ་དང་དེའི་རྩ་བ་ནི་ཡི་གེ་གསུམ། །༼ཞེས་པ་ས་མ་ཛ་སྟེ་འདུས་པའོ། །ནཱ་རོ་པས་འབྲུ་གསུམ་ལ་བཤད་པ་ནི། གསང་
འདུས་པའི་འདུ་རྒྱུ་གསང་བ་གསུམ་སྐུ་གསུང་ཐུགས་ལ་རྒྱུད་ཕྱི་མར་བཤད་པས་འདུ་རྒྱུའི་སྒོ་ནས་འདུས་པ་ངོས་བཟུང་བའོ། །རྩ་བའི་དོན་ནི་ཤིང་སྡོང་པོ་ལ་ཡལ་ག་སོགས་དུ་མ་ཡོད་ཀྱང་གང་དུ་འདུ་བའི་གནས་རྩ་བ་ཡིན་པ་ལྟར་རྒྱུད་སྡེ་རྣམས་ལ་དོན་མི་འདྲ་བ་དུ་མ་ཡོད་ཀྱང་དེ་དག་གི་གནད་ཐམས་ཅད་མཐར་
གཏུགས་ན་འདུས་པའི་ལམ་དུ་འདུ་བའི་དོན་ནོ།། ༈ ཐུབ་པ་ཆེན་པོས་འདོད་ཆགས་ལ་སྤྱོད་པ་ལ་སོགས་པའི་གཉེན་པོར་ཆོས་ཀྱི་ཕུང་པོ། །བརྒྱད་ཁྲི་བཞི་སྟོང་གསུངས་པ་ཡི། །དཔལ་ལྡན་འདུས་པ་འདི་སྣོད་རིན་པོ་ཆེ་འཇུག་པའི་ཟ་མ་ཏོག་ལྟ་བུ་ནི་ཡིན་
ཏེ། །རྒྱུད་རྡོ་རྗེ་འཕྲེང་བ་ལས་ཀྱང་། དཔལ་ལྡན་འདུས་པར་བརྡ་ཙམ་གང་། །རྣལ་འབྱོར་བླ་ན་མེད་རྒྱུད་དུ། །ཐུབ་པ་ཆེན་པོས་ཆོས་ཕུང་པོ། །བརྒྱད་ཁྲི་དང་ནི་བཞི་སྟོང་ངོ༌། །ཞེས་གསུངས་པ་ལྟར་རོ། །རྒྱུད་སྡེ་ཀུན་གྱི་རྩ་བ་དང་མདོ་སྡེ་ཀུན་གྱི་ཟ་མ་ཏོག་ཡིན་པ། དེ་བས་ན་འདུས་པ་དེ་ནི་རྒྱུད་ཀུན་
ཀྱི་རྩེ། །མོ་སྟེ་མཐོ་ཤོས་ཡིན་ནོ།། ༈ ཆེ་བ་གཉིས་དང་ལྡན་པའི་རྒྱུད་དེ་རྒྱན་བདུན་གྱི་སྒོ་ནས་བཤད་དགོས་པར་སྟོན་པ་ནི། རྗོད་བྱེད་ཀྱི་གཞུང་ཉུང་བ་དང་ལ་བརྗོད་བྱའི་དོན་མང་ཞིང་བ། །འདུས་པའི་རྒྱུད་ནི་བློས་རྙེད་པ་སྟེ་རྟོགས་པར་དཀའ་
བ་ལ་ཞིང་། །རྒྱན་བདུན་གྱི་སྒོ་ནས་བཤད་པ་ཤིན་ཏུ་རྟོགས་པར་དཀའ་༼འདུས་པའི་རྒྱུད་ནི་གཞུང་ཉུང་ཞིང་། །དོན་མང་རྟོགས་པར་དཀའ་བ་ལ། །རྣམ་པ་ཀུན་ཏུ་འཁྲུལ་འགྱུར་ཏེ། །རྒྱན་བདུན་རྟོགས་པར་དཀའ་ཕྱིར་རོ། །ཞེས་འབྱུང་བ་གསལ་ལོ། །༽བས་ན། །ཐམས་ཅད་དུ་
4-2-6a


ནི་སྟེ་རྣམ་པ་ཀུན་ཏུ་རྣམ་པར་འཁོར། །བ་སྟེ་འཁྲུལ་པར་འགྱུར་རོ།། ༈ རྒྱན་བདུན་གྱི་སྒོ་ནས་མ་བཤད་ན་རྒྱུད་དོན་རྫོགས་པར་མི་རྟོགས་པ་དེ་བས་ན་བླ་མ་འཕགས་པ་ཡབ་སྲས་གཉིས་ལ་སོགས་པའི་བཀའ་དྲིན་གྱིས། །ཏེ་དེ་ལ་བརྟེན་ནས་རྒྱན་བདུན་
གྱི་སྒོ་ནས་འཆད་ཚུལ། འབད་དེ་རྣམ་པར་ཤེས་ནས་ནི། །གདུལ་བྱའི་སེམས་ཅན་རྗེས་སུ་གཟུང་བར་འདོད་པ་ཡིས། །རྒྱན་བདུན་པོ་དེ་ཡི་རྣམ་པར་དབྱེ་བ་བཤད་པར་བྱའོ།། ༈ རྒྱན་བདུན་དང་དེའི་དབྱེ་བ་ཇི་ལྟར་ཡིན་ཞེ་ན། གླེང་བསླང་བ་ཡི་རྒྱན་གྱི་
དབྱེ་བའི་གྲངས་ནི་རྣམ་པ་ལྔའོ། །འཚང་རྒྱ་ཚུལ་གྱི་རྒྱན་ལ་ནི་དབྱེ་བ་རྣམ་པ་བཞི་ཡིན་ལ། །གཞུང་འགྲེལ་ཚུལ་ལ་གཉིས་ཡོད་པའི། རྒྱས་པར་ཏེ་གཞུང་སོ་སོའི་དོན་བཤད་པའི་རྒྱན་ལ་ནི་དབྱེ་བ་མཐའ་ནི་རྣམ་པ་དྲུག། གོ། གཞུང་གཅིག་གི་དོན་བཤད་
པའི་རྒྱན་ལ་ཡང་ནི་དབྱེ་བ་རྣམ་པ་བཞིའོ། །རྒྱན་ལྔ་པ་དོན་གང་སློབ་མ་གང་ལ་འཆད་ཚུལ་གྱི་རྒྱན་ལ་ནི་འི་དབྱེ་བ་རྣམ་པ་གཉིས། །སོ། །རྒྱན་དྲུག་པ་རྒྱུད་ལ་འཇུག་པའི་གང་ཟག་གི་རྒྱན་ལ་ནི་འི་དབྱེ་བ་རྣམ་པ་ལྔ་དང་ལྡན། །ནོ། །རྒྱན་བདུན་པ་
དགོས་པའི་རྒྱན་ལ་དབྱེ་བ་རྣམ་པ་གཉིས་ཏེ། །དེ་རྣམས་ནི་རྒྱན་རྣམས་མདོ་རུ་བསྡུས་པ་སྟེ་མདོར་བསྟན་པའོ།། ༈ རྒྱན་ཉེར་བརྒྱད་པོ་རྣམས་ཀྱི་རེ་རེའི་མཚན་ཉིད་ཇི་ལྟར་ཡིན་ཞེ་ན། འདུས་པའི་བཤད་པའི་རྒྱུད་ཡེ་ཤེས་རྡོ་རྗེ་ཀུན་ལས་བཏུས་ཀྱི་རྗེས་
སུ་འབྲངས་ནས། །རྒྱན་ནི་བདུན་པོ་རྣམས་ཀྱི་ནི། །དབྱེ་བ་རྣམས། མདོར་བསྟན་གྱི་རིམ་པ་བཞིན་དུ་ནི་དབྱེ་བ་རེ་རེ་ཡི། །ངོས་འཛིན་བསྟན་པ་དག་ནི་བདག་གིས་བྱའོ།། ༈ དེ་ལ་ཐོག་མར་གླེང་བསླང་བ་ལས་ཕྱེ་བ་ལྔའི་མིང་དང་དོན་འཆད་པ་ལ་བཤད་པར་
4-2-6b


བྱ་བའི་རྒྱུད་ཀྱི་མཚན་གང་ཡིན་སྙམ་ནས་འདྲི་བ་ནི། རྒྱུད་འདིའི་མིང་ནི་ཅི་ཞིག་ཡིན། །ཞེས་པའོ། །རྒྱུད་དེ་ཆེད་དུ་བྱ་བའི་གདུལ་བྱ་ཅི་འདྲ་ཞིག་གི་དབང་དུ་མཛད་སྙམ་ནས་འདྲི་བ་ནི། གང་གི་དོན་དུ་འདི་ཉིད་མཛད། །ཅེས་པའོ། །རྒྱུད་འདིའི་མཛད་པ་པོ་གང་སྙམ་ནས་འདྲི་བ་ནི་མཛད་པ་པོ་སུ་ཞིག་
རྒྱུད་འདིའི་བྱེད་པ་པོ་ཡིན་ཞེས་འདྲི་བའོ། །རྒྱུད་འདིའི་ཚིག་དོན་གྱི་ཚད་གང་ཡིན་སྙམ་ནས་འདྲི་བ་ནི་རྒྱུད་འདིའི་ཚད་གང་། །ཞེས་འདྲི་བའོ། །རྒྱུད་ཀྱི་དོན་རྟོགས་པའི་དགོས་པ་གང་ཡིན་སྙམ་ནས་འདྲི་བ་ནི་མིང་ལ་སོགས་པར་མ་ཟད་རྒྱུད་འདི་ཡི་དོན་རྟོགས་པའི་དགོས་པའང་ཅི་ཞིག་ཡིན། །
ཞེས་འདྲི་བའོ།། ༈ རྒྱུད་ཀྱི་མིང་དྲིས་པའི་ལན་དུ་རྒྱུད་ཀྱི་མཚན་ནི་མིང་ཡིན་ལ། །ཞེས་པ་འདི་མི་རིགས་ཏེ་དྲི་བ་དང་ལན་ལ་རྟོགས་དཀའ་སླ་མེད་པའི་ཕྱིར་རོ་སྙམ་ན། ཁ་ཅིག་བླ་མ་སོགས་གོང་མའི་མཚན་དངོས་སུ་མི་བརྗོད་པ་དང་འདྲ་བར་མཚན་བརྗོད་དཀའ་བས་རྒྱུད་ཀྱི་རྒྱན་དུ་ཆེའོ་ཟེར་མོད་
ཀྱང་བཤད་རྒྱུད་ལས་རྩ་རྒྱུད་མང་པོ་ཞིག་གི་དབང་དུ་མཛད་ནས་གསུངས་པས་བྱེ་བྲག་པ་གཅིག་གི་མཚན་མ་སྨོས་པར་སྤྱིར་མཛད་པ་ཡིན་ལ། སྒྲོན་གསལ་གྱིས་ཀྱང་རྒྱུད་ལྟར་སྤྱིར་བཤད་ཀྱང་། སྐབས་སྟོབས་ཀྱིས་འདུས་པ་ལ་གོ་ནུས་སོ། །དྲི་བ་གཉིས་པའི་ལན་ནི་གདུལ་བྱའི་སྐྱེ་བོ་དབང་པོ་གཉིས་
སྦྱོར་གྱི་འདོད་ཆགས་ལམ་དུ་བྱས་ནས་འཚང་རྒྱ་བ་ལ་མོས་པ་ཅན་གྱི་དོན་དུ། །རྒྱུད་འདི་མཛད་དོ། །འདུས་པའི་རྒྱུད་འདི་ཡི་བྱེད་པ་སྟེ་མཛད་པ་པོ་ནི་ཆགས་བྲལ་གྱི་ཆ་ལུགས་དོར་ནས་བཙུན་མོ་དང་མཉམ་པར་སྦྱོར་བའི་ཆགས་ཅན་གྱི་རྣམ་པ་ཅན་དུ་མཛད་པའི་རྡོ་རྗེ་སེམས། །
དཔས་གསུངས་ཏེ། རྡོ་རྗེ་འཕྲེང་བ་༼དེས་ནི་ཆགས་བྲལ་གྱི་སྤྱོད་པ་ཅན་མཚན་ཉིད་ཀྱི་ཐེག་པའི་གདུལ་བྱ་དང་འདོད་ཡོན་ལ་ཆགས་པ་ལམ་བྱེད་ཙམ་ཞིག་ཡོད་ཀྱང་དབང་པོ་གཉིས་སྦྱོར་གྱི་ཆགས་པ་ལམ་དུ་བྱེད་མི་ནུས་པ་རྒྱུད་སྡེ་འོག་མའི་གདུལ་བྱའི་དབང་དུ་བྱས་ནས་རྒྱུད་འདི་གསུངས་པ་མིན་པར་སྟོན་ནོ། །
4-2-7a


༽ལས། བཅོམ་ལྡན་འདས་ཀྱིས་རང་གི་རིག་མ་ཕྱུང་སྟེ། སྒེག་པ་ལ་སོགས་པའི་ཉམས་དང་ལྡན་པ། བདག་ཉིད་ཀྱི་འདོད་ཆགས་དང་བྲལ་བའི་གཟུགས་སྤངས་ནས་སྒེག་པ་ལ་སོགས་པའི་ཉམས་དང་ལྡན་པའི་གཟུགས་བླངས་ནས་རང་གི་རིག་མ་ལ་འཁྱུད་ནས་ཞེས་དེ་འདྲ་
བའི་རྣམ་པར་མཛད་ནས་རྒྱུད་གསུངས་པར་བཤད་པ་བཞིན་དུ། རྩ་རྒྱུད་གསུང་བ་ན་ཡང་དེ་ལྟར་མཛད་དོ། །མིང་ལ་སོགས་པ་དྲིས་པའི་ལན་བཤད་པར་མ་ཟད། རྒྱུད་ཀྱི་ཚད་དག་དྲིས་པའི་ལན་ཀྱང་ནི་བཤད་པར་བྱ་སྟེ། །ལེའུ་དང་དེ་བཞིན་དུ་ཆོ་ག་དང༌། །དུམ་བུ་དང་དེ་བཞིན་དུ་རིམ་
པར་ཕྱེ། །བ་བཞི་ཡོད་པས་རྒྱུད་ཀྱི་དོན་གྱི་གྲངས་ཚད། དེ་ནི་རྣམ་པ་བཞིར་འགྱུར་ཏེ། །དོན་གྱི་གྲངས་ཚད་བཞིར་འགྱུར་བར་མ་ཟད་གཞུང་ཉིད་ཀྱི་ནི་གྲངས་ཚད་ཀྱང་བཞིར་འགྱུར་རོ་ངོ་། །དྲིས་ལན་སྔ་མ་རྣམས་སུ་མ་ཟད་རྒྱུད་དོན་རྟོགས་པའི་དགོས་པ་ཡང་ནི་བཤད་པར་བྱ་སྟེ། །
དེ་ཡང་འདུས་པ་ལྟ་བུ་གཅིག་ལ་མཚོན་ན། གཞུང་གི་གྲངས་ཚད་ནི་ལེའུ་བཅུ་བདུན། ཆོ་གའི་སྐད་དོད། ཀལྤ་ཞེས་པ་རྟོག་པ་ལ་ཡང་འགྲོ་བས། རྟོག་པ་བཅུ་བདུན། དུམ་བུ་བཅུ་བདུན། རིམ་པར་ཕྱེ་བ་བཅུ་བདུན་ཏེ་མདོར་ན་གཞུང་ལ་ལེའུ་དུ་ཡོད་པའི་ཚད་དོ། །དོན་གྱི་ཚད་ནི་དོན་གྱི་ལེའུ་སོགས་ཡིན་ལ། དེ་ཡང་
པ་རི་ཙྪེཿད་ཡོངས་སུ་གཅོད་པ་སྟེ་དོན་གྱི་ཁྱད་པར་འདིས་མི་མཐུན་ཕྱོགས་འདི་དང་འདི་གཅོད་ཅེས་པའོ། །རྟོགས་པར་བྱེད་པས་ན་རྟོག་པ་སྟེ། ཞི་སོགས་ཀྱི་ལས་ཚོགས་ཐབས་འདིས་སྒྲུབ་པར་བྱེད་པའི་རྟོག་པ་འམ་ཆོ་ག་ཞིབ་མོའོ། །དུམ་བུར་བྱེད་པས་ན། ཁཎྜ་སྟེ་དུམ་བུ་ཡིན་ལ། དེ་ཡང་རིམ་པ་ལྔ་དང་ཡན་
ལག་དྲུག་ལ་སོགས་པ་ལམ་གྱི་རིམ་པ་ཚན་ཚན་དུ་བྱས་པའོ། །རིམ་པར་ཕྱེ་བ་ནི་བསྐྱེད་པ་དང་རྫོགས་པའི་རིམ་པར་བྱས་པ་ལྟ་བུའོ། །༼དངོས་གྲུབ་ཐ་མ་ཞི་བ་དང་སྩོགས་པས་རྒྱས་པ་དང་དབང་དང་དྲག་པོའི་བྱ་བའི་ཆོགས། ནད་ཞི་བ་དང་ཚེ་རྒྱས་པ་སོགས་དང་། །དེ་བཞིན་དུ་
4-2-7b


དངོས་གྲུབ་འབྲིང་ལྷ་མོ་བཞིས་ཞུས་ལས། རྫས་བརྒྱད་ཡན་ལག་སྒྲུབ་པ་བཤད། །རིལ་ལུ་མིག་སྨན་དངོས་གྲུབ་དང༌། །ས་འོག་རལ་གྲིའི་དངོས་གྲུབ་དང༌། །ནམ་མཁར་འཕུར་དང་མི་སྣང་དང༌། །ཤི་བ་མེད་དང་ནད་འཇོམས་སོ། །ཞེས་གསུངས་པ་ལྟར། གྲུབ་པ་བརྒྱད་དེ་དེ་གཉིས་དང་ནི། །ཐུན་མོང་གི་དངོས་གྲུབ་
བོ། །དེ་གཉིས་སུ་མ་ཟད། སངས་རྒྱས་ཀྱང་ནི་མཆོག་གི་དངོས་གྲུབ། ཉིང་དགོས་ཡིན་ནོ།། ༈ གླེང་བསླང་བའི་རྒྱན་ནི་འདས་པ་སྟེ་བཤད་ཟིན་ཏེ། །དེར་མ་ཟད་རྒྱན་གཉིས་པ་ཡང་ནི་བཤད་པར་བྱའོ། །སྔར་རྒྱན་གཉིས་པ་ལ་བཞིར་ཕྱེ་བ་དེ་གང་ཡིན་སྙམ་ན། རྒྱུད་༼
༧ དེ་རྣམས་ནི་དགོས་པའི་དགོས་པར་བྱ་ཞིང་དགོས་པ་གསུམ་ཡང་ཚེ་འདི་ཉིད་ལ་འགྲུབ་པའི་དབང་དུ་བྱས་པའོ། །དེ་ལྟར་ན་མཐའ་དྲུག་དང་ཚུལ་བཞིའི་བཤད་པ་རྫོགས་པར་འཇུག་པའི་བཤད་གཞི་ནི། མིང་འདི་ཞེས་བྱ་བའི་མཚན་ཅན་གདུལ་བྱའི་གཙོ་བོ་དབང་པོ་གཉིས་སྦྱོར་གྱི་ཆགས་པ་ལམ་དུ་བྱེད་ནུས་པའི་དོན་
དུ། བཙུན་མོ་དང་མཉམ་པར་སྦྱོར་བའི་གཟུགས་ཅན་གྱི་རྡོ་རྗེ་སེམས་དཔས་གསུངས་ལ། དོན་དང་གཞུང་གི་ཚད་འདི་ལྟ་བུ་དང་ལྡན་ཞིང་། ཚེ་འདི་ལ་དངོས་གྲུབ་གསུམ་སྟེར་ནུས་པ་སྟེ་ཁྱད་པར་ལྔ་དང་ལྡན་པ་ཞིག་གོ། ཞེས་བཤད་གཞི་ངོས་འཛིན་པའོ། །༼དག་དང་ནི་གླེང་གཞི་དང༌། །ངེས་པའི་
ཚིག་དང་རྒྱུ་ཞེས་བྱ་བ་བཞི་ཡིན་ནོ།། ༈ ཚུལ་བཞི་འདི་ལ་གཉིས་ཡོད་པའི་ཆགས་བྲལ་གྱི་ཚུལ་བཞི་ནི། དང་པོར་འཛམ་བུ་གླིང་པའི་མི་ཡི་སྐྱེ་བར་འཁྲུངས་པ་ནི། །རྒྱུད་ཅེས་བྱ་བ་ཡིན་པར་བརྗོད་དོ། །དེ་ནས་༼ དག་ཅེས་པ་འགྱུར་གསར་གཉིས་ཀ་ལ་མེད་ལ་དགོས་པ་ཡང་མིན་ནོ། །
༽བཙུན་མོའི་འཁོར་གྱི་ནང་ནས་བྱུང་ནས་ནི། །ངེས་པར་འབྱུང་བ་སྟེ་རབ་ཏུ་བྱུང་བ་ནི་དང་པོའི་བཅའ་གཞི་ཡིན་པས་གླེང་གཞི་ཡིན་ནོ། །དེ་ནས་འདུལ་བ་ལས་སྡོམ་པ་སྲུང་ཐབས་ཇི་ལྟར་བསྟན་པ་དེ་ལྟར་བསྲུང་བ་ནི། །གདོན་མི་ཟ་བར་བསྟེན་དགོས་
4-2-8a


པས་ངེས་པ་ཞེས་བྱ་ལ་དེ་ལྟར་བྱེད་པའི་གནས་ཡིན་པས་ཚིག་ཅེས་བཤད་པ་ཡིན། །ཏེ་ཚིག་གི་སྐད་དོད་པཱ་དཱ་ནི་གནས་ལའང་འཇུག་པའི་ཕྱིར་རོ། །དེ་ནས་འབྲས་བུ་བྱང་ཆུབ་འདོད་པས་དཀའ་བའི་ཆོས་སྤྱོད་པ། །འམ་བསམ་གཏན་བཞི་པའི་ཏིང་ངེ་
འཛིན་ཁྱད་པར་ཅན་བརྙེས་པ། དེ་ནི་ཉེ་བའི་རྒྱུ་ཞེས་བརྗོད་པར་བྱ་སྟེ། །འདི་ནི་འདོད་ཆགས་དང་བྲལ་བའི་སྤྱོད་པ་ཅན་གྱི་ཆོས་ཀྱིས། །འཚང་རྒྱ་བའི་ཚུལ་ནི་རྣམ་པ་བཞིར་འདོད་དོ།། ༈ འདོད་ཆགས་ཀྱི་ཆོས་ཀྱི་ཚུལ་གྱིས་འཚང་རྒྱ་ཚུལ་༼
ཆགས་བྲལ་གྱི་ཚུལ་བཞི་ནི། སྡོམ་འབྱུང་དང༌། ཐམས་ཅད་གསང་བའི་རྒྱུད་ལས་གསུངས་པ་ལྟར། རྣམ་གཞག་རིམ་པར་ཡང་བཤད་དོ། །དེ་འདིར་འཆད་པ་སྐབས་ལ་མ་བབ་པའི་ཕྱིར་མི་རིགས་སོ་ཞེ་ན། འདི་ལ་ཁ་ཅིག་ཆགས་ཅན་གྱི་ལམ་གྱིས་འཚང་རྒྱ་ཚུལ་མ་ནོར་བར་ཤེས་པའི་གོལ་ས་
ཤེས་པར་བྱ་བའི་ཕྱིར་རམ། ཡང་ན་ལམ་སྲིད་ཚད་ཀྱི་དབང་དུ་བྱས་ནས་ཚུལ་བཞི་པོ་དེ་བཤད་པ་ཡིན་ཟེར་བ་མི་འཐད་དེ། ལམ་འདིས་ཚེ་གཅིག་ལ་འཚང་རྒྱ་བ་ལ་ཡང་མིའི་སྐྱེ་བ་དགོས་ཤིང་། དགེ་སློང་རྡོ་རྗེ་འཛིན་པ་ནི་སྔགས་བསྒྲུབ་པའི་རྟེན་མཆོག་ཏུ་གསུངས་པས་དེ་གསུམ་གོལ་ས་མིན་ལ། རྒྱུ་
མཚན་གཉིས་པ་ཡང་བརྒལ་བ་ཉིད་ལན་དུ་སོང་བའི་ཕྱིར་རོ། །དེ་ལྟར་ན་མཚན་ཉིད་ཀྱི་ཐེག་པ་ཆེ་ཆུང་གཉིས་ཐུན་མོང་བའི་རྣམ་གཞག་གི་འདོད་པའི་རྟེན་ལ་འཚང་རྒྱ་ཚུལ་རྒྱ་ཆེར་རོལ་པ་དང༌། ཉན་ས་དང༌། མཛོད་ལས་འབྱུང་བ་ལྟར་བསྐལ་པ་གྲངས་མེད་མང་པོར་སྔོན་དུ་ཚོགས་བསགས་པའི་སོ་
སྐྱེ་སྲིད་པ་ཐ་མ་པ་ཞིག་གིས་འཚང་རྒྱ་བའི་ཚུལ་དེ། འདིར་རིན་པོ་ཆེ་ལྟ་བུའི་གང་ཟག་ལམ་ཐུན་མོང་བས་རྒྱུད་སྦྱངས་པའི་སོ་སྐྱེ་འདོད་པའི་རྟེན་ཅན་པ་གཅིག་གིས། ཚེ་དེ་ཉིད་ལ་འཚང་རྒྱ་བའི་དཔེར་བླངས་པའི་ཕྱིར་དུ་བཤད་པ་ཡིན་ཏེ། དེ་ལྟར་བཤད་པས་འཆད་པ་ལྟར་རང་གི་ལམ་ལ་ངེས་པ་ཁྱད་པར་ཅན་སྟེར་
4-2-8b


བའི་ཕྱིར་རོ།༽ནི། །དོན་གསལ་པོར་རྟོགས་པར་བྱ་བའི་ཕྱིར་བཤད་པར་བྱའོ། །ཐེག་པ་གཞན་གྱི་ལུགས་ཀྱིས་འདོད་པར་འཚང་རྒྱ་བ་ལ་མིར་སྐྱེ་བ་ཅིག་དགོས་པ་བཞིན་དུ་འདིར་ཡང་དགོས་ཤིང༌། ཐ་མལ་པའི་ཕུང་སོགས་ཀྱི་སྣང་ཞེན་དོར་ནས་རིགས་ལྔ་དང༌འབྲེལ་བའི་
སངས་རྒྱས་སུ་བདག་ཉིད་བསྐྱེད་དེ་སྐྱེ་བ་བླངས་པ་འདྲ་བ་ཞིག་དགོས་པ་ནི། །རྒྱུད་ཅེས་བྱ་བ་ཡིན་པར་བརྗོད། །དོ་དེས་ནི་བསྐྱེད་རིམ་ཐམས་ཅད་སྟོན་ནོ། །ཐེག་པ་གཞན་ལ་མིར་སྐྱེས་པ་དེ་རབ་བྱུང་མཛད་དགོས་པ་བཞིན་དུ་འདིར་ཡང་བསྐྱེད་རིམ་ལ་ལོབས་པའི་འོག་ཏུ་
སླར་ཡང་རིགས་གཅིག་ཏུ་གྱུར་པ་ནི། །གླེང་གཞི་ཡིན་པར་རབ་ཏུ་བསྟན་ནོ། །ཐེག་པ་གཞན་གྱི་ལྟར་ན་རབ་ཏུ་བྱུང་བ་དེས་འདུལ་བའི་ཀུན་སྤྱོད་ལ་ངེས་པར་གནས་དགོས་པ་བཞིན་དུ་འདིར་ཡང་རྡོ་རྗེའི་རིགས་སོགས་ཀྱི་ཆུ་དབང་སོགས་བསྐུར་བ་དང་། རྡོ་རྗེ་འི་རིགས་ལ་༼
རིགས་གཅིག་ཏུ་གྱུར་པ་ལ་གཉིས་ལས་དང་པོ་ནི། རིགས་ལྔ་དང་འབྲེལ་བའི་ལྷའི་སྐུ་རྣམས་མཐར་གཏུགས་ན་གསང་ཆེན་རྡོ་རྗེ་འཆང་གི་རིགས་གཅིག་ཏུ་འགྱུར་ལ། དེ་ལ་ནི་ལུས་དབེན་དང་སྒྱུ་ལུས་དང་ཟུང་འཇུག་གི་གསང་ཆེན་རིགས་གཅིག་པ་གསུམ་ཡོད་དོ། །གཉིས་པ་ནི་འཁོར་འདས་ཀྱི་ཆོས་
སྣ་ཚོགས་པ་ཐམས་ཅད་དེ་ཁོ་ན་ཉིད་དུ་རོ་གཅིག་པའི་འོད་གསལ་ལྷན་ཅིག་སྐྱེས་པའི་ཡེ་ཤེས་སོ། །དེ་གཉིས་ནི་སྣང་ཕྱོགས་དང་སྟོང་ཕྱོགས་ཀྱི་རྫོགས་རིམ་གཉིས་ཡིན་ནོ། །དེ་གཉིས་ནི་ལྷའི་འཁོར་ལོ་སོགས་ཆེས་མི་འདྲ་བའི་སྤྲོས་པ་དུ་མའི་གཞི་དང་རྩ་བ་ཡིན་པས་གླེང་གཞིའོ། །༼སོགས་པའི་
དམ་ཚིག་ཚང་བར་གཟུང་བ་དགོས་ལ་དེ་ཉིད། །ནི། གདོན་མི་ཟ་བར་བསྟེན་པའི་གནས་ཡིན་པས་ངེས་པའི་ཚིག་ནི་ཡིན་པར་བཤད་དོ། །ཐེག་པ་གཞན་གྱི་ལྟར་ན་འབྲས་བུ་འདོད་པས་དཀའ་སྤྱད་སྤྱོད་དགོས་པ་བཞིན་དུ་འདིར་ཡང་སྒེག་པ་ལ་སོགས་པའི་ཉམས་དང་ལྡན་
4-2-9a


པའི་སྤྱོད་པ་གསུམ་གང་རུང་སྤྱད་དགོས་པ་ནི། །འབྲས་བུའི་ཉེ་བའི་རྒྱུ་ཞེས་བྱ་བ་ཡིན་པར་བཤད་དོ།། ༈ རྒྱས་བཤད་ཀྱི་རྒྱན་ནི་གསུམ་པ་ཉིད་ཀྱང་ནི། །ཐབས་ཤེས་དབྱེར་མེད་དུ་སྦྱོར་བའི་རྣལ་འབྱོར་གྱི་རྒྱུད་རྩ་རྒྱུད་༼
དེ་ལྟར་དཔེ་དོན་དུ་སྦྱར་བས་ནི་ཐེག་པ་འདིའི་དང་པོའི་གདུལ་བྱའི་གཙོ་བོ་དབང་པོ་གཉིས་སྦྱོར་གྱི་འདོད་ཆགས་ཅན་ཡིན་པས་འདོད་པའི་རྟེན་ཁྱད་པར་བ་ལ་འཚང་རྒྱ་དགོས་པ་དང༌། དེ་ལ་གནས་ལུས་ལོངས་སྤྱོད་ཐ་མལ་པའི་སྣང་ཞེན་ལོག་ནས་གཞལ་ཡས་ཁང་དང་ལྷ་ལ་སོགས་པའི་མཆོག་གི་སྣང་ཞེན་ཁྱད་
པར་ཅན་སྐྱེ་བ་བླངས་པ་དང་འདྲ་བའི་བསྐྱེད་རིམ་ཞིག་ངེས་པར་གཞི་རྟེན་དུ་དགོས་པ་དང་། རབ་ཏུ་མ་བྱུང་བའི་ཚེ་རྟགས་ཆ་ལུགས་སྣ་ཚོགས་སུ་ཡོད་ཀྱང༌། རབ་ཏུ་བྱུང་བ་ན་རབ་བྱུང་གི་རྟགས་ཅན་དུ་ཁྱད་པར་མེད་པ་བཞིན་དུ། ཆོས་མི་འདྲ་བ་སྣ་ཚོགས་པ་རྣམས་དེ་ཁོ་ན་ཉིད་དང་རོ་གཅིག་ཏུ་སྦྱོར་བའི་ཟབ་མོའི་
རྫོགས་རིམ་དང༌། ལྷ་མི་འདྲ་བ་དུ་མ་རྣམས་རྡོ་རྗེ་འཆང་དུ་བསྡུས་པའི་རྒྱ་ཆེ་བའི་རྫོགས་རིམ་གཉིས་དགོས་པ་དང་། དེ་གཉིས་ཀྱི་སྣོད་རུང་དུ་འགྱུར་བ་ལ་དབང་རྣམ་དག་རྫོགས་པར་ཐོབ་པ་དང༌། རྩ་བ་དང་ཡན་ལག་གི་དམ་ཚིག་རྣམས་ངེས་པར་བསྟེན་དགོས་པ་དང༌། ལམ་གཉིས་ལ་བོགས་འབྱིན་པའི་
ཐབས་ཁྱད་པར་བ་ནི་ཉེ་བའི་རྒྱུ་སྤྱོད་པ་བྱེད་པ་ཡིན་ཞེས་ངེས་པ་ཆེན་པོ་སྟེར་རོ། །༼འཆད་ཚུལ་ལས་བཤད་པའི། །མཐའ་དྲུག་གི་ཚིག་གི་དོན་བཤད་པའི་སྒོ་ནས་ངེས་པར་བྱ་དགོས་པ། །རྩ་རྒྱུད་ལ་རྒྱས་བཏབ་པའི་དོན་ནི་རབ་ཏུ་རྟོགས་པ་སྟེ་བཤད་པར་
བྱའོ།། ༈ དྲུག་པོ་དེ་གང་ཞེ་ན་དྲང་བའི་དོན་དང་ནི་ངེས་པའི་དོན་གཉིས་དོན་མཐའ་ལ་བརྟེན་པ་དང་བཅས། །༼ཞེས་པ་འགྱུར་གསར་གཉིས་ལས་དབྱེ་བར་བྱས་སོ། །༽ དགོངས་པས་བཤད་པ་དང་དགོངས་པ་མིན་པས་བཤད་པ་གཉིས་སྒྲ་མཐའ་ལ་བརྟེན་
4-2-9b


པ་དང་། །ཇི་བཞིན་པ་སྒྲ་དང་སྒྲ་ཇི་བཞིན་པ་མ་ཡིན་པ་གཉིས་སྒྲ་དོན་གཉིས་ཀའི་མཐའ་ལ་བརྟེན་པ་ཏེ། །མཐའ་ནི་རྣམ་པ་དྲུག་ཏུ་ཤེས་པར་བྱའོ།། ༈ དེ་ལྟར་མིང་གི་དབྱེ་བ་བསྟན་ནས་སོ་སོའི་ངོས་འཛིན་སྟོན་པ་ལ་དྲང་ངེས་གཉིས་ནི་གཞན་ནས་གཞུང་སོ་སོས་བདེན་གཉིས་
སོ་སོར་སྟོན་པ་ལ་བཤད་པ་ལྟར་མིན་གྱི། འདིར་གཞུང་གཅིག་གི་དོན་ལ་གཉིས་སུ་འབྱེད་པ་ཡིན་ནོ། །དེ་ཡང་སྐལ་ངན་ཏེ་དབང་པོ་དམན་པ་ཙན་དན་ལྟ་བུ་༼མཐའི་སྐད་དོད་ཀོ་ཊི་ནི་རྩེ་མོ་དང་སྒོ་ལའང་འཇུག་པས་སོ་སོར་བཤད་པའི་སྒོ་དྲུག་གོ། ༽ལ་སོགས་པ་རྣམས་ལ་གསང་བར་བྱ་བའི་ངེས་
དོན་ཚིག་དེའི་དོན་ལ་ཡོད་ཀྱང་རྒྱལ་བ་ཡིས། །དངོས་སུ་མི་སྟོན་པར་སྦས་ཏེ་བཤད་པ་ནི་ད་དུང་དངོས་ཟིན་དེ་མིན་པའི་དོན་གཉིས་པ་ཞིག་དྲང་དུ་ཡོད་པས་དྲང་བའི་དོན་ནོ། །དྲང་དོན་དུ་བཤད་པའི་གཞུང་དེ་ཉིད་ཀྱིས་ཡང་དག་པའི་དོན་རྫོགས་རིམ་ཡན་ལག་དང་བཅས་པ་ནི་རབ་ཏུ་
སྟོན་པའི་ཕྱིར། །དྲང་དོན་གསུངས་པར་མ་ཟད་ངེས་པའི་དོན་ཡང་གསུངས་པ་ཡིན་ནོ།། ༼དེས་ནི་སྦས་རྒྱུ་དེ་སྐལ་ངན་ལ་སྦས་པར་སྟོན་གྱི་སྦས་པའི་གཞུང་དེ་སྐལ་ངན་ཁོ་ནའི་དབང་དུ་བྱས་པར་སྟོན་པ་མིན་ཏེ། ཡིན་ན་ནི་སྐལ་བཟང་ལ་མི་སྦེད་པར་སྟོན་དགོས་པར་འགྱུར་ལ། དེ་ལྟར་ན་
འདུས་པའི་གདུལ་བྱའི་གཙོ་བོ་རིན་པོ་ཆེ་ལྟ་བུའི་གང་ཟག་ཡིན་པས་ཤིན་ཏུ་གསལ་བར་སྟོན་དགོས་པ་འགྱུར་རོ། །དེ་ལྟར་ཡིན་ན་བཤད་རྒྱུད་མང་པོ་རྣམས་དོན་མེད་པར་འགྱུར་རོ། །དེས་ན་རྩ་རྒྱུད་དུ། རྒྱས་བཏབ་ནས་མི་གསལ་བར་སྟོན་ཅིང་། དེ་བཤད་རྒྱུད་ལ་རག་ལས་པ་དང༌། དེ་ཡང་རྩ་བཤད་ཕྱིན་
ཅི་མ་ལོག་པར་སྦྱར་ནས་སྟོན་ཤེས་པའི་བླ་མ་ལ་རག་ལས་པར་མཛད་པའི་ཆེད་དུ་ཡིན་ཞིང༌། དེ་ལྟར་མཛད་པ་ཡང༌། སློབ་དཔོན་ལེགས་པར་བསྙེན་བཀུར་བ་མེད་པར་རྒྱུད་ལ་རང་དགར་འཇུག་པ་དགག་པའི་ཕྱིར་ཡིན་ཏེ། བླ་མ་ཡུན་རིང་པོར་སྒོ་ཐམས་ཅད་ནས་མཉེས་པར་བྱེད་པ་ནི། ཐེག་པ་འདི་ལ་
4-2-10a


དངོས་གྲུབ་ཀྱི་རྩ་བ་ཡིན་པའི་ཕྱིར་རོ། །སྒྲས་ཟིན་གྱི་དོན་ལས་དོན་གཉིས་པ་ལ་ཡང་ཙན་དན་ལྟ་བུ་ལ་སོགས་པ་ལ་སྦེད་པས་མ་ཁྱབ་སྟེ། ཡེ་ཤེས་རྡོ་རྗེ་ཀུན་ལས་བཏུས་ལས། ག་བུར་དང་ཁྲག་དང་རྡོ་རྗེ་དང་པདྨའི་དོན་གཉིས་པ་ངེས་དོན་དུ་བཤད་པ་བཞིན་ནོ། །དེས་ན་གཙོ་ཆེ་བས་
དེ་ལྟར་གསུངས་སོ།། ༈ མཆོག་གི་དངོས་གྲུབ་འདོད་པའི་སེམས་ཅན་དབང་པོ་རྣོན་པོ་རྣམས་ཀྱི་ཕྱིར་དུ། །ཆོས་ཀྱི་དེ་ཉིད་འོད་ཟུང་ལྟ་བུ་རབ་ཏུ་སྟོན་པ་ན། །དོན་དེ་ལ་སྒྲ་འགལ་བའི་ཚིག་གི་སྦྱོར་བ་ཡིས། །གསུངས་པ་
གང་ཡིན་པ་ནི་དོན་གཞན་ལ་དགོངས་ནས་སྒྲ་འགལ་བ་གཞན་གྱིས་བཤད་པའི་ཕྱིར། དགོངས་པས་བཤད་པའོ་དེ། །གསང་ཆེན་གྱི་སྣོད་དུ་རུང་བའི་དབང་པོ་དམན་པའི་སེམས་ཅན་རྣམས། །ཀྱིས་རྟོགས་པའི་ཕྱིར་དུ་སྒྲ་དྲང་པོར་མཆོག་ཏུ་སྟེ་ཤིན་ཏུ་
གསལ་བ་ཡིས། །འོད་ཟུང་ལྟ་བུའི་དེ་ཉིད་ངེས་པར་སྟོན་པ་ནི། །དོན་གཞན་ལ་དགོངས་ནས་སྒྲ་འགལ་བས་མི་སྟོན་པར་དྲང་པོར་སྟོན་པའི་ཕྱིར་དགོངས་པ་མིན་པས་བཤད་པའོ།། ༈ དཀྱིལ་འཁོར་ཐིག་ཚོན་གྱིས་བྲི་བ་དང་སྩོགས་པས་ལྷ་ཉེར་སྤྱོད་ཀྱིས་མཆོད་
པ་སོགས་ཀྱི་མཆོད་སྦྱིན་དང༌། གཏོར་མའི་ཆོ་ག་དང་སྨན་གྱི་སྦྱོར་བ་དང་ཞི་སོགས་ཀྱི་ལས་ཚོགས་དང་དངོས་གྲུབ་བརྒྱད་བསྒྲུབ་༼ཡེ་ཤེས་རྡོ་རྗེ་ཀུན་ལས་བཏུས་ལས། དེ་ལྟར་གསུངས་པ་ཡང་གཙོ་ཆེ་བ་ལ་དགོངས་ཀྱི། ངེས་པ་ནི་མ་ཡིན་ཏེ། འདུས་པའི་དོན་དེ་བཞིན་གཤེགས་པ་རྣམས་ཀྱིས་ཀྱང་མི་ཤེས་ན། བྱང་
ཆུབ་སེམས་དཔའ་རྣམས་ཀྱིས་ལྟ་ཅི་སྨོས་ཞེས་གསུངས་པའི་སྔ་མ་རིན་པོ་ཆེ་ལྟ་བུའི་གང་ཟག་དང་ཕྱི་མ་ཙན་དན་ལྟ་བུ་ལ་སོགས་པ་ལ་བཤད་པ་དགོངས་བཤད་དུ་གསུངས་པ་བཞིན་ནོ། །༼པའི་དང་ཆོག་ཞིབ་ལ། །༸ཀལྤ་ཞེས་པ་ནི་རྟོག་པ་དང་ཆོ་ག་ཞིབ་མོ་གཉིས་ཀ་ལ་འཇུག་པ་ཡིན་ཀྱང་། 
4-2-10b


འདི་ནི་དཀྱིལ་འཁོར་སོགས་གང་དུ་གསུངས་པའི་རྒྱུད་ལ་བྱ་དགོས་པས། ཆག་གིས། དཀྱིལ་འཁོར་ལ་སོགས་རྟོག་པ་རུ། །སྤྱོད་པའང་ཇི་ལྟ་ཇི་ལྟར་གསུངས། །ཞེས་བསྒྱུར་བ་ལྟར་རྟོག་པ་ལ་བྱ་དགོས་ཏེ། འདི་ཡེ་ཤེས་རྡོ་རྗེ་ཀུན་ལས་བཏུས་ལས། རྒྱུད་སྡེ་འོག་མ་གསུམ་དུ་དཀྱིལ་འཁོར་སོགས་གསུངས་པ་སྒྲ་ཇི་བཞིན་པར་
བཤད་པ་དེ་བསྡུས་པ་ཡིན་པའི་ཕྱིར་རོ། །དེའི་ཕྱིར་འདི་དང་། པ་ཚབ་ཀྱིས་བསྒྱུར་བ་ལས། དཀྱིལ་འཁོར་སོགས་དང་ཞེས་ཕྲལ་བ་ནི་འགྱུར་སྐྱོན་ནོ།། ལ །།སྟེ་རྒྱུད་སྡེ་འོག་མ་གསུམ་གྱི་རྟོག་པ་རུ་སྤྱོད་པ་ཇི་ལྟ་ཇི་ལྟར་གསུངས། །པ་དོན་རྒྱས་པ་སྟེ་གསལ་བར་བཤད་པ་གང་ཡིན་པ། །དེ་དང་
དེ་ནི་ཇི་བཞིན་པའི་སྒྲར་གསུངས་པའོ། །དེར་མ་ཟད་བླ་མེད་ཀྱི་རྟོག་པ་རྣམས་སུ་ཡང་ལས་ཚོགས་ལ་སོགས་པ་སྒྲ་ཇི་བཞིན་པ་མང་ངོ༌། །སྒྲ་ཇི་བཞིན་པ་ནི་ཤས་ཆེར་དོན་གཉིས་པ་མེད་པ་ལ་བྱ་དགོས་ཏེ། དེར་ངེས་པ་ནི་མ་ཡིན་ནོ། །ཀོ་ཊཱ་ཁྱ་དང་ལ་སྩོགས་པས་ཀོ་ཊཱ་ཝ། ཀོ་ཊཱ། ཀོ་ཊཱ་ཝཥྩ། ཀོ་ཊཱ་ར་
ག། ཀོ་ལ་ཁྱ། ཀོ་ལ་ཝ། ཀོ་ལ། ཀོ་ལ་ཝཥྩ། ཀོ་ལ་སྟ་ཐ་ཞེས་པ་དེ་ལྟ་བུ་ལ་སོགས་པའི་སྒྲ། །འཇིག་རྟེན་པ་དང་སྒྲའི་བསྟན་བཅོས་ལ་མིང་དེ་དོན་དེའི་དངོས་ཀྱི་མིང་དུ་འཇུག་པ་མེད་ཅིང་། །དེ་བཞིན་གཤེགས་པས་དེ་ལྟར་འི་བརྡ་མཛད་པར་གྱུར་པ། །དེ་ནི་སྒྲ་ཇི་
བཞིན་མིན་པར་བསྒྲགས་སོ།། ༈ མཐའ་དྲུག་ཏུ་དབྱེ་བའི་ངོས་འཛིན་བསྟན་ནས་ནི། །ཚུལ་བཞིའི་བཤད་པའི་དབྱེ་བའི་ངོས་འཛིན་བརྗོད་པར་བྱའོ།། ༈ དབྱེ་བ་བཞི་ནི། ཚིག་གི་དོན་ནམ་ཡི་གེའི་དོན་དང་སྤྱི་ཡི་དོན་དང་། །སྦས་པའི་དོན་༼
ཀོ་ཊཱ་ཁྱ་ལ་སོགས་པ་བཅུས་དབང་པོ་ལྔ་དང་ཡུལ་ལྔ་བསྟན་པར་ཡེ་ཤེས་རྡོ་རྗེ་ཀུན་ལས་བཏུས་ལས་བཤད། སངས་རྒྱས་མཉམ་སྦྱོར་ལས་རླུང་བཅུ་ལ་བཤད་དོ།། ༼དང་དེ་བཞིན་མཐར་ཐུག་པའི་དོན་ནོ་ཞེས་མིང་གིས་དབྱེ་བ་བསྟན་ནོ་འོ། །༼པ་ཚབ་ཀྱིས། སྤྱི་དོན་ཐམས་ཅད་བསྡུས་པའི་
4-2-11a


ཡན་ལག་དང་། སྦས་དོན་ཐམས་ཅད་སྙིང་པོ་ཅན་དུ་བསྒྱུར་བ་ནི་སྐད་དོད་ཀྱི་ཕྱོགས་གཅིག་ལ་རུང་བ་ཙམ་ཡོད་ཀྱང་། འགྱུར་རྙིང་དང་ཆག་གིས་སྔར་བཞིན་བསྒྱུར་བ་ལེགས་སོ། །༼དང་པོ་ཡིག་དོན་ལ་ནི་དབྱེ་བ་མེད་པས་གཅིག་པུ་ཁོ་ན་ཉིད། །ཅེས་གསུངས་སོ། །སྤྱི་ཡི་
དོན་གྱི་དབྱེ་བ་ནི་རྣམ་པ་གཉིས། །སུ་ཡོད་དོ། །སྦས་པའི་དོན་ལ་ནི་དབྱེ་བ་རྣམ་པ་གསུམ་དུ་བཤད་དོ། །མཐར་ཐུག་པའི་དོན་ནི་དབྱེ་བ་རྣམ་པ་གཉིས་སོ།། ༈ ཡིག་དོན་ཞེས་པའི་ཡི་གེ་ནི་མིང་ཚིག་ཡི་གེ་གསུམ་དུ་བྱས་པའི་ཡི་གེ་མིན་གྱི་ཡི་གེ་དུ་མ་འདུས་པའི་ངག་
ཚིག་ཡིན་པས། སྒྲའི་གཞུང་ཙམ་ལ་ནི་རབ་ཏུ་གཞོལ་བའི། །སྒོ་ནས། ནང་རིག་པའི་སྡེ་སྣོད་ལས་ཕྱི་རོལ་ཏུ་གྱུར་པ་སྒྲའི་བསྟན་བཅོས་ལ་མཁས་པ་ཡིས། །སྒྲ་དེ་ཡི་བཀོད་པས་ཏེ་དོན་འདི་ལ་སྒྲ་འདི་འཇུག་ཅེས་པའི་སྒོ་ནས་རབ་ཏུ་བསྟན་པ་ནི། །༼
༧ ཙམ་གྱི་སྒྲས་ནི་ནང་གི་བསྟན་བཅོས་རྒྱུད་སྡེ་ནས་དོན་དེའི་མིང་དུ་བྱས་པ་ཐུན་མོང་མིན་པ་རྣམས་གཅོད་དོ། །༼ཡི་གེའི་དོན་ནི་ཡིན་པར་བཤད་དོ།། ༈ མཚན་ཉིད་ཀྱི་ཐེག་པའི་མདོ་སྡེ་དང་སྩོགས་པ་འདུལ་བ་དང་མངོན་པའི་སྡེ་སྣོད་ལ་ནི་རབ་ཏུ་ཞུགས་པའི།།༼
དེས་ན་སྒྲའི་བསྟན་བཅོས་ལ་བརྟེན་པའི་སྒྲ་པའི་ཐོབ་ཚོད་ཀྱི་བཤད་པ་ཡིན་པའི་ཆ་ནས་ཡིག་དོན་དུ་བཞག་པ་དེ་ཉིད་སྒྲ་ཇི་བཞིན་པར་གསུངས་པ་ཡང་ཡོད་ལ། འཆད་པ་ལྟར་གཉིས་ཀྱི་ཐུན་མོང་བ་ཡིན་པས་སྤྱི་དོན་དུ་གཞག་དགོས་པ་ཡང་མང་དུ་ཡོད་དོ། ༼གང་ཟག་གིས་ཐེག་པ་འདིར་རྡོ་རྗེ་བཙུན་མོའི་བྷ་ག་ལ་
བཞུགས་སོ། །ཞེས་བྱ་བ་ལ་སོགས་པ་ཐོས་ན་རང་གིས་ཁས་བླངས་པའི་གསུང་རབ་དེ་དང་རྣམ་པ་ཐམས་ཅད་དུ་མི་མཐུན་པའོ། །སྙམ་དུ་བཟུང་ནས་སྨོད་པ་དང་། འགྱོད་པ་སྟེ་ཐེ་ཚོམ་ཟ་བ་ཟློག་པར་བྱེད་པའི་དོན་དུ་ཐེག་པ་གཞན་དང་ཐུན་མོང་བ་མང་དུ་བཤད་པ་དང་། །བསྐྱེད་པའི་རིམ་
4-2-11b


པའི་རྣལ་འབྱོར་དང་ལྡན་པ་དག་ནི། །སྤྱི་ཡི་དོན་ནི་ཡིན་པར་གསུངས་ཏེ། །ཐེག་པ་གཅིག་ཡིན་ཀྱང་རྒྱུད་སྡེ་འོག་མ་གསུམ་གྱི་གདུལ་བྱས་འདི་ལ་སྨོད་པ་དང་ཐེ་ཚོམ་བཟློག་པའི་ཕྱིར་དུ་དེ་དག་དང་མཐུན་པར་བཤད་པ་རྣམས་ཀྱང་སྤྱི་དོན་ཡིན་པས། མཚན་ཉིད་ཀྱི་ཐེག་པ་བ་དང་ཐུན་མོང་བ་
དང་། རྒྱུད་སྡེ་འོག་མ་པ་དང་ཐུན་མོང་བ་ཡིན་པས་སྤྱི་དོན་དུ་བྱས་པ་དང་། བསྐྱེད་རིམ་ལྟ་བུ་དངོས་གྲུབ་གཉིས་སྒྲུབ་པའི་གང་ཟག་གཉིས་དང་ཐུན་མོང་བས་སྤྱི་དོན་དུ་བཞག་པ་ཡང་ཡོད་དོ། །སྨོད་པ་དང་ཐེ་ཚོམ་ཟ་བ་བཟློག་པའི་ཕྱིར་དུ་བཤད་པ་ནི་དགོས་པ་དེ་ཙམ་གྱི་ཕྱིར་མིན་གྱི་རང་གི་ལམ་རྒྱུད་ལ་
བསྐྱེད་པ་ལ་ཡང་དགོངས་ནས་དེ་ལྟར་བཤད་དོ།། ༈ རིག་མ་དང་མཉམ་པར་སྦྱོར་བའི་འདོད་ཆགས་ཀྱི་ཆོས་ནི་རབ་ཏུ་སྟོན་པའི་འདོད་ཆགས་ཆོས་ཀྱི་སྦས་པ་དང་། །ཀུན་རྫོབ་ཀྱི་བདེན་པ་སྒྱུ་མའི་སྐུ་རྟོགས་པ་སྟེ་བསྟན་པའི་ཀུན་རྫོབ་སྒྱུ་མའི་སྦས་པ་དང་། །
སྣང་མཆེད་ཐོབ་གསུམ་གྱི་ཡེ་ཤེས་གསུམ་པོ་རྣམ་པར་བརྟགས་པ་སྟེ་སྒོམ་པའི། །སྣང་བ་སེམས་ཀྱི་སྦས་པ་གསུམ་སྙིང་པོར་ཡོད་པས་སྦས་པའོ།། ༈ རིམ་པ་བཞི་པའི་འོད་གསལ་བ་ནི་རབ་ཏུ་སྟོན་པ་དང་། །ཟུང་དུ་འཇུག་པའི་༼
གང་ལ་སྦས་པ་ནི་ཐ་མ་གཉིས་དང་དང་པོའི་ཆ་གཅིག་བསྐྱེད་རིམ་པ་དང་། གསུམ་ཀ་རྒྱུད་སྡེ་འོག་མ་པ་སོགས་ལ་སྦས་པ་ཡིན་ལ། སྦས་ཚུལ་ནི་ཕྱི་ནས་མི་མངོན་པར་ནང་ན་སྙིང་པོར་ཡོད་པའི་ཚུལ་གྱིས་སྦས་སོ།། ༼ རིམ་པ་རྟོགས་པ་སྟེ། །དེ་ལྟར་རྣམ་པ་གཉིས་སུ་
མཐར་ཐུག་པའ་བཤད་དེ། །མཐར་ཐུག་པ་འ་ནི་མུར་ཐུག་པ་ཡི་ཚིག་གི་དོན་ནོ།། ༼འདིར་གང་གིས་མཐར་ཐུག་པ་ནི་གཉིས་ཏེ། དོན་དམ་པའི་བདེན་པ་དང༌། དག་པའི་སྒྱུ་མའི་སྐུའོ། །གང་མཐར་ཐུག་པ་ཡང་གཉིས་ཏེ། སེམས་ལྷན་སྐྱེས་ཀྱི་བདེ་བ་ཆེན་པོར་སྐྱེས་
4-2-12a


པ་དང་། གཉུག་མའི་ལུས་ཤིན་ཏུ་ཕྲ་བའི་རླུང་དང་དེའི་བཞོན་པ་ཅན་གྱི་སེམས་ཏེ་རླུང་སེམས་ཀྱི་ལུས་སོ། །མཐར་ཇི་ལྟར་ཐུག་པ་ནི། དང་པོ་ནི་ཤེས་བྱ་དོན་དམ་པ་མངོན་སུམ་དུ་རྟོགས་ཏེ་ཆུ་ལ་ཆུ་བཞག་པ་བཞིན་དུ་རོ་གཅིག་ཏུ་ཞུགས་པའོ། །གཉིས་པ་ནི། གཉུག་མའི་
ལུས་རླུང་སེམས་གཉིས་རྡོ་རྗེའི་སྐུར་དངོས་སུ་སྐྱེས་པའོ།། ༈ རྒྱུད་འཆད་པ་པོས་རྒྱུད་ཉན་པར་འདོད་པ་ལ། །གང་ཟག་གང་ལ་དོན་གང་འཆད་པའི་དབྱེ་བ་ཡང་ནི་གཉིས་སུ་ཡོད་དེ། །ཚོགས་པ་ལ་བཤད་པར་བསྟན་པ་དང་། །གཉིས་པ་
སློབ་མ་ལ་བཤད་པའོ།། ༈ བཤད་པ་གཉིས་པོ་དེ་གང་ཡིན་སྙམ་ན། མཐའ་དྲུག་གི་ནང་ནས་ཇི་བཞིན་པ་སྒྲ་དང་དགོངས་པ་མིན་པ་དང་། །དེར་མ་ཟད་དྲང་བའི་དོན་དུའང་གང་གྱུར་ཏེ་གསུམ་དང་། །ཚུལ་བཞིའི་ནང་ནས་ཡི་གེའི་དོན་དང་སྤྱི་ཡི་
དོན་ནི། །ཚོགས་པ་ལ་བཤད་པར་བྱ་བ་ཡིན་པར་བརྗོད་དོ། །མཐའ་དྲུག་གི་ནང་ནས་ཇི་བཞིན་པ་མིན་པ་དང་སྒྲ་ངེས་པའི་དོན་དང་། །དེ་བཞིན་དུ་དགོངས་ཏེ་བཤད་པ་གསུམ་དང་། །ཚུལ་བཞིའི་ནང་ནས་སྦས་པའི་དོན་དང་མཐར་
ཐུག་པའི་དོན་རྣམས་ནི། །སློབ་མ་ལ་ནི་བཤད་པར་བྱ་བ་ཡིན་པར་འདོད་དོ།། ༈ འདུས་པའི་བཤད་པའི་རྒྱུད་ཡེ་ཤེས་རྡོ་རྗེ་ཀུན་ལས་བཏུས་པ་སོགས་ཀྱི་རྗེས་སུ་འབྲངས་ནས། །ཏེ་དེ་དང་མཐུན་པར་བདེ་བར་གཤེགས་པ་རྣམས་
ཀྱིས་གདུལ་བྱ་རྣམས་ལ། །རིམ་པ་དང་པོ་དང་གཉིས་པ་ལ་བརྟེན་ནས་ནི། །རིམ་པ་བཞིན་དུ་ཚོགས་དང་སློབ་མ་ལ་བཤད་པའི་དབྱེ་བ་གཉིས་གསུངས་པ་ཡིན་ནོ། །༼དེ་ལྟར་ན་གདུལ་བྱ་ལ་འཆད་ཚུལ་གྱི་དབྱེ་བ་གཉིས་ནི། གདུལ་བྱ་འདི་ལ་ལམ་
4-2-12b


འདི་འཆད་ཅེས་པའི་དབྱེ་བ་ཡིན་པས། རྒྱུད་མཐའ་དྲུག་དང་ཚུལ་བཞིས་འཆད་པའི་འཆད་ཚུལ་དང་མི་འདྲ་བ་ཕྱེད་པར་བྱའོ། །གལ་ཏེ་མཐའ་དྲུག་དང་ཚུལ་བཞིའི་ལྔ་ཚན་རེ་རེ་ཚོགས་དང་སློབ་མ་ལ་སོ་སོར་བཤད་དགོས་ན་རིན་པོ་ཆེ་ལྟ་བུ་ལ་བསྐྱེད་རིམ་མི་འཆད་པར་འགྱུར་ལ། དེ་ལྟ་ན་དེའི་ལམ་ལ་
རིམ་པ་གཉིས་མེད་པར་འགྱུར་རོ། །ཚོགས་བཤད་ཀྱི་གང་ཟག་ལ་དགོངས་བཤད་སོགས་ལྔ་མི་འཆད་ན་དེ་དག་ལ་རྒྱུད་འཆད་པའི་ཚེ་གཞུང་མང་པོ་ཞིག་གཞག་དགོས་པས། རྒྱུད་གཞུང་མ་ལུས་པ་བཤད་དུ་མི་རུང་བར་འགྱུར་ན། དེ་ནི་མི་རིགས་ཏེ་ལེའུ་བཅུ་བདུན་པའི་འགྲེལ་པ་ལས། གསང་བ་འདུས་པ་
འདི་ལ་དེ་ཁོ་ན་ཉིད་རྟོགས་པ་རྣམས་ཀྱིས་མཐོང་བའི་ཆོས་ཉིད་ལ། ཚེ་འདི་ཉིད་དུ་སངས་རྒྱས་ཉིད་འཐོབ་པ་ཐོས་ཤིང་། རྒྱུད་ཀྱི་གཞུང་མ་ལུས་པ་ཐོས་ཀྱང༌། མཐའ་དྲུག་གིས་དབྱེ་བས་རྒྱུད་ཀྱི་དོན་ལ་རྨོངས་པ་དང་མ་བྲལ་བ་ཙན་དན་ལྟ་བུའི་གང་ཟག་ལ་སོགས་པའི་ཉན་པ་པོ་རྣམས་ཞེས་གང་ཟག་བཞི་པོས་
ཀྱང་རྒྱུད་གཞུང་ཀུན་གྱི་བཤད་པ་ཐོས་པར་གསུངས་པའི་ཕྱིར་རོ་ཞེ་ན། ཇི་སྐད་དུ་བཤད་པའི་སྐྱོན་ཡོད་པའི་ཕྱིར་བཤད་པ་གཉིས་ཀྱི་གང་ཟག་རེ་རེ་ལ་རྒྱུད་ཀུན་མི་འཆད་པ་མིན་ནོ། །དེ་ལྟར་ནའང་བཤད་པ་གཉིས་སོ་སོར་མཛད་པ་ནི་སྣོད་དང་སྣོད་མིན་ཡོངས་བརྟགས་ནས། །ཞེས་པ་དང༌། རིན་པོ་ཆེ་ལྟ་བུ་
ལ། རྫོགས་པའི་རིམ་གྱི་སྐལ་ལྡན་ཞིང༌། །ཞེས་གསུངས་པས། བཤད་བྱའི་ལམ་རིམ་གཉིས་ཀྱི་སྐལ་བ་དང་ལྡན་མི་ལྡན་དང་སྣོད་དུ་གྱུར་མ་གྱུར་གཉིས་ཡིན་ལ། དེ་ལ་ཡང་ལམ་དེ་སྐྱེ་བའི་སྣོད་ཡིན་མིན་དང༌། ཉན་པའི་སྣོད་ཡིན་མིན་གཉིས་ཡོད་པ་ལས། དབང་རྫོགས་པར་ཐོབ་ཅིང་དམ་
ཚིག་དང་སྡོམ་པ་ཚུལ་བཞིན་དུ་བསྲུངས་པ་ཡིན་ན་རིམ་གཉིས་རགས་པ་ཀུན་ཉན་པའི་སྣོད་དུ་རུང་ཡང༌། ཙན་དན་ལྟ་བུ་ལ་སོགས་པ་བཞི་ལ་དབང་པོ་སྦྱངས་པ་དང་མ་སྦྱངས་པའི་དུས་སུ་རྫོགས་རིམ་རྫོགས་པར་སྟོན་མི་སྟོན་གྱི་ཁྱད་པར་ཡང་ཡོད་པས་དེ་ལ་ལྟོས་ནས་ཀྱང་བཤད་པའི་དབྱེ་བ་ཡོད་དོ། །གཙོ་བོ་ནི་
4-2-13a


གང་ཟག་གཞན་བཞི་ལ་ནི་ཚེ་དེ་ལ་རིམ་པ་དང་པོ་སྐྱེ་སླ་བ་དང༌། རྫོགས་པར་སྐྱེ་སྲིད་ཀྱང་། རིམ་པ་གཉིས་པ་སྐྱེ་དཀའ་ཞིང་རྫོགས་པར་སྐྱེ་མི་སྲིད། རིན་པོ་ཆེ་ལྟ་བུ་ལ་ནི་ཚེ་དེ་ལ་རིམ་པ་གཉིས་པ་ཡང་སྐྱེ་སླ་ཞིང་རྫོགས་པར་སྐྱེ་ན་རིམ་པ་དང་པོ་ལྟ་ཅི་སྨོས། དེས་ན་རིམ་པ་གཉིས་
སྐྱེ་བའི་སྣོད་ལ་ལྟོས་ནས་བཤད་པའི་དབྱེ་བ་གཉིས་གསུངས་ཀྱི། ལྔ་ཚན་གཉིས་པོ་གཅིག་གང་ལ་བཤད་པ་ལ་གཅིག་ཤོས་མི་འཆད་པ་མིན་པས་སྐྱོན་མེད་དོ།། ༈ འཆད་པའི་ཚེ་རྣམ་པ་ཀུན་ཏུ་ཉན་པར་འདོད་པའི། །བློའི་རིགས་འཇིག་རྟེན་ན་སོ་སོར་ངེས་པར་གྱུར་པ་ནི། །
བློ་ཡི་རིགས་ཀྱི་རྣམ་པ་དཔག་ཏུ་མེད་པ་ཡོད་པ་ལས། །དེའི་ནང་ནས་འདིར་བསྡུ་ན་གང་ཟག་རྣམ་པ་ལྔར་འདོད་དོ། །དེ་དག་ཀྱང་གང་ཞེ་ན། ཨུཏྤ་ལ་དང་པད་དཀར་དང༌། པདྨ་དང་ཙན་དན་དང་རིན་པོ་ཆེ། །ལྟ་བུའི་གང་ཟག་རང་བཞིན་ཏེ་བློའི་རིགས་ཐ་དད་པའི་མིང་གིས་
དེ། །རྣམས་ཐམས་ཅད་མཁྱེན་པས་ཡེ་ཤེས་རྡོ་རྗེ་ཀུན་ལས་བཏུས་ལས་གསུངས་པ་ཡིན་ནོ།། ༈ གཞལ་བྱའི་དངོས་པོ་དེ་ནི་མ་ལུས་པ་བླ་མ་ལས་ཐོས་པར་གྱུར་ལ། །ཐོས་ནས་ཀྱང་ཚིག་དོན་འཛིན་པ་ལ་ནི་རྣམ་པར་མཁས། །སྐད་ཅིག་གིས་ནི་
ཏེ་རིང་པོར་མི་ཐོགས་པར་བརྗེད་པར་འགྱུར་བ་སྟེ། །དེ་ནི་ཨུད་པ་ལ་ཆུ་ནང་ན་གནས་པའི་ཚེ་དྲི་ཞིམ་པོ་མང་པོ་འཛིན་ཞིང་རྙིད་པ་མེད་ལ། ཆུ་ནས་བཏོན་མ་ཐག་རྙིད་ཅིང་དྲི་ཡལ་བ་དང་འདྲ་། བས་ཨུཏྤ་ལ་ལྟ་བུ་ཞེས་བྱབའི་གང་ཟག་གོ། ༈ གཟུང་བྱའི་ཆོས་ཀྱི་ཚིག་དོན་གྲོགས་
ལས་ལྷག་པར་མང་དུ་ཐོས་ནས་འཛིན་ནུས་པར་གྱུར་ཀྱང༌། །གཞན་ལ་སྟོན་པ་ཡི་ནི་ནུས་པ་མེད་པ། །སྟེ། དེ་ནི་བུམ་པའི་ནང་དུ་རས་བལ་གྱི་ས་བོན་གྱིས་བཀང་བ་འཕེལ་ནས་སླར་མི་ཐོན་པ་དང༌། པད་དཀར་རང་གི་དྲི་ལྟེ་བའི་སྦུབས་སུ་འཁོར་ནས་གཞན་དུ་འཕྲོ་བ་མེད་པ་དང་
4-2-13b


འདྲ་བས། །པད་དཀར་ལྟ་བུ་ཞེས་བྱབའི་གང་ཟག་གོ། ༈ དཀར་ཆོས་ཀྱི་རྩ་བ་དད་པ་དང་ལྡན་ཞིང་སྙིང་རྗེ་ཆེ་བ་	ཤེས། །རབ་དང་ལྡན་པ། ཆོས་ཐོས་ན་བློ་ཡི་ཁ་འབྱེ་བ་སྟེ་ཤེས་རབ་འཕེལ་ལ། །ཚིགས་མེད་པའི་འོད་མའི་ཕྱོགས་གཅིག་ནས་ཆུ་
བླུགས་པ་བཞིན་དུ་ཐོས་པའི་དོན་ཤེས་པ་རིང་དུ་མི་གནས་པ་སྟེང་ཀ་འཛག་པ། །གདེ་ནི་པདྨ་དྲི་ཞིམ་པ་དགའ་བ་སྐྱེད་པའི་ཡོན་ཏན་དང་ལྡན་པ་ཉི་མས་ཁ་འབྱེ་བ། པདྨའི་ལྟེ་བར་ཆགས་པའི་ཟིལ་པ་རྣམས་ཉི་མ་ཤར་བ་དང་མེད་པར་འགྱུར་བ་དང་འདྲ་བས་པདྨ་ལྟ་བུ་ཞེས་བྱབའི་གང་ཟག་
གོ། ༈ ཐོས་པ་ཉུང་བ་སྟེ་ཆུང་ཞིང་ཐོས་པ་ལ་བསྐུལ་ན་ངས་ཤེས་སོ་ཞེས་ང་རྒྱལ་དང་ལྡན་པ། །ལུང་རིགས་ཀྱི་དོན་ལེགས་པར་མ་ངེས་པས་རྩ་བ་མེད་པར་རྩོད་པ་ན་མང་དུ་སྨྲ་བ། །སྐྱོན་དེ་རྣམས་བསལ་ནས་རྗེས་སུ་བཟུང་བར་མི་ནུས་པ། །སྟེ་
བཟུང་དཀའ་བ། དེ་ནི་ཙན་དན་འབྲས་བུ་མེད་པ་དྲི་ཆུང་བ་ཚེར་མ་མང་བ་སྦྲུལ་གདུག་པས་དཀྲིས་པས་དྲུང་དུ་ཉེར་མི་རུང་བ་དང་འདྲ་བས་ཙན་དན་ལྟ་བུ་ཞེས་བྱབའི་གང་ཟག་གོ། ༈ ཁས་བླངས་པའི་ཚུལ་ཁྲིམས་ཡོངས་སུ་དག་ཅིང་ཐོས་པའི་ཕ་རོལ་ཏུ་སོན་པས་
མཁས་ལ་དགེ་བ་ལ་མཁས་ཤིང་སྤྲོ་བའི་སྒྲིན། །པ་དང་། མགོ་སྨོས་པས་གོ་བའི་ཤེས་རབ་དང་ལྡན་ཞིང་༼དེ་བཞི་དགེ་རྩ་མ་སྨིན་པ་དམན་པ་ལ་མོས་པར་སྒྲོན་གསལ་ལས་བཤད་དོ།། ༽བླ་ན་མེད་པའི་ཐེག་པར་རིགས་ངེས་ཤིང་སད་པས་རྒྱུད་གཅིག་པ། །སྟེ་མི་འགྱུར་
བ་དང༌། རང་གིས་ཆོས་ཐོས་ནས་ཐོས་པའི་དོན་གཞན་ལ་ལེགས་པར་ཏེ་ཡང་དག་པར་སྟོན་ནུས་པ་སྟེ་དེ་ནི། །རྙེད་པར་དཀའ་ཞིང་འདོད་པའི་འབྲས་བུ་འབྱིན་པས་རིན་པོ་ཆེ་དང་འདྲ་བས་རིན་ཆེན་ལྟ་བུ་ཞེས་བྱབའི་གང་ཟག་གོ། ༼འདི་ལ་དགེ་བའི་རྩ་བ་ཡོངས་སུ་སྨིན་པ་
4-2-14a


ཐོས་པའི་ཕ་རོལ་ཏུ་སོན་པ་སངས་རྒྱས་ཉིད་མངོན་པར་འདོད་ཅིང་རིགས་ངེས་པའོ། །ཞེས་ཀྱང་སྒྲོན་གསལ་ལས་གསུངས་སོ།། ༈ ཨུཏྤལ་དེ་བཞིན་པད་དཀར་དང༌། །པདྨ་ཙནྡན་ཉིད་དག་སྟེ། །གང་ཟག་བཞི་པོ་འདི་དག་ནི། །ཚོགས་པ་
ལ་སྟེ་ཐུན་མོང་དུ་བཤད་པར་བྱ་བའི་བསྐྱེད་རིམ་གྱི་སྣོད་དུ་གྱུར་པའི་གང་ཟག་གོ། རྫོགས་པའི་རིམ་པ་སྐྱེ་སླ་བ་དང་རྫོགས་པར་སྐྱེ་བའི་གྱི་སྐལ་བ་དང་ལྡན་ཞིང་། །རྟག་ཏུ་དམ་པའི་སྤྱོད་པས་རྣམ་པར་བརྒྱན་པ། །འདི་ནི་རིན་ཆེན་ལྟ་བུ་ཞེས་བྱ་བའི་
གང་ཟག་སྟེ། །སློབ་མའི་གཙོ་བོ་ལ་བཤད་པར་བྱ་བའི་ལམ་རྫོགས་རིམ་གྱི་སྣོད་ཡིན་ནོ།། ༈ གང་ཟག་གི་རིགས་ཀྱི་ཤེས་པའི་དབྱེ་བ་ཡིས། །རྫོགས་རིམ་གྱི་སྣོད་དང་སྣོད་མིན་ཡོངས་སུ་བརྟགས་ནས། །རྡོ་རྗེ་སློབ་དཔོན་མཁས་པས་
ནི། །ཚོགས་དང་སློབ་མ་ལ་བཤད་པ་རྣམ་པར་གཉིས་བྱའོ།། ༈ སྔར་བཤད་པའི་རྒྱན་ནི་དྲུག་པོ་དེ་རྣམས་ཀྱིས། །ཞེས་པ་ནི་བཤད་གཞིའི་རྒྱུད་འདིའི་དགོངས་པ་འགྲེལ་བའི་སྒོ་གཉིས་ཀྱིས་བཀྲལ་བའི་ལམ་གྱི་རིམ་པ་བཞི། བཤད་པའི་དབྱེ་བ་རྣམ་པ་གཉིས་ཀྱིས་
གང་ཟག་ལྔ་ལ་བཤད་པས་ཀུན་རྫོབ་བདེན་པ་སྒྱུ་མའི་སྐུ་དང་དོན་དམ་པའི་བདེན་པ་དང་རོ་གཅིག་ཏུ་ཞུགས་པའི་འོད་གསལ་གྱི་ཡེ་ཤེས་ཀྱི་བདེན་པ་གཉིས་རྣམ་པར་ངེས་པར་བྱས་པ། །འི་གོ་བ་སྐྱེས་པ་དེ་ནི་རྒྱན་དུ་གྱུར་པ་བདུན་པ་དགོས་པ་བདེན་གཉིས་ངེས་པ་
སྟེ། །དེ་ནི་རྫོགས་པའི་རིམ་པའི་གཙོ་བོ་ཟུང་འཇུག་སྒྲུབ་པལ་མེད་དུ་མི་རུང་བའོ།། ༼འདིས་ནི་རྒྱན་དྲུག་གི་སྒོ་ནས་བཤད་པས་འདུས་པ་ལ་རྣམ་པར་དག་པའི་གོ་བ་ཆགས་པ་དེ་རྒྱན་བདུན་པར་བཤད་ལ། གོ་བ་ཡང་རྒྱུད་ཀྱི་དོན་གོ་བ་གང་ཡིན་ཀུན་ལ་མི་བྱེད་ཀྱི་གོ་བའི་གཙོ་བོ་བདེན་
4-2-14b


གཉིས་དབྱེར་མེད་ཟུང་འཇུག་ལེགས་པར་གོ་ཞིང་དེའི་ཡན་ལག་ཏུ་འོད་གསལ་དང་སྒྱུ་ལུས་དང་ལུས་ངག་སེམས་གསུམ་གྱི་དབེན་པ་གསུམ་དང༌། བསྐྱེད་རིམ་དབང་དང་བཅས་པ་དགོས་ཚུལ་ལེགས་པར་ངེས་པ་ཞིག་གལ་ཆེ་སྟེ་མཐའ་གཅོད་དུ་འཆད་པར་འགྱུར་རོ།། ༈ ཡེ་ཤེས་རྡོ་རྗེ་ཀུན་
ལས་བཏུས་པ་ལ་སོགས་པའི་བཤད་པའི་རྒྱུད་ཀྱི་རྗེས་སུ་འབྲངས་ནས། །འདུས་པའི་རྩ་རྒྱུད་ཀྱི་བཤད་པ་སྨྲ་བ་དང་ཕྲད་པ་ཤིན་ཏུ་རྙེད་པར་དཀའ། འོ། བཤད་པ་སྨྲ་བ་ཇི་ལྟ་བུ་ཞེ་ན། འདི་ལྟར་བཤད་རྒྱུད་ལས་དྲངས་ཏེ་རྒྱན་བདུན་གྱི་སྒོ་ནས་བཤད་པ་འདི་
ནི། འོ། རྒྱན་བདུན་གྱི་བཤད་པ་དེ་ཡང་རྣལ་འབྱོར་གྱི་རྒྱུད་ཡེ་ཤེས་རྡོ་རྗེ་ཀུན་ལས་བཏུས་པ་ལས་གཞན་རྣལ་འབྱོར་མའི་རྒྱུད་ནས་དེ་ལྟར་བཤད་པ་མིན། །པས་ཕ་རྒྱུད་ནས་དེ་རྣམས་ཤེས་དགོས་སོ། །ཞེས་པ་ནི་འགྱུར་འདི་ལ་བརྟེན་ནས་བཤད་པའོ། །ཡང་ན་པ་ཚབ་ཀྱིས། འདི་
ཉིད་ཀྱིས་ནི་རྣལ་འབྱོར་རྒྱུད། །བཤད་ཀྱིས་རྣམ་པ་གཞན་དུ་མིན། །ཞེས་བསྒྱུར་ལ། ཆག་ཀྱང་དེ་དང་མཐུན་ནོ། །དེའི་ལྟར་ན་ཤིན་ཏུ་མི་གསལ་བའི་རྣལ་འབྱོར་བླ་མེད་ཀྱི་རྩ་བའི་རྒྱུད་རྣམས་རྒྱན་བདུན་གྱི་བཤད་པ་འདི་ཁོ་ན་ཉིད་ཀྱིས་བཤད་ཀྱི་རྒྱན་བདུན་གྱི་བཤད་པ་ལས་རྣམ་པ་གཞན་དུ་བཤད་པར་བྱ་བ་མ་ཡིན་
ནོ་ཞེས་པའོ།། ༈ བཤད་པའི་རྒྱུད་དང་སྦྱར་ཏེ་བཤད་དགོས་པ་དེ་བས་ན་རྡོ་རྗེ་སློབ་དཔོན་གྱིས། །ནི། རྒྱུད་ཀྱི་གླེང་གཞི་ནས་བཟུང་སྟེ་རིམ་པ་བཞིན་དུ་རྩ་རྒྱུད་་དང་བཤད་རྒྱུད་འི་སྦྱོར་བ་ཉིད་ཀྱི་ར་བཅས། །བཤད་པའི་རྒྱུད་ཡེ་ཤེས་རྡོ་རྗེ་ཀུན་ལས་བཏུས་
དང་རྡོ་རྗེ་འཕྲེང་བ་སོགས་ལ་མཁས་པ་ལ་བརྟེན་ནས་ཡིས། །༼དེ་ཕྱིར་བླ་མ་རྡོ་རྗེ་ནི། །གླེང་གཞི་རིམ་པ་སྦྱོར་ཉིད་ཀྱིས། །བཤད་པའི་རྒྱུད་ལ་མཁས་པ་ལས། །འབད་དེ་རྣལ་འབྱོར་རྒྱུད་རྣམས་གཟུང༌། །ཞེས་བསྒྱུར་ལ་ཐུགས་རྗེ་ཞབས་དང་སྐལ་ལྡན་གྲགས་པས་ཀྱང་མཁས་པ་ལས་ཞེས་པའི་དོན་དུ་བཤད་དོ། །
4-2-15a


༽འབད་པ་ཆེན་པོ་བསྐྱེད་དེ་འདུས་པ་སོགས་ཀྱི་རྣལ་འབྱོར་གྱི་རྒྱུད་རྣམས་གཟུང་བར་བྱའོ་ངོ༌།། ༈ རྒྱན་རྣམ་པ་བདུན་བཤད་པའི་རིགས་པའི་དོན་སྐལ་ལྡན་གྲགས་པས་རྫོགས་པ་ལ་བཤད། ཐུགས་རྗེ་ཞབས་ཀྱིས་རིམ་པ་ལ་
བཤད་ཀྱང་། རིགས་པའི་སྐད་དོད་ཚུལ་ལ་ཡང་འཇུག་པས། པ་ཚབ་ཀྱིས་ཚུལ་དུ་བསྒྱུར་བ་བདེའོ།། ༈ དེ་ལྟར་རྒྱུད་སྤྱིའི་དོན་དུ་ཞིག་ཏུ་འདུ་བ་དང་རྒྱུད་ཀྱི་ཆེ་བ་དང་རྒྱུད་བཤད་ཐབས་ཀྱི་མན་ངག་བསྟན་ནས་ད་ནི་རྩ་རྒྱུད་ལེའུ་བཅུ་བདུན་གྱི་ལེའུ་རེ་རེས་དོན་འདི་སྟོན་ཞེས་པའི་ལེའུ་རྣམས་ཀྱི་
བསྡུས་པའི་དོན་བཤད་པར་བྱ་སྟེ། །༼རྒྱུད་ཕྱི་མ་དང་དགོངས་པ་ལུང་སྟོན་གྱིས་ལེའུ་འདིས་དོན་འདི་སྟོན་ཞེས་པའི་བསྡུས་དོན་མི་འདྲ་བ་གཉིས་བསྟན་པ་ལ། འདིར་གསུངས་པ་ནི་ཕྱི་མ་ལ་བརྟེན་པའོ།། ༈ ༽ལེའུ་རེ་རེའི་བསྡུས་དོན་སྟོན་པ་དེ་ལ་ཏེ་དེའི་ནང་ནས་ལེའུ་དང་
པོ་ལས་ནི་སྔོན་བྱུང་ལ་ཀྱཻ་རྡོ་རྗེ་ལས། འཆད་པ་པོ་ང་ཆོས་ཀྱང་ང༌། །རང་གི་ཚོགས་ལྡན་ཉན་པོ་ང༌། །ཞེས་གསུངས་པ་ལྟར་བརྗོད་པར་བྱེད་པའི་ཆོས་དང་རྗོད་པར་བྱ་བའི་དོན་དཀྱིལ་འཁོར་གཉིས་ལ་སོགས་པ་སྟོན་པའི་བདག་ཉིད་ཡིན་པ་ལྟར་རྗེས་འཇུག་གིས་ཀྱང་དེ་ལྟར་མོས་
དགོས་པའི་ཕྱིར་རོ། །དྲིལ་བུ་ཞབས་ཀྱིས། དབང་བསྐུར་དཀྱིལ་འཁོར་སྔོན་འགྲོ་བར། །རྡོ་རྗེ་འཆང་གིས་གསུངས་པ་སྟེ། །ཞེས་གསུངས་པ་ལྟར། དབང་ལ་དཀྱིལ་འཁོར་སྔོན་དུ་འགྲོ་དགོས་པས། དཀྱིལ་འཁོར་ཇི་ལྟ་བུ་ཞིག་ཏུ་དབང་བསྐུར་སྙམ་ན་དྲུག་པ་རྡོ་རྗེ་འཆང་ཆེན་པོའི་སྐུའི་ཆ་ཤས་རྣམས་
རྟེན་བརྟེན་པར་དངོས་སུ་སྤྲུལ་པའམ། དེར་ཏིང་ངེ་འཛིན་ཀྱིས་སྤྲུལ་པའི་དཀྱིལ་འཁོར་དུའོ། །དེ་ལྟ་བྱ་དགོས་པའི་རྒྱུ་མཚན་ནི། གང་ལ་བསྟན་ན་རིམ་པ་དེ་གཉིས་ཉན་པའི་སྐལ་བ་དང་ལྡན་པ་༼རྡོ་རྗེ་འཆང་ཆེན་པོས་སྤྲུལ་ཞེས་འགྱུར་གསར་གཉིས་ལས་འབྱུང་ཡང་ཆེན་པོའི་སྤྲུལ་པ་
4-2-15b


ཞེས་པ་ལེགས་སོ།།༼ རྣམས་ལའོ། །ཉན་པའི་སྐལ་བ་དང་ལྡན་པར་ཐབས་གང་གིས་བྱེད་ན་རིག་པའི་དབང་བསྐུར་བ་བྱིན་ནས། སྐལ་བ་དང་ལྡན་པར་བྱེད་དོ། །༼ཆུ་དབང་ལ་སོགས་པ་ལྔ་ལ་ནི་རིག་པ་ཡེ་ཤེས་ལྔ་སྐྱེད་པའི་ནུས་པ་འཇོག་པ་དང་། སྤྱན་ལ་སོགས་པའི་རིག་
རིག་མས་ཐོགས་པའི་བུམ་པའི་ཆུའི་བྱ་བ་རྗེས་སུ་འགྲོ་བར་མོས་དགོས་པས་རིག་པའི་དབང་ངོ༌། །རྡོ་རྗེ་སློབ་དཔོན་གྱི་དབང་དངོས་ཀྱང་རིག་མ་དང་འཁྱུད་པ་ལས་འཐོབ་ཅིང་གསང་དབང་ཡང་སློབ་དཔོན་དང་རིག་མ་སྦྱར་བའི་རྫས་མྱངས་པས་འཐོབ་པ་དང༌། ཤེས་རབ་ཡེ་ཤེས་ཀྱི་དབང་ཡང་རང་དང་རིག་མ་
སྙོམས་པར་ཞུགས་པ་ལས་འཐོབ་པ་དང་། དབང་བཞི་པ་ཡང་དེ་ཉིད་དཔེར་བྱས་ནས་བསྟན་པ་ལས་འཐོབ་པས་རིག་པའམ་རིག་མའི་དབང་ཞེས་བྱའོ། །༽དྲང་བའི་དོན་གྱིས་དབྱེ་བས་དང་། ངེས་པའི་དོན་གྱི་བྱེ་བྲག་གིས་བློས་གསར་དུ་བརྟགས་པ་བཅོས་མའི་རིམ་པ་
དང་། བློས་གསར་དུ་མ་བརྟགས་པ་མ་བཅོས་པའི་རྫོགས་པའི་རིམ་པའི་སྒྲུབ་པའི་ཐབས་གཉིས་སོ། །སོ་སོར་སྟོན་ནོ། །ཞེས་སྦྲེལ་ལོ། །གང་ན་ཞིང་། འོག་ནས་བཤད་པའི་ལེའུ་གཉིས་པ་ནས་བཅུ་བདུན་པའི་བར་ལེའུ་བཅུ་དྲུག་པོའི་དོན་རྣམས་ཀྱང་། དེ་ལྟར་
གསུངས་པའི་དོན་གཞན་དག་ཀྱང་རིམ་གཉིས་ཡན་ལག་དང་བཅས་པ་འདི་ཉིད་ལ་བརྟེན་ནས་རྙེད་པ་ཡིན་པས་རིམ་གཉིས་སུ་མི་འདུ་བའི་སྐྱོན་མེད་དོ། །རིམ་གཉིས་ཀྱི་ལྷའི་རྣལ་འབྱོར་གཉིས་པོ་ཉིད་ལ་འཇུག་ཅིང་གནས་པས་ལེའུ་དང་པོའི་དོན་རིམ་གཉིས་དེ་
ཉིད་རྒྱས་པར་འཆད་པའོ། །འོ་ན་རིམ་གཉིས་དངོས་མིན་པའི་དོན་གཞན་མང་པོ་ཞིག་དེ་དག་གིས་བཤད་སྣང་བ་ཇི་ལྟར་ཡིན་སྙམ་ན་།། སྟེ།།  ༼ དགོངས་པ་ལུང་སྟོན་ལས། དེ་ཚེ་ཕྱུང་བ་གསོལ་བ་ཡིས། །གསང་སྔགས་གསུངས་པ་དང་པོ་ཉིད། །ཅེས་ལེའུ་དང་པོས་འདུས་པ་ཉན་པའི་འཁོར་འདུས་པའི་
4-2-16a


ཚེ་རྒྱུད་སྟོན་པར་གསོལ་བ་བཏབ་པའི་དོན་དུ། དབང་བསྐུར་བའི་དཀྱིལ་འཁོར་གྱི་ལྷ་བཅུ་གསུམ་ཕྱུང་བའི་འབྱིན་པའི་གསང་སྔགས་གསུངས་པར་བཤད་དེ། དཀྱིལ་འཁོར་དུ་ཞེས་པའི་དོན་ཕྱོགས་གཅིག་གསུངས་པའོ།། ༼རྒྱུད་ཀྱི་བརྗོད་བྱའི་རིམ་གཉིས་སུ་འདུ་བའི་དོན་
འདི་ཉིད་ནི་གསང་བ་འདུས་པའི་རྒྱུད་ཕྱི་མ་ལས། བཙུན་མོ་དང་མཉམ་པར་སྦྱོར་བའི་རྣམ་པ་ཅན་གྱི་རྡོར་སེམས་ནི་སངས་རྒྱས་ཀུན་གྱི་བདག་ཉིད་ཡིན་པས། སངས་རྒྱས་རྣམས་ཀྱིས་ཞེས་མང་ཚིག་སྨོས་སོ། །སྟོན་པ་དེས་ཆོས་བསྟན་པའི། །རྒྱུད་ཀྱི་བརྗོད་བྱ་ནི། རིམ་པ་
གཉིས་ལ་ཡང་དག་པར་གནས། །པ་སྟེ་གཉིས་སུ་འདུའོ། །དེ་གང་ན་བསྐྱེད་པ་ཡི་ནི་རིམ་པ་དང་། །རྫོགས་པ་ཡི་ནི་རིམ་ཉིད་དོ། །ཞེས་གསུངས་སོ།། ༼འདུས་པའི་རྒྱུད་ལ་ལེའུ་བཅོ་བརྒྱད་ཡོད་པའི་དང་པོའི་རིམ་གཉིས་ཀྱི་བསྙེན་སྒྲུབ་བཞི་མདོར་བསྟན། དེ་ནས་བཅུ་དྲུག་གིས་
བསྙེན་སྒྲུབ་བཞི་པོ་དེ་རྒྱས་པར་བཤད། བཅོ་བརྒྱད་པས་དེ་ཐམས་ཅད་ཀྱི་གསང་བའི་མན་ངག་སྟོན་ནོ། །ཞེས་ནཱ་རོ་པས་བཤད་དོ། །འདིར་ལེའུ་དང་པོས་འདི་སྟོན་ནི་དོན་སྣ་ཚང་བར་བསྟན་ནོ།། ༈ ལེའུ་དང་པོའི་དོན་ལེའུ་བཅུ་དྲུག་གིས་སྟོན་པ་དེ་ལ་ལེའུ་གཉིས་པ་ལས་ནི་ལེའུ་དང་པོར་
བཤད་པའི་རིམ་པ་ཐ་མ་གསུམ་གྱི་བྱང་ཆུབ་ཀྱི་སེམས་ཀྱི་རྫོགས་པའི་རིམ་པ་འབའ་ཞིག་ཉེ་བར་སྟོན་ཏོ། །༼འབའ་ཞིག་གིས་ནི་ལེའུ་དེར་རྫོགས་རིམ་མིན་པ་བསྟན་པ་གཅོད་པ་མིན་ཏེ། སེམས་ལུས་ལྟ་བུ་དང་ཞེས་སོགས་ཀྱི་དྲང་དོན་གྱི་བཤད་པས་བསྐྱེད་རིམ་བསྟན་ཅིང་། རྡོ་རྗེ་
འཆང་གི་བྱང་ཆུབ་ཀྱི་སེམས་ཀྱི་ཡིག་སྤྱི་གཉིས་བསྐྱེད་རིམ་པ་དང་ཐུན་མོང་བ་ཡིན་པའི་ཕྱིར་རོ། །དེས་ན་རྫོགས་རིམ་ཉིད་གཙོ་བོར་སྟོན་པའི་དོན་དུ་བྱའོ། །ལུང་སྟོན་ལས་ཀྱང་། ཐུབ་ཆེན་བྱང་ཆུབ་སེམས་ཚུལ་དུ། །མཛད་པ་གཉིས་པ་ཡིན་པར་བཤད། །ཅེས་ལེའུ་གཉིས་པས་ཐུབ་པ་ཆེན་པོ་དྲུག་
4-2-16b


གི་རིམ་པ་ཐ་མ་གསུམ་གྱི་བྱང་ཆུབ་ཀྱི་སེམས་འཆད་ཚུལ་དྲུག་གི་ཚུལ་དུ་བཤད་པར་མཛད་པར་གསུངས་ཏེ། དེ་ལ་ཆེ་བརྗོད་མཛད་པས་ཀྱང་འོད་ཟུང་གི་དོན་ཉིད་བསྟན་ནོ།། ༈ ༽ལེའུ་གསུམ་པ་ལས་ནི་ཡོངས་སུ་དག་པའི་རྫོགས་རིམ་པའི་ལྷའི་རྣལ་འབྱོར་ཡེ་ཤེས་
ཀྱི་སྐུ་གསལ་བར་བྱེད་དོ། །ཞེས་པ་ནི་ལེའུ་འདིའི་དོན་གྱི་ཕྱོགས་གཅིག་སྨོས་པ་ཡིན་གྱི། སྔགས་དང་ཡེ་ཤེས་ཀྱི་སྐུ་གཉིས་ཀ་དག་པའི་སྒྲས་འཛིན་པར་འདོད་པ་ལྟར་མིན་ནོ། །དེ་ལ་ལེའུ་དང་པོར་བསྡུས་དོན་དོན་སྣ་ཚང་བ་གཅིག་བསྟན་པ་ནི་ལེའུ་གཞན་ལའང་མཚུངས་པས་དེ་ལྟར་བཤད་
ན། ལེའུ་དང་པོའི་དོན་བཤད་པར་དཀྱིལ་འཁོར་རྒྱལ་མཆོག་ཡན་ཆད་བསྟན་ཀྱང་། གཙོ་བོ་དྲུག་འཕོ་ཚུལ་དང་རིམ་པ་དང་པོའི་ཕྲ་མོ་སྒོམ་པ་མ་བསྟན་ཅིང་། རྡོར་བཟླས་ཀྱང་གཞི་བཏིང་བ་ཙམ་ལས་མེད་པས། འདིར་གཙོ་བོ་དྲུག་གི་འཕོ་ཚུལ་དང་། རིགས་ལྔ་མངོན་བྱང་རྣམས་ལས་བསྐྱེད་
ཚུལ་དང་། རིམ་པ་དང་པོའི་སྟེང་འོག་གི་ཕྲ་མོ་གཉིས་བསྒོམ་པ་བཤད་ལ། ཡང་དེ་རྣམས་སྟོན་པའི་གཞུང་ངེས་དོན་དང༌། ཕྲ་མོའི་དོན་མཐར་ཐུག་གི་དོན་དུ་བཤད་པས། སྒྱུ་ལུས་འོད་གསལ་དུ་འཇུག་ཚུལ་དང༌། དེ་ལས་ཟུང་འཇུག་ལོངས་སྤྲུལ་དུ་ལྡང་ཚུལ་སྔར་ལེའུ་དང་པོར་བཤད་པ་
གསལ་བར་བྱས་ཤིང༌། རྫོགས་རིམ་པའི་ཕྲ་མོའི་རྣལ་འབྱོར་རྡོར་བཟླས་ཤིན་ཏུ་གསལ་བར་བསྟན་ནོ། །དེས་ན་ལུང་སྟོན་ལས་ཀྱང༌། རྣམ་ལྔར་མངོན་པར་བྱང་ཆུབ་པའི། །ཕྲ་མོའི་རྣལ་འབྱོར་གསུམ་པ་ཡིན། །ཞེས་ལེའུ་གསུམ་པས་མངོན་བྱང་ལྔ་ལས་ལྷའི་སྐུ་བསྐྱེད་པ་དང༌། ཕྲ་མོའི་རྣལ་
འབྱོར་སྟོན་པར་གསུངས་ཏེ། དོན་ཚན་དེ་གཉིས་ལ་རིམ་གཉིས་ཀྱི་ཆ་ནས་བཤད་ན་སྔར་ལྟར་འགྱུར་རོ།། ༈ ལེའུ་བཞི་པ་ལས་ནི་ལེའུ་དང་པོར་དབང་བསྐུར་བའི་ཡེ་ཤེས་ཀྱི་དཀྱིལ་འཁོར་བསྟན་པ་བཤད་པའི་ཕྱིར་དུ་དབང་བསྐུར་བའི་དཀྱིལ་འཁོར་སྟོན་ཏོ། །༼ལུང་སྟོན་
4-2-17a


ལས་ཀྱང་། དབང་བསྐུར་བ་ནི་རྣམ་པ་བཞི། །གཟུངས་ཀྱི་དཀྱིལ་འཁོར་ཉིད་བཞི་པ། །ཞེས་ལེའུ་བཞི་པས་གང་ལ་བརྟེན་ནས་དབང་བཞི་བསྐུར་བའི་གཟུངས་དཀྱིལ་བསྟན་པར་གསུངས་སོ། །གཟུངས་དཀྱིལ་ནི་ལེའུ་འདིར་ཕྱག་མཚན་བཅུ་གསུམ་བཀོད་པའི་
དཀྱིལ་འཁོར་བསྟན་པ་ལ་བྱ་སྟེ། དེ་ཉིད་བསྡུས་པ་ལས། གཟུངས་ཀྱི་དཀྱིལ་འཁོར་ཕྱག་མཚན་གྱི་དཀྱིལ་འཁོར་ལ་བཤད་པ་བཞིན་ནོ། །དཀྱིལ་འཁོར་བྲིས་ཏེ་ཕྱག་མཚན་དགོད་པ་དང༌། དཀྱིལ་འཁོར་མཆོད་པ་གཉིས་ལ་དྲང་ངེས་ཀྱི་བཤད་པ་གཉིས་ཀྱིས་བཤད་དོ།། ༈ ལེའུ་
ལྔ་པ་ལས་ནི་གླེང་བཞི་སྦས་བཤད་ཀྱི་སྐབས་སུ་སྤྱོད་པ་གསུངས་པ་གསལ་བར་བྱ་བའི་ཕྱིར་དུ་རྣལ་འབྱོར་ལ་བོགས་འབྱིན་པའི་གྱི་སྤྱོད་པ་གསུངས་ཏེ་དེར་མ་ཟད་རྒྱུད་ཀྱི་ཆེ་བ་དང་སྲོག་གཅོད་སོགས་ཀྱི་དགོངས་པའི་དོན་གྱི་བསླབ་པའི་གཞི་རྣམས་དང་ལས་ཀྱི་
ཕྱག་རྒྱ་ལ་བརྟེན་པའི་དྲང་ངེས་གཉིས་དང་ཡེ་ཤེས་ཀྱི་ཕྱག་རྒྱ་ལ་བརྟེན་ཚུལ་དང༌། སྲོག་གཅོད་སོགས་ཀྱི་དགོངས་གསུངས་ལ་དོགས་པ་བསལ་བ་དང༌། རྡོ་རྗེ་འཆང་ལ་རིགས་ལྔའི་སྒོ་ནས་བསྟོད་པ་རྣམས་གསུངས་སོ། །ལུང་སྟོན་ལས་ཀྱང་། བསྲུང་བའི་བསླབ་གཞི་རྣམ་བཞི་དང༌། །སྤྱོད་
པའང་འདིར་ནི་ལྔ་པ་སྟེ། །ཞེས་ལེའུ་ལྔ་པས་དགོངས་གསུངས་ཀྱི་བསླབ་གཞི་བཞི་དང་ལས་དང་ཡེ་རྒྱ་ལ་བརྟེན་པའི་སྤྱོད་པ་བསྟན་པར་གསུངས་སོ།། ༈ ལེའུ་དྲུག་པ་ལས་ནི་རིམ་པ་གཉིས་ཀྱི་སྐུ་དང་གསུང་དང་ཐུགས་བྱིན་གྱིས་བརླབ་པ་གསུངས་
ཏེ་གཞན་ཡང་མཆོད་པའི་ཆོ་ག་དང༌། རྫོགས་རིམ་གྱི་ལམ་རིམ་པ་དྲུག་དང༌། རིམ་གཉིས་ཀྱི་ཕྲ་མོའི་རྣལ་འབྱོར་དང་སྤྱོད་པའི་ཆོ་ག་རྣམས་བསྟན་ནོ། །ལུང་སྟོན་ལས་ཀྱང༌། དྲུག་པ་རང་སངས་རྒྱས་ཉིད་ཀྱི། །ཏིང་འཛིན་ཕྲ་མོའི་རྣལ་འབྱོར་རོ། །ཞེས་ལེའུ་དྲུག་པས་རང་ཉིད་ཀྱི་ལུས་
4-2-17b


ངག་ཡིད་གསུམ་སངས་རྒྱས་ཀྱི་སྐུ་གསུང་ཐུགས་སུ་བྱིན་གྱིས་བརླབས་པའི་ཏིང་ངེ་འཛིན་དང་ཕྲ་མོའི་རྣལ་འབྱོར་སྟོན་པ་གསུངས་སོ།། ༈ ལེའུ་བདུན་པ་ལས་ནི་ལེའུ་ལྔ་པ་དང་དྲུག་པ་ལས་བཤད་པའི་སྤྱོད་པ་སྤྲོས་ནས་ཏེ་རྒྱས་པར་བསྟན་ཏེ་གཞན་
ཡང་སྤྱོད་པའི་སྐབས་སུ་འདོད་ཡོན་ལ་ཇི་ལྟར་འདོད་པར་བསྟེན་པ་ཕན་ཡོན་དང་བཅས་པ་དང༌། སྤྱོད་པ་གསུམ་གྱི་སྐབས་ཀྱི་སྒོམ་བསམ་གསུམ་དང༌། ལུས་དབེན་སོགས་ཀྱི་རྗེས་སུ་དྲན་པ་དྲུག་དང༌། རིམ་གཉིས་ཐུན་མོང་གི་ཕྱག་རྒྱ་དང༌། སྙོམས་པར་འཇུག་པའི་ཆོ་ག་དང༌། རྗེས་དྲན་བཅུ་དྲུག་
དང་དེའི་ཕན་ཡོན་རྣམས་བསྟན་ནོ། །ལུང་སྟོན་ལས་ཀྱང༌། བདུན་པ་དེ་ཉིད་མཆོད་པར་བཤད། །སོ་སོའི་དབང་དུ་གཙོ་བོས་མཛད། །ཅེས་ལེའུ་བདུན་པས་སྤྱོད་པ་གསུམ་སོ་སོའི་དབང་དུ་མཛད་ནས་འདོད་ཡོན་ལ་སྤྱད་པས་དེ་ཁོ་ན་ཉིད་ཀྱི་མཆོད་པ་བྱེད་པ་སྟོན་པར་གསུངས་སོ་ཏོ། ། 
༈ ལེའུ་བརྒྱད་པ་ལས་ནི་གསང་བའི་དབང་བསྐུར་བ་གསུངས་པའི་རིམ་པ་ནི་རྫོགས་རིམ་པའི་མཆོད་པ་དང༌། བསྐྱེད་རིམ་པའི་མཆོད་པ་དང༌། དེ་གཉིས་ཀའི་ཐུན་མོང་གི་མཆོད་པ་དང༌། དེ་ནས་བླ་མའི་བྱ་བ་གསང་དབང་བསྐུར་བའི་དཀྱིལ་འཁོར་གཉིས་བྱ་བ་དང༌། སློབ་
མའི་བྱ་བ་ལྷ་དང་བླ་མ་ལ་མཆོད་པ་དང་། གསང་དབང་བསྐུར་བ་དངོས་ཕན་ཡོན་དང་བཅས་པ་བསྟན་ནོ། །ལུང་སྟོན་ལས་ཀྱང༌། ཕྱག་རྒྱས་དབང་བསྐུར་བརྒྱད་པར་བསྟན། །ཅེས་བརྒྱད་པས་ཕྱག་རྒྱ་དང༌། སྙོམས་པར་ཞུགས་པ་ལ་བརྟེན་ནས་གསང་བའི་རྫས་ཀྱི་དབང་བསྐུར་བ་བསྟན་པར་
གསུངས་སོ།། ༈ ལེའུ་དགུ་པ་ལས་ནི་སྲོག་གཅོད་སོགས་བྱས་པ་ལས་བྱང་ཆུབ་ཐོབ་པ། རྨད་དུ་བྱུང་བའི་དོན་ལུང་བསྟན་པ་སྟེ་བརྡ་སྤྲོད་པ་ལ་དྲང་ངེས་གཉིས་གསུངས་སོ།། ༼དེ་ནས་དོན་དེ་ལ་མ་འོངས་པའི་གདུལ་བྱ་དབང་པོ་དམན་པ་ལ་ལྟོས་
4-2-18a


པའི་དོགས་པ་གསལ་བ་དང༌། དེ་ནས་སྔགས་ཀྱི་སྤྱོད་པ་བདེན་གཉིས་ཀྱི་སྒོ་ནས་མཆོག་ཏུ་སྒྲུབ་པ་དང༌། དེ་ནས་ངོ་མཚར་བའི་བསྟོད་པ་གསུངས་སོ། །ལུང་སྟོན་ལས་ཀྱང༌། དམ་ཚིག་བཞི་པོ་དགུ་པ་ཡིན། །ཞེས་དགུ་པས་སྲོག་གཅོད་དང་། མ་བྱིན་ལེན་དང༌། 
འདོད་པ་ལ་སྤྱོད་པ་དང༌། རྫུན་དུ་སྨྲ་བ་བཞིའི་དམ་ཚིག་སྟོན་པར་གསུངས་ཏེ། ངག་རྩུབ་མོ་སྨྲ་བ་ཡང་ཡོད་དོ།། ༈ ལེའུ་བཅུ་པ་ལས་ནི་སྔགས་ལ་གཞོལ་བ་དང་རྫོགས་རིམ་པ་གཉིས་ཀྱི་མངོན་པར་འདོད་པའི་དངོས་གྲུབ་འཇིག་རྟེན་པ་དང་འཇིག་རྟེན་ལས་
འདས་པ་གཉིས་མངོན་དུ་བྱ་བའི་ཕྱིར་དུ། ཕྱིའི་བདག་ཉིད་ཅན་བསྐྱེད་རིམ་པ་དང༌ནང་གི་བདག་ཉིད་ཅན་གྱི་རྫོགས་རིམ་པའི་ལྷའི་སྙིང་པོ་གཉིས་བསྐུལ་བ་གསུངས་སོ།། ༈ ལེའུ་བཅུ་གཅིག་པ་ལས་ནི་རིགས་དྲུག་གིས་སྔགས་༼
ལུང་སྟོན་ལས་ཀྱང་། རྣམ་པ་བཅུར་ཕྱེ་ཡང་དག་རྟོག། བཟླས་པའི་སྔགས་ཀྱང་གསུངས་པ་ཡིན། །ཞེས་བཅུ་པས་སྤྱོད་པ་ལ་བརྟེན་ནས། ཡང་དག་པ་འོད་གསལ་ལ་རྟོག་པ་སྟེ་དེར་འཇུག་པར་བྱེད་པ་དང་། ཡི་གེ་གསུམ་གྱི་བཟླས་པའི་སྔགས་ཀྱང་གསུངས་པར་བཤད་དེ། དང་པོ་ནི། 
རྫོགས་རིམ་པའི་དང༌། གཉིས་པ་ནི། བསྐྱེད་རིམ་པའི་སྙིང་པོ་བསྐུལ་ཐབས་སོ། །༽ཀྱི་སྐུ་བསྐྱེད་པའི་དྲན་པ་གཅིག་པ་དྲུག་དང་འོད་གསལ་ལས་ཟུང་འཇུག་ཏུ་བཞེངས་པའི་ཡེ་ཤེས་ཀྱི་སྐུ་བསྐྱེད་པ་དང་རིམ་གཉིས་སོ་སོ་ལ་བརྟེན་པའི་མངོན་ཤེས་ལྔ་བསྒྲུབ་པ་དང༌། 
རིགས་གསུམ་གྱི་སེམས་དཔའ་སུམ་བརྩེགས་བསྒོམས་ནས་བསམ་གཏན་གཉིས་ཀྱིས་འོད་གསལ་དུ་འཇུག་པ་སྟོན་ཏོ།། ༼ལུང་སྟོན་ལས་ཀྱང༌། བཅུ་གཅིག་མིང་དུ་བྱུང་བ་ནི། །ཕྱག་རྒྱ་གཅིག་པར་བཤད་དཀྱིལ་འཁོར། །ཞེས་བཅུ་གཅིག་པས་ཕྱག་རྒྱ་གཅིག་པའི་དཀྱིལ་འཁོར་
4-2-18b


བཤད་ཅེས་གསུངས་ཏེ། དང་པོ་སྦྱོར་བའི་སྐབས་སུ་མངོན་བྱང་ལྔ་ལས། གཞལ་ཡས་ཁང་གི་དབུས་སུ་རིགས་དྲུག་བསྐྱེད་པར་གསུངས་པ་ལ། སྔོན་དུ་ལྷག་མོས་བསྒོམ་པ་ཡོད་ཀྱང་གཞལ་ཡས་ཁང་ལ་བཞུགས་པའི་ལྷ་གཅིག་ལས་མེད་པས། ཕྱག་རྒྱ་གཅིག་པའི་དཀྱིལ་འཁོར་དུ་གསུངས་སོ། །
༈ ལེའུ་བཅུ་གཉིས་པ་ལས་ནི། སྒྱུ་མའི་སྐུ་ཕྱག་རྒྱ་ཆེན་པོ་ཡོངས་སུ་ཐིམ་པ་དང་བསྐྱེད་རིམ་པས་ཕྱི་རོལ་གྱི་རྫས་ཀྱི་འཁོར་ལོ་སོགས་ཀྱི་ཕྱག་མཚན་ལ་བརྟེན་ནས་དང་། སྔགས་ཀྱི་རིལ་ལུ་ལ་བརྟེན་ནས་དང༌། ལྷའི་སྐུ་ཕྱག་རྒྱ་ཆེན་པོའི་གཟུགས་ཀྱིས་རིག་
འཛིན་སྒྲུབ་པ་དང༌། སྐྱེ་བོ་སྐལ་ལྡན་སོགས་དགུག་པ་དང༌། ལས་ཀྱི་དབྱེ་བས་ཤ་ལྔ་དང་བཤང་གཅི་ལ་ལོངས་སྤྱོད་པའི་ཚུལ་དང༌། ལྷ་རྣམས་ཚིམ་པར་བྱ་བའི་ཆོ་ག་དང༌། ཕྱག་རྒྱ་ཆེན་པོ་མཆོག་གི་དངོས་གྲུབ་སྒྲུབ་ཚུལ་ཕན་ཡོན་དང་བཅས་པ་དང༌། ཐུན་མོང་གི་བསྙེན་པ་རྡོ་རྗེ་བཞི་དང༌། 
མཆོག་གི་བསྙེན་པ་ཡན་ལག་དྲུག་དང༌། བསྙེན་པ་གཉིས་མདོར་བསྡུས་ནས་དངོས་གྲུབ་འགྲུབ་པའི་དུས་ཀྱི་ངེས་པ་དང༌། སྐུ་གསུང་ཐུགས་བྱིན་གྱིས་རློབ་པའི་གསོལ་བ་གདབ་པ་རྣམས་གསུངས་སོ། །༼ལུང་སྟོན་ལས་ཀྱང་། བཅུ་གཉིས་པར་ནི་བདག་ཉིད་སྐུ། །ཉན་ཐོས་བྱང་
ཆུབ་སྟོན་པར་མཛད། །དེ་བཞིན་རིགས་པ་སྤྱོད་གྲུབ་པ། །ཞེས་བཅུ་གཉིས་པས་བདག་ཉིད་ཀྱི་སྐུ་ཉན་ཐོས་ཀྱི་བྱང་ཆུབ་དང་འདྲ་བར་ཞི་བའི་དབྱིངས་སུ་འཇུག་པ་སྟོན་པར་མཛད་པ་དང༌། རིག་འཛིན་བསྒྲུབ་པ་དང་། ལས་སྒྲུབ་དུས་ཁ་ཟས་ལ་སྤྱོད་ཚུལ་དང༌། གྲུབ་པ་མཆོག་བསྒྲུབ་ཚུལ་སྟོན་
པར་གསུངས་སོ། །ཕྱག་རྒྱ་ཆེན་པོ་ཡོངས་སུ་གྱུར་པ་ཞེས་འགོས་འགྱུར་འགའ་ཞིག་དང་། འགྱུར་གསར་གཉིས་དང༌། འགྲེལ་བཤད་གཉིས་ལས་འབྱུང་། འགོས་འགྱུར་ཁ་ཅིག་ལས་ཡོངས་སུ་ཐིམ་པ་ཞེས་འབྱུང་བ་ནི་ཕྱི་མ་ལེགས་ཏེ། ཉན་ཐོས་བྱང་ཆུབ་སྟོན་པར་མཛད། །ཅེས་གསུངས་
4-2-19a


པ་དང་མཐུན་ཅིང་། བཅུ་གཉིས་པའི་འཇམ་དཔལ་གྱི་ཏིང་ངེ་འཛིན་གྱི་སྐབས་དང་མཐུན་པའི་ཕྱིར་རོ།། ༈ ལེའུ་བཅུ་གསུམ་པ་ལས་ནི་རྡོ་རྗེ་འཆང་གི་བཟླས་པ་དང་རིམ་གཉིས་ཀྱི་མཆོད་པ་དང་། སྐུ་གསུང་ཐུགས་དང་རིན་པོ་ཆེ་དང་། ཐོགས་
མེད་ཀྱི་བཟླས་པ་དང་། ཁྲོ་བོའི་བཟླས་པ་དང༌། གཏི་མུག་སོགས་གསུམ་གྱི་བཟླས་པ་དང༌། མ་ནིང་གི་བཟླས་པ་དང༌། བུད་མེད་ཀྱིས་ཀྱང་ཚེ་གཅིག་གིས་བྱང་ཆུབ་འགྲུབ་པ་སོགས་དང༌། ནང་ལ་གཞོལ་བའི་བསྐྱེད་རིམ་པའི་ལས་ཚོགས་མདོར་བསྟན་པ་དང༌། རྫོགས་རིམ་པའི་ལས་
ཚོགས་རྒྱས་པར་བཤད་པ་དང༌། རིམ་པ་གཉིས་ཀྱི་ལྷ་བསྐྱེད་ཚུལ་རྣམས་གསུངས་སོ། །ལུང་སྟོན་ལས། མངོན་ཤེས་ལྔ་ནི་བཅུ་གསུམ་པ། །ཞེས་གསུངས་པ་ནི། རྒྱ་དཔེ་མ་དག་པར་འཆད་དེ། འདིའི་འགྱུར་ལ། རྒྱ་དཔེ་མ་དག་པ་ལས་བསྒྱུར་བ་མང་དུ་སྣང་ངོ་དང་། ། 
༈ བཅུ་བཞི་པ་ལས་ནི་སྔགས་ལ་གཞོལ་བས་ཕྲེང་སྔགས་བཅུ་གསུམ་གྱི་སྒོ་ནས་ལས་སྒྲུབ་པ་དང༌། ནང་ལ་གཞོལ་བས་བྱ་བའི་དགུག་པའི་ལས་དྲུག་དང་། རལ་གཅིག་མས་ཀླུའི་བུ་མོ། ཁྲོ་གཉེར་ཅན་གྱིས་རིག་འཛིན་གྱི་བུ་མོ་དགུག་པ་དང་། དྲག་ལས་དང་ཐུན་
མོང་དང༌། ཐུན་མོང་མ་ཡིན་པའི་ཕུར་བུས་གདབ་པའི་ལས་ཀྱི་ཚོགས་རྣམས་གསུངས་སོ། །ལུང་སྟོན་ལས་ཀྱང༌། བཅུ་དང་བཞི་པར་བཞི་པོ་དང༌། །ཕྲེང་སྔགས་བླ་མ་སྟོན་པར་མཛད། །ཅེས་བཅུ་བཞི་པས་ཕྲེང་སྔགས་བླ་མ་སྟེ། མཆོག་ལ་བསྟེན་པ་དང༌། དེ་ལ་མ་བསྟེན་པའི
སྒོ་ནས་ལས་བཞི་བསྒྲུབ་པ་སྟོན་པར་གསུངས་སོ།། ༈ ལེའུ་བཅོ་ལྔ་པ་ལས་ནི་བསྐྱེད་རིམ་པའི་སྤྲོས་མེད་ཀྱི་སྤྱོད་པ་རང་གི་རིགས་ངེས་པའི་ཕྱག་རྒྱ་གཅིག་ལ་བརྟེན་པ་དང༌། རྫོགས་རིམ་པས་རིགས་མ་ངེས་པ་ཕྱག་རྒྱ་བཞི་གང་རུང་གཅིག་དང༌། སྤྲོས་མེད་ཀྱི་སྤྱོད་པ་
4-2-19b


བྱས་པས་མཆོག་བསྒྲུབ་པ་དང༌། བསྐྱེད་རིམ་པའི་ཐུན་མོང་གི་སྒྲུབ་པ་དྲག་པོའི་ལས་དང༌། རྫོགས་རིམ་པའི་སྤྲོས་མེད་འབྲིང་བསྡུས་ཀྱི་སྤྱོད་པ་དང༌། རི་ལུའི་སྦྱོར་བ་བཅུ་དང་། རྫོགས་རིམ་པས་ལས་བསྒྲུབ་པ་དང༌། རིགས་ཀྱི་དབྱེ་བས་ལྷ་དབང་བསྐུར་བ་དང༌། གནད་ལ་དབབ་བའི་ཆོ་ག་དང༌། 
གདུག་པ་འདུལ་བའི་དྲག་ལས་དང༌། དུག་དང་། ནད་གསོ་བ་རྣམས་བསྟན་པའི་འོག་ཏུ་དེ་བཤད་པ་ནི་དངོས་གྲུབ་གཉིས་པོ་ཐམས་ཅད་ནི་ཡིན་ལུགས་ཀྱི་དེ་ཁོ་ན་ཉིད་རྟོགས་པ་ཉིད་ཀྱིས་འགྲུབ་པར་འགྱུར་རོ་ཞེས་བསྟན་པའི་ཕྱིར་དུའོ། །སྒྱུ་མ་ལྟ་བུའི་ཏིང་
ངེ་འཛིན་གསུངས་སོ། །ལུང་སྟོན་ལས་ཀྱང་། ཕྱོགས་དང་སྐྱབས་སེང་ཉིད་གྱུར་པ། །དངོས་གྲུབ་དཀྱིལ་འཁོར་བླ་མེད་པའོ། །ཞེས་གསུངས་ཏེ་ཕྱོགས་ནི་བཅུའོ། །སྐྱབས་སེང་ནི་དེའི་བུ་ལྔ་སྟེ་བཅོ་ལྔ་པས་དངོས་གྲུབ་བསྒྲུབ་པ་དང་། དཀྱིལ་འཁོར་དང་བླ་ན་མེད་པ་སྟོན་པར་གསུངས་སོ། །
དེ་ལ་དངོས་གྲུབ་ནི་ཐུན་མོང་གི་དངོས་གྲུབ་བོ། །དཀྱིལ་འཁོར་ནི་སྤྱོད་པའི་སྐབས་སུ་དཀྱིལ་འཁོར་བྱ་བར་གསུངས་པའི་རྟེན་དང་བརྟེན་པའི་དཀྱིལ་འཁོར་རོ། །བླ་ན་མེད་པ་ནི་རྫོགས་རིམ་པའི་སྒྱུ་མ་ལྟ་བུའི་ཏིང་ངེ་འཛིན་དང༌། སྤྱོད་པ་ལ་བརྟེན་ནས་མཆོག་བསྒྲུབ་པར་གསུངས་སོ།། ༈ ལེའུ་
བཅུ་དྲུག་པ་ལས་ནི་སྔར་ལེའུ་བཞི་པ་ལས་དཀྱིལ་འཁོར་གསུངས་པའི་རྡུལ་ཚོན་གྱི་དཀྱིལ་འཁོར་སྤྲོས་ཏེ་ཞེས་པ་ནི་སྐུ་དང་གསུང་གི་དཀྱིལ་འཁོར་བྲི་ཚུལ་དང༌། ལྷ་ལྷག་མ་རྣམས་གཙོ་བོར་སོང་བའི་དཀྱིལ་འཁོར་དང༌། དཀྱིལ་འཁོར་གྱི་ཆོ་ག་སློབ་དཔོན་གྱི་ལས་
སུ་བྱ་བ་དང༌། སློབ་མ་གཞུག་ཅིང་དབང་བསྐུར་བ་སོགས་ཡིན་ལ། གཞན་ཡང་རི་ལུ་དང༌། མངག་གཞུག་པ་བསྒྲུབ་པ་དང༌། རྒྱལ་པོ་ལ་སོགས་པ་དབང་དུ་བྱ་བ་དང༌། བསྟན་པ་ལ་མ་མོས་པའི་གདུག་པ་ཅན་འདུལ་ཐབས་དང༌། བཀྲེས་སྐོམ་སོགས་ཞི་བའི་སྦྱོར་བ་དང༌། དཔའ་བོ་རྡོ་རྗེ་
4-2-20a


དང༌། སྐུལ་བྱེད་མའི་སྒྲུབ་པ་དང༌། ཛམ་བྷ་ལའི་སྒྲུབ་པ་དང༌། སྤྱོད་པའི་གྲོགས་ཕྱག་རྒྱ་བཙལ་ནས་སྤྱོད་པ་བྱེད་པ་རྣམས་གསུངས་སོ། །ལུང་སྟོན་ལས་ཀྱང༌། སྒྲ་སྒྲོགས་དུས་དང་ཡང་དག་ལྡན། །དཀྱིལ་འཁོར་རྡུལ་ཚོན་ལྡན་པ་འོ། །སློབ་
མ་དབང་བསྐུར་ཞེས་གསུངས་ཏེ། སྒྲ་སྒྲོགས་ནི་སྲིན་པོའི་རྒྱལ་པོ་འབོད་སྒྲོགས་མགྲིན་པ་བཅུ་པ་ཞེས་ལང་གཤེགས་ལས་གསུངས་པས་བཅུའོ། །དུས་ནི་དགུན་སྟོད་དགུན་སྨད་དཔྱིད་དང་སོས་ཀ་དབྱར་དང་སྟོན་གྱི་དུས་དྲུག་སྟེ་བཅུ་དྲུག་པས་རྡུལ་ཚོན་གྱི་དཀྱིལ་འཁོར་དང༌། དེར་སློབ་མ་
དབང་བསྐུར་བ་བསྟན་པར་གསུངས་སོ།། ༈ ལེའུ་བཅུ་བདུན་པ་ལས་ནི་སྐུ་གསུང་ཐུགས་དང་ཉན་རང་གཉིས་དང་། འཇིག་རྟེན་པའི་གཙོ་བོ་གསུམ་དང་རྫུ་འཕྲུལ་ཆུང་བ་ལྔའི་དམ་ཚིག་དང་སྡོམ་པ་དང་ལས་ཀྱི་ལམ་དག་པ་དང༌། ཕྱག་བྱ་བའི་ཚུལ་གཉིས་དང་། 
དེ་ཁོ་ན་ཉིད་རྟོགས་པའི་ཐབས་དང་། ལུས་བརྟས་པར་བྱ་བ་དང༌། མཚན་མེད་ཀྱི་ཏིང་ངེ་འཛིན་དང་། སྤྱོད་པ་དང་བླ་མ་ལ་བསྙེན་བཀུར་བའི་ཚུལ་དང་། བསམ་གཏན་གྱི་དཀྱིལ་འཁོར་དུ་དབང་བསྐུར་བ་དང༌། རྡོ་རྗེ་མཁའ་འགྲོའི་སྦྱོར་བ་དང༌། ཟས་ཀྱི་བྱ་བ་མཆོད་པ་དང་བཅས་པ་དང༌། མཆོད་
པའི་དག་བྱེད་དང་རྫོགས་རིམ་པའི་བྱ་བ་ཡིན་མིན་གྱི་ཆ་དང་། ལས་ཕྲན་ཚེགས་དང༌། ལས་ཀྱི་མཐའ་རྡོ་རྗེ་ཨཉྩ་ན་བསྒྲུབ་པ་དང༌། རྒྱུད་ཀྱི་ཆེ་བ་དང༌། ཐོས་བསམ་གྱི་འབྲས་བུ་དང་། རྒྱུད་གཏད་པ་དང༌། ཉེ་བར་བསྡུ་བ་རབ་ཏུ་སྟོན་པ་ཡིན་ནོ། །ལུང་སྟོན་ལས་ཀྱང༌། ཉི་ཟླ་
དག། ཆགས་བྲལ་སྣ་ཚོགས་ཉིད་གྱུར་པ། །སྣ་ཚོགས་ཚིག་གི་དོན་གྱི་བརྡའ། །སྣ་ཚོགས་མིང་ཅན་མིང་གཅིག་པུ། །ཞེས་སོ། །དེ་ལ་ལེའུ་གཞན་ལ་གྲངས་གསལ་པོ་དང༌། བརྡའ་ཚིག་གིས་བསྟན་པ་ཡོད་ལ་འདི་ལ་གཞན་མེད་པས། ཉི་ཟླ་དག། ཞེས་པ་བཅུ་བདུན་པའི་བརྡ་ཚིག་
4-2-20b


ཏུ་བྱ་སྟེ། ཕྱག་ཆེན་ཐིག་ལེར་བཤད་པ་ལྟར། ནང་གི་ཟླ་བ་བྱང་སེམས་དཀར་པོ་འབབ་པའི་རིམ་པ་ལས་དགའ་བ་བཅུ་དྲུག་པོ་སོར་བཞག་བྱ། དེར་ཉི་མ་ལ་བཅུ་གཉིས་སུ་བཤད་ཀྱང༌། འདིར་ཉི་མ་གཅིག་ཏུ་བྱས་ཏེ། བཅུ་བདུན་པས་ཆགས་བྲལ་ཉན་རང་གི་དམ་ཚིག་ལ་སོགས་པ་སྣ་ཚོགས་པ་
ཉིད་དུ་གྱུར་པ་སྣ་ཚོགས་པའི་ཚིག་གི་བརྡས་བསྟན་པའི་དོན་གྱིས་དམ་ཚིག་དང་སྡོམ་པ་དང༌། སྐུ་རྡོ་རྗེ་ལ་སོགས་པའི་རྡོ་རྗེ་གསུམ་ལ་ཚངས་པ་དང༌། ཁྱབ་འཇུག་དང༌། དབང་ཕྱུག་ཅེས་པའི་སྣ་ཚོགས་པའི་མིང་ཅན་དུ་གསུངས་པ་རྣམས་རྡོ་རྗེ་འཆང་ཞེས་པའི་མིང་གཅིག་པུའི་དོན་ཅན་དུ་གསུངས་པར་
བཤད་དོ། །ཡང་དེ་ཉིད་ལས། དེ་ལྟར་རྣམ་པ་སྣ་ཚོགས་པའི། །སོ་སོར་སྡུད་པར་རབ་ཏུ་བསྟན། །ཅེས་པས་ནི་གོང་དུ་བསྟན་པ་དེ་ལྟར་རྣམ་པ་སྣ་ཚོགས་པའི་དོན་ཚན་རྣམས། ལེའུ་སོ་སོར་ཏེ་རེ་རེའི་དོན་དུ་སྡུད་པའི། ལེའུའི་བསྡུས་དོན་བསྟན་ཅེས་མཇུག་བསྡུས་སོ།། ༈ ལེའུ་རེ་རེས་དོན་འདི་
སྟོན་གྱི་བསྡུས་དོན་བསྟན་ནས་། ད་ནི་ལེའུ་བཅུ་བདུན་པོ་རྣམས་ཀྱི་མཐའ་དྲུག་ཏུ་ཚིག་རྣམ་པར་དབྱེ་བ་དང༌། བཤད་པའི་ཚུལ་རྣམ་པ་བཞིའི་རྣམ་པར་དབྱེ་བ་བྱ་སྟེ། ཞེས་པ་ནི་ལེའུ་སོ་སོའི་གཞུང་གང་མཐའ་དྲུག་དང་ཚུལ་བཞི་གང་གིས་འཆད་པའི་བསྡུས་དོན་སྟོན་པ་སྟེ། 
འདི་ནི། དེ་ནི་ཀླུ་སྒྲུབ་ལས་རྙེད་ཅེས་གསུངས་པ་ལྟར་མགོན་པོ་ཀླུ་སྒྲུབ་ཀྱི་མན་ངག་གོ། འོ་ན་ཚིག་དོན་བཤད་པའི་སྐབས་སུ་མཐའ་དྲུག་དང་ཚུལ་བཞི་གང་གིས་འཆད་པ་སྟོན་པས་འདིར་བསྟན་མི་དགོས་སོ་སྙམ་ན། འཕགས་པས་རྩོད་བཟློག་ཏུ་ཕྱོགས་སྔའི་གཞུང་རྣམས་ཕྱོགས་གཅིག་ཏུ་བཤད་ནས། 
སླར་ཡང་ཕྱོགས་སྔའི་གཞུང་རེ་རེ་ནས་ལན་གྱི་སྐབས་སུ་བཤད་པ་བཞིན་དུ། འོག་ནས་རེ་རེ་ནས་འཆད་ཀྱང༌། དེ་ནི་འཐོར་ནས་ཡོད་ལ། འདིར་རྒྱུན་གཅིག་ཏུ་བཀོད་པ་ནི་ངེས་པར་སླ་བའི་ཕྱིར་དུ་མཛད་དེ། རྩོད་བཟློག་གི་དགོངས་པ་ཡང་དེ་བཞིན་ནོ།། ༈ འདི་སྐད་བདག་གིས་
4-2-21a


ཞེས་བྱ་བ་ནས། བྷ་ག་ལ་བཞུགས་སོ་ཞེས་བྱ་བའི་བར་དུ་ནི། བཤད་པའི་ཚུལ་རྣམ་པ་བཞི་དང་ལྡན་པར་བཤད་དོ། །བརྗོད་ཀྱིས་མི་ལང་བའི་ཞེས་བྱ་བའི་འཁོར་ནས་བརྩམས་ཏེ། བྱང་ཆུབ་ཀྱི་སེམས་རྡོ་རྗེ་དེ་བཞིན་གཤེགས་
པའི་ཐུགས་ལ་ཞུགས་སོ་ཞེས་བྱ་བའི་བར་དུའི་སྒྲས་ནི་༼གཟུངས་དཀྱིལ་དང་བསྡུས་དཀྱིལ་གྱི་ལྷག་མ་རྣམས་འཛིན་ཏོ། །༽དྲང་བའི་དོན་དང་ངེས་པའི་དོན་ཏོ། །ལེའུ་འདིར་ཏིང་ངེ་འཛིན་ལ་སྙོམས་པར་ཞུགས་ནས་དོན་ཚན་རེ་བཤད་པའི་ཏིང་ངེ་འཛིན་ཚུལ་བཞིར་བཤད་དགོས་པ་རྣམས་
ཕྱོགས་གཅིག་ཏུ་བཤད་པ་ནི། དེ་བཞིན་གཤེགས་པ་ཐམས་ཅད་ཟིལ་གྱིས་གནོན་པ་རྡོ་རྗེ་ཞེས་བྱ་བའི་ཏིང་ངེ་འཛིན་དང་། ཡེ་ཤེས་སྒྲོན་མ་རྡོ་རྗེ་ཞེས་བྱ་བའི་ཏིང་ངེ་འཛིན་དང་། སྐུ་དང་གསུང་དང་ཐུགས་བསླུ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ནི། རྣམ་པ་
བཞིར་བཤད་དོ། །ཏིང་ངེ་འཛིན་གང་ལ་སྙོམས་པར་ཞུགས་ཏེ་གཟུངས་དཀྱིལ་ནས་དོན་གྲུབ་འབྱིན་པ་ཡན་ཆད་ཀྱི་ཏིང་ངེ་འཛིན་དྲང་ངེས་གཉིས་ཀྱིས་བཤད་དགོས་པ་རྣམས་ཕྱོགས་གཅིག་ཏུ་སྟོན་པ་ནི་གཟུངས་དཀྱིལ་འཆད་པར་བཞེད་པའི་ཏིང་ངེ་འཛིན་འདོད་ཆགས་ཆེན་༼
ཡེ་ཤེས་སྒྲོན་མ་དང༌། བསླུ་བ་རྡོ་རྗེའི་ཏིང་ངེ་འཛིན་ཚུལ་བཞིར་འཆད་ཀྱང་། དེ་ལ་སྙོམས་པར་ཞུགས་ནས་གསུངས་པའི་གཞུང་རྣམས་ཚུལ་བཞིར་མི་འཆད་ལ། ཟིལ་གནོན་རྡོ་རྗེ་ལ་ནི་དེ་གཉིས་ཀ་ཚུལ་བཞིར་འཆད་དོ། །འོན་ཀྱང་རྒྱས་བཤད་དུ་ཡིག་དོན་ལོགས་སུ་མ་བཤད་པ་ནི་སྤྱི་དོན་བཤད་
པས་ཡིག་དོན་གོ་ནུས་པ་ལ་དགོངས་ཏེ་དེ་འདྲའི་རིགས་གཞན་ལའང་དེ་བཞིན་དུ་ཤེས་པར་བྱའོ།།༼ པོའི་ཚུལ་ཞེས་བྱ་བའི་ཏིང་ངེ་འཛིན་དང༌། ༼འདིར་སྔར་བརྗོད་ཀྱིས་མི་ལང་བ་ནས་བརྩམས་ཏེ་ཐུགས་ལ་ཞུགས་སོ་ཞེས་བྱ་བའི་བར་དུ། ཞེས་པའི་བར་གྱི་ཚིག་གིས་བསྟན་ཟིན་པ་
4-2-21b


མིན་ནམ། འདིར་ལོགས་སུ་འཆད་མི་དགོས་སོ་སྙམ་ན་སྐྱོན་མེད་དེ། ཏིང་ངེ་འཛིན་འདི་ལ་ཞུགས་ནས་གསུངས་པའི་གཞུང་དྲང་ངེས་སུ་འཆད་ཀྱང་ཏིང་ངེ་འཛིན་དེ་རྗེས་སུ་འཆད་མི་དགོས་སམ་སྙམ་པའི་དོགས་པ་བསལ་བའི་ཕྱིར་དུ་གསུངས་པས་སོ། །༽དམ་ཚིག་འབྱུང་བ་རྡོ་རྗེ་ཞེས་བྱ་བའི་
ཏིང་ངེ་འཛིན་དང༌། རིན་པོ་ཆེ་འབྱུང་བའི་རྡོ་རྗེ་དབལ་ཞེས་བྱ་བའི་ཏིང་ངེ་འཛིན་དང༌། འདོད་ཆགས་ཆེན་པོ་འབྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་དང༌། གདོན་མི་ཟ་བའི་མཆོག་དམ་ཚིག་འབྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་དང༌། མཱ་མ་ཀཱི་༼
ནི་ཟིལ་གནོན་རྡོ་རྗེའི་དེ་མ་ཐག་ཏུ་བཤད་པ་དང༌། རྣམ་སྣང་འབྱིན་པའི་སྐབས་ཀྱི་ཏིང་ངེ་འཛིན་གཉིས་ཀའོ། །༸དོན་ཡོད་པ་དམ་ཚིག་གི་རྡོ་རྗེ་ཞེས་བྱ་བའི་ཏིང་ངེ་འཛིན་ནི་དྲང་བ་དང་ངེས་པའི་དོན་ཏོ་ཞེས་འབྱུང་ངོ༌།། ༼ནས་གཤིན་རྗེ་གཤེད་ཀྱི་ཏིང་ངེ་འཛིན་སྒྲ་ཇི་བཞིན་པར་བཤད་དགོས་པ་རྣམས་ཕྱོགས་གཅིག་ཏུ་འཆད་པ་ནི། 
རྡོ་རྗེ་འཛིན་མཉེས་པའི་དམ་ཚིག་ཅེས་བྱ་བའི་ཏིང་ངེ་འཛིན་དང༌། དེ་བཞིན་གཤེགས་པ་ཐམས་ཅད་ཀྱི་རྗེས་སུ་མཉེས་པར་བྱེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་དང༌། འདོད་ཆགས་འཛིན་པ་རྗེས་སུ་ཆགས་པར་བྱེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་
དང༌།  རྣམ་པར་སྣང་མཛད་རྡོ་རྗེ་འཁོར་ལོ་ཞེས་བྱ་བའི་ཏིང་ངེ་འཛིན་དང༌། ༼འདིར་འགྱུར་རྙིང་གཉིས་དང་ཆག་འགྱུར་ལས་ཡུམ་གསུམ་དང༌། གཤིན་རྗེ་གཤེད་འབྱིན་པའི་ཏིང་ངེ་འཛིན་བཞི་སྐབས་འདིར་དྲང་ངེས་སུ་བཤད་པར་བསྟན། རྒྱས་བཤད་དུ་དེ་བཞི་སྒྲ་ཇི་བཞིན་པར་བཤད་པ་ལ
རྣམ་པར་སྣང་མཛད་རྡོ་རྗེ་ཞེས་བྱ་བའི་ཏིང་ངེ་འཛིན་ནི་སྒྲ་ཇི་བཞིན་པའོ་ཟེར་རོ། ༧ སྔ་མ་རྣམས་གཉིས་ཀ་ཁས་བླངས་ནས་འགལ་སྤོང་བྱེད་མོད་ཀྱང༌། པ་ཚབ་ཀྱིས་རྒྱས་བཤད་དང་མཐུན་པར་འདིར་ཡང་སྒྲ་ཇི་བཞིན་པར་བསྒྱུར་བ་ལེགས་སོ། །འགྱུར་ཁྱད་དེ་རྣམས་ཀྱང་འགྱུར་གྱི་ཐོན་མ་ཐོན་དུ་མི་སྣང་
4-2-22a


གི་གང་ལས་བསྒྱུར་བའི་རྒྱ་དཔེའི་ཁྱད་པར་དུ་སྣང་ཡང་ཕྱི་མ་རྒྱ་དཔེ་དག་པའོ། །༽དེ་བཞིན་གཤེགས་པ་ཐམས་ཅད་ཀྱི་མངོན་པར་བྱང་ཆུབ་པ་རྡོ་རྗེ་ཞེས་བྱ་བའི་ཏིང་ངེ་འཛིན་དང༌། ཆོས་རིན་པོ་ཆེ་འབྱུང་གནས་ཞེས་བྱ་བའི་ཏིང་ངེ་
འཛིན་དང༌། སྐུ་གསུང་ཐུགས་རྡོ་རྗེ་ཞེས་བྱ་བའི་ཏིང་ངེ་འཛིན་ནི། དྲང་བའི་དོན་དང༌། ངེས་པའི་དོན་ཏོ། །གླེང་གཞི་དང་ཏིང་ངེ་འཛིན་རྣམས་མ་གཏོགས་པ་ལེའུ་འདི་ཚུལ་བཞིར་བཤད་དགོས་པ་རྣམས་ཕྱོགས་གཅིག་ཏུ་སྟོན་པ་ནི་། སྐུ་དང་གསུང་དང་ཐུགས་ཀྱི་གསང་
བ་ཞེས་བྱ་བ་དང༌། འདུས་པ་ཞེས་བྱ་བ་དང༌། རྡོ་རྗེའི་དམ་ཚིག་ལས་འབྱུང་བ་ཞེས་བྱ་བའི་ཚིག་ནི། ཚུལ་རྣམ་པ་བཞིར་བཤད་དོ། །རིག་པའི་སྐྱེས་བུ་ཆེན་པོའི་གཟུགས་ཞེས་བྱ་བ་ནས་གཟིགས་པར་གྱུར་ཏོའི་བར་དང་། མཆོད་པ་སྤྲོས་པར་གྱུར་༼
ཆག་འགྱུར་ན་འདུས་པ་ཞེས་པ་སྔོན་ལ་ཡོད་དེ། གཞུང་གི་རིམ་པ་དང་མཐུན་ནོ། །༸རྡོ་རྗེའི་དམ་ཚིག་འབྱུང་བའི་ཚིག་གིས་ཞེས་པ་ནི་རྒྱུད་དང་མཐུན་ནོ། ༼དམ་ཚིག་འབྱུང་བའི་ཏིང་ངེ་འཛིན་དྲང་ངེས་སུ་བཤད་ཀྱང་དེ་ལ་ཞུགས་ནས་གསུངས་པའི་གཞུང་དྲང་ངེས་སུ་འཆད་པར་མ་ངེས་པས་འདིར་
གསལ་བར་བསྟན་ནོ། །འདི་གཉིས་ཐུགས་ལ་ཞུགས་སོའི་བར་དུའོ་ཞེས་པའི་ནང་ན་མེད་ལ། ཏིང་ངེ་འཛིན་དྲང་ངེས་སུ་བཤད་པ་རྣམས་དང་སྡེ་ཚན་མི་གཅིག་པས་ཟུར་དུ་མཛད་པའོ། །༼པའི་དམ་ཚིག་རིན་པོ་ཆེའི་སྤྲིན་ཞེས་བྱ་བ་ནི། དྲང་བའི་དོན་དང་ངེས་པའི་དོན་ཏོ། །ཨེ་མའོ་
སངས་རྒྱས་ཐམས་ཅད་ཀྱི། །བྱང་ཆུབ་སེམས་ནི་རབ་བྱུང་བ། །དེ་བཞིན་གཤེགས་པ་ཀུན་གྱི་གསང༌། །རབ་ཏུ་མི་རྟོག་གནས་མེད་པའོ། །ཞེས་བྱ་བ་ནི། དགོངས་པ་མ་ཡིན་པས་བཤད་པའོ། །༼ཨེ་མའོ་ཞེས་བྱ་བ་བཞི་གོང་ན་ཡོད་པ་འདིར་དྲངས་པ་ནི་
4-2-22b


དགོངས་དགོངས་མིན་གཉིས་ཕྱོགས་གཅིག་ཏུ་འཆད་པར་བཞེད་ནས་མཛད་པའོ། །༽བཅོམ་ལྡན་འདས་དེ་བཞིན་གཤེགས་པ་ཐམས་ཅད་ལེགས་སོ་ལེགས་སོ་འོན་ཀྱང་འདི་ནི་དེ་བཞིན་གཤེགས་པ་ཐམས་ཅད་ཀྱང་ཐེ་ཚོམ་སྐྱེ་བར་བྱེད་པ་ཡིན་ན་ཞེས་བྱ་བ་ནས། སྐུ་
གསུང་ཐུགས་ཀྱི་གསང་བ་སྟོན་པར་མི་སྤྲོ་བ་དེ་ཞེས་བྱ་བའི་བར་དུ་ནི་དགོངས་པས་བཤད་པའོ། །སྔར་བཤད་པའི་ཏིང་ངེ་འཛིན་རྣམས་དང་སྔགས་བཅུ་གསུམ་མ་གཏོགས་པ་། ཞེ་སྡང་གི་རིགས་ཞེས་བྱ་བ་ནས། བྱང་ཕྱོགས་གཞན་ལས་བྱང་ཕྱོགས་ཀྱི་སྒོར་བཞུགས་སོ་ཞེས་༼
སྐུ་གསུང་ཞེས་པ་མན་ཆད་འདི་འབྱུང་བ་བཞིན་དུ། པ་ཚབ་ཀྱི་འགྱུར་ལས་ཀྱང་འབྱུང་མོད་ཀྱང༌ཆག་གིས། ཐེ་ཚོམ་སྐྱེ་བར་བྱེད་པ་ཡིན་ན། ཞེས་པ་ནས། ཁྱད་པར་ཅན་ལ་ཡང་ཞེས་པའི་བར་ནི་དགོངས་པས་བཤད་པའོ། །ཞེས་བསྒྱུར་བ་ལེགས་ཏེ། སྐུ་གསུང་ཐུགས་གསང་བ་ཞེས་པ་ཚུལ་བཞིར་བཤད་པ་སྔར་བསྟན་
ཟིན་པའི་ཕྱིར་དང༌། རྒྱས་བཤད་དང་མཐུན་པའི་ཕྱིར་རོ།། ༼བྱ་བའི་མཐར་ཐུག་པ་རྡོ་རྗེ་སེམས་དཔའ་ཞེས་འབྱུང་ངོ༌།།༼ཀྱི་སྒོར་བཞུགས་སོ་ཞེས་བྱ་བའི་བར་དུ་དང༌། རྡོ་རྗེ་སེམས་དཔའ་སྟེ་མི་བསྐྱོད་པ་ཕྱུང་བ་ནས་བརྩམས་ཏེ། ཁྲོ་བོ་བདུད་རྩི་ཐབ་སྦྱོར་ཕྱུང་བའི་བར་
དུ་ནི། སྒྲ་ཇི་བཞིན་པའོ། །བཛྲ་དྷྲིཀ། ཛི་ན་ཛིཀ། རདྣ་ན་དྷྲིཀ། ཨཱ་རོ་ལིཀ། པྲཛྙཱ་དྷྲིཀ། དྭེ་ཥ་ར་ཏི། མོ་ཧ་ར་ཏི། རཱ་ག་ར་ཏི། བཛྲ་ར་ཏི། ཡ་མཱན་ཏ་ཀྲིད། པྲ་ཛྙཱན་ཏ་ཀྲིད། པད་མཱན་ཏ་ཀྲིད། བིགྷྣཱན་ཏ་ཀྲིད་ཅེས་བྱ་བའི་སྔགས་ཀྱི་ཚིག་རྣམས་ནས། ༼
ལེའུ་པ་ཚབ་ཀྱིས། ཅེས་བྱ་བ་ལ་སོགས་པའི་སྔགས་ཀྱི་ཚིག་ཅེས་བསྒྱུར་བ་ལྟར་ན། སོགས་ཁོངས་ནས་དམ་ཚིག་འགུགས་པའི་རིགས་དང༌། ཞེ་སྡང་གཏི་མུག་འདོད་ཆགས་དང༌། །ཞེས་པ་བཞི་ལ་འོག་ནས་དྲང་ངེས་ཀྱི་བཤད་པ་མཛད་པ་བསྡུའོ། །༼དེ་བཞིན་གཤེགས་པ་
4-2-23a


ཐམས་ཅད་ཀྱི་ཏིང་ངེ་འཛིན་གྱི་དཀྱིལ་འཁོར་བྱིན་གྱིས་རློབ་པའི་ལེའུ་ཞེས་བྱ་བའི་བར་དུ་ནི། དྲང་བ་དང༌། ངེས་པའི་དོན་ཏོ། །ལེའུ་དང་པོ་ལ་མཐའ་རྣམ་པ་དྲུག་གི་སྒོ་ནས་རྒྱུད་ཀྱི་ཚིག་རྣམ་པར་དབྱེ་བ་བསྟན་༼
ལེའུའི་མཚན་ལ་དྲང་ངེས་གཉིས་སུ་བཤད་པ་འདི། རྒྱས་བཤད་ཀྱི་སྐབས་སུ་འགྱུར་ཀུན་ལས་མ་བྱུང་ལ། ཐུགས་རྗེ་ཞབས་ཀྱིས་དྲང་ངེས་གཉིས་སུ་བྱས་པ་དཔེ་ཁ་ཅིག་ཏུ་ཁ་ཅིག་གིས་བཅུག་པ་ཡིན་ཟེར། ༼ཟིན་ཏོ།། ༈ དེ་ནས་བཅོམ་ལྡན་འདས་ཞེས་བྱ་བ་ནས། 
བྱང་ཆུབ་སེམས་དཔའ་ཐམས་ཅད་ཀྱི་སེམས་ཀྱི་ཡོངས་སུ་རྟོག་པ་ཡང་ཐུགས་ཀྱིས་མཁྱེན་ནས། བྱང་ཆུབ་སེམས་དཔའ་དེ་དག་ལ་འདི་སྐད་ཅེས་བཀའ་སྩལ་ཏོ། །༼འདི་ནི་ལེའུ་ལྷག་མ་ལའང་སྦྱར་རོ། །༽ཁྱེད་ཀྱིས་སེམས་ལུས་ལྟ་བུ་
དང༌། ཞེས་བྱ་བ་ནས་སྐྱེད་ཅིག། ཅེས་བྱ་བའི་བར་དུ་ནི་དྲང་བའི་དོན་དང་། ངེས་པའི་དོན་ཏོ། །ཨེ་མའོ་ཀུན་ཏུ་བཟང་པོ་ཡི། །སྐུ་དང་གསུང་ཐུགས་རྡོ་རྗེ་འཛིན། །སྐྱེ་བ་མེད་པའི་ཚུལ་གྱིས་སུ། །སྐྱེ་བ་འདི་ནི་རབ་ཏུ་བསྒྲགས། །ཞེས་བྱ་བའི་ཆེད་དུ་
བརྗོད་པ་ནི་དགོངས་པ་མ་ཡིན་པའོ། །དངོས་པོ་མེད་པས་སྒོམ་པ་མེད། །ཅེས་བྱ་བ་ལ་སྩོགས་པའི་རྡོ་རྗེ་འཆང་ཆེན་པོའི་བྱང་ཆུབ་ཀྱི་སེམས་ཀྱི་ཚིགས་སུ་བཅད་པ་ནི་རྣམ་པ་བཞིའི་ཚུལ་གྱིས་བཤད་དོ། །དངོས་པོ་ཐམས་ཅད་དང་བྲལ་བ། །ཕུང་
པོ་ཁམས་དང་སྐྱེ་མཆེད་དང༌། །གཟུང་དང་འཛིན་པ་རྣམ་སྤངས་པ། །ཆོས་བདག་མེད་པ་མཉམ་ཉིད་པས། །རང་སེམས་གཟོད་ནས་མ་སྐྱེས་པ། །སྟོང་པ་ཉིད་ཀྱི་རང་བཞིན་ནོ། །ཞེས་བྱ་བ་ནས། བྱང་ཆུབ་སེམས་ལ་ཕྱག་འཚལ་ལོ། །ཞེས་བྱ་བའི་
4-2-23b


བར་དུ་ནི་དགོངས་པ་མ་ཡིན་པའོ། །ལེའུ་གཉིས་པའོ།། ༈ དེ་ནས་བཅོམ་ལྡན་འདས་ཞེས་བྱ་བ་ནས། ༽ཨོཾ་དྷརྨ་དྷཱ་ཏུ་སྭ་བྷཱ་ཝ་ཨཱཏྨ་ཀོ྅ཧྃ། ཞེས་བྱ་བའི་བར་དུ་ནི་དྲང་བའི་དོན་དང༌། ངེས་པའི་དོན་ཏོ། །རིན་ཆེན་ཆེན་པོ་ཁ་དོག་ལྔ། །ཞེས་༼
རྒྱས་བཤད་ནས་རྣམ་སྣང་སོགས་ལྔའི་བྱང་ཆུབ་ཀྱི་སེམས་དགོངས་མིན་དང༌། བྱམས་པ་ལ་སོགས་པས་ཆེ་བརྗོད་མཛད་པ་སྒྲ་ཇི་བཞིན་པར་བཤད་ལ། འདིར་ཕྱི་མ་དགོངས་མིན་དུ་བཤད་པ་འགྱུར་ཀུན་ལས་འབྱུང་ཡང༌། སྐལ་ལྡན་གྲགས་པས་ཕྱི་མ་ལ་སྒྲ་ཇི་བཞིན་པར་བཤད་པ་བསྡུས་དོན་ན་
ཡོད་པར་བཤད་པས། རྒྱ་དཔེ་འགའ་ཞིག་ལ་རྒྱས་བཤད་དང་མཐུན་པར་ཡོད་པར་སྣང་ངོ༌། །༼བྱ་བ་ནས། སྤྲོ་བའི་བདག་ཉིད་ཅན་གྱིས་སྤྲོ། །ཞེས་བྱ་བའི་བར་དུ་ནི་རྣམ་པ་བཞིའི་ཚུལ་གྱིས་བཤད་པའོ། །ནམ་མཁའི་དབྱིངས་ཀྱི་དབུས་གནས་པར། །ཟླ་བའི་
དཀྱིལ་འཁོར་བྲི་བར་བྱ། །ཞེས་བྱ་བ་ནས། རྡོ་རྗེ་བཀོད་པ་ཞེས་བྱ་བའི་ཏིང་ངེ་འཛིན་གྱི་ལེའུ། ཞེས་བྱ་བའི་བར་ནི། དྲང་བའི་དོན་དང༌། ངེས་པའི་དོན་ཏོ། །ལེའུ་གསུམ་པའོ།། འདི་ལ་རྒྱས་བཤད་ནས་ཡིག་དོན་མ་བྱུང་ཡང་སྐྱོན་མེད་པའི་ཚུལ་ནི་སྔར་བཤད་པ་བཞིན་ནོ། །
༈ དེ་ནས་ཞེས་བྱ་བ་ནས། བསྟོད་པའི་རྒྱལ་པོ་འདིས་གསོལ་བ་བཏབ་བོ་ཞེས་བྱ་བའི་བར་དུ་ནི་སྒྲ་ཇི་བཞིན་པའོ། །དེ་བཞིན་གཤེགས་པ་ཀུན་ཞི་བ། །ཞེས་བྱ་བ་ནས། དཀྱིལ་འཁོར་དམ་པ་བཤད་དུ་གསོལ། །ཞེས་བྱ་བའི་བར་ནི་དགོངས་པ་
མ་ཡིན་པའོ། །དེ་ནས་སྟོན་པ་རྡོ་རྗེ་འཛིན། །ཞེས་བྱ་བ་ནས། དཀྱིལ་འཁོར་རབ་ཏུ་ཉམས་དགའ་བཤད། །ཅེས་བྱ་བའི་བར་ནི་སྒྲ་ཇི་བཞིན་པའོ། །དེ་ནས་ཐུགས་ཀྱི་དཀྱིལ་འཁོར་མཆོག། ཅེས་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་
4-2-24a


དཀྱིལ་འཁོར་གྱི་ལེའུ། ཞེས་བྱ་བའི་བར་ནི་དྲང་བའི་དོན་དང་། ངེས་པའི་དོན་ཏོ། །ལེའུ་བཞི་པའི་བཤད་པའོ།། ༈ དེ་ནས་ཞེས་བྱ་བ་ནས། སྤྱོད་པའི་མཚན་ཉིད་བཀའ་སྩལ་ཏོ། །ཞེས་བྱ་བའི་བར་ནི་སྒྲ་ཇི་བཞིན་
པའོ། །རྣམ་པར་མི་རྟོག་དོན་ལས་བྱུང༌། །ཞེས་བྱ་བ་ནས། དངོས་གྲུབ་རབ་མཆོག་སྒྲུབ་པར་བྱེད། །ཅེས་བྱ་བའི་བར་དུ་ནི་དགོངས་པ་མ་ཡིན་པའོ། །རིགས་ངན་ཞེས་བྱ་བ་ནས། སྙིང་ནས་སློབ་དཔོན་སྨོད་པ་དག། བསྒྲུབས་ཀྱང་འགྲུབ་པར་ཡོང་མི་འགྱུར། །
ཞེས་བྱ་བའི་བར་ནི་སྒྲ་ཇི་བཞིན་པའོ། །སྲོག་གཅོད་པ་ཡི་ཞེས་བྱ་བ་ནས། དེ་དག་སྒྲུབ་པའི་སྣོད་དུ་འགྱུར། །ཞེས་བྱ་བའི་བར་ནི་དགོངས་པས་བཤད་པའོ། །མ་དང་སྲིང་མོ་ཞེས་བྱ་བ་ནས། དེ་ནི་སངས་རྒྱས་འགྲུབ་པར་འགྱུར། །ཞེས་བྱ་བའི་བར་ནི་དྲང་བའི་
དོན་དང༌། ངེས་པའི་དོན་ཏོ། །དེ་ནས་ཞེས་བྱ་བ་ནས། བྱང་ཆུབ་སྤྱོད་པའི་གནས་འདི་ཡིན། །ཞེས་བྱ་བའི་བར་དུ་ནི་སྒྲ་ཇི་བཞིན་པའོ། །དེ་ནས་ཡང་བརྗོད་ཀྱིས་མི་ལང་བའི་ཞེས་བྱ་བ་ནས། བརྒྱལ་བར་གྱུར་ཏོ། །ཞེས་བྱ་བའི་བར་ནི་དྲང་བའི་དོན་དང༌། ངེས་
པའི་དོན་ཏོ། །དེ་ནས་བཅོམ་ལྡན་འདས་ཞེས་བྱ་བ་ནས། བྱང་ཆུབ་སེམས་དཔའ་ཆེན་པོ་འདི་དག་བསླང་བ་ཚང་བར་གསོལ་ཞེས་བྱ་བའི་བར་ནི་སྒྲ་ཇི་བཞིན་པའོ། །དེ་ནས་བཅོམ་ལྡན་འདས་ཞེས་བྱ་བ་ནས། རང་རང་གི་སྟན་ལ་གནས་པར་གྱུར་ཏོ། །ཞེས་བྱ་བའི་
བར་ནི་དྲང་བའི་དོན་དང་། ངེས་པའི་དོན་ནོ། །དེ་ནས་ཞེས་བྱ་བ་ནས། སྤྱོད་པ་མཆོག་གི་ལེའུ་ཞེས་བྱ་བའི་བར་ནི་དགོངས་པ་མ་ཡིན་པ་སྟེ། ལེའུ་ལྔ་པའི་བཤད་པའོ།། ༈ དེ་ནས་ཞེས་བྱ་བ་ནས། མཆོག་རབ་འདི་ཡིས་བསྒྲུབ་པ་ཉིད་དུ་
4-2-24b


བྱ། །ཞེས་བྱ་བའི་བར་ནི་དྲང་བ་དང་ངེས་པའི་དོན་ཏོ། །དེ་ནས་བཅོམ་ལྡན་འདས་ཞེས་བྱ་བ་ནས། བྱང་ཆུབ་སྦྱོར་བ་བསྒོམ་པར་བྱ། །ཞེས་པའི་བར་ནི་དགོངས་པས་བཤད་པའོ། །དེས་ན་དེ་ནས་དཔལ་ལྡན་རྡོ་རྗེ་འཛིན། །ཞེས་བྱ་བ་ལ་སྔ་ཕྱི་༼
༧འདི་ནི་ཆག་འགྱུར་དང་ཡང་འདྲ་ལ། པ་ཚབ་ཀྱི་འགྱུར་དང་ཡང་དོན་འདྲའོ། །འོན་ཀྱང་རྒྱས་བཤད་དང་མི་མཐུན་པར་སྣང་བས། ཁ་ཅིག་རྒྱ་དཔེར། སྐུ་གསུང་ཐུགས་ཀྱིས་མཚན་པ་ཡིས། །ཞེས་པའི་བར་དགོངས་བཤད་དུ་གསུངས་པས། འགྱུར་རྙིང་གི་འགྱུར་ནོར་བའོ་ཞེས་གསུངས་སོ། །རྒྱ་དཔེ་གཅིག་
ལ་ཡོད་པ་ཐམས་ཅད་ལ་ཡོད་པའི་ངེས་པ་མེད་པས། འདི་ཡང་འགྱུར་སྐྱོན་དུ་མི་སྣང་གི། རྒྱ་དཔེ་མི་འདྲ་བའི་རྒྱུ་མཚན་གྱིས་ཡིན་པར་སྣང་ཡང༌། སྐུ་གསུང་ཐུགས་ཀྱིས་མཚན་པ་ཡིས་བར་དགོངས་བཤད་དུ་ཡོད་པའི་རྒྱ་དཔེ་དག་པར་བྱའོ། །༼གཉིས་ཡོད་པའི་སྔ་མ་ནས་ཡེ་ཤེས་ཀྱིས་
བརྟགས་བསྒོམ་ཞེས་པའི་བར་གྱི། རྡོ་རྗེ་འཛིན་པ་ལ་རྒྱས་བཤད་ཚུལ་བཞིས་བཤད་པའི་ཡིག་སྤྱི་གཉིས་དྲང་དོན་དང་སྦས་མཐའ་གཉིས་ངེས་དོན་དུ་བསྡུས་ཏེ། ནམ་མཁའི་དབྱིངས་ཞེས་པ་ཚིགས་བཅད་གཉིས་དྲང་ངེས་ཀྱི་བཤད་པ་དང་། དེ་ནས་དཔལ་ལྡན་རྡོ་རྗེ་འཛིན་ཞེས་པ་ཕྱི་མ་ནས། ལུས་ངག་
སེམས་ལས་འདས་པའོ། །ཞེས་བྱ་བའི་བར་ནི་ངེས་པའི་དོན་དང་དྲང་བའི་དོན་ཏོ། །ཞེས་སྦྱར་བར་བྱའོ། །ལེའུ་དྲུག་པའི་བཤད་པའོ།། ༈ དེ་ནས་བཅོམ་ལྡན་འདས་ཞེས་བྱ་བ་ནས། བསྟེན་ན་མྱུར་དུ་འགྲུབ་པར་འགྱུར། །ཞེས་བྱ་བའི་
བར་ནི་སྒྲ་ཇི་བཞིན་པའོ། །སློང་མོ་ཟ་ཞིང་ཞེས་བྱ་བ་ནས། སྲེག་པར་འགྱུར་ཞེས་བྱ་བའི་བར་ནི་དྲང་བའི་དོན་དང༌། ངེས་པའི་དོན་ཏོ། །༼ཁ་ཅིག་སློང་མོ་ཞེས་པའི་ཚིགས་བཅད་གཅིག་པུ་དྲང་ངེས་སུ་འཆད་པ་རྒྱ་དཔེ་དང་མཐུན། ལུས་དང་ཞེས་པ་བཞི་ལ་དྲང་དོན་དུ་
4-2-25a


བཤད་པ་རྒྱས་བཤད་དུ་བྱུང་ཡང༌། ངེས་དོན་མི་སྣང་ཞེས་ཟེར་བ་ལྟར་ཐུགས་རྗེ་ཞབས་ཀྱིས་ཀྱང་བཤད་ལ། འགྲེལ་པའི་འགྱུར་གསར་རྙིང་ཀུན་ལས་བསྡུས་དོན་དུ་ཚིགས་བཅད་གཉིས་པ་ཡང་དྲང་ངེས་སུ་བཤད་པ་དང༌། རྒྱས་བཤད་དུ་ཡང་ཚིགས་བཅད་གཉིས་པའི་མཐར་
དྲང་བའི་དོན་ཏོ། །ཞེས་འབྱུང་བས། རྒྱ་དཔེ་ལ་མི་འདྲ་བ་གཉིས་ཡོད་པར་གསལ་ཡང༌། ཕྱི་མ་ལྟར་དག་སྟེ། ལུས་དང་ཞེས་པ་བཞི་རིམ་པ་གཉིས་ཀ་ལ་སོ་སོར་བཤད་པས་ཆོག་པའི་ཕྱིར་དང༌། གཞུང་གཅིག་ལ་དྲང་དོན་གྱི་བཤད་པ་བྱུང་ན། ངེས་དོན་གྱི་བཤད་པ་ངེས་པར་འོང་བའི་ཕྱིར་རོ། ༼།
༸རྒྱས་བཤད་ནས། སངས་རྒྱས་བྱང་ཆུབ་སེམས་དཔའ་ཞེས་པའི་རྐང་པ་བཞི་དགོངས་མིན་དུ་བཤད་པས། སངས་རྒྱས་ཞེས་བྱ་བ་ཞེས་པ་མི་ལེགས་པས། པ་ཚབ་ཀྱིས། སངས་རྒྱས་ཞེས་བྱ་བ་ལ་སོགས་པ་ནས། འདོད་པ་ཐམས་ཅད་བསྟེན་པས་སོ། །ཞེས་བྱ་བའི་མཐར་ཐུག་པ་ནི་དགོངས་པ་མིན་པའོ། །ཞེས་བསྒྱུར་བ་
ལེགས་སོ། །པ་ཚབ་དང་། ཆག་གཉིས་ཀའི་འགྱུར་ལས། ཆགས་ཅན་ཞེས་པ་ནས། འགོ་འཛིན་ལ་འཇུག་འདྲའོ། །༼སངས་རྒྱས་ཞེས་བྱ་བ་ནས། རིགས་ཀྱི་ཚུལ་དུ་རྣམ་པར་བསྒོམ། །ཞེས་བྱ་བའི་བར་ནི་རྣམ་པ་བཞིའི་ཚུལ་གྱིས་བཤད་དོ། །༼ཆགས་ཅན་ཞེས་པའི་རྐང་པ་
བཞི་ལ་རྒྱས་བཤད་དུ་ཚུལ་བཞིའི་བཤད་པ་མ་བྱུང་ཞིང་། བཤད་པ་གཞན་གྱིའང་མིང་འདོགས་མ་བྱུང་བ་ལ་ཐུགས་རྗེ་ཞབས་ཀྱིས་དྲང་དོན་དུ་བཤད། །ཁ་ཅིག་དེ་ལ་བཤད་པ་གཉིས་པ་མེད་པས་མི་རིགས་པས་དགོངས་བཤད་དུ་བྱའོ། །ཞེས་ཟེར་བ་རྣམས་མི་རིགས་ཏེ། བཞི་པོ་དེ། གཟུགས་ལ་རྣམ་གསུམ་
ཤེས་བྱས་ནས། །ཞེས་སོགས་ཀྱིས་མདོར་བསྟན་ཡིན་པས་རྐང་པ་དང་པོ་གཉིས་ལ་ནི། ཚུལ་བཞིའི་བཤད་པ་དོན་གྱིས་ཡོད་ལ། ཕྱི་མ་གཉིས་ནི་འདོད་ཡོན་བསྟེན་པའི་དགོས་པ་སྟོན་པས། དེ་ལ་ཡང་སྤྱི་དོན་དང༌། སྦས་པ་དང༌། མཐར་ཐུག་གི་སྤྱོད་པ་གསུམ་ཀའི་དོན་ཡོ
ད་པའི་ཕྱིར་རོ། །ཚུལ་བཞི་འདི་
4-2-25b


ལ་ཡང་རྒྱས་བཤད་དུ་ཡིག་དོན་མ་བྱུང་ཡང་མི་འགལ་བ་ནི་སྔར་བཞིན་ནོ། །༽སངས་རྒྱས་རྗེས་སུ་དྲན་པར་སྦྱོར། །ཞེས་བྱ་བ་ནས། བསྒོམས་ན་བྱང་ཆུབ་ཐོབ་པར་འགྱུར། །ཞེས་བྱ་བའི་བར་ནི་དགོངས་པས་བཤད་པའོ། །བུད་མེད་གཟུགས་ལྡན་མདངས་བཟང་བ། །ཞེས་
བྱ་བ་ནས། ཡིད་དུ་འོང་བ་བསྒོམ་པར་བྱ། །ཞེས་བྱ་བའི་བར་ནི་དགོངས་པ་མ་ཡིན་པས་བཤད་པའོ། །སངས་རྒྱས་རྗེས་དྲན་ཞེས་བྱ་བ་ནས། དཀྱིལ་འཁོར་དཀྱིལ་འཁོར་ཚུལ་དུ་བྱ། །ཞེས་བྱ་བའི་བར་ནི་དགོངས་པས་བཤད་པའོ། །དེ་ལ་སྐུ་རྗེས་སུ་དྲན་
པ་ཇི་ལྟར་བསྒོམ་ཞེ་ན། ཞེས་བྱ་བ་ནས། བདག་གི་སེམས་ཀྱང་དེ་འདྲར་འགྱུར། །ཞེས་བྱ་བའི་བར་ནི་སྒྲ་ཇི་བཞིན་པར་བཤད་པའོ། །དེ་ལ་སེམས་ཅན་ཞེས་བྱ་བ་ནས། དངོས་གྲུབ་རབ་ཏུ་འཐོབ་པར་འགྱུར། །ཞེས་བྱ་བའི་བར་ནི་དགོངས་པས་བཤད་པའོ། །
དེ་ལ་ཤེས་རབ་ཀྱི་ཞེས་བྱ་བ་ནས། འབྱུང་བའང་མེད་ཅེས་བྱ་བའི་བར་ནི་དགོངས་པ་མ་ཡིན་པས་བཤད་པའོ། །དེ་ལ་མ་སྐྱེས་པ་ཞེས་བྱ་བ་ནས། སྤྱོད་པ་མཆོག་གི་འི་ལེའུ་ཞེས་བྱ་བའི་བར་ནི་སྒྲ་ཇི་བཞིན་པར་བཤད་པ་སྟེ། ༼ཞེས་འདི་ལྟར་
བཤད་པ་ནི། པ་ཚབ་དང་། ཆག་གི་འགྱུར་དང་ཡང་མཐུན་ལ། རྒྱས་བཤད་དུ་མ་སྐྱེས་པ་རྗེས་དྲན་བཤད་པ་དགོངས་བཤད་དུ་བཤད་པ་དང་ཡང་མཐུན་པས་བསྡུས་དོན་དང་རྒྱས་བཤད་གཉིས་མི་མཐུན་ནོ། །བླ་མ་ཁ་ཅིག་མ་སྐྱེས་པ་ཞེས་པ་འགྱུར་ནོར་བ་སྟེ། རྒྱ་དཔེར་དེ་ལ་ཇི་ལྟར་ཞེས་བྱ་བ་ནས་
ཤིན་ཏུ་དྲི་མེད་ཅེས་པའི་མཐར་ཐུག་པ་དགོངས་པ་མིན་པའོ། །དེ་ལ་ཇི་ལྟར་ཞེས་པ་ནས་སྤྱོད་པའི་ལེའུ་ཞེས་པའི་མཐར། སྒྲ་ཇི་བཞིན་པའོ། །ཞེས་བཤད་པས་རྗེས་དྲན་གཉིས་དགོངས་མིན་དུ་བཤད་པས་འོད་གསལ་བསྟན་ནོ། །ཞེས་གསུང་ངོ༌། །ཐུགས་རྗེ་ཞབས་ཀྱང་མ་སྐྱེས་པ་རྗེས་དྲན་གྱི་
4-2-26a


བཤད་པ་དགོངས་མིན་དུ་འདོད་ཅིང་། དེ་དགོངས་བཤད་དུ་བྱེད་པ་ནི་བག་མེད་པར་ཀློག་པ་སྟེ། བསྡུས་དོན་དང་འགལ་ཞིང་དགོངས་བཤད་ཀྱི་མཚན་ཉིད་དང་མི་ལྡན་པའི་ཕྱིར་རོ། །ཞེས་འགོག་གོ། དེས་ན་བསྡུས་དོན་ལ་མི་མཐུན་པ་བྱུང་བ་འགྱུར་གྱིས་མ་ཐོན་
པ་མིན་གྱི་རྒྱ་དཔེ་མི་མཐུན་པས་བྱུང་ཡང་རྒྱ་དཔེ་ཁ་ཅིག་ན་འདུག་པའི་འགྱུར་བཅོས་པ་དེ་ཤིན་ཏུ་ལེགས་པར་སྣང་ངོ༌། །འོན་ཀྱང་མ་སྐྱེས་པ་རྗེས་དྲན་གྱི་ཟུང་འཇུག་སྟོན་པར་རྒྱས་བཤད་ན་ཤིན་ཏུ་གསལ་བས་གཉིས་ཀ་འོད་གསལ་ལ་སྦྱོར་བ་དོན་མིན་ནོ། །༽ལེའུ་བདུན་
པའི་བཤད་པའོ།། ༈ དེ་ནས་བཅོམ་ལྡན་འདས་ཞེས་བྱ་བ་ནས། བཤད་དུ་གསོལ་ཞེས་བྱ་བའི་བར་ནི་སྒྲ་ཇི་བཞིན་པར་བཤད་པའོ། །འདོད་ཆགས་ཞེ་སྡང་གཏི་མུག་ཆེ། །ཞེས་བྱ་བ་ནས། ཕྱག་འཚལ་རྡོ་རྗེ་ཐེག་པ་ལའོ། །ཞེས་
བྱ་བའི་བར་ནི་དྲང་བ་དང༌། ངེས་པའི་དོན་དུ་བཤད་པའོ། །དེ་ནས་ཞེས་བྱ་བ་ནས། རྡོ་རྗེ་རིན་ཆེན་འཛིན་ཞེས་བྱ་བའི་བར་ནི་དགོངས་པ་མ་ཡིན་པས་བཤད་པའོ། །དེ་བཞིན་གཤེགས་པའི་ཞེས་བྱ་བ་ནས། བྱོལ་སོང་ལས་ཀྱང་རབ་ཏུ་བརྟག། ཅེས་
བྱ་བའི་བར་ནི་དགོངས་པས་བཤད་པའོ། །ས་ཕྱོགས་གཙང་ཞིང་ཞེས་བྱ་བ་ནས། མཁས་པས་མཆོད་པའི་སྤྲིན་རྣམས་སྤྲོ། །ཞེས་བྱ་བའི་བར་ནི་སྒྲ་ཇི་བཞིན་པས་བཤད་པའོ། །མཁས་པས་ཞེས་བྱ་བ་ནས། རབ་ཏུ་བརྟག་ཅེས་བྱ་བའི་བར་ནི་
དྲང་བ་དང༌། ངེས་པའི་དོན་དུ་བཤད་པའོ། །དཔག་ཚད་བརྒྱ་ཡི་ཞེས་བྱ་བ་ནས། སྔགས་རྣམས་དངོས་གྲུབ་བྱེད་པར་གསུངས། །ཞེས་བྱ་བའི་བར་ནི་སྒྲ་ཇི་བཞིན་པར་བཤད་པའོ། །ལེའུ་བརྒྱད་པའི་བཤད་པའོ།། ༈ དེ་ནས་རྒྱལ་པོ་
4-2-26b


རྡོ་རྗེ་འཛིན། །ཞེས་བྱ་བ་ནས། ཉམས་དགའ་མཆོག་ནི་རབ་ཏུ་བཤད། །ཅེས་བྱ་བའི་བར་ནི་སྒྲ་ཇི་བཞིན་པར་བཤད་པའོ། །ནམ་མཁའི་དབྱིངས་ཀྱི་དབུས་གནས་པར། །ཞེས་བྱ་བ་ནས། རྡོ་རྗེ་བཀོད་པས་དེ་སྐད་ཅེས་བཀའ་སྩལ་ཏོ། །ཞེས་བྱ་བའི་བར་ནི། དྲང་བའི་
དོན་དང་། ངེས་པའི་དོན་དུ་བཤད་དོ། །དེ་ནས་ཡང་ཞེས་བྱ་བ་ནས། ཀུན་རྫོབ་ཏུ་ཡང་བཤད་པ་མཚར། །ཞེས་བྱ་བའི་བར་ནི་དགོངས་པས་བཤད་པའོ། །ལེའུ་དགུ་པའི་བཤད་པའོ།། ༈ དེ་ནས་བཅོམ་ལྡན་འདས་ཞེས་བྱ་བ་ནས། སྐུ་གསུང་
ཐུགས་ཀྱི་རྡོ་རྗེ་བསྒོམ། །ཞེས་བྱ་བའི་བར་ནི་དགོངས་པ་མ་ཡིན་པས་བཤད་པའོ། །དེ་ནས་བཅོམ་ལྡན་འདས་ཞེས་བྱ་བ་ནས། ༼ཚིག་ཐ་མ་ལ། པ་ཚབ་དང་ཆག་གི་འགྱུར་ལས་ལེའུའི་མཚན་གྱི་བར་དགོངས་བཤད་དུ་འབྱུང་བ་རྒྱས་བཤད་དང་མཐུན་ནོ། །༼དེ་ཡི་སྲོག་
ནི་དེར་ཟད་འགྱུར། །ཞེས་བྱ་བའི་བར་ནི་སྒྲ་ཇི་བཞིན་པའོ། །དེ་ནས་རྒྱལ་པོ་རྡོ་རྗེ་འཛིན། །ཞེས་བྱ་བ་ནས། རྡོ་རྗེ་སེམས་དཔའི་ཚེ་དེས་འཐོབ། །ཅེས་བྱ་བའི་བར་ནི་དགོངས་པས་བཤད་པའོ། །ལེའུ་བཅུ་པའི་བཤད་པའོ།། ༈ དེ་ནས་བཅོམ་
ལྡན་འདས་ཞེས་བྱ་བ་ནས། དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་གྱི་བར་ནི་སྒྲ་ཇི་བཞིན་པར་བཤད་པའོ། །ཡེ་ཤེས་དཀྱིལ་འཁོར་ཞེས་བྱ་བ་ནས། རྡོ་རྗེ་ཟླ་བ་ཞེས་བྱ་བའི་ཏིང་ངེ་འཛིན་གྱི་བར་ནི་དགོངས་པས་བཤད་པའོ། །འོད་ཟེར་འབར་བའི་ཡི་གེ་ཐླིཾ། 
ཞེས་བྱ་བ་ནས། མངོན་པར་བྱང་ཆུབ་པ་ཞེས་བྱ་བའི་ཏིང་ངེ་འཛིན་གྱི་བར་ནི་དགོངས་པ་མ་ཡིན་པས་བཤད་པའོ། །རྣམ་པར་དབེན་པ་ཞེས་བྱ་བ་ནས། བསམ་གཏན་བསྡུས་༼འདིར་ཚིག་གི་འགོ་འཛིན་ལ་འདི་དང་འགྱུར་གསར་གཉིས་གོ་རིམ་མི་འདྲ་བ་གསུམ་ཡོད་ཀྱང་དོན་འདྲའོ། །
4-2-27a


༼པ་འདི་དག་བསྒོམ། །ཞེས་བྱ་བའི་བར་ནི་དྲང་བའི་དོན་དང་། ངེས་པའི་དོན་དུ་བཤད་པའོ། །མི་བསྐྱོད་ཡེ་ཤེས་ཞེས་བྱ་བ་ནས། རྡོ་རྗེ་མངོན་པར་མཁྱེན་པས་ཞེས་བྱ་བའི་བར་ནི་སྒྲ་ཇི་བཞིན་པས་བཤད་པའོ། །རྡོ་རྗེ་ཆེན་པོ་ཞེས་
བྱ་བ་ནས། རྡོ་རྗེ་རིག་པའི་སྐྱེས་བུའི་མཆོག་གི་ལེའུ་ཞེས་བྱ་བའི་བར་ནི་དགོངས་པས་བཤད་པའོ། །ལེའུ་བཅུ་གཅིག་པའི་བཤད་པའོ།། ༈ དེ་ནས་སྟོན་པ་རྡོ་རྗེ་འཛིན། །ཞེས་བྱ་བ་ནས། རོལ་མོ་འདི་དག་རབ་ཏུ་བསྒོམ། །ཞེས་བྱ་བའི་
བར་ནི་དགོངས་པ་མ་ཡིན་པས་བཤད་པའོ། །དགོན་པ་ཆེན་པོ་ཞེས་བྱ་བ་ནས། དངོས་གྲུབ་ཐམས་ཅད་བསྡུས་པ་བསྒྲུབ། །ཅེས་བྱ་བའི་བར་ནི་དྲང་བའི་དོན་དང༌། ངེས་པའི་དོན་དུ་བཤད་དོ། །ལུས་དང་ངག་སེམས་ཞེས་བྱ་བ་ནས། དེ་མ་ཐག་ཏུ་དེ་
འགྱུར་རོ། །ཞེས་བྱ་བའི་བར་ནི་དགོངས་པས་བཤད་པའོ། །འཁོར་ལོ་འོད་འཕྲོ་ཞེས་བྱ་བ་ནས། ཡེ་ཤེས་རྡོ་རྗེ་འགྲུབ་པར་འགྱུར། །ཞེས་བྱ་བའི་བར་ནི་༼བསྡུས་དོན་འདི་དང༌། འདིའི་རྒྱས་བཤད་གཉིས་འགྱུར་རྙིང་དང་ཆག་འགྱུར་གཉིས་མཐུན་ཡང་རྒྱས་
བཤད་ནས་ལམ་གྱི་བཞི་མདོ། ཞེས་པའི་རྐང་པ་བཞི་བཤད་པའི་མཐར་དགོངས་བཤད་དུ་གསུངས་པས་བསྡུས་དོན་དང་རྒྱས་བཤད་གཉིས་མི་མཐུན་ནོ། །དེས་ན་པ་ཚབ་ཀྱི་འགྱུར་ལས་འཁོར་ལོ་མེ་སྟག་གིས་ཞེས་བྱ་བ་ལ་སོགས་པ་ནས། དམ་ཚིག་ཆེན་པོའི་དངོས་གྲུབ་རྡོ་རྗེ་ཞེས་བྱ་
བའི་མཐར་ཐུག་པ་ནི་སྒྲ་ཇི་བཞིན་པའོ། །ལམ་གྱི་བཞི་མདོ་ཞེས་བྱ་བ་ལ་སོགས་པ་ནས། རྡོ་རྗེ་འགུགས་པ་བསྒྲུབ་པར་བྱ། །ཞེས་བྱ་བའི་མཐར་ཐུག་པ་ནི་དགོངས་པས་བཤད་པའོ། །ཞེས་འབྱུང་བ་ལྟར། ཐུགས་རྗེ་ཞབས་ཀྱི་འགྲེལ་བཤད་དུའང་འབྱུང་བས། འཁོར་ལོ་འོད་འཕྲོ་
4-2-27b


ནས། ལམ་གྱི་བཞི་མདོ་ཞེས་པའི་རྐང་པ་བཞི་ཡན་ཆད་ཐམས་ཅད་དགོངས་བཤད་དུ་འདོད་པ་ནི་མི་རིགས་པས། དེ་རྣམས་ཀྱི་བསྡུས་དོན། པ་ཚབ་ཀྱི་བཞིན་དུ་བྱེད་པ་ནི་རྒྱ་དཔེ་དག་པའི་ལུགས་སོ། །དེ་ནས་པ་ཚབ་ཀྱི་འགྱུར་ལ། སྒྲ་ཇི་བཞིན་པ་ལ་བསྡུས་དོན་གཉིས་བྱས་ཀྱང༌། ཐུགས་རྗེ་
ཞབས་ཀྱི་འགྲེལ་བཤད་ལས། སྦྱོར་གསུམ་ཞེས་བྱ་བ་ལ་སོགས་པ་ནས། ཡེ་ཤེས་རྡོ་རྗེ་ཅན་འགྲུབ་འགྱུར། །ཞེས་པའི་མཐར་ཐུག་པ་ནི་སྒྲ་ཇི་བཞིན་པའོ། །ཞེས་འབྱུང་བ་ལྟར་བསྡུས་དོན་གཅིག་ཏུ་བྱས་པ་མང་ངོ༌། །༽སྒྲ་ཇི་བཞིན་པས་བཤད་པའོ། །བསྙེན་པའི་
ཡེ་ཤེས་བདུད་རྩི་དག། ཅེས་བྱ་བ་ནས་སྔགས་ཀྱི་དེ་ཉིད་དོན་བསྒྲུབ་པའོ། །ཞེས་བྱ་བའི་བར་ནི་དགོངས་པས་བཤད་པའོ། །དགོན་པ་ཆེན་པོ་ཞེས་བྱ་བ་ནས། དངོས་གྲུབ་འཐོབ་པར་འགྱུར། །ཞེས་བྱ་བའི་བར་དུ་ནི་དྲང་བའི་དོན་དང༌། ངེས་པའི་
དོན་དུ་བཤད་དོ། །དུས་བཞི་དག་ཏུ་ཞེས་བྱ་བ་ནས། རབ་ཏུ་བསྟན་ཞེས་བྱ་བའི་བར་ནི་སྒྲ་ཇི་བཞིན་པས་བཤད་དོ། །གསང་བ་མཆོག་ལས་བྱུང་བ་ལ། །ཟླ་བ་ཕྱེད་ཀྱིས་འགྲུབ་པར་གསུངས། །ཞེས་བྱ་བ་ནི་དགོངས་པས་བཤད་པའོ། །དེ་ལ་འདི་
ནི་ཞེས་བྱ་བ་ནས། དམ་ཚིག་སྒྲུབ་པའི་མཆོག་བསྟན་པའི་ལེའུ་ཞེས་བྱ་བའི་བར་ནི་སྒྲ་ཇི་བཞིན་པས་བཤད་དོ། །ལེའུ་བཅུ་གཉིས་པའི་བཤད་པའོ།། ༈ དེ་ནས་བཅོམ་ལྡན་འདས་ཞེས་བྱ་བ་ནས། མཆོད་དེ་རྡོ་རྗེ་དབྱངས་འདི་གསུངས། །
ཞེས་པའི་བར་ནི་སྒྲ་ཇི་བཞིན་པས་བཤད་པའོ། །ཨེ་མའོ་སངས་རྒྱས་ཚུལ་རེ་བཟང༌། །ཞེས་བྱ་བ་ནས། ཨེ་མའོ་སྔགས་ཀྱི་ཚུལ་རེ་བརྟན། །ཞེས་བྱ་བའི་བར་ནི་དགོངས་པས་བཤད་པའོ། །མ་སྐྱེས་པ་ཡི་ཞེས་བྱ་བ་ནས། རབ་ཏུ་བཤད་ཅེས་བྱ་བའི་བར་
4-2-28a


ནི་དགོངས་པ་མ་ཡིན་པས་བཤད་པའོ། །ཡིད་འོང་སྔགས་རྣམས་ཀུན་བསྡུས་པ། །ཞེས་བྱ་བ་ནས། བཟླས་པ་མ་ནིང་ཞེས་བྱའོ། །ཞེས་བྱ་བའི་བར་ནི་དགོངས་པས་བཤད་པའོ། །འདོད་ཆགས་དེ་ཉིད་ཅེས་བྱ་བ་ནས། ཇི་ལྟར་འདོད་པར་
བསྟེན་ན་འགྲུབ། །ཅེས་བྱ་བའི་བར་ནི་སྒྲ་ཇི་བཞིན་པས་བཤད་པའོ། །གཏི་མུག་དམ་ཚིག་ཅེས་བྱ་བ་ནས། གསོད་པའི་དོན་གྱིས་འགྲུབ་པར་འགྱུར། །ཞེས་བྱ་བའི་བར་ནི་དྲང་བའི་དོན་དང་། ངེས་པའི་དོན་དུ་བཤད་པའོ། །ཡེ་ཤེས་འཁོར་ལོ་ཅན་རྣམས་ཀྱི། །ཞེས་བྱ་བ་
ནས། བྱང་ཆུབ་བསྲུང་བའི་དོན་ཆེན་བྱ། །ཞེས་བྱ་བའི་བར་ནི་སྒྲ་ཇི་བཞིན་པས་བཤད་པའོ། །ནམ་མཁའ་རྡོ་རྗེ་དབུས་གནས་པ། །ཞེས་བྱ་བ་ནས། རྡོ་རྗེའི་སྔགས་རིན་པོ་ཆེ་རབ་ཏུ་སྣང་བར་བྱེད་པ་ཞེས་བྱ་བའི་ཏིང་ངེ་འཛིན་གྱི་བར་ནི་དགོངས་པས་བཤད་པའོ། །རྣམ་པའི་
མཆོག་རྣམས་ཞེས་བྱ་བ་ནས། ཆུ་ཡི་སྟེང་ནས་བཅག་པར་བྱ། །ཞེས་བྱ་བའི་བར་ནི་སྒྲ་ཇི་བཞིན་པས་བཤད་པའོ། །རྐང་པ་མཉམ་གཞག་ཅེས་བྱ་བ་ནས། རྡོ་རྗེ་རྒྱ་མཚོ་རྐང་པས་གནོན་པ་ཞེས་བྱ་བའི་ཏིང་ངེ་འཛིན་གྱི་བར་ནི་དགོངས་པས་བཤད་པའོ། །དབང་ཆེན་
དཀྱིལ་འཁོར་ཞེས་བྱ་བ་ནས། རྡོ་རྗེ་དམ་ཚིག་གནོད་མཛེས་རབ་ཏུ་འབྱུང་བ་ཞེས་བྱ་བའི་ཏིང་ངེ་འཛིན་གྱི་བར་ནི་སྒྲ་ཇི་བཞིན་པས་བཤད་པའོ། །འགོག་པ་ཁྲོ་བོའི་འཁོར་ལོ་ནི། །ཞེས་བྱ་བ་ནས། འགྲུབ་པར་འགྱུར་ཞེས་བྱ་བའི་བར་ནི་དྲང་བའི་དོན་དང༌། ངེས་པའི་
དོན་དུ་བཤད་པའོ། །ལེའུ་བཅུ་གསུམ་པའི་བཤད་པའོ།། ༈ ལེའུ་བཅུ་བཞི་པ་ལས་འཕྲེང་བའི་སྔགས་བཅུ་གསུམ་གྱི་ལས་བསྒྲུབ་པ་རྣམས་དང༌། དེ་ལས་གཞན་པའི་ལས་ཀྱི་ཚོགས་རྣམས་ནི་སྒྲ་ཇི་བཞིན་པས་བཤད་པའོ། །བར་བར་ན་ལ་ལ་
4-2-28b


ནི་དགོངས་པས་བཤད་པ་ཡང་ཡོད་དོ། །དེ་བཞིན་དུ་ལེའུ་བཅོ་ལྔ་པ་དང་། ལེའུ་བཅུ་དྲུག་པ་དང་། ལེའུ་བཅུ་བདུན་པ་ལ་ནི་རྡོ་རྗེའི་ཚིག་ལ་ལ་ནི་དགོངས་པས་བཤད་པའོ། །ལ་ལ་ནི་དགོངས་པ་མ་ཡིན་པས་བཤད་པའོ། །ཁ་ཅིག་ནི་སྒྲ་ཇི་བཞིན་པས་༼
ཞེས་པ་ནི། རིག་པ་འཛིན་པའི་བུ་མོ་མཆོག། གསེར་གྱི་རྣ་ཆ་གཡོ་བ་རྣམས། །སྔགས་ཀྱི་རིག་པ་འདི་དང་ནི། །དམ་ཚིག་ལ་སོགས་པ་ཡིས་དགུག། ཅེས་པའི་འོག་དང༌། ཡང་ན་ཁྲོ་བོ་ཐམས་ཅད་ནི། །ཞེས་པ་གཉིས་ཀྱི་བར་གྱི། འགོག་པའི་རྡོ་རྗེ་རྒྱལ་པོ་ནི། །ཞེས་པ་བཞི་དགོངས་བཤད་དུ་མཛད་པའོ། །
དམ་ཚིག་ལ་སོགས་པ་ཡིས་དགུག། ཅེས་པ་བཤད་པའི་མཐར་འགྱུར་རྙིང་ལས་མ་བྱུང་ཡང༌། པ་ཚབ་དང༌། ཆག་འགྱུར་ལས། སྒྲ་ཇི་བཞིན་པའོ། །ཞེས་ལེའུ་འདིའི་འགོ་ནས། དེ་ཡན་ཆད་སྒྲ་ཇི་བཞིན་པར་བཤད་པ་ལེགས་སོ། །ཡང་པ་ཚབ་ཀྱི་འགྱུར་ལས། རྡོ་རྗེ་ཕུར་བུ་ཆེན་པོས་དེ་སྐད་ཅེས་
བཀའ་སྩལ་ཏོ། །ཞེས་པའི་མཐར་སྒྲ་ཇི་བཞིན་པའོ། །ཞེས་འབྱུང་ཞིང༌། དེ་ནས་ལེའུའི་མཚན་གྱི་བར་དགོངས་བཤད་དུ་བྱས་ཀྱང༌། འགྱུར་རྙིང་དང༌། ཆག་འགྱུར་ལས། ཕུར་བུ་ཆེན་པོས་བཀའ་སྩལ་ཏོའི་མཐར། སྒྲ་ཇི་བཞིན་པའོ། །ཞེས་པ་མེད་པར། སྔགས་ཀྱི་དེ་ཉིད་དོན་བསྡུས་པའོ། །
ཞེས་པའི་མཐར་སྒྲ་ཇི་བཞིན་པའོ། །ཞེས་དང༌། ལེའུའི་མཚན་དགོངས་བཤད་དུ་འབྱུང་བ་འགྱུར་ལེགས་སོ།། ༼བཤད་པའོ། །འགའ་འགའ་ནི་སྒྲ་ཇི་བཞིན་མ་ཡིན་པའོ། །ལ་ལ་ནི་དྲང་བ་དང་ངེས་པའི་དོན་ཏེ། ༼དུ་བཤད་པ་ཅི་རིགས་སུ་ཡོད་དོ། །བཅོ་ལྔ་པ་ལ་རྒྱས་
བཤད་དུ་མིང་འདོགས་གསལ་བར་བྱུང་བ་ལ་དགོངས་བཤད་ཡིན་མིན་གཉིས་ཙམ་བྱུང་ཡང་སྒྲ་ཇི་བཞིན་པ་མང་ངོ༌། །བཅུ་དྲུག་པ་ལ་སྒྲ་ཇི་བཞིན་པ་ཡིན་མིན་གཉིས་བྱུང་ངོ༌། །བཅུ་བདུན་པ་ལ་དགོངས་མིན་དང་སྒྲ་ཇི་བཞིན་པ་དང་ཚུལ་བཞིར་བཤད་པ་གཅིག་བྱུང་ངོ༌། །དེ་ལྟར་གསུམ་ལ་རྒྱས་བཤད་
4-2-29a


ནས་དྲང་ངེས་ཀྱི་བཤད་པ་གསལ་བར་མ་བྱུང་ཡང༌། བཅུ་བདུན་པའི་ཡིག་སྤྱི་གཉིས་དྲང་དོན་དང་སྦས་མཐར་གཉིས་ངེས་དོན་ཡིན་པ་ལ་དགོངས་ནས་བསྡུས་དོན་དུ་དྲང་བ་དང་ངེས་པའི་དོན་ཏོ། །ཞེས་གསུངས་སོ།། ༈ དེ་ལྟར་འདུས་
པའི་མདོའི་ཚིག་དེ་དག་ནི་བཅོམ་ལྡན་འདས་ཀྱིས་བཤད་པའི་རྒྱུད་ཡེ་ཤེས་རྡོ་རྗེ་ཀུན་ལས་བཏུས་པ་ལས་མཐའ་རྣམ་པ་དྲུག་གིས་བསྟན་ཏེ། དགོངས་པས་གསུངས་པ་དང༌། དགོངས་པ་མ་ཡིན་པས་གསུངས་པ་དང༌། དྲང་བའི་དོན་
དུ་གསུངས་པ་དང༌། ངེས་པའི་དོན་དུ་གསུངས་པ་དང༌། སྒྲ་ཇི་བཞིན་པ་དང༌། སྒྲ་ཇི་བཞིན་མ་ཡིན་པ་སྟེ། རྣལ་འབྱོར་གྱི་རྒྱུད་འདུས་པའི་རྩ་རྒྱུད་ནི་མཐའ་རྣམ་པ་འདི་དྲུག་ཏུ་ངེས་པ་ཡིན་ནོ།། ༈ སྔར་བཤད་པའི་རིམ་པ་འདི་ཉིད་ཀྱིས་ན་
བཞུགས་པའི་ཚིག་ནས་བརྩམས་ཏེ། མཐའ་རྣམ་པ་དྲུག་ཏུ་བཤད་པ་དང༌། ཚུལ་རྣམ་པ་བཞིར་བཤད་པ་འདིས་གསང་བ་འདུས་པའི་དོན་ལ་རྡོ་རྗེ་འཆང་གིས་རྒྱས་བཏབ་པ་ཡིན་ལ་སྒོ་གཉིས་ཀྱིས་རྒྱས་བཏབ་པའི་དོན་དེ་མ་རྟོགས་པར་ཇི་བཞིན་
པར་བཤད་པའི་སྒྲའི་དོན་ཙམ་ལ་བརྟེན་ཏེ་གཟུགས་སྒྲ་ལ་སོགས་པའི་ཡུལ་རྣམས་ལ་ཆགས་པའི་སེམས་ཅན་རྣམས་སྲོག་གཅོད་སོགས་འགལ་བ་དང༌། མ་སྲིང་སོགས་ལ་བགྲོད་པའི་ཤིན་ཏུ་རྨད་དུ་གྱུར་པ་ཏེ། ཤིན་ཏུ་ངོ་ཚ་བའི་བྱ་བ་བྱེད་
པས་ངན་འགྲོར་འགྲོ་བའི་ལས་ཀྱི་དབང་དུ་འགྱུར་རོ།། ༈ དེ་ལྟར་བཤད་པར་དེ་ཡང་བཅོམ་ལྡན་འདས་ཀྱིས་དགོངས་པ་ལུང་བསྟན་པའི་རྒྱུད་ལས་ཇི་སྐད་དུ་བཤད་པ་སྟེ། གསང་བའི་བདག་པོ་ཞེས་བོས་ནས་གཞུང་ཉུང་ལ་དོན་རྒྱས་
4-2-29b


པའི། །སངས་རྒྱས་སུ་འཁྲིད་པའི་ཚུལ་ཆེན་ཏེ་མཆོག་འདུས་པ་འདི་ནི་རྙེད་པར་གྱུར་ནས། །སྒྲ་ཇི་བཞིན་པའི་དོན་ཙམ་ཞིག་ནི་རྙེད་པ་བཟུང་བས། །ཏེ་ནས། བག་མེད་དུ་འཇུག་པ། དེ་བས་ན་ངན་འགྲོར་འཁྲིད་པའི། ལམ་ངན་པ་དག་ཏུ་ལྟུང་ངོ༌། །
རྒྱུད་དོན་མི་ཤེས་པ་དང་ཡོན་ཏན་གྱི་ཆོས་མ་ཐོབ་བཞིན་དུ་ཤེས་པ་དང༌། ཐོབ་པར་མངོན་པའི་ང་རྒྱལ་བྱེད་པ་ལ་རྟག་ཏུ་དགའ་བས། །རབ་ཏུ་དགའ་བ་སྟེ་གཟེངས་མཐོ་བ་དང་ལྡན་པ་ཡིས། །དོན་གྱི་རྣལ་འབྱོར་པ་ནི་བདག་ཅག་གོ། ཅེས་སྨྲ་ཞིང་། །ཆོས་བྱེད་པ་
ནི་གཡོ་དང་སྒྱུ་ཡིས་ནི་བྱེད་པར་འགྱུར་རོ། །དེ་འདྲ་དེས་ནི་འདུས་པའི་དོན་མི་ཤེས་པར། །ཤེས་པ་ལྟར་བཅོས་ནས་འདུས་པར་གསུངས་པའི་སྲོག་གཅོད་དང་འདོད་པ་བསྟེན་པ་སོགས་ཀྱི། དམ་ཚིག་ལ་སོགས་པ་ལ་སྤྱོད་པར་བྱེད་ལ། །སྣོད་མིན་ལ་རྒྱུད་དོན་
གསང་བ་བསྲུང་བར་མི་བྱེད་ཅིང༌། །ཐམས་ཅད་དུ་སྟེ་གར་བབ་བབ་ཏུ་ནི་སྔགས་ཀྱི་ལམ་རབ་ཏུ་སྟོན། །པར་བྱེད་དོ། །མངོན་སུམ་དང་ལ་ཀོག་ཏུ་སངས་རྒྱས་དང་འདྲ་བ་ཡི། །སློབ་དཔོན་ལ་སྨོད་ཅིང་བཀུར་བར་མི་བྱེད་དོ། །སྐད་ཅིག་གིས་ནི་ཁོང་
ཁྲོ་ཞིང༌། །དེ་བཞིན་སྐད་ཅིག་གིས་རྗེས་སུ་ཆགས། །པས་ཡིད་སྡང་བ་དང་ཆགས་པའི་དབང་དུ་འགྱུར་རོ། །མ་དང་སྲིང་མོ་བུ་མོ་སྟེ། །བགྲོད་པར་བྱ་བ་མིན་པ་ལ་ནི་འགྲོ་བ་དང༌། །ཕ་མ་གསོད་ཅིང་དེ་བཞིན་དུ། །སྲོག་ཆགས་གཞན་རྣམས་ཀྱང་གསོད་
པར་བྱེད་པ་དང༌། །དེ་བཞིན་དུ་རྫུན་གྱི་ཚིག་སྨྲ་ཞིང་། །ཁྱད་པར་དུ་ཡང་རྐུ་བར་བྱེད། །གཞན་གྱི་ཆུང་མའི་ཐད་དུ་འགྲོ་ཞིང༌། །སྨད་པ་གཞན་བཤང་གཅི་ལ་སོགས་པ་ཟ་བ་ཡང་བྱེད་པར་འགྱུར་རོ། །ཟུང་འཇུག་གི་དེ་ཉིད་ཡེ་ཤེས་འབྱུང་བ་ཡི། །
4-2-30a


ངེས་དོན་གྱི་དམ་ཚིག་རྣམས་ནི་སྒྲ་ཇི་བཞིན་པ་ཙམ་ལ་བརྟེན་པ་དེས་མི་ཤེས་སོ། །ཉེས་པ་སྟེ་མི་རིགས་པ་ཅུང་ཟད་ཙམ་བྱས་པ་ལ་ཡང༌། །གསད་ལས་སོགས་ཀྱི་མངོན་སྤྱོད་དག་ནི་བྱེད་པར་འགྱུར་ལ། །རིམ་གཉིས་ཀྱི་
རྣལ་འབྱོར་ལ་རབ་ཏུ་སྦྱོར་བ་དམན་པ་ཡི། །སྔགས་པ་རྣམས་ཀྱིས་ནི་དངོས་གྲུབ་འགྲུབ་པར་མི་འགྱུར་རོ། །རྟག་ཏུ་ནང་རིག་པའི་སྡེ་སྣོད་ལས་ཕྱི་རོལ་ཏུ་གྱུར་པའི་བསྟན་བཅོས་ལ་དགའ། །ཞིང་། བསྟན་བཅོས་དེ་ཡི་རབ་ཏུ་
སྦྱོར་བ་ལ་མཁས་པ་ཙམ་དང༌། །རང་གི་གསང་སྔགས་ཀྱི་དམ་ཚིག་བསྲུང་བ་ཡོངས་སུ་སྤངས་ཏེ། །ལྕགས་ཀྱུ་མེད་པའི་གླང་པོ་ཆེ་བཞིན་དུ་སྤྱོད། །པར་བྱེད་དོ་སྔགས་བཟླས་པ་དང་ལྷའི་རྣལ་འབྱོར་གྱི་ཕྱག་རྒྱའི་སྦྱོར་བ་ཡིས། །
བཟའ་བཏུང་དང་ཟང་ཟིང་གཞན་གྱི་འཚོ་བ་དག་ནི་དེས་སྒྲུབ་པར་བྱེད་དོ། །ཁྱིམ་གང་དུ་བཤད་ན་རྙེད་པ་དང་བཀུར་སྟི་འཐོབ་པར་འགྱུར་བདེར། །གསང་སྔགས་ཀྱི་དམ་པའི་ཆོས་ནི་འཆད་པར་འགྱུར་རོ། །སྔགས་པར་ཁས་འཆེ་བའི་མ་འོངས་༼
བསྔགས་འོས་བསྔགས་བསྟོད་ལས། མ་འོངས་པ་ཡི་འཇིགས་པ་དག། དེ་ཉིད་ནས་ནི་བྱུང་ཟིན་ཏོ། །ཞེས་གསུངས་པ་ལྟར། རྒྱུད་ལས་མ་འོངས་པའི་ཉེས་དམིགས་ལུང་བསྟན་པ་རྣམས་ད་ལྟའི་སྔགས་པར་ཁས་འཆེ་བ་ཕལ་མོ་ཆེ་ལ་ཤིན་ཏུ་བདོ་བའི་དུས་སུ་སྣང་བས་བདག་ལེགས་
སུ་འདོད་པ་རྣམས་ཀྱིས་བག་ཡོད་པར་བྱོས་ཤིག། ༼པའི་གང་ཟག་དེ་རྣམས་གཟུང་བར་བྱ་བའི་ཕྱིར་དུ། །གསང་བ་འདུས་པའི་དོན་རྒྱས་བཏབ་པ་རྣམས་དགོངས་པ་ལུང་སྟོན་གྱིས་བཤད་པ་ཡིན་ནོ། །ཞེས་བཤད་པ་སྟེ།། ༈ ལེའུ་རེ་རེའི་
4-2-30b


གཞུང་འཆད་ཚུལ་འདིས་བཤད་ཅེས་པ་དང༌། ལེའུ་རེ་རེས་དོན་འདི་སྟོན་ཞེས་པ་འདི་ནི་བསྡུས་པའི་དོན་གཉིས་བསྟན་པ་ཡིན་ནོ།། ༈ དེ་ལྟར་བསྡུས་པའི་དོན་གཉིས་བསྟན་ཟིན་ནས། ད་ནི་གཞུང་སོ་སོའི་ཡན་ལག་སྟེ་ཆ་ཤས་སོ་སོའི་གི་
དོན་རྣམ་པར་དབྱེ་བའི་ཕྱིར་རྒྱུད་ཀྱི་ཚིག་དོན་བཤད་པ་ལ་འཇུག་པར་བྱ་སྟེ།  ༈ འདུས་པ་འདིར་རྒྱུད་སྡུད་པར་བྱེད་པར་དབང་བསྐུར་བ་འཕགས་པ་ཕྱག་ན་རྡོ་རྗེས་སྟོན་པ་ལས་རྒྱུད་ཇི་སྐད་དུ་ཐོས་པ་རྣམས་ཐུགས་ལ་བཞག་ནས་
མ་འོངས་པའི་གདུལ་བྱ་རྣམས་ལ་བསྟན་པར་བྱ་པའི་ཕྱིར། འདི་སྐད་བདག་གིས་ཐོས་པ། ཞེས་བྱ་བ་ལ་སོགས་པ་གསུངས་པ་ཡིན་ཏེ། ༈ འདི་སྐད་ཅེས་བྱ་བ་ནི་འདུས་པའི་རྒྱུད་ཀྱི་དོན་མ་ལུས་པ་འོག་ནས་འབྱུང་བ་འདི་ཁོ་ན་སྐད་དུ་
ཐོས་པར་སྟོན་པའི་ཚིག་གི་ཕྲད་དོ། །བདག་གིས་ཐོས་ཞེས་བྱ་བ་ནི། སྡུད་པ་པོ་བདག་ཉིད་ཀྱིས་སྟོན་པ་ལས་མངོན་སུམ་དུ་ཐོས་ཀྱི་སྟོན་པ་ལས་གཞན་པའི་སློབ་མ་དག་ལས་གཅིག་ནས་གཅིག་ཏུ་བརྒྱུད་པ་མ་ཡིན་པའོ་དང་༼
སམ་བྷུ་ཊ་ལས་འདི་སྐད་ཅེས་བྱ་བའི་ཚིག་གི་ཕྲད་ནི་དེ་སྐད་ཅེས་གསུངས་ནས་ཞེས་བྱ་བའི་མཐར་ཐུག་པའི་རྒྱུད་ཀྱི་ཚོགས་ལ་སྙེགས་སོ། །ཞེས་སོ། ༼ཞེས་བྱ་བ་ནི་ཐོས་པའི་ཤེས་རབ་ཀྱིས་ཐོས་པ་ཡིན་གྱི་དོན་ཐམས་ཅད་མངོན་དུ་གྱུར་པའི་སྒོ་ནས་རྟོགས་པ༽ནི་མ་ཡིན་
པ་སྟེ་སམ་བྷུ་ཊ་ལས་ཀྱང་། བདག་ཉིད་ཀྱི་ཐོས་པའི་ཤེས་རབ་ཀྱིས་ཐོས་པ་ཡིན་གྱི་རྟོགས་པ་ནི་མ་ཡིན་ནོ། །བཅོམ་ལྡན་འདས་རྟོགས་པའི་སྐྱོན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། སྡུད་པར་བྱེད་པ་དང་འཆད་པ་པོ་དག་དབྱེར་མེད་པར་འགྱུར་རོ། །ཞེས་སྟོན་པ་དང༌། སྡུད་
4-2-31a


པ་པོ་རྒྱུད་གཞན་པ་ལྟར་བཤད་པའོ། །དུས་གཅིག་ཅེས་པ་ནི་དུས་གཅིག་གི་ཚེ་ན་འདུས་པ་འདི་ཐོས་ལ་དུས་གཞན་དུ་ནི་རྒྱུད་གཞན་དག་ཐོས་པའོ། །ཡང་ན་ལན་ཅིག་གི་ཚེ་འདི་ཐོས་ཀྱི་དུས་གཞན་དུ་ནི་འདི་མ་ཐོས་པའོ། །ཡང་ན་
དུས་གཅིག་སྟེ། སྐད་ཅིག་མ་གཅིག་ལ་འདི་ཐོས་པའོ། །ཞེས་པ་སྟེ། གསུམ་པོ་འདི་དག་གི་དང་པོས་ནི་སྡུད་པ་པོ་བདག་ཉིད་ཐོས་པ་མང་བ་དང་གཉིས་པས་རྒྱུད་རྙེད་པར་དཀའ་བ་དང་གསུམ་པས་ཤེས་རབ་ཕུལ་དུ་བྱུང་བ་ཡིན་པར་རབ་ཏུ་སྟོན་
ཏོ། །ཁྱོད་ཀྱིས་ཐོས་ན་སྟོན་པ་གང་ལས་ཐོས། གནས་གང་དུ་ཐོས། འཁོར་གང་དང་ལྷན་ཅིག་ཏུ་ཐོས་ཞེས་པ་ལ་རྒྱུད་གླེང་བའི་གཞི་སྟེ་རྒྱུད་འབྱུང་བའི་རྒྱུད་གསུམ་པོ་བསྟན་པའི་ཕྱིར། བཅོམ་ལྡན་འདས་ཞེས་བྱ་བ་ལ་སོགས་པ་སྟོན་པ་དང་གནས་༼
སམ་བྷུ་ཊ་ལས་ཀྱང༌། བཅོམ་ལྡན་འདས་ཀྱིས་གང་ཅུང་ཟད་གསུངས་པ་དེ་བདག་གིས་གཅིག་ན་ཞེས་བྱ་བ་ནི་དུས་ཉིད་ལའོ། །གཅིག་ན་ཞེས་བྱ་བ་ནི། སྐད་ཅིག་མའོ་ཞེས་གསུངས་ཏེ། དུས་ཉིད་ལ་ཞེས་པ་ནི་གཅིག་ནའི་བཤད་པ་སྔ་མ་གཉིས་སོ། །༽དང་འཁོར་གསུངས་ཏེ། བཅོམ་ལྡན་
འདས་ཞེས་པས་ནི་རྒྱུད་ཀྱི་སྟོན་པ་ཕུན་སུམ་ཚོགས་པ་བསྟན་པ་ཡིན་ཏེ། བྷ་ག་ཝན་ཞེས་པའི་བྷ་ག་ནི་སྐལ་བ་དང༌། ཝན་ནི་ལྡན་པ་ཡིན་པས་སྐལ་བ་ཕུན་སུམ་ཚོགས་པ་དྲུག་དང་ལྡན་པ་ཉིད་ཀྱི་ཕྱིར་ན་སྐལ་ལྡན་ཏེ། འདས་ཞེས་པ་ནི་བྷ་ག་ཝན་ཞེས་པའི་འཇིག་རྟེན་པའི་ལྷ་ཆེན་
པོ་རྣམས་ལ་ཡང་འཇུག་པས་དེ་དག་ལས་འདས་པར་བསྟན་པའི་ཕྱིར་དུ་སྔོན་གྱི་ལོ་ཆེན་རྣམས་ཀྱིས་བསྣན་པའོ། །དང༌། ༼སྐལ་བ་དྲུག་ནི་སམ་བྷུ་ཊ་ལས། དབང་ཕྱུག་དང་ནི་གཟུགས་བཟང་དང༌། །དཔལ་དང་གྲགས་དང་ཡེ་ཤེས་དང༌། །བརྩོན་འགྲུས་ཕུན་སུམ་ཚོགས་པ་སྟེ། །དྲུག་པོ་རྣམས་
4-2-31b


ལ་སྐལ་ཞེས་བྱ། །ཞེས་ཕུན་སུམ་ཚོགས་པ་དྲུག་ལ་སྐལ་བར་གསུང་ཞིང་། ལྡན་པའི་དོན་དེ་དྲུག་མངའ་བ་ལ་བཤད་དོ། །དེ་ལ་དང་པོ་ནི་སྒྲིབ་པ་ཐམས་ཅད་སྤངས་ཏེ། གཞན་ལ་རག་མ་ལུས་པའོ། །གཉིས་པ་ནི། དཔེ་མེད་པའི་མཚན་དཔེས་བརྒྱན་པའོ། །གསུམ་པ་ནི་འཁོར་འདས་ཀྱི་ཕུན་ཚོགས་འདོད་པ་རྣམས་ཀྱིས་
བསྟེན་བྱའོ། །བཞི་པ་ནི། ཡོན་ཏན་གྱི་གཞིར་གྱུར་པས་ཕྱོགས་བཅུ་ཀུན་ཏུ་སྙན་པས་ཁྱབ་པའོ། །ལྔ་པ་ནི་ཤེས་བྱ་ཐམས་ཅད་ལ་དུས་ཐམས་ཅད་དུ་ཆགས་ཐོགས་མེད་པར་ཡེ་ཤེས་འཇུག་པའོ། །དྲུག་པ་ནི་སེམས་ཅན་གྱི་དོན་མཛད་པའི་བརྩོན་འགྲུས་སོ། །༽ཡང་བྷ་ག་ལ་ངེས་ཚིག་གིས་ཚུལ་གྱིས་བྷ་ག་
ནི་བཅོམ་པ་སྟེ་མི་མཐུན་པའི་ཕྱོགས་སྒྲིབ་གཉིས་དང་ཉོན་མོངས་པའི་ཀུན་ནས་ཉོན་མོངས་པ་སོགས་གསུམ་དང༌། ཕུང་པོའི་བདུད་སོགས་བཞི་མ་ལུས་པར་བཅོམ་པ་དང་བཅོམ་པ་དེ་འདི་ལ་ལྡན་པས་ན། བཅོམ་ལྡན་འདས་ཏེ་སྟོན་པ་དེ་ལས་ཐོས་སོ། །དེ་བཞིན་གཤེགས་
པ་ཐམས་ཅད་ཅེས་བྱ་བ་ལ་སོགས་པས་ནི་གང་དུ་ཐོས་པའི་གནས་ཕུན་སུམ་ཚོགས་པ་བསྟན་པ་ཡིན་ཏེ། ཡུལ་དེ་བཞིན་ཉིད་ཇི་ལྟ་བ་དེ་བཞིན་དུ་ཡུལ་ཅན་གྱི་ཡེ་ཤེས་གཤེགས་པས་ན་དེ་བཞིན་གཤེགས་པའོ། །དེ་བཞིན་གཤེགས་པ་ཡང་ཡིན་ལ་ཐམས་
ཅད་ཀྱང་ཡིན་པས་ན་དེ་བཞིན་གཤེགས་པ་ཐམས་ཅད་དེ་སྟོན་པ་གཅིག་པུ་དེ་ལ་དེ་བཞིན་གཤེགས་པ་ཐམས་ཅད་ཅེས་ཟེར་བའི་རྒྱུ་མཚན་ནི་བཅོམ་ལྡན་འདས་རྡོ་རྗེ་འཆང་དེ་ཉིད་ནི་དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཡིན་པའི་ཕྱིར་རོ། །དེ་བཞིན་
གཤེགས་པ་ཐམས་ཅད་ཀྱི་བདག་ཉིད་ཡིན་པ་དེ་བས་ན་དེ་བཞིན་གཤེགས་པ་ཐམས་ཅད་ཀྱང་ཡིན་ལ། སྐུ་དང་གསུང་དང་ཐུགས་ཀྱི་སྙིང་པོ་ཡང་ཡིན་པས་ན། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་སྙིང་པོ་སྟེ། རྡོ་རྗེ་འཆང་ཆེན་པོའོ། །
4-2-32a


རྡོ་རྗེ་འཆང་དེའི་རྡོ་རྗེ་བཙུན་མོ་ནི་རྡོ་རྗེ་འཆང་ལ་བདེ་ཆེན་སྟེར་བའི་ཤེས་རབ་ཀྱི་དམིགས་པ་སྟོང་ཉིད་སྟེ། དེ་ཉིད་ལ་དམིགས་པས་ནི་ཉོན་མོངས་པ་བག་ཆགས་དང་བཅས་པ་རྣམས་འཇོམས་པས་ན། བྷ་ག་སྟེ་བཙུན་མོ་དང་བྷ་ག་གཉིས་སྐབས་འདིར་
གཞི་མཐུན་དུ་བསྡུའོ། །དེ་མཚོན་པའི་བྷ་གའི་དབྱིབས་ཅན་གྱི་ཆོས་འབྱུང་དེར་བཞུགས་པ་ནི་བཙུན་མོ་དང་མཉམ་པར་སྦྱོར་བའི་འཁོར་ལོས་སྒྱུར་བའི་ཆ་ལུགས་ཀྱིས་གནས་པར་མཛད་པ་སྟེ་གནས་དེར་ཐོས་སོ། །འདི་ནི་སྔོན་འབྱུང་གི་རྣམ་འཕྲུལ་ལྟར་བཤད་པའོ། །སམ་བྷུ་ཊ་ལས་ཀྱང་། དེ་
བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྣམས་དང༌། དེ་རྣམས་ཀྱི་སྙིང་པོ་དང༌། དེ་ཉིད་ཀྱི་རྡོ་རྗེ་དང༌། དེ་ཉིད་ཀྱི་བཙུན་མོ་དང༌། དེའི་བྷ་ག་དེ་ལ་བཞུགས་སོ། །ཞེས་གསུངས་པས་འདིར་བཤད་པ་བཞིན། དེ་བཞིན་གཤེགས་པ་མན་ཆད་གནས་ཀྱི་ཁྱད་པར་དུ་སྦྱར་རྒྱུ་ཡིན་གྱི། 
བོད་ཁ་ཅིག་དེ་བཀག་ནས་སྟོན་པའི་ཁྱད་པར་ལ་ཡར་སྦྱོར་བ་ནི་དོན་མ་རྟོགས་པའོ། །ཡང་དེ་ཉིད་ལས། གང་གི་ཆོས་ཀྱི་འབྱུང་གནས་ལ་གང་གི་ཚེ་བཅོམ་ལྡན་འདས་བཞུགས་པ་དེའི་ཚེ་བདག་གིས་ཐོས་པའོ། །འདི་ལྟ་སྟེ། ཤེས་རབ་ཀྱི་དབང་གིས་ཉོན་མོངས་པ་དང་ཉེ་བའི་ཉོན་མོངས་པ་འཇོམས་པ་དེའི་ཕྱིར་ཤེས་རབ་
བྷ་གར་གསུངས་ཏེ་ཞེས་གསུངས་སོ་འོ།། ༈ དེ་ཉིད་རྗེས་འཇུག་གི་ཉམས་ལེན་ལྟར་བཤད་ན་འདི་སྐད་དུ་སྟོན་པ་ཡིན་ཏེ། ལྷག་མོས་འོད་གསལ་དུ་བསྡུས་པའི་དེ་བཞིན་ཉིད་དང༌། ཟླ་ཉི་པདྨ་གསུམ་འདྲེས་པ་ལས་བྱུང་བའི་ཟླ་བའི་དཀྱིལ་འཁོར་དང་། 
ས་བོན་ཡི་གེ་འབྲུ་གསུམ་དང་སྐབས་གང་ཡིན་གྱི་ཕྱག་མཚན་དང་སྐབས་གང་ཡིན་གྱི་སྐུ་རྫོགས་པ་ལས་བྱང་ཆུབ་པ་ལྔའི་རིམ་གྱིས་བྱུང་ནས། བཅོམ་ལྡན་འདས་ཟླ་བའི་དཀྱིལ་འཁོར་གྱི་སྟེང་ན་རྒྱུད་དང་སྒྲུབ་ཐབས་ལས་ཇི་སྐད་དུ་བཤད་པའི་གཞལ་
4-2-32b


ཡས་ཁང་གི་ནང་ན་བཞུགས་པའོ་ཞེས་བྱ་བའི་རྣལ་འབྱོར་དང་རྗེས་སུ་རྣལ་འབྱོར་གཉིས་བསྟན་པ་ནི་ཡི་གེའི་དོན་ཏེ་ཚིག་གི་དོན་གྱི་ཐོབ་ཚོད་བཤད་པའོ་ཏོ། །ཚོགས་པ་ལ་ཏེ་ཐུན་མོང་དུ་བཤད་པར་བྱ་བའོ།། ༈ ད་ནི་སྟོན་པ་དང་སྡུད་པ་པོ་རྒྱུད་གཅིག་ཏུ་བསྟན་
ནས་སྤྱིའི་དོན་བཤད་པ་ནི། གླེང་གཞིའི་སྐབས་འདིར་སློབ་མས་སློབ་དཔོན་ལ་གསོལ་བ། དགོས་པའམ་དགོངས་པ་གང་གིས་ན་བཀའ་སྡུད་པར་༼དེ་ལྟར་ཡིག་དོན་གྱི་སྒོ་ནས་སྟོན་པ་དང༌། སྡུད་པ་པོ་རྒྱུད་ཐ་དད་པའི་ཚུལ་དུ་བཤད་པ་འདི་ནི་ཁ་སྦྱོར་གྱི་རྒྱུད་དང་མཐུན་ནོ། །
༼བྱེད་པས་དེ་བཞིན་གཤེགས་པ་ཐམས་ཅད་ཀྱི་གསུང་རབ་བསྡུས་པ་རྣམས་ལ་འདི་སྐད་བདག་གིས་ཏེ་ཨེ་ཝཾ་མ་ཡ་ཞེས་པ་ཁོ་ན་སྟོན་པར་བྱེད། ཅི་ཞིག་དགོས་ཏེ་མི་དགོས་ཏེ། ཨི་དཾ་མ་ཡ་འདི་དག་བདག་གིས་ཞེའམ་ཨི་ཡཾ་མ་ཡ་འདི་
བདག་གིས་ཞེས་བྱ་བ་དང་ལ་སྩོགས་པ་ཨ་ཡཾ་མ་ཡ་ཞེས་པས་ཀྱང་སྟོན་པ་ལས་ཆོས་འདི་བདག་གིས་ཐོས་ཞེས་པའི་དོན་སྟོན་པར་ནུས་པ་ཉིད་ཡིན་པའི་ཕྱིར་རོ་ཞེ་ན་ནོ།། ༈ དེའི་ལན་སྨྲས་པ་དང་པོར་ཨེ་ཝཾ་སྟོན་པ་ནི་དེ་བཞིན་གཤེགས་པ་
ཐམས་ཅད་ཀྱི་བརྡར་གྱུར་པ་སྟེ་སངས་རྒྱས་ཉིད་ཀྱིས་ཡི་གེ་དེ་གཉིས་ཀྱི་བརྡ་ཐོག་མར་མཛད་པ་ཡིན་ལ། དེ་ཡང་དེ་གཉིས་ཀྱིས་ཤེས་རབ་དང་ཐབས་སྟོན་པ་སྟེ་མཚོན་པར་བྱེད་པ་ཉིད་ཀྱིས་ནའོ། །དེའི་དོན་ནི་ཨེ་ཝཾ་གྱིས་ཐབས་ཤེས་ཁྱད་པར་ཅན་མཚོན་པ་འདྲ་བ། 
ཨི་དཾ་སོགས་ལ་མེད་ཅེས་པའོ། །གསུང་རབ་ཀྱི་དང་པོར་བདག་གིས་ཐོས་པ་ཞེས་སོགས་སྟོན་པ་ན་ཨེ་ཝཾ་ཉིད་ངེས་པར་བརྗོད་དགོས་ཀྱི་ཨི་དཾ་སོགས་མི་བརྗོད་དོ་སོ།། ༈ སློབ་མས་གསོལ་བ། གལ་ཏེ་ཐོག་མར་སྨོས་པའི། ཨེ་ཝཾ་དེ་བཞིན་གཤེགས་
4-2-33a


པའི་བརྡ་ཡིན་པ་དེ་ལྟ་ན་ནི་འདི་སྐད་སོགས་སྨྲ་བ་པོ་སྟོན་པ་ཉིད་ཡིན་པས་འདི་སྐད་སོགས་རྒྱུད་སྡུད་པར་བྱེད་པའི་ཚིག་མིན་མེད་པར་ཤེས་པར་བྱའོ། །སྡུད་པ་པོའི་ཚིག་མིན་པ་དེས་ན་བདག་གིས་ཐོས་ཞེས་བྱ་བ་ལ་སོགས་པ་ལ། 
འདི་ལ་འདིས་ཐོས་ཞེས་པའི་ཚིག་འབྲེལ་བ་མེད་པར་འགྱུར་རོ་ཞེ་ན།། ༈ དེའི་ལན་༼སྡུད་པར་བྱེད་པའི་མིན་པར་ཤེས་པར་བྱ་སྟེ་ཟེར། ༽སྨྲས་པ་དེ་ནི་བདེན་ཏེ་འདིར་སྡུད་པར་བྱེད་པ་ནི་མེད་དོ། །༼ཞེས་པའི་དོན་འདྲི་བ་པོས་སྟོན་པ་དང་སྡུད་པ་པོ་གཉིས་
རྒྱུད་ཐ་དད་དུ་བཟུང་ནས་། ཐོག་མའི་ཨེ་ཝཾ་སངས་རྒྱས་ཀྱི་གསུང་ཡིན་ན། སངས་རྒྱས་ལས་རྒྱུད་ཐ་དད་པའི་སྡུད་པ་པོའི་ཚིག་མ་ཡིན་པར་འགྱུར་རོ་ཞེས་པ་དེ་ནི་བདེན་ཏེ། འདུས་པ་འདིར་སངས་རྒྱས་ལས་རྒྱུད་ཐ་དད་པའི་རྒྱུད་སྡུད་པར་བྱེད་པ་ནི་མེད་དོ་ཞེས་པའོ། །སཾ་བྷུ་ཊ་ལས་ཀྱང༌། ཡང་ན་རྟོགས་པ་ཉིད་ནི་
གདུལ་བྱའི་སྐྱེ་བོའི་དབང་དུ་མཛད་ནས་འཆད་པ་པོ་ཉིད། སྡུད་པར་བྱེད་པ་ཡིན་ཏེ། ཞེས་ཡང་ན་རྒྱུད་དོན་ཐམས་ཅད་མངོན་གྱུར་དུ་རྟོགས་པ་དང་འཆད་པ་པོ་ཉིད་ཀྱིས་སྡུད་པ་པོ་གདུལ་བྱའི་དོན་དུ་སྤྲུལ་བར་བཤད་དོ། །དེས་ན་སྡུད་པ་པོ་མཚན་ཉིད་པ་མེད་པར་འདོད་པ་མི་འཐད་དོ། །དེ་ལྟ་ན་འཁོར་མཚན་ཉིད་
པ་ཡང་མེད་པར་འགྱུར་བས་རྒྱུད་སྟོན་པ་པོ་ཡང་མཚན་ཉིད་པ་མེད་པར་འགྱུར་བ་དང༌། སྟོན་པའི་གསུང་དང་སྡུད་པ་པོའི་གསུང་གི་རྣམ་དབྱེ་མཛད་པ་ཡང་མི་འཐད་པར་འགྱུར་བའི་ཕྱིར་རོ། །གཞན་ཡང་མདོ་སྡེའི་ཕྱོགས་ནས་བཅོམ་ལྡན་འདས་མྱ་ངན་ལས་འདས་པའི་རྗེས་སུ་སྡེ་སྣོད་གསུམ་གྱི་བསྡུ་བ་
མཛད་པར་གསུངས་པ་བཞིན་དུ། འདུས་པ་སོགས་ལ་ཡང་དེ་ལྟར་འདོད་པ་ནི་ཤིན་ཏུ་མི་རིགས་ཏེ། དེ་ལྟ་ཡིན་ན་དགོངས་པ་ལུང་སྟོན་དང་རྡོ་རྗེ་འཕྲེང་བ་སོགས་བཀའ་བསྡུ་བ་པོས་བསྡུས་ཟིན་པའི་རྒྱུད་རྣམས་ལས་སྟོན་པ་ཉིད་ཀྱིས་གླེང་གཞིའི་བཤད་པ་སོགས་མཛད་པ་མི་རིགས་པའི་ཕྱིར་རོ། ། 
4-2-33b


༈ སློབ་མས་གསོལ་བ་སྟོན་པ་ལས་སྡུད་པ་པོ་རྒྱུད་ཐ་དད་པ་མེད་པ་འོ་ན་བཙུན་པ་ཀུན་དགའ་བོ་དང་ལ་སོགས་པས་ཕྱག་ན་རྡོ་རྗེ་དང་རྒྱུད་ཐ་དད་པའི་སྡུད་པར་བྱེད་པར་ཅིའི་ཕྱིར་འཇིག་རྟེན་དུ་གྲགས་ཤེ་ན།། ༈ ལན་སྨྲས་
པ་ཀུན་དགའ་བོ་ནི་བླ་མེད་ཀྱི་ཐེག་པ་འདིར་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་སྟེ། སྡུད་པ་པོ་ཕྱག་ན་རྡོ་རྗེ་ཡིན་ལ། སྟོན་པ་རྡོ་རྗེ་འཆང་ཆེན་པོ་ཡང་ཕྱག་རྡོར་དེ་ཉིད་ལས་རྒྱུད་གཞན་མ་ཡིན་ཏེ། གཞན་དུ་ཀུན་དགའ་བོ་ཉན་ཐོས་
དང་། ཕྱག་རྡོར་བྱང་སེམས་སློབ་པ་ཡིན་ན་མདོ་སྡེ་ལ་སོགས་པ་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་པོ་འདི་དག་དང་རྡོ་རྗེ་ཐེག་པའི་གསུང་རབ་རྣམས་དེ་བཞིན་གཤེགས་པ་ལས་ཕྱག་ན་རྡོ་རྗེས་ཐོས་ནས། ལྷག་ཆད་མེད་པར་ལན་གཅིག་གིས་འཛིན་པར་ག་ལ་ནུས་
སྒྲུབ་བྱེད་དེར་མ་ཟད་བཅོམ་ལྡན་འདས་ཀྱིས་ཀྱང་དོན་འདི་ཉིད་ཐུན་མོང་མ་ཡིན་པའི་གསང་བ་ཞེས་བྱ་བ་རྣལ་འབྱོར་ཆེན་པོའི་རྒྱུད་ལས་གསུངས་ཏེ། དེ་ནས་གཞན་ཡང་ཐམས་ཅད་མཁྱེན་པའི་འཁོར་ཕུན་སུམ་ཚོགས་པ་བཤད་པར་བྱའོ། །འདི་ལྟ་སྟེ། 
འཇམ་དཔལ་ནི་རྒྱལ་པོ་ཆེན་པོ་ཟས་གཙང་མར་གྱུར་ཏོ། །འཇིག་རྟེན་དབང་ཕྱུག་ནི་ལྷ་མོ་ཆེན་མོ་སྒྱུ་འཕྲུལ་དུ་གྱུར་ཏོ། །སྟོན་པ་རྡོ་རྗེ་འཆང་ཆེན་པོའི་ཡུམ་དཔལ་ལྷ་མོ་ནི་གྲགས་འཛིན་ནོ། །རྡོ་རྗེ་སེམས་དཔའ་སྟེ་མི་བསྐྱོད་པ་ནི་སྒྲ་གཅན་འཛིན་ནོ། །
སྒྲིབ་པ་ཐམས་ཅད་རྣམ་པར་སེལ་བ་ནི་ཤཱ་རིའི་བུའོ། །ཀུན་ཏུ་བཟང་པོ་ནི་གནས་བརྟན་ཀུན་དགའ་བོར་གྱུར་ཏོ། །ལྷའི་དབང་པོ་བརྒྱ་བྱིན་ནི་གནས་བརྟན་ལྷ་བྱིན་ནོ། །རྣམ་པར་སྣང་མཛད་ཆེན་པོ་སྟེ་རྡོ་རྗེ་འཆང་ནི་ཡང་དག་པར་རྫོགས་པའི་སངས་རྒྱས་དཔལ་
4-2-34a


ཤཱཀྱ་ཐུབ་པར་གྱུར་ཏོ།། ༈ ལུང་ལས་གསུངས་པའི་རིགས་པ་སྟེ་གཏན་ཚིགས་འདིས་ན་སྡུད་པར་བྱེད་པ་ཞེས་བྱ་བ་དང༌། འཁོར་ཞེས་བྱ་བ་རྒྱུད་ཐ་དད་པར་བསྟན་པ་ནི་ལས་དང་པོ་པའི་སེམས་ཅན་རྣམས་ཆོས་ལ་
ཡིད་ཆེས་ནས་ལམ་ལ་འཇུག་པར་བྱ་བའི་ཕྱིར་དུ། སངས་རྒྱས་ཀྱིས་རོལ་མོ་སྟེ་ཟློས་གར་འདི་བསྟན་པ་ཡིན་ནོ། །སངས་རྒྱས་ཀྱི་སྤྲུལ་པ་ཇི་ལྟར་བསྟན་པ་དེ་ལྟར་དོན་ལ་མེད་ཀྱང་དགོས་པའི་དབང་གིས་དེ་ལྟར་སྟོན་པའི་ཁུངས་འདིར་གསུངས་པ། སངས་
རྒྱས་མར་མེ་ཤི་བ་ལྟར་མྱ་ངན་ལས་མི་འདའ་༼རོལ་མོ་དང་ཟློས་གར་གཉིས་ལ་སྐད་དོད་ཐུན་མོང་བ་ཡོད་ཀྱང༌། འདིར་ཟློས་གར་ལ་བསྒྱུར་བ་ལེགས་ཏེ། ཟློས་གར་མཁན་གཅིག་ཉིད་ཆ་ལུགས་སྣ་ཚོགས་སུ་བསྒྱུར་བ་བཞིན་དུའོ། །༽ཞིང་། །དམ་པའི་ཆོས་ཀྱང་རྒྱུན་
ཆད་ནས་ནུབ་པར་མི་འགྱུར་ཏེ། །ཞིང་ཁམས་གཅིག་ཏུ་དེ་ལྟར་བསྟན་ཀྱང་ཞིང་གཞན་དུ་མར་སངས་རྒྱས་ཀྱི་མཛད་པ་མཐའ་ཡས་པ་སྟོན་པའི་ཕྱིར་རོ། །དེ་ལྟ་ན་ཡང་ཡིད་སྐྱོ་བ་ཆུང་བའི་སེམས་ཅན་རྣམས་ནི་མཛད་པ་དེ་བསྟན་པས་གདུལ་བར་བྱ་བའི་ཕྱིར། །དུ་མྱ་
ངན་ལས་འདས་པ་དང་ཆོས་ནུབ་པར་འགྱུར་བ་ཉེ་བར་སྟོན། ནོ། །ཞེས་གསེར་འོད་དམ་པ་ལས་གསུངས་པའོ།། ༈ བདག་གིས་ཐོས་པ་སོགས་ཀྱི་གླེང་གཞི་སྟོན་པ་ན། ཨེ་ཝཾ་ཞེས་ངེས་པ་ཅན་དུ་སངས་རྒྱས་ཉིད་ཀྱིས་གསུངས་པ་དེ་བས་ན་འདི་སྐད་
དེ་ཨེ་ཝཾ་ཅེས་བྱ་བའི་ཡི་གེ་གཉིས་ནི་ཤེས་རབ་དང་ཐབས་ཁྱད་པར་ཅན་གྱི་བདག་ཉིད་མཚོན་པ་ཡིན་པར་ངེས་ཏེ་དེ་ལྟ་མ་ཡིན་ན་སྟོན་པ་ལས་ཆོས་འདི་ཐོས་ཞེས་པའི་དོན་ནི་ཨི་དཾ་སོགས་ཀྱིས་ཀྱང་སྟོན་པར་ནུས་པས། ཨེ་ཝཾ་ཁོ་ན་སྨོས་པར་མི་རིགས་པའི་ཕྱིར་རོ་
4-2-34b


སོ།། ༈ ཡི་གེ་གཉིས་ཀྱིས་ཐབས་ཤེས་མཚོན་པ་དང༌། དང་པོར་བསྟན་དགོས་པ་དང༌། སངས་རྒྱས་རྣམས་ཀྱི་བརྡ་ཡིན་པ་དེ་དག་ཀྱང་རྒྱུ་མཚན་གང་ལས་ཤེས་ཞེ་ན། སྨྲས་པ། བཅོམ་ལྡན་འདས་ཉིད་ཀྱིས་འདུས་པའི་བཤད་རྒྱུད་ལྷའི་དབང་པོས་
ཞུས་པ་ཞེས་བྱ་བ་ལས་གསུངས་ཏེ།། ༈ བརྒྱ་བྱིན་གྱིས་གསོལ་བ། ཅི་འདྲ་ཞིག་མཚོན་པའི་ཕྱིར་འདི་སྐད་ཅེས་བྱ་བ་སྟེ་ཨེ་ཝཾ་གྱི་ཡི་གེ་འདི། །གསུངས་པ་དང༌། རྒྱུ་མཚན་གང་གི་ཕྱིར་གསུང་རབ་ཀྱི་དང་པོར་རབ་ཏུ་སྦྱར། །བ་དང༌། ཨེ་ཝཾ་
འདི་ཅི་བདེ་བར་གཤེགས་པའི་གསུང་ཡིན་ནམ། །འོན་ཏེ་དེ་ལས་རྒྱུད་ཐ་དད་པའི་ཉན་ཐོས་ཀྱིས་ཏེ་སྡུད་པ་པོས་བཤད་པ་ཡིན་ནམ་ཅི། །བདག་གི་སོམ་ཉི་གསུམ་པོ་འདི་དག་ཀུན། །སྲིད་པ་ཟད་པའི་མཐར་ཕྱིན་པ་ཁྱེད་ཀྱིས་བསལ་དུ་
གསོལ། །ཞེས་ཞུས་སོ།། ༈ དམ་པའི་ཆོས་ཀྱི་ཕྱག་རྒྱ་ཨེ་ཝཾ་གྱི་ཡོན་ཏན་ཏེ་ཆེ་བ་སྨྲ་བ་ཡི་སངས་རྒྱས་ཀྱིས། །ལྷ་ཡི་དབང་པོས་ཞུས་པའི་ཚིག་གསན་ནས། །དེ་ནས་ལེགས་སོ་ཞེས་བྱིན་ཏེ། །བཅོམ་ལྡན་འདས་ཀྱིས་འདི་སྐད་
གསུངས། །བརྗོད་བྱ་གང་མཚོན་པ་དང༌། རྒྱུ་མཚན་གང་གི་ཕྱིར་ཤེས་བྱ་ཐམས་༼འགྱུར་རྙིང་གི་དཔེ་ཁ་ཅིག་ལས་སྨྲ་བ་ཡི། ཞེས་འབྱུང་ཡང་། དཔེ་ཁ་ཅིག་ལས་ཡིས་ཞེས་པ་དང༌། དམ་ཆོས་ཡོན་ཏན་སྨྲས་གསན་ནས་ཞེས་བསྒྱུར་བ་ལྟར་བྱའོ། །༽ཅད་གཟིགས་པ་
ཡིས། །གསུང་རབ་ཀྱི་དང་པོར་འདི་སྐད་ཅེས་ཏེ་ཨེ་ཝཾ་གསུངས་པ། །དེ་ནི་གོ་རིམ་ཇི་བཞིན་དུ། །བཤད་པར་བྱ་ཡི། ལྷ་ཡི་དབང་པོས་མཉན་པར་གྱིས། །ཤིག་ཅེས་གསུངས་ཏེ། ཐམས་ཅད་གཟིགས་པ་ཡིས་གསུངས། ཞེས་པས་དྲི་བ་གསུམ་པའི་ལན་བསྟན་ནོ། །
4-2-35a


༈ ཆོས་ཀྱི་ཕུང་པོ་བརྒྱད་ཁྲི་དང༌། །བཞི་སྟོང་གི་ནི་གྲངས་ཇི་སྙེད་པ་དེ་སྙེད་ཀྱི། །གསུང་རབ་ཀུན་གྱི་གཞི་ནི་དང་ཕ་མས་བུ་ཚ་བསྐྱེད་པ་ནི། །ཡི་གེ་གཉིས་སུ་ཇི་ལྟ་བ་དེ་བཞིན་དུའོ་བསྟན། །ནོ་ཇི་ལྟར་ཞེ་ན། ཕ་མ་བཞིན་དུ་
གཞིར་འགྱུར་ཚུལ་ནི་ཡི་གེ་ཨེ་ནི་མདང་འདྲ་བར་གྱུར་པ་ཡིན་ལ། །དེས་ནི་ཤེས་རབ་ཀྱི་ཡི་གེ་དབྱངས་བཅུ་དྲུག་མཚོན་ནོ། །ཡི་གེ་ཝ་ནི་ཕ་དང་འདྲ་བ་ཞེས་བྱ་བར་གྲགས། །ལ་དེས་ནི་ཐབས་ཀྱི་ཡི་གེ་གསལ་བྱེད་སོ་གསུམ་མཚོན་ནོ། །ཝ་ཡི་ཐིག་ལེ་ནི་དབྱངས་གསལ་
དེར་ནི་སྟེ་དེ་དག་མཉམ་པར་སྦྱོར་བར་འགྱུར་བ་མཚོན་པ་སྟེ། །སྦྱོར་ཚུལ་དེ་ནི་ཤིན་ཏུ་རྨད་དུ་བྱུང་བ་སྟེ་ངོ་མཚར་བའོ། །༼ཞེས་པ་ནི་དཔེར་ན། མས་བུའི་རིགས་མི་འདྲ་བ་དུ་མའི་ཐུན་མོང་གི་རྐྱེན་བྱེད་ལ། ཕ་ཡིས་བུའི་རིགས་ཐུན་མོང་མིན་པའི་རྒྱུ་བྱེད་
པ་དང༌། ཕ་མ་གཉིས་སྙོམས་པར་ཞུགས་པ་ལས་བུའི་ལུས་སྐྱེད་པར་བྱེད་པ་དེ་བཞིན་དུ། དབྱངས་ཡིག་རྣམས་གསལ་བྱེད་སོ་སོའི་སྲོག་ཏུ་ཞུགས་པས་ཐུན་མོང་གི་རྐྱེན་བྱེད། གསལ་བྱེད་ཀྱིས་ཐུན་མོང་མ་ཡིན་པའི་རྐྱེན་བྱེད། དབྱངས་གསལ་ཕན་ཚུན་སྦྱར་བ་ལས་མིང་ཚིག་དང༌།
ངག་གི་ཚོགས་རྣམས་རིམ་གྱིས་བྱུང་སྟེ་གསུང་རབ་འགྲུབ་པའོ། །ཡང་ཡི་གེ་གཉིས་བརྗོད་བྱ་ལ་སྦྱར་ན། རིམ་པ་བཞིན་དུ། དོན་དམ་ཤེས་རབ་དང༌། ཀུན་རྫོབ་ཐབས་ཀྱི་ཕྱོགས་གཉིས་དང་། ཐིག་ལེ་ནི་དེ་ཉིད་ཟུང་དུ་འབྲེལ་བར་སྦྱོར་བས་རྨད་དུ་བྱུང་བ་སྟེ། དེ་གཉིས་ནི་སྔགས་དང་ཕར་
ཕྱིན་གྱི་ཐེག་པ་གཉིས་ཀའི་ཐུན་མོང་བའི་སྤྱི་དོན་ནོ།། ༈ ཡང་ཨེ་གྲུ་གསུམ་ནི་དེ་དང་དབྱིབས་མཐུན་པ་འདུ་བྱས་པའི་རིག་མའི་པདྨ་ཞེས་བཤད་ལ། ཝ་ཡིག་ཟླུམ་པོ་ནི་དེ་དང་དབྱིབས་མཐུན་པ་གཙོ་བོའི་ང་རྒྱལ་འཆང་བའི་ཡབ་ཀྱི་རྡོ་རྗེའི་ནོར་
4-2-35b


བུ་ཉིད་ཡིན་ནོ། །ཝ་ཡི་ཐིག་ལེ་ནི་རྡོ་རྗེ་དང་པདྨ་སྦྱར་བ་དེར་ནི་བྱུང་བའི་ས་བོན་ཏེ། །གཞི་ལ་སྦྱར་ན་ས་བོན་དེ་ལས་འགྲོ་བ་རབ་འབྲིང་ཐ་མ་གསུམ་པོ་རྣམས་སྐྱེ། །ལ། བསྐྱེད་རིམ་ལ་སྦྱར་ན་གཤེགས་པ་དང་སེམས་དཔའ་དང་ཁྲོ་བོ་རྣམ་པ་གསུམ་སྐྱེའོ། ། 
༈ ཡང་ཨེ་ཡིག་གྲུ་གསུམ་གྱིས་ནི་རྣམ་ཐར་སྒོ་གསུམ་གྱི་ངོ་བོར་གྱུར་པའི་དེ་བཞིན་ཉིད་རྟོགས་པའི་ཤེས་རབ་ཉིད་དུ་གྱུར་པ་སྟེ་ཤེས་རབ་མཚོན་ལ། །ཝ་ནི་རབ་ཏུ་སྟེ་མཆོག་ཏུ་དགའ་བའི་དགའ་བ་རྣམས་ཀྱི་བདག་པོ་སྟེ་གཙོ་བོ་ལྷན་
ཅིག་སྐྱེས་པའི་དགའ་བ་མཚོན་ནོ་འོ། །ཝ་ཡི་ཐིག་ལེ་ནི་བདེ་སྟོང་དེ་གཉིས་མི་ཤིགས་པ་སྟེ་མི་ཕྱེད་པར་སྦྱོར་བའི་དེ་ཉིད་དེ། །ལམ་དེ་གོམས་པར་བྱས་པ་ལས་ཆོས་ཕུང་བརྒྱད་ཁྲི་བཞི་སྟོང་གི་ཡི་གེ་རྣམས་ཉིད་ཀྱང་སྐྱེ། །བ་སྟེ་དེ་རྣམས་ཀྱི་ཆོས་ཀྱི་
འཁོར་ལོ་བསྐོར་བར་འགྱུར་རོ། །རྡོ་རྗེ་དང་པདྨ་མཉམ་པར་སྦྱོར་བ་དང༌། དེ་ལ་བརྟེན་ནས་བདེ་སྟོང་སྦྱོར་བ་དེ་ནི་རིམ་པ་གཉིས་ཀའི་ཐུན་མོང་བ་ཡིན་པས་སྤྱི་དོན་ནོ། །དེས་ནི་བརྗོད་བྱ་གང་མཚོན་པའི་ཕྱིར་དུ་། ཡི་གེ་གཉིས་གསུངས་ཞེས་དྲིས་པའི་ལན་བསྟན་ནོ།། ༈ ཆོས་ཕུང་བརྒྱད་ཁྲི་
བཞི་སྟོང་གི་དོན་ལ་རྒྱས་འདེབས་པའི་ཆོས་ཀྱི་ཕྱག་རྒྱ་ཡི་གེ་གཉིས། །པོའི་དེ་ཁོ་ན་ཉིད་ཤེས་པ་སྔར་བཤད་པ་ལྟར་གང་གིས་ཤེས། །པ་དེ་ནི་རིང་པོར་མི་ཐོགས་པར་སེམས་ཅན་ཐམས་ཅད་ལ། །ཆོས་ཀྱི་འཁོར་ལོ་སྐོར་བར་བྱེད་པའི་སངས་
རྒྱས་སུ་འགྱུར། །རོ། །འགྲོ་བ་སྟེ་གདུལ་བྱ་གང་གིས་ཡི་གེ་གཉིས། །ཀྱི་དེ་ཉིད་མི་ཤེས་པར་རྟག་ཏུ་འདོན་པ་དག། དེ་ནི་སངས་རྒྱས་ཀྱིས་གསུངས་པའི་བླ་མེད་ཀྱི་ཆོས་རྣམས་ལས། །ཕྱི་རོལ་ཏུ་གྱུར་པ་ཡིན་ཏེ་ཐབས་ཤེས་དབྱེར་མེད་དུ་སྦྱོར་
4-2-36a


བ་སྤངས་པའི་དཀའ་ཐུབ་པ་ཕྱི་པའི་དྲང་སྲོང་བཞིན། །ནོ།། ༈ གང་གི་ཕྱིར་ཨེ་ཝཾ་གྱི་ཡིག་གེ་གཉིས་ཀྱི་དོན། དག་པའི་སྒྱུ་མ་ཟུང་འཇུག་ལ། །རྒྱུད་ཀྱི་སྟོན་པ་ཐམས་ཅད་མཁྱེན་པ་འབྲས་བུའི་སྐབས་
འདིར་བཞུགས་པས། །༼ནོར་ལྡན་ལོངས་སྤྱོད་སྤངས་པ་བཞིན། །ཞེས་པ་ལྟར་ན་ནོར་དང་ལྡན་ཡང་རང་གིས་ལོངས་སྤྱོད་པ་སྤངས་པ་བཞིན་ཞེས་པའོ།། ༼དམ་ཆོས་བསྟན་པའི་ཐོག་མར་ནི། །ཨི་དཾ་སོགས་མ་བརྗོད་པར་ཨེ་ཝཾ་ཁོ་ན་དེ་འི་ཕྱིར་རབ་ཏུ་བཤད་
དོ། །༼སྔར་བཤད་པ་རྣམས་ཀྱི་དོན་བསྡུ་ན། ཆོས་ཀྱི་ཕུང་པོ་ཞེས་པ་ནས། རྨད་དུ་བྱུང་བའོ་ཞེས་པས་གསུང་རབ་ཀུན་ཡི་གེ་གཉིས་ལས་འགྲུབ་པ་དང༌། དེ་ཀུན་གྱི་བརྗོད་བྱ་ཡི་གེ་གཉིས་ཀྱི་དོན་དུ་འདུ་བར་བསྟན་པས། ཨེ་ཝཾ་གྱིས་གསུང་རབ་ཀྱི་ཚིག་དོན་ཐམས་ཅད་ལ་རྒྱས་འདེབས་པར་བསྟན་
ཏེ་ཐུན་མོང་བའོ། །དེ་ནས་ཨེ་ནི་པདྨ་ཞེས་པ་ནས། ཡི་གེ་ཉིད་ཀྱང་སྐྱེ་ཞེས་པའི་བར་གྱི་ཚིགས་བཅད་དང་པོས་འདྲེན་བྱེད་རྟགས་ཀྱི་ཨེ་ཝཾ་དང་། དེ་གཉིས་སྦྱར་བས་བདེ་ཆེན་འདྲེན་ཚུལ་བསྟན་ནོ། །ཚིགས་བཅད་གཉིས་པས་རྟགས་ཀྱི་ཨེ་ཝཾ་སྦྱར་བས་དྲངས་པའི་ལམ་གྱི་ཨེ་ཝཾ་བདེ་སྟོང་སྦྱོར་བ་
བསྟན། དེ་ནས། ཨེ་ཝཾ་ཡིག་གཉིས་སྒྱུ་མ་ལ། །ཞེས་པ་གཉིས་ཀྱིས་འཐོབ་བྱ་འབྲས་བུའི་ཨེ་ཝཾ་སྟོན་ཏེ། གང་ལ་བརྟེན་ནས་དེ་ཁོ་ན་ཉིད་འཚོལ་བའི་གསུང་རབ་ཀྱང་ཨེ་ཝཾ། དེའི་དོན་གོ་རྒྱུ་ཡང་ཨེ་ཝཾ། གོ་བ་ལ་བརྟེན་ནས་བསྐྱེད་པར་བྱ་བའི་ལམ་ཡང་ཨེ་ཝཾ། ལམ་བསྒོམས་པས་
འཐོབ་པར་བྱ་བའི་འབྲས་བུ་ཡང་ཨེ་ཝཾ་དུ་འདུས་པས་ན། ཨི་དམ་སོགས་ཀྱིས་མཚོན་པར་མི་ནུས་པའི་ཐབས་ཤེས་ཁྱད་པར་ཅན་རྣམས། ཨེ་ཝཾ་གྱིས་མཚོན་ནུས་པའི་རྒྱུ་མཚན་གྱིས། གསུང་རབ་ཀྱི་དང་པོར་བདག་གིས་ཐོས་པ་སོགས་བརྗོད་པ་ན། ཨི་དམ་སོགས་མ་སྨོས་
4-2-36b


པར། ཨེ་ཝཾ་ཉིད་སྨོས་པ་འདི་ལྟར་རྟོགས་ན་ཤིན་ཏུ་ངོ་མཚར་བ་སྐྱེད་པར་བྱེད་དོ།། ༈ ཐབས་ཤེས་ཁྱད་པར་ཅན་རྣམས་ཨེ་ཝཾ་གྱིས་ལེགས་པར་མཚོན་པ་དེ་བས་ན་བརྒྱ་བྱིན་ལྷ་ཡི་བདག། པོ་ཞེས་བོས་ནས། ཁྱོད་གལ་ཏེ་རྟག་པ་སྟེ། གང་ཐོབ་ན་སླར་མི་ལྡོག་
པའི་གནས་ཏེ་གོ་འཕང་མཐར་ཐུག་པ་དེ་ཐོབ་པར་འདོད་ན། །ཡིག་གེ་གཉིས་ཀྱིས་མཚོན་པའི་དོན་རིམ་པ་བཞིན་དུ་བདེ་བ་ཆེན་པོ་འོད་གསལ་གྱི་ཡེ་ཤེས་དང་། དག་པའི་སྒྱུ་མ་འཇའ་ལུས་ཀྱི་སྐུ་གཉིས་མི་ཕྱེད་པར་སྦྱོར་བ་དྲན་པར་བྱ་ཞིང་། །ཆོས་ཕུང་ཇི་སྙེད་གསུངས་པ་ཐམས་
ཅད་ཀྱི་གནད་མཐར་ཐུག་པ་དམ་པའི་ཆོས་ཨེ་ཝཾ་གྱི་དོན་ལ་ཨུད་ཏ་ར་བླ་མ་དང་ཕྱི་མ་དང་མཆོག་ལ་འཇུག་པ་ལས། འདིར་མཆོག་ལ་བྱས་ན་ལེགས་པས། བླ་མར་ཏེ་མཆོག་ཏུ་ཤེས་པར་གྱིས། །ལ་དེའི་དོན་ཉམས་སུ་ལེན་པ་ལ་འབད་པར་གྱིས་ཤིག་ཅེས་པའོ། །༼འདུས་པའི་ཕྱོགས་
མཐུན་གྱི་རྒྱུད་རྡོ་རྗེ་སྙིང་པོ་རྒྱན་ལས་ཀྱང༌། ལྷ་མོ་ལས་བྱུང་བདེ་དང་ལྡན། །འཇའ་ཚོན་ལྟར་གསལ་རྒྱུད་དག་པ། །སྣང་བའི་སྐུ་དེ་མི་ཤིགས་པ། །རྡོ་རྗེ་ང་ཡིས་ཡང་དག་བསྒྲགས། །ཞེས་དང༌། ཆོས་ཀྱི་ཕུང་པོ་བརྒྱད་ཁྲི་དང༌། །བཞི་སྟོང་གི་ནི་གྲངས་སྙེད་ཀྱི། །མཚན་གྱི་དོན་ནི་འདི་དོན་དུ། །ཡང་དག་འདུས་པར་
ངས་བཤད་དོ། །གཞན་དུ་དོན་ནི་མ་བསྒྲགས་པར། །བླ་མ་ལ་ནི་གུས་པ་ཡིས། །སློབ་མ་ལ་ནི་མ་གཏོགས་པ། །རྒྱུད་གཞན་དག་ཏུ་སྦས་པའོ། །དོན་འདི་ཡང་དག་མ་ཤེས་ན། །ཇི་སྙེད་དོན་ནི་བསམ་ཡས་པ། །ཤེས་ཀྱང་དེ་ཡི་འབྲས་བུ་མེད། །དེ་འདོད་མཉེས་བྱས་ཡང་དག་བླང༌། །ཞེས་གསུངས་སོ། །དེ་ལ་མི་
ཤིགས་པ་ནི་མི་ཕྱེད་པ་སྟེ་རྡོ་རྗེའི་དོན་དུ་བསྒྲགས་པ། བདེན་གཉིས་ཁྱད་པར་ཅན་མི་ཕྱེད་པར་སྦྱར་བའོ། །གཞན་དུ་ཞེས་པ་གསུམ་གྱི་དོན་ནི། དོན་གོང་མ་དེ་བླ་མ་ལ་སྙིང་ནས་གུས་པའི་སློབ་མ་མིན་པ་ལ་མི་བཤད་པའོ། །གཞན་དུ་མ་བསྒྲགས་པའི་གཞན་དུ་བླ་མེད་ཀྱི་རྒྱུད་གཞན་མང་པོར་ཐོས་པའོ། །དེ་
4-2-37a


ནས་བཞིས་དོན་དེ་མ་ཤེས་ན་གཞན་མང་པོ་ཤེས་ཀྱང་ངལ་བ་འབྲས་བུ་མེད་པས། དེ་འདོད་པས་བླ་མ་མཉེས་པར་བྱས་ལ་དོན་དེ་བླང་དགོས་པར་སྟོན་ནོ།། ༈ ༽ཨེ་ཝཾ་གྱི་དོན་ལྷའི་དབང་པོས་ཞུས་པ་ལས་གསུངས་པར་མ་ཟད་བདག་གིས་ཐོས་ཞེས་བྱ་བ་
ལ་སོགས་པ་རྡོ་རྗེའི་ཚིག་ལྷག་མ་རྣམས་ཀྱི་དོན་ཀྱང་བཤད་པའི་རྒྱུད་ལས་བསྟན་པ་ལ་འཇུག་པར་བྱ་སྟེ། ༼བཤད་པའི་རྒྱུད་ནི་སྐལ་ལྡན་གྲགས་པས། རྡོ་རྗེ་འཕྲེང་བ་ལས་ཞེས་བཤད་པ་ནི་རྒྱུད་དེ་ཞིབ་ཏུ་མ་མཐོང་བར་སྣང་ངོ༌། །དེས་ན་ཀྱང་གི་སྒྲའི་ནུས་པ་དང་ཡི་གེ་གཉིས་བཤད་མ་ཐག་པའི་འཕྲོ་
འཆད་པ་ཡིན་པས་ལྷའི་དབང་པོས་ཞུས་པ་ལ་བྱའོ།།༽འཁོར་ལོས་སྒྱུར་སྤྲུལ་པའི་ངོ་བོའི་ང་རྒྱལ་འཛིན་པའི་སྒྲུབ་པ་པོ་ལ་ནི། །བདག་གིས་ཞེས་གསུངས་སོ། །ཐོས་པ་ཞེས་གསུངས་པ་ནི་ཡབ་ཡུམ་སྙོམས་པར་ཞུགས་པའི་བྱང་སེམས་ཀྱི་ཏེ། །ས་བོན་འཛག་པ་དེ་ཡི་
ངོ་བོས་གང་སྤྲུལ་པ་ནི།། ༼འགྱུར་གསར་གཉིས་དང་འགྲེལ་བཤད་གཉིས་ཀ་ལ་བསྒྱུར་བ་ཞེས་འབྱུང་གི་སྤྲུལ་པ་མེད་དོ།། ༼བ་ནི།། ཡུམ་གྱི་པདྨར་བསྐྱེད་པའི་དཀྱིལ་འཁོར་རྒྱལ་མཆོག་གི་༼འཛག་པ་སྟེ་སམ་བྷུ་ཊ་ལས། ཤྲུ་ཞེས་བྱ་བ་ནི་འཛག་པར་གསུངས་སོ། །ཞེས་ཐོས་པའི་སྐད་དོད་ཤྲུ་ཏའི་ཤྲུའི་དོན་ས་བོན་འཛག་པ་ལ་
མཛད་དོ། །༽ལྷ་རྣམས་ཀྱི་ནི་འཁོར་ལོ་མཆོག། ཡིན་ནོ། །དེ་ལྟར་སྤྲུལ་པའི་དུས་ནི་ཡབ་ཡུམ་མཉམ་པར་སྦྱར་བ་ལས་མཆོག་ཏུ་དགའ་བ་བསྐྱེད་ནས་བྱང་སེམས་ཡུམ་གྱི་པདྨར་ཞུགས་པའི་དུས་གང་ཡིན། །པ་དེ་ལ་ནི་དུས་གཅིག་ན་ཞེས་རྩ་རྒྱུད་ལས་བཤད་པ་ཡིན། །ནོ། །
དབང་ཕྱུག་བརྒྱད་ཀྱི་བདག་ཉིད་ཀྱིས་བཅོམ་ལྡན་འདས། །བདེ་བ་ཆེན་པོའི་གནས་བྷ་ག་ལ་བཞུགས། །སོ་ཞེས་པ་ནི་བཞུགས་པ་དེར་ནི་ཞེས་པར་འཆད་དོ། །འདུས་པ་འདིར་ནི་སྒྲུབ་པ་པོ་ཡི་ཕུང་པོ་ལྔ་ནི་རྒྱལ་བས། །དེ་བཞིན་གཤེགས་པ་ཐམས་ཅད་ཡིན།།༼དེ་
4-2-37b


བཞིན་གཤེགས་པ་ཐམས་ཅད་འདིར། །རྒྱལ་བས་ཕུང་པོ་ལྔར་གསུངས་སོ། །ཞེས་འབྱུང་ལ་ཆག་འགྱུར་ཡང་དེ་དང་དོན་འདྲའོ།། ༼ཞེས་གསུངས་སོ། །སྒྲུབ་པ་པོའི་ཕུང་པོ་ལྔ་པོ་དེ་ཡི་བདག་ཉིད་ཀྱི་ལུས་ངག་ཡིད་གསུམ་ནི་སྐུ་དང་གསུང་དང་ཐུགས། སོ། །རྡོ་རྗེ་ནི་ཐུགས་ཏེ་སྙིང་པོ་
འདིར་ཡབ་ཡུམ་སྙོམས་པར་ཞུགས་པ་ལས་སྐྱེས་པའི་བདེ་བ་ཆེན་པོ། འདིའོ། །བཙུན་མོ་ནི་ལེགས་པར་སྦྱངས། པ་སྟེ་ལྷ་མོ་བསྐྱེད་ནས་ལུས་ལ་ལྷ་བཀོད་པའི་ལས་དང་ཡེ་ཤེས་ཀྱི་ ༼འདི་ཡི་བདག་ཉིད་སྐུ་གསུང་ཐུགས། །སྙིང་པོ་རྡོ་རྗེ་བདེ་ཆེན་འདི། །ཞེས་འབྱུང་ལ། པ་ཚབ་ཀྱི་འགྱུར་ཡང་དེ་དང་འདྲའོ། །
༽ཕྱག་རྒྱ་སྟེ། ལེགས་པར་སྦྱངས་པ་སྟེ་ཨཱཿལས་པདྨར་བསྐྱེད་པའི་ཡུམ་གྱི་པདྨ་ནི་བྷ་ག་ཡིན། ནོ། །དེ་ལ་བཅོམ་ལྡན་འདས་བཞུགས་ཞེས་པའི་བཅོམ་ལྡན་འདས་ནི་རྡོ་རྗེ་འཛིན་པའི་ངོ་བོར་མོས་པའི་པདྨ་དེར། །ཐིག་ལེའི་གཟུགས་ཡིན་ལ་དེའི་
གཟུགས་ཀྱིས་གནས་པ་ནི་བཞུགས་པའོ།། ༈ སྤྱི་དོན་གྱི་སྐབས་འདིར་ཡུམ་གྱི་པདྨར་གནས་པའི་ཐིག་ལེའི་གཟུགས་ཀྱི་བཤད་པ། །ལྷ་མོ་བཞིས་ཞུས་པ་ལས་གསུངས་པ་ནི་ཆ་ནི་དབྱངས་ཡིན་ལ། གཉིས་པ་ནི་ཨཱའོ་དགུ་པ་ནི་མ་ནིང་བཞི་དོར་བའི་ཨ་ནས་
བགྲངས་པའི་ཨོ་ཉིད་དུ་ཀྱིས་བཤད། །མ་ནིང་བཞིར་དོར་བའི་ཨ་ནས་བགྲངས་ན་དབྱངས་བཅུ་གཉིས་དང༌། ཀ་ཙ་ཊའི་སྡེ་པའི་ཡི་གེ་བཅོ་ལྔ་སྟེ་ཉེར་བདུན། ཏ་སྡེའི་དང་པོ་གསུམ་བསྣན་པས་སུམ་ཅུ་སྟེ་དེའི་ཐ་མ་ནི་དའོ། །དེའི་འོག་མ་དྷ་ནས་བགྲངས་ན་བཅུ་པ་ལའོ། །དེའི་འོག་མ་
ཝ་ནས་བགྲངས་ན་ལྔ་པའི་༼ཉིད་ཀྱིས་ཞེས་པ་ཉིད་དུ་བྱའོ། །༽ས་བོན་ཧ་ཉིད་དེ། །མདོར་ན་ཨ་ནས་བགྲངས་པའི་ཞེ་ལྔ་པ་ཧ་ཐུ་བའི་དོན་ཡིན་གྱི། ད་དང་ལ་ཐུ་བ་མིན་ནོ། །དེ་ལྟར་ཨཱ་དང་ཨོ་དང་ཧ་གསུམ་པོ་གཞིར་བཞག་པའི་དང་པོ་ཨཱ་ལ། ཆ་གཉིས་ཏེ་རྣམ་བཅད་ཀྱིས་བརྒྱན་པས་
4-2-38a


ཨཿའོ། །ཨོ་ལ་པ་སྡེའི་ལྔ་པ་མ་ཡིག་གིས་ཕྱེ་བ་སྟེ་བརྒྱན་པས་ཨོཾ་མོ། །ཧ་ལ་དབྱངས་ཡིག་དྲུག་པ་ཨཱུ་ཡིས་ཕྱེ་བ་སྟེ་བརྒྱན་པ་ལས། །ཧཱུའོ། །དེ་ལ་སླར་ཡང་ལྔ་པ་མ་ཡིག་རྗེས་སུ་ང་རོར་བྱས་པའི་ཧཱུཾ་སྟེ། དེ་ལྟ་བུ་ལས་བྱུང་བའི་འབྲུ་གསུམ་
འདི་ནི་ཡུམ་གྱི་པདྨར་ཕྱུང་བའི་ཐིག་ལེ་ཡིན་ཞེས་བཤད། །ཅེས་བྱ་བ་སྟེ་ཡབ་ཡུམ་མཉམ་པར་སྦྱོར་བ་ལས་ལྷ་བསྐྱེད་པ་ཙམ་ནི་རིམ་པ་གཉིས་ཀ་ལ་ཡོད་པས་སྤྱིའི་དོན་ཏོ།། ༈ སྟོན་པ་དང་གནས་ཀྱི་ཚིག་རྣམས་ཡི་གེ་དང་སྤྱིའི་དོན་གྱིས་སྔར་བཤད་པར་མ་ཟད་༼
འདི་ནི་རབ་ཏུ་སྒྲོན་གསལ་དང་སྙིང་གི་མེ་ལོང་ལྟར་བཤད་པའོ། །དེ་ནི་ཐིག་ལེ་ཆ་སོ་གཉིས་ལས་འབྲུ་གསུམ་སོ་གཉིས་སུ་གྱུར་ཏེ་པདྨར་ལྷ་རྣམས་བསྐྱེད་པའི་དོན་ནོ། ། ༽སླར་ཡང་ཚིག་དེ་རྣམས་སྦས་པའི་དོན་དུ་བཤད་རྒྱུད་ཀྱི་ལུང་གིས་བཤད་པ།   ༈ རྩ་རྒྱུད་ལས་
ཨེ། ཞེས་པའི་ཨེ་ནི་༼འགྱུར་གསར་གཉིས་ལས། ཨེ་ཡིག་ཤེས་རབ་ཅེས་འབྱུང་བ་ནི། ཨེ་ཀ་ར་ཞེས་འབྱུང་བའི་ཀ་ར་ཡི་གེར་བསྒྱུར་བ་ཡིན་ཀྱང་འདི་དང་དོན་འདྲའོ། །ཁ་ཅིག་ཨེ་ཀ་ཞེས་འབྱུང་ཞིང་། དེ་ནི་གྲངས་དང་གྲོགས་མེད་པ་དང༌། གཞན་པ་དང༌། གཙོ་བོའི་དོན་བཞི་
ལ་འཇུག་པ་ལས་འདིར་ཕྱི་མ་ཡིན་ལ་འགྱུར་ཡང་ཤེས་རབ་དམ་པ་གཅིག་དང་ཡང་། །ཞེས་བཅོས་ལ་བཤད་དོ་ཞེས་ཟེར་བ་ལྟར་ན། ཨེ་ཀའི་དོན་གཅིག་གི་གྲངས་ལ་བསྒྱུར་བས་རང་གི་བཤད་པ་དང་འགལ་ལ་ལེགས་པར་ཡང་མི་སྣང་ངོ༌། །༽ཤེས་རབ་མཚོན་པར་བྱེད་པ་
ཡིན་ལ་དེ་ཡང་སྐབས་འདིར་ཤེས་རབ་དམ་པ་སྣང་བ་མཚོན་པར་བྱེད་པ་སྟེ། །འདོད་ཆགས་དང་བྲལ་བ་དང་སྩོགས་པས་ཆགས་བྲལ་བར་མ་ནས་ཕྲག་དོག་གི་བར་གྱི་སྐད་ཅིག་བདག། ༼ཅེས་པ་ནི་སྣང་བ་ལས་རང་བཞིན་རྣམས་སྐད་ཅིག་དང་
4-2-38b


ཐང་ཅིག་དང་ཡུད་ཙམ་དང་མིག་འཛུམ་གྱི་ཚད་ཙམ་དུ་འབྱུང་བར་སྤྱོད་བསྡུས་ལས་གསུངས་པ་ལྟར་རོ། ། ༼སྟེ་བདག་ཉིད་དམ་རང་བཞིན་གྱི་རྟོག་པ་སོ་གསུམ་འདོད་པ་ལ་སོགས་པའི་སྲིད་པ་གསུམ་ན་ཉམས་སུ་མྱོང་བའི་སྒོ་ནས་ཡོངས་སུ་ཤེས་པའི། །སེམས་སྣང་བ་འདི་
ནི་རྩ་བར་རྒྱུད་ལས་རྣམ་པར་བསྟན། །ནོ། །ཝཾ། ལ་ཤ་སྟྭཾ་ཞེས་པ་བསྣན་པས་འོད་མ་འགྲེངས་པ་སྟེ་དེ་ལྟ་བུར་མཛེས་པ་སྟེ་ཡིད་དུ་འོང་ཤིང༌། །འདོད་ཆགས་དང་ལ་སོགས་པས་ཞེན་པ་ནས་གྱ་གྱུའི་བར་གྱི་རང་བཞིན་གྱི་རྟོག་པ་བཞི་བཅུ་རབ་ཏུ་བསྐྱེད་
པའི་ནུས་པ་དང༌ལྡན། །པ་སྟེ་སྣང་བ་མཆེད་པའི་རྣམ་པར་ཤེས། །པ་ཞེས་པའི་མིང་ཅན་ནི་ཐབས་ཞེས་བྱ་བ་ཡིན། ནོ། །མ། ལ་ཧཱ་བི་ཏྱཱ་བསྣན་པ་ནི་རིག་པ་ཆེན་པོ་ཞེས་པ་འོད་གསལ་ལོ། །འོད་གསལ་རང་ཉིད་ཀྱི་རྩ་བ་ནི་མ་རིག་པའོ། །ཞེས་
སྦྲེལ་བས་ཉེར་ཐོབ་བསྟན་ཏེ། སྔ་མ་གཉིས་ལ་རིམ་པ་བཞིན་ཤེས་རབ་དང་ཐབས་དང་། རང་རང་གི་རང་བཞིན་གྱི་རྟོག་པ་བསྐྱེད་པར་བསྟན་པའི་ཤུགས་ཀྱིས། འདི་ནི་སེམས་སེམས་བྱུང་གི་ཐབས་ཤེས་འདྲེས་པ་དང༌། ཆགས་པ་བར་མ་སོགས་རང་བཞིན་གྱི་རྟོག་པ་བདུན་བསྐྱེད་པ་ཡང་ཤེས་པར་བྱ་
སྟེ། དེ་རྣམས་ཀྱི་ནི་སྣང་བ་གསུམ་གྱི་ངོ་བོ་བསྟན་ནོ་སྟེ།། ༈ ད་ནི་སྣང་བ་གསུམ་གྱི་གོ་རིམ་སྟོན་པ་ལ་གཉིས་ལས། སྐྱེ་བ་ལུགས་ལྡོག་གི་རིམ་པ་ནི། འོད་གསལ་རང་ཉིད་ནི་མ་རིག་པའི་རྩ་བའོ་ཞེས་སྦྱར་རོ། །དུས་ནམ་གྱི་ཚེ་སྙམ་ན་སྣང་བ་གསུམ་ལུགས་ལས་
ལྡོག་པའི་ཚུལ་གྱིས་སྐྱེ་བའི་ཚེ་ན་འོད་གསལ་ལས་མ་རིག་པ་འབྱུང་བའོ། །འོད་གསལ་ལས་མ་རིག་པ་འབྱུང་བ་དེ་བཞིན་དུ་མ་རིག་པ་ལས་ཀྱང་སྣང་བ་མཆེད་པ་འདི་འབྱུང་། །ཞིང་། སྣང་བ་མཆེད་པ་དེ་ལས་སྣང་བ་འབྱུང་བའོ།། ༼གཞན་ལས། མ་རིག་པ་
4-2-39a


ལས་སེམས་བྱུང་འབྱུང་། །དེ་ལས་སྣང་བ་འབྱུང་བ་འོ། །ཞེས་པ་གསལ་ལ། འགྱུར་གསར་གཉིས་ཀ་ལས་ཀྱང་དེ་ལས་ཞེས་པ་ཡོད་ལ། རྒྱུ་མཚན་གྱི་ཚིག་མི་ཐོབ་པས་འགྱུར་རྙིང་གི་དཔེ་ཁ་ཅིག་ལས། དེ་བས་ཞེས་པ་མ་དག་གོ། མ་རིག་པ་ལས་འོད་གསལ་འབྱུང་
བ་ནི་འོག་འདི་ཉིད་ནས་སྟོན་པས། མ་རིག་པ་ལས་ཀྱང་འདི་འབྱུང་ཞེས་པས་མ་རིག་པ་ལས་འོད་གསལ་འབྱུང་བར་སྟོན་པ་མིན་ནོ། །༽ཐིམ་པ་ལུགས་འབྱུང་གི་རིམ་པ་ནི། ཡཱ། ལ་ཏི་བསྣན་པ་ནི་འགྲོའོ་ཞེས་པའོ། །འགྲོ་ཚུལ་ཇི་ལྟར་ཞེ་ན། རྣམ་ཤེས་དང་པོ་སྣང་བ་གང་དུ་འཇུག་པ་
འམ་འགྲོ་བ་ནི། །སྣང་བ་གཉིས་པ་སྣང་བ་མཆེད་པའི་མིང་ཅན་དུ་ཐིམ་ནས་འགྲོ་བ་སྟེ། །སྣང་བ་མཆེད་པ་དེ་ནི་སྣང་བ་གསུམ་པ་སྟོང་པ་ཆེན་པོར་འཇུག་ལ། །ཉེར་ཐོབ་དེ་ཡང་འོད་གསལ་བར་འགྲོ་བ་སྟེ་ཐིམ་པར་འགྱུར་རོ་འོ།། ༈ ཤྲུ། ལ་ཏཾ་
བསྣན་པ་ནི་ཐོས་པའོ། །གང་ཐོས་ན་སྣང་བ་གསུམ་གྱི་མཚན་ཉིད་ཅན། །གང་དུ་ན་འདུས་པའི་སྐོར་འདིར་ཐོས་སོ། །རྣམ་ཤེས་གསུམ་པོ་ཐོས་པ། །འོ། །ཅི་ལྟར་ཐོས་ན་༼ངོ་བོ་དང་གོ་རིམ་གཉིས་པོ་ནི་ལམ་དང་གཞིའི་སྐབས་གཉིས་ཀ་ལ་ཡོད་ཀྱང༌། ཐོག་མར་གཞི་ལ་ཇི་
ལྟར་གནས་པ་བསྟན་ནས། དེའི་འོག་ཏུ་དེ་དང་མཐུན་པར་ལམ་བསྐྱེད་ཚུལ་བསྟན་ན་གོ་བ་ཆེའོ། །༽སེམས་ཅན་གྱི་ཁམས་ནི་མ་ལུས་པའི། །རང་བཞིན་བརྒྱད་ཅུའི་རྩ་བ་ནི་སྣང་བ་གསུམ་པོ་འདི་ཡིན་ནོ། །ཏཾ། ནི་དེ་ནི་ཞེས་པའོ། །དེ་ནི་རེ་རེའི་དོན་སྣང་བ། །༼
སྣང་བས་རང་བཞིན་སྐྱེད་པ་འདི་ནི་ཐིམ་པ་ལུགས་འབྱུང་གི་སྐབས་མ་ཡིན་ཏེ། སྣང་བའི་སྔོན་དུ་རླུང་ཐིམ་པའི་དུས་སུ་ཀུན་རྟོག་གཡོ་བྱེད་ཀྱི་རླུང་ཐིམ་པའི་ཕྱིར་རོ། །དེས་ན་སྐྱེ་བ་ལུགས་ལྡོག་གི་སྐབས་ཡིན་ལ། དེའི་ཚེ་ཡང་སྟོང་པ་གསུམ་དང་རང་བཞིན་རྣམས་སྤེལ་ཏེ་སྐྱེ་བ་མིན་གྱི་སྣང་བའི་རྗེས་སུ་སྐྱེ་བ་ཡིན་
4-2-39b


ནོ། །༼དེ་ཡང་། སོ་སོ་སོ་སོར་དོན་སྣང་དེ། །ཞེས་པ་ལྟར་ལེགས་པས། དབང་པོའི་ཤེས་པ་སོ་སོ་ལ་དོན་ཏེ། ཡུལ་ལྔ་སོ་སོར་སྣང་བ་དེ་ནི་དབང་ཤེས་ཀྱི་བཞོན་པའི་རླུང་གིས་བླངས་ནས་ཏེ་བསྐྱོད་ནས་རྣམ་ཤེས་ཀྱི་ཡུལ་འཛིན་པར་བྱེད་ལ། །རླུང་གི་བཞོན་པ་དང་ལྡན་པའི་
རྣམ་ཤེས་ནི། །དུས་རྟག་ཏུ་འགྲོ་བལ་གནས་པར་འགྱུར། རོ། །ཨེ། ལ་ཥ་བསྣན་པ་ནི་འདི་ཞེས་པའོ། །ལས་ཀྱི་རླུང་འདི་ནི་༼རླུང་གི་ཁམས་ནི་ཆེན་པོ་སྟེ། ཟེར། ༼རིམ་ལྔར་རླུང་ཞེས་བྱ་བ་ལས་ཀུན་བྱེད། །ཅེས་གསུངས་པས་བྱེད་ལས་ཀྱི་སྒོ་ནས་རླུང་ཁམས་༼
འདིས་ནི་རྣམ་ཤེས་ཀྱི་ཡུལ་འཛིན་པ་ལ་ངེས་པར་རླུང་གྲོགས་སུ་དགོས་པར་སྟོན་གྱི། དབང་ཤེས་སྣང་བ་གསུམ་དུ་སྟོན་པ་དང་། དེ་རྣམས་རླུང་གི་དབང་གིས་ཡུལ་ལ་འཇུག་པར་སྟོན་པ་མིན་ནོ། །འདི་ནི་སྐྱེ་སྲིད་དུ་སྐྱེ་བ་བླངས་པའི་མཇུག་ཏུ་ཡུལ་ལྔའི་སྣང་བ་སྐྱེ་བར་སྟོན་པ་ལ་སྦྱོར་རྒྱུ་ཡིན་ཏེ་འཆད་པར་འགྱུར་རོ། །
༼ཆེན་པོ་སྟེ། །རྣམ་ཤེས་གསུམ་གྱི་བཞོན་པ་ཡིན། །ནོ། །བཞོན་པ་དེ་ཡིས་ཇེ་ཆེར་རིམ་གྱིས་བསྐྱོད་པ་ལས་རང་བཞིན་གྱི་རྟོག་པ་རྣམས་རྟག་ཏུ་ནི། །ཇི་ལྟ་ཇི་ལྟར་བསྐྱོད་པ་བཞིན་དུ་འགྲོ་བསྟེ་འབྱུང་བར་འགྱུར། །རོ། །༼འདིས་ནི་སྣང་བ་
རྣམས་ལས་རང་བཞིན་གྱི་རྟོག་པ་སྐྱེ་བར་བསྟན་པ་དེའི་སྐྱེ་ཚུལ་གསལ་བར་མཛད་དོ། །འབྱུང་བ་བཞི་དང་ཕུང་པོ་ལྔ་ལ་སོགས་པའི་སྐྱེ་ཚུལ་འདི་རྣམས། ཡེ་ཤེས་རྡོ་རྗེ་ཀུན་ལས་བཏུས་ལས། རྣམ་པར་ཤེས་པ་དེའི་བཞོན་པ་རླུང་ངོ༌། །རླུང་ལས་མེའོ། །མེ་ལས་ཆུའོ། །ཆུ་ལས་སའོ། །དེ་རྣམས་ལས་ཕུང་
པོ་ལྔ་དང༌། སྐྱེ་མཆེད་དྲུག་དང༌། ཡུལ་ལྔ་སྟེ་ཞེས་པ་དང༌། སྣང་བའི་རྒྱུས་རང་བཞིན་རྣམས་ཡང་དག་པར་འབྱུང་ངོ༌། །ཞེས་གསུངས་པ་བཞིན་དུ་བཤད་དགོས་སོ། །རྒྱུད་དེར་འོད་གསལ་ལས་སྣང་བ་གསུམ་འབྱུང་བར་བསྟན་པའི་འོག་ཏུ་རླུང་ལ་སོགས་པ་སྐྱེ་བར་བཤད་པས། རྣམ་ཤེས་ཀུན་རྟོག་གི་
4-2-40a


བཞོན་པ་ནི། ལུགས་བཟློག་གི་སྣང་བ་ཐ་མ་ལས་སྐྱེ་སྟེ། འདི་རྣམས་ནི་མངལ་སྐྱེས་ཀྱི་སྐྱེ་སྲིད་དུ་ཉིང་མཚམས་སྦྱར་བའི་སྐབས་སོ།། ༈ ཀ་ལ་ཀ་ཊ་བསྣན་པ་ནི་སྲ་བའོ། །ཉིང་མཚམས་སྦྱོར་བའི་ཚེ། སྲ་བའི་ཁམས་དང་ཆུའི་ཁམས་ཉིད་དང༌། །
དེ་བཞིན་དུ་མེའི་ཁམས་དང་རླུང་གི་ཁམས་དག་ནི། །ཡིད་ཀྱི་རྣམ་པར་ཤེས་པས་བླངས་པ་སྟེ་བཟུང་ནས་སུ། །འགྲོ་བ་མཆོག་འབྲིང་དམན་གསུམ་གྱི་སྲིད་པ་གསུམ་གྱི་གནས་སུ་སྐྱེ་བར་འགྱུར། །རོ། །༼འདིར་རྒྱུད་གཉིས་ཀ་ལས། རླུང་
མེ་ཆུ་ས་བཞི། སྔ་མ་ལས་ཕྱི་མ་རིམ་ཅན་དུ་སྐྱེ་བར་གསུངས་པ་ནི། ཁུ་ཁྲག་གི་དབུས་སུ་རྣམ་ཤེས་ཞུགས་ནས་ཉིང་མཚམས་སྦྱར་བའི་ཚེ། འབྱུང་བ་བཞི་ག་དུས་གཅིག་ཏུ་ཡོད་པས་འབྱུང་བ་སྔར་མིན་གསར་དུ་རིམ་ཅན་དུ་སྐྱེ་བ་མིན་གྱི། ཤེས་པའི་རྟེན་བྱེད་པ་ལ་ནུས་པ་ཇེ་རགས་སུ་སོང་
བའི་འབྱུང་བཞི་སྔ་མ་ལས་ཕྱི་མ་སྐྱེ་སྟེ་རྣམ་པར་ཤེས་པས་བླངས་པའི་དོན་ཀྱང་དེ་ལྟར་རོ།། ༈ ༽སྨིན་ལ་ཨ་བསྣན་པ་ནི་འདིའོ། །སྔར་བཤད་པའི་འབྱུང་བ་བཞི་པོ་འདི་ཡོད་ན་ནི་ཕུང་པོ་ལྔ་པོ་རྣམས་སུ། །འབྱུང་བ་སྟེ་འདུས་བྱས་ཀྱི་
མཚན་ཉིད་ཅན་གྱི་ནི། །ཕུང་པོ་ལྔ་ནི་གཟུགས་ཀྱི་ཕུང་པོ་དང་ཚོར་བ་དང་འདུ་ཤེས་དང་འདུ་བྱེད་དང༌། །རྣམ་པར་ཤེས་པའི་ཕུང་པོ་ཉིད་ནི་ཕུང་པོ་༼འདི་ཡོད་ན་ནི་འདུས་བྱས་ཀྱི། །མཚན་ཅན་ཕུང་པོ་ལྔ་འབྱུང་སྟེ། །ཟེར། ༽ལྔ་པའོ།།
༈ ས། ལ་མ་ཏཱ་བསྣན་པ་ནི་མཉམ་ཉིད་དོ། །མཉམ་པ་ཉིད་དང་སོ་སོ་རྟོག་པ་དང༌། བྱ་བ་བསྒྲུབ་པ་ཉིད་དང་ནི། །མེ་ལོང་ལྟ་བུ་དང་ནི་ཆོས་ཀྱི་ ༼ཆོས་དབྱིངས་རྣམ་ཤེས་ལྔ་པའོ་ཟེར། ༼དབྱིངས་ཀྱི། །འདི་ནི་རྣམ་ཤེས་
4-2-40b


ལྔ་པོ་ཡིན་ནོ།། ༈ མ། ནི་མཱ་ན་ཞེས་པ་ཡིད་དོ། །མངལ་དུ་མིང་གཟུགས་གྲུབ་པའི་རྐྱེན་གྱིས་ཡིད་ཀྱི་སྐྱེ་མཆེད་ཉིད་དང་ནི། །མིག་དང་དེ་བཞིན་དུ་རྣ་བ་དང༌། །སྣ་དང་ལྕེ་དང་ལུས་ཀྱི་སྐྱེ་མཆེད་དྲུག་རྣམས་སྐྱེས་ཏེ། །འདི་ནི་མངལ་དུ་སྐྱེ་མཆེད་༼
༸འདི་ནི་རྣམ་གཞག་ནས་གསུངས་པ་ལྟར་གཞི་དུས་ཀྱི་ཡེ་ཤེས་བཞི་དང་ལྔ་པ་ནི་ཆོས་དབྱིངས་ཡེ་ཤེས་ཀྱི་གནས་གྱུར་གྱི་རྒྱུའོ། ། ༼དྲུག་རྣམས་འབྱུང་བའོ། ༈ ཡེ། ལ་ལྦེ་བསྣན་པ་ནི་གང་ཡང་ངོ༌། །གང་ཡང་ས་འོག་ས་སྟེང་ས་བླ་བའི་ཁམས་༼
༸ཡིད་ལུས་ཀྱི་སྐྱེ་མཆེད་གཉིས་སྔ་ནས་གྲུབ་ཀྱང༌། དྲུག་ཀ་ཚང་བ་ཕྱིས་འབྱུང་བའི་དབང་དུ་བྱས་སོ། །འབྱུང་བ་དེ་རྣམས་ལས་ཕུང་པོ་ལ་སོགས་པ་འབྱུང་བར་གསུངས་པ་ཡང༌། སྔར་ཐོབ་མ་ཟིན་པ་རྣམས་ནི་གསར་དུ་འབྱུང་ལ། ཐོབ་ཟིན་པ་རྣམས་ནི་མངལ་དུ་རྫོགས་པར་འགྱུར་བའོ། །འབྱུང་བ་
དེ་རྣམས་ལས་ཡུལ་ལྔ་སྐྱེ་བར་གསུངས་པ་ནི། དེ་ནི་རེ་རེའི་དོན་སྣང་བ་ཞེས་པའི་སྐབས་སུ་བཤད་པ་དེ་ཡིན་ནོ།། ༼གསུམ་པའི་སེམས་ཅན་རྣམས། །སྲོག་གི་དང་རྩོལ་བ་རླུང་འབྱུང་འཇུག་ལ་བརྟེན་པའི། །ཉིན་མཚན་ཀུན་ཏུ་རླུང་གི་གདངས་ཀྱི་ཨོཾ་ལ་སོགས་པའི་
གསང་སྔགས་ཀྱི་རྒྱལ་པོ་ཟློས་བཞིན་དུ། །དེ་ལྟར་ཡིན་པར་ངོ་མི་ཤེས་པས་དེའི་དོན་ལ་སེམས་པའི་བསམ་གཏན་དང་ངེས་དོན་གྱི་སྔགས་ཀློག་པ་སྟེ་ཟློ་བའི་རྡོ་རྗེ་བཟླས་པ་ལ་བརྩོན་པ་སྤངས། སོ། །༼དེའི་ཕྱིར་རང་ལ་རང་ཆས་སུ་གནས་པ་དེ་བླ་མའི་མན་ངག་གིས་ཤེས་
པར་གྱིས་ལ་སྲོག་རྩོལ་གྱི་རྒྱལ་པོ་རྡོ་རྗེ་བཟླས་པ་ལ་འབད་པར་གྱིས་ཤིག། རྡོར་བཟླས་ཀྱི་སྐབས་སུ། འདོད་པ་ཀུན་ལ་ལོངས་སྤྱོད་ཅིང་། །སྔགས་ཀྱི་ཡན་ལག་མ་ཉམས་བཟླས། །ཞེས་རིག་མ་ལ་ལོངས་སྤྱོད་པ་གསུངས་པ་ལ་བསམས་ནས། འདིས་འདོད་ཆགས་ཆོས་སྦས་བསྟན་པར་སྐལ་ལྡན་གྲགས་
4-2-41a


པས་འདོད་པ་ནི་མི་ལེགས་ཏེ། འདིར་འདོད་ཆགས་ཆོས་སྦས་ལ་སྦྱོར་བ་ནི་གཞུང་གིས་བསྟན་པ་ལ་བྱེད་པ་ཡིན་པའི་ཕྱིར་དང༌། གཞུང་འདིས་དེ་མི་སྟོན་པའི་ཕྱིར་རོ། །དེས་ན་ངག་དབེན་སྟོན་པ་ལ་སྦྱར་རོ།། ༈ བྷ། ལ་བནྟི་བསྣན་པ་ནི་འབྱུང་
ངོ་ཞེས་པའོ། །འབྱུང་བ་སྣང་བ་གསུམ་པོ་འདི་ལས་རང་བཞིན་གྱི་རྟོག་པ་རྣམས་སླར་ཡང་། །འབྱུང་བ་ནི་སྔར་བཤད་པ་ལྟར་རོ། །ཆགས་དང་ཆགས་མེད་ལ་སོགས་པའི། །རང་བཞིན་གྱི་རྟོག་པ་དེ་ལས་ཉོན་མོངས་པ་རྣམས་དང༌། དེ་ལས་བདེ་འགྲོ་དང་ངན་འགྲོར་
འཁྲིད་པའི་དགེ་བ་དང་མི་དགེབའི་ལས། །གསོག་གོ། ལས་གཉིས་པོ་དེ་ལས་སླར་ཡང་འཆི་བའི་འོད་གསལ་ལས་བར་དོ་གྲུབ་ནས་མངལ་ལ་སོགས་པར་སྐྱེ་བ་འབྱུང་བ་ཡིན། །པས་འཁོར་ལོ་བསྐོར་བ་བཞིན་དུ་འཁོར་རོ། །༼སྔར་ཕུང་པོ་དང་ཁམས་དང་ནང་
གི་སྐྱེ་མཆེད་དྲུག་དང་། རང་གི་རྒྱུད་དུ་གཏོགས་པའི་ཡུལ་ལྔ་དང༌། དེ་ལྔ་འཛིན་པའི་དབང་ཤེས་རྣམས་སྐྱེ་བའི་མཐར་སྦྱར་བ་ནི་སྔར་གྱི་སྐྱེ་བ་ལུགས་ལྡོག་གི་རིམ་པ་རྒྱས་པར་བཤད་པའོ། །དེ་ལྟར་ལས་བསགས་པའི་མཐར། འཆི་བ་ལ་ཕྱོགས་པ་ན་ས་ཆུ་ལ་དང་། ཆུ་མེ་ལ་དང༌། མེ་རླུང་ལ་དང༌། ཀུན་
རྟོག་གཡོ་བའི་རླུང་སྣང་བ་ལ་དང༌། དེ་མཆེད་པ་ལ་དང༌། དེ་ཉེར་ཐོབ་ལ་དང༌། དེ་འཆི་བའི་འོད་གསལ་དུ་ཐིམ་པ་ནི་སྔར་གྱི་ཐིམ་པ་ལུགས་འབྱུང་གི་རིམ་པ་ཡིན་ནོ། ། ༈ ༽ག་ལ་ཏི་བསྣན་པ་ནི་འགྲོ་བའོ། །རིགས་དྲུག་གི་འགྲོ་བར་རང་རང་གི་སྐྱེ་གནས་སུ་འབྱུང་བའི་ཕུང་༼
༸དེ་ལྟར་གཞི་ལ་ཀུན་རྟོག་གཡོ་བའི་རླུང་ཐིམ་མ་ཐིམ་གཉིས་ལས་ཐིམ་པ་ནས་སྟོང་པ་རྣམས་འཆར་ཞིང་། དེ་ལ་ཡང་སྣང་བའི་རླུང་ཐིམ་མ་ཐིམ་གཉིས་ལས་ཐིམ་པ་ན་སྟོང་པ་གསུམ་འཆར་ཏེ། ལུགས་འབྱུང་དུ་ཐིམ་པ་ན་རླུང་གིས་གཡོ་བ་ཇེ་ཞན་དུ་འགྲོའོ། །སྣང་བ་རྣམས་ཀྱི་རླུང་ཐིམ་པ་
4-2-41b


ན་ཐམས་ཅད་སྟོང་པ་འོད་གསལ་གྱི་ཡེ་ཤེས་འཆར་ལ། ཡང་དེ་ལས་རླུང་ཇེ་ཆེ་ཇེ་ཆེར་གཡོས་པ་ན་སྐྱེ་བ་ལུགས་ལྡོག་གི་སྟོང་པ་རྣམས་འཆར་བ་དེ་ཇི་ལྟ་བ་བཞིན་དུ་ཟབ་མོའི་ཐབས་ལ་བརྟེན་ནས། ས་ཆུ་ལ་ཐིམ་པ་ལ་སོགས་པའི་རིམ་པས་སེམས་དབེན་གྱི་སྟོང་པ་རྣམས་བསྐྱེད་པ་ལ། ལུས་དབེན་
དང་ངག་དབེན་རྡོར་བཟླས་དང༌། འདོད་ཆགས་ཆོས་སྦས་གསུམ་ལས། ངག་དབེན་ནི་བཤད་ཟིན་པས། སྐབས་འདིར་ལུས་དབེན་དང་། འོག་ནས་འདོད་ཆགས་ཆོས་སྦས་སྟོན་ནོ།། ༼པོ་ལྔ་ཡང༌། །གཟུགས་རྣམ་སྣང་སོགས་སངས་རྒྱས་ལྔ་ཡི་བདག་ཉིད་དེ། །དེ་ལྔ་རེ་རེ་
ལ་སླར་ཡང་རིགས་ལྔའི་མངོན་པར་བྱང་ཆུབ་པ་རྣམ་པ་ལྔ་ཞེས། །པའི་མིང་གིས་རབ་ཏུ་བསྐུལ་བ་སྟེ་གསུངས་པ་ཡིན། །ཞེས་པ་འདིས་ཕུང་པོ་ལྔ་རིགས་ལྔར་བསྒོམས་པའི་ཕུང་པོའི་ལུས་དབེན་སྟོན་ནོ།། ༈ ཝཱན་གྱི་ཝ་༼སངས་རྒྱས་ལྔའི་བདག་ཉིད་སླར། །ཟེར།
༽ལ་ཡུ་བསྣན་པ་ནི་རླུང་ངོ༌། །རླུང་དང་མེ་དང་ཆུ་དང་སའི། ཁམས་བཞི་ནི་སྤྱན་དང་ལ་སྩོགས་པས་མཱ་མ་ཀཱི་དང་གོས་དཀར་མོ་དང་སྒྲོལ་མ་བཞི་པོའི་ངོ་བོར་བསྒོམས་པ་སྟེ། །བསྒོམས་ཚུལ་ནི་མན་ངག་ལྟར་འོག་སྒོའི་ཕྲ་མོ་བསྒོམས་པ་ལ་བརྟེན་ནས་མཉམ་
བཞག་ཏུ་སྣང་མཆེད་ཐོབ་གསུམ་གྱི་ཡེ་ཤེས་བདག་ཉིད་ཅན་གསུམ་གྱི་བདེ་སྟོང་དབྱེར་མེད་དུ་བསྐྱངས་པའི་མཐར་རྗེས་ཐོབ་ཀྱི་སྐབས་སུ་མཉམ་བཞག་གི་ཉམས་མྱོང་དྲན་ནས་ཡུལ་དུ་སྣང་བ་ཀུན་ཡེ་ཤེས་གསུམ་གྱི་ཁེ་དུ། ཤེས་ཀེ་པར་བྱས་ནས་བསྒོམས་པས་
སངས་རྒྱས་ཀྱི་བྱང་ཆུབ་ཚེ་འདི་ཉིད་ལ་སྟེར། །ཏེ་ཁམས་བཞི་རེ་རེ་ཡང་སྔར་ལྟར་རིགས་ལྔར་བསྒོམས་པའི་ཁམས་ཀྱི་ལུས་དབེན་ནོ།། ༈ ས། ལ་རྦ་བསྣན་པ་ནི་ཐམས་ཅད་དམ་ཀུན་ནོ། །ཐམས་ཅད་ཀྱི་རང་ཉིད་དེ་བཞིན་གཤེགས་
4-2-42a


པའི་ལུས། ཏེ་སྐུར་བསྒོམ་མོ། །དེ་བཞིན་གཤེགས་པ་ཀུན་གྱི་སྐུར་སྒོམ་ཚུལ་ནི། རང་ལྷར་བསྒོམས་པའི་སྐུ་ཕྱག་ཆེན། གསུང་ཆོས་རྒྱ་ཐུགས་དམ་རྒྱ་འཕྲིན་ལས་ལས་ཀྱི་ཕྱག་རྒྱ་བཞིས་ནི་རྒྱས་བཏབ་ཅིང༌། །སྟེ་རྒྱས་བཏབ་ནས་བསྒོམས་
པའོ། །མིག་དང་ལ་སྩོགས་པས་རྣ་བ་དང་སྣ་དང་ལྕེ་དང་ལུས་དང་ཡིད་ཀྱི་དབང་པོའི་བདག་ཉིད་དུ་བསྒོམ་པར་བྱ་སྟེ་དབང་པོའི་ལུས་དབེན་ནོ། །༼རྒྱུད་ཕྱི་མ་ལས་སེམས་དཔའ་དང་སེམས་མ་བཅུ་བདུན་བཤད་པའི་སྐབས་སུ། སྐྱེ་མཆེད་དྲུག་དང་དབང་པོ་དྲུག། 
ས་ཆུ་མེ་རླུང་ནམ་མཁའ་ཞེས་གསུངས་ལ། དེ་ཡང་འཁོར་ཕུན་ཚོགས་ཀྱི་འགྲེལ་པར། ཆོས་དབྱིངས་རྡོ་རྗེ་ཀུན་བཟང་དང༌། ནམ་མཁའ་རྡོ་རྗེ་འཇམ་དབྱངས་ལ་བཤད་པ་ལྟར་བྱ་དགོས་པས། སྐབས་དེར་དབང་པོ་དྲུག་པ་ཡིད་དབང་བྱམས་པ་ལ་བྱ་དགོས་ཤིང༌། རྡོ་རྗེ་འཕྲེང་བ་དང་
སྤྱོད་བསྡུས་ལས། འཇམ་དཔལ་ཡིད་དབང་དུ་བཤད་པས་ཡིད་དབང་ལ་རྒྱལ་སྲས་གཉིས་ཏེ་འདིར་ཀུན་བཟང་ཁ་བསྐང་ངོ༌། །༽རང་ལྷར་བསྒོམས་པ་དེར། །ས་སྙིང་དང་ལ་སོགས་པས་ཕྱག་རྡོར་དང་ནམ་སྙིང་དང་འཇིག་རྟེན་དབང་ཕྱུག་དང་སྒྲིབ་སེལ་དང་འཇམ་
དབྱངས་རྣམས་རིམ་པ་བཞིན་དུ་རྒྱལ་བའི་སྲས། པོ། ༈ ཨརྦ། ནྟི་ནི་འདུལ་བའོ། །རོལ་པས་གདུག་པ་འདུལ་བས་དགའ་བ་སྟེ་དགྱེས་པ་གང་ཡིན་པའི། །ཁྲོ་བོའི་རྒྱལ་པོ་སྟོབས་ཆེན་པོ་རྣམས། །དེ་ནི་ཕྱོགས་དང་
མཚམས་བཅུ་བསྲུང་བའི་ངོ་བོ་རུ། །གནས་པ་དཔུང་པ་ལ་སོགས་པའི་ཡན་ལག་བཅུ་པོ་རྣམས་ཀྱི་ངོ་བོར་སུ་བརྟག། པ་སྟེ་སྒོམ་མོ། །༼འདིར་སྔ་མ་རྣམས་རོལ་པས་ཞེས་པའི་དོན་ཕྱག་རྒྱ་ལ་རོལ་པར་བྱས་ནས་ཤིན་ཏུ་རྣལ་འབྱོར་
4-2-42b


གྱི་སྐབས་སུ་ཡབ་ལ་ཁྲོ་བོ་བཅུའི་ས་བོན་འགོད་པ་དང༌། ཕྱག་རྒྱ་འདུ་བྱེད་པའི་དུས་སུ་དེའི་ལུས་ལ་ཁྲོ་མོའི་ས་བོན་འགོད་པ་ལ་བྱས་ནས་འདོད་ཆགས་ཆོས་སྦས་སུ་འཆད་དོ། །དེ་ནི་མི་རིགས་ཏེ་ལྷ་སོ་གཉིས་ཀྱི་ལུས་དབེན་དཀྱུས་གཅིག་ལ་འཆད་པར་སྣང་བའི་ཕྱིར་དང༌། འདོད་
ཆགས་ཆོས་སྦས་གསལ་བར་འོག་ནས་སྟོན་པའི་ཕྱིར་དང༌། ཨརྦ་ནྟི་རོལ་པ་ལ་ངེས་པར་བསྒྱུར་མི་དགོས་ལ། བསྒྱུར་དུ་ཆུག་ཀྱང་ཕྱག་རྒྱ་དང་རོལ་པ་ཁོ་ན་ལ་བཤད་མི་དགོས་པའི་ཕྱིར་རོ། །སྤྱོད་བསྡུས་ལས། ཁྲོ་བོ་བཅུ་དང་བྱམས་པ་དང༌། །ཀུན་བཟང་གིས་ལུས་དབེན་མ་གསུངས་པ་ནི། རྒྱུད་ཕྱི་མ་
དང་ཟླ་གསང་ཐིག་ལེ་ལས། རིགས་བརྒྱར་བཤད་པ་ལ་དགོངས་ནས་ཡིན་གྱི་དེར་ངེས་པ་མ་ཡིན་པའི་ཕྱིར་རོ།། ༈ ༽ཏ། ཏཏྟཏ་ནི་དེ་དང་དེའོ། །རིགས་ལྔ་པོ་དེ་དང་དེ་ཡི་རིགས་ལས་བྱུང་བའི། །སྔར་བཤད་པའི་ལུས་དབེན་གྱི་ལྷ་ཕོ་དང་ལྷ་མོ་རྣམས་ལ་ངོ་བོ་
ཐ་དད་པ། །དེ་ནི་ཡོད་པ་མིན་ཏེ་ཐམས་ཅད་ཀྱང་གསང་ཆེན་རྡོ་རྗེ་འཆང་གི་རིགས་གཅིག་ཏུ་འདུ་བས་ལུས་དབེན་གྱི་སྐབས་སུ་རང་ཉིད་ལྷར་བསྒོམ་པ་ན་དེ་ཉིད་བསྒོམ་པར་བྱའོ། །འོ་ན་ལྷ་ཕོ་མོ་དུ་མ་སྟོན་པ་ཅི་ཡིན་སྙམ་ན་ངོ་བོ་ཐ་དད་པ་དེ་མེད་ཀྱང༌། །སོ་སོ་བ་ལ་མོས་པའི་འགྲོ་བའི་
དོན་གྱི་ཕྱིར་དུ་ཐ་དད་པ་དེ་རྣམས་རབ་ཏུ་སྟོན། །པར་མཛད་དོ། །འདིས་ནི་གསང་ཆེན་རྡོ་རྗེ་འཆང་གི་ལུས་དབེན་སྟོན་ནོ།། ༈ ཐཱ། སྠཱ་ཏ་བྱཾ་ཞེས་བྱས་པ་ནི་གཞག་པར་བྱ་ཞེས་པའོ། །དེ་བས་བདེ་སྟོང་གཉིས་སུ་མེད་པའི་ཡེ་ཤེས་མཐོང་བ་སྟེ་མངོན་དུ་
བྱས་པ་ཡི། །རྣལ་འབྱོར་པས་ནི་མཉམ་བཞག་ཏུ་སྣང་མཆེད་ཐོབ་གསུམ་གྱི་ཡེ་ཤེས་གསུམ། །༼གཉིས་མེད་མཐོང་བའི་རྣལ་འབྱོར་པས། །ཡེ་ཤེས་གསུམ་མཐོང་དེ་ལས་ནི། །དམན་དང་བར་མ་དམ་པ་ཡི། །ཡུལ་རྣམས་ལ་ནི་གཞག་པར་བྱ། །ཞེས་པ་ལེགས་སོ། །
4-2-43a


༼མཐོང་བ་དེ་ལས་ལངས་པའི་དུས་སུ་ནི་ཕྱིར་གཟུགས་སོགས་དམན་པ་དང་བར་མ་དང་། །དམ་པ་སྟེ་མཆོག་གི་འི་ཡུལ་གསུམ་པོ་གང་ཤར་བ་ལ་མཉམ་བཞག་གི་བདེ་སྟོང་དྲན་པ་དེ་གཞག་པར་བྱ། །
བ་སྟེ་དེའི་རྣམ་རོལ་ཏུ་བལྟས་ཏེ་རྒྱས་གདབ་པར་བྱའོ། །དེ་ཉིད་གསལ་བར་སྟོན་པ་ནི། ག་ཙྪ་ཏི་ནི་འགྲོ་བར་འགྱུར་བའོ། །མིག་ལ་སོགས་པའི་དབང་པོ་རང་ཉིད་རང་རང་གི་ཡུལ་གཟུགས་སོགས་ལ། །འགྲོ་བ་སྟེ་འཇུག་པར་གྱུར་པའི་ཡུལ་དེ་དང་དེ། །དབང་པོ་
གང་དང་གང་གི་སྤྱོད་ཡུལ། །དུ། ལོངས་སྤྱོད་པ་དེ་དང་དེ་ནི་སྣང་བ་གསུམ་གྱི་ཡེ་ཤེས་ཀྱི་བདེ་སྟོང་དབྱེར་མེད་པ་ཙམ་ཉིད་དོ། །༼ཞེས་ཡང་དང་ཡང་དུ་བལྟ་བར་བྱ་སྟེ། དེ་ལྟར་བསྒོམས་ན་ཡུལ་དུ་གང་སྣང་ཀུན་ནང་དུ་བདེ་བ་འབར་བའི་གྲོགས་སུ་འགྱུར་རོ། །
ཚིགས་བཅད་དེ་གཉིས་ཀྱིས་ནི་སེམས་དབེན་གྱི་བདེ་སྟོང་མཉམ་བཞག་ཏུ་བསྐྱངས་པའི་མཐར་མཉམ་ལངས་ཀྱི་དུས་སུ་ཇི་ལྟར་སྒོམ་པ་བསྟན་ཏེ། ལུས་དབེན་དང་ངག་དབེན་ལ་སོགས་པ་ལ་ཡང་མཉམ་བཞག་ཏུ་ལྷན་སྐྱེས་ཀྱི་བདེ་སྟོང་དབྱེར་མེད་སྐྱོང་ནུས་པའི་མཚམས་ནས་མཉམ་ལངས་ཀྱི་དུས་སུ་
སྔར་ལྟར་བྱེད་པ་ཡིན་ནོ། །༽ཏ། ཏཏྟཏྟ་ནི་དེ་དེའོ། །མིག་ལ་སོགས་པའི་དབང་པོ་དེ་དང་དེའི་ལམ་ནས་ནི། །སྒྲུབ་པ་པོས་ནི་ཡུལ་གང་དང་གང་ཐོབ་པ། །སྟེ་ལོངས་སྤྱོད་པ་མཐའ་དག་གཟུགས་རྡོ་རྗེ་མ་ལ་སོགས་པར་བསྒོམས་ཏེ་རང་དེ་བཞིན་
གཤེགས་པ་རྣམས་སུ་བྱས་པ་ལ། ༼མཐའ་དག་དེ་བཞིན་གཤེགས་རྣམས་ལ་ཟེར། ༽དེ་བཞིན་དེ་རྣམས་མ་ལུས་པར། །དེའི་དབང་པོ་རྣམས་ཚིམ་པར་བྱ་བའི་ཕྱིར་དུ་དབུལ་བར་བྱའོ། །༼ཞེས་ཏེ་ཡུལ་ལྔ་རྡོ་རྗེ་མ་ལྔར་བསྒོམ་པའི་
4-2-43b


ལུས་དབེན་ནོ། །རྒྱུད་འདིར་སེམས་དབེན་གྱི་སྣང་བ་སེམས་སྦས་ཀྱི་སྐབས་སུ་ལུས་དབེན་དང་ངག་དབེན་གཉིས་ཀ་གསུངས་ཤིང༌། ལེའུ་བཅུ་བདུན་པའི་འགྲེལ་པར་ཡང་ལྡང་འཇུག་གནས་གསུམ་གྱི་རྡོར་བཟླས་སྦས་དོན་དུ་བཤད་པས་སེམས་དམིགས་རིམ་པ་གཉིས་པར་མཛད་པ་ན་
རྫོགས་རིམ་པའི་ལུས་དབེན་དང་ངག་དབེན་གཉིས་སེམས་དམིགས་ཀྱི་རིམ་པར་སྡུད་པ་ཡིན་ལ། དེས་ནི་རྡོར་བཟླས་རིམ་ལྔའི་རིམ་པ་དང་པོར་མཛད་པས་ན་ལུས་དབེན་ཁྱད་པར་ཅན་རྡོར་བཟླས་ཀྱི་རིམ་པར་སྡུད་པ་ཡང་ཤེས་པར་བྱའོ།། ༈ ༽ཀཱ་ཡ་ནི་སྐུའོ། །ལྷག་མོས་འོད་
གསལ་དུ་སྡུད་པའི་ཆོས་སྐུ་དང༌། མངོན་བྱང་ལྔ་ལས་དང་པོའི་མགོན་པོར་སྐྱེད་པའི་ལོངས་སྐུ་དང༌། ༼གཞི་ལ་འཆི་བའི་འོད་གསལ་གྱི་རླུང་སེམས་ཙམ་ལས་བར་དོའི་ལུས་འགྲུབ་པ་བཞིན་དུ། ལམ་དུ་ཡང་དཔེའི་འོད་གསལ་གྱི་རླུང་སེམས་ཙམ་ལས་སྒྱུ་མའི་སྐུ་སྒྲུབ་པའི་ཀུན་རྫོབ་སྒྱུ་མའི་སྦས་པ་
ནི་ཀཱ་སྐུ་གསུམ་ཞེས་པ་ལ་སོགས་པས་སྟོན་ནོ། །༼དེ་སྤྲུལ་སྐུར་བསྒྱུར་བའི་སྐུ་གསུམ་དག་ནི་ཐ་དད་པར། །སྐྱོབ་པ་ཡིས་ནི་བསྐྱེད་རིམ་དུ་ཡང་དག་པར་བསྟན། །པས་རིམ་པ་དང་པོར་མོས་པ་ཡིད་བྱེད་ཙམ་མིན་པའི་ལམ་གྱི་སྐུ་གསུམ་སྦྱོར་བ་མེད་དོ། །འོ་ན་དེ་
ལམ་གང་གི་སྐབས་སུ་ཡོད་སྙམ་ན། རྫོགས་པའི་རིམ་གྱི་སྦྱོར་བ་ཡིས། །ཏེ་རྣལ་འབྱོར་གྱིས། བློས་བཅོས་པ་ཙམ་མིན་པའི་སྐུ་གསུམ་ངོ་བོ་གཅིག་ཏུ་ཡང་ནི་སྦྱོར་བར་འགྱུར་བ་ཡིན་ནོ། །ཐབས་གང་གིས་དེ་ལྟར་འགྱུར་སྙམ་ན་ཡཱ། ད་ནི་གང་ཞིག་གོ། གང་ཞིག་
སངས་རྒྱས་རྡོ་རྗེ་འཆང་གི་མཚན་དཔེས་བརྒྱན་པའི་སྐུའི་མཚན་ཉིད། །དེ་ངོ་བོ། མིང་ཀུན་རྫོབ་བདེན་པ་སྒྱུ་མའི་ལུས་སུ་ར་གསུངས་པ་ནི། །ངོ་༼དེ་ཉིད་འོད་གསལ་བས་དག་པས། །རྫོགས་པ་ཡི་ནི་རྣལ་འབྱོར་འགྱུར། །ཟེར། དེ་ཉིད་ནི་རྫོགས་པའི་རིམ་པའི་
4-2-44a


སྐུ་གསུམ་ངོ་བོ་གཅིག་ཏུ་སྦྱོར་བར་འགྱུར་རོ་བས། །འོད་གསལ་བར་ནི་རྣམ་པར་དག། པར་བྱས་པས། བཱཀ་པ་ཐ་ནི་ཚིག་གི་ལམ་མོ། །ཚིག་གི་ལམ་ནས་སློབ་མ་ལ་སྒྱུ་མ་ལ་སོགས་པ་དང་དཔེ་དོན་དུ་སྦྱར་ཏེ། བསྟན་
པར་བྱས་པའི་གྱི་ཡུལ་སྒྱུ་ལུས་འདི་ཉིད། །ནི་གཙོ་བོ་སྟེ་ཁྱབ་བདག་གི་འི་ཡེ་ཤེས་ཀྱི་སྐུ་ཡིན་པས་ཡེ་ཤེས་ཀྱི་སྐུ་༼ཀུན་རྫོབ་སྒྱུ་མའི་སྦས་པའི་སྐབས་སུ་མཐར་ཐུག་གི་འོད་གསལ་དང་ཟུང་འཇུག་བཤད་པ་ནི་སྒྱུ་ལུས་རྟོགས་པའི་ཡན་ལག་ཏུ་ཡིན་པས་སྐབས་སུ་མ་བབ་པ་མིན་ནོ། །
༽ཡིན་པས་ཡེ་ཤེས་ཀྱི་སྐུ་ཡིན་ལ། རང་བཞིན། །གྱི། དེ་ཡང་སེམས་ཅན་ཀུན་ལ་ཕན་པའི་གཟུགས་སྐུའི་ཐུན་མོང་མ་ཡིན་པའི་རྒྱུ་སྒྲུབ་པའི་ཕྱིར་དུ། །འཇའ་ཚོན་བཞིན་དུ་སྣང་བའི་སྐུར་སྐྱེད་པ་ཡིན་ནོ། །༈ ༽ཙིད། ཏ་ནི་སེམས་སོ། །
ང་བ་གསུམ་གྱི་མིང་གི་རྣམ་གྲངས་ལ་སྣང་བ་ལ་སེམས་དང་མཆེད་པ་ལ་སེམས་བྱུང་དང་ཉེར་ཐོབ་ལ་མ་རིག་པ། །དང་། ཡང་དེ་གསུམ་ལ་རིམ་པ་བཞིན་དུ་༼དེ་དག་གིས་སྒྱུ་ལུས་ནི་འོད་གསལ་གྱི་རླུང་སེམས་ཙམ་ལས་སྐྱེས་པའི་ཡེ་ཤེས་ཀྱི་སྐུ་འཇའ་ལུས་རྡོ་རྗེ་འཆང་
གི་སྐུར་བསྟན་ནོ།། ༼ཤེས་རབ་དང་ཐབས་དང་ཉེ་བར་ཐོབ་པ་དང༌། །སྟོང་པ་དང་ཤིན་ཏུ་སྟོང་པ་དང་། །སྟོང་པ་ཆེན་པོ་ཞེས་ཀྱང་རབ་ཏུ་བརྗོད། །དེ་ཀུན་རྟོག་གིས་སྟོང་པའི་རིམ་པ་གསུམ་མོ།། ༈ ཏ། ཏ་ནི་དེ་ནས་སོ་རང་བཞིན་བརྒྱད་
ཅུའི་རྟོག་པ་དང་སྣང་བ་གསུམ་གྱི་ཡེ་ཤེས་ཀྱི་འི་དབྱེ་བ་སྟེ་ཁྱད་པར་ཤེས་ནས། །དེ་ནས་ཏེ་དེའི་འོག་ཏུ་རྫོགས་རིམ་པའི་སྤྱོད་པར་རབ་ཏུ་བྱའོ། །༼ཞེས་སྤྱོད་པ་བྱེད་པའི་དུས་བསྟན་ནོ། །དབྱེ་བ་ཤེས་པ་ནི་གོ་བ་སྐྱེས་པ་ཙམ་མིན་གྱི། ལུས་ལ་གནད་དུ་
4-2-44b


བསྣུན་པའི་ཐབས་ཟབ་མོ་བསྒོམས་པ་ལ་བརྟེན་ནས། རླུང་ཐིམ་པའི་རིམ་གྱིས་སྟོང་པ་རྣམས་བསྐྱེད་པའི་ཉམས་མྱོང་གི་སྟེང་ནས། སྣང་བ་གསུམ་དང་ཀུན་རྟོག་སྐྱེ་ཚུལ་རྣམས་ལེགས་པར་ངེས་པའོ། །འོན་ཀྱང་དེ་ནི་དབེན་པ་གསུམ་གའི་སྐབས་སུ་འབྱུང་མོད་ཀྱང༌། འདི་ནི་སེམས་དབེན་གྱི་
སྣང་བ་རྣམས་ཐོབ་པའི་རྗེས་ནས་ཡིན་ནོ། །འདི་ལ་སེམས་དབེན་ཐོབ་ནས་སྒྱུ་ལུས་འགྲུབ་པའི་དོན་དུ་སྤྱོད་པ་བྱེད་པ་དང༌། སྒྱུ་ལུས་མཚན་ཉིད་པ་ཐོབ་ནས་སློབ་པའི་ཟུང་འཇུག་གི་དོན་དུ་སྤྱོད་པ་བྱེད་པ་དང་། སློབ་པའི་ཟུང་འཇུག་ཐོབ་ནས་མི་སློབ་པའི་ཟུང་འཇུག་གི་ཕྱིར་དུ་སྤྱོད་པ་བྱེད་པ་གསུམ་
ལས། འདིར་ནི་སྤྱོད་པ་དང་པོ་གཉིས་ཀྱི་སྐབས་གཟུང་ངོ༌། །༽དེ་ལྟར་སྤྱོད་པ་བྱས་པས་སྔོན་གྱི་ལས་ཀྱིས་འཕངས་པའི་སྒྲུབ་པ་པོའི་རྣམ་སྨིན་གྱི་ལུས་ནི་ཡོངས་སུ་སྤངས་པ་སྟེ་དེ་ལས་ལོགས་སུ་བྱེ་ནས། །རྡོ་རྗེའི་སྐུ་སྒྱུ་མའི་ལུས་ཉིད་ནི་ཐོབ་པར་འགྱུར་
རོ། །༼རྫོགས་རིམ་པའི་ལམ་དུས་ཀྱི་རྡོ་རྗེའི་སྐུ་ལ་གཉིས་ལས། དེ་ཐོབ་ནས་རིགས་འདྲ་རྒྱུན་མི་འཆད་པའི་རྡོ་རྗེའི་སྐུ་ནི་སློབ་པའི་ཟུང་འཇུག་ནས་འཐོབ་བོ། །ཡེ་ཤེས་ཀྱི་སྐུ་མཚན་ཉིད་པ་ལ་རྡོ་རྗེའི་སྐུར་བྱས་པ་ནི་རིམ་པ་གསུམ་པའི་སྒྱུ་ལུས་ཐོབ་པ་ནས་འབྱུང་སྟེ། རིམ་ལྔར་རྡོ་རྗེའི་སྐུ་
ཡང་དེ་ཉིད་དོ། །ཞེས་རིམ་པ་གསུམ་པའི་སྒྱུ་ལུས་ལ་དེ་ལྟར་གསུངས་པའི་ཕྱིར་རོ། །དེས་ན་སྤྱོད་པའི་ཕན་ཡོན་འདི་ཡང་སྐབས་གཉིས་སུ་ཤེས་པར་བྱའོ། །༽ཧྲི། ད་ནི་ཐུགས་སོ། །སྒྲུབ་པ་པོ་རང་གི་ཐུགས་ཏེ་སེམས་ལ་འཇིག་རྟེན་པ་སེམས་ཅན་ཡིན་ནོ་ཅོག་
རྣམས་ཀྱི། །དོན་དུ་སྤྱོད་པ་བྱའོ་ཞེས་བཞག་ནས་དེ་བཞིན་གཤེགས། །པ་རྣམ་སྣང་ལ་སོགས་པའི་ཀུན་ཀུན་རྫོབ་པ་ཡི་སྐུར་སྤྲུལ་ནས་ཟེར། རྫོབ་པ་སྟེ་བཅོས་མ་འབག་ལ་སོགས་པའི་ཏུ་ནི་སྐུར་སྤྲུལ་པ་སྟེ་ཆ་ལུགས་སུ་བསྒྱུར་ནས། །རང་འདོད་
4-2-45a


ཡོན་གང་ལ་ཇི་ལྟ་ཇི་ལྟར་སྤྱོད་འདོད་པ་དེ་ལྟ་དེ་ལྟར་འདོད་ཡོན་ལ་སྤྱོད། །པར་བྱེད་དོ་ཞེས་པ་འདིས་སྤྱོད་པའི་དུས་སུ་ཆས་སུ་འཇུག་ཚུལ་སྟོན་ནོ།། ༈ ད། ཏི་ནི་སྟེར་བར་བྱེད་པའོ། །སྤྱོད་པ་བྱས་པ་ལ་བརྟེན་ནས་ཡིད་བཞིན་གྱི་
ནོར་བུ་མཆོག་ལས་འཕྲལ་གྱི་མངོན་འདོད་ཐམས་ཅད་འབྱུང་བ་བཞིན་དུ། །འདོད་པའི་དོན་འཇིག་རྟེན་པའི་དངོས་གྲུབ་ཐམས་ཅད་སྟེར་བར་འགྱུར། །ལ་དེར་མ་ཟད་མཆོག་གི་དངོས་གྲུབ་སངས་རྒྱས་རྣམས་ཀྱི་ཕུན་ཚོགས་ཐམས་ཅད་ཀྱང༌། །སྤྱོད་
པ་བྱས་པའི་སྟོབས་ཀྱིས་བླངས་ནས་དེའི་ཕུན་ཚོགས་ལ་ལོངས་སྤྱོད་པར་འགྱུར། །རོ་ཞེས་པས་སྤྱོད་པའི་ཕན་ཡོན་བསྟན་ནོ།། ༈ ཡ། ད་ཡང་ནི་གང་ཡང་ངོ༌། །རྫོགས་རིམ་པའི་སྤྱོད་པ་བྱེད་པའི་རྣལ་འབྱོར་དབང་པོས་ནི་རང་འདོད་ཡོན་གང་དང་
གང་ལ་སྤྱོད་པར་འདོད། །པ་དེ་དང་དེ་ནི་ཐོགས་པ་སྟེ་དགག་པ་མེད་པར་ལོངས་སྤྱོད་པར་བྱའོ། །མཉམ་པར་མ་བཞག་པ་སྟེ་རྗེས་ཐོབ་ཀྱི་དུས་སུ་འདོད་ཡོན་ལ་རོལ་པ་དེ་ལྟ་བུའི་རྣལ་འབྱོར་གྱིས། །ནི་དུས་རྟག་ཏུ་བདེ་སྟོང་དབྱེར་མེད་ཀྱི་
དོན་ལ་མཉམ་པར་འཇོག་པར་འགྱུར། །རོ་ཞེས་པས་སྤྱོད་པ་བྱས་པས་བདེ་སྟོང་གི་ཏིང་ངེ་འཛིན་ལ་མཉམ་རྗེས་ཀུན་ཏུ་གནས་པར་བསྟན་ཏེ། འདི་དང་ཐུགས་ལ་ཞེས་པའི་ཚིགས་བཅད་གཉིས་ཀྱིས་སྤྱོད་པའི་ཆོ་ག་སྟོན་ནོ།། ༈ བ། ལ་ཛྲ་བསྣན་པ་ནི་
རྡོ་རྗེའོ། །སྒྲུབ་པ་པོའི་རྡོ་རྗེ་དང་པདྨ་མཉམ་པར་སྤྱོར་བལ་བརྟེན་ནས། །རླུང་ཐིམ་པའི་རིམ་པས་སྣང་མཆེད་ཐོབ་གསུམ་གྱི་ཡེ་ཤེས་གསུམ་གྱི་ཆ་སྟེ། དབྱེ་བ་རྣམས་ལེགས་པར་རིག་པར་བྱས་པ། །བློ་ལ་གོས་དང་མ་གོས་
4-2-45b


པས། །དེར་ནི་བདེ་སྟོང་སྦྱོར་བས་རྟག་ཏུ་སྟེ། ཡུན་རིང་དུ་མཉམ་གཞག་ལ་གནས། །པར་བྱའོ། །གོས་བ་ཆབ་དང་མ་གོས་བློ་ཅན་གྱིས། །ཞེས་པ་ལེགས་པས་ཕྱག་རྒྱ་དང་སྙོམས་པར་འཇུག་པ་དེ་ཡང་དེ་ལྟར་བྱེད་པ་ལ་ཉོན་མོངས་པའི་ཉེས་དམིགས་ཀྱིས་རྒྱུད་ལ་གོས་པ་དང༌། ཉོན་མོངས་ལམ་དུ་བྱས་
པས་ཉེས་དམིགས་ཀྱིས་རྒྱུད་ལ་མ་གོས་པའི་རྣམ་དབྱེ་ལེགས་པར་ཕྱེད་པའི་བློ་གྲོས་ཅན་གྱིས་བྱ་བ་ཡིན་ནོ།། ༈ ཛྲ། ལ་ཛིམྦྷ་ཞེས་བྱས་ན་རོལ་པའོ། །རང་སྒྱུ་མ་ལྟ་བུའི་ཏིང་ངེ་འཛིན་ལ་གནས་པ་ཉིད་ཀྱི་གྱིས། །ཕྱི་ནང་གི་དངོས་པོའི་བདག་ཉིད་༼
འདི་ཕྱག་རྒྱ་ལ་བརྟེན་ནས་མཉམ་བཞག་ཏུ་སེམས་དབེན་གྱི་ཡེ་ཤེས་བསྐྱེད་པ་ལ་སྦྱོར་བར་སྔ་མ་རྣམས་བཞེད་དེ། དེར་མ་ཟད་ལུས་དབེན་གྱིས་བརྒྱུད་ནས་དང༌། ངག་དབེན་གྱིས་དངོས་སུ་མཉམ་བཞག་ཏུ་སེམས་དབེན་བསྐྱེད་པ་ཡང་ཤེས་པར་བྱོས་ལ། མཉམ་བཞག་ལས་ལངས་པའི་དུས་སུ་
སྒོམ་ཚུལ་ནི་བཤད་ཟིན་ཏོ། །འདིས་འདོད་ཆགས་ཆོས་སྦས་སྟོན་ལ་སྤྱོད་པ་གཉིས་ཀྱི་སྐབས་སུ་ཡང་ཕྱག་རྒྱ་ལ་བརྟེན་པ་ཡང་རིག་པར་བྱའོ། །འདི་རྣམས་ཀྱི་སྐབས་སུ་ཡེ་ཤེས་གསུམ་ཞེས་མང་དུ་འབྱུང་བ་ནི་དོན་གྱི་འོད་གསལ་སྐབས་འདི་རྣམས་སུ་མེད་ལ། དཔེའི་འོད་གསལ་ཐམས་ཅད་སྟོང་
པ། སྟོང་པ་གསུམ་པ་ཉེར་ཐོབ་ཏུ་བསྡུས་པའི་ལུགས་ཡིན་པས། དཔེའི་འོད་གསལ་ལོགས་སུ་བྱས་ན་སྟོང་པ་བཞི་ག་ཡོད་དོ། ། ༼ཀུན་ལ་རྣམ་པར་རོལ། །པ་སྟེ་རང་སྒྱུ་ལུས་སུ་སྣང་བ་དེ་དང་འདྲ་བར་བལྟ་བའོ། །རིམ་ལྔ་ལས། སྒྱུ་མ་ལྟ་བུའི་ཏིང་འཛིན་གནས། །ཐམས་ཅད་དེ་དང་
འདྲ་བར་མཐོང༌། །ཞེས་གསུངས་པ་ལྟར་རོ། །སངས་རྒྱས་ཀྱི་མཛད་པ་ནི་ཐབས་སྣ་ཚོགས་ཀྱིས་སེམས་ཅན་གྱི་དོན་མཛད་པ་ཡིན་ལ་སྒྱུ་ལུས་པ་འདིས་ཀྱང་དེ་ལྟར་བྱེད་བཞིན་དུ། །མཐར་ཐུག་པའི་དོན་གཏན་ལ་ཕབ་པའི་གཞི་འོད་གསལ་ལ་གནས། །པར་མཛད་དོ་
4-2-46a


ཡོ། ག་ནི་རྣལ་འབྱོར་རོ། །རྣལ་འབྱོར་དང་དེས་མཚོན་པའི་རྗེས་སུ་རྣལ་འབྱོར་དང་ལྷག་པ་སྟེ་ཤིན་ཏུ་འི་རྣལ་འབྱོར་དང༌། །རྣལ་འབྱོར་ཆེན་པོར་ཏེ་རྣལ་འབྱོར་བཞིའི་དང་པོ་སྦྱོར་བར་ཡང་སྒྱུ་ལུས་པ་རང་ཉིད་འགྱུར་ལ། །རྡོ་རྗེ་ཅན་ཏེ་དཀྱིལ་འཁོར་
རྒྱལ་མཆོག་གི་གཙོ་བོ་དང་འཁོར་གྱི་མཁའ་འགྲོ་ཕོ་མོ་དང་། །གང་ཡིན་པ་ཡང་རྣལ་འབྱོར་སྒྱུ་ལུས་པ་དེ་རང་ཉིད། །དེ་དག་ཏུ་འགྱུར་རོ། །དེ་དག་གིས་ནི་སྒྱུ་ལུས་པའི་ཏིང་ངེ་འཛིན་གཉིས་བསྟན་ཏེ། དེས་ལས་རྒྱལ་མཆོག་ཀྱང་ཤེས་པར་བྱའོ། །ཚིགས་བཅད་དེ་གཉིས་༼
མཁའ་འགྲོ་མ་ཞེས་པ་ལྟར་ནའང་འཁོར་གྱི་ལྷ་མོ་སྨོས་པས་འཁོར་གཞན་ཡང་མཚོན་ནོ། །༽ཀྱིས་སྒྱུ་མ་ལྟ་བུའི་ཁྱབ་པ་བསྟན་ནོ།། ༈ གལ་ཏེ་རིག་མའི་འདོད་ཡོན་ལ་སྤྱོད་ན། འདོད་པ་རྣམས་ནི་དུག་གི་ལོ་མ་ལྟ་བུ་ཞེས་སོགས་དང་འགལ་ལོ་ཞེ་ན་ཥིད། ལ་ནི་ཥིདྷཱ་ཞེས་
བྱས་ན་བཀག་པའོ། །ཐེག་པ་གཞན་དུ་འདོད་ཡོན་ལ་ཆགས་པ་བཀག་པ་དག་ཀྱང་ཐེག་པ་འདིར་ཐབས་མཁས་ཀྱིས་བྱེད་པས་ན། །འདི་འདྲ་བ་འདི་བྱར་རུང་བ་དང་བྱར་རུང་བ་མིན་པ་གང་ཡིན་ནམ་སྙམ་པའི་རྣམ་པར་རྟོག་པ་སྤངས་ཏེ། །བྱས་ཀྱང་ཆགས་སོགས་
ཀྱི་ཉེས་དམིགས་ངན་འགྲོར་འཁྲིད་པ་སོགས་ཀྱི་རྒྱུད་ལ། མི་གོས་པའི་དཔེ་ནི། འདམ་གྱི་དབུས་སུ་སྐྱེས་པའི་པདྨ་ལ་ནི་འདམ་གྱིས་མ་གོས་པ་བཞིན་ནོ། །མི་གོས་པའི་རྒྱུ་མཚན་ནི། ཆོས་རྣམས་ཀྱི་ངོ་བོ་ཉིད་དེ། དེ་ཁོ་ན་ཉིད་ཡོངས་སུ་ཤེས་པའོ། །༼དེ་ཁོ་ན་ཉིད་
ཤེས་པ་དེ་ཙམ་ཞིག་ཡོད་པ་ལ་ཉེས་མེད་དུ་འགྱུར་ན་ནི། འཕགས་པ་ཡབ་སྲས་ཀྱི་གཞུང་ལས་ཐེག་དམན་ལ་ཡང་ལྟ་བ་དེ་ཡོད་པར་གསུངས་པས། དེ་དག་ལ་ཡང་རིག་མའི་འདོད་ཡོན་ལ་བསྟེན་པ་གནང་བར་ཧ་ཅང་ཐལ་བར་འགྱུར་རོ། །དེས་ན་དེ་ཉིད་རྟོགས་པ་གཙོ་བོ་ཡིན་མོད་ཀྱང༌། གཉིས་ཀ་
4-2-46b


ལྷའི་རྣལ་འབྱོར་བརྟན་པ་དང༌། བྱང་ཆུབ་ཀྱི་སེམས་ཕྱིར་མི་འཕོ་བ་སོགས་ཀྱི་མཚན་ཉིད་མང་པོ་གསུངས་པ་རྣམས་ཚང་བ་དགོས་སོ། །༽གོས་པར་མི་འགྱུར། །བས་སྐྱོན་མེད་དེ་གནང་བཀག་དེ་གཉིས་ཀྱི་གདུལ་བྱ་སོ་སོ་བ་ཡིན་པའི་ཕྱིར་རོ།། ༈ བྷ། བ་ཏི་ནི་འགྱུར་རོ་ཞེས་པའོ། །
དབང་ཕྱུག་གི་ཡོན་ཏན་གཟུགས་ཕྲ་བ་སོགས་བརྒྱད་དང་ཉེ་བར་ལྡན་པས། །སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་རིག་པར་འགྱུར་ཞིང༌། །འཇིག་རྟེན་གྱི་ཁམས་ཀྱི་ཞིང་ནི་མ་ལུས་པར། །རྣལ་འབྱོར་པ་བདག་ཉིད་ཡེ་ཤེས་ཀྱི་
ལུས་ཀྱིས་སྤྱོད། །པར་བྱེད་དོ། །གེ་ཧ་ནི་ཁྱིམ་མོ་གཙོ་བོ་གནས་གང་དུ་སྤྱོད་པ་ཡི། །དེ་ཡི་ཁྱིམ་ནི་ནམ་མཁའ་ཉིད། །དོ། །ལྷན་སྐྱེས་ཀྱི་བདེ་བ་ཆེན་པོའི་ཏིང་ངེ་འཛིན་གྱིས། །ནམ་མཁའ་དེ་ཉིད་དུ་ནི་རྟག་ཏུ་དགྱེས། །པར་མཛད་དོ། །ཚིགས་བཅད་
དེ་གཉིས་ཀྱིས་ཀྱང་སྤྱོད་པའི་ཕན་ཡོན་སྟོན་ནོ། །ཡང་ནམ་མཁའ་དོན་དམ་བདེན་པ་ལ་བཤད་ན་ཡུལ་དེར་རྟག་ཏུ་ཡུལ་ཅན་བདེ་ཆེན་གྱིས་རོལ་པར་མཛད་པ་སྟོན་ནོ།། ༈ ཨེ་ཥུ། ནི་འདི་ལའོ། །འདི་ལ་སྣང་བ་གསུམ་གྱི་དབྱེ་བ་ལ། །ཐུན་མཚམས་དང་ཉིན་མོ་
དང་མཚན་མོ་ཡི། །འཇིག་རྟེན་གྱི་ཐ་སྙད་བྱས་པ་སྟེ་ཡིས། །སྣང་བ་སོགས་ཀྱི་ཡེ་ཤེས་གསུམ་ལ་ནི་ཐ་སྙད་དེ་ལྟར་འདོགས་པའི་རྒྱུ་མཚན་ཁྱད་པར་ཅན་མཐོང་བའི་ཕྱིར་རོ། །བི། ཙི་ཏྲ་ནི་སྣ་ཚོགས་པའོ། །སྣ་ཚོགས་པ་ཡི་ཐ་སྙད་
དག། འཇིག་རྟེན་པས་ནི་ཡོངས་བརྟགས་པའི། །སྐྱེས་པ་བུད་མེད་མ་ནིང་གསུམ་དང་། གཡས་གཡོན་དབུས་མ་གསུམ་དང༌། འཇམ་རྩུབ་བར་མ་གསུམ་ལ་སོགས་པ། འོད་གསལ་དུ་བགྲོད་པའི་ལམ་གསུམ་གྱི་ལམ་སྐྱེ་བའི་རིམ་པའི་དུས་གསུམ་གྱི་ནི་དབྱེ་བ་
4-2-47a


ཡིས། །ཡེ་ཤེས་རྣམ་པ་གསུམ་འབྱུང་བའི་མིང་གི་རྣམ་གྲངས་སོ་ངོ༌།། ༈ ཛ། ན་མ་ནི་སྐྱེ་བའོ། །སེམས་ཅན་གྱི་སྐྱེ་བ་དང་སྐྱེས་ནས་མ་ཤིའི་བར་དུ་གནས་པ་དང་འཇིག་པ་སྟེ་འཆི་བ་དང༌། །འཆི་༼
ཚིགས་བཅད་འདི་གཉིས་དང་། སྔར་གྱི། སེམས་དང་སེམས་བྱུང་མ་རིག་པ། །ཞེས་པའི་ཚིགས་བཅད་གསུམ་ནི་ཡེ་ཤེས་གསུམ་གྱི་མིང་གི་རྣམ་གྲངས་ཏེ་སེམས་དམིགས་ཀྱི་རིམ་པར་བསྡུའོ། ། ༼སྲིད་དང་སྐྱེ་སྲིད་གཉིས་ཀྱི་བར་ན་གནས་པའི་སྲིད་པ་བར་མར་གནས་པ་སྟེ། །
སྐྱེ་བ་ལ་སོགས་པ་ཇི་སྙེད་པ་འཇིག་རྟེན་གྱིས་བརྟགས་པ། །རྣམས་མཐར་གཏུགས་པའི་རྩ་བ་ནི་ཤིན་ཏུ་ཕྲ་བའི་རླུང་དང་དེའི་བཞོན་པ་ཅན་གྱི་སེམས་སུ་ཟད་པས་དེ་རྣམས་སེམས་ ༼སྲིད་པ་བར་དོ་ཟུར་དུ་སྨོས་པ་ནི་སྒྱུ་ལུས་སྲིད་པ་བར་དོ་བཞིན་དུ་བསྐྱེད་པ་གོ་བའི་ཆེད་དོ། །
༼དང་དེའི་བཞོན་པའི་ཀྱི་རླུང་གི་རྣམ་འཕྲུལ་ལོ།། ༈ ཧཱ། ས་ནི་རྒོད་པའོ། །སྤྱོད་པའི་དུས་སུ་ཕན་ཚུན་བལྟས་ཏེ་རྒོད་པ་དང་གླུ་དང་གར་གྱི་རྩེད་མོ་བྱེད་པ་དང༌། །སྒེག་པ་ལ་སོགས་པའི་གར་གྱི་རོ་སྟེ་ཉམས་དགུ་༼
ཞེས་གསུངས་པ་འདིས་སྒྲུབ་པ་པོའི་གཉུག་མའི་ལུས་ཀྱི་རླུང་སེམས་ཙམ་ལས་སྒྱུ་མའི་སྐུ་བསྒྲུབ་པར་སྟོན་པ་ཡིན་ཏེ། སྒྱུ་ལུས་ཀྱི་བསྒྲུབ་གཞིའོ། །༼དང་ར་ལྡན་པ་དང༌། །ངག་ཏུ་སྔགས་སྨྲ་བ་དང་ལུས་ཀྱི་ཕྱག་རྒྱ་འཆིང་བའི་རྣམ་པར་རྟོག་
པ། །ཐམས་ཅད། རང་ཉིད་རྡོ་རྗེ་སེམས་དཔར་གནས་པའི་ཀུན་ཏུ་སྤྱོད་པ་ཡིན་ནོ། ཞེས་པས། སྔར་ངོ་བོ་ཉིད་ཤེས་གོས་མི་འགྱུར་ཞེས་གསུངས་པའི་རྒྱུ་མཚན་བསྟན་ནོ་འོ།། ༈ རཏྣ་ནི་རིན་པོ་ཆེའོ། །བདག་བྱིན་གྱིས་བརླབ་པ་
4-2-47b


ཆེན་པོའི་སྒྱུ་ལུས་ནི་ཤིན་ཏུ་དཀོན་པ་དང་ཚེ་འདིར་འཚང་རྒྱ་བའི་འདོད་དོན་སྟེར་བས་རིན་པོ་ཆེ་མཆོག་ཡིན་གྱི། དེ་མ་གཏོགས་པར། །རིན་ཆེན་གཞན་དེ་དང་མཚུངས་པ་དག་སྦས་པའི་སྐབས་འདི་ན་མེད་དོ། མེ་ཡིས་དྲི་མ་ལེགས་པར་སྦྱངས་པའི་ནོར་བུ་བཞིན། །
དུ་འགྱུར་རོ། །སྐུ་དེ་རང་བཞིན་འོད་གསལ་དུ་ཞུགས་པས་རྣམ་པར་དག་པ་སྟེ་སྦྱངས་ན་འོ།། ༈ དཔལ་ལྡན་འདུས་པའི་རྩ་རྒྱུད་ཀྱི་འདི་སྐད་ནས་ཡོངས་གསལ་བའི། །བཞུགས་ཞེས་པའི་ཚིག་དོན་འདི་དག་ནི། །བཤད་རྒྱུད་རྡོ་རྗེ་འཕྲེང་༼
དཔལ་ལྡན་འདུས་པའི་བཞུགས་པའི་ཚིག། རྡོ་རྗེ་འཕྲེང་བའི་རྗེས་འབྲངས་ནས། །དེ་ལྟར་ཡོངས་སུ་གསལ་བར་ནི། །འཇམ་པའི་དབྱངས་ཀྱིས་བཤད་པ་ཡིན། །ཞེས་བྱའོ་ཟེར། ། ༼བའི་རྗེས་སུ་འབྲངས་པ་སྟེ་དེའི་དབང་དུ་བྱས་ནས། །རྡོ་རྗེ་འཆང་གིས་འཇམ་ཞིང་
སྙན་པའི་དབྱངས་ཀྱིས་བཤད་པ་ཡིན་ནོ། །སྣང་བ་སེམས་དང་འདོད་ཆགས་ཆོས་དང༌། ཀུན་རྫོབ་སྒྱུ་མའི་སྦས་པ་གསུམ་ཀ་བསྟནཔའོ།། ༈ སྟོན་པ་དང་གནས་ཀྱི་ཚིག་སྦས་དོན་དུ་བཤད་པར་མ་ཟད་སླར་ཡང་དགོངས་པ་ལུང་སྟོན་གྱི་ལུང་གིས་
མཐར་ཐུག་ཏུ་བཤད་པ་གསུངས་པ་ནི་དེ་ཉིད་གཉིས་སོ། །འདི་སྐད་ཅེས་པའི་ཨེ་ཝཾ་གྱི་དོན་གྱི་གཙོ་བོ་འོད་གསལ་གྱི་ཨེ་ཝཾ་བདེ་སྟོང་དབྱེར་མེད་དང་ཟུང་འཇུག་གི་ཨེ་ཝཾ་བདེན་གཉིས་དབྱེར་མེད་ཀྱི་བདག་གིས་ཞེས་པ་ནི་རྣལ་འབྱོར་པ་ཡིན་ལ་ཐོས། །ཞེས་པ་ནི་ཨེ་ཝཾ་གྱི་
དོན་དེ་མངོན་དུ་གྱུར་པའི་སྒོ་ནས་རྟོགས་པ་སྟེ་ལུང་སྟོན་ལས། །བདག་གིས་ཞེས་རྟོགས་ཏེ་འགྱུར་བ་ཞེས་སོ། །གསལ་བ་འགའ་ཞིག་དུས་ཡིན་ཏེ། །༼རྐང་པ་འདི་ལ་འགྲེལ་པའི་འགྱུར་མི་འདྲ་བ་གསུམ་ཡོད་ཀྱང༌། ལུང་སྟོན་ལས། ཤིན་ཏུ་གསལ་བ་དུས་གཅིག་ན། །ཞེས་འབྱུང་བ་ལྟར་
4-2-48a


བཤད་ན། སྔར་བཤད་པའི་འོད་ཟུང་གི་བྱང་ཆུབ་ཏུ་བགྲོད་པ་ནི་ཤིན་ཏུ་གསལ་བ་སྟེ་མྱུར་བས། དུས་གཅིག་ན་སྟེ་དུས་ཐུང་ངུ་གཅིག་ལ་ཐོབ་པར་མཛད་པ་སྟེ། ལུང་སྟོན་ལས། ཤིན་ཏུ་གྲངས་མེད་བསྐལ་པ་རུ། །སངས་རྒྱས་རྣམས་ཀྱིས་གང་མཁྱེན་པ། །སྔགས་པ་
རྣམས་ཀྱིས་དུས་གཅིག་ན། །སྐད་ཅིག་ལ་རྫོགས་བྱང་ཆུབ་ཐོབ། །ཞེས་གསུངས་སོ། །སྐད་ཅིག་ལ་ཞེས་པ་ནི་ཕར་ཕྱིན་གྱི་ཐེག་པ་ལ་ལྟོས་ན། སྐད་ཅིག་ཙམ་ཞེས་པའམ་ཤིན་ཏུ་མྱུར་བའི་དོན་ནོ། །༽རྡོ་རྗེ་ནི་མི་ཕྱེད་པ་སྟེ་ཟུང་འཇུག་དང༌། གསང་བ་ནི་གསང་སྔགས་ཀྱི་དོན་ཀུན་བསྡུས་པ་
དང་། དབང་པོ་ནི་གཙོ་བོ་སྟེ་དེའོ། །བཅོམ་ལྡན་འདས། །ཞེས་པ་ནི། སྐུ་དང་གསུང་དང་ཐུགས་ཞེས་པ་ནི་སྐུ་རྡོ་རྗེ་སོགས་གསུམ་ཡིན་ལ་དེ་གསུམ་གྱི་སྙིང་པོ་ནི་རྡོ་རྗེ་གསུམ་མི་ཕྱེད་པ་ལས་མི་འདའ་བའི་དམ་ཚིག་གསུམ་གྱི་མཆོག། རྡོ་རྗེ་འཆང་ངོ༌། །ཡེ་ཤེས་ཀྱི་དེ་
བཞིན་གཤེགས་པ་ཀུན། །ཏེ་ཐམས་ཅད་ནི་ཆོས་གང་དང་གང་ཡིན་པ་དེ་དང་དེའི་རང་བཞིན་སྟོང་པ་ཉིད་ཀྱི་དེ་བཞིན་ཉིད་ཡིན་ལ་ཡུལ་ཇི་ལྟར་༼རྡོ་རྗེ་གསུམ་ནི་དམ་ཚིག་མཆོག་ཟེར། ༸རྒྱུད་ལོགས་སུ་བསྒྱུར་བ་ལས། དེ་བཞིན་གཤེགས་ཀུན་ཡེ་ཤེས་ནི། །ཡོན་ཏན་ཕུན་
ཚོགས་བསམ་མི་ཁྱབ། །ཞེས་འབྱུང་ཞིང་འགྱུར་གསར་གཉིས་ཀ་ལ་ཡེ་ཤེས་ཞེས་པ་གཅིག་ལས་མེད་པ་ལྟར་བྱའོ། །༼གནས་པ་བཞིན་དུ་ཡུལ་ཅན་གྱི་ཡེ་ཤེས་དེར་གཤེགས་ཤིང་གཉིས་སུ་མེད་པར་སྦྱོར་བ་དེ་མཐོང་བའི་ཡེ་ཤེས་ཡོན་ཏན་ཕུན་སུམ་
ཚོགས་པ་བསམ་གྱིས་མི་ཁྱབ་པ་ཀུན་ཚང་བ་སྟེ། ལུང་སྟོན་ལས། ཐམས་ཅད་གྱུར་པ་གང་གང་ཡིན། །དེ་དེ་སྟོང་པ་ཉིད་དུ་འགྱུར། །དེ་བཞིན་སྦྱོར་བ་དེ་མཐོང་བས། །ཀུན་རིག་དེ་ནི་དེ་བཞིན་གཤེགས། །ཞེས་སོ། །འོག་ཏུ་བཞུགས་ཞེས་པའི་དོན་ནི་གནས་པ་ཡིན་ལ། དེའི་
4-2-48b


གནས་ཚུལ་ནི་མཚན་མར་འཛིན་པའི་དམིགས་གཏད་ཀྱིས་གནས་པ་ཅུང་ཟད་ཀྱང་མེད་པས་རང་བཞིན་གྱིས་ཡོད་པ་དང་གཏན་མེད་པ་དང་ཡོད་མེད་གཉིས་ཀ་དང་གཉིས་ཀ་མ་ཡིན་པར་ངོ་བོ་ཉིད་ཀྱིས་གནས་པའི་མཐའ་བཞི་ལས་འདས་པའི། །དོན་ལ་གནས་པ་མེད་པའི་ཚུལ་
གྱིས་གནས་པ་ཞེས་བྱ་བའི་མིང་གིས་གསུངས་པའི་དོན་ནོ་འོ། །ནམ་མཁའི་རང་བཞིན་ཐམས་ཅད་སྟོང་པ་འོད་གསལ་འདི་ལས་ནི། །ཐམས་ཅད་མཁྱེན་པའི་ཡེ་ཤེས་ཟུང་འཇུག་བསྒོམ། །པ་སྟེ་འབྱུང་ངོ༌། །འགྲོ་བ་རྣམས་ཀྱི་སྙིང་སྟེ་སེམས་ཀྱི་རང་བཞིན་
རྣམ་པར་དག་ཅེས་དེ་སྐད་བྱ་བ་ལ། །ཐུབ་པ་ཆེན་པོ་བཞུགས་པར་མཛད། དོ། །བཞུགས་ཚུལ་ནི་སྔར་བཤད་པ་ལྟར་རོ། །དེ་དག་ནི་འོད་གསལ་དང་ཟུང་འཇུག་གི་༼སྒོམ་པ་དང་འབྱུང་བ་ལ་སྐད་དོད་ཐུན་མོང་བ་ཡོད་ཀྱང་འབྱུང་བར་བསྒྱུར་བ་ལེགས་སོ། །
༸པ་ནི་བདེ་བའི་དོན་དུ་བསྟེན་པར་བྱ་བས་བཙུན་མོ་དང་བུད་མེད་དང༌། དེ་ཉིད་ཡོན་ཏན་སྐྱེ་བའི་གནས་སུ་གྱུར་པས་བྷ་ག་སྟེ། ལུང་སྟོན་ལས། སེམས་ཅན་ཀུན་གྱི་སེམས་གང་ཡིན། །ནམ་མཁའ་ཡོངས་སུ་བརྟག་པ་སྟེ། །དེ་ཡང་དེ་རུ་ཀུན་གནས་པས། །བུད་མེད་ཆོས་གཅིག་པུ་ཡི་གཟུགས། །
སངས་རྒྱས་ཀུན་གྱིས་གང་བསྟེན་པ། །སར་གྱུར་དེ་ནི་བཅུ་གསུམ་པ། །དེ་ནི་བུད་མེད་ཅེས་བཤད་དོ། །དེ་བས་ཆོས་དེ་བྷ་ག་ཡིན། །ཞེས་སོ། །༼མཐར་ཐུག་པ་སྟེ། སློབ་མའི་མཆོག་ལ་བཤད་པར་བྱ་བའོ།། ༈ དེ་ལྟར་འདི་སྐད་ནས་བཞུགས་སོ་ཞེས་
པའི་ཚིག་རྣམས་ཚུལ་བཞིར་བཤད་པ་ཉིད་ཀྱིས་༼དེ་ལྟར་སྟོན་པ་དང་གནས་ཀྱི་གླེང་གཞི་ཚུལ་བཞིར། མཆོག་ཏུ་གྱུར་པའི་རྒྱུད་སྡེ་བཞིས་ལེགས་པར་བཤད་པ་འདི་ནི། མགོན་པོ་ཀླུ་སྒྲུབ་ལས། དཔལ་ལྡན་ཟླ་བ་གྲགས་པས་རྙེད་པའི་བཤད་སྲོལ། རྣམ་དཔྱོད་ཆེན་པོ་དང་ལྡན་པ་རྣམས་ཡིད་
4-2-49a


འཕྲོག་པའི་བཤད་པ་ཡིན་ནོ། །༼འདུས་པའི་རྒྱུད་མ་ལུས་པའི་དགོངས་པ་སྟེ་དོན་གྱི་གཙོ་བོ་རྣམས་བསྟན་ནས། །དེའི་འོག་ཏུ་བརྗོད་ཀྱིས་མི་ལང་བའི་ཞེས་བྱ་བ་ལ་སོགས་པས་ནི་འཁོར་ཕུན་སུམ་ཚོགས་པ་སྟོན་
ཏེ། བརྗོད་ཀྱིས་མི་ལང་བ་དང་པོ་ནི་འཁོར་གྱི་གྲངས་བགྲང་བ་ལས་འདས་པའོ། །སླར་ཡང་བརྗོད་ཀྱིས་མི་ལང་བ་ཞེས་པ་གཉིས་པ་ནི་གཟུགས་ཏེ་སྐུའི་དང་ཡོན་ཏན་དང་ལ་སོགས་པས་ཐུགས་དང་གསུང་གི་རྣམས་ཚིག་གི་སྤྱོད་ཡུལ་ལས་
འདས་པ་སྟེ། དེ་དག་གིས་ནི་ཚད་མེད་པ་ཉིད་དུ་བསྟན་ཏོ། །སངས་རྒྱས་ཀྱི་ཞིང་གི་རྡུལ་ཕྲ་རབ་སྙེད་ཀྱི་ཞེས་བྱ་བ་ནི། ༼གཟུངས་དང་ཡོན་ཏན་ལ་སོགས་པ་ཟེར། ༽སངས་རྒྱས་ཀྱི་ཞིང་དཔག་ཏུ་མེད་པ་དང་འབྲེལ་བའི་རྡུལ་ཕྲ་མོ་དང་མཉམ་༼
སངས་རྒྱས་ཀྱི་ཞིང་གི་རྡུལ་ཕྲ་རབ་སྙེད་ཀྱི་ཞེས་བྱ་བས་ནི་དེ་རྣམས་ཚད་མེད་པ་ཉིད་དུ་བསྟན་ཏེ། ༽པའོ། ཞེས་བྱ་བའི་བར་སྟེ་ཐ་ཚིག་གོ་རོ། །འཁོར་དེ་ལས་ཏེ་དེའི་ནང་ནས་ལྷའི་གྲངས་གང་གིས་དཀྱིལ་འཁོར་ལ་འགོད་པའི་གཤེགས་པ་དང༌། བྱང་སེམས་ཀྱི་
ལྷའི་འཁོར་ལོ་ཡོངས་སུ་རྫོགས་པར་འགྱུར་བ་དེ་ཙམ་ཉིད་ཅིག་སྐབས་འདིར་བསྟན་པའི་ཕྱིར། འདི་ལྟ་སྟེ། དམ་ཚིག་རྡོ་རྗེ་ཞེས་བྱ་བ་ལ་སོགས་པ་སྨོས་ཏེ། དམ་ཚིག་རྡོ་རྗེ་ནི་དོན་ཡོད་པར་གྲུབ་པའོ། །འོག་མ་རྣམས་སུ་མ་ཟད་འདིར་༼
རང་དོན་ཆོས་ཀྱི་སྐུའི་བྱང་ཆུབ་ལ་ཐོབ་པར་སེམས་པས་ན་བྱང་ཆུབ་སེམས་དཔའ་དང༌། དེ་ཡང་གཞན་གྱི་དོན་མཐར་ཐུག་པ་སྒྲུབ་པའི་དོན་དུ་ཡིན་པས། སེམས་དཔའ་ཆེན་པོ་ཞེས་པ་ནི། དམ་ཚིག་རྡོ་རྗེ་ནས་ཆོས་ཀྱི་དབྱིངས་ཀྱི་ངོ་བོ་ཉིད་རྡོ་རྗེའི་བར་ལ་སྦྱར་རོ། །༼ཡང་དེའི་༸འདིར་
4-2-49b


ནི་དམ་ཚིག་རྡོ་རྗེའི་སྒྲས་དེའི་རིགས་ཅན་སྒྲིབ་པ་ཐམས་ཅད་རྣམ་པར་སེལ་བ་རྗོད་པར་བྱེད་དོ་ཟེར། ༽རིགས་དང་ལྡན་པའི་སྒྲིབ་པ་ཐམས་ཅད་རྣམ་པར་སེལ་བ་ལ་དམ་ཚིག་རྡོ་རྗེའི་སྒྲར་བརྗོད་དོ། །སྒྲིབ་སེལ་ལ་རིགས་ཀྱི་སྒྲས་རིགས་ཅན་བརྗོད་པ་དེ་བཞིན་དུ་སྐུ་རྡོ་རྗེ་ཞེས་པ་
ནི་རྣམ་སྣང་གི་རིགས་ཅན་སའི་སྙིང་པོའོ། །གསུང་རྡོ་རྗེ་ནི་སྣང་མཐའི་རིགས་ཅན་འཇིག་རྟེན་དབང་ཕྱུག་གོ། ཐུགས་རྡོ་རྗེ་ནི་མི་བསྐྱོད་པའི་རིགས་ཅན་ཕྱག་ན་རྡོ་རྗེའོ། །ཏིང་ངེ་འཛིན་རྡོ་རྗེ་ནི་རིན་འབྱུང་གི་རིགས་ཅན་༼སྐུ་རྡོ་རྗེ་ནས་རྒྱལ་བ་རྡོ་རྗེའི་བར་ལ་ཡང་ཤེས་པར་བྱའོ། །
༽ནམ་མཁའི་སྙིང་པོའོ། །རྒྱལ་བ་རྡོ་རྗེ་ནི་ཛི་ན་ཛིཀ་ཅེས་གསུངས་པ་ལྟར་རྒྱལ་བ་རྣམ་སྣང་གི་རིགས་ཅན་བྱམས་པའོ། །ས་རྡོ་རྗེ་ནི་སངས་རྒྱས་སྤྱན་ནོ། །ཆུ་རྡོ་རྗེ་ནི་མཱ་མ་ཀཱིའོ། །མེ་རྡོ་རྗེ་ནི་གོས་དཀར་མོའོ། །རླུང་རྡོ་རྗེ་ནི་དམ་ཚིག་སྒྲོལ་མའོ། །ནམ་མཁའི་༼
འདི་ཡིད་དབང་ལ་འཇོག་པ་རྒྱུད་ཕྱི་མའི་ལུགས་དང༌། རྡོར་འཕྲེང་ལས་རྩ་རྒྱུས་ཀྱི་རང་བཞིན་དུ་བཤད་དོ། །༸ཞེས་པ་ནི་ལྷ་མོ་ནམ་མཁའི་སྤྱན་ལས་དགར་བའོ། །༸སྒྲོལ་མ་ལ་དམ་ཚིག་ཅེས་པའི་ཁྱད་པར་བསྣན་པ་ནི། འཆི་བླུའི་སྒྲོལ་མ་རྣམ་སྣང་གི་རིགས། སྒྲོལ་མ་རལ་གཅིག་མ་མི་
བསྐྱོད་པའི་རིགས། རྡོ་རྗེ་སྒྲོལ་མ་རིན་པོ་ཆེའི་རིགས། ཀུ་རུ་ཀུ་ལླེའི་སྒྲོལ་མ་པདྨའི་རིགས་ལས་དགར་བའི་ཕྱིར་ཡིན་ཅེས་མན་སྙེ་ལས་བཤད་དོ། །༼ཁམས་ཀྱི་འི་རྡོ་རྗེ་ནི་འཇམ་དཔལ་ལོ། །གཟུགས་རྡོ་རྗེ་ནི་ཡུལ་གཟུགས་ཀྱི་ངོ་བོ་ལྷ་མོ་སྟེ་དེ་བཞིན་དུ་གཞན་བཞི་ལ་ཡང་
སྦྱར་རོ་སོ། །སྒྲ་རྡོ་རྗེ་ནི་ཡུལ་སྒྲའོ། །དྲི་རྡོ་རྗེ་ནི་ཡུལ་དྲིའོ། །རོ་རྡོ་རྗེ་ནི་ཡུལ་རོའོ། །རེག་རྡོ་རྗེ་ནི་ཡུལ་རེག་༼རྡོར་འཕྲེང་ལས། ཡིད་འཇམ་དཔལ་དུ་གསུངས་སོ། །༼བྱའོ། །༽འདི་ལྷ་མོ་དགུ་བྱང་ཆུབ་སེམས་དཔར་གསུངས་པ་ལ་ཁ་ཅིག་ན་རེ། ས
4-2-50a


ཕ་རྒྱུད་ཀྱི་དབང་དུ་བྱས་པ་ཡིན་ཞེས་ཟེར་བ་ལྟར་ན། མ་རྒྱུད་དུ་ལྷ་ཕོ་རྣམས་མོའི་མིང་གིས་སྟོན་དགོས་པར་འགྱུར་བས་མི་ལེགས་པས། དཔེར་ན་རིགས་ཀྱི་བུ་ཞེས་པ་བུ་ཕོ་དང་བུ་མོ་གཉིས་ཀའི་དབྱེ་གཞིར་འགྱུར་བ་བཞིན་དུ་བྱང་ཆུབ་སེམས་དཔའ་ལ་ཡང་ཕོ་མོ་
གཉིས་ཡོད་པས་སྤྱི་མིང་ཡིན་གྱི་ཕོའི་མིང་མ་ཡིན་ནོ། །༼ཕྱིའི་སྐྱེ་མཆེད་དྲུག་པ་ཆོས་ཀྱི་དབྱིངས་ཀྱི་རྡོ་རྗེ་ནི་ཀུན་ཏུ་བཟང་པོའོ། །བྱང་ཆུབ་སེམས་དཔའི་ཚོགས་འབའ་ཞིག་དང་ལྷན་ཅིག་ཏུ་ཞུགས་པར་མ་ཟད་ཀྱི། དེ་བཞིན་གཤེགས་པ་ནམ་མཁའི་
དབྱིངས་དང་མཉམ་པ་ཞེས་བྱ་བ་ལ་སོགས་པས་ནི། དེ་བཞིན་གཤེགས་པ་ལྔ་རྣམས་༼རྡོ་རྗེ་འཕྲེང་བ་ལས་ཡིད་དང་ཚིགས་གཉིས་ཀ་ཀུན་བཟང་དུ་བཤད་དོ། །འདིར་དཀྱིལ་འཁོར་གྱི་ལྷ་རྫོགས་པར་མ་བསྟན་པའི་རྒྱུ་མཚན་ནི་འོག་ནས་འཆད་དོ། །༼དང་ཡང་
ལྷན་ཅིག་ཏུ་བཞུགས་པར་སྟོན་ནོ་འོ། །དེ་དག་ལ་སོགས་པ་༼ཁ་ཅིག་གསང་བ་གྲུབ་པར། བྱང་ཆུབ་སེམས་དཔའ་བཅུ་བདུན་གྱིས་གོ་རིམ་གྱིས་ངེས་པར་རྫོགས་པར་གྱུར་ནས། ཞེས་ལྷ་བཅུ་བདུན་གྱིས་ལྷ་རྫོགས་པར་བཤད་པས། སློབ་དཔོན་པདྨ་རྡོ་རྗེའི་ལུགས་
ཀྱིས་འདུས་པའི་དཀྱིལ་འཁོར་ལྷ་བཅུ་བདུན་མ་ཡིན་ནོ་ཞེས་སྨྲ་བ་ནི་མི་རིགས་ཏེ། བྱང་ཆུབ་སེམས་དཔའ་བཅུ་བདུན་གྱི་ཞེས་འབྱུང་བས། དེའི་ལུགས་ལ་འདུས་པའི་དཀྱིལ་འཁོར་ལ་རིགས་ལྔ་གང་ཡང་མེད་པར་འགྱུར་བ་དང༌། སྒྲོན་གསལ་ལས། གང་གིས་ལྷའི་འཁོར་ལོ་རྫོགས་
པར་འགྱུར་བ་དེ་ཙམ་ཉིད་ཅིག་བསྟན། ཞེས་གསུངས་པས། ཟླ་བའི་ཞབས་ཀྱི་ལུགས་ལའང་འདུས་པའི་དཀྱིལ་འཁོར་ལྷ་ཉེར་གཉིས་མར་འདོད་དགོས་པའི་ཕྱིར་རོ། །དེས་ན་ལུང་ཕྱི་མའི་དོན་ནི་བཤད་ཟིན་ལ། ལུང་སྔ་མའི་དོན་ནི། རྒྱུད་ལས། བྱང་སེམས་ཀྱི་མིང་གིས་བསྟན་པའི་
4-2-50b


འཁོར་རྣམས་བཅུ་བདུན་གྱིས་རྫོགས་པའི་དོན་ཡིན་གྱི། དེས་དཀྱིལ་འཁོར་གྱི་ལྷ་རྫོགས་པར་སྟོན་པ་མ་ཡིན་ནོ། །༽ཞེས་བྱ་བ་ལ། དེ་དག་ནི་གཙོ་བོ་རྣམས་སོ། །སོགས་པ་༼འདིར་པ་ཚབ་ཀྱིས། དེ་དག་ལ་སོགས་པ་ཞེས་བྱ་བ་ནི་རིགས་ལྔས་བསྡུས་པ་དེ་དག་ལ་སོགས་
པའོ། །ཞེས་བསྒྱུར་ལ། ཆག་གིས་དེ་དག་ལ་སོགས་པ་ཞེས་པ་ནི། དེ་དག་དང་པོ་བྱས་པའི་རིགས་ལྔས་བསྡུས་པ་རྣམས་ཏེ། ཞེས་བསྒྱུར་བས་འགྱུར་མི་འདྲ་བ་གསུམ་ཡོད་ཀྱང༌། སོགས་ཀྱི་སྐད་དོད་དང་པོ་ལ་ཡང་འགྲོ་ཞིང༌། དངོས་སུ་སྨོས་པ་དེ་དག་དང་པོར་བྱས་པའི་ལྷག་མ་འཛིན་པར་
སྣང་བས་ཆག་ལྟར་བྱས་ན་ལེགས་པར་སྣང་ལ། དེ་དག་ལ་སོགས་པ་ཞེས་པ་སྔ་ཕྱི་གཉིས་ཀ་ལ་བྱའོ། །༽ནི་རིགས་ལྔས་བསྡུས་པ་རྣམས་སོ། །ནམ་མཁའི་དབྱིངས་ཐམས་ཅད་དང་མཉམ་པའི་ཞེས་བྱ་བ་ནི། ནམ་མཁའ་ཁྱབ་པའི་དེ་བཞིན་གཤེགས་
པ་རྣམས་དང་ལྷན་ཅིག་བཞུགས་པའོ། །ནམ་མཁའི་ཁམས་སུ་གཏོགས་པ་ན་དེ་བཞིན་གཤེགས་པ་རྣམས་བཞུགས་པའི་དཔེ་བསྟན་པའི་ཕྱིར། འདི་ལྟ་སྟེ་ཞེས་བྱ་བ་ལ་སོགས་པ་སྨོས་ཏེ། དཔེར་ན་ཏིལ་གྱི་གང་བུ་ནི་ཏིལ་གྱི་ས་བོན་ཕན་ཚུན་
གཏམས་ཏེ། གཅིག་ལ་གཅིག་བཅེར་བའི་ཚུལ་གྱིས་གནས་ལ། དེ་བཞིན་དུ་འདུས་པ་སྟོན་པར་མཛད་པའི་དུས་ན། དེ་བཞིན་གཤེགས་པ་ཐམས་ཅད་ཀྱིས་ནམ་མཁའ་གང་བར་བཞུགས་སོ། །ཞེས་དགོངས་ཏེ། དྲང་བའི་དོན་ཏོ།། 
༈ བརྗོད་ཀྱིས་མི་ལང་བའི་ཡང་བརྗོད་ཀྱིས་མི་ལང་བའི་སངས་རྒྱས་ཀྱི་ཞིང་གི་རྡུལ་ཕྲ་མོ་སྙེད་དང་མཉམ་པའི་བརྟེན་པའི་ལྷ་དེ་བཞིན་གཤེགས་པའི་འཁོར་དང་། བྱང་ཆུབ་སེམས་དཔའ་རྣམས་དང་རྟེན་སངས་རྒྱས་ཀྱི་ཞིང་དཀྱིལ་འཁོར་
4-2-51a


རྣམས་ནི་རྡོ་རྗེ་འཆང་ཆེན་པོ་ཉིད་ཀྱི་སྐུའི་ཡན་ལག་གི་ཆ་ཤས་སུ་གྱུར་པ་ཡིན་ཏེ། འདུས་པ་འདི་ཉིད་ལས་རྐང་པ་འདི་བཞི་ལ་སྐབས་ཀྱི་དབང་གི་འཆད་ཚུལ་མི་འདྲ་བ་མང་དུ་ཡོད་པ་ལ་འདིར་ནི་མདོར་ན་སྟོན་པ་རྡོ་རྗེ་འཆང་གི་
ཕུང་པོ་ལྔ་རྣམས་ནི། །འཁོར་གྱི་སངས་རྒྱས་ལྔར་ནི་རབ་ཏུ་བསྒྲགས། །པ་སྟེ་སྤྲུལ་ཞིང༌། སྟོན་པའི་རྡོ་རྗེའི་སྐྱེ་མཆེད་མིག་ལ་སོགས་པ་ཉིད་དག་ཀྱང་། །འཁོར་གྱི་བྱང་ཆུབ་སེམས་དཔའི་དཀྱིལ་འཁོར་མཆོག། ཏུ་སྤྲུལ་ལོ། །ཅེས་གསུངས་པའི་
ཕྱིར་དང་རྒྱུ་མཚན་དེ་གཉིས་ཀྱིས་དེའི་དུས་ཀྱི་རྟེན་གྱི་དཀྱིལ་འཁོར་ཡང་སྟོན་པའི་སྐུའི་ཆ་ཤས་ལས་སྤྲུལ་པར་འགྲུབ་པའི་ཕྱིར་རོ། །སྐུའི་ཆ་ཤས་དཀྱིལ་འཁོར་གཉིས་སུ་སྤྲུལ་པ་དེ་བས་ན་བཅོམ་ལྡན་འདས་དེ་ཉིད་ཀྱིས་རང་གི་སྐུའི་དཀྱིལ་འཁོར་གྱི་ཆ་ཤས་རྣམས་
རྣམ་པར་སྤྲོས་པ་སྟེ་སྤྲུལ་ནས། དཀྱིལ་འཁོར་གྱི་འཁོར་ལོ་ལྟ་བུས་འདུལ་བའི་སྐྱེ་བོ་རྣམས་དགའ་བར་བྱ་བའི་ཕྱིར། གཞལ་ཡང་ཁང་གི་དབུས་སུ་བཞུགས་པ་སྟེ། ངེས་པའི་དོན་ཏོ། །༼འདིར་དྲང་ངེས་སུ་འཇོག་ཚུལ་གཉིས་ལས། 
སྔོན་བྱུང་གི་དབང་དུ་བྱས་ནས་ངེས་དོན་ཀྱི་སྐབས་སུ་སྟོན་པའི་སྐུའི་ཆ་ཤས་རྣམས་དཀྱིལ་འཁོར་གཉིས་སུ་སྤྲུལ་པར་བཤད་པའི་ཤུགས་ཀྱིས། སྔོན་བྱུང་གི་གཙོ་འཁོར་ལ་རྒྱུད་ཐ་དད་དུ་ཡོད་པར་བཤད་པ་དྲང་དོན་དང༌། རྒྱུད་ཐ་མི་དད་དུ་བཤད་པ་ངེས་དོན་དུ་བྱ་དགོས་སོ། །འདིའང་ལུང་
སྟོན་ལས། གང་ཡང་དམ་ཚིག་སྔོན་འགྲོ་དང༌། །སྐུ་རྡོ་རྗེ་སོགས་མིང་ཅན་གྱི། །བྱང་ཆུབ་སེམས་དཔའ་སེམས་ཆེན་དང༌། །དོན་ཡོད་མཐའ་ཅན་དེ་བཞིན་གཤེགས། །འདི་རྣམས་སྐུ་ཡི་ཡན་ལག་གྲགས། །ཞེས་གསུངས་པའི་དགོངས་པའོ། །སྔར་ཡིག་སྤྱིའི་སྐབས་སུ་སྔོན་འབྱུང་
4-2-51b


གི་སྟོན་པ་ནི་རྗེས་འཇུག་ལ་མངོན་བྱང་ལྔས་དེ་བཞིན་གཤེགས་པའི་སྐུ་སྐྱེད་པ་ལ་བཤད་པས། སྟོན་པ་ལ་སྔོན་བྱུང་དང་རྗེས་འཇུག་གཉིས་བྱེད་ན། འཁོར་ལ་ཡང་ཆ་གཉིས་ངེས་པར་བྱ་དགོས་པས་རྗེས་འཇུག་གི་དབང་དུ་བྱས་ནས་འཁོར་རྣམས་རིམ་པ་གཉིས་ཀྱི་དཀྱིལ་འཁོར་རྒྱལ་མཆོག་
ལ་བཤད་ནས་དྲང་ངེས་གཉིས་སུ་མཛད་པ་རྗེ་འགོས་ཀྱི་ལུགས་ལ་འདུག་པ་ལྟར་ལེགས་སོ། །འདི་ནི་སྔར་སྤྱི་དོན་གྱི་སྐབས་སུ་ཡུམ་གྱི་པདྨར་དཀྱིལ་འཁོར་པའི་ལྷའི་འཁོར་ལོ་བསྐྱེད་པའི་འཕྲོ་འཆད་པས། འཁོར་རྣམས་དཀྱིལ་འཁོར་རྒྱལ་མཆོག་གི་སྐབས་ཀྱི་འཁོར་ལ་འཆད་དགོས་
སོ།། ༈ ༽སྔར་བཤད་པ་དེ་ལྟར་སྡུད་པ་པོས་སྟོན་པ་ཕུན་ཚོགས་དང་དུས་དང་གནས་དང་། འཁོར་ཕུན་སུམ་ཚོགས་པ་སྟེ་ཆོས་ཕུན་ཚོགས་འབྱུང་བའི་རྒྱུ་བཞི་ཡང་དག་པར་བསྟན་ནས། ད་ནི་ཆོས་ཕུན་ཚོགས་སྟོན་པའི་
ཐོག་མར། འོ་ན་དེ་ཐོག་མར་གསུངས་པ་དགོས་པ་གང་གི་ཕྱིར་ཡིན་སྙམ་ན་ཐེག་པ་འདིའི་དང་པོའི་གདུལ་བྱའི་གཙོ་བོ་ཁམས་གཞན་གཉིས་ན་མེད་པས་འདོད་པའི་ཁམས་ན་གནས་པའི་འདོད་ཡོན་ལྔའི་ཡུལ་ལ་ཤས་ཆེར་ཆགས་ཤིང་པའི་སེམས་
ཅན་འདོད་ཡོན་ལ་ཆགས་པ་ལམ་དུ་བྱེད་པ་ལ་མོས་པ་དབང་པོ་ཤིན་ཏུ་རྣོ་བ་རྣམས་ཀྱི་དོན་དུ། རིག་མའི་འདོད་པའི་ཡོན་ཏན་ལྔ་ལ་ལོངས་སྤྱོད་པའི་སྒོ་ནས་ཚེ་གཅིག་ལ་གྲོལ་བ་སངས་རྒྱས་ཐོབ་པ་རབ་ཏུ་བསྟན་པའི་ཕྱིར། ༼མདོ་བསྲེ་ལས། ཇི་
ལྟར་བཅོམ་ལྡན་འདས་ཀྱི་བྱང་ཆུབ་ཀྱི་གོ་འཕང་ནི། འདོད་ཆགས་ལས་སྐྱེ་བར་འགྱུར་བར་རབ་ཏུ་བསྟན་པར་བྱ་བའི་ཕྱིར། ལེའུ་དང་པོ་ལས། འདོད་ཆགས་ཆེན་པོའི་ཚུལ་ཞེས་བྱ་བའི་ཏིང་ངེ་འཛིན་ལ་སྙོམས་པར་འཇུག་པ་མཛད་ཅེས་གསུངས་པའི་དོན་ཉིད་འགྲེལ་པའི་མཚམས་སྦྱོར་འདིས་
4-2-52a


སྟོན་ནོ། །དེ་ཡང་སཾ་བྷུ་ཊ་ལས། མདོར་བསྡུས་པས་ནི་སངས་རྒྱས་ཉིད། །བསྐལ་པ་བྱེ་བ་གྲངས་མེད་པས། །ཇི་སྲིད་སངས་རྒྱས་གང་ཐོབ་པ། །གང་གིས་དམ་པའི་བདེ་བས་ཁྱོད། །སྐྱེ་བ་འདིར་ནི་ཐོབ་པར་འགྱུར། །ཞེས་ལམ་གཞན་གྱིས་བསྐལ་པ་དུ་མར་འབད་ཀྱང་
འཐོབ་དཀའ་བའི་སངས་རྒྱས་དེ། ཚེ་གཅིག་ལ་འགྲུབ་པ་ནི་དམ་པ་སྟེ་མཆོག་གི་བདེ་བས་ཡིན་པར་གསུངས་པས། ལམ་འདི་མྱུར་བའི་གནད་ནི་སྟོང་པ་ཉིད་ཀྱི་ལྟ་བ་ལ་ཐེག་པ་འདི་དང༌། ཐེག་ཆེན་གཞན་དང་། རྒྱུད་སྡེ་གཞན་གསུམ་ལ་ཁྱད་པར་མེད་ཀྱང༌། དེ་ཁོ་ན་ཉིད་ཀྱི་དོན་དེ་ཡུལ་ཅན་ལྷན་
སྐྱེས་ཀྱི་བདེ་ཆེན་གྱིས་བསྒོམས་པས་ཡིན་ནོ། །དེ་འདྲ་བའི་ཚུལ་འདི་ལ་ངེས་པ་ཁྱད་པར་ཅན་བསྐྱེད་པའི་ཕྱིར་དུ་སྔོན་འབྱུང་ལ་རྣམ་སྣང་ལ་སོགས་པའི་དེ་བཞིན་གཤེགས་པ་རྣམས། བུད་མེད་ཀྱི་གཟུགས་སུ་སྤྲུལ་ནས། དེ་བཞིན་གཤེགས་པ་ཐམས་ཅད་ཀྱི་
བདག་པོ་རྒྱུད་ཀྱི་སྟོན་པ་ལ་བདེ་བ་ཆེན་པོས་དགྱེས་པ་སྐྱེད་པར་བསྟན་ཏེ། དེ་ནི་སྔོན་བྱུང་ཙམ་མིན་པར་རྗེས་འཇུག་ལ་ཡང་སྦྱར་དགོས་པར་མདོ་བསྲེ་དང་འགྲེལ་པའི་མཚམས་སྦྱོར་གྱིས་ཤེས་སོ། །དེས་ན་རྗེས་འཇུག་གི་དབང་དུ་བྱས་ན་ལམ་འདིའི་གདུལ་བྱ་རྣམས་ཀྱི་
བདེ་ཆེན་འདྲེན་པའི་ཐབས་ཀྱིས་བདེ་ཆེན་དྲངས་ནས་བྱང་ཆུབ་བསྒྲུབ་པར་བྱའོ། །ཞེས་རིམ་གཉིས་མ་ཕྱེ་བར་སྤྱིར་སྦྱར་ན་བདེ་བ་ཆེན་པོ་ལམ་གྱི་སྲོག་ཡིན་པ་ལ་ངེས་པ་ཆེན་པོ་སྟེར་ནུས་ཀྱི། བྱེ་བྲག་པ་སྤྱོད་པའི་སྐབས་ཙམ་ལ་སྦྱར་ན་ནི་སྔ་མ་འདྲ་བའི་ངེས་པ་སྟེར་མི་ནུས་ལ། རྒྱུད་ནས་གཟུངས་དཀྱིལ་ཐོག་མར་
གསུངས་པའི་གནད་མི་རྙེད་པས། སྔ་མ་རྣམས་ཀྱིས་འདི་སྤྱོད་པ་ལ་སྦྱོར་བ་ནི་སྐབས་དོན་མ་རྟོགས་པའི་བཤད་པའོ། །གླེང་གཞིའི་ཐོག་མར་ཨེ་ཝཾ་སྨོས་པ་ཡང་འདི་དང་འདྲ་བར་བཤད་ཟིན་པས། འདུས་པའི་ལུགས་ཀྱིས་བདེ་བ་ཆེན་པོ་ལམ་གྱི་གཙོ་བོར་མི་བྱེད་ཅེས་པ་ནི་ནོར་བ་
4-2-52b


ཆེན་པོའོ། །༽དུ་ཐོག་མར་གཟུངས་དཀྱིལ་གསུངས་སོ། །དེ་ནས་བཅོམ་ལྡན་འདས་ཞེས་བྱ་བ་ལ་སོགས་པས་གཟུངས་ཀྱི་དཀྱིལ་འཁོར་ལྷ་མོ་དགུ་སྤྲུལ་བ། གསུངས་སོ། །ཏེ། ༈ དེ་ནས་ཞེས་བྱ་བ་ནི་འཁོར་བཤད་པའི་དེ་མ་ཐག་པའོ། །སྐུའི་དབང་ཕྱུག་
ལ་སོགས་པའི་ཡོན་ཏན་བརྒྱད་ཀྱི་དབང་ཕྱུག་དང་ལྡན་པས་ན་བཅོམ་ལྡན་འདས་དེ་བཞིན་གཤེགས་པ་རྡོ་རྗེའོ་སོ། །ཆེན་པོ་ཡང་ཡིན་ལ་རྣམ་པར་སྣང་མཛད་ཀྱང་ཡིན་པས་ན་རྣམ་པར་སྣང་མཛད་ཆེན་པོ་སྟེ། དེ་ནི་འདོད་ཆགས་ལམ་དུ་བྱས་
པ་ལ་བརྟེན་ནས་སྐྱེས་པའི་ལྷན་སྐྱེས་ཉིད་ཀྱིས་འདོད་ཆགས་རབ་ཏུ་སྟེ། རྩ་བ་ནས་སྤང་བར་བྱ་བའི་ཕྱིར་འདོད་ཆགས་དང་བྲལ་བའི་སྐུའི་རྣམ་པ་སྤངས་པ་སྟེ། མི་སྣང་བར་བྱས་ནས། རྡོ་རྗེ་འཆང་ཆེན་པོའི་སྐུ་རིག་མ་དང་བཅས་པར་བདག་
ཉིད་མངོན་པར་སྤྲུལ་བར་མཛད་པའོ། །དེ་བཞིན་གཤེགས་པ་ཐམས་ཅད་ཀྱིས་བསྟེན་པར་གནང་བའི་འདོད་ཆགས་ཆེན་པོ་ནི་གདུལ་བྱའི་སེམས་ཅན་རྣམས་ཀྱི་རྒྱུད་སྨིན་ཅིང་གྲོལ་བར་མཛད་པས་རིག་མའི་ཡུལ་ཏེ་འདོད་ཡོན་རྣམས་
ལ་ཆགས་པར་མཛད་པ་སྟེ། ཡུལ་ལ་ཆགས་པ་དེ་ཉིད་ཀྱི་དང་ཚུལ་དང་ལྡན་པ་དེ་བཤད་པར་བྱའོ། །སྙམ་དུ་ཐུགས་རྩེ་གཅིག་པའི་ཏིང་ངེ་འཛིན་གང་ཡིན་པ་དེ་ལ་སྙོམས་པར་ཞུགས་ནས་བཤད་མ་ཐག་པའི་དེ་བཞིན་གཤེགས་པའི་འཁོར་
དེ་དག་ཐམས་ཅད་ཅེས་བྱ་བ་དཀྱིལ་འཁོར་པའི་ལྷ་རྣམས་ཉིད་ཀྱི་སྐུ་ལ་ཞུགས་པར་མཛད་དོ་ཞེས་བྱ་བ་སྟེ། རྡོ་རྗེ་འཆང་རང་གི་ཐུགས་ཀའི་ས་བོན་གྱི་ཡི་གེའི་འོད་ཟེར་གྱི་ལྕགས་ཀྱུས་འཁོར་རྣམས་དྲངས་༼བཀོད་པ་ཟེར། ༽
4-2-53a


གནས་རྡོ་རྗེ་འཆང་ཉིད་ཀྱི་སྐུ་ལ་ཕུང་པོ་ལྔ་དང་ཁམས་ལྔ་དང་ལ་སོགས་པས་དབང་པོ་དྲུག་དང་ཡུལ་དྲུག་དང་ཡན་ལག་གི་འི་ངོ་བོ་ཉིད་ཀྱིས་ཞུགས་པར་གྱུར་ཏོ་ཞེས་བྱ་བའི་དོན་ཏོ། །དེ་ནས་དེ་བཞིན་གཤེགས་པ་ཐམས་
ཅད་རྡོ་རྗེ་འཆང་ཆེན་པོའི་སྐུ་ལ་ཞུགས་པ་དང༌། བཅོམ་ལྡན་འདས་ཡོངས་སུ་མཉེས་པར་བྱ་བའི་ཕྱིར་ཞེས་བྱ་བ་ནི། དགོས་པ་གང་གི་དོན་དུ་སྤྲུལ་སྙམ་ན་བཅོམ་ལྡན་༼ངོ་བོ་ཉིད་ཀྱིས་ཞུགས་པ་ན་སྐུའི་རྣམ་པ་ནི་མ་དོར་རོ། ༸དེ་ནས་དེ་བཞིན་གཤེགས་པ་དེ་དག་ཐམས་
ཅད་ཀྱིས་ནི། རྡོ་རྗེ་འཆང་ཆེན་པོའི་སྐུ་ལ་ཞུགས་པ་རྣམས་ཀྱིས་ཞེས་ཟེར་བ་རྒྱུད་དང་མཐུན་ནོ། །༽འདས་དགའ་བ་གསུམ་ལས་མཆོག་ཏུ་གྱུར་པའི་ལྷན་སྐྱེས་ཀྱི་དགའ་བའི་བདེ་བས་ཚིམ་པར་བྱ་བའི་ཕྱིར་དུའོ། །རྣམ་སྣང་ལ་སོགས་པ་ཉིད་ཀྱི་སྐུ་བུད་མེད་ཀྱི་ལུས་
སུ་མངོན་པར་སྤྲུལ་ནས་ཞེས་བྱ་བ་སྟེ། གནས་སྐབས་སྔ་མ་ལྷ་ཕོའི་རྣམ་པ་ཅན་དུ་གནས་པ་སྤངས་ཏེ་ལྷའི་བུ་མོའི་གཟུགས་སུ་མངོན་པར་སྤྲུལ་ནས་བཅོམ་ལྡན་འདས་ཀྱི་སྐུ་ལས་བྱུང་བར་གྱུར་ཏོ། །དེ་ལ་ལ་ལ་ནི་ཞེས་བྱ་བ་ལ་སོགས་པས་ནི་ལྷ་མོར་
སྤྲུལ་པ་དེ་ཉིད་བསྟན་པའི་ཕྱིར་གསུངས་པ་སྟེ། སྤྱོད་བསྡུས་ལས། ཁམས་ལྔ་རིགས་ལྔར་གསུངས་ཤིང༌། ལྷ་ཕོའི་རྣམ་པ་ཅན་རྣམས་ཆེད་དུ་བྱས་ནས་བུད་མེད་དུ་སྤྲུལ་པའི་དགོས་པ་སྟོན་པ་ཡིན་པས་སའི་ཁམས་ཀྱི་རིགས་རྣམ་སྣང་ནི་སངས་རྒྱས་སྤྱན་ལྟ་བུ་སྟེ་སྤྱན་
མའི་རྣམ་པར་རོ་འོ། །ཆུའི་ཁམས་ཀྱི་རིགས་རིན་འབྱུང་ནི་མཱ་མ་ཀཱི་ལྟ་བུའོ། །མེའི་ཁམས་ཀྱི་རིགས་སྣང་མཐའ་ནི་གོས་དཀར་མོ་ལྟ་བུའོ། །རླུང་གི་ཁམས་ཀྱི་རིགས་དོན་གྲུབ་ནི་སྒྲོལ་མ་༼ལྟ་བུ་རྣམས་རྣམ་པར་རོ་ཞེས་བསྒྱུར་བ་ལེགས་སོ། །༽
4-2-53b


ལྟ་བུར་གནས་པའོ། །རྣམ་སྣང་སོགས་སྤྱན་སོགས་སུ་སྤྲུལ་པར་མ་ཟད། ཡང་རྣམ་པར་སྣང་མཛད་ནི་གཟུགས་ཀྱི་རྡོ་རྗེ་མའི་ངོ་བོ་ལྟ་བུའོ། །རིན་ཆེན་འབྱུང་ལྡན་ནི་སྒྲའི་རྡོ་རྗེ་མའི་ངོ་བོ་ལྟ་བུའོ། །སྣང་བ་མཐའ་ཡས་ནི་དྲིའི་རྡོ་རྗེ་མའི་ངོ་བོ་ལྟ་བུའོ། །དོན་
ཡོད་པར་གྲུབ་པ་ནི་རོའི་རྡོ་རྗེ་མའི་ངོ་བོ་ལྟ་བུའོ། །མི་བསྐྱོད་པ་ནི་རེག་བྱའི་རྡོ་རྗེ་མའི་ངོ་བོ་ལྟ་བུའོ། །ཞེས་བྱ་བའི་བར་དུ་སྟེ། ཐ་ཚིག་སྟེ་དྲང་བའི་དོན་ཏོ། །༼དེ་ལ་སྔོན་འབྱུང་གི་སྟོན་པ་ནི། རྗེས་འཇུག་ལ་བཤད་ན། ལམ་འདིའི་རིམ་གཉིས་ཀྱི་སྒྲུབ་པ་པོའོ། །
དེའི་རྒྱུད་ལ་བདེ་ཆེན་འདྲེན་པའི་ལྷ་མོ་དགུའི་སྤྱན་སོགས་བཞི་ནི་ཞལ་ལུང་ལས། གསལ་ཞིང་རབ་དགའ་མཁའ་མཉམ་པ། །གཞན་དུ་རིག་པར་མི་འགྱུར་བས། །བུད་མེད་སྒྱུ་མའི་ཕྱག་རྒྱ་ནི། །སྒྱུ་མ་ཀུན་ལས་ཁྱད་པར་འཕགས། །སྒྱུ་མ་དེ་ཡང་འཇིག་རྟེན་འདིར། །སྤྱན་ལ་སོགས་པ་རྣམ་དག་པར། །
རིགས་ནི་རྣམ་པ་བཞིར་འགྱུར་ཏེ། །མིང་དང་མཚན་ཉིད་བཤད་པར་བྱ། །ཀ་མ་ལི་དང་ཤང་ཀི་ནི། །ཙི་ཏྲ་ནི་དང་ཧསྟི་ནི། །ཞེས་གསུངས་པ་ལྟར་པདྨ་ཅན་ལ་སོགས་པའི་བུད་མེད་རིགས་བཞིའོ། །རིགས་ཀྱི་དབང་དུ་བྱས་ན་དེ་ལྟར་སོ་སོ་བ་ཡིན་ཀྱང༌། རང་གི་ཡུམ་དུ་སྒོམ་པའི་དབང་དུ་བྱས་ན། རང་རྣམ་
སྣང་སོགས་སུ་སྒོམ་ཚུལ་མི་འདྲ་བའི་དབང་གིས་བུད་མེད་བཞི་པོའི་རེ་རེ་ཡང་ལྷ་མོ་དགུ་རེ་རེ་ནས་སྒོམ་པ་འོང་ངོ་། །གཟུགས་རྡོ་རྗེ་མ་ལ་སོགས་པ་ལྔ་གསུངས་པ་ནི། རང་གི་རིག་མ་དེ་ལྔར་སྒོམ་པ་དང༌། བུད་མེད་བཞི་པོ་རེ་རེའི་འདོད་ཡོན་ལྔ་ལ་ལོངས་སྤྱོད་པ་མཚོན་པའི་དོན་དུ་ཡང་ཤེས་པར་བྱ་སྟེ་
ལས་རྒྱ་ལ་སྦྱར་བའོ། །གཞན་ཡང་ཡེ་རྒྱ་རྐྱང་པ་བསྒོམ་པ་ལ་སྦྱར་ནས་ཀྱང་བཤད་པར་བྱའོ། །དངོས་དང་ཡེ་ཤེས་ཀྱི་ཕྱག་རྒྱ་དེ་དག་ལ་བརྟེན་ནས་སྒྲུབ་པ་པོ་མཆོག་ཏུ་དགའ་བའི་བདེ་བས་ཚིམ་པར་བྱེད་པའི་དགོས་པ་ནི། བདེ་སྟོང་སྦྱོར་བའི་ཆེད་ཡིན་ལ། དེ་དྲང་དོན་དུ་འགྱུར་ཚུལ་ནི་བསྐྱེད་རིམ་པས། 
4-2-54a


ཕྱག་རྒྱ་གཉིས་ལ་བརྟེན་ནས་བྱང་སེམས་ཕབ་པ་ཕཊ་ཡིག་བསྒོམས་པ་སོགས་ཀྱིས་བཀག་པ་ལས། དགའ་བ་བཞི་བསྐྱེད་ནས་བསྒོམ་པའོ། །དེའི་ཕྱིར་དྲང་དོན་གྱི་སྐབས་སུ་འདོད་ཆགས་ཆེན་པོའི་ཚུལ་སྟོང་པ་བཞི་ལ་མ་བཤད་པར་རིག་མའི་འདོད་
ཡོན་ལ་ཆགས་པས་དངོས་སུ་རྫོགས་རིམ་སྐྱེ་བའི་སྨིན་བྱེད་དང༌། བརྒྱུད་ནས་གྲོལ་བྱེད་དུ་གསུངས་སོ།། ༈ ༽བདེ་བ་ཆེན་པོ་དེ་ཁོ་ན་ཉིད་ཀྱི་དོན་ལ་ཆགས་པའི་འདོད་ཆགས་ཀྱང་ཡིན་ལ་དེས་སངས་རྒྱས་མྱུར་དུ་སྟེར་བས་བྱེད་ལས་ཆེན་པོ་ཡང་ཡིན་
པས་འདོད་ཆགས་ཆེན་པོ་སྟེ་འདོད་ཆགས་ཆེན་པོའི་ཆོས་འོད་གསལ་ཡིན་ཏེ། ལུང་སྟོན་ལས། མ་སྐྱེས་གཅིག་པུར་གཟིགས་པ་ནི། །འདོད་ཆགས་ཆེན་པོའི་ཚུལ་དུ་འགྱུར། །ཞེས་གསུངས་པས་སོ། །ཆགས་ཆེན་འོད་གསལ་དེའི་ཚུལ་ནི་འདོད་ཆགས་སྣང་བ་མཆེད་པ་
དང་འདོད་ཆགས་དང་བྲལ་བ་སྣང་བ་དང༌། འདོད་ཆགས་བར་མ་ཉེར་ཐོབ་དང་ལ་སོགས་པས་ཐམས་ཅད་སྟོང་པའི་ཡེ་ཤེས་བཞི་བསྐྱེད་པའི་རིམ་གྱིས་རྣམ་པར་དག་པ་འོད་གསལ་མངོན་དུ་འབྱིན་པའི་ཐབས་ཏེ། དེ་ཉིད་ཀྱི་མིང་དང་ལྡན་པའི་ཏིང་
ངེ་འཛིན་གང་ཡིན་པ་སྟེ་བཤད་པར་བྱའོ་སྙམ་པའི་ཐུགས་རྩེ་གཅིག་པའི་ཏིང་ངེ་འཛིན་དེ་ལ་སྙོམས་པར་ཞུགས་པའོ། །དེ་བཞིན་གཤེགས་༼ཚུལ་གྱི་སྐད་དོད་ན་ཡ་ལ་ངེས་ཚིག་གིས། ནི་ཡ་ནི་འདྲེན་པའམ་འཁྲིད་པ་སྟེ་སྟོང་པ་བཞིའི་རིམ་པས་འོད་གསལ་དུ་འཁྲིད་པའི་
ཐབས་སོ། །༽པའི་འཁོར་རམ་བཀོད་པ་དེ་དག་ཐམས་ཅད་ཉིད་ཀྱི་སྐུ་ལ་ཞུགས་པར་མཛད་དོ་ཞེས་བྱ་བའི་དོན་ནི། ཕྱི་རོལ་གྱི་དེ་བཞིན་གཤེགས་པའི་འཁོར་རམ་བཀོད་པ་དེ་དག་ལ་ཕྱི་རོལ་ཏུ་དམིགས་པའི་མངོན་པར་ཞེན་པ་སྤངས་
4-2-54b


ནས། དེ་བཞིན་གཤེགས་པ་ཐམས་ཅད་ལས་ཡོངས་སུ་བསྒྲུབས་པའི་སྐུ་ནི་བདག་ཡིན་ནོ་ཞེས་བྱིན་གྱིས་བརླབས་པ་སྟེ་ང་རྒྱལ་དང་ལྡན་པར་བྱའོ་ཞེས་གདུལ་བྱ་ལ་བསྟན་པའི་དོན་དུ་སྟེ། བདག་ཉིད་སངས་རྒྱས་ཐམས་ཅད་དེ། །རྒྱལ་སྲས་ཐམས་
ཅད་ཉིད་ཀྱང་ཡིན། །ཞེས་ལུང་མཉམ་སྦྱོར་ལས་གསུངས་པས་སོ། །དེ་ནས་དེ་བཞིན་གཤེགས་པ་ཐམས་ཅད་ཅེས་བྱ་བ་ལ་སོགས་པ་ནི་སྔ་མ་དྲང་དོན་དུ་བསྟན་པ་བཞིན་ཏེ། ༼མཉེས་པར་བྱེད་རྒྱུ་རྗེས་འཇུག་ལ་སྦྱོར་བ་དང༌། མཉེས་པར་བྱེད་པའི་ལྷ་མོ་
དགུ་དང༌། དེ་ལ་བརྟེན་ནས་ལྷན་སྐྱེས་བསྐྱེད་པ་སྔ་མ་དང་འདྲ་སྟེ། འོན་ཀྱང་འདིར་སྒྲུབ་པ་པོ་རྫོགས་རིམ་པ་དང་ཕྱག་རྒྱ་ལ་བརྟེན་ནས་རླུང་ཐིམ་པའི་སྒོ་ནས་སྟོང་པ་བཞི་བསྐྱེད་པ་བསྐྱེད་རིམ་ལ་མེད་པས་མི་འདྲའོ། །དེས་ན་ཕྱག་རྒྱ་གཉིས་ལ་བརྟེན་ནས་དགའ་བཞི་བསྐྱེད་པ་ཙམ་ཅིག་འདྲ་ཡང་ཐབས་
དེས་སྲོག་དྷུ་ཏཱིར་ཚུད་པ་ལ་བརྟེན་ནས་སྐྱེ་བའི་སྟོང་པ་བཞི་ཡོད་མེད་མི་འདྲ་བས་དྲང་ངེས་གཉིས་སུ་འགྱུར་རོ། །འདིར་ངེས་དོན་ཁྱད་པར་ཅན་གཞན་ཞིག་ལུང་སྟོན་ལས་གསུངས་ཏེ། དེ་ནས་དེ་བཞིན་གཤེགས་ཀུན་དང་། །དེ་བཞིན་བྱང་ཆུབ་སེམས་དཔའ་རྣམས། །དེ་བཞིན་གཤེགས་བདག་མཉེས་བྱའི་
ཕྱིར། །དེ་རྣམས་ཞུགས་ནས་བྱུང་གྱུར་པ། །སྲོག་དང་གྱེན་རྒྱུ་ཐུར་སེལ་དང༌། །མཉམ་གནས་ཁྱབ་བྱེད་ཅེས་བྱ་དང༌། །ཀླུ་དང་རུས་སྦལ་རྩངས་པ་དང༌། །ལྷ་སྦྱིན་གཞུ་རྒྱལ་ཞེས་བྱ་བ། །འདི་དག་ཏུ་ནི་ཉིད་སྐུ་མཛད། །ཅེས་འཁོར་རྣམས་སྟོན་པའི་སྐུ་ལ་ཞུགས་ནས་བྱུང་བའི་ལྷ་མོ་རྣམས་རྩ་བ་དང་
ཡན་ལག་གི་རླུང་ལའང་བཤད་དོ། །འོ་ན་ལྷ་མོ་དགུའི་རླུང་ཙམ་འཆད་རིགས་པ་ལ་ཁྱབ་བྱེད་འཆད་པ་ཅི་ཡིན་སྙམ་ན། ལྷ་མོའི་དབང་དུ་བྱས་ན་རླུང་དགུ་ཡིན་ཀྱང༌། ཞར་ལ་ནམ་མཁའི་ཁམས་ཀྱི་རླུང་ཁྱབ་བྱེད་བསྣན་ནས་རླུང་བཅུ་ཚང་བར་མཛད་པའོ། །རྒྱུད་ཕྱི་མ་ལས་ཀྱང༌། ལྷ་མོ་དགུ་དང་ནམ་མཁའི་
4-2-55a


ཁམས། །མེ་ཏོག་ཅེས་ནི་བཤད་པ་ཡིན། །སྐུ་གསུང་ཐུགས་སུ་དབྱེ་བ་ཡིས། །རིགས་ཀྱི་རིམ་གྱིས་དགོད་པར་བྱ། །ཞེས་ལྷ་མོ་དགུའི་རླུང་དང་ནམ་མཁའི་ཁམས་ཁྱབ་བྱེད་ཀྱི་རླུང་བཅུ་བཤད་ནས། རྩ་བ་དང་ཡན་ལག་གི་རླུང་ལ་སྐུ་གསུང་ཐུགས་ཏེ་ལྡང་འཇུག་གནས་
གསུམ་རིགས་གསུམ་གྱི་ཡི་གེ་གསུམ་དང་སྦྱར་བའི་རྡོར་བཟླས་བྱ་བར་གསུངས་པ་ལྟར་བྱས་པས། བུད་མེད་དགུས་རྣལ་འབྱོར་པ་ལ་ལྷན་སྐྱེས་ཀྱི་བདེ་བ་བསྐྱེད་པ་བཞིན་དུ། སྟོང་པ་བཞིའི་ཡེ་ཤེས་སྐྱེད་པར་བྱེད་པའི་བྱེད་ལས་འདྲ་བས། འདི་ཡང་སྒྲུབ་པ་པོ་མཆོག་ཏུ་དགའ་བའི་བདེ་བས་
ཚིམ་པར་བྱེད་པའི་ཐབས་བླ་ན་མེད་པའོ། །བཤད་པ་འདི་བཤད་རྒྱུད་ན་ཤིན་ཏུ་གསལ་བར་བཞུགས་ཀྱང༌། བོད་རྣམས་ཀྱིས་རྩ་བཤད་མ་འབྱོར་བར་སྣང་བས། དྲང་ངེས་ཀྱི་ཚུལ་སྔར་ལྟར་བཤད་ན་ཆོས་ཕུན་ཚོགས་ཀྱི་ཐོག་མར་བྱུང་བ་འདིའི་ནུས་པ་ལེགས་པར་ཐོན་པར་འགྱུར་རོ། །
༽ངེས་པའི་དོན་ཏོ།། ༈ དེ་ལྟར་གཟུངས་ཀྱི་དཀྱིལ་འཁོར་སྤྲུལ་པས་འདོད་ཡོན་ལ་སྤྱོད་པའི་དབང་ཕྱུག་ཏུ་བསྟན་ནས། ད་ནི་གལ་ཏེ་རྒྱུད་ཀྱི་སྟོན་པས་དཀྱིལ་འཁོར་མ་སྤྲུལ་པར་འཁོར་གྱི་མི་བསྐྱོད་པས་སྤྲུལ་པའི་རྒྱུ་མཚན་གང་ཡིན་སྙམ་ན་
རྒྱུད་འདི་ལ་ཞེས་དམིགས་ཀྱིས་བཀར་བ་ནི།༼མའི་ཟེར། ༽ བྱ་བའི་རྒྱུད་ལ་སོགས་པར་དེ་བཞིན་གཤེགས་པའི་རིགས་བཟང་ཤོས་དང༌། པདྨའི་རིགས་འབྲིང་པོ་དང༌། རྡོ་རྗེའི་རིགས་ཐ་མར་བསྟན་པ་དང་མི་འདྲ་བས་འདུས་པ་འདི་ལ་རིགས་ལྔའི་ནང་ནས་སེམས་སྟེ་ཐུགས་ཀྱི་
རིགས་གཙོ་བོ་སྟེ་མཆོག་ཡིན་པས་ར་བསྟན་པའི་༼ལེའུ་བཅུ་བདུན་པ་ལས་ཀྱང༌། རྡོ་རྗེ་གསུམ་མཆོག་ཅེས་མི་བསྐྱོད་པ་རྡོ་རྗེ་གསུམ་གྱི་རིགས་ཀྱི་མཆོག་ཡིན་པར་གསུངས་སོ། །མཆོག་ཡིན་པའི་རྒྱུ་མཚན་ནི། ལུས་ངག་གཉིས་ནི་ཡིད་ཀྱི་གཞན་དབང་དུ་གྱུར་པའི་
4-2-55b


ཕྱིར་དང༌། ཕུང་པོ་ལྔའི་གཙོ་བོ་རྣམ་ཤེས་ཀྱི་ཕུང་པོ་ཡིན་པའི་ཕྱིར་དང༌། དེ་བཞིན་གཤེགས་པ་གཞན་བཞི་ག་ལ་མི་བསྐྱོད་པས་རྒྱས་འདེབས་ཀྱི་མི་བསྐྱོད་པ་ལ་དེ་བཞིས་རྒྱས་མི་འདེབས་པའི་ཕྱིར། རིགས་དེ་བླ་མེད་ཀྱི་རྒྱུད་རྣམས་ནས་རིགས་ལྔའི་ནང་ནས་མཆོག་ཏུ་གསུངས་སོ། །
༽ཕྱིར་དུ། མི་བསྐྱོད་པས་སྤྲུལ་ལོ། །འཁོར་གྱི་མི་བསྐྱོད་པས་སྔོན་འབྱུང་གི་འཁོར་དཔག་ཏུ་མེད་པ་ལས་དཀྱིལ་འཁོར་པའི་ལྷ་སོ་གཉིས་སུ་བསྡུས་པའི་དཀྱིལ་འཁོར་སྤྲུལ་པའི་བྱ་བ་བསྟན་པའི་ཕྱིར། གཟུངས་དཀྱིལ་སྤྲུལ་པའི་རྗེས་དེ་ནས་ཞེས་བྱ་བ་ལ་
སོགས་པ་ནས། བཞག་པར་གྱུར་ཏོ་ཞེས་བྱ་བའི་བར་དུ་གསུངས་སོ། །དེ་བཞིན་གཤེགས་པ་མི་བསྐྱོད་པས། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་སྙིང་པོ་རྡོ་རྗེ་བཙུན་མོའི་བྷ་ག་ལ་ཞེས་བྱ་བ་རྣམས་ཀྱི་བཤད་པ་ནི་སྔ་
མ་ཡིག་དོན་དུ་བཤད་པ་བཞིན་ཏེ། ཤེས་རབ་ཀྱི་གནས་ཆོས་འབྱུང་དེར་ཆུད་པར་གྲུ་བཞི་པ་ལ་སོགས་པའི་དཀྱིལ་འཁོར་སྤྲུལ་པར་མཛད་པའོ། །ནག་ནོག་གི་དྲི་མ་ཐམས་ཅད་དང་བྲལ་བས་རྡུལ་མེད་པའོ། །དམ་ཚིག་ཆེན་པོ་ནི་རྡོ་རྗེ་འཆང་
ཆེན་པོ་ཡིན་ཏེ། དེའི་དཀྱིལ་འཁོར་ནི་དམ་ཚིག་ཆེན་པོའི་དཀྱིལ་འཁོར་རོ། །བྱིན་གྱིས་བརླབས་པ་ཞེས་བྱ་བ་ནི་སྤྲུལ་པར་མཛད་དོ་ཞེས་བྱ་བའི་དོན་ཏོ། །གསལ་བ་དཀྱིལ་འཁོར་དེ་ཡི་ངོ་བོ་ཉིད་ནི་ཅེས་བྱ་བ་ནི་གཞལ་ཡས་ཁང་གི་ཕྱི་རོལ་ན་གནས་པ་རྣམས་
ཀྱིས་ཀྱང་། ༼ཞེས་པས་དཀྱིལ་འཁོར་གྱི་གཙོ་བོ་རྡོ་རྗེ་འཆང་དུ་གསུངས་པས་ལྷག་མོས་དང་དེ་འདྲ་བའི་དཀྱིལ་འཁོར་རོ། །༼ཤེལ་གྱི་ནང་དུ་ཆུད་པའི་གཟུགས་སྣང་བ་ལྟར། དཀྱིལ་འཁོར་གྱི་ལྷ་རྣམས་ཀྱི་སྐུ་མཐོང་བས་སོ། །སྣ་ཚོགས་གཟུགས་ཀྱིས་
4-2-56a


ཀུན་ཏུ་རྒྱས། ཞེས་བྱ་བ་ནི། ཨིནྡྲ་ནཱི་ལ་སྟེ་དབང་པོ་སྔོན་པོ་ཞེས་པའི་རིན་པོ་ཆེ་སྔོན་པོ་དང༌ལ་སོགས་པས་ཤེལ་དཀར་པོ་དང་གསེར་དང༌། པདྨ་ར་ག་དང༌། མརྒད་ཀྱི་ཁ་དོག་རྣམ་པ་སྣ་ཚོགས་པའི་ཁྱད་པར་དང་ལྡན་པར་གསུངས་
པའོ། །སངས་རྒྱས་སྤྲིན་གྱིས་ཀུན་ཏུ་ཁྱབ། །ཅེས་བྱ་བ་ནི་ཕྱུང་བའི་དཀྱིལ་འཁོར་པའི་ལྷ་རྣམས་ཀྱིས་ཁྱབ་པའོ། །འོད་ཟེར་འཕྲོ་བ་མང་པོ་འཁྲུགས། །ཞེས་བྱ་བ་ནི། དཀྱིལ་འཁོར་གྱི་ཕྱོགས་བཅུར་བཞུགས་པའི་ཁྲོ་བོའི་འོད་ཟེར་གྱི་ཚོགས་རབ་
ཏུ་འབར་བ་འཁྲུགས་པའོ། །གསལ་བ་ལ་སོགས་དཀྱིལ་འཁོར་ལྡན། །༼ཞེས་པ་ནི་ལྷག་མོས་དང་དཀྱིལ་འཁོར་རྒྱལ་མཆོག་གི་སྐབས་ཀྱི་རྟེན་གྱི་འཁོར་གཉིས་ཁྱད་པར་མེད་པའོ། །༽ཞེས་བྱ་བ་ནི་ལྷ་ཞི་བ་ཤར་དང་ཤར་ལྷོ་པ་རྣམས་ལ་ཟླ་བའི་དཀྱིལ་
འཁོར་གྱི་གདན་དང་ལ་སོགས་པ་༼ས་ཕྱོགས་གཞན་གསུམ་གྱི་ཞི་བ་རྣམས་ལ་རང་རང་གི་རིགས་ཀྱི་མཚན་མའི་གདན་དང་། ཁྲོ་བོ་རྣམས་ལ་ཉི་གདན་དང་ཐུན་མོང་དུ་སྣ་ཚོགས་པདྨའི་གདན་དང་དབུས་སུ་ཟླ་བ་དང་ཉི་མ་ཅི་རིགས་པའི་གདན་ནོ། །༼ནི་གསལ་བའི་དཀྱིལ་
འཁོར་ཏེ། དེ་རྣམས་དང་ལྡན་པའོ། །དེ་བཞིན་གཤེགས་པ་ཀུན་གྱི་གནས་ཞེས་བྱ་བ་ནི། དེ་བཞིན་གཤེགས་པ་སོ་གཉིས་པོ་ཐམས་ཅད་ཀྱི་གནས་ཏེ། རྟེན་གྱི་དཀྱིལ་འཁོར་ཞེས་༼གསལ་བ་ལ་སོགས་པའི་དཀྱིལ་འཁོར་ཏེ་ཟེར།
༼བྱ་བའི་དོན་ཏོ། །༼མདོ་བསྲེ་ལས། གསལ་བ་ཞེས་པའི་རྐང་པ་དང་པོ་བཞི་ལྷག་མོས་ཀྱི་གཙོ་བོ་བསྐྱེད་པའི་རྗེས་སུ་དྲངས་ནས། འདིས་དཀྱིལ་འཁོར་གྱི་འཁོར་ལོ་བཀོད་པའི་ཏིང་ངེ་འཛིན་དུ་མོས་པར་བྱས་ཏེ། ཞེས་གསུངས་ལ། རྡོར་སེམས་ཀྱི་སྒྲུབ་ཐབས་ལས། 
4-2-56b


ལྷག་མོས་ཀྱི་ལྷ་སོ་གཉིས་བཀོད་པའི་འོག་ཏུ། འདིའི་མདོ་ནི་ལེའུ་དང་པོ་ལས་ཞེས་གསལ་བ་ཞེས་སོགས་རྐང་པ་དྲུག་དྲངས་པས་སྒྲོན་གསལ་དང་མི་མཐུན་ནོ་སྙམ་ན་སྐྱོན་མེད་དེ་སྒྲུབ་ཐབས་ཕྱི་མའི་འགྲེལ་པར་སྒྲོན་གསལ་ཇི་བཞིན་དུ་བཤད་སྣང་བས། སངས་རྒྱས་སྤྲིན་གྱིས་ཞེས་པས་ལྷ་ཞི་
བ་རྣམས་ཀྱིས་ཁྱབ་པ་དང་། འོད་ཟེར་འཕྲོ་བ་ཞེས་པས་ཁྲོ་བོ་བཅུ་བསྟན་པས་བརྟེན་པ་དང༌། རྟེན་གཉིས་ཀའི་ཁུངས་ཡིན་གྱི་བརྟེན་པ་ཁོ་ན་སྟོན་པ་ལ་དྲངས་པ་མིན་པའི་ཕྱིར་རོ། །རྣམ་གཞག་ལས། དེ་བཞིན་གཤེགས་པ་མི་བསྐྱོད་པས་ཞེས་པ་ནས། དེ་བཞིན་གཤེགས་པ་ཀུན་གྱི་གནས། །ཞེས་
པའི་བར་རྣམས་རང་གི་ལུས་ལས་བྱུང་བའི་ཐིག་ལེ་ལས་ཡུམ་གྱི་པདྨར་རྟེན་གྱི་དཀྱིལ་འཁོར་བསྐྱེད་པའི་ཁུངས་སུ་མཛད་པ་དང་ཡང་མི་འགལ་ཏེ། རྡོ་རྗེ་བཙུན་མོའི་བྷ་ག་ལ་བཤད་ཚུལ་གཅིག་ཁོ་ནར་མ་ངེས་ཤིང༌། འགྲེལ་པར་ཡང་ཕྱུང་བའི་དཀྱིལ་འཁོར་གྱི་ལྷས་ཁྱབ་པར་བཤད་པ་དང༌། 
རྟེན་གྱི་དཀྱིལ་འཁོར་གཉིས་ཀྱང་མཚན་ཉིད་འདྲ་བའི་ཕྱིར་རོ། །དེས་ན་རྒྱུད་ཀྱི་རྡོ་རྗེའི་ཚིག་རེ་རེ་ལ་ཡབ་སྲས་རྣམས་ཀྱིས་དོན་མི་འདྲ་བ་མང་པོ་ལ་བཤད་པ་འགལ་བར་མི་བསམ་མོ། །༽རྟེན་གྱི་དཀྱིལ་འཁོར་སྤྲུལ་པ་དེ་ནས་ཞེས་བྱ་བ་ལ་སོགས་པ་ནི། སྐུ་དང་གསུང་དང་ཐུགས་རྡོ་
རྗེའི་བདག་པོ་རྡོ་རྗེ་འཆང་ཆེན་པོ་དེ་བཤད་མ་ཐག་པའི་དམ་ཚིག་ཆེན་པོའི་དཀྱིལ་འཁོར་གྱི་དབུས་སུ་བདག་ཉིད་ཀྱི་བཞག་པར་གྱུར་པའོ། །དཀྱིལ་འཁོར་གྱི་དབུས་སུ་བཞག་པ་དེ་ནས་ཞེས་བྱ་བ་ལ་སོགས་པ་ལ། མི་བསྐྱོད་པ་དང་། རིན་ཆེན་དབལ་དང༌། འོད་དཔག་
མེད་དང༌། དོན་གྲུབ་དང༌། རྣམ་སྣང་རྣམས་བྱང་ཆུབ་ཀྱི་སེམས་རྡོ་རྗེ་རྡོ་རྗེ་འཆང་གི་འི་ཐུགས་ལ་ཞུགས་སོ་ཞེས་བྱ་བ་ནི། དེ་ལྔ་ཁོ་ན་མིན་གྱི་རིགས་ལྔ་པོས་བསྡུས་པའི་ལྷག་མོས་ཀྱིས་ལྷའི་དཀྱིལ་འཁོར་བཀོད་པ་རྣམས་སླར་ཡང་བྱང་ཆུབ་ཀྱི་
4-2-57a


སེམས་རྡོ་རྗེའི་སྐུའི་སྤྱི་བོ་ལ་སོགས་པའི་གནས་རྣམས་ལ་ཞུགས་པར་གྱུར་ཏོ། །ཞེས་བྱ་བ་ལྷག་མོས་ཀྱི་རྟེན་དང་བརྟེན་པའི་དཀྱིལ་འཁོར་སྐྱེད་པ་དང་ལྷག་མོས་ལུས་ལ་བསྡུ་བ་སྟེ། དྲང་བའི་དོན་ཏོ།། ༈ བསྡུས་པའི་དཀྱིལ་འཁོར་ངེས་དོན་དུ་
བཤད་པ་ལ་བསྡུས་དཀྱིལ་སྤྲུལ་མཁན་གྱི་དེ་བཞིན་གཤེགས་པ་མི་བསྐྱོད་པ་ནི་རྣམ་པར་ཤེས་པ་སྟེ་སྣང་མཆེད་ཐོབ་གསུམ་གྱི་ཡེ་ཤེས་གསུམ་དང་དེ་གསུམ་གྱིའི་བདག་ཉིད་ནི་དེ་དག་གི་བཞོན་པའི་རླུང་སྟེ་རླུང་སེམས་དེ་གཉིས་ངོ་བོ་གཅིག་པའོ་དོ། །༼དེས་སྤྲུལ་པའི་
དཀྱིལ་འཁོར་ནི། དེ་བཞིན་གཤེགས་པ་ཀུན་གྱི་གནས་སམ་གཞིར་གྱུར་པའི་སྒྱུ་ལུས་རྡོ་རྗེ་འཆང་ཡིན་ལ། དམ་ཚིག་ཆེན་པོའི་དཀྱིལ་འཁོར་ཡང་སྒྱུ་ལུས་དེ་ཉིད་དོ། །གསལ་བ་ཞེས་སོགས་ལྔ་ནི་དེའི་ཁྱད་པར་གྱི་ཆོས་སུ་སྦྱར་རོ། །འདི་ནི་གཟུངས་དཀྱིལ་ངེས་དོན་དུ་བཤད་པ་དང་སྦྲེལ་ཤེས་དགོས་པས། སྔར་
བཤད་པའི་ཕྱིའི་རྐྱེན་ཕྱག་རྒྱ་གཉིས་དང༌། ནང་གི་རྐྱེན་རྡོར་བཟླས་ལ་བརྟེན་ནས་དྲངས་པའི་འདོད་ཆགས་ཆེན་པོའི་ཚུལ་གྱི་སྟོང་པ་བཞིའི་རླུང་སེམས་གཉིས་མི་བསྐྱོད་པའི་ངེས་དོན་དུ་ཤེས་པར་བྱའོ། །༽དེ་བཞིན་གཤེགས་པ་ཐམས་ཅད་ནི་གཟུགས་ཀྱི་ཕུང་པོ་ལ་སོགས་པ་ལྔ་
ཡིན་ལ། སྐུ་གསུང་ཐུགས་ཀྱི་སྙིང་པོ་ནི་ཕུང་པོའི་ངོ་བོ་ཉིད་ཀྱི་ལུས་ངག་ཡིད་གསུམ་མོ། །ཕུང་པོ་དེ་རྣམས་ཀྱིས་གང་བརྟེན་ཅིང་བཞུགས་པའི་གནས་སུ་མཛད་པ་ནི་ཕུང་སོགས་སྐྱེ་བ་དང་ཐིམ་པའི་གནས་ཡིན་ལ། དེ་ཉིད་ནི་རྡོ་རྗེའི་བཙུན་མོ་སྟེ། དེ་ཡང་གང་ཡིན་
ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཡུལ་གྱི་འོད་གསལ་དེ་དང་རོ་གཅིག་ཏུ་ཞུགས་པའི་ཡུལ་ཅན་གྱི་ཡེ་ཤེས་སོ་འོ། །དེ་ཉིད་ནི་བྷ་ག་སྟེ། སངས་རྒྱས་སྐྱེད་པའི་རྒྱུར་གྱུར་པས་ན་སྐྱེ་གནས་ཡིན་ཏེ། ཇི་སྐད་དུ། བཅོམ་ལྡན་འདས་ཀྱིས་དགོངས་པ་ལུང་
4-2-57b


སྟོན་པའི་རྒྱུད་ལས་ཕུང་པོ་ལ་སངས་རྒྱས་ཞེས་བཏགས་པ་དང༌། སངས་རྒྱས་དངོས་ཀུན་གྱིས་གང་ཞིག་བསྟེན་པའི། །ཡོན་ཏན་གྱི་རྟེན་བྱེད་པས་ས་ཞེས་བྱ་བར་གྱུར་པ་དོན་གྱི་འོད་གསལ་དེ་ནི་ས་བཅུ་གསུམ་པའོ། ༼ས་བཅུ་གསུམ་དུ་བྱེད་ཚུལ་ནི་རིམ་ལྔ་
ལས། སྣང་བ་གསུམ་པོ་མཐོང་བ་དག། ས་བཅུ་པ་ལ་རབ་ཏུ་གནས། །ཞེས་སེམས་དམིགས་ཀྱི་སྣང་བ་གསུམ་ས་བཅུ་པར་བཤད་པས། སྒྱུ་ལུས་ས་བཅུ་གཅིག་པ་དང༌། འོད་གསལ་ས་བཅུ་གཉིས་པར་ཤེས་ལ། དེ་ཉིད་མོས་སྤྱོད་ཀྱི་ས་ལ་ལྟོས་ཏེ་བཅུ་གསུམ་པའོ། །དེ་ལྟར་ན་ཟུང་འཇུག་ས་བཅུ་བཞི་པ་སྟེ་
རྡོ་རྗེ་འཕྲེང་བ་ལས་ས་བཅུ་བཞིར་བཤད་དོ། །དེ་དག་ཀྱང་ཆོས་མཐུན་ཁྱད་པར་ཅན་རེ་ཡོད་པས་ས་དེ་དང་དེའི་མིང་བཏགས་པ་ཡིན་ཏེ་རྒྱས་པར་གཞན་དུ་བཤད་ཟིན་ཏོ། །༽འོད་གསལ་དེ་ནི་བཙུན་མོར་ཡང་དག་བཤད། །དམ་པ་རྣམས་ཀྱིས་བསྟེན་པའི་ཆོས་འོད་གསལ་དེ་ཉིད་
ནི་བྷ་ག་ཞེས་བརྗོད་དོ། །ཞེས་གསུངས་པས་སོ། །དམ་ཚིག་ཆེན་པོའི་དཀྱིལ་འཁོར་དྲི་མ་མེད་པ་དེར་བདག་ཉིད་ཞུགས་པར་གྱུར་པ་ནི་བྱིན་གྱིས་བརླབས་པའོ། །ཇི་ལྟ་བུ་ཞེ་ན། གསལ་བ་ཞེས་བྱ་བ་ལ་སོགས་པ་གསུངས་ཏེ། ཤེལ་༼
དེ་ལ་དམ་ཚིག་ཆེན་པོའི་དཀྱིལ་འཁོར་རྡུལ་མེད་པ་དག་བྱིན་གྱིས་བརླབས་པར་གྱུར་པ་ནི་འཁོད་པར་གྱུར་པའོ་ཟེར། རྒྱུད་ལས་བཙུན་མོའི་བྷ་ག་ལ་ཞེས་གནས་གཞིའི་ཚིག་དང་། འགྲེལ་པར་གསུངས་པའི་དཀྱིལ་འཁོར་ནི་བྷ་ག་དེ་ལ་གནས་པའམ་འཁོད་པའོ། །༸ཞེས་པ་ནི་འཁོད་པའི་དཀྱིལ་འཁོར་དེ་ཇི་འདྲ་བ་ཞིག་ཅེས་འདྲི་བའོ། །
༼སྒོང་དག་པ་དང་འདྲ་བས་ན་གསལ་བའོ། །དང་པའི་རང་བཞིན་ཡིན་པས་ན་དེ་ཡི་ངོ་བོ་ཉིད་དོ། །སྐུ་ལ་འོད་ཟེར་སྣ་ལྔས་ཀུན་ཏུ་ཁྱབ་པས་ན་སྣ་ཚོགས་གཟུགས་ཀྱིས་ཀུན་ཏུ་རྒྱས་སོ། །དེ་བཞིན་གཤེགས་པ་ཐམས་ཅད་ཀྱི་བདག་
4-2-58a


ཉིད་རྡོ་རྗེ་འཆང་གི་སྐུའི་རྣམ་པ་ཅན་ཡིན་པས་ན་སངས་རྒྱས་སྤྲིན་གྱིས་ཀུན་ཏུ་ཁྱབ་བོ། །ཁྲོ་བོ་སྟེ་དྲག་པོའི་འོད་ཟེར་མེ་ཡི་འོད་འཁྲིགས་པས་ན་འོད་ཟེར་འཕྲོ་བ་མང་པོ་འཁྲུག་གོ། སྣང་བ་ཆེན་པོ་ལ་སོགས་པ་
སྣང་བ་གསུམ་དུ་སྤྲུལ་པས་ན་གསལ་བ་ལ་སོགས་དཀྱིལ་༼སྣང་བ་ལ་སོགས་པ་སྣང་བ་གསུམ་གྱིས་སྤྲུལ་པའི་ཕྱིར་གསལ་བ་ལ་སོགས་པའི་དཀྱིལ་འཁོར་དང་ལྡན་པའོ་ཟེར། སྣང་བ་གསུམ་གྱི་རླུང་སེམས་ཀྱིས་སྤྲུལ་པ་ནི་སྒྱུ་ལུས་སོ། །གསལ་བ་ནི་སྣང་བ་དང་སོགས་པས་ཉི་
མ་ནི་མཆེད་པ་དང་པདྨ་ནི་ཉེར་ཐོབ་བོ། །༽འཁོར་ལྡན་ནོ། །སྒྱུ་ལུས་རྡོ་རྗེ་འཆང་ཆེན་པོའི་སྐུ་ནི་དེ་བཞིན་གཤེགས་པ་ཀུན་གྱི་གནས་ཏེ། དེ་ལྟ་བུའི་སྒྱུ་ལུས་ཀྱི་དམ་ཚིག་ཆེན་པོའི་དཀྱིལ་འཁོར་དེ་འོད་གསལ་བར་རབ་ཏུ་ཞུགས་
པར་གྱུར་ཏོ་ཞེས་བྱ་བའི་བར་དུ་སྟེ་ཐ་ཚིག་གོ་འོ། །དེ་ནས་སྒྱུ་ལུས་འོད་གསལ་བར་ཞུགས་པའི་འོག་ཏུ་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་བཅོམ་ལྡན་འདས་རྡོ་རྗེ་འཆང་ཆེན་པོ་རིགས་༼
ནི་དཀྱིལ་འཁོར་དེ་བཙུན་མོའི་བྷ་གའི་ནང་དུ་ཆུད་པར་གསུངས་པས་བསྟན་པར་བྱ་དགོས་སྟེ། བྷ་ག་འོད་གསལ་ལ་བཤད་པ་ནི་ལན་དུ་མར་འབྱུང་བའི་ཕྱིར་དང༌། རྒྱུད་ཀྱི་ཚིག་དེ་ལ་བཤད་པ་གཞན་མ་བྱུང་བའི་ཕྱིར་རོ། །༽ཐམས་ཅད་ཀྱི་བདག་ཉིད་ཅན། བདག་
ཉིད་དོན་དམ་པའི་བདེན་པ་ལས་བཞེངས་ནས། སྲིད་པ་སྟེ་ཀུན་རྫོབ་སྒྱུ་མའི་སྐུ་དང་མྱ་ངན་ལས་འདས་པ་སྟེ་དོན་དམ་འོད་གསལ་གྱི་ཡེ་ཤེས་གཉིས་རོ་གཅིག་པ་སྟེ་མི་ཕྱེད་པའི་ངོ་བོ་ཉིད་ཀྱིས། དེ་བཞིན་གཤེགས་པ་ཐམས་
4-2-58b


ཅད་ཀྱི་དམ་ཚིག་ཆེན་པོའི་དཀྱིལ་འཁོར་གྱི་དབུས་སུ་བཞག་པར་གྱུར་ཏོ། །ཞེས་བྱ་བ་ནི་འཇིག་རྟེན་གསུམ་གྱི་བདག་པོ་ཉིད་དུ་བཞག་པར་གྱུར་ཏོ་ཞེས་བྱ་བའི་དོན་ཏེ། ནམ་མཁའ་ནི་སྟོང་པའོ། །ཀུན་ནི་ཐམས་ཅད་དེ་ཐམས་ཅད་སྟོང་པ་འོད་གསལ་གྱི་གོ་སྐབས་༼
དེ་བཞིན་གཤེགས་པ་ཐམས་ཅད་ཀྱི་དེ་བཞིན་ཉིད་ཆེན་པོའི་དཀྱིལ་འཁོར་ཞེས་འབྱུང་བ་ནི་ཤེས་བྱེད་དང་མཐུན་ནོ། །༼ན་དཔལ། རྡོ་རྗེ་སེམས་དཔའ་རབ་ཏུ་བཞུགས། །ཞེས་སྒྱུ་མ་བདེ་མཆོག་གིས་བཤད་པས་སོ། །༽དེ་ནས་དེ་བཞིན་གཤེགས་པ་མི་བསྐྱོད་པ་དང་། ཞེས་
བྱ་བ་ལ་སོགས་པས་ནི་ཟུང་འཇུག་ལོངས་སྐུ་དེ་མ་དག་པའི་སྐྱེ་བོས་མི་མཐོང་བས་སྤྲུལ་སྐུས་སེམས་ཅན་གྱི་དོན་བྱ་བའི་ཕྱིར་རིགས་ལྔའི་མིང་ཅན་གྱི་ཕུང་པོ་ལ་སོགས་པར་ལུས་རགས་པ་ལ་༼ཞེས་ཏེ་ཟུང་འཇུག་ལོངས་སྐུར་བཞེངས་ནས་འོད་གསལ་ལ་ཞུགས་པའོ། །
རྗེས་སུ་ཞུགས་པས་མ་དག་པའི་གདུལ་བྱས་མཐོང་བའི་སྤྲུལ་པའི་སྐུ་འཛིན་པར་མཛད་པ་བསྟན་པ་ཡིན་ཏེ། སྣང་བ་གསུམ་ལས་སྒྱུ་མའི་སྐུར་སྐྱེས་པ་དང༌། དེ་འོད་གསལ་དུ་དག་པར་བྱས་པ་དང༌། དེ་ལས་ཟུང་འཇུག་ལོངས་སྐུར་བཞེངས་པ་དང༌། དེས་ཟུང་འཇུག་པའི་སྤྲུལ་སྐུ་འཛིན་པར་
བཤད་པ་དེ་རྣམས་ནི། ངེས་པའི་དོན་ཏོ།། ༈ བསྡུས་པའི་དཀྱིལ་འཁོར་དྲང་ངེས་སུ་བཤད་པའི་དོན་འདི་ཉིད་སླར་ཡང་གསལ་བར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཐམས་ཅད་ཅེས་པའི་ཐམས་ཅད་ནི་འདས་པ་དང་། 
མ་བྱོན་པ་དང༌། ད་ལྟར་བཞུགས་པའོ། །དེ་འདྲ་བའི་དེ་བཞིན་གཤེགས་པ་རྣམས་ཀྱི་སྐྱེད་ཆོག་ཟླ་བ་དང༌ས་བོན་དང་ཕྱག་མཚན་རྡོ་རྗེ་དང་ལ་༼ཞེས་པ་འདིས་ཟིལ་གནོན་དང་དམ་ཚིག་འབྱུང་བ་གཉིས་ཀ་བསྡུས་དཀྱིལ་གྱི་རྒྱས་བཤད་དུ་སྟོན་པ་ཡིན་ཏེ། ཟིལ་གནོན་ལ་དག་པའི་
4-2-59a


ལྷའི་སྐུ་སྟོན་པ་མ་བྱུང་བའི་ཕྱིར་རོ། །༽སོགས་པས་སྐུ་རྫོགས་པའི་རིམ་གྱིས་རྡོ་རྗེ་འཆང་ལ་སོགས་པའི་སྐུ་གཅིག་ཏུ་མཛད་པ་ནི་ཟིལ་གྱིས་མནན་རྒྱུའི་དེ་བཞིན་གཤེགས་པ་ཐམས་ཅད་ཡིན་ལ། དེ་ཟིལ་གྱིས་གནོན་པ་སྟེ་མི་སྣང་བར་
བྱེད་པ་ནི་སྐད་ཅིག་ཙམ་གྱིས་ལྷག་པར་མོས་པས་ལྷ་རྣམས་བསྐྱེད་པའོ། །འདི་འདིར་མི་གསལ་ཡང་འོག་གི་བཤད་པས་ཤེས་སོ་འོ། །ལྷག་པར་མོས་པ་ཙམ་གྱིས་སྐྱེད་པའི་དོན་དེ་ཉིད་ནི་ཐ་མལ་གྱི་རྟོག་པས་མི་ཕྱེད་པས་རྡོ་རྗེ་སྟེ་དེ་སྐད་ཅེས་བྱ་བའི་ཏིང་ངེ་འཛིན་ཏེ། དེ་བཤད་པར་
བྱའོ་སྙམ་པ་གང་ཡིན་པའི་ཏིང་ངེ་འཛིན་དེ་ལ་སྙོམས་པར་ཞུགས་པའོ། །སྙོམས་པར་ཞུགས་མ་ཐག་ཏུ་ཞེས་བྱ་བ་ལ་སོགས་པ་ལ་གཞལ་ཡས་ཁང་གི་ནང་གི་མཐིལ་གྱི་ནམ་མཁའི་དབྱིངས་འདི་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ངོ་བོར་གནས་
པར་གྱུར་ཏོ། །ཞེས་བྱ་བའི་དེ་བཞིན་གཤེགས་པ་ཐམས་ཅད་ནི་ལྷག་མོས་ཀྱི་གཙོ་བོ་རྡོ་རྗེ་འཆང་ཆེན་པོའོ། །རྡོ་རྗེའི་ངོ་བོར་གནས་པར་གྱུར་ཏོ། །ཞེས་པ་ནི་རྡོ་རྗེ་འཆང་དེའི་དཀྱིལ་འཁོར་པ་འཁོར་གྱི་ལྷ་རྣམས་སུ་གྱུར་ཏོ་ཞེས་བྱ་བའི་དོན་ཏོ། །༼བསྡུས་དཀྱིལ་གྱི་འཁོར་དུ་
རིགས་ལྔ་གསུངས་པ་འདིས་གསལ་བར་བཤད་དོ། །འདིར་དཀྱིལ་འཁོར་ལ། འཁོར་ན་དེ་བཞིན་གཤེགས་པ་བཞི་ལས་མེད་པས། རིགས་ལྔ་བསྡུ་བར་བཤད་པ་ཇི་ལྟར་ཡིན་ཞེ་ན། སྔོན་བྱུང་ལ་རྡོ་རྗེ་འཆང་གི་འཁོར་ནི་ལྔ་ཡོད་ཅིང༌། རྗེས་འཇུག་ལ་རིགས་གཞན་གྱིས་གཙོ་བོ་བྱས་པའི་ཚེ་མི་བསྐྱོད་པ་འཁོར་དུ་འོང་བས་
མི་འགལ་ཞེས་སྨྲ་བ་ནི་མི་རིགས་ཏེ། འདི་ལྷག་མོས་ཀྱི་དཀྱིལ་འཁོར་ཡིན་པར་རྒྱས་བཤད་ལས་ཤེས་པའི་ཕྱིར་དང་། དེ་ལ་རྡོ་རྗེ་འཆང་ཉིད་གཙོ་བོ་ཡིན་པས་རིགས་གཞན་གྱིས། གཙོ་བོ་བྱས་པ་འདིར་མི་འོང་བའི་ཕྱིར་དང༌། སྐབས་གཞན་དུ་རིགས་ལྔ་པོ་གཞན་གྱིས་གཙོ་བོ་བྱས་པའི་འཁོར་དུ་མི་བསྐྱོད་པ་
4-2-59b


འོང་དུ་ཆུག་ཀྱང༌། དེས་འདིའི་འགལ་སྤོང་ལ་མི་ཕན་པའི་ཕྱིར་རོ། །དེས་ན་རིགས་ལྔ་བསྡུ་བར་བཤད་པ་ལ་མི་བསྐྱོད་པ་འཁོར་ན་ཡོད་པ་ནི་སྔོན་བྱུང་ལ་དགོངས་ལ་རྗེས་འཇུག་ལ་མི་བསྐྱོད་པའི་རིགས་ཀྱི་ཁྲོ་བོ་གཉིས་ལ་སོགས་པ་འཁོར་དུ་འོང་བ་ལ་དགོངས་སོ། །༽རྡོ་རྗེ་འཆང་ཆེན་པོའི་
དཀྱིལ་འཁོར་པར་གྱུར་པ་དེས་ཅི་ཞིག་མཛད་ཅེ་ན། སེམས་ཅན་ཞེས་བྱ་བ་ལ་སོགས་པ་གསུངས་ཏེ། གཙོ་བོའམ་ལྷ་ཐམས་ཅད་ཀྱི་ཐུགས་ཀའི་ས་བོན་ལས་འཕྲོས་པའི་འོད་ཟེར་ལྕགས་ཀྱུ་ལྟ་བུས་སེམས་ཅན་ཐམས་ཅད་དཀྱིལ་འཁོར་གྱི་ཕྱོགས་བཞིར་བཀུག་པའི་སེམས་
ཅན་ཐམས་ཅད་དཔལ་རྡོ་རྗེ་སེམས་དཔའ་འཇུག་པ་སྟེ་གཞལ་ཡས་ཁང་དུ་ཐོགས་པ་མེད་པའི་འཇུག་པས་ཞུགས་ནས། གནས་པ་ལ་གཙོ་བོ་ཡབ་ཡུམ་གྱི་བྱང་ཆུབ་ཀྱི་སེམས་ཀྱི་འོད་ཟེར་གྱི་དབང་བསྐུར་བས་རྡོ་རྗེ་སེམས་དཔའ་ཉིད་ཐོབ་པའོ། །རྡོར་སེམས་ཐོབ་པ་དེ་
བས་ན་དེ་བཞིན་གཤེགས་པ་ཐམས་ཅད་ཀྱི་བདེ་བ་དང་ཡིད་བདེ་བ་ཐོབ་པར་གྱུར་ཏོ་ཞེས་བྱ་བས་ལྷག་མོས་ཀྱི་མཛད་པ་གསུངས་ཏེ། ལྷ་རྣམས་གྲོང་སྐྱེད་དང༌། སེམས་ཅན་ལ་ཏིང་ངེ་འཛིན་གྱིས་དབང་བསྐུར་བ་ནི་རིམ་པ་གཉིས་ཀ་ལ་ཡོད་པས་སྤྱིའི་དོན་ཏོ། ། 
༈ འདིར་རྣམ་གཞག་ལས། རྒྱུད་ལས་དེ་བཞིན་གཤེགས་པ་ཐམས་ཅད་ཟིལ་གྱིས་གནོན་པའི་ཏིང་ངེ་འཛིན་གསུངས་པའི་རིམ་པ་དང༌། ཤེས་རབ་ཀྱི་མདོ་ལས་ཀྱང་གསུངས་ཏེ། རྩ་སྟོང་ཕྲག་བདུན་ཅུ་རྩ་གཉིས་ཡང་དག་པར་བསྐུལ་ཏེ། གཉིས་ཀ་ཡང་མཆོག་ཏུ་དགའ་བའི་བདེ་བས་ཚིམ་པར་
བྱའོ། །ཞེས་བར་དོས་གང་དུ་སྐྱེ་བ་ལེན་པའི་ཐིག་ལེ་འབྱུང་བའི་ཚུལ་ཟིལ་གནོན་རྡོ་རྗེ་དང༌། མ་རྒྱུད་སྡོམ་འབྱུང་གི་གཞུང་གིས་སྟོན་པར་གསུངས་ལ། དེ་ཡང་དང་པོའི་མགོན་པོ་སྤྲུལ་སྐུར་བསྒྱུར་བ་སྦྱང་གཞི་དང་སྦྱོར་བའི་སྐབས་ཡིན་པས། སྦྱང་གཞི་ཁོ་ནར་མ་ཟད་སྤྲུལ་སྐུར་སྒྱུར་ཚུལ་ཞིག་ཀྱང་
4-2-60a


སྟོན་དགོས་པ་ལ་སྤྱི་དོན་གྱིས་ནི་ལྷག་མོས་ཀྱི་ལྷ་བསྐྱེད་པ་སྟོན་པས་འདིར་མི་འགྲིག་ཅིང༌། སྦས་པ་དང་མཐར་ཐུག་གཉིས་ལས་ལྷ་སྐྱེད་པ་མི་སྟོན་པས། སྦས་པས་སྦྱང་གཞིའི་རིམ་པ་བསྟན་པ་བཞིན་དུ་སྤྲུལ་སྐུར་སྒྱུར་ཚུལ་ཞིག་ཡིག་དོན་ཁ་བསྐངས་ནས་བཤད་
དགོས་སོ། །དེ་ལ་སྔོན་དུ་སྦྱང་གཞི་བཤད་ན་གོ་བདེ་བས་དེ་བཞིན་གཤེགས་པ་ཐམས་ཅད་ཅེས་བྱ་བ་ལ་སོགས་པ་ལ། ཏིང་ངེ་འཛིན་གང་གིས་སྙོམས་པར་འཇུག་མཁན་གྱི་ཕུང་པོ་ལ་སོགས་པའི་ངོ་བོར་གྱུར་པའི་ཐིག་ལེ་རྩ་གནས་སོ་སོ་ན་གནས་པ་རྣམས་
ནི་དེ་བཞིན་གཤེགས་པ་ཐམས་ཅད་དེ། ཟིལ་གྱིས་མནན་རྒྱུའོ། །ཟིལ་གྱིས་གནོན་ཚུལ་ནི། དེ་རྣམས་ཀུན་རྫོབ་ཀྱི་བྱང་ཆུབ་ཀྱི་སེམས་ཀུན་ཏ་ལྟ་བུའི་ཀྱི་རྣམ་པ་ཅན་དུ་ཞུ་བར་གྱུར་པས་ཟིལ་གྱིས་མནན་ཅིང༌། སྟེ་གསང་གནས་ཀྱི་ལམ་གཅིག་ཏུ་འབབ་པར་
མཛད་ལ། དེ་ཉིད་རྡོ་རྗེ་ལྟར་མི་ཕྱེད་པ་ན་འོག་ཏུ་འབབ་པ་ལས་མི་ཟློག་པ་ཡིན་པས་དེ་སྐད་ཅེས་བྱ་བའི་ཏིང་ངེ་འཛིན་གང་ཡིན་པ་དེ་བཤད་པ་ལ་དགོངས་པ་རྩེ་གཅིག་པ་ལ་སྙོམས་པར་ཞུགས་པའོ། །སྙོམས་པར་ཞུགས་མ་ཐག་ཏུ་ཞེས་བྱ་བ་ལ་སོགས་
པ་ལ། ནམ་མཁའི་དབྱིངས་འདི་ཐམས་ཅད་ཅེས་བྱ་བ་ནི། སྐབས་འདིར་རྩ་ཕྲན་སྟོང་ཕྲག་བདུན་ཅུ་རྩ་གཉིས་ཀྱི་ཁོང་སྟོང་བུ་ག་ནམ་མཁའ་འོ་ངོ༌། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ནི་སྐབས་འདིར་ཐབས་ཀྱི་ཡེ་ཤེས་ཏེ་
ཀུན་ད་ལྟ་བུའོ་སོ། །དེའི་ངོ་བོ་ཉིད་ནི་དེའི་རང་བཞིན་ནོ། །གནས་པར་གྱུར་ཏོ་ཞེས་པ་ནི། རྩའི་གནས་རྣམས་ནས་བྱུང་བར་གྱུར་ཏོ་ཞེས་བྱ་བའི་དོན་ཏོ། །སེམས་ཅན་ཐམས་ཅད་ཅེས་བྱ་བ་ནི་སེམས་ཅན་གྱི་ཐ་སྙད་འདོགས་པའི་གཞི་ཕུང་པོ་ལ་
4-2-60b


སོགས་པའོ། །རྡོ་རྗེ་སེམས་དཔའི་བྱིན་གྱིས་བརླབས་ཀྱིས་ཞེས་བྱ་བའི་རྡོ་རྗེ་སེམས་དཔའ་ནི་ཐབས་ཀྱི་ཡེ་ཤེས་ཀུན་ད་ལྟ་བུ་ཡིན་ལ་དེས་བྱིན་གྱིས་བརླབས་པ་ནི་ཐིག་ལེ་དེ་ལུས་ཀྱི་གནས་ཀུན་ཏུ་ཤར་བས་སོ། །དེ་བཞིན་གཤེགས་པ་ཐམས་ཅད་ཀྱི་བདེ་བ་དང་ཡིད་
བདེ་བ་ཐོབ་པར་གྱུར་ཏོ་ཞེས་བྱ་བ་ནི་བྱིན་གྱིས་བརླབ་ཚུལ་ཏེ། ཕོ་མོའི་དབང་པོ་གཉིས་མཉམ་པར་སྦྱོར་བ་ལས་འདོད་ཆགས་ཆེན་པོའི་མེས་བྱང་སེམས་རྣམས་གནས་སོ་སོ་ནས་ཞུ་བར་གྱུར་ནས་མཆོག་ཏུ་དགའ་བའི་བདེ་བ་མྱོང་བར་གྱུར་ཏོ་ཞེས་བྱ་བའི་
དོན་ཏེ། འདོད་ཆགས་ཆོས་ཀྱི་སྦས་པའོ། །འདིས་ལམ་དུས་དང་གཞི་དུས་ཀྱི་འདོད་ཆགས་ཀྱི་སྤྱོད་པ་གཉིས་ཀ་སྟོན་ནོ།། ༈ དེ་ལ་གཞི་དུས་ལྟར་ན་ཕ་མ་གཉིས་ཀྱི་སྦྱོར་བ་ལས་བྱང་ཆུབ་ཀྱི་སེམས་རིམ་གྱིས་བབས་པའི་ཁུ་ཁྲག་གཉིས་མའི་སྐྱེ་གནས་སུ་འདྲེས་པའི་དབུས་སུ་བར་སྲིད་
ཞུགས་ཏེ་སྐྱེ་བ་ལེན་པ་འདིར་གཟུང་ངོ༌། །རིམ་པ་དེ་ལྟར་དུ་ལྷ་བསྐྱེད་པ་ལ་དང་པོའི་མགོན་པོ་ནི་བར་དོ་དང་འདྲ་སྟེ་དེའི་སྐྱེད་ཆོག་འདིར་མི་སྟོན་ནོ། །མི་བསྐྱོད་པ་ནི་བར་སྲིད་གང་དུ་སྐྱེ་བ་ལེན་པའི་གནས་ཀྱི་ཐིག་ལེ་དང་འདྲའོ། །དང་པོའི་མགོན་པོ་མི་བསྐྱོད་པ་ལ་འཇུག་པ་ནི་བར་སྲིད་སྐྱེ་གནས་ཀྱི་ཐིག་ལེ་ལ་
འཇུག་པ་དང་འདྲ་ལ། ཞུགས་ནས་སྤྲུལ་སྐུར་བསྒྱུར་བ་ནི་བར་སྲིད་ཞུགས་ནས་སྐྱེ་བ་བླངས་པ་དང་འདྲའོ། །དེས་ན་འདིར་མི་བསྐྱོད་པ་ཇི་ལྟར་བསྐྱེད་པའི་ཚུལ་ཞིག་དགོས་པས་དེ་ཡིག་དོན་གྱིས་བཤད་ན། ཟིལ་གནོན་གྱི་ཏིང་ངེ་འཛིན་ནི་རང་བཞིན་གྱིས་གནས་ན་སངས་རྒྱས་ཡབ་ཡུམ་སེམས་ཅན་འདུལ་
བའི་ཕྱིར་དུ་ཏིང་ངེ་འཛིན་ལ་སྙོམས་པར་ཞུགས་པ་སྟེ་ཕ་མ་དང་འདྲའོ། །སྙོམས་པར་ཞུགས་པའི་ཐིག་ལེ་ལས་བསྒྲུབས་པའི་རྡོ་རྗེའི་རིགས་ཀྱི་ངོ་བོ་མི་བསྐྱོད་པས་ནམ་མཁའ་ཐམས་ཅད་ཁྱབ་པར་བྱས་པ་ནི། ནམ་མཁའ་ནས་རྡོ་རྗེའི་ངོ་བོར་གནས་པར་གྱུར་པའི་དོན་ཏེ་ཕ་མའི་ཐིག་ལེ་དང་འདྲའོ། །
4-2-61a


དེས་སེམས་ཅན་ཐམས་ཅད་ལ་བྱིན་གྱིས་བརླབས་པས་བདེ་བ་གཉིས་ཐོབ་པ་ནི། དེ་ནས་ནམ་མཁའི་དབྱིངས་ཞེས་པ་ནས་ཡིད་བདེ་བ་ཐོབ་པར་གྱུར་ཏོའི་བར་གྱི་དོན་ཏེ། དབང་པོ་གཉིས་སྦྱོར་གྱི་བྱང་སེམས་ཞུ་བའི་བདེ་བ་མྱོང་བ་དང་འདྲའོ། །དེ་ནས་མི་བསྐྱོད་པ་ཐམས་
ཅད་གཞལ་ཡས་ཁང་གི་ནང་དུ་གཅིག་ཏུ་འདུས་པ་ནི་སྐྱེ་གནས་སུ་ཁུ་ཁྲག་རྣམས་འདྲེས་པ་དང་འདྲ་སྟེ། ལྷག་མ་ནི་སྔར་བཞིན་ནོ། །བཤད་སྲོལ་འདི་མཁས་པ་ཁ་ཅིག་གིས་ཕྱེ་འདུག་པ་ལེགས་པར་སྣང་བས་གསལ་དུ་བཏང་བའོ།། ༈ དེ་བཞིན་གཤེགས་པ་ཐམས་ཅད་ནི་སྒྲུབ་པ་པོའི་
ཕུང་པོ་ལྔ་རྣམས་སོ། །དེ་རྣམས་ཟིལ་གྱིས་མནན་པ་ནི་དོན་དམ་པའི་བདེན་པར་བཅུག་པས་ཡུལ་ཡུལ་ཅན་རོ་གཅིག་ཏུ་མཛད་པའོ། །དེ་ཉིད་རྟོགས་པས། །མི་ཕྱེད་པས་རྡོ་རྗེ་སྟེ་དེ་སྐད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་
པའོ། །ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ་ནམ་མཁའི་དབྱིངས་འདི་ཐམས་ཅད་ཞེས་པ་ནི་སྟོང་པ་ཉིད་གསུམ་མོ། །དེ་བཞིན་གཤེགས་པ་ཐམས་ཅད་ཀྱིས་བསྟེན་པའི་རྡོ་རྗེ་ནི་ཐམས་ཅད་སྟོང་པ་ཉིད་དེ། སྟོང་པ་བཞི་སྔ་མ་
ཕྱི་མ་ལ་ཞུགས་པའི་རིམ་པས་མཐར་ཐམས་ཅད་སྟོང་པ་འོད་གསལ་དེའི་ངོ་བོར་གནས་པར་གྱུར་པའོ། །དེ་ནས་ནམ་མཁའི་དབྱིངས་ཞེས་བྱ་བ་ལ་སོགས་པས་ཀྱང་འོད་གསལ་དུ་ཞུགས་པའི་དོན་འདི་ཉིད་གསལ་བར་སྟོན་ཏེ་༼ཞེས་པ་ལ་
ནམ་མཁའི་དབྱིངས་ཐམས་ཅད་ན་གནས་པའི་སེམས་ཅན་ཐམས་ཅད་ནི་འོད་གསལ་གྱི་དབྱིངས་ན་གནས་པའི་སྒྲུབ་པ་པོའི་ཕུང་པོ་ཐམས་ཅད་དོ། །རྡོ་རྗེ་སེམས་དཔའ་ནི་འོད་གསལ་གྱི་ཡེ་ཤེས་སོ། །དེ་ཤར་བས་བྱིན་གྱིས་བརླབས་པ་ན་ཟག་མེད་ཀྱི་བདེ་བ་དང༌། ཡིད་བདེ་བ་གཉིས་ཐོབ་
4-2-61b


པའོ། །༽འདི་ནི་འོད་གསལ་གྱི་མཐར་ཐུག་པར་བཤད་པའོ།། ༈ ཟིལ་གནོན་སྤྱི་དོན་དུ་བཤད་པ་དེ་ལྟར་ལྷག་པར་མོས་པས་གཙོ་བོ་རྡོ་རྗེ་འཆང་ཆེན་པོ་དང་དེའི་འཁོར་གྱི་ལྷ་བསྐྱེད་པ་བསྟན་ནས། ད་ནི་བསྡུས་དཀྱིལ་དུ་མདོར་བསྟན་པའི་
ཡོངས་སུ་དག་པ་དང༌། ཡོངས་སུ་མ་དག་པའི་ལྷ་རྣམས་༼སྟེ་སྟོང་པ་གསུམ་ཡང་དེར་བསྡུས་པའོ། །འདིས་བསྡུས་དཀྱིལ་དུ་སྒྱུ་ལུས་འོད་གསལ་དུ་འཇུག་པ་ལ་སྟོང་པ་བཞི་མ་བཤད་པ་འདིར་བསྟན་ཏོ། །༽ཀྱི་སྐུ་སྐྱེད་པ་བསྟན། པར་བྱ་བའི་ཕྱིར། ཟིལ་གནོན་རྡོ་རྗེ་བཤད་པའི་རྗེས་
དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་རྡོ་རྗེ་དང་གསུང་རྡོ་རྗེ་དང་ཐུགས་རྡོ་རྗེ་ནི་རིམ་པ་བཞིན་དུ་ཨོཾ་ཨཱཿཧཱུཾ་གི་ཡི་གེ་གསུམ་སྟེ། ཡི་གེ་གསུམ་བསྒོམ་པ་དེ་ཉིད་ནི་འདི་མངོན་བྱང་ལྔས་ལྷ་བསྐྱེད་པ་ལ་འདའ་བར་
མི་བྱ་བས་ན་དམ་ཚིག་གོ། ས་བོན་དེ་ལས་འབྱུང་བ་ནི་སྐྱེས་པ་སྟེ་ཕྱག་མཚན་དང་སྐུ་རྫོགས་པ་གཉིས་ཀའོ། །དེ་ཉིད་ཐ་མལ་གྱི་རྟོག་པས་མི་ཕྱེད་པས་ན་རྡོ་རྗེ་སྟེ། དེ་བཤད་པར་དགོངས་པ་རྩེ་གཅིག་པའི་ཏིང་ངེ་འཛིན་དེ་ལ་སྙོམས་པར་ཞུགས་པའོ། །རིག་པ་ཆེན་
བོད་སྐད་ཀྱི་དམ་ཚིག་གི་ཚིག་དོན་ལ་མི་འདའ་བ་མེད་ཀྱང༌། དེའི་སྐད་དོད་ས་མ་ཡའི་སྒྲའི་དོན་ལ་དེ་ལྟར་ཡོད་དོ། །༼པོའི་སྐྱེས་བུའི་གཟུགས་ཞེས་བྱ་བ་ནི་རིག་པ་ཆེན་པོ་ནི་གསང་སྔགས་ཀྱི་ཡི་གེ་གསུམ་རྣམས་སོ། །དེ་རྣམས་ཀྱིས་དེ་བཞིན་གཤེགས་པའི་སྐྱེས་བུའི་
གཟུགས་སུ་བསྐྱེད་པ་གང་ཡིན་པ་དེ་ནི་རིག་པ་ཆེན་པོའི་སྐྱེས་བུའི་གཟུགས་སོ། །དེ་བཞིན་གཤེགས་པ་ཐམས་ཅད་ཀྱི་སྔགས་ཀྱི་བདག་པོ་ ༼བདག་པོ་འདི་ཞེས་པ་འགྱུར་གསར་གཉིས་ཀ་ལ་མེད་པ་ལྟར་བྱའོ། །༼འདི་བྱིན་གྱིས་བརླབ་ཀྱིས་ཞེས་པ་ནི་རློབ་
4-2-62a


བྱེད་དོ། །བྱིན་གྱིས་བརླབས་སོ་ཞེས་བྱ་བ་ལ། །དེ་བཞིན་གཤེགས་པ་ཐམས་ཅད་ཀྱི་སྔགས་ནི། རྣམ་སྣང་གི་ཡི་གེ་ཨོཾ་དང་ལ་སོགས་པས་ལྷ་ལྷག་མ་སོ་གཅིག་གི་སྔགས། སྐུ་གསུང་ཐུགས་བྱིན་བརླབ་ཀྱི་ཡི་གེ་གསུམ་དང༌། ཏིང་ངེ་འཛིན་སེམས་
དཔའི་ཡི་གེའི་བར་རོ་སྟེ། ༼ཞེས་པ་ནི་བརླབ་བྱའི་ཡུལ་ལའོ།། ༼སྔགས་ཀྱི་ཡི་གེ་དེ་རྣམས་ཀྱིས་བྱིན་གྱིས་བརླབས་པ་ནི་ལྷར་བསྐྱེད་པའི་ལུས་ལ་བཀོད་པ་གང་ཡིན་པ་དེ་ལ་དེ་སྐད་ཅེས་བྱའོ། །དམ་ཚིག་འབྱུང་བའི་གཞུང་འདིས་ནི་དོན་འདི་
སྐད་སྟོན་པར་འགྱུར་ཏེ། སྒྲུབ་པའི་ཐབས་མདོར་བྱས་ལས་བཤད་པའི་ཀྱི་ཚུལ་དུ་རྣལ་འབྱོར་དང་རྗེས་སུ་རྣལ་འབྱོར་དང་ཤིན་ཏུ་རྣལ་འབྱོར་དང་རྣལ་འབྱོར་ཆེན་པོ་སྟེ། རྣལ་འབྱོར་བཞིའི་རིམ་གྱིས་སེམས་དཔའ་གསུམ་གྱི་མཐར་ཐུག་པའི་བར་གྱི། 
ཇི་སྲིད་པ་སྔགས་སྟེ་ལྷ་ཐམས་ཅད་ཀྱི་གཟུགས་ཀྱི་སྐུ་ལུས་ལ་བཀོད་པའི་རྡོ་རྗེ་འཆང་ཆེན་པོའི་བདག་ཉིད་དུ་བྱིན་གྱིས་བརླབས་པར་གྱུར་པ་བསྟན་ནོ། །རྣལ་འབྱོར་དང་པོ་གསལ་བར་མ་བསྟན་ཀྱང༌། རྣལ་འབྱོར་ལྷག་མ་གསུམ་གྱི་ཤུགས་ཀྱིས་སྟོན་ལ། ལེའུ་
བཅུ་གཅིག་པ་སོགས་ལས་གསུངས་པ་བཞིན་དུ་རིགས་དྲུག་གི་རྗེས་སུ་རྣལ་འབྱོར་དྲུག་ཡོད་པས། རྡོ་རྗེ་འཆང་ཞེས་གསུངས་པ་ནི་གཙོ་བོའི་དབང་དུ་བྱས་པའོ། །སྔར་བཤད་པ་ལྟར་བྱིན་གྱིས་བརླབས་པར་གྱུར་པ་དེས་ཇི་ལྟ་བུའི་རྣམ་པར་གྱུར་ཅེ་ན། །ཞལ་གསུམ་པ་ལྟ་
བུར་ཞེས་བྱ་བ་གསུངས་ཏེ།  གདུལ་བྱ་རྣམས་ལ་ཞལ་གསུམ་པ་དེ་ལྟར་སྣང་བར་གྱུར་པའོ། །རྒྱུ་མཚན་དེ་བས་ན་བྱང་ཆུབ་ཀྱི་སེམས་རྡོ་རྗེ་དེ་བཞིན་༼བྱིན་གྱིས་བརླབས་པ་དེའི་རྣམ་པ་གང་ཤེ་ན་ཟེར། ༽གཤེགས་པ་རྡོ་རྗེ་འཆང་དེ་ཉིད། དེ་བཞིན་གཤེགས་
4-2-62b


པ་ཐམས་ཅད་དེ་འཇིག་རྟེན་གྱི་ཁམས་ན་གནས་པའི་གདུལ་བྱ་རྣམས་ཀྱིས་ཡང་དག་པར་མཐོང་བར་གྱུར་ཏོ། །༼རྡོ་རྗེ་འཆང་ཉིད་ཞལ་གསུམ་པར་གཟིགས་ཞེས་པ་ཡང་རིགས་རྣམས་ཀྱི་གཙོ་བོ་ལ་དགོངས་སོ། །༽ཞེས་གསུངས་ཏེ་དྲང་བའི་དོན་ཏོ། །༼འདིར་སེམས་
དཔའ་གསུམ་གྱི་བར་དུ་བསྐྱེད་པའི་འོག་ཏུ་ཞལ་གསུམ་པ་ལྟ་བུར་གཟིགས་པར་བཤད་ལ། དེ་ཡང་རྣམ་གཞག་ལས་ཟླ་བ་བཅུ་ཡི་མཐར་རྩ་བའི་རྒྱུད་ལས་གསུངས་པའི་དམ་ཚིག་འབྱུང་བ་རྡོ་རྗེའི་ཏིང་ངེ་འཛིན་ཡང་དག་པར་བསྟན་པའི་རིམ་པས་མའི་མངལ་ནས་འཐོན་པར་འགྱུར་ཏེ། དེའི་ཕྱིར་དྲི་ཟ་ཉེ་བར་འཁོར་གྱི་
སེམས་ཅན་ཤའི་མིག་གི་ཡུལ་དུ་གྱུར་ཏོ། །དེ་ལྟར་རྩ་བའི་རྒྱུད་ལས་གསུངས་ཏེ། བཅོམ་ལྡན་འདས་དེ་བཞིན་གཤེགས་པ་བྱང་ཆུབ་ཀྱི་སེམས་རྡོ་རྗེ་ཞལ་གསུམ་པ་ལྟ་བུར་དེ་བཞིན་གཤེགས་པ་ཐམས་ཅད་ཀྱིས་ཡང་དག་པར་གཟིགས་པར་གྱུར་ཏོ་ཞེས་གསུངས་སོ། །ཞེས་ཟླ་བ་བཅུའི་མཐར་མངལ་ནས་
ཕྱི་རོལ་ཏུ་བཙས་པ་ལ་བཤད་པས། སྔ་མ་རྣམས་སེམས་དཔའ་སུམ་བརྩེགས་ཕྱི་རོལ་ཏུ་བཙས་པ་ལ་སྦྱོར་བ་དང༌། ཕྱི་མ་ཁ་ཅིག་སྐུ་གསུང་ཐུགས་བྱིན་བརླབ་དང༌། སེམས་དཔའ་སུམ་བརྩེགས་གཉིས་ཀ་ཕྱི་རོལ་ཏུ་བཙས་པ་ལ་སྦྱོར་བ་ནི་གཞུང་གཉིས་དང་འགལ་བའོ། །མངལ་དུ་ངག་སྨྲ་བ་མེད་ཀྱང་
ངག་གི་གནས་ལྕེ་ཡོད་པས། གསུང་བྱིན་རླབས་ཀྱི་སྦྱང་གཞི་ཡོད་པ་མི་འགལ་ལོ། །སྦྱང་གཞི་ལ་བར་དོ་ཤའི་མིག་གི་སྤྱོད་ཡུལ་དུ་མི་འགྱུར་བ་མངལ་དུ་ཉིང་མཚམས་སྦྱར་བ་རིམ་གྱིས་འཕེལ་ནས་ཕྱི་རོལ་ཏུ་བཙས་པ་ན་ཤའི་མིག་གི་ཡུལ་དུ་ཀུན་གྱིས་མཐོང་བ་དང༌། རྫོགས་རིམ་པ་ལ་བར་དོ་དང་འདྲ་བའི་
ཟུང་འཇུག་ལོངས་སྐུ་མིག་ཐ་མལ་པས་མི་མཐོང་བར་རགས་པའི་ལུས་ཀྱི་སྤྲུལ་སྐུ་བཟུང་བ་ན་མིག་ཐ་མལ་པ་ཡི་ཡང་ཡུལ་དུ་འགྱུར་བ་གཉིས་ལ་ཆོས་མཐུན་ངོ་མཚར་བ་ཡོད་ལ། བསྐྱེད་རིམ་ལ་དང་པོའི་མགོན་པོར་བསྐྱེད་པ་དང༌། དེ་སྤྲུལ་སྐུར་རྡོར་སེམས་སུ་བསྒྱུར་བ་ལ་མཐོང་དཀའ་སླའི་ཁྱད་
4-2-63a


མེད་ཀྱང༌། མོས་པ་ཡིད་བྱེད་ཀྱིས་སྔ་མ་ལོངས་སྐུ་དང༌། ཕྱི་མ་སྤྲུལ་སྐུར་མོས་དགོས་པའི་སྟེང་ནས། སྦྱང་གཞི་དང་ཟུང་འཇུག་གི་སྐབས་གཉིས་དང་མཐུན་པའི་ལམ་བྱེད་ཡོད་དོ།། ༈ དམ་ཚིག་འབྱུང་བའི་གཞུང་ངེས་དོན་དུ་འཆད་པ་ལ་དེ་བཞིན་
གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་དམ་ཚིག་ནི་འོད་གསལ་བཞེས་པ་ནི་རྡོ་རྗེ་གསུམ་ནི་ལུས་ངག་ཡིད་གསུམ་དང༌། དམ་ཚིག་ནི་ས་མ་ཡ་ལ་ས་མ་ཏ་ཞེས་པའི་ངེས་ཚིག་གིས་བཤད་ན་གསུམ་པོ་དེ་འོད་གསལ་དུ་ཞུགས་པས་རོ་མཉམ་པ་ཉིད་དུ་
གྱུར་པའོ། །འོད་གསལ་གྱི་ཡེ་ཤེས་དེ་ལས་བྱུང་བ་ནི་སྐྱེས་པ་སྟེ། རྡོ་རྗེ་ལྟར་བདེན་གཉིས་མི་ཕྱེད་པའི་ཟུང་འཇུག་གང་ཡིན་པ་དེ་ལ་དེ་སྐད་ཅེས་བྱའོ། །རིག་པ་ཆེན་པོ་ཞེས་པ་ལ་སྤྱིར་ཆེན་པོའི་སྒྲ་དོན་བརྒྱད་ལ་འཇུག་སྟེ་ཐེག་པའི་མཆོག་ལ་ཐེག་པ་ཆེན་
པོ་དང་བྱམས་པ་ཚད་མེད་པ་ལ་བྱམས་པ་ཆེན་པོ་དང༌། རིག་པའི་གནས་མང་དུ་ཤེས་པ་ལ་མཁས་པ་ཆེན་པོ་དང་། བརྩོན་འགྲུས་འབར་བར་གྱུར་པ་ལ་བརྩོན་འགྲུས་ཆེ་བ་དང༌། སྤྲོ་ཤུགས་ལྷག་པར་གྱུར་པ་ལ་སྤྲོ་བ་ཆེ་བ་དང་འི་ཤིན་ཏུ་བྱ་བར་དཀའ་བ་
སྒྲུབ་པ་ལ་ལས་ཀྱི་བདག་ཉིད། །ཆེན་པོ་ཞེས་པ་དང༌། ཤིན་ཏུ་རྨད་དུ་བྱུང་བ་ལ་ངོ་མཚར་ཆེ་ཞེས་པ་དང༌། ཐེག་ཆེན་གྱི་ལམ་སྒྲུབ་པ་ལ་བྱེད་པ་པོ་སྟེ་སྐྱེས་བུ་ཆེན་པོ་ཞེས་པ་ལྟ་བུ་རྣམས་ལའོ། །ཆེན་པོ་ཞེས་ནི་འཆི་མེད་མཛོད་ལས་བཤད་པ་ཡིན་ནོ། །
ཞེས་གསུངས་པས། རིག་པ་ཆེན་པོ་ནི་དོན་དམ་པའི་བདེན་པ་༼ཤིན་ཏུ་རྨད་བྱུང་བྱེད་པོ་ལ་ཟེར། །༼དང་རོ་གཅིག་ཏུ་ཞུགས་པའི་འོད་གསལ་གྱི་ཡེ་ཤེས་ཏེ་རིག་པའི་མཆོག་ལ་ཆེན་པོར་གསུངས་པའོ། །སྐྱེས་བུ་ནི་ཀུན་རྫོབ་ཀྱི་བདེན་པ་དག་པའི་སྒྱུ་མའི་སྐུའོ། །དེ་
4-2-63b


དག་སྟེ་གཉིས་ལས་ངོ་བོ་དབྱེར་མེད་དུ་བསྐྱེད་པ་མཚན་ལ་སོགས་པའི་རྣམ་པ་ཐམས་ཅད་ཀྱི་མཆོག་དང་ལྡན་པ་ལ་སོགས་པ་དང་བཅས་པའི་སྐྱེས་བུ་ལྟ་བུ་སྟེ་རྣམ་པའི་ལྷའི་སྐུ་ནི་རིག་པ་ཆེན་པོའི་སྐྱེས་བུའི་གཟུགས་ཏེ། ཟུང་འཇུག་གི་ལོངས་སྐུ་རྡོ་རྗེ་འཆང་
ཆེན་པོའོ། །དེ་བཞིན་གཤེགས་པ་ཐམས་ཅད་ཀྱི་སྔགས་ཀྱི་བྱིན་གྱིས་བརླབ་ཀྱིས་བྱིན་གྱིས་བརླབས་སོ། །ཞེས་བྱ་བ་ནི་དེ་བཞིན་གཤེགས་པ་ཐམས་ཅད་ཀྱི་ཕྲ་རབ་སྟེ་ཆ་ཐམས་ཅད་ལས་བསྒྲུབས་པས་ཏེ་བར་བདག་ཉིད་སྤྲུལ་པའི་སྐུར་བསྐྱེད་
པའོ་ཞེས་བྱ་བར་དགོངས་སོ། །བྱིན་གྱིས་བརླབས་མ་ཐག་ཏུ་ཞེས་བྱ་བ་ལ་སོགས་པ་ནི་སྔ་མ་དྲང་དོན་གྱི་སྐབས་བཞིན་ཏེ། ངེས་པའི་དོན་ཏོ། །༼ཞེས་པ་ལ་འོད་གསལ་དང་ཟུང་འཇུག་གི་ངེས་དོན་གཉིས་ཡོད་དོ། །གཟུངས་དཀྱིལ་ནས་འདིའི་བར་ལ་ཞུས་ལན་ཀྱང་མེད། སྟོན་
པས་ཚིག་གི་རྣམ་པར་གསུངས་པ་ཡང་མེད་པར་སྔོན་བྱུང་ལ་སྟོན་པ་དང་མི་བསྐྱོད་པས་སྐུའི་རྣམ་འཕྲུལ་བསྟན་པ་མཐོང་བ་བསྡུས་པ་ཡིན་གྱི་ཐོས་པ་བསྡུས་པ་མིན་ནོ།། ༧ ཞེས་པ་ནི་རྡོ་རྗེ་འཆང་དེ་ཉིད་ཞལ་གསུམ་པའི་རྣམ་པ་ཅན་དུ་གདུལ་བྱ་མ་དག་པ་རྣམས་ཀྱིས་མཐོང་ཞེས་པའོ། ། ༈ དམ་ཚིག་འབྱུང་བ་བཤད་པའི་
རྗེས་དེ་ནས་ཞེས་བྱ་བ་ལ་སོགས་པ་ལ། མི་བསྐྱོད་པ་ལ་སྩོགས་པའི་འཁོར་གྱི་དེ་བཞིན་གཤེགས་པ་རྣམས་དགའ་བའི་ཐུགས་ཀྱིས། སྔར་བཤད་པའི་སྟོན་པ་རྣམ་སྣང་ཆེན་པོའི་ཐུགས་ཀ་ནས་ཕྱུང་སྟེ། གཞན་གྱིས་མ་དྲིས་པར་རང་སྤྲོ་བའི་ཤུགས་
ཀྱིས་བརྗོད་པའི་ཆེད་དུ་བརྗོད་པ་འདི་གསུངས་སོ། །རྒྱ་དཔེ་ལ་ཨ་ཧོ་ཧི་ཞེས་འབྱུང་བའི་ཨ་ཧོ་ནི་ཨེ་མའོ་ཞེས་པའོ་ཞེས་བྱ་བ་ནི་ངོ་མཚར་དུ་གྱུར་པ་སྟེ། ཧི་ཞེས་བྱ་བའི་སྒྲ་ནི་གང་གི་ཕྱིར་ཞེས་བྱ་བའི་དོན་ཏོ། །གང་ལ་ངོ་མཚར་བའི་ཡུལ་ནི་། བྱང་ཆུབ་སེམས་ནི་
4-2-64a


རབ་བྱུང་བ་ཞེས་བྱ་བ་ནི་རིམ་པ་གཉིས་ཀྱི་ལྷའི་སྐུ་རྣམ་པ་གཉིས་གདུལ་བྱ་རྣམས་ཀྱི་རྒྱུད་ལ་རབ་ཏུ་བྱུང་བ་ནི་བྱང་ཆུབ་སེམས་ནི་རབ་ཏུ་བྱུང་བའོ། །དེ་བཞིན་གཤེགས་པ་ཀུན་གྱི་ཞེས་བྱ་བ་ནི་རིམ་པ་གཉིས་ཀྱི་སྐུའི་རྣམ་གཞག་འདི་
ཉིད་ནི་དེ་བཞིན་གཤེགས་པ་ཐམས་ཅད་ཀྱི་མན་ངག་ཡིན་པའི་ཕྱིར་རོ། །སྣོད་མིན་ལ་སྦ་བར་བྱ་བ་ཡིན་པས་ན་གསང་བསྟེ་འདིའི་སྣོད་ཤིན་ཏུ་དཀོན་པར་སྟོན་ནོ་འོ། །བླ་མ་དམ་པའི་ལུང་དང་བྲལ་ན་ཇི་འདྲ་བའི་རྟོག་དཔྱོད་ཅན་རྣམས་ཀྱིས་བརྟགས་ཀྱང་བརྟག་
པ་དང་བྲལ་བསྟེ་དོན་དེ་ངེས་པར་མི་ནུས་པས་ན་རབ་ཏུ་མི་རྟོག་པ་སྟེ་བརྟག་ཏུ་མེད་པའོ་གོ། དེ་འདྲ་བའི་ལམ་གྱིས་ཀྱང་སྲིད་པ་བག་ཆགས་དང་བཅས་པ་དག་པར་བྱེད་པའི་ཚུལ་གྱིས། ཁམས་གསུམ་ལ་མི་གནས་པས་ན་གནས་མེད་པ་ཞེས་བྱ་སྟེ། དགོངས་
པ་མ་ཡིན་པས་བཤད་པའོ། །༼འདིར་ངོ་མཚར་བ་ནི་བློ་མཆོག་དང་ལྡན་པ་རྣམས་ཀྱང་དགའ་བ་ཆེན་པོས་ཡིད་འཕྲོག་པ་ཞིག་ཡིན་པས། ཡིད་འཕྲོག་ལུགས་ཁྱད་པར་ཅན་ཅི་འདྲ་ཞིག་ཡིན་པ་རྗོད་ཅིག་ཅེ་ན། དེ་ནི་རིམ་གཉིས་ཀྱི་ལྷའི་སྐུ་གདུལ་བྱའི་རྒྱུད་ལ་འབྱུང་བར་བསྟེན་པ་
ཙམ་ལ་བྱེད་པ་མ་ཡིན་ནོ། །འོ་ན་ཇི་ལྟར་ཡིན་ཞེ་ན། གཟུངས་དཀྱིལ་ནས་དམ་ཚིག་འབྱུང་བའི་བར་གྱི་རྒྱུད་ལེགས་པར་ཤོད་ན། འགྲེལ་པས་བཤད་པ་ལྟར་གྱི་དོན་རྣམས་ཐོན་ནས་འོང་བ་དེ་ལ་ཤིན་ཏུ་ངོ་མཚར་བའོ། །དོན་དེ་རྣམས་རྒྱུད་དོན་ལ་དེ་ལྟར་གནས་པ་ནི། དེ་ལྟར་མ་བཤད་པའི་གོང་
དང་པོ་ནས་ཀྱང་ཡོད་པས། སྔོན་བྱུང་གི་འཁོར་ལ་ངོ་མཚར་སྐྱེ་བ་དེ་འགྲེལ་པས་མ་བཤད་བར་དུ་མི་འབྱུང་བ་མིན་ནོ། །དེ་ཡང་སྔར་རྒྱས་པར་བཤད་མོད་ཀྱི་མདོར་བསྡུས་ཏེ་དྲན་པར་བྱས་ན། གཟུངས་དཀྱིལ་སྤྲུལ་པས་ལམ་གྱི་སྲོག་བདེ་བ་ཆེན་པོར་སྟོན་པ་དང༌། དེ་འདྲེན་པ་ལ་ཕྱི་ནང་གི་ཐབས་
4-2-64b


ཁྱད་པར་ཅན་རྣམས་སྟོན་ཚུལ་དང༌། དེ་ནས་མི་བསྐྱོད་པས་དཀྱིལ་འཁོར་སྤྲུལ་པའི་ངེས་དོན་བཤད་པས་གཟུངས་དཀྱིལ་དུ་བཤད་པའི་སྟོང་པ་རྣམས་ཀྱི་རླུང་སེམས་ཀྱིས་སྒྱུ་ལུས་སྤྲུལ་པ་དང༌། དཀྱིལ་འཁོར་བཙུན་མོའི་བྷ་གའི་ནང་དུ་ཆུད་པར་བསྟན་པས་སྒྱུ་ལུས་འོད་གསལ་དུ་འཇུག་པ་
དང༌། རང་ཉིད་དཀྱིལ་འཁོར་གྱི་དབུས་སུ་བཞག་པ་དང༌། འཁོར་གྱི་ལྷ་ཞུགས་པས་ཟུང་འཇུག་པའི་ལོངས་སྤྲུལ་གཉིས་སྟོན་པ་སོགས་ཀྱི་དྲང་ངེས་ཀྱི་དོན་ལེགས་པར་རྟོག་ཤེས་ན། འདི་ནི་ཤིན་ཏུ་རྨད་དུ་གྱུར་པའོ་སྙམ་དུ་ལན་ཅིག་མིན་པར་མཁས་པའི་ཡིད་འཕྲོག་པར་བྱེད་པས། 
རྒྱུད་དོན་ལ་ཇི་ལྟར་ཡོད་ཤེས་པས་དགའ་བ་རྒྱས་པར་བྱེད་པར་ཟུངས་ཤིག། ༈ ད་ནི་མ་འོངས་པའི་གདུལ་བྱ་རྣམས་ལ་སློབ་དཔོན་དང་སློབ་མ་ཆོས་ཟབ་མོའི་སྒོ་ནས་འབྲེལ་པ་ཇི་ལྟར་བྱེད་པ་དེ་བསྟན་པར་བྱ་བའི་ཕྱིར། དེ་ནས་
ཞེས་བྱ་བ་ལ་སོགས་པ་གསུངས་ཏེ་། དེ་ནས་ཞེས་བྱ་བ་ནི་ཆེད་བརྗོད་བཤད་པ་འདས་མ་ཐག་པའི་དུས་སོ་འོ། །དེ་བཞིན་གཤེགས་པ་ཐམས་ཅད་ཡང་གཅིག་ཏུ་འདུས་ནས་ཞེས་བྱ་བ་ནི་སྔར་འདུས་པ་ལ་ལྟོས་ནས་ཡང་འདུས་པ་མཛད་ནས། 
ཞེས་པ་སྟེ་གསོལ་བ་གདབ་པའི་དོན་དུ་དགོངས་པ་གཅིག་ཏུ་མཛད་པའོ། །དེ་བཞིན་གཤེགས་པ་ཐམས་ཅད་མཉེས་པར་བྱེད་པའི་ཀྱི་མཆོད་པ་ཉེར་སྤྱོད་ལ་སོགས་པ་སྤྲོས་པ་སྟེ་མང་དུ་བཤམས་པ་དེས་མཆོད་ན་འདོད་པའི་དོན་ཐོབ་པ་ལ་མི་སླུ་བས་དེ་ཁོ་ན་
ཉིད་ཀྱི་དམ་ཚིག་སྟེ་མཆོད་པའི་ལས་ལས་འདར་མི་རུང་བས་གསེར་ལ་སོགས་པའི་རིན་པོ་ཆེའི་རྒྱ་མཚོའི་ཚོགས་ནི་སྤྲིན་ཏེ་མཆོད་པ་དེ་རྣམས་ཀྱིས་ཡང་དག་པར་མཆོད་དེ་ཕྱག་འཚལ་ནས་འདི་སྐད་ཅེས་གསོལ་ཏོ་ཞེས་བྱ་བ་ནི། དྲང་
4-2-65a


བའི་དོན་ཏོ། །དེ་བཞིན་གཤེགས་པ་ཐམས་ཅད་ནི་ཡིད་འཕྲོག་པའི་གཟུགས་ལ་སོགས་པ་སྟེ། གཟུགས་སོགས་དེ་རྣམས་དང་ལྡན་པའི་མཆོད་པ་ནི་དེ་བཞིན་གཤེགས་པ་ཐམས་ཅད་ཀྱི་མཆོད་པའོ། །དེའི་རྒྱས་པ
འམ་སྤྲོས་པ་ནི་མཆོད་པ་དེས་ལན་མང་དུ་མཆོད་པ་བྱས་པའོ། །དེ་ཁོ་ན་ཉིད་ཀྱི་རིན་པོ་ཆེ་ནི་བུད་མེད་རིན་པོ་ཆེ་སྟེ། དེ་ནི་དགའ་བ་རྒྱས་པར་བྱེད་པའི་ཕྱིར་ནའོ། །དམ་ཚིག་ནི་དེས་བླ་མ་མཆོད་པ་ལས་འདའ་བར་བྱ་བ་མ་ཡིན་པ་སྟེ། དེ་རྣམས་ཀྱི་སྤྲིན་
ནི་ཚོགས་ཏེ། རིག་མ་མང་པོར་བསྟན་ནོ། །དེས་སྟོན་པ་ལ་མཆོད་དེ་ཕྱག་འཚལ་ནས་འདི་སྐད་ཅེས་གསོལ་ཏོ་ཞེས་པ་ནི། ངེས་པའི་དོན་ཏོ། །ཐོག་མའི་འདུས་པ་གསང་བ་དང་ཐ་མའི་བཤད་དུ་གསོལ་ཞེས་བྱ་བར་སྦྱར་ཏེ། འདུས་པ་ཞེས་བྱ་
བ་ནི། རྒྱུད་ཕྱི་མ་ལས་བཤད་པ་ལྟར་སྐུ་གསུང་ཐུགས་ཀྱི་གསང་བ་གསུམ་དབྱེར་མི་ཕྱེད་པར་གཉིས་གཅིག་ཏུ་གྱུར་པ་ནི་འདུས་པ་སྟེ། ཡི་གེའི་དོན་ཏོ། །རྡོ་རྗེ་དང་པདྨ་ཡང་དག་པར་སྦྱོར་བ་ནི་འདུས་པ་སྟེ། སྤྱིའི་དོན་ཏོ། །ཤེས་རབ་སྣང་བ་དང་ཐབས་
མཆེད་པ་དང་ཐབས་ཤེས་ཡང་དག་པར་སྦྱོར་བ་ཉེར་ཐོབ་ནི། ༼འདུས་པ་ནི་གཅིག་ཏུ་གྱུར་པ་སྟེ་ཟེར། ༸ཞེས་པ་ནི་སྐུ་གསུང་ཐུགས་བྱིན་གྱིས་རློབ་པ་ལྟ་བུའོ། །༽འདུས་པ་སྟེ། སྦས་པའོ། །༼འདུས་པའི་སྦས་བཤད་གཞན་ཡང་རྡོ་རྗེ་
ཕྲེང་བ་ལས། འདུས་པའི་མཆོག་དོན་རབ་གསུངས་པ། །འདུས་པ་འདྲེས་པ་ཞེས་ནི་གསུངས། །འདྲེས་པ་ང་ཡིས་ཁྱོད་ལ་བཤད། །ཅེས་གསུངས་ནས། དཔའ་བོ་རྣལ་འབྱོར་མ་སྦྱོར་བ། །གང་ཚེ་གསང་བའི་རྩ་གཉིས་ནི། །ཡང་དག་སྦྱོར་བས་རེག་གྱུར་པ། །ཞེས་ཡབ་ཡུམ་གྱི་དྷུ་ཏཱིའི་མར་སྣའི་
4-2-65b


རྩེ་གཉིས་འཕྲད་པ་ལ་འདུས་པར་བཤད་པ་གཅིག་དང༌། དེ་ནས་བྱང་ཆུབ་སེམས་ཀྱང་ནི། །གནས་ཀུན་ནས་ནི་ཞུ་གྱུར་ནས། །ངོ་བོ་གཅིག་ཏུ་གྱུར་པ་དང༌། །རྩ་ནི་གཅིག་གི་འབྲས་བུ་ནི། །རོ་གཅིག་ཏུ་ནི་གྱུར་པ་ལ། །འདུས་པ་ཞེས་ནི་དེ་ལ་གསུངས། །ཞེས་གཏུམ་མོའི་མེས་བཞུས་པའི་སྟོང་ཕྲག་དོན་གཉིས་ཀྱི་རྩ་
ནང་ནས་བྱང་སེམས་ཞུ་བ་རྣམས་ཨ་ཝ་དྷུ་ཏཱིའི་ལམ་ནས་གཅིག་ཏུ་འདྲེས་ཏེ་འབབ་པ་ལ་བཤད་པ་གཅིག་དང༌། ཕུང་པོ་ཁམས་དང་དབང་པོ་དང༌། །ཡུལ་རྣམས་དང་ནི་སྦས་པའི་ནང༌། །རྣམ་རྟོག་ཀུན་ནས་ཟད་པ་ལས། །ཡང་དག་ཡེ་ཤེས་བདེ་ཆེན་སྐྱེ། །རོ་གཅིག་པར་ནི་ངལ་གསོ་གང༌། །དེ་བཞིན་དུ་ནི་
འདུས་པ་སྟེ། །ཞེས་སྔར་བཤད་པ་ལྟར་བབས་པ་ནོར་བུའི་རྩེར་མི་འཕོ་བར་བཟུང་བ་ལས་ཀུན་རྟོག་བརྒྱད་ཅུ་ཐིམ་པས་ཡང་དག་པའི་ཡེ་ཤེས་ལྷན་སྐྱེས་སྐྱེས་ནས་བདེ་སྟོང་དབྱེར་མེད་དུ་སྦྱར་བ་ལ་འདུས་པ་བཤད་པ་སྟེ། གསུམ་གསུངས་པའི་དང་པོ་གཉིས་འདོད་ཆགས་ཆོས་སྦས་དང༌། ཕྱི་མ་ནི་སྣང་
བ་སེམས་སྦས་སུ་བྱའོ།། ༽ཀུན་རྫོབ་དང་དོན་དམ་པའི་བདེན་པ་དག་མི་ཕྱེད་པར་འདྲེས་པའི་ཟུང་འཇུག་ནི་འདུས་པའོ། །གསང་བ་ལས་བྱུང་བ་ནི་ཟུང་འཇུག་དེ་ཉིད་ཀྱི་ཁྱད་པར་ཏེ། གསང་བ་ནི་འོད་གསལ་བའོ། །དེ་ལས་བྱུང་བ་ནི་གཉིས་
སུ་མེད་པའི་ཡེ་ཤེས་ཀྱི་བདག་ཉིད་ཅན་རྡོ་རྗེ་འཆང་ཆེན་པོ་ཞེས་བྱ་བའི་བར་དུ་སྟེ་ཐ་ཚིག་གོ་སྟེ། ཟུང་འཇུག་གི་མཐར་ཐུག་པའོ། །དེ་བཞིན་གཤེགས་པ་ཀུན་གྱི་གསང་ཞེས་བྱ་བ་ནི་དེ་བཞིན་གཤེགས་པ་ཐམས་ཅད་ཀྱི་གཅིག་ནས་གཅིག་
ཏུ་བརྒྱུད་པའི་མན་ངག་གསང་ཞིང་སྦ་བར་བྱ་བའོ། །རྡོ་རྗེ་སྙིང་པོ་ནི་དེ་བཞིན་གཤེགས་པ་རྣམས་སོ། །དེ་རྣམས་གཅིག་ཏུ་གྱུར་པའི་མཚན་ཉིད་ཅན་ནི་འདུས་པའོ། །དེ་ཁོ་ན་ཉིད་ནི་ཡང་དག་པ་ཇི་ལྟ་བ་བཞིན་དུ་བྱུང་བའོ། །༼དེ་རྣམས་
4-2-66a


ཀྱིས་ནི་མ་འོངས་པ་ནའང་འདུས་པའི་དོན་ཉན་པར་འདོད་ན་བླ་མ་ལ་དྲང་ངེས་ཀྱི་མཆོད་པས་ལན་མང་དུ་མཆོད་དེ། ཕྱག་འཚལ་ནས་འདུས་པའི་དོན་བཤད་པར་གསོལ་བ་གདབ་པར་སྟོན་ནོ།། ༈ ༽དེ་ནས་ཞེས་བྱ་བ་ནི་གསོལ་བ་བཏབ་པ་འདས་མ་ཐག་
པ་སྟེ། བྱང་ཆུབ་ཀྱི་སེམས་རྡོ་རྗེས་འཁོར་གྱི་དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་བཀའ་སྩལ་པའོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཅེས་བོས་ནས་ངོ་མཚར་བ་ལ་ཚིག་ལན་གཉིས་འབྱུང་བས་ཞུས་པ་སྟེ་ལེགས་སོ། །ལེགས་སོ་
ཞེས་བྱ་བ་ནི་ལེགས་སོ་བྱིན་པས་དོན་གྱིས་ན་འཆད་པར་ཞལ་གྱིས་བཞེས་པར་མཛད་པ་སྟེ་དྲིས་པའི་དོན་མངོན་པར་འདོད་པ་སྟོན་པས་སོ། །འོན་ཀྱང་ཞེས་བྱ་བའི་སྒྲ་ནི་ད་དུང་རྣམ་པར་བརྟག་པར་བྱ་བའོ། །དེ་བཞིན་གཤེགས་པ་ཐམས་ཅད་ཀྱང་
ཐེ་ཚོམ་སྐྱེ་བར་བྱེད་པ་ཡིན་ན་ཞེས་བྱ་བ་ནི། འདིར་དེ་བཞིན་གཤེགས་པ་དང་བྱང་ཆུབ་སེམས་དཔའ་ནི་སློབ་བཞིན་པའི་རྣལ་འབྱོར་པ་ཡིན་པར་བལྟ་བར་བྱ་ཡི། ཉོན་མོངས་པ་དང་དེའི་བག་ཆགས་ཤེས་སྒྲིབ་དང་བཅས་པར་སྤངས་པའི་
སངས་རྒྱས་དང་བྱང་ཆུབ་སེམས་དཔའ་རྣམས་ལ་ནི་སོམ་ཉི་ཡོད་པ་མ་ཡིན་ཏེ། འདིར་དེ་བཞིན་གཤེགས་པ་ཞེས་བྱ་བ་ནི་རིན་པོ་ཆེ་ལྟ་བུའི་གང་ཟག་རིམ་གཉིས་ཀྱི་དགེ་བའི་རྩ་བ་རྫོགས་པར་སྐྱེ་བའི་རྒྱུད་ཡོངས་སུ་སྨིན་པ། མང་དུ་༼
ནི་ས་སྙིང་སོགས་ཏེ་དེ་རྣམས་ཀྱང་ཉོན་མོངས་བག་ཆགས་དང་བཅས་པ་སྤངས་པའོ། །༽ཐོས་པའི་ཕ་རོལ་ཏུ་སོན་པ། སེམས་ཅན་ཐམས་ཅད་ཀྱི་དོན་དུ་སངས་རྒྱས་ཉིད་དེ་ཁོ་ན་ཐོབ་པར་མངོན་པར་འདོད་ཅིང་བླ་མེད་ཀྱི་ཐེག་པར་རིགས་ངེས་པའོ། །འདུས་པའི་
4-2-66b


དོན་རྫོགས་པ་ནི་བླ་མདམ་པའི་ལུང་དང་བྲལ་ན་དེ་རྣམས་ཀྱི་ཡང་ཡུལ་མ་ཡིན་ཏེ། དོན་དེ་བརྟག་པར་ནུས་པ་དང་བྲལ་བའི་ཕྱིར་རོ། །བྱང་ཆུབ་སེམས་དཔའ་གཞན་རྣམས་ལྟ་ཅི་སྨོས་ཞེས་བྱ་བ་ནི། ཙནྡན་ལྟ་བུའི་གང་ཟག་ལ་སོགས་པ་བཞི་
དགེ་བའི་རྩ་བ་ཡོངས་སུ་མ་སྨིན་པ་མཐར་སངས་རྒྱས་ཐོབ་པར་འདོད་ཀྱང་འཕྲལ་དུ་དངོས་གྲུབ་དམན་པ་སྒྲུབ་པ་ལ་མོས་པ་དམན་པ་རྣམས་ཀྱིས་རྟོགས་པ་ལྟ་ཅི་སྨོས་ཞེས་འདུས་པའི་དོན་རྫོགས་པ་གཟུང་བར་ཏེ་རྟོགས་པར་དཀའ་བའི་ཕྱིར་ཞིང་རེ་ཤིག་
འདུས་པ་འཆད་པ་ལ་སྤྲོ་བ་མེད་པ་ཉིད་དུ་བརྡ་སྤྲོད་པ་ཡིན་ནོ། །དེ་དག་གིས་ནི་མ་འོངས་པའི་འཆད་པ་པོས་ཞུ་བ་ལ་ལེགས་སོ་སྦྱིན་པ་དང༌། འོན་ཀྱང་འདི་རྟོགས་དཀའ་བས་རེ་ཞིག་ལ་གཞན་དུ་ཞུགས་ན་མི་ལེགས་སམ་ཞེས་བརྗོད་པ་དང༌། 	དེ་མ་ཐག་ཁས་མི་ལེན་པར་བསྟན་
ནོ།། ༈ ༽དེ་ལྟར་བཅོམ་ལྡན་འདས་ཀྱི་གསུང་ཐོས་ནས། རིན་པོ་ཆེ་ལྟ་བུའི་གང་ཟག་རིགས་ངེས་པ་རྣམས་ཀྱི་ཡང་འདི་ཡུལ་མ་ཡིན་ནོ་ཞེས་པས་ནི་ངོ་མཚར་དུ་གྱུར་ལ། པདྨ་དཀར་པོ་ལྟ་བུ་ལ་སོགས་པ་རིགས་མ་ངེས་པ་རྣམས་
ཀྱི་ལྟ་ཅི་སྨོས་ཞེས་པས་ནི་རྨད་དུ་གྱུར་ནས། སླར་ཡང་དེ་བཞིན་གཤེགས་པ་ཐམས་ཅད་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལྟ་བུའི་ཡོན་ཏན་ཁྱད་པར་ཅན་དུ་གྱུར་པ་ཡང་ཞེས་བྱ་བ་ལ་སོགས་པ་སྟེ། གང་
གི་ཕྱིར་འདི་ལྟ་བུའི་ཡོན་ཏན་གྱི་ཁྱད་པར་དུ་གྱུར་པ་ལ་ཡང་ཞེས་བྱ་བ་ནི། རིན་པོ་ཆེའི་གང་ཟག་ཉིད་ཡིན་པར་སྟོན་པ་ཡིན་ཏེ། དོན་གཞན་ལ་འགལ་བའི་སྒྲས་སྟོན་པའི་དགོངས་པས་བཤད་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་
4-2-67a


དང་ཐུགས་ཀྱི་གསང་བ་ཞེས་བྱ་བ་ནི། བཟའ་བ་དང་བསྲུང་བ་དང་བསྟེན་པར་གསུངས་པ་ལས་མི་འདའ་བའི་དམ་ཚིག་དང་དེ་དག་གི་མི་མཐུན་ཕྱོགས་འགོག་པའི་སྡོམ་པ་གཉིས་ནི་བླ་མེད་ཀྱིའོ་ལ་སོགས་པས་གཞན་དང་ཐུན་མོང་བའི་བསྲུང་
བྱ་རྡོ་རྗེ་གསུམ་གྱི་རིགས་གསུམ་དུ་ཡོངས་སུ་གྱུར་པ་སྟེ། རིགས་གསུམ་དུ་བསྡུས་པ་ནི་ཡི་གེའི་དོན་ནོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་ནི་ལྷ་བསྐྱེད་པའི་རྒྱུ་ཡི་གེ་གསུམ་ཏེ། དེ་ལས་ལྷ་བསྐྱེད་ནས་སྒོམ་
པ་ནི་སྤྱིའི་དོན་དོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་༼ཞེས་པ་ནི་ལམ་སྒོམ་པའི་སྔོན་དུ་དམ་ཚིག་རྣམས་ལེགས་པར་ཤེས་ནས་བསྲུང་བའོ། །༽གསང་བ་ནི་རང་བཞིན་གྱི་སྣང་བ་ཡེ་ཤེས་གསུམ་པོ་རང་
བཞིན་གྱི་སྣང་བ་རླུང་གི་བཞོན་པ་དང་ལྡན་པ་སྟེ། སྣང་བ་སེམས་ཀྱི་སྦས་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་ནི་དག་པའི་ཡེ་ཤེས་ཀྱི་རང་བཞིན་གྱི་སྐུ་རྡོ་རྗེ་གསུམ་དབྱེར་མི་ཕྱེད་པ་སྟེ་༼
སྣང་བའི་རང་བཞིན་ཞེས་པ་ནི་ཀུན་རྟོག་བརྒྱད་ཅུའི་མིང་ཡིན་ལ། རང་བཞིན་གྱི་སྣང་བ་ཞེས་པ་ནི་ཡེ་ཤེས་རྣམས་ཀྱི་མིང་ངོ༌། །༽མཐར་ཐུག་པའོ། །དེ་ལྟར་ཐུན་མོང་བ་དང་ཐུན་མོང་མིན་པའི་དམ་ཚིག་དང་སྡོམ་པ་དང་བསྐྱེད་རིམ་དང་རྫོགས་རིམ་གཉིས་ཀྱི་གསང་བ་འཁོར་ལ་
སྟོན་པར་མི་སྤྲོ་བ་དེ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་འབྱུང་བའི་ཚིག་གིས་བྱིན་གྱིས་བརླབ་པར་མཛད་ནས་༼པ་ནི་སྦས་བཤད་ཀྱི་སྐབས་སུ་དབང་བསྐུར་བ་ལ་མཛད་ལ་དེ་ནི་མཚོན་པ་ཙམ་ཡིན་པས་ཚུལ་བཞི་ག་ལ་འདྲ་བར་བྱའོ། །
4-2-67b


༽བསྟན་དུ་གསོལ། ཞེས་བྱ་བར་སྦྱར་ཏེ། གང་ལ་རློབ་ན་སྔོན་བྱུང་ལ་དེ་བཞིན་གཤེགས་པ་ཐམས་ཅད་ལ་ཞེས་པ་ནི་རྗེས་འཇུག་ལ་འདུས་པ་ཉན་པར་འདོད་པའི་གང་ཟག་ལའོ། །ཇི་ལྟར་བྱིན་གྱིས་བརླབ་པ་ནི་སློབ་མའི་སྐུ་སྟེ་ལུས་ལ་སོགས་པ་
གསུམ་དུ་དེ་བཞིན་གཤེགས་པ་རྣམས་རྗེས་སུ་ར་ཞུགས་པ་སྟེ་དེ་བླ་མས་མཛད་པའོ། །ཐབས་གང་གིས་བྱིན་གྱིས་རློབ་ཞེ་ན། རྣམ་སྣང་ལ་སོགས་པའི་དེ་བཞིན་གཤེགས་པ་རིགས་དྲུག་པོ་ཐམས་ཅད་ཀྱི་སྒོ་ནས་རྡོ་རྗེ་སྟེ་དངོས་གྲུབ་༼
འདིས་ནི་བུམ་དབང་གི་སྐབས་སུ་སློབ་མ་ལ་ཡེ་ཤེས་འབེབས་པ་དང་ཡེ་ཤེས་པ་སྤྱན་དྲངས་ཏེ་འཇུག་པ་སོགས་སྟོན་ནོ། །༽འགྲུབ་པ་ལས་མི་འདའ་བར་བྱེད་པའི་དམ་ཚིག་འབྱུང་བར་བྱེད་པའི་དབང་བསྐུར་བའི་ཚིག་གིས་ཞེས་བྱ་བ་སྟེ། ཡི་གེའི་དོན་ཏོ། །དེ་བཞིན་
གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་ནི་སྐུ་རྡོ་རྗེ་རྣམ་སྣང་ལ་སོགས་པ་དྲུག་སྟེ། དེ་རྣམས་འབྱུང་བའི་ཚིག་ནི་དེ་དྲུག་པོ་སྐྱེད་པའི་ས་བོན་གྱི་ཡི་གེ་ཨོཾ་ལ་སོགས་པ་སྟེ། སྤྱིའི་དོན་༼འདིར་རྡོ་རྗེ་དམ་ཚིག་འབྱུང་བའི་ཚིག་
གིས་འཁོར་རྣམས་ལ་བྱིན་གྱིས་བརླབས་ནས། འདུས་པ་བསྟན་དུ་གསོལ་ཞེས་པའི་བྱིན་གྱིས་བརླབས་པ་ནི། དབང་བསྐུར་བ་ལ་བྱ་སྟེ། ལེའུ་དང་པོའི་བསྡུས་དོན་གྱི་སྐབས་སུ་ཉན་པའི་སྐལ་བ་དང་ལྡན་པ་རྣམས་ལ་རིག་པའི་དབང་བསྐུར་བ་བྱིན་ནས། ཞེས་གསུངས་ཤིང་དབང་
བསྐུར་བའི་རྣམ་གཞག་གཅིག་གཞུང་འདིས་མ་བསྟན་ན། ལེའུ་དང་པོར་གཞན་མེད་པའི་ཕྱིར་དང༌། འདིར་ཡང་སྦས་བཤད་ཀྱི་སྐབས་སུ་དབང་བསྐུར་བར་གསུངས་ལ་དེ་གཞན་གསུམ་ལའང་འདྲ་བའི་ཕྱིར་རོ། །ཏོ། །རྡོ་རྗེ་༼འདིས་བུམ་དབང་གི་སྐབས་སུ་ས་བོན་སོ་སོ་ལས་རིགས་དྲུག་ཏུ་
4-2-68a


བསྐྱེད་པ་བསྟན་ནོ། །༼དམ་ཚིག་ནི་ཡབ་ཡུམ་གཉིས་ཀྱི་དབང་པོ་གཉིས་ཀྱི་སྙོམས་པར་ཞུགས་པའོ། །དེ་ལས་འབྱུང་བའི་ཚིག་གམ་གནས་ནི་བདེ་བ་ཆེན་པོའི་གཞི་བྱང་ཆུབ་ཀྱི་སེམས་ཀྱི་ཐིག་ལེའོ། །དེས་བྱིན་གྱིས་བརླབས་
པ་ནི་དབང་བསྐུར་བ་བྱས་པ་སྟེ། འདོད་ཆགས་ཆོས་ཀྱི་སྦས་པའོ། །རྡོ་རྗེ་དམ་ཚིག་ནི་འོད་གསལ་བའོ།། འོད་གསལ་དེ་ལས་ལུགས་ལྡོག་ཏུ་བྱུང་བའི་ཚིག་གམ་གནས་ནི་ཆེན་པོ་སྟོང་པ་དང༌། ཤིན་ཏུ་སྟོང་པ་དང༌། སྟོང་པ་ཉིད་དོ། །༼
༸འདིས་ནི་བླ་མ་ཡབ་ཡུམ་སྙོམས་པར་ཞུགས་པའི་ཐིག་ལེ་ལྕེ་ལ་བཞག་ནས་གསང་དབང་བསྐུར་བ་དང་སློབ་མ་དང་རིག་མ་ཡབ་ཡུམ་སྙོམས་པར་ཞུགས་པ་ལས་ཐིག་ལེ་རྡོ་རྗེ་ནོར་བུར་ཕབ་པ་བཟུང་བ་ལས་ཤེས་རབ་ཡེ་ཤེས་ཀྱི་དབང་བསྐུར་བ་གཉིས་བསྟན་ནོ། །༽སྟོང་པ་བཞི་པོ་
དེ་ལ་བརྟེན་ནས་བྱིན་གྱིས་བརླབ་པ་ནི། སྔོན་བྱུང་ལ་བཅོམ་ལྡན་འདས་དང་རྗེས་འཇུག་ལ་སློབ་དཔོན་ཀྱིས་གང་ལ་དབང་བསྐུར་བའི་གདུལ་བྱའི་སྐྱེ་བོའི་རྒྱུད་ལ་ཟུང་འཇུག་པའི་ལྷའི་སྐུ་ལོངས་སྐུ་དང་སྤྲུལ་སྐུ་རྣམ་པ་གཉིས་གསལ་བར་
མཛད་པ་ཡིན་ལ་དེ་ཡང་དག་པར་སྟོན་པར་མཛོད་ཅིག་པ་སྟེ། འདིས་ནི་དོན་གྱི་དབང་བཞི་པ་ཟུང་འཇུག་སློབ་མ་ལ་བསྟན་ནས་སྣོད་རུང་དུ་སྒྲུབ་པའི་ཚིག་དབང་བཞི་པ་བསྐུར་བ་ ༼སྐུ་རྣམ་པ་གཉིས་གསལ་བར་མཛད་ནས་ཡང་དག་པར་བསྟན་དུ་གསོལ་ཟེར། 
༼བསྟན་ཏེ་མཐར་ཐུག་པའོ། །དགོས་པ་གང་གི་ཕྱིར་གསོལ་བ་འདེབས་ན་དེ་བཞིན་གཤེགས་པ་ཐམས་ཅད་ཀྱི་ཟག་པ་མེད་པའི་ལུས་ཀྱི་བདེ་བ་དང་ཡིད་བདེ་བ་མྱོང་བར་བགྱི་བ་ནས་བཟུང་སྟེ། དེ་བཞིན་གཤེགས་པ་ཐམས་ཅད་ཀྱི་ཤེས་བྱ་ཐམས་ཅད་མཁྱེན་པའི་ཡེ་ཤེས་
4-2-68b


དང་དེའི་མངོན་པར་ཤེས་པའི་འབྲས་བུ་ཐོབ་པར་བགྱི་བའི་བར་གྱི་ཕྱིར་དུའོ། །བར་གྱི་སྒྲས་ནི་སངས་རྒྱས་ཀྱི་ཡོན་ཏན་སྟོབས་ལ་སོགས་པ་གཞན་རྣམས་བསྡུའོ། །དེ་རྣམས་ཀྱིས་ནི་མ་འོངས་པའི་སློབ་མས། སློབ་དཔོན་ལ་ཞུ་བ་ལན་རེ་ཙམ་མིན་པར་བསྐྱར་ཏེ་ནན་ཏན་དུ་གསོལ་བ་གདབ་པ་དང༌། དབང་བཞིས་
རྒྱུད་སྣོད་རུང་དུ་བྱ་བ་དམ་ཚིག་དང་སྡོམ་པ་ཚུལ་བཞིན་དུ་བསྲུང་བ་སྔོན་དུ་བཏང་ནས། རྒྱུད་དངོས་དང་དེའི་དོན་གཞན་བཤད་དགོས་པར་བསྟན་ནོ།། ༈ དེ་ལྟར་གསོལ་བ་བཏབ་པ་དང༌། སྔོན་བྱུང་ལ་བཅོམ་ལྡན་འདས་དང་རྗེས་འཇུག་ལ་སློབ་དཔོན་ཀྱིས་དབང་བསྐུར་ནས་རྒྱུད་
སྟོན་པའི་གསོལ་བ་བཏབ་པར་མཁྱེན་ནས། སྔོན་འབྱུང་ལ་འཁོར་གྱི་དེ་བཞིན་གཤེགས་པ་རྣམས་དང༌། རྗེས་འཇུག་ལ་སློབ་མ་གསོལ་བ་འདེབས་པ་དེ་རྣམས་ལ་དབང་བསྐུར་བའི་ཕྱིར་ཡེ་ཤེས་ཀྱི་དཀྱིལ་འཁོར་སྤྲུལ་བར་མཛད་དེ། གཉིས་སུ་མེད་པའི་ཡེ་ཤེས་ཉིད་
མ་རིག་པའི་མུན་པ་སངས་པའི་སྒྲོན་མ་ཡིན་པས་ན་ཡེ་ཤེས་སྒྲོན་མ་སྟེ། ཡི་གེའི་དོན་༼མི་བསྐྱོད་པའི་དཀྱིལ་འཁོར་འདི་ལ་ཡེ་ཤེས་ཀྱི་དཀྱིལ་འཁོར་ཞེས་པ་ནི། མི་བསྐྱོད་པ་ནི་དེ་བཞིན་གཤེགས་པ་རྣམས་ཀྱི་ཐུགས་གཉིས་སུ་མེད་པའི་ཡེ་ཤེས་ཀྱི་ངོ་བོ་ཡིན་པས་དེ་ལྟར་གསུངས་སོ། །
༽ནོ། །ཡེ་ཤེས་སྒྲོན་མ་ནི་སེམས་ཅན་རྣམས་ཀྱི་རྒྱུད་ལ་ཡེ་ཤེས་ཀྱི་སྣང་བ་མཛད་པས་ན་མི་བསྐྱོད་པ་ལ་བྱ་སྟེ། སྤྱིའི་དོན་ནོ། །ཡེ་ཤེས་ནི་རྫོགས་རིམ་པའི་རྣམ་པར་ཤེས་པ་གསུམ་གྱི་སྣང་བས་ཕྱོགས་བཅུར་གནས་པའི་ཆོས་རྣམས་ཀྱི་དེ་ཁོ་ན་
ཉིད་སྣང་བར་མཛད་པས་སྒྲོན་མ་དང་འདྲ་བས་ན་སྒྲོན་མ་ཞེས་བྱ་ལ། ཏིང་ངེ་འཛིན་དེ་ལ་སྙོམས་པར་ཞུགས་པ་སྟེ། སེམས་ཀྱིས་སྦས་པའོ། །ཛྙཱ་ནི་རྟོགས་པ་སྟེ་སྣང་བ་གསུམ་གྱི་ཡེ་ཤེས་སོ། འོ། །ན་ནི་དགག་པ་ལ་འཇུག་སྟེ། འོད་གསལ་གང་
4-2-69a


ལ་སྣང་བ་གསུམ་གྱི་རྟོགས་པ་མེད་པ་སྟེ་དག་པ་དེ་ནི་ཡེ་ཤེས་སོ། །དེ་གང་ཡིན་ཞེ་ན། དོན་དམ་པའི་བདེན་པ་བརྗོད་དུ་མེད་པ་ཉིད་ཇི་ལྟ་བ་བཞིན་དུ་རྟོགས་པ་ཡིན་པས་སོ། །དེ་ཉིད་ནི་གཉིས་སུ་སྣང་བ་མ་ལུས་པ་ཟིལ་གྱིས་མནན་
ནས། འཇིག་རྟེན་གྱི་ཁམས་མཐའ་ཡས་པའི་དེ་ཁོ་ན་ཉིད་སྣང་བར་བྱེད་པས་ན་སྒྲོན་མའོ། །མི་ཕྱེད་པས་རྡོ་རྗེའོ། །དེ་སྐད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པ་སྟེ། མཐར་ཐུག་པའོ། །རང་བཞིན་གྱིས་འོད་གསལ་བའི་ཏིང་ངེ་འཛིན་
ལས་བཞེངས་ནས། དུག་གསུམ་ང་རྒྱལ་ཕྲག་དོག་གི་ཉོན་མོངས་པ་ལྔས་ཁྱབ་པ་སྟེ་བཅིངས་པའི་སེམས་ཅན་གྱི་ཁམས་ལ་གཟིགས་ནས་རིགས་པ་དྲུག་ཅུ་པ་ལས། སྲིད་པ་ཡོངས་སུ་ཤེས་པ་༼རང་བཞིན་གྱིས་ཞེས་པ་འགྱུར་གསར་གཉིས་ལ་མེད་དོ། །
༸ཞེས་པ་ནི་སྔོན་བྱུང་ལ་ནི་གདུལ་བྱའི་ངོར་བཞེངས་པའི་སྣང་བ་བྱུང་བ་ཙམ་མོ། །རྗེས་འཇུག་ལ་ནི་རིམ་པ་གཉིས་ལ་བཤད་དགོས་པས། སློབ་པའི་ཟུང་འཇུག་པ་ལ་ནི་དོན་གྱི་འོད་གསལ་ལས་དངོས་སུ་བཞེངས་པ་དང་། བསྐྱེད་རིམ་པ་ལ་ནི་མོས་པ་ཡིད་བྱེད་ཀྱིས་བཞེངས་པའོ། །༼ཉིད། །མྱ་ངན་
འདས་ཞེས་བྱ་བར་བརྗོད། །ཅེས་གསུངས་པ་ལྟར་ཉོན་མོངས་པ་རྣམས་ཀྱི་འི་རང་བཞིན་ཡོངས་སུ་ཤེས་པ་མཐར་ཐུག་པ་ཉིད་ནི་བྱང་ཆུབ་ཡིན་ལ་བྱང་ཆུབ་དེའི་ངོ་བོ་ཉིད་ནི་བདག་ཡིན་ནོ་ཞེས་མཁྱེན་ནས། གདུལ་བྱ་རྣམས་ཀྱི་ཉོན་མོངས་པ་
ཞེ་སྡང་རྣམ་པར་སྦྱང་བའི་ཕྱིར། ༼བསམ་པ་འདི་སྔོན་དུ་བཏང་ནས་མི་བསྐྱོད་པ་ལ་སོགས་པ་འབྱིན་པ་འདི་ནི་བསྐྱེད་རིམ་པ་ལ་ཡང་ཤེས་པར་བྱའོ། །༽ཞེ་སྡང་གི་རིགས་ཀྱི་མཆོག་གི་སྙིང་པོའི་སྙིང་པོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ཇོ་
4-2-69b


ཞེས་བྱ་བ་སྟེ། ནང་གི་ཐུགས་རྗེ་ཆེན་པོའི་ཐབས་ཀྱིས་ཕྱིའི་སྐུའི་རྣམ་པ་ཁྲོ་བོར་སྤྲུལ་པ་ནི་ཞེ་སྡང་ཞེས་པ་ཡིན་ལ། མི་བསྐྱོད་པ་དེའི་རིགས་ནི་ཞེ་སྡང་གི་རིགས་སོ། །མི་བསྐྱོད་པ་ལ་བརྟེན་པའི་འདོད་པའི་འབྲས་བུ་སྐྱེད་པས་ན་མཆོག་དང་གི་སྙིང་པོའི་
སྙིང་པོ་སྟེ། ཡང་སྙིང་ངམ་ཉེ་སྙིང་ནི་བ་ཀ་ལ་སོགས་པའི་སྔགས་སོ། །འདི་ཞེས་བྱ་བ་ནི་འབྱིན་རྒྱུ་རང་གི་བློ་ལ་བཞག་པའོ། །སྐུ་དང་གསུང་དང་ཐུགས་རྡོ་རྗེ་གསུམ་གྱི་བདག་ཉིད་རྡོ་རྗེ་འཆང་ལས་ཕྱུང་ངོ་ཞེས་པའི་འབྱིན་པའི་ཐབས་ནི་ཡབ་ཡུམ་སྙོམས་པར་
འཇུག་པས་ཡང་དག་པར་འབྱིན་པར་མཛད་པ་སྟེ། སྒྲ་ཇི་བཞིན་པའོ། །བཛྲ་རྡོ་རྗེ་དྷྲིཀ་ནི་འཛིན་པའམ་འཆང་བའོ། །ཅེས་བྱ་བ་ནི་མངོན་པར་བྱང་ཆུབ་པ་འོད་གསལ་གྱི་ངོ་བོར་གྱུར་པའི་ཡེ་ཤེས་རྣམ་པ་ལྔ་ཡང་དག་པར་སྟོན་པ་སྟེ་མཚོན་པའི་རྡོ་རྗེ་རྩེ་ལྔ་པ་
ཕྱག་མཚན་དུ་འཛིན་པར་མཛད་པས་ན་རྡོ་རྗེ་འཆང་སྟེ། དྲང་བའི་དོན་ཏོ། །བདེན་པ་གཉིས་ཀྱི་བདག་ཉིད་ཅན་གྱི་ཟུང་འཇུག་གི་རྡོ་རྗེའི་ཡེ་ཤེས་རང་གི་ངོ་བོ་ཉིད་དུ་འཛིན་པར་མཛད་པས་ན་རྡོ་རྗེ་འཆང་སྟེ། ངེས་པའི་དོན་ཏོ། །དེ་ནས་འདི་ཞེས་བྱ་བ་༼
མི་བསྐྱོད་པ་ལ་རྡོ་རྗེ་འཆང་ཞེས་པ་ནི་སྒྲ་འཇུག་པའི་རྒྱུ་མཚན་ཡོད་པ་ཙམ་མོ། །༽ལ་སོགས་པ་ནས། ཞུགས་སོ་ཞེས་བྱ་བར་སྦྱར་ཏེ། བཅོམ་ལྡན་འདས་དེ་བཞིན་༼དེ་ནས་འདི་ཞེས་བྱ་བ་ལ། ཞུགས་པར་གྱུར་ཏོ། །ཞེས་བྱ་བར་སྦྱར་རོ། །ཟེར་བ་ལེགས་སོ། །
༽གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རིག་པའི་སྐྱེས་བུ་དེ་ཉིད་ཅེས་བྱ་བ་ནི་སྔར་བཤད་པའི་རྡོ་རྗེ་འཆང་ཆེན་པོའོ། །སྐུ་དང་གསུང་དང་ཐུགས་ནི་དེ་གསུམ་གྱི་བདག་ཉིད་ཅན་ནོ། །རིག་པའི་སྐྱེས་བུ་ཞེས་བྱ་བ་ནི། བདེན་པ་གཉིས་ཀྱི་
4-2-70a


བདག་ཉིད་ཅན་ནོ། །མི་བསྐྱོད་པའི་སྐུ་ཕྱག་རྒྱ་ཆེན་པོ་ནི་ཞལ་ནག་པོ་ལ་སོགས་པ་སྟེ། དེ་རྣམས་མི་བསྐྱོད་པ་དེར་རམ་དེ་དང་སྦྱོར་བ་ནི་གཅིག་ཏུ་གྱུར་པའོ་སྟེ་དེ་ཉིད་ཐབས་སོ། །རྩ་ཞལ་ནག་པོ་གཡས་ཞལ་
དཀར་པོ་གཡོན་ཞལ་དམར་པོའི་ཚུལ་དུ་ཞེས་བྱ་བ་ནི་སྔ་མ་སྟེ་སྔར་མི་བསྐྱོད་པའི་ཕྱག་རྒྱ་ཆེན་༼དེ་དང་སྦྱོར་བ་ཟེར། ༸གང་དང་གཅིག་ཏུ་གྱུར་པ་ནི་རྒྱུད་ཉིད་ལས་རྡོ་རྗེ་འཆང་ལ་གསལ་བར་གསུངས་པས་དེ་ལྟར་དུ་བྱ་ཡི། མི་བསྐྱོད་པ་སྤྲོས་པ་རྣམས་ཡེ་ཤེས་པ་དང་
འདྲེས་པ་ལ་མི་བྱ་སྟེ། ལྷ་མོ་རྣམས་ཀྱི་སྐབས་སུའང་གསལ་ལོ། །༼པོ་ལ་བཤད་པ་བཞིན་དུ་མི་བསྐྱོད་པའི་ཞལ་ལོ་ནོ། །སྐུ་དང་གསུང་དང་ཐུགས་རྡོ་རྗེ་ལ་ཞུགས་སོ་ཞེས་བྱ་བ་ནི་རྡོ་རྗེ་འཆང་ཆེན་པོའི་སྐུ་དང་གསུང་དང་ཐུགས་རྡོ་རྗེ་གསུམ་མི་ཕྱེད་པ་
རྡོ་རྗེ་འཆང་ཆེན་པོའི་སྐུ་ལ་ཞུགས་སོ་ཞེས་བྱ་བའི་དོན་ཏོ་༼འདིར་ལྷ་བཅུ་གསུམ་ཕྱུང་བའི་མི་བསྐྱོད་པ་གཙོ་བོ་ལ་བཅུག་ཅིང་ལྷག་མ་རང་གནས་སུ་འགོད་པ་ནི། གཙོ་བོར་དབང་བསྐུར་བའི་དཀྱིལ་འཁོར་སྒྲུབ་པ་ལ་སྦྱར་དགོས་ནའང༌། མངོན་རྟོགས་ཐུན་བཞིར་སྒོམ་པའི་སྐབས་ལའང་
སྦྱར་དུ་རུང་ངོ༌། །རྡོ་རྗེ་འཆང་ལ་མི་བསྐྱོད་པ་བཅུག་པ་ནི་སྔོན་བྱུང་དང་མདོར་བྱས་བཞིན་དུ་སྒྲུབ་ཐབས་སྒོམ་པ་ལ་དགོངས་ལ། མངོན་བྱང་ལྔ་ལས་རིགས་ལྔ་བསྐྱེད་པའི་སྒྲུབ་ཐབས་དང༌། རྗེས་འཇུག་གི་དཀྱིལ་འཁོར་བསྒྲུབ་པའི་སྐབས་ཡིན་ན་སྐབས་གང་ཡིན་གྱི་གཙོ་བོ་ལ་མི་བསྐྱོད་པ་ལ་
སོགས་པ་འཇུག་པ་ཡིན་ནོ། །༽རྡོ་རྗེ་སེམས་དཔའ་སྟེ་མི་བསྐྱོད་པ་ཕྱུང་བ་ཞེས་བྱ་བ་ལྷ་བཅུ་གསུམ་འབྱིན་པའི་དང་པོ་སྟེ། སྒྲ་ཇི་བཞིན་པའོ། །གཙོ་བོའི་དང་པོའི་སྦྱོར་བ་བཤད་ཟིན་པའི་འོག་ཏུ་འཁོར་རྣམས་འབྱིན་པའི་༼མདོ་བསྲེ་ལས། 
4-2-70b


མི་བསྐྱོད་པ་འབྱིན་པ་མན་ཆད་དཀྱིལ་འཁོར་རྒྱལ་མཆོག་ཏུ་བཤད་པ་དང༌། འདིར་མི་བསྐྱོད་པ་ཕྱུང་ནས་གཙོ་བོ་ལ་བཅུག་པ་དང་པོ་སྦྱོར་བར་བཤད་པ་གཉིས་འགལ་ལོ་ཞེ་ན། མི་འགལ་བའི་རྒྱུ་མཚན་དུ་སྔ་མ་རྣམས་བཤད་པ་སྔ་མ་ནི་རང་དོན་ལ་དང་པོ་སྦྱོར་བ་དང༌། གཞན་དོན་ལ་དཀྱིལ་འཁོར་
རྒྱལ་མཆོག་ཏུ་བྱས་པ་ལ་དགོངས། བཤད་པ་ཕྱི་མ་ནི་གཙོ་བོ་བསྐྱེད་པ་དང་པོ་སྦྱོར་བ་དང༌། འཁོར་བསྐྱེད་པ་དཀྱིལ་འཁོར་རྒྱལ་མཆོག་ཏུ་དགོངས་སོ་ཞེས་འཆད་དོ། །དེ་ལ་ནི་ད་དུང་དེ་གཉིས་ཀྱི་འཇོག་ཚུལ་མི་མཐུན་པས་དགོངས་པ་འགལ་ལོ་སྙམ་པའི་དོགས་པ་བསལ་དགོས་པར་སྣང་ངོ༌། །
དེས་ན་མདོར་བྱས་ལས། ཞེ་སྡང་རྡོ་རྗེའི་ཏིང་འཛིན་གནས། །དཀྱིལ་འཁོར་ཐམས་ཅད་སྤྲོ་བར་མཛད། །ཅེས་མི་བསྐྱོད་པ་བཅུག་ནས་ཞེ་སྡང་རྡོ་རྗེར་བསྒྱུར་བའི་ང་རྒྱལ་ལ་གནས་ནས། ལྷ་གཞན་ཐམས་ཅད་སྤྲོ་བར་གསུངས་པས། མི་བསྐྱོད་པའི་དཀྱིལ་འཁོར་གྱི་དང་པོ་སྦྱོར་བ་ལ་རྡོ་རྗེ་འཆང་
དང་མི་བསྐྱོད་པ་གཉིས་ཡོད་པ། མདོར་བྱས་ཀྱིའང་དགོངས་པ་ཡིན་པའི་ཕྱིར་དང༌། དཀྱིལ་འཁོར་རྒྱལ་མཆོག་གི་འཁོར་དང༌། དང་པོ་སྦྱོར་བ་གཉིས་སོ་སོར་བྱ་དགོས་ཀྱང༌། དཀྱིལ་འཁོར་རྒྱལ་མཆོག་གི་གཙོ་བོ་དང༌། དང་པོ་སྦྱོར་བ་གཉིས་ལ་དེ་ལྟར་བྱ་མི་དགོས་པའི་ཕྱིར་སྐྱོན་མེད་
དོ། །༽དཀྱིལ་འཁོར་རྒྱལ་མཆོག་སྟོན་པས། དེ་ནས་བཅོམ་ལྡན་འདས་ཀྱི་ཐུགས་ལས་ཕྱུང་ངོ་ཞེས་བྱ་བར་སྦྱར་ཏེ། དམ་ཚིག་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་གྱི་དྲང་ངེས་ཀྱི་དོན་ནི་བསྡུས་པའི་དཀྱིལ་འཁོར་༼
དཀྱིལ་འཁོར་སྟོན་ཏེ། དེ་ནས་བཅོམ་ལྡན་འདས་སྙིང་པོ་འདི་ཕྱུང་བར་གྱུར་ཏོ་ཞེས་བྱ་བར་སྦྱར་རོ་ཟེར། དེ་ནས་བཅོམ་ལྡན་འདས་ཀྱིས་ཞེས་པ་དང༌། སྙིང་པོ་འདི་ཕྱུང་ཞེས་པ་གཉིས་སྦྲེལ་བའི་དོན་ནོ། །༽རྒྱས་བཤད་ཀྱི་སྐབས་སུ་བཤད་ཟིན་ཏོ། །སེམས་ཅན་
4-2-71a


རྨོངས་པ་ཤས་ཆེ་བ་རྣམས་ཀྱི་གཏི་མུག་རྣམ་པར་སྦྱང་བའི་ཕྱིར་དུ་ཤིན་ཏུ་ཞི་བའི་ཚུལ་འཛིན་པའི་རྣམ་སྣང་གང་ཡིན་པ་ནི་གཏི་མུག་དག་པའི་ངོ་བོ་སྟེ་རྣམ་སྣང་དེ་ཉིད་ནི་མཆོག་གི་གནས་སྟེ་གོ་འཕང་ངོ་སོ། །
དེའི་རིགས་ནི་གཏི་མུག་གི་རིགས་སོ་མཚན་ཉིད་དོ། །མཆོག་གི་སྙིང་པོའི་ཞེས་བྱ་བ་ལ་སོགས་པའི་དོན་ནི་སྔར་བཤད་ཟིན་པ་ལྟར་རོ་ཏོ། །ཛི་ན་རྒྱལ་བ་ཛིཀ་རྒྱལ་ཅེས་བྱ་བ་ནི་རྒྱལ་བའི་ངང་ཚུལ་ཅན་ཡིན་པས་ན་རྒྱལ་བ་སྟེ། རྩིབས་
བཅུ་གཉིས་པའི་ཆོས་ཀྱི་འཁོར་ལོ་དཀར་པོས་བདུད་བཞི་པོ་རྣམས་ལས་རྒྱལ་བས་ན་རྒྱལ་བ་རྒྱལ་ཏེ། དྲང་བའི་དོན་ཏོ། །རྡོ་རྗེ་ལྟ་བུའི་ཏིང་ངེ་འཛིན་ཏེ་ཟུང་འཇུག་གི་སྐུ་གྱིས་བདུད་བཞི་ཟིལ་གྱིས་གནོན་པས་ན་རྒྱལ་བ་རྒྱལ་ཏེ། ངེས་པའི་
དོན་ཏོ། །བཅོམ་ལྡན་འདས་དེ་ཉིད་ཀྱི་སྤྱན་སྔར་བཞུགས་སོ་ཞེས་བྱ་བར་སྦྱར་ཏེ། རྣམ་པར་སྣང་མཛད་ཀྱི་ཕྱག་རྒྱ་ཆེན་པོ་དང་བཅས་པར་གཅིག་ཏུ་གྱུར་པ་ནི་རྡོ་རྗེ་འཆང་ཉིད་དེར་གྱུར་པའོ་ནས། སྤྱན་སྔར་ཞེས་བྱ་བ་མདུན་དུ་བཅོམ་ལྡན་འདས་
ལ་གཟིགས་ཤིང་བཞུགས་པ་སྟེ། སྒྲ་ཇི་བཞིན་པའོ། །དེ་ནས་ཞེས་བྱ་༼ཆེན་པོ་དང་ལྷན་ཅིག་གྱུར་ནས་ཟེར། ༸དཀར་པོ་ནག་པོ་དམར་པོའི་ཚུལ་དུ་ཞེས་པ་ནི་རྩ་ཞལ་ནས་གཡས་བསྐོར་དུ་བྱེད་པ་སྟེ། ལྷག་མ་རྣམས་ལ་ཡང་དེ་ལྟར་རོ། །༽བ་ལ་
སོགས་པ་ནི་སྔ་མ་བཞིན་དུ་སྦྱར་རོ། །༼ཞེས་པ་ནི་རྣམ་སྣང་གི་སྐབས་སུ་བཅོམ་ལྡན་འདས་ཀྱིས་སྙིང་པོ་འདི་ཕྱུང་ངོ༌། །ཞེས་སྦྱར་བ་བཞིན་དུ་འདི་ཡང་སྦྱར་ཏེ་དེ་འདྲ་བའི་རིགས་ལྷག་མ་རྣམས་ལ་ཡང་ཤེས་པར་བྱའོ། །༽དེ་བཞིན་གཤེགས་པ་ཐམས་ཅད་ཀྱི་
4-2-71b


རིན་པོ་ཆེ་ནི་ཀུན་རྫོབ་བྱང་ཆུབ་ཀྱི་སེམས་ཀུནྡ་ལྟ་བུའོ་སོ། །ཐིག་ལེ་དེ་ལས་བྱུང་བས་ན་རིན་པོ་ཆེ་འབྱུང་བསྟེ་རིན་པོ་ཆེ་ལས་འབྱུང་བའོ། །རྡོ་རྗེ་དབལ་ནི་དེ་ལས་བྱུང་བའི་རིན་འབྱུང་གི་སྐུ་ཕྱག་རྒྱ་ཆེན་པོ་ཕུན་སུམ་ཚོགས་པ་ལ་བྱ་བ་
ཡིན་ལ། དེ་སྐད་ཅེས་བྱ་བའི་ཏིང་ངེ་འཛིན་དེ་བཤད་པ་ལ་དགོངས་པ་རྩེ་གཅིག་པ་གང་ཡིན་པ་དེ་མངོན་དུ་མཛད་པ་སྟེ། དྲང་བའི་དོན་ཏོ། །དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེ་ནི་དོན་དམ་པའི་བྱང་ཆུབ་ཀྱི་སེམས་འོད་གསལ་ཏེ། དེ་ལས་
བྱུང་བས་ན་རིན་པོ་ཆེ་འབྱུང་བཟུང་འཇུག་གོ་འོ། །རྡོ་རྗེ་དབལ་ནི་མི་ཟད་པས་མི་འཇིག་པའི་དབལ་ལམ་ཏོག་གོ་ཏེ། དེ་སྐད་ཅེས་བྱ་བའི་ཏིང་ངེ་འཛིན་དེ་ལ་སྙོམས་པར་ཞུགས་པ་སྟེ། ངེས་པའི་དོན་ཏོ། །བསམ་པ་ཐམས་ཅད་ཡོངས་སུ་རྫོགས་
པར་བྱེད་པས་ན་ཡིད་བཞིན་གྱི་ནོར་བུ་སྟེ་དེའི་རིགས་སོ། །མཆོག་གི་སྙིང་པོའི་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །རཏྣ་དྷྲིཀ་ཅེས་བྱ་བ་ནི་བསམ་པ་ཐམས་ཅད་ཡོངས་སུ་རྫོགས་པར་བྱེད་པའི་རིན་པོ་ཆེ་ཕྱག་མཚན་དུ་འཛིན་པར་མཛད་པས་
ན་རིན་ཆེན་འཆང་སྟེ། དྲང་བའི་དོན་ཏོ། །ཡང་དག་པའི་མཐའི་རིན་པོ་ཆེ་འཛིན་པར་མཛད་པས་ན་རིན་ཆེན་འཆང་སྟེ། ངེས་པའི་དོན་ཏོ། །རིན་ཆེན་དབལ་གྱི་ཕྱག་རྒྱ་ཆེན་པོ་དང་ལྷན་ཅིག་ཏུ་གྱུར་པ་ནི་ཡང་དག་པར་སྦྱོར་བ་ནི་རིག་པའི་སྐྱེས་བུ་རྡོ་རྗེ་འཆང་ངོ་འོ། །
དེ་ཉིད་ནམ་མཁའི་གནས་ཀྱིས་ཞེས་བྱ་སྟེ། ནམ་མཁའ་ལྟར་གོས་པ་མེད་པའི་མཉམ་པ་ཉིད་ཀྱི་ཡེ་ཤེས་ལ་ནམ་མཁའི་གནས་ཞེས་བྱ་སྟེ། ནོར་གྱིས་དྲེགས་ཤིང་ཁེངས་པའི་སེམས་ཅན་རྣམས་སྦྱིན་པས་འདུལ་བར་མཛད་ཅིང༌། ང་རྒྱལ་རྣམ་པར་དག་པའི་
4-2-72a


གནས་ལ་ཡང་དག་པར་བཞག་ནས། བཅོམ་ལྡན་འདས་ཀྱི་གཡས་ཕྱོགས་སུ་བཞུགས་པ་སྟེ། སྒྲ་ཇི་བཞིན་པའོ། །དེ་བཞིན་དུ་འདོད་ཆགས་ལ་སྤྱོད་པའི་སེམས་ཅན་རྣམས་ཀྱིས་འདོད་ཆགས་ཀྱིས་འདོད་ཆགས་རབ་ཏུ་སྤང་
བའི་དོན་དུ། བཅོམ་ལྡན་འདས་འོད་དཔག་ཏུ་མེད་པའི་རྣལ་འབྱོར་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་ནས་བཅོམ་ལྡན་འདས་ཞེས་བྱ་བ་ལ་སོགས་པ་ནི་སྔ་མ་བཞིན་དུ་སྦྱར་རོ། །དེ་བཞིན་གཤེགས་པ་ཐམས་
ཅད་ཀྱི་འདོད་ཆགས་ཆེན་པོ་ནི་མཆོག་ཏུ་དགའ་བའོ། །དགའ་བ་དེའི་རྒྱུན་ཏེ་རྒྱུ་ནི་བྱང་ཆུབ་ཀྱི་སེམས་ཀུནྡ་ལྟ་བུ་ཡིན་ལ། དེ་ལས་འབྱུང་བ་ནི་འོད་དཔག་ཏུ་མེད་པ་སྟེ། དྲང་བའི་དོན་ཏོ། །དེ་བཞིན་གཤེགས་པ་ཐམས་ཅད་ཀྱི་འདོད་ཆགས་ཆེན་པོ་
ནི་འོད་གསལ་བ་སྟེ། དེ་ལས་འབྱུང་བའི་ཟུང་འཇུག་ནི་འོད་དཔག་ཏུ་མེད་པའོ། །དེ་ཉིད་རྡོ་རྗེ་ཡིན་ལ་དེ་ལ་དམིགས་པ་སྟེ། ངེས་པའི་དོན་ཏོ། །འདོད་ཆགས་ཀྱི་རིགས་ཞེས་བྱ་བ་ནི་སོ་སོར་རྟོག་པའི་ཡེ་ཤེས་ལ་ཀུན་ཏུ་ཆགས་པ་ནི་རྡོ་རྗེ་འདོད་ཆགས་ཏེ་
དེའི་རིགས་སོ། །མཆོག་གི་སྙིང་པོ་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ཨཱ་རོ་ལིཀ་ཅེས་བྱ་བ་ནི། ཨཱ་ནི་མ་ལུས་པའོ། །རོ་ནི་འཁོར་བའོ། །ལིཀ་ནི་དེ་ལས་འདས་པས་ན་ཨཱ་རོ་ལིཀ་སྟེ། དྲང་བའི་དོན་ཏོ། །རོ་ཞེས་བྱ་བ་ནི་ཡེ་ཤེས་
གསུམ་མོ། །དེ་བས་ན་དོན་དམ་པའི་བདེན་པ་འོད་གསལ་དུ་བགྲོད་པར་གྱུར་པ་སྟེ། ངེས་པའི་དོན་ཏོ། །དེ་ནས་ཞེས་བྱ་བ་ལ་སོགས་པ་ནི་སྔ་མ་བཞིན་དུ་སྦྱར་རོ། །དེ་བཞིན་གཤེགས་པ་ཐམས་ཅད་ཀྱི་གདོན་མི་ཟ་བ་ནི་དོན་ཡོད་པར་གྲུབ་
4-2-72b


པའོ། །དེ་ཉིད་དམ་ཚིག་སྟེ་བྱ་བ་སྒྲུབ་པའི་ཡེ་ཤེས་ནི་འགྲོ་བ་མ་ལས་ལུས་པའི་དོན་རྫོགས་པར་བྱེད་པས་ན་འདའ་བར་བྱ་བ་མ་ཡིན་པས་སོ། །དེ་ཉིད་རྡོ་རྗེ་སྟེ་དེ་སྐད་ཅེས་བྱ་བའི་ཏིང་ངེ་འཛིན་གང་ཡིན་པ་དེ་ལ་སྙོམས་པར་འཇུག་པ་སྟེ། དྲང་བའི་དོན་ཏོ། །གདོན་མི་
ཟ་བའི་དམ་ཚིག་ནི་འོད་གསལ་བ་སྟེ། མཚན་མ་མེད་པའི་འབྲས་བུ་མཆོག་སྟེར་བས་སོ། །དེ་ཉིད་རྡོ་རྗེ་སྟེ་དེ་ལ་དམིགས་པ་ནི་ངེས་པའི་དོན་ཏོ། །ཉོན་མོངས་པ་ཕྲག་དོག་རྣམ་པར་སྦྱོང་བ་ཉིད་དང༌། ཉོན་མོངས་པས་དམ་ཚིག་ཉམས་པ་ལ་སོགས་པའི་
ཉེས་པ་སེལ་བར་བྱེད་པའི་དོན་གྱི་རིགས་ནི་དམ་ཚིག་འགུགས་པའི་རིགས་ཏེ། དྲང་བའི་དོན་ཏོ། །དམ་ཚིག་ནི་ཁམས་ཕྲ་བ་རླུང་སྟེ་རླུང་གི་རྣལ་འབྱོར་དེས་ཐབས་ཀྱི་ཡེ་ཤེས་ཀུནྡ་ལྟ་བུ་བཀུག་ནས་མཆོག་ཏུ་དགའ་བ་བསྐྱེད་པས་སེམས་རྒྱུད་
ཡོངས་སུ་སྦྱོང་བའི་རིགས་ནི་དམ་ཚིག་འགུགས་པའི་རིགས་ཏེ། ངེས་པའི་དོན་ཏོ། །མཆོག་གི་སྙིང་པོ་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །པྲ་ཛྙཱ་དྷྲིཀ་ཅེས་བྱ་བ་ནི་རབ་ཏུ་རྣམ་པར་འབྱེད་པའི་མཚན་ཉིད་ནི་ཤེས་རབ་སྟེ་། དེ་འཛིན་པར་
མཛད་པས་ན་ཤེས་རབ་འཆང་སྟེ། དྲང་བའི་དོན་ཏོ། །ཤེས་རབ་ནི་ཟླ་བར་སྣང་བ་ཀུནྡ་ལྟ་བུ་སྟེ། དེ་ཁམས་ཕྲ་བ་རླུང་གི་སྟོབས་ཀྱིས་མི་འཕོ་བར་འཛིན་པར་མཛད་པས་ན། ཤེས་རབ་འཆང་སྟེ། ངེས་པའི་དོན་ཏོ། །བྱང་ཕྱོགས་སུ་བཞུགས་
སོ་ཞེས་བྱ་བ་ནི་སྒྲ་ཇི་བཞིན་པའོ།། ༈ ཞེ་སྡང་ཞེས་བྱ་བ་ལ་སོགས་པ་ལ། ཞེ་སྡང་མི་བསྐྱོད་པ་དང༌། གཏི་མུག་རྣམ་སྣང་དང༌། འདོད་ཆགས་སྣང་མཐའ་དང༌། ཡིད་བཞིན་ནོར་བུ་རིན་འབྱུང་དང༌། དམ་ཚིག་དོན་ཡོད་གྲུབ་པ་སྟེ། རིགས་ལྔར་གཏོགས་པ་སྟེ་
4-2-73a


བསྐྱེད་པ་འདི་རྣམས་ཀྱིས་དེ་ལྟར་བསྐྱེད་ནས་སྒོམ་པ་པོའི་བསྐྱེད་རིམ་པའི་གདུལ་བྱ་རྣམས་ཀྱི་རྒྱུད་ལ་ཐར་པ་ཐོབ་པར་མངོན་པར་འདོད་པ་བསྐྱེད་པས་ན། འདོད་པའོ། །ཟག་པ་མེད་པའི་བདེ་བ་ཆེན་པོ་མཐར་ཐུག་པ་ནི་
འདོད་ཡུལ་གྱི་ཐར་པ་སྟེ། དྲང་བའི་དོན་ཏོ། །རིགས་ལྔར་གཏོགས་པ་འདི་རྣམས་ཀྱིས། །འདོད་དང་ཐར་པ་རབ་སྒྲུབ་པའོ། །ཞེས་བྱ་བ་ནི་རིགས་ལྔར་གཏོགས་པའི་རིགས་འདི་རྣམས་ནི་ཕུང་པོ་ལྔའི་ངོ་བོ་ཉིད་དུ་གྱུར་པའི་རྫོགས་རིམ་གྱི་སྒྲུབ་པ་པོའོ་དེ། 
གང་ཟག་དེས་རིག་མའི་འདོད་པ་ལ་ཉེ་བར་ལོངས་སྤྱོད་པས་ཚེ་གཅིག་ལ་ཐར་པ་རབ་ཏུ་ཐོབ་པའམ། ཡང་ན་འཕྲལ་གྱི་འདོད་པའི་དོན་རབ་ཏུ་སྒྲུབ་པ་དང་། ཕུགས་ཀྱི་ཐར་པ་རབ་ཏུ་སྒྲུབ་པའོ། །ཞེས་བྱ་བ་སྟེ། སྒྲ་ཇི་བཞིན་པའོ། །གཞུང་དེ་
དག་གི་དོན་བཤད་པ་ཕྱི་མ་ལྟར་ཡིན་པ་དེ་བས་ན་བཤད་པའི་རྒྱུད་ལུང་སྟོན་ལས། ཕུང་པོ་ལྔ་པོ་འདི་དག་སངས་རྒྱས་རིགས་ལྔར་བཤད་པའི་ཏེ། །རྫོགས་པའི་བྱང་ཆུབ་༼ཞེས་པའོ། །༸སྒྲ་ཇི་བཞིན་པའོ་ཞེས་པ་ནི་ཆག་འགྱུར་ལ་མེད་པ་བསྡུས་
དོན་དང་། དེ་བས་ན་ཞེས་པ་གཉིས་ཀ་དང་མཐུན་ནོ། །༽སྒྲུབ་པའི་རྐྱེན་དུ་འབྱུང་། །དེ་ལྟར་འདོད་པ་ལ་སྤྱད་པས་ཕུང་པོ་ལྔ་དང་གཉིས་སུ་མེད་པར་དེ་བཞིན་ཉིད་གཉིས་སྦྱོར་བའི་བདེ་ཆེན་འདྲེན་པས། །ཕུང་པོ་ལྔ་པོ་དེ་ལ་ཡང་དེ་བཞིན་གཤེགས་
པ་ཞེས་བྱའོ། ཞེས་གསུངས་ཏེ། ངེས་པའི་དོན་ཏོ།།༼ཞེས་པ་ནི་ཕུང་པོ་ལྔའི་ངོ་བོ་གྱུར་པའི་རྫོགས་རིམ་པའི་གང་ཟག་གིས་འདོད་པ་ལ་སྤྱད་ནས་ཐར་པ་སྒྲུབ་པའོ། །༈ ཡང་ནི་རིགས་ལྔ་ཕྱུང་བར་མ་ཟད་པའོ། །རྣམ་པར་སྣང་མཛད་ལ་སོགས་
4-2-73b


པ་ལྔའི་ལོངས་སྤྱོད་ཀྱི་ཕྱིར་དུ་ལྷ་མོ་བཞི་ཕྱུང་བ་ཡིན་ཏེ། །༼ལྷ་མོ་བཞི་ལས་མེད་ཀྱང་མཱ་མ་ཀཱི་རིགས་གཉིས་འཛིན་པས་རིགས་ལྔའི་ལོངས་སྤྱོད་དུ་འགྱུར་རོ། །༽དེས་ན་རིགས་ལྔའི་དོན་བསྡུ་བ་བཤད་པའི་རྗེས་དེ་ནས་ཞེས་བྱ་བ་ལ་སོགས་པ་ནས། 
བཅོམ་ལྡན་འདས་ཀྱིས་ཕྱུང་ངོ་ཞེས་བྱ་བར་སྦྱར་རོ། །རྡོ་རྗེ་འཛིན་པ་ནི་མི་བསྐྱོད་པའོ། །དེ་ལ་བདེ་ཆེན་བསྐྱེད་པའི་སྒོ་ནས་རྗེས་སུ་མཉེས་པར་བྱེད་༼དེས་ན་ཞེས་པ་འགྱུར་གསར་གཉིས་ལ་མེད་དོ། །༼པ་ལས་མི་འདའ་བའི་དམ་ཚིག་ནི་མཱ་མ་
ཀཱིའོ། །དེ་ལ་དམིགས་པའི་ཏིང་ངེ་འཛིན་ལ་སྙོམས་པར་ཞུགས་པ་སྟེ། སྒྲ་ཇི་བཞིན་པའོ། །སྙོམས་པར་ཞུགས་ནས་རྡོ་རྗེ་འཛིན་མི་བསྐྱོད་པ་ཐམས་ཅད་ཀྱི་བཙུན་མོའི་མཆོག་མཱ་མ་ཀཱི་འདི། རྡོ་རྗེ་འཆང་རང་ཉིད་ཀྱི་སྐུ་གསུང་ཐུགས་རྡོ་རྗེ་གསུམ་མི་ཕྱེད་པ་ལས་ཕྱུང་ངོ༌། །
དྭེ་ཥ་ཞེ་སྡང་ར་ཏི་དགའ་མ་ཞེས་བྱ་བ་ལ་ཞེ་སྡང་ནི་རང་གི་ཡབ་མི་བསྐྱོད་པའོ། །དེ་ལ་དགའ་བས་ན་ཞེ་སྡང་དགའ་མ་སྟེ་དྲང་བའི་དོན་ཏོ། །ཉོན་མོངས་པ་ཞེ་སྡང་རྣམ་པར་དག་པ་འོད་གསལ་ལ་དགའ་བ་ནི་ཞེ་སྡང་དགའ་མ་སྟེ། ངེས་
པའི་དོན་ཏོ། །བཅོམ་ལྡན་འདས་རྡོ་རྗེ་འཆང་བ་དེ་ཉིད་བུད་མེད་ཀྱི་གཟུགས་འཛིན་པར་གྱུར་ཏེ་ཞེས་པ་མཱ་མ་ཀཱིའི་གཟུགས་སུ་གྱུར་ནས། ཤར་ཕྱོགས་ཀྱི་གྲྭར་བཞུགས་སོ། །༼རྒྱུད་ལས་ཀྱང༌། འདི་དང་མཐུན་པར་འབྱུང་ཡང་། འགྲེལ་པའི་འགྱུར་གསར་གཉིས་
ཀ་ལས། བདེན་བྲལ་གྱི་གྲྭར་བཞུགས་སོ། །ཞེས་འབྱུང་བའི་རྒྱ་དཔེ་དག་པར་བྱའོ། །དེའི་ཕྱིར་རྒྱུད་ཀྱི་རྒྱ་དཔེ་ལ་ཡང་མི་འདྲ་བ་ཡོད་པར་སྣང་ཡང་བདེན་བྲལ་དུ་བཞུགས་པ་དག་གོ། མཱ་མ་ཀཱི་སྔོན་ལ་བཤད་པ་ནི་མི་བསྐྱོད་པའི་ཡུམ་གྱི་ཆ་ནས་རིགས་ལྔ་ལ་མི་བསྐྱོད་པ་དང་པོར་བཤད་པ་དང་བསྟུན་པའོ། །
4-2-74a


༽ཞེས་བྱ་བ་ནི། སྒྲ་ཇི་བཞིན་པའོ། །དེ་བཞིན་གཤེགས་པ་ཐམས་ཅད་ནི་རྣམ་པར་སྣང་མཛད་དོ། །དེ་རྗེས་སུ་མཉེས་པར་བྱེད་པའི་རྡོ་རྗེ་ནི་སངས་རྒྱས་སྤྱན་ཏེ། སྒྲ་ཇི་བཞིན་པའོ། །མོ་ཧ་གཏི་མུག་ར་ཏི་དགའ་མ་
ཞེས་བྱ་བ་ལ། གཏི་མུག་ནི་རྣམ་པར་སྣང་མཛད་དེ་དེ་ལ་དགའ་བས་ན་གཏི་མུག་དགའ་མ་སྟེ། དྲང་བའི་དོན་ཏོ། །གཏི་མུག་རྣམ་པར་དག་པ་འོད་གསལ་ལ་དགའ་བས་ན་གཏི་མུག་དགའ་མ་སྟེ། ངེས་པའི་དོན་ཏོ། །ལྷོ་ཕྱོགས་ཀྱི་གྲྭར་
བཞུགས་སོ་ཞེས་བྱ་བ་ནི། སྒྲ་ཇི་བཞིན་པའོ། །དེ་ནས་ཞེས་བྱ་བ་ལ་སོགས་པ་ལ། འདོད་ཆགས་འཛིན་པ་ནི་འོད་དཔག་ཏུ་མེད་པའོ། །དེ་རྗེས་སུ་ཆགས་པར་བྱེད་པའི་རྡོ་རྗེ་ནི་གོས་དཀར་མོ་སྟེ། དེ་ལ་༼མེའི་གྲྭར་བཞུགས་སོ་ཟེར། 
༽དམིགས་པའི་ཏིང་ངེ་འཛིན་དེ་ལ་དེ་སྐད་ཅེས་བྱ་སྟེ། སྒྲ་ཇི་བཞིན་པའོ། །རཱ་ག་ཆགས་པ་ར་ཏི་དགའ་མ་ཞེས་བྱ་བ་ནི། འདོད་ཆགས་ནི་འོད་དཔག་ཏུ་མེད་པའོ། །དེ་ལ་དགའ་བས་ན་འདོད་ཆགས་དགའ་མ་སྟེ། དྲང་བའི་དོན་ཏོ། །
འདོད་ཆགས་རྣམ་པར་དག་པ་འོད་གསལ་ལ་དགའ་བ་ནི་འདོད་ཆགས་དགའ་མ་སྟེ། ངེས་པའི་དོན་ཏོ། །དེ་ནས་ཞེས་བྱ་བ་ལ་སོགས་པ་ནས། ནུབ་ཕྱོགས་ཀྱི་གྲྭར་བཞུགས་སོ་ཞེས་བྱ་བ་ནི་སྒྲ་ཇི་བཞིན་པའོ། །དེ་ནས་ཞེས་བྱ་བ་ལ་སོགས་པ་ལ། 
སྐུ་དང་གསུང་དང་ཐུགས་ཏེ་ལུས་ངག་ཡིད་གསུམ་སྐད་ཅིག་གིས་འཇིག་པའི་མི་རྟག་པའོ་ཞེས་གཞན་དག་ལ་རབ་ཏུ་སྟོན་པ་ནི། སྐུ་དང་གསུང་དང་ཐུགས་ཡིད་བརྟན་དུ་མི་རུང་པས་བསླུ་བ་སྟེ། ཡི་གེའི་དོན་ཏོ། །གཟུགས་ལ་སོགས་པའི་ཆོས་ཐམས་ཅད་ནི་
4-2-74b


སྟོང་པའོ། །ཞེས་རང་བཞིན་གྱིས་སྟོང་བཞིན་དུ་དེར་སྣང་བ་ལ་དམིགས་པ་ནི་སྐུ་དང་གསུང་དང་ཐུགས་རྫུན་སྣང་ཡིན་པས་བསླུ་བ་སྟེ། སྤྱིའི་དོན་ཏོ། །སྣང་བ་གསུམ་གྱི་ངོ་བོ་ཉིད་ནི་ཐབས་མཆེད་པ་སྐུ་དང་ཤེས་རབ་སྣང་བ་གསུང་དང་ཐབས་ཤེས་དབྱེར་མེད་ཉེར་ཐོབ་
ཐུགས་ཏེ། སྣང་བ་དེ་དང་དེ་ཁམས་ཕྲ་བ་ཀུན་རྟོག་གཡོ་བའི་རླུང་ལ་ཞུགས་པ་ནི་རླུང་དེ་སྣང་བ་ལ་ཐིམ། དེ་མཆེད་པ་ལ། དེ་ཐོབ་པ་ལ་ཐིམ་ནས་སྐད་ཅིག་རེ་རེ་ཞིང་སྣང་བ་གསུམ་རྗེས་སུ་མྱོང་བར་བྱས་ཏེ། སླར་ཡང་དངོས་པོ་སྟེ་རང་བཞིན་མེད་པ་འོད་༼
ཁམས་ཕྲ་མོ་སྣང་བ་དེ་དང་དེ་ལ་བཅུག་ནས་ཟེར། ༽གསལ་བར་བྱས་པ་ནི་སྐུ་དང་གསུང་དང་ཐུགས་སྣང་བ་གསུམ་རེ་རེ་ནས་ཐིམ་སྟེ་མེད་པར་སོང་བས་བསླུ་བ་སྟེ། སྦས་པའོ། །སྒྱུ་ལུས་ཀྱི་ཕུང་པོ་དང་ཁམས་དང་སྐྱེ་མཆེད་ལ་སོགས་པ་རིལ་པོར་འཛིན་པའི་
རིམ་པ་དང་རྗེས་སུ་གཞིག་པའི་རིམ་གྱིས་སྣང་བ་མེད་༼འདིར་སྣང་བ་གསུམ་འོད་གསལ་དུ་བྱས་པ་སྦས་པར་བཤད་པ་ནི། སྒྱུ་ལུས་མཚན་ཉིད་པ་འོད་གསལ་དུ་བཅུག་པ་ཡང་མེད་ལ། འོད་གསལ་ཡང་དཔེའི་འོད་གསལ་ཙམ་ཡིན་པ་ལ་དགོངས་ཏེ། འོག་གི་མཐར་ཐུག་གི་འོད་གསལ་དང་ཡང་མི་
འདྲའོ། །༽པར་བྱས་པ་ནི་སྒྱུ་ལུས་ཀྱི་སྐུ་དང་གསུང་དང་ཐུགས་གསུམ་ནམ་མཁའ་ལ་འཇའ་ཡལ་བ་ལྟར་དུ་སོང་བས་བསླུབའོ། །འོད་གསལ་དེ་མི་ཕྱེད་པས་ན་རྡོ་རྗེ་སྟེ་དེ་ལ་དམིགས་པའི་ཏིང་ངེ་འཛིན་ནི། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་
དང་ཐུགས་བསླུ་བ་རྡོ་རྗེ་ཞེས་བྱ་སྟེ། འོད་གསལ་གྱི་མཐར་ཐུག་པའོ། །དེ་བཞིན་གཤེགས་པ་ཐམས་ཅད་ཀྱི་ཤེས་རབ་འཛིན་པ་ནི་དོན་ཡོད་པར་གྲུབ་པའོ། །༼སྐབས་འདིར་འགྱུར་རྙིང་གི་རྒྱུད་ལ་ཤེས་རབ་འཛིན་པའི་བཙུན་མོའི་མཆོག། ཅེས་བྱས་ནས་ཤེས་རབ་འཛིན་
4-2-75a


པ་རྗེས་སུ་ཆགས་པ་རྡོ་རྗེ་ཞེས་འཆད་པ་ནི་རྒྱ་དཔེ་མ་དག་པ་སྟེ། འགྲེལ་པར་དེའི་བཤད་པ་མཛད་ཅིང་། པ་ཚབ་ཀྱིས་བསྒྱུར་བའི་རྒྱུད་ལ་ཡང་རྗེས་སུ་མཉེས་པར་བྱེད་པ་རྡོ་རྗེ་ཞེས་འབྱུང་ངོ༌། །༽དེ་ལ་རྗེས་སུ་ཆགས་པའི་རྡོ་རྗེ་ནི་འི་དམ་ཚིག་
ནི་སྒྲོལ་མ་སྟེ་དེའི་རྣམ་པར་འབྱིན་པ་ལ་ཐུགས་རྩེ་གཅིག་ཏུ་མཛད་དོ་ཞེས་བྱ་བའི་བར་དུ་སྟེ། སྒྲ་ཇི་བཞིན་པའོ། །བཛྲ་ར་ཏི་ཞེས་བྱ་བ་ལ་རྡོ་རྗེ་ནི་དོན་ཡོད་པར་གྲུབ་པའོ། །དེ་ལ་དགའ་བས་༼དེ་ལ་རྗེས་སུ་ཆགས་པ་རྡོ་རྗེ་ནི་དམ་ཚིག་སྒྲོལ་མ་སྟེ་ཟེར། 
༸བར་དང་ཐ་ཚིག་གཉིས་སྐད་དོད་ཐུན་མོང་བ་ཡོད་ཀྱང་། བར་ནས་བསྡུ་རྒྱུ་མེད་པ་འདི་འདྲའི་རིགས་རྣམས་པ་ཚབ་ཀྱིས་ཐ་ཚིག་ཏུ་བསྒྱུར་བ་ལེགས་པས། སྐབས་གཞན་རྣམས་སུ་ཡང་གོ་བར་བྱའོ། །༽ན་རྡོ་རྗེ་དགའ་མ་སྟེ། དྲང་བའི་དོན་ཏོ། །རྡོ་རྗེ་ལྟར་མི་ཕྱེད་པའི་འོད་གསལ་གྱི་ཡེ་
ཤེས་ལ་དགའ་བས་ན་དགའ་མ་སྟེ། ངེས་པའི་དོན་ཏོ། །དེ་ནས་ཞེས་བྱ་བ་ལ་སོགས་པ་ལ། བྱང་ཕྱོགས་ཀྱི་གྲྭར་བཞུགས་པ་ནི་སྒྲ་ཇི་བཞིན་པའོ། །༼སྤྱན་མ་ལ་སོགས་པ་ཡུམ་གསུམ་གྱི་གསལ་བར་མ་བཤད་པའི་ལྷག་མ་ནི་མཱ་མ་ཀཱིའི་སྐབས་སུ་བཤད་
པ་ལ་བརྟེན་ནས་ཤེས་པར་བྱའོ། །ཡུམ་བཞིའི་སྐབས་སུ་རྡོ་རྗེ་འཆང་དེ་ཉིད་བུད་མེད་ཀྱི་གཟུགས་འཛིན་པར་གྱུར་ཏེ། ཞེས་པ་ནི་རིགས་ལྔའི་སྐབས་སུ་རིག་པའི་སྐྱེས་བུ་རྡོ་རྗེ་འཆང་དེ་ཉིད་མི་བསྐྱོད་པ་ལ་སོགས་པའི་ཕྱག་རྒྱ་ཆེན་པོར་སྦྱོར་བའི་ཐབས་ཀྱིས་ཞེས་པ་རྣམས་དང་དོན་འདྲ་བས་སྔར་བཤད་
པ་བཞིན་དུ་གོ་བར་བྱ་ཡི། ཡེ་ཤེས་པ་སྤྱན་དྲངས་པ་དང་འདྲེས་པ་ལ་མི་བྱའོ།། ༈ ལྷ་མོ་བཞི་པོ་འདི་དག་ནི་རྗེས་སུ་སྤྱོད་པ་དང་ལྷན་ཅིག་སྤྱོད་པ་གཉིས་ཀྱི་ནང་ནས་ལྷན་ཅིག་སྤྱོད་པ་བཙུན་མོའི་གཙོ་མོ་སྟེ། ལྷ་མོ་དེ་རྣམས་དང་རིགས་ལྔ་ལྷན་
4-2-75b


ཅིག་ཡང་དག་པར་སྦྱོར་བར་མཛད་པས་དེ་བཞིན་གཤེགས་པ་ཐམས་ཅད་ཀྱི་ཕུན་སུམ་ཚོགས་པའི་མཆོག་བསྐྱེད་པས་ན་བཙུན་མོའི་མཆོག་གོ། སྤྱན་སོགས་དེ་རྣམས་འདོད་པའི་དབང་ཕྱུག་སྟེ་འདོད་པ་ལ་སྤྱོད་པ་ལ་མངའ་བརྙེས་པ་ཡིན་པ་ནི་ས་བཙུན་
མོའི་མཆོག་དམ་ཚིག་ཕུན་སུམ་ཚོགས་པའོ། །ཞེས་བྱ་བའི་སྒྲས་གསུངས་ཏེ། སྒྲ་ཇི་བཞིན་པའོ།། ༈ དེ་ནས་ཞེས་བྱ་བ་སོགས་པ་ལ་བཅོམ་ལྡན་འདས་ཀྱིས་༼འདོད་པའི་དབང་ཕྱུག་ནི་བཙུན་མོའི་མཆོག་ཕུན་སུམ་ཚོགས་པ་ཟེར། ༽ཁྲོ་བོ་ཕྱུང་༼
དམ་ཚིག་ཅེས་པ་ནི་འགྱུར་གསར་གཉིས་ལ་མེད་དོ། །༸སྤྱན་སོགས་བཞི་དང་སྦྱོར་བ་ལ་ནི་རིགས་ལྔ་པོ་དངོས་སྤྱན་སོགས་དངོས་དང་སྦྱོར་བ་དང་། རིགས་ལྔའི་ང་རྒྱལ་འཆང་བའི་སྒྲུབ་པ་པོ་དང༌། ཡུམ་བཞིའི་རིགས་ཀྱི་ལས་རྒྱ་བཞི་དང་ཡེ་ཤེས་ཀྱི་ཕྱག་རྒྱ་བཞི་དང་སྦྱོར་བ་ཡང་གོ་བར་བྱའོ། །༽ངོ་ཞེས་བྱ་
བར་སྦྱར་ཏེ། རྣམ་པར་སྣང་མཛད་རིགས་བདག་ཏུ་བཞུགས་པ་ཉིད་ཀྱིས་དབང་བསྐུར་བའི་ངོ་བོ་ཉིད་ཀྱི་རྡོ་རྗེ་གང་ཡིན་པ་དེ་ནི་རྣམ་པར་སྣང་མཛད་རྡོ་རྗེ་སྟེ། གཤིན་རྗེ་གཤེད་དོ། །དེ་ལ་དམིགས་པའི་ཏིང་ངེ་འཛིན་ནི་རྣམ་པར་སྣང་མཛད་རྡོ་རྗེ་ཞེས་བྱ་སྟེ། 
རྣམ་སྣང་ལ་སོགས་པའི་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་བྱིན་གྱིས་རློབ་ཅིང་སྟེ་བསྐྱེད་པ་གང་ཡིན་པ་དེ་ལ་དེ་སྐད་ཅེས་བྱ་སྟེ། སྒྲ་ཇི་བཞིན་པའོ། ཡ་མཱན་ཏ་ཀྲིད་ཅེས་བྱ་བ་ལ་གཤིན་རྗེ་ནི་དམྱལ་བ་ཞེས་པ་མཚོན་པ་ཙམ་སྟེ་
ངན་སོང་གསུམ་གྱི་ལས་སྒྲིབ་བོ། །༼དེ་དཀྱིལ་འཁོར་སྒོམ་པ་དང་བྲི་བ་སོགས་ཀྱི་འགལ་རྐྱེན་བགེགས་རྣམས་ཞི་བར་བྱས་པའི་སྒོ་ནས་སྐྱེད་པའོ། ༼དེ་བཅོམ་ལྡན་འདས་༼  ༸གཤིན་རྗེ། ཨནྟ་མཐར། བྱེད་པའམ་མཛད་པའོ། །༽རྣམ་པར་སྣང་མཛད་ཀྱི་རིགས་ཀྱི་ཁྲོ་བོ་
4-2-76a


ཆེན་པོ་གཤིན་རྗེ་གཤེད་ཀྱི་འི་ཏིང་ངེ་འཛིན་གྱིས་མཐར་ཐུག་པར་མཛད་ཅིང་སྟེ་ལས་སྒྲིབ་འཇིག་ཅིང་ཟད་པར་མཛད་པས་ན་གཤིན་རྗེ་མཐར་བྱེད་དེ། དྲང་བའི་དོན་ཏོ། །གཤིན་རྗེ་ནི་རྨོངས་པའི་མུན་པ་སྟེ་མ་
རིག་པའོ། །རྨོངས་པ་དེ་དོན་དམ་པའི་བདེན་པ་འོད་གསལ་དུ་ཞུགས་པས་མཐར་ཐུག་པར་མཛད་ཅིང་འཇིག་པར་མཛད་པས་ན་གཤིན་རྗེ་མཐར་བྱེད་དེ། ངེས་པའི་དོན་ཏོ། །དེ་ནས་ཞེས་བྱ་བ་ལ་སོགས་པ་ནས། དེ་བཞིན་གཤེགས་པ་ཐམས་ཅད་ནི་དེ་བཞིན་
ཉིད་སྟོང་པའི་ངང་ནས་བྱུང་ཞིང་དེར་འགྲོ་བ་སྟེ་གདུག་པ་ཅན་ནོ། །དེ་རྣམས་བསྙེངས་པ་སྟེ་སྐྲག་པར་བྱེད་པའི་ཚུལ་དུ་ཤར་ཕྱོགས་ཀྱི་སྒོར་བཞུགས་སོ་ཞེས་བྱ་བ་ནི་སྒྲ་ཇི་བཞིན་པའོ། །དེ་ནས་ཞེས་བྱ་བ་ལ་སོགས་པ་ལ། དེ་བཞིན་གཤེགས་པ་ཐམས་ཅད་ཀྱི་
མངོན་པར་བྱང་ཆུབ་པ་ནི་རིན་ཆེན་འབྱུང་ལྡན་ནོ། །དེའི་ཅོད་པན་ཅན་གྱི་རྡོ་རྗེ་གང་ཡིན་པ་སྟེ། ཁྲོ་བོ་གཞན་གྱིས་མི་ཐུབ་པ་དེ་ལ་དམིགས་པའི་ཏིང་ངེ་འཛིན་ནི་མངོན་པར་བྱང་ཆུབ་པ་རྡོ་རྗེ་ཞེས་བྱ་སྟེ། དྲང་བའི་དོན་ཏོ། །དེ་བཞིན་གཤེགས་པ་
ཐམས་ཅད་ཀྱི་མངོན་པར་བྱང་ཆུབ་པ་ནི་འོད་གསལ་བའོ། །དེ་ཉིད་རྡོ་རྗེ་སྟེ་དེ་ལ་དམིགས་པ་ནི། ངེས་པའི་དོན་ཏོ། །པྲཛྙཱན་ཏ་ཀྲིད་ཅེས་བྱ་བ་ལ། ཤེས་རབ་ཀྱིས་ཉོན་མོངས་པ་འཇིག་པར་མཛད་པས་ན་ཤེས་རབ་མཐར་བྱེད་དེ། དྲང་བའི་དོན་ཏོ། །
ཡུལ་ལ་སོ་སོར་འཇུག་པའི་རྣམ་པར་རྟོག་པའི་བདག་ཉིད་ཅན་ནི་ཤེས་རབ་སྟེ། དེ་རྣམས་འོད་གསལ་བར་འཇུག་པས་མཐར་བྱེད་པས་ན་ཤེས་རབ་མཐར་བྱེད་དེ། ངེས་པའི་དོན་ཏོ། །དེ་ནས་ཞེས་བྱ་བ་ལ་སོགས་པ་ལ། རྡོ་རྗེ་ཁྲོ་བོའི་དམ་
4-2-76b


ཚིག་གིས་གདུག་པ་རྣམས་སྐྲག་པར་མཛད་པས་ན་རྡོ་རྗེའི་དམ་ཚིག་བསྙེངས་པར་བྱེད་པའོ། །ཡང་ན་རྡོ་རྗེའི་དམ་ཚིག་ནི་འཇིག་རྟེན་པའི་མཁའ་འགྲོ་མ་རྣམས་སོ། །དེ་རྣམས་སྐྲག་པར་མཛད་པས་ན་རྡོ་རྗེའི་དམ་ཚིག་བསྙེངས་པར་བྱེད་པ་ཞེས་བྱའོ། །ལྷོ་ཕྱོགས་
ཀྱི་སྒོར་བཞུགས་སོ་ཞེས་པ་ནི། སྒྲ་ཇི་བཞིན་པའོ། །དེ་ནས་ཞེས་བྱ་བ་ལ་སོགས་པ་ལ། ཆོས་རིན་པོ་ཆེ་ནི་འོད་དཔག་ཏུ་མེད་པའོ། །དེ་ཉིད་རྟ་མགྲིན་གྱི་འབྱུང་གནས་ཏེ་སྣང་མཐའ་དེའི་རིགས་སུ་གྱུར་པ་རྟ་མགྲིན་གང་གིས་བསྐྱེད་པའི་གནས་ཡིན་པ་དེ་
ལ་དེ་སྐད་ཅེས་བྱ་སྟེ་ཏིང་ངེ་འཛིན་གང་ལ་དེ་སྐད་ཅེས་བྱ་བ་དེ་ལ་སྙོམས་པར་ཞུགས་པ་སྟེ། དྲང་བའི་དོན་ཏོ། །ཆོས་རིན་པོ་ཆེ་ནི་འོད་གསལ་བའོ། །དེ་ཉིད་འབྱུང་གནས་ཏེ། དེས་བསྐྱེད་པའི་ཟུང་འཇུག་གི་༼རྟ་མགྲིན་གང་གིས་བསྐྱེད་པའི་གནས་ཟེར། 
༽རྟ་མགྲིན་གང་ཡིན་པ་དེ་ལ་དམིགས་པའི་ཏིང་ངེ་འཛིན་དེ་ལ་སྙོམས་པར་ཞུགས་པ་སྟེ། ངེས་པའི་དོན་ཏོ། །པད་མཱནྟ་ཀྲིད་ཅེས་བྱ་བ་ལ། པདྨ་ཆུས་མ་གོས་པ་བཞིན་དུ་ཉོན་མོངས་པ་རྣམས་ཀྱིས་གོས་པར་མ་གྱུར་ཅིང༌། ཉོན་མོངས་པ་
དེ་ཉིད་འཇིག་པར་མཛད་པས་ན་པདྨ་མཐར་བྱེད་དེ། དྲང་བའི་དོན་ཏོ། །པདྨ་ནི་ཕྱག་རྒྱའི་སྐྱེ་གནས་སོ། །མཐའ་ནི་དེའི་ནང་སྟེ། ནང་དེར་ཡབ་ཡུམ་གྱི་དབང་པོ་གཉིས་སྙོམས་པར་ཞུགས་པའི་ཐབས་ཀྱིས་རྫོགས་རིམ་པའི་མཆོག་ཏུ་དགའ་བའི་
བདེ་བ་བསྐྱེད་པར་མཛད་པས་ན་པདྨ་མཐར་བྱེད་དེ། ངེས་པའི་དོན་ཏོ། །དེ་ནས་ཞེས་བྱ་བ་ལ་སོགས་པ་ནས། གསུང་གི་ཚུལ་དུ་ཞེས་པ་ནི་གསུང་རྡོ་རྗེའི་རིགས་ཅན་རྟ་མགྲིན་གྱི་ཚུལ་དུ་ནུབ་ཕྱོགས་ཀྱི་སྒོར་བཞུགས་སོ་ཞེས་པ་ནི། སྒྲ་ཇི་བཞིན་པའོ། །དེ་བཞིན་
4-2-77a


གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ནི་དོན་ཡོད་པར་གྲུབ་པའོ། །དེ་ཉིད་རྡོ་རྗེ་སྟེ་ཁྲོ་བོ་བདུད་རྩི་ཐབ་སྦྱོར་གང་ཡིན་པ་སྟེ། དེ་ལ་དམིགས་པའི་ཏིང་ངེ་འཛིན་དེ་ལ་ཡང་དེ་སྐད་ཅེས་བྱ་སྟེ། དྲང་བའི་དོན་ཏོ། །
དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་རྣམ་པར་དག་པའི་གནས་ནི་འོད་གསལ་བ་སྟེ། དེ་ལ་དམིགས་པ་སྟེ། ངེས་པའི་དོན་ཏོ། །བིགྷྣཱན་ཏ་ཀྲིད་ཅེས་བྱ་བ་ལ་བགེགས་རྣམས་མཐར་མཛད་ཅིང་འཇིག་པར་
མཛད་པས་ན་བགེགས་མཐར་བྱེད་དེ། དྲང་བའི་དོན་ཏོ། །བགེགས་ནི་ལུས་ཀྱི་ས་ཆུ་ལ་སོགས་པའི་ཁམས་བཞི་པོ་སྟེ་༼སྐུ་གསུང་ཐུགས་ཀྱི་དཀྱིལ་འཁོར་ནི། སྒྲས་ཟིན་ལྟར་རམ། དོན་གྲུབ་ཀྱི་རིགས་ཀྱི་དཀྱིལ་འཁོར་རོ། །བྱིན་གྱིས་རློབ་པ་ནི་དེ་ལ་བགེགས་བྱེད་པ་བཟློག་པའོ། །
༽དེ་དག་འཕེལ་བ་དང་འགྲིབ་པས་ལུས་གཟིར་བས་ན་བགེགས་སོ། །དེ་རྣམས་ཐབས་ཀྱི་ཡེ་ཤེས་ཀུནྡ་ལྟ་བུ་ཤར་བསྟེ་ཞུ་བ་རླུང་གི་ནུས་པས་འཕོ་མེད་དུ་འཛིན་པས་རྣམ་པར་འཇིག་པར་མཛད་པས་ན་བགེགས་མཐར་བྱེད་དེ། ངེས་
པའི་དོན་ཏོ། །དེ་ནས་ཞེས་བྱ་བ་ལ་སོགས་པ་ལ་སྐུ་གསུང་ཐུགས་ནི་དོན་གྲུབ་ཀྱི་རིགས་བགེགས་མཐར་བྱེད་ཀྱི་ཚུལ་དུ་བྱང་ཕྱོགས་ཀྱི་སྒོར་བཞུགས་ནས། ༈ དེ་བཞིན་གཤེགས་པ་ཐམས་ཅད་ཀྱིས་སྐུ་དང་གསུང་དང་ཐུགས་ཀྱི་རིགས་ཀྱི་དཀྱིལ་
འཁོར་པ་རྣམས་མཉེས་པར་བྱེད་པའི་ཕྱིར་ཏེ། ཆེད་ཀྱི་དམ་ཚིག་ལ་སེམས་པ་ནི། དཀྱིལ་འཁོར་གྱི་དམ་ཚིག་སེམས་དཔའ་༼སོ་ཟེར། ༸ཁྲོ་བོ་བཞིའི་སྐབས་སུ་རྡོ་རྗེ་འཆང་དེ་ཉིད་ཁྲོ་བོ་བཞིའི་ཚུལ་དུ་བཞུགས་པར་བཤད་པ་ཡང༌། ཡུམ་བཞིའི་སྐབས་
4-2-77b


སུ་བཤད་པ་ལྟར་རྡོ་རྗེ་འཆང་ཉིད་དེ་དག་གི་གཟུགས་འཛིན་པར་སྤྲུལ་པའོ། །དཀྱིལ་འཁོར་གྱི་ནང་གི་ཕྱོགས་མཚམས་བརྒྱད་དང༌། སྒོ་བཞི་ན་བཞུགས་པ་སྒྲ་ཇི་བཞིན་པར་བཤད་པ་ནི། ཛི་ན་ཛིཀ་ལ་སོགས་པ་བཅུ་གཉིས་དྲང་ངེས་སུ་བཤད་པ་གཉིས་ཀ་ལ་སྦྱར་དགོས་སོ། །དེའི་ཕྱིར་ངེས་དོན་བཅུ་གཉིས་
ལ་ཡང་ལྷའི་རྣམ་པ་ཅན་གནས་དེ་དག་ཏུ་བཞུགས་པ་དགོས་ཤིང༌། བ་ཀ་གི་ངེས་དོན་གྱི་སྐབས་སུ་ཟུང་འཇུག་ལ་བཤད་པས་སྐུའི་རྣམ་པ་ཅན་དུ་གསལ་བར་མ་བཤད་པ་རྣམས་ཀྱང་ཟུང་འཇུག་གི་ལྷ་བཅུ་གསུམ་དབུས་དང་ཕྱོགས་མཚམས་དང་སྒོར་བཞུགས་པ་ལ་ངེས་པར་བྱའོ། །དེ་ལྟར་བྱས་ནས་སྔར་གླེང་
གཞིའི་སྐབས་ཀྱི་འཁོར་ཕུན་ཚོགས་རྗེས་འཇུག་ལ་བཤད་པ་ན། རིམ་པ་གཉིས་ཀྱི་དཀྱིལ་འཁོར་རྒྱལ་མཆོག་ལ་བཤད་པ་གཞུང་འདི་དག་གིས་གསལ་བར་བསྟན་པ་ཡིན་ནོ། །༽རྣམས་ཏེ། དམ་ཚིག་ལ་སེམས་པའི་དོན་ཡང༌བགེགས་ཐམས་ཅད་རྣམ་པར་འཇིགས་པར་མཛད་
པའི་ཕྱིན་ཏེ་སྒྲ་ཇི་བཞིན་པའོ།། ༈ དེ་ལྟར་སྒོ་རྣམ་པ་བཞིར་ཁྲོ་བོ་བཞི་བཀོད་ནས། ཤར་ཕྱོགས་ཀྱི་མཚམས་ཤར་ལྷོ་ནས་བརྩམས་ཏེ་མི་གཡོ་བ་ལ་སོགས་པ་བཞི་དགོད་པར་བྱའོ། །ཤར་ཕྱོགས་ཀྱི་སྣམ་བུ་ནས་བརྩམས་ཏེ་
བྱམས་པ་ལ་སོགས་པ་བརྒྱད་དགོད་དོ། །ནང་གི་དཀྱིལ་འཁོར་གྱི་ཕྱི་རོལ་གྱི་ཤར་ཕྱོགས་ཀྱི་མཚམས་ནས་བརྩམས་ཏེ་གཟུགས་རྡོ་རྗེ་ལ་སོགས་པ་བཞི་༼རྒྱུད་ཕྱི་མ་ལས། སྟེང་དུ་འཁོར་ལོ་འོག་གནོད་མཛེས། །ཞེས་གསུངས་པ་བཞིན་དུ་ཁྲོ་བོ་གཉིས་སྟེང་དང་འོག་ཏུ་
དགོད་དོ། །༽དགོད་དོ། །༼རེག་རྡོ་རྗེ་མ་ནི་གཙོ་བོ་དང་ལྷན་ཅིག་ཏུ་དགོད་དོ། །༽ཐམས་ཅད་ཀྱི་གདན་དང་ལ་སོགས་པས་སྐུ་མདོག་དང་ཞལ་ཕྱག་གི་གྲངས་ལ་སོགས་པའི་ངེས་པ་ནི་སྒྲུབ་པའི་ཐབས་མདོར་བྱས་སུ་བྱས་པ་ཉིད་ཡིན་ནོ། །ལྷའི་
4-2-78a


རྣལ་འབྱོར་ཇི་ལྟ་བ་ཉིད་དང་དཀྱིལ་འཁོར་བཅོམ་ལྡན་འདས་ཀྱིས་གཞན་དག་ཏུ་རྫོགས་པར་མ་གསུངས་པ་ནི། སློབ་དཔོན་མེད་པར་འཇུག་པར་མ་གྱུར་ཅིག་སྙམ་དུ་དགོངས་པ་ཡིན་ནོ། །གཞུང་དེ་དག་གི་དོན་ལ་སྔ་མ་རྣམས་
སྒྲོན་གསལ་དུ་བསྟན་པ་ལས་གཞན་རྩ་རྒྱུད་དུ་རྫོགས་པར་མ་གསུངས་པར་སྦས་པ་ལ་གསུམ་ལས། བྱང་སེམས་བརྒྱད་དང་རྡོ་རྗེ་མ་ལྔ་གླེང་གཞིར་གསུངས་པ་ནི་སྐབས་གཞན་དུ་སྦས་པའོ། །མཚམས་ཀྱི་ཁྲོ་བོ་རྣམས་ལེའུ་བཅུ་གསུམ་པར་གསུངས་པ་ནི་རྟོག་པ་གཞན་དུ་སྦས་པའོ། །འདི་དག་
ཀུན་རྡོ་རྗེ་འཕྲེང་བར་སྐུ་དཀྱིལ་གྱི་སྐབས་སུ་བསྟན་པ་ནི། རྒྱུད་གཞན་དུ་སྦས་པ་ཡིན་ཞེས་ཟེར་རོ། དེ་དག་གི་ལྟར་ན་ལྷ་བཅུ་གསུམ་གྱི་དཀྱིལ་འཁོར་སྟོན་པའི་སྐབས་འདིར་སྦས་པ་རྣམས། སྐབས་གཞན་དུ་བསྟན་པ་ཡིན་ཞེས་སྦྱོར་རྒྱུར་འདུག་པ་ལ། སྐབས་དེ་དག་ཏུ་སྦས་པར་བཤད་
སྣང་བས་སྐབས་དེར་གསལ་བར་བཤད་པ་རྣམས་སྐབས་དེ་དག་ཏུ་སྦས་པར་འཆད་པ་ནི་བྱུང་རྒྱལ་དུ་སྨྲ་བའོ། །ཕྱིས་ཀྱི་ཁ་ཅིག་གཞན་ཞེས་པ་གསང་འདུས་ལས་གཞན་བདེ་མཆོག་རྩ་རྒྱུད་ལ་སོགས་པར། རང་གི་ལྷའི་རྣལ་འབྱོར་དང༌། དཀྱིལ་འཁོར་གྱི་ལྷ་རྫོགས་པར་མ་གསུངས་པ་
དེ་བཞིན་དུ། འདུས་པ་འདིར་ཡང་མ་བསྟན་ཞེས་འཆད་དོ། །ཆག་འགྱུར་ལས། ལྷ་ཡི་རྣལ་འབྱོར་དང༌། དཀྱིལ་འཁོར་བཅོམ་ལྡན་འདས་ཀྱིས་གཞན་དག་ཏུ་ཡོངས་སུ་རྫོགས་པར་མ་གསུངས་པ་ནི། སློབ་དཔོན་མེད་པར་འཇུག་པར་མ་གྱུར་ཅིག་སྙམ་དུ་དགོངས་པ་ཇི་ལྟ་བ་དེ་བཞིན་
དུ་འདིར་ཡང་སྟེ། ཞེས་པ་འགྱུར་རྙིང་དང་མཐུན་པས། དགོངས་པ་ཞེས་པའི་མཐར། གོང་གི་ཇི་ལྟ་བ་དང༌། འོག་གི་དེ་བཞིན་དུ་འདི་ཡང་བལྟའོ། །ཞེས་པ་སྦྱར་རོ། །པ་ཚབ་ཀྱི་འགྱུར་ལས། སློབ་དཔོན་མེད་པར་འཇུག་པ་མི་རུང་ངོ་སྙམ་སྟེ། བཅོམ་ལྡན་འདས་ཀྱིས་གཞན་དུ་
4-2-78b


ལྷའི་རྣལ་འབྱོར་དང༌། དཀྱིལ་འཁོར་ཡོངས་སུ་ཚང་བ་གསུངས་པ་ཁོ་ན་ལྟར། འདིར་ཡང་ནི་མ་ཡིན་ནོ་ཞེས་འབྱུང་ངོ༌། །དེ་ལྟར་མི་མཐུན་པ་གཉིས་བྱུང་བ་ནི། འདིར་དགག་པའི་སྒྲ་ཡོད་པ་དེ་འགྱུར་སྔ་མ་གཉིས་ཀྱིས། རྫོགས་པར་ཞེས་པའི་མཇུག་ཏུ་བཏོན་ལ། འགྱུར་ཕྱི་མས་འདིར་ཡང་ནི་ཞེས་པའི་
མཇུག་ཏུ་བཏོན་པའི་ཁྱད་དོ། །དེ་ནི་འགྱུར་ཕྱི་མ་ལེགས་ཏེ། རྣམ་གཞག་ལས། ཇི་ལྟར་སྐུའི་དཀྱིལ་འཁོར་ལ་ཞེས་པ་ནས། ཕྱུང་བའི་དཀྱིལ་འཁོར་ལ་ཡང་ལྷ་རྣམས་དགོད་པར་འགྱུར་རོ། །དེ་ལྟ་མོད་ཀྱི་རྩ་བའི་རྒྱུད་ལས། ལྷ་རྣམས་དགོད་པ་རྫོགས་པར་མ་བསྟན་པ་ནི། འདི་ལྟར་སློབ་དཔོན་མེད་པར་
འཇུག་པར་མ་གྱུར་ཅིག་སྙམ་དུ་དགོངས་སོ། །ཞེས་རྡོ་རྗེ་འཕྲེང་བ་ལས་སྐུ་དཀྱིལ་ལ་ལྷ་རྣམས་དགོད་པ་རྫོགས་པར་བསྟན་མོད་ཀྱང༌། རྩ་རྒྱུད་ལས་དེ་ལྟར་མ་བསྟན་ཞེས་གསུངས་པ་དང་ཤིན་ཏུ་མཐུན་པའི་ཕྱིར་རོ། །དེས་ན་གཞན་དུ་ཞེས་པ་རྡོ་རྗེ་འཕྲེང་བར་ལྷའི་རྣལ་འབྱོར་དང༌། དཀྱིལ་འཁོར་གྱི་
ལྷ་ཚང་བར་གསུངས་པ་བཞིན་དུ། རྩ་རྒྱུད་འདིར་ཡང་མ་གསུངས་པ་ནི། རྩ་རྒྱུད་ཀྱི་དོན་བཤད་རྒྱུད་ཀྱིས་འཆད་པའི་སློབ་དཔོན་ལ་རག་ལས་པར་བྱ་བའི་ཕྱིར་ཡིན་ནོ།། ༈ འདུས་པའི་དཀྱིལ་འཁོར་རྫོགས་པ་ལ་ལྷ་སོ་གཉིས་དགོས་པར་གང་ལས་ཤེས་ཤེ་ན། རྣམ་གཞག་ལས།
ལུང་རིགས་གཉིས་ཀྱིས་སྒྲུབ་པར་བཤད་པའི་རིགས་པ་ནི། མངོན་སུམ་གྱིས་མི་འགྲུབ་པས་རྗེས་དཔག་གིས་སྒྲུབ་དགོས་ལ། དེ་ལ་གཏན་ཚིགས་སྐྱོན་མེད་དགོས་པས་ཇི་ལྟར་ཏེ་དཔེར་ན་སྐུ་སྟེ་ལུས་ཀྱི་འི་དཀྱིལ་འཁོར་ལ་ལྷ་སུམ་ཅུ་རྩ་གཉིས་དགོད་པ་འབྱུང་
བ་དེ་བཞིན་དུ་ཞེས་པ་ནི་མཐུན་དཔེའོ། །དེར་མ་ཟད་དཀྱིལ་འཁོར་རྒྱལ་མཆོག་གི་སྐབས་སུ་ཕྱུང་བའི་རྟེན་གྱི་དཀྱིལ་འཁོར་ལ་ཡང་ཞེས་པ་ནི་ཆོས་ཅན་ནོ། །སྐུའི་དཀྱིལ་འཁོར་དང་འདྲ་སྟེ། ཞེས་པ་ནི་ལྷ་སོ་གཉིས་དགོད་པར་བྱ་བ་ཡིན་ཏེ་ཞེས་པ་སྟེ་དམ་བཅའོ། །༼རྟགས་ནི་
4-2-79a


ཤུགས་ཀྱིས་ཤེས་ཏེ། འདུས་པའི་བརྟེན་པའི་དཀྱིལ་འཁོར་གྱི་ལྷ་རྫོགས་པར་འགོད་པའི་གཞི་ཡིན་པའི་ཕྱིར་རོ། །ཞེས་པའོ། །དེའི་ཚེ་རྟགས་ནི་གསར་དུ་སྒྲུབ་མི་དགོས་པས་མ་གྲུབ་པ་མེད་ལ། རྟགས་མཐུན་པའི་དཔེ་ལ་མཐོང་བས་འགལ་བ་ཡང་མིན་ནོ། །འདུས་པའི་
བརྟེན་པའི་དཀྱིལ་འཁོར་གྱི་ལྷ་རྫོགས་པར་འགོད་པའི་གཞི་ཡང་ཡིན་ལ། ལྷ་སོ་གཉིས་མི་འགོད་པ་ཡང་ཡིན་པ་ལ་གནོད་པ་སྟོན་པ་ནི། ལུས་དཀྱིལ་དང་གཉིས་པོ་ལྷ་མང་ཉུང་ཡོད་མེད་ལ་མགོ་མཚུངས་བྱས་པས་འགྲུབ་བོ། །དེ་ལྟར་དུ་བསྒྲུབ་པར་བྱ་ཡི། གཞན་རྣམས་ཀྱིས་ལུས་ལས་ལྷ་སོ་
གཉིས་འབྱུང་རུང་གི་རྟགས་མ་ངེས་པས། ལྷ་སོ་གཉིས་ཀྱི་རྒྱུ་ནུས་པ་ཐོགས་མེད་རྟགས་སུ་བྱས་ནས་ལུས་ལས་འབྱུང་བའི་ལྷ་ལ་སོ་གཉིས་ཡོད་པར་དཔོག་པ་ནི་རྣམ་བཞག་མ་ཆགས་པ་ཡིན་ཏེ། སྦྱོར་བ་དེ་ལ་རྟགས་གྲུབ་ན་བསྒྲུབ་བྱ་གྲུབ་པར་འགྱུར་བའི་ཕྱིར་དང༌། རྒྱུའི་གྲངས་ཀྱིས་འབྲས་
བུའི་གྲངས་དཔོག་པའི་རྟགས་ཤིན་ཏུ་འཁྲུལ་བའི་ཕྱིར་རོ། །༽དེ་བཞིན་དུ་འདིར་ཡང་བལྟའོ། །འདི་ལྟར་རེ་ཞིག་སྐུའི་དཀྱིལ་འཁོར་ཉིད་ཀྱི་ལྷ་སུམ་ཅུ་རྩ་གཉིས་དགོད་པར་ཤེས་པ་མེད་པར་བྱའོ། །དེ་ལ་བརྟེན་ནས་ཕྱུང་བའི་དཀྱིལ་འཁོར་ལ་ལྷ་སོ་གཉིས་
དགོད་པ་འདི་ཇི་ལྟར་ཤེས་ཞེ་ན། ༼འདི་ལྟར་ཞེས་པ་འགྱུར་གསར་གཉིས་ཀ་ལ་མེད་དེ་དགོས་ཀྱང་མི་དགོས་སོ། །༸སྐུའི་དཀྱིལ་འཁོར་ཉིད་ཀྱི་རེ་ཞིག་ལྷ་སུམ་ཅུ་རྩ་གཉིས་དགོད་པ་ཤེས་པ་མེད་པར་ཟེར། ༽དེའི་ལན་བརྗོད་པར་བྱ་སྟེ། བཅོམ་ལྡན་འདས་
ཉིད་ཀྱིས་དོན་འདི་བཤད་པའི་རྒྱུད་ལས་རྣམ་པར་ཕྱེ་བས། གསང་བ་འདུས་པ་༼འདུས་པའི་ཐེ་ཚོམ་ཟེར་༽པའི་གང་ཟག་གི་ལྷ་སོ་གཉིས་བྱེད་དམ་མི་བྱེད་སྙམ་པའི་དོན་ཐེ་ཚོམ་མེད་པར་བྱས་པ་ལ་འཇུག་པར་བྱ་སྟེ། སེམས་ཀྱིས་གཞན་
4-2-79b


ནི་མི་བསམ་པར། །ཏེ། མ་ཡེངས་པར་རྩེ་གཅིག་ཏུ་གྱིས་ལ། ཕྱག་རྡོར་ལ་སེམས་དཔའ་ཆེན་པོ་ཞེས་བོས་ནས། ཁྱེད་ཀྱིས་མཉན་པར་གྱིས། །ཞེས་ཉན་པར་བསྐུལ་ལོ། །རྡོ་རྗེ་སློབ་དཔོན་ནི་འདིར་རྡོ་རྗེ་འཆང་སྟེ། དེའི་ངོ་བོར་ལྟ་བའི་སློབ་དཔོན་དང་ཤིན་ཏུ་རྣལ་འབྱོར་གྱི་སྐབས་
སུ་རྡོ་རྗེ་འཆང་དུ་བསྐྱེད་པའི་ལུས་འདི་ལ། །རྒྱལ་བ་རྣམ་སྣང་ལ་སོགས་པའི་སྐུ་ནི་རིམ་པ་བཞིན་དུ་གནས། །སོ་ཞེས་མདོར་བསྟན་ནོ། །དེ་རྒྱས་པར་འཆད་པ་ནི་དང་པོ་སྐུ་ཡི་རྡོ་རྗེ་རྣམ་སྣང་ནི། །སྒྲུབ་པ་པོའི་གཟུགས་ཕུང་ལ་ནི་ཡང་དག་བཞུགས། །
ལེའུ་དྲུག་པ་ལས་རྗེས་ཆགས་ཀྱི་ང་རྒྱལ་རིན་འབྱུང་གི་སྒོ་ནས་བྱ་བར་གསུངས་པས། རྗེས་སུ་ཆགས་པའི་རྡོ་རྗེ་རིན་འབྱུང་ནི། །ཚོར་བ་ཡི་ནི་ཕུང་པོར་བཞུགས། །བཅོམ་ལྡན་གསུང་༼ཞེས་པ་དེའི་ངོ་བོ་ཉིད་དུ་མོས་ནས་བཞུགས་པ་སྟེ་འདི་ལྷག་མ་རྣམས་ལ་ཡང་སྦྱར་རོ། །
༽གི་རྡོ་རྗེ་སྣང་མཐའ་ནི། །འདུ་ཤེས་ཀྱི་ནི་ཕུང་པོར་བཞུགས། །ལེའུ་དྲུག་པ་ལས་མཆོད་པའི་ང་རྒྱལ་དོན་གྲུབ་ཀྱི་སྒོ་ནས་བྱ་བར་གསུངས་པས། མཆོད་པ་ཀུན་གྱི་རྡོ་རྗེ་དོན་གྲུབ་ནི། །འདུ་བྱེད་ཀྱི་ནི་ཕུང་པོར་བཞུགས། །བཅོམ་ལྡན་ཐུགས་ཀྱི་རྡོ་རྗེ་མི་
བསྐྱོད་པ་ནོ། །རྣམ་ཤེས་ཕུང་པོར་ཡང་དག་བཞུགས། །རིགས་ལྔ་བཞུགས་པར་མ་ཟད་ཡང་སྒྲུབ་པ་པོ་འདིའི་ཤ་ལ་སོགས་པའི་སྲ་བ་སའི་ཁམས་ལ། །བཅོམ་ལྡན་འདས་མ་ཡུམ་སྤྱན་མ་བཞུགས་སོ། །ཁྲག་སོགས་ཆུ་ཡི་ཁམས་
ལ་ནི། །བཅོམ་ལྡན་འདས་ཡུམ་མཱ་མ་ཀཱི་བཞུགས། །དྲོ་བ་ལ་སོགས་མེ་ཁམས་ལ། །བཅོམ་ལྡན་འདས་ཡུམ་གོས་དཀར་བཞུགས། །ཡན་ལག་བསྐྱོད་པ་ལ་སོགས་༼སྒྲུབ་པ་པོའི་ཞེས་པ་ནི་མི་གསལ་བ་ལྷག་མ་རྣམས་ལ་ཡང་སྦྱར་རོ། །
4-2-80a


རླུང་ཁམས་ལ། །བཅོམ་ལྡན་འདས་ཡུམ་སྒྲོལ་མ་བཞུགས། །སྒྲུབ་པ་པོ་དེའི་མིག་གི་དབང་པོ་གཡས་གཡོན་གཉིས་ལ་ནི། །དེ་བཞིན་གཤེགས་པ་ས་སྙིང་པོ། །དེ་ཡི་རྣ་བའི་དབང་གཉིས་ལ། །བདེ་གཤེགས་ཕྱག་
ན་རྡོ་རྗེ་འོ། །དེ་ཡི་སྣ་ཡི་དབང་པོ་ལ། །དེ་བཞིན་གཤེགས་པ་མཁའ་སྙིང་པོ། །དེ་ཡི་ལྕེ་དབང་ལ་བཞུགས་པ། །དེ་བཞིན་གཤེགས་པ་འཇིག་རྟེན་དབང༌། །ས་ལ་སོགས་པའི་ཁམས་བཞིའི་རང་བཞིན་གོང་བུ་ནི། །ལུས་ཞེས་བྱ་བར་གདགས་པ་ལ། །སྒྲིབ་པ་
ཐམས་ཅད་རྣམ་པར་སེལ་བ། །ཞེས་པའི་དེ་བཞིན་གཤེགས་པ་དེར་བཞུགས་སོ། །དེ་ཡི་ཡིད་ཀྱི་དབང་པོ་ལ། །དེ་བཞིན་གཤེགས་པ་འཇམ་དབྱངས་བཞུགས། །ལུས་ཀྱི་ཚིགས་ནི་ཐམས་ཅད་ལ། །དེ་བཞིན་གཤེགས་པ་ཀུན་ཏུ་བཟང༌། །ལུས་ཀྱི་
རྩ་རྒྱུས་ཐམས་ཅད་ལ། །དེ་བཞིན་གཤེགས་པ་བྱམས་པ་འོ། །ལག་པ་གཡས་པའི་རྩ་བར་ནི། །དེ་བཞིན་གཤེགས་པ་གཤིན་རྗེ་གཤེད། །ལག་པ་གཡོན་པའི་རྩ་བར་ནི། །བདེ་གཤེགས་གཞན་གྱིས་མི་ཐུབ་པ། །ཁ་ཡི་པདྨར་བཞུགས་པ་ནི། །དེ་
བཞིན་གཤེགས་པ་རྟ་མགྲིན་ནོ། །གསང་བའི་གནས་སུ་བཞུགས་པ་ནི། །དེ་བཞིན་གཤེགས་པ་བདུད་རྩིར་འཁྱིལ། །དཔུང་པ་གཡས་པར་བཞུགས་པ་ནི། །དེ་བཞིན་གཤེགས་པ་མི་གཡོ་བ། །དཔུང་པ་གཡོན་པར་བཞུགས་པ་ནི། །དེ་བཞིན་གཤེགས་
པ་འདོད་པའི་རྒྱལ། །པུས་མོ་གཡས་ལ་བཞུགས་པ་ནི། །དེ་བཞིན་གཤེགས་པ་དབྱིག་པ་སྔོ། །པུས་མོ་གཡོན་པར་བཞུགས་པ་ནི། །དེ་བཞིན་གཤེགས་པ་སྟོབས་པོ་ཆེ། །རང་གི་སྤྱི་བོར་བཞུགས་པ་ནི། །དེ་བཞིན་གཤེགས་པ་འཁོར་ལོས་སྒྱུར། །
4-2-80b


འོག་གི་རྐང་པའི་མཐིལ་དུ་ར་བཞུགས་པ་ནི། །དེ་བཞིན་གཤེགས་པ་གནོད་མཛེས་ཏེ། །ལྷ་དགོད་པའི་གཞིར་གྱུར་པའི་སྒྲུབ་པ་པོའི་ལུས་ནི་འདི་ཉིད་ཀུན་ལ་འདིར། །དེ་བཞིན་གཤེགས་པ་ཐམས་ཅད་བཞུགས། །སྐུ་ཡི་དཀྱིལ་འཁོར་ཞེས་བརྗོད་པ། །རྡོ་རྗེ་
སློབ་དཔོན་ཉིད་ཀྱི་ལུས། །སངས་རྒྱས་རྣམས་ཀྱི་སྐུ་རྫོགས་པ། །འདི་དག་མ་ལུས་རྫོགས་སངས་རྒྱས། །༽ལུས་ནི་འདི་ཉིད་ཅེས་པ་ནས། རྫོགས་སངས་རྒྱས་ཀྱི་བར་གྱི་རྐང་པ་དྲུག་ནི་དོན་བསྡུ་བའོ། །༼རྡོ་རྗེ་འཆང་གི་སྐུར་ལེགས་པར་བྱས་ནས་བསྟན་༼
རྫོགས་སངས་རྒྱས་འདི་མ་ལུས་རྣམས། །སྐུ་ཡི་སངས་རྒྱས་རྫོགས་པ་འོ། །ཞེས་ཏེ་སྔར་བཤད་པའི་རྫོགས་སངས་རྒྱས་འདི་མ་ལུས་པ་རྣམས་སྐུ་སྟེ་ལུས་ཀྱི་དཀྱིལ་འཁོར་གྱི་སངས་རྒྱས་རྫོགས་པའོ། །༸རྣམ་གཞག་ལས། ལུས་ལ་ལྷ་རྫོགས་པར་འགོད་པ་རྒྱུད་འདི་ལས་གསུངས་པར་བཤད་པ་དང༌། 
འགྲེལ་པ་འདི་ཉིད་ལས་ཀྱང་ལུས་ལ་ལྷ་སོ་གཉིས་དགོད་པ་རྒྱུད་ལས་འབྱུང་བར་བཤད་ན། རྒྱུད་ལས་ནི་རྡོ་རྗེ་མ་ལྔ་དགོད་པ་མ་གསུངས་པ་ཇི་ལྟར་ཡིན་སྙམ་ན། རྣམ་གཞག་ལས། སྒྲུབ་པ་པོའི་སྐུ་དཀྱིལ་གྱི་སྐབས་སུ་རྡོ་རྗེ་མ་ལྔ་དགོད་པར་གསུངས་ལ། དེ་ཡང་ཡབ་ལ་འགོད་པའི་སྐབས་ཡིན་པས་ཡབ་ཡུམ་
གཉིས་ཀ་བསྡོམས་པ་ལ་ལྷ་སོ་གཉིས་ཡིན་གྱི། ཡབ་རྐྱང་ལ་སོ་གཉིས་མེད་ཅེས་ཟེར་བ་ནི་ལོག་པར་སྨྲ་བའོ། །ཡབ་ཀྱི་ལུས་དཀྱིལ་ལ་རྡོ་རྗེ་མ་ལྔ་དགོད་པ་གསལ་བར་མ་བཤད་པ་ནི། མིག་སོགས་ཀྱི་དབང་པོ་གྲུབ་ན་དེ་དག་གི་ལོངས་སྤྱོད་བྱའི་ཡུལ་ལྔ་དེའི་དབང་གིས་འགྲུབ་པ་ལྟར་མིག་སོགས་ལྔའི་
རང་བཞིན་ས་སྙིང་སོགས་ཡབ་ལྔར་དངོས་སུ་བསྟན་པའི་ཤུགས་ཀྱིས། ལོངས་སྤྱོད་བྱའི་ཡུམ་ལྔ་གོ་ནུས་པའི་ཕྱིར་རམ། ཡང་ན་རྒྱུད་དེ་ཉིད་ལས་ལྷག་མོས་ཀྱི་དཀྱིལ་འཁོར་གྱི་ལྷ་ཚང་བ་ལུས་ལ་བསྡུས་ནས་འོད་གསལ་དུ་འཇུག་པའི་སྐབས་སུ། རྡོ་རྗེ་མ་ལྔ་འོད་གསལ་དུ་འཇུག་པར་བཤད་པས་གོ་
4-2-81a


ནུས་པ་ལ་དགོངས་ཏེ། མདོར་བྱས་ཀྱི་དགོངས་པ་ཡང་དེ་བཞིན་དུ་ཤེས་པར་བྱའོ། །༼པའི་ལུས་དཀྱིལ་བསྒོམ་པ་ནི། །མི་གནས་པའི་མྱ་ངན་ལས་འདས་པ་ཟུང་འཇུག་ཐོབ་པ་ལ་འཇུག་པར་འགྱུར། །ཏེ། མྱ་ངན་ལས་འདས་པ་
ཟུང་འཇུག་མྱུར་དུ་སྟེ་ཚེ་འདི་ལ་ཐོབ་པའི། །ཁྱེད་ཀྱི་དགེ་བའི་རྩ་བ་ཡོངས་སུ་སྨིན་པར། །འགྱུར་རོ། །རྒྱུ་མཚན་དེ་བས་ན་རྡོ་རྗེ་སློབ་དཔོན་གྱི། །ལུས་ལ་རྒྱལ་བ་སངས་རྒྱས་ཐམས་ཅད་བཞུགས། །པར་སྟོན་པའི་བླ་མ་བསྟེན་པར་བྱའོ་ཞེས་སྦྲེལ་ལོ། །
མཐོང་ན་དོན་ནི་ཡོད་པའི་ཀྱེ། །ཕྱི་མའི་དུས་ན་སེམས་དཔའ་ཆེན། །པོ་ཞེས་བོས་ནས། དེ་བས་ལས་དང་པོ་པའི་སེམས་ཅན་ཐམས་ཅད་ཀྱིས། །རབ་ཏུ་འབད་དེ་བླ་མ་བསྟེན། །པར་བྱོས་ཤིག། དེ་ལྟར་གསུངས་པ་དེ་ནས་མཐོང་བ་དོན་ཡོད་ཕྱག་རྡོར་
དང་བཅས། །པའི། བྱང་ཆུབ་སེམས་དཔའ་གྲགས་པ་ཆེན་པོ་ཅན་རྣམས། ཐོག་མར་དགའ་ཞིང་བར་དུ་༼དང་པོའི་ལས་ཅན་སེམས་ཅན་གྱིས་ཟེར། ༽མགུ་ལ་མཐར་རབ་ཏུ་དང་བས། །ཀུན་ནས་བསླངས་ཏེ་ཕྱག་འཚལ་ནས་ནི་
མཆི་མ་བླགས། །པ་སྟེ་ཕྱུང་ངོ༌། །ཞེས་རྡོ་རྗེ་འཕྲེང་བ་ལས་གསུངས་སོ། །༼གལ་ཏེ་འཕྲེང་བར་དབང་གི་དཀྱིལ་འཁོར་གྱི་སྐབས་སུ་དཀྱིལ་འཁོར་ལ་ལྷ་སོ་གཉིས་དགོད་པ་དང༌། མཚན་མ་རྣམས་འགོད་པ་གསལ་བར་གསུངས་པ་དེས། འདུས་པའི་དཀྱིལ་འཁོར་ལ་ལྷ་སོ་
གཉིས་ཡོད་པར་མི་སྒྲུབ་པར་སྐུ་དཀྱིལ་ལ་བརྟེན་ནས་སྒྲུབ་པ་འགྲུབ་པར་དཀའ་བ་འདིས་སྒྲུབ་པ་ཅི་ཡིན་སྙམ་ན། དེ་ནི་བདེན་མོད་ཀྱང༌། ལུས་དཀྱིལ་དང་ཕྱི་དཀྱིལ་གཉིས་ཀ་ལ་ལྷ་སོ་གཉིས་ཡོད་པ་ཕྱོགས་གཅིག་ཏུ་བསྒྲུབ་པའི་ཕྱིར་མཛད་པའོ། །༽སྒོམ་པའི་དཀྱིལ་འཁོར་ལ་ལྷ་སོ་
4-2-81b


གཉིས་ཡོད་པར་སྒྲུབ་པའི་རིགས་པ་འདིས་ན། །ཚོན་གྱིས་བྲི་བའི་དཀྱིལ་འཁོར་དུ་ཡང་ལྷ་སུམ་ཅུ་རྩ་གཉིས་སམ་མཚན་མ་སོ་གཉིས་དགོད་པར་བྱའོ། །རྡོ་རྗེ་འཕྲེང་བ་ལས་སྔར་ལྟར་གསུངས་པར་མ་ཟད་གླེང་གཞིའི་དབང་དུ་མཛད་ནས་ཀྱང་ལྷ་སོ་གཉིས་ཀྱི་
དོན་གང་ཡིན་པ་དེ་བསྟན་པ་ཡིན་ནོ། །སྐུ་དཀྱིལ་བཤད་པའི་སྐབས་སུ་རྩ་རྒྱུད་ཀྱི་དོན་ལྷག་མ་གསུང་དཀྱིལ་དང་ཐུགས་དཀྱིལ་༼འགྱུར་རྙིང་ལས། ཞེས་བྱ་བ་ཡོད་མེད་གཉིས་འབྱུང་ཡང་མེད་པ་དག་གོ། ༽རྣམས་སྐུ་གསུང་ཐུགས་ཀྱི་དཀྱིལ་འཁོར་གྱི་ལེའུ་༼
རྒྱུད་དེར་གླེང་གཞིའི་སྐབས་སུ་མིང་མི་འདྲ་བ་བཏགས་པའི་ལྷ་དངོས་སུ་སྨོས་པ་ལ་ལྷ་སོ་གཉིས་གསུངས་པ་དེས་ཀྱང་ལྷ་སོ་གཉིས་སུ་འགྲུབ་ཅེས་པའི་དོན་ནོ། །༽དེ་ཉིད་དུ་བཤད་མོད་ཀྱི་འདིར་འདྲེན་པ་སྐབས་ལ་བབ་པམ་ཡིན་པས་མ་དྲངས་སོ་ནོ།། ༈ དེ་
བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་ལས། དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་དཀྱིལ་འཁོར་བྱིན་གྱིས་རློབ་པ་ཞེས་བྱ་བའི་ལེའུ་ཞེས་བྱ་བ་ནི། སྐུ་དང་གསུང་དང་ཐུགས་
ཀྱི་གསང་བ་གསུམ་ལ་གཟིགས་ནས་སྐུ་དང་གསུང་གཉིས་ཐུགས་སུ་ཆུད་པར་ཏེ་རྡོ་རྗེ་གསུམ་མི་ཕྱེད་པར་སྦྱར་བར་མཛད་པས་ན་གསང་བ་འདུས་པ་སྟེ། རྒྱུད་དེ་ལས་ཏིང་ངེ་འཛིན་གྱི་དཀྱིལ་འཁོར་བྱིན་གྱིས་རློབ་པ་སྟེ་སྐྱེད་པ་གང་ཡིན་པ་དེ་ལ་མིང་
དེ་སྐད་ཅེས་བྱའོ། །ལེའུ་ཞེས་བྱ་བ་ནི་ལེའུའི་སྐད་དོད་པ་ཊ་ལའི་པ་ཊ་གོས་སམ་སྣམ་བུ་ལ་འཇུག་སྟེ། ཇི་ལྟར་ཏེ། དཔེར་ན་གོས་ཀྱིས་མཆུ་སྦྲང་སྟེ། སྦྲང་བུ་མཆུ་རིངས་ལ་སོགས་པའི་ཉེ་བར་འཚེ་བ་བཟློག་པ་དེ་བཞིན་དུ་རྒྱུད་ཀྱི་དོན་རིམ་པ་གཉིས་པོ་
4-2-82a


འདིས་ཆགས་སོགས་ཉོན་མོངས་པ་དང་ཟག་བཅས་ཀྱི་དགེ་མི་དགེའི་ལས་དང་སྐྱེ་གནས་བཞིར་ཉིང་མཚམས་སྦྱོར་བའི་སྐྱེ་བའི་ཉེ་བར་འཚེ་བ་བཟློག་པས་ན་གོས་དང་འདྲ་བའི་ཕྱིར་ལེའུའོ། །ལ་ནི་ལཱ་ཏི་ནི་ལེན་པར་བྱེད་དོ་ཞེས་པ་སྟེ་ཉེར་
འཚེ་ཟློག་བྱེད་དེ་གཞུང་འདིས་བརྗོད་བྱར་ལེན་ཅིང་འཛིན་པར་བྱེད་པས་ན་དེ་སྟོན་པའི་གཞུང་གི་ཚོགས་ལ་ཡང་ལེའུ་ཞེས་བྱའོ། །༼འདིར་དཔེ་ཁ་ཅིག་ཏུ་དྲང་ངེས་ཀྱི་བཤད་པ་གཉིས་ཡོད་དེ། ཕྱིས་གཞན་གྱིས་བཅུག་པ་ཡིན་གསུང་བ་ནི་དེ་བཞིན་དུ་ཡིན་ནོ། ། 
༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་འགྲེལ་པ་ལས་ལེའུ་དང་པོ་མཐའ་དྲུག་གིས་བཤད་པའོ། ༼གཞུང་རྣམས་ལ་འཆད་ཚུལ་གཉིས་ཡོད་ཀྱང༌། ཚུལ་བཞིའི་བཤད་པ་མ་སྨོས་པ་ནི། བཤད་པ་དེ་མཐའ་དྲུག་གི་བཤད་པར་འདུ་བ་ལ་དགོངས་
ཏེ། ལེའུ་ལྷག་མ་ཐམས་ཅད་ལ་ཡང་དེ་བཞིན་དུ་ཤེས་པར་བྱའོ། །སྤྱིར་མཐའ་དྲུག་གིས་བཤད་ཅེས་པ་ལ་དྲུག་ཀ་ཚང་བ་མི་དགོས་ལ། ལེའུ་དང་པོ་ལ་མཐའ་དྲུག་གི་ལྔས་བཤད་པ་ཡོད་ཅིང༌། སྒྲ་ཇི་བཞིན་མ་ཡིན་པའི་བཤད་པ་གསལ་བར་མ་མཛད་ཀྱང༌། གླེང་གཞིའི་ཡི་གེ་རེ་རེས་སྐབས་ཀྱི་
དོན་དེ་རྣམས་སྟོན་པ་ལྟ་བུ་རྣམས་ལ་ནི་སྒྲ་ཇི་བཞིན་མ་ཡིན་པའི་དོན་ཚང་བས། མཐའ་དྲུག་ཀའི་བཤད་པ་ཡོད་དོ། །༽ལེ་དང་གི་འགྲེལ་པར་བཤད་པ་དེ་ལྟར་ལེའུ་དང་པོར་རིམ་གཉིས་ཀྱིས་ལུས་ཐམས་ཅད་བསྟན་ནས་ལེའུ་
འདིར་བསྐྱེད་རིམ་ཅུང་ཟད་སྟོན་ཀྱང་གཙོ་བོར་ལེ་དང་ལས་༼འགྱུར་རྙིང་ཕལ་མོ་ཆེ་དང་འགྲེལ་བཤད་ལས། ཐམས་ཅད་བསྐྱེད་ནས་ཞེས་དང༌། འགྱུར་རྙིང་འགའ་ཞིག་དང་འགྱུར་གསར་གཉིས་ལས། ཐམས་ཅད་བསྒྲུབས་ནས་ཞེས་དང༌། འགྱུར་རྙིང་རེ་རེ་ཙམ་ལས་ཐམས་ཅད་བསྟན་ནས་ཞེས་འབྱུང་བ་ནི་རྒྱ་
4-2-82b


དཔེ་མི་འདྲ་བའི་ལུགས་སུ་སྣང་ནའང་ཕྱི་མ་དག་གོ། ༈ གསུངས་པའི་སྒྱུ་ལུས་དང༌། འོད་གསལ་དང་ཟུང་འཇུག་གི་བྱང་ཆུབ་ཀྱི་སེམས་ཀྱི་རྫོགས་པའི་རིམ་པ་གསལ་བར་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གཉིས་པ་བྱང་ཆུབ་ཀྱི་སེམས་
ཀྱི་ལེའུ་གསུངས་ཏེ། དེ་ནས་བཅོམ་ལྡན་འདས་ལ་ཕྱག་འཚལ་ནས་འདི་སྐད་ཅེས་གསོལ་ཏོ་ཞེས་བྱ་བར་སྦྱར་རོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་ནི་རྡོ་རྗེ་འཆང་ཆེན་པོ་ཡིན་ལ། དེ་
ལ་འཁོར་གྱི་དེ་བཞིན་གཤེགས་པ་རྣམས་ཀྱིས་ཕྱི་ནང་གི་མཆོད་པ་དང་ཕྱག་བྱས་ནས་བཅོམ་ལྡན་འདས་ལ་གསོལ་བ་བཏབ་པ་སྟེ། གང་གིས་ན་བཅོམ་ལྡན་འདས་ཀྱིས་སོ། །གང་ན་དྲང་ངེས་ཀྱི་བླ་ན་མེད་པའི་བྱང་ཆུབ་ཀྱི་སེམས་བསྐྱེད་པའོ། །བཤད་དུ་
གསོལ་ཞེས་བྱ་བར་སྦྱར་རོ། །བྱང་ཆུབ་ཀྱི་སེམས་དེའི་ཁྱད་པར་བཞི་ལས་ངོ་བོའི་ཁྱད་པར་ནི་སྐུ་དང་གསུང་དང་ཐུགས་ཀྱི་རྡོ་རྗེ་གསུམ་དབྱེར་གྱི་མི་ཕྱེད་པའི་ངོ་བོ་ཉིད་དེ། དེ་ནི། །འོ་ན་འདི་ཡི་བྱང་ཆུབ་ཀྱི་སེམས་ལ་བསྐྱེད་རིམ་ཡང་ཡོད་ལ། རྡོ་རྗེ་གསུམ་
མི་ཕྱེད་པ་དངོས་ནི་རྫོགས་རིམ་ལ་གཞག་དགོས་པས་ཁྱད་པར་དང་པོ་མི་འཐད་དོ་སྙམ་ན་སྐྱོན་མེད་དེ། རྒྱུ་བསྐྱེད་རིམ་པའི་བྱང་ཆུབ་ཀྱི་སེམས་ལ་འབྲས་བུ་རྫོགས་རིམ་པའི་བྱང་ཆུབ་ཀྱི་སེམས་ཀྱི་མིང་གི་ཉེ་བར་གདགས་པ་ཡིན་པས་སོ། །མཆོག་གི་དོན་
ནོ་གོ། ཟབ་པའི་ཁྱད་པར་ནི་བྱ་བའི་རྒྱུད་དང༌༼འགྱུར་རྙིང་ཕལ་མོ་ཆེ་ལས། རྒྱུ་དང་འབྲས་བུ་ཞེས་འབྱུང་ཡང་། རེ་རེ་ཙམ་ལས་རྒྱུ་ལ་འབྲས་བུ་ཞེས་འབྱུང་བ་དག་ལ། འགྱུར་གསར་གཉིས་ལས་ཀྱང་དེ་ལྟར་འབྱུང་ངོ༌། །༼ལ་སོགས་པས་བསྡུས་པ་སྤྱོད་པ་རྣལ་འབྱོར་
4-2-83a


གྱི་རྒྱུད་ལ་གནས་པའི་གདུལ་བྱ་རྣམས་ལ་མི་བསྟན་པས་དེ་བཞིན་གཤེགས་པ་ཀུན་གྱི་གསང་བའི་གནས་སོ་འོ། །གོང་ན་མེད་པའི་ཁྱད་པར་ནི་རྒྱུད་དེ་གསུམ་གྱི་གདུལ་བྱ་ལ་ཡང་གསང་དགོས་པ་དེ་ཉིད་ཀྱིས་ན་རྣལ་འབྱོར་བླ་ན་མེད་
པ་ཡི་འོ། །བྱེད་ལས་ཀྱི་ཁྱད་པར་ནི། ཐར་པ་དང་ཐམས་ཅད་མཁྱེན་པ་ཐོབ་པ་ལ་སྒྲིབ་པ་སྟེ། གེགས་བྱེད་པའི་སྒྲིབ་གཉིས་ཐམས་ཅད་ལས་ཚེ་འདི་ཉིད་ལ་རྣམ་པར་གྲོལ་བར་བྱེད་པས་ན་ལམ་གྱི་སྙིང་པོའོ།། ༈ དེ་ནས་བཅོམ་ལྡན་འདས་ཀྱིས། 
བྱང་ཆུབ་སེམས་དཔའ་དེ་དག་ལ་འདི་སྐད་ཅེས་བཀའ་སྩལ་ཏོ། །ཞེས་བྱ་བར་སྦྱར་ཏེ། སེམས་ཀྱི་ཡོངས་སུ་རྟོག་པ་ཞེས་བྱ་བ་ལ་སོགས་པ་ལ་སེམས་ཀྱི་རྟོག་པ་ནི་གལ་ཏེ་བཅོམ་ལྡན་འདས་ཀྱིས་བདག་ཅག་རྣམས་ལ་འོད་གསལ་གྱིས་༼
བྱང་ཆུབ་ཀྱི་སེམས་བསྐྱེད་པ་བཤད་པར་དེ་བཞིན་གཤེགས་པ་རྣམས་ཀྱིས་གསོལ་བ་བཏབ་ཀྱང་། ལན་བྱང་སེམས་ལ་བཀའ་སྩལ་པ་ནི། འོག་གི་བྱང་ཆུབ་ཀྱི་སེམས་འདི་རྣམས་བྱང་སེམས་ཀྱིས་བསྐྱེད་དགོས་ཀྱི། དེ་བཞིན་གཤེགས་པས་གསར་དུ་མི་བསྐྱེད་པ་ལ་དགོངས་ནས་སོ། །
༼ཡོངས་སུ་དག་པར་བྱས་པའི་ཟུང་འཇུག་གི་ལྷའི་སྐུ་བསྐྱེད་པའི་ཕྱིར། བྱང་ཆུབ་ཆེན་པོའི་སེམས་བསྐྱེད་ཚུལ་གྱི་གདམས་ངག་བསྟན་པར་མཛད་ན། བསྟན་པ་དེས་ནི་སེམས་ཅན་གྱི་དོན་ཆེན་པོ་བྱེད་པར་འགྱུར་རོ་སྙམ་པ་སྟེ། དེ་ནི་སེམས་ཀྱིས་རྟོག་པ་
ཞེས་བྱ་བའི་ཚིག་གི་དོན་ཏོ་འོ། །དེ་བཞིན་གཤེགས་པ་རྣམས་ཀྱི་གསོལ་བ་བཏབ་པ་མཁྱེན་ཅིང་། བྱང་སེམས་རྣམས་ཀྱིས་དེ་ལྟ་བུའི་སེམས་ཀྱི་ཡོངས་སུ་རྟོག་པ་ཡང་ཐུགས་ཀྱིས་མཁྱེན་ནས་འདི་སྐད་ཅེས་བཀའ་སྩལ་པ་སྟེ། སྒྲ་ཇི་བཞིན་པའོ། །
4-2-83b


༈ བྱང་སེམས་ཁྱེད་རྣམས་ཀྱིས་ཞེས་བྱ་བ་ལ་སོགས་པ་ལ། སེམས་ལུས་ལྟ་བུ་དང་ཞེས་བྱ་བ་ནི་རང་གི་སེམས་སྐུ་རྡོ་རྗེའི་ལྟ་བུ་སྟེ། རྣམ་པར་སྐྱེད་ཅིག་པའོ་རོ། །ལུས་སེམས་ལྟ་བུ་དང་ཞེས་བྱ་བ་ནི་རང་གི་ལུས་ཐུགས་རྡོ་རྗེའི་ལྟ་བུ་སྟེ་རྣམ་
པར་སྐྱེད་ཅིག་པའོ་རོ། །༼བ་ནི་སེམས་སྐྱེད་པ་པོ་སྟེ་རིམ་གཉིས་ཀྱི་སེམས་སྐྱེད་པ་པོ་གཉིས་དང་སྦྱར་རོ། །༽སེམས་ཚིག་ཏུ་བརྗོད་པ་ལྟ་བུར་ཞེས་བྱ་བ་ནི་ཚིག་ཏུ་བརྗོད་པ་ནི་ངག་ཏུ་སྨྲ་བ་སྟེ་དེ་ཡིན་ལ་དེ་ཡང་སྐབས་འདིར་གསུང་རྡོ་རྗེར་བྱ་དགོས་པ་དེས་ན་རང་གི་
སེམས་གསུང་རྡོ་རྗེའི་ལྟ་བུ་སྟེ་རྣམ་པར་བསྐྱེད་པར་བྱ་བའི་དོན་ཏོ། །༼ལྟ་བུ་དང་རྣམ་པ་ནི་སྐད་དོད་ཀྱི་སྟེང་ནས་གཉིས་ཀ་ལ་བསྒྱུར་དུ་རུང་ཡང༌། འདི་འདྲའི་སྐབས་སུ་རྣམ་པ་ལ་བྱའོ། །ལུས་ངག་ཡིད་གསུམ་རིམ་པ་བཞིན་དུ་རྡོ་རྗེ་གསུམ་དུ་བསྐྱེད་པ་ལ་དོགས་པ་ཆུང་ཞིང༌། ཐོབ་
བྱའི་ལུས་དང་ངག་གི་རྡོ་རྗེ་ཡང་གཞི་དུས་བཞིན་བེམ་པོ་ཡིན་ནམ་སྙམ་པ་བཟློག་པའི་ཕྱིར་དུ། སེམས་ཉིད་སྐུ་དང་གསུང་རྡོ་རྗེར་བསྐྱེད་པར་གསུངས་ལ།  སེམས་ཐུགས་རྡོ་རྗེར་བསྐྱེད་དུ་མི་རུང་ངམ་སྙམ་པ་ཤས་ཆུང་ཞིང༌། ལུས་ཐུགས་རྡོ་རྗེར་བསྐྱེད་དུ་མི་རུང་ངམ་སྙམ་པ་མང་བས། ལུས་ཐུགས་
རྡོ་རྗེར་བསྐྱེད་པར་གསུངས་ལ། དེས་ངག་ཐུགས་རྡོ་རྗེར་བསྐྱེད་པ་ཡང་ཤེས་པར་བྱའོ། །དེ་རྣམས་ནི་སྐྱེད་ཅིག་ཅེས་པ་ཚིག་སྔ་མ་གསུམ་པོ་རེ་རེའི་མཐར་སྦྱར་བའི་བཤད་པ་སྟེ། བསྐྱེད་རིམ་ལ་སྦྱར་ན་སྐུ་གསུང་ཐུགས་སོ་སོར་བྱིན་གྱིས་བརླབ་པའོ། །༽ཡང་སྐྱེད་ཅིག་ཅེས་བྱ་བ་སོ་སོར་
མ་ཕྱེ་བར་ཐུན་མོང་དུ་བཤད་པ་ནི་རྡོ་རྗེ་གསུམ་མི་ཕྱེད་པའི་ངོ་བོ་ཉིད་ཀྱིས་བྱང་ཆུབ་ཀྱི་སེམས་རྡོ་རྗེ་འཆང་དུ་སྐྱེད་ཅིག་པ་སྟེ་སྐུ་གསུང་ཐུགས་ཐུན་མོང་དུ་བྱིན་གྱིས་བརླབ་པའོ། །༼འགྱུར་རྙིང་འགའ་ཞིག་དང་འགྱུར་གསར་གཉིས་ལས། སྐྱེད་ཅིག་ཅེས་པ་སྔོན་དུ་
4-2-84a


བླངས་ནས། དེ་ཇི་ལྟ་བུ་དང༌། འདིར་གསུངས་པ་གཉིས་བཀོད་པའི་འོག་ཏུ་སེམས་ལུས་ལྟ་བུ་ཞེས་སོགས་འབྱུང་བ་གཅིག་དང༌། དཀྱུས་ན་ཡོད་པ་བཞིན་འབྱུང་བ་གཉིས་སྣང་བ་ནི། རྒྱ་དཔེ་ལ་མི་འདྲ་བ་ཡོད་པའི་ལུགས་སུ་སྣང་ནའང་ཕྱི་མ་དག་སྟེ། རྡོ་རྗེ་
གསུམ་མི་ཕྱེད་པར་སྐྱེད་ཚུལ་འོག་ཏུ་གསལ་བ་ལྟར་གོང་དུ་མི་འབྱུང་བའི་ཕྱིར་རོ། །༼དེ་ཇི་ལྟ་བུར་ཞེ་ན། འདིར་གསུངས་པ། དེ་ནས་ཞེས་བྱ་བ་ལ་སོགས་པ་ལ་སྐུ་དང་གསུང་དང་ཐུགས་རྡོ་རྗེ་རྣམས་ཀྱི་ངོ་བོར་སོ་སོ་དང་ཐུན་མོང་དུ་བྱིན་གྱིས་རློབ་པ་ན། རང་དེ་རྣམས་སུ་བསྐྱེད་
པ་ནི་ནམ་མཁའ་ལྟ་བུ་སྟེ་རང་བཞིན་གྱིས་གྲུབ་པས་སྟོང་པའི་སྟོང་པ་ཉིད་ཀྱི་ངོ་བོ་ཉིད་དུ་བློས་ཡང་དག་པར་སྦྱར་ཞིང་ཐུན་མོང་དུ་བྱིན་གྱིས་རློབ་པ་ན་རྡོ་རྗེ་གསུམ་དབྱེར་མེད་པའི་གཅིག་ཏུ་བྱས་ནས་ཞེས་པ་སྟེ། དྲང་བའི་དོན་ཏོ།། ༈ ཁྱེད་ཀྱིས་སྐྱེད་ཅིག་
པ་ནི་ཡིད་ཀྱིས་རང་བཞིན་གྱིས་སྒྱུ་མའི་ལུས་སྐྱེད་ཅིག་པའོ། །ལུས་དེ་ཇི་ལྟ་བུར་བསྐྱེད་པར་བྱ་ཞེ་ན་སེམས་ལུས་ལྟ་བུ་དང་ཞེས་བྱ་བ་གསུངས་པའི་སེམས་ནི་ཏེ། སེམས་དབེན་གྱི་སེམས་གསུམ་པོ་ཡིན་ལ། དེ་ཡང་རང་གི་བཞོན་པའི་ཁམས་
ཕྲ་བ་རླུང་དང་ལྷན་གཅིག་ཏུ་སྟེ། དེ་གཉིས་ཚོགས་པ་ལས་ལོངས་སྤྱོད་རྫོགས་པའི་སྐུའི་ལྟ་བུ་སྟེ། རྣམ་པར་སྐྱེད་ཅིག་པའོ། །དེ་འདྲ་བའི་ལུས་གང་བསྐྱེད་པ་དེ་ནི་སེམས་ཉིད་དང་ངོ་བོ་གཅིག་པ་ཉིད་ཡིན་པས་ནོ། །ལུས་སེམས་ལྟ་བུ་ཞེས་པ། 
ནི་སེམས་ཉིད་ལས་གཞན་ན་སྟེ། ངོ་བོ་ཐ་དད་པར་སྒྱུ་མའི་ལུས་༼་འགྱུར་གསར་ལས། ལོངས་སྤྱོད་རྫོགས་པའི་སྐུའི་རྣམ་པར་རོ། །ལུས་བསྒྲུབས་པ་གང་ཡིན་པ་དེ་ནི་སེམས་ཉིད་ཡིན་པས་སེམས་ལས་གཞན་ནི་ཅི་ཡང་ཡོད་པ་མ་ཡིན་ཏེ། ཞེས་ལུས་སེམས་ལྟ་བུ་ནི་མེད་པར་
4-2-84b


འབྱུང་བ་ནི། ལུས་བསྐྱེད་པ་ཞེས་སོགས་ཀྱིས་གཞུང་དེའི་དོན་བསྟན་ཟིན་འདུག་པས་དེ་ལྟར་དུ་བདེའོ། །༽ཅི་ཡང་མེད་དོ་པས་སོ། །སེམས་ཚིག་ཏུ་བརྗོད་པ་ལྟ་བུར་སྐྱེད་ཅིག་ཅེས་བྱ་བ་ནི། རིམ་ལྔ་ལས། སྒྱུ་མ་ལྟ་བུའི་ཏིང་འཛིན་གནས། །ཐམས་ཅད་དེ་དང་འདྲ་བར་
མཐོང་། །ཞེས་གསུངས་པའི་ཚུལ་དུ་ཁམས་གསུམ་པའི་སེམས་ཅན་ཞེས་ཚིག་ཏུ་བརྗོད་པ་གང་ཡིན་པ་དེ་དང༌། སྟེ་ནི་སྒྱུ་མ་༼དེས་ནི་སྒྱུ་མའི་སྐུ་བེམ་པོ་ཡིན་པ་འགོག་གོ། ༼ལྟ་བུ་དེའི་ངོ་བོར་རང་གི་སེམས་ཉིད་སྐྱེད་ཅིག་པ་སྟེ། དེར་བྱས་ནས་དེ་བཞིན་
དུ་བལྟ་བར་བྱའོ། །སྐུ་དང་ཞེས་བྱ་བ་ལ་སོགས་པ་ལ། དེ་ལྟར་བསྐྱེད་པའི་སྐུ་༼འགྱུར་གསར་ལས། ཚིག་ཏུ་བརྗོད་པ་གང་ཡིན་པ་དེ་ནི་ངོ་བོ་དེར་ཞེས་འབྱུང་བ་ལྟར་བདེའོ། །༽དང་གསུང་དང་ཐུགས་གསུམ་མི་ཕྱེད་པའི་སྒྱུ་མའི་སྐུ་ནི་ནམ་མཁའ་ལྟ་བུར་ཞེས་
བྱ་བ། ནམ་མཁའི་རྣམ་པའི་ངོ་བོ་ཉིད་ཀྱིས་མཚོན་པའི་འོད་གསལ་བར་ཡང་དག་པར་སྦྱར་ཞིང་གཅིག་ཏུ་བྱས་ཞེས་པ་ནི་བསམ་གཏན་གཉིས་ཀྱིས་འོད་གསལ་དུ་བཅུག་སྟེ་དག་པར་བྱས་ནས། །རྡོ་རྗེ་འཆང་ཆེན་པོ་ཟུང་འཇུག་གི་སྐུར་བདག་ཉིད་བསྐྱེད་
པར་བྱ་བ་སྟེ། ༼སྐབས་འདིར་ཟུང་འཇུག་གི་སྐུ་བསྐྱེད་པ་རྒྱུད་ན་མི་གསལ་ཡང༌། ནས་ཞེས་པའི་ཚིག་གི་ནུས་པས་ཤུགས་ལ་འཕེན་ཏེ། འདིར་དེ་མ་བསྟན་ན་འདི་ལ་ཆེད་བརྗོད་བྱས་པའི་སྐབས་སུ་སྐྱེ་བ་འདི་ནི་ཞེས་པའི་ཚིག་མི་འཐད་པས་སོ། །དེས་ན་ནས་ཀྱི་དོན་དེ་མ་ཐག་ཏུ་ཆེད་བརྗོད་བྱེད་པ་
ལ་མི་བྱའོ། །༽དཔལ་རྡོ་རྗེ་འཕྲེང་བ་ཞེས་བྱ་བ་རྣལ་འབྱོར་ཆེན་པོའི་རྒྱུད་ལས་ཀྱང་༼ནི་སྔར་གྱི་དེ་རྣམས་འགྲེལ་པས་བཤད་པར་མ་ཟད་ཅེས་པའོ། །༽སྣོད་བཅུད་ཀུན་གྱི་སྙིང་པོར་གྱུར་པ་སྟེ། མཐར་གཏུགས་པའི་རྩ་བ་ནི་སེམས་ཅན་རང་གི་
4-2-85a


སྲོག་སྟེ་རླུང་དང་དེའི་བཞོན་པ་ཅན་གྱི་སེམས་ལས། འདོད་པ་ལ་སོགས་པའི་ཁམས་གསུམ་ན་ནི་གཞན་ཏེ་ངོ་བོ་ཐ་དད་པར་གྱུར་པ་མེད་དེ། །སྒྱུ་མ་རྩ་བ་སེམས་དང་རླུང་གིས་ཁམས་གསུམ་པའི། །སེམས་ཅན་རྣམས་སྤྲུལ་
ལོ་ཞེས་པས་ནི། སྤྱིར་བཤད་ཀྱང༌། དེའི་ཁོང་ནས་རྣལ་འབྱོར་༼ཅེས་པས་སེམས་ཅན་གྱི་རྩ་བ་མཐར་གཏུགས་ན་ཤིན་ཏུ་ཕྲ་བའི་རླུང་སེམས་ཙམ་དུ་བསྟན་ཏེ། སེམས་ལུས་ལྟ་བུ་ཞེས་པའི་སེམས་དང་ལུས་སེམས་ལྟ་བུ་ཞེས་པའི་བཤད་པའི་ཁུངས་སོ། །༽པས་རླུང་སེམས་ལས་སྒྱུ་མའི་
ལུས་སྤྲུལ་པའི་ཁུངས་སུ་ཡང་འགྱུར་རོ། །དེ་ལྟ་བུའི་སྒྱུ་ལུས་པའི་རྣལ་འབྱོར་པ་དེས་སེམས་ཅན་ཐམས་ཅད་སྒྱུ་མའི་སེམས་ཅན་དང༌། རྨི་ལམ་རྨི་བའི་དུས་ཀྱི་སེམས་ཅན་བཞིན་དུ་བལྟ། །བར་བྱའོ། །ཞེས་པ་ནི་སེམས་ཚིག་ཏུ་བརྗོད་པ་ཞེས་བཤད་པའི་ཁུངས་སོ། །ཁམས་གསུམ་
པའི་སེམས་ཀྱི་བདག་ཉིད་ཅེས་སྤྱིར་བསྟན་པ་ནི་སེམས་ཅན་སོ་སོའི་ཕྲ་བའི་རླུང་སེམས་ཡིན་ལ། འདི་ནི་དེའི་ནང་ནས་རྣལ་འབྱོར་པས་རང་གི་བདག་ཉིད་དུ་གྱུར་པའི་ཕྲ་བའི་རླུང་སེམས་ལས་བསྒྲུབས་པའི་སྒྱུ་མའི་སྐུའོ། །སྐུ་དེ་དེ་བཞིན་ཉིད། །འོད་གསལ་དང་གཅིག་ཏུ་བྱས་པ་ནི་སྒྱུ་མའི་
སྐུ་འོད་གསལ་དུ་བྱས་པའི་ཁུངས་སོ། །འོད་གསལ་དེ་ལས་ཆུ་ལས་ཉ་ལྡང་བ་བཞིན་དུ་མྱུར་བར་ཏེ། ཡུད་ཙམ་གྱིས་བཞེངས་པའི་ཟུང་འཇུག་གི་སྐུ་མཐོང་བ་ནི། །བདག་བྱིན་གྱིས་བརླབ་པ་དང་སྒྱུ་མའི་སྐུ་གང་དུ་ཐིམ་པ་དང་སྐྱེ་བའི་གནས་དེ་བཞིན་ཉིད། །འོད་གསལ་
གྱི་ཡེ་ཤེས་གཉིས་ནི་ཟུང་འཇུག་སྟེ། དེས་མཆོག་གི་དངོས་གྲུབ་མྱུར་བར་ཏེ། ཚེ་འདི་ཉིད་དུ་འཐོབ་པར་འགྱུར། ཞེས་གསུངས་པ་ནི་ཟུང་འཇུག་གི་ཁུངས་ཏེ། ངེས་པའི་དོན་ཏོ།། ༈ བྱང་ཆུབ་སེམས་དཔའ་རྣམས་ཀྱི་ཐུགས་ཤིན་ཏུ་རངས་པའི་ཆེད་
4-2-85b


བརྗོད་མཛད་པ་ནི། ཨེ་མའོ་ཞེས་བྱ་བ་ལ་སོགས་པ་ལ། ཀུན་ཏུ་བཟང་པོ་ནི་དེ་བཞིན་གཤེགས་པའི་སྐུ་དང་གསུང་དང་ཐུགས་རྡོ་རྗེ་ཅན་རྡོ་རྗེ་འཆང་ཆེན་པོ་སྟེ། དེའི་བྱང་ཆུབ་ཀྱི་སེམས་སྒྱུ་ལུས་དང་འོད་ཟུང་གསུམ་རབ་ཏུ་བསྟན་པ་ནི་ཨེ་མའོ་སྟེ་ངོ་མཚར་
ཆེའོ་ཞེས་པའོ། །རྒྱུ་མཚན་གང་གིས་ངོ་མཚར་ཆེ་ཤེ་ན། སྐྱེ་བ་མེད་པའི་ཚུལ་གྱིས་སུ་ཞེས་བྱ་བ་སྟེ། སྐྱེ་བ་མེད་པ་ནི་དོན་དམ་པའི་བདེན་པའོ། །དོན་དམ་དེར་ཡིད་ཀྱི་རང་བཞིན་གྱི་སྒྱུ་མའི་ལུས་ཀྱིས་འཇུག་པ་སྟེ་ཞུགས་པ་ནི་སྐྱེ་བ་མེད་
པའི་ཚུལ་གྱིས་སུ་ཞེས་པ་ནི་ཏེ། ཚུལ་དེས་ཞེས་པའི་དོན་ནོ། །སྐྱེ་བ་ཞེས་བྱ་བ་ནི་འོད་གསལ་བར་ཞུགས་པའི་རླུང་སེམས་ཙམ་ལས་ཡོངས་སུ་དག་པའི་ཟུང་འཇུག་གི་ལྷའི་སྐུ་འཛིན་པའི་མཚན་ཉིད་དུ་བཞེངས་པ་འདི་ནི། སྐྱེ་བ་ཡིན་པར་རྡོ་རྗེ་
འཆང་གང་གིས་རབ་ཏུ་བསྒྲགས་ཤིང་བརྗོད་པའོ་ཞེས་པ་སྟེ། དགོངས་པ་མ་ཡིན་པའོ།། ༈ དེ་བཞིན་གཤེགས་པ་དྲུག་པོ་རྣམས་ཀྱི་ཇི་ལྟར་རང་རང་གི་བྱང་ཆུབ་ཀྱི་སེམས་ཀྱི་ཚིགས་སུ་བཅད་པ་འོག་ནས་འབྱུང་བ་རྣམས་ཀྱིས། སྔར་
བཤད་པའི་འོད་ཟུང་གི་ཏིང་ངེ་འཛིན་འདི་ཉིད་ཇི་ལྟ་བར་སྟོན་པར་མཛད་དེ། འབྲས་བུའི་དེ་བཞིན་གཤེགས་པ་ཐམས་ཅད་ཀྱི་མངོན་པར་ཏེ། མངོན་དུ་ཕྱོགས་པར་རྫོགས་པར་ཏེ། ཡང་དག་པར་བྱང་ཆུབ་པ་སྟེ། ཐུགས་སུ་ཆུད་པ་ནི་བདེན་པ་གཉིས་
ནི་ཀུན་རྫོབ་སྒྱུ་མའི་སྐུ་དང་དོན་དམ་བདེན་པ་དང་རོ་གཅིག་པའི་ཡེ་ཤེས་སོ། །གཉིས་སུ་མེད་པ་སྟེ། ཡ་སོ་སོར་མ་བྲལ་བར་ངོ་བོ་གཅིག་ཏུ་སྦྱོར་བའི་མི་སློབ་པའི་ཟུང་འཇུག་གི་མཚན་ཉིད་དོ། །དེའི་ཚུལ་ནི་༼ཚུལ་གྱི་སྐད་དོད་ན་ཡ་ལ། ནཱི་ཡ་ཞེས་པའི་ངེས་ཚིག་
4-2-86a


གིས་བཤད་ན་འདྲེན་པ་དང་འཁྲིད་པར་འགྱུར་བས་མངོན་དུ་བྱ་བའི་གནས་སུ་འཁྲིད་པའི་ཐབས་སོ། །༽དེ་མངོན་སུམ་དུ་བྱ་བའི་ཐབས་ཚུལ་བཞིས་འཆད་པའི་དོན་རྣམས་སོ། །བཞི་པོ་དེ་ཉིད་ནི་རྡོ་རྗེ་ལྟར་རང་རང་གི་སྐབས་ཀྱི་མི་མཐུན་ཕྱོགས་ཀྱིས་
མི་ཕྱེད་པས་ན་རྡོ་རྗེ་སྟེ། དེའི་སྟེ། དོན་དེ་རྣམས་འཆད་པ་ལ་ཐུགས་རྩེ་གཅིག་ཏུ་མཛད་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱ་སྟེ། དགོངས་པ་མ་ཡིན་པའོ།། ༈ བརྟན་པ་སྣོད་དང་གཡོ་བ་བཅུད་ཀྱི་འི་དངོས་པོ་ལ་དེ་ཁོ་ན་ཉིད་ལ་
དཔྱོད་པའི་རིགས་པས་དཔྱད་པ་ན། གཞི་དེ་དག་གང་ཡང་རིགས་ཤེས་ཀྱིས་མ་རྙེད་པ་ན་སྣོད་བཅུད་དེ་ཐམས་ཅད་ཀྱི་ངོ་བོ་ཉིད་དེ་ནི་ཅུང་ཟད་ཀྱང་༼རྡོ་རྗེ་དང་ཏིང་ངེ་འཛིན་གྱི་དོན་ནི་འདི་འདྲའི་རིགས་གཞན་དམིགས་བསལ་མ་བྱུང་བ་རྣམས་ལའང་དེ་བཞིན་དུ་ཤེས་པར་བྱའོ། །༽མེད་
པར་མཐོང་ནས་དེ་ཁོ་ན་ཉིད་སྒོམ་པ་ཡིན་ན་ནི། དེ་ཁོ་ན་ཉིད་སྒོམ་པ་མེད་པ་སྟེ་མ་ཡིན་ཏེ། དེ་ལྟར་ན་ནི་བསྒོམ་པར་བྱ་བ་ཅུང་ཟད་ཀྱང་མེད་པར་འགྱུར་བའི་ཕྱིར་རོ། །བསྒོམ་པར་བྱ་བ་སྒོམ་པ་མིན་ཞེས་བྱ་བ་ནི། གང་ཡང་རང་བཞིན་གྱིས་གྲུབ་པ་ཅུང་ཟད་ཀྱང་
མེད་ན། བསྒོམ་བྱ་སྒོམ་བྱེད་སོགས་ཀྱི་བྱ་བྱེད་མི་འཐད་པར་མཐོང་སྟེ། རང་བཞིན་གྱིས་གྲུབ་པའི་དོན་ཡོད་པར་བཟུང་ནས་དེ་ཁོ་ན་ཉིད་སྒོམ་པར་འདོད་པའི་སྒོམ་དེ་ཡང་དེ་ཁོ་ན་ཉིད་སྒོམ་པ་མ་ཡིན་ཏེ། དེའི་རྒྱུ་མཚན་ནི་ཆོས་རྣམས་ངོ་བོ་ཉིད་ཀྱིས་གྲུབ་ན་བསྒོམ་པར་བྱ་བ་
སོགས་ཀྱི་བྱ་བྱེད་དང་བྲལ་བར་འགྱུར་བས་རྩ་ཤེ་ལས། ལམ་ལ་རང་བཞིན་ཡོད་ན་ནི། །སྒོམ་པ་འཐད་པར་མི་འགྱུར་རོ། །ཞེས་གསུངས་པ་ལྟར་ལམ་རང་བཞིན་གྱིས་གྲུབ་ན་བསྒོམ་པ་ཡོད་པ་མ་ཡིན་པས་སོ། །༼དེ་གཉིས་ནི་འདོད་མཁན་དངོས་སུ་ཡོད་པ་འགོག་པའོ། །༽དེ་ལྟར་
4-2-86b


ཞེས་པ་ནི་དངོས་པོ་མེད་པ་དང་དངོས་པོ་རང་བཞིན་གྱིས་གྲུབ་པ་ཡོད་པར་འདོད་པའི་དོན་གཉིས་ཀ་དང་ལྡན་པ་སྟེ། ཚོགས་པ་གང་ཡིན་པ་དེ་འདྲ་བའི་དོན་ནི་དངོས་པོ་སྟེ་ངོ་བོ་ཉིད་གཏན་མེད་པ་ཉིད་དེ། ཕྱོགས་གཉི་གའི་གཅིག་ཡིན་པ་དང༌གཅིག་ཤོས་
ཡིན་པ་འགལ་བའི་ཕྱིར་རོ། །འདི་ནི་དངོས་སུ་འདོད་མཁན་མེད་ཀྱང་ལོག་རྟོག་གི་མཐའ་བཅད་ནས་འགོག་པའོ། །གཉིས་ཡིན་གྱི་ཕུང་གསུམ་བཀག་པ་དེས་ནི། གཉིས་མ་ཡིན་གྱི་ཕུང་གསུམ་འགོག་པ་ཡང་གོ་བར་ནུས་པས་དངོས་སུ་མ་གསུངས་སོ་ལོ། །ཆོས་ཐམས་ཅད་སྔར་བཤད་པའི་མཐའ་
བཞི་དང་བྲལ་བ་དེ་བས་ན་གང་བསྒོམ་པར་བྱ་བ་དང༌། གང་གིས་སྒོམ་པ་པོ་དང༌ཇི་ལྟར་བསྒོམ་པ་གསུམ་རང་བཞིན་གྱིས་གྲུབ་པ་དམིགས་སུ་མེད་པ་སྟེ། རྐང་པ་བཞི་པོའི་དངོས་ཀྱི་དོན་ཚིག་གི་ནུས་པས་གང་ཐོན་པ་བཤད་པའི་ཡི་གེའི་དོན་ཏོ།། ༈ སྟེང་
འོག་དང་ལ་སོགས་པས་བསྡུས་པ་ཕྱོགས་བཞིའི་ཆ་དྲུག་དང་ཤེས་པ་རྣམས་ལ་ནི་རང་གི་སྔ་ཕྱི་བར་གསུམ་གྱི་ཆ་དང་འདུས་མ་བྱས། གཞན་ལ་ཡང་ཡུལ་དུས་དང་འབྲེལ་བའི་ཆ་དུ་མའི་དབྱེ་བས་འབྱེད་ནུས་ལ། དེའི་ཚེ་དེ་རྣམས་བདེན་ན་རང་རང་གི་ཆ་རྣམས་དང་ཆ་ཅན་གཉིས། བདེན་པའི་ངོ་
བོ་གཅིག་དང་ཐ་དད་གང་རུང་ལས་མི་འདའ་བ་དང༌། བདེན་པའི་གཅིག་ཏུ་གྲུབ་ན་ཐ་དད་ཡེ་མེད་པའི་གཅིག་ཏུ་འགྱུར་བ་དང༌། བདེན་པའི་ཐ་དད་ཡིན་ན་འབྲེལ་མེད་དུ་འགྱུར་བའི་རིགས་པས་ཆོས་ཐམས་ཅད་ལ་བདེན་གྲུབ་རྣམ་པར་བསལ་ནས། དེ་ནས་འདུས་བྱས་དང་འདུས་མ་
བྱས་ཀྱི་ཆོས་གཞན་རྣམས་ནི་མི་བདེན་ཀྱང་དེ་རྣམས་བདེན་པས་སྟོང་པའི་སྟོང་པ་ནི་བདེན་པའོ་ཞེས་ཀྱང་སྒོམ་པ་ཡང་དེ་ཁོ་ན་ཉིད་སྒོམ་པ་ནི་མེད་པ་སྟེ། མ་ཡིན་ཏེ་དེ། དེ་ནི་སྟོང་པ་ཉིད་ལ་བདེན་པར་མངོན་པར་ཞེན་པའི་ལྟ་བ་ཡིན་པའི་
4-2-87a


ཕྱིར་ན་གསོར་མི་རུང་བའི་ལྟ་བར་གསུངས་པའི་ཕྱིར་རོ། །རྒྱུ་འབྲས་ཀྱི་མཚན་མ་ལ་བདེན་པར་ཞེན་པ་བཟློག་པར་བྱ་བའི་ཕྱིར་བསྒོམ་པར་བྱ་བ་སྒོམ་པ་མིན། ཞེས་བྱ་བ་གསུངས་ཏེ། གང་ཡང་རྒྱུ་དང་འབྲས་བུའི་རྣམ་པ་
ལ་བདེན་པར་མངོན་པར་ཞེན་ནས་སྒོམ་ན། དེ་ཉིད་ཀྱང་རིགས་པ་མ་ཡིན་ཏེ། རྒྱུ་དང་འབྲས་བུ་གཉིས་བསྐྱེད་བྱ་སྐྱེད་བྱེད་གཉིས་སུ་བདེན་པར་མེད་པའི་ཕྱིར་རོ། །འབྲས་བུ་བདེན་པར་བཟུང་ནས་སྨོན་པ་བཟློག་པའི་ཕྱིར་དེ་ལྟར་དངོས་པོ་ཞེས་བྱ་བ་ལ་
སོགས་པ་གསུངས་ཏེ། ཇི་ལྟར་དུ་སྨོན་ཞེ་ན་སྔར་བཤད་པ་དེ་ལྟར་སེམས་ཀྱིས་བཏགས་པ་ཙམ་ལས་ཕྱི་རོལ་གྱི་སྟེ། དེ་ལས་གཞན་དུ་རང་གི་ངོ་བོ་ཉིད་ཀྱིས་གྲུབ་པའི་རྣམ་པར་བཟུང་བའི་སྨོན་པའི་འབྲས་བུ་དེ་ཡང་མེད་དེ། སྨོན་ལམ་དང་ལ་སོགས་
པས་བསྡུས་པ་གང་ལ་དང་གང་གིས་སྨོན་པ་རྣམས་འི་ཉེ་བར་དམིགས་པ་སྟེ། བདེན་པར་གྲུབ་པ་མེད་པའི་ཕྱིར་རོ། །བདེན་གྲུབ་ཀྱི་སྨོན་ཡུལ་མེད་པ་དེ་བས་ན་སེམས་ཀྱིས་བཏགས་པ་ཙམ་ལས་ཕྱི་རོལ་གྱི་སྟེ། གཞན་དུ་གྱུར་པའི་དངོས་པོ་ལྟ་བུར་
སྒོམ་པ་དམིགས་སུ་མེད་ཅིང་སྟེ་ཡོད་པ་མ་ཡིན་ཏེ། སེམས་ཀྱིས་བཏགས་པ་ཙམ་གྱི་རང་བཞིན་ཡིན་པའི་ཕྱིར་རོ། །སྟོང་ཉིད་ཀྱི་ལྟ་བ་འདི་ནི་ཕར་ཕྱིན་དང་སྔགས་གཉིས་དང༌། སྔགས་ཀྱིའང་གོང་འོག་གཉིས་དང༌། གོང་མའི་ཡང་རིམ་པ་གཉིས་ཀའི་
སྤྱིའི་དོན་ནོ།། ༈ དངོས་པོ་མེད་པ་ནི་དེ་ལྟར་སྔར་བཤད་པའི་སྟོང་ཉིད་རྟོགས་པའི་ལྟ་བ་དང༌། སེམས་དབེན་འདྲེན་ཐབས་ཕྱི་ནང་གཉིས་ཀྱི་སྲོག་རྩོལ་ལ་བརྟེན་ནས་དྲངས་པའི་བདེ་བ་ཆེན་པོ་གཉིས་ཀྱིས་བདེ་སྟོང་སྦྱར་ཏེ་སྒོམ་པ་ཙམ་ཞིག་བྱས་ན། རྫོགས་རིམ་གྱི་
4-2-87b


གཙོ་བོ་ནི་དེ་ཙམ་དུ་ཟད་དམ་སྙམ་པ་མང་བས། དེ་ཙམ་གྱིས་མི་ཆོག་པར། དངོས་པོ་མེད་པ་ཞེས་པའི་རྐང་པ་གཅིག་གིས་སྟོན་པ་ནི། འཆད་པར་འགྱུར་བ་ལྟར། ཕུང་པོ་ཁམས་དང་སྐྱེ་མཆེད་དབང་སོགས་རྣམས། །ཤེས་པ་གཉིས་པོ་དེ་འདིར་རབ་འདུས་པས། །སྟོང་ཆེན་གྱུར་པས། ཞེས་གཉིད་ཀྱི་སྟོང་པ་
གསུམ་གྱི་སྐབས་སུ་ཕུང་སོགས་ཀྱི་སྣང་བ་ཐིམ་པར་བཤད་པ་ལྟར། སད་དུས་ཀྱི་སྲོག་དྷུ་ཏཱིར་ཚུད་ནས་ཐིམ་པ་ལ་ཡང་ཁྱད་པར་མེད་པས། གང་ཞིག་ཕུང་པོ་ལ་སོགས་པའི་སྣང་བ་དེ་རྣམས་ནི་སེམས་དམིགས་འདྲེན་ཐབས་ཀྱི་སྲོག་དྷུ་ཏཱིར་བཙུད་ནས་ཐིམ་པ་ན་དངོས་པོ་
མེད་པ་སྟེ་ཐིམ་པའི། བསྒོམ་པར་བྱ་བར་གྱུར་པའི་སེམས་དམིགས་ཀྱི་བདེ་སྟོང་གཉིས་སྦྱར་བ་དེ་ཙམ་ཞིག་བསྒོམ་པར་བྱ་བ་འདོད་པ་གང་ཡིན་པ་དེ་ནི། བསྒོམ་པའི་དངོས་པོར་མེད་དེ། དེ་ཙམ་ལ་ནི་ཡེ་ཤེས་ཀྱི་སྐུས་ཐ་མལ་པའི་ང་རྒྱལ་རྣམ་པར་མ་
དག་པ་སྟེ། དག་པར་བྱས་པ་མེད་པའི་ཕྱིར་དང༌། སྒྱུ་མའི་འཇའ་ལུས་ཀྱི་སྐུ་བརྟག་ཏུ་སྟེ། བཞག་ཏུ་མེད་པ་ཡིན་པའི་ཕྱིར་རོ། །༼རྒྱུ་མཚན་ཕྱི་མ་ལ་འགྱུར་རྙིང་ལས། བ་ཡིག་སྔོན་འཇུག་ཡོད་མེད་གཉིས་འབྱུང་བ་ལ། གླན་སྡོག་ལ་སོགས་པས་ཡོད་པའི་ལུགས་དང༌། འགྲེལ་
བཤད་ལས་ཡོད་མེད་གཉིས་ཀའི་ཕྱོགས་བཤད་ཀྱང་ཡོད་པ་ལེགས་སོ། །དེས་ནི་བདེ་སྟོང་སྦྱོར་བའི་སྟོང་ཕྱོགས་ཀྱི་རྫོགས་རིམ་གྱིས་མི་ཆོག་པར་རྫོགས་རིམ་ཁྱད་པར་ཅན་སྣང་ཕྱོགས་སྒྱུ་ལུས་ཀྱི་རྫོགས་རིམ་ཡང་སྒོམ་དགོས་པར་བསྟན་ཏོ། །༽དེ་ལྟར་ན་སྔ་མའི་སྟེང་དུ་སྒྱུ་ལུས་ཙམ་ཞིག་ལ་
གོམས་པར་བྱས་པས་ཆོག་གམ་སྙམ་ན་སྔ་མའི་སྟེང་དུ་ཀུན་རྫོབ་ཀྱི་བདེན་པ་སྒྱུ་ལུས་ཙམ་ཞིག་ལ་སློབ་པ་བཟློག་པར་བྱ་བའི་ཕྱིར། བསྒོམ་པར་བྱ་བ་སྒོམ་པ་མིན་ཞེས་བྱ་བ་གསུངས་ཏེ། གང་ཞིག་སྔ་མའི་སྟེང་དུ་ཀུན་རྫོབ་ཀྱི་བདེན་པའི་བདག་ཉིད་
4-2-88a


ཅན་སྒྱུ་མ་ལྟ་བུའི་ལྷའི་སྐུ་ཙམ་ཞིག་སྒོམ་པར་འདོད་པ་དེ་ཡང་མི་རིགས་ཏེ། སྒྱུ་ལུས་དེ་ནི་ད་དུང་འོད་གསལ་བ་བསྒོམས་པས་རྣམ་པར་དག་པར་བྱ་དགོས་པའི་ཕྱིར་རོ། །བཤད་མ་ཐག་པ་དེ་ལྟར་ན་ཀུན་རྫོབ་ཀྱི་བདེན་༼
ཞེས་པས་སྔ་མ་གཉིས་ཀྱི་སྟེང་དུ་སྒྱུ་ལུས་འོད་གསལ་དུ་བཅུག་པའི་འོད་གསལ་བསྣན་དགོས་པར་བསྟན་པས། མང་པོ་ལ་རྫོགས་རིམ་པའི་ལྷན་སྐྱེས་ཀྱི་བདེ་སྟོང་སྦྱར་བ་ལ། འོད་གསལ་གྱི་ཡེ་ཤེས་སུ་གྲགས་པས་མི་ཆོག་གི་སྒྱུ་ལུས་འོད་གསལ་དུ་བཅུག་པའི་བདེ་སྟོང་སྦྱར་བའི་འོད་གསལ་དགོས་པར་
བསྟན་ནོ། །༽པ་སྒྱུ་མའི་ལུས་ཙམ་གྱི་དངོས་པོ་ནི་གོམས་པར་བྱ་བའི་དངོས་པོ་མ་ཡིན་ཏེ། སྔར་བཤད་པའི་བདེན་པ་གཉིས་དབྱེར་མེད་པ་སྟེ། གཉིས་ཀ་ཚོགས་པ་བསྒོམ་པར་བྱ་དགོས་པའི་ཕྱིར་རོ། །རྒྱུ་མཚན་དེ་བས་ན་སྔར་གྱི་དེ་གཉིས་ཙམ་ལ་
བསྒོམ་པ་སྟེ། བདེན་པ་གཉིས་ཀྱི་ལྟ་བུ་སྟེ་རྣམ་པར་བསྒོམ་པ་ནི་དམིགས་སུ་མེད་དེ། དེ་གཉིས་བསྒོམ་པ་མི་དམིགས་པ་ཡིན་པས་སོ་ཞེས་བྱ་བའི་བར་དུ་སྟེ། ཐ་ཚིག་གོ། དེ་ལྟར་རྐང་པ་བཞིས། སེམས་དམིགས་ཀྱི་བདེ་སྟོང་དང༌། སྒྱུ་མའི་སྐུ་གཉིས་
ཁྱད་པར་གྱི་གཞིར་བཟུང་ནས་ལམ་དེ་ཙམ་ཞིག་ལ་གོམས་པར་བྱ་བ་འགོག་པའི་ཕྱིར། ཁྱད་གཞི་སྦས་དོན་ཡིན་པས་སྦས་པའོ།། ༈ འོ་ན་སྒྱུ་མ་འོད་གསལ་དུ་དག་པའི་དོན་དམ་དང༌། སྔར་བཤད་པའི་ཀུན་རྫོབ་སྒྱུ་ལུས་ཙམ་ཞིག་རེས་འཇོག་ཏུ་བསྒོམ་པས་ཆོག་གམ་སྙམ་ན། དེས་
མི་ཆོག་པར་རྐང་པ་བཞིས་སྟོན་པ་ལ། སྒྱུ་ལུས་དངོས་པོ་མེད་པ་དོན་དམ་པའི་བདེན་པ་འོད་གསལ་དུ་༼ཞེས་གསུངས་ཀྱི་དགག་བྱ་སྦས་པ་དང་འབྲེལ་བས་སྦས་པར་འཆད་པ་ཤིན་ཏུ་མི་རིགས་སོ། །༽དག་པ་ལ་ནི་ཟུང་འཇུག་གི་ཏིང་ངེ་འཛིན་སྒོམ་པ་མེད་པ་
4-2-88b


སྟེ། འོད་གསལ་གྱི་ཡེ་ཤེས་དེ་ནི་གཟོད་མ་ནས་དག་པའི་དེ་ཁོ་ན་ཉིད་དང་རོ་གཅིག་པ་ཙམ་ཡིན་པའི་ཕྱིར་རོ། །གང་སྔར་བཤད་པའི་ཀུན་རྫོབ་ཀྱི་བདེན་པའི་བདག་ཉིད་ཅན་དུ་སྒོམ་པ་དེ་ཡང་ཟུང་འཇུག་བསྒོམ་པར་བྱ་བ་སྟེ། བྱེད་པ་མ་ཡིན་ཏེ། སྔར་བཤད་པའི་
སྒྱུ་མའི་སྐུ་དེ་ནི་མི་བདེན་པ་༼ཆག་གིས། མི་བདེན་པ་ཉིད་ཀྱི་ཕྱིར་རོ། །དེ་ལྟར་ཏེ། རྣམ་པ་འདིས་ཞེས་བསྒྱུར་བ་བདེའོ། །༽སྟེ། རིགས་འདྲ་རྒྱུན་མ་འཆད་པར་འཇུག་པའི་རྡོ་རྗེའི་སྐུ་མིན་པས་མི་བརྟན་པ་ཉིད་ཀྱི་ཕྱིར་རོ། །འདིས་ནི་དོན་གྱི་འོད་གསལ་གྱི་རླུང་སེམས་ཙམ་ལས་བསྒྲུབས་
པའི་སྐུ་མིན་ན་རྡོ་རྗེའི་སྐུ་དངོས་མིན་པར་བསྟན་པས་ཟུང་འཇུག་གི་སྒྱུ་མའི་སྐུ་ལ་སྐུ་དེ་དགོས་པར་བསྟན་ནོ། །དོ་ཞེས་བྱ་བ་ལ་སོགས་དེ་ལྟར་ཏེ། གོང་དུ་བཤད་པའི་རྣམ་པ་འདིས་སྔར་བཤད་པའི་བདེན་པ་གཉིས་ཀྱི་བདག་ཉིད་ཀྱི་དངོས་པོ་ཙམ་ཞིག་སོ་སོར་བསྒོམ་
པར་བྱ་བར་མི་འགྱུར་བ་སྟེ། དེ་ཙམ་ཞིག་གོམས་པས་མི་ཆོག་སྟེ་ཏེ། བདེན་པ་གཉིས་ཏེ། ཀུན་རྫོབ་དག་པའི་སྒྱུ་མའི་ལུས་དང༌། དོན་དམ་པ་དོན་གྱི་འོད་གསལ་གྱི་ཡེ་ཤེས་གཉིས་གཉིས་སུ་མེད་པར་ཏེ་སྔ་མ་སྐུ་དང་ཕྱི་མ་ཐུགས་སུ་རེས་འཇོག་མིན་པར་དུས་གཅིག་
གི་ཚེ་ངོ་བོ་གཅིག་ཏུ་སྦྱོར་བའི་ཟུང་འཇུག་རང་རྒྱུད་ལ་མཐོང་བ་ཙམ་གྱིས་ཏེ་དེ་ཉིད་ཀྱིས་ཚེ་འདིར་ཤེས་སྒྲིབ་ལས་གྲོལ་བར་འགྱུར་བའི་ཕྱིར་རོ། །དེ་བས་ན་སྒོམ་པ་པོ་དང༌། སྒོམ་པ་དང༌། བསྒོམ་པར་བྱ་བའོ། །ཞེས་འདི་ལྟར་འཁོར་གསུམ་དུ་བདེན་པར་
མངོན་པར་ཞེན་པའི་བདེན་འཛིན་ནི། ཟུང་དུ་སྦྱོར་བས་འཇུག་པའི་རིམ་པ་ལྔ་པ་རྟོགས་པ་༼ཞེས་པས་འདིར་བཤད་པའི་ཟུང་འཇུག་སྐྱེད་མི་ཤེས་ན་ཚེ་གཅིག་གིས་སངས་རྒྱས་མི་འགྲུབ་པར་བསྟན་ཏོ། །༽སྟེ། ཐོབ་པ་རྣམས་ལ། དམིགས་སུ་
4-2-89a


མེད་དེ། ཡོད་པ་མ་ཡིན་ནོ། །༼འདི་ལ་ནི་འཕགས་པ་ཡབ་སྲས་ཀྱི་ལུགས་ཀྱིས་ཆོས་ཀྱི་བདག་འཛིན་ཉོན་མོངས་སུ་འཇོག་པ་དང༌། དེ་སློབ་པའི་ཟུང་འཇུག་ཐོབ་ནས་སྤངས་པ་སྤྱོད་བསྡུས་ཀྱི་དགོངས་པར་ཤེས་དགོས་སོ། །འགྲེལ་པའི་བཤད་པ་འདི་དག་
གིས་ནི་འདུས་པ་ནས་རིམ་པ་ཕྱི་མ་གསུམ་གསུངས་པ་ལ་ཐུན་མོང་མ་ཡིན་པའི་ངེས་པ་ཆེན་པོ་སྟེར་བ་ཡིན་ནའང༌། སྔ་མ་ཁ་ཅིག་གིས་སེམས་ཙམ་འགོག་པ་སོགས་དང༌། ཁ་ཅིག་གིས་རིམ་པ་གོང་མ་རྣམས་སུ་འོག་མ་རྣམས་མི་སྒོམ་པ་ལ་སྦྱར་ཏེ་བཤད་པས་ནུས་པ་མ་ཐོན་པ་འདུག་པས། སྒྲོན་
གསལ་ལ་ནི་ཚིག་དོན་རྣམས་ཀྱི་ནུས་པ་ཐོན་པ་ཤིན་ཏུ་གལ་ཆེ་བར་སྣང་ངོ༌། །༽ཞེས་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་ཏེ། མཐར་ཐུག་པའོ།། ༈ དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་འདི་གསུངས་སོ་ཞེས་
བྱ་བར་སྦྱར་ཏེ། དེ་བཞིན་གཤེགས་པ་ཐམས་ཅད་ཀྱི་རྣམ་པ་ཀུན་ནས་མངོན་པར་རྟོགས་པ་ནི་འོད་གསལ་བ་ཐུགས་སུ་ཆུད་པའོ། །དེ་ཉིད་རྡོ་རྗེ་སྟེ་ཏིང་ངེ་འཛིན་དེ་ལ་དམིགས་པའོ། །དངོས་པོ་ཐམས་ཅད་ཅེས་བྱ་བ་ལ་སོགས་པ་༼འི་ཚིགས་བཅད་
འདི་ལོགས་སུ་བཀོལ་ནས་དེའི་དོན་འཆད་པ་ལ་འཕགས་པས་བྱང་ཆུབ་སེམས་འགྲེལ་མཛད། དེ་ཡང་དེ་ཉིད་ལས། བྱང་ཆུབ་སེམས་དཔའ་གསང་སྔགས་ཀྱི་སྒོའི་སྤྱད་པ་སྤྱོད་པ་རྣམས་ཀྱིས་དེ་ལྟར་ཀུན་རྫོབ་ཀྱི་རྣམ་པས་བྱང་ཆུབ་ཀྱི་སེམས་སྨོན་པའི་རང་བཞིན་ཅན་བསྐྱེད་ནས། དོན་དམ་
པའི་བྱང་ཆུབ་ཀྱི་སེམས་བསྒོམས་པའི་སྟོབས་ཀྱིས་བསྐྱེད་པར་བྱ་བ་ཡིན་ཏེ། དེའི་ཕྱིར་དེའི་རང་བཞིན་བཤད་པར་བྱའོ། །ཞེས་རྣལ་འབྱོར་བླ་མེད་ཀྱི་གསང་སྔགས་སྤྱོད་པ་རྣམས་ཀྱིས་ཀྱང་དོན་དམ་པའི་བྱང་ཆུབ་ཀྱི་སེམས་བསྒོམས་པའི་སྟོབས་ཀྱིས་བསྐྱེད་དགོས་པ་དང༌། དེ་བསྐྱེད་པའི་
4-2-89b


ཕྱིར་དུ་གཞུང་དེར་མུ་སྟེགས་ཀྱིས་བརྟགས་པའི་བདག་དང༌། མདོ་སྡེ་པ་སོགས་ཀྱི་ཉན་ཐོས་ཀྱིས་བརྟགས་པའི་གཟུང་འཛིན་བདེན་པ་དང༌། སེམས་ཙམ་པས་སེམས་བདེན་པར་བརྟགས་པ་རྣམས། རིགས་པས་བཀག་ནས་དེ་ཁོ་ན་ཉིད་ཀྱི་ལྟ་བ་ཚོལ་བར་གསུངས་པས། སྤྱིར་གསང་སྔགས་
པ་དང༌། ཁྱད་པར་དུ་བླ་མེད་པ་ལ་ལྟ་བ་དབུ་མའི་གཞུང་ནས་བཤད་པ་བཞིན་འཚོལ་མི་དགོས་སོ་ཞེས་པ་ནི། དེ་ཁོ་ན་ཉིད་ཀྱི་རྟོགས་པ་བསྐྱེད་པའི་གེགས་ཆེན་པོར་ཤེས་པར་བྱའོ། །གཞུང་དེར་སྟོང་ཉིད་རྟོགས་པའི་བྱང་ཆུབ་ཀྱི་སེམས་བཤད་པ་ནི། ཐེག་པ་འདི་དང་ཕ་རོལ་ཏུ་ཕྱིན་པ་གཉིས་
ཐུན་མོང་བ་ཡིན་ལ། སྟོང་ཉིད་ལ་ཁྱད་པར་མེད་ཀྱང་དེ་ཞུ་བདེའི་བདེ་ཆེན་གྱིས་རྟོགས་པའི་བྱང་ཆུབ་ཀྱི་སེམས་ནི། ཐེག་པ་འདིའི་ཁྱད་ཆོས་ཡིན་པས། རང་བཞིན་འོད་གསལ་དང༌། སྟོང་ཉིད་རྟོགས་པ་རྣམས་ཀྱི་ཁྱད་པར་རྣམས་ལེགས་པར་ཕྱེད་དགོས་སོ། །༽ལ་དེ་ཁོ་ན་ཉིད་ནི་སྣོད་
དུ་གྱུར་པའི་དངོས་པོ་ཐམས་ཅད་ངོ་བོ་ཉིད་ཀྱིས་གྲུབ་པ་དང་བྲལ་བ་དང་། དེར་མ་ཟད་ཡང་ཕུང་པོ་དང༌། ཁམས་དང༌། སྐྱེ་མཆེད་ཀྱི་བདག་ཉིད་ཅན་གྱི་གཟུང་བ་ནི་གཟུགས་ཕུང་དང༌། མིག་སོགས་ཀྱི་ཁམས་དང༌། མིག་སོགས་ཀྱི་སྐྱེ་མཆེད་གཟུགས་ཅན་
རྣམས་དང་འཛིན་པ་ནི་ལྡན་མིན་མ་གཏོགས་པའི་མིང་གཞིའི་ཕུང་པོ་དང༌། ཡིད་ཀྱི་གཉིས་དང༌། ཆོས་ཀྱི་ཁམས་དང༌། སྐྱེ་མཆེད་ཀྱི་སེམས་བྱུང་རྣམས་རང་བཞིན་གྱིས་གྲུབ་པ་རྣམ་པར་སྤངས་པའི་སྟོང་པ་ཉིད་དོ་འོ། །དེ་འདྲ་བའི་ཆོས་རྣམས་ཀྱི་བདག་མེད་པ་
ནི་རང་བཞིན་གྱིས་ཏེ་གདོད་མ་ནས་འོད་གསལ་བ་སྟེ། ༼དེ་ནི་གཙོ་བོར་ཡུལ་གྱི་འོད་གསལ་ཡིན་ལ། དེ་དང་རོ་གཅིག་ཏུ་ཞུགས་པའི་བདེ་ཆེན་གྱི་ཡེ་ཤེས་ནི་ཡུལ་ཅན་གྱི་འོད་གསལ་བའོ། །༽འོད་གསལ་བ་དེ་དང་མཉམ་པ་ཉིད་དུ་ཞུགས་པ་ནི་གཉིས་སུ་
4-2-90a


མེད་པ་ཟུང་འཇུག་ཡིན་པར་དགོངས་སོ། །ཟུང་འཇུག་པའི་སེམས་ཆོས་ཀྱི་བདག་མེད་པ་སྔར་བཤད་པ་དེ་རྣམས་དང་མཉམ་པ་ཉིད་དེ། རོ་གཅིག་ཏུ་ཞུགས་པ་ཡིན་པས། རང་གི་སེམས་ཡེ་ཤེས་སམ་གདོད་
མ་ནས་ངོ་བོ་ཉིད་ཀྱིས་མ་སྐྱེས་པའི་བདག་ཉིད་ཀྱི་རྡོ་རྗེ་གསུམ་མི་ཕྱེད་པའི་དག་པའི་སྒྱུ་མའི་ལུས་སྟོང་པ་ཉིད་དོན་གྱི་འོད་གསལ་གྱི་ཡེ་ཤེས་ཀྱི་ངོ་བོ་ཉིད་དུ་གྱུར་པ་སྟེ། སྐུ་དེ་ནི་ས་ཐོབ་པ་ཡན་གྱི་མིག་གི་སྤྱོད་ཡུལ་ཙམ་ཡིན་པའི་ཕྱིར་རོ། །ཞེས་དེ་
བཞིན་གཤེགས་པ་རྣམ་པར་སྣང་མཛད་ཀྱིས་གསུངས་པ་སྟེ། དགོངས་པ་མ་ཡིན་པའོ།། ༈ དེ་བཞིན་གཤེགས་པ་ཐམས་ཅད་ཀྱི་མི་ཟད་པ་ནི་ཡང་དག་པའི་མཐའོ། །དེ་ཉིད་༼གྱིས་ནི་མིག་གཞན་གྱི་ཡུལ་ཡིན་པ་གཅོད་དོ། །
༽རྡོ་རྗེ་སྟེ། ཡང་དག་པའི་མཐའ་དེ་ལ་དམིགས་པའི་ཏིང་ངེ་འཛིན་ནི། དེ་བཞིན་གཤེགས་པ་ཐམས་ཅད་ཀྱི་མི་ཟད་པའི་རྡོ་རྗེ་ཞེས་བྱའོ། །དངོས་པོ་འདི་རྣམས་མ་སྐྱེས་པ་ཞེས་བྱ་བ་ནི། གཟུགས་སོགས་ཕྱི་དང་མིག་སོགས་ནང་གི་
བདག་ཉིད་ཅན་གྱི་དངོས་པོ་འདི་རྣམས་ངོ་བོ་ཉིད་ཀྱིས་མ་སྐྱེས་པ་སྟེ། རང་བཞིན་གྱིས་འོད་གསལ་བའི་ཕྱིར་རོ། །དེ་བས་ན་ཆོས་ཅན་རྣམས་ནི་རང་གི་མཚན་ཉིད་ཀྱིས་གྲུབ་པ་མེད་པ་ཁོ་ནའོ། །ཆོས་ཉིད་མེད་པ་སྟེ་ཞེས་བྱ་བ་ནི་དེ་རྣམས་ཀྱི་ཆོས་
ཉིད་ཀྱང་ངོ་བོ་ཉིད་ཀྱིས་ཡོད་པ་མ་ཡིན་ཏེ་ཆོས་རྣམས་མེད་པའི་ཕྱིར་རོ། །དེ་བས་ན་འདི་ལྟར་ནམ་མཁའ་ལྟ་བུར་བདག་མེད་པའི་མཚན་ཉིད་ཅན་གྱི་ཡུལ་དང་ཡུལ་ཅན་བདེ་ཆེན་གྱི་ཡེ་ཤེས་ཀྱི་འོད་གསལ་བ་སྟེ། བླ་ན་མེད་པའི་བྱང་ཆུབ་ཀྱི་
4-2-90b


ཚུལ་འདི་ནི་བྱང་ཆུབ་པའི་ཐབས་སོ། །བརྟན་པ་ནི་མི་ཉམས་ཤིང་སླར་མི་ལྡོག་པའི་སྙིང་པོ་ཡོད་པ་སྟེ་ནམ་མཁའ་ལྟ་བུ་ཡིན་ནོ། །ཞེས་དེ་བཞིན་གཤེགས་པ་མི་བསྐྱོད་པས་གསུངས་པ་སྟེ། དགོངས་པ་མ་ཡིན་པའོ།། ༈ དེ་ནས་ཞེས་བྱ་
བ་ལ་སོགས་པ་ནི་དེ་བཞིན་དུ་སྦྱར་ཏེ། དེ་བཞིན་གཤེགས་པ་ཐམས་ཅད་ཀྱི་བདག་མེད་པ་ནི་དོན་དམ་པའི་བདེན་པའོ། །དེ་ཉིད་རྡོ་རྗེ་སྟེ་དེ་ལ་དམིགས་པའི་ཏིང་ངེ་འཛིན་ནི། དེ་བཞིན་གཤེགས་པ་ཐམས་ཅད་ཀྱི་བདག་མེད་པ་རྡོ་རྗེ་ཞེས་བྱ་བའི་
ཏིང་ངེ་འཛིན་ནོ། །ཆོས་རྣམས་ཐམས་ཅད་ཅེས་བྱ་བ་ནི་ཟག་པ་དང་བཅས་པ་དང༌། ཟག་པ་མེད་པ་རྣམས་སོ། །དངོས་པོ་མེད་ཅིང་ཞེས་བྱ་བ་ནི་འདིས་མཚོན་པར་བྱེད་པའི་མཚན་མ་སྟེ། མཚན་ཉིད་མེད་པའི་ཕྱིར་རོ། །ཆོས་ཀྱི་མཚན་ཉིད་རྣམ་པར་
སྤངས་ཞེས་བྱ་བ་ནི་གཟུགས་སོགས་ཆོས་རྣམས་ཉིད་ངོ་བོ་ཉིད་ཀྱིས་མ་གྲུབ་ན་དེ་རྣམས་ཀྱི་མཚན་ཉིད་རང་བཞིན་གྱིས་གྲུབ་པ། ག་ལ་ཡོད་དེ། མོ་གཤམ་གྱི་བུའི་ལྗང་བ་དང་དཀར་བ་ལ་སོགས་པ་དང་འདྲི་བར་ཁྱད་གཞི་མེད་པའི་ཁྱད་ཆོས་མི་འཐད་པའི་
ཕྱིར་རོ་་འོ། །འོ་ན་དེའི་ངང་ནས་ཇི་ལྟར་དག་པའི་ལྷའི་སྐུ་བསྐྱེད་ཅེ་ན། བདག་མེད་ཆོས་ལས་ཀུན་ཏུ་འབྱུང་ཞེས་བྱ་བ་སྟེ། བདག་མེད་པའི་ཆོས་ནི་དོན་དམ་པའི་བདེན་པ་སྟེ། དེ་ལས་རང་ལ་བྱིན་གྱིས་བརླབ་པའི་རིམ་གྱིས་ཀུན་ཏུ་འབྱུང་
བས་ན། བདག་མེད་པ་དོན་དམ་པའི་ཆོས་ལས་ཀུན་ཏུ་འབྱུང་སྟེ་སྔོན་གྱི་འཕེན་པའི་ཤུགས་ཀྱིས་བྱུང་བའོ། །༼ཞེས་པ་འདིས་སྒྱུ་མའི་སྐུ་བསྒྲུབ་ཚུལ་གྱི་གནད་སྟོན་པ་ནི་འདིའི་མན་ངག་ཏུ་བཤད་ཟིན་ཏོ། །༽ཞེས་དེ་བཞིན་གཤེགས་པ་
4-2-91a


རིན་ཆེན་འབྱུང་ལྡན་གྱིས་གསུངས་ཏེ་དགོངས་པ་མ་ཡིན་པའོ།། ༈ དེ་ནས་ཞེས་བྱ་བ་ལ། འོད་ཟེར་འབར་བ་ཉིད་ནི་སྒྲོན་མ་ཡིན་པས་ན། འོད་ཟེར་འབར་བའི་སྒྲོན་མ་སྟེ། དེ་གང་ཞེ་ན། དོན་དམ་
བདེན་པ་དང་རོ་གཅིག་ཏུ་ཞུགས་པའི་འོད་གསལ་བའི་ཡེ་ཤེས་ཀྱི་སྣངབའོ། །དེ་ཉིད་རྡོ་རྗེ་སྟེ་དེ་ལ་དམིགས་པའི་ཏིང་ངེ་འཛིན་ནི་འོད་ཟེར་འབར་བ་སྒྲོན་མ་རྡོ་རྗེ་ཞེས་བྱའོ། །མ་སྐྱེས་པ་ཡི་ཞེས་པ་ནི། མ་བྱུང་བ་ལའོ། །ཆོས་རྣམས་ལ་ཞེས་
བྱ་བ་ནི་འདུས་བྱས་དང་འདུས་མ་བྱས་རྣམས་ལའོ། །ངོ་བོ་མེད་དེ་ཞེས་བྱ་བ་ནི་བསྒོམ་པར་བྱ་བ་མེད་པའོ། །སྒོམ་པའང་མེད་ཅེས་བྱ་བ་ནི། སྒོམ་པ་ཡང་རང་བཞིན་གྱིས་མེད་དེ་བསྒོམ་པར་བྱ་བ་རང་བཞིན་གྱིས་མེད་པའི་ཕྱིར་རོ། །འོ་ན་དེའི་
ངང་ནས་ལྷའི་རྣལ་འབྱོར་དུ་སྟེ། སྒྱུ་མའི་སྐུ་ཇི་ལྟར་སྐྱེད་པར་འགྱུར་ཞེ་ན། ནམ་མཁའི་ཚུལ་དུ་སྦྱོར་བ་ཡིས་ཞེས་བྱ་བ་གསུངས་ཏེ། ནམ་མཁའ་ནི་དོན་དམ་པའི་བདེན་པའོ། །ཚུལ་ནི་ཀུན་རྫོབ་ཀྱི་བདེན་པའོ། །དེ་གཉིས་ཀྱི་
སྦྱོར་བ་ནི་ཐུགས་དང་སྐུར་ངོ་བོ་གཅིག་ཏུ་གྱུར་པ་སྟེ། དེ་དག་གིས་ནི་ནམ་མཁའི་ཚུལ་དུ་སྦྱོར་བ་ཡིས་ཞེས་བྱ་བ་ཡིན་པར་དགོངས་སོ། །དངོས་པོ་དག་ཏུ་རབ་ཏུ་བསྒྲགས་ཞེས་བྱ་བ་ནི། ཚུལ་འདིས་དངོས་པོ་སྟེ་རྡོ་རྗེ་འཆང་ཆེན་
པོའི་སྐུ་རབ་ཏུ་བསྒྲགས་ཤིང་བཤད་དོ། །ཞེས་དེ་བཞིན་གཤེགས་པ་འོད་དཔག་ཏུ་མེད་པས་གསུངས་ཏེ། དགོངས་པ་མ་ཡིན་པའོ།། ༈ དེ་ནས་ཞེས་བྱ་བ་ལ་སོགས་པ་ལ། སྔ་མ་བཞིན་དུ་སྦྱར་ཏེ། དེ་བཞིན་གཤེགས་པ་
4-2-91b


ཐམས་ཅད་ཟིལ་གྱིས་གནོན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ནི་སྔར་མཐར་ཐུག་ལ། བཤད་ཟིན་པ་འདིར་གཟུང་ངོ་ཏོ། །ཆོས་རྣམས་རང་བཞིན་འོད་གསལ་བ་ཞེས་བྱ་བ་ནི། རང་བཞིན་དང་འོད་གསལ་བ་ནི་རང་བཞིན་འོད་གསལ་བ་སྟེ། རང་བཞིན་ནི་
ཀུན་རྫོབ་ཀྱི་བདེན་པས་ནི་སྒྱུ་ལུས་དང་རྫུན་པའི་སྣང་བ་གཉིས་ཀ་གཟུང་ངོ་འོ། །འོད་གསལ་བ་ནི་དོན་དམ་པའི་བདེན་པས་ཀྱང་འོད་གསལ་གྱི་ཡེ་ཤེས་དང་ཆོས་ཉིད་གཉིས་ཀ་གཟུང་སྟེ་ཚིག་འོག་མའི་གནད་ཀྱིས་སོ་སྟེ། ཕྱི་དང་ནང་གི་དངོས་པོ་རྣམས་ནི་བདེན་
པ་གཉིས་ཀྱི་ངོ་བོ་ཉིད་དོ། །དེ་བས་ན་གདོད་ནས་དག་པ་ནམ་མཁའ་བཞིན་ཏེ་ཡོངས་སུ་དག་པས་ན་བྱང་ཆུབ་མེད་པ་ཅེས་པའི་བྱང་ཆུབ་ནི་འབྲས་བུ་དོན་གྱི་འོད་གསལ་བའི་ཡེ་ཤེས་ཀྱི་ངོ་བོ་ཉིད་དོ། །མངོན་རྟོགས་མེད་པ་ཞེས་པའི་མངོན་རྟོགས་ནི་
དེ་ཐོབ་པའི་རྒྱུ་སྒྱུ་ལུས་སྟེ། རྒྱུ་སྒྱུ་ལུས་དང་འབྲས་བུ་དོན་གྱི་འོད་གསལ་གྱི་ཡེ་ཤེས་གཉིས་དབྱེར་མི་ཕྱེད་པའི་ཕྱིར་རོ། །བྱང་ཆུབ་ཚུལ་འདི་བརྟན་པའོ་ཞེས་བྱ་བ་ནི། རྒྱུ་དང་འབྲས་བུ་དག་མི་ཕྱེད་པར་ཡོངས་སུ་ཤེས་པ་ཉིད་ནི་བྱང་ཆུབ་ཀྱི་ལམ་བརྟན་
པོ་ཡིན་ནོ། །ཞེས་བཅོམ་ལྡན་འདས་དོན་ཡོད་པར་གྲུབ་པས་གསུངས་པ་སྟེ། དགོངས་པ་མ་ཡིན་པའོ།། ༈ དེ་ནས་ཞེས་བྱ་བ་ལ་སོགས་པ་ལ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་ནི་ཡིད་ཀྱི་རང་
བཞིན་གྱི་སྐུའོ། །དེའི་ཆོས་༼སྐབས་འདིར། སྔར་བཤད་པ་རྣམས་ཀྱི་དོན་ལ། དགོངས་པ་ལུང་སྟོན་ལས། དོགས་གཅོད་ཀྱི་ཞུས་ལན་གྱིས་ལེགས་པར་གཏན་ལ་ཕབ་པ་ནི། འགྲེལ་པར་མ་དྲངས་ཀྱང༌། ལེགས་པར་བཤད་དགོས་པས་དཀའ་འགྲེལ་དུ་ཤེས་པར་བྱའོ། 
4-2-92a


༽ཉིད་ནི་དོན་དམ་པའི་བདེན་པས་རྣམ་པར་དག་པའོ། །དེའི་ཡི་གེ་ནི་ཚིག་དེ་གསལ་བར་བྱེད་པའི་ངག་གི་ཚོགས་སོ། །དེ་ཐོས་ནས་ངོ་མཚར་དུ་གྱུར་པ་ནི་ཀུན་རྫོབ་ཀྱི་བདེན་པས་སོ། །རྨད་དུ་གྱུར་པ་ནི་དོན་དམ་པའི་བདེན་པས་
སོ། །ཨེ་མའོ་སངས་རྒྱས་ཞེས་བྱ་བ་ནི་ཀུན་རྫོབ་ཀྱི་བདེན་པའི་སྒོ་ནས་བསྟོད་པའོ། །ཨེ་མའོ་ཆོས་ཞེས་བྱ་བ་ནི་དོན་དམ་པའི་བདེན་པའི་སྒོ་ནས་སོ། །ཆོས་བཤད་པ་ནི་ངོ་མཚར་ཆེ་ཞེས་བྱ་བ་ནི་བདེན་པ་གཉིས་མི་ཕྱེད་པའི་རྣམ་པ་གསལ་བར་བྱེད་
པས་ཆོས་སྟོན་པར་མཛད་པའི་རྣམ་པས་བསྟོད་པའོ། །ཡང་དག་དོན་ནི་འོད་གསལ་བའོ། །དེས་དག་པའི་དོན་ནི་ཡོངས་སུ་དག་པའི་སྐུ་སྟེ། དེ་ལྟ་བུའི་ཡོན་ཏན་གྱི་ཁྱད་པར་དང་ལྡན་པ་བྱང་ཆུབ་ཀྱི་སེམས་རྡོ་རྗེ་འཆང་ཆེན་པོ་ཁྱེད་ལ་ཕྱག་འཚལ་ལོ་
ཞེས་པའོ། །བདག་མེད་པ་ཡི་ཆོས་ལས་བྱུང་ཞེས་བྱ་བ་ནི། །དོན་དམ་པའི་བདེན་པར་ཞུགས་པ་ལས་ཡང་དག་པར་འཁྲུངས་ཞེས་བྱ་བའི་དོན་ཏོ། །སངས་རྒྱས་ཀྱི་བྱང་ཆུབ་ནི་རྫོགས་པའི་རིམ་པའོ། །དེས་གདུལ་བྱ་རྣམས་སངས་རྒྱས་སུ་སྐྱེད་
པར་མཛད་པས་ན་སངས་རྒྱས་བྱང་ཆུབ་རྫོགས་མཛད་པའོ། །རྟོག་པ་ཐམས་ཅད་ལས་འདས་པས་ན་རྣམ་པར་མི་རྟོག་པའོ། །དེ་ཉིད་ཀྱིས་ན་དམིགས་སུ་མེད་པ་སྟེ། མངོན་ཞེན་གྱི་དམིགས་པ་དང་བྲལ་བ་ཁྱེད་ལ་ཕྱག་འཚལ་ལོ་ཞེས་པའོ། །ཀུན་
ཏུ་བཟང་པོ་ཞེས་བྱ་བ་ལ་སོགས་པ་ལ། འཁོར་བ་དང་མྱ་ངན་ལས་འདས་པ་དག་ཏུ་བཟང་བས་ན་ཀུན་ཏུ་བཟང་པོའོ། །ཕུན་སུམ་ཚོགས་པ་ཐམས་ཅད་ཀྱི་ངོ་བོ་ཉིད་ཡིན་པས་ན། ཐམས་ཅད་པའོ། འདོད་པའི་དོན་ནོ། །ལྷའི་དཀྱིལ་འཁོར་སྤྲོ་
4-2-92b


བར་མཛད་པས་ན་བྱང་ཆུབ་སེམས་ནི་རབ་བསྐོར་བའོ། །བྱང་ཆུབ་ནི་དོན་དམ་པའི་བདེན་པལ་ཞུགས་པའི་ཡེ་ཤེས་སོ་འོ། །དེ་གང་གིས་སྤྱོད་ཅིང་སྟེ། ཐོབ་པར་བྱེད་པ་ནི་བྱང་ཆུབ་ཀྱི་སྤྱོད་པ་སྟེ། ཀུན་རྫོབ་ཀྱི་བདེན་པ་སྒྱུ་མའི་སྐུའོ། །རྡོ་རྗེ་ཆེ་ནི་བདེན་པ་
གཉིས་ཀྱི་བདག་ཉིད་ཅན་ཏེ། དེ་ལྟ་བུ་ཁྱོད་ལ་ཕྱག་འཚལ་ལོ་ཞེས་པའོ། །སེམས་ཀྱི་ངོ་བོ་ཉིད་ཇི་ལྟ་བུ་ཡིན་ཞེ་ན། དག་པ་ཞེས་བྱ་བ་ལ་སོགས་པ་སྟེ། དག་པ་ནི་དོན་དམ་པའི་བདེན་པ་སྟེ། དོན་དམ་དེས་ཡོངས་སུ་དག་ཅིང་སྟེ་དག་པའི་ཡིད་ཀྱི་རང་
བཞིན་གྱི་སྐུ་ཞེས་བྱ་བའི་དོན་ཏོ། །དེ་བཞིན་གཤེགས་པ་ནི་དེ་བཞིན་ཉིད་དུ་གཤེགས་པས་ན་དེ་བཞིན་གཤེགས་པ་སྟེ། དེ་བཞིན་གཤེགས་པ་ཉིད་ནི་དེ་བཞིན་གཤེགས་པའོ། །སྐུ་གསུང་ཐུགས་ཀྱི་རྡོ་རྗེ་འཛིན་ཞེས་བྱ་བ་ནི། རྡོ་རྗེ་གསུམ་ལ་
སོགས་པའི་རྣམ་པར་གདུལ་བྱ་རྣམས་ལ་སྣང་བས་སོ། །སངས་རྒྱས་བྱང་ཆུབ་རབ་སྟོན་པ་ཞེས་བྱ་བ་ནི། སྐུ་དང་གསུང་དང་ཐུགས་རྡོ་རྗེའི་སངས་རྒྱས་ཀྱི་བྱང་ཆུབ་ཐོབ་པར་མཛད་ཅིང་། མི་གནས་པའི་མྱ་ངན་ལས་འདས་པའི་དབྱིངས་ལ་འཇོག་
པར་མཛད་པས་ན་སངས་རྒྱས་ཀྱི་བྱང་ཆུབ་རབ་ཏུ་སྟོན་པ་ཁྱོད་ལ་ཕྱག་འཚལ་ལོ་ཞེས་པ་སྟེ་སྒྲ་ཇི་བཞིན་པར་བཤད་པའོ།། ༈ དྲང་ངེས་ཀྱི་བྱང་ཆུབ་ཀྱི་སེམས་བསྐྱེད་ཚུལ་རབ་ཏུ་སྟོན་པའི་ལེའུ་ནི་བྱང་ཆུབ་སེམས་ཀྱི་ལེའུའོ། །
༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་གཉིས་པ་མཐའ་དྲུག་གིས་བཤད་པའོ། །། །སྔར་བསྐྱེད་རིམ་ལ་དཀྱིལ་འཁོར་རྒྱལ་མཆོག་ཡན་ཆད་ལས་མ་བཤད་པས་རིམ་གཉིས་ཀྱི་རྣལ་འབྱོར་པ་རྣམ་པ་གཉིས་ཀྱི་
4-2-93a


ནང་ནས་བསྐྱེད་རིམ་པས་གསང་གནས་དང་གདོང་གི་སྣ་རྩེར་ཕྲ་མོ་བསྒོམ་པ་གཉིས་དང༌། རྫོགས་རིམ་པས་སྙིང་ཁའི་སྣ་རྩེ་ནས་རྡོར་བཟླས་བྱེད་པ་གཅིག་ཏེ། ཕྲ་མོ་རྣམ་པ་གསུམ་བྱའོ་
ཞེས་ཉེ་བར་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ།། ༈ དེ་ནས་བཅོམ་ལྡན་འདས་ཀྱིས་གསུངས་སོ། །ཞེས་བྱ་བར་སྦྱར་རོ། །སྐུ་དང་གསུང་དང་ཐུགས་རྡོ་རྗེ་དེ་བཞིན་གཤེགས་པ་ནི་རྡོ་རྗེ་འཆང་ཆེན་པོའོ། །
དེ་བཞིན་གཤེགས་པ་ཐམས་ཅད་ནི་མི་བསྐྱོད་པ་ལ་སོགས་པ་སྟེ། དེ་རྣམས་ཀྱིས་སེམས་ཅན་གྱི་དོན་གྱི་ཕྱིར་ཕྱོགས་བཅུར་ཁྱབ་པ་གང་ཡིན་པ་ནི་འཕྲོ་བའོ། །དེ་ཉིད་ནི་ཆོས་ཀྱི་ཆུའི་ཆར་འབེབས་པས་ན་སྤྲིན་ནོ། །དེ་ཉིད་ནི་སེམས་ཅན་བསམ་པ་
རྣམ་པ་སྣ་ཚོགས་པས་ཕྱེ་བ་ལ་སྐུ་དུ་མར་སྟོན་པའི་ཕྱིར་བཀོད་པའོ། །དེ་ལྟ་བུའི་ཚུལ་གྱིས་མི་ཕྱེད་པས་ན་རྡོ་རྗེ་སྟེ་ཏིང་ངེ་འཛིན་དེ་ལ་དམིགས་པའོ། །འདི་ཞེས་བྱ་བ་ནི་ཐུགས་ལ་བཞག་པའོ། །རྡོ་རྗེ་བཀོད་པ་ཞེས་བྱ་བ་ལ། རྡོ་རྗེ་ནི་དེ་བཞིན་གཤེགས་
པ་རྣམས་སོ། །དེའི་བཀོད་པ་ནི་དེ་རྣམས་ཀྱི་ཚོགས་གང་ཡིན་པ་སྟེ། དེ་ནི་རྡོ་རྗེ་བཀོད་པའོ། །དེ་སྐད་ཅེས་བྱ་བའི་ཏིང་ངེ་འཛིན་གྱི་གཞིའི་ལེའུ་ནི་ཏིང་ངེ་འཛིན་གྱི་ལེའུ་སྟེ་དེ་གསུངས་པའོ།། ༈ དེ་ལྟར་སྡུད་པ་པོས་ལེའུ་ལ་ཞུགས་པ་སྟེ། ལེའུ་དེ་
བཤད་བྱར་བཀོད་ནས། ལྷ་རིགས་དྲུག་པོ་རྣམས་སྐྱེད་པའི་ཡན་ལག་ཏུ་སྟེ་ཐབས་སུ་གྱུར་པའི་གསང་སྔགས་སྟོན་པས། ལེའུ་གསུམ་པའི་དང་པོར་སྟོན་པ་སྟེ། གསུངས་པ་ནི། ཨོཾ་ལ་ཨ་དང་། ཨུ་དང་མ་ཡིག་གསུམ་ཡོད་པ་ནི་སྐུ་རྡོ་རྗེ་སོགས་གསུམ་ཡིན་
4-2-93b


ལ། དེའི་དང་པོ་གཉིས་ལས་ཨོ་དང་། དེ་ལ་མས་བརྒྱན་པས་ཨོཾ་ཡིག་གཅིག་ཏུ་གྱུར་པ་ནི། རྡོ་རྗེ་གསུམ་མི་ཕྱེད་པའི་བདག་ཉིད་དེ། དེ་བརྗོད་པས་བསོད་ནམས་ལེན་པའམ་གསོག་པའོ། །འདི་འོག་ནས་འབྱུང་བའི་སྐབས་ཀུན་ཏུ་ཤེས་པར་བྱའོ། ཤཱུ་ནྱ་ནི་སྟོང་པ་དང༌། ཏཱ་ནི་ཉིད་དེ་ཡུལ་
སྟོང་པ་ཉིད་དོ། །ཛྙཱ་ན་ནི་ཡུལ་ཅན་གྱི་ཡེ་ཤེས་སོ། །བཛྲ་ནི་རྡོ་རྗེ་སྟེ་དེ་གཉིས་ཆུ་ལ་ཆུ་བཞག་པ་བཞིན་དུ་དབྱེར་མི་ཕྱེད་པར་སོང་བའོ། །སྭ་བྷཱ་ཝ་ནི་རང་བཞིན་ཏེ། རང་བཞིན་རྣམ་དག་རྒྱུ་དང་འབྲས་བུའི་དུས་གཉིས་ཀར་ཁྱད་མེད་དུ་ཡོད་པར་སྟོན་པའོ། །རྣམ་དག་དེ་བདག་ཉིད་ལ་རང་བཞིན་གྱིས་
གནས་ཤིང་རང་ཡང་དེ་ལས་ལོགས་ཤིག་ན་མེད་པ་ནི་ཨཱཏྨ་ཀ་དང་ཨ་་ཀོ་་྅ཧཾ་གི་དོན་ནོ། །དེ་ནི་མན་སྙེར་རྒྱུད་ཀྱི་བཤད་པ་ཡིན་པར་བཤད་པ་ལྟར་ཡིན་ལ། རྒྱུད་འདིའི་སྐོར་ནས་གསུངས་པ་ནི་འཆད་པར་འགྱུར་རོ། །སྟོང་ཉིད་ཀྱི་དོན་ཡིད་ལ་བྱེད་པ་ཙམ་གྱིས་མི་ཆོག་པར་ཨ་ཧཾ་ཞེས་ང་རྒྱལ་
འཇོག་པ་ནི་ཐེག་པ་འདིར་ད་ལྟ་ནས་ཆོས་གཟུགས་གཉིས་ཀའི་ང་རྒྱལ་འཛིན་དགོས་པའི་ཆོས་སྐུ་ལ་ང་རྒྱལ་འཇོག་པའོ།། ༈ ནམ་མཁའི་ཁམས་སམ། དབྱིངས་ཀྱི་དབུས་གནས་པར། ཞེས་བྱ་བ་ནི། ཆོས་འབྱུང་ཟུར་གསུམ་བ་ལ་གནས་པ་སྟེ། 
དེའི་དབུས་སུ་གནས་པ་ནི་འོག་གི་རྟེན་གྱི་དཀྱིལ་འཁོར་རོ། །འདིའི་གཞལ་ཡས་ཁང་ནི་ལྷག་མོས་དང་། དཀྱིལ་འཁོར་རྒྱལ་མཆོག་གི་སྐབས་གཉིས་ཀ་འདྲ་ལ་རྡོ་རྗེ་འཆང་གིས་གཙོ་བོ་མཛད་པ་ནི་ལྷག་མོས་ལ་སོགས་པའི་སྐབས་སོ། །རིགས་གཞན་གྱིས་གཙོ་བོ་མཛད་པ་ནི་རྣལ་འབྱོར་བཞི་མན་
ཆད་ཀྱི་སྐབས་སོ་འོ། །སངས་རྒྱས་དཀྱིལ་འཁོར་ཞེས་བྱ་བ་ལ་སོགས་པའི་སངས་རྒྱས་ནི། །རྣམ་པར་སྣང་མཛད་ལ་སོགས་པའི་རིགས་ལྔའི་ལྷ་རྣམས་ཀྱི་འཁོར་ལོའོ། །འོད་ཟེར་སྤྲིན་གྱི་བཀོད་པ་ཆེ། །ཞེས་བྱ་བའི་འོད་ཟེར་ནི་
4-2-94a


རང་རང་གི་སངས་རྒྱས་ཀྱི་རིགས་དེ་དང་དེར་འབྲེལ་བའི་ལྷ་སྤྱན་མ་ལ་སོགས་པ་རྣམས་ཏེ། དེ་རྣམས་ཀྱི་ཚོགས་ནི་སྤྲིན་ནོ། །ལྷའི་ཚོགས་དེ་ཉིད་དེ་དེ་རྣམས་ཤར་ལ་སོགས་པའི་རང་རང་གི་གནས་ཇི་ལྟ་བ་བཞིན་དུ་ཡང་
དག་པར་གནས་པས་ན། བཀོད་པ་ཆེན་པོའོ། །སངས་རྒྱས་འབར་བའི་འོད་དང་མཉམ། །ཞེས་བྱ་བའི་སངས་རྒྱས་ནི་སྤྱན་སོགས་རང་རང་གི་རིགས་ཀྱི་བདག་པོའོ་འི་འབར་བའི་འོད་ནི་དེའི་སྐུ་མདོག་གོ། མཉམ་པ་ནི་དེ་དང་འདྲ་
བའོ། །ལྷ་དེ་རྣམས་ཀྱི་བཞུགས་གནས་ནི་འོད་ཟེར་སྣ་ལྔས་ཀུན་ཏུ་ཁྱབ། །ཅེས་བྱ་བ་ནི། ཤར་དཀར་བ་ལ་སོགས་པའི་ཁ་དོག་སྣ་ལྔ་པའི་སའི་ཆ་དང་ལྡན་པའོ། །ཀུན་ནས་ཡོངས་སུ་ཟླུམ་པོར་ཏེ། ཞེས་བྱ་བའི་ཀུན་ནས་ནི་གཞལ་ཡས་༼
འདི་ནི་ལྷ་ཞི་བའི་དབང་དུ་བྱས་པ་སྟེ། ཁྲོ་བོ་ལ་མ་ངེས་སོ། །སངས་རྒྱས་དཀྱིལ་འཁོར་ཞེས་པ་ནས་འོད་དང་མཉམ་ཞེས་པའི་བར་རྐང་པ་གསུམ་གྱི་དོན་ནི། ལྷག་མོས་དང་དཀྱིལ་འཁོར་རྒྱལ་མཆོག་གི་སྐབས་གཉིས་ཀར་སྦྱར་རོ། །༽ཁང་གི་ངོས་ཐམས་ཅད་དུ་བཟང་བ
སྟེ། མཛེས་པའོ། །འདོད་པའི་ཡོན་ཏན་ལྔ་ཡིས་ཁྱབ། །ཅེས་བྱ་བ་ནི། ཤར་ལྷོར་གཟུགས་རྡོ་རྗེ་ལ་སོགས་པ་དང་ལྡན་པའོ། །མཆོད་པ་རྣམ་པ་ལྔས་བརྒྱན་པ། །ཞེས་བྱ་བ་ནི། འདོད་སྣམ་ལ་དཀྱིལ་འཁོར་གྱི་ལྷ་ལ་སོགས་པ་ལ་ཉེ་
བར་བསྟབ་པའི་མེ་ཏོག་ལ་སོགས་པའི་མཆོད་པ་རྣམ་པ་ལྔ་འཛིན་པའི་ལྷ་མོ་དང་བཅས་པའོ། །མདོར་ན་ཞེས་བྱ་ལ་སོགས་པ་ལ། མདོར་བསྡུ་ན་ལྷའི་འཁོར་ལོ་འདི་ལྟར་བསམ་པར་བྱ་བའོ། །༼ཆག་འགྱུར་ལ་སོགས་མེད་པ་ལྟར་བདེའོ། །
4-2-94b


གཟུགས་ནི་ཞེས་བྱ་བ་ནི་སྒྲུབ་པ་པོ་བདག་ཉིད་དབུས་སུ་སྟེ་འཁོར་ལོའི་སྟེ། རྟེན་གྱི་དཀྱིལ་འཁོར་གྱི་དཀྱིལ་དུ་རྡོ་རྗེ་འཆང་གི་གཟུགས་སུ་བསྒོམ་པར་བྱ་བ་སྟེ། དཀྱིལ་འཁོར་གྱི་བདག་པོར་གྱུར་པ་ཉིད་ཀྱིས་བཞག་གོ་ཞེས་བྱ་བའི་དོན་ཏོ།། ༈ རྡོ་རྗེ་
འཆང་གཙོ་བོར་བཤད་པ་དེ་ནས་ཏེ་དེའི་འོག་ཏུ་རྣམ་པར་སྣང་མཛད་ལ་སོགས་པ་རིགས་ལྔ་རྣམས་ཀྱི་སྐུ་ཕྱག་རྒྱ་ཆེན་པོ་ཡང་རྡོ་རྗེ་འཆང་ཆེན་པོའི་གཟུགས་དབུས་སུ་བསྒོམ་པར་བཤད་པ་དེ་བཞིན་དུ་དཀྱིལ་འཁོར་གྱི་དབུས་སུ་བསྒོམ་པར་བྱའོ། །ཞེས་
བསྟན་པའི་ཕྱིར། རྣམ་པར་སྣང་མཛད་ཅེས་བྱ་བ་ལ་སོགས་པ་གསུངས་ཏེ། སྐུ་གསུང་ཐུགས་ཀྱིས་མཚན་པའོ་ཞེས་བྱ་བ་ནི། རྡོ་རྗེ་འཆང་གིས་སྤྲུལ་པའི་དང་ཉེ་བ་ན་བཞུགས་པའི་རྣམ་པར་སྣང་མཛད་ཀྱི་ཕྱག་རྒྱ་ཆེན་པོ་ནི་རྡོ་རྗེ་གསུམ་གྱི་ནང་ནས་
སྐུ་རྡོ་རྗེ་ཉིད་དུ་གྱུར་པ་ཡིན་ཡང་རྣམ་པར་སྣང་མཛད་ཀྱི་སྐུ་ལ་གསུང་རྡོ་རྗེ་དང་ཐུགས་རྡོ་རྗེ་དག་གི་ཡོན་ཏན་༼ཞེས་པ་ནི་འགྱུར་གསར་གཉིས་ཀ་ལས་རྡོ་རྗེ་འཆང་གིས་སྤྲུལ་པའི་ཞེས་འབྱུང་བ་བདེའོ། །༽གྱི་ངོ་བོ་ཉིད་ཀྱང་མངའ་བས། སྐུ་གསུང་ཐུགས་རྡོ་རྗེ་
གསུམ་གྱི་ཀྱིས་མཚན་པ་སྟེ་བརྒྱན་པའོ། །བསྡུས་དང་གཅིག་ཏུ་སྦྱོར་བ་ཡིས་ཞེས་བྱ་བ་ནི། འདི་ལ་ལྷ་རྣམས་ཀྱི་འཁོར་ལོ་མ་ལུས་པ་སྡུད་པས་ན་བསྡུས་པ་ཡིས་ཏེ་རྡོ་རྗེ་འཆང་ཆེན་པོའོ། །དེ་དང་གཅིག་ཏུ་སྦྱོར་བ་ནི་མི་བསྐྱོད་པའི་སྐུ་
ཕྱག་རྒྱ་ཆེན་པོ་བསྒོམ་པར་བྱ་བའོ། །༼ཞེས་རྒྱུད་དུ་གསུངས་སོ། །༽དེ་བཞིན་དུ་རཏྣ་ནི་དཀོན་མཆོག་དང་རིན་པོ་ཆེ་གཉིས་ཀ་ལ་འཇུག་ཅིང་། དབལ་ནི་ཏོག་ལ་ཡང་འགྲོ་བས་དཀོན་མཆོག་དབལ་ལ་༼དང་རིན་ཆེན་ཏོག་གཉིས་འདྲའོ། ༼སོགས་པའི་ཕྱག་རྒྱ་
4-2-95a


ཆེན་པོར་དཀྱིལ་འཁོར་གྱི་དབུས་སུ་རྣམ་པར་བསྒོམ་པར་བྱ་སྟེ། རྒྱུད་དུ་རིགས་ལྷག་མ་ལྔ་དཀྱིལ་འཁོར་གྱི་དབུས་སུ་སྒོམ་པ་གསལ་བར་མ་བཤད་ཀྱང་གཙོ་བོ་འཕོ་བའི་ཚུལ་གྱིས་བཤད་དུ་རུང་བར་བསྒྲུབ་པ་ནི་རྡོ་རྗེ་མཆོག་ནི་གང་ཡིན་པའི། །
དབུས་སུ་སྐུ་ནི་ལེགས་བྲིས་པ། །དེ་ཡི་མིང་སྨོས་རྡོ་རྗེ་ཡི། ༽འདིར་རྒྱུད་ལས་ཚེ་དཔག་མེད་པའི་འོད་ཅེས་པའི་འོད་བྱེད་པ་ནི་དེའི་སྐུ་དང༌། །ཐོགས་མེད་གྲུབ་པའི་རྒྱ་ཆེན་ནི། །དོན་གྲུབ་ཀྱི་སྐུ་ཕྱག་ཆེན་ནོ། །༼དཀྱིལ་འཁོར་ཡིན་ཞེས་སངས་རྒྱས་གསུང༌། །
ཞེས་གསུངས་པས་སོ། །ཞེས་པའི་ལུང་འདི་འདུས་པའི་ལེའུ་བཅུ་དྲུག་པ་ནས་དྲངས་པ་ཡིན་ལ། དེར་རྐང་པ་གསུམ་པ་མ་བྱུང་བ་བཞིན་དུ། པ་ཚབ་ཀྱི་འགྱུར་ལས་ཀྱང་མ་བྱུང་ཞིང་། འགྱུར་རྙིང་གཉིས་དང་ཆག་འགྱུར་ལས་རྐང་པ་བཞི་འབྱུང་བས། རྒྱ་དཔེ་ལ་མི་འདྲ་བ་གཉིས་ཡོད་
པར་སྣང་ཡང༌། སྔ་མ་ལྟར་ལེགས་སོ། །སྐབས་འདིར་རྡོ་རྗེ་མཆོག་ཅེས་འགྱུར་རྙིང་གཉིས་ལས་འབྱུང་ཡང་། བཅུ་དྲུག་པའི་འགྲེལ་པའི་འགྱུར་རྙིང་ཀུན་ལས། རྡོ་རྗེ་འདིར་ཞེས་དང༌། སྐབས་འདིར་འགྱུར་གསར་གཉིས་ལས། རྡོ་རྗེ་འཛིན་དང་རྡོ་རྗེ་འཆང་ཞེས་འབྱུང་བ་ལྟར། འཛིན་པ་དང་འཆང་བ་ཡོད་
པ་དག་གོ། མཆོག་དང་སོགས་ལ་སྐད་དོད་ཐུན་མོང་བ་ཡོད་པས། འགྱུར་རྙིང་ལས། གོང་འོག་གཉིས་ཀར་མཆོག་ཅེས་དང༌། པ་ཚབ་ཀྱིས་འདིར་མཆོག་ཅེས་དང༌། འོག་ཏུ་སོགས་ཞེས་དང༌། ཆག་གིས་འདིར་རྡོ་རྗེ་འཆང་སོགས་དང༌། འོག་ཏུ་རྡོ་རྗེ་འཛིན་མཆོག་ཏུ་བསྒྱུར་ཡང༌། འགྲེལ་
པའི་འགྱུར་ཀུན་ལས། རྡོ་རྗེ་འཛིན་པ་ལ་སོགས་པ་དཀྱིལ་འཁོར་པའི་ལྷ་རྣམས་ཞེས་འབྱུང་བས། མཆོག་ལ་བསྒྱུར་བ་འགྱུར་གྱི་སྐྱོན་ནོ། །དེས་ན་སོགས་ཁོང་ནས་གང་འདོན་པ་ལ། འདིར་རིགས་དྲུག་གི་གཙོ་བོ་འཕོ་བ་ལས་མ་བཤད་ཀྱང༌། དཀྱིལ་འཁོར་པའི་ལྷ་ལྷག་མ་ཀུན་འདོན་པ།
4-2-95b


 རྒྱུད་འགྲེལ་གྱི་དགོངས་པའོ། །དབུས་སུ་གཟུགས་བྲི་བ་ལ་ནི་ཚོན་གྱིས་བྲི་བ་དང༌། ཡིད་ཀྱིས་སྒོམ་པའི་བྲི་བ་གཉིས་སོ། །རྐང་པ་ཐ་མ་ལ་རྒྱུད་ལས། དེའི་དཀྱིལ་འཁོར་གནས་སུ་འགྱུར། །ཞེས་པའི་དོན་ནི། དབུས་སུ་ལྷ་གང་འོང་བ་དེའི་མཚན་སྨོས་པའི་དཀྱིལ་འཁོར་ཞེས་པར་འགྱུར་བའོ།། 
༈ སྐུ་མདོག་ལ་སོགས་པའི་རབ་ཏུ་དབྱེ་བ་བསྟན་པའི་ཕྱིར། སྐུ་གསུང་ཐུགས་ཀྱི་ཞེས་བྱ་བ་ལ་སོགས་པ་གསུངས་ཏེ། སྐུ་གསུང་ཐུགས་ཀྱི་རྡོ་རྗེ་ཅན་ནི་རྡོ་རྗེ་འཆང་ཆེན་པོ་སྟེ་མི་བསྐྱོད་པ་རྗེས་སུ་ཞུགས་པས་ཞེ་སྡང་རྡོ་རྗེར་གྱུར་ནས་སྐུ་
མདོག་ཨིནྡྲ་ནི་དབང་པོ་དང༌། ནཱི་ལ་ནི་སྔོན་པོའམ་ནག་པོར་ཀུན་ཏུ་བྱུང་བའོ། །རབ་འབར་ནི་མེ་འོད་དམར་པོ་འཁྲུགས་པའི་དབུས་ན་བཞུགས་པའོ། །ཞེ་སྡང་རྡོ་རྗེར་གྱུར་པ་དེ་ཉིད་ཀྱིས་ན་རྣམ་པར་གཙིགས་ལ་འཇིགས་འཇིགས་ལྟ་བུ་སྟེ། ཁྲོ་བ་དང་འདོད་ཆགས་
ཆེན་པོ་འདྲེས་པར་གྱུར་པས་མཆེ་བ་ཅུང་ཟད་གཙིགས་པའོ། །ཤེལ་དང་ཟླ་བའི་འོད་འདྲ་བ་ཞེས་བྱ་བ་ནི། རྣམ་པར་སྣང་མཛད་དེ་དེ་ནི་རལ་པའི་ཐོར་ཚུགས་དང་རིན་པོ་ཆེའི་ཅོད་པན་གྱིས་བརྒྱན་པ་སྟེ་འདི་ཀུན་ལ་སྦྱར་བར་བྱའོ་དང་འོད་ཀྱི་དཀྱིལ་
འཁོར་དང་བཅས་ཤིང༌། སྐུ་ལ་མཚན་ཐམས་ཅད་ཀྱིས་བརྒྱན་པ། ཕྱག་གི་གཙོ་བོ་གཡས་ཀྱི་དང་པོས་འཁོར་ལོ་བསྣམས་པར་བསྒོམ་པར་བྱའོ། །སྙན་རྒྱན་ལ་སོགས་པ་རིན་པོ་ཆེ་སྣ་ཚོགས་པའི་རྒྱན་གྱིས་མཛེས་པར་བརྒྱན་པ་སྟེ། འདི་ཡང་ཀུན་ལ་
སྦྱར་རོ། །ཛམྦུ་ཆུ་བོའི་གསེར་འོད་འདྲ་ཞེས་བྱ་བ་ནི། རིན་ཆེན་འབྱུང་ལྡན་གསེར་གྱི་མདོག་ཅན་ལ། སངས་རྒྱས་ཞེས་པ་དེ་བཞིན་གཤེགས་པའི་སྤྲིན་གྱིས་ཀུན་ཏུ་འཁྲིགས་པར་༼འི་དོན་ནི། པ་ཚབ་ཀྱིས། དེ་བཞིན་གཤེགས་པའི་བཀོད་པ་སྤྲོ་
4-2-96a


བསྒྱུར་བ་ལྟར་ཏེ། འདིའང་ཀུན་ལ་སྦྱར་རོ། །༽བསྒོམ་པའོ། །དེ་ཡི་ཕྱག་ན་ཞེས་བྱ་བ་ལ་སོགས་པ་ནི། ཞེ་སྡང་རྡོ་རྗེ་དེའི་ཕྱག་ཏུ་རྣམ་པར་བསྒོམ་པའོ། །རྡོ་རྗེ་འབར་བས་རྣམ་པར་བརྒྱན་ཞེས་པ་ནི། མི་ཕྱེད་པའི་འོད་ཟེར་འབར་བས་སྐུ་
ལ་བརྒྱན་པའོ། །མརྐ་ཏ་ཡི་ཞེས་བྱ་བ་ལ་སོགས་པས་ནི། དོན་ཡོད་པར་གྲུབ་པའི་ངོ་བོ་ཉིད་གསུངས་པའོ། །ཕྱག་ན་རིན་ཆེན་བར་ཞེས་བྱ་བ་ལ་སོགས་པས། ཀུན་ཏུ་འབར་བའི་སྤྲིན་གྱིས་ཁྱབ་ཅེས་པ་ནི། འོད་ཟེར་འབར་བའི་སྤྲིན་གྱིས་ཕྱོགས་ཀུན་ཏུ་ཁྱབ་པའི་རིན་པོ་ཆེ་ཕྱག་
གཡས་ཀྱི་དང་པོས་བསྣམས་པ་ནི། རིན་ཆེན་འབྱུང་ལྡན་གྱི་ཕྱག་མཚན་གསུངས་པའོ། །པདྨ་རཱ་ག་ཞེས་བྱ་བ་ལ་སོགས་པས་ནི། འོད་ཟེར་རབ་ཏུ་འབར་བའི་པདྨ་ཕྱག་གཡོན་གྱི་དང་པོ་ན་བསྣམས་ཤིང་། གཡས་པས་དེ་ཐུགས་ཀར་ཁ་འབྱེད་པར་མཛད་པའི་འོད་དཔག་ཏུ་
མེད་པའི་ཕྱག་མཚན་གསུངས་པའོ། །འོད་ཟེར་སྣ་ལྔའི་ཞེས་བྱ་བ་ལ་སོགས་པས་ནི། དོན་གྲུབ་གྱི་ཕྱག་མཚན་གསུངས་སོ། །སྣ་ཚོགས་པ་ཞེས་གསུངས་པའི་དོན་ནི་འགྲོ་བ་མ་ལུས་པའི་དོན་སྒྲུབ་པར་མཛད་པའི་ངོ་བོ་ཉིད་ཡིན་པས་ན། དེ་སྣ་ཚོགས་
པའོ། །༽འགྱུར་རྙིང་ལས། འདོ་ཟེར་སྣ་སྡའི་འོད་འདྲང་སྐྱེ། །གདོན་མི་ཟ་བ་རྡོ་རྗེ་ཅན། །ཞེས་འབྱུང་བ་ལ་པ་ཆབ་ཀྱིས། །འོད་ཟེར་ལྔ་འདྲ་རྣམ་བཅན། །སྣ་ཚོགས་དེན་ཡང་ཅེས་བསྒྱུར་བ་ལེགས་སོ། །རྒྱུད་ལས་ཞེ་བ་ཞེས་བ་ནི་ཞི་པའི་ཉམས་ཅན་ཏ། ཞེ་སྡང་རྡོ་རྗེ་མ་གཏོགས་པ་གསུམ་ལའང་སྦྱོར་རོ་
༈ འོད་ཟེར་དཀར་པོ་ལ་སོགས་པ་དང་ལྡན་པའི་དོན་ཡོད་པར་གྲུབ་པའི་རྡོ་རྗེ་ཅན་གྱི་ཕྱག་མཚན་དུ་ནི་གཡས་ཀྱི་དང་པོ་ན་རལ་གྲི་བསྣམས་པར་བསམ་མོ།། ༈ སྔར་བཤད་པའི་རིགས་དྲུག་པོ་དེ་རྣམས་སྐྱེད་པའི་ཡན་ལག་ཏུ་སྟེ། 
4-2-96b


ཐབས་སུ་གྱུར་པའི་དང་པོའི་སྦྱོར་བ་ལ་རྣལ་འབྱོར་བཞི་ཡོད་པའི་རྣལ་འབྱོར་དང་པོ་བསྟན་པའི་ཕྱིར། ལྷའི་སྐུ་སྐྱེད་པ་བསྟན་པ་དེ་ནས་ཞེས་བྱ་བ་ལ་སོགས་པ་གསུངས་ཏེ། གང་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་འཆང་དེ་བཞིན་གཤེགས་པ་
དྲུག་པོ་ཐམས་ཅད་ཀྱི་ཆོས་ཀྱི་སྟེ། སྐུའི་དབྱིངས་ཀྱི་སྟེ། རྒྱུའི་ངོ་བོ་ཉིད་དུ་གྱུར་པ་རྡོ་རྗེ་ཞེས་བྱ་བ་སེམས་ཟླ་བའི་རྣམ་པར་མི་ཕྱེད་པ་བསྐྱེད་པ་ལ་ཐུགས་རྩེ་གཅིག་ཏུ་མཛད་པའི་ཏིང་ངེ་འཛིན་དེ་ལ་སྙོམས་པར་ཞུགས་ཤིང་རིགས་དྲུག་སོ་སོའི་སྐུ་ཞལ་ཕྱག་
གི་རྣམ་པ་ཅན་དང་གསུང་ཡིག་འབྲུའི་རྣམ་པ་དང་ཐུགས་རང་གི་ཕྱག་གྱི་རྣམ་པ་ཅན་བྱིན་གྱིས་རློབ་པར་མཛད་ཅིང་ལྷ་སྐྱེད་པར་མཛད་པ་སྟེ། ལྷ་སོ་སོའི་ཟླ་བ་གང་དང་གང་གིས་སོ་སོའི་སྐུ་དང་གསུང་དང་ཐུགས་བྱིན་གྱིས་རློབ་པ་སྟེ། སྐྱེད་པའི་ཟླ་བ་
དེ་དང་དེ་ལང་རྒྱལ་འཇོག་པའི་གསང་སྔགས་རྡོ་རྗེ་འཆང་ཆེན་པོས་གསུངས་པའོ། །ཨོཾ་དྷརྨཱ་ནི་ཆོས་ཏེ། སྔར་བཤད་པ་དང་སྣད་བཅུད་ཀྱི་ཆོས་ཀུན་གྱི་དྷཱ་ཏུ་ནི་དབྱིངས་སམ་ཁམས་ཏེ། མཐར་གཏུགས་པའི་རྩ་བའོ། །སྭ་བྷཱ་ཝ་ཞེས་པ་ནི་རང་བཞིན་ཏེ། ངོ་བོ་རླུང་སེམས་
ཙམ་རྣམ་པ་ཟླ་བ་སྣང་བའོ། །ཨཱཏྨ་ཀ་ནི་དེའི་བདག་ཉིད་དོ་ཀོ་ཨ་ཧཾ་ནི་དེ་ངའོ་ཞེས་པ་སྟེ། ངའོ་སྙམ་དུ་འདོགས་པའི་གཞི་མཐར་གཏུགས་ན་རླུང་སེམས་ཙམ་དུ་ཟད་པའོ། །ཞེས་བྱ་བ་འདིས་ནི། རིགས་དྲུག་ཀ་ལ་ལེའུ་བཅུ་གཅིག་པའི་འགྲེལ་པར་འབྱུང་བ་ལྟར། དེ་བཞིན་ཉིད་
ལས་བྱང་ཆུབ་པའི་ངང་ནས་ཡི་གེ་གསུམ་ལས་ཉི་ཟླ་པདྨ་གསུམ་དང༌། པདྨའི་སྟེང་དུ་ཡི་གེ་གསུམ་དང༌། དེ་ཐམས་ཅད་འདྲེས་པ་ལས་བདག་ཉིད་ཟླ་བའི་དཀྱིལ་འཁོར་འདྲ་བའི་རྣམ་པར་བྱིན་གྱིས་བརླབས་༼སྒྲུབ་ཐབས་གསུམ་གར་སྔགས་འདི་ཟླ་བ་བསྐྱེད་ཟིན་ནས། 
4-2-97a


དེ་བརྟན་བྱེད་དུ་གསུངས་པས། འདིས་ཟླ་བ་བསྐྱེད་པ་མིན་ནོ། །༽པ་སྟེ། སྔགས་དོན་ལྟར་ང་རྒྱལ་བརྟན་པར་བྱས་ལ། ཟླ་བ་དེའི་སྟེང་དུ་དེས་བསྐྱེད་པའི་ཡི་གེ་གསུམ་དང་ལ་སོགས་པས་བསྡུས་པ་རྡོ་རྗེ་འཆང་དང་མི་བསྐྱོད་
པ་ལ་རྡོ་རྗེ་དང་ལྷག་མ་ལ་རང་རང་གི་ཕྱག་མཚན་གྱི་གཙོ་བོ་འོག་ནས་འབྱུང་བ་དང༌། དེ་རྣམས་ལས་རིགས་དྲུག་སོ་སོའི་ལྷ་སོ་སོའི་སྐུར་བསྐྱེད་དེ་སྒྲུབ་ཐབས་བསྡུས་པ་ལྟར་ན། དང་པོ་སྦྱོར་བ་ཟིན་པ་དང༌། རྒྱས་པ་ལྟར་ན་དཀྱིལ་འཁོར་རྒྱལ་མཆོག་ཟིན་པ་དང༌། འོག་ནས་
བཤད་པའི་རིམ་གྱིས་ཕྲ་མོའི་རྣལ་འབྱོར་གཉིས་རྣམ་པར་བསྒོམ་མོ་ཞེས་བྱ་བ་ནི་དྲང་བའི་དོན་ཏེ། རིགས་དྲུག་གི་དབང་དུ་བྱས་ནས་ལྷག་མོས་དང་དཀྱིལ་འཁོར་རྒྱལ་མཆོག་གི་བསྐྱེད་པའི་རིམ་པའི་ཏིང་ངེ་འཛིན་ཏོ།། ༈ ཡང་སྔར་བཤད་པའི་
གཞུང་རྣམས་ངེས་དོན་ལ་འཆད་པ་ན་དེ་བཞིན་གཤེགས་པ་ཞེས་བྱ་བ་ལ་སོགས་པ་ལ། དེ་བཞིན་གཤེགས་པ་ཐམས་ཅད་ནི་འོད་ཟེར་ལྔ་པོའོ། །ལྔ་པོ་དེ་རྣམས་ཀྱི་འཕྲོ་བ་ནི་སྟེང་གི་སྣའི་སྒོ་ནས་བྱུང་བའོ། །སྤྲིན་ནི་ཚོགས་སོ། །
བཀོད་པ་ནི་འབྱུང་བ་བཞིའི་དཀྱིལ་འཁོར་རེ་རེ་རྒྱུ་བ་ལ་སྟེན་༼ཞེས་པ་ནི་འབྱུང་བའི་རླུང་རེ་རེ་ལ་འོད་ཟེར་ལྔ་ལྔ་པར་བཤད་པ་ལྟར་མིན་གྱི་འདི་ཉིད་ཀྱི་འོག་ནས་འབྱུང་བ་བཞིའི་རླུང་ལ་འོད་ཟེར་བཞིའི་རྒྱུ་བ་ཞེས་པ་ལྟར་ཡིན་ལ། ལྔ་པ་ནི་ཁྱབ་བྱེད་ནམ་མཁའི་རླུང་
སྟེ། དེ་ལྔ་དེ་བཞིན་གཤེགས་པ་རིགས་ལྔར་རྡོ་རྗེ་འཕྲེང་བ་ལས་གསུངས་སོ། །༽འབྱུང་བ་ལྷག་མ་གསུམ་གསུམ་དང་བཅས་པའི་དཀྱིལ་འཁོར་བཞིར་རབ་ཏུ་འབྱུང་བས་གཅིག་ཀྱང་དུ་མར་སྟོན་ཞིང༌དཀར་པོ་ལ་སོགས་པའི་འོད་ཟེར་གྱི་ཁ་དོག་དུ་མ་
4-2-97b


རྣམས་ཀྱིས་ཕྱེ་བས་ཏེ། དུ་མར་སྟོན་པས་ན་བཀོད་པ་སྟེ། ཏིང་ངེ་འཛིན་ནི་རླུང་དེ་རྣམས་ལ་རྩེ་གཅིག་ཏུ་ཡང་དག་པར་དམིགས་པའོ། །རྡོ་རྗེ་ནི་རྡོ་རྗེ་གསུམ་གྱི་ཡི་གེ་གསུམ་མོ། །དེའི་བཀོད་པ་ནི་ཚོགས་པ་སྟེ། འདུས་པའི་དོན་ནོ་ཏེ། གང་
དུ་འདུས་ན། ཨཱ་ལི་ཀཱ་ལི་རྣམས་ཀྱི་མ་ནིང་དང་ལ་སོགས་པས་བསྡུས་པ་སྐྱེས་པ་དང་བུད་མེད་ཀྱི་འི་གཟུགས་ཅན་གྱི་ཡི་གེ་རྣམས་ནི་ཡི་གེ་འབྲུ་གསུམ་དུ་ཞུགས་ཤིང་འདུས་པས་སོ། །མཉམ་པར་བཞག་ཅིང་དེ་ཉིད་དང་མཚན་༼
དབྱངས་གསལ་ལ་ཕོ་མོ་མ་ནིང་གསུམ་དུ་བྱེད་ཚུལ་ནི་འདུས་པའི་ཆ་མཐུན་གྱི་རྒྱུད་རྡོ་རྗེ་སྙིང་པོ་རྒྱན་ལས། ཨཱ་ལི་བཅུ་གཉིས་བུད་མེད་དང༌། ཀ་ཙ་ཊ་ཏ་པའི་སྡེ་ཚན་རྣམས་སྐྱེས་པ་དང༌། རྀ་ལྀ་བཞི་མ་ནིང་དུ་བཤད་པ་ལྟར་བྱའོ། །ཡི་གེ་གསུམ་དུ་སྡུད་ཚུལ་ནི། སྐྱེས་པ་རྣམས་ཨོཾ་དང་། བུད་མེད་
རྣམས་ཨཱཿདང༌། མ་ནིང་རྣམས་ཧཱུཾ་དུ་བསྡུའོ། །༽དུ་འཇུག་པ་དང་གནས་པ་དང་ལྡང་བས་བཟླས་པ་ན་ཏིང་ངེ་འཛིན་ཏེ། དེ་ལྟ་བུའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱ་སྟེ་ལེའུ་དེ་གསུངས་པའོ། །རླུང་སྔགས་གཉིས་སྦྱར་བའི་རྡོར་བཟླས་ཀྱི་དོན་འདི་
ཉིད་ནི་ཨོཾ་ཤཱུ་ནྱ་ཏཱ་ཞེས་བྱ་བ་ལ་སོགས་པའི་གསང་སྔགས་ཀྱིས་སླར་ཡང་སྟོན་ཏེ། ཨོཾ་ནི་རིགས་དྲུག་གི་དང་པོ་གཅིག་དང་ལྡན། པ་ཞེས་པ་རྣམ་སྣང་སྟེ། ཁྱབ་བྱེད་དོ། །ཤཱུ་ནྱ་ཏཱ་ནི་གཉིས་པ་རིན་འབྱུང་སྟེ། ཐུར་སེལ་ལོ། །ཛྙཱ་ན་ཞེས་པ་ནི་
གསུམ་པ་འོད་དཔག་མེད་ཉིད། དེ། གྱེན་རྒྱུའོ། །བཛྲ་ཞེས་བྱ་བ་ནི་བཞི་པ་དོན་གྲུབ་སྟེ། མཉམ་གནས་སོ་འོ། །༽སྭ་བྷཱ་ཝ་ཨཱདྨ་ཀ་ནི་ལྔ་པ། མི་བསྐྱོད་པ་སྟེ་སྲོག་འཛིན་ནོ། །རླུང་ལྔ་དེ་བཞིན་གཤེགས་པ་ལྔར་བྱས་པ་ནི་རྡོར་འཕྲེང་ལས་སོ། །ཨ་ཧཾ་ཞེས་པ་ནི་དྲུག་
4-2-98a


པ་རྡོ་རྗེ་སེམས་དཔར་བརྗོད། པ་སྟེ། སྙིང་ཁའི་མི་ཤིགས་པའི་ཐིག་ལེའོ། །འདི་ནི་རྡོར་བཟླས་བྱེད་པའི་ཚེ། རླུང་ལྡང་འཇུག་གཉིས་གང་ནས་བྱེད་པ་དང༌། གནས་པ་གང་དུ་བྱེད་པའི་གནས་ཏེ། ལེའུ་དྲུག་པའི་འགྲེལ་པར། རྡོར་བཟླས་ཀྱིས་སྙིང་ཁའི་རྡོར་
སེམས་བསྐུལ་བར་གསུངས་པའང་འདི་ཉིད་དོ། །དེ་ལྟར་བདེ་གཤེགས་དྲུག་པོའི་བརྡས་རླུང་ལྔ་མི་ཤིགས་པ་དང་དྲུག་བསྟན་པ་ནི། སྐྱེ་བའི་མཆོག་རིན་པོ་ཆེ་ལྟ་བུ་ལ་བསྟན་པ་ཡིན། ཏེ། རླུང་དང་འོད་གསལ་གཉིས་ཀའི་དབང་དུ་བྱས་པ་ཤེས་དགོས་སོ། །ཨོཾ་དང་
ཤཱུ་ནྱ་ཏཱ་ཟུང་གསུམ་གྱི་དང་པོ་ནི་རྣམ་སྣང་དང་རིན་འབྱུང་གཉིས་སྐུ་རྡོ་རྗེ་དང་དེ་ཡང་རླུང་ནང་དུ་འཇུག་པའོ། །ཛྙཱ་ན་དང་བཛྲ་ཟུང་༼ཡང་སྔགས་ཚན་པ་དྲུག་པོ་དེ་ཟུང་གསུམ་དུ་བཅད་པས་ནི་སྔར་བཤད་པའི་རླུང་གཉིས་གཉིས་སྟོན་པ་མིན་གྱི་འཇུག་གནས་ལྡང་གསུམ་སྟོན་པའོ། །
༽གཉིས་པ་ནི་སྣང་མཐའ་དང་དོན་གྲུབ་གསུང་རྡོ་རྗེ་དང་དེ་ཡང་རླུང་ནང་དུ་གནས་པ་ཡིན་ནོ། །སྭ་བྷཱ་ཝ་ཨཱདྨ་ཀ་དང་ཀོ་ཨ་ཧཾ་གཉིས་གཅིག་ཏུ་གྱུར། པ་ནི་མི་བསྐྱོད་པ་དང༌། དྲུག་པ་གཉིས་ཐུགས་རྡོ་རྗེ་དང་དེ་ཡང་རླུང་ཕྱིར་ལྡང་བའོ། །དེ་ལྟར་ན་རླུང་གི་དེ་
ཉིད་ལྡང་འཇུག་གནས་པ་གསུམ་དུ་འདིར་བརྟགས་པ་སྟེ་བསྟན་པའོ་དེ་ཉིད་གསུམ་ནི་གཅིག་ཏུ་གྱུར་པར། །འདི་ལ་གཉིས་ཏེ། སྔགས་ཀྱི་དེ་ཉིད་ཡི་གེ་གསུམ་གྱི་རང་གདངས། རླུང་གི་དེ་ཉིད་གསུམ་གྱི་གདངས་སུ་སྦྱོར་བའི་རྡོ་རྗེ་བཟླས་པ་དང༌། དེ་བྱས་པའི་
མཐུས་རླུང་ལྡང་འཇུག་གཉིས་དབུ་མར་གནས་པར་གྱུར་ནས་ལྡང་འཇུག་མི་བྱེད་ཅིང༌། གནས་པ་ཡང་དེར་ཐིམ་པའི་གཅིག་ཏུ་གྱུར་པའོ། །རླུང་བཞིའི་རེ་རེ་རྒྱུ་བ་ནི། ལྷག་མ་གསུམ་གསུམ་རྒྱུ་བ་དང༌། སྟེང་དང་བསེགས་ཞེས་པ་ལྟར་རྒྱུ་མཚན་རྣམས་ཤིན་ཏུ་ཕྲ་བས། རྣལ་འབྱོར་པ་མིན་པ་ལ་
4-2-98b


མི་མངོན་ཞིང་། མི་གསལ་བ་དང༌། རྣལ་འབྱོར་པ་ལ་དེ་རྣམས་གསལ་བའི་མིང་ཅན་ཞེས་བྱ་བར་བརྗོད། ཅེས་བྱ་བ་ནི་དགོངས་པ་ལུང་སྟོན་གྱི་ལུང་གིས་བཤད་པའོ།། ༈ ནམ་མཁའི་དབྱིངས་ཀྱི་དབུས་གནས་པར། །སངས་རྒྱས་
དཀྱིལ་འཁོར་བསྒོམ་པ་ནི། །ཞེས་བྱ་བ་ནི། ཡང་དག་པར་སྦྱོར་བ་གསུམ་གྱི་ཞེས་པ་ནི། རྡོར་བཟླས་གྱི་མཐུས་རླུང་དབུ་མར་ཞུགས་གནས་ཐིམ་གསུམ་བྱས་པ་ལས་བྱུང་བའི་སེམས་དབེན་གྱི་སྣང་མཆེད་ཐོབ་གསུམ་གྱི་ཡེ་ཤེས་རང་གི་བཞོན་པའི་རླུང་དང་སྦྱར་བའི་རླུང་སེམས་
ཙམ་ལས་སྒྱུ་མའི་སྐུར་བསྒོམ་ཞིང་བསམ་པ་སྟེ་བསྐྱེད་པའོ། །སྒྱུ་མའི་སྐུ་དེ་ཁྱད་པར་ཇི་ལྟ་བུ་ཅན་དུ་བསྒྲུབ་ཞེ་ན། འོད་ཟེར་སྤྲིན་གྱི་ཚོགས་ཆེན་པོ་ཞེས་བྱ་བ་སྟེ། འོད་ཟེར་ནི་རླུང་དང་བཅས་པའི་སྣང་བ་གསུམ་གྱི་སྤྲིན་ཏེ། ཚོགས་ཀྱི་སྣང་བ་
རྣམས་འཁྲིགས་པ་སྟེ། རྒྱུའི་ཁྱད་པར་རོ་འོ། །སངས་རྒྱས་འབར་བའི་འོད་དང་མཉམ་ཞེས་བྱ་བའི་སངས་རྒྱས་ནི་སྒྱུ་མའི་སྐུའོ། །འབར་བའི་༼འགྱུར་གསར་གཉིས་ལས། བཀོད་པ་ཆེ་ཞེས་པ་བདེའོ། །༽འོད་དང་མཉམ་པ་སྟེ་འདྲ་བ་ནི། འཇའ་ཚོན་
ལྟ་བུར་དཀར་པོ་ལ་སོགས་པའི་འོད་ཟེར་ལྔས་བརྒྱན་པ་སྟེ་འོད་ཟེར་འཕྲོ་བའི་ཁྱད་པར་རོ་འོ། །འོད་ཟེར་སྣ་ལྔས་ཀུན་ཏུ་ཁྱབ། །ཅེས་བྱ་བ་ནི། སྐུ་དེ་ཁམས་ཕྲ་བ་རླུང་འོད་ཟེར་ལྔ་ལས་ཀུན་ཏུ་སྟེ། ཡོངས་སུ་ཁྱབ་པ་སྟེ། བསྒྲུབ་པ་སྟེ། 
གང་ལས་བསྒྲུབས་པའི་ཁྱད་པར་རོ་འོ། །ཀུན་ནས་ཡོངས་སུ་ཟླུམ་པོ་སྟེ་ཞེས་བྱ་བ་ནི་སྣོད་བཅུད་ཀྱི་དངོས་པོ་ཐམས་ཅད་ཀྱི་མཐར་གཏུགས་པའི་རྩ་བ་རླུང་སེམས་ཙམ་དུ་ཟད་ལ། དེའི་ངོ་བོ་ཉིད་དེ་ངོ་བོའི་ཁྱད་པར་རོ་དོ། །འདོད་པའི་ཡོན་ཏན་ལྔ་ཡིས་
4-2-99a


བརྒྱན། །ཞེས་བྱ་བ་ནི། རྒྱུ་བ་ལ་སོགས་པའི་འོད་ཟེར་ལྔ་སྟེ། དེ་རྣམས་དང་ཉེ་བར་ལྡན་པའོ། །མཆོད་པ་རྣམ་པ་ལྔས་བརྒྱན་པ་ཞེས་བྱ་བ་ནི། ཡུལ་རྣམས་ལ་ཉེ་བར་ལོངས་སྤྱོད་པས་ན་མཆོད་པ་སྟེ་དབང་པོ་ལྔ་རྣམས་
སོ། །དེ་རྣམས་ཀྱིས་བརྒྱན་པ་ནི་ལུས་པ་ནི་ལྷག་མའོ། །དེ་མ་ལུས་པར་ནི་ལྷག་མ་ཟད་པའམ། མེད་པའི་དོན་ཏེ། དབང་པོ་ཀུན་ཚང་བའོ། །འདི་དང་ཡན་ལག་གི་རླུང་ལྔ་དང་ལྡན་པ་ནི། ཡུལ་ལ་ལོངས་སྤྱོད་པའི་ཁྱད་པར་རོ། །སྒྱུ་མའི་སྐུ་དངོས་ནི་དབང་པོ་ཀུན་ཚང་བར་
བསྟན་པས། ཞལ་ཕྱག་ལ་སོགས་པ་ཡིད་ཀྱིས་བསྒོམས་པ་ཙམ་མིན་གྱི། རླུང་སེམས་ལས་སྐུ་དེར་དངོས་སུ་སྐྱེས་པ་ལ་བྱ་དགོས་པ་ནི། འདིའི་སྐབས་ཀུན་ཏུ་ཤེས་དགོས་སོ་ཕྱིར་ཏེ།། ༈ དེ་ལྟ་བུའི་རྣམ་པའི་སངས་རྒྱས་ཀྱི་དཀྱིལ་འཁོར་སྒྱུ་མའི་ལུས་
འོད་གསལ་བར་འཇུག་པར་བསྒོམ་པར་བྱ་བ་ནི་བསམ་གཏན་གཉིས་ཀྱིས་འོད་གསལ་དུ་ཡང་ཡང་སྡུད་པའོ། དེ་ལྟར་བདག་ཉིད་ཡང་དང་ཡང་དུ་འོད་གསལ་བར་ཆུད་པར་བསྒོམས་ནས་ཏེ་པས། དོན་གྱི་འོད་གསལ་མངོན་དུ་གྱུར་པ་ན། དེའི་རླུང་སེམས་༼
དེ་ནི་ནམ་མཁའི་དབྱིངས་ཀྱི་དབུས་གནས་པར། །ཞེས་པས་བསྟན་ཏེ། སྔར་ནམ་མཁའི་དབྱིངས་ཆོས་འབྱུང་དང༌། དེའི་དབུས་སུ་དཀྱིལ་འཁོར་གནས་པར་བཤད་པའི་ངེས་དོན་ནོ། །༽ཙམ་ལས་མདོར་ན་སྟེ་སྐད་ཅིག་མའི་རྣམ་པས་ཟུང་འཇུག་རྡོ་རྗེ་འཆང་ཆེན་པོའི་སྐུའི་གཟུགས་
སུ་དབུས་ཞེས་བྱ་བ་འཁོར་བ་དང་མྱ་ངན་ལས་འདས་པ་དག་གི་མཐའ་གཉིས་སྤངས་པའི་དབུས་སུ་འཁོར་བ་ཡོད་པ་དང་མྱང་འདས་མེད་པའི་ཕྱོགས་ཏེ། མཐའ་གཉིས་དང་བྲལ་བར་བདག་ཉིད་རྣམ་པར་བསྒོམ་པར་བྱ་ཞིང་ཤེས་༼བ་ནི་དབུས་སུ་
4-2-99b


བསྒོམ་པའི་དོན་ནོ། །ཟུང་འཇུག་པའི་དག་པའི་སྒྱུ་མའི་སྐུ་ནི། སེམས་ཅན་གྱི་དོན་དུ་འཁོར་བ་ཇི་སྲིད་བར་བཞུགས་པས་ཞི་རྐྱང་གི་དབྱིངས་ལ་གནས་པའི་མེད་མཐའ་སྤོང་ཞིང༌། དེའི་དོན་གྱི་འོད་གསལ་ལྷན་ཅིག་སྐྱེས་པའི་ཡེ་ཤེས་ཀྱིས་ནི་འཁོར་བའི་བག་ཆགས་མ་ལུས་པ་སྦྱོང་བས་འཁོར་བའི་ཡོད་
མཐའ་སྤོང་ངོ༌། །༽པར་བྱའོ་ཞེས་བྱ་བའི་དོན་ཏོ། །འོད་གསལ་ལས་ཟུང་འཇུག་ལོངས་སྐུར་བཞེངས་པའི་རིམ་པ་འདི་ཉིད་ཀྱིས་སྟེ། དེ་སྔོན་དུ་བཏང་ནས་ལོངས་སྐུར་མ་ཟད་རྣམ་པར་སྣང་མཛད་ལ་སོགས་པ་སྤྲུལ་པའི་སྐུར་ཡང་གདུལ་བྱ་ལྷ་གང་ལ་དགའ་བའི་བསམ་
པ་ཇི་ལྟ་བའི་དབྱེ་བས། རྣམ་སྣང་ལ་སོགས་པ་དེ་རྣམས་སུ་རང་གི་བདག་ཉིད་བསྐྱེད་ལ་བདག་གི་དོན་ལམ་གོང་དུ་བགྲོད་པ་དང་གཞན་གྱི་དོན་ཞི་རྒྱས་སོགས་བྱའོ། །དེ་ལྟར་བསྐྱེད་དགོས་པ་དེ་བས་ན་རྣམ་པར་སྣང་མཛད་ཕྱག་རྒྱ་ཆེ། །སྐུ་གསུང་ཐུགས་ཀྱིས་
མཚན་པ་འམ། །ཞེས་བྱ་བ་ལ་སོགས་པ་རིགས་ལྔར་བསྐྱེད་ཚུལ་རྒྱུད་དུ་གསུངས་པ་ཡིན་ནོ།། ༈ ཟུང་འཇུག་གི་རྡོ་རྗེ་འཆང་ཆེན་པོའི་རྣལ་འབྱོར་གོང་དུ་བཤད་པ་འདི་ཉིད་ལ་ངེས་པ་བརྟན་པར་བྱ་བའི་ཕྱིར། སླར་ཡང་དེ་བསྐྱེད་ཚུལ་དེ་ནས་
བཅོམ་ལྡན་འདས་ཞེས་བྱ་བ་ལ་སོགས་པ་གསུངས་ཏེ། ༼འདིར་གཞུང་དེ་དག་ཞིབ་ཏུ་མ་བཤད་པ་ནི་ལྷ་དེ་རྣམས་ཀྱི་སྐུ་མདོག་དང་ཕྱག་མཚན་སོགས་ཀྱི་རྣམ་པ་ནི་དྲང་ངེས་གཉིས་ཀ་ལ་འདྲ་བ་ལ་དགོངས་སོ། །༽ཆོས་ཀྱི་དབྱིངས་ནི་འོད་གསལ་བ་སྟེ། ཏིང་ངེ་འཛིན་
ནི་འོད་གསལ་དེ་ལ་དམིགསཔའོ། །སྔགས་དོན་གང་གིས་ཟུང་འཇུག་པའི་སྐུ་དང་གསུང་དང་ཐུགས་བྱིན་གྱིས་རློབ་ཅིང་སྟེ་སྐྱེད་པ་དེ་ནི། སྐུ་གསུང་ཐུགས་བྱིན་གྱིས་རློབ་པ་སྟེ། གསང་སྔགས་དེ་རྡོ་རྗེ་འཆང་ཆེན་པོས་གསུངས་པ་ནི། ཨོཾ་
4-2-100a


དྷརྨཱ་དྷཱ་ཏུ་སྭ་བྷཱ་ཝ་ཨཱདྨ་ཀོ་ཧཾ། ཞེས་བྱ་བའོ། །སྔགས་འདིའི་ངེས་དོན་ནི་བཤད་པའི་རྒྱུད་ལུང་སྟོན་ལས་གསུངས་ཏེ། ཨོཾ་ནི་རིགས་དྲུག་གི་དང་པོར་ཏེ། རྣམ་སྣང་དུ་ཤེས་པར་བྱ། སྟེ། དོན་གྱི་འོད་གསལ་གྱི་
ཡེ་ཤེས་ཀྱི་བཞོན་པའི་རླུང་གི་འོད་ཟེར་སྔོན་པོའོ། །དྷརྨཱ་ཞེས་བྱ་བ་ནི་གཉིས་པ་རིན་འབྱུང་སྟེ། རླུང་གི་འོད་ཟེར་སེར་པོའོ། །དྷཱ་ཏུ་ཞེས་བྱ་བ་ནི་གསུམ་པ་སྣང་མཐའ་སྟེ། རླུང་གི་འོད་ཟེར་དམར་པོར་བཤད་དོ། །སྭ་བྷཱ་ཝར་གྲགས་པ་ནི་བཞི་པ་དོན་
གྲུབ་སྟེ། རླུང་གི་འོད་ཟེར་ལྗང་ཁུའོ། །ཨཱདྨ་ཀོ་ནི་ལྔ་པ་མི་བསྐྱོད་པ་སྟེ། རླུང་གི་འོད་ཟེར་དཀར་པོ་ཡིན་ཏེ། ལྷའི་ཁ་དོག་དང་རླུང་གི་ཁ་དོག་མཐུན་པའི་ངེས་པ་མེད་དོ། །ཨ་ཧཾ་དུ་གྱུར་པ་ནི་དྲུག་པ་རྡོ་རྗེ་འཆང་བར་འདོད་པ་སྟེ། དོན་གྱི་འོད་གསལ་གྱི་ཡེ་
ཤེས་ཉིད་དོ། །སྔགས་འདིའི་དོན་གྱི་འོད་གསལ་གྱི་ཡེ་ཤེས་དང་། དེའི་བཞོན་པའི་རླུང་འོད་ཟེར་ལྔ་པ་གཉིས་བརྗོད་པ་སྟེ། བསྐྱེད་ནས་དེ་གཉིས་ལས་དེའི་འོག་ཏུ། བསྒོམ་པའི་བདག་ཉིད་ཅན་གྱི་སྒྲུབ་པ་པོས་ཟུང་འཇུག་བསྒོམ་པ་སྟེ་བསྐྱེད་པར་བྱའོ། །
ཞེས་བྱ་བ་སྟེ། ངེས་པའི་དོན་ཏོ། །༈ ད་ནི་རང་གི་སེམས་དམིགས་པ་ལ་བརྟན་པོར་གནས་པར་བྱ་བའི་ཕྱིར་དུ་ཕྲ་མོ་བསྒོམ་པ་ནི། བསྐྱེད་རིམ་པའི་ཕྲ་མོ་གཉིས་ལ་སྦྱར་རོ། །རིན་ཆེན་ཞེས་བྱ་བ་ལ་སོགས་པས་ཕྲ་མོའི་རྣལ་འབྱོར་རྣམ་
པ་གསུམ་གསུངས་ཏེ། རིན་ཆེན་ཆེན་པོ་ནི་རྡོ་རྗེ་ལ་སོགས་པའི་ཕྱག་མཚན་ཏེ། རིན་ཐང་ཆེ་བས་ན་རིན་པོ་ཆེ་ཞེས་བཏགས་པའོ། །ཁ་དོག་ལྔ་ནི་རིགས་ལྔ་ལས་བྱུང་བ་ནི་མི་བསྐྱོད་པའི་རྣལ་འབྱོར་པ་ཡིན་ན་རྡོ་རྗེ་སྔོན་པོ་སྟེ། དེས་གཞན་རྣམས་
4-2-100b


ཀྱང་ཤེས་པར་བྱའོ། །དེའི་ཚད་ནི་ཡུངས་ཀར་གྱི་འབྲས་བུའི་ཚད་ཙམ་ཞིག་གོ། གནས་ནི་རྩ་ཞལ་གྱི་སྟེང་གི་སྣ་ཡི་རྩེ་མོར་བསྒོམ་མོ། །རང་ཉིད་གཙོ་བོ་གང་དུ་བསྐྱེད་པའི་གི་ལྷའི་རྣལ་འབྱོར་གྱིས་སྒོམ་ཚུལ་ནི་ཉིན་དང་མཚན་ཀུན་དུ་ནན་ཏན་དུ་
བྱས་ཏེ་རྟག་ཏུ་སྟེ་བསྒོམ་པར་བྱའོ། །རིན་ཆེན་བརྟན་པར་ཞེས་བྱ་བ་ལ་སོགས་པལ། གང་གི་ཚེ་དེ་ལྟར་བསྒོམས་པ་ལ་བརྟེན་ནས་མཐོང་བའི་མཚན་མ་དང་གཟུང་བ་སྟེ། རེག་པའི་མཚན་མ་ཉེ་བར་སྐྱེ་བ་དེའི་ཚེ། རྡོ་རྗེ་ལ་སོགས་པའི་ཕྱག་མཚན་
བསྒོམས་པདེའི་མཐུས་མི་འགྱུར་བསྟེ། ཏིང་ངེ་འཛིན་བརྟན་པོར་སོང་བར་ཤེས་པའི་མཚམས་ནས། དགོས་པ་ནི་ཏིང་ངེ་འཛིན་བསྒོམ་༼ཆག་འགྱུར་ལས། མཐོང་བའི་མཚན་མ་དང༌། གཟུང་བའི་མཚན་མ་ཞེས་འབྱུང་བ་ལེགས་སོ། །༽པ་ལ་སེམས་རང་
དབང་དུ་གྱུར་པ་བསྐྱེད་པའི་ཕྱིར་དུའོ། །རྡོ་རྗེ་ལ་སོགས་པ་མང་པོར་བྱས་ནས་སྤྲོ་བར་བྱའོ། །བརྟན་པར་མ་གྱུར་ཡོང་མི་སྤྲོ་ཞེས་བྱ་བ་ནི། བསྒོམ་པ་ལ་སློབ་བཞིན་པས་བརྟན་པ་མ་ཐོབ་བར་མི་སྤྲོ་བའོ། །སངས་རྒྱས་ཞེས་བྱ་བ་ལ་སོགས་པ་ལ། རྡོ་རྗེ་
ལ་སོགས་པ་ལ་དམིགས་ནས་སྤྲོ་བ་དང་བསྡུ་བས་དེ་ལ་བརྟན་པར་བྱས་ནས་ལྷའི་སྐུ་ཕྱག་རྒྱ་ཆེན་པོའི་གཟུགས་ཀྱང་སྤྲོ་བར་བྱ་བའི་ཕྱིར། སངས་རྒྱས་ཀྱི་སྐུ་འབར་བ་དང་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་
འབར་བ་འདྲ་བའི་འོད་ནི་དཀར་པོ་ལ་སོགས་པའི་ཁ་དོག་དང་ལྡན་པའོ། །མཆོག་རབ་སྤྲིན་རྣམས་ནི་སངས་རྒྱས་ཀྱི་སྤྲིན་གྱི་ཚོགས་སོ། །འཁོར་ལོ་རྡོ་རྗེ་རིན་ཆེན་དང་ཞེས་བྱ་བ་ནི་རིགས་ལྔའི་ཕྱག་མཚན་ནི་རིམ་པ་བཞིན་དུ་འཁོར་ལོའི་
4-2-101a


རྡོ་རྗེ་དང་། རིན་པོ་ཆེས་ཉེ་བར་མཚོན་པའི་སྤྲིན་གྱིས་རྣམས་ཀྱིས་སོ། །པདྨ་རལ་གྲི་མཚོན་ཆེན་འཛིན། །ཞེས་བྱ་བ་ནི། པདྨ་དང་རལ་གྲི་བསྣམས་པའོ། །ཞེས་བྱ་བའི་དོན་ཏོ། །བྱང་ཆུབ་སེམས་དཔའི་སྤྲིན་ཆེན་༼
པ་ཚབ་ཀྱིས། རྡོ་རྗེ་སྤྲིན་ཆེན་པོ་ཞེས་དང་། སྤྲིན་གྱིས་མཚོན་པའི་རིན་པོ་ཆེ་ཞེས་བསྒྱུར་བ་ལྟར་ཡིན་ནོ། །༸ལྷའི་སྐུ་སྤྲོ་ཚུལ་ནི། མི་བསྐྱོད་པའི་རྣལ་འབྱོར་པ་ཡིན་ན། རྡོ་རྗེ་དུ་མ་ལས་མི་བསྐྱོད་པའི་སྐུ་དུ་མར་གྱུར་པ་རྣམས་སྤྲོ་སྟེ། དེས་གཞན་ཡང་ཤེས་པར་བྱའོ། །༽རྣམས་ཞེས་བྱ་བ་ནི་
སྔར་བཤད་པའི་རིགས་ལྔ་སྤྲོ་བས་ཉེ་བར་མཚོན་པ་སྟེ་མཚོན་ནས་རིགས་ལྔ་དང་འབྲེལ་བའི་ལྷ་ལྷག་མ་རྣམས་ཀྱང་སྤྲོ་བའི་བདག་ཉིད་སྒྲུབ་པ་པོས། དང་པོར་རང་གི་ལུས་ཙམ་ཁྱབ་པ་ནས། མཐར་ནམ་མཁའ་ཁྱབ་པར་སྤྲོ་བར་བྱ་ཞིང་གཡོག་
པར་བྱའོ། ཡང་རིམ་གྱིས་བསྡུས་ནས་རྩ་བའི་དམིགས་པ་ལ་གཞུག་པར་བྱའོ། །ཞེས་པ་ནི་གཙོ་བོ་འཕོ་བའི་དབང་གིས་སྟེང་སྒོར་ཕྱག་མཚན་སོ་གཉིས་དང་། དེ་ལས་ལྷར་བསྐྱེད་ནས་སྤྲོ་བ་ཡང་སོ་གཉིས་ཡོད་དོ་སྟེ། སྤྱིའི་དོན་ཏེ་། ཐུན་མོང་བའི་དོན་ཡིན་པས། གང་དང་ཐུན་
མོང་བ་ཡིན་སྙམ་ན། སྟེང་སྒོར་ཕྱག་མཚན་སྒོམ་པ་དང༌། དེ་བརྟན་ནས་སྤྲོ་བསྡུ་བྱེད་པ་ནི། དེ་ཉིད་བསྡུས་པ་ནས་ཀྱང་བཤད་པས། རྣལ་འབྱོར་རྒྱུད་པ་དང་འདིའི་བསྐྱེད་རིམ་པ་གཉིས་ཀྱི་ཐུན་མོང་བའོ། །ཕྲ་མོའི་གཞུང་འདི་རྣམས་ལ། སྔར་བསྡུས་དོན་དུ་ཚུལ་བཞིས་བཤད་པར་གསུངས་ནས། རྒྱས་
བཤད་དུ་ཡིག་དོན་ཟུར་དུ་མ་བཤད་པ་ནི། འདི་ལ་སྤྱི་དོན་ལས་ལོགས་སུ་ཡིག་དོན་མེད་པ་ལ་དགོངས་ཏེ། དོན་དེ་ཉིད་སྒྲའི་ནུས་པས་ཐོན་ཚོད་བཤད་པའི་ཆ་ནས་ཡིག་དོན་ནོ་ཏོ།། ༈ རིན་ཆེན་ཆེན་པོ་ནི་ཀུན་རྫོབ་ཀུནྡ་ལྟ་བུའི་བྱང་ཆུབ་ཀྱི་སེམས་ཏེ། དེ་བསྒོམས་
4-2-101b


པ་ལས་རིན་ཐང་ཆེ་བས་སོ། །ཆེ་ཆུང་གི་ཚད་ནི་ཡུངས་ཀར་གྱི་འབྲས་བུའི་ཚད་ཙམ་མོ་གནས་ནི་སྣ་ཡི་རྩེ་མོ་སྟེ། རང་ལྷར་བྱས་པའི་གསང་གནས་ཀྱི་གི་རྡོ་རྗེ་རྩེ་ལྔ་པའི་ཁ་སྟེ་བུག་པར་རོ། །ཁ་དོག་རྣམ་པ་ལྔ་སྟེ་དེ་བཞིན་གཤེགས་པ་ལྔའི་བདག་
ཉིད་དུ་བྱས་པ་ནི། ཐིག་ལེ་སྔོན་པོ་མི་བསྐྱོད་པ་དང༌། དཀར་པོ་རྣམ་སྣང་གི་ངོ་བོར་མོས་ནས་བྱེད་པ་སོགས་ལ། མ་བརྟན་གྱི་བར་དུ་རྟག་ཏུ་བསྒོམ་པར་བྱའོ། །རིན་ཆེན་ཏེ། ཐིག་ལེ་བརྟན་པར་གྱུར་ནས་སྤྲོ་ཚུལ་ཞེས་བྱ་བ་ནི་མདོར་བྱས་ལས། ཇི་སྐད་དུ་བཤད་པའི་
ཆོ་གས་རྡོ་རྗེ་དང༌། པདྨ་འདུས་བྱས་པ་སྔོན་དུ་འགྲོ་བས། རང་གི་བྱང་ཆུབ་ཀྱི་སེམས་ཀྱི་རིན་པོ་ཆེ་ཐིག་ལེ་སྔར་བརྟན་པར་བྱས་ནས་བརྟན་པ་དེ་རྣལ་འབྱོར་ཏེ། ཡུམ་དང་སྙོམས་པར་འཇུག་པའི་ཐབས་ཀྱིས་སྤྲོ་བར་བྱ་ཞིང་སྟེ། ཡུམ་གྱི་པདྨར་
དམིགས་པས་དབྱུང་བའི་ཐིག་ལེ་རྡོ་རྗེའི་བུ་གར་བསྒོམས་པ་བརྟན་པར་མ་གྱུར་གྱི་བར་དུ་མི་སྤྲོ་སྟེ། དེ་ལ་ནི་བྱང་སེམས་མི་ཉམས་པའི་དགོས་པ་ཆེ་བའི་ཕྱིར་རོར་བྱའོ། །སངས་རྒྱས་འབར་བ་འདྲ་བའི་འོད་ཅེས་བྱ་བ་ལ་སོགས་པས་ནི། བྱང་ཆུབ་ཀྱི་སེམས་ཀྱི་ཐིག་ལེ་
པདྨར་ཕྱུང་བ་ལས། བུའི་ཚུལ་དུ་བྱུང་བ་ནི་རིགས་ལྔ་དང་ཚ་བོའི་ཚུལ་ནི་ལྷ་ཕོ་ལྷག་མ་དང་ལ་སོགས་པའི་ཚུལ་དུ་ཕྱུང་བའི་རྟེན་དང་བརྟེན་པའི་དཀྱིལ་འཁོར་ཐིག་ལེའི་༼ཞེས་པ་ནི་རྐང་པ་དྲུག་གི་ཚིག་དོན་ལྷག་མ་སྔར་དང་འདྲ་བ་ལ། སྤྲོ་བ་ནི་པདྨའི་དཀྱིལ་འཁོར་ཕྱི་ནང་དུ་བསྐྱེད་
པའོ། །༼ནང་དུ་བསྐྱེད་ནས་བསྒོམ་པ་དུ་སྟོན་པ་ཡིན་ཏེ། སྦས་པ་གསུམ་གྱི་ནང་ནས་འདོད་༼༸ས་བསྡུས་པ་ཚ་མོའི་ཚུལ་ནི་ལྷ་མོ་རྣམས་སོ། །བུ་དང་ཚ་བོ་སོགས་ལ་འཇོག་ཚུལ་གཞན་ཡང་ཡོད་དོ། །༽ཆགས་ཆོས་ཀྱི་སྦས་པ་སྟེ་ཤས་ཆེར་ཡེ་རྒྱ་ལ་བརྟེན་པའོ། །འདི་ནི་
4-2-102a


རིམ་པ་གཉིས་ཀའི་ཐུན་མོང་བར་བྱ་ཡི། བསྐྱེད་རིམ་ཁོ་ན་ལ་མི་བྱའོ།། ༈ ཁ་དོག་རྣམ་པ་ལྔ་པའི་སྟེ་ནི་དེ་བཞིན་གཤེགས་པལྔའི་བདག་ཉིད་ཅན་གྱི་ཁ་དོག་ལྔའོ། །རིན་པོ་ཆེ་ནི་རྡོ་རྗེ་དཀྱིལ་འཁོར་རྒྱན་གྱི་རྒྱུད་སྤྱོད་
བསྡུས་སུ་དྲངས་པ་ལས། སྙིང་གི་དབུས་གནས་མི་ཤིགས་པ། །གསལ་ཞིང་མར་མེ་དག་དང་མཚུངས། །མི་འགྱུར་མཆོག་ཏུ་ཕྲ་བ་སྟེ། །ཨ་ནི་གཙོ་བོ་དམ་པ་འོ། །ཞེས་གསུངས་པ་ལྟར། སྙིང་གའི་དབུས་ཀྱི་མི་ཤིགས་པར་གྲགས་པ་སྟེ། དེ་ལ་དམིགས་ནས་བསྒོམས་པས་སངས་
རྒྱས་ཀྱི་ཡོན་ཏན་རིན་པོ་ཆེ་བསྐྱེད་པས་རིན་པོ་ཆེའོ་སོ། །ཡུངས་ཀར་གྱི་འབྲུ་ཚད་ཙམ་ཞེས་བྱ་བ་ནི་ཐིག་ལེའི་གཟུགས་ཅན་ཡིན་པས་སོ། །སྣ་ཡི་རྩེ་མོར་ཞེས་བྱ་བ་ནི་མི་ཤིགས་པ་གང་དུ་སྒོམ་པའི་གནས་ནི་སྙིང་ག་ཆོས་ཀྱི་འཁོར་ལོའི་པདྨ་
འདབ་མ་བརྒྱད་པའི་ལྟེ་བར་ཏེ། དྷཱུ་ཏིའི་ནང་དུའོ་རོ། །ནན་ཏན་དུ་ཞེས་པ་ནི་མི་ཤིགས་པ་དེ་ལ་ཞེན་པས་ཏེ། དེ་བསྒོམ་པ་ལྷུར་༼ཞེས་པའི་དོན་ནི་ཐིག་ལེ་དཀར་ལ་དམར་བའི་མདངས་ཅན་ནམ། ཉི་ཟླ་ཁ་སྦྱོར་གྱི་ཐིག་ལེའི་དབུས་སུ་ཨ་ཐུང་སྒོམ་པའོ། །
༼ཡེན་པས་། ཏུ་བསྒོམ་པར་བྱ། །ཞེས་སྦྱར་ཞིང་རྡོར་བཟླས་བྱེད་པ་ལ་ཡང་དེ་སྦྱར་རོ། །རླུང་ནང་དུ་འཇུག་པའི་གདངས་ཨོཾ་དང་ནང་དུ་གནས་པའི་གདངས་ཨཱཿདང་ནང་ནས་ཕྱི་རོལ་ཏུ་ལྡང་བའི་གདངས་ཧཱུྃ་གི་གདངས་དང་། སྡུད་པའི་རྣལ་འབྱོར་ནི་རྡོར་བཟླས་
ལ་ནུས་པ་ཐོན་པའི་མཚམས་ཤིག་ནས། བསམ་གཏན་གཉིས་འདྲ་བའི་སྡུད་རིམ་ལྟར་བྱེད་པ་ཡིན་ཏེ། མན་ངག་གི་བཤད་པ་ལས་ཤེས་པར་བྱའོ། །འདི་ཡང་གནད་ཅན་ཞིག་གོ། གཉིས་མེད་དུ་སྦྱོར་བའི་རྣལ་འབྱོར་གྱིས་རྟག་པར་ཉིན་མཚན་དུ་བསྒོམ་པར་བྱའོ། །བརྟན་པ་ཞེས་
4-2-102b


པ་ནི་རྟག་པ་སྟེ། དེ་གང་ཡིན་ཞེ་ན། སྔར་བཤད་པའི་མི་ཤིགས་པའོ། །ནས་ནི་དེ་བརྟན་པའི་འོག་ཏུ་དེ་ལས་རིན་ཆེན་ཏེ་ཁ་དོག་ལྔ་པ་ནི་རླུང་རེ་རེ་ཡང་འོད་ཟེར་ཁ་དོག་ལྔ་ལྔ་དང་ལྡན་པའི་འོད་ཟེར་གྱི་ཚོགས་སྤྲོ་བར་བྱ་ཞིང༌སྟེ། འཇུག་པ་དང༌། ༼
དེའི་དོན་ནི་སྔར་བཤད་པ་ལྟར་མི་ཤིགས་པ་བསྒོམས་པས། དམིགས་པ་ཤིན་ཏུ་བརྟན་ཅིང་རྟག་པ་སྟེ་མི་འགྱུར་བར་སོང་སོང་དུ་བསླབ་པའི་དོན་ནོ། །༸ཞེས་པ་ནི་ལྡང་འཇུག་གནས་གསུམ་གྱི་རྡོར་བཟླས་གང་བྱེད་མི་ཤིགས་པ་དེ་ལས་བྱ་བའི་དོན་ཏེ། འདི་ཡང་གནད་ཤིན་ཏུ་ཆེ་ཡང་མན་ངག་ཏུ་ཇི་ལྟ་བ་བཞིན་དུ་མ་ཐོན་
པར་སྣང་བ་ནི་གཞན་དུ་བཤད་པ་ལས་ཤེས་པར་བྱའོ། །༼གནས་པ་དང་ལྡང་བས་འཇུག་པར་བྱའོ། བརྟན་པར་མ་གྱུར་ཡོང་མི་སྤྲོ། གཞན་གྱིས་ནི། །མི་ཤིགས་པའི་དེ་ཁོ་ན་ཉིད་རྟོགས་པ་ཉིད་ཀྱིས་ཏེ། ཁོ་ནས་མི་ཤིགས་པ་ལས་ལྡང་འཇུག་གནས་གསུམ་
གྱི་རྡོར་བཟླས་ཀྱི་རྣལ་འབྱོར་འདི་བྱ་འི། ༼༸ཞེས་ཏེ། །བརྟན་པར་གྱུར་ནས་རིན་ཆེན་སྤྲོ། ཞེས་པའི་སྟེང་ནས་བཤད་པའོ། །༼ཞེས་བྱ་བ་ནི་སྟེ། དེ་འི་དེ་ཉིད་མ་རྟོགས་པས་ནི་རྣལ་འབྱོར་འདི་བྱ་བ་མ་ཡིན་ནོ། །ཞེས་བསྟན་པ་ཡིན་ནོ། །ད་ནི་སྤྲོ་བའི་ཆོ་ག་བསྟན་
པར་བྱ་བའི་ཕྱིར། སངས་རྒྱས་འབར་བ་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་འབར་བ་ནི་སངས་རྒྱས་ཀྱི་སྐུ་འོད་ཟེར་རྣམ་པ་ལྔ་འབར་བའོ། །དེ་དང་འདྲ་བའི་འོད་ནི་གྱེན་རྒྱུ་ལ་སོགས་པའི་དཀྱིལ་འཁོར་བཞི་སྟེ། གྱེན་རྒྱུས་གཙོ་བོ་
བྱས་ནས་རྒྱུ་ན་སྣ་བུག་གཡས་པ་དང་ལ་སོགས་པས་བསྡུས་པ་མཉམ་གནས་ཀྱིས་གཙོ་བོ་བྱེད་ན་སྣ་བུག་གཡོན་པ་དང༌། སྲོག་དང་ཐུར་སེལ་གྱིས། གཙོ་བོ་བྱེད་ན་སྣ་བུག་གཉིས་ཀ་ལས་མཉམ་རྒྱུ་བྱེད་པའི་དབྱེ་བས་ཕྱེ་བའི་རླུང་བཞི་གཙོ་བོ་དང་འཁོར་དང་། དེ་དག་གི་སྤྲིན་གྱི་
4-2-103a


སྣ་བུག་གི་རང་གི་ནམ་མཁའ་ཁྱབ་པར་སྤྲོ་བ་ནི་རྡོ་རྗེ་སོགས་འཛིན་པའི་དེ་བཞིན་བཞིན་གཤེགས་པ་དང་བྱང་ཆུབ་སེམས་དཔའི་སྤྲིན་སྤྲོས་པས་ནམ་མཁའི་ཁོངས་སུ་གཏོགས་པ་དགང་བར་བྱའོ་ཞེས་བྱ་བ་སྔར་བཤད་པའི་ངེས་དོན་སྟེ། 
མཐར་ཐུག་པའོ།། ༈ རྣམ་པར་སྣང་མཛད་ལ་སོགས་པ་རིགས་ལྔའི་བསྐྱེད་པའི་སྐྱེད་ཆོག་གི་རིམ་པ་བསྟན་པའི་ཕྱིར། ནམ་མཁའི་དབྱིངས་ཀྱི་དབུས་གནས་པར་ཞེས་བྱ་བ་ལ་སོགས་པ་གསུངས་ཏེ། ནམ་མཁའི་དབྱིངས་ནི་ལྷག་མོས་
འོད་གསལ་དུ་བསྡུས་པའི་དེ་བཞིན་ཉིད་དོ། །དབུས་གནས་པ་ནི་དེ་ལ་དམིགས་པའི་དེ་བཞིན་ཉིད་ལས་བྱང་ཆུབ་པ་ཡི་གེ་དང་མཚན་མའི་སྔོན་དུ་འགྲོ་བས་དེ་གཉིས་བསྒོམས་ལ། ཐམས་ཅད་འདྲེས་པ་ལས་བྱང་ཆུབ་པ་གཉིས་པ་ཟླ་བའི་དཀྱིལ་འཁོར་ཡིད་ཀྱིས་བྲི་བ་སྟེ་
བསྒོམས་ལ། གསལ་བ་ཟླ་བའི་དཀྱིལ་འཁོར་གྱི་དབུས་སུ་གནས་པར་ཏེ། ཟླ་བ་དེའི་སྟེང་དུ་ཕྱག་མཚན་ལས་བྱང་ཆུབ་པ་འཁོར་ལོ་བསམས་ཏེ། དེ་ཡོངས་སུ་གྱུར་པ་ལས་འཁོར་ལོ་ལས་བྱུང་བའི་དཀྱིལ་འཁོར་ཏེ། རྣམ་པར་སྣང་མཛད་སྐུ་མདོག་དང་ཕྱག་མཚན་སྔར་
བཤད་པ་ཇི་ལྟ་བ་བཞིན་དུ་བསྒོམ་མོ། །དེ་བཞིན་དུ་པདྨ་ཡོངས་སུ་གྱུར་པ་ལས་པདྨའི་དཀྱིལ་འཁོར་དང་འདྲ་བ་པདྨ་རཱ་གའི་འོད་ཅན་འོད་དཔག་ཏུ་མེད་པ་པདྨའི་རིགས་ཀྱི་རྣལ་འབྱོར་པས་བསྒོམ་པར་བྱའོ། །རིན་པོ་ཆེ་ལ་བརྩོན་པ་རིན་པོ་ཆེའི་
རིགས་ཀྱི་རྣལ་འབྱོར་པས་རིན་པོ་ཆེ་ཡོངས་སུ་གྱུར་པ་ལས་༼ཞེས་པ་ནི། བྱང་ཆུབ་པ་དང་པོ་གཉིས་སྔར་བཤད་པ་དང་འདྲ་བར་བསྐྱེད་པ། རིགས་གཞན་ལའང་སྦྱོར་བའོ། །༽རིན་ཆེན་འབྱུང་ལྡན་གྱི་རིན་པོ་ཆེའི་དཀྱིལ་འཁོར་འདྲ་བ་ཁ་དོག་སེར་པོར་བསྒོམ་
4-2-103b


པར་བྱའོ། །སྦྱོར་བའི་དཀྱིལ་འཁོར་ནི་སྣ་ཚོགས་རྡོ་རྗེ་སྟེ་དེ་ལས་བྱུང་བ་དོན་ཡོད་པར་གྲུབ་པ་བསྒོམ་པར་བྱའོ། །ནམ་མཁའ་འདྲ་བར་བྲི་བར་བྱ་ཞེས་བྱ་བ་ནི་ནམ་མཁའ་དང་འདྲ་ཞིང་མཚུངས་པ་སྟེ། ནམ་མཁའ་དང་འདྲ་བ་དེར་གནས་ཞེས་པ་ནི། ༼འགྱུར་རྙིང་
ལྟར་ན་མ་འབྲེལ་ཡང་པ་ཚབ་ཀྱིས་མཁའ་དང་འདྲ་ལ་བྲི་བར་བྱ་ཞེས་བསྒྱུར་བ་ལ་གནས་གཞིའི་སྒྲ་ཡོད་པ་ལྟར་བྱ་དགོས་པའི་དོན་ནོ། །༽ཤྱཱ་མ་ཞེས་པ་ལྗང་ཁུ་དང་། སྔོ་བསངས་གཉིས་ཀ་ལ་འཇུག་ཀྱང་ནམ་མཁའ་ལྟར་སྔོ་བསངས་ཞེས་བྱ་བའི་དོན་ཏོ། །འདི་དག་ཅེས་
བྱ་བ་ལ་སོགས་པ་ལ་སྐུ་དང་གསུང་དང་ཐུགས་སྒོམ་པ་འམ་སྒྲུབ་པས་མཚོན་པའི་སྐུའོ་འི་དཀྱིལ་འཁོར་ཏེ། ལྷའི་དེ་གང་ཡིན་ཞེ་ན། མི་བསྐྱོད་པ་སྟེ་དེ་ནི་ཕྱག་མཚན་༼འབྱུང་བས་སྔོ་བསངས་ཉིད་ལ་བྱ་དགོས་པས་མི་བསྐྱོད་པ་ལ་སྦྱར་རོ། །
༽རྡོ་རྗེ་རྩེ་ལྔ་པ་ལས་བྱུང་བའོ། །རིགས་ལྔ་པོ་འདི་དག་སངས་རྒྱས་རབ་ཀྱི་མཆོག། བསྒོམས་པའི་ཕན་ཡོན་ནི། ཐམས་ཅད་མཁྱེན་པའི་ཚུལ་འཐོབ་པའོ། །ཞེས་བྱ་བ་ནི། ཐམས་ཅད་མཁྱེན་པ་ཉིད་ནི་སྦྱོར་བ་སྟེ། དེ་སེམས་ཅན་རྣམས་ཀྱིས་
དམིགས་༼ཞེས་པས་སྟོན་ལ། དེ་ཡང་པ་ཚབ་ཀྱི་འགྱུར་ལས། སེམས་ཅན་རྣམས་ཀྱིས་ཀུན་མཁྱེན་པ་ཉིད་འཐོབ་ཅིང་འཛིན་པར་བྱེད་དུ་འཇུག་པའི་ངང་ཚུལ་ཅན་གང་དག་ལ་ཡོད་པ་དེ་དག་ལ་དེ་སྐད་ཅེས་བྱའོ། །ཞེས་པ་ལྟར་ལེགས་པས་བྱེད་དུ་འཇུག་པའི་ངང་ཚུལ་ཅན་གྱི་ཕན་ཡོན་ནི་རིགས་
ལྔའི་ཏིང་ངེ་འཛིན་གང་དག་ལ་ཡོད་པ་ཞེས་པའོ། །༼ཤིང་འཛིན་པའི་ངང་ཚུལ་ཅན་གང་ཡིན་པ་དེའོ། །རྡོ་རྗེ་བཀོད་པ་ཞེས་བྱ་བ་ནི། རྡོ་རྗེ་ནི་དེ་བཞིན་གཤེགས་པ་རྣམས་སོ། །དེ་རྣམས་ཀྱི་བཀོད་པ་ནི་གང་དུ་འདུས་པ་མཛད་པ་དེ་ནི་རྡོ་རྗེ་བཀོད་པའི་ལེའུ་
4-2-104a


ཞེས་བྱ་སྟེ། དྲང་བའི་དོན་ཏོ།། ༈ ནམ་མཁའི་དབྱིངས་ནི་འོད་གསལ་བའོ། །དེའི་དབུས་སུ་གནས་པ་ནི་འོད་གསལ་བ་དེ་ལས་བྱུང་བའོ། །ཟླ་བའི་དཀྱིལ་འཁོར་ཏེ། སྙིང་གའི་མི་ཤིགས་པའོ། །བྲི་བར་བྱ་བའི་
དོན་ནི་ཤེས་པར་བྱ་བའོ། །༼ཡང་ངེས་དོན་དུ་བཤད་པས་ནི་སྔར་བཤད་པའི་སྙིང་ཁའི་མི་ཤིགས་པ་ལས་རླུང་ལྡང་འཇུག་གནས་གསུམ་གྱི་རྡོར་བཟླས་བྱེད་པ་དེ་ཉིད་འདིར་གསལ་བར་སྟོན་ནོ། །༼གསལ་བའི་དཀྱིལ་འཁོར་ནི་མི་ཤིགས་པ་དང་དབུས་གནས་༼
༸ལ་བཤད་དེ་དེ་ནི་རླུང་སྣ་སྒོ་གང་ལས་རྒྱུ་ཡང་། སྙིང་གའི་དྷུ་ཏཱིའི་ནང་གི་མི་ཤིགས་པ་ལས་འབྱུང་བར་ལྟ་བ་སྟེ་ལྷག་མ་རྣམས་ལ་ཡང་དེ་ལྟར་རོ། །༽པར་ཞེས་པ་ནི་མི་ཤིགས་པ་ལས་ངེས་པར་བྱུང་བའི་དོན་ནོ་འོ། །འཁོར་ལོའི་དཀྱིལ་འཁོར་ནི་ཆུའི་དཀྱིལ་
འཁོར་སྲོག་འཛིན་ཏེ། འདིས་གཙོ་བོ་བྱས་ནས་རྒྱུ་ན་སྣ་བུག་གཉིས་ཀ་ནས་སོ། །འདིས་ནི་དྲང་དོན་ལ་རྣམ་སྣང་དུ་བཤད་པའི་ངེས་དོན་སྟོན་གྱི་སྲོག་འཛིན་རྣམ་སྣང་གི་རླུང་དུ་སྟོན་པ་མིན་པས་མི་བསྐྱོད་པའི་ངོ་བོ་ཉིད་ཁ་དོག་དཀར་ཞིང་དལ་བར་རྒྱུ་བའོ། །དེ་སྒོམ་པ་ནི་
འབྱུང་བར་གྱུར་པར་ཤེས་པར་བྱ་བའོ། །པདྨའི་དཀྱིལ་འཁོར་འདྲ་བ་ནི་མེའི་དཀྱིལ་འཁོར་ཏེ་གྱེན་རྒྱུ་ཁ་དོག་དམར་པོའོ། །པདྨ་བསྒོམ་པར་བྱ་བ་ནི་འོད་དཔག་ཏུ་མེད་པའི་༼ཅེས་བཤད་དོ། །༽ངོ་བོ་ཉིད་དེ། འདིས་གཙོ་བོ་བྱས་ནས་རྒྱུ་ན་
སྣ་བུག་གཡས་ནས་འབྱུང་བར་གྱུར་པར་ཤེས་པར་བྱའོ། །རིན་ཆེན་དཀྱིལ་འཁོར་འདྲ་བ་ནི་དབང་ཆེན་གྱི་སྟེ། སའི་དཀྱིལ་འཁོར་ཐུར་སེལ་ལོ་རོ། །རིན་ཆེན་བརྩོན་ཞེས་པ་ནི་རིན་ཆེན་འབྱུང་ལྡན་ཟློས་པས། འདིས་གཙོ་བོ་བྱས་ནས་རྒྱུ་
4-2-104b


ན་སྣ་བུག་གཉིས་ཀ་ལས་དྲག་ཏུ་འབྱུང་བར་གྱུར་པར་ཤེས་པར་བྱའོ། །སྦྱོར་བའི་དཀྱིལ་འཁོར་ནི་རླུང་གི་དཀྱིལ་འཁོར་ཏེ། ཁ་དོག་ནག་པོ་དོན་ཡོད་པར་གྲུབ་པའི་ངོ་བོ་ཉིད་འདིས་གཙོ་བོ་བྱས་ནས་རྒྱུ་ན་སྣ་བུག་གཡོན་ནས་འབྱུང་བ་ཡིན་པར་ཤེས་པར་བྱ་སྟེ། དེ་
རྣམས་ནི་དེ་བཞིན་གཤེགས་པའི་ངོ་བོ་ཉིད་ཀྱི་རླུང་ལ་ལྔ་ཡོད་ཀྱང་ད་ལྟ་རྡོར་བཟླས་བྱེད་པ་༼འདི་ཁ་དོག་ནག་པོར་འགྱུར་གསར་རྙིང་ཀུན་ལས་འབྱུང་ཡང་། ཤྱཱ་མ་ཞེས་པ་ལྗང་ཁུར་མ་བསྒྱུར་བའི་སྐྱོན་ཏེ། སྤྱོད་བསྡུས་ལས། རླུང་འདི་མདོག་ལྗང་སེར་དང༌། འོད་ཟེར་ནག་པོར་བཤད་པ་ལྟར་བྱའོ།
༼ཁྱབ་བྱེད་ལ་མི་བྱེད་པས་འོད་ཟེར་བཞིའི་རབ་ཏུ་རྒྱུ་བ་བཤད་པ་ཡིན་ནོ། ༈ རྩ་བའི་རླུང་བཞི་ལ་རྡོར་བཟླས་བྱེད་པ་དེ་རྣམས་ཀྱིས་སྐུ་དང་གསུང་དང་ཐུགས་སྒྲུབ་ཅིང་སྟེ། རྫོགས་རིམ་པའི་སྐུ་རྡོ་རྗེ་ལ་སོགས་པ་རྡོ་རྗེ་གསུམ་སྐྱེད་པས་ན་རྡོ་རྗེ་ལས་
བྱུང་བ་སྟེ། ༼འདིར་རླུང་ལྡང་བ་ཙམ་བཤད་པ་ནི་ཕྱོགས་ཙམ་མཚོན་པ་སྟེ། དེས་འཇུག་གནས་གཉིས་ཀྱང་ཤེས་པར་བྱའོ། །༽ཞེས་པའི་རྡོ་རྗེ་ནི་འོད་གསལ་བའོ། །བྱུང་བ་ནི་འོད་གསལ་བ་ལས་བཞེངས་པ་བདེན་པ་གཉིས་ཀྱི་བདག་ཉིད་ཅན་གྱི་ལྷའི་དཀྱིལ་འཁོར་བསྐྱེད་པ་
ཡིན་པར་ཤེས་པར་བྱའོ། །གང་ཟག་གང་གི་ཡིན་ཞེ་ན། ཐམས་ཅད་མཁྱེན་པའི་ཚུལ་འཐོབ་པ་ནི་རྣམ་པ་ཐམས་ཅད་མཁྱེན་པའི་གོ་འཕང་ཐོབ་པར་འདོད་པ་རྣམས་ཀྱིའོ། །ཞེས་རྡོ་རྗེ་ལ་སོགས་པ་ལ། རྡོ་རྗེ་ནི་ཡོངས་སུ་རྫོགས་པ་ཟུང་འཇུག་པའི་
ལྷའི་སྐུའོ། །བཀོད་པ་ནི་ཚོགས་སོ། །དེ་སྟོན་པའི་ཚིག་གི་ལེའུ་ལ་ཡང་དེ་སྐད་ཅེས་བྱའོ།། ༈ སྔར་བཤད་པའི་རྫོགས་རིམ་པའི་ཕྲ་མོའི་རྣལ་འབྱོར་འདི་ཉིད་བཤད་པའི་རྒྱུད་ལུང་སྟོན་གྱི་ལེའུ་འདི་ཉིད་ལས་གསལ་བར་སྟོན་པས་འདིར་དེ་ལ་འཇུག་
4-2-105a


པར་བྱ་སྟེ། ཐོག་མར་སྐྱེ་བ་དང༌། མཐར་འགག་པ་འ་མེད་པའི་ཡུལ་གྱི་འོད་གསལ་དང་རོ་གཅིག་ཏུ་སྦྱོར་བའི་ཟུང་འཇུག་གི་རྣལ་འབྱོར་ནི། །ཤིན་ཏུ་རྟོགས་དཀའ་བས་ཕྲ་མོ་ཞེས་ནི་རབ་ཏུ་བརྟགས། །པ་སྟེ་བཤད་དོ། །ཟུང་དུ་སྦྱོར་ཚུལ་ནི་
མི་གསལ་བ་དང་། གསལ་བའི་ཐུགས་དང་སྐུར་ངོ་བོ་གཅིག་ཏུ་ཡང་དག་པར་སྦྱོར། །བ་སྟེ་སྐུ་དེ་ནི་དངོས་མེད་ཀྱི་ངོ་བོ་ཉིད་འོད་གསལ་ལས་བྱུང་། །བའོ། །རང་བཞིན་གྱིས་གྲུབ་པ་སྟེ། རྒྱུ་རྐྱེན་གྱིས་མ་བསྐྱེད་པའི་དེ་ཁོ་ན་ཉིད་དང་རོ་གཅིག་ཏུ་ཞུགས་པས། མི་
གསལ་བ་དང་གསལ་བ་གཉིས་གང་ཞེ་ན། དང་པོ་གཅིག། སྟེ། མི་གསལ་བ་ནི་གཅིག་དང་དུ་མའི་སྤྲོས་པའི་སྣང་བ་རྣམ་པར་སྤངས་པ། །འི། ཡེ་ཤེས་སོ། །ཡང་གཅིག་སྟེ་གསལ་བ་ནི་འོད་གསལ་གྱི་རླུང་སེམས་ཙམ་ལས་སྐྱེས་པའི་རྟེན་ཅིང་འབྲེལ་བར་འབྱུང་བའི་ཆོས་
སུ་གྲགས། །པ་སྟེ། བཤད་པ་སྣོད་བཅུད་ཀྱི་དངོས་པོ་ཀུན་གྱི་འབྱུང་གནས་རླུང་སེམས་ཙམ་གྱི་ངོ་བོ་ཉིད་ཀྱི་དག་པའི་སྒྱུ་མའི་སྐུའོ། །གཅིག། ཏུ་དེ་གཉིས་སྦྱོར་ཚུལ་ནི་རྣལ་འབྱོར་པ་བདག་ཉིད་ཀྱི་ཐུགས་ནི་འོད་གསལ་གྱི་ཡེ་ཤེས་དང༌། སྐུ་ནི་སྒྱུ་མའི་སྐུར་ངོ་བོ་གཅིག་པ་འདི་ལྟར་རམ། 
འདི་འདྲར་བྱས་པའོ། །བྱས་ནས་ནི། །༼ཞེས་པས་ཟུང་འཇུག་པས་རྡོར་བཟླས་བྱེད་པ་བསྟན་པ་འདྲ་བ་གཅིག་ཡོད་ཀྱང་། དེ་མིན་གྱི་བཤད་པའི་རིམ་པ་ལ་སྦྱར་རྒྱུ་ཡིན་ནོ། །དེ་ཡང་ཐོག་མཐའ་ཞེས་པ་ནས། བྱས་ཞེས་པ་ཡན་གྱི། སངས་རྒྱས་རབ་ཀྱི་མཆོག་། སྐུ་དང་གསུང་ཐུགས་སྒྲུབ་པ་ཡིས། །
རྡོ་རྗེ་ལས་བྱུང་དཀྱིལ་འཁོར་རོ། །ཞེས་པའི་ངེས་པའི་དོན་བཤད་ནས་ནི། ནམ་མཁའི་དབྱིངས་ཀྱི་དབུས་གནས་པར། །ཟླ་བའི་དཀྱིལ་འཁོར་བྲི་བར་བྱ། །ཞེས་སོགས་ཀྱི་ངེས་དོན་འཆད་ཅེས་པའི་དོན་ནོ། །༽རྩ་རྒྱུད་ལས། འཁོར་ལོ་དང་པདྨ་དང་རིན་པོ་ཆེ་དང་སྦྱོར་བའི་ཆོས་ཀྱི་དཀྱིལ་འཁོར་བྲི་བར་བྱ་བར་གསུངས་
4-2-105b


པའི་དོན་རླུང་བཞི་ལ་རྡོར་བཟླས་བྱས་པ་འདི་དག་གིས་སྔར་བཤད་པའི་འོད་ཟུང་གི་ཡེ་ཤེས་བསྐྱེད་པར་སྟོན་པ་ནི། རིགས་བཞིའི་སྐུ་མདོག་བཞི་བསྒོམ་པར་གསུངས་པའི་ངེས་དོན་ནི། ཆོས་ཀྱི་དཀྱིལ་འཁོར་བྲི་བར་བྱ། །དམར་པོ་གྱེན་རྒྱུ་དང་གནག་པ་ནི་སྔར་བཞིན་ལྗང་ཁུ་མཉམ་གནས་དང་དེ་བཞིན་
སེར། །པོ་ཐུར་སེལ་དང༌དཀར་པོ་ཉིད་ནི་སྲོག་འཛིན་ཏེ། དེ་ནི་མདོར་བསྡུས་པ། །སྟེ། ཞིབ་ཏུ་མ་ཕྱེ་བའོ། །ཕྱེ་ན་ནི་རླུང་བཞི་པོ་རེ་རེ་རྒྱུ་བ་ན། བཞི་བཞི་ཡི་ར་ནི་སྦྱོར་བ་སྟེ། ལྡན་པ་ཡིས། །རྒྱུ་བ་ལ་སྣ་བུག་གཡས་ལ་རྒྱུ་བ་ལ་མཚོན་ན་ཐོག་མའི་ཉིས་བརྒྱ་ཉེར་ལྔ་གོས་དཀར་དང་ལ་སོགས་
པས་བསྡུས་པ་དེ་ནས་དེ་ཙམ་ཞིག་རྒྱུ་བ་སྒྲོལ་མ་དང༌། དེ་ནས་དེ་ཙམ་ཞིག་རྒྱུ་བ་སྤྱན་མ་དང༌། དེ་ནས་དེ་ཙམ་ཞིག་རྒྱུ་བ་མཱ་མ་ཀཱིའི་རླུང་དུ་ཤེས་པར་བྱས་ལ། ལེགས་པར་བྲི། །བ་སྟེ། བསྒོམ་པར་བྱའོ། །དེས་གཞན་གསུམ་ལའང་ཤེས་པར་བྱའོ། །རླུང་བཞི་པོ་དེ་རེ་རེ་ཡི་དབུས་སུ་ཏེ། ནང་དུ་རང་རང་གི་ལྷ། །མོ་བཞིའི་རླུང་རྒྱུ་བ་དང་སྔགས་
སྦྱོར་བ་ལ་གཞོལ་བ་ནི་མཆོག་གོ་ཞེས་དེའི་བསྔགས་པ་བསྟན་ནོ། །བཞི་ཡི་གོ་འཕང་མཆོག། གོས་དཀར་ལ་སོགས་ལྷ་མོ་བཞིའི་རླུང་གི་རྒྱུ་ཚུལ་གོ་རིམ་ཇི་ལྟ་བ་བཞིན་དུ། །སྦྱར་ན་གོས་དཀར་མོ་ནི་སྣ་བུག་གི་སྟེང་ངོས་ནས་དང་སྒྲོལ་མ་ནི་བསེགས་ཏེ། སྣ་བུག་གི་༼
པ་ཚབ་ཀྱིས་བཞི་དང་སྦྱོར་བ་ལ་གཞོལ་མཆོག། ཅེས་བསྒྱུར་བ་ལེགས་སོ། །༽ལོགས་ནས་དང་སྤྱན་མ་ནི་སྣ་བུག་གི་དབུས་དྲངས་ཐད་ཀ་ནས་དང་། མཱ་མ་ཀཱི་རྒྱུ་བ་ན་སྣ་བུག་གི་འོག། ངོས་ནས་རྒྱུའོ། །སྔར་དམར་དང་ཞེས་བཞི་བཤད་པ་༼ཆག་གིས་ལོགས་སུ་བསྒྱུར་བ་ལེགས་སོ། །
༽ནི་རིམ་བཞིན་དུ་མེ་དང་རླུང་དང་དབང་ཆེན་དང༌། །ཆུ་སྟེ་འབྱུང་བ་བཞི་སོ་སོའི་དཀྱིལ་འཁོར་དང་སྦྱར་བར་བྱ་སྟེ། རྡོར་བཟླས་སུ་འགྲོ་ཚུལ་ནི་སྔར་བཞིན་ནོ་རོ། །ཞེས་བཅོམ་ལྡན་འདས་ཀྱིས་གསུངས་ཏེ། ངེས་པའི་དོན་ཏོ།། ༈ སྒྲོན་མ་གསལ་བར་བྱེད་པ་ཞེས་
4-2-106a


བྱ་བའི་རྒྱ་ཆེར་བཤད་པ་ལས། ལེའུ་གསུམ་པ་མཐའ་དྲུག་གིས་བཤད་པའོ། །རགས་པའི་ལྷ་ལ་དམིགས་པ་སྔོན་དུ་འགྲོ་བས་སྟེང་འོག་གི་སྒོར་ཕྲ་མོའི་རྣལ་འབྱོར་བསྒོམ་པ་ལེའུ་༼
པ་ཚབ་ཀྱིས། ལྷ་ལ་དམིགས་པ་སྔོན་དུ་བཏང་སྟེ། ཕྲ་མོའི་རྣལ་འབྱོར་བསྒོམས་པས་ཁྱད་པར་དུ་བསྒྲུབས་པའི་སློབ་མ་ཞེས་བསྒྱུར་བ་ལྟར་ན་ལེའུ་སྔ་ཕྱིའི་འབྲེལ་གྱི་རྣམ་པ་གསལ་ལོ། །༽གསུམ་པར་བསྟན་ནས་བླ་མ་ལ་གུས་པ་སོགས་ཀྱི་མཚན་ཉིད་ཁྱད་པར་ཅན་རྣམས་ཚང་བའི་
གྱི་སློབ་མ་རྣམས་རྡུལ་ཚོན་གྱི་དཀྱིལ་འཁོར་དུ་དབང་བསྐུར་བའི་ཕྱིར། དེ་ནས་ཞེས་བྱ་བ་ལ་སོགས་པ་ལ་སྔོན་བྱུང་ལ་སྟོན་པ་ལ་གསོལ་བ་བཏབ་པ་འདི་རྗེས་འཇུག་ལ་སྦྱར་ན། བླ་མ་ལ་གསོལ་བ་འདེབས་པའི་ཆོ་ག་གསུངས་ཏེ།། ༈ དེ་ནས་
ཞེས་བྱ་བ་ནས་དེ་བཞིན་གཤེགས་པ་ཐམས་ཅད་སླར་ཡང་དགོངས་པ་གཅིག་ཏུ་འདུས་ནས་སྟོན་པ་ལ་འོག་གི་བསྟོད་པ་འདིས་གསོལ་བ་བཏབ་བོ་ཞེས་བྱ་བའི་བར་ནི་སྒྲ་ཇི་བཞིན་པའོ། །དེ་བཞིན་གཤེགས་པ་ཀུན་ཞེས་བྱ་བ་ནི། སྔོན་གྱི་སྟོན་པ་དང་རྗེས་ཀྱི་བླ་མ་རྡོ་རྗེ་འཆང་ཡང་
རིགས་ལྔའི་སྒོ་ནས་བསྟོད་ནས། དཀྱིལ་འཁོར་བཤད་པ་དང་བྲི་བར་གསོལ་བ་འདེབས་པ་ནི། ཆོས་དབྱིངས་ཡེ་ཤེས་ཀྱིས་དེ་བཞིན་གཤེགས་པ་ཀུན་ལ་ཁྱབ་པས་ན། དེའི་ངོ་བོ་ཉིད་ཀྱིས་མི་བསྐྱོད་པའི་ཡོན་ཏན་གྱི་སྒོ་ནས་བསྟོད་པས་མཉེས་པར་བྱེད་པའོ། །ཞི་བ་ཞེས་བྱ་བ་
ནི་གཙོ་བོར་ཞི་བའི་ལས་སྒྲུབ་པའི་རྣམ་པར་སྣང་མཛད་ཀྱི་ངོ་བོ་ཉིད་ཀྱིས་སོ། །དེ་བཞིན་གཤེགས་པ་ཀུན་ནི་འདོད་དོན་རྫོགས་པར་མཛད་པའི་རིན་ཆེན་ནོ་གྱི་དེ་དག་གི་གནས་ཞེས་བྱ་༼སྒོ་ནས་ཞེས་པ་མན་ཆད་འོག་མ་བཞི་ལ་ཡང་སྦྱར་རོ། །
4-2-106b


༽བ་ནི། རིན་ཆེན་ཏེ་འབྱུང་ལྡན་གྱི་ངོ་བོ་ཉིད་ཀྱིས་སོ། །ཆོས་ཀུན་ཞེས་བྱ་བ་ནི་གསུང་རབ་ཀྱི་ཆོས་ཀུན་རྣམ་པར་དག་པའི་བདག་ཉིད་འོད་དཔག་ཏུ་མེད་པའི་ངོ་བོ་ཉིད་ཀྱིས་སོ། །བདག་མེད་པ་ཡི་མཆོག་ཅེས་བྱ་བ་ནི་བདག་མེད་པའི་མཆོག་གདུལ་བྱས་རྟོགས་པའི་བྱ་བ་སྒྲུབ་པ་
དོན་ཡོད་པར་གྲུབ་པའི་ངོ་བོ་ཉིད་ཀྱིས་སོ། །སླར་ཡང་སྔར་བཤད་པའི་ཡུལ་ལ་སྐུ་གསུང་ཐུགས་ཀྱི་རིགས་གསུམ་གྱི་ངོ་བོ་ཉིད་ཀྱིས་བསྟོད་པའི་ཚིགས་བཅད་གསུམ་ཡོད་པའི་དང་པོའི་བསྟོད་པ་ནི། མཚན་རྣམས་ཐམས་ཅད་ཡང་དག་རྫོགས། །ཞེས་བྱ་བ་ལ་
སོགས་པ་སྟེ། མཚན་རྣམས་ཐམས་ཅད་ཡང་དག་རྫོགས། །མཚན་མིན་ཐམས་ཅད་ཡང་དག་སྤངས། །དཀྱིལ་འཁོར་དམ་པ་བཤད་དུ་གསོལ། །ཞེས་བྱ་བར་སྦྱར་རོ་ཏེ། དཀྱིལ་འཁོར་ཇི་ལྟ་བུ་ཞེ་ན། སྟོན་པས་དཀྱིལ་འཁོར་གྱི་ཆོ་གའི་སྐབས་སུ་ཇི་སྐད་དུ་
བཤད་པའི་གྲུ་བཞི་སྒོ་བཞི་སོགས་ཀྱི་དཀྱིལ་འཁོར་གྱི་མཚན་ཉིད་རྣམས་ཐམས་ཅད་རྫོགས་པ་དང་ལྡན་ཞིང༌། མཚན་ཉིད་མིན་པ་སྟེ། ཆད་པ་དང་ལྷག་པའི་ཉེས་པ་ཐམས་ཅད་དང་སྤངས་པ་སྟེ་བྲལ་བ། ཀྱེ་ཀུན་ཏུ་བཟང་པོ་སྐུ་ཡི་མཆོག། ཅེས་བོས་ནས། མཆོག་
རབ་ཀྱི་དཀྱིལ་འཁོར་དམ་པ་སྟེ་རབ་ཏུ་བཤད་དུ་གསོལ། ཞེས་བྱ་བའི་དོན་ཏོ། །ཞི་བའི་ཆོས་ནི་མཆོག་ལས་བྱུང་ཞེས་བྱ་བ་ནི། སྤྲོས་པ་ཞི་བའི་ཆོས་དོན་དམ་པའི་བདེན་པར་ཞུགས་པ་ལས་ངེས་པར་བྱུང་བའོ། །ཡེ་ཤེས་ནི་སྣང་བ་གསུམ་མོ། །དེའི་སྤྱོད་པ་སྟེ། 
རང་བཞིན་ནི་འདོད་ཆགས་ལ་སོགས་པ་སྟེེ། དེ་རྣམས་ཀྱི་རང་བཞིན་བརྒྱད་ཅུའོ། །རང་བཞིན་དེ་རྣམས་མངོན་པར་བྱང་ཆུབ་པ་འོད་གསལ་བསྒོམས་པས་རྣམ་པར་སྦྱོང་བར་མཛད་པས་ན་ཡེ་ཤེས་སྤྱོད་པ་རྣམ་སྦྱོང་བའོ། །སྐུ་ལ་སོགས་པ་ཐམས་ཅད་ཀྱི་དབང་ཕྱུག་བརྙེས་
4-2-107a


པས་ན་ཀུན་ཏུ་བཟང་པོའོ། །ངག་གི་དབང་ཕྱུག་བརྙེས་པས་ན་གསུང་གི་མཆོག་གོ། སེམས་ཅན་ཐམས་ཅད་ཀྱི་སེམས་ཀྱི་ངོ་བོ་ཉིད་ནི་རྡོ་རྗེ་སྟེ། འོད་གསལ་ཉིད་ཡིན་པས་ན་ཁྱོད་ནི་སེམས་ཅན་ཀུན་གྱི་སེམས་ཀྱི་དེ་ཁོ་ན་ཉིད་
ཆེན་པོའི་ངོ་བོ་ཉིད་དོ་འོ། །འདོད་ཆགས་ལ་སོགས་པ་རྣམས་ལ་ངོ་བོ་ཉིད་ཀྱིས་གྲུབ་མ་གྲུབ་རིགས་པས་རྣམ་པར་དཔྱད་ན་ཅུང་ཟད་ཀྱང་དམིགས་སུ་མེད་པ་སྟེ་མི་རྙེད་པས་རང་བཞིན་གྱིས་ཏེ། གདོད་མ་ནས་དག་པའི་ངོ་བོ་ཉིད་དོ་འོ། །ལམ་བསྒོམས་སྟོབས་
ཀྱིས་འདོད་ཆགས་ལ་སོགས་པའི་དྲི་མ་དང་བྲལ་བས་ན་གློ་བུར་གྱི་དྲི་མ་མེད་པའི་ངོ་བོའོ། །དག་པ་གཉིས་དང་ལྡན་པ་དེ་ཉིད་ཀྱིས་ན་ཀུན་ཏུ་བཟང་པོའོ། །རང་གི་ཐུགས་སོ་སོར་ཐུགས་སུ་ཆུད་པས་ན་ཐུགས་ཀྱི་མཆོག་གོ། སེམས་ཅན་ཐམས་ཅད་མྱ་ངན་ལས་འདས་
པ་འཐོབ་པར་མཛད་པས་ན་གདུལ་བྱའི་ཁ་ལོ་སྒྱུར་བའོ། །དཀྱིལ་འཁོར་གྱི་ཆོ་ག་བཤད་དུ་གསོལ། ཞེས་པ་སྟེ། དགོངས་པ་མ་ཡིན་པའོ།། ༈ དེ་ནས་ཞེས་བྱ་བ་ལ་སོགས་པ་ནས་ཉམས་དགའ་བཤད་ཅེས་པའི་བར་ནི། རྡོ་རྗེ་འཆང་བའི་གསུང་ལ་
འཇུག་པར་བྱ་བའི་ཕྱིར་སྡུད་པ་པོས་སྨྲས་པའོ། །གདུལ་བྱ་རྣམས་ལ་རང་རང་གི་སྐལ་བ་དང་འཚམས་པར་ཅི་རིགས་པར་རྗེས་སུ་སྟོན་པར་མཛད་པས་ན་སྟོན་པའོ། །རྡོ་རྗེ་ནི་གཉིས་སུ་མེད་པའི་ཡེ་ཤེས་ཏེ། ཡེ་ཤེས་དེ་རང་གི་བདག་ཉིད་དུ་འཛིན་པར་མཛད་པས་ན་
རྡོ་རྗེ་འཛིན་ཏོ། །ས་འོག་དང་ས་སྟེང་དང་མཐོ་རིས་ཀྱི་དེ་ཁོ་ན་ཉིད་ཀྱི་ངོ་བོ་ཉིད་དུ་གྱུར་པས་ན། འཇིག་རྟེན་གསུམ་པའོ། །འདོད་པའི་ཁམས་ལ་སོགས་པའི་ངོ་བོ་ཉིད་ཀྱིས་བཞུགས་པས་ན་ཁམས་གསུམ་པའོ། །འཇིག་རྟེན་གསུམ་མཆོག་རྡོ་རྗེ་ནི་རང་སངས་
4-2-107b


རྒྱས་ལ་སོགས་པ་སྟེ། དེ་རྣམས་ཀྱི་མཆོག་ནི་གཙོ་བོར་གྱུར་པས་སོ། །འཇིག་རྟེན་གསུམ་ནི་ཚངས་པ་ལ་སོགས་པ་སྟེ། དེ་རྣམས་ལ་རྗེས་སུ་སྟོན་པ་ཉིད་དེ་དེ་ལྟ་བུའི་རྡོ་རྗེ་འཆང་ཆེན་པོའོ། །དེ་བཞིན་གཤེགས་པ་ཀུན་གྱི་གནས་ཞེས་པ་ནི་དེ་རྣམས་ཀྱི་
བཞུགས་གནས་སུ་གྱུར་པས་སོ། །དེ་བཞིན་གཤེགས་པ་ཐམས་ཅད་ཀྱི་ངོ་བོ་ཉིད་དུ་གཤེགས་པས་ན་དེ་བཞིན་གཤེགས་པ་ཀུན་གྱིའོ། །ཐུགས་ཀྱི་དཀྱིལ་འཁོར་ཞེས་བྱ་བ་ནི་སྐུ་དང་གསུང་གི་དཀྱིལ་འཁོར་དག་ལས་དགར་བའོ། །དཀྱིལ་འཁོར་གྱི་སྐད་
དོད་མཎྜ་ལ་ཞེས་པའི་མཎྜནི་སྙིང་པོ་སྟེ། གཉིས་སུ་མེད་པའི་ཡེ་ཤེས་སོ་འོ། །འཁོར་ནི་ལཱ་ཏི་ནི་ལེན་པ་དང་ཅིང་གྲིཧྣ་ཏི་འཛིན་པ་ཡིན་པས་ན་དཀྱིལ་འཁོར་ཏེ། སྙིང་པོའི་ཡེ་ཤེས་ལེན་པ་དེ་དང་དེའི་རྣམ་པ་ལྟ་བུ་སྟེ། མཚོན་པའི་དཀྱིལ་འཁོར་གང་
ཡིན་པ་དེ་ནི་ནང་གི་དཀྱིལ་འཁོར་དེ་དང་རབ་འདྲ་བ་ཞེས་བྱབ་སྟེ། དེའི་རྣམ་པ་ཅན་ནོ་འོ། །ཡིད་དུ་འོང་བས་ན་ཉམས་དགའ་བ་སྟེ། དེ་ལྟ་བུའི་ཐུགས་ཀྱི་དཀྱིལ་འཁོར་དུ་གྱུར་པ་བཤད་པ་སྟེ། སྒྲ་ཇི་བཞིན་པའོ།། ༈ རྡོ་རྗེ་འཆང་ཆེན་པོའི་
གསུང་གིས་དཀྱིལ་འཁོར་སྟོན་པའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་ནས་ཞེས་བྱ་བ་ནི་ཚིག་གི་སྐབས་འབྱེད་པའོ། །དེའི་ཕྱིར་ཞེས་པའི་སྒྲ་ནི་གཏན་ཚིགས་ཀྱི་དོན་ཏེ། །སློབ་མས་དཀྱིལ་འཁོར་བཤད་པར་གསོལ་བ་བཏབ་པའི་ཚིག་
བཤད་པར་ཁས་བླངས་ནས། གང་གི་ཕྱིར་གསོལ་བ་འདེབས་པའི་སློབ་མ་ཁྱད་པར་ཅན་འདི་ནི་དད་པ་ལ་སོགས་པའི་ཡོན་ཏན་༼འདིར་འགྱུར་རྙིང་གི་རྒྱུད་ལས། དེ་ཕྱིར་ཞེས་པ་མ་བྱུང་ཡང་པ་ཚབ་ཀྱི་འགྱུར་ལས། དེ་ནས་དེ་ཕྱིར་ཐུགས་དཀྱིལ་འཁོར། །ཞེས་འབྱུང་བ་དགོས་སོ། །
4-2-108a


༽རྫོགས་པ་ཡིན་པས་ན། དཀྱིལ་འཁོར་འདི་བཤད་པར་བྱའོ་ཞེས་བྱ་བར་དགོངས་སོ། །སེམས་གཙོ་བོར་བྱས་པའི་དཀྱིལ་འཁོར་ནི། ཐུགས་ཀྱི་དཀྱིལ་འཁོར་རོ། །རྡོ་རྗེའི་རིགས་གཙོ་བོ་ཡིན་པས་ན་མཆོག་སྟེ། དེ་བས་ན་འདི་
ཉིད་ནི་དང་པོར་གསུངས་སོ། །ཐུགས་ཀྱི་རྡོ་རྗེ་ནི་མི་བསྐྱོད་པའོ། །དེ་དང་འདྲ་བར་བདུད་ལ་སོགས་པ་རྣམས་ཀྱིས་གཡོ་བར་མི་ནུས་པས་ན་རྡོ་རྗེ་རབ་འདྲ་བའོ། །སྐུ་དང་གསུང་དང་ཐུགས་རྣམས་ཀྱི་དཀྱིལ་ནི་དེ་གསུམ་གྱི་སྙིང་པོ་མཆོག་སྟེ་སྣོད་མིན་ལ་གསང་
བར་བྱ་བའོ། །ཐུགས་རྡོ་རྗེའི་དཀྱིལ་འཁོར་དེ་འདིར་ལེན་པས་ན་སྐུ་དང་གསུང་དང་ཐུགས་གསུམ་ཀྱི་གཙོ་བོར་གྱུར་པའི་དཀྱིལ་འཁོར་ཏེ་དེ་ཡང་དག་པར་བཤད་པར་བྱའོ་ཞེས་བྱ་བར་སྦྱར་རོ།། ༈ ལུས་དང་ཞེས་བྱ་བ་ལ་སོགས་པས་ནི། 
དཀྱིལ་འཁོར་དེའི་ཐིག་སྐུད་སྟེ། ཐིག་འདེབས་པའི་ཀྱི་ཆོ་ག་སྟོན་པ་ཡིན་ཏེ། ལུས་དང་ངག་སེམས་བསྒོམས་པ་ཡིས། །ཞེས་པའི་བསྒོམས་པ་ནི། ལུས་དང་ངག་དང་སེམས་མཉམ་པར་བཞག་ཅིང་། མ་ཡེངས་པས་སོ། །ཤེས་རབ་ཅན་ནི་དཀྱིལ་
འཁོར་བྲི་སྒྲུབ་ཀྱི་ལས་ཀྱི་ཆོ་ག་མཐོང་བའི་སློབ་དཔོན་གྱིས་སོ་ནོ། །ཐིག་གདབ་པ་ནི་ཆ་ཆེན་དང་ཆ་ཆུང་གི་ཆ་རྣམ་པར་བགོ་བའོ། །ཐིག་སྐུད་ཀྱི་སྐད་དོད་སཱུ་ཏྲ་ལ་ངེས་ཚིག་གིས་སཱུ་ཏྲ་ཎ་ཞེས་པ་ནི་དཀྱིལ་འཁོར་སྨོས་པའམ་སྟོན་པ་ཡིན་པས་ཐིག་སྐུད་
དོ། །སར་པ་ནི་དཀྱིལ་འཁོར་གཞན་དག་ཏུ་ལོངས་མ་སྤྱད་པའོ། །ལེགས་པར་བཀལ་བ་ནི་ཡང་དག་པར་བསྒྲིལ་བའོ། །ཚད་མ་སྟེ། རིང་ཐུང་གི་ཚད་ནི་དཀྱིལ་འཁོར་གྱི་ཉིས་ལྡབ་བོ། །༼ཅེས་པ་ལ་ཁ་ཅིག། ཨ་་ཀ་རས། མདའ་ཡབ་ནས་མདའ་ཡབ་ཀྱི་
4-2-108b


བར་གྱི་ཉིས་འགྱུར་ལ་འདོད་པ་མིན་གྱི། རྩ་ཐིག་ནས་རྩ་ཐིག་གི་བར་གྱི་ཉིས་འགྱུར་རོ། །ཞེས་སྨྲ་བ་ནི། པཎྜི་ཏ་དེས་ཐིག་སྐུད་ཆ་ཆུང་རེ་བཞི་པ་ལ་རྩ་ཐིག་ནས་རྩ་ཐིག་གི་བར་གྱི་དཀྱིལ་འཁོར་ཉིས་འགྱུར་དང༌། ཐིག་སྐུད་ཆ་ཆུང་གོ་དྲུག་པ་ལ། མདའ་ཡབ་ནས་མདའ་ཡབ་ཀྱི་བར་གྱི་དཀྱིལ་འཁོར་འཁོར་བཅས་
ཀྱི་ཉིས་འགྱུར་ལ་བཞེད་པས་གཞན་འདོད་མ་ལོངས་ཤིང༌། ཀླུ་བྱང་གི་ལུགས་རྟ་བབས་དཔངས་སུ་སྒོ་ཚད་གསུམ་མ་ཡིན་པས། ཐིག་སྐུད་ཀྱི་ཚད་ཕྱི་མ་ལྟར་བྱ་དགོས་པའི་ཕྱིར། ཉིས་འགྱུར་ཡང་ཕྱི་མ་ལྟར་བྱ་དགོས་པས། རང་གི་ལུགས་མ་ངེས་པ་ཡིན་པས་མི་རིགས་སོ། །སྦོམས་སུ་ནི་སྒོ་ཡི་ཉི་ཤུ་ཆའོ། །
༽རབ་ཏུ་མཛེས་པ་ནི་ཚོན་སྣ་ལྔ་པ་སྟེ། སྒོ་ཡི་ཉི་ཤུ་ཆ་ལས་ཤིན་ཏུ་ཕྲ་བ་དང་སྦོམ་པ་མ་ཡིན་པ་དེ་ལྟ་བུའི་ཐིག་སྐུད་ཀྱིས་ཐིག་གདབ་བོ། །ཁྲུ་ནི་བཅུ་གཉིས་ཞེས་བྱ་བ་ནི་དཀྱིལ་འཁོར་གྱི་ཚད་བསྟན་པ་ཡིན་ནོ། །ངོས་བཞི་དང་ནི་གྲྭ་བཞིར་༼
ཞེས་པ་ནི་ཡེ་ཐིག་གི་དབང་དུ་བྱས་ཀྱི། ལས་ཐིག་ནི་དཀར་པོའོ། །༽ཞེས་པ་ནི་རྩ་ཐིག་ཕན་ཚུན་གྱི་མཐའ་ལ་ཁྲུ་བཅུ་གཉིས་འདོད་པ་ལྟར་མིན་གྱི། རྩ་ཐིག་རེ་རེ་ལ་ཁྲུ་གསུམ་མར་བྱས་པ་ཡིན་ཏེ། རྡོ་རྗེ་འཕྲེང་བར། རྡོ་རྗེ་ཅན་གྱི་ཁྲུ་གསུམ་གསུམ་ཞེས་དང༌། ལེའུ་བཅུ་དྲུག་པའི་འགྲེལ་པ་ལས་ཤེས་སོ། །ཚད་
དེར་ཡང་མ་ངེས་ཏེ་འབྱོར་པ་དང་བསྟུན་ནས་བྱ་བར་ཀླུ་བྱང་གིས་གསུངས་སོ། །༼ལྡན་ཞེས་པའི་གྲྭ་བཞི་ནི་ཟུར་བཞི་དང་ལྡན་པའི་ཕྱིར་རོ། །སྒོ་བཞི་པར་ནི་ཞེས་བྱ་བ་ནི་ཆ་ཆེན་རེ་རེའི་ཚད་ཀྱི་ཤར་ལ་སོགས་པའི་སྒོ་བཞི་དང་ལྡན་པ་སྟེ། དེ་འདྲ་བའི་དཀྱིལ་འཁོར་
དེ་གྲུ་བཞི་སྒོ་བཞི་པར་བཤད་པའི་དོན་གྱིས་ཏེ་ཤུགས་ཀྱིས་ན་ཕྱིའི་དཀྱིལ་༼འདི་ཐིག་གིས་བྲི་ཚུལ་སྟོན་པ་ཡིན་ལ། རྩ་ཐིག་གི་ལོགས་ཀྱི་ངོས་བཞི་དང་ཟུར་བཞི་ནི་ཁྲུ་བཅུ་གཉིས་པར་བཤད་ཟིན་པས་འདི་རྩ་ཐིག་ནས་མདའ་ཡབ་ཀྱི་བར་གྱི་ལོགས་བཞི་དང་དེའི་ཟུར་ཐིག་ལ་བྱའོ།
4-2-109a


༼འཁོར་ཡིན་ནོ། །དེ་ཡི་ཞེས་བྱ་བ་ལ་སོགས་པ་ལ། ངོས་བཞི་ལ་སོགས་པའི་ཡོན་ཏན་དང་ལྡན་པའི་ཕྱིའི་དཀྱིལ་འཁོར་དེའི་ནང་དུ་འཁོར་ལོ་སྟེ། ནང་གི་དཀྱིལ་འཁོར་རབ་ཏུ་ཟླུམ་པོ་ལྟ་བུར་བྲི་༸ཞེས་པ་ལ་འགྱུར་བར་བྱའོ། །༼
ཏེ། དེའི་དབུས་སུ་དཀྱིལ་འཁོར་ནང་མ་ཟླུམ་པོ་བྲི་བར་འདི་ཉིད་ལས་གསུངས་པའི་ཕྱིར་རོ། །དེའི་ཕྱིར་ཁ་ཅིག་རྡོ་རྗེ་འཕྲེང་བ་ལས། སྙིང་པོར་ཡང་ནི་སྒོ་བཞི་པ། །རྩེ་གསུམ་རྡོ་རྗེའི་འཕྲེང་བས་བསྐོར། །ཞེས་གསུངས་པས། དེའི་ལུགས་ཀྱིས། ནང་གི་དཀྱིལ་འཁོར་ལ་སྒོ་བཞི་བཞེད་པར་སྨྲ་བ་མི་རིགས་ཏེ། སྒོ་བཞི་པའི་སྙིང་པོར་
ཞེས་བསྒྱུར་རྒྱུ་ལ་གོ་རིམ་འཁྲུགས་པའི་འགྱུར་སྐྱོན་ཡིན་པའི་ཕྱིར་རོ། །གསར་གཉིས་ལས་རྣམ་པར་བསྒྱུར་བ་ལེགས་སོ།། ༈ ༽དེ་ནས་དེའི་འོག་ཏུ་སློབ་དཔོན་གྱིས་རྡོར་འཕྲེང་ལས། མཚན་མའི་ཕྱག་རྒྱ་ལ་སོགས་བྲི་ཞེས་པ་ལྟར་རྡོ་རྗེ་ལ་སོགས་པའི་ཕྱག་རྒྱ་དགོད་པར་བྱའོ། །
དེ་ཡང་དེ་ནས་ཞེས་བྱ་བ་ལ་སོགས་པ་ཡིན་ཏེ། ཆོ་ག་ནི་ས་སྦྱང་བ་ལ་སོགས་པའི་ཆོ་ག་ཉི་ཤུའོ། །༼ཉི་ཤུ་ནི། དང་པོ་ས་ནི་སྦྱང་བ་དང༌། །དེ་ནས་ས་ཡོངས་འཛིན་པ་དང༌། །ཕྱི་ནས་བགེགས་ནི་ཉེར་ཞི་དང༌། །ཐོད་ལེ་ཀོར་གྱིས་ཐིག་གདབ་དང་། །
དེ་ནས་ས་ལྷ་སོགས་ལྷག་པར། །གནས་དང་དེ་ནས་གསོལ་གདབ་དང༌། །ཕྱི་ནས་སློབ་མ་ལྷག་གནས་དང༌། །ནམ་མཁར་ཐིག་ནི་གདབ་པ་དང༌། །ཚོན་སྣ་ལྔ་ཡི་ཆོ་ག་དང༌། །ཚོན་རྩི་རྣམས་ནི་དགྱེ་བ་དང༌། །ལྷ་རྣམས་སྤྱན་དྲངས་ཉིད་དང་ནི། །དེ་ནས་སློབ་མ་གཞུག་པ་དང༌། །ཁྲུས་ཀྱི་དཀྱིལ་འཁོར་ཆོ་ག་དང༌། །དེ་ནས་སངས་རྒྱས་དབང་བསྐུར་དང༌། །དེ་ནས་ཕྱག་མཚན་
དབང་བསྐུར་དང༌། །བླ་མ་ལྷ་ལ་ཡོན་གཉིས་དང༌། །རྗེས་སུ་གནང་བ་སྦྱིན་པ་དང༌། །དེ་ནས་གཤེགས་གསོལ་ཆོ་ག་དང༌། །དཀྱིལ་འཁོར་ལས་བྱེད་ཕུར་པ་དང༌། །སྐུད་པ་བསྡུ་བ་ཉིད་ཀྱང་སྟེ། །རབ་བཤད་ཆོ་ག་ཉི་ཤུ་ཡིས། །ཞེས་ཀླུ་བྱང་གིས་གསུངས་པ་ལྟར་ཏེ། རྡོར་འཕྲེང་ལས་དེ་རྣམས་དང་ཅུང་མི་འདྲ་ཙམ་ཡང་
4-2-109b


བཤད་དོ། །༽དེ་མཐོང་བ་ནི་ཆོ་ག་མཐོང་བ་སྟེ། ལས་ཀྱི་ཆོ་ག་དེས་དབང་བསྐུར་བའི་གཞིར་གྱུར་པའི་དཀྱིལ་འཁོར་བྲི་བ་སོགས་རྫོགས་པར་བྱས་ནས་བྱེད་ཤེས་པའོ། །ཕྱག་རྒྱ་ནི་ཆོས་ཀྱི་ཕྱག་རྒྱ་དང༌། མཚན་མའི་ཕྱག་རྒྱ་དང༌། ཕྱག་རྒྱ་ཆེན་པོ་དང་གསུམ་
སྟེ། ཡི་གེ་ཧཱུཾ་ལ་སོགས་པ་ནི་གསུང་ཆོས་ཀྱི་ཕྱག་རྒྱའོ། །རྡོ་རྗེ་ལ་སོགས་པ་ནི་མཚན་མ། སྟེ། ཐུགས་དམ་ཚིག་གི་འི་ཕྱག་རྒྱའོ། ༼འགྱུར་གསར་གཉིས་ལས། གཞིའི་དཀྱིལ་འཁོར་རྫོགས་པར་བྱས་ནས། དེ་ནས་སློབ་དཔོན་གྱིས་རྡོ་རྗེ་སོགས་དགོད་པར་བྱའོ། །ཞེས་རིམ་པ་དེ་ལྟར་འབྱུང་ངོ༌། །
༼མི་བསྐྱོད་པ་ལ་སོགས་པ་ལྷའི་འཁོར་ལོ་ནི་། སྐུ་ཕྱག་རྒྱ་ཆེན་པོའོ་སེམས་ཅན་གྱི་རྒྱུད་དེ་བསམ་པའི་ཁྱད་པར་ཐམས་ཅད་ལ་ལྟོས་ནས་རྣམ་པ་གསུམ་པོ་འདི་དག་གི་ཕྱག་རྒྱ་གང་ལ་དགའ་བ་དགོད་པ་དེ་ཡང་བྱའོ། །ཕྱག་རྒྱ་དགོད་པ་གསུམ་ཡོད་པ་དེ་ལ་
ཕྱོགས་ཙམ་ཞིག་ཉེ་བར་མཚོན་པའི་དོན་ཙམ་དུ་མཚན་མའི་ཕྱག་རྒྱ་བསྟན་པའི་ཕྱིར། དེའི་དབུས་སུ་ཞེས་བྱ་བ་ལ་སོགས་པ་གསུངས་ཏེ། འཇིགས་པ་དག་ཀྱང་རབ་འཇིགས་བྱེད་ཅེས་བྱ་བ་ནི། ཞེ་སྡང་གི་སྟེ་མི་བསྐྱོད་པ་དྲག་པོའི་དེ་ཁོ་ན་ཉིད་མཚོན་པ་ཡིན་
པའི་ཕྱིར། དཀྱིལ་འཁོར་ནང་མ་དེའི་དབུས་སུ་རྡོ་རྗེ་བྲི་བ་ནི་ཨི་ནཱི་ལའི་ཁ་དོག་དང་འདྲ་བ། འོད་ཟེར་རྣམ་པ་ལྔ་འབར་བས་བསྐོར་བ་ཆེན་པོའོ། །འཇིགས་པའི་བགེགས་རྣམས་ཀྱང་རབ་ཏུ་འཇིགས་པར་བྱེད་པའོ། །ལེའུ་ཚེའི་ཤར་ཕྱོགས་སུ་འཁོར་ལོ་དཀར་པོ་ཆེན་པོ་རྡོ་རྗེ་ནི་དེ་
བཞིན་གཤེགས་པ་རྣམས་སོ། །དེ་རྣམས་ཀྱི་འབར་བ་ནི་འོད་ཟེར་ལྔ་སྟེ་དེས་འཁོར་ལོ་རྣམ་པར་བརྒྱན་པའོ། །ལྷོ་ཕྱོགས་སུ་རིན་ཆེན་ཆེན་པོ་འོད་ཟེར་མང་པོས་རབ་ཏུ་འཁྲིགས་ཞེས་བྱ་བ་ནི། རིན་པོ་ཆེ་ལ་འོད་ཟེར་གྱི་ཚོགས་ཀྱིས་རྒྱས་པའོ། །
4-2-110a


པདྨ་ཆེན་པོ་ནི་འོད་དཔག་ཏུ་མེད་པའི་མཚན་མ་སྟེ། པདྨ་དམར་པོའི་འོད་དང་མཉམ་ཞིང་ཁ་དོག་དམར་བ་ནུབ་ཕྱོགས་ཀྱི་ཆར་བྲི་བར་བྱའོ། །རལ་གྲི་ཆེན་པོ་བྱང་ཕྱོགས་སུ་ཞེས་བྱ་བ་ལ་སོགས་པ་ལ། །འོད་ཟེར་ནི་༼
འདི་ལ་པ་ཚབ་ཀྱིས། ནུབ་ཏུ་པདྨ་ཆེན་པོ་ནི། པདྨ་རཱ་ག་དང་མཚུངས་པའི་འོད་ཅན་ཁ་དོག་དམར་པོ་བྲི་བ་བྱའོ། །ཞེས་བསྒྱུར་བ་བདེའོ། །༸འདིར་རྒྱུད་ཀྱི་འགྱུར་རྙིང་ལས། འོད་ཟེར་མང་པོས་རབ་ཏུ་འཁྲིགས། །ཞེས་པ་ལ་པ་ཚབ་ཀྱིས། འོད་ཟེར་འབར་བ་ཞེས་བསྒྱུར་བ་ནི་འགྲེལ་པ་དང་མཐུན་ནོ། །༽ཁ་
དོག་སྣ་ལྔ་པའོ། དེ་རྣམས་ཀྱིས་འབར་བ་ནི་འོད་འཕྲོ་བའོ། །དེ་རྣམས་ཀྱིས་རབ་ཏུ་འཁྲིགས་པ་ནི་རལ་གྲི་ལ་འོད་དེའི་ཚོགས་ཀྱིས་ཁྱབ་པའོ། །དབུས་ན་སྤྲིན་དང་འདྲ་བའི་འོད་ཅེས་བྱ་བ་ལ་སོགས་པ་ལ། སྤྲིན་སྔོན་པོའི་མདོག་འདྲ་བ་ནི་དབུས་ན་སྤྲིན་
དང་འདྲ་བའི་འོད་དེ། དབུས་གནག་ལ་མཐའ་དཀར་བའི་འོད་དང་ལྡན་པ་གང་ཡིན་པ་དེ་ནི་དབུས་ན་སྤྲིན་དང་འདྲ་བའི་འོད་མངའ་བའི་སྤྱན་ནི་ཤར་གྱི་གྲྭ་སྟེ། ཤར་ལྷོར་བྲིའོ་ནི། །མཱ་མ་ཀཱི་ཡི་རིགས་བྱུང་བ་ཞེས་བྱ་བ་ནི། མཱ་མ་ཀཱི་ཡི་ཕྱག་མཚན་
རྡོ་རྗེ་སྟེ། དེ་ཡང་ཏེ། རིགས་ལས་བྱུང་བ་ནི་ཞེས་པ་མཱ་མ་ཀཱི་རྡོ་རྗེའི་རིགས་ལ་ལྟོས་པ་དེའི་ཚེའོ་སྟེ། གང་གི་ཚེ་མཱ་མ་ཀཱི་རིན་པོ་ཆེའི་རིགས་ལ་ལྟོས་པར་གྱུར་པ་དེའི་ཚེ་ནི། རིན་པོ་ཆེ་ཡང་མཱ་མ་ཀཱིའི་ཕྱག་མཚན་དུ་འགྱུར་ཏེ། རྡོ་རྗེ་ཁོ་ན་
ནི་མ་ཡིན་ནོ་ཞེས་བྱ་བར་དགོངས་སོ། །མཱ་མ་ཀཱིའི་ཕྱག་མཚན་ནི་ལྷོ་ཕྱོགས་སུ་སྟེ། ལྷོ་ནུབ་ཏུའོ། །པདྨ་ནི་ཁ་བྱེ་ཞིང་རྒྱས་པ་དང༌། སྡོང་བུར་བཅས་ཤིང་རྩ་བར་བཅས་པ་ནུབ་ཕྱོགས་སུ་སྟེ། ནུབ་བྱང་གི་ཕྱོགས་སུ་བྲིའོ། །ཨུཏྤལ་ནི་སྤྲིན་སྔོན་པོ་ལྟར་རྣམ་
4-2-110b


པར་མཛེས་པ་བྱང་ཕྱོགས་སུ་སྟེ་། བྱང་ཤར་གྱི་ཕྱོགས་སུ་བྲིའོ། །ཐོ་བ་ནི་ཕྱོགས་ཀུན་ནས་འོད་ཟེར་སྣ་ལྔ་འབར་བས་ཁྱབ་པ་སྟེ། སྔོན་པོ་ལ་སོགས་པའི་འོད་ཟེར་ལྔས་བརྒྱན་པ་དེ་ནི་ཤར་ཕྱོགས་ཀྱི་སྒོར་བྲིའོ་ས་སོ། །བེ་ཅོན་ནི་རྡོ་རྗེ་འབར་བ་ལ་སོགས་
པའི་འོད་བཟང་བ་ཡོད་པའི་དབྱུག་པ་ལྷོ་ཡི་སྒོར་བྲིའོ། །པདྨ་ནི་རལ་གྲི་ལྟར་རྣོ་བའི་འོད་འཕྲོ་བ་གང་ཡིན་པ་དེ་ལ་དེ་སྐད་ཅེས་བྱའོ། །རྡོ་རྗེ་ཞེས་བྱ་བ་ལ་སོགས་པ་ལ། རྡོ་རྗེ་ནི་སྣ་ཚོགས་རྡོ་རྗེའོ། །འཁྱིལ་པ་རྡོ་རྗེ་ཅན་ཞེས་པའི་འཁྱིལ་པ་ནི་བདུད་རྩི་འཁྱིལ་པ་དང་། 
རྡོ་རྗེ་ཅན་ནི་སྣ་ཚོགས་རྡོ་རྗེ་ཅན་ཞེས་བྱ་བའི་དོན་ཏོ། །དེའི་རྡོ་རྗེ་ནི་བྱང་གི་སྒོར་བྲིའོ།། ༈ ཐུགས་ཀྱི་དཀྱིལ་འཁོར་དམ་པ་དེ་ཞེས་བྱ་བ་དང་ལ་སོགས་པས་བསྡུས་པ་ཡོངས་སུ་གསལ་བར་ཤེས་བྱས་ནས། ཞེས་ཐུགས་དཀྱིལ་མཆོག་དེ་བྲི་བ་ཡོངས་སུ་གསལ་བ་སྟེ་རྫོགས་
པ་ན། དེ་ལྟར་ཤེས་པར་བྱས་ནས་ཞེས་པ་ནི་ལ། བཤད་མ་ཐག་པའི་དཀྱིལ་འཁོར་བྲི་བའི་ཆོ་ག་ཉེ་བར་སྡུད་པ་ཡིན་ཏེ། འདིར་རྒྱ་ཆེར་ནི་ཀླུ་བྱང་གི་དཀྱིལ་འཁོར་གྱི་ཆོ་ག་ལས་བལྟ་བར་བྱའོ།། ༈ ལུས་དང་ཞེས་བྱ་བ་ལ་སོགས་པ་ལ། སྒྲུབ་པ་པོས་
ལུས་ཀྱི་མཆོད་པ་ཕྱག་བསྐོར་བ་སོགས་དང༌། ངག་གི་ནི་བསྟོད་པ་སོགས་དང༌། ཡིད་ཀྱི་ནི་མཆོད་པའི་དམིགས་པ་ལ་སེམས་རྩེ་གཅིག་པའི་༼ལ་ནས་ཀྱི་སྒྲས་ནི། དེ་ནས་དཀྱིལ་འཁོར་བསྒྲུབས་ཏེ་མཆོད་ཅེས་པ་གདོན་པར་བྱའོ། །༽མཆོད་པ་རྣམ་པ་གསུམ་གྱིས་ལྷ་རྣམས་ཀྱི་འཁོར་
ལོ་གུས་པ་དང་བཅས་པས་མཆོད་པར་བྱའོ།། ༸ཞེས་པ་ནི་མཆོད་པ་བྱ་བ་སྤྱིར་བསྟན་པའོ། ། ༈ ཕྱག་རྒྱ་དང་སྦྱར་བས་བྱང་ཆུབ་ཀྱི་སེམས་ཞུ་བ་ལས་མཆོག་ཏུ་དགའ་བ་བསྐྱེད་པ་སོགས་ཀྱི་ནང་གི་མཆོད་པ་བསྟན་པར་བྱ་བའི་ཕྱིར། བུད་མེད་ཅེས་བྱ་བ་ལ་སོགས་
4-2-111a


པ་གསུངས་ཏེ། བུད་མེད་ནི་སྒྲུབ་པ་པོ་རང་རང་གི་རིགས་ཀྱི་བུ་མོའོ། །༼སྟེ། མི་བསྐྱོད་པའི་རིགས་ལ་སྨེ་ཤ་ཅན་གྱི་བུ་མོ་དགོས་པ་སོགས་སོ། །༽མདངས་བཟང་བ་ནི་གཟུགས་སྡུག་པ་ལ་སོགས་པའི་ཡོན་ཏན་དང་ལྡན་
པའོ། །ལོ་གྲངས་བཅུ་དྲུག་ལོན་པ་ནི་ན་ཚོད་དོ། །ནི་ཞེས་བྱ་བ་ནི་ངེས་པར་གཟུང་བའོ། །༼ཞེས་པ་ནི་འགྱུར་གསར་གཉིས་ལས། དེའི་དབུས་སུ་འདོད་པ་བྱ་བའི་འོག་ཏུ་འབྱུང་ངོ༌། །ངེས་གཟུང་གི་དོན་ནི། བོད་ཁ་ཅིག་ཧ་ཅང་གཞོན་པ་དང་རྒན་པ་ལ་བདེ་བ་མི་སྐྱེ་བས། བཅུ་དྲུག་མ་
ངེས་པར་གཟུང་བར་འདོད་པ་ནི་མི་འཐད་དེ། ལེའུ་བཅོ་ལྔ་པ་རྩ་འགྲེལ་ལས། མི་བསྐྱོད་པའི་སྒྲུབ་པ་པོས་སྨེ་ཤ་ཅན་གྱི་བུ་མོ་ལོ་བཅུ་གཉིས་མ་དང་ལྷན་ཅིག་ཏུ་དཀྱིལ་འཁོར་གྱི་དབུས་སུ་འདོད་པ་བྱ་བར་གསུངས་པས་སོ། །སྐལ་ལྡན་གྱིས་ཡང་སྒྲ་ངེས་གཟུང་དུ་བྱས་ནས་དེས་ནི་ཕྱག་རྒྱ་དང་ལྷན་ཅིག་གནས་པ་
ཙམ་དང༌། ཙུམྦྷ་ན་དང་འཁྱུད་པ་ཙམ་བྱེད་པ་འགོག་སྟེ། ཐབས་དེ་ལས་བདེ་ཆེན་གྱི་རྒྱུར་གྱུར་པའི་བྱང་ཆུབ་ཀྱི་སེམས་མི་འབྱུང་བའི་ཕྱིར་རོ། །དེས་ན་སྙོམས་པར་ཞུགས་པས་མཉེས་པར་བྱས་པ་ཁོ་ནའོ་ཞེས་ཟེར་མོད་ཀྱང༌། པ་ཚབ་ཀྱིས། ནིའི་སྒྲ་ནི་ངེས་པར་གཟུང་བ་ལས་ཏེ། མཉེས་པ་ཁོ་ནར་བྱའོ་སྙམ་དུ་
དགོངས་སོ། །ཞེས་བསྒྱུར་བ་ལྟར། ལས་རྒྱ་དངོས་སམ། ཡེ་རྒྱ་དང་སྙོམས་པར་ཞུགས་པས་མཉེས་པ་ཁོ་ནར་བྱའོ། །ཞེས་བསྟན་པས། དེའི་ལོག་ཕྱོགས་གཅོད་པ་ངེས་གཟུང་གི་དོན་ནོ། །༽དྲི་དང་མེ་ཏོག་འཕྲེང་བརྒྱན་ཏེ། །ཞེས་བྱ་བ་ནི། དྲི་དང་མེ་ཏོག་དང་རྒྱན་རྣམ་པ་སྣ་ཚོགས་
པས་བརྒྱན་པར་བྱས་ནས། དཀྱིལ་འཁོར་དེ་ཡི་དབུས་སུ་༼ཞེས་པ་ལ་སྐལ་ལྡན་གྱིས། དངོས་སུ་དཀྱིལ་འཁོར་གྱི་དབུས་སུ་བྱས་ན། དེ་ལ་གནོད་པས་ཕྱོགས་གཞན་གཅིག་ཏུ་བྱས་ལ། ཕྱོགས་དེ་དཀྱིལ་འཁོར་གྱི་དབུས་སུ་མོས་པར་བྱ། ཞེས་ཟེར་ཡང༌། ཕྱག་རྒྱ་གཉིས་གང་ལ་
4-2-111b


བརྟེན་ཡང༌། མདུན་གྱི་དཀྱིལ་འཁོར་གྱི་དབུས་ཀྱི་གཙོ་བོའི་ང་རྒྱལ་བཟུང་ནས་བྱེད་པའི་དོན་ནོ། །༽མཉེས་པར་བྱ་ཞིང་རོལ་པར་བྱའོ། །ཞེས་དགོངས་སོ། །ཅི་ལྟར་རོལ་པར་བྱ་ཞེ་ན། བྱིན་བརླབས་ལ་ཞེས་བྱ་བ་ལ་སོགས་པ་གསུངས་ཏེ། ཤེས་རབ་ཅན་ནི་མཁས་པ་སྟེ། 
སྔགས་པ་འདོད་པའི་བསྟན་བཅོས་སོགས་ལ་མཁས་པའོ། །ཡོན་ཏན་སྐ་རགས་མཱ་མ་ཀཱིར། །ཞེས་བྱ་བ་ནི། གང་ཡོན་ཏན་ཉིད་ཀྱིས་སྐ་རགས་སུ་བྱས་པ་ནི་སྔར་བཤད་པའི་བུད་མེད་དོ། །དེ་མཱ་མ་ཀཱི་དང་འདྲ་བར་བྱིན་གྱིས་བརླབས་པ་སྟེ། ཐ་མལ་པའི་དངོས་པོ་
བསལ་ཏེ། རིགས་ལྔས་ཁྱབ་པར་བརྒྱན་པར་བྱས་ནས་མཉེས་པར་བྱའོ། །༼མཱ་མ་ཀཱིར་བྱིན་གྱིས་རློབ་པ་ན་མི་བསྐྱོད་པའི་སྒྲུབ་པ་པོ་ལ་དགོངས་ཏེ། དེས་གཞན་ལ་སྤྱན་མ་སོགས་སུ་བསྐྱེད་པ་ཡང་ཤེས་པར་བྱའོ། །མི་བསྐྱོད་པའི་དཀྱིལ་འཁོར་སྒྲུབ་པའི་དུས་སུ་ནི་རིག་མ་རེག་རྡོ་རྗེ་མ་བྱའོ། །
༽དེ་ནས་ཞི་བའི་གནས་ཏེ། སྟེ་ཞེས་པའི་ཞི་བ་ནི་བྱང་ཆུབ་ཀྱི་སེམས་ཀུནྡ་ལྟ་བུ་ཡིན་ལ་དེ་སྤྲོས་པ་ནི་རྡོ་རྗེའི་ལམ་ནས་ཕྱི་རོལ་དུ་སྟེ། ཡུམ་གྱི་པདྨར་བྱ་བའོ། །ཀུནྡ་ལྟ་བུ་སྤྲོས་པས་སངས་རྒྱས་ཀྱི་གནས་ཇི་ལྟར་འགྱུར། སྤྲོས་པར་ཞེ་ན། ༼
འགྱུར་གསར་གཉིས་ལས། ཞི་བ་སྟེ་ཞེས་གནས་མི་འབྱུང་བ་བཞིན་བྱའོ། །༽ནམ་མཁའི་དབྱིངས་ནི་རབ་ཏུ་བརྒྱན་ཞེས་པ་སྟེ། པདྨར་བྱང་སེམས་ལས་། སངས་རྒྱས་རབ་ཏུ་བྱུང་བསྟེ་བསྐྱེད་པས་ནམ་མཁའི་ཁམས་མ་ལུས་པར་བརྒྱན་པར་གྱུར་པར་སྤྲོབའོ། །
རྐང་པ་ཕྱེད་དང་གཉིས་ཀྱི་དོན་ཕྱོགས་གཅིག་ཏུ་བཤད་ན། འདི་སྐད་སྟོན་པ་ཡིན་ཏེ། ཡུམ་གྱི་པདྨར་ཕྱུང་བའི་བྱང་ཆུབ་ཀྱི་སེམས་ཀྱི་རྡུལ་ཕྲ་རབ་སྟེ། ཐིག་ལེ་ཆ་མང་པོ་ལས་བསྒྲུབས་པའི་ནམ་མཁའི་ཁོངས་སུ་ཁྱབ་པའི་དེ་བཞིན་གཤེགས་པའི་ཚོགས་བསམ་པར་
4-2-112a


བྱའོ་ཞེས་པའོ། །༼བུད་མེད་ཅེས་པ་ནས་རབ་ཏུ་བརྒྱན། ཞེས་པའི་བར་རྣམས་འགྲེལ་པས་བཤད་པ་ལྟར། དཀྱིལ་འཁོར་མཆོད་པ་ལ་སྦྱར་བ་དང༌། ཀླུ་བྱང་གི་དཀྱིལ་ཆོག་ལྟར་རྡུལ་ཚོན་གྱི་དཀྱིལ་འཁོར་སྒྲུབ་པའི་སྐབས་སུ། ཡུམ་གྱི་པདྨར་ལྷའི་འཁོར་
ལོ་བསྐྱེད་པ་ལ་སྦྱར་བའི་བཤད་ཚུལ་གཉིས་ཡོད་པས། བཤད་པ་ཕྱི་མ་འདིས་དཀྱིལ་འཁོར་བསྒྲུབ་པ་སྔོན་དུ་བྱས་པའི་འོག་ཏུ་མཆོད་པའི་རིམ་པ་རྣམས་སྦྱར་བར་བྱའོ།། ༈ ཕྱག་རྒྱ་དང་སྙོམས་པར་ཞུགས་པའི་བྱང་ཆུབ་ཀྱི་སེམས་འབའ་ཞིག་གིས་མཆོད་པར་མ་ཟད་དེ། 
གཞན་ཡང་ལུས་ཀྱི་སྟེ། དེ་ལས་བྱུང་བའི་རྒྱུ་མཐུན་པ་འབྲས་བུ་བདུད་རྩི་ལྔས་ཀྱང་མཆོད་པར་བསྟན་པའི་ཕྱིར། བཤང་དང་ཞེས་བྱ་བ་ལ་སོགས་པ་གསུངས་ཏེ། བདུད་རྩི་ལྔ་ལྷ་རྣམས་ལ་དབུལ་བར་བྱ་སྟེ། ༼ཞེས་པའི་བདུད་རྩི་ལྔ་ནི། བཤང་གཅི་
ཁུ་བ་ཁྲག་ལ་སོགས་ཞེས་བདུད་རྩི་བཞི་གསུངས་ཀྱང༌། ལྔ་པ་རྩ་རྒྱུད་དང་འགྲེལ་པར་མི་གསལ་བ་བཤད་རྒྱུད་རྡོར་འཕྲེང་ལས་ཤ་ཆེན་དང༌། དགོངས་པ་ལུང་སྟོན་ལས་རྐང་ལ་བཤད་པ་ལྟར་རོ། །ཁ་ཅིག་རྒྱུད་ཕྱི་མ་ལས། དྲི་ཆུ་རྐང་དང་ཡང་དག་ལྡན། །ཞེས་གསུངས་པས་ལྔ་པ་ནི་རྐང་མར་རོ། །ཞེས་འཆད་
ཀྱང་དེའི་འགྲེལ་པར་ནཱ་རོ་པས་རྐང་ནི་ས་བོན་ཁུ་བ་ལ་བཤད་པས་ཁུངས་སུ་མི་འགྲོའོ། །༽ལྷ་བཤོས་སུ་གྱུར་པས་དཀྱིལ་འཁོར་གྱི་འཁོར་ལོ་ལ་བསྟབ་པར་བྱ་ཞིང་། བདུད་རྩི་དེ་ཉིད་ཀྱིས་བདག་ཉིད་ཀྱང་ཚིམ་པར་བྱའོ།། ༈ བྱང་ཆུབ་ཀྱི་སེམས་དང་
བདུད་རྩིས་དེ་ལྟར་བྱས་པའི་ཡོན་ཏན་ནི། དེ་ལྟར་བྱས་ན་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ནི་གཟུགས་ཀྱི་ཕུང་པོ་ལ་སོགས་པའོ། །བྱང་ཆུབ་སེམས་དཔའ་ནི་མིག་ལ་སོགས་པའི་སྐྱེ་མཆེད་དེ། ཕུང་པོའི་ངོ་བོར་གྱུར་པའི་སངས་རྒྱས་དང་
4-2-112b


མིག་སོགས་ཀྱི་ངོ་བོར་གྱུར་པའི་བྱང་ཆུབ་སེམས་དཔའ་གྲགས་པ་ཆེ་ཞིང་སྤྱོད་པ་བཟང་བ་དེ་རྣམས་མཉེས་ཤིང་དགྱེས་པར་འགྱུར་བས། འཇིག་རྟེན་གྱི་མིག་དགའ་བར་མཛད་པར་འགྱུར་རོ་ཞེས་པ་སྟེ། དྲང་བའི་དོན་ཏོ།། ༈ སླར་ཡང་ལུང་སྟོན་གྱི་ལུང་
གིས་ཐུགས་དཀྱིལ་གྱི་ངེས་དོན་བཤད་པ་བརྗོད་པར་བྱ་སྟེ། ༼རྩ་རྒྱུད་དུ། དཀྱིལ་འཁོར་དམ་པ་བཤད་དུ་གསོལ། །ཞེས་ཡང་ཡང་ཞུས་པའི་དམ་པ་ནི་མཆོག་གི་དོན་ཡིན་ལ། དཀྱིལ་འཁོར་ནི་སྙིང་པོ་ལེན་ཞིང་འཛིན་པ་ཡིན་པས་སྙིང་པོ་ལེན་པའི་མཆོག་བཤད་དུ་གསོལ། ཞེས་པ་ནི་
མཚོན་བྱེད་དཔེའི་དཀྱིལ་འཁོར་ཙམ་མིན་གྱི་མཚོན་བྱ་དོན་གྱི་དཀྱིལ་འཁོར་ཡང་ཡིན་ཏེ། དཀྱིལ་འཁོར་དཀྱིལ་འཁོར་རབ་འདྲ་བ། །བཤད་ཅེས་དེའི་ཚིག་ཟུར་གྱི་འདྲ་ཡུལ་གྱི་དཀྱིལ་འཁོར་ཡང་བསྟན་པས་སོ། །དེས་ན་འདིར་ངེས་དོན་བཤད་དགོས་སོ། །༽སྡུད་པ་པོའི་ཚིག་གིས་མཚམས་སྦྱར་བ་དེ་
ནས་ཐུགས་ཀྱི་དཀྱིལ་འཁོར་དཀྱིལ་འཁོར་རྣམས་ཀྱི་མཆོག་ཏུ་གྱུར་པ། རྡོ་རྗེ་སྟེ། གཉིས་སུ་མེད་པའི་ཡེ་ཤེས་རབ་འདྲ་བ་སྟེ། རབ་ཏུ་གསལ་བ་སྐུ་དང་གསུང་དང་ཐུགས་རྣམས་ཀྱི། །དཀྱིལ་འཁོར་སྟེ། སྙིང་པོ་འཛིན་པའི་མཆོག་རབ་ཏུ་བཤད་པར་བྱའོ།། 
༈ འདི་ལ་ཐིག་གིས་ཆ་བགོ་བ་སོགས་ངེས་དོན་དུ་བཤད་པ་གསུམ་གྱི་དང་པོ་སྟོན་པ་ནི། ཐིག་སྐུད་སར་པ་ཞེས་པའི་སར་༼རབ་གསལ་བ་ཟེར། ༽པའི་སྐད་དོད་ན་བ་ཞེས་པ་གྲངས་དགུ་ལའང་འཇུག་པ་འདིས་ནི་ཟུང་འཇུག་པའི་ཕུང་པོ་ལྔ་དང་ཁམས་བཞི་སྟེ། དགུ་པོ་ཡི་
བདག་ཉིད་མཆོག། སྟོན་ལ། དགུ་པོ་དེ་ལེགས་པར་བཀལ་བའམ་བསྒྲིལ་བས་ནི་དེ་བཞིན་ཉིད་འོད་གསལ་གྱི་ཡེ་ཤེས་ཀྱི་ངོ་བོ་གཅིག་ཏུ་བྱས་པ་སྟོན་པའོ། །དོན་དེ་ངེས་དོན་གྱི་ལུང་སྣ་ཚོགས་པའི་ལུང་གི་བརྡར་གྱུར་པས་བསྟན་པ་ནི། །ཚད་མ་བཟང་པོར་དེ་
4-2-113a


བཤད་དོ། །ཀུན་རྫོབ་སྒྱུ་མའི་སྐུ་དང་ནི་དོན་དམ་འོད་གསལ་གྱི་ཡེ་ཤེས་དག། གཉིས་སུ་མེད་པ་ངོ་བོ་དབྱེར་མེད་དུ་སྦྱོར་བ་ནི་ཡིད་འཕྲོགས་པས་མཛེས་པ་ཡིན་ནོ། །ཟུང་འཇུག་གི་ཡ་གྱལ་ཤེས་རབ་འདི་ནི་ཐིག་འདེབས་བྱེད་ཡིན་ཏེ། །
ཐབས་ནི་ཐིག་འདེབས་བྱེད་དེ་ཡི་རྗེས་སུ་འཇུག་པ་ཐིག་བཏབ་པའོ། །ཐབས་ཤེས་གཉིས་པོ་གང་ཞེ་ན། ཤེས་རབ་འོད་གསལ་ཆོས་ཀྱི་སྐུ་དང་ཐབས་ནི་སྒྱུ་མ་ལོངས་སྤྱོད་རྫོགས་པའི་སྐུ་མཆོག་གོ། དེ་འདྲ་བའི་ཤེས་རབ་དང་ཐབས་གཉིས་ཀྱི་
ཐིག་གཅིག་པའི་གིས། །ངེས་དོན་གྱི་ཐུགས་ཀྱི་དཀྱིལ་འཁོར་གྱི་ཐིག་གདབ་པར་བྱའོ། །རྟེན་གྱི་དཀྱིལ་འཁོར་གྱི་ངེས་དོན་བཤད་པ་ལ་ཁྱད་གཞི་ཟུང་འཇུག་གི་དཀྱིལ་འཁོར་དེའི་ཁྱད་པར་གྱི་ཆོས་ནི་རྟེན་འབྲེལ་ཡན་ལག་བཅུ་གཉིས་དག་པས་ཁྲུ་བཅུ་གཉིས་པ། །
འཕགས་པའི་བདེན་བཞིའི་དེ་ཁོ་ན་ཉིད་མཉམ་པར་རྟོགས་པས་ངོས་བཞི་མཉམ་པ་སྟེ། །ཚངས་པའི་གནས་ཚད་མེད་བཞིས་གཞན་དོན་ལ་གཞོལ་བའི་བསམ་པ་དག་པ་ནི་གྲྭ་བཞི་ཡིན་ནོ། །བསྡུ་བའི་དངོས་པོ་བཞིར་གྲགས་པས་གདུལ་བྱ་སྡུད་པའི་སྦྱོར་བ་དག་པ་
ནི་སྒོ་བཞི་ཡིན་ཏེ། །ངོས་དང་གྲྭ་དང་སྒོ་རྣམས་རེ་རེའང་བཞི་བཞི་ཡི་མིང་ཅན་ནོ། །ཆོས་ཀྱི་དེ་ཉིད་ཀྱི་དོན་གྱི་སྤྲོས་པའི་གྲྭ་ཟུར་དང་བྲལ་བ་ཆོས་ཅན་གྱི་ཕྱོགས་ཀུན་ཏུ་སོན་པའི་དོན་རྟོགས་པའི་བརྡ། །འཁོར་ལོ་སྟེ། གཞལ་ཡས་ཁང་གི་འི་ནང་གི་
དཀྱིལ་འཁོར་ཟླུམ་པོ་སྟེ། ངེས་དོན་ལ་ཟུང་འཇུག་གི་ཡེ་ཤེས་དང་། རྟེན་གྱི་དཀྱིལ་འཁོར་གཉིས་ངོ་བོ་དབྱེར་མེད་དུ་བསྟན་ནོ་རོ།། ༈ ཆོས་ཀྱི་ཕྱག་རྒྱ་བཀོད་པའི་ངེས་དོན་ནི་གཉིས་སུ་མི་ཕྱེད་ཡེ་ཤེས་དེ་མཚོན་པའི་མཚན་མ་ཉིད་དེ་ནི། །རྡོ་རྗེ་ཨིནྡྲ་ནཱི་ལའི་
4-2-113b


མདོག་ཅན་གྱི་ཕྱག་རྒྱའི་མཚན་མའོ། །རྭ་ལྔ་ནི་ཡེ་ཤེས་རྣམ་པ་ལྔ་རུ་ཕྱེ་སྟེ་བཤད། །པར་བྱ་བ་ལ། རྭ་དབུས་མ་ནི་ཆོས་ཀྱི་དབྱིངས་ཀྱི་ཡེ་ཤེས་སོ། །རྡོ་རྗེ་དེའི་རྩེ་མོ་རྣོ་བ་ནི་འཁོར་བའི་བག་ཆགས་མྱུར་དུ་འཇིག་པར་བྱེད་པའོ། །ཤར་དུ་གནས་པའི། ཟུང་འཇུག་པའི་
མེ་ལོང་ཡེ་ཤེས་ཀྱི་གཟུགས་ཏེ། ངོ་བོ་ཉིད་ནི། །འཁོར་ལོ་ལ་འབར་བའི་འོད་ཀྱིས་བརྒྱན། །པའོ། །ལྷོ་རུ་གནས་པའི་མཉམ་ཉིད་ཡེ་ཤེས་ནི། །རྩེ་མོ་སྟེ་ཆ་དགུ་པའི་རིན་པོ་ཆེའོ། །ནུབ་ཏུ་གནས་པའི་སོ་སོར་རྟོག་པའི་ཡེ་ཤེས་ནི་པདྨ། །པདྨ་རཱ་གའི་
འོད་དང་འདྲ་བའོ། །བྱང་དུ་གནས་པའི་མཆོག་ཏུ་གྱུར་པའི་གི་སེམས་གང་ཡིན་པ། །འགྲོ་བའི་རྣམ་རྟོག་འཇོམས་པར་བྱེད་པ། །སོགས་ཀྱི། བྱ་བ་སྒྲུབ་པའི་ཡེ་ཤེས་ནི། རལ་གྲིར་གྱུར། །པའོ། །འོད་ཟེར་འབར་བ་འདྲ་བའི་མདོག། ཅན་གྱི་སྤྲིན་
སྔོན་དང་ནི་མཉམ་པ་སྟེ། འདྲ་བའི་འོད། །ཤར་ལྷོར་གནས་པའི་བྱམས་པའང་ནི། སྤྱན་ཡིན་ནོ་ཏེ། །ལྷོ་ནུབ་ཏུ་གནས་པའི་སྙིང་རྗེ་ཞེས་བྱ་བ། །ནི་མཱ་མ་ཀཱི་ཡི་རིགས་ཀྱི་རྡོ་རྗེ། །འོ། །ནུབ་བྱང་དུ་གནས་པའི་སྡོང་བུ་དང་བཅས་པའི། །པདྨ་ནི་
དགའ་བས་ཡང་དག་པར་གནས། །པའོ། །བྱང་ཤར་དུ་གནས་པའི་ཨུཏྤལ་འོད་ཟེར་ནི། །སྔོ་དང་བཅས་པ་ནི་བཏང་སྙོམས་ཡིན། །ནོ། །དེ་བཞིན་དུ་སྒོའི་མཚན་མ་བསྡུ་བཞིར་འཆད་པ་ནི་ཤར་སྒོར་གནས་པའི་སྦྱིན་པ་ནི། །ཐོ་བ་མདངས་ལྡན་འོད་དང་
བཅས། །པའོ། །དེ་བཞིན་སྙན་སྨྲ་ཞེས་གྲགས་པ། །ནི་ལྷོ་སྒོར་གནས་པའི་དབྱིག་པ་འོད་བཟང་རྡོ་རྗེ་འབར། །རོ། །ནུབ་སྒོར་གནས་པའི་ཏུ་དོན་སྤྱོད་ཅེས་བྱ་བ། ནི་རྟ་མགྲིན་གྱི་ནི་པདྨ་འོ། །དོན་མཐུན་པ་ནི་བྱང་སྒོར་གནས་པའི་སྣ་ཚོགས་རྡོ་རྗེ་སྟེ། རྡོ་རྗེ་བདུད་རྩིའི་
4-2-114a


འཁྱིལ་པ་སྣ་ཚོགས་རྡོ་རྗེ་ཅན། །གྱིའོ། །དཀྱིལ་འཁོར་ལ་བྲིས་པའི་ཕྱག་རྒྱ་དགོད་པའི་མཚན་ཉིད་དེ། །རྣམས་ངེས་དོན་དུ་ལེགས་པར་བཤད་པ་ནི་གོང་དུ་བཤད་པ་འདི་ཡིན་ནོ། །༼དེ་དག་གིས་ནི་བརྟེན་པའི་དཀྱིལ་འཁོར་གྱི་ལྷ་རྣམས་
ཀྱང་ཟུང་འཇུག་ལས་ངོ་བོ་ཐ་དད་མེད་པར་བསྟན་ཏེ། དེ་རྣམས་ཀྱང་ཟུང་འཇུག་གི་ཁྱད་པར་གྱི་ཆོས་སོ། །གྲྭ་དང་སྒོ་བཞི་དང་དེ་ན་གནས་པའི་མཚན་མ་བཞིའི་ངེས་དོན་གཅིག་ཉིད་ལན་གཉིས་སུ་གསུངས་པ་ནི། ངེས་དོན་ལ་ལྷ་སོ་སོའི་རྟེན་དང་བརྟེན་པ་ཡང་ཐ་དད་མེད་པར་བསྟན་པའི་དོན་ནོ།། ༈ དེ་
ལྟར་སྔར་བཤད་པའི་ཟུང་འཇུག་དེ་ཐབས་གང་གིས་འཐོབ་པ་ནི་མཆོད་པ་ངེས་དོན་དུ་བཤད་པས་སྟོན་ཏེ། ཇི་ལྟ་བ་བཞིན་དུ་འོད་གསལ་དུ་ཡང་དག་པ་གནས་པ་ནི་ངེས་དོན་གྱི་མཆོད་པའོ། །འོད་གསལ་དུ་འཇུག་པ་ཡང་ལུས་ངག་ཡིད་གསུམ་གྱི་མཆོད་པ་བྱ་བའི་ངེས་
དོན་ལུས་ངག་སེམས་ཀྱི་དབེན་པ་རྣམ་པ་གསུམ་བསྒོམས་པས་འཐོབ་པར་འགྱུར་བ་ཡིན་ནོ། །དབེན་གསུམ་རིམ་གྱིས་བསྐྱེད་པའི་སེམས་དབེན་ལ་མ་ཧཱ་མུ་ཏྲ་ཞེས་པའི་དང་པོར་ཆེན་པོ་ཡོད་པ་ཡི། །སྒྱུ་མའི་སྐུ་ཕྱག་རྒྱ་ཆེན་པོར་བསྐྱེད་པ་ནི་འི་དཀྱིལ་
འཁོར་ཏེ། འོད་གསལ་གྱི་སྙིང་པོ་ལེན་པ་ཡིན་པར་བཤད་དེ། འདི་ནི་སྒོ་གསུམ་གྱི་མཆོད་པ་བྱེད་མཁན་གྱི་ངེས་དོན་ནོ།། ༈ ནང་དང་ཕྱི་ལ་སོགས་པའི་ཆོས་བཅུ་དྲུག་གི་དབྱེ་བ་ཡི། །ས་ཕྱེ་བའི། ནང་སྟོང་པ་ཉིད་སོགས་སྟོང་པ་ཉིད་བཅུ་དྲུག་ཡོད་
པ་ཉིད་ཀྱིས་ཕྱེ་བ་ནི་ལོ་བཅུ་དྲུག་ལོན་པའོ། །དེ་འདྲ་བའི་མ་སྐྱེས་པ་ཡི་སྤྲོས་པ་ཞི་བའི་སྟོང་ཉིད་གང༌། །ཡིན་པ་དེ་ནི་སྒྱུ་མའི་ལུས་ཐོབ་པ་དེས། ནང་གི་རྐྱེན་བསམ་གཏན་གཉིས་དང༌། ཕྱིའི་རྐྱེན་ལས་རྒྱ་ལ་བརྟེན་ནས་སྒྱུ་མའི་སྐུ་ཡང་ཡང་འོད་གསལ་དུ་བཅུག་པ་
4-2-114b


ལས། འོད་གསལ་དུ་ཞུགས་པ་ནི། བུད་མེད་ཅེས་སོགས་ཀྱིས་སྟོན་ཏེ། བུད་མེད་ཅེས་བྱ་བར་རྩ་རྒྱུད་ལས་བཤད་དོ། །དེ་ལ་དམིགས་པས་མངོན་ཞེན་གྱི་སྤྲོས་པ་ཞི་བའི་ཆོས་དང་རྗེས་སུ་ལྡན་པར། །བྱེད་པའི་འོད་གསལ་ནི། རབ་ཏུ་མདངས་བཟང་འོད་ནི་ཡིན་པར་
གསུངས། །རླུང་སེམས་ཙམ་གྱི་རྒྱུ་རྐྱེན་ལ་རྟེན་ནས་འབྲེལ་བ་སྟེ། འབྱུང་བའི་ཟུང་འཇུག་གི་སྐུ་འགྲུབ་པའི་རྒྱུའི་བག་ཆགས་ཏེ། འཕེན་པ་ནི་དྲི་བཟང་པོས་བསྒོས་པ་དང་འདྲའོ་ཡིན་ཏེ། །དེ་ཁོ་ན་ཉིད་ཀྱི་དོན་ལ་ཡུལ་ཅན་གྱི་ཡེ་ཤེས་ཀྱི་བློ་ཁ་བྱེ་བ་ནི་མེ་ཏོག་
གོ། དངོས་པོ་སྟེ། རང་བཞིན་མེད་པའི་དོན་རྟོགས་པ་ནི་རིགས་ཏེ། རྩ་རྒྱུད་དུ་རྒྱན་ཞེས་པ་ཡིན་ཏེ། །ངེས་དོན་གྱི་བུ་མོ་བརྒྱན་པར་བྱེད་པའོ། །ཆག་འགྱུར་ལས། དངོས་མེད་བརྒྱན་དུ་ཤེས་པར་བྱ། །ཞེས་བསྒྱུར་བ་ལྟར་བྱའོ། །ཇི་ལྟ་བ་ཀུན་མཁྱེན་པའི་འོད་གསལ་གྱི་ཡེ་ཤེས་ནི་
དབུས་ཏེ། སྙིང་པོ་ཉིད་དོ། །ཆོས་དབྱིངས་ཉིད་ཀྱི་བུད་མེད་ནི། །ཤེས་རབ་འདི་འདྲས་མཉེས་པ་སྟེ། དེ་ལ་རྟག་ཏུ་འདོད་པ་བསྟེན་པར་བྱའོ། །མིག་སོགས་ནང་ན་མ་ཡིན་ཞིང་། གཟུགས་སོགས་ཕྱི་ནའང་མིན། །ལ་གཉིས་ཀར་ཡང་མ་ཡིན་
ཞིང་། དེ་གསུམ་ལས་གཞན་༼ཤེས་རབ་ཅན་གྱིས་ཆོས་དབྱིངས་ཀྱི། །བུ་མོ་འདི་འདྲ་མཉེས་པར་བྱ། །ཟེར། ༽དུ་ཡང་མཚན་འཛིན་གྱིས་དམིགས་གཏད་ཀྱིས་གནས་པ་མིན། །པས། མཐའ་བཞིར་གནས་པ་མེད་པའི་དེ་ཁོ་ན་ཉིད་ལ་གནས་པའི་རྣལ་
འབྱོར་ཅན་དུ་གྱུར། །པ། དེ་བས་ན་མཱ་མ་ཀཱི་སྟེ། བདག་ཉིད་མར་བཤད་དོ། །དེ་ཁོ་ན་ཉིད་ཇི་འདྲ་བ་དེ་བཞིན་དུ་རྣལ་འབྱོར་པ་བདག་ཉིད་ཀྱང་དེ་ལྟར་ཞུགས་པའི་ཕྱིར་རོ་དོ། །མཐའ་བཞིར་མི་གནས་པའི་དེ་ཁོ་ན་ཉིད་དེ་ཡི་ངོ་བོ་ཉིད་དང་ཡུལ་ཅན་ཡེ་ཤེས་གཅིག་པ། །
4-2-115a


སྟེ། ཆུ་ལ་ཆུ་བཞག་པ་ལྟར་རོ་གཅིག་ཏུ་གྱུར་པ་ནི་བྱིན་གྱིས་བརླབ་པ་ཅེས་དེ་ལ་བཤད་དོ། །ནམ་མཁའ་སྟེ། ཐམས་ཅད་སྟོང་པ་དང་ནི་རོ་གཅིག་ཏུ་གྱུར་པ་ནི། ནམ་མཁའི་དབྱིངས་རབ་ཏུ་བརྒྱན་པའོ། །གནས། །དེ་ཉིད་ནི་སངས་
རྒྱས་ཞི་བའི་གནས་ཏེ་འོད་གསལ་དུ་སུ་འགྱུར་རོ། །༼རྩ་རྒྱུད་དུ་བཤད་པའི་ལས་རྒྱ་འདི་ལ་སྔར་ལྟར་འོད་གསལ་དུ་ཞུགས་པ་ལ་བཤད་པ་གཅིག་དང༌། ཡང་ལས་རྒྱ་ལ་བརྟེན་ནས་སྲོག་དྷུ་ཏཱིར་སྡུད་ནུས་པ་རྫོགས་རིམ་པ་ལ་ནི། དེ་སྟོན་པ་ངེས་དོན་ཡང་འགྱུར་བས་ཚུལ་གཉིས་
ཤེས་པར་བྱ་སྟེ། དེ་ལྟར་ན་འོད་གསལ་དུ་འཇུག་པའི་ཐབས་ཆེན་པོའོ།། ༈ ༽དེ་ལ་ཞེས་བསྒྱུར་བ་ལྟར་འོད་གསལ་དུ་ཞུགས་པ་དེ་ལ་གཟུགས་སོགས་ཀྱི་དེ་བས་ཡུལ་དུ་རྣམ་པར་བརྟགས་པ། །རྣམས་འོད་གསལ་དུ་སྡུད་པ་དག་ནི་བཤང་བས་མཆོད་༼
པ། ཡིན་ནོ། །ཡེ་ཤེས་སྟེ། མིག་ཤེས་སོགས་དྲུག་དང་མིག་སོགས་ཀྱི་དབང་པོ་དྲུག་སྟོང་པ་འོད་གསལ་དུ་སྡུད་པ་ནི་གཅིན། །གྱི་མཆོད་པ་སྟེ། དྲི་ཆུའི་སྐད་དོད་མུ་ཏྲ་ལ་ཨིནྡྲ་ཡ་ཞེས་པ་དབང་པོ་ཡིན་ལ་རྣམ་ཤེས་དྲུག་ཀྱང་ཡིད་ཀྱི་དབང་པོའོ། །རྣམ་པར་དག་༽
བཤང་བའི་སྐད་དོད་བི་ཌ་ལ་བི་ཥ་ཡ་ཞེས་པ་ཡུལ་དང་ཌ་ནི་ངེས་ཚིག་གིས་ཧ་རུ་བསྒྱུར་ནས་སམ་ཧ་ར་ཎ་སྡུད་པ་ཡིན་གསུང་པ་ལྟར་རོ། །༽པའི་ཆོས་ཉིད་རྟོགས་པ་ནི་ཁུ་བའི་མཆོད་པ་ཡིན། །ཏེ། ཁུ་བའི་སྐད་དོད་ཤཱུ་ཏྲའི་ཤུ་ལ་བི་ཤུད་དྷི་དྷརྨ་ཏ་ཞེས་སྦྱར་བའོ། །ཇི་ལྟ་བ་
ཐམས་ཅད་མཁྱེན་པའི་འོད་གསལ་གྱི་ཡེ་ཤེས་དེ་ཁོ་ན་ཉིད་ཀྱི་དོན་ལ་ཆགས་པ་ནི་ཁྲག། ཅེས་བྱ་སྟེ། ཁྲག་གི་སྐད་དོད་རཀྟ་ལ་ངེས་ཚིག་གིས་སཀྟ་ཞེས་སྦྱར་བ་ཆགས་པ་ཡིན་ལ། དེའི་ཐོག་མ་ལ་བརྟེན་ནས་སརྦ་ཛྙཱ་ཞེས་སྦྱར་བས་ཐམས་ཅད་མཁྱེན་པར་འགྱུར་བའོ། །
4-2-115b


གང་ཞིག་སྟེ། ཕུང་པོ་ལ་སོགས་པའི་ཆོས་སུ་ཡོངས་སུ་བརྟག་པ། དེ་ཉིད་ལ་ལྷ་རྣམས་ཞེས་བྱ་སྟེ། དེ་རྣམས་དངོས་པོ་མེད་པ་འོད་གསལ་དུ་འཇུག་པ་ནི་དབུལ་བའི་ངེས་དོན་ནོ་འོ། །དེ་བྱས་ན་སངས་རྒྱས་རྒྱལ་སྲས་རྣམས། །ཁྱད་པར་
དུ་ནི་སྟེ། ལྷག་པར་ཡང་མཉེས་པར་འགྱུར་རོ། །གང་ཡང་འཇིག་རྟེན་པ་སྟེ། ཐ་སྙད་པའི་ཤེས་པས་བརྟགས་པའི། །ཐིག་སྐུད་སོགས། དེ་རྣམས་ཀྱི་ངེས་དོན་ནི། སྔར་ཇི་སྐད་བཤད་པ་ཉིད་དོ། །ཅེས་བྱ་བ་སྟེ། མདོར་བསྡུས་ན་ལུས་ངག་སེམས་ཀྱི་དབེན་པ་གསུམ་
སྔོན་དུ་བཏང་བའི་སེམས་དབེན་ལས། སྒྱུ་མའི་སྐུ་བསྒྲུབ་པ། འོད་གསལ་དུ་ཞུགས་པའི་རླུང་སེམས་ཙམ་ལས་ཟུང་འཇུག་གི་སྐུར་བཞེངས་པ་སྟོན་ཏེ། འདི་འདྲ་བ་ཡང་དང་ཡང་དུ་སྔར་ལྟར་རྒྱུད་ལས་གསུངས་པས་ནི། ལུགས་མཆོག་ཏུ་གྱུར་པའི་ལམ་སྲོལ་འདི་ལ་ངེས་པ་བླ་ན་མེད་པ་སྟེར་བ་ཡིན་ནོ། །དེ་ལྟར་
ཐིག་ཚོན་གྱིས་བྲི་བའི་དཀྱིལ་འཁོར་ལ་སོགས་པའི་ངེས་དོན་བསྟན་པས། ཡོངས་སུ་དག་པའི་ལྷའི་ངོ་བོ་ཉིད་ཟུང་འཇུག་དང༌། དེ་འགྲུབ་བའི་ཐབས་རབ་ཏུ་བསྟན་པ་ཡིན་ཏེ། ངེས་པའི་དོན་ཏོ།། ༈ དེ་བཞིན་གཤེགས་པ་ཐམས་ཅད་ཅེས་བྱ་བ་ལ། ཐུགས་རྡོ་རྗེ་
བདག་པོར་གྱུར་པའི་དཀྱིལ་འཁོར་ནི་ཐུགས་ཀྱི་དཀྱིལ་འཁོར་ཏེ། དཀྱིལ་ནི་སྙིང་པོ་སྟེ་ཀུན་རྫོབ་ཀྱི་བདེན་པ་བཅོས་མའོ། །འཁོར་ནི་བཅོས་མ་དེ་ལེན་ཅིང་སྟེ། དེ་སྒྲུབ་པ་དང༌། དེའི་དོན་འཛིན་པས་ན་དཀྱིལ་འཁོར་ཏེ། དྲང་བའི་དོན་ཏོ། །དཀྱིལ་ནི་སྙིང་པོ་སྟེ་
དོན་དམ་པའི་བདེན་པ་དང་རོ་གཅིག་ཏུ་ཞུགས་པའི་ལྷན་སྐྱེས་ཀྱི་ཡེ་ཤེས་སོ་འོ། །འཁོར་ནི་དེ་རང་གི་བདག་ཉིད་དུ་ལེན་ཅིང་འཛིན་པས་ན་དཀྱིལ་འཁོར་ཏེ། ཇི་སྐད་དུ་བཅོམ་ལྡན་འདས་ཀྱིས་བཤད་པའི་རྒྱུད་ལས། ༼བཤད་པའི་རྒྱུད་ཅེས་སྤྱིར་བསྟན་ཡང་སྐབས་
4-2-116a


སྟོབས་ཀྱིས་འདུས་པའི་བཤད་རྒྱུད་ཡིན་ལ། དེ་ཡང་ཟླ་གསང་ཐིག་ལེ་ལས། ཡན་ལག་ཐམས་ཅད་བསྒོམས་ལས་འདས། །རྟོག་དང་མི་རྟོག་རྣམ་སྤངས་པ། །འདྲེན་དང་ཚིག་ལས་ཡང་དག་འདས། །འདི་ནི་དཀྱིལ་འཁོར་མཆོག་ཅེས་བྱ། །ཞེས་གསུངས་པ་དང༌། སྤྱོད་བསྡུས་
ཆག་འགྱུར་ལས་ཀྱང༌། རྣལ་འབྱོར་ཆེན་པོའི་རྒྱུད་དཔལ་ཟླ་གསང་ནོར་བུའི་ཐིག་ལེར་ཡང༌། ཡན་ལག་ཀུན་བསྒོམས་ལས་འདས་ཤིང༌། །བརྟགས་པའི་རྟོག་པ་སྤངས་པ་དང༌། །ཞེས་ཚིགས་བཅད་གཅིག་དྲངས་པའི་འཕྲོ་ལ། སེམས་ཅན་ཐམས་ཅད་འཇུག་པ་གང༌། །ཞེས་སོགས་ཀྱི་ཚིགས་བཅད་གཅིག་དྲངས་
པ་རྣམས་ཕལ་ཆེར་འདྲ་བར་སྣང་ན་ཡང༌། རྒྱུད་འདིས་བཤད་རྒྱུད་གཞན་གྱིས་རྩ་རྒྱུད་ཀྱི་དོན་རྩལ་དུ་བཏོན་ནས་འཆད་པ་དང་རིགས་མཚུངས་པའི་འཆད་ཚུལ་མི་སྣང་བས། འགྲེལ་པ་མཛད་པས་འདི་ལ་དགོངས་པ་མིན་པ་འདྲ་སྟེ་དཔྱད་པར་བྱའོ། །༽ཁ་དོག་དང་དབྱིབས་སུ་སྣང་བའི་རྟེན་དང་བརྟེན་པའི་
ལུས་ཀྱི་ཡན་ལག་ཀུན་བསྒོམས་པ་ལས་འདས་ཤིང༌། དེ་ཡང་རྟོག་པས་བཏགས་པ་རྣམས་དང་རྟོག་མེད་ཀྱིས་བསྒོམས་པ་རྣམ་པར་སྤངས། །པ་དང༌། གུག་སྐྱེད་ནི་འདིར་ཕྱི་མོའི་ཡི་གེ་དང་། དེ་རྣམས་ལ་བརྒྱན་པའི་ཐིག་ལེ་རྟེན་དང་བརྟེན་པ་སྐྱེད་པའི་ས་བོན་ལས་ཀྱང་
འདས་པ། །སྟེ། གཉིས་སྣང་གི་སྤྲོས་པ་ཐམས་ཅད་ཉེ་བར་ཞི་བའི་བདེ་ཆེན་འོད་གསལ་གྱི་ཡེ་ཤེས་འདི་ནི་དཀྱིལ་འཁོར་མཆོག་སྟེ། ངེས་དོན་གྱི་དཀྱིལ་འཁོར་ཡིན་ནོ། །ཞེས་གསུངས་ཏེ། ངེས་པའི་དོན་ཏོ།། ༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་
བཤད་པ་ལས། ལེའུ་བཞི་པ་མཐའ་དྲུག་གིས་བཤད་པའོ། །། །སྔར་བཤད་པའི་རིམ་པ་༼འདི་སྤྱོད་བསྡུས་ལས་ཀྱང་འོད་གསལ་གྱི་དཀྱིལ་འཁོར་ལ་བཤད་ལ། འདིར་ཡང་དེ་ལ་བཤད་པའི་ཁུངས་ཡིན་པས་དཀྱིལ་འཁོར་གཞན་ལ་མི་སྦྱར་རོ། །
4-2-116b


གཉིས་རྟོགས་ཤིང་སྟེ། ཐོབ་ཅིང་དབང་བསྐུར་བ་ཐོབ་པས་ཀྱང་སྤྱོད་པ་གསུམ་གང་རུང་ལ་སློབ་པ་དང་བྲལ་བས་ནི་ཚེ་འདིར་མཆོག་འགྲུབ་པར་མི་འགྱུར་རོ། །ཞེས་བསྟན་པའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ༈ དེ་བཞིན་གཤེགས་
པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་ཉིད་ཅན་གྱི་རྡོ་རྗེ་འཆང་བའི་རྒྱལ་པོ་ནི་ཁམས་གསུམ་གྱི་བདག་པོའོ། །དེ་ཇི་ལྟ་བུ་ཡིན་ཞེ་ན། ས་འོག་དང་ས་སྟེང་དང་མཐོ་རིས་ལྷའི་འཇིག་རྟེན་རྣམས་སུ་རྗེས་སུ་སྟོན་པར་མཛད་པས་ན་གནས་ཀྱི་དབང་ཕྱུག་གོ། 
ཁྱབ་འཇུག་དང་ལྷ་ཆེན་པོ་ལ་སོགས་པ་འཇིག་རྟེན་པའི་ལྷ་རྣམས་དང༌། ཉན་ཐོས་ལ་སོགས་པ་འཇིག་རྟེན་ལས་འདས་པ་རྣམས་རྫུ་འཕྲུལ་ལ་སོགས་པས་ཟིལ་གྱིས་གནོན་པར་མཛད་པས་ཀུན་མཆོག་གིས་སོ། །བདག་དང་གཞན་གྱི་དོན་དེ་རྣམས་ཀུན་གྱི་
ཐབས་སྒྲུབ་པའི་ཚོགས་ཀྱི་སྤྱོད་པ་ནི་སྤྱོད་པ་ཀུན་ཏེ། བདག་གཞན། ཐམས་ཅད་ཀྱི་ཕྱིར་སྤྱོད་པ་ཞེས་བྱ་བའི་དོན་ཏོ། །མཆོག་གི་ཆོས་ཀྱང་ཡིན་ལ་དོན་ཡང་ཡིན་པས་མཆོག་གི་ཆོས་ཀྱི་དོན་ཏེ། རྡོ་རྗེ་འཆང་ཆེན་པོ་སྤྱོད་པ་ཐམས་ཅད་ཀྱིས་ཐོབ་པར་བྱ་བ་
གང་ཡིན་པ་དེ་ལ་ནི་མཆོག་གི་ཆོས་ཀྱི་དོན་ཞེས་བྱ་སྟེ། ཐམས་ཅད་མཁྱེན་པ་ཉིད་ནི་ཐར་པ་འདོད་པ་རྣམས་ཀྱིས་དོན་དུ་གཉེར་བར་བྱ་བ་ཡིན་པས་སོ། །དེའི་དོན་དུ་སྤྲོས་པ་དང་བཅས་པ་དང༌། སྤྲོས་པ་མེད་པ་དང༌། ཤིན་ཏུ་སྤྲོས་པ་མེད་པ་སྟེ། སྤྱོད་
པ་རྣམ་པ་གསུམ་པོ་འདི་ལ་སྤྱད་པས་ན་སྤྱོད་པའོ། །དེའི་མཚན་ཉིད་ནི་རང་གི་ངོ་བོ་ཉིད་དེ་བཀའ་སྩལ་པ་སྟེ། སྒྲ་ཇི་བཞིན་པའོ།། ༈ རྣམ་པར་མི་རྟོག་ཅེས་བྱ་བ་ལ་སོགས་པ་ལ། རྣམ་པར་མི་རྟོག་པ་ནི་དོན་དམ་པའི་བདེན་པ་རྟོགས་
4-2-117a


པའི་འོད་གསལ་གྱི་ཡེ་ཤེས་སྟེ་ཟབ་པའི་མཚན་ཉིད་དོ། །དོན་ནི་བསྒྲུབ་བྱའི་དོན་ཀུན་རྫོབ་ཀྱི་བདེན་པ་སྒྱུ་མའི་སྐུ་སྟེ། རྒྱ་ཆེ་བའི་མཚན་ཉིད་དེ། གཉིས་པོ་དེ་དག་གཉིས་སུ་མེད་པའི་རྣམ་པས་ཡང་དག་པར་བསྒོམས་པ་
གང་ཡིན་པ་དེ་ནི། རྣམ་པར་མི་རྟོག་དོན་ལས་བྱུང་ཞེས་བྱ་བའོ་སྟེ། ལམ་འདིའི་རྣལ་འབྱོར་པ་དེ་ནི་འདོད་ཆགས་ལ་སོགས་པ་གསུམ་གྱི་རིགས་ཀྱིས་རྒྱུད་འཁྲུགས་ཀྱང་ཐེག་པའི་མཆོག་སྟེ་རྡོ་རྗེ་ཐེག་པ་ཁྱད་པར་བ་འདི་ནི་ཉན་རང་ཕར་
ཕྱིན་གྱི་ཐེག་པ་ཐམས་ཅད་ཀྱི་བླ་མར་གྱུར་པས་ན་བླ་ན་འམ་གོང་ན་མེད་པ་སྟེ། རྣལ་འབྱོར་རྒྱུད་མན་ཆད་གཞན་རྣམས་ལས་ཕུལ་དུ་བྱུང་ཞེས་བྱ་བ་ནི་བླ་ན་མེད་ཅེས་པའི་ཚིག་གི་ལྷག་མ་ཁོང་ན་གནས་པའོ། །ཐེག་པ་དེ་ལ་བརྟེན་ནས་དངོས་
གྲུབ་རབ་མཆོག་ནི་ཕུལ་དུ་བྱུང་བའི་དངོས་གྲུབ་སྟེ། ཕྱག་རྒྱ་ཆེན་པོའི་སྟེ། མཆོག་གི་དངོས་གྲུབ་སྒྲུབ་པར་བྱེད་ཅིང་སྐྱེད་པར་བྱེད་པ་སྟེ། དགོངས་པ་མ་ཡིན་པའོ། །༼འདིས་ནི་རྡོ་རྗེ་ཐེག་པའི་ཆེ་བ་སྟོན་ཏེ། རྡོ་རྗེ་ཐེག་པ་གོང་ན་མེད་པའི་ཁྱད་པར་བ་ལ་བྱའོ། །
འདིར་འགྲེལ་པས་དགོངས་མིན་དུ་བཤད་པ་མི་འཐད་དེ། ལུང་སྟོན་ལས། ཆགས་སྡང་གཏི་མུག་གསུམ་རིམ་པ་བཞིན་དུ། རླུང་ལྡང་འཇུག་གནས་གསུམ་ལ་བཤད་པས། དེ་ལ་དྲང་ངེས་ཀྱི་བཤད་པ་བྱ་དགོས་པའི་ཕྱིར་སྙམ་ན། སྐྱོན་མེད་དེ། དྲང་ངེས་ཀྱིས་བཤད་དགོས་པ་དང༌། དགོངས་མིན་དུ་
འཆད་པ་གཉིས་མི་འགལ་བའི་ཕྱིར་རོ།། ༈ ཆོས་རྣམས་ཀྱི་རང་བཞིན་ཡིན་ལུགས་ལྷན་སྐྱེས་ཀྱི་བདེ་བས་ཡོངས་སུ་ཤེས་པ་ཉིད་ཚེ་འདིར་འཚང་རྒྱ་བའི་རྒྱུ་ཡིན་གྱི། སྐྱེ་གནས་ཀྱིས་སྨད་པ་རིགས་ངན་པ་དང་ལ་སོགས་པས་བསྡུས་པ་
4-2-117b


ལས་ཀྱིས་སྨད་པ་ནི་ཚེ་འདིར་འཚང་མི་རྒྱ་བའི་རྒྱུ་མཚན་མ་ཡིན་ནོ་ཞེས་བསྟན་པའི་ཕྱིར། རིགས་ངན་ཞེས་བྱ་བ་ལ་སོགས་པ་གསུངས་ཏེ། རིགས་ངན་ཞེས་བྱ་བ་ནི་སྐྱེ་གནས་ཀྱིས་སྨད་པ་ཉིད་དུ་བསྟན་པའོ། །སྨིག་མ་མཁན་ཞེས་བྱ་བ་ནི་ལས་ཀྱིས་སྨད་
པའོ་སོ། །སོགས་པའི་སྒྲ་ནི་ལྷམ་མཁན་ལ་སོགས་པ་ལས་གཞན་དག་གིས་ཀྱང་སྨད་པའོ་སོ། །གསོད་དོན་དོན་གཉེར་སེམས་པ་རྣམས་ནི། རླུབས་ནི་དོང་ངོ་དང་ས་མདའ་ལ་སོགས་པའི་འཁྲུལ་འཁོར་དང༌། རལ་གྲི་ལ་སོགས་པའི་
མཚོན་ཆ་དང༌། ཉ་དང་རི་དྭགས་ཀྱི་རྒྱ་ལ་སོགས་པ་སྟེ། དེ་རྣམས་ནི་སེམས་ཅན་ལ་འཚེ་བ་རྣམས་ཀྱིས་དོན་ཏེ། རང་གི་དགོས་པ་སྒྲུབ་པར་བྱེད་པའི་ཐབས་སུ་སེམས་པས་ན་སྲོག་ཆགས་གསོད་པའི་དགོས་པའི་དོན་དོན་དུ་གཉེར་བ་རྣམས་ཞེས་
བྱའོ། །ཐེག་ཆེན་བླ་ན་མེད་པ་ཡི། །ཐེག་མཆོག་འདི་ལ་འགྲུབ་པར་འགྱུར། །ཞེས་བྱ་བ་ནི། རྡོ་རྗེ་ཐེག་པ་ནི་ཐེག་པ་ཆེན་པོ་བླ་ན་མེད་པའོ། །མཆོག་ནི་རིན་པོ་ཆེའི་གང་ཟག་སྟེ། གང་ཟག་དེ་བླ་མེད་ཀྱི་ཐེག་པ་འདི་ཉིད་ཀྱིས་འགྲོ་བས་ན་ཐེག་པ་མཆོག་
སྟེ། ཐེག་པ་འདི་ལ་བརྟེན་ནས་ཚེ་གཅིག་གིས་མཆོག་འགྲུབ་པར་འགྱུར་བའོ།། ༈ སེམས་ཅན་མཚམས་མེད་ཅེས་བྱ་བ་ལ་སོགས་པ་ལ། ཕ་དང་མ་དང་དགྲ་བཅོམ་པ་གསོད་པ་དང༌། སངས་རྒྱས་ཀྱི་སྐུ་གཟུགས་འཇིག་པ་དང༌། དམ་
པའི་ཆོས་སྤོང་བ་ཞེས་བྱ་བའི་ལས་ལྔས་ནི་འཆི་བའི་དུས་བྱས་མ་ཐག་ཏུ་༼མཚམས་མེད་གཉིས་གཞུང་གཞན་དང་མི་མཐུན་པར་མཛད་པ་ནི། མཚམས་མེད་ཀྱི་ལས་བྱས་པས་ཀྱང་ཚེ་འདིར་མཆོག་འགྲུབ་པ་ཞིག་ཡོད་པར་སྟོན་པ་ནི། ཤས་ཆེར་རྒྱལ་བ་མྱ་ངན་ལས་འདའ་
4-2-118a


ཚུལ་བསྟན་པའི་འོག་ཏུ་ཡིན་ལ། དེའི་ཚེ་དེ་བཞིན་གཤེགས་པའི་སྐུ་ལ་ངན་སེམས་ཀྱི་ཁྲག་འབྱིན་པ་དང༌། མཚམས་མེད་ཀྱི་འཁོར་ལོའི་དབྱེན་མི་འབྱུང་བས། དེ་གཉིས་ཀྱི་དོད་གཞན་འབྱུང་བ་གཉིས་བཤད་དོ། །ཞེས་གསུངས་པ་ལྟར་རམ། ཡང་ན་མཚམས་
མེད་ཀྱི་གྲངས་དེ་ལྟར་གསུངས་པ་ཡང་ཡོད་པར་མངོན་ནོ། །པ་ཚབ་ཀྱིས། དགྲ་བཅོམ་གསོད་པའི་དོད་ལ། དགེ་སློང་གསོད་པ་ཞེས་བསྒྱུར་ཡང༌། འགྱུར་རྙིང་དང་ཆག་འགྱུར་ལྟར་བྱའོ། །༽དམྱལ་བར་ལྟུང་བར་འགྱུར་བས་ན་མཚམས་མེད་པ་སྟེ། ཉེ་བར་མཚོན་པ
འདིས་ན་མཚམས་མེད་པ་ཞེས་བྱ་བའི་སྒྲ་ནི་དེ་བྱེད་པ་ལ་འཇུག་གོ། ༼འདི་ལ་པ་ཚབ་ཀྱི་འགྱུར་ལས། རྩ་བར་མཚམས་མེད་ལ་སོགས་སེམས་ཅན། ཞེས་དང༌། འགྲེལ་པར། འདིར་མཚམས་མེད་པའི་སྒྲ་ནི་བཏགས་པས་དེ་དག་རྣམས་ལ་འཇུག་ཅེས་འབྱུང་བ་འགྲེལ་
པའི་བཤད་པ་ལ་འཇུག་ཚབས་ཆེ་སྟེ་གོ་སླའོ། །༼སོགས་པ་ཞེས་བྱ་བའི་སྒྲ་ནི་མཚམས་མེད་པ་དང་ཉེ་བ་ལྔ་རྣམས་གཟུང་ངོ༌། །སྡིག་པ་ཆེན་པོ་བྱེད་པ་ཞེས་བྱ་བ་ནི། དགེ་སློང་གི་རྩ་བ་བཞིའི་ལྟུང་བ་བྱུང་བས། ཏ་ལ་མགོ་བཅད་ན་མི་
འཕེལ་ཞིང་སྐམ་པ་ལྟར་སངས་རྒྱས་ཀྱི་བསྟན་པ་ལས་ཉམས་ནས། སེམས་༼སྟེ། དེ་ནི་མཛོད་ལས། མ་དགྲ་བཅོམ་པ་སུན་བྱས་དང༌། །བྱང་ཆུབ་སེམས་དཔའ་ངེས་གནས་དང༌། །སློབ་པ་གསོད་དང་དགེ་འདུན་གྱི། །འདུ་བའི་སྒོ་ནི་འཕྲོག་པ་དག། མཚམས་མེད་པ་དང་ཆ་འདྲ་
སྟེ། །ལྔ་པ་མཆོད་རྟེན་འཇིག་པ་ཡིན། །ཞེས་གསུངས་པ་ལྟར་རོ། །ཅན་དམྱལ་བ་ལ་གཞོལ་བ་སྟེ། དེ་རྣམས་ཀྱང་འདུས་པ་འདིར་བླ་མའི་དྲིན་གྱིས་རྫོགས་པའི་རིམ་པ་ཁྱད་པར་ཅན་རྣམས་ཐོབ་ནས། འགྲུབ་པར་འགྱུར་ཞིང་སྟེ། རྫོགས་པའི་
4-2-118b


སངས་རྒྱས་ཉིད་ཐོབ་པར་འགྱུར་ན། མཚམས་མེད་དང་རྩ་ལྟུང་མ་བྱས་པའི་རིགས་ངན་ལ་སྩོགས་པ་ལྟ་སྨོས་ཀྱང་ཅི་དགོས་ཞེས་ལས་སྒྲིབ་ཆེན་པོ་དེའི་ཉེས་པ་ལས་འདའ་བར་སྟོན་པའོ། །དེ་ལྟར་དེ་རྣམས་ལས་བཟློག་པ་རྣམས་ཚེ་འདིར་མཆོག་འགྲུབ་པའི་སྣོད་དང༌། 
དེ་རྣམས་སྣོད་མ་ཡིན་པའོ་ཞེས་སོ་སོར་ངེས་པ་དེ་ལ་ལྟོས་པ་མེད་པར་དོན་མཛད་པས་ན། གཞུང་དེ་རྣམས་ཀྱིས་བླ་མེད་ཀྱི་ཐེག་པའི་ཆེ་བའི་བདག་ཉིད་གསལ་བར་སྟོན་པ་ཡིན་ནོ།། ༈ དེ་ལྟར་སྐྱེ་བོ་མཚམས་མེད་ལ་སོགས་པའི་སྡིག་པ་ཅན་གྱི་ལས་སྒྲིབ་
མ་ལུས་པ་རྣམ་པར་སྦྱོང་བ་ནི། བླ་མེད་ཀྱི་རྡོ་རྗེ་ཐེག་པ་ཡིན་པས་གང་ཟག་འགའ་ཞིག་གལ་ཏེ་རྡོ་རྗེ་སློབ་དཔོན་ལ་འཁུ་བ་ཡང་ཚེ་གཅིག་གིས་མཆོག་འགྲུབ་པར་འགྱུར་རོ་ཞེས་རྟོག་པར་འགྱུར་ཏེ། དེ་བས་ན་དེ་མི་སྲིད་དོ་ཞེས་
དགག་པའི་ཕྱིར་སྙིང་ནས་སློབ་དཔོན་སྨོད་པ་དག། ཅེས་བྱ་བ་ལ་སོགས་པ་གསུངས་ཏེ། དང་པོར་སློབ་དཔོན་ལ་བསྙེན་བཀུར་བྱས་ཏེ། ཐོས་པ་དང་བསམ་པའི་རིམ་གྱིས་ཐེག་པ་འདིའི་ལམ་གྱིས་དེ་ཁོ་ན་ཉིད་རྟོགས་ནས། དེའི་རྗེས་སུ་ད་ནི་འདིས་བདག་ལ་ཅི་
ཞིག་བྱ་ཞེས་གང་བླ་མ་ལ་བཀུར་བའི་གནས་དམ་པར་མི་འཛིན་པར་བརྙས་པར་བྱེད་པ་དེ་ནི་སློབ་དཔོན་ལ་སྨོད་པ་སྟེ་སྨོད་པ་དེ་དང་ལྷན་ཅིག་ཟང་ཟིང་གི་ལོངས་སྤྱོད་ཀྱིས་ཀུན་ཏུ་དགའ་བར་བྱེད་པ་གང་ཡིན་པ་ཡང་སློབ་དཔོན་ལ་སྨོད་པ་དང་འདྲ་སྟེ། དེས་ཀྱང་
ཡང་འགྲུབ་པར་མི་འགྱུར་ན། སློབ་དཔོན་ལ་སྙིང་ནས་སྨོད་པ་ཉིད་ལྟ་སྨོས་ཀྱང་ཅི་དགོས་ཏེ། ནམ་ཡང་འགྲུབ་པར་མི་འགྱུར་རོ་ཞེས་༼བླ་མ་ལ་བརྙས་པའི་རྩ་ལྟུང་བྱུང་བས་ཀྱང༌། འགྱོད་པ་དྲག་པོ་སྐྱེས་ནས། སླར་ཡང་དཀྱིལ་འཁོར་དུ་ཞུགས་ཏེ་དམ་ཚིག་དང་སྡོམ་པ་
4-2-119a


ལེགས་པར་བཟུང་ཞིང་། དབང་བསྐུར་བ་རྫོགས་པར་བླངས་ཏེ། ཕྱིས་དམ་ཚིག་དང་སྡོམ་པ་རྣམས་ཚུལ་བཞིན་དུ་བསྲུང་བ་སོགས་ཀྱི་ཉེས་པ་དག་པའི་ཐབས་ཀྱིས་ན། ངན་འགྲོར་སྐྱེ་བ་འགོག་ནུས་ཀྱང་ཚེ་འདིར་དངོས་གྲུབ་མཆོག་འགྲུབ་མི་སྲིད་དེ། འདི་ནི་གསུང་
རབ་ནས་སྡིག་པའི་མཐར་ཐུག་ཏུ་བཤད་པས། གནས་འདི་ལ་གཟབ་པར་བྱའོ། །༽ངེས་པར་མཛད་པའོ། །འགྲུབ་པར་མི་འགྱུར་བ་སྡིག་པ་ཐམས་ཅད་བྱེད་པ་ཡང་ལམ་གང་དུ་འགྲུབ་པར་འགྱུར་བ་གསང་བ་འདུས་པ་ཉིད་སྟེ། ཁོ་ན་སྒྲུབ་པར་བྱེད་པ་
ཡིན་ན་དེ་ལ་ཡང་འགྲུབ་པར་མི་འགྱུར་ན། གཞན་དག་ཏུ་འགྲུབ་པ་༼འདིར་པ་ཚབ་ཀྱིས་བསྒྱུར་བའི་རྒྱུད་ལས། སློབ་དཔོན་སྨོད་དང་གཞན་རྣམས་ཀྱིས། །སྒྲུབ་ལ་འགྲུབ་པར་མི་འགྱུར་ཉིད། །ཅེས་འབྱུང་ཞིང་། འགྲེལ་པར་ཡང་། གང་དག་དེ་དང་ལྷན་ཅིག་ཟང་ཟིང་ལོངས་
སྤྱོད་པ་དག་གིས་ཀུན་ཏུ་དགའ་བར་བྱེད་དོ། །རེ་ཞིག་སློབ་དཔོན་ལ་སྨོད་པར་བྱེད་པ་ལས། གཞན་རྣམས་ཀྱིས་ཀྱང་འགྲུབ་པར་མི་འགྱུར་ན། སློབ་དཔོན་སྨོད་པར་བྱེད་པ་ལྟ་སྨོས་ཀྱང་ཅི་དགོས། མི་འགྱུར་ཉིད་ཅེས་བྱ་བས་ནི་ནམ་ཡང་འགྲུབ་པར་མི་འགྱུར་བ་ཁོ་ནའོ་ཞེས་ངེས་པར་འཛིན་ཏོ། །ཞེས་
བླ་མ་ལ་སྨོད་པ་དང་ལྷན་ཅིག་ཟང་ཟིང་གིས་དགའ་བར་བྱེད་པའི་གྲོགས་པོ་བླ་མ་ལ་སྨོད་པ་ལས་གཞན་པས་ཀྱང་མི་འགྲུབ། ཅེས་རྒྱུད་འདི་ཉིད་ཀྱི་དོན་དུ་འཆད་པ་དང༌། རྐང་པ་གཉིས་པའི་ཐ་མའི་ངེས་གཟུང་གི་དོན་དུ་འཆད་པ་འགྱུར་ཤིན་ཏུ་ལེགས་པར་སྣང་ངོ༌། །༽ལྟ་སྨོས་ཀྱང་ཅི
དགོས་ཏེ། ཇི་སྐད་དུ། རྒྱུ་འཕྲུལ་དྲ་བའི་རྒྱུད་ལས་ཀྱང་། སློབ་དཔོན་སྨོད་པར་བྱེད་པ་དག། དངོས་སུ་མ་ཟད་རྨི་ལམ་དུ་ཡང་མཐོང་མི་བྱ། །སློབ་དཔོན་སྨོད་པ་གང་ཡིན་ཏེ། །བགེགས་དང་ལོག་འདྲེན་རྣམས་ཀྱིས་བཟུང༌། །བ་སྟེ། འཛིན་པས་
4-2-119b


ངན་པ་གཏུམ་པོ་སྟེ། མི་བཟད་པ་དྲག་པོའི་ལས་བྱེད་པ། །སྟེ། མཁས་པས་རྟག་ཏུ་སྤང་བར་བྱ། །ཞེས་གསུངས་ཏེ། སྒྲ་ཇི་བཞིན་པའོ།། ༈ ཤོ་ལོ་ཀ་ཕྱེད་དང་བཞིས་རྒྱུད་ཀྱི་རྒྱལ་པོ་འདུས་པ་ཐེག་པ་དང་། རྒྱུད་སྡེ་གཞན་ལས་ཁྱད་པར་དུ་འཕགས་པར་
གྱུར་པར་བསྟན་ནས། སྒྲ་འགལ་བས་གསུངས་༼བློས་སྤོང་བ་མིན་གྱི། དེ་དང་ཆོས་དང་ཟང་ཟིང་གི་ལོངས་སྤྱོད་ལྷན་ཅིག་དུ་བྱ་བ་གཏན་ནས་སྤོང་ངོ༌། །༸སྙིང་ནས་ཞེས་པ་གཉིས་ཀྱིས་བླ་མ་ཞིང་ཁྱད་པར་ཅན་དུ་བསྟན་པ་ཡང་ཐེག་པ་འདིའི་བླ་མ་ཡིན་པའི་གནད་ཀྱིས་ཡིན་པས་རྒྱུད་ཀྱི་ཆེ་བར་འགྱུར་རོ། །
༽པའི་དགོས་པ་ནི་སྒྲ་དྲང་ཐད་དུ་གསལ་པོར་བསྟན་ན་སློབ་དཔོན་མེད་པར་རྒྱུད་ལ་རང་དགར་འཇུག་པར་འགྱུར་བས། དེར་མ་གྱུར་ཅིག་སྙམ་དུ་དགོངས་པས་སློབ་དཔོན་ལ་རག་ལས་པར་བྱ་བའི་ཕྱིར་དུ། སྲོག་གཅོད་པའི་སེམས་ཅན་གང་། །ཞེས་པ་ནས། དེ་དག་སྒྲུབ་པའི་
སྣོད་དུ་འགྱུར། །ཞེས་པའི་བར་གྱིས་སྲོག་གཅོད་དང་། རྫུན་སྨྲ་སོགས་བཞི་བྱེད་པ་དང༌། བཤང་གཅི་ཟ་བ་རྣམས་ལམ་སྒྲུབ་པའི་རྟེན་དུ་བསྔགས་སོ། །འཇིག་རྟེན་དང་འགལ་བའི་ཚིག་གིས་སྲོག་གཅོད་པ་སོགས་ལ་སྤྱོད་པའི་ཟབ་དོན་ཁྱད་པར་ཅན་བསྟན་པའི་ཕྱིར་སྲོག་གཅོད་པ་
ཡི་ཞེས་བྱ་བ་ལ་སོགས་པ་གསུངས་ཏེ། སྲོག་གཅོད་ཅེས་སོགས་འདིའི་དོན་ནི་གང་ལ་དགོངས་ནས་གསུངས་པའི་བཤད་པའི་རྒྱུད་ལུང་སྟོན་ལས་གསུངས་ཏེ། འོད་གསལ་དུ་འཇུག་པའི་ཐབས་གང་གིས་ཕུང་སོགས་དངོས་པོ་མེད་པ་འོད་གསལ་དུ་འཇུག་པར། 
སྤྲོས་པ་ཞི་བ་ལ་གནས་པ་གོམས་པ་ལས་བྱུང་བའི་སེམས་ཀྱིས་སྲོག་ཅེས་གྲགས་པའི་རླུང་གི་རྒྱུ་བ་བཅད་པའི་སྒོ་ནས་བྱས། །པ། དེ་ནི་སྲོག་གཅོད་བྱེད་པ་ཞེས་བྱ་བ་སྟེ། །དེ་ཡང་ཐེག་པའི་མཆོག་བླ་མེད་ལ་གནས་པ་རྣམས་ཀྱི་ཡིན་ནོ། །
4-2-120a


རྟེན་འབྱུང་ལ་དེ་ཁོ་ནར་ཕྱི་ནང་གཉིས་མེད་ཀྱང་ནང་གི་དང་དེ་བཞིན་དུ་ཕྱི་རོལ་དག། གི་རྟེན་འབྱུང་གཉིས་སུ་སྟོན་པ་ནི། རྫུན་པ་སྒྱུ་མ་ལྟ་བུ་སྨྲ་བ་ཡིན་པས་དེ་ལ་ནི་རྫུན་དུ་སྨྲ་བ་ལ་དགའ་བ་ཞེས་བྱ་སྟེ། །དེ་ཡང་མཚན་
འཛིན་གྱི་དམིགས་གཏད་ཀྱི་གནས་མེད་པའི་དེ་ཁོ་ན་ཉིད་ལ་གནས་པའི་རྣལ་འབྱོར་པའོ། །རྫོགས་པའི་སངས་རྒྱས་ཀྱི་ཡེ་ཤེས་གང་། །ཡིན་པ་དེ་ནི་བླང་བྱའི་རྫས་སུ་ཤེས་པར་བྱ་སྟེ། །དེ་མ་བྱིན་པར་འཕྲོག་པ་སྟེ། ལེན་པའི་ངང་ཚུལ་གང་
ཡིན་པ། །ནི་གཞན་གྱི་ནོར་ལ་ཆགས་པ་ཞེས་བྱ་བར་འདོད་དོ། །རྣལ་འབྱོར་པ་གང་ཞིག་དེ་ཁོ་ན་ཉིད་ཀྱི་དངོས་པོ་སྟེ། རང་བཞིན་གཅིག་པ། །སྟེ། དབྱེར་མེད་པའི་དེ་བཞིན་ཉིད་ལ་ཡིད་རྟག་ཏུ་སྦྱོར་བའི། །སེམས་ཅན་དེ་དང་དེ་ནི་ཆོས་ཀྱི་
དབྱིངས་ཀྱི་བུ་མོ་ལ་སྤྱོད་པས་རྟག་ཏུ་འདོད་པ་སྤྱོད་པ་ལ་དགའ། །བ་སྟེ། སྒྲུབ་པ་མཆོག་ལ་དམ་པར་ཏེ། མཆོག་ཏུ་འགྱུར་རོ། །རང་བཞིན་མེད་པའི་སྟོང་ཉིད་ཀྱིས་སྐྲག་པས་བདེན་འཛིན་གྱི་གཏི་མུག་གིས། །ཞེན་པའི་ཞེས་གཉིས་ཀ་ལ་སྦྱར་ལ་དེ་འདྲ་བའི་ཡུལ་
ནི་བཤང་བ་ཞེས་གྲགས་པས་ཏེ། །བཤད་ཅིང་། དབང་པོ་ནི་གཅི་བ་ཞེས་བྱ་ལ། །ཡུལ་དབང་གི་སྣང་བ་དང་དེ་དག་ཏུ་ཞེན་པ་འོད་གསལ་དུ་ཞི་བ་ནི། བཤང་གཅི་ཟ་བ་ཡིན་ནོ། །དོན་དེ་རྣམས་ལ་དགོངས་ནས་ཐེག་པ་ཆེན་པོའི་ཆོས་མཆོག་
བླ་ན་མེད་པ་འདིར། །སྲོག་གཅོད་བྱེད་པ་སོགས་ལྔ་པོ་དེ་དག་ལམ་འདི་༼བ་ནི་སྔར་བཤད་ཟིན་ཏེ། སྐབས་གཞན་དུ་ཡང་དྲན་པར་བྱའོ། །༽སྒྲུབ་པའི་སྣོད་དུ་འགྱུར་རོ། །ཞེས་བྱ་སྟེ། ༼ཞེས་ལམ་གྱི་རྟེན་དུ་བསྔགས་ཀྱི། དངོས་ཟིན་ལྟར་བྱེད་
4-2-120b


པ་ལམ་འདི་སྒྲུབ་པ་ལ་དགོས་ཞེས་སྟོན་པ་མ་ཡིན་ནོ། །༼འདི་ནི་དགོངས་པས་བཤད་པའོ།། ༈ སྔར་ཐེག་པ་འདིར་མཆོག་མྱུར་དུ་འགྲུབ་པར་གསུངས་པའི་མྱུར་ཁྱད་ནི། བདེ་བ་ཆེན་པོས་སྟོང་ཉིད་སྒོམ་པ་ཡིན་ལ། དེའི་བདེ་བ་འདྲེན་པའི་ཐབས་གཉིས་ལས། ནང་གི་ཐབས་ནི་སྔར་
བཤད་ཟིན་པས་འདིར་ཕྱག་རྒྱ་ལ་བརྟེན་པའི་ཐབས་ནི། མ་དང་སྲིང་མོ་ཞེས་བྱ་བ་ལ་སོགས་པ་ལ། མ་ཞེས་བྱ་བ་ནི་མ་དང་འདྲ་བར་སྒྲུབ་པ་པོ་དང་སེམས་ཤིན་ཏུ་རྗེས་སུ་མཐུན་པའི་ཕྱག་རྒྱ་མའོ། །སྲིང་མོ་དང་བུ་མོ་ཞེས་པ་ཡང་སྔར་བཤད་པ་དེ་བཞིན་ཏེ། 
༼ས་སྟོན་ཏེ། དེ་ཉིད་སྤྱོད་པ་དང་པོ་གཉིས་ཀྱི་སྐབས་ཀྱི་ལས་རྒྱ་ལའང་འདྲ་བས་དེར་ཡང་སྦྱར་རོ། །༸དེས་ན་མ་ལྟར་བྱམས་པ་དང༌། སྲིང་མོ་ལྟར་བརྩེ་བ་དང༌། བུ་མོ་ལྟར་གདུངས་སེམས་ཆེ་བ་དང༌། འདྲ་བའི་སྒོ་ནས་མ་དང་སྲིང་མོ་དང་བུ་མོ་ཞེས་བཤད་ཀྱི་དེ་དག་དངོས་མ་ཡིན་ནོ། །
༽གསུམ་པོ་འདི་རྣམས་ལས་གང་ཡང་རུང་བའི་རྣལ་འབྱོར་པ་རང་རང་གི་རིགས་ཀྱི་བུད་མེད་མི་བསྐྱོད་པའི་རིགས་ལ་སྨེ་ཤ་ཅན་དང༌། རྣམ་སྣང་གི་རིགས་ལ་བཙོ་བླག་མཁན་ལ་སོགས་པ་བླངས་ལ་སྒྲུབ་པའི་ཐབས་མདོར་བྱས་ལས་བཤད་པའི་རིམ་
པས་སྤྱི་བོ་ལ་སོགས་པར་རིགས་ལྔ་དགོད་པ་བྱས་ལ་སྒྲུབ་པ་པོ་གང་གིས་འདོད་པ་སྤྱད་པས་ནི་མཉེས་པར་བྱས་ན་ཐབས་དེས་དངོས་གྲུབ་རྒྱ་ཆེན་པོ་འཐོབ་པར་འགྱུར་༼རྫོགས་རིམ་ཁྱད་པར་ཅན་ཐོབ་པ་རྣམས་ལ་ནི་རིགས་སོ་སོའི་ངེས་པ་མེད་དོ། །
༼ཏེ། ཐེག་པ་ཆེན་པོ་ཞེས་བྱ་བ་མཆོག་གི་ཆོས་གང་ལ་ཡོད་པ་གང་ཡིན་པ་དེ་ནི། ཐེག་ཆེན་མཆོག་གི་ཆོས་ཉིད་དེ་དེའི་ནང་དུ་དངོས་གྲུབ་རྒྱ་ཆེ་ཞིང་སྟེ་མཆོག་ཏུ་གྱུར་པ་སྒྲུབ་པ་པོ་དེས་འཐོབ་པར་འགྱུར་གྱི། སྒྲུབ་པ་པོ་དང་། རྗེས་སུ་མི་
4-2-121a


མཐུན་པའི་སེམས་དང་ལྡན་པའི་ཕྱག་རྒྱ་མ་དང་མཉམ་པར་སྦྱོར་བས་ནི་ངེས་པར་ཏེ་གདོན་མི་ཟ་བར་སེམས་རྣམ་རྟོག་གི་དབང་དུ་འགྲོ་བའི་གཡེང་བ་སྐྱེ་བར་འགྱུར་བས་ཕྱག་རྒྱར་མི་བྱའོ། །དེས་ན་སེམས་ཤིན་ཏུ་བརྩེ་བའི་ཕྱག་རྒྱ་
དགོས་ལ་རོ། །རྗེས་སུ་མཐུན་པ་དེ་ཡང་སྐྱེ་བ་འདིར་མ་ཟད་སྐྱེ་བ་གཞན་དག་ཏུའང་དེ་དག་དང་ཡིད་གཅུགས་པར་གྱུར་པ་ལས་རྗེས་སུ་མཐུན་པར་འགྱུར་རོ།། ༈ ལྷར་སྒོམ་པ་དང་དམ་ཚིག་སྲུང་བ་སོགས་ཀྱི་སྔགས་དང་འཁྲིག་ཐབས་རེ་བཞི་སོགས་
སྟོན་པའི་རྒྱུད་ལ་སོགས་པ་ལ་ལེགས་པར་བསླབས་པའི་འོ། །གལ་ཏེ་སྒྲུབ་པ་པོ་དང་རྗེས་སུ་མཐུན་པའི་ཕྱག་རྒྱ་མ་མ་རྙེད་ན་དེའི་ཚེ་ཇི་ལྟར་བྱ་ཞེ་ན། སངས་རྒྱས་གཙོ་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ཀྱི་ཡུམ་ཤེས་
རབ་ཀྱི་ཕ་རོལ་ཏུ་ཕྱིན་པ་༼འགྱུར་གསར་གཉིས་ཀ་ལའོ་ཞེས་པ་མེད་པ་ལེགས་སོ། །༽འོད་གསལ་འཆར་བའི་གནས་དམ་པ་སྙིང་ཁ་ཡིན་པས་རང་གི་སྙིང་ཁ་ལ་གནས་པ་དེའི་ངོ་བོར་མོས་པའི་རང་རིགས་ཀྱི་བུ་མོ་དེ་ནས་ཕྱུང་ལ། སྐབས་
ཀྱི་ཡུམ་གང་ཡིན་དུ་བྱས་པ་དེ་དང་ལྷན་ཅིག་སྙོམས་པར་འཇུག་པར་བྱས་པས་བདེ་ཆེན་བསྐྱེད་པར་བྱ་སྟེ། དེ་སྐད་དུ་ཡང་སྙིང་ལ་གནས་པའི་ལྷ་མོ་ཆེ། །རྣལ་འབྱོར་པ་ཡི་རྒྱུད་ལ་ཐབས་ཤེས་དབྱེར་མེད་ཀྱི་རྣལ་འབྱོར་བསྐྱེད། །པ་ནི་སངས་རྒྱས་ཀུན་གྱི་
སྐྱེད་པའི་ཡུམ་དུ་གྱུར་པ། །རྡོ་རྗེ་འཆང་གི་ཡུམ་རྡོ་རྗེ་དབྱིངས་ཀྱི་དབང་ཕྱུག་མོར་བཤད། །༼ལུང་འདིའི་ཁུངས་འདིར་མི་གསལ་ཡང་། རྡོ་རྗེ་སེམས་དཔའི་སྒྲུབ་ཐབས་ལས་ཐམས་ཅད་གསང་བའི་རྒྱུད་ལས་གསུངས་པར་བཤད་དོ། །༼ཅེས་གསུངས་
4-2-121b


ལ། དེ་ཡང་སངས་རྒྱས་ཀྱི་གཙོ་བོའི་ཡུམ་ཡིན་པས་སོ། །མཉེས་པར་བྱས་ཀྱང་ཞེས་བྱ་བ་ནི། མ་དང་སྲིང་མོ་དང་བུ་མོ་དང་འདྲ་བར་ཕན་པར་འདོད་པ་དང༌། དེ་ཡང་དམ་ཚིག་ཤེས་པར་བྱས་ནས་བསྲུང་བ་དང་བཤད་མ་ཐག་པའི་ཡེ་ཤེས་ཀྱི་ཕྱག་རྒྱ་རྣམས་དང་སྦྱོར་
བའི་ཐབས་ཀྱིས་ནི། མཆོག་ཏུ་དགའ་བ་ལྷན་ཅིག་སྐྱེས་པའི་བདེ་བ་ཉམས་སུ་མྱོང་བར་བྱས་༽ཕན་པར་འདོད་པ་དམ་ཚིག་ཤེས་པ་རྣམས་དང་ཡེ་ཤེས་ཀྱི་ཕྱག་རྒྱ་ཟེར། ༽པས་སྟེ། བྱས་ཀྱང་ནི་མི་ཆགས་ཞེས་བྱ་བ་སྟེ། འདོད་ཆགས་ལ་སོགས་
པའི་ཉོན་མོངས་པའི་ཉེས་པས་ངན་འགྲོར་འཁྲིད་པ་དང་། ལམ་ལ་སྒྲིབ་པས་གོས་པར་མི་འགྱུར་བའོ། །འདོད་ཆགས་ལ་སོགས་པའི་ཉེས་པ་རྣམས་ཀྱིས་མ་གོས་པ་འབའ་ཞིག་ཏུ་མ་ཟད་ཀྱི། གཞན་ཡང་ཐབས་དེས་ཕུན་སུམ་ཚོགས་པ་ཐམས་ཅད་
འཐོབ་བོ་ཞེས་བསྟན་པའི་ཕྱིར། དེ་ནི་སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སྒྲུབ་པ་པོ་དེ་ནི་བློ་ནི་འདིར་ཤེས་རབ་ཡིན་ལ་དེ་ཡང་སྐབས་ཀྱིས་ཤེས་རབ་མ་སྟེ་ལེགས་པར་བསླབས་པའི་ཕྱག་རྒྱ་གང་ལ་ཡོད་པ་དེ་ནི་བློ་ཅན་ཏེ། རྣམ་པར་མི་རྟོག་
པ་སྟེ། ཆོས་རྣམས་ཀྱི་ཡིན་ལུགས་ཀྱི་འི་ངོ་བོ་ཉིད་ཤེས་པ་དེས་མཚན་འཛིན་གྱི་རྟོག་པ་འཇོམས་པས་ནི། སངས་རྒྱས་ཉིད་དེ་རྡོ་རྗེ་འཆང་ཆེན་པོ་ཉིད་འགྲུབ་པར་འགྱུར་ཞིང་སྟེ། གོ་འཕང་དེར་བདག་ཉིད་རྫོགས་པར་འགྱུར་བ་སྟེ། དྲང་བའི་དོན་ཏོ།། 
༈ སླར་ཡང་ལུང་སྟོན་གྱི་ལུང་གིས་ངེས་དོན་བརྗོད་པར་བྱ་སྟེ། ཆོས་ཐམས་ཅད་༼ཞེས་པ་ནི་མ་སྲིང་སོགས་ཆོས་སྐུ་སོགས་ལ་མ་བཤད་པར། བུད་མེད་ལ་བཤད་པའི་ཆ་ནས་ཡིན་གྱི། འདི་རྣམས་རྫོགས་རིམ་པས་མི་བྱེད་པར་བསྐྱེད་རིམ་པ་ཁོ་ནས་བྱེད་པའི་ཆ་ནས་
4-2-122a


མ་ཡིན་ནོ། །༽ཀྱི་ཡིན་ལུགས་རང་བཞིན་རྣམ་པར་དག་པའི་ཆོས་ཀྱི་སྐུར་མཚན་ཉིད་གཅིག་པ་སྟེ་མཚུངས་པ་ཡི། ཤེས་རབ་ཀྱི་ཕ་རོལ་ཏུ་ཕྱིན་པ་འོད་གསལ་བ་ནི་ཡུམ་མའོ། །གཉིས་སུ་མེད་པར་དེ་བཞིན་
ཉིད་དེ་ཡང་ཡུལ་ཅན་བདེ་ཆེན་དང་སྦྱོར་བས་དངོས་པོ་མེད་པ་ཅེས་བྱ་བ་འོད་གསལ་དུ་འཇུག་པ་ནི་མ་དེ་ལ་འདོད་པ་སྤྱོད་པའོ། །འོད་གསལ་གྱི་རླུང་སེམས་ཙམ་ལས་ཟུང་འཇུག་གི་སྐུར་བཞེངས་པའི་ལོངས་སྤྱོད་རྫོགས་པའི་སྐུ་དང་མཉམ་པ་ཉིད་དུ་ཞུགས་པ་གང་
ཡིན། །པའི་འོད་གསལ་དེ་ཉིད་ནི་སྲིང་མོ་ཡིན་པར་འདོད་ཅིང་། དེ་ལ་སྤྱོད་པ་ནི་སྔ་མ་བཞིན་ནོ། །རྫོགས་རིམ་པ་རང་རང་གི་ལྷའི་རྣལ་འབྱོར་དང་ལྡན་པ་ཡི། །གསང་སྔགས་ཀྱི་ལྷའི་ལུས་ཀྱིས་ཏེ། སྐུ་ཡིས་འོད་གསལ་བསྒོམས་པ་གོམས་པར་བྱེད་པ་ནི་མ་སྲིང་བུ་མོ་
མཉེས་པར་བྱ། །ཞེས་པའོ། །དེ་ལ་ནི་སྒྱུ་ལུས་པའི་ཡེ་ཤེས་ཀྱི་སྐུ་དང༌། ཟུང་འཇུག་པའི་ལོངས་སྤྲུལ་གྱི་སྐུས་མཉེས་པར་བྱེད་པ་གསུམ་མོ། །ཟུང་འཇུག་ལོངས་སྐུའི་རྟེན་གྱི་རྣམ་སྣང་སོགས་ཀྱི་སྤྲུལ་སྐུའི་གཟུགས་ཅན་དུ་སྤྲུལ་ནས་སྒོམ་པའི་འོད་གསལ་ནི་བུ་མོ་ཡིན་ལ། དེ་འདྲ་
བ་དེ། །སྒྲུབ་པ་པོས་ནི་བསྒོམ་པར་བྱའོ། །མ་ལ་སོགས་པ་ལ་འདོད་པ་སྤྱོད་པར་གསུངས་པའི་དོན་འོད་གསལ་དུ་འཇུག་པ་ལ་བཤད་ཅིང་དེ་ཉིད་མཉེས་པར་བྱེད་པ་ཡང་ཡིན་པས། འོད་གསལ་གཅིག་ཉིད་སྒོམ་པ་པོའི་རྟེན་གྱིས་ཕྱེ་བའི་མ་དང་སྲིང་མོ་བུ་མོ་ནི། །གསུམ་པོ་སྔར་
བཤད་པ་འདི་འདྲ་བ་རྫོགས་རིམ་པའི་རྣལ་འབྱོར་པས་མཉེས་པར་བྱས། །ན་བླ་མེད་ཀྱི་ཐེག་ཆེན་ཐབས་མཁས་པ་མཆོག་གི་ཆོས་དང་ལྡན་པ་འདི་ཉིད་ལ། །བརྟེན་ནས་དངོས་གྲུབ་རྒྱ་ཆེན་པོ་སྒྲུབ་པ་པོ་དེས་འཐོབ་བོ། །ཞེས་བྱ་བ་སྟེ། ངེས་
4-2-122b


པའི་དོན་ཏོ།། ༈ དེ་ནས་ཞེས་བྱ་བ་ལ་སོགས་པ་ལ། རིགས་ངན་ལ་སོགས་པས་ཚེ་གཅིག་ལ་སངས་རྒྱས་ཉིད་དུ་འགྲུབ་པར་ཐོས་པས་ངོ་མཚར་དུ་གྱུར་ལ། མཚམས་མེད་པ་ལ་སོགས་པ་སྡིག་པ་བྱེད་པ་རྣམས་ཀྱིས་ཀྱང་ཚེ་གཅིག་ལ་བདེ་
བ་ཆེན་པོའི་གོ་འཕང་འཐོབ་པར་ཐོས་པས་ནི་རྨད་དུ་གྱུར་ཏོ། །དེ་ལྟར་ངོ་མཚར་དང་རྨད་དང་ལྡན་པ་ནི་སྒྲིབ་པ་ཐམས་ཅད་རྣམ་པར་སེལ་བ་ལ་སོགས་པའི་འཁོར་གྱི་བྱང་ཆུབ་སེམས་དཔའ་སྟེ། དེ་ཡང་རྗེས་འཇུག་གི་དོན་དུ་ཡིན་པས། དེ་ནི་པདྨ་དཀར་པོ་ལྟ་བུའི་གང་
ཟག་ལ་སོགས་པ་དབང་པོ་བརྟུལ་པོ་བཞི་རྣམས་ཀྱིས། སྲོག་གཅོད་པའི་ཞེས་བྱ་བ་ནས་ལ་སོགས་པས་བསྡུས་པ། དེ་དག་སྒྲུབ་པའི་སྣོད་དུ་འགྱུར་ཞེས་པའི་བར་གྱི་འི་རྡོ་རྗེའི་ཚིག་རྣམས་སྟོན་པས་དགོངས་པས་བཤད་པ་ལ། སྒྲ་ཇི་བཞིན་པའི་
དོན་ལ་ཏེ་དུ་མངོན་པར་ཞེན་པར་གྱུར་པས་མ་འོངས་པ་ན་རྒོལ་བ་མཚོན་པའི་ཕྱིར། སྔོན་བྱུང་ལ་བྱང་སེམས་རྣམས་ཀྱིས་བཅོམ་ལྡན་འདས་ཅིའི་སླད་དུ་ཞེས་བྱ་བ་ལ་སོགས་པས་རྒོལ་བར་བྱེད་དེ། ཅིའི་སླད་དུ་གསུང་ཞེས་གསོལ་ཏོ། །ཞེས་བྱ་བར་སྦྱར་རོ། །
བཅོམ་ལྡན་འདས་ནི་ཚོགས་གཉིས་དང་ལྡན་པའོ། །དེ་བཞིན་གཤེགས་པ་ཐམས་ཅད་ཀྱི་བདག་པོ་ནི་འཕགས་པ་སྟེ་དེ་རྣམས་ཀྱི་རྗེ་བོར་གྱུར་པ་རྣམས་ཏེ་ཚིག་འདི་གཉིས་ཀྱིས་ནི་ཚིག་ངན་པ་གསུང་བའི་གནས་ཏེ། འོས་མ་ཡིན་པར་བསྟན་ཏོ། །
དེ་བཞིན་གཤེགས་པ་ཐམས་ཅད་ནི་རྫོགས་པ་མི་བསྐྱོད་པ་ལ་སོགས་པ་དང་མ་རྫོགས་པ་སྒྲིབ་སེལ་ལ་སོགས་པ་སྟེ། དེ་རྣམས་ཀྱི་འཁོར་གྱི་ཚོགས་ཀྱི་ནང་དུ་སྟེ་དབུས་དེར་ཡང་ཚིག་ངན་པ་གསུངས་པ་འདི་མི་རིགས་ཏེ། ངན་པར་གསུངས་
4-2-123a


པའི་ཚིག་ནི་ཚིག་ངན་པ་སྟེ། སྲོག་གཅོད་པའི་ཞེས་བྱ་བ་ལ་སོགས་པ་འཕགས་པ་སྟེ། དམ་པ་མ་ཡིན་པར་རབ་ཏུ་འཇུག་པའི་ལས་ཀྱི་མཚན་ཉིད་དོ། །དེ་གསུངས་པས་ན་གསུངས་པ་སྟེ་ཚིག་ངན་པ་ཡང་དེ་ཉིད་ཡིན་ལ་
གསུངས་པ་ཡང་དེ་ཉིད་ཡིན་པས་ན་ཚིག་ངན་པར་གསུངས་པ་སྟེ། དེ་ཅིའི་ཕྱིར་གསུངས་པར་མཛད་ཅེས་བྱ་བའོ།། ༈ དེ་ནས་ཞེས་བྱ་བ་ལ་སོགས་པ་ལ། བྱང་ཆུབ་སེམས་དཔའ་རྣམས་ཀྱི་ཚིག་གིས་གསོལ་བ་གསན་པའི་རྗེས་ཐོགས་
སུ། དེ་བཞིན་གཤེགས་པ་ཐམས་ཅད་སྟེ། མི་བསྐྱོད་པ་ལ་སོགས་པས་བྱང་སེམས་དེ་དག་ལ་འདི་སྐད་ཅེས་བཀའ་སྩལ་པའོ། །ཐོང་ཞེས་བྱ་བ་ལ་སོགས་པ་ལ། ཐོང་ཞེས་བྱ་བ་ནི་ཚིག་ངན་པ་མ་གསུངས་ཞེས་ཟེར་བ་ལས་ཟློག་པ་སྟེ། ཁྱེད་
རྣམས་ཀྱི་བསམ་པ་ཤེས་ཀྱིས་མང་པོ་སྨྲས་པས་ཅི་ཞིག་བྱ་ཞེས་དགོངས་པ་སྟེ། བཅོམ་ལྡན་འདས་ཀྱིས་དོན་གཞན་ལ་དགོངས་པས་ཏེ་ནས་བཤད་པའི་གསུང་ལ་སྒྲ་ཇི་བཞིན་པར་བཟུང་བས་ཏེ་ནས་ཚིག་ངན་པའི་ཞེས་སེམས་པ་འདི་ལྟ་
བུ་མ་སྨྲ་བའམ། དེ་སྐད་མ་ཟེར་ཞིག། དེ་ཅིའི་ཕྱིར་ཞེ་ན། སྲོག་གཅོད་པའི་ཞེས་བྱ་བ་ལ་སོགས་པ་དོན་རྟོགས་པར་དཀའ་བ་རྡོ་རྗེའི་ཚིག་ཏུ་གསུངས་པས་དགོངས་གཞི་ཆོས་རྣམས་ཀྱི་དེ་ཉིད་སྔར་བཤད་པ་ལྟ་བུ་གང་གསུངས་པའི་ཆོས་རྣམས་ཀྱི་
དེ་ཉིད་རྣམ་པར་དག་པ་འདི་ནི། སངས་རྒྱས་རྣམས་ཀྱིས་བློ་མཆོག་ཏུ་གྱུར་པ་རིན་པོ་ཆེ་ལྟ་བུའི་གང་ཟག་སྙིང་པོ་ཤེས་པ་ལ་གསུངས་ཏེ། ཤེས་བྱའི་སྙིང་པོ་ནི་མི་གནས་པའི་མྱ་ངན་ལས་འདས་པའོ། །ཡེ་ཤེས་ཅན་ནི་མྱང་འདས་དེ་ཤེས་
4-2-123b


ཤིང་ཁོང་དུ་ཆུད་པར་ནུས་པ་གང་ཡིན་པ་དེ་ལ་དེ་སྐད་ཅེས་བྱའོ། །སྙིང་པོའི་ཆོས་མྱང་འདས་ནི་དོན་དམ་པའི་བདེན་པ་དང་རོ་གཅིག་ཏུ་ཞུགས་པའི་འོད་གསལ་གྱི་ཡེ་ཤེས་སོ་འོ། །དོན་ནི་ཀུན་རྫོབ་ཀྱི་བདེན་པ་སྒྱུ་མའི་སྐུ་སྟེ། དེ་གཉིས་ངོ་བོ་གཅིག་ཏུ་མི་
ཕྱེད་པའི་རྣམ་པས་ཐོབ་པ་ནི་བྱུང་བ་སྟེ། སྙིང་པོའི་ཆོས་ཀྱི་དོན་ལས་བྱུང་བ་ནི་ཟུང་འཇུག་དེ་ཐོབ་པའོ། །སྔར་བཤད་པ་དེ་ལྟར་དགོངས་གཞི་ཁྱད་པར་ཅན་གྱི་ངོ་བོ་ཉིད་ཀྱི་ཆོས་ཉིད་ལ་དགོངས་ནས་གསུངས་པ་འདི་ནི་གཙོ་བོར་ནི་རིན་པོ་ཆེའི་གང་ཟག་ཉིད་
ལ་སྟེ་ཁོ་ནའི་དབང་དུ་བྱས་ནས་སྦྱིན་པར་བྱ་བ་སྟེ། གསུངས་པ་ཡིན་གྱི་པད་དཀར་ལ་སོགས་པ་གཞན་དག་ལ་ནི་མ་ཡིན་ཏེ། སྣོད་ཀྱི་ཁྱད་པར་དེ་ལྟ་བུ་ཡོད་པ་དེ་བས་ན་དོན་གཞན་ལ་དགོངས་པའི་གསུང་གིས་སྟོན་པར་མཛད་པ་ནི། དེ་བཞིན་གཤེགས་པ་རྣམས་
ཀྱི་གསུང་དགོངས་པ་ཅན་ཡིན་ནོ། །བྱང་ཆུབ་སྤྱོད་པའི་གནས་འདི་ཡིན་ཞེས་བྱ་བ་ནི་རྫོགས་པར་བྱང་ཆུབ་པའི་སྤྱོད་པར་གྱུར་པ་ནི་བྱང་ཆུབ་སྤྱོད་པའོ། །དེའི་གནས་ནི་མི་སློབ་པའི་རྡོ་རྗེ་འཆང་ཉིད་དོ། །འདི་ནི་ཞེས་པ་སྔར་བཤད་པའི་ཟུང་འཇུག་འདི་ཉིད་
དེ་འདིས་ངེས་པར་རྡོ་རྗེ་འཆང་ཆེན་པོ་ཉིད་ཐོབ་པར་འགྱུར་བས་ན། དེ་ལ་ཡང་འབྲས་བུའི་མིང་བཏགས་ནས་སྤྱོད་པའི་གནས་ཞེས་གསུངས་ཏེ། སྒྲ་ཇི་བཞིན་པའོ།། ༈ དེ་ནས་ཡང་བརྗོད་ཀྱིས་མི་ལང་བ་ཞེས་བྱ་བའི་ཚིག་གཉིས་ཀྱི་དོན་ནི། ལེའུ་
དང་པོའི་འགྲེལ་པར་བཤད་ཟིན་ཏོ། །འཇིགས་པ་ནི་སྔར་སྲོག་གཅོད་པ་ལ་སོགས་པ་བྱའོ། །ཞེས་པའི་བྱ་བ་དེ་བྱས་ན་ལས་དེའི་རྣམ་པར་སྨིན་པ་ཚ་བའི་ཕྱིར། འཇིགས་པ་སྐྱེས་པར་གྱུར་ལ། བྱ་བ་མ་ཡིན་པས་ཏེ། བྱ་བ་དེ་མ་བྱས་ན་བཅོམ་ལྡན་
4-2-124a


འདས་ཀྱི་བཀའ་སྲོག་གཅོད་སོགས་བྱའོ་ཞེས་པ་ལས་འདས་པའི་རྣམ་སྨིན་དམྱལ་བའི་འཇིགས་པས་སྐྲག་པར་གྱུར་ཅིང༌། བྱ་བ་གཉིས་པོ་དེ་གང་བྱ་རྒྱུ་ཡིན་པ་ལ་བློ་རྨོངས་པས་མགོ་ཀུན་ཏུ་འཁོར་བར་གྱུར་ཏོ། །སྲོག་གཅོད་པ་ཡི་
ཞེས་སོགས་ཀྱི་ཕྱི་ནས་ཏེ། རྗེས་སུ་སྙིང་པོ་ཡེ་ཤེས་ཞེས་སོགས་ཀྱིས་སྲོག་གཅོད་པ་ཡི་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ཀྱི་ངེས་པའི་དོན་དེ་བཞིན་གཤེགས་པ་ལས་ཐོས་པས་དགའ་བའོ། །གཞན་གྱི་དབང་དུ་གྱུར་པས་བརྒྱལ་བར་གྱུར་ཏེ། དགའ་
བ་ཆེན་པོ་སྐྱེ་བའི་རྒྱུ་ནི་རྡོ་རྗེའི་ཚིག་དོན་སྔོན་ཆད་མ་རྟོགས་པའི་ཆོས་ཉིད་དེ་དགོངས་པའི་དོན་རྟོགས་པའི་མཐུས་སོ། །བརྒྱལ་ལུགས་ནི་༼འདིར་པ་ཚབ་དང་ཆག་འགྱུར་ལས་དགའ་བ་དང་གཞན་དབང་གཉིས་སོ་སོར་མ་བཅད་པར་དགའ་བའི་གཞན་དབང་དུ་གྱུར་པས་བརྒྱལ་
ཞེས་འབྱུང་བ་ལྟར་བདེའོ། །༽རྟོགས་པའི་དོན་དེ་ལ་ཡིད་རྩེ་གཅིག་ཏུ་གྱུར་པས་དབང་པོའི་སྒོ་ནས་འཇུག་པའི་ཀུན་རྟོག་མ་ལུས་པ་ལྡོག་ཅིང་། ཕྱིར་འཕྲོ་བ་རྣམས་འགག་པར་གྱུར་ཏོ་ཞེས་བྱ་བར་དགོངས་ཏེ། དྲང་བའི་དོན་ཏོ།། ༈ བརྒྱལ་བའི་དོན་དྲང་
དོན་དུ་བཤད་པ་ལས་སླར་ཡང་ལུང་སྟོན་གྱི་ལུང་གིས་ངེས་པའི་དོན་དུ་བཤད་པ་འདི་བརྗོད་པར་བྱ་སྟེ། རྩ་བའི་རྒྱུད་ལས་བརྒྱལ་བ་ཞེས་ཡིད་གཞན་དུ་མི་གཡོ་བར་གསུངས་པ་འདི་ནི་ཤིན་ཏུ་གསང་བའི་གནས་སུ་གྱུར་པ་སྟེ། ཞེས་པ་ཐེག་པ་གཞན་དང་རྒྱུད་སྡེ་
འོག་མ་དང་ཐུན་མོང་མ་ཡིན་པར་བསྟན་ནོ། །གནས་སྐབས་དེར་གཉིས་སྣང་གི་རྟོག་པ་ཕྲ་མོ་ཡང་ཞི་བ་དང༌། དེའི་ཕྱིར་རང་གི་ངོ་བོའི་སྒོ་ནས་མི་འདྲ་བ་དུ་མ་མེད་པས་གཅིག་པུ་དང༌། དེ་ཁོ་ན་ཉིད་རྟོགས་པའི་བདེ་བ་ཀུན་གྱི་ནང་ནས་ལྷན་སྐྱེས་ཀྱི་བདེ་ཆེན་གྱིས་དེ་ཁོ་ན་ཉིད་རྟོགས་པ་མཆོག་ཏུ་
4-2-124b


གྱུར་པས་བདེ་བའི་མཆོག། དང་། རྫོགས་པའི་བྱང་ཆུབ་ཚེ་གཅིག་ལ་འཐོབ་པར་བྱེད་པའི་ཁྱད་པར་རྣམས་དང་ལྡན་པའི་འོད་གསལ་གྱི་ཡེ་ཤེས་འདི་ལ་ནིའོ། །དགོངས་པའི་ཚིག་གིས་གསུངས་པ་ཡིན་ནོ། །ཞེས་སྦྱར་རོ། །དེ་སྐད་གསུངས་པའི་དགོངས་གཞི་དེ་གང་སྙམ་ན། 
འོད་གསལ་དེར་འཇུག་ཚུལ་ཇི་འདྲ་བ་ཞིག་སྙམ་ན་ནམ་མཁའ་ནི་སྟོང་པའོ། །མཐའ་ཡས་ནི་ཐམས་ཅད་ཀྱི་དོན་ཏེ་བསྡུ་ན་ཐམས་ཅད་སྟོང་པ་ཡུལ་ཅན་གྱི་འོད་གསལ་ལོ། །སྦྱོར་བ་ནི་རྣལ་འབྱོར་ཏེ། བསམ་གཏན་གཉིས་སོ། །རྣལ་འབྱོར་དེ་ཡིས། །འོད་
གསལ་དུ་འཇུག་པར་བྱེད་དོ། །འོད་གསལ་དུ་གཞུག་རྒྱུ་ནི་གཟུགས་ལ་སོགས་པའི་ཕུང་པོ་དང་། ས་ལ་སོགས་པའི་ཁམས་དང༌། མིག་ལ་སོགས་པའི་དབང་པོ་མཐའ་ཡས་པ་བཤད་པ་རྣམས་སོ། །དེ་ཉིད་ཀྱང་འབྱུང་བའི་ཚེ་དེ་བཞིན་ཉིད་ཀྱི་ངང་ནས་འབྱུང་ལ་འཇིག་པའི་ཚེ་དེ་བཞིན་ཉིད་ཀྱི་ངང་དུ་འགྲོ་བས་རྒྱུད་སྡེ་
རྣམས་ལས་ཕུང་པོ་རྣམས་དེ་བཞིན་གཤེགས་པར་བཤད་ཅིང་དང༌། །དེ་བཞིན་དུ་དབང་པོ་རྣམས་བྱང་ཆུབ་སེམས་དཔར་བཤད། །པ་རྣམས་སོ། །དེ་ལྟར་མཐའ་ཡས་པར་བཤད་པ་དེ་ཉིད་སྟེ་དེ་རྣམས་ལས་འོད་གསལ་དུ་འཇུག་རྒྱུ་མདོར་བསྡུས་པ་འདི་ལྟ་
བུ། །ཡིན་ཏེ། དཀྱིལ་འཁོར་རྣལ་འབྱོར་པ་རང་གི་ལུས་ཀྱི་གང་ཡིན་པ། །སྟེ། འཇིག་རྟེན་འདི་ན་འཇིག་པ་མི་རྟག་པ་དང༌། ཚོགས་པ་སྟེ། དུ་མ་འདུས་པའི་ལུས་སུ་རྟོག་པ་སྟེ། ཐ་སྙད་བྱེད་པ་དེ་ལ། །བྱའོ། །དེ་འདྲ་བའི་རང་གི་ཕུང་པོ་འོད་གསལ་དུ་ཞུགས་པ་
ལ་བྱང་ཆུབ་སེམས་དཔའ་རྣམས་བརྒྱལ་བར་གྱུར། ཞེས་གསུངས་སོ། །གདུལ་བྱ་བློ་དམན་པ་རྣམས་ཀྱིས་དེ་ལྟབུའི་ལྷན་སྐྱེས་ཀྱི་བདེ་བ་ཆེན་པོས་མྱོས་པ་འདི་མ་ཤེས་པས། །བྱང་ཆུབ་སེམས་དཔའ་རྣམས་སྔར་དྲང་དོན་གྱི་སྐབས་སུ་བཤད་པའི་བརྒྱལ་
4-2-125a


བ་ལ་དེ་བཞིན་གཤེགས་པས་བསྐུལ་བར་མཛད་པར་འཛིན་ལ་བློ་མཆོག་དང་ལྡན་པ་རྣམས་ཀྱིས་དང༌། །བྱང་ཆུབ་སེམས་དཔའ་སེམས་དཔའ་ཆེ། །ན་པོ་རྣམས་ཀྱིས། རང་གི་ཕུང་པོ་བསམ་གཏན་གཉིས་ཀྱིས་འོད་གསལ་དུ་བཅུག་ནས་
ཞུགས་པ་ལ་རྩ་རྒྱུད་ལས་བརྒྱལ་བ་ཞེས་ནི་བཤད་པ་ཡིན། །པར་རྟོགས་སོ། །ཞེས་བྱ་བ་སྟེ། ངེས་པའི་དོན་ཏོ།། ༈ དེ་ནས་ཞེས་བྱ་བ་ལ་སོགས་པ་ལ། བྱང་ཆུབ་སེམས་དཔའ་ཆེན་པོ་དེ་དག་བསླང་བར་གསོལ་ཞེས་པའི་བར་དུ་ནི་གོ་སླ་སྟེ། 
སྒྲ་ཇི་བཞིན་པའོ།། ༈ དེ་ལྟར་བརྒྱལ་བའི་དོན་དྲང་ངེས་གཉིས་སུ་བཤད་ནས། བརྒྱལ་བ་ལས་ལངས་པའི་དོན་དྲང་ངེས་གཉིས་ཀྱིས་འཆད་པའི་དྲང་དོན་ནི་ནམ་མཁའ་ནི་སྟོང་པ་ཉིད་དོ། །དེ་དང་མཉམ་ཞིང་ནི་དེ་དང་འདྲ་བར་ཡུལ་ཅན་གྱི་ཡེ་ཤེས་གཉིས་སུ་མེད་
པར་རོ་གཅིག་ཏུ་ཞུགས་པས་ན་ནམ་མཁའ་དང་མཉམ་པ་གཉིས་སུ་མེད་པའོ། །ཡེ་ཤེས་དེ་ཉིད་གཉིས་འཛིན་གྱི་རྟོག་པས་མི་ཕྱེད་པས་རྡོ་རྗེ་སྟེ་དེ་སྐད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པའོ། །སྙོམས་པར་ཞུགས་མ་ཐག་ཏུ་ཞེས་བྱ་བ་ནི། 
ཏིང་ངེ་འཛིན་ལ་སྙོམས་པར་ཞུགས་པ་ཙམ་གྱིས་སོ། །བཅོམ་ལྡན་འདས་ནས་ཞེས་བྱ་བ་ལ་སོགས་པའི་བདག་པོའི་བར་གྱི་དོན་ནི་སྔར་འགྲེལ་པར་མང་དུ་བཤད་ཟིན་ཏོ། །བདག་པོའི་འོད་ནི་དེ་ལྟ་བུའི་རྡོ་རྗེ་འཆང་ཆེན་པོའི་འོད་དེ། འོད་ཟེར་
དུ་སྟེ། དེ་རྣམས་གཅིག་ཏུ་ཡང་དག་པར་བསྡུས་པར་གྱུར་པས། རེག་པ་ཙམ་གྱིས་ཞེས་པ་ནི་རེག་པ་སྟེ། ཕོག་པར་གྱུར་པ་ཙམ་གྱིས་སོ། །རང་རང་གི་སྟན་ལ་གནས་པར་གྱུར་ཏོ། །ཞེས་བྱ་བ་ནི། དྲན་པ་སླར་སོ་སོར་རྙེད་པ་ནི་སྔར་དྲང་དོན་
4-2-125b


གྱི་སྐབས་སུ་བཤད་པའི་དྲན་པ་མེད་ཅིང་ཡིད་ལ་བྱ་བ་མེད་པར་བཞག་པ་ལས་ལངས་པར་གྱུར་ཏོ། ཞེས་པ་སྟེ། དྲང་བའི་དོན་ཏོ།། ༈ ངེས་དོན་དུ་བཤད་ན་ནམ་མཁའ་ནི་སྟོང་པ་ཉིད་གསུམ་མོ། །སྟོང་པ་གསུམ་པོ་དེ་དང་མཉམ་པ་སྟེ་སྟོང་པར་འདྲ་བ་ནི་བཞི་པ་འོད་
གསལ་ལོ་བ་སྟེ། འོད་གསལ་དང་སྒྱུ་མའི་སྐུ་དེ་དག་གཉིས་སུ་མེད་པ་ནི་ཟུང་དུ་འཇུག་པའོ། །དེ་གཉིས་ཐུགས་དང་སྐུའི་ངོ་བོར་དུས་གཅིག་ཏུ་རོ་གཅིག་པར་དབྱེར་མི་ཕྱེད་པས་ན་རྡོ་རྗེ་སྟེ་དེ་སྐད་ཅེས་བྱ་བའི་ཏིང་ངེ་འཛིན་དེ་ལ་སྙོམས་པར་ཞུགས་སོ་ཞེས་བྱ་
བ་སྟེ། འདིས་ནི་རྗེས་འཇུག་ལ་མི་གཡོ་བའི་འོད་གསལ་གྱི་ཏིང་ངེ་འཛིན་ལ་གནས་པའི་བྱང་ཆུབ་སེམས་དཔའི་སྒྱུ་མའི་སྐུའི་གཟུགས་སུ་གནས་པའི་ཟུང་འཇུག་གི་བདག་ཉིད་ཐོབ་པར་གྱུར་པ་སྟོན་ནོ་འོ། །སྙོམས་པར་ཞུགས་མ་ཐག་ཏུ་ཞེས་བྱ་
བའི་དོན་ནི། དེ་ལྟར་འོད་གསལ་དུ་ཞུགས་པའི་སྒོ་ནས་བྱིན་གྱིས་བརླབས་པ་ཙམ་གྱིས། ཞེས་པའི་དོན་ཏེ་སྙོམས་པར་ཞུགས་པའི་ཏེང་ངེ་འཛིན་ལ་འོད་ཟུང་གཉིས་ཡོད་ཀྱང་ད་ལྟ་ནི་འོད་གསལ་ལ་ཞུགས་པ་ཉིད་གཟུང་ངོ༌། །དེ་ལྟར་འོད་གསལ་དུ་ཞུགས་པའི་འོག་ཏུ་འོད་གསལ་ལས་
ལྡང་ཚུལ་ནི་ཟུང་འཇུག་གི་རྡོ་རྗེ་འཆང་ཆེན་པོ་དང་རྒྱུ་འབྲས་སུ་འབྲེལ་བའི་འོད་དེ། སྣང་བའི་འོད་ཀྱི་ཚོགས་ཀྱིས་རེག་པ་ཙམ་གྱིས་ཞེས་པའི་འོད་ཀྱི་ཚོགས་ནི། འོད་ཀྱི་ཁྱད་པར་ཏེ་འོད་གསལ་གྱི་ཡེ་ཤེས་སོ། །རེག་པ་ཞེས་བྱ་བ་ནི། ཕྲད་པའི་དོན་ཏེ། ཡེ་ཤེས་
དེ་དང་རླུང་གཉིས་དང་འདུས་ཤིང་ཚོགས་པའོ། །རླུང་དེས་རེག་པ་ཙམ་གྱིས་ཞེས་པ་ནི། འོད་གསལ་གྱི་ཡེ་ཤེས་དེ་ཁམས་ཕྲ་བ་རླུང་ལ་ངོ་བོ་དབྱེར་མེད་དུ་རྗེས་སུ་ཞུགས་པའི་ཡེ་ཤེས་ཀྱི་བཞོན་པའི་རླུང་གི་འོད་ཟེར་འཕྲོས་པ་སྟེ། ཆེར་གཡོས་
4-2-126a


པས་འོད་གསལ་བ་ལས་ལྡང་བར་གྱུར་ཏོ། །ཞེས་བྱ་བའི་དོན་ཏོ། །རང་རང་གི་སྟན་ལ་ཞེས་བྱ་བ་ནི་རང་གི་འཇིག་རྟེན་གྱི་ཁམས་ཇི་ལྟ་བར་རོ། །གནས་པ་ཞེས་བྱ་བ་ནི་སེམས་ཅན་གྱི་དོན་རྫོགས་པར་བྱེད་ནུས་པར་གྱུར་པ་
སྟེ། ངེས་པའི་དོན་ཏོ།། ༈ དེ་ནས་ཞེས་བྱ་བ་ལ་སོགས་པ་ལ། འཁོར་གྱི་༼དོན་གྱི་འོད་གསལ་དེ་ལས་ལངས་མ་ཐག་ཏུ་ཟུང་འཇུག་གི་སྐུ་ཡང་འགྲུབ་པར་འགྱུར་རོ། །༽དེ་བཞིན་གཤེགས་པ་རྣམས་བཅོམ་ལྡན་འདས་ཟབ་པའི་ཆོས་སྟོན་
པ་ལ་མཁས་པས་ན་ངོ་མཚར་དུ་གྱུར་པའོ། །སྔོན་མང་དུ་མ་བྱུང་བ་བྱུང་བར་གྱུར་པས་ན་རྨད་དུ་གྱུར་པའོ། །ཤིན་ཏུ་དགྱེས་པས་ཁྱབ་པར་གྱུར་པ་ནི་དགྱེས་པས་ཁྱབ་པར་གྱུར་ཅིང་རངས་ཏེ། རངས་ཚུལ་ནི། སྟོན་པས་བཀའ་སྩལ་པའི་ཟབ་མོའི་དོན་
རྟོགས་ཤིང་རྟོགས་པའི་ཏིང་ངེ་འཛིན་གྱི་ཁྱད་པར་སྒྱུ་མ་དང་འོད་གསལ་གདུལ་བྱས་བསྒོམས་པ་ཡིས། དེ་རྣམས་ཐོབ་པར་གྱིས། བསྐྱེད་པའི་སེམས་ཅན་གྱི་ཚོགས་ཀྱི་དོན་མཛད་པ་གཟིགས་པས་དགྱེས་པས་ཁྱབ་པར་གྱུར་པའོ། །ཆོས་ཀྱི་དབྱངས་འདི་སྐད་
ཅེས་གསུངས་སོ། །ཞེས་བྱ་བ་ནི་རྣམ་པ་དེ་ལྟ་བུའི་ཆོས་རྣམས་ཀྱི་ཆོས་ཀྱི་དབྱངས་ཏེ་ཆོས་དང་ཡང་དག་པར་ལྡན་པའི་དབྱངས་གསུངས་པར་མཛད་པའོ། །འཁོར་གྱི་དེ་བཞིན་གཤེགས་པ་རྣམས་ཆོས་བསྟན་པས་དགྱེས་པས། ཆོས་བསྟན་པའི་སྒོ་ནས་དེ་
སྟོན་པར་མཛད་པའི་སྟོན་པ་ཉིད་ལ། ཨེ་མའོ་ཞེས་བྱ་བ་ལ་སོགས་པའི་ཚིགས་སུ་བཅད་པས་བསྟོད་པར་མཛད་པ་སྟེ། ཨེ་མའོ་ཞེས་བྱ་བ་གསུམ་ནི་ངོ་མཚར་དུ་གྱུར་པའི་དོན་ནོ་འོ། །ཆོས་ཞེས་བྱ་བ་དང་པོ་ནི་བསྟན་པའི་མཚན་ཉིད་ཅན་གྱི་རྗོད་
4-2-126b


བྱེད་ཀྱི་ཆོས་སོ། །ཆོས་ཀྱི་སྒྲ་གཉིས་པས་ནི་རྗོད་བྱེད་དེས་བསྟན་པའི་བརྗོད་བྱའི་དོན་མཚོན་པ་ཡིན་ནོ། །ཆོས་ཀྱི་དོན་འབྱུང་བ་ཞེས་བྱ་བ་ལ། ཆོས་ནི་བརྗོད་པའི་མཚན་ཉིད་དོ། །དོན་ནི་བརྗོད་པར་བྱ་བའི་མཚན་ཉིད་དེ། དེ་བརྗོད་བྱ་དང་རྗོད་བྱེད་དེ་གཉིས་༼
འདིར་པ་ཚབ་ཀྱི་འགྱུར་ལས། རྩ་བར་ཆོས་དོན་ལས་བྱུང་བ། །ཞེས་དང་། འགྲེལ་པར། དེ་གཉིས་ལས་བྱུང་བ་ནི་ཆོས་དོན་ལས་བྱུང་བའོ། །ཞེས་འབྱུང་བ་དང་མཐུན་པར་ཆག་འགྱུར་ལས་ཀྱང་འབྱུང་ལ། ཐུགས་རྗེ་ཞབས་དང་ཡང་མཐུན་པས་འགྱུར་དེ་ལྟར་བྱའོ། །༽ལ་དམིགས་པ་ལས་བྱུང་བ་ནི། 
ཆོས་དང་དོན་ལས་བྱུང་བའོ་འབྱུང་བས་ན་ཆོས་ཀྱི་དོན་འབྱུང་བའོ། །ཚིག་དོན་གཉིས་ལ་དམིགས་པ་ལས་བྱུང་བ་དེ་གང་ཡིན་ཞེ་ན། ཆོས་དོན་དག་པ་བདག་མེད་པ་ཞེས་བྱ་བས་སྟོན་སྟེ། ཆོས་ནི་ཐོས་པའི་རང་བཞིན་ཏེ། དེ་ལས་བྱུང་བའི་ཤེས་རབ་བོ་ནོ། །དོན་
དག་པ་ནི་བསམ་པའི་རང་བཞིན་ཏེ་དེ་ལས་བྱུང་བའི་ཤེས་རབ་བོ་ནོ། །དོན་དེ་དག་མངོན་སུམ་དུ་བྱས་པ་ནི་བདག་མེད་པ་སྟེ། དེ་གང་ཡིན་ཞེ་ན། སྒོམ་པ་ལས་བྱུང་བའི་ཤེས་རབ་སྟེ། རྒྱུད་སྡེ་ཟབ་མོའི་ཚིག་དོན་ལ་དམིགས་པ་ལས་ཐོས་བསམ་སྒོམ་གསུམ་གྱི་ཤེས་རབ་
རིམ་གྱིས་སྐྱེ་བར་སྟོན་པའོ།། ༈ རྡོ་རྗེ་རྒྱལ་པོ་ཞེས་བྱ་བ་ལ་རྡོ་རྗེ་ནི་དེ་བཞིན་གཤེགས་པ་རྣམས་སོ། །དེ་རྣམས་ཀྱི་རྒྱལ་པོ་ནི་བདག་པོ་སྟེ། རྡོ་རྗེ་འཆང་ཆེན་པོའོ། །དེ་ལྟ་བུ་ཁྱེད་ལ་ཕྱག་འཚལ་འདུད། །ཅེས་ཕྱག་འཚལ་བ་དང་འདུད་པའི་ཚིག་
གཉིས་ཀ་དོན་གཅིག་ཡིན་ཀྱང་། ལན་གཉིས་སྨོས་པ་ནི། བཅོམ་ལྡན་འདས་ཀུན་རྫོབ་སྒྱུ་མ་དང༌། དོན་དམ་འོད་གསལ་གྱི་བདེན་པ་གཉིས་ཀྱི་བདག་ཉིད་ཅན་ཡིན་པས་ན་ཚིག་གཉིས་སྨོས་ཏེ། ཕྱག་འཚལ་བའི་ཡུལ་གཉིས་ཀྱི་སྒོ་ནས་ཡིན་ནོ་སོ། །སྐུ་
4-2-127a


དང་གསུང་ཐུགས་རབ་ཏུ་དག། ཅེས་བྱ་བ་ནི་སྐུ་རྡོ་རྗེ་ལ་སོགས་པ་གསུམ་ངོ་བོ་གཅིག་ཡིན་པའི་ཕྱིར། ཕན་ཚུན་ཐ་དད་པ་མ་ཡིན་པས་སོ། །ནམ་མཁའ་དང་ནི་མཉམ་པ་སྟེ། འདྲ་བ་ཉིད་ནི་འབྲས་བུའི་འོད་གསལ་བའོ་
སྟེ། འོད་གསལ་དེའི་གནས་གང་ལ་ཡོད་པ་སྟེ། གང་ཡིན་པ་དེ་ལ་རྟག་ཏུ་གནས་པ་དེ་ལ་དེ་སྐད་ཅེས་བྱའོ། །སྐྱེ་འཆིར་གྲགས་པའི་སྐྱེ་བ་དང་འགག་པ་དང་བྲལ་བས་རྣམ་པར་མི་འགྱུར་བའོ། །བག་ཆགས་ཀྱིས་བསླད་པའི་སྣང་བ་རྣམ་པར་དག་པས་སྣང་
བ་མེད་པའོ། །རྡོ་རྗེ་སྐུ་ལ་ཞེས་བྱ་བ་ནི་འཇའ་ཚོན་ལྟར་སྣང་བའི་རླུང་འོད་ཟེར་ལྔ་ལས་བསྒྲུབས་ཤིང་། མཚན་དང་དཔེ་བྱད་ཀྱི་རྣམ་པ་ཐམས་ཅད་ཀྱི་མཆོག་དང་ལྡན་པ་རྒྱུན་ཆད་པ་མེད་པའི་མི་འཇིགས་པའི་སྐུ་ནི་རྡོ་རྗེའི་སྐུ་སྟེ་དེ་ལྟ་བུ་ཁྱོད་ལ་ཕྱག་འཚལ་
འདུད། ཅེས་ཕྱག་འཚལ་བའི་ཚིག་གཉིས་སྨོས་པ་ནི་སྔ་མ་བཞིན་དུ་གཉིས་སྨོས་སོ། །སངས་རྒྱས་ཐམས་ཅད་ཀྱི་ཡོན་ཏན་གྱི་ཐུགས་ཉིད་ཡིན་པས་ན་ཐུགས་ནིའོ། །དེ་བཞིན་གཤེགས་པ་རྣམས་ཀྱི་ཐོག་མར་གྱུར་པས་ན་དེ་བཞིན་གཤེགས་པའི་
གཙོ་སྟེ་དམ་པར་གྱུར་པའོ། །༼འདིར་པ་ཚབ་ཀྱི་འགྱུར་ལས། སངས་རྒྱས་ཐམས་ཅད་ཀྱི་ཡོན་ཏན་གྱིས་བསགས་པའི་ཕྱིར་ན་ཐུགས་ཏེ། ཞེས་འབྱུང་བ་ལྟར་བདེ་སྟེ། ཙི་ཏྟ་ནི་བསགས་པ་ལའང་འཇུག་པའི་ལུགས་སོ། །༸ཚུལ་ནི་སངས་རྒྱས་ཀྱི་ཐོག་མ་ནི་འཁོར་བའི་ཐོག་མ་དང་འདྲ་བས་
མེད་དོ། །དེས་ན་དེ་བཞིན་གཤེགས་པ་དྲུག་པ་ནི་སངས་རྒྱས་གཞན་རྣམས་འབྱིན་བྱེད་དང༌། སྡུད་བྱེད་ཡིན་པས་དེ་ལ་ལྟོས་པའི་ཐོག་མའོ། །༽དུས་གསུམ་གྱི་ལམ་སྟེ། བགྲོད་པ་ལ་རབ་ཏུ་གནས་པའི་ངང་ཚུལ་ཅན་གང་ཡིན་པ་དེ་ནི། དུས་གསུམ་དག་གི་ལམ་
4-2-127b


དུ་བྱུང་ཞེས་བྱ་སྟེ། འདས་པ་ལ་སོགས་པའི་དུས་སུ་བྱུང་བའི་དངོས་པོ་རྣམས་ཉིད་ཡིན་ཞིང་། ཞེས་པའི་དོན་ནི། དངོས་པོ་ཐམས་ཅད་ཀྱི་ངོ་བོ་ཉིད་སྟེ། རང་བཞིན་དུ་གྱུར་པས་སོ། །ནམ་མཁའ་ཆེན་པོ་ཞེས་བྱ་བ་འོད་གསལ་བའང་ཁྱེད་ཉིད་དོ། །ཁྱེད་ཉིད་ནི་
དབྱིངས་སུ་གྱུར་པ་ཡང་ཡིན་ཏེ་ཁམས་གསུམ་པའོ། །ཁྱེད་ནི་ནམ་མཁའི་ལམ་ལ་སྟེ། ལམ་ཅན་ཡིན་ཏེ་རྫུ་འཕྲུལ་༼ཞེས་པས་བསྟན་ཏེ། རང་བཞིན་རྣམ་དག་གི་དབང་དུ་བྱས་ན་དུས་གསུམ་ལ་ཁྱབ་པའོ། །༼གྱི་དབང་ཕྱུག་བརྙེས་པས་སོ། །ཁྱེད་ལ་ཕྱག་
འཚལ་འདུད། ། ༼ཞེས་པ་ནི་ཁམས་ཀྱི་སྐད་དོད་དྷ་ཏུ་ནི་ཁམས་དང་དབྱིངས་གཉིས་ཀ་ལ་འཇུག་པས་སོ། །དེས་ན་དེ་ཡང་བཤད་མ་ཐག་པ་ལྟར་བྱའོ། །༽ཅེས་ཕྱག་འཚལ་བའི་ཚིག་གཉིས་སྨོས་པ་ནི་བདེན་པ་གཉིས་ཀྱི་བདག་ཉིད་ཅན་ཡིན་པས་གཉིས་སྨོས་སོ། །
ནམ་མཁའི་སྐུ་ལས་ཡང་དག་བྱུང་ཞེས་བྱ་བ་ནི། མཁྱེན་པ་ཤིན་ཏུ་རྒྱ་ཆེ་བས་ནམ་མཁའ་ལྟ་བུའི་སྐུ་སྟེ། ངོ་བོ་ཉིད་གང་ཡིན་པ་དེ་ནི་ནམ་མཁའི་སྐུ་སྟེ་མེ་ལོང་ལྟ་བུའི་ཡེ་ཤེས་སོ། །ཡེ་ཤེས་དེ་ལས་ཡང་དག་པར་བྱུང་བ་ནི་རྣམ་པར་སྣང་མཛད་དེ་
དེ་བཞིན་གཤེགས་པ་དྲུག་པ་དེའི་ངོ་བོ་ཉིད་ཡིན་པའི་ཕྱིར་རོ། །ནམ་མཁའ་ནི། སྟོང་པ་ཉིད་དང་དེར་རོ་མཉམ་པར་བགྲོད་པའི་ལམ་ནི་མཉམ་པ་ཉིད་ཀྱི་ཡེ་ཤེས་སོ། །འོད་གསལ་དེ་ལས་བྱུང་བ་ཉིད་ཀྱིས་གནས་པར་མཛད་ཅིང་སྐྱེས་པར་གྱུར་པའི་རིན་ཆེན་
འབྱུང་ལྡན་གང་ཡིན་པ་དེ་ནི་ནམ་མཁའི་ལམ་ལ་གནས་པ་པོ་ཞེས་བྱ་སྟེ། དེ་ཡང་དྲུག་པའི་ངོ་བོ་ཉིད་དོ་འོ། །ནམ་མཁའ་འདྲ་བའི་ཐུགས་མངའ་བ་གང་ཡིན་པ་དེ་ནི་ནམ་མཁའི་ཐུགས་ཏེ། ཆོས་ཀྱི་དབྱིངས་རྣམ་པར་དག་པའི་ངོ་བོ་ཉིད་ཡིན་པའི་
4-2-128a


ཕྱིར་མི་བསྐྱོད་པའི་ངོ་བོ་ཉིད་དོ་འོ། །ཆོས་རྣམས་ནི་པདྨའི་རིགས་སོ། །དེ་རྣམས་ཀྱི་མཆོག་ནི་སོ་སོར་རྟོག་པའི་ཡེ་ཤེས་ཀྱི་བདག་ཉིད་ཅན་ཏེ་འོད་དཔག་ཏུ་མེད་པའི་ཡང་ངོ་བོ་ཉིད་དོ་འོ། །འགྲོ་བ་མ་ལུས་པའི་དོན་ནི་སྤྱོད་
པའོ། །དེ་རྣམས་ཀྱི་གནས་ནི་གཞི་སྟེ། བྱ་བ་སྒྲུབ་པའི་ཡེ་ཤེས་ཀྱི་ངོ་བོ་ཉིད་དེ་དོན་ཡོད་པར་གྲུབ་པའི་ཡང་ངོ་བོ་ཉིད་དོ་འོ། །རིགས་ལྔའི་སྒོ་ནས་རྒྱུད་གསུང་བ་པོ་ལ་བསྟོད་པ་དེ་ལྟར་ན་གོང་དུ་སྨོས་པའི་ཚིགས་སུ་བཅད་པ་འདི་རྣམས་ཀྱིས་ནི་རྒྱུད་ཀྱི་
སྟོན་པ་རིགས་ལྔའི་བདག་ཉིད་ཅན་ཡིན་པ་ཉིད་ཀྱིས། བཅོམ་ལྡན་འདས་རྡོ་རྗེ་འཆང་ཆེན་པོ་ལ་བསྟོད་པའོ།། ༈ བསྒྲུབ་བྱའི་དོན་ཀུན་ནི་བདག་དང་གཞན་གྱི་དོན་གཉིས་སུ་ངེས་ལ་དེ་སྒྲུབ་པའི་སྤྱོད་པ་ནི་ཀུན་ཏུ་སྤྱོད་པའམ་སྤྱོད་པ་ཀུན་ནོ་འོ། །
དེ་ཉིད་ནི་སྤྱོད་པ་རྣམས་ཀྱི་ནང་ནས་ཁྱད་པར་ཏུ་གྱུར་པས་ན་མཆོག་སྟེ། ཀུན་ཏུ་སྤྱོད་པའི་མཆོག་གོ། དེའི་དོན་སྟོན་པའི་ལེའུ་ནི་ཀུན་ཏུ་སྤྱོད་པ་མཆོག་གི་ལེའུ་ཞེས་བྱ་སྟེ། དགོངས་པ་མ་ཡིན་པའོ།། ༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་
བཤད་པ་ལས། ལེའུ་ལྔ་པ་མཐའ་དྲུག་གིས་བཤད་པའོ། །ལེའུ་ལྔ་པའི་འོག་ཏུ་དྲུག་པ་སྟོན་པའི་འབྲེལ་ནི་སྒྲུབ་པ་པོ་བདག་ཉིད་ལྷར་བསྐྱེད་པ་ལ་རང་གི་སྒོ་གསུམ་རིགས་གསུམ་གྱི་སྐུ་གསུང་ཐུགས་སུ་བྱིན་གྱིས་༼
བདག་བྱིན་གྱིས་རློབ་པ་ལ་གཉིས་ལས་བསྐྱེད་རིམ་པའི་བྱིན་རླབས་ནི་འོག་ནས་འབྱུང་བ་ལྟར་ཏེ། རྒྱས་པར་ནི་མདོར་བྱས་ནས་གསུངས་པ་ལྟར་ཡིན་ལ། དེ་སྔོན་དུ་བཏང་བ་ནི། དེས་མཚོན་པའི་བསྐྱེད་རིམ་ཕྲ་རགས་ལ་བརྟན་པ་སྔོན་དུ་བཏང་ནས། བསྐྱེད་རིམ་པའི་སྐབས་ཀྱི་སྤྱོད་པ་བྱེད་
4-2-128b


པའོ། །རྫོགས་རིམ་པའི་བདག་བྱིན་རླབས་ནི། སྒྱུ་ལུས་དངོས་དང་རྗེས་མཐུན་པ་མན་ངག་ཏུ་བཤད་པ་ལྟ་བུ་སྔོན་དུ་བཏང་ནས་རྫོགས་རིམ་པའི་སྐབས་ཀྱི་སྤྱོད་པ་བྱེད་པའོ། །༽བརླབ་པའི་ང་རྒྱལ་ལེའུ་དྲུག་པ་ནས་གསུངས་པ་སྔོན་དུ་འགྲོ་བས་ཏེ། བཏང་ནས་ལེའུ་ལྔ་པར་གསུངས་
པའི་སྤྱོད་པ་བྱ་བ་ཡིན་པས། དེ་ནས་ཞེས་བྱ་བ་ལ་སོགས་པས་སྐུ་ལ་སོགས་པ་བྱིན་གྱིས་བརླབ་པའི་རིམ་པ་རབ་ཏུ་སྟོན་ཏེ། ཞེས་པས་བསྟན་ནོ།། ༈ སྔོན་བྱུང་ལ་རྡོ་རྗེ་མི་བསྐྱོད་པས་གསུངས་སོ་ཞེས་སྦྱར་རོ། །ཇི་ལྟར་མཛད་ནས་ཅི་ཞིག་གསུངས་ཤེ་ན། དེ་
བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ནི་མི་བསྐྱོད་པའོ། །དེའི་གསང་བ་ནི་སྒྲུབ་པ་པོའི་ཐུགས་མི་བསྐྱོད་པ་དེར་བྱིན་གྱིས་རློབ་པ་ནི་མི་བསྐྱོད་པར་སྐྱེད་པའི་གསང་སྔགས་ཏེ། མིང་དེ་སྐད་ཅེས་བྱ་བའི་ཏིང་ངེ་འཛིན་དེ་ལ་ཐུགས་
བྱིན་གྱིས་རློབ་པའི་ཐབས་བསྟན་པར་བྱའོ་སྙམ་དུ་ཐུགས་རྩེ་གཅིག་ཏུ་མཛད་དེ། སྙོམས་པར་ཞུགས་ཤིང་མངོན་སུམ་དུ་མཛད་ནས། འོག་ནས་བཤད་པ་འདིས་ཐུགས་བྱིན་གྱིས་རློབ་པ་གང་ཡིན་པ་དེ་ནི་ཐུགས་བྱིན་གྱིས་རློབ་པའོ། །སྔགས་ཀྱི་སྐད་དོད་མཱན་ཏྲ་
ལ་མཱན་ནི་ཡིད་དང་། ཏྲ་ཡ་ནི་སྐྱོབ་པ་ཡིན་པས་ངན་འགྲོ་སོགས་ཀྱི་སྡུག་བསྔལ་ལས་ཡིད་སྐྱོབ་པས་ན་སྔགས་ཞེས་བྱ་སྟེ། དེ་གསུངས་པ་ནི་བཀའ་སྩལ་པར་གྱུར་པ་སྟེ། ཨོཾ་སརྦ་ནི་ཐམས་ཅད་དོ། །ཏ་ཐཱ་ནི་དེ་བཞིན། ག་ཏཱ་ནི་གཤེགས་པའོ། །ཙིཏྟ་ནི་ཐུགས་དང་། 
བཛྲ་ནི་རྡོ་རྗེ་དང༌། སྭ་བྷཱ་ཝ་ནི་རང་བཞིན་རྣམ་དག་སྟེ། གློ་བུར་རྣམ་དག་གིའང་རང་བཞིན་ནོ། །ཨཱདྨ་ནི་བདག་ཉིད་ཅན་ཏེ་རང་བཞིན་རྣམ་དག་དེ་རང་ལའང་གནས་པར་སྟོན་པའོ། །ཀོ྅ཧཾ་༼ནི་དེ་ངའོ་ཞེས་པ་སྟེ། སྔ་མ་རྣམས་དང་སྒྲུབ་པ་པོའི་སེམས་གཉིས་མི་བསྐྱོད་པའི་ངོ་བོར་དབྱེར་མི་ཕྱེད་
4-2-129a


པར་ལྟ་བའོ། །༽ཞེས་བྱ་བའོ། །དེ་ནས་ཞེས་བྱ་བ་ལ་སོགས་པ་ལ་རྡོ་རྗེ་རྣམ་པར་སྣང་མཛད་ཀྱིས་གསུངས་སོ་ཞེས་སྦྱར་རོ། །རྡུལ་དང་བྲལ་བའི་གནས་རྡོ་རྗེ་ཞེས་པའི་ཚིག་སྔ་མའི་དོན་ནི་རྡུལ་དང་བྲལ་བས་ཤིན་ཏུ་དྭངས་པའི་མེ་ལོང་
ལྟ་བུའི་ཡེ་ཤེས་ཀྱི་བདག་ཉིད་ཅན་རྣམ་པར་སྣང་མཛད་དེ། དེའི་གནས་ནི་རྣམ་སྣང་དེར་བྱིན་གྱིས་རློབ་པ་ནི་དེར་སྐྱེད་པའི་སྔགས་ཏེ། དེ་སྐད་ཅེས་བྱ་བའི་ཏིང་ངེ་འཛིན་དེ་ལ་དམིགས་ནས་སྐུ་བྱིན་གྱིས་རློབ་པའི་སྔགས་གསུངས་པ་ནི། ཨོཾ་སརྦ་
ཏ་ཐཱ་ག་ཏཱ་ཀཱ་ཡ་ནི་སྐུའོ། །བཛྲ་སྭ་བྷཱ་ཝ་ཨཱདྨ་ཀོ་ཧཾ་ཞེས་བྱ་བའོ། །དེ་ནས་ཞེས་བྱ་བ་ལ་སོགས་པ་ལ། ཚེ་དཔག་ཏུ་མེད་པས་གསུངས་སོ་ཞེས་སྦྱར་རོ། །ཚེ་དཔག་ཏུ་མེད་ཅིང་ཚད་མེད་པ་གང་གིས་བརྙེས་པ་དེ་ནི་ཚེ་དཔག་ཏུ་མེད་པའོ། །མཉམ་པ་ཉིད་ནི་བསླད་
པའི་དབང་གིས་གཉིས་སྣང་དུ་མི་འཆར་བའི་མི་གཉིས་པ་སྟེ། དེ་ཡང་ནི་སོ་སོར་རྟོག་པའི་ཡེ་ཤེས་ཀྱི་བདག་ཉིད་ཅན་ཏེ་འོད་དཔག་ཏུ་མེད་པའོ། །དེའི་རྡོ་རྗེ་ནི་འོད་དཔག་མེད་དེར་བྱིན་གྱིས་རློབ་ཅིང་ཞེས་པ་སྐྱེད་པར་བྱེད་པའི་མི་ཕྱེད་པའི་ངོ་བོ་ཉིད་ཀྱི་
སྔགས་ཏེ། དེ་སྐད་ཅེས་བྱ་བའི་ཏིང་ངེ་འཛིན་དེ་མངོན་སུམ་དུ་མཛད་ནས་གསུང་བྱིན་གྱིས་རློབ་པའི་སྔགས་གསུངས་པ་ནི། ཨོཾ་སརྦ་ཏ་ཐཱ་ག་ཏཱ་ཝཱ་ཀ་ནི་གསུང་ངོ༌། །བཛྲ་སྭ་བྷཱ་ཝ་ཨཱདྨ་ཀོ་ཧཾ་ཞེས་བྱ་བའོ།། ༈ དེ་ལྟར་བསྐྱེད་རིམ་པའི་
སྐུ་ལ་སོགས་པ་བྱིན་གྱིས་རློབ་པའི་སྔགས་བསྟན་ནས། ཡང་བྱིན་གྱིས་རློབ་ལུགས་དེ་གསལ་བར་བཤད་པར་བྱ་བའི་ཕྱིར། དེ་བཞིན་གཤེགས་པའི་ཞེས་བྱ་བ་ལ་སོགས་པ་གསུངས་༼སྐུ་དང་གསུང་གཉིས་ཀྱིས་མ་བཤད་པའི་ལྷག་མ་ནི་སྔར་
4-2-129b


བཤད་པའི་རིགས་པས་ཤེས་པར་ནུས་སོ། །༽ཏེ། མི་བསྐྱོད་པ་ལ་སོགས་པའི་ངོ་བོ་ཉིད་ནི་དེ་བཞིན་གཤེགས་པའོ། །ཉན་ཐོས་ལ་སོགས་པས་ཡོངས་སུ་མི་ཤེས་པས་ན་གསང་བའོ། །སྐུ་དང་གསུང་དང་ཐུགས་རྡོ་རྗེ་གང་ལ་ཡོད་པ་ཡིན་པ་གསུམ་པོ་དེ་ནི་རྡོ་རྗེ་གསུམ་
མོ། །རྡོ་རྗེ་གསུམ་གང་ལ་ཡོད་པ་དེ་གང་ཞེ་ན། གནས་ནི་ཞེས་པ་ནི་སྒྲུབ་པ་པོ་རང་གི་ལུས་ཏེ། རྒྱུ་མཚན་ནི་ལྷ་རྣམས་ཀྱི་འཁོར་༼འདིར་པ་ཚབ་དང་ཆག་འགྱུར་ལས། སྐུ་དང་གསུང་དང་ཐུགས་རྡོ་རྗེ་གསུམ་པོ་གང་ལ་ཡོད་པ་དེ་ནི་རྡོ་རྗེ་གསུམ་ཞེས་འབྱུང་བ་
ལེགས་སོ། །༽ལོ་དགོད་པའི་གཞིར་གྱུར་པའི་ཕྱིར་རོ། །གནས་ཀྱི་རྣམ་པར་བསྒོམ་ཞེས་བྱ་བ་ལ། གནས་ཀྱི་ཞེས་པའི་གནས་ནི་བྱིན་གྱིས་རློབ་བྱེད་ཀྱི་ལྷ་སྤྱན་འདྲེན་པའི་སྤྱན་མ་དང་ལ་སོགས་ཀྱིས་བསྡུས་པའི་གོས་དཀར་མོ་དང༌། མཱ་མ་ཀཱི་ཡི་
བཀོད་པ་སྟེ། ནམ་མཁའི་ཁམས་སུ་སྤྲོ་བ་གསུམ་པོ་སྟེ། དེ་གསུམ་གནས་སུ་འཇོག་པའི་རྒྱུ་མཚན་ནི་བདག་དང་གཞན་གྱི་དོན་ཕུན་སུམ་ཚོགས་པའི་གཞིར་གྱུར་པའི་ཕྱིར་རོ། །གནས་གསུམ་པོ་དེའི་རྣམ་པར་བསྒོམ་པར་བྱ་བ་ནི་ཡེ་ཤེས་པའི་སྐུ་རྡོ་རྗེ་ལ་སོགས་
པ་གསུམ་གྱི་ངོ་བོར་དམ་ཚིག་པའི་ལུས་ངག་ཡིད་གསུམ་བྱིན་གྱིས་བརླབ་པའི་ཕྱིར་སྤྱན་སོགས་གསུམ་ནམ་མཁའི་ཁམས་གང་དུ་སྤྲོས་པ་དེ་ཉིད་དོ། །སྔགས་ནི་མི་བསྐྱོད་པ་ལ་སོགས་པ་རིགས་གསུམ་སྟེ། གསུམ་པོ་
དེ་རྣམས་ཀྱིས་མཚོན་པ་གང་ཡིན་པ་དེ་ནི་སྔགས་ཀྱི་མཚན་གྱིས་ཏེ། ཨོཾ་ལ་སོགས་པའི་ཡི་གེ་གསུམ་མོ། །ཡི་གེ་གསུམ་པོ་དེས་རིམ་པ་བཞིན་དུ་མགོ་དང་ལྐོག་མ་དང་སྙིང་གའི་ཕྱོགས་སུ་སྒྲུབ་ཐབས་བཞིན་རྣམ་པར་བཀོད་པ་ནི། ཡི་གེ་གསུམ་པོ་དེས་
4-2-130a


ཤིན་ཏུ་མཚན་པའོ། །དེ་རྣམས་ཀྱི་དོན་བསྡུ་ན་རྡོ་རྗེ་གསུམ་གང་ལ་སྒོམ་པའི་རང་གི་ལུས་ཀྱི་གནས་གསུམ་དུ་ཡི་གེ་གསུམ་བཀོད་པ་ལས། སྤྱན་སོགས་གསུམ་སྤྲོས་ཏེ། རྡོ་རྗེ་གསུམ་གྱི་ལྷ་ཚོགས་བཀུག་སྟེ་བསྟིམས་ནས་སྔར་བཤད་མ་ཐག་པའི་
སྐུ་ལ་སོགས་པ་བྱིན་གྱིས་རློབ་པའི་སྔགས་དེ་དག་ཉིད་ཀྱིས་མཆོག་རབ་སྟེ། དམ་པ་གྱུར་པ་འདི་ཡིས་བསྒྲུབ་པ་ཉིད་དུ་བྱ་ཞིང་བྱིན་གྱིས་བརླབ་བོ་ཞེས་པ་སྟེ། དྲང་བའི་དོན་ཏོ།། ༈ རྫོགས་པའི་རིམ་པའི་རྣལ་འབྱོར་པ་རྣམས་ཀྱིས་
སྐུ་དང་གསུང་དང་ཐུགས་བྱིན་གྱིས་བརླབ་པའི་ཚུལ་༼པ་ཚབ་དང་ཆག་འགྱུར་ལས། ཀྱིས་ཞེས་པ་མི་འབྱུང་བ་ལྟར་དག་གོ། ༽བཤད་པའི་རྒྱུད་ལུང་སྟོན་ལས་བསྟན་པ་ལ་འཇུག་པར་བྱ་སྟེ། རྗེས་འཇུག་ལ་སྦྱར་ན། དབེན་གསུམ་སྔོན་དུ་སོང་ཞིང༌།༼
བྱིན་གྱིས་རློབ་པ་གསུང་བ་པོ་གསུམ་ནི། སྔོན་བྱུང་ལ་རིགས་གསུམ་ཡིན་ལ། རྗེས་འཇུག་ལ་སྒྱུ་ལུས་ཐོབ་པའི་སྐུ་གསུང་ཐུགས་ཀྱི་རིག་འཛིན་དང་རྗེས་གཞིག་སྒོམ་པ་པོ་གསུམ་མོ། །ཏིང་ངེ་འཛིན་གསུམ་ནི་འོད་གསལ་ལོ། །དེ་གསུམ་གྱིས་སྐུ་གསུང་ཐུགས་བྱིན་གྱིས་བརླབས་པའི་དོན་
ནི། ཟུང་འཇུག་པའི་རྡོ་རྗེ་གསུམ་དབྱེར་མི་ཕྱེད་པར་བསྐྱེད་པའོ། །དེར་བྱིན་གྱིས་རློབ་པའི་ཐབས་སྔགས་ཚན་གསུམ་ལ། ཚན་པ་དྲུག་ཏུ་བཅད་པ་དང༌། ཡང་ཚན་པ་གསུམ་དུ་བྱས་པའི་དོན་ལ་འཆད་ཚུལ་མང་ཡང་སྐབས་འདིར་ནི། རྣམ་གཞག་རིམ་པ་ནས་བསམ་གཏན་གཉིས་ཀྱིས་འོད་
གསལ་དུ་དངོས་སུ་ཞུགས་པ་ལ། ཤཱུ་ནྱ་ཏའི་སྔགས་དོན་དུ་གསུངས་ཤིང་། དེའི་ཤེས་བྱེད་དུ་སྔགས་དེ་ལ་ཚན་པ་དྲུག་ཏུ་བཅད་པའི་ལུང་སྟོན་གྱི་ལུང་དྲངས་པ་དང་འདྲ་བས། སྔགས་གསུམ་གའི་ངེས་དོན་དོན་གྱི་འོད་གསལ་ལ་བྱ་ཞིང་། དེ་ལ་ཡང་ཨོཾ་ཡིག་གིས་མཚོན་པའི་ཕུང་
4-2-130b


སོགས་འོད་གསལ་དུ་ཞུགས་པ་ངེས་དོན་གྱི་རྣམ་སྣང་དུ་བཤད་ཅིང༌། དེས་རིགས་ལྷག་མ་བཞི་ཡང་ཤེས་པར་བྱ་ལ། དེ་ལྔ་ག་ཡང་ཨ་ཧཾ་གི་དོན་དེ་བཞིན་གཤེགས་པ་དྲུག་པའི་རིགས་སུ་ཤེས་པར་བྱ་སྟེ། ངོ་བོ་གཅིག་ལ་ལྡོག་པ་ཐ་དད་ཀྱིས་ཕྱེ་བའོ། །སྔགས་ཚན་གསུམ་དུ་བཤད་པའི་དོན་ཡང་
སྐབས་སྟོབས་ཀྱིས་མི་འདྲ་བ་འགའ་ཡར་ལ་སྦྱོར་བ་ཡོད་ཀྱང༌། འདིར་ནི་འོད་གསལ་གྱི་རྡོ་རྗེ་གསུམ་དང་སྦྱར་ལ་བཤད་དོ། །༽སྒྱུ་ལུས་གྲུབ་པ་དེ་ནས་མི་མཐུན་ཕྱོགས་ཟིལ་གྱིས་གནོན་པའི་དཔའ་བོ་ཆེན་པོ་མི་བསྐྱོད་པའི་སྒོ་ནས་བསམ་གཏན་གཉིས་བསྒོམ་པས། 
སྐུ་དང་གསུང་དང་ཐུགས་ཀྱི་གསང་བ་པོ། །སྟེ། གསང་བ་ཞེས་བྱ་བའི་ཏིང་ངེ་འཛིན་འོད་གསལ་དུ་འཇུག་པའི་ཐབས་ལ་སྙོམས་པར་ཞུགས་ནས། །རང་གི་སེམས་ཟུང་འཇུག་པའི་ཐུགས་སུ་བྱིན་གྱིས་རློབ་པ་སྟེ། བསྐྱེད་པ་ཅེས་བྱ་བ་ཡི། །གསང་སྔགས་
དེ་ནི་བཀའ་སྩལ་པའི། སྔགས་དེའི་ངེས་པའི་དོན་ནི། ཨོཾ་ཞེས་བྱ་བ་རྣམ་སྣང་གི་རིགས་ཀྱི་ཕུང་སོགས་འོད་གསལ་དུ་ཞུགས་པའི་ཨོཾ་གྱི་ངེས་དོན་གྱི་རྣམ་སྣང་ནི་རིགས་དྲུག་གི་དང་པོ་ཡིན་ནོ། །རིགས་ལྷག་མ་བཞི་ལ་ཡང་དེ་བཞིན་དུ་སྦྱར་ལ། སརྦ་ཏ་ཐཱ་ག་ཏ་འོད་གསལ་གྱི་
རིན་འབྱུང་ནི་རིགས་དྲུག་གི་གཉིས་པའོ། །ཙིཏྟ་འོད་གསལ་གྱི་འོད་དཔག་མེད་ནི་ཡོན་ཏན་ཞེས་པ་ནི་རྡུལ་མུན་སྙིང་སྟོབས་ཀྱི་ཡོན་ཏན་གསུམ་ཡོངས་སུ་བརྟག་གོ། བཛྲ་འོད་གསལ་གྱི་དོན་གྲུབ་ནི་གཉིས་གཉིས་དང་ལྡན་པ། །སྟེ། རིགས་བཞི་པའོ། །སྭ་བྷཱ་ཝ་
ཨདྨ་ཀོ་འོད་གསལ་གྱི་མི་བསྐྱོད་པ་ནི་རིགས་ལྔ་པའོ། །རིགས་ལྔ་ག་ཚོགས་པའི་འོད་གསལ་ཨ་ཧཾ་ཞེས་པ་ནི་རིགས་དྲུག་པ་སྟེ། །འོད་གསལ་གྱི་རྡོ་རྗེ་འཆང་ངོ་། །རིགས་དྲུག་གི་སྐུ་སྟེ། ངོ་བོ་ཉིད་དྲུག་ཀྱང་། རྡོ་རྗེ་གསུམ་པའི་མིང་ཅན་ནོ། །༼དེ་དང་པོ་གཉིས་
4-2-131a


སྐུ་རྡོ་རྗེ་དང་། བར་པ་གཉིས་གསུང་རྡོ་རྗེ་དང༌། ཐ་མ་ཐུགས་རྡོ་རྗེ་སྟེ། འོག་མ་ཡང་དེ་བཞིན་དུ་ཤེས་པར་བྱའོ།། ༈ དེ་ནས་དཔལ་ལྡན་རྣམ་སྣང་མཛད། །རྡུལ་བྲལ་རྡོ་རྗེ་ཞེས་བྱ་བའི། །ཏིང་ངེ་འཛིན་ལ་སྙོམས་ཞུགས་ནས། །སྐུ་ནི་བྱིན་
གྱིས་རློབ་པ་གསུངས། །ཨོཾ་ཞེས་བྱ་བའི་ངེས་དོན་གྱི་འོད་གསལ་ནི་མེས་ཞིག་རྗེས་སུ་བཅུད་ཆགས་པའི་༼ཞེས་པ་འདི་དང་འོག་མ་གཉིས་སྔར་བཤད་པ་དང་འདྲ། རྣམ་སྣང་དང་འོད་དཔག་མེད་གཉིས་ནི་སྒྱུ་ལུས་པས་དེ་གཉིས་སུ་བསྒོམ་པའོ། །༽ཐོག་མར་ཚངས་པ་
བྱུང་བས་ཚངས་པ་སྟེ། རིགས་དྲུག་གི་དང་པོར་བཤད། །སརྦ་ཏ་ཐཱ་ག་ཏ་ནི་གཉིས། །པའོ། །ཀཱ་ཡ་ཆགས་གཏོགས་དབང་ཕྱུག་ཅེས་པ་དབང་ཕྱུག་ལ་མིག་གསུམ་ཡོད་པས་གསུམ་གྱི་བརྡའོ་སྟེ། །བ་ནི་རིག་བྱེད་བཞིའི་བརྡ་ཡིན་པས། བཞི་པ་ཡིན་
པར་བསྒྲགས་སོ། །སྭ་བྷཱ་ཝ་ཨཱདྨ་ཀོ་ནི་འདོད་པའི། །ཡོན་ཏན་ལྔ་ཞེས་པ་ལྔ་པའོ། །ཨ་ཧཾ་སྐེམ་བྱེད་ལ་གདོང་དྲུག་ཡོད་པས་རིགས་དྲུག་པ་ཅེས་བརྗོད་དེ། །འོད་གསལ་གྱི་ཆོས་དྲུག་ལ་དགོངས་པ་ཡིས་ནི་སྟེ། དགོངས་ནས་སྔགས་ཚན་དྲུག་ཏུ་ཡང་དག་༼
རིག་བྱེད་བཞི་ནི། མཆོད་སྦྱིན་དང༌། སྙན་དངགས་དང༌། ངེས་བརྗོད་དང༌། སྲིད་སྲུང་གི་རིག་བྱེད་དོ། །༽པར་བརྟགས་སོ། །དེ་འདྲ་བའི་ངེས་དོན་གྱི་དབྱེ་བ་ནི་ཤེས་རབ་ཅན་གྱིས་དབྱེ་བས་དབྱེ་བསྟེ། ཕྱེ་བར་ཤེས་པར་བྱའོ།། ༈ དེ་ནས་ཚེ་དཔག་
མེད་ཅེས་པ། །ཀུན་ཏུ་མི་གཉིས་རྡོ་རྗེ་ཅན། །ཏིང་ངེ་འཛིན་ལ་སྙོམས་ཞུགས་ནས། །གསུང་ནི་བྱིན་གྱིས་རློབ་པ་གསུངས། །ཨོཾ་ནི་དང་པོར་བསྒྲགས་པ་ཡིན། །སརྦ་ཏ་ཐཱ་ག་ཏ་ནི་གཉིས། །ཝཱཀ་ནི་ཡོན་ཏན་གསུམ་དུ་གྱུར། །བཛྲ་ནི་དབྱར་
4-2-131b


དགུན་སྟོན་དཔྱིད་ཀྱི་དུས་ཀྱི་མིང་ཅན་རིགས་བཞི་པ་ཡིན། །སྭ་བྷཱ་ཝ་ཨཱདྨ་ཀོ་ནི་འདོད་པ་སྟེ། ལྔ་པའོ། །ཨ་ཧཾ་ཞེས་པ་ནི་དགུན་སྟོད་དགུན་སྨད་གཉིས། དཔྱིད་དང་སོ་ཀ་གཉིས། དབྱར་དང་སྟོན་གྱི་དུས་སུ་བཤད། །པ་སྟེ། དྲུག་པའོ། སྔར་བཤད་པ་དེ་ལྟར་ཡང་དག་
པ་སྟེ། ཕྱིན་ཅི་མ་ལོག་པར་བཤད་པའི་སྔགས་གསུམ་ཅར་གྱི། །རེ་རེ་ཞིང་ཡང་སྔགས་ཚན་དྲུག་དང་གསུམ་གསུམ་དུ་བཤད་པའི། །མ་བཤད་པ་རྣམས་ཀྱི་ལྷག་མ་ནི་ཐུགས་བྱིན་རློབ་ཀྱི་སྔགས་ལ་བཤད་པའི་རིགས་པས་ཤེས་པར་བྱའོ། །དང་པོར་ཐུགས་
དང་དེ་ནས་སྐུ་དང་དེ་བཞིན་དུ་སྟེ། དེ་ནས་གསུང་། །བྱིན་གྱིས་བརླབས་པའི་རིམ་པའོ། །བྱིན་གྱིས་རློབ་པ་གསུམ་གྱི་གོ་རིམ་ནི་སྐབས་འདིར་རིམ་པ་མིན་པས་རྩ་རྒྱུད་ལས་གསུངས་སོ། །དེ་གང་ཞེ་ན། དེ་འདྲ་བའི་འོད་གསལ་གྱི་རྡོ་རྗེ་གསུམ་དང་། དེ་རེ་རེ་ལ་གཉིས་
གཉིས་སུ་ཕྱེ་བ་ཞེས་བྱ་བའི་དོན་གྱི་འོད་གསལ་དུ་ཞུགས་པ་ལས། །ཟུང་འཇུག་གི་སྐབས་ཀྱི་རིགས་ཐམས་ཅད་ཀྱི་བདག་པོ་རྡོ་རྗེ་འཆང་ཆེན་པོའི་ཆོས་ཅན་གཅིག་ཏུ་བྱུང་། །དེར་བྱུང་ཚུལ་ནི་ཆོས་རྡོ་རྗེ་གསུམ་ཐ་དད་དུ་འབྱུང་བ་དེ་ཆོས་ཅན་ཟུང་འཇུག་གི་སྐུ་གསུང་ཐུགས་དབྱེར་
མི་ཕྱེད་པར་གྱུར་པའོ། །ཞེས་བྱ་བའོ།། ༈ རྡོ་རྗེ་གསུམ་པོ་དེ་བཞིན་གཤེགས་པའི་གསང་། །ཞེས་བྱ་བ་ངེས་དོན་དུ་བཤད་པ་ལ། རྡོ་རྗེ་གསུམ་ནི་སེམས་དབེན་གྱི་ཡེ་ཤེས་གསུམ་མོ། །ཡེ་ཤེས་གསུམ་པོ་དེ་ཇི་ལྟ་བུ་ཞེ་ན། དེ་བཞིན་གཤེགས་
པའི་སྟེ། དེ་ནི་རླུང་རྣམ་ཤེས་ལ་ཐིམ་པ་ལས་བྱུང་བས་དེ་བཞིན་གཤེགས་པ་རྣམས་ཀྱི་ངོ་བོ། རླུང་འོད་ཟེར་ལྔ་པ་ལས་བྱུང་བའོ། །གསང་བ་ནི་བསྐྱེད་པའི་རིམ་པ་ལ་གནས་པའི་རྣལ་འབྱོར་པའི་སྤྱོད་ཡུལ་མ་ཡིན་པའི་ཕྱིར་རོ། །གནས་ནི་གནས་
4-2-132a


ཀྱིས་རྣམ་པར་བསྒོམ་པར་བྱ་ཞེས་བྱ་བ་ལ། གནས་ནི་དོན་དམ་པའི་བདེན་པ་འོད་གསལ་སྟེ། རྣམ་པར་ཤེས་པ་གསུམ་གྱི་ཐིམ་པ་དང་། སྐྱེ་བའི་གནས་སུ་གྱུར་པ་ཡིན་པའི་ཕྱིར་རོ། །གནས་ཀྱིས་ཞེས་པ་ནི་ཀུན་
རྫོབ་ཀྱི་བདེན་པ་སྒྱུ་མའི་སྐུ་སྟེ། གང་གི་ཕྱིར་སྒྱུ་ལུས་དེ་རྣམ་པར་བསྒོམ་ཞིང༌རྒྱུད་ལ་སྐྱེད་པར་གྱུར་པ་དེ་ནི་འོད་གསལ་གྱི་ཡེ་ཤེས་བསྐྱེད་པས་གནས་སུ་རྣམ་པར་བསྒོམ་པར་བྱ་བས་གནས་ཞེས་བྱ་སྟེ། དོན་དམ་པའི་བདེན་པ་འོད་གསལ་
མངོན་དུ་འགྱུར་བ་དེ་ཉིད་ཀྱི་ཁྱད་པར་རོ། །དེ་ལྟར་སྔར་བཤད་མ་ཐག་པ་དེ་དག་གིས་མཆོག་རབ་སྟེ་སྟོང་པ་ཉིད་བཞི་པོ་སྣང་མཆེད་ཐོབ་གསུམ་འོད་གསལ་དང་བཅས་པའོ། །སྔགས་ནི་ཟུང་འཇུག་པའི་དེ་བཞིན་གཤེགས་པ་རྣམས་སོ། །༼
འདིར་པ་ཚབ་ཀྱི་འགྱུར་ལས། རྡོ་རྗེའི་སྐུ་ནི་རབ་མཆོག་སྟོང་པ་བཞི་པོ་བཤད་མ་ཐག་པ་འདི་དག་གིས་ནི་བསྒྲུབ་པར་བྱ་སྟེ་ཞེས་འབྱུང་བ་ལྟར་བདེའོ། །༽དེ་བཞིན་གཤེགས་པ་དེ་རྣམས་ཀྱི་སྐུ་ཡི་མཚན་ཉིད་ནི་ཤིན་ཏུ་ཕྲ་བའི་རླུང་འོད་ཟེར་ལྔའི་རང་བཞིན་འཇའ་ཚོན་ལྟ་
བུའི་སྐུ་སྟེ། སྔགས་ཀྱི་མཚན་པ་སྟེ། མཚན་ཉིད་དེས་མཚན་ཅིང་སྟེ། མཚོན་པར་བྱས་པའོ། །དེ་འདྲའི་ཐོབ་བྱའི་ཡུལ་དུ་གྱུར་པའི་རྡོ་རྗེའི་སྐུ་བསྒྲུབ་པ་ཉིད་དུ་བྱ་ཞིང་སྟེ་བསྐྱེད་པར་བྱའོ་ཞེས་པ་སྟེ། ངེས་པའི་དོན་ཏོ།། ༈ དེ་ལྟར་བདག་ལ་
སྐུ་བྱིན་གྱིས་བརླབ་པ་ལ་སོགས་པ་གསུམ་བྱས་ནས། རྗེས་ཆགས་ཀྱི་སྦྱོར་བ་སྟོན་པ་ལ་ཡང་དྲང་ངེས་གཉིས་སུ་བྱའོ། །བསྐྱེད་རིམ་ལ་ཕྱག་རྒྱ་རིགས་ངེས་པ་དགོས་པས། མི་བསྐྱོད་པ་ལ་སོགས་པའི་རང་གི་རིགས་ཀྱི་ཡུམ་དངོས་སམ་ཡེ་ཤེས་ཀྱི་ཕྱག་རྒྱ་
4-2-132b


དང་། རྫོགས་རིམ་པ་ལ་ཕྱག་རྒྱའི་རིགས་ངེས་པ་མི་དགོས་པས། རིགས་གང་ཡང་རུང་བའི་ཡུམ་དངོས་སམ། ཡེ་ཤེས་ཀྱི་ཕྱག་རྒྱ་བསྐྱེད་པ་ལ་རིགས་ལྔ་ལ་སོགས་པ་དགོད་པ་སྒྲུབ་ཐབས་བཞིན་ར་བྱས་ལ། ཡབ་ཡུམ་གཉི་གའི་ལུས་ལ་བཀོད་པའི་ལྷའི་འཁོར་
ལོ་རྗེས་སུ་མཉེས་པར་བྱེད་པའི་གསང་སྔགས་བསྟན་པའི་ཕྱིར། དེ་ནས་ཞེས་བྱ་བ་ནས་ལ་སོགས་པས་བསྡུས་པ་ཀོ་ཧཾ་ཞེས་པའི་བར་རྣམས་གསུངས་ཏེ། དེ་ནས་བཅོམ་ལྡན་འདས་དང་དཀོན་མཆོག་སྟེ། རིན་ཆེན་དབལ་དང་ཡེ་ཤེས་སྒྲོན་མ་
ཞེས་བྱ་བ་ལ་སོགས་པའི་དོན་ནི་ལེའུ་དང་པོའི་འགྲེལ་པར་བཤད་ཟིན་ཏོ། །སྔོན་བྱུང་གི་དཀོན་མཆོག་དབལ་ནི་རྗེས་འཇུག་ལ་བསྐྱེད་རིམ་གྱི་སྒྲུབ་པ་པོས། རིན་འབྱུང་གི་ང་རྒྱལ་དུ་བྱས་ལ་ཨོཾ་སརྦ་ཏ་ཐཱ་ག་ཏ་ཨ་ནུ་ནི་རྗེས་སུའོ། །རཱ་ག་ཎ་ནི་ཆགས་པའོ། །བཛྲ་སྭ་
བྷཱ་ཝ་ཨཱདྨ་ཀོ་ཧཾ་ཞེས་བྱ་བ་འདི་བརྗོད་ནས་རང་གི་ཡུམ་ལ་འཁྱུད་པ་དང་ལ་སོགས་པས་ཙུམ་བྷ་ན་ནས་ལས་ལ་གནས་པའི་བར་བཟུང་སྟེ། འདིའི་འོག་ཏུ་སྙོམས་པར་ཞུགས་པའི་འོག་ཏུ་མཆོད་པའི་སྔགས་བསྟན་ཞེས་འབྱུང་བས་སོ། །རྫོགས་རིམ་པས་ཕྱག་རྒྱ་དང་
སྙོམས་པར་ཞུགས་པ་ལས། སྟོང་པ་བཞི་བསྐྱེད་པའི་འོད་གསལ་གྱི་ཡེ་ཤེས་ཀྱི་སྟེང་ནས་ངེས་པའི་དོན་ཤེས་པར་བྱའོ།། ༈ ཡབ་ཡུམ་སྙོམས་པར་ཞུགས་པའི་ལས་ལ་གནས་པའི་འོག་ཏུ་རང་གི་ལུས་ལ་བསྒོམས་པ་ལ་སོགས་པའི་དེ་བཞིན་
གཤེགས་པ་ཐམས་ཅད་མཆོད་པར་བྱེད་པའི་སྔགས་བསྟན་པའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་ནས་སྔོན་བྱུང་ལ་མཆོད་སྔགས་གསུང་བ་པོ་བཅོམ་ལྡན་འདས་གྲུབ་པ་རྡོ་རྗེ་གདོན་མི་ཟ་བ་ཞེས་བྱ་བ་ལ་སོགས་
4-2-133a


པ་འདི་དག་གི་དོན་ཡང་སྔར་བཤད་ཟིན་ཏོ། །མཆོད་སྔགས་ནི་ཨོཾ་སརྦ་ཏ་ཐཱ་ག་ཏ་པཱུ་ཛཱ་ནི་མཆོད་པ་སྟེ། ལྷག་མ་ནི་སྔར་བཞིན་ནོ། །བཛྲ་སྤཱ་བྷཱ་ཝ་ཨཱདྨ་ཀོ྅ཧཾ། ཞེས་བྱ་བའོ། །བཤད་མ་ཐག་པའི་སྙོམས་འཇུག་གི་ཆོ་ག་བདེ་བས་
རྒྱས་པ་དེ་ཉིད་ཀྱིས་སྒོ་ནས། རིམ་པ་གཉིས་ཀྱི་སྔགས་པས་རྟག་ཏུ་གནས་པར་བྱའོ། །ཕྱག་རྒྱ་ལ་བརྟེན་ནས་བདེ་བ་ཆེན་པོ་བསྐྱེད་པ་དེ་ཉིད་ལ་ངེས་པ་བརྟན་པར་བྱ་བ་བསྐྱེད་པའི་ཕྱིར། དུས་རྟག་ཏུ་རིག་མའི་འདོད་པའི་ཡོན་ཏན་ལྔ་སྤྱི་དང་ཁྱད་པར་དུ་སྙོམས་
འཇུག་གི་རེག་བྱ་ལ་སྤྱོད་པས། སངས་རྒྱས་རྣམས་ཚུལ་བཞིན་ཏེ། ཕྱིན་ཅི་མ་ལོག་པར་མཆོད་པར་བྱ་ཞེས་བྱ་བ་རྒྱུད་འདི་ལས་གསུངས་སོ།། ༈ བསྐྱེད་རིམ་པའི་འདོད་ཡོན་ལྔའི་མཆོད་པ་བསྟན་པར་མ་ཟད་རྫོགས་པའི་རིམ་པ་ལ་གནས་པའི་རྣལ་
འབྱོར་པ་རྣམས་ཀྱི་ཡང་མཆོད་པའི་ཆོ་ག་གཞན་དག་ངེས་པར་བསྟན་པར་བྱ་བའི་ཕྱིར། མཆོད་པ་རྣམ་༼དེ་ནི་སྙོམས་འཇུག་གི་འོག་ཏུ་སྔགས་བརྗོད་ནས་ང་རྒྱལ་འཛིན་པའི་རིམ་པ་དང་པོའི་མཆོད་པའོ། །༽པ་ལྔ་ཞེས་བྱ་བ་ལ་སོགས་པ་གསུངས་ཏེ། 
མཆོད་པ་ལྔ་ནི་པ་ཨུ་པ་ཧ་ར་ཞེས་པ་ལ་ཨུ་པ་ཧྲི་ཡ་ན་ཏི་ཞེས་པ་ཉེ་བར་འཕྲོག་པ་དང་ཉེ་བར་སྡུད་པ་དང་ཅིང་ཨུ་པ་ལེ་ཡནྟེ་ཞེས་པ་ཞུ་བར་གྱུར་པས་ན་མཆོད་པ་སྟེ། དེ་བཞིན་གཤེགས་པ་གང་ལ་ཡེ་ཤེས་ལྔའི་མཆོད་པ་རྣམ་པ་ལྔ་ཡོད་པ་དེ་ནི་
མཆོད་པ་རྣམ་པ་ལྔ་རྣམས་ཏེ། ༼ཞེས་པ་འོད་གསལ་གྱི་དེ་བཞིན་གཤེགས་པ་༼ལ་འཐུག་གོ། འདོད་ཡོན་ལྔ་དང་མིག་སོགས་ལྔ་འོད་གསལ་དུ་སྡུད་པ་དང་ཞུ་བ་སྟེ་ཐིམ་པའི་ཡེ་ཤེས་ལྔའོ། །༽དྲུག་པའོ། །༽དྲུག་པོ་དེའི་མཆོད་པ་ནི་རྣམ་སྣང་ནས་མི་བསྐྱོད་པའི་བར་
4-2-133b


གྱི་དེ་བཞིན་གཤེགས་པ་ལྔའི་ངོ་བོ་ཉིད་ནི་རིམ་པ་བཞིན་དུ་མེ་ལོང་ལྟ་བུ་ནས་ལ་སོགས་པས་བསྡུས་པ་ཆོས་དབྱིངས་ཡེ་ཤེས་ཀྱི་བར་འོད་གསལ་གྱི་ཡེ་ཤེས་ལྔ་མངོན་དུ་བྱེད་པའི་རྒྱུར་གྱུར་པ་དབང་པོ་དང་ཡུལ་རྣམས་འོད་གསལ་དུ་སྡུད་པའི་ཐབས་
རྣམས་ཀྱིས་དོན་གྱི་འོད་གསལ་བ་མངོན་སུམ་དུ་གྱུར་པའི་ཚུལ་གྱིས་རྟོགས་པ་སྟེ། མཆོད་པ་དེ་རྣམས་ཀྱིས་སངས་རྒྱས་ཉིད་དེ་སྐུ་གསུམ་གྱི་བདག་ཉིད་ཅན་གྱི་བདེ་བར་གཤེགས་པའི་གོ་འཕང་མྱུར་ཞིང་མགྱོགས་པར་ཚེ་འདི་ཉིད་ལ་ཐོབ་
པར་འགྱུར་བའོ། །དེ་ལྟར་མཆོད་པ་རྣམ་པ་གཉིས་སྨོས་པས་ཏེ་གསུངས་སོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་རྡོ་རྗེ་འཆང་ཆེན་པོས་རྫོགས་རིམ་པའི་མཆོད་པའི་ཆོ་ག་འདི་༼
ཞེས་པ་ནི་རྫོགས་རིམ་པའི་མཆོད་པའོ། །༸འདིར་པ་ཚབ་ཀྱི་འགྱུར་ལས། དེ་ལྟར་མཆོད་པ་རྣམ་པ་གཉིས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ་རྡོ་རྗེ་འཆང་ཆེན་པོས་གསུངས་སོ། །ཞེས་འབྱུང་བ་རྒྱུད་ཚིག་དང་མཐུན་ནོ། །
༼ཉིད་གསལ་བར་བྱ་བའི་ཕྱིར་བཤད་པའི་རྒྱུད་ལུང་སྟོན་ལས་གསུངས་པ། གཟུགས་དང་སྒྲ་དང་དྲི་དང་རོ། །རེག་བྱ་དང་ནི་ཆོས་ཀྱི་ཁམས་ཏེ། །ཡུལ་དྲུག་དང༌། མིག་ལ་སོགས་པའི་ཡུལ་ཅན་གྱི་ཁམས་དྲུག་པོ་དེ་དག་དངོས་པོ་
མེད་པ་འོད་གསལ་དུ་འཇུག་པར་བྱས་པ་ནི། །སངས་རྒྱས་མཆོད་པ་བླ་ན་མེད་པ་དེའོ། །དེ་འདྲ་བའི་མིག་དང་སོགས་པས་དབང་པོ་ལྷག་མ་དང་ཡུལ་རྣམས་འོད་གསལ་དུ་ཞུགས་པའི་ཡེ་ཤེས་ལས་མཉམ་ལངས་ཀྱི་དུས་སུ་བྱུང་བའི། །
4-2-134a


གཟུགས་སྒྲ་ལ་སོགས་པའི་ཡུལ་ལྔ་ལ་ཐོགས་མེད་དུ་འཇུག་པའི་མངོན་ཤེས་ལྔས་ནི་མཛེས་པར་བྱས་པའི། །མཆོད་པ་བཟང་པོར་བཤད་པའི་འོད་གསལ་གྱི་ཡེ་ཤེས་འདིས། །བྱང་ཆུབ་མྱུར་དུ་སྟེ། ཚེ་འདི་ཉིད་ལ་འཐོབ་
པར་འགྱུར། །ཞེས་བྱ་སྟེ། དགོངས་པས་བཤད་པའོ།། ༈ དེ་ལྟར་ཕྱི་བསྐྱེད་རིམ་དང་ནང་གི་སྟེ་རྫོགས་རིམ་ཀྱི་མཆོད་པ་རྣམ་པ་གཉིས་བསྟན་ནས། རྫོགས་པའི་རིམ་པ་དང་བྲལ་བའི་བསྐྱེད་རིམ་གྱིས་བྱང་ཆུབ་མྱུར་དུ་
སྟེ། ཚེ་འདི་ཉིད་ལ་འཐོབ་པར་མི་འགྱུར་རོ་ཞེས་བསྟན་པའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ༼ཞེས་པ་འདིས་ནི་རྒྱུད་སྡེ་འོག་མ་གསུམ་གྱི་ལམ་གྱིས་ཀྱང་སྙིགས་དུས་ཀྱི་ཚེ་གཅིག་ལ། བླ་ན་མེད་པའི་བྱང་ཆུབ་འགྲུབ་པ་བཀག་སྟེ། དེ་གསུམ་ལ་
བླ་མེད་ཀྱི་བསྐྱེད་རིམ་འཁོར་བཅས་ལས་ལྷག་པའི་ལམ་མེད་པའི་ཕྱིར་རོ། ༽རྡོ་རྗེ་འཆང་ཆེན་པོས་དེ་བཞིན་གཤེགས་པ་ཐམས་ཅད་ཀྱི་སྔགས་ཞེས་པ་ནི། དེ་ནི་དེ་ཙམ་དུ་མ་ཟད་དེ་བཞིན་གཤེགས་པ་ཐམས་ཅད་ཀྱི་སྐུ་དང་དེ་བཞིན་གཤེགས་པའི་
གསུང་ཡིན་ལ་དང་ཐུགས་གཉིས་ཀྱང་ཉེ་བར་༼འདིར་པ་ཚབ་ཀྱིས། དེ་བཞིན་གཤེགས་པ་ཐམས་ཅད་ཀྱི་སྔགས་ཏེ་དེ་བཞིན་གཤེགས་པ་ཐམས་ཅད་ཀྱི་གསུང་དང༌། སྔགས་ནི་ཉེ་བར་མཚོན་པའི་ཕྱིར་སྐུ་དང་ཐུགས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དེ་དག་
གི་གསང་བ་སྟེ། རྣམ་པར་དག་པ་ཞེས་བསྒྱུར་བ་ལྟར་བདེའོ། །༼མཚོན་པའི་སྔགས་ཡིན་ཏེ། དེ་བཞིན་གཤེགས་པ་དེ་དག་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་རྣམ་པར་དག་པ་འོག་ནས་བཤད་པ་འདི་གསུངས་པའོ། །
4-2-134b


༈ སྔགས་ལ་དམིགས་པའི་ཞེས་བྱ་བ་ལ་སོགས་པ་ལ། སྔགས་བཏུ་བའི་གཞི་ནི་ཨཱ་ལི་བཅུ་དྲུག་དང༌། ཀཱ་ལི་སོ་བཞིའམ། སོ་གསུམ་ལས་བྱུང་བའི་སྔགས་རྣམས་ཏེ། དེ་ཡང་འགོར་ཨོཾ་དང་མཐར་སྭཱཧཱ་ཡོད་པའི་སྔགས་སྦྲུལ་༼
འདིར་པ་ཚབ་ཀྱིས་བསྒྱུར་བའི་རྒྱུད་ལས། སྔགས་ལ་ངེས་རྟོག་ལུས་ཀྱིས་ནི། །ངག་གིས་ཡིད་ལ་བསྐུལ་གྱུར་པས། །བསྒྲུབ་བྱ་རབ་མཆོག་དངོས་གྲུབ་དང༌། །ཡིད་ནི་དགའ་དང་མགུ་བ་འོ། །ཞེས་འབྱུང་བ་དང༌། འགྲེལ་པའི་འགྱུར་ཡང་ཤིན་ཏུ་ལེགས་སོ། །དེ་ལྟར་བྱས་ན་ལུས་ཀྱིས་བསྒྲུབས་
པའི་སྔགས་ལ་ངེས་རྟོག་གི་ངག་གིས་ཞེས་པར་འགྱུར་རོ། །༼ཞེས་པ་དང་ལ་སོགས་པས་བསྡུས་པ་འགོར་ཨོཾ་ཡོད་ལ་མཐར་སྭཱཧཱ་མེད་པ་ནི་མཐའ་མེད་དང༌། དེ་ལས་བཟློག་པའི་སྔགས་འགོ་མེད་དང༌། འགོར་ཨོཾ་དང༌། མཐར་སྭཱཧཱ་མེད་པའི་སྔགས་བཏུས་
པའི་ངོ་བོ་ཉིད་ཡིན་ལ། བཟླས་པའི་སྔགས་བཞི་པོ་དེ་རྣམས་ནི་བུད་མེད་ཨཱ་དང་སྐྱེས་པ་ཨོཾ་དང་མ་ནིང་ཧཱུཾ་ཉིད་ཀྱིས། ཡི་གེ་གསུམ་གྱི་གཞིར་གྱུར་པས་ཏེ། འདུས་པས་བཟླས་བྱའི་སྔགས་རྣམས་ནི་ཡི་གེ་གསུམ་སྟེ། དེ་
རྣམས་ཀྱི་ངོ་བོ་ཉིད་ནི་འཇུག་པ་ཨོཾ་དང་གནས་པ་ཨཱཿདང་ལྡང་བ་ཧཱུཾ་གི་གདངས་ཀྱི་འི་ངོ་བོ་༼སྔགས་ཐམས་ཅད་ཡི་གེ་གསུམ་དུ་འདུ་བའི་རྒྱུ་མཚན་ནི། སྔགས་ཀྱི་ལྷ་ཐམས་ཅད་རྡོ་རྗེ་གསུམ་གྱི་རིགས་སུ་འདུ་བའི་གནད་ཀྱིས་ཡིན་ནོ། །༽ཉིད་ཀྱིས་
ཡོངས་སུ་ཤེས་པ་ནི་སྔགས་ལ་དམིགས་པའོ། །རྡོར་བཟླས་དེ་ལ་ལུས་ཞེས་བྱ་བ་ལ་ལུས་རྣམ་པར་དབེན་པ་སྔོན་དུ་འགྲོ་བས་རྡོ་རྗེ་བཟླས་པ་ངག་རྣམ་པར་དབེན་པའི་སྒྲུབ་པར་ཏེ། སྒྲུབ་བྱེད་དུ་གྱུར་པས། ངག་དབེན་སྒྲུབ་པའི་ཕུང་སོགས་དེ་བཞིན་
4-2-135a


གཤེགས་པ་ལྔ་ལ་སོགས་པར་བློས་སྤྲུལ་པའི་ལུས་དབེན་དང༌། ངག་གིས་ཅེས་བྱ་བ་རྡོ་རྗེ་བཟླས་པས་ཉེ་བར་མཚོན་པའི་ཐབས་ཀྱིས་ཡིད་ཅེས་བྱ་བ་ནི་རང་གི་སྙིང་གར་ཆོས་ཀྱི་འཁོར་ལོའི་དྷུ་ཏཱིའི་ནང་དུ་གནས་༼
ཞེས་ཏེ་འོག་གི་རིམ་པ་བཞི་རྡོར་བཟླས་ཀྱིས་སྒྲུབ་པ་དེ། ལུས་དབེན་སྔོན་དུ་བཏང་བའི་རྡོར་བཟླས་ཀྱིས་ཡིན་གྱི། རྡོར་བཟླས་རྐྱང་པས་མིན་ཞེས་པའོ། །༼པའི་རྡོ་རྗེ་སེམས་དཔའ་སྟེ། དེ་མཚོན་པའི་མི་ཤིགས་པ་སྔགས་ཀྱི་ཐིག་ལེ་ཡི་གེ་དང་བཅས་པ་བསྐུལ་ཞིང་། 
ཞེས་པ་དེ་ལས་རླུང་ལྡང་འཇུག་གནས་གསུམ་སྔགས་དང་སྦྱོར་བ་ཇི་ལྟ་བ་བཞིན་དུ་ཡོངས་སུ་ཤེས་པས་ཡུལ་དུ་བྱས་ཏེ། རྡོ་རྗེ་བཟླས་པ་བྱེད་པའོ། འདིར་པ་ཚབ་ཀྱི་འགྱུར་ལས། ཡིད་ལ་བསྐུལ་བས་བསྒྲུབ་པར་བྱ་ཞེས་བྱ་བ་ལ། རྣལ་འབྱོར་པའི་རྒྱུད་
ལ་འཆད་པར་འགྱུར་བའི་སེམས་དབེན་ལ་སོགས་པའི་གནས་སྐབས་བཞི་པོ་རྣམས་བསྒྲུབ་པར་བྱའོ། །ཞེས་པའི་དོན་ནོ། །བསྒྲུབ་བྱ་བཞི་པོ་དེ་རྣམས་གང་ཞེ་ན། རབ་མཆོག་ཅེས་བྱ་བ་ལ་སོགས་པ་གསུངས་ཏེ། རབ་མཆོག་གི་དོན་ནི་མཆོག་ཏུ་བྱུང་བ་སེམས་རྣམ་པར་དབེན་
པའི་མཚན་ཉིད་དེ། གང་ལས་མཆོག་ཏུ་བྱུང་ན་རྡོ་རྗེ་བཟླས་པའི་རིམ་པ་བས་ལྷག་པའི་ཕྱིར་རོ། །དངོས་གྲུབ་ཅེས་བྱ་བ་ནི་རིམ་པ་གསུམ་པ་བདག་ལ་བྱིན་གྱིས་བརླབ་པའི་མཚན་ཉིད་ཅན་ཕྱག་རྒྱ་ཆེན་པོ་སྒྱུ་མའི་སྐུའོ། །ཡིད་དགའ་བར་བྱེད་པས་ན་ཡིད་དགའ་བ་སྟེ་༼ཞེས་པ་ནི་
འདི་ཡིད་དགའ་བྱེད་ཀྱི་བྱེད་པ་ཡིན་གྱི། དགའ་བའི་ལས་སུ་བྱ་བ་ལ་མི་བྱ་བའི་དོན་ནོ། །༼ཕྱག་རྒྱ་ཆེན་པོ་སྒྱུ་མའི་སྐུ་རྣམ་པར་དག་པ་ཡིན་པའི་ཕྱིར་རོ། །དག་པ་དེ་གང་ཞེ་ན། དོན་དམ་པའི་བདེན་པ་དང༌། ཡུལ་ཅན་གཉིས་རོ་གཅིག་ཏུ་ཞུགས་པའི་འོད་གསལ་བའོ། །མགུ་བ་ནི།
4-2-135b


ཡིད་དུ་འོང་བས་སྟེ། དེ་ཡང་སྲིད་པ་སྟེ། དག་པའི་སྒྱུ་མའི་སྐུ་དང་སྤྲོས་པ་ཞི་བའི་མཚན་ཉིད་དེ། ངོ་བོ་ཉིད་འོད་གསལ་གྱི་ཡེ་ཤེས་དང་རོ་གཅིག་པའི་ཟུང་འཇུག་རྡོ་རྗེ་འཆང་ཆེན་པོའི་སྐུ་སྟེ། བཞི་པོ་དེ་བསྒྲུབ་པར་བྱའོ་ཞེས་འབྱུང་ངོ༌། །༼ཡིད་ནི་དགའ་ཞིང་ཞེས་བྱ་བ་ནི། ཡིད་
ཡང་དག་པར་དགའ་བར་གྱུར་པ་སྟེ་ཕྱག་རྒྱ་ཆེན་པོ་རྣམ་པར་དག་པར་བྱེད་པའི་ཕྱིར་རོ། །དེ་གང་ཡིན་ཞེ་ན། དོན་དམ་པའི་བདེན་པའོ། །མགུ་བ་ཡིས་ཞེས་བྱ་བ་ནི། སྲིད་པ་དང་ཞི་བ་རོ་གཅིག་པའི་མཚན་ཉིད་ཅན་ཡིད་དུ་འོང་བའི་རྡོ་རྗེ་
འཆང་ཆེན་པོའི་སྐུ་སྐྱེད་པར་གྱུར་པའོ། །དེ་གང་ཡིན་ཞེ་ན། དངོས་གྲུབ་ཅེས་བྱ་བ་ལ་སོགས་པ་གསུངས་ཏེ། དངོས་གྲུབ་ནི་བདག་ལ་བྱིན་གྱིས་བརླབ་པའི་མཚན་ཉིད་ཅན་ཕྱག་རྒྱ་ཆེན་པོའོ། །རབ་མཆོག་ནི་ཕུལ་དུ་བྱུང་བ་སྟེ། སེམས་
རྣམ་པར་དབེན་པའི་མཚན་ཉིད་ཅན་རྡོ་རྗེ་བཟླས་པས་རྟོགས་པར་གྱུར་པའི་ཕྱིར་རོ། །བསྒྲུབ་པར་བྱ་ཞེས་བྱ་བ་ནི་རྣལ་འབྱོར་པའི་རྒྱུད་ལ་འོག་ནས་བཤད་པའི་གནས་སྐབས་བཞི་པོ་རྫོགས་པར་བྱ་བ་སྟེ།། ༈ ངག་གིས་ཡིད་ལ་བསྐུལ་
བས་བསྒྲུབ་པར་བྱ་ཞེས་པའི་རྒྱུད་ཚིག་འདི་དག་གིས་ནི་རིམ་པ་ལྷག་མ་བཞི་རྡོ་རྗེ་བཟླས་པའི་ཕན་ཡོན་ཡིན་པར་གསུངས་པ་ཡིན་ནོ།། ༈ མདོར་བསྟན་པའི་ཚིག་རབ་མཆོག་ལ་སོགས་པ་བཞིའི་བཤད་པ་བསྟན་པའི་ཕྱིར། སེམས་
ལ་དམིགས་པ་ཞེས་བྱ་བ་ལ་སོགས་པ་གསུངས་ཏེ། སེམས་ལ་དམིགས་པ་ནི་རིམ་པ་གཉིས་པ་སེམས་དབེན་ཏེ། དེ་རིམ་པ་གཉིས་པར་འཇོག་པ་ནི། སྒྲོན་གསལ་གྱི་རིམ་ལྔ་དང༌། འཕགས་པའི་རིམ་ལྔའི་གྲངས་གཉིས་ཀ་ལྟར་ནའང་གཉིས་པའོ། །རིམ་
4-2-136a


པ་དེས་ཇི་ལྟ་བ་བཞིན་དུ་ཡོངས་སུ་ཤེས་པ་ནི་སེམས་ལ་དམིགས་པའོ། །ཇི་ལྟ་བ་བཞིན་དུ་ཤེས་རྒྱུའི་དོན་དེ་ཤེས་པར་བྱས་པའི་ཡུལ་ནི་སེམས་ཀྱི་བདག་མེད་པའི་དེ་ཁོ་ན་ཉིད་གང་ཡིན་པ་སྟེ་དེ་ནི་སེམས་ཀྱི་
བདག་མེད་པ་ཡིན་ལ། དེ་ལ་དམིགས་པ་ལ་སེམས་ལ་དམིགས་པ་ཞེས་བྱའོ། །ངག་དང་ལུས་ཀྱང་ཞེས་བྱ་བ་ལ་སོགས་པ་ལ་སེམས་དབེན་གྱིས་སེམས་ཀྱི་དེ་ཁོ་ན་ཉིད་རྟོགས་པར་མ་ཟད་ངག་དང་ལུས་དག་ཀྱང་བདག་མེད་པར་རྣམ་པར་
བསྒོམ་པས། སེམས་སོ་སོར་༼འདིས་ནི་གླན་ལ་སོགས་པ་འགའ་ཞིག་སེམས་དབེན་གྱི་ཡེ་ཤེས་ཀྱིས་ཆོས་ཅན་སེམས་ལ་དམིགས་ཀྱི། སེམས་ཀྱི་ཆོས་ཉིད་ལ་དམིགས་པ་མ་ཡིན་ནོ་ཞེས་འདོད་པ་ཡང་བཀག་གོ། ༽རྟོགས་པ་སེམས་དབེན་བསྒྲུབ་
པ་སྟེ། རྫོགས་པར་བྱའོ་ཞེས་བྱ་བའི་དོན་ཏོ་ཏེ། སེམས་ལ་དམིགས་པ་ཞེས་པའི་རྐང་པ་གཉིས་པོ་འདིས་ནི་སྐུ་དང་གསུང་དང་ཐུགས་ཀྱི་མཚན་ཉིད་དེ་ངོ་བོ་གསུམ་དང་འོག་མ་གསུམ་རིམ་པ་བཞིན་དུ་སྦྱར་བའམ། ཡང་ན་སྐུ་ཐབས་དང་། གསུང་
ཤེས་རབ་ཅེས་སྦྱར་བའོ། །ཤེས་རབ་དང་ཐབས་དང་ཉེ་བར་ཐོབ་པ་གསུམ་སྟོན་པར་གྱུར་པ་ཡིན་ནོ། །སེམས་དབེན་རྫོགས་པའི་རྗེས་དེ་ནས་ཅི་ཞིག་བྱ་ཞེ་ན། ནམ་མཁའ་ཞེས་བྱ་བ་ལ་སོགས་པ་གསུངས་ཏེ། ནམ་མཁའ་བཞིན་དུ་
མཉམ་པ་ཞེས་པའི་ནམ་མཁའ་ནི་དོན་དམ་པའི་བདེན་པ་སྟེ། དེ་ཇི་འདྲ་བ་དེ་བཞིན་དུ་མཉམ་པ་སྟེ། རོ་གཅིག་ཏུ་ཞུགས་པའི་འོད་གསལ་གྱི་ཡེ་ཤེས་སོ། །འོད་གསལ་དེ་བསྐྱེད་པའི་གནས་ཡིན་པས་ན་གནས་ཏེ། སྒྱུ་མའི་ལུས་རྡོ་རྗེ་འཛིན་པ་གང་
4-2-136b


ཡིན་པ་དེ་བསྒྲུབ་པར་བྱ་བ་སྟེ། བསྐྱེད་པར་བྱའོ། །ཇི་ལྟར་བསྐྱེད་པར་བྱ་སྙམ་ན། སྦྱོར་བ་རྣམ་པ་གསུམ་ནི་རྣམ་པ་གསུམ་སྦྱོར་བ་སྟེ། ཡིད་ཀྱི་རང་བཞིན་གྱི་ལྷའི་གཟུགས་སུ་བྱས་པའོ། །སྦྱོར་ཚུལ་ནི། སྒྱུ་ལུས་གང་དུ་སྣང་མཆེད་ཐོབ་པ་རྣམ་པ་གསུམ་པོ་སྔ་མ་ཕྱི་མ་ལ་
ཐིམ་པའི་ཚུལ་གྱིས་མཐར་གཅིག་ཏུ་གྱུར་པ་ལས་སྒྱུ་མའི་སྐུ་གཅིག་ཏུ་སྦྱོར་བ་དེ་ནིའོ། །གང་དུ་སྦྱོར་བ་གསུམ་པོ་གཅིག་ཏུ་གྱུར་པ་དེ་ནི་སྦྱོར་བ་རྣམ་གསུམ་སྟེ་ཡིད་ཀྱི་རང་བཞིན་གྱི་ལྷའི་གཟུགས་སོ། །ལུས་དང་ངག་དང་སེམས་དམིགས་ན། ངོ་བོ་
ཉིད་ནི་དམིགས་སུ་མེད་ཅེས་བྱ་བ་ལ། ལུས་དང་ངག་དང་སེམས་ཀྱི་དམིགས་པ་ཞེས་པའི་དོན་ནི་སེམས་དམིགས་ཀྱིས་ཡེ་ཤེས་གསུམ་ཉེ་བར་བརྟགས་པ་སྟེ། བསྐྱེད་ནས་གང་ཞིག་ཐོབ་པའི་ཀུན་རྫོབ་ཀྱི་བདེན་པའི་ངོ་བོ་ཉིད་དེ་སྒྱུ་མའི་
སྐུའོ། སྐུ་དེ་ནི་དམིགས་སུ་མེད་དེ་ཞེས་པ་ནི་སྐུ་དེའི་ཕུང་ཁམས་སོགས་ཐམས་ཅད་ཀྱང་བསམ་གཏན་གཉིས་ཀྱིས་དོན་དམ་པའི་བདེན་པ་འོད་གསལ་ཉིད་དུ་རྟོགས་པ་སྟེ། སོན་པར་བྱས་པས་སོ། །ལུས་དང་ཞེས་པའི་རྐང་པ་གཉིས་པོ་འདིས་ནི་འོད་
གསལ་མངོན་པར་བྱང་ཆུབ་པའི་རིམ་པ་གསལ་བར་བྱེད་དོ།། ༈ སྔགས་ཀྱི་ལམ་འདིར་ཁ་ཅིག་འདི་སྙམ་དུ་ཡེ་ཤེས་ཀྱི་རང་བཞིན་གྱི་སྒྱུ་མའི་སྐུ་ལ་གནས་པ་མི་དམིགས་པ་སྟེ། མ་རྙེད་ཀྱང་། གལ་ཏེ་རྟོག་པའི་རྣལ་འབྱོར་
བསྐྱེད་རིམ་གྱིས་སྔགས་ཀྱི་ལྷའི་སྐུར་གནས་པ་དམིགས་པ་སྟེ། རྙེད་པར་འགྱུར་བས། མཐའི་གཟུགས་སྐུ་སྒྲུབ་པ་ལ་ཡེ་ཤེས་ཀྱི་སྐུ་མི་དགོས་སོ་སྙམ་དུ་རོ་ཞེས་རྟོག་པར་གྱུར་ན་ལོག་རྟོག་དེ་བཟློག་པའི་ཕྱིར། སྔགས་ཀྱི་ལུས་སུ་སྦྱོར་བ་ལ་
4-2-137a


ཞེས་བྱ་བ་ལ་སོགས་པ་གསུངས་ཏེ། སྔགས་ནི་ལྷ་སྐྱེད་པའི་ས་བོན་ཨོཾ་ལ་སོགས་པའི་ཡི་གེ་རྣམས་སོ་འོ། །ས་བོན་དེས་ལུས་སུ་སྟེ། སྐུར་བྱས་པ་སྟེ། བསྐྱེད་པ་གང་ཡིན་པ་དེ་ནི་སྔགས་ཀྱི་སྐུ་འམ་སྔགས་
ཀྱི་ལུས་ཏེ། ༼ཞེས་པའོ། །སྔར་སྤྱིའི་མཚམས་སྦྱོར་དུ་རྫོགས་རིམ་དང་བྲལ་བས་བྱང་ཆུབ་མྱུར་དུ་མི་འཐོབ་ཅེས་བསྟན་པའི་ཕྱིར་ཞེས་པ་ནི། སྔགས་ཀྱི་ལུས་སུ་ཞེས་པའི་རྐང་པ་གཉིས་པོ་འདི་ཡིན་ལ། འདི་ཡི་དོགས་པའི་རྒྱུ་ཚང་བར་བཀོད་ནས། དོགས་པ་ལེགས་པར་གཅོད་པ་
ཞིག་དགོས་པ་ནི། མཐའ་གཅོད་དུ་འཆད་པར་འགྱུར་རོ། །༽བསྐྱེད་པའི་རིམ་པ་གང་གི་སྦྱོར་བ་རྡོ་རྗེ་བཞི་རྒྱས་པ་བསྙེན་སྒྲུབ་བཞི་པོ་ཡན་ལག་དང་བཅས་པ་དེས་ནི་བྱང་ཆུབ་པ་མེད་པ་སྟེ་སངས་རྒྱས་པ་ཉིད་མེད་དོ། །གང་གི་ཕྱིར་ཞེ་ན། སྔགས་ཀྱི་
ཡི་གེ་ཇི་སྲིད་ཡོད་པ་དེ་སྲིད་ཚོགས་པ་ལས་སྐྱེས་པ་ཡིན་ཏེ། ཇི་སྲིད་དེ་གང་རྟོག་པས་སྔགས་ཀྱི་ཡི་གེ་རེ་རེ་བ་དང༌། ཚོགས་པ་ལས་སྐྱེས་པ་སྟེ། བསྐྱེད་པ་ཡོད་པ་ཡིན་པ་དེ་སྲིད་དེ། དེ་ནི་རིང་པོར་མི་ཐོགས་པར་སྐྱེས་ནས་རྒྱུན་འཇིག་པར་འགྱུར་བས། ཁྱབ་པས་
ན། ནམ་མཁའ་དང་མཉམ་པ་སྟེ། འདྲ་བར་དངོས་མེད་དུ་འགྱུར་ན་བསྐྱེད་རིམ་སྒོམ་པ་གཅིག་པུ་དེས་སངས་རྒྱས་ཀྱི་ལུས་ཏེ། གཟུགས་ཀྱི་སྐུ་འཁོར་བ་ཇི་སྲིད་བར་གནས་པ་སྐྱེད་པར་ལྟ་ག་ལ་འགྱུར་ཏེ། མི་འགྱུར་བའི་ཕྱིར་རོ། །བསྒོམ་པའང་མེད་ཅེས་བྱ་བ་
ནི། རང་ལྷར་གསལ་ཞིང་ཤིན་ཏུ་བརྟན་པ་དེ་བསྒོམ་བཞིན་པ་ཉིད་ནའང་རང་ལྷ་དེའི་སྐུར་དོན་ལ་སོང་བ་མེད་པས་དོན་ལ་ལྷའི་སྐུར་སོང་བ་དེ་སྒོམ་པ་ཡང་མེད་དོ།། ༈ དེ་ལྟར་བསྐྱེད་རིམ་པའི་ཆོས་ཀྱི་སྐུ་དང་ལོངས་སྤྱོད་རྫོགས་པའི་སྐུ་དང༌
4-2-137b


ལ་སོགས་པས་བསྡུས་པ་སྤྲུལ་སྐུ་རྣམས་ཀྱང་སྤངས་པ་སྟེ། དེ་རྣམས་ལས་འདས་པའི་ལམ་གྱིས་གོང་དུ་བགྲོད་དགོས་པ་ཡིན་པའི་ཕྱིར་ན། སྐུ་གཉིས་མཉམ་པར་ཏེ། འབྲལ་མེད་དུ་བྱུང་ཞིང་སྲིད་ཞི་ལ་མི་གནས་པའི་མཚན་ཉིད་ཅན་མི་སློབ་པའི་ཟུང་འཇུག་རྡོ་
རྗེ་འཆང་ཆེན་པོའི་གོ་འཕང་སྒྲུབ་བྱེད་ཀྱི་གཙོ་བོ་སློབ་པའི་ཟུང་འཇུག་བསྟན་པར་བྱ་བའི་ཕྱིར། སྐུ་གསུང་ཐུགས་ཀྱི་ཞེས་བྱ་བ་ལ་སོགས་པ་གསུངས་ཏེ། སྐུ་དང་གསུང་དང་ཐུགས་ཀྱི་མཚན་ཉིད་ནི། སྔགས་ལ་དམིགས་པ་ངག་དབེན་དང་ལ་སོགས་
པས་བསྡུས་པ་ལུས་དབེན་ནོ། །དེའི་རིམ་གྱིས་ཞེས་པ་ནི། དེ་གཉིས་རིམ་པ་བཞིན་དུ་བསྐྱེད་པའི་ལམ་གྱིས། སྐུ་དང་གསུང་དང་ཐུགས་སྒྲུབ་པ་པོ་གང་གིས་བརྟགས་པ་དེ་ནི་སྐུ་དང་གསུང་དང་ཐུགས་ཀྱི་མཚན་ཉིད་དེ་སེམས་དབེན་གྱི་སྟོང་པ་ཉིད་གསུམ་གྱི་ཡེ་
ཤེས་གསུམ་མོ། །འདི་ནི་ཞེས་བྱ་བ་ནི་སྔར་སེམས་དབེན་གྱི་སྐབས་སུ་བཤད་མ་ཐག་པའོ། །རྣམ་པར་དཔྱད་ནས་ཞེས་བྱ་བ་ནི་ཡོངས་སུ་ཤེས་པའོ། །མདོར་ན་སྟེ། བསྡུས་ན་ཞེས་བྱ་བའི་དོན་ནི་སེམས་དབེན་གྱི་སྟོང་པ་གསུམ་ལས་ཀུན་རྫོབ་ཀྱི་
བདེན་པ་སྒྱུ་མའི་སྐུ་བསྐྱེད་པ་ཉིད་ཀྱིས་ཏེ། རྟེན་དེས་འོད་གསལ་དུ་ཞུགས་ནས། དེ་དང་གཅིག་ཏུ་བྱས་པས་སོ། །སྔགས་ཀྱིས་བརྟགས་པའི་༼ཞེས་པ་ཡང་སྔགས་ལ་དམིགས་པ་ལ་སོགས་པའི་རིམ་གྱིས་ཞེས་པ་དང་སྦྱར་རོ། །༽ཏིང་ངེ་འཛིན། །བྱང་ཆུབ་
སྦྱོར་བ་བསྒོམ་པར་བྱ་ཞེས་བྱ་བ་ལ། སྔགས་ནི་དོན་གྱི་འོད་གསལ་དུ་ཞུགས་པའི་ཡེ་ཤེས་ཀྱི་བཞོན་པར་གྱུར་པའི་རླུང་འོད་ཟེར་ལྔའོ། །དེ་འདྲ་བའི་རླུང་དང་ཡེ་ཤེས་དེ་རྣམས་ཀྱིས་བརྟགས་པ་ནི་བློས་བརྟགས་པ་མ་ཡིན་གྱི་དོན་ལ་དག་པའི་སྒྱུ་མའི་སྐུར་བསྐྱེད་པའོ། །
4-2-138a


ཏིང་ངེ་འཛིན་ནི་རྡོ་རྗེ་ལྟ་བུའི་ཏིང་ངེ་འཛིན་ཏེ། ཟུང་འཇུག་གོ་ཏོ། །བྱང་ཆུབ་ནི་དོན་དམ་པའི་བདེན་པ་འོད་གསལ་ལོ་འོ། །དེ་དང་དག་པའི་སྒྱུ་མའི་སྐུ་དེ་མ་ཐག་ཏུ་བཤད་པ་གཉིས་རོ་གཅིག་ཏུ་སྦྱོར་བ་གང་ཡིན་པ་དེ་ནི་བྱང་ཆུབ་སྦྱོར་བའོ། །བསྒོམ་པར་བྱ་ཞེས་བྱ་བ་ནི་ཟུང་
འཇུག་ལ་བསླབ་པར་བྱའོ་ཞེས་པ་སྟེ། སྐུ་གསུང་ཐུགས་ཞེས་སོགས་རྐང་པ་བཞི་པོ་འདིས་ནི་ཟུང་དུ་སྦྱོར་བའི་རིམ་པ་སྟོན་པ་ཡིན་ཏེ། དགོངས་པས་བཤད་པའོ།། ༈ ད་ནི་ལེའུ་གསུམ་པ་ལས་སྣའི་རྩེ་མོར་ཡུངས་ཀར་ཙམ་གྱི་ཕྲ་མོ་སྒོམ་པར་གསུངས་པའི་ཕྲ་མོའི་རྣལ་
འབྱོར་དེ་ཉིད་སླར་ཡང་སྔར་བསྟན་པ་ཙམ་ཞིག་འཆད་དམ་སྙམ་ན་དེ་ནི་མ་ཡིན་ཏེ། རྣམ་པར་ཤེས་པ་སྟེ། ཡེ་ཤེས་ཀྱི་དེ་ཁོ་ན་ཉིད་དང་རླུང་གི་དེ་ཁོ་ན་ཉིད་སྔགས་དང་བཅས་པར་འཆད་པས་སོ། །བསྟན་པའི་ཕྱིར། དེ་ནས་ཞེས་བྱ་ལ་སོགས་པ་གསུངས་ཏེ། དེ་ནས་ཞེས་བྱ་བའི་སྒྲ་ནི་
རྫོགས་པའི་རིམ་པའི་རིམ་པ་དྲུག་བསྟན་པའི་འོག་ཏུའོ། །ཚོགས་གཉིས་རྫོགས་པའི་དཔལ་དང་ལྡན་པས་ན་དཔལ་ལྡན་ནོ། །རྡོ་རྗེ་འཛིན་ཞེས་བྱ་བ་ནི། ཕྱག་མཚན་གྱི་རྡོ་རྗེ་རྩེ་ལྔ་པ་ཕྱག་ཏུ་འཆང་བར་མཛད་པས་ན་རྡོ་རྗེ་འཛིན་པ་སྟེ། ཡི་གེའི་དོན་ཏོ། །མེ་ལོང་ལྟ་བུ་ལ་སོགས་
པའི་ཡེ་ཤེས་ལྔ་པོ་ཡེ་ཤེས་དེའི་རང་བཞིན་གྱིས་ཏེ། དེ་རང་གི་ངོ་བོ་ཉིད་དུ་འཆང་བར་མཛད་པས་ན་རྡོ་རྗེ་འཛིན་པ་སྟེ། སྤྱིའི་དོན་ཏོ། །ཡིད་ཀྱི་རང་བཞིན་གྱི་སྐུ་རིམ་པ་གསུམ་པའི་སྒྱུ་མའི་ལུས་རང་གི་ངོ་བོ་ཉིད་དུ་འཛིན་པར་མཛད་པས་ན་རྡོ་རྗེ་
འཛིན་པ་སྟེ་སྦས་པའོ། །རྡོ་རྗེ་ནི་ཟུང་འཇུག་གཉིས་སུ་མེད་པའི་ཡེ་ཤེས་ཟུང་འཇུག་ཏེ་དེའི་ངོ་བོ་ཉིད་ཀྱིས་ཏེ། དེ་རང་གི་ངོ་བོ་ཉིད་དུ་འཆང་བར་མཛད་པས་ན་རྡོ་རྗེ་འཛིན་པ་སྟེ། མཐར་ཐུག་པའོ། །དེ་བཞིན་གཤེགས་པ་ཀུན་ནི་སྤྱན་ལ་
4-2-138b


སོགས་པའི་ལྷ་མོ་རྣམས་སོ་སྟེ། ལྷ་མོ་དེ་རྣམས་ཀྱིས་ཟག་མེད་ཀྱི་བདེ་བ་སྟེར་བའི་སྒོ་ནས་མཆོད་པས་ན་དེ་བཞིན་གཤེགས་པ་ཀུན་གྱིས་མཆོད་པའོ་དོ། །སངས་རྒྱས་ཀུན་ནི་རྣམ་པར་སྣང་མཛད་ལ་སོགས་པ་སྟེ། དེ་རྣམས་ཀྱི་ནང་ནས་
མཆོག་ཏུ་གྱུར་པ་དྲུག་པའོ། །ཀུན་མཁྱེན་པ་ནི་ཐུགས་རྡོ་རྗེ་སྟེ། དེས་བསྒོམ་པར་བྱ་བའི་མཆོག་འོག་ནས་བཤད་པ་རྣམས་བཀའ་སྩལ་ཅིང་གསུངས་པའོ།། ༈ ནམ་མཁའི་དབྱིངས་ཀྱི་དབུས་གནས་པར། །ཞེས་བྱ་བ་ནི། ༼
ཞེས་པ་ནི་རིགས་གསུམ་དུ་སྡུད་པ་ན་རྡོ་རྗེ་འཆང་ཐུགས་རྡོ་རྗེར་སྤྱོད་བསྡུས་ལས་གསུངས་པས་དེ་ཡང་དྲུག་པའོ། །༸ཞེས་པ་བཞིས་ཕྲ་མོ་སྒོམ་པའི་རྟེན་རིམ་པ་གཉིས་ཀྱི་ལྷའི་རྣལ་འབྱོར་སྔོན་དུ་བཏང་ནས་ཕྲ་མོ་སྒོམ་དགོས་པར་བསྟན་པས་དྲང་ངེས་གཉིས་ཀ་དང་སྦྱར་རོ། །
༼འོད་གསལ་བ་ལ་གནས་པའོ། །ཟླ་བའི་དཀྱིལ་འཁོར་ལ་ནི་ཟླ་བ་ལས་བྱང་ཆུབ་པ་དང༌། འོད་གསལ་ལས་ལུགས་ལྡོག་ཏུ་བྱུང་བའི་སྣང་བའི་ཚོགས་གཉིས་སོ། །བསྒོམ་པར་བྱ་ཞེས་བྱ་བ་ནི་དང་པོར་དང་པོའི་མགོན་པོ་དང་། ཟུང་༼
ཞེས་པ་ལ་ནི་ལྷག་མོས་འོད་གསལ་དུ་བསྡུས་པ་དང༌། སྒྱུ་ལུས་འོད་གསལ་དུ་དག་པ་གཉིས་སོ། །༽འཇུག་གི་ལོངས་སྤྱོད་རྫོགས་པའི་སྐུར་བསྐྱེད་པ་གཉིས་ཏེ། དེ་ནི་སངས་རྒྱས་ཀྱི་གཟུགས་སུ་རབ་ཏུ་སྒོམ་པའི་དོན་ཡང་ཡིན་ནོ་འོ། །སངས་རྒྱས་
གཟུགས་ནི་རབ་བསྒོམས་ནས་ཞེས་བྱ་བ་ནི། ལོངས་སྐུར་བསྐྱེད་པའི་ཕྱི་ནས་ཏེ། རྗེས་སུ་སྤྲུལ་སྐུར་བསྒྱུར་བ་གཉིས་ཡིན་ཏེ། ཟུང་འཇུག་གི་སྐབས་ཀྱི་རགས་པའི་ཕུང་པོ་ལ་སོགས་པར་རྗེས་སུ་གཞུག་པ་སྟེ་ཞུགས་པ་དང༌། དང་པོའི་མགོན་པོ་སྤྲུལ་སྐུ་རྡོར་
4-2-139a


སེམས་སུ་བསྒྱུར་བའི་ཕུང་པོ་ལ་སོགས་པའི་ངོ་བོར་རྣམ་སྣང་སོགས་རྗེས་སུ་ཞུགས་པས་དེ་བཞིན་གཤེགས་པ་ཐམས་ཅད་ཀྱི་ཕྲ་རབ་ལས་བསྒྲུབས་པའི་སྤྲུལ་པའི་སྐུར། བདག་ཉིད་བསྐྱེད་ལ་འོག་ནས་བཤད་པའི་རིམ་
གྱིས་ཕྲ་མོའི་སྦྱོར་བ་སྟེ། རྣལ་འབྱོར་གཉིས་ཀུན་ཏུ་བརྩམ་པར་བྱའོ།། ༈ སྣ་ཡི་རྩེ་མོར་ཡུངས་ཀར་བསམ། །འགྲོ་དང་མི་འགྲོ་ཡུངས་ཀར་ལ། །ཡེ་ཤེས་གནས་ནི་ཉམས་དགའ་བ། །གསང་བའི་ཡེ་ཤེས་ཀྱིས་བརྟགས་
བསྒོམ། །ཞེས་བྱ་བའི་རྡོ་རྗེའི་མདོ་འདིས་ནི་ཐ་མལ་པའི་སེམས་ཅན་མངལ་དུ་སྐྱེ་བ་རྣམས་ཀྱི་སྐྱེ་བའི་རྒྱུད་དང་ལྟར་བརྟགས་པའི་ལྷར་དམིགས་པ་དང༌། རླུང་གི་དེ་ཁོ་ན་ཉིད་དང་། ཡེ་ཤེས་ཀྱི་དེ་ཁོ་ན་ཉིད་དང་། ཡོངས་སུ་དག་པའི་ལྷའི་
དེ་ཁོ་ན་ཉིད་དེ་དྲུག་སྟོན་ཏེ།། ༼པ་ཚབ་དང་ཆག་འགྱུར་ལས། སེམས་ཅན་རྣམས་ཀྱི་སྐྱེ་བ་དང༌། བརྟགས་པའི་ལྷར་དམིགས་པ་གཉིས་སོ་སོར་ཕྲལ་ཞིང་། སྔགས་ཀྱི་དེ་ཁོ་ན་ཉིད་དང་ཞེས་པ་བསྣན་ཏེ་དྲུག་བྱའོ།། ༈ དང་པོ་སྣའི་རྩེ་མོར་ཞེས་པ་བཞི་དྲང་དོན་དུ་
འཆད་པ་ལ། སེམས་ཅན་སྐྱེ་བའི་རྒྱུ་བསྟན་པ་ནི་ཕའི་ལུས་ཀྱི་སྟེང་སྟེ། སྟོད་ན་གནས་པའི་སྲོག་སྟེ། རླུང་གི་དང་རྩོལ་བ་སྟེ། བྱེད་པ་དང་དཀར་དམར་གཉིས་འདྲེས་པ་ཕོ་མོའི་དབང་པོ་གཉིས་འདུས་པ་ལས། ལུས་ཀྱི་ནང་གི་ཤེས་རབ་
སྟེ། དམར་ཆའི་མེ་འབར་བ་དང་ཐབས་ཀྱིས་ཏེ། སྤྱི་བོའི་དཀར་ཆ་གཉིས་སྙོམས་པར་༼ཆག་འགྱུར་ལས། སྲོག་གི་རྩོལ་བ་ཞེས་འབྱུང་བ་ལེགས་སོ། །༽འཇུག་པ་སྟེ། འབར་འཛག་གཉིས་འདྲེས་པའི་དགའ་བས་དྲངས་པ་སྟེ་བསྐྱོད་པས་ཡན་ལག་མ་
4-2-139b


ལུས་པ་ལས་འདོད་ཆགས་ཆེན་པོའི་མེས་བཞུས་པར་གྱུར་ནས། བྱང་ཆུབ་ཀྱི་སེམས་ཀྱི་ཐིག་ལེའི་གཟུགས་སུ་པདྨའི་སྣ་ཡི་རྩེ་མོར་ལྟུང་བ་སྟེ། ལྷུང་བ་མའི་ཁྲག་དང་འདྲེས་པ་ནི་སེམས་ཅན་མངལ་དུ་སྐྱེ་བའི་རྒྱུའོ། །གསང་བའི་སྣ་རྩེའི་ཐིག་ལེ་འདི་ནི་སྲིད་པ་སྐྱེ་
བའི་རིམ་པ་ལྟར་སྒོམ་པའི་བསྐྱེད་རིམ་པ་རྣམས་ལ། དེ་བཞིན་གཤེགས་པ་རྣམས་ཀྱིས་སྣ་ཡི་རྩེ་མོར་ཡུངས་ཀར་བསམ། །ཞེས་ཡུངས་ཀར་གྱི་སྒྲས་མཚོན་པར་མཛད་དེ། གསང་བའི་སྣ་རྩེར་ཡུངས་ཀར་གྱི་སྒྲས་མཚོན་པའི་ཐིག་ལེ་སྒོམ་པ་འདི་
ཉིད་ནི་རྩ་རྒྱུད་དུ་མ་ཟད། འདུས་པའི་རྒྱུད་ཕྱི་མ་ལས་ཀྱང་གསུངས་ཏེ། ཡེ་ཤེས་ལྔ་ཡི་རང་བཞིན་གྱི་དབུགས། ནི་ཁྱབ་བྱེད་ཀྱི་རླུང་མེ་ལོང་ལྟ་བུའི་ཡེ་ཤེས་ཡིན་པ་ནས། སྲོག་འཛིན་གྱི་རླུང་ཆོས་དབྱིངས་ཡེ་ཤེས་ཡིན་པའི་བར་རོ། །ས་ནས་ནམ་མཁའི་བར་གྱི་
འབྱུང་བ་ལྔ་ཡི་ངོ་བོ་ཉིད་ནི། ཐུར་སེལ་སའི་ངོ་བོ་ཉིད་ཡིན་པ་སོགས་སོ། །པདྨའི་སྣ་རྩེར་༼ལེའུ་དྲུག་པའི་སྒྲོན་གསལ་དུ་རྒྱུད་ཕྱི་མ་དྲངས་པའི་འགྱུར་ཐམས་ཅད་དང༌། བཅུ་གཉིས་པའི་འགྲེལ་པར་དྲངས་པའི་འགྱུར་གསར་གཉིས་དང་། ཆག་གི་བསྒྱུར་བའི་རིམ་ལྔ་དང་།
སྤྱོད་བསྡུས་ལས། པདྨའི་སྣ་རྩེར་ཞེས་འབྱུང་ལ། ལེའུ་བཅུ་གཉིས་པའི་འགྲེལ་པའི་འགྱུར་རྙིང་གཉིས་དག་པ་དང་རྒྱུད་ཕྱི་མ་དང་རིམ་ལྔ་དང༌། སྤྱོད་བསྡུས་ལོ་ཆེན་གྱིས་བསྒྱུར་བ་ལ་པདྨ་ཞེས་པ་མེད་པས། རྒྱ་གར་གྱི་དཔེ་ལ་ཡོད་མེད་གཉིས་བྱུང་བར་གསལ་ཡང༌། སྤྱོད་བསྡུས་སུ་
དཀྱིལ་འཁོར་བཞིའི་རླུང་ལ་ཡི་གེ་གསུམ་གྱི་རྡོར་བཟླས་སྟེང་གི་སྣ་རྩེར་བྱེད་པ། ཡེ་ཤེས་ལྔའི་ཞེས་སོགས་རྐང་པ་དྲུག་གིས་གསལ་བར་བསྟན་པར་གསུངས་པས་པདྨ་མེད་པ་དག་གོ། ༽ཕྱུང་ནས་ནི། དེ་ལྟར་རླུང་དང་བྱང་སེམས་འདྲེས་པ་དེ་ཉིད་གོང་བུའི་གཟུགས་སུ་བྱས་
4-2-140a


ནས་གསང་བའི་སྣ་རྩེར་ཐིག་ལེའི་གཟུགས་སུ་བརྟག་པ་སྟེ། བསྒོམ་པར་བྱའོ། །རྩ་རྒྱུད་ལས་རིན་ཆེན་ཁ་དོག་སྣ་ལྔ་པ། །ཞེས་གསུངས་པའི་དོན་ནི་སྲོག་གི་དང་རྩོལ་བ་ཞེས་བྱབ་རླུང་ཁ་དོག་ལྔ་པར་བཤད་དོ་
ཅེས་གསུངས་པས་སོ། །འགྲོ་དང་མི་འགྲོ་ཡུངས་ཀར་ལ། །ཞེས་བྱ་བ་ནི། ཡུངས་ཀར་ཏེ་ས་བོན་གྱི་ཐིག་ལེའི་དབུས་སུ་འགྲོ་བ་སྟེ་རྒྱུ་བ་བཅུད་དང་མི་འགྲོ་བ་སྟེ། མི་རྒྱུ་བའི་སྣོད་ཀྱི་འཇིག་རྟེན་རྣམས་བསམ་ཞིང་། གཞི་དུས་སུ་༼
སྦྱོར་བ་ཡན་ལག་དྲུག་གི་སྲོག་རྩོལ་གྱི་ཡན་ལག་སྟོན་པའི་རྐང་པ་དྲུག། འདིར་བསྐྱེད་རིམ་པའི་ཕྲ་མོ་སྒོམ་པ་ལ་དྲངས་པ་ནི་མཚན་ཉིད་མཚུངས་པའི་སྒོ་ནས་བསྟན་པ་ཡིན་པས་མི་འགལ་ལོ། །༽ཞེས་པ་ནི་བསྐྱེད་རིམ་པས་ཐིག་ལེ་ཕྲ་མོའི་དབུས་སུ་རྟེན་དང་བརྟེན་པའི་ལྷའི་འཁོར་ལོ་བསམ་
པའོ། །༽སྔར་བཤད་པའི་ཐིག་ལེ་དེ་ཉིད་ལས་འགྲོ་བ་རྣམས་སྐྱེ་བཞིན་པ་སྟེ། སྐྱེ་བར་ཤེས་པར་བྱ་སྟེ། བདུད་རྩི་ཞེས་པ་ནི་ས་བོན་ཐིག་ལེ་ཞེས་བྱ་བར་བཤད་དེ། ཐིག་ལེ་དེ་ལས་མངལ་སྐྱེས་ཀྱི་འགྲོ་བ་མཆོག་དམན་འབྲིང་གསུམ་
པོ་སྐྱེས། །ཞེས་རྡོ་རྗེ་བདུད་རྩིའི་རྒྱུད་དུ་གསུངས་པས་སོ། །ཡུངས་ཀར་འདི་ཉིད་ལ། སྟེ། འདི་ཉིད་ཀྱི་རྟོག་པའི་རྣལ་འབྱོར་ཕྲ་མོ་ལ་སློབ་པ་ན། །རྒྱུ་བ་ཕྲ་མོའི་བརྟེན་པའི་ལྷ་དང་མི་རྒྱུ་བ་དེའི་གཞལ་ཡས་ཁང་རྣམས་དྲུག་པ་རྡོ་རྗེ་སེམས་དཔར་བསམ་
མོ། །དེ་ལྟར་སྒོམ་པ་འདི་ཉིད་ཀྱི་ཁྱད་པར་ནི། ཟག་མེད་ཀྱི་ཡེ་ཤེས་སྐྱེ་བའི་གནས་འོག་སྒོའི་ཐིག་ལེ་ནི་ཉམས་དགའ་བ་སྟེ། དེ་ལ་དམིགས་ནས་བསྒོམས་པས་བདེ་ཆེན་འདྲེན་པས་སོ། །དེ་ཡང་རང་ལྷ་ཡབ་ཡུམ་དུ་གསལ་བའི་གསང་བའི་གནས་གཉིས་
4-2-140b


ཡེ་ཤེས་ཏེ། ཡིད་ཀྱིས་སྙོམས་པར་ཞུགས་པར་བརྟགས་ནས་བསྒོམ་པ་ལས་བྱུང་བའི་ཐིག་ལེའོ། །ཞེས་བྱ་བ་སྟེ། དྲང་བའི་དོན་ཏོ།། ༈ སྣ་ཡི་རྩེ་མོར་ཡུངས་ཀར་བསམ་ཞེས་བྱ་བ་ལ་སོགས་པའི་རྐང་པ་བཞི་ལ་ངེས་དོན་རྫོགས་པའི་རིམ་པའི་བཤད་པ་
གསུངས་པ་ལ་བཞི་ལས་རླུང་གི་དེ་ཉིད་ནི། སྙིང་ག་དང༌། གསང་བའི་གནས་དང༌། ལྐོག་མ་དང༌། ལྟེ་བ་དང༌། ལུས་ཐམས་ཅད་ལ་གནས་པའི་རླུང་ལྔ་ནི། རིམ་པ་བཞིན་སྲོག་འཛིན་ཐུར་སེལ། གྱེན་རྒྱུ། མཉམ་གནས། ཁྱབ་བྱེད་ལྔ་ཡེ་ཤེས་ལྔའི་ངོ་བོའི་འོད་ཟེར་
ལྔ་པོ་སྲོག་གི་དང་རྩོལ་བར་གྱུར་ནས་སྣ་ཡི་རྩེ་མོ་སྟེ། སྟེང་གི་སྣ་ཡི་བུ་ག་ལས་དཀྱིལ་འཁོར་བཞིའི་རླུང་གི། དཀར་སེར་དམར་ལྗང་གུའི་ཁ་དོག་གིས་རང་གི་གནས་སོ་སོ་ནས་གོ་རིམ་བཞིན་དུ་ངེས་པར་འབྱུང་སྟེ། ཇི་སྐད་དུ་རྡོ་རྗེ་ཕྲེང་བ་ལས། རྩ་རྒྱུད་
ལས་སྣ་རྩེར་ཡུངས་ཀར་བསམ་པར་བྱ་ཞེས་བྱ་བའི་དོན་ནི། སྲོག་གི་དང་རྩོལ་བའི་༼ཁྱབ་བྱེད་འཆི་བའི་དུས་སུ་སྟེང་གི་སྣ་བུག་ལས་རྒྱུ་ཡང་ད་ལྟ་མི་རྒྱུ་བས་དཀྱིལ་འཁོར་བཞི་ཞེས་གསུངས་སོ། །༽རླུང་ལ་ཡིད་ཀྱིས་བརྟག་པའི་དོན་ནོ་འོ། །སྲོག་གི་
དང་རྩོལ་བ་ལ་ཡིད་གནས་པའི་སྲོག་གི་སྩོལ་བ་ནི། འོད་ཟེར་ཏེ། ཁ་དོག་ལྔ་པོ་སངས་རྒྱས་ཏེ། རིགས་ལྔའི་དངོས། །པོ་སྟེ་ངོ་བོར་བཤད་པའོ། །དེ་རྣམས་སྟེང་གི་སྣའི་བུ་ག་ལས་ངེས་པར་འབྱུང་བའི། ཚུལ་ནི། མཉམ་གནས་ཀྱིས་གཙོ་བོ་བྱས་ནས་
རྒྱུ་ན་སྣ་བུག་གཡོན་རྐྱང་དང་གྱེན་རྒྱུས་གཙོ་བོ་བྱེད་ན་གཡས་རྐྱང་དང་ཐུར་སེལ་གྱིས་གཙོ་བོ་བྱེད་ན་སྣ་བུག། གཉི་ག་ནས་དྲག་ཏུ་དང༌། །སྲོག་འཛིན་གྱིས་གཙོ་བོ་བྱེད་ན་དལ་བར་རྒྱུ་བ་ཞེས་བྱ་བ་རྣམ་པ་བཞིར་འགྱུར་ལ། དེ་རྣམས་རེ་རེའི་གནས་ཡུན་ནི་ནང་
4-2-141a


གི་དུས་ནི་ཡིན་པར་བཤད་དོ། །རང་ཤུགས་ཀྱིས་བཟློ་བའི་སྔགས་ཡི་གེ་གསུམ་གྱི་གདངས་དང་དཀྱིལ་འཁོར་བཞི་ཡི་རླུང་གི་གདངས་དབྱེར་མི་ཕྱེད་པར་སྦྱོར་བ་ཡིས། །ཉིན་མཚན་རྣམ་པ་ཐམས་ཅད་དུ། །རྒྱུ་བ་ལ་ཐུན་
ཕྱེད་ཉེར་བཞིར་བྱས་པའི་ཐུན་རེ་རེའི་དུས་སུ་༼དེ་འདྲ་བའི་རླུང་བཞི་ལ་དམིགས་ནས་ཟློ་བ་ནི་སྣ་རྩེར་ཡུངས་ཀར་བསམ་པའི་བསམ་ལུགས་ཏེ་རླུང་གི་དེ་ཁོ་ན་ཉིད་དོ། །༽གནས་པར་བྱེད་པ་ན་རླུང་སྔགས་གཉིས་སྦྱར་ནས་ཟློ་བ་ནི་སྔགས་ཀྱི་དེ་ཉིད་དེ། འདི་ཡང་སྣ་
རྩེར་ཡུངས་ཀར་སེམས་པའོ་དེ། དེ་རྣམས་ཀྱི་རྒྱུ་བའི་རིམ་པ་ནི་འབྱུང་བའི་གོ་རིམ་ཇི་ལྟར་རིགས་པ་བཞིན་དུ་རྒྱུ་བས་། མཐའ་གཅིག་ཏུ་མ་ངེས་སོ་འོ། །ཞེས་གསུངས་པ་སྟེ། སྣ་ཡི་རྩེ་མོར་ཡུངས་ཀར་བསམ། །ཞེས་བྱ་བའི་རྡོ་རྗེའི་ཚིག་
གི་དོན་འདིས་རླུང་གི་དེ་ཁོ་ན་ཉིད་དང༌། སྔགས་ཀྱི་དེ་ཁོ་ན་ཉིད་སྟོན་པ་ཡིན་ནོ། །འགྲོ་དང་མི་འགྲོ་ཡུངས་ཀར་ལ། །ཞེས་བྱ་བའི་རྐང་པ་གཅིག་གིས་ཡེ་ཤེས་ཀྱི་དེ་ཁོ་ན་ཉིད་སྟོན་པ་ལ། འགྲོ་བ་ནི་རླུང་གི་བཞོན་པ་དང་མི་འགྲོ་བ་ཞེས་པ་ནི། དེ་ལ་བཞོན་པའི་
རྣམ་པར་ཤེས་པ་གསུམ་པོ་བྱང་ཆུབ་པ་སྟེ། སྟོང་པ་ཉིད་ཀྱི་བདག་ཉིད་ཅན་གྱི་སེམས་སོ། །ཡུངས་ཀར་ནི་ཁམས་ཕྲ་བ་སྟེ་རླུང་རྟེན་དང་ཡེ་ཤེས་གསུམ་པོ་བརྟེན་པར་གྱུར་པར་བསམ་ཞིང་རྣམ་པར་ཤེས་པར་བྱ་བ་སྟེ། བསྒོམ་པར་བྱའོ། །ཡེ་
ཤེས་ཀྱི་དེ་ཁོ་ན་ཉིད་དུ་བསྒོམ་པར་བྱའོ། །ཡེ་ཤེས་གནས་ནི་ཉམས་དགའ་བ། །གསང་བའི་ཡེ་ཤེས་ཀྱིས་བརྟགས་བསྒོམ། །ཞེས་བྱ་བ་ལ། རླུང་དང་རྣམ་པར་༼འདིར་འགྱུར་གསར་གཉིས་ལས། ཡེ་ཤེས་ཀྱི་དེ་ཁོ་ན་ཉིད་དོ་ཞེས་འབྱུང་བ་ལེགས་སོ། །
4-2-141b


༽ཤེས་པ་ལས་སྒྲུབ་པའི་སྐུ་ཞེས་མིང་དུ་བཏགས་པའི་དག་པའི་ཡེ་ཤེས་ཀྱི་སྐུ་ནི། དེའི་ཐུགས་ཀྱི་རྟེན་ཡིན་པས་ཡེ་ཤེས་ཀྱི་གནས་སོ། །འཇའ་ཚོན་ལྟར་དཀར་པོ་ལ་སོགས་པའི་འོད་ཟེར་རྣམས་དང་ལྡན་པས་ན། ཉམས་དགའ་བའོ། །རྟོག་
པའི་རྣལ་འབྱོར་པ་རྣམས་ཀྱི་ཡུལ་མ་ཡིན་པའི་ཕྱིར། གསང་བའོ། །འོད་གསལ་བའི་ཡེ་ཤེས་ལས་བྱུང་བས་ན། ཡེ་ཤེས་ཀྱིས་བརྟགས་པ་སྟེ། བསྐྱེད་པའོ། །ཟུང་འཇུག་གི་སྐུ་འདིའི་དོན་ནི་གསང་འདུས་ལྟ་བུར་མ་ཟད་ཐེག་པ་ཆེན་པོའི་མདོ་
སྡེ་ལས་ཀྱང་དངོས་སུའམ་སྙམ་ན་ཟུང་འཇུག་གི་སྐུ་འདི་ལ་དགོངས་པའི་གཞིར་བྱས་ནས་བཤད་པས་ཏེ། སྒྲ་གཞན་གྱིས་སྟོན་གྱི་དངོས་སུ་མ་ཡིན་ནོ། །སྟོན་ཏེ། སྐྲ་ཙམ་ཁྱོན་གཅིག་ལ་ཡང་སངས་རྒྱས་ནི། །རྣམ་མང་གངྒཱའི་ཀླུང་གི་བྱེ་སྙེད་བཞུགས། །
ཞེས་བྱ་བ་དང༌། རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག། ཅེས་བྱ་བ་གསུངས་པས། ཡེ་ཤེས་གནས་ནི་ཞེས་པ་རྐང་པ་གཉིས་ཀྱིས་ཡོངས་སུ་དག་པའི་ལྷའི་དེ་ཁོ་ན་ཉིད་སྟོན་པ་
ཡིན་ཏེ། ངེས་པའི་དོན་ཏོ།། ༈ ༼སྐྲ་གཅིག་ཙམ་དང་རྡུལ་གཅིག་ཙམ་གྱི་ཁྱོན་ལ་ཡང༌། །གང་གཱའི་བྱེ་མ་སྙེད་ཀྱི་སངས་རྒྱས་བཞུགས། །ཞེས་བྱ་བ་གསུངས་པས། འདི་འདྲ་བའི་གོ་ས་གཅིག་མནན་པས། གཞན་བཞུགས་པ་ལ་གོ་མི་འགེགས་པ་ནི་དེ་ཐམས་ཅད་ཀྱང་ཟུང་འཇུག་གི་
སྐུ་བརྙེས་པའི་དབང་གིས་ཡིན་ནོ། །༽ད་ནི་སྔགས་ཡི་གེ་གསུམ་གྱི་གདངས་དང་རླུང་བཞིའི་རང་གདངས་མཉམ་པར་ཏེ། མི་ཕྱེད་པར་སྦྱོར་བ་ལས། དཀྱིལ་འཁོར་བཞིའི་རླུང་འབྱུང་བའི་ཚེ། འོད་དཔག་མེད་སོགས་རིགས་ཀྱི་དབྱེ་བ་
4-2-142a


བཞིས་ཕྱེ་བའི་ཡན་ལག་སྟེ། རླུང་གི་ཆ་ཤས་སོ་སོར་ཕྱེ་བའི་བཟླས་པ་བསྟན་པའི་ཕྱིར། ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པ་གསུངས་ཏེ། ནམ་མཁའི་དབྱིངས་ནི་སྐབས་འདིར་མི་ཤིགས་པ་སྔགས་ཀྱི་ཐིག་ལེའོ། །
མི་ཤིགས་པ་དེའི་དབུས་ན་གནས་པ་ནི་མི་ཤིགས་པ་དེ་ལས་བྱུང་བའོ། །ཉི་མའི་དཀྱིལ་འཁོར་ནི་མེའི་དཀྱིལ་འཁོར་གྱེན་རྒྱུ་སྟེ་ཏེ། རང་དབང་གི་འོད་ཟེར་ཏེ། ཁ་དོག་ནི་དམར་པོའི་ངོ་བོ་ཉིད་སྣ་བུག་གཡས་ལས་བྱུང་བའི་འོད་ཀྱི་ཚོགས་༼
མེའི་དཀྱིལ་འཁོར་གྱེན་རྒྱུ་འབྱུང་བར་བསྒོམས་ནས་རྡོར་བཟླས་བྱེད་པ་ཡིན་ཏེ། འདི་ནི་རླུང་གཞན་གྱི་རྡོར་བཟླས་ལ་ཡང་སྦྱར་རོ། །༼སོ། །བསྒོམ་པ་ནི་རླུང་དེ་རྒྱུ་བའི་ཚེ། སྔར་ལྟར་འབྱུང་བ་ཤེས་པར་བྱས་ནས་སྒོམ་པ་སྟེ། གཞན་གསུམ་ལའང་དེ་ལྟར་རོ་འོ། །སྒོམ་ཚུལ་ཇི་ལྟར་
བྱ་སྙམ་ན། སངས་རྒྱས་སྐུ་ཡི་གནས་བསྒོམས་ཏེ། །ཞེས་བྱ་བ་ལ། སངས་རྒྱས་ནི་རྣམ་པར་སྣང་མཛད་དོ། །སྐུ་ནི་འོད་དཔག་ཏུ་མེད་པའོ། །དེ་དག་གི་སྟེ། དེ་གཉིས་ཀྱི་གནས་ནི་རིམ་པ་བཞིན་དུ་ཡི་གེ་ཨོཾ་དང་ཨཱཿསྟེ། དེ་གཉིས་ཀྱི་གདངས་རིམ་
པ་བཞིན་དུ་རླུང་ནང་དུ་འཇུག་པ་དང༌། རླུང་ནང་དུ་གནས་པར་ཏེ། གནས་པའི་གདངས་སུ་སྦྱར་ཏེ། བསྒོམ་ཞིང་ཞེས་པ་ནི། ཡིད་ཀྱིས་ཉེ་བར་མཚོན་པར་བྱའོ། །ཡི་གེ་ཨོཾ་དང་ཨཱཿདེ་དག་གི་སྟེང་དུ་སྟེ། བར་མ་ཆད་པར། མི་བསྐྱོད་པའི་། གནས་ཏེ་
ཡི་གེ་ཧཱུཾ་རླུང་ཕྱིར་ལྡང་བའི་བདག་ཉིད་ཅན་དགོད་ཅིང་སྟེ། ཡིད་ཀྱིས་ཡོངས་སུ་བརྟག་པར་བྱའོ། །སྔར་བཤད་པ་འདི་ནི་འོད་དཔག་ཏུ་མེད་པ་གྱེན་རྒྱུའི་རླུང་གི་རྡོ་རྗེ་བཟླས་པའོ།། ༈ གསལ་བའི་དཀྱིལ་འཁོར་ནི་ཆུའི་དཀྱིལ་འཁོར་སྲོག་འཛིན་
4-2-142b


ཏེ་རྒྱུ་བ་དལ་བའི་ངོ་བོ་ཉིད་དོ། །སྤྱན་གྱི་ཚུལ་དང་སྦྱོར་བ་ནི་སྤྱན་མ་དེ་སྐུ་མདོག་དཀར་ཞིང་འགྲོས་དལ་བ་བཞིན་དུ། སྲོག་འཛིན་གྱི་རླུང་ཡང་ཁ་དོག་དཀར་ཞིང་རྒྱུ་བ་དལ་བར་མཚོན་པའོ། །རྡོ་རྗེ་པདྨོ་རྣམ་པར་བསྒོམ། །ཞེས་བྱ་བ་ལ། དེ་ནས་ཏེ་རླུང་ནང་དུ་འཇུག་པའི་ཚེ་
ཡི་གེ་ཨོཾ་ཡོངས་སུ་གྱུར་པ་སྟེ། འདས་པའི་རྗེས་ལ་རླུང་ནང་དུ་གནས་པའི་ཚེ་པདྨ་སྟེ་ཡི་གེ་ཨཱཿསྟེ། དེ་ཡོངས་སུ་གྱུར་པ་འདས་པ་དང༌། ༼པ་ཚབ་ཀྱི་འགྱུར་ལས། དེ་ནས་པདྨ་རྡོ་རྗེ་བསྒོམ། །ཞེས་འབྱུང་བ་དག་གོ། ༽རླུང་ཕྱིར་ལྡང་བའི་ཚེ་རྡོ་རྗེ་སྟེ་ཡི་གེ་
ཧཱུྃ་རླུང་ཕྱིར་ལྡང་བ་རབ་ཏུ་བརྗོད་པར་བྱ་བ་སྟེ། འདི་ནི་རྡོ་རྗེ་མི་བསྐྱོད་པའི་རིགས་སྲོག་འཛིན་གྱི་རྡོ་རྗེའི་བཟླས་པའོ།། ༈ རིན་ཆེན་དཀྱིལ་འཁོར་ནི་རིན་ཆེན་འབྱུང་ལྡན་གྱི་དབང་ཆེན་གྱི་དཀྱིལ་འཁོར་ཐུར་སེལ་ཏེ། སྣ་བུག་གཉི་ག་ནས་རྒྱུ་བ་ཁ་
དོག་སེར་པོའོ། །མཆོག་གི་སྦྱོར་བ་ནན་ཏན་གྱིས། །དེ་ཡི་སྟེང་དུ་ཡོངས་སུ་བསྒོམ། །ཞེས་བྱ་བ་ནི། སའི་དཀྱིལ་འཁོར་ཐུར་སེལ་གྱི་རླུང་རྒྱུ་བ་དེ་ཡི་སྟེང་དུ་མཆོག་གི་སྦྱོར་བ་སྟེ་ཡི་གེ་གསུམ་གྱི་ཕྱིར། སྤྲོ་བ་ཧཱུཾ་ཡིག་དང་བསྡུ་བ་སྟེ། ནང་དུ་འཇུག་པ་
ཨོཾ་ཡིག་དང་གནས་པའི་བདག་ཉིད་ཅན་ཨཱཿཡིག་དང་སྦྱར་བ་ནན་ཏན་གྱིས་རྩེ་གཅིག་ཏུ་བསྒོམ་ཞིང་ཤེས་པར་བྱ་སྟེ། འདི་ནི་རིན་པོ་ཆེའི་རིགས་ཀྱི་ངོ་བོ་ཉིད་ཐུར་སེལ་གྱི་རྡོ་རྗེའི་བཟླས་པའོ།། ༈ ནམ་མཁའི་དབྱིངས་ཀྱི་དབུས་གནས་པར། །འོད་ཀྱི་དཀྱིལ་
འཁོར་བསྒོམ་པར་བྱ། །ཞེས་བྱ་བ་ལ་སྙིང་གའི་དྷཱུ་ཏཱིའི་ནང་གི་མི་ཤིགས་པ་ལས་བྱུང་བའི་འོད་ཀྱི་དཀྱིལ་འཁོར་ནི་རླུང་གི་དཀྱིལ་འཁོར་མཉམ་གནས་ཏེ། ཁ་དོག་ནག་པོ་སྣ་བུག་གཡོན་ནས་འབྱུང་བའོ། །མཉམ་གནས་ཀྱི་རླུང་རྒྱུ་བ། དེ་ཡི་སྟེང་དུ་སངས་
4-2-143a


རྒྱས་ཀྱི་སྟེ། མི་བསྐྱོད་པའི་ཚུལ་ཏེ་གནས་ཡི་གེ་ཧཱུཾ་ཞི་བ་སྟེ་ཐུང་ངུ་འཇུག་པ་ཨོཾ་དང༌། གནས་པཨཱཿའི་རྗེས་ལ་སྤྲོ་ཞིང་འབྱིན་པ་འདི་ནི་དོན་ཡོད་པར་གྲུབ་པའི་རིགས་མཉམ་གནས་ཀྱི་རླུང་གི་རྡོ་རྗེའི་བཟླས་པའོ།། 
༈ འོ་ན་སྣ་བུག་རེ་རེ་བ་གཉིས་ལ་གྱེན་རྒྱུ་༼རྡོ་རྗེ་ཕྲེང་བར་ཐུགས་ཀྱི་ཧཱུཾ་རིང་པོར་ཡང་བཤད་པས་རིང་ཐུང་གཉིས་ཀ་རུང་ངོ༌།། ༸དཀྱིལ་འཁོར་བཞིའི་རླུང་ལ་རྡོར་བཟླས་བྱེད་པའི་ཚེ། མགྲིན་པ་སོགས་གནས་བཞི་སོ་སོ་ནས་བྱེད་པ་མིན་གྱི། སྙིང་གའི་མི་ཤིགས་པ་ལས་ལྡང་འཇུག་གནས་གསུམ་
བྱེད་པ་འདི་ལེའུ་གསུམ་པ་དང༌། དྲུག་པ་རྩ་འགྲེལ་སོགས་ཀྱི་དགོངས་པ་ཡིན་ཞིང༌། དེ་ཉིད་རྡོར་བཟླས་ཀྱི་གནད་དམ་པ་ཡིན་ཡང༌། འདིའི་མན་ངག་ཏུ་མ་ཐོན་པར་སྣང་བས་ལེགས་པར་ངེས་པ་ཐོབ་པར་བྱའོ། །༼དང་མཉམ་གནས་གཉིས་དང༌། སྣ་བུག་མཉམ་རྒྱུ་ལ་སྲོག་འཛིན་དང་ཐུར་སེལ་
གཉིས་རྒྱུ་བར་བཤད་པའི་རླུང་བཞིའི་རྒྱུ་ཚུལ་དེ་དེ་ཁོ་ནར་ངེས་སམ་སྙམ་ན། དེ་ནི་མ་ཡིན་ཏེ། འཁོར་ཡང་ཁྱད་པར་དག་ཏུ་སྤྲོ་ཞེས་བྱ་བ་ནི། དེ་ནས་དཀྱིལ་འཁོར་བཞི་པོ་རེ་རེས་གཙོ་བོ་བྱས་པའི་དཀྱིལ་འཁོར་གཞན་གྱི་རབ་ཏུ་འཇུག་པ་ལ་སྤྱོད་པ་ན་རང་མ་གཏོགས་
པ་དཀྱིལ་འཁོར་གཞན་གསུམ་པོ་འཁོར་དུ་གྱུར་པས་གཙོ་བོ་གང་ཡིན་པ་དེའི་ནང་དུ་ཆུད་པར་སྤྲོ་བ་སྟེ་རྒྱུའོ་ཞེས་པའི་དོན་ནོ་འོ། །༼དཔེར་ན་གྱེན་རྒྱུས་གཙོ་བོ་བྱས་ནས་རྒྱུ་ན་སྣ་བུག་གཡས་རྐྱང་ལ་རྒྱུ་བ་ན། གཞན་གསུམ་འཁོར་དུ་རྒྱུ་བས་རླུང་
བཞི་པོ་རེ་རེ་རྒྱུ་བ་ན་བཞི་ག་རྒྱུ་ལ། གཙོ་བོ་དེའི་ནང་དུ་ཆུད་པར་རྒྱུ་བ་ཡིན་པས། སྤྱིར་རླུང་བཞིའི་རང་དབང་གི་ཁ་དོག་དམར་སེར་དཀར་ལྗང་ཀུ་ཡིན་ཡང༌། གཙོ་བོ་གང་ཡིན་དེའི་གཞན་དབང་གིས་ནི། གྱེན་རྒྱུའི་འཁོར་གསུམ་གྱི་ཁ་དོག་དམར་སེར་སོགས་གསུམ་དུ་འགྱུར་རོ། །
4-2-143b


འཁོར་ཡང་ཞེས་པའི་རྩ་འགྲེལ་གྱིས་ནི་སྣ་བུག་རེ་རེ་བ་གཉིས་ལ། གྱེན་རྒྱུ་དང་མཉམ་གནས་ཁོ་ན་དང༌། སྣ་བུག་མཉམ་རྒྱུ་ལ་སྲོག་དང་ཐུར་སེལ་ཁོ་ན་རྒྱུ་བར་འདོད་པ་རྣམས་དང༌། རླུང་བཞིའི་གཅིག་གཙོ་བོར་རྒྱུ་བ་ན་གཞན་གསུམ་འཁོར་དུ་རྒྱུ་བར་གསུངས་པ་དང༌། མགོན་པོ་རེའི་རླུང་རྒྱུ་བ་ན་ལྷ་མོ་
བཞིའི་རླུང་རྒྱུ་བ་གཉིས་དོན་གཅིག་ཏུ་འདོད་པ་ཡང་ལེགས་པར་བཀག་གོ། ༽དཀྱིལ་འཁོར་བཞིའི་རྡོ་རྗེ་བཟླས་པ་འདིའི་ཉིན་མཚན་དུ་བཟླས་པའི་གྲངས་ནི། བཤད་པའི་རྒྱུད་ལུང་སྟོན་ལས་སྟོན་པས་དེ་ལ་འཇུག་པར་བྱ་སྟེ། གོས་དཀར་མོ་དང་ལ་
སོགས་པས་བསྡུས་པ་སྒྲོལ་མ་དང་སྤྱན་མ་དང༌། མཱ་མ་ཀཱི་བཞི་པོ་རེ་རེའི་བཟླས་པ་བཤད་པ། །བརྒྱ་ཕྲག་གཉིས་དང་ཉི་ཤུ་ལྔ། །སྟེ། ཉིས་བརྒྱ་ཉེར་ལྔ་རེའོ། །བཞི་པོ་ལེགས་པར་བསྒྲེས་པ་སྟེ། བསྡོམས་པ་ནི། །རླུང་གི་སྦྱོར་བ་བཞིས་བསྡུས་པ་བརྒྱ་
ཕྲག་དགུ་ཉིད་དོ། །དགུ་བརྒྱ་དག་ཏུ་གང་བསྟན་པ་སྟེ། ཞག་གཅིག་ལ་ཉི་ཤུ་རྩ་བཞིའི་རིམ་གྱིས་ནི། །དགུ་བརྒྱ་པོ་དེ་ནི་ཉིན་མཚན་སོ་སོར་འབྱུང་བ་ལས། །ཉི་ཁྲི་ཆིག་སྟོང་དྲུག་བརྒྱའོ། །ཞེས་བྱ་བའོ།། ༈ རྣལ་འབྱོར་པ་གཉི་གའི་
ཕྲ་མོའི་རྣལ་འབྱོར་བསྐྱེད་རིམ་པའི་ཕྲ་མོ་སྒོམ་པ་ལས་རྣམ་པ་གཞན་དག་བསྟན་པའི་ཕྱིར། ཨུཏྤལ་མཐིང་ག་ཞེས་བྱ་བ་ལ་སོགས་པ་༼རྣལ་འབྱོར་པ་གཉིས་ཀ་ནི་རིམ་པ་གཉིས་ལ་འཆད་པ་མིན་པར་ཕོ་མོ་གཉིས་ལ་བཤད་དགོས་པར་ཕྱི་འགྲེལ་གྱིས་ཤེས་སོ། །
༽གསུངས་ཏེ། ཨུཏྤལ་མཐིང་གའི་ཁ་དོག་འདྲ་བའི་རྡོ་རྗེ་རྩེ་ལྔ་པ་ནས་འབྲུའི་ཚད་ཙམ་སྣའི་རྩེ་མོར་ཏེ། རང་ལྷར་གསལ་བའི་གི་རྡོ་རྗེའི་བུ་ག་ནོར་བུའི་དབུས་སམ། དེའི་རྩེ་མོའི་བུ་གར་ནན་ཏན་གྱིས་ཏེ། འབད་པས་བསམ་པར་བྱ་བའོ་དང༌། 
4-2-144a


ཁྱད་པར་དུ་ཞེས་གསུངས་པ་ནི་ལྷག་པར་འབད་ནས་སྒོམ་ཞེས་པའོ། བུད་མེད་ཀྱི་ཙ་ན་ཀ་སྟེ། སྲན་མའི་འབྲུའི་ཚད་ཙམ་གྱི་པདྨ་དམར་པོ་འདབ་མ་བརྒྱད་པ་ལྟེ་བའི་མཐར་གེ་སར་གྱི་ཕྲེང་བས་བརྒྱན་པ། རང་གི་ཆོས་འབྱུང་བའི་
ནང་དུ་ཆུད་པ་སྟེ། དེའི་སྣ་རྩེར་སྒོམ་པ་འདི་ཤིས་སོ་ནི། དེ་ལྟར་བསྒོམས་པས་བྱང་ཆུབ་ལ་གཞོལ་བ་སྟེ། བྱང་ཆུབ་ཐོབ་པར་བྱེད་པ་བསྒོམ་པར་བྱ་བ་དང༌། ཡུམ་གྱི་གསང་བའི་སྣ་རྩེ་དེར་ནི་འཁོར་ལོ་དང༌སོགས་ཀྱིས་བསྡུས་པ་རིན་པོ་ཆེ་དང་
རྡོ་རྗེ་རྣམས་བསྒོམ་པའང༌། ཙ་ན་ཀའི་འབྲུ་ཙམ་པ་ཉིད་མེ་ཏོག་ཕོག་པའི་རང་གི་ལྷ་ཡི་རིགས་ཀྱི་དབྱེ་བས་ཁྱད་པར་དུའང་བསྒོམ་པར་བྱའོ།། ༈ རྣལ་འབྱོར་པ་ཕོ་མོས་གསང་བའི་སྣ་རྩེར་ཕྱག་མཚན་ཕྲ་མོ་སྒོམ་པ་དེས་ཀྱང་ཅི་ཞིག་འགྲུབ་པར་
འགྱུར་ཞེ་ན། དངོས་གྲུབ་ཐམས་ཅད་ཅེས་བྱ་བ་ལ་སོགས་པ་གསུངས་ཏེ། དངོས་གྲུབ་ཐམས་ཅད་ནི་ཞི་བ་ལ་སོགས་པའི་འཇིག་རྟེན་པའི་དངོས་གྲུབ་དང་འོ། །ཡོན་ཏན་ནི་མཆོག་གི་དངོས་གྲུབ་འདོད་པའི་དབང་ཕྱུག་ལ་སོགས་པ་དབང་ཕྱུག་
བརྒྱད་དོ། །བྱང་ཆུབ་གནས་འགྲུབ་ཅེས་བྱ་བ་ལ། བྱང་ཆུབ་ནི་གཉིས་སུ་མེད་པའི་ཡེ་ཤེས་ཟུང་འཇུག་གོ་སོ། །ཟུང་འཇུག་དེའི་གནས་ནི་རྒྱུ་སྟེ། དེ་གང་ཡིན་ཞེ་ན། དོན་དམ་པའི་བདེན་པར་བཞུགས་པའི་འོད་གསལ་ལོ་འོ། །དེ་ཉིད་
ནི་ཉོན་མོངས་པ་ཐམས་ཅད་རྣམ་པར་དག་པར་བྱེད་པས་ན་ཉམས་དགའ་བ་སྟེ་ཡིད་དགའ་བའོ། །ཕན་ཡོན་བསྡུས་ཏེ་བསྟན་ན་དེ་ལྟ་བུའི་མཆོག་ཐུན་མོང་གི་དངོས་གྲུབ་ཐམས་ཅད་ཀྱི་གཞིར་གྱུར་པའི་བྱང་ཆུབ་ཀྱི་གནས་འོད་གསལ་འགྲུབ་
4-2-144b


པར་འགྱུར་བ་སྟེ། ཕན་ཡོན་དེ་རྣམས་རྣལ་འབྱོར་པ་དེའི་མངོན་སུམ་དུ་འགྱུར་བའོ། །འོག་སྒོའི་ཕྱག་མཚན་ཕྲ་མོ་བསྒོམས་པས་བྱང་ཆུབ་ཀྱི་གནས་དོན་དམ་པའི་བདེན་པ་འོད་གསལ་འགྲུབ་པ་སྔར་བཤད་པ་དེ་ཇི་ལྟར་མངོན་དུ་བྱེད་ཅེ་ན། སངས་རྒྱས་ཞེས་
བྱ་བ་ལ་སོགས་པ་གསུངས་ཏེ། སངས་རྒྱས་ནི་འོད་གསལ་དུ་གཞུག་རྒྱུའི་ཕུང་པོ་ལ་སོགས་པའོ། །བྱང་ཆུབ་ལ་གནས་པ་རྣམས་ནི། དེ་ཡང་གང་ལ་གནས་པ་ཡིན་སྙམ་ན། མངལ་བཟུང་བ་ནས་མ་ཤིའི་བར་ལ་གཞིའི་སྐྱེ་བ་སྤྲུལ་པའི་སྐུའི་གནས་
སྐབས་ཞེས་འདི་པའི་ལུགས་ལ་ཐ་སྙད་ཡོད་པས་ད་ལྟར་གྱི་སྒྲུབ་པ་པོའི་ལུས་ལ་གནས་པའི་ཕུང་སོགས་སོ། །འོག་སྒོའི་ཕྲ་མོ་དེ་མན་ངག་ཏུ་བཤད་པ་བཞིན་བསྒོམས་པས། རྫོགས་རིམ་པའི་སྣང་མཆེད་ཐོབ་གསུམ་གྱི་ཡེ་ཤེས་བསྐྱེད་པར་ནུས་ལ། དེ་གོམས་པ་ལས་
མདོར་ནའམ། བསྡུས་ན་ཞེས་བྱ་བ་ནི། སེམས་དབེན་གྱི་ཡེ་ཤེས་གསུམ་གྱི་སྟེ། དེ་གསུམ་ལས་སྒྱུ་མའི་སྐུ་གཅིག་ཏུ་སྦྱོར་བས་སྐུ་དེ་ལ་གནས་པར་བྱས་ནས། བསམ་གཏན་གཉིས་ཀྱིས་དོན་དམ་པའི་བདེན་པ་དེ་རུ་ར་སྤྲོ་ཞིང་སྟེ་གཞུག་
པར་བྱའོ། །དེར་གང་གཞུག་ཅེ་ན། དེ་ལྟར་སྒྱུ་མའི་སྐུ་དོན་དམ་པའི་བདེན་པ་ལ་འཇུག་པ་སྟེ། ཞུགས་ཤིང་དག་པའི་འོག་ཏུ་སླར་ཡང་འོད་གསལ་བ་ལས་ལྡང་བ་བསྟན་པར་བྱ་བའི་ཕྱིར། སྐུ་གསུང་ཞེས་བྱ་བ་ལ་སོགས་པ་གསུངས་ཏེ། སྐུ་
གསུང་ཐུགས་ཀྱིས་མཚན་པ་ཡི། ཞེས་བྱ་བ་ནི། སྐུ་གསུམ་དབྱེར་མི་ཕྱེད་པའི་གྱི་བདག་ཉིད་ཅན་གྱི་ཟུང་འཇུག་གི་སྐུའོ་ནོ། །ཆོས་ནི་འོད་གསལ་བའོ། །དེའི་ཚིག་༼ཅེས་པ་ཚིག་གི་སྐད་དོད་པ་ད་ནི་ཚིག་དང་གནས་གཉིས་ཀ་ལ་འཇུག་པ་འདིར་
4-2-145a


གནས་ལ་བསྒྱུར་བ་ལྟར་ཡིན་ནོ། །༽ནི་རྒྱུ་གང་ཡིན་པ་དེ་ལ་ཆོས་ཀྱི་ཚིག་སྟེ། གནས་ཞེ་ཅེས་བྱ་སྟེ། འོད་གསལ་དེ་ལས་ཟུང་འཇུག་རྡོ་རྗེ་འཆང་ཆེན་པོའི་བདག་ཉིད་དུ་བསྐྱེད་པར་བྱའོ་ཞེས་པ་སྟེ། དགོངས་པས་
བཤད་པའོ།། ༈ ད་ནི་འདོད་པའི་ཡོན་ཏན་ལྔ་ལ་རང་བཞིན་ཤེས་པས་ལོངས་སྤྱོད་པའི་སྒོ་ནས་རྫོགས་པའི་རིམ་པའི་སྤྱོད་པ་དང་རིམ་པ་དང་པོའི་སྤྱོད་པ་གསལ་བར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་ནས་ནི་༼
རྣལ་འབྱོར་པ་ཕོ་མོས་གསང་བའི་སྣ་རྩེར་ཕྱག་མཚན་ཕྲ་མོ་སྒོམ་པ་རིམ་པ་གཉིས་ཀ་ལ་ཡོད་ཀྱང༌། འདིར་རྫོགས་རིམ་པའི་ཕྲ་མོ་སྒོམ་པ་ཡིན་པར་འདི་ལ་བརྟེན་ནས་འོད་གསལ་འགྲུབ་པར་བཤད་པའི་རིམ་པས་ཤེས་ལ། དེ་བོད་དུ་ཤིན་ཏུ་རྟོགས་དཀའ་བར་བྱུང་འདུག་ནའང༌། དེ་རྟོགས་
པར་བྱེད་ལུགས་རྣམས་འདིའི་མན་ངག་ཏུ་ལེགས་པར་གཏན་ལ་ཕབ་པ་ལས་ཤེས་པར་བྱའོ། །༼ཕྲ་མོའི་རྣལ་འབྱོར་བཤད་པའི་འོག་ཏུའོ། །དེ་ཉིད་དོན་ནི་གཉིས་སུ་མེད་པའི་ཡེ་ཤེས་ཏེ་དེ་སྟོན་པར་མཛད་པས་ན་དེ་ཉིད་དོན་ཀུན་སྟོན་པ་པོའོ། །སྤྱོད་པ་ཀུན་
ནི་སྤྲོས་པ་དང་བཅས་པའི་སྤྱོད་པ་དང༌། སྤྲོས་པ་མེད་པའི་སྤྱོད་པ་དང༌། ཤིན་ཏུ་སྤྲོས་པ་མེད་པའི་སྤྱོད་པ་ནི་སྤྱོད་པ་ཀུན་ནོ། །སྤྱོད་པ་གསུམ་པོ་དེ་རྣམས་ཀྱི་མཆོག་ནི་ལོངས་སྤྱོད་པ་དང་། གྲོལ་བའི་སྤྱོད་པའོ། །དེ་རྣམས་ཀྱི་དག་པ་ནི་༼
ཞེས་འགྱུར་རྙིང་གཉིས་དང་པ་ཚབ་ཀྱིས་བསྒྱུར་བ་ནི་མི་ལེགས་ཏེ། སྤྱོད་པ་གསུམ་ཀ་སྤྱོད་པ་དེ་ཡིན་པས་སོ། །དེས་ན་ཆག་གིས་བྷུ་སུ་ཀུའི་སྤྱོད་པའོ་ཞེས་བསྒྱུར་བ་ལེགས་སོ། །དེ་ལ་བྷུཉྫ་ནི་ཟ་བའོ། །སཱུ་ཏཱ་ནི་གཉིད་ལོག་པའོ། །ཀུ་ཊི་ས་ར་ནི་བཤང་བར་འགྲོ་བའོ། །དེ་གསུམ་ཙམ་ཞིག་
4-2-145b


བྱེད་པ་མིན་པ་ཡེ་རྒྱ་ལ་བརྟེན་ནས་བདེ་སྟོང་བསྒོམ་པའོ། །འདི་ནི་ལེའུ་འདིར་བསྟན་པའི་རྫོགས་རིམ་གྱི་སྤྱོད་པའི་གཙོ་བོའོ། ༼རྡོ་རྗེ་འཆང་གི་གོ་འཕང་ཐོབ་པར་བྱེད་པས་སོ། །དེའི་ཕྱིར་གསང་བའི་དམ་པའོ་ནི་འོག་ནས་བཤད་པ་སྟེ་དེ་བཀའ། སྩལ་པ་ནི། གཟུགས་
དང་ཞེས་བྱ་བ་ལ་སོགས་པའོ།། ༈ གཟུགས་དང་སྒྲ་དང་རོར་ལྡན་པ་ཞེས་བྱ་བས་ནི། དྲི་དང་རེག་བྱ་ཡང་མཚོན་པ་སྟེ། ཕྱག་རྒྱའི་འདོད་ཡོན་ལྔ་ལ་ལོངས་སྤྱོད་པ་དང་ལྡན་པར་ཞེས་པའོ། །སྤྱོད་པ་བྱེད་པ་པོ་རང་ཉིད། རྡོ་རྗེ་གསུམ་མི་ཕྱེད་པའི་ངོ་བོའི་བདག་ཉིད་ཅན་དུ་
ཤེས་ནས་ཏེ། བསྒོམས་ནས་སྒྲུབ་པ་པོས་ཟླ་བ་དྲུག་ཏུ་རྟག་ཏུ་བསྒོམ་པར་བྱའོ། །ཅི་ཞིག་བསྒོམ་པར་བྱ་ཞེ་ན། གསང་བའི་དེ་ཁོ་ན་ཉིད་ཀྱི་མཆོད་པ་ཆེན་པོ་ནི་འོད་གསལ་བ་སྒོམ་པ་སྟེ། དེ་ཉིད་ཀྱིས་ལེགས་པར་མཆོད་ནས་བསྒོམ་པར་བྱའོ།། ༈ དེའི་ཚེ་ཁ་ཟས་ཁྱད་པར་བ་ནི་
ཟས་སུ་བཤང་གཅི་ཞེས་བྱ་བ་ནི། བཤང་བ་དང་གཅི་བ་བཟའ་བར་བྱ་བའི་ཕྱིར་ཏེ། བཟའ་བར་བྱའོ་དང༌། དེ་བྱས་པས་ལུས་ཀྱི་སྟོབས་རྒྱས་ནས་རིང་དུ་གནས་པར་བྱ་བའི་ཕྱིར་དངོས་གྲུབ་ཀྱི་འབྲས་བུ་དོན་དུ་གཉེར་བའི་སྒྲུབ་པ་པོས་བྱའོ། །ལུས་
གནས་པ་དེས་བླ་ན་མེད་པའི་དེ་ཁོ་ན་ཉིད་ཅི་ཞིག་འགྲུབ་པར་འགྱུར་ཞེ་ན། དེ་ཉིད་བསྟན་པར་བྱ་བའི་ཕྱིར། སངས་རྒྱས་བྱང་ཆུབ་སྐྱོན་མེད་པ་ཞེས་བྱ་བ་ལ་སོགས་པ་གསུངས་སོ། །སྤྱོད་པའི་དུས་སུ་བཤང་གཅི་བཟའ་བར་བཤད་པའི་ཞར་ལ། རང་རིགས་ཀྱི་
ཁྲོ་བོར་བསྐྱེད་ནས་དྲག་ལས་སོགས་བསྒྲུབ་པའི་སྐབས་སུ་ཤ་ལྔ་ལ་ལོངས་སྤྱོད་ཚུལ་སྟོན་པ་ནི། ཟས་སུ་ཞེས་བྱ་བ་ལ་སོགས་པ་ལ། ཤ་རྣམས་ཟ་བ་དང་ཞེས་བྱ་བ་ནི་མི་བསྐྱོད་པའི་རིགས་ཀྱི་སྒྲུབ་པ་པོ་རང་གི་ཟས་སུ་བྱ་བའི་ཕྱིར་དུ་དང༌། ཉེ་བར་ལོངས་
4-2-146a


སྤྱོད་པའི་དོན་དང༌། རྡོ་རྗེའི་རིགས་ཀྱི་ཁྲོ་བོའི་ལྷ་རྣམས་ལ་གཏོར་མར་དབུལ་བར་བྱ་བའི་ཕྱིར་དུ་ཏེ། གལ་ཏེ་ཤ་བརྟག་པར་ཏེ། ལོངས་སྤྱོད་པར་གྱུར་ན་དེའི་ཚེ་ཤ་ཆེན་པོ་མིའི་ཤ་ལ་བརྟག་པར་ཏེ། སྤྱད་པར་བྱའོ། །
ཤ་ཆེན་ཟོས་པའི་ཕན་ཡོན་ནི། གསང་བ་ནི་གསད་པ་ལ་སོགས་པའི་དྲག་པོའི་ལས་ཏེ་སོ། །ལས་དེ་སྒྲུབ་པ་པོ་དེ་ལ་ཕན་ཡོན་དུ་འབྱུང་བ་སྒྲུབ་པ་པོ་དེ་ཡིས་ཡུལ་དུ་བྱས་པ་ཅན་སྟེ། མཐོང་བ་ནི་གསང་བའོ། །གསང་བ་དེ་གང་ཡིན་ཞེ་ན། སྐུ་དང་
གསུང་དང་ཐུགས་ཞེས་བྱ་བ་སྟེ། རྡོ་རྗེ་གསུམ་དངོས་དང་རྗེས་སུ་མཐུན་པར་ལུས་ངག་ཡིད་གསུམ་བདེ་བ་ལ་ལེགས་པར་གནས་པ་འབྱུང་བར་འགྱུར་བའོ། །དེ་དག་སྟེ། བསད་པ་ལ་སོགས་པ་འབའ་ཞིག་ཏུ་སྟེ་ལ་བསྟན་པར་མ་ཟད་ཀྱི། དངོས་གྲུབ་བསྒྲུབ་
པ་ཐམས་ཅད་ཅེས་བྱ་བ་སྟེ། རི་ལུ་ལ་སོགས་པའི་དངོས་གྲུབ་བསྒྲུབ་པ་རྣམས་ལ་ཡང་རང་གི་ལྷའི་རིགས་དང་མཐུན་པའི་ཁ་ཟས་བསྟེན་ན་རྣལ་འབྱོར་པ་དེའི་ལུས་དང་ངག་དང་ཡིད་བདེ་བ་ལ་ལེགས་པར་གནས་པ་སྐྱེ་བའོ། །དེ་ལྟར་རྡོ་རྗེའི་རིགས་ཀྱི་
ཁྲོ་བོ་རྣམས་ཀྱི་ཉེ་བར་སྤྱད་པ་གསུངས་ནས། དེ་བཞིན་གཤེགས་པ་ལ་སོགས་པའི་རིགས་ཀྱི་ཁྲོ་བོ་རྣམས་ཀྱི་ཉེ་བར་ལོངས་སྤྱོད་པ་བསྟན་པའི་ཕྱིར། གླང་པོའི་ཞེས་བྱ་བ་ལ་སོགས་པ་གསུངས་ཏེ། རྣམ་སྣང་གི་རིགས་ལ་ནི་གླང་པོ་ཆེའི་ཤ་
དང༌། རིན་འབྱུང་གི་རིགས་ལ་ནི་རྟ་ཡི་ཤ་དང༌། དེ་བཞིན་དུ་འོད་དཔག་མེད་ཀྱི་རིགས་ལ་ནི་དམ་པ་ཞེས་བྱ་བ་ནི་བ་ལང་གི་ཤ་དང༌། དོན་གྲུབ་ཀྱི་རིགས་ལ་ནི་ཁྱི་ཡི་ཤའོ། །བཟའ་བར་བྱ་ཞེས་བྱ་བ་ནི་ཤ་བཞི་པོ་དེ་རྣམས་བཟའ་བར་བྱ་བའི་ཕྱིར་དང༌། ལྷ་བཤོས་
4-2-146b


ཀྱི་ཕྱིར་དེ་བཞིན་གཤེགས་པའི་རིགས་ལ་སོགས་པའི་ཁྲོ་བོའི་ཚོགས་ཀྱིས་བཟའ་བར་བྱའོ། །ཤ་ལྔ་པོ་དེ་རྣམས་མེད་ན་སྟེ། མ་འབྱོར་ན་ཇི་ལྟར་བྱ་ཞེ་ན། ཟས་གཞན་ཞེས་བྱ་བ་ལ་སོགས་པ་གསུངས་ཏེ། བཟའ་བ་ལ་སོགས་པ་གཞན་དག་
ཀྱང་ཤར་དབུལ་ལོ། །ཟས་ནི་འབྲས་ཆན་ནོ། །གཞན་དག་ནི་འབྲུ་རྣམས་སོ། །དེ་དག་ཀྱང་མི་བཟའ་འམ་༼གཞན་གང་ཡང་རུང་བའི་ཤ་དབུལ་ལོ། །ཞེས་ཆག་གིས་བསྒྱུར་བ་ལྟར་ལེགས་པས་ཤ་ལྔ་ལས་གཞན་པའི་ཤ་གང་རུང་ལ་མི་ཤ་སོགས་སུ་བསམས་ལ་དབུལ་ལོ། །
༸པ་ཚབ་ཀྱིས་བསྒྱུར་བའི་རྒྱུད་ལས། རྩམ་པའི་ཟས་ཀྱིས་གསོལ་མི་བྱ། །ཞེས་དང༌། དེའི་འགྲེལ་པར་རྩམ་པའི་ཟས་ནི་འབྲས་ཆན་ཏེ། གསོལ་མི་བྱ་སྟེ། བཞེས་སུ་གཞུག་པར་མི་བྱ་སྟེ། རྩམ་པའི་ཟས་ནི་དྲག་པོའི་ལས་ལ་ལྷ་བཤོས་མ་ཡིན་པའི་ཕྱིར་རོ། །ཞེས་འབྱུང་བ་ལྟར་དག་གོ། །
༼ཞེ་ན། བཟའ་བར་བྱ་སྟེ། ཁྲོ་བོ་རྣམས་ཀྱི་དྲག་པོའི་ལས་ལ་ནི་ཟས་གཞན་མི་དབུལ་བ་ཡིན་པས་སོ།། ༈ དྲག་ལས་སོགས་སོ་སོ་ལ་རིགས་དང་མཐུན་པའི་གཏོར་མ་ལ་སོགས་པ་བྱས་པ་དེའི་འབྲས་བུ་སྟེ། ཕན་ཡོན་བསྟན་པར་བྱ་བའི་ཕྱིར། 
བྱང་ཆུབ་ཅེས་བྱ་བ་ལ་སོགས་པ་གསུངས་ཏེ། རིགས་དེ་དང་འབྲེལ་བའི་བྱང་ཆུབ་སེམས་དཔའ་རྣམས་དང༌། བློ་ཅན་ཏེ་རང་གི་ཕྱག་རྒྱ་དང་བཅས་པ་རྣམས་དང༌། སངས་རྒྱས་ཏེ་མི་བསྐྱོད་པ་ལ་སོགས་པ་རྣམས་རིགས་སོ་སོ་བ་དེ་དང་འབྲེལ་
བའི་རང་གི་རིགས་ཀྱི་མཆོད་པ་སྟེ། གཏོར་མ་ལ་སོགས་པ་བྱས་པས་མཉེས་པར་འགྱུར་རོ། །ཡང་འདི་ཉིད་ཀྱི་ཕན་ཡོན་བསྟན་པར་བྱ་བའི་ཕྱིར། འདི་ལྟ་བུ་ཡི་སྦྱོར་བ་ཡིས། །མྱུར་དུ་སངས་རྒྱས་ཉིད་ཐོབ་འགྱུར། །ཞེས་བྱ་བ་གསུངས་ཏེ། 
4-2-147a


གཏོར་མའི་སྦྱོར་བ་འདི་ཡིས་ནི་མྱུར་ཞིང་རིངས་པར་སངས་རྒྱས་ཉིད་དེ་བྱང་ཆུབ་པ་ཉིད་ཐོབ་པར་འགྱུར་བའོ། །ཡེ་ཤེས་དང་ལྡན་པ་འབའ་ཞིག་འགྲུབ་པར་ཏུ་མ་ཟད་ཀྱི། འདོད་པའི་དབང་ཕྱུག་ཏུ་འགྱུར་རོ་ཞེས་བསྟན་
པར་བྱ་བའི་ཕྱིར། འདོད་ཁམས་ཞེས་བྱ་བ་ལ་སོགས་པ་གསུངས་ཏེ། འདོད་ཁམས་དབང་ཕྱུག་འཇིག་རྟེན་ན། །གོ་འཕང་ལས་ནི་བྱེད་པར་འགྱུར། །ཞེས་བྱ་བ་ལ། འདོད་པའི་ཁམས་ནི་སྟེ། དེའི་བྱེ་བྲག་བུད་མེད་ཐམས་ཅད་དེ། དེ་རྣམས་
ཀྱི་ཡུལ་ལ་འདོད་པ་སྤྱོད་པའི་དགའ་བའི་དབང་ཕྱུག་ཏུ་འགྱུར་བའོ། །དེ་ཡང༌། རི་རབ་སུམ་ཅུ་རྩ་དྲུག་གི། རྡུལ་ཕྲན་ཇི་སྙེད་ཡོད་པ་ཡི། །དེ་སྙེད་ཀྱི་ནི་བུད་མེད་རྣམས། །ཡོན་ཏན་ཅན་ནི་བདག་གིར་འགྲུབ། །ཅེས་འདི་ཉིད་ཀྱི་འོག་ལེའུ་བཅུ་གཉིས་
པ་ནས་གསུངས་པའི་ཕྱིར་རོ། །འཇིག་རྟེན་ནི་ལས་ཀྱི་ས་འཛམ་གླིང་ངོ་འོ། །གོ་འཕང་ནི་ཕྱིར་མི་ལྡོག་པའོ། །དེའི་ལས་ནི་སེམས་ཅན་སྨིན་ཅིང་གྲོལ་བར་བྱེད་པའི་མཚན་ཉིད་ཅན་ནོ། །དེ་མཛད་པས་ན་གོ་འཕང་ལས་ནི་བྱེད་པར་འགྱུར་བའོ། །
ཡོངས་སུ་བརྟགས་པ་བསྐྱེད་རིམ་པའི་རྣལ་འབྱོར་པ་རྣམས་ཀྱི་མཆོག་ཏུ་གྱུར་པས་ན་གཙོ་བོའོ། །སྡུག་བསྔལ་བ་དང་ཡིད་མི་བདེ་བ་ཐམས་ཅད་ཟིལ་གྱིས་གནོན་པས་ན་གཟི་བརྗིད་དེ། དེ་ཡོད་པས་ན་གཟི་བརྗིད་ཅན་ནོ། །རྙེད་པ་དང༌། བདེ་བ་
དང༌། སྙན་པ་དང༌། བསྟོད་པ་ལ་ཆགས་པ་བཞི་དང་། དེ་ལས་ལོག་པ་བཞི་ལ་སྡང་བའི་འཇིག་རྟེན་གྱི་༼འདི་ནས་རྫོགས་རིམ་པའི་ཕན་ཡོན་སྟོན་ནོ། །༽ཆོས་བརྒྱད་ཀྱིས་མི་བརྫི་བས་ན་སྟོབས་དང་ལྡན་པའོ། །རྡོ་རྗེ་སེམས་དཔའི་ཚེ་དང་ལང་ཚོ་དང་
4-2-147b


ལྡན་པས་ན་མདངས་བཟང་བའོ་ངོ་། །རྟག་ཏུ་རབ་ཏུ་དགའ་བར་གྱུར་པས་ན་མཐོང་ན་ཡིད་དུ་འོང་བའོ། །དེ་ལྟ་བུའི་རྣལ་འབྱོར་ཆེན་པོ་དང་ལྡན་པའི་རྣལ་འབྱོར་པས་ནི་མཐོང་བ་སྟེ་མཐོང་བ་ནི་ཁོང་དུ་ཆུད་པའོ། །ཁོང་དུ་ཆུད་པ་དེ་ཡང་རྣམ་པ་གསུམ་སྟེ། 
མིག་དང༌། རྣ་བ་དང༌། ཡིད་ཀྱིས་སོ། །དེ་ལ་མཐོང་བ་ཙམ་གྱིས་འཇིག་རྟེན་ཏེ། སྐྱེ་གནས་སོགས་སྣ་ཚོགས་པས་རྣམ་པར་ཕྱེ་བའི་འགྲོ་བ་རྣམས་དབང་དུ་བྱེད་པར་འགྱུར་བ་སྟེ། དཔོན་པོ་ལ་སོགས་པ་ལྟ་བུར་མཐོང་བར་འགྱུར་བའོ། །དབང་དུ་
འགྱུར་བ་ནི་དབང་ཐོབ་པའི་རྣམ་གྲངས་སོ། །བསྐུལ་མེད་པར་ཞེས་བྱ་བ་ནི། ཕྱིའི་སྔགས་དང་ཕྱག་རྒྱ་ལ་སོགས་པས་བསྐུལ་ཞིང་དྲངས་པ་མེད་པ་སྟེ། མཚན་༼འདི་འགྱུར་གསར་གཉིས་ལ་མེད་དོ། །༽མའི་ཏིང་འཛིན་བརྟགས་པའི་ལྷའི་
རྣལ་འབྱོར་དང་སྔགས་བཟླས་པ་སོགས་ལ་གནས་པས། མཚན་མ་མེད་པའི་ཏིང་ངེ་འཛིན་གྱིས་འགྲུབ་པའི་འབྲས་བུ་འཐོབ་པར་མི་འགྱུར་རོ། །ཞེས་རྣམ་པར་སྣང་མཛད་མངོན་པར་བྱང་ཆུབ་པ་ལས་གསུངས་པའི་ཕྱིར། ཟུང་འཇུག་པ་ལ་ནི་བདེ་བ་
སྟེ། དངོས་གྲུབ་ཐམས་ཅད་ཕྱིའི་སྔགས་དང་ཕྱག་རྒྱ་ལ་མི་ལྟོས་པར་ལྷུན་གྱིས་གྲུབ་པ་ཉིད་དུ་འབྱུང་བར་འགྱུར་བའོ། །འདི་ནི་ཞེས་པ་ནི་བཤད་མ་ཐག་པའོ། །སངས་རྒྱས་ཐམས་ཅད་ཀྱི་ཞེས་བྱ་བ་ལ། ཐམས་ཅད་ནི་རྟོག་པའི་རྣལ་འབྱོར་པ་ཐམས་
ཅད་དེ། དེ་རྣམས་ཀྱི་སྟེ། ལས་ཕུལ་དུ་བྱུང་བའི་སངས་རྒྱས་ཏེ་རྟོགས་པ་པོ་ཤིང་རྫོགས་པའི་རིམ་པའི་ཏིང་ངེ་འཛིན་ལ་གནས་པའོ། །དེ་རྣམས་ཀྱི་གསང་བ་ནི་སྦས་པའོ། །བྱང་ཆུབ་དམ་པ་ཞེས་བྱ་བ་ནི་བྱང་ཆུབ་དམ་པ་དེ་འཐོབ་པར་
4-2-148a


འགྱུར་བ་ལས་ཉེ་བར་མཚོན་པ་སྟེ། སྤྱོད་པ་ལ་ཡང་དེའི་མིང་བཏགས་པའོ། །ཡང་དག་སྔགས་ཀྱི་གསང་བ་ཞེས་བྱ་བ་ནི་དེ་བཞིན་གཤེགས་པའི་གསང་བའོ། །འདི་ཞེས་བྱ་བ་ནི་བཤད་མ་ཐག་པའོ། །ལུས་ངག་
སེམས་ལས་འདའ་བ་འོ། །ཞེས་བྱ་བ་ནི། ཐ་མལ་པའི་ལུས་དང་ངག་དང་སེམས་ལས་འདའ་བ་གང་ཡིན་པ་དེ་ལ་དེ་སྐད་ཅེས་བྱའོ། །འདི་སྐད་སྟོན་པར་འགྱུར་ཏེ། ཐ་མལ་པའི་ལུས་སྤངས་ནས། ༼ཞེས་པ་འདི་ལ་ནི་སྒྱུ་མའི་སྐུ་དངོས་སུ་གྲུབ་
པ་གཅིག་དགོས་ལ། དེ་ལ་ཡང་རིམ་པ་གསུམ་པའི་སྒྱུ་ལུས་དངོས་གྲུབ་པ་དང༌། དག་པའི་སྒྱུ་མའི་སྐུ་དང་པོར་གྲུབ་པ་དང༌། འབྲས་བུའི་སྐབས་གསུམ་ཡོད་པ་ལས། འདི་ནི་བར་པའི་སྐབས་ཡིན་ཏེ། འདིར་རྫོགས་རིམ་པའི་སྤྱོད་པ་ནི་སྒྱུ་ལུས་གྲུབ་ནས་འོད་གསལ་གྱི་དོན་དུ་ཡིན་པར་
ངེས་དོན་གྱི་བཤད་པ་ལས་ཤེས་པའི་ཕྱིར་རོ། །ཐ་མལ་པའི་ལུས་སྤངས་པའི་དོན་ཤིན་ཏུ་རྟོགས་དཀའ་བར་ཡོད་པ་གཞན་དུ་རྒྱས་པར་བཤད་ཟིན་པ་ལས་ཤེས་པར་བྱའོ། །༽གང་གིས་རྡོ་རྗེའི་རང་བཞིན་གྱི་ལུས་ཐོབ་པར་འགྱུར་བའི་དེ་ཁོ་ན་ཉིད་ནི་འདི་ལྟ་བུ་ཡིན་ནོ་
ཞེས་པ་སྟེ། དེ་སྐད་དུ། རྣམ་རྟོག་མེད་པ་འོད་གསལ་ལ་གནས་པའི་སྔགས་པ་ནི། འདི་ལྟབུའི་ཏིང་ངེ་འཛིན་དང་ལྡན་པ་དག་ནི། ལམ་གཞན་དུ་བསྐལ་པ་མང་པོའི་གྲངས་ཀྱི་ངེས་པ་བཤད་པའི་དུས་ནི་ཡོངས་སུ་སྤངས་ནས། བླ་ན་
མེད་པའི་གོ་འཕང་ཐོབ་པར་འགྱུར་རོ། །ཞེས་རྡོ་རྗེ་སྙིང་པོ་རྒྱན་གྱི་རྒྱུད་ལས་གསུངས་པ་སྟེ། དྲང་བའི་དོན་ཏོ།། ༼ཞེས་པ་ཟླ་བ་དྲུག་དང་། བཤང་གཅི་དང་ཤ་ལྔ་ཟ་བའི་ངེས་དོན་མ་བཤད་པར་སྒྲས་ཟིན་ལྟར་བཤད་པའི་སྒོ་ནས་དྲང་བའི་དོན་ཞེས་བྱ་ཡི། སྔར་བཤད་
4-2-148b


པ་ཐམས་ཅད་བསྐྱེད་རིམ་ལ་བཤད་པའི་སྒོ་ནས་མིན་ཏེ། རྫོགས་པའི་རིམ་པ་དུ་མ་ཞིག་བཤད་པའི་ཕྱིར་རོ། ། ༈ ཟླ་བ་དྲུག་བསྒོམ་པ་དང༌། བཤང་གཅི་དང་ཤ་ལྔ་བཟའ་བར་གསུངས་པ་སོགས་རྡོ་རྗེའི་ཚིག་འདི་དག་གི་ངེས་པའི་དོན་བཤད་པའི་རྒྱུད་ལུང་སྟོན་ཀྱི་རྗེས་
སུ་འབྲངས་པས་རྣམ་པར་དབྱེ་བ་སྟེ། བཤད་པ་ལ་འཇུག་པར་བྱ་སྟེ། དེ་ནས་བདེ་གཤེགས་གཙོ་བོས་ཀྱང༌། །གསང་བའི་དམ་པ་གསུངས་པ་ནི། །སེམས་ཅན་ཀུན་གྱི་དོན་གྱི་ཕྱིར། །སྤྱོད་མཆོག་དམ་པ་ཀུན་གསུངས་སོ།། ༈ མཛོད་
ལས། སྐད་ཅིག་མ་བརྒྱ་ཉི་ཤུ་ལ། །དེ་ཡི་སྐད་ཅིག་དེ་དག་ཀྱང༌། །དྲུག་ཅུ་ལ་ནི་ཐང་ཅིག་གོ། ཡུད་ཙམ་ཉིན་ཞག་ཟླ་གསུམ་ནི། །གོང་ནས་གོང་དུ་སུམ་ཅུར་འགྱུར། །ཞེས་འབྱུང་བ་ལྟར། སྐད་ཅིག་གི་དུས་དང༌། ཐང་ཅིག་གི་དུས་དང༌། ཡུད་ཙམ་གྱི་དུས་དང༌། །ཟླ་ཕྱེད་ཀྱི་དུས་དང༌། 
ཟླ་བའི་དུས་དང༌ལོ་ཡི་དུས། །དྲུག་བསགས་པ་ལས། བསྐལ་པ་གཅིག་ཅེས་པ་འགྲུབ་པ་བཞིན་དུ། གཟུགས་དང་སྒྲ་དང་རོར་ལྡན་པ། །ཞེས་པའི་གྲངས་གསུམ་གྱི་ངེས་དོན་སེམས་དབེན་གྱི་ཡེ་ཤེས་རླུང་གི་བཞོན་པ་དང་བཅས་པ། སོ་སོར་ཕྱེ་ན་དྲུག་ཟུང་དུ་བསྡེབས་ན་གསུམ་པོ་ལས་སྐད་ཅིག་
མ་ནི་གཅིག་ལ་ཆུ་ལས་ཉ་འཕར་གྱི་ཚུལ་དུ་སྒྱུ་མའི་སྐུ་རྫོགས་པ་ལ། གཟུགས་དང་སྒྲ་དང་རོར་ལྡན་པ། ཞེས་བརྗོད་དོ། །བསྐལ་པ་གྲངས་མེད་གསུམ་པོ་ནི། །སྐད་ཅིག་གཅིག་ཏུ་མཉམ་པར་བཤད། །ཟླ་བ་དྲུག་ཏུ་བསྒོམ་པར་བཤད་པ་ཡང་སོ་སོར་ཕྱེ་ན་དྲུག་ཏུ་འགྱུར་
བ་ལས་སྒྱུ་མའི་སྐུ་འགྲུབ་པར་གསུངས་པ་དེ་ཉིད་༼བསྐལ་པ་ཞེས་པའི་རྐང་པ་གཉིས་པོ་འདི་འདིར་འབྱུང་བ་བཞིན་དུ། དགོངས་པ་ལུང་སྟོན་གྱི་འགྱུར་ལས་ཀྱང་འབྱུང་མོད་ཀྱང་། པ་ཚབ་ཀྱིས་འགྱུར་ལས། གྲངས་གསུམ་བསྐལ་པ་གཅིག་ཅེས་པ། །སྐད་ཅིག་མ་ནི་གཅིག་ལ་བརྗོད། །ཅེས་
4-2-149a


འབྱུང་ཞིང་། ཆག་འགྱུར་ཡང་དེ་དང་དོན་འདྲ་ལ། མཁས་པ་གཞན་དག་ཀྱང་འདིའི་རྒྱ་དཔེ་ལ་དགག་ཚིག་མེད་པས་གྲངས་མེད་གསུམ་ཞེས་པ་འགྱུར་སྐྱོན་ཡིན་གསུངས་པ་ལྟར་ལེགས་སོ།།༼ཡིན་ནོ། །བསམ་གཏན་གཉིས་ཀྱི་དངོས་པོ་
མེད་པ་འོད་གསལ་དུ་བྱས་ནས་མངོན་པར་བྱང་ཆུབ་པའི། དེ་འདྲའི་རྫོགས་པར་ལོངས་སྤྱོད་པ། །སྒྱུ་མའི་སྐུ་དེ་སྐད་ཅིག་མར་རོ། །གཅིག་ཏུ་འགྱུར་བ་ནི་རྒྱལ་བ་རྣམས་ཀྱིས་བསྔགས་པ་སྟེ། །ཐོག་མཐའ་བར་གསུམ་གྱི་དུས་གསུམ་སྣང་མཆེད་ཐོབ་གསུམ་
ལས་འདས་པ་སྟེ། དེ་གསུམ་དག་པ་ཡིན་པར་དགོངས་སོ། །གཟུགས་དང་སྒྲ་དང་རོར་ལྡན་པ། །རྣལ་འབྱོར་པས་ནི་ཟླ་དྲུག་བསྒོམ། །མཆོད་ཆེན་འོད་གསལ་དུ་འཇུག་པ་དེ་ནི་བྱས་ནས་སུ་སྟེ། དེའི་རྗེས་སུ་གསང་བའི་དེ་ཉིད་ཟུང་འཇུག་རྣམ་པར་
བསྒོམ་པར་བྱའོ།། ༈ ཡུལ་དང་དབང་པོ་གཉིས། དེ་གཉིས་འོད་གསལ་དུ་སྦྱོར་བ་ནི། །བཤང་གཅི་དང་ཟས་སུ་ཟ་བར་༼པར་བྱ་ཞེས་པའི་རྐང་པ་གཉིས་ཀྱི་དོན་ནི། རྫོགས་རིམ་པའི་སྤྱོད་པའི་དུས་སུ་ཡང་སྒྲས་ཟིན་ལྟར་འདོད་ཡོན་ལ་སྤྱོད་པ་བྱེད་པའོ། །
༽བྱེད་པའོ། །ཟ་ཚུལ་དེ་ལྟར་བྱས་ན་དེ་འདྲ་བ་སྟེ། དེའི་དངོས་གྲུབ་བྱེད་པ་ནི། །སྔར་བཤད་པའི་བཟའ་བ་རྣམ་པར་རྟོག་པ་མེད་པའི་འོ། དོན་གྱི་འོད་གསལ་གྱི་དེ་ཉིད་དེ། ངོ་བོ་འདི་ནི་བླ་ན་མེད་པ་ཟུང་འཇུག་སྟེ། །བྱང་ཆུབ་ཀྱི་སེམས་
གཅིག་འོད་གསལ་ལས་བྱུང་བའོ། །དེ་འདྲ་བའི་རྟོག་མེད་ལས་ཉོན་གྱིས་འདུས་ནི་མ་བྱས་པའི་ཤིང༌། །མི་རྟོག་པའི་དོན་ཟུང་འཇུག་ནི་འགྲུབ་པར་འགྱུར་རོ། །མཱྃ་ནི་༼མའི་འགོར་ཐིག་ལེ་ཡོད་མེད་གཉིས་བྱུང་ཞིང་། སྐལ་ལྡན་གྲགས་པའི་འགྲེལ་
4-2-149b


བཤད་དུ། མཱ་མ་ཀཱིའི་མིང་ཡིག་གི་ཐོག་མ་ཡིན་པར་བཤད་པ་ནི་ཐིག་ལེ་མེད་པའོ། །ཐུགས་རྗེ་ཞབས་ཀྱི་འགྲེལ་བཤད་དུ་མཱ་མ་ཀཱིའི་སྒྲ་ལ་མཐའི་ཡི་གེ་གཉིས་ཕྱིས་ནས་ཐིག་ལེ་བྱིན་པར་བཤད་དོ། །དེ་ལྟར་སྣང་ཡང་འདི་ཤ་ཟ་བའི་ངེས་དོན་འཆད་པའི་སྐབས་ཡིན་ལ། དེ་ཡང་ཤའི་སྐད་དོད་ལ་མཾ་ས་
ཞེས་འབྱུང་བའི་སྟེང་ནས་འཆད་པ་ཡིན་པས་ཆག་འགྱུར་ལས། མཱཾ་ནི་ཞེས་འབྱུང་བ་ལྟར་བྱ་དགོས་སོ། །མཱཾ་ནི་མཱ་མ་ཀཱིའོ། །དེ་བསྒྱུར་ན་བདག་མ་སྟེ། དེ་ནི་བདག་བྱིན་གྱིས་བརླབ་པ་དག་པའི་སྒྱུ་མའི་སྐུའོ། །ས་ནི་སཾ་བྷོ་དྷི་སྟེ་དེ་ནི་མངོན་པར་བྱང་ཆུབ་པ་དོན་གྱི་འོད་གསལ་ལོ། །མཱ་དང་ཀླད་ཀོར་གཉིས་སོ་སོར་
ཕྲལ་ནས། ཀླད་ཀོར་ས་ཡིག་ལ་བྱིན་པའོ། །དེ་གཉིས་དབྱེར་མི་ཕྱེད་པའི་ཟུང་འཇུག་གི་བསམ་གཏན་ནི་མཾ་སའོ། །༽མཱ་མ་ཀཱིར་བཤད་དེ། །ས་ནི་མངོན་པར་བྱང་ཆུབ་པའོ། །དེ་འདྲ་བའི་བསམ་གཏན་ལ་དེ་ལ་ནི་དགའ་བར་སྤྱོད་པ། །ཤ་བཟའ་བར་བྱ་
ཞེས་བྱ་བར་རྩ་རྒྱུད་དེར་བཤད་དོ། །ཤ་ཟ་བའི་དོན་སྤྱིར་བཤད་ནས། བྱེ་བྲག་ཏུ་འཆད་པ་ནི་ནམ་མཁའ་ལྟར་མཐའ་ཡས་པ་འོད་གསལ་དང༌། རྣལ་འབྱོར་ནི། །སྦྱོར་བ་སྟེ། སྔ་མ་དང་དག་པའི་ཀུན་རྫོབ་གཉིས་སྦྱོར་བ་ནི་ཤ་ཆེན་དེ་ནི་རབ་ཏུ་བརྟག་པར་བྱ་བ་
ཡིན་པར་རྩ་རྒྱུད་ལས་བཤད་དོ། །དེ་གོམས་པས་སྐུ་གསུང་ཐུགས་ཀྱི་གསང་བ་ཡི་ནི་གོ་འཕང་མཆོག། རྡོ་རྗེ་གསུམ་དབྱེར་མི་ཕྱེད་པ་མཐར་ཐུག་པ་ནི་མྱུར་དུ་སྟེ། ཚེ་འདི་ཉིད་ལ་འགྲུབ་བོ། །ཡང་མཾ་སའི་སྒྲ་ལས་ས་མ་ཡ། དམ་ཚིག་དང་མཧཱ་ནི་ཆེན་པོའོ་གླང་
ཆེན་དང་རྟ། །དང་དེ་བཞིན་དུ་ཁྱི་ལ་སོགས་པའི་ཤ། ཟུང་འཇུག་པའི་ཕུང་པོ་ལྔ་ལ་སོགས་པ་རིགས་ལྔའི་ངོ་བོར་བསྟན་ནོ། །རིགས་ལྔའི་རིགས་ཀྱི་དབྱེ་བས། །༼དེ་ཡི་སྔ་མ་ལ་ས་མ་ཏ་ནི་མཉམ་པ་ཉིད་དོ། །དེ་ཡང་འོད་གསལ་དང་སྒྱུ་ལུས་གཉིས་མཉམ་པར་ཞུགས་
4-2-150a


པའོ། །༼སྔར་ཇི་སྐད་བཤད་པ་ལྔས། དེ་དག་དང་གྲངས་མཉམ་པའི་འོ། །རྣལ་འབྱོར་པ་གང་ཞིག་གཉིས་སུ་མེད་པ། །ཟུང་འཇུག་གི་བསམ་གཏན་ལ་དགའ་བ་ཞེས་བྱ་བ་ནི་ཟས། །སུ་ཟ་བར་བྱེད་
པའོ། །ཁ་ཞེས་བྱ་བའི་ངོ་བོ་ནི། །འཇིག་རྟེན་པ་དང་འཇིག་རྟེན་འདས། །དེས་ན་གང་ཡང་ངམ། གང་དག་ལམ་འདིའི་རྣལ་འབྱོར་པ་འཇིག་རྟེན་ལས་འདས་པ་མཆོག། ཏུ་གྱུར་པ་མཁས་པའི་ཏིང་ངེ་འཛིན་ལ་ལོངས་སྤྱོད་པའི་ཟས་ཀྱི་གཙོ་བོ་ནི་རྣམ་པར་༼
པ་ཚབ་ཀྱི་འགྱུར་ལས། ཁྃ་ཞེས་བྱ་བ་འཇིག་རྟེན་པ། །འཇིག་རྟེན་འདས་པའི་ངོ་བོར་འགྱུར། །ཞེས་བསྒྱུར་བ་བདེའོ། །ཁྃ་གྱི་ཟས་འབྲས་ཆན་ལ་སོགས་པ་ལྷ་ལ་བཤོས་སུ་མི་དབུལ་ཞེས་བྱ་བའི་ངེས་དོན་ནི། ཉན་རང་དང་ཕར་ཕྱིན་གྱི་མདོ་སྡེ་ལ་སྤྱོད་པའི་འཇིག་རྟེན་པ་དང༌། རྒྱུད་སྡེ་འོག་མའི་རྣལ་
འབྱོར་གྲུབ་པའི་འཇིག་རྟེན་ལས་འདས་པས་ལོངས་སྤྱོད་པའི་ཏིང་ངེ་འཛིན་གྱི་ངོ་བོ་དེ་ཙམ་ཞིག་ལ། འདིའི་རྣལ་འབྱོར་པས་ལོངས་མི་སྤྱོད་པའོ། །༽མི་རྟོག་པའོ། །དེ་བཞིན་ཉིད་འོད་གསལ་དུ་རོ་གཅིག་པ། །དེ་ནི་ཟུང་འཇུག་འཁོར་བའི་མཐའ་དང་གཅིག་ཤོས་མྱ་ངན་ལས་
འདས་པའི་མཐའ་གཉིས་སྤངས། །པ་དེ་ནི་ཡིན་ནོ།། ༈ དེ་ལྟ་བུའི་རྣལ་འབྱོར་བརྟུལ་ཞུགས་བཟང་པོ་འདིས། །བྱང་ཆུབ་སེམས་དཔའ་སོགས་ནི་སྔར་བཤད་པ་བཞིན་ནོ། །བློ་ཅན་དང༌། །སངས་རྒྱས་རྣམས་ནི་མཉེས་འགྱུར་ཞིང༌། །དངོས་
གྲུབ་མྱུར་དུ་འཐོབ་པར་འགྱུར། །འདོད་ཁམས་དབང་ཕྱུག་༼ཅེས་སོགས་ཀྱི་ཕན་ཡོན་ནི། གཏོར་མའི་ཕན་ཡོན་དུ་སྔར་གསུངས་པ་ཕལ་ཆེ་བ་ཡང༌། ཟུང་འཇུག་གི་ཕན་ཡོན་ལ་དགོངས་ནས་ཡིན་ནོ། །༽འཇིག་རྟེན་ན། །ལས་ཀྱི་གོ་འཕང་འཐོབ་པར་
4-2-150b


འགྱུར། །གཙོ་བོ་གཟི་ཆེན་སྟོབས་ཀྱིས་ཕྱུག། མདངས་དང་ལྡན་ཞིང་མཐོང་ན་དགའ། །མཐོང་བ་ཙམ་གྱིས་བསྐུལ་མེད་པར། །འཇིག་རྟེན་འདི་དག་དབང་དུ་འགྱུར། །འདི་ནི་སངས་རྒྱས་ཐམས་ཅད་ཀྱི། །གསང་བ་བྱང་ཆུབ་དམ་པ་འོ། །ཡང་དག་
སྔགས་ཀྱི་གསང་བ་འདི། །རྡོ་རྗེ་གསུམ་ནི། ཐ་མལ་པའི་ལུས་ངག་ཡིད་གསུམ་མོ། །དེ་ལས་འདས་པ་ནི་ཟུང་འཇུག་པའི་རྡོ་རྗེའི་སྐུ་གྲུབ་པ་དམ་པ་འོ། །གཙོ་བོ་དེ་བཞིན་གཤེགས་ཀུན་གྱི་སྟེ། །རྡོ་རྗེ་འཆང་གི་དམ་ཚིག་སྟེ། མཉམ་ཉིད་ཆེན་པོ་ཡིན་ཏེ་དམ་
ཚིག་རྣམས་ཀྱི་མཆོག་གོ། ཅེས་བྱ་བ་སྟེ། ངེས་པའི་དོན་ཏོ།། ༈ འོད་གསལ་དུ་ཞུགས་པའི་དེ་ཁོ་ན་ཉིད་རྣམ་པར་མི་འཇིག་པ་རྡོ་རྗེའི་སྐུའི་ངོ་བོ་ཉིད་དུ་གང་གིས་ལུས་དང་ངག་དང་ཡིད་རྣམས་བྱིན་གྱིས་རློབ་ཅིང་སྟེ་སྐྱེད་པ་སྟོན་པའི་ཚིག་
དེའི་གཞུང་གི་ཚོགས་ཀྱི་ལེའུ་ལ་ནི། སྐུ་དང་གསུང་དང་ཐུགས་བྱིན་གྱིས་རློབ་པའི་ལེའུ་ཞེས་བྱའོ།། ༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་དྲུག་པ་མཐའ་དྲུག་གིས་བཤད་པའོ། །། །
དེ་ལྟར་རྣལ་འབྱོར་པ་ཐ་མལ་པ་བསྐྱེད་རིམ་པ་དང༌། མཆོག་རྫོགས་རིམ་པ་རྣམས་ཀྱི་སྤྱོད་པ་ལེའུ་དྲུག་པར་ཡང་དག་པར་བསྟན་ནས། རིམ་གཉིས་ཀྱི་སྤྱོད་པ་དེ་ཉིད་སྔ་མར་མ་ཟད་སླར་ཡང་སྤྲོས་ནས་ཏེ། རྒྱས་པར་བཤད་པའི་ཕྱིར། དེ་ནས་
ཞེས་བྱ་བ་ལ་སོགས་པ་གསུངས་ཏེ།། ༈ དམ་ཚིག་ཆེན་པོ་ནི་རྡོ་རྗེ་འཆང་ཆེན་པོའོ། །རྡོ་རྗེ་འཆང་དེའི་ལམ་གྱི་དེ་ཁོ་ན་ཉིད་དེ། མི་སླུ་བ་ནི་ཡན་ལག་དྲུག་ནི་སོ་སོར་སྡུད་པ་སོགས་དྲུག་ལ་བྱས་ན་འོག་ནས་དེ་དྲུག་ཚང་བར་མི་སྟོན་པས་
4-2-151a


སངས་རྒྱས་རྗེས་དྲན་གྱི་ཡན་ལག་སོགས་དྲུག་ལ་བྱའོ་གོ། སྔགས་ཀྱི་སྤྱོད་པའི་མཆོག་ནི་ཐུན་མོང་གི་བསྒྲུབ་པ་བསྐྱེད་རིམ་མོ་འོ། །དེ་དག་གིས་མངོན་པར་རྫོགས་པར་བྱང་ཆུབ་པ་ཐོབ་པར་བྱ་བ་མཆོག་ཐོབ་པ་ནི་རྡོ་རྗེ་
འཆང་ཉིད་ཐོབ་པ་སྟེ། དམ་ཚིག་ཆེན་པོའི་དེ་ཁོ་ན་ཉིད་མངོན་པར་རྫོགས་པར་བྱང་ཆུབ་༼མཆོག་ཅེས་པ་ཆག་འགྱུར་ལས་ཐོབ་བྱ་མཆོག་ཅེས་ཕྱིར་ལ་དྲངས་སོ། །༽པ་ཞེས་བྱའོ། །དེའི་དོན་གྱི་སྟེ། དེ་བརྗོད་བྱའི་དོན་དུ་བྱས་པའི་ལེའུ་ནི་དེ་རབ་ཏུ་སྟོན་པའི་
ཚིག་གི་ཚོགས་ཏེ་དེ་བཅོམ་ལྡན་འདས་ཀྱིས་གསུངས་སོ། །ཞེས་བྱ་བར་སྦྱར་རོ།། ༈ འདོད་པའི་ལོངས་སྤྱོད་ཅེས་བྱ་བ་ལ་སོགས་པ་ལ། འདོད་པ་ཐམས་ཅད་ནི་གཟུགས་ལ་སོགས་པའི་ཡུལ་རྣམས་སོ། །དེ་རྣམས་ལ་ཉེ་བར་ལོངས་སྤྱོད་པ་
ནི། དབང་པོའི་ཤེས་པས་རྗེས་སུ་མྱོང་ཞིང་ཡིད་ཀྱི་ཤེས་པས་གོམས་པར་བསྟེན་པས་སོ། །ཇི་ལྟར་བསྟེན་ཞེ་ན། ཇི་ལྟར་འདོད་པ་ཞེས་གསུངས་ཏེ། ཇི་ལྟར་འདོད་པ་ཞེས་བྱ་བ་ལ། འདོད་པ་ནི་འདུན་པ་སྟེ། འདོད་ཡོན་གང་དང་གང་བསྟེན་པར་འདོད་
པ་ནི་ཇི་ལྟར་འདོད་པ་དེ་ལྟར་བསྟེན་ནོ་འོ། །དེ་ལ་འདོད་པ་ཞེས་སྨོས་པས་ནི་འི་རྣམ་པའང་འཛིན་ལ་ནི་དེའི་དོན་ནི་མིག་ལ་སོགས་པས་གཟུགས་ལ་སོགས་པ་ངན་པ་དང༌། འབྲིང་དང༌། མཆོག་རྣམས་གཟུགས་རྡོ་རྗེ་ལ་སོགས་པར་གཅིག་པའི་
རྣམ་པས་ཡུལ་དུ་བྱེད་པའོ། །དེའི་ཚེ་རྣལ་འབྱོར་པས་ཀྱང་གང་སྤྱད་ན་དབང་པོ་རྟེན་བཅས་རྣམས་རྒྱས་པ་དང་ཇི་ལྟར་རྗེས་སུ་མཐུན་པར་ཏེ། མཐུན་པ་རྣམས་ལོངས་སྤྱོད་པས་བསྟེན་པར་བྱེད་པ་ནི་ཇི་ལྟར་འདོད་པ་ཞེས་བྱ་བའི་དོན་ཡིན་གྱི། རང་འདོད་པ་ཡིན་ཡང་
4-2-151b


དབང་པོ་རྒྱས་པ་དང་རྗེས་སུ་མི་མཐུན་པ་མི་བསྟེན་ཞེས་པའོ་སྟེ། འདོད་པའི་ལོངས་སྤྱོད་ཅེས་པའི་སྐབས་འདིར་སྤྲོས་པ་དང་བཅས་པའི་སྤྱོད་པ་ལ་སྤྱོད་དོ་ཞེས་བྱ་བ་ནི་དངོས་སུ་མེད་ཀྱང་། རྩ་ཚིག་གི་ལྷག་མར་གདོན་ནོ་འོ། །སྤྱོད་པ་སྤྱད་པ་དེས་ཅི་ཞིག་
འགྲུབ་ཅེ་ན། འདི་ལྟ་བུ་ཡི་ཞེས་བྱ་བ་ལ་སོགས་པ་གསུངས་ཏེ། འདི་ལྟ་བུ་ནི་བཤད་མ་ཐག་པའོ། །སྦྱོར་བ་ཡིས་ཞེས་བྱ་བ་ནི་འདོད་ཡོན་གྱི་ཡུལ་རྣམས་དང་མིག་སོགས་ཀྱི་དབང་པོ་རྣམས་མཉམ་པར་སྦྱོར་བ་མི་འགོག་པར་ལོངས་
སྤྱད་པས་སངས་རྒྱས་ཏེ་རྡོ་རྗེ་འཆང་ཉིད་མྱུར་ཞིང་སྟེ། རིངས་པར་ཚེ་འདི་ཉིད་ལ་ངེས་པར་འཐོབ་པར་འགྱུར་བའོ།། ༈ དེ་ལྟར་སྤྲོས་པ་དང་བཅས་པའི་སྤྱོད་པ་བསྟན་ནས་སྤྲོས་པ་མེད་པའི་སྤྱོད་པའི་དབང་དུ་མཛད་ནས། འདོད་པའི་ལོངས་
སྤྱོད་ཅེས་བྱ་བ་ལ་སོགས་པ་གསུངས་ཏེ། འདོད་ཡོན་ལ་རང་ཇི་ལྟར་འདོད་པར་བསྟེན་བྱ་སྟེ། ཞེས་བྱ་བ་ནི། སྒྲུབ་པ་པོ་བདག་ཉིད་ཡུལ་གང་འདོད་པ་དང་རྗེས་སུ་མཐུན་པར་བསྟེན་པའོ་དང༌། ཡུལ་གང་ལ་སྤྱད་ན་ཇི་ལྟར་བདེ་བ་ཆེན་པོ་ཉམས་
སུ་མྱོང་བ་བསྐྱེད་པའི་གང་ཟག་འདོད་པའི་ཡོན་ཏན་ལྔས་བདག་སྟེ་རང་ཉིད་དང༌། གཞན་རྣམས་ལ་མཆོད་པར་བྱ་ཞིང་སྟེ་ཚིམ་པར་བྱའོ། །ཇི་ལྟར་ཚིམ་པར་བྱ་ཞེ་ན། རང་གི་ལྷ་ཡི་སྦྱོར་བ་ཡིས་ཞེས་བྱ་བ་སྟེ། རང་གི་ལྷ་ཡི་ཏིང་ངེ་༼
འདིར་དཔེ་ཁ་ཅིག་ལས། རང་གི་རང་བཞིན་གྱི་ཏིང་ངེ་འཛིན་གྱིས་སོ། །ཞེས་པ་དང༌། འགྱུར་གསར་གཉིས་ལས་སྒྱུ་མ་ལྟ་བུའི་ཏིང་ངེ་འཛིན་གྱིས་སོ། །ཞེས་འབྱུང་ཡང་མི་ལེགས་ཏེ། འདིར་རིམ་པ་གཉིས་ཀའི་ཐུན་མོང་བའི་སྤྱོད་པ་ཡིན་པའི་ཕྱིར་དང༌། རང་གི་ལྷའི་རྣལ་འབྱོར་གྱིས་བྱ་བར་གསལ་བར་
4-2-152a


གསུངས་པའི་ཕྱིར་རོ། །ཚིགས་བཅད་གཉིས་ཀས་དབང་པོ་ལ་ཕན་འདོགས་པའི་ཡུལ་རྣམས་ལ་རང་གང་འདོད་པ་དང་མཐུན་པར་ལོངས་སྤྱོད་ཅེས་འདྲ་བར་འབྱུང་ཡང༌། སྔ་མ་སྤྲོས་བཅས་དང་ཕྱི་མ་སྤྲོས་མེད་ལ་སྦྱོར་བས་མི་ཟློས་སོ། །༽འཛིན་
གྱིས་སྤྱད་པར་བྱའོ་སོ། །འདོད་ཡོན་ལ་ཅི་བདེར་ལོངས་སྤྱད་དགོས་པ་དེ་ཉིད་ཀྱིས་ན་དཀའ་ཐུབ་ཅེས་བྱ་བ་ལ་སོགས་པ་གསུངས་ཏེ། ལུས་ངལ་ཞིང་དུབ་པའི་སྦྱོར་བས་གཙུག་ལག་ཁང་ལ་སོགས་པ་སྒྲུབ་པའི་དཀའ་ཐུབ་དང༌། ཤིང་དྲུང་པ་
ལ་སོགས་པའི་སྦྱངས་པའི་ཡོན་ཏན་བཅུ་གཉིས་ཀྱི་སྡོམ་པ་སྟེ། ཡི་དམ་ལེན་པ་དང་། མུ་སྟེགས་ཀྱི་བརྟུལ་ཞུགས་རི་ལས་མཆོང་ཞིང་མེར་འཇུག་པ་ལ་སོགས་པ་མི་བཟད་པ་སྟེ། དཀའ་སྤྱད་དེ་རྣམས་ཀྱིས་བསྟེན་ཅིང་སྟེ་གདུང་བཞིན་
པས་ནི་འགྲུབ་པར་མི་འགྱུར་ཏེ། ཞེས་པ་བྱང་ཆུབ་རྙེད་པར་མི་འགྱུར་རོ། །འོ་ན་ཐབས་གང་གིས་བྱང་ཆུབ་མྱུར་དུ་འགྲུབ་པར་འགྱུར་ཞེ་ན། འདོད་པའི་ལོངས་སྤྱོད་ཐམས་ཅད་ལ། །བསྟེན་ན་མྱུར་དུ་འགྲུབ་པར་འགྱུར། །ཞེས་བྱ་བ་གསུངས་ཏེ། 
ཐམས་ཅད་ཀྱིས་འདོད་ཅིང་དོན་དུ་གཉེར་བར་བྱ་བ་ཡིན་པའི་ཕྱིར་འདོད་པ་ཐམས་ཅད་དོ། །དེ་རྣམས་ལ་ཉེ་བར་ལོངས་སྤྱོད་པས་བསྟེན་པ་ནི་རྡོ་རྗེ་འཆང་ཆེན་པོ་མཉེས་པར་བྱེད་པ་སྟེ། དེས་ནི་མྱུར་དུ་ཚེ་འདི་ཉིད་ལ་ཕྱག་རྒྱ་ཆེན་པོར་གྲུབ་པ་
འཐོབ་པར་འགྱུར་རོ། །ཞེས་པ་སྟེ་སྒྲ་ཇི་བཞིན་པའོ།། ༈ དེ་ལྟར་ལུས་གདུང་བའི་སྒོ་ནས་ཕྱག་རྒྱ་ཆེན་པོར་འགྲུབ་པ་ཐོབ་པ་ཡོངས་སུ་བཀག་ནས། སྒྲུབ་པ་པོའི་ཡིད་ཀྱི་གདུང་བ་ནི་བཟའ་བཏུང་ལ་སོགས་པ་ལ་ཧ་ཅང་སྲེད་དྲགས་པ་ལ་བརྟེན་
4-2-152b


ནས་ཡིད་ལ་སྡུག་བསྔལ་དྲག་པོ་བསྐྱེད་པ་དེའང་དགག་པར་བྱ་བའི་ཕྱིར། སློང་མོ་ཟ་ཞིང་ཞེས་བྱ་བ་ལ་སོགས་པ་གསུངས་ཏེ། སྔར་བཤད་པ་ལ་བརྟེན་ནས་བསླངས་པའི་སློང་མོའི་ཟས་ཟ་བའི་ངང་ཚུལ་གྱིས་སྔགས་མི་བཟླས་ཞིང་སྟེ་བརྗོད་པར་
མི་བྱའོ། །སློང་མོ་ཟ་བ་ནི་ཕྱོགས་ཙམ་ཉེ་བར་མཚོན་པའི་དོན་ཡིན་ཏེ། དེ་བས་ན་སློང་དུ་འགྲོ་བ་དང་འདྲ་བར་ཡོངས་སུ་འཚོལ་བ་ལ་སོགས་པ་དམན་པ་ལ་ཧ་ཅང་ཆགས་དྲགས་ནས་འཇུག་པ་གཞན་རྣམས་དང་ལྡན་པས་ཀྱང་བཟླས་པར་མི་བྱའོ། །
སློང་ལའང་དགའ་བར་མི་བྱའོ་ཞེས་བྱ་བ་ནི། སློང་བ་ཞེས་པ་ནི་ཉེ་བར་མཚོན་པ་སྟེ། སློང་བ་ལའང་ཧ་ཅང་མ་ཆགས་ཤིང་ཟས་ལ་ཧ་ཅང་ཞེན་པར་མ་གྱུར་པར་ཇི་ཙམ་གྱིས་ལུས་གནས་པར་འགྱུར་བ་དེ་ཙམ་གྱིས་ཆོག་ཤེས་པས་ཤིན་ཏུ་
སྤྲོས་པ་མེད་པའི་སྤྱོད་པ་སྤྱད་པར་བྱའོ། །སྔར་བཤད་པ་དེ་ལྟ་བུའི་སྤྱོད་པ་རྣམས་ལ་གནས་པས་ཅི་ཞིག་བྱ་ཞེ་ན། འདོད་པ་ཀུན་ལ་ཞེས་བྱ་བ་ལ་སོགས་པ་གསུངས་ཏེ། ༼ནི་ལམ་འདི་ཞུ་བདེ་གཙོ་བོར་སྒྲུབ་པ་ཡིན་ལ། དེ་ལ་ནི་དབང་པོ་རྟེན་བཅས་ཀྱི་ལུས་རྒྱས་
པ་དགོས་པའི་ཕྱིར། སྲོག་འཚོ་བ་ཙམ་ལ་བྱར་མི་རུང་གི། བཟའ་བཏུང་སོགས་ལ་ཇི་ཙམ་ལོངས་སྤྱོད་པས་བདེ་བ་འཕེལ་བའི་གྲོགས་སུ་འགྱུར་བ་དེ་ཙམ་ལས་ཐལ་ཆེས་པ་འགོག་པའོ། །འདི་ནི་ཤིན་ཏུ་སྤྲོས་མེད་པའི་ཁྱད་ཆོས་མིན་གྱི། སྤྱོད་པ་གཞན་གཉིས་ལའང་འདྲ་སྟེ། དཀའ་འགྲེལ་དུ་བཤད་
པར་བྱའོ། །ཤིན་ཏུ་སྤྲོས་མེད་པའི་སྤྱོད་པ་བྱེད་པ་ལ་ལས་ཀྱི་ཕྱག་རྒྱ་དངོས་སུ་མེད་ཀྱང་ཡེ་ཤེས་ཀྱི་ཕྱག་རྒྱའི་འདོད་ཡོན་ལ་ཇི་ལྟར་འདོད་པར་ལོངས་སྤྱོད་པ་ནི་ཡོད་དོ། །༽སྔགས་ནི་ཡི་གེ་གསུམ་མོ། །ཡན་ལག་ནི་ལུས་སུ་ཡང་བསྒྱུར་བས་མ་ཉམས་པ་ནི་ལྷའི་ལུས་ཀྱི་
4-2-153a


རྣལ་འབྱོར་དང༌། རང་ཉིད་དབྱེར་མི་ཕྱེད་པའི་སྒོ་ནས་འདོད་པ་ཀུན་ལ་ལོངས་སྤྱོད་པའི་སྔགས་པས་བཟླས་པར་བྱ་བའོ། །དེ་ལྟར་འདོད་ཡོན་ལ་ལོངས་སྤྱོད་པ་བྱས་པ་ལ་ཡོན་ཏན་ཅི་ཞིག་ཡོད་ཅེ་ན། ལུས་དང་ངག་དང་སེམས་
རྣམས་ནི་ཞེས་བྱ་བ་ལ་སོགས་པ་གསུངས་ཏེ། འདོད་ཡོན་སྤྱི་དང༌། ཁྱད་པར་དུ་རིག་མའི་འདོད་ཡོན་ལ་སྤྱོད་པས་ལུས་དང་ངག་དང་སེམས་རྣམས་ནི་བདེ་བར་གནས་པ་ལས་ནི་རྩེ་གཅིག་པའི་ཏིང་ངེ་འཛིན་དུ་ར་གྱུར་པ་འཐོབ་པའོ། །དེ་ཐོབ་ན་བྱང་ཆུབ་སྟེ་རྡོ་
རྗེ་འཆང་ཆེན་པོ་ཉིད་ཐོབ་ཅིང་ཡང་དག་པར་ཉམས་སུ་མྱོང་བ་རྙེད་པར་འགྱུར་བའོ། །དཀའ་སྤྱད་དྲག་པོ་༼རྩེ་གཅིག་པའི་ཏིང་ངེ་འཛིན་ཐུན་མོང་བ་ལ་འདོད་ཡོན་ལ་སྤྱོད་པ་འདི་དགོས་པ་མ་ཡིན་གྱི། ལྷན་ཅིག་སྐྱེས་པའི་བདེ་བ་ཆེན་པོའི་རྩེ་གཅིག་པ་སྐྱེད་པ་ལ་འདི་དགོས་པ་ཡིན་པས་
སོ་སོར་ཕྱེད་དགོས་སོ། །༽སྤོང་བ་ལས་གཞན་དུ་ཞེས་བྱ་བ་ལ་སོགས་པ་ནི། གཞན་དུ་ཞེས་པའི་རྐང་པ་གཉིས་ཀྱི་དངོས་བསྟན་གྱིས་དཀའ་ཐུབ་ཀྱི་སྤྱོད་པའི་ཉེས་པ་དང་ཤུགས་ལ་བདེ་བར་སྤྱད་པའི་ཕན་ཡོན་སྟོན་པ་ཡིན་ཏེ། ཡ་ང་བ་སྟེ། དུས་མ་ཡིན་
པར་འཆི་བའི་རྒྱུ་རྐྱེན་རྣམས་མ་སྤངས་པས་འཆི་བའི་དུས་བྱས་ཤིང་འདི་ནས་ཤི་འཕོས་ནས་དམྱལ་བ་སྟེ་མནར་མེད་པ་ལ་སོགས་པར་ངེས་པར་སྲེག་པར་འགྱུར་རོ་ཞེས་པ་སྟེ། དྲང་བའི་དོན་ཏོ།། ༈ སློང་མོ་ཟ་ཞིང་ཞེས་སོགས་ཀྱི་ངེས་དོན་
ལུང་སྟོན་གྱི་ལུང་གིས་བཤད་པ་བརྗོད་པར་བྱ་སྟེ། ༼འོ་ན་སྔར་བཤད་པའི་མི་བཟད་པ་ཞེས་པའི་དཀའ་སྤྱད་བསྟེན་ན། ཉེས་དམིགས་དེ་གཉིས་སུ་འབྱུང་མོད་ཀྱང༌། དཀའ་ཐུབ་དང་སྡོམ་པ་གཉིས་བསྟེན་པ་ལ་དེ་གཉིས་འབྱུང་བ་མི་འཐད་པས། དཀའ་སྤྱད་སྤྱིའི་ཉེས་དམིགས་
4-2-153b


སུ་ཇི་ལྟར་འཐད་སྙམ་ན། མུ་སྟེགས་ཀྱི་དཀའ་སྤྱད་དང༌། ལམ་འདིར་ཞུགས་ནས་དབང་དང་དམ་ཚིག་ཐོབ་ཀྱང་། དེ་སྤངས་ཏེ་དཀའ་སྤྱད་བྱེད་པ་གཉིས་ཀྱི་ཉེས་དམིགས་སྟོན་པས་སྐྱོན་མེད་དོ། །༽སློངས་མོའི་སྐད་དོད་བྷིཀྵ་ལ་ངེས་ཚིག་གི་ཚུལ་གྱིས་བྷིནྣ་ཐ་
དད་དང་ཨཀྵ་ར་ཡི་གེ་སྟེ། ཐ་དད་དུ་བྱེད་པ་ནི། རླུང་དང་ཡི་གེའི་གདངས་སློངས་མོ་ཡིན་ལ། དེ་ལྟར་བྱས་པའི་སྔགས་དེ་འདོན་པ་ནི་སློངས་མོ་དེ་ཟ་བའོ་སྟེ། །དེ་དག་སློངས་མོ་ཟ་བར་མི་འདོད་པ་ནི། །རྣལ་འབྱོར་པ་གང་ཞིག་རླུང་དང་སྔགས་ཀྱི་གདངས་གཉིས་དབྱེར་མེད་དུ་བྱས་ནས་ཟློས་པར་
དགའ་བའོ་དེ། །དེ་འདྲ་བའི་རྣལ་འབྱོར་པ་ཡིས་དབུགས་འབྱུང་བ་དང༌། རྔུབ་པ་དང་། །སྦྱོར་བ་སྟེ་༼ཆག་འགྱུར་ལས་སློང་མོ་དེ་དག་ཟ་མི་འདོད་ཅེས་འབྱུང་ངོ༌། །༽དཀྱིལ་འཁོར་བཞི་ཡི་རླུང་གི་དེ་ཉིད་ལ་ནི། །ཤེས་རབ་
ལྷ་མོའི་རླུང་དང་ཐབས་མགོན་པོའི་རླུང་དུ་བྱས་པའི་ཀྱི་གཞིར་གནས་ནས། །གནས་པ་གསུམ་སྔགས་ཡི་གེ་གསུམ་དང་དབྱེར་མེད་དུ་བྱས་ཏེ་ཀྱི་ཡན་ལག་མ་ཉམས་པ་སྔར་བཤད་པ་བཞིན་བཟླས། །པར་བྱའོ། །རྣལ་འབྱོར་དབང་པོ་ཉིན་མཚན་དུ། །བཟླས་
བརྗོད་གྲངས་སུ་བྱས་པ་ནི། །ཁྲི་ཕྲག་གཉིས་དང་ཆིག་སྟོང་དང༌། །དེ་བཞིན་དྲུག་བརྒྱ་དག་ཏུ་འགྱུར། །ཞེས་བྱ་བ་སྟེ། ངེས་པའི་དོན་ཏོ། ༼ལུང་སྟོན་ལས། དཀའ་ཐུབ་དང་སྡོམ་པ་མི་བཟད་པ་ལ་ཡང་ངེས་དོན་གྱི་བཤད་པ་མཛད་པ་འདིར་མ་དྲངས་པ་ནི། གོང་མའི་
འཕྲོས་ཀྱིས་ཤེས་སླ་བ་ལ་དགོངས་སོ།། ༈ ༽ལམ་འདིར་འདོད་ཡོན་ལ་སྤྱོད་པ་དགོས་པ་ལ་ནན་ཏན་དུ་བསྟན་པའི་ཕྱིར་གསུངས་པ་ནི། འདས་པ་སྟེ། སྔོན་བྱུང་བའི་ཤེས་བྱ་ཐམས་ཅད་མཁྱེན་པའི་ཡེ་ཤེས་ཅན་རྣམས་ཀྱང་འདོད་ཡོན་ལ་སྤྱོད་པ་འདི་
4-2-154a


ཉིད་ཀྱིས་རྡོ་རྗེ་འཆང་ཆེན་པོ་ཉིད་འཐོབ་པར་བསྟན་པའི་ཕྱིར། སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ནི་རིན་པོ་ཆེ་ལྟ་བུའི་གང་ཟག་གོ། བྱང་ཆུབ་སེམས་དཔའ་ནི་པདྨ་དཀར་པོ་ལྟ་
བུའི་གང་ཟག་ལ་སོགས་པའོ། །སྔགས་ཀྱི་སྤྱོད་པ་ནི་བྱ་བའི་རྒྱུད་དང་། སྤྱོད་པའི་རྒྱུད་དང་། གཉི་ག་སྟེ་རྣལ་འབྱོར་གྱི་འི་རྒྱུད་ལས་བཤད་པའི་སྤྱོད་པའོ། །དེ་དག་གི་མཆོག་ནི་རྣལ་འབྱོར་བླ་མེད་གྱི་སྤྱོད་པ་སྟེ་དེ་རྣམས་སྤྱོད་པའི་ངང་ཚུལ་
ཅན་གང་ཡིན་པ་དེ་རྣམས་ཀྱིས་ནི་ཆོས་ཞེས་བྱ་སྟེ་ཀུན་རྫོབ་ཀྱི་བདེན་པའོ། །མི་གཡོ་བ་ནི་དོན་དམ་པའི་བདེན་པ་སྟེ་ཆོས་དང་ལྡན་པའི་མི་གཡོ་བ་ནི་ཆོས་མི་གཡོ་བའོ། །དེ་དག་ཟུང་དུ་འཇུག་པའི་བདག་ཉིད་ཅན་རྡོ་རྗེ་འཆང་ཆེན་པོ་ཉིད་ནི་དབང་ཕྱུག་
ཐམས་ཅད་ཀྱི་གཞིར་གྱུར་པས་ན་མཆོག་སྟེ་ཕུལ་དུ་བྱུང་བའོ། །དེ་བརྙེས་པ་ནི་མངོན་སུམ་དུ་བྱས་པའོ། །བརྙེས་པ་དེ་ཡང་འདོད་པའི་ཡོན་ཏན་ཐམས་ཅད་ལ་ཇི་ལྟར་འདོད་པར་བསྟེན་པ་ལས་ཡིན་ནོ་སོ་ཞེས་བྱ་བའི་ཚིགས་སུ་བཅད་པས་ནི། 
འདོད་ཡོན་ལ་བསྟེན་པ་སྤངས་ན་རྩེ་གཅིག་པ་བྱང་སེམས་ཞུ་བའི་བདེ་བ་ཆེན་པོ་ཐོབ་པར་མི་འགྱུར་བའི་ཕྱིར་སླར་ཡང་དཀའ་ཐུབ་ལ་སོགས་པ་དགག་པར་མཛད་པ་སྟེ། དགོངས་པ་མ་ཡིན་པས་བཤད་པའོ།། ༈ སྔོན་བྱོན་པའི་སངས་རྒྱས་དེ་
རྣམས་ཀྱིས་བསྟེན་པར་གྱུར་པའི་ཡུལ་རྣམས་ནི། རེ་རེ་ཞིང་རྣམ་པ་གསུམ་གསུམ་དུ་བསྟན་ཅིང་གནས་ཀྱི་དགོད་པ་སྟེ། འདོད་ཡོན་བསྟེན་པའི་གཞི་འདིང་བར་བྱ་བའི་ཕྱིར། ཆགས་ཅན་ཞེས་བྱ་བ་ལ་སོགས་པ་གསུངས་ཏེ། ཆགས་
4-2-154b


ཅན་ཞེས་པ་ལ་ཆགས་པ་ནི་ཡུལ་ཐོབ་པ་རྣམས་ལ་ཞེན་པ་ཡིན་ལ། དེ་ཡང་གཉིས་སུ་མེད་པའི་ཡེ་ཤེས་འདོད་ཅིང་སྤྱོད་ལམ་ཐམས་ཅད་དུ་བསྟེན་ཅིང་སློབ་པའོ། །སེམས་ཅན་ཐམས་ཅད་ཀྱིས་འདོད་ཅིང་དོན་དུ་གཉེར་བར་བྱ་བ་ཡིན་པས་ན་འདོད་
པའོ། །སངས་རྒྱས་ཉིད་རབ་ཏུ་སྟེར་བའི་ཡོན་ཏན་དང༌ལྡན་པས་ན་ཡོན་ཏན་ཡིན་ལ། འདོད་པ་ཡང་ཡིན་༼འདི་དག་གིས་ནི་འདོད་ཡོན་ལ་ཆགས་པ་ལམ་དུ་བྱེད་པ་ལ་དགའ་བ། དབང་པོ་རྣོ་བ། ཟུང་འཇུག་ཐོབ་པར་འདོད་པ་སྟེ་ཁྱད་པར་གསུམ་དང་ལྡན་པ་ཞིག་ལམ་འདིའི་རྟེན་དུ་
བསྟན་ཏོ། །༽ལ་ཡོན་ཏན་ཡང་ཡིན་པས་ན་འདོད་པའི་ཡོན་ཏན་ཏེ། ལྔ་པོ་དེ་དག་ནི་དབང་པོ་ལྔའི་ཡུལ་དུ་གྱུར་པ་ལ། སྤྱོད་ལམ་ཐམས་ཅད་དུ་བསྟེན་ཅིང་རྟག་ཏུ་བསླབ་པར་བྱའོ། །འདོད་ཡོན་ལ་བསྟེན་པ་དེ་ལྟར་བྱས་པས་ཅི་ཞིག་བྱ་ཞེ་ན། 
བྱང་ཆུབ་སེམས་དཔའ་ཞེས་བྱ་བ་ལ་སོགས་པ་གསུངས་ཏེ། བྱང་ཆུབ་སེམས་དཔའ་ནི་མིག་ལ་སོགས་པའི་ངོ་བོ་ཉིད་སའི་སྙིང་པོ་ལ་སོགས་པར་བཤད་པ་རྣམས་ཏེ། ཡུལ་ལྔ་ཤིན་ཏུ་ཡིད་དུ་འོང་བ་ཡང་ཡང་ལོངས་སྤྱོད་པས་དབང་པོ་དེ་དག་མཉེས་པར་
བྱབ་སྟེ་ཚིམ་ནས་རྒྱས་པར་འགྱུར་རོ་འོ། །སའི་སྙིང་པོ་སྟེ་མིག་ལ་སོགས་པ་མཉེས་ཤིང་ཚིམ་པས་ཅི་ཞིག་བྱེད་ཅེ་ན། བྱང་ཆུབ་ཉི་མ་ཞེས་བྱ་བ་ལ་སོགས་པ་གསུངས་ཏེ། བྱང་ཆུབ་ནི་ས་ལ་སོགས་པའི་ངོ་བོ་ཉིད་སྤྱན་ལ་སོགས་པའོ། །
དེ་རྣམས་དང་ལྡན་པའི་འོད་གསལ་བས་ཉོན་མོངས་པ་ངེས་པར་བསྲེགས་པའི་གཟི་བརྗིད་ཅན་ནི་བྱང་ཆུབ་ཉི་མ་སྟེ་རྣམ་པར་སྣང་མཛད་ལ་སོགས་པའོ། ༼ཞེས་པ་ནི་དབང་པོ་ལྔ་རྒྱས་པས་དེ་རྣམས་ཀྱི་རྟེན་འབྱུང་བ་བཞི་རྒྱས་པར་འགྱུར་རོ། །
4-2-155a


།༼དེ་ལྟར་སྤྱན་ལ་སོགས་པ་དང་ལྡན་པའི་རྣམ་པར་སྣང་མཛད་ལ་སོགས་པའི་དེ་བཞིན་གཤེགས་པ་དེ་རྣམས་གཟུགས་ཀྱི་ཕུང་པོ་ལ་སོགས་པའི་ངོ་བོ་ཉིད་དུ་ཆགས་པར་བྱ་ཞིང་དགྱེས་པར་གྱུར་ལ་ཚིམ་པར་
བྱའོ། །༼ཞེས་པ་ནི་དབང་པོ་དང༌། དབང་རྟེན་གྱི་ལུས་རྒྱས་པས་ཕུང་པོ་ལྔ་རྒྱས་པར་འགྱུར་རོ། །ཕུང་པོ་རྒྱས་ཚུལ་ནི། དབང་པོ་རྟེན་བཅས་ཀྱི་གཟུགས་ཕུང་སྟོབས་དང་ལྡན་པར་གྱུར་པ་ན། ལུས་ཀྱི་བྱང་སེམས་དཀར་པོ་འཕེལ་ལོ། །དེ་འཕེལ་བ་མན་ངག་བཞིན་དུ་གཏུམ་མོའི་མེས་བཞུས་པ་
ན། ཐོག་མར་ལུས་དབང་ལ་བརྟེན་ནས་བདེ་བའི་ཚོར་བ་སོགས་རྒྱས་པར་འགྱུར་རོ། །དེ་བྱུང་བ་ན་ཡིད་ཀྱི་ཤེས་པའི་ཚོར་བ་བདེ་བ་སོགས་ཀྱང་རྒྱས་པར་འགྱུར་བ་འདི་ནི། འདོད་ཡོན་ལ་སྤྱད་པས་ལམ་གྱི་གྲོགས་སུ་འགྱུར་བ་རྣམས་ཀྱིའང་འདོད་ཡོན་ལ་སྤྱོད་པ་ལམ་དུ་བྱས་པའི་དགོས་པའི་གནད་
དོ།། ༈ ཡུལ་ལྔ་རེ་རེ་ལ་གསུམ་གསུམ་དུ་བྱས་པའི་རྣམ་པ་གསུམ་པོ་བསྟན་པ་ནི་གཟུགས་ལ་ཞེས་བྱ་བ་ལ་སོགས་པ་སྟེ། མིག་གི་ཡུལ་གཟུགས་ལ་རྣམ་པ་གསུམ་སྟེ། དམན་པ་དང་བར་མ་དང་མཆོག་གསུམ་དུ་རྣམ་
པར་ཤེས་ཤིང་རྟོགས་པར་བྱས་ནས། དེ་ལས་མཆོག་ཏུ་གྱུར་པ་རང་གི་རིགས་ཏེ་རྣམ་སྣང་གི་རིགས་ཀྱིས་གཙོ་བོ་བྱས་པའི་ལྷ་རྣམས་ལ་གཟུགས་སྣ་ཚོགས་པས་མཆོད་པར་བྱེད་པ་སྟེ། སྤྲོས་པ་དང་བཅས་པའི་སྤྱོད་པ་ལ་གནས་༼
ཞེས་པ་ནི་ལྷ་དང་རང་ལ་དངོས་སུ་མཆོད་པའི་ཚེ། ཡུལ་མཆོག་ཏུ་གྱུར་པ་དབུལ་ཞེས་པའམ། ཡང་ན་ཐ་མལ་པའི་གཟུགས་གསུམ་པོ་དེ་ལས་མཆོག་ཏུ་གྱུར་པ་དེ་གསུམ་ལྷར་བསྐྱེད་པ་དབུལ་བའི་དོན་ནོ། །༼པའི་སྔགས་པས་ལྷའི་འཁོར་ལོ་མཆོད་པར་བྱ་ཞིང་ཡང་
4-2-155b


དག་པར་ཚིམ་པར་བྱའོ། །དེ་ཉིད་བཅོམ་ལྡན་ཞེས་བྱ་བའི་དེ་ཉིད་ནི་གཟུགས་ལ་རྣམ་པ་གསུམ་ཞེས་གང་གསུངས་པ་དེའོ། །གཞན་མ་ཡིན་པ་ནི་དེ་གསུམ་རྣམ་སྣང་དུ་བསྐྱེད་ནས་དབུལ་བའི་དོན་ནོ་འོ། །སྣ་ཚོགས་པ་ནི་སངས་རྒྱས་ཐམས་ཅད་ཀྱི་
སྐུ་རྡོ་རྗེའི་བདག་ཉིད་ཅན་ཏེ་དེ་ཉིད་ནི་བཅོམ་ལྡན་འདས་རྣམ་པར་སྣང་མཛད་དོ། །གཞི་ཞེས་པ་ནི་སྐུ་རྡོ་རྗེའི་སྤྲུལ་པ་ཀུན་གྱི་གཞིའོ། །དེ་བཞིན་དུ་རྣ་བའི་ཡུལ་སྒྲ་ལ་ཡང་རྣམ་པ་གསུམ་དུ་ཤེས་པར་བྱས་ནས་དེ་ལས་མཆོག་ཏུ་གྱུར་པ་རང་གི་རིགས་ཏེ། རིན་
འབྱུང་གི་རིགས་ཀྱིས་གཙོ་བོ་བྱས་པའི་ལྷ་རྣམས་ལ་དབུལ་བར་བྱ་ཞིང་སོ་སོར་བསྟབ་པར་བྱའོ། །དེ་ཉིད་ཅེས་བྱ་བ་ནི་སྒྲ་རྣམ་པ་གསུམ་པོ་དེ་ནི་བཅོམ་ལྡན་འདས་རིན་ཆེན་འབྱུང་གནས་ལས་གཞན་པ་མ་ཡིན་པའོ། །དེ་བཞིན་དུ་དྲི་ལ་རྣམ་པ་
གསུམ་དུ་ཤེས་པར་བྱས་ནས་མཆོག་ཏུ་གྱུར་པས་སངས་རྒྱས་སོགས་པ་སྟེ། འོད་དཔག་མེད་ལ་སོགས་པའི་རིགས་ཅན་གྱིས་གཙོ་བོ་བྱས་པའི་ལྷ་རྣམས་ལ་དབུལ་བར་བྱ་ཞིང་ཉེ་བར་བསྟབ་པར་བྱའོ། །དེ་ཉིད་ཅེས་བྱ་བ་ནི་དྲི་ཞེས་བྱ་བ་གང་
ཡིན་པ་ཉིད་ནི་ཆོས་ཀྱི་འབྱུང་གནས་ཏེ་འོད་དཔག་ཏུ་མེད་པའོ། །རོ་ལ་ཞེས་བྱ་བ་ལ་སོགས་པ་ལ། རོ་ལ་རྣམ་པ་གསུམ་དུ་ཤེས་པར་བྱས་ནས། དེ་ལས་མཆོག་ཏུ་གྱུར་པ་ལས་ཀྱི་རིགས་ཅན་གྱིས་གཙོ་བོ་བྱས་པའི་ལྷ་རྣམས་ལ་དབུལ་བར་བྱ་
སྟེ། རོ་གསུམ་པོ་གང་ཡིན་པ་དེ་ཉིད་ནི་བཅོམ་ལྡན་འདས་དོན་ཡོད་པར་གྲུབ་པའོ། །རེག་ལ་ཞེས་བྱ་བ་ལ་སོགས་པ་ལ། དེ་བཞིན་དུ་རེག་བྱ་ལ་རྣམ་པ་གསུམ་དུ་ཤེས་པར་བྱས་ནས། དེ་ལས་མཆོག་ཏུ་གྱུར་པ་བདག་གི་རིགས་ཏེ་རྡོ་
4-2-156a


རྗེའི་རིགས་ཅན་གྱིས་གཙོ་བོ་བྱས་པའི་ལྷ་རྣམས་ལ་དབུལ་བར་བྱ་ཞིང་ཚིམ་པར་བྱའོ། །དེ་ཉིད་ཅེས་བྱ་བ་ནི་རེག་བྱ་གསུམ་པོ་གང་ཡིན་པ་དེ་ཉིད་ནི་མི་བསྐྱོད་པ་ཡིན་པའོ།། ༈ གཟུགས་སྒྲ་ཞེས་བྱ་བ་ལ་སོགས་
པས་ནི། བཤད་མ་ཐག་པའི་དོན་དེ་དག་ཉིད་བསྡུས་ནས་སྟོན་པར་མཛད་པ་ཡིན་ཏེ། དེ་ལྟར་གཟུགས་ལ་སོགས་པ་ལྔ་ནི་རྣམ་༼རིགས་བཞིའི་མཆོད་པའི་ལྷག་མ་མ་བཤད་པ་རྣམས་ནི་རིགས་དང་པོའི་སྐབས་ལས་ཤེས་པར་བྱའོ། །༽པར་སྣང་
མཛད་ལ་སོགས་པ་རིགས་ལྔའི་ངོ་བོ་ཉིད་ཡིན་པས་ཡུལ་ལྔ་དེ་རྣམས་སུ་བསྐྱེད་པ་རྣམས་ཀྱིས་འདོད་ཡོན་ལ་ཉིན་མཚན་རྟག་ཏུ་ལོངས་སྤྱོད་པར་བྱེད་པའི་སེམས་ཀྱི་མངོན་པར་འདུ་བྱེད་པར་བསྐྱེད་པར་བྱ་ཞིང་སྦྱར་བར་བྱའོ། །འདི་དེ་ཞེས་བྱ་བ་ལ་
སོགས་པས་ནི་བཤད་མ་ཐག་པའི་སེམས་བསྐྱེད་པ་གང་ཡིན་པ་དེ་ནི་དུས་གསུམ་དུ་བཞུགས་པའི་སངས་རྒྱས་ཐམས་ཅད་ཀྱི་གསང་ཞིང་སྦ་བར་གྱུར་པ་སྟེ། སངས་རྒྱས་ཀྱི་འབྲས་བུ་ཐོབ་པར་བྱེད་པས་སྙིང་པོ་བཏུས་པ་ཡིན་ནོ། །
༈ དེ་ལྟར་གཟུགས་ལ་སོགས་པ་ཐབས་ཀྱི་སྟེ། ལྷ་ཕོའི་ངོ་བོ་ཉིད་དུ་བཞག་ནས། ཡང་ཡུལ་ལྔ་དེ་རྣམས་ཉིད་སྤྱན་ལ་སོགས་པ་ཤེས་རབ་ཀྱི་སྟེ། ལྷ་མོའི་ངོ་བོ་ཉིད་དུ་ཡོངས་སུ་གྱུར་པར་བསྟན་པར་བྱ་བའི་ཕྱིར། 
གཟུགས་སྒྲ་ཞེས་བྱ་བ་ལ་སོགས་པ་གསུངས་ཏེ། ཡང་ན་༼པ་ཚབ་ཀྱི་འགྱུར་ལས། ཡང་ན་སྔགས་པས་གཟུགས་སོགས་ཀྱི། །ལྷ་ཉིད་རྟག་ཏུ་བསྒོམ་པར་བྱ། །ཞེས་གཟུགས་སོགས་ལྷ་མོ་བཞིར་བསྒོམ་པ་ལ་ཡང༌། ཡང་གི་སྒྲ་ཡོད་པ་ལེགས་སོ། །༼ཞེས་བྱ་
4-2-156b


བ་ནི་ཕྱོགས་ཏེ་ལུགས་གཞན་སྟོན་པར་བྱེད་པའི་ཚིག་གི་ཕྲད་དོ། །གཟུགས་ལ་སོགས་པའི་ཡུལ་རྣམས་ནི་ལྷ་རྣམས་ཏེ་ཤེས་རབ་སྤྱན་མ་ལ་སོགས་པ་བཞིའི་ཀྱི་ངོ་བོ་ཉིད་དུ་རྟག་ཏུ་བསྒོམ་མོ། །ཡང་ཡུལ་ལྔ་པོ་དེ་རྣམས་ཉིད་ལ་གཟུགས་རྡོ་རྗེ་
ལ་སོགས་པར་རིགས་ཀྱི་དབྱེ་བས་ཡོངས་སུ་གྱུར་པར་བསྟན་པའི་ཕྱིར། ཡང་ན་ཞེས་བྱ་བ་གསུངས་ཏེ། ༸དེ་ཡང་གཟུགས་སྤྱན་མ། སྒྲ་མཱ་མ་ཀཱི། དྲི་གོས་དཀར་མོ། རོ་སྒྲོལ་མ་དང་། མཱ་མ་ཀཱི་རིགས་གཉིས་འཛིན་པས་རེག་བྱ་ཡང་དེར་བསྒོམ་མོ། །༽རིགས་
རྣམས་ཀྱི་ཚུལ་ནི་རིགས་ཀྱི་དབྱེ་བས་གང་རྣམ་པར་བསྒོམ་ཞིང་ཤེས་པར་བྱ་བ་དེ་ནི་རིགས་ཀྱི་ཚུལ་དུ་རྣམ་པར་བསྒོམ་པ་སྟེ་གཟུགས་རྡོ་རྗེ་ལ་སོགས་པ་རིགས་ལྔའི་རིགས་ལས་བྱུང་བ་དེ་རྣམས་ཀྱིས། རིགས་ཀྱི་ཚུལ་དུ་རྣམ་པར་
བསྒོམ་ཞིང་སྟེ། བསམ་ལ་ཞེས་པའོ།། ༈ ཡུལ་དང་ལྷ་དེ་རྣམས་ཀྱང་རྡོ་རྗེ་འཆང་ཆེན་པོའི་ངོ་བོར་དམིགས་པར་བྱ་སྟེ། སྦྱོར་བ་སྟེ་ལྷར་དམིགས་པ་སོགས་ཀྱི་རྣལ་འབྱོར་ཐམས་ཅད་བཅོམ་ལྡན་འདས། རྡོ་རྗེ་སེམས་༼
རིགས་ཀྱི་ཚུལ་དུ་སྒོམ་ཚུལ་ནི། གཟུགས་གཟུགས་རྡོ་རྗེ་མར་བསྒོམ་པ་ནས། རེག་རེག་རྡོ་རྗེ་མར་བསྒོམ་པའི་བར་ཏེ། རྣམ་སྣང་ལ་སོགས་པའི་རིགས་ཀྱི་དབྱེ་བ་ལྔས། གཟུགས་རྡོ་རྗེ་སོགས་སུ་ཕྱེ་བའི་ཚུལ་གྱིས་བསྒོམ་པའོ།། ༼དཔར་བལྟའོ་འ་ཞེས་བྱ་བ་ལ་སོགས་
པ་སྒྱུ་མ་བདེ་མཆོག་ལས་གསུངས་པའི་ཕྱིར་རོ། སྤྱིའི་དོན་ཏེ། ༼ལེའུ་དང་པོའི་འགྲེལ་པར། གཟུགས་ལ་རྣམ་གསུམ་ཞེས་སོགས་འདི་རྣམས་ཚུལ་བཞིར་བཤད་པར་གསུངས་པ་ལ་འདིར་ཡིག་དོན་མ་བྱུང་བ་ནི། སྔར་འདི་འདྲའི་རིགས་གཞན་བྱུང་བ་ལ་བཤད་པ་བཞིན་ནོ། །
4-2-157a


སྤྲོས་པ་དང་བཅས་པའི་སྤྱོད་པའོ།། ༈ གཟུགས་ལ་ཞེས་བྱ་བ་ལ་སོགས་པ་ལ། ཡིད་དུ་འོང་བ་དང་ཡིད་དུ་མི་འོང་བ་དང་ལུང་དུ་མ་བསྟན་པ་སྟེ། ཡུལ་བར་མ་བཏང་སྙོམས་པའི་དབྱེ་བས་ཡུལ་རྣམ་པ་
གསུམ་པོ་རིམ་པ་བཞིན་དུ་སྣང་བ་གསུམ་གྱི་དང་པོ་ལས་བྱུང་བའི་ཆགས་པའི་རང་བཞིན་དང༌། མཆེད་པ་ལས་བྱུང་བའི་ཆགས་པ་དང་བྲལ་བའི་རང་བཞིན་དང༌། ཉེར་ཐོབ་ལས་བྱུང་བའི་བཏང་སྙོམས་ཀྱི་རང་བཞིན་བརྒྱད་ཅུའི་རྣམ་རྟོག་རྣམས་ཀྱིས་
ཡུལ་དུ་གྱུར་པར་ས་མིག་གིས་རྣམ་པར་ཤེས་པར་བྱས་ལ་ཏེ། རྗེས་སུ་མྱོང་བ་ནི་མཆོད་པའི་བདག་ཉིད་ཅན་ཏེ། མཆོད་པའི་རྫས་དང་དེ་ལེན་པ་མཆོད་ཡུལ་ཉེ་བར་མཚོན་པའི་དོན་གྱིས་ན་སྒྲུབ་པ་པོ་རང་ཉིད་མཆོད་པར་བྱ་བ་དང༌། 
མཆོད་པའི་བདག་ཉིད་ཅན་གྱི་ངོ་བོ་ཉིད་དུ་གྱུར་པ་ཡིན་པས། རྣལ་འབྱོར་པས་བདག་ཉིད་ལ་མཆོད་པར་བྱའོ། །མཆོད་པའི་འཁོར་གསུམ་རང་རྡོ་རྗེ་འཆང་དུ་བྱས་པའི་ངོ་བོར་བལྟ་བ་དེ་བས་ན་སྣ་ཚོགས་པ་སྟེ། བརྟན་པ་དང་གཡོ་བའི་བདག་ཉིད། རིགས་ཐམས་
ཅད་ཀྱི་བདག་ཉིད་ཅན་ཏེ་སངས་རྒྱས་རྣམ་པར་སྣང་མཛད་ཀྱི་གཞི་ཡིན་ནོ་ཞེས་པ་སྟེ། གཞིའི་སྐད་དོད་ཨ་ལ་ཡ་ལ་ལི་ཡ་ཐིམ་པ་ལ་འཇུག་པས་རྣམ་པར་སྣང་མཛད་གང་དུ་ཐིམ་པར་གྱུར་པ་དེ་ནི་རྣམ་པར་སྣང་མཛད་ཀྱི་གཞི་སྟེ། རྣམ་པར་སྣང་མཛད་
སྐྱེད་པར་མཛད་པའི་བཅོམ་ལྡན་འདས་ཚོགས་གཉིས་དང་ལྡན་པའི་སངས་རྒྱས་རྡོ་རྗེ་འཆང་བ་གང་ཡིན་པ་སྟེ། དེ་ཉིད་ནི་རྣལ་འབྱོར་པའོ། །དེ་བཞིན་དུ་༼ཞེས་པ་ནི་ཡུལ་རེ་རེ་ལ་གསུམ་གསུམ་དུ་ཕྱེ་བ་སྣང་བ་གསུམ་ལས་བྱུང་བའི་རང་བཞིན་གསུམ་གྱིས་
4-2-157b


ཡུལ་དུ་བྱས་པ། དབང་པོའི་ཤེས་པས་མྱོང་བ་དང༌། མཆོད་པའི་འཁོར་གསུམ་རང་རྡོ་རྗེ་འཆང་དུ་བསྐྱེད་པའི་ངོ་བོར་བྱས་ནས། དབུལ་བ་ཕྱི་མ་བཞི་ལ་ཡང་བསྒྲེ་བར་སྟོན་པའོ། །༼སྒྲ་རྣམ་པ་གསུམ་རྗེས་སུ་མྱོང་བ་ན་ལྷ་རྣམས་ལ་སྟེ་ཤེས་རབ་སྣང་བ་དང༌། ཐབས་མཆེད་
པ་དང༌། ཉེ་བར་ཐོབ་པ་གསུམ་མཉམ་གཞག་ཏུ་ཉམས་སུ་མྱོང་བས་རང་ཉིད་རྡོ་རྗེ་འཆང་དུ་བྱས་པ་དང་ཡུལ་རྣམས་ལ་རྒྱས་བཏབ་སྟེ། བདག་ཉིད་ལ་དབུལ་བར་བྱའོ། །རིན་ཆེན་འབྱུང་གནས་གཙོ་ཞེས་བྱ་བ་ནི། འདི་ལས་རིན་པོ་ཆེ་རྣམས་འབྱུང་བས་ན་རིན་
ཆེན་འབྱུང་གནས་གཙོ་སྟེ། སྣ་ཚོགས་པའི་བདག་ཉིད་ཅན་རྡོ་རྗེ་འཆང་ཆེན་པོའོ། །དེ་ཡང་རྣམ་པར་ཤེས་པ་སྣང་བ་གསུམ་གྱི་བདག་ཉིད་ཅན་དུ་མོས་པ་གང་ཡིན་པའི་རྣམ་འབྱོར་པ་ཅན་དེ་ཉིད་དོ། །དེ་བཞིན་དུ་དྲི་རྣམ་པ་གསུམ་དང་
ཕྲད་ཅིང་ཡུལ་དུ་བྱེད་པ་ན་སངས་རྒྱས་ལ་སོགས་པ་སྟེ་སྣང་བ་ལ་སོགས་པས་རྒྱས་བཏབ་པའི་ཡུལ་དང་སྒྲུབ་པ་པོ་ལ་དབུལ་བར་བྱའོ། །འདོད་ཆགས་ཆོས་ཀྱི་འབྱུང་གནས་ནི་འོད་དཔག་ཏུ་མེད་པའོ། །དེའི་གཙོ་བོ་ནི་རྡོ་རྗེ་འཆང་ཆེན་པོར་བསྒོམས་པའི་
རྣལ་འབྱོར་པ་དེ་ཉིད་དོ། །རོ་ལ་ཞེས་བྱ་བ་ལ་སོགས་པ་ལ། ཐོགས་མེད་རྡོ་རྗེ་ནི་དོན་ཡོད་པར་གྲུབ་པའོ། །དེ་སྐྱེད་པའི་ངོ་བོ་ཉིད་ཀྱིས་འཆང་བར་མཛད་པས་ན་ཐོགས་མེད་རྡོ་རྗེ་འཛིན་ཏེ་རྡོ་རྗེ་འཆང་ཆེན་པོ་སྒྲུབ་པ་པོར་བྱས་པ་དེ་ཉིད་དོ། །རེག་ལ་ཞེས་
བྱ་བ་ལ་སོགས་པ་ལ། བདག་གི་རིགས་ཏེ་བདག་ཉིད་ལ་དབུལ་བར་བྱའོ། །མི་བསྐྱོད་པའི་ཚུལ་ནི་མི་བསྐྱོད་པའི་སྐུར་སྣང་བ་བརྙེས་ཤིང་མི་བསྐྱོད་པ་རབ་ཏུ་སྐྱེད་པའི་ངང་ཚུལ་ཅན་གང་ཡིན་པ་དེ་ནི་མི་བསྐྱོད་པའི་ཚུལ་བརྙེས་པ་སྟེ། རྡོ་རྗེ་ཅན་
4-2-158a


ཞེས་པ་རྡོ་རྗེ་འཆང་ཆེན་པོར་བསྒོམས་པའི་རྣལ་འབྱོར་པ་དེ་ཉིད་དོ། །བརྙེས་པ་ཞེས་བྱ་བ་ནི་ཐོབ་པ་ནི་རྙེད་པའོ་ཞེས་ལུང་ལས་གསུངས་སོ།། ༈ གཟུགས་ལ་ཞེས་བྱ་བ་ལ་སོགས་པའི་རྐང་པ་བཞིས་ནི། བཤད་
མ་ཐག་པའི་དོན་ཉིད་ཀྱི་ཉམས་སུ་ལེན་ཚུལ་གསལ་བར་སྟོན་པ་༼ཆག་འགྱུར་ལས། རྙེད་པ་ཞེས་ཐོབ་པ་ལ། བརྙེས་ཞེས་པ་ནི་ལུང་ངོ༌། །ཞེས་འབྱུང་ལ། དེའི་དོན་ནི། རྙེད་པ་ཞེས་གཅིག་ཚིག་ཐོབ་པ་ལ་བརྙེས་ཞེས་མང་ཚིག་ཏུ་བྱས་པ་ནི། ལུང་སྟེ་རྒྱལ་བའི་བཀའ་ཡིན་པས་སྒྲ་
པ་དང་འགལ་ཡང་སྐྱོན་མིན་ཞེས་པའོ། །༽ཡིན་ཏེ། གཟུགས་ལ་སོགས་པ་རྣམས་ལ་རྟག་ཏུ་ཞེས་པའི་རྟག་ཏུ་ནི་དུས་ཡིན་ལ་ནི། དེ་ཡང་ཡུལ་ལྔ་འདས་པ་དང་མ་འོངས་པའི་སྐད་ཅིག་མ་སྟེ། དུས་ནི་གཟུགས་སོགས་ཀྱི་དངོས་པོར་མེད་ཅིང་
གཟུགས་སྒྲ་སོགས་ལ་སེམས་སྦྱར་དགོས་པས་པར་གཟུགས་སོགས་ཀྱི་ད་ལྟར་གྱི་སྐད་ཅིག་མའི་སྒོ་ནས་ཡུལ་རྣམས་སེམས་རྣམ་པར་ཤེས་པ་གསུམ་གྱི་ངོ་བོར་བལྟས་ནས་དབུལ་བ་ལ་རང་གི་སེམས་སྦྱར་བར་བྱའོ་ཞེས་པ་སྟེ། དོན་བསྡུ་ན་
གཟུགས་ལ་སོགས་པའི་ཡུལ་རྣམས་ནི་མཉམ་བཞག་ཏུ་ཉམས་སུ་མྱོང་བའི་སེམས་གསུམ་པོ་འདི་ཉིད་ཀྱི་ངོ་བོ་ཉིད་དོ་ཞེས་ཤེས་པར་བྱའོ། །ཞེས་བྱ་བ་ཡིན་པར་དགོངས་སོ། །འདི་དེ་ཞེས་བྱ་བ་སྟེ་བཤད་མ་ཐག་པ་སྣང་བ་སེམས་སྦས་ཀྱི་
སྤྱོད་པ་ཉིད་སྒྲུབ་པ་པོ་གང་གིས་༼འདིས་ནི་གཟུགས་སོགས་ཀྱི་ཡུལ་རྣམས་ལ་སེམས་གསུམ་གྱི་ངོ་བོ་ཉིད་དུ་རྒྱས་འདེབས་པ། རྣལ་འབྱོར་པའི་བློ་སྦྱོང་ཚུལ་བསྟན་པ་ཡིན་གྱི། ཕྱི་དོན་བཀག་ནས་སེམས་ཙམ་དུ་སྟོན་པ་མ་ཡིན་ཏེ། དཔེར་ན་གཟུགས་སོགས་ལྷ་རྣམས་ཉིད་ཀྱི་
4-2-158b


ངོ་བོར་བལྟ་བར་བཤད་པས། ལྷ་མིན་པའི་གཟུགས་སོགས་ཁས་ལེན་པ་མི་འགལ་བ་བཞིན་ནོ། །༽ཡོངས་སུ་ཤེས་ནས་སྤྱོད་པ་ནི། སངས་རྒྱས་ཐམས་ཅད་ཀྱི་སྟེ་རིན་པོ་ཆེ་ལྟ་བུའི་གང་ཟག་རྣམས་ལ་སྦྱིན་པར་བྱ་བ་ཡིན་གྱི་ཙནྡན་ལྟ་བུ་ལ་སོགས་པ་རྣམས་
ལ་བསྟན་པར་བྱ་བ་མ་ཡིན་པས་ན་གསང་བའོ། །སྙིང་པོ་བཏུས་པའོ་ཞེས་བྱ་བ་ནི། རྒྱུད་ཀྱི་གཅེས་པའི་དོན་ཡང་དག་པར་བླངས་ནས་བསགས་ཤིང་ཕུང་པོར་བྱས་པའི་ཕྱིར་ན་བཏུས་པའོ། །སྙིང་པོ་ནི་དུས་གསུམ་དུ་བཞུགས་པའི་དེ་བཞིན་གཤེགས་
པ་རྣམས་ཏེ། དེ་རྣམས་ཀྱི་བཏུས་པ་ནི་བཤད་མ་ཐག་པའི་ཚུལ་ལོ། །གཟུགས་སྒྲ་ཞེས་བྱ་བ་ལ་སོགས་པ་ལ་སྔར་བཤད་པ་ལྟ་བུའི་སྔགས་པ་སྟེ་ཡན་ལག་མ་ཉམས་པར་རླུང་སྔགས་དབྱེར་མེད་དུ་ཟློས་པས་གཟུགས་ལ་སོགས་པ་རྣམ་པ་
གསུམ་གྱིས་ཏེ། གསུམ་པོ་ལྷ་ཉིད་དུ་ཞེས་པ་དེ་ཡེ་ཤེས་གསུམ་གྱི་ངོ་བོ་ཉིད་དུ་བསྒོམ་ཞིང་ཤེས་པར་བྱའོ།། ༈ ཡེ་ཤེས་གསུམ་ངོ་བོ་ཉིད་ཀྱི་རང་བཞིན་གྱི་དབྱེ་བ་བསྟན་པར་བྱ་བའི་ཕྱིར། ཡང་ན་ཞེས་བྱ་བ་ལ་སོགས་པ་གསུངས་ཏེ། 
དེ་ལ་གཟུགས་ལ་སོགས་པ་དེ་རྣམས་ལ་རིགས་ཏེ། ཆགས་པ་དང་། ཆགས་པ་དང་བྲལ་བ་དང༌། ཆགས་པ་བར་མའི་རང་བཞིན་ཏེ་དེ་རྣམས་ཀྱི་དབྱེ་བ་ནི་ཁྱད་པར་གྱི་ཚུལ་ལོ། །དེ་རྣམས་རྣམ་པར་བསྒོམ་པ་ནི་རྗེས་སུ་མྱོང་བས་བསྒོམ་ཞིང་
ཤེས་པར་བྱའོ། །དེ་ནི་འདི་སྐད་སྟོན་པ་ཡིན་ཏེ། གཟུགས་ལ་སོགས་པའི་ཡུལ་རྣམས་ལ་ཕྱི་རོལ་ཏེ་ཐ་མལ་པའི་ཡུལ་དུ་མངོན་པར་ཞེན་པ་ཡོངས་སུ་བཟློག་ནས། ཡུལ་དེ་རྣམས་ལ་འདོད་ཆགས་ཆུང་ངུ་དང་ལ་སོགས་པས་བསྡུས་པ་བར་མ་
4-2-159a


དང་ཆེན་པོར་གནས་པའི་འདོད་ཆགས་ལ་སོགས་པའི་རང་བཞིན་བརྒྱད་ཅུ་ལ་ཉིན་མཚན་གྱིས་ཕྱེ་བས་བརྒྱ་དྲུག་ཅུའི་ངོ་བོ་ཉིད་རྗེས་སུ་མྱོང་བས་ཤེས་པར་བྱའོ། །ཞེས་པ་སྟེ། སྦས་པའོ། །འདི་ནི་སྤྲོས་པ་མེད་པའི་སྤྱོད་
པའོ།། ༼འདིའི་དོན་བསྡུ་ན། མཉམ་གཞག་ཏུ་སྣང་མཆེད་ཐོབ་གསུམ་གྱི་ཡེ་ཤེས་ཉམས་སུ་མྱོང་བ་ལས། བྱུང་བའི་རྗེས་ཐོབ་ཀྱི་སྐབས་ཀྱི་རང་བཞིན་གྱི་རྟོག་པ་ཉམས་སུ་མྱོང་བས། ཡུལ་རྣམས་ཡེ་ཤེས་གསུམ་གྱི་ངོ་བོར་ཤེས་པར་བྱ་བའི་དོན་ཏོ།། ༈ གཟུགས་
ལ་ཞེས་བྱ་བ་ལ་སོགས་པ་ལ། མཆོག་ལ་སོགས་པ་གཟུགས་རྣམ་པ་གསུམ་གྱི་ཡུལ་ལ་ཤེས་པར་བྱ་ཞེས་པ་སྟེ། སྣང་བ་གསུམ་གྱི་ངོ་བོ་ཉིད་དུ་ཡོངས་སུ་ཤེས་པའི་རྒྱུད་ཀྱི་སྣང་བ་གསུམ་མོ་འོ། །མཆོད་པར་བྱེད་པ་ནི་
འདོད་ཡོན་གྱི་རང་བཞིན་ཤེས་ནས་ལོངས་སྤྱོད་པའི་སྒྲུབ་པ་པོཔའོ། །མཆོད་པར་བྱ་ཞེས་པ་ནི་སྣང་བ་གསུམ་དང་འོག་ནས་བཤད་པའི་གཟུགས་གསུམ་འོད་གསལ་བའི་ངོ་བོ་ཉིད་དུ་ཡོངས་སུ་བསྟིམས་པ་སྟེ། ཐིམ་པར་བྱས་པ་འདི་ཉིད་ནི་བླ་ན་
མེད་པའི་མཆོད་པ་སྟེ། འོད་གསལ་བ་ཞེས་གང་གསུངས་པ་དེ་ཉིད་ནི་རྡོ་རྗེ་འཆང་ཆེན་པོ་སྟེ། ཟུང་འཇུག་དེའི་སྐྱེད་པའི་རྒྱུར་གྱུར་པའི་ཕྱིར་འོད་གསལ་ལ་ཟུང་འཇུག་རྡོ་རྗེ་འཆང་གི་མིང་གིས་གཏགས་སོ་རོ། །དེ་བཞིན་དུ་སྒྲ་ལ་སོགས་པ་
རྣམས་ལ་ཡང་འོད་གསལ་བའི་ངོ་བོ་ཉིད་དུ་རྣམ་པར་ཤེས་པར་བྱ་སྟེ། ༼ཞེས་པ་ནི་སྣང་བ་གསུམ་དང་འོག་ནས་འཆད་པ་ལྟར་གྱི་ཡུལ་རེ་རེ་ལ་གསུམ་གསུམ་དུ་བྱས་པ་འོད་གསལ་དུ་གཞུག་པའི་མཆོད་པ་བྱ་བ་དང་། འོད་གསལ་ལ་ཟུང་འཇུག་གི་
4-2-159b


རྡོ་རྗེ་འཆང་གི་མིང་གིས་བཏགས་པ་རྣམས་བསྒྲེ་བར་སྟོན་པའོ།། ༈ ཇི་སྐད་དུ་བཤད་པའི་རྒྱུད་ལུང་སྟོན་ལས་ཀྱང་། ནང་ནི་སེམས་ཅན་གྱི་རྒྱུད་དུ་གཏོགས་པའི་ཡུལ་ལྔའོ་དང་དེ་བཞིན་ཕྱི་རོལ་ནི་སྣོད་ཀྱི་ཡུལ་ལྔའོ་དང་། གཉི་ག་ནི་དབང་པོའི་རྟེན་ཁོག་
པའོ། །དེ་གསུམ་རྗེས་སུ་མི་དམིགས་པ། འོད་གསལ་དུ་བཅུག་པའི་གཞུག་རྒྱུ་ནི་གཟུགས་ལ་སོགས་པ་རྣམ་པ་གསུམ་དུ་བཤད་པ་དེ་ཡིན་ཏེ། ལྷ་རྣམས་ལ་ནི་དབུལ་བར་བྱ། །ཞེས་གསུངས་པས། འདི་ནི་ཤིན་ཏུ་སྤྲོས་པ་མེད་པའི་སྤྱོད་པ་སྟེ་
མཐར་ཐུག་པའོ།། ༈ ད་ནི་རྗེས་སུ་དྲན་པ་དྲུག་གསུངས་པ་ནི། སངས་རྒྱས་རྗེས་སུ་དྲན་པར་སྦྱོར་ཞེས་བྱ་བ་ལ་སོགས་པ་སྟེ། སྐུ་དང་༼༸ཞེས་པ་ནི་འོད་གསལ་དུ་གཞུག་པའི་དོན་ནོ།། ༼གསུང་དང་ཐུགས་རྣམས་༼
སྤྱན་མ་སོགས་བཞིར་བསྒོམ་པ་དང༌། རྡོ་རྗེ་མ་ལྔར་བསྒོམ་པ་ཡང་གཟུགས་སོགས་ལྔ་ཡིན་ལ། དེ་རྣམས་འོད་གསལ་དུ་འཇུག་ཚུལ་ནི། སྔ་མ་དང་ཐ་དད་མེད་པས་འགྲེལ་པར་ཟུར་དུ་མ་བཤད་དོ། །༽བསྒོམ་ཞེས་བྱ་བའི་དོན་ནི། སྐུ་སྟེ་ལུས་སྐུ་སོགས་གསུམ་སྒོམ་བཞིན
པས་ཞེས་ཐོབ་པ་ལས་རྗེས་དྲན་དང་པོ་གསུམ་སྒོམ་ཞེས་པའོ། །སྒོམ་པ་ནི། རིགས་བརྒྱ་དང་ལྔ་དང་གསུམ་དང་རིགས་གཅིག་གིས་འི་རབ་ཏུ་དབྱེ་བས་ལུས་རྣམ་པར་དབེན་༼པ་ཚབ་ཀྱི་འགྱུར་ལས། བསྒོམས་བཞིན་པས་ཐོབ་པ་ལས། ཞེས་འབྱུང་ངོ་། །
༼པ་སྒོམ་པར་བྱེད་པ་སྟེ། དེས་ནི། རིགས་གཅིག་ལ་སོགས་པའི་སངས་རྒྱས་རྣམས་རྗེས་སུ་དྲན་པར་འགྱུར་རོ། །དེ་བཞིན་དུ་གསུང་བསྒོམ་པ་ནི་རྡོ་རྗེ་བཟླས་པའི་གོམས་པ་མཐར་ཐུག་པས་ཏེ། དེའི་བར་དུ་ངག་རྣམ་པར་དབེན་པ་བསྒོམས་
4-2-160a


པར་བྱེད་པ་སྟེ། དེས་ནི། ཆོས་རླུང་དང་སྔགས་རྗེས་སུ་དྲན་པར་འགྱུར་རོ་འོ། །ཐུགས་སྒོམ་པ་ནི་རང་བཞིན་གྱི་སྣང་བ་ཡེ་ཤེས་གསུམ་གྱི་འི་རིམ་གྱིས་སེམས་ཀྱི་དེ་ཁོ་ན་ཉིད་ལ་རྣམ་པར་རྟོག་པ་སྟེ། དེས་
ནི་རྡོ་རྗེ་སྟེ། བདེ་སྟོང་དབྱེར་མི་ཕྱེད་པ་རྗེས་སུ་དྲན་པར་འགྱུར་རོ་འོ། །རིགས་ནི་རྗེས་སུ་དྲན་པར་ཞེས་བྱ་བ་ལ། རིགས་ནི་ལུས་དང་ངག་དང་ཡིད་ཀྱི་དེ་ཁོ་ན་ཉིད་དོ། །དེའི་རྗེས་སུ་དྲན་པ་ནི་ཡེ་ཤེས་གསུམ་གྱི་ངོ་བོ་ཉིད་ཀྱིས་རང་གི་ཡུལ་སོ་
སོར་ཡོངས་སུ་ཤེས་པའོ། །སྦྱོར་བ་ནི་ཡེ་ཤེས་གསུམ་སྔ་མ་ཕྱི་མ་ལ་ཐིམ་པའི་ཚུལ་གྱིས་ཕྱིས་ཉེར་ཐོབ་ཀྱི་ཚེ་གཅིག་ཏུ་བྱས་པ་སྟེ། དཔེའི་འོད་གསལ་ཉེར་ཐོབ་ཏུ་བསྡུས་པའི་ལུགས་སོ། །དེ་བས་ན་ཡེ་ཤེས་གསུམ་པོ་ཡང་དག་པར་སྦྱོར་བདེ་ལས་འོ། །
ཐ་མལ་པའི་ལུས་ལ་བསྡིགས་པར་བྱེད་པས་ན་ཁྲོ་བོ་ནི་འོད་གསལ་མངོན་དུ་བྱེད་པའི་ཐབས་ཀྱི་ཡེ་ཤེས་ཀྱི་སྐུ་སྒྱུ་ལུས་སོ། །དེའི་རྗེས་སུ་དྲན་པ་ནི་བསྒོམ་པ་སྟེ། དེ་ཡང་ཉེར་ཐོབ་ཏུ་བསྡུས་པའི་དཔེའི་འོད་གསལ་གྱི་༼ཆག་འགྱུར་ལས། སྦྱོར་བ་ལས་ཞེས་འབྱུང་ངོ༌། །
༽རླུང་སེམས་ཙམ་ལས་གཞན་གྱིས་བར་མ་ཆོད་པར་སྐྱེད་པ་སྟེ། བསྐྱེད་པ་དེས་ཁྲོ་བོ་རྗེས་སུ་དྲན་པ་དེ་བསྒོམ་པར་བྱའོ། །ལྷ་ནི་ཕྱག་རྒྱ་ཆེན་པོའི་ཚུལ་སྟེ་སྐུའོ་ལོ། །དེའི་རྗེས་སུ་དྲན་པ་ནི་ཆུ་ཟླ་ལ་སོགས་པའི་རྣམ་པས་སྟེ། དེ་རྣམས་
དང་འདྲ་བར་ཡོངས་སུ་ཤེས་པའོ། །སྒྱུ་མའི་སྐུ་དེ་དང་སྦྱོར་བ་ནི་སྒྱུ་ལུས་དོན་དམ་པའི་བདེན་པ་འོད་༼རིགས་དང་ཁྲོ་བོ་རྗེས་དྲན་གཉིས་ཀས་སྒྱུ་ལུས་བསྟན་ནོ། །༽གསལ་དུ་གཅུག་ནས་གཅིག་ཏུ་བྱས་པའོ། །༼འདིས་འོད་གསལ་བསྟན་ནོ། །
4-2-160b


༼དེ་བས་ན་གཅིག་ཏུ་རྗེས་སུ་སྦྱོར་བའི་འོད་གསལ་དེ་ལས་བསྒོམ་ཞེས་པ་ནི། བདེན་པ་གཉིས་ཀྱི་རྣམ་པས་དམིགས་ཤིང་བསྒོམས་ན་བྱང་ཆུབ་སྟེ་བདེ་བ་ཆེན་པོར་མཚན་ཉིད་གཅིག་པའི་རྡོ་རྗེ་འཆང་ཆེན་པོ་ཟུང་འཇུག་འཐོབ་པར་འགྱུར་༼
ཆག་འགྱུར་ལས། སྦྱོར་བ་དེ་ལས་ཞེས་འབྱུང་ངོ༌། །༽བའོ། །བསྒོམས་ན་ཞེས་པའི་རྐང་པ་གཅིག་གིས་ཟུང་འཇུག་བསྟན་ནོ། །སྒྱུ་མ་འོད་གསལ་དུ་འཇུག་པ་དང༌། དེ་ལས་ཟུང་འཇུག་ཏུ་ལྡང་བའི་དོན་འདི་ཉིད་བསྟན་པར་བྱ་བའི་ཕྱིར་བཤད་པའི་རྒྱུད་ལུང་སྟོན་ལས། སྒྲུབ་པ་
པོ་ཉམས་དགའ་བར་བྱེད་པ་སངས་རྒྱས་ཀུན་གྱིས་བསྟེན། །པ་བྷ་ག་ཞེས་པ་ནི་སྤྲོས་པ་ཞི་བའི་འོད་གསལ་གཅིག་པུའི་མིང་། །ངོ༌། དེར་ནི་རང་གི་སྟེ། བདག་བྱིན་གྱིས་བརླབ་པའི་སྐུ་དེ་ཉིད་འོད་གསལ་དང་གཉིས་སུ་མེད་པར་བྱུང་། །བ་སྟེ། གྱུར་པ་ནི་
རྡོ་རྗེ་ལིང་ག་བྷ་ག། དེ་ཉིད་དུ་སྦྱར་བར་བྱ། །བའོ། །དེ་ནི་སངས་རྒྱས་རྗེས་སུ་དྲན་པར་སྦྱོར་བ་སྟེ། །བྷ་གར་ལིང་ག་བཞག་པ་ཡིན་པར་བསྒྲགས། པ་སྟེ། གསུངས་པའི་དོན་ནོ། །བྷ་གར་ལིང་ག་གཞུག་ཅེས་གསུངས་པ་ནི་འོད་གསལ་དང༌། སྒྱུ་མའི་སྐུ་
གཉིས་སུ་མེད་པར་སྦྱོར་བ་སྟེ། །སངས་རྒྱས་ཏེ་ཟུང་འཇུག་གི་གཟུགས་སུ་བསྒོམ་པའོ། །ཟུང་འཇུག་གི་སྐུ་དེ་ལས་བློ་ལྡན་ཏེ། ཤེས་རབ་ཅན་གྱིས་སྐུ་སྤྲོ་བ། །ནི་བ་སྤུའི་བུ་ག་ལས་བྱུང་ནས་དེའི་རྩེ་མོར་གནས། །པའི། མཉམ་པ་མེད་པས་ཁྱད་པར་
དུ། །འཕགས་པའི་སངས་རྒྱས་ཀྱི་སྤྲུལ་པའི་སྤྲིན་ཏེ་ཚོགས་རྣམས་དེར་སྤྲོ་བར་བྱའོ། །ཞེས་གསུངས་པ་སྟེ། དགོངས་པས་བཤད་པའོ། །༼ སྔར་གྱི་སངས་རྒྱས་རྗེས་དྲན་དང༌། འདིར་དྲངས་པའི་སངས་རྒྱས་རྗེས་དྲན་གཉིས་དོན་མི་གཅིག་ཀྱང་། འདིར་དྲངས་པའི་
4-2-161a


བྷ་ག་དང་ལིང་ག་སྦྱོར་བ་སོགས་ཀྱི་ངེས་དོན་གྱི་བཤད་པ་རྣམས། ཁྲོ་བོ་དང་ལྷ་རྗེས་དྲན་དང༌། ཟུང་འཇུག་གི་དོན་བཤད་པའི་ཤེས་བྱེད་དུ་འགྲོ་བས་དྲངས་སོ།། ༈ དེ་ལྟར་དབེན་གསུམ་དང་སྒྱུ་ལུས་འོད་གསལ་གྱི་རྗེས་སུ་དྲན་པ་དྲུག་གི་སྒོ་ནས། 
ཟུང་འཇུག་པའི་ཡོངས་སུ་དག་པའི་ལྷའི་སྐུ་འདི་བསྐྱེད་པའི་ཚུལ་བསྟན་ནས། ད་ནི་རིམ་གཉིས་ཀྱི་རྣལ་འབྱོར་པ་ཐམས་ཅད་ཀྱི་ཡབ་ཡུམ་སྙོམས་པར་འཇུག་པ་ཐུན་མོང་བའི་རིམ་པ་བསྟན་པར་བྱ་བའི་ཕྱིར། བུད་མེད་གཟུགས་ལྡན་ཞེས་བྱ་བ་ལ་
སོགས་པ་གསུངས་ཏེ། ན་ཚོད་གཞོན་པ་ལོ་བཅུ་དྲུག་མ་ལ་སོགས་པ་དང་ལྡན་པའི་བུད་མེད་རྙེད་ཅིང་སྟེ། སྐབས་དེར་ཇི་ལྟར་རྙེད་པའི་གཟུགས་ཏེ་དང་ཡན་ལག་མ་ཉམས་པའི་གཟུགས་དང་ལྡན་ཞིང་ཤིན་ཏུ་མཛེས་པས་མདངས་
བཟང་བ་རྙེད་ནས་དང༌། རབ་ཏུ་དབེན་ཞིང་ཡིན་དང་མཐུན་༼འགྲེལ་པར་རྙེད་ཅེས་འབྱུང་བ་ལྟར་བྱ་དགོས་པས། པ་ཚབ་ཀྱི་རྒྱུད་ཀྱི་འགྱུར་ལས། ལོ་གྲངས་བཅུ་དྲུག་མ་རྙེད་ནས། ཞེས་འབྱུང་བ་ལྟར་བྱ་དགོས་སོ། །༽པའི་གནས་སུ་ཕྱག་རྒྱའི་ར་གཟུགས་ལ་
སོགས་པའི་ཡུལ་གྱི་མཚན་ཉིད་ཀྱིས་བདག་ཉིད་ལ་མཆོད་པ་རབ་ཏུ་བརྩམ་པར་བྱའོ། །གང་གིས་མཆོད་ཅེ་ཤེ་ན། བྱིན་གྱིས་བརླབས་ཀྱི་གནས་གསུམ་གྱིས། ཞེས་བྱ་བ་སྟེ། ཡུལ་དུ་བྱིན་གྱིས་བརླབས་པ་སྟེ་བྱས་པས་བྱིན་གྱིས་
བརླབས་པ་སྟེ། འདོད་ཆགས་དང་ལ་སོགས་པས་བསྡུས་པ་ཆགས་བྲལ་དང་ཆགས་པ་བར་མའི་རང་བཞིན་གྱི་རྟོག་པ་གསུམ་མོ། །དེའི་གནས་ནི་ཡུལ་ཡིན་ལ་དེ་ལ་མང་དུ་ཡོད་ཀྱང་ཡིད་དུ་འོང་བའི་ཡུལ་རྣམས་ཏེ། དེ་ལྟར་བྱིན་གྱིས་བརླབས་
4-2-161b


ཀྱི་གནས་གསུམ་གྱིས། བྱིན་གྱིས་བརླབ་པའི་ཡུལ་ཡིད་དུ་འོང་བ་ཆུང་འབྲིང་ཆེན་པོ་གསུམ་པོ་དག་གིས་བདག་ཉིད་ལ་མཆོད་པར་བྱའོ། །དེ་ལྟར་རྡོ་རྗེ་འཆང་ཆེན་པོའི་རེག་རྡོ་རྗེ་དང་སྙོམས་པར་འཇུག་པ་བཤད་ནས། རྣམ་པར་སྣང་མཛད་ལ་སོགས་པའི་
སྙོམས་པར་འཇུག་པའི་ཚུལ་བསྟན་པར་བྱ་བའི་ཕྱིར། དེ་བཞིན་གཤེགས་པའི་ཞེས་བྱ་བ་ལ་སོགས་པ་གསུངས་ཏེ། འདི་ནི་དེ་བཞིན་གཤེགས་པའི་རིགས་ཀྱི་ཡིན་པས་ན། དེ་བཞིན་གཤེགས་པའི་འོ། །གཤེགས་པའི་རིགས་དེའི་ཕྱག་རྒྱ་གཞན་རྣམས་
ཀྱི་གཙོ་བོར་གྱུར་པས་ན། བཙུན་མོའི་མཆོག་སྟེ། སྔར་བཤད་པའི་བུད་མེད་དེ་རྣམ་པར་སྣང་མཛད་ཀྱི་རྣལ་འབྱོར་པས་སྤྱན་མར་རྣམ་པར་བསྒོམ་པར་བྱ་ཞིང་བསམ་པར་བྱའོ། །སོགས་པའི་སྒྲས་ནི་མ་བཤད་པ་རྣམས་ཀྱང་བསྡུ་བའི་དོན་ཏེ། རྣམ་སྣང་གི་
རིགས་ལ་སྤྱན་མར་བསྒོམ་པ་དེ་ཉིད་ཀྱིས་ནི་རིན་༼ཆག་འགྱུར་ལས། སྔར་བཤད་པ་དེ་ཞེས་འབྱུང་བ་ལེགས་སོ། །༽པོ་ཆེའི་རྣལ་འབྱོར་པས་ནི་བུད་མེད་དེ་མཱ་མ་ཀཱིར་བསྒོམ་པ་དང༌། པདྨའི་རིགས་ཀྱིས་ནི་བུད་མེད་དེ་གོས་དཀར་མོ་དང༌། ལས་ཀྱི་རིགས་ཀྱིས་ནི་བུད་མེད་དེ་
སྒྲོལ་མར་བསྒོམ་པར་བྱའོ། །ཞེས་བྱ་བར་སྦྱར་བར་བྱའོ་རོ། །དེ་ལྟར་བསྒོམས་ནས་ཅི་ཞིག་བྱ་ཞེ་ན། དབང་པོ་གཉིས་ནི་ཞེས་བྱ་བ་ལ་སོགས་པ་གསུངས་ཏེ། དབང་པོ་གཉིས་ནི་སྐྱེས་པ་དང་བུད་མེད་ཀྱི་དབང་པོའོ། །དེའི་མཉམ་པར་སྦྱར་བ་ནི་ཕན་ཚུན་
རྗེས་སུ་ཆགས་པ་སྔོན་དུ་འགྲོ་བས་འཁྱུད་པ་ལ་སོགས་པས་བསྡུས་པ་ཙུམྦྷ་ན་དང་སྙོམས་འཇུག་ལ་གནས་པའི་ལས་རྗེས་སུ་བསྟེན་པ་སྟེ། ཐབས་དེས་སངས་རྒྱས་ཏེ། འབྲས་བུའི་སྐབས་ཀྱི་རྡོ་རྗེ་འཆང་ཆེན་པོ་དེའི་དངོས་གྲུབ་སྟེ་མཆོག་ཏུ་དགའ་བར་སྟེ། 
4-2-162a


དོན་གྱི་ལྷན་སྐྱེས་ཀྱི་བདེ་བ་ཆེན་པོར་མཚན་ཉིད་གཅིག་པ་སྟེ་དེ་འཐོབ་པར་འགྱུར་བའོ།། ༈ རིམ་པ་གཉིས་ཀྱི་སྙོམས་པར་འཇུག་པའི་སྐབས་འདིར་སྔགས་ལ་རྗེས་སུ་གཞོལ་བ་བསྐྱེད་རིམ་པ་རྣམས་ཀྱི་སྙོམས་འཇུག་གི་ཆོ་གའི་བྱེ་བྲག་
སྟེ། ཁྱད་པར་བསྟན་པར་བྱ་བའི་ཕྱིར། ཡི་གེ་ཧཱུཾ་དང་ཞེས་བྱ་བ་ལ་སོགས་པ་གསུངས་ཏེ། ཡི་གེ་ཧཱུཾ་ཡོངས་སུ་གྱུར་པ་ལས་རང་གི་ལིང་ག་རྡོ་རྗེ་རྩེ་ལྔ་པར་བསྐྱེད་དེ་ཡི་གེ་ཨོཾ་གྱིས་ནོར་བུའི་ཆ་བྱིན་གྱིས་བརླབས་པར་བསམ་པ་དང༌། ཨ་ལས་ཕྱག་རྒྱའི་པདྨ་
པདྨ་འདབ་མ་བརྒྱད་པར་མངོན་པར་འདུ་བྱས་པ་སྟེ་བསྐྱེད་ལ་རིན་ཆེན་འབྱུང་ལྡན་གྱི་ང་རྒྱལ་སྔོན་དུ་འགྲོ་བ་དང་ལྡན་པས་ལས་ལ་གནས་པའི་ཚེ། ཡི་གེ་ཧཱུཾ་གི་གླུ་ལ་དང༌། དགའ་བ་ཉིད་ཀྱིས་རང་གི་ཕྱག་རྒྱ་མཉེས་པར་བྱས་ལ། ཡི་གེ་ཕཊ་ཅེས་ངག་ཏུ་བརྗོད་པ་ཀྱིས་
བྱང་ཆུབ་ཀྱི་སེམས་ཀྱི་ཐིག་ལེ་སྤྱི་བོ་ནས་དབབ་པར་བྱའོ། །༼བྱང་སེམས་འབེབས་པ་ནི་ངག་ཏུ་བརྗོད་པས་ཡིན་ལ། བྱང་སེམས་འགོག་པ་ནི་ནོར་བུའི་རྩེར་ཕཊ་ཡིག་གི་གཟུགས་བསྒོམས་པས་ཡིན་པས་མི་འགལ་ལོ། །༽ཞེས་བྱ་བ་ནི། རྡོ་རྗེའི་ཚིག་འདིའི་དོན་ཡིན་ནོ། །རབ་ཏུ་༼
འགྱུར་ཁ་ཅིག་ལས། བྱང་ཆུབ་ཀྱི་སེམས་དབྱུང་བར་བྱའོ་ཞེས་འབྱུང་བ་ཡང་། ནོར་བུའི་རྩེའི་བར་དུ་འབྱིན་པ་ཡིན་གྱི། དེའི་ཕྱི་རོལ་ཕྱག་རྒྱའི་པདྨ་ལ་སོགས་པར་འབྱིན་པ་ནི་གཏན་མ་ཡིན་ཏེ། སྙོམས་པར་འཇུག་པ་ན་བདེ་ཆེན་བསྐྱེད་ནས་བདེ་སྟོང་སྒོམ་པའི་ཆེད་ཡིན་ལ། བདེ་བའི་རྟེན་ཕྱི་རོལ་ཏུ་ཕྱུང་ན་བདེ་བ་ཆེན་
པོའི་གཞི་སྟོར་བའི་ཕྱིར་རོ། །༼བརྟག་པར་བྱ་ཞེས་བྱ་བའི་རྒྱུད་ཚིག་འདིས་ནི། འདི་དག་ཐམས་ཅད་ནི་སྐུ་གསུམ་༼འགྱུར་རྙིང་དང་པ་ཚབ་ཀྱི་འགྱུར་ལས། སྐུ་གསུམ་ཞེས་འབྱུང་ཡང༌། ཆག་འགྱུར་ལས། བྱ་བའི་ངོ་བོ་འདི་དག་ཐམས་ཅད་ནི་རྣམ་པར་རྟོག་པ་ཙམ་སྟེ། ཞེས་འབྱུང་བ་
4-2-162b


ལེགས་པས། རང་དང་ཕྱག་རྒྱ་ལྷར་བསྐྱེད་པ་དང༌། གསང་གནས་གཉིས་འདུ་བྱས་པ་ནི་རྣམ་པར་རྟོག་པས་བཏགས་པ་ཙམ་ཉིད་ཡིན་གྱི། དེ་ཁོ་ན་ཉིད་དེ་དེ་རྣམས་དངོས་ནི་མ་ཡིན་ནོ། ཞེས་སྟོན་ཏོ། །༽གྱི་གཟུགས་ཏེ་རྣམ་པར་རྟོག་པ་ཙམ་ཉིད་ཡིན་གྱི། དེ་ཁོ་ན་ཉིད་ནི་མ་ཡིན་ནོ་ཞེས་སྟོན་
ཏོ། །འོད་ཟེར་རྣམ་ལྔས་ཞེས་བྱ་བ་ལ་སོགས་པས་ནི། སྙོམས་པར་འཇུག་པའི་དུས་སུ་དཀར་པོ་ལ་སོགས་པའི་འོད་ཟེར་ལྔ་རྣམས་ཀྱིས་རྡོ་རྗེ་དང་པདྨའི་ནང་དུ་ཡོངས་སུ་གང་བར་ཡབ་ཡུམ་གཉིས་ཀས་བསྒོམ་པར་བྱའོ། །དེ་ཞེས་བྱ་བ་སྔར་བཤད་པའི་
སངས་རྒྱས་སྤྱན་ནི་འབར་བཅས་ཟླ་འོད་ཅེས་བྱ་བ་ལ་སོགས་པས་དེའི་ཁྱད་པར་སྟོན་ཏེ། ཟླ་བའི་འོད་བཞིན་དུ་དཀར་པོ་འབར་བ་དང་བཅས་པས་སྣང་བ་དང་༼པ་འདི་ཡང་པ་ཚབ་ཀྱིས་བསྒྱུར་བའི་རྒྱུད་ལས། ཡིད་འཕྲོག་མ་དེ་བསྒོམ་པར་བྱ་ཞེས་འབྱུང་བ་དང་མཐུན་ནོ། །
༽ལྡན་བཞིན་པར་ཡིད་དུ་འོང་ཞིང་ཡིད་འཕྲོག་པའི་བུད་མེད་བསྒོམ་པར་བྱ་ཞིང་བསམ་པ་འདིས་ནི་རིགས་ལྷག་མ་བཞིས་ཕྱག་རྒྱ་མཱ་མ་ཀཱི་ལ་སོགས་པར་བསྒོམ་པ་ཡང་ཉེ་བར་མཚོན་པ་སྟེ། དགོངས་པ་མ་ཡིན་པས་བཤད་པའོ།། ༈ སྔར་
གསུངས་པའི་རྗེས་སུ་དྲན་པ་དྲུག་ངེས་པར་སྟོན་པར་བཞེད་ནས། སངས་རྒྱས་རྗེས་དྲན་ཞེས་བྱ་བ་ལ་སོགས་པ་རྐང་པ་གཉིས་ཀྱིས་གནས་ཏེ་མདོར་བསྟན་པའི་གཞི་སྟོན་པར་མཛད་པ་ཡིན་ནོ་ཏེ།། ༈ དེ་ལ་སངས་རྒྱས་རྗེས་སུ་༼
ཞེས་པའི་དོན་ནི་སྔར་བཤད་པའི་རྗེས་དྲན་དྲུག་དང༌། དེ་རྣམས་དང་མིང་མཐུན་པའི་འདིའི་རྗེས་དྲན་རྣམས་དོན་གཅིག་ཏུ་བྱས་ནས། སྔར་གྱི་རྗེས་དྲན་རྒྱས་པར་འཆད་པ་མ་ཡིན་ཏེ། མིང་མཐུན་ཡང་དོན་མི་གཅིག་པ་དུ་མ་འདུག་པའི་ཕྱིར་རོ། །དེས་ན་རྗེས་དྲན་དྲུག་གི་བཤད་ཟིན་གྱི་མཚམས་སྦྱོར་དུ་གསུངས་
4-2-163a


པ་བཞིན། རྗེས་དྲན་དྲུག་གི་སྒོ་ནས་ཟུང་འཇུག་གི་ལྷ་སྐྱེད་པ་དེ། འདིར་རིགས་ལྔ་སོ་སོའི་སྒོ་ནས་རྒྱས་པར་འཆད་པ་སོགས་སྟོན་ནོ། །༽དྲན་པ་ཇི་ལྟར་བསྒོམ་ཞེ་ན། ཞེས་བྱ་བ་ལ་སོགས་པས་ནི། རྒྱུད་ཀྱི་སྟོན་པ་པོ་རང་ཉིད་ཀྱིས་དྲི་བར་
མཛད་ནས་རང་ཉིད་ཀྱིས་ལན་བསྟན་པ་ཡིན་ཏེ། སངས་རྒྱས་ནི་རྣམ་པར་སྣང་མཛད་དོ། །དེ་རྗེས་སུ་དྲན་པ་ནི་རྗེས་སུ་བསམ་པའོ། །དེ་ཉིད་ཡང་ནས་ཡང་དུ་བསླབ་པར་བྱ་བ་ཡིན་པས་བསྒོམ་པའོ། །བྷ་ག་ནི་དོན་དམ་པའི་བདེན་པའོ། །དེར་ཐིམ་
པས་ན་ལིང་ག་སྟེ། ཞེས་པ་ནི་ལིང་ག་ལ་ལཱི་ཡ་ཏི་ཐིམ་པའི་དོན་ཡིན་པས་སོ། །གང་ཞིག་ཐིམ་པ་དེ་གང་ཡིན་ཞེ་ན། ཀུན་རྫོབ་ཀྱི་བདེན་པ་སྒྱུ་མའི་སྐུའོ། །བཞག་པ་སྟེ། བྷ་གར་ལིང་གར་ཞུགས་པ་ནི་འོད་གསལ་བ་ལ་རབ་ཏུ་ཞུགས་ནས། སངས་རྒྱས་ཀྱི་
གཟུགས་ཏེ་རྡོ་རྗེ་འཆང་ཆེན་པོ་བསྒོམ་པར་བྱ་ཞིང་། དོན་དམ་པའི་བདེན་པ་འོད་གསལ་ལས་ཟུང་འཇུག་ཏུ་ལྡང་བར་བྱའོ། །ཞེས་བྱ་བའི་དོན་ཏོ། །བ་སྤུའི་བུ་ག་རྩེ་བར་ནས་བ་སྤུ་རྣམས་ཀྱི་བུ་ག་ནས་ཞེས་བྱ་བ་ལ། བ་སྤུའི་བུ་གའི་རྩེ་མོ་ནས་ཏེ་
བ་སྤུའི་བུ་ག་ནི་པདྨ་ལས་དང༌། བ་སྤུའི་རྩེ་མོ་ནི་རྡོ་རྗེ་སྟེ་བ་སྤུ་དེ་གཉིས་ཀྱི་བར་ནི་སྦྱོར་མཚམས་ལ་བྱའོ། །དེ་ལས་མཁས་པས་ཏེ་དེ་ཁོ་ན་ཉིད་ཀྱི་ངོ་བོ་ཉིད་ཤེས་པས་སངས་རྒྱས་ཀྱི་སྤྲིན་ཏེ་རྣམ་པར་སྣང་མཛད་ཀྱི་སྤྲིན་སྤྲོ་བར་བྱ་ཞིང་དབྱུང་
བར་བྱའོ། །དེ་ལྟར་སྤྲོས་ནས་ཏེ། སྤྲོས་པ་དེས་གངྒཱའི་ཀླུང་གི་བྱེ་མ་སྙེད་དང་མཉམ་པའི་ཕྱོགས་བཅུའི་འཇིག་རྟེན་གྱི་ཁམས་ན་གནས་པར་གཏོགས་པའི་གཏི་མུག་ལ་སྤྱོད་པའི་སེམས་ཅན་གྱི་ཁམས་རྣམས་སྦྱངས་ནས་སླར་ལོག་སྟེ། རང་
4-2-163b


གི་ལུས་ལ་ཞུགས་པར་གྱུར་པར་བསམ་མོ། །ཆོས་རྗེས་དྲན་ཞེས་པའི་ཆོས་ནི་འོད་དཔག་ཏུ་མེད་པའོ། །རྡོ་རྗེ་ཆོས་ནི་འདིར་རྡོ་རྗེ་འཆང་ཆེན་པོ་སྟེ། རྣམ་པར་མི་འཇིག་པ་སྟེ། མི་ཤིགས་པའི་ངོ་བོ་ཉིད་ཡིན་པའི་ཕྱིར་རོ། །ཆོས་ཀྱི་སྤྲིན་རྣམས་ནི་འོད་དཔག་ཏུ་
མེད་པའི་ཚོགས་ཏེ། ༼ལས་རང་རྣམ་སྣང་དུ་སྤྲུལ་པ་ནི། ཟུང་འཇུག་པའི་དང་པོ་སྦྱོར་བ་ཡིན་ཏེ། རིགས་ལྷག་མ་བཞི་ལའང་ཤེས་པར་བྱའོ། །༽དེ་སྔར་བཤད་པའི་རིམ་པས་སྤྲོས་ལ་བསྡུ་བརབྱའོ། །རྡོ་རྗེ་ནི་མི་བསྐྱོད་པའོ། །རྡོ་རྗེ་སེམས་དཔའ་ནི་རྡོ་རྗེ་འཆང་
ཆེན་པོའོ། །རྡོ་རྗེ་སྤྲིན་རྣམས་ནི་མི་བསྐྱོད་པའི་སྤྲིན་རྣམས་སོ། །དེ་ལ་རིགས་ཀྱི་སྐད་དོད་ནི་ཀུ་ལཱ་སྟེ་ཀུ་ནི་སའི་རྣམ་གྲངས་སོ་འོ། །ལཱ་ཏི་ནི་འཛིན་པའམ་ལེན་པ་ཡིན་པས་གང་ས་ཕྱོགས་དེར་གནས་པའི་སེམས་ཅན་དེ་རྣམས་ལ་རིན་པོ་ཆེ་
བྱིན་པས་འཛིན་ཅིང་བདག་གིར་མཛད་པས་ན་ཀུ་ལཱ་ནི་རིགས་ཏེ་རིན་ཆེན་འབྱུང་ལྡན་ནོ། །སངས་རྒྱས་ནི་རྡོ་རྗེ་འཆང་ཆེན་པོའོ། །རིགས་ཀྱི་སྤྲིན་ནི་རིན་ཆེན་འབྱུང་ལྡན་གྱི་ཚོགས་རྣམས་སོ། །ཡང་དག་པའི་དམ་ཚིག་གིས་དམ་ཚིག་ཉམས་པ་
ལ་ཁྲོ་བར་མཛད་པས་ན་ཁྲོ་བོ་ནི་དོན་ཡོད་པར་གྲུབ་པ་སྟེ། དེའི་རྗེས་སུ་དྲན་པའོ། །ཁྲོ་བོའི་དབང་པོ་ཞེས་བྱ་བ་ལ། ཁྲོ་བོ་ནི་མི་བསྐྱོད་པའོ། །དེའི་དབང་པོ་ནི་རྡོ་རྗེ་འཆང་ཆེན་པོའོ། ཁྲོ་བོའི་སྤྲིན་ནི་དོན་ཡོད་པར་གྲུབ་པའི་ཚོགས་སོ།། ༈ དམ་
ཚིག་ནི་རྡོ་རྗེ་འཆང་ཆེན་པོ་སྟེ་ཡེ་ཤེས་ཀྱི་རང་བཞིན་ཅན་གྱི་སྐུའོ། །རྗེས་སུའི་དོན་ནི་ལོངས་སྐུ་དེའི་ཕྱི་ནས་རྗེས་སུ་དྲན་ཞིང་སེམས་པས་ན་རྗེས་སུ་དྲན་པ་སྟེ། སྤྲུལ་པའི་སྐུའོ། །སྤྲུལ་སྐུ་དེ་ཞེས་པ་ནི། ད་ལྟར་གྱི་ལུས་ལ་སྤྲུལ་སྐུར་གྲགས་པ་དེའི་སྟོབས་
4-2-164a


རྒྱས་པར་བྱ་བའི་ཕྱིར་བསྒོམ་པ་ནི། དམ་ཚིག་རྗེས་སུ་དྲན་པ་བསྒོམ་པའོ། །རྗེས་སུ་དྲན་པ་དེ་གང་ཞེ་ན་སྒྲུབ་པ་པོ་བདག་གི་རྡོ་རྗེ་སྟེ། ལྕེའི་རྡོ་རྗེ་དང་། པདྨ་སྟེ་རྐན་གྱི་པདྨ་དེ་དག་དང་ལྡན་པར་བྱ་བའོ། །ཇི་ལྟར་ཞེ་ན། 
དབང་པོ་གཉིས་ནི་མཉམ་སྦྱར་ཏེ། །ཞེས་བྱ་བ་སྟེ། ལྕེ་རྩེ་དང་ལྕེ་ཆུང་བ་གཉིས་རྡོ་རྗེ་དང་པདྨ་དག་ལྟ་བུར་སྦྱོར་ཞིང་རེག་པ་སྟེ། དྲུད་པ་དེ་ལས། རང་གི་ས་བོན་ཏེ་ཁུ་བ་ཀླད་རྒྱ་ན་གནས་པའི་བདུད་རྩི་དེའི་ཐིགས་པ་བསྐུལ་བས་ལྕེའི་སྟེང་དུ་འབབ་པའི་ཆ་རྣམས་
འཐུངས་པ་ཡི་ཀྱིས་སངས་རྒྱས་ཏེ། གཟུགས་ཀྱི་ཕུང་པོ་ལ་སོགས་པ་དང༌། རྡོ་རྗེ་སེམས་དཔའ་སྟེ། སེམས་དང་སེམས་ལས་བྱུང་བ་རྣམས་མཆོད་ཅིང་ཚིམ་པར་བྱའོ། །ལྕེ་ཆུང་གི་བདུད་རྩི་དབབ་པ་འཐུངས་པ་འདིས་ལུས་དང་ངག་དང་ཡིད་
བདེ་བར་གནས་པ་སྐྱེ་བར་འགྱུར་རོ།། ༈ མཆོག་སྒྲུབ་པ་ལ་གནས་པ་ཟུང་འཇུག་པ་དེ་ཉིད་ཀྱིས་ཕྱིའི་བུད་མེད་དང༌། ཡང་དག་པར་སྦྱོར་བས། བདུད་རྩི་འབྱིན་པའི་དགོས་པ་བསྟན་པར་བྱ་བའི་ཕྱིར། དེ་ལ་ཞེས་བྱ་བ་ལ་སོགས་པ་
གསུངས་ཏེ། དཀྱིལ་འཁོར་ནི་ཕྱུང་བའི་དཀྱིལ་འཁོར་རོ། །དབང་པོ་ཞེས་པ་ནི་རང་གི་བྱ་བ་ལ་དབང་བྱེད་པས་ན་དབང་པོའོ། །དབང་པོ་གཉིས་ཞེས་བྱ་བ་ནི། སྐྱེས་པ་དང་བུད་མེད་ཀྱི་དབང་པོ་དག་སྟེ། དེའི་མཉམ་པར་བཞག་པ་ནི་དེ་གཉིས་སྙོམས་པར་
འཇུག་པའི་བྱ་བའོ། །བྱ་བ་དེ་ལ་མཁས་པ་ནི་འདོད་པའི་བསྟན་བཅོས་ནས་བཤད་པའི་འཁྱུད་པ་ལ་སོགས་པའི་སྒྱུ་རྩལ་གྱི་སྦྱོར་བ་ལ་བྱང་བའོ། །བདག་གི་ཁུ་བ་ནི་རང་གི་ས་བོན་ནོ། །དབྱུང་བ་ནི་མཁས་པ་རྣལ་འབྱོར་པ་ཆེན་པོས་རྩ་སྦུབས་སྟོང་ཕྲག་
4-2-164b


བདུན་ཅུ་རྩ་གཉིས་བསྐུལ་ནས། སྙིང་གར་ཕྱིན་པ་རྡོ་རྗེའི་ལམ་ནས་ཕབ་པའོ། །དེས་ཇི་ལྟར་འགྱུར་ཞེ་ན། དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། དཀྱིལ་འཁོར་ནི་དྲུག་པ་ལ་ལྟོས་ཏེ་རིགས་ལྔ་བུ་དང༌ལྷ་ལྷག་མ་ཕོ་མོ་རྣམས་ཚ་བོ་དང་ལ་སོགས་
པས་བསྡུས་པ་ཚ་མོའི་དཀྱིལ་འཁོར་ཡང་དག་པར་འབྱུང་བར་འགྱུར་རོ། །དཀྱིལ་འཁོར་གྱི་དོན་ཇི་ལྟ་བུ་ཞེ་ན། དཀྱིལ་འཁོར་ཏེ་དཀྱིལ་འཁོར་གྱི་སྐད་དོད་མཎྜ་ལ་ཞེས་པ་ལ་མཎྜ་སྙིང་པོ། བྷུ་ཥ་ནི་རྒྱན་ཏེ། སྙིང་པོ་ལ་བརྒྱན་པས་དཀྱིལ་འཁོར་རོ་འོ། །དེ་ཉིད་གང་
ཡིན་ཞེ་ན། སངས་རྒྱས་ཉིད་དོ། །དེའི་ཚུལ་དུ་བྱ་བ་ནི་སངས་རྒྱས་དེའི་རྒྱུར་གྱུར་པ་སྟེ། དེ་ལྟ་བུར་ཕྱུང་བའི་དཀྱིལ་འཁོར་བསྐྱེད་པར་བྱའོ་ཞེས་བྱ་བར་དགོངས་ཏེ། དགོངས་པས་བཤད་པའོ།། ༈ དེ་བཞིན་ཉིད་དང་ཟླ་བ་ལས་བྱང་ཆུབ་པའི་སྦྱོར་བ་དང༌ས་བོན་
དང་ཕྱག་མཚན་དང་སྐུ་རྫོགས་པ་ལས་བྱང་ཆུབ་པའི་རྗེས་སུ་སྦྱོར་བ་དང༌། ༼འདིར་སྔ་མ་རྣམས་ཕྱུང་བའི་དཀྱིལ་འཁོར་པ་རྣམས་ཕྱུང་སྟེ་མཛད་པ་མཛད་ནས། རང་རང་གི་གནས་སུ་འགོད་པ་ནི། ཟུང་འཇུག་པའི་དཀྱིལ་འཁོར་རྒྱལ་མཆོག་ཏུ་བཞེད་དོ། །༽དེ་ནས་སྤྲུལ་སྐུར་བསྒྱུར་བ་དང་མ་
བསྒྱུར་བའི་ལུས་ལ་ལུས་དཀྱིལ་འགོད་པའི་ལྷག་པའི་སྦྱོར་བ་བྱས་ནས་རྣལ་འབྱོར་ཆེན་པོའི་སྐབས་སུ་གང་ཞིག་བྱ་བ་ཡིན་པ་དེ་བསྟན་པར་བྱ་བའི་ཕྱིར། དེ་ལ་ཞེས་བྱ་བ་ལ་སོགས་པ་གསུངས་ཏེ། སྐུ་ནི་རྣམ་པར་སྣང་མཛད་དེ། དེའི་རྗེས་སུ་དྲན་པ་ནི་
རང་སྐུ་རྡོ་རྗེ་དེ་ཉིད་དུ་སྒོམ་པའོ། །སངས་རྒྱས་ཀུན་གྱི་ཞེས་པའི་དོན་ནི་དུས་གསུམ་དུ་གཤེགས་ཤིང་ཕྱོགས་བཅུ་ན་བཞུགས་༼འདི་ནི་བཅུ་གཅིག་པ་ལས་འབྱུང་བ་བཞིན་རྡོ་རྗེ་གསུམ་གྱི་ལྷ་ཚོགས་སྤྱན་དྲངས། བཅུ་གཉིས་པ་ནས་འབྱུང་བ་བཞིན་གསོལ་བ་བཏབ་ནས་རང་ལ་བཅུག་
4-2-165a


པའི་རྗེས་སུ་བྱེད་དོ། །༽པའི་སངས་རྒྱས་རྣམ་པར་སྣང་མཛད་དང་འབྲེལ་བའི་ཕུང་པོ་ལྔ་ཡིས་རབ་ཏུ་རྒྱས་པར་སྤྲུལ་པའི་སྐུ་གང་ཡིན་པ་གང་ཞིག་ཡོད་པ་བདག་གི་སློབ་བཞིན་པར་གྱུར་པའི་ལུས་ཀྱང་དེ་ལྟ་བུའི་ངོ་བོར་གྱུར་ཅིག་པ་
སྟེ། སངས་རྒྱས་ཀྱི་སྐུ་ཡི་རང་བཞིན་གྱིས་ཏེ། སྐུའི་ངོ་བོ་ཉིད་ཀྱི་རྒྱུར་གྱུར་ཅིག་ཅེས་གསོལ་བ་འདེབས་པའོ། །གསུང་ནི་འོད་དཔག་ཏུ་མེད་པའོ། །དེའི་ངོ་བོ་ཉིད་དུ་གྱུར་པས་ན་དེའི་རྗེས་སུ་དྲན་པའོ། །ཇི་ལྟ་བུ་ཞེ་ན། རྡོ་རྗེ་ཆོས་འོད་དཔག་མེད་ཀྱི་གསུང་གང་
ཡིན་ཞེས་བྱ་བ་སྟེ། གང་ཡིན་ཞེས་བྱ་བ་ནི་ཐོབ་པར་གྱུར་པའོ། །གསུང་ནི་ངག་གོ། ཇི་ལྟ་བུ་ཞེ་ན། ངེས་ཚིག་ཕུན་སུམ་ཚོགས་པ་ཞེས་བྱ་བ་སྟེ། ངེས་པར་བཤད་པ་ཡིན་པས་ན་ངེས་པའི་ཚིག་སྟེ་ཡང་དག་པ་གང་ཡིན་པ་དེ་ནི་ངེས་པའི་༼
གང་ཡིན་ཞེས་འཐོབ་པ་ལ། གང་ཞིག་ཅེས་འབྱུང་ངོ༌། །ཞེས་པ་རྒྱ་དཔེ་ལ་གང་ཡིན་ཞེས་པ་མེད་པའི་ལུགས་སོ། །༽ཚིག་ཕུན་སུམ་ཚོགས་པའོ། །ངེས་པའི་ཚིག་སྨོས་པ་ནི་སོ་སོར་ཡང་དག་པར་རིག་པའི་ཕྱོགས་ཉེ་
བར་མཚོན་པ་ཙམ་སྟེ། དེས་ན་ཆོས་དང་དོན་དང་སྤོབས་པ་སོ་སོ་ཡང་དག་པར་རིག་པ་རྣམས་ཀྱང་གཟུང་ངོ༌། །བདག་གི་ཚིག་ཀྱང་དེ་འདྲ་སྟེ་ཞེས་བྱ་བ་ནི། ངག་དེ་དང་འདྲ་བར་གྱུར་ཅིག་པའོ། །ཆོས་འཛིན་པ་དང་ཞེས་བྱ་བ་ནི། ཆོས་འཛིན་པ་དང་
འདྲ་བར་གྱུར་ཅིག་ཅེས་པའོ། །ཐུགས་ནི་མི་བསྐྱོད་པའོ། །དེའི་རྗེས་སུ་དྲན་པ་སྟེ་དེ་ཉིད་ནི་སྒོམ་པའོ། །གསང་བའི་བདག་པོ་བློ་ལྡན་པ་ཞེས་བྱ་བ་ལ། གསང་བ་ནི་གཉིས་སུ་མེད་པའི་ཡེ་ཤེས་སོ། །གུ་ཧྱ་ཀ་ནི་གསང་བ་པ་ཞེས་པ་སྟེ། དེའི་ཀ་ནི་ཀཻའི་སྐད་ཀྱི་
4-2-165b


བྱིངས་ནི་སྒྲོགས་པ་ལའོ་ཞེས་པས་ཀཱ་ཡ་ཏི་དེ་གསུང་བར་མཛད་དོ་ཞིང༌ཀ་ཐ་ཡ་ཏི་སྟོན་པར་མཛད་པ་སྟེ་དེས་ན་གསང་བ་པའོ། །དབང་བྱེད་པས་ན་བདག་པོ་སྟེ་གསང་བ་པ་རྣམས་ཀྱི་དབང་པོ་མཛད་ཅིང་དེ་ཁོ་ན་ཉིད་སྟོན་པ་རྣམས་ཀྱི་གཙོ་བོར་གྱུར་ཅེས་
པའི་དོན་ཏོ། །བློ་ལྡན་པ་ཞེས་བྱ་བ་ལ། བློ་ནི་རེག་རྡོ་རྗེའོ། །དེ་གང་ལ་ཡོད་པ་དེ་ནི་བློ་དང་ལྡན་པའོ། །ཀུན་ནས་བཟང་བས་ན་ཀུན་ཏུ་བཟང་པོ་སྟེ་དེ་ལྟ་བུའི་མི་བསྐྱོད་པའི་ཐུགས་གང་ཡིན་པ། བདག་གི་སེམས་ཀྱང་དེ་དང་འདྲ་བར་གྱུར་ཅིག་པ་ནི། རྡོ་རྗེ་༼
ཐུགས་རྡོ་རྗེའི་ཡུམ་ལ་མཱ་མ་ཀཱི་དང་རེག་བྱ་རྡོ་རྗེ་མ་གཉིས་ཀ་འོང་བས། འདིར་རེག་རྡོ་རྗེ་ལ་བཤད་པ་མི་འགལ་ལོ། །༽འཆང་བ་དང་བདག་ཀྱང་འདྲ་བར་གྱུར་ཅིག་ཅེས་གསོལ་བ་འདེབས་པ་སྟེ། སྒྲ་ཇི་བཞིན་པའོ།། ༈ ད་ནི་མཆོག་སྟེ་སྒྲུབ་པ་རྫོགས་རིམ་མཐོན་པོ་ལ་
གནས་པ་རྣམས་ཀྱི་རང་བཞིན་ཡོངས་སུ་ཤེས་པ་ཙམ་གྱིས་ཀྱང་བྱིན་གྱིས་བརླབ་པ་གསུམ་ཡིན་པར་བསྟན་པའི་ཕྱིར། དེ་ལ་སེམས་ཅན་རྗེས་སུ་དྲན་པ་ཇི་ལྟར་བསྒོམ་ཞེ་༼དེ་དག་གིས་ནི་བསྐྱེད་རིམ་པའི་སྐུ་གསུང་ཐུགས་བྱིན་གྱིས་བརླབ་པ་བསྟན་ནོ། །
༽ན་ཞེས་བྱ་བ་ལ་སོགས་པ་གསུངས་ཏེ། སེམས་ཅན་རྣམས་ནི་སྒོ་ང་ལས་སྐྱེས་པ་དང༌། མངལ་ནས་སྐྱེས་པ་དང༌། དྲོད་གཤེར་ལས་སྐྱེས་པ་དང་། རྫུས་ཏེ་སྐྱེས་པ་རྣམས་ཏེ་དེ་རྣམས་རྗེས་སུ་དྲན་པ་ནི་དེ་རྣམས་ཀྱི་དེ་ཁོ་ན་ཉིད་སྒོམ་པའོ། །
ཇི་ལྟར་ཞེ་ན། སེམས་ཅན་ཀུན་གྱི་སྟེ་བཤད་མ་ཐག་པ་སྐྱེ་གནས་བཞི་རྣམས་ཀྱིའོ། །སྐུ་དང་གསུང་དང་ཐུགས་ཀྱི་མཚན་ཞེས་བྱ་བའི་མཚན་ནི། དེ་གསུམ་མཚོན་པར་བྱེད་པའི་མཚན་ཉིད་དོ། །དེ་ཡང་འདི་ནི་སྐུ་སྟེ་ལུས་སོ་འོ། །འདི་ནི་གསུང་
4-2-166a


ངོ༌། །འདི་ནི་ཐུགས་སོ། །ཞེས་བརྟག་པའི་གཞིར་གྱུར་པ་སྟེ། མཐར་གཏུགས་པ་ནི་སེམས་ཡིན་ལ་འི་ཐུགས་ཏེ་སེམས་གཅིག་པུ་སྟེ། དེ་ཁོ་ན་ཉིད་དང་རོ་གཅིག་ཏུ་གྱུར་པ་གང་ཡིན་པ་དེ་ཇི་འདྲ་བ་བདག་གི་སེམས་ཀྱང་
ཡང་དེ་དང་འདྲ་བར་གྱུར་ཅིག་པའོ། །སེམས་དེ་ཁོ་ན་ཉིད་དང་རོ་གཅིག་ཏུ་འགྱུར་བ་དེ་ལྟ་བུ་ཅིའི་ཕྱིར་ཏེ་རྒྱུ་མཚན་གང་ལས་དེ་ལྟར་འགྱུར་ཞེ་ན། མཁའ་དང་མཚུངས་པར་སྤྱོད་གྱུར་ཅིག་ཅེས་པ་སྟེ། མཁས་པ་རྣམས་ཀྱིས་མཁའ་དང་མཚུངས། ཞེས་པ་སྟེ། དེ་ཁོ་ན་
ཉིད་རིག་པ་གོམས་པར་བྱས་པ་ལས་འོ། །གང་གི་ཕྱིར་མཁས་པ་རྣམས་ཀྱིས་སེམས་དེ་ནམ་མཁའ་སྟེ་དེ་ཁོ་ན་ཉིད་དང་མཚུངས་པ་སྟེ། མཉམ་ཞིང་རོ་གཅིག་ཏུ་འདྲེས་པར་གྱུར་པས་སོ། །འདིས་ནི་ཐམས་ཅད་དུ་སོང་བས་ཏེའི་དབང་
ཕྱུག་ཏུ་བསྟན་པས་ཐུགས་བྱིན་གྱིས་རློབ་པར་འགྱུར་རོ། །དེ་ལ་ཞེས་བྱ་བ་ལ་སོགས་པས་ནི་རྫོགས་རིམ་པའི་གསུང་དང་སྐུ་བྱིན་གྱིས་རློབ་པ་ཉེ་བར་སྟོན་ཏེ། ངག་ཏུ་འདོན་ཅིང་བརྗོད་པར་བྱ་བ་ཡིན་པས་ན་སྔགས་ཏེ་ཚིག་ཐམས་ཅད་དོ། །དེ་རྣམས་
ཀྱི་གཟུགས་ཏེ་ལུས་ནི་ཕུང་པོ་སྟེ་ངག་གི་ཚོགས་སོ། །སྐུ་དང་ཞེས་བྱ་བ་ནི། ཐུགས་གང་ཡིན་པ་འོག་ནས་འཆད་པའི་སྐུའི་ངོ་བོ་ཉིད་དུ་ཡོངས་སུ་གྱུར་པ་དེ་ནི་སྐུ་དང་གསུང་དང་ཐུགས་ཐམས་ཅད་དོ། །ཐུགས་གང་ཞིག་སྐུ་ཞེས་བྱ་བར་རྗོད་བཞིན་པར་
སྐུའི་རང་བཞིན་དུ་ཡོངས་སུ་གྱུར་པ་དེ་ནི་སྐུ་གསུང་ཐུགས་སོ། །ཞེས་འབྱུང་བའི་དོན་ནོ། །སྐུ་འདི་དང་འདི་ལྟ་བུའོ། །ཞེས་བྱ་བར་རྗོད་བཞིན་པ་ནི། ཐུགས་ཏེ་སེམས་གང་ཞིག་ཇི་ལྟར་བརྗོད་པའི་སྐུའི་རང་བཞིན་དུ་སྟེ། རྣམ་པར་ཡོངས་སུ་གྱུར་པ་དེ་ནི་སྐུ་གསུང་ཐུགས་སོ། །ཐམས་ཅད་ནི་
4-2-166b


སེམས་ཅན་ཐམས་ཅད་ཀྱི་སྔགས་ཀྱི་གཟུགས་དང་སྐུ་དང་གསུང་དང་ཐུགས་ཡིན་ལ། དེ་དག་རྗེས་སུ་དྲན་པ་སྟེ་དེ་ཉིད་ནི་བསྒོམ་པའོ། །དེ་གང་ཞེ་ན། སྔགས་ཀྱི་རྡོ་རྗེ་ཞེས་བྱ་བ་སྟེ། སྔགས་ནི་གསུང་ཡིན་ལ། དེ་ཉིད་སྟོང་པ་ཉིད་དང་། མི་ཕྱེད་པས་ན་
རྡོ་རྗེའོ། །དེའི་སྐུ་གང་ཡིན་པ་ནི་ལུས་གང་ཡིན་པ་སྟེ། ལུས་ཀྱི་སྒྲའི་དོན་ཚོགས་པ་ཡིན་ལ་དང་། དེ་ཡང་འདིར་སྒོ་ང་ལས་སྐྱེས་པ་ལ་སོགས་པའི་སེམས་ཅན་རྣམས་ཀྱི་སྒྲའི་ཚོགས་གང་ཡིན་པ་ལ་རྣམ་པར་བསྒོམ་ཞིང་ཀུན་ཏུ་རྟོག་པ་སྟེ་བརྟག་པར་
བྱ་བས་ན་རྣམ་པར་བསྒོམ་པའོ། །གསུང་སྟེ་ཚིག་གིས་སྐུ་རྣམ་པར་བསྒོམ་པ་ནི་གསུང་གིས་སྐུ་ཡང་རྣམ་པར་བསྒོམ་པ་སྟེ། སྐུའི་དོན་ཚིག་ཏུ་བརྗོད་ཅིང་དེའི་ཚེ་ཡིད་ཀྱིས་སྐུ་ཞེས་བརྟགས་པ་ནི་གསུང་གིས་སྐུ་རྣམ་པར་བསྒོམ་པ་སྟེ། དེ་དང་འདྲ་བའི་
སྐུ་ཞེས་བྱ་བ་ནི། གང་བཤད་མ་ཐག་པའི་སེམས་ཅན་ཐམས་ཅད་ཀྱི་སྔགས་ཀྱི་གཟུགས་ཏེ་ལུས་དང་། སེམས་ཅན་དེ་རྣམས་ཉིད་ཀྱི་ལུས་ངག་ཡིད་གསུམ་གྱི་དེ་ཁོ་ན་ཉིད་དང་རྡོ་རྗེ་འཆང་ཆེན་པོའི་སྐུའི་དེ་ཁོ་ན་ཉིད་དབྱེར་མི་ཕྱེད་པ་གང་ཡིན་པ་བདག་
གི་ལུས་དང་ངག་ཀྱང་རྟག་ཏུ་ཞེས་པ་ནི་དེ་དང་འདྲ་བར་གྱུར་ཅིག་ཅེས་པའོ། །དུས་གསུམ་དུ་སྟེ། དུས་ཐམས་ཅད་དུ་རྡོ་རྗེ་འཆང་དང་དབྱེར་མི་ཕྱེད་པར་རབ་ཏུ་འབྱུང་ཞིང་། རྟག་པ་ཉིད་དུ་སྟེ། རྟག་ཏུ་ཡང་སྐུ་གསུང་ཐུགས་དབྱེར་མི་ཕྱེད་པ་དེ་ལས་ངོ་བོ་ཉིད་ཀྱིས་འདའ་བར་
དཀའ་བསྟེ་འདའ་མི་ནུས་པའོ་ཞེས་བསྟན་ཏོ། །སྔགས་འཛིན་པ་དང་མཉམ་གྱུར་ཅིག་ཅེས་བྱ་བ་ལ། སྔགས་ནི་དེ་བཞིན་གཤེགས་པ་རྣམས་སོ། །དེ་འཛིན་པར་མཛད་པས་ན་སྔགས་འཛིན་པ་ནི་རྡོ་རྗེ་འཆང་ཆེན་པོ་སྟེ། དགོངས་པས་བཤད་པའོ། ། 
4-2-167a


༈ ད་ནི་རིམ་པ་གཉིས་ཀྱི་རྣལ་འབྱོར་པ་ཐམས་ཅད་ཀྱི་ཐུན་མོང་བ་གི་དོན་དམ་པའི་དཀྱིལ་འཁོར་གྱི་སྟེ་ལ་འཇུག་པའི་རིམ་གྱིས། ཡང་དག་པའི་མཐའ་འོད་གསལ་ལ་འཇུག་པ་བསྟན་པར་བྱ་བའི་ཕྱིར། དེ་ལ་ཞེས་བྱ་
བ་ལ་སོགས་པ་གསུངས་ཏེ། དམ་ཚིག་ནི་ཕུང་སོགས་ཀྱི་སྤྲོས་པ་བསྡུས་པ་ལས་མི་འདའ་བའི་དོན་ཏེ་འོད་གསལ་བའོ། །རྗེས་སུ་དྲན་པ་ནི་སངས་རྒྱས་ཀྱི་སྒྱུ་མའི་སྐུ་བསྐྱེད་པའི་རྗེས་ཐོགས་ལ་དོན་དམ་པའི་བདེན་པ་རྟོགས་པ་སྟེ། དེར་འཇུག་པའོ་ནི་དེ་
དྲན་པ་ནི་འོ། །དེ་རྟོགས་པ་སྟེ་དེ་ཉིད་བསྒོམ་པའོ། །དམ་ཚིག་ཁུ་ཕྱུང་ཆོ་ག་བཞིན་ཞེས་བྱ་བ་ལ། དམ་ཚིག་ནི་ཤེས་རབ་སྟེ་མ་དང་ཐབས་སྟེ་ཕ་གཉིས་མཉམ་པར་སུ་སྦྱོར་བས་སོ། །ཐབས་དེ་ལས་ཁུ་བ་ནི་ས་བོན་ནོ། །ཕྱུང་བ་ནི་བཏོན་པའོ། །
ཕ་མའི་ཁུ་ཁྲག་ལ་མངལ་དུ་བར་སྲིད་ཞུགས་པ་དེ་ནས་མེར་མེར་པོ་ལ་སོགས་པའི་རིམ་གྱིས་མངོན་པར་འཕེལ་ལ། དེ་ཉིད་ས་བོན་ལས་དང་མྱུ་གུ་འཕེལ་བ་དང་འདྲ་བར་བྱིས་པ་དང་། གཞོན་ནུ་དང༌། དར་ལ་བབ་པའི་གནས་སྐབས་ཐོབ་པས། རྣམ་
པར་སྣང་མཛད་ལ་སོགས་པའི་སྐུའི་སྟེ། ལུས་ཀྱི་དཀྱིལ་འཁོར་ཏེ། ཕུང་པོ་ཁམས་དང་སྐྱེ་མཆེད་ཡུལ་ཡན་ལག་རྣམས་ཡོངས་སུ་རྫོགས་ཏེ་མ་ཚང་བ་མེད་པར་གནས་ནས་འདོད་པའི་ཡོན་ཏན་ལྔ་རྗེས་སུ་མྱོང་བར་འགྱུར་བ་ནི་སྒྲུབ་པ་པོ་སྟེ། མངལ་སྐྱེས་
གཅིག་གིས་བྱེད་པའི་དོན་ནོ་རོ། །དེ་ནས་སྒྲུབ་པ་པོ་དེས་ཅི་ཞིག་བྱ་ཞེ་ན། ཆོ་ག་བཞིན། འབྲས་བུ་འདོད་པས་བཏུང་བར་བྱ་ཞེས་བྱ་བ་སྟེ། རྡོ་རྗེ་འཕྲེང་བ་ལས། གཟུགས་ཕུང་གཏོགས་དང་ཞེས་བྱ་བ་ལ་སོགས་པ་གསུངས་པའི་དོན་དམ་པའི་དཀྱིལ་
4-2-167b


འཁོར་ལ་འཇུག་པའི་ཆོ་གས་བཏུང་ཚུལ་ལམ་གཞུག་ཚུལ་ནི། ཕུང་པོ་ལྔ་ཁམས་ལྔ་དབང་པོ་ལྔ་ཡུལ་ལྔ་ཡེ་ཤེས་ལྔའི་རང་བཞིན་ཉི་ཤུ་རྩ་ལྔཔོའི་རིམ་གྱིས་འོད་གསལ་དུ་གཞུག་པ་རྣམ་གཞག་ཏུ་བཤད་པ་བཞིན་དུའོ་ནི། རང་གི་ཕུང་པོ་ལ་སོགས་པ་བཏུང་
བ་སྟེ་དོན་དམ་པའི་བདེན་པར་འཇུག་པར་བྱའོ། །དགོས་པ་དེ་ཅིའི་ཕྱིར་འཇུག་ཅེ་ཞེ་ན། འབྲས་བུ་འདོད་པས་ཏེ་འབྲས་བུ་ནི་དོན་གྱི་འོད་གསལ་བས་ཡོངས་སུ་དག་པའི་ཟུང་འཇུག་རྡོ་རྗེ་སེམས་དཔའི་སྐུའོ། །དེ་ལ་འདོད་པ་ནི་དོན་དུ་གཉེར་བ་སྟེ་དོན་གཉེར་
དེས་དོན་དུ་གཉེར་བྱའི་འབྲས་བུ་དེ་ཐོབ་པའི་ཕྱིར་དུའོ་སོ། །དེ་བཞིན་གཤེགས་པའི་ཚོགས་བསད་ན་ཞེས་བྱ་བ་ནི། ཇི་ལྟར་དོན་དམ་པའི་དཀྱིལ་འཁོར་གྱི་རིམ་གྱིས་སོང་ཞིང་ཞུ་བསྟེ་ཐིམ་པར་གྱུར་པ་དེ་བཞིན་དུ། སླར་ཡང་དེ་ནས་འོང་བས་ན་དེ་བཞིན་
གཤེགས་པ་རྣམས་ཏེ། རྣམ་པར་སྣང་མཛད་ལ་སོགས་པར་མིང་བཏགས་པའི་གཟུགས་ཀྱི་ཕུང་པོ་ལ་སོགས་པའོ། །དེ་རྣམས་ཀྱི་ཚོགས་བསད་ན་ཞེས་བྱ་བ་ནི་སྲོག་དྷུ་ཏཱིར་ཞུགས་གནས་ཐིམ་གསུམ་བྱེད་པའི་མན་ངག་གིས་སྲོག་གི་དང་རྩོལ་བ་
རླུང་འབྱུང་འཇུག་ལ་གནས་པ་དེ་བཅད་དེ། རླུང་ཟིན་པའི་དབང་གིས་ཀུན་རྟོག་དང་སྣང་བ་གསུམ་རིམ་གྱིས་ཐིམ་ནས་དོན་དམ་པའི་བདེན་པ་ལ་གཞུག་པར་བྱའོ། །བཅུག་པ་དེས་འབྲས་བུ་ཅིར་འགྱུར་ཞེ་ན། དངོས་གྲུབ་རབ་ཏུ་འཐོབ་པར་འགྱུར། །ཞེས་བྱ་བ་སྟེ། 
ཤིན་ཏུ་མཆོག་ཏུ་གྱུར་པའི་ཕྱག་རྒྱ་ཆེན་པོའི་དངོས་གྲུབ་འཐོབ་པར་འགྱུར་བའོ། །བླ་མ་སྔ་མ་མང་པོས་དེས་ནི་འདི་ལྟར་སྟོན་པར་འགྱུར་ཏེ། ༼ཞེས་པས་འགྲེལ་པས་གཞུང་དེ་དག་གི་དོན་བར་དོར་འཚང་རྒྱ་བ་ལ་སྦྱར་བ་ལ་འཁྲུལ་ནས་དེ་ཁོ་ནའི་དབང་དུ་བྱས་པར་སྨྲ་བ་ནི་
4-2-168a


མི་རིགས་ཏེ། སྤྱོད་བསྡུས་ལས། དེ་བཞིན་གཤེགས་པའི་ཞེས་པའི་རྐང་པ་གཉིས་རྫོགས་རིམ་པའི་ཤིན་ཏུ་སྤྲོས་མེད་ཀྱི་སྤྱོད་པའི་སྐབས་སུ་སྦྱར་བས། ཚེ་འདིར་འཚང་རྒྱ་བ་ལའང་སྦྱར་དགོས་ལ། མདོ་བསྲེར་ལྷག་མོས་འོད་གསལ་དུ་བསྡུས་པ་ལ་སྦྱར་ཞིང༌། 
མདོར་བྱས་ལས། གཟུགས་ཕུང་གཏོགས་དང་ཞེས་སོགས་ཀྱང༌། སྐབས་དེ་ལ་སྦྱར་བས་བསྐྱེད་རིམ་ལ་ཡང་སྦྱར་དགོས་པའི་ཕྱིར་དང༌། རྣམ་གཞག་ཏུ་གཞིའི་འཆི་རིམ་ལ་ཡང་སྦྱར་བ་དང༌། འདིར་ཡང་རྣལ་འབྱོར་པ་ཐམས་ཅད་ཀྱི། ཞེས་གསུངས་པས། འདིར་བར་དོར་འཚང་རྒྱ་བ་ལ་སྦྱར་བ་
ནི། གཞུང་དེ་དག་གི་དོན་གྱི་ཕྱོགས་གཅིག་ལ་དགོངས་ཏེ། སྐབས་དེ་རྣམས་སུ་དོན་དེ་རྣམས་ཚང་མ་ཚང་ཅི་རིགས་སུ་སྦྱར་རོ། །༽རྫོགས་པའི་གོ་རིམ་རྟོགས་པར་གྱུར་ཀྱང་། གལ་ཏེ་བརྟུན་པ་ཅན་གྱི་བརྩོན་འགྲུས་ཅན་ཏེ། བརྩོན་འགྲུས་ཤིན་ཏུ་འབར་བ་མ་
ཡིན་ན། དེའི་ཚེ་མིའི་འགྲོ་བའི་རྒྱུད་ཉིད་དུ་སྐུ་ཚེའི་དུས་བྱས་ནས་སྔར་བསྒོམས་པའི་དཔེའི་འོད་གསལ་དང༌། འཆི་བའི་འོད་གསལ་གཉིས་བསྲེས་པ་ལས་ལངས་ཏེ། འོད་གསལ་དེའི་རླུང་སེམས་ཙམ་ལས་སྒྱུ་མ་ལྟ་བུའི་ཏིང་ངེ་འཛིན་མངོན་དུ་བྱེད་དོ།།༼
ཞེས་པ་ནི་མཚོན་པ་སྟེ། སྤྱོད་བསྡུས་ལས། བརྩོན་འགྲུས་ཅན་ཡིན་ཡང་སྤྱོད་པ་བྱེད་པའི་ཡོ་བྱད་མ་འབྱོར་བས་སྤྱོད་པ་བྱེད་པ་མ་བྱུང་བ་གཉིས་ཀ་ལ་གསུངས་སོ། །༼དེས་ན་འདིས་བར་དོའི་ལུས་རང་དགའ་བ་མི་ལེན་པ་དང༌། དེ་ལྟ་ནའང་བར་དོར་འཚང་རྒྱ་བའི་ཐ་སྙད་མི་འགལ་ཏེ། 
རིམ་ལྔར་ཚེ་འདིར་བསྒྲུབས་པའི་སྒྱུ་ལུས་ལ་བར་དོའི་ཐ་སྙད་མཛད་པ་བཞིན་ནོ།། ༈ རྩ་རྒྱུད་ཀྱི་རྡོ་རྗེའི་ཚིག་འདི་ཉིད་ཀྱི་དོན་བསྟན་པར་བྱ་བའི་ཕྱིར། དགོངས་པ་ལུང་སྟོན་པ་ཞེས་བྱ་བ་བཤད་པའི་རྒྱུད་ལས་ཀྱང༌། དམ་ཚིག་རྗེས་དྲན་
4-2-168b


རྣམས་ཀྱིས་ནི། །དེ་བས་ཚངས་པ་ཤིན་ཏུ་དབྱུང༌། །རང་གི་ཕུང་སོགས་དངོས་པོ་མེད་པའི་འོད་གསལ་དུ་གཅིག་ཏུ་སྦྱོར་བ་ཡི་ཚུལ་གྱིས། །དེ་འདྲ་བའི་སྒྲུབ་པ་པོ་མཁས་པས་རྡོར་འཕྲེང་ལས་གསུངས་པའི་ཆོ་ག་བཞིན་དུ་ཕུང་སོགས་བཏུང་། །བ་སྟེ། འོད་༼
དེ་ཡིས་ཚངས་པའི་ཐིག་ལ་དབྱུང༌། །ཞེས་པ་དང༌། དེ་ལས་ཞེས་འབྱུང་བ་དག་པས། དམ་ཚིག་གི་དོན་ཕོ་མོ་སྦྱོར་བ་ལ་བཤད་ལ། སྦྱོར་བ་དེ་ལས་ཚངས་པའི་སྒྲས་བསྟན་པའི་ཐིག་ལེ་དབྱུང་ཞེས་སོགས་ཀྱི་དོན་སྔར་བཤད་པ་དང་འདྲའོ། །༽གསལ་དུ་གཞུག་པར་བྱའོ། །དེ་བཞིན་གཤེགས་
ཚོགས་ཆེ་བ་ནི། །རང་གི་ཕུང་སོགས་སོ། །དངོས་མེད་ཅེས་བྱ་བའི་འོད་གསལ་དུ་གཞུག་པའོ། །བསད་པ་ནི་སྟེ། །བློ་སྟེ། རྣམ་དཔྱོད་ཁྱད་པར་ཅན་དང་ལྡན་པས་གསོད་ལུགས་སྔར་བཤད་པ་འདི་ལྟར་བསད་ན། །དངོས་གྲུབ་རབ་མཆོག་ཐོབ་པར་འགྱུར། །ཞེས་
གསུངས་པ་དང༌། ༼བསད་པའི་དོན་སྤྲོས་པའི་སྣང་བ་བསྡུས་པ་ཙམ་ལ་མི་བྱ་སྟེ། དེ་ནི་ཐེག་པ་གཞན་དང་རྒྱུད་སྡེ་འོག་མ་རྣམས་ལའང་ཡོད་ལ། འདིར་ནི་དེ་དག་དང་ཐུན་མོང་མ་ཡིན་པ་གཅིག་དགོས་པའི་ཕྱིར་རོ། །དེས་ན་བསད་པའི་དོན་སྲོག་བཅད་པ་ནི། སྲོག་གི་འབྱུང་འཇུག་བཅད་
ནས་ཐིམ་པར་བྱས་པ། འཆི་རིམ་ཇི་བཞིན་པ་གཅིག་དགོས་པ་ནི། ལམ་འདིའི་འོད་གསལ་དུ་འཇུག་ཚུལ་ཐུན་མོང་མ་ཡིན་པར་གཟུང་བར་བྱའོ། །༽རྡོ་རྗེ་གཙུག་ཏོར་གྱི་རྒྱུད་ལས་ཀྱང༌། མི་རྟོག་པ་ཡིས་འཆི་བ་སྟེ། །རྣམ་རྟོག་གིས་འཆི་བ་ཞེས་བྱ་བར་བརྟགས་པའི་འཆི་བའི་འོད་
གསལ་ནི་ཐབས་ལྡན་རྣམས་ལ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་ཡིན་ནོ། །འཆི་བའི་འོད་གསལ་ལས་སྒྱུ་མའི་སྐུར་ལྡང་བའི་སྐྱེ་བ་ཡང་ཤེས་རབ་ཀྱི་༼འཆི་བ་ཞེས་བྱ་རྣམ་རྟོག་འདིས། །ཤེས་རབ་ཕ་རོལ་ཕྱིན་པར་འགྱུར་ཟེར། ༽ཕ་རོལ་ཏུ་
4-2-169a


ཕྱིན། །པའོ་འོད་གསལ་ལས་སྒྱུ་མའི་སྐུར་ལྡང་བ་དྲན་པ་ནི་ཤེས་རབ་ཀྱི་ཕ་རོལ་ཏུ་ཕྱིན། །པའོ། བྱང་ཆུབ་ནི་ཟུང་འཇུག་སྟེ། ཤེས་རབ་ཀྱི་ཕ་རོལ་ཏུ་ཕྱིན། །པའོ། །དེ་ཡང་སྒྱུ་མའི་སྐུ་འོད་གསལ་དུ་ཐིམ་པ་ཤེས་རབ་ཀྱི་ཕ་རོལ་ཏུ་
ཕྱིན། །པ་སྟེ། དེ་གཉིས་ཕལ་༼དེ་ཉིད་བར་དོར་འཚང་རྒྱ་བ་ལ་སྦྱར་རོ། །༼འདི་ཚེ་འདི་དང་བར་དོའི་འཚང་རྒྱ་བ་གཉིས་ཀ་ལ་སྦྱར་རོ། །༽ཆེར་ཚེ་འདིར་འཚང་རྒྱ་བའི་ལམ་གྱི་སྐབས་ལ་སྦྱར་རོ། །སྒྲིབ་གཉིས་བག་ཆགས་དང་བཅས་པ་ལས་གྲོལ་བ་ཡང་ཤེས་རབ་ཀྱི་ཕ་རོལ་ཏུ་
ཕྱིན། །པ་སྟེ་འབྲས་བུའི་སྐབས་སོ། །དེས་ན་ཤེས་རབ་ཀྱི་ཕ་རོལ་ཏུ་ཕྱིན་པ་ནི་གདུལ་བྱའི་བསམ་པ་ཐམས་ཅད་ཡོངས་སུ་རྫོགས་པར་བྱེད་པའོ། །ཞེས་གསུངས་པ་སྟེ། དགོངས་པས་བཤད་པའོ།། ༈ དེ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་
བ་ལ་སོགས་པས་ནི། འོད་ཟུང་གི་དོན་སྔར་བཤད་པ་འདི་ཉིད་ལ་ངེས་པ་བརྟན་པར་བྱེད་པ་ཡིན་ཏེ། ཤེས་རབ་ནི་༼སྐབས་འདིར་ཤེས་བྱེད་དུ་དྲངས་པ་ནི་དང་པོ་གཉིས་གཙོ་བོའོ། །༽ཀུན་ཏུ་སྣང་བའོ། །རྩ་རྒྱུད་ཀྱི་སྐབས་འདིར་ཤེས་རབ་ལ་སོགས་པ
ཞེས་པའི་སྒྲ་གསལ་བར་མི་མངོན་པར་ཁོང་ན་ཡོད་པར་བྱས་པ་ཡིན་པར་བལྟ་བར་བྱ་སྟེ། ཁོང་ན་ཡོད་པ་དེ་བས་ན་ཤེས་རབ་དང་ཐབས་དང་ཉེ་བར་ཐོབ་པ་རྣམས་ལ་ཤེས་རབ་ཅེས་བྱ་བའི་མིང་གིས་བསྟན་པ་ཡིན་པར་འདོད་དེ། གསུམ་པོ་དེ་
རྣམས་ཀྱི་ཕ་རོལ་ནི་མཐར་ཕྱིན་པས་ན་སྟེ། མཐར་སོན་པས་ན་ཕ་རོལ་ཏུ་ཕྱིན་པ་ཞེས་བྱའོ། །དེ་གང་ཞེ་ན། དོན་དམ་པའི་བདེན་པར་སོན་པའི་འོད་གསལ་གྱི་ཡེ་ཤེས་སོ་འོ། །མཐར་འོད་གསལ་དུ་འགྲོ་བ་དེ་ཉིད་ནི་སེམས་ཅན་ཐམས་ཅད་ཀྱིས་འདའ་
4-2-169b


བར་མི་བྱ་བ་ཡིན་པས་དམ་ཚིག་གོ། དེ་རིལ་པོར་འཛིན་པ་དང་རྗེས་སུ་འབྱེད་པའི་བསམ་གཏན་གཉིས་ཀྱི་རིམ་གྱིས་དྲན་པས་ན་རྗེས་སུ་དྲན་པའོ། །དེ་ཉིད་ལ་རྒྱུན་མི་འཆད་པར་སློབ་པས་ན་སྒོམ་པའོ། །རང་བཞིན་གྱིས་ནི་འོད་གསལ་བ་ཞེས་བྱ་བ་ལས། 
ཐམས་ཅད་ནི་ཀུན་ཏུ་སྣང་བ་ལ་སོགས་པ་སྣང་བ་གསུམ་པོ། འདོད་ཆགས་ལ་སོགས་པ་རང་བཞིན་བརྒྱ་དྲུག་ཅུ་དང་བཅས་པ་རྣམས་ནི་རང་བཞིན་གྱིས་འོད་གསལ་བ་སྟེ་ཐམས་ཅད་སྟོང་པའི་དེ་ཁོ་ན་ཉིད་ཀྱི་ངོ་བོ་ཡིན་པས་ན་དྲི་མ་མེད་པ་སྟེ། རང་བཞིན་
རྣམ་དག་གོ་འོ། །འོད་གསལ་གཉིས་ལས་སྒྱུ་མ་ལྟ་བུའི་ལུས་ལེན་པས་ན་ཡང་སྲིད་ཕྱི་མར་མ་སྐྱེས་པའོ། །དོན་གྱི་འོད་གསལ་གྱི་ངོར་གཉིས་སུ་སྣང་བ་མེད་པས་ན་ཟག་པ་མེད་པའོ། །བྱང་ཆུབ་ནི་འབྲས་བུ་ཟུང་འཇུག་གོ་འོ། །མངོན་པར་རྟོགས་པ་ནི་དེ་ཐོབ་
པར་བྱེད་པའི་རྒྱུ་འོད་གསལ་སྟེ། འོད་ཟུང་ཐ་དད་དུ་མངོན་པར་ཞེན་པའི་རྟོག་པ་གཉིས་པོ་དེ་དག་ནི་ཟུང་འཇུག་གི་སྐབས་དེ་ན་ཡོད་པ་མ་ཡིན་ནོ། །ཁམས་ཀྱི་སྐད་དོད་དྷ་ཏུ་ལ། དྷ་ར་ནི་འཛིན་པར་བྱེད་པས་ཁམས་ཏེ་གནས་ནི་སྣོད་དོ་སོ། །དེ་ལ་བརྟེན་ནས་འབྱུང་
བར་འགྱུར་བས་འབྱུང་བ་སྟེ་གནས་པ་བཅུད་དོ་འོ། །གནས་དང་གནས་པ་གཉིས་པོ་དེ་དག་ཀྱང་འོད་གསལ་བ་ལ་འཇུག་པ་དེ་ན་དམིགས་པར་མི་འགྱུར་ཏེ། དགོངས་པ་མ་ཡིན་པས་བཤད་པའོ། །ད་ནི་ཟུང་དུ་འཇུག་པའི་རིམ་པ་ཉིད་ཀྱིས་ལྡང་བ་
སྟེ། བཞེངས་པའི་སྤྲུལ་པའི་གནས་བསྟན་པར་བྱ་བའི་ཕྱིར། དེ་ལ་ཞེས་བྱ་བ་ལ་སོགས་པ་གསུངས་ཏེ། མ་སྐྱེས་པ་ནི་འཛིན་པའི་ཡན་ལག་གོ། དེའི་རྗེས་ཐོགས་ལ་དྲན་པ་ལྡང་བ་ནི་དྲན་པ་ཞེས་བྱ་ལ། དེ་སྒོམ་པ་ནི་བདེན་པ་གཉིས་ཀྱི་བདག་ཉིད་
4-2-170a


ཅན་རྡོ་རྗེ་འཆང་ཆེན་པོའི་ཏིང་ངེ་འཛིན་ཏོ། །དེ་ཇི་ལྟ་བུ་ཞེ་ན། རང་བཞིན་གྱིས་ནི་ཞེས་བྱ་བ་ལ་སོགས་པ་གསུངས་ཏེ། དེ་ནས་ཞེས་བྱ་བའི་སྒྲ་ནི་ཐ་མི་དད་པ་ནི་བར་མ་ཆད་པའི་རིམ་པ་སྟེ། དེ་ནས་ཏེ་འཛིན་པའི་ཡན་ལག་༼
ཞེས་པ་ནི་འགྱུར་གསར་རྙིང་ཀུན་ལས་འབྱུང་ཡང༌། རྩ་རྒྱུད་དུ་དེ་ནས་ཀྱི་སྒྲ་མ་བྱུང་ངོ༌། །འོན་ཀྱང་འགྲེལ་པ་དང་བསྟུན་ན་ཐམས་ཅད་ཅེས་པ་མེད་པར། དེ་ནས་རང་བཞིན་འོད་གསལ་བ། ཞེས་པ་ཡོད་པར་གསལ་ལོ། །༽འོད་གསལ་གྱི་གི་འོག་ཏུ་བར་མ་ཆད་པར་རང་བཞིན་གྱིས་
འོད་གསལ་བ་ཞེས་བྱ་བར་སྦྱར་ཏེ། རང་བཞིན་ནི་ཀུན་རྫོབ་ཀྱི་བདེན་པ་དག་པའི་སྒྱུ་མའི་སྐུའོ། །འོད་གསལ་བ་ནི་དོན་དམ་པའི་བདེན་པ་དང་རོ་གཅིག་ཏུ་ཞུགས་པའི་ཡེ་ཤེས་སྟེ། རང་བཞིན་དང་ལྡན་པའི་འོད་གསལ་བ་ནི་རང་བཞིན་གྱིས་འོད་གསལ་བ་ཞེས་
བྱའོ། །དེ་གང་ཡིན་ཞེ་ན། གཉིས་སུ་མེད་པའི་ཡེ་ཤེས་ཀྱི་བདག་ཉིད་ཅན་རྡོ་རྗེ་འཆང་ཆེན་པོའི་སྐུའོ། །དེ་ཇི་ལྟ་བུ་ཞེ་ན། ནམ་མཁའ་བཞིན་ཞེས་བྱ་བ་ལ་སོགས་པ་སྟེ། ནམ་མཁའི་སྒྲས་ནི་དེ་ན་གནས་པའི་འཇའ་ཚོན་གྱི་དངོས་པོ་ཉེ་བར་མཚོན་
ཏེ་དེ་དང་མཉམ་པ་སྟེ་འདྲ་བས་ན་ནམ་མཁའོ། །རྒྱུ་དང་འབྲས་བུ་འོད་ཟུང་གཉིས་ངོ་བོ་ཐ་དད་པ་གཉིས་སུ་མེད་པས་ན་མཚན་མ་མེད་པའོ། །འཇིག་ཅིང་ཟད་པས་ན་འགྱུར་བའོ། །ཟད་པ་དེ་ལས་གཞན་པས་ན་མི་འགྱུར་བ་སྟེ། མི་ཟད་པའོ། །དེ་ལས་
བྱུང་བས་ན་མི་འགྱུར་བ་སྟེ། ལས་ཉོན་གྱི་དབང་གིས་སྐྱེ་བ་དང་འགག་པ་སྟེ་ཟད་པ་དང་བྲལ་བ་ཞེས་བྱ་བའི་བར་དུའོ། །གཉིས་མེད་གཉིས་སུ་མེད་མིན་ཞི་ཞེས་བྱ་བ་ནི། བདེན་པ་གཉིས་ཏེ་འོད་ཟུང་གཉིས་ངོ་བོ་དབྱེར་མེད་པའི་རོ་གཅིག་པ་ཡིན་པའི་
4-2-170b


ཕྱིར་གཉིས་སུ་མེད་པའོ། །ཡ་གཉིས་ཟུང་དུ་འཇུག་པའི་བདག་ཉིད་ཅན་ཡིན་པས་ན་གཉིས་སུ་སྟེ་གཉིས་མེད་པའང་མིན་ནོ། །སྡུག་བསྔལ་ཐམས་ཅད་ཉེ་བར་ཞི་བའི་མཚན་ཉིད་ཅན་ཡིན་པས་ན་ཞི་བའོ། །ཟག་པ་མེད་པས་ན་ཤིན་ཏུ་དྲི་མ་མེད་པའོ། །
ལུས་ཀྱིས་རེག་པར་བྱ་བའི་ཡུལ་མ་ཡིན་པས་ན་ནམ་མཁའ་བཞིན་ཏེ། དགོངས་པས་བཤད་པའོ།། ༈ དེ་ལྟར་ཟུང་འཇུག་པའི་ཆོས་ཀྱི་སྐུ་འོད་གསལ་དང་ལོངས་སྤྱོད་རྫོགས་པའི་སྐུ་གཉིས་སུ་མེད་པའི་མཚན་ཉིད་ཅན་དུ་ངེས་པར་བྱས་པ་སྟེ། 
གཏན་ལ་ཕབ་ནས། ད་ནི་སྤྲུལ་པའི་སྐུའི་གཞི་རྣམ་པར་དགོད་པའི་ཕྱིར། དེ་ལ་ཞེ་སྡང་གི་རིགས་ཞེས་བྱ་བ་ལ་སོགས་པ་གསུངས་ཏེ། ཞེ་སྡང་ནི་མི་བསྐྱོད་པ་སྟེ་ཐུགས་རྡོ་རྗེའོ། །དེའི་རིགས་ནི་རྒྱུད་ཀྱི་སྟོན་པ་རང་གི་བདག་ཉིད་ལས་ངེས་པར་བྱུང་བའི་ལྷ་
རྣམས་ཀྱི་འཁོར་ལོ་བུད་མེད་ཀྱི་གཟུགས་སུ་མངོན་པར་སྤྲུལ་ནས། བཅོམ་ལྡན་འདས་རྣམ་པར་སྣང་མཛད་ཀྱི་སྐུ་ལས་འཐོན་པ་སྟེ་མངོན་པར་བྱུང་བར་གྱུར་ཏོ། །ཞེས་འདི་ཉིད་ལས་གསུངས་པའི་ཕྱིར་རོ། །རྩ་རྒྱུད་འདི་ཉིད་ཀྱི་ལེའུ་དང་པོ་ལས། རྣམ་སྣང་ལ་སོགས་
པའི་ལྷ་ཕོ་རྣམས་ཀྱང་བུད་མེད་དུ་སྤྲུལ་པར་གསུངས་པའི་ཕྱིར་ན། རྗེས་འཇུག་ལ་ཡང་མི་བསྐྱོད་པ་ལ་སོགས་པའི་རིགས་ཀྱི་སྒྲུབ་པ་པོས། རང་གི་ཕྱག་རྒྱ་ལ་བརྟེན་ནས་བདེ་བ་ཆེན་པོས་མཆོད་དགོས་ལ། དེས་ན་རང་གི་སྟོན་པ་ལ་བདེ་ཆེན་བསྐྱེད་པའི་ཆེད་དུ། རང་གི་ཕྱག་རྒྱ་དེས་བླ་ན་ཡོད་པ་མེ་
ཏོག་ལ་སོགས་པའི་མཆོད་པ་དང་བཅས་པ་ལ་སོགས་པས་བསྡུས་པ་བླ་ན་མེད་པ་རེག་བྱའི་མཆོད་པ་བྱས་པ་ནི་རིགས་ཀྱི་མཆོད་པའོ། །རྗེས་སུ་དྲན་པ་ནི་ཕྱག་རྒྱ་ལ་བརྟེན་ནས་ཆགས་པ་ལ་སོགས་པའི་ཡེ་ཤེས་གསུམ་ཉམས་སུ་མྱོང་བ་སྟེ། དེ་ཉིད་ནི་
4-2-171a


བསྒོམ་པའོ། །ཕྱག་རྒྱ་ལ་བརྟེན་པ་དེ་ཇི་ལྟ་བུ་ཞེ་ན། བུད་མེད་ཅེས་བྱ་བ་ལ་སོགས་པ་གསུངས་ཏེ། བུད་མེད་ནི་བུ་མོའོ། །སེམས་ནི་རབ་བརྟན་པ་ནི་རང་བཞིན་བརྟན་པ་ལོ་གྲངས་བཅུ་གཉིས་ལོན་པ་ཐོབ་ཅིང་རྙེད་པའོ། །
རིགས་ནི་པདྨ་ཅན་དང་ཞེས་བྱ་བ་ལ་སོགས་པས་བསྡུས་པ་གླང་པོ་ཅན་མ། རི་དྭགས་ཅན་མ། དུང་ཅན་མ་སྟེ་འི་རིགས་བཞིའོ། །བཞི་པོ་དེ་དང་སྦྱོར་བ་ནི་ཕྱག་རྒྱ་བཞི་པོ་སོ་སོ་བ་དེར་སྙོམས་འཇུག་བྱས་པ་སྟེ་བྱེད་པའི། རབ་ཏུ་དབྱེ་བའི་ལས་ཀྱིས་
སྒོམ་པའོ་སོ། །བདག་གི་ཞེས་བྱ་བ་ནི། སྒྲུབ་པ་པོ་བདག་ཉིད་ཀྱིའོ། །ཁུ་བའི་སྐད་དོད་ནི་ཤུ་ཀྲ་ཞེས་བྱ་བ་སྟེ། དེའི་ཤུ་ལ་ཤོ་ཀ་ནི་ཞེས་བྱ་བ་ནི་མྱ་ངན་ནོ། །ཀྲ་ཀ་ཙ་ནི་སོག་ལེ་སྟེ། མྱ་ངན་སྡུག་བསྔལ་སོག་ལེ་ལྟར་གཅོད་༼
འདི་ནི་སྡོམ་འབྱུང་ལས་ཕྱག་རྒྱ་བཞི་པོ་རེ་རེ་ལ་བསྟེན་ཚུལ་རེ་གསུངས་པ་ལྟ་བུའོ། །༽པས་ན་ཤུ་ཀྲ་ཞེས་བྱ་སྟེ་མཆོག་ཏུ་དགའ་བ་ལྷན་སྐྱེས་ཀྱི་བདེ་བ་ཆེན་པོའོ། །ཁུ་བ་སྟེ། བདེ་ཆེན་དེས་བདག་ཉིད་མཆོད་པར་བྱའོ་ཞེས་བྱ་བའི་བར་གྱིས་ནི། འདོད་
པའི་དབང་ཕྱུག་ཏུ་གསལ་བར་སྟོན་པ་ཡིན་ནོ།། ༈ རྗེས་སུ་དྲན་པ་སྔར་བཤད་པའི་འབྲས་བུ་ཕན་ཡོན་བསྟན་པར་བྱ་བའི་ཕྱིར། འདིས་ནི་ཞེས་བྱ་བ་ལ་སོགས་པ་གསུངས་ཏེ། བཤད་མ་ཐག་པའི་རྗེས་སུ་དྲན་པ་བཅུ་དྲུག་
ཡོངས་སུ་ཤེས་ནས་བསྒོམས་པས་ནི་དེ་བཞིན་གཤེགས་པ་སྟེ། རྣམ་པར་སྣང་མཛད་ལ་སོགས་པའི་ངོ་བོ་ཉིད་ཀྱི་རྫུ་འཕྲུལ་དང་ལྡན་པའི་སྐུ་འཐོབ་པར་འགྱུར་བ་དང་། འདིས་ནི་རྡོ་རྗེ་འཛིན་པ་རྡོ་རྗེ་སེམས་དཔའི་ཚེ་དང་
4-2-171b


ལང་ཚོ་དང་ནད་མེད་པའི་བདེ་བ་དམ་པས་ཡོངས་སུ་བསྡུས་པ་ཐུགས་རྡོ་རྗེའི་སྟེ། མི་བསྐྱོད་པ་དང་འབྲེལ་བའི་ཐུགས་ཀྱི་དབང་ཕྱུག་རབ་ཏུ་འཐོབ་པར་འགྱུར་ཏེ། རྫོགས་པའི་རིམ་པ་ཟུང་འཇུག་ལ་གནས་པ་ལ་ནི་ཡིད་ལ་གང་དང་གང་འདོད་པ་དེ་དང་དེ་འབད་པ་མེད་
པར་ཕུན་སུམ་ཚོགས་པར་འགྱུར་རོ་ཞེས་བྱ་བའི་དོན་ཏོ། །ཆོས་འཛིན་པ་ནི་འོད་དཔག་ཏུ་མེད་པའོ། །དེའི་གསུང་ནི་དེ་དང་འབྲེལ་བའི་ངག་གི་དབང་ཕྱུག་འཐོབ་པའོ། །ཇི་ལྟ་བུ་ཞེ་ན། སྒྲ་བརྙན་དང་མཚུངས་པར་སྒྲའི་ངོ་བོ་ཉིད་ཤེས་པ་ལ་ནི། གང་ཞིག་
སྨྲ་བར་གྱུར་པ་དེ་ཐམས་ཅད་འབྱོར་པར་འགྱུར་བས་ན་ངག་གི་དབང་ཕྱུག་གོ་སྟེ། སྲིད་པ་ཐ་མ་པ་ཡིན་ཞིང་ཟུང་དུ་འཇུག་པའི་བདག་ཉིད་ཅན་ཚེ་འདི་ཉིད་ལ་ཞེས་བྱ་བས་ལས་ཀྱི་དབང་གིས་སྐྱེ་བར་འགྱུར་བ་དགག་པར་མཛད་པ་སྟེ། མཐོང་
བའི་ཆོས་ལ་མྱ་ངན་ལས་འདས་ཤིང་བྱ་བ་བྱས་པ་ཡིན་ཞེས་བྱ་བ་ལ་སོགས་པ་གསུངས་པས་སོ། །ཟུང་འཇུག་གི་ཏིང་ངེ་འཛིན་འདི་ཉིད་ཀྱི་འབྲས་བུའི་ཁྱད་པར་བསྟན་པར་བྱ་བའི་ཕྱིར། ༼ཟུང་འཇུག་ཐོབ་ན་ཚེ་འདི་ཉིད་ལ་འཚང་རྒྱ་བར་ངེས་པའི་ཕྱིར་རོ། །
༼སྐུ་དང་གསུང་དང་ཐུགས་ཞེས་བྱ་བ་ལ་༼ཚིག་འདི་ནི་རིགས་པ་དྲུག་ཅུ་པ་ལས་གསུངས་ཏེ། ལུང་ཕྱོགས་མཐུན་ཙམ་གྱི་ཤེས་བྱེད་དོ། །༽སོགས་པ་གསུངས་ཏེ། སྐུ་དང་གསུང་དང་ཐུགས་ཀྱང་འགྲུབ་ཅེས་བྱ་བ་ནི་ཕྱག་རྒྱ་ཆེན་པོ་མཆོག་
གི་དངོས་གྲུབ་འགྲུབ་པའོ།། ༈ དངོས་གྲུབ་གང་སྔར་བཤད་པ་ལས་གཞན་ཕྲ་མོ་སྟེ། དངོས་གྲུབ་དམན་པར་བཤད་པ་རྣམས་ཞེས་བྱ་བ་ནི། སྔགས་ལ་རྗེས་སུ་གཞོལ་བའི་བསྐྱེད་རིམ་པ་རྣམས་ལ་བསྐྱེད་རིམ་དེ་དང་འབྲེལ་བ་གཞན་
4-2-172a


དག་སྟེ། འཇིག་རྟེན་པའི་དངོས་གྲུབ་བཤད་པ་རྣམས་ཀྱང༌། ཟུང་དུ་འཇུག་པའི་ཏིང་ངེ་འཛིན་ལ་གནས་པ་རྣམས་ལ་བདེ་བླག་ཏུ་འགྲུབ་པར་འགྱུར་བའོ། །རྡོ་རྗེ་མི་ཕྱེད་གསུམ་བསྒོམས་ཏེ་ཞེས་བྱ་བ་ནི། རྡོ་རྗེ་གསུམ་ནི་
ཁམས་གསུམ་མོ། །དེ་མི་ཕྱེད་པ་ནི་རང་དང་ཁམས་གསུམ་གྱི་དེ་ཁོ་ན་ཉིད་དབྱེར་མེད་པའི་རྣམ་པར་བསྒོམ་པའི་རྒྱུ་དེས་ནི་ན་འགྲུབ་པར་འགྱུར་བ་ནི་བཟླས་པ་ཙམ་གྱིས་ཏེ། སྔར་བཤད་པའི་ཡན་ལག་མ་ཉམས་པར་ཏེ། སྔགས་ལུས་ཐ་མི་དད་པར་ཟློས་པའི་
རྡོ་རྗེ་བཟླས་པ་ཙམ་གྱི་མཐུས་ཡིན་ཏེ། བཟླས་ཤིང་དེ་ཡང་བདེན་པ་མངོན་སུམ་དུ་མཐོང་བ་ཟུང་འཇུག་པས་ཡིན་ནོ་ས་སོ།། ༈ གལ་ཏེ་རང་དང་ཁམས་གསུམ་ཐ་དད་པར་ཞེན་ནས་བསྒོམས་པར་གྱུར་ན་ནི། དེའི་ཚེ་འཇིག་རྟེན་པའི་དངོས་གྲུབ་ཀྱང་
འགྲུབ་པར་མི་འགྱུར་ན། འཇིག་རྟེན་ལས་འདས་པའི་ལྟ་སྨོས་ཀྱང་ཅི་དགོས་ཞེས་ནུས་པ་གསུངས་པར་གྱུར་པ་ཡིན་ཏེ། རྣལ་འབྱོར་ཐམས་ཅད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །ཁམས་གསུམ་པ་ནི་མ་ལུས་རྣམས། །
ཐམས་ཅད་དེ་ཡི་ལོངས་སྤྱོད་དོ། །ཞེས་གསུངས་པས་སོ།། ༈ སྔགས་སྤྱོད་པའི་མཆོག་གི་ལེའུ་༼ཞེས་པས་བསྐྱེད་རིམ་པས་དངོས་གྲུབ་བསྒྲུབ་པ་ལ་ཡང་བདག་མེད་པའི་དེ་ཁོ་ན་ཉིད་མང་དུ་བསྒོམ་དགོས་པར་བསྟན་ནོ།།༼ཞེས་བྱ་བ་ནི་སྔགས་འདོན་
ཅིང་ཟློས་པས་ན་སྔགས་ཏེ་སྒྲུབ་པ་པོའོ། །དེ་རྣམས་ཀྱི་སྤྱོད་པ་ནི་སྤྲོས་པ་མེད་པ་ལ་སོགས་པ་གསུམ་ལ་སློབ་པའི་ངོ་བོ་ཉིད་དོ། །སྤྱོད་པ་གསུམ་པོ་དེ་ཉིད་ནི་ཐེག་པ་གཞན་དང་རྒྱུད་སྡེ་འོག་མའི་སྤྱོད་པ་ལས་ཕུལ་དུ་བྱུང་བས་ན་མཆོག་གོ། དེ་སྟོན་
4-2-172b


པའི་སྒྲའི་ཚོགས་ནི་ལེའུ་སྟེ་དེ་ལ་སྔགས་སྤྱོད་པ་མཆོག་ཅེས་བྱ་སྟེ། སྒྲ་ཇི་བཞིན་པའོ།། ༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བདུན་པ་མཐའ་དྲུག་གིས་བཤད་པའོ། །། །སྔར་
ལེའུ་བདུན་པར་བསྟན་པ་དེ་ལྟར་སྤྱོད་པ་ལ་གནས་པའི་རྣལ་འབྱོར་པས་ཚོགས་ཡོངས་སུ་རྫོགས་པར་བྱ་བའི་དོན་དུ་བླ་ན་མེད་པའི་མཆོད་པ་བྱའོ་ཞེས་བསྟན་པར་བྱ་བའི་ཕྱིར་བཀའ་སྩལ་པ་ནི། དེ་ནས་བཅོམ་ལྡན་འདས་ཞེས་བྱ་བ་ལ་སོགས་པ་གསུངས་
ཏེ། ༈ དེ་ནས་ཞེས་བྱ་བ་ནི་སྤྱོད་པ་ཐོབ་པའི་འོག་ཏུ་དཀོན་མཆོག་དབལ་གྱིས་བཅོམ་ལྡན་འདས་ལ་གསོལ་བ་བཏབ་བོ། །ཞེས་བྱ་བར་སྦྱར་རོ། །དཀོན་མཆོག་གི་སྐད་དོད་ནི་རཏྣ་དང་། དེ་ཡང་རིན་པོ་ཆེ་ཡིན་པས་ཀུནྡ་ལྟ་བུའི་བྱང་ཆུབ་ཀྱི་སེམས་
ཀྱིས་ཀྱང་འདོད་དོན་རྫོགས་པར་བྱེད་པས་རིན་པོ་ཆེའོ་སོ། །དེ་ཉིད་ནི་ཀེ་ཏུ་ཞེས་པ་དབལ་དང་ཏེ་རྒྱལ་མཚན་གཉིས་ཀ་ལ་འཇུག་པས། རྒྱལ་མཚན་བཙུགས་པས་དགའ་བ་བསྐྱེད་པ་བཞིན་དུ། བྱང་སེམས་ཀྱིས་ཀྱང་ཡིད་དགའ་བར་བྱེད་པའི་ཕྱིར། བྱང་ཆུབ་ཀྱི་སེམས་
གང་ཡིན་པ་དེ་ལ་ནི་དཀོན་མཆོག་དབལ་ཞེས་བྱ་སྟེ། བྱང་ཆུབ་ཀྱི་སེམས་ཀྱི་དབང་བསྐུར་བར་གསོལ་བ་འདེབས་པར་བྱེད་པ་པོ་ཡིན་པའི་ཕྱིར་དེ་དང་རྗེས་སུ་མཐུན་པའི་དཀོན་མཆོག་དབལ་གྱིས་གསོལ་བ་བཏབ་བོ་རོ། །བྷ་ག་ཝན་ལ་བྷ་གེ་བྱ་བ་སྠཾ་ཏ་ནི་བྷ་གར་
བཞུགས་པ་སྟེ་དག་པའི་སྐུ་ཡིས་བྷ་ཟུར་ཏེ་འོད་གསལ་ལ་བཞུགས་པས་ན་བཅོམ་ལྡན་འདས་སོ། །ཐམས་ཅད་ཅེས་བྱ་བ་ལ་སོགས་པའི་དེ་བཞིན་གཤེགས་པ་ཐམས་ཅད་ཀྱི་བདག་པོ་ནི་རིགས་ཐམས་ཅད་ཀྱི་བདག་ཉིད་ཅན་ནོ། །དབང་ཕྱུག་དམ་པ་ཞེས་བྱ་
4-2-173a


བ་ལ། དམ་པ་ནི་སྤྱན་ལ་སོགས་པ་ཡིན་ལ། དེ་རྣམས་ཀྱི་དབང་ཕྱུག་ནི་གཙོ་བོར་གྱུར་པ་སྟེ། དམ་པའི་དབང་ཕྱུག་རྡོ་རྗེ་འཆང་ཆེན་པོ་ལ་བསྟོད་པ་འདིས་ཞེས་བྱ་བ་ནི། འོག་ནས་འཆད་པའི་བསྟོད་པ་སྟེ་བསྟོད་པའི་
རྒྱལ་པོ་དེས་གསོལ་བ་བཏབ་ཅིང་མཉེས་པར་བྱས་སོ་ཞེས་བྱ་བའི་དོན་ཏོ།། ༈ དེ་བསྟན་པ་ནི་རྡོ་རྗེ་སེམས་དཔའ་ཞེས་བྱ་བ་ལ་སོགས་པ་སྟེ། རྡོ་རྗེ་ལྟར་འོད་ཟུང་གཉིས་སོ་སོར་མི་ཕྱེད་པའི་ཚུལ་གྱིས་མཛེས་པས་ན་རྡོ་རྗེ་སེམས་དཔའ་
འོ། །ཐེག་པ་ཆེ་ཞེས་བྱ་བ་ལ་མ་ཧཱནྟ་ཆེན་པོའོ། །ཨཱནྟི་འགྲོ་བར་བྱེད་པ་སྟེ་ནི་སངས་རྒྱས་གང་གིས་སེམས་ཅན་གྲངས་ཤིན་ཏུ་མང་ཞིང་རིགས་ཆེ་བ་རྣམས་སངས་རྒྱས་ཉིད་དུ་སོན་པར་མཛད་པ་དེ་ནི་ཐེག་པ་ཆེན་པོ་སྟེ། དེ་ཡང་ཁྱེད་ཉིད་དོ། །༼
འདིར་སེམས་དཔའི་དོན་མ་བཤད་པར་མཛེས་པ་ཞེས་པ་ནི། འགྱུར་གཞན་ལ་རྒྱལ་པོར་བསྒྱུར་ལ། དེའི་སྐད་དོད་རཱ་ཛ་ལ་ར་ཛ་སྟེ་མཛེས་པར་བྱའོ། །དཱཾ་པྱ་ཏི་སྣང་བར་བྱས་པས་ནའོ། །ཞེས་པའོ། །༽ནམ་མཁའི་སྤྱོད་པ་རྣམ་སྦྱོང་བ་ཞེས་བྱ་བ་ལ། ནམ་མཁའ་ནི་དོན་དམ་པའི་
བདེན་པའོ། །དོན་དམ་དེས་རྣམ་པར་དག་པར་བྱས་པའི་སྤྱོད་པ་ནི་ནམ་མཁའི་སྤྱོད་པའོ། །དེས་རྣལ་འབྱོར་པའི་རྒྱུད་རྣམ་པར་སྦྱོང་བར་མཛད་པས་ན་ནམ་མཁའི་སྤྱོད་པ་རྣམ་སྦྱོང་བའོ། །ཀུན་ཏུ་བཟང་པོའི་སྤྱོད་པ་མཆོག་ཅེས་བྱ་བ་ནི། རྣམ་
པར་རྟོག་པའི་སྤྲོས་པ་ཐམས་ཅད་དང་བྲལ་བའི་སྤྱོད་པ་ནི་ཀུན་ཏུ་བཟང་པོའི་སྤྱོད་པའོ། །དེས་ཕུལ་དུ་བྱུང་བས་ན་མཆོག་གོ། རྒྱལ་བར་གྱུར་པས་ན་རྒྱལ་བ་ནི་རང་སངས་རྒྱས་ལ་སོགས་པ་ཉོན་མོངས་པའི་དགྲ་ལས་རྒྱལ་བའོ་སྟེ། དེ་
4-2-173b


རྣམས་ཀྱི་མཆོག་གིས་མཆོད་པ་བཤད་ཅིང་བསྟན་དུ་གསོལ་ཞེས་བྱ་བ་སྟེ། སྒྲ་ཇི་བཞིན་པའོ།། ༈ འདོད་ཆགས་ཞེ་སྡང་གཏི་མུག་ཆེ། །རྡོ་རྗེ་ཐེག་པ་རབ་སྟོན་པ། །ཞེས་བྱ་བ་ནི། འདོད་ཆགས་དང་ཞེ་སྡང་དང་གཏི་མུག་སྦྱོང་བར་བྱེད་པ་ནི་རྡོ་
རྗེ་ཐེག་པ་སྟེ། དེ་རབ་ཏུ་སྟོན་པར་མཛད་པས་ན་རྡོ་རྗེ་ཐེག་པ་རབ་སྟོན་པའོ། །ཆོས་ཐམས་ཅད་ནམ་མཁའི་དབྱིངས་དང་མཚུངས་པར་སྟོན་པས་ན་མཆོག་གོ། རྒྱལ་བ་ནི་དུས་གསུམ་དུ་གཤེགས་པའི་རྒྱལ་བ་རྣམས་ཏེ། དེ་རྣམས་སྐྱེད་པར་མཛད་པས་
ན་རྒྱལ་བའི་གཞིའོ། །མཆོད་པ་བཤད་དུ་གསོལ་ཞེས་བྱ་བ་ནི་བསྟན་པར་གསོལ་བའོ། །བག་ཆགས་མ་ལུས་པ་དང་བྲལ་ཞིང་འཁོར་བ་ཇི་སྲིད་བར་གནས་པའི་ཡེ་ཤེས་ནི་ཐར་པའོ། །དེ་ཐོབ་པར་བྱེད་པའི་རྒྱུ་ནི་ལམ་མོ། །དེ་རབ་ཏུ་སྟོན་པ་ནི་
འཆད་པར་མཛད་པའོ། །ཐེག་པ་གསུམ་ནི་འདིས་རང་རང་གི་བྱང་ཆུབ་ཏུ་འགྲོ་བས་ན་ཐེག་པ་སྟེ། ཉན་ཐོས་ལ་སོགས་པའི་ཐེག་པ་གསུམ་མོ། །དེ་ཉིད་ནི་ལམ་སྟེ་དེའི་ངོ་བོ་ཉིད་ལ་རབ་ཏུ་གནས་པར་མཛད་པས་ན་ཐེག་པ་གསུམ་གྱི་ལམ་ལ་གནས་
པ་སྟེ་བཅོམ་ལྡན་འདས་སོ། །སངས་རྒྱས་སྐལ་མཆོག་དག་པའི་བདག་ཅེས་བྱ་བ་ལ། སངས་རྒྱས་ནི་རྣམ་པར་སྣང་མཛད་ལ་སོགས་པའོ། །དེ་རྣམས་ཀྱི་བདག་པོར་གྱུར་པས་སྐལ་མཆོག་གོ། དེས་ན་དག་པའི་བདག་ཉིད་ཅན་གྱི་མི་མཆོག་
མཆོད་པ་བཤད་དུ་གསོལ་ཞེས་པའོ། །བྱང་ཆུབ་སེམས་ནི་རྒྱས་པའི་སྤྱན་ཞེས་བྱ་བ་ནི། བྱང་ཆུབ་ཀྱི་ངོ་བོ་ཉིད་ཀྱི་སྟེ། རང་བཞིན་དང་དབྱེར་མེད་པར་ཞུགས་པའི་སེམས་གང་ཡིན་པ་དེ་ནི་བྱང་ཆུབ་ཀྱི་སེམས་སོ། །རྒྱས་པའི་སྤྱན་དང་ལྡན་པ་
4-2-174a


གང་ཡིན་པ་དེ་ནི་རྒྱས་པའི་སྤྱན་ནོ། །ཆོས་ཀྱི་འཁོར་ལོ་ནི་རྣམ་པ་བཅུ་གཉིས་པའོ། །༼ཞེས་པ་ནི་བདེན་པ་རྣམས་ལ་སྡུག་བསྔལ་དང༌། ཀུན་འབྱུང་དང་འགོག་པ་དང་ལམ་མོ། །ཞེས་པ་བཞི་དང༌། རིམ་པ་བཞིན་དུ་ཡོངས་སུ་ཤེས་པར་བྱ་བ་དང༌། སྤང་
བར་བྱ་བ་དང༌། མངོན་སུམ་དུ་བྱ་བ་དང༌། བསྒོམ་པར་བྱ་ཞེས་པ་བཞི་དང༌། ཡང་རིམ་པ་བཞིན་དུ་ཡོངས་སུ་ཤེས། སྤངས། མངོན་སུམ་དུ་བྱས། སྒོམ་ཞེས་བྱ་བ་བཞི་སྟེ་བཞི་གསུམ་བཅུ་གཉིས་སོ། །༽ཆོས་འཁོར་དེ་ས་འོག་ས་སྟེང་ས་བླའི་འཇིག་རྟེན་གསུམ་དུ་རབ་ཏུ་བསྐོར་
བར་མཛད་པས་ན། ཆོས་ཀྱི་འཁོར་ལོ་རབ་ཏུ་བསྐོར་བསྟེ་གདུལ་བྱའི་རྒྱུད་ལ་དོན་ཤེས་པར་བྱེད་པའོ། །རྡོ་རྗེ་གསུམ་མི་ཕྱེད་པའི་མཚན་ཉིད་ཅན་ཡིན་པས་ན་སྐུ་དང་གསུང་དང་ཐུགས་ཤིན་ཏུ་དག་པ་སྟེ། རྡོ་རྗེ་ཐེག་པ་ཁྱེད་ལ་ཕྱག་འཚལ་ལོ། །
ཞེས་པ་སྟེ། དྲང་བའི་དོན་ཏོ།། ༈ འདོད་ཆགས་ཞེ་སྡང་གཏི་མུག་ཆེ་ཞེས་བྱ་བ་ནི། ཡེ་ཤེས་གསུམ་གྱི་སྒོ་ནས་བཅོམ་ལྡན་འདས་ལ་བོས་ནས་བསྟོད་པ་སྟེ། འདོད་ཆགས་ཞེས་པ་ནི་ཐབས་ཏེ་མཆེད་པ་དང་། དེའི་ཀྱི་རང་བཞིན་དུ་
གྲགས་པ་བཞི་བཅུའོ་ནོ། །ཞེ་སྡང་ཞེས་པ་ནི་ཤེས་རབ་སྣང་བ་དང་ཀྱི་དེའི་རང་བཞིན་སོ་གསུམ་མོ་ནོ། །གཏི་མུག་ཆེན་པོ་ཞེས་པ་ནི་མ་རིག་པ་ཞེས་པ་ཉེར་ཐོབ་དང༌། དེའི་རང་བཞིན་གྱི་རྟོག་པ་བདུན་ནོ། །རྡོ་རྗེ་ཐེག་པར་རབ་སྟོན་པ་ཞེས་བྱ་བ་
ལ། རྡོ་རྗེ་ནི་འོད་གསལ་བའོ། །དེ་ཉིད་ནི་བཤད་མ་ཐག་པའི་རང་བཞིན་གྱིས་ཏེ། རང་བཞིན་དང་སྣང་བ་གསུམ་སྦྱོང་བས་ན་ཐེག་པའོ། །དེ་རབ་ཏུ་སྟོན་པས་ན་རྡོ་རྗེ་ཐེག་པ་རབ་ཏུ་སྟོན་པ་སྟེ། བཅོམ་ལྡན་འདས་སོ། །དབང་པོ་མཆོག་ཙམ་གྱིས་
4-2-174b


གཟུང་བ་ནི་གསང་བ་གྲུབ་པར་ཏིང་ངེ་འཛིན་གྱི་ཡེ་ཤེས་ཀྱི་མིག་ཅན་གྱིས་མཐོང་བར་གསུངས་པ་ལྟར་ཡིན་པས་ན་ནམ་མཁའི་དབྱིངས་དང་མཚུངས་པའོ། །རིགས་གཞན་ཐམས་ཅད་ཀྱི་དང་པོར་གྱུར་པས་ན་མཆོག་གོ། རྒྱལ་གཞི་མཆོད་པ་བཤད་དུ་གསོལ་ཞེས་བྱ་
བ་ལ། རྒྱལ་བ་ནི་རྣམ་པར་སྣང་མཛད་ལ་སོགས་པ་སྟེ། དེ་གང་དུ་ཐིམ་པར་གྱུར་པ་དེ་ནི་རྒྱལ་བའི་གཞི་ནི་འོད་གསལ་བའོ། །མཆོད་པ་ནི་གཉིས་སུ་མེད་པའི་ཡེ་ཤེས་ཀྱི་༼མཆོག་གི་སྒྲ་དང་པོ་ལའང་འཇུག་པའོ། །༽བདག་ཉིད་ཅན་ཟུང་འཇུག་གི་
ནོ། །བཤད་དུ་གསོལ་ཞེས་བྱ་བ་ནི་བཀའ་སྩལ་པར་གསོལ་བའོ། །ཐར་པའི་ལམ་ནི་རབ་སྟོན་པ་ཞེས་བྱ་བ་ནི། མི་སློབ་པའི་ཟུང་འཇུག། རྡོ་རྗེའི་སྐུ་ཉིད་ཀྱིས་ཚད་མེད་པའི་ལྷ་མོ་དང་སྙོམས་པར་ཞུགས་པས་འཁོར་བ་ཇི་སྲིད་བར་མཆོག་ཏུ་དགའ་བར་
མཚན་ཉིད་གཅིག་པ་ལྷ་དང་མི་ལས་འདས་པའི་ཡོན་ཏན་ཏེ། དབང་ཕྱུག་བརྒྱད་ཀྱི་བདེ་བ་ཉམས་སུ་མྱོང་བ་ནི་ཐར་པའོ། །དེ་ཐོབ་པའི་ཐབས་སྟོན་པར་མཛད་པས་ན་ཐར་པའི་ལམ་རབ་ཏུ་སྟོན་པར་མཛད་པ་སྟེ་བཅོམ་ལྡན་འདས་སོ། །ཤེས་རབ་དང་ཐབས་
དང་། ཉེ་བར་ཐོབ་པ་གསུམ་པོ་ནི་ཐེག་པ་གསུམ་མོ། །དེ་ཉིད་ནི་རྣལ་འབྱོར་པ་རྣམས་ཀྱིས་བགྲོད་པར་བྱ་བ་ཡིན་པས་ན་ལམ་སྟེ། ལམ་དེས་དོན་དམ་པའི་བདེན་པའི་གྲོང་ཁྱེར་དེར་འཇུག་པར་མཛད་པས་ན་ཐེག་པ་གསུམ་གྱི་ལམ་ལ་གནས་པའོ། །བདེ་བ་
ཐམས་ཅད་ཀྱི་བདག་ཉིད་སྒྲུབ་པར་མཛད་པས་ན་སངས་རྒྱས་སྐལ་མཆོག་གོ། བདེན་པ་གཉིས་ཀྱི་བདག་ཉིད་ཅན་ཡིན་པས་ན་དག་པའི་བདག་སྟེ། དེ་ལྟ་བུའི་ཡོན་ཏན་གྱི་ཁྱད་པར་ཅན་མི་མཆོག་ཁྱོད་ཀྱིས་མཆོད་པ་བཤད་པར་གསོལ་ཞེས་པའོ། །
4-2-175a


བྱང་ཆུབ་ནི་དོན་དམ་པའི་བདེན་པར་ཞུགས་པའི་འོད་གསལ་ལོ་འོ། །སེམས་ནི་ཀུན་རྫོབ་ཀྱི་བདེན་པ་དག་པའི་སྒྱུ་མའི་སྐུ་སྟེ། བྱང་ཆུབ་དང་ལྡན་པའི་སེམས་ནི་བྱང་ཆུབ་ཀྱི་སེམས་ཡིན་ལ། དེ་ཉིད་ནི་རྡོ་རྗེ་འཆང་ཆེན་པོའོ། །
རྒྱས་ཤིང་ཡངས་པའི་སྤྱན་ལྔ་གང་ཡིན་པ་དེ་ནི་རྒྱས་པའི་སྤྱན་ཏེ། དེ་ཡང་གང་ཞེ་ན། སྟོང་གསུམ་མཐོང་བ་ཤ་དང༌། སེམས་ཅན་གྱི་འཆི་འཕོ་དང་གང་དུ་སྐྱེ་བར་ཤེས་པ་ལྷ་དང༌། རྣམ་པར་མི་རྟོག་པའི་ཡེ་ཤེས་ཤེས་རབ་དང༌། གཞན་གྱི་རྒྱུད་ཚོད་རྟོགས་པ་ཆོས་དང༌། ཆོས་
ཐམས་ཅད་རྣམ་པ་ཐམས་ཅད་དུ་བྱང་ཆུབ་པ་མཁྱེན་པ་སངས་རྒྱས་ཀྱི་སྤྱན་ཞེས་གྲགས་པ་རྣམས་སོ། །ཆོས་ཀྱི་འཁོར་ལོ་རབ་བསྐོར་བ། །ཞེས་བྱ་བ་ལ། ཆོས་ནི་འདུས་བྱས་པ་དང་འདུས་མ་བྱས་པ་སྟེ་བདེན་པ་གཉིས་ཀྱི་བདག་ཉིད་ཅན་ནོ། །དེ་རྣམས་ཀྱི་
འཁོར་ལོ་ནི་ཚོགས་ཏེ་དེ་སེམས་ཅན་གྱི་འཇིག་རྟེན་དུ་རབ་ཏུ་སྟོན་པར་མཛད་པས་ན་ཆོས་ཀྱི་འཁོར་ལོ་རབ་བསྐོར་བའོ། །ཡང་དག་པའི་མཐའ་འོད་གསལ་གྱིས་རྣམ་པར་དག་པར་བྱས་པའི་སྐུ་དང་གསུང་དང་ཐུགས་ཀྱི་བདག་ཉིད་ཅན་ཡིན་པས་ན་སྐུ་
དང་གསུང་དང་ཐུགས་ཤིན་ཏུ་དག་པ་སྟེ་བཅོམ་ལྡན་འདས་སོ། །རྡོ་རྗེའི་དོན་མི་འཇིགས་པ་སྟེ། མི་ཉམས་པའི་ཐེག་པའི་བདག་ཉིད་ཅན་ཡིན་པས་ན་རྡོ་རྗེ་ཐེག་པ་ཁྱེད་ལ་ཕྱག་འཚལ་ལོ། །ཞེས་བྱ་བ་སྟེ། ངེས་པའི་དོན་ཏོ།། ༈ གསོལ་བ་
བཏབ་པའི་རྗེས་དེ་ནས་རྒྱལ་པོ་རྡོ་རྗེ་འཛིན་པ་ཐམས་ཅད་ནམ་མཁའ་མི་འགྱུར་ཆེ་ཞེས་བྱ་བ་ལ། ཐམས་ཅད་ནམ་མཁའ་ནི་ཐམས་ཅད་སྟོང་པ་སྟེ། དེ་རྣམ་པར་དག་པའི་ངོ་བོ་ཉིད་ཡིན་པས་བཅོམ་ལྡན་འདས་ཀྱང་ཐམས་ཅད་ནམ་མཁའོ། །མི་འགྱུར་བ་
4-2-175b


ཡང་ཡིན་ལ་ཆེན་པོ་ཡང་ཡིན་པས་ན་མི་འགྱུར་ཆེའོ། །ཐམས་ཅད་ཀྱི་དབང་འདི་ལ་བསྐུར་བར་གྱུར་པས་ན་ཐམས་ཅད་དབང་བསྐུར་རོ། །ནམ་མཁའ་མཛོད་ཀྱི་ཏིང་ངེ་འཛིན་གྱིས་སེམས་ཅན་ཐམས་ཅད་ཀྱི་ཡིད་ལ་རེ་བ་ཡོངས་སུ་རྫོགས་པར་མཛད་པས་ན་
ཀུན་གྱི་དོན་ནོ། །འཇིག་རྟེན་གསུམ་གྱི་བདག་པོ་ཡིན་པས་ན་ཀུན་གྱི་དབང་པོའོ། །རྡོ་རྗེ་ནི་དོན་དམ་པའི་བདེན་པའོ། །བསམ་པ་ཐམས་ཅད་ཡོངས་སུ་རྫོགས་པར་བྱེད་པས་རིན་པོ་ཆེ་དང་འདྲ་བས་ན་རིན་ཆེན་ནི་ཀུན་རྫོབ་ཀྱི་བདེན་པའོ། །དེའི་ངོ་བོ་ཉིད་ཀྱིས་
ཟུང་འཇུག་དེ་འཛིན་པར་མཛད་པས་ན་རྡོ་རྗེ་རིན་ཆེན་འཛིན་ཞེས་བྱ་སྟེ། དགོངས་པ་མ་ཡིན་པས་བཤད་པའོ། །དེ་བཞིན་གཤེགས་པའི་མཆོད་པའི་མཆོག་ཅེས་བྱ་བ་ལ། དེ་བཞིན་གཤེགས་པ་ནི་དུས་གསུམ་དུ་བཞུགས་པའི་རྒྱལ་བ་རྣམས་ཏེ། དེ་དང་
འབྲེལ་བའི་མཆོད་པ་ནི་དེ་བཞིན་གཤེགས་པའི་མཆོད་པའོ། །བསྐྱེད་པའི་རིམ་པ་ལ་གནས་པ་རྣམས་ཀྱི་ཐུན་མོང་མ་ཡིན་པས་ཁྱད་པར་དུ་གྱུར་པས་ན་མཆོག་གོ། ཅིའི་ཕྱིར་ཞེ་ན། རྡོ་རྗེ་མི་ཕྱེད་གསུམ་གནས་པ་ཞེས་བྱ་བ་གསུངས་ཏེ། རང་བཞིན་གྱིས་ཏེ་
གདོད་མ་ནས་རྡོ་རྗེ་གསུམ་གྱིས་དེ་ཁོ་ན་ཉིད་མི་ཕྱེད་པ་ལ་ཡང་དག་པར་གནས་པའི་མཆོད་པའོ། །མཆོད་པ་དེ་ནི་ཁམས་གསུམ་པ་རྣམས་རྡོ་རྗེ་འཆང་རང་ཉིད་ཀྱི་སྐུ་དང་གསུང་དང་ཐུགས་སུ་རང་བཞིན་གྱི་སྒོ་ནས་འདུས་པར་མཛད་པས་ན་སྐུ་དང་གསུང་དང་ཐུགས་སྐལ་
མཆོག་གོ། རྒྱལ་བ་གོང་མ་རྣམས་འདི་ལས་འབྱུང་བར་འགྱུར་བས་ན་རྒྱལ་བ་འབྱུང་བའོ། །མཆོད་པ་དེ་བཤད་ཅེས་བྱ་བ་ལ་ནི་བཤད་དོ་ཞེས་བྱ་བའི་དོན་མི་མངོན་པར་བྱས་པ་སྟེ། དགོངས་པས་བཤད་པའོ།། ༈ གང་ལས་རྒྱལ་བ་འབྱུང་བའི་
4-2-176a


མཆོད་པ་དེ་ཉིད་བསྟན་པར་བྱ་བའི་ཕྱིར། ན་ཆུང་གཞོན་ནུ་ཞེས་བྱ་བ་ལ་སོགས་པ་གསུངས་ཏེ། ཡིད་དུ་འོང་བའི་གཟུགས་ཅན་ཡིན་པས་ན་ན་ཆུང་གཞོན་ནུའོ་ངོ་། །མིག་ཡངས་ཤིང་བདེན་པ་གཉིས་ཀྱི་སྟེ། འོད་ཟུང་
གི་བདག་ཉིད་ཅན་གྱི་མིག་ཡངས་པ་སྟེ། གཟིགས་རྒྱ་ཆེ་བ་དང་ལྡན་པའི་ཕྱག་རྒྱ་ཆེན་པོའི་སྐུ་གང་ཡིན་པ་དེ་ནི་མིག་ཡངས་པ་དང་ལྡན་པའོ། །དེ་ཉིད་ཀྱི་ཁྱད་པར་ནི་མཚན་དཔེས་སྤྲས་པའི་གཟུགས་བཟང་བ་དང་གཞོན་པ་སྟེ། ལང་ཚོ་དར་ལ་བབ་པས་བརྒྱན་
པ་ནི་ཞེས་བྱ་བའོ། །ལོ་གྲངས་ཉི་ཤུ་ལྔ་ལོན་པ་ཞེས་བྱ་བ་ནི་ཟུང་འཇུག་གི་ལྷའི་ཕུང་པོ་ལྔ་ཁམས་ལྔ་དབང་པོ་ལྔ་ཡུལ་ལྔ་ཡེ་ཤེས་ལྔ་སྟེ་ཉི་ཤུ་རྩ་ལྔ་པའི་བདག་ཉིད་ཅན་གྱི་ཕྱག་རྒྱ་ཆེན་པོའི་སྐུ་བདག་ལ་བྱིན་གྱིས་བརླབས་པའི་མཚན་ཉིད་ཅན་ནོ། །དེ་
བཙལ་ཏེ། བླ་མའི་ཁ་ནས་ཏེ་ཞལ་གྱི་གདམས་པ་ལས་རང་གི་རྒྱུད་ལ་རྙེད་པ་སྟེ་ཐོབ་པ་དེ་ཉིད་ཀྱིས་བླ་ན་མེད་པའི་མཆོད་པ་རབ་ཏུ་བརྟག་ཅིང་བྱ་བ་སྟེ། ཡང་དང་ཡང་དུ་བསྒོམ་པར་བྱ་བའོ། །བྱོལ་སོང་ལས་ཀྱང་རབ་ཏུ་བརྟག་ཅེས་བྱ་བར་ཡང་སྦྱར་ཏེ། བྱོལ་
སོང་གི་སྒྲ་ཏིརྱ་ཀ་ནི་ལོགས་ན་ཡོད་པ་ལ་ཡང་བྱ་སྟེ། དེས་ན་ལོགས་ན་ཡོད་པའི་དོན་ནི་ཟུང་འཇུག་པའི་དཀྱིལ་འཁོར་གྱི་གཙོ་བོར་མ་ཟད། བདག་པོ་སྟེ་གཙོ་བོ་ལས་གཞན་པའི་འཁོར་གྱི་དཀྱིལ་འཁོར་གྱི་ལྷའི་སྐུ་རྣམས་ཀྱང་གཙོ་བོ་རྡོ་རྗེ་འཆང་ཆེན་པོ་དང་
འདྲ་བར་རབ་ཏུ་བརྟག་པ་སྟེ་གཟུང་བར་བྱ་སྟེ། དེ་ཐམས་ཅད་ཀྱང་རྡོ་རྗེ་འཆང་ཆེན་པོའི་རྣམ་པར་འཕྲུལ་པ་ཡིན་པའི་ཕྱིར་རོ། །༼ན་ཆུང་ཞེས་པའི་རྐང་པ་གསུམ་གྱིས་ཟུང་འཇུག་པའི་དང་པོ་སྦྱོར་བ་དང༌། བྱོལ་སོང་ཞེས་པ་གཅིག་གིས་དཀྱིལ་འཁོར་རྒྱལ་མཆོག་བསྟན་ཏེ། དེ་
4-2-176b


འདྲ་བའི་དཀྱིལ་འཁོར་སྒོམ་པ་ལ་གོམས་པར་བྱེད་པ་ནི་སངས་རྒྱས་རྣམས་དགྱེས་པར་བྱེད་པའི་བླ་ན་མེད་པའི་མཆོད་པའོ། །༽དགོངས་པས་བཤད་པའོ།། ༈ ཤིན་ཏུ་ཡང་འཇིག་རྟེན་ལས་འདས་པའི་ཟུང་འཇུག་པའི་རྣལ་འབྱོར་པ་རྣམས་ཀྱི་མཆོད་པ་བསྟན་
ནས། ད་ནི་བསྐྱེད་པའི་རིམ་པ་ལ་གནས་པའི་རྣལ་འབྱོར་པ་རྣམས་ཀྱི་མཆོད་པ་བསྟན་པར་བྱ་བའི་ཕྱིར། ས་ཕྱོགས་གཙང་ཞིང་ཞེས་བྱ་བ་ལ་སོགས་པ་གསུངས་ཏེ། ས་བརྟག་པ་དང་བསླང་བ་བྱས་པའི་སའི་ཆ་ནི་ས་ཡི་ཕྱོགས་སོ། །ས་སྦྱང་བ་དང་ལ་
སོགས་པས་བསྡུས་པ་ས་གཟུང་བ་དང༌། བགེགས་ཞི་བའི་ཆོ་གའི་རིམ་པས་ཡོངས་སུ་དག་པ་ནི་གཙང་བའོ། །སྐྱེ་བོ་འདུས་པའི་འདུ་འཛི་དང་བྲལ་བས་རྣམ་པར་དབེན་པའོ། །འམ་ཞེས་བྱ་བའི་སྒྲ་ནི་སྔ་མ་ལས་ཐ་དད་པའི་རིམ་པའི་ཕྱོགས་གཞན་
ས་སྦྱང་བ་སོགས་རྒྱས་པ་མི་དགོས་པ་སྟོན་པ་ཡིན་པར་བལྟ་བར་བྱའོ། །རྒྱལ་བ་ཉིད་ཀྱི་རིགས་སུ་སྐྱེས་ཞེས་པ་ནི་སྔགས་པ་ཐེག་པ་འདིའི་སྒྲུབ་པ་པོའོ། །ཞི་བ་ནི་སྔ་མ་༼དེ་ནི་ས་སྦྱང་བ་སོགས་རྒྱས་པ་དགོས་པའི་གནས་སོ། །༽དེ་མིན་ཀྱང་སྐྱེ་བོ་དམ་པ་ཡོན་
ཏན་ཅན་ནོ་འོ། །དེ་རྣམས་ཀྱི་ཁྱིམ་ནི་ཞི་བའི་གནས་རྣམས་ཏེ་ལྷའི་ཁང་པའོ། །དེ་ལྟ་བུའི་ས་ཕྱོགས་སུ་བཤང་བ་སྟེ་བའི་ལྕི་བ་དང༌། གཅི་བ་སྟེ་བའི་གཅིན་དང༌། བའི་མར་ལ་སོགས་པའི་བ་བྱུང་ལྔ་དང་ཆུ་སྟེ་ཆུ་གཙང་ཉི་ཚེས་སོ། །སོགས་པའི་སྒྲས་ཤིང་ཤུན་
དྲི་བཟང་པོ་ལ་སོགས་པ་༼དེ་རྣམས་ཀྱི་ཁྱིམ་དང་ཞེས་བཅོས་པ་དགོས་སོ། །༽ཡོངས་སུ་གཟུང་སྟེ། དེ་ལྟ་བུའི་བཤང་བ་ལ་སོགས་པ་འདི་རྣམས་ཀྱིས་སྔར་བཤད་པའི་ས་ཕྱོགས་སུ་སྟེགས་བུ་སོགས་ལ་བྱུགས་ཅིང་དཀྱིལ་འཁོར་བྲི་བར་བྱའོ། །
4-2-177a


འམ་གྱི་སྒྲ་ནི་མ་བཤད་པ་དག་ཀྱང་བསྡུ་བའི་དོན་ཏེ། དེས་ན་མེ་ཏོག་ལ་སོགས་པའི་མཆོད་རྫས་རྣམས་དང་དེར་ཉེ་བར་མཁོ་བ་གཞན་རྣམས་ཀྱང་ཡོངས་སུ་གཟུང་ངོ༌། །མཆོད་རྫས་སྒྲུབ་པ་ལ་སོགས་པ་དེ་དགོས་པ་ཅིའི་ཕྱིར་བྱེད་ཅེ་ཞེ་ན། རྒྱལ་
བ་མཆོད་ཕྱིར་ཞེས་པ་སྟེ། རང་གི་རིགས་ཀྱི་ལྷ་ལ་སོགས་པ་མཉེས་པར་བྱ་བའི་དོན་དུའོ་ཏོ། །རྟག་པར་ཞེས་པ་ནི་ཉིན་རེ་ཞིང་མཆོད་པར་བྱའོ།། ༈ དེ་ལྟར་དཀྱིལ་འཁོར་བྲི་བ་དང་། དེ་མཆོད་པའི་ཡོ་བྱད་བསྒྲུབས་ནས། སྒྲུབ་པའི་ཐབས་༼
དེ་རྣམས་ཀྱིས་ནི་འོག་ནས་གསང་དབང་བསྐུར་བའི་དཀྱིལ་འཁོར་ལ་བསམ་གཏན་དང་བྲིས་པ་གཉིས་བཤད་པའི་ཕྱི་མ་འདིར་བསྟན་པ་ཡིན་ལ། དེ་ཡང་རིམ་ལྔ་ལས་ཐུན་མོང་གི་དབང་དགུ་དང་བཅས་པའི་གསང་དབང་བསྐུར་བར་གསུངས་པས། དེའི་དབང་དུ་བྱས་ཀྱི་བུམ་དབང་བསྐུར་བ་དུས་སྔ་བར་རྫོགས་ནས། 
ཕྱིས་གསང་དབང་བསྐུར་བ་ལ་ནི་རྡུལ་ཚོན་གྱི་དཀྱིལ་འཁོར་བྲི་མི་དགོས་སོ། །༽མདོར་བྱས་ལས་འབྱུང་བའི་རིམ་གྱིས་རྣལ་འབྱོར་དང་རྗེས་སུ་རྣལ་འབྱོར་བྱས་ལ། དེ་ནས་སྒྲུབ་པ་པོ་བདག་ཉིད་དང་རང་གི་ཕྱག་རྒྱ་ལ་རིགས་ལྔ་སོགས་དགོད་པ་སེམས་དཔའ་སུམ་བརྩེགས་ཀྱི་འོག་ཏུ་བྱ་
སྟེ། དེ་ཡང་བསྟན་པའི་ཕྱིར་རིགས་ལྔར་བྱ་བ་སྟེ། རང་ལ་རིགས་ལྔ་དང་དེའི་རིགས་ཀྱི་ལྷ་ལྷག་མ་རྣམས་དགོད་པའི་ཤིན་ཏུ་རྣལ་འབྱོར་བྱ་བ་བསྟན་པའི་ཕྱིར། ནུ་མའི་དབུས་ཞེས་བྱ་བ་ལ་སོགས་པ་གསུངས་ཏེ། ནུ་མའི་དབུས་ཞེས་བྱ་བ་ནི་སྙིང་གའི་གནས་སོ། །བར་ཞེས་བྱ་
བ་ནི་མགྲིན་པ་ནས་སྙིང་ཁ་ཇི་སྲིད་པ་དེ་སྲིད་ཀྱི་བར་འདིར་ཡི་གེ་ཧཱུཾ་ལས་བྱུང་བའི་སྟེ་མི་བསྐྱོད་པའི་རིགས་དགོད་པའོ། །སྤྱི་གཙུག་མཐའ་ཞེས་བྱ་བ་ནི་སྤྱི་གཙུག་གི་མཐའི་སྒྲས་སྐྲ་མཚམས་ཉེ་བར་མཚོན་ཏེ་སྐྲའི་མཐའ་སྟེ་སྐྲའི་སྐྱེ་གནས་སྤྱི་གཙུག་ནས་
4-2-177b


སྐྲ་མཚམས་ཇི་སྲིད་པའི་བར་དུ་ཡི་གེ་ཨོཾ་ལས་བྱུང་བའི་རྣམ་པར་སྣང་མཛད་དགོད་དོ། །ཆོ་ག་ཤེས་པས་ཞེས་བྱ་བ་ནི་བསྐྱེད་པའི་རིམ་པ་ཤེས་པའོ། །བར་ཞེས་བྱ་བ་ནི་སྙིང་གའི་ཡ་མཐའ་དང་སྤྱི་གཙུག་གི་མ་མཐའ་སྐྲ་མཚམས་ཀྱི་བར་ཏེ། བར་དེ་ཡང་གང་ཡིན་
ཞེ་ན། སྐྲ་མཚམས་ནས་མགྲིན་པའི་བར་རོ། །ལྐོག་མའི་ཕྱོགས་ཁའི་དཀྱིལ་འཁོར་ཏེ། དེར་ཡི་གེ་ཨཱཿལས་བྱུང་བའི་འོད་དཔག་ཏུ་མེད་པ་དགོད་པར་བྱའོ། །རྐང་པའི་བར་ཞེས་བྱ་བ་ནི་རྐང་པ་དང་བརླ་རྩའི་བར་དུ་ནི་རྐང་པའི་བར་རོ། །འང་དང་ཞེས་བྱ་བའི་སྒྲ་ནི་བར་དུ་
དགོད་པར་མ་ཟད་རྐང་པ་གཉིས་སུ་འང་དགོད་ཅེ་ཞེས་བསྡུ་བའི་དོན་ནོ་ཏེ། དེར་ཡི་གེ་ཧཱ་ལས་བྱུང་བའི་དོན་ཡོད་པར་གྲུབ་༼འདིར་དང་ཞེས་པ་དང་། རྒྱུད་ལས་ཡང་ན་རྐང་པའི་བར། ཞེས་པའི་འགྱུར་རྙིང་གཉིས་མི་མཐུན་པས། པ་ཚབ་ཀྱིས། རྐང་བར་དུའང་ཞེས་པ་དང༌། འང་གི་
སྒྲས་ནི་ཞེས་བསྒྱུར་བ་ལྟར་བྱའོ། །༽པ་དགོད་པར་བྱའོ། །ལྟེ་བ་རྐེད་པ་གསང་བ་ཞེས་བྱ་བ་ནི་འདིར་གསང་བ་ལ་ཞེས་འཐོབ་ཀྱང་བདུན་པ་དེ་མི་མངོན་པར་བྱས་པ་ཡིན་ཏེ། གནས་འདི་དག་ཏུ་ཡི་གེ་སྭཱ་ལས་བྱུང་བའི་རིན་ཆེན་འབྱུང་ལྡན་དགོད་པར་བྱའོ། །༼འདིར་
སྤྱི་གཙུག་ནས་སྐྲ་མཚམས་བར་ལ་རྣམ་སྣང་དང་། དེ་ནས་མགྲིན་པའི་བར་ལ་སྣང་མཐའ་དང༌། མགྲིན་པའི་མཐའ་ནས་སྙིང་གའི་བར་ལ་མི་བསྐྱོད་པ་དགོད་པར་བཤད་པ་ལྟར་ན། སྙིང་གའི་མཐའ་ནས་ལྟེ་བའི་བར་ལ་རིན་འབྱུང་དང༌། ལྟེ་བའི་མཐའ་ནས་རྐང་པ་གཉིས་ཀྱི་ཡ་མཐའ་བརླ་རྩ་བར་ལ་དོན་གྲུབ་དགོད་རྒྱུར་སྣང་
ལ་འགྲེལ་པའི་ཚིག་ཟིན་ལྟར་ན། གསང་གནས་ཀྱི་རྩ་བ་ཡན་ལ་རིན་འབྱུང་དང༌། བརླ་རྩ་ནས་རྐང་སོར་བར་ལ་དོན་གྲུབ་འགོད་པ་འདྲ་བ་གཅིག་སྣང་སྟེ། གང་བྱས་ཀྱང་འདྲ་བར་མངོན་ནོ། །འདིར་ཨོཾ་ལ་སོགས་པ་བཞི་ལས་བྱུང་བའི་རིགས་བཞིའི་ལྷ་བསྒོམས་པར་གསུངས་པས། ལུས་དཀྱིལ་ལ་ལྷ་མི་བསྐྱེད་པར་ཡི་
4-2-178a


གེ་ཉིད་ལྷའི་རང་བཞིན་དུ་བསྒོམས་པ་ཡིན་ཞེས་པ་མི་འཐད་དོ། །༽རྒྱལ་བ་ནི་རྣམ་པར་སྣང་མཛད་ལ་སོགས་པའི་རིགས་ལྔའོ། །རྒྱལ་བའི་སྲས་ནི་དེའི་རིགས་ཏེེ། རྒྱལ་བ་དང་རྒྱལ་བའི་སྲས་དག་ནི་རྒྱལ་སྲས་ཞེས་བྱ་སྟེ། རྣམ་པར་སྣང་
མཛད་ལ་སོགས་པ་དང་དེའི་རིགས་རྣམས་སྒྲུབ་པའི་ཐབས་མདོར་བྱས་ལས་བཤད་པའི་ཆོ་གས། །༼དེ་དག་གི་རིགས་ནི། དཔེར་ན་རྣམ་སྣང་གི་རིགས་སྤྱན་མ། གཟུགས་རྡོ་རྗེ་མ། བྱམས་པ། ས་སྙིང་། གཤིན་རྗེ་གཤེད། མི་གཡོ་བ་སྟེ། དེས་རིན་འབྱུང་སོགས་གསུམ་གྱི་རིགས་
ཀྱང་ཤེས་པར་བྱའོ། །༽རིགས་ལྔའི་བདག་ཉིད་དང༌། དེའི་རིགས་སུ་གྱུར་པའི་ལྷ་རྣམས་རང་དང་ཕྱག་རྒྱའི་ལུས་ལ་དགོད་པ་ཇི་ལྟ་ཇི་ལྟ་བར་ཏེ། ཇི་ལྟར་རིགས་པར་བྱའོ་ཞེས་པའོ།། ༈ ཡུམ་ལ་ལྷ་རྣམས་འགོད་པ་དང༌། གསང་གནས་འདུ་བྱ་བ་སོགས་ཇི་སྲིད་པ་དེ་
སྲིད་དུ་དེ་ལྟར་བྱས་པ་སྔོན་དུ་འགྲོ་བའི་ཡབ་ཡུམ་སྙོམས་པར་འཇུག་པའི་ཐིག་ལེས་དཀྱིལ་འཁོར་རྒྱལ་མཆོག་བསྐྱེད་པ་༼དེ་ལྟར་ན་ཡབ་ཀྱི་ལུས་དཀྱིལ་ལ་ལྷ་ཚང་བ་དང༌། ཡུམ་གྱི་ལུས་ལ་འགོད་པ་ན་ཁྲོ་བོ་བཅུ་བཞག་ནས་ཁྲོ་མོ་བཅུ་དང༌། བྱམས་པ་འཇམ་དབྱངས་ཀུན་བཟང་
གསུམ་མདོར་བྱས་ལས་མ་བཀོད་པ་བཞིན་དུ་བྱའོ། །༽སྲིད་པ་བསྐྱེད་པའི་རིམ་པ་བཞིན་བསྟན་པར་བྱ་བའི་ཕྱིར། ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པ་གསུངས་ཏེ། ནམ་མཁའི་དབྱིངས་ནི་རང་གི་ཕྱག་རྒྱའི་ཆོས་འབྱུང་བ་སྟེ་དེའི་དབུས་སུ་
གནས་པའི་འོ། །ཡེ་ཤེས་རྒྱ་མཚོ་བསྒོམ་པར་བྱ་ཞེས་པའི་ཡེ་ཤེས་ནི་བྱང་ཆུབ་ཀྱི་སེམས་ཐིག་ལེའོ་སོ། །རྒྱ་མཚོ་ནི་མང་པོའོ། །བདག་ཉིད་ཟླ་བའི་དབུས་གནས་པར། །ཞེས་པའི་ཟླ་བ་ནི། བཤད་མ་ཐག་པའི་ཀུན་རྫོབ་བྱང་ཆུབ་ཀྱི་སེམས་
4-2-178b


ཀྱི་དབུས་ན་གནས་པ་ནི་སྔར་དབུས་གནས་ཀྱི་དོན་དེ་ལས་བྱུང་བ་ལ་བཤད་པ་མང་བས་འདིར་ཡང་དེ་ལྟར་བྱ་ལ། བདག་ཉིད་ནི་རང་གི་ང་རྒྱལ་འཇོག་པའི་ལྷ་རྣམས་ཏེ། ལྷ་ཚང་བ་ཐིག་ལེ་སོ་སོ་ལས་བསྐྱེད་ནས་ར་བསྒོམ་པར་བྱ་ཞིང་བསམ་པར་བྱའོ། །དེའི་འོག་ཏུ་བསྐྱེད་རིམ་ལ་མཁས་པས་
མངལ་དུ་བསྐྱེད་པའི་དེ་བཞིན་གཤེགས་པ་རྣམས་འབྱིན་སྔགས་ཀྱིས་ཕྱུང་ལ་ཕྱིར་སྤྲོ་བར་བྱའོ། །ཞི་བ་རྡོ་རྗེ་འཛིན་ཅེས་པ་ལ་ཞི་བ་ནི་སེམས་རྩེ་གཅིག་པ་བརྟན་པོའོ། །བརྟན་པོ་དེ་ཉིད་རྡོ་རྗེ་ལྟར་བརྟན་པས་ན་རྡོ་རྗེ་སྟེ་དེ་འཛིན་པས་ན་ཞི་བ་རྡོ་རྗེ་འཛིན་པ་སྒྲུབ་པ་
པོ་འོ། །བདག་ཉིད་ལ་ཀྱི་དེས་ཐུན་གྱི་མཐར་དཀྱིལ་འཁོར་༼ཞེས་པ་ནི་མཚོན་པ་ཙམ་སྟེ། སྤྲོས་ནས་མཛད་པ་མཛད། གཅིག་ཏུ་འདུས་ཡེ་ཤེས་པ་དང་འདྲེས་ནས་སླར་བྱོན་ཏེ། རང་གི་གནས་སུ་དགོད་པའི་བར་རོ། །༽སྙིང་གར་ཏེ། བསྡུ་བ་དག་ཀྱང་རབ་ཏུ་བྱའོ། །གལ་ཏེ་འདོད་
ན་ཞེས་བྱ་བ་ནི་བསྡུ་བར་དང་། སྤྲོས་བ་སྟེ་སྔར་བསྐྱེད་པའི་དཀྱིལ་འཁོར་པ་རྣམས་བསྒོམས་པས་དུབ་སྟེ། གང་འདོད་པར་གྱུར་པ་དེའི་ཚེ་ན་བྱའོ་ཞེས་བྱ་བར་༼སྙིང་གར་ཏེ་བདག་ཉིད་ལ་ཞེས་འབྱུང་ངོ༌། ༸གལ་ཏེ་སྤྲོས་པ་བསྡུ་བར་འདོད་པར་གྱུར་ན་དེའི་ཚེ་བྱའོ་ཞེས་འབྱུང་ངོ༌། །
༽དགོངས་སོ།། ༈ དེ་ལྟར་བདག་ཉིད་དང་དེའི་ལུས་དཀྱིལ་གྱི་ལྷ་བསྐྱེད་པ་བསྟན་ནས་བརྟེན་པའི་ལུས་དཀྱིལ་སྒོམ་པའི་སྔོན་དུ་ཡང་ལུས་རྟེན་གྱི་དཀྱིལ་འཁོར་དུ་བསྐྱེད་པ་སྟོན་པ་ནི་རིན་པོ་ཆེ་སྣ་བཞི་ལ་སོགས་པའི་མཆོད་རྟེན་བྱ་སྟེ། ཞེས་གསུངས་པ་ལ་རིན་
པོ་ཆེ་སྣ་བཞི་ནི་ཁམས་བཞིའི་ངོ་བོ་ཉིད་སྤྱན་ལ་སོགས་པ་བཞིའོ། །དེའི་རང་བཞིན་ཡིན་པས་ན་རིན་ཆེན་སྣ་བཞིའི་རང་བཞིན་ཏེ་རང་གི་ལུས་སོ་ནོ།།༼དེའི་མཆོད་རྟེན་ནི་ལུས་དེ་ལས་གཞལ་ཡས་ཁང་བསྒོམ་པ་སྟེ། རྒྱུད་ཕྱི་མ་ལས། མཆོད་རྟེན་སངས་རྒྱས་ཐམས་ཅད་
4-2-179a


ཀྱིས། །བཞུགས་གནས་ཕོ་བྲང་ཡིན་པར་བཤད། །ཅེས་རྩ་རྒྱུད་ལས། མཆོད་རྟེན་ཞེས་གསུངས་པའི་དོན་གཞལ་ཡས་ཁང་ལ་བཤད་པའི་ཕྱིར་རོ། །༽འོད་ཟེར་འཕྲེང་བ་ནི་དཀར་པོ་ལ་སོགས་པའི་འོད་ཀྱི་ཕྲེང་བ་སྟེ། དེ་རྣམས་ཀྱིས་ལུས་གཞལ་
ཡས་ཁང་དུ་བསྐྱེད་པ་ལ་རྣམ་པར་བརྒྱན་ཅིང་མཛེས་པར་བྱས་པའོ། །ཡེ་ཤེས་རྒྱ་མཚོ་དུས་གསུམ་གྱི་ཞེས་བྱ་བ་ནི། གཞལ་ཡས་ཁང་འདི་ཉིད་ཀྱི་ཁྱད་པར་གྱི་ངོ་བོ་སྟེ། ཡེ་ཤེས་ཀྱི་རྒྱ་མཚོ་ནི་དེ་བཞིན་གཤེགས་པ་རྣམས་སོ། །དུས་གསུམ་ནི་དུས་
གསུམ་དུ་བཞུགས་པ་སྟེ། དུས་གསུམ་དུ་བཞུགས་པའི་དེ་བཞིན་གཤེགས་པ་རྣམས་ཀྱི་གནས་ཞེས་པ་ཞིང་དུ་གྱུར་པ་ཡིན་པར་རྣམ་པར་བསམ་པ་སྟེ་རང་གི་ལུས་ཀྱི་སྟེ་ལུས་ལས་མཆོད་རྟེན་དུ་སྟེ་གཞལ་ཡས་ཁང་དུ་བསྒོམས་ལ། དེ་ནས་བརྟེན་པའི་
ལུས་དཀྱིལ་སྒོམ་པ་ནས་དཀྱིལ་འཁོར་རྒྱལ་མཆོག་བསྐྱེད་པའི་བར་དུ་བྱ་སྟེ།། ༈ སྔར་ལེའུ་བདུན་པར་བཤད་པའི་བདག་གི་བ་སྤུའི་བུ་ག་རྣམས་ལས་སྙིང་གར་དྲངས་ཏེ་ཕྱིར་སྤྲོ་བ་ནི། བསྐྱེད་པའི་རིམ་པ་ལ་བྱང་བའི་མཁས་པས་མཆོད་པའི་སྤྲིན་ཏེ་ཇི་ལྟར་
འདོད་པའི་དོན་རྫོགས་པར་བྱེད་པས། སེམས་ཅན་གྱི་ཁམས་མཆོད་ཅིང་རྗེས་སུ་འཛིན་པར་མཛད་པས་ན། མཆོད་པ་སྟེ་དེ་བཞིན་གཤེགས་པའོ། །དེ་རྣམས་ཀྱི་སྤྲིན་ནི་ཚོགས་ཏེ་དེ་སྤྲོ་ཞིང་དབྱུང་བར་བྱའོ་ཞེས་པ་སྟེ། བདག་གི་ཞེས་པའི་རྐང་པ་གཉིས་
ཀྱིས་ནི་རྒྱུད་དུ་སྔར་མངལ་གྱི་ལྷ་སྤྲོ་བ་མ་བཤད་པ་འདིར་གསུངས་སོ། །སྒྲ་ཇི་བཞིན་པའོ།། ༈ ད་ནི་རིམ་པ་གཉིས་ཀྱི་རྣལ་འབྱོར་པ་གཉི་གའི་ཐུན་མོང་གི་མཆོད་པའི་ཡན་ལག་བསྟན་པར་བྱ་བའི་ཕྱིར། མཁས་པས་ཨུཏྤ་ལ་ཞེས་བྱ་བ་ལ་སོགས་པ་
4-2-179b


གསུངས་ཏེ། མཁས་པས་ཞེས་བྱ་བ་མེ་ཏོག་དང༌། ལྷའི་རིགས་ཀྱི་རྣམ་པར་དབྱེ་བ་ཤེས་པས་ཨུཏྤལ་ཏེ། དེ་ལ་དཀར་པོ་ལ་སོགས་པ་ཁ་དོག་རྣམ་པ་ལྔར་ཕྱེ་ལ། དེ་ཡང་དཀར་པོ་རྣམ་སྣང་ཞེས་སོགས་རིགས་རྣམ་པ་ལྔའི་དབྱེ་བས་ཤེས་པར་བྱ་བ་དང༌། 
དེ་བཞིན་དུ་པདྨ་ལ་ཡང་ཁ་དོག་རྣམ་པ་ལྔར་ཕྱེ་བ་ལ་རིགས་ལྔར་ཤེས་པར་བྱའོ། །ཛཱ་ཏིའི་མེ་ཏོག་ནི་སྣ་མའི་མེ་ཏོག་རྣམ་གསུམ་སྟེ། སྔོ་དཀར་དམར་གསུམ་གྱི་ཁ་དོག་གསུམ་དུ་བྱས་ལ་ལྷ་རྣམས་ལ་དབུལ་བར་བྱའོ། །དེ་བཞིན་དུ་མེ་ཏོག་ཀར་ནི་ཀཱ་ར་དང་མ་
ལི་ཀཱ་དང་ཡཱུ་ཐི་ཀ་དང་མེ་ཏོག་ཀ་ར་བཱི་ར་བསམ་ཞིང་སྟེ། མེ་ཏོག་དེ་རྣམས་བསམ་གཏན་གྱི་སྟོབས་ཀྱིས་རབ་ཏུ་བསྐྱེད་ནས་སྔགས་པས། དེ་བཞིན་གཤེགས་པ་ཐམས་ཅད་ལ་མཆོད་པར་བྱའོ། །ཞེས་བྱ་བ་སྟེ། དྲང་བའི་དོན་ཏོ།། ༈ མེ་ཏོག་གི་མཆོད་
པའི་ངེས་དོན་ལུང་སྟོན་གྱི་ལུང་གིས་བཤད་པར་བྱ་སྟེ། གང་ཞིག་རྩ་བ་དང་ཡན་ལག་གི་རླུང་ནི་བཅུར་༼དངོས་སུ་མ་འབྱོར་ན་ཡིད་ཀྱིས་བསྐྱེད་པར་སྐལ་ལྡན་གྲགས་པས་བཤད་དོ། །༽བསྒྲགས་པ། །དེ་ནི་པདྨ་ལྔ་དང༌། ཨུཏྤལ་ལྔའི་མིང་། །ཅན་བཅུའོ། །རླུང་གི་དེ་
ཉིད་ལྡང་འཇུག་གནས་གསུམ་ཞེ་ཅེས་གྲགས་པའི་རྡོ་རྗེ་སྟེ། རླུང་སྔགས་དབྱེར་མི་ཕྱེད་པ་གསུམ་ནི། །ཛཱ་ཏིའི་མེ་ཏོག་གཅིག་པུ་ལ་རིགས་གསུམ་དུ་འདོད་པའོ། །ཀར་ནི་ཀཱ་ར་མ་ལི་ཀཱ། ཡཱུ་ཐི་ཀ་ར་བཱི་ར་བཞི་ནི། །གོ་རིམ་བཞིན་དུ་སྤྱན་སོགས་ལྷ་མོ་བཞི་
སྟེ་ཏེ། །དེ་ཡང་དབང་ཆེན་ཏེ། ས་རླུང་ནས་རླུང་གི་རླུང་བཞི་སོགས་པར་འདིར་སྦྱར་ཏེ། རྩ་བའི་རླུང་བཞིའོ་རོ། །ཟབ་མོ་རྡོ་རྗེ་བཟླས་པའི་རྣལ་འབྱོར་ལ་བརྟེན་ནས་དངོས་མེད་འོད་གསལ་གྱི་གོ་འཕང་ལ་དགོད་པ་སྟེ། དེར་ཞུགས་ནས། །ལྷ་རྣམས་ཀྱི་ནི་ཟུང་
4-2-180a


འཇུག་གི་སྐུར་སྦྱོར་བ་ནི། །མཐའ་གཅིག་ཏུ་སངས་རྒྱས་ཀུན་མཉེས་པའི། །མཆོད་པ་ཆེན་པོར་མཆོད་པ་དེ་འགྱུར་རོ། །ངེས་དོན་དུ་བཤད་པ་དེ་ཉིད་མེ་ཏོག་གི་མཆོད་པ་ཡིན་པར་སྟོན་པས་དགོངས་ནས་ཏེ། པ་ལ། །ཕྱི་མའི་
དུས་ཀྱི་སྐྱེ་བོས་དེའི་ངེས་དོན་མི་ཤེས་ཏེ། །དེ་མ་རྟོགས་པས་ན་སེམས་ཅན་དེ་རྣམས་ཀྱི། །དངོས་གྲུབ་མཆོག་རིང་དུ་གནས་པར་འགྱུར་རོ། །དེ་ལྟར་མ་ཤེས་པས་ལམ་འདི་ནི་བདག་གི་སྐལ་བ་མིན་ནོ་ཞེས། །ཟེར་ནས་བདག་ཉིད་སྨོད་པར་བྱེད། །སྨོད་ལུགས་
དེ་བཞིན་དུ་བདག་ཉིད་སྨད་པས་ན། །སངས་རྒྱས་ཐམས་ཅད་སྨད་པར་འགྱུར་རོ། །སངས་རྒྱས་ཐམས་ཅད་སྨད་གྱུར་པས། །མྱ་ངན་ལས་འདས་པ་ལས་གཞན་དུ་སྟེ། རྒྱབ་ཀྱིས་ཕྱོགས་པར་འགྲོའོ། །ཞེས་གསུངས་པ་སྟེ། ངེས་པའི་དོན་
ཏོ། །༼ངེས་པའི་དོན་དུ་བཤད་པ་འདིས་ནི་རླུང་བཅུའི་ནང་ནས་ཁྱབ་བྱེད་དོར་བའི་རྩ་བའི་རླུང་བཞི་དང༌། ཡན་ལག་གི་རླུང་ལྔ་ལ་དམིགས་ནས་རླུང་སྔགས་དབྱེར་མེད་པའི་རྡོ་རྗེའི་བཟླས་པ་བྱས་པས་སྟོང་པ་བཞི་འདྲེན་པ་སོགས་བྱེད་པས་དངོས་གྲུབ་མྱུར་བ་དང༌། དེའི་གནད་མི་ཤེས་ན་དངོས་གྲུབ་རིང་བར་
གསུངས་པས་ཟབ་མོ་རྡོར་བཟླས་ཀྱི་གནད་ཤེས་པར་བྱའོ། །ཡང་ཞུམ་དྲགས་ནས་རང་ལ་སྨོད་པ་ཡང་ཉེས་དམིགས་ཆེ་བར་གསུངས་པས། དེ་འབད་པས་དགག་པར་བྱའོ།། ༈ ད་ནི་རིམ་གཉིས་ཀྱི་རྣལ་འབྱོར་པ་གཉི་གའི་ཐུན་མོང་གི་གསང་བའི་དབང་བསྐུར་བའི་
དཀྱིལ་འཁོར་བསྟན་པར་བྱ་བའི་ཕྱིར། དཔག་ཚད་བརྒྱ་ཡི་ཞེས་བྱ་བ་ལ་སོགས་པ་གསུངས་ཏེ། ངོས་རེ་ཞིང་དཔག་ཚད་ཉི་ཤུ་རྩ་ལྔ་ཡོད་པས་ན་དཔག་ཚད་བརྒྱ་ཡི་ཁྱོན་ཙམ་དུ་ཞེས་བྱའོ། །འཁོར་ལོའི་སྒྲའི་ཉེ་བར་མཚོན་པས་འཁོར་ལོ་ནི་
4-2-180b


རྣམ་པར་སྣང་མཛད་ཉིད་ལ་བྱ་བར་འདོད་པས་དེའི་དཀྱིལ་འཁོར་ནི་འཁོར་ལོའི་དཀྱིལ་འཁོར་རོ། །བསྒོམ་བྱས་ལ་ཞེས་བྱ་བ་ནི་བསྐྱེད་པ་སྟེ། ཡིད་ཀྱིས་སྐྱེད་པའི་བསམ་གཏན་གྱི་དཀྱིལ་འཁོར་རམ་སམ་ཡང་ན་ཐིག་ཚོན་གྱིས་བྲི་བས་ཏེ། བྲིས་པ་ལ་ཡིད་ཀྱིས་
དཀྱིལ་འཁོར། བསྐྱེད་པར་བྱའོ། །གྲུ་བཞི་ཞེས་བྱ་བ་ལ་སོགས་པ་ནི་འོག་ནས་བཤད་པ་འདིར་ཡང་སྦྱར་བར་བྱའོ། །རྣམ་པར་མཁས་པས་རྟག་པར་ནི་ཞེས་པ་ནི་དཀྱིལ་འཁོར་དུ་མཚན་མ་འགོད་པ་ལ་བག་ཡོད་པས་དུས་ཐམས་ཅད་དུའོ། །རིགས་རྣམས་
ནི་མི་བསྐྱོད་པ་ལ་སོགས་པའི་རིགས་རྣམས་ཏེ། འདི་རྣམ་སྣང་གིས་གཙོ་བོ་བྱས་པའི་དཀྱིལ་འཁོར་ཡིན་པས་མི་བསྐྱོད་པ་ཤར་དང༌། རིན་འབྱུང་སོགས་ལྷོ་ལ་སོགས་པའི་ཕྱོགས་སུ་དགོད་པར་བྱའོ། །དེ་ཡང་ཇི་ལྟར་འཁོར་ལོའི་དཀྱིལ་འཁོར་གྱི་སྒྲས་རྣམ་
པར་སྣང་མཛད་ཀྱི་དཀྱིལ་འཁོར་སྟོན་པ་དེ་བཞིན་དུ་པདྨ་ནི་འོད་དཔག་ཏུ་མེད་པའི་དཀྱིལ་འཁོར་རོ། །རྡོ་རྗེའི་དཀྱིལ་འཁོར་ནི་མི་བསྐྱོད་པའི་དཀྱིལ་འཁོར་རོ། །རལ་གྲིའི་དཀྱིལ་འཁོར་ནི་དོན་ཡོད་པར་གྲུབ་པའི་དཀྱིལ་འཁོར་རོ། །ཨུཏྤལ་ཞེས་བྱ་བ་ནི་
རིན་པོ་ཆེ་སྟེ།  ཏ་ཞེས་བྱ་བ་ནི་སྡེབ་སྦྱོར་གྱི་དོན་དང་མི་འགལ་བའོ། །དེ་བས་ན་དེ་བཞིན་དུ་ཨུཏྤལ་ནི་རིན་ཆེན་འབྱུང་ལྡན་གྱི་དཀྱིལ་འཁོར་ཡིན་པར་མཁས་པས་བསྒོམ་ཞིང་ཤེས་པར་བྱའོ། །དེ་ཡང་དཔག་ཚད་ནས་བརྩམས་ཏེ་དཔག་ཚད་༼
ཞེས་པ་ནི་ཨུ་པ་ལ་ནི་རིན་པོ་ཆེའི་རིགས་ཀྱི་རྡོ་ཡིན་ལ། དེ་ལ་ཏ་ཡིག་བསྣན་པས་ནི་སྡེབ་སྦྱོར་དང་མཐུན་པའི་དོན་དུའོ། །འདི་ཆག་འགྱུར་དང་མཐུན་ཞིང་མཁས་པ་དག་ཀྱང་དེ་ལྟར་སྨྲའོ། །༽བྱེ་བའི་བར་གྱི་ཁྱོན་ཙམ་ཇི་ལྟར་འདོད་ཅིང་དགའ་བའི་དབང་དུ་དཀྱིལ་འཁོར་བྱའོ། །
4-2-181a


མཆོད་རྟེན་དང་འདྲ་བས་ན་མཆོད་རྟེན་ཏེ་དཀྱིལ་འཁོར་རོ། །རིན་པོ་ཆེ་སྣ་བཞིའི་བདག་ཉིད་ཅན་གྱི་དཀྱིལ་འཁོར་ཡིན་པས་ན་རིན་ཆེན་སྣ་བཞི་པའོ། །གསལ་བ་ནི་ཤེལ་དང་འདྲ་བ་སྟེ་འདིས་ནི་ཁ་དོག་དཀར་པོ་ཡོངས་སུ་
གཟུང་ངོ༌། །རང་བཞིན་དྲི་མ་མེད་ཅེས་བྱ་བ་ནི། ལེའུ་བཞི་པར་བཤད་པའི་དཀྱིལ་འཁོར་གྱི་དེ་ཁོ་ན་ཉིད་ཀྱི་བདག་ཉིད་ཅན་ཡིན་པས་སོ། །རིགས་རྣམས་ཏེ་རིགས་ལྔ་རྣམས་ཀྱི་གནས་དང་གཞིར་གྱུར་པར་ཤེས་རབ་ཅན་ཏེ་གསང་བའི་དབང་བསྐུར་བ་
ཤེས་པའི་རྣལ་འབྱོར་པས་མཆོད་པའི་ཕྱིར་ཏེ། གསང་བའི་དབང་བསྐུར་བའི་ཕྱིར་བསྒོམ་པར་བྱའོ་ཞེས་བྱ་བའི་བར་དུའོ།། ༈ དེ་ལྟར་བླ་མའི་བྱ་བ་དབང་བསྐུར་བའི་སྔོན་དུ་དཀྱིལ་༼ཞེས་པ་འདི་གནས་སུ་བསྒོམ་ཞེས་པའི་གནས་དེ་ཡིན་ནོ། །
དཔག་ཚད་བརྒྱ་ཡིས་ཞེས་པ་ནས། གནས་སུ་བསྒོམ་ཞེས་པའི་བར་གྱིས་སྔར་ས་ཕྱོགས་སུ་བྱུག་ཅིང་དཀྱིལ་འཁོར་བྱའོ། །ཞེས་པ་རྒྱས་པར་བཤད་ལ། བསམ་གཏན་གྱི་དཀྱིལ་འཁོར་ཡང་བསྟན་ནོ། །༽འཁོར་གཉིས་བྱ་བ་བསྟན་པའི་འོག་ཏུ། གསང་བའི་དབང་བསྐུར་
བ་ཐོབ་པར་འདོད་པའི་སློབ་མས་ལྷ་དང་བླ་མ་ལ་གང་ཞིག་བྱ་བ་དེ་བསྟན་པར་བྱ་བའི་ཕྱིར། འདོད་པའི་ཡོན་ཏན་ཞེས་བྱ་བ་ལ་སོགས་པ་གསུངས་ཏེ། འདོད་པའི་ཡོན་ཏན་ལྔ་ནི་གཟུགས་ལ་སོགས་པའི་ཡུལ་ལྔའོ། །འདོད་ཡོན་ལྔ་པོ་དེ་
རྣམས་ཀྱིས་དེ་ལ་ཞེས་བྱ་བ་སྟེ། རྟེན་གྱི་དཀྱིལ་འཁོར་ལ་བརྟེན་པར་གྱུར་པའི་ལྷ་རྣམས་དང༌། བླ་མ་ལ་མཆོད་པ་རྒྱ་མཚོ་སྟེ། མཆོད་པ་སྣ་ཚོགས་པའི་རྒྱ་མཚོ་བརྩམ་པར་བྱ་ཞིང་སྟེ། བརྩམ་པའི་བྱ་བ་ལ་འཇུག་པར་བྱའོ། །འདོད་པའི་ཡོན་
4-2-181b


ཏན་ལྔ་པོ་དེ་ཉིད་སྤྲོས་ཏེ་བསྟན་པར་བྱ་བའི་ཕྱིར། རིན་ཆེན་ཞེས་བྱ་བ་ལ་སོགས་པ་གསུངས་ཏེ། རིན་པོ་ཆེ་ནི་པདྨ་རཱ་ག་ལ་སོགས་པ་བདུན་ནོ་འོ། །ན་བཟའ་ནི་དར་དང་བ་ལ་སོགས་པ་སྟེ། མིག་གི་དབང་པོའི་ཡུལ་བསྟན་ནས། །སོགས་པའི་སྒྲས་ནི་རྣ་
བའི་དབང་པོ་ལ་སོགས་པ་དབང་པོ་ལྷག་མ་བཞིའི་ཡུལ་སྒྲ་སྙན་པ་དྲི་ཞིམ་པ། རོ་ཞིམ་པ། རེག་བྱ་འཇམ་པ་རྣམས་སྟོན་པ་ཡིན་ནོ། །དེ་རྣམས་ཀྱིས་མཆོད་པ་དེ་༼འདི་ལ་དར་ཆེན་དང་བ་དང༌། ཀ་ཤིའི་དར་ཞེས་ཀྱང་བསྒྱུར་རོ། །༽དགོས་པ་ཅིའི་ཕྱིར་ཞེ་ན། བྱང་ཆུབ་
འདོད་པས་ཏེ་དྲི་མའི་རྙོག་པ་ཐམས་ཅད་འཁྲུད་པས་ཡེ་ཤེས་སྐྱེད་པར་བྱེད་པའི་ཕྱིར་བྱང་ཆུབ་སྟེ། གསང་དབང་བསྐུར་བའོ། །དབང་དེ་འདོད་ཅིང་སྟེ། ཐོབ་པར་འདུན་པས་མཆོད་པར་བྱའོ། །རྟག་ཏུ་ཞེས་པ་ནི་ཇི་སྲིད་དུ་དབང་བསྐུར་བ་བརྩམས་ནས་ཡོངས་སུ་རྫོགས་
ཀྱི་བར་དུ་ཉིན་རེ་ཞིང་མཆོད་ཅིང་མཉེས་པར་བྱའོ། །མཆོད་པ་རྣམ་པ་ལྔ་ནི་མེ་ཏོག་ལ་སོགས་པའོ། །དེས་མཆོད་པས་ན་མཆོད་པ་རྣམ་པ་ལྔའོ། །དེ་རྣམས་ཀྱི་མཆོག་ནི་དེ་དག་གི་ནང་ནས་ཤིན་ཏུ་ཕུལ་དུ་བྱུང་བས་སོ། །རྟག་ཏུ་ལྷ་རྣམས་དང་བླ་མ་མཉེས་པར་བྱའོ།། 
༈ ལྷ་རྣམས་དང་བླ་མའི་ཐུན་མོང་གི་མཆོད་པ་བསྟན་ནས། བླ་མའི་ཁྱད་པར་གྱི་མཆོད་པ་བསྟན་པའི་ཕྱིར། རིན་ཆེན་འབྱུང་གནས་ཞེས་བྱ་བ་ལ་སོགས་པ་གསུངས་ཏེ། རིན་ཆེན་ནི་འཁོར་བ་ཇི་སྲིད་བར་གནས་པ་འབྲས་བུའི་སྐབས་ཀྱི་མཆོག་ཏུ་ཟག་
པ་མེད་པའི་བདེ་བ་ཆེན་པོའོ། །བདེ་ཆེན་དེ་སྐྱེད་པའི་ཞིང་དུ་གྱུར་པས་འབྱུང་གནས་སོ། །ན་ཆུང་ནི་ལང་ཚོ་མ་ཉམས་པའོ། །མཆོག་ནི་ཕྱག་རྒྱ་རིགས་བཞིའི་མཆོག། བུད་མེད་ཀྱི་ཡོན་ཏན་ཐམས་ཅད་དང་ལྡན་པའི་ཕྱིར་རོ། །པདྨ་ཅན་ཏེ་ནོ། །རིན་ཆེན་སྣ་ཚོགས་
4-2-182a


མཆོག་གིས་བརྒྱན་ཅེས་བྱ་བ་ནི། རིན་པོ་ཆེ་དཔག་ཏུ་མེད་པ་ཐ་དད་པ་དུ་མ་དང༌། གོཾས་དང་དྲི་དང་བྱུག་པ་ལ་སོགས་པས་བརྒྱན་པ་སྟེ། དེ་ལྟ་བུའི་བུ་མོ་ཡིད་དུ་འོང་བའི་གཟུགས་ཅན་དབུལ་བར་བྱའོ། །དེ་འབུལ་བ་དགོས་པ་ཅིའི་
ཕྱིར་ཞེ་ན། སྒྲུབ་ཚེ་རབ་ཏུ་འགྲུབ་པའི་ཕྱིར་ཞེས་བྱ་བ་གསུངས་ཏེ། བསྒྲུབ་ཅིང་བསྐྱེད་པ་ཡིན་པས་ན་སྒྲུབ་པ་སྟེ་འབྲས་བུ་ཐ་མལ་པ་ཐུན་མོང་གི་དངོས་གྲུབ་བོ་འོ། །རབ་ཏུ་འགྲུབ་པ་ནི་ཁྱད་པར་ཅན་འགྲུབ་པ་སྟེ། གང་ཡིན་ཞེ་ན། སངས་རྒྱས་ཉིད་
དེ་འདི་འགྲུབ་༼རྒྱུད་དུ་སྒྲུབ་ཚེ་ཞེས་པའི་ཚེ་ནི་འགྱུར་གསར་གཉིས་ལ་མེད་དོ། །༽པའི་ཕྱིར་ཞེས་པ་ནི་འགྲུབ་པའི་རྒྱུར་དབུལ་བར་བྱ་བའོ། །གང་ལ་དབུལ་ན། སངས་རྒྱས་ཀུན་ལ་དབུལ་བར་བྱ་ཞེས་བྱ་བ་ལ། སངས་རྒྱས་ཐམས་ཅད་ཀྱི་རང་བཞིན་ཡིན་
པས། བླ་མ་གཅིག་པུ་ལའང་སངས་རྒྱས་ཐམས་ཅད་ཀྱི་སྒྲས་རྣམ་པར་བརྗོད་དེ་དེ་ལ་དབུལ་ཞིང་རབ་ཏུ་བསྟབ་པར་བྱའོ།། ༈ ཡུལ་བླ་མ་ལ་ཁྱད་པར་ཅན་གྱི་རྫས་དབུལ་བར་བྱ་བལ་འི་དོན་དུ་འདི་ཙམ་ཞིག་ཏུ་ཞེས་ཚད་ཡོངས་སུ་ཆད་
པ་མེད་པར་བསྟན་པར་བྱ་བའི་ཕྱིར། ཞིང་འདིར་རིན་ཆེན་སྣ་བདུན་གྱིས་ཞེས་བྱ་བ་ལ་སོགས་པ་གསུངས་ཏེ། པདྨ་རཱ་ག་དང༌། ཨིནྡྲ་ནཱི་ལ་དང་། བཻཌཱུརྱ་དང༌།༼དབུལ་བར་བྱ་བའི་ཆོས་ལ་འདི་ཙམ་ཞིག་ཏུ་ཡོངས་སུ་ཆད་པ་མེད་པར་ཞེས་འབྱུང་ངོ༌། །
༽མརྒད་དང༌། རྡོ་རྗེ་དང་མུ་ཏིག་དང་བྱུ་རུ་ཞེས་བྱ་བ་རིན་པོ་ཆེ་སྣ་བདུན་གྱིས་ཡོངས་སུ་བཀང་བའི་ཞིང་འདི་ཉིན་རེ་ཞིང་དབུལ་བར་བྱ་བའམ། བུད་མེད་དེ། བཙུན་མོ་རིན་པོ་ཆེ་དང་སྐྱེས་པ་སྟེ། ཁྱིམ་བདག་དང༌། ཡིད་བཞིན་ནོར་བུ་རིན་པོ་ཆེ་དང་
4-2-182b


འཁོར་ལོ་དང་རལ་གྲི་དང་གླང་པོ་དང་རྟ་རིན་པོ་ཆེ་ཡང་ན། མཁས་པ་སྟེ་བསོད་ནམས་དང་ཡེ་ཤེས་ཀྱི་ཚོགས་གསོག་པ་ལ་མཁས་པས་ཉིན་རེ་ཞིང་དབུལ་བར་བྱའོ། །ཤེས་རབ་ཅན་ནི་རབ་ཀྱི་མཐར་ཐུག་པའི་ཡེ་ཤེས་དང་ལྡན་ཞིང་ཡེ་ཤེས་འདོད་པས། ༼
འཛིན་པའི་དམག་དཔོན་ཞེས་གྲགས་པ་བློན་པོ་རིན་པོ་ཆེ་ཡིན་གྱི། ཉེ་བའི་རིན་པོ་ཆེའི་རལ་གྲི་ནི་མ་ཡིན་ནོ། །༽བླ་མ་ལས་གཉིས་སུ་མེད་པའི་ཡེ་ཤེས་སོ་སོར་རྟོགས་པར་བྱ་བར་༼ཞེས་པ་ལ་ཤེས་རབ་ཅན་ནི་རབ་ཏུ་གསལ་བའི་ཤེས་པ་དང་ལྡན་པའོ། །ཞེས་པ་ལྟར་བྱའོ། །༽འདོད་
ཅིང༌། བླ་མ་དེའི་མན་ངག་གིས་ཕྱག་རྒྱ་ཆེན་པོའི་དངོས་གྲུབ་སྒྲུབ་པར་འདོད་པའི་ཤེས་རབ་ཅན་གྱིས་དབུལ་བར་བྱའོ་ཞིང་། དངོས་སུ་འབུལ་རྒྱུ་མེད་ན་བསམ་གཏན་གྱིས་ཏེ། བསྒོམས་ནས་ཀྱང་རྒྱལ་སྲིད་སྣ་བདུན་པོ་ཐམས་ཅད་བསྐྱེད་ནས་དབུལ་བ་པར་
བྱའོ་ཞེས་པའོ།། ༈ ། དེ་ལྟར་སློབ་མས་མཆོད་པའི་ཡོ་བྱད་ཐམས་ཅད་བསྟབས་ནས་ཏེ་བསྟབས་པ་ལ་བླ་མས་ཅི་ཞིག་བྱ་ཞེ་ན། བདག་པོའི་ཕྱག་རྒྱར་ཞེས་བྱ་བ་ལ་སོགས་པ་གསུངས་ཏེ། སྔར་རིགས་སོ་སོ་བའི་དཀྱིལ་འཁོར་ཇི་ལྟར་བཤད་པ་དེ་ལྟར་
རང་གི་༼འདི་ནི་མཆོད་པ་གཞན་ལའང་འདྲ་བས་ན་ཆུང་གིས་མཆོད་པར་གསུངས་པ་ལའང་བསམ་གཏན་གྱིས་ཀྱང་བསྐྱེད་ནས་བླ་མ་སོགས་ལ་ཕུལ་ན། རྒྱུ་མཐུན་གྱི་འབྲས་བུའི་གནད་ཀྱིས་ཁྱད་པར་ཤིན་ཏུ་ཆེའོ།། ༼རིགས་ཀྱི་དཀྱིལ་འཁོར་གྱི་བདག་པོའི་ཕྱག་རྒྱ་ཆེན་པོ་གང་
ཡིན་པ་དེར་མཉམ་པར་བཞག་ནས་ཏེ། དཀྱིལ་འཁོར་གྱི་གཙོ་བོའི་ང་རྒྱལ་འཛིན་པའི་དཀྱིལ་འཁོར་གྱི་སློབ་དཔོན་གྱིས་སློབ་མས་ཕུལ་བའི་ན་ཆུང་ལ་སོགས་པ་བླང་བར་བྱའོ། །སངས་རྒྱས་དཀྱིལ་འཁོར་དབུས་དག་ཏུ། །ཞེས་པ་ནི། དེ་བཞིན་གཤེགས་པའི་
4-2-183a


ལྷའི་འཁོར་ལོའི་དབུས་སུ་རེག་པའི་བདེ་བ་དབུལ་ཞེས་སྦྱར་རོ་འོ། །འདོད་ཆགས་ནི་བདེ་བ་ཆེན་པོའོ། །གང་ཟག་གང་གི་བློ་བདེ་བ་ཆེན་པོ་དེར་འཇུག་པ་དེ་དང་ལྡན་པ་ནི་འདོད་ཆགས་བློ་ཅན་ཏེ། འདོད་ཆགས་ཀྱི་བློ་ཅན་དེ་རྣམས་ཀྱི་
སངས་རྒྱས་ཏེ་དེ་བཞིན་གཤེགས་པ་རྣམས་ལ་རེག་པའི་སྦྱོར་བ་སྟེ། རིག་མ་རེག་རྡོ་རྗེར་བསྐྱེད་པ་དང༌། མཉམ་པར་སྦྱར་བ་ལས་བྱུང་བའི་བདེ་བ་དབུལ་བར་བྱའོ།། ༈ དཀྱིལ་འཁོར་གྱི་གཙོ་བོའི་ང་རྒྱལ་གྱིས་ཡུམ་དང་སྦྱར་བའི་བདེ་བ་དབུལ་བའི་གཙོ་བོར་སྐྱེད་
ལུགས་དེ་ཡང་ཇི་ལྟར་ཞེ་ན། ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པ་གསུངས་ཏེ། གཙོ་བོར་བསྐྱེད་ཚུལ་ནི་ནམ་མཁའི་དབྱིངས་ནི་ནམ་མཁའ་སྟོང་པ་ཉིད་དེ། ཡེ་ཤེས་ཀྱི་ས་བསྐྱེད་པའོ་སྟེ། །སྟོང་པ་ཉིད་དེའི་དབུས་ན་གནས་པར། རྟེན་གྱི་དཀྱིལ་
འཁོར་དང་། དེར་ལྷག་མོས་ཀྱི་ལྷ་བཀོད་པ་བསྒོམ་པར་བྱ་ཞིང་བསམ་པར་བྱའོ། །དེ་ལྟར་ལྷག་མོས་ཀྱི་རྟེན་དང་བརྟེན་པའི་དཀྱིལ་འཁོར་བསམས་ནས་དེ་ནས་ཅི་ཞིག་བྱ་སྙམ་ན། ལྷག་མོས་ཀྱི་ལྷ་རྣམས་རང་ལ་བསྡུས་ཏེ། འོད་གསལ་དུ་གཟུགས་ཀྱི་ཕུང་པོ་ལ་
སོགས་པའི་ངོ་བོར་གྱུར་པའི་རྣམ་པར་སྣང་མཛད་ལ་སོགས་པའི་ལུས་དཀྱིལ་འགོད་པའི། འོད་གསལ་དུ་གཞུག་པ་དེ་ཅིའི་ཕྱིར་བྱེད་ཅེ་ན། ཡེ་ཤེས་ཀྱི་རང་བཞིན་གྱི་སྐུ་མངོན་བྱང་ལྔས་རྡོ་རྗེ་འཆང་དུ་བསྐྱེད་པ་སྤྲུལ་སྐུར་བསྒྱུར་པ་ལ་སྤྲུལ་པའི་སྐུ་འཛིན་པར་བྱ་བའི་
ཕྱིར་རོ། །གཞུག་པར་བྱའོ། །ལྷག་མོས་འོད་གསལ་དུ་བཅུག་པ་དེ་ནས་བདག་གི་ལུས་མངོན་བྱང་རྣམས་ལས་རྡོ་རྗེ་འཆང་ཆེན་པོའི་ངོ་བོ་ཉིད་ཀྱི་བདག་ཉིད་ཀྱི་ལུས་སུ་བསྐྱེད་པ་སྤྲུལ་སྐུར་བསྒྱུར་བ་དེ་དེ་བཞིན་གཤེགས་པ་སྟེ། རྣམ་པར་སྣང་མཛད་ལ་
4-2-183b


སོགས་པ་དེ་བཞིན་གཤེགས་པ་ཐམས་ཅད་ཀྱི་ཕྲ་རབ་ལས་བསྒྲུབས་པར་ཡོངས་སུ་བསྐྱེད་པར་བྱས་ལ། །སྟེ་བྱས་པའི་བླ་མ་ལ་ཞེས་སྦྱར་རོ། །བླ་མ་ལ་བཤང་བ་སྟེ་ཡུལ་དང༌། གཅི་བ་སྟེ་དབང་པོ་ཡིན་པས་ན། རིག་མའི་གཟུགས་ལ་སོགས་པའི་
ཡུལ་དང་དབང་པོ་རྣམས་ཀྱིས་ཏེ། དེའི་ལུས་ཀྱིས་བླ་མ་ལ་༼ཤིན་ཏུ་རྣལ་འབྱོར་གྱི་བར་དུ་བསྐྱེད་པ་འདི་ཙམ་གྱིས་ཀྱང་མི་ཆོག་གི། དཀྱིལ་འཁོར་རྒྱལ་མཆོག་ཚང་བར་བསྐྱེད་པའི་གཙོ་བོ་གང་ཡིན་དེའི་ང་རྒྱལ་འཛིན་པའི་བླ་མ་ལ་བདེ་བ་དབུལ་ཞེས་པའི་དོན་ནོ། །འདིར་རྡོ་རྗེ་འཆང་དུ་བསྐྱེད་
པར་གསུངས་པ་ནི་རིགས་ལྷག་མ་ལྔ་ཡང་མཚོན་པ་ཙམ་སྟེ་སྔར་བཤད་ཟིན་ཏོ། །༽མཆོད་ཅིང་རྗེད་པས་ཚིམ་པར་བྱའོ། །རིག་མའི་མཆོད་པ་དེ་ཉིད་ནི་བཞིན་བཟང་ཞེས་བྱ་བ་ལ་སོགས་པས་སྟོན་ཏེ། བཞིན་བཟང་ཞེས་པ་ནི་དགའ་བས་སེམས་རབ་ཏུ་དང་བའི་
ཡིད་ཚིམ་པར་བྱེད་པའི་ཕྱིར་ཏེ་ཡིད་དུ་འོང་བའོ། །ན་ཆུང་ནི་སློབ་མས་བསྟབས་པའོ། །བྱིན་གྱིས་བརླབས་ཀྱི་གནས་བསམས་ཏེ། ལུས་ལ་ལྷག་པར་གནས་པར་བྱེད་པས་ན་བྱིན་གྱིས་རློབ་པ་སྟེ་རྣམ་པར་སྣང་མཛད་ལ་སོགས་པའོ། །དེ་རྣམས་ཀྱི་
གནས་ནི་ཡི་གེ་ཨོཾ་ལ་སོགས་པའི་ས་བོན་རྣམས་ཏེ། དེ་རྣམས་ཕྱག་རྒྱའི་ལུས་ལ་སྔར་བཤད་པ་ལྟར་གནས་ཇི་ལྟ་བ་བཞིན་དུ་བསམ་ཞིང་རྣམ་པར་དགོད་པས། རིགས་ལྔས་བྱིན་གྱིས་བརླབ་པ་བྱས་ལ་སངས་རྒྱས་མཆོད་པ་སྟེ། དེ་ཁོ་
ན་ཉིད་ཀྱི་མཆོད་པ་སྙོམས་པར་འཇུག་པའི་མཚན་ཉིད་ཅན་རབ་ཏུ་བརྟག་ཅིང་༼སྟེ་ཚུལ་དེ་ལ་ལྷག་པར་གནས་པར་བྱའོ། །༽བྱིན་གྱིས་བརླབ་པར་བྱའོ། །འདི་ཉིད་ནི་ཕྱིའི་མཆོད་པ་ལ་ལྟོས་ནས་དེ་ཁོ་ན་ཉིད་ཀྱི་མཆོད་པ་ཞེས་བྱ་སྟེ། ཆགས་པ་
4-2-184a


མཆེད་པ་དང༌། ཆགས་པ་དང༌བྲལ་བ་སྣང་བ་དང༌། ཆགས་པ་བར་མཉེར་ཐོབ་ཀྱི་འི་རིམ་གྱིས་ཉོན་མོངས་པ་རྣམ་པར་དག་པར་བྱེད་པའི་གནས་འོད་གསལ་མངོན་སུམ་དུ་བྱེད་པའི་ཕྱིར་རོ།། ༈ མིག་བཟང་སྟེ་བུད་
མེད་ཀྱི་ཕྱག་རྒྱའོ། །བརྟན་པའི་བློ་ལྡན་པ་སྟེ་བྱང་ཆུབ་ལས་མི་༼ཆག་གིས། མིག་ཡངས་ཁུ་བ་བླངས་ནས་ནི། །ཞེས་པ་ལ་སྙོམས་པར་འཇུག་པའི་མཆོད་པའི་འོག་ཏུ། མིག་ཡངས་ནི་བུད་མེད་དེ་ཁུ་བ་བླངས་ནས་ནི། ཕྱག་རྒྱའི་པདྨ་ལ་གནས་པའི་བྱང་ཆུབ་ཀྱི་སེམས་བླངས་ནས། བྱང་ཆུབ་ལས་
མི་གཡོ་བའི་བསམ་པ་དང་ལྡན་པའི་ཕྱིར། བརྟན་པའི་བློ་དང་ལྡན་པ་སྟེ། རྡོ་རྗེ་སློབ་མས་བླ་མས་བྱིན་པ་འདིས་རང་གི་ལུས་ལ་གནས་པའི་དེ་བཞིན་གཤེགས་པ་ཐམས་ཅད་ཚིམ་པར་བྱའོ། །ཞེས་བསམས་ནས་བཟའ་ཞིང་སྤྱད་པར་བྱའོ། །ཞེས་བསྒྱུར་བ་འདི་ཉིད་བདེའོ། །སྙོམས་པར་ཞུགས་པའི་པདྨ་ལ་གནས་པའི་
བྱང་ཆུབ་ཀྱི་སེམས་ནི། པདྨ་ལ་གནས་པའི་བླ་མའི་རྡོ་རྗེའི་བྱང་ཆུབ་ཀྱི་སེམས་དང༌། ཡུམ་གྱི་བྱང་ཆུབ་ཀྱི་སེམས་གཉིས་ཀ་དགོས་པས། ཡབ་དང་ཡུམ་ལས་ཐོབ་པའི་གསང་དབང་གཉིས་བསྐུར་བ་ཤེས་པར་བྱའོ།། ༽། གཡོ་བས་བསམ་པས་ཁུ་བ་བླངས་ནས་ཏེ། སྙོམས་པར་
འཇུག་པའི་མཆོད་པའི་འོག་ཏུ་པདྨ་ལ་གནས་པའི་བྱང་ཆུབ་ཀྱི་སེམས་བླངས་ལ་བཟའ་བར་བྱ་སྟེ། སློབ་མ་ལ་བླ་མས་བྱིན་པ་འདིས་རང་གི་ལུས་ལ་གནས་པའི་དེ་བཞིན་གཤེགས་པ་ཐམས་ཅད་ཚིམ་པར་བྱའོ་ཞེས་བསམས་ནས་བཟའ་བར་བྱ་
ཞིང་སྤྱད་པར་བྱའོ།། ༈ བླ་མས་ཀྱང་ཡབ་ཡུམ་གྱི་བྱང་ཆུབ་ཀྱི་སེམས་ཕྱུང་བ་དུང་ཕོར་ལ་སོགས་པར་བཞག་ལ། དྲི་བཟང་པོའི་ཆུ་དང་བསྲེས་ལ་བཀྲ་ཤིས་ཀྱི་ཚིགས་སུ་བཅད་པ་ལ་སོགས་པ་སྔོན་དུ་འགྲོ་བས། སྤྱི་བོར་གཏོར་ཞིང་
4-2-184b


འཐུང་དུ་གཞུག་ལ་སློབ་མ་དབང་བསྐུར་བར་བྱ་སྟེ། བཅོམ་ལྡན་འདས་ཀྱིས་ཇི་སྐད་དུ་ཟླ་གསང་ཐིག་ལེ་ལས། བྱང་ཆུབ་སེམས་ནི་རིན་ཆེན་འབར་བ་ཞེས་པའི། རྡོ་རྗེ་དང་པདྨའི་ནང་ནས་ཕྱུང་བས། །མ་ལུས་རྒྱལ་བ་རྣམས་ནི་སེམས་ཅན་རྣམས་སོ། །དེ་རྣམས་ཀྱི་ལུས་
སྐམ་པ་ནི་བདེ་བའི་རླན་དང་བྲལ་བའོ་ལ། །རྣམ་པར་དག་པའི་རྡོ་རྗེ་ནི། །ཐ་མལ་པ་སྦྱངས་ནས་རྡོ་རྗེར་བསྐྱེད་པ་སྟེ། དེས་པདྨ་ཡང་མཚོན་ནོ། །དེ་དག་ལས་བྱུང་བའི་ཡེ་ཤེས་ཀྱི་ཆུ། །ནི་ཁམས་དཀར་དམར་རོ། །དྲི་མ་མེད་པ་ནི་ཡི་གེ་གསུམ་གྱིས་བསྔགས་ནས་སྦྱངས་པ་
སོགས་བྱས་པ་དེས་སློབ་མའི་རིན་ཆེན་ནི་བྱང་ཆུབ་ཀྱི་སེམས་སོ། །སྤྱི་བོར་དབབ་པ་བྱས་ནས་དབང་བསྐུར་རོ། །ཞེས་གསུངས་སོ། །༼རྒྱུད་ཕྱི་མའི་འགྲེལ་པ་ལས། མིག་ཡངས་སྔགས་ཀྱི་སྣོད་དུ་རུང༌། །མེ་ཏོག་བཅས་ཤིང་ས་བོན་འབྱུང༌། །བླངས་ནས་གསང་བའི་དབང་བསྐུར་བ། །
སྔགས་པས་སློབ་མ་དག་ལ་སྦྱིན། །ནམ་མཁའི་དབྱིངས་ཀྱི་དབུས་གནས་པར། །དྲི་ཆུ་རྐང་དང་ཡང་དག་ལྡན། །ཞེས་པའི་རྐང་པ་དྲུག་གིས། བྱང་ཆུབ་སེམས་ནི་ཞེས་སོགས་ཀྱིས་བསྟན་པའི་གསང་དབང་བསྟན་པར་བཤད་དེ། སློབ་དཔོན་གྱི་རྡོ་རྗེ་ཡུམ་གྱི་པདྨའི་ནམ་མཁའི་ཁམས་སུ་འཕྲད་པ་ལས་
བྱུང་བའི་དྲི་ཆུ་དང་རྐང་སྟེ། ས་བོན་ཀུནྡ་ལྟ་བུ་གཉིས་ལ་ཡང༌། དག་ལྡན་ཞེས་པ་བདུད་རྩི་ཕྱི་མ་གསུམ་སྦྱར་བས་སྤྱི་བོར་གཏོར་ཞིང་འཐུང་དུ་གཞུག་པའོ། །རྡོ་རྗེ་པདྨའི་སྦྱོར་བ་ཡིས། །རྡོ་རྗེ་ཅན་ཀུན་ཡང་དག་བསྡུ། །སྐུ་གསུང་ཐུགས་ཀྱི་རྡོ་རྗེ་ཡིས། །དེ་དག་ཐམས་ཅད་སྙིང་གར་བསྡུ། །རྡོ་རྗེའི་ལམ་ནས་ཕྱུང་ནས་སུ། །
སློབ་མའི་ཁར་ནི་དབབ་པར་བྱ། །འདི་ནི་གསང་སྔགས་དེ་ཀུན་གྱི། །དབང་བསྐུར་བ་ཡི་གོ་འཕང་མཆོག། ཅེས་པའི་ཚིགས་བཅད་གཉིས་ཀྱིས། །གསང་དབང་མཆོག་བསྐུར་བ་སྟོན་པར་འགྲེལ་པར་བཤད་དོ། །ཡང་འགྲེལ་པར་ཟླ་གསང་ཐིག་ལེ་ལས། རྡོ་རྗེ་པདྨོ་ལས་དྲངས་པ། །སྦོམ་པོ་དང་ནི་དབང་གིས་
4-2-185a


བླངས། །རྡོ་རྗེ་རྐན་དུ་གཞག་པར་བྱ། །ཞེས་དང༌། དེ་ནི་གསང་བ་ཞེས་བྱ་སྟེ། །དབང་བསྐུར་བ་ཡི་ཐབས་མཆོག་གོ། རྡོ་རྗེ་སློབ་དཔོན་བདག་ཉིད་ཆེ། །རང་གི་ཁར་ནི་རྡོ་རྗེ་བཞག། སེམས་དཔའ་ཆེན་པོས་དྲངས་བྱས་ན། །སེམས་ཀྱི་བྱང་ཆུབ་བདེ་བ་ཐོབ། །འདི་ནི་མཆོག་ཏུ་གསང་བ་སྟེ། །
ཞེས་པ་རྣམས་གསང་དབང་ཕྱི་མའི་ཤེས་བྱེད་དུ་དྲངས་སོ། །དེའི་རྐང་པ་དང་པོས་གསང་རྫས་སོ་སོ་བ་གཉིས་བསྟན། སྦོམ་པོ་ནི་མཐེ་བོང་ངོ༌། །དབང་ནི་རྡོ་རྗེ་མཁའ་འགྲོ་ལས། །དབང་དུ་བྱ་བ་སྲིན་ལག་གསུངས། །ཞེས་གསུངས་པ་ལྟར་སྲིན་ལག་སྟེ། དེ་གཉིས་ཀྱིས་བླངས་པའི་རྡོ་རྗེ་དང་པདྨའི་ཐིག་ལེ་ལྕེ་དང་རྐན་
དུ་འཇོག་པའོ། །དེ་ནི་མཆོག་གི་གསང་དབང་ངོ༌། །སློབ་དཔོན་རང་གི་རྡོ་རྗེ་སློབ་མའི་ཁར་བཞག་པ་དེས་དྲངས་ནས་འཐུང་བ་ལས་བྱང་སེམས་ཀྱི་བདེ་བ་ཐོབ་པ་ནི་མཆོག་ཏུ་སྟེ། ཤིན་ཏུ་གསང་བའི་གསང་དབང་དུ་བཤད་པའི་ཚུལ་གསུམ་མོ། །བྱང་ཆུབ་སེམས་ནི་ཞེས་སོགས་ཀྱིས་བསྟན་པའི་གསང་དབང་འདི། 
གསང་བ་གྲུབ་པ་དང༌། རིམ་ལྔ་དང་སྤྱོད་བསྡུས་ཀྱིའང་དགོངས་པའོ། །གསང་དབང་འདི་སྐལ་ངན་དང་གསང་དབང་བར་མ་སྐལ་བཟང་གི་དབང་དུ་བྱས་པ་མིན་ཏེ། སྔ་མ་བསྐུར་བ་དེ་ཉིད་ལ་ཕྱི་མ་འདི་བྱེད་པར་གསང་བ་གྲུབ་པ་ལས་གསུངས་པའི་ཕྱིར་རོ།། ༈ གསང་དབང་བསྐུར་བའི་ཕན་
ཡོན་སྟོན་པ་ནི་འདི་ནི་ཞེས་བྱ་བ་ནི་གང་བཤད་མ་ཐག་པའི་མཆོད་པ་བསྟན་པས། གསང་བའི་དབང་བསྐུར་བ་སྟེ། དབང་དེ་ནི་སྔགས་རྣམས་ཐམས་ཅད་དེ། དེ་བཞིན་གཤེགས་པ་ཐམས་ཅད་དང་འབྲེལ་བར་གྱུར་པ་སྟེ། དེ་རྣམས་ཀྱིས་གསུངས་པའོ། །
སྐུ་གསུང་ཐུགས་ཀྱི་མཆོད་པ་སྟེ་ཞེས་བྱ་བ་ནི། མི་འཇིགས་པ་སྟེ། རྡོ་རྗེའི་སྐུ་དང་གསུང་དང་ཐུགས་དབང་འདིས་སྐྱེད་པས་སོ། །ཡེ་ཤེས་༼དགྲ་ནག་ལས་ཀྱང༌། བཏུང་བ་རིན་ཆེན་འདི་ཡིས་ནི། །རྡོ་རྗེའི་ལུས་ནི་རབ་ཏུ་བསྒྲུབ། །ཅེས་གསུངས་སོ།། ༽རྡོ་རྗེ་ཅན་ནི་སློབ་
4-2-185b


བཞིན་པའི་རྣལ་འབྱོར་པ་རྣམས་ཀྱིའོ། །གསང་བ་ནི་བྱ་བའི་རྒྱུད་ལ་སོགས་པ་རྒྱུད་སྡེ་འོག་མ་གསུམ་ལ་ཞུགས་པ་རྣམས་ལ་གསང་བ་ཡིན་པས་སོ། །སྔགས་ཀྱི་དངོས་གྲུབ་བྱེད་པ་ཞེས་པ་ལ། །སྔགས་ནི་འཇིག་རྟེན་པའི་དངོས་གྲུབ་རབ་ཏུ་སྟེར་བར་བྱེད་པ་སྟེ། 
ཨཱ་ལི་དང་ཀཱ་ལི་ལས་བྱུང་བ་སྟེ། སྦྲུལ་ཞེས་བྱ་བ་ལ་སོགས་པ་སྔགས་རིགས་བཞི་ནི་སྔགས་སོ། །དེ་རྣམས་ཀྱི་དངོས་གྲུབ་ནི་མ་ཚང་བ་མེད་པ་འཇིག་རྟེན་པའི་དངོས་གྲུབ་སྐྱེད་པའོ། །ཐུན་མོང་གི་དངོས་གྲུབ་དེ་ཡང་དབང་བསྐུར་བ་འདིས་འགྲུབ་པར་བྱེད་པས་ན་སྔགས་
རྣམས་དངོས་གྲུབ་བྱེད་པ་སྟེ། སྒྲ་ཇི་བཞིན་པའོ།། ༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བརྒྱད་པ་མཐའ་དྲུག་གིས་བཤད་པའོ། །། །གསང་དབང་གིས་མཚོན་པའི་དབང་
བསྐུར་བ་རྫོགས་པའི་སྒྲུབ་པ་པོས་སྲོག་གཅོད་སོགས་སྤོང་བས་བྱང་ཆུབ་སྒྲུབ་པར་མ་ཟད་རྨད་དུ་བྱུང་བསྟེ། མི་སྲིད་པ་ལྟར་སྣང་བའི་སྲོག་གཅོད་པ་སོགས་ཀྱི་འི་བྱ་བས་ཀྱང་བྱང་ཆུབ་བསྒྲུབ་པར་བྱའོ་ཞེས་བསྟན་པའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་
ཏེ།། ༈ དེ་ནས་ཞེས་བྱ་བ་ནི་གསང་བའི་དབང་བསྐུར་བའི་འོག་ཏུའོ། །རྒྱལ་པོ་དང་རྡོ་རྗེ་འཛིན་ནི་སྔར་བཤད་དོ། །ཐམས་ཅད་ནམ་མཁའ་ཞེས་པ་ནི། །སངས་རྒྱས་ཀྱི་སར་སྟོང་པ་བཞི་ལུགས་མཐུན་དུ་འགྲོ་བ་དང་ལུགས་ལྡོག་ཏུ་འོང་བ་མེད་པར་འདི་ཉིད་ཀྱི་འོག་ནས་འཆད་པས། 
ནམ་མཁའ་སྟེ། སྟོང་པ་བཞི་ནི་སློབ་པའི་སྐབས་སུ་སྟོང་པ་སྔ་མ་གསུམ་སྔ་མ་ཕྱི་མ་ལ་ཐིམ་པའི་སྒོ་ནས་འོད་གསལ་དུ་ཞུགས་པའི་འོད་གསལ་གྱི་ཡེ་ཤེས་ཀྱི་རྒྱུན་མི་སློབ་པའི་ས་ན་ཡོད་པ་དེའི་བདག་ཉིད་ཅན་གྱིས་ན་ཐམས་ཅད་ནམ་མཁའ་སྟེ་བཅོམ་ལྡན་འདས་སོ། །འོད་གསལ་དེའི་ངོ་
4-2-186a


བོ་ཡིན་པ་ཉིད་ཀྱིས་ན་མི་འགྱུར་ཆེའོ། །ཐམས་ཅད་དབང་བསྐུར་ཞེས་བྱ་བ་ནི། བྱ་བའི་རྒྱུད་དང་ལ་སོགས་པས་སྤྱོད་པ་དང༌རྣལ་འབྱོར་རྒྱུད་ལ་ར་རབ་ཏུ་ཞུགས་པ་རྣམས་ཀྱི་དབང་བསྐུར་བའི་སྤྱོད་པ་ཐམས་ཅད་དོ། །གསུམ་པོ་དེ་རྣམས་
ཀྱི་སྟེང་ན་གནས་པས་ན་ཐམས་ཅད་ཀྱི། འོག་མ་གསུམ་གྱི་དབང་བསྐུར་བའི་སྤྱོད་པའི་མཆོག་གོ། དབང་ཕྱུག་དམ་པ་ཀུན་དོན་གྱིས་ཞེས་བྱ་བ་ལ། དངོས་གྲུབ་འདོད་པ་ཀུན་ཏེ་ཐམས་ཅད་ཀྱིས། དོན་དུ་གཉེར་ཞིང་གསོལ་བ་འདེབས་པས་ན་
ཀུན་དོན་གྱིས་ཏེ་རྣམ་པར་སྣང་མཛད་ལ་སོགས་པའོ། །རིགས་ལྔ་པོ་དེ་རྣམས་ཀྱི་དབང་ཕྱུག་དམ་པ་ནི་དེ་བཞིན་གཤེགས་པ་དྲུག་པ་སྟེ། དེ་ལྟ་བུའི་བཅོམ་ལྡན་འདས་ཀྱིས་རྡོ་རྗེ་གསུམ་མི་ཕྱེད་པའི་དཀྱིལ་འཁོར་བཤད་དོ་ཞེས་བྱ་བར་སྦྱར་རོ། །སྐུ་
གསུང་ཐུགས་ལ་ལོངས་སྤྱོད་པ་ཞེས་བྱ་བ་ནི། རྡོ་རྗེ་འཆང་བདག་ཉིད་ཀྱི་སྐུ་དང་གསུང་དང་ཐུགས་ཀྱི་ལོངས་སྤྱོད་ལ་སྟེ། དཀྱིལ་འཁོར་གང་དུ་ཉེ་བར་ལོངས་སྤྱོད་པར་མཛད་པ་དེ་ནི་སྐུ་གསུང་ཐུགས་ལ་ལོངས་སྤྱོད་པའོ། །ཞེས་ཆག་འགྱུར་དང་མཐུན་ནོ། །རྡོ་རྗེ་མི་
ཕྱེད་གསུམ་ནི་རྣམ་པར་སྣང་མཛད་ལ་སོགས་པའི་སྐུ་གསུང་ཐུགས་ཀྱི་རྡོ་རྗེ་གསུམ་མོ་འོ། །དེ་རྣམས་ཀྱི་དཀྱིལ་འཁོར་ནི་ཤིན་ཏུ་རྨད་དུ་བྱུང་བའི་དཀྱིལ་འཁོར་རོ། །སངས་རྒྱས་ཡེ་ཤེས་ཅན་གྱི་གསང་ཞེས་བྱ་བ་ནི། ཤིན་ཏུ་༼
ཆག་འགྱུར་ལས། ཉམས་དགའ་ནི་རིན་པོ་ཆེའི་གང་ཟག་ཁོ་ནའི་ཡུལ་ཡིན་པའི་ཕྱིར་རོ། །མཆོག་ནི་ཤིན་ཏུ་ཕུལ་དུ་བྱུང་བའོ། །གཞན་ལ་མི་བསྟན་པས་གསང་བའོ། །གང་ལ་ཞེ་ན། སངས་རྒྱས་ཐེག་པ་ཅན་ལ་སྟེ། །སངས་རྒྱས་པའི་མུ་སྟེགས་ཅན་རྣམས་སྐྲག་པར་བྱེད་པས་སོ། །ཞེས་བསྒྱུར་བ་
4-2-186b


ལེགས་པས། རྒྱུད་དུ། སངས་རྒྱས་ཡེ་ཤེས་ཅན་གྱི་གསང་། །ཞེས་པའང་སངས་རྒྱས་ཐེག་པ་ཅན་ལ་ཞེས་བསྒྱུར་བ་ལྟར་བྱའོ། །སངས་རྒྱས་པའི་མུ་སྟེགས་ཅན་ནི་ཐེག་དམན་པའོ། །སྲོག་གཅོད་སོགས་ཀྱིས་བྱང་ཆུབ་བསྒྲུབ་པ་འདི་བསྐྱེད་རིམ་མཐར་ཕྱིན་པས་བྱེད་པས། རིན་པོ་ཆེ་ལྟ་བུའི་གང་ཟག་ཁོ་ནའི་ཡུལ་ཞེས་པ་ནི། 
འདི་རྣམས་ཀྱི་ངེས་དོན་ལ་དགོངས་སོ། །༽པས་རིན་པོ་ཆེ་ལྟ་བུའི་གང་ཟག་གི་ཡུལ་ཡིན་གྱི། མདོ་སྡེའི་ཐེག་པ་ལ་སོགས་པར་སངས་རྒྱས་ཀྱི་མུ་སྟེགས་ཅན་རྣམས་སྐྲག་པར་བྱེད་པས་མ་གསུངས་པས་སོ། །རྣམ་པ་དེ་ལྟ་བུ་འཇིག་རྟེན་དང་འགལ་བའི་ཚིག་
གི་སྒོ་ནས་བྱང་ཆུབ་ཐོབ་པའི་ཐབས་བཤད་དོ་ཞེས་བྱ་བ་སྟེ། སྒྲ་ཇི་བཞིན་པའོ།། ༈ ནམ་མཁའི་དབྱིངས་ཀྱི་དབུས་གནས་པར། །ཞེས་བྱ་བ་ནི་ལྷག་མོས་འོད་གསལ་དུ་བསྡུས་པའི་དེ་བཞིན་ཉིད་ལས་བྱང་ཆུབ་པའོ། །སངས་རྒྱས་དཀྱིལ་འཁོར་བསྒོམ་པར་༼
ཞེས་པ་ནི་མངོན་བྱང་ལྔ་ལས་རྡོ་རྗེ་འཆང་དུ་བསྐྱེད་པ་ནས་སེམས་དཔའ་སུམ་བརྩེགས་ཀྱི་བར་དུ་བྱེད་པའི་དོན་ནོ། །སྐལ་ལྡན་གྲགས་པས་ཀྱང༌། དང་པོ་སྦྱོར་བའི་ཏིང་ངེ་འཛིན་གྱིས་རྡོ་རྗེ་འཆང་གི་སྐུ་སྒོམ་པར་བཤད་དོ། །འདིར་བོད་ཀྱི་བླ་མ་རྣམས་ལེའུ་བཅུ་གསུམ་པར་བཤད་པ་བཞིན་དུ་ཉི་མ་ལས་བྱང་ཆུབ་པ་སོགས་ལས་མི་
བསྐྱོད་པ་དྲག་པོར་བསྐྱེད་པ་དང༌། རྡོ་རྗེ་འཆང་དུ་བསྒོམ་པ་ལྷག་མོས་ཀྱི་སྐབས་ལ་འཆད་པ་ནི་ཤིན་ཏུ་མི་རིགས་ཏེ། དེ་ལྟར་ཡིན་ན་དེ་བཞིན་ཉིད་ལས་བྱང་ཆུབ་པའི་རྗེས་སུ། །རྡོ་རྗེ་འཆང་དུ་བསྐྱེད་པ་དེ་ཡོངས་སུ་གྱུར་པ་ལས་མི་བསྐྱོད་པར་སྒོམ་པ་ཤིན་ཏུ་གསལ་བར་བཤད་པ་དང་འགལ་བའི་ཕྱིར་དང༌། ལེའུ་བཅུ་གསུམ་
པར་བཤད་པ་ལས་འདི་ཚུལ་གཞན་ཡིན་པའི་ཕྱིར་རོ། །རིགས་པ་དེས་འོག་གི་རིགས་ལྷག་མ་རྣམས་ཀྱང་ཤེས་པར་བྱའོ། །༼བྱ་ཞེས་བྱ་བ་ལ། སངས་རྒྱས་ཀྱི་དཀྱིལ་འཁོར་ནི་རྡོ་རྗེ་འཆང་ཆེན་པོའི་སྐུའོ། །རྡོ་རྗེ་མི་བསྐྱོད་རབ་བསྒོམས་ནས་ཞེས་བྱ་བ་ནི། སྔར་རྡོ་རྗེ་འཆང་དུ་བསྐྱེད་པ་དེ་ཡོངས་
4-2-187a


སུ་གྱུར་པ་ལས་མི་བསྐྱོད་པ་དྲག་པོའི་སྐུར་བསྐྱེད་པའོ། །ལག་ཏུ་རྡོ་རྗེ་བསྒོམ་པར་བྱ། །ཞེས་བྱ་བ་ནི་ཕྱག་མཚན་གྱི་གཙོ་བོ་བཤད་པ་ཡིན་ཏེ། ཕྱག་ལྷག་མ་རྣམས་ཀྱི་ཕྱག་མཚན་གཞན་དག་ཀྱང་དགག་པ་ནི་མེད་དོ། །ཞེས་པ་ནི་ཕྱག་༼
འདི་བླ་མ་རྣམས་ཞལ་བཞི་ཕྱག་དྲུག་པར་འདོད། སྐལ་ལྡན་གྲགས་པས་ཞལ་གསུམ་ཕྱག་དྲུག་པར་བཤད་དོ། །སྔར་མངོན་བྱང་ལྔ་ལས་རྡོ་རྗེ་འཆང་དུ་བསྐྱེད་པ་དེ་ཉིད་གྱུར་པ་ལས་མི་བསྐྱོད་པར་བསྐྱེད་པར་བཤད་པས། དང་པོའི་མགོན་པོར་བསྐྱེད་ནས་སྤྲུལ་སྐུར་བསྒྱུར་བ་མི་དགོས་པར་རྡོ་རྗེ་འཆང་སྔོན་པོར་བསྐྱེད་
པར་མངོན་ཏེ། འོག་མ་རྣམས་ལའང་ཤེས་པར་བྱའོ། །༽མཚན་གཞན་མི་འགོག་ཞེས་པའོ། །འོད་འཕྲོ་བ་ནི་མེ་སྟག་ལྟ་བུའི་འོད་ཟེར་རྣམ་པར་འཕྲོ་བ་སྟེ། །འོད་ཟེར་དེ་རྣམས་ཀྱིས་མང་པོར་གྱུར་པ་སྟེ། འཐུག་པོ་དང་ལྡན་པའོ། །རྒྱུ་མཚན་དེ་ཉིད་ཀྱིས་ན་འོད་འབར་བ་
དང་དཀར་པོ་ལ་སོགས་པའི་འོད་ཟེར་སྣ་ལྔས་རབ་ཏུ་གང་བའི་རྡོ་རྗེ་ཕྱག་གཡས་ཀྱི་དང་པོར་བསྒོམ་པར་བྱས་ལ། །དེ་ནས་རྣལ་འབྱོར་པ་འདིས་ཁམས་གསུམ་ནི་ཆག་གིས་དུས་གསུམ་དུ་འབྱུང་བའི་ཞེས་བསྒྱུར་བ་ལྟར་རམ། ཡང་ན་དུས་གསུམ་པ་སྟེ། ས་འོག་ས་སྟེང་ས་བླའི་ཁམས་
གསུམ་དུ་བྱུང་བའི་སངས་རྒྱས་སམ་དེ་བཞིན་གཤེགས་པ་སྟེ་གསད་ལས་བྱ་བའི་ཡུལ་གྱི་མཚན་ཉིད་ཚང་བའི་དགྲ་བོ་རྣམས་མདུན་དུ་བསྒོམས་ནས། རྡོ་རྗེས་ཕྱེ་མར་བརླག་པ་སྟེ། དགྲ་བོ་དེ་རྣམས་ཀྱི་སྐུ་དང་གསུང་དང་ཐུགས་ཀྱི་ལོངས་སྤྱོད་ཀྱི་ཚོགས་དེ་
རྡོ་རྗེ་དེས་ཕྱེ་མར་བརླགས་ལ་ནུབ་ནས་ཏེ། ནུབ་པ་དང་མེད་ཅིང་འཇིག་པར་གྱུར་པར་བསྒོམ་སྟེ།། ༈ དེ་ལྟར་བཤད་མ་ཐག་པའི་དྲག་ལས་ཀྱི་བསམ་གཏན་ཀྱི་མཆོག་དེ་བསྒོམས་པས་ནི། ཐུགས་ཀྱི་དངོས་གྲུབ་འཐོབ་པར་འགྱུར་བ་སྟེ་སེམས་
4-2-187b


ཀྱི་དབང་ཕྱུག་འཐོབ་པར་འགྱུར་བའོ། །རྡོ་རྗེ་གསང་བ་བཤད་མ་ཐག་པ་འདི་ལྟ་བུས། གསད་ལས་ཀྱི་ཡུལ་གྱི་མཚན་ཉིད་ཚང་བའི་སེམས་ཅན་ཐམས་ཅད་བསད་ཅིང་སྟོང་པར་བྱས་པས་རྣམ་པར་གཞིག་པར་བྱའོ། །བསམ་གཏན་གྱི་ཁྱད་པར་འདི་ལྟ་བུས་རྣམ་པར་བཤིག་
ན་མི་བསྐྱོད་པའི་སངས་རྒྱས་ཀྱི་ཞིང་དུ་རྒྱལ་བའི་སྲས་ཏེ། བྱང་ཆུབ་སེམས་དཔར་སྐྱེ་བར་འགྱུར་རོ་བ་གསོད་པའི་ལས་སྒྲུབ་པ་འདི་ནི་ཞེ་སྡང་མི་བསྐྱོད་པའི་གི་རིགས་ཀྱི་འདའ་བར་མི་བྱ་བའི་དམ་ཚིག་གི་དེ་ཁོ་ན་ཉིད་དེ་འདོད་པའི་དོན་ལ་མི་སླུ་བའོ། །གསད་
ལས་སྒྲུབ་པ་འདིར་གང་ཞིག་སེམས་ཅན་གཅིག་པུ་ཞིག་བསད་པ་ལས། སེམས་ཅན་མང་པོ་མྱང་ངན་ལས་འདས་པ་འཐོབ་པར་འགྱུར་བའམ། བདེ་བར་འགྱུར་བ་དེ་བྱས་ན་ཁ་ན་མ་ཐོ་བ་མི་སྐྱེད་པར་མ་ཟད་ཀྱི་ཏེ། །བསོད་ནམས་ཀྱི་ཕུང་པོ་ཆེན་པོ་འཐོབ་པར་འགྱུར་
གྱི། །དེ་འདྲ་ལས་གཞན་དུ་རང་གི་དོན་དུ་གསད་ལས་བྱས་ན་བསོད་ནམས་མི་འཐོབ་པར་མ་ཟད་སྡིག་པའི་ཕུལ་དུ་གྱུར་པ་གསོག་པ་ཡིན་ནོ། །ཞེས་གསུངས་པའོ།། ༈ དེ་ནས་ཞེས་བྱ་བ་ལ་སོགས་པས་ནི། གཏི་མུག་གི་རིགས་ཀྱི་མ་བྱིན་པར་ལེན་
པའི་དམ་ཚིག་གསུངས་པ་ཡིན་ཏེ། རྒྱལ་པོ་རྡོ་རྗེ་འཛིན་པ་རྡོ་རྗེ་འཆང་ཆེན་པོ་དེ་ཉིད་ཀྱིས་མི་ཤེས་པ་སྟེ། རྨོངས་ཤིང་མ་རིག་པའོ། །དེས་ཐར་པ་སྒྲུབ་པ་ནི་སྟེ། རང་དང་གཞན་གྱི་རྒྱུད་ལ་ཐར་པ་རབ་སྒྲུབ་པ་སྟེ། ཡང་དག་པའི་མཐར་ཐུག་
པའི་ཡེ་ཤེས་འ་ཐོབ་པར་མཛད་པ་ནི་མི་ཤེས་ཐར་པ་རབ་སྒྲུབ་པའོ། །ངོ་བོ་ཉིད་ཀྱིས་དག་པ་ནི་རང་༼གཏི་མུག་གི་རིགས་རྣམ་སྣང་གི་སྒོ་ནས་སྒྲུབ་པའི་དོན་ཡིན་ཏེ། འོད་དཔག་མེད་ཀྱི་སྐབས་སུ། འདོད་ཆགས་ཐར་པ་རབ་སྒྲུབ་པ། །ཞེས་གསུངས་པའི་རིགས་པས་སོ། །
4-2-188a


བཞིན་གྱིས་ཡོངས་སུ་དག་པའི་རང་བཞིན་རྣམ་དག་གོ་འོ། །བདེ་འགྲོར་འཆིང་བའི་བསོད་ནམས་དང་ངན་འགྲོ་འཆིང་བའི་བསོད་ནམས་མ་ཡིན་པ་དག་གིས་མ་གོས་པ་ནི་གོས་པ་མེད་པའི་གློ་བུར་རྣམ་དག་གོ་འོ། །སེམས་ཅན་
ཐམས་ཅད་ཀྱི་རྒྱུད་ཐམས་ཅད་ལ་ཞུགས་པའི་སེར་སྣའི་ཉོན་མོངས་པ་སེལ་བའི་བདག་ཉིད་ཀྱི་སྤྱོད་པ་ནི་བྱང་ཆུབ་ཀྱི་སྤྱོད་པ་སྟེ། དེ་ཤིན་ཏུ་སྟོན་པར་མཛད་པས་ན་བྱང་ཆུབ་སྤྱོད་པ་རབ་ཏུ་སྟོན་པས། སངས་རྒྱས་ཀྱི་བྱང་ཆུབ་སྒྲུབ་པ་སྟེ་སྐྱེད་ཅིང་ཕྱིན་ཅི་མ་
ལོག་པས་ན། ཡང་དག་པའི་རྫས་དགུག་པའི་དམ་ཚིག་བཀའ་སྩལ་པའོ།། ༈ ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པའི་དོན་ནི། སྟོང་ཉིད་སྒོམ་པ་ལ་མང་དུ་བཤད་ཟིན་ཏོ། །འཁོར་ལོའི་དཀྱིལ་འཁོར་ནི་རྡོ་རྗེ་འཆང་ཆེན་པོའི་སྐུ་ཕྱག་རྒྱ་
ཆེན་པོ་སྟེ། རྡོ་རྗེ་འཆང་དེ་ཡོངས་སུ་གྱུར་པ་ལས་རྣམ་པར་སྣང་མཛད་དུ་བདག་ཉིད་བསྒོམས་ལ། སངས་རྒྱས་ཐམས་ཅད་དེ། དཀྱིལ་འཁོར་པའི་ལྷ་ཐམས་ཅད་མངལ་དུ་རྣམ་པར་བསྒོམ་ཞིང་ཕྱིར་དབྱུང་བར་བྱའོ། །དེ་ནས་ལས་སྒྲུབ་པ་ཇི་ལྟར་བྱ་
ཞེ་ན། རིན་ཆེན་ཀུན་གྱི་སྦྱོར་བ་ཡིས་༼རིགས་ལྷག་མ་བཞི་གའི་སྐབས་སུ་དཀྱིལ་འཁོར་རྒྱལ་མཆོག་སྒོམ་པ་དང་། ཁྱད་པར་དུ་འདིར་དབྱུང་བར་བྱའོ་ཞེས་གསུངས་པས། མི་བསྐྱོད་པ་དང་རྣམ་སྣང་ལ་སོགས་པ་རིགས་ལྔར་བསྒྱུར་བའི་རྗེས་སུ་རང་རིགས་གྱི་ཡུམ་མཱ་མ་ཀཱི་དང་སྤྱན་མ་སོགས་སྐྱེད་
པ་ནི། དང་པོ་སྦྱོར་བ་དང༌། ཡུམ་དང་སྙོམས་པར་ཞུགས་པ་ལས་དཀྱིལ་འཁོར་རྒྱལ་མཆོག་བསྐྱེད་པར་བྱ་ཞིང་། དེ་ནས་རིགས་སོ་སོའི་དམ་ཚིག་གི་ལས་སྒྲུབ་པ་ལས་རྒྱལ་མཆོག་བྱ་སྟེ། ཏིང་ངེ་འཛིན་གསུམ་དང་ལྡན་པར་བྱའོ། །༽ཞེས་བྱ་བ་གསུངས་ཏེ། རིན་པོ་ཆེ་ཐམས་ཅད་ནི་
4-2-188b


དཀར་པོ་ལ་སོགས་པའི་མདོག་དང་ལྡན་པའི་རིན་པོ་ཆེའི་རིགས་སོ། །དེའི་དོན་དུ་རབ་ཏུ་སྦྱོར་བ་ནི་རིན་ཆེན་ཀུན་གྱི་སྦྱོར་བ་ཡིས་ཏེ། རིན་པོ་ཆེ་འགུགས་པའི་དོན་དུ་རབ་ཏུ་སྦྱོར་བ་དེས་རྡོ་རྗེའི་གཟུགས་ཏེ། མི་བསྐྱོད་པ་ལ་སོགས་པའི་དེ་བཞིན་གཤེགས་པ་རྣམས་སུ་རབ་ཏུ་
བརྟག་པ་སྟེ། བསྒོམ་ཞིང་ཅིང་། རིན་པོ་ཆེ་ཡོད་པའི་གནས་སུ་དེ་རྣམས་གཏོང་བ་སྟེ། རིན་པོ་ཆེ་གང་དང་གང་དེ་བཞིན་གཤེགས་པ་གང་དང་གང་མདོག་མཐུན་པ་དེ་དང་དེ་གནས་དེ་ནས་གདོན་པར་བྱ་བའི་ཕྱིར། དེ་བཞིན་གཤེགས་པ་དེ་དང་དེ་གཏང་བར་བྱ་སྟེ། དཔེར་ན་
རིན་པོ་ཆེ་སྔོན་པོ་འགུགས་ན་མི་བསྐྱོད་པ་དེར་གཏོང་བ་ལྟ་བུའོ། །དེ་ལྟར་དེ་བཞིན་གཤེགས་པ་ཐམས་ཅད་ཡང་དག་པར་བཏང་བ་སྟེ། སྤྲོས་ནས། སྒྲུབ་པ་པོས་གང་ཞིག་ཉམས་སུ་བླང་བ་དེ་བསྟན་པར་བྱ་བའི་ཕྱིར། ནོར་རྣམས་ཐམས་ཅད་ཅེས་བྱ་བ་གསུངས་
ཏེ། ཕྲོགས་པ་ནི་དེ་བཞིན་གཤེགས་པ་ཐམས་ཅད་ཀྱི་རྫས་དགུག་པའོ། །དེ་ཡང་རྡོ་རྗེ་གསུམ་གྱིས་ཞེས་བྱ་བ་ནི་སྐུ་དང་གསུང་དང་ཐུགས་སུ་རྣམ་པར་བསྒོམ་པ་སྟེ། དེ་ལ་སྐུའི་རྣམ་པར་བསྒོམ་པ་ནི་བ་སྤུའི་བུ་གའི་ཚོགས་ནས་བྱུང་བའི་འོད་ཟེར་དགུག་བྱའི་ནོར་
དེའི་ཁ་དོག་དང་མཐུན་པའི་དཀར་པོ་ལ་སོགས་པའི་ཞགས་པ་རྣམས་ཀྱིས་གང་དགུག་པར་མངོན་པར་འདོད་པའི་རིན་པོ་ཆེའི་རིགས་ལ་སོགས་པའི་ནོར་བཅིངས་ལ་ནོར་བདག་གི་མི་མ་ཡིན་གྱིས་གཞན་དུ་སྤོ་བར་མི་ནུས་པའི་ཚུལ་གྱིས་མི་གཡོ་བར་བྱབ་སྟེ་བྱེད་པའོ། །གསུང་སྒོམ་
པ་ནི། དེ་ནས་རང་གི་ལྕེ་པདྨར་བསྐྱེད་པའི་པདྨའི་འདབ་མ་ལས་བྱུང་བའི་ཡི་གེ་ཧྲཱིའི་ལྕགས་ཀྱུས་དྲངས་པའོ། །ཐུགས་སྒོམ་པ་ནི་དྲངས་ནས། རང་གི་ཁྱིམ་དུ་གཞག་པར་ཡིད་ཀྱིས་བསྒོམ་པར་བྱབ་སྟེ། བྱེད་པའོ།། ༈ ནོར་གྱི་རྒྱ་མཚོས་ཞེས་བྱ་བ་ལ་ས
4-2-189a


སོགས་པས་ནི་དེ་ལྟར་བྱས་པས་སེར་སྣའི་ཉེས་པའི་རྙོག་མ་ཅན་གྱི་རྒྱུད་དང་ལྡན་པའི་རྫས་བདག་རྣམས་ཀྱི་སེར་སྣའི་སྒོ་ནས་བསགས་པའི་ལས་སྒྲིབ་རྣམ་པར་དག་པར་བྱེད་པ་གསུངས་ཏེ། ནོར་གྱི་རྒྱ་མཚོ་ནི་མི་ཟད་པའི་ཕྱིར་ན་རྒྱ་མཚོ་སྟེ་
དེས་ཡོངས་སུ་གང་ཞིང་རྒྱས་པར་འགྱུར་བའོ། །ཡིད་བཞིན་ནོར་བུ་འདྲ་བར་འགྱུར་ཞེས་བྱ་བ་ནི། ཡིད་ལ་མངོན་པར་འདོད་པའི་དོན་རབ་ཏུ་སྐྱེད་པའི་ནོར་བུའི་བྱེ་བྲག་སྟེ། དེ་དང་འདྲ་བའི་ནོར་གྱི་རྒྱ་མཚོ་ཅན་གྱི་རྫས་ཀྱི་བདག་པོ་གང་ཡིན་པར་འགྱུར་བའོ། །
འཇིག་རྟེན་པའི་ཕུན་སུམ་ཚོགས་པ་འབྱོར་བར་འགྱུར་བ་འབའ་ཞིག་ཏུ་མ་ཟད་ཀྱི། སངས་རྒྱས་ཀུན་གྱི་ཞེས་བྱ་བ་ལ་སོགས་པ་ནི་འཇིག་རྟེན་ལས་འདས་པའི་འབྲས་བུ་གསུངས་ཏེ། སངས་རྒྱས་ལས་སྐྱེས་པས་ན་སངས་རྒྱས་ཀྱི་སྲས་ཏེ་སངས་རྒྱས་
ཐམས་ཅད་ཀྱི་སྲས་ཀྱི་གཙོ་བོར་འགྱུར་བ་དང༌། དེ་ནས་དུས་ཕྱིས་དེ་བཞིན་གཤེགས་པར་ཡང་འགྱུར་བའོ། །ཐབས་ལ་མཁས་པས་གཞན་གྱི་ནོར་འཕྲོག་པ་འདི་ནི་རིགས་ཀྱི་རྒྱ་མཚོ་ཐམས་ཅད་ལས་ཞེས་བྱ་བ་ནི། མི་བསྐྱོད་པ་ལ་སོགས་པའི་རིགས་ཀྱི་
རྒྱ་མཚོའི་ནང་ནས་གཏི་མུག་གི་རིགས་ཏེ་རྣམ་པར་སྣང་མཛད་དང་འབྲེལ་བའི་ལྷ་རྣམས་ཀྱི་འཁོར་ལོའི་དེ་ཁོ་ན་སྟེ། མི་བསླུ་བ་ཡང་དག་པའི་གསང་བ་སྟེ། འདི་ཉིད་ནི་འདའ་བར་མི་བྱ་བས་ན་དམ་ཚིག་གོ། གང་ཟག་མཆོག་རྣམས་ལ་སྲོག་གཅོད་སོགས་
གནང་བ་དེ་བས་ན་བཅོམ་ལྡན་འདས་ཀྱིས་དཔལ་རྣམ་པར་སྣང་མཛད་མངོན་པར་བྱང་ཆུབ་པ་ཞེས་བྱ་བ་སྤྱོད་པའི་རྒྱུད་ལས། འདི་ན་བྱང་ཆུབ་སེམས་དཔའ་ཐམས་ཅད་ཀྱིས་སྤྱིར་བཏང་ལ་མ་བྱིན་པར་ལེན་པ་ཐམས་ཅད་ལས་སླར་ལོག་པར་བྱ་
4-2-189b


སྟེ། གཞན་དུ་ན་སྟེ་དམིགས་བསལ་ནི་སེམས་ཅན་གང་དག་སེར་སྣ་ཅན་འཇུངས་པའི་ནོར་མ་བྱིན་པར་ལེན་པ་ཞེས་བྱ་བ་ལ་སོགས་པ་ལུས་ངག་གི་བདུན་གནང་བ་གསུངས་སོ།། ༈ དེ་ནས་ཞེས་བྱ་བ་ལ་སོགས་པས་ནི། འདོད་ཆགས་ཀྱི་རིགས་ཀྱི་
དམ་ཚིག་ལ་འཇུག་པ་ཡིན་ཏེ། བཅོམ་ལྡན་འདས་རྡོ་རྗེ་འཆང་དེ་ཉིད་རང་གི་རང་བཞིན་གཟུགས་གཞན་དུ་བསྒྱུར་བས་ཆགས་ཅན་གྱི་རྣམ་པར་ཤེས་པ་ཆགས་པར་མཛད་པའི་གཟུགས་སྣང་མཐའ་བསྐྱེད་པས་ན་འདོད་ཆགས་སོ། །ཐར་པ་འདོད་པ་རྣམས་
ལ་སྡུག་བསྔལ་ཐམས་ཅད་ཉེ་བར་ཞི་བའི་མཚན་ཉིད་ཅན་གྱི་ཐར་པ་སྒྲུབ་པར་མཛད་པ་སྟེ། དེ་བས་ན་འདོད་ཆགས་ཐར་པ་རབ་སྒྲུབ་པའོ། །བདེན་པ་གཉིས་ཀྱི་བདག་ཉིད་ཅན་ཡིན་པས་ན་གསང་བ་དག་པའོ། །མི་གནས་པའི་མྱ་ངན་ལས་འདས་པ་ལ་གནས་
པས་ན་དམིགས་མེད་པ་སྟེ། འོད་དཔག་ཏུ་མེད་པའི་དམ་ཚིག་གི་དཀྱིལ་འཁོར་གྱི་འཁོར་ལོ་བཀའ་སྩལ་ཅིང་གསུངས་པའོ།། ༈ ནམ་མཁའི་ཞེས་བྱ་བ་ལ་སོགས་པ་ལ། པདྨའི་དཀྱིལ་འཁོར་ནི་རྡོ་རྗེ་འཆང་ཆེན་པོའི་སྐུ་སྟེ། སྐུ་དེས་འོད་དཔག་
ཏུ་མེད་པ་སྐྱེད་པར་མཛད་པའི་ཕྱིར་རྒྱུ་ལ་འབྲས་བུའི་མིང་གིས་ཉེ་བར་གདགས་པས་ན་སྔ་མ་བཞིན་ཏེ། རྡོ་རྗེ་འཆང་ཆེན་པོ་ཡོངས་སུ་གྱུར་ནས་འོད་དཔག་ཏུ་མེད་པར་རབ་ཏུ་བསྒོམས་པའི། དང་པོ་སྦྱོར་བ་བྱས་ལ། དེ་ནས་སངས་རྒྱས་རྣམས་ཀྱིས་
ཏེ་དཀྱིལ་འཁོར་པའི་ལྷ་རྣམས་༼ཞེས་པ་ནི་རྡོ་རྗེ་འཆང་སྒོམ་པ་ལ་འཁོར་ལོའི་དཀྱིལ་འཁོར་བསྒོམ་པར་བྱ་ཞེས་གསུངས་པ་བཞིན་ནོ། །༽ཀྱིས་གཞལ་ཡས་ཁང་གི་ནང་ཐམས་ཅད་དགང་ཞིང་། གནས་ཇི་ལྟ་བ་བཞིན་དུ་སྤྲོ་བར་བྱའོ། །༼འདིར་ལྷ་
4-2-190a


ཐམས་ཅད་སྐུ་མདོག་དམར་པོ་ལ། རྣམ་པ་ནི་ལྷ་མོའི་རྣམ་པ་ཅན། ཞལ་ཕྱག་གི་གྲངས་དང་ཕྱག་མཚན་ནི་སྒྲུབ་ཐབས་བཞིན་དུ་བྱའོ། །འདི་གང་ལ་འདོད་པ་སྤྱད་པས་གདུལ་བའི་བུད་མེད་དབང་དུ་བྱེད་པ་ཡིན་ན། འདིར་དེ་ལ་ཇི་ལྟར་བྱ་བ་མ་བཤད་པ་གང་ཡིན་སྙམ་ན། གླན་གྱིས་
དབང་དུ་བྱ་རྒྱུའི་བུད་མེད་དེ། རྣལ་འབྱོར་བཞིས་བུད་མེད་དུ་བསྐྱེད་པ་ཡིན་ཟེར་མོད་ཀྱང་། དེ་ནི་དོན་གཞན་ཡིན་པས་དང་པོ་སྦྱོར་བར་རིག་མ་འདུ་བྱ་བའི་སྐབས་སུ་དབང་དུ་བྱ་རྒྱུའི་བུད་མེད་གོས་དཀར་མོར་བསྐྱེད་པ་ཡིན་པས་རྟོགས་སླ་བ་ལ་དགོངས་ནས་ལོགས་སུ་གསལ་བར་མ་བཤད་དོ། །
༼དཀྱིལ་འཁོར་དེར་རང་མ་གཏོགས་པའི་དཀྱིལ་འཁོར་པ་ཐམས་ཅད་བུད་མེད་དང་སྐྱེས་པ་ལྟ་བུའི་རྣམ་པ་ཅན་ནི་བུད་མེད་ལྟ་བུ་སྟེ། དེའི་རྣམ་པར་སྦྱར་བར་རྣམ་པར་བསྒོམ་ཞིང་བསམ་པའོ། །བུད་མེད་ལྟ་བུ་ནི་ལྷ་གཞན་ཐམས་ཅད་ལྷ་མོ་ལྟ་བུ་སྟེ། 
དེའི་རྣམ་པར་བསྒོམ་པའོ། །དེ་ལྟ་བུའི་སྦྱོར་བས་ཏེ་ཡང་དག་པར་སྦྱར་བ་ནི་བུད་མེད་ཀྱི་རྣམ་པ་ལྟ་བུར་ཡོངས་སུ་གྱུར་པའོ། །དཀྱིལ་འཁོར་པ་གཞན་ཐམས་ཅད་བུད་མེད་དུ་སྒོམ་མཁན་རྡོ་རྗེ་འཆང་སྣང་མཐར་བསྒྱུར་བ་དེས། དང་པོ་སྦྱོར་བའི་སྐབས་སུ་ལྷའི་རྣལ་འབྱོར་ཇི་ལྟ་བུར་
བསྒོམ་པར་བྱ་ཞེ་ན། དམ་ཚིག་བཞི་ཡི་སྦྱོར་བ་ཡིས་ཞེས་བྱ་བ་སྟེ། དམ་ཚིག་བཞི་ནི་རྣལ་འབྱོར་བཞི་སྟེ། རྣལ་འབྱོར་བཞི་པོ་དེས་ལྷའི་རྣམ་པ་ལྟ་བུར་བསྐྱེད་པས་ན་དམ་ཚིག་བཞི་ཡི་སྦྱོར་བ་ཞེས་བྱ་སྟེ། དམ་ཚིག་བཞི་ཡི་སྦྱོར་བས་ཏེ་རྣལ་འབྱོར་བཞི་
བསྒོམས་པས་རང་སྣང་མཐར་བསྒྱུར་བ་དེས་འདིའི་དཀྱིལ་འཁོར་རྒྱལ་མཆོག་གི་ལྷ་གཞན་ཐམས་ཅད་། བུད་མེད་ལྟ་བུར་བསྒོམ་པར་བྱའོ། ཞེས་བྱ་བར་སྦྱར་བར་བྱའོ། །༼དམ་ཚིག་བཞི་ཡི་སྦྱོར་བ་ཡིས། །ཞེས་པ་འདིས་ནི་རིགས་སྔར་བཤད་པ་གཉིས་དང༌། འོག་ནས་འཆད་པ་གཉིས་
4-2-190b


སྟེ་བཞི་ལ་དང་པོ་སྦྱོར་བའི་སྐབས་སུ་རྣལ་འབྱོར་བཞི་བསྒོམ་པ་མི་གསལ་བ་ཡང་འདི་ལ་དཔགས་ནས་ཤེས་པར་བྱ་བར་བསྟན་ཏོ། །༽འདི་ནི་ཞེས་བྱ་བ་ནི་བཤད་མ་ཐག་པའི་བསམ་གཏན་ནོ། །རྡོ་རྗེ་ཚུལ་ཞེས་བྱ་བ་ནི་ཐེག་པ་ཆེན་པོ་སྟེ། རྡོ་རྗེ་ཐེག་པ་དེ་ལ་ནི་འདོད་པའི་དབང་ཕྱུག་གཙོ་
བོ་ཡིན་པས་མཆོག་གོ། དེ་ལྟར་བསྒོམས་ནས་ཅི་ཞིག་བྱ་ཞེ་ན། དབང་པོ་གཉིས་ནི་ཞེས་བྱ་བ་ལ་སོགས་པ་གསུངས་ཏེ། རྗེས་སུ་ཆགས་པས་མཉེས་པ་ལ་སོགས་པ་སྔོན་དུ་འགྲོ་བའི་རྡོ་རྗེ་དང་པདྨ་མཉམ་པར་སྦྱོར་བས་ལྷ་མོ་དེ་དག་ཐམས་ཅད་ལ་སྣ་
ཚོགས་པའི་དགའ་བ་ཞིང་བདག་ཉིད་རོལ་པའི་བྱ་བ་དག་གིས་སྐད་ཅིག་ལ་ཉེ་བར་སྤྱད་པར་བྱ་ཞིང་རོལ་བར་བྱའོ།། ༈ འདི་ཞེས་པ་ནི་བཤད་མ་ཐག་པའོ། །རྡོ་རྗེ་ཐམས་ཅད་ཀྱི་ཞེས་བྱ་བ་ནི་སྒྲུབ་པ་པོ་ཐམས་ཅད་ཀྱིའོ། །མི་ཕྱེད་སྐུ་གསུམ་སྒོམ་པའོ་ཞེས་བྱ་བ་
ནི། ཆོས་དང་ལོངས་སྤྱོད་རྫོགས་པ་དང་སྤྲུལ་པའི་ངོ་བོ་ཉིད་ཀྱི་སྐུ་གསུམ་མི་ཕྱེད་པ་བསྒྲུབ་ཅིང་སྐྱེད་ལ་སྒོམ་པ་སྟེ། འདི་ནི་འདོད་ཆགས་ཀྱི་རིགས་ཏེ་པདྨའི་རིགས་ཀྱི་དམ་ཚིག་ཏུ་བྱ་བའོ། །སྔགས་པས་ཞེས་པ་ནི། བསྐྱེད་པའི་རིམ་པ་ལ་བརྟན་པ་ནིར་གནས་
པས་བསྒོམ་པར་བྱ་ཞིང་སྒྲུབ་པ་ཉམས་སུ་བླང་བར་བྱའོ།། ༈ དེ་ནས་ཞེས་བྱ་བ་ལ་སོགས་པ་ནི་དོན་ཡོད་པར་གྲུབ་པའི་དམ་ཚིག་ལ་འཇུག་པ་ཡིན་ཏེ། ༼རགས་པ་དང་ཕྲ་མོའི་བསྐྱེད་རིམ་མཐར་ཕྱིན་པར་བྱས་པ་ཡིན་ལ། འདི་ནི་རིགས་ལྔའི་ལས་སྦྱོར་འདིར་བསྟན་པ་ལྔ་ག་ལ་
སྦྱར་རོ། །༽བཅོམ་ལྡན་འདས་དེ་ཉིད་རྡོ་རྗེ་སྔགས་ཀྱིས་ཏེ་འཇུག་པ་ལ་སོགས་པའི་མཚན་ཉིད་ཅན་གྱི་ནི་རྡོ་རྗེ་བཟླས་པའོ། །དེས་སྟོན་པས་གདུལ་བྱ་རྣམས་ཀྱི་མངོན་པར་འདོད་པའི་དོན་སྒྲུབ་པར་མཛད་པས་ན་རྡོ་རྗེ་སྔགས་ཀྱི་དོན་སྒྲུབ་པའོ། །
4-2-191a


བདག་ཏུ་ཐ་སྙད་འདོགས་པའི་གཞི་ཐ་མལ་པའི་ཕུང་སོགས་དང་བྲལ་བ་གང་ཡིན་པ་དེ་ནི་བདག་མེད་པ་སྟེ། བདག་མེད་པ་དེ་ཉིད་ནི་སྒྱུ་མ་ལྟ་བུའི་སྐུ་དང་ལྡན་པས་རྡོ་རྗེ་འཆང་ཆེན་པོ་ལ་བྱའོ། །ཡང་ན་བདག་མེད་ཡེ་ཤེས་ནི་ཆོས་ཀྱི་སྐུའོ། །
དེ་ལས་བྱུང་བས་ན་ཡེ་ཤེས་ལས་བྱུང་བ་སྟེ། འོག་ནས་འབྱུང་བའི་ཚིག་འདི་བཀའ་སྩལ་ཏོ་ཞེས་བྱ་བ་སྟེ་སྡུད་པ་པོའི་ཚིག་གོ། ༈ ནམ་མཁའ་ཞེས་བྱ་བ་ལ་སོགས་པ་ལ། སངས་རྒྱས་དཀྱིལ་འཁོར་ནི་རྡོ་རྗེ་འཆང་ཆེན་པོར་བསྒོམ་པ་སྟེ། རྡོ་རྗེ་འཆང་
དེ་ཡོངས་སུ་གྱུར་པ་ལས་རྡོ་རྗེ་ཐོགས་མེད་དེ། དོན་ཡོད་པར་གྲུབ་པར་བསྒོམས་པའི་དང་པོ་སྦྱོར་བ་བྱས་ལ་དེའི་འོག་ཏུ་སངས་རྒྱས་ཐམས་ཅད་དེ་དཀྱིལ་འཁོར་པ་ཐམས་ཅད་བསྒོམ་པར་བྱའོ། །ཐམས་ཅད་གཟུགས་སུ་རྣམ་བསྒོམས་ནས། །ཞེས་བྱ་བ་ལ། 
ཐམས་ཅད་གཟུགས་ཏེ་སེམས་ཅན་ཐམས་ཅད་རང་གི་མདུན་དེ་ཉིད་དུ་གནས་པར་རྣམ་པར་བསྒོམ་ཞིང་ཡོངས་སུ་ཤེས་པར་བྱའོ། །རྡོ་རྗེའི་ཚིག་གི་རྫུན་སྨྲ་བས་ཞེས་བྱ་བ་ནི། ཆོས་ཐམས་ཅད་སྒྱུ་མ་ལྟ་བུ་ཡིན་པས་ཆོས་ཐམས་ཅད་ནི་རྫུན་པའོ་ཞེས་བྱ་
བའི་རྡོ་རྗེའི་ཚིག་གི་དོན་ལ་ཡིད་གནས་པར་བྱའོ། །དེ་ནས་ཅི་ཞིག་བྱ་ཞེ་ན། རྒྱལ་བ་ཀུན་གྱི་ཞེས་བྱ་བ་ལ་སོགས་པ་གསུངས་ཏེ། རྒྱལ་བ་ཀུན་གྱི་གནས་ནི་སེམས་ཅན་ཐམས་ཅད་དེ། དེ་བཞིན་གཤེགས་པའི་སྙིང་པོ་ཅན་ཡིན་པའི་ཕྱིར་རོ། །རྒྱལ་བ་
ཐམས་ཅད་ནི་དེ་བཞིན་གཤེགས་པ་རྣམས་ཏེ། །རྒྱལ་བ་ཡང་ཡིན་ལ་ཐམས་ཅད་ཀྱང་ཡིན་པས་ན་རྒྱལ་བ་ཐམས་ཅད་དེ་དེ་དག་བསླུ་བར་བྱ་སྟེ། སེམས་ཅན་ཐམས་༼འདིས་ནི། རྒྱལ་བ་ནི་དེ་བཞིན་གཤེགས་པ་དང༌། དེ་དག་གི་གནས་ནི་སྙིང་པོའི་དོན་དུ་བསྟན་
4-2-191b


ཏེ་རྒྱུའི་དོན་ནོ། །༽ཅད་དང་དེ་བཞིན་གཤེགས་པ་ཐམས་ཅད་ལ་ཆོས་ཐམས་ཅད་བསླུ་བའོ། །སྒྱུ་མ་ལྟ་བུའི་ངོ་བོ་ཉིད་དོ་ཞེས་བྱ་བའི་ཚིག་བརྗོད་ཅིང་སྟེ། བརྗོད་པར་བསྒོམ་མོ་ཞེས་བྱ་བའི་བར་དུ་སྟེ། དེ་སྔོན་དུ་བྱས་ནས་རྫུན་སྨྲ་དགོས་པའི་ཡུལ་ལ་དེ་སྨྲ་བར་བྱའོ། །
དེ་ཡང་ལྷའི་བུ་ཆོས་ཐམས་ཅད་ནི་རྫུན་པ་སྒྱུ་མའོ། །ང་ཡང་དེ་བཞིན་དུ་སྟོན་པར་བྱེད་དེ་དེས་ན་ང་ནི་རྫུན་དུ་སྨྲ་བའོ། །ཞེས་གསུངས་པས་སོ།། ༈ འདི་ནི་ཞེས་བྱ་བ་ནི་བཤད་མ་ཐག་པའོ། །སངས་རྒྱས་ཐམས་ཅད་ཀྱི་ནི་དེ་བཞིན་གཤེགས་པ་ཐམས་
ཅད་ཀྱི་གསུང་ནི་ནམ་མཁའ་དང་འདྲ་བར་དངོས་པོ་སྟེ། རང་བཞིན་མེད་པར་སྟོན་པས་ནམ་མཁའི་གསུང་སྟེ་དྲི་མ་མེད་པའོ། །ཡེ་ཤེས་བློ་ཅན་ཀུན་གྱི་གསང་། །སྔགས་ཀྱི་དངོས་གྲུབ་ཐོབ་པར་བཤད། །ཅེས་བྱ་བ་ནི། གཉིས་སུ་མེད་པའི་ཡེ་ཤེས་ལ་
ལྷག་པར་མོས་པ་གང་ཡིན་པ་དེ་ནི་ཡེ་ཤེས་བློ་ཅན་ཏེ། སློབ་བཞིན་པའི་སྔགས་ཀྱི་དངོས་གྲུབ་རྣམས། དོན་གྲུབ་ཀྱི་དམ་ཚིག་འདིས་འགྲུབ་པར་བྱེད་པའོ། །འདི་ནི་ཞེས་བྱ་བ་ལ་སོགས་པ་ལ། རང་གི་དམ་ཚིག་རྫུན་གྱི་ཚིག་གིས་སེམས་ཅན་ཐམས་ཅད་འགུགས་
པར་བྱེད་པ་སྟེ་འདུལ་བ་གང་ཡིན་པ་དེ་ནི་དམ་ཚིག་འགུགས་པའི་རིགས་ཏེ་དོན་ཡོད་པར་གྲུབ་པའི་རིགས་སོ། །དེའི་དམ་ཚིག་གི་ཡང་དག་པ་ནི་དེ་ཁོ་ན་ཉིད་ནི་ཇི་ལྟ་བར་ཞུགས་པའི་དམ་ཚིག་གོ། དོན་ཇི་ལྟ་བ་བཞིན་སྤྲོ་བར་བྱའོ་ཞེས་བྱ་བ་ནི། ཇི་ལྟ་བ་
བཞིན་དུ་སྤྲོ་བ་སྟེ། རྫུན་པ་སྒྱུ་མ་ལྟ་བུའི་དོན་ལ་ཡང་ནས་ཡང་དུ་བསླབ་པར་བྱ་སྟེ། འདིར་རྫུན་དུ་སྨྲ་བའི་ཁུངས་ནི་གཞན་རྣམས་བདེ་བར་བྱ་ཕྱིར་དང༌། །སློབ་དཔོན་བདེ་བའི་རྒྱུ་དང་ནི། །དཀོན་མཆོག་གསུམ་ལ་གནོད་པ་སྤང་པའི་དོན་དུ་ལ། །རྟག་པར་
4-2-192a


རྫུན་དུ་སྨྲ་བར་བྱ། །ཞེས་གསུངས་པས་སོ།། ༈ དེ་ནས་ཞེས་བྱ་བ་ལ་སོགས་པ་ནི། རིན་ཆེན་འབྱུང་ལྡན་གྱི་དམ་ཚིག་ལ་འཇུག་པ་ཡིན་ཏེ། བཅོམ་ལྡན་འདས་དེ་ཉིད་ནི་རྡོ་རྗེ་གསུམ་སྟེ། སྐུ་ལ་སོགས་པའི་རྡོ་རྗེ་བསྡུས་
པ་ཡིན་པའི་ཕྱིར་རོ། །ཕྱེ་ཞིང་ཐ་དད་པར་བྱས་པ་ནི་ཕྱེད་པའོ། །མི་ཕྱེད་པས་ན་རྡོ་རྗེ་མི་ཕྱེད་གསུམ་སྟེ་ཐ་མི་དད་པའི་ངོ་བོ་ཉིད་གང་ཡིན་པ་དེ་ནི་རྡོ་རྗེ་མི་ཕྱེད་གསུམ་མོ། །རྒྱལ་བ་ནི་དུས་གསུམ་དུ་བཞུགས་པའི་སངས་རྒྱས་རྣམས་སོ། །དེ་རྣམས་ཀྱི་གནས་
ཏེ་སྐྱེད་པའི་གནས་ནི་དྲུག་པ་ཡིན་པའི་ཕྱིར་རོ། །རྡོ་རྗེ་མི་ཕྱེད་པ་གསུམ་ཡང་ཡིན་ལ་རྒྱལ་བའི་གནས་ཀྱང་ཡིན་པས་འདི་ནི་རྡོ་རྗེ་མི་ཕྱེད་གསུམ་རྒྱལ་གནས་སོ། །དངོས་གྲུབ་ནི་རྡོ་རྗེ་འཆང་བ་ཉིད་དོ། །དེ་ཉིད་མི་ཕྱེད་པས་ན་རྡོ་རྗེ་སྟེ་དེ་མཆོག་ཏུ་སྟོན་པར་མཛད་
པས་ན་རྡོ་རྗེ་དངོས་གྲུབ་རབ་སྟོན་པའོ། །འདི་ཞེས་བྱ་བ་ནི་འོག་ནས་བཤད་པའི་གསུང་སྟེ་དེ་བཀའ་སྩལ་པའོ།། ༈ ནམ་མཁའི་དབྱིངས་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །དམ་ཚིག་གི་དཀྱིལ་འཁོར་ནི་རྡོ་རྗེ་འཆང་ཆེན་པོའི་ཕྱག་རྒྱ་ཆེན་
པོ་སྟེ། དེ་ཡོངས་སུ་གྱུར་པ་ལས་དཀོན་མཆོག་དབལ་སྟེ། རིན་འབྱུང་དུ་རྣམ་པར་བསྒོམས་པའི། དང་པོ་སྦྱོར་བ་བྱས་པའི་འོག་ཏུ་འོ། །གཟུགས་རྣམས་ཀུན་གྱིས་འདི་དག་དགང་ཞེས་བྱ་བ་ལ། གཟུགས་རྣམས་ཀུན་གྱིས་ནི་འཁོར་རྣམས་ཀུན་གྱིས་ཏེ་
གཞལ་ཡས་ཁང་གི་ནང་འདི་དག་དགང་ཞིང་སྤྲོ་བར་བྱའོ།། ༈ རྩུབ་པའི་ངག་ལ་སོགས་པ་ཞེས་བྱ་བ་ལ། རྩུབ་པ་ནི་བརྩེ་བ་མེད་པ་སྟེ། རྩུབ་པ་ཉིད་ཡིན་པས་ན་རྩུབ་པའོ། །རྩུབ་པ་ཡང་དེ་ཉིད་ཡིན་ལ་ངག་ཀྱང་དེ་ཉིད་ཡིན་པས་ན་རྩུབ་པའི་
4-2-192b


ངག་སྟེ། དེ་ལ་སོགས་པ་ཕྲ་མ་དང༌། ངག་བཀྱལ་པའི་ཚིག་སྨྲ་བའི་གི་ཐབས་དེས་འདུལ་བའི་སེམས་ཅན་རྣམས་བསྡུ་བའི་དོན་ཐམས་ཅད་འབྱུང་བར་འགྱུར་བ་སྟེ། དེས་རྡོ་རྗེ་འཆང་ཆེན་པོ་བསྟེན་ཅིང་མཉེས་པར་བྱས་ན་གཉིས་སུ་མེད་པའི་ཡེ་ཤེས་འཐོབ་པར་
འགྱུར་རོ།། ༈ བཅོམ་ལྡན་འདས་ཞེས་བྱ་བ་ལ་སོགས་པས་ནི་སྡུད་པར་བྱེད་པས་དམ་ཚིག་ཉེ་བར་སྡུད་པར་མཛད་པའོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བཀོད་པས་ཞེས་བྱ་བ་ནི་རྡོ་རྗེ་འཆང་ཆེན་པོའོ། །དེ་སྐད་ཅེས་བཀའ་སྩལ་ཏོ་ཞེས་
བྱ་བ་ནི་རྣམ་པ་འདི་ལྟ་བུས་གསུངས་སོ་ཞེས་བྱ་བ་སྟེ། དེ་ཡང་དྲང་བའི་དོན་ཏོ།། ༈ ལུང་སྟོན་གྱི་ལུང་གིས་དམ་ཚིག་ལྔའི་ངེས་དོན་བཤད་པ་བརྗོད་པར་བྱ་སྟེ། སྲོག་གཅོད་སོགས་ཀྱི་དྲང་དོན་གསུངས་པའི་འོག་དེ་ནས་དགོངས་གཞི་གང་ལ་དགོངས་ནས་གསུངས་
པའི་ཆོས་གཅིག་པུ་སྟེ། མཚུངས་པ་མེད་པ་དམ་ཚིག་ལྔའི་ངེས་དོན་གྱི་དེ་ཉིད་དོན་གསུང་བ་སྟེ། གསུང་བའི་གཙོ་བོ་ཀུན་མཁྱེན་ཐམས་ཅད་རིག། མགོན་ལ་ཕྱག་ན་རྡོ་རྗེས་གསོལ། །བ་བཏབ་བོ། །ཇི་ལྟར་བཏབ་ན། རྩ་རྒྱུད་ལས། དུས་གསུམ་པ་ཡི་སངས་རྒྱས་རྣམས། །
ཞེས་སོགས་ཀྱིས་སངས་རྒྱས་རྣམས་རྡོ་རྗེས་ཕྱེ་མར་བརླག་པར་གསུངས་པ་ལ་དེ་བཞིན་ཉིད་ཆོས་ཀྱི་སྐུའི་ངོ་བོ་ཉིད་དུ་དངོས་ཏེ་རོ་གཅིག་པའི། །དུས་གསུམ་དུ་བྱུང་བའི་སངས་རྒྱས་གང་ཡིན་པ། །ཆོས་སྐུ་གཅིག་པུ་སྟེ། གཞན་དང་མཚུངས་པ་མེད་པ་ལས་འཁྲུངས་
པ་རྣམས། །ཇི་ལྟར་ན་སྔགས་པ་མི་བསྐྱོད་པར་བསྒོམས་པའི་ཕྱག་གིས་རྡོ་རྗེས་ཕྱེ་མར་བརླག། པར་ནུས། གལ་ཏེ་དེ་ལྟར་ནུས་སུ་ཆུག་ཀྱང་སྐུ་དེ་ནི་ཕྱེ་མར་བརླགས་པར་གྱུར་པ་ལས། །ཇི་ལྟར་ན་ཡང་དག་པའི་སེམས་ཏེ། ཐུགས་ཀྱི་དངོས་གྲུབ་འགྲུབ་པར་འགྱུར་ཏེ། མི་
4-2-193a


འགྱུར་རོ། །འདས་པ་ཡི་ནི་སྟོན་པ་དང༌། །ད་ལྟར་རྗེས་སུ་སྟོན་མཛད་དང༌། །སེམས་ཅན་རྣམས་ཀྱིས་མཉེས་པར་བྱ་དགོས་པ་མ་བྱོན་པའི་དུས་གསུམ་གྱི་སངས་རྒྱས་རྣམས། །སེམས་ཅན་ལ་རྫོགས་པའི་བྱང་ཆུབ་སྩོལ་བ་པོ་ཡིན་
པའི་ཕྱིར། །མི་བསྐྱོད་པར་བསྒོམས་པའི་གཟུགས་ཅན་གྱི་ཕྱག་མཚན་གྱི་རྡོ་རྗེ་ཡིས། །མགོན་པོ་སངས་རྒྱས་དེ་རྣམས་ཇི་ལྟར་གཞོམ་པར་རིགས། །དེས་མཚོན་པའི་དམ་ཚིག་ལྔའི་དེ་ཉིད་དྲང་ངེས་སྣ་ཚོགས་པའི་བརྗོད་བྱའི་དོན་དང་ལྡན་པའི་ཚིག། གི་ངེས་དོན། མ་
འོངས་པའི་གདུལ་བྱ་དེ་རྣམས་ཀྱིས་ནི་ཇི་ལྟར་རྟོགས། །ངེས་དོན་གང་ཞིག་ཤེས་པས་རྒྱལ་སྲས་རྣམས། །སངས་རྒྱས་ཀྱི་དགོངས་པའི་དོན་ལ་རྟོག་པ་སྟེ་ཐེ་ཚོམ་མེད་པར་འགྱུར་བ། །མ་འོངས་པའི་སྐྱེ་བོའི་དོན་དུ་ནི། །ངེས་དོན་དེ་ཉིད་བཅོམ་ལྡན་འདས་ཀྱིས་
བཤད་དུ་གསོལ་ཞེས་གསོལ་བ་བཏབ་བོ།། ༈ དེ་ནས་རྡོ་རྗེ་འཛིན་པ་ཕྱག་རྡོར་གྱིས། སྨྲ་བའི། །འགྲོ་ལ་ཕན་པའི་ཚིག་གསན་ནས། །དེའི་འོག་ཏུ་གཙོ་བོ་རྡོ་རྗེ་འཆང༌། རིགས་ཀུན་གྱི་ཁྱབ་བདག་གིས་ནི་དྲང་དོན་གྱི་དམ་ཚིག་གསུངས་པར་མ་ཟད་སླར་ཡང་ངེས་དོན་
གསུངས་པ་ནི། ལེགས་སོ་བུ་ཁྱོད་ཆེར་ལེགས་སོ་ཏེ། །ཀུན་ཏུ་བཟང་པོ་ཁྱོད་ལེགས་སོ། །དགོངས་པས་གསུངས་པའི་ངེས་དོན་བཤད་པའི་དོན་དུ་ནི། །ཁྱོད་ཀྱིས་ང་ལ་གང་དྲིས་པ། །གསུངས་པའི་དོན་ཇི་ལྟ་ཇི་ལྟ་བར། །དེ་ནི་ང་ཡིས་བཤད་པར་བྱ།། 
༈ རྩ་རྒྱུད་ལས། རྡོ་རྗེ་མི་བསྐྱོད་རབ་བསྒོམས་ནས། །ཞེས་པའི་༼ཞེས་ལེགས་སོ་གསུམ་གསུངས་པ་ནི། །དྲི་བ་དེ་ལ་ཤིན་ཏུ་དགྱེས་པར་སྟོན་པའོ། །༽མི་བསྐྱོད་པ་ནི་དེའི་ངེས་དོན་བཤད་པ་འདི་ན་རླུང་སེམས་ཙམ་ལས་སྤྲུལ་པའི་སྒྱུ་མའི་སྐུ་སྟེ། །དེ་ཡང་རྡོ་རྗེ་གསུམ་མི་ཕྱེད་
4-2-193b


པ་ཡིན་པས་སྐུ་དེ་རྡོ་རྗེ་ཞེས་བྱ་བར་འགྱུར་རོ། །མི་བསྐྱོད་པ་དེ་ཡི་ལག་པ་ཞེས་པ་ནི་འོད་གསལ་དུ་འཇུག་པའི་སྟོང་པ་གསུམ་པ་མ་རིག་པ་ཉེར་ཐོབ་ཡིན། །ཏེ། འོད་གསལ་ལེན་པར་བྱེད་པས་ལག་པའོ། །ལག་པ་དེར་ནི་འཛིན་པའི་རྡོ་རྗེ་ནི་འོད་གསལ་བའོ། །འོད་གསལ་དེ་ལས་ཡེ་
ཤེས་ཀྱི་རང་བཞིན་གྱི་དག་པའི་སྐུར་གྱུར་དེ། །དེ་ཡང་འོད་ཟེར་སྣ་ལྔས་ཡང་དག་པར་འབར། །རྩ་རྒྱུད་ལས། དུས་གསུམ་པ་ཡི་སངས་རྒྱས་རྣམས། །ཕྱེ་མར་བྱ་བར་གསུངས་པའི། ཕུང་པོ་ལྔ་ལ་སོགས་པ་གང་བཤད་པ་རྣམས། སངས་རྒྱས་ནི་སངས་རྒྱས་ལྔ་དང་སྤྱན་མ་ལ་
སོགས་པར་ཏེ། །སྒྱུ་ལུས་རྡོ་རྗེ་གསུམ་གྱི་ངོ་བོར་སྐྱེས་པའོ། །རྩ་རྒྱུད་༼ཞེས་པ་ནི། རྩ་རྒྱུད་ལས། འོད་འཕྲོ་མང་པོ་ཞེས་པའི་རྐང་པ་གཉིས་ཀྱི་དོན་ནོ། །༽ལས་དུས་གསུམ་ཞེས། །པ་ནི། སྒྱུ་ལུས་ཀྱི་སྐུ་ཡི་རྡོ་རྗེས་རྩ་རྒྱུད་ལས་ཕྱེ་མར་རླག་ཅེས་གསུངས་པས། །༼
འདི་འོད་གསལ་དུ་གཞུག་རྒྱུ་ཡིན་པས་སྔར་བཤད་པའི་སྒྱུ་ལུས་ཀྱི་སྐབས་ཀྱི་ཕུང་སོགས་སོ། །༽ནི། ཐ་མལ་པ་ཡི་ཕུང་པོ་སོགས་བཤིག་པའོ། །སྲོག་གཅོད་ཀྱི་དམ་ཚིག་གི་ངེས་དོན་འདི་ནི་ཞེ་སྡང་གི་རིགས་ཡིད་དུ་འོང་བ། །མི་བསྐྱོད་པའི་ཡེ་ཤེས་རྡོ་རྗེའི་རིགས་ལས་
སྐྱེས། །པའི་རྫོགས་རིམ་གྱི་སྒྲུབ་པ་པོས་རྫོགས་རིམ་གྱི་ལམ་རྣམས་རྒྱུད་ལ་སྐྱེད་པའི་ཚུལ་ལོ། །རྩ་རྒྱུད་ལས། སྲོག་གཅོད་པའི་སེམས་ཅན་དེ་མི་༼འདི་འོད་གསལ་དུ་ཞུགས་པ་ལ་སྦྱར་རྒྱུ་མིན་གྱི་སྒྱུ་ལུས་ལ་བྱ་དགོས་ཏེ། རྟོགས་དཀའ་བར་ཡོད་པས་གཞན་དུ་ཤེས་པར་བྱའོ། །༽འཁྲུགས་པ་དེ་ཡི་
ཞིང་དུ་སྐྱེ་བར་གསུངས་པའི་དོན་ནི་སྔར་ལྟར་ལམ་བགྲོད་པས་མཆོག་གི་དངོས་གྲུབ་ཆེན་པོ་ཐོབ་པར་འགྱུར་བའོ།། ༈ སྲོག་གཅོད་ཀྱི་དམ་ཚིག་བཤད་པའི་རྗེས་དེ་ནས་དཔལ་ལྡན་བདེ་བ་ཆེན་པོ། །ཡེ་ཤེས་ཀྱི་སྐད་དོད་ཛྙཱ་ན་ལ། ཛྙཱ་ནི་རྟོགས་པ་དང༌། ན་ནི་དགག་ཚིག་ཡིན་པས་
4-2-194a


སྣང་བ་གསུམ་གྱི་རྟོགས་པ་མེད་པ་འོད་གསལ་གྱི་ཡེ་ཤེས་ཀྱི་ཐར་པ་རབ་ཏུ་སྒྲུབ་པ་ལ་ཐུགས་རྗེ་ཞབས་ཀྱིས་བཤད་དོ་པོ། །རང་བཞིན་གྱི་དག་པ་དང་གོས་པ་མེད་པ་ནི་སྔར་བཤད་པ་བཞིན་ནོ། །བྱང་ཆུབ་ཀྱི་སྤྱོད་པ་གདུལ་བྱ་ལ་རབ་
ཏུ་སྒྲུབ་པས། །ཕྱག་ན་རྡོ་རྗེ་འོད་ཆེན་པོ། །གསང་བ་ཀུན་གྱི་གཙོ་བོ་ལ། །བོས་ནས་རྫོགས་པའི་སངས་རྒྱས་ཀྱི། །གོ་འཕང་སྒྲུབ་པར་བྱེད་པའི་རྣམ་སྣང་གི་དམ་ཚིག་དེ་ཉིད་གསུངས། །སོ། །རྩ་རྒྱུད་ལས། རིན་ཆེན་ཀུན་གྱི་སྦྱོར་བ་ཡིས། །ཞེས་གསུངས་པའི་རིན་ཆེན་ཀུན་ནི་འོད་
གསལ་ལོ། །ཆོས་ནི་སྒྱུ་ལུས་སོ། །སྦྱོར་བ་ནི་སྒྱུ་མ་འོད་གསལ་དུ་རབ་ཏུ་འཇུག་པའོ་ས། །རྩ་རྒྱུད་ལས་རྡོ་རྗེའི་གཟུགས་ནི་རབ་ཏུ་བརྟག། ཅེས་པ་ནི་འོད་གསལ་དུ་ཞུགས་པའི་འོག་ཏུ་ཟུང་འཇུག་གི་རྡོ་རྗེ་སེམས་དཔའི་སྐུ་འ་རྣམ་པར་བསྒོམས་པའོ་ཏེ། །ཟུང་འཇུག་གི་ལུས་ཏེ་སྐུ་
དེ་ཡིས་ནི་རྣམ་པ་ཀུན་ཏུ། །རྣམ་པར་སྨིན་པའི་ལུས་ཕྲོགས་པ་ནི། །རྫོགས་པའི་བྱང་ཆུབ་རབ་ཏུ་སྒྲུབ་པ། །འོ། དེ་ནི་རྩ་རྒྱུད་ལས་རྫས་ཏེ་ནོར་རྣམས་ཐམས་ཅད་ཕྲོགས་པའོ། །ཞེས་གསུངས་པའི་དོན་ནོ། །དེ་ལྟར་བྱས་པ་དེས་ནི་ཡིད་བཞིན་གྱི་ནོར་བུ་དང་མཉམ་པ་སྟེ་
འདྲ་བའི། །ནོར་གྱི་རྒྱ་མཚོས་རབ་ཏུ་འགེངས། །པ་སྟེ། རྩོལ་བར་བྱེད་པར་འགྱུར་རོ། །དམ་ཚིག་གི་ངེས་དོན་འདི་ནི་གཏི་མུག་རིགས་དག་གི་སྟེ། །རྣམ་སྣང་གི་རིགས་ཀྱི་རྫོགས་རིམ་པའི་དམ་ཚིག་གི་དེ་ཉིད་ངེས་དོན་གྱི་ལམ་རྣམས་རྒྱུད་ལ་སྐྱེད་ཚུལ་ཡིན་པར་བསྒྲགས་
སོ།། ༈ རྩ་རྒྱུད་ལས་དཔག་མེད་ཚེ་ནི་རབ་བསྒོམས་ཞེས་གསུངས་པའི། སྒྱུ་མའི་སྐུའོ། འདིས་ནི་རིགས་ལྷག་མ་བཞི་སྒོམ་པར་གསུངས་པ་རྣམས་ཀྱིས་ཀྱང་། སྒྱུ་ལུས་སྟོན་པར་ཤེས་དགོས་སོ། །༼རྩ་རྒྱུད་ལས། སངས་རྒྱས་རྣམས་ཀྱིས་ཐམས་ཅད་དགང༌། །
4-2-194b


ཞེས་གསུངས་པའི་སངས་རྒྱས་ནི་སྒྱུ་མའི་སྐུ་དེར་ནི་ཡོད་པའི་ཕུང་པོ་ལ་སོགས་པའོ། །དགང༌། །བ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དོན་དམ་པའི་བདེན་པ་དང་ལྡན་པ་སྟེ། དབྱེར་མེད་དུ་ཞུགས་པའི། །ཕུང་པོ་ལ་སོགས་པ་རྣམས། འོད་གསལ་དེར་
གཞུག་པར་བྱ་བ་སྟེ། བྱེད་པའོ། །རྩ་རྒྱུད་ལས། དམ་ཚིག་བཞི་ཡི་སྦྱོར་བ་ཡིས། །ཞེས་པའི་དམ་ཚིག་བཞི་ནི་སྟོང་པ་བཞིའོ། །དེ་དང་རང་གི་སེམས་མཉམ་པར་ཏེ། དབྱེར་མེད་པར་སྦྱོར་བའི། །བྱང་ཆུབ་ཀྱི་ནི་ཚུལ་དེ་ཐབས་མཆོག་བྱའོ། །ཀུན་རྫོབ་སྒྱུ་མ་དང་
ནི་དོན་དམ་འོད་གསལ་དག། འདི་ནི་རྩ་རྒྱུད་ལས་གསུངས་པའི་དབང་པོ་གཉིས་ཡིན་ལ། །ཟུང་དུ་འཇུག་པར་གྲགས་པ་ཡི། །གཉིས་པོ་དེ་དག་ངོ་བོ་ཐ་དད་པ་གཉིས་སུ་མེད་པར་སྦྱོར་བ་ནི་དབང་པོ་གཉིས་པོ་དེའི་སྦྱོར་བ། །ར་གསུངས་པའོ། །ཟུང་འཇུག་དེ་ལ་
རྟག་ཏུ་མཉམ་པར་བཞག་པའི་སྦྱོར་བ་ཡིས། །གནས་པ་ནི། རྩ་རྒྱུད་ལས། བུད་མེད་དེ་དག་ཐམས་ཅད་ལ་ཉེ་བར་སྤྱད། །ཅེས་གསུངས་པའི་དོན་ནོ། །སྔར་བཤད་པའི་ངེས་དོན་འདི་ནི་སངས་རྒྱས་ཐམས་ཅད་ཀྱི། །འདོད་ཆགས་ཆེན་པོ་འོད་དཔག་མེད་ཀྱི་འི་
ཚུལ་ཏེ་རིགས་ཀྱི་རྫོགས་རིམ་གྱི་སྒྲུབ་པ་པོས་རྫོགས་རིམ་གྱི་ལམ་རྣམས་རྒྱུད་ལ་སྐྱེད་པའི་མཆོག་གོ། ༈ དེ་ནས་བཅོམ་ལྡན་འདས་རིགས་སྣ་ཚོགས་པ། །འི་བདག་ཉིད། རྡོ་རྗེ་མི་ཕྱེད་པ་གསུམ་རྒྱལ་བ་རྣམས་ཀྱི་བདག་པོ། རྡོ་རྗེ་འཆང་གི་དངོས་གྲུབ་རབ་ཏུ་
སྟོན་པས། །གསུང་ནི་འདི་སྐད་བཀའ་སྩལ་ཏོ། །རྣལ་འབྱོར་པ་གང་ཞིག་ཕྱི་དང་ནང་གི་བདག་ཉིད་དེ། ངོ་བོ་ཉིད་ཆེན་པོ། །འདི་དག་ཐམས་ཅད་རྫུན་པ་སྒྱུ་མ་ལྟ་བུར་བརྗོད། །པ་སྟེ། རིམ་ལྔར། སྒྱུ་མ་ལྟ་བུའི་ཏིང་ངེ་འཛིན་གྱིས། །ཐམས་ཅད་དེ་དང་འདྲ་བར་མཐོང༌། །
4-2-195a


ཞེས་གསུངས་པ་ལྟར་རོ། །རང་དང་སེམས་ཅན་གཞན་ཐམས་ཅད་སྒྱུ་མའི་སྐུ་ལྟ་བུའི་ཏིང་ངེ་འཛིན་ལ་བསླབས་པས་རྣམ་རྟོག་གི་འཆིང་བ་ལས་གྲོལ་བའི་བྱང་ཆུབ། །ཐོབ་པར་བྱེད་པ་ནི་རྫུན་དུ་སྨྲ་བར་བྱ་བའི་ངེས་དོན་ནོ། དེ་འདྲ་བ་འདི་ནི་དོན་ཡོད་གྲུབ་
པའི་རིགས་ཀྱི་རྫོགས་རིམ་པས། རྫོགས་རིམ་གྱི་ལམ་རྣམས་རྒྱུད་ལ་སྐྱེད་པའི་ངེས་དོན་གྱི་དམ་ཚིག་གོ། ༈ དེ་ནས་མགོན་པོ་རྡོ་རྗེ་འཆང་རིན་ཆེན་དབང་། །སྟེ། རིན་འབྱུང་གི་ངོ་བོ། །མཉམ་པ་ཉིད་ཀྱི་ཡེ་ཤེས་ཀྱི་དེ་བཞིན་ཉིད་དེ། དེ་ཁོ་ན་སྟོན་པ། །དངོས་
གྲུབ་རྡོ་རྗེ་ལྟར། མི་མཐུན་ཕྱོགས་ཀྱིས་མི་ཕྱེད་པའི། །རབ་ཏུ་ཐོབ་པས། །དམ་ཚིག་སྟེ། རྡོ་རྗེ་འཆང་གི་གནས་ནི་བཀའ་སྩལ་པ། །ཕུང་པོ་ལ་སོགས་པ་རང་བཞིན་མེད་པར་སྟོན་པའི་ཚིག། མཉན་བྱ་མིན་པ་ནི་དངོས་པོ་ལ་མངོན་པར་ཞེན་པ་རྣམས་ཀྱི་
རྣར་མི་འོང་བ་གང་ཡིན་པ་ནི་རྩུབ་མོའི་ངག་གི་ངེས་དོན་ནོ་སོགས། །རྩུབ་ངག་སྨྲ་བ་དེའི་ངེས་དོན་ནི་བདེ་སྟོང་དབྱེར་མེད་ལ་རྣལ་འབྱོར་པས་བསླབས་ན། །༼ཞེས་བྱ་བ་འདི་ནི་རིན་འབྱུང་གི་རིགས་ཀྱི་རྫོགས་རིམ་པའི་ལམ་སྐྱེད་ཚུལ་ལོ། །༽མྱུར་དུ་བྱང་
ཆུབ་འཐོབ་པར་འགྱུར། །ཞེས་བྱ་བ་སྟེ། ངེས་པའི་དོན་ཏོ། །༼རྒྱུད་ལ་བསྐྱེད་བྱའི་ལམ་སྒྱུ་མ་དང་འོད་ཟུང་སོགས་ལ་མི་མཐུན་པ་མེད་ཀྱང་། དེ་རྒྱུད་ལ་སྐྱེད་པ་པོ་ལ་རིགས་ལྔའི་སྒྲུབ་པ་པོར་དབྱེར་ཡོད་པས་དེའི་དབང་དུ་མཛད་ནས་སོ་སོར་གསུངས་སོ། །ནམ་མཁའི་དབྱིངས་ཀྱི་
དབུས་སུ་གནས་པར་རིགས་སོ་སོའི་སྒྲུབ་པ་པོས་རྡོ་རྗེ་འཆང་ལྔ་བསྐྱེད་པར་གསུངས་པའི་ཕྱི་མ་སྒྱུ་ལུས་དང༌། ནམ་མཁའི་དབྱིངས་ཞེས་པ་རྣམས་འོད་གསལ་དུ་འཇུག་པ་ལ་སྔ་མ་རྣམས་འཆད་མོད་ཀྱང༌། འགྲེལ་པའི་དགོངས་པས་མི་བསྐྱོད་པ་སོགས་སྒོམ་པ་སྒྱུ་ལུས་ལ་བཞེད་
4-2-195b


པས། དེ་རྣམས་ལུང་སྟོན་གྱིས་མ་བཤད་པའི་ལུགས་སུ་བྱའོ། །འགྲེལ་པར་དྲངས་པ་འདི་རྣམས་ད་ལྟ་འགྱུར་བའི་ལུང་སྟོན་དུ། ལ་ལ་ཚིག་མི་འདྲ་ཡང་དོན་མཐུན་པ་མང་པོ་སྣང་མོད་ཀྱང༌། འདིར་དྲངས་པའི་ཚིག་དོན་གང་ཡང་མེད་པ་རྣམས་ནི་དེའི་རྒྱ་དཔེ་མ་དག་པར་ཤེས་པར་བྱའོ།། ༈ རྡོ་རྗེ་
འཆང་ཆེན་པོའི་འཁོར་གྱི་ནང་ན་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས། བཤད་མ་ཐག་པའི་དམ་ཚིག་གི་ཁྱད་པར་སྲོག་གཅོད་སོགས་བྱ་བར་སྟོན་པའི་རྡོ་རྗེའི་ཚིག་རྣམས་ཀྱི། ངེས་པའི་དོན་མི་ཤེས་པའི་མ་འོངས་པའི་
སེམས་ཅན་པདྨ་ལྟ་བུ་ལ་སོགས་པ་དབང་པོ་དམན་པ་རྣམས་ལ་ཕན་པར་བྱ་བའི་ཕྱིར། ཇི་སྐད་ཞུས་པ་དེ་སྡུད་པར་བྱེད་པས་སྟོན་པར་འདོད་པས། དེ་ནས་ཞེས་	བྱ་བ་ལ་སོགས་པ་གསུངས་ཏེ། དེ་ནས་ཞེས་བྱ་བ་ནི་དམ་ཚིག་ལྔ་བསྟན་པའི་འོག་ཏུའོ། །དེ་
བཞིན་གཤེགས་པ་ཐམས་ཅད་དང་མཉམ་པ་ཉིད་དུ་གྱུར་པས་ན་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གོ། གང་ཡིན་ཞེ་ན། རྡོ་རྗེ་དབལ་ཏེ་རྡོ་རྗེས་མཚན་པས་ན་ཕྱག་ན་རྡོ་རྗེའོ། །དེ་ལ་སོགས་པ་ནི་དེ་སྔོན་དུ་འགྲོ་བསྟེ། དང་པོར་བྱས་པའི་བྱང་ཆུབ་
སེམས་དཔའ་རྣམས་ཏེ། འཇིག་རྟེན་པ་དང་༼ཞེས་དམ་ཚིག་གི་སྐད་དོད་ས་མ་ཡ་ལ་ས་མ་ཏ་ཞེས་པ་མཉམ་པ་ཉིད་ལ་འཇུག་པས་འདི་ལྟར་བཤད་དོ། །༽འགལ་བའི་ཚིག་དང་ལྡན་པའི་ཏིང་ངེ་འཛིན་གྱི་ཁྱད་པར་སྟོན་པར་མཛད་པས་ངོ་མཚར་དུ་གྱུར་ཅིང་རྨད་དུ་གྱུར་
ནས་ཐོགས་པ་མེད་པར་སྨྲ་བའི་སྒྲའི་རྡོ་རྗེའི་ཚིག་འོག་ནས་བཤད་པ་འདི་སྨྲས་པར་གྱུར་པའོ། །བཅོམ་ལྡན་འདས་ཞེས་བྱ་བ་ལ་སོགས་པའི་དྲི་བ་ནི། འཁོར་དུ་གཏོགས་པའི་དེ་བཞིན་གཤེགས་པ་རྣམས་ལ་མ་ཤེས་པ་སྐད་དུ་བཅོས་མར་འདྲི་བས། བཅོམ་
4-2-196a


ལྡན་འདས་ཉིད་ལ་ཇི་ལྟར་ཡོངས་སུ་ཞུས་པ་དེ་བསྟན་པར་བྱ་བའི་ཕྱིར་གསུངས་པ་ཡིན་ཏེ། བཅོམ་ལྡན་འདས་རྡོ་རྗེ་འཆང་ཆེན་པོ་ནི་དེ་བཞིན་གཤེགས་པ་ཐམས་ཅད་ཀྱི་བདག་པོ་ཁམས་གསུམ་ལས་འདས་པས། རྡོ་རྗེའི་ཚིག་འདི་
ཅིའི་སླད་དུ་གསུངས་ཞེས་བྱ་བར་སྦྱར་རོ། །ཁམས་ནི་དྷཱ་ཏུ་ལ་དྷཱ་ར་ཎ་འཛིན་པ་སྟེ། རང་གི་མཚན་ཉིད་འཛིན་པ་སྟེ། རབ་ཏུ་རྣམ་པར་འབྱེད་པའི་མཚན་ཉིད་ཅན་གྱི་ཤེས་རབ་བོ། །དེ་ལའང་ཤེས་རབ་རབ་དང་འབྲིང་དང་ཐ་མའི་དབྱེ་བས་རྣམ་པ་གསུམ་མོ། །ཁམས་
གསུམ་པ་སྟེ་ལས་འི་ཁྱད་པར་གྱིས་འདས་ཤིང་རྒལ་ལ། རྗེས་སུ་སྟེ། སླར་ཡང་དེར་མི་འགྲོ་བས་ན་ཁམས་གསུམ་ལས་འདས་པའོ། །དེ་ཉིད་ཀྱིས་ནི་འཇིག་རྟེན་གྱི་ཁམས་ཐམས་ཅད་ལས་འདས་པ་སྟེ། འཇིག་རྟེན་གྱི་ཁམས་ཐམས་ཅད་ཀྱི་ཤེས་རབ་
རབ་འབྲིང་ལ་སོགས་པའི་དབྱེ་བས་གནས་པ་དེ་ལས་འདས་སོ། །དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའ་ཐམས་ཅད་ཀྱི་འཁོར་གྱི་ནང་དུ་མེས་བསིལ་བ་བྱེད་ཅེས་པ་བཞིན་དུ་རྨད་དུ་གྱུར་པ་སྟེ། ངག་གང་སྔོན་ཆད་མ་བྱུང་ལ་མི་སྲིད་པས་ན་
ཡང་དག་པ་མ་ཡིན་པ་སྟེ། དེ་སྟོན་པའི་ཚིག་ནི་ཡང་དག་པ་མ་ཡིན་པའི་ཚིག་གོ། དེ་ཉིད་ནི་རབ་ཏུ་འཇུག་པར་བྱ་བ་ཡིན་པས་ན་ལམ་མོ། །མི་ཕྱེད་པས་ན་རྡོ་རྗེའོ། །དེ་བཞིན་གཤེགས་པ་ཐམས་ཅད་ཀྱི་གསུང་གི་རྗེས་སུ་འགྲོ་བ་ཡིན་པས་ན་གཟུང་བར་བྱ་བ་
ཡིན་པའི་ཕྱིར་དེ་ཉིད་ནི་ཚིག་སྟེ། དེ་ལྟ་བུའི་ཡང་དག་པ་མ་ཡིན་པའི་ཚིག་གི་ལམ་རྡོ་རྗེའི་ཚིག་དེ་ཅིའི་སླད་དུ་གསུང་ཞེས་ཞུས་པ་སྟེ། སྔོན་བྱུང་ལ་སངས་རྒྱས་དང་བྱང་སེམས་ཀྱི་འཁོར་གཉིས་དང༌། རྗེས་འཇུག་ལ་ཚོགས་དང་སློབ་མའི་འཁོར་གཉིས་ཀྱི་ནང་དུ་འགྱོད་པ་
4-2-196b


བསྐྱེད་པ་བཅོམ་ལྡན་འདས་ཀྱིས་ཅིའི་སླད་དུ་གསུང་སྟེ་མ་གསུང་ཞིག་ཅེས་བྱ་བའི་བར་དུའོ།། ༈ བཤད་མ་ཐག་པའི་བྱང་ཆུབ་སེམས་དཔའ་རྣམས་ཀྱིས་སྨྲས་པ་གསན་ནས། བཅོམ་ལྡན་འདས་ཀྱི་འཁོར་དུ་འདུས་པའི་དེ་
བཞིན་གཤེགས་པ་རྣམས་ཀྱིས། བཅོམ་ལྡན་འདས་ཀྱི་དགོངས་པ་མངོན་པར་མ་རྟོགས་པ་ནི་མ་རྟོགས་པ་ལྟར་བཅོས་པའོ་ར་གཟིགས་ནས། ཇི་ལྟ་བ་བཞིན་དུ་ལན་བཏབ་པ་སྡུད་པར་བྱེད་པས་དེ་བསྟན་པའི་གནས་རྣམ་པར་བཞག་པའི་ཕྱིར། དེ་ནས་
ཞེས་བྱ་བ་ལ་སོགས་པ་སྨོས་ཏེ། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ་ཞེས་བྱ་བར་སྦྱར་རོ། །བརྗོད་ཀྱིས་མི་ལང་བའི་ཞེས་བྱ་བ་ལ་སོགས་པའི་དོན་ནི་ལེའུ་དང་པོར་བཤད་ཟིན་ཏོ། །རིགས་ཀྱི་བུ་ཞེས་བྱ་བ་ལ་སོགས་པ་འདི་ནི་ལན་ཏེ། རིགས་
ཀྱི་བུ་ཞེས་བྱ་བ་ནི་བོད་པ་སྟེ། རིགས་ནི་རྡོ་རྗེའི་རིགས་ལ་སོགས་པའི་རིགས་རྣམས་ཡིན་ལ། བྱང་ཆུབ་སེམས་དཔའ་དེ་རྣམས་རིགས་དེ་རྣམས་ལས་སྐྱེས་པས་ན་རིགས་ཀྱི་བུའོ། །སྲོག་གཅོད་སོགས་ཀྱི་དམ་ཚིག་ལ་ཐེ་ཚོམ་སྐྱེས་པའི་སྒོ་ནས་ངན་ཞིང་དམན་པའི་
འདུ་ཤེས་ནི་དམན་པའི་འདུ་ཤེས་སོ། །འཇིག་རྟེན་གྱིས་སྨད་པའི་འདུ་ཤེས་ནི་སྨད་པའི་འདུ་ཤེས་ཏེ་བཤད་མ་ཐག་པ་དེ་ལྟ་བུའི་འདུ་ཤེས་གཉི་ག་ཡང་མ་སྐྱེད་ཅིག་ཅེས་པ་སྟེ་མ་བྱེད་ཅིག་ཅེས་བཀག་པའོ། །དམན་པའི་འདུ་ཤེས་སྐྱེད་པའི་ཉེས་པ་བསྟན་པར་
བྱ་བའི་ཕྱིར། དེ་ཅིའི་ཕྱིར་ཞེ་ན། ཞེས་བྱ་བ་ལ་སོགས་པ་གསུངས་སོ། །རྒྱུ་གང་གིས་ན་དེ་ལྟར་མི་བྱ་ཞེ་ན། རིགས་ཀྱི་བུ་ཞེས་བྱ་བ་ལ་སོགས་པ་གསུངས་ཏེ། འདི་ལྟ་སྟེ། སྔགས་ཀྱི་སྤྱོད་པ་ནི་སྤྱོད་པའི་མཆོག་གོ་ཞེས་བྱ་བ་ནི། ཉན་ཐོས་ལ་སོགས་པའི་
4-2-197a


སྤྱོད་པ་ལ་ལྟོས་ན་བྱང་ཆུབ་སེམས་དཔའི་སྤྱོད་པ་གང་ཡིན་པ་དེ་ནི་སྤྱོད་པའི་མཆོག་སྟེ། བྱང་ཆུབ་སེམས་དཔའི་སྤྱོད་པ་གང་ཡིན་པ་དེ་ལ་ནི། སྲོག་གཅོད་པ་སོགས་བྱའོ་ཞེས་པ་ལྟ་བུ་འཇིག་རྟེན་དང་འགལ་བའམ། སྲོག་གཅོད་སོགས་སྤང་
ངོ་ཞེས་པ་ལྟ་བུ་འཇིག་རྟེན་དང་མི་འགལ་བ་ཡང་རུང་། རྣམ་པ་གང་དང་གང་གིས་སེམས་ཅན་གྱི་དོན་རྫོགས་པར་འགྱུར་བའི་རྣམ་པ་དེ་དང་དེས་སྔགས་པ་རྣམས་ཅི་ནུས་པར་རབ་ཏུ་འཇུག་པ་ནི་བྱང་ཆུབ་སེམས་དཔའི་སྤྱོད་པའོ། །འདི་ལྟ་སྟེ། སྔགས་ཀྱི་
སྤྱོད་པ་ནི་དེ་བཞིན་གཤེགས་པའི་སྤྱོད་པའོ་ཞེས་བྱ་བ་ནི། སློབ་དཔོན་གང་དག་ལས་ལུང་བླངས་ཏེ་དེ་ཁོ་ན་ཉིད་ཟློས་ཤིང་འདོན་པས་ན་སྔགས་ཏེ། ༼དེའི་ཕྱིར་སྲོག་གཅོད་པ་སོགས་ལ་འཇུག་པས་ཀྱང་སེམས་ཅན་ཀྱི་དོན་ཆེན་པོ་བྱེད་པས་སྨད་ན་སྡིག་གསོག་པར་འགྱུར་རོ། །
༽རིན་པོ་ཆེ་ལྟ་བུའི་གང་ཟག་གོ། དེ་རྣམས་ཀྱི་སྤྱོད་པ་ནི་རྫོགས་པའི་གོ་རིམ་རྟོགས་པ་སྟེ། ཐོབ་ནས། གང་མཉམ་པར་མ་བཞག་པ་རྗེས་ཐོབ་ཀྱི་འི་སྦྱོར་བས་འཇིག་རྟེན་དང་འགལ་བ་ལ་སྤྱོད་པ་དེ་ཉིད་ནི་དེ་བཞིན་གཤེགས་པའི་སྤྱོད་པ་སྟེ། 
འདོད་ཆགས་ལ་སོགས་པའི་སྤྱོད་པ་ལ་སྤྱད་པས་ཚེ་འདི་ཉིད་ལ་རང་གི་ངོ་བོ་ཉིད་རགས་པའི་ལུས་ཡོངས་སུ་བརྗེས་ནས་ཡེ་ཤེས་ཀྱི་སྐུ་ཐོབ་པར་བྱེད་བ་ཡིན་པས་སོ།། ༈ དེ་ལྟར་སྤྱོད་པ་གཉིས་ཀྱི་དོན་མདོ་ཙམ་དུ་བསྟན་པ་བཤད་ནས། བདེན་པ་གཉིས་ཀྱི་
རྣམ་པར་དབྱེ་བས་སྤྱོད་པ་དེ་མཆོག་ཡིན་པར་སྒྲུབ་པ་བསྟན་པའི་ཕྱིར། རིགས་ཀྱི་བུ་འདི་ལྟ་སྟེ། ཞེས་བྱ་བ་ལ་སོགས་པ་གསུངས་ཏེ། འདི་ལྟ་སྟེ་༼འདི་ལྟ་སྟེ་ཞེས་བྱ་བའི་ཚིག་ཕྲད་ཀྱི་ཚོགས་ནི་དཔེར་ན་ཞེས་བྱ་བའི་ཚིག་ལ་འཇུག་གོ། ཞེས་པ་ལྟར་བྱའོ། །དེའི་དོན་ནི་
4-2-197b


འདི་ལྟ་སྟེ་ཞེས་མི་གསལ་བར་བཤད་པ་ནི། དཔེར་ན་ཞེས་པས་དོན་བྱེ་བྲག་པ་ལ་གསལ་བར་འཆད་པའི་དོན་ནོ། །༽ཞེས་བྱ་བ་ནི་ཚིག་གི་ཕྲད་ཀུན་འབྱུང་བ་སྟེ། དཔེར་ན་ཞེས་བྱ་བ་ནི་དོན་ལ་རབ་ཏུ་འཇུག་གོ། ནམ་མཁའ་ནི་དོན་དམ་པའི་བདེན་པ་ཆོས་རྣམས་རང་གི་མཚན་ཉིད་ཀྱིས་གྲུབ་
པས་སྟོང་པའི་སྟོང་པའོ། །ཆོས་ཐམས་ཅད་ཀྱི་རྗེས་སུ་སོང་བ་ནི་རྟེན་ཅིང་འབྲེལ་བར་འབྱུང་བའི་ཆོས་ཐམས་ཅད་ལ་རྗེས་སུ་སོང་ཞིང་ཁྱབ་པའོ། །ཆོས་ཐམས་ཅད་ཅེས་པ་ནི་ཕུང་པོ་དང་ཁམས་དང་སྐྱེ་མཆེད་རྣམས་ཏེ། ཆོས་དེ་རྣམས་ཀྱང་ནམ་མཁའི་ཁོངས་སུ་འ་
གཏོགས་པ་ནི་ཆོས་ཅན་དང༌། དེའི་ཆོས་ཉིད་དག་ནི་ངོ་བོ་དབྱེར་མི་ཕྱེད་པ་ཡིན་པའི་ཕྱིར་རོ། །འདོད་པའི་ཁམས་ན་མི་གནས་ཞེས་བྱ་བ་ལ་སོགས་པས་ནི་དོན་འདི་ཉིད་རྣམ་པར་འགྲེལ་ཏེ། གཟུགས་ལ་སོགས་པ་རྣམས་འདོད་ཅིང་འཚོལ་བས་ན་འདོད་པ་སྟེ། རྒྱལ་ཆེན་
རིས་བཞི་ལ་སོགས་པ་འདོད་པའི་ལྷ་རྣམས་སོ། །དེ་རྣམས་འཛིན་པས་ན་ཁམས་ཏེ་གནས་སོ། །དེ་རྣམས་ཀྱི་ཕུང་པོ་ལ་སོགས་པ་དེར་ཡང་མི་གནས་ཏེ། འདོད་པའི་ཁམས་ཀྱང་དོན་དམ་པའི་བདེན་པར་གཏོགས་པའི་ཕྱིར་རོ། །སྲིད་པ་གང་ན་གཟུགས་ཙམ་ལ་
ཆགས་པ་དེ་ནི། གཟུགས་ཀྱི་ཁམས་སོ། །༼ཙམ་གྱི་སྒྲས་ནི་འདོད་ཡོན་ལ་ཆགས་པ་གཅོད་དོ། །༽སྲིད་པ་གང་ན་གཟུགས་ཀྱི་འདོད་ཆགས་དང་བྲལ་བས་ན་རྣམ་པར་ཤེས་པ་ཙམ་དུ་༼ཙམ་གྱི་སྒྲས་ནི་ཕྱི་དོན་རྣམ་ཤེས་ལས་ངོ་བོ་ཐ་དད་པ་གཅོད་ཀྱི། རྣམ་ཤེས་
ཀྱི་བཞོན་པའི་རླུང་མི་གཅོད་དེ། དེ་གཉིས་དེར་ངོ་བོ་གཅིག་པའི་ཕྱིར་རོ། །༽གནས་པ་དེ་ནི་གཟུགས་མེད་པའི་ཁམས་ཏེ་དེ་དག་ན་ཡང༌། ཕུང་པོ་ལ་སོགས་པའི་ཆོས་རྣམས་མི་གནས་སོ། །༼ཞེས་པ་ནི་དོན་དམ་ལས་ངོ་བོ་ཐ་དད་པའི་ཚུལ་གྱིས་མི་གནས་པའོ། །༽འབྱུང་བ་ཆེན་པོ་
4-2-198a


བཞི་ལ་ཡང་མི་གནས་སོ་ཞེས་བྱ་བ་ནི། རླུང་གི་དཀྱིལ་འཁོར་ལ་སོགས་པའི་རིམ་གྱིས་གནས་པའི་དཀྱིལ་འཁོར་བཞི་གང་ཡིན་པ་རྒྱུ་བ་དང་མི་རྒྱུ་བའི་གཞིར་གྱུར་པ་དེ་ནི་འབྱུང་བ་ཆེན་པོ་བཞིའོ། །དེ་ལ་ཡང་མི་གནས་ཏེ་ཕུང་པོ་ལ་
སོགས་པ་ཐམས་ཅད་ཀྱང་འོད་གསལ་བ་དོན་དམ་པའི་བདེན་པ་དང༌། ངོ་བོ་ཉིད་གཅིག་ཡིན་པའི་ཕྱིར་རོ། །༼སྣོད་གཞན་གྱི་གཞིར་གྱུར་པའི་དཀྱིལ་འཁོར་ལ་མེའི་དཀྱིལ་འཁོར་ལོགས་པ་མེད་ཀྱང༌། རྣམ་གཞག་རིམ་པར་མེའི་རྡུལ་ཕྲ་རབ་རྣམས་དཀྱིལ་འཁོར་གསུམ་གྱི་ཁྲོད་ན་
གནས་པར་བཤད་པ་བཞིན་ནོ། །༽ཆོས་ཐམས་ཅད་ནི་ཕུང་པོ་ལ་སོགས་པའོ། །དེ་ལྟར་ཞེས་པ་ནི་གཞིའི་འོད་གསལ་ལས། ངོ་བོ་ཐ་དད་དུ་མེད་པའི་རྣམ་པ་འདི་ཉིད་ཀྱིས་སོ། །རྗེས་སུ་རིག་པར་བྱའོ་ཞེས་བྱ་བ་ནི་ཤེས་པར་བྱའོ། །དེ་བཞིན་གཤེགས་པ་རྣམས་
ཀྱིས་དོན་གྱི་དབང་འདི་ལྟ་བུ་མཁྱེན་ཅིང་ཞེས་བྱ་བ་ནི། དེ་བཞིན་གཤེགས་པ་རྣམས་ནི་བཤད་མ་ཐག་པའི་རྟེན་ཅིང་འབྲེལ་བར་འབྱུང་བའི་དོན་འདི་ལྟ་བུ་སྟེ། དེ་རྣམས་ཀྱི་དབང་ནི་དོན་དམ་པའི་བདེན་པ་ཆོས་གཞན་གྱི་རྒྱུ་དང༌། རང་གི་རྒྱུ་ལས་
ཀྱང་རང་དབང་དུ་མ་གྲུབ་པ་ཉིད་དེ་ལྟ་བུ་མཁྱེན་ཅིང་ཐུགས་སུ་ཆུད་ནས། སེམས་ཅན་རྣམས་ཀྱི་དམན་པ་ལ་སོགས་པའི་དབྱེ་བས་གནས་པའི་བསམ་པ་སྟེ། ལྷག་པར་མོས་པ་མཁྱེན་ཅིང་ཡོངས་སུ་ཕྱེ་ནས་ཆོས་ཏེ་གསུང་དུ་བརྟགས་པའི་མཚན་
ཉིད་ཅན་སེམས་ཅན་རྣམས་༼ཅེས་པས་རྟེན་འབྲེལ་གྱི་དོན་སྟོང་ཉིད་ཀྱི་དོན་དུ་བསྟན་ནོ། །༽ལ་འཆད་པར་མཛད་ཅིང་རབ་ཏུ་སྟོན་པར་མཛད་དེ། ཡིད་བཞིན་གྱི་ནོར་བུ་དང་བུམ་པ་བཟང་པོ་དང་འདྲ་བར་འབད་པ་མི་མངའ་བས། སེམས་ཅན་རྣམས་ཀྱི་
4-2-198b


བསམ་པ་དང་རྗེས་སུ་མཐུན་པར་ཆོས་སྟོན་པར་མཛད་པས། འདིར་ཇི་ལྟ་བ་བཞིན་དུ་སྟོན་པ་འབྱུང་བར་འགྱུར་རོ། །དེ་ལྟར་རྣམ་པ་འདི་ཉིད་ཀྱིས་ནམ་མཁའི་ཚིག་ངེས་པར་བརྗོད་པ་སྟེ། ནམ་མཁའ་དང་མཉམ་པ་སྟེ། འདྲ་བའི་སྟོང་ཉིད་ཀྱི་དོན་སྟོན་པའི་ངེས་པའི་ཚིག་ནི་
ནམ་མཁའི་ཚིག་ངེས་པར་བརྗོད་པ་སྟེ། ངེས་པའི་ཚིག་དེས་ནམ་མཁའ་དེ་དང་མཉམ་པ་དེ་འདྲ་བར་དེ་བཞིན་གཤེགས་པའི་དམ་ཚིག་ཅེས་པ་བཤད་མ་ཐག་པ་དེ་དག་ཀྱང་སྟོང་པ་ཉིད་ཀྱི་ངོ་བོར་རྗེས་སུ་རིག་པར་བྱའོ།། ༈ དེ་ལྟར་ཆོས་ཐམས་ཅད་ཀྱི་དོན་དམ་
པའི་བདེན་པར་ཞུགས་པས་རྣམ་པར་དག་པ་བསྟན་ནས། ཐེག་པ་གཞན་ཕ་རོལ་ཏུ་ཕྱིན་པའི་ཐེག་པ་དང་ཐུན་མོང་དུ་མ་གྱུར་༼འདིས་ནི་སྔགས་ཀྱི་སྤྱོད་པ་སྤྱད་པས་ཆོས་ཐམས་ཅད་རང་གི་མཚན་ཉིད་ཀྱིས་གྲུབ་པ་མེད་པའི་འོད་གསལ་བ་དེར་འཇུག་པར་འགྱུར་བས་ན། སྤྱོད་པ་དེ་མཆོག་ཏུ་བསྒྲུབས་སོ། །
༽པའི་སྒྱུ་ལུས་རྡོ་རྗེའི་སྐུ་སྐྱེད་པའི་ཐབས་ཀྱི་བྱེ་བྲག་བསྟན་པར་བྱ་བའི་ཕྱིར། །རིགས་ཀྱི་བུ་འདི་ལྟ་སྟེ་ཞེས་བྱ་བ་ལ་སོགས་པ་གསུངས་ཏེ། གཙུབ་ཤིང་ནི་འདིས་གཙུབས་པས་མེ་བསྐྱེད་པས་ན་གཙུབ་ཤིང་སྟེ་སྟེང་གི་ཤིང་བུའོ། །གཙུབ་སྟན་ནི་གཞི་སྟེ་མེ་
གཙུབ་པའི་རྟེན་དུ་གྱུར་པའི་ཤིང་བུའོ། །མིའི་ལག་པ་ནི་བསྐྱོད་པའི་ཚེ་གཙུབ་པར་བྱེད་པ་སྟེ། གསུམ་པོ་དེ་དག་གི་རྐྱེན་ལ་བརྟེན་ཅིང་འབད་པས་དྲོ་བ་འབྱུང་ངོ༌། །དེའི་འོག་ཏུ་དུ་བ་རབ་ཏུ་འབྱུང་ངོ༌། །དུ་བ་འབྱུང་བའི་འོག་ཏུ་མེ་འབྱུང་ཞིང་འོད་དང་ལྡན་པའི་རྣམ་པར་
འབར་བར་གྱུར་ནས་འདུས་ཏེ་འབྱུང་བར་འགྱུར་རོ། །མེ་དེ་ཡང་ཞེས་བྱ་བ་ནི་དྲོ་བ་དང་དུ་བ་དང་མེ་སྟེ་གསུམ་པོ་དེ་དག་ནི་དེ་ཁོ་ན་ཉིད་ལ་དཔྱོད་པའི་རིགས་པས་དཔྱད་པ་ན། རིགས་ངོ་དེར་གཙུབ་ཤིང་ལ་ཡང་མི་གནས། གཙུབ་སྟན་ལ་ཡང་མི་གནས། མིའི་ལག་པའི་
4-2-199a


བསྐྱོད་པ་ལ་ཡང་མི་གནས་སོ། །དེ་ལྟ་བུར་ཞེས་བྱ་བ་ནི་ཇི་ལྟར་གཙུབ་ཤིང་ལ་སོགས་པ་རྣམས་ལ་དཔྱད་པ་ན། དྲོ་བ་ལ་སོགས་པ་གསུམ་པོ་སོ་སོར་འབྱུང་བ་དམིགས་སུ་མེད་དོ། །རིགས་ངོར་མེད་པ་དེ་ལྟ་མོད་ཀྱི་སྟེ། དེ་ལྟ་ནའང་
རྒྱུ་རྐྱེན་ཚོགས་པ་ལས་དྲོ་བ་ལ་སོགས་པ་དེ་དག་ཉིད་གོང་ནས་གོང་དུ་སྐྱེ་བར་འགྱུར་རོ། །དེ་བཞིན་དུ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་རྗེས་སུ་རིག་པར་བྱ་སྟེ། དེ་བཞིན་གཤེགས་པ་ཐམས་ཅད་ཀྱི་གནས་སུ་གྱུར་པ་ཡིན་པའི་ཕྱིར་ན་རོ། །
དེ་ལ་དེ་བཞིན་གཤེགས་པ་ཐམས་ཅད་ནི་ཐམས་ཅད་སྟོང་པ་ཉིད་༼སྔགས་ཀྱི་སྤྱོད་པ་སྤྱད་པས་སྟོང་པ་བཞིའི་ཡེ་ཤེས་སྤྱད་པ་ཡང་ཤེས་པར་བྱའོ། །༽འོད་གསལ་གྱི་ཡེ་ཤེས་སོ་དོ། །རྡོ་རྗེ་ནི་ཆེན་པོ་སྟོང་པ་ཉིད་དོ། །དམ་ཚིག་ནི་ཤིན་ཏུ་སྟོང་པ་ཉིད་དོ། །རྗེས་སུ་
རིག་པར་བྱའོ་ཞེས་པ་ནི་སྟོང་པ་ཉིད་དེ་གསུམ་པོ་དེ་དག་གི་རྗེས་ཏེ། ཕྱི་ནས་རིག་ཅིང་ཤེས་པར་བྱ་བ་ཡིན་པས་ན་སྟོང་པ་ཞེས་བྱ་བ་སྟེ། དེ་བཞིན་གཤེགས་པ་ཐམས་ཅད་ལ་སོགས་པ་ནི་དེ་ལྟར་རིག་པར་བྱའོ། །འགྲོ་བ་དང་འོང་བ་ལ་སོགས་པ་ཞེས་བྱ་བ་ལ་
སོགས་པ་ལ། འགྲོ་བ་ཞེས་བྱ་བ་ནི་སྟོང་པ་སྟེ། སྣང་མཆེད་ཐོབ་གསུམ་གྱི་རིམ་གྱིས་འོད་གསལ་དོན་དམ་པའི་བདེན་པར་ལུགས་མཐུན་དུ་འགྲོ་བའོ། །འོད་གསལ་དེ་ལས་ཆེན་པོ་སྟོང་པ་ཉིད་དང་ཤིན་ཏུ་སྟོང་པ་ཉིད་དང་སྟོང་པ་ཉིད་ཐོབ་པ་ནི་ལུགས་བཟློག་ཏུ་འོང་
བའོ། །སོགས་པ་ཞེས་བྱ་བའི་སྒྲ་ནི་སྟོང་པ་བཞི་ལ་ལུགས་མཐུན་དུ་འགྲོ་བ་དང༌། ལུགས་མི་མཐུན་དུ་འོང་བ་མེད་པ་ཡོངས་སུ་གཟུང་སྟེ། དེ་ཡང་སྤངས་རྟོགས་ཡོངས་སུ་རྫོགས་པ་སངས་རྒྱས་ཀྱི་ས་ལ་ནི་འཇུག་པ་དང་ལྡང་བ་མེད་པ་སྟེ། སངས་རྒྱས་རྣམས་ནི་འཁོར་བ་ཇི་
4-2-199b


སྲིད་བར་འོད་གསལ་ལས་མི་བཞེངས་པའི་ཕྱིར་རོ་འོ། །༼སྔར་དོན་དམ་བཤད་པའི་སྐབས་སུ་ཆོས་ཐམས་ཅད་རང་གི་མཚན་ཉིད་ཀྱིས་གྲུབ་པ་མེད་པའི་དོན་དམ་དང༌། ཆོས་རྣམས་ངོ་བོ་དབྱེར་མེད་དུ་བཤད་པ་ན། དེ་ལྟ་ཡིན་ན་སྔགས་ཀྱི་སྤྱོད་པ་སྤྱད་པ་ལས། སྟོང་པ་བཞིའི་ཡེ་ཤེས་སྐྱེ་བའི་རྒྱུ་འབྲས་ཀྱི་རིམ་
པ་མི་འཐད་དོ་སྙམ་པ་ལ། གཙུབ་ཤིང་ལ་སོགས་པ་དཔེར་བྱས་ནས། རིགས་ཤེས་ཀྱི་ངོར་རྒྱུ་འབྲས་མི་འགྲུབ་ཀྱང༌། ཐ་སྙད་པའི་ཚད་མའི་ངོར་འཇོག་པ་མི་འགལ་བར་བསྟན་ལ། དེ་ལྟར་ན་སྔགས་ཀྱི་སྤྱོད་པ་སྤྱད་པ་ལས་སྟོང་པ་བཞི་སྐྱེད་པ་ནི། རྡོ་རྗེའི་སྐུ་འགྲུབ་པའི་ཆེད་དུ་ཡིན་པས། སྔགས་ཀྱི་
སྤྱོད་པ་མཆོག་ཏུ་གྲུབ། །ཅེས་པའི་དོན་ནོ།། ༈ དེ་ལྟར་མཆོག་ཏུ་ཟབ་པའི་ཆོས་ཉིད་ཐོས་ཤིང་བཟུང་བས། འདིར་དགའ་བའི་ཡིད་ཀྱི་ཡིད་དང་རྗེས་སུ་མཐུན་པའི་ཆེད་དུ་བརྗོད་པ་ཆེད་དུ་བརྗོད་པ་དེ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་
ཏེ། དེ་ནས་སྐད་ཅིག་དེ་ཉིད་ལ་སྣང་བ་གསུམ་སྐྱེས་པས་ངོ་མཚར་དུ་གྱུར་པ་ཐོབ་པ་དང༌། དེ་ནས་ཆོས་ཉིད་འོད་གསལ་རྟོགས་པས་རྨད་དུ་གྱུར་པས་མིག་གདངས་ཤིང་ཐབས་ཀྱི་ཡེ་ཤེས་ཀྱི་སྐུ་སྐྱེས་པར་གྱུར་ནས། འོག་ནས་བཤད་པའི་སོ་སོ་རང་གིས་
རིག་པའི་ཆོས་ཉིད་སྟོན་པའི་ངོ་བོ་ཉིད་ཀྱི་ཚིག་འདི་སྐད་ཅེས་སྨྲས་པར་གྱུར་ཏོ། །རྨད་བྱུང་ཞེས་བྱ་བ་ལ་སོགས་པ་ལ། འདིར་རྨད་བྱུང་ཆེན་པོའི་ཆོས་རྣམས་ནི་དོན་དམ་པའི་བདེན་པའོ། །དོན་དམ་དེས་ཐམས་ཅད་དུ་ཁྱབ་པས་ན་དེ་ཉིད་ནི་ནམ་མཁའ་དང་
མཚུངསཔའོ། །ངེས་པའི་དོན་གྱི་ལུང་དང་བྲལ་བའི་རྟོག་གེ་པ་རྣམས་ཀྱིས་རྣམ་པར་བརྟག་པར་མི་ནུས་པས་རྣམ་པར་མི་རྟོག་པའོ། །ཀུན་རྫོབ་ཀྱི་བདེན་པ་སྒྱུ་ལུས་དེར་ཡོངས་སུ་དག་པས་ན་དག་པའོ། །དོན་དམ་པའི་བདེན་པ་དེ་ལ་ཡང་དག་པར་སྒྲིབ་ཅིང་ཀུན་
4-2-200a


ནས་འགེབས་ལ། འདི་ཟུང་འཇུག་གི་སྐུ་ཡིན་པས་ས་ཐོབ་པའི་མིག་གི་དབང་པོའི་ཡུལ་དུ་གྱུར་པས་ན་ཀུན་རྫོབ་ཏེ་རྡོ་རྗེ་འཆང་བའི་སྐུའོ། །འང་ཞེས་བྱ་བའི་སྒྲ་ནི་ཡང་ཞེས་བྱ་བའི་དོན་ཏེ། དོན་དམ་པའི་བདེན་པ་མངོན་པར་རྟོགས་༼
ཞེས་པ་ནི་དོན་དམ་བདེན་པ་མངོན་སུམ་དུ་རྟོགས་པའི་ཇི་ལྟ་བའི་ཡེ་ཤེས་ཀྱི་ངོར་སྐུའི་སྣང་བ་འདི་ཡང་ནུབ་དགོས་པའོ། །༼ཡང་གི་སྒྲ་ནི་སླར་ཞེས་པའི་དོན་ནོ། །ཞེས་འབྱུང་བ་ལྟར་ཏེ། དེའི་དོན་ནི་དོན་དམ་པའི་བདེན་པ་མངོན་སུམ་དུ་རྟོགས་པ་ན་སྒྱུ་མའི་སྐུ་སྟོང་པར་སྟེ། དག་པར་གྱུར་ནས། སླར་ཡང་ཟུང་འཇུག་
གི་སྐུར་སྣང་བར་གྱུར་པའོ་ཞེས་པའོ། །༽པས་སྟོང་པར་གྱུར་ནས། ཡང་སྣང་བར་གྱུར་པའོ་ཞེས་གང་བཤད་པ་དེ་ནི་ངོ་མཚར་ཆེའོ་ཞེས་བྱ་བའི་བར་དུའོ།། ༈ དོན་དམ་པ་ནི་འོད་གསལ་གྱི་ཡེ་ཤེས་སོབའོ། །དེས་དག་པར་བྱས་པས་ན་དོན་དམ་
པའི་དག་པ་སྟེ། དོན་དམ་པའི་དག་པ་ཡང་ཡིན་ལ་དེ་ཁོ་ན་ཉིད་ཀྱི་དོན་ཀྱང་ཡིན་པས་ན་རྡོ་རྗེ་འཆང་སྟེ། དེ་ཉིད་ནི་འདའ་བར་མི་བྱ་བས་ན་དམ་ཚིག་གོ། དེ་སྟོན་པའི་གཞུང་གི་ཚོགས་ཀྱང་དོན་དམ་པའི་དག་པ་དེ་ཁོ་ན་ཉིད་ཀྱི་དོན་གྱི་དམ་ཚིག་ཅེས་བྱ་སྟེ། དགོངས་
པས་བཤད་པའོ།། ༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་དགུ་པ་མཐའ་དྲུག་གིས་བཤད་པའོ།། ༈  །།སྒྲུབ་པ་མཆོག་རྫོགས་རིམ་དང་ཐ་མལ་པ་བསྐྱེད་རིམ་ལ་གནས་
ཤིང༌། དེ་གཉིས་རེ་རེས་ཀྱང་སྤྲོས་པ་དང་བཅས་པ་ལ་སོགས་པའི་སྤྱོད་པ་གསུམ་པོ་གང་རུང་ལ་གོམས་པ་ཉམས་འོག་ཏུ་ཆུད་པའི་རྣལ་འབྱོར་པས་གང་གི་ཚེ་བསྒྲུབས་ཀྱང་དངོས་གྲུབ་རྙེད་པར་མ་གྱུར་ན་དེའི་ཚེ། རང་གི་ལྷ་ལ་སྙིང་པོ་བསྐུལ་བར་བྱའོ་ཞེས་
4-2-200b


བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་ལེའུ་བཅུ་པ་ཉེ་བར་སྟོན་པར་མཛད་པ་ཡིན་ཏེ།། ༈ དེ་ནས་འདི་སྐད་ཅེས་གསོལ་ཏོ་ཞེས་བྱ་བར་སྦྱར་རོ། །ཡང་འདུས་ཏེ་ཞེས་བྱ་བའི་ཡང་གི་དོན་ནི་སྔར་ལེའུ་དང་པོར་དེ་བཞིན་གཤེགས་པ་ཐམས་ཅད་འདུས་པར་
བཤད་པའི་རིམ་པ་ལ་ལྟོས་ན་གྱིས་སོ། །བཅོམ་ལྡན་འདས་དམ་ཚིག་ཆེན་པོའི་རྡོ་རྗེ་ཞེས་བྱ་བ་ནི་རྡོ་རྗེ་འཆང་ཆེན་པོའོ། །རྡོ་རྗེ་འཆང་དེའི་དེ་ཁོ་ན་ཉིད་མངོན་པར་རྫོགས་པར་བྱང་ཆུབ་པ་ནི་བདེན་པ་གཉིས་གཉིས་སུ་མེད་པར་གྱུར་པའི་མཚན་ཉིད་ཅན་ནོ། །ཟུང་འཇུག་དེ་ཉིད་
ནི་སྐུ་དང་གསུང་དང་ཐུགས་ཀྱི་གསང་བ་ཡིན་པས་སྐུ་དང་གསུང་དང་ཐུགས་ཀྱི་གསང་བའོ། །གདུལ་བྱ་རྣམས་ཀྱི་བསམ་པའི་བྱེ་བྲག་ཇི་ལྟ་བ་བཞིན་དུ་མཁྱེན་པས་ན། དེ་བཞིན་གཤེགས་པ་སྟེ་དེ་ལ་ཕྱག་འཚལ་ཏེ་འདི་སྐད་ཅེས་གསོལ་ཏོ། །སྔགས་ནི་ཨཱ་ལི་དང་ཀཱ་ལི་
ལས་སྐྱེས་པ་རྣམས་ཏེ། སྦྲུལ་དང་མགོ་མེད་ཅེས་བྱ་བ་ལ་སོགས་པབཞིའོ། །བཞི་པོ་དེ་རྣམས་ཀྱི་སྙིང་པོ་ནི། སྔགས་ཀྱི་གཙོ་བོ་སྟེ་ཡི་གེ་ཨོཾ་ལ་སོགས་པ་གསུམ་མོ། །སྔགས་དེ་རྣམས་ཀྱི་དོན་ཀུན་བསྡུས་པ་ནི་ཡི་གེ་གསུམ་དུ་གསལ་བར་བྱས་པའོ། །སྐུ་དང་གསུང་
དང་ཐུགས་ནི་དེ་བཞིན་གཤེགས་པ་རྣམས་སོ། །དེ་རྣམས་ཀྱི་གསང་བར་བསྒྲགས་པ་ནི་གསང་བ་ཞེས་བཏགས་སོ། །དངོས་གྲུབ་ཆེན་པོའི་ཚུལ་ནི་དངོས་གྲུབ་ཆེན་པོའི་ཐབས་སོ། །དེ་རྣམས་ཀྱི་མཆོག་ནི་ཕུལ་དུ་བྱུང་བའོ། །ཡང་དག་པ་ནི་མི་སླུ་བ་སྟེ་དེ་ཁོ་ན་ཉིད་དེ་བཤད་
དུ་གསོལ་ཞེས་པ་ནི། སྔགས་གང་གིས་སྙིང་པོ་བསྐུལ་བ་དེ་རབ་ཏུ་བསྟན་དུ་གསོལ་ཞེས་གསོལ་བ་བཏབ་པའོ།། ༈ དེ་ནས་ཞེས་པ་ནི་ཞུས་པའི་འོག་ཏུའོ། །ཤེས་རབ་སྣང་བ་དང་ཐབས་མཆེད་པ་དང་ཉེ་བར་ཐོབ་པ་ལ་ལྟོས་པས་ཏེ་ལྟོས་ན་རྣམ་པར་མཛེས་པར་
4-2-201a


གྱུར་པ་འོད་གསལ་གྱི་ངོ་བོ་ཡིན་པས་ན་རྒྱལ་པོའོ། །ཐབས་ཀྱི་ཡེ་ཤེས་ཀྱི་སྐུའི་བདག་ཉིད་ཅན་ཡིན་པས་ན་རྡོ་རྗེ་འཛིན་པའོ། །ཉོན་མོངས་ཀུན་ནི་འདོད་ཆགས་ལ་སོགས་པ་གསུམ་མོ། །གསུམ་པོ་དེ་རྣམས་ཀྱང་རང་རང་གི་སོ་སོའི་དབྱེ་བ་དང་ཕྱེ་བ་དེ་
ལས་ཀྱང་སླར་ཡང་ཕྱེ་བའི་རྗེས་སུ་དབྱེ་བས་ཕྱེ་ན། ཤིན་ཏུ་མང་བས་ན་རྒྱ་མཚོ་དང་མཉམ་པའི་ཕྱིར། ཉོན་མོངས་པ་ཀུན་གྱི་རྒྱ་མཚོའོ། །དེ་རྣམས་ཀྱི་སྡུག་བསྔལ་བ་དང་ཡིད་མི་བདེ་བ་ལ་སོགས་པའི་རང་བཞིན་ཟིལ་གྱིས་མནན་ནས། མཆོག་ཏུ་དགའ་བའི་ངོ་བོ་ཉིད་ཀྱིས་
འབྱུང་བར་མཛད་ཅིང་རོལ་པར་མཛད་པས་ན་གཙོ་བོའོ། །སེམས་ཅན་རྣམས་ཀྱི་སྡུག་བསྔལ་ཐམས་ཅད་རྗེས་སུ་སྲེག་པར་མཛད་པས་ན་འབར་བའོ། །རྒྱུ་མཚན་དེ་ཉིད་ཀྱིས་ན་དྲག་པོ་སྟེ་ཁྲོ་བོའི་བདག་ཉིད་ཅན་དུ་བྱུང་བའོ། །མིག་ཐ་མལ་པ་སྟེ། ཞི་བས་ཀྱང་རབ་ཏུ་
རྒྱས་པའི་དྲག་པོའི་སྤྱན་བགྲད་པར་མཛད་པས་སྤྱན་ཡངས་པས་སོ། །གསུང་ནི་འདི་སྐད་བཀའ་སྩལ་ཏོ་ཞེས་བྱ་བ་ནི་གསུང་བ་ལ་རབ་ཏུ་འཇུག་པ་སྟེ། དེ་ལ་གཞོལ་བར་མཛད་པ་ཡིན་པའི་ཕྱིར་རོ།། ༈ ལུས་དང་ཞེས་བྱ་བ་ལ་སོགས་པ་ལ། ལུས་
ལ་སོགས་པ་སྐུ་དང་གསུང་དང་ཐུགས་སུ་བསྒོམ་པ་ནི་སྐུ་དང་གསུང་དང་ཐུགས་རྡོ་རྗེ་སྟེ། མི་ཕྱེད་པའི་ཚུལ་གྱིས་སྒོམ་པ་ཡོངས་སུ་ཤེས་པས་སྐུ་དང་གསུང་དང་ཐུགས་རྡོ་རྗེ་བསྒོམ་པར་བྱའོ། །མི་ཕྱེད་པའི་ཚུལ་གྱིས་སྒོམ་ཚུལ་དེ་ཇི་ལྟར་ཡིན་ཞེ་ན། རྣམ་པར་
མི་རྟོག་མི་དམིགས་པ་ཞེས་བྱ་བ་སྟེ། བྱ་བའི་ཁྱད་པར་འདི་ནི་ལུས་སོ། །འདི་ནི་ངག་གོ། འདི་ནི་ཡིད་དོ་ཞེས་དེ་ཁོ་ན་ཉིད་དུ་དེ་གསུམ་གྱི་དབྱེ་བ་བྱར་མེད་པར་རྟོགས་པས་ན་རྣམ་པར་མི་རྟོག་པའོ། །གསུམ་པོ་དེ་གཅིག་ལ་གཅིག་བརྟེན་པ་ངོ་བོ་ཉིད་ཀྱིས་གྲུབ་པ་
4-2-201b


མེད་པས་ན་མི་དམིགས་པའོ། །གསུམ་པོ་དེ་དག་གི་རོ་གཅིག་པ་སྟེ། དོན་དམ་པར་རང་བཞིན་དབྱེ་བ་མེད་པ་ནི་མཉམ་པ་ཉིད་དེ། དོན་དམ་པར་དབྱེ་བ་མེད་པ་དེས་ན་གང་ན་ཡང་མི་གནས་པ་སྟེ། གནས་པ་ངོ་བོ་ཉིད་ཀྱིས་གྲུབ་པ་མེད་པ་མཉམ་པ་ཉིད་ཅེས་བྱ་སྟེ། དགོངས་པ་མ་ཡིན་
པས་བཤད་པའོ།། ༈ དེ་ལྟར་བཅོམ་ལྡན་འདས་ཀྱི་གསུང་གིས། ལུས་ལ་སོགས་པ་དོན་དམ་པར་དབྱེར་མེད་པ་བསྒོམ་པར་རབ་ཏུ་བསྟན་ནས། སྡུད་པར་བྱེད་པས་སྙིང་པོ་ཡང་དག་པར་བསྐུལ་བའི་ཐབས་ཀྱི་ཏིང་ངེ་འཛིན་དང་མཐུན་པའི་གཞི་རྣམ་པར་
དགོད་པ་མདོར་བསྡུས་ནས་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་ནས་ཞེས་བྱ་བ་ནི་བཤད་མ་ཐག་པའི་རིམ་གྱིས་སོ། །བཅོམ་ལྡན་འདས་དེ་བཞིན་གཤེགས་པ་རིགས་དྲུག་པ་དེ་རང་བཞིན་གྱིས་དག་པའི། ཕ་རོལ་ཏུ་ཕྱིན་
པ་ནི་སྤྱན་མ་ལ་སོགས་པའོ། །སྔགས་ནི་རྣམ་པར་སྣང་མཛད་ལ་སོགས་པ་སྟེ། དེ་དག་གི་ཚུལ་ནི་ཕན་ཚུན་ཀུན་ཏུ་ཆགས་པ་སྟེ། དེ་ཉིད་ནི་མི་འཇིག་པ་སྟེ། ཟད་པར་མི་འགྱུར་བ་ཉིད་ཡིན་པས་ན་རྡོ་རྗེའོ། །དེ་སྐད་ཅེས་བྱ་བའི་ཏིང་ངེ་འཛིན་ལ་ཐུགས་རྩེ་གཅིག་
ཏུ་བཞག་ཅིང་སྙོམས་པར་ཞུགས་པར་མཛད་ནས། བཅོམ་ལྡན་འདས་རྡོ་རྗེ་འཆང་གིས་རང་ལ་གསོལ་བ་འདེབས་པའི་དེ་བཞིན་གཤེགས་པ་དེ་དག་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །བཅོམ་ལྡན་འདས་ཞེས་བྱ་བ་ལ་སོགས་པ་ལ། བཅོམ་
ལྡན་འདས་དེ་བཞིན་གཤེགས་པ་ཐམས་ཅད་ཅེས་བྱ་བ་ནི་བོད་པའོ། །མི་བསྐྱོད་པ་ལ་སོགས་པ་དེ་བཞིན་གཤེགས་པ་ཐམས་ཅད་ཅེས་བྱ་བ་འདི་ནི། འོག་ཏུ་འདི་བསྟན་པའི་སེམས་ཅན་གྱི་དོན་བྱ་བ་ལ་ཞེས་པ་དེ་དང་མངོན་པར་སྦྱར་རོ་སྦྱོར་
4-2-202a


བ་སྟེ། དེ་བཞིན་གཤེགས་པ་ཐམས་ཅད་ཅེས་བྱ་བ་ནི་སྤངས་རྟོགས་ཡོངས་སུ་རྗོགས་པ་རྣམས་སོ་འོ། །རིག་པ་ནི་ལྷ་མོ་རྣམས་ཏེ་དེ་རྣམས་ནི་ལྷན་ཅིག་སྤྱོད་པ་བཙུན་མོའི་གཙོ་མོ་དང་ལ་སོགས་པས་དེའི་འོག་མའི་ལྷ་མོ་རྗེས་
སུ་སྤྱོད་པའི་དབྱེ་བས་ཕྱེ་ན་བྱེ་བ་སྙེད་དེ། བྱེ་བ་ཁྲག་ཁྲིག་བརྒྱ་སྟོང་དུ་མ་དང་ཞེས་བྱ་བ་ནི། དེ་རྣམས་ཚད་མེད་པ་ཉིད་ཡིན་པས་ཉེ་བར་མཚོན་པ་ཙམ་དུ་གྱུར་པ་སྟེ་དེ་རྣམས་དང་ཐབས་གཅིག་ཏུའོ། །སེམས་ཅན་ནི་ཡུལ་ལ་ཉེ་བར་ལོངས་སྤྱོད་
པས་ཐར་པ་ཐོབ་པར་འདོད་པ་ལམ་དེའི་གདུལ་བྱ་རྣམས་སོ་འོ། །དེ་རྣམས་ཀྱི་དོན་བྱ་བ་ནི་འདུན་པ་སྟེ་བསམ་པ་དང་རྗེས་སུ་མཐུན་པས་ཏེ་བར་བྱང་ཆུབ་ཐོབ་པར་མཛད་པའོ། །དེའི་བདག་ཉིད་ཀྱིས་ཏེ་མཛད་པ་དེ་ཐམས་ཅད་གར་གྱི་གནས་སུ་ཞུགས་
པའི་གར་མཁན་གཅིག་ཉིད་ཆ་ལུགས་སྣ་ཚོགས་པར་སྟོན་པ་དང་འདྲ་བར་རྡོ་རྗེ་འཆང་གཅིག་ཉིད་སྣ་ཚོགས་པའི་རྣམ་པ་ཅན་དུ་འཇུག་པས་གར་གྱི་རོལ་པ་དེ་སྟོན་པར་མཛད་དོ། །སྟོན་ཚུལ་དེ་ཇི་ལྟར་ཞེ་ན། ཕྱོགས་བཅུའི་ཞེས་བྱ་བ་ལ་སོགས་པ་གསུངས་ཏེ། 
འཇིག་རྟེན་ནི་སེམས་ཅན་རྣམས་སོ། །དེ་འཛིན་པར་བྱེད་པས་ན་འཇིག་རྟེན་གྱི་ཁམས་ཏེ་སྣོད་ཀྱི་འཇིག་རྟེན་ནི་ཕྱོགས་བཅུའི་འཇིག་རྟེན་གྱི་ཁམས་རྣམས་ཏེ། དེ་དག་ཉིད་ཀྱི་མཐས་ཀླས་པ་ནི་མཐར་ཐུག་པ་སྟེ། འདིར་མཐར་ཐུག་པ་མེད་པ་ཉིད་ལ་
མཐར་གྱུར་པ་ཞེས་པའི་མིང་གིས་བཏགས་པ་ཡིན་ལ། ཕྱོགས་བཅུའི་འཇིག་རྟེན་གྱི་ཁམས་མཐས་ཀླས་པའི་འཇིག་རྟེན་གྱི་ཁམས་དེ་རྣམས་སུ། འདོད་པའི་ཡོན་ཏན་ལྔ་པོ་རྟག་ཏུ་ཡིད་ཚིམ་པར་བྱེད་པའི་གཟུགས་ལ་སོགས་པ་རྣམས་ཀྱིས་རོལ་པ་
4-2-202b


ནི་རྣམ་པར་རོལ་པའོ། །དགྱེས་པ་ནི་སྣ་ཚོགས་པའི་དགའ་བས་ལྷ་མོ་རྣམས་དང་ལྷན་ཅིག་དགྱེས་པར་མཛད་པའོ། །ཡོངས་སུ་སྤྱོད་པ་ནི་རིག་པ་ལྷ་མོའི་ཚོགས་ཀྱིས་ཡབ་ལ་ཚུར་མཆོད་ཅིང་ཡུམ་དེ་ལ་ཡང་ཡབ་ཀྱིས་སླར་ཡང་དགའ་བ་བསྐྱེད་པའི་
མཆོད་པར་མཛད་པ་འདི་ནི་ཡོངས་སུ་སྤྱོད་པའོ། །ཡོད་ཀྱང་ཞེས་བྱ་བ་ནི་དོན་འདི་ལྟ་བུ་མཐའ་ཡས་ཡོད་པའོ། །དེ་དག་སྔགས་སྤྱོད་པ་ལ་མངོན་པར་བརྩོན་པ་རྣམས་ལ་ཞེས་བྱ་བ་ལ། དེ་དག་ནི་དེ་བཞིན་གཤེགས་པ་རྣམས་དགྱེས་པའི་སྒོ་ནས། མཆོག་
ཏུ་དགའ་བའི་བདེ་བ་ཉམས་སུ་མྱོང་བར་མཛད་པ་དེ་དག་གོ། སྔགས་ནི་སྔགས་སྨྲ་བ་རྣམ་པ་བཞི་སྟེ། གང་ཞེ་ན། སྔགས་ཀྱི་མིང་སྦྲུལ་ལ་སོགས་པ་དང༌། སྔགས་ཀྱི་དོན་བསྟོད་པ་དང་བོད་པ་དང་བསྐུལ་བ་སོགས་དང༌། སྔགས་སྤེལ་བ་ནི་ཞི་རྒྱས་སོགས་སོ་སོ་
ལ་ཤཱནྟིཾ་ཀུ་རུ་སོགས་སྦྱར་བའོ་དང༌། རྡོ་རྗེའི་ཚིག་སྒྲ་སྤངས་པ་ནི་སྔགས་ཡིད་ཀྱིས་ཟློ་བའོ། །སྔགས་ཀྱི་ཐབས་དེ་དག་གིས་ནད་ཞི་བ་ལ་སོགས་པའི་སྒྲུབ་པ་ལ་རབ་ཏུ་འཇུག་པ་ནི་སྔགས་སྤྱོད་པའོ། །དེ་ལ་མངོན་པར་བརྩོན་པ་ནི་དེ་ལ་སེམས་མངོན་པར་
ཞུགས་པ་སྟེ། དེ་ལ་སྤྱན་རས་ཀྱིས་མི་འཚོའོ། །སྤྱན་རས་ཀྱིས་མི་འཚོ་བའི་རྒྱུ་བསྟན་པར་བྱ་བའི་ཕྱིར། ཀྱེ་མ་འདི་དག་ནི་ཞེས་བྱ་བ་ལ་སོགས་པ་གསུངས་ཏེ། ཀྱེ་མ་ཞེས་བྱ་བ་ནི་སྨད་པ་སྨོན་པ་ཞུམ་པ་ངོ་མཚར་བ་ལ་འཇུག་པ་ལས་འདིར་ནི་མ་གུས་པ་སྨད་པའོ། །
འདི་དག་ནི་ཞེས་བྱ་བ་ནི་སྔགས་ལ་གཞོལ་བ་རྣམས་སོ། །༼ཞེས་པ་ནི་འདིར་བསྐྱེད་རིམ་པའི་སྐབས་ཡིན་ལ། དེ་ལ་ཡང་སྔགས་དང་ནང་ལ་མཆོག་ཏུ་གཞོལ་བ་གཉིས་ཡོད་ཀྱང༌། སྙིང་པོ་བསྐུལ་དགོས་པ་ནི་སྔ་མའོ་ཞེས་སྟོན་པའོ། །༽དེ་བཞིན་གཤེགས་པ་ནི་དུས་
4-2-203a


གསུམ་དུ་བྱུང་བ་རྣམས་སོ། །སྔགས་ནི་འདོན་ཞིང་སློབ་དཔོན་རྣམས་ཀྱིས་ཤུབ་བུར་ཟློས་པ་གང་ཡིན་པ་དེ་ནི་སྔགས་ཏེ། སྔགས་བཟླ་བའི་ཡུལ་དེ་ལ་སྤྱོད་པ་ནི་སྔགས་ཀྱི་སྤྱོད་པའོ། །སྤྱོད་པ་དེར་འདྲེན་ཞིང་དེ་ཐོབ་པར་བྱེད་
པས་ན་དེའི་ཚུལ་ལོ། །ཚུལ་ཞེས་པའི་སྒྲ་དེ་ཡང་དོན་རྣམ་པ་བདུན་ལ་འཇུག་སྟེ་ཏེ། དེ་གང་ཞེ་ན། དཀྱིལ་འཁོར་ཚོགས་དང་ཐབ་དང་ནི། །གཏོར་མ་འདུས་དང་གོ་རིམ་དང༌། །དེ་ཉིད་དང་པོར་སྔགས་ཀྱི་སྤྱོད་པ་ལ་དབང་བ་དེར་འདྲེན་པའི་དཀྱིལ་འཁོར་བྲིས་
ནས་དབང་བསྐུར་བ་དང༌། དེ་དང་སྐབས་གཞན་དུ་བྱ་བའི་ཚོགས་འཁོར་གྱི་ཆོ་ག་དང༌། རྒྱུད་སྣོད་དུ་རུང་ནས་རིམ་གྱིས་བསྒོམ་པར་བྱ་བའི་རིམ་པ་གཉིས་དང༌། རིགས་སོ་སོ་བ་བཞི་དང༌། ལས་ཐམས་ཅད་པའི་ཐབ་ཁུང་སོ་སོར་སྦྱིན་བསྲེག་བྱས་པས་བཟླས་པའི་སྐྱོན་དག་པ་དང༌། ནུས་པ་བསྐྱེད་
ཅིང་དངོས་གྲུབ་འགྲུབ་པར་བྱེད་པ་དང༌། དེ་རྣམས་ཀྱི་དུས་སུ་ཉེ་བར་མཁོ་བའི་འཇིག་རྟེན་ལས་འདས་མ་འདས་ཀྱི་གཏོར་མ་དང༌། དམ་ཚིག་ཅན་གྱི་རྣལ་འབྱོར་པ་ཕོ་མོ་ཕྱོགས་གཅིག་ཏུ་འདུ་བའི་རྣམ་གཞག་སྟོན་པ་དང༌། ཆོས་རྣམས་ཀྱི་ཡིན་ལུགས་དེ་ཁོ་ན་ཉིད་དེ་རྣམ་པ་
བདུན་དུ་གྲགས་པ། །དེ་ནི་གསང་སྔགས་ཀྱི་སྤྱོད་པའི་ཚུལ་ཞེས་བཤད་དོ། །ཅེས་བྱ་བའོ། །ཚུལ་གྱི་ཆོས་ཞེས་པའི་ཆོས་ཀྱི་སྐད་དོད་དྷརྨཱ་ལ་དྷ་ར་ཎ་འཛིན་པ་ཡིན་ལ། འདིར་ཚུལ་དང་ཆོས་གཞི་མཐུན་དུ་བཤད་པ་ནི་ཚུལ་བདུན་པ་དེ་ཉིད་ཅེས་པ་སྟེ། དེ་ནི་གཙོ་
བོར་རྫོགས་པའི་རིམ་པའི་ཏིང་ངེ་འཛིན་ལ་གནས་ནས། དེ་འཛིན་པར་བྱེད་པའི་ཕྱིར་དེ་ཉིད་དེ་ལ་ཆོས་ཞེས་བྱའོ་སོ། །རྣམ་པ་དེ་ལྟ་བུའི་དེ་བཞིན་གཤེགས་པ་གཅིག་ནས་གཅིག་ཏུ་བརྒྱུད་པའི་སྔགས་ཀྱི་སྤྱོད་པའི་ཚུལ་གྱིས་
4-2-203b


ཆོས་རྫོགས་པར་གྱུར་པ་ནི་ཕྱིར་བྱུང་བར་གྱུར་པའོ། སྒྲ་པ་ལྟར་ན་ཆོས་ལས་སོང་ཞེས་བྱ་བ་ཡིན་མོད་ཀྱི་ཆོས་ཞེས་བྱ་བ་ནི་ལུང་གི་ཚིག་རྒྱལ་བའི་བཀའ་ཡིན་པས། སྒྲ་གཙོ་བོར་མ་བྱས་པའི་དོན་ནོ་གོ། ༼འདིར་སྙིང་པོ་བསྐུལ་དགོས་པ་དེས་དྲན་པ་གཅིག་པ་མཐར་༼
པ་ཚབ་ཀྱིས། སྔགས་ཀྱི་སྤྱོད་པའི་ཚུལ་གྱི་ཆོས་ལས་སོང་བར་གྱུར་པ་སྟེ། སོན་ཞིང་ཕྱི་རོལ་ཏུ་གྱུར་ཏོ་ཞེས་བསྒྱུར་བ་ལྟར་བྱའོ། །༽ཕྱིན་པའི་འོག་ཏུ་སྤྱོད་པ་གསུམ་ལ་བསླབས་ཀྱང༌། དངོས་གྲུབ་མ་རྙེད་པ་ནི་སངས་རྒྱས་རྣམས་མངོན་དུ་ཕྱོགས་ཏེ། དངོས་གྲུབ་འགྲུབ་པར་བྱིན་གྱིས་རློབ་པ་མ་བྱུང་
བས་ཡིན་ལ། དེའི་རྒྱུ་ཡང་ཆོས་ལས་ཕྱི་རོལ་ཏུ་གྱུར་པའོ། །སྙམ་དུ་དགོངས་པ་ཡིན་ཞེས་པའི་ཆོས་དེ་ཁོ་ན་ཉིད་ལ་བཤད་པ་ནི། སྔགས་ལ་གཞོལ་བའི་དབང་པོ་དམན་པ་འགའ་ཞིག་གིས་སྤྱོད་པའི་སྒོ་ནས་བདེ་སྟོང་སྦྱོར་བ་ལ་གོམས་པར་བྱས་ཀྱང་འཇིག་རྟེན་པའི་དངོས་གྲུབ་ཆེན་པོ་རྣམས་ཀྱང་འགྲུབ་པ་དང༌། 
དེའི་འོག་མ་རྣམས་མྱུར་དུ་འགྲུབ་པར་སངས་རྒྱས་རྣམས་ཀྱིས་བྱིན་གྱིས་རློབ་པའི་རྟོགས་པ་མ་སྐྱེས་པས་ལན་ལ། དེ་འདྲ་བའི་བདེ་སྟོང་དབྱེར་མེད་ཀྱི་རྟོགས་པའི་ཆོས་ལས་ཕྱི་རོལ་ཏུ་གྱུར་ཞེས་པའི་དོན་ཏོ། །༽སྤྱན་རས་ཀྱིས་མི་འཚོ་སྟེ་ཞེས་བྱ་བ་ནི་མང་དུ་གཅེས་པར་མི་མཛད་
པའོ།། ༈ དེ་ལྟར་སྔགས་ལ་མཆོག་ཏུ་གཞོལ་བ་རྣམས་ལ། དེ་བཞིན་གཤེགས་པ་རྣམས་རྒྱབ་ཀྱིས་ཕྱོགས་པ་ནི་སྔར་བཤད་པ་ལྟར་རྡོ་རྗེ་འཆང་གིས་གཟིགས་ནས། དངོས་གྲུབ་འདོད་པ་དེ་རྣམས་རྗེས་སུ་གཟུང་བར་མཛད་པའི་ཕྱིར། དེ་༼
ཞེས་པ་ནི་ཐུགས་བརྩེ་བ་ཆེན་པོས་མི་དགོངས་པ་མིན་གྱིས། སྒྲུབ་པ་པོ་ལ་མངོན་དུ་ཕྱོགས་ནས་དངོས་གྲུབ་འགྲུབ་པར་བྱིན་གྱིས་མི་རློབ་པའོ། །༽བཞིན་གཤེགས་པའོ། །སྤྱན་རས་ཀྱིས་འཚོ་བའི་ཐབས། བཅོམ་ལྡན་འདས་ཇི་ལྟར་སྟོན་པར་མཛད་པ་དེ་བསྟན་པར་བྱ་བའི་ཕྱིར་
4-2-204a


སྡུད་པར་བྱེད་པས། དེ་བས་ན་ཞེས་བྱ་བ་ལ་སོགས་པ་གསུངས་ཏེ། གང་གི་ཕྱིར་འདོད་ཡོན་ལ་རོལ་བ་ལ་སོགས་པའི་སྒོ་ནས་མཆོག་ཏུ་དགའ་བའི་བདེ་བ་རྗེས་སུ་མྱོང་བར་མཛད་པ་དེ་བཞིན་གཤེགས་པ་རྣམས་སྒྲུབ་པ་པོ་ལ་གཟིགས་
པར་མི་མཛད་དེ། དེ་བས་ན་སྐྱེས་བུ་དམ་པ་དེ་རྣམས་ལ་དེ་བཞིན་གཤེགས་པ་རྣམས་སྤྱན་རས་ཀྱིས་བཙའ་བར་བྱ་བའི་ཕྱིར་སྐྱེས་བུ་དམ་པ་སྒྲུབ་པ་པོ་དེ་རྣམས་ལ་མངོན་སུམ་དུ་མཛད་དེ། དངོས་གྲུབ་རྣམས་འགྲུབ་པར་བྱིན་གྱིས་བརླབས་པས་དད་པ་བསྐྱེད་པར་བྱ་
བའི་ཕྱིར། འོག་ནས་བཤད་པ་འདི་གསུངས་པའོ། །དེ་གང་ཞེ་ན། དེ་བཞིན་གཤེགས་པ་ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་གསང་བར་གྱུར་པའི་སྔགས་ཐམས་ཅད་ནི་སྦྲུལ་ལ་
སོགས་པའི་གསང་སྔགས་ཀྱི་ལྷ་རྣམས་སོ། །དེ་རྣམས་ཀྱི་སྙིང་པོ་ནི་སྔགས་གང་གིས་ལྷ་རྣམས་ཀྱི་སྲོག་ཡང་དག་པར་སྐུལ་བར་བྱེད་ཅིང་རབ་ཏུ་སད་པར་བྱེད་པ་དེ་ནི་སྔགས་ཐམས་ཅད་ཀྱི་སྙིང་པོ་ཀུན་ཏུ་སྐུལ་བར་བྱེད་པ་ཞེས་བྱ་བ་རབ་ཏུ་གསང་བ་སྟེ། 
སྣོད་མ་ཡིན་པ་རྣམས་ལ་མཆོག་ཏུ་སྦ་བར་བྱ་བའོ། །དེ་བཞིན་གཤེགས་པ་ཐམས་ཅད་ནི་གཏི་མུག་གི་རིགས་ཅན་རྣམས་སོ། །དེ་རྣམས་ཀྱི་སྐུ་དང་གསུང་དང་ཐུགས་ཀྱི་མི་ཕྱེད་པའི་ངོ་བོ་ཉིད་ཀྱིས་ཡང་དག་པར་བྱོན་ཅིང་གཤེགས་པས་ན་དམ་ཚིག་གོ། 
དེ་ལ་སྔགས་པ་རྣམས་ཀྱིས་དམིགས་ཤིང་ཡིད་ལ་བྱས་པས་ན་དམིགས་པ་སྟེ་དམ་ཚིག་དེ་ལ་དམིགས་པ་ནི་ཡི་གེ་ཨོཾ་མོ། །༼དམ་ཚིག་གི་སྐད་དོད་ས་མ་ཡ་ལ། ས་མྱ་ཀ་ཡནྟི་ནི་ཡང་དག་པར་བྱོན་པའོ། །གཙྪནྟི་གཤེགས་པའོ། །༽དེ་བཞིན་དུ་༼ཞེས་པ་
4-2-204b


ནི་སྐུ་དང་ཞེས་པ་ནས་དམིགས་པའི་བར་རྣམས་སྔ་མ་དང་འདྲ་བར་སྟོན་པའོ། །༽རྡོ་རྗེ་འཛིན་ཞེ་སྡང་གི་རིགས་ཐམས་ཅད་ཀྱི་སྐུ་ལ་སོགས་པ་ལ་དམིགས་པ་ནི་ཡི་གེ་ཧཱུཾ་མོ། །ཆོས་འཛིན་པ་འདོད་ཆགས་ཀྱི་རིགས་ཐམས་ཅད་ཀྱི་སྐུ་ལ་སོགས་པ་ལ་དམིགས་པ་ནི་
ཡི་གེ་ཨཱཿའོ། །འདི་ཞེས་བྱ་བ་ནི་འོག་ནས་བཤད་པའོ། །ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཞེས་བྱ་བ་ནི་རྡོ་རྗེ་འཆང་ཆེན་པོ་ཉིད་དེ་དེའི་སྐུ་སྤྱི་བོ་ལས་ཡི་གེ་ཨོཾ། གསུང་མགྲིན་པ་ལས་ཡི་གེ་ཨཱཿ། ཐུགས་ཀ་ལས་ཡི་གེ་ཧཱུཾ། །ཡི་གེ་གསུམ་
ཨོཾ་ནས་བརྩེགས་པའི་གོ་རིམ་ཇི་ལྟ་བ་བཞིན་དུ་གསུངས་ཤིང་ཕྱུང་བར་གྱུར་པའོ། །གནས་དེ་རྣམས་ལས་གསུང་ལུགས་ཇི་ལྟ་བུ་ཞེ་ན། ཚིག་གི་ལམ་ངེས་པར་བརྗོད་པས་ཞེས་བྱ་བ་སྟེ། ཚིག་གི་ལམ་ནི་ཁ་སྟེ་རྡོ་རྗེ་འཆང་དེའི་ཞལ་ལོ། །ཞལ་དེ་ནས་ངེས་པར་
བརྗོད་པའི་ཞལ་ནས་ཡི་གེ་ཨཱཿསྟོན་པའོ། །ཞལ་ནས་ཨཱཿངེས་པར་བརྗོད་པ་དེས་དེར་མ་ཟད་ཐུགས་ཧཱུཾ་ཡིག་དང་སྐུ་ཨོཾ་ཡིག་དག་ཀྱང་གསལ་བའི་ཚིག་གིས་ཞལ་ནས་གསུངས་པ་དང༌། དུས་མཉམ་དུ་གནས་གསུམ་ལས་ཀྱང་ཡི་གེ་གསུམ་བྱུང་བའོ། །ཇི་ལྟ་
བུའི་གསུང་ཞེ་ན། བུད་མེད་དབྱངས་བཅུ་གཉིས་དང་། སྐྱེས་པ་གསལ་བྱེད་སོ་གསུམ་དང༌། མ་ནིང་གི་རྀ་རཱྀ་ལྀ་ལཱྀ་བཞིའི་ངོ་བོ་ཉིད་ཀྱི་ཡི་གེ་རྣམས་ཏེ། དེ་རྣམས་ཡང་དག་པར་བསགས་ཤིང་གང་དུ་བསྡུས་པར་གྱུར་པ་དེ་ནི་སྔགས་བསྡུས་པ་སྟེ་དེ་ཡི་གེ་
གསུམ་དུ་གསུངས་པའོ། །དེ་ནས་ཞེས་བྱ་བ་ལ་སོགས་པ་ལ། དེ་ནས་སྔགས་བསྡུས་པ་གསུངས་པའི་འོག་ཏུ་ཡི་གེ་གསུམ་པོ་འདི་གསུངས་ཙམ་གྱིས་ཏེ་བརྗོད་པའི་སྐད་ཅིག་ལ་མི་བསྐྱོད་པ་ལ་སོགས་པའི་སངས་རྒྱས་ཐམས་ཅད་དང་། སྲས་ཏེ་བྱང་
4-2-205a


ཆུབ་སེམས་དཔའི་ཚོགས་དང་བཅས་པ་རྡོ་རྗེ་འཆང་ཆེན་པོས་སྙིང་པོ་སྐུལ་བའི་སྔགས་གསུངས་པས་རྗེས་སུ་གཟུང་བར་འོས་པའི་སེམས་ཅན་རྣམས་གཟིགས་པས་རབ་ཏུ་འདར་ཞིང་བརྒྱལ་བར་གྱུར་ཏོ། །རྡོ་རྗེ་སེམས་དཔའ་རྗེས་སུ་
དྲན་ཞེས་བྱ་བ་ནི། རིགས་ཐམས་ཅད་ཀྱི་བདག་པོ་རྡོ་རྗེ་སེམས་དཔའ་རྗེས་སུ་དྲན་པ་སྟེ། སེམས་ཅན་ཐམས་ཅད་རྗེས་སུ་འཛིན་པར་མཛད་པའི་ངོ་བོ་ཉིད་དྲན་པས་བརྒྱལ་བ་ནི་དགའ་བ་རྒྱ་ཆེན་པོ་ཐོབ་པར་གྱུར་པ་སྟེ། གྱུར་པ་ཞེས་བྱ་བ་ནི་ཐོབ་པ་
ལ་བྱའོ།། ༈ དེ་ནས་དེ་དྲན་པའི་འོག་ཏུ་ཕྱག་ན་རྡོ་རྗེ་སྟེ་རྡོ་རྗེ་འཆང་ཆེན་པོས། སྒྲུབ་པ་པོ་རྣམས་ལ་སྤྱན་རས་ཀྱིས་འཚོ་བ་ལ་ལྷ་ཐམས་ཅད་ཀྱིས་འདའ་བར་མི་བྱ་པའི་ངོ་བོ་ཉིད་ཀྱི་དམ་ཚིག་འོག་ནས་བཤད་པ་འདི་གསུངས་སོ། །ནམ་མཁའ་ཞེས་བྱ་བ་
ལ་སོགས་པ་ལ། ནམ་མཁའ་ནི་དེ་བཞིན་ཉིད་དེ་འོད་གསལ་ལོ། །དེའི་ངོ་བོར་འཇོག་ཅིང་བསླན་པས་ན་ནམ་མཁའི་དབྱིངས་ཞེས་པའི་དབྱིངས་ཀྱི་དོན་ཏེ་དམ་ཚིག་སེམས་དཔའོ། །དེའི་དབུས་ནི་སྙིང་ག་སྟེ་དེ་ལ་གནས་པར་བཀོད་པའི་དཀྱིལ་འཁོར་ཏེ། 
ཡེ་ཤེས་སེམས་དཔའ་རྡོ་རྗེ་འཆང་དམར་པོ་ཡུམ་དང་བཅས་པ་བསྒོམ་པར་བྱ་ཞིང་བསམ་པར་བྱའོ། །དེ་ཡི་སྟེ་ཡེ་ཤེས་༼དེ་ནི་རིགས་སུའི་ཟློས་པ་པོ་ཡིན་ཀྱང་འདིར་རྡོ་རྗེ་འཆང་དུ་སྐྱེད་པའི་དང་པོ་སྦྱོར་བ་བྱས་ནས་དེ་ལ་སེམས་དཔའ་གཞན་གཉིས་འགོད་པའོ། །
༽སེམས་དཔའ་དེའི་དབུས་སུ་གནས་པ་ནི་ཡེ་ཤེས་སེམས་དཔའ་དེའི་སྙིང་གར་གནས་པ་སྟེ་ཡི་གེ་ཧཱུཾ་ནི་ཏིང་ངེ་འཛིན་སེམས་དཔའ་ཞེས་བྱའོ། །གསུམ་པོ་དེ་དག་རང་གི་གཟུགས་སུ་སྟེ་རང་གི་ངོ་བོ་ཉིད་༼རང་གི་ངོ་བོར་རབ་ཏུ་བརྟག་ཅིང་ཟེར། 
4-2-205b


༽ཀྱིས་རབ་ཏུ་བརྟག་ཅིང་བསྐྱེད་པར་བྱའོ། །སེམས་དཔའ་གསུམ་པོ་དེ་རྣམས་ལས་ཏེ། དེའི་ནང་ནས་ཏིང་ངེ་འཛིན་གྱི་སེམས་དཔའ་རྡོ་རྗེའི་འོད་ཟེར་ཤས་ཆེར་འབར་ཞིང་རྣམ་པར་འཕྲོ་བ་རྣམས་བསམ་པར་བྱ་སྟེ། རྡོ་རྗེ་ནི་དེ་བཞིན་གཤེགས་པ་ལྔ་
རྣམས་སོ། །དེ་རྣམས་ཀྱི་འོད་ཟེར་ནི་དཀར་པོ་ལ་སོགས་པའོ། །དེ་ཤས་ཆེར་འབར་བ་ནི་ཤིན་ཏུ་འབར་བའོ། །རྣམ་པར་འཕྲོ་བ་ནི་འབར་བར་གྱུར་པ་ཉིད་དུ་བསམ་པར་བྱ་བའོ། །སངས་རྒྱས་རྣམས་ཀྱི་ནི་རྣམ་པར་སྣང་མཛད་ལ་སོགས་པ་སྤངས་རྟོགས་ཡོངས་སུ་
རྫོགས་པའི་དང༌། སྤངས་རྟོགས་མ་རྫོགས་པའི་བྱང་ཆུབ་སེམས་དཔའ་དེ་བཞིན་གཤེགས་པ་རྣམས་ཀྱི་སྟེ། ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པ་རྣམས་ཀྱིའོ། །སྐུ་དང་གསུང་དང་ཐུགས་ནི་དེ་རྣམས་ཀྱི་སྐུ་དང་གསུང་དང་ཐུགས་ཀྱི་ནུས་པ་
སྟེ། ཏིང་ངེ་འཛིན་དམ་ཚིག་སེམས་དཔའ་ལས་བྱུང་བའི་དཀར་པོ་ལ་སོགས་པའི་འོད་ཟེར་གྱི་ལྕགས་ཀྱུས་ཐུགས་ཀ་ནས་ནུས་པ་ཐམས་ཅད་དྲངས་པར་རྣམ་པར་བསྒོམ་ཞིང་བསམ་པར་བྱའོ། །དེ་ལྟར་སློབ་པའི་སྒྲུབ་པ་པོས་སྐད་ཅིག་མ་དེ་མ་ཐག་ཉིད་དུ་
དྲངས་ཤིང༌། དམ་ཚིག་སེམས་དཔའ་ལ་བཅུག་པ་ཙམ་ཉིད་ཀྱིས་ཐམས་ཅད་ཟིལ་གྱིས་མནན་ནས་རྡོ་རྗེ་འཆང་དང་འདྲ་བར་འགྱུར་རོ་ཞེས་བྱ་བར་སྦྱར་རོ། །དེ་ཇི་ལྟ་བུའི་ངོ་བོ་ཉིད་དུ་ཞེ་ན། སྐུ་གསུང་ཐུགས་ཀྱི་རྡོ་རྗེ་འཛིན། །ཞེས་པ་སྟེ། སྐུ་ལ་སོགས་པ་
མི་ཕྱེད་པའི་ངོ་བོ་ཉིད་ཡིན་པའི་ཕྱིར། སྐུ་གསུང་ཐུགས་ཀྱི་རྡོ་རྗེ་འཛིན་ཏོ། །ཆེན་པོ་ནི་དེ་བཞིན་གཤེགས་པ་རྣམས་ཏེ། དེ་རྣམས་དགྱེས་པར་བྱེད་པས་རྒྱལ་པོ་ཆེའོ། །ཀུན་ནི་རྒྱུ་བ་དང་མི་རྒྱུ་བའོ། །དེ་རྣམས་ཀྱི་གཙོ་བོ་ནི་ཚངས་པ་ལ་སོགས་པའོ། །དེ་རྣམས་
4-2-206a


ཀྱང་ཆད་པས་ཚར་གཅོད་པ་དང་རྗེས་སུ་འཛིན་པར་མཛད་པས་ཀུན་གྱི་གཙོ་བོ་དབང་ཕྱུག་མཆོག་སྟེ། རྣམ་པ་དེ་ལྟ་བུའི་རྡོ་རྗེ་འཆང་ཆེན་པོར་བདག་ཉིད་བསྒོམ་པར་བྱའོ་ཞེས་བྱ་བའི་བར་དུའོ། །རང་གི་དཀྱིལ་འཁོར་ནི་རང་རྡོ་རྗེ་འཆང་དུ་
བསྒོམས་པའི་རང་གི་ལུས་ཀྱི་དཀྱིལ་འཁོར་རོ། །དེའི་རང་གི་རྡོ་རྗེས་ཏེ་རང་གི་སེམས་ཀྱིས་བསྐྱེད་པའི་ཆོ་ག་འདི་ཉིད་དོ། །འདི་ནི་ཞེས་བྱ་བ་ནི་བཤད་མ་ཐག་པ་གང་ཡིན་པའོ། །སངས་རྒྱས་ཐམས་ཅད་ཀྱི་ཞེས་བྱ་བ་ནི་དུས་གསུམ་དུ་བྱུང་བ་རྣམས་ཀྱིའོ། །སྙིང་པོ་
ནི་བརྟན་པར་གྱུར་པའོ། །རྡོ་རྗེ་ནི་དེ་བཞིན་གཤེགས་པ་ཐམས་ཅད་ཀྱི་ཐུགས་སོ། །དེ་རྣམས་ཀྱི་བསྡུས་པ་ནི་སངས་རྒྱས་བྱང་སེམས་ཀྱི་ནུས་མཐུ་རྣམས་བཀུག་པའོ་སྟེ། ཏིང་ངེ་འཛིན་སེམས་དཔའི་འོད་ཟེར་འདིས་བསྡུས་ཤིང་དྲངས་པས་ན་བསྡུས་
པའོ།། ༈ དེ་ལྟར་དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་ངོ་བོ་ཉིད་དུ་བདག་ཉིད་བསྐྱེད་ནས། འཁོར་གྱི་དཀྱིལ་འཁོར་ཇི་ལྟར་བསྐྱེད་པ་དེ་བསྟན་པར་བྱ་བའི་ཕྱིར། རང་སྔགས་ཞེས་བྱ་བ་ལ་སོགས་པ་གསུངས་ཏེ། རང་ཉིད་སྔགས་ཀྱི་སྐྱེས་
བུ་རྡོ་རྗེ་འཆང་དུ་བསྒོམས་ནས་རང་སྟེ་བདག་ཉིད་ཀྱི་གནས་བཞི་སྟེ་ཤར་ལ་སོགས་པའི་གནས་༼ཞེས་པ་ནི་གོང་དུ་བདག་ཉིད་རྡོ་རྗེ་འཆང་དུ་བསྐྱེད་པར་བཤད་པ་དེའོ། །༽རྣམས་སུ་སྟེ། ཕྱོགས་བཞིར་གཟུགས་ཀྱི་ཚུལ་ཏེ། ལེའུ་གསུམ་པ་དང༌། མདོར་བྱས་
ལས་ཇི་སྐད་དུ་གསུངས་པའི་སྐུ་མདོག་དང་ཕྱག་མཚན་གྱི་གཟུགས་ཀྱི་ཚུལ་དུ་བསྒོམ་མོ་འོ། །ཞལ་གསུམ་ལྟ་བུའི་སྦྱོར་བ་ཡིས། །ཞེས་བྱ་བ་ནི། ཆ་འདྲ་ཞིང་གསལ་བར་གཟུང་བ་ཡིན་པས་ན་ལྟ་བུ་སྟེ་འདོད་ཆགས་ལ་སོགས་པ་སྣང་བ་
4-2-206b


གསུམ་མོ་འོ། །གསུམ་པོ་དེ་རྣམས་ཀྱིས་སྦྱོར་བས་ན་ཞལ་གསུམ་ལྟ་བུའི་སྦྱོར་བ་ཡིས། ཞེས་བྱ་བ་སྟེ། ཞལ། གསུམ་པོ་དེས་སྣང་བ་གསུམ་ཉེ་བར་མཚོན་པར་བྱས་པའོ། ཁ་དོག་གསུམ་གྱིས་ཞེས་པ་ནི་ཡི་གེ་གསུམ་གྱིས་སྔགས་ཀྱི་སྐྱེས་བུ་སྟེ། རྣམ་
པར་སྣང་མཛད་དང་ལ་སོགས་པས་རིན་འབྱུང་འོད་དཔག་མེད་དོན་གྲུབ་བཞི་གནས་བཞིར་བསྒོམ་ཞིང་བསམ་ལ་བསླབ་པར་བྱའོ། །རྣམ་སྣང་སོགས་༼ཁ་དོག་གི་སྐད་དོད་ཝརྣ་ཞེས་པ་ཡི་གེ་དང་ཁ་དོག་གཉིས་ཀ་ལ་འགྲོ་བ་ལ་འདིར་ཡི་གེ་ལ་བསྒྱུར་དགོས་སོ། །༽ཕྱོགས་
བཞིར་བསྐྱེད་པའི་རིགས་པ་འདིས་ཇི་ལྟར་རྣམ་སྣང་སོགས་བཞི་པོ་སོ་སོའི་རང་གི་རིགས་དེ་དང་འབྲེལ་༼རྡོ་རྗེ་འཆང་གིས་གཙོ་བོ་བྱས་པ་ནི་མི་བསྐྱོད་པ་འདིར་མེད་དོ། །༽བའི་ལྷའི་ཚོགས་སྤྱན་མ་ནས་གནོད་མཛེས་ཀྱི་བར་སྤྲོ་བར་བྱས་པ་སྟེ། དེ་བཞིན་གཤེགས་
པ་བཞིའི་གནས་ནི་ཉེ་བར་མཚོན་པ་ཉིད་ཀྱིས་ན། ལྷ་ལྷག་མ་དང༌། དེའི་གནས་ཀྱང་ཤེས་པར་བྱའོ་སོ། །བཅོམ་ལྡན་འདས་རྡོ་རྗེ་དམ་ཚིག་ནི་རྡོ་རྗེ་འཆང་ཆེན་པོ་སྟེ། དེས་དེ་སྐད་ཅེས་བཀའ་སྩལ་པའོ།། ༈ དེ་ལྟར་བསྡུས་པའི་དཀྱིལ་འཁོར་ལྷ་སོ་གཉིས་
མངོན་པར་སྤྲུལ་པའི་དཀྱིལ་འཁོར་རྒྱལ་མཆོག་བྱས་ནས་ཡང་ཅི་ཞིག་བྱ་ཞེ་ན། དེ་ལ་ཞེས་བྱ་བ་ལ་སོགས་པ་གསུངས་ཏེ། དེ་ལ་ཞེས་པ་ནི་དེ་བཞིན་གཤེགས་པའི་ཐུགས་ཡང་དག་པར་བསྐུལ་བ་ལའོ། །འདི་ནི་ཞེས་པ་ནི་འོག་ནས་བཤད་པའོ། །མཆོག་
ནི་དམ་པའོ། །རྡོ་རྗེ་གསང་བ་ནི་དེ་བཞིན་གཤེགས་པའི་གསང་བསྟེ། དེ་བཞིན་གཤེགས་པ་རྣམས་ཀྱི་གསང་བ་མཆོག་གོ་འོ། །སྙིང་གའི་དབུས་སུ་ཕྲ་མོ་ཡི། །དཀྱིལ་འཁོར་རྣམས་ནི་བསམ་པར་བྱ། །ཞེས་བྱ་བ་ལ་སོགས་པ་ལ། རྟེན་གྱི་དཀྱིལ་འཁོར་
4-2-207a


ཉིད་དང་ངོ་བོ་དབྱེར་མེད་པས་དཀྱིལ་འཁོར་པའི་ལྷ་རྣམས་ལ་དཀྱིལ་འཁོར་ཞེས་བྱའོ་སོ། །དཀྱིལ་འཁོར་པའི་ལྷ་དེ་རྣམས་ཀྱི་རེ་རེའི་སྙིང་གའི་དབུས་སུ་ཚུད་པར་སྙིང་གའི་ཟླ་བ་ལ་གནས་པ་ཕྲ་བ་བསྒོམ་པར་བྱ་ཞིང་ཁྱད་པར་དུ་
བསམ་པར་བྱ་བ་ཡིན་པས་ན་བསམ་པར་བྱ་སྟེ། ཡེ་ཤེས་ཀྱི་རང་བཞིན་ཡིན་པས་ན་ཕྲ་བ་སྟེ་ཡེ་ཤེས་སེམས་དཔའ་བསྒོམ་པར་བྱ་བའོ་ཞེས་བྱ་བའི་བར་དུའོ། །ཡི་གེ་མཆོག་༼བསྒོམ་པར་བྱ་བ་ཡིན་པས་རྣམ་བསྒོམ་བྱའོ། །དེ་ནི་རྣམ་པ་ཁྱད་པར་ལ་བཤད་པའོ། །
༽ཏུ་གྱུར་པའི་ཚིག། དེ་ཡི་དབུས་སུ་བསམ་པར་བྱ། །ཞེས་བྱ་བ་ནི། ཡེ་ཤེས་སེམས་དཔའ་དེ་ཡི་དབུས་སུ་ཆུད་ཅིང་ཐུགས་ཀྱི་ཟླ་བར་ཆུད་པ་དེ་བཞིན་དུ་སོ་སོའི་ཡི་གེ་སྟེ་མི་འགྱུར་བའི་ངོ་བོ་ཉིད་མཆོག་ཏུ་གྱུར་པ་ནི་སྙིང་ཁའི་མི་ཤིགས་པ་ལས་བྱུང་
བའི་ཕྱིར་ཕུལ་དུ་བྱུང་བ་ཡིན་ནོ། །ཚིག་ནི་ཡི་གེ་ཧཱུཾ་མོ། །རྡོ་རྗེ་ཆེན་པོ་རྩེ་ལྔ་པ། །རྟག་ཏུ་སྦྱོར་བས་བསྒོམ་པར་བྱ། །ཞེས་བྱ་བ་ནི། སྦྱོར་བས་ཞེས་པ་སྒྲུབ་པ་པོ་༼ཡི་གེའི་སྐད་དོད་ཨ་ཀྵ་ར་མི་འགྱུར་བ་ལ་འཇུག་པའོ། །༽ངེས་པར་ལེགས་པ་ལ་
སྦྱོར་བར་བྱེད་པས་ན་སྦྱོར་བ་སྟེ་ཏིང་ངེ་འཛིན་གྱི་སེམས་དཔའོ། །ཧཱུཾ་དེ་ལས་རྡོ་རྗེ་ཆེན་པོ་རྩེ་ལྔ་པ་ཁ་རྣམ་པར་གྱེས་པའི་ལྟེ་བར་ཧཱུཾ་གིས་མཚན་པ་བསམ་ཞིང་བསྒོམ་པར་བྱའོ། །སྙིང་གའི་དབུས་སུ་ཕྲ་མོ་ཡི་ཞེས་པའི་རྐང་པ་དྲུག་གིས་བསྟན་ཚུལ་འདིས་ནི་
དམ་ཚིག་དང་ཡེ་ཤེས་དང་ཏིང་ངེ་འཛིན་སེམས་དཔའ་ཞེས་གྲགས་པའི་གསུམ་པོ་དེ་དག་མི་ཕྱེད་པས་ན་རྡོ་རྗེ་སྟེ་དེ་གསུམ་ལྷ་ཐམས་ཅད་ལ་བསམ་ཞིང་བསྒོམ་པར་བྱའོ།། ༈ རྡོ་རྗེ་ཀྱོ་བའི་སྦྱོར་བ་ཡིས། ཞེས་བྱ་བ་ལ། རྡོ་རྗེ་ནི་དེ་བཞིན་
4-2-207b


གཤེགས་པ་རྣམས་སོ། །དེ་རྣམས་ཀྱིས་སྤྲོས་པའི་འོད་ཟེར་ནི། སངས་རྒྱས་རྣམས་ཀྱི་ནུས་མཐུ་འགུགས་པ་ལ་ལྕགས་ཀྱུ་དང་འདྲ་བས་ན་ཀྱོ་བ་སྟེ་གླང་པོ་ཆེ་འགུགས་པའི་ལྕགས་ཀྱུ་བཞིན་ནོ། །དེའི་སྦྱོར་བ་ནི་རྡོ་རྗེ་ཀྱོ་བའི་སྦྱོར་བ་སྟེ། རྡོ་རྗེ་ཀྱོ་བའི་སྦྱོར་བ་དེ་ལས་ཞེས་
པ་འོད་ཟེར་སྤྲོས་པའི་འོད་ཀྱི་སྣང་བས་རྡོ་རྗེ་གསུམ་སྟེ། སེམས་དཔའ་སུམ་བརྩེགས་སུ་བྱས་པ་རྣམས་གསལ་བར་བྱས་པར་རྣམ་པར་བསྒོམ་པར་བྱའོ། །ཞེས་པའི་དོན་ནོ། །ཀྱོ་བའི་སྦྱོར་བ་དེ་ཉིད་བསྟན་པར་བྱ་བའི་ཕྱིར། དེ་ཡིས་སྙིང་ཁར་ཞེས་བྱ་བ་ལ་སོགས་པ་གསུངས་ཏེ། 
དེ་ཡིས་ཞེས་པ་རྡོ་རྗེ་གསུམ་གྱིས་ཏེ། སེམས་དཔའ་སུམ་བརྩེགས་ཀྱི་འོད་ཟེར་གྱིས་སངས་རྒྱས་ཀྱི་ཞིང་ན་བཞུགས་པའི་སྙིང་ཁ་སྟེ། བསྒྲུབ་པར་བྱ་བའི་ལྷ་རྣམས་ཀྱིའི་སྙིང་ཁར་བརྡབ་པར་བྱ་ཞིང་བསྐྱོད་པར་བྱ་སྟེ། དཀྱིལ་འཁོར་གྱི་བདག་པོ་ལ་སོགས་པ་སེམས་
དཔའ་གསུམ་གྱི་བདག་ཉིད་ཅན་གྱི་དཀྱིལ་འཁོར་པའི་ལྷ་རྣམས་ཀྱིས་སྤྲོས་པའི་འོད་ཟེར་གྱི་ཚོགས་རྣམས་གཅིག་ཏུ་གྱུར་པའི་འོད་ཟེར་གྱི་ཚོགས་ཀྱི་ལྕགས་ཀྱུས་བསྒྲུབ་པར་བྱ་བའི་ལྷའི་ཐུགས་ཀར་ཞེས་པ་སེམས་དཔའ་གསུམ་དུ་གྲགས་པ་བསྐུལ་བར་
བྱའོ། །ཞེས་བྱ་བའི་སྒྲས་ནི་ཇི་སྙེད་པའི་ལྷ་རྣམས་ཀྱི་ཚོགས་བསྐུལ་བར་བྱ་བའོ། །རྡོ་རྗེ་ལྕགས་ཀྱུས་བརྡབས་པས་སྒྲུབ་པ་པོ་ལ་དགོངས་པར་བྱ་བ་བསྐྱེད་པའི་འོག་ཏུ་ལྷ་སྟེ་གནོད་མཛེས་རྒྱལ་པོ་བཀུག་ལ། དེ་རང་གི་མདུན་དུ་འདུག་སྟེ། བདག་གིས་༼
ལྷ་ཡང་རབ་ཏུ་བསྐུལ་བར་བྱ། །ཞེས་པ་ལ་ཡང་གི་སྒྲ་ནི་བསྡུ་བ་སྟེ་ཞེས་པ་ལྟར་བྱའོ། །དེའི་དོན་ནི་འོད་ཟེར་གྱི་ཀྱོ་བ་བཏང་སྟེ། ལྷ་རྣམས་ཀྱི་ནུས་མཐུ་བཀུག་ནས་རང་ལ་བསྟིམས་པར་མ་ཟད། ལྷ་གནོད་མཛེས་ཀྱང་རབ་ཏུ་བསྐུལ། ཞེས་པ་སྟེ་འཆད་པར་འགྱུར་རོ། ༽ཅི་ཞིག་བགྱི་ཞེས་བཀའ་
4-2-208a


ལུང་ནོད་པར་བསམས་ལ་གནོད་མཛེས་དེ་ལ་དེ་བཞིན་གཤེགས་པ་རྣམས་ཀྱིས་བདག་ལ་དངོས་གྲུབ་སྦྱིན་པར་སྐུལ་ཅིག་ཅེས་ལུང་སྟེ། བཀའ་བསྒོ་ཞིང་འོ། །དེས་ཀྱང་སངས་རྒྱས་ཀྱི་ཞིང་དུ་བྱོན་ནས་མིང་འདི་ཞེས་བྱ་བའི་སྒྲུབ་པ་པོ་ཁྱེད་
ཀྱིས་བསྟན་པ་ལ་དགའ་ཞིང༌། དངོས་གྲུབ་མྱུར་དུ་འགྲུབ་པ་དོན་དུ་གཉེར་བ་འདི་ལ། དངོས་གྲུབ་སྩོལ་བར་མཛོད་ཅིག་ཅེས་བསྐུལ་བ་དང༌། ཐུགས་ཀར་ལྕགས་ཀྱུས་བརྡབས་ནས་དེ་རྣམས་ཀྱི་ནུས་པ་བསྡུས་པ་དྲངས་ཏེ་རང་ལ་བཅུག་པར་བསམ་མོ།། ༈ ། འདི་ནི་ཞེས་པ་ནི་བཤད་མ་ཐག་
པའི་ཆོ་ག་སྟེ། དེ་ནི་རྡོ་རྗེ་ཅན་ཐམས་ཅད་ཀྱི་ཞེས་པ་སྒྲུབ་པ་པོ་ཐམས་ཅད་ཀྱིའོ། །སངས་རྒྱས་བྱང་ཆུབ་རབ་བསྒྲུབ་པའོ། །ཞེས་བྱ་བ་ནི། སངས་རྒྱས་ནི་དེ་བཞིན་གཤེགས་པ་རྣམས་སོ་ཏེ། དེ་རྣམས་ཀྱི་བྱང་ཆུབ་ནི་ཀྱི་སེམས་སོ། 
རབ་ཏུ་བསྒྲུབ་པ་ནི་འགུགས་པའོ། །རྡོ་རྗེ་ཞེས་བྱ་བ་ལ་སོགས་པ་ལ། བཤད་མ་ཐག་པའི་སེམས་དཔའ་གསུམ་གྱི་བདག་ཉིད་ཅན་གྱི་རྡོ་རྗེ་ཀྱོ་བ་བསྒོམ་པ་འདི་ནི། རྡོ་རྗེ་པདྨོ་རིགས་ལ་སོགས་ཞེས་བྱ་བ་སྟེ། རྡོ་རྗེ་དང༌། པདྨའི་རིགས་དང༌། ༼
ཞེས་པ་ནི་དེ་རྣམས་ཀྱི་ཐུགས་ཀྱི་ནུས་པ་སྒྲུབ་པ་པོ་ལ་འགུགས་པའོ། །༽སོགས་པས་ནི་དེ་བཞིན་གཤེགས་པ་དང༌། རིན་པོ་ཆེ་དང་ལས་ཀྱི་རིགས་ཀྱི་སྒྲུབ་པ་པོས་ཀྱང་ཉམས་སུ་བླང་བའོ།། ༈ འདི་ནི་ཞེས་པ་བཤད་མ་ཐག་པའི་སྙིང་ཁ་བསྐུལ་
བ་སྟེ། དེ་བཞིན་གཤེགས་པའི་ཐུགས་རབ་ཏུ་བསྐུལ་བ་དེ་ནི་རོལ་མོ་ལྟར་འབྱུང་བས་ན་རོལ་མོའི་འབྱུང་བ་སྟེ། ཇི་ལྟར་རོལ་མོ་ལ་གར་མཁན་ནི་གཅིག་པུ་ཉིད་༼འདིར་རིགས་ལྔ་པོ་སུའི་ཟློས་པ་པོ་ཡིན་ཀྱང་གཙོ་བོ་རྡོ་རྗེ་འཆང་གིས་བྱའོ། །
4-2-208b


༽ལས་བསྒྱུར་བས། ལྷའི་དབང་པོ་ལ་སོགས་པ་གཞན་དུ་ཡོངས་སུ་རྟོག་པར་བྱེད་དོ། །དེ་བཞིན་དུ་འདིར་ཡང་ཐུགས་རྡོ་རྗེ་གཅིག་པུ་བསྒྲུབ་པར་བྱ་བ་དང༌། སྒྲུབ་པ་པོ་དང་བསྒྲུབ་པའི་ཚུལ་ཀྱིས་ཡོངས་སུ་རྟོག་གོ་ཞེས་བྱ་བའི་བར་དུའོ།། ༈ ཐུགས་ཡང་
དག་པར་བསྐུལ་བ་འདི་ཡི་དུས་ཀྱི་ཚད་བསྟན་པར་བྱ་བའི་ཕྱིར། རྡོ་རྗེ་ཡི་ནི་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་ཡི་ནི་ཚུལ་མཆོག་འདི་ཞེས་བྱ་བ་ལ། རྡོ་རྗེ་ནི་དེ་བཞིན་གཤེགས་པ་རྣམས་ཏེ། དེ་རྣམས་ཀྱི་ཐུགས་སྙིང་པོ་སྐུལ་བའི་ཆོ་ག་གང་གིས་
གདུལ་བྱ་ལ་དགོངས་པར་ཁྲིད་ཅིང་དྲངས་པ་གང་ཡིན་པ་དེ་ནི་རྡོ་རྗེ་ཡི་ཚུལ་ལོ། །ཐུགས་བསྐུལ་བ་དེ་ལ་མཆོག་ཏུ་གྱུར་ཅིང་ཕུལ་དུ་བྱུང་བས་ན་རྡོ་རྗེ་ཡི་ནི་ཚུལ་མཆོག་སྟེ། ཐུགས་བསྐུལ་བ་དེའི་ཆོ་ག་ནི། རྡོ་རྗེ་འཆང་གིས་གཙོ་བོ་བྱས་པའི་དང་པོ་སྦྱོར་བ་དང༌། དཀྱིལ་འཁོར་རྒྱལ་
མཆོག་དང་འོད་ཟེར་གྱིས་ཀྱོ་བ་དང༌། གནོད་མཛེས་གཏོང་༼འདི་ནི་ཚུལ་གྱི་སྐད་དོད་ན་ཡ་ལ་ངེས་ཚིག་གིས། ནཱི་ཡནྟེ་ཁྲིད་པ་དང༌། ཨ་ཀྲིཥྱ་དྲང་བ་བྱ་བ་ལ་འཇུག་པའོ། ༽བ་སོགས་ཀྱི་ལས་རྒྱལ་མཆོག་དང༌། ཕྱག་རྒྱ་ལ་བརྟེན་ནས་བདེ་བ་བསྐྱེད་དེ། ལུས་ངག་ཡིད་གསུམ་དེ་ཁོ་ནར་
མ་གྲུབ་པའི་སྟོང་པ་ཉིད་ཀྱི་ལྟ་བ་དང་སྦྱར་ཏེ་སྒོམ་པ་དང༌། ཡི་གེ་གསུམ་གྱི་བཟླས་པ་བྱེད་པ་རྣམས་ཏེ། དེ་རྣམས་རྗེས་སུ་བསྒྲུབ་པར་བྱའོ། །ཞག་བདུན་བར་དུ་བྱས་ན་ནི་ཞེས་བྱ་བ་ནི། བརྩམས་པའི་ཉིན་མོ་ནས་བཟུང་སྟེ་ཉིན་ཞག་བདུན་གྱི་བར་དུ་བྱ་བའོ།། ༈ ཡེ་
ཤེས་རྡོ་རྗེ་ཞེས་བྱ་བ་ལ་སོགས་པ་ནི་ཆོ་གའི་ཕན་ཡོན་གསུངས་པ་ཡིན་ཏེ། ཡེ་ཤེས་རྡོ་རྗེ་ཅན་ནི་སྒྲུབ་པ་པོའོ། །གསང་བ་ནི་བླ་མའི་ལུང་སྟེ། མན་ངག་ལས་རྙེད་པ་ཡིན་པས་སོ། །སྐུ་དང་གསུང་དང་ཐུགས་ཞེས་བྱ་བ་ནི་བསྒྲུབ་པར་བྱ་བའི་དེ་བཞིན་
4-2-209a


གཤེགས་པའི་སྐུ་དང་གསུང་དང་ཐུགས་སོ། །འགྲུབ་པར་འགྱུར་བ་ནི་སྒྲུབ་པ་པོ་ལ་འགྲུབ་བོ་འོ། འཇིགས་ཤིང་ཞེས་བྱ་བ་ནི་འཇིགས་པར་གྱུར་པ་སྟེ། འགྲུབ་ཚུལ་ནི། སངས་རྒྱས་རྣམས་ཀྱིས་འདི་ལྟར་གྱིས་ལ་སྒྲུབས་ཤིག་དང་འགྲུབ་པར་འགྱུར་
རོ་ཞེས་དམ་བཅས་པའི་དམ་ཚིག་ལས་འདའ་བས་འཇིགས་པའོ། །དེ་ལྟར་གྱུར་པའི་དེ་བཞིན་གཤེགས་པ་རྣམས་ཀྱང་སྐྲག་གྱུར་ནས་ཞེས་བྱ་བ་སྟེ། ཐུགས་རྗེའི་དབང་དུ་གྱུར་པས། བར་དུ་གཅོད་པའི་བགེགས་མེད་པའི་ཐུགས་ཀྱིས་སྒྲུབ་པ་པོ་ལ་མཆོག་སྩོལ་བར་
གཟིགས་པར་འགྱུར་ཏེ། ཡིད་ལ་འདོད་པའི་དངོས་གྲུབ་སྩོལ་བས་རྗེས་སུ་འཛིན་པར་མཛད་པའོ། །རྗེས་སུ་གཟུང་བར་མཛད་ནས་ཅི་ཞིག་མཛད་ཅེ་ན། ཡིད་ལ་མགུ་ཞིང་ཞེས་བྱ་བ་ལ་སོགས་པ་གསུངས་ཏེ། ཡིད་ལ་མངོན་པར་མགུ་བས་དགའ་ཞིང་སྡུག་པར་
གྱུར་པའི་དངོས་གྲུབ་རྒྱ་ཆེ་ཞིང་ཡངས་པའི་འཇིག་རྟེན་པ་རྣམས་དངོས་སུ་དང་འཇིག་རྟེན་ལས་འདས་པ་དབང་ཕྱུག་བརྒྱད་ལ་སོགས་པའི་མཚན་ཉིད་ཅན་བརྒྱུད་ནས་སྩོལ་ཅིང་སྟེར་བར་འགྱུར་རོ། །སུ་ཞིག་གིས་སྩོལ་བར་འགྱུར་ཞེ་ན། སངས་རྒྱས་ཞེས་བྱ་བ་ལ་
སོགས་པ་གསུངས་ཏེ། སངས་རྒྱས་ནི་མི་བསྐྱོད་པ་ལ་སོགས་པའོ། །བྱང་ཆུབ་སེམས་དཔའ་ནི་བྱམས་པ་ལ་སོགས་པའོ། །སྔགས་ཀྱི་སྤྱོད་པའི་མཆོག་སྒྲུབ་པས་ཞེས་བྱ་བ་ནི། བྱང་ཆུབ་ཉིད་ལ་སློབ་པའི་གྲུབ་པའི་སྐྱེས་བུ་རྣམས་ཏེ། དེ་རྣམས་ཀྱིས་སྟེར་
བར་འགྱུར་རོ། སོ།། ༈ སྔར་བཤད་པ་དེ་ལྟར་སྙིང་པོ་སྐུལ་བའི་ཐབས་རྣམས་ལ་ནན་ཏན་ཏུ་མི་བྱེད་པའི་སྒྲུབ་པ་པོ་ཅིར་འགྱུར་ཞེ་ན། རྨོངས་པས་ཞེས་བྱ་བ་ལ་སོགས་པ་གསུངས་ཏེ། གལ་ཏེ་སྒྲུབ་པ་པོ་རྨོངས་པའི་བདག་ཉིད་ཅན་སྙིང་པོ་བསྐུལ་
4-2-209b


བར་བྱ་བའི་ཡུལ་འདི་ནི་མཐུ་ཆེན་པོ་དང་ལྡན་པའི་དེ་བཞིན་གཤེགས་པའོ། །བདག་ནི་མཐུ་ཤིན་ཏུ་ཆུང་བའི་ཐ་མལ་པའོ། །དེའི་ཕྱིར་བདག་གིས་དེ་བསྐུལ་མི་ནུས་སོ། །ཞེས་གང་ཡོངས་སུ་རྟོག་པ་སྟེ། བརྟགས་ནས་སྙིང་པོ་བསྐུལ་བ་མི་བྱེད་པ་དེ་ནི་རྨོངས་པའོ། །དེ་ལྟ་བུའི་གཏི་
མུག་གི་བདག་ཉིད་ཅན་གྱི་ངོ་བོ་ཉིད་གང་ཡིན་པ་དེ་ནི་རྨོངས་པའི་བདག་ཉིད་ཅན་ཏེ། དངོས་གྲུབ་སྒྲུབ་པ་དེ་ནི་སྒྲུབ་པ་པོས་དེ་ཡི་སྲོག་གི་ཐ་མ་བར་དུ་ཡིན་ཏེ། དངོས་གྲུབ་སྒྲུབ་པའི་ལས་གང་གིས་དངོས་གྲུབ་ཏུ་འདོད་པ་སྟེ། དངོས་གྲུབ་འགྲུབ་ཏུ་རེ་བའི་ལས་བྱེད་པ་
དེས་སྲོག་ཟད་པར་འགྱུར་གྱི་དངོས་གྲུབ་ཐོབ་པར་ཡང་མི་འགྱུར་ཏེ། སྙིང་པོ་ཡང་དག་པར་བསྐུལ་བ་དང་བྲལ་བའི་ཕྱིར་རོ། །ཞེས་བྱ་བར་དགོངས་ཏེ། སྒྲ་ཇི་བཞིན་པའོ།། ༈ དེ་ལྟར་ཐུན་མོང་གི་སྒྲུབ་པ་བསྐྱེད་རིམ་ལ་ཞུགས་པ་སྔགས་ལ་གཞོལ་བ་རྣམས་
ཀྱི་སྙིང་པོ་ཡང་དག་པར་སྐུལ་བའི་སྦྱོར་བ་བསྟན་ནས། ད་ནི་དངོས་གྲུབ་མཆོག་སྟེ། སྒྲུབ་པ་མཆོག་རྫོགས་རིམ་ལ་གནས་པ་རྣམས་ཀྱི་སྙིང་པོ་བསྐུལ་བ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་ནས་ཞེས་བྱ་བ་ལ་སོགས་
པའི་དོན་ནི་བཤད་ཟིན་ཏོ། །གསུང་ནི་འདི་སྐད་ཅེས་བྱ་བ་ནི་ཚིག་འདི་སྐད་དོ། །བཀའ་སྩལ་ཏོ་ཞེས་བྱ་བ་ནི་གསུངས་པའོ།། ༈ གང་སུ་ཡང་རུང་བའི་སྔགས་ཀྱི་གསང་བ་ལ་ཞུགས་པའི་སྐྱེས་བུ་ནི་སྔགས་ཀྱི་སྐྱེས་བུ་ཇི་སྙེད་པའོ། །རྡོ་རྗེ་གསུམ་གྱི་ཡེ་ཤེས་
ནི་སྣང་མཆེད་ཐོབ་གསུམ་གྱིས་བསྒྲུབ་པར་བྱ་བའི་དེ་བཞིན་གཤེགས་པ་རྣམས་སོ། །༼སྔགས་ནི་གསང་ཆེན་ནོ། །དེ་ལ་ཞུགས་པའི་སྐྱེས་བུ་གང་སུ་ཡང་རུང་བ་ནི། སྔགས་ཀྱི་སྐྱེས་བུ་ཇི་སྙེད་པའོ། །ཞེས་འབྱུང་བ་ལྟར་བདེའོ། །དེའི་དོན་ནི་གསང་ཆེན་རྫོགས་རིམ་ལ་གནས་པའི་སྙིང་པོ་བསྐུལ་དགོས་
4-2-210a


པ་ཇི་སྙེད་པ་རྣམས་སོ། །༽སྣང་བ་གསུམ་གྱིས་བསྒྲུབས་པའི་ལུས་དེ་བཞིན་གཤེགས་པ་དེ་དག་གིས་ཡོངས་སུ་གང་བས་ན་ཡོངས་སུ་རྫོགས་པདེའི་དོན་ནི། རྡོ་རྗེ་གསུམ་གྱི་ཡེ་ཤེས་སྣང་བ་གསུམ་ལས་བསྒྲུབས་པའི་སྒྱུ་ལུས་རྡོ་རྗེ་འཆང་
གི་ཕུང་སོགས། དེ་བཞིན་གཤེགས་པ་ལ་སོགས་པར་བཤད་པའི་སྐུ་དེ་རྫོགས་པའོ། །སྒྱུ་ལུས་གྲུབ་པ་དེ་རྣམས་ཀྱིས་དངོས་པོ་ཐམས་ཅད་བརྟག་པ་ནི་དབང་པོ་གཉིས་ཀྱི་སྦྱོར་བས་འགྱུར་གྱི་གཞན་གྱིས་ནི་མ་ཡིན་ཏེ། དངོས་པོ་ཐམས་ཅད་བརྟག་པར་
བྱ་ཞེས་བྱ་བ་ལ། དངོས་པོ་ཐམས་ཅད་ནི་བཤད་མ་ཐག་པ་དང༌། འོག་ནས་བཤད་པ་སྟེ་སྒྲུབ་པ་ནི་སྒྲུབ་པ་པོ་དང་སྒྲུབ་བྱེད་ཀྱི་ཐབས་དང་བསྒྲུབ་པར་བྱ་བ་ལ་སོགས་པའི་རབ་ཏུ་སྦྱོར་བ་ཇི་སྙེད་པ་ཐམས་ཅད་ནི་བརྟག་པར་བྱ་བའི་གཞིའོ། །དེ་རྣམས་ཀྱི་
བརྟག་པ་ནི་སྒྱུ་ལུས་པ་དེས་བསྐྱེད་པ་སྟེ། ལེའུ་བཅོ་ལྔ་པར་འཆད་པ་ལྟར་སྣོད་བཅུད་ཀུན། ཀུན་རྫོབ་པ་སྒྱུ་མའི་ངོ་བོར་བལྟ་བ་དང༌། དེ་ཐམས་ཅད་ཀྱང་དོན་དམ་འོད་གསལ་གྱི་ངོ་བོར་འཇུག་པའོ། །དེ་ནི་དབང་པོ་གཉིས་ཀྱི་སྦྱོར་བ་ཡིས་ཞེས་བྱ་བ་སྟེ། དབང་
པོ་གཉིས་ནི་བདེན་པ་གཉིས་སོ། །དེ་གཉིས་ཀྱི་འི་སྦྱོར་བ་ནི་གཅིག་ཏུ་འདུས་པ་སྟེ། ཟུང་འཇུག་གོ། ཟུང་འཇུག་དེས་འགྲུབ་པར་འགྱུར་བ་ནི་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་གང་ཅི་ཡང་རུང་བ་དེ་ཐམས་ཅད་འབད་རྩོལ་ཆེན་
པོ་ལ་མི་ལྟོས་པར་འགྲུབ་པ་ནི་དབང་པོ་གཉིས་ཀྱི་སྦྱོར་བ་ཟུང་འཇུག་དང་བྲལ་བས་འགྲུབ་པར་མི་འགྱུར་རོ། །ཞེས་བྱ་བར་དགོངས་སོ། །འདི་ནི་ཞེས་བྱ་བ་ལ་སོགས་པ་ལ་གང་བཤད་མ་ཐག་པའི་སྦྱོར་བས་སྒྲུབ་པ་རྫོགས་པར་བྱེད་པ་འདི་ནི་
4-2-210b


སངས་རྒྱས་ཐམས་ཅད་ཀྱི་སྟེ། དེ་བཞིན་གཤེགས་པ་ཐམས་ཅད་དང་འབྲེལ་བའི་སྔགས་ཀྱི་དམ་ཚིག་སྟེ་འདའ་བར་མི་བྱ་བ་གང་ཡིན་པ་དེ་ནི་སྔགས་ཀྱི་དམ་ཚིག་གོ། དེ་རྣམས་ཀྱི་བསྒོམ་པ་ནི་སྒོམ་པའི་ཐབས་སོ།། ༈ རིག་མའི་དབང་
ཕྱུག་ཅེས་བྱ་བ་ལ་སོགས་པས་ནི། དབང་པོ་གཉིས་ཀྱི་སྦྱོར་བཟུང་འཇུག་འགྲུབ་པའི་ཐབས་གསུངས་པ་ཡིན་ཏེ། རིག་མའི་དབང་ཕྱུག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འོད་གསལ་ལོའོ། །དེར་ཞུགས་པས་ཕུང་པོ་ལ་སོགས་པ་རྣམས་
མི་སྣང་བར་བྱས་པའི་སྤྱོད་པ་བྱས་ནས་མཐར་ཟུང་འཇུག་བསྐྱེད་ནས་དེ་བསྒོམ་པར་བྱའོ་ཞེས་སྟོན་པ་ནི་རྡོ་རྗེའི་སྦྱོར་བ་སྟེ། ཀུན་རྫོབ་དང་དོན་དམ་པའི་བདེན་པ་ཞེས་གྲགས་པའི་སྦྱོར་བ་སྟེ། སྦྱོར་བ་ནི་གཅིག་ཏུ་བྱས་པ་ཟུང་འཇུག་ཡིན་ལ་དེ་བསྒོམ་པར་
བྱ་བའོ།། ༈ དེ་ནས་ཟུང་འཇུག་གྲུབ་པར་གྱུར་ན་ཅི་ཞིག་བྱ་ཞེ་ན། ཆགས་ལ་ཞེས་བྱ་བ་ལ་སོགས་པ་གསུངས་ཏེ། དོན་དམ་པའི་བདེན་པ་ལ་ཞུགས་པའི་འོག་ཏུ་བདེན་པ་གཉིས་ཀྱི་བདག་ཉིད་ཅན་གྱི་རང་གི་ཕྱག་རྒྱ་ཆེན་པོ་ཟུང་འཇུག་གི་སྐུ་
བསྐྱེད་ལ། ཟུང་འཇུག་དེས་ཁམས་གསུམ་དུ་སེམས་ཅན་དེ་རྣམས་ཡོངས་སུ་མི་སྤོང་བ་ལོངས་སྐུ་སེམས་ཅན་གཞན་གྱིས་མི་མཐོང་བ་གཞན་གྱིས་མཐོང་བའི་དོན་དུ་སྤྲུལ་སྐུར་བསྒྱུར་བའི་སྦྱོར་བ་བྱས་པས་སེམས་ཅན་རྣམས་ཀྱིས་དེ་མཐོང་ནས་ཆགས་
ཤིང་ཞེན་པའི་དང༌། ཆགས་པས་ལྟ་བ་ནི་ཁམས་གསུམ་ན་གནས་པའི་སེམས་ཅན་གྱི་ཚོགས་རྣམས་ཀྱིས། འདི་ནི་བདག་ཅག་གི་ཕའོ་ཞེས་བྱ་བ་ལ་སོགས་པའི་བློ་བསྐྱེད་དེ། ཆགས་པ་དང་བཅས་ཤིང་མང་དུ་གཅེས་པར་འཛིན་པའི་
4-2-211a


ལྟ་བས་ཏེ། བསམ་པས་ཟུང་འཇུག་དེ་ལ་ལྟ་བར་ཤེས་པར་བྱའོ། །འདི་ནི་ཞེས་པ་བཤད་མ་ཐག་པ་གང་ཡིན་པ་དེ་ནི་དམ་ཚིག་གི་དཀྱིལ་འཁོར་ཏེ། དམ་ཚིག་ནི་རྡོ་རྗེ་འཆང་ཆེན་པོའོ། །དེའི་དཀྱིལ་ནི་སྙིང་པོར་གྱུར་པའོ། །དེ་
ལེན་ཅིང་འཛིན་པས་ན་དམ་ཚིག་གི་དཀྱིལ་འཁོར་ཏེ། དེ་གང་ཞེ་ན། སློབ་པའི་ཟུང་འཇུག་གིས་མི་སློབ་པའི་ཟུང་འཇུག་གི་སྙིང་པོ་ལེན་པས་ཆོ་གའོ།། ༈ དེ་ལྟར་དངོས་གྲུབ་འགྲུབ་པའི་ཐབས་དང་བཅས་ཤིང་དེ་གྲུབ་པའི་འབྲས་བུ་དང་བཅས་པའི་ཐུགས་ཡང་
དག་པར་བསྐུལ་བ་བསྟན་ནས། འབྲས་བུ་དེ་གྲུབ་པའི་རྣལ་འབྱོར་པ་རྣམས་ཀྱིས་རབ་ཏུ་འཇུག་པ་དེ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཀུན་ནི་རྣམ་པར་སྣང་མཛད་ལ་སོགས་པར་ཡོངས་
སུ་བརྟགས་པའི་གཟུགས་ཀྱི་ཕུང་པོ་ལ་སོགས་པའོ། །ཕུང་སོགས་དེ་རྣམས་ཀྱི་བདག་ཉིད་ནི་ངོ་བོ་ཉིད་དེ་དོན་དམ་པའི་བདེན་པར་ཞུགས་པའི་འོད་གསལ་ལོ་འོ། དེ་ལས་སྐྱེས་པས་ན་དེ་བཞིན་གཤེགས་པ་ཀུན་གྱི་སྲས་ཏེ་རྡོ་རྗེ་འཆང་ཆེན་པོའོ། །
སངས་རྒྱས་ཐམས་ཅད་ཀྱིས་དབང་བསྐུར་བར་གྱུར་པས་ན་ཐམས་ཅད་དབང་བསྐུར་རོ། །དེ་ཉིད་ཀྱིས་ན་སངས་རྒྱས་ཀུན་གྱི་གཙོ་བོ་སྟེ་དེས་འོག་ནས་བཤད་པའི་གསུང་འདི་སྐད་ཅེས་བཀའ་སྩལ་པའོ།། ༈ འཇིག་རྟེན་ཁམས་ནི་
ཞེས་བྱ་བ་ལ་སོགས་པ་ལ། འཇིག་རྟེན་གྱི་ཁམས་མཐའ་ཡས་ཤིང་མུ་མེད་པ་ཐམས་ཅད་ན་ཐ་མ་དང་འབྲིང་དང་མཆོག་གི་དབྱེ་བས་ཕྱེ་བའི་བུད་མེད་ཇི་སྙེད་ཡོད་པར་གྲགས་པ་ཀུན་གཟུགས་རྡོ་རྗེ་ལ་སོགས་པར་ཡོངས་སུ་བརྟགས་པ་སྟེ། 
4-2-211b


བསྒོམས་ལ་སྤྱད་པར་བྱའོ་ཞེས་སྦྱར་རོ། །ཕྱག་རྒྱ་ཆེན་པོ་ནི་རྣམ་པ་གཉིས་ཏེ། གང་ཡིན་ཞེ་ན། བསྐྱེད་རིམ་པའི་སྔགས་ཀྱི་སྐུ་དང༌། རྫོགས་རིམ་པའི་ཡེ་ཤེས་ཀྱི་སྐུའོ། །དེ་ལ་སོགས་པའི་སྦྱོར་བ་ནི་དེ་ཁོ་ན་ཉིད་ལ་དམིགས་པ་སྟེ། དེ་ཁོ་ན་ཉིད་ལ་དམིགས་པའི་
རྣལ་འབྱོར་དེས་གཟུགས་ལ་སོགས་པའི་ཡུལ་དེ་རྣམས་ཉེ་བར་ལོངས་སྤྱད་པར་བྱའོ། །བྱེ་བ་གྲངས་མེད་རྡོ་རྗེ་འཛིན། །སངས་རྒྱས་གནས་ནི་༼སོགས་ཀྱི་སྐད་དོད་དང་པོ་ལའང་འཇུག་པས། དེའི་སྦྱོར་བ་དང་པོ་དེ་ཁོ་ན་ཉིད་ལ་དམིགས་པ་སྟེ། ཞེས་བསྒྱུར་བ་བདེའོ། །
༽དེར་སྤྲོ་བྱ། །ཞེས་བྱ་བ་ལ། བྱེ་བ་གྲངས་མེད་པའི་ཚད་དང་ལྡན་པའི་སངས་རྒྱས་གནས་ཏེ་སངས་རྒྱས་ཀྱི་སྤྲུལ་པ་འདི་གང་ནས་སྤྲོ་ན་ཟུང་འཇུག་སྤྲུལ་སྐུའི་ཕྱག་རྒྱ་ཆེན་པོའི་ལ་སོགས་པའི་སྦྱོར་བ་དེར་ནི་སྟེ། དེ་ནས་སོ་རྡོ་རྗེ་འཛིན་ཅེས་པ་རྡོ་རྗེ་ཅན་
གྱིས་སྤྲོ་བར་བྱའོ་ཞེས་བཅོམ་ལྡན་འདས་བྱང་ཆུབ་ཀྱི་དམ་ཚིག་སྟེ་རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ།།༼ཕ་ཚབ་ཀྱི་འགྱུར་ལ་སོགས་མེད་ལ། ཆག་འགྱུར་ལས། ཕྱག་རྒྱ་ཆེན་པོའི་སྔོན་གྱི་སྦྱོར་བ་དེར། ཞེས་པ་ལྟར་ན། ཟུང་འཇུག་པའི་སྤྲུལ་སྐུར་བསྒྱུར་བའི་
ཕྱག་རྒྱ་ཆེན་པོ་དེ་ཡི་སྔོན་ལ་ཟུང་འཇུག་ལོངས་སྐུ་དེ་ནས་སྤྲོ་བའི་དོན་ནོ། །༽༈ བྱང་ཆུབ་འདི་ཡིས་ཐོབ་པར་འགྱུར། ཞེས་བྱ་བ་ནི་འདི་ཆོས་ཐམས་ཅད་ཀྱི་རང་གི་ངོ་བོ་ཡིན་ལུགས་ཇི་བཞིན་དུ་རྟོགས་པར་མཛད་པ་ལས་མི་གཡོ་བས་ན་བྱང་ཆུབ་སྟེ། དེ་ཟུང་
འཇུག་གི་སྦྱོར་བ་འདི་ཡིས་ཐོབ་པར་འགྱུར་རོ། །བྱང་ཆུབ་དེ་ཇི་ལྟ་བུ་ཞེ་ན། རྡོ་རྗེ་གསུམ་པོ་མཁའ་འདྲ་བའི་ཞེས་བྱ་སྟེ། སྐུ་རྡོ་རྗེ་ལ་སོགས་པའི་ངོ་བོ་ཉིད་ནི་རེག་པར་བྱར་མེད་པས་ནམ་མཁའ་ལྟ་བུ་སྟེ། འབྲས་བུའི་བྱང་ཆུབ་དེ་འཐོབ་པར་འགྱུར་བའོ། །སློབ་
4-2-212a


བཞིན་པ་ལ་གནས་པའི་ཕན་ཡོན་བསྟན་པར་བྱ་བའི་ཕྱིར། བྱང་ཆུབ་སེམས་དཔའ་ཞེས་བྱ་བ་ལ་སོགས་པ་གསུངས་ཏེ། སློབ་བཞིན་པའི་བྱང་ཆུབ་སེམས་དཔའ་ལ་ཉེ་བར་གདགས་པ་སྟེ། བཏགས་ནས་རྒྱལ་བ་ཞེས་གསུངས་སོ་ས་ན། 
རྒྱལ་བའི་ཡོན་ཏན་ཉིད་རྒྱལ་བ་སྟེ་དེ་རྣམས་ཀྱི་འབྱུང་གནས་སུ་འགྱུར་བ་ནི་ཇི་ལྟར་རྒྱ་མཚོ་རིན་པོ་ཆེ་ཀུན་གྱི་འབྱུང་གནས་སུ་གྱུར་པ་བཞིན་ནོ། །ཟུང་འཇུག་སློབ་བཞིན་པ་ལ་གནས་པའི་བྱང་ཆུབ་སེམས་དཔའ་ཉིད་ཀྱིས་རྡོ་རྗེ་སེམས་དཔའ་ལྟ་བུའི་བདེ་བ་དམ་
པ་དང༌། ནད་མེད་པ་ལ་སོགས་པ་ཐོབ་ཅིང་ཚེ་རིང་བ་གང་ཡིན་པ་དེ་ནི་རྡོ་རྗེ་སེམས་དཔའི་ཚེ་སྟེ་དེས་རྒྱལ་བའི་ཡོན་ཏན་རྣམས་འཐོབ་པར་འགྱུར་བ་སྟེ། དགོངས་པས་བཤད་པའོ།། ༈ འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་འགྲུབ་པའི་
ཕྱིར། དེ་བཞིན་གཤེགས་པ་ཐམས་ཅད་ཀྱི་སྙིང་པོ་བསྐུལ་བའི་ལེའུའོ།། ༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བཅུ་པ་མཐའ་དྲུག་གིས་བཤད་པའོ། །། །དེ་ལྟར་རིམ་པ་
གཉིས་ཀྱི་རྣལ་འབྱོར་པ་གཉིས་ཀྱི་སྙིང་པོ་བསྐུལ་བ་རྣམ་པ་གཉིས་བཤད་ནས། རྟོག་པ་སྟེ། བཏགས་པ་བསྐྱེད་རིམ་དང་རྫོགས་པའི་རིམ་པའི་རྣལ་འབྱོར་པ་རྣམས་ཀྱི་སྔགས་དང་ཡེ་ཤེས་ཀྱི་ལྷའི་སྐུ་རྣམ་པ་གཉིས་པོ་ལེའུ་དང་པོ་ལས་གསུངས་
པ་གསལ་བར་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་ལེའུ་བཅུ་གཅིག་པ་གསུངས་ཏེ།། ༈ དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ནི་ཨོཾ་ལ་སོགས་པའི་ཡི་གེ་གསུམ་མོ། །གསུམ་པོ་དེས་བསྐྱེད་པར་གྱུར་བའི་
4-2-212b


སྐྱེས་བུའི་མཆོག་ནི་ལྷ་སྟེ་ཏིང་ངེ་འཛིན་གང་ལ་མིང་དེ་སྐད་ཅེས་བྱ་བའི་ཏིང་ངེ་འཛིན་ལྷ་བསྐྱེད་ཚུལ་སྟོན་པ་དེ་ལ་ཐུགས་རྩེ་གཅིག་ཏུ་བཞག་ནས་སྙོམས་པར་ཞུགས་ཤིང་མངོན་སུམ་དུ་མཛད་ནས་འདི་གསུངས་ཏེ། དེ་གང་ཞེ་ན། དེ་བཞིན་གཤེགས་པ་
ཐམས་ཅད་ཀྱི་སྔགས་གསང་བར་གྱུར་པའི་རྡོ་རྗེ་རིག་པ་ནི་ཨོཾ་ལ་སོགས་པ་ཡི་གེ་གསུམ་པོ་ཉིད་དོ། །དེ་རྣམས་ཀྱིས་གང་དུ་སྐྱེས་བུ་སྟེ་ལྷ་སྐྱེད་པའི་ལེའུ་དེ་གསུངས་སོ་ཞེས་པ་སྟེ་སྡུད་པ་པོའི་ཚིག་གོ། ༈ལེའུའི་མཚན་དོན་འདི་ཉིད་བཅོམ་
ལྡན་འདས་ཀྱི་གསུང་གིས་བསྟན་པར་བྱ་བའི་ཕྱིར། རྡོ་རྗེ་གསུམ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་གསུམ་ནི་སྐུ་དང་གསུང་དང་ཐུགས་རྡོ་རྗེའོ། །དེ་སྐྱེད་པར་བྱེད་པའི་ཡི་གེ་ཨོཾ་ལ་སོགས་པ་ནི་རྡོ་རྗེ་གསུམ་ཡིག་སྟེ། དེ་ལས་སྔགས་ཐམས་
ཅད་འབྱུང་བས་ན་སྔགས་ཀྱི་མཆོག་ཡིན་ལ། སྔགས་དེས་ཏེ། དེ་ལ་བརྟེན་ནས་ལྷའི་སྐུ་ཕྱག་རྒྱ་ཆེན་པོ་རྣམ་པར་བསྒོམ་པར་བྱའོ། །ཕྱག་རྒྱ་ཆེན་པོ་ཞེས་བྱ་བ་ནི་ས་འོག་ས་སྟེང་ས་བླ་ན་རབ་ཏུ་མཆོད་པ་ཡིན་པའི་ཕྱིར། མཆོད་པས་ཆེ་བའི་དགའ་ཞིང་༼
ཕྱག་རྒྱ་ཆེན་པོའི་སྐད་དོད་ལ་མ་ཧཱ་མུ་དྲཱ་ལ་པྲ་བུ་ཛྱ་ཏྭ་ད་མ་ཧཱ་ཏིཾ་ཞེས་པས། རབ་ཏུ་མཆོད་པར་བྱ་བ་ཡིན་པའི་ཕྱིར་ཆེན་པོའོ། །མུ་དཾ་དགའ་བ་ཧ་ར་ཥཾ་མགུ་བ་ཏྲ་བ་ཏི་སོང་ཞིང་གཙྪ་ཏི་སོན་པས་ཕྱག་རྒྱ་ཆེན་པོ་སྟེ། བསྡུ་ན་མཆོད་བྱ་ཆེན་པོ་དགའ་ཞིང་མགུ་བར་བྱེད་པ་དེར་སོང་ཞིང༌། དེར་སླེབ་པ་ཕྱག་ཆེན་གྱི་
དོན་ཡིན་ལ། རིགས་སོ་སོའི་ལྷའི་སྐུར་སྐྱེད་པ་ལ་ཡང་དོན་དེ་ཚང་བས་ཕྱག་ཆེན་ནོ། །༽མགུ་བར་འགྲོ་ཞིང་སོན་པར་གྱུར་པས་ན་ཕྱག་རྒྱ་ཆེན་པོའོ། །དེ་རྣམ་པར་བསྒོམ་པ་ནི་ཉམས་སུ་བླངས་པའོ། །བྱང་ཆུབ་ཐམས་ཅད་ནི་མངོན་པར་བྱང་ཆུབ་པ་རྣམ་པ་ལྔ་སྟེ་
4-2-213a


སྐུ་ཕྱག་རྒྱ་ཆེན་པོ་དེ་འཐོབ་པ་ནི་འོ། །ཡེ་ཤེས་རྡོ་རྗེ་ནི་སྒྲུབ་པ་པོ་སྟེ་དེས་བྱ་བའོ། །ཨོཾ་ཞེས་བྱ་བ་ལ་སོགས་པས་ནི་ཡི་གེ་གསུམ་གྱིས་གང་བྱེད་པའི་བྱ་བ་གང་ཡིན་པ་སྟོན་ཏེ། ཡི་གེ་ཨོཾ་ནི་ཡེ་ཤེས་ཏེ་དེ་བཞིན་གཤེགས་
པ་རྣམ་སྣང་གི་འི་སྙིང་པོ་སྟེ་ས་བོན་ནོ། །ཨོཾ་ཡིག་༼པ་ཚབ་ཀྱིས་བྱང་ཆུབ་ཐམས་ཅད་འདྲེན་བྱེད་པ། །ཡེ་ཤེས་རྡོ་རྗེ་དག་གིས་བྱ། །ཞེས་བསྒྱུར་བ་ལེགས་སོ། །༽དེས་རྣལ་འབྱོར་པའི་མི་ཕྱེད་པ་རྡོ་རྗེའི་ལུས་ཏེ་སྐུ་སྐྱེད་པས་ན་རྡོ་རྗེ་སྐུ་ནི་ཐོབ་བྱེད་པའོ། །བྱང་ཆུབ་
ནི་དེ་ཁོ་ན་ཉིད་འོད་གསལ་ལོ་དོ། །འོད་གསལ་དེ་ལས་སྤྲུལ་ཅིང་བྱུང་བའི་བདག་ཉིད་གང་ཡིན་པ་དེ་ནི་བདག་མེད་པ་སྟེ་འོད་དཔག་ཏུ་མེད་པའོ། །འོད་དཔག་མེད་དེའི་ངོ་བོ་ཉིད་ནི་བདག་མེད་པ་སྟེ་བདག་མེད་པ་ནི་ཡི་གེ་ཨཱཿའོ། །ཡི་གེ་དེའི་ངོ་བོ་ཉིད་ཀྱིས་
རྣལ་འབྱོར་པ་རྣམས་ཀྱི་མི་ཕྱེད་པ་རྡོ་རྗེའི་གསུང་སྐྱེད་པར་བྱེད་པས་ན་རྡོ་རྗེ་གསུང་ནི་འཐོབ་བྱེད་པའོ། སྐུ་དང་གསུང་གི་རྟེན་དུ་གྱུར་སྐུ་དང་གསུང་ལ་བརྟེན་པར་གྱུར་པའི་ཐུགས་ནི་སྐུ་གསུང་ཐུགས་ཏེ། མི་བསྐྱོད་པའོ། །དེའི་ངོ་བོ་ཉིད་ཀྱི་རྡོ་རྗེ་གསུམ་དང་
མི་ཕྱེད་པས་ཐ་མི་དད་པ་ཉིད་གང་ཡིན་པ་དེ་ནི་རྡོ་རྗེ་མི་ཕྱེད་གསུམ་མོ། །ཐུགས་དེ་རྣལ་འབྱོར་པའི་རྒྱུད་ལ་སྐྱེད་པར་བྱེད་པས་ན་རྡོ་རྗེ་མི་ཕྱེད་གསུམ་འཐོབ་པ་སྟེ་ཡི་གེ་ཧཱུཾ་མོ་ལ། དེ་སྐད་ཅེས་གསུངས་སོ། །དེ་བཞིན་གཤེགས་པ་ཐམས་
ཅད་ཀྱི་སྐུ་དང་གསུང་དང་ཐུགས་ཀྱི་སྔགས་ཀྱི་སྐྱེས་བུ་ནི་རྡོ་རྗེ་འཆང་ཆེན་པོས་འོ།། ༈ བཤད་མ་ཐག་པའི་ཕྱག་རྒྱ་ཆེན་པོ་རིགས་སོ་སོའི་སྐུ་བསྐྱེད་པ་རིམ་པ་བཞིན་དུ་བསྟན་པར་བྱ་བའི་ཕྱིར། ནམ་མཁའ་རྡོ་རྗེ་ཞེས་བྱ་བ་ལ་སོགས་
4-2-213b


པ་གསུངས་ཏེ། ནམ་མཁའ་རྡོ་རྗེ་ནི། ནམ་མཁའ་སྟོང་པ་ཉིད་སྒོམ་པ་ཡེ་ཤེས་ཀྱི་ས་སྟེ། དེའི་དབུས་སུ་ཆོས་འབྱུང་དེར་ཆུད་ཅིང་གནས་པར་དཀྱིལ་འཁོར་རྡོ་རྗེ་ཀུན་ལས་སྐྱེས་པ་བསམ་པར་བྱ་སྟེ། རྡོ་རྗེ་ཀུན་ནི་སྤྱན་ལ་སོགས་པ་ལྷ་མོ་བཞི་ཡིན་ལ། ལྷ་མོ་བཞིའི་ངོ་བོར་
གྱུར་པའི་འབྱུང་བཞིའི་དཀྱིལ་འཁོར་དེ་རྣམས་ཀྱི་དཀྱིལ་འཁོར་རིམ་གྱིས་བསྒོམས་པ་རྣམས་གཅིག་ཏུ་འདྲེས་པ་ལས་བསྐྱེད་པའི་དཀྱིལ་འཁོར་ཏེ། རྡོ་རྗེའི་ས་སྣ་ཚོགས་རྡོ་རྗེ་བསྒོམ་པར་བྱ་བའོ། །དེ་རུ་སྟེ་སའི་ཆ་དེའི་སྟེང་དུ་ཡི་གེ་བྷྲུཾ་གཞལ་ཡས་ཁང་སྐྱེད་པའི་རྒྱུར་
གྱུར་པ་བསམ་པར་བྱའོ། །རྡོ་རྗེའི་སྤྲིན་ནི་དེ་བཞིན་གཤེགས་པའི་ཚོགས་ཏེ། ཡི་གེ་དེའི་ཁྱད་པར་ནི་སེམས་ཅན་རྣམས་ཀྱི་ལྷག་པར་མོས་པའི་བསམ་པས་ཇི་ལྟ་བ་བཞིན་དུ་སྤྲོ་བ་ནི་འཕྲོ་བ་སྟེ། དེ་བསྐྱེད་ཅིང་འཛིན་པར་བྱེད་པས་ན་རྡོ་རྗེ་སྤྲིན་ནི་འཕྲོ་སྐྱེད་
པ་སྟེ་ཡི་གེ་བྷྲུཾ་མོ། །དེ་ལ་ཞེས་བྱ་བ་ལ་སོགས་པས་ནི་ཡི་གེ་བྷྲུཾ་སྟོན་ཏོ། །བྷྲུཾ་ཡིག་འདི་ནི་ཡེ་ཤེས་རྡོ་རྗེ་རྣམ་སྣང་གི་སྙིང་པོ་སྟེ་ས་བོན་ཡིན་པ། དེ་ཡོངས་སུ་གྱུར་པ་ལས་གཞལ་ཡས་ཁང་རྫོགས་པར་བསྒོམ་མོ། །དེ་ནས་ལྷག་མོས་སྒོམ་པ་དང༌། དེ་འོད་གསལ་དུ་སྡུད་པ་འོག་
༼འདིས་ཡི་གེ་དེ་ལས་སངས་རྒྱས་ཀྱི་སྤྲིན་གྱི་འོད་ཟེར་འཕྲོ་བར་སྟོན་གྱི། ཡི་གེ་དེས་ལྷག་མོས་ཀྱི་དཀྱིལ་འཁོར་བསྐྱེད་པར་སྟོན་པ་མིན་ནོ། །པ་ཚབ་ཀྱི་འགྱུར་ལའང༌། མོས་པ་ཇི་ལྟ་བ་བཞིན་ཞེས་པ་ལས་མེད་དོ། ༽ནས་སྟོན་པ་ལྟར་བྱས་པའི་དེ་བཞིན་ཉིད་ལས་བྱང་ཆུབ་པའི་རྗེས་སུ་རྡོ་རྗེའི་
དཀྱིལ་འཁོར་ནི་ཉི་མའི་དཀྱིལ་འཁོར་ཏེ། དེའི་དབུས་སུ་ཡི་གེ་ཧཱུྃ་གནས་པར་བསྒོམ་པར་བྱ་བ་སྟེ། ཡི་གེ་ཧཱུྃ་ལས་བྱུང་བའི་ཉི་མའི་དཀྱིལ་འཁོར་བསྒོམ་པར་བྱའོ་ཞེས་བྱ་བར་དགོངས་སོ། །དེ་བཞིན་དུ་ཞེས་པ་ནི་གསལ་བའི་དཀྱིལ་འཁོར་ཟླ་བའི་དབུས་སུ་གནས་
4-2-214a


པར་ཨོཾ་དང༌། ཆོས་ཀྱི་དཀྱིལ་འཁོར་པདྨའི་དབུས་སུ་གནས་པར་ཨཱཿབསྒོམ་པར་གསུངས་པའི་དོན་ཡང་ཡི་གེ་ཨོཾ་དང་ཨཱཿལས་བྱུང་བའི་ཟླ་བ་དང་པདྨའི་དཀྱིལ་འཁོར་ཡང་བསྒོམ་པར་བྱབའི་དོན་ནོ་འོ། །དེ་ལྟར་དཀྱིལ་འཁོར་གསུམ་པོ་
འོག་ཏུ་ཉི་མ། དེའི་སྟེང་དུ་ཟླ་བ། དེའི་སྟེང་དུ་པདྨ། བསྐྱེད་ནས་པདྨའི་ལྟེ་བའི་སྟེང་དུ་ས་བོན་གསུམ་པོ་དེ་ཉིད་རྣམ་པར་དགོད་པར་བྱའོ་ཞེས་བྱ་བ་ནི་དངོས་སུ་མེད་ཀྱང་ཀླུ་སྒྲུབ་ཀྱི་མན་ངག་ཡིན་ནོ། །ཡི་གེ་བྷྲུཾ་གྱིས་གནས་བསྒོམས་ཏེ་ཞེས་བྱ་བ་ལ་སོགས་པ་རྐང་པ་
གཉིས་ཀྱིས་ནི། སྔར་བཤད་པའི་དོན་སྔོན་དུ་གཞལ་ཡས་ཁང་བསྐྱེད་ནས་དེའི་འོག་ཏུ་དཀྱིལ་འཁོར་གསུམ་སྒོམ་པར་བཤད་པ་དེའི་གོ་རིམ་དེ་ཁོ་ན་ལྟར་བྱའོ་ཞེས་ངེས་པར་བྱེད་དེ། སྔར་བཤད་པའི་རིམ་པ་དེ་བཞིན་དུ་ཡི་གེ་བྷྲུཾ་གྱིས་གནས་བསྒོམས་ཏེ། རྡོ་རྗེ་གསུམ་འབྱུང་
བསྒོམ་པར་བྱ། །ཞེས་པ་འདིས་སྔོན་དུ་གཞིའི་དཀྱིལ་འཁོར་བསམས་ལ་དེའི་འོག་ཏུ་དཀྱིལ་འཁོར་དེའི་དབུས་སུ་རྡོ་རྗེ་གསུམ་གྱི་ས་བོན་ལས་འབྱུང་བའི་ཉི་ཟླ་པད་གསུམ་གྱི་མཚན་མ་གསུམ་བསྒོམ་པར་བྱ་ཡི་གཞན་དུ་སྟེ། གཞན་མ་བསྒོམ་པར་དེ་གསུམ་སྒོམ་པ་དང༌། གོ་
རིམ་བཟློག་ནས་སྒོམ་པ་ནི་མ་ཡིན་ནོ་ཞེས་སྟོན་ཏོ། །༼མདོ་བསྲེ་ལས། དཀྱིལ་འཁོར་གསུམ་གྱི་དབུས་སུ་ཡི་གེ་གསུམ་གནས་པར་སྒོམ་པར་གསུངས་པའི་དོན། སྐུ་གསུང་ཐུགས་བྱིན་བརླབས་ཀྱི་སྐབས་ལ་སྦྱར་བ་དང༌། ཡང་མདོ་བསྲེ་དང་རྣམ་གཞག་ལས། རྡོ་རྗེ་གསུམ་འབྱུང་
བསྒོམ་པར་བྱ། །ཞེས་པ་འདི་ལྷག་མོས་ཀྱི་གཙོ་བོ་སྐྱེད་པ་ལ་སྦྱར་བ་དང༌། འགྲེལ་པའི་བཤད་པ་གཉིས་འགལ་བར་མི་བསམ་སྟེ། ཡབ་སྲས་ཀྱི་གཞུང་ནས་རྒྱུད་ཀྱི་རྡོ་རྗེའི་ཚིག་རེ་རེ་ཡང་དོན་མི་འདྲ་བ་དུ་མ་ལ་སྦྱོར་བ་སྔར་ལེའུ་བདུན་པའི་སྐབས་སུ་བཤད་པ་བཞིན་ཡིན་པའི་ཕྱིར་དང༌། དགོངས་པ་ལུང་སྟོན་
4-2-214b


ལས་ཀྱང་། ཚིག་གཅིག་ལ་ཡང་སྣ་ཚོགས་དོན། །ཞེས་འདུས་པའི་རྒྱུད་ཀྱི་ཚིག་གཅིག་ལ་ཡང་དོན་སྣ་ཚོགས་པ་ཡོད་པར་གསུངས་པའི་ཕྱིར་རོ། །མདོར་བྱས་ལས། ཐུགས་བྱིན་བརླབས་ཀྱི་སྐབས་སུ། ཧཱུཾ་ཡིག་གནས་པའི་རྟེན་ཉི་མ་ལ་བཤད་ཅིང་། རྡོར་སེམས་ཀྱི་སྒྲུབ་ཐབས་སུ་དེའི་རྟེན་རྡོ་རྗེ་ལ་བཤད་པ་
ཡང་མི་འགལ་ཏེ། དཔེར་ན་གསུང་བྱིན་བརླབས་ཀྱི་སྐབས་སུ་མདོར་བྱས་ལས། ཨཱཿཡིག་ལྕེའི་སྟེང་དུ་བསྒོམ་པར་བཤད་ལ། མདོ་བསྲེ་ལས་ལྐོག་མར་བསྒོམ་པར་གསུངས་པ་དང་འདྲ་སྟེ། དེ་གཉིས་གང་བྱས་ཀྱང་ཆོག་པའི་ཕྱིར་རོ།། ༈ སྙིང་པོ་ཞེས་བྱ་བ་ལ་སོགས་པ་
ལ། དུས་གསུམ་སངས་རྒྱས་ཀྱི་ནི་དུས་གསུམ་གྱི་དེ་བཞིན་གཤེགས་པ་རྣམས་ཀྱིའོ། །སྙིང་པོ་ནི་མཚན་མ་དང་ཡི་གེ་གསུམ་འདྲེས་པ་ལས་ཟླ་བའི་དཀྱིལ་འཁོར་སྒོམ་པ་ཡིན་ཏེ་ཐུགས་ཀྱི་མཚན་མར་གྱུར་པ་ཡིན་པའི་ཕྱིར་རོ། །སྐུ་གསུང་ཐུགས་ནི་ཡི་གེ་གསུམ་
མོ། །ཡི་གེ་གསུམ་བཀོད་པ་ལ་དམིགས་པ་དེས་གཞི་གང་ལ་སྟེ་དུ་སེམས་ཀྱིས་ཞེན་ཅིང་གནས་པའི་གཞི་དེ་ནི་སྐུ་གསུང་ཐུགས་ནི་མཉེས་བྱེད་པ་སྟེ། ཟླ་བའི་གཟུགས་དང་མཚན་མ་གསུམ་ཉེ་བར་གོམས་པ་བསྒོམ་པར་བྱའོ། །ཟླ་བ་ལས་བྱང་ཆུབ་པ་བསྒོམ་པ་དེ་ནས་
ཅི་ཞིག་བྱ་ཞེ་ཅེ་ན། ཨོཾ་ནི་ཞེས་བྱ་བ་ལ་སོགས་པ་གསུངས་ཏེ། ཟླ་བའི་དཀྱིལ་འཁོར་དེར་སངས་རྒྱས་ཀྱི་སྐུ་ཞེས་བྱ་བར་ཡིད་ཀྱིས་༼ཟླ་བའི་གཟུགས་ཉི་ཟླ་ལ་སོགས་པའི་མཚན་མ་གསུམ་ཉེ་བར་འདྲེས་པ་ལས་བྱུང་བ་བསྒོམ་པར་བྱའོ། །༽བཏགས་པའི་ཡི་གེ་
ཨོཾ་དང༌། དེ་བཞིན་དུ་སངས་རྒྱས་ཀྱི་གསུང་གི་ལམ་ཡི་གེ་ཨཱཿདང༌། ཡེ་ཤེས་ཀྱི་རང་བཞིན་གྱི་ཚོགས་གང་ལ་ཡོད་པ་དེ་ནི། ཡེ་ཤེས་འཇིང་སྟེ་ཐུགས་སོ། །དེའི་ངོ་བོ་ཉིད་ནི་ཡི་གེ་ཧཱུཾ་མོ། །༼དེ་དག་གིས་ནི་ས་བོན་ལས་བྱང་ཆུབ་པ་སྟོན་ནོ། །༽དེ་ལྟར་ན་ཡི་
4-2-215a


གེ་གསུམ་པོ་འདི་ནི་བྱང་ཆུབ་ཚུལ་མཆོག་འདི་ཡིན་ཏེ་ཞེས་བྱ་བ་སྟེ། བྱང་ཆུབ་ནི་བདེ་བ་ཆེན་པོའི་གནས་འབྲས་བུའི་སྐབས་སོ། །དེར་འཁྲིད་ཅིང་འཐོབ་པར་བྱེད་པས་ན་ཚུལ་ཏེ། དེ་གང་ཡིན་ཞེ་ན། ཡི་གེ་གསུམ་ཡོངས་སུ་གྱུར་༼
འདི་ནི་ཡི་གེ་གསུམ་པོ་མོ་ཞེས་པ་ལྟར་བྱའོ། །༼པ་ལས་ཡང་དག་པར་བྱུང་བའི་མངོན་པར་བྱང་ཆུབ་པ་ལྔ་སྟོན་པ་སྟེ་མཚོན་པར་བྱེད་པའི་རྡོ་རྗེ་རྩེ་ལྔ་པའོ། །༼འདིས་ཕྱག་མཚན་ལས་བྱང་ཆུབ་པ་སྟོན་ལ། དེ་ཉིད་བྱང་ཆུབ་ཀྱི་ཚུལ་དུ་འཆད་པས་ན། ཡི་གེ་གསུམ་
བྱང་ཆུབ་ཀྱི་ཚུལ་དུ་སྟོན་པ་མ་ཡིན་ནོ། །༽དེ་ཉིད་མཆོག་སྟེ་རིགས་ཐམས་ཅད་ཀྱི་དམ་པ་ཡིན་པའི་ཕྱིར་རོ་ཏེ། ༼འདིར་མངོན་བྱང་ལྔ་ལས་རིགས་དྲུག་ཏུ་བསྐྱེད་པའི་སྒྲུབ་ཐབས་མི་འདྲ་བ་དྲུག་ཡོད་པའི་ནང་ནས། རྡོ་རྗེ་འཆང་དུ་བསྐྱེད་པ་འདི་མཆོག་ཏུ་གསུངས་ལ། 
དེའི་གནད་ཀྱིས་མདོར་བྱས་དང་མདོ་བསྲེ་དང་རྣམ་གཞག་རིམ་པ་དང་། རྡོ་རྗེ་སེམས་དཔའི་སྒྲུབ་ཐབས་ཐམས་ཅད་ལས། རིགས་དྲུག་པའི་དབང་དུ་བྱས་པའི་སྒྲུབ་ཐབས་མཛད་ཀྱི། རིགས་ལྷག་མ་ལྔའི་སྒྲུབ་ཐབས་ལོགས་སུ་གསལ་བར་མ་མཛད་པར་ཤེས་པར་བྱའོ། །
༽དེ་ནི་ཡི་གེ་གསུམ་པོ་འདི་ཡིན་ནོ། །འདི་ནི་ཞེས་བྱ་བ་ནི་བཤད་མ་ཐག་པའི་རྡོ་རྗེ་གང་ཡིན་པ་དེ་ནི་སངས་རྒྱས་ཐམས་ཅད་དེ། རྡོ་རྗེ་འཆང་ཆེན་པོའི་རྣལ་འབྱོར་པ་རྣམས་ཀྱིས་སངས་རྒྱས་ཀྱི་བྱང་ཆུབ་རབ་ཏུ་སྒྲུབ་པར་བྱེད་པ་སྟེ། བསྐྱེད་༼
དེ་ནི་ཞེས་པ་ནས་ཡིན་ནོ་ཞེས་པའི་བར་འགྱུར་གསར་གཉིས་ལ་མེད་དོ། །༽པའི་རིམ་གྱིས་ཕྱག་རྒྱ་ཆེན་པོ་རྫོགས་པར་བྱེད་པའོ། །ཡེ་ཤེས་རྡོ་རྗེ་ཞེས་བྱ་བ་ལ་སོགས་པ་ལ། འདི་དག་ནི་རིགས་རྣམས་ཀྱི་སྐུ་ཕྱག་རྒྱ་ཆེན་པོའི་ངོ་བོ་ཡེ་ཤེས་ཀྱི་རྡོ་རྗེ་
4-2-215b


སྟེ་རྡོ་རྗེ་འཆང་ཆེན་པོས་སྤྲུལ་པ་སྟེ་རབ་ཏུ་བསྟན་པ་ཡིན་ནོ། །དགོས་པ་ཅིའི་ཕྱིར་བསྟན་ཞེ་ན། སངས་རྒྱས་ཏེ་རིན་པོ་ཆེ་ལྟ་བུའི་གང་ཟག་གོ། གང་ཟག་དེ་རྣམས་ཀྱི་ལམ་གྱི་སྐབས་ཀྱི་རྒྱུ་ནི་ཀུན་རྫོབ་ཀྱི་བདེན་པ་སྒྱུ་མའི་སྐུ་སྟེ་འོད་གསལ་གྱི་རྒྱུ་འོ། །འབྲས་བུ་ནི་དོན་དམ་པའི་
བདེན་པར་ཞུགས་པའི་འོད་གསལ་ལོ་སྟེ། རྒྱུ་དང་འབྲས་བུ་དག་འབྱུང་བ་ཞེས་བྱ་བ་ནི་དེ་གཉིས་དབྱེར་མེད་པར་སྐྱེད་པ་ཞེས་པ་སྟེ། རྒྱུ་སྒྱུ་ལུས་དང་དེའི་འབྲས་བུ་འོད་གསལ་ལས་བྱུང་བའི་ཡོངས་སུ་དག་པའི་ཟུང་འཇུག་གི་ལྷའི་སྐུ་ཡིན་ལ། དེ་འགྲུབ་
པའི་དོན་དུ་རྡོ་རྗེ་འཆང་ཆེན་པོས་སྤྲུལ་པ་སྟེ་བསྟན་ནོ་འོ། །འདི་དག་ཅེས་བྱ་བ་ལ་སོགས་པ་ལ། སྔགས་ཀྱི་རིག་པ་ཞེས་བྱ་བ་རྟོག་པ་དང་ལ་སོགས་པས་རྒྱུད་ཅེས་བྱ་བར་བསྒྲགས་སོ་པ་ནི། །གང་བསྒྲགས་ན། རྫོགས་དང་དམ་ཚིག་སོགས་རྣམས་དང༌། །
ཞེས་འབྱུང་བ་ལྟར་ཡིན་ལ། རྫོགས་པ་ནི་མི་བསྐྱོད་པ་ལ་སོགས་པའི་ལྷའི་སྐུར་རྫོགས་པར་བྱས་པ་སྔོན་དུ་ཐུན་བཞིའི་བསྙེན་པ་ལྷ་བསྒོམ་པའོ། །དམ་ཚིག་ནི་བསྲུང་བ་དང་བཟའ་བ་སོགས་དང་བཅས་པར་བསྒྲགས་པ་སྟེ། བཤད་པ་འདི་དག་གོ། དམ་ཚིག་དག་གིས་རྫོགས་པར་འགྱུར། །ཞེས་
བྱ་བ་སྟེ། དམ་ཚིག་ནི་བསྲུང་བ་དང་བཟའ་བ་ལ་སོགས་པ་དང་བཅས་པར་བཤད་པའོ། །རྫོགས་པར་འགྱུར་བ་ནི་སྔོན་དུ་བསྙེན་པ་དང་བཅས་པར་གསུངས་པའོ། །འདི་དག་ནི་སངས་རྒྱས་སྐྱེས་བུ་ནི་སྒྲུབ་པ་པོས་སྟེ་མི་བསྐྱོད་པ་ལ་སོགས་པར་བསྐྱེད་
པ་ཉིད་དེ་ཁོ་ན་ཡིན་གྱི་ཏེ་དེ་ལས་གཞན་འབྲས་བུའི་སྐབས་མ་ཡིན་པའོ། །གང་གིས་བསྒྲགས་ཞེ་ན། རྡོ་རྗེ་མི་ཕྱེད་གསུམ་བསྒོམས་པས་འི་ཞེས་བྱ་བ་གསུངས་ཏེ། དེ་བཞིན་གཤེགས་པ་རྣམས་ཀྱིས་གསུངས་སོ།། ༈ དེ་བཞིན་
4-2-216a


གཤེགས་པ་ཐམས་ཅད་ཅེས་བྱ་བ་ལ་སོགས་པས་ནི་དོན་འདི་ཉིད་ཉེ་བར་སྡུད་པར་མཛད་པ་ཡིན་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ནི་ཡི་གེ་གསུམ་མོ། །དེའི་དམ་ཚིག་ནི་དེ་ལས་བྱུང་བ་ཉི་མའི་དཀྱིལ་
འཁོར་ལ་སོགས་པ་རྣམ་པ་གསུམ་མོ། །དེ་ལ་དེའི་དེ་ཁོ་ན་ཉིད་ནི་པདྨའི་སྟེང་གི་ཡི་གེ་གསུམ་མོ། །ཡེ་ཤེས་ཞེས་བྱ་བ་ནི་ཟླ་ཉི་སོགས་ཐམས་ཅད་འདྲེས་པ་ཡོངས་སུ་གྱུར་པ་ལས་བྱུང་བའི་ཟླ་བའི་དཀྱིལ་འཁོར་རོ། །རྡོ་རྗེ་ནི་ཟླ་བའི་དཀྱིལ་འཁོར་༼
པདྨའི་སྟེང་དུ་ཡི་གེ་གསུམ་བསྒོམ་པ་ལ་དེ་ཁོ་ན་ཉིད་ཅེས་པ་འདི་ཙམ་ཞིག་རྒྱུད་ན་ཡོད་ཀྱང་གསལ་བར་མེད་དོ། །༽གྱི་སྟེང་དུ་རྣམ་པར་བཀོད་པའི་ཡི་གེ་གསུམ་ལས་བྱུང་བ་རྡོ་རྗེ་ཆེན་པོ་རྩེ་ལྔ་པའོ། །དེས་བྱིན་གྱིས་བརླབས་ཤིང་སྐྱེད་པས་ན་བྱིན་གྱིས་རློབ་
པ་སྟེ། རྡོ་རྗེ་འཆང་གི་ཕྱག་རྒྱ་ཆེན་པོའི་གཟུགས་སོ། །དེའི་རྒྱུ་ནི་བྱེད་པ་སྟེ་དེ་སྐྱེད་པ་སྟོན་པ་ལ་ཐུགས་རྩེ་གཅིག་ཏུ་མཛད་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ།། ༈ དབེན་ཞིང་ཞེས་བྱ་བ་ལ་སོགས་པ་ནི། སྒྲུབ་པ་པོའི་༼
འགྱུར་རྙིང་གི་རྒྱུད་དུ། དབལ་ཞེས་འབྱུང་བ་ཡང་། པ་ཚབ་ཀྱིས། བྱིན་གྱིས་རློབ་པའི་རྒྱུར་བསྒྱུར་བ་འགྲེལ་པ་དང་མཐུན་ནོ། །༽སྒྲུབ་པ་ལ་ནན་ཏན་ལྷུར་བྱ་བའི་གནས་གསུངས་པ་ཡིན་ཏེ། དབེན་པ་ནི་སྐྱེ་བོ་འདུས་པའི་འདུ་འཛི་དང་བྲལ་བར་རོ། །ཉམས་
དགའ་བ་ཞེས་བྱ་བ་ནི་མེ་ཏོག་དང་འབྲས་བུ་དང་ལོ་མ་དང་ལྡན་པའི་ཤིང་རྣམ་པ་སྣ་ཚོགས་ཀྱི་ཡལ་གས་ཁེབས་པ། ཡིད་དུ་འོང་བའི་ཆུའི་ཚོགས་ཀྱིས་རྣམ་པར་མཛེས་པ། ཡིད་དང་རྗེས་སུ་མཐུན་པའི་གནས་སུ་འདུག་པའི་སྒྲུབ་པ་པོ་གང་
4-2-216b


ཡིན་པས་བཤད་མ་ཐག་པའི་མངོན་བྱང་ལྔས་རྡོ་རྗེ་འཆང་དུ་སྐྱེད་པའི་སྦྱོར་བ་འདི་ནི་ཀུན་ཏུ་བརྩམ་ཞིང་བསླབ་པར་བྱ་སྟེ། དེས་ནི་རྡོ་རྗེའི་སྐུ་དང་གསུང་དང་ཐུགས་ཏེ་རྡོ་རྗེ་འཆང་ཆེན་པོ་འགྲུབ་པར་བྱའོ། །ཟླ་བ་ཕྱེད་ཀྱིས་ཞེས་བྱ་བ་ནི་ཟླ་ཕྱེད་ཀྱི་
སྐད་དོད་པཀྵ་ཨེ་ཀ་ཕྱོགས་གཅིག་ཡིན་ལ། དེ་ལ་ངེས་ཚིག་གིས་ས་ནི་སཾ་པྲ་ཏྱ་ཡ་ཡིད་ཆེས་པ། ཀྵེ་ནི་བི་ཤ་ཡ་ཡུལ་ཏེ་བླ་མའི་གདམས་ངག་དང་ལྷ་རྣམས་ཀྱི་ཡུལ་ལ་ཡིད་ཆེས་པར་གྱུར་པ་སྟེ། ཨེ་ཀ་ནི་གཅིག་སྟེ་བསྐྱེད་རིམ་བསྒོམ་པ་དེ་ལ་གཅིག་ཏུ་ངེས་ཤིང་བརྟུན་
པས་སམ་བརྩོན་པས་གསུང་དང་ཐུགས་འགྲུབ་པར་ཐེ་ཚོམ་མེད་པས་ངེས་པར་སྐུ་དང་གསུང་དང་ཐུགས་སྒྲུབ་པ་སྟེ། བསྐྱེད་རིམ་ལ་ཐུན་བཞི་བྱེད་པའི་རིམ་པ་འདིས་བསྐྱེད་པའི་རིམ་པ་ལ་སློབ་པའི་སྔགས་པས། རྫོགས་པའི་ཏིང་ངེ་འཛིན་མངོན་པར་
རྟོགས་པར་ཏེ་ཐོབ་པར་བྱས་ན་ངེས་པར་ཚེ་འདི་ཉིད་ལ་རྡོ་རྗེ་འཆང་ཆེན་པོ་ཉིད་འཐོབ་པར་འགྱུར་རོ་ཞེས་བྱ་བར་དགོངས་སོ།། ༈ དེ་ལྟར་རྡོ་རྗེ་འཆང་ཆེན་པོའི་རྣལ་འབྱོར་པའི་བསྐྱེད་པའི་རིམ་པ་བསྒྲུབ་པ་ཡང་དག་པར་བསྟན་ནས། རྣམ་པར་
སྣང་མཛད་ལ་སོགས་པའི་རྣལ་འབྱོར་པ་རྣམས་ཀྱིས་མཐའ་གཅིག་ཏུ་ལྷ་དྲན་པའམ། རང་དང་ལྷ་གཅིག་ཏུ་དྲན་པའི་དྲན་པ་གཅིག་པ་བསྐྱེད་རིམ་པའི་ཏིང་ངེ་འཛིན་བསྟན་པར་བྱ་བའི་ཕྱིར། གསལ་བའི་དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། 
གསལ་བའི་དཀྱིལ་འཁོར་དམ་པ་ནི། །ནམ་མཁའ་རྡོ་རྗེའི་དབུས་བསམས་ཏེ། །ཞེས་བྱ་བ་ནི་དངོས་པོ་མེད་པར་བསྒོམ་པའི་དངོས་ཞེས་བྱ་བ་ལ་སོགས་པའི་ཚིགས་སུ་བཅད་པའི་རིམ་གྱིས། གཞལ་ཡས་ཁང་གི་ནང་དུ་ལྷ་སུམ་ཅུ་རྩ་གཉིས་རྣམ་པར་
4-2-217a


དགོད་པའི་མཐར་ཐུག་པར་ལྷག་པར་མོས་པས་སྙོམས་པར་ཞུགས་ཏེ། ཨོཾ་ཤཱུ་ནྱ་ཏཱ་ཞེས་བྱ་བ་ལ་སོགས་པའི་སྔགས་ཀྱིས་ཐམས་ཅད་དངོས་པོ་མེད་པར་བྱས་ལ། ཨོཾ་ལ་སོགས་པའི་ཡི་གེ་གསུམ་གྱིས་ཟླ་བ་དང་ཉི་མ་དང་། 
པདྨ་བསྐྱེད་ལ། པདྨའི་ལྟེ་བའི་སྟེང་དུ་ཡི་གེ་གསུམ་རྣམ་པར་བསམས་ནས། དེ་དག་ཐམས་ཅད་ཡོངས་སུ་གྱུར་པ་ལས་གསལ་བའི་དཀྱིལ་འཁོར་ཏེ། ༼སྔ་མ་མང་པོས་མདོར་བྱས་ལས། །སྔགས་དང་པདྨ་ཉི་མ་དག། ཟླ་བའི་དཀྱིལ་འཁོར་ལ་ཞུགས་པས། །
ཟླ་བའི་དཀྱིལ་འཁོར་ཀུན་རྫོགས་པ། །བྱང་ཆུབ་སེམས་སུ་རྣམ་པར་བརྟག། ཅེས་གསུངས་པའི་དོན་དུ་བསམས་ནས། བར་གྱི་ཟླ་བ་ལ་པདྨ་དང་ཡི་གེ་གསུམ་ཡས་ཞུགས་དང་། ཉི་མ་མས་ཞུགས་པའི་ཟླ་བ་དེ་ཉིད་ཟླ་བ་ལས་བྱང་ཆུབ་པའི་ཟླ་བར་འདོད་པ་ནི་དོན་མིན་ཏེ། འགྲེལ་པ་འདིར་དེ་དག་
ཐམས་ཅད་ཡོངས་སུ་གྱུར་པ་ལས་གསལ་བའི་དཀྱིལ་འཁོར་ཏེ་ཞེས་ཟླ་ཉི་པད་གསུམ་སྔགས་དང་བཅས་པ་ཐམས་ཅད་ཡོངས་སུ་གྱུར་པ་ལས་ཟླ་བ་བསྐྱེད་པ་མང་དུ་གསུངས་ལ། རྡོར་སེམས་ཀྱི་སྒྲུབ་ཐབས་སུ་ཡང་དེ་བཞིན་དུ་བཤད་ཅིང༌། མདོ་བསྲེ་ལས་ཀྱང་། དེ་ཐམས་ཅད་བསྡུས་ནས་
ཟླ་བའི་དཀྱིལ་འཁོར་འདྲ་བར་ཡོངས་སུ་གྱུར་པར་བལྟས་ལ། ཞེས་གསུངས་པའི་ཕྱིར་རོ། །དེས་ན་མདོར་བྱས་ཀྱི་དགོངས་པ་སྟེང་འོག་གཉིས་ཟླ་བ་ལ་ཞུགས་པ་ལས་ཟླ་བ་ཕྱི་མ་བསྐྱེད་པའི་དོན་དུ་བྱའོ། །༽ཟླ་བའི་དཀྱིལ་འཁོར་རྣམ་པར་བསམ་པར་བྱའོ། །རང་གི་སྔགས་ཀྱི་དམ་
ཚིག་བསྐྱེད་ཅེས་བྱ་བ་ནི། ༼ཡེ་ཤེས་ཀྱི་ས་བསྐྱེད་པ་ནས་ལྷག་མོས་འོད་གསལ་དུ་སྡུད་པ་དང༌། མཚན་མ་གསུམ་དང་ཡི་གེ་གསུམ་དང་། ཟླ་བ་ལས་བྱང་ཆུབ་པའི་བར་འདིར་བཤད་པ་ནི་རིགས་ལྷག་མ་བཞི་ལ་ཡང་སྦྱར་དགོས་ལ། རྡོ་རྗེ་འཆང་གི་སྐབས་སུ་མ་བཤད་པ་ཡང་འདི་བཞིན་བྱའོ། །
4-2-217b


༽ཟླ་བའི་དཀྱིལ་འཁོར་གྱི་སྟེང་དུ་ཡི་གེ་གསུམ་རྣམ་པར་བཀོད་ལ། དེ་ཡོངས་སུ་གྱུར་པ་ལས་འཁོར་ལོར་བསྒོམས་ལ། དེ་ལས་བྱུང་བའི་རྣམ་པར་སྣང་མཛད་ཀྱི་དམ་ཚིག་སེམས་དཔའ་བསྒོམ་པར་བྱའོ། །དེའི་ཐུགས་ཀར་ཡེ་ཤེས་སེམས་དཔའ་བསྒོམས་
ལ། དེའི་ཡང་ཐུགས་ཀར་ཡི་གེ་ཨོཾ་ཏིང་ངེ་འཛིན་སེམས་དཔའ་ཞེས་གྲགས་པ་སྙིང་པོར་གྱུར་པ་འོད་ཟེར་ལྔ་སྟེ་འོད་ཟེར་རྣམ་པ་ལྔ་དང་ལྡན་པ་དགོད་པར་བྱའོ་བས་རྣམ་པར་སྣང་མཛད་མཆོག་ཏུ་བསྒོམས་པ་ནི་ལ། རྣམ་པར་སྣང་མཛད་༼
དེ་ཇི་ལྟ་བུ་ཞིག་བསྒོམ་སྙམ་ན། བྷ་བྱ་ཀཱིརྟིས་མདོར་བྱས་ཀྱི་འགྲེལ་པར། རྣམ་སྣང་ཞལ་གཅིག་ཕྱག་གཉིས་པ་འཁོར་ལོ་དང་དྲིལ་བུ་འཛིན་པ་ལ་བཤད་དེ། དེའི་རིགས་པ་རིན་འབྱུང་འོད་དཔག་མེད་དོན་གྲུབ་གསུམ་ལའང་སྦྱར་རོ། །མི་བསྐྱོད་པ་ལ་རྡོ་རྗེ་འཆང་དང་འདྲ་བར་རྡོ་རྗེ་འཆང་དམར་པོའམ་ཡང་ན་
རང་འདྲ་ཞལ་གཅིག་ཕྱག་གཉིས་པའོ། ༽ཀྱི་རྣལ་འབྱོར་པ་རྣམས་ཀྱིས་སྤྲིན་ཆེན་པོ་སྟེ། རྣམ་པར་སྣང་མཛད་ཀྱི་ཚོགས་དེ་རྣམས་ཡི་གེ་ཨོཾ་ལས་སྤྲོ་བར་ཏེ་འཕྲོ་བར་བསྒོམ་པར་བྱའོ།། ༈ འདི་ཡིས་ཞེས་པ་ཏིང་ངེ་འཛིན་འདི་ཡིས་སངས་རྒྱས་ཏེ་
བསྐྱེད་པའི་རིམ་པ་ཤེས་པ་རྣམས་ཀྱིས་བསྒྲུབ་བྱ་རྣམ་པར་སྣང་མཛད་ནི་ཀྱི་རང་གི་རིགས་རྣམས་རྒྱ་མཚོ་དང་འདྲ་བ་ཏེ་ར་འབྱུང་བར་འགྱུར་བས་སོ་ན་རྣམ་སྣང་དེ་སྒྲུབ་པ་པོ་གང་གི་བསྒྲུབ་བྱ་ཡིན་པ་སྒྲུབ་པ་པོ་དེའི་ལུས་ཏེ། རྡོ་རྗེའི་སྐུ་
འགྲུབ་པར་འགྱུར་རོ། །ཡེ་ཤེས་ལྔ་ལྡན་བསྟེན་ན་ནི། །ཞེས་བྱ་བ་ལ། ཤེས་པ་ལྔ་ནི་མིག་ལ་སོགས་པའི་རྣམ་པར་ཤེས་པ་ལྔ་རྣམས་ཏེ། ཤེས་པ་ལྔ་པོ་དེ་རྣམས་གང་ལ་གནས་པ་སྟེ། དམིགས་པའི་གཟུགས་ལ་སོགས་པའི་ཡུལ་རྣམས་གང་ཡིན་
4-2-218a


པ་དེ་ནི་ཡེ་ཤེས་ལྔ་ལྡན་ཏེ། འདོད་ཡོན་ལྔ་པོ་དེ་ཉམས་སུ་མྱོང་པས་ཏེ། བསྟེན་པས་འཁོར་བ་ཇི་སྲིད་པར་གནས་པའོ། །སངས་རྒྱས་སྐུ་ནི་ཞེས་པ་ནི་མཚན་ཐམས་ཅད་དང་ལྡན་པའི་རྡོ་རྗེའི་སྐུའོ། །དེ་དང་འདྲ་བའི་མདོག་ནི་དེ་དང་
འདྲ་བའི་རྫུ་འཕྲུལ་འགྲུབ་པའོ། །རྡོ་རྗེ་བསྐལ་པ་གསུམ་དུ་གནས། །ཞེས་པ་ནི། རྡོ་རྗེ་སེམས་དཔར་འི་གཙོ་བོར་གྱུར་ནས་བསྐལ་པ་གསུམ་དུ་གནས་པས་བཞུགས་པའོ། །ཟླ་བ་ཕྱེད་ཀྱིས་འགྲུབ་པར་འགྱུར་ཞེས་པའི་ཟླ་ཕྱེད་ནི་སྔར་ལྟར་ཡིད་ཆེས་
པ་སྟེ། ཏིང་ངེ་འཛིན་ལ་ཀུན་ཏུ་ཞེན་པ་ཙམ་གྱིས་འགྲུབ་ཏེ། ལུས་ངག་གི་བྱ་བའི་སྤྲོས་པ་ལ་ལྟོས་པ་མེད་པ་ཉིད་ཀྱིས་སོ་ཞེས་བྱ་བར་དགོངས་སོ་ཞེས་བཅོམ་ལྡན་འདས་སྐུ་རྡོ་རྗེ་གསང་བ་སྟེ་རྡོ་རྗེ་འཆང་ཆེན་པོས་གསུངས་པའོ།། ༈ དེ་བཞིན་གཤེགས་
པ་ཐམས་ཅད་ནི་ཟླ་བའི་དཀྱིལ་འཁོར་རོ། །དེར་རྡོ་རྗེ་ནི་མི་ཕྱེད་པའི་ངོ་བོ་ཉིད་ཀྱི་འཁོར་ལོའོ། །དེའི་འོད་ཟེར་གྱི་བཀོད་པ་ནི་ཕྱག་རྒྱ་ཆེན་པོའི་གཟུགས་ཏེ། དེ་སྐྱེད་པའི་ཏིང་ངེ་འཛིན་ནི་དེ་བཞིན་གཤེགས་པ་ཐམས་ཅད་ཀྱི་སྐུ་རྡོ་རྗེ་འོད་ཟེར་བཀོད་པ་ཞེས་བྱའོ།།
༈ ཆོས་ཀྱི་དཀྱིལ་འཁོར་ཞེས་བྱ་བ་ལ་སོགས་པ་ལ། དེ་བཞིན་དུ་ཐམས་ཅད་བསྐྱེད་ལ། ཅེས་པ་ནི་རྣམ་སྣང་གི་སྐབས་བཞིན་དུ་ཡེ་ཤེས་ཀྱི་ས་ནས་ཟླ་བ་ལས་བྱང་ཆུབ་པའི་བར་རྣམས་བསྐྱེད་པའོ། །ཆོས་ཀྱི་དཀྱིལ་འཁོར་ཏེ་ཟླ་བ་ལ་གནས་པའི་པདྨའི་
མཆོག་དམར་པོ་འདབ་མ་བརྒྱད་པ་བསམས་ལ། དེ་ཡོངས་སུ་གྱུར་པ་ལས་རང་གི་སྔགས་ཀྱི་སྐྱེས་བུ་འོད་དཔག་ཏུ་མེད་པ་བསྐྱེད་ལ། དེའི་ཐུགས་ཀར་ཡེ་ཤེས་སེམས་དཔའ་བསྒོམས་ནས། ངག་གི་ལམ་ཡེ་ཤེས་སེམས་དཔའ་ལ་ཏིང་ངེ་
4-2-218b


འཛིན་གྱི་སེམས་དཔའ་ཡི་གེ་ཨཱཿབསམ་པ་སྟེ། ཁ་དོག་སྣ་ལྔ་པའི་པདྨ་ཆེན་པོ་མི་ཕྱེད་པའི་ངོ་བོ་ཉིད་འཇིག་རྟེན་དབང་ཕྱུག་གི་མཆོག་བསྒོམ་པ་སྟེ། རང་འོད་དཔག་ཏུ་མེད་པར་བསྐྱེད་པ་དེར་གཏོགས་པའི་སེམས་ཀྱི་འཇུག་པས་བཀོད་པའོ། །དམ་
ཚིག་ཡེ་ཤེས་རྫོགས་བྱས་ཏེ། །ཚིག་གི་དམ་ཚིག་ལྔ་ཡི་མཆོག། ཅེས་བྱ་བ་ལ། དམ་ཚིག་ནི་དམ་ཚིག་གི་སེམས་དཔའོ། །ཡེ་ཤེས་ནི་ཡེ་ཤེས་སེམས་དཔའོ། །ཚིག་གི་དམ་ཚིག་ནི་ཏིང་ངེ་འཛིན་གྱི་སེམས་དཔའ་སྟེ། རྫོགས་པར་བྱ་བ་ནི་སེམས་
དཔའ་གསུམ་པོ་དེ་དག་ངོ་བོ་དབྱེར་མེད་གཅིག་ཏུ་བྱས་ནས་བསྒོམ་པའོ། །སེམས་དཔའ་སུམ་བརྩེགས་ཀྱི་ཚུལ་འདི་ཉིད་ཀྱིས་ནི་ལྔ་ཡི་མཆོག་སྟེ་དེ་བཞིན་གཤེགས་པ་ལྔ་པོ་རྣམས་སེམས་དཔའ་སུམ་བརྩེགས་པ་བྱས་ནས་བསྒོམ་པར་བྱ་བའོ། ། 
༈ ཆོས་ཀྱི་ཚིག་གི་ལམ་ནི་འོད་དཔག་ཏུ་མེད་པའི་ཏིང་ངེ་འཛིན་ཏོ། །གནས་པ་ནི་ཡང་༼འདིས་རིགས་སོ་སོ་བ་ལྔ་སྒོམ་པ་ན་སེམས་དཔའ་སུམ་བརྩེགས་བྱ་བར་སྟོན་གྱི། རིགས་ཐམས་ཅད་ཀྱི་ཁྱབ་བདག་རྡོ་རྗེ་འཆང་སེམས་དཔའ་སུམ་བརྩེགས་སུ་བྱ་བ་མི་འགོག་གོ། །
དག་པར་ཐོབ་པའོ། །རྡོ་རྗེ་ནི་ཀུན་རྫོབ་ཀྱི་བདེན་པའོ། །ཆོས་ནི་དོན་དམ་པའི་བདེན་པ་སྟེ། ཆོས་དང་ལྡན་པའི་རྡོ་རྗེ་ནི་རྡོ་རྗེ་ཆོས་ཏེ། རྡོ་རྗེ་འཆང་ཆེན་པོའི་གོ་འཕང་སྟེ་དེ་འཐོབ་པར་འགྱུར་བའོ། །ཡེ་ཤེས་ལྔ་ལྡན་ཞེས་བྱ་བ་ལ་སོགས་པའི་དོན་ནི་བཤད་
ཟིན་ཏོ།། ༈ དེ་བཞིན་གཤེགས་པ་ཐམས་ཅད་ནི་ཡེ་ཤེས་སེམས་དཔའོ། །གསུང་རྡོ་རྗེ་ནི་ཏིང་ངེ་འཛིན་སེམས་དཔའོ། །དམ་ཚིག་ནི་དམ་ཚིག་སེམས་དཔའ་སྟེ། དེ་བཞིན་གཤེགས་པ་ཐམས་ཅད་ཀྱི་གསུང་རྡོ་རྗེའི་དམ་ཚིག་གང་དུ་
4-2-219a


འབྱུང་བའི་ཏིང་ངེ་འཛིན་དེ་ལ་དེ་སྐད་ཅེས་བྱའོ།། ༈ རྡོ་རྗེའི་དཀྱིལ་འཁོར་ཞེས་བྱ་བ་ལ་སོགས་པ་ནི། རྡོ་རྗེ་འཆང་ཆེན་པོ་དང་འདྲ་བར་ཐམས་ཅད་བསྐྱེད་ལ། རང་གི་སྔགས་ཀྱི་སྐྱེས་བུ་དམ་ཚིག་གི་སེམས་དཔའ་
བསྐྱེད་ནས། སེམས་དེ་ཡེ་ཤེས་སེམས་དཔའ་༼ཞེས་པ་ནི་རྡོ་རྗེ་འཆང་དང་མི་བསྐྱོད་པ་གཉིས་ཕྱག་མཚན་ལས་བྱང་ཆུབ་པའི་སྐབས་ཀྱི་རྡོ་རྗེ་རྩེ་ལྔ་པ་འདྲ་བར་སྟོན་ནོ། །རྡོ་རྗེ་ཡོངས་སུ་གྱུར་པ་ལས་ནི་ལེའུ་གསུམ་པར་བཤད་པ་ལྟར་མི་བསྐྱོད་པར་བསྐྱེད་ཀྱི། རྡོ་རྗེ་
འཆང་དུ་བསྐྱེད་ནས་བསྒྱུར་བ་མ་ཡིན་ནོ། །༽ལ་ཏིང་ངེ་འཛིན་སེམས་དཔའ་ཞེས་བྱ་བ་ཡི་གེ་ཧཱུཾ་དེ་ལ་གནས་པ་སྟེ། ཡེ་ཤེས་སེམས་དཔའི་ཐུགས་ཀར་གནས་པར་བསམ་པར་བྱའོ། །དེ་ལྟར་སེམས་དཔའ་གསུམ་གྱི་བདག་ཉིད་ཅན། དམ་
ཚིག་ཆེན་པོའི་དེ་ཁོ་ན་ཉིད་མི་བསྐྱོད་པའི་ཁ་དོག་ལྔ་པའི་འོད་ཟེར་ཅན་གྱི་འོད་ཀྱི་དཀྱིལ་འཁོར་དང་ལྡན་པར་རྣམ་པར་བསྒོམ་པར་བྱ་བའོ། །རྡོ་རྗེའི་རིགས་ཀུན་བསྡུས་པའི་དང་རྒྱལ་བ་ནི་འབྲས་བུའི་མི་བསྐྱོད་པའོ། །དེའི་གནས་ནི་རང་
མི་བསྐྱོད་པར་བསྐྱེད་པའི་ཕྱག་རྒྱ་ཆེན་པོའི་གཟུགས་སོ། །ཡེ་ཤེས་རྡོ་རྗེ་ནི་མི་བསྐྱོད་པའི་སྒྲུབ་པ་པོས་སོ། །བྱ་བ་ནི་བསྐྱེད་པའོ།། ༈ དེ་ལྟར་རིམ་པ་དང་པོ་ལ་རྟག་པ་ཉིད་ཀྱིས་ཏེ། རྟག་ཏུ་ཉི་མ་རེ་རེ་ཞིང་ཐུན་བཞིར་བསླབ་པ་སྟེ། གོམས་
པར་བྱས་ན། དེ་༼དེ་ལྟར་སྔར་བཤད་པའི་རིགས་བཞི་ལ་ཤིན་ཏུ་རྣལ་འབྱོར་དང་རྣལ་འབྱོར་ཆེན་པོ་བྱ་བར་དངོས་སུ་མ་བཤད་ཀྱང་། རྣལ་འབྱོར་དེ་གཉིས་བྱ་དགོས་ལ། དཀྱིལ་འཁོར་རྒྱལ་མཆོག་དང་ལས་རྒྱལ་མཆོག་མ་བཤད་པ་ནི་ཁ་བསྐང་བའམ་ཡང་ན་མངོན་རྟོགས་
4-2-219b


བསྡུས་པ་ལ་དགོངས་ཏེ། རིན་འབྱུང་དང་དོན་གྲུབ་གཉིས་ལའང་འདྲ་བར་ཤེས་པར་བྱའོ། །༽ལྟར་གོམས་པ་དེའི་རྒྱུད་ལ་རྫོགས་རིམ་ཚང་བར་སྐྱེ་བའི་དགེ་བའི་རྩ་བ་ཡོངས་སུ་སྨིན་པས་རྡོ་རྗེ་ལྟ་བུའི་ཏིང་ངེ་འཛིན་ཟུང་འཇུག་མངོན་པར་རྟོགས་ནས། ཚེ་འདི་ཉིད་ལ་ཕྱག་རྒྱ་ཆེན་
པོའི་དངོས་གྲུབ་འཐོབ་པར་འགྱུར་རོ་ཞེས་བསྟན་པར་བྱ་བའི་ཕྱིར། སྟོན་པ་རྡོ་རྗེ་ཐུགས་འདྲ་བ་ཞེས་བྱ་བ་ལ་སོགས་པ་གསུངས་ཏེ། ལྷ་དང་མི་རྣམས་ལ་རྗེས་སུ་སྟོན་པར་མཛད་པས་ན་སྟོན་པའོ། །རྡོ་རྗེ་ནི་དོན་དམ་པའི་བདེན་པའོ། །ཐུགས་ནི་ཀུན་རྫོབ་ཀྱི་བདེན་པའོ། །
དེ་དག་ལས་བསྒྲུབས་པས་ན་རྡོ་རྗེ་ཐུགས་འདྲ་བའོ། །ཡེ་ཤེས་ཡོན་ཏན་ནི་འདོད་པའི་དབང་ཕྱུག་ལ་སོགས་པ་བརྒྱད་དོ། །དེ་རྣམས་ཀྱི་རྒྱ་མཚོར་འགྱུར་བ་ནི་འབྱུང་གནས་ཡིན་པའི་ཕྱིར་རོ། །ཡེ་ཤེས་ལྔ་ལྡན་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །
རྡོ་རྗེ་ནི་དམ་ཚིག་གི་སེམས་དཔའོ། །ཐུགས་ནི་ཡེ་ཤེས་སེམས་དཔའོ། །གསང་བ་ནི་ཏིང་ངེ་འཛིན་གྱི་སེམས་དཔའ་སྟེ། དེ་ལྟར་ཏིང་ངེ་འཛིན་གསུམ་གྱི་བདག་ཉིད་ཅན་ཡིན་པས་རྡོ་རྗེ་ཐུགས་ཀྱི་གསང་བ་ཞེས་བྱ་བ་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་
སོ།། ༈ དེ་བཞིན་གཤེགས་པ་ཞེས་བྱ་བ་ལ་སོགས་པས་ནི་རབ་ཏུ་བྱེད་པའི་དོན་སྡུད་པ་ཡིན་ཏེ། དེ་བཞིན་གཤེགས་པ་ཐམས་ཅད་ནི་རྡོ་རྗེ་འཆང་ཆེན་པོའོ། །སྐུ་དང་གསུང་དང་ཐུགས་ནི་རྣམ་པར་སྣང་མཛད་ལ་སོགས་པ་གསུམ་མོ། །དམ་ཚིག་ནི་
དོན་ཡོད་པར་གྲུབ་པའོ། །རྡོ་རྗེ་ནི་རིན་ཆེན་འབྱུང་ལྡན་ཏེ་འདི་རྣམས་ཀྱི་ཏིང་ངེ་འཛིན་ཏེ། སྒྲུབ་ཐབས་ནི་གསལ་བར་མ་བཤད་ཀྱང་ལྔ་ཡི་མཆོག། ཅེས་པས་དེ་གཉིས་སེམས་དཔའ་སུམ་བརྩེགས་སུ་སྒོམ་པར་བཤད་ཅིང་རིགས་གཞན་བཞི་དང་ཐ་མི་དད་པར་ཏེ་འདྲ་བར་
4-2-220a


ཉེ་བར་བཏགས་པ་སྟེ། བཤད་པས་ན་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་ཞེས་བྱ་སྟེ། སྒྲ་ཇི་བཞིན་པའོ།། ༈ དེ་ལྟར་རྟོག་པ་སྟེ། བརྟགས་པའི་རྣལ་འབྱོར་བསྐྱེད་རིམ་གྱི་འབྲས་བུ་ཕན་ཡོན་གྱི་
འི་ཚུལ་གྱིས་མཚོན་ནས་རྫོགས་པའི་རིམ་པ་བསྟན་ནས། མཚོན་དོན་གྱི་རྫོགས་རིམ་དེ་མངོན་སུམ་ཉིད་དུ་སྟེ། དངོས་སུ་བསྟན་པར་བྱ་༼བསྐྱེད་རིམ་གྱི་འབྲས་བུར་བཤད་པའི་རྫོགས་རིམ་དེ་སྔར་སོ་སོར་མ་ཕྱེ་བར་མི་གསལ་བར་བསྟན་པ་དེ། སྐབས་འདིར་རིགས་དྲུག་
གི་སྒྲུབ་ཐབས་ཀྱི་སྐབས་སུ། སྐྱེ་འཆི་བར་དོ་གསུམ་སྐུ་གསུམ་དུ་འཁྱེར་བའི་ལམ་འཁྱེར་གྱིས། སྦྱང་གཞི་སྦྱོང་བ་བསྒོམས་པས་རྒྱུད་སྨིན་ནས། རྫོགས་རིམ་དངོས་ཀྱི་རྟོགས་པ་སྐྱེ་བ་ན། སྒྱུ་མའི་སྐུས་འཆི་རིམ་བཞིན་དུ་སྟོང་པར་འཇུག་པའི་འོད་གསལ་དང༌། དེ་ལས་བར་དོ་བཞིན་དུ་རླུང་སེམས་
ཙམ་གྱི་སྐུར་ལྡང་བའི་ལོངས་སྐུ་དང་། དེས་སྐྱེ་བ་ལེན་པ་དང་འདྲ་བའི་སྤྲུལ་སྐུ་འཛིན་པ་རྣམས་འདིར་སྟོན་པ་ཡིན་ནོ། །༽བའི་ཕྱིར། ཡེ་ཤེས་དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། ཡེ་ཤེས་དང་ཤེས་པ་གཉིས་ཀ་སྐད་དོད་གཅིག་པས་དོན་གྱི་སྐབས་གང་བབ་ལ་
བསྒྱུར་བ་ཡིན་པ་ལ། འདིར་ཤེས་པ་ལ་བསྒྱུར་ན་ལེགས་ཤིང༌། དེ་ལ་ཡང་བྱེད་པ་དང་ལས་སུ་བྱ་བ་གཉིས་ལས། འདིས་ཤེས་པར་བྱེད་པའི་ཤེས་པ་མིན་གྱི་ཤེས་པར་བྱ་བས་ན་ལས་སུ་བྱ་བ་ཡེ་ཤེས་སམ། ཤེས་པ་སྟེ་ཏེ། ཤེས་བྱ་རྒྱུ་བ་སེམས་ཅན་དང་མི་རྒྱུ་
བ་སྣོད་དོ་འོ། །སྣོད་བཅུད་དེའི་དཀྱིལ་འཁོར་ནི་ཚོགས་ཏེ་འཇིག་རྟེན་གསུམ་མོ། །གསུམ་པོ་དེའི་དབུས་སུ་རྡོ་རྗེ་ཆེན་པོ་སྟེ་རང་གི་ལུས་ཕྱག་རྒྱ་ཆེན་པོ་སྒྱུ་མའི་གཟུགས་སུ་བསྒོམ་པར་བྱ་ཞིང་སྟེ། རིགས་ཐམས་ཅད་ཀྱི་བདག་པོ་རྡོ་རྗེ་འཆང་ཉིད་
4-2-220b


དུ་བཞག་ནས་ལུས་རྣམས་ཀུན་ཏེ་རྒྱུ་བ་དང་མི་རྒྱུ་བ་རྣམས་ལ། ཡི་གེ་ཁྃ་ཞེས་གསུངས་པའི་དོན་ནི་སྐུ་དེ་ནམ་མཁར་ཏེ་འོད་གསལ་དུ་འཇུག་པར་བྱེད་པ་ཡིན་ཏེ་ས་རྗེས་སུ་གཞིག་པའི་བསམ་གཏན་གྱི་རིམ་གྱིས་སྔོན་དུ་སྣོད་བཅུད་གཞན་དངོས་པོ་མེད་པ་སྟེ་མི་སྣང་བར་
བྱས་ལ། དེའི་རྗེས་སུ་སྒྱུ་མའི་ལུས་བདག་ཉིད་ཀྱང་རིམ་གྱིས་ཞུགས་པ་དེ་བྱས་ན། འོད་གསལ་གྱི་རྡོ་རྗེ་ཡེ་ཤེས་ནམ་མཁའ་དང་མཉམ་པ་སྟེ། འདྲ་བ་དེར་འགྱུར་ཞིང་ཞེས་པ་སེམས་དཔའ་གསུམ་གྱི་བདག་ཉིད་ཅན་སྒྱུ་མའི་སྐུ་དེ་དང་འོད་གསལ་གཉིས་གཅིག་༼
རིམ་པ་གསུམ་པའི་སྒྱུ་མའི་སྐུ་དོན་གྱི་འོད་གསལ་མངོན་དུ་བྱས་པའི་དུས་སུ་ནམ་མཁའ་ལ་འཇའ་ཡལ་བ་ལྟར་འགྱུར་ལ། རིམ་པ་ལྔ་པ་སློབ་པའི་ཟུང་འཇུག་གི་སྒྱུ་མའི་སྐུ་ནི། འོད་གསལ་དུ་ཞུགས་ནས་འཇའ་ཡལ་བ་ལྟར་མི་འགྱུར་བས། རྒྱུད་དང་འགྲེལ་པར་སྒྱུ་མའི་སྐུ་འོད་གསལ་དུ་འཇུག་པར་བཤད་པ་ཐམས་ཅད་
རིམ་པ་གསུམ་པའི་སྒྱུ་མའི་སྐུ་ལ་གོ་བར་བྱའོ། །༽ཏུ་འགྱུར་རོ། །ཁྃ་ཞེས་བྱ་བ་ནི་འོད་གསལ་བ་མཚོན་པའོ། །འོད་གསལ་དེ་ལ་ཡང་སངས་རྒྱས་ཏེ་དེ་རྣམ་པར་སྣང་མཛད་ལ་སོགས་པའི་ངོ་བོ་ཉིད་དུ་བཤད་པའི་གཟུགས་ཀྱི་ཕུང་པོ་ལ་སོགས་པའི་ཕུང་པོ་ལྔ་རྣམས་
དང༌། བྱང་ཆུབ་སེམས་དཔའ་སྟེ་སའི་སྙིང་པོ་ལ་སོགས་པའི་ངོ་བོ་ཉིད་དུ་བཤད་པའི་མིག་ལ་སོགས་པ་རྣམས་ཀྱིས་ཀྱང་ཡང་དང་ཡང་དུ་སྟེ། རྡོ་རྗེ་འཕྲེང་བ་ལས། གཟུགས་ཀྱི་ཕུང་པོར་གཏོགས་པ་ཞེས་བྱ་བ་ལ་སོགས་པ་འོད་གསལ་དུ་འཇུག་པར་བཤད་པའི་རིམ་
གྱིས་སྐད་ཅིག་རེ་རེ་ཞིང་མཆོད་པ་སྟེ་ར་གྱུར་པས་སོ། །ཡེ་ཤེས་གསུམ་གྱི་བདག་ཉིད་ཅན་དུ་རང་ཉིད་ལ་རབ་ཏུ་ཞུགས་པར་གྱུར་པས། ཤེས་རབ་དང་ཐབས་དང་ཉེ་བར་ཐོབ་པའི་ངོ་བོ་ཉིད་ཀྱིས་རྟོག་པ་སྟེ་བརྟག་པར་བྱ་བ་ཡིན་པས་ན་སྐལ་བ་ཀ་ ༼པ་
4-2-221a


གསུམ་སྟེ་ཡེ་ཤེས་གསུམ་མོ། །དེ་གང་དུ་དང་མཉམ་པར་གྱུར་ཅིང་རྣམ་པར་ཞུ་བསྟེ་ཐིམ་པར་གྱུར་པ་གང་ཡིན་པ་དེ་ནི་སྐལ་བ་གསུམ་གྱི་དམ་ཚིག་སྟེ་འོད་གསལ་བར་གནས་པའོ། །དེར་གནས་ན་སངས་རྒྱས་
ཀྱིས་ཀྱང་གཟིགས་པར་མི་འགྱུར་ཏེ། སངས་རྒྱས་ཀྱི་སྐད་དོད་བུདྡྷ་ནི་རྟོགས་པ་ལ་འཇུག་པས་སངས་རྒྱས་ནི་འདིར་ཡེ་ཤེས་གསུམ་ཡིན་ལ། ཡེ་ཤེས་༼ཀལྤ༽གསུམ་པོ་དེས་ཀྱང་མཐོང་བར་མི་འགྱུར་བ་སྟེ། ཇི་ལྟ་བ་བཞིན་དུ་མི་མཐོང་
བ་ནི་འོད་གསལ་དུ་ཞུགས་ན་ཇི་ལྟར་མཐོང་བ་མེད་ཅིང་སྣང་བ་མེད་པ་དེ་བཞིན་དུ་གནས་པའོ། །བཅོམ་ལྡན་འདས་ནམ་མཁའ་རྡོ་རྗེའི་དམ་ཚིག་གིས་དེ་སྐད་ཅེས་བཀའ་སྩལ་ཏོ། །ཞེས་བྱ་བ་ལ། ནམ་མཁའ་རྡོ་རྗེ་ནི་འོད་གསལ་བའོ། །འོད་གསལ་དེ་
ལས་འོད་ཟུང་གཉིས་མཉམ་པར་བྱུང་བར་གྱུར་པས་ན་ནམ་མཁའ་རྡོ་རྗེའི་དམ་ཚིག་སྟེ་རྡོ་རྗེ་འཆང་ཆེན་པོའོ།། ༈ འོག་ནས་བཤད་པའི་འོད་གསལ་ལས་ལྡང་བའི་དམ་ཚིག་བསྟན་པར་བྱ་བའི་ཕྱིར། སྐུ་དང་ཞེས་བྱ་བ་ལ་སོགས་པ་
གསུངས་ཏེ། སྐུ་དང་གསུང་དང་ཐུགས་ནི་རིམ་པ་གསུམ་པའི་ཕྱག་རྒྱ་ཆེན་པོ་སྒྱུ་མའི་སྐུའོ། །དེའི་མི་སྣང་བ་ནི་དེ་འོད་གསལ་དུ་ཞུགས་པའོ། །དེ་ལས་བྱུང་བར་གྱུར་པས་ན་འབྱུང་བའོ། །བཀོད་པ་ནི་གཡོ་བ་དང་མི་གཡོ་བའི་དངོས་པོ་
ཐམས་ཅད་ཀྱི་རྩ་བ་མཐར་གཏུགས་པ་ན་རླུང་དང་སེམས་ཀྱི་བདག་ཉིད་ཅན་ཡིན་ལ་ཏེ། དེ་ལས་བསྒྲུབ་པའི་ཟུང་འཇུག་པའི་ཡེ་ཤེས་ཀྱི་སྐུའོ། །དེའི་འཕྲེང་བ་ནི་གདུལ་བྱའི་བསམ་པ་ཇི་ལྟ་བ་བཞིན་དུ་རྣམ་པར་སྣང་མཛད་ལ་སོགས་པའི་སྤྲུལ་པའི་
4-2-221b


སྐུས་གཞན་དོན་ལ་རབ་ཏུ་འཇུག་པའོ། །དེའི་ཏིང་ངེ་འཛིན་གང་ལ་སེམས་ཀྱི་སྐད་ཅིག་མ་རྩེ་གཅིག་ཏུ་དམིགས་པ་དེ་ལ་དེ་སྐད་ཅེས་བྱའོ།། ༈ ཏིང་ངེ་འཛིན་འོད་ཟུང་དེ་དག་ཐམས་ཅད་ཉིད་བསྟན་པར་བྱ་བའི་ཕྱིར། རྡོ་རྗེ་དཀྱིལ་འཁོར་ཞེས་བྱ་བ་
ལ་སོགས་པ་གསུངས་ཏེ། རྡོ་རྗེའི་དཀྱིལ་འཁོར་དབུས་སུ་ནི། །ཞེས་པའི་རྡོ་རྗེའི་དཀྱིལ་འཁོར་ནི་འོད་གསལ་བའོ་དེའི་དབུས་སུ་ཞེས་པ་ནི་འོད་གསལ་དེ་ལས་བྱུང་བའོ། །རང་སྔགས་སྐྱེས་བུ་ནི་འདིར་ཡོངས་སུ་དག་པའི་ཕྱག་རྒྱ་ཆེན་པོ་ལོངས་སྐུའི་གཟུགས་
སུ་བསམ་ཞིང་བསྒོམ་མོ། །ལོངས་སྐུར་བསྐྱེད་པ་དེའི་འོག་ཏུ་སེམས་ཅན་ཐ་མལ་པའི་ཡུལ་དུ་གྱུར་པའི་ལུས་རགས་པའི་སྤྲུལ་པའི་སྐུ་ཡོངས་སུ་གཟུང་ལ། དེ་ལྟར་ལུས་རགས་པ་བཟུང་བའི་རྗེས་སུ་སྲོག་གི་དང་རྩོལ་བའི་རླུང་འབྱུང་རྔུབ་ཀྱི་སྐྱེ་བའི་ཡན་
ལག་ཏུ་ཏེ་རྒྱུར་གྱུར་པའི་རྡོ་རྗེ་སྟེ་ཅིང་མི་ཤིགས་པའི་ཡི་གེ་ཧ་ཞེས་བྱ་བའི་ས་བོན་སྙིང་གར་བཞག་སྟེ། དེའི་འོག་ཏུ་འོད་ཟེར་རྣམ་པར་༼ཞེས་པ་ནི་ཟུང་འཇུག་པའི་ལོངས་སྐུ་དེ་སོ་སོ་སྐྱེ་བོས་དངོས་སུ་མི་མཐོང་བས། དེ་རྣམས་ཀྱི་དོན་དུ་འཛིན་པ་སྟེ། འདིས་ནི་ཤིན་ཏུ་ཕྲ་
བའི་རླུང་སེམས་ཀྱི་སྐུ་ལོགས་སུ་གྲུབ་ཀྱང༌། སྔར་གྱི་ཕུང་པོ་རགས་པ་ད་དུང་འཛིན་པའི་གནད་ཀྱང་ཤེས་པར་བྱའོ། །༽བསྒོམ་པར་བྱ་སྟེ། སྲོག་གི་དང་རྩོལ་བ་འབྱུང་རྔུབ་ལ་གནས་པའི་འོད་ཟེར་ཏེ་རླུང་བཅུ་པོ་དེ་རྣམས་ཀྱི་བསྒོམ་པ་ནི། སྣ་བུག་གཡས་
དང་ལ་སོགས་པས་གཡོན་དང་གཉིས་ཀ་ནས་རྒྱུ་བའི་དབྱེ་བས་འཇུག་པ་ལ་སོགས་པའི་རིམ་གྱིས་རབ་ཏུ་ཞུགས་པའོ། །ཧ་ཞེས་བྱ་བ་ནི་བརྗོད་དུ་མེད་པའི་ཡང་བརྗོད་དུ་མེད་པ་སྟོན་པ་སྟེ་མཚོན་པའོ། །༼མི་ཤིགས་པའི་ཡི་གེ་ལ་ཨ་དང་ཧཱུཾ་ཡང་བཤད་པ་ཡོད་
4-2-222a


དོ། །འདིར་ཟུང་འཇུག་པས་རགས་པའི་སྐུ་ལ་བརྟེན་ནས་རྡོར་བཟླས་བྱ་བར་གསུངས་ཏེ། ཞི་སོགས་ཀྱི་ལས་དང་མངོན་ཤེས་སོགས་བསྒྲུབ་པའི་དོན་དུའོ། །༽འཇམ་པ་ནི་རྣམ་པར་མི་འཇིག་པའོ། །དཔལ་ནི་འོད་གསལ་བའོ། །དེ་ལས་བྱུང་བས་ན་
འཇམ་དཔལ་གྱི་དམ་ཚིག་དེ་ནི་ཟུང་འཇུག་ལོངས་སྐུའོ་གོ། སྐུ་དེ་ལས་ཐོབ་པའི་ཕྱིར་མི་ལྡོག་པ་རྣམས་ཀྱིས་ཡང་དག་པར་ལོངས་སྤྱོད་ཅིང་ཡུལ་དུ་བྱས་པས་ན་དེ་ཉིད་ནི་ལོངས་སྤྱོད་པ་སྟེ་ཡེ་ཤེས་ཀྱི་རང་བཞིན་གྱི་ལུས་སོ། །དེ་ཐོབ་ནས་སྐུ་
དང་གསུང་དང་ཐུགས་རྡོ་རྗེའི་སྤྲུལ་པའི་སྐུའི་སྐུ་དང་གསུང་དང་ཐུགས་གང་ལ་མངའ་བ་དེ་ནི་སྐུ་གསུང་ཐུགས་ཀྱི་རྡོ་རྗེ་ཅན་ནོ། །ས་བཅུ་ནི་འོད་ཟེར་རླུང་བཅུ་སྟེ། རླུང་དེ་ལ་རབ་ཏུ་གནས་པ་སྟེ། དམིགས་ནས་རྡོར་བཟླས་ཀྱིས་དངོས་གྲུབ་བསྒྲུབ་པའོ། །བྱང་
ཆུབ་ནི་དོན་དམ་པའི་བདེན་པའོ། །སེམས་དཔའ་ནི་ཀུན་རྫོབ་ཀྱི་བདེན་པ་སྟེ། དེའི་བདག་ཉིད་ཀྱི་སྐུ་གང་ཡིན་པ་དེ་ནི་བྱང་ཆུབ་སེམས་དཔའི་བདག་སྟེ། གང་བཤད་མ་ཐག་པ་སྙིང་ཁའི་མི་ཤིགས་པ་ལས་རྡོར་བཟླས་བྱེད་པའི་རིམ་གྱིས་སྟེ་རིམ་པ་དེས་
ངག་དབེན་སྒོམ་པ་པོ་དེ་ནི་ཟུང་འཇུག་གི་བདག་ཉིད་འདི་ལྟ་བུ་ཐོབ་པར་འགྱུར་བའོ།། འདིས་ནི་རྡོ་རྗེ་བཟླས་པ་ལ་བསྔགས་ཤིང༌། དེའི་བྱེད་ཚུལ་ཡང་ཟུང་འཇུག་པས་སྙིང་ཁའི་མི་ཤིགས་པ་ལས་བྱེད་པ་འདི་ལྟར་དུ་བྱ་བར་བསྟན་ཏེ། འདི་གནད་ཆེ་བར་ཡོད་ཅིང༌། ལེའུ་གསུམ་
པར་ཕྲ་མོ་བསྒོམ་པ་མཐར་ཐུག་ཏུ་བཤད་པ་ཡང་འདི་ལ་བརྟེན་ནས་དཔྱད་ན་ཤེས་པར་འགྱུར་རོ། ༈ བྱང་ཆུབ་སེམས་དཔའ་ཞེས་བྱ་བ་ལ་སོགས་པས་ནི་ཏིང་ངེ་འཛིན་གསལ་བར་བྱེད་དེ། བདེན་པ་གཉིས་ཀྱིས་ཡོངས་སུ་གཟུང་བའི་གཟུགས་ནི་
4-2-222b


བྱང་ཆུབ་སེམས་དཔའི་ཡེ་ཤེས་སོ། །དེ་ཉིད་དམ་ཚིག་ཡིན་ལ་དེ་ཉིད་ནི་ཁམས་གསུམ་པ་རྣམས་ཚིམ་པར་བྱེད་པས་ན་ཟླ་བའོ། །འཁོར་བ་ཇི་སྲིད་བར་གནས་ནས་སེམས་ཅན་གྱི་དོན་མཛད་པས་ན་རྡོ་རྗེ་སྟེ། དེ་སྐྱེད་པའི་ཏིང་ངེ་འཛིན་ལ་ཡང་དེ་སྐད་
ཅེས་བྱ་སྟེ་དགོངས་པས་བཤད་པའོ།། ༈ བཤད་མ་ཐག་པ་ནི་ཟུང་འཇུག་ལོངས་སྐུ་བསྐྱེད་ནས་རགས་པའི་སྤྲུལ་སྐུ་བཟུང་བ་སྟེ། དེའི་རིམ་པས་བཟུང་བའི་སྤྲུལ་པའི་སྐུས་འི་མིག་ལ་སོགས་༼ནི་སྔ་མ་དང་རྗེས་སུ་མཐུན་པའི་རིམ་པས་བསྐྱེད་རིམ་པའི་
སྐབས་སུ་མངོན་བྱང་ལྔ་ལས་ལོངས་སྐུ་རྡོ་རྗེ་འཆང་དུ་བསྐྱེད་པ་སྤྲུལ་སྐུ་རྡོར་སེམས་སུ་བསྒྱུར་བ་བསྟན་ཅིང༌། དེའི་མིག་ལ་སོགས་པར་ཐླཱིཾ་སོགས་ཀྱི་ཡི་གེ་འགོད་པ་ཡིན་པས་བསྐྱེད་རིམ་པས་མངོན་ཤེས་བསྒྲུབ་པའི་སྐབས་འདིར། སྔར་བཤད་པ་ལྟར་རིགས་དྲུག་
གི་དབང་དུ་བྱས་པའི་སྒྲུབ་ཐབས་དྲུག་ཡོད་ཀྱང༌། མངོན་བྱང་ལྔ་ལས་རྡོ་རྗེ་འཆང་དུ་བསྐྱེད་ནས། སྤྲུལ་སྐུར་བསྒྱུར་བའི་སྒྲུབ་ཐབས་དེ་ཁོ་ན་ལྟར་བྱ་དགོས་ཏེ། འཆད་འགྱུར་གྱི་ནམ་སྙིང་གི་སྐབས་སུ་ཡང༌། ནམ་མཁའི་དབྱིངས་ཀྱི་དབུས་གནས་པར། །སངས་རྒྱས་དཀྱིལ་འཁོར་དམ་པ་
བསམ། །ཞེས་པའི་འགྲེལ་པར་རྡོ་རྗེ་འཆང་གི་ལུས་དཀྱིལ་སྒོམ་པར་གསུངས་པའི་ཕྱིར་རོ། །རྡོ་རྗེ་འཆང་དུ་བསྒོམས་པས་དཀྱིལ་འཁོར་རྒྱལ་མཆོག་གི་སྐབས་སུ་མི་བསྐྱོད་པ་སོགས་སུ་བསྒྱུར་བ་ཡང་མིན་ཏེ། སྤྲུལ་སྐུར་བསྒྱུར་བའི་མིག་སོགས་སུ་ཡི་གེ་རྣམས་དགོད་པར་གསུངས་པས་སོ། །
འདིར་སྒྲིབ་སེལ་གྱི་སྐབས་སུ་དང་པོ་སྦྱོར་བ་བྱེད་པར་བཤད་པ་དང༌། རྡོ་རྗེ་འཆང་གི་ཤིན་ཏུ་རྣལ་འབྱོར་བྱེད་པར་བཤད་པས། དང་པོ་སྦྱོར་བ་དགོས་ལ། བླ་མ་རྣམས་ཏིང་ངེ་འཛིན་གསུམ་ག་མཛད་པ་ལྟར་ལེགས་པས་ཐམས་ཅད་ལ་ཏིང་ངེ་འཛིན་གཉིས་བྱས་པའི་འོག། ལས་རྒྱལ་
4-2-223a


མཆོག་གི་སྐབས་སུ། མིག་ནས་ལྕེའི་བར་བཞི་དབང་རྟེན་དང་བཅས་པ་དང༌། ལུས་དབང་གི་ཕྱོགས་གཅིག་གི་གནས་གསང་བའི་རྡོ་རྗེ་རྣམས་སྟོང་པར་སྦྱངས་ནས། ཁོང་སྟོང་དུ་བྱ་བ་དང་གནས་དེ་རྣམས་སུ་ལ་སོགས་པའི་ཡི་གེ་འོད་འབར་བ་བཀོད་དེ། ས་སྙིང་སོགས་དང་
ངོ་བོ་དབྱེར་མེད་དུ་སྒོམ་པ་དང༌། དབང་པོའི་ཡུལ་དུ་ཡུལ་ལྔ་ཐམས་ཅད་གསལ་པོར་བྱུང་བར་མོས་པ་ཡང་དང་ཡང་དུ་རྒྱུན་ལྡན་དུ་གོམས་པར་བྱས་པས། མིག་ལ་སོགས་པའི་མངོན་ཤེས་ལྔ་འགྲུབ་པར་འགྱུར་ཏེ། འདི་འདྲ་བ་རྣམས་ནི་ནང་ལ་གཞོལ་བའི་དངོས་གྲུབ་བསྒྲུབ་པའི་ལས་ཚོགས་ཡིན་ནོ། །
༽པའི་སྐྱེ་མཆེད་རྣམ་པར་དག་པའི་སྒོ་ནས་འབྲས་བུ་མངོན་ཤེས་སྒྲུབ་པ་བསྟན་པར་བྱ་བའི་ཕྱིར། འོད་ཟེར་འབར་བའི་ཞེས་བྱ་བ་ལ་སོགས་པ་གསུངས་ཏེ། དང་པོ་མིག་གི་སྦུབས་སྟོང་པར་བྱས་པས་ཁོང་སྟོང་དུ་བྱ་བ་ཐོབ་པ་གང་ཡིན་པ་དེ་ནི་ནམ་
མཁའ་སྟེ། དེའི་དབུས་སུ་ཆུད་པར་ཡི་གེ་ཐླཱིཾ་འོད་ཟེར་ཤིན་ཏུ་འབར་བ་སྟེ། ཉི་མ་དང་ཟླ་བའི་འོད་ཟེར་རྣམས་ཀྱིས་འབར་བར་གྱུར་པ་གང་གིས། འཕེན་ཅིང་བཅུག་པ་དེ་ནི་མཚོན་ཆའོའི་མཆོག་སྟེ། མཆོག་ནི་བརྒྱ་བྱིན་ལ་སོགས་པའི་བགེགས་ཀྱི་
ཚོགས་རྣམས་སོ། །བགེགས་དེ་འཇོམས་པའི་དོན་གྱི་མཚོན་ཆ་ཡིན་པས་ན་མཚོན་མཆོག་གོ། འཇོམས་ཚུལ་དེ་ཡང་ཡི་གེ་དེ་ལས་༼མཚོན་ཆའི་སྐད་དོད་ཨསྷྲ་ལ་ངེས་ཚིག་གིས་ཨ་སྱནྟེ་འཕེན་པར་བྱ། ཀྵི་སྱནྟེ་གཞུག་པར་བྱ་བའོ། །༽བྱུང་བའི་
མིག་བསྐྱོད་པ་ལས་འོད་ཟེར་འཕྲོས་པས་བགེགས་ཐམས་ཅད་རྣམ་པར་འཇོམས་པས་ན་མཚོན་ཆའི་མཆོག་སྟེ་ཡི་གེ་ཐླཱིཾ་ངོ༌། །དེ་ནི་རྡོ་རྗེའི་ལུས་ངག་གིས་ཏེ། སའི་སྙིང་པོའི་ངོ་བོ་ཉིད་ཀྱིས་བསྒོམ་པར་བྱའོ། །རྡོ་རྗེའི་སྐུ་དང་འདྲ་བར་འགྱུར། །ཞེས་བྱ་བ་
4-2-223b


ནི། རྡོ་རྗེ་འཆང་ཆེན་པོ་དང་འདྲ་བར་འཇིག་རྟེན་གྱི་ཁམས་དཔག་ཏུ་མེད་པ་ན་གནས་པའི་གཟུགས་ཀྱི་དངོས་པོ་ཐམས་ཅད་ལག་མཐིལ་གྱི་སྐྱུ་རུ་ར་བཞིན་དུ་མཐོང་བར་འགྱུར་བའོ། །ཐླཱིཾ་ཞེས་བྱ་བ་ནི། སྔར་བཤད་པའི་དོན་ས་སྙིང་སྟོན་པ་སྟེ་མཚོན་པའི་ས་བོན་ནོ། །
ནམ་མཁའ་རྡོ་རྗེའི་དམ་ཚིག་ནི་རྡོ་རྗེ་འཆང་ཆེན་པོའོ། །དེའི་བཀོད་པ་ནི་སྐུ་ཕྱག་རྒྱ་ཆེན་པོའོ། །དེ་ནི་གནས་ཏེ་སའི་སྙིང་པོ་སྤྲུལ་པའི་གནས་ཡིན་པས་ན་དེ་ནི་ནམ་མཁའ་རྡོ་རྗེའི་དམ་ཚིག་གི་བཀོད་པའི་གནས་ཞེས་བྱ་ལ། དེ་སྟོན་པའི་ཏིང་ངེ་འཛིན་ལ་ཡང་དེ་སྐད་
ཅེས་བྱའོ། །དེ་ལྟར་བཤད་མ་ཐག་པའི་རིམ་པ་དང་། འོག་ནས་བཤད་པ་དག་གིས། ལྷའི་མིག་དང་རྣ་བ་ལ་སོགས་པ་སྒོམ་པ་གང་ཡིན་པའི་རྣལ་འབྱོར་པ་དེ་ནི། མངོན་པར་ཤེས་པ་ལྔ་དང་འདྲ་བ་སྟེ་རྡོ་རྗེ་འཆང་ཆེན་པོ་དང་མཚུངས་པར་འགྱུར་བའོ། །མཚུངས་ལུགས་
ཇི་ལྟར་ཡིན་ཞེ་ན། སངས་རྒྱས་མངོན་ཤེས་དམ་ཚིག་མཆོག། ཅེས་བྱ་བ་གསུངས་ཏེ། སངས་རྒྱས་ནི་དུས་གསུམ་དུ་བྱུང་བའི་རྒྱལ་བ་རྣམས་སོ། །༼པ་ཚབ་ཀྱིས། སངས་རྒྱས་མངོན་ཤེས་དམ་ཚིག་ནི། །མཆོག་གིས་མངོན་ཤེས་ལྔ་འདྲར་འགྱུར། །ཞེས་བསྒྱུར་བ་ནི་འགྲེལ་པ་དང་མཐུན་ནོ། །
དེ་རྣམས་ཀྱི་མངོན་པར་ཤེས་པའི་དམ་ཚིག་མཆོག་ནི་ལྷའི་མིག་ལ་སོགས་པ་སྟེ། མངོན་ཤེས་ལྔ་པོ་དེ་རྣམས་ཀྱི་ཕྱོགས་གཅིག་ནས་རྡོ་རྗེ་འཆང་ཆེན་པོ་དང་འདྲ་བར་འགྱུར་བའོ། །འདི་ནི་ཞེས་བྱ་བ་ནི་གང་བཤད་མ་ཐག་པའི་ལྷའི་མིག་གོ། དངོས་གྲུབ་ཐམས་ཅད་
ཀྱི་ཞེས་བྱ་བ་ལ། ཐམས་ཅད་ནི་རང་དང་གཞན་གྱི་ཚོགས་ཏེ། དེ་རྣམས་ཀྱི་དངོས་གྲུབ་རྣམས་ཀྱིའོ། །སངས་རྒྱས་ཞེས་པའི་བུདྡྷ་ནི་ཁོང་དུ་ཆུད་པ་ཡིན་ལ་རང་གི་སེམས་སོ། །དེ་ཇི་ལྟ་བ་བཞིན་དུ་མངོན་པར་ཤེས་ཤིང་ཁོང་དུ་ཆུད་པས་ན་སངས་རྒྱས་མངོན་ཤེས་
4-2-224a


ཏེ། རྣལ་འབྱོར་པ་ཆེན་པོ་རྣམས་ཏེ་དེ་རྣམས་ཀྱིས་མཆོག་བསྒྲུབ་པ་ནི་དངོས་གྲུབ་ཐམས་ཅད་ཀྱི་ཡང་གཙོ་བོ་སྒྲུབ་པར་བྱེད་པའོ།། ༈ རྣ་བའི་མངོན་ཤེས་སྒྲུབ་པ་སྟོན་པ་ལ་སངས་རྒྱས་དཀྱིལ་འཁོར་ནི་དེ་བཞིན་གཤེགས་པ་ཐམས་
ཅད་དོ། །༼ཞེས་པ་ནི། མངོན་བྱང་ལྔས་རྡོ་རྗེ་སེམས་དཔའ་བསྒོམས་ནས་ལུས་དཀྱིལ་བསྒོམ་པའོ། །༼དམ་ཚིག་ནི་དམ་པ་ནི་མཆོག་གི་དོན་ཡིན་ལ་དེ་ནི་རྡོ་རྗེ་སེམས་དཔའོ། །རྡོ་རྗེ་ལྟར་མི་ཕྱེད་པའི་སེམས་དཔའ་ནི་རྡོ་རྗེ་སེམས་དཔའ་སྟེ་དེ་རབ་ཏུ་བསྒོམ་ཞིང་བསྐྱེད་པའོ། །
ནམ་མཁའི་དབྱིངས་ཀྱི་དབུས་སུ་ནི། །ཞེས་བྱ་བ་ནི། རྣ་བའི་གནས་འོད་གསལ་༼དམ་ཚིག་ཅེས་པ་འགྱུར་གསར་གཉིས་ལ་མེད་ཅིང་དམ་པ་ནི་ཡོད་དོ། །༽བར་བསྒོམས་པའི་དབུས་སུ་གནས་པར་རོ། །ཡེ་ཤེས་ནི་ཕྱག་ན་རྡོ་རྗེ་སྟེ་དེ་སྐྱེད་པར་བྱེད་པ་ཡི་
གེ་ཨོཾ་ནི་ཡེ་ཤེས་ཨོཾ་ཡིག་ནི་བསྒོམ་པར་བྱ་ཞེས་པའོ། །རྡོ་རྗེ་དམ་ཚིག་གསུམ་ནི་ཕྱག་ན་རྡོ་རྗེའོ། །དེ་བསྒོམས་པས་ནི་ཞེས་པ་ནི་ཨོཾ་ཡིག་དེ་ཕྱག་རྡོར་དེའི་རང་བཞིན་དུ་བྱས་པས་སོ། །མི་བསྐྱོད་རྡོ་རྗེ་གསུམ་ནི་རྡོ་རྗེ་འཆང་ཆེན་པོ་སྟེ། འཇིག་རྟེན་
གྱི་ཁམས་དཔག་ཏུ་མེད་པ་ན་གནས་པའི་སྒྲ་རྣམ་པ་སྣ་ཚོགས་པ་རྣམས་རྣ་བའི་ལམ་དུ་གྲག་པར་གྱུར་པ་ན་སྒྲ་གཅིག་འཛིན་པ་བཞིན་དུ་ཐམས་ཅད་འཛིན་པས་དེ་དང་འདྲ་བར་གྱུར་པས་ན། མི་བསྐྱོད་པའི་རྡོ་རྗེ་གསུམ་དང་རྣལ་འབྱོར་པ་རྣམས་འདྲ་བར་
འགྱུར་རོ། །ཞེས་བཅོམ་ལྡན་འདས་རྡོ་རྗེ་མི་བསྐྱོད་པས་ཏེ་རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ། །མི་བསྐྱོད་པ་ཡི་སྐུ་འདྲ་དང་ཞེས་བྱ་བ་ནི་རྡོ་རྗེ་འཆང་ཆེན་པོ་དང་མཚུངས་པའི་སྐུའོ། །དེ་བཞིན་དུ་ཐ་མལ་པ་མ་ཡིན་པའི་གསུང་དང་ཐུགས་
4-2-224b


འཛིན་པས་གསུང་དང་ཐུགས་མཆོག་འདྲ་བ་འཛིན་ཞེས་བྱའོ། །འཇིག་རྟེན་ཁམས་ཞེས་བྱ་བ་ནི་རྟག་ཏུ་འཇིག་རྟེན་གྱི་ཁམས་ཐམས་ཅད་དུའོ། །མི་བསྐྱོད་རྡོ་རྗེས་མཆོད་པར་འགྱུར། །ཞེས་བྱ་བ་ནི་རྣ་བ་ལ་གནས་པའི་ཕྱག་ན་རྡོ་རྗེས་མཆོད་ཅིང་སྟེ། དངོས་གྲུབ་
ལ་ཁད་ཉེ་བར་བྱེད་པས་བསྙེན་པར་འགྱུར་རོ་འོ། །མི་བསྐྱོད་པའི་དམ་ཚིག་ནི་མི་བསྐྱོད་པའོ། །དེ་ལས་བྱུང་བས་ན་མི་བསྐྱོད་པའི་དམ་ཚིག་ལས་མངོན་པར་བྱུང་བའི་རྡོ་རྗེ་ནི་ཕྱག་ན་རྡོ་རྗེ་སྟེ་དེ་སྐྱེད་པར་བྱེད་པའི་ཏིང་ངེ་འཛིན་ལ་ཡང་དེ་སྐད་ཅེས་བྱའོ།།
༈ ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པས་ནི་ནམ་མཁའི་སྙིང་པོའི་ཏིང་ངེ་འཛིན་གསུངས་པ་ཡིན་ཏེ། ནམ་མཁའི་དབྱིངས་ཀྱི་དབུས་སུ་གནས་པ་ནི་འོད་གསལ་བའི་དབུས་སུ་གནས་པ་ནི་དེ་བཞིན་ཉིད་ལས་བྱང་ཆུབ་པའོ། །དེ་ནས་མངོན་བྱང་
ལྔས་དང་པོའི་མགོན་པོར་བསྐྱེད་པ་སྤྲུལ་སྐུར་བསྒྱུར་ལ་ར་རོ། །སངས་རྒྱས་དཀྱིལ་འཁོར་འོད་བཟང་བསམ་ཞེས་ཏེ་རྡོ་རྗེ་འཆང་ཆེན་པོའི་སྐུའི་དཀྱིལ་འཁོར་བསམ་པར་བྱའོ། །ནམ་མཁའི་རྡོ་རྗེར་རབ་བསྒོམས་ལ་ཞེས་བྱ་བ་ནི། རྡོ་རྗེ་འཆང་གི་ཕྱག་རྒྱ་ཆེན་
པོའི་གཟུགས་ཀྱི་ཡང་སྣའི་དབང་པོ་ལ་ནམ་མཁའི་རྡོ་རྗེ་སྟེ། འོད་གསལ་བ་བསྒོམ་པའོ། །རིན་ཆེན་ནི་ནམ་མཁའི་སྙིང་པོ་སྟེ་དེ་སྐྱེད་པའི་ཡི་གེ་ཨོཾ་རིན་པོ་ཆེ་རྣམ་པར་བསྒོམ་པར་བྱའོ། །རྡོ་རྗེ་དམ་ཚིག་གསུམ་བསྒོམས་པས། །ཞེས་བྱ་བ་ལ། 
རྡོ་རྗེ་གསུམ་ནི་དྲི་ཡིད་དུ་འོང་མི་འོང་བར་མ་རྣམ་པ་གསུམ་སྟེ། དྲི་གསུམ་པོ་དེ་དང་མཉམ་པར་གྱུར་པར་མཛད་པའི་ཕྱིར་རྡོ་རྗེ་དམ་ཚིག་གསུམ་སྟེ། ནམ་མཁའི་སྙིང་པོའོ། །དེ་བསྒོམས་པས་ཞེས་པ་ནི་ཨོཾ་ཡིག་དེ་ནམ་སྙིང་དེའི་ངོ་བོ་ཉིད་དུ་
4-2-225a


དམིགས་པས་རྡོ་རྗེ་གསུམ་ཞེས་པ་རྡོ་རྗེ་འཆང་ཆེན་པོ་སྟེ། འཇིག་རྟེན་གྱི་ཁམས་དཔག་ཏུ་མེད་པ་ན་གནས་པའི་དྲི་ལ་སྤྱོད་པས་དེ་དང་འདྲ་བར་འགྱུར་བའོ། །ཞེས་དཀོན་མཆོག་དབལ་ཞེས་བྱ་བ། བཅོམ་ལྡན་འདས་རྡོ་རྗེ་༼
འགྱུར་རྙིང་ལས། རྡོ་རྗེ་གསུམ་དཔག་མེད་འདྲར་འགྱུར། །ཞེས་པ་ལ། པ་ཚབ་ཀྱིས། རྡོ་རྗེ་གསུམ་གྱི་ཏོག་འདྲར་འགྱུར། །ཞེས་བསྒྱུར་རོ། །༽འཆང་ཆེན་པོས་དེ་སྐད་ཅེས་བཀའ་སྩལ་ཏོ། །ལུས་དང་ཞེས་བྱ་བ་ལ་སོགས་པ་ལ། དེ་ལྟར་སྒོམ་པར་བྱེད་པ་ནི་ཐ་མལ་པ་
མ་ཡིན་པའི་ལུས་དང་ངག་དང་སེམས་ཀྱིས་རྡོ་རྗེ་ཡིས་སོ། །དཀོན་མཆོག་དབལ་གྱི་འོད་དང་འདྲ་ཞེས་བྱ་བ་ནི། ནམ་མཁའ་མཛོད་ཀྱི་ཏིང་ངེ་འཛིན་གྱིས་དེ་དཀོན་མཆོག་དབལ་དང་རྫུ་འཕྲུལ་འདྲ་བར་འགྱུར་བའོ། །སུ་ཞིག་དེར་འགྱུར་ཞེ་ན། བདག་མེད་བྱང་
ཆུབ་ནི་འོད་གསལ་བའོ། །དེར་ཡེ་ཤེས་ནི་སྟོང་པ་ཉིད་བཞིའི་བདག་ཉིད་ཅན་རྡོ་རྗེ་འཆང་ཆེན་པོའི་སྐུའོ། །དེ་ཉིད་ནི་ཉན་ཐོས་ལ་སོགས་པའི་ཡུལ་མ་ཡིན་པས་ན་གསང་བའོ། །དེ་དང་མཉམ་པའི་གནས་སུ་གྱུར་པའི་སྐུ་གང་ཡིན་པ་དེ་ནི་བདག་མེད་པའི་བྱང་
ཆུབ་ཡེ་ཤེས་གསང་བ་འདྲ་བའི་གནས་ཏེ་སྒྲུབ་པ་པོའོ། །རིན་པོ་ཆེའི་དམ་ཚིག་དྲི་རྣམ་པ་གསུམ་གང་གིས་ལོངས་སྤྱོད་ཅིང་རྗེས་སུ་མྱོང་བ་དེ་ནི་རིན་པོ་ཆེའི་དམ་ཚིག་ལོངས་སྤྱོད་པ་རྡོ་རྗེ་སྟེ་ནམ་མཁའི་སྙིང་པོ་ཡིན་ལ་དེ་སྐྱེད་པའི་ཏིང་ངེ་འཛིན་ལ་ཡང་
དེ་སྐད་ཅེས་བྱའོ།། ༈ ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པས་ལྕེའི་མངོན་ཤེས་སྒྲུབ་པ་སྟོན་པ་ལ། སྔ་མ་ནམ་སྙིང་གི་སྐབས་སུ་བཤད་པ་བཞིན་དུ་རྡོ་རྗེ་འཆང་གི་ཕྱག་རྒྱ་ཆེན་པོའི་གཟུགས་བསྐྱེད་ལ་རྡོ་རྗེ་འཆང་དེའི་ལྕེའི་ཕྱོགས་
4-2-225b


སུ་འཇིག་རྟེན་དབང་ཕྱུག་ཅེས་པ་ཡང་དག་པའི་མཐའ་སྟེ། སྟོང་པ་ཉིད་དེ་བསྒོམས་ལ། ཆོས་ནི་འཇིག་རྟེན་གྱི་དབང་ཕྱུག་སྟེ། དེ་སྐྱེད་པར་བྱེད་པའི་ཡི་གེ་ཨོཾ་ནི་ཆོས་ཀྱི་ཨོཾ་སྟེ། འཇིག་རྟེན་དབང་ཕྱུག་གི་ངོ་བོར་ཡི་གེ་དེ་བསྒོམ་པར་བྱའོ། །རྡོ་རྗེ་དམ་ཚིག་ཅེས་བྱ་བ་ལ་
སོགས་པ་ལ། རྡོ་རྗེ་གསུམ་ནི་རོ་རྣམ་པ་གསུམ་མོ། །དེ་དང་མཉམ་པར་གྱུར་པ་ཉིད་ནི་རྡོ་རྗེ་དམ་ཚིག་གསུམ་སྟེ་འཇིག་རྟེན་དབང་ཕྱུག་གོ། དེ་བསྒོམས་པས་ཞེས་པ་ནི་ལྕེ་ལ་ཨོཾ་བསྒོམས་པ་དེའི་སྒོ་ནས་རོ་རྣམ་པ་གསུམ་རྗེས་སུ་མྱོང་བར་གྱུར་པས་སོ། །རྡོ་རྗེ་གསུམ་
དཔག་མེད་ནི་རྡོ་རྗེ་འཆང་ཆེན་པོ་སྟེ། ཕྱོགས་བཅུའི་འཇིག་རྟེན་གྱི་ཁམས་སུ་གཏོགས་པའི་རོ་རྗེས་སུ་མྱོང་བས་དེ་དང་འདྲ་བར་འགྱུར་བའོ། །གང་འདི་ལྟར་དམིགས་པར་བྱེད་པ་དེ་ནི་ལུས་ལ་སོགས་པའི་གཟི་བརྗིད་འོད་དཔག་ཏུ་མེད་པ་དང་འདྲ་བར་འགྱུར་བའོ། །
དབང་པོ་དམན་པ་ལ་སོགས་པའི་སེམས་ཅན་ཐམས་ཅད་ལ། ཐེག་པ་ཆེན་པོའི་ལམ་སྟེ་སངས་རྒྱས་ཉིད་དུ་འགྱུར་བའི་ལམ་དེའི་དོན་གྱི་ཐབས་ཡོད་པ་གང་ཡིན་པ་དེ་ནི་ཐེག་པ་ཆེན་པོའི་ལམ་སྟེ། དེ་སྐྱེད་པར་འགྱུར་རོ་ཞེས་བཅོམ་ལྡན་འདས་རྡོ་རྗེ་འོད་དཔག་ཏུ་
མེད་པ་སྟེ་རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ། །ཡོན་ཏན་དཔག་ཏུ་མེད་པ་ནི་རྡོ་རྗེ་འཆང་ཆེན་པོའོ། །དེ་ལ་ཁམས་གསུམ་ན་གནས་པའི་རོ་ཐམས་ཅད་ལྕེའི་དབང་པོ་ན་གནས་པའི་རོ་གཅིག་དང་འདྲ་བར་སྤྱོད་པ་ནི་འོད་དེ། དེས་མཛེས་པར་གྱུར་པའི་
དཔལ་གང་ཡིན་པ་དེ་ནི་ཡོན་ཏན་དཔག་ཏུ་མེད་པའི་འོད་དཔལ་ཏེ་འཇིག་རྟེན་དབང་ཕྱུག་ཡིན་ལ། དེ་སྟོན་པའི་ཏིང་ངེ་འཛིན་ལ་ཡང་དེ་སྐད་ཅེས་བྱའོ།། ༈ ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པས་ལུས་ཀྱི་མངོན་ཤེས་སྒྲུབ་པ་སྟོན་པ་ལ། སྔ་མ་
4-2-226a


བཞིན་དུ་དང་པོའི་རྣལ་འབྱོར་ཏེ་སྦྱོར་བ་བྱས་ཏེ། དམ་ཚིག་ཨོཾ་རབ་ཏུ་བསྒོམས་ལ། རྡོ་རྗེ་ཨུཏྤལ་ཁ་ཟུམ་པའི་རྣམ་པ་ཅན་བསྒོམ་པར་བྱའོ། །ཞེས་བྱ་བ་ནི་ཀླུ་སྒྲུབ་ཀྱི་མན་ངག་གོ། དམ་ཚིག་ནི་སྒྲིབ་པ་ཐམས་ཅད་རྣམ་པར་སེལ་བ་སྟེ་དེ་སྐྱེད་པར་
བྱེད་པའི་ཡི་གེ་ཨོཾ་ཡང་དམ་ཚིག་ཨོཾ་ཡིན་ཏེ། འདིས་རེག་བྱ་ལ་རེག་པས་ལུས་ཀྱི་འི་དབང་པོའི་གནས་སུ་འོད་གསལ་བས་སྦྱང་བ་སྔོན་དུ་འགྲོ་བས། དེས་ན་སྒྲིབ་སེལ་དེའི་དམ་ཚིག་ཡི་གེ་ཨོཾ་རབ་ཏུ་བསྒོམ་མོ་ས་ལ། དང་པོར་རྡོ་རྗེ་ཉིད་ཨུཏྤལ་སྟེ། ཁ་ཟུམ་
པའི་རྣམ་པས་ན་རྡོ་རྗེ་ཨུཏྤལ་ཞེས་བྱ་སྟེ་དེ་༼རེག་པའི་དབང་པོ་ཞེས་ཟེར། ༽བསྒོམ་པར་བྱ་འོ། །རྡོ་རྗེ་གསུམ་ནི་རེག་བྱ་རྣམ་པ་གསུམ་སྟེ་༼མངོན་ཤེས་བསྒྲུབ་པ་ལ་རྣམ་གནས་དགོས་པ་ལ། འདིར་དབང་པོ་རྣམས་ཀྱི་གནས་སུ་ས་བོན་ལྔ་དང་སྐུ་ལྔ་བཀོད་ནས་དབང་པོའི་
ངོ་བོར་སྒོམ་པ་ལས་གཞན་པའི་སྒྲུབ་ཚུལ་མ་བཤད་པ་ཇི་ལྟར་ཡིན་སྙམ་ན། འདིར་ས་སྙིང་དང་ཕྱག་རྡོར་གྱི་སྐབས་གཉིས་དང༌། རིགས་བཞིའི་སྐབས་སུ་རྣམ་གནས་མ་གསུངས་ཀྱང་། རྣམ་སྣང་དང་ནམ་སྙིང་དང་འཇིག་རྟེན་དབང་ཕྱུག་དང༌། སྒྲིབ་སེལ་གྱི་སྐབས་སུ། རྡོ་རྗེ་དམ་ཚིག་གསུམ་
བསྒོམས་པས། །ཞེས་གསུངས་པའི་དོན་རྡོ་རྗེ་གསུམ་ནི། དྲི་རོ་རེག་བྱ་ཡིད་དུ་འོང་མི་འོང་བར་མ་གསུམ་དང༌། དམ་ཚིག་ནི་ས་མ་ཡ་ལ་ས་མ་ཏ་མཉམ་པ་ཉིད་ཀྱི་དོན། ཡུལ་གསུམ་ལ་མཉམ་པར་ཞུགས་པའི་ནམ་སྙིང་སོགས་གསུམ་སྒོམ་པ་ལ་བཤད་པའི་དོན་ནི། ནམ་སྙིང་སོགས་
གསུམ་གྱི་ངོ་བོ་སྣའི་དབང་པོ་སོགས་གསུམ་དང༌། ཡུལ་དེ་ཐམས་ཅད་མཉམ་པོར་ཞུགས་པར་གསལ་བར་སྒོམ་པས་བསྟན་ལ། ལྷག་མ་མི་གསལ་བ་རྣམས་ལ་ཡང་དེ་ལྟར་དུ་ཤེས་པར་བྱའོ། །༽དེ་དང་མཉམ་པར་གྱུར་པས་ན་རྡོ་རྗེ་དམ་ཚིག་གསུམ་སྟེ། ཨོཾ་ཡིག་དེ་
4-2-226b


སྒྲིབ་པ་ཐམས་ཅད་རྣམ་པར་སེལ་བ་དེའི་ངོ་བོར་བསྒོམས་པས་སོ། །རྡོ་རྗེ་གསུམ་ནི་གདོན་མི་ཟ་བར་གྲུབ་པ་རྡོ་རྗེ་འཆང་སྟེ། འཇིག་རྟེན་གྱི་ཁམས་དཔག་ཏུ་མེད་པ་ན་གནས་པའི་རེག་བྱ་དཔག་ཏུ་མེད་པ་རྣམས་ཕྱག་རྒྱ་གཅིག་གི་པདྨོར་གཏོགས་པའི་རེག་བྱ་མྱོང་
བ་རྡོ་རྗེ་དང་འདྲ་བར་རེག་བྱ་གཞན་རྗེས་སུ་མྱོང་བས་རྡོ་རྗེ་འཆང་དེ་དང་འདྲ་བར་འགྱུར་བའོ། །འདིའི་ཕན་ཡོན་བསྟན་པ་ནི་ལུས་ཞེས་བྱ་བ་ལ་སོགས་པ་སྟེ། གང་དེ་ལྟར་སྒོམ་པ་དེ་ལུས་ལ་སོགས་པ་སྟེ། གང་དེ་ལྟར་སློ་མ་པ་དེ་ལུས་ལ་སོགས་པ་རྡོ་རྗེ་༼
རྡོ་རྗེ་ཞེས་པ། པ་ཚབ་ཀྱི་འགྱུར་ལ་མེད་དོ། །༽ཐོགས་མེད་དེ་དོན་ཡོད་པར་གྲུབ་པ་དེ་དང་འདྲ་བར་འགྱུར་བ་གང་ཡིན་པ་དེ་ལ་དེ་སྐད་ཅེས་བྱའོ། །དཔལ་ནི་མཆོག་ཏུ་དགའ་བའི་བདེ་བ་སྟེ་དེ་འདི་ལ་ཡོད་པས་ན་དཔལ་ལྡན་ནོ། །ཡེ་ཤེས་ནི་སྒྲིབ་པ་ཐམས་ཅད་རྣམ་
པར་སེལ་བའོ། །དེའི་རྒྱ་མཚོ་ནི་གནས་ཏེ་དོན་ཡོད་པར་གྲུབ་པའོ། །༼ལུས་ཀྱི་མངོན་ཤེས་སྒྲུབ་པ་དེས་ཕྱག་རྒྱ་གཅིག་དང་སྙོམས་པར་ཞུགས་པ་ན་ཕྱག་རྒྱ་གཞན་དཔག་ཏུ་མེད་པའི་པདྨའི་རེག་བྱ་ཡང་རྗེས་སུ་མྱོང་བས་དེ་ལ་བརྟེན་ནས་བྱང་ཆུབ་ཀྱི་སེམས་ཞུ་བ་དང༌། དེས་དྲངས་པའི་
བདེ་བ་ཡང་དེ་བཞིན་དུ་མྱོང་བར་འགྱུར་རོ། །༽སེམས་ཅན་ཐམས་ཅད་ཀྱི་དོན་ནི་སེམས་ཅན་ཀུན་དོན་ཏེ། སེམས་ཅན་ཐམས་ཅད་ཀྱི་མངོན་པར་འདོད་པའི་དོན་སྐྱེད་པའི་མཚན་ཉིད་ཅན་ནོ། །གང་ལས་དེ་འབྱུང་བར་འགྱུར་བ་ནི་སེམས་ཅན་ཀུན་དོན་འབྱུང་
བར་འགྱུར་རོ། །ཞེས་བཅོམ་ལྡན་འདས་རྡོ་རྗེ་གདོན་མི་ཟ་བ་སྟེ་རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ། །གདོན་མི་ཟ་བའི་དམ་ཚིག་ནི་དོན་ཡོད་པར་གྲུབ་པའོ། །དེ་ལས་འབྱུང་བ་ནི་སྒྲིབ་པ་ཐམས་ཅད་རྣམ་པར་སེལ་བ་གང་ཡིན་པ་སྟེ། དེའི་འོད་
4-2-227a


ཟེར་ནི་བདེ་བ་བསྐྱེད་པ་ལ་འོད་ཟེར་དེ་དང་འདྲ་བར་བྱུང་བའི་བྱང་ཆུབ་ཀྱི་སེམས་ཀྱི་ཐིག་ལེ་སྟེ། དེ་རྣམས་གང་དུ་འབྱུང་བའི་ཏིང་ངེ་འཛིན་དང་ལྡན་པ་དེ་ལ་དེ་སྐད་ཅེས་བྱའོ།། ༈ དེ་ལྟར་ས་སྙིང་ལ་སོགས་པའི་བྱང་ཆུབ་སེམས་
དཔའ་རྣམས་ཀྱི་ས་བོན་ལྔ་མིག་ལ་སོགས་པ་ལྔར་དགོད་པ་ལ་བརྟེན་ནས་མངོན་ཤེས་སྒྲུབ་པ་བསྟན་ནས། དེ་བཞིན་གཤེགས་པའི་སྐུ་དགོད་པས་ཀྱང་མངོན་ཤེས་བསྐྱེད་པར་བྱའོ་ཞེས་བསྟན་པར་བྱ་བའི་ཕྱིར། ནམ་མཁའི་དབྱིངས་ཀྱི་ཞེས་བྱ་བ་ལ་སོགས་
པ་གསུངས་ཏེ། ནམ་མཁའི་དབྱིངས་ནི་དེ་བཞིན་ཉིད་ལས་བྱང་ཆུབ་པའོ་དོ། །དེའི་དབུས་སུ་ཆུད་པས་ན་ནམ་མཁའི་དབྱིངས་ཀྱི་དབུས་གནས་པ་སྟེ། དེའི་ངང་ནས་མངོན་བྱང་ལྔ་ལས་བསྐྱེད་པའི་རིམ་གྱིས་ལྷའི་སྐུར་རྫོགས་པའི་སངས་རྒྱས་ཀྱི་དཀྱིལ་འཁོར་འོད་བཟང་
པོ་སྟེ་རྡོ་རྗེ་འཆང་ཆེན་པོའི་སྐུར་བསམ་ཞིང་བདག་ཉིད་བསྒོམ་པར་བྱས་པའི་དང་པོ་སྦྱོར་བ་དང་དཀྱིལ་འཁོར་རྒྱལ་མཆོག་གི་བར་དུ་བྱེད་པ་ནི་དེ་བཞིན་གཤེགས་པ་གཞན་དགོད་པ་ལ་ཡང་འདྲའོ་ལ། ལས་རྒྱལ་མཆོག་ནི་རྡོ་རྗེ་འཆང་དེའི་མིག་གི་གནས་སུ་རྡོ་རྗེ་རྣམ་པར་སྣང་མཛད་
རབ་ཏུ་བསྒོམས་ལ། སྐུ་གསུམ་ཨོཾ་ནི་རབ་ཏུ་བསྒོམ་ཞེས་བྱ་བ་ལ། སྐུ་གསུམ་ཨོཾ་ནི་རྡོ་རྗེ་རྣམ་པར་སྣང་མཛད་དོ། །རབ་ཏུ་བསྒོམ་ཞེས་བྱ་བ་ནི་རིམ་པ་བཞིན་དུ་བསྒོམ་ཞེས་བྱ་བར་སྦྱར་ཏེ། སྔོན་ལ་ཨོཾ་དང་དེའི་རྗེས་སུ་རྣམ་སྣང་སྒོམ་པའོ། །རྣམ་སྣང་སྐུ་གཙོ་
བོ་ཡིན་ཀྱང་གསུང་དང་ཐུགས་ཀྱང་ཕལ་པར་ལྡན་པས་སྐུ་གསུམ་ཞེས་པ་ནི་རྡོ་རྗེ་གསུམ་གྱི་ངོ་བོའི་རྣམ་པར་སྣང་མཛད་ཡིན་ཏེ། དེ་སྐྱེད་པའི་ཡི་གེ་ཨོཾ་ནི་སྐུ་གསུམ་ཨོཾ་སྟེ་དེ་མིག་གི་སྦུབས་སུ་བསྒོམས་ལ། དེ་ཡོངས་སུ་གྱུར་པ་ལས་རྣམ་པར་སྣང་མཛད་དུ་
4-2-227b


སྐྱེད་པ་ཉིད་མིག་གི་དབང་པོའི་རང་བཞིན་དུ་བསྒོམ་མོ། །རྡོ་རྗེ་གསུམ་ནི་གཟུགས་རྣམ་པ་གསུམ་སྟེ། རྣམ་སྣང་མིག་གི་དབང་པོའི་ངོ་བོ་ཉིད་དུ་བསྒོམས་པ་ཉིད་ཀྱིས་དམ་ཚིག་གི་དོན་ཡུལ་གསུམ་དང་མཉམ་པར་དམིགས་པས་ན་རྡོ་རྗེ་དམ་ཚིག་གསུམ་ནི་རྣམ་པར་སྣང་
མཛད་དོ། །དེ་མིག་ཏུ་བསྒོམས་ཤིང་རྣམ་པར་བསམས་པས་རྣམ་པར་སྣང་མཛད་དེ་རྡོ་རྗེ་འཆང་ཆེན་པོ་དང་སྔ་མ་བཞིན་དུ་དེ་མཉམ་པར་འགྱུར་རོ། །དེའི་ཕན་ཡོན་བསྟན་པ་ནི། ལུས་དང་ཞེས་བྱ་བ་ལ་སོགས་པ་སྟེ། དེ་ལྟར་བསྒོམ་པའི་སྒྲུབ་པ་པོ་གང་ཡིན་པ་
ལུས་ལ་སོགས་པའི་རྡོ་རྗེས་རྣམ་པར་སྣང་མཛད་དང་འདྲ་བའི་འོད་དེ་རྣམ་པར་སྣང་མཛད་དང་གཟི་བརྗིད་འདྲ་ཞིང་ཡེ་ཤེས་ཀྱི་ངོ་བོ་ཉིད་དང༌། ཡེ་ཤེས་ཀྱི་ལུས་ཀྱིས་མངོན་པར་བྱང་ཆུབ་ཅིང་རྟོགས་པར་འགྱུར་བའི་ཕྱིར་ན་ཡེ་ཤེས་བྱང་ཆུབ་པའོ། །སྐུ་གསུམ་
མི་ཕྱེད་པ་ནི་རྡོ་རྗེ་འཆང་ཆེན་པོའི་གོ་འཕང་ངོ༌། །དེ་སྒྲུབ་པར་བྱེད་པས་ན་སྐུ་གསུམ་མི་ཕྱེད་སྒྲུབ་བྱེད་འགྱུར་ཞེས་བྱའོ། །ཞེས་བཅོམ་ལྡན་འདས་རྡོ་རྗེ་རྣམ་པར་སྣང་མཛད་ཀྱིས་དེ་སྐད་ཅེས་བཀའ་སྩལ་ཏོ། །ལུས་དང་ངག་དང་སེམས་ཉིད་དུ་ཀྱིས་དམིགས་
ཤིང་གཟུང་བས་ན་ལུས་དང་ངག་དང་ཡིད་དམིགས་པ་སྟེ་རྡོ་རྗེ་འཆང་ཆེན་པོའི་སྐུའོ། །དེའི་མིག་གི་དབང་པོའི་གནས་ན་གནས་ནས་གཟུགས་རྣམ་པ་གསུམ་ཤེས་ཤིང་མངོན་པར་རྟོགས་པས་ན་མངོན་པར་བྱང་ཆུབ་པའོ། །དེ་ཉིད་མི་ཤིགས་པར་ཏེ་མི་
ཟློག་པར་འབྱུང་བས་ན་རྡོ་རྗེ་སྟེ་དེ་སྐྱེད་པར་བྱེད་པའི་ཏིང་ངེ་འཛིན་དེ་སྟོན་པར་བྱེད་པ་ལ་ནི་ལུས་དང་ངག་དང་ཡིད་དམིགས་པ་མངོན་པར་བྱང་ཆུབ་པའི་རྡོ་རྗེའི་ཏིང་ངེ་འཛིན་ཅེས་བྱ་སྟེ། དགོངས་པ་མ་ཡིན་པས་བཤད་པའོ།། ༈ རྣམ་པར་དབེན་
4-2-228a


པའི་ཞེས་བྱ་བ་ལ་སོགས་པས་ནི་མངོན་ཤེས་ལ་སོགས་པ་སྒྲུབ་པའི་སྒྲུབ་པ་པོའི་གནས་གསུངས་པ་ཡིན་ཏེ། སྐྱེ་བོ་འདུས་པའི་འདུ་འཛི་རྣམ་པར་སྤངས་པས་རྣམ་པར་དབེན་པའི་རིའི་རྩེ་མོ་མེ་ཏོག་དང་འབྲས་བུ་ལ་སོགས་པས་བརྒྱན་པ་དང༌། 
ཀླུང་སྟེ་ཆུ་བོ་འབབ་པ་སྐྱེད་མོས་ཚལ་ལ་སོགས་པ་དང་ཉེ་བའི་ཕྱོགས་རྣམས་དང༌། དུར་ཁྲོད་ལ་སོགས་ཞེས་བྱ་བ་ལ། ལ་སོགས་པ་ཞེས་བྱ་བའི་སྒྲས་ནི་ཤིང་གཅིག་པ་དང༌། ཁང་སྟོང་དང༌། ལྷའི་ཁང་པ་ལ་སོགས་པ་ཡིད་དང་མཐུན་པའི་གནས་གཞན་
དག་ཏུ་ཡང་བསམ་གཏན་བསྡུས་པ་སྟེ། སའི་སྙིང་པོ་ལ་སོགས་པའི་ཏིང་ངེ་འཛིན་གྱི་ཚོགས་སུ་བྱ་བ་བཤད་མ་ཐག་པ་༼ནི་ཤིང་དེའི་གྲིབ་མས་ཤིང་གཞན་མི་ནོན། ཤིང་གཞན་གྱི་གྲིབ་མས་ཤིང་དེ་མི་ནོན་པའམ། ཡང་ན་རྒྱང་གྲགས་གཅིག་གིས་ཁོར་ཡུག་ཏུ་ཤིང་གཞན་
མེད་པའོ། །༽དེ་དག་བསྒོམ་པར་བྱའོ་ཞེས་བྱ་བ་སྟེ། དྲང་བའི་དོན་ཏོ།། ༈ རི་བོ་རྣམ་པར་དབེན་པ་སྟེ། །སྐྱེས་པ་གཞན་བསྟེན་པ་ལས་དབེན་པ་དང༌། ནུ་མ་དང་རྐེད་པ་རྒྱས་པ་ལ་སོགས་པ་དང་ལྡན་པའི་བུད་མེད་ཀྱི་རི་བོ་དང༌། སྦྲུལ་འཚོང་སྟེ་སྨད་འཚོང་མ་ལ་
སོགས་པའི་འགྲོ་བ་ཐམས་ཅད་དང་ཐུན་མོང་དུ་གྱུར་པའི་བུད་མེད་ཀྱི་འགྲོ་བ་ནི་འི་ཀླུང་དང༌། འབབ་ཆུ་རྣམས་དང༌། འདྲ་བར་ཐུན་མོང་བའོ། །དུར་ཁྲོད་ཅེས་བྱ་བ་དུར་ཁྲོད་དང་འདྲ་བར་འཇིག་རྟེན་པ་རྣམས་ཀྱིས་སྨད་པ་གདོལ་པ་དང་ཁྲུས་མཁན་མོ་ལ་སོགས་
པའི་བུད་མེད་ཀྱི་འགྲོ་བ་རྣམས་དང༌། ལྷན་ཅིག་ཏུ་བསམ་གཏན་བསྡུས་པ་སྔར་བཤད་པ་འདི་དག་བསྒོམ་པར་བྱའོ་ཞེས་བྱ་བ་ནི། ངེས་པའི་དོན་ཏོ། ། ༼འདིས་ནི་ལས་རྒྱ་ལ་བརྟེན་ནས་བསྒྲུབ་པར་བསྟན་ཏེ། དངོས་གྲུབ་སྒྲུབ་པ་ཕལ་ཆེ་བ་ལ་དེ་དགོས་སོ། །༽དེ་ལྟར་
4-2-228b


གནས་ཕུན་སུམ་ཚོགས་པ་བསྟན་ཅིང་རྣམ་པར་སྣང་མཛད་དགོད་པས་ལྷའི་མིག་བསྒྲུབ་པ་བྱས་ནས། རྣམ་སྣང་ལ་བཤད་པ་དེ་བཞིན་དུ་བདག་པོ་མི་བསྐྱོད་པ་ལ་སོགས་པ་དགོད་པས། ལྷའི་རྣ་བ་ལ་སོགས་པ་བསྒྲུབ་པ་བསྟན་པར་བྱ་བའི་ཕྱིར། མི་བསྐྱོད་
ཡེ་ཤེས་ཞེས་བྱ་བ་ལ་སོགས་པ་གསུངས་ཏེ། མི་བསྐྱོད་པའི་ཡེ་ཤེས་བསྐྱེད་པའི་ས་བོན་ཡི་གེ་ཨོཾ་དེ་ཡོངས་སུ་གྱུར་པ་ལས་བྱུང་བ་ནི་རྡོ་རྗེ་མི་བསྐྱོད་པ་སྟེ། མི་བསྐྱོད་ཡེ་ཤེས་དག་ལ་སོགས། །ཞེས་པ་ནི། མི་བསྐྱོད་པ་དང་སོགས་ཀྱིས་བསྡུས་པ་རིན་
ཆེན་འབྱུང་ལྡན་དང་སྣང་བ་མཐའ་ཡས་དང་དོན་ཡོད་པར་གྲུབ་པ་སྟེ། བཞི་པོ་དེ་རྣམས་སྔ་མ་རྣམ་སྣང་ལ་བཤད་པ་བཞིན་དུ་དབང་པོ་སོ་སོའི་གནས་སུ་རང་རང་གི་ས་བོན་ལས་རང་རང་གི་སྐུར་བསྐྱེད་ནས་རྣ་བའི་སྐྱེ་མཆེད་ལ་སོགས་པ་ལ། དགོད་དོ། །དེ་ཡང་དབང་པོ་བརྟེན་
བཅས་རྣམས་འོད་གསལ་བ་ལ་དམིགས་པས་སྟོང་པར་སྦྱང་བ་སྔོན་དུ་འགྲོ་བས་བསྒོམས་ལ། མངོན་པར་ཤེས་པ་ལྔ་པོའི་སྦྱོར་བ་ཡིས། ཞེས་པ་རྡོ་རྗེ་འཆང་ཆེན་པོའི་སྦྱོར་བས་སའི་སྙིང་པོ་ལ་སོགས་པའི་གནས་སུ་སྟེ། མིག་ལ་སོགས་པའི་གནས་སུ་
སངས་རྒྱས་ཏེ་རྣམ་པར་སྣང་མཛད་ལ་སོགས་པ་དེ་རྣམས་ཀྱི་སྐུ་བསྒོམས་པ་དང་ཡུལ་ལྔ་པོ་ལྐོག་ཏུ་གྱུར་པ་ཐམས་ཅད་དབང་པོ་སོ་སོའི་ཡུལ་དུ་གསལ་བར་བྱུང་བར་བསྒོམ་པ་སྔར་བཤད་པ་བཞིན་བྱའོ། །བཅོམ་ལྡན་འདས་ཞེས་བྱ་བ་ལ་སོགས་པ་ལ། རྡོ་རྗེ་འཆང་ཆེན་པོ་ནི་
སྒྲུབ་པ་པོའོ། །དེ་རྣམས་ཀྱི་དམ་ཚིག་ཆེན་པོའི་རྡོ་རྗེ་ནི་མི་ཕྱེད་པའི་དམ་ཚིག་གོ། དེ་སྟོན་པར་མཁྱེན་པས་ན་དམ་ཚིག་ཆེན་པོའི་རྡོ་རྗེ་མངོན་པར་མཁྱེན་པ་སྟེ་རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ། །ཞེས་པ་སྟེ་སྒྲ་ཇི་བཞིན་པའོ།། ༈ བསྐྱེད་
4-2-229a


པའི་རིམ་པས་ས་བོན་རྣམ་པར་དགོད་པ་སྔོན་དུ་འགྲོ་བས། མངོན་པར་ཤེས་པ་ལྔ་བསྒྲུབ་པ་ཉེ་བར་བསྟན་ནས། རྫོགས་པའི་རིམ་པའི་མངོན་ཤེས་སྒྲུབ་པ་བསྟན་པར་བྱ་བའི་ཕྱིར། རྡོ་རྗེ་ཆེན་པོ་ཞེས་བྱ་བ་ལ་སོགས་པ་གསུངས་
ཏེ། རྩེ་ལྔ་པ་ནི་དབང་པོ་རྣམ་པ་ལྔ་སྟེ། རྩེ་ལྔ་པའི་མདུང་ལྟར་ཡུལ་རྣམས་ལ་འབིགས་པའི་ཕྱིར་རོ། །དབང་པོ་ཡུལ་ལ་འཇུག་པ་དེ་ཉིད་ནི་རྡོ་རྗེ་ཆེན་པོ་སྟེ་མི་ཤིགས་པ་སྟེ་མི་བཟློག་པར་འབྱུང་བའི་ཕྱིར་རོ། །འབར་བ་ལྔ་ནི་རྣམ་པར་ལྡང་བ་སྟེ་རྒྱུ་བ་
ལ་སོགས་པ་འོད་ཟེར་རྣམ་པ་ལྔ་སྟེ་དབང་པོའི་སྒོ་ནས་རྒྱུ་བའི་ཡན་ལག་གི་རླུང་ལྔའོ། །ལྔ་པོ་དེ་རྣམས་ཀྱིས་བརྒྱན་ཅིང་སྟེ་སྤུད་པ་ནི་རླུང་དེ་རྣམས་ཕྱིར་སྤྲོ་བ་དང་ནང་དུ་བསྡུ་བས་རང་ལ་བཞོན་པའི་རྣམ་ཤེས་ཡུལ་ལ་ཕར་འཇུག་པ་དང༌། ནང་དུ་ལྡོག་པ་སྐྱེད་པའོ། །
གནས་ལྔ་ནི་གཟུགས་དང་སྒྲ་ལ་སོགས་པ་ཡུལ་ལྔའོ། །ཡུལ་ལྔ་པོ་དེ་རུ་རབ་ཏུ་སྦྱོར་ཞིང་ཏེ་རབ་ཏུ་འབྱུང་བ་དང༌། དེ་ནས་ལྡོག་པ་ལ་རྡོ་རྗེ་བཟླས་པ་བྱས་པས་རྡོ་རྗེ་མངོན་ཤེས་ཞེས་པའི་རྡོ་རྗེ་ནི་རྡོ་རྗེ་འཆང་ཆེན་པོ་ཡིན་ཏེ། དེའི་མངོན་ཤེས་དང་འདྲ་
བར་འགྱུར་བའོ། །མེ་སྟག་མང་པོ་འཁྲུག་པ་ཡི་ཞེས་པ་ནི་ཡན་ལག་གི་རླུང་ལྔ་རེ་རེ་ཡང་འོད་ཟེར་ལྔ་ལྔ་འཕྲོ་བ་ཡི་བདག་ཉིད་ཅན་ནོ། །རང་སྔགས་ནི་རང་གི་ངང་གིས་སྔགས་ཟློ་བ་ནང་དུ་འཇུག་པ་དང་ལ་སོགས་པས་ནང་དུ་གནས་པ་དང༌། ཕྱིར་༼
ཡན་ལག་གི་རླུང་ལྔ་རང་གི་ཁ་དོག་ནི། རྒྱུ་བའི་རླུང་དམར། རྣམ་པར་རྒྱུ་བ་སྔོ། ཡང་དག་པར་རྒྱུ་བ་སེར། རབ་ཏུ་རྒྱུ་བ་དཀར། ངེས་པར་རྒྱུ་བ་ལྗང་ཞེས་རྗེ་རིན་པོ་ཆེ་འགོས་གསུང་ངོ༌།། ༼ ལྡང་བའི་རང་བཞིན་ཅན་གྱི་གདངས་ཡི་གེ་གསུམ་གྱི་གདངས་སུ་ཟློ་བའོ་མོ། །དེ་རྒྱུན་
4-2-229b


མི་འཆད་པར་ཟོ་ཆུན་གྱི་འཁྲུལ་འཁོར་དང་འདྲ་བར་ཉིན་དང་མཚན་དུ་རབ་ཏུ་བསྐོར་བས་ན་འཁོར་ལོ་ཏེ། དེ་བསྒོམ་པར་བྱའོ། །རྡོ་རྗེ་ལྔ་ནི་ཡན་ལག་གི་རླུང་གི་ཁ་དོག་ལྔ་སྟེ། རླུང་དེ་རྣམས་ཀྱི་སྦྱོར་བསྟེ་སྟོབས་ཀྱིས་དྲངས་པའི་རྡོར་བཟླས་བྱས་པས་རྡོ་
རྗེ་མངོན་ཤེས་དང་འདྲ་བར་འགྱུར་རོ།། ༈ དེ་འདྲ་བའི་རྡོར་བཟླས་དེ་རྟེན་ཇི་ལྟ་བུ་ཞིག་གིས་བྱེད་པའི་རྟེན་སྟོན་པ་ནི། རྡོ་རྗེ་ནམ་མཁའ་ནི་འོད་གསལ་ལས་བཞེངས་པའི་རང་གི་ཕྱག་རྒྱ་ཆེན་པོའི་གཟུགས་ཡེ་ཤེས་ཀྱི་སྐུའོ་སོ། །སྐུ་དེའི་དཀྱིལ་དུ་ཆུད་པ་ནི་དེར་
གནས་པའི་སྟེ། འཁོར་ལོ་སྟེ། དེ་ནི་དེའི་མིག་ལ་སོགས་པའི་དབང་པོའི་ཚོགས་སོ། །སངས་རྒྱས་ནི་རྣམ་པར་སྣང་མཛད་ལ་སོགས་པའོ། །དེ་རྣམས་ཀྱི་སྐུའི་ཁ་དོག་གིས་ཉེ་བར་མཚོན་པའི་འབར་བའི་འོད་ནི་དཀར་པོ་ལ་སོགས་པའི་འོད་ཟེར་ཏེ། 
འོད་ལྔ་པོ་དེ་རྣམས་དང་འདྲ་ཞིང་བ་ནི་དེ་དང་མཉམ་པའི་ཁ་དོག་༼ཙཀྲ་ཞེས་པ་ཚོགས་ལའང་འཇུག་གོ། ༽ཅན་གྱི་རླུང་མིག་ལ་སོགས་པའི་སྒོ་ནས་རྒྱུ་བ་བསམ་ཞིང་ཤེས་པར་བྱས་ནས་བའོ། །སངས་རྒྱས་ནི་གཟུགས་ལ་སོགས་པའི་
ཡུལ་རྣམས་སོ། །ཡུལ་དེ་རྣམས་ལ་རླུང་ལྔ་འཇུག་པར་སྒོམ་པ་ནི་རླུང་སྔགས་མཉམ་པར་སྦྱོར་བས་བྱའོ་སོ། །༼དེ་རྣམས་ཀྱི་དོན་ནི། ཟུང་འཇུག་ཤིན་ཏུ་ཕྲ་བའི་ལོངས་སྐུས་རགས་པའི་སྤྲུལ་སྐུའི་ལུས་བཟུང་ནས། དབང་པོ་ལྔའི་སྒོ་ནས་འཇུག་
པའི་རླུང་ལྔ་ཕྱིར་འཕྲོ་བ་ན། ཡུལ་ལྔ་ཐམས་ཅད་གསལ་བར་བྱས་པར་བསམས་ནས། རླུང་ལྡང་འཇུག་གནས་གསུམ་གྱི་རྡོར་བཟླས་བྱས་པས་མངོན་ཤེས་ལྔ་འགྲུབ་པར་བསྟན་ནོ། །འདི་ལ་བླ་མ་གོང་མ་རྣམས་ཟུང་འཇུག་པའི་དང་པོ་སྦྱོར་བ་དང༌། དཀྱིལ་འཁོར་རྒྱལ་
4-2-230a


མཆོག་གཉིས་བྱས་པའི་རྗེས་ལས་རྒྱལ་མཆོག་གི་ཚེ་འདི་བྱ་བར་བཞེད་དོ། །༽སངས་རྒྱས་ནི་འདིར་མི་སློབ་པའི་ཟུང་འཇུག་གི་ཕུང་པོ་ལྔའོ། །ཕུང་པོ་ལྔ་པོ་དེ་རྣམས་ཀྱི་གནས་ནི་མི་སློབ་པའི་ཡེ་ཤེས་ཀྱི་སྐུ་རྡོ་རྗེ་འཆང་ཆེན་པོ་སྟེ། དེ་དང་
འདྲ་བར་འགྱུར་བ་ནི་ཕན་ཡོན་སྟོན་པའོ། །༼རྫོགས་རིམ་པས་སྣ་ལྕེ་ལུས་གསུམ་ལ་མངོན་ཤེས་སྒྲུབ་པ་ནི། རླུང་གི་སྟོབས་ཀྱིས་སྒྲུབ་པ་ཡིན་ཏེ། སྔོན་དུ་རླུང་ལ་དབང་ཐོབ་པས། སྣ་ལྕེ་ལུས་གསུམ་གྱི་རྣམ་ཤེས་ཀྱི་བཞོན་པར་གྱུར་པའི་རླུང་གསུམ། དབང་པོ་དེ་གསུམ་དང་ཡུལ་
གཉིས་ཀྱི་བར་དུ་ཆོད་པའི་ཕྱི་རོལ་གྱི་ཡུལ་རྣམས་ལའང་ཞུགས་པར་བསྒོམས་པ་ན། རླུང་གི་མཐུས་དྲངས་ཏེ་རྣམ་ཤེས་ཡུལ་དེ་རྣམས་ལ་འཇུག་པར་ནུས་པའི་ཐབས་མཁས་ཆེན་པོས་སྒྲུབ་པ་ཡིན་པས། མངོན་པ་བ་སོགས་དང་མི་འདྲ་བའི་རྒྱུ་མཚན་དེ་ལྟར་རོ།། ༈ ༽རྫོགས་པའི་རིམ་
པའི་ཏིང་ངེ་འཛིན་གཞན་དག་སྟེ། འོད་གསལ་དུ་འཇུག་པའི་ཐབས་ཉེ་བར་བསྟན་པར་བྱ་བའི་ཕྱིར། སངས་རྒྱས་དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། བུད་དྷའི་དོན་ནི་རྟོགས་པའི་ཕྱིར་ན་སངས་རྒྱས་ཏེ། དེ་ལ་ཡང་གཉིས་ལས། འདིས་རྟོགས་པ་
མིན་གྱི་འདི་རྟོགས་པའོ། །གང་ཞིག་རྟོགས་ཤེ་ན། ཤེས་བྱའི་དཀྱིལ་འཁོར་རོ། །བདག་གི་ལུས་ནི་ཁམས་གསུམ་པའི་ལུས་སུ་ལྷག་པར་མོས་པའོ། །སྣང་མཛད་བཞག་ཅེས་བྱ་བ་ནི་རྣམ་པར་སྣང་མཛད་དུ་བརྟག་པའོ། །སྙིང་གར་ཡི་གེ་ཨོཾ་བསམས་ལ། ཞེས་
བྱ་བ་ནི། ཁམས་གསུམ་པའི་ལུས་ཀྱི་ངོ་བོ་ཉིད་དུ་བསམས་པའི་ཀྱི་སྐུ་རྡོ་རྗེའི་ཐུགས་ཀར་ཡི་གེ་ཨོཾ་ཞེས་བྱ་བ་ཡེ་ཤེས་སེམས་དཔའ་བསམས་ལ་སྔགས་ལ་ཞེས་བྱ་བ། ཡེ་ཤེས་སེམས་དཔའ་ལ་རྣམ་པར་ཤེས་པ་བསྒོམ་པ་ནི་ཐིག་ལེའི་བདག་
4-2-230b


ཉིད་ཅན་གྱི་ཏིང་ངེ་འཛིན་གྱི་སེམས་དཔའ་བསྒོམ་པར་བྱའོ། །དེ་ལྟར་སློབ་པར་བྱེད་པའི་རྣལ་འབྱོར་པས་སེམས་འགོག་པའི་རྡོ་རྗེའི་དབུས་སུ་ཆུད་པས་ཐིག་ལེར་སྒོམ་པ་ཡང་སྤངས་ནས། གང་གི་ཚེ་འོད་གསལ་བའི་མཐར་ཐུག་པར་གྱུར་པ་དེའི་ཚེ། རྣལ་འབྱོར་པ་དེ་
སངས་རྒྱས་ཀུན་གྱི་མཆོག་རྡོ་རྗེ་འཛིན་པ་ཆེན་པོ་དེ་སྒྲུབ་པར་བྱེད་པས་ན་སངས་རྒྱས་ཐམས་ཅད་ཀྱི་མཆོག་སྒྲུབ་པར་འགྱུར་ཞིང༌། བསམ་པ་ཐམས་ཅད་ཡོངས་སུ་རྫོགས་པར་བྱེད་པས་ཡིད་བཞིན་གྱི་ནོར་བུ་དང་འདྲ་ལ། ཚོགས་གཉིས་དང་ཉེ་བར་ལྡན་
པས་དཔལ་ལྡན་ཏེ་དེ་ལྟ་བུར་འགྱུར་བའོ། །དེ་བཞིན་དུ་རང་གི་སེམས་ཁམས་གསུམ་པའི་སེམས་ཀྱི་ངོ་བོ་ཉིད་མི་བསྐྱོད་པར་བསྒོམ་པར་བྱའོ། །དེ་ནས་ཁམས་གསུམ་པའི་སེམས་ཀྱི་ངོ་བོ་ཉིད་དུ་བསམས་པའི་དམ་ཚིག་སེམས་དཔའི་སྙིང་གར་ཡི་གེ་
ཧཱུཾ་ཡེ་ཤེས་སེམས་དཔའ་བསྒོམས་ནས། སེམས་ནི་ཐིག་ལེར་གྱུར་པར་བཞག་ཅེས་བྱ་བ། དམ་ཚིག་སེམས་དཔའི་སྙིང་གར་གནས་པའི་ཡེ་ཤེས་སེམས་དཔའ་ཞེས་གྲགས་པ་ལ། རང་གི་སེམས་ཐིག་ལེར་གྱུར་པ་ཏིང་ངེ་འཛིན་གྱི་སེམས་དཔའི་
གཟུགས་ཅན་གཞག་གོ། རང་གི་གསུང་རྡོ་རྗེ་ཡང་སྔ་མ་བཞིན་དུ་ཁམས་གསུམ་པའི་རང་གི་ངོ་བོ་ཉིད་དུ་བསམས་ལ། དེ་ཚེ་དཔག་ཏུ་མེད་པར་རབ་ཏུ་བསྒོམས་ནས། དམ་ཚིག་སེམས་དཔའི་སྙིང་གར་ཡི་གེ་ཨཱཿཡེ་ཤེས་སེམས་དཔའ་བསམས་
ཏེ། རྡོ་རྗེ་ཞེས་པ་རང་གི་སེམས་ཏིང་ངེ་འཛིན་སེམས་དཔར་གཏོགས་པ་བཞག་ཅིང་དགོད་པར་བྱའོ། །༼དེ་རྣམས་ཀྱི་དོན་བསྡུ་ན། ཤེས་བྱའི་དཀྱིལ་འཁོར་ནི་ཁམས་གསུམ་པའི་ལུས་ངག་ཡིད་གསུམ་མོ། །དེའི་དབུས་ནི་དེ་རྣམས་ཀྱི་ངོ་བོ་ཉིད་དོ། །དེར་གནས་པ་ནི་རང་གི་
4-2-231a


ལུས་ངག་ཡིད་གསུམ་གྱི་ངོ་བོར་མོས་པའོ། །སྣང་མཛད་བཞག་པ་དང་། མི་བསྐྱོད་པ་དང་ཚེ་དཔག་མེད་སྒོམ་པ་ནི། ལུས་གཉིས་དབྱེར་མེད་དུ་བྱས་པ་རྣམ་སྣང་དང༌། སེམས་གཉིས་དབྱེར་མེད་དུ་བྱས་པ་མི་བསྐྱོད་པ་དང༌། ངག་གཉིས་དབྱེར་མེད་དུ་བྱས་པ་འོད་
དཔག་ཏུ་མེད་པར་བསྒོམ་པའོ། །དེ་ལྟར་དམ་ཚིག་སེམས་དཔའ་གསུམ་བསྒོམས་པའི་སྙིང་གར་ཨོཾ་དང་། ཨཱཿདང་ཧཱུཾ་གསུམ་བསྒོམ་པ་ནི་ཡེ་ཤེས་སེམས་དཔའོ། །སྔགས་ཏེ་ཨོཾ་ལ་རྣམ་པར་ཤེས་པ་སྟེ་ཏིང་ངེ་འཛིན་སེམས་དཔའ་ཐིག་ལེ་དང༌། ཧཱུཾ་ལ་ཏིང་ངེ་འཛིན་སེམས་དཔའ་རང་གི་སེམས་
ཐིག་ལེར་གྱུར་པ་དང༌། ཨཱཿལ་ཏིང་ངེ་འཛིན་སེམས་དཔའ་རྡོ་རྗེ་སྟེ་རང་གི་སེམས་ཐིག་ལེར་གྱུར་པ་གཞག་གོ། དེ་ལྟར་སྒོམ་པའི་རྣལ་འབྱོར་པ་རང་གི་སེམས་འགོག་པའི་རྡོ་རྗེ་འོད་གསལ་གྱི་དབུས་སུ་ཆུད་པས། ཐིག་ལེར་སྒོམ་པ་ཡང་སྤངས་ནས་བསྒོམས་པས། འོད་གསལ་གྱི་མཐར་ཐུག་
པར་སྟེ། བདེ་ཆེན་གྱི་དེ་ཁོ་ན་ཉིད་མངོན་སུམ་དུ་རྟོགས་པ་སྐྱེ་བར་འགྱུར་རོ།། ༈ འདི་ནི་ཞེས་བྱ་བ་ལ་སོགས་པས་ནི་བཤད་མ་ཐག་པའི་དམ་ཚིག་གསུམ་གྱི་ཕན་ཡོན་ཉེ་བར་སྡུད་པ་ཡིན་ཏེ། དམ་ཚིག་མཆོག་ནི་བསྐྱེད་པའི་རིམ་པ་བསྒོམ་པའོ། །དེའི་
མཆོག་ཡིན་པས་ན་དམ་ཚིག་གི་མཆོག་གི་མཆོག་གོ། རྡོ་རྗེ་གསུམ་ནི་སེམས་ཅན་ཐམས་ཅད་ཀྱི་ལུས་དང་ངག་དང་ཡིད་དོ། །དེས་རང་གི་ལུས་དང་ངག་དང་ཡིད་རྡོ་རྗེ་དང་མི་ཕྱེད་པ་ཉིད་དུ་བསྒོམ་པ་ནི་རྡོ་རྗེ་མི་ཕྱེད་གསུམ་བསྒོམ་པའོ། །འགོག་པའི་
དམ་ཚིག་ནི་སྦྱོར་བ་ཡན་ལག་དྲུག་གི་ནང་ནས་འཛིན་པའི་ཡན་ལག་འོད་གསལ་ལོ་འོ། །གང་གིས་ཤེས་པ་དེ་ནི་འགོག་པའི་དམ་ཚིག་ཡེ་ཤེས་སོ། །སངས་རྒྱས་ནི་གཟུགས་ལ་སོགས་པའི་ཕུང་པོ་རྣམས་སོ། །དེ་རྣམས་ཀྱི་དངོས་གྲུབ་ནི་ཐ་མལ་པའི་
4-2-231b


ལུས་དང་བྲལ་ནས། ཟབ་ཅིང་རྒྱ་ཆེ་བའི་བདག་ཉིད་ཅན་གྱི་ཡེ་ཤེས་ཀྱི་ལུས་ཡོངས་སུ་ལེན་པ་སྟེ། དེ་འཐོབ་ཅིང་རྙེད་པར་འགྱུར་བས་ན་སངས་རྒྱས་དངོས་གྲུབ་ཐོབ་འགྱུར་བའོ།། ༈ སྐུ་གསུང་ཐུགས་ཀྱི་རྡོ་རྗེ་གསུམ་གྱི་སེམས་དཔའ་སུམ་བརྩེགས་བསྒོམས་ནས་འོད་གསལ་
དུ་འཇུག་པའི་དོན་འདི་ཉིད་ཚིག་གི་རྣམ་པ་གཞན་གྱིས་གསལ་བར་བྱ་བའི་ཕྱིར། རྡོ་རྗེ་ནམ་མཁའ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་ནམ་མཁའ་ནི་འོད་གསལ་བའོ། །དེར་འཛིན་པས་ན་ནམ་མཁའི་དབྱིངས་ཏེ་ཁམས་གསུམ་པ་དེར་གནས་པར་བསྒོམ་
པར་བྱའོ། །གསལ་བའི་དཀྱིལ་འཁོར་བསྒོམ་པར་བྱ་བ་ནི་སྐུ་རྡོ་རྗེའོ། །ཁམས་གསུམ་པའི་ལུས་དང་ངག་དང་སེམས་ལ་ཡི་གེ་ཨོཾ་ཡེ་ཤེས་སེམས་དཔའ་བསྒོམས་ཏེ། ཁམས་གསུམ་པའི་ལུས་དང་ངག་དང་སེམས་ཉེ་བར་བཅོམ་ནས་ཡེ་ཤེས་ཀྱི་སྐུ་༼
ཞེས་པ་འདིས་ཁམས་གསུམ་འོད་གསལ་དུ་གཞུག་པར་བཤད་པས། སྔ་མ་གསུམ་གཞིར་བཞག་པ་ལ་འདི་བསྣན་ན་རྡོ་རྗེ་གསུམ་གྱི་སྒོ་ནས་འོད་གསལ་དུ་འཇུག་པའི་རྗེས་གཞིག་བསྟན་ལ། སྔོན་དུ་སྣོད་བཅུད་སྡུད་པ་མེད་པར་སེམས་དཔའ་གསུམ་གྱི་སྡུད་རིམ་ཙམ་བྱེད་པ་ནི་རིལ་འཛིན་ནོ། །
༽བསྒོམ་མོ་ཞེས་བྱ་བའི་བར་དུའོ། །དེ་ལྟར་བསྒོམས་པས་ཅིར་འགྱུར་ཞེ་ན། བསམས་ན་དེ་ནི་བསྐལ་པར་གནས། །ཞེས་བྱ་བ་གསུངས་ཏེ། སེམས་ཅན་ཐམས་ཅད་ཀྱི་ཡིད་ལ་རེ་བའི་རྟོག་པ་ཡོངས་སུ་རྫོགས་པར་བྱེད་པས་བསྐལ་པ་སྟེ། དེར་གནས་
པ་ནི་འཁོར་བ་ཇི་སྲིད་པར་སྐུ་གསུམ་གྱི་བདག་ཉིད་ཅན་དུ་གྱུར་ནས། སྐྱེ་བོ་མ་ལུས་པའི་མངོན་པར་འདོད་པའི་དོན་རྫོགས་པར་ནུས་པས་གནས་པར་འགྱུར་རོ་ཞེས་བྱ་བའི་བར་དུའོ། །གསུང་དང་ཐུགས་རྡོ་རྗེའི་ཏིང་ངེ་འཛིན་གཉིས་པོ་དག་ཀྱང་སྐུ་རྡོ་རྗེ་ལ་བཤད་
4-2-232a


པ་འདི་ཉིད་ཀྱིས་ཤེས་པར་བྱའོ། །རྡོ་རྗེ་གསུམ་གྱི་རྟོག་པའི་དམ་ཚིག་གིས་ཞེས་བྱ་བ་ནི། སྐུ་རྡོ་རྗེ་ལ་སོགས་པས་འགྲོ་བའི་དོན་རྟོག་ཅིང་རྫོགས་པར་བྱེད་པས་ན་རྡོ་རྗེ་གསུམ་གྱི་རྟོག་པའི་དམ་ཚིག་སྟེ་རྡོ་རྗེ་འཆང་ཆེན་པའོ། ། ༼
དེ་ལྟར་བྱས་ན་རིལ་འཛིན་དང་རྗེས་གཞིག་རེ་རེ་ལ་ཡང་སྐུ་གསུང་ཐུགས་རྡོ་རྗེའི་སེམས་དཔའ་སུམ་བརྩེགས་ཀྱི་རིལ་འཛིན་གསུམ་དང་རྗེས་གཞིག་གསུམ་དུ་ཤེས་པར་བྱའོ།། ༈ སྐུ་དང་གསུང་ཐུགས་ཞེས་བྱ་བ་ལ་སོགས་པས་ནི་སྔར་བཤད་པའི་རིམ་གཉིས་བསྒོམས་པའི་
ཕན་ཡོན་སྟོན་པ་ཡིན་ཏེ། སྐུ་དང་གསུང་ཐུགས་རྡོ་རྗེ་ཡི་སྟེ་རྡོ་རྗེ་འཆང་ཆེན་པོའི་རིམ་གཉིས་ཀྱི་རྣལ་འབྱོར་པ་རྣམ་པ་གཉིས་པོ་འདི་ལ་བླ་མ་རྣམས་ཀྱིས་དབང་བསྐུར་ཞིང་ལམ་སྒོམ་པའི་གནང་བ་ཐོབ་པ་ཕྱིན་ཆད་ནས་བརྩམས་ཏེ། རྒྱུད་འདི་རྣལ་
འབྱོར་པ་གང་ཞིག་རྒྱུད་ཀློག་པ་དང་གདུལ་བྱ་གཞན་རྣམས་ལ་སྟོན་པ་དང༌། སེམས་ཀྱང་རུང་ཞེས་བྱ་བ་སྟེ། གང་རང་ཉིད་ཀྱིས་དོན་ཡིད་ལ་སེམས་པའི་ཚུལ་གྱིས་སློབ་པ་སྟེ། གོམས་པར་བྱེད་པ་དེ་ཡང་རྡོ་རྗེ་འཛིན་འདྲར་འགྱུར་ཏེ། སྒོམ་པ་པོ་ཉིད་འབའ་
ཞིག་རྡོ་རྗེ་འཆང་དུ་འགྱུར་བར་ཏུ་ནི་མ་ཟད་དོ་ཞེས་བྱ་བར་དགོངས་སོ།། ༈ དེ་བཞིན་གཤེགས་པ་ཐམས་ཅད་ཀྱི་སྔགས་ནི་ཨོཾ་ལ་སོགས་པ་སྟེ། དེས་བསྐྱེད་པའི་དམ་ཚིག་ནི་རྡོ་རྗེ་འཆང་ཆེན་པོའོ། །དེ་ཉིད་ནི་སྔགས་ལ་མཆོག་ཏུ་གཞོལ་
བ་རྣམས་ཀྱི་དེ་ཁོ་ན་ཉིད་དོ། །རིག་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འོད་གསལ་ལོ་སྟེ། དེ་ལས་ཡང་དག་པར་བྱུང་བའི་སྐྱེས་བུ་ཟུང་འཇུག་ནི་རིག་པའི་སྐྱེས་བུའོ། །དེ་ཉིད་ནི་ཡེ་ཤེས་ཀྱི་དམ་ཚིག་ཡིན་པས་ན་མཆོག་སྟེ། གང་དེ་བཞིན་
4-2-232b


གཤེགས་པ་ཐམས་ཅད་ཀྱི་སྔགས་ཀྱི་དམ་ཚིག་ནི་དེ་ཁོ་ན་ཉིད་ཀྱང་ཡིན་ལ། རིག་པའི་སྐྱེས་བུའི་མཆོག་ཀྱང་ཡིན་པ་དེ་ནི། དེ་བཞིན་གཤེགས་པ་ཐམས་ཅད་ཀྱི་སྔགས་ཀྱི་དམ་ཚིག་དེ་ཁོ་ན་ཉིད་རྡོ་རྗེའི་རིག་པའི་སྐྱེས་བུ་མཆོག་གི་ལེའུ་སྟེ། དགོངས་པས་
བཤད་པའོ།། ༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བཅུ་གཅིག་པ་མཐའ་དྲུག་གིས་བཤད་པའོ། །། །ཀློག་གམ་ཡང་ན་སེམས་ཀྱང་རུང༌། །ཞེས་གསུངས་པ་དེ་ལྟར་
སྒོ་གསུམ་གྱི་ལས་ཀྱི་ལམ་རྣམ་པར་དག་པར་བྱེད་པའི་ཐབས་བསྟན་ནས། བསྐྱེད་རྫོགས་ཀྱི་རིམ་པ་གཉིས་ཀྱི་ལྷའི་སྐུ་ཕྱག་རྒྱ་ཆེན་པོ་བསྐྱེད་པ་དང་ཡོངས་སུ་ཐིམ་པ་བྱས་ནས་དངོས་གྲུབ་སྒྲུབ་པ་རབ་ཏུ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་
སོགས་པ་ལེའུ་བཅུ་གཉིས་པ་གསུངས་ཏེ།། ༈ ས་འོག་དང་ས་སྟེང་དང་ས་བླ་བའི་གདུལ་བྱ་རྣམས་ལ་སྟོན་པར་མཛད་པས་ན་སྟོན་པའོ། །༼བ་ཆབ་ཆག།༽དེ་ཉིད་ནི་དཀྱིལ་འཁོར་པ་རྣམས་འབྱིན་པ་པོ་ཡིན་པས་ན་སྐྱེད་པའོ། །ཡེ་ཤེས་
མཆོག་ནི་རིན་པོ་ཆེ་ལྟ་བུའི་གང་ཟག་གོ། གང་ཟག་དེ་རྡོ་རྗེ་ལྟ་བུའི་ཏིང་ངེ་འཛིན་ལ་རབ་ཏུ་འཇོག་པས་བསྒྲུབ་པར་མཛད་པས་ན་ཡེ་ཤེས་མཆོག་བསྒྲུབ་པའོ། །དམ་ཚིག་རྡོ་རྗེ་གསུམ་ནི་རྡོ་རྗེ་འཆང་ཆེན་པོའོ། །དེའི་དེ་ཁོ་ན་ཉིད་ནི་དོན་དམ་པའི་བདེན་པའོ། །
དེ་རྡོ་རྗེ་གསུང་གིས་འོག་ནས་བཤད་པའི་མཚན་ཉིད་བཀའ་སྩལ་པའོ།། ༈ མཁའ་དང་མཚུངས་པ་ཞེས་བྱ་བ་ལ། ནམ་མཁའ་ནི་གོ་འབྱེད་པའོ། །ནམ་མཁའ་དེ་དང་དགག་བྱ་བཅད་པ་ཙམ་དུ་མཚུངས་པ་ནི་དོན་དམ་པའི་བདེན་པའོ། །དོན་དམ་བདེན་
4-2-233a


པ་དེ་དང་མཉམ་ཞིང་སྟེ་གཅིག་ཏུ་གྱུར་པ་ནི་མཁའ་དང་མཚུངས་པར་མཉམ་པར་གྱུར་པ་སྟེ། ཕུང་སོགས་ཐམས་ཅད་ཀྱང་དོན་དམ་པའི་བདེན་པའི་མཐར་ཐུག་པར་སོན་པའི་ཕྱིར་རོ། །དེ་ལྟར་ནམ་མཁའ་དང་མཉམ་
པར་གྱུར་པའི་འོད་གསལ་ཐོབ་པས་རྣམ་པར་མི་རྟོག་པའི་ངོ་བོ་ཉིད་དུ་གྱུར་པ་གང་ཡིན་པ་དེ་ནི་རྣམ་པར་མི་རྟོག་ངོ་བོ་ཉིད་དོ། །དེ་ཉིད་ཀྱིས་ན་ཆོས་རྣམས་གདོད་མ་ནས་རང་བཞིན་གྱིས་དག་པ་ལ། ཟློས་གར་གྱི་རོལ་མོ་མཁན་གཅིག་ཉིད་སྣ་ཚོགས་སུ་
བསྒྱུར་བ་བཞིན་དུ་རང་བཞིན་རྣམ་དག་གི་ངང་ནས་སྤྲོས་པར་གྱུར་པ་འོག་ནས་འཆད་པའི་ལྷའི་སྐུ་ལ་སོགས་པ་འདི་དག་རབ་ཏུ་བསྒོམ་པ་སྟོན་པ་སྟེ། དགོངས་པ་མ་ཡིན་པས་བཤད་པའོ།། ༈ དངོས་གྲུབ་ཐམས་ཅད་བསྒྲུབ་པའི་གནས་བསྟན་
པར་བྱ་བའི་ཕྱིར། དགོན་པ་ཆེན་པོའི་ཞེས་བྱ་བ་ལ་སོགས་པ་གསུངས་ཏེ། གྲོང་ལས་གཞུ་འདོམ་ལྔ་བརྒྱའི་རྒྱང་གྲགས་གཅིག་སོང་བ་ནི་དགོན་པ་ཡིན་ལ། དགོན་པ་ཆེན་པོ་ནི་གྲོང་ལས་དཔག་ཚད་བཅོ་ལྔ་སྤངས་པའི་བས་མཐའོ་འི་ས་ཕྱོགས་ཞེས་བྱ་བ་
མཆོག་ཏུ་གྱུར་པའི་ས་ཕྱོགས་དང༌། ཆུའི་ཚོགས་ལ་སོགས་པས་ཡིད་དུ་འོང་ཞིང་མེ་ཏོག་དང་འབྲས་བུ་ལ་སོགས་པས་བརྒྱན་པའི་རི་བོ་དང་དེར་མ་ཟད་སྐྱེ་བོའི་འདུ་འཛིས་རྣམ་པར་དབེན་པའི་ས་ཕྱོགས་གཞན་རྣམས་སུ་ཡང་། འཇིག་རྟེན་
དང་འཇིག་རྟེན་ལས་འདས་པའི་དངོས་གྲུབ་ཐམས་ཅད་གང་དུ་བསྡུས་ཤིང་བསགས་པར་གྱུར་པ་དེ་ནི་དངོས་གྲུབ་ཐམས་ཅད་བསྡུས་པ་སྟེ། བསྒྲུབ་པར་བྱ་བ་སངས་རྒྱས་ཉིད་བསྒྲུབ་པར་བྱ་བ་སྟེ། དྲང་བའི་དོན་ཏོ།། ༈ གནས་ཀྱི་ངེས་དོན་ལུང་སྟོན་
4-2-233b


གྱི་ལུང་གིས་བཤད་པ་བརྗོད་པར་བྱ་སྟེ། ནམ་མཁར་ཏེ་འོད་གསལ་དུ་བརྟག་པ་སྟེ་ཞུགས་པའི་སྦྱོར་བ་ཡིས། ཕུང་པོ་རྣམས། གྲོང་ལས་རིང་དུ་སོང་པའི་དགོན་པ་ཆེན་པོར་འདོད། དོ། མཚན་མར་འཛིན་པའི་དམིགས་གཏད་ཀྱིས་གནས་པ་མེད་པར་དེ་ཁོ་ན་
ཉིད་ལ་གནས་པའི་སྦྱོར་བ་ཡིས། ཏེ་རྣལ་འབྱོར་གྱིས། གནས་པ་ཆེན་པོ་ནི་ས་ཕྱོགས་ཞེས་པ་ཡིན། ནོ། །ངེས་དོན་གྱི་སྐབས་འདིར་ནི་ལོངས་སྤྱོད་རྫོགས་པ་སྒྱུ་མའི་སྐུ་ནི་ཤིང་། ལྗོན་པའོ། །འཇིག་རྟེན་ལས་འདས་མ་འདས་ཀྱི་དངོས་གྲུབ་སྣ་ཚོགས་པ་དང་ལྡན་
པ་ནི་མེ་ཏོག་དང་ལྡན། པའོ། ལོངས་སྐུས་སྤྲུལ་པའི་སྐུ་གཟུང་བ་ནི་འབྲས་བུས་ཡང་དག་པར་བརྒྱན། པའོ། །ཟུང་འཇུག་གི་སྐབས་ཀྱི་ཡང་དག་པར་རྫོགས་པའི་བྱང་ཆུབ་པ་སྟེ། རྟོགས་པའི་འོད་གསལ་ཆོས་སྐུ་ནི་རིའོ། སྤྲོས་པའི་དངོས་པོ་མེད་པ་
དབེན་པ་ཉམས་དགའ་བ་ནི་འོ། །འབྲས་བུའི་རྡོ་རྗེ་འཆང་ཞེས་བྱ་བ་ནི་དབེན་གནས་དེར་བསྒྲུབ་པར་བྱ། ཞེས་བྱ་བ་སྟེ། ངེས་པའི་དོན་ཏོ།། ༈ མཱྃ་ཞེས་བྱ་བ་ནི་འོག་ནས་འཆད་པའི་འཇམ་དཔལ་གྱི་ཏིང་ངེ་འཛིན་སྟོན་པ་སྟེ་མཚོན་པའི་ས་བོན་ནོ། །
ལུས་དང་ཞེས་བྱ་བ་ལ་སོགས་པ་ལ། མཉྫུ་ལ་ངེས་ཚིག་གིས་མཱ་ནཿསྭབྷ་ཝེན། ཡིད་ཀྱི་རང་བཞིན་གྱིས་ཛུཥྱ་ཏེ་བསྟེན་པར་བྱ་ཞིང་ཅིང་སེ་བྱ་སྟེ་བསྙེན་པར་བྱ་བ་ཡིན་པས་ན་འཇམ་པ་སྟེ་སྒྱུ་མའི་སྐུ་འོ། །དེ་ཉིད་ནི་རྟོག་པས་མི་ཕྱེད་པ་ཉིད་པས་ན་རྡོ་རྗེའོ། །
དེའི་རབ་ཏུ་བསྒོམ་པ་ནི་རྡོ་རྗེ་འཇམ་པ་སྒྱུ་ལུས་རབ་ཏུ་བསྒོམ་པར་བྱ་བའོ། །གང་དུ་བསྒོམ་ཞེ་ན། རང་གི་ལུས་དང་ངག་དང་སེམས་ཀྱི་རྡོ་རྗེ་ལ་བསྒོམ་མོ་འོ། །རང་གི་ལུས་ལ་སོགས་པ་འབའ་ཞིག་ཏུ་ཡང་བསྒོམ་པར་མ་ཟད་ཀྱི། རང་ཉིད་ལ་བསྒོམས་
4-2-234a


པ་དེ་ནས་ཁམས་གསུམ་པའི་ལུས་དང་ངག་དང་སེམས་ལ་སྤྲོས་པས་ཏེ་དེ་རྣམས་ལ་སྒྱུ་མ་ལྟ་བུའི་ཏིང་ངེ་འཛིན་གྱིས་ཁྱབ་པར་བསྒོམ་མོ་ཀྱང་བྱས་ཏེ། སྒོམ་པ་དེ་བྱས་ནས་ནི་རྡོ་རྗེ་འཇམ་པ་དང་འདྲ་བར་འགྱུར་རོ། །དཔག་ཚད་བརྒྱ་
ཡི་ཞེས་བྱ་བ་ལ་སོགས་པ་ལ། དཔག་ཚད་བརྒྱ་པ་ནི་དཔག་ཚད་བརྒྱ་སྟེ་ཁྱོན་དེ་ཙམ་དུ་ཆེ་ཞིང་ཚད་མེད་གྲངས་མེད་པའོ། །རྡོ་རྗེ་འབར་བ་ནི་རང་གི་སྒྱུ་མའི་སྐུ་གང་ཡིན་པ་དེ་ནི་འབར་བའི་རྡོ་རྗེ་སྟེ་དེའི་འོད་ཀྱི་སྣང་བའོ། །སྐྱེས་བུ་ཆེན་པོའི་མཚན་སུམ་
ཅུ་རྩ་གཉིས་ཀྱིས་བརྒྱན་པས་ན་རྒྱན་རྣམས་ཀུན་གྱིས་བརྒྱན་པ་ཡིའོ། །སྒྱུ་མ་ལྟ་བུའི་སྐུ་མངའ་བས་ན་དག་པའི་བདག་ཉིད་དོ། །སྒྱུ་མའི་སྐུ་དེའི་འོད་ཀྱིས་འཇིག་རྟེན་གྱི་ཁམས་དཔག་ཏུ་མེད་པ་གསལ་བར་བྱེད་པས་ན་སྣང་བར་འགྱུར་བའོ། །དེས་འདི་ལྟར་
གྱུར་པའི་ཡེ་ཤེས་ཀྱི་སྐུ་བརྙེས་པས་ཚངས་པ་ལ་སོགས་པའི་ལྷ་རྣམས་ཀྱིས་ནམས་ཀྱང་སྟེ་ནམ་ཡང་མཐོང་བར་མི་ནུས་ན། སོ་སོ་སྐྱེ་བོ་ཕལ་པ་གཞན་དག་གིས་ལྟ་སྨོས་ཀྱང་ཅི་དགོས་ཏེ། ཕྱིར་མི་ལྡོག་པའི་བྱང་ཆུབ་སེམས་དཔའི་སྤྱོད་ཡུལ་
ཡིན་པའི་ཕྱིར་རོ། །རྡོ་རྗེ་འཇམ་པ་མཆོག་གི་དམ་ཚིག་ཅེས་བྱ་བ་ནི། འཇམ་དཔལ་གྱི་ཕྱག་རྒྱ་ཆེན་པོའི་རང་བཞིན་ནོ། །དེ་ནི་སྒྱུ་ལུས་མ་ཐོབ་པའི་སོ་སོའི་སྐྱེ་བོ་རྣམས་ཀྱིས་མི་མཐོང་ཞིང་མི་རེག་པ་ཉིད་ཀྱིས་ན་ཏིང་ངེ་འཛིན་འདི་ནི་མི་སྣང་བ་
ཞེས་བྱའོ།། ༈ སྒྱུ་མའི་རང་བཞིན་གྱི་སྐུ་སྔར་བཤད་པ་འདི་ཉིད་༼མཚན་སོ་གཉིས་ཀྱིས་བརྒྱན་པ་དང༌། འོད་ཀྱིས་འཇིག་རྟེན་གྱི་ཁམས་འགེངས་པའི་སྒྱུ་ལུས་འདི་ཉིད་འོད་གསལ་དུ་དག་པར་བྱེད་པར་གསུངས་པས། འདི་རིམ་པ་གསུམ་པའི་སྒྱུ་ལུས་ཡིན་ལ། 
4-2-234b


དེ་ལ་འདི་འདྲ་བའི་ཡོན་ཏན་ཡོད་པ་མ་ཤེས་ན་བོད་ཀྱི་སྒྱུ་ལུས་ཀྱི་གདམས་ངག་བཞིན་དུ་སྒྱུ་ལུས་ཀྱི་ཡོན་ཏན་ཕྱོགས་རེའང་མེད་པ་ལ་སྒྱུ་ལུས་སུ་ངོ་སྤྲོད་པར་འགྱུར་རོ། །༽འོད་གསལ་བས་རྣམ་པར་སྦྱངས་པས་ཏེ་དག་པར་བྱས་པས། ཟུང་འཇུག་བསྒྲུབ་པར་བྱ་བའི་ཕྱིར། རྡོ་རྗེ་
མི་ཕྱེད་ཅེས་བྱ་བ་ལ་སོགས་པ་གསུངས་ཏེ། རྡོ་རྗེ་མི་ཕྱེད་གསུམ་ནི་ཐུགས་ཏེ། སེམས་སོ། །སེམས་དེ་ལས་བྱུང་བའི་ཡུལ་ལྔ་དང་དབང་པོ་ལྔ་རྣམས་ཀྱིས་སོ། །ཞེས་པ་ནི་བཤང་གཅི་སོགས་ཀྱིས་སྟོན་ཏེ། བཤང་གཅི་ནི་ཡུལ་དང་དབང་པོ་རྣམས་ཏེ། 
ཡུལ་དབང་དེ་ཕན་ཚུན་བསྲེས་པས་ན་དམ་ཚིག་ལྔ་རྣམས་ཀྱིས་སོ། །ལྕགས་གསུམ་ལས་བྱུང་བ་ནི་སྣང་བ་རྣམ་པ་གསུམ་དང་ལྡན་པའི་རླུང་སེམས་ཙམ་ལས་སྒྱུ་མའི་སྐུར་བྱས་ཤིང་བསྐྱེད་ནས། ཁ་སྟེ་འོད་གསལ་བར་རིལ་པོར་འཛིན་པའམ་༼
ཞེས་པ་ནི་ཡུལ་དབང་ལྔ་ཚན་གཉིས། དམ་ཚིག་གི་དོན་མཉམ་པ་ཉིད་དེ། དེ་ཡང་གཟུགས་རྡོ་རྗེ་སོགས་དང་ས་སྙིང་སོགས་ཀྱི་ལྷར་མཉམ་པ་ཉིད་དུ་བལྟས་ནས། འདོད་ཡོན་ལ་སྤྱད་པས་སེམས་དབེན་གྱི་སྣང་བ་གསུམ་སྐྱེད་པའོ། །༽རྗེས་སུ་གཞིག་པ་དག་གིས་བཅུག་ནས་
བསྒོམ་པར་བྱའོ། །འོད་གསལ་བ་དེར་སངས་རྒྱས་ཀུན་གྱིས་ཏེ་རྟོག་གེ་པ་ཐམས་ཅད་ཀྱིས་མི་ཕྱེད་ཅིང་ཡུལ་མ་ཡིན་པའི་ཐུགས་ཀྱི་ཡེ་ཤེས་ཀྱི་སྐུ་སྟེ་ཞུགས་པར་བསྒོམ་པར་བྱའོ། །གང་དེ་ལྟར་བསྒོམ་པའི་རྣལ་འབྱོར་པ་དེ་ནི་དེ་མ་ཐག་ཏུ་རྣལ་
འབྱོར་པ་དེ་འོད་གསལ་ལས་ལྡང་བསྟེ་ལངས་པར་གྱུར་པའི་ཟུང་འཇུག་གི་མཚན་ཉིད་ཅན་ཉིད་དུ་རྡོ་རྗེ་འཇམ་པ་དང་འོད་འདྲ་བར་འགྱུར་རོ་ཞེས་པ་སྟེ། དགོངས་པས་བཤད་པའོ།། ༈ དེ་ལྟར་བྱང་ཆུབ་སེམས་དཔའ་འཇམ་དཔལ་གྱི་ཏིང་ངེ་
4-2-235a


འཛིན་ཉེ་བར་བསྟན་ནས། འཁོར་ལོའི་རིག་པ་འཛིན་པ་ལ་སོགས་པའི་དངོས་གྲུབ་བསྒྲུབ་པ་ཉེ་བར་བསྟན་པར་བྱ་བའི་ཕྱིར། འཁོར་ལོ་ཞེས་བྱ་བ་ལ་སོགས་པ་གསུངས་ཏེ། དང་པོ་སྦྱོར་བ་དང་དཀྱིལ་འཁོར་རྒྱལ་
མཆོག་གི་སྐབས་སུ་ར་རྣམ་པར་སྣང་མཛད་ཀྱི་ཏིང་ངེ་འཛིན་མངོན་དུ་བྱས་ལ། ལས་རྒྱལ་མཆོག་གི་དུས་སུ་རྒྱུ་དངུལ་ལམ་དུང་ངམ་ལྕགས་ལས་བྱས་པའི་འཁོར་ལོ་ཁྲུ་གང་པ་རྩིབས་བརྒྱད་པ་ལྟེ་བ་མུ་ཁྱུད་དང་བཅས་པ་མདོག་དཀར་པོ་བ་ཕན་ཚུན་༼
འདི་ནས་བཟུང་སྟེ་གདུལ་བྱའི་སེམས་འདུན་པའི་དགུག་པའི་ལས་སྒྲུབ་པའི་བར་རྣམས་ནི། ནང་ལ་མཆོག་ཏུ་གཞོལ་བའི་ལས་ཚོགས་ཡིན་ལ། དེ་རྣམས་སྒྲུབ་པ་ལ་སྲུང་བའི་འཁོར་ལོ་ནས་བཟུང་བའི་དང་པོ་སྦྱོར་བ་དང༌། རང་རིགས་ཀྱི་ལས་རྒྱ་སྤྱན་མ་ལ་སོགས་པར་བསྐྱེད་པ་ལ་བརྟེན་ནས་
དཀྱིལ་འཁོར་རྒྱལ་མཆོག་གཉིས་བྱེད་པ་འདྲའོ། །ས་བོན་ལས་བྱང་ཆུབ་པའི་སྐབས་སུ་ཨོཾ་ལ་སོགས་པའི་ཡི་གེ་རེ་རེ་བ་ལས་བྱེད། ལས་རྒྱལ་མཆོག་གི་དུས་སུ་རང་རང་གི་སྐབས་ཀྱི་ལས་སྒྲུབ་པ་རྣམས་བྱེད་ཅེས་རྗེ་རིན་པོ་ཆེ་འགོས་ཀྱི་གསུང་རྒྱུན་འཛིན་པའི་བླ་མ་གོང་མ་རྣམས་བཞེད་དོ། །
༽བསྣོལ་མར་འཕྲོ་བ་ལྟ་བུའི་འོད་ཟེར་རྣམས་ཀྱིས་བརྒྱན་པ་འོད་ཟེར་མདངས་ཅན་འཕྲོ་བ་བྱས་ལ་ཡི་གེ་གསུམ་བཟླས་པའི་དྲིའི་ཆུས་བསང་བདུད་རྩི་ལྔས་བྱུགས་པས་བསྲུང་བ་བྱས་ལ། བསྒྲུབ་པའི་དཀྱིལ་འཁོར་གྱི་དབུས་སུ་བཞག། བསང་སྦྱངས་ཏེ་རང་གི་སྔགས་ཏེ། 
རྣམ་པར་སྣང་མཛད་བསྐྱེད་པའི་ཡི་གེ་ཨོཾ་ལས་འཁོར་ལོ་ཇི་སྐད་བཤད་པ་བཞིན་བསྐྱེད་ལ། མདུན་དུ་བསྒོམས་ནས། སངས་རྒྱས་ཐམས་ཅད་ཀྱི་སྟེ། དེ་བཞིན་གཤེགས་པ་རྣམ་སྣང་གི་འི་རིགས་དང་ལྡན་པའི་བཞུགས་པའི་གནས་ཏེ། 
4-2-235b


གཞིར་གྱུར་པར་བསྒོམས་ལ། ཇི་སྲིད་དུ་འཁོར་ལོ་དེ་དྲོ་བར་གྱུར་པའམ་དེ་ལས་དུ་བ་འཐུལ་བའམ་རབ་ཏུ་འབར་བར་གྱུར་པའི་རྟགས་རབ་འབྲིང་ཐ་གསུམ་མཐོང་བ་དེ་སྲིད་དུ་བསྒོམས་ལ། རྟགས་དེ་བྱུང་བ་དང་འཁོར་ལོ་དེ་ལག་ཏུ་བླངས་ནས་འདུག་པའི་རྣལ་༼
ཞེས་པ་ལྟར་ན་འཁོར་ལོའི་ལྟེ་བའི་ནང་དུ་རྣམ་སྣང་དང༌། དེའི་རིགས་ཀྱི་ལྷ་བདུན་བསྒོམ་པ་འདྲ་བ་ཞིག་སྣང་ཡང༌། རྣམ་སྣང་གིས་གཙོ་བོ་བྱས་པའི་དཀྱིལ་འཁོར་པ་དེ་འདྲ་བ་ཐུན་བཞིར་བསྒོམ་པའོ། །༽འབྱོར་པ་གང་ཡིན་པ་དེ་ནི་སངས་རྒྱས་དང་འདྲ་བ་སྟེ་རྡོ་རྗེ་འཆང་ཆེན་པོ་དང་འདྲ་བར་
ཀུན་གྱིས་མཆོད་པའི་གནས་སུ་འགྱུར་རོ།། ༈ དེ་ལྟར་འཁོར་ལོའི་སྒོ་ནས་དངོས་གྲུབ་ཐོབ་པའི་རིག་པ་འཛིན་པའི་མཐུ་བསྟན་པར་བྱ་བའི་ཕྱིར། རི་རབ་སུམ་ཅུ་ཞེས་བྱ་བ་ལ་སོགས་པ་གསུངས་ཏེ། རི་རབ་སུམ་ཅུ་རྩ་དྲུག་གི་ཚད་ཀྱི་རྡུལ་ཕྲ་རབ་ཇི་སྙེད་པ་
དེ་སྙེད་ཀྱི་ཚད་ཀྱི་རྗེས་སུ་འབྲང་བའི་འཁོར་ནི་འཁོར་ལོའི་རིག་པ་འཛིན་པ་དེ་ལ་འབྱུང་བར་འགྱུར་རོ། །འཁོར་ཇི་ལྟ་བུ་ཞེ་ན། འཁོར་ཐམས་ཅད་ཀྱང་རྡོ་རྗེ་འཛིན་པའི་འཁོར་དང་འདྲ་བར་རྣམ་པར་མི་འཇིག་པ་སྟེ། མི་ཕྱེད་པའི་འཁོར་དུ་འགྱུར་རོ་འི་ངོ་བོ་ཉིད་དོ། །
ཏིང་ངེ་འཛིན་གང་གིས་འཁོར་ལོའི་རིགས་ཀྱི་རིག་འཛིན་རྣམས་དང་མཉམ་པར་འགྲོགས་པ་ཐོབ་པ་དེ་ནི་འཁོར་ལོའི་དམ་ཚིག་ཅེས་བྱ་བའི་ཏིང་ངེ་འཛིན་ཏོ།། ༈ རྡོ་རྗེ་ཆེན་པོ་ཞེས་བྱ་བ་ལ་སོགས་པས་རྡོ་རྗེའི་རིག་འཛིན་སྒྲུབ་པ་སྟོན་པ་ནི་རྣམ་པར་
སྣང་མཛད་ཀྱི་རྣལ་འབྱོར་དང་འདྲ་བར་བལྟ་བར་བྱ་བ་ནི་མི་བསྐྱོད་པའི་ཏིང་ངེ་འཛིན་ལ་གནས་པ་དང༌། ལས་རྒྱལ་མཆོག་གི་དུས་སུ་ལྕགས་ལས་བྱས་པའི་རྡོ་རྗེ་སྔོན་པོ་རྩེ་ལྔ་པ་སོར་བརྒྱད་པ་ལ་བྱུགས་པ་དང་བསྲུང་བ་བྱས་ནས། བསྒྲུབ་པའི་དཀྱིལ་འཁོར་གྱི་དབུས་སུ་འཇོག་པའོ། །རྡོ་རྗེ་ཆེན་
4-2-236a


པོ་དེ་བསང་སྦྱངས་ནས་སྟེ། རང་གི་སྔགས་ནི་ཡི་གེ་ཧཱུཾ་སྟེ། དེས་རྡོ་རྗེར་བསྐྱེད་དོ་མོ། །དཀྱིལ་འཁོར་ནི་ནམ་མཁའི་དཀྱིལ་འཁོར་རོ། །༼ཞེས་པ་ནི་མདུན་དུ་གཞལ་ཡས་ཁང་བསྐྱེད་པའི་ནང་གི་ནམ་མཁའ་འོ། །རྡོ་རྗེ་ཀུན་གྱི་གནས་ཡིན་
པར་བསམ་པ་ནི། རྡོ་རྗེའི་ལྟེ་བའི་ནང་དུ་རྡོ་རྗེ་མི་བསྐྱོད་པའི་རིགས་ཀྱི་ལྷ་ཀུན་སྒོམ་པའོ། །དེ་ལྟར་བསྒོམས་པས་སྔར་བཞིན་རྟགས་བྱུང་བ་དང༌། རྡོ་རྗེ་ལག་ཏུ་བླངས་པས། རི་རབ་ཅེས་སོགས་ཀྱིས་བསྟན་པའི་ཕན་ཡོན་འབྱུང་ངོ་།། ༈ བུད་མེད་རྣམས་ཡོན་ཏན་ཅན་གྱི་
གནས་སུ་འགྱུར་ཞེས་བྱ་བ་ནི། འདོད་པའི་དབང་ཕྱུག་ཏུ་འགྱུར་བར་སྟོན་ཏེ་རྡོ་རྗེ་འཆང་ཆེན་པོ་དང་འདྲ་བའི་ཕྱིར་རོ། །དྲག་པོ་དག་གིས་ཕྱག་བྱས་པ་ཞེས་བྱ་བའི་ལྷག་པའི་༼འདི་ལ། དེ་སྙེད་ཀྱིས་ནི་བུད་མེད་དག། ཡོན་ཏན་གནས་རྣམས་དེ་ཡིར་འགྱུར། །ཞེས་
འབྱུང་བ་ཤིན་ཏུ་གསལ་ལོ། །༽ཚིག་གིས་ནི་ཁམས་གསུམ་གྱིས་ཕྱག་བྱ་བ་ཉིད་དུ་སྟོན་ཏེ། དྲག་པོ་ནི་ཁམས་གསུམ་གྱིས་ཕྱག་བྱས་པ་ཡིན་པའི་ཕྱིར་རོ། །རྡོ་རྗེ་ཆེན་པོར་འགྱུར་ཞེས་བྱ་བ་ནི་རྡོ་རྗེ་འཆང་ཆེན་པོར་འགྱུར་བའོ། །རྡོ་རྗེ་ནི་རྡོ་རྗེ་འཆང་ཆེན་
པོའོ། །དམ་ཚིག་ནི་ས་མ་ཏ་མཉམ་པར་ཨཏྣ་ཏི་འགྲོ་ཞིང་གཙྪཏྣི་བཞུད་པས་ན་མཉམ་པ་དམ་ཚིག་སྟེ། རྡོ་རྗེའི་རིགས་ཀྱི་མཁའ་འགྲོ་མ་རྣམས་དང་ཉམས་པར་འཇུག་པ་ཡིན་པས་རྡོ་རྗེའི་དམ་ཚིག་ནི་རང་གི་ལྷན་ཅིག་སྤྱོད་པ་ཡིད་དུ་སྡུག་པའི་བུད་
མེད་རྣམས་ཏེ། དེ་དང་དེ་རྣམས་ཀྱི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ།། ༈ ཙན་དན་ནམ་ཟངས་ལ་པདྨ་ཆེན་པོ་དམར་པོ་འདབ་མ་བརྒྱད་པ་བྱ་བ་དང༌། དེ་ལ་བྱུགས་པ་སོགས་སྔར་དང་འདྲ་ལ། རང་གི་སྔགས་ཨཱཿལས་རྡོ་རྗེ་ཆོས་ཀྱི་པདྨ་དཀྱིལ་འཁོར་
4-2-236b


གྱི་དབུས་སུ་བསམ་མོ། །ཆོས་རྣམས་ཀུན་ནི་འོད་དཔག་ཏུ་མེད་པའི་རིགས་དང་ལྡན་པའི་ལྷ་རྣམས་སོ། །ལྷ་དེ་རྣམས་ཀྱི་གནས་ནི་བསྐྱེད་པའི་གཞིའོ། །དེ་ལ་ཐུན་བཞིར་བསྒོམས་པས་རྟགས་གསུམ་གང་རུང་བྱུང་བ་ལག་ཏུ་བླངས་པའི་ཕན་ཡོན་ནི་རྡོ་རྗེ་ཆོས་ནི་འཇིག་
རྟེན་དབང་ཕྱུག་སྟེ། དེ་དང་འདྲ་བར་འགྱུར་བའོ།། ༈ རི་རབ་ཅེས་བྱ་བ་ལ་སོགས་པ་ལ། རི་རབ་སུམ་ཅུ་རྩ་དྲུག་༼ཞེས་པ་དེའི་ལྟེ་བར་ལྷ་རྣམས་བསྐྱེད་པའོ། ༽ལས་བྱུང་བའི་རྡུལ་ཕྲ་རབ་ཇི་སྙེད་པ་གང་ཡིན་པ་དེ་སྙེད་ཀྱི་གྲངས་དང་མཉམ་
པའི་དག་པའི་བདག་ཉིད་ནི་པདྨའི་རིགས་ཀྱི་སངས་རྒྱས་ཏེ་ཐབས་ཀྱི་ངོ་བོ་ཉིད་རིག་འཛིན་ཕོ་དང༌། མཆོད་པའི་མཆོག་སྟེ་ཤེས་རབ་ཀྱི་ངོ་བོ་ཉིད་རིག་འཛིན་མོ་དང༌། དེ་རྣམས་ཀྱི་དཀྱིལ་འཁོར་ཏེ་ཚོགས་དེར་འཇོག་པར་བྱེད་ཅིང༌། སྔགས་དང་ཕྱག་
རྒྱ་རིག་འཛིན་ཕོ་མོའི་ཚོགས་ཐམས་ཅད་སྒྲུབ་པ་པོ་ལ་རང་གི་བདག་པོར་ལྟ་བ་ཉིད་ཀྱིས་སྒྲུབ་པ་པོ་ལ་དབང་བསྐུར་བསྟེ། དབང་སྟེར་བར་བྱེད་དོ་འོ། །ཞེས་བྱ་བའི་བར་དུའོ། །པདྨོ་ནི་པདྨའི་རིགས་དང་ལྡན་པའི་རིག་འཛིན་རྣམས་སོ། །དེ་
རྣམས་དང་མཉམ་པ་ནི་ཏིང་ངེ་འཛིན་གང་ལ་དབྱེར་མི་ཕྱེད་པའི་དོན་དེ་ལ་དེ་སྐད་ཅེས་བྱའོ།། ༈ ཡེ་ཤེས་ལྔ་ལྡན་ཞེས་བྱ་བ་ལ་སོགས་པའི་དོན་ནི་ལེའུ་བཅུ་གཅིག་པར་བཤད་ཟིན་ཏོ། །གསང་བ་གསུམ་ལ་བསྙེན་བཀུར་བྱེད་ཅེས་བྱ་བ་
ནི། དེ་བཞིན་གཤེགས་པ་ཐམས་ཅད་དང་འབྲེལ་བའི་སྐུ་དང་གསུང་དང་ཐུགས་ཀྱི་གསང་བ་གསུམ་ལ་བསྙེན་བཀུར་བྱེད་ཅིང་རྟོགས་པར་འགྱུར་བ་སྟེ་དེའི་བདག་ཉིད་ཅན་དུ་འགྱུར་རོ། །ཞེས་བྱ་བའི་བར་དུའོ། །འོད་ཟེར་ལྔ་དང་ལྷག་པ་དང་ཆད་པ་མེད་
4-2-237a


པར་མཉམ་པའི་མདོག་གང་ཡིན་པ་དེ་ནི་འོད་ཟེར་ལྔ་ཡི་མདོག་འདྲའི་འོད་ཟེར་ཡང་འོད་ཟེར་ལྔ་མཉམ་པ་ཞེས་པའི་དོན་ནོ་དོ། །གནམ་ལྕགས་སམ་ལྕགས་གཞན་བཟང་པོ་ལས་བྱས་པའི་རལ་གྲི་ལྗང་ཁུ་དང༌། དེ་ལ་བྱུགས་བསྲུང་སོགས་བྱ་བ་སྔར་
དང་འདྲ། རལ་གྲི་འོད་ཟེར་ལྔ་འབར་བ་རང་གི་སྔགས་ཧཱ་ལས་བསྐྱེད་རང་གི་སྔགས་ཀྱི་ཞེས་བྱ་བ་ནི་རང་གི་སྔགས་ལས་ཞེས་བྱ་བར་རིགས་སོ། །རལ་གྲི་ནི་འོད་ཟེར་ལྔ་པ་གང་ཡིན་པའོ། །དེར་དོན་གྲུབ་ཀྱི་རིགས་ཀྱི་ལྷ་རྣམས་ཐུན་བཞིར་བསྒོམས་པས་རྟགས་བྱུང་བ་དང་
མིག་ཡངས་ནི་སྒྲུབ་པ་པོའོ། །ལག་ན་ཐོགས་པ་ནི་ལག་གིས་བླངས་པའོ།། ༈ དེའི་ཕན་ཡོན་ནི་རྡོ་རྗེ་གསུམ་ལས་བྱུང་བའི་རིག་པ་ནི་སྔགས་ཀྱི་སྐུ་ཕྱག་རྒྱ་ཆེན་པོ་སྟེ། དེའི་བདག་ཉིད་ཀྱིས་འཛིན་པར་བྱེད་པས་ན་རྡོ་རྗེ་གསུམ་རིག་
འཛིན་པར་འགྱུར་ཞེས་བྱའོ། །ཁམས་གསུམ་པོ་ཀུན་གྱི་གང་རྫུ་འཕྲུལ་ཆེ་བའི་ཆེ་བ་དེ་རྣམས་ཀྱིས་མཆོད་པ་དང༌། ཚངས་པ་སྟེ་ཚངས་པའི་གཙོ་བོ་དང་དབང་པོ་སྟེ་བརྒྱ་བྱིན་དང་ལྷ་མིན་ཏེ་ལྷ་མ་ཡིན་གྱི་གཙོ་བོ་དེ་དག་གིས་ཀྱང་ཕྱག་བྱས་པར་
འགྱུར་བ་དང༌། སྟོང་གསུམ་གྱི་འཇིག་རྟེན་གྱི་ཁམས་སུ་གཅིག་པུ་དཔའ་བ་སྟེ་དེར་བདག་པོར་གྱུར་པས་སོ། །གསང་བ་ནི་ཐ་མལ་པའི་སྒྲུབ་པ་ལ་གནས་པའོ། །དེ་རྣམས་ཀྱི་མཆོག་ནི་གཙོ་བོ་སྟེ་དེར་འགྱུར་བའོ། །གང་རྣམས་ཞེས་བྱ་བ་ལ་
སོགས་པ་ལ། སྐུ་གསུང་ཐུགས་ཀྱི་རྡོ་རྗེ་འཛིན་ཏེ་སྒྲུབ་པ་པོ་གང་འདོད་ཅིང་གང་གསོལ་བ་འདེབས་པ་རྡོ་རྗེ་ཐུགས་ལས་རབ་ཏུ་བྱུང་ཞིང་ཡིད་ལ་ཀུན་ཏུ་རྟོག་པའི་དེ་ལྟ་བུ་སྟེ་དེ་འདྲ་བའི་ངོ་བོ་ཉིད་ཀྱི་དངོས་གྲུབ་འཇིག་རྟེན་དང་འཇིག་རྟེན་ལས་
4-2-237b


འདས་པ་སྟེར་ཞིང་སྩོལ་བར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཀྱི་རལ་གྲི་ནི་རལ་གྲི་ཐམས་ཅད་དེ་དེ་དང་དབྱེར་མེད་པས་ཏིང་ངེ་འཛིན་ཀྱང་རལ་གྲི་ཐམས་ཅད་ཅེས་བྱའོ།། ༈ དེ་ལྟར་འཁོར་ལོ་དང་རྡོ་རྗེ་ལ་སོགས་པའི་དངོས་གྲུབ་
བསྟན་ནས། ད་ནི་ཕྱི་རོལ་༼འདིར་རྒྱུད་ལས་རིན་པོ་ཆེའི་ཕྱག་མཚན་ལ་བརྟེན་པའི་བསྒྲུབ་པ་མ་གསུངས་པ་ལ། སྔ་མ་ཁ་ཅིག། ཕྱག་མཚན་གཞན་བཞི་ལ་རང་བཞིན་གྱིས་གྲུབ་པའི་སེམས་ཅན་གྱི་དོན་བྱ་བའི་ནུས་པ་མེད་ལ། རིན་པོ་ཆེའི་ཕྱག་མཚན་ལ་ནུས་པ་དེ་ཡོད་པས། དེ་ལ་བརྟེན་པའི་སྒྲུབ་པ་
མ་གསུངས་སོ་ཞེས་པ་ནི་ཤིན་ཏུ་མི་རིགས་ཏེ། རིན་པོ་ཆེས་ནི་ཕྱག་མཚན་གྱི་དངོས་གྲུབ་ཀྱི་ཆའི་ཆ་ཙམ་དུ་ཡང་མི་ཆོག་པའི་ཕྱིར་རོ། །དེས་ན་གསང་འདུས་ལུགས་གཞན་ནས་གསེར་ལ་སོགས་པའི་རིན་པོ་ཆེ་ལ་བརྟེན་པའི་བསྒྲུབ་པ་བཤད་པ་ལྟར་ཡིན་ལ། འདིར་མ་བཤད་ཀྱང་ཤུགས་ཀྱིས་ཤེས་པར་
ནུས་སོ། །༽གྱི་རྫས་ལས་བྱུང་བའི་རི་ལུའི་དངོས་གྲུབ་མ་ཡིན་པ་སྔགས་ཉིད་ཀྱིས། རི་ལུའི་དངོས་གྲུབ་ངེས་པར་བསྟན་པར་བྱ་བའི་ཕྱིར། ཨོཾ་ནི་ཞེས་བྱ་བ་ལ་སོགས་པ་གསུངས་ཏེ། རྣམ་སྣང་གི་ཏིང་ངེ་འཛིན་གཞན་གཉིས་སྔོན་དུ་བཏང་ལ། ལས་རྒྱལ་མཆོག་གི་དུས་སུ་
ཡི་གེ་ཨོཾ་ཉིད་ཙ་ན་ཀའི་འབྲས་བུ་སྟེ་མོན་སྲན་རྡེའུའི་ཚད་ཙམ་གྱི་རི་ལུ་བསམས་ལ། དབུས་ཏེ་རི་ལུ་ཨོཾ་ཡིག་གི་འི་ནང་དུ་རང་གི་ལྷ་ཡི་གཟུགས་ཏེ་ས་བོན་ཨོཾ་ལས་བདག་པོ་རྣམ་སྣང་གི་འི་གཟུགས་སུ་བསམས་ལ་ཁ་སྟེ་མགོའི་སྒོ་སྤྱི་བོར་
རྒྱུད་ནང་དུ་འཇུག་པའི་རང་བཞིན་དུ་རྣམ་པར་བསམས་ཤིང་། བསྒོམ་པ་ཡང་དང་ཡང་དུ་བསླབ་པར་བྱའོ། །གང་དེ་ལྟར་སློབ་པ་དེ་ནི་དེ་མ་ཐག་ཏུ་སྟེ་དེ་ནས་བརྩམས་ནས། བྱང་ཆུབ་སེམས་དཔའ་དང་འོད་འདྲ་བར་འགྱུར་ཏེ། བྱང་ཆུབ་ནི་དོན་དམ་པའི་བདེན་པའོ། །
4-2-238a


སེམས་དཔའ་ནི་ཀུན་རྫོབ་ཀྱི་བདེན་པ་སྟེ། དེ་དག་མི་གཉིས་པར་གནས་པ་གང་ཡིན་པ་དེ་ནི་བྱང་ཆུབ་སེམས་དཔའ་སྟེ། རྡོ་རྗེ་འཆང་ཆེན་པོའོ། །དེ་དང་འདྲ་བའི་འོད་དེ་རྫུ་འཕྲུལ་གང་ལ་ཡོད་པ་དེ་ནི་བྱང་ཆུབ་སེམས་དཔའི་འོད་འདྲར་འགྱུར་
ཞེས་བྱ་སྟེ་སྒྲུབ་པ་པོ་དེ་ལྟ་བུར་འགྱུར་བའོ། །གཟི་བརྗིད་བལྟ་བར་དཀའ་བས་ན་ཉི་མ་ཤར་བའི་འོད་འདྲ་ཞིང་ཞེས་བྱའོ། །ཛམྦུ་ཆུ་བོའི་གསེར་གྱི་མདོག་ཅེས་བྱ་བ་ནི་ཕན་ཡོན་ནོ། །དེ་བཞིན་དུ་ཡི་གེ་ཨཱཿརླུང་ནང་དུ་གནས་པའི་བདག་ཉིད་ཅན་མདོག་དམར་པོ་
ཁ་སྟེ་ལྐོག་མའི་གནས་སུ་བསམ་པའོ། །བྱང་ཆུབ་ཡེ་ཤེས་ནི་རྡོ་རྗེ་འཆང་ཆེན་པོའོ། །ཡི་གེ་ཧཱུཾ་ཡང་རི་ལུའི་གཟུགས་ཀྱིས་སྙིང་གའི་པདྨ་དཀར་པོའི་སྟེང་དུ་རླུང་ཕྱིར་༼ཞེས་པ་ནི། སྔགས་ཀྱི་རི་ལུའི་ནང་དུ་ས་བོན་ལས་སྣང་མཐར་བསྐྱེད་པའོ། །༽ལྡང་བའི་བདག་
ཉིད་ཅན་དུ་བསམ་པར་བྱའོ།། ༈ ཕྱི་རོལ་གྱི་ཕྱག་མཚན་ལ་བརྟེན་ནས་༼ཡང་གི་སྒྲས་རི་ལུའི་ནང་དུ་ས་བོན་ལས་མི་བསྐྱོད་པར་བསྐྱེད་པའོ། །༽རིག་འཛིན་སྒྲུབ་པར་མ་ཟད་ད་ནི་སྔགས་ཀྱི་སྐུ་ཡི་ཕྱག་རྒྱ་ཆེན་པོའི་གཟུགས་ཀྱིས་ཀྱང་རིག་འཛིན། གྲུབ་པ་བསྟན་
པར་བའི་ཕྱིར། ༼འདིར་གནས་གསུམ་དུ་བཀོད་པའི་ཡི་གེ་གསུམ་གྱི་གཟུགས་རླུང་ལྡང་འཇུག་གནས་གསུམ་གྱི་ངོ་བོར་སྒོམ་པ་ཡིན་གྱི། བྲིས་པའི་རྣམ་པ་ཅན་གྱི་ཡི་གེ་གསུམ་དང་རླུང་སྦྱར་ནས་རྡོར་བཟླས་བྱེད་པ་མིན་ནོ། །སྔགས་ཀྱི་རི་ལུ་ཕྱི་མ་གཉིས་ཀྱང་རང་རང་གི་ཏིང་ངེ་འཛིན་གསུམ་དང་སྦྱར་ལ། 
ཐུན་བཞིར་བསྒོམ་པ་ཡང་སྔར་དང་འདྲའོ། །༽མཁའ་དབྱིངས་ཞེས་བྱ་བ་ལ་སོགས་པ་གསུངས་ཏེ། ༼འདིར་རིགས་ལྔ་ལ་མཁའ་དབྱིངས་ལྔ་ནི་ལྷག་མོས་འོད་གསལ་དུ་བསྡུས་པའི་དེ་བཞིན་ཉིད་ལས་བྱང་ཆུབ་པ་ཡིན་ཏེ། དེས་དང་པོ་སྦྱོར་བ་གཞན་ཡང་མཚོན་ནོ། ཟླ་ཉི་ལ་སོགས་
4-2-238b


པའི་གདན་ལྔ་ནི། དཀྱིལ་འཁོར་རྒྱལ་མཆོག་གི་གཙོ་བོ་རྣམས་ཀྱི་གདན་ནོ། །འཁོར་ལོ་དང་རྡོ་རྗེ་དང་རིན་པོ་ཆེ་དང་པདྨ་དང་རལ་གྲི་ཆེན་པོའི་རིགས་སྒོམ་པར་གསུངས་པ་ནི། ཕྱག་མཚན་གྱི་གཙོ་བོ་ལྔ་སྟོང་པའི་ངང་ལས་འཁོར་ལོ་སོགས་ལྔར་བསྐྱེད་པ་ལ་རྣམ་སྣང་སོགས་ཀྱི་གཙོ་བོ་བྱས་པའི་དཀྱིལ་འཁོར་
བསྐྱེད་ནས་སྒོམ་པ་ལ་བླ་མ་རྣམས་འཆད་དོ། །༽ནམ་མཁའ་ཡི་དབྱིངས་ནི་དེ་བཞིན་ཉིད་དོ། །དེར་གསལ་བའི་དཀྱིལ་འཁོར་ཏེ་ཟླ་བའི་དཀྱིལ་འཁོར་རྣམ་པར་བསམས་ལ། དེའི་དཀྱིལ་དུ་གནས་པའི་རྣམ་པར་སྣང་མཛད་དུ་བདག་ཉིད་བསྒོམས་ནས། 
དེའི་ལག་ཏུ་འཁོར་ལོ་རྩིབས་བརྒྱད་པ་བསྒོམས་ན། འཁོར་ལོའི་རིག་པ་འཛིན་པར་འགྱུར་རོ། །ཕྱག་གི་འཁོར་ལོ་སྒོམ་པ་སོགས་འདི་དག་གི་ལས་སྒྲུབ་ཚུལ་ཇི་ལྟར་བྱ་ཞེ་ན། འཁོར་ལོ་ཆེན་པོ་ཞེས་བྱ་བ་ལ་སོགས་པ་གསུངས་ཏེ། འཁོར་ལོ་ཆེན་
པོའི་རིགས་ནི་རྣམ་པར་སྣང་མཛད་ཀྱི་རིགས་ཀྱི་ལྷ་རྣམས་ཏེ། དེ་དང་པོ་བསྒོམས་ལ་སངས་རྒྱས་སྐུར་ནི་རབ་སྦྱོར་ཞིང་སྟེ། རྣམ་པར་སྣང་མཛད་ཀྱི་རྣལ་འབྱོར་དང་ལྡན་པས། ཡེ་ཤེས་འདི་ནི་ཞེས་བྱ་བ་རྣམ་པར་སྣང་མཛད་ཀྱི་སྒྲུབ་པ་འདི་ཡེ་
ཤེས་རྡོ་རྗེ་ཞེས་བྱ་བ་སྒྲུབ་པ་པོས་བསྒྲུབ་༼སྔ་མ་བཞིན་ཞེས་འབྱུང༌། ལྷ་དེ་རྣམས་སྔ་མ་ཕྱི་རོལ་གྱི་ཕྱག་མཚན་ལ་བརྟེན་པའི་སྐབས་སུ་བཤད་པ་བཞིན་དུ་འཁོར་ལོའི་ལྟེ་བར་ལྷ་རྣམས་བསྐྱེད་པའོ། །༽པར་བྱའོ། །མཁའ་དབྱིངས་ཞེས་བྱ་བ་ལ་སོགས་པ་ལ། 
ནམ་མཁའི་དབྱིངས་ལ་ཉི་མའི་དཀྱིལ་འཁོར་བསྒོམས་ལ། དེའི་དབུས་སུ་གནས་པར་གཉིས་སུ་མེད་པའི་ཡེ་ཤེས་ཀྱི་བདག་ཉིད་ཅན་མི་བསྐྱོད་པར་བདག་ཉིད་བསྒོམ་པ་སྟེ། ལག་ཏུ་རྡོ་རྗེ་ཞེས་བྱ་བ་ནི་སྔ་མ་རྣམ་སྣང་ལ་བཤད་པ་བཞིན་
4-2-239a


དུ་རྡོ་རྗེ་ལ་གནས་པའི་དཀྱིལ་འཁོར་བསྐྱེད་དོ་ནོ། །དེ་བཞིན་དུ་ནམ་མཁའི་དབྱིངས་ལ་རིན་པོ་ཆེ་བསམས་ལ། དེའི་དབུས་སུ་གནས་པར་རིན་ཆེན་རྡོ་རྗེ་སྟེ་རིན་ཆེན་འབྱུང་ལྡན་དུ་བདག་ཉིད་བསྒོམ་མོ། །ལག་ཏུ་རིན་ཆེན་ཞེས་བྱ་བ་ནི་
བཤད་ཟིན་པ་ནི་ཕྱག་མཚན་ལ་ལྷ་སྒོམ་ཚུལ་རྣམ་སྣང་ལྟར་བྱ་བའི་དོན་ཏོ། །ནམ་མཁའི་དབྱིངས་ལ་ཆོས་ཀྱི་དབྱིངས་ཏེ་པདྨ་འདབ་མ་བརྒྱད་པ་བསམས་ལ། དེའི་དབུས་སུ་གནས་པར་ཚེ་དཔག་ཏུ་མེད་པར་བདག་ཉིད་རབ་ཏུ་བསྒོམས་ནས། པདྨ་ལ་ལྷ་སྒོམ་པ་སོགས་
ཐམས་ཅད་སྔ་མ་རྣམ་སྣང་གི་སྐབས་བཞིན་དུ་བསྐྱེད་པར་བྱའོ། །ནམ་མཁའི་དབྱིངས་ལ་དམ་ཚིག་གི་དབུས་སུ་གནས་པ་སྟེ་སྣ་ཚོགས་རྡོ་རྗེ་ལ་གནས་པར་རོ། །གདོན་མི་ཟ་བ་ཞེས་བྱ་བ་ལ་སོགས་པའདིའི་དོན་ནི་བཤད་ཟིན་པ་ཡང་རིན་འབྱུང་དང་འདྲའོ་ཏོ།། 
༈ དེ་ལྟར་རིགས་ལྔའི་ཕྱག་མཚན་ཕྱི་ནང་གི་འཁོར་ལོ་ལ་སོགས་པའི་མཚན་མ་རྣམས་ལ་བརྟེན་པའི་བསྒྲུབ་པ་བཤད་ནས། གཞན་ཡང་ཁྲོ་བོའི་རྒྱལ་པོའི་མཚན་མ་ལ་བརྟེན་ནས་སོགས་པ་དག་ཀྱང་བསྒྲུབ་པར་བྱའོ། །ཞེས་བསྟན་པར་
བྱ་བའི་ཕྱིར། རྩེ་གསུམ་ཞེས་བྱ་བ་ལ་སོགས་པ་སྨྲས་པ་ཡིན་ཏེ། རྡོ་རྗེའི་ཁྱད་པར་གྱིས་བསྒྲུབས་ན་ཞེས་བྱ་བ་ནི། མི་བསྐྱོད་པའི་ཏིང་ངེ་འཛིན་གྱིས་བསྒྲུབ་པ་སྟེ་མི་བསྐྱོད་པའི་༼འགྱུར་གསར་གཉིས་ལ་སོགས་མེད་དོ། །༼བསམ་གཏན་དེས་ནི་༼
སྟོབས་པོ་ཆེའི་རྩེ་གསུམ་དང༌། འདོད་རྒྱལ་གྱི་ཡེ་ཤེས་ཀྱི་ལྕགས་ཀྱུ་དང༌། སོགས་ཀྱིས་ཁྲོ་བོ་ལྷག་མའི་ཕྱག་མཚན་བཟུང་ངོ་། །༸རྡོ་རྗེའི་སྦྱོར་བས་བསྒྲུབ་པར་བྱ། ཞེས་འབྱུང་ངོ༌། །༽ཏྲི་ཤུ་ལ་ལ་སོགས་པ་འདི་དག་འགྲུབ་པར་འགྱུར་རོ། །༼ཁྲོ་བོ་བཅུ་གང་གི་ཕྱག་མཚན་གྱིས་སྒྲུབ་ཀྱང་མི་བསྐྱོད་པའི་ཏིང་ངེ་
4-2-239b


འཛིན་གསུམ་གྱིས་བྱའོ། །༽སྒྲུབ་པ་པོ་གང་གིས་བསྒྲུབ་ཅེ་ན། སྐུ་གསུང་ཐུགས་ཀྱི་སྒྲུབ་པ་ཡིས་ཞེས་བྱ་བ་གསུངས་ཏེ། སྐུ་གསུང་ཐུགས་ནི་སྒྲུབ་པ་པོ་གང་ཐ་མལ་པའི་ལུས་ངག་ཡིད་གསུམ་གྱི་དངོས་པོ་སྤངས་ནས། ཕུལ་དུ་བྱུང་བའི་ལྷའི་སྐུ་གསུང་ཐུགས་
ཀྱི་དངོས་པོར་སྒྲུབ་པར་ནུས་པའི་བསྐྱེད་རིམ་མཐར་ཕྱིན་པ་དེ་ནི། སྐུ་གསུང་ཐུགས་ཀྱི་བསྒྲུབ་པ་སྟེ་དེས་འགྲུབ་པར་འགྱུར་གྱི་གཞན་དག་གིས་ནི་མ་ཡིན་ནོ། །དམ་ཚིག་ཆེན་པོ་ནི་ཐེག་པ་ཆེན་པོའོ། །དེའི་དངོས་གྲུབ་ནི་བཤད་མ་ཐག་པ་སྟེ། དེ་སྟོན་པའི་རྡོ་རྗེ་ནི་
དམ་ཚིག་ཆེན་པོའི་དངོས་གྲུབ་རྡོ་རྗེའོ། །དེ་སྐད་ཅེས་བཀའ་སྩལ་ཏོ་ཞེས་བྱ་བ་ནི་རབ་ཏུ་བྱེད་པ་ཉེ་བར་སྡུད་པའོ།། ༈ བཤད་ཟིན་པ་དང་འཆད་འགྱུར་གྱི་དངོས་གྲུབ་སྒྲུབ་པའི་ཐབས། ཁྱད་པར་ཅན་བསྟན་པར་བྱ་བའི་ཕྱིར། ལམ་གྱི་གཞི་མདོ་ཞེས་བྱ་བ་ལ་
སོགས་པ་གསུངས་ཏེ། བྲམ་ཟེའི་རིགས་ལ་སོགས་པ་ལས་བྱུང་བའི་ཕྱག་རྒྱ་རྣམ་པ་བཞི་དང་ངམ། ཡང་ན་ཤིང་གཅིག་དྲུང་སྟེ་གཅིག་པུ་ཉིད་དང་ངོ༌། །མཚན་མ་གཅིག་ཅེས་པ་ནི་རབ་ཏུ་མཉམ་པ་སྟེ། རང་གི་རིགས་དང་མཐུན་པའི་ཆ་ལུགས་འཛིན་པའི་ཕྱག་རྒྱ་མའོ། །
ཞི་བའི་གནས་ནི་གདོལ་པ་ལ་སོགས་པའི་བུད་མེད་རྣམས་ཏེ། དེ་དག་ལས་ཇི་ལྟར་རྙེད་པའི་བདེ་ཆེན་སྐྱེ་བའི་གནས་རྣམས་སུ། རྡོ་རྗེ་སྟེ་ཡེ་ཤེས་གསུམ་པོ་དགུག་ཅིང་རྣལ་འབྱོར་པ་གང་གིས་རྗེས་སུ་མྱོང་བ་དེ་ནི་རྡོ་རྗེ་དགུག་པ་ཞེས་པ་ཕྱག་རྒྱ་དང་འི་སྙོམས་
པར་ཞུགས་པའི་མཚན་ཉིད་དེ་དེ་བསྒྲུབ་པར་བྱའོ། །ཁྱད་པར་གྱིས་ཞེས་པ་ནི་ཕུལ་དུ་བྱུང་བའི་ཐབས་དེས་དངོས་གྲུབ་བསྒྲུབ་པར་བྱ་བ་སྟེ། ཕྱག་རྒྱའི་ཡུལ་དང་སྙོམས་པར་འཇུག་པ་ལས་གཞན་པའི་ཐབས་དག་ནི་དངོས་གྲུབ་བསྒྲུབ་པ་ལ་འཇུག་པ་བུལ་བ་སྟེ་འགྲུབ་
4-2-240a


ཐག་རིང་བ་ཡིན་པའི་ཕྱིར་རོ། །དགོངས་པས་བཤད་པའོ།། ༈ དེ་ལྟར་ཕྱག་མཚན་གྱི་རིག་པ་འཛིན་པ་ལ་སོགས་པའི་དངོས་གྲུབ་ཁྱད་པར་ཅན་རྟོགས་པ་སྟེ་ཐོབ་པས་རང་གི་དོན་ཕུན་སུམ་ཚོགས་པ་བསྟན་ནས། 
གདུལ་བྱའི་སྐྱེ་བོ་རྣམས་ཀྱི་སེམས་རང་ལ་འདུན་༼དེའི་ཕྱིར་རྩ་བར་ཁྱད་པར་གྱིས། །ཞེས་ཐབས་དེ་ཁྱད་པར་དུ་འཕགས་པར་གསུངས་སོ། །༽པར་བྱ་བའི་ཕྱིར། སྦྱོར་གསུམ་ཞེས་བྱ་བ་ལ་སོགས་པ་གསུངས་ཏེ། སྦྱོར་གསུམ་རྡོ་རྗེ་ཅན་ཞེས་བྱ་བ་ནི་
རང་རྡོ་རྗེ་ཅན་གྱི་སེམས་དཔའ་གསུམ་གྱི་བདག་ཉིད་ཅན་དུ་བྱ་བའོ་ནོ། །སྦྱོར་གསུམ་སྔགས་ཀྱི་སྐྱེས་བུ་ཞེས་བྱ་བ་ནི་རྡོ་རྗེ་གསུམ་གྱི་བདག་ཉིད་ཅན་གྱི་སྔགས་ཡི་གེ་གསུམ་ལས་བསྐྱེད་པའི་ཀྱི་སྐྱེས་བུའོ། །བསམ་ཞེས་བྱ་བ་ནི་བདག་ཉིད་རྡོ་རྗེ་འཆང་
དེར་བསྐྱེད་པའོ། །སངས་རྒྱས་ནི་རིན་པོ་ཆེ་ལྟ་བུའི་གང་ཟག་གོ། ཡེ་ཤེས་བློ་ལྡན་ནི་གཉིས་སུ་མེད་པའི་ཡེ་ཤེས་འདོད་པ་རྣམས་སོ། །སྐུ་གསུང་ཐུགས་ཀྱི་ཀྱོ་བ་བཏང་ཞེས་བྱ་བ་ནི། དེ་ནས་བདག་ཉིད་ཀྱི་ལུས་དང་ངག་དང་ཡིད་ཀྱོ་བ་ཏང་སྟེ་འོད་ཟེར་ལྕགས་༼
སངས་རྒྱས་ཡེ་ཤེས་བློ་ལྡན་རྣམས། །རླུང་གི་དཀྱིལ་འཁོར་མཆོག་གནས་པ། །ཞེས་འབྱུང་བ་ལྟར་བྱའོ། །སངས་རྒྱས་ཡེ་ཤེས་བློ་ལྡན་ཞེས་པ་འདི། སྔ་མ་རྣམས་པཎྜི་ཏ་ལ་འདོད་དེ། དེ་བཀུག་ནས་དེ་ལ་གདམས་པ་ཉན་པ་ལ་འཆད་དོ། །འོན་ཀྱང་ལམ་འདིའི་སྐལ་བ་དང་ལྡན་པའི་གདུལ་བྱ་དམ་པ་རྣམས་བཀུག་ནས་
ལམ་ལ་སྦྱོར་བ་ལ་བཤད་ན་འགྲིག་གོ༽ཀྱུ་ལྟ་བུའི་གི་རང་བཞིན་དུ་བསམ་པའོ། །དེ་ལྟར་སེམས་པ་དེ་དགོས་པ་ཅིའི་ཕྱིར་ཞེ་ན། སངས་རྒྱས་ཡེ་ཤེས་བློ་ལྡན་དགུག་པའི་ཕྱིར་རོ། །གང་ཟག་ཁྱད་པར་ཅན་དགུག་པ་དེ་ཉིད་ཀྱི་སྦྱོར་བ་བསྟན་པར་བྱ་བའི་ཕྱིར། རླུང་གི་
4-2-240b


དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་འཆང་གི་དབང་དུ་བྱས་པའི་ཏིང་ངེ་འཛིན་གཞན་གཉིས་སྔོན་དུ་བཏང་ནས། ལས་རྒྱལ་མཆོག་གི་ཚེ་ཡི་གེ་ཡྃ་ལས་བྱུང་བའི་རླུང་གི་དཀྱིལ་འཁོར་གཡོ་བའི་གཟུགས་ཅན་བསམ་ལ། དགུག་པར་བྱ་བའི་བསྒྲུབ་པར་བྱ་བ་དེ་རླུང་དེར་
བཞག་སྟེ། དགུག་རྒྱུ་དེའི་ལུས་དང་ངག་དང་ཡིད་ལ་བདག་ཉིད་ཀྱི་སྐུ་གསུང་ཐུགས་སེམས་དཔའ་གསུམ་གྱི་འོད་ཟེར་གྱི་ཀྱོ་བ་ཏང་བཏང་ལ། ལྕགས་ཀྱུས་སྙིང་ཁ་ནས་དྲངས་ནས་ཞགས་པས་བཅིངས། རིམ་གྱིས་རིམ་གྱིས་བདག་གི་གམ་དུ་འོངས་ཏེ་རླུང་གི་དཀྱིལ་འཁོར་
ལས་བབས་ནས། ཡི་གེ་ལྃ་ལས་བྱུང་བའི་དབང་ཆེན་གྱི་དཀྱིལ་འཁོར་ལ་འདུག་སྟེ། རང་ལ་གུས་པས་འདུད་པ་བྱེད་པར་བསམ་མོ། །སངས་རྒྱས་དགུག་པ་ཞེས་བྱ་བ་ནི། གང་བཤད་མ་ཐག་པའི་དགུག་པའི་ཆོ་ག་དེ་ནི་སྐྱེ་བོ་ལམ་འདི་ལ་སྐལ་བ་དང་ལྡན་
པའི་སེམས་དགུག་པའི་དམ་པ་ཡིན་ཏེ། རྒྱུད་གཞན་དག་དང་ཏུ་ནི་ཆོ་ག་ཐུན་མོང་མ་ཡིན་པའོ།། ༈ དགུག་པའི་སྦྱོར་བ་འདི་ཉིད་ཀྱིས་དམ་ཚིག་ལས་བྱུང་བ། ཕྱོགས་བཅུ་ན་གནས་པའི་ལྷ་མོ་རྣམས་ཀྱང་བཀུག་ལ་ཉེ་བར་ལོངས་སྤྱད་པར་
བྱ་ཞིང་རང་གི་ལུང་བསྒོ་བ་སྒྲུབ་པ་ལ་གཟུད་པར་བྱའོ། །ནམ་མཁའི་དབྱིངས་ཀྱི་དམ་ཚིག་ནི་ལྷ་མོ་རྣམས་སོ། །དེ་རྣམས་ཀྱི་རྡོ་རྗེ་དགུག་པ་ནི་གཞན་གྱིས་མི་ཕྱེད་པའི་དགུག་པའོ།། ༈ རྣམ་པར་སྣང་མཛད་ཅེས་བྱ་བ་ལ་སོགས་པ་ལ། རྣམ་
པར་སྣང་མཛད་ཀྱི་འཁོར་ལོ་ཆེན་པོ་ནི་རྣམ་པར་སྣང་མཛད་ཀྱི་མཚན་མར་གྱུར་པའི་འཁོར་ལོ་སྟེ། རྣམ་པར་སྣང་མཛད་ཀྱི་རིགས་དང་ལྡན་པ་རྣམས་ཀྱི་སྐྱེད་པའི་རྒྱུར་གྱུར་པའི་ཕྱིར་རོ། །རྒྱལ་བའི་གནས་སོ་ལྕགས་ཀྱུ་བསམས་ནས་ནི་ཞེས་བྱ་བ་ནི། 
4-2-241a


འཁོར་ལོ་ལྕགས་ཀྱུས་མཚན་པ་དེ་ཀྱོ་བ་ཏང་འདྲ་བ་བྱུང་བར་བསྒོམས་ལ་བསྒྲུབ་པར་བྱ་བའི་སྙིང་ཁར་བཏང་སྟེ་སྔ་མ་བཞིན་དུ་དགུག་པར་བྱའོ། །བཤད་མ་ཐག་པའི་རིམ་པ་འདི་ཉིད་ཀྱིས་མཚན་མ་སྟེ། ཕྱག་མཚན་ལྷག་མ་ལྕགས་
ཀྱུས་མཚན་པ་རྣམས་ཀྱིས་ཀྱང་དགུག་པར་བྱའོ་ཞེས་བསྟན་པར་བྱ་བའི་ཕྱིར། རྡོ་རྗེ་པདྨ་ལ་སོགས་པས། །ཞེས་བྱ་བ་ལ་སོགས་པ་གསུངས་སོ། །ས་འོག་ས་སྟེང་ས་བླའི་ཁམས་གསུམ་གྱི་དམ་ཚིག་ནི་གནོད་སྦྱིན་མོ་ལ་སོགས་པ་སྟེ། དེ་རྣམས་ཀྱི་དགུག་
པ་ནི་ཁམས་གསུམ་གྱི་དམ་ཚིག་དགུག་པའོ།། ༈ རྣམ་པའི་མཆོག་རྣམས་ཀུན་ལྡན་པའི། །ཞེས་བྱ་བ་ནི། རྣམ་པར་སྣང་མཛད་ལ་སོགས་པའི་རྣམ་པར་ཡོངས་སུ་བསྐྱེད་པའི་ལྷའི་སྐུ་དེ་རྒྱས་འདེབས་པའི་དུས་སུ་སངས་རྒྱས་ཀྱི་སྐུ་སྟེ་རྡོ་རྗེ་
འཆང་ཆེན་པོར་བདག་ཉིད་རྣམ་པར་བསྒོམས་ལ། ལག་ཏུ་སྟེ་དེའི་ལག་པར་སྐུ་དང་གསུང་དང་ཐུགས་ཏེ་བསྒྲུབ་པར་བྱ་བའོ། །ཀྱོ་བ་ལ་སོགས་རབ་ཏུ་བསྒོམ་ཞེས་བྱ་བ་ནི། རྩ་བར་ལྕགས་ཀྱུ་ལ་སོགས་སྒོམ་ཞེས་རྣམ་དབྱེ་གཉིས་པར་ཡོད་པ་དེ་ཀྱོ་བ་
ལ་སོགས་པ་རྣམས་ཀྱིས་ཞེས་རྣམ་དབྱེ་གསུམ་པར་བླང་བར་བྱ་བ་སྟེ། བཟུང་བར་བྱའོ། །ལྕགས་ཀྱུས་༼ཞེས་པ་ནི་བསྒྲུབ་བྱ་ཁུགས་པའི་ཚེ་རང་གི་ལག་པས་བསྒྲུབ་བྱ་བཟུང་བར་སེམས་པའོ། །༽བསྒྲུབ་བྱའི་སྙིང་ཁ་ནས་དྲངས་ནས་མགྲིན་པ་ཞགས་པས་
བཅིངས་ཏེ་རླུང་གི་དཀྱིལ་འཁོར་ལ་བསྐྱོན་ནས་བཀུག་སྟེ། མདུན་དུ་སླེབ་པ་དང་རླུང་ལས་བབས་ཏེ། ལཾ་ལས་བྱུང་བའི་ས་ལ་འདུག་པ་དེ་རང་རྡོ་རྗེ་འཆང་དུ་བསྒོམས་པའི་ལག་པས་བཟུང་ནས་རྒྱས་གདབ་པར་བྱའོ་ཞེས་བྱ་བར་དགོངས་སོ། །༼རྒྱས་འདེབས་བྱེད་
4-2-241b


ལུགས་ལ་འཆད་ཚུལ་མི་འདྲ་བ་མང་དུ་ཡོད་ཀྱང་། རྒྱས་བཏབ་པ་འདི་ལྟ་བུའི་སྦྱོར་བ་ཡིས། ཞེས་གསུངས་པའི་རྐང་པ་གཉིས་ཀྱི་དོན། རྣམ་པའི་མཆོག་རྣམས་ཞེས་པ་ནས། རྡོ་རྗེ་དང་ནི་འདྲ་བར་འགྱུར། །ཞེས་པའི་བར་གྱི་འགྲེལ་པར་གསུངས་སོ། །དེའི་དོན་ནི། རྒྱས་བཏབ་པ་ནི་རང་གི་བསྒོ་བ་ལས་མི་འདའ་
བར་བྱེད་པ་ཡིན་ལ། དེའི་བྱེད་ཚུལ་ནི་རང་གི་ལུས་རྡོ་རྗེ་འཆང་དུ་སྒོམ་པ་དང༌། ལྕེ་རྡོ་རྗེར་བསྐྱེད་ནས་ཨོཾ་ཨཱཿཧཱུཾ་ཆེ་གེ་མོ་མ་མ་བ་ཤཾ་ཀུ་རུ་ཨཱཿ། ཞེས་པའི་སྔགས་འདོན་པ་དང་སྔགས་དེའི་དོན་བསྒྲུབ་བྱ་འདི་ཞེས་བྱ་བ་ཁྱོད་ཇི་ལྟར་འདོད་པར་བདག་གི་དབང་དུ་གྱུར་པར་མཛོད་ཅིག། ཅེས་པ་ཡིད་ལ་སེམས་པ་
གསུམ་གྱི་སྒོ་ནས་རྒྱས་བཏབ་ན་རྡོ་རྗེ་གསུམ་དུ་འགྱུར་བའོ། །༽རྒྱས་བཏབ་པ་འདི་ལྟ་བུ་ཡི་སྦྱོར་བ་ཡིས་ནི་སྒྲུབ་པ་པོ་དེ་ནི་གནས་ཏེ་རྡོ་རྗེ་སེམས་དཔའི་གོ་འཕང་ངོ༌། །དེའི་ལས་ནི་དེ་ཉམས་སུ་ལེན་པའི་བྱ་བ་དེ་བཀུག་པ་དེ་ལ་བརྟེན་ནས་བྱེད་པར་འགྱུར་བས་ན་
ལས་བྱེད་པར་འགྱུར་ཞེས་བྱའོ།། ༈ རྣམ་པའི་མཆོག་རྣམས་ཞེས་བྱ་བ་ལ་སོགས་པས་ནི་བཤད་མ་ཐག་པའི་རྒྱས་འདེབས་པའི་དོན་ཉིད་རྣམ་པར་འགྲེལ་ཏེ། རྡོ་རྗེའི་སྐུ་ནི་རང་གི་ལུས་སོ། །དེ་བསྒོམ་པ་ནི་ཇི་སྐད་དུ་གསུངས་པའི་མཚན་ཉིད་དང་ལྡན་
པར་རྡོ་རྗེ་འཆང་དུ། བསྒོམ་པའོ་ནི། དེ་ལྟར་བྱས་པས་རང་གི་ལུས་རྣམ་པར་སྣང་མཛད་དུ་བྱ་བསྟེ་བྱེད་དོ་འོ། །ལྕེ་ཉིད་རྡོ་རྗེར་བསྐྱེད་པ་ཡིན་པས་ན་རྡོ་རྗེའི་ལྕེའོ། །དེའི་སྦྱོར་བ་ནི་སྔགས་འདོན་པའོ། །དེས་ནི་གསུང་སྟེ་འོད་དཔག་ཏུ་མེད་པ་དེ་དང་འདྲ་བར་འགྱུར་
རོ་ཞེས་པ་སྟེ་འོད་དཔག་ཏུ་མེད་པ་ཉིད་དུ་བྱེད་པའོ། །རང་གི་ལྷའི་ང་རྒྱལ་དང་ལྡན་པས་ལག་པར་གནས་པའི་བསྒྲུབ་པར་བྱ་བ་བཟུང་སྟེ། བཟླ་བར་བྱ་བའི་སྔགས་ཀྱི་དོན་བསམས་ན་རྡོ་རྗེ་འདྲ་བར་འགྱུར་རོ་ཞེས་བྱ་བ་ལ། རྡོ་རྗེ་ནི་མི་བསྐྱོད་པ་སྟེ་དེ་དང་འདྲ་
4-2-242a


བར་འགྱུར་རོ་ཞེས་བྱ་བ་སྟེ། སྔགས་དོན་སེམས་པ་འདིས་ནི་མི་བསྐྱོད་པ་ཉིད་དུ་བྱེད་པའོ། །དེ་ཡང་སྐུ་གསུང་ཐུགས་ཀྱི་སྒོ་ནས་བསྒྲུབ་བྱ་ལ་རྒྱས་འདེབས་པའི་རྣམ་པ་འདི་དག་གིས་གསང་བ་གསུམ་སྟེ་སྐུ་དང་གསུང་དང་ཐུགས་དེ་དང་མཉམ་
པར་འགྲོ་ཞིང་སྐུ་ལ་སོགས་པའི་ངོ་བོར་གྱུར་པས་ན་གསང་གསུམ་དམ་ཚིག་ནི་རྣམ་པར་སྣང་མཛད་ལ་སོགས་པའོ། །དེ་རྣམས་ཀྱི་མཆོད་པའི་མཆོག་ནི་མཆོད་པ་སྟེ། སྒྲུབ་གྲོགས་ཕྱག་རྒྱའི་འདོད་ཡོན་ལྔའི་རང་གི་ངོ་བོ་ཉིད་གནས་ལུགས་ཇི་ལྟ་བ་བཞིན་དུ་
ཡོངས་སུ་ཤེས་པའི་སྒོ་ནས་དེ་དག་དང་སྙོམས་པར་འཇུག་པའི་མཚན་ཉིད་ཀྱི་མཆོད་པས་མཆོད་ནས་རབ་ཏུ་བསྒྲུབ་པར་བྱ་ཞིང་བཤད་མ་ཐག་པའི་དགུག་པའི་སྦྱོར་བ་འདི་རྫོགས་པར་བྱའོ།། ༈ གང་བཤད་མ་ཐག་པའི་ཆོ་ག་དེ་ནི་སངས་
རྒྱས་ཐམས་ཅད་ཀྱི་ཏེ། དེ་བཞིན་གཤེགས་པ་ཐམས་ཅད་དང་འབྲེལ་བའི་གསང་བ་སྟེ་སྦ་བར་བྱ་བ་དང༌། སྙིང་པོ་སྟེ་མཆོག་ཏུ་གྱུར་པ་རྣམས་གང་གིས་བསགས་ཤིང་བསྡུས་པར་གྱུར་པའི་ཆོ་ག་དེ་ནི་གསང་བའི་སྙིང་པོ་བསྡུས་པ་ཡིན་ཞེས་བྱའོ། །
གསང་བ་ཆེན་པོ་ནི་ལྷ་ལ་སོགས་པ་དགུག་པའོ། །དམ་ཚིག་ནི་འདའ་བར་བྱ་བ་མ་ཡིན་པར་གྱུར་པ་གང་ཡིན་པ་དེ་ནི་གསང་བ་ཆེན་པོའི་དམ་ཚིག་སྟེ་རྡོ་རྗེ་འཆང་ཆེན་པོའོ། །དེ་སྐད་ཅེས་གསུངས་སོ་ཞེས་བྱ་བ་ནི་སྡུད་པ་པོའི་ཚིག་གོ། ༈ ལས་ཀྱི་
རིགས་སོ་སོའི་དབྱེ་བས་ཤ་གང་ལ་ཉེ་བར་ལོངས་སྤྱོད་པ་བསྟན་པར་བྱ་བའི་ཕྱིར། ཤ་ཆེན་ཞེས་བྱ་བ་ལ་སོགས་པ་གསུངས་ཏེ། ཆེ་བ་ནི་མི་སྟེ་དེ་རྣམས་ཀྱི་ཤ་ནི་ཤི་བའི་རོ་ལས་བྱུང་བས་ན་དམ་ཚིག་མཆོག་སྟེ་དེས་འབྱུང་པོ་ལ་གཏོར་མ་བྱིན་ལ། 
4-2-242b


རྡོ་རྗེ་གསུམ་མཆོག་ཅེས་བྱ་བ་རང་གི་ལུས་བསྒྲུབ་པར་བྱས་ན། ནམ་མཁའ་ལ་གནས་པ་འཐོབ་པར་འགྱུར་རོ། །དེ་ཡང་བཟའ་བའི་ཕྱིར་དུ་བསད་པའི་ཁ་ན་མ་ཐོ་བ་མེད་པར་རྙེད་པའི་མིའི་ཤས། བགེགས་རྣམས་ཉེ་བར་ཞི་བར་བྱ་བའི་ཕྱིར་འབྱུང་པོ་ཐམས་ཅད་
ལ་གཏོར་མ་བྱིན་ལ། ནམ་མཁའ་ལ་སྤྱོད་པ་ཉིད་བསྒྲུབ་པར་བྱའོ། །ཞེས་པའི་དོན་ནོ། །དམ་ཚིག་མཆོག་གིས་ཞེས་བྱ་བ་ནི་ཤ་ཆེན་ལ་སོགས་པ་བཤང་གཅི་དང་ལྡན་པ་ནི་དམ་ཚིག་མཆོག་སྟེ། ཤ་དེས་རིག་པ་འཛིན་པ་ཉིད་བསྒྲུབ་པར་འདོད་༼
གཏོར་མ་ནི་མཚོན་པ་ཙམ་སྟེ་ལེའུ་དྲུག་པར་བཤད་པ་ལྟར་རང་ཟ་བ་དང༌། ལྷ་ལ་དབུལ་བ་ཡང་ཤ་དེས་བྱ་སྟེ། གཞན་རྣམས་ལ་ཡང་དེ་ལྟར་སྦྱར་རོ། །༽ན་གཏོར་མ་སྦྱིན་པར་བྱའོ། །གླང་པོ་ཉིད་ཀྱི་ལུས་རང་ཤི་བ་དེའི་ཤ་ལས་མངོན་པར་ཤེས་པ་ལྔ་འདོད་པས་གཏོར་མ་
སྦྱིན་པར་བྱའོ། །དེ་བཞིན་དུ་རྟའི་ཤས་ནི་མི་སྣང་བ་ཡི་དངོས་གྲུབ་བསྒྲུབ་པར་བྱའོ། །ལས་ཀྱི་དབྱེ་བས་གསུངས་པའི་ཤ་སོ་སོ་བ་རྣམས་མ་རྙེད་པ་ལ་ཆོ་གར་བྱ་བ་སྟེ་བྱེད་ལུགས་བསྟན་པར་བྱ་བའི་ཕྱིར། ཁྱི་ཤ་དག་གི་ཞེས་བྱ་བ་ལ་སོགས་པ་གསུངས་
ཏེ། ཤ་གཞན་མ་རྙེད་ན་ཁྱིའི་ཤས་ནི་སྔར་བསྟན་པའི་དངོས་གྲུབ་རྣམས་ཐམས་ཅད་རབ་ཏུ་བསྒྲུབ་པར་བྱའོ་ཞེས་ཤེས་པར་བྱའོ། །དེ་བཞིན་དུ་ཁ་ན་མ་ཐོ་བ་མེད་པའི་བ་ལང་གི་ཤ་ལ་ཉེ་བར་ལོངས་སྤྱོད་པས་རྡོ་རྗེ་སྟེ་དབང་དུ་བྱ་བ་བསྒྲུབ་པར་དཀའ་བ་རྒྱལ་པོ་
ལ་སོགས་པ་དགུག་པ་བསྒྲུབ་པར་བྱའོ། །ཁ་ན་མ་ཐོ་བ་མེད་པའི་ཤ་མེད་ན་ཆོ་གར་བྱ་བ་བསྟན་པར་བྱ་བའི་ཕྱིར། ཤ་རྣམས་ཐམས་ཅད་ཅེས་བྱ་བ་ལ་སོགས་པ་གསུངས་ཏེ། དེ་ལྟར་བཤད་པའི་ཤ་རྣམས་མ་རྙེད་ན་ཟས་གཞན་ལ་ཤ་དེ་རྣམས་སུ་
4-2-243a


བསྒོམས་པས་ཤ་རྣམས་བསྐྱེད་པར་བྱའོ། །ཡང་ན་བག་ཕྱེ་ལ་སོགས་པ་ལས་མིའི་གཟུགས་ལ་སོགས་པ་ལྔ་བྱས་ལ། བྱས་པ་དེའི་ངོ་བོ་ཉིད་ལས་ཏེ་མ་བསད་པར་སྲོག་དང་བྲལ་བར་བསམས་ནས་དེའི་ཡན་ལག་གིས་ཏེ་ཐབས་
ཀྱིས་བསྒྲུབ་པར་བྱའོ། །རྡོ་རྗེ་སྦྱོར་བ་སྟེ། གཞན་གྱིས་མི་ཤིགས་པའི་ཁ་ཟས་ཀྱི་ཆོ་ག་བཤད་མ་ཐག་པ་འདི་བྱས་ན། སྒྲུབ་པ་པོ་ལ་སངས་རྒྱས་ཐམས་ཅད་བྱིན་གྱིས་རློབ་པར་མཛད་ཅིང་མངོན་པར་འདོད་པའི་དོན་གྱི་དངོས་གྲུབ་འཐོབ་པར་འགྱུར་རོ། ། 
༈ རིགས་ལྔའི་ལྷ་རྣམས་ཀྱི་བདག་ཉིད་ཀྱི་ལུས་རྒྱས་པར་བྱ་བའི་ཕྱིར་ཚིམ་པར་བྱ་བའི་ཆོ་ག་བསྟན་པར་བྱ་བའི་ཕྱིར། རྣམ་པའི་ཀུན་མཆོག་ཅེས་བྱ་བ་ལ་སོགས་པ་གསུངས་ཏེ། མཚན་དཔེའི་རྣམ་པའི་མཆོག་རྣམས་ཀུན་དང་ལྡན་པའི་སྐུ་གསུང་ཐུགས་ཀྱི་རྡོ་རྗེ་
ཅན་ཏེ་རྡོ་རྗེ་འཆང་ཆེན་པོར་བདག་ཉིད་བསམས་ལ། དེའི་འོག་ཏུ་དམ་ཚིག་སེམས་དཔའ་དེའི་སྙིང་ཁའི་པདྨ་ལ་གནས་པའི་ཟླ་བའི་དཀྱིལ་འཁོར་ལ་ཡེ་ཤེས་དམ་ཚིག་སྟེ་ཡེ་ཤེས་སེམས་དཔའ་བསྒོམས་ནས། དེའི་ཡང་ཐུགས་ཀར་ཏིང་ངེ་འཛིན་སེམས་༼
འཕགས་པ་ཡབ་སྲས་ཀྱི་གཞུང་གཞན་རྣམས་ལས། ཞལ་ཕྱག་གི་རྣམ་པ་ཅན་གྱི་ཡེ་ཤེས་སེམས་དཔའ་སྒོམ་པ་གསལ་བར་མ་བྱུང་བ་ལ། རྡོ་རྗེ་སེམས་དཔའི་སྒྲུབ་ཐབས་ལས། ཡེ་ཤེས་སེམས་དཔའ་དམར་པོ་ཕྱག་གཉིས་པ་ཁ་སྦྱོར་གྱི་སྦྱོར་བས་ལུས་ཐམས་ཅད་ཚིམ་པར་བྱེད་པ་སྒོམ་པར་
གསུངས་ཤིང༌། ཐུགས་རྗེ་ཞབས་ཀྱིས་ཀྱང་ཡུམ་དང་བཅས་པ་དེ་བཞིན་དུ་བཤད་དོ། །ཏིང་ངེ་འཛིན་སེམས་དཔའ་ནི་ཧཱུཾ་ཡིག་ནག་པོར་བཤད་དེ། འདི་རྡོ་རྗེ་འཆང་གི་དབང་དུ་བྱས་པའོ། །༽དཔའ་བསམ་ཞིང་དབུ་བརྒྱན་ཏེ། སྤྱི་གཙུག་གི་གནས་སུ་རྡོ་རྗེ་འཛིན་པ་ཞེས་བྱ་བ་རྡོ་རྗེ་
4-2-243b


འཆང་ཆེན་པོ་འདི་དཀར་པོ་ཕྱག་གཉིས་པར་ཐུགས་རྗེ་ཞབས་ཀྱིས་བཤད་དེ་རྡོར་དྲིལ་འཛིན་པས་ཡུམ་ལ་འཁྱུད་པའོ། །སྦྱོར་མཚམས་ནས་ཟླ་བའི་འོད་ཟེར་གྱི་ཚོགས་དང་འདྲ་བའི་བདུད་རྩི་འཛག་པས། སངས་རྒྱས་ཐམས་ཅད་དེ་ཀྱི་དམ་ཚིག་དང་ཡེ་ཤེས་དང་ཏིང་ངེ་འཛིན་གྱི་
སེམས་དཔའ་ཞེས་བྱ་བར་གྲགས་པ་གསུམ་ཚིམ་ཞིང༌། མཉེས་པར་འགྱུར་བར་བསམ་པར་བྱ་སྟེ་བཤད་མ་ཐག་པ་འདི་ནི་དམ་ཚིག་ཐམས་ཅད་ཀྱི་མཆོག་ཡིན་ཞིང་ཁྱད་པར་དུ་གྱུར་པ་ཡིན་པས་དམ་ཚིག་མཆོག་གོ། དེ་ལྟ་བུའི་མཆོག་ཏུ་འགྱུར་བའི་དངོས་
གྲུབ་ཐམས་ཅད་བྱེད་པའི་མཆོག་གི་བསམ་གཏན་རབ་ཏུ་བྱ་བ་སྟེ་བསྒོམ་པར་བྱ་བའོ། །དམ་ཚིག་མཆོག་གིས་ནི་སྒྲུབ་པ་པོས་སོ། །དམ་ཚིག་ཐམས་ཅད་ནི་སྒྲུབ་པ་པོ་དེ་རྣམས་ཀྱི་ཡེ་ཤེས་རྡོ་རྗེ་ནི་རྡོ་རྗེ་འཆང་ཡབ་ཡུམ་གྱི་བྱང་ཆུབ་ཀྱི་སེམས་འབབ་པ་སྟེ་ཏེ་
དེས་ཚིམ་པར་འགྱུར་བའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ།། ༈ རིགས་ཀྱི་དབྱེ་བས་ལྕེའི་སྐྱེད་ཆོག་སོ་སོར་བསྟན་པར་བྱ་བའི་ཕྱིར། ལྕེ་ཡི་དམ་ཚིག་རྡོ་རྗེ་མཆོག་ཅེས་བྱ་བ་ལ་སོགས་པ་གསུངས་ཏེ། དམ་ཚིག་རྡོ་རྗེ་ནི་རིགས་ལྔའི་
རྣལ་འབྱོར་པ་རྣམས་སོ། །དེ་རྣམས་ཀྱི་མཆོག་ནི་མི་བསྐྱོད་པའི་རིགས་ཏེ་མི་བསྐྱོད་པའི་སྐུ་དེར་གནས་ནས་ལྕེ་ལ་ཧཱུཾ་ཡིག་རྡོ་རྗེ་ཅན་ཏེ་རྡོ་རྗེ་ཅན་གྱི་ཧཱུཾ་སྟེ། ཧཱུཾ་ཡོངས་སུ་གྱུར་པ་ལས་ལྕེ་རྡོ་རྗེར་བསྒོམས་ཏེ། ཟས་ལ་སོགས་པ་བཟའ་བཏུང་གང་ཅི་ཡང་
རུང་བ་ལ་སྤྱོད་པ་དེ་དག་བདུད་རྩི་ལྔ་ཡི་སྦྱོར་བས་ཏེ་བདུད་རྩི་ལྔར་བསྐྱེད་པར་བྱས་ནས་ཉེ་བར་སྤྱོད་ཅིང་ཟོས་ན་རྡོ་རྗེ་གསུམ་སྟེ། སྐུ་དང་གསུང་དང་ཐུགས་ཤིན་ཏུ་སྦྱངས་པ་འཐོབ་པར་འགྱུར་རོ་ཏེ་བཤད་མ་ཐག་པའི་ཟས་སུ་བྱ་བའི་མཚན་
4-2-244a


ཉིད་འདི་ནི་རྡོ་རྗེའི་ཚུལ་མཆོག་སྟེ། རྡོ་རྗེའི་རིགས་ཀྱི་བྱེད་ཚུལ་ཡིན་ཏེ། དེ་བཞིན་དུ་ཡི་གེ་ཨཱཿདང་ཡི་གེ་ཨོཾ་གྱི་དམ་ཚིག་དག་གིས་ཀྱང་བྱ་སྟེ། འོད་དཔག་ཏུ་མེད་པའི་རྣལ་འབྱོར་པས་ལྕེ་ལ་ཨཱཿཡོངས་སུ་གྱུར་པའི་མཚན་ཉིད་
ཅན་པདྨ་བསམ་པར་བྱ་ལ། རྣམ་པར་སྣང་མཛད་ཀྱི་རྣལ་འབྱོར་པས་ནི་ཡི་གེ་ཨོཾ་ཡོངས་སུ་གྱུར་པ་ལས་ལྕེ་འཁོར་ལོར་བསམ་པར་བྱའོ་ཞེས་བྱ་བའི་བར་དུའོ།། ༈ འདི་ལྟ་བུ་ཡི་ཟས་སུ་བྱས་པའི་སྦྱོར་བས་ནི་སྐུ་ལ་སོགས་པ་ལས་
སུ་རུང་བ་ཐོབ་ནས། རྡོ་རྗེ་འཆང་ཆེན་པོ་དང་འདྲ་བར་འགྱུར་བའོ། །༼དེ་གསུམ་གྱིས་ནི་རིན་འབྱུང་དང་དོན་གྲུབ་ཀྱི་རྣལ་འབྱོར་པས་ལྕེ་སྭཱ་དང་ཧཱ་ལས་རིན་པོ་ཆེ་དང་རལ་གྲིར་བསྐྱེད་པ་དང༌། བཟའ་བཏུང་བདུད་རྩི་ལྔར་བསྐྱེད་ནས་ལོངས་སྤྱོད་པ་ཡང་ཤེས་པར་བྱ་ལ། རིགས་ལྔའི་རྣལ་འབྱོར་པས་ནི་
དེ་ལྔའི་རིགས་ཀྱི་ལྷའི་རྣལ་འབྱོར་པ་ཡང་སྟོན་པར་གཟུང་ངོ༌། །སྔ་མ་ཁ་ཅིག་འདི་བསྙེན་པའི་དུས་ཡིན་གྱི་ལས་སྒྲུབ་པའི་དུས་མིན། ཞེས་ཟེར་བ་ལྟར་མི་བྱ་བར་བསྙེན་སྒྲུབ་གཉིས་ཀ་ལ་ཤེས་པར་བྱའོ། །༽རྡོ་རྗེ་དམ་ཚིག་ནི་བདུད་རྩིར་བྱེད་པའི་མཚན་ཉིད་ཅན་གྱི་བསམ་གཏན་
གྱི་ཁྱད་པར་རོ། །བདུད་རྩི་ཕྲེང་བ་ནི་བདུད་རྩིའི་ཚོགས་ཏེ་རྡོ་རྗེའི་དམ་ཚིག་གིས་བདུད་རྩིའི་ཕྲེང་བ་གང་དུ་བསྐྱེད་པའི་ཏིང་ངེ་འཛིན་དེ་ལ་ནི་དེ་སྐད་ཅེས་བྱ་སྟེ། སྒྲ་ཇི་བཞིན་པའོ།། ༈ བསྐྱེད་པའི་རིམ་པའི་རྣལ་འབྱོར་པའི་བྱ་བའི་སྒོ་ནས་འཇིག་རྟེན་
པའི་དངོས་གྲུབ་བསྟན་ནས། ད་ནི་རྫོགས་པའི་རིམ་པ་ཟུང་འཇུག་ལ་གནས་པ་རྣམས་ཀྱི་ཕྱག་རྒྱ་ཆེན་པོ་མཆོག་གི་འི་དངོས་གྲུབ་སྒྲུབ་པའི་ཐབས་བསྟན་པར་བྱ་བའི་ཕྱིར། རྡོ་རྗེ་དམ་ཚིག་ཅེས་བྱ་བ་ལ་སོགས་པ་གསུངས་ཏེ། རྡོ་རྗེ་གསུམ་ནི་
4-2-244b


སྐུ་དང་གསུང་དང་ཐུགས་ཏེ། སྣང་བ་གསུམ་མོ། །དམ་ཚིག་གི་དོན་ནི་གསུམ་པོ་དེ་འོད་གསལ་གང་དུ་མཉམ་པར་ཐིམ་པར་གྱུར་པ་དེ་ནི་རྡོ་རྗེ་དམ་ཚིག་གསུམ་སྟེ། དོན་དམ་པའི་བདེན་པ་ཡིན་ལ་དེ་དང་རོ་གཅིག་ཏུ་ཞུགས་པའི་ཡེ་ཤེས་དེ་ཉིད་ནི་གྲུབ་མཆོག་གོ། དེ་ལས་སྐུ་
གསུམ་ནི་ཆོས་དང་ལོངས་སྤྱོད་རྫོགས་པ་དང་སྤྲུལ་པའི་མཚན་ཉིད་ཅན་གྱི་སྐུ་གསུམ་པོ་སྟེ། དེའི་རྡོ་རྗེ་གང་ལ་ཡོད་པ་དེ་ནི་སྐུ་གསུམ་རྡོ་རྗེ་ཅན་ཏེ་འབྲས་བུའི་རྡོ་རྗེ་འཆང་ཆེན་པོའོ། །འགྱུར་བ་ནི་འབྱུང་བའོ།། ༈ དེ་ལྟར་སྤངས་རྟོགས་ཡོངས་སུ་རྫོགས་པའི་ཆོ་
འཕྲུལ་དང་ནུས་མཐུ་བསྟན་པར་བྱ་བའི་ཕྱིར། ཕྱོགས་བཅུའི་ཞེས་བྱ་བ་ལ་སོགས་པ་གསུངས་ཏེ། ཕྱོགས་བཅུ་ན་རྫོགས་པར་གྱུར་པས་གནས་པའི་སེམས་ཅན་ཐམས་ཅད་ཀྱི་ཡིད་བཞིན་གྱི་ནོར་བུའི་རྒྱ་མཚོར་འགྱུར་བས་ན་ནོར་བུ་ཡིད་བཞིན་རྒྱ་མཚོར་
འགྱུར་ཞེས་བྱ་སྟེ་དེ་དང་འདྲ་བར་དགོས་འདོད་ཀུན་འབྱུང་བར་འགྱུར་བའོ། །རྡོ་རྗེའི་བདག་ཉིད་ནི་རྡོ་རྗེའི་སྐུའོ། །༼རྣམ་པར་གནས་པ། སེམས་ཅན་གྲུབ་པ་ཀུན་གྱི་ཞེས་པ་བདེའོ། །༽སྣང་བར་བྱེད་ཅིང་རང་གི་ལུས་ཀྱི་འོད་ཉིད་ཀྱིས་གསལ་བར་བྱེད་པས། སྣང་
བར་བྱེད་པ་སྟེ་དེས་ཁྱབ་པར་བཤད་པའོ། །འཁོར་ལོའི་དམ་ཚིག་ཅེས་བྱ་བ་ལ་སོགས་པ་ལ། འཁོར་ལོའི་དམ་ཚིག་ནི་རྣམ་པར་སྣང་མཛད་དེ་དེ་དང་འབྲེལ་བའི་དངོས་གྲུབ་ནི་འཁོར་ལོའི་དམ་ཚིག་གྲུབ་པའོ། །དེ་ཉིད་མཆོག་སྟེ་དེ་ལ་སངས་རྒྱས་ཀྱི་སྐུ་
དང་འདྲ་བར་འགྱུར་ཞིང་དེ་དང་མཚུངས་པར་འགྱུར་བའོ། །དེ་ལྟར་མི་བསྐྱོད་པ་ལ་སོགས་པ་དང་རབ་ཏུ་འབྲེལ་བའི་དངོས་གྲུབ་ཀྱི་རྒྱུ་ནི་དེའི་ཉེ་བར་མཚོན་པ་ལས་ཤེས་པར་བྱའོ། །གངྒཱའི་བྱེ་སྙེད་ཅེས་བྱ་བ་ལ་སོགས་པ་ལ། བཤད་མ་ཐག་པའི་དངོས་པོ་
4-2-245a


སྟེ་རིགས་ལྔ་དང་འབྲེལ་བའི་དངོས་གྲུབ་ཐམས་ཅད་ཀྱིས་གྲུབ་པས་ན་གངྒཱའི་ཀླུང་གི་བྱེ་མ་སྙེད་ཀྱི་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་དུ་རྣམ་པར་སྤྱོད་པར་འགྱུར་རོ། །དམ་ཚིག་དམ་པ་ཞེས་བྱ་བ་ལ་སོགས་པ་ལ། དམ་
ཚིག་ཐམས་ཅད་ནི་མཁའ་འགྲོ་དང་མཁའ་འགྲོ་མའི་དམ་ཚིག་ཐམས་ཅད་དེ་དེ་རྣམས་ཀྱི་དམ་པའོ། །དེ་རྣམས་ཀྱི་རིག་པ་ནི་དེ་སྒྲུབ་པའི་སྔགས་ཡིན་ལ། དེ་འཛིན་པར་བྱེད་པས་ན་རིག་པ་འཛིན་པ་སྟེ་དེ་རྣམས་ཀྱི་ཡང་གཙོ་བོར་འགྱུར་བའོ། །རྡོ་རྗེ་སྐུ་ནི་ཞེས་
བྱ་བ་ལ་སོགས་པ་ལ། རྡོ་རྗེ་སྐུ་ནི་རབ་བསྒོམས་པས། །ཞེས་བྱ་བ་ནི་ཕྱག་རྒྱ་ཆེན་པོ་རབ་ཏུ་བསྒོམས་པས་སོ། །ཐམས་ཅད་དམ་ཚིག་མཆོག་ཏུ་འགྲུབ་ཅེས་བྱ་བ་ནི། བཤད་མ་ཐག་པའི་མཁའ་འགྲོ་ལ་སོགས་པའི་དམ་ཚིག་མཆོག་འགྲུབ་པར་
འགྱུར་བའོ། །མི་སྣང་གྱུར་པ་ཐམས་ཅད་ལ། །ཞེས་བྱ་བ་ནི་ངག་གི་བྱ་བ་དང་ལུས་ཀྱི་ཡན་ལག་མི་སྣང་བར་གྱུར་པ་ལ་གནས་ནས་པའོ། །སྟོང་ཁམས་དག་ནི་སྣང་བར་བྱེད་ཅེས་བྱ་བ་ནི་སྟོང་གསུམ་གྱི་འཇིག་རྟེན་གྱི་ཁམས་སྣང་བ་གཅིག་གིས་
སྣང་བར་བྱེད་པས་ཀྱང༌། སངས་རྒྱས་ཀུན་ལས་དངོས་གྲུབ་ཐམས་ཅད་དང་འབྲེལ་བའི་ཕུན་སུམ་ཚོགས་པ་རྣམས་འཕྲོག་ཅིང་ལེན་པར་བྱེད་པ་དང༌། ལྷ་ཡི་མཆོག་སྟེ་བརྒྱ་བྱིན་ལ་སོགས་པ་དེ་རྣམས་ཀྱི་བུ་མོ་བཀུག་ནས་ཉེ་བར་ལོངས་སྤྱོད་
པ་རྗེས་སུ་མྱོང་བར་འགྱུར་བའོ། །གངྒཱའི་ཞེས་བྱ་བ་ལ་སོགས་པ་ལ། གངྒཱའི་བྱེ་མའི་ཚད་སྙེད་ཀྱི་རྒྱལ་བ་རྣམས་རྡོ་རྗེ་གསུམ་སྟེ་རྡོ་རྗེ་འཆང་ཆེན་པོ་དེའི་གནས་ནི་འཇིག་རྟེན་གྱི་ཁམས་མཐའ་ཡས་མུ་མེད་པ་སྟེ། དེ་ན་བཞུགས་པ་རྣམས་
4-2-245b


རང་གི་ལག་པའི་མཐིལ་དུ་བཞག་པའི་སྐྱུ་རུ་ར་བཞིན་དུ་རྡོ་རྗེའི་མིག་གིས་ཏེ་ལྷའི་མིག་ཤིན་ཏུ་ཕྲ་ཞིང་རྣམ་པར་དག་པས་མཐོང་བར་འགྱུར་བའོ། །གངྒཱའི་ཀླུང་གི་བྱེ་མ་སྙེད་ཀྱི་ཞིང་རྣམས་ན། གང་སྒྲར་གྲགས་པ་སེམས་ཀྱིས་ཟིན་པའི་འབྱུང་བ་ལས་བྱུང་བ་ངག་
སྨྲ་བ་ལྟ་བུ་དང་སེམས་ཀྱིས་མ་ཟིན་པ་ལས་བྱུང་བ་ཆུའི་སྒྲ་སོགས་དང་། ཟིན་མ་ཟིན་གཉི་གའི་འབྱུང་བ་ཆེན་པོ་ལས་བྱུང་བ་ལག་པས་རྔ་ལ་བརྡབས་པའི་སྒྲ་ལྟ་བུ་ཇི་སྙེད་པ་དེ་ཐམས་ཅད་རྣ་བའི་དྲུང་ན་འཁོད་པ་བཞིན་མངོན་ཤེས་ཏེ་རྫུ་འཕྲུལ་གྱིས་ཐོས་པར་འགྱུར་༼
འོ་ན་སློབ་དཔོན་འདིས་མཛད་ཟེར་བའི་དབུ་མ་ཕུང་པོ་ལྔ་པར། ཟིན་མ་ཟིན་གཉིས་ཀ་ལས་བྱུང་བའི་སྒྲ་མེད་པར་བཤད་པ་ཇི་ལྟར་ཡིན་ཞེ་ན། སློབ་དཔོན་འདི་ལ་ཁ་གཡར་བྱས་པའི་གཞུང་མང་དུ་སྣང་བ་བཞིན། འདི་ཡང་དེ་རྣམས་དང་འདྲ་བ་ཡིན་པས་སྐྱོན་མེད་དོ། །རོ། །འཇིག་རྟེན་གྱི་ཁམས་ག
ངྒཱའི་ཀླུང་གི་བྱེ་མ་དང་མཉམ་པའི་སེམས་ཅན་༽པ་ཚབ་ཀྱིས། གང་དག་སྒྲར་ནི་བསྒྲགས་པ་རྣམས། །མངོན་ཤེས་ཁྱུ་མཆོག་གིས་ཐོས་འཆད། །རྣ་བར་འཁོད་བཞིན་ཐོས་པར་འགྱུར། །ཞེས་དང༌། དེ་ཐམས་ཅད་མངོན་ཤེས་ཁྱུ་མཆོག་གིས་ཏེ། མངོན་ཤེས་ནི་རྫུ་འཕྲུལ་ཏེ། དེ་ལ་ཁྱུ་མཆོག་གི་
མངའ་བདག་གཙོ་བོས་རྣ་བའི་བུ་གར་སོང་བའི་སྒྲ་བཞིན་དུ་ཐོས་པར་འགྱུར་རོ། །ཞེས་བསྒྱུར་རོ། །༽ཐམས་ཅད་ཀྱི་ལུས་ལ་སོགས་པའི་ངོ་བོ་ཉིད་ཀྱི་ལུས་དང་ངག་དང་ཡིད་ཀྱིས་མཚན་པའི་འཇིག་རྟེན་གྱི་ཁམས་རྣམས་ན་སེམས་ཅན་རྣམས་རོལ་མོ་པའི་གར་མཁན་
དང་འདྲ་བར་སྣ་ཚོགས་པར་བྱུང་བའི་སེམས་ཞེས་བྱ་བ། རང་བཞིན་བརྒྱ་དྲུག་ཅུའི་རྒྱུར་གྱུར་པ་རིག་པར་འགྱུར་རོ། །འཁོར་བ་དག་ན་གནས་པ་ཡི། །ཞེས་བྱ་བ་ནི། དགེ་བ་དང་མི་དགེ་བའི་ལས་ཀྱི་དབང་གིས་འཁོར་བ་ཐོག་མ་མེད་པར་འགྲོ་བ་ལྔར་ཡོངས་
4-2-246a


སུ་འཁོར་བ་དེར་འབྱུང་བའི་སྔོན་གྱི་གནས་ཏེ་སྔོན་གྱི་སྐྱེ་བ་གཏན་ཚིགས་ཏེ་ལུས་ཀྱི་ཁྱད་པར་རྣམས་ཞག་གསུམ་ལོན་པ་བཞིན་ཏེ། ཞག་གསུམ་འདས་པ་བཞིན་དུ་དྲན་པར་འགྱུར་རོ། །གངྒཱའི་ཀླུང་གི་བྱེ་མ་སྙེད་ཀྱི་བདག་ཉིད་ཀྱི་ལུས་
ལ་སངས་རྒྱས་སྤྲིན་ལ་སོགས་པས་བརྒྱན་པ་སྟེ། རྣམ་པར་སྣང་མཛད་ལ་སོགས་པའི་རིགས་ལྔའི་ལྷ་རྣམས་ཀྱི་འཁོར་ལོས་བརྒྱན་ནས། བསྐལ་པ་གངྒཱའི་ཀླུང་གི་བྱེ་མ་སྙེད་དང་མཉམ་པར་གནས་ནས། རྡོ་རྗེ་འཕྲུལ་མཆོག་ཅེས་བྱ་བ་ནི་འོད་གསལ་བ་
སྟེ། དེ་གང་ལ་ཡོད་པ་དེ་ནི་རྡོ་རྗེ་རྫུ་འཕྲུལ་མཆོག་ལྡན་ནོ། །འགེངས་པ་ནི་སྤྲུལ་པ་སྤྲོ་བའོ། །དམ་ཚིག་མངོན་པར་མཁྱེན་པ་ནི་རྡོ་རྗེ་འཆང་ཆེན་པོ་སྟེ་དེས་དེ་སྐད་ཅེས་བཀའ་སྩལ་པའོ།། ༈ དེ་ལ་མངོན་པར་ཤེས་པ་ཞེས་བྱ་བ་ལ་སོགས་པ་
ལ། རྡོ་རྗེའི་སྤྱན་ཞེས་བྱ་བ་རྡོ་རྗེ་ནི་རྡོ་རྗེ་འཆང་ཆེན་པོའོ། །དེའི་སྤྱན་ནི་འོད་གསལ་བ་བསྒོམས་པས་དྲི་མ་རྣམ་པར་དག་པར་བྱས་པས་གཟིགས་པ་གང་ཡིན་པ་དེ་ནི་རྡོ་རྗེའི་སྤྱན་ཏེ་དེ་བཞིན་དུ་རྡོ་རྗེའི་སྙན་དང༌། རྡོ་རྗེའི་ཐུགས་དང༌། རྡོ་རྗེའི་གནས་དང༌། རྡོ་རྗེའི་
རྫུ་འཕྲུལ་བཞི་པོ་གཞན་དག་ལ་ཡང་རྡོ་རྗེ་བཞི་ནི་རྡོ་རྗེ་འཆང་དང༌། འོད་གསལ་བསྒོམས་པས་དག་པར་བྱས་པའི་གསན་པའི་སྙན་དང༌། ཐུགས་ཀྱིས་སེམས་ཅན་གྱི་སེམས་ཤེས་པ་དང༌། སྔོན་གྱི་གནས་དྲན་པ་དང༌། ལུས་ཀྱི་བཀོད་པ་དཔག་ཏུ་མེད་པའི་རྫུ་འཕྲུལ་སྟོན་པ་ལ་ཡང་། རྡོ་
རྗེའི་མིག་ལ་བཤད་པ་བཞིན་དུ་སྦྱར་བར་བྱའོ། །འདི་དག་གིས་གཞན་གྱི་དོན་དུ་ཇི་ལྟར་འགྱུར་ཞེ་ན། སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ཀྱི་མངོན་པར་ཤེས་པ་ནི་ལྷའི་མིག་ལ་སོགས་པའོ། །དེས་དོན་འགྲུབ་པ་ནི་གཞན་
4-2-246b


གྱི་དོན་ཕུན་སུམ་ཚོགས་པའོ། །སངས་རྒྱས་སྐུ་དང་འདྲ་བར་འགྱུར། །ཞེས་བྱ་བ་ནི། ཇི་ལྟར་སངས་རྒྱས་ཀྱི་སྐུ་དཔག་ཏུ་མེད་པ་དེ་བཞིན་དུ་སེམས་ཅན་གྱི་དོན་བྱ་བ་ཡང་མཐའ་ཡས་པའོ།། ༈ དེ་ལྟར་གཞན་གྱི་དོན་ཕུན་སུམ་ཚོགས་པ་གྲུབ་
ནས་ཇི་ལྟར་གནས་པར་འགྱུར་ཞེ་ན། གངྒཱའི་ཞེས་བྱ་བ་ལ་སོགས་པ་གསུངས་ཏེ། གངྒཱའི་བྱེ་མའི་ཚད་སྙེད་ཀྱི་གྲངས་མེད་པའི་མི་ཕྱེད་པའི་འཁོར་གྱི་གཡོག་རྣམས་མཆོད་པའི་ཚོགས་དང་བཅས་ཤིང་ལྷའི་བཞོན་པ་ལ་ཞོན་པ་རྣམས་ཀྱིས་ཡོངས་སུ་
བསྐོར་ནས་མདུན་དུ་བདར་ཏེ། ཕྱོགས་བཅུའི་འཇིག་རྟེན་གྱི་ཁམས་ཀུན་ཏུ་རྣམ་པར་སྤྱོད་ཅིང་གནས་པར་འགྱུར་རོ། །འབྲས་བུའི་ཕྱོགས་གཅིག་གོ། ། ༈ བཞུགས་པའི་ཚིག་གླེང་གཞི་ལས་སམ་ནས་བརྩམས་ནས་འདི་ཡན་ཆད་དུ་ཅི་
ལྟར་རིགས་པར་ཏེ་སྐབས་སུ་གང་བབ་པར་མཆོག་རྫོགས་རིམ་གྱི་སྒྲུབ་པ་༼འབྲས་བུའི་ཕྱོགས་གཅིག་གོ། ཞེས་ཡར་ལ་བཅད་པ་ལེགས་ཏེ། སྔར་བཤད་པའི་ཡོན་ཏན་དེ་རྣམས་མཆོག་གྲུབ་པའི་སྐབས་ཀྱི་ཡོན་ཏན་གྱི་ཕྱོགས་གཅིག་ཙམ་བརྗོད་པའོ་ཞེས་པའི་དོན་ཡིན་པའི་ཕྱིར་རོ། །
༽དང་ཐ་མལ་པ་བསྐྱེད་རིམ་པའི་སྒྲུབ་པ་ཉེ་བར་བསྟན་ནས། ད་ནི་བསྐྱེད་པའི་རིམ་པའི་སྒྲུབ་པའི་ཡན་ལག་བསྙེན་སྒྲུབ་བཞི་སླར་ཡང་གསལ་བར་བྱ་བའི་ཕྱིར། བསྙེན་པའི་དམ་ཚིག་ཅེས་བྱ་བ་ལ་སོགས་པ་གསུངས་ཏེ། བསྙེན་པར་བྱ་ཞིང་
དམིགས་པར་བྱ་བ་ཡིན་པས་ན་བསྙེན་པ་སྟེ། ཡེ་ཤེས་ཀྱི་སའི་ཆ་དེ་བཞིན་ཉིད་སྒོམ་པ་ཡིན་ལ་དེ་ཉིད་ནི་འདའ་བར་མི་བྱ་བས་དམ་ཚིག་གོ། དེ་བཞིན་ཉིད་སྒོམ་པ་དེ་༼བསྙེན་པའི་སྐད་དོད་སེ་བ་ལ་སེ་བྱ་སྟེ་བསྙེན་པར་བྱ། ཨ་ལཾ་བྱ་སྟེ་དམིགས་པར་བྱ་བའོ། །
4-2-247a


ནས་རྡོ་རྗེའི་སའི་ཆ་དང་ལ་སོགས་པས་་ལས་གཞལ་ཡས་ཁང་བསྐྱེད་པ་ནས་ལྷག་མོས་འོད་གསལ་དུ་བསྡུས་པའི་བར་རྣམས་ཡང་དག་པར་སྦྱར་ཞིང་སྟེ་བསྐྱེད་པ་ནི་བསྙེན་པའི་དམ་ཚིག་སྦྱོར་བ་སྟེ། ཡན་ལག་དང་པོའོ། །སྟོང་པ་
ཉིད་དམིགས་ནས་སྟོང་པའི་ངང་ལས་ཧཱུཾ་ལས་ཉི་མ་ལ་སོགས་པ་དམིགས་པ་ནི་ཉེ་བར་༼སྟོང་པ་ཉིད་ལ་དམིགས་པ་ཉེར་སྒྲུབ་ལ་ཕྱིར་གཅོད་པ་འདི་དང༌། ཆག་འགྱུར་དུ་འབྱུང་བ་ནི་མི་ལེགས་པས། པ་ཚབ་ཀྱིས་ཡན་ལག་དང་པོ་སྟོང་པ་ཉིད་ལ་དམིགས་པའོ། །ཞེས་པ་ལྟར་བྱའོ། །རྒྱུད་ཕྱི་མའི་
འགྲེལ་པར་ཡང་ལྷག་མོས་འོད་གསལ་དུ་སྡུད་པ་བསྙེན་པ་ལ་སྦྱར་རོ། །༼སྒྲུབ་པ་སྟེ། ཉེར་སྒྲུབ་དེ་ཉིད་ཀྱི་ལུས་ལ་ཨོཾ་ལ་སོགས་པའི་སྔགས་རྣམ་པར་དགོད་པའི་མཐར་ཐུག་པར་འབྱུང་བ་ནི་ཉེ་བར་སྒྲུབ་པ་འབྱུང་བ་སྟེ། ཡན་ལག་གཉིས་པའོ། །སྒྲུབ་པའི་
དོན་གྱི་དམ་ཚིག་དང་ཞེས་བྱ་བ་ནི། རང་གི་སྒོ་གསུམ་སངས་རྒྱས་ཀྱི་སྐུ་གསུང་ཐུགས་སུ་སྒྲུབ་པ་ཉེ་བར་བཞག་པའི་དོན་དུ་གསོལ་བ་འདེབས་པ་ནི་སྒྲུབ་པའི་དོན་གྱི་ཞེས་པའོ། །དམ་ཚིག་སྟེ་མཉམ་པར་གྱུར་པས་ན་དམ་ཚིག་ཅེས་བྱ་བས་རང་དམ་ཚིག་སེམས་དཔའ་ལ་
ཏིང་ངེ་འཛིན་གྱི་སེམས་དཔའ་དང་ཡེ་ཤེས་སེམས་དཔའ་བཀོད་ནས་སེམས་དཔའ་གསུམ་ངོ་བོ་དབྱེར་མེད་དུ་མཉམ་པར་བྱེད་པ་ནི་སྒྲུབ་པའི་དོན་གྱི་ཆེད་དང་དམ་ཚིག་སྟེ། ཡན་ལག་གསུམ་པའོ། །ལྷག་མ་དཀྱིལ་འཁོར་གྱི་རྒྱལ་པོ་མཆོག་དང༌། ལས་ཀྱི་རྒྱལ་
པོ་མཆོག་གི་མཐར་ཐུག་པ་ནི་གཞན་གྱི་དོན་ཆེན་པོ་སྒྲུབ་པས་ན་སྒྲུབ་པ་ཆེན་པོ་སྟེ་དེ་ནི་ཡན་ལག་བཞི་པའོ། །དེ་ལྟར་ཡན་ལག་བཞི་པོ་ཤེས་པར་བྱས་ལ། རྡོ་རྗེའི་བྱེ་བྲག་སྟེ། རིགས་ལྔའི་རིགས་ཀྱི་བྲེ་བྲག་གིས་ཏེ་དབྱེ་བས་དེ་ནས་ཞེས་པ་བསྙེན་
4-2-247b


སྒྲུབ་ཡན་ལག་བཞི་སྒོམ་པ་སྔོན་དུ་བཏང་བ་དེའི་འོག་ཏུ་ལས་རྣམས་ཞེས་བྱ་བ་འོག་ནས་འཆད་པ་དང༌། སྔར་བཤད་པ་རྣམས་བསྒྲུབ་པར་བྱའོ་ཞེས་བྱ་བ་སྟེ་མདོར་བསྟན་པའོ།། ༈ བསྙེན་པའི་ཏིང་ངེ་འཛིན་ཞེས་བྱ་བ་ལ་སོགས་པས་ནི་མདོར་བསྟན་
པའི་བསྙེན་སྒྲུབ་ཀྱི་ཡན་ལག་བཞི་རྒྱས་པར་༼ལས་རྣམས་སྟེ་བཤད་པ་དང་འཆད་པ་ཞེས་འབྱུང་ངོ༌། །༸རྗེ་རིན་པོ་ཆེ་འགོས་ཀྱི་བཞེད་པས་རྒྱུད་འདིའི་ལས་ཚོགས་རྣམས་སྒྲུབ་པ་ལ་སྐབས་ལ་གང་བབ་ཀྱི་ལྷ་སོ་སོའི་དང་པོ་སྦྱོར་བ་དང༌། དཀྱིལ་འཁོར་རྒྱལ་མཆོག་སྔོན་དུ་བཏང་ནས། 
ལས་རྒྱལ་མཆོག་གི་དུས་སུ་སྐབས་སུ་གང་བབ་ཀྱི་ལས་སྒྲུབ་པར་བཞེད་པ་ནི། རྡོ་རྗེའི་བྱེ་བྲག་ཤེས་བྱས་ལ། །དེ་ནས་ལས་རྣམས་བསྒྲུབ་པར་བྱ། །ཞེས་གསུངས་པ་རྩ་འགྲེལ་གྱི་དགོངས་པ་ཡིན་ལ། ལས་རྒྱལ་མཆོག་གི་འོག་ཏུ་ལས་ཚོགས་བྱ་བ་ནི། བསྙེན་པའི་དུས་ལ་དགོངས་ཤིང་། མདོ་བསྲེ་ལས་
ཞི་སོགས་ཀྱི་ལས་སྒྲུབ་པ་ཐམས་ཅད་ལས་རྒྱལ་མཆོག་ཏུ་གསུངས་པ་ནི་སྒྲུབ་པའི་དུས་ཀྱི་ལས་རྒྱལ་མཆོག་གོ། ༽སྟོན་པ་ཡིན་ཏེ། སྟོང་པ་ཉིད་ལ་ཞུགས་པའི་བྱང་ཆུབ་ཀྱི་སེམས་ལ་དམིགས་པ་ནི་བསྙེན་པའོ། །དེ་ཉིད་ལ་སེམས་རྩེ་གཅིག་ཏུ་འཇོག་པར་བྱེད་ཅིང་
དེའི་དོན་སེམས་ལ་འཇོག་པས་ན་ཏིང་ངེ་འཛིན་ནོ། །རབ་ཏུ་སྦྱོར་བ་ནི་ཡང་དག་པར་སྦྱོར་བའོ། །དེ་གང་ཞེ་ན། རྡོ་རྗེའི་སའི་ཆ་ལ་སོགས་པ་ནས་དཀྱིལ་འཁོར་གྱི་འཁོར་ལོའི་བར་དུ་ལྷག་པར་མོས་པས་བསྐྱེད་པ་སྟེ། བསྙེན་པའི་ཏིང་ངེ་འཛིན་དང་། རབ་ཏུ་
སྦྱོར་བ་ནི་བསྙེན་པའི་ཏིང་ངེ་འཛིན་རབ་སྦྱོར་བ་སྟེ་དེ་བྱས་ལ། དེ་ཙམ་དུ་མ་ཟད་ཨོཾ་ཤཱུ་ནྱ་ཏཱ་ཞེས་བྱ་བའི་སྔགས་ཀྱི་དོན་རབ་ཏུ་རྣམ་པར་དཔྱད་པ་ལས་བྱུང་བའི་བྱང་ཆུབ་ཀྱི་མཆོག་དེ་ཁོ་ན་ཉིད་ཀྱི་མཚན་ཉིད་ཅན་བསྒོམ་པར་བྱ་བའི་བར་རོ། །དེ་བཞིན་ཉིད་ལས་བྱང་
4-2-248a


ཆུབ་པ་དེ་བྱས་ནས།། ༈ ཉི་མ་དང་ཟླ་བ་དང་པདྨ་ལ་སོགས་པའི་རིམ་གྱིས་གོང་ནས་གོང་དུ་བཞག་ལ། དེའི་སྟེང་དུ་ཡི་གེ་གསུམ་རྣམ་པར་བཀོད་དེ་དེ་ཐམས་ཅད་བསྡུས་པ་ལས། ཟླ་བའི་དཀྱིལ་འཁོར་བསམ་ཞིང་དེའི་
སྟེང་དུ་ཡང་ཡི་གེ་གསུམ་པོ་བཀོད་ལ། དེ་ཡོངས་སུ་གྱུར་པ་ལས་རིགས་དྲུག་སོ་སོའི་ཕྱག་མཚན་ནོ། ཕྱག་མཚན་རྣམས་ཡོངས་སུ་གྱུར་པ་ལས་རིགས་དྲུག་གི་ཕྱག་རྒྱ་ཆེན་པོའི་གཟུགས་སུ་བསྐྱེད་པ་ནི། ཉེ་བར་ཏེ་གན་དུ་སྒྲུབ་ཅིང་བསྐྱེད་པས་ན་ཉེ་བར་
བསྒྲུབ་པའོ། །གྲུབ་པ་ནི་མངོན་བྱང་ལྔ་ལས་ཕྱག་རྒྱ་ཆེན་པོའི་སྐུ་གྲུབ་པའོ། །དེའི་མཆོག་ནི་ཐོག་མར་གྱུར་པ་ཨོཾ་ལ་སོགས་པའི་སྔགས་གང་ཡིན་པ་དེ་ནི་ཉེ་བར་༼ཉེ་བའི་དོན་གན་དུ་ཞེས་པ་ནི་གམ་དུ་ཞེས་ཀྱང་འབྱུང་བ་དང་འདྲ་སྟེ་རང་གི་རྩར་མངོན་དུ་གྱུར་པའི་དོན་ནོ། །
༼མཆོག་གི་སྐད་དོད་ནི་དང་པོ་དང་ཐོག་མ་ལའང་འཇུག་པས། འདིར་ཐོག་མར་ཨོཾ་ཡིག་འགོད་པ་ལ་བྱའོ། །༽ཨོཾ་ལ་སོགས་པའི་སྔགས་རྣམས་ཏེ་གང་ལ་ཉེ་བར་སྒྲུབ་པ་གྲུབ་མཆོག་སྔགས་ཀྱི་ཡི་གེ་མ་ལུས་པར་རྣམ་པར་བཀོད་པའི་ཕྱག་རྒྱ་ཆེན་པོའོ། །ཞེས་འབྱུང་བ་གོ་བདེའོ། །
༽སྒྲུབ་པ་གྲུབ་མཆོག་ལའོ། །སྔགས་ཀྱི་ཡི་གེ་མ་ལུས་པར་རྣམ་པར་བཀོད་ལ་ཕྱག་རྒྱ་ཆེན་པོའི་གཟུགས་དེ་ལ་རྡོ་རྗེ་སྟེ་རྣམ་པར་སྣང་མཛད་ལ་སོགས་པ་ནས་གནོད་མཛེས་ཀྱི་བར་དེ་རྣམས་ཀྱི་སྐྱེ་མཆེད་ནི་གཟུགས་ཀྱི་ཕུང་པོ་ལ་སོགས་པ་དེ་རྣམས་
ཀྱིས་རྣམ་པར་དཔྱད་པ་ནི་གཟུགས་ཀྱི་ཕུང་པོ་ལ་སོགས་པའོ། །དེ་ཡང་གཟུགས་ཕུང་ནས་རྐང་མཐིལ་གྱི་བར་སོ་གཉིས་སོ། །དེ་རྣམས་ཀྱི་རྣལ་འབྱོར་གྱི་རིམ་པ་བཞིའི་ནང་ནས་རིམ་པ་༼འདིར་བཤད་པའི་རིམ་པ་གསུམ་པ་རྣམ་གཞག་རིམ་པའི་རིམ་པ་གསུམ་པ་ལ་འདོད་པ་
4-2-248b


དང༌། རྡོར་སེམས་ཀྱི་སྒྲུབ་ཐབས་ཀྱི་རིམ་པ་གསུམ་པ་ལ་འདོད་པ་ནི་དོན་མིན་ཏེ། རྣམ་གཞག་གི་རིམ་པ་གསུམ་པར་ཤིན་ཏུ་རྣལ་འབྱོར་སྒོམ་པ་མ་བཤད་པའི་ཕྱིར་དང༌། རྡོར་སེམས་ཀྱི་སྒྲུབ་ཐབས་སུ། རྒྱུ་དང་འབྲས་བུ་ཤེས་ནས་སྒོམ་པ་མ་བཤད་པའི་ཕྱིར་རོ། །༽གསུམ་པ་ཤིན་ཏུ་
རྣལ་འབྱོར་སྒོམ་པའི་ཚུལ་རྣམ་གཞག་རིམ་པ་ལས་གསུངས་པའི་གོ་རིམ་གྱིས་ཏེ་རིམ་པ་དེས་ངེས་པར་བྱས་ལ། སྟེ་ངེས་པར་བྱ་བ། རྒྱུ་ལུས་ལ་ལྷ་དགོད་ཚུལ་དང་དེ་ལྟར་བཀོད་ནས་བསྒོམས་པའི་འབྲས་བུ་ཡོངས་སུ་ཤེས་ནས་བསྒོམ་པའོ་པས་རྣམ་པར་
དཔྱད་པ་ནི།། ༈ དེ་ལྟར་བྱས་ནས་སྒྲུབ་ཅིང་སྟེ། རང་གི་སྒོ་གསུམ་བྱིན་གྱིས་བརླབ་པར་བྱ་བའི་ཕྱིར། རྡོ་རྗེ་གསུམ་གྱི་ལྷ་ཚོགས་སྤྱན་དྲངས་ཏེ་རང་ལ་བཅུག་པའི་སྒོ་ནས་མཉེས་པར་བྱས་པ་གང་ཡིན་པ་དེ་ལ་ནི་བསྒྲུབ་པའི་ཚེ་ན་བསྐུལ་བར་གསུངས་༼
ཉེ་བར་བསྒྲུབ་པ་ཞེས་པའི་རྐང་པ་གཉིས་ཀས་ཉེར་སྒྲུབ་སྟོན་དགོས་པས། སྔར་མངོན་བྱང་ལྔ་ལས་ཕྱག་རྒྱ་ཆེན་པོའི་སྐུ་བསྐྱེད་པ་ཉེར་སྒྲུབ་ཏུ་བཤད་པ་ལ་འཁྲུལ་ནས། དེ་ཙམ་ཞིག་ཉེར་སྒྲུབ་ཏུ་འདོད་པར་མི་བྱའོ། །༽ཞེས་བྱ་བའི་བར་དུ་གསུངས་ཏེ། སྒྲུབ་པ་དང་བསྐུལ་བ་གཉིས་ནི་རྣམ་
གྲངས་སོ། །བསྐུལ་བ་དེ་གང་ཞེན། སངས་རྒྱས་སྐུ་འཛིན་དཔལ་དང་ལྡན། །ཞེས་བྱ་བ་ལ་སོགས་པའི་ཚིགས་སུ་བཅད་པ་གཉིས་སོ། །སྔགས་ཀྱི་བདག་པོ་བསྒོམས་པ་ཡིས། །ཞེས་བྱ་བ་ལ། སྔགས་ནི་ཡི་གེ་ཨོཾ་ལ་སོགས་པ་སྟེ། ཏིང་ངེ་འཛིན་སེམས་
དཔའ་དང༌། ༼ཏིང་ངེ་འཛིན་སེམས་དཔའ་ཞེས་བྱ་བ་ནི་དང་པོ་སྦྱོར་བའི་སྐབས་སུ་བདག་པོ་དྲུག་འོང་བས། དེ་ལ་རྡོ་རྗེ་༼གཉིས་གཉིས་ཞེས་འབྱུང་ངོ༌། །༽འཆང་དང་མི་བསྐྱོད་པ་ཡིན་ན་ཧཱུཾ་ཡིག་དང༌། ལྷག་མ་བཞི་ལ་ཨོཾ་སྭཱ་ཨཱཿཧཱ་བཞི་ཏིང་ངེ་འཛིན་སེམས་དཔར་བྱ་སྟེ། དཀྱིལ་འཁོར་པ་
4-2-249a


གཞན་གཙོ་བོར་སོང་བ་ལའང་ཅི་རིགས་པར་ཤེས་པར་བྱའོ། །༼བདག་པོ་དང༌། ཡེ་ཤེས་སེམས་དཔའ་རྣམས་ནི་སྔགས་ཀྱི་བདག་པོ་སྟེ། རིགས་སོ་སོའི་རིགས་ཀྱི་དབྱེ་བས་ཕྱེ་བའི་ཡེ་ཤེས་སེམས་དཔའ་ཅི་ལྟར་རིགས་པར་
བསྒོམ་པ་ནི་སྔགས་ཀྱི་བདག་པོ་བསྒོམས་པ་ཡིས་ཞེས་བྱའོ།། ༈ སྒྲུབ་པ་༼བདག་པོ་དང་ཞེས་པ་འགྱུར་གསར་གཉིས་ལ་མེད་དོ། །༽ཆེན་པོ་ཞེས་གསུངས་པའི་སྒྲུབ་པ་ཆེན་པོ་དེ་སྐྱེད་པར་བྱེད་པའི་ཚེ་ན་ཡེ་ཤེས་རྡོ་རྗེ་ཅན་གྱིས་ཏེ། 
༼ཐུགས་རྗེ་ཞབས་ཀྱིས་ཡེ་ཤེས་སེམས་དཔའ་ནི་རྡོ་རྗེ་འཆང་བཞིན་དུ་དང༌། ཏིང་ངེ་འཛིན་སེམས་དཔའ་ནི་རང་རང་གི་ཁ་དོག་ཅན་སྒོམ་པར་བཤད་པའི་སྔ་མ་ནི། འགྲེལ་པར་ཡེ་ཤེས་སེམས་དཔའ་རིགས་ཀྱི་དབྱེ་བས་སྒོམ་པར་གསུངས་པ་དང་འགལ་བས། སྙིང་པོ་བསྐུལ་བའི་སྐབས་ལྟ་བུ་དམིགས་
བསལ་ཅན་མ་གཏོགས་པའི་སྐབས་སུ། རྣམ་སྣང་ལ་སོགས་པ་གཞན་ལ་རང་འདྲའི་ཡེ་ཤེས་སེམས་དཔའ་དང་། དེའི་ས་བོན་གྱི་ཡི་གེ་ཏིང་ངེ་འཛིན་སེམས་དཔར་བྱའོ། །༼སྒྲུབ་པ་པོ་རང་གི་ལྷག་པའི་ལྷའི་སྦྱོར་བ་སྟེ་རྣལ་འབྱོར་དང་ལྡན་པའི་སྔགས་པས་
རང་རིགས་ཀྱི་ཕྱག་རྒྱ་འདུ་བྱ་བ་དང་རྡོ་རྗེ་དང་པདྨ་མངོན་པར་འདུ་བྱས་པ་སྔོན་དུ་འགྲོ་བའི་སྙོམས་པར་འཇུག་པ་བྱས་ལ། ཡུམ་གྱི་པདྨའི་ནང་དུ་ཐིག་ལེ་དང་ལྷ་རང་རང་གི་སྔགས་བཛྲ་དྷྲིཀ་ཅེས་བྱ་བ་ལ་སོགས་པའི་སྔགས་སོ་གཉིས་པོ་དེ་ལས་བྱུང་བའི་རྡོ་
རྗེ་ཅན་ཏེ། དཀྱིལ་འཁོར་པའི་དེ་བཞིན་༼མངལ་དུ་བསྐྱེད་པ་ལ་རང་རང་གི་ས་བོན་ཨོཾ་ལ་སོགས་པ་ལས་བསྐྱེད་པ་དང༌། བཛྲ་ངྕཱ་ཀ་ལ་སོགས་པའི་མཚན་སྔགས་ལས་བསྐྱེད་པ་གཉིས་ཡོད་པས་གང་རུང་གིས་ཆོག་མོད་ཀྱང༌། མདོར་བྱས་ལོ་ཆེན་གྱིས་བསྒྱུར་བ་དག་པ་རྣམས་ལས་
4-2-249b


འབྱུང་བ་ནི། ས་བོན་རྣམས་སྐྱེད་སྔགས་དང༌། མཚན་སྔགས་རྣམས་འབྱིན་སྔགས་སུ་མཛད་པའོ། །༽གཤེགས་པ་རྣམས་ཏེ་ཐམས་ཅད་ནི་རང་སྔགས་རྡོ་རྗེ་ཅན་ནོ། །དེ་རྣམས་ཀྱི་གཟུགས་ཏེ་ཕྱག་རྒྱ་ཆེན་པོའི་གཟུགས་བསྒོམས་ནས། དབུ་རྒྱན་ལ་ནི་བདག་པོ་
བསམ། །ཞེས་བྱ་བ། དེ་བཞིན་གཤེགས་པ་ལྔའི་ཕྱག་རྒྱ་ཆེན་པོའི་གཟུགས་ཀྱི་རལ་པ་དང༌། རལ་པའི་དབུ་རྒྱན་ལ་ནི་བདག་པོ་སྟེ་རྡོ་རྗེ་འཆང་ཆེན་པོ་བསམས་ལ། ཞེས་པ་དང་འུ་༼ཞེས་པས་ནི་དཀྱིལ་འཁོར་རྒྱལ་མཆོག་རྫོགས་པར་བསྒོམ་པ་སྟོན་ནོ། །
༽བཅོ་ལྔ་པ་དང་མདོར་བྱས་ལས་རིགས་ལྔ་ག་ལ་མི་བསྐྱོད་པའི་དབུ་རྒྱན་བཤད་པ་ནི་མི་འགལ་ཏེ། དེ་གཉིས་གང་བྱས་ཀྱང་ཆོག་པར་སྟོན་པའི་དོན་ཡིན་གྱི་ངེས་བཟུང་མིན་པའི་ཕྱིར་རོ། །རྣམ་སྣང་སོགས་དེའི་རིགས་ལྷག་མ་སྤྱན་མ་ལ་སོགས་པ་རྣམས་ཀྱི་དབུ་རྒྱན་ལ་ནི་རྣམ་
པར་སྣང་མཛད་ལ་སོགས་པ་བསམས་ན་འགྲུབ་པར་འགྱུར་རོ། །ཞེས་བྱ་བ་དངོས་གྲུབ་འཐོབ་པར་འགྱུར་བ་སྟེ། སྒྲ་ཇི་བཞིན་པའོ། ། ༈ དེ་ལྟར་བསྙེན་པ་ཉེར་སྒྲུབ་སྒྲུབ་པ་གསུམ་གྱི་སྦྱོར་བ་བཞི་དང་སྒྲུབ་པ་ཆེན་པོའི་རིམ་གྱིས་
རྡོ་རྗེ་སེམས་དཔའ་མཉེས་པར་བྱ་བ་སྟེ་བྱས་པས་རྒྱུད་སྨིན་པར་བྱེད་པ་༼སྒྲུབ་ཆེན་ལ་ལས་རྒྱལ་མཆོག་ཀྱང་ཡོད་མོད་ཀྱང༌། འདིར་རྒྱུད་ནས་མ་གསུངས་པ་ནི། འདི་ཉིད་ཀྱི་སྐབས་གཞན་ནས་གསུངས་པས་ཁ་འགེངས་པ་ལ་དགོངས་སོ།།༽བསྟན་
ནས། ད་ནི་འཆད་པའི་ཡན་ལག་དྲུག་གི་རིམ་གྱིས་འབྲས་བུའི་རྡོ་རྗེ་འཆང་ཆེན་པོར་རྫོགས་པར་བྱ་བ་གསུངས་ཏེ། གསང་བ་འདུས་པའི་རྒྱུད་ཕྱི་མ་ལས། ཐུན་མོང་བ་དང་མཆོག་གི་སྟེ་ཐུན་མོང་མ་ཡིན་པའི་བསྙེན་པའི་དབྱེ་བ་
4-2-250a


ཡིས། །བསྙེན་པ་ལ་ཕྱེ་ན་རྣམ་པ་གཉིས་སུ་འགྱུར། ཐ་མལ་པའམ་ཐུན་མོང་བ་ནི་རྡོ་རྗེ་བཞིས། །༼རྡོ་རྗེ་བཞི་ཞེས་པ་ནི་འདིར་སྒྲུབ་ཐབས་བསྡུས་པ་ཙམ་སྟོན་པ་མིན་གྱི་བསྐྱེད་རིམ་སྤྱིར་སྟོན་པའི་སྐབས་ཡིན་པས། སྔར་བཤད་པའི་༼
ཐུན་མོང་བའི་དོན་ནི། ལམ་འདིའི་རྣལ་འབྱོར་པ་མཆོག་སྒྲུབ་པ་དང༌། འཇིག་རྟེན་པའི་དངོས་གྲུབ་དོན་དུ་གཉེར་བ་གཉི་ག་དང་པོར་བསྒྲུབ་པ་ནི་བསྐྱེད་རིམ་མོ། །༼བསྙེན་སྒྲུབ་ཡན་ལག་བཞི་ལ་བྱའོ། །འོ་ན་སྔ་མ་འདིར་མ་འདུས་པའི་བསྐྱེད་རིམ་པའི་ཉེར་སྒྲུབ་སོགས་དགོས་པས་དེ་གང་ཡིན་སྙམ་ན། འདི་
ནི་རྒྱུད་ཕྱི་མའི་འགྲེལ་པ་དང་བསྟུན་ན། སྔར་བཤད་པའི་བསྐྱེད་རིམ་པའི་སྙིང་པོ་བསྐུལ་བ་ན་ཉེར་སྒྲུབ་དང༌། བསྐྱེད་རིམ་པའི་སྤྱོད་པ་དང་ལྷ་ལ་དྲག་ཤུལ་བྱེད་པ་ནི་སྒྲུབ་པར་གསལ་ལ། སྒྲུབ་ཆེན་ནི་རྒྱུད་ཕྱི་མ་རྩ་འགྲེལ་གཉིས་ཀ་ལས་མི་གསལ་ཡང༌། འགྲེལ་པ་འདིར་ལས་རྒྱལ་མཆོག་སྒྲུབ་ཆེན་
དུ་བཤད་ལ། མདོ་བསྲེ་ལས། འཇིག་རྟེན་པའི་དངོས་གྲུབ་སྒྲུབ་པ་ཐམས་ཅད་ལས་རྒྱལ་མཆོག་ཏུ་བཤད་པ་ནི། བསྙེན་པའི་དུས་ཀྱི་ལས་རྒྱལ་མཆོག་མིན་ཞིང་། སྒྲུབ་ཆེན་གྱི་ལས་རྒྱལ་མཆོག་ཡིན་པས་དེ་ཉིད་ལ་འདིར་སྒྲུབ་ཆེན་དུ་བྱའོ། །དེ་ལྟར་བཤད་པའི་བསྙེན་སྒྲུབ་བཞི་ལ་སྒྲུབ་ཐབས་ཀྱི་
བསྙེན་སྒྲུབ་བཞི་ལྟར་སྔ་ཕྱིའི་གོ་རིམ་ངེས་པ་མི་སྣང་ངོ༌། །༽སྒྲུབ་པ་ཡིན་ལ། ཐུན་མོང་མ་ཡིན་པའམ་མཆོག་ནི་སོར་སྡུད་སོགས་ཡན་ལག་དྲུག་གིས་སྒྲུབ་པའོ་སོ།། ༈ ཞེས་བྱ་བའི་དོན་མཆོག་གི་བསྙེན་པ་བསྟན་པར་བྱ་བའི་ཕྱིར། བསྙེན་པའི་
ཡེ་ཤེས་ཞེས་བྱ་བ་ལ་སོགས་པ་གསུངས་ཏེ། བསྙེན་ཅིང་སྟེ་ཐར་པ་མཆོག་གི་དངོས་གྲུབ་འདོད་པའི་༼ཐུན་མོང་མ་ཡིན་པ་ནི་བསྐྱེད་རིམ་མཐར་ཕྱུང་བའི་རྫོགས་རིམ་པ་ཉིད་ཀྱིས་བསྒྲུབ་པའི་ཡན་ལག་དྲུག་ལ་སོགས་པའི་རྫོགས་རིམ་མོ། །༽རྫོགས་རིམ་པ་རྣམས་
4-2-250b


ཀྱིས་བསླབ་པར་བྱ་བ་ཡིན་པས་ན་བསྙེན་པའོ། །དེ་ལྟར་འདོད་པའི་ཐར་པ་དེ་གང་ཡིན་ཞེ་ན། སྒྲིབ་གཉིས་ཡོངས་སུ་དག་པའི་ཟུང་འཇུག་གི་ལྷའི་སྐུའོ། །འབྲས་བུ་དེ་ནི་ཡེ་ཤེས་བདུད་རྩི་སྟེ། །སློབ་ལམ་པའི་ཡན་ལག་དྲུག་གི་སྦྱོར་བས་བྱ་ཞིང་བསྐྱེད་པར་བྱའོ། །
ཐམས་ཅད་དུ་ནི་རྣམ་པ་ཐམས་ཅད་ཀྱི་བདག་ཉིད་དུའོ། །རྟག་ཏུ་ནི་དྲུག་པོ་དེ་དུས་ཐམས་ཅད་དང་སྤྱོད་ལམ་༼འདི་ནི་རྒྱུད་ཕྱི་མ་ལས། མཆོག་ནི་ཡེ་ཤེས་བདུད་རྩི་ཉིད། །སྦྱོར་བ་དྲུག་གིས་བྱ་བ་ཡིན། །ཞེས་གསུངས་པ་ཇི་ལྟ་བ་བཞིན་ཡིན་ནོ། །འདིའི་འགྲེལ་པར་མཆོག་གི་ཞེས་འབྱུང་བ་
བདེའོ། །༸ཞེས་པ་ནི་ཡན་ལག་དྲུག་ཀ་ཚང་བའི་བདག་ཉིད་ཀྱི་ལམ་རྫོགས་པར་བསྐྱེད་པའི་དོན་ནོ། ། ཐམས་ཅད་དུ། བསྒོམ་མོ་འོ། །ནི་ཞེས་བྱ་བ་ནི་ངེས་པའོ། །འདི་ནི་ཞེས་པ་ནི་ཡེ་ཤེས་བདུད་རྩི་ཞེས་བྱ་བའི་སྒྲུབ་བྱེད་ཡན་ལག་དྲུག་གི་སྦྱོར་བའོ། །སྔགས་
རྣམས་ཐམས་ཅད་ཀྱི་ཞེས་བྱ་བ་ནི་དེ་བཞིན་གཤེགས་པ་ཐམས་ཅད་ཀྱིའོ། །སྔགས་ནི་སྦྲུལ་ཞེས་བྱ་བ་ལ་སོགས་པའི་དྲང་དོན་དང་ངེས་དོན་༼པ་ཚབ་ཀྱི་འགྱུར་ལས། བསྙེན་པའི་ཡེ་ཤེས་བདུད་རྩི་ཡི། །ཁོ་ནས་ཐམས་ཅད་དུ་བརྟག་བྱ། །ཞེས་དང༌། ཁོ་ནའི་སྒྲ་ནི་ངེས་པར་བཟུང་
བའོ། །ཞེས་འབྱུང་ངོ༌། །༽གྱི་སྔགས་རྡོ་རྗེ་བཟླས་པའོ། །དེའི་དེ་ཁོ་ན་ཉིད་ནི་ལྷའི་དེ་ཁོ་ན་ཉིད་ཟུང་འཇུག་མཐར་ཐུག་པའོ་དོ། །སྔགས་དེ་དག་གི་དོན་ནི་འབྲས་བུ་སྟེ། འབྲས་བུ་དེ་ཡན་ལག་དྲུག་གིས་སྒྲུབ་པས་ན་སྔགས་ཀྱི་ཉིད་དོན་བསྒྲུབ་པ་ཞེས་པ་སྟེ། བསྡུ་ན་
སྔགས་ཀྱི་དེ་ཉིད་ཀྱི་དོན་མཐར་ཐུག་པ་སྒྲུབ་པ་ནི། དེ་བཞིན་གཤེགས་པ་ཐམས་ཅད་ཀྱི་མན་ངག་སྦྱོར་བ་ཡན་ལག་དྲུག་ཡིན་ནོ་ཞེས་པའོ། །༼གང་གི་ཕྱིར། ༽དེ་བས་ན་སྒྲུབ་པའི་ཡན་ལག་དྲུག་པོ་འདི་དག་གིས་བསྒྲུབས་ཏེ། དེ་བས་ན་སྟེ་དེའི་ཕྱིར་ཡན་ལག་དྲུག་པོ་དེ་
4-2-251a


ཉིད་ཀྱིས་བསྙེན་པ་ལ་སོགས་པ་བྱའོ། ༈ མཆོག་གི་བསྙེན་པ་དེའི་སོ་སོར་སྡུད་པ་ལ་སོགས་པའི་ཡན་ལག་རེ་རེ་ནས་བཤད་པ་ནི། གསང་བ་འདུས་པའི་རྒྱུད་ཕྱི་མ་ལས། བསྙེན་པའི་དབྱེ་བ་ལ་ཡན་ལག་དྲུག་ཏུ་ནི། །༼
འགྱུར་གསར་གཉིས་ལ་སོགས་མེད་པ་ལྟར་བྱའོ། །༼གལ་ཏེ་ཡན་ལག་དྲུག་ཀ་བསྙེན་པར་བྱེད་ན་རྫོགས་རིམ་ལ་བསྙེན་སྒྲུབ་ཡན་ལག་བཞིར་བྱེད་པ་མི་འཐད་དེ། ཡན་ལག་དྲུག་པོ་དེར་མ་འདུས་པའི་རྫོགས་རིམ་འདིར་མེད་པའི་ཕྱིར་རོ་ཞེ་ན། འདི་ནི་ཤིན་ཏུ་བདེན་པ་ལྟར་སྣང་མོད་ཀྱང༌། ནཱ་རོ་པའི་རྒྱུད་
ཕྱི་མའི་འགྲེལ་པ་ལ་བརྟེན་ནས་བཤད་ན། སྔར་བཤད་པའི་རྫོགས་རིམ་པའི་སྙིང་པོ་བསྐུལ་བ་སྤྱོད་པ་ལ་བརྟེན་ནས་བྱེད་པ་དེ་རྫོགས་རིམ་གྱི་ཉེར་སྒྲུབ་དག་རྫོགས་རིམ་པའི་སྤྱོད་པ་གཞན་དང་དྲག་ཤུལ་སྒྲུབ་པ་དེ་སྒྲུབ་པ་དང༌། ཏིང་ངེ་འཛིན་གྱི་ཡན་ལག་ཟུང་འཇུག་ལོངས་སྐུ་ནི་བསྙེན་པར་བཞག་ལ། ཟུང་
འཇུག་པས་དཀྱིལ་འཁོར་རྒྱལ་མཆོག་སྤྲུལ་པ་སྒྲུབ་ཆེན་ནོ། །སྒྱུ་ལུས་པས་སྤྱོད་པ་དང་མ་འབྲེལ་བར་འོད་གསལ་སྒོམ་པ་ནི་བསྙེན་པར་གཞག་དགོས་ལ། དེ་བཞིན་དུ་སྤྱོད་པ་དང་མ་འབྲེལ་བའི་སེམས་དབེན་སྒོམ་པ་ཡང་བསྙེན་པའོ། །དེ་ལྟར་བཤད་པའི་བསྙེན་སྒྲུབ་བཞི་ལ་སྔ་ཕྱིའི་གོ་རིམ་ངེས་པ་ནི་མི་སྣང་ངོ༌།།
༼བྱས་ནས་མཆོག་གི་དངོས་གྲུབ་ཏུ་བསྒྲུབ་པར་བྱའོ། །དེ་ལྟར་བྱེད་པ་དེ་ལས་གཞན་དག་གིས་ནི་ཞེས་པ་དྲུག་པོ་དེ་དང་བྲལ་ནས་བསྐྱེད་རིམ་གྱིས་བསྒྲུབས་པར་གྱུར་ན། །དེ་ཙམ་གྱིས་དངོས་གྲུབ་མཆོག་འགྲུབ་པར་ཏུ་མི་འགྱུར་རོ། ༈ སོ་སོར་སྡུད་
དང་བསམ་གཏན་དང༌། །སྲོག་རྩོལ་དེ་བཞིན་འཛིན་པ་དང༌། །རྗེས་སུ་དྲན་དང་ཏིང་འཛིན་རྣམས། །སྦྱོར་བའི་ཡན་ལག་དྲུག་ཅེས་༼ཞེས་པའི་དོན་ཡིན་གྱི་རྫོགས་རིམ་ལས་གཞན་དུ་གྱུར་པའི་བསྐྱེད་རིམ་སངས་རྒྱས་ཀྱི་རྒྱུ་མིན་པར་སྟོན་པ་གཏན་མིན་ནོ།། ༼བྱ། །
4-2-251b


མདོར་བསྟན་པ་འདི་རྒྱས་པར་བཤད་པར་བྱ་བའི་ཕྱིར། དབང་པོ་བཅུ་པོ་རྣམས་ཀྱི་ཡང་། །རང་གི་འཇུག་གནས་ཐམས་ཅད་དུ། །འདོད་པ་སོ་སོར་སྡུད་པས་ན། །སོ་སོར་སྡུད་པ་ཞེས་བཤད་དོ། །འདོད་པ་ལྔ་ནི་མདོར་བསྡུས་ནས། །སངས་རྒྱས་ལྔ་རུ་སྦྱོར་བ་
ཡིས། །བརྟག་པ་བསམ་གཏན་ཞེས་བཤད་དེ། །བསམ་གཏན་དེ་ནི་༼ཡང་ཞེས་པ་འདི་ཆག་འགྱུར་ལ་མེད་ཅིང་འགྲེལ་པར་ཡང་དེ་ལ་བཤད་པ་མེད་དོ། །༽རྣམ་ལྔར་འགྱུར། །རྟོག་དང་དཔྱོད་དང་དགའ་བ་དང༌། །དེ་བཞིན་བདེ་བ་ཉིད་དང་ཡང་། །སེམས་ཀྱི་རྩེ་
གཅིག་ཉིད་དག་སྟེ། །ལྔ་པོ་དེར་ནི་བསམ་གཏན་བསྡུ། །གསང་བའི་རྒྱུད་ནི་ཐམས་ཅད་དུ། །རྣམ་པ་དུ་མར་ཡོངས་བཤད་པ། །གསང་བ་གསུམ་བྱུང་རྟོག་པ་སྟེ། །དེ་ཡི་ལོངས་སྤྱོད་དཔྱོད་པ་འོ། །དགའ་ལ་རེག་པ་གསུམ་པ་སྟེ། །བདེ་བས་བསྡུས་པ་བཞི་པ་འོ། །
ཤེས་དང་ཤེས་བྱ་བྱུང་ཟད་པའི། །རང་སེམས་ལྔ་པར་ཤེས་པར་བྱ། །སངས་རྒྱས་ཀུན་དངོས་ཞི་བ་ནི། །འདོད་པ་ཀུན་ལ་རབ་ཏུ་༼ནི༽གནས། །ཡེ་ཤེས་ལྔ་ཡི་རང་བཞིན་དབུགས། །འབྱུང་བ་ལྔ་ཡི་ངོ་བོ་ཉིད། །གོང་བུའི་གཟུགས་ཀྱིས་
ཕྱུང་ནས་ནི། །སྣ་ཡི་རྩེ་མོར་རབ་ཏུ་བརྟག། རིན་ཆེན་ཁ་དོག་སྣ་ལྔ་པ། །སྲོག་དང་རྩོལ་བ་ཞེས་བྱར་བཤད། །རང་སྔགས་སྙིང་གར་བསམས་༼ཐམས་ཅད་ནམ་མཁའ་ལ་རབ་གནས། །༽ནས་ནི། །སྲོག་ནི་ཐིག་ལེར་གྱུར་པ་བཞག། རང་དབང་རིན་ཆེན་དགག་
པ་ཡི། །གཟུང་བ་འཛིན་པ་ཡིན་པར་བཤད། །སེམས་ནི་འགོག་པའི་རྡོ་རྗེར་གྱུར། །མཚན་མ་ཉེར་འཛིན་འབྱུང་བར་འགྱུར། །མཚན་མའི་ཁམས་ནི་རྣམ་པ་ལྔར། །བྱང་ཆུབ་རྡོ་རྗེས་གསུངས་པ་ཡིན། །སྨིག་རྒྱུ་འདྲ་བ་དང་པོ་སྟེ། །དུ་བ་ལྟ་བུ་གཉིས་
4-2-252a


པ་ཡིན། །མཁའ་སྣང་འདྲ་བ་གསུམ་པ་སྟེ། །མེ་མར་ལྟར་འབར་བཞི་པ་འོ། །སྤྲིན་མེད་ནམ་མཁའ་ལྟ་བུར་ནི། །རྟག་ཏུ་སྣང་བ་ལྔ་པ་འོ། །བརྟན་གྱུར་རྡོ་རྗེའི་ལམ་ནས་ནི། །ནམ་མཁའི་ཁམས་སུ་སྤྲོ་བར་བྱ། །རྗེས་དྲན་གང་ཞིག་རྣམ་སྒོམ་པ། །
དེ་དང་འདྲ་བར་སྤྲོ་བར་བྱ། །རྗེས་སུ་དྲན་པ་ཞེས་བཤད་དེ། །སོ་སོར་སྣང་བ་དེ་ལས་སྐྱེ། །ཐབས་དང་ཤེས་རབ་སྙོམས་འཇུག་པས། །དངོས་པོ་ཐམས་ཅད་མདོར་བསྡུས་པ། །གོང་བུའི་ཚུལ་གྱིས་བསྡུས་ནས་ནི། །དབུས་སུ་གཟུགས་ནི་རྣམ་པར་བསྒོམ། །ཡུད་
ཀྱིས་ཡེ་ཤེས་རྫོགས་བྱེད་པ། །ཏིང་ངེ་འཛིན་ཞེས་བཏགས་པ་ཡིན། །ཞེས་གསུངས་སོ།། ༈ སོ་སོའི་བཤད་པ་བསྟན་པར་བྱ་བའི་ཕྱིར། དབང་པོ་བཅུའི་ཞེས་བྱ་བ་ལ་སོགས་པ་གསུངས་ཏེ། མིག་ལ་སོགས་པའི་དབང་པོ་རྣམས་དང་དབང་པོ་དེ་
རྣམས་ཀྱི་ཡུལ་གཉི་ག་ནི་དབང་པོ་སྟེ། ཡུལ་རྣམས་ལའང་དབང་པོའི་སྒྲ་ཉེ་བར་བཏགས་ནས་དབང་པོ་བཅུར་བཤད་དོ། །དབང་པོ་བཅུ་པོ་ཡུལ་དང་ཡུལ་ཅན་དེ་རྣམས་ཀྱི་རང་གི་འཇུག་པ་ནི་ཡུལ་ཇི་ལྟར་ཡིན་པ་དེ་ལྟར་དབང་པོ་རང་ཉིད་ཀྱི་གཟུགས་སོགས་ལྔ་བཟུང་
བ་དང་མིག་སོགས་ལྔ་འཛིན་པའི་རང་བཞིན་གྱིས་འཇུག་པ་ནི་རང་གི་འཇུག་པའོ། །འཇུག་པ་དེར་གནས་པས་ན་རང་གི་འཇུག་གནས་སོ། །ཐམས་ཅད་དུ་ནི་ལའི་དོན་ནོ། །གཟུགས་སོགས་ལྔ་པོ་རེ་རེ་ལ་ཡང་དམན་པ་དང་བར་མ་དང་མཆོག་གི་བྱེ་བྲག་གིས་
ཕྱེ་བའི་ཡུལ་རྣམས་སོ། །འདོད་པ་སོ་སོར་སྡུད་པས་༼རྒྱུད་གཞན་ལས་སོ་སོར་སྡུད་པའི་དོན་ཡུལ་ལྔ་ལ་ཕར་མི་གཏོང་བར་ཚུར་བཀུག་ནས་སེམས་ནང་དུ་འཛིན་པ་ལ་བཤད་པ་དང༌། འདིར་ཡུལ་ལྔ་ལ་ཡང་ཡང་སྤྱོད་པ་སོར་སྡུད་ཀྱི་དོན་དུ་བཤད་པ་གཉིས་མི་འགལ་ཏེ། སྔ་མ་ནི་སྔར་སྲོག་
4-2-252b


དབུ་མར་མ་ཚུད་པ་གཅིག་གིས་དབུ་མ་སྦྱོང་བའི་དོན་དུ་སྒོམ་པའི་སྐབས་ཡིན་པས། དེ་ལ་ནི་ཡུལ་ལ་འཕྲོ་བ་འགུགས་དགོས་ལ། འདིར་བཤད་པ་ནི་སྲོག་བསྡུས་པ་ལས་ལྷན་སྐྱེས་ཀྱི་དགའ་བ་མཉམ་བཞག་ཏུ་དྲངས་པའི་རྗེས་ཐོབ་ཏུ། ཡུལ་ལ་འཕྲོ་བ་མི་འགོག་པར་གང་ཤར་གྱི་སྣང་བ་ལ་སྔར་གྱི་བདེ་བ་དྲན་ནས་རྒྱས་
བཏབ་པས། ཡུལ་སྣང་ཐམས་ཅད་བདེ་བ་འབར་བའི་གྲོགས་སུ་འགྲོ་བ་ལ་དགོངས་པའི་ཕྱིར་དང༌། རྒྱུད་ཕྱི་མའི་སོར་སྡུད་སོགས་ཀྱི་དོན་རྣམས་ནཱ་རོ་པས་རྒྱུད་ཕྱི་མའི་འགྲེལ་པར་སྒྲོན་གསལ་བཞིན་དུ་བཤད་ཅིང་། དབང་མདོར་བསྟན་གྱི་འགྲེལ་པར་དུས་འཁོར་བཞིན་བཤད་པའི་ཕྱིར་རོ། །དེས་ན་སོར་སྡུད་ལྟ་བུ་གཅིག་གི་རྡོ་
རྗེའི་ཚིག་ལ་ཚུལ་མི་འདྲ་བ་མང་དུ་འོང་བ་མི་ཤེས་པར་བཤད་པ་གཅིག་ཁོ་ན་ཚད་མར་བྱས་ནས་གཞན་སྤོང་བ་དང༌། མི་འགྲིག་བཞིན་དུ་དོན་གཅིག་ཏུ་འཆད་པ་ནི་ཐོས་རྒྱ་ཆུང་བ་དང༌། བློ་དམན་པར་སྟོན་པ་ཙམ་མོ། །༽ན། ཞེས་བྱ་བ་ནི། འདིས་འདོད་པ་དང་འདི་འདོད་པ་གཉིས་ལས་འདིར་ནི་གཉིས་པ་སྟེ་
འདོད་ཅིང་ཆགས་པར་བྱ་བ་ཡིན་པས་ན། འདོད་པ་སྟེ་གཟུགས་ལ་སོགས་པལྔའོ། །དེ་རྣམས་ལ་དབང་པོ་རྣམས་ཀྱིས་གང་སོ་སོར་ཡང་དང་ཡང་དུ་སྡུད་ཅིང་ལེན་པས་ན། ༼འདི་ཐུན་མོང་གི་བསྙེན་པ་རྡོ་རྗེ་བཞི་མཐར་ཕྱིན་ནས་མཆོག་གི་བསྙེན་པ་ལ་འཇུག་པའི་རྣལ་འབྱོར་པའི་དབང་
པོས་ཡུལ་ལོངས་སྤྱོད་པ་ཡིན་མོད་ཀྱང༌། དེ་ཙམ་ཞིག་སོར་སྡུད་བསྒོམ་པའི་ལམ་མ་ཡིན་ཏེ། དེ་ནི་ཡིད་ཀྱི་ཤེས་པ་ཉིད་ལ་བཞག་དགོས་པའི་ཕྱིར་རོ། །དེས་ན་ཡན་ལག་དྲུག་གི་ཡ་གྱལ་གྱི་སོར་སྡུད་ནི། དབང་པོས་ཡུལ་ལ་ལོངས་སྤྱོད་པའི་ཚེ་མཉམ་བཞག་གི་ལུས་དབེན་གྱི་བདེ་བ་ཆེན་པོའི་བདེ་སྟོང་གིས་རྒྱས་བཏབ་ནས་
ལོངས་སྤྱོད་པའི་རྣལ་འབྱོར་ཡིན་པས། སོར་སྡུད་ནི་རྗེས་ཐོབ་ཏུ་སྐྱོང་བའི་ལུས་དབེན་ནོ། །༽སོ་སོར་སྡུད་པ་༼སོ་སོའི་སྐད་དོད་པྲ་ཏཱི་ནི་རྟེན་འབྲེལ་ཀྱི་སྐབས་སུ་ཚིག་གསལ་ལས་ཕྲད་པ་དང་ཟློས་པའི་དོན་དུ་བཤད་དོ། །སོ་སོར་ཐར་པའི་སྐད་དོད་པྲ་ཏཱི་མོཀྵའི་དོན་མཛོད་ལས་དང་པོར་ཐར་པའི་དོན་དུ་བཤད། པྲ་
4-2-253a


ཏི་ཙྪའི་དོན་སོ་སོར་བཞེས་པའི་དོན་དུ་བཤད་པ་མང་ཡང༌། འདིར་ནི་ཟློས་པའི་དོན་ཡང་དང་ཡང་དུ་ཞེས་པ་ལ་བཟུང་ངོ༌། །དེས་ན་སྒྲོན་མ་རབ་གསལ་ལས་གཟུགས་སོགས་རེ་རེ་ལ་སྤྱོད་པ་གཟུགས་སོགས་སོ་སོར་སྡུད་པའི་དོན་དུ་བཤད་པ་ནི་འདིའི་དོན་མིན་ནོ། །སྡུད་པ་ལ་ཡང་དོན་མང་དུ་ཡོད་ཀྱང་
འདིར་ནི་ཁྲལ་བླངས་པ་ལ་ཁྲལ་བསྡུས་ཟེར་བ་ལྟར་ཡིན་ལ། དེ་ཡང་འདོད་ཡོན་ལྔ་ལ་ཡང་ཡང་སྤྱོད་པའོ། །༽ཞེས་བྱ་སྟེ། ཡན་ལག་དང་པོའི་བཤད་པའོ།། ༈ སོ་སོར་སྡུད་པ་རྣམ་པར་སྦྱོང་བར་བྱ་བའི་དོན་དུ་ཡན་ལག་གཉིས་པ་བསྟན་པའི་ཕྱིར། འདོད་པ་ལྔ་ནི་
ཞེས་བྱ་བ་ལ་སོགས་པ་གསུངས་ཏེ། འདོད་པ་ལྔ་ནི་དབང་པོ་ལྔའི་༼ཞེས་པ་ནི་སོར་སྡུད་ཀྱི་སྐབས་སུ་བསམ་གཏན་གྱི་སྐབས་ལྟར་ཡུལ་རྣམས་ལྷར་བལྟ་བ་མེད་པས་སྣང་བ་རང་འགའ་བ་དེ་ལྷར་བསྒོམས་ནས་སྦྱོང་བའི་དོན་དུ་བསམ་གཏན་བསྒོམ་པ་ཡིན་ནོ། །༽ཡུལ་དུ་གྱུར་པ་གཟུགས་
ལ་སོགས་པ་ལྔའོ་ནི་མདོར་བསྡུས་ནས་ཏེ་དབང་པོ་རྣམས་དང་གཅིག་ཏུ་གྱུར་ནས་སོ། །སངས་རྒྱས་ལྔ་ནི་མིག་ལ་སོགས་པའི་དབང་པོ་ལྔ་སྟེ། དེ་རྣམས་ཀྱི་སྦྱོར་བ་ནི་མིག་ལ་སོགས་པ་ལྔ་རྣམ་སྣང་ནས་མི་བསྐྱོད་པའི་བར་གྱི་ཡང་དག་པར་སྦྱོར་བས་༼
ཞེས་པ་ནི་དབང་པོ་དང་ཡུལ་ཡུལ་ཅན་དུ་ལྷན་ཅིག་ཏུ་འདུས་པའི་དབང་པོ་དང་ཡུལ་གཉིས་ཀའོ། །༽སངས་རྒྱས་ལྔ་རུ་སྦྱོར་བ་ཡིས་ཏེ། དེ་བས་ན་གཟུགས་ལ་སོགས་པ་རྣམས་ཀྱང་སངས་རྒྱས་རིགས་ལྔ་ཡིན་ནོ། །ཞེས་དེ་རྣམས་ཀྱང་སངས་རྒྱས་ལྔར་སྦྱོར་རོ། །སྦྱོར་
ལུགས་དེ་ལྟར་གྱུར་པའི་ཐ་མལ་གྱི་སྣང་བ་ཡོངས་སུ་དག་པའི་བརྟག་པ་དེ་ནི་བསམ་གཏན་ཞེས་བཤད་དོ། །༼བསམ་གཏན་སྤྱིའི་མཚན་ཉིད་བཤད་པའི་སྐབས་འདིར། བསམ་གཏན་གྱིས་ཡུལ་དབང་ལྷར་སྒོམ་པར་བཤད་པ་ནི་མཚོན་པ་ཙམ་སྟེ། ལུས་དབེན་གྱི་སྐབས་ལྟར་
4-2-253b


ཕུང་སོགས་ལྷར་སྒོམ་པ་ཡང་ཤེས་པར་བྱ་ལ། ལྷའི་སྐུ་ཁོ་ན་སྒོམ་པར་མི་བཟུང་སྟེ་ལྷའི་དེ་ཁོ་ན་ཉིད་སྒོམ་པ་ཡང་དགོས་པར་རྒྱས་བཤད་ཀྱི་སྐབས་ལས་ཤེས་སོ། །༽དེ་ཡང་རྟོག་པ་ལ་སོགས་པའི་དབྱེ་བས་རྣམ་པ་ལྔར་འགྱུར་ཏེ། རྟོག་དང་ཞེས་བྱ་བ་ལ་སོགས་པ་ནི་དེའི་དབྱེ་བ་
བཤད་པའོ། །གསང་བ་སྟེ་གསང་སྔགས་ཀྱི་རྒྱུད་ནི་ཐམས་ཅད་དུ་བཤད་པའི་དབང་པོ་དང་ཡུལ་དང་དབང་པོའི་ཤེས་པ་ནི་གསང་བ་གསུམ་སྟེ། དབང་པོ་ལྔ་དང་དབང་པོའི་ཤེས་པ་ལྔ་དང་དེའི་ཡུལ་ལྔ་རྣམས་ནི་དེ་བཞིན་གཤེགས་པ་རྣམ་པ་ལྔའི་བདག་ཉིད་ཡིན་ནོ་
ཞེས་གང་རགས་པའི་རྣམ་པར་རྟོག་པ་དེ་ནི་རྟོག་པའོ། །རྟོག་པ་དེའི་ལོངས་སྤྱོད་ཡུལ་དེ་ཉིད་ལ་ཞིབ་ཏུ་རྣམ་པར་དཔྱོད་པ་ནི་གནས་པ་ལ་དཔྱོད་པའོ། །འདི་གཉིས་ཀྱང་རྗེས་ཐོབ་ཏུ་སྐྱོང་བའི་ལུས་དབེན་ནོ། །དེ་ལྟར་རྟོག་དཔྱོད་ཀྱིས་དཔྱད་ནས་བདེ་བས་དེ་ཁོ་ན་ཉིད་ལ་འཇུག་པ་
ལ་མངོན་པར་ཕྱོགས་པས། ཡུལ་སྣང་རྣམས་བདེ་བ་འབར་བའི་གྲོགས་སུ་སོང་ནས་གང་ཚོར་བ་ཡིད་བདེ་བའི་མཚན་ཉིད་ཅན་མྱོང་བ་དེ་ནི་དགའ་བ་ལ་རེག་པའོ། །བདེ་བས་དེ་ཁོ་ན་ཉིད་ལ་མངོན་པར་ཞུགས་པས་ལུས་ཤིན་ཏུ་སྦྱངས་པ་དང་ལ་སོགས་
པས་སེམས་ཤིན་ཏུ་སྦྱངས་པའི་མཚན་ཉིད་ཅན་གྱི་ཤིན་སྦྱངས་ཀྱི་བདེ་བ་གང་ཐོབ་པ་དེ་ནི་བདེ་བས་བསྡུས་པའོ། །དེ་ལྟར་སྦྱངས་པ་སྟེ་གོམས་པ་ལས་རབ་ཀྱི་མཐར་ཐུག་པར་སོན་པའི་ཕྱིར། ཤེས་པ་སྟེ་མིག་ལ་སོགས་པ་དྲུག་གི་འཇུག་པའི་༼
ཚུལ་དེས་དགའ་བདེ་འཐོབ་ཚུལ་ནི། དང་པོར་འོག་སྒོའི་ཕྲ་མོ་བསྒོམས་པའི་དབང་གིས་བདེ་བ་ཆེན་པོ་ཐོབ་པ་ན། དེས་དེ་ཁོ་ན་ཉིད་ཀྱི་དོན་ངེས་པར་བྱས་ཏེ་བསྒོམས་པས། སྟོང་པ་ཉིད་རྟོགས་པའི་ཡིད་བདེ་ཁྱད་པར་ཅན་རེག་པ་སྟེ་འཐོབ་པ་དང༌། སྟོང་ཉིད་རྟོགས་པའི་ལུས་སེམས་ཤིན་ཏུ་སྦྱངས་པའི་བདེ་
4-2-254a


བ་འཐོབ་བོ། །༽རྣམ་པར་ཤེས་པ་དང༌། ཤེས་བྱ་སྟེ་གཟུགས་ལ་སོགས་པ་ནས་ཆོས་ཀྱི་ཁམས་ཀྱི་བར་དུ་བྱུང་བ་ནི་ཤེས་དང་ཤེས་བྱ་བྱུང་བའོ། །དེའི་ཟད་པ་ནི་སེམས་ཀྱི་གཟུང་བ་དང་འཛིན་པ་རྒྱངས་ཆད་དུ་སྣང་བའི་རགས་པའི་
གཉིས་སྣང་གཞན་གྱིས་སྟོང་པ་ཉིད་དེ། དེ་བས་ན་གཉིས་སྣང་རགས་པ་ལོག་པའི་ཡེ་ཤེས་ཀྱི་མཚན་ཉིད་ཀྱི་སེམས་རྩེ་གཅིག་པ་ལ་ནི་རང་སེམས་ཞེས་བྱའོ། །དེ་ལྟ་བུའི་སེམས་དེ་ནི་སངས་རྒྱས་ཀུན་གྱི་དངོས་པོ་སྟེ་རང་བཞིན་སྟོང་པ་ཉིད་ལ་ཞུགས་ཤིང་
ཞི་བ་སྟེ། སྣང་བ་ཙམ་དང་ཐམས་ཅད་སྟོང་པར་གཅིག་ཏུ་༼པ་ཚབ་ཀྱིས། དེ་ནི་ཐམས་ཅད་སྟོང་པ་ཉིད་གཅིག་པུའི་མཐར་ཐུག་པར་འགྱུར་ཏེ། ཞེས་བསྒྱུར་བ་བདེའོ། །༽མཐར་ཐུག་པར་འབྱུང་བར་འགྱུར་ཏེ། ༼འདི་ནི་སྔར་རབ་ཀྱི་མཐར་ཐུག་པར་སོན་པ་ཞེས་བཤད་པ་དེ་ཡིན་ནོ། །༼
ཞེས་པ་ནི་སྣང་བ་གསུམ་གྱི་བདག་ཉིད་སྟོང་པ་གསུམ་མོ། །ཙམ་གྱིས་སྒྲས་ཀུན་རྟོག་རྣམས་དེའི་དུས་ན་ཡོད་པ་གཅོད་དེ། ཞི་བའི་དོན་ནོ། །ནམ་མཁའ་ནི་སྟོང་པ་ཉིད་ཡིན་པས་ཐམས་ཅད་སྟོང་པ་བཞི་པའོ། །དེ་ལ་རབ་ཏུ་གནས་པ་ཞེས་པ་ནི་སྟོང་པ་གསུམ་རིམ་གྱིས་ཐིམ་ནས། ཐམས་ཅད་སྟོང་པ་ཉིད་གཅིག་
པུའི་མཐར་ཐུག་པར་འགྱུར་རོ། །༽ཡན་ལག་གཉིས་པའི་དབྱེ་བ་རྣམ་པ་ལྔའོ། །༼སངས་རྒྱས་ཞེས་པའི་རྐང་པ་གཉིས་ཀྱང་སེམས་རྩེ་གཅིག་པའི་བཤད་པར་སྣང་བས་སེམས་རྩེ་གཅིག་པ་ལ་སྟོང་པ་བཞིར་བྱའོ། །དེ་བཞིན་དུ་རྡོ་རྗེ་འཕྲེང་བའི་སྦས་བཤད་ཀྱི་ཁམས་འབྱུང་བ་བཞི་
སྤྱན་སོགས་བཞིར་སྒོམ་པའི་ལུས་དབེན་གྱི་སྐབས་སུ་ཡང༌། རླུང་དང་མེ་དང་ཆུ་དང་ས། །སྤྱན་ལ་སོགས་པ་བཞི་པོ་སྟེ། །ཡེ་ཤེས་བདག་ཉིད་ཅན་གསུམ་དུ། །ཤེས་བྱ་སངས་རྒྱས་བྱང་ཆུབ་སྟེར། །ཞེས་ཡེ་ཤེས་གསུམ་སྐྱེ་བ་གཅིག་བཤད་པ་ནི། སྒྲོན་གསལ་ལས། བསམ་གཏན་གྱི་
4-2-254b


སྐབས་སུ་སྟོང་པ་བཞི་འབྱུང་བར་བཤད་པ་དང་ཤིན་ཏུ་མཐུན་ལ། སྟོང་པ་བཞི་པ་ནི་དཔེའི་འོད་གསལ་ཡིན་ཏེ། དེ་ཉེར་ཐོབ་ཀྱི་ནང་དུ་བསྡུས་ནས་སེམས་དབེན་ཚུན་ཆད་དུ་སྟོང་པ་གསུམ་དུ་གསུངས་ཀྱང༌། དཔེའི་འོད་གསལ་ལོགས་སུ་བྱས་ན་སྟོང་པ་བཞིར་འགྱུར་རོ། །འདིའི་སྐྱེ་ཚུལ་ཁུངས་དང་བཅས་པ་ནི་རིམ་
ལྔ་གསལ་སྒྲོན་ལས་ཤེས་པར་བྱའོ།། ༈ ཡེ་ཤེས་ལྔ་ཡི་ཞེས་བྱ་བ་ལ་སོགས་པ་ལ། མེ་ལོང་ལྟ་བུ་ལ་སོགས་པ་ཡེ་ཤེས་ལྔ་ཡི་རང་བཞིན་གྱི་དབུགས་ཏེ། ཡང་ཡེ་ཤེས་ལྔའི་དབུགས་དེ་ཉིད་ས་ལ་སོགས་པའི་བདག་ཉིད་༼
ཡེ་ཤེས་ལྔའི་རང་བཞིན་ཞེས་པའི་རྐང་པ་བཞིས་གསང་བའི་སྣ་རྩེར་རྫས་ཀྱི་ཐིག་ལེ་སྒོམ་པ་དང༌། རྐང་པ་དང་པོ་གཉིས་དང་རིན་ཆེན་ཞེས་པ་ནས་རང་སྔགས་ཞེས་པའི་བར་གྱིས་སྟེང་གི་སྣ་སྒོར་རྡོར་བཟླས་བྱེད་པའི་འོད་ཀྱི་ཐིག་ལེ་སྒོམ་པ་དང༌། སྙིང་ཁར་ཞེས་པ་མན་ཆད་རྐང་པ་ཕྱེད་དང་གཉིས་ཀྱིས་
སྙིང་ཁའི་སྣ་རྩེར་མི་ཤིགས་པའི་ཐིག་ལེ་སྒོམ་པ་དགོས་པ་དང་བཅས་པ་བསྟན་ཏེ། སྣ་རྩེ་གསུམ་དུ་ཐིག་ལེ་གསུམ་སྒོམ་པའི་སྲོག་རྩོལ་གསུམ་སྒོམ་པའོ། །ཡེ་ཤེས་ལྔ་དང་འབྱུང་བ་ལྔ་དང༌། རླུང་ལྔ་སྦྱོར་ཚུལ་དང་རྩ་བར་པདྨའི་སྣ་རྩེར། ཞེས་པ་མ་དག་པ་ཡིན་པར་ལེའུ་དྲུག་པར་བཤད་
ཟིན་ནོ། །༽ཅན་རང་གི་རྡོ་རྗེའི་བུ་ག་ལས་བྱུང་ནས། རིག་མའི་པདྨའི་སྣ་ཡི་རྩེ་མོར་གོང་བུའི་གཟུགས་ཀྱིས་ཏེ། བྱང་ཆུབ་ཀྱི་སེམས་ཀྱི་ཐིག་ལེའི་གཟུགས་ཀྱིས་བསྒོམ་པར་བྱའོ། །སྔར་ཡེ་ཤེས་དང་འབྱུང་བའི་དབུགས་སུ་བཤད་པའི་དབུགས་དེ་
ཉིད་གྱེན་དུ་དབང་པོའི་སྒོར་འགྲོ་བའི་དབུགས་ནི་༼རླུང་རྣམས་ཐིག་ལེའི་ངོ་བོར་འགྱུར་ཚུལ་ནི། ལེའུ་དྲུག་པའི་སྒྲོན་གསལ་ལས། ཐབས་ཤེས་སྙོམས་པར་འཇུག་པའི་དུས་སུ་སྟེང་ན་གནས་པའི་སྲོག་རྩོལ་གྱི་རླུང་སྙོམས་འཇུག་གི་དགའ་བས་དྲངས་པས་ཆགས་པའི་མེས་ཞུ་ནས་ཐིག་
4-2-255a


ལེར་འགྱུར་བར་བཤད་དོ། །༽ཁ་དོག་སྣ་ལྔ་པ་སྟེ་དེ་བཞིན་གཤེགས་པ་ལྔའི་བདག་ཉིད་ཅན་ནོ། །དེ་ཉིད་ཀྱིས་ན་རིན་པོ་ཆེའོ། །སྲོག་ནི་འཚོ་བའོ། །རྩོལ་ཞིང་རིང་དུ་སྤྲོས་པ་གང་ཡིན་པ་དེ་ནི་སྲོག་གི་དང་རྩོལ་བ་ཞེས་བྱ་བར་རྩ་རྒྱུད་
ལས་བཤད་དོ། །ཅེས་བྱ་བར་ཤེས་པར་བྱ་སྟེ། ༼པ་ཚབ་ཀྱིས། གང་གིས་བསྲིང་ཞིང་རིང་དུ་མཆེད་པར་བྱེད་པས་ན་དེ་ནི་སྲོག་རྩོལ་ཞེས་བསྒྱུར་བ་བདེ་ལ། དོན་ནི་གང་གིས་སྲོག་སྟེ་ཚེ་རིང་དུ་སྲིང་བར་བྱེད་པའི་རླུང་ལ་སྲོག་རྩོལ་དུ་བརྗོད་པའོ། །རྩོལ་བའི་སྐད་དོད་ཨ་ཡཱ་མ་ཞེས་པ་འབད་པ་དང་འགོག་པ་
དང་མཆུར་རིང་བ་རྣམས་ལ་འཇུག་པ་ལས། འདིར་ནི་ཕྱི་མ་ཡིན་པས་སྲོག་དང་རྩོལ་བ་ཞེས་པ་ནི་འགྱུར་ནོར་བའོ། །ཞེས་བོད་ཀྱི་མཁས་པ་གསུང་ངོ༌། །དེས་ན་རྒྱུད་གཞན་ནས་སྲོག་འགོག་པ་སྲོག་རྩོལ་གྱི་དོན་དུ་བཤད་པ་ནི་འགོག་པའི་སྟེང་ནས་ཡིན་ལ། འདིར་ནི་རིང་དུ་བསྲིང་བའི་སྟེང་ནས་བཤད་པས་སྲོག་
རྩོལ་གྱི་སྒྲ་དོན་མི་འདྲ་ཡང་། ལམ་དེས་རོ་རྐྱང་གི་རླུང་འགོག་པར་འདྲའོ། །༽སྟེང་གི་སྒོར་འགྲོ་བའི་རླུང་དེ་ཉིད་འཇུག་པ་ལ་སོགས་པའི་ངོ་བོ་ཉིད་ཀྱིས་ཉིན་དང་མཚན་དུ་རང་གི་ངང་གིས་ཟློས་པར་གྱུར་པའི་ཕྱིར་རོ། །རང་སྔགས་སྙིང་ཁར་ཏེ་རང་གི་སྙིང་ཁའི་པདྨ་ལ་
རྩ་འདབ་བརྒྱད་པའི་དབུས་སུ་ཨ་ཐུང་ལ་སོགས་པ་མི་ཤིགས་པའི་ཐིག་ལེ་བསམ་པའོ་ནས་དེ་ལྟར་བསྒོམས་པའི་དགོས་པ་ནི་སྲོག་ནི་རླུང་རྣམས་སོ། །ཐིག་ལེ་ནི་མི་ཤིགས་པའོ། །དེར་གྱུར་པར་བཞག་༼སོ་ཞེས་ཡར་བཅད་དོ། །༽པ་ནི་དེར་གཏོགས་པར་དགོད་
ཅེས་པ་མི་ཤིགས་པའི་ཐིག་ལེ་ལ་རླུང་རྣམས་སྡུད་པའོ། །ཅེས་བྱ་བ་མི་ཤིགས་པར་གཏོགས་པར་དགོད་པ་སྟེ་ཡན་ལག་གསུམ་པའོ།། ༈ རང་གི་གཟུགས་ལ་སོགས་པའི་ཡུལ་ལྔའོ། །དབང་པོ་ནི་མིག་ལ་སོགས་པ་ལྔ་སྟེ། དེ་ལ་ཡུལ་དང་དབང་པོ་
4-2-255b


གཉིས་དགག་ཅིང་ཏེ་ངེས་པར་ཐིམ་པ་ནི་དེ་གཉིས་འཆི་རིམ་བཞིན་དུ་ཐིམ་པ་ནི་རང་དབང་དགག་པ་ཞེས་པའི་དོན་ནོ་ནས། རིན་ཆེན་དགག་པ་ནི་དབང་ཤེས་ཐིམ་པ་དེའི་འོག་ཏུ་ཡུལ་དུ་སྣང་བ་དང་མིག་སོགས་ཀྱི་དབང་པོའི་རྟེན་དུ་གྱུར་པའི་རིན་པོ་ཆེ་སྟེ། ཡིད་ཀྱི་རྣམ་ཤེས་ཀྱི་སེམས་ཀྱི་རིན་པོ་
ཆེ་རགས་པ་སྲོག་གི་དང་རྩོལ་བ་རླུང་རགས་པ་དང་བཅས་པར་དགག་ཅིང་ཏེ་ནུབ་ཅིང་ཐིམ་པར་གྱུར་པའི་བཟུང་བ་གང་ཡིན་པ་དེ་ནི་འཛིན་པ་ཡིན་པར་བཤད་དེ། དེ་གང་ཞེ་ན། ཡང་དག་པའི་མཐའ་འོད་གསལ་གྱི་ཡེ་ཤེས་ཞེས་བྱ་བསྟེ་སེམས་གསུམ་རིམ་གྱིས་
ཐིམ་ནས་འོད་གསལ་དུ་ཞུགས་པའོ། །འདིས་འོད་གསལ་དུ་ཞུགས་པའི་སྔོན་དུ་དབང་ཤེས་ཀྱང་ཐིམ་པར་བསྟན་པ་ནི་དཔེ་དང་དོན་གྱི་འོད་གསལ་གཉིས་ཀ་ལ་འདྲའོ། །སེམས་ནི་འགོག་པའི་རྡོ་རྗེར་གྱུར། །མཚན་མར་ཉེར་འཛིན་འབྱུང་བར་འགྱུར། །ཞེས་བྱ་བ་ལ། འགོག་པའི་རྡོ་རྗེ་ནི་འོད་གསལ་
བའོ། །དེར་གྱུར་པ་ནི་སེམས་འོད་གསལ་དེར་ཞུགས་ནས་དབྱེར་མེད་དུ་གྱུར་པའོ། །དེ་ལ་སྔོན་དུ་རྟགས་འཆར་ཚུལ་ནི་མཚན་མ་རྣམས་ཀྱི་ཉེ་བར་འཛིན་པ་ནི་མཚན་མར་ཉེར་འཛིན་ཏེ་མཚན་མར་སྣང་བའོ། །འབྱུང་བར་འགྱུར་བ་ནི་སྐྱེ་བར་འགྱུར་བའོ། །དེ་ལྟར་སྐྱེ་བའི་
མཚན་མའི་ཁམས་ནི་རྣམ་པ་ལྔར། །བྱང་ཆུབ་རྡོ་རྗེ་རྡོ་རྗེ་འཆང་གིས་གསུངས་པ་ཡིན་ནོ། །ཞེས་བྱ་བ་ནི། སྒྲུབ་པ་པོའི་ལུས་ཀྱི་ས་ཆུ་ལ་ཐིམ་པར་གྱུར་པ་ལས་སྨིག་རྒྱུ་དང་འདྲ་བར་སྣང་བར་འགྱུར་བ་ནི་མཚན་མ་དང་པོའོ། །དེ་བཞིན་དུ་ཆུ་མེ་ལ་ཐིམ་པར་གྱུར་
པ་ལས་དུ་བ་ལྟ་བུ་སྟེ་གཉིས་པའོ། །མེ་རླུང་ལ་ཐིམ་པར་གྱུར་པ་ལས་ནམ་མཁའ་སྣང་བར་གྱུར་པ་མེ་ཁྱེར་ལྟ་བུ་སྟེ་གསུམ་པའོ། །ཁམས་ཕྲ་བ་ནི་རླུང་སྟེ། དེ་ཡང་རང་བཞིན་གྱི་རྟོག་པ་ཆེར་གཡོ་བར་བྱེད་པའོ། །རླུང་དེ་ཀུན་ཏུ་སྣང་བ་གསུམ་གྱི་དང་པོ་སྣང་བར་དུ་
4-2-256a


སོང་བ་སྟེ་ཐིམ་པ་ལས་མེ་མར་ལྟར་སྣང་བའི་ཚོགས་ཀྱི་ངོ་བོ་ཉིད་ནི་བཞི་པའོ། །རང་བཞིན་གྱི་ཀུན་ཏུ་སྣང་བ་གསུམ་སྔ་མ་ཕྱི་མ་ལ་ཐིམ་པར་གྱུར་པ་ལས་སྤྲིན་མེད་པའི་ནམ་མཁའ་དང་འདྲ་ཞིང་རྟག་ཏུ་སྣང་བ་འོད་གསལ་བ་ཙམ་དུ་
གྱུར་པ་ནི་ལྔ་པའོ། །མཚན་མ་ལྔ་པོ་དེ་དག་གིས་མྱ་ངན་ལས་འདས་པ་དོན་གྱི་འོད་གསལ་ཐོབ་པར་འགྱུར་རོ། །ས་ཆུ་ལ་ཐིམ་པ་སོགས་ལས་སྨིག་རྒྱུ་སོགས་འབྱུང་བར་བཤད་པ་དེ་ཡང་ཇི་སྐད་དུ་ལས་ཀྱི་མཐའ་རྣམ་པར་འབྱེད་པ་ལས། དང་པོ་ས་ནི་ཆུ་༼
སྤྲིན་མེད་པའི་ནམ་མཁའ་ལྟར་སྣང་བ་སྟོང་བ་སྔ་མ་གསུམ་ལའང་ཡོད་མོད་ཀྱང༌། ཁྱད་པར་ཅན་ནི་བཞི་པའི་གནས་སྐབས་སོ། །༸ལས་མཐའ་རྣམ་འབྱེད་ནི་ཀླུ་བྱང་གི་གཞུང་ཡིན་གྱི། ལས་མཐའ་རྣམ་འབྱེད་ཅེས་པའི་མདོ་ཡིན་ཞེས་སྐལ་ལྡན་གྲགས་པ་ཟེར་བ་ལྟར་མིན་ནོ། །༽ལ་ཐིམ། །
ཆུ་ཡང་མེ་ལ་ཐིམ་པར་འགྱུར། །མེ་ནི་རླུང་ལ་ཐིམ་འགྱུར་ཞིང༌། །རླུང་ཡང་རྣམ་པར་ཤེས་ལ་འཇུག། རྣམ་ཤེས་གཟུང་བ་སྟེ་འཛིན་པ་དེ་ཉིད་ནི། །འོད་གསལ་བར་ཡང་འཇུག་པ་ཡིན། །ཞེས་གསུངས་པ་ལས་ཤེས་སོ། །བརྟན་པར་གྱུར་ཅིང༌། །སྟེ་འོད་
གསལ་དུ་རྣམ་པར་དག་པར་གྱུར་ནས། རྡོ་རྗེའི་ལམ་ནས་སྟེ་སྨིག་རྒྱུ་སོགས་ཀྱི་གོ་རིམ་ལས་འདའ་བར་མི་བྱ་༼གཞུང་དེར་ལུང་དེ་དག་གིས་གཞིའི་འཆི་རིམ་བསྟན་ཀྱང༌། དེ་དང་ལམ་གྱི་འོད་གསལ་དུ་འཇུག་པ་གཉིས་སྨིག་རྒྱུ་བཞིན་དུ་འཆར་བ་སོགས་འདྲ་བས་འདིར་དྲངས་སོ། །
༽བའི་མཚན་མ་ལྔའི་རིམ་གྱིས་འོད་གསལ་བར་འཇུག་པས། ནམ་མཁའི་ཁམས་སྟེ་འཇིག་རྟེན་གྱི་ཁམས་རྣམས་སུ་སྤྲོ་བར་བྱ་ཞིང༌། ཆོས་ཀྱི་སྐུའི་ཚུལ་གྱིས་ཁྱབ་པར་བྱའོ། །༼ཞེས་པ་ནི་སྣོད་བཅུད་ཀུན་གྱི་ཆོས་ཉིད་ལ་བློས་ཁྱབ་པར་བྱེད་པའི་དོན་ནོ། །
4-2-256b


༼དེ་དག་ནི་འཛིན་པའི་ཡན་ལག་ཅེས་བྱ་བ་བཞི་པའོ། །༼སྒྲོན་གསལ་ལོ་ཆེན་གྱིས་བསྒྱུར་བ་ལས། རང་དབང་ཞེས་པའི་རྐང་པ་དང་པོ་གཉིས་ཀྱི་བཤད་པ་རྫོགས་མ་ཐག། འདི་ནི་འཛིན་པ་ཞེས་བྱ་བའི་ཡན་ལག་བཞི་པའོ། །ཞེས་འབྱུང་ཞིང༌། པ་ཚབ་ཀྱི་འགྱུར་ཡང་དེ་དང་འདྲའོ། །འགོས་
འགྱུར་ལས། སྐབས་འདིར་དེ་དག་ནི་འཛིན་པའི་ཡན་ལག་ཞེས་བྱ་བ་བཞི་པའོ། །ཞེས་གཞུང་དེ་རྣམས་ཐམས་ཅད་འཛིན་པའི་ཡན་ལག་གི་གཞུང་དུ་མཛད་པ་བཞིན་དུ་ཆག་འགྱུར་ལས་ཀྱང་འབྱུང་ངོ༌། །དེ་ལྟར་རྒྱ་དཔེ་ལ་གཉིས་ཡོད་པར་སྣང་ཡང་འགོས་འགྱུར་ལྟར་ལེགས་པ་ནི་འགྲེལ་པའི་བཤད་པས་ཤེས་སོ།། 
༈ དེ་ལྟར་བདག་ཉིད་འོད་གསལ་བར་སོང་བར་རྣམ་པར་བསྒོམ་ཞིང་སྟེ་མངོན་སུམ་དུ་བྱས་ནས། གང་སྔོན་རྗེས་སུ་དྲན་པ་སྨིག་རྒྱུ་འདྲ་བ་ལ་སོགས་པའི་རྣམ་པས་ཡང་དག་པའི་མཐའ་ཐོབ་པ་དེ་དང་འདྲ་ཞིང་སྨིག་རྒྱུ་ལ་སོགས་པའི་གོ་རིམས་
སྔར་བཤད་པ་དེ་ཉིད་ཀྱི་རིམ་གྱིས་སྤྲོ་བར་བྱ་ཞིང་བསྐྱེད་པར་བྱ་སྟེ། བཤད་མ་ཐག་པ་དེ་དག་ནི་རྗེས་སུ་དྲན་པ་ཞེས་བཤད་པ་ཡིན་པར་ཤེས་ཤིང་ཁོང་དུ་ཆུད་པར་བྱའོ། །སོ་སོར་སྣང་བ་དེ་ལས་སྐྱེ་ཞེས་བྱ་བ་ལ། སོ་སོར་སྣང་བ་ནི་ཡང་དག་པར་༼
སྔར་ལུགས་མཐུན་དུ་འོད་གསལ་དུ་ཞུགས་པའི་ཚེ་སྨིག་རྒྱུ་སོགས་ཀྱི་རྣམ་པས་ཞུགས་པ་བཞིན་དུ། ལུགས་ལྡོག་གི་ཚེ་ཡང་རིམ་པ་དེ་བཞིན་དུ་ལྡང་བར་བཤད་པས། འོད་གསལ་ལས་ཉེར་ཐོབ་སྐྱེ་བ་ནས་གཟུང་སྟེ། སྣང་བའི་འོག་ཏུ་མར་མེ་དང༌། དེ་ནས་མེ་ཁྱེར་དང༌། དེ་ནས་དུ་བ་དང༌། དེ་ནས་སྨིག་རྒྱུ་ལྟ་བུའི་
བར་རྣམས་སྐྱེའོ། །༽རིག་པ་འོད་གསལ་གྱི་ཡེ་ཤེས་སྟེ། འོད་གསལ་དེ་ལས་རྗེས་སུ་དྲན་པའི་ཡན་ལག་སྐྱེ་བར་འགྱུར་གྱི། གཞན་དུ་ནི་མ་ཡིན་ནོ། །༼ཞེས་ནན་ཏན་དུ་གསུངས་པ་ནི། འོད་གསལ་དུ་འཇུག་པ་ལ་ལུགས་མཐུན་དང་ལུགས་ཟློག་གཉིས་ཡོད་པ་ལས་
4-2-257a


རྗེས་དྲན་དེ་གཉིས་གང་གི་སྐབས་དང་སྦྱར་སྙམ་པ་ལ་འོད་གསལ་ལས་ལུགས་ལྡོག་ཏུ་ལྡང་བའི་རིམ་པ་ལ་བཤད་དགོས་ཀྱི། དེ་ལས་གཞན་ལུགས་མཐུན་དང་སྦྱོར་བ་མིན་ནོ་ཞེས་ངེས་པར་བྱ་བའི་དོན་དུ་ཡིན་ནོ། །དེ་ལྟར་ན་དོན་གྱི་འོད་གསལ་ལས་ལུགས་ལྡོག་ཏུ་ལངས་པའི་སྣང་
བ་གསུམ་ནས་སྨིག་རྒྱུའི་བར་ནི་རྗེས་དྲན་ཡིན་པས། རྗེས་སུ་དྲན་པ་ཞེས་བཤད་དོ། །ཞེས་པ་སྐབས་འདིར་འོང་བ་ནི་དོན་གྱི་རིམ་པའོ།། ༈ ཐབས་དང་ཞེས་བྱ་བ་ལ་སོགས་པ་ལ། ཐབས་ནི་དང་ཤེས་རབ་ནི་སྙོམས་པར་འཇུག་པ་ནི་སྟེ་ཀུན་རྫོབ་
ཀྱི་བདེན་པ་དག་པའི་སྒྱུ་མའི་སྐུ་དང་དོན་དམ་པའི་བདེན་པལ་གསུངས་ཀྱང་དེ་དང་རོ་གཅིག་པའི་འོད་གསལ་གྱི་ཡེ་ཤེས་སོ་འི་ངོ་བོ་དབྱེར་མེད་དུ་སྦྱོར་བའོ་ས་དངོས་པོ་ཐམས་ཅད་དེ། རྒྱུ་བ་བཅུད་དང་མི་རྒྱུ་བ་སྣོད་ཀྱི་ངོ་བོས་གནས་པ་དེ་མདོར་བསྡུས་པ་གོང་
བུའི་ཚུལ་གྱིས་ཏེ། ལྷའི་སྐུ་ཕྱག་རྒྱ་ཆེན་པོའི་གཟུགས་ཀྱིས་གཅིག་ཏུ་བྱས་ནས། རྒྱུ་བ་དང་མི་རྒྱུ་བ་དེའི་དབུས་སུ་ཟུང་དུ་འཇུག་པའི་བདག་ཉིད་ཅན། རྡོ་རྗེ་འཆང་ཆེན་པོའི་གཟུགས་རྣམ་པར་བསྒོམ་པར་ཤེས་པར་བྱའོ། །འོད་གསལ་ལས་ཆུ་ལས་ཉ་
ལྡང་གི་ཚུལ་དུ་རིམ་པ་འདི་ཉིད་ཀྱིས་ཡུད་ཀྱིས་ཞེས་པ་སྟེ་སྐད་ཅིག་ཙམ་གྱིས་སོ། །ཡེ་ཤེས་རྫོགས་བྱེད་པ་༼གཅིག་ཏུ་བྱ་ཚུལ་ནི་བརྟན་གཡོ་ཐམས་ཅད་ཀྱི་རྩ་བ་ནི་རླུང་སེམས་ཙམ་དུ་ཟད་ཅིང་དེ་ཡང་ཟུང་འཇུག་གི་སྐུ་གཅིག་ཏུ་བསྐྱེད་པའོ། །༼ཞེས་པ་སྟེ་༽
ཙམ་གྱི་སྒྲས་འོད་གསལ་ལས་གཞན་གྱིས་བར་ཆོད་པ་གཅོད་དོ། །༽ཡེ་ཤེས་ཀྱི་སྐུ་རྫོགས་པར་བྱེད་པ་ནི་ཏིང་ངེ་འཛིན་ཏེ་ཡན་ལག་དྲུག་པ་ཡིན་པར་བཤད་དོ།། ༈ འདུས་པའི་རྩ་རྒྱུད་དང་རྒྱུད་ཕྱི་མར་མ་ཟད་དཔལ་སྒྱུ་འཕྲུལ་དྲ་བ་ལས་ཀྱང༌། 
4-2-257b


སྔགས་དང་ཡེ་ཤེས་ཀྱི་སྐུའི་ལྷ་བསྐྱེད་པའི་དབྱེ་བ་འདུས་པར་བཤད་པ་འདི་ཉིད་གསལ་བར་གསུངས་ཏེ། རྣལ་འབྱོར་རྣམ་གསུམ་ཤེས་བྱ་སྟེ། །བྱིན་གྱིས་བརླབས་པའི་རྣལ་འབྱོར་དང་ཡོངས་སུ་བརྟགས་པའི་རྣལ་འབྱོར་དང༌། །གཟུགས་ཉིད་ཡོངས་སུ་
རྫོགས་པ་སྟེ། །རྣལ་འབྱོར་སངས་རྒྱས་རྣམས་ཀྱིས་བསྔགས། །སྔགས་ཀྱིས་བྱིན་བརླབས་ང་རྒྱལ་བསྐྱེད། །འགྱུར་གསར་གཉིས་ཀ་ལས། བྱིན་རླབས་ཙམ་གྱིས་ང་རྒྱལ་བསྐྱེད་ཅེས་འབྱུང་སྟེ། ༼བསམ་གྱིས་མི་ཁྱབ་གཟུགས་རྫོགས་པའི། །རྣལ་འབྱོར་ཞེས་འབྱུང་བ་ལེགས་སོ། །
༽སྔགས་ཞེས་པ་ནི་མེད་དོ། །ཙམ་གྱིས་ནི་ས་བོན་སོགས་ལས་བསྐྱེད་པ་གཅོད་པས་ལྷ་དེར་དཀྲོང་བསྐྱེད་དུ་བྱིན་གྱིས་བརླབས་པ་ཙམ་གྱིས་ལྷ་དེའི་ང་རྒྱལ་བསྐྱེད་པ་ནི་རྣལ་འབྱོར་བྱིན་གྱིས་བརླབས་པའི་ཡིན་པར་གསུངས། །བྱང་ཆུབ་སེམས་ནི་དག་པ་ནི་སྟོང་པར་བསྒོམས་
ནས་ཐ་མལ་གྱི་སྣང་བ་དག་པར་བྱེད་པའོ་དང༌། །གསང་སྔགས་ས་བོན་ནི་ལྷ་སོ་སོའི་ས་བོན་ལ་སོགས་པའི་སྔགས་སྐྱེས་བའི་ཆེན་པོ་ལས། །ཕྱག་རྒྱའི་ཚོགས་སུ་བརྟགས་པ་སྟེ་སོ་སོའི་ཕྱག་མཚན་དུ་བསྐྱེད་པ་ཡིས། །རིམ་གྱིས་ལྷའི་གཟུགས་ནི་རྫོགས་པར་
བྱས་པ། །དེ་ནི་བརྟགས་པར་བརྗོད་པ་སྟེ། །རྣལ་འབྱོར་ཆོ་ག་ཡིན་པར་གསུངས། །དཀྱིལ་འཁོར་པའི་ལྷ་བསྡུ་བ་དང་སྤྲོ་བར་བྱ་བ་ལས་ཏེ་བྱེད་པ་པོ། །མཚན་དང་དཔེ་བྱད་ཀྱི་རྣམ་པའི་མཆོག་ཀུན་དང་ལྡན་པའི་སྐུ་དག། འོད་གསལ་ལས་སྐད་ཅིག་
སྟེ་ཡུད་ཙམ་གྱི་ཡེ་༼བརྟགས་པའི་རྣལ་འབྱོར་ཡིན་པར་གསུངས་སོ། ༸། རྣམ་པ་ཀུན་གྱི་མཆོག་ལྡན་པ། །སྤྲོ་དང་བསྡུ་བ་བྱེད་པ་པོ། །ཡུད་ཀྱིས་ཡེ་ཤེས་རྫོགས་པ་ནི། །ཞེས་འབྱུང་ངོ་། །༼ཤེས་ཀྱི་སྐུས་རྫོགས་པ། །ར་བཞེངས་པའི་ཟུང་འཇུག་ནི། རྫོགས་པའི་རྣལ་འབྱོར་ཞེས་
4-2-258a


བྱ་བར་བརྗོད་དོ། །ཞེས་འབྱུང༌བ་དང༌། ༈ སྒྱུ་དྲར་མ་ཟད་རྣམ་པར་སྣང་མཛད་མངོན་པར་བྱང་ཆུབ་པ་ལས་ཀྱང༌། དག་པ་དང་མ་དག་པའི་ལྷའི་རྣལ་འབྱོར་རྣམ་པ་གཉིས་སྟོན་ཏེ། གསང་བའི་བདག་པོ་ལྷའི་གཟུགས་༼
ཞེས་གསུངས་པའི་རྣལ་འབྱོར་དང་པོ་གཉིས་ནི་བསྐྱེད་རིམ་པའི་སྔགས་ཀྱི་སྐུ་ཡིན་ལ། རྣལ་འབྱོར་གསུམ་པ་ནི་རྫོགས་རིམ་པའི་ཡེ་ཤེས་ཀྱི་སྐུའོ། །རྒྱུད་འདི་སློབ་དཔོན་ཀུན་སྙིང་གིས་རྣལ་འབྱོར་རྒྱུད་དུ་བཀྲལ་ཡང༌། འདིར་དེ་མི་འདོད་དེ་གསང་འདུས་བཞིན་ནོ། །༽ཀྱང་རྣམ་པ་
གཉིས་ཏེ། ཡོངས་སུ་དག་པ་དང་ཡོངས་སུ་མ་དག་པའོ། །དེ་ལ་ཡོངས་སུ་དག་པའི་ལྷའི་སྐུ་ནི་དེ་ཁོ་ན་ཉིད་ཇི་བཞིན་དུ་རྟོགས་པའི་ངོ་བོ་སྟེ་མཚན་མར་འཛིན་པ་ཐམས་ཅད་དང་བྲལ་བའོ། །ཡོངས་སུ་མ་དག་པའི་སྐུ་ནི་མཚན་མ་ར་འཛིན་པ་དང་བཅས་པའི་
གཟུགས་ཏེ་ཁ་དོག་དང་དབྱིབས་སུ་བདེན་པར་བཟུང་བའོ་སོ། །དེ་ལ་ལྷའི་གཟུགས་རྣམ་པ་གཉིས་ཀྱིས་བྱ་བ་གཉིས་འགྲུབ་པར་འགྱུར་ཏེ། མཚན་མ་དང་བཅས་པས་ནི་མཚན་མ་དང་བཅས་པའོ། །མཚན་མ་མེད་པས་ནི་མཚན་མ་དང་བཅས་པའི་དངོས་གྲུབ་
ཀྱང་འགྲུབ་པར་འགྱུར་རོ། །མཚན་མར་བཅས་པས་མཚན་བཅས་ཀྱི། །དངོས་གྲུབ་རྒྱལ་བ་དམ་པ་བཞེད། །མཚན་མ་མེད་ལ་གནས་པས་ནི། །མཚན་མ་ཅན་ཡང་འགྲུབ་ཏུ་རུང༌། །དེ་བས་རྣམ་པ་ཐམས་ཅད་དུ། །མཚན་མ་མེད་པ་བསྟེན་པར་བྱ། །༼
ཀྱང་གིས་སྒྲས་ནི་འཇིག་རྟེན་ལས་འདས་པའི་དངོས་གྲུབ་ཀྱང་འགྲུབ་པར་སྟོན་ནོ། །༽ཞེས་བྱ་བ་སྟེ། ༼རྟག་ཏུ་༽སྤྱོད་རྒྱུད་ཁུངས་སུ་དྲངས་པ་ནི་འདུས་པར་བཤད་པའི་སྔགས་དང་ཡེ་ཤེས་ཀྱི་སྐུ་ནི། མ་དག་པ་དང་དག་པའི་ལྷའི་སྐུ་ཡིན་པའི་ཆ་ནས་ལུང་ཕྱོགས་མཐུན་དུ་དྲངས་པའོ། །
4-2-258b


འདིར་སྦྱོར་བ་ཡན་ལག་དྲུག་བཤད་པ་ལ་དགོངས་པས་བཤད་པའོ།། ༈ དེ་ལྟར་ལྷའི་རྣལ་འབྱོར་རྣམ་པ་གཉིས་བསྟན་ནས། ད་ནི་སྒྲུབ་པའི་གནས་བསྟན་པར་བྱ་བའི་ཕྱིར། དགོན་པ་ཆེན་པོ་ཞེས་བྱ་བ་ལ་སོགས་པ་གསུངས་ཏེ། རྐང་པ་དེ་བཞིའི་ཚིག་གི་དོན་གོ་སླའོ། །བཅོམ་༼
ཞེས་པ་ནི་རྫོགས་རིམ་པའི་བསྙེན་པ་ཡན་ལག་དྲུག་ལ་ཡེ་ཤེས་བདུད་རྩི་ཞེས་པ་དང༌། མིག་སོགས་ལྔ་ལ་སངས་རྒྱས་ལྔ་ཞེས་པ་དང༌། རླུང་ལྔ་ལ་ཡེ་ཤེས་ལྔ་དང༌། འབྱུང་བ་ལྔ་དང༌། རིན་ཆེན་ཁ་དོག་སྣ་ལྔ་པ་ཞེས་པ་དང༌། སེམས་ཐིམ་པ་ལ་རིན་པོ་ཆེ་འགོག་པ་ཞེས་དོན་གཞན་ལ་དགོངས་ནས་སྒྲ་
འགལ་བས་བཤད་པ་ལ་དགོངས་པ་ཡིན་གྱི། དེ་ཐམས་ཅད་ལ་དགོངས་བཤད་ཀྱི་མཚན་ཉིད་ཚང་མི་དགོས་པ་ནི་དགོངས་བཤད་གཞན་ལ་ཡང་མང་ངོ༌། །༼བཅོམ་ལྡན་འདས་སྐུ་གསུང་ཐུགས་དབྱེར་མི་ཕྱེད་པས་རྡོ་རྗེ་ཡང་ཡིན་ལ། མཆོག་གི་དངོས་གྲུབ་ཀྱི་ངོ་བོ་ཡང་ཡིན་པས། སྒྲུབ་པ་ཆེན་པོ་རྡོ་རྗེ་འཆང་
གིས་དེ་སྐད་ཅེས་བཀའ་སྩལ་ཏོ། །དྲང་བའི་དོན་ཏོ།། ༈ སྐབས་འདིར་ངེས་དོན་ལུང་སྟོན་གྱི་ལུང་གིས་བཤད་པ་བརྗོད་པར་བྱ་སྟེ། མེ་ལོང་ཞེས་བྱ་དགོན་པ་ཆེ། །མཉམ་ཉིད་ཅེས་བྱ་ས་ཕྱོགས་སོ། །སོ་སོར་རྟོག་བྱ་རབ་ཏུ་དབེན། །རྣམ་པར་དག་པ་ཆོས་
དབྱིངས་ཡེ་ཤེས་ནི་རི་བོ་ནགས། །བྱ་བ་སྒྲུབ་པའི་ཆུ་ངོགས་སུ། །རིགས་དྲུག་པ་རྡོ་རྗེ་འཆང་ཉིད་ནི་གནས་དེ་རྣམས་སུ་འཐོབ་ཅེས་གསུངས་པའི་བདེ་བ་ཆེན་པོ་ཐོབ་པའོ། །ཞེས་བྱ་བ་སྟེ། ངེས་པའི་དོན་ཏོ།། ༈ དེ་ལྟར་རྣལ་འབྱོར་པ་རྣམ་པ་གཉིས་ཀྱི་གནས་
ཕུན་སུམ་ཚོགས་པ་བསྟན་པ་བྱས་ནས། རིམ་གཉིས་ཀྱི་རྣལ་འབྱོར་པ་དེ་རྣམས་ཉིད་ཀྱི་བསྒྲུབ་པ་སྔར་རྒྱས་པར་བཤད་པ་ལ་ལྟོས་ཏེ་མདོར་༼དྲངས་པ་དེ་རྣམས་རྒྱུད་ཀྱི་དོན་བླངས་པ་ཡིན་གྱི་ཚིག་གཞན་དུ་ཡོད་ཅེས་སྨྲ་བ་ནི། རྣམ་པར་མ་བརྟགས་པ་ཡིན་ཏེ། འགྲེལ་པར་དྲངས་པ་འདི་
4-2-259a


ཉིད་དག་པར་བྱ་དགོས་པའི་ཕྱིར་རོ། །༽བསྡུས་པ་བསྟན་པར་བྱ་བའི་ཕྱིར། ཡང་ན་ཞེས་བྱ་བ་ལ་སོགས་པ་གསུངས་ཏེ། བསྐྱེད་པའི་རིམ་པ་ལ་གནས་པ་སྒྲུབ་ཐབས་མདོར་བསྡུས་པ་ལ་དགའ་བ་རྣམས་ཀྱི་ཕྱིར། དུ་གསུངས་པའི་རྡོ་རྗེ་
བཞི་པོ་གསང་བ་འདུས་པའི་རྒྱུད་ཕྱི་མ་ལས་བཤད་པ་ནི། རྡོ་རྗེ་དང་པོ་སྟོང་ཉིད་བྱང་ཆུབ་སྟེ། །རྡོ་རྗེ་གཉིས་པ་ས་བོན་བསྡུས་པའོ། །༼ནི་ཧཱུཾ་ཡིག་ལས་ཉི་མ་བསྐྱེད་པ་ནས་ཟླ་བའི་སྟེང་དུ་ས་བོན་འབྲུ་གསུམ་འགོད་པ་དང༌། དེ་བསྡུས་པ་སྟེ་ཡོངས་སུ་གྱུར་པ་ལས་ཕྱག་
མཚན་བསྐྱེད་པའི་བར་རོ། །༼ཅེས་པ་ནི་ཡེ་ཤེས་ཀྱི་ས་སྒོམ་པ་ནས་ལྷག་མོས་འོད་གསལ་དུ་བསྡུས་པའི་བར་རོ། །འདི་ལྟར་བཤད་པ་རྣམས་མངོན་རྟོགས་དངོས་གཞིའི་དབང་དུ་བྱས་པ་སྟེ། དེས་སྒྲུབ་ཐབས་དངོས་ཀྱི་སྔོན་དུ་འགྲོ་བའི་ཡན་ལག་སྲུང་འཁོར་སོགས་ཀྱང་ཤེས་པར་བྱའོ། །
༽རྡོ་རྗེ་གསུམ་པ་གཟུགས་ཉིད་རྫོགས་པ་ནི་མངོན་བྱང་ལྔ་ལས་སྐུ་རྫོགས་པ་དང་དེ་ལ་བརྟེན་ནས་ལུས་དཀྱིལ་གྱི་སྐུ་རྫོགས་པའོ་སྟེ། །རྡོ་རྗེ་བཞི་པ་ཡི་གེ་དགོད་པའོ། །༼ནི་སྐུ་གསུང་ཐུགས་ཀྱི་ཡི་གེ་དང༌། ཏིང་ངེ་འཛིན་སེམས་དཔའི་ཡི་གེ་དང༌། རིག་
མའི་ལུས་ལ་ཡི་གེ་འགོད་པ་དང༌། རྡོ་རྗེ་དང་པདྨའི་ཡི་གེ་འགོད་པ་སྟེ། མངོན་རྟོགས་བསྡུས་པའི་ལུགས་ཀྱི་རྡོ་རྗེ་བཞིའོ། །རྒྱུད་ཕྱི་མའི་འགྲེལ་པར། འབྱིན་པའི་ཡི་གེ་ལ་སོགས་པས་ལྷ་རྣམས་བསྐྱེད་པ་སྟེ། ཞེས་དཀྱིལ་འཁོར་རྒྱལ་མཆོག་བསྐྱེད་པའི་ཡི་གེ་ཡང་ཡི་གེ་འགོད་པར་མཛད་པ་ནི། 
རྡོ་རྗེ་བཞི་བསྐྱེད་རྒྱས་པའི་དབང་དུ་བྱས་པ་ཡིན་ལ། འདིར་ནི་ཡང་ན་ཞེས་པའི་གནད་ཀྱིས་བསྡུས་པ་ལ་བྱ་དགོས་སོ། །བརྟུལ་ཞུགས་བརྟན་པས་ཞེས་པའི་རྐང་པ་ལྷག་མ་གསུམ་གྱི་བཤད་པ་འོག་ནས་འབྱུང་བ་ནི་རིམ་པ་གཉིས་ཀ་ལ་སྦྱར་རོ། །༽ཞེས་བྱ་བ་སྟེ། དྲང་བའི་དོན་ཏོ། །
4-2-259b


༈ བསྐྱེད་རིམ་ལ་གནས་པས་རྡོ་རྗེ་བཞིས་བསྙེན་པ་བྱ་བར་མ་ཟད་མཆོག་གི་སྒྲུབ་པ་རྫོགས་རིམ་ལ་གནས་པ་རྣམས་ཀྱིས་ཀྱང༌། རྡོ་རྗེ་བཞིས་བསྙེན་པ་བསྡུས་པ་བྱ་བར་སྟོན་པ་ལ། ཡང་ན་ཞེས་པ་ནི་དྲང་དོན་གྱི་རྡོ་རྗེ་བཞིས་བསྙེན་པ་བྱ་བ་ལས། ཡང་ན་ངེས་དོན་གྱི་རྡོ་རྗེ་བཞིས་
བསྙེན་པ་བྱ་ཞེས་པའོ། །ངེས་དོན་ལྟར་ན་རྡོ་རྗེ་རྣམ་པ་བཞི་ནི་སྟོང་པ་ཉིད་རྣམ་པ་བཞི་ཡིན་ཏེ། སྟོང་པ་བཞི་པོ་དེས་བསྙེན་པ་བྱ་ཞིང༌། སྟེ་རྡོ་རྗེ་འཆང་ཆེན་པོའི་གོ་འཕང་འཐོབ་པར་བྱ་བའི་ཕྱིར་འབད་པར་བྱའོ། །༼འོ་ན་བསྙེན་པའི་ཡན་ལག་དྲུག་ཏུ་ནི། ཞེས་
སོགས་ཀྱིས་གསུངས་པ་ལྟར་ཡན་ལག་དྲུག་ཀ་ཚང་བས་བསྙེན་པ་བྱ་དགོས་པ་མ་ཡིན་ནམ། སྟོང་པ་བཞི་ཙམ་གྱིས་བསྙེན་པ་བྱ་བ་ཇི་ལྟར་རིགས་སྙམ་ན། སྐྱོན་མེད་དེ་བསྙེན་པ་ལ་ཡན་ལག་དྲུག་ཡོད་ཅིང་དེ་དྲུག་ཚང་བ་བྱ་དགོས་ནའང༌། འདིར་བསྙེན་པ་སྟོང་པ་བཞིར་བསྡུས་པ་ནི། སོར་བསམ་
གྱི་ངོ་བོར་ལུས་དབེན་གྱི་སྐབས་སུ་ཡང་སྟོང་པ་བཞི་དྲངས་ནས་མཉམ་རྗེས་སུ་སྐྱོང་བ་ཡིན་ལ། དེ་བཞིན་དུ་སྲོག་རྩོལ་ངག་དབེན་གྱི་སྐབས་སུ་ཡང་སྣ་རྩེ་གསུམ་གྱི་སྲོག་རྩོལ་གསུམ་བསྒོམས་པའི་མཐུས་སྟོང་པ་བཞི་དྲངས་ནས་སྒོམ་པ་ཡིན་ཞིང་། ཕྱི་ནང་གི་ཐབས་གཉིས་ལ་བརྟེན་ནས་སེམས་
དབེན་སྒོམ་པ་དང༌། སྒྱུ་ལུས་གྲུབ་ནས་བསམ་གཏན་གཉིས་ཀྱིས་འོད་གསལ་སྒོམ་པ་དང༌། སློབ་པའི་ཟུང་འཇུག་ཐོབ་ནས་མི་སློབ་པའི་ཟུང་འཇུག་གི་ཕྱིར་སྤྱོད་པ་བྱེད་པ་ཐམས་ཅད་ཀྱང་སྟོང་པ་བཞི་དྲངས་ནས་མཉམ་རྗེས་སུ་སྐྱོང་བ་ཤ་སྟག་ཡིན་པས། དོན་འདི་རྟོགས་པར་བྱ་བའི་ཕྱིར་དུ་བསྙེན་པ་
བསྡུ་ན་སྟོང་པ་བཞིར་བཤད་པ་འདི་ལེགས་པར་ངེས་དགོས་པ་ཡིན་ནོ། །༽བརྟུལ་ཞུགས་བརྟན་པ་ནི་བརྩོན་འགྲུས་བརྟུལ་བ་སྟེ་རབ་ཏུ་འབར་བ་ཅན་གྱིས་བསྙེན་པ་བྱའོ་སོ། །སྐུ་གསུམ་ནི་རྡོ་རྗེ་འཆང་ཆེན་པོ་སྟེ་དེ་དང་བདག་མཉམ་པར་གྱུར་པ་ནི་རྡོ་རྗེ་
4-2-260a


འཆང་གི་ངོ་བོར་བལྟ་བའོ། །དེ་ལྟར་བཤད་མ་ཐག་པའི་རྡོ་རྗེ་བཞི་དག་གིས་བསྒོམས་ཤིང༌། སྟེ་འདོད་ཡོན་གྱི་ངོ་བོ་ཉིད་ཡོངས་སུ་ཤེས་པས་འདོད་ཡོན་ལམ་དུ་བྱེད་པའི་ཚུལ་གྱིས་བསླབས་ན་དངོས་གྲུབ་སྟེ་ཕྱག་རྒྱ་ཆེན་པོའི་དངོས་གྲུབ་
ཐོབ་པར་འགྱུར་ཞིང༌། མྱོང་བར་འགྱུར་བ་སྟེ། ངེས་པའི་དོན་ཏོ།། ༈ དུས་བཞི་དག་ཏུ་ཞེས་བྱ་བ་ལ་སོགས་པ་ལ། དུས་བཞི་ནི་ལྷ་མོ་བཞི་རྣམས་ཏེ། དེ་རྣམས་ཀྱི་རབ་ཏུ་སྦྱོར་བ་ནི་འཁྱུད་པ་ལ་སོགས་པའི་རྣམ་པས་ཕྱག་རྒྱ་དེ་རྣམས་
མཉེས་པར་བྱས་པ་སྟེ་དེས་ན་དུས་བཞི་དག་ཏུ་རབ་༼རྐང་པ་བཞིས་གཙོ་བོའི་ཡུམ་དང་བཅས་པའི་ལྷ་མོ་ལྔ་དང་ལྷན་ཅིག་ཏུ་སྤྲོས་མེད་ཀྱི་སྤྱོད་པ་བྱེད་པ་གཅིག་སྟོན་ནོ། །༸ཞེས་པ་ནི་སྤྱན་སོགས་བཞིའི་རིགས་ཀྱི་ཕྱག་རྒྱ་པདྨ་ཅན་སོགས་བཞིའོ། །༽སྦྱོར་བས་སོ། །བློ་
དང་ལྡན་པ་ནི་ཤིན་ཏུ་དགའ་བའི་བསྟན་བཅོས་ནས་བཤད་པའི་སྒྱུ་རྩལ་རྣམས་ཤེས་པའི་སྒྲུབ་པ་པོས་རབ་ཏུ་སྦྱོར་བའོ། །གནས་ལྔར་ཞེས་བྱ་བ་ནི་ལྷ་མོ་བཞིའི་གནས་ན་གནས་པ་དེ་རྣམས་ཀྱི་གཟུགས་ལ་སོགས་པ་ཁྱད་པར་ཅན་ཏེ་ཤིན་ཏུ་ཡིད་དུ་འོང་བའི་གྱི་
ཡུལ་ལྔ་མངོན་དུ་གྱུར་པ་རྣམས་ལ་སྤྱོད་པ་སྟེ། དེ་རྣམས་ཀྱི་གཟུགས་སྡུག་པ་ལ་ལྟ་བ་དང་སྒྲ་སྙན་པའི་གླུ་ཉན་པ་དང༌། ལུས་དང་གོས་ལ་བྱུགས་པའི་དྲི་ཞིམ་པོ་སྣོམ་པ་དང༌། མ་མཆུའི་སྦྲང་རྩིའི་རོ་འཇིབ་པ་དང༌། ལུས་ཀྱི་རེག་བྱ་ལ་རེག་པར་བྱེད་པའོ། །ཡེ་ཤེས་ཞེས་
བྱ་བ་ལ་སོགས་པ་ལ། བློ་དང་ལྡན་པ་སྒྲུབ་པ་པོ་དེས་ཡི་གེ་ཨོཾ་རང་གི་རྡོ་རྗེའི་རྩེ་མོའི་བུ་གར་བསྒོམས་ནས་ཡེ་ཤེས་རྡོ་རྗེ་སྟེ། ཨོཾ་དེས་བྱིན་གྱིས་བརླབས་པའི་རང་གི་རྡོ་རྗེས་དགའ་བ་སྟེ་རིག་མ་ལ་རོལ་བར་བྱས་ལ། སྡོམ་པ་སྟེ་བདེ་བ་
4-2-260b


དམ་པ་ཞེས་པ་ནི་སྡོམ་པའི་སྐད་དོད་སམྦྷ་ར་ལ་སཾ་ནི་བདེ་བ་དང༌། བྷ་ར་ནི་མཆོག་གོ། བདེ་བ་དེ་བསྟབ་ཅིང་བསྟན་ཅིང་སྟེ་སྦྱིན་པར་བྱའོ། །༼ཞེས་པ་ནི་རིག་མ་དང་མཉམ་པར་སྦྱོར་བ་ལས་གཉིས་ཀ་ལ་ལྷན་སྐྱེས་ཀྱི་བདེ་ཆེན་སྐྱེ་བ་ལ་དགོངས་ནས་བདེ་བ་མཆོག་རིག་མ་ལ་སྦྱིན་
པར་གསུངས་སོ། །འདི་ལྟར་བྱེད་པ་ནི་ཕན་ཡོན་གྱི་སྐབས་ནས། བསྐྱེད་རིམ་ལ་གསུངས་པ་དང༌། ཨོཾ་ཡིག་གིས་བྱང་སེམས་ཕྱིར་འཕོ་བ་འགོག་པར་བཤད་ཅིང༌། རྫོགས་རིམ་པའི་སྤྱོད་པའི་སྐབས་ཡིན་ན། ཡི་གེ་སྒོམ་པ་ལ་མི་ལྟོས་པར་རླུང་སྟོབས་ཉིད་ཀྱིས། བྱང་སེམས་ཕྱིར་འཕོ་བ་འགོག་
པ་ཡིན་པས་སྤྱོད་པ་འདི་བསྐྱེད་རིམ་པ་ལ་སྦྱར་རོ།། ༈ དེ་ལྟར་སྤྱོད་པ་བྱེད་པའི་རྐྱེན་ཕུན་སུམ་ཚོགས་པ་མ་ཚང་བ་མེད་ཅིང་། དགའ་བའི་བསྟན་བཅོས་ལ་ལེགས་པར་བསླབས་པའི་ཕྱག་རྒྱ་རྣམས་དང་ལྷན་ཅིག་བདེ་བ་ཆེན་པོ་སྟོང་ཉིད་ཀྱི་ལྟ་བ་དང་
དབྱེར་མེད་པའི་ཏིང་ངེ་འཛིན་གྱི་དོན་ལ་སློབ་པར་བྱེད་པ་དག་གི་ཕན་ཡོན་བསྟན་པར་བྱ་བའི་ཕྱིར། ཞག་བདུན་ཞེས་བྱ་བ་ལ་སོགས་པ་གསུངས་ཏེ། བསྐྱེད་རིམ་མཐར་ཕྱུང་ཞིང་དེ་ནས་སྤྱོད་པ་བྱས་པའི་བསྐྱེད་རིམ་པ་དབང་པོ་རབ་ཀྱི་འཇིག་རྟེན་པའི་དངོས་གྲུབ་
ཀྱི་དུས་ནི་ཉིན་ཞག་བདུན་ནོ། །དབང་པོ་འབྲིང་གིས་ནི་ཟླ་བ་ཕྱེད་དེ་ཉིན་ཞག་བཅོ་ལྔའོ། །དབང་པོ་ཐ་མས་ནི་ཟླ་བ་གཅིག་གམ་ཟླ་བ་ཕྱེད་དང་གཉིས་ཏེ། ཟླ་བ་ཕྱེད་ཀྱིས་ལྷག་པའི་ཟླ་བ་ནི་ཟླ་བ་ཕྱེད་དང་གཉིས་ཏེ་དེས་དབང་པོ་ཐ་མས་འགྲུབ་པར་འགྱུར་
རོ། །རྫོགས་རིམ་པས་མཆོག་གི་དངོས་གྲུབ་འགྲུབ་པའི་ཐབས་ཀྱི་གཙོ་བོ་ཟུང་འཇུག་སྟོན་པ་ལ་རྡོ་རྗེ་ནི་ཡུལ་གྱི་འོད་གསལ་བའོ། །དམ་ཚིག་ནི་ས་མ་ཏ་མཉམ་པ། ས་མ་ཡ་དུས། ཨེ་ཀ་ཀཱ་ལཾ་དུས་གཅིག་པ་སྟེ་ཡུལ་གྱི་འོད་གསལ་དེ་དང་ཡུལ་ཅན་གྱི་ཡེ་ཤེས་གཉིས་རོ་
4-2-261a


མཉམ་ཞིང་དུས་གཅིག་ཏུ་ཞུགས་པར་གྱུར་པ་ལ་བརྟེན་ནས་རྫོགས་པར་གྱུར་པ་སྟེ། རྡོ་རྗེ་དམ་ཚིག་ནི་རྡོ་རྗེ་འཆང་ཆེན་པོའོ། །ཟུང་འཇུག་དེ་བསྒྲུབས་ཤིང་སྟེ་དེར་གྱུར་པར་བདག་ཉིད་བསྐྱེད་ན་དངོས་གྲུབ་སྟེ་ཕྱག་རྒྱ་ཆེན་པོའི་
དངོས་གྲུབ་ཀྱི་བདག་ཉིད་ཅན་མྱུར་ཞིང་རིང་པོར་མི་ཐོགས་པར་འཐོབ་པར་འགྱུར་རོ།། ༈ རྟོག་པ་སྟེ་བརྟགས་པའི་ཏིང་ངེ་འཛིན་བསྐྱེད་རིམ་ལ་གནས་པའི་དངོས་གྲུབ་འགྲུབ་པའི་དུས་ཀྱི་དབྱེ་བ་བསྟན་ནས། སྔགས་ཀྱི་སྐུ་དེ་ལས་བཟློག་པའི་ཏིང་
ངེ་འཛིན་མཆོག་ཡེ་ཤེས་ཀྱི་སྐུ་ལ་གནས་པའི་རྫོགས་རིམ་པའི་དངོས་གྲུབ་འགྲུབ་པའི་དུས་ཀྱི་ངེས་པ་བསྟན་པར་བྱ་བའི་ཕྱིར། ཞག་གྲངས་བྱེ་བྲག་ཅེས་བྱ་བ་ལ་སོགས་པ་གསུངས་ཏེ། ལས་དང་པོ་པའི་སེམས་ཅན་བསྐྱེད་རིམ་པ་རྣམས་ལ་ནི་
ཞག་བདུན་ཞེས་བྱ་བ་ལ་སོགས་པའི་བྱེ་བྲག་གིས། རབ་ཏུ་བསྐུལ་ནས་ང་ཡིས་སྔོན་ཏེ་སྔར་ཞག་བདུན་དང་ནི་ཞེས་སོགས་སུ་རྒྱས་པར་སྤྲོས་ཏེ་བསྟན་ཅིང་བཤད་དོ། །ད་ནི་ཏིང་ངེ་འཛིན་མཆོག་ལ་གནས་པའི་བཤད་པ་ཡིན་ནོ་ཞེས་དགོངས་
པ་ནི་སྔ་མ་བཞིན་ཏེ། སྒྲ་ཇི་བཞིན་པའོ། །ཟླ་བ་ཕྱེད་ནི་པཀྵ་ཞེས་པ་ཕྱོགས་དང་ཟླ་ཕྱེད་གཉིས་ཀ་ལ་༼པ་ཅིག་དངོས་སུ་མ་བྱུང་ཡང་། ཚིགས་བཅད་གཅིག་གི་ཕྱེད་སྔ་མ་ཞག་གྲངས་བྱེ་བྲག་ཅེས་པའི་རྐང་པ་གཉིས་ཀྱི་དགོངས་པར་ཤུགས་ཀྱིས་འཐོབ་པའོ། །
༽འཇུག་ཀྱང་། འདིར་ཕྱོགས་ལ་བསྒྱུར་དགོས་ཤིང་ནང་གི་བཤད་པ་མཛད་པ་རྩ་བར་མ་བྱུང་བས། པ་ཚབ་ཀྱིས། ཕྱོགས་ཀྱི་ནང་དུ་འགྲུབ་པར་འགྱུར་ཞེས་བསྒྱུར་བ་ལྟར་དགོས་སོ། །ཕྱོགས་ནི་ཐབས་ཀྱི་ཕྱོགས་ཀུན་རྫོབ་དང་ཤེས་རབ་ཀྱི་ཕྱོགས་དོན་དམ་པའོ། །
4-2-261b


དེ་གཉིས་ཀྱི་ནང་ནི་བར་ཏེ། གང་ཡིན་ཞེ་ན། བདེན་པ་གཉིས་ཀྱི་བདག་ཉིད་ཅན་གཉིས་སུ་མེད་པའི་རྣམ་པས་གནས་པ་དེ་ལས་ཟླ་བ་ཕྱེད་ཀྱིས་དངོས་གྲུབ་སྟེ། རྡོ་རྗེ་འཆང་ཆེན་པོའི་གོ་འཕང་འཐོབ་པར་གསུངས་སོ། །གང་གིས་གསུངས་ཞེ་ན། གསང་བ་མཆོག་
ལས་བྱུང་བ་ཞེས་བྱ་བ་སྟེ། གསང་བའི་མཆོག་ནི་འོད་གསལ་བ་སྟེ། དེ་ལས་བྱུང་བའི་དུས་གསུམ་གྱི་དེ་བཞིན་གཤེགས་པ་རྣམས་ཀྱིས་གསུངས་པ་སྟེ། དགོངས་པས་བཤད་པའོ།། ༈ བཤད་མ་ཐག་པའི་རིམ་པས་ཕྱག་རྒྱ་ཆེན་པོའི་དངོས་
གྲུབ་སྒྲུབ་པར་འདོད་པའི་རྣལ་འབྱོར་པས་བསྙེན་པའི་དུས་སུ་སྐུ་ལ་སོགས་པ་བྱིན་གྱིས་བརླབ་པ་སྔོན་དུ་འགྲོ་བསྟེ་བཏང་ནས་ཕྱིས་དངོས་གྲུབ་སྒྲུབ་པ་ལ་འཇུག་པར་བྱའོ་ཞེས་བསྟན་པར་བྱ་བའི་ཕྱིར། དེ་ལ་འདི་ནི་ཞེས་བྱ་བ་ལ་སོགས་པ་གསུངས་ཏེ། དེ་ལ་ཞེས་
བྱ་བ་ནི་ཚིག་གི་རྒྱན་ནམ་ཚིག་ཕྲད་དེ། སྐུ་གསུང་ཐུགས་བྱིན་གྱིས་རློབ་པ་དེ་ལ་སྟེ་དེའི་ནང་ནས་ཞེས་པ་སྟེ་གཞན་ལ་ཡང་དེ་ལྟར་ཤེས་པར་བྱའོ། །འདི་ནི་ཞེས་པ་གསུམ་ནི་སྐབས་སོ་སོའི་བྱིན་གྱིས་རློབ་པའོ་ནོ། ལྷ་གང་གི་མཐུས་སྒྲུབ་པ་པོས་རྡོ་རྗེའི་སྐུ་ཉེ་བར་ཐོབ་ཅིང་སྟེ་ཐོབ་པར་
སྒྲུབ་པ་པོ་སྒྲུབ་པར་བྱེད་པ་ལ་སྣོད་དུ་རུང་བར་བྱེད་པས་ན་ཉེ་བར་སྒྲུབ་པ་སྟེ། ལུས་བྱིན་གྱིས་རློབ་པའི་སྐུ་རྡོ་རྗེའོ། །སྒྲུབ་པ་པོ་ལུས་དེར་སྡུད་ཅིང་སྡོམ། དེ་ལ་གསོལ་བ་འདེབས་པའི་ཐབས་ཀྱིས་པས་ན་ཉེ་བར་སྒྲུབ་པའི་སྡོམ་པ་སྟེ། དེ་ཡང་རྣམ་པར་
སྣང་མཛད་དོ། །རྣམ་སྣང་དེའི་ཡུལ་ལ་གསོལ་བ་འདེབས་པ་ནི་འོག་ནས་བཤད་པའི་སངས་རྒྱས་སྐུ་འཛིན་ཞེས་བྱ་བ་ལ་སོགས་པའི་ཚིགས་སུ་བཅད་པའོ་སྟེ། སངས་རྒྱས་ནི་དུས་གསུམ་དུ་བཞུགས་པའི་དེ་བཞིན་གཤེགས་པ་རྣམས་ཡིན་ལ། དེ་
4-2-262a


རྣམས་ཀྱི་སྐུ་རྣམ་སྣང་དེའི་བདག་ཉིད་ཀྱིས་འཛིན་པར་བྱེད་པས་ན་སངས་རྒྱས་སྐུ་འཛིན་ནོ། །དཔལ་ནི་སངས་རྒྱས་སྤྱན་ནོ། །སྤྱན་དེ་གང་ལ་ཡུམ་དུ་ཡོད་པ་དེ་ནི་དཔལ་ལྡན་ནོ། །རྡོ་རྗེ་གསུམ་ནི་རྡོ་རྗེ་འཆང་ཆེན་པོའོ། །རྡོ་རྗེ་འཆང་དེས་རྡོ་རྗེ་
གསུམ་སོ་སོར་མི་ཕྱེད་པ་ཉིད་ཀྱིས་གཅིག་པའི་བདག་ཉིད་དུ་བསྒོམས་པར་བྱས་པ་བདག་གི་ལུས་བྱིན་གྱིས་བརླབས་པའི་གནས་སུ་རབ་ཏུ་གནས་པར་མཛོད་ཅིག་པ་སྟེ། སྐུ་རྡོ་རྗེ་རྣམ་པར་སྣང་མཛད་དུ་བྱིན་གྱིས་རློབས་ཤིག་པའོ་དོ། །དེ་ལྟར་བདག་པོ་ལ་གསོལ་
བ་བཏབ་ནས། ཕྱོགས་བཅུ་ཞེས་བྱ་བ་ལ་སོགས་པ། རྣམ་སྣང་གཙོ་བོ་དེའི་འཁོར་རྣམས་ལ་གསོལ་བ་འདེབས་པའོ། །དེ་ལ་ཞེས་བྱ་བ་ལ་སོགས་པས་ནི་གསུང་བྱིན་གྱིས་བརླབ་པ་ལ་འཇུག་པ་ཡིན་ཏེ། སྒྲུབ་པ་པོའི་གསུང་སྟེ་ངག་གི་ངོ་བོ་ཉིད་ལ་གནས་ནས་
དེ་གསུང་རྡོ་རྗེའི་ངོ་བོར་སྒྲུབ་ཅིང་སྐྱེད་པ་ཡིན་པས་ན་སྒྲུབ་པའོ། །སྒྲུབ་པ་པོའི་ངག་དེར་སྡུད་ཅིང་སྟེ་གསོལ་བ་འདེབས་པའི་ཐབས་ཀྱིས། དབྱེར་མེད་པར་སྡོམ་པས་ན་སྒྲུབ་པའི་སྡོམ་པ་སྟེ་འོད་དཔག་ཏུ་མེད་པའོ། །དེའི་ཡུལ་ལ་གསོལ་བ་འདེབས་པ་ནི་འོག་ནས་བཤད་
པའི་ཚིགས་སུ་བཅད་པའོ། །ཆོས་ནི་འོད་དཔག་ཏུ་མེད་པའོ། །གསུང་གི་ལམ་ནི་གསུང་གི་ངོ་བོ་ཉིད་ཡིན་པའི་ཕྱིར་རོ། །དཔལ་ནི་གོས་དཀར་མོ་སྟེ་དེ་དང་ལྡན་པས་དཔལ་ལྡན་ནོ། །རྡོ་རྗེ་མི་ཕྱེད་ཅེས་བྱ་བ་ལ་སོགས་པ་ནི་སྔ་མ་བཞིན་ནོ། །དེ་ལ་ཞེས་བྱ་བ་ལ་སོགས་
པས་ནི་ཐུགས་བྱིན་གྱིས་བརླབ་པ་གསུངས་པ་ཡིན་ཏེ། སྒྲུབ་པ་ཆེན་པོ་ནི་ཐུགས་ཆེན་པོ་མི་བསྐྱོད་པའོ། །ཐུགས་དེ་ལ་གནས་ནས་སྒྲུབ་པ་པོ་སེམས་ལ་དབང་ཐོབ་པ་ལ་སྦྱོར་བས་ན་སྒྲུབ་པ་ཆེན་པོའོ། །སྒྲུབ་པ་པོ་སེམས་དེར་དབྱེར་མེད་དུ་སྡུད་པས་ན་སྡོམ་པ་
4-2-262b


སྟེ་མི་བསྐྱོད་པའོ། །མི་བསྐྱོད་པདེའི་ཡུལ་ལ་གསོལ་བ་འདེབས་པ་ནི་ཚིགས་སུ་བཅད་པའོ། །རྡོ་རྗེ་ལྟ་བུར་མི་ཕྱེད་པ་མི་གནས་པའི་མྱ་ངན་ལས་འདས་པའི་ཐུགས་ནི་རྡོ་རྗེའི་ཐུགས་ཏེ་འཁོར་བ་དང་མྱ་ངན་ལས་འདས་པའི་མཐར་མ་ཆགས་པ་སྟེ་མ་ལྷུང་བའོ། །དེ་ལྟ་བུའི་ཐུགས་
འཛིན་པར་མཛད་པས་ན་རྡོ་རྗེ་ཐུགས་འཛིན་ཏེ་མི་བསྐྱོད་པའོ། །མཱ་མ་ཀཱི་དང་ཡང་དག་པར་ལྡན་པས་ན་དཔལ་ལྡན་ཏེ། ལྷག་མ་ནི་སྔ་མ་བཞིན་ནོ།། ༈ དེ་ལྟར་སྐུ་དང་གསུང་དང་ཐུགས་བྱིན་གྱིས་བརླབ་པའི་མཐར་ཐུག་པས། ལེའུ་འདིར་ལྷའི་རྣལ་འབྱོར་རྒྱས་
པར་བསྟན་ནས། རང་གི་ལུས་ངག་ཡིད་གསུམ་དང་ལྷའི་སྐུ་གསུང་ཐུགས་གསུམ་ངོ་བོ་དབྱེར་མེད་པར་ལྟ་བ་དེ་ཉིད་ངེས་པར་ཏེ་གདོན་མི་ཟ་བརབྱའོ་ཞེས་བྱ་བའི་སྒོ་ནས་ཉེ་བར་སྡུད་པ་བསྟན་པར་བྱ་བའི་ཕྱིར། སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ནི་རྣམ་
སྣང་དང་དབྱེར་མེད་པར་སྒོམ་པ་ཡིན་པས་ན་རྣམ་པར་སྣང་མཛད་ཀྱི་རྣལ་འབྱོར་པའོ། །དེ་བཞིན་དུ་ཆོས་ནི་འོད་དཔག་ཏུ་མེད་པའི་རྣལ་འབྱོར་པའོ། །རྡོ་རྗེ་སེམས་དཔའ་ནི་མི་བསྐྱོད་པའི་རྣལ་འབྱོར་པའོ། །གལ་ཏེ་རྨོངས་པའི་བདག་ཉིད་ཅན་ལམ་འདིར་ཞུགས་ཕྱིན་ཆད་རང་གི་
སྒོ་གསུམ་དང་དེ་བཞིན་གཤེགས་པའི་སྐུ་གསུང་ཐུགས་དབྱེར་མེད་དུ་ལྟ་བ་རྒྱུན་ལྡན་དུ་བྱ་དགོས་པའི་མན་ངག་མ་ཐོབ་པས་རྨོངས་པས་ཟིལ་གྱིས་མནན་ནས་འདས་པར་གྱུར་ཅིང་། སྟེ། རང་གི་སྒོ་གསུམ་དེ་བཞིན་གཤེགས་པའི་སྐུ་དང་གསུང་དང་ཐུགས་སུ་བྱིན་གྱིས་བརླབ་པ་
དང་བྲལ་ནས་གསུམ་ཚན་དེ་གཉིས་ཐ་དད་པ་ཉིད་ཀྱིས་རྟོག་ན་ཚལ་པར་འགས་པ་ནི་སོ་སོར་རིང་དུ་གྱེས་པ་སྟེ་དེ་དང་འདྲ་བར་ཤིང་། བསྐྱེད་པའི་༼རྫོགས་པའི་རིམ་པ་ལས་ཟེར། རིམ་པ་ལས་རིང་དུ་གྱུར་པར་འདིར་ངའི་ཚིག་ལ་ཡིད་གཉིས་དང་སོམ་ཉི་མ་བྱེད་
4-2-263a


ཅིག་ཅེས་རྡོ་རྗེ་འཆང་ཆེན་པོས་གསུངས་པའོ།། ༈ དེ་བཞིན་གཤེགས་པ་ཐམས་ཅད་ནི་སྐུ་རྡོ་རྗེ་ལ་སོགས་པའོ། །དེ་རྣམས་ཀྱི་མི་ཕྱེད་པའི་ངོ་བོ་ཉིད་ཀྱི་སྦྱོར་བ་རྡོ་རྗེ་བཞི་ནི་རྡོ་རྗེའི་སྦྱོར་བའོ། །རིམ་པ་གཉིས་ཀྱི་རྡོ་རྗེ་བཞི་པོ་དེ་ལེའུ་འདིར་
བཤད་པའི་སྐུ་གསུང་ཐུགས་བྱིན་བརླབ་དང་འོད་གསལ་དུ་འཇུག་པའི་ཐབས་འདིས་མཉམ་པར་བྱས་པས་ན་དམ་ཚིག་གོ། དེ་ཉིད་ནི་བསྒྲུབ་པར་བྱ་བའི་ངོ་བོ་ཉིད་ཡིན་པས་ན་སྒྲུབ་པའོ། །རྫོགས་པའི་རིམ་པ་ཐོབ་པར་བྱེད་པས་ན་མཆོག་གོ། བསྟན་པ་ནི་རབ་ཏུ་བཤད་པའོ། །ལེའུ་ནི་
གཞུང་གི་ཚོགས་སོ། །ལེའུ་དང་པོ་ནས་བཅུ་གཅིག་པའི་བར་གྱི་ལེའུ་སོ་སོའི་མིང་ལ་ལྟོས་པས་ན་བཅུ་གཉིས་པ་སྟེ། སྒྲ་ཇི་བཞིན་པའོ།། ༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བཅུ་གཉིས་པ་མཐའ་དྲུག་གིས་
བཤད་པའོ། །། །རིམ་པ་གཉིས་ལ་སློབ་པ་ལ་འཇུག་པའི་རྣལ་འབྱོར་པ་རིམ་པ་གཉིས་ལ་བརྟེན་ཅིང་སྤྱོད་པ་བྱས་པ་རྣམས་ཀྱིས་གདུལ་བྱའི་སྐྱེ་བོ་རྣམས་རང་དང་བསྟན་པ་ལ་མོས་པར་བྱ་བའི་ཕྱིར། རིམ་པ་གཉིས་ཀྱི་ཏིང་ངེ་
འཛིན་ཙམ་དུ་མ་ཟད། ཚར་གཅོད་དང་རྗེས་འཛིན་གྱི་ལས་ཀྱི་ཚོགས་རྣམས་ཀྱང་ཉམས་སུ་བླང་བར་བྱའོ་ཞེས་དེ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་ལེའུ་བཅུ་གསུམ་པ་གསུངས་ཏེ།། ༈ དེ་ནས་ནི་རིམ་གཉིས་ཀྱི་བསྙེན་པ་ལ་སོགས་
པའི་ཆོ་ག་བཤད་ཟིན་པའི་འོག་ཏུའོ། །འདོད་པའི་དབང་ཕྱུག་ལ་སོགས་པ་བརྒྱད་དང་ལྡན་པས་བཅོམ་ལྡན་འདས་སོ། །བདེ་གཤེགས་ཀུན་ནི་མི་བསྐྱོད་པ་ལ་སོགས་པའོ། །ཡེ་ཤེས་རྡོ་རྗེ་ནི་གཉིས་སུ་མེད་པའི་ཡེ་ཤེས་སོ། །དེ་ཉིད་གཙོ་བོ་ཡིན་པས་
4-2-263b


ན་མཆོག་སྟེ། དེ་འཛིན་པས་ན་ཡེ་ཤེས་རྡོ་རྗེའི་མཆོག་འཛིན་པའི་དེ་བཞིན་གཤེགས་པའི་འཁོར་དང་ངོ༌། །སེམས་ཅན་ཀུན་གྱི་དོན་ནི་དགོས་པ་སྟེ། ཞི་བ་ལ་སོགས་པའོ། །དེའི་དོན་དུ་ཡང་དག་པར་བྱུང་བ་ནི་བརྩོན་པ་མཛད་པའོ། །དེ་གང་ཞེ་ན། བྱང་ཆུབ་སེམས་དཔའ་སྟེ་སའི་
སྙིང་པོ་ལ་སོགས་པའོ། །བློ་ལྡན་ནི་ཕྱག་རྒྱ་དང་ལྡན་པ་སྟེ། དེ་ལྟ་བུའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་ཕྱག་འཚལ་ཞིང་མཆོད་ནས་གསུངས་སོ། །ཞེས་སྦྱར་རོ། །དེ་བཞིན་གཤེགས་པ་ཐམས་ཅད་ཀྱི་ཐུགས་ལ་བཞུགས་པས་ན་ཐུབ་པའོ། །འཇིག་རྟེན་
པ་དང་འཇིག་རྟེན་ལས་འདས་པའི་དོན་ཡང་དག་པར་སྦྱིན་པ་ལ་ཐོགས་པ་མེད་པའི་ནུས་པ་དང་ལྡན་པས་ན་དོན་ཀུན་རྡོ་རྗེ་ཅན་ནོ། །སངས་རྒྱས་དང་བྱང་སེམས་དཔའ་རྣམས་ཀྱི་སྟོན་པ་ཆེན་༼ཐུབ་པའི་སྐད་དོད་མུ་ལ་མ་ན་ཡིད་སྟེ་ཐུགས་སོ། །བསྟེ་འཇུག་པ་སྟེ་བཞུགས་པའོ། །
༽པོ་ཡིན་པས་ན་སྟོན་པ་ཆེ་རྡོ་རྗེ་འཆང་ཆེན་པོ་སྟེ་དེ་ལ་ཕྱག་འཚལ་ནས་སོ་འོ། །བདེན་པ་གཉིས་ཡོངས་སུ་མཁྱེན་པས་ན་དམ་ཚིག་དེ་ཉིད་མཁྱེན་པ་སྟེ། དེ་ལ་ཕྱི་དང་ནང་གི་མཆོད་པ་རྣམས་ཀྱིས་མཆོད་དེ་རྡོ་རྗེའི་དབྱངས་འདི་གསུངས་པ་སྟེ། ལས་ཀྱི་ཚོགས་
ལ་གསོལ་བ་འདེབས་པའི་ཚིག་ནི་རྡོ་རྗེའི་དབྱངས་ཡིན་ལ། དེ་གསུང་བར་མཛད་པ་སྟེ། སྒྲ་ཇི་བཞིན་པའོ།། ༈ ཨེ་མའོ་ཞེས་བྱ་བ་ནི་ངོ་མཚར་དུ་གྱུར་པའོ། །གང་ལ་ངོ་མཚར་ཞེ་ན། སངས་རྒྱས་ཀྱི་ཚུལ་སྟེ་དེ་འཁྲིད་པའི་ཐབས་ནི་སོ་སོར་སྡུད་པ་ལ་སོགས་པ་
ཡན་ལག་དྲུག་གི་སྦྱོར་བའོ། །རྡོ་རྗེ་བཞི་འདའ་བར་མི་བྱ་བ་ཡིན་པས་༼རྡོ་རྗེ་བཞི་ལས་འདས་པའི་ཕྱིར་ན་བཟང་པོའོ། །ཞེས་འབྱུང་སྟེ་བསྐྱེད་རིམ་གྱི་རྡོ་རྗེ་བཞི་ལས་འདས་པའོ། །༽བཟང་པོའོ། །སྦྱོར་བ་ཡན་ལག་དྲུག་གི་བསྔགས་པ་བསྟན་ནས་བདེན་པ་གཉིས་བསྲེས་
4-2-264a


པ་ཟུང་འཇུག་ལ་མངོན་པར་བསྟོད་པ་གསུངས་པ་ནི། ཡང་ཨེ་མའོ་ཞེས་བྱ་བ་ལ་སོགས་པ་སྟེ། བྱང་ཆུབ་ནི་སྦྱོར་བ་དྲུག་གོ། དེའི་ཚུལ་ནི་བདེན་པ་གཉིས་ཀྱི་ངེས་པར་སྦྱོར་བཟུང་འཇུག་གོ་འོ། །དེ་ཉིད་ཕུལ་དུ་བྱུང་བས་མཆོག་སྟེ། དེ་
བཞིན་གཤེགས་པ་ཐམས་ཅད་ཀྱི་གསུང་རབ་ཀྱི་གི་སྙིང་པོའི་དོན་བསྡུས་པ་ཡིན་པའི་ཕྱིར་རོ། །གཞན་ཡང་ཨེ་མའོ་ཞེས་བྱ་བ་ལ། ཆོས་ནི་བདེན་པ་གཉིས་སོ། །དེའི་ཚུལ་ནི་གཅིག་ཏུ་བྱས་པའོ། །དེ་ཞི་བ་ནི་སྤྲོས་པ་རྣམས་དང་བྲལ་བའོ། །གཞན་ཡང་ཨེ་མའོ་
ཞེས་བྱ་བ་ལ་སོགས་པས་ནི་བསྟོད་པ་ཉེ་བར་སྡུད་པ་ཡིན་ཏེ། སྔགས་ནི་དེ་བཞིན་གཤེགས་པ་རྣམས་སོ། །དེ་རྣམས་ཀྱི་ཚུལ་ནི་བྱང་ཆུབ་འཐོབ་པའི་ཐབས་སོ། །བརྟན་པ་ནི་མི་ཕྱེད་པ་སྟེ་ཉན་ཐོས་ལ་སོགས་པས་མི་ཤིགས་པའི་ཕྱིར་ཏེ། དགོངས་པས་བཤད་པའོ། །
མ་སྐྱེས་པ་ཡི་ཞེས་བྱ་བ་ལ་སོགས་པ་ལ། མ་སྐྱེས་ཤིང་ཞེས་པ། དབུ་མ་རྩ་བ་ལས། རྟེན་ཅིང་འབྱུང་བ་གང་ཡིན་པ། །དེ་ནི་ངོ་བོ་ཉིད་ཀྱིས་ཞི། །ཞེས་གསུངས་པ་ལྟར། གཟོད་མ་ནས་ངོ་བོ་ཉིད་ཀྱིས་སྐྱེ་བ་ཞི་བར་རྟོགས་པ་ལ་བརྟེན་ནས་འི་ཆོས་ཕུང་པོ་ལ་སོགས་པ་རྣམས་ལ་བྱང་
ཆུབ་འཐོབ་པར་བྱེད་པའི་ངོ་བོ་ཉིད་ཀྱིས་ཕུལ་དུ་བྱུང་ཞིང་ཁྱད་པར་ཅན་ཡིན་པ་དང་མ་སྐྱེས་ཤིང་རྣམ་པར་མི་རྟོག་པ་སྟེ། དེ་ཁོ་ན་ཉིད་ལ་བརྟག་པ་དང་བྲལ་ཞིང་སྟེ་བརྟག་མི་བཟོད་ཅིང་མ་བརྟགས་ན་ཉམས་དགའ་བ་ཙམ་དུ་ཡོད་པར་བདེན་ཞིང༌། ཡང་དག་པ་རྣམས་ཏེ། དེ་
ལྟར་གྱུར་པའི་ཆོས་རྣམས་ལས་ཡན་ལག་དྲུག་གི་སྦྱོར་བའི་ཐབས་ཀྱིས་ཡེ་ཤེས་འབྱུང་བ་སྟེ། རྡོ་རྗེ་སེམས་དཔའ་སྐྱེ་བར་བཅོམ་ལྡན་འདས་ཀྱིས་མང་དུ་གསུངས་ཤིང་བཀའ་སྩལ་པ། དེ་ནི་ངོ་༼འགྱུར་གསར་གཉིས་ལ་བདེན་ཞིང་ཞེས་པ་མེད་དོ།། ༽མཚར་ཆེའོ་
4-2-264b


ཞེས་པ་སྟེ། དགོངས་པ་མ་ཡིན་པས་བཤད་པའོ། །དེ་ལྟར་བསྟོད་པས་བཅོམ་ལྡན་འདས་མཉེས་པར་བྱས་ནས་མངོན་པར་འདོད་པའི་དོན་གྱི་ཕྱིར་གསོལ་བ་འདེབས་པ་བསྟན་པར་བྱ་བའི་ཕྱིར། སྔགས་རྣམས་ཀུན་ཞེས་བྱ་བ་ལ་སོགས་པ་གསུངས་༼
འདིའི་ངོ་མཚར་ཆེ་ལུགས་ནི། ངོ་བོ་ཉིད་ཀྱིས་གྲུབ་པ་ཅུང་ཟད་ཀྱང་མེད་བཞིན་དུ་རྒྱུ་འབྲས་འཇོག་པ་འཐད་པའོ། །༽ཏེ། སྔགས་རྣམས་ཐམས་ཅད་ནི་ཨཱ་ལི་དང་ཀཱ་ལི་ལས་བྱུང་བའི་སྦྲུལ་ལ་སོགས་པ་རྣམས་སོ། །སྔགས་དེ་གང་དུ་བསགས་ཤིང་བསྡུས་པ་ནི་བསྡུས་པའོ། །
རྡོ་རྗེ་བཟླས་པ་ནི་དོན་ཏེ་འབྲས་བུ་ཡོད་པའི་བཟླས་པའོ། །ཡེ་ཤེས་ཆེན་པོ་ནི་བླ་ན་མེད་པའི་ཡེ་ཤེས་འཐོབ་པར་བྱེད་པའི་ཕྱིར་རོ། །སྐུ་གསུམ་མི་ཕྱེད་པ་ནི་རྡོ་རྗེ་འཆང་ཆེན་༼སྔགས་བཟླ་བར་གསུངས་པ་ཐམས་ཅད་ཀྱི་ངེས་དོན་མཐར་གཏུགས་ན་རླུང་སྔགས་དབྱེར་མེད་དུ་ཟློ་བའོ། །
༽པོའོ། །དེ་ལྟར་བསྒོམས་པའི་རྣལ་འབྱོར་པ་དེའི་རླུང་ནང་དུ་འཇུག་པ་དང་གནས་པ་དང་ལྡང་བའི་ཚུལ་གྱིས་འཇུག་པའི་གནས་ནི་དཀྱིལ་འཁོར་བཞིའི་རླུང་ཏེ་དེ་བཤད་དུ་གསོལ་ཞེས་པའོ། །རྡོ་རྗེ་བཟླས་པ་དེ་ཉིད་ཀྱི་ཁྱད་པར་བསྟན་པ་ནི། སངས་རྒྱས་ཞེས་བྱ་བ་
ལ་སོགས་པ་སྟེ། སངས་རྒྱས་ཀྱི་ཡེ་ཤེས་ནི་སྟོབས་བཅུ་དང་མི་འཇིགས་པ་ལ་སོགས་པ་སྟེ། རྡོ་རྗེ་མི་ཕྱེད་པ་གསུམ་བསྒོམས་པའི་སྒྲུབ་པ་པོ་གང་གིས་འཐོབ་པར་འགྱུར་བ་དེ་བཤད་དུ་གསོལ་ཞེས་བྱ་བར་སྦྱར་རོ། །རྡོ་རྗེ་བཟླས་པ་ནི་རྡོ་རྗེའི་བཟླས་བརྗོད་དོ། །
དེའི་སྦྱོར་བ་ནི་འཇུག་པ་ལ་སོགས་པའི་ཚུལ་གྱིས་རླུང་སྔགས་དབྱེར་མེད་དུ་ཡོངས་སུ་ཟློས་པའོ། དེ་ཡིས་སངས་རྒྱས་ཀུན་ཏེ་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་རློབ་ཅིང་བདག་གིར་མཛད་པའོ། །༼རྡོར་བཟླས་ནི་སྔགས་ཐམས་ཅད་ཀྱི་ངེས་དོན་གྱི་སྔགས་
4-2-265a


ཟློ་བ་ཡིན་པས། སྔགས་བཟླས་པས་རྒྱལ་བ་སྲས་བཅས་ཀྱི་ཐུགས་བསྐུལ་ནས། རང་ལ་བྱིན་གྱིས་རློབ་པའི་དགོས་པ་རྣམས་རྡོར་བཟླས་ཀྱིས་སྒྲུབ་པས་མཆོག་ཏུ་གྱུར་པའོ། །༽རིགས་དང་ཞེས་བྱ་བ་ལ་སོགས་པ་ལ། གསང་སྔགས་ཐམས་ཅད་ནི་
སྦྲུལ་ཞེས་བྱ་བ་ལ་སོགས་པའི་རིགས་ཏེ་ཚོགས་རྣམས་ཀྱིའོ། །སྐུ་དང་གསུང་དང་ཐུགས་ཀྱི་མཚན་ནི་རྡོར་བཟླས་ཀྱི་ཡི་གེ་གསུམ་སྐུ་རྡོ་རྗེ་ལ་སོགས་པ་གསུམ་གྱི་འི་ངོ་བོར་སྟོན་པའོ། །གསང་སྔགས་ཟློས་པ་ནི་རྡོ་རྗེ་བཟླས་པའོ། །དེ་རིང་ཞེས་པ་ནི་ད་ལྟའོ། །
གསུངས་ཤིག་པ་ནི་བཀའ་སྩོལ་ཅིག་པའོ། །རྡོ་རྗེ་བཟླས་པ་དེ་དགོས་པ་ཅིའི་ཕྱིར་ཞུ་ཞེ་ན། ཡེ་ཤེས་རྒྱ་མཚོ་སྟེ་རིན་པོ་ཆེ་ལྟ་བུའི་གང་ཟག་གོ། གསན་པ་ནི་དེས་བཀའ་སྩལ་པ་དེ་ཐོས་ནས་ཤེས་པའི་དོན་དུ་འོ། །སྐུ་གསུང་ཐུགས་ཀྱི་རྡོ་རྗེ་ཅན་ཞེས་པ་ནི་ལམ་ལ་
སློབ་བཞིན་པ་ལ་གནས་པའོ། །སངས་རྒྱས་དུས་གསུམ་ལས་བྱུང་རྣམས་༼ཡེ་ཤེས་རྒྱ་མཚོའི་གསན་དོན་དུའོ། །ཞེས་འབྱུང་ངོ༌། །༽ཞེས་པ་ནི། འཇུག་པ་དང་གནས་པ་དང་ལྡང་བའི་བདག་ཉིད་ཅན་དུ་གྱུར་པའོ། །བྱུང་བ་ནི་རྫོགས་པའོ། །གང་ཞེ་ན། ༼
སངས་རྒྱས་དུས་གསུམ་ལས་བྱུང་བ། །ཞེས་བྱ་བ་ནི་འཇུག་པ་དང་གནས་པ་དང་ལྡང་བའི་བདག་ཉིད་ཅན་ནོ། །བྱུང་བ་ནི་རྫོགས་པའོ། །དེ་དག་གང་ཞེ་ན། སྐུ་གསུང་ཐུགས་ཀྱི་རྡོ་རྗེ་ཅན་ཏེ་སྦྱོར་བཞིན་པ་རྣམས་སོ། །དེའི་དོན་ནི་དུས་གསུམ་ནི་རླུང་ལྡང་འཇུག་གནས་པ་གསུམ་མོ། །དེ་ལས་བྱུང་བའི་སངས་རྒྱས་ནི་
རླུང་གསུམ་ལས་བྱུང་བའི་གདངས་གསུམ་རྫོགས་པའོ། །དེ་དག་ཀྱང་གང་ཡིན་ཞེ་ན་སྐུ་གསུང་ཐུགས་ཀྱི་རྡོ་རྗེ་གསུམ་གྱི་ཡི་གེའི་གདངས་དང༌། རླུང་གི་གདངས་གསུམ་དབྱེར་མེད་དུ་སྦྱོར་བཞིན་པའོ། །སངས་རྒྱས་ཞེས་པ་ནི་རྡོ་རྗེ་ཅན་ཞེས་པའི་དོན་ནོ། །༽སློབ་པའི་རྣལ་འབྱོར་པའོ། །རྡོ་
4-2-265b


རྗེ་སྔགས་ནི་རབ་བསྒོམས་པས། །ཞེས་བྱ་བ་ནི་རྡོ་རྗེ་བཟླས་པ་ཡོངས་སུ་ཤེས་པས་སོ། །ཡེ་ཤེས་མཉམ་མེད་ནི་གཉིས་སུ་མེད་པའི་ཡེ་ཤེས་ཏེ་དེ་ཐོབ་པར་འགྱུར་བ་བཅོམ་ལྡན་འདས་ཀྱིས་བཤད་དུ་གསོལ་ཞེས་གསོལ་བ་བཏབ་པའོ།། ༈ དེ་ནས་ཞེས་བྱ་
བ་ནི་གསོལ་བ་བཏབ་མ་ཐག་ཏུའོ། །ནམ་མཁའ་རྡོ་རྗེ་ནི་དོན་དམ་པའི་བདེན་པའོ། །ཡེ་ཤེས་ནི་ཀུན་རྫོབ་ཀྱི་བདེན་པའོ། །དེ་གཉི་ག་ལས་བྱུང་བས་ནམ་མཁའ་རྡོ་རྗེ་ཡེ་ཤེས་ལས་བྱུང་བ་སྟེ་རྡོ་རྗེ་འཆང་ཆེན་པོའོ། །བྱེད་ཅེས་བྱ་བ་ལ་སོགས་པས་ནི་རྡོ་རྗེ་འཆང་དེ་ཉིད་
ཀྱི་ཁྱད་པར་སྟོན་པ་ཡིན་ཏེ། ཞི་བ་ལ་སོགས་པའི་བྱ་བ་རྣམས་བསྐྱེད་པས་ན་བྱེད་པའོ། །རང་གི་དབང་དུ་གྱུར་པ་མ་ཡིན་པ་སྟེ་རང་གིས་བཟློག་པར་མི་ནུས་པ་གཞན་གྱིས་བྱས་པའི་མངོན་སྤྱོད་དང་ལ་སོགས་པས་དབང་གི་འི་ལས་གཅོད་པས་ན་སྐྱེད་པའོ། །དམ་པ་
ནི་ཚངས་པ་ལ་སོགས་པའོ། །དེ་རྣམས་ཀྱི་མཆོག་ནི་དགྲ་བཅོམ་པ་ལ་སོགས་པའོ། །དེ་རྣམས་པས་ཀྱང་ལྷག་པར་གྱུར་པས་དམ་པ་མཆོག་གི་གཙོས་ཏེ། བཅོམ་ལྡན་འདས་ཉིད་དེ་དེས་རང་ཉིད་ཀྱི་རྡོ་རྗེ་བཟླས་པ་འདི་གསུངས་ཤིང་བཀའ་སྩལ་པའོ།། ༈ སྔགས་
ཀྱི་དོན་ཀུན་ཞེས་བྱ་བ་ལ་སོགས་པ་ལ། གསང་སྔགས་ཐམས་ཅད་ནི་སྦྲུལ་ཞེས་བྱ་བ་ལ་སོགས་པའོ། །སྔགས་དེ་རྣམས་ཀྱི་དོན་བསྡུས་པ་ནི་ཡི་གེ་གསུམ་མོ། །ཡི་གེ་གསུམ་པོ་དེའི་བཟླས་པ་ནི་རླུང་ནང་དུ་འཇུག་པ་ལ་སོགས་པ་གསུམ་གྱི་གདངས་དང་དབྱེར་
མེད་པར་ཟློ་བའོ་མོ། །རླུང་སྔགས་དེ་རྣམས་མི་ཕྱེད་པར་ཟློ་བ་ཡོད་པ་ལ་ནི་རྡོ་རྗེ་མི་ཕྱེད་གསུམ་གྱིས་མཚན་པ་སྟེ། རྡོ་རྗེ་གསུམ་གྱི་ཡི་གེ་དང་རླུང་གཉིས་མི་ཕྱེད་པ་དེའི་ངོ་བོ་ཉིད་ཀྱི་རྡོ་རྗེ་བཟླས་པ་གསུངས་སོ་ཞེས་བྱ་བར་སྦྱར་རོ། །༼ཏེ་འདིས་རྡོ་རྗེ་བཟླས་པའི་སྒྲ་བཤད་བསྟན་
4-2-266a


ཏོ། །༼རྡོ་རྗེ་བཟླས་པ་དེ་རྣམ་པར་དབྱེ་བསྟེ་བཤད་པར་བྱའི་ཕྱིར་རྡོ་རྗེ་དབྱེ་བ་ཞེས་བྱ་བ་ལ་སོགས་པ་གསུངས་ཏེ། དབྱེ་བ་གསུམ་ནི་སྐུ་རྡོ་རྗེ་ཨོཾ་ལ་སོགས་པའི་དབྱེ་བ་གསུམ་མོ་འོ། །དེའི་བཟླས་པ་ནི་རྡོ་རྗེའི་མཐར་ཐུག་པ་ནི་རྡོ་རྗེ་འཛིན་
པ་གཅིག་པུའི་མཐར་ཕྱིན་པའོ། །ཡི་གེ་གསུམ་གྱི་བཀོད་པ་ནི་རླུང་ནང་དུ་འཇུག་པ་ལ་སོགས་པའི་༽དབྱེ་བ་གསུམ་ལ་རྡོ་རྗེའི་མཐར། །བཀོད་པ་རྡོ་རྗེ་གསུམ་ཞེས་བྱ། །ཞེས་འབྱུང་བ་དང་འགྲེལ་པའི་བཤད་པ་མཐུན་ནོ། །༼རང་གི་ངོ་བོ་ཡི་གེ་གསུམ་གྱི་གདངས་སུ་ར་༽
ཞེས་པ་ནི་རྡོ་རྗེ་འཆང་ནི་རྡོ་རྗེ་གསུམ་མི་ཕྱེད་པ་ཡིན་ལ། དེ་ཡང་འདིར་རྡོར་བཟླས་བྱས་པས་། མཐར་འཇུག་གནས་ལྡང་གསུམ་གྱི་རྡོ་རྗེ་གསུམ་མི་ཕྱེད་པར་སྙིང་ཁའི་རྩ་འཁོར་གྱི་དབུས་ཀྱི་རྡོ་རྗེ་འཛིན་པ་མི་ཤིགས་པའི་ཐིག་ལེ་ལ་ཞུགས་པ་ཡིན་ཏེ། ལེའུ་དྲུག་པའི་འགྲེལ་པར་སྙིང་ཁ་ན་གནས་པའི་རྡོ་རྗེ་
སེམས་དཔའ་བསྐུལ་ཞེས་བཤད་པ་བཞིན་ནོ། །༼ཡོངས་སུ་ཤེས་པས་ཟློ་བ་སྟེ། དེ་ནི་རྡོ་རྗེ་གསུམ་གྱི་བཟླས་པ་ཞེས་བྱའོ་ཞེས་ཤེས་པར་བྱའོ། །བཟླས་པ་འདིའི་ཡུལ་ཅན་ལ་རྟེན་ཅན་ཞེས་གསུངས་པ་མང་བས་ཡུལ་ཏེ་རྟེན་བསྟན་པར་བྱ་བའི་ཕྱིར། སྐུ་
གསུང་ཐུགས་ཀྱི་ཞེས་བྱ་བ་ལ་སོགས་པ་གསུངས་ཏེ། སྐུ་དང་གསུང་དང་ཐུགས་ཀྱི་བཟླས་པའི་གནས་ནི་ཉེ་བར་ལེན་པའི་ལུས་སོ་འོ། །དེ་གང་ཡིན་ཞེ་ན། གཞི་དུས་ཀྱི་སྐྱེ་བ་སྤྲུལ་པའི་སྐུ་ཞེས་པའི་སྤྲུལ་པའི་སྐུའི་ལུས་དང༌། ཟུང་འཇུག་པས་སྤྲུལ་སྐུའི་ལུས་ལེན་
པའོ། །ལུས་དེ་ཡོད་པ་ལ་བརྟེན་ནས་སྤྲོ་བ་རྣམ་པ་གསུམ་པོ་འཇུག་པ་ལ་སོགས་པའི་མཚན་ཉིད་ཅན་གྱི་རྡོར་བཟླས་ཀྱི་བྱ་བ་རྫོགས་པར་བྱའོ། །༽འདིར་སྔ་མ་རྣམས་སྐབས་འདི་རྣམས་སུ་རྡོར་བཟླས་བྱ་བར་གསུངས་པ་ཐམས་ཅད་ཟུང་འཇུག་པས་ཞི་སོགས་ཀྱི་ལས་
4-2-266b


སྒྲུབ་པའི་རྡོར་བཟླས་ཁོ་ན་ལ་འཆད་མོད་ཀྱང༌། རྫོགས་རིམ་པའི་བསྙེན་པའི་དུས་སུ་རྡོར་བཟླས་བྱས་པས་སྟོང་པ་རྣམས་འདྲེན་པ་ལ་ཡང་སྦྱར་དགོས་པར་སྣང་ངོ༌། །༽འདིའི་ཕན་ཡོན་ནི་རྡོ་རྗེ་བཟླས་པ་ཞེས་བྱ་བ་ལ་སོགས་པ་སྟེ། རྡོ་རྗེ་བཟླས་པ་བཤད་མ་ཐག་པ་འདི་ཡིས་ནི། རྡོ་རྗེ་གསུམ་
སྟེ་སྐུ་ལ་སོགས་པའོ། །དེའི་ཐུགས་ནི་སྐུ་ལ་སོགས་པའི་ངོ་བོ་ཉིད་ཀྱིས་ཐ་མི་དད་པ་མི་ཕྱེད་པར་གྱུར་པའི་ཡེ་ཤེས་ཀྱི་སྐུའི་ངོ་བོ་ཉིད་རྡོ་རྗེ་འཆང་ཆེན་པོ་སྟེ་དེ་དང་འདྲ་བར་འགྱུར་བའོ།། ༈ བླ་སྟེ་གོང་ན་མེད་པའི་རྫོགས་རིམ་པའི་མཆོད་པ་བསྟན་པར་བྱ་བའི་
ཕྱིར། སངས་རྒྱས་རྣམས་ཀྱི་ཞེས་བྱ་བ་ལ་སོགས་པ་གསུངས་ཏེ། སྐུ་གསུང་ཐུགས་ཞེས་བྱ་བ་ནི་ཟུང་འཇུག་པས་རྣམ་སྣང་ལ་སོགས་པའི་སྤྲུལ་པའི་སྐུ་འཛིན་པ་སྒོམ་ཞིང་སྟེ་བསྐྱེད་ནས། སངས་རྒྱས་ཏེ་ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པ་རྣམས་
ཀྱིའམ་ལ་མཆོད་པའི་མཆོག་གི་ཁྱད་པར་བརྟག་པར་བྱའོ། །གང་གིས་ཤེ་ན། ཡེ་ཤེས་རྡོ་རྗེ་སྟེ་རྫོགས་པའི་རིམ་པའི་ཏིང་ངེ་འཛིན་ཟུང་འཇུག་ལ་གནས་པས་སོ། །རྡོ་རྗེ་གསུམ་གྱི་ཞེས་བྱ་བ་ལ་སོགས་པ་ནི་ཕན་ཡོན་ཏེ་སྔ་མ་རྡོ་རྗེ་འཆང་དང་འདྲ་བར་བཤད་པ་བཞིན་ནོ། །
ཕྱི་རོལ་གྱི་མེ་ཏོག་སོགས་ཀྱི་མཆོད་པ་ལ་མངོན་པར་ཞེན་པ་སྤང་བར་བྱ་བའི་ཕྱིར། སླར་ཡང་སངས་རྒྱས་རྣམས་ཀྱི་ཞེས་བྱ་བ་ལ་སོགས་པ་གསུངས་ཏེ། སྔར་མཆོད་པའི་མཆོག་བརྟག་པར་བྱ་བར་གསུངས་པ་དེ་ནི་ཞེས་པ་མ་ལུས་པའི་མཆོད་པའི་ཚོགས་རྣམས་
བསམས་ནས་འཇིག་རྟེན་གྱི་ཁམས་རྣམས་སུ་སངས་རྒྱས་རྣམས་ཀྱི་སྐུ་དང་གསུང་༼ཡང་གིས་སྒྲས་ནི་སྔར་གསུངས་པའི་མཆོད་པའི་མཆོག་དེ་ཉིད་འདིར་འཆད་པའོ། །༽དང་ཐུགས་སུ་བསྒོམས་ནས་མཆོད་པ་བྱ་བ་སྟེ། བྱེད་པའོ། །དེ་ཇི་ལྟར་ཡིན་ཞེ་ན། འདོད་ཡོན་དང་རིན་ཆེན་
4-2-267a


སྣ་བདུན་ལ་སོགས་པ་བླ་ན་ཡོད་པ་དང་བཅས་པའི་མཆོད་པའི་ཚོགས་འཇིག་རྟེན་གྱི་ཁམས་ཁྱབ་པར་སྤྲུལ་པ་རྣམས་དེ་བཞིན་གཤེགས་པ་ཐམས་ཅད་ཀྱི་འི་སྐུ་རྡོ་རྗེ་ལ་སོགས་པ་གསུམ་གྱི་ངོ་བོར་གྱུར་པར་ཡེ་ཤེས་རྡོ་རྗེས་ཁོང་དུ་ཆུད་
པར་བྱས་ནས་མཆོད་པའོ། །འདི་ནི་ཞེས་པ་ནི་འདི་ལྟ་བུའི་ཡོངས་སུ་ཤེས་པའོ། །བྱང་ཆུབ་མཆོག་ཐོབ་པའོ་ཞེས་བྱ་བ་ནི་རྡོ་རྗེ་འཆང་ཆེན་པོའི་གོ་འཕང་སྐྱེད་པ་སྟེ་ཕན་ཡོན་ནོ།། ༈ དེ་ལྟར་དབང་པོ་རབ་དང་ལྡན་པ་རྫོགས་རིམ་པའི་མཆོད་པ་བསྟན་ནས། དབང་༼
ཟུང་འཇུག་པས་འདི་ལྟར་བྱས་ནས་མཆོད་པའི་ཆ་ནས་བླ་ན་མེད་པ་ཞེས་བྱ་ལ། ཉེར་སྤྱོད་དང་འདོད་ཡོན་སོགས་ནི་བླ་ན་ཡོད་པར་འཇོག་པས་མི་འགལ་ལོ། །། ༼པོ་ཐ་མལ་པ་བསྐྱེད་རིམ་པ་རྣམས་ཀྱི་མཆོད་པ་ཡང་བསྟན་པར་བྱ་བའི་ཕྱིར། ཡང་ན་དབྱེ་བ་ཞེས་བྱ་བ་ལ་སོགས་པ་གསུངས་ཏེ། 
ཡང་ན་ཞེས་བྱ་བ་ནི་རྫོགས་རིམ་པའི་མཆོད་པ་ལས་རྣམ་པ་གཞན་སྟོན་པའི་ཚིག་གི་ཕྲད་དོ། །དབྱེ་བ་རྣམ་གསུམ་གྱིས་ཞེས་བྱ་བ་ནི་ལྷ་རེ་རེའི་སྤྲུལ་པ་ཡང་སྐུ་ལ་སོགས་པའི་དབྱེ་བ་རྣམ་པ་གསུམ་གྱིས་སོ་སོར་ཐ་དད་པར་སྤྲོ་༼ཞེས་པ་ནི་ཐུན་མོང་དུ་བྱེད་པ་མིན་པར་རེ་རེ་
ནས་སྤྲུལ་པའོ། །༽ཞིང༌། ཞེས་པ་ནི་། རང་གི་ལུས་ཀྱི་དཀྱིལ་འཁོར་ལས་ལྷ་རྣམས་ཉེ་བར་འབྱིན་པའི་བྱ་བ་བྱེད་པའོ། །སྤྲུལ་པའི་དཀྱིལ་འཁོར་པ་རྣམས་ཀྱི་སྟེ་ལ་༼ཞེས་པ་ནི་སྤྱན་མ་ལྟ་བུ་གཅིག་སྤྲོས་པ་དེས་སྤྲུལ་པ་ལ་ཡང་། རྡོ་རྗེ་གསུམ་གྱི་ལྷ་ཚོགས་དུ་མ་ཞིག་སྤྲུལ་པའོ། །
༼བདེན་པར་ཉེ་བར་དམིགས་པའི་མངོན་ཞེན་དགག་པར་བྱ་བའི་ཕྱིར། སྐུ་དང་ཞེས་བྱ་བ་ལ་སོགས་པ་གསུངས་ཏེ། སྐུ་དང་གསུང་དང་ཐུགས་ཀྱི་བདག་མེད་པ་སྟེ། ལྷ་དེ་རྣམས་ཀྱི་སྐུ་ལ་སོགས་པ་དངོས་པོ་སྟེ་རང་བཞིན་མེད་པར་རང་གི་ཡེ་ཤེས་ཀྱི་
4-2-267b


སེམས་ཏེ། སོ་སོར་རྟོག་པའི་བདག་ཉིད་ཅན་གྱི་ཡེ་ཤེས་ཀྱི་ཁྱད་པར་གྱིས་ཟིན་པར་བྱས་ནས་ལྷ་རྣམས་ཡང་དག་པར་སྤྲོ་ཞིང་བློའི་ཡུལ་དུ་གསལ་བར་བྱའོ། །རང་ལས་སྤྲོས་པའི་ལྷ་རྣམས་མཐར་རང་ལ་གཞུག་པའི་ཁ་སྦྱར་བ་བསྟན་པར་བྱ་བའི་ཕྱིར། བརྗོད་ནས་རྡོ་རྗེ་ཞེས་བྱ་བ་
ལ་སོགས་པ་གསུངས་ཏེ། རྡོ་རྗེ་སྟེ་རང་གིས་སྤྲུལ་པའི་ལྷའི་སྐུ་བརྗོད་པ་སྟེ། གང་དུ་སྤྲུལ་པའི་གནས་ནས་བསྐྱོད་ནས་སླར་འོང་སྟེ། ༼འདིས་ནི་མཆོད་པ་བྱེད་པའི་ལྷ་རྣམས་ཀྱི་རྣམ་པ་གསལ་བ་དང༌། མི་དམིགས་པར་རྟོགས་པའི་ལྟ་བས་ཟིན་པར་བྱས་ནས་མཆོད་དགོས་པར་བསྟན་ནོ། །
སྤྲོས་པའི་ལྷ་རྣམས་ཀྱིས་མཆོད་པ་ཇི་ལྟར་བྱ་བ་སྐབས་འདིར་མ་བཤད་ཀྱང༌། སྔར་བླ་ན་མེད་པའི་མཆོད་པའི་སྐབས་སུ་མཆོད་རྫས་མ་ལུས་པས་འཇིག་རྟེན་གྱི་ཁམས་ཁྱབ་པར་སྤྲུལ་ནས་སངས་རྒྱས་ཐམས་ཅད་ལ་མཆོད་པར་བཤད་པས་གོ་ནུས་པ་ལ་དགོངས་སོ། །བཤད་པ་འདི་ལ་བརྟེན་ནས་དཀྱིལ་
འཁོར་རྒྱལ་མཆོག་གི་ལྷ་སྤྲུལ་པ་ལ་ཡང་རེ་རེ་ལས་དུ་མ་སྤྲུལ་པ་དང༌། རྣམ་པ་གསལ་བ་དང༌། ལྟ་བས་ཟིན་པར་བྱེད་པར་རྟོགས་པར་བྱ་བ་ཡིན་ཀྱང༌། དེ་ཁོ་ན་ལ་འཆད་པ་ནི་དོན་མ་ཡིན་ནོ། ༽གནས་དེ་ནས་ཚུར་ལ་སྤྲོ་བ་སྟེ། རང་གི་ཕུང་པོ་ལ་སོགས་པའི་རང་བཞིན་གྱིས་ཏེ་ངོ་བོར་
བདག་ཉིད་དུ་སྟེ་ལ་བཞག་པ་སྟེ་གཞུག་པར་བྱ་བའོ་དང་། མཆོད་པའི་དོན་དུ་སྤྲོས་པ་རྣམས་ཀྱིས་མཆོད་པའི་ལས་རྫོགས་ནས་ཏེ། རྫོགས་པའི་འོག་ཏུ་རང་ལ་སྡུད་པའི་ཁ་སྦྱར་བར་བྱ་བའི་གནས་སྐབས་སུ་མཆོད་ལྷ་རྣམས་རབ་ཏུ་བསྡུ་བ་སྟེ། ཏིང་ངེ་འཛིན་གྱི་༼
འདིས་ནི་ཐུན་གྱི་མཐར་དཀྱིལ་འཁོར་པའི་ལྷ་རང་ལ་བསྡུ་བ་སྟོན་ནོ། །༽སེམས་དཔར་གཞུག་པར་བྱ་སྟེ་འོ། །༼འདིས་ནི་སྤྲོ་བའི་ཚེ་ན་ཏིང་ངེ་འཛིན་སེམས་དཔའ་ལས་སྤྲོ་བ་ཡང་ཤེས་པར་བྱའོ། །༽འདི་ནི་ཞེས་པ་ནི་བཤད་མ་ཐག་པའོ། །ཡེ་ཤེས་ཀྱི་སྤྱན་ཕྱེ་བ་ནི་ཡེ་
4-2-268a


ཤེས་ཀྱི་མིག་རྣམ་པར་གདངས་པ་རྣམས་ཀྱིའོ། །སངས་རྒྱས་རྣམས་ནི་རིན་པོ་ཆེ་ལྟ་བུའི་གང་ཟག་རྣམས་ཀྱིའོ།། ༈ སྐུ་རྡོ་རྗེ་ནི་རྣམ་པར་སྣང་མཛད་དོ། །ཐབས་གང་གིས་རྣམ་སྣང་དེ་མངོན་པར་བྱང་ཆུབ་ཅིང་སྟེ་རྫོགས་པར་བྱེད་པ་དེ་ནི་སྐུ་
ཡི་རྡོ་རྗེ་རྫོགས་པའི་བྱང་ཆུབ་སྟེ་ཡི་གེ་ཨོཾ་གྱི་དོན་སྒོམ་པའོ་མོ། །དེའི་གཟུང་བ་མེད་པ་ནི་སྤྱོད་ཡུལ་ཇི་ལྟ་བ་༼འདི་བསྐྱེད་རིམ་པའི་མཆོད་པ་ཡིན་ཀྱང་། རིན་པོ་ཆེ་ལྟ་བུའི་གང་ཟག་གི་ཡིན་པར་གསུངས་པ་མི་འགལ་ཏེ། དེ་ལ་ཡང་བསྐྱེད་རིམ་ལ་གནས་པའི་སྐབས་ཡོད་པའི་ཕྱིར་
རོ། །༽བཞིན་དུ་མེད་པའི་དངོས་པོ་དང་ངོ་བོ་ཉིད་དང་བྲལ་བས་༼འདིར་དེ་ནི་རྣ་བའི་ལམ་གྱི་སྤྱོད་ཡུལ་ཡིན་པའི་ཕྱིར་དངོས་པོ་དང༌། རང་བཞིན་དང་བྲལ་བའི་ཕྱིར་དངོས་པོ་མེད་པ་ཉིད་དུ་ཡོངས་སུ་ཤེས་པ་ཞེས་བསྒྱུར་བ་ལེགས་སོ། །དེའི་དོན་ནི་ཨོཾ་ཞེས་པའི་སྒྲ་དེ་ལ་དཔྱད་པ་ན། རང་
གི་མཚན་ཉིད་ཀྱིས་གྲུབ་པ་ཅི་ཡང་མེད་པར་རྟོགས་པ་ནི། ཨོཾ་དེའི་དངོས་པོ་མེད་པ་སྟེ་རང་བཞིན་མེད་པ་དཔྱོད་པའོ། །དེ་ལྟར་ཡིན་ཀྱང་ཨོཾ་གྱི་སྒྲ་དེ་རྣ་བས་ཐོས་སུ་ཡོད་པ་ནི་དངོས་པོར་ཡོད་པར་སྟོན་ཏེ། འདིས་ནི་སྒྲ་རང་བཞིན་གྱིས་གྲུབ་པ་མེད་པར་གཏན་ལ་ཕབ་པ་ན། རྣ་བའི་ཤེས་པ་སྒྲ་དེ་འཛིན་བྱེད་
དང༌། སྒྲ་དེའི་གཟུང་བྱར་འཇོག་ཐུབ་པའི་བྱ་བྱེད་ཐམས་ཅད་མི་རུང་བའི་ཆད་སྟོང་འགོག་པས། དེ་ལས་བཟློག་པའི་དོན་དུ་རྟོགས་པ་དགོས་པར་བསྟན་ནོ། །༽དངོས་པོ་མེད་པ་ཉིད་དུ་ཡོངས་སུ་ཤེས་པ་དེ་ནི་དངོས་དང་དངོས་མེད་རྣམ་དཔྱད་པ་སྟེ། དེ་ནི་སངས་རྒྱས་ཀྱི་སྐུ་ཞེས་བྱ་
བར་བཤད་དེ། ཨོཾ་ཡིག་གི་སྒྲ་ལ་རྟག་ཆད་ཀྱི་མཐའ་དང་བྲལ་བར་ལྟ་བ་དེ་ནི་སྐུའི་བཟླས་པ་ཞེས་བྱབ་སྟེ། སྐུ་ཨོཾ་ཡིག་གི་དོན་ལ་ཡང་ཡང་སེམས་པས་ན་བཟླས་པའམ་ཟློས་པའོ། །འདིས་གཞན་གཉིས་ཀྱང་ཤེས་པར་བྱའོ། །གསུང་གི་དམ་ཚིག་ནི་འོད་དཔག་ཏུ་མེད་པའོ། །དེའི་
4-2-268b


མངོན་པར་བྱང་ཆུབ་པ་ནི་དེ་རྫོགས་པར་བྱེད་པའི་ཡི་གེ་ཨཱཿའོ། །ཨཱཿཡིག་དེ་སྒྲས་བརྗོད་ཅིང་རྣ་བའི་དབང་པོས་འཛིན་པས་སྒྲའོ། །དེ་ལས་བཟློག་པ་ནི་སྒྲ་མིན་པ་སྟེ། རྣ་བས་ཟིན་པ་སྟེ་བཟུང་བའམ་མ་ཟིན་པ་སྟེ་མ་བཟུང་བ་ཡིན་ཞེས་པའི་བར་དུའོ། །བརྟག་པ་ནི་སྒྲ་དང་
སྒྲ་མིན་པ་ལ་རྣམ་པར་དཔྱད་པའོ། །དེ་ནི་གསུང་གི་རྡོ་རྗེའི་བཟླས་པར་བཤད་ཅེས་བྱ་བའོ། །ཐུགས་ཀྱི་དམ་ཚིག་ནི་མི་བསྐྱོད་པའོ། །དེའི་རྫོགས་པའི་བྱང་༼སྒྲ་ཡིན་མིན་དུ་འཇོག་ཚུལ་ནི་སྔར་བཞིན་ནོ། །༽ཆུབ་པ་ནི་དེ་རྫོགས་པར་བྱེད་པའི་ཡི་གེ་ཧཱུཾ་མོ། །ཧཱུཾ་
དེའི་གནས་པའི་ནི་རྡོ་རྗེ་ནི་དེའི་ངོ་བོ་ཉིད་ཡིན་ལུགས་སོ་དོ། །དེའི་རྣམ་པར་དཔྱད་པ་ནི་ཐུགས་ཀྱི་ཡི་གེའི་ངེས་དོན་ཇི་ལྟ་བ་ཉིད་ཇི་ལྟར་ཡིན་པ་ཡོངས་སུ་ཚོལ་བ་སྟེ། དེ་ནི་ཐུགས་ཀྱི་བཟླས་པ་ཞེས་བྱའོ།། ༈ དེ་ལྟར་སྐུ་དང་གསུང་དང་ཐུགས་༼
འགྱུར་གསར་གཉིས་ལ་ནི་མེད་དོ། །༽ཀྱི་སྒོ་ནས་རྡོ་རྗེ་ཡི་གེ་གསུམ་གྱི་དེ་ཁོ་ན་ཉིད་ལ་དམིགས་ནས་བཟླས་པ་སྟེ་ཡང་ཡང་སེམས་པ་བཤད་ནས། རྡོ་རྗེ་བཟླས་པའི་༼ཚོལ་ལུགས་ནི་སྔར་བཞིན་ནོ། །༽གཙོ་བོ་རླུང་སྔགས་དབྱེར་མེད་དུ་ཟློ་བ་བསྟན་པར་བྱ་
བའི་ཕྱིར། དོན་གྱི་རྗེས་འགྲོའི་ཞེས་བྱ་བ་ལ་སོགས་པ་གསུངས་ཏེ། ཡི་གེ་ཨོཾ་ལ་སོགས་པའི་དོན་ནི་རླུང་ནང་དུ་འཇུག་པ་ལ་སོགས་པ་གསུམ་སྟེ། གསུམ་པོ་དེ་རྟོགས་ཤིང་སྟེ་གསུམ་པོ་དེའི་རྗེས་སུ་ཡིད་འགྲོ་བའི་བཟླས་པ་གང་ཡིན་པ་དེ་ནི་དོན་གྱི་
རྗེས་འགྲོའི་བཟླས་པའོ། །རྒྱུ་མཚན་དེས་ན་ངོ་བོ་ཉིད་༼ངོ་བོ་ཉིད་བྱུང་བ་ནི་ངོ་བོ་ཉིད་དེ་མི་ཤིགས་པ་ལས་བྱུང་ཞིང༌། བཟང་པོ་ཡིས་ཏེ་རྒྱུན་མི་འཆད་པར་ཞེས་འབྱུང་བ་ལེགས་ལ། དེའི་དོན་ནི་རྡོར་བཟླས་བྱེད་པ་ན་སྙིང་གའི་མི་ཤིགས་པ་ལས་འབྱུང་བའི་ཚུལ་གྱིས་བཟླ་བའི་དོན་ནོ། །༽མེད་ཅིང་
4-2-269a


དངོས་པོ་དང་བྲལ་ཞིང་མི་ཤིགས་པས་བཟང་ལ། ཉིན་མཚན་ཀུན་ཏུ་རྒྱུན་མི་འཆད་པར་རྣམ་པར་འཕྲོ་བའི་ཚུལ་གྱིས་དུས་གསུམ་གྱི་སངས་རྒྱས་ཏེ། འཇུག་གནས་ལྡང་བའི་དུས་གསུམ་དུ་བྱུང་བའི་དེ་བཞིན་གཤེགས་པ་རིགས་བཞིའི་ངོ་
བོར་བཤད་པའི་དཀྱིལ་འཁོར་བཞིའི་རླུང་རྣམས་ལ་རྣམ་པར་དཔྱད་ཅིང་སྟེ་རླུང་སྔགས་དབྱེར་མེད་དུ་སྦྱོར་བ་ཡོངས་སུ་ཤེས་པས་བཟླས་ན་གོམས་པའི་མཐར་རླུང་རྣམས་དེ་བཞིན་གཤེགས་པ་ཐམས་ཅད་ཀྱི་ངོ་བོ་རྡོ་རྗེ་སེམས་དཔར་བཤད་པའི་སྙིང་གའི་མི་ཤིགས་པ་ལ་ཐིམ་
པའི་ཚུལ་གྱིས་སྟོང་པ་བཞི་རྟོགས་པ་གང་ཡིན་པ་དེ་ནི་འདོད་དོན་སྟེར་བའི་རིན་པོ་ཆེའི་ན་བཟླས་པ་ཞེས་བཤད་དོ།། ༈ རླུང་རྣམས་མི་ཤིགས་པ་ལ་ཐིམ་པའི་འོག་ཏུ་ཡང་ལྡང་བ་ན་ཡན་ལག་གི་རླུང་གི་རྡོ་རྗེའི་བཟླས་པ་བསྟན་པར་བྱ་བའི་ཕྱིར། སངས་རྒྱས་
ཞིང་རྣམས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ཀྱི་ཞིང་ཞེས་པ་སྙིང་གའི་པདྨའི་དབུས་ཀྱི་མི་ཤིགས་པ་ལས་ཐམས་ཅད་དུ་སྟེ་མིག་ལ་སོགས་པའི་སྐྱེ་མཆེད་རྣམས་སུ། སྐུ་ཡི་སྤྲིན་རྣམས་ཏེ་མི་ཤིགས་པས་ཏེ་གཞན་གྱིས་མི་བཟློག་པའི་ཕྱིར་
བཞུད་ཅིང་ནང་དུ་བྱོན་པ་དང་གནས་པའི་རྡོ་རྗེའི་དོན་ཏེ། ནང་དུ་འཇུག་པ་དང་གནས་པ་དང་ལྡང་བའི་བདག་ཉིད་ཅན་གྱི་སྤྲོ་བ་གང་ཡིན་པ་དེ་ནི་ཡུལ་ལ་ཐོགས་པ་མེད་པར་འཇུག་པའི་ཡན་ལག་གི་རླུང་གི་རྡོ་རྗེའི་བཟླས་པ་ཞེས་བཤད་དོ།། ༈ དེ་ལྟར་ཡིད་ཀྱི་བཟླས་
པ་བཤད་ནས། ངག་གི་བཟླས་པ་བསྟན་པར་བྱ་བའི་ཕྱིར། ཁྲོ་བོའི་ཞེས་བྱ་བ་ལ་སོགས་པ་གསུངས་ཏེ། ཁྲོ་བོ་༼དེ་ལྟར་རླུང་སྔགས་དབྱེར་མེད་དུ་འཇུག་པ་ལ་ཡིད་གཏོད་པའི་བཟླས་པ་ཡིན་པས་ཡིད་བཟླས་སུ་བཤད་ཀྱི། བསྐྱེད་རིམ་པའི་ཡིད་བཟླས་དང་ཡེ་མི་འདྲ་བ་ཕྱེད་དགོས་སོ། །
4-2-269b


༽ནི་གཤིན་རྗེ་གཤེད་ལ་སོགས་པའི་སྔགས་སོ། །དེ་རྣམས་ཀྱི་དམ་ཚིག་ནི་བསྐྲད་པ་ལ་སོགས་པའི་ཆོ་ག་སྟེ། དེ་ཡོངས་སུ་ཤེས་པས་སོ། །རང་གི་རྡོ་རྗེ་ནི་རང་གི་ལྕེ་སྟེ་ལྕེ་དེས་སྔགས་ཀྱི་སྒྲ་བསྒྲགས་ཤིང་སྐད་དུ་འདོན་པའོ། །དཀྱིལ་འཁོར་ནི་ལུས་ཏེ་དེ་ནི་རང་
གི་རྡོ་རྗེའི་ལུས་ཀྱི་དཀྱིལ་འཁོར་དུ་བསྒྲགས་པའོ། །སྔགས་ནི་སྦྲུལ་ཞེས་བྱ་བ་ལ་སོགས་པའོ། །དེ་རྣམས་ཀྱི་ཡི་གེའི་ཚིག་ནི་ཡི་གེ་ཨོཾ་ལ་སོགས་པའོ། །གྲགས་པ་ནི་རང་ངམ་གཞན་གྱིས་ཐོས་པར་རོ། །དེ་ལྟ་བུའི་བཟླས་པ་ནི་ཁྲོ་བོའི་བཟླས་པ་ཞེས་བྱའོ།། ༈ འདོད་པ་
ནི་གཟུགས་ལ་སོགས་པའི་ཡུལ་རྣམས་སོ། །འདོད་ཡོན་དེའི་དོན་གྱིས་མྱོས་པར་གྱུར་པ་ནི་འདོད་པ་དེ་ཚོལ་བ་ལྷུར་ལེན་པས་ངལ་བའོ། །ཀུན་ཏུ་སྐྱོབ་ཅིང་ཕན་པར་དགའ་བ་ནི་རང་གི་དོན་ཕུན་སུམ་ཚོགས་པའི་མཐར་ཐུག་པས་སོ། །སེམས་ཅན་དེ་རྣམས་གཏི་
མུག་སྟེ་རྣམ་པར་སྣང་མཛད་དོ། །༼པ་ཚབ་ཀྱིས། རང་དོན་ཕུན་ཚོགས་ཀྱི་མཐར་ཐུག་པ་མེད་པའི་ཕྱིར་རོ། །ཞེས་ལྷུར་ལེན་པ་དང་སྦྲེལ་ནས་བསྒྱུར་ཅིང༌། ཀུན་ཏུ་སྐྱོབ་ཅིང་ཕན་པར་འདོད་པས་ཞེས། སེམས་ཅན་གཏི་མུག་གནས་ལ་འཇོག་པའི་ཀུན་སློང་དུ་བསྒྱུར་རོ། །ཆག་གིས། སེམས་ཅན་དོན་ལ་ཕན་དགའ་
མེད་ནི། རང་གི་དོན་གཅིག་ཏུ་ངེས་པའི་ཕྱིར་རོ། །ཞེས་གཏི་མུག་ཅན་གྱི་སེམས་ཅན་ལ་བཤད་དོ། །དེ་ལྟར་མི་འདྲ་བ་མང་ཡང་ཆག་འགྱུར་ལྟར་ལེགས་པ་འདྲའོ། །༽དེའི་གནས་ནི་གཏི་མུག་རྣམ་པར་དག་པ་འོད་གསལ་སྟེ་འོད་གསལ་དེར་འཇོག་པར་གང་སེམས་དཔའ་དེ་ནི་གཏི་མུག་
བཟླས་པ་ཞེས་བྱའོ། །༼ཟུང་འཇུག་པས་གཏི་མུག་ཅན་གྱི་སེམས་ཅན་བསམ་གཏན་གཉིས་ཀྱིས་འོད་གསལ་དུ་འཇུག་པ་མཛད་པས་དེ་ལ་དངོས་སུ་ཕན་འདོགས་པ་ཡིན་ཏེ། གཞན་གཉིས་ལའང་དེའི་རིགས་པ་ཤེས་པར་བྱའོ། །༽འདོད་ཆགས་ནི་བུད་མེད་དང་སྐྱེས་པ་ཕན་ཚུན་ཆགས་པའོ། །
4-2-270a


འདོད་ཆགས་དེ་བརྟན་པས་ན་རྡོ་རྗེའོ། །དེ་ལས་བྱུང་བའི་ཚིག་ནི་དེ་ལས་སྐྱེས་པའི་ཚིག་གོ། ལུས་དང་ངག་སེམས་ལ་གནས་པའི། །ཞེས་བྱ་བ་ནི། ལུས་ལ་སོགས་པ་ཡིད་དུ་འོང་བར་གཏོགས་པའི་དོན་བརྗོད་པའི་ཚིག་ཕན་ཚུན་དུ་ཐོས་
པའོ། །སེམས་ཅན་ནི་འདོད་ཆགས་ཅན་དེ་རྣམས་སོ། །འདོད་ཆགས་རྒྱ་མཚོ་ནི་འོད་དཔག་ཏུ་མེད་པའོ། །དེའི་གནས་ནི་འདོད་ཆགས་རྣམ་པར་དག་པ་སྟེ། དེར་འཇོག་པར་རྣལ་འབྱོར་པས་གང་སྒོམ་པ་དེ་ནི་འདོད་ཆགས་བཟླས་པ་ཞེས་བཤད་དོ། །ཞེ་སྡང་ནི་སེམས་ཅན་
ལ་མངོན་པར་འཁུ་བ་སྟེ་དེ་ཉིད་ནི་བརྟན་པས་ན་རྡོ་རྗེའོ། །དེ་ལས་བྱུང་བའི་སེམས་ནི་ལུས་དང་ངག་དང་སེམས་ལ་གནས་པའི་ཞེ་སྡང་ཅན་ནི་ལུས་ལ་སོགས་པའི་ཡུལ་མཁྱེན་ནས། སེམས་ཅན་ཞེས་པ་ཞེ་སྡང་དང་ལྡན་པ་རྣམས་ཞེ་སྡང་སྟེ་མི་བསྐྱོད་པའོ། །དེའི་
གནས་ནི་འོད་གསལ་བ་སྟེ་དེར་བཞག་པའི་བྱ་བ་གང་ཡོངས་སུ་ཤེས་པ་དེ་ནི་ཞེ་སྡང་གི་བཟླས་པ་ཞེས་བྱའོ།། ༈ དམ་ཚིག་རྡོ་རྗེ་གསུམ་ནི་རྡོ་རྗེ་འཆང་ཆེན་པོའོ། །དེའི་དེ་ཉིད་ནི་འོད་གསལ་བའོ། །དབུ་མ་དམ་ཚིག་རྡོ་རྗེ་ཅན་ཞེས་པའི་རྡོ་རྗེ་ཅན་ནི་དེ་བཞིན་
གཤེགས་པ་རྣམས་ཏེ། དེ་རྣམས་ཀྱི་དབུ་མ་དམ་ཚིག་ནི་དབུས་ཏེ་སྙིང་པོར་གྱུར་པ་འོད་གསལ་ལོ་འོ། །དེ་ཉིད་དམ་ཚིག་རྡོ་རྗེ་ཡི་སྟེ་སྒྲུབ་པ་པོ་ཐམས་ཅད་ཀྱི་བཟླས་པ་མ་ནིང་སྟེ་དངོས་པོ་སྟེ་རང་བཞིན་མེད་པའི་བཟླས་པ་ཞེས་བཤད་དེ། དགོངས་པས་
བཤད་པའོ།། ༈ འདོད་ཆགས་དེ་ཉིད་ཅེས་བྱ་བ་སྟེ། ཁ་སྦྱོར་ལས་ཆགས་པ་མཆེད་པ་མ་ཡིན་ཆགས་བྲལ་སྣང་བ་མིན། །དབུ་མ་ཉེར་ཐོབ་ཏུ་དམིགས་༼མ་ནིང་ཕོ་མོ་ཕྱོགས་གཅིག་པའི་མཐར་མ་ལྷུང་བ་དང་འདྲ་བར་འོད་གསལ་སྒོམ་པ་ཡང་མཐར་མ་ལྷུང་བའོ། །
4-2-270b


པར་མི་འགྱུར་རོ། །ཞེས་བྱ་བ་ནི་འདོད་ཆགས་ཀྱི་ཡང་དག་པའམ་དེ་ཁོ་ན་ཉིད་འོད་གསལ་ལྷན་ཅིག་སྐྱེས་པའི་ཡེ་ཤེས་སོ་དོ། །དེའི་དོན་ནི་ཇི་ལྟ་བ་བཞིན་དུ་ཡོངས་སུ་ཤེས་པའོ། །དེར་ཤེས་པས་ན་འདོད་ཆགས་དེ་ཉིད་དོན་སྒོམ་པའོ། །རྡོ་རྗེ་ནི་རྡོ་རྗེ་འཆང་ཆེན་པོའོ། །རྡོ་རྗེ་འཆང་
དེ་གང་ལ་བདག་པོར་ཡོད་པར་གྱུར་པ་གང་ཡིན་པ་དེ་རྣམས་ནི་རྡོ་རྗེ་བདག་པོ་སྟེ། དེ་ཐམས་ཅད་ནི་རྡོ་རྗེ་འཆང་གི་སྒྲུབ་པ་པོ་ཕོ་མོ་རྣམ་པ་གཉིས་སོ། །སེམས་ཅན་ཀུན་ལ་ཕན་འདོད་པའི་ནི་སེམས་ཅན་ཐམས་ཅད་ལ་ཕན་པར་བྱེད་པའི་བྱང་ཆུབ་རྡོ་རྗེ་འཆང་ཆེན་
པོའི་གོ་འཕང་ངོ༌། །འདོད་ཆགས་ནི་འདོད་པའི་ཡོན་ཏན་རྣམ་པ་ལྔ་ལ་ཆགས་པའོ། །དེ་ལ་བརྟེན་ནས་རྡོ་རྗེ་འཆང་རྫོགས་པར་མཛད་པ་ནི་མཐར་ཕྱིན་པར་མཛད་པའོ།། ༈ འདོད་ཆགས་ལས་སྐྱེས་པའི་བྱང་ཆུབ་ནི་སྐྱེས་པ་འབའ་ཞིག་གིས་ཚེ་འདི་ལ་འགྲུབ་པ་སྒྲུབ་
པར་མ་ཟད་ཀྱི། བུད་མེད་ཀྱི་རྟེན་གྱིས་ཀྱང་ཚེ་འདི་ལ་འགྲུབ་པ་སྒྲུབ་པར་བྱེད་དོ། །ཞེས་བསྟན་པར་བྱ་བའི་ཕྱིར། རིག་པ་ཆེན་མོ་ཞེས་བྱ་བ་ལ་སོགས་པ་གསུངས་ཏེ། རིག་པ་ཆེན་མོ་ནི་རྒྱུད་ལེགས་པར་སྦྱངས་ཤིང་འདོད་པའི་བསྟན་བཅོས་ལ་ལེགས་པར་བསླབས་པའི་
ཕྱག་རྒྱའོ། །སྤྱན་ལ་སོགས་པ་ནི་སྤྱན་སོགས་བཞིའི་རིགས་ཅན་གྱི་བུད་མེད་པདྨ་ཅན་ལ་སོགས་པབཞིའོ། །འདོད་པ་ནི་གཟུགས་ལ་སོགས་པའི་འདོད་ཡོན་ལྔ་ལ་སྤྱོད་པའོ། །འདོད་ཡོན་ལ་ཆགས་པ་ལམ་དུ་བྱེད་པ་དེ་རྣམས་ཀྱི་མངོན་པར་འདོད་པའི་དོན་ནི་ཆགས་པ་དེ་རྣམ་
པར་དག་པར་བྱེད་པའི་འོད་གསལ་ལོ་འོ། །དེ་ལ་བརྩོན་པ་ནི་དེ་བསྒོམ་པ་ལྷུར་ལེན་པའོ། །འདོད་པའི་ལོངས་སྤྱོད་ནི་ཡུལ་རྣམས་སོ། །ཇི་ལྟར་འདོད་པ་ནི་ཇི་ལྟར་བདེ་བར་རོ། །བསྟེན་ན་ཞེས་པ་ནི་བསླབས་པར་གྱུར་པའོ། །འགྲུབ་པར་འགྱུར་བ་ནི་རྡོ་རྗེ་འཆང་ཆེན་
4-2-271a


པོའི་གོ་འཕང་འཐོབ་པར་འགྱུར་བ་སྟེ། སྒྲ་ཇི་བཞིན་པའོ།། ༈ གཏི་མུག་དམ་ཚིག་ལས་བྱུང་བ། །ཞེས་བྱ་བ་ལ་སོགས་པ་ལ། གཏི་མུག་གི་དམ་ཚིག་ནི་རྣམ་པར་སྣང་མཛད་དོ། །དེ་ལས་བྱུང་བ་ནི་རྣམ་སྣང་དེའི་རིགས་ལས་སྐྱེས་༼
ཐབས་ཀྱིས་ཤེས་རབ་མ་ལ་བརྟེན་ནས་སྟོང་པ་བཞིའི་ཡེ་ཤེས་བསྐྱེད་པ་དེ་བསྒོམས་ནས། འཚང་རྒྱ་བ་བཞིན་དུ། ཤེས་རབ་མས་ཀྱང་ཐབས་ལ་བརྟེན་ནས་སྟོང་པ་བཞི་བསྐྱེད་པའི་འོད་གསལ་བསྒོམས་པས་ཚེ་འདིར་འཚང་རྒྱ་བའི་གནད་ཤེས་པར་བྱའོ། །༽པ་ས་སྙིང་ལ་སོགས་པའོ། །རིག་པའི་རྒྱལ་
པོ་ནི་གཙུག་ཏོར་འཁོར་ལོས་སྒྱུར་བ་ལ་སོགས་པའོ། །རྡོ་རྗེ་ཅན་ནི་སའི་སྙིང་པོ་ལ་སོགས་པའོ། །མ་ནིང་དག་གི་གནས་འགྲུབ་པ་ཞེས་བྱ་བ་ལ། མ་ནིང་ནི་འོད་གསལ་དང་ཟུང་འཇུག་གོ། དེ་དག་གི་གནས་ནི་ཡི་གེ་ཨོཾ་ལ་སོགས་པ་གསུམ་མོ་སྟེ། གནས་དེ་བཟླས་པས་
འགྲུབ་པ་ནི་དེ་ལས་བྱུང་བའི་དངོས་གྲུབ་དམ་པ་ནི་བྱང་ཆུབ་རབ་ཏུ་སྟེར་ཞིང་འགྲུབ་པར་འགྱུར་བའོ། །ཁྲོ་བོ་ནི་གཤིན་རྗེ་གཤེད་ལ་སོགས་པའོ། །ཞེ་སྡང་ནི་མི་བསྐྱོད་པ་ཡིན་ལ། དེའི་གི་གནས་ཏེ་ས་བོན་ནི་ཡི་གེ་ཧཱུཾ་སྟེ་དེ་ལས་སྐྱེས་པ་ནི་དེ་ལས་བྱུང་བའོ། །
གསོད་ལ་རྟག་ཏུ་བརྩོན་པ་ནི་གདུག་པ་རྣམས་འདུལ་བའི་ལས་ཅན་ནོ། །༼འདི་ནི་རྒྱུད་འདིར་འཕྲེང་སྔགས་མ་བྱུང་བའི་ལྷ་རྣམས་ཀྱི་སྒོ་ནས་བཟླས་པས་དངོས་གྲུབ་བསྒྲུབ་ན་ཡི་གེ་གསུམ་གྱི་བྱ་བར་སྟོན་པ་ཡིན་ཞེས་བླ་མ་སྔ་མ་རྣམས་གསུང་ངོ༌། ༽མཆོག་གི་ཆོས་ཅན་ནི་བརྩོན་འགྲུས་
ཤིན་ཏུ་བརྟུལ་བ་ཅན་གྱི་སྒྲུབ་པ་པོའོ། །གསོད་པའི་དོན་གྱིས་ཞེས་བྱ་བ་ནི་དྲག་པོའི་ལས་ཀྱིས་སོ། །འགྲུབ་པར་འགྱུར་བ་ནི་མངོན་པར་འདོད་པའི་དོན་སྒྲུབ་པར་བྱེད་པ་སྟེ། དྲང་བའི་དོན་ཏོ།། ༈ གཏི་མུག་གི་དམ་ཚིག་ནི་མ་རིག་པའོ། །མ་རིག་པ་དེ་
4-2-271b


ལས་བྱུང་བ་ནི་ཉེ་བར་ལེན་པའི་ཕུང་པོ་བླངས་པའོ། །རིག་པའི་རྒྱལ་པོ་རྡོ་རྗེ་ཅན་ནི་ལུས་བླངས་པའི་སྐྱེས་པ་དང་བུད་མེད་དོ། །མ་ནིང་ནི་མ་རིག་པ་ཉེར་ཐོབ་སྟེ་དེ་ལུགས་ལྡོག་གི་ཚེ་འབྱུང་བའི་གནས་ནི་འོད་གསལ་བ་སྟེ། དེར་དེ་མངོན་སུམ་དུ་བྱེད་པས་གྲུབ་པ་ནི་
རྫོགས་པའོ། །དེ་ལྟར་རྫོགས་པའི་དངོས་གྲུབ་དམ་པ་ནི་དངོས་གྲུབ་ཁྱད་པར་ཅན་ཏེ། ཕྱག་རྒྱ་ཆེན་པོའི་དངོས་གྲུབ་བོ། །རབ་ཏུ་སྟེར་བ་ནི་༼དེ་ལས་ཏེ་མངོན་སུམ་དུ་བྱེད་པ་ལས་གྲུབ་པ་ནི་རྫོགས་པའོ། །ཞེས་འབྱུང་བའི་དོན་ནི་འོད་གསལ་མངོན་སུམ་དུ་བྱས་པ་ལས་ཟུང་འཇུག་ཏུ་རྫོགས་པའོ། །
༽སྒྲུབ་པ་པོ་རྣམས་ལ་སྩོལ་བར་མཛད་པའོ། །ཁྲོ་བོ་ནི་ཐབས་ཀྱི་རང་བཞིན་གྱི་རྟོག་པ་བཞི་བཅུའོ་ནོ། །ཞེ་སྡང་གི་གནས་ནི་ཤེས་རབ་ཀྱི་རང་བཞིན་གྱི་རྟོག་པ་སོ་གསུམ་མོ་བོ། །དེ་ལས་སྐྱེས་པ་ནི་སྣང་བ་དེ་རྣམས་ལས་བྱུང་བའོ། །གསོད་ལ་རྟག་ཏུ་
བརྩོན་པ་ནི་འཆི་བའི་བདག་ཉིད་ཅན་ནོ། །མཆོག་གི་ཆོས་ནི་རྡོ་རྗེ་ལྟ་བུའི་ཏིང་ངེ་འཛིན་ཏེ་དེ་གང་ལ་ཡོད་པ་དེ་ནི་མཆོག་གི་ཆོས་ཅན་ཏེ་རིན་པོ་ཆེ་ལྟ་བུའི་གང་ཟག་གོ། ༼དེ་གཉིས་ཀྱིས་ཉེར་ཐོབ་ཀྱི་རང་བཞིན་བདུན་ཡང་མཚོན་ནོ། །༽དེ་ལྟར་གྱུར་པའི་རང་བཞིན་རྣམས་གྱིས་
གསོད་པའི་། ༼འཚེ་བའི་བདག་ཉིད་ཅན། ཞེས་འབྱུང་བའི་དོན་ནི་རྟག་ཏུ་རང་བཞིན་བརྒྱད་ཅུའི་རྟོག་པ་ལ་འཚེ་བར་བྱེད་པའི་འོད་གསལ་ལོ། །༽དོན་ཏེ། གསོད་པ་ནི་ཕུང་པོ་ལ་སོགས་པ་དངོས་པོ་མེད་པར་བྱས་པ་སྟེ་འོད་གསལ་དུ་འཇུག་པའོ། །དེའི་དོན་ནི་བདེན་པ་གཉིས་གཉིས་སུ་
མེད་པར་གྱུར་པ་ལས་རྡོ་རྗེ་འཆང་ཉིད་༼ཆག་གིས། རྡོ་རྗེ་འཆང་དུ་བསྐྱེད་པའོ། །མཆོག་གི་ཆོས་ནི་རྡོ་རྗེ་ལྟ་བུའི་ཏིང་ངེ་འཛིན་ཏེ། དེ་གང་ལ་ཡོད་པ་དེ་ནི་མཆོག་གི་ཆོས་ཅན་ཏེ། རིན་པོ་ཆེའི་གང་ཟག་གིས་གསོད་པའི་དོན་དེས་བསྒྲུབ་པར་འགྱུར་ཞིང་རང་བཞིན་རྣམས་དབང་དུ་འགྱུར་བའོ། །ཞེས་བསྒྱུར་བའི་གོ་
4-2-272a


རིམ་བདེའོ། །༽དུ་སྐྱེས་པའོ། །དེའི་རང་བཞིན་གྱིས་འགྲུབ་པར་འགྱུར་ཞིང་དབང་དུ་འགྱུར་བའོ། །སྐྱེས་བུ་ཆེན་པོའི་དམ་ཚིག་ནི་རྡོ་རྗེ་འཆང་ཆེན་པོ་སྟེ་དེས་དེ་སྐད་ཅེས་བཀའ་སྩལ་ཏོ། །ཞེས་བྱ་བ་ནི་སྡུད་པར་བྱེད་པའི་ཚིག་སྟེ། ངེས་པའི་དོན་ཏོ།། 
༈ རྡོར་བཟླས་སོགས་བསྟན་པ་ལས་གཞན་ཡང་ལས་སྒྲུབ་པའི་བསམ་གཏན་གཞན་དག་བསྟན་པར་བྱ་བའི་ཕྱིར། ཡེ་ཤེས་ཞེས་བྱ་བ་ལ་སོགས་པ་གསུངས་ཏེ། དང་པོར་རང་རྣམ་སྣང་དུ་བསྒོམས་ལ། དེའི་ཐུགས་ཀའི་ཡེ་ཤེས་འཁོར་ལོ་ཅན་ཏེ་ཡེ་ཤེས་སེམས་དཔའི་
སྙིང་ཁའི་དབུས་སུ་སྟེ་ཐུགས་ཀའི་དབུས་སུ་གནས་པར་འཁོར་ལོ་ཞེས་པ་རྣམ་པར་སྣང་མཛད་ཀྱི་མཚན་མ་བསྒོམ་སྟེ། སྒོམ་ལུགས་ཇི་ལྟ་བུ་ཞེ་ན། ཡེ་ཤེས་སེམས་དཔའི་ཐུགས་ཀར་གསལ་བའི་དཀྱིལ་འཁོར་ཏེ་ཟླ་བའི་དཀྱིལ་འཁོར་བསྒོམས་ལ་ཟླ་བ་དེའི་དབུས་སུ་
འཁོར་ལོ་གནས་པར་བསམ་མོ། །དབུས་སུ་ནི་འཁོར་ལོའི་དབུས་སུའོ། །འཁོར་ལོའི་དོན་སྒོམ་མོ་ཞེས་བྱ་བ་ནི། འཁོར་ལོས་དོན་སྒྲུབ་པས་ན་འཁོར་ལོའི་དོན་ནི་གང་ལ་ཞི་བའི་ལས་སྒྲུབ་པའི་བསྒྲུབ་པར་བྱ་བའི་གང་ཟག་སྟེ་དེ་བསྒོམ་པར་བྱའོ། །དེས་ནི་འདི་སྐད་སྟོན་
པར་འགྱུར་ཏེ། རྣམ་པར་སྣང་མཛད་ཀྱི་སྦྱོར་བ་དང་ལྡན་པས་རང་གི་ཡེ་ཤེས་སེམས་དཔའི་ཐུགས་ཀའི་ཟླ་བའི་དཀྱིལ་འཁོར་གྱི་སྟེང་དུ། འཁོར་ལོ་རྣམ་པར་བསྒོམས་ལ་བསྒྲུབ་པར་བྱ་བ་བཀུག་སྟེ། དེར་བཅུག་ལ་བཞག་སྟེ། ཞི་བའི་ཆོ་ག་ཇི་ལྟ་བ་བཞིན་དུ་ཞི་བའི་
ལས་བྱའོ། །སྔ་མ་ལ་རྣམ་སྣང་གི་རྣལ་༼སྦྱོར་བ་ཞེས་པ་རྣམས་རྣལ་འབྱོར་དུ་བྱའོ། །༽འབྱོར་དང་ལྡན་དགོས་པ་དེ་བཞིན་དུ་རང་མི་བསྐྱོད་པའི་སྦྱོར་བ་དང་ལྡན་པས་རང་གི་ཐུགས་ཀར་ཡེ་ཤེས་རྡོ་རྗེ་ཅན་ཏེ་ཡེ་ཤེས་སེམས་དཔའི་ཐུགས་ཀར་རྡོ་རྗེའི་དཀྱིལ་འཁོར་གྱི་
4-2-272b


དབུས་སུ་གནས་པ་སྟེ། དེར་ཉི་མའི་དཀྱིལ་འཁོར་ལ་གནས་པའི་རྡོ་རྗེ་བསྒོམས་ལ་དེར་རྡོ་རྗེ་སྔགས་ཀྱི་དོན་བསྒོམ་པར་བྱ་སྟེ། རྡོ་རྗེའི་སྔགས་ནི་ཡི་གེ་ཧཱུཾ་མོ། །ཧཱུཾ་ཡིག་དེས་དོན་དུ་གཉེར་ཞིང་གཟིར་བསྟེ་འོད་ཟེར་སྤྲོས་ནས་བསྒྲུབ་བྱ་རང་གི་སྙིང་ཁར་འགུགས་པར་བྱེད་པས་ན་རྡོ་རྗེའི་
སྔགས་དོན་ནི་བསྒྲུབ་པར་བྱ་བའི་གང་ཟག་སྟེ་དེ་བསྒོམ་པར་བྱའོ། །རང་ཉིད་རིན་ཆེན་འབྱུང་ལྡན་གྱི་སྦྱོར་བ་དང་ལྡན་པས་རང་གི་ཐུགས་ཀར་རིན་ཆེན་ཡེ་ཤེས་ཅན་ཏེ་ཡེ་ཤེས་སེམས་དཔའི་ཐུགས་ཀར་རིན་པོ་ཆེའི་དཀྱིལ་འཁོར་གྱི་དབུས་སུ་གནས་པའི་རིན་པོ་ཆེ་
རྣམ་པར་བསྒོམས་ལ། དེར་རིན་པོ་ཆེའི་སྔགས་ཀྱི་དོན་བསྒོམ་པར་བྱ་སྟེ། རིན་ཆེན་སྔགས་ནི་ཡི་གེ་སྭཱའོ། །ཡི་གེ་དེས་དོན་དུ་གཉེར་ཞིང་རྒྱས་པར་འགྱུར་བས་ན་རིན་ཆེན་སྔགས་དོན་ནི་། གང་ལ་༼སྣ་ཚོགས་རྡོ་རྗེའི་སྟེང་ན་གནས་པའི་རིན་པོ་ཆེ་རྣམ་པར་བསྒོམས་ནས་ཟེར། 
༽རྒྱས་པའི་ལས་བསྒྲུབ་པར་བྱ་བའི་གང་ཟག་སྟེ་དེ་བསྒོམ་པ་ལ་ཡང་དེ་སྐད་ཅེས་བྱའོ། །རང་ཉིད་འོད་དཔག་མེད་ཀྱི་སྦྱོར་བ་དང་ལྡན་པས་པདྨོ་ཡེ་ཤེས་ཅན་ཏེ་རང་གི་སྙིང་ཁར་ཞུགས་པའི་ཡེ་ཤེས་སེམས་དཔའི་ཐུགས་ཀར་ཆོས་ཀྱི་དཀྱིལ་འཁོར་གྱི་
དབུས་ན་གནས་པ་སྟེ། སྣ་ཚོགས་པདྨ་ལ་གནས་པའི་པདྨ་དམར་པོ་བསམས་ལ། དེར་པདྨའི་སྔགས་ཀྱི་དོན་བསྒོམ་པ་སྟེ་པདྨའི་སྔགས་ནི་ཡི་གེ་ཨཱཿའོ། །དེས་དོན་དུ་གཉེར་ཞིང་དབང་དུ་བྱེད་པས་ན་པདྨའི་སྔགས་དོན་ནི་གང་ལ་དབང་གིས་ལས་བསྒྲུབ་པར་བྱ་
བའི་གང་ཟག་སྟེ་དེའི་དོན་བསྒོམ་པར་བྱའོ། །དོན་ཡོད་པར་གྲུབ་པར་སྦྱོར་བ་དང་ལྡན་པས་རལ་གྲི་ཡེ་ཤེས་ཅན་ཏེ་རང་གི་ཡེ་ཤེས་སེམས་དཔའི་ཐུགས་ཀར་དམ་ཚིག་གི་དཀྱིལ་འཁོར་གྱི་དབུས་ན་གནས་པ་སྟེ། སྣ་ཚོགས་རྡོ་རྗེའི་སྟེང་ན་གནས་པའི་རལ་
4-2-273a


གྲི་བསམ་པར་བྱའོ། །དེར་རལ་གྲིའི་སྔགས་ཀྱི་དོན་བསྒོམ་པ་སྟེ། རལ་གྲིའི་སྔགས་ནི་ཡི་གེ་ཧཱའོ། །ཧཱ་ཡིག་དེས་དོན་དུ་གཉེར་བར་བྱ་ཞིང་ཕུན་སུམ་ཚོགས་པ་རྣམ་པ་ཐམས་ཅད་ཀྱིས་སྒྲུབ་པར་བྱེད་པས་ན་རལ་གྲི་སྔགས་དོན་ནི་
དབང་དུ་བྱ་བའི་ལས་བསྒྲུབ་པར་བྱ་བ་སྟེ་དེ་བསྒོམ་པར་བྱའོ།། ༈ དེ་ལྟར་རིགས་ལྔའི་སྒོ་ནས་ཞི་སོགས་ཀྱི་ལས་སྒྲུབ་པའི་ལས་རྒྱལ་མཆོག་སྔར་བཤད་པ་འདི་ཉིད་ཀྱི་ཆོ་གའི་ལྷག་མ་དཀྱིལ་འཁོར་རྒྱལ་མཆོག་ལྔ་བྱེད་པ་བསྟན་པར་བྱ་བའི་ཕྱིར། དཀྱིལ་འཁོར་ཞེས་
བྱ་བ་ལ་སོགས་པ་གསུངས་ཏེ། དཀྱིལ་འཁོར་ཀུན་ནི་འཁོར་ལོ་སྟེ་རྣམ་སྣང་དང་ལ་སོགས་པས་རིགས་ལྷག་མ་བཞིའི་དཀྱིལ་འཁོར་རོ། །དེ་རྣམས་ཀྱི་ངོས་རྣམ་པ་བཞི་རྣམས་སུ་སངས་རྒྱས་ལྔ་རྣམས་ཏེ། རྣམ་པར་སྣང་མཛད་ལ་སོགས་པའི་གོ་རིམ་ཇི་ལྟ་བ་
བཞིན་དུ་དགོད་པར་བྱའོ། །འོད་ཟེར་ལྔ་ཡི་བྱེ་བྲག་གིས་ཞེས་བྱ་བ་ནི། ལས་དང་རྗེས་སུ་མཐུན་པའི་ཁ་དོག་གིས་༼ནི་རྣམ་སྣང་གིས་ཞི་བའི་ལས་བསྒྲུབ་ན་ལྷ་ཐམས་ཅད་དཀར་པོ། མི་བསྐྱོད་པས་དྲག་ལས་སྒྲུབ་པ་ལ་ནག་པོ་དང་སྔོན་པོ། རིན་འབྱུང་གིས་རྒྱས་པ་བསྒྲུབ་པ་ལ་སེར་༼
ཞེས་པ་ནི་དབུས་ཀྱི་གཙོ་བོ་གང་གིས་བྱེད་པའི་གོ་རིམ་བཞིན་ཡིན་ཏེ། མི་བསྐྱོད་པས་གཙོ་བོ་བྱེད་ན་རྣམ་སྣང་ཤར་དུ་འོང་བ་དང༌། རིགས་ལྷག་མ་བཞིས་གཙོ་བོ་བྱེད་ན། གང་གཙོ་བོར་སོང་བ་དེའི་ཤུལ་དུ་མི་བསྐྱོད་པ་འགྲོ་བ་བཞིན་ནོ། །༽པོ། སྣང་མཐས་དབང་ལས་སྒྲུབ་པ་ལ་དམར་པོ། འོག་
ནས་དོན་གྲུབ་ཀྱི་སྒོ་ནས་དབང་གི་ལས་སྒྲུབ་པར་བཤད་པའི་སྐབས་སུ་བསྒྲུབ་བྱ་ལ་ཁ་དོག་སྣ་ཚོགས་པའི་བདུད་རྩི་དབབ་པར་གསུངས་པ་ལ་བརྟེན་ནས། བླ་མ་སྔ་མ་རྣམས་མདོར་བྱས་བཞིན་ཁ་དོག་སྣ་ཚོགས་པར་བཞེད་ལ། གསང་འདུས་ལུགས་གཞན་ནས་དོན་གྲུབ་ཀྱིས་གཙོ་བྱས་ཐམས་ཅད་དམར་
4-2-273b


པོར་བཤད་དོ། །འདིར་ནི་འོད་ཟེར་ལྔ་ཡི་བྱེ་བྲག་གིས། །ཞེས་གསུངས་པའི་དོན་ཁ་དོག་ལྔ་ལ་བཤད་པས། དམར་པོར་བྱས་ན་ཁ་དོག་ལྔ་མི་ཚང་ཞིང༌། ཁ་དོག་སྣ་ཚོགས་པ་ཁ་དོག་ལྔའི་ཡ་གྱལ་གཅིག་མིན་པས་ལྗང་ཁུར་བྱའོ། །༽སྤྲོ་བར་བསྒོམ་མོ། །དེས་ཅིར་འགྱུར་ཞེ་ན། བྱང་ཆུབ་སྟེ། ཞི་བ་ལ་སོགས་
པ་རང་གིས་གང་མངོན་པར་འདོད་པའི་འབྲས་བུ་འགྲུབ་པ་འཐོབ་པར་འགྱུར་རོ།། ༈ ད་ནི་བསྐྱེད་རྫོགས་ཀྱི་རིམ་པའི་དབྱེ་བས་ལྷ་སྤྲོ་བ་བསྟན་པར་བྱ་བའི་ཕྱིར། སྔགས་རྣམས་ཞེས་བྱ་བ་ལ་སོགས་པ་གསུངས་ཏེ། སྔགས་རྣམས་ཐམས་ཅད་ནི་སྒྲུབ་པ་པོ་ཐམས་
ཅད་ཀྱི་སྟེ། སྤྲོ་བ་ནི་ལྷ་རྣམས་ཡིད་ཀྱིས་སྤྲུལ་པའོ། །བྱེ་བྲག་རྣམ་པ་གཉིས་ནི་རྫོགས་པའི་རིམ་པ་དང་མ་རྫོགས་པ་སྟེ་སྔ་མའི་གཅིག་ཤོས་བསྐྱེད་རིམ་པའི་བྱེ་བྲག་རྣམ་པ་གཉིས་སུ་བསྒྲགས་སོ། །བསྐྱེད་པའི་རིམ་པའི་ཏིང་ངེ་འཛིན་ལ་གནས་པ་རྣམས་ཀྱི་ལྷ་སྤྲོ་བ་
བསྟན་པར་བྱ་བའི་ཕྱིར། སྐུ་གསུམ་ཞེས་བྱ་བ་ལ་སོགས་པ་གསུངས་ཏེ། སྐུ་རྡོ་རྗེ་ལ་སོགས་པའི་བྱེ་བྲག་གིས་ལྷ་རྣམས་ཕར་ལ་སྤྲོ་བ་དང༌། ཚུར་ལ་བསྡུ་བསྟེ་བསྡུས་ནས་རང་གི་གནས་སུ་འི་དགོད་པས་ལྷ་རྣམས་སྤྲོ་བ་དང་བསྡུ་བ་བྱའོ། །རྡོ་རྗེ་གསུམ་གྱི་སྒོ་ནས་སྤྲོ་
བསྡུ་བྱེད་ཚུལ་དེ་ཉིད་གསལ་བར་བྱ་བའི་ཕྱིར། ལུས་ཀྱིས་ཞེས་བྱ་བ་ལ་སོགས་པ་གསུངས་ཏེ། སྐུ་ཡི་ངོ་བོ་ཉིད་ནི་ལུས་ཀྱིས་རྣམ་པར་སྣང་མཛད་ཀྱི་ངོ་བོ་ཉིད་དོ། །སེམས་ཀྱིས་ནི་བདག་ཉིད་ཀྱི་སེམས་ཐུགས་ཀྱི་ངོ་བོ་ཉིད་དེ་མི་བསྐྱོད་པའི་ངོ་བོ་ཉིད་ཀྱིས་སོ། །ངག་ནི་བདག་
ཉིད་ཀྱི་ཚིག་གི་ཚོགས་ཀྱིས་སོ། །གསུང་གི་ངོ་བོ་ཉིད་ནི་འོད་དཔག་ཏུ་མེད་པའི་རང་བཞིན་གྱིས་སོ། །༼དེ་རྣམས་ཀྱི་དོན་ནི་རང་གི་ལུས་ངག་ཡིད་གསུམ་རྡོ་རྗེ་གསུམ་གྱི་ངོ་བོར་བལྟས་ལ་ལྷའི་སྤྲོ་བསྡུ་བྱ་ཞེས་པའི་དོན་ནོ། །༽ཐབས་དེས་ལྷ་རྣམས་མཆོད་པར་ཤེས་ནས་སྤྲོ་བསྡུ་
4-2-274a


བྱས་ན་མཆོད་པའི་གནས་ཏེ་འདོད་པའི་དོན་ཡང་དག་པར་འགྲུབ་པ་འཐོབ་པར་འགྱུར་ཞིང་རྙེད་པར་འགྱུར་རོ། །དཀྱིལ་འཁོར་ཆེན་པོ་ནི་སྐུ་དང་གསུང་དང་ཐུགས་ཀྱི་རྡོ་རྗེའི་དཀྱིལ་འཁོར་རོ། །རྡོ་རྗེ་གསུམ་གྱི་དཀྱིལ་འཁོར་པ་དེ་རྣམས་ཀྱི་འཁོར་ལོ་ནི་མི་
ཕྱེད་པར་ཚོགས་པའམ་བསྡུས་པ་སྟེ་དཀྱིལ་འཁོར་ཆེན་པོའི་འཁོར་ལོ་གཅིག་ཏུ་བསྡུས་པ་དེས་རྡོ་རྗེ་ལྔ་རྣམས་ཞེས་པ་སྟེ། རིགས་ལྔ་འདུས་པའི་རྡོ་རྗེ་འཆང་ཆེན་པོ་དེ་རྣམ་པར་བསྒོམ་པར་བྱའོ།། ༈ དེ་ལྟར་རིགས་ལྔའི་དཀྱིལ་འཁོར་རྒྱལ་མཆོག་བཤད་པ་དེའི་སྔོན་དུ་འགྲོ་བ་དེ་ལྔའི་
དང་པོ་སྦྱོར་བ་སྟོན་པ་ནི་དབུས་སུ་ཞེས་བྱ་བ་ལ་སོགས་པ་ལ།༼ཞེས་པས་ནི་ཟུང་འཇུག་པས་ལྷ་བསྡུས་ཏེ་བསྒོམ་པ་བསྟན་ལ། དེས་ཟུང་འཇུག་པས་དཀྱིལ་འཁོར་རྒྱལ་མཆོག་གི་ལྷ་སྤྲོས་ཏེ་སྒོམ་པ་ཡང་ཤེས་པར་བྱ་བ་ནི་རྫོགས་རིམ་པའི་ལྷ་སྤྲོ་བསྡུ་བྱེད་ཚུལ་ལོ། །༼བཤད་མ་ཐག་པའི་
སྐུ་རྡོ་རྗེ་སྟེ་དམ་ཚིག་སེམས་དཔའི་དབུས་སུ་ཞེས་བྱ་བ་དམ་ཚིག་སེམས་དཔའ་རྣམས་ཀྱི་སྙིང་གར་བདག་པོ་སྟེ། ཡེ་ཤེས་སེམས་དཔའི་རང་གི་གཟུགས་ཞེས་བྱ་བ་རང་བཞིན་གྱི་གཟུགས་བསམས་ནས་ཡེ་ཤེས་སེམས་དཔའི་ཐུགས་ཀར་རང་སྔགས་རྡོ་རྗེའི་༼
འགྱུར་རྙིང་གི་རྒྱུད་ལས། སྐུ་གསུང་རྡོ་རྗེ་ཞེས་འབྱུང་བས། དམ་ཚིག་སེམས་དཔའ་སྐུ་རྡོ་རྗེ་ཁོ་ན་མིན་ལ་རྡོ་རྗེ་གཉིས་ཀྱིས་ཐུགས་རྡོ་རྗེ་ཡང་མཚོན་པས་ན། བསྡུ་ན་གསུམ་ཡིན་ཀྱང་ཕྱེ་ན་རིགས་ལྔ་གའི་དམ་ཚིག་སེམས་དཔའོ། །༽གཟུགས་ཞེས་བྱ་བ་ཏིང་ངེ་འཛིན་སེམས་དཔའི་གཟུགས་
སྟེ་སྐུ་བསམ་པར་བྱའོ། །༼འདིས་དང་པོ་སྦྱོར་བའི་སྐབས་ཀྱི་སེམས་དཔའ་སུམ་བརྩེགས་བསྟན་པས། དེས་མཚོན་ནས་དང་པོ་སྦྱོར་བའི་ལྷ་ལྷག་མ་རྣམས་ཀྱང་གཟུང་ངོ༌། །དེ་ལྟར་རིགས་ལྔའི་ཏིང་ངེ་འཛིན་གྱི་སྒོ་ནས་ཞི་སོགས་ཀྱི་ལས་བསྒྲུབ་པར་བསྟན་པ་འདི། ནང་ལ་མཆོག་ཏུ་གཞོལ་བའི་
4-2-274b


དབང་དུ་བྱས་ལ། དེས་རྒྱུན་ནས་བཤད་པ་བཞིན་དུ་རྫོགས་པར་འགྲུབ་པ་ལ་དྲན་པ་གཅིག་པ་དང་རྟོག་པའི་རྣལ་འབྱོར་མཐར་ཕྱིན་ནས་སྤྱོད་པ་བྱས་པ་དགོས་ཀྱང༌། རྗེས་མཐུན་པའི་ལས་ཚོགས་ནི་བསྐྱེད་རིམ་ལ་ལེགས་པར་སྦྱངས་པའི་ད་ལྟའི་རྣལ་འབྱོར་པས་ཀྱང་འགྲུབ་པས་སྐབས་གཉིས་སུ་ཤེས་པར་བྱའོ།། 
༈ ཡང་དཀྱིལ་འཁོར་རྣམ་པ་བཞི་སྟེ་ཆུ་ལ་སོགས་པའི་དཀྱིལ་འཁོར་རྣམ་པ་བཞི་པོ་དག་ཁ་དོག་རྣམ་པ་བཞི་ཞེས་བྱ་བ་དཀར་པོ་ལ་སོགས་པར་ཀུན་ཏུ་བརྟགས་ཤིང་བསམས་ལ། སྙིང་ཁར་ཏེ་ཆུ་ལ་སོགས་པའི་དཀྱིལ་འཁོར་གྱི་དབུས་༼
གི་སྒྲས་ནི་བསྐྱེད་རིམ་པས་ཞི་སོགས་བསྒྲུབ་པར་མ་ཟད། ཟུང་འཇུག་པས་ཏིང་ངེ་འཛིན་གཞན་གཉིས་སྔོན་དུ་བཏང་ནས། ལས་རྒྱལ་མཆོག་གི་དུས་སུ་རླུང་བཞི་ལ་བརྟེན་པའི་རྡོར་བཟླས་ཀྱིས་ཞི་སོགས་ཀྱི་ལས་བསྒྲུབ་པ་སྟོན་པའོ། །༽སུ། སྔགས་ཞེས་པ་ཡི་གེ་ཨོཾ་ལ་སོགས་པ་དེ་རྣམས་
ཀྱི་དོན་འཇུག་པ་ལ་སོགས་པ་སྟེ། དེ་རྣམས་བསྒོམ་ཞིང་ཡོངས་སུ་ཤེས་པར་བྱའོ། །རྡོ་རྗེ་རྣམ་པ་བཞི་ནི་ཆུ་ལ་སོགས་པའི་དཀྱིལ་འཁོར་བཞི་སྟེ། དེ་ཡི་ལས་ནི་ཞི་བ་ལ་སོགས་པའོ། །དེ་རྣམས་བསམ་གཏན་རྡོ་རྗེ་ཅན་ཞེས་པ་རྣལ་འབྱོར་པས་ལས་དེ་དག་བྱེད་
ཅིང་རྫོགས་པར་བྱེད་པའི་ཆོ་ག་འདི་ནི་རྣལ་འབྱོར་གྱི་དབང་ཕྱུག་ཟུང་འཇུག་པ་ཐམས་ཅད་ཀྱི་མཆོག་ཏུ་བཟང་ཞིང་རྟག་པ་སྟེ། དེ་བཞིན་གཤེགས་པ་ཐམས་ཅད་ཀྱི་ལུང་ལས་བརྒྱུད་པ་ལས་འོངས་པ་ཡིན་ནོ། །དེ་བས་ན་གསང་བ་སྟེ་ལས་དང་པོ་པ་བསྐྱེད་རིམ་པ་
རྣམས་ཀྱི་སྟེ་དང་ཐུན་མོང་མ་ཡིན་པའི་དེ་ཁོ་ན་ཉིད་དོ། །རྡོ་རྗེ་བཞི་པོ་དེ་དག་ཞི་བ་སོགས་ལས་ཀྱི་བྱེ་བྲག་གིས་སོ་སོར་བསྟན་པར་བྱ་བའི་ཕྱིར། ཞི་བ་ལ་ནི་ཞེས་བྱ་བ་ལ་སོགས་པ་གསུངས་ཏེ། ཞི་བ་ནི་རིམས་ཀྱིས་མཚོན་པའི་ནད་ཐམས་ཅད་དང་ལ་སོགས་
4-2-275a


པས་གེགས་ལ་སོགས་པ་སེལ་བར་བྱེད་པའི་མཚན་ཉིད་ཅན་གྱི་ལས་ལ་ནི་སྤྱན་གྱི་ཚུལ་ཏེ། སྤྱན་མའི་ཁ་དོག་ལྟར་ཁ་དོག་དཀར་པོ་སྣ་བུག་གཉིས་ཀ་ནས་དལ་བའི་རང་བཞིན་ཅན་དུ་རྒྱུ་བའི་གྱི་ཆུའི་དཀྱིལ་འཁོར་སྲོག་འཛིན་གྱི་རྡོར་བཟླས་བསྒོམ་
པར་བྱའོ། །རྒྱས་པ་སྟེ་ནོར་འཕེལ་བར་བྱ་བ་དང་ཚེ་དང་བསོད་ནམས་དང་ཤེས་རབ་དང་ཏིང་ངེ་འཛིན་ལ་སོགས་པ་རྒྱས་པ་ལ་ནི་རྣམ་པར་སྣང་མཛད་ལ་གནས་ཏེ་ཞེས་བྱ་བར་སྦྱར་ཏེ། གསེར་ཞུན་མ་ལྟར་རྣམ་པར་མཛེས་ཤིང་འབར་བས་ན་རྣམ་པར་སྣང་མཛད་དེ་རིན་ཆེན་
འབྱུང་ལྡན་ནོ། །རིན་འབྱུང་དེའི་གནས་ནི་ཁ་དོག་སེར་པོར་སྣང་བ་སྣ་བུག་གཉི་ག་ལས་དྲག་ཏུ་འབྱུང་བ་དབང་ཆེན་གྱི་དཀྱིལ་འཁོར་ཐུར་སེལ་གྱི་རླུང་སྔགས་གཉིས་སྦྱར་བའི་རྡོར་བཟླས་བྱའོ་རོ། །དེ་བཞིན་དུ་དབང་ལ་ནི་རྡོ་རྗེ་པདྨོ་ཅན་ཞེས་བྱ་བར་སྦྱར་ཏེ། དབང་ཞེས་པ་
རང་དང་ཆོས་ལ་མ་ཆགས་པ་རྣམས་རྗེས་སུ་ཆགས་པར་བྱ་བའི་ཕྱིར། པདྨོ་རྡོ་རྗེ་ཅན་འོད་ཟེར་དམར་པོའི་རང་བཞིན་ཅན་སྣ་བུག་གཡས་ཀྱི་སྒོ་ནས་འབྱུང་བ་མེའི་དཀྱིལ་འཁོར་གྱེན་རྒྱུའི་རླུང་སྔགས་སྦྱར་བའི་རྡོར་བཟླས་བསྒོམ་མོ། །མངོན་སྤྱོད་དེ་གསད་པ་དང་ལ་སོགས་
པས་བསྐྲད་པ་དང་དབྱེ་བ་སོགས་ཀྱི་དྲག་པོའི་ལས་རྣམས་ལ་ནི་རྡོ་རྗེ་ཁྲོ་བོ་སྟེ། འོད་ཟེར་ནག་པོའི་ངོ་བོ་ཉིད་གཡོན་གྱི་སྣའི་སྒོ་ནས་འབྱུང་བ་རླུང་གི་དཀྱིལ་འཁོར་མཉམ་གནས་ཀྱི་རླུང་སྔགས་སྦྱར་བའི་རྡོར་བཟླས་བསྒོམ་མོ། །འདི་ནི་ཞེས་བྱ་བ་ལ་སོགས་པ་ལ། 
གང་བཤད་མ་ཐག་པའི་དཀྱིལ་འཁོར་བཞི་པོའི་རྡོར་བཟླས་འདི་ནི་རྡོ་རྗེ་ཐམས་ཅད་ཀྱི་སྟེ། རྫོགས་རིམ་པའི་སྒྲུབ་པ་པོ་ཐམས་ཅད་ཀྱི་གསང་བ། ཞེས་པ་སྦ་བར་བྱ་བ་དང༌། སྐུ་གསུམ་ལས་བྱུང་བ་སྟེ་རྡོ་རྗེ་འཆང་ཆེན་པོས་བསྟན་པའོ། །སྔགས་རྣམས་ཀུན་ནི་
4-2-275b


ཞེས་པ་ཟུང་འཇུག་པས་རྡོར་བཟླས་ཀྱི་ལས་སྒྲུབ་པ་འདི་ནི། བསྐྱེད་རིམ་ལྟར་ལས་སོ་སོ་ལ་ལྷ་སོ་སོ་དགོས་པ་ལྟ་བུ་མ་ཡིན་པར་ལྷ་ཐམས་ཅད་དང་འབྲེལ་བར་གྱུར་པའི་བྱ་བའི་རོལ་མོ་སྟེ་ཞི་བ་ལ་སོགས་པའི་ལས་གསུངས་པའོ། །དེས་མཚན་པ་ནི་མཚན་པར་བྱས་པའི་གསང་བའོ། །
ཞེས་བྱ་བར་སྦྱར་རོ།། ༈ ལས་རྣམ་པ་བཞིའི་ནང་ནས་མངོན་སྤྱོད་ཀྱི་ལས་བཀར་ཏེ་༼འདིར་མངོན་སྤྱོད་དཀའ་བ་ཉིད་དུ་བསྟན་པའི་ཕྱིར་ཞེས་དང༌། མངོན་སྤྱོད་བྱ་དཀའ་བ་བསྟན་པའི་ཕྱིར་ཞེས་ཚུལ་གསུམ་བྱུང་བའི་དང་པོ་ནི་མིན་ཏེ། འདིར་དེ་ལས་རྣམས་ཀྱི་ནང་ནས་དཀའ་ཞེས་མ་བསྟན་པའི་ཕྱིར་
རོ། །གཉིས་པ་ཡང་མ་ཡིན་ཏེ། བྱེད་ལུགས་ཀྱི་ཆོ་ག་ཤེས་པ་ནི་མི་དཀའ་ལ། བྱེད་མཁན་མཚན་ཉིད་ཚང་བ་དཀའ་བ་ནི་དངོས་གྲུབ་སྟོབས་ལྡན་གཞན་སྒྲུབ་པ་ལ་ཡང་མཚུངས་སོ། །དེས་ན་བཀར་ཏེ་ཞེས་བསྒྱུར་བ་ལེགས་སོ། །༽བསྟན་པར་བྱ་བ་ལ། དེ་རྣམ་པར་ཕྱེ་བས་མངོན་སྤྱོད་བྱ་བ་དེ་ཉིད་ཀྱི་
ཡུལ་བསྟན་པར་བྱ་བའི་ཕྱིར། མ་དད་སྨྲ་བའི་ཞེས་བྱ་བ་ལ་སོགས་པ་གསུངས་ཏེ། མ་དད་པ་ནི་རྗེས་སུ་གཟུང་བར་བྱ་བའི་སྣོད་མ་ཡིན་པ་སྟེ། དཀོན་མཆོག་གསུམ་དང་ལ་སོགས་པས་རྡོ་རྗེ་ཐེག་པ་སོགས་ལ་༼གསུང་བར་བཞེད་པས། ཟེར། ༽སྨོད་པར་སྨྲ་
བའི་སེམས་ཅན་ལོག་པར་ལྟ་བ་ཅན་དང༌། རྡོ་རྗེ་སློབ་དཔོན་ཏེ་བླ་མར་གྱུར་པ་དེ་རྣམས་ལ་སྨོད་པ་དང༌། གཞན་ཡང་གདུག་པའི་སེམས་ཅན་ཏེ་མཚམས་མེད་པ་ལ་སོགས་པ་བྱེད་པ་རྣམས་ལའང་རབ་ཏུ་བསྐུལ་བ་སྟེ། ཆེ་གེ་མོ་སོད་ཅིག་ཅེས་བྱ་བ་ལ་སོགས་པ། 
བསྐུལ་བའི་མཚན་ཉིད་༼རྡོ་རྗེ་སློབ་དཔོན་ཏེ་བླ་མ་དང༌། རྡོ་རྗེ་ཅན་ནི་རྡོ་རྗེ་བཙུན་མོ་སྟེ། དེ་རྣམས་ལ་སྨོད་པ་ཞེས་ཀྱང་ཟེར་རོ། །༽ཅན་གྱི་ལས་འོག་ནས་བཤད་པ་འདི་དག་བྱའོ། །ཡེ་ཤེས་ཆེན་པོའི་འཁོར་ལོའི་རྡོ་རྗེ་ནི་རིགས་གསུམ་གྱི་བདག་ཉིད་ཅན་རྡོ་རྗེ་འཆང་ཆེན་པོ་སྟེ་
4-2-276a


དེས་དེ་སྐད་ཅེས་བཀའ་སྩལ་ཏོ་ཞེས་བྱ་བ་ནི་དེ་སྐད་ཅེས་གསུངས་པའོ།། ༈ ཁམས་གསུམ་ཞེས་བྱ་བ་ལ་སོགས་པ་ལ། མི་བསྐྱོད་པ་དྲག་པོའི་ཏིང་ངེ་འཛིན་གཞན་གཉིས་སྔོན་དུ་བཏང་ནས་ལས་རྒྱལ་མཆོག་གི་དུས་སུ་ཁམས་གསུམ་ན་
གནས་པ་སྟེ་འདོད་པ་དང་གཟུགས་དང་གཟུགས་མེད་པར་གཏོགས་པའི་སྒོ་ང་ལས་སྐྱེས་པ་ལ་སོགས་པའི་སེམས་ཅན་རྣམས། སངས་རྒྱས་ཀྱི་སྐུར་ཞེས་བྱ་བ་སངས་རྒྱས་ཀྱི་སྐུ་དེ་བཞིན་གཤེགས་པའི་སྙིང་པོ་ཅན་དུ་སྒྲུབ་པ་པོས་རྣམ་པར་བསྒོམ་ཞིང་ལྷག་པར་
མོས་ནས། དགྲ་བོས་ཞེས་པ་གང་ལ་དྲག་ལས་བྱ་བའི་ཡུལ་བསྒྲུབ་པར་བྱ་བའི་དགྲ་བོ་རྡོ་རྗེ་གནོད་སྦྱིན་སྲིན་པོར་བསྒྱུར་ལ་། དེས་སེམས་ཅན་དེ་རྣམས་ཐམས་ཅད་བསད་པར་བསམ་ཞིང་སྟེ་བསྒོམས་ནས་སོ། །དེ་ནས་ལས་རྣམས་བརྩམ་པར་བྱ་ཞེས་བྱ་བ་
ནི། བཤད་མ་ཐག་པའི་རིམ་པས་དགྲ་བོ་འདིས་སྡིག་པ་འདི་ལྟར་བྱས་སོ་ཞེས་སངས་རྒྱས་རྣམས་ལ་སྡིག་པ་ཉེ་བར་བསྒྲགས་པ་བྱས་ལ་ཁ་སྦྱར་དབྱེ་བ་༼སྦྱར་དབྱེ་བ་ནི་བསྲུང་བ་དང་བྲལ་བར་བྱེད་པ་སྟེ། བསྒྲུབ་བྱའི་ལུས་གང་ཡིན་པ་དཀྱིལ་འཁོར་དུ་བསྒོམས་ནས། དེའི་ལུས་ལ་
གནས་པའི་དཀྱིལ་འཁོར་གྱི་ལྷ་རྣམས་ལ། འདིས་ཕྱོགས་བཅུའི་སངས་རྒྱས་ཐམས་ཅད་བསད་དོ། རྡོ་རྗེ་སློབ་དཔོན་ལ་སྨད་དོ། །མཚམས་མེད་ལྔ་ལ་སོགས་པའི་ཉེས་པ་ཆེན་པོ་བྱས་སོ། །ཞེས་དེའི་ཉེས་པ་བསྒྲགས་ཏེ། འདིའི་སྐྱབས་མ་མཛད་པར་འདི་ཆོམས་ཤིག་ཅེས་བཀའ་བསྒོས་པས། 
བསྒྲུབ་བྱ་དེ་རྣམས་ལྷ་དེས་བཅོམ་ནས་བསྒྲུབ་བྱའི་ལུས་ལས་ཕྱིར་བཏོན། དེའི་རྣམ་པ་ཐམས་ཅད་ནས་དྲངས་ཏེ། རང་གི་ལུས་ཀྱི་ལྷའི་འཁོར་ལོ་ལ་བཅུག་པར་བསྒོམ་པ་སྟེ། རྒྱུད་ཕྱི་མར། བསྒྲུབ་བྱའི་ལུས་གང་ཡིན་པ་ལའང༌། །དཀྱིལ་འཁོར་རྣམ་པར་བསྒོམས་ནས་སུ། །དེ་ཡི་ལུས་གནས་འཁོར་ལོ་
4-2-276b


ལ། །དེ་ཡི་ཉེས་པ་བསྒྲགས་པར་བྱ། །དེ་ནས་དེ་རྣམས་དེས་བཅོམ་ནས། །བྱུང་བར་གྱུར་པ་རྣམ་པར་བསྒོམ། །དངོས་པོ་ཀུན་གྱིས་རྣམ་བསྒོམས་ནས། །དངོས་པོ་ཀུན་གྱིས་དྲངས་ནས་ནི། །དེ་ནས་རང་གི་འཁོར་ལོར་ཞུགས། །ཅེས་གསུངས་སོ། །སྔོན་དུ་འགྲོ་བས་དེ་སྔོན་དུ་བཏང་ནས་ཆད་
པས་བཅད་པ་གསད་ལས་དངོས་གཞི་བརྩམ་པར་བྱའོ།། ༈ ལས་དེ་བྱེད་པ་ལ་སྔོན་དུ་དང་པོ་སྦྱོར་བ་བྱེད་ཚུལ་ནི། ནམ་མཁའི་དབྱིངས་ཀྱི་དབུས་གནས་པར། །ཞེས་བྱ་བ་ལ་སོགས་པ་ལ། དེ་ལ་དང་པོར་རེ་ཞིག་སྒྲུབ་པ་པོས་ལྷག་
མོས་ཡན་ཆད་སྔོན་དུ་བཏང་བའི་མཐར་ནམ་མཁའི་དབུས་སུ་གནས་པ་སྟེ། ལྷག་མོས་འོད་གསལ་བའི་ནང་དུ་ཆུད་པར་བྱས་པའི་དེ་བཞིན་ཉིད་ལས་བྱང་ཆུབ་པ་དང༌། ཉི་ཟླ་པདྨ་ཡི་གེ་གསུམ་དང་བཅས་པ་བྱས་ལ་དེའི་འོག་ཏུ་དེ་རྣམས་ཐམས་ཅད་གཅིག་ཏུ་འདྲེས་པ་ལས་བདག་
ཉིད་ཉི་མའི་དཀྱིལ་འཁོར་ལྟ་བུར་ཡོངས་སུ་གྱུར་པར་བསམས་ནས་དེའི་སྟེང་དུ་ས་བོན་ལས་བྱང་ཆུབ་པ་ཧཱུཾ་རིང་པོ་དང་དེ་ནས་ཕྱག་མཚན་ལས་བྱང་ཆུབ་པ་ཧཱུཾ་རིང་པོ་ལས་བྱུང་བའི་རྡོ་རྗེ་རྩེ་ལྔ་པ་ཕྱོགས་བཞིའི་རྭ་རྣམས་དབུས་རྭ་ལ་མ་རེག་པར་ཁ་སྟེ་རྭ་ཕྱིར་གྱེས་
པ་བསམས་ལ། སྐུ་རྫོགས་པ་ལས་བྱང་ཆུབ་པ་ཕྱག་མཚན་དེ་ཡོངས་སུ་གྱུར་པ་ལས་རྡོ་རྗེ་སེམས་དཔའ་ཞལ་བཞི་གནག་པ་མཆེ་བ་གཙིགས་པ་ཨིནྡྲ་ནཱི་ལའི་མདོག་ཅན་ཕྱག་དྲུག་པ། རྣམ་པའི་མཆོག་རྣམས་ཀུན་དང་ལྡན་ཞེས་བྱ་བ་ནི། ཁྲོ་བོའི་
རྒྱན་གྱི་རྣམ་པ་ཐམས་ཅད་ཀྱི་ཁྱད་པར་དང་ལྡན་པ་གཡས་བསྐུམ་གཡོན་བརྐྱང་པས་བཞུགས་པ། དཀྱིལ་འཁོར་གྱི་དབུས་ན་བཞུགས་པའི་རྡོ་རྗེ་སེམས་དཔར་མན་ངག་ཇི་ལྟ་བ་བཞིན་དུ་རྣམ་པར་བསྒོམ་མོ།། ༈ ༼ཞེས་པས་ནི་དང་པོ་སྦྱོར་བ་བསྟན་ཏེ།
4-2-277a


 ལེའུ་དགུ་པར་གསད་ལས་སྒྲུབ་པ་ལ། སྔོན་དུ་རྡོ་རྗེ་འཆང་ཞི་བ་བསྒོམས་ནས་མི་བསྐྱོད་པ་དྲག་པོར་བསྒྱུར་བ་དང་དོན་མི་གཅིག་གོ། ༈ དྲག་པོའི་དཀྱིལ་འཁོར་རྒྱལ་མཆོག་བྱེད་ཚུལ་ནི། དུས་གསུམ་དམ་ཚིག་ནི་བཤད་མ་ཐག་པའི་
རྡོ་རྗེ་འཆང་དྲག་པོའོ་ངོ༌། །དེ་ལས་བྱུང་བའི་སངས་རྒྱས་འཁོར་ལོ་ནི་རྣམ་པར་སྣང་མཛད་ལ་སོགས་པའི་འཁོར་གྱི་ལྷའི་ཚོགས་ཏེ། དེ་རྣམ་པར་བསྒོམས་ལ་སངས་རྒྱས་ཀྱི་འཁོར་ལོ་སྟོབས་ཆེ་བ་སྟེ་དྲག་པོའི་ལྷ་ཚོགས་བཤད་མ་ཐག་པའི་
ལྷ་ཕོ་འདི་རྣམས། དབུས་ཀྱི་རྡོ་རྗེ་སེམས་དཔའ་དྲག་པོའི་ལག་པ་གཡས་པ་སྟེ་གཡས་ལོགས་སུ་བསམ་པར་བྱའོ། །ལྷ་ཕོ་རྣམས་གཡས་ཕྱོགས་སུ་དགོད་པར་དངོས་སུ་བསྟན་པའི་དོན་གྱི་ཤུགས་ཀྱིས་ནི་རིགས་ལྔའི་བདག་ཉིད་ཅན་གྱི་དྲག་མོའི་ལྷ་
མོའི་འཁོར་ལོ་དགུའི་ཚོགས་ནི་གཡོན་དུ་བྱའོ། །ཞེས་བྱ་བ་ནི་འཕགས་མཆོག་གི་མན་ངག་གོ། ཕྱོགས་བཅུ་ནས་བྱུང་སེམས་ཅན་རྣམས། །ཞེས་བྱ་བ་ནི། ཕྱོགས་བཅུ་ན་བཞུགས་པའི་སངས་རྒྱས་རྣམས་སྤྱན་དྲངས་ཏེ་སོ། །སངས་རྒྱས་སྐུ་ཡི་
བྱེ་བྲག་གིས། །ཞེས་བྱ་བ་ནི། རྡོ་རྗེ་རྣམ་པར་སྣང་མཛད་ལ་སོགས་པའི་རིགས་ཀྱི་བྱེ་བྲག་གིས་ལྷ་སོ་གཉིས་སུ་སོ། །བསྡུས་ཏེ་གོང་བུའི་ཚུལ་གྱིས་སུ་ཞེས་བྱ་བ་ནི། རང་རྡོར་སེམས་དྲག་པོར་བསྐྱེད་པའི་གི་ཕྱག་རྒྱ་ཆེན་པོའི་གཟུགས་ཇི་
ལྟ་བ་བཞིན་དུ་ཐམས་ཅད་དྲག་པོར་རིགས་གཅིག་ཏུ་བྱས་ལ། ལྷ་རྣམས་ཀྱི་ཚོགས་དེ་དག་རང་གི་ལུས་ལ་དེ་དག་གཟུགས་ཀྱི་ཕུང་པོ་ལ་སོགས་པའི་ཚུལ་གྱིས་གཞུག་པར་བྱ་ཞིང་གཟུད་པར་བྱའོ། །ཡང་གཞུག་པར་བྱས་པའི་འོག་ཏུ་ཡེ་
4-2-277b


ཤེས་འཁོར་ལོ་ཅན་ཏེ་ཡེ་ཤེས་པའི་ལྷ་རང་གི་ཀྱི་ལུས་ལ་བཅུག་ནས་གནས་པ་རྣམས་ཀྱི་སྤྲོ་བ་སྟེ་འབྱིན་པའི་བྱ་བ་དག་བྱའོ། །དཀྱིལ་འཁོར་རྒྱལ་མཆོག་གི་ལྷ་དེ་རྣམས་སྤྲོ་ཚུལ་དང༌། ཉམས་ཇི་ལྟ་བུར་བསྒོམ་ཞེ་ན། ཁྲོ་བས་ཞེས་བྱ་བ་ལ་སོགས་པ་༼
ཞེས་པའི་དོན་ནི་རྡོར་སེམས་དྲག་པོས་སྔོན་ལ་ཡེ་ཤེས་པའི་དཀྱིལ་འཁོར་རང་ལ་གཞུག། དེ་ནས་རིག་མ་དང་མཉམ་པར་སྦྱར་བ་ལས་ལུས་ཀྱི་ལྷ་རྣམས་ཡུམ་གྱི་པདྨར་ཞུ་བ་ལས་ལྷ་སོ་གཉིས་མངལ་དུ་བསྐྱེད། ཕྱིར་སྤྲོས་པ་རྣམས་ཀྱིས་མཛད་པ་མཛད་ནས། སླར་འདུས་པའི་ཚེ་ལྷ་ཕོ་ཐམས་ཅད་
གཡས་དང༌། མོ་ཐམས་ཅད་གཡོན་དུ་དགོད་པར་བྱའོ། །༽གསུངས་ཏེ། ཁྲོས་པས་འཁྲུག་པ་ལ་སོགས་པའི་རང་གི་ངོ་བོར་བསམས་ལ། སྤྲོ་བར་བྱའོ་ཞེས་བྱ་བར་སྦྱར་རོ། །ཁྲོ་བས་ཞེས་བྱ་བ་ནི་ཡིད་དོ། །འཁྲུགས་པ་ནི་ལུས་ཀྱིས་སོ། །དེའི་ཕྱིར་མི་སྡུག་འཇིགས་སུ་
རུང་བའི་གཟུགས་ཞེས་བྱ་བ་གསུངས་ཏེ། མི་སྡུག་པ་ཉིད་ནི་སྨིན་མ་བསྐྱོད་པ་དང་སྤྱན་དམར་བ་དང༌། ཞལ་མཆེ་བ་གཙིགས་པ་དང་ལྡན་པའི་ཕྱིར་རོ། །འཇིགས་སུ་རུང་བ་ནི་སྐུ་ཆེ་བ་དང་ལྡན་ཞིང་སྦྲུལ་སྐ་རགས་སུ་བཅིངས་པ་ལ་སོགས་པས་བརྒྱན་པས་འཇིགས་སུ་
རུང་བའི་གཟུགས་ཅན་ནོ། །མཚོན་ཆ་སྣ་ཚོགས་མཆོག་འཛིན་པ་ནི་དགྲ་སྟ་དང་ཐོ་བ་ལ་སོགས་པ་ཕྱག་ན་བསྣམས་པའི་ཕྱིར་ཏེ་དེ་ལྟ་བུ་བསྒོམ་པར་བྱའོ་རོ། །གསོད་པའི་ཞེས་བྱ་བ་ནི་རྡོ་རྗེ་འཆང་ཆེན་པོའོ། །དེའི་དོན་ནི་བཀའི་བྱེ་བྲག་གོ། དེ་འབའ་ཞིག་སེམས་དཔའ་
ནི་གདུག་པ་ཆེན་པོ་དཀོན་མཆོག་གསུམ་ལ་གནོད་པ་བྱེད་ཅིང་སུན་འབྱིན་པའི་གདུག་པ་རྣམས་གསོད་ཅིང་འཇོམས་པའོ། །རྡོ་རྗེ་སེམས་༼འགྱུར་རྙིང་གི་རྒྱུད་ལས། རྡོ་རྗེ་སེམས་དཔའ་རང་ཉིད་དམ། །ཞེས་པ་དང༌། འགྲེལ་པའི་འགྱུར་གཉིས་མི་ལེགས་པས། ཆག་གིས། རྡོ་རྗེ་
4-2-278a


སེམས་དཔའ་རང་ཉིད་ཀྱང༌། ཞེས་བསྒྱུར་བ་འགྲེལ་པའི་བཤད་པ་དང་མཐུན་ནོ། །༽དཔའ་གསོད་པར་བསྒོམ་ཞེས་བྱ་བ་ནི། གལ་ཏེ་རྡོ་རྗེ་སེམས་དཔའང་འདི་ལྟ་བུའི་མ་རུངས་པར་གྱུར་ན་དེ་ལ་ཡང་ཁྲོ་བོ་འདི་རྣམས་ཀྱིས་འཚེ་ན་སེམས་ཅན་གདུག་པ་ཅན་
གཞན་རྣམས་ལ་འཚེ་བ་ལྟ་སྨོས་ཀྱང་ཅི་དགོས་ཞེས་སྔགས་མཁན་བདག་ཉིད་ཀྱི་ནུས་པ་སྟོན་པ་ཡིན་ནོ།། ༈ འགྱོད་པ་སྟེ་དེ་མ་ཐག་ཏུ་བཤད་པའི་ལས་དེ་འགྲུབ་བམ་མི་འགྲུབ་སྙམ་པའི་ཐེ་ཚོམ་བཟློག་པར་བྱ་བའི་ཕྱིར། སངས་རྒྱས་སྐུ་གསུམ་ཞེས་བྱ་༼
འགྱུར་གསར་གཉིས་དང༌། འགོས་འགྱུར་ཁ་ཅིག་ལས། སྒྱུ་མ་ལྟ་བུའི་ནུས་པ་ཞེས་འབྱུང་ཡང༌། དཀྱུས་ན་ཡོད་པ་འདི་ཉིད་དག་གོ། ༽བ་ལ་སོགས་པ་གསུངས་ཏེ། སངས་རྒྱས་ནི་རྡོ་རྗེ་འཆང་ཆེན་པོའོ། །ཆོས་ཀྱི་སྐུ་ལ་སོགས་པའི་མཆོག་སྟོན་པའི་ལུང་སྩོལ་བར་མཛད་
པས་ན་སྐུ་གསུམ་མཆོག་སྩོལ་བའོ། །རྡོ་རྗེ་གསུམ་ནི་ལུས་ངག་ཡིད་གསུམ་དང་ལྡན་པའི་སེམས་ཅན་རྣམས་ཏེ་དེ་རྣམས་ཀྱི་དཀྱིལ་འཁོར་གྱི་གནས་ཞེས་པའི་དཀྱིལ་འཁོར་ནི་ཁམས་གསུམ་ཡིན་ལ། ཁམས་གསུམ་པ་རྣམས་དང་རྡོ་རྗེ་འཆང་གཉིས་རང་བཞིན་རྣམ་དག་གི་
དེ་ཁོ་ན་ཉིད་དབྱེར་མེད་པས་རྡོ་རྗེ་འཆང་དེའི་བདག་ཉིད་ཅན་ཡིན་པས་ན་རྡོ་རྗེ་གསུམ་གྱི་དཀྱིལ་འཁོར་གྱི་གནས་ནི་རྡོ་རྗེ་འཆང་ངོ་སོ། །དངོས་གྲུབ་ནི་མངོན་པར་འདོད་པའི་དོན་ཏེ། རྡོ་རྗེ་འཆང་དེས་སྒྲུབ་པ་པོ་ལ་སྟེར་བར་འགྱུར་རོ། །རྨོངས་པ་ནི་དངོས་གྲུབ་༼
འགྱུར་རྙིང་གི་རྒྱུད་ལས། རྨོངས་པས་གྲུབ་པ་མི་སྟེར་ན། །འཆི་བར་འདིར་ནི་གདོན་མི་ཟ། །ཞེས་འབྱུང་ལ། པ་ཚབ་ཀྱི་འགྱུར་ལས། རྨོངས་བདག་ཉིད་ཀྱིས་དངོས་གྲུབ་གསོལ། །འདི་ལ་ཐེ་ཚོམ་ཡང་མི་བྱ། །ཞེས་དང་། ཆག་གིས་བསྒྱུར་བ་ཡང་དེ་དང་འདྲ་བས་དངོས་གྲུབ་སྟེར་བ་ལ་ཐེ་ཚོམ་མེད་པའི་དོན་
4-2-278b


དུ་བཤད་དོ། །དེ་ལྟར་མི་མཐུན་པ་སྣང་བ་ནི་བསྒྱུར་གཞིའི་རྒྱ་དཔེའི་ཁྱད་དུ་འདུག་ཅིང༌། རྨོངས་པས་ཞེས་པའི་ཚིག་ཟིན་ལ་བལྟས་ན། འགྱུར་རྙིང་ལྟར་བྱ་དགོས་པ་འདྲ་བ་ཞིག་སྣང་ནའང་འདིར་དངོས་གྲུབ་འགྲུབ་པ་ལ་ཐེ་ཚོམ་མེད་པར་བཤད་དགོས་པར་སྣང་བས་རྨོངས་པ་ནི་ཆག་འགྱུར་ལས། གཞན་གྱི་སྐུ་
དྲིན་ལ་རག་ལས་པས་རྨོངས་པ་ནི། རྨོངས་བདག་ཉིད་དོ། །ཞེས་འབྱུང་བ་ལྟར་བླ་མའི་སྐུ་དྲིན་ལ་རག་ལས་ནས་དངོས་གྲུབ་འགྲུབ་པ་ལ་བྱའོ། །༽གཞན་ལ་རག་ལག་པས་རྨོངས་པས་ན་རྨོངས་པའོ། །འདིར་ཞེས་པ་ནི་དངོས་གྲུབ་མི་སྟེར་བ་ལའོ། །ཐེ་ཚོམ་ནི་ཡིད་གཉིས་མི་བྱའོ། །
དྲག་པོའི་ཆོ་ག་འདི་ནི་ཉིན་ཞག་བདུན་དུ་བྱའོ། །གཞན་དུ་ཉིན་ཞག་བདུན་ཚུན་ཆད་ཀྱིས་ནི་སངས་རྒྱས་ཀྱིས་ཀྱང་མི་འགྲུབ་བོ།། ༈ དེ་ལ་འདིར་སྦྱོར་བ་སྟེ་རྣལ་འབྱོར་མདོར་བསྡུས་ན་ནི་འདི་ཡིན་ཏེ་བཤད་མ་ཐག་པའི་རིམ་པས་རྡོ་རྗེ་འཆང་ཆེན་པོ་དྲག་པོར་བདག་༼
འགྱུར་རྙིང་གི་རྒྱུད་ལས། ཉི་མ་བདུན་དུ་འདི་བྱས་ན། །སངས་རྒྱས་དངོས་གྲུབ་སྟེར་བར་འགྱུར། །ཞེས་པ་ལྟར་མི་བྱ་བར། ཉི་མ་བདུན་དུ་འདི་བྱ་སྟེ། །སངས་རྒྱས་ཀྱིས་ཀྱང་འགྲུབ་མི་འགྱུར། །ཞེས་འབྱུང་བ་འགྲེལ་པའི་བཤད་པ་དང་མཐུན་ནོ། །༽ཉིད་བསྐྱེད་ལ། ཇི་སྐད་བཤད་པའི་ཁྲོ་བོའི་ལྷ་
རྣམས་སྤྲོ་བར་བྱས་ལ། དེའི་དབུས་ན་གནས་པའི་གནོད་མཛེས་ལ་དགྲ་བོ་ཁུག་ཅིག་ཅེས་པའི་ལུང་བསྒོས་བས་གནོད་མཛེས་དེས་དགྲ་བོའི་མགྲིན་པ་ཞགས་པས་བཅིངས་ནས་སྙིང་ཁ་ནས་ལྕགས་ཀྱུས་དྲངས་པར་འགྱུར་བཞིན་དུ་ལྟེ་བ་རླུང་གི་དཀྱིལ་འཁོར་གྱི་
དབུས་ན་གནས་པའི་མེའི་དཀྱིལ་འཁོར་ལ་བསྐྱོན་ནས་བསྒྲུབ་པར་བྱ་བ་སྐྲ་གྲོལ་ཞིང་ལུས་ཏིལ་མར་གྱིས་བསྐུས་པ། སྲོག་བྱེ་བ་༼ཁ་སྦྱོར་དབྱེ་བར་ཟེར་༽སྐྱབས་མེད་པ་འགྱོད་པ་སྐྱེས་པ་མདུན་དུ་བཀུག་པར་རྣམ་པར་བསམ་ལ་དེ་ནས་སྤྲོས་པའི་ཁྲོ་བོའི་
4-2-279a


ལྷ་རྣམས་ཀྱིས་མཚོན་ཆ་སྣ་ཚོགས་པས་གཅོད་པར་བྱེད་ཅིང་སྲོག་དང་བྲལ་བ་སྟེ་ཕྲལ་ནས་མི་འཁྲུགས་པའི་སངས་རྒྱས་ཀྱི་ཞིང་དུ་སྐྱེ་བར་བསྒོམ་པར་བྱའོ།། ༈ རྡོ་རྗེའི་དམ་ཚིག་ནི་ཁྲོ་བོ་རྣམས་སོ། །དེ་རྣམས་ཀྱི་ཡེ་ཤེས་ནི་འདི་ལྟར་
རྣམ་པར་གཙེས་ཤིག་ཅེས་བྱ་བ་ཁོང་དུ་ཆུད་པར་བྱ་བ་སྟེ། དེ་ནི་རྡོ་རྗེའི་དམ་ཚིག་ཡེ་ཤེས་ཡིན་ལ། དེ་ཉིད་བཀའི་འཁོར་ལོ་སྟེ་རྣམ་པར་འཚེ་བའི་ཕྱིར་རོ། །དེའི་ཕྱིར་ཏིང་ངེ་འཛིན་འདི་ལ་ཡང་དེ་སྐད་ཅེས་བྱའོ།། ༈ དེ་ལྟར་མི་བསྐྱོད་པའི་རྣལ་འབྱོར་པའི་
བཀའི་འཁོར་ལོ་དང་པོར་ཡང་དག་པར་བསྟན་ནས། རྣམ་པར་སྣང་མཛད་ཀྱི་རྣལ་འབྱོར་པ་རྣམས་ཀྱི་བཀའི་འཁོར་ལོ་ཡང་བསྟན་པར་བྱ་བའི་ཕྱིར། ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པ་གསུངས་ཏེ། སྔར་ཇི་སྐད་དུ་གསུངས་པའི་མངོན་བྱང་ལྔའི་
རིམ་པས་བདག་ཉིད་རྣམ་པར་སྣང་མཛད་ཀྱི་སྐུར་བསྐྱེད་པའི་དང་པོ་སྦྱོར་བ་བྱས་ལ། དེའི་འོག་ཏུ་དུས་གསུམ་དམ་ཚིག་ལས་བྱུང་བ་ཞེས་པ། རིག་མ་དང་སྙོམས་པར་ཞུགས་པ་ལས་རྣམ་སྣང་མ་གཏོགས་པའི་དཀྱིལ་འཁོར་རྒྱལ་མཆོག་གི་ལྷ་རྣམས་བསྐྱེད་པའི་མི་བསྐྱོད་པ་སྤྲོས་ཏེ། 
རང་ལ་བཅུག་པའི་རྣམ་པར་སྣང་མཛད་ཡོངས་སུ་གྱུར་པ་ལས་བྱུང་བའི་རྡོ་རྗེ་སེམས་དཔའ་གྲགས་པ་ཆེན་པོ་ཁྲོས་པ་རྣམ་པར་བསམས་ལ། དེའི་ཕྱག་ཏུ་འཁོར་ལོའི་ཚབ་མར་རྡོ་རྗེ་མེ་སྟག་རྣམ་པར་འཕྲོ་བས་འཁྲུགས་པའི་རྡོ་རྗེ་ཁ་གྱེས་པ་བསྣམས་པར་
བསྒོམ་མོ། །ཕྱོགས་བཅུ་ནས་བྱུང་སེམས་ཅན་རྣམས་ཞེས་བྱ་བ་རང་གི་ཐུགས་ཀའི་འོད་ཟེར་གྱིས་ཕྱོགས་བཅུ་ན་བཞུགས་པའི་དེ་བཞིན་གཤེགས་པ་རྣམས་སྤྱན་དྲངས་ཏེ་ནི། རྡོ་རྗེ་སྐུ་ཡི་ཁྱད་པར་གྱིས་ཏེ་བུད་མེད་ལྷ་མོ་དང་སྐྱེས་པ་ལྷ་ཕོའི་བྱེ་བྲག་
4-2-279b


གིས་བྱུང་བ་ཐམས་ཅད་རང་གི་ལུས་ཀྱི་ཏིང་ངེ་འཛིན་སེམས་དཔའ་ལས་བྱུང་བའི་འོད་ཟེར་གྱི་ཚོགས་ཀྱིས་དྲག་པོའི་སྐུར་རིགས་གཅིག་ཏུ་བྱས་ཤིང་ལྷ་སོ་གཉིས་སུ་བསྡུས་ནས་དྲངས་ལ་དེ་བཞིན་གཤེགས་པ་དེ་དག་བདག་གི་ལུས་ལ་གཟུད་ཅིང་གཞུག་གོ། སྤྲོ་བ་
རྡོ་རྗེ་ཐམས་ཅད་ཀྱི་སྟེ། དེ་ནས་རིག་མ་དང་སྦྱར་བ་ལས་རང་གི་ལུས་ལ་གནས་པའི་དཀྱིལ་འཁོར་པ་རྣམས་ཀྱི་སྤྲོ་བ་སྟེ། དཀྱིལ་འཁོར་པ་རྣམས་ཡུམ་གྱི་པདྨར་ཞུ་བ་ལས། དཀྱིལ་འཁོར་རྒྱལ་མཆོག་བསྐྱེད་པ་རྣམས་ཕྱི་རོལ་ཏུ་འབྱིན་༼གཞུག་པ་འདི་རྣམ་སྣང་ལ་བསྒྱུར་བའི་སྐབས་སུ་བྱའོ། །
༽པའི་བྱ་བ་དེ་དང་སྤྲོས་པ་རྣམས་བསྡུས་ཏེ་གཡས་གཡོན་དུ་དགོད་པ་ཡེ་ཤེས་མཆོག་གི་གཉེན་ཏེ་སྒྲུབ་པ་པོས་བྱའོ། །དེ་ནས་ལས་རྒྱལ་མཆོག་བྱ་བ་ནི་སྔར་བཞིན་དགྲ་བོའི་སྡིག་པ་བསྒྲག་པ་ཅན་གྱི་ཁ་སྦྱོར་དབྱེ་བ་དང༌། གནོད་མཛེས་བསྐུལ་ནས་དགྲ་བོ་དགུག་པ་རྣམས་བྱས་
ལ་ཁྲོ་བོ་རྣམས་སྤྲོས་ཏེ་དེ་རྣམས་ལ་བཀའ་བསྒོ་བའི་ཚུལ་བསྟན་པར་བྱ་བའི་ཕྱིར། སྐུ་གསུང་ཐུགས་ཀྱི་ཞེས་བྱ་བ་ལ་སོགས་པ་གསུངས་ཏེ། སྐུ་གསུང་ཐུགས་ཀྱི་སྦྱོར་བ་རྡོ་རྗེ་ཅན་ནི་རྡོ་རྗེ་གསུམ་གྱི་བདག་ཉིད་ཅན་ནོ། །སངས་རྒྱས་ཐམས་ཅད་ནི་དེ་བཞིན་
གཤེགས་པ་ཐམས་ཅད་དང་དེའི་སྲས་རྣམས་བདག་ལ་གསོན་ཅིག་པའོ། །ཅི་ཞིག་ཅེ་ན། བདག་ནི་ཞེས་བྱ་བ་ལ་སོགས་པ་གསུངས་ཏེ། བདག་ནི་དཔལ་ལྡན་རྡོ་རྗེ་ཅན། །བཀའ་ཡི་འཁོར་ལོ་རབ་སྦྱོར་བ། །ཞེས་བྱ་བ་ངེས་པར་རྫོགས་པར་བྱེད་པ་དེ་ནི་བདག་ཡིན་
པའོ། །གལ་ཏེ་ཞེས་བྱ་བ་ལ་སོགས་པ་ལ། གལ་ཏེ་འགའ་ཞིག་འདིར་བདག་གིས་བསྒོ་བ་མི་བྱེད་ཅིང་འདས་ན་རང་གི་ལག་ན་གནས་པའི་རྡོ་རྗེ་ཀུན་ནས་རབ་ཏུ་འབར་བའི་གཟུགས་ཅན་འབར་བས་ཀུན་ནས་བསྐོར་བའི་རྡོ་རྗེ་འདི་ཡིས་སྐུ་གསུམ་ལས་བྱུང་༼སྐུ་
4-2-280a


གསུམ་ལས་བྱུང་འདི། འགྱུར་གསར་གཉིས་ལྟར་ན་དགོས་བྱ་ལ་བྱེད་ཀྱང༌། དེའི་དོན་རྡོ་རྗེ་གསུམ་གཅིག་ཏུ་གྱུར་པ་ལ་བཤད་པས། འགྱུར་རྙིང་ལྟར་འགས་བྱེད་ལ་སྦྱར་ན་ལེགས་སོ། །༽བ་སྟེ། སྐུ་གསུམ་གཅིག་ཏུ་གྱུར་པས་དགས་པར་བགྱི་ཞིང་ཕྱེ་མར་
བྱའོ། །དེས་ནི་དེ་ཞིག་པར་འགྱུར་ཞིང་སྟེ་ཕྱེ་མར་རྣམ་པར་འཇིག་པར་འགྱུར་བ་འདིར་གདོན་མི་འཚལ་ལོ། །ཞེས་པ་སྟེ་བདག་ཉིད་བདག་པོ་ཡིན་པར་སྟོན་ཏོ།། ༈ འཁོརལོའི་དམ་ཚིག་ནི་རྣམ་པར་སྣང་མཛད་དོ། །དེ་ལས་བྱུང་བ་ནི་ཡེ་ཤེས་རྡོ་རྗེ་ཡིན་ལ་དེ་
ནི་རྡོ་རྗེ་སེམས་དཔའ་སྟེ་ཏིང་ངེ་འཛིན་འདི་ལ་ཡང་མིང་དེ་སྐད་ཅེས་བྱའོ། །རྣམ་སྣང་ལ་བཤད་པ་དེ་བཞིན་དུ་རིན་ཆེན་འབྱུང་ལྡན་ལ་༼དེ་ལྟར་བཀའ་བསྒོས་པའི་འོག་ཏུ་གསད་ལས་དངོས་གཞི་བྱའོ། །༽སོགས་པ་གསུམ་གྱི་དྲག་ལས་སྒྲུབ་པ་ལ་འི་ཡང་
རིགས་གསུམ་པོ་དེ་རྡོར་སེམས་སུ་ཡོངས་སུ་གྱུར་པར་སྦྱར་བར་བྱའོ།། ༈ གཙོ་བོར་རིགས་ལྔའི་བཀའི་འཁོར་ལོ་བསྟན་པར་མ་ཟད་ལྔ་པོ་དེའི་འཁོར་ཁྲོ་བོ་བཅུ་པོ་རྣམས་ཀྱི་བཀའི་འཁོར་ལོ་ཡང་བསྟན་པར་བྱ་བའི་ཕྱིར། སངས་རྒྱས་དཀྱིལ་འཁོར་རྡོ་རྗེ་ཅན་
ཞེས་བྱ་བ་ལ་སོགས་པ་གསུངས་ཏེ། སངས་རྒྱས་དཀྱིལ་༼དེ་ཡང་ལྷག་མོས་འོད་གསལ་དུ་བསྡུས་པ་སོགས་ཀྱི་མངོན་བྱང་ལྔ་ལས་རིགས་གསུམ་དུ་བསྐྱེད་པའི་དང་པོ་སྦྱོར་བ་དང༌། དེ་ནས་སངས་རྒྱས་རྣམས་སྤྱན་དྲངས་ཏེ་ལྷ་དྲག་པོ་སོ་གཉིས་སུ་བསྡུས་པ་རང་ལ་འཇུག་པ་དང༌། དེ་
ནས་རིག་མ་དང་སྦྱར་བ་ལས་ལྷ་དེ་རྣམས་པདྨར་ཞུ་བ་ལས། དཀྱིལ་འཁོར་རྒྱལ་མཆོག་དྲག་པོར་བསྐྱེད་པ་དང་། ཕྱིར་སྤྲོས་ཏེ་གཡས་གཡོན་དུ་དགོད་པའི་དཀྱིལ་འཁོར་རྒྱལ་མཆོག་བྱེད་པ་དང༌། ལས་རྒྱལ་མཆོག་གི་དུས་སུ་ཁྲོ་བོ་སྤྲོ་བ་སོགས་དང༌། བཀུག་པ་ན་བཀའ་བསྒོས་ཏེ་གསད་ལས་
4-2-280b


དངོས་གཞི་བྱེད་པ་རྣམས་འདྲ་བར་སྦྱར་རོ།། ༼འཁོར་རྡོ་རྗེ་ཅན་ཞེས་པའི་རྡོ་རྗེ་ཅན་ནི་བདག་ཉིད་ལྷག་མོས་ཀྱི་རྡོ་རྗེ་འཆང་དུ་བསྐྱེད་པའོ། །སངས་རྒྱས་དེའི་དཀྱིལ་འཁོར་ནི། །ལྷག་མོས་ཀྱི་ལྷ་ལྷག་མ་རྣམས་སོ་དོ། །ནམ་མཁའ་རྡོ་རྗེའི་དབུས་གནས་པར་ཞེས་པ་ནི་ལྷག་མོས་ཀྱི་ལྷ་རྣམས་
འོད་གསལ་བར་ཞུགས་པར་བསམ་པ་སྟེ། དེ་བཞིན་ཉིད་ལས་བྱང་ཆུབ་པའོ། །དེས་མཚོན་པའི་མངོན་བྱང་ལྔ་པོ་དེ་ལས་རང་གི་རྡོ་རྗེ་ཞེས་བྱ་བ་རང་ཉིད་གཤིན་རྗེ་གཤེད་ཀྱི་འཁོར་ལོ་ཆེ་སྟེ་འཁོར་དང་བཅས་པ་རབ་ཏུ་བརྟག་པར་བྱའོ། །དུས་གསུམ་སངས་རྒྱས་ནི་རྣམ་པར་སྣང་
མཛད་ལ་སོགས་པའོ། །སེམས་དཔའ་རྣམས་ནི་༼དུ་བསྐྱེད་པའི་དང་པོ་སྦྱོར་བ་བྱའོ། །དེ་ནས་འོག་གི་དུས་གསུམ་སངས་རྒྱས་ཞེས་སོགས་ཀྱི་དོན། སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྤྱན་དྲངས་ཏེ་རང་གཤིན་རྗེ་གཤེད་དུ་བསྐྱེད་པའི་སྐུ་གསུང་ཐུགས་ལ་གཞུག་པ་ནི་སྔར་བཤད་པ་
བཞིན་དུ་བྱའོ། །དེའི་འོག་ཏུ་དཀྱིལ་འཁོར་རྒྱལ་མཆོག་སྒོམ་པ་ནི། གཤིན་རྗེ་གཤེད་ཀྱི་འཁོར་ལོ་ཆེ། །ཞེས་པས་སྟོན་པ་ལ། དེའི་འཁོར་ལོ་ཆེ་ནི་གཙོ་བོ་གཤིན་རྗེ་གཤེད་ཀྱི་འཁོར་གྱི་ལྷ་སོ་གཅིག་སྟེ། གཙོ་བོ་དང་བཅས་པ་སྔར་བཅུག་པའི་ལྷ་རྣམས་ཞུ་བ་ལས་ཡུམ་གྱི་པདྨར་བསྐྱེད་པའོ། །༽བྱམས་
པ་ལ་སོགས་པ་རྣམས་ཀྱང་སྐུ་གསུམ་དཀྱིལ་འཁོར་ཏེ། སྐུ་དང་གསུང་དང་ཐུགས་ལ་ཞུགས་པར་བརྟག་པར་བྱའོ། །གཤིན་རྗེ་གཤེད་ཀྱི་ཞེས་བྱ་བ་ལ་སོགས་པ་ལ། སླར་ཡང་སྟེ་ཕྱིས་ཀྱང་སངས་རྒྱས་ཞེས་བྱ་བ་ཞི་བའི་ངོ་བོར་གནས་པ་རྣམས། ༼ཞེས་པ་ནི་
མངལ་དུ་ཞི་བར་བསྐྱེད་ནས་སྤྲོ་བ་ན་དྲག་པོར་བྱེད་པ་མིན་གྱི། བསྙེན་པའི་དུས་སུ་ཞི་བར་གནས་པའི་ལྷ་རྣམས་འདིར་དྲག་པོར་བསྐྱེད་ནས་གཤིན་རྗེ་གཤེད་དང་འདྲ་བའི་ཁྲོ་བོར་སྤྲོ་བའི་དོན་ནོ། །སྤྲོས་པ་རྣམས་ཚུར་བཀུག་སྟེ་ཕོ་མོ་རྣམས་གཡས་༼ཞེས་པ་ནི་མངལ་དུ་ལྷ་བསྐྱེད་པའི་འོག་ཏུའོ། །༼གཡོན་དུ་དགོད་དོ། །༽གཤིན་
4-2-281a


རྗེ་གཤེད་ཀྱི་མདོག་དང་འདྲ་བར་སྤྲོ་བར་བྱའོ། །དེ་བཞིན་གཤེགས་པ་དང་སེམས་དཔའ་རྣམས་སྤྲོས་པས། དུས་གསུམ་ལ་བཞུགས་པ་ཞེས་པ། འགྱུར་རྙིང་ལས། དུས་གསུམ་ལ་བཞུགས་སེམས་ཅན་དང༌། །ཞེས་དང༌། དེ་བཞིན་ཞེས་པ་ནས། སྤྲོས་པས་
ཞེས་པའི་བར་མི་བདེ་བས། སེམས་ཅན་དུས་༼རྣམ་པ་འདྲ་བར་ཟེར། ༽གསུམ་བྱུང་བ་རྣམས། ཞེས་པ་དང༌། སེམས་ཅན་ནི་སྤྲོས་པའི་དེ་བཞིན་གཤེགས་པ་སྟེ། ཞེས་འབྱུང་བ་ལྟར་བདེ་ལ། དོན་ནི་ཤིན་ཏུ་ཞི་བའི་སྐུ་གསུམ་གྱི་བདག་ཉིད་ཅན་ཡང་དཀྱིལ་འཁོར་རྒྱལ་མཆོག་གི་ལྷ་དྲག་པོར་སྤྲོས་
པ་འདི་ལྟ་བུར་བསྒོམ་པར་བྱའོ། །ཞེས་པའོ། །དེ་ནས་ལས་རྒྱལ་མཆོག་བྱ་བ་ནི་གདུག་སེམས་ཅན་ཞེས་པ་ནི་བྱ་བ་མ་ཡིན་པ་བྱེད་པ་དང་ལྡན་པའི་སེམས་ཡོད་པའི་དགྲ་བོ་རྣམས་ཏེ། དཀོན་མཆོག་གསུམ་ལ་གནོད་པ་བྱེད་པ་ལ་ཞུགས་པ་རྣམས་ལྷ་རྣམས་ཤིན་ཏུ་ཁྲོས་
པས་གསོད་པར་བསྒོམ་པར་བྱའོ།། ༈ རྡོ་རྗེ་ནི་དེ་བཞིན་གཤེགས་པ་རྣམས་སོ། །དེ་རྣམས་ཀྱི་བཀའ་ནི་གདུག་པ་རྣམས་གཞོམ་པའི་ཕྱིར་བསྐུལ་བའོ། །དེ་ཉིད་ནི་གཙོ་བོར་གྱུར་པས་ན་དཀྱིལ་ཏེ་སྙིང་པོའོ། །དེ་ལེན་ཅིང་འཛིན་ལ་བདག་གིར་བྱེད་པས་ན་དཀྱིལ་
འཁོར་ཏེ། དེ་གང་ཡིན་ཞེ་ན། དཀྱིལ་འཁོར་གྱི་བདག་པོ་གཤིན་རྗེ་གཤེད་ཉིད་དོ། །དམ་ཚིག་ཐམས་ཅད་ནི་ལྷག་མོས་ཀྱི་རྡོ་རྗེ་འཆང་ཆེན་པོའོ། །ལྷག་མོས་འོད་གསལ་དུ་བསྡུས་པ་དེ་ལས་བྱུང་བ་ནི་གཤིན་རྗེ་གཤེད་དེ། གཤིན་རྗེ་གཤེད་དེ་དང་ནུས་པ་མཉམ་
ཞིང་དྲག་པོའི་གཟུགས་སུ་གཅིག་པ་ནི་སྐུ་གསུམ་གྱི་ཡེ་ཤེས་རྡོ་རྗེ་སྟེ། འཁོར་གྱི་ཁྲོ་བོ་དགུ་རྣམས་སོ། །༼ཞེས་པ་འདིས་ཁྲོ་བོ་ལྷག་མ་དགུའི་ཏིང་ངེ་འཛིན་གསུམ་ཡང་གཤིན་རྗེ་གཤེད་བཞིན་དུ་བྱ་བར་བསྟན་ཏོ། །༼ཏིང་ངེ་འཛིན་༽ཁ་ཅིག་ཚིག་ཕྱི་མ་གཉིས་པོ་འདི་ལ་བརྟེན་ནས། དང་སྦྱོར་
4-2-281b


དུ་རྡོ་རྗེ་འཆང་དུ་སྐྱེད་པ་ཡོངས་སུ་གྱུར་པ་ལས་གཤིན་རྗེ་གཤེད་དུ་སྐྱེད་ཅེས་པ་ནི་དོན་མིན་ཏེ། སྔར་དེ་བཞིན་ཉིད་ལས་བྱང་ཆུབ་པ་ལས། གཤིན་རྗེ་གཤེད་དུ་བསྐྱེད་པར་བཤད་པའི་ཕྱིར་དང་། དམ་ཚིག་ཐམས་ཅད་ཅེས་སོགས་ཀྱི་དོན་ནི། སྔར་བཤད་པ་ལྟར་ཡིན་པའི་ཕྱིར་རོ། །༽དེ་གང་དུ་སྟོན་
པ་དེ་ལ་ཡང་དེ་སྐད་ཅེས་བྱའོ།། ༈ དཀྱིལ་འཁོར་གྱི་ལྷ་ཐམས་ཅད་ཀྱི་ཐུན་མོང་གི་བཀའི་འཁོར་ལོ་བསྟན་པར་བྱ་བའི་ཕྱིར། སྐུ་གསུང་ཞེས་བྱ་བ་ལ་སོགས་པ་གསུངས་ཏེ། སྐུ་དང་གསུང་དང་ཐུགས་ཀྱི་རྡོ་རྗེ་ཞེས་བྱ་བ་རྣམ་པར་སྣང་མཛད་ལ་སོགས་པ་
ལྷ་ལྔ་རྣམས་དང༌། ལྔ་པོ་དེའི་རིགས་ཀྱི་ལྷ་མོ་སྤྱན་མ་ལ་སོགས་པ་རྣམས་ཀྱི་བཀའི་འཁོར་ལོ་སྦྱར་བར་བྱའོ། །རང་སྔགས་ནི་རྣམ་སྣང་ལ་སོགས་པ་རང་གི་རིགས་དང་འབྲེལ་བ་བྱམས་པ་ལ་སོགས་པ་བརྒྱད་དོ་འོ། །དེ་རྣམས་ཀྱི་དོན་ནི་དང་པོ་སྦྱོར་བའི་
སྐབས་སུ་མངོན་བྱང་ལྔ་ལས་སྐུ་མདོག་ཕྱག་མཚན་སོགས་མདོར་བྱས་ཇི་ལྟ་བ་བཞིན་དུ་བསྐྱེད་པའི་ཕྱག་རྒྱ་ཆེན་པོའི་གཟུགས་སོ། །དེའི་ཡོན་ཏན་ནི་དཀྱིལ་འཁོར་རྒྱལ་མཆོག་གི་སྐབས་སུ་བྱམས་པ་ལ་སོགས་པ་དེ་ཡོངས་སུ་གྱུར་པ་ལས་བྱུང་བའི་རྡོར་སེམས་དྲག་
པོའི་ཁྲོ་བོའི་གཟུགས་ཀྱིས་ཏེ། དེ་དག་གིས་བཀའི་འཁོར་ལོ་བྱ་བའམ་སམ་ཡང་ན་གཙུག་ཏོར་ཏེ་སྟེང་གི་ཆར་གནས་པའི་ཁྲོ་བོའི་རྒྱལ་པོ་དེ་དང་མཉམ་ཞིང་མཚུངས་པར་གྱུར་པས། གཙུག་ཏོར་དམ་ཚིག་ཅེས་པ་ནི་ཁྲོ་བོ་ཐམས་ཅད་དེ་དེ་རྣམས་༼
ཞེས་པའི་དོན་བྱམས་པ་ལ་སོགས་པ་རྣམས་རྡོར་སེམས་དྲག་པོར་བསྒྱུར་བའམ། ཡང་ན་རང་གི་རིགས་ཀྱི་ཁྲོ་བོར་བསྒྱུར་ཞེས་པའི་དོན་མིན་ཏེ། རྒྱུད་ལས། རྡོ་རྗེའམ་ཞེས་པ་དང༌། ཡོན་ཏན་ནམ་ཞེས་དང༌། ཡང་ན་གཙུག་ཏོར་ཞེས་པ་གསུམ་འབྱུང་བ་ནི་ཚན་པ་གསུམ་གྱི་སྒོ་ནས་བཀའི་འཁོར་ལོའི་
4-2-282a


ལོ་སྦྱར་པའི་འདམ་ངར་གསལ་བར་གསུངས་བའི་ཕྱིར། བྱམས་པ་ལ་སོགས་པ་ཁྲོ་བོར་བསྒྱུར་བ་ནི་ལྷ་མོ་རྣམས་ལའང་ཤེས་དགོས་སོ། །༽ཀྱི་སྒོ་ནས་ཀྱང་བཀའ་ཡི་འཁོར་ལོ་སྦྱོར་བར་བྱའོ།། ༈ སྔར་བཤད་བཀའི་འཁོར་
དགོས་པ་ལས་དགོས་པ་གཞན་དག་སྟེ་སྒྲུབ་ཐབས་ཀྱི་སྐབས་སུ་སྲུང་འཁོར་སྒོམ་པ་སོགས་ཀྱི་དགོས་པ་བསྟན་སྔགས་ཀུན་ཞེས་བྱ་བ་ལ་སོགས་པ་གསུངས་ཏེ། སྔགས་ཀུན་ཞེས་བྱ་བ་དབང་པོ་ལ་སོགས་པའི་ཕྱོགས་སྐྱོང་བ་བཅུ་
བགེགས་བྱེད་པ་རྣམས་བསྲུང་བའི་ཕྱིར་ཏེ་བཟློག་པར་བྱ་བའི་ཕྱིར། ཡེ་ཤེས་མཆོག་རྡོ་རྗེ་ཅན་ཞེས་བྱ་བ་སྒྲུབ་པ་པོས་ཞེ་སྡང་རྡོ་རྗེས་གཙོ་བོ་བྱས་པའི་ཁྲོ་བོ་བཅུའི་བཀའི་འཁོར་ལོ་འདི་བྱའོ། །འདི་ནི་ཞེས་པ་ནི་བཀའི་འཁོར་ལོའོ། །བཤད་མ་ཐག་པའི་བགེགས་
རྣམ་པར་གཞིག་པའོ། དེ་དགོས་པ་ཅིའི་ཕྱིར་བྱ་ཞེ་ན། རྡོ་རྗེ་ཐམས་ཅད་སྟེ་སྒྲུབ་པ་པོ་ཐམས་ཅད་ཀྱི་བྱང་ཆུབ་བསྲུང་བའི་དོན་དུ་ཞེས་བྱ་བ་བྱང་ཆུབ་སྒྲུབ་པའི་སེམས་བགེགས་ཀྱིས་གཞན་དུ་རྣམ་པར་གཡེང་བར་བྱེད་པ་དེ་ལས་བསྲུང་བའི་ཕྱིར་རོ་ཞེས་བྱ་བ་
སྟེ། འདི་ནི་བཀའི་འཁོར་ལོའི་དགོས་པ་གཞན་བསྟན་པ་ཡིན་ཏེ། སྒྲ་ཇི་བཞིན་པའོ།། ༈ བསྐྱེད་རིམ་པར་མ་ཟད་ད་ནི་རྫོགས་པའི་རིམ་པ་ལ་གནས་པ་རྣམས་ཀྱི་ཡང་གདུག་པ་ཚར་གཅད་པའི་ཐབས་བསྟན་པར་བྱ་བའི་ཕྱིར། ནམ་མཁའི་རྡོ་རྗེ་ཞེས་བྱ་
བ་ལ་སོགས་པ་གསུངས་ཏེ། གདུག་པའི་བསམ་པས་སྣང་ཞིང་འབར་བས་ན་རྣམ་༼འགྱུར་རྙིང་གི་རྒྱུད་ལས། ཆོས་ཀྱི་སྣང་མཛད་ཅེས་པ་མ་དག་གོ། ༽པར་སྣང་མཛད་སྟེ་བསྒྲུབ་པར་བྱ་བའོ། །བསྒྲུབ་བྱ་དེའི་སྐུ་མཆོག་གི་སྒྲ་དོན་མཐའ་དག་ལས་བྱུང་བའི་
4-2-282b


སྐུ་གསུམ་དམ་ཚིག་ནི་ལུས་དང་ངག་དང་ཡིད་ཀྱི་བདག་ཉིད་ཅན་གྱི་ཆོས་སོ། །མཁའ་དབྱིངས་རྡོ་རྗེའི་དབུས་གནས་པར། །ཞེས་བྱ་བ་བསྒྲུབ་བྱའི་ལུས་ངག་ཡིད་གསུམ་སྟོང་པ་འོད་གསལ་དུ་ཞུགས་པར་གྱུར་པར་བསམས་ནས་གདན་དུ་ཞེས་བྱ་བ་སྟེ། བསྒྲུབ་པར་
བྱ་བའི་གཟུགས་ཟུང་འཇུག་པ་རང་གི་སྐྱེ་བ་དང་གནས་པའི་གཞི་འོད་གསལ་དུ་ཞུགས་པར་གྱུར་པར་བརྟག་པར་བྱའོ། །ནམ་མཁའ་ཡི་དབྱིངས་འོད་གསལ་དེ་ཉིད་ནི་སངས་རྒྱས་ཐམས་ཅད་ཀྱི་ཞེས་བྱ་བ་བསྒྲུབ་བྱའི་སྒོ་གསུམ་རླུང་འོད་ཟེར་རྣམ་པ་ལྔ་ཙམ་དུ་
བལྟས་ལ་འོད་ཟེར་རྣམ་པ་ལྔ་པོ་དེས་ཡོངས་སུ་གང་ཞིང་ཁྱབ་པར་རྣམ་པར་བསྒོམ་མོ། །ཟུང་འཇུག་པ་བདག་ཉིད་ཀྱིའང་རང་གི་ཡི་གེ་ནི་ངག་གོ། གནས་ནི་ལུས་སོ། །ཡེ་ཤེས་ནི་སེམས་ཏེ་གསུམ་པོ་དེ་དག་ཐུགས་ཀྱི་རྣམ་པ་སྟེ་སྒྱུ་མ་ལྟ་བུར་བསྒོམ་པར་
བྱའོ། །ཡང་དེའི་འོག་ཏུ་སངས་རྒྱས་རྣམས་ནི་ཞེས་བྱ་བ་སྟེ། བསྒྲུབ་བྱ་བཤད་མ་ཐག་པའི་རླུང་འོད་ཟེར་ལྔ་པ་ཙམ་དུ་བལྟས་པ་དེ་སེམས་ཙམ་དུ་གནས་པར་བསྒོམས་ལ། རང་གི་སྐུ་ཕྱག་རྒྱ་ཆེན་པོར་བསྡུ་བར་བྱ་ཞིང་གཞུག་པར་བྱའོ། །དེ་དག་ཐམས་
ཅད་ནི་ཐུགས་ཀྱི་རྡོ་རྗེར་བྱས་པའི་ཕྱིར། ཞེས་པ་ནི་སེམས་ཙམ་མོ་ཞེས་ཤེས་པར་བྱས་ལ། སྐུ་གསུམ་ལ་ཞེས་བྱ་བ་རང་གི་ལུས་དང་ངག་དང་ཡིད་ལ་དེ་དག་གཟུད་ཅིང་གཞུག་པ་འདིས་ནི་མངོན་པར་འདོད་པའི་དོན་དགྲ་བོ་བསད་པ་དང༌། བསད་པ་མི་བསྐྱོད་
པའི་ཞིང་དུ་སྐྱེ་བ་སོགས་༼བྱས་ནས་སུ་ཟེར་༽རྫོགས་པར་འགྱུར་རོ། །རྡོ་རྗེ་ནི་གཞིག་པར་བཀའ་བ་སྟེ། བསྒྲུབ་པར་བྱ་བའོ། །དེ་འཇིག་པར་བྱེད་པ་ནི་སྔགས་རིན་པོ་ཆེ་སྟེ་སྦྱོར་བསྟེ། རྣལ་འབྱོར་གྱི་འི་ཁྱད་པར་འོད་གསལ་དུ་གཞུག་པའོ་རོ། །དེའི་
4-2-283a


རབ་ཏུ་སྣང་བར་བྱེད་པ་ནི་གསལ་བར་བྱེད་པ་ཞེས་བྱ་བའི་ཏིང་ངེ་འཛིན་ཏེ། དགོངས་པས་བཤད་པའོ།། ༈ སྣོད་མནན་པ་ལ་གཉིས་ལས། བསྐྱེད་རིམ་པས་རེངས་པར་བྱ་བའི་ཆོ་ག་བསྟན་པར་བྱ་བའི་ཕྱིར། རྣམ་པའི་མཆོག་ཅེས་༼
འདི་ཟུང་འཇུག་པས་ཏིང་ངེ་འཛིན་གཞན་གཉིས་སྔོན་དུ་བཏང་ནས། ལས་རྒྱལ་མཆོག་གི་དུས་སུ་གསད་པའི་བསམ་པས་དགྲ་བོ་འོད་གསལ་དུ་གཞུག་པ་སོགས་བྱས་པས་མངོན་སྤྱོད་བྱ་དགོས་པའི་ཡུལ་རྣམས་ཚར་གཅོད་པར་ནུས་པའོ། །༽བྱ་བ་ལ་སོགས་པ་རྣམ་པའི་མཆོག་རྣམས་
ཀུན་ལྡན་པའི། །རྡོ་རྗེ་སེམས་དཔའ་རབ་ཏུ་བསྒོམ། །ཞེས་གསུངས་ཏེ། དེ་ལ་དང་པོར་བདག་ཉིད་བདག་པོ་རྡོ་རྗེ་འཆང་གི་འི་རང་བཞིན་དུ་བསྐྱེད་པའི་དང་པོ་སྦྱོར་བ་དང་དཀྱིལ་འཁོར་རྒྱལ་མཆོག་བྱས་ལ་ལས་རྒྱལ་མཆོག་གི་དུས་སུ་སྣོད་ཆུས་བཀང་བ་མདུན་དུ་བཞག། 
རང་ཉིད་ཆུའི་སྟེང་གི་ནམ་མཁའི་དབུས་སུ་འདུག་པར་མོས་སྟེ། སངས་རྒྱས་ཞེས་པ་ཆུའི་ནམ་མཁའི་ཁམས་འ་དང་ཆུའི་རླུང་གི་རྡུལ་དང་ཆུའི་མེའི་རྡུལ་དང་ཆུ་ཉིད་ཀྱི་རྡུལ་དང་ཆུའི་སའི་རྡུལ་གྱི་ངོ་བོ་ཉིད་རྣམས་རིམ་པ་བཞིན་དུ་ཧཱུཾ་ལས་མི་བསྐྱོད་པ་དང་ལ་སོགས་
པས་ཡཾ་ལས་དོན་གྲུབ་ཀྱི་རང་བཞིན་རླུང་གི་དཀྱིལ་འཁོར་སྔོན་པོ་དང༌། དེའི་སྟེང་དུ་རཾ་ལས་འོད་དཔག་མེད་ཀྱི་རང་བཞིན་མེ་དཀྱིལ་དམར་པོ་དང༌། དེའི་སྟེང་དུ་བྃ་ལས་རིན་འབྱུང་གི་རང་བཞིན་ཆུ་དཀྱིལ་དཀར་པོ་དང༌། དེའི་སྟེང་དུ་ལྃ་ལས་རྣམ་སྣང་གི་རང་བཞིན་སའི་དཀྱིལ་འཁོར་སེར་པོ་རྣམས་གོང་ནས་གོང་དུ་གོ་རིམ་
བཞིན་བཀོད་ནས་སྲ་ཞིང་མཁྲེགས་པར་བསྒོམ་མོ། །དེ་ལྟར་བསྒོམས་པས་ནམ་ཞིག་ན་ཆུ་དེ་རྐང་ལག་གིས་མནན་བཟོད་པ་བྱུང་བ་ན། རྒྱ་མཚོ་ལ་སོགས་པའི་ཆུ་ཡི་སྟེང་དུ་བཅག་པར་བྱས་ཀྱང་མི་འབྱིང་བ་སྟེ་སྒྲ་ཇི་བཞིན་པའོ།། ༈ རྫོགས་པའི་རིམ་པའི་ཏིང་ངེ་འཛིན་ལ་གནས་པའི་
4-2-283b


སྣོད་གནན་པ་བསྟན་པར་བྱ་བའི་ཕྱིར། རྐང་པ་མཉམ་བཞག་ཅེས་བྱ་བ་སོགས་པ་གསུངས་ཏེ། རྐང་པ་མཉམ་བཞག་སྦྱར་བ་ཡིས། །ཞེས་བྱ་བ་ནི། བདེན་པ་གཉིས་ཀྱི་རྐང་པ་གཉིས་མཉམ་པར་བཞག་པའི་སྦྱོར་བ་སྟེ། ཟུང་འཇུག་གི་སྐུ་གཅིག་ཏུ་བྱས་པ་སྟེ། ཡེ་ཤེས་ཀྱི་
རང་བཞིན་གྱི་ལུས་དེས་སྤྱི་བོ་ཞེས་བྱ་བ་ཆུའི་སྟེང་དུ་རྐང་པ་བསྒོམ་པ་ཞེས་བྱ་སྟེ། བཅག་པར་བྱའོ་ཞེས་བཅོམ་ལྡན་འདས་ངོ་བོ་ཉིད་དག་པ་ཞེས་བྱ་བ་དྲུག་པས་དེ་སྐད་ཅེས་བཀའ་སྩལ་ཏོ། །རྡོ་རྗེ་ནི་བསྐྱེད་རྫོགས་པའི་རྣལ་འབྱོར་པ་རྣམ་པ་གཉིས་སོ། །གཉིས་པོ་དེ་རྣམས་
ཀྱིས་རྒྱ་མཚོ་ལ་སོགས་པར་རྐང་པས་གནོན་པ་ཞེས་བྱ་བ་འཆག་པ་གང་ཡིན་པའི་ཏིང་ངེ་འཛིན་དེ་ལ་དེ་སྐད་ཅེས་བྱ་སྟེ། དགོངས་པས་བཤད་པའོ།། ༈ བཅུད་གནོན་པ་ལ་ངག་གནོན་པ་ནི་དབང་ཆེན་ཞེས་བྱ་བ་ལ་སོགས་པ་ལ་ནང་ལ་གཞོལ་བས་རང་གི་ལྷའམ་རྡོ་རྗེ་
འཆང་གི་སྒོ་ནས། ཏིང་ངེ་འཛིན་གཞན་གཉིས་སྔོན་དུ་བྱས་ལ། ལས་རྒྱལ་མཆོག་གི་དུས་སུ་དབུས་སུ་སྟེ་བསྒྲུབ་པར་བྱ་བའི་མུ་སྟེགས་དང་གཞན་ཕས་ཀྱི་རྒོལ་བ་རྩོད་པ་བྱེད་པའི་ཁའི་བུ་གར་དབང་ཆེན་གྱི་དཀྱིལ་འཁོར་ཞེས་བྱ་བ་ལྃ་ལས་བྱུང་བའི་མདོག་སེར་པོ་རྡོ་རྗེ་
གཉིས་ཀྱིས་མཚན་པ་བསམས་ལ། དེའི་སྟེང་དུ་ཁྲོ་བོ་སྟེ་ཡི་གེ་ཧཱུཾ་རིང་པོ་ལས་བྱུང་བའི་རྡོ་རྗེ་ནག་པོ་རྩེ་ལྔ་པ་མེ་འབར་བ་བཞག་པས་མནན་ཞིང་ཁ་བཀབ་པར་བསམ་མོ་ལ། སྤྱི་བོར་ཞེས་བྱ་བ་བསྒྲུབ་པར་བྱ་བའི་མགོ་ལ་ལས་ཀྱི་རྡོ་རྗེ་སྟེ་སྣ་ཚོགས་
རྡོ་རྗེའོ། །དེ་ཉིད་ནི་༼དེ་ཡི་སྤྱི་བོར་ལས་ཀྱི་ནི། །རྡོ་རྗེ་གནས་མནན་བསྒོམ་པར་བྱ། །ཞེས་དང༌། དེ་ཉིད་ནི་གནས་ཏེ་དེ་མནན་པས་ཏེ། དེར་གནས་པའི་བདུད་རྩི་འཁྱིལ་བ་ཞེས་པ་བདེའོ། །༽རྐང་པ་སྟེ་དེས་གནོན་པ་ནི་དེར་གནས་པའི་བདུད་རྩི་ཐབ་སྦྱོར་ནི་སེར་པོ་རི་
4-2-284a


རབ་ལྟར་ལྕི་བ་གཡོན་བརྐྱང་གི་སྣ་ཚོགས་རྡོ་རྗེ་གནོན་པ་བསྒོམ་པར་བྱ་བའོ། །མུ་སྟེགས་ཅན་ཐམས་ཅད་ནི་གཅེར་བུ་པ་ལ་སོགས་པའོ། །ཕས་ཀྱི་རྒོལ་བ་ནི་སྔ་མ་ལས་གཞན་པའི་ཕྱིར་རྒོལ་བ་ལས་དེ་བྱ་བར་འོས་པའོ། །དེ་རྣམས་ཀྱི་
འཁྲུལ་འཁོར་ནི་ལུས་ལ་སོགས་པ་སྟེ་དེ་གནོན་པའོ། །ཏིང་ངེ་འཛིན་དེ་གང་དུ་འབྱུང་བ་དེ་ལ་ཡང་དེ་སྐད་ཅེས་བྱའོ།། ༈ གཞན་གྱི་དཔུང་གནོན་པ་སྟོན་པ་ནི་རྡོ་རྗེ་གསུམ་མཆོག་ཅེས་བྱ་བ་ལ་སོགས་པ་ལ། སྒྲུབ་པ་པོ་བདག་ཉིད་རྡོ་རྗེ་འཆང་ཆེན་པོའི་དང་པོ་
སྦྱོར་བ་བྱས་ལ། རྡོ་རྗེ་འཆང་དེའི་གཟུགས་ཡོངས་སུ་བསྒྱུར་ནས་གཙུག་ཏོར་སོགས་ཀྱི་ཁྲོ་བོ་གཞན་གང་ཡང་རུང་བའི་གཟུགས་གཟུང་སྟེ། རྡོ་རྗེ་གསུམ་མཆོག་ཅེས་བྱ་བ་རང་གི་འཁོར་དང་བཅས་པའི་ལྷ་སོ་གཉིས་བསྐྱེད་པ་ནི་དཀྱིལ་འཁོར་རྒྱལ་མཆོག་གོ། ལས་རྒྱལ་
མཆོག་གི་དུས་སུ་གེ་སར་སེར་པོའི་མདོག་འདྲ་བ་སྟེ་པདྨའི་གེ་སར་གྱི་རྡུལ་ལྟར་སེར་པོའི་མདོག་འདྲ་བ་དང་ལྷ་ཐམས་ཅད་ཀྱང་རིའི་རྒྱལ་པོ་ལྟ་བུ་སྟེ་ཚད་རི་རབ་དང་འདྲ་བ་སྤྲོས་ཏེ་གླང་པོ་ཆེ་དང་རྟ་དང་ཤིང་རྟའི་བཞོན་པ་ཅན་དང་དཔུང་བུ་ཆུང་རྐང་ཐང་སྟེ་ཡན་ལག་བཞིའི་
དཔུང་གི་སྟེང་དུ་བསམས་ནས། ཡན་ལག་བཞིའི་སྤྱི་བོར་ས་དཀྱིལ་དེའི་སྟེང་དུ་སྣ་ཚོགས་རྡོ་རྗེ་ཁྲོ་བོ་དེ་རྣམས་ཀྱིས་གཡོན་བརྐྱང་གིས་གནོན་པར་རབ་ཏུ་བསྒོམས་ལ་དགྲའི་དཔུང་ས་འོག་ཏུ་སོང་བར་བསམ་མོ། །སངས་རྒྱས་ནི་རེངས་པར་བྱ་བའི་ལས་སྦྱོར་ལ་མཁས་
པ་སྟེ། དེ་རྣམས་ཀྱི་དཔུང་ཡང་གནོན་པར་བྱེད་ན་གཞན་དག་ལྟ་སྨོས་ཀྱང་ཅི་དགོས་ཏེ། འདི་ལ་ཐེ་ཚོམ་མི་བྱའོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ལས་བྱུང་བ་དྲུག་པས་དེ་སྐད་ཅེས་བཀའ་སྩལ་ཏོ། །
4-2-284b


དཔུང་ཐམས་ཅད་ནི་སངས་རྒྱས་ཀྱི་དཔུང་ཐམས་ཅད་དེ་དེ་གནོན་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ།། ༈ དགྲ་བོ་སྐྲག་པ་ཞེས་བྱ་བ་ལ་སོགས་པ་ལ། དགྲ་བོ་སྟེ་དམ་པའི་ཆོས་སྤོང་བར་བྱེད་པ་སྐྲག་པའི་དམ་ཚིག་སྟེ། དགྲ་བོའི་དཔུང་
གིས་རང་ལ་འཇིགས་པ་༼ཞེས་པ་སྔར་ལྟར་རོ། །༽སྐྱེད་པར་བྱེད་པའི་དུས་སུ་འོག་ནས་བཤད་པའི་བསམ་གཏན་འདི་རབ་ཏུ་བརྟག་པར་བྱའོ། །སངས་རྒྱས་ཏེ་ལས་དང་པོ་པ་རྣམས་ཀྱིས་ཀྱང་གལ་ཏེ་སྦྱོར་བ་འདི་ལས་འདས་ཤིང་བཟླས་ན་འགས་པར་
འགྱུར་བ་སྟེ་འཇིག་རྟེན་དུ་སྣང་བར་འགྱུར་བ་འདི་ལ་ཐེ་ཚོམ་མེད་དོ། །གསུངས་སོ་ཞེས་བྱ་བ་༼སངས་རྒྱས་ཀྱིས་ཀྱང་སྟེ། ལས་དང་པོ་པ་རྣམས་ཀྱིས་ཀྱང་གལ་ཏེ་སྦྱོར་བ་འདི་བགྲོད་ཅིང་བསླབས་ན། གསལ་བར་འགྱུར་བར་འཇིག་རྟེན་དུ་སྣང་བར་འགྱུར་ཞེས་པ་འདི་བདེའོ། །
༽ནི་སྦྱོར་བ་ཡང་དག་པར་བསྟན་པའོ། །འདིས་མི་བསྐྱོད་པའི་སྒོ་ནས་ཏིང་ངེ་འཛིན་གཞན་གཉིས་སྔོན་དུ་བཏང་ནས། ལས་སྦྱོར་གྱི་དུས་སུ་ཧཱུཾ་ཞེས་བྱ་བ་ལ་སོགས་པ་ལ། ཡི་གེ་ཧཱུཾ་ཡོངས་སུ་གྱུར་པ་ལས་རྡོ་རྗེ་ཁ་གྱེས་པ་བྱུང་བར་གྱུར་པའོ། །ཚད་དུ་སྟེ་ཞེས་པ་ནི་
དབྱིབས་ཏེ་དེའང་རྡོ་རྗེ་རྩེ་ལྔ་པ་ལ་འོག་སྟེ་ལྟེ་བ་མན་ཆད་ཕུར་བུའི་དབྱིབས་སུ་བྱས་པ། དེ་ནས་སྟེང་དུ་མིག་ལ་སོགས་པའི་ཡན་ལག་དང་ལྡན་པས་ཏེ་ལྟེ་བ་མན་ཆད་རྩེ་གཅིག་པའི་རྣམ་པ་ཅན་ལ་སྟོད་བདུད་རྩི་ཐབ་སྦྱོར་གྱི་གཟུགས་སུ་སྒྲུབ་པ་
པོས་བསྒོམས་ལ། སྙིང་ཁ་སྟེ་བསྒྲུབ་པར་བྱ་བའི་སྙིང་ཁར་ཕུར་བུ་དེས་བཏབ་ཅིང་གཅད་ཅིང་བཏུབ་པར་བརྟག་ཅིང་བསྒོམ་པར་བྱའོ། །སངས་རྒྱས་ནི་༼སངས་རྒྱས་ནི་རྒྱུད་དང་སྔགས་ཀྱི་ལས་ལ་མཁས་པའོ། །ཞེས་ཟེར་རོ། །༽རྒྱུད་དང་སྔགས་ཀྱི་རིགས་སོ། །
4-2-285a


དེ་རྣམས་ཀྱི་དཔུང་ནི་ཚོགས་སོ། །ཁྲོས་པ་ནི་ཕྱིར་ཏེ་ཚུར་རང་ལ་རྒོལ་བར་གྱུར་པའོ། །འཇིགས་པར་འགྱུར་བ་ནི་འདུལ་བར་འགྱུར་བར་འདིར་གདོན་མི་ཟའོ། །དགྲ་ནི་དགྲ་བོ་རྣམས་ཏེ་དེ་རྨོངས་པ་ནི་མཐོ་རིས་ཐོབ་འདོད་སོགས་ཀྱི་དགེ་བའི་བསམ་
པས་ཀྱང་ཡིད་དང་མི་མཐུན་པ་ཕྱུགས་ཀྱི་མཆོད་སྦྱིན་སོགས་ལ་འཇུག་པའོ། །དེ་ལ་གནོད་པར་བྱེད་པ་ནི་སྲོག་འཇིག་པར་བྱེད་པ་སྟེ་ཏིང་ངེ་འཛིན་དེ་གང་དུ་སྟོན་པ་དེ་ལ་དེ་སྐད་ཅེས་བྱའོ།། ༈ བདུད་དང་ལ་སོགས་པས་མ་མོ་སོགས་ཀྱིས་བཏང་བའི་རྣམ་
པར་འཚེ་བ་རྣམས་ཞི་བའི་སྦྱོར་བ་བསྟན་པར་བྱ་བའི་ཕྱིར། གྲོང་ངམ་ཞེས་བྱ་བ་ལ་སོགས་པ་གསུངས་ཏེ། གྲོང་ནི་རྒྱལ་པོའི་ཕོ་བྲང་ངོ༌། །གྲོང་ཁྱེར་ནི་སྐྱེ་བོ་རྣམས་གནས་པའི་ཕྱོགས་གཅིག་གོ། ལྗོངས་ཞེས་བྱ་བ་ཡང་སྐྱེ་བོ་མང་པོ་གནས་པ་ལ་བྱ་སྟེ། དེར་
འོག་ནས་བཤད་པའི་སྦྱོར་བ་བྱ་བའོ། །དེ་ཡང་རྣམ་སྣང་གི་ཏིང་ངེ་འཛིན་གཞན་གཉིས་སྔོན་དུ་བཏང་ལ། ལས་རྒྱལ་མཆོག་གི་སྐབས་སུ་ནད་ཀུན་སྤོང་བ་ཞེས་བྱ་བ་ལ་སོགས་པས་ནི་སྦྱོར་བའི་ནུས་པ་བསྟན་པ་ཡིན་ཏེ། དེ་ལ་དང་པོར་སྒྲུབ་པ་པོས་སེམས་ཅན་རྣམས་
ལ་སྙིང་རྗེ་ཆེན་པོ་དམིགས་པ་སྟེ་བསྐྱེད་ནས་ནད་པ་རྣམས་གནས་པའི་གྲོང་གི་སྟེང་བར་སྣང་གི་ཕྱོགས་སུ་ཨོཾ་ལས་བྱུང་བའི་ཟླ་བའི་སྟེང་དུ་ཧཱུཾ་ལས་བྱུང་བའི་ཤིང་ཏ་ལའི་ཚད་ཙམ་གྱི་རྡོ་རྗེ་ཆེན་པོ་རྩེ་མོ་ལྔ་པ་འོད་ཟེར་ལྔ་དང་ལྡན་པ་བསྒོམས་ལ། དེ་ལས་
བྱུང་བའི་འོད་ཟེར་གྱི་ཚོགས་སྲེག་པའི་བསྐལ་པ་ལྟ་བུ་སྟེ། དུས་མཐའི་མེ་བཞིན་དུ་གནས་པ་དེས་སེམས་ཅན་ནད་པ་རྣམས་ཀྱི་སྡིག་པ་ཐམས་ཅད་སྲེག་པར་བསམས་ལ། དེའི་འོག་ཏུ་སླར་ཡང་རྡོ་རྗེ་ལས་འཕྲོས་པའི་འོད་ཟེར་གྱིས་རྡོ་རྗེ་དེར་རབ་ཏུ་བསྡུ་བར་
4-2-285b


བྱ་སྟེ་སེམས་ཅན་རྣམས་རྡོ་རྗེའི་ལྟེ་བའི་ནང་དུ་གཞུག་པར་བྱའོ། །སྤྲོ་བ་ཞེས་པ་ནི་རྡོ་རྗེ་དེ་ལས་བཅུག་པའི་སེམས་ཅན་ཕྱིར་འབྱིན་པ་དག་ཀྱང་བྱ་ཞིང་ཉམས་སུ་བླང་ངོ༌། །འབྱིན་པ་ཇི་ལྟར་བྱ་ཞེ་ན། ནོར་བུ་རིན་ཆེན་ཞེས་པ་པདྨ་རཱ་ག་ལ་སོགས་པ་ཡིད་བཞིན་གྱི་ནོར་བུ་རིན་པོ་ཆེ་
ཞེས་བྱ་བ་ཡིད་ལ་རེ་བ་ས་ཀོང་བའོ། །འོད་ནི་ཚོན་ཤེལ་གྱི་ནོར་བུ་ལྟར་དྭངས་པའི་ལུས་ཀྱི་ཁ་དོག་སྟེ། ཡིད་བཞིན་གྱི་ནོར་བུ་རིན་པོ་ཆེའི་འོད་དེ་རྣམས་ཀྱིས་ཉེ་བར་མཚན་པའི་ཆོས་ཀྱི་སྤྲིན་ཞེས་བྱ་བ་བཤད་མ་ཐག་པའི་འོད་ཟེར་གྱིས་སྡིག་པ་བསྲེག་པའི་རིམ་པས་སྦྱངས་པའི་
སེམས་ཅན་གྱི་ཚོགས་ནོར་བུ་ལྟར་ཤིན་ཏུ་དྭངས་ཤིང་འོད་དང་ལྡན་པ་རྡོ་རྗེ་ལས་ཕྱིར་ཕྱུང་བ་བསྒོམ་ཞིང་སྟེ་རང་རང་གི་གནས་སུ་ཟླ་བ་ལ་དགོད་དོ། །དེ་ལྟར་བཀོད་ནས་ཀྱང་དེའི་འོག་ཏུ་འཆད་འགྱུར་གྱི་རིམ་པ་འདིས་དབང་བསྐུར་བ་ནི་ཡང་དག་པར་བྱ་བ་སྟེ། ནམ་མཁའི་སྟེང་དུ་རྣམ་
པར་སྣང་མཛད་ཀྱི་ཚོགས་རང་གི་ཕྱག་རྒྱ་དང་སྙོམས་པར་ཞུགས་པར་བསྒོམས་ལ། དེ་ལྟར་ཞུགས་པའི་སྦྱོར་མཚམས་ལས་བྱུང་བའི་བྱང་ཆུབ་ཀྱི་སེམས་ཀྱི་རྒྱུན་འབབ་པས་སེམས་ཅན་རྣམས་ཀྱི་སྤྱི་བོ་ནས་དབང་བསྐུར་བར་བྱའོ་ཞེས་བྱ་བ་ནི་འཕགས་པའི་མན་ངག་
གོ། ༈ དེ་ལྟར་བྱས་པའི་ཕན་ཡོན་སྟོན་པ་ནི་རྡོ་རྗེ་བསམ་གཏན་ཞེས་བྱ་བ་ལ་སོགས་པ་ལ། ཞི་བའི་དོན་དུ་བསྟན་པའི་རྡོ་རྗེའི་བསམ་གཏན་བཤད་མ་ཐག་པ་འདི་ཡིས་ནི་དགང་དཀའ་བ་༼སྟེ་ནད་ལ་སོགས་པའི་ཕྱི་ནང་གི་དྲི་མ་རྣམས་སྦྱངས་པར་བསམ་མོ། །༽སྟེ། 
ལུས་ཀྱི་ཉམས་སྟོབས་ཟད་པ་རྣམས་ཀྱང་རབ་ཏུ་འགེངས་ཤིང་ཡན་ལག་རྒྱས་པར་འགྱུར་རོ། །དེ་ལྟ་བུའི་བསམ་གཏན་གྱི་སྟོབས་ཀྱིས་ལུས་རྒྱས་པ་བསྒྲུབ་བྱ་ལ་སྦྱིན་པའི་རྡོ་རྗེ་ཞེས་པ་སྟེ། དེ་འདྲ་བའི་སྦྱིན་པ་ཕུལ་དུ་བྱུང་བ་དེ་རབ་ཏུ་བསྒོམ་ཞིང་གསལ་བར་བྱེད་པས་ན་
4-2-286a


སྦྱིན་པའི་རྡོ་རྗེ་སྒོམ་བྱེད་པའོ། །དེ་ལྟར་སྒོམ་པར་བྱེད་པ་དེ་ནི་ཡིད་བཞིན་གྱི་ནོར་བུ་ནི་རིན་ཆེན་འབྱུང་ལྡན་ནོ། །དེའི་དཔལ་ནི་ཕུན་སུམ་ཚོགས་པ་སྟེ། དེ་གང་ལ་ཡོད་པ་དེ་ནི་དཔལ་ལྡན་ཏེ་དེར་ཏེ་དེ་དང་འདྲ་བར་འགྱུར་བའོ། ས་ཕྱོགས་དེ་བྱིན་གྱིས་
བརླབས་པ་ནི་དེར་ཞེས་བྱ་བ་ནི་སེམས་ཅན་གྱི་རྟེན་དུ་གྱུར་པའི་ས་དེར་སངས་རྒྱས་རྣམ་པར་སྣང་མཛད་དང་ཆོས་ཆེན་འོད་དཔག་ཏུ་མེད་པ་དང་རྡོར་སེམས་མི་བསྐྱོད་པའི་ཚོགས་ཀྱིས་ལེགས་པར་བྱིན་གྱིས་བརླབས་པར་སྤྲོ་བར་ཏེ་བསམ་ཞིང་བསྒོམ་པར་
བྱའོ། །དེ་ནས་ཅིར་འགྱུར་ཞེ་ན། བསྐལ་པ་གྲངས་མེད་པ་གསུམ་གྱི་དུས་སུ་ཡང་གྲོང་ཁྱེར་ལ་སོགས་པའི་གནས་དེ་སངས་རྒྱས་ཐམས་ཅད་ཀྱིས་བྱིན་གྱིས་རློབ་ཅིང་ཡོངས་སུ་སྐྱོང་བར་མཛད་པ་སྟེ། བཤད་མ་ཐག་པ་འདི་ནི་སངས་རྒྱས་ཐམས་ཅད་ཀྱི་གསང་བ་
སྐྱོན་མེད་པ་སྟེ། མི་སླུ་བའི་སྐུའི་གསང་བ་ལུས་སྲུང་བར་བྱེད་པའོ། །ནད་ཐམས་ཅད་ནི་རིམས་ལ་སོགས་པའོ། །དེ་རྣམས་མེད་པར་བྱེད་པ་ནི་རབ་ཏུ་ཞི་བའོ། །དེའི་འོག་ཏུ་རྡོ་རྗེ་ལྟ་བུའི་ལུས་འབྱུང་བ་སྟེ། ཏིང་ངེ་འཛིན་དེ་གང་དུ་སྟོན་པ་དེ་ལ་ཡང་དེ་སྐད་ཅེས་
བྱའོ།། ༈ བསམ་གཏན་ཞེས་བྱ་བ་ལ་སོགས་པས་ནི། ལས་དང་པོ་པ་བསྐྱེད་རིམ་པའི་དགེ་བའི་བྱ་བསྒྲུབ་ཐབས་དངོས་གཞིའི་ཡན་ལག་ཏུ་གྱུར་པའི་སྲུང་བའི་འཁོར་ལོའི་ཆོ་ག་གསུངས་པ་ཡིན་ཏེ། བསམ་གཏན་ལས་བྱུང་བའི་གདུག་པའི་
ཕུར་བུས་དམ་༼ཞེས་པ་ནི་ཏིང་ངེ་འཛིན་གྱིས་བསྐྱེད་པའི་ཕུར་བུས་སོ། །༽བཅས་པས་ཏེ། ཕུར་བུས་འདེབས་པ་དེ་ཐུན་བཞིར་ཉམས་སུ་བླངས་པས་སོ། །གནས་གང་དུ་ནི་ཞེས་པ་ནི་ཡིད་དང་རྗེས་སུ་མཐུན་པའི་གནས་གང་ཡང་རུང་བར་གནས་ལ་འོག་ནས་
4-2-286b


བཤད་པའི་ཕུར་གདབ་འདི་བརྩམ་པར་བྱའོ། །བསམ་གཏན་ནི་ཞེ་སྡང་རྡོ་རྗེས་གཙོ་བོ་བྱས་པའི་ཁྲོ་བཅུ་སྒོམ་པའི་སྲུང་བའི་ཆོ་གའོ། །དེ་སྔོན་དུ་འགྲོ་བའི་སྦྱོར་བ་ནི་ཏིང་ངེ་འཛིན་གསུམ་ཏེ་བསམ་གཏན་གྱི་སྦྱོར་བ་དེས་གནས་ན་སྟེ་རྡོ་རྗེ་སེམས་དཔའ་ལ་སོགས་པའི་སྦྱོར་
བ་སྟེ་རྣལ་འབྱོར་ལ་སློབ་པ་ན་སངས་རྒྱས་ཏེ། རང་གི་ལྷ་རྣམས་ཀྱིས་བྱིན་གྱིས་རློབ་ཅིང་སྟེ་ལྷ་དང་ནུས་པ་གཅིག་ཏུ་སྟེ་མཚུངས་པར་འགྱུར་རོ། །བསམ་གཏན་གྱི་ཕུར་བུ་དེ་ཉིད་བསྟན་པར་བྱ་བའི་ཕྱིར། རྡོ་རྗེ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་བདུད་རྩི་རྒྱལ་པོ་
ཆེ་ཞེས་བྱ་བ་ནི། བདུད་རྩི་ཐབ་སྦྱོར་སྟེ་དེ་རྡོ་རྗེ་ཕུར་བུ་སྟེ་ལྟེ་བ་ཡན་ཆད་ཁྲོ་བོའི་གཟུགས་ལ། ལྟེ་བ་མན་ཆད་རྩེ་གཅིག་པའི་གཟུགས་སུ་རབ་ཏུ་བསྒོམས་ལ་མེ་སྟག་རབ་ཏུ་འབར་བ་འདྲ་བའི་ཕུར་བུས་ཕྱོགས་བཅུ་སྟེ་ཤར་ལ་སོགས་པའོ། །དེ་རྣམས་ཀྱི་
དཀྱིལ་འཁོར་གྱི་མཆོག་ནི་བགེགས་ཀྱི་གཙོ་བོ་ཕྱོགས་སྐྱོང་སྟེ། དེ་དང་བཅས་པར་བགེགས་གཞན་རྣམས་ཀྱི་ཡང་མགོ་ལ་ཕུར་བུ་གདབ་པར་བྱ་ཞིང་ནུབ་པར་བྱའོ། །འགྲོ་བ་ནི་སྒྲུབ་པ་པོ་ལ་སོགས་པའོ། །དེ་ལོག་པར་བསྒྱུར་ཅིང་སེམས་བསྒྱུར་བ་ལ་
སོགས་པས་ཁྲིད་ཅིང་འདྲེན་པར་བྱེད་པས་ན་འགྲོ་བ་འདུལ་བ་སྟེ་བགེགས་རྣམས་སོ། །དེ་རྣམས་ཞི་བ་ནི་ངེས་པར་བཟློག་པ་སྟེ། དེ་ཉིད་མི་ཕྱེད་པས་ན་རྡོ་རྗེའོ། །ཏིང་ངེ་འཛིན་དེ་གང་དུ་སྟོན་པ་དེ་ལ་ཡང་དེ་སྐད་ཅེས་བྱའོ།། ༈ སྔར་བཤད་པའི་ཞི་བའི་
ལས་རྒྱས་པར་འཆད་པ་ནི་ཞི་བའི་ཞེས་བྱ་བ་ལ་སོགས་པ་ལ། ནམ་མཁའི་དབྱིངས་ཀྱི་དབུས་ཏེ་ཆོས་འབྱུང་གྲུ་གསུམ་པ་ལ་གནས་པའི་གཞལ་ཡས་ཁང་ནས། ཟླ་བ་ལས་བྱང་ཆུབ་པའི་བར་འདྲ་བ་ལ་ཟླ་བའི་སྟེང་དུ་ཞི་བའི་དཀྱིལ་འཁོར་དམ་པ་སྟེ། ཆུའི་དཀྱིལ་
4-2-287a


འཁོར་ཡོངས་སུ་རྫོགས་པ་བསམ་ཞིང་བསྒོམ་པར་བྱའོ། །དེར་ཡི་གེ་ཨོཾ་དང་དེ་ལས་བྱུང་བའི་འཁོར་ལོ་ལས་བྱུང་བའི་། རྣམ་པར་སྣང་མཛད་ཀྱི་གཟུགས་ཇི་ལྟ་བ་བཞིན་དུ་བདག་ཉིད་བསམས་ལ་དང་པོ་སྦྱོར་བ་དང་དཀྱིལ་འཁོར་རྒྱལ་
མཆོག་བྱས་ཏེ། ལས་རྒྱལ་མཆོག་གི་ཚེ་རང་རྣམ་སྣང་དུ་བསྒོམས་པ་དེའི་ཐུགས་ཀར་བཀོད་པའི་ཡེ་ཤེས་སེམས་དཔའི་ཐུགས་ཀའི་ཟླ་གདན་གྱི་སྟེང་གི་འཁོར་ལོ་ལ་འདོད་པ་སྟེ་བསྒྲུབ་པར་བྱ་བའི་གང་ཟག་འོད་ཟེར་གྱིས་དྲངས་ཏེ། རང་གི་སྣ་བུག་གཡོན་པ་ནས་ཞུགས་པ་བཞག་ཅིང་
དགོད་པར་བྱའོ། །དེའི་འོག་ཏུ་ནམ་མཁའི་དབྱིངས་ཏེ་ནམ་མཁའི་ཁོངས་སུ་གཏོགས་པ། སྤྱན་ལ་སོགས་པ་མཆོག་ཏུ་གྱུར་པ་གང་ཡིན་པ་དེ་ནི། སྤྱན་ལ་སོགས་པའི་མཆོག་རྣམས་ཏེ་རྣམ་པར་སྣང་མཛད་ཀྱི་ཚོགས་སོ། །དེ་ཡང་སྤྱན་ལ་སོགས་པ་༼
གང་དག་ལ་སྤྱན་ལ་སོགས་པ་མཆོག་ཏུ་གྱུར་པ་མངའ་བ་དེ་དག་ནི། སྤྱན་ལ་སོགས་པ་མཆོག་ཅན་རྣམས་ཏེ་རྣམ་པར་སྣང་མཛད་ཀྱི་ཚོགས་རྣམས་སོ། །སྤྱན་ལ་སོགས་པའི་མཆོག་ཅན་བདེ་བ་ཆེན་པོ་ལ་སྙོམས་པར་ཞུགས་པ་ཞེས་ཟེར་བ་ལྟར་བདེའོ། ༽མཆོག་དེ་རྣམས་བདེ་
བ་ཆེན་པོ་ལ་སྙོམས་པར་ཞུགས་ནས། ནམ་མཁའི་ཁམས་ཡོངས་སུ་གང་ཞིང་ཁྱབ་པར་རྣམ་པར་བསྒོམས་ལ། སྙོམས་པར་འཇུག་པས་སྤྱན་ལ་སོགས་པ་དང༌སྙོམས་པར་ཞུགས་པའི་བྱང་ཆུབ་ཀྱི་སེམས་དེ་དག་ཐམས་ཅད་བསྡུས་ཤིང་གཅིག་
ཏུ་བྱས་ལ་འོད་ཀྱི་གོང་བུའི་རྣམ་པས་དེའི་བདུད་རྩིའི་ཚོགས་རང་གི་སྤྱི་བོ་ནས་ཞུགས་པ་དེས་ནད་པའི་སྤྱི་བོར་ཕབ་ནས་སྡིག་པ་ཐམས་ཅད་གཞོམ་པར་བྱའོ། །དེ་ནས་རང་གི་སྙིང་ཁ་ནས་ནད་པ་དེ་སྣ་བུག་གཡས་པའི་སྒོ་ནས་ཕྱུང་ལ། སྡིག་པ་དང་བྲལ་བ་
4-2-287b


མདུན་དུ་ཨོཾ་ཡིག་ལས་བྱུང་བའི་ཟླ་བའི་དཀྱིལ་འཁོར་ལ་བཞག་གོ། དེ་ནས་བ་སྤུ་རྣམས་ཀྱི་བུ་ག་ནས་ཏེ། བརྟུལ་ཞུགས་ཅན་གྱི་སྒྲུབ་པ་པོས་རང་གི་རྡོ་རྗེའི་བུ་ག་ནས་སངས་རྒྱས་ཀྱི་སྤྲིན་དུ་མ་སྔར་སྤྱན་དྲངས་པ་རྣམས་གྱི་འོད་ཟེར་གྱི་གཟུགས་
ཀྱིས་རང་གི་སྤྱི་བོའི་བུ་གར་ཞུགས་པ་རྣམས། ཡུམ་གྱི་པདྨར་སྤྲོ་ཞིང་དེ་ནས་ཕྱིར་དབྱུང་བར་བྱའོ་ངོ༌། །འོད་ཟེར་གྱི་གཟུགས་དེ་རྣམས་ཕྱིར་འབྱིན་པའི་ཚེ། ཇི་ལྟར་བྱ་ཞེ་ན། འོད་ཟེར་གྱི་གཟུགས་དེ་རྣམས་རྣམ་སྣང་ཡབ་ཡུམ་དཔག་ཏུ་མེད་པར་གྱུར་ཏེ། རྣམ་པར་སྣང་མཛད་ཡབ་
ཡུམ་ཀྱི་ཚོགས་ཀྱིས་ཡང་ནམ་མཁའི་ཁམས་ཁེབས་ཤིང་གཡོགས་པར་བསམས་ནས་བརྟུལ་ཞུགས་ཅན་གྱིས་དེའི་ཚེ་དེའི་དུས་སུ་རང་རྣམ་སྣང་དུ་བསྒོམས་པ་དེའི་མདུན་ན་འདུག་པ་དེ་ལ་སྔ་མ་བཞིན་དུ་དབང་བསྐུར་ཏེ། སྐུར་ཚུལ་ནི་སངས་རྒྱས་ཀྱི་སྟེ་རྣམ་
སྣང་གི་སྤྲིན་རང་གི་ཕྱག་རྒྱ་སྤྱན་མ་དང་སྙོམས་པར་ཞུགས་པའི་བྱང་ཆུབ་ཀྱི་སེམས་ཀྱི་རྒྱུན་རྣམས་ཀྱིས་དབང་བསྐུར་བ་སྩོལ་བར་མཛད་དོ། ། ༈ བསམ་གཏན་གྱི་ཁྱད་པར་འདི་ཡིས་ནི་དམ་ཚིག་ཅེས་བྱ་བ། མི་དགེ་བ་དེ་ལས་འདས་པར་གྱུར་པས་
སྡུག་བསྔལ་གྱི་ཚོགས་རྣམས་ཀྱིས་རྡོ་རྗེ་ལྟར་མི་ཕྱེད་ཅིང་གཞིག་པར་དཀའ་བ་དང་ལྡན་པས་ན་རྡོ་རྗེ་དམ་ཚིག་སྟེ་ནད་པའོ། །༼བདེ་བ་སྟེ་དགེ་ལེགས་ལས་འདས་པ་སྟེ། རྒལ་བར་གྱུར་པ་ནི་བདེ་འདས་ཏེ། སྡུག་བསྔལ་གྱི་ཚོགས་སོ། ཞེས་འབྱུང་བ་ལྟར་རོ། །
༽དེའི་རྒྱུས་ན་ནད་པ་དེ་སྐད་ཅིག་གིས་ཏེ་རིང་པོར་མི་ཐོགས་པར་དཔལ་ལྡན་ཏེ། དགེ་བའི་༼ཡན་ལག་བདེ་བ་དང་ལུས་རྒྱས་པར་འགྱུར་ཞིང་འབྱུང་ངོ་ཞེས་ཟེར་རོ། །༽ཡན་ལག་ཏུ་གྱུར་པས་ལུས་རྒྱས་པར་འགྱུར་བའོ། །སངས་རྒྱས་ཀྱི་དམ་ཚིག་གི་སྤྲིན་
4-2-288a


ནི་རྣམ་པར་སྣང་མཛད་དང་སྤྱན་གྱི་ཚོགས་སོ། །དེ་རྣམས་ཀྱི་བཀོད་པ་ནི་སྙོམས་པར་འཇུག་པའོ། །ཏིང་ངེ་འཛིན་དེ་གང་དུ་སྟོན་པ་དེ་ལ་ཡང་དེ་སྐད་ཅེས་བྱའོ།། ༈ ཟླ་བའི་དཀྱིལ་འཁོར་ཞེས་བྱ་བ་ལ་སོགས་པས་ནི་རིན་འབྱུང་དང་འོད་དཔག་མེད་
ཀྱི་ཏིང་ངེ་འཛིན་གཉིས་པོ་ཚིག་གཅིག་གིས་ཅུང་ཟད་ཅིག་སྟོན་པ་ཡིན་ཏེ། ༼འགྱུར་རྙིང་གི་རྒྱུད་ལས། ཟླ་བའི་དཀྱིལ་འཁོར་དབུས་གནས་པར། །ཞེས་འབྱུང་ཡང༌། རྣམ་སྣང་གི་སྐབས་སུ་ནམ་མཁའི་དབྱིངས་ཞེས་བཤད་པ་བཞིན་དུ། འདིར་ཡང་འགྱུར་གསར་གཉིས་ལས་འབྱུང་བ་ལྟར་བྱའོ། །
༸སྤེལ་བའི་ཚིག་གིས་སྟོན་ཏེ་ཞེས་འབྱུང་བ་ནི་དབང་ཆེན་ཞེས་པ་ནས་དབབ་པར་བྱ་ཞེས་པའི་བར་ལ། དེ་གཉིས་གཅིག་གི་ཁྱད་པར་སྟོན་པ་ན་ཅིག་ཤོས་ཀྱི་ཁྱད་པར་མི་སྟོན་པར་སྤེལ་ནས་གསུངས་པའོ། །༽ཆོས་འབྱུང་བའི་ནང་དུ་གནས་པའི་དབང་ཆེན་གྱི་དཀྱིལ་འཁོར་བསམས་ཏེ། 
ཞེས་པ་ནི་ཡེ་ཤེས་ཀྱི་སའི་དབུས་སུ་ཆོས་འབྱུང་བསྐྱེད་པ་ནས་ཟླ་བ་ལས་བྱང་ཆུབ་པའི་བར་འདྲ་བར་བྱས་པའི་ཟླ་བའི་སྟེང་དུ། དབང་ཆེན་སའི་དཀྱིལ་འཁོར་དམ་པ་བསམ། དེའི་སྟེང་དུ་ས་བོན་སྭཱ་དང་ཕྱག་མཚན་རིན་པོ་ཆེ་དང་སྐུ་རྫོགས་པ་རིན་ཆེན་འབྱུང་ལྡན་དུ་བསྐྱེད་པར་བྱ་བའོ། །ཆོས་
འཛིན་པ་ཡི་གཟུགས་བསམ་མོ་ཞེས་བྱ་བ་ལ། འོད་དཔག་ཏུ་མེད་པ་བསྐྱེད་པ་ལ་ནི་ཟླ་བ་ཡན་ཆད་སྔར་དང་འདྲ་བ་ལ་། ཁྱད་པར་ནི་ཟླ་བའི་སྟེང་དུ་མེའི་དཀྱིལ་འཁོར་བསམ་ཞིང༌། དེའི་སྟེང་དུ་ཨཱཿདང་པདྨ་དང་སྐུ་རྫོགས་པ་བསམ་པའི་ཏིང་ངེ་འཛིན་གཉིས་པར་བྱའོ། །
དེ་ནས་ལས་རྒྱལ་མཆོག་གི་དུས་སུ་སྙིང་ཁར་ཞེས་བྱ་བ་རིན་ཆེན་འབྱུང་ལྡན་དང༌། འོད་དཔག་ཏུ་མེད་པའི་ཐུགས་ཀར་འདོད་པ་སྟེ་ཅི་རིགས་པ་སྟེ་ཅི་རིགས་པ་སྟེ་རྒྱས་པར་བྱ་བ་དང༌། དབང་དུ་བྱ་བའི་བསྒྲུབ་པར་བྱ་བ་གཉིས་གཞག་པར་བྱབ་ནི་སྔར་སྐབས་གཉིས་སུ་བཤད་པ་བཞིན་བྱའོ། །
4-2-288b


དེ་ནས་ནམ་མཁའི་དབྱིངས་ནི་ཉམས་དགའ་བར། །རང་གི་ཐུགས་ཀའི་ཏིང་ངེ་འཛིན་སེམས་དཔའི་འོད་ཟེར་གྱིས་བཀུག་པའི་གོས་དཀར་མོ་ཞེས་བྱབ་དང་འོད་དཔག་མེད་ཡབ་ཡུམ་གྱིས་རབ་ཏུ་དགང་བར་བྱའོ་ཞེས་བྱ་བ་ནི། འོད་དཔག་ཏུ་མེད་པའི་ཏིང་ངེ་འཛིན་ལ་ལྟོས་པའི་ཚིག་སྟེ་
རིན་ཆེན་འབྱུང་ལྡན་གྱི་ཏིང་ངེ་འཛིན་ལ་ནི། མཱ་མ་ཀཱིའི་ཚོགས་འོད་ཟེར་སེར་པོ་ཅན་ཡབ་ཡུམ་གྱིས་དགང་བར་བྱའོ་ཞེས་ཚིག་སྔ་མའི་འགྲོས་ལས་དཔག་པར་བྱའོ། །དེ་ནས་ཡབ་ཡུམ་ཟུང་གཉིས་པོ་དེ་སྙོམས་པར་ཞུགས་པའི་སྦྱོར་མཚམས་ལས་བྱུང་བའི་བྱང་ཆུབ་ཀྱི་སེམས་ཀྱི་ཁ་དོག་སྟོན་
པ་ལ་སྣང་མཐའ་ལ་ནི་ཡིད་བཞིན་ནོར་བུ་ནི་པདྨ་རཱ་གའི་ཁ་དོག་དམར་པོའོ། །རིན་ཆེན་འབྱུང་ལྡན་ལ་རིན་ཆེན་ནི་གསེར་ཏེ། དེའི་ཁ་དོག་ལྟར་སེར་པོའོ་རོ། །དེ་གཉིས་ཀྱི་འོད་ནི་ཡིད་བཞིན་ནོར་བུ་རིན་ཆེན་འོད་ཏེ། དེ་རྣམས་ཀྱི་འོད་ཀྱི་གོང་བུ་ནི་དང་འོད་ཀྱི་སྙིང་
པོར་གྱུར་པས་ཚན་པ་གཉིས་སུ་བསྡུ་ཞིང་སོ་སོའི་མང་པོ་རྣམས་གཅིག་ཏུ་བྱའོ། །དེ་ལྟར་བྱང་ཆུབ་ཀྱི་སེམས་སེར་པོ་དང་དམར་པོ་གཉིས་པོ་འདི་དག་ཏུ་བསྡུས་ནས་འདོད་པ་སྟེ། རང་གི་སྤྱི་བོ་ནས་ཞུགས་ནས་སྙིང་གར་བཞག་པའི་བསྒྲུབ་པར་བྱ་བའི་ལུས་དང་ངག་དང་
སེམས་ཀྱི་གནས་ལ་སྟེ་ལུས་གཉིས་ལ་སེར་པོ་དང་དམར་པོ་དེ་སོ་སོར་དབབ་པར་བྱའོ་སྟེ། དེ་ནས་སྔ་མ་རྣམ་སྣང་གི་སྐབས་སུ་བསྟན་པ་བཞིན་དུ་སྙིང་ཁ་ནས་བཏོན་ཏེ་མདུན་དུ་རིན་པོ་ཆེ་དང་པདྨའི་གདན་ལ་འཇོག་པ་དང༌། རང་ལ་ཕབ་པའི་བདུད་རྩིའི་རྒྱུན་རིམ་གྱིས་རྡོ་
རྗེའི་ལམ་དུ་ཞུགས་པ་རྣམས་བརྟུལ་ཞུགས་ཅན་གྱི་བ་སྤུ་རྣམས་ཀྱི་སྟེ་རྡོ་རྗེའི་བུ་ག་ནས་ཡུམ་གྱི་པདྨར་སྤྲོས་པ་རྣམས་རིན་འབྱུང་དང༌། སྣང་མཐའ་ཡབ་ཡུམ་དཔག་ཏུ་མེད་པར་བསྐྱེད་དེ། རིན་ཆེན་འབྱུང་ལྡན་ཡབ་ཡུམ་གྱི་སྤྲིན་རྣམས་བསྒྲུབ་བྱའི་སྟེང་གི་ནམ་མཁའ་
4-2-289a


ལ་རིན་འབྱུང་གི་རྣལ་འབྱོར་པས་སྤྲོ་བར་བྱའོ། །འོད་དཔག་ཏུ་མེད་པའི་རྣལ་འབྱོར་པས་ནི་ཆོས་ཀྱི་སྤྲིན་བསྒོམས་ལ། དེ་ལྟར་སྤྲོ་བར་བྱའོ། །དབང་བསྐུར་བ་ནི་ཡང་དག་བྱ་ཞེས་བྱ་བ་ནི། སྔ་མ་རྣམ་སྣང་གི་སྐབས་བཞིན་དུ་མདུན་དུ་འདུག་པ་ལ་རིན་པོ་
ཆེའི་སྤྲིན་དང་ཆོས་ཀྱི་སྤྲིན་ཡབ་ཡུམ་གྱིས་བྱང་ཆུབ་ཀྱི་སེམས་ཀྱིས་སྤྱི་བོ་ནས་དབང་བསྐུར་བར་བྱས་པས། དབུལ་བ་སོགས་ཀྱི་སྒྲིབ་པ་དང་། རང་དང་ཆོས་ལ་མ་དད་པའི་སྒྲིབ་པ་བཀྲུས་པར་བསམ་མོ་འོ།། ༈ རྡོ་རྗེ་བསམ་གཏན་བཤད་མ་ཐག་པའི་སྤྲོས་པ་འདི་ཡིས་
ནི། དགང་དཀའ་བ་སྟེ་ནོར་ལ་སོགས་པ་རྣམས་རྒྱས་པར་བྱ་དཀའ་བ་ཡང་རབ་ཏུ་འགེངས་ཞེས་བྱ་བ་ནི་རྒྱས་པའི་དོན་གྱི་ཚིག་གོ། སྦྱིན་པ་ཞེས་བྱ་བ་ལ་སོགས་པས་ནི་བསྒྲུབ་བྱ་དབང་དུ་འགྱུར་བའི་དོན་སྟོན་ཏེ། དེ་ཞེས་བྱ་བ་ནི་བསྒྲུབ་པར་བྱ་བ་སྟེ་དེས་ནི་
སྒྲུབ་པ་པོའི་མངོན་པར་འདོད་པའི་དོན་རབ་ཏུ་སྦྱིན་པར་བྱེད་པས་ཡིད་བཞིན་ནོར་བུ་དང་འདྲ་བ་དང༌། རྒྱལ་སྲིད་ཀྱི་དབང་ཕྱུག་ལ་སོགས་པ་དང་ལྡན་པས་དཔལ་ལྡན་ནོ། །སྦྱིན་པའི་རྡོ་རྗེ་ནི་བསྒྲུབ་བྱ་དེས་རང་ལ་རྒྱུན་མི་འཆད་པའི་སྦྱིན་པ་བྱེད་པའོ། །སྦྱིན་པ་དེ་
རབ་ཏུ་སྣང་ཞིང་མངོན་གྱུར་དུ་གསལ་བར་བྱེད་པས་ན་སྦྱིན་པའི་རྡོ་རྗེ་རབ་སྣང་བའོ། །ཆོས་ནི་འོད་དཔག་ཏུ་མེད་པའོ། །དེའི་སྤྲིན་ནི་ཚོགས་༼འགྱུར་རྙིང་གི་རྒྱུད་ལས། སྦྱིན་པའི་རྡོ་རྗེ་སྒྲུབ་པ་དེ། །ཞེས་འབྱུང་ཡང༌། སྦྱིན་པའི་རྡོ་རྗེ་གསལ་བྱེད་དེ། །ཞེས་འབྱུང་བ་འགྲེལ་པའི་བཤད་པ་དང་
མཐུན་ནོ། །༽སོ། །དེའི་དམ་ཚིག་བཀོད་པ་ནི་སྙོམས་པར་འཇུག་པ་སྟེ་ཏིང་ངེ་འཛིན་དེ་གང་དུ་སྟོན་པ་དེ་ལ་དེ་སྐད་ཅེས་བྱའོ། །རིན་ཆེན་སྤྲིན་ཞེས་བྱ་བ་ལ་སོགས་པ་ཡང་འདིར་དྲང་བར་བྱའོ།། ༼ཞེས་པ་ནི་སྣང་མཐའ་ལ། ཆོས་ཀྱི་སྤྲིན་གྱི་དམ་ཚིག་ཅེས་སོགས་གསུངས་
4-2-289b


པས་མཚོན་ནས། རིན་པོ་ཆེའི་སྤྲིན་གྱི་དམ་ཚིག་ཅེས་སོགས་སུ་ཡང་དྲང་བར་བྱ་བའི་དོན་ནོ།། ༈ ནམ་མཁའི་དབྱིངས་ཀྱི་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ཡེ་ཤེས་ཀྱི་སའི་དབུས་སུ་ཆོས་འབྱུང་བསྐྱེད་པ་ནས་ཟླ་བ་ལས་བྱང་ཆུབ་པའི་བར་འདྲ། ཟླ་བའི་སྟེང་དུ་ཕྱོགས་གཉིས་
སུ་རྡོ་རྗེས་མཚན་པའི་དབྱིབས་ཟླ་གམ་ཅན་གྱི་རླུང་གི་དཀྱིལ་འཁོར་ཁ་དོག་ལྗང་སྔོན་བསམས་ལ། དེར་སྟེ། དེའི་སྟེང་དུ་ས་བོན་ཧཱུཾ་དང་ཕྱག་མཚན་རྡོ་རྗེ་དང་སྐུ་རྫོགས་པ་ལས་རྡོ་རྗེ་ནམ་མཁའ་སྟེ་མི་བསྐྱོད་པ་དང༌། ཆོས་སྟེ་འོད་དཔག་ཏུ་མེད་པའོ། །དེའི་མདུན་དུ་སྟེ་
ཐད་ཀར་གནས་པ་གང་ཡིན་པ་དེ་ནི་ཆོས་མདུན་ཏེ་དོན་ཡོད་པར་གྲུབ་པའོ། །གཟུགས་ནི་རྡོ་རྗེ་ནམ་མཁའ་དང་ཆོས་མདུན་ཏེ། མི་བསྐྱོད་པ་དང་དོན་ཡོད་པར་༼དེ་གང་གི་སྔོན་དུ་སྟེ་གང་དུ་འགྲོ་བ་དེ་ནི་ཆོས་སྔོན་དུ་འགྲོ་བ་སྟེ། དོན་ཡོད་པར་གྲུབ་པའོ། །ཞེས་འབྱུང་བ་ལེགས་སོ། །
དོན་གྲུབ་ཀྱང་རླུང་དཀྱིལ་གྱི་སྟེང་དུ་ཧཱ་དང་རལ་གྲི་ལས་བསྐྱེད་དོ། །༽གྲུབ་པའི་ཕྱག་རྒྱ་ཆེན་པོར་བསྒོམས་པའི་ཏིང་ངེ་འཛིན་གཞན་གཉིས་སྔོན་དུ་བྱས་ལ་ལས་རྒྱལ་མཆོག་གི་དུས་སུ་ཇི་ལྟར་བྱ་བ་ནི་དེ་དག་ལས་དོན་ཡོད་པར་གྲུབ་པའི་སྙིང་ཁར་ཏེ་ཐུགས་ཀར་༼འདིར་
བསྒྲུབ་བྱ་སྙིང་ཁར་འཇོག་པ་ནི་འགྱུར་རྙིང་དང་ཆག་འགྱུར་ལྟར་ན། དོན་གྲུབ་ཀྱི་ཐུགས་ཀར་བྱེད་ཀྱི། མི་བསྐྱོད་པའི་ཐུགས་ཀར་མི་བྱེད་དོ། །པ་ཚབ་ཀྱི་འགྱུར་ལས། མི་བསྐྱོད་པ་དང་དོན་ཡོད་གྲུབ་པ་དེ་གཉིས་ཀྱི་སྙིང་ཁར་ཞེས། དེ་གཉིས་ཀའི་ཐུགས་ཀར་བསྒྲུབ་བྱ་འཇོག་པར་བཤད་དོ། །དེ་གཉིས་མི་མཐུན་
པ་ནི་འགྱུར་སྐྱོན་མིན་གྱི། རྒྱ་དཔེ་ལ་མི་འདྲ་བ་གཉིས་ཡོད་པར་གསལ་ལོ། །འདིར་རྣམ་སྣང་སོགས་ཀྱིས་ཞི་སོགས་ཀྱི་ལས་སྒྲུབ་པ་གསལ་བར་བཤད་པ་ནི། སྔར་ཡེ་ཤེས་འཁོར་ལོ་ཅན་རྣམས་ཀྱི། །འཁོར་ལོ་སྙིང་ཁའི་དབུས་སུ་བསྒོམ། །གསལ་བའི་དཀྱིལ་འཁོར་དབུས་གནས་པར། །དབུས་སུ་
4-2-290a


འཁོར་ལོའི་དོན་བསྒོམ་མོ། །ཞེས་སོགས་ཀྱིས་རང་ཉིད་རིགས་ལྔར་བསྐྱེད་པའི་ཡེ་ཤེས་སེམས་དཔའི་ཐུགས་ཀར་བསྒྲུབ་བྱ་འཇོག་པར་བཤད་པ་དེ་རྣམས་ཀྱི་འཕྲོ་རྒྱས་པར་འཆད་པ་ཡིན་ནོ། །དེས་ན་སྐབས་འདིར་མི་བསྐྱོད་པའི་ཐུགས་ཀར་བསྒྲུབ་བྱ་བཞག་པ་ལ་ལས་
བྱེད་ཚུལ་ཞིག་སྟོན་དགོས་ལ། དེ་ལ་གསད་ལས་བྱེད་ན་སྔར་ལས་དེ་བྱེད་པའི་ཡུལ་དེ་རླུང་དཀྱིལ་གྱི་དབུས་ཀྱི་མེ་དཀྱིལ་ལ་བཞག་པ་ལ་གསད་ལས་དངོས་གཞི་བྱ་བར་བཤད་པ་དང་འགལ་བས། སྙིང་ཁར་བསྒྲུབ་བྱ་བཞག་པ་ལ་ནི་འཇམ་པོའི་ལས་ཤིག་བྱེད་པ་ཡིན་ན། འོ་ན་རྡོ་རྗེའི་སྔགས་ནི་
ཡི་གེ་ཧཱུཾ་མོ། །དེས་དོན་དུ་གཉེར་ཞིང་གཟིར་བར་བྱེད་པས་ཞེས་གསུངས་པ་དང་འགལ་ལོ་སྙམ་ན། མི་འགལ་དེ་དེའི་དོན་ནི་ཐུགས་རྗེ་ཞབས་ཀྱིས། གཟིར་བར་བྱེད་པ་ནི། ཧཱུཾ་ཡིག་དང་དེ་ལས་སྐྱེས་པའི་སྤྲོ་བ་དང་བསྡུ་བར་བྱེད་པ་སྟེ། བསྲེག་པར་བྱ་བ་ནི་མ་ཡིན་ནོ། ཞེས་བཤད་པ་ལྟར་ཡིན་པའི་
ཕྱིར་རོ། །འོ་ན་འདིར་མི་བསྐྱོད་པའི་ལས་སྒྲུབ་པ་སྟོན་ན། འོག་ནས་རྡོ་རྗེ་ནམ་མཁའ་ཆོས་མདུན་དུ། ཞེས་བྱ་བ་འདིར་གང་བཞག་པའི་མི་བསྐྱོད་པ་ཞེས་འདིར་མི་བསྐྱོད་པའི་ལས་སྒྲུབ་པ་བཞག་པར་བཤད་པ་དང་འགལ་ལོ་སྙམ་ན། སྐྱོན་མེད་དེ། བཞག་པ་ནི་ལས་གཞན་མིན་གྱི། དྲག་
ལས་ཡིན་པའི་ཕྱིར་རོ། །འདོད་པ་སྟེ་སྐྱེ་བོ་ཐམས་ཅད་དབང་དུ་བྱ་བ་བཞག་ལ། སངས་རྒྱས་ཏེ་རྣམ་པར་སྣང་མཛད་ལ་སོགས་པ་དང༌། བྱང་ཆུབ་སེམས་དཔའ་ཏེ་བྱམས་པ་ལ་སོགས་པ་རྣམས་ཀྱིས། རང་གི་ཕྱག་རྒྱ་དང་བཅས་པས་ནམ་
མཁའི་དཀྱིལ་འཁོར་ཡོངས་སུ་གང་༼ཞེས་པ་ནི། སྤྱིར་དབང་གི་ལས་བྱེད་པ་ལ་གཉིས་ཡོད་དེ། སྒྲུབ་པ་པོ་རང་དང༌། གང་ཟག་གཞན་གྱི་དབང་དུ་སྡུད་པ་གཉིས་ལས་འདིར་ཕྱི་མ་དང༌། དེ་ལ་ཡང་གང་ཟག་དེ་དང་དེས་དབང་དུ་བསྡུ་རྒྱུ་གཉིས་ལས། འདིར་གང་ཟག་གཞན་
4-2-290b


དེ་སྙིང་ཁར་འཇོག་པ་ཡིན་པས་རྒྱས་པའི་ལས་སུ་འཆད་པ་གཞུང་དོན་མ་ཡིན་ནོ། །༽བར་བསམས་ལ། དེ་བཞིན་གཤེགས་པ་ལྔའི་སྐུ་མདོག་གི་བྱེ་བྲག་གིས་གཟི་བརྗིད་དེ། བྱང་ཆུབ་ཀྱི་སེམས་རྣམ་པ་ལྔའི་རྒྱུན་བསྒྲུབ་པར་བྱ་བ་དེ་ལ་སྒྲུབ་པར་བྱེད་པས་དབབ་
པར་བྱའོ། །༼དེ་རྣམས་ཀྱི་དོན་ནི། རང་གི་ཏིང་ངེ་འཛིན་སེམས་དཔའི་འོད་ཟེར་གྱིས། ལྷ་སོ་གཉིས་པོ་ཐམས་ཅད་ཡབ་ཡུམ་གྱི་རྣམ་པ་ཅན་དུ་ནམ་མཁའ་གང་བ་སྤྱན་དྲངས། སྙོམས་པར་ཞུགས་པ་ཐམས་ཅད་ཞུ་བ་རྣམས་རིགས་ལྔའི་ཁ་དོག་དང་འདྲ་བ་ལྡར་གྱུར་པ། རང་གི་སྤྱི་བོ་ནས་ཞུགས་པས་ཐུགས་
ཀའི་བསྒྲུབ་བྱ་ལ་སྤྱི་བོ་ནས་འབེབས་པའོ། །ལྷའི་ཁ་དོག་ནི་རྣམ་སྣང་རིན་འབྱུང་སྣང་མཐའ་གསུམ་གྱི་སྐབས་སུ་བདུད་རྩི་ཁ་དོག་རེ་རེ་དབབ་པར་བཤད་ཅིང༌། འདིར་བདུད་རྩི་ཁ་དོག་སྣ་ལྔ་དབབ་པར་གསུངས་ལ། ལྗང་གུ་ནི་ལས་ཐམས་ཅད་པ་ཡིན་པས་གཉིས་ཀ་ལྗང་གུར་བྱའོ། །༽དེ་ལྟ་བུའི་བསྒྲུབ་
པར་བྱ་བོ། སྒྲུབ་པ་པོ་དེ་ནི་དེ་མ་ཐག་ཏུ་སྟེ་རིང་པོར་མི་ཐོགས་པར་དེ་བཞིན་གཤེགས་པ་ཐམས་ཅད་ཀྱི་ཐུགས་སུ་བྱོན་པར་འགྱུར་ཞིང་འཇམ་དཔལ་དང་འདྲ་བར་ཡང་དག་པར་སྣང་ཞིང་འབར་བས་ན་མདོག་འདྲ་བའོ། །གནས་ནི་རྒྱལ་པོ་ལ་སོགས་པའོ། །དེར་ལས་བྱེད་
པ་ནི་རྒྱལ་པོ་ལ་སོགས་པའི་བྱ་བ་བྱེད་པ་སྟེ་དེ་ལྟ་བུའི་ལས་ཐབས་བྱེད་པར་བསྒྲུབ་པར་བྱ་བ་དེ་འགྱུར་བའོ། །སྙིང་གའི་བསྒྲུབ་བྱ་དབང་བསྐུར་བ་དེ་སྔ་མ་རྣམ་སྣང་གི་སྐབས་སུ་བཤད་པ་བཞིན་དུ་སྙིང་ག་ནས་ཕྱིར་ཕྱུང་སྟེ་རང་གི་མདུན་དུ་རྡོ་རྗེ་དང་སྣ་ཚོགས་རྡོ་རྗེའི་གདན་ལ་
འདུག་པ་ལ་བདུད་རྩིའི་རྒྱུན་རྡོ་རྗེར་ཞུགས་པ་རྣམས་པདྨར་སྤྲོས་ཏེ་སྔར་བཤད་པ་ལྟ་བུའི་ལྷ་དཔག་མེད་དུ་གྱུར་པ་དགྱེས་པའི་བདག་ཉིད་ཅན་ཏེ་དགའ་བའི་ཐུགས་ཅན་གྱི་རིགས་ལྔའི་སངས་རྒྱས་དང་བྱང་ཆུབ་སེམས་དཔའ་བསྒྲུབ་བྱའི་སྟེང་གི་ནམ་མཁའ་ལ་སྤྲོས་པ་རྣམས་
4-2-291a


སྙོམས་པར་ཞུགས་པའི་བྱང་ཆུབ་ཀྱི་སེམས་ཀྱིས་བསྒྲུབ་བྱའི་སྤྱི་བོ་ནས་དབང་བསྐུར་བའི་དགའ་སྟོན་ཆེན་པོ་སྩོལ་བར་མཛད་པར་བསམ་མོ་དོ།། ༈ དེ་ལྟར་བྱས་པས་དེ་ནས་ཅིར་འགྱུར་ཞེ་ན། བལྟས་ཙམ་བསྐྱེད་ཅེས་བྱ་བ་ལ་སོགས་པ་
གསུངས་ཏེ། བལྟས་པ་ཙམ་བསྐྱེད་ཅིང་བསྐྲུན་པ་བྱས་པས་ཀྱང་འགྲོ་བ་ཐམས་ཅད་དབང་དུ་བྱེད་པར་འགྱུར་རོ། །འཁོར་སྒྱུར་གྱི་བློན་པོ་རིན་པོ་ཆེ་དང་མཉམ་པར་གྱུར་པས་རིན་ཆེན་དམ་ཚིག་སྟེ། རྒྱལ་པོ་དང་བློན་པོ་དེ་རྣམས་ཀྱི་སྤྲིན་ནི་ཚོགས་སོ། །དེས་
བཀོད་པར་བྱས་པ་ནི་བསྙེན་བཀུར་གྱི་དོན་དུ་འོངས་ནས་བསྒྲུབ་བྱ་དེ་ལ་རིམ་གྲོར་བྱེད་པ་སྟེ། ཏིང་ངེ་འཛིན་དེ་གང་དུ་སྟོན་པ་དེ་ལ་དེ་སྐད་ཅེས་བྱའོ།། ༈ རྡོ་རྗེ་ནམ་མཁའ་ཆོས་མདུན་དུ་ཞེས་བྱ་བའི་སྐབས་སུ་འདིར་མི་བསྐྱོད་པའི་དྲག་ལས་གང་བཞག་པའི་མི་
བསྐྱོད་པའི་ཏིང་ངེ་འཛིན་མི་བསྐྱོད་པ་དེའི་དྲག་ལས་ཀྱི་ལྷག་མ་བསྟན་པར་བྱ་བའི་ཕྱིར། ནམ་མཁའ་རྡོ་རྗེ་ཞེས་བྱ་བ་ལ་སོགས་པ་གསུངས་ཏེ། མི་བསྐྱོད་པའི་སྦྱོར་བ་སྟེ་རྣལ་འབྱོར་དང་ལྡན་པས་དང་པོ་སྦྱོར་བ་དང་དཀྱིལ་འཁོར་རྒྱལ་མཆོག་གི་ཚེ་འཇིག་རྟེན་ལས་འདས་
པའི་ལྷ་དྲག་པོ་རྣམས་སྤྲུལ་པའི་རྗེས་སུ་ནམ་མཁའ་ཡི་དབུས་སུ་སྲིན་པོ་སྟེ་གནོད་སྦྱིན་ལ་སོགས་པ་རྣམས་དྲག་ཅིང་སྟེ་གཞན་གསོད་པར་དགའ་བ་དང༌། ཁྲོ་ལ་སྟེ་ཁྲོ་བའི་དབང་དུ་གྱུར་པ་དང༌། རབ་གཏུམ་སྟེ་ཕ་རོལ་གནོན་པ་ལ་ཐོགས་པ་མེད་པ་དང༌། ཝ་དང་
བྱ་རོག་ལ་སོགས་པ་སེམས་ཅན་ཤ་ཟ་བ་སྣ་ཚོགས་པ་རྣམས་དང༌། བྱ་རྒོད་དང་ཁྱི་རྣམས་ཀྱིས་གང་བར་བསྒོམ་མོ། །དེ་ནས་ལས་རྒྱལ་མཆོག་གི་དུས་སུ་མེ་ཡི་དཀྱིལ་འཁོར་ལ་གནས་པའི་དགྲ་བོའི་ཁ་སྦྱར་ཕྱེ་བར་བསྒོམ་མོ། །དགྲ་བོ་འདི་སངས་རྒྱས་ཀུན་ལ་
4-2-291b


སྟེ་སེམས་ཅན་ཀུན་ལ་གནོད་པ་བྱེད་པ་དང་བཅས་པར་ཏེ་གནོད་པ་བྱེད་པའོ་སྙམ་དུ་བསམས་ལ་དེ་ནས་རྣལ་འབྱོར་འདི་སྦྱར་བར་བྱ་སྟེ། མཚོན་ཆ་སྣ་ཚོགས་པ་ཐོགས་པ་རྣམས་ཀྱིས་མནན་ཏེ་ནས་དུམ་བུར་གཏུབས་པར་གྱུར་པར་བསམ་པ་དང༌། ཡང་བསྒྲུབ་
པར་བྱ་བའི་རྒྱུ་མ་ལ་སོགས་པ་ཐམས་ཅད་སྲིན་པོ་ལ་སོགས་པ་རྣམས་ཀྱིས་དྲངས་ནས་བླངས་ཏེ་ཟོས་པར་རྣམ་པར་བསྒོམ་མོ། །དེ་ནས་སངས་རྒྱས་ཞེས་བྱ་བ་སངས་རྒྱས་ཀྱི་ཐེག་པ་བ་ཐེག་ཆེན་པ་རྣམས་དང༌། རྡོ་རྗེ་འཛིན་པ་སྟེ་ལས་དང་པོ་པ་བསྐྱེད་རིམ་པ་དག་
ཀྱང་གལ་ཏེ་སྦྱོར་བ་འདི་ལྟ་བུ་རབ་ཏུ་བསྒོམ་ཞིང་སེམས་ན་ཟླ་བ་ཕྱེད་ཚུན་ཆད་དེ། ཟླ་བ་ཕྱེད་ཚང་བའམ་ཟླ་བ་ཕྱེད་ཀྱི་ཕྱེད་ཀྱིས་འཆི་བར་འགྱུར་ཞིང་འཇིག་པར་འགྱུར་བར་འདིར་གདོན་མི་ཟའོ། །རྡོ་རྗེ་སྤྲིན་ནི་མི་བསྐྱོད་པའོ། །དེའི་དམ་ཚིག་ནི་སྲིན་པོ་ལ་སོགས་པའོ། །
དེ་རྣམས་ཀྱི་བཀོད་པ་ནི་རྣམ་པར་འཕྲུལ་པ་སྟེ། ཏིང་ངེ་འཛིན་དེ་གང་དུ་སྟོན་པ་དེ་ལ་ཡང་དེ་སྐད་ཅེས་བྱའོ།། ༈ གཞན་ཡང་ལྷ་རྣམས་སྔར་བཤད་པ་ཉིད་ཀྱི་སྐུ་མདོག་དང་ཕྱག་མཚན་དང་ཕྱག་དང་ཞལ་གྱི་རྣམ་པ་སྟེ་གྲངས་བསྟན་པར་བྱ་བའི་ཕྱིར། 
རྣམ་པར་སྣང་མཛད་ཅེས་བྱ་བ་ལ་སོགས་པ་གསུངས་ཏེ། རྣམ་པར་སྣང་མཛད་ཞལ་གསུམ་པ་ཞེས་བྱ་བ་ལ་སོགས་པས་ནི། རྣམ་པར་སྣང་མཛད་ཀྱི་སྐུ་གསུངས་པ་ཡིན་ཏེ། ཀ་ཎ་ཌ་ཀཾ་གི་ཀཾ་ནི་ཆུའོ། །དེའི་ཨཎྜ་ནི་སྒོ་ང་ལ་འཇུག་ཀྱང་འདིར་སྟེ་སྤྲིན་ཡིན་
ལ་ཨའི་ཨས་ཆུ་དེ་བཀག་པས་ན་ཆུ་སྟེ་ཆར་མེད་པའི་སྤྲིན་ཞེས་སྟོན་ཀའི་སྤྲིན་ལྟ་བུ་དང་མདོག་འདྲ་བ་སྟེ། རྣམ་སྣང་སྤྲིན་དཀར་པོ་ལྟར་རྣམ་པར་བསམ་མོ། །དཀར་པོ་ནག་པོ་རབ་ཏུ་དམར་ཞེས་བྱ་བ་ནི་ཞལ་གསུམ་འཆང་བ་སྟེ། དེ་ལ་ཞལ་བར་མ་རྩ་ཞལ་ནི་
4-2-292a


དཀར་པོའོ། །གཡས་པ་ནི་ནག་པོའོ། །གཡོན་པ་ནི་རབ་ཏུ་དམར་བ་སྟེ་མེ་ཏོག་ཀུ་སུམ་པ་ལྟ་བུའོ། །དབུ་སྐྲ་རལ་པ་ཐོར་ཚུགས་སམ་ཐོར་ཅོག་ཏུ་བཅིངས་པ་ལ་དབུ་རྒྱན་རིན་པོ་ཆེའི་པྲོག་ཞུ་དག་གིས་བརྒྱན་པའོ་ཞེས་བྱ་བ་ནི། རྣམ་པར་
སྣང་མཛད་ཀྱི་ཞལ་དང་སྐུ་མདོག་གི་ངེས་པའོ། །དེ་བཞིན་དུ་རྡོ་རྗེ་ཅན་ཏེ་མི་བསྐྱོད་པ་ཡང་༼ལེ་བརྒན་རྩི་ལྟ་བུ་ཟེར། ༽ཞལ་དབུས་མ་ནག་པོ་དང་གཡས་དཀར་པོ་དང་གཡོན་དམར་པོར་བསམ་མོ། །འཇིག་རྟེན་ཁམས་རྣམས་འཁྲུག་བྱེད་པ་ཞེས་
པ་ནི། ཉི་མའི་དཀྱིལ་འཁོར་གྱི་འོད་ཀྱིས་ཡོངས་སུ་བསྐོར་བའོ། །དེ་བཞིན་དུ་འདོད་ཆགས་ཅན་ཏེ་འོད་དཔག་ཏུ་མེད་པ་ནི་དམར་ནག་དཀར་བའི་ཞལ་གསུམ་པ་ཐོར་ཚུགས་དང་དབུ་རྒྱན་གྱིས་བརྒྱན་༼འབར་བ་སོགས་ནི་གོ་སླའོ། ༽པ་སྟེ། དེ་ལྟར་ལྷའི་
སྐུ་གསུམ་པོ་བསྒོམས་ན་ངེས་པར་བཤད་པ་དང་མ་བཤད་པའི་ལས་༼ནི་ཞལ་གྱི་འགྲོས་འདྲ་བའོ། །༽རྣམས་རབ་ཏུ་འགྲུབ་བར་འགྱུར་རོ། །དེ་བཞིན་དུ་རྣམ་པར་སྣང་མཛད་ལ་སོགས་༼ལོངས་སྤྱོད་ཅན་ནི་སྣང་མཐའ་དེ་འདོད་པ་ལ་ལོངས་སྤྱོད་པའི་ཆགས་ཆེན་ནོ། །
༽པ་གསུམ་གྱི་འི་གཡས་པའི་ཕྱག་དང་པོ་གསུམ་ལ་རིམ་པ་བཞིན་དུ་འཁོར་ལོ་དང་རྡོ་རྗེ་དང་པདྨ་བསྒོམ་པར་བྱའོ། །རྡོ་རྗེ་ནི་ལྷ་རྣམས་ཀྱི་ཕྱག་རྒྱ་ཆེན་པོའི་གཟུགས་ཏེ་ཐམས་ཅད་ཀྱང་ཕྱག་དྲུག་པར་བསྒོམ་མོ། །བཟང་པོ་ནི་འདོད་པའི་དོན་རྫོགས་
པར་བྱེད་པས་སོ། །མཚོན་ཆ་སྣ་ཚོགས་བསམ་ཞེས་བྱ་བ་ནི་སྒྲུབ་པའི་ཐབས་མདོར་བྱས་ལས་བཤད་པའི་རིམ་གྱིས་རང་གི་མཚན་མ་རྣམས་བསྣམས་པའོ། །དེ་བཞིན་དུ་རིན་ཆེན་འབྱུང་ལྡན་ལ་སོགས་པ་རྣམས་ཀྱི་ཡང་ཕྱག་གཡས་ཀྱི་དང་པོར་རང་གི་
4-2-292b


ཕྱག་གི་མཚན་མ་རིན་པོ་ཆེ་ལ་སོགས་པ་བསམ་པར་བྱའོ།། ༈ སེམས་ཅན་ཀུན་ལ་ཕན་བཞེད་མ་ཞེས་བྱ་བ་ནི་འགྲོ་བ་ཐམས་ཅད་ཀྱི་སྡུག་བསྔལ་ཞི་བའི་འཕྲིན་ལས་ར་མཛད་པའོ། །སངས་རྒྱས་སྤྱན་ནི་རྣམ་པར་སྣང་མཛད་ཀྱི་ཕྱག་རྒྱ་ཡིན་པས་
རྣམ་པར་སྣང་མཛད་དང་འདྲ་བར་ཞལ་གསུམ་དུ་བསམ་མོ། །མཁའ་སྐྱེས་ནི་མི་བསྐྱོད་པའོ། །དེ་བདག་གི་གན་དུ་འདྲེན་པས་ན་སྤྱན་ཏེ་མཱ་མ་ཀཱིའོ། །རྒྱལ་མོ་ཆེ་ནི་བཙུན་མོའི་མཆོག་སྟེ་ཞལ་གསུམ་མི་བསྐྱོད་པ་དང་འདྲ་བར་བསྒོམ་མོ། །གསུང་རྡོ་རྗེ་ནི་འོད་
དཔག་ཏུ་མེད་པ་སྟེ་དེ་འདྲེན་པས་ན་ཆུ་སྐྱེས་སྤྱན་ཏེ། གོས་དཀར་མོ་ནི་འོད་དཔག་ཏུ་མེད་པ་དང་འདྲ་བར་བསྒོམ་མོ། །རིག་མ་རྡོ་རྗེ་༼སྤྱན་གྱི་སྐད་དོད་ནཻ་ཏྲ་ལ་ན་ཡ་ཏི་ཞེས་པ་འདྲེན་པའོ། །༽ཨུཏྤལ་བསྣམས་ཞེས་བྱ་བ་ནི། རྡོ་རྗེས་མཚན་པའི་ཨུཏྤལ་སྟེ་དེ་
བསྣམས་པས་ན་རྡོ་རྗེ་ཨུཏྤལ་བསྣམས་ཏེ། དོན་ཡོད་པར་གྲུབ་པའི་ཕྱག་རྒྱ་སྒྲོལ་མ་སྟེ། ཞལ་ལ་སོགས་པ་ནི་དོན་ཡོད་པར་གྲུབ་པ་དང་འདྲ་བར་བསམ་མོ།། ༈ ཁྲོ་བོ་ཆེན་པོ་གཤིན་རྗེ་གཤེད་ཅེས་བྱ་བ་ནས་བརྩམས་ཏེ། བསམ་གཏན་༼
ཞེས་པ་ནི་མདོར་བྱས་ལས། ཡིད་འོང་སྒྲོལ་མ་དབྱུང་བྱ་སྟེ། །ལྗང་དང་ནག་དང་དཀར་བའི་ཞལ། །དུར་བའི་ལོ་མའི་འོད་དང་མཉམ། །ཞེས་གསུངས་པ་ལྟར་མཛད་པའོ། །རྩ་རྒྱུད་ལས། སེར་དང་གནག་དང་དཀར་བའི་ཞལ། །ཞེས་གསུངས་པ་ནི་རིན་པོ་ཆེའི་རིགས་ཀྱི་སྒྲོལ་མ་ལ་དགོངས་ལ། འདིར་ནི་
དོན་གྲུབ་ཀྱི་རིགས་དམ་ཚིག་སྒྲོལ་མར་མཛད་པའི་ལུགས་སོ། །༽དཀྱིལ་འཁོར་བསྒོམ་པར་བྱ། ཞེས་བྱ་བའི་བར་དུ་ནི་གོ་སླ་སྟེ། བསམ་གཏན་གྱི་དཀྱིལ་འཁོར་ནི་བཀའི་འཁོར་ལོ་ནི་དྲག་ལས་སྒྲུབ་པ་དང༌། སྲུང་འཁོར་བསྒོམ་པའི་སྐབས་སུ་ཁྲོ་བོ་བཅུ་བསྒོམ་
4-2-293a


པའོ། །གཟི་བརྗིད་ཕུང་པོ་དང་གཙུག་ཏོར་རྒྱལ་བ་ལ་སོགས་པ་ནི་ཁྲོ་བོ་རྣམས་སོ།། ༈ དེ་ལྟར་བསྟན་པ་ལས་གང་གཞན་སྔགས་ཀྱི་འཁོར་ལོ་ཅན་ཞེས་བྱ་བ་ནི་བྱམས་པ་ལ་སོགས་པ་རྣམས་སོ། །དམ་ཚིག་ནི་ལྷ་རང་རང་གི་
རིགས་ཏེ་དེ་རྣམས་ལ་འདི་རྣམས་ཀྱིས་ཡང་༼གཙུག་ཏོར་རྒྱལ་བ་ལ་སོགས་པའི་ཁྲོ་བོ་རྣམས་དང༌། ཟེར། ༽དག་པར་ལོངས་སྤྱོད་པས་ན་དམ་ཚིག་ལོངས་སྤྱོད་དེ་རྡོ་རྗེ་ལ་སོགས་པའི་མཚན་༼དམ་ཚིག་ནི་རིགས་ལ་འདི་རྣམས་ཀྱིས་ཡང་དག་པར་ལོངས་སྤྱོད་པས། ཟེར། 
༽མའོ། །ཕྱག་མཚན་དེ་རྣམས་ཀྱིས་ཏེ་དེ་རྣམས་འཛིན་པས་སོ་སོ་ཐ་དད་པ་དག་ཏུ་བསྒོམ་པར་བྱའོ། །ཏིང་ངེ་འཛིན་ནི་ཞེས་བྱ་བ་ལ་སོགས་པ་ལ། སྔགས་རྣམས་ཀྱི་སྟེ་ལྷ་རྣམས་ཀྱི་ཏིང་ངེ་འཛིན་དཔག་ཏུ་མེད་ཅིང་ཚད་མེད་པ་རྣམས་བཤད་ཅིང་བསྟན་
པ་ཡིན་ཏེ། དེ་བས་ན་གཤིན་རྗེ་གཤེད་ལ་སོགས་པ་ཁྲོ་བོ་རེ་རེ་ཞིང་ཡང་བྲན་དང་བྲན་མོ་དང་ཕོ་ཉ་དང་ཕོ་ཉ་མོ་ལ་སོགས་པའི་རྣམ་པས་ཏིང་ངེ་འཛིན་རྣམས་ནི། ནམ་མཁའི་སྟེང་དུ་སྟེ་ནམ་མཁའི་ཁམས་པས་ཀྱང་ལྷག་པར་འགྱུར་རོ་ཞེས་པ་སྟེ་ཏིང་ངེ་
འཛིན་གྲངས་མེད་པ་ཉིད་དུ་བཤད་པ་ཡིན་ནོ།། ༈ ད་ནི་རྫོགས་པའི་རིམ་པས་ལྷ་རྣམས་བསྐྱེད་པ་བསྟན་པར་བྱ་བའི་ཕྱིར། ནམ་མཁའི་དབྱིངས་ཞེས་བྱ་བ་ལ་སོགས་པ་གསུངས་ཏེ། ནམ་མཁའི་དབྱིངས་ནི་འོད་གསལ་བའོ། །དེ་ལས་
ལུགས་ལྡོག་གི་ཚེ་བྱུང་བའི་གསལ་བའི་དཀྱིལ་འཁོར་ནི་ཀུན་ཏུ་སྣང་བ་གསུམ་མོ། །དམ་པ་ནི་ཟླ་བ་དང་རྡོ་རྗེ་ལ་སོགས་པ་ལ་ལྟོས་པ་མེད་པར་འོད་གསལ་གྱི་རླུང་སེམས་ཙམ་ལས་ལྷ་བསྐྱེད་པའི་ཕྱིར་ཏེ། དེས་ན་འོད་གསལ་ལས་སངས་རྒྱས་ཀྱི་གཟུགས་
4-2-293b


ཏེ་རྡོ་རྗེ་འཆང་ཆེན་པོའི་གཟུགས་རབ་ཏུ་བསྒོམས་ཤིང་བསྐྱེད་ལ། དེ་ནས་སྤྲུལ་པའི་སྐུ་རྣམ་པར་སྣང་མཛད་རྣམ་པར་བསམ་ཞིང་སྤྲོ་བར་བྱའོ། །སྐུ་དེ་གཉིས་ཇི་ལྟ་བུ་ཞེ་ན། གསལ་ཞིང་སྟེ་ཟླ་བ་ལ་ཁུག་རྣ་ལ་སོགས་པའི་ཉེས་པ་དང་བྲལ་བར་གྱུར་པའི་
ཟླ་བའི་གཟུགས་འདྲ་བས་ན་ཟླ་བ་བཞིན་ནོ། །ཞི་བ་ནི་ཞི་བའི་ཉམས་དང་ཉེ་བར་ལྡན་པའོ། །འོད་ཟེར་སྣ་ཚོགས་འདྲ་བའི་འོད་ཅེས་བྱ་བ་ནི། འོད་ཟེར་རྣམ་པ་ལྔས་འོད་ཀྱི་དཀྱིལ་འཁོར་དུ་བྱས་པའོ། །མེ་ལོང་ནི་མེ་ལོང་གི་དཀྱིལ་འཁོར་ཏེ་དེ་ལས་བྱུང་བ་ནི་མེ་
ལོང་དེར་གཏོགས་པ་སྟེ་གནས་པའི་གཟུགས་བརྙན་ལྟ་བུའོ། །ཁམས་གསུམ་དག་གི་དཀྱིལ་འཁོར་དུ་ཞེས་བྱ་བ་ནི་ཁམས་གསུམ་གྱི་དཀྱིལ་འཁོར་རོ། །དེ་བཞིན་དུ་སྐྱེས་བུ་ཆེན་པོའི་མཚན་རྣམས་དང་ཉེ་བར་ལྡན་པས་ན་རྒྱན་རྣམས་ཀུན་གྱིས་བརྒྱན་པ་དག་སྟེ། 
དེ་ལྟར་བདག་ཉིད་བསམས་ཤིང་ཤེས་པར་བྱས་ན། བྱང་ཆུབ་༼ཁམས་གསུམ་དག་གི་རྒྱན་གྱུར་པ་ནི། ཁམས་གསུམ་གྱི་རྒྱན་བཞིན། སྐྱེས་བུ་ཆེན་པོའི་ཞེས་འབྱུང་བ་ལྟར་བྱའོ། །༽སྟེ་མི་གནས་པའི་མྱ་ངན་ལས་འདས་པ་དེ་མཐོང་ཞིང་ཐོབ་པར་འགྱུར་བ་ནི་བསམ་གཏན་
རྡོ་རྗེ་རབ་ཏུ་བསྒོམ་པ་འདི་ཡིས་སོ། །ཞེས་བྱ་བར་གོང་འོག་སྦྱར་རོ། །སངས་རྒྱས་ཆེ་བའི་བདག་ཉིད་ནི་སངས་རྒྱས་ཀྱི་དབང་ཕྱུག་གོ། འཇིག་རྟེན་ཐམས་ཅད་དབང་བྱེད་པ་ཞེས་བྱ་བ་ནི། ཉན་ཐོས་ལ་སོགས་པ་འདུད་པར་བྱེད་པའོ། །ཚེ་འདི་ཉིད་ཀྱིས་ཏེ་ལུས་འདི་ཉིད་ལ་
གནས་ནས་འཐོབ་པའོ། །རྣམ་པར་སྣང་མཛད་ཀྱི་ཞེས་བྱ་བ་ནི་རྫོགས་པའི་རིམ་གྱིས་བྱུང་བའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །རྡོ་རྗེའི་དཀྱིལ་འཁོར་ཞེས་བྱ་བ་ལ་སོགས་པ་ལ། རྡོ་རྗེའི་དཀྱིལ་འཁོར་ནི་ཀུན་ཏུ་སྣང་བ་གསུམ་མོ། །སངས་རྒྱས་གཟུགས་ནི་
4-2-294a


ཞེས་བྱ་བ་ལ་སོགས་པ་ནམ་མཁའི་དབྱིངས་ཀྱི་དབུས་སུ་བསམ། །སངས་རྒྱས་གཟུགས་ནི་རབ་བསྒོམས་ལ། །ཞེས་པའི་དོན་ནི་སྔ་མ་བཞིན་ནོ། །སྤྲུལ་སྐུ་རྡོར་སེམས་སུ་བསྒོམས་པའི་སྐུ་དེ་ནི་མཆེ་བ་ཅུང་ཟད་གཙིགས་པ་དང་ལྡན་པས་ན་ཁྲོས་པའོ། །གསལ་བའི་ལུས་
ནི་དྲུག་པ་སྟེ། དེ་དང་འདྲ་བའོ། །མྱུར་དུ་རྡོ་རྗེ་ཉིད་ཐོབ་འགྱུར་ཞེས་བྱ་བ་ནི། སངས་རྒྱས་ཉིད་མྱུར་ཞིང་མགྱོགས་པར་ཐོབ་པའོ། །དམ་ཚིག་ཐམས་ཅད་ནི་ཟུང་འཇུག་པའི་དཀྱིལ་འཁོར་པ་རྣམས་སོ། །དེ་གང་དུ་སྟེ་ལས་འབྱུང་བ་དེ་ནི་དམ་ཚིག་ཐམས་ཅད་ལས་འབྱུང་བའོ། །
མཛེས་པའི་རྡོ་རྗེ་ནི་མི་བསྐྱོད་པ་སྟེ་ཏིང་ངེ་འཛིན་དེ་གང་དུ་སྟོན་པ་དེ་ལ་དེ་སྐད་ཅེས་བྱའོ། །ཆོས་ཀྱི་དཀྱིལ་འཁོར་ཞེས་བྱ་བ་ལ་སོགས་པ་ལ། ཆོས་ཀྱི་དཀྱིལ་འཁོར་ཞེས་བྱ་བ་ནི་ཀུན་ཏུ་སྣང་བ་གསུམ་མོ། །སངས་རྒྱས་གཟུགས་ནི་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །ཆོས་
ཀྱི་བདག་ཉིད་ཆེན་པོ་ནི་ངག་གི་དབང་ཕྱུག་གོ། སྐུ་གསུམ་མི་ཕྱེད་པ་ནི་རྡོ་རྗེ་འཆང་ཆེན་པོའོ། །དེ་ལས་བྱུང་བ་ནི་དེ་ལས་སྐྱེས་པའོ། །ཡེ་ཤེས་རྒྱ་མཚོས་རྣམ་པར་བརྒྱན་ཞེས་བྱ་བ་ནི་ཟུང་འཇུག་སྤྲུལ་སྐུའི། རྫོགས་པའི་རིམ་པའི་ཏིང་ངེ་འཛིན་ལ་གནས་པའོ། །འཐོབ་པར་འགྱུར་
བ་ནི་རྙེད་པར་འགྱུར་བའོ། །ཆོས་ཀྱི་སེམས་དཔའ་ནི་འོད་དཔག་ཏུ་མེད་པའོ། །དེ་འབྱུང་བར་གྱུར་པ་གང་ཡིན་པ་དེ་ནི་ཆོས་ཀྱི་དམ་ཚིག་འབྱུང་བ་སྟེ་རྡོ་རྗེ་འཆང་ཆེན་པོའོ། །དེའི་དམ་ཚིག་འབྱུང་བ་ནི་ཡོངས་སུ་རྫོགས་པའི་རིམ་པའོ། །དེ་ཉིད་རྡོ་རྗེ་སྟེ་ཏིང་ངེ་འཛིན་དེ་གང་དུ་
སྟོན་པ་དེ་ལ་དེ་སྐད་ཅེས་བྱའོ།། ༈ ཟླ་བའི་དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། ཟླ་བས་མཚན་པའི་དཀྱིལ་འཁོར་ནི་ཟླ་བའི་དཀྱིལ་འཁོར་ཏེ་ཀུན་ཏུ་སྣང་བ་གསུམ་མོ། །སངས་རྒྱས་གཟུགས་ནི་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །
4-2-294b


ཟུང་འཇུག་ལོངས་སྐུས་སྤྲུལ་སྐུ་སྤྱན་མ་བསྒོམ་པའི་ཁྱད་པར་སྟོན་པ་ནི། ཁམས་གསུམ་དག་ནི་དབང་བྱེད་པ་ཞེས་པ་ནི་དེའི་ངོ་བོ་ཉིད་བསྟན་པའོ། །ཡེ་ཤེས་ཐམས་ཅད་གྲུབ་པར་བྱེད། །འཁོར་ལོ་ཡིད་བཞིན་ནོར་བུ་སྟེར་ཞེས་བྱ་བ་ནི། འཁོར་ལོ་ནི་སྒྲུབ་པ་པོའི་ཡིད་བཞིན་གྱི་ནོར་བུ་སྟེར་
བ་སྟེ་ཡིད་བཞིན་གྱི་ནོར་བུ་དང་འདྲ་བའོ། །ཕྱག་ཏུ་ཞེས་པ་ནི་ཕྱག་གཡས་པའི་དང་པོ་ལ་འཁོར་ལོ་སྟེ་རིན་པོ་ཆེའི་འཁོར་ལོ་བསྒོམ་པར་བྱའོ། །སྤྱན་གྱི་དམ་ཚིག་ནི་སྤྱན་གྱི་ཕྱག་རྒྱ་ཆེན་པོ་སྟེ་དེའི་ཕྱག་ནི་མཆོག་ནི་ཕྱག་གི་སྙིང་པོ་སྟེ་འཁོར་ལོའོ། །དེའི་ཏིང་ངེ་འཛིན་གང་ལ་ཡོད་
པ་དེ་ལ་དེ་སྐད་ཅེས་བྱའོ། །རྡོ་རྗེ་དཀྱིལ་འཁོར་ཞེས་བྱ་བ་ལ་སོགས་པ་ལ། རྡོ་རྗེ་དཀྱིལ་འཁོར་ནི་སྟོང་པ་ཉིད་གསུམ་མོ། །སངས་རྒྱས་གཟུགས་ནི་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །ཟུང་འཇུག་ལོངས་སྐུས་སྤྲུལ་སྐུ་མཱ་མ་ཀཱི་བསྒོམ་ཚུལ་ནི་ནམ་མཁའི་རྡོ་རྗེ་མཆོག་
ནི་མཱ་མ་ཀཱི་སྟེ། ནམ་མཁའ་ནི་མི་བསྐྱོད་པའོ། །དེའི་དམ་ཚིག་གི་མཆོག་བཙུན་མོ་དེའི་ཕྱག་གཡས་པ་ན་ཨུཏྤལ་སྔོན་པོ་རྩ་དམར་བ་བསྣམས་པའོ། །ཁམས་གསུམ་དག་གི་ཞེས་བྱ་བ་ལ་སོགས་པ་ནི་དེ་ཉིད་ཀྱི་ཁྱད་པར་རོ། །དངོས་གྲུབ་རྡོ་རྗེ་ཅན་གྱི་གསང་ཞེས་བྱ་བ་ནི་༼
རྩ་རྒྱུད་ལེའུ་བཞི་པ་ལས། ཨུཏྤལ་མཐིང་ཀར་བཤད་པ་བཞིན། དེའི་འགྲེལ་པ་ལས་ཀྱང་སྔོན་པོར་བཤད། འདིར་རྩ་བར་སྔོ་དམར་དུ་བཤད་པའི་འགྲེལ་པ་ལས་རྩ་དམར་བ་ཞེས་བཤད་པ་ལ། ཁ་ཅིག་སྔོ་ལ་དམར་བའི་མདངས་ཡོད་པ་དང༌། ཁ་ཅིག་རྩ་བ་དམར་བ་ལ་འཆད་དོ། །༽སྒྲུབ་པ་པོ་
རྣམས་ཀྱི་གསང་བར་གྱུར་པའོ། །ནམ་མཁའ་ནི་འོད་གསལ་བའོ། །ཡུམ་ནི་གང་ལས་འོད་གསལ་གྱི་ཡེ་ཤེས་རབ་ཏུ་སྐྱེད་པ་ཡོད་པ་གང་ཡིན་པ་དེ་ནི་ནམ་མཁའི་ཡུམ་ཅན་ཏེ་མི་བསྐྱོད་པའོ། །༼ཡུམ་སྟེ་རབ་ཏུ་སྐྱེད་པ་གང་ལ་ཡང་ཡོད་པ་དེ་ནི་ནམ་མཁའི་ཡུམ་
4-2-295a


ཅན་ཏེ། མི་བསྐྱོད་པའོ་ཟེར། ༽རིན་པོ་ཆེའི་འོད་ཀྱི་སྤྲིན་ནི་རིན་པོ་ཆེའི་འོད་ཀྱི་ཚོགས་སོ། །དེའི་རྡོ་རྗེའི་ངོ་བོ་ཉིད་གང་ཡིན་པ་དེ་ནི་རིན་པོ་ཆེའི་འོད་ཀྱི་སྤྲིན་གྱི་རྡོ་རྗེ་སྟེ་རིན་ཆེན་འབྱུང་ལྡན་ནོ། །རྡོ་རྗེ་དང་རིན་པོ་ཆེའི་རིགས་དེ་གཉིས་ཚིམ་པར་བྱེད་པ་ནི་མཱ་མ་
ཀཱི་སྟེ། ཏིང་ངེ་འཛིན་དེ་གང་དུ་སྟོན་པ་དེ་ལ་ཡང་དེ་སྐད་ཅེས་བྱའོ། །ཆོས་ཀྱི་དཀྱིལ་འཁོར་ཞེས་བྱ་བ་ལ་སོགས་པ་ལ། ཆོས་ཀྱི་དཀྱིལ་འཁོར་ནི་ཡེ་ཤེས་གསུམ་མོ། །སངས་རྒྱས་གཟུགས་ནི་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །ཟུང་འཇུག་ལོངས་སྐུས་སྤྲུལ་སྐུ་གོས་
དཀར་མོ་སྒོམ་པའི་ཚུལ་ནི། སྒྱུ་མས་མཚན་པའི་ཕྱིར་སྒྱུ་མས་མཚན་པ་སྟེ་འོད་གསལ་བའོ། །དེ་ཉིད་གཙོ་བོ་ཡིན་པས་ན་མཆོག་སྟེ། དེ་ལས་བྱུང་བས་ན་སྒྱུ་མས་མཚན་པའི་མཆོག་ལས་བྱུང་ཞེས་བྱའོ། །འདོད་ཆགས་ཆགས་པ་འཛིན་པ་ནི་འོད་དཔག་ཏུ་མེད་པའོ། །དེའི་
སྡུག་པ་གོས་དཀར་མོ་ནི་སྣང་མཐའ་དེའི་ཡིད་དུ་འོང་བའོ། །ཆོས་ཀྱི་དམ་ཚིག་ནི་འོད་དཔག་ཏུ་མེད་པའོ། །དེའི་དེ་ཁོ་ན་ཉིད་ནི་དོན་དམ་པའི་བདེན་པའོ། །དེ་ཉིད་དང་ངོ་བོ་གཅིག་ཏུ་གྱུར་པའི་ཡེ་ཤེས་ནི་མངོན་པར་བྱང་ཆུབ་པའོ། །དེ་ཀུན་ཏུ་སྟོན་པའི་རྡོ་རྗེ་ནི་གོས་དཀར་མོ་སྟེ། 
ཏིང་ངེ་འཛིན་དེ་གང་དུ་སྟོན་པ་དེ་ལ་ཡང་དེ་སྐད་ཅེས་བྱའོ། །དངོས་གྲུབ་དཀྱིལ་འཁོར་ཞེས་བྱ་བ་ལ་སོགས་པ་ལ། དངོས་གྲུབ་ཀྱི་དཀྱིལ་འཁོར་ནི་ཤེས་རབ་དང་ཐབས་དང་ཉེ་བར་ཐོབ་པའོ། །སངས་རྒྱས་གཟུགས་ནི་ཞེས་བྱ་བ་ལ་སོགས་པ་ནི་སྔ་མ་བ་ཞིན་ནོ། །དམ་ཚིག་ནི་
དོན་ཡོད་པར་གྲུབ་པའོ། །༼ཟུང་འཇུག་ལོངས་སྐུས་སྤྲུལ་སྐུ་སྒྲོལ་མ་སྒོམ་པའི་ཚུལ་ནི། སྒྲོལ་མའི་མཆོག་ནི་བསྒོམ་པར་བྱ། །ཞེས་སོགས་ཀྱིས་སྟོན་ནོ། །ཕྱག་མཚན་གྱི་ཨུཏྤལ་སེར་པོར་བཤད་པ་དང༌། ལེའུ་བཞི་པའི་ཕྱག་མཚན་འགོད་པའི་སྐབས་སུ་སྔོན་པོར་བཤད་པ་མི་འགལ་བ་ནི་སྒྲོལ་
4-2-295b


མ་རིགས་གཉིས་ཀྱི་སྒོ་ནས་ཤེས་པར་བྱའོ། ༼སྒྲོལ་མ་ནི་དེའི་བཙུན་མོའོ། །མཆོག་ནི་ཡོན་ཏན་དམ་པ་དང་ལྡན་པ་སྟེ། ཏིང་ངེ་འཛིན་དེ་གང་དུ་སྟོན་པ་དེ་ལ་ཡང་དེ་སྐད་ཅེས་བྱའོ།། ༈ ད་ནི་ཁྲོ་བོའི་དམ་ཚིག་བསྟན་པར་བྱ་བའི་ཕྱིར། །ཉི་མའི་དཀྱིལ་འཁོར་༼
དམ་ཚིག་སྒྲོལ་མ་ཞེས་པ་འདིས་ལས་ཀྱི་རིགས་ཀྱི་སྒྲོལ་མ་བསྟན་ཏེ། རྒྱུད་འདིར་སྒྲོལ་མ་རིགས་གཉིས་ཀ་གསུངས་སོ། །དེ་ལྟར་བཤད་ཟིན་པའི་རྣམ་སྣང་སོགས་དང་སྤྱན་སོགས་བཞི་དང༌། འཆད་འགྱུར་གྱི་ཁྲོ་བོ་བཅུ་ཟུང་འཇུག་པས་བསྐྱེད་པ་ན། འོད་གསལ་ལས་ལུགས་ཟློག་ཏུ་ལངས་པའི་
སྣང་བ་གསུམ་བཤད་པ་ནི། སྣང་བ་གསུམ་གྱི་མཐར་ཟུང་འཇུག་གི་སྐུ་སྐྱེད་པ་མིན་གྱི་སྐུ་དེ་ལུགས་ཟློག་ཏུ་ལྡང་བའི་དུས་སུ་བསྐྱེད་པར་སྟོན་ལ། དེ་ཡང་འོད་གསལ་གྱི་རླུང་སེམས་ཙམ་ལས་བསྐྱེད་པ་ཡིན་ཏེ། གཞན་དུ་རྒྱས་པར་བཤད་ཟིན་ཏོ། །དེ་ཡང་དེ་ཁོ་ན་ཉིད་མངོན་སུམ་དུ་རྟོགས་པའི་དོན་གྱི་འོད་
གསལ་གྱི་མཐར་དག་པའི་སྒྱུ་མ་ཞེས་པ་ཟུང་འཇུག་གི་སྐུ་དང༌། མངོན་སུམ་དུ་མ་རྟོགས་པ་དཔེའི་འོད་གསལ་གྱི་མཐར་རིམ་པ་གསུམ་པའི་སྒྱུ་མའི་སྐུ་འགྲུབ་ཀྱི། སྐུ་དེ་ཡང་ལུགས་ལྡོག་གི་སྣང་བ་གསུམ་གྱི་མཐར་བསྐྱེད་པ་མིན་ནོ། །ཟུང་འཇུག་གི་སྐུ་དེ་རིམ་པ་གསུམ་པའི་སྒྱུ་ལུས་ལྟར་དོན་གྱི་འོད་
གསལ་གྱི་དུས་སུ་དག་ནས་འགྲོ་བ་ཡང་མིན་པར། དེ་ཐོབ་ནས་རིགས་འདྲ་རྒྱུན་མི་འཆད་པར་འཇུག་པ་ནི་རིམ་པ་གསུམ་པའི་སྒྱུ་ལུས་ལས་མཆོག་ཏུ་གྱུར་པའི་ཁྱད་པར་ཡིན་ནོ། །དེའི་ཕྱིར་ཟུང་འཇུག་ལོངས་སྐུ་ཐོབ་པས། རྣམ་སྣང་སོགས་སྒོམ་པ་ན། སྤྲུལ་སྐུར་བསྒྱུར་ནས་བསྒོམ་ཞེས་སྔ་མ་རྣམས་
འཆད་པ་ནི་ཟུང་འཇུག་གི་ལོངས་སྐུ་ཡལ་ནས་སྤྲུལ་སྐུར་བསྒྱུར་བ་ལ་འདོད་པ་ནི་ཟུང་འཇུག་ལོངས་སྐུའི་གནད་མ་རྟོགས་པ་ཡིན་ལ། དེ་ལྟ་མིན་པར་རྣམ་སྣང་ལ་སོགས་པ་སྤྲུལ་བ་དང༌། རང་ཉིད་དེ་རྣམས་སུ་བསྒོམ་པ་ལ་འདོད་ན་ནི་དེ་ལྟར་ཡིན་ནོ། །དེས་ན་ནམ་མཁའི་རྡོ་རྗེ་བཅུ་ནི་དོན་གྱི་
4-2-296a


འོད་གསལ་ལོ། །དབུས་གནས་པ་རྣམས་ནི་འོད་གསལ་དེ་ལས་བྱུང་བའི་ཟུང་འཇུག་པའི་རྡོ་རྗེའི་སྐུ་དང་སྣང་བ་གསུམ་ལུགས་ལྡོག་ཏུ་བྱུང་བའོ། །དམ་པ་ཞེས་པ་ནི་མཆོག་གི་དོན་ཏེ། སྔགས་ཀྱི་སྐུ་ལས་མཆོག་ཏུ་གྱུར་པའི་ཡེ་ཤེས་ཀྱི་སྐུ་ཡིན་ཏེ། སངས་རྒྱས་གཟུགས་ནི་རབ་
བསྒོམས་ལ། ཞེས་པ་བཅུའི་དོན་ནོ། །འདི་ཡང་དོན་གྱི་འོད་གསལ་གྱི་མཐར་འགྲུབ་པའི་ཟུང་འཇུག་ལོངས་སྐུ་གཅིག་པོ་དེ་ཉིད་ཡིན་གྱི། སྤྲུལ་པའི་ལྷ་སོ་སོ་ལ་ལྟོས་པའི་ལོངས་སྐུ་འགྲུབ་ཐབས་རེ་སྟོན་པ་མིན་ནོ། །ཉི་མ་དེས་སྣང་བ་མཆེད་པ་མཚོན་ལ། དེས་སྣང་བ་གཞན་
གཉིས་ཀྱང་གཟུང་ངོ༌། །ཁྲོ་བོ་བཅུ་སྒོམ་པར་བཤད་པ་ནི་ཟུང་འཇུག་ལོངས་སྐུ་དེས་དེ་རྣམས་སྤྲུལ་པ་དང་རང་ཉིད་དེ་རྣམས་སུ་སྒོམ་པ་སྟོན་ཏེ། དེ་དག་གིས་མཚོན་ནས་ལྷ་སོ་གཉིས་ཀྱི་དཀྱིལ་འཁོར་བསྒོམ་པ་ཡང་སྟོན་ནོ། །༽ ཞེས་བྱ་བ་ལ་སོགས་པ་གསུངས་ཏེ། ཉི་མའི་དཀྱིལ་འཁོར་ནི་
དེས་མཚོན་པའི་སྣང་བ་མཆེད་པ་ལ་སོགས་པ་གསུམ་མོ། །སངས་རྒྱས་གཟུགས་ནི་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །འཇིགས་པའི་དཀྱིལ་འཁོར་ཞེས་བྱ་བ་ལ་བགེགས་རྣམས་འཇིགས་པར་མཛད་པ་ནི་སྙིང་པོ་སྟེ་དེ་ལེན་པར་བྱེད་པས་ན་དཀྱིལ་འཁོར་
རོ། །ཕྱག་ན་ཞེས་པ་ནི་གཡས་ཀྱི་དང་པོས་རལ་གྲི་བསྣམས་ཤིང་དེའི་དབུ་རྒྱན་ལ་རྣམ་པར་སྣང་མཛད་བཞུགས་པར་བསྒོམས་ན། རྡོ་རྗེ་ཅན་ཏེ་སྒྲུབ་པ་པོ་དགྱེས་པ་སྟེ་དགའ་བར་འགྱུར་རོ། །ཡེ་ཤེས་རྡོ་རྗེ་ཅན་ཏེ་སྒྲུབ་པ་པོ་རྣམས་ཀྱི་བསྟན་པ་ལ་གནོད་པ་བྱེད་པ་ལ་སོགས་
པའི་ཁྲོ་བོ་ཀུན་ཏེ། དེ་ལྟ་བུའི་ཁྲོ་བོ་སྟེ་མ་རུངས་པ་གང་༼པ་ནི་ལས་བསྒྲུབ་པའི་དུས་ལ་དགོངས་ཞེས་བླ་མ་རྣམས་གསུང་ངོ༌། །༽ཡིན་པ་གདུལ་བའི་དམ་ཚིག་སྟེ་འདའ་བར་མི་བྱ་བའི་ལམ་མོ། །གཤིན་རྗེ་གཤེད་སྤྲོ་བ་ནི་སྤྲོ་མཁན་རྡོ་རྗེ་འཆང་ཆེན་པོ་སྟེ་དེས་ལྷ་དེ་
4-2-296b


སྣང་ཞིང་སྟེ་བསྐྱེད་པས་ན་གཤིན་རྗེ་གཤེད་ཀྱི་སྤྲོ་བ་སྣང་བ་སྟེ་གཤིན་རྗེ་གཤེད་དོ། །དེའི་བཀོད་པ་བསྒོམ་ཞིང་སེམས་པ་སྟེ། ཏིང་ངེ་འཛིན་དེ་སྟོན་པ་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །གཞན་གྱིས་
མི་ཐུབ་པའི་རྡོ་རྗེ་བཀོད་པ་ཞེས་བྱ་བ་སྐྱེད་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །རྟ་ཞེས་བྱ་བ་ནི་རྟ་མགྲིན་ཏེ་འདིར་རྟ་མགོ་ཅན་ནི་མིན་ནོ། །དེའི་འབྱུང་བ་རྣམ་པར་བཀོད་པ་ནི་འབྱུང་བ་སྟེ་སྐྱེད་པ་
རྣམ་པར་བཞག་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །རྡོ་རྗེ་མི་འཆི་བ་ནི་བདུད་རྩི་ཐབ་སྦྱོར་རོ། །རྡོ་རྗེའི་སྤྲིན་ནི་རྡོ་རྗེ་ལྟ་བུའི་འོད་ཟེར་འབར་བའི་ཚོགས་སོ། །ཁྲོས་ཤིང་ནི་ཐུགས་སོ། །ཁྲོ་བཅས་ནི་སྐུའི་ཉམས་སོ། །
ཁྲོ་འཛིན་ནི་སྒྲུབ་པ་པོའོ། །མི་འཆི་བའི་དམ་ཚིག་ནི་བདུད་རྩི་ཐབ་སྦྱོར་རོ། །འབྱུང་བ་རྡོ་རྗེ་ནི་ཁྲོ་བོ་དེ་སྐྱེད་པའི་ཁྱད་པར་གྱི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །ཊཀྐི་རྒྱལ་པོ་ནི་འདོད་རྒྱལ་ལོ། །རྡོ་རྗེ་འོད་བཟང་ནི་
རྡོ་རྗེ་འདྲ་བའི་འོད་འབར་བའོ། །བསམ་གཏན་རྡོ་རྗེ་མངོན་པར་རྫོགས་པར་བྱང་ཆུབ་པ་ནི་མི་བསྐྱོད་པའོ། །དེ་ལ་དགའ་བ་ནི་མིག་ལ་འཇོག་པ་སྟེ་དེ་སྟོན་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །རྡོ་རྗེ་
གསུམ་གྱི་གནས་ནི་འོད་གསལ་བའོ། །དེ་ཉིད་སྙིང་པོ་སྟེ་དེ་ལེན་ཅིང་འཛིན་པས་ན་རྡོ་རྗེ་གསུམ་གྱི་གནས་དཀྱིལ་འཁོར་རོ། །རྡོ་རྗེ་གསུམ་གྱི་སྟོབས་ནི་རྡོ་རྗེའི་སྤྱན་རྣམ་པ་གསུམ་ནི་སྟོབས་པོ་ཆེར་མ་ཟད་ཁྲོ་བོ་བཅུ་ཆར་ལ་ཤེས་པར་བྱའོ་སྟེ། དེ་སྟོན་པའི་ཏིང་ངེ་འཛིན་གང་ཡིན་
4-2-297a


པ་དེ་ལ་ཡང་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ནི་སྔ་མ་བཞིན་ནོ། །རྡོ་རྗེ་སྔོན་པོ་ནི་དབྱུག་སྔོན་ཅན་ནོ། །རྒྱ་མཚོ་ནག་པོ་ནི་ཁྲོ་བོའི་རྒྱ་མཚོ་སྟེ་དེ་རབ་ཏུ་སྐྱེད་པར་བྱེད་པའོ། །རྡོ་རྗེ་དབྱིག་པའི་ངོ་བོ་ཉིད་ནི་རྡོ་རྗེའི་དབྱིག་ཐོགས་སོ། །
རྡོ་རྗེས་མཚན་པའི་དབྱིག་པ་ནི་རྡོ་རྗེའི་དབྱིག་པའོ། །འདའ་བར་མི་བྱ་བས་ན་དམ་ཚིག་མཆོག་སྟེ་དེ་གང་ཡིན་པ་དེ་ནི་རྡོ་རྗེ་དབྱིག་པའི་དམ་ཚིག་མཆོག་གོ། དེ་སྟོན་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ནི་སྔ་མ་
བཞིན་ནོ། །ཁྲོ་ཞིང་འཇིགས་པ་ནི་སྤྱན་གཡས་སོ། །ཟུར་གྱིས་ལྟ་བ་ནི་སྤྱན་གཡོན་ཆགས་པས་སོ། །འཁྲུགས་པ་ནི་ཁྲོ་བས་སོ། །རྡོ་རྗེ་ནམ་མཁའ་ནི་ཀུན་ཏུ་སྣང་བ་གསུམ་མོ། །གསུམ་པོ་དེའི་དབྱིངས་ཏེ་རྒྱུ་ནི་འོད་གསལ་བའོ། །འོད་གསལ་དེ་ཉིད་ཀྱི་དམ་ཚིག་བདེན་པ་གཉིས་ཀྱི་
ཞབས་ཀྱིས་གནོན་པ་སྟེ་དེ་སྟོན་པའི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་ལ། རིག་པ་ནི་འཇིག་རྟེན་པའི་དངོས་གྲུབ་གྲུབ་པ་རྣམས་སོ། །དེ་རྣམས་ཀྱི་འཁོར་ལོ་ནི་ཚོགས་ཏེ། དེ་གང་ལ་ཡོད་པ་དེ་ནི་རིག་པའི་ཚོགས་ཀྱི་
འཁོར་ལོ་སྟེ་དེ་བསྒོམ་པའོ། །འཁོར་ལོ་འབར་བས་ཡོངས་སུ་བསྐོར་བ་ནི་ལུས་འཁོར་ལོའི་འོད་ཀྱིས་ཀུན་ནས་བསྐོར་བའོ། །གཙུག་ཏོར་ནི་ནམ་མཁའ་ལ་སྤྱོད་པ་རྣམས་སོ། །དེ་རྣམས་ཀྱི་འཁོར་ལོ་ནི་ཚོགས་སོ། །དེ་རྣམས་ཀྱིས་རྗེད་ཅིང་མཆོད་པས་ན་གཙུག་ཏོར་
གྱི་དམ་ཚིག་སྟེ། གཙུག་ཏོར་གྱི་དམ་ཚིག་ནི་རིག་པ་འཛིན་པའི་དམ་ཚིག་གོ། དེ་དང་ལྡན་པའི་སྟོབས་ཀྱི་འཁོར་ལོ་ཅན་གྱི་ཏིང་ངེ་འཛིན་གང་ཡིན་པ་དེ་ལ་དེ་སྐད་ཅེས་བྱའོ། །ཉི་མའི་དཀྱིལ་འཁོར་ཞེས་བྱ་བ་ལ་སོགས་༼བྱོན་ཞིང་ཟེར། ༽པ་ལ། རྡོ་རྗེ་སུམྦྷ་
4-2-297b


ནི་གནོད་མཛེས་སོ། །རྡོ་རྗེའི་སྤྲིན་ཞེས་བྱ་བ་ནི་ཆར་སྤྲིན་གྱི་མདོག་ཅན་གྱི་ལུས་གང་ལ་ཡོད་པ་དེ་ནི་རྡོ་རྗེའི་སྤྲིན་ཏེ་རྡོ་རྗེ་གནོད་མཛེས་སོ། །རྡོ་རྗེའི་དམ་ཚིག་སུམྦྷ་གང་དུ་བསྒོམ་ཞིང་སྐྱེད་པ་གང་ཡིན་པའི་ཏིང་ངེ་འཛིན་དེ་ལ་དེ་སྐད་ཅེས་བྱ་སྟེ། སྒྲ་ཇི་བཞིན་པའོ། ། 
འདིར་གཤིན་རྗེ་གཤེད་ལ་རྣམ་སྣང་དང༌། རྟ་མགྲིན་ལ་སྣང་མཐའི་དབུ་རྒྱན་བཤད་ནས། ཁྲོ་བོ་གཞན་བརྒྱད་ཀ་ལ་མི་བསྐྱོད་པའི་དབུ་རྒྱན་བཤད་ཅིང༌། འགྲེལ་པར་ཡང་འདོད་རྒྱལ་ལ་མི་བསྐྱོད་པའི་དབུ་རྒྱན་བཤད་པ་དང༌། མདོར་བྱས་ལས་ཤར་དང་ཤར་ལྷོའི་ཁྲོ་བོ་གཉིས་ལ་རྣམ་སྣང་དང༌། 
ལྷོའི་གཉིས་ལ་རིན་འབྱུང་དང༌། ནུབ་ཀྱི་གཉིས་ལ་སྣང་མཐའ་དང༌། བྱང་གི་གཉིས་ལ་དོན་གྲུབ་ཀྱི་དབུ་རྒྱན་བཤད་པ་གཉིས་མི་འགལ་ལམ་སྙམ་ན། མི་འགལ་ཏེ། རྡོ་རྗེ་འཕྲེང་བ་ལས་མདོར་བྱས་བཞིན་དུ་ཁྲོ་བོ་གཉིས་ཚན་ལྔ་རྣམ་སྣང་སོགས་ལྔའི་རིགས་སུ་བཤད་པས་ཚུལ་གཉིས་ཀ་ཡོད་
པའི་ཕྱིར་རོ།།༽༈ དེ་ལྟར་རིམ་པ་གཉིས་ཀྱི་སྔགས་དང་ཡེ་ཤེས་ཀྱི་སྐུ་སྐྱེད་པའི་ཏིང་ངེ་འཛིན་རྣམ་པ་གཉིས་ཉེ་བར་བསྟན་ནས། དེ་ཉིད་ཀྱི་དོན་ཉེ་བར་བསྡུ་བར་བྱ་བའི་ཕྱིར་འགོག་པ་ཁྲོ་བོའི་འཁོར་ལོ་ཞེས་བྱ་བ་ལ་སོགས་པ་གསུངས་ཏེ། 
འགོག་པ་ནི་སྲོག་འགོག་པ་གསོད་པ་ལ་སོགས་པའི་དྲག་པོའི་ལས་སོ་འོ། །ཁྲོ་བོའི་འཁོར་ལོ་ནི་ཞེས་བྱ་བ་ནི་ལས་དེ་གཤིན་རྗེ་གཤེད་ལ་སོགས་པ་ཁྲོ་བོའི་ཏིང་ངེ་འཛིན་གྱིས་བྱེད་པའོ། །ལས་དེ་སྒྲུབ་པ་པོ་གང་གིས་བྱ་ཤེ་ན། སངས་རྒྱས་
འཁོར་ལོ་བསྟེན་པ་ཡིས། །ཞེས་བྱ་བ་སྟེ། ལྷ་སོ་གཉིས་པོ་རྣམས་ཀྱི་འཁོར་ལོ་བསྟེན་ཅིང་དམིགས་པས་སོ། །ལྷའི་འཁོར་ལོ་སྒོམ་པ་དེ་ཡང་ཇི་ལྟར་བྱ་ཞེ་ན། ཏིང་ངེ་འཛིན་ཞེས་བྱ་བ་ལ་སོགས་པ་གསུངས་ཏེ། ཏིང་ངེ་འཛིན་ནི་ལྷག་མོས་བསྡུས་པའི་
4-2-298a


དེ་ཁོ་ན་ཉིད་ལ་དམིགས་པ་སྔོན་དུ་འགྲོ་བས་ཟླ་བའི་དཀྱིལ་འཁོར་སྒོམ་པའི་མཚན་ཉིད་ཅན་ནོ། །རྡོ་རྗེ་ནི་དེའི་སྟེང་དུ་ས་བོན་དགོད་པ་སྔོན་དུ་འགྲོ་བས་རྡོ་རྗེ་ལ་སོགས་པ་དམིགས་པ་དང༌། དེ་ཡོངས་སུ་གྱུར་པ་ལས་རྡོ་རྗེ་འཆང་ཆེན་པོ་ལ་སོགས་
པའི་ལྷ་རྣམས་དམིགས་པ་སྟེ། དེ་དག་ནི་ཏིང་ངེ་འཛིན་རྡོ་རྗེ་ཡེ་ཤེས་རྣམས་སོ། །རྡོ་རྗེའི་དཀྱིལ་འཁོར་ནི་དྲག་པོའི་བཀའི་འཁོར་ལོ་ལ་དམིགས་པའོ། །འགྲུབ་པར་འགྱུར་བ་ནི་མངོན་པར་འདོད་པའི་འབྲས་བུ་ཞི་སོགས་རྣམས་འགྲུབ་པར་འགྱུར་བ་སྟེ། དྲང་བའི་
དོན་ཏོ།། ༈ སངས་རྒྱས་ནི་རྣམ་པར་སྣང་མཛད་ལ་སོགས་པའོ། །དེ་རྣམས་ཀྱི་འཁོར་ལོ་ནི་ཚོགས་ཏེ་སངས་རྒྱས་ཀྱི་འཁོར་ལོ་༼འདི་ནི་མཚོན་པ་ཙམ་སྟེ་ཞི་སོགས་འཇམ་པོའི་ལས་སྒྲུབ་པ་རྣམས་ཀྱང་ཤེས་པར་བྱའོ། །༽གཟུགས་རྣམ་སྣང་ངོ་ཞེས་སོགས་སུ་
རྟོག་ཅིང་ངེས་པར་བསྟེན་པའི་ངོ་བོ་ཉིད་གང་ཡིན་པ་དེ་ནི། སངས་རྒྱས་འཁོར་ལོ་བསྟེན་པ་ཡིས་ཏེ་གཟུགས་ཀྱི་ཕུང་པོ་ལ་སོགས་པའོ། །དེ་རྣམས་འགོག་པ་ནི་དོན་དམ་པའི་བདེ་ན་པར་རྗེས་སུ་ཞུགས་པའོ། །ཁྲོ་བོ་ནི་འོད་གསལ་དེ་རང་བཞིན་གྱི་སྟེ་ཐ་མལ་པའི་ལུས་ལ་
རྒྱབ་ཀྱིས་ཕྱོགས་པའོ། །དེ་ཉིད་འཁོར་ལོ་སྟེ་མཚོན་ཆ་དང་འདྲ་བར་གཉིས་སྣང་གི་སྤྲོས་པ་གཅོད་པ་གང་ཡིན་པ་དེ་ནི་ཁྲོ་བོའི་འཁོར་ལོ་སྟེ། རྫོགས་པའི་རིམ་པའི་ཏིང་ངེ་འཛིན་རིམ་པ་བཞི་པ་ལ་གནས་པའོ། །འོད་གསལ་དེ་ལ་བརྟེན་ནས་ལུས་ལྡང་བར་སྟོན་པ་ནི་ཏིང་
ངེ་འཛིན་རྡོ་རྗེ་སྟེ། དེ་ཤེས་ཤིང་སྟེ་ཏིང་ངེ་འཛིན་གྱི་བདག་ཉིད་ཅན་དུ་ཤེས་པས་ན་རྡོ་རྗེ་ཡེ་ཤེས་ནི་འོད་གསལ་ལོ་སོ། །རྡོ་རྗེའི་དཀྱིལ་འཁོར་ནི་དོན་དམ་པའི་འོད་གསལ་གྱི་དཀྱིལ་འཁོར་ལས་ལྡང་བར་གྱུར་པ་སྟེ་ལངས་པ་ལ་ཟུང་འཇུག་གི་གོ་འཕང་འགྲུབ་པར་
4-2-298b


འགྱུར་རོ་ཞེས་བྱ་བ་སྟེ། ངེས་པའི་དོན་ཏོ།། ༈ རྡོ་རྗེ་ནི་དེ་བཞིན་གཤེགས་པ་རྣམས་སོ། །དམ་ཚིག་ནི་སྤྱན་ལ་སོགས་པའོ། །བཀོད་པ་ནི་ཁྲོ་བོ་རྣམས་ཏེ་དེ་རྣམས་བསྐྱེད་པར་བྱ་བའི་ཕྱིར་དེ་ཁོ་ན་ཉིད་ཀྱི་དོན་བསྒོམ་པ་ནི། རིམ་གཉིས་ཀྱི་སྐབས་ཀྱི་དོན་དམ་པའི་བདེན་པ་ལ་
དམིགས་པའོ། །དེ་སྔོན་དུ་འགྲོ་བའི་མངོན་པར་བྱང་ཆུབ་པ་ནི་རིམ་པ་གཉིས་ཀྱི་ལྷའི་སྐུ་ཕྱག་རྒྱ་ཆེན་པོ་རྫོགས་པ་སྟེ། དེ་སྟོན་པའི་གཞུང་གི་ཚོགས་ནི་ལེའུའོ།། ༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བཅུ་གསུམ་པ་མཐའ་དྲུག་
གིས་བཤད་པའོ། །། །ལེའུ་བཅུ་གསུམ་པར་སྔགས་བཟླས་པ་ལ་མི་ལྟོས་པར་ནང་ལ་གཞོལ་བའི་ལས་ཚོགས་བསྟན་ནས་ད་ནི་སྦྲུལ་ལ་སོགས་པའི་སྔགས་སྨྲ་བ་རྣམ་པ་བཞིའི་རྗེས་སུ་འབྲངས་ནས་ལས་སྒྲུབ་པ་སྔགས་ལ་གཞོལ་བས་ཞི་བ་ལ་སོགས་
པའི་ལས་ཀྱི་ཚོགས་ཉམས་སུ་བླང་བར་བྱའོ། །ཞེས་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་ལེའུ་བཅུ་བཞི་པ་གསུངས་ཏེ།། ༈ དེ་ལ་དང་པོར་ལས་ཀྱི་ཚོགས་རྣམས་ཀྱི་གོ་རིམ་ནི་བཤད་པའི་རྒྱུད་རྡོ་རྗེ་འཕྲེང་བ་ལ་འཇུག་པར་བྱ་སྟེ། ལས་
རྣམས་བྱེད་པའི་ཟླ་བ་ཡར་གྱི་ངོ་དང་མར་ངོའི་དུས་ནི་ཞི་བ་དང་ནི་རྒྱས་པ་དག། ཟླ་བ་ཡར་གྱི་ངོ་ལ་བྱ། །དབང་དང་མངོན་སྤྱོད་གསད་ལས་དང་ལ་སོགས་པས་དྲག་ལས་ལྷག་མ་རྣམས། །ཟླ་བ་མར་གྱི་ངོ་ལ་བརྩམ། །༼སྔོན་དུ་འགྲོ་བ་ནི་ཟེར། ༸གླན་དང་ཆག་གིས་དགོངས་པ་ལུང་སྟོན་ལ་འཆད་པ་ནོར་བའོ། །
༽ལས་རྣམས་སྒྲུབ་པའི་ཚེ་ཕྱོགས་གང་དུ་ཁ་བལྟ་བ་ནི་བྱང་དུ་༼ཞི་བའི་ལས་ལ་བྱང་དང་རྒྱས་པ་ལ་ཁ་ཤར་དུ་ལྟ་བར་འདིར་བཤད་པ་བཞིན་དུ། རྡོ་རྗེ་འཕྲེང་བ་ལོགས་སུ་བསྒྱུར་བ་ལས་ཀྱང་འབྱུང་ལ། སྔ་མ་རྣམས་དང་སྐལ་ལྡན་གྲགས་པའང་དེ་བཞིན་དུ་འཆད་མོད་ཀྱང༌། ཐུགས་རྗེ་ཞབས་ཀྱིས། བྱང་དུ་ཁ་
4-2-299a


བལྟས་དང་རྒྱས་པ་གཉིས་སྦྲེལ། ཤར་དུ་བལྟས་པ་དང་ཞི་བ་གཉིས་སྦྲེལ་ཏེ། ཀླུའི་བློའི་སྦྱིན་སྲེག་གི་ཆོ་ག་ལས། ཟླ་བ་ཉ་ལ་བྱང་དུ་བལྟ། །བཟང་པོའི་སྟན་ལ་གནས་ནས་བརྩམ། །རྒྱས་པ་སེར་པོའི་གོས་ལ་སོགས། །ཉི་མ་སྔ་དྲོ་རྒྱས་པ་བརྩམ། །ཞི་བ་དཀར་པོའི་གོས་ལ་སོགས། །དཀར་པོའི་
ཉི་མའི་དང་པོར་བརྩམ། །སྲོད་ལ་ཤར་དུ་ཁ་བལྟས་འགྱུར། །འཇམ་པོའི་སྟན་ལ་གནས་ནས་ནི། །སྒྲུབ་པོ་ལས་དང་རྗེས་མཐུན་པས། །བྱམས་དང་སྙིང་རྗེ་ལྡན་བསམས་ནས། །ལས་ཀྱི་རྗེས་མཐུན་རྣལ་འབྱོར་གྱིས། །ཞི་ལ་བྱམས་པས་ཀུན་ཏུ་སྤྱད། །ཅེས་གསུངས་སོ་ཞེས་དྲངས་པ་བཞིན་དུ་བྱའོ། །༼ཁ་བལྟས་
ཞི་བ་ལ། །དེ་བཞིན་རྒྱས་ལ་ཤར་དུ་བལྟ། །དྲག་པོའི་ལས་སྤྱི་ལ་ཁ་ལྷོ་ཕྱོགས་སུ། །བལྟ། དབང་གི་ལས་ལ་ནུབ་ཏུ་བལྟ། །༼སྟེ་དགུག་པ་ལ་དབང་དང་དྲག་པོ་གཉིས་ལས་དབང་གི་དགུག་པའོ། །༽གསོད་པ་ཉིད་ལ་མེ་ཡི་ཕྱོགས། །སྡང་བསྟེ་དབྱེ་བར་བྱ་བ་
ལ་བདེན་བྲལ་དུ། །བལྟའོ། །གནས་ལས་ཏེ་ནས་བསྐྲད་པ་ལ་རླུང་གི་ཕྱོགས། །སུ་བལྟའོ། །༼དབང་དང་དགུག་པ། ༽གནོན་པ་སྟེ་རེངས་པར་བྱེད་པ་ལ་ནི་དབང་ལྡན་ཕྱོགས། །སུ་བལྟའོ། །ཞི་ལ་ཁ་དོག་དཀར་པོ་སྟེ། །རྒྱས་པ་ལ་ནི་སེར་པོར་བྱ། །དབང་དང་
དགུག་པ་དག་ལ་དམར། །ཁ་དོག་ནག་པོ་གསོད་པ་ལའོ། །ལས་རྣམས་སྒྲུབ་པའི་ཚེ་བསམ་པའི་ཁྱད་པར་ནི་བྱམས་པའི་སེམས་ཀྱིས་དང་ཞི་བ་ལ། ༼ལས་རྣམ་སྒྲུབ་པའི་ཚེ་ཁ་དོག་གི་ཁྱད་པར་ནི། དཀྱིལ་འཁོར་གྱི་ལྷ་དང་མེ་ལྷ་དང་ཆས་གོས་དང་མཆོད་རྫས་ཐམས་ཅད་དཀར་པོ་
སོགས་སུ་བྱའོ། །དྲག་ལས་རྨོངས་རེངས་ལ་ནི་སེར་པོར་བཤད་དོ། །༽།ནི། ཕུན་ཚོགས་སྒྲུབ་པ་ལ་དགའ་བའི་སེམས་ཀྱིས་དང་རྒྱས་པ་ལ། །ནི། བསྒྲུབ་བྱ་ལ་། ཆགས་པའི་སེམས་ཀྱིས་དང་དབང་གི་ལས་དག་ལ། །ནི། བསྒྲུབ་བྱ་ལ་ཁྲོས་པའི་སེམས་
4-2-299b


ཀྱིས་བྱ་གསོད་པ་སོགས་ཀྱི་དྲག་ལས་ལ་ནི་འོ། །ལས་རྣམས་བསྒྲུབ་པའི་ཞག་གཅིག་གི་དུས་ནི། ཞི་བའི་ལས་རྣམས་ཕལ་ཆེར་སྲོད་ལ་བྱ། དེ་བཞིན་ཞེས་པ་ནི་རྒྱས་པ་ཡང་ཕལ་ཆེར་སྔ་དྲོ་སྟེ་ནངས་པར་བྱ། །བ་ཡང་བསྔགས་པའི་དུས་སོ། །དབང་དང་མངོན་སྤྱོད་དག་གི་
ལས། །ཉི་མ་གུང་དང་མཚན་ཕྱེད་ལའོ།། བ་ནི་དུས་ཚིགས་དེ་དེ་ལ་བསྔགས་པའི་དུས་ཡིན་གྱི་ཞག་གཅིག་གི་སྐབས་གཞན་དུ་མི་བྱ་བ་ནི་མ་ཡིན་ནོ། །དེའི་ཕྱིར་ཕལ་ཆེར་ཞེས་གསུངས་སོ། །རྒྱུད་རྡོར་ཕྲེང་ལོགས་སུ་བསྒྱུར་བ་ལས་ཞི་བ་ཐོ་རངས་བྱ་ཞེས་པ་ནི་དཔེ་མ་དག་པ་ལས་བསྒྱུར་བའོ། །
 ༈ རྫོགས་པའི་རིམ་པ་ཟུང་འཇུག་ལ་གནས་པས། །ཕྱིའི་ཁ་ལྟ་ཕྱོགས་དང་ཆས་གོས་མི་མཐུན་པ་དང༌། ཕྱིའི་དུས་ལ་མི་ལྟོས་པས་ནང་གི་བདག་ཉིད་ཅན་གྱི་དུས་ལ་བརྟེན་ཏེ། ཞི་བ་ལ་སོགས་པའི་ལས་རྣམས་བྱའོ། །ཞེས་བྱ་བ་ནི་རྫོགས་རིམ་པས་ལས་སྒྲུབ་
པའི་ཁྱད་པར་ཏེ། ཁྱད་ཆོས་སོ། །བཅོམ་ལྡན་འདས་ཀྱིས་ཇི་སྐད་དུ་བཤད་པའི་རྒྱུད་ལས། ཕྱག་ན་རྡོ་རྗེས་གསོལ་པ། བཅོམ་ལྡན་འདས་ནང་གི་བདག་ཉིད་ཅན་གྱི་དུས་ཞེས་གང་ལ་བགྱི། བཅོམ་ལྡན་འདས་ཀྱིས་བཀའ་སྩལ་པ། ཕྱག་ན་རྡོ་རྗེ་ནང་གི་བདག་ཉིད་ཅན་
གྱི་དུས་༼ནི་ཤྲདྷཱ་དང་སྐལ་ལྡན་གྲགས་པས་དགོངས་པ་ལུང་སྟོན་ལ་བཤད་པ་ལྟར་བྱ་ཡི་རྡོ་རྗེ་ཕྲེང་བ་མིན་ནོ། །ད་ལྟ་འགྱུར་བའི་དགོངས་པ་ལུང་སྟོན་ལ་མི་སྣང་ཡང༌། རྒྱུད་དེའི་བསྒྱུར་འཕྲོ་ལས་འདུག་པས་དེར་ཡོད་པ་མི་འགལ་ལོ། །༽རླུང་ལ་བརྟེན་ནས་དངོས་གྲུབ་བསྒྲུབ་པ་ནི། ཉན་ཐོས་སོགས་
ལ་ལྟོས་ན་རྒྱུད་སྡེ་འོག་མ་གསུམ་ནི་༼གསང་བ་ཆེན་པོ་བས་ཤིན་ཏུ་གསང་བ་ཟེར། ༽གསང་བ་ཆེན་པོ་ཡིན་ལ། དེ་གསུམ་ལས་ཀྱང་ཚུལ་འདི་ཤིན་ཏུ་གསང་བའོ་ཤིན་ཏུ་ཕྲ་བ་ནི་བླ་ན་མེད་པའི་བསྐྱེད་རིམ་པ་རྣམས་ཀྱིས་མངོན་དུ་གྱུར་པའི་ཡུལ་མིན་པའོ། །རླུང་གི་དངོས་གྲུབ་
4-2-300a


བསྒྲུབ་པ་འདི་ནི་བྱང་ཆུབ་ཀྱི་སེམས་འོད་གསལ་ཀྱིས་བྱིན་གྱིས་བརླབས་པའི་མཐུ་ཡིན་ཏེ། རླུང་གི་བྱེད་ལས་ནི་སེམས་ཅན་གྲོལ་བར་བྱེད་པའི་ཕྱིར་དེ་ཁོ་ན་ཉིད་རྟོགས་པའི་ཡེ་ཤེས་ཡིན། །ཞེས་པ་དེ་དང་འདྲའོ། །སྦྲུལ་ལ་སོགས་པའི་སྔགས་
རྣམས་ཀྱི་བསྒྲུབ་བྱ་སྒྲུབ་པ་ལ་དངོས་གྲུབ་གྲུབ་པ་དང་འདྲ་བ་ཡིན། །ནོ། སྔགས་ཀྱི་བསྒྲུབ་བྱ་གང་ཞེ་ན་ཞི་དང་རྒྱས་པའི་ལས་དག་དང༌། །དེ་བཞིན་དབང་དང་མངོན་སྤྱོད་གྲུབ་པ་ཡིན་ལ། །དེ་བསྒྲུབ་པ་ལ་རླུང་བསྔགས་སོ། །རླུང་དེ་ཉིད་ཀྱིས་སྐལ་བ་དང་ལྡན་པར་བྱེད་པས་བཅོམ་
ལྡན་དང་དབང་པོའི་ཤེས་པས་གཟུང་བྱ་མིན་པ་དང༌། དེ་ལ་གོམས་པས་གཟུང་འཛིན་གྱི་རྣམ་རྟོག་ཞི་བར་བྱེད་པ་དང་སྟེ། །སེམས་ཀྱི་བཞོན་པར་གྱུར་ནས་སེམས་འཁྲིད་པས་ན་སེམས་ཀྱི་དབྱིངས་ཏེ་རྒྱུ་དང་དེ་བཞིན་གཤེགས་པ་སྔར་བཤད་པའང་ཡིན། །ནོ། མེ་ཏོག་ལ་དྲི་
གནས་པ་ཇི་ལྟ་བར། །དེ་བཞིན་དུ་འགྲོ་བ་རྣམས་ཀྱི་འི་སྙིང་ལ་སྟེ། སེམས་ལའང་རླུང་གནས། །སོ། མེ་རླུང་གི་རྗེས་ལ་རླུང་གི་རླུང་རྒྱུ་བ་སོགས་ཀྱི་རིམ་ནི་རླུང་བཞི་པོ་དེ་རྒྱུ་བའི་གོ་རིམ་བཤད་པ་ཇི་བཞིན་དུ། །བཞི་པོ་དེ་གང་གིས་གཙོ་བོ་བྱས་ནས་རྒྱུ་བའི་ཡུན་ནི་དགུ་བརྒྱ་
པ་ཕྲག་རེའི་ཐུན་ཕྱེད་ཀྱི་ནི་དུས་སུ་གནས། །སོ། མེ་དང་རླུང་དང་དབང་ཆེན་དང༌། །ཆུ་སྟེ་དེ་འདྲ་བ་དེ་ཡང་སོ་སོའི་དཀྱིལ་འཁོར་ཏེ། །རེ་རེས་གཙོ་བོ་བྱས་ནས་རྒྱུ་བའི་ཡུན་ཡིན་ནོ། །དེ་བཞིའི་ཁ་དོག་ནི། དམར་དང་གནག་དང་དེ་བཞིན་སེར། །དཀར་པོ་ཉིད་དེ་མདོར་བསྡུས་
ཏེ་བཤད་པའོ། །༼མཉམ་གནས་ཀྱི་རླུང་ནག་པོར་བཤད་པ་རྣམས་ལེའུ་གསུམ་པའི་སྐབས་སུ་བཤད་པ་བཞིན་དུ་ཤེས་པར་བྱའོ། །༽ཞེས་གསུངས་སོ། །རྒྱུད་ཀྱི་གཞུང་དེ་དག་གིས་ནི་འདི་སྐད་དུ་སྟོན་པར་འགྱུར་ཏེ། ཆུའི་དཀྱིལ་འཁོར་གྱི་རླུང་སྲོག་འཛིན་
4-2-300b


སྙིང་ཁའི་པདྨ་ལ་༼འགྲེལ་པ་འདིར་རྩ་འཁོར་ཞེས་མ་བཤད་པར་སྙིང་གའི་པདྨ་ཞེས་སོགས་གསུངས་པ་རྣམས་ཀྱི་དོན་ནི་རྩ་འཁོར་ལ་གོ་བར་བྱ་སྟེ། བཤད་རྒྱུད་རྡོར་ཕྲེང་ལས། འཁོར་ལོའི་མིང་ཅན་པདྨ་རྣམས། །རིམ་གྱིས་རིམ་གྱིས་བྱེ་བར་འགྱུར། །ཞེས་གསུངས་པ་ལྟར་རོ། །༽གནས་པ་དེའི་འབྱུང་
བའི་དུས་སུ། འོད་ཟེར་ཁ་དོག་དཀར་པོར་བྱུང་ནས་ཐུན་ཕྱེད་དུ་སྟེ་དགུ་བརྒྱ་པ་ཕྲག་གཅིག་ཏུ་གནས་ཏེ་དེའི་ཚེ་རྡོར་བཟླས་ཀྱི་ཞི་བ་ཆེན་པོའི་ལས་བྱའོ། །དབང་ཆེན་གྱི་དཀྱིལ་འཁོར་བཤང་སྒོའི་༼དེའི་ཞེས་པ་བཞི་འབྱུང་བའི་བཞི་རྣམས་འགྱུར་གསར་གཉིས་ལ་མེད་དོ། །
འོད་ཟེར་ཞེས་པ་བཞི་ཀ་རླུང་བཞིའི་ཁ་དོག་སྟོན་པར་གཟུང་ངོ༌། །༼པདྨར་གནས་པ་དེའི་འབྱུང་བ་ན་འོད་ཟེར་ཁ་དོག་སེར་པོར་བྱུང་ནས་ཐུན་ཕྱེད་དུ་གནས་ཏེ་༼རྒྱུད་རྡོར་ཕྲེང་ལས། འདོམས་ན་གནས་པའི་ཐུར་སེལ་ནི། །ཞེས་རྒྱུ་ཞབས་ཀྱི་གསང་གནས་ཀྱི་འཁོར་ལོར་གནས་པར་གསུངས་ཤིང༌། ཡང་
དེ་ཉིད་ལས། ཧཱ་ནི་ཐུར་སེལ་མིང་ཅན་རླུང༌། །བཤང་སྒོ་གསང་བའི་དབུས་ན་གནས། །ཞེས་གསུངས་པའི་གསང་བའི་པདྨ་ཐུར་སེལ་གྱི་གནས་དངོས་གཞི་ཡིན་པས་བཤང་སྒོར་གནས་པ་ནི། ཐུར་སེལ་གྱིས་དྲི་ཆེན་བཤང་སྒོ་ནས་ཐུར་དུ་སེལ་བ་ལ་དགོངས་སོ། །དེ་བཞིན་དུ་བཤང་སྒོའི་པདྨར་གནས་པ་ཞེས་འབྱུང་བ་ཡང་
གསང་བའི་པདྨ་ལ་དགོངས་པའོ། །། ༽དེའི་ཚེ་རྒྱས་པ་བྱའོ། །མེའི་དཀྱིལ་འཁོར་གྱི་རླུང་གྱེན་རྒྱུ་ལྐོག་མའི་པདྨ་ལོངས་སྤྱོད་ཀྱི་འཁོར་ལོ་ལ་གནས་པ་དེའི་འབྱུང་བ་ན། འོད་ཟེར་དམར་པོར་བྱུང་ནས་ཐུན་ཕྱེད་དུ་གནས་ཏེ་དེའི་ཚེ་དབང་དང་དགུག་པ་དག་བྱའོ། །རླུང་གི་དཀྱིལ་འཁོར་༼
འདིར་ཐུགས་རྗེ་ཞབས་ཀྱིས། སྒྲུབ་ཐབས་སུ་སྭཱ་ཡིག་ལྟེ་བ་དང༌། རྐང་པ་གཉིས་ལ་ཧཱ་དགོད་པར་གསུངས་པས། བཤང་སྒོའི་པདྨར་གནས་པའི་རླུང་ནི་རླུང་གི་རླུང་ལ་བྱའོ། །ཞེས་ཟེར་བ་མི་ལེགས་སོ། །༽གྱི་རླུང་མཉམ་གནས་ལྟེ་བའི་པདྨ་སྤྲུལ་པའི་འཁོར་ལོ་ལ་གནས་པ་དེའི་འབྱུང་བ་ནི། འོད་
4-2-301a


ཟེར་གནག་ཅིང་སྔོ་བ་བྱུང་ནས་ཐུན་ཕྱེད་དུ་གནས་ཏེ་དེའི་ཚེ་དྲག་པོའི་ལས་བྱའོ། ། ༈ ད་ནི་ལེའུ་ལ་འཇུག་པར་བྱ་སྟེ། དེ་ནས་ཞེས་བྱ་བ་ལ་སོགས་པ་ལ། དེ་བཞིན་གཤེགས་པ་ཐམས་ཅད་ནི་མི་བསྐྱོད་པ་ལ་སོགས་པའོ། །དམ་ཚིག་ནི་
ལྷ་མོ་རྣམས་སོ། །དེ་རྣམས་ཀྱི་བདག་པོ་ནི་རྡོ་རྗེ་འཆང་ཆེན་པོའོ། །ཞི་བ་ནི་རིམས་ལ་སོགས་པ་ཉེ་བར་ཞི་བའོ། །དེར་འགྲོ་བ་བྱེད་པས་ན་ཞི་བའི་དམ་ཚིག་གོ། དེར་འགྲོ་བ་ནི་འདི་ལྟར་ཁྱད་པར་དུ་གྱུར་པས་ན་མཆོག་སྟེ། རྡོ་རྗེ་འཆང་དེ་སྐད་ཅེས་བྱ་བའི་ཏིང་ངེ་འཛིན་
འཇིན་གྱི་གནས་སྐབས་ཀྱི་ཁྱད་པར་ལ་སྙོམས་པར་ཞུགས་པའོ། །༼ལེའུ་འདིར་ཕྲེང་སྔགས་བཅུ་གསུམ་གྱིས་ལས་སྒྲུབ་པའི་སྐབས་སུ། སྟོན་པ་ཏིང་ངེ་འཛིན་སོ་སོ་ལ་སྙོམས་པར་ཞུགས་པ་ནི། རང་རང་གི་སྐབས་ཀྱི་ལྷ་རྣམས་དང་དེ་རྣམས་སྐྱེད་པའི་ཏིང་ངེ་འཛིན་དབྱེར་མེད་པས་སོ་སོར་མ་ཕྱེ་
བ་དང༌། ལྷ་དང་སྔགས་དེ་དང་དེས། ལས་དེ་དང་དེ་བསྒྲུབ་པར་བྱ་བ་ཞིག་བཤད་སྙམ་དུ་ཐུགས་རྩེ་གཅིག་ཏུ་བཞག་པའོ། །སྔགས་ཕྱུང་བ་ནི་ལྷ་དང་དབྱེར་མེད་པའི་སྔགས་སྒྲའི་རྣམ་པར་ཕྱུང་བ་སྟེ་དེ་ཐམས་ཅད་ལ་གོ་བར་བྱའོ། །༽དེ་བཞིན་གཤེགས་པ་ཐམས་ཅད་ཅེས་བྱ་བ་ནི་སྒྲུབ་པ་པོ་
རྣམས་སོ། །དེ་རྣམས་ཀྱིས་བཙུན་མོའི་སྐད་དོད་བྷཱ་རྱཱ་ལ་ངེས་ཚིག་གི་དྷཱ་ར་ཡི་ཏ་བྱཾ་ཞེས་པ་གཟུང་བར་བྱ་བ་ཡིན་པས་ན་བཙུན་མོ་སྟེ་གཟུངས་སྔགས་ཡིན་ལ། གཟུངས་སྔགས་དེ་རྡོ་རྗེ་འཆང་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་བསྡུས་པ་ལས་སྒྲའི་ཚུལ་དུ་ཕྱུང་
ཞིང་བཀའ་སྩལ་པའོ། །ཨོཾ་ཞེས་བྱ་བ་ལ་སོགས་པ་ནི་སྔགས་ཡིན་ལ་སྔགས་འདིའི་མིང་ནི་སྦྲུལ་ཞེས་བྱ་སྟེ། ཐོག་མར་ཨོཾ་ཡིག་གདེངས་ཀ་འདྲ་བ་དང༌། བར་དུ་སྦྲུལ་གྱི་ལུས་ལྟ་བུ་དང༌། མཐར་སྭཱཧཱ་མཇུག་མ་ལྟ་བུ་ཡོད་པའི་ཕྱིར་རོ། །དེ་ཡང་རྡོ་རྗེ་གཙུག་ཏོར་གྱི་རྒྱུད་
4-2-301b


ཐོག་མར་ཨོཾ་ལྡན་ཐ་མར་ནི། །སྭཱ་ཧཱར་ཡང་དག་ལྡན་པ་འདི། །སྦྲུལ་ཏེ་ཞི་བའི་ལས་ཅན་དུ། །སྔགས་སྟོན་རྣམས་ཀྱིས་ཤེས་པར་བྱ། །ཞེས་གསུངས་པས་སོ། །སྔགས་ཀྱི་མིང་བསྟན་ནས། སྔགས་ཀྱི་དོན་བཤད་པར་བྱ་སྟེ། འདི་ལྟ་སྟེ། ཡི་གེ་ཨ་དང་། ཨུ་ལས་
ཨོ་དང༌། ཨཾ་སྟེ། དེ་རྡོ་རྗེ་གསུམ་གྱི་བདག་ཉིད་དུ་གྱུར་༽འཇོག་ལུགས་ནི། སྐལ་ལྡན་གྱིས། ཨ་མི་བསྐྱོད་པ། ཨུ་སྣང་མཐའ། མ་ཡིག་རྣམ་སྣང་དུ་འཆད་ལ། ལོ་ཙྪ་བ་ཁ་ཅིག་ཨ་དྷེ་ཧ་ཙ་ལུས། ཨུ་ཙ་ར་ངག་ཨཾ་མ་ན་ཙ་ཡིད་དུ་འདོད་དོ། །༼པས་ཨོཾ་ཞེས་བྱ་སྟེ། དེ་ལྟར་༼
གྱི་ཨ་ཡིག་བརྗོད་པའི་དོན་ཡིན་པས་ཕྱིས་ལ་ཐིག་ལེ་ཨོ་ལ་བྱིན་པས་ཨོཾ་མོ། །༼ཤེས་ནས་ཨོཾ་ཡིག་བརྗོད་པས་བསོད་ནམས་ལེན་པ་སྟེ་དགེ་བ་སྡུད་པའོ། །རུ་རུ་ཞེས་བྱ་བ་ལ། རུའི་སྒྲ་ནི་སྔགས་ཀྱི་ལྷ་རྣམས་ཀྱི་གནས་སོ། །སྥུ་རུ་ཞེས་བྱ་བ་ནི་སྥུ་རུ་སྥ་ར་ཎ་སྟེ་གསལ་
བར་བྱེད་པའོ། །ཛྭ་ལ་ནི་གཟི་བརྗིད་ཡིན་ལ། དེ་ཡང་འདིར་ཤིན་ཏུ་ཡང་ནད་ཀྱི་ཟུག་རྔུ་སྲེག་པའི་གཟི་བརྗིད་དང་ལྡན་པར་མཛོད་ཅིག་པའོ། །ཏིཥྛ་ཞེས་པ་ནི་བརྟན་པའམ་ཞུགས་༽སྔགས་ཀྱི་ལྷའི་ཚོགས་སོ་ཟེར། སྥུ་རུ་ནི་སྤྲོ་བ་ལ་སྟེ་གསལ་བར་མཛོད་ཅིག་པའོ་ཟེར། 
དོན་ནི་སྤྱན་མ་དང་རྣམ་སྣང་སོགས་ཀྱི་ལྷའི་ཚོགས་འོད་ཟེར་སྤྲོས་ཏེ། བསྒྲུབ་བྱ་ལ་ནད་མེད་པ་སོགས་གསལ་བར་མཛོད་ཅིག་ཅེས་པའོ། །༽ཤིག་པ་སྟེ། དེ་ཡང་འདིར་བདག་གི་བསམ་པ་མ་ལུས་པར་རྫོགས་པར་བྱ་བའི་ཕྱིར་ཞུགས་ཤིག་པའོ། །སིདྡྷ་ལོ་ཙ་ནེ་ཞེས་པ་ནི་གྲུབ་
པའི་སྤྱན་ཞེས་པ་སྟེ། དེ་ཡང་འདིར་ཐོགས་པ་མེད་པར་གྲུབ་པའི་ལོ་ཙ་ན་སྟེ། སྤྱན་གང་ལ་ཡོད་པ་དེ་ནི་སིདྡྷ་ལོ་ཙ་ནེ་ཞེས་བྱའོ། །སརྦ་ནི་ཐམས་ཅད་ཨརྠ་ནི་དོན་སཱ་དྷ་ནི་གྲུབ་པ་ཞེས་པ་འདི་ནི་ཀྱེ་དོན་ཐམས་ཅད་གྲུབ་པ་ཞེས་ལྷ་ལ་བོད་པའོ། སྭཱཧཱ་ཞེས་
4-2-302a


བྱ་བ་ནི་ཞི་བའི་ལས་གསལ་བར་བྱེད་པའི་ས་བོན་ཏེ་འདིར་ཞི་བའི་ལས་ཀྱི་གཟི་བརྗིད་བསྐྱེད་པར་བྱ་བའི་ཕྱིར་སྔགས་སྤེལ་བར་བྱ་སྟེ། སྤེལ་ལུགས་ཇི་ལྟར་བྱ་ཞེ་ན། སྭཱ་ཧཱའི་སྔོན་དུ་འགྲོ་བའི་ཆེ་གེ་མོ་ཤཱནྟིཾ་ཀུ་རུ་ཞེས་བྱ་བ་ནི་འོ། །༼
ཨོཾ་རུ་རུ་སྥུ་རུ་ཛྭ་ལ་ཏིཥྛ་སིདྡྷ་ལོ་ཙ་ནི་སརྦ་ཨརྠ་སཱ་དྷ་ནི་ཆེ་གེ་མོའི་ཤཱནྟིཾ་ཀུ་རུ་སྭཱཧཱ། ཞེས་པའོ། །འདིར་ཕྲེང་སྔགས་རྣམས་ཀྱིས་ལས་སྒྲུབ་པ་ལ་བསྐྱེད་རིམ་བརྟན་པ་སོགས་སྔར་དང་འདྲ། ཁྱད་པར་དུ་འོག་ནས་འཆད་པ་ལྟར་སྔགས་གང་གིས་ལས་སྒྲུབ་པའི་སྔགས་ལ་འབུམ་ཕྲག་གཅིག་དང༌། ལས་ཐམས་
ཅད་པའི་དབང་གི་ཐབ་ཏུ་སྔགས་དེས་ལྷ་དབང་དུ་བྱེད་པའི་སྦྱིན་སྲེག་ཁྲི་ཕྲག་གཅིག་བྱ་བ་སྔོན་དུ་གཏོང་བ་ནི་སྔགས་ལ་གཞོལ་བས་ལས་སྒྲུབ་པ་ཐམས་ཅད་ལ་འདྲའོ། །འདིར་རྣམ་སྣང་གི་སྒོ་ནས་དང་པོ་སྦྱོར་བ་དང་དཀྱིལ་འཁོར་རྒྱལ་མཆོག་བྱས་ལ། ལས་རྒྱལ་མཆོག་གི་དུས་སུ་རང་གི་ཡེ་ཤེས་སེམས་དཔའི་ཐུགས་
ཀར་ཟླ་བའི་སྟེང་གི་འཁོར་ལོ་ལ་ཏིང་ངེ་འཛིན་སེམས་དཔའ་ཨོཾ་བསམ། དེ་ལ་སྔགས་ཀྱི་ཡི་གེ་རྣམས་གཡས་བསྐོར་དུ་མགོ་གྱེན་བསྟན་ཁ་དོག་དཀར་པོས་བསྐོར་བ་དགོད། མདུན་དུ་ཟླ་བའི་སྟེང་དུ་བསྒྲུབ་བྱ་ནད་པ་ལྟ་བུ་དེ་བསམ། སྔགས་ཀྱི་ཕྲེང་བ། མུ་ཏིག་སྟར་ལ་བརྒྱུས་པ་བཞིན་བྱུང་ནས། རང་གི་སྣ་བུག་
གཡོན་ནས་བྱུང༌། བསྒྲུབ་བྱའི་སྣ་བུག་གཡས་ནས་བཅུག་ལ། སྙིང་ཁར་བཀོད་པའི་འོད་ཀྱིས་བསྒྲུབ་བྱའི་ལུས་ལ་ཡོད་པའི་ནད་གདོན་སྡིག་སྒྲིབ་ཐམས་ཅད་ཤ་ཟའི་གཟུགས་སུ་བསྒྲུབ་བྱའི་སྣ་བུག་གཡོན་པ་ནས་ཕྱིར་ཕྱུང་བར་བསམས་ལ། སྔགས་བཟླས་པས་ནད་ལ་སོགས་པ་ཞི་བར་འགྱུར་ཏེ། བླ་མ་
སྔ་མ་རྣམས་ཀྱིས་བཞེད་པའོ། །༽འདིར་སྔགས་ཀྱི་ཡི་གེའི་གཟུགས་དང་མེ་ཏོག་དང་སྤོས་ལ་སོགས་པ་རྣམས་ནི་ཁ་དོག་དཀར་པོ་ཉིད་དུ་བསམ་པར་བྱའོ། དེ་ནས་ཞེས་བྱ་བ་ལ་སོགས་པ་ལ། གཟུངས་འདི་ནི་གསུངས་ཙམ་གྱིས་ཏེ་འདི་བཀའ་སྩལ་མ་
4-2-302b


ཐག་གི་མོད་ལ་ཡང་འབྱོར་པ་ཀུན་ལ་དགྱེས་པ་རྣམས་ཞེས་བྱ་བ་སྟེ། སེམས་ཅན་ཐམས་ཅད་ནད་མེད་པར་བཞེད་པའི་འཁོར་རྣམས་སོ་འོ། །སངས་རྒྱས་རྡོ་རྗེ་ནི་རྣམ་པར་སྣང་མཛད་དེ་དེ་རྗེས་སུ་དྲན་པས་མཉེས་ཤིང་ཡིད་མགུ་བར་གྱུར་ཅིང་དགྱེས་པར་གྱུར་
པས་རྩེ་གཅིག་པར་གྱུར་པ་ཐོབ་པར་གྱུར་ཏོ། །སངས་རྒྱས་ནི་སྒྲུབ་པ་པོར་མངོན་པར་འདོད་པ་རྣམས་སོ། །དེ་རྣམས་ཀྱི་ཞི་བ་འབྱུང་བའོ་སྟེ། གཟུངས་འདི་གཙོ་བོར་ཞི་བ་སྐྱེད་པ་ཡིན་ཀྱང༌ཞི་བ་འབྱུང་བ་འབའ་ཞིག་ཏུ་མ་ཟད་ཀྱི། བསྐུལ་བ་སྟེ་རྒྱས་པ་སོགས་ཀྱི་སྤེལ་ཚིག་
དང་ཁ་དོག་གསུམ་དང་བསམ་༼རྣམ་སྣང་རྗེས་སུ་དྲན་པར་བཤད་པས་ནི་ལས་འདི་རྣམ་སྣང་གི་སྒོ་ནས་བྱ་བར་བསྟན་ནོ། །༽པ་གསུམ་པོའི་བྱེ་བྲག་གིས་ལས་ཐམས་ཅད་རབ་ཏུ་སྒྲུབ་པའོ། །རྡོ་རྗེ་དམ་ཚིག་ནི་རྣམ་པར་སྣང་མཛད་དེ་དེ་སྐུལ་བར་བྱེད་པས་ན་རྡོ་རྗེ་
དམ་ཚིག་བསྐུལ་བར་མཛད་མ་སྟེ་གཟུངས་སོ། །ཤི་བ་སློང་བར་བྱེད་པས་ན་ཤི་བ་སོས་པར་བྱེད་པར་ཞེས་བྱ་སྟེ། དེ་དག་ནི་སྔགས་ཀྱི་མཐུ་གསུངས་པ་ཡིན་ནོ། །གསུངས་ཞེས་བྱ་བ་ནི་བཅོམ་ལྡན་འདས་རྡོ་རྗེ་འཆང་ཆེན་པོས་གསུངས་སོ་ཞེས་པ་སྟེ་སྡུད་པར་
བྱེད་པའི་ཚིག་གོ། ༈ དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་ནི་རྡོ་རྗེ་འཆང་ཆེན་པོའོ། །སྐུ་གསུམ་ནི་ཁམས་གསུམ་མོ། །དེ་དང་མཉམ་པར་རྗེས་སུ་འཇུག་པའི་ཕྱིར་སྐུ་གསུམ་གྱི་དམ་ཚིག་ནི་ཁྲོ་བོ་མི་བསྐྱོད་པའོ། །དེ་ཉིད་ནི་མི་ཕྱེད་
པས་ན་རྡོ་རྗེའོ། །དེ་གང་ཡིན་པ་དེ་ནི་སྐུ་གསུམ་གྱི་དམ་ཚིག་རྡོ་རྗེ་ཁྲོ་བོ་སྟེ་བཅོམ་ལྡན་འདས་སོ། །དངོས་པོ་ནི་དངོས་པོའི་སྐད་དོད་བྷ་བ་ལ་བྷ་བནྟི་འབྱུང་བ་སྟེ། སྒྲུབ་པ་པོའི་ཡིད་ལ་རྣམ་པར་འཚེ་བར་བྱེད་པའི་དོན་དུ་འབྱུང་བར་བྱེད་དོ། །ཞེས་བྱས་ནས་བགེགས་རྣམས་སོ། །
4-2-303a


དེ་རྣམས་མེད་པས་དངོས་པོ་མེད་པའོ། །དེའི་དམ་ཚིག་ནི་འདའ་བར་མི་བྱ་བའོ། །དེ་ཉིད་མི་ཕྱེད་པས་ན་རྡོ་རྗེ་སྟེ། ཏིང་ངེ་འཛིན་གང་ལ་དེ་སྐད་ཅེས་བྱ་བ་དེ་ལ་སྙོམས་པར་ཞུགས་ཤིང་དམིགས་པའོ། །རྡོ་རྗེ་འཛིན་ཐམས་ཅད་ནི་གདུག་པ་
ཅན་ཐམས་ཅད་འཇིགས་པར་མཛད་པས་རྡོ་རྗེ་འཛིན་པའོ། །དེའི་བཙུན་མོའི་མཆོག་ནི་བཙུན་མོའི་མཆོག་ལྟར་གཟུངས་ཐམས་ཅད་ཀྱི་གཙོ་བོར་གྱུར་པ་སྟེ། མཱ་མ་ཀཱིའི་གཟུངས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ༌། །ཨོཾ་ཞེས་བྱ་བ་ལ་
སོགས་པ་ལ། མིང་ནི་སྦྲུལ་ཏེ་ཨོཾ་གྱི་དོན་ནི་བཤད་ཟིན་ཏོ། །ཤཾ་ཀ་རེ་ཤཱནྟིཾ་ཀ་རེ་ཞེས་པ་དང༌། འོག་གི་གྷུ་ཊྚི་ནི་ཞེས་པ་གཉིས་སྦྲེལ་བའི་བོད་༼གཟུངས་ལ་བཙུན་མོ་ཞེས་པ་ནི་སྔར་བཞིན་ནོ། །༽པའོ་སྟེ། གྷུ་ཊྚ་དང་གྷཱ་ཏ་ཡ་ཞེས་པ། གཉིས་
ནི་རྦོད་པའོ། །ཤཾ་ཀ་རེ་ཞེས་པའི་ཤཾ་གི་སྒྲ་ལ་ཤ་མ་ཨུ་པ་ཤ་མ་ནི་ཉེ་བར་ཞི་བའོ་སྟེ། དེ་ཡང་བགེགས་གདུག་པ་རྣམས་ཉེ་བར་ཞི་བར་མཛད་པས་ན་ཤཾ་ཀ་རེའོ། །བགེགས་གདུག་པ་རྣམས་ཉེ་བར་ཞི་བའི་འོག་ཏུ་དེ་དག་གིས་བྱས་པའི་ནད་ཞི་
བར་མཛད་པས་ན་ཤཱནྟིཾ་ཀ་རེའོ། །གྷུཊྚ་ནི་གདུག་པ་རྣམས་གཞིག་པར་གྱིས་ཤིག་ཅེས་རྦོད་པ་སྟེ། གྷུཊྚའི་སྒྲ་ནི་རབ་ཏུ་འཇོམས་པའོ། །གྷུཊྚི་ནི་གྷུཊྚི་ནི་ཞེས་པ་ནི་གདུག་པ་རྣམས་རབ་ཏུ་བརླག་པ་སྟེ་ཤིན་ཏུ་རྦོད་པའི་ཕྱིར་ལན་གཉིས་སྨོས་སོ། །
གྷ་ཏ་ཡ་ཞེས་པ་ནི་འཁོར་རྣམས་ཀྱང་རློག་ཏུ་ཆུག་ཅིག་པ་སྟེ། འདི་ལ་ཧ་ན་ནི་འཚེ་བལ་འོ། །༼ཞེས་བྱིངས་ལས་བཤད་པའི་༼ཞེས་སྒྲའི་བྱིངས་ལས་བཤད་པའི་ཕྱིར་རོ། །༽བའི། །དེ་ཡང་རྷ་ཞེས་པའི་ཧའི་སྒ་ལས་ཡིན་ཟེར་རོ།།༼འདིར་ཡང་སྭཱཧཱའི་
4-2-303b


སྔོན་དུ་འགྲོ་བའི་ཆེ་གེ་མོ་རཀྵ་རཀྵ་ཞེས་བྱ་བ་དང་སྤེལ་ལོ། །༼མི་བསྐྱོད་པའི་ཏིང་ངེ་འཛིན་གཞན་གཉིས་སྔོན་དུ་བཏང་ནས། ལས་རྒྱལ་མཆོག་གི་དུས་སུ་བསྲུང་བྱ་གང་ཡིན་དེའི་མགོ་ལ་ཧཱུཾ་ལས་མི་བསྐྱོད་པའི་རྡོ་རྗེ་རྩེ་ལྔ་པ་གྱེན་དུ་འགྲེང་བའི་ལྟེ་བར་མཱ་མ་ཀཱི་སེམས་དཔའ་སུམ་བརྩེགས་སུ་སྐྱེད་པའི་༼
བ་ནི་ཨོཾ་ཤཾ་ག་རེ་ཤཱནྟིཾ་ག་རེ་ཤཱནྟིཾ་ག་རེ་གྷུ་གྷུ་གྷུ་ནིགྷཱ་ཏ་ཡ་གྷཱཾཏ་ཡ་གྷུ་ནི། ཆེ་གེ་མོ་ལ་རཀྵ་རཀྵ་སྭཱཧཱ་ཞེས་པའོ། །༽ཏིང་ངེ་འཛིན་སེམས་དཔའི་མཐར་ཕྲེང་སྔགས་བཀོད། དེ་ལས་འཕྲོས་པའི་རྡོ་རྗེ་ཕྲ་མོ་རྣམས་གཅིག་ཏུ་གྱུར་པའི་རྡོ་རྗེའི་གོ་ཆས་སྤྱི་གཙུག་ནས་རྐང་པའི་བར་གོ་བགོས་པར་བསམས་ལ། 
སྔགས་བཟླས་ན་བསྲུང་བ་ཆེན་པོར་འགྱུར་ཏེ་ཕལ་ཆེ་བ་སྙིམ་ཏོག་གི་དགོངས་པའོ། །༽དེ་ནས་ཞེས་བྱ་བ་ལ་སོགས་པ་ལ། རྡོ་རྗེ་གསུམ་ནི་སེམས་ཅན་ཐམས་ཅད་དོ། །དེ་རྣམས་དང་རང་བཞིན་དབྱེར་ཀྱིས་མི་ཕྱེད་པས་རྡོ་རྗེ་ལྟ་བུའི་ལུས་གང་ཡིན་པ་དེ་ནི་སྐུ་
གསུམ་དབྱེར་མེད་རྡོ་རྗེ་ཅན་ཏེ་སྒྲུབ་པ་པོའོ། །དེ་དགའ་བས་མཉེས་པའི་སྤྱན་གྱི་ཨུཏྤལ་གདངས་ནས་སུ། རྡོ་རྗེའི་ཐུགས་ནི་སྟེ་མི་བསྐྱོད་པ་རྗེས་སུ་དྲན་ནོ། །བདུད་ལ་སོགས་པ་ལས་བསྲུང་བ་དེ་ཉིད་མི་ཕྱེད་པས་ན་རྡོ་རྗེའོ། །དེའི་སྦྱོར་བ་ལ་བསྲུང་བའི་ལས་
ཀྱི་མཆོག་རྣམས་ལ་རྟག་ཏུ་སྟེ། དུས་ཐམས་ཅད་དུ་སྐུ་གསུམ་གྱི་དངོས་གྲུབ་རྩོལ་བར་བྱེད་པའོ། །གཞན་ཡང་རྡོ་རྗེ་ཆེན་པོ་འཇིགས་ཉེན་ནི། བགེགས་དང་ལོག་འདྲེན་གྱི་འཇིགས་པའོ། །དེས་གདུངས་ཤིང་གཟིར་བ་རྣམས་ལ་རྟག་ཏུ་སྟོབས་ནི་བྱེད་པ་སྟེ། 
བགེགས་གཞན་གྱིས་མི་ཐུབ་པའི་སྟོབས་སུ་འགྱུར་བའོ། །བཤད་དོ་ཞེས་བྱ་བ་ནི་གཟུངས་ལ་བྱའོ། །རིན་པོ་༼ཞེས་བྱིངས་ལས་བཤད་ཅེས་པའོ། །དེ་ཡང་གྷ་ཞེས་པའི་ཧའི་སྒྲ་ལས་ཡིན་ཟེར་རོ། །༼རིན་འབྱུང་ལ་བརྟེན་ནས་མཱ་མ་ཀཱིའི་གཟུངས་ཀྱིས་རྒྱས་པའི་ལས་བསྒྲུབ་ནའང་ཁ་བསྒྱུར་བའི་ཚུལ་གྱིས་ཤེས་པར་བྱའོ། །༽ཆེའི་རིགས་ཀྱི་གཟུངས་ཀྱང་འདི་
4-2-304a


ཉིད་ཡིན་ཏེ། མཱ་མ་ཀཱི་ནི་རིགས་གཉི་གའི་ཐུན་མོང་དུ་གྱུར་པ་ཡིན་པའི་ཕྱིར་རོ།། ༈ དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་ནི་རྡོ་རྗེ་འཆང་ཆེན་པོའོ། །འདོད་ཆགས་ཆེན་པོའི་དམ་ཚིག་ནི་འོད་དཔག་ཏུ་མེད་པའོ། །དེ་ཏིང་
ངེ་འཛིན་གང་གིས་གཟིགས་ཤིང་ཡུལ་དུ་བྱས་པ་དེ་ནི། འདོད་ཆགས་ཆེན་པོའི་དམ་ཚིག་ལ་གཟིགས་པ་ཞེས་བྱ་བའི་ཏིང་ངེ་འཛིན་ཅེས་བྱ་སྟེ། དེ་ལ་སྙོམས་པར་ཞུགས་ཤིང་མངོན་སུམ་དུ་མཛད་པའོ། །ཆོས་ཀྱི་དམ་ཚིག་གི་སྐུ་ནི་པདྨའི་རིགས་ཀྱི་ལྷ་མོ་
རྣམས་སོ། །དེ་རྣམས་ཀྱི་ནང་ན་བཙུན་མོའི་མཆོག་ཡིན་ཞིང་ཁྱད་པར་དུ་བཅང་བསྟེ་གཟུང་བར་བྱ་བ་ཡིན་པས་ན། བཙུན་མོའི་མཆོག་སྟེ་གཟུངས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་བའོ། །ཨོཾ་ཞེས་བྱ་བ་ལ་སོགས་པ་ལ། ཀ་ཊེ་ཞེས་བྱ་བ་
ནི་ཤིན་ཏུ་གསོ་བ་ལ་རྣོ་བ་སྟེ། ཀ་ཊ་ཀྲིཙྪ་ཛི་བ་ནེ་ཞེས་སྒྲའི་གཞུང་ལས་ཟེར་བས་ཏེ་བྱུང་བ་ནི་ཕོངས་པ་རྣམས་གསོ་བལའོ། ཞེས་བཤད་དོ། །བི་ཀ་ཊེ་ཞེས་པ་ནི་ཕོངས་པ་རྣམས་ཁྱད་པར་དུ་གསོ་བའོ། །ནི་ཀ་ཊེ་ཞེས་པ་ནི་ཉེ་བ་སྟེ། འདིར་༼
དམན་པ་གསོ་བ་སྟེ་ཟེར། ༽སྒྲུབ་པ་པོ་དང་ཉེ་བའོ། །ཀ་ཊཾ་ཀ་ཊེ་ཞེས་པ་ནི་ཤིན་ཏུ་ཡང་གསོ་བའོ། །འདིར་སྭཱཧཱའི་སྔོན་དུ་འགྲོ་བའི་ཆེ་གེ་མོ་པུཥྚིཾ་ཀུ་རུ་བཽ་ཥ་ཊ་ཞེས་བྱ་བ་དང་སྔགས་སྤེལ་ལོ། །༼ཞེས་པ་ནི་ཨོཾ་ཀ་ཊེ་བི་ཀ་ཊེ་ནི་ཀ་ཊེ་ཀ་ཊཾ་ཀ་ཊེ་ཆེ་གེ་མོའི་དྷཱ་ན་
དྷ་ནྱ་ཡ་པུཥྚིཾ་ཀུ་རུ་བཽ་ཥ་ཊ་སྭཱཧཱ། ཞེས་པའོ། །འདིར་འོད་དཔག་མེད་ཀྱི་ཏིང་ངེ་འཛིན་གཞན་གཉིས་སྔོན་དུ་བཏང་ནས་ལས་རྒྱལ་མཆོག་གི་དུས་སུ་མདུན་དུ་པདྨ་སེར་པོའི་གདན་ལ་བསྒྲུབ་བྱ་བསམ་ལ། བདག་གི་ཐུགས་ཀའི་སྔགས་ཕྲེང་ལས་སྔགས་ཕྲེང་སེར་པོ་བྱུང་བ་རང་གི་སྣ་བུག་གཡས་པ་ནས་འཐོན། 
4-2-304b


བསྒྲུབ་བྱའི་སྣ་བུག་གཡོན་ནས་ཞུགས། སྙིང་གའི་པདྨ་སེར་པོའི་སྟེང་དུ་བཀོད་ནས་དེ་ལས་འོད་ཟེར་སེར་པོ་འཕྲོས་པས། བསྒྲུབ་བྱའི་སེར་སྣ་སོགས་ཀྱི་སྡིག་སྒྲུབ་ཐམས་ཅད་བསྲེགས། ལུས་འོད་ཟེར་སེར་པོས་བཀང༌། སྔགས་ཀྱི་རང་བཞིན་གྱི་འོད་ཟེར་སེར་པོ་འཕྲོས། དེ་ལས་རིན་པོ་ཆེ་བརྒྱད་ཀྱི་
བུམ་པས། རིན་པོ་ཆེ་ལ་སོགས་པའི་ཚོགས་དཔག་ཏུ་མེད་པ་འབྱིན་པར་བསམ་ཞིང༌། གོས་དཀར་མོའི་ཐུགས་ཀ་ནས་གསེར་དངུལ་གྱི་ཡི་གེ་ཕྱུང་ནས། བསྒྲུབ་བྱ་ལ་དབང་བསྐུར་ཞིང་རྒྱས་པར་བསམས་ན་ནོར་དང་འབྲུ་ལ་སོགས་པ་འཕེལ་བར་འགྱུར་རོ། །ཡང་ཏིང་ངེ་འཛིན་སེམས་དཔའ་ལས་འོད་
འཕྲོས་པའི་སྔགས་ཀྱི་འཕྲེང་བ་བསྒྲུབ་བྱའི་སྙིང་གར་བཀོད། དེའི་འོད་ཀྱི་གསུང་རབ་ཡན་ལག་བཅུ་གཉིས་ལ་རྨོངས་པའི་སྡིག་སྒྲིབ་བསྲེགས། ལུས་ཐམས་ཅད་སྔགས་ཀྱི་འོད་ཟེར་སེར་པོས་བཀང༌། འོད་ཟེར་ཕྱིར་འཕྲོས་གསུང་རབ་ཡན་ལག་བཅུ་གཉིས་ཀྱི་བརྗོད་བྱ་དང་རྗོད་བྱེད་ཀྱི་ཆོས་དང་སངས་
རྒྱས་ཀྱི་ཡོན་ཏན་ཐམས་ཅད་ཨཱ་ལི་ཀཱ་ལིའི་རྣམ་པར་བསྡུས་ཏེ་བསྒྲུབ་བྱ་ལ་ཐིམ་པར་བསྒོམ་ཞིང༌། ཆེ་གེ་མོའི་དྷརྨཱ་པུཥྚིཾ་ཀུ་རུ་བཽ་ཥ་ཊ་ཞེས་བཟླས་ན་ཆོས་རྒྱས་པར་འགྱུར་རོ། །འདི་གཉིས་ཀྱི་སྔ་མ་ནི་བླ་མ་སྔ་མ་རྣམས་ཀྱི་མན་ངག་དང༌། ཐུགས་རྗེ་ཞབས་ཀྱིས་བཤད་པ་ལ་བརྟེན་པ་ཡིན་ལ། ཕྱི་མ་ནི་
བླ་མ་སྔ་མ་རྣམས་ཀྱི་མན་ངག་ལ་བརྟེན་པའོ། །༽དེ་ནས་ཞེས་བྱ་བ་ལ་སོགས་པ་ལ། རྡོ་རྗེ་ཆོས་མཆོག་འཛིན་པ་རྣམས་ཞེས་བྱ་བ་ནི་པདྨའི་རིགས་ལ་ལྷག་པར་མོས་པ་རྣམས་སོ། །རྡོ་རྗེ་ཆོས་ནི་རྗེས་སུ་དྲན། །ཞེས་བྱ་བ་ནི། འོད་དཔག་ཏུ་མེད་པ་ལ་དམིགས་
པར་བྱེད་པས་མཉེས་ནས་བསམ་གཏན་ཏེ། སེམས་རྩེ་གཅིག་པ་ཐོབ་པར་འགྱུར་བ་རྙེད་པར་གྱུར་པའོ། །ཆོས་ནི་ཆེད་དུ་བརྗོད་པ་ལ་སོགས་པའོ། །༼ཞེས་པ་ནི། མདོ་སྡེ་དབྱངས་བསྙད་ལུང་བསྟན་དང༌། །ཚིགས་བཅད་ཆེད་བརྗོད་རྟོགས་པ་བརྗོད། །དེ་ལྟར་བྱུང་དང་གླེང་གཞི་
4-2-305a


དང༌། །ཤིན་ཏུ་རྒྱས་པ་སྐྱེས་རབས་བཅས། །གཏན་ལ་ཕབ་རྨད་བྱུང་ཆོས་ཏེ། །དེ་ལྟར་ཡན་ལག་བཅུ་གཉིས་གསུངས། །ཞེས་འདོན་པ་ལྟར་རོ། །ཚིག་གསལ་ལས། བསྟན་པ་རྣམ་པ་དགུར་གསུངས་པ་ལྟར་ན། རྟོགས་བརྗོད་དང་། དེ་ལྟ་བུ་བྱུང་བ་དང༌། སྐྱེས་རབས་གསུམ་གླེང་
གཞིར་བསྡུས་པའོ། །དེ་འདྲ་བའི་གསུང་རབ་ལ་མཁས་པར་སྒྲུབ་པའི་ལས་ཚོགས་གཅིག་གོ། ༽རྒྱས་པ་ནི་ལུས་རིད་པ་རྒྱས་པར་བྱེད་པ་དང་པོའོ། །སྟོབས་ནི་བྱ་བ་རྣམས་ལ་སྤྲོ་བ་ཆེན་པོ་སྒྲུབ་པ་སྟེ། གཉིས་པའོ། །མཛོད་པོ་ཆེ་ནི་ནོར་དང་འབྲུ་ལ་སོགས་པ་འཕེལ་བར་
བྱེད་པ་སྟེ། གསུམ་པའོ། །དེ་དག་ཐམས་ཅད་རྡོ་རྗེ་གསུང་གི་བཀའ་ཇི་ལྟ་བ་བཞིན་དུ་མངོན་པར་འདོད་པའི་དངོས་གྲུབ་སྒྲུབ་པ་པོས་བཟླས་ཤིང་བཏོན་པ་ཙམ་གྱིས་ཀྱང་བྱེད་པར་འགྱུར་བའོ།། ༈ དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་
འདས་ནི་རྡོ་རྗེ་འཆང་བའོ། །དམ་ཚིག་ཀུན་ནས་འབྱུང་བ་ནི་དོན་ཡོད་གྲུབ་པ་སྟེ། དེ་གང་གིས་འབྱུང་བའི་ཏིང་ངེ་འཛིན་དེ་ལ་སྙོམས་པར་ཞུགས་པའོ། །དམ་ཚིག་ནི་དོན་ཡོད་པར་གྲུབ་པའོ། །དེའི་སེམས་དཔའ་ནི་དོན་ཡོད་པར་གྲུབ་པའི་རིགས་ཀྱི་ལྷ་མོ་རྣམས་
སོ། །དེ་རྣམས་ཀྱི་ནང་ན་བཙུན་མོའི་མཆོག་ཡིན་ཞིང་ཁྱད་པར་དུ་བཅང་བར་བྱ་ཞིང་གཟུང་བར་བྱ་བ་ཡིན་པས་ན་བཙུན་མོའི་མཆོག་སྟེ། གཟུངས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་བའོ། །ཨོཾ་ཞེས་བྱ་བ་ལ་སོགས་པའི་དོན་ནི་བཤད་
ཟིན་ཏོ། །ཏཱ་རེ་ཞེས་བྱ་བ་ནི་སྒྲོལ་བ་སྟེ། སྡུག་བསྔལ་གྱི་རྒྱ་མཚོ་ལས་སྒྲོལ་བར་མཛད་པས་ན་སྒྲོལ་མའོ། །ཏུཏྟཱ་རེ་ཞེས་བྱ་བ་ནི་ནད་རྣམས་ལས་སྐྱོབ་པར་མཛད་པ་སྟེ། ཏུཏ་ཏ་རེ་ནི་ཉམ་ཐག་པ་རྣམས་སྐྱོང་བ་སྟེ་ཏྲེང་ནི་སྐྱོང་བའོ། །ཏུ་རེ་ནི་༼ཏྲཻང་ནི་སྐྱོབ་པ་
4-2-305b


ལའོ་ཞེས་སྒྲའི་བྱིངས་ལས་བཤད་དོ། ༼སྐྱོབ་བའོ། །ཏུ་རའི་སྒྲ་ནི་ཏཱ་ར་ནེ་སྟེ་མྱུར་དུ་མཛད་པའོ། །ཚིག་འདི་གསུམ་ཅར་ཡང་བོད་པའོ། །འདིར་སྭཱཧཱའི་སྔོན་དུ་འགྲོ་བའི་ཆེ་གེ་མོ་བ་ཤ་མཱ་ན་ཡ་ཞེས་བྱ་བ་དང་སྔགས་སྤེལ་བར་བྱའོ། །དེ་ནས་ཞེས་བྱ་བ་
ལ་སོགས་པ་ལ། སངས་རྒྱས་ཀུན་ནི་དོན་ཡོད་པར་གྲུབ་པའོ། །༼སྐྱོབ་པས་སོ་ཟེར། ཞེས་པ་ནི། ཨོཾ་ཏཱ་རེ་ཏུཏྟ་རེ་ཏུ་རེ་ཆེ་གེ་མོ་ཝ་ཤཾ་མཱ་ན་ཡ་ཧོ་སྭཱཧཱ། ཞེས་པའོ། །འདིར་དོན་ཡོད་གྲུབ་པའི་ཏིང་ངེ་འཛིན་གཞན་གཉིས་སྔོན་དུ་བཏང་ནས། ལས་རྒྱལ་མཆོག་གི་དུས་སུ་སྒྲོལ་མ་
དམར་མོའི་ཏིང་ངེ་འཛིན་སེམས་དཔའི་མཐའ་མར་སྔགས་ཕྲེང་དམར་པོ་གཡས་བསྐོར་དུ་བཀོད་དེ་སྤེལ་ཚིག་དང་བཅས་པ་བཟླས་ཤིང༌། མདུན་དུ་སྣ་ཚོགས་རྡོ་རྗེའི་སྟེང་དུ་བསྒྲུབ་བྱ་གསལ་བར་དམིགས་ཏེ། རང་གི་ཏིང་ངེ་འཛིན་སེམས་དཔའ་ལས་འཕྲོས་པའི་སྔགས་ཀྱི་ཡི་གེའི་ཕྲེང་བ་དམར་པོ་སྣ་
བུག་གཡས་སམ། ཁ་ནས་ཕྱུང༌། བསྒྲུབ་བྱའི་སྣ་བུག་གཡོན་ནམ་ཁའི་སྒོ་ནས་ཞུགས་ཏེ། ལུས་ཀྱི་ནང་ཐམས་ཅད་འོད་ཟེར་དམར་པོས་གང་བས་བདག་ལ་མ་གུས་པའི་སྡིག་སྒྲིབ་བསྲེགས། སྐྱེས་པ་ཡིན་ན་སྙིང་ཁའི་པདྨ་དམར་པོ་བསྐུལ། བུད་མེད་ཡིན་ན་གསང་གནས་ཀྱི་པདྨ་དམར་པོ་བསྐུལ་ནས། 
དེའི་སེམས་ཟླ་བའི་དཀྱིལ་འཁོར་དམར་པོ་ལྟ་བུ་བླངས་ཏེ། དེའི་མཚན་གྱི་སྒོ་ནས་བྱུང་ནས་སྒྲོལ་མའི་སྙིང་གར་ཟླ་བ་དམར་པོ་དང་གཉིས་སུ་མེད་པར་གྱུར་ཏེ། དེ་ཉིད་དུ་འདུག་པར་བསམ་ཞིང༌། བསྒྲུབ་བྱ་དེ་ཡང་སྙིང་འཕྲོགས་པས་བདག་ཉིད་ཀྱི་རྐང་པ་ལ་བཏུད་ནས་བཀའ་ནོད་པར་བསམ་མོ། །གལ་ཏེ་
བསྒྲུབ་བྱ་དེ་བླ་མ་ལྟ་བུ་གཞན་ཞིག་གི་དབང་དུ་བྱ་བར་འདོད་ན། ལེའུ་བཅུ་གསུམ་པ་ལས་གསུངས་པའི་དབང་དུ་བྱེད་པའི་ཆོ་གས་དབང་བསྐུར་ལ། དེའི་ཐུགས་ཀར་ཟླ་བ་ལ་སྔགས་ཕྲེང་དམར་པོ་བཀོད། དེའི་འོད་ཟེར་གྱིས་སྤྲོ་བསྡུ་སྔར་བཞིན་བྱ་ཞིང༌། ཨོཾ་ཏཱ་རེ་ཏུཏྟ་རེ་ཏུ་རེ་ཆེ་གེ་མོ་ཝ་ཤཾ་མཱ་ན་ཡ་ཧོ། ཞེས་
4-2-306a


བཟླས་ན་སྒྲུབ་བྱ་དེ་དབང་དུ་འགྱུར་རོ། །འདི་ཡང་བླ་མ་སྔ་མ་རྣམས་ཀྱི་མན་ངག་དང༌། སྙིམ་ཏོག་ལས་བཤད་པ་ལ་བརྟེན་པའོ། །༽དེའི་བདག་ཉིད་ཆེ་བ་ལས་སྐྱེས་པ་ནི་དེ་ལ་ལྷག་པར་མོས་པ་རྣམས་སོ། །མཉེས་པ་ནི་མགུ་བར་གྱུར་པའོ། །ཡེ་ཤེས་
ནི་སེམས་རྩེ་གཅིག་པའོ། །ཐོབ་གྱུར་ནས་ཞེས་པ་ནི་རྙེད་པར་གྱུར་པའོ། །རྡོ་རྗེའི་སྐུ་ནི་དོན་ཡོད་པར་གྲུབ་པའོ། །རྗེས་སུ་དྲན་པ་ནི་བསྒོམས་པའོ། །སངས་རྒྱས་ནི་སྐྱེས་བུའི་གཙོ་བོ་ནི་ཁྱིམ་བདག་དང༌། བློན་པོ་ཆེན་པོའོ། །རྡོ་རྗེ་ནི་སྙིང་སྲ་ཞིང་ང་རྒྱལ་ཤིན་ཏུ་ཆེ་བ་
རྣམས་སོ། །སྡེ་ཆེན་ནི་རྒྱལ་པོ་རྣམས་སོ། །སེམས་ཅན་ཁམས་ནི་འཇིག་རྟེན་ཐ་མལ་པ་རྣམས་ཏེ། དེ་དག་མ་ལུས་པར་ཏེ། ཀུན་ནས་རྣམ་པ་ཐམས་ཅད་དུ་སྐད་ཅིག་གིས་ནི་ཞེས་པ། འཕྲལ་དུ་བྲན་བཞིན་དུ་དབང་དུ་འགྱུར་ཞིང༌། སྔར་བཤད་པ་ཐམས་ཅད་སྒྲུབ་པ་
པོའི་དབང་དུ་གྱུར་པས། གཡོ་མེད་པ་སྟེ་སེམས་དང་བྲལ་བ་བཞིན་དུ་གཞན་གྱི་དབང་དུ་འགྱུར་རོ། །ཞེས་བཅོམ་ལྡན་འདས་ཀྱིས་གསུངས་སོ་ཞེས་པ་ནི་སྡུད་པར་བྱེད་པའི་ཚིག་གོ། ༈ དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་ཞེས་བྱ་བ་ནི། 
བཅོམ་ལྡན་འདས་རྡོ་རྗེ་འཆང་ཆེན་པོ་ཡིན་པར་བཤད་དོ། །དྲི་མ་མེད་པའི་འོད་ཟེར་ནི་འོད་ཟེར་དཀར་པོའོ། །དེའི་ཚོགས་ནི་དྲི་མ་མེད་པའི་འོད་ཟེར་གྱི་སྤྲིན་ནོ། །དེ་རྡོ་རྗེ་ལྟར་མི་ཕྱེད་པས་ན་དྲི་མ་མེད་པའི་འོད་ཟེར་གྱི་སྤྲིན་རྡོ་རྗེ་ནི་རྣམ་པར་སྣང་མཛད་སྟེ། མི་ཤིགས་པའི་
ཕྱིར་རོ། །རྣམ་སྣང་དེ་དང་དེའི་ཏིང་ངེ་འཛིན་གཉིས་དབྱེར་མེད་པའི་ཕྱིར། རྣམ་སྣང་དེ་སྐྱེད་པའི་ཏིང་ངེ་འཛིན་ལ་ཡང་དེ་སྐད་ཅེས་བྱ་སྟེ། དེ་ལ་སྙོམས་པར་ཞུགས་ནས་རྡོ་རྗེ་གཤིན་རྗེའི་གཤེད་པོ་ཆེན་པོ་ཞེས་བྱ་བ། རྡོ་རྗེ་ཁྲོ་བོ་སྔགས་༼དབྱེར་མེད་པའི་ཕྱིར། དེ་བསྐྱེད་པའི་ཟེར། ༽
4-2-306b


ཀྱི་བདག་ཉིད་ཅན་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ༌། །ན་མཿཕྱག་འཚལ་ལོ་ས་མནྟ་ཀུན་ནས་ཀཱ་ཡ་ལྦཱ་ཀ་ཙིཏྟ་བཛྲཱ་ཎཾ་ཞེས་བྱ་བ་ནི། ཀུན་ནས་སྐུ་དང་གསུང་དང་ཐུགས་རྡོ་རྗེ་ལ་ཕྱག་འཚལ་ལོ། ཞེས་བྱ་བའི་དོན་ཏེ། འདི་ནི་སྔགས་འདོན་པའི་དུས་སུ་
སྔགས་པ་རྣམས་ཀྱི་དང་པོར་གདོན་པར་བྱ་བ་ཡིན་ནོ། །ཨོཾ་ཞེས་པ་མན་ཆད་ཞེས་བྱ་བ་ལ་སོགས་པ་ནི་སྔགས་ཀྱི་ཚིག་དངོས་གཞིའོ་གོ། ཁ་ཟོ་ཁ་ཟོ་ཞེས་པ་ནི་གཤིན་རྗེ་གཤེད་ཀྱིས་སོ། །ཁཱ་ཧི་ཟོ་ཞིག་ཁཱ་ཧི་ཟོ་ཞིག་སྟེ་འཁོར་རྣམས་ཟར་ཆུག་ཅིག་པའོ། །ཞེས་
པ་ནི་ཟོ་ཞིག་ཟོ་ཞིག་ཅེས་པ་སྟེ། གཤིན་རྗེ་གཤེད་ལ་གདུག་པ་རྣམས་ཟ་བའི་ཕྱིར་རྦོད་པའོ། །སརྦ་ཐམས་ཅད་དུཥྚ་གདུག་པ་ཅན་སཏྭ་སེམས་ཅན་ད་མ་ཀ་འདུལ་བ་པོ་ཞེས་པ་ནི་སེམས་ཅན་གདུག་པ་ཐམས་ཅད་འདུལ་བ་པོའོ། །ཨ་སི་རལ་གྲི་མུ་
སའམ་ཤ་ལ་གཏུན་ཤིང་པ་ར་ཤུ་དགྲ་སྟ་པཱ་ཤ་ཞགས་པ་ཧསྟ་ཕྱག་ཞེས་པ་ནི་ཕྱག་མཚན་ཏེ། རལ་གྲི་དང་གཏུན་ཤིང་དང་དགྲ་སྟ་དང་ཞགས་པ་རྣམས་ཕྱག་ན་བསྣམས་པའོ། །ཙ་ཏུ་ར་བཞི་མུ་ཁ་ཞལ་ཙ་ཏུར་བྷུ་ཛ་ཕྱག་ཥཊྩ་དྲུག་ར་ཎ་
ཞབས་ཞེས་པ་ནི་སྐུའི་ཆ་ལུགས་ཏེ་ཞལ་བཞི་དང་ཕྱག་བཞི་དང་ཞབས་དྲུག་དང་ལྡན་པའོ། །ཨཱ་གཙྪ་ཚུར་བྱོན་ཨཱ་གཙྪ་ཚུར་བྱོན་ཞེས་པ་ནི་དགུག་པ་སྟེ། ཚུར་སྤྱོན་ཚུར་སྤྱོན་ཞེས་བོད་པའི་དོན་ཏོ། །སརྦ་དུཥྚ་པྲཱ་ཎ་སྲོག་ཨཱ་པ་ཧཱ་རྀ་ཎེ་འཕྲོག་པ་ཞེས་པ་ནི་
ཁྲོ་བོའི་རང་བཞིན་ཏེ་མ་རུངས་པ་ཐམས་ཅད་ཀྱི་སྲོག་འཕྲོག་པར་མཛད་པའོ། །༼སྲོག་འཕྲོག་པར་བྱེད་པ་འདི་བགེགས་ཆེན་པོ་ལ་མི་བྱ་ཡི་གཤིན་རྗེ་གཤེད་ལ་བྱའོ། །༽མཧཱ་ཆེན་པོ་བིགྷྣན་བགེགས་གྷཱ་ཏ་ཀ་གསོད་པ་ཞེས་པ་ནི་བགེགས་ཆེན་པོ་སྟེ་གཤིན་རྗེ་
4-2-307a


གསོད་པའོ། །བི་རྣམ་པར་ཀྲི་ཏཱ་ནན་ཞལ་སརྦ་་ཏ་འབྱུང་པོ་བྷ་ཡཾ་འཇིགས་པར་ཀ་ར་མཛད་པ་ཞེས་པ་ནི་ཞལ་རྣམ་པར་འགྱུར་བས་འབྱུང་པོ་ཐམས་ཅད་འཇིགས་པར་མཛད་པ་ཞེས་པའི་དོན་ཏོ། །ཨ་ཊྚ་ཊྚ་ཧཱ་ས་
ནཱ་དི་ནེ་ཞེས་པ་ནི་སྐྲག་པར་བྱེད་པའི་སྒྲ་སྟེ་ཧ་ཧ་ཞེས་སྒྲ་༼འགྱུར་བ། ༸འགྱུར་རྙིང་དང་ཆག་འགྱུར་ལས་ཏཱ་རིང་པོར་བྱས་ནས་ན་ན་ཞེས་བྱས། པ་ཚབ་ཀྱིས་ཏ་ཐུང་ངུར་བྱས་ནས་ཨ་ན་ན་ཞེས་བྱས་ཏེ་དོན་ནི་ཞལ་ལོ། །༸ནི་ཁྲོ་གཉེར་བསྡུས་པའོ།།༽སྒྲོགས་པའོ། །བྷྱཱ་གྷྲ་སྟག་ཙརྨ་ལྤགས་
པ་ནི་བ་ས་ན་གོས་ཞེས་བྱ་བ་ནི་སྟག་གི་པགས་པ་ཤམ་ཐབས་སུ་བསྣམས་པ་སྟེ། སརྦ་དུ་ནས་འདིའི་བར་དག་ནི་གཤིན་རྗེ་གཤེད་ལ་བོད་པའི་ཚིག་ཡིན་ནོ། །ཀུ་རུ་མཛོད་ཀུ་རུ་མཛོད་སརྦ་ཀརྨཱ་ཎི་ལས་ཞེས་པ་ནི་ལས་
ཐམས་ཅད་མཛོད་ཅིག་མཛོད་ཅིག་ཅེས་པའི་དོན་ཏོ། །ཚིནྡ་ཆོད་ཚིནྡ་ཆོད་སརྦ་མན་ཏྲཱ་ན་སྔགས་ཞེས་པ་ནི་གཞན་གྱི་སྔགས་ཐམས་ཅད་ཆོད་ཅིག་ཆོད་ཅིག་ཅེས་པའོ། །བྷིནྡ་ཕུག་བྷིནྡ་ཕུག་པ་ར་གཞན་ནམ་ཕ་རོལ་མུད་ཏྲཱ་མ་ཕྱག་
རྒྱ་ཞེས་པ་ནི་ཕ་རོལ་གྱི་ཕྱག་རྒྱ་ཕུག་ཅིག་ཕུག་ཅིག་པའོ། །ཨཱ་ཀརྵ་ཡ་ཁུག་ཅིག་ཨཱ་ཀརྵ་ཡ་ཁུག་ཅིག་སརྦ་་ཏཱ་ནན་ཞེས་པ་ནི་འབྱུང་པོ་ཐམས་ཅད་ཁུག་ཅིག་ཁུག་ཅིག་པའོ། །མ་ཐ་༼མུད་ཏྲན་དང་མུ་ཏྲན་ཞེས་ཀྱང་ཟེར་ཏེ་དོན་འདྲ་བར་མངོན་ནོ། །
༽མ་ཐ་ཞེས་པ་ནི་ཆོམས་ཤིག་ཆོམས་ཤིག་པའོ། །ནིརྨ་ཐ་ནིརྨ་ཐ་སརྦ་དུཥྚན་ཞེས་པ་ནི་མ་རུངས་པ་ཐམས་ཅད་ངེས་པར་ཐུལ་ཅིག་ངེས་པར་ཐུལ་ཅིག་པའོ། །པྲ་བེ་ཤ་ཡ་ཆུག་ཅིག། །པྲ་བེ་ཤ་ཡ་ཆུག་ཅིག་མཎྜ་ལ་དཀྱིལ་འཁོར་མ་དྷྱེ་ནང་དུ་
4-2-307b


ཞེས་པ་ནི་དཀྱིལ་འཁོར་གྱི་ནང་དུ་ཆུག་ཅིག་ཆུག་ཅིག་པ་སྟེ། ཀུ་རུ་ནས་འདིའི་བར་འདི་དག་ནི་རྦོད་གཏོང་བྱ་བའི་ཚིག་གོ། བཻ་བ་སྭ་ཏ་ཛཱི་བི་ཏཱན་ཏ་ཀ་ར་ཞེས་བྱ་བ་ལ་བཻ་བ་སྭ་ཏ་ཞེས་པ་ནི་ཉི་མའི་བུ་སྟེ་གཤིན་རྗེའོ། །ཛཱི་བི་ཏཱན་ཏ་ཀ་ར་ཞེས་པ་ནི་དེའི་སྲོག་མཐར་བྱེད་པ་སྟེ། 
དེའི་སྲོག་རྣམ་པར་འཇིག་པར་བྱེད་པ་ཞེས་པའི་དོན་ཏོ། །མ་མ་བདག་གི་སརྦ་ཀརྱཾ་བྱ་བ་ཀུ་༼དང་བཻ་བ་ཤྭ་ཏ་ནི་རྣམ་གྲངས་སོ། །༸ཛཱི་བི་ཏ་ཞེས་པ་ཏ་ཐུང་ངུར་བྱས་པ་ནི་སྲོག་གོ། ཏཱ་རིང་པོའི་ཁོང་གི་ཨ་བཏོན་ནས་ཨནྟ་ཀ་ར་ཞེས་པའི་ཨནྟ་མཐའ་དང་ཀ་ར་བྱེད་པའི་དོན་ནོ། །
༽རུ་ཀུ་རུ་ཞེས་པ་ནི་བདག་གི་བྱ་བ་ཐམས་ཅད་གྱིས་ཤིག་གྱིས་ཤིག་པ་སྟེ། བདག་གི་བྱ་བ་རྣམས་སྒྲུབས་ཤིག་པའོ། །ད་ཧ་སྲེགས་ད་ཧ་སྲེགས་ཞེས་པ་ནི་སྡིག་པ་ཐམས་ཅད་བསྲེགས་ལ་ཐལ་བར་གྱིས་ཤིག་པའོ། །པ་ཙ་ཚོས་པ་ཙ་ཚོས་ཞེས་
པ་ནི་སྡིག་པ་ཐམས་ཅད་ཚོས་ཤིག་པའོ། །མཱ་བི་ལམ་བ། མཱ་བི་ལམ་བ་ཞེས་པ་ནི་མ་ཐོགས་མ་ཐོགས་ཞེས་པ་སྟེ། དུས་རིང་པོར་སྡོད་པར་མ་བྱེད་ཅིག་པའོ། །ས་མ་ཡ་དམ་ཚིག་མ་ནུ་རྗེས་སུ་སྨ་ར་དྲན་པ་ཞེས་པ་ནི་དམ་ཚིག་རྗེས་སུ་དྲན་ཅིག་
པ་སྟེ། དམ་ཚིག་ནི་རྡོ་རྗེ་སེམས་དཔའ་སྟེ་དེའི་བཀའ་རྗེས་སུ་དྲན་པར་གྱིས་ཤིག་པའོ། །ཧཱུཾ་ཧཱུཾ་ཞེས་པ་ནི་བགེགས་གཞིག་པའི་ཕྱིར་། དེ་རྣམས་ལ་སྡིགས་མཛུབ་བྱ་བསྟེ་མཛོད་ཅིག་པའོ། །ཕཊ་ཕཊ་ཞེས་པ་ནི་བགེགས་རྣམས་དགས་པའོ། །བི་རྣམ་པར་
སྥོཊ་ཡ་ཁོས་ཤིག་བི་རྣམ་པར་སྥོ་ཊ་ཡ་ཁོས་ཤིག་ཞེས་བྱ་བ་ནི་བགེགས་རྣམས་རྣམ་པར་དགས་པ་སྟེ་ཁོས་ཤིག་པའོ། །སརྦཱ་ན་ནཱ་ཤ་ཡ་ཞེས་པ་ནི་༼པ་ཚབ་ཀྱིས། སརྦཱ་ན་ཤ་ཡ། རི་སཱུན་ཀ་ར་ཀ་ར་ནི་བགེགས་རྣམས་གཏུབས་ནས་ཕྱོགས་བཅུར་རྣམ་པར་གཏོར་
4-2-308a


ཅིག་པའོ། །ཞེས་བསྒྱུར་ཏེ། བིགྷྣཱན་ཞེས་པ་མེད་དོ། །རི་སཱུན་ཞེས་པ་གཏུབ་པའང་གཏོར་ཞེས་པ་ལའམ་འགྲོ་བ་འདྲ་སྟེ་དཔྱད་དོ། །སརྦན་ནཱ་ཤ་ཡ་རི་སུན་ནི་དགྲ་ཐམས་ཅད་རློགས་ཤིག་པའོ་ཞེས་ཟེར།༼དགྲ་ཐམས་ཅད་རློག་ཅིག་པའོ། །ཀ་ར་
ཀ་ར་བིགྷྣཱན་ཞེས་པ་ནི་བགེགས་རྣམས་གཏུབས་ལ་ཕྱོགས་བཅུར་གཏོར་ཅིག་པའོ། །སརྦ་ཨ་ཤཱ་བསམ་པ་པ་རི་པཱུ་ར་ཀ་རྫོགས་པར་མཛད་ཞེས་པ་ནི་བསམ་པ་ཐམས་ཅད་རྫོགས་པར་མཛད་པའོ། །ཧེ་ཀྱེ་ཧེ་ཀྱེ་བྷ་ག་ལྦཱན་ཞེས་
པ་༼འདི་ནས་གཏོར་ཅིག་པའི་བར་ནི་ཆག་འགྱུར་དང་ཡང་འདྲའོ། །༽ནི་ཀྱེ་ཀྱེ་བཅོམ་ལྡན་འདས་ཞེས་བོད་པའོ། །ཀིཉྩི་རཱ་ཡ་སི་ཞེས་པ་ནི་ཅིའི་ཕྱིར་ཡུན་རིང་པོར་ཐོགས་ཞེས་པའོ། །མ་མ་སརྦ་ཨརྠཱ་ན་ཞེས་པ་ནི་བདག་གི་དོན་ཐམས་ཅད་དོ། །སཱ་དྷ་ཡ་ཞེས་པ་ནི་
སྒྲུབས་ཤིག་པའམ་རྫོགས་པར་མཛོད་ཅིག་པའོ། །འདིར་སྭཱཧཱའི་སྔོན་དུ་འགྲོ་བའི་ཆེ་གེ་མོ་ཨཱ་ཀརྵ་ཡ་ཧྲི་ཞེས་བྱ་བ་དང་སྔགས་སྤེལ་བར་བྱའོ། །དེ་ནས་ཞེས་བྱ་བ་ལ་སོགས་པ་ལ། དེ་ནས་འདིར་སྔགས་ཀྱི་རྒྱལ་པོ་གསུངས་པ་ཙམ་གྱིས་སོ། །སངས་
རྒྱས་ཀུན་ཞེས་པ་ནི་དེ་ཉིད་བསྒྲུབ་པར་བྱ་བ་ཉིད་དང༌། གདུལ་བར་བྱ་བ་ཉིད་དུ་ཤེས་པས་ན་སངས་རྒྱས་ཏེ། བརྒྱ་བྱིན་ལ་སོགས་པ་འཇིག་རྟེན་སྐྱོང་བའི་གྲགས་པ་ཆེན་པོ་རྣམས་སོ། །འཇིགས་ཤིང་ཞེས་པ་ནི་འཁྲུལ་པའོ། །ཀུན་ཏུ་སྐྲག་པར་
བཱུདྡྷ་ནི་ཤེས་པ་ལ་འཇུག་པས་སངས་རྒྱས་སོ། །ཅི་ཞིག་ཤེས་ཤེ་ན། སྒྲུབ་པ་པོས་གདུལ་བ་ཉིད་དུ་ཤེས་པ་ཉིད་ཀྱི་ཕྱིར་སངས་རྒྱས་ཏེ་ཞེས་པ་ལྟར་ཏེ། དོན་ནི་བརྒྱ་བྱིན་ལ་སོགས་པས་སྒྲུབ་པ་པོས་འགུགས་པའི་ཐབས་དེས་རང་འདུལ་བར་མཐོང་ནས་འཇིགས་པའོ། །༽གྱུར་ནས་
4-2-308b


ཞེས་པ་ནི་སེམས་འཁྲུགས་པའོ། །རྡོ་རྗེ་སེམས་དཔའ་ནི་རྡོ་རྗེ་འཆང་ཆེན་པོའོ། །རྗེས་སུ་དྲན་པ་ནི་སྐྱབས་སུ་སོང་བའོ། །དེ་ལ་རྣམ་པར་སྣང་མཛད་ཀྱི་སྦྱོར་བ་དང་ལྡན་པས་ཞེས་པ་ནི་རྣམ་སྣང་གི་ཏིང་ངེ་འཛིན་གཞན་གཉིས་སྔོན་དུ་བཏང་ནས་ལས་རྒྱལ་མཆོག་གི་དུས་སུ་ཚངས་བུག་མེད་པ་
བུད་མེད་ཀྱི་ཐོད་པ་ཡིན་ལ་དེ་མ་ཆག་པ་སྟེ་དུམ་བུར་མ་སོང་ཞིང་མ་གས་པ་གས་པ་མེད་པ་ལ། གཟུགས་མཛེས་པ་ཡིད་དུ་འོང་ཞིང་སྟེ་ཡིད་ཚིམ་པར་བྱེད་པ་བླངས་ལ། དེའི་དབུས་སུ་རྒྱ་སྐྱེགས་ཀྱི་ཁུ་བས་གང་འགུགས་འདོད་པའི་བུད་མེད་ཀྱི་གཟུགས་བརྙན་
བྲིས་ལ། གཟུགས་བརྙན་དེའི་སྙིང་གའི་ཕྱོགས་སུ་མིང་གི་ཡི་གེ་སྔགས་ཀྱི་མཐའི་སྭཱ་ཧཱའི་སྔོན་དུ་སྤེལ་བ་རྣམ་པར་བཀོད་ནས། བསྒྲུབ་བྱའི་རྣམ་ཤེས་བཀུག་ནས་གཟུགས་བརྙན་ལ་བཅུག་སྟེ་དེ་དངོས་༼དབུས་སུའི་སྐད་དོད་རྒྱབ་ཏུ་ཞེས་པ་ལའང་འཇུག་པས། རྒྱབ་ཏུ་ཞེས་འབྱུང་ཡང་དབུས་སུ་ཞེས་པ་དག་གོ། 
༽ཡིན་པར་བསམ་མོ། །རྐང་པས་མནན་པའི་ཚུལ་བྱས་ནས་ཞེས་བྱ་བ་སྟེ། ཉི་མའི་དཀྱིལ་འཁོར་གྱི་སྟེང་དུ་ཡི་གེ་ཧཱུཾ་ལས་བྱུང་བའི་རྡོ་རྗེ་ལྕགས་ཀྱུས་བྱིན་གྱིས་བརླབས་པ་སྟེ་མཚན་པར་བསམ་ལ། རིང་འི་ཁྲོ་བོ་གཤིན་རྗེ་གཤེད་དུ་བསྐྱེད་པའི་ཞབས་གཉིས་
ལ་ཀྱི་རྐང་པ་གཡས་བརྐྱང་པས། གནས་པས་དེའི་སྙིང་ཁར་མནན་ཏེ་ལྕགས་ཀྱུ་དེས་འགུགས་པའི་ལྕགས་ཀྱུ་ཕྱག་མཚན་གྱི་ལྕགས་ཀྱུ་ལ་འདོད་པ་ཡོད་ཀྱང་། འགྱུར་ཀུན་ལས་ལྕགས་ཀྱུ་དེས་ཞེས་འབྱུང་བས། ཞབས་ཀྱི་ལྕགས་ཀྱུ་ལས་སྤྲོས་པའི་ལྕགས་ཀྱུས་བསྒྲུབ་བྱའི་སྙིང་
ག་ནས་ཕུག་ནས། གང་མངོན་པར་འདོད་པའི་བུད་མེད་འགུགས་པར་གྱུར་པར་བསམས་ལ། སྔགས་འདི་རྗེས་སུ་དྲན་པར་བྱས་ནས་ཁྲོ་བས་གདོན་པར་བྱའོ། །དེ་ནས་ཅིར་འགྱུར་ཞེ་ན། མཱ་མ་ཀཱིའམ་ཞེས་བྱ་བ་ལ་སོགས་པ་སྟེ། མཱ་མ་ཀཱི་ནི་རྒྱལ་རིགས་ཀྱི་བུ་མོའོ། །
4-2-309a


སྤྱན་ནི་བྲམ་ཟེའི་རིགས་ཀྱི་བུ་མོའོ། །རྡོ་རྗེ་ནི་རྒྱལ་པོ་དང་བློན་པོའོ། །དེ་རྣམས་ཀྱི་རིགས་ཆེན་ལས་བྱུང་བ་ནི་རིགས་མཐོན་པོའི་བུད་མེད་དོ། །ལན་གསུམ་ཞེས་བྱ་བ་ནི་དུས་གསུམ་དག་ཏུ་སྟེ། འཕྲེང་བའི་སྔགས་ཅི་ནུས་པ་བརྗོད་ན་ནི། དེ་
མ་ཐག་ཏུ་སྟེ་ཞག་བདུན་གྱིས་ངེས་པར་འགུག་ས་པར་འགྱུར་ཞིང་ལུས་དངོས་སུ་ཁུགས་པར་འགྱུར་རོ། །སྐྱེས་པ་འགུགས་པར་འདོད་ན་སྐྱེས་པའི་ཐོད་པ་ལ་བཤད་མ་ཐག་པའི་ཆོ་གས་གཟུགས་བརྙན་བྲིས་ནས། གཡོན་བརྐྱང་པའི་གནས་པས་མནན་ལ་
དགུག་པར་བྱ་སྟེ་ཁྱད་པར་ནི་དེ་དག་གོ། བཅོམ་ལྡན་འདས་ཐུགས་རྡོ་རྗེས་དེ་སྐད་གསུངས་སོ་ཞེས་བྱ་བ་ནི་རྡོ་རྗེ་འཆང་ཆེན་པོས་སོ།། ༈ དེ་ནས་ཞེས་བྱ་བ་ལ་སོགས་པ་ལ། དེ་བཞིན་གཤེགས་པ་རྣམ་པར་སྣང་མཛད་ནི་རྡོ་རྗེ་འཆང་ཆེན་པོའོ། །༼
ཁྱད་པར་འདི་དག་མ་གཏོགས་པ་བུད་མེད་འགུགས་པ་དང་འདྲའོ། །༽དམ་ཚིག་ནི་དོན་ཡོད་པར་གྲུབ་པའོ། །དེའི་འོད་ཟེར་ནི་མརྐ་ཏ་ལྟ་བུའི་མདོག་ཅན་གྱི་འོད་དོ་ཏེ། སྟུག་པོའི་མཆོག་ནི་འོད་དེ་རྣམས་ཀྱིས་ནམ་མཁའ་ཁྱབ་པའི་དོན་གྲུབ་ཀྱི་ཕྱག་རྒྱ་ཆེན་པོའི་
གཟུགས་ཏེ། ལྷ་དེ་དང་དེའི་ཏིང་ངེ་འཛིན་གཉིས་ཁྱད་པར་མེད་པས་ཏིང་ངེ་འཛིན་དེ་ལ་དེ་སྐད་ཅེས་བྱ་སྟེ། དེ་ལ་སྙོམས་པར་ཞུགས་པའོ། །མི་འཆི་བའི་དམ་ཚིག་ནི་དོན་ཡོད་པར་གྲུབ་པ་སྟེ། དེ་ལས་བྱུང་བའི་ཁྲོ་བོའི་སྔགས་ཀྱི་བདག་ཉིད་ཅན་ནི་ཁྲོ་བོ་
སྟེ། སྔགས་ཀྱི་ཕྲེང་བ་འདི་རྡོ་རྗེ་འཆང༌ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ༌། །ན་མཿཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ན་མོ་བཛྲ་ཀྲོདྷཱ་ཡ་ཁྲོ་བོ་མཧཱ་དཾཥྚོ་ཊ་མཆེ་བ་ཀ་ཊ་གཙིགས་པ་བྷེ་ར་བཱ་ཡ་
4-2-309b


འཇིགས་སུ་རུང་བ་ཨཱ་སི་མུ་ས་ལ་པ་ར་ཤུ་པཱ་ཤ་ཧསྟཱ་ཡ་ཞེས་པ་ནི། རྡོ་རྗེ་ཁྲོ་བོ་ཆེན་པོ་མཆེ་བ་གཙིགས་པས་འཇིགས་སུ་རུང་བ། རལ་གྲི་དང་གཏུན་ཤིང་དང་དགྲ་སྟ་དང་ཞགས་པ་ཕྱག་ན་བསྣམས་པ་ལ་ཕྱག་འཚལ་ལོ་ཞེས། ཁྲོ་བོ་བདུད་རྩི་ཐབས་སྦྱོར་ཉིད་ལ་
ཕྱག་འཚལ་བའོ། །ཨོཾ་ཞེས་བྱ་བ་ལ་སོགས་པ་ནི་སྔགས་ཀྱི་ཚིག་གོ། ཨ་མྲི་ཏ་འཆི་བ་ཀུནྜ་ལི་འཁྱིལ་པ་ཞེས་པ་ནི་བདུད་རྩི་འཁྱིལ་པ་ཞེས་བོད་པའོ། །ཁ་ཁ་ཁཱ་ཧི་ཁཱ་ཧི་ཞེས་པ་ནི་རྦོད་པ་སྟེ། ཟོ་ཞིག་པའོ། །ཏིཥྛ་མནོས་ཏིཥྛ་མནོས་ཞེས་པ་ནི་སྒྲུབ་
པའི་དོན་དུ་གནོས་ཤིག་པའོ། །བན་དྷ་བན་དྷ་ཞེས་པ་ནི་ཆིངས་ཤིག་༼དེ་ལ་ཨས་བཀག་པས་མི་འཆི་བ་སྟེ་བདུད་རྩིའོ། །༽པའོ། །ཧ་ན་རྒྱོབ་ཧ་ན་རྒྱོབ་ཞེས་པ་ནི་རྒྱོབ་ཅིག་པའོ། །ད་ཧ་ད་ཧ་ཞེས་པ་ནི་སྲེགས་ཤིག་པའོ། །གརྫ་སྒྲོགས་གརྫ་སྒྲོགས་ཞེས་པ་ནི་
གདུག་པ་རྣམས་འཇིགས་པའི་སྒྲ་སྒྲོགས་ཤིག་པའོ། །བི་སྥོ་ཊ་ཡ་བི་སྥོ་ཊ་ཡ་ཞེས་པ་ནི་རྣམ་པར་དགས་ཤིག་པའོ། །བན་དྷ་ནས་འདིའི་བར་རྣམས་ཡུལ་གང་ལ་ཡིན་སྙམ་ན་སརྦ་བིགྷྣཱན་ནི་བགེགས་ཐམས་ཅད་དོ། །བི་ནཱ་ཡ་ཀཱན་ནི་ལྷ་ཆེན་པོའི་བུ་ལོག་འདྲེན་ནོ། །དེ་
དངོས་གང་ཡིན་ཞེ་ན། ག་ཎ་ཚོགས་པ་ཏི་བདག་པོ་སྟེ་ཚོགས་ཀྱི་བདག་པོའོ། །ཛཱི་བི་ཏཱན་ཏ་ཀ་རཱ་༼དེ་ལ་བི་ནི་རྣམ་པའོ། །ནཱ་ཡ་ཀ་ནི་འདྲེན་པ་ཡིན་པས་དྲང་པོར་བསྒྱུར་ན་རྣམ་འདྲེན་ཡིན་ཀྱང་ལོཙྪ་བ་མཁས་པ་རྣམས་ཀྱིས། སངས་རྒྱས་ལ་ཡང་རྣམ་འདྲེན་ཞེས་མང་དུ་གསུངས་པ་དང་ཁྱད་
པར་བསྟན་པའི་དོན་དུ་ལོག་འདྲེན་ཞེས་བསྒྱུར་རོ། །༽ཞེས་པ་ནི་སྲོག་མཐར་བྱེད་པ་སྟེ། ཁྲོ་བོ་བདུད་རྩི་ཐབ་སྦྱོར་ནི་ལོག་འདྲེན་འདུལ་བར་མཛད་པ་ཡིན་པས་འདི་སྐད་ཅེས་བྱའོ། །འདི་དག་ནི་ཁ་ཁ་ཁཱ་ཧི་ཁཱ་ཧི། ཏིཥྛ་ཏིཥྛ། བན་དྷ་བན་དྷ། ཧ་ན་ཧ་ན། ད་ཧ་ད་ཧ། གརྫ་
4-2-310a


གརྫ། བི་སྥོ་ཊ་ཡ་བི་སྥོ་ཊ་ཡ། སརྦ་བིགྷྣཱན་བི་ནཱ་ཡ་ཀཱན་མཧཱ་ཀྲོ་དྷ། མ་ཧཱ་དྃཥྚོ་ཊ། ཀ་ཊ་བྷཻ་ར་བཱ་ཡ་ཨ་སི་མུ་ས་ལ། པ་ར་ཤུ་པཱ་ཤ་ཧསྟཱ་ཡ། མ་ཧཱ་ག་ཎ་ཛི་བི་ཏི་ཨན་ཏ་ཀ་ར་ཡ་ཞེས་གདོན་པར་བྱའོ། །འདིར་སྭཱ་ཧཱའི་སྔོན་དུ་འགྲོ་
བའི་ཆེ་གེ་མོ་ཨུད་ཙ་ཏ་ཡ་སྐྲོད་ཅིག་ཧཱུཾ་ཞེས་བྱ་བ་དང་སྔགས་སྤེལ་ལོ། །དེ་ནས་ཞེས་བྱ་བ་ལ་སོགས་པ་ནི་བཤད་ཟིན་ཏོ། །རྡོ་རྗེ་སྐུ་ཞེས་བྱ་བ་ནི་དོན་ཡོད་པར་གྲུབ་པ་སྟེ། དེ་རྗེས་སུ་དྲན་ཞིང་སྒོམ་པའོ། །སྔགས་རྣམས་ཀུན་ནི་སྐྲོད་པ་ལ་སོགས་པའི་
དབང་དུ་བྱས་༼ཨུ་ཙ་ཞེས་ཀྱང་ཟེར། ༽པའི་སྔགས་རྣམས་ཏེ། དེ་རྣམས་ཀྱི་སྦྱོར་བ་ཡོད་པའི་བསྒྲུབ་བྱ་རྣམས་ལ་ཡང་ལས་དེ་བྱའོ་ངོ༌། །རྡོ་རྗེ་ནི་བསྐྲད་པར་དཀའ་བའོ་ཞེས་པ་བསྒྲུབ་པར་བྱ་བ་སྟེ། དེ་རྣམས་བསྐྲད་པའི་ལས་
རྣམས་ལ་ཞེས་པ་ནི་རྟོག་པ་སྟེ་རྩ་རྒྱུད་དང་བཤད་རྒྱུད་ལས་བཤད་པའི་བྱ་བའི་ཆོ་གས་ལས་འདི་བྱའོ་སོ། །སངས་རྒྱས་ནི་ལས་ཀྱི་ཚོགས་རྣམས་ལ་མཁས་པའོ། །དེ་རྣམས་ཉིད་ཀྱི་དཔུང་ནི་ཚོགས་ཏེ། དེ་དག་ཀྱང་རང་ཉིད་དོན་ཡོད་པར་གྲུབ་པའི་
སྦྱོར་བ་དང་ལྡན་པས། ཚུལ་བཞིན་དུ་བྱས་ན་སྐྲོད་པར་འགྱུར་ཞིང་གནས་ལས་འཕོ་བར་འགྱུར་རོ། །ལས་དེ་བྱ་བའི་རིམ་པ་ནི་འདིས་བྱ་སྟེ། ཞེས་པ་ནི་དོན་གྲུབ་ཀྱི་སྒོ་ནས་ཏིང་ངེ་འཛིན་གཞན་གཉིས་སྔོན་དུ་བྱས་ལ། ལས་རྒྱལ་མཆོག་གི་དུས་སུ་སྐེ་ཚེ་དང་ལན་ཚྭ་དང་ཏིལ་དང་
དུག་དང་ད་ཏུ་རའི་ཁུ་བ་དང༌། མཛུབ་མོའི་ཁྲག་རྣམས་གཅིག་ཏུ་བྱས་ལ་དེ་དང་བྱ་རོག་གི་སྒྲོ་རྐང་གི་སྨྱུ་གུས་རོ་ལ་བཀབ་པའི་དུར་ཁྲོད་ཀྱི་རས་ལ་རླུང་གི་དཀྱིལ་འཁོར་ཟླ་གམ། ངོས་གཉིས་སུ་རྡོ་རྗེས་མཚན་པ་བྲིས་ལ། དེའི་དབུས་སུ་བསྒྲུབ་པར་བྱ་བའི་
4-2-310b


མིང་གི་ཡི་གེ་དང་སྔགས་སྤེལ་བ་བྲིས་ནས། བསྒྲུབ་བྱའི་རྣམ་ཤེས་དགུག་པ་མིང་ཡིག་ལ་འཇུག་པ་དང༌། དེ་ལ་བསྒྲུབ་བྱར་ཞེན་པ་སྔོན་དུ་འགྲོ་བས་མནན་ལ་སྔ་མ་གཤིན་རྗེ་གཤེད་ཀྱི་སྐབས་བཞིན་དུ་ཁྲོས་པས་བཟླས་ནས་དུར་ཁྲོད་དུ་སྦས་ན་ངེས་པར་བསྐྲོད་
པར་འགྱུར་རོ།། ༈ དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་རིན་ཆེན་ཏོག་ཅེས་བྱ་བ་ནི། དེ་ཁོ་ན་ཉིད་ཀྱི་རིན་པོ་ཆེའི་རྒྱལ་མཚན་གང་ལ་ཡོད་པ་དེ་ནི་རིན་ཆེན་ཏོག་སྟེ། དེ་བཞིན་གཤེགས་པ་རྡོ་རྗེ་འཆང་ཆེན་པོའོ། །སངས་རྒྱས་ཀྱི་འོད་ཟེར་ནི་
རིན་ཆེན་འབྱུང་ལྡན་ནོ། །དེ་ཉིད་མི་ཕྱེད་པས་ན་རྡོ་རྗེ་སྟེ། དེ་སྐྱེས་པའི་ཏིང་ངེ་འཛིན་ཀྱང་དེ་དང་དབྱེར་མི་ཕྱེད་པས་དེ་སྐད་ཅེས་བྱ་སྟེ། དེ་ལ་སྙོམས་པར་ཞུགས་ཤིང་མངོན་སུམ་དུ་མཛད་ནས། རྡོ་རྗེ་ཁྲོ་བོ་ཆེན་པོ་གཞན་གྱིས་མི་ཐུབ་པ་རང་གི་འི་སྔགས་ཀྱི་བདག་ཉིད་
དུ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ༌། །ན་མཿཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ཨོཾ་ཞེས་བྱ་བ་ལ་སོགས་པ་ནི་ཁྲོ་བོའི་སྔགས་སོ། །དེའི་དོན་ནི་འདི་ཡིན་ཏེ། ཨོཾ་ནི་སྔར་བཤད་ཟིན་ཏོ། །ཧཱུཾ་ནི་བགེགས་ལ་སྡིགས་མཛུབ་བྱེད་
པའོ། །ཛི་ན་ནི་གཞན་གྱིས་མི་ཐུབ་པ་སྟེ་བོད་པའོ། །རི་ཊི་ཊྚ་ལྷོགས་ཤིག་པའོ། ཞེས་པ་ནི་བགེགས་རྣམས་ཕྱེ་མར་ལྷོགས་ཤིག་པའོ། །ཧཱུཾ་ཕཊ་ནི་སྔར་བཤད་ཟིན་ཏོ། །འདིར་སྭཱ་ཧཱའི་སྔོན་དུ་འགྲོ་བའི་ཆེ་གེ་མོ་རཀྵ་ས་སྲིན་པོ་དྷི་བྷྱོ་ལ་སོགས་པ་རྣམས་ལས་བི་
རྣམ་པར་མོ་ཙ་ཡ་ཁྲོལ་བར་མཛོད་ཅིག་ཧྲི་ཞེས་བྱ་བ་དང་སྤེལ་ལོ། །དེ་ནས་འདི་ནི་ཞེས་བྱ་བ་ལ་སོགས་པ་ལ། སངས་རྒྱས་ནི་སྒྲུབ་པ་༼སྒྲུབ་པ་པོས་བསྟེན་བྱ་མིན་པ་ཉིད་དུ་མངོན་པར་འདོད་པའི་ཕྱིར་སངས་རྒྱས་སོ་ཞེས་སོ། །དོན་ནི་སྲིན་པོ་སོགས་ཀྱིས་རང་ཉིད་སྒྲུབ་པ་པོས་ཚར་གཅོད་
4-2-311a


བྱ་ཉིད་དུ་རྟོགས་པའོ། །༽པོ་སྟེ། ངེས་པར་བསྟེན་པར་མངོན་པར་འདོད་པ་ཡིན་པའི་ཕྱིར་སངས་རྒྱས་སོ། །རང་གི་བྱ་བ་ལ་བརྩོན་འགྲུས་དང་ལྡན་པའི་ཕྱིར་བདག་ཉིད་ཆེ་སྐྱེས་ཀུན་ཏེ། འཇིགས་ཤིང་ཀུན་ཏུ་སྐྲག་པར་གྱུར་པའོ། །བྱང་
ཆུབ་སེམས་ནི་ཞེས་བྱ་བ་ནི་རིན་ཆེན་འབྱུང་ལྡན་ནོ། །རྗེས་སུ་དྲན་པ་ནི་སྒོམ་པར་གྱུར་པའོ། །སྲིན་པོ་ནི་ཤ་ཟའོ། །མ་རུངས་པ་ནི་སེང་གེ་ལ་སོགས་པའོ། །གཏུམ་པོ་ནི་ཕྱིར་རྒོལ་བ་རྣམས་ཏེ། གནོད་པར་བྱེད་པ་རྣམས་དང་འཇིགས་པ་ཆེན་པོ་འཁྲུགས་པ་སྟེ། མེ་
དང་སྦྲུལ་ལ་སོགས་པས་འཇིགས་པར་བྱེད་པའི་གནས་རྣམས་སུའོ། །རྡོ་རྗེ་སེམས་ནི་རྡོ་རྗེ་འཆང་ཆེན་པོའོ། །དེས་རབ་ཏུ་སྦྱར་ཞིང་གཏོང་བས་ན། རྡོ་རྗེ་སེམས་ཀྱིས་རབ་སྦྱར་ན་སྟེ་རིན་ཆེན་འབྱུང་ལྡན་ནོ། །༼འཇིགས་ཆེན་འཁྲུགས་པ་ལ་ཞེས་སོ། །༽དེ་བས་
ན་རིན་ཆེན་འབྱུང་ལྡན་གྱི་ཏིང་ངེ་འཛིན་ལ་དམིགས་ནས། ཁྲོ་བོ་གཞན་གྱིས་མི་ཐུབ་པ་ལ་བཀའ་བསྒོའོ་ཞེས་བྱ་བར་དགོངས་སོ། །བཀའ་བསྒོ་བ་དེས་ཀྱང་ཅི་ཞིག་བྱེད་ཅེ་ན། ལས་རྣམས་ཏེ་བསྲུང་བ་ལ་སོགས་པའི་ལས་རྣམས་ཆོ་ག་བཞིན་དུ་སྟེ། རྟོགས་པ་ལས་
བྱུང་བའི་ཆོ་ག་བཞིན་དུ་བྱེད་པར་འགྱུར་བའོ། །དེ་ལ་འདིར་ཆོ་ག་ནི་འདི་ཡིན་ཏེ། ཞེས་པ་ནི་རིན་འབྱུང་གི་ཏིང་ངེ་འཛིན་གཞན་གཉིས་སྔོན་དུ་བཏང་ནས་ལས་རྒྱལ་མཆོག་གི་དུས་སུ་རང༌རིན་ཆེན་འབྱུང་ལྡན་གྱི་རྣལ་འབྱོར་དང་ལྡན་པས། རྩ་ཕྱག་གི་ལག་པའི་མཐིལ་གཉིས་སུ་
ཡི་གེ་ཧཱུཾ་རིང་པོ་རེ་རེ་ཡོངས་སུ་གྱུར་པ་ལས། ཉི་མའི་དཀྱིལ་འཁོར་གཉིས་བསམས་ལ། གཞན་གྱིས་མི་ཐུབ་པ་ལ། ཆེ་གེ་མོའི་ལུས་ལ་ཞུགས་པའི་སྲིན་པོ་ལ་སོགས་པ་དྲོངས་ཤིག་ཅེས་བཀའ་བསྒོ་སྟེ། དེ་ནས་ཁྲོ་བོ་དེས་སྲིན་པོ་ལ་སོགས་པས་བཟུང་བའི་བསྒྲུབ་
4-2-311b


པར་བྱ་བའི་ལུས་སྤྲུགས་པ་ལས། སྲིན་པོ་ལ་སོགས་པ་ཕྱི་རོལ་ཏུ་དྲངས་བ་སྟེ་ཁྲིད་ནས། རིན་འབྱུང་ལ་ཕུལ་བ་ན། རིན་འབྱུང་གིས་ཉི་མའི་དཀྱིལ་འཁོར་གཉིས་ཀྱི་དབུས་སུ་ཆུད་པར་བྱས་ལ། ཉི་མའི་འོད་ཟེར་གྱིས་བསྲེགས་ཏེ་ཐལ་བར་བྱས་པར་བསམས་ལ་
སྔགས་སྤེལ་ཚིགས་དང་བཅས་པ་བརྗོད་ན་བསྒྲུབ་བྱ་བདེ་བར་གནས་པར་འགྱུར་ཏེ་ཞི་བའོ་རོ།། ༈ དེ་ནས་ཞེས་བྱ་བ་ལ་སོགས་པ་ལ། ཚེ་དཔག་ཏུ་མེད་པ་བསྐྱེད་པས་ཚེ་དཔག་ཏུ་མེད་པ་ནི་རྡོ་རྗེ་འཆང་ཆེན་པོའོ། །དཔག་ཏུ་མེད་པ་ནི་འོད་དཔག་ཏུ་
མེད་པའོ། །དེ་གང་དུ་འབྱུང་བའི་ཏིང་ངེ་འཛིན་ནི། དཔག་ཏུ་མེད་པའི་རྡོ་རྗེ་ཞེས་བྱ་སྟེ། ཏིང་ངེ་འཛིན་དེ་ལ་དམིགས་པའོ། །པདྨོ་ནི་འོད་དཔག་ཏུ་མེད་པའོ། །དེ་ལས་འབྱུང་བ་ནི་ཁྲོ་བོ་རྟ་མགྲིན་ཏེ། ཁྲོ་བོ་ཆེན་པོ་དེ་རང་གི་སྔགས་ཀྱི་བདག་ཉིད་དུ་ཉིད་ཀྱི་སྐུ་དང་གསུང་དང་
ཐུགས་རྡོ་རྗེ་ལས་ཕྱུང་ངོ༌། །ན་མཿཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ཨོཾ་ཞེས་བྱ་བ་ལ་སོགས་པ་ནི་སྔགས་ཏེ། སེམས་ཅན་གདུག་པ་ཅན་རྣམས་ཀྱི་ལུས་དང་ངག་དང་ཡིད། རྣམ་པར་གཞིག་པའི་སྡིགས་མཛུབ་བྱ་བའི་ཕྱིར་ཧཱུཾ་གསུམ་སྨོས་སོ། །
ཏ་རུ་ལ་ཞེས་པ་ལ། ཏ་རུ་ནི་སྒྲོལ་བ་སྟེ། ཡམས་དང་གནོད་པ་ཐམས་ཅད་ལས་སྒྲོལ་བའོ། །ལ་ནི་སྒྲོལ་བ་དེ་ལེན་ཞིང་འཛིན་པའོ། །བི་རུ་ལ་ཞེས་པ་ནི། བི་ནི་བི་ཀ་ར་སྟེ་རྣམ་པར་འགྱུར་བའི་གནོད་པ་རྣམས་སོ་འོ། །རུ་ནི་བྷང་ག་སྟེ། གནོད་
པ་དེ་རྣམས་འཇིག་པའོ། །ལ་ནི་ཨཱ་དཱ་ན་སྟེ། ༼ན་ནི་བོད་པའི་དོན་ཡིན་ནོ་ཟེར། ༽འཇིགས་པ་དེ་ལེན་པར་བྱེད་པའོ། །སརྦ་བི་ཥ་དུག་གྷཱ་ཏ་ཀ་འཇོམས་པ་ཞེས་པ་ནི་དུག་ཐམས་ཅད་འཇོམས་པ་སྟེ། སྦྲུལ་ལ་སོགས་པ་རྒྱུ་བ་དང་མི་རྒྱུ་བ་ཤིང་ལ་སོགས་པ་
4-2-312a


ལས་བྱུང་བའི་དུག་མ་ལུས་པར་འཇིག་པའོ། །ཛྭ་ལི་ཏ་འབར་བ་བི་རྣམ་པར་སྥུ་ལིཾ་ག་འཁྲུགས་པ་ཞེས་པ་ནི་འབར་བ་རྣམ་པར་འཁྲུག་པ་སྟེ། མེ་སྟག་རབ་ཏུ་འབར་བ་དང་བཅས་པའོ། །ཨཊྚ་ཊྚ་ཧཱ་ས་ཞེས་པ་ནི་ཧ་ཧ་ཞེས་
རྒོད་པའི་སྒྲ་དང་བཅས་པའོ། །ཀེ་སའམ་ཤ་རི་ས་སེང་གེ་ཊཱ་ཊོ་པ་རལ་པ་ཞེས་པ་ལ་ཀེ་ས་རི་ནི་རི་དྭགས་ཀྱི་རྒྱལ་པོ་སེང་གེའོ། །ས་ཊ་ནི་རལ་པའི་ཚོགས་༼ཧ་ས་ནི་རྒོད་པའོ་རྒོད་པའི་སྒྲ་ནི་ཨ་ཊ་ཊ་ཊ་ཊ་ཞེས་པ་སྟེ་སྐྲག་པར་བྱེད་པའི་སྒྲ་སྒྲོགས་པའོ། །དེ་ཡང་གང་སྙམ་ན་
ཧ་ཧ་ཞེས་པའོ། །༽ཕྲག་གོང་དུ་འཕྱང་བའོ། །ཨ་ཊོ་པ་ནི་བསྒྱིངས་པ་སྟེ་སེང་གེའི་རལ་པ་ལྟར་བསྒྱིངས་པ་གང་ལ་ཡོད་པའོ། །བཛྲ་ཁུ་ར་ཞབས་ནིར་གྷཱ་ཏ་ན་བརྡབས་པས་ཙ་ལི་ཏ་གཡོ་བའམ་བསྐྱོད་པ་བ་སུ་དྷཱ་སའི་ཏ་ལ་གཞི་རྣམས་ཞེས་
པ་ནི། རྡོ་རྗེའི་ཞབས་བརྡབས་པས་སའི་གཞི་རྣམས་བསྐྱོད་པའོ། །ནི་ཤྭཱ་ས་མཱ་རུ་ཏོ་ཏ་ཀྵི་པ་ཏ་དྷ་ར་ཎཱི་དྷ་ར་ཞེས་པ་ལ། ནི་ཤྭཱ་ས་དབུགས་མཱ་རུ་ཏ་འབྱིན་པ་ཞེས་པ་ནི་དབུགས་འབྱིན་པའི་རླུང་སྟེ་སྣའི་དབུགས་སོ། །ཨུད་ཀྵི་པ་ཏ་ནི་གྱེན་དུ་འཐོར་
བའོ། །དྷ་ར་ཎཱི་དྷ་ར་ས་འཛིན་པ་ཞེས་པ་ནི་རི་བོ་སྟེ། རྟ་མགྲིན་དེའི་སྣའི་དབུགས་ཀྱིས་རི་བོ་རྣམས་གྱེན་དུ་འཐོར་བར་བྱེད་པ་དེ་ལ་དེ་སྐད་ཅེས་བྱའོ། །བྷཱི་ཥ་ཎ་འཇིགས་སུ་རུང་བ་ཨཊྚ་ཊྚ་ཧཱ་ས་ཞེས་པ་ནི་ཧ་ཧ་ཞེས་བཞད་པས་འཇིགས་སུ་རུང་བའོ། །ཨ་
པ་ར་མི་ཏ་དཔག་ཏུ་མེད་པ་བ་ལ་སྟོབས་པ་རཱ་ཕ་རོལ་ཀྲ་མ་གནོན་པ་ཞེས་བྱ་བ་ནི་སྟོབས་དང༌། ཕ་རོལ་གནོན་པ་དཔག་ཏུ་མེད་པ་མངའ་བ་སྟེ། འདི་དག་ནི་རྟ་མགྲིན་ལ་བོད་པའི་ཚིག་གོ། ཨཱརྱ་ག་ཎ་བྷཱི་ཏ་བྷཱུ་ཏ་ག་ཎ་ཞེས་པ་ལ་ཨཱརྱ་ནི་
4-2-312b


འཕགས་པ་སྟེ། དེ་བཞིན་གཤེགས་པ་རྣམས་སོ། །དེ་རྣམས་ཀྱིས་བཟང་པོར་བརྩིས་པ་ཡིན་པས་ན་འཕགས་པས་བགྲངས་པ་སྟེ་ག་ཎ་ནི་བགྲངས་པའོ། །བྷཱི་ཏ་ཞེས་པ་ནི་འཇིགས་པའོ། །བྷུ་ཏ་ག་ཎ་ཚོགས་ནི་འབྱུང་པོའི་ཚོགས་ལྷ་མ་ཡིན་ལ་
སོགས་པའི་ཚོགས་རྣམས་ཏེ། གང་གིས་འབྱུང་པོའི་ཚོགས་དེ་འཇིགས་པའོ། །༼འདིར་བྷུ་ཏ་ག་ཎའི་མཇུག་ཏུ་རྒྱུད་ལས། བྷུ་ཥི་ཏ་ཞེས་པ་གཅིག་གསུངས་པའི་དོན་གསལ་བར་མི་སྣང་བ་ནི་འཇིགས་པའི་དོན་ཡིན་མིན་དཔྱད་དོ། །༽བུདྷྱ་བུདྷྱ་ཞེས་པ་ནི་བསྐུལ་བའི་ཕྱིར་ཡང་དག་
༼སྐྱབས་འགྲོ་བདུན་ཅུ་པ་ལས། མ་རིག་གཉིད་ནི་རྒྱུན་བཅད་ཅིང༌། །ཡང་དག་ཡེ་ཤེས་ངེས་འབྱུང་བ། །གང་ཞིག་རྣམ་སད་དེ་སངས་རྒྱས། །སྐྱེས་བུ་གཉིད་སད་ཇི་བཞིན་ནོ། །ཞེས་གསུངས་པ་ལྟར། སངས་རྒྱས་ཀྱི་སྐད་དོད་བུདྡྷའི་སྒྲ་གཉིད་སད་པ་དང་པདྨ་རྒྱས་པ་གཉིས་ཀ་ལ་དྲང་དུ་རུང་བ་ལ་འདིར་དང་པོ་ལྟར་བཤད་དོ། །
༼པར་སད་པར་བྱས་ནས་རྦོད་པའོ། །ཧ་ཡ་གྲཱི་བ་ཞེས་པ་ནི་ཀྱེ་རྟ་མགྲིན་ཞེས་བོད་པའོ། །ཁཱ་ད་ཁཱ་ད་ཞེས་པ་ནི་གདུག་པ་ཐམས་ཅད་ཟོ་ཤིག་པའོ། །ཚིན་ད་ཚིན་ད་ཞེས་པ་ནི་གཞན་གྱི་སྔགས་ཆོད་ཅིག་ཆོད་ཅིག་པའོ། །སིདྡྷི་དངོས་གྲུབ་མ་མེ་བདག་ལ་དི་ཤ་
སྩོལ་ཅིག་ཞེས་པ་ནི་བདག་ལ་དངོས་གྲུབ་སྩོལ་ཅིག་པའོ། །ཨཱ་བེ་ཤ་ཡ་ནི་ཕོབས་ཤིག་པའོ། སརྦ་ཛྭ་ར་རིམ་པི་ཤཱ་ཙཱ་ན་ཤ་ཟ་ཞེས་༼ཚིན་ད་ཚིན་ད་པ་ར་མན་ཏྲ་ན་ནི་གཞན་གྱི་སྔགས་སོ་ཞེས་སོ། །པ་ཚབ་ཀྱི་འགྱུར་ཡང་འདི་དང་འདྲ། ཆག་འགྱུར་ལས་ཨ་ཏི་ཤ་ཟེར།
པ་ནི་རིམས་དང་ཤ་ཟ་ཐམས་ཅད་དོ། །སརྦ་གྲ་ཧེ་ཥུ་གདོན་གྱིས་ཨ་པྲ་ཏི་མི་ཚུགས་པར་ཧ་ཏོ་བྷ་བ་མཛོད་ཅིག་ཞེས་པ་ནི། གདོན་ཐམས་ཅད་ཀྱིས་མི་ཚུགས་པར་མཛོད་ཅིག་པའོ། །བཛྲ་དྃཥྚ་མཆེ་བ་ཅན་ཀིཉྩི་རཱ་ཡ་སི་ཞེས་པ་ནི། རྡོ་རྗེ་མཆེ་བ་ཅན་ཅིའི་
4-2-313a


ཕྱིར་ཕྱི་བཤོལ་མཛད་ཅེས་པའོ། །ཨི་དཾ་འདི་དུཥྚ་གདུག་པ་གྲ་ཧཾ་གདོན་དུཥྚ་སརྦཾ་བཱ་སྦྲུལ་ཞེས་པ་ནི་གདོན་མ་རུངས་པའམ་སྦྲུལ་གདུག་པ་འདིའོ། །དྷུ་ན་དྷུ་ན་ནི་སྐྱོད་ཅིག་སྐྱོད་ཅིག་པའོ། །མ་ཐ་མ་ཐ་ཞེས་པ་ནི་རྣམ་པར་
གཏོགས་ཤིག་པའོ། །མར་ད་མར་ད་ཞེས་པ་ནི་བརླག་པར་མཛོད་ཅིག་པའོ། །པཱ་ཊ་ཡ་པཱ་ཊ་ཡ་ཞེས་པ་ནི་ཁོས་ཤིག་པའོ། །མ་ཊ་མ་ཊ་བྷན་དྷ་བྷན་དྷ་ནི་ཆིངས་ཤིག་པའོ། །བུད་དྷ་སངས་རྒྱས་དྷརྨ་ཆོས་སཾགྷ་དགེ་འདུན་ཨ་ནུ་ཛྙཱ་ཏཾ་བཀའ་སྩལ་༼
པའི་ཀརྨ་ཀུ་རུ་ཞེས་པ་ནི། སངས་རྒྱས་དང་ཆོས་དང་དགེ་འདུན་རྣམ་པར་ཆོམས་ཤིག་པའོ་ཟེར། གྱིས་བཀའ་སྩལ་པའི་༼མ་ཊ་གཉིས་པོ་འདི་པ་ཚབ་ཀྱི་འགྱུར་ལ་མེད་དོ། །༽ལས་གྱིས་ཤིག་པ་སྟེ་རྦོད་པའོ། །གལ་ཏེ་དེ་ལྟར་མི་བྱེད་ན་དེའི་ཚེ་རང་ཉིད་ལ་སྨྲས་
པ་ཧ་ཡ་གྲཱི་བཱ་ཡ་ཕཊ་ཅེས་པ་ནི་རྟ་མགྲིན་ལའོ། །བཛྲཱ་ཡ་ཕཊ་ཅེས་པ་ནི་རྡོ་རྗེ་སྟེ་གཞན་གྱིས་མི་ཕྱེད་པ་ལའོ། །བཛྲ་གཱ་ཏྲཱ་ཡ་ཕཊ་ཅེས་པ་ནི་རྡོ་རྗེའི་༼གང་གི་ཚེ་མི་བྱེད་ན་དེའི་རང་གི་ངོ་བོ་གསུངས་ནས་བཅོམ་ལྡན་འདས་རྟ་མགྲིན་ལ་བསྡིགས་པར་མཛད་པ་ནི་ཟེར། ༽ལུས་
ཅན་ལའོ། །བཛྲ་ནེ་ཏྲཱ་ཡ་ཕཊ་ཅེས་པ་ནི་རྡོ་རྗེའི་མིག་ལའོ། །བཛྲ་དཾ་ཥྚཱ་ཡ་ཕཊ་ཅེས་པ་ནི་རྡོ་རྗེའི་མཆེ་བ་ཅན་ལའོ། །བཛྲ་ཁུ་རཱ་ཡ་ཕཊ་ཅེས་པ་ནི་རྡོ་རྗེའི་ཞབས་ཅན་ལའོ། །བཛྲ་ཁུ་ར་ནིར་གྷཱ་ཏ་ནཱ་ཡ་ཕཊ་ཅེས་པ་ནི་རྡོ་རྗེའི་ཞབས་ཅན་ངེས་པར་རྡེབས་པ་ལའོ། །ཏྲཻ་
གསུམ་པོ་ལོ་ཀྱ་འཇིག་རྟེན་བྷ་ཡཾ་འཇིགས་པར་ཀ་རཱ་ཡ་མཛད་པ་ཕཊ་ཅེས་པ་ནི་འཇིག་རྟེན་གསུམ་འཇིགས་པར་མཛད་པལའོ། །སརྦ་ཀརྨེ་ཁུ་ལས་ཐམས་ཅད་ལ་ཨ་པྲ་ཏི་ཧ་ཏཱ་ཡ་ཐོགས་པ་མེད་པ་ལ་ཕཊ་ཅེས་པ་ནི་ལས་ཐམས་ཅད་
4-2-313b


ལ་ཐོགས་པ་མེད་པ་ལའོ། །བཛྲ་ཀུ་ལ་རིགས་༼སན་གྱི་སྒྲ་ལ་ངེས་ཚིག་གིས་བཤད་པས་ཡང་དག་པའོ། །༽སན་ཏྲཱ་ས་ནཱ་ཡ་སྐྲག་པར་རམ་འཇིགས་པར་མཛད་པའོ། །ཕཊ་ཅེས་པ་ནི་རྡོ་རྗེའི་རིགས་རྣམས་ཡང་དག་པར་འཇིགས་པར་མཛད་པ་ལའོ། །ཧཱུྃ་ཧཱུྃ་ཧཱུྃ་ཕཊ་ཅེས་བྱ་བ་ནི་
བཅོམ་ལྡན་འདས་ཀྱིས་རྟ་མགྲིན་ལ་བསྡིགས་པར་མཛད་པའོ། །སྭཱཧཱ་ཞེས་པ་ནི་དེ་ལྟར་བསྡིགས་པའི་མཐར་དབུགས་དབྱུང་བར་བྱ་བའི་ཕྱིར་མཛད་པ་ཡིན་ཏེ། སྭཱཧཱའི་སྒྲ་ནི་དབུགས་འབྱིན་པ་སྟེ། རྡོ་རྗེ་བདུད་རྩིའི་རྒྱུད་ལས། ཡི་གེ་སྭཱཧཱ་ནི་མཱ་མ་ཀཱི་ཞེས་བོས་ནས་
དངོས་གྲུབ་ཐམས་ཅད་རབ་སྟེར་བའོ། ཞེས་གསུངས་པས་སོ། །འདིར་ཆེ་གེ་མོ་བི་ཤ་དུག་དི་ཀཾ་ལ་སོགས་པ་ཨ་པ་ཧ་ར་ཉེ་བར་ཕྲོགས་ཤིག་ཧཱུཾ་ཞེས་བྱ་བ་དང་སྔགས་སྤེལ་ཏེ་སྭཱཧཱའི་སྔོན་དུའོ་ལོ། །དེ་ནས་ཞེས་བྱ་བ་ལ་སོགས་པ་ལ། ཆོས་ཀྱི་རྡོ་རྗེ་ནི་
འོད་དཔག་ཏུ་མེད་པའོ། །དེའི་ཆེ་མཆོག་སྐྱེས་པ་ནི། དེ་ལས་སྐྱེས་པའི་གཙོ་བོ་རྟ་མགྲིན་ལ་སོགས་པ་སྟེ། དེ་གདུལ་བའི་ཕྱིར་རོ། །ཡེ་ཤེས་རྒྱལ་པོ་ནི་འོད་དཔག་ཏུ་མེད་པ་སྟེ། དེ་རྗེས་སུ་དྲན་པ་ནི་སྒོམ་པ་རྩེ་གཅིག་པ་ཐོབ་པར་གྱུར་པའོ། །མཁའ་དབྱིངས་ནི་ནམ་
མཁའི་དབྱིངས་སུ་གཏོགས་པ་སྟེ། དེ་དུག་གིས་ཡོངས་སུ་གང་བའོ། །ཇི་ལྟ་བུ་ཞེ་ན། རྡོ་རྗེ་ནི་མི་༼དེས་གདུལ་བའི་བགེགས་ལ་ཡང་ཆེ་མཆོག་སྐྱེས་ཞེས་བརྗོད་དོ། །ཞེས་སོ། །༽ཕྱེད་པ་སྟེ་གཞོམ་དཀའ་བའོ། །ཧ་ལ་ཧ་ལ་ནི་དུག་གི་ཁྱད་པར་རོ། །ཁྲོ་བོའི་
རྒྱལ་པོ་རྟ་མགྲིན་བསྐུལ་བ་ཡིས། ཞེས་བྱ་བ་ནི་རྦོད་པས་སོ། །དུག་རྣམས་ཐམས་ཅད་མེད་པར་བྱེད། ཅེས་བྱ་བ་ནི། ཧ་ལ་ཧ་ལ་འཐུངས་ཀྱང་དུག་མེད་པར་མཛད་པའོ། །འདིར་མན་ངག་ནི་འདི་ཡིན་ཏེ། འོད་དཔག་མེད་ཀྱི་ཏིང་ངེ་འཛིན་གཞན་གཉིས་སྔོན་དུ་བཏང་
4-2-314a


ནས་ལས་རྒྱལ་མཆོག་གི་དུས་སུ་བསྒྲུབ་པར་བྱ་བ་དུག་གིས་ཟིན་པ་དེ་རྟ་མགྲིན་སེམས་དཔའ་གསུམ་གྱི་བདག་ཉིད་དུ་ངེས་པར་བསམས་ལ། དེའི་སྙིང་གར་ཟླ་བ་ལ་གནས་པའི་ཏིང་ངེ་འཛིན་སེམས་དཔའི་འོད་ཟེར་རྣམས་ཀྱིས། ནད་
པའི་ལུས་ཡོངས་སུ་བཀང་ནས་དེ་ནས་རང་འོད་དཔག་མེད་ལས་རྟ་མགྲིན་དུ་བསྒྱུར་བའི་ལག་པ་གཡས་པའི་ལག་མཐིལ་དུ་ཟླ་བའི་སྟེང་དུ། ཡི་གེ་ཧཾ་མདོག་དཀར་པོ་བསམས་ནས། ལག་པ་གཡས་པའི་མཐེ་བོང་ནས་མཐེའུ་ཆུང་གི་བར་གྱི་སོར་༼
དུག་རབ་ཏུ་སྦར་བ་སྟེ་དུག་མི་མངོན་པར་གནས་པ་རྣམས་སད་པར་བྱའོ། །༽ཚིགས་རྣམས་ལ་རིམ་པ་བཞིན་ཨོཾ་ཛྲིཾ་ཧྲིཾ་ཀྵིཾ་ས་ཞེས་བྱ་བ་ཁ་དོག་དཀར་པོ་ཅན་རྣམ་པར་བཀོད་ལ། སྤྱི་བོ་ནས་བརྩམས་ཏེ་བསྔགས་བརྗོད་པ་སྔོན་དུ་འགྲོ་བས་ལག་པ་ལ་བཀོད་པའི་འོད་ཀྱི་
ཚོགས་ཀྱིས་བྱབས་པས། སྔགས་ཀྱི་ཡིག་འབྲུ་རྣམས་ཀྱི་འོད་ཟེར་དཀར་པོ་འགྱེད་༼ཨོཾ་ཏྲིཾ་ཧྲིཾ་ཁྲིཾ་སྲིཾཿཟེར། ༸ཁྲཱིཾ་མ་ཟེར། ༽ཅིང་བདུད་རྩི་དྲི་མ་མེད་པའི་ཆུའི་རྒྱུན་ལྟ་བུ་ལུས་ལ་ཞུགས་པས། དུག་རྣམས་ཁ་དོག་ནག་པོའམ། སྔོན་པོ་ལྟ་བུ་འོག་ཏུ་
བཏང་བ་སྟེ་བདས་ནས་རྐང་མཐིལ་ནས་ཕུད་དེ་སྟོངས་པར་གྱུར་ཅིང་དེའི་ཤུལ་དུ་བདུད་རྩི་དཀར་པོས་གང་པར་བསམས་ན་དུག་སེལ་བར་འགྱུར་རོ།། ༈ དེ་ནས་ཞེས་བྱ་བ་ལ་སོགས་པ་ལ། དོན་ཡོད་པའི་དངོས་གྲུབ་རབ་ཏུ་སྩོལ་བས་དེ་བཞིན་གཤེགས་
པ་གདོན་མི་ཟ་བར་གྲུབ་པ་ནི་རྡོ་རྗེ་འཆང་ཆེན་པོའོ། །གདོན་མི་ཟ་བའི་དམ་ཚིག་ནི་དོན་ཡོད་པར་གྲུབ་པ་སྟེ། དེའི་བྱང་ཆུབ་ནི་གདོན་མི་ཟ་༼འདི་ནི་སྣང་མཐའ་དང་རྟ་མགྲིན་གྱིས་ཞི་བའི་ལས་སྒྲུབ་པའོ། །༽བར་དམ་ཚིག་འབྱུང་བའོ། །དེ་ཉིད་དབལ་ལམ་ཏོག་སྟེ་
4-2-314b


རྒྱལ་མཚན་ཡིན་ལ་རྡོ་རྗེ་ནི་མི་ཕྱེད་པའི་མཚན་མ་སྟེ། དེ་ལ་དམིགས་པའི་ཏིང་ངེ་འཛིན་གང་ཡིན་པ་དེ་ལ་སྙོམས་པར་ཞུགས་ནས། རྡོ་རྗེ་བེ་ཅོན་སྔོན་པོ་ཞེས་བྱ་བའི་ཁྲོ་བོའི་རྒྱལ་པོ། །སྔགས་ཀྱི་བདག་ཉིད་ཅན་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ༌། །
ན་མཿཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ཨོཾ་ཞེས་བྱ་བ་ལ་སོགས་པ་ནི་སྔགས་དངོས་ཡིན་ཏེ། ཨེ་ཧྱ་ཧི་ཞེས་པ་ནི་ཚུར་སྤྱོན་ཚུར་སྤྱོན་ཞེས་བོད་པའོ། །བྷ་ག་ཝན་བཅོམ་ལྡན་འདས་ནཱི་ལ་སྔོན་པོའམ་ནག་པོ་བཛྲ་དཎ་ཌ་དབྱུག་པ་
ཞེས་པ་ནི་བཅོམ་ལྡན་འདས་རྡོ་རྗེ་དབྱིག་སྔོན་ཞེས་བོད་པའོ། །ཏུ་རུ་ཏུ་རུ་ཧུ་ལུ་ཧུ་ལུ་ཞེས་པ་ནི་ཏུ་རུའི་སྒྲ་ཏྭ་ར་ན་སྟེ་རིངས་པ་རིངས་པར་རོ། །༼ཨེ་ཧྱ་ཧི་ཞེས་པ་ནི་སྤྱན་འདྲེན་པའོ་ཟེར། ༽ཧ་ཧ་ཞེས་པ་ནི་ལྷའི་ཐུགས་ཡང་དག་པར་སད་པར་བྱ་བའོ། །
གུ་ལུ་གུ་ལུ་ཞེས་པ་ནི་༼ཧུ་ལུ་ཧུ་ལུ་ནི་སྔ་མ་ཁ་ཅིག་གནོད་སྦྱིན་གྱི་སྐད་ཡིན་པས་བདག་ཅག་གི་སྒྲས་བཤད་དུ་མེད་པས་གང་དུ་ཡང་མ་བཤད་ཅེས་ཟེར་བ་ནི་མཐོང་རྒྱ་ཆུང་བའི་སྐྱོན་ཏེ། མཉམ་སྦྱོར་གྱི་ཕྱི་མའི་ཕྱི་མར། ཧུ་ལུ་ཧུ་ལུ་ཞུགས་ཤིག་པའོ། །ཞེས་གསུངས་ལ། ཤཱནྟི་པས་ཀྱེ་མའི་དོན་
དུ་བཤད་ཀྱང་འདིར་ནི་སྔ་མ་ཡིན་ཏེ་རིངས་པར་རིངས་པར་བདག་ལ་ཞུགས་ཤིག་པའི་དོན་ནོ། །༽ཚིར་ཅིག་པའོ། །གུ་ལཱ་པ་ཡ་གུ་ལཱ་པ་ཡ་ཞེས་པ་ནི་འཁོར་རྣམས་ཀྱང་འཚིར་དུ་ཆུག་ཅིག་པའོ། །ཀྲ་མ་ཀྲ་མ་ཞེས་པ་ནི། ཀྲ་མ་གོམས་པ་པཱ་ད་བསྐྱོད་པའམ་འདོར་བ་
བི་ཀྵེ་པ་རྣམ་པར་སྤྲོ་བ་སྟེ་གོམ་པ་བསྐྱོད་པར་རབ་ཏུ་སྤྲོ་བར་བྱའོ། །བྷ་ག་ཝན་ཞེས་པ་ནི་བཅོམ་ལྡན་འདས་ཞེས་བོད་པའོ། །བཱ་ཡུ་རླུང་བེ་གེ་ཎ་ཤུགས་ཀྱིས་ཞེས་པ་ནི་རླུང་གི་ཤུགས་ཀྱིས་སོ། །བྷུ་ཏན་འབྱུང་པོ་རྣམས་ཤཱི་གྷྲཾ་མྱུར་དུ་ད་ཧ་ད་ཧ་ཞེས་
4-2-315a


པ་ནི་འབྱུང་པོ་རྣམས་མྱུར་དུ་བསྲེགས་ལ་ཐལ་བར་གྱིས་ཤིག་པའོ། །ད་ར་ད་ར་ཞེས་པ་ནི་ཁོས་ཤིག་པའོ། །བ་ཧ་བ་ཧ་ཞེས་པ་ནི་ཆོམས་ཤིག་པའོ། །པ་ཙ་པ་ཙ་ཞེས་པ་ནི་སྐོལ་ཅིག་པའོ། །མ་ཐ་མ་ཐ་ཞེས་པ་ནི་རྣམ་པར་ཤིག་
ཅིག་པའོ། །པཱ་ཏ་ཡ་པཱ་ཏ་ཡ་ཞེས་པ་ནི་འོག་ཏུ་ལྟུང་བར་གྱིས་ཤིག་པའོ། །མ་ཊ་མ་ཊ་ཞེས་པ་ནི་རློགས་ཤིག་པའོ། །མོ་ཊ་པ་ཡ་མོ་ཊ་པ་ཡ་ཞེས་པ་ནི་འཁོར་རྣམས་ཀྱིས་ཀྱང་བརླག་པར་གྱིས་ཤིག་པའོ། །སརྦ་ཀརྨཱ་ཎི་ཚིནྡ་ཚིནྡ་ཞེས་པ་ནི་ལས་ཐམས་ཅད་
ཆོད་ཅིག་པ་སྟེ། དགྲ་བོས་རབ་ཏུ་སྦྱར་བའི་བསྐྲད་པ་ལ་སོགས་པའི་ལས་རྣམས་ཤིག་ཅིག་ཤིག་ཅིག་པའོ། །བྷཀྵ་ཡ་བྷཀྵ་ཡ་ཞེས་པ་ནི་ཟོ་ཤིག་པའོ། །མེ་དཾ་ནི་ཚིལ་ལོ། །ཨཱ་སྱ་ནི། དེའི་སྟེ། འདི་ནི་བསྒྲུབ་པར་བྱ་བའི་འོ། །མེ་ད་ཚིལ་མད་ཛ་
རྐང་རུ་ངྷི་ར་ཁྲག་པྲི་ཡ་དགྱེས་པ་ཨེ་ཧྱ་ཧི་ཚུར་བྱོན་བྷ་ག་ཝན་ཞེས་བྱ་བ་ནི་ཀྱེ་བཅོམ་ལྡན་འདས་ཚིལ་དང་། རྐང་དང་། ཞག་དང་། ཁྲག་ལ་དགྱེས་པ་ཚུར་སྤྱོན་ཚུར་སྤྱོན་ཞེས་བོད་པའོ། །སརྦ་བིགྷྣཱན་ཞེས་པ་༼མ་ཟེར། 
ཞག་ཟེར། ༽ནི་བགེགས་ཐམས་ཅད་དོ། །སརྦ་བི་དྱཱ་རིག་པ་ནི་ཞེས་པ་ནི་རིག་པ་ཐམས་ཅད་དོ། །སརྦ་མན་ཏྲ་ནི་ཞེས་པ་ནི་སྔགས་ཐམས་ཅད་དོ། །སརྦ་མཱུ་ལ་རྩ་བའི་ཀརྨ་ནི་ཞེས་པ་ནི་རྩ་བའི་ལས་ཐམས་ཅད་དང་། ཀྲི་ཏྲི་མ་བཅོས་པའི་
བི་ཥཱ་དུག་དཱེ་ནི་ལ་སོགས་པ་ཞེས་པ་ནི་བཅོས་པའི་དུག་ལ་སོགས་པའོ། །སརྦ་གྲ་ཧཱ་ན་གདོན་ཞེས་པ་ནི་གདོན་ཐམས་ཅད་དེ། དེ་རྣམས་ཧ་ན་ཧ་ན་ཞེས་པ་ནི་ཆོམས་ཤིག་པའོ། །བྷན་ཛ་བྷན་ཛ་ཞེས་པ་ནི་ཤིག་ཤིག་པའོ། །མར་ད་
4-2-315b


མར་ད་ཞེས་པ་ནི་མཉེས་ཤིག་པའོ། །ཨི་དཾ་ཞེས་པ་ནི་འདི་ཞེས་པའི་དོན་ཏེ། གང་འདོད་པའི་ལས་དེ་ལ་འདི་ཞེས་བརྗོད་དོ། །ཀཱརྱཾ་སཱ་དྷ་ཡ་ཞེས་པ་ནི་བྱ་བ་སྒྲུབས་ཤིག་པའོ། །ཧཱུཾ་ཞེས་པ་ནི་རྗེས་སུ་བྱེད་པའི་སྡིགས་མཛུབ་བྱ་བའོ། །ནཱི་ལཱ་ཡ་ཞེས་པ་ནི་སྔོན་པོ་ལའོ། །ནཱི་
ལཱ་བཛྲ་དན་ཌ་ཡ་ཞེས་པ་ནི་རྡོ་རྗེ་དབྱིག་པ་སྔོན་པོ་ཅན་ལའོ། །ཏུ་རུ་ཏུ་རུ་ཞེས་པ་ནི་རིངས་པར་མཛོད་ཅིག་པའོ། །བིགྷྣཱན་བི་ན་ཡ་ཀ་ནཱ་ཤཱ་ཡ་ནཱ་ཤཱ་ཡ་ཞེས་པ་ནི་བགེགས་དང་ལོག་འདྲེན་རློགས་ཤིག་རློགས་ཤིག་པའོ། །ཧུ་རུ་ཧུ་རུ་ཞེས་བྱ་བ་ནི་བྱ་བ་ལ་འབད་པར་མཛོད་ཅིག་
པའོ། །དཱིཔྟ་འབར་བ་ཙཎྜ་ཡ་གཏུམ་པོ་ཞེས་པ་ནི་འབར་བ་གཏུམ་པོ་སྟེ། ལྷག་པར་ཁྲོ་བའི་ཕྱིར་རོ། །སརྦ་ཤ་ཏྲཱུཾ་ཎཱཾ་དགྲའི་ཧྲི་ད་ཡཱ་སྙིང་ནི་ངེས་པར་བི་ཌ་ཡ་ཚིར་ཅིག་ཞེས་པ་ནི་དགྲ་ཐམས་ཅད་ཀྱི་སྙིང་ངེས་པར་ཚིར་ཅིག་པའོ། །ཚིནྡ་ཚིནྡ་
པ་ར་གཞན་ནམ་ཕ་རོལ་བི་དྱཱ་ཎཱཾ་ཚེ་ད་ཀ་གཅོད་པ་ཞེས་པ་ནི་གཞན་གྱི་རིག་པ་གཅོད་པ་པོས་གཞན་གྱི་རིག་པ་ཆོད་ཅིག་པའོ། །ཧཱུཾ་ནི་དེ་གསལ་བར་བྱེད་པའི་ས་བོན་ནོ། །བི་དྱཱ་ཎཱཾ་རིག་པ་རྣམས་ཀྱི་ཤིཥྚ་ཀ་བྱེད་པ་པོ་ཞེས་པ་ནི་རིག་པ་རྣམས་ཀྱི་དམ་པར་གྱུར་
པ་སྟེ། བྱེད་པ་པོའོ། །ས་མ་ཡ་མ་ནུ་སྨ་རཾ་ཞེས་པ་ནི་དམ་ཚིག་རྗེས་སུ་དྲོན་ཅིག་པ་སྟེ། ཀྱེ་རྡོ་རྗེ་འཆང་གི་བཀའ་རྗེས་སུ་དྲོན་ཅིག་པའོ། །མར་མཱ་ཎི་ནི་གནད་ཀྲིན་ཏ་ཆོད་ཅིག་ཞེས་པ་ནི་གནད་ཆོད་ཅིག་པའོ། །ཧཱུཾ་ནི་སྐུལ་བའོ། །ཧ་ན་ཧ་ན། ད་ཧ་ད་ཧ། ཀུ་རུ་ཀུ་
རུ། ཏུ་རུ་ཏུ་རུ། ཧུ་རུ་ཧུ་རུ་ཕཊ་ཕཊ་ཧཱུཾ་ཧཱུཾ་ཞེས་པ་ནི་སྔར་བཤད་པ་ཟད་དོ། །ཀྲི་ཏཱན་ཏ་ཡ་ཞེས་པ་ནི་མཐར་༼ཀྲི་ཏ་ཡ་བྱེད་པ། ཨན་ཏ་མཐའོ། །༽བྱེད་པ་དེ་གཤིན་རྗེའོ། །དེ་བ་ལྷ་རི་ཥི་དྲང་སྲོང་བི་རྣམ་པར་དྲཱ་པ་ཀཱ་ཡ་སྐྲོད་པ་ཞེས་པ་ནི་ལྷ་དང་
4-2-316a


དྲང་སྲོང་རྣམ་པར་སྐྲོད་པའོ། །ཧ་ན་རྒྱོབ་ཧ་ན་རྒྱོབ་བཛྲ་དཎ་ཌེ་ན་དབྱུག་པས་སྭཱཧཱ་ཞེས་པ་ནི་རྡོ་རྗེའི་དབྱིག་པས་རྒྱོབ་ཅིག་པའོ། །འདིར་སྭཱཧཱའི་སྔོན་དུ་འགྲོ་བའི་ཆེ་གེ་མོ། །མ་ར་ཡ་སོད་ཅིག་ཕཊ་ཕཊ་ཅེས་བྱ་བ་དང་སྔགས་
སྤེལ་ལོ། །དེ་ནས་ཞེས་བྱ་བ་ལ་སོགས་པ་ལ། གདུག་པའི་མཆོག་ལས་བྱུང་བ་ཀུན། །ཞེས་བྱ་བ་ནི་བགེགས་ཀྱི་མཆོག་རྣམས་༼ཁ་ཅིག་འདྲི་བ་དང་ལས་སྦྱོར་གྱི་དུས་སུ་སྭཱཧཱ་སྤངས་ནས་ཧཱུཾ་ཕཊ་འཇུག་པ་ཡིན་ཟེར་ཡང་། སྔ་མ་རྣམས་དེ་མི་བྱེད་པར་སྭཱཧཱའི་སྔོན་དུ་སྤེལ་ཞིང་ཞེས་པ་དང་མཐུན་ནོ། །
༽སོ། །གཞན་དག་ནི་གོ་སླའོ། །ཁྲོ་བོའི་རྒྱལ་པོ་འདིའི་སྔགས་བརྒྱ་རྩ་བརྒྱད་བཟླས་ན་གདུག་པ་ཐམས་ཅད་གསོད་པར་འགྱུར་རོ། །ཆོ་གའི་ཚུལ་བཞིན་ཞེས་བྱ་བ་ནི་རྟོག་པ་ལས་བཤད་པའི་ཆོ་གའི་སྦྱོར་བས་སོ། །བསྐུལ་བ་ཡིས་ཞེས་བྱ་བ་ནི་སྔགས་ཀྱི་དོན་
ཡོངས་སུ་ཤེས་པ་ལ་སྩོགས་པས་ལྷ་རྣམས་ལ་རྦོད་པའོ། །དེ་ལ་འདིར་ཆོ་ག་ནི་འདི་ཡིན་ཏེ། དོན་གྲུབ་ཀྱི་སྒོ་ནས་ཏིང་ངེ་འཛིན་གཞན་གཉིས་སྔོན་དུ་བཏང་ལ། ལས་རྒྱལ་མཆོག་གི་དུས་སུ་དུར་ཁྲོད་ཀྱི་སྟེ་རོ་རས་ལ་འཁོར་ལོ་རྩིབས་བཅུ་དྲུག་པ་བྲིས་ཏེ། དེའི་ལྟེ་
བའི་སྟེང་དུ་སྣ་ཚོགས་རྡོ་རྗེ་བྲི། དེའི་ལྟེ་བ་ལ་བྲིས་པའི་མེའི་དཀྱིལ་འཁོར་ལ་སྐེ་ཚེ་དང་ལན་ཚྭ་དང་ཡུངས་མར་དང་དུག་དང་ད་ཏུ་ར་ཐང་ཕྲོམ་པའི་ཁུ་བ་སྟེ། རྫས་འདི་དག་གིས་བསྒྲུབ་པར་བྱ་བའི་མིང་དང་དབྱུག་སྔོན་ཅན་གྱི་སྔགས་སྤེལ་ཏེ་
བྲིས་ལ། རྒྱ་མཚོར་འབབ་པའི་ཆུ་བོའི་ངོགས་གཉིས་དང་གྲོག་མཁར་གྱི་ས་དང་བསྒྲུབ་པར་བྱ་བའི་རྐང་རྗེས་ཀྱི་ས་དང༌། བཤང་གཅི་ལ་སོགས་པ་བདུད་རྩི་ལྔ་དང་ལྡན་པ་ལས་དགྲ་བོ་དེའི་གཟུགས་བརྙན་བྱས་ལ། དེ་ལ་དགྲ་བོའི་རྣམ་ཤེས་དགུག་
4-2-316b


པ་སྟེ་བཀུག་ནས་བཅུག་སྟེ། དེར་དངོས་ཡིན་པར་བསམ་པ་སྔོན་དུ་འགྲོ་བས་བསྒྲུབ་པར་བྱ་བའི་གཟུགས་བརྙན་གྱི་སྙིང་ཁར་བཅུག་ནས། དཔའ་བོ་གཡུལ་དུ་ཤི་བའི་ཐོད་པ་ཁ་སྦྱར་གྱི་ནང་དུ་གཞུག་གོ། དེ་ནས་ཉི་མ་ཕྱེད་དམ་ནམ་ཕྱེད་ན་རྐང་པ་གཡོན་པས་མནན་
ཏེ། སྔགས་ཀྱི་དོན་ཤེས་པས་དབྱུག་སྔོན་ཅན་ལ་བཀའ་བསྒོ་བའི་ཚུལ་གྱིས་སྔགས་བརྒྱ་རྩ་བརྒྱད་བཟླས་ན་འཆི་བར་འགྱུར་རོ། །གལ་ཏེ་འཇིག་པ་སྟེ་འཆི་བར་མི་འགྱུར་ན་དེའི་ཚེ་དཔའ་བོ་གྲིར་ཤི་བའི་ཐོད་པ་གསུམ་སྒྱེད་བུར་བྱས་ལ། དེའི་སྟེང་དུ་གཟུགས་
བརྙན་བཞག་ལ་དུར་ཁྲོད་ཀྱི་གྲིར་ཤི་བའི་རོ་བསྲེག་པའི་མགལ་དུམ་གྱི་མེས་གདུངས་པར་བྱས་ན། ཚ་བའི་རིམས་ཀྱིས་འཛིན་པར་འགྱུར་རོ། །དེ་ནས་གཟུགས་བརྙན་དེ། དུར་ཁྲོད་ཀྱི་མེར་བཅུག་ན་དེའི་ཚེ་འཕྲལ་དུ་འཆི་བར་འགྱུར་རོ།། ༈ དེ་
ནས་ཞེས་བྱ་བ་ལ་སོགས་པ་ལ། དེ་བཞིན་གཤེགས་པ་མི་བསྐྱོད་པ་ནི། རྡོ་རྗེ་འཆང་ཆེན་པོ་ཡོངས་སུ་གྱུར་པས་ཞུགས་པའོ། །ཆར་ཀུན་ནས་འབབ་པའི་སྤྲིན་སྡུད་པའི་གྱི་དཔལ་༼འདི་ནི་དོན་གྲུབ་དང་དབྱུག་སྔོན་ཅན་གྱི་སྒོ་ནས་གསད་ལས་བསྒྲུབ་པའོ། །
༽དཔལ་གང་ལ་ཡོད་པ་དེ་ནི་ཀུན་ནས་སྤྲིན་གྱི་དཔལ་དེ་སྟོབས་པོ་ཆེའོ། །དེ་སྐྱེད་པའི་ཏིང་ངེ་འཛིན་ནི་དེ་དང་དབྱེར་མེད་པས་དེ་སྐད་ཅེས་བྱ་སྟེ། དེ་མངོན་སུམ་དུ་མཛད་ནས་སྟོབས་པོ་ཆེ་སྔགས་ཀྱི་བདག་ཉིད་དུ་གྱུར་པ་འདི་ཉིད་ཀྱི་སྐུ་ལ་སོགས་པ་ལས་
ཕྱུང་ངོ༌། །ན་མཿཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ཨོཾ་ཞེས་བྱ་བ་ལ་སོགས་པ་ནི་སྔགས་དངོས་སོ། །ཨུ་གྲ་ནི་དྲག་པོའོ། །ཤཱུ་ལ་ནི་མདུང་སྟེ། པ་ཎི་ནི་ལག་པའོ། །གང་གི་ལག་པ་ན་དྲག་ཅིང་རྣོ་བའི་མདུང་ཡོད་པ་དེ་ལ་དེ་སྐད་ཅེས་
4-2-317a


བྱའོ། །ཛྲ་ཏི་ཞེས་པ་ནི་ཐོག་གོ། ནིར་ནཱ་ད་ནི་སྒྲ་སྟེ། ཐོག་འབབ་པ་ལྟ་བུའི་སྒྲ་གང་ལ་ཡོད་པ་དེ་ལ་དེ་སྐད་ཅེས་བྱའོ། །འདིར་སྭཱཧཱའི་སྔོན་དུ་འགྲོ་བའི་བཱར་ཥ་ཆར་གྱི་ངྷཱ་རཾ་རྒྱུན་པཱ་ཏ་ཡ་ཕོབ་ཅིག་ཧྲི་ཞེས་བྱ་བ་དང༌འདིའི་སྔགས་
སྤེལ་ལོ་འདི་ནི་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །བཟླས་པ་ཞེས་བྱ་བ་ལ་སོགས་པ་ནི་ཐུན་གསུམ་དུ་རེ་རེ་ལ་བརྒྱ་རྩ་བརྒྱད་བཟླས་པས་སོ། །སྦྱོར་༼པ་རི་ཟེར། ༽བ་ཡིས་ཞེས་བྱ་བ་ནི་སྦྱོར་བ་དེ་དང་དེས་དབང་དུ་བྱ་བ་ལ་སོགས་
པའི་ལས་ཀྱི་བསྒྲུབ་པར་བྱའོ། །ཐན་པ་༼འདིར་འགྱུར་རྙིང་ལས། སྟོབས་པོ་ཆེ་ཡིས་ཀླུ་རྣམས་ཀུན། །ཞེས་འབྱུང་ཡང་། ཀླུ་ནི་སྟོབས་པོ་ཆེ་རྣམས་ཀུན། །ཞེས་པ་དག་གོ། སྐུ་གསུམ་རྡོ་རྗེ་རྗེས་སུ་དྲན་པ་ཞེས་པ་ནི་རྡོ་རྗེ་འཆང་དྲག་པོའོ། །༽བྱུང་བའི་ཞེས་བྱ་བ་ནི་ཆར་༼
དབང་དུ་བྱ་བ་ལ་སོགས་པའི་ལས་རྣམས་ཟེར། །༽མི་འབབ་པ་སྟེ། ཆར་ཆད་པ་སེལ་ཞིང་ཆར་གྱི་རྒྱུན་འབེབས་པའོ། །འདིར་རིམ་པ་ནི་འདི་ཡིན་ཏེ། རྡོ་རྗེ་འཆང་ཡན་གྱི་དང་པོ་སྦྱོར་བ་དང༌། དེ་མི་བསྐྱོད་པར་བསྒྱུར་བའི་དཀྱིལ་འཁོར་རྒྱལ་མཆོག་བྱ། དེ་ནས་ལས་རྒྱལ་
མཆོག་གི་དུས་སུ་སྐེ་ཚེ་ལ་སོགས་པའི་མངོན་སྤྱོད་ཀྱི་རྫས་རྣམས་ཀྱིས་དུར་ཁྲོད་ཀྱི་རས་ལ། །པདྨ་འདབ་མ་བརྒྱད་པ་བྲིས་ལ་དེའི་ཤར་གྱི་འདབ་མ་ལ་ནོར་རྒྱས་ཀྱི་བུ་སེར་པོ། ལྷོར་པདྨ་དཀར་པོ། ནུབ་ཏུ་སྟོབས་ཀྱི་རྒྱུ་དམར་པོ། བྱང་དུ་འཇོག་པོ་ནག་པོ། མེར་པད་ཆེན་སྔོ་
བསངས། བདེན་བྲལ་དུ་མཐའ་ཡས་སྐྱའོ། །རླུང་དུ་རིགས་ལྡན་དཀར་པོ། དབང་ལྡན་དུ་དུང་སྐྱོང་སེར་པོ། སྟོད་སྦྲུལ་མགོའི་གདེངས་ཀ་བདུན་དང་ལྡན་པ། སྨད་སྦྲུལ་མཇུག་ལན་བདུན་དུ་འཁྱིལ་པའི་ཀླུ་བརྒྱད་བྲིས་ལ། དེ་རྣམས་ཀྱི་སྙིང་ཁ་དང༌། སྤྱི་བོར་ཧཱུཾ་ནཱཾ་ཧཱུཾ་༼ཧཱུཾ་ནཱཾ་ཧཱུཾ་
4-2-317b


ཞེས་བྱ་བར་སྔགས་སྤེལ་ལ། ༼ཞེས་པ་སྔགས་དང་སྤེལ་ལོ་ཟེར། པདྨའི་ལྟེ་བའི་དབུས་སུ་ཨོཾ་ཨཱཿཧཱུཾ་བཛྲ་དྷ་ར་འཛིན་པའམ་འཆང་བ་ཨཱ་ཛྙཱ་པ་ཡ་ཏི་བཀའ་ཉོན་ཅིག་སརྦ་ནཱ་གཱ་བཱར་ཥ་དྷ་ར་མུད་ཙིར་ཛན་ཏི་ཕོབ་ཅིག་ཧྲཱི་སྭཱཧཱ་ཞེས་བྱ་བ་བཀོད་ནས། 
ཡང་འཁོར་ལོ་གཉིས་པ་བྲི་ཚུལ་ནི་དེ་བཞིན་དུ་༼སྔགས་དང་སྤེལ་བ་ནི་སྐལ་ལྡན་གྱིས་གདན་བཞི་ནས་བཤད་པའི་སྔགས་དང་སྤེལ་ཟེར་ཡང་། སྟོབས་པོ་ཆེའི་སྔགས་འདིར་བཤད་པའི། མ་ཧཱ་བ་ལའི་མཇུག་ཏུ་བཏགས་པར་བྱའོ། །མུད་སྲི་ཛ་ཏཱ་ཧྲིཿཟེར། །རྒྱས་པར་ཟེར། ༼ཞེས་པས་པདྨ་འདབ་
བརྒྱད་ནས་དབུས་ཀྱི་ཡི་གེ་བྲི་བའི་བར་སྔར་དང་འདྲ་བ་ལ་ཁྱད་པར་ནི་སྔ་མ་གཡས་བསྐོར་དང་འདི་གཡོན་བསྐོར་དུ་བྲིས་ལ་འཁྲུལ་འཁོར་གཉིས་ཁ་སྦྱར་ཏེ། ཀླུ་བརྒྱད་ཀྱི་རྣམ་ཤེས་ཀླུའི་གཟུགས་དེ་རྣམས་ལ་དགུག་པ་དང་། བཀུག་ནས་སོ་སོའི་གཟུགས་ལ་བཅུག་སྟེ། དེ་རྣམས་དངོས་ཡིན་
པར་བསམ་པ་སྔོན་དུ་འགྲོ་བས་ཀླུའི་གཟུགས་བརྙན་གྱི་སྙིང་ཁར་གཞུག་གོ། གཟུགས་བརྙན་ནི་ཆོ་ག་འདིས་བྱ་སྟེ། ཆུ་བོའི་ངོགས་གཉིས་ཀྱི་ས་བདུད་རྩི་ལྔ་དང་ལྡན་པ་ལས་བྱས་ལ། མངོན་སྤྱོད་ཀྱི་རྫས་ཀྱིས་ཉེ་བར་བྱུགས་ཏེ། དུར་ཁྲོད་ཀྱི་མེ་ལ་
སྟོབས་པོ་ཆེ་ལ་བཀའ་བསྒོ་བའི་ཚུལ་གྱིས་གསང་སྔགས་བརྗོད་ཅིང་གདུང་བར་བྱས་ན། ཀླུ་རྣམས་ཆར་འབེབས་པར་འགྱུར་རོ།། ༈ དེ་ནས་ཞེས་༼ཞེས་པ་ནི་སྔར་བཤད་པའི་རྣམ་པ་ཅན་གྱི་ཀླུ་གཅིག་གི་གཟུགས་བརྙན་བྱེད་པ་ཡིན་གྱི། ཀླུ་བརྒྱད་གང་རུང་གཅིག་གི་དམིགས་
བསལ་མི་དགོས་སོ། །༽བྱ་བ་ལ་སོགས་པ་ལ། ཀུན་ཏུ་ངེས་པར་སྒྲོགས་པའི་༼རྩ་རྒྱུད་ལས། ལས་རྣམས་ཐམས་ཅད་སྒྲུབ་པར་བྱེད། །ཅེས་གསུངས་པ་ལྟར། སྟོབས་པོ་ཆེ་ལ་བཀའ་བསྒོ་བ་དང་། དེའི་ཕྲེང་སྔགས་ཀྱིས་དབང་ལ་སོགས་པའི་ལས་ཀུན་འགྲུབ་ཀྱང་། ཆར་འབེབས་པ་འདི་ནི་
4-2-318a


བསྒྲུབ་བྱ་ཀླུ་གདུང་བར་བྱེད་པ་ཡིན་པས་དྲག་ལས་སུ་བྱའོ། །༽རྡོ་རྗེའི་འབྲུག་སྒྲ་གང་ཡིན་པ་དེ་ནི་ཀུན་ཏུ་འཇོམས་པ་སྟེ་འདོད་པའི་རྒྱལ་པོའོ། །དེ་སྐྱེད་པའི་ཏིང་ངེ་འཛིན་ཡང་དེ་དང་དབྱེར་མེད་པས་དེ་སྐད་ཅེས་བྱ་སྟེ། དེ་
མངོན་སུམ་དུ་མཛད་པའོ། །དེ་བཞིན་གཤེགས་པ་ཐམས་ཅད་ནི་མཐུ་ཆེན་༼ཀུན་ཏུ་སྒྲོགས་པ་རྡོ་རྗེ་ཞེས་བྱ་བའི་ཟེར། ༽པོ་དང་ལྡན་པའི་བགེགས་རྣམས་སོ། །དེ་འཆིང་བར་བྱེད་པས་དེ་བཞིན་གཤེགས་པ་ཐམས་ཅད་ཀྱི་ཊཀྐི་སྟེ། 
སྐད་ཀྱི་བྱིངས་ལས་ཊཀྐི་ནི་འཆིང་བར་འདྲེན་པས་སོ། །དེ་ཉིད་གཙོ་བོ་ཡིན་པས་ན་རྒྱལ་པོ་སྟེ་ཁྲོ་བོ་ཆེན་པོ་དེ་སྔགས་ཀྱི་བདག་ཉིད་ཅན་དུ། ཉིད་ཀྱི་སྐུ་ལ་སོགས་པ་ལས་བྱུང་ངོ༌། །ན་མཿཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ཊཀྐི་
ཧཱུཾ་ཛ་ཞེས་བྱ་བ་ནི་སྔགས་དངོས་སྟེ་མིང་བཏུས་པ་ཞེས་བྱ་སྟེ། དེ་ཡང་སྭཱཧཱ་མེད་ཅིང་ཨོཾ་མེད་པ། གང་ཡིན་བཏུས་པ་ཞེས་བརྗོད་དོ། །ཞེས་རྡོ་རྗེ་གཙུག་ཏོར་གྱི་རྒྱུད་ལས་གསུངས་པའི་ཕྱིར་རོ། །ཊཀྐི་ཞེས་པ་ནི་གདུག་པ་འཆིང་བ་པོ་སྟེ་བོད་
པའོ། །ཧཱུཾ་ནི་གདུག་པ་རྣམས་ལ་བསྡིགས་པར་བྱེད་པའོ། །ཛ་ནི་གདུག་པ་རྣམས་སྐྲག་པའི་ཕྱིར་རྦོད་པའོ། །འདིར་ཊཀྐི་ཧཱུཾ་ཛ་ཞེས་པའི་སྔགས་ཀྱི་མཇུག་ཏུ་ཆེ་གེ་མོ་ཨ་ཀར་ཥ་ཡ་ཧྲི་ཞེས་བྱ་བ་དང་སྔགས་སྤེལ་ལོ། །དེ་ནས་ཞེས་བྱ་བ་ལ་སོགས་པ་ལ།
སངས་རྒྱས་ཀུན་ཏེ་རྟོགས་པ་ནི་བགེགས་༼བགེགས་རྣམས་ཏེ་བསྒྲུབ་པར་བྱ་བ་ཉིད་དུ་ཤེས་པར་བྱ་བས་སོ། ཟེར། ༽རྣམས་ཏེ། ཅི་ཞིག་རྟོགས་ན་རང་ལ་ལས་འདི་བསྒྲུབ་པར་བྱ་བ་ཉིད་དུ་ཤེས་པར་བྱ་བ་སྟེ་བྱེད་པས་བྱུང་བས་སོ། །བདག་ཉིད་ཆེན་པོ་ནི་རྫུ་
4-2-318b


འཕྲུལ་ཆེན་པོ་དང་ལྡན་པའོ། །འཇིགས་ཤིང་ནི་སྐྲག་པར་གྱུར་པའོ། །དམ་ཚིག་ནི་ཊཀྐིའི་རྒྱལ་པོར་གྲགས་པའོ། །ལྡན་པར་གྱུར་ནས་ཞེས་པ་ནི། འདོད་རྒྱལ་མདུན་དུ་བློས་དམིགས་པ་དང་ལྡན་པའོ། །རྡོ་རྗེ་སྐུ་གསུམ་ནི་རྡོ་རྗེ་འཆང་ཆེན་པོ་སྟེ། རྗེས་སུ་དྲན་
པ་ནི་བསྒོམ་པའོ། །རྡོ་རྗེ་སེམས་དཔའི་ཞེས་བྱ་བ་ལ་སོགས་པ་ལ། རྡོ་རྗེ་སེམས་དཔའ་སྟེ་མི་བསྐྱོད་པའི་ཏིང་ངེ་འཛིན་ལ་གནས་པའི་རྣལ་འབྱོར་པས། ཏིང་ངེ་འཛིན་གཞན་གཉིས་སྔོན་དུ་བཏང་། དེ་ནས་ལས་རྒྱལ་མཆོག་གི་དུས་སུ་ཛ་ལས་བྱུང་བའི་རྡོ་རྗེ་ལྕགས་ཀྱུས་བྱིན་
གྱིས་བརླབས་པའི་རྐང་པ་གཡས་པས་ལིང་ག་སྟེ། བསྒྲུབ་པར་བྱ་བའི་གཟུགས་བརྙན་བཙག་གིས་ས་ལ་བྲིས་ཏེ། སྙིང་གའི་ཕྱོགས་སུ་མིང་དང་སྤེལ་ཏེ་སྔགས་བྲིས་ནས། མིང་དེ་ལ་དེའི་རྣམ་པར་ཤེས་པ་དགུག་པ་དང་དེ་དངོས་སུ་འདུ་ཤེས་པ་སྔོན་དུ་
འགྲོ་བས་མནན་ནས། རྡོ་རྗེ་གསུམ་གྱི་སྔགས་ནི་འདོད་པའི་རྒྱལ་པོའི་སྔགས་ཏེ། འདི་ནས་མི་བསྐྱོད་པའི་ང་རྒྱལ་གྱིས་འདོད་རྒྱལ་ལ་བཀའ་བསྒོ་བའི་ཚུལ་གྱིས་སྔགས་དེ་ཐུན་རེ་ལ་བརྒྱ་རྩ་བརྒྱད་བཟླས་པས་སྔགས་རྣམས་ཏེ། རྒྱལ་པོ་ལ་སོགས་པ་སྟེ་དེ་༼
ཞེས་པ་འདི་རང་མི་བསྐྱོད་པར་གནས་པ་འདོད་རྒྱལ་དུ་བསྒྱུར་བའི་རྐང་པ་ལ་ལྕགས་ཀྱུས་མཚན་པ་ནས་འདིའི་བར་བྱས་ནས། དེ་ནས་སྔགས་ཟློ་བ་ན་མི་བསྐྱོད་པའི་ང་རྒྱལ་གྱིས་བྱེད་པར་སྔ་མ་རྣམས་བཞེད་དོ། །༼རྣམས་འགུགས་པའི་བྱ་བ་བྱེད་པར་འགྱུར་རོ།། ༈ དེ་ནས་ཞེས་བྱ་
བ་ལ་སོགས་པ་ལ། དེ་ཁོ་ན་ཉིད་རྟོགས་པའི་ཡེ་ཤེས་ཀྱི་ཕྲེང་བསྟེ་རྒྱུན་མི་འཆད་པའི་ཆུ་ལྟར་མཉེན་པའི་རྡོ་རྗེ་སྟེ་མི་ཕྱེད་༼དགུག་པ་ལ་དབང་དྲག་གཉིས་ལས། འདི་དབང་གི་དགུག་པ་ཡིན་པས། མི་བསྐྱོད་པ་དང་འདོད་རྒྱལ་སོགས་ཀྱི་ལྷ་རྣམས་ཁ་དོག་དམར་པོར་བྱའོ། །
4-2-319a


པ་ནི་མི་གཡོ་བའོ། །དེ་སྐྱེད་པའི་ཏིང་ངེ་འཛིན་ཀྱང་དེ་དང་དབྱེར་མེད་པས་དེ་སྐད་ཅེས་བྱ་སྟེ། དེ་མངོན་སུམ་དུ་མཛད་ནས་མི་གཡོ་བའི་རྡོ་རྗེ་གཏུམ་པོའི་དམ་ཚིག་སྔགས་ཀྱི་བདག་ཉིད་ཅན་འདི། བཅོམ་ལྡན་འདས་ཀྱིས་ཉིད་ཀྱི་སྐུ་ལ་
སོགས་པའི་རྡོ་རྗེ་ལས་ཕྱུང་ངོ༌། །ན་མཿཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །ཨ་ཙ་ལ་ཞེས་བྱ་བ་ལ་སོགས་པ་ནི་སྔགས་ཀྱི་ཚིག་སྟེ། མིང་མགོ་མེད་ཅེས་བྱའོ། །དེ་ཡང་སྭཱ་ཧཱར་ལྡན་ཞིང་ཨོཾ་མེད་པ། མིང་ནི་མགོ་མེད་ཅེས་བྱ་སྟེ། །འདི་ནི་
ལས་ཀུན་ཆོ་ག་ལ། །རྡོ་རྗེ་གཙུག་ཏོར་གྱིས་གསུངས་སོ། །ཞེས་འབྱུང་བས་སོ། །ད་ནི་སྔགས་ཀྱི་དོན་བཤད་པར་བྱ་སྟེ། ཨ་ཙ་ལ་ཞེས་པ་ནི་མི་གཡོ་བ་སྟེ། བགེགས་རྣམས་ཀྱིས་བསྐྱོད་པར་མི་ནུས་པའོ། །ཀཱ་ཎ་ཞེས་པ་ནི་ལོང་བ་སྟེ། བགེགས་རྣམས་
ལོང་བར་བྱེད་པའོ། །ཙཎ་ཌ་ནི་༼ལས་ཟེར། ༽གཏུམ་པོ་སྟེ་ཁྲོ་བོའོ། །ནཊྚ་ཞེས་པ་ནི་ཤཱ་ཏ་ན་སྟེ་གཅོད་པའོ། །༼ཙ་ལ་ནི་གཡོ་བ། དེ་དགག་པའི་ཨ་ཐུང་གིས་བཀག་པས་མི་གཡོ་བའོ། །༽མཊྚ་ནི་མ་ཏ་ཏ་སྟེ། མ་དཱི་ཧ་ར་ཥ་སྟེ་དགའ་བའོ། །འདིར་ཡང་
ཡི་གེ་གོ་ལྡོག་པ་ཡིན་ནོ། །མོ་ཊ་ཊ་ནི་ལུས་བོངས་ཆེ་བའོ། །ཥ་ཊ་ཊ་འཇིག་༽སྔགས་འདིར་ན་ཤ་ཏ་ན་ལའོ་ཞེས་འབྱུང་སྟེ་གོང་མའི་ཤེས་བྱེད་དུ་སྒྲའི་གཞུང་དྲངས་པའོ། །དེ་ནས་ཡི་གེ་གོ་ལྡོག་པར་བལྟའོ་ཞེས་པ་ཞིག་འབྱུང་བའི་དོན་ནི། སྡེ་ཚན་གསུམ་པའི་ཏ་ལོག་སྡེ་ཚན་བཞི་པའི་ཏ་དྲང་པོར་
བྱས་ངའོ། །འདིར་ཡང་ཏ་ལོག་ཏ་དྲང་པོར་བཟློག་པའམ་བསྒྱུར་བའོ། །༽པ་ཊ་ཊ་ཞེས་ཀྱང་ཟེར་ཏེ་དོན་འདྲའོ། ༼པ་ཞེས་པ་ནི་ལེ་ལོ་ལ་སོགས་པ་འཇིག་པ་སྟེ་ཤད་ལི་༼པ་ཊ་ཊ་ནི་ཨ་བ་སཱ་ད་ན་ལའོ། །ཞེས་འབྱུང་ལ་དོན་ནི་སྔ་མ་དེ་འཇིག་པ་ལ་འགྲོ་བའི་ཁུངས་སུ་སྒྲ་མདོ་དྲངས་
4-2-319b


པའོ། །༼ཨ་བ་ཤ་ཏ་ནི་ཞེས་ཟེར་བའི་ཕྱིར་རོ། །ཏ་ཊ་ཊ་ཞེས་པ་ནི་ཟད་པར་བྱེད་པ་སྟེ། ཏ་མ་ཨུ་པ་ཉེ་བར་ཀྵ་ཡ་ཟད་པ་ལའོ་ཞེས་བྱིངས་ལས་ཟེར་བས་སོ། །ཧ་ན་ཧ་ན་ནི་རྒྱོབ་ཅིག་པའོ། །ད་ཧ་ད་ཧ་ནི་སྲེགས་ཤིག་པའོ། །མོ་ཧ་མོ་ཧ་ནི་རྨོངས་
པའོ། །མོ་ཧ་ར་ཀ་ར་ནི་རྨོངས་པར་གྱིས་ཤིག་པའོ། །ཧ་ས་ཧ་ས་ནི་རྒོད་པའོ། །༼ཏ་ནི་ཉེ་བར་ཟད་པ་ལའོ་ཟེར། ༽བཛྲ་ཧ་སཾ་ཀུ་རུ་ཞེས་པ་ནི་རྡོ་རྗེ་བཞད་པ་གྱིས་ཤིག་པའོ། །ཧ་ས་ཧ་ས་མར་ད་ར་ཊ་མར་ད་གནོད་ར་ཊ་ཆོད་ཅིག་ཞེས་པ་ནི་
གནད་ཆོད་ཅིག་པའོ། །གརྫ་གརྫ་ཧ་ན་ཧ་ན། བན་དྷ་བན་དྷ་ཞེས་པ་ནི་ཆིངས་ཤིག་པའོ། །ཏིཥྛ་ཏིཥྛ་ཞེས་པ་ནི་བདག་གི་བསྒོ་བ་བྱེད་པའི་ཕྱིར་གནོས་ཤིག་པའོ། །ཨཱ་བེ་ཤ་ནི་ཞུགས་ཤིག་པ་སྟེ་སློང་བ་པོའི་ཚུལ་གྱིས། བསྒྲུབ་པར་བྱ་བའི་ལུས་ལ་
རབ་ཏུ་ཞུགས་ཤིག་པའོ། །མ་ཧཱ་མན་ཏྲཱ་ཞེས་པ་ནི་སྔགས་ཆེན་པོ་སྟེ་མི་གཡོ་བའི་འཕྲེང་བའི་སྔགས་འདི་ཉིད་དོ། །པཱ་ལ་ཀ་ནི་སྐྱོང་བ་སྟེ་འཕྲེང་སྔགས་དེའི་དོན་རྫོགས་པར་བྱེད་པས་མ་ཧཱ་༼སྨིན་པར་བྱེད་པ་ཉིད་ཀྱི་ཟེར། ༽མན་ཏྲཱ་པཱ་ལ་ཀ་སྟེ། 
གང་ཞེ་ན། མི་གཡོ་བའོ། །ངྷུ་ན་ངྷུ་ན་ནི་སྐྱོད་ཅིག་སྐྱོད་ཅིག་པའོ། ཏི་ཎི་ཏི་ཎི་ཞེས་པ་ནི་རྣོ་ཞིང་ཚ་བའི་ལུས་ཅན་གང་ཡིན་པ་དེ་ཐོབ་པ་ནི་ཏི་ཎི་ཞེས་བྱའོ། །ཁཱ་ད་ཁཱ་ད་ཞེས་པ་ནི་བགེགས་ཟོ་ཞིག་པའོ། །མཱ་ར་ཡ་སོད་མཱ་ར་ཡ་སོད། གང་ན་དུཥྚཾ་གདུག་པ་
ཅན་བྷཀྵ་ཟོ་བྷཀྵ་ཟོ། གང་ན་སརྦཾ་༼ཏིཀྵ་ཎ་སྟེ་རྣོ་ཞིང་ཚ་བའོ། །ནི་ནི་ན་ཡ་སྟེ་ཞེས་པ་འདྲེན་པའམ་ཐོབ་པར་བྱེད་པའོ། །༽སྦྲུལ་ཀུ་རུ་མཛོད་ཀུ་རུ་མཛོད་ཀི་རི་བྱེད་ཀི་རི་བྱེད་ཞེས་པ་ནི། གང་ན་བསྒྲུབ་པར་བྱ་བའི་ལུས་རྣམ་པར་གཏོར་ཅིག་
4-2-320a


པའོ། །སྥོ་ཊ་ཡ་ནི་བཀས་པ་སྟེ་གདུག་པ་རྣམས་ཀྱི་ལུས། སྣ་ཚོགས་རྡོ་རྗེ་ཆེན་པོས་ཁོས་ཤིག་ཁོས་ཤིག་ཅེའམ་ཕྱུངས་ཤིག་པའོ། །ཧཱུཾ་ཧཱུཾ་ཧཱུཾ་ནི་བསྐུལ་བའི་ཚིག་གོ། ཏྲི་བ་ལི་ནི་རིམ་གསུམ་ཏེ་ཁམས་གསུམ་མོ། །དེ་༼
ཀི་རིའི་མཇུག་ཏུ་འགྱུར་རྙིང་གི་རྒྱུད་ལས་མ་ཧཱ་བི་ཥ་ཎ་ཞེས་པ་ཡོད། གཞན་ལས་མ་ཧཱ་བི་ཥ་བ་ཞེས་སོ། །༽ཉིད་རྃ་ག་སྟེ་གར་གྱི་གནས་སོ། །ནར་ཏ་ཀ་ནི་དེར་གར་བྱེད་པའོ། །ཨཱཾ་ཨཱཾ་ཨཱཾ་ཞེས་པ་ནི་ལུང་བསྒོ་པའོ། །ཧཱཾ་ཧཱཾ་ཧཱཾ་བོད་པའོ། ཨ་ཙ་ལ་ཙ་ཊ་ཁོལ་ལམ་
མངག་གཞུག་པ་ཞེས་པ་ནི་མི་གཡོ་བ་མངག་གཞུག་པ་སྟེ། རྡོ་རྗེ་འཆང་གི་མངག་གཞུག་གོ། སྥོ་ཊ་ཡ་སྥོཊ་ཡ་ཞེས་པ་ནི་༼ནིར་ཏ་ཀ་ཞེས་ཀྱང་ཟེར་ཏེ་དོན་འདྲའོ། །༽དགས་པར་མཛོད་ཅིག་པའོ། །ཧཱུཾ་ཧཱུཾ་ཨ་ས་མན་ཏི་ཀ་ཞེས་པ་ནི་ཉེ་བར་མི་གནས་པ་སྟེ། 
དེ་དག་ཏྲཊ་ཅེས་ཏེ་ཁོས་ཤིག་པའོ། །མ་ཧཱ་བ་ལ་ཤཱ་ཏ་ཡ་ནི་ཆོད་ཅིག་པའོ། པ་ར་མན་ཏྲཱཾ་ཞེས་པ་ནི་གཞན་གྱི་རིག་པའོ། །ཨཱཾ་ཨཱཾ་ནི་བཀའ་བསྒོ་བའོ། །ཧཱཾ་ཧཱཾ་ནི་བོད་པ་ལ་སྙེགས་སོ། །༼ཤུད་ངྷ་ལོ་གི་ནི་ཟེར། ༽ཤུད་དྷྱ་ཏུ་དག་པར་གྱུར་ཅིག་ལོ་ཀ་
འཇིག་རྟེན་ཞེས་པ་ནི་འཇིག་རྟེན་དག་པར་གྱུར་ཅིག་པའོ། །ཏུ་ཥྱ་ཏུ་དགྱེས་པར་གྱུར་ཅིག་བཛྲཱི་རྡོ་རྗེ་ཅན་ཞེས་པ་ནི་རྡོ་རྗེ་ཅན་དགྱེས་པར་གྱུར་ཅིག་པའོ། །ཨཱ་པྲ་ཏི་ཧ་ཏ་བ་ལེ་བྷྱ་ན་མོ་ཞེས་པ་ནི་ཐོགས་པ་མེད་པའི་སྟོབས་ཅན་ཏེ། སྟོབས་བཅུ་པ་ལ་ཕྱག་
འཚལ་ལོ་བའི་དོན་ཏོ། །ཛྭ་ལ་ཡ་ནི་འབར་བ་སྟེ། གསལ་བར་བྱེད་པའོ། །ཏྲད་ནི་ཁོས་ཤིག་པའོ། །ཨ་ས་ཧ་མི་བཟོད་པ་ནི་མི་བཟོད་པ་སྟེ། ཉོན་མོངས་པ་ཐམས་ཅད་མི་བཟོད་པས་ན་མི་བཟོད་པ་སྟེ། དེ་བཞིན་གཤེགས་པའོ། །དེ་རྣམས་ལ་ཕྱག་
4-2-320b


འཚལ་བས་ན་ན་མཿསྭཱཧཱ་ཞེས་སྨོས་སོ། །འདི་ནི་ཞེས་བྱ་བ་ལ་སོགས་པ་ལ། ལྷ་རྣམས་ནི་ཚངས་པ་ལ་སོགས་པའི་ལྷ་ཐམས་ཅད་དོ། །འཁོར་དང་བཅས་པ་ཀུན་ནི་མངག་གཞུག་པ་རྣམས་དང་བཅས་པའོ། །རྡོ་རྗེའི་སྐུ་ནི་རྡོ་རྗེ་འཆང་ཆེན་པོ་སྟེ། དེ་རྗེས་སུ་དྲན་
པའོ། །འདི་ཡིས་ཞེས་བྱ་བ་ནི། བཤད་མ་ཐག་པའི་འཕྲེང་བའི་སྔགས་ཀྱིས་ལྷ་ཆེན་དག་སྟེ། དབང་ཕྱུག་ཆེན་པོ་ལ་སོགས་པའི་ལྷ་རྣམས། རྒྱལ་བའི་སྤྱན་སྔར་ཁས་བླངས་པའི་དམ་ཚིག་ལས་འདས་པའི་འཇིགས་པས་སྐྲག་པར་གྱུར་ནས། ཁ་སྦྱར་ལུས་
སུ་འགུགས་པར་འགྱུར། ཞེས་པ་སྟེ། འཁྲུལ་འཁོར་ཁ་སྦྱར་བས་འགུགས་པའོ། །དེ་ལ་འདིར་སྦྱོར་བ་ནི་འདི་ཡིན་ཏེ། རྡོ་རྗེ་འཆང་དང་དེ་མི་བསྐྱོད་པར་བསྒྱུར་བའི་ཏིང་ངེ་འཛིན་གཉིས་བྱས་ལ། ལས་སྦྱོར་གྱི་དུས་སུ་གྲོ་ག་དང་ལ་སོགས་
པས་དར་དང་རས་ལ་སོགས་པའི་གཞི་ལ་གི་ཧང་དང་ལ་སོགས་པས་གུར་གུམ་དང་རྒྱ་སྐྱེགས་ལ་སོགས་པས་བསྒྲུབ་པར་བྱ་བ་དབང་ཕྱུག་ཆེན་པོ་ལ་སོགས་པའི་གཟུགས་བརྙན་བྲིས་ལ་དེའི་སྙིང་གར་སྔགས་མིང་གིས་མཚན་པ་སྤེལ་ཚིག་དང་བཅས་པ་བྲིས་ལ། ཡང་འཁྲུལ་འཁོར་
གཉིས་པལ་སྔགས་གཡོན་བསྐོར་དུ་བྲིས་ཏེ་ཡི་གེ་གཅིག་སྟེང་དུ་གཅིག་འབབ་པར་བྱས་ཏེ་དེས་སྟེང་ནས་བཀབ་ལ་སྔར་བཞིན་རྡོ་རྗེ་ལྕགས་ཀྱུས་མཚན་པའི་གཡོན་བརྐྱང་པའི་གནས་པས་ལིང་ག་མནན་ལ། མི་བསྐྱོད་པའི་ང་རྒྱལ་གྱིས་མི་གཡོ་བ་ལ་བཀའ་བསྒོ་བའི་ཚུལ་
སྔགས་ཨ་ཀརྵ་ཡ་ཧྲིའི་སྤེལ་ཚིག་དང་བཅས་པ་དུས་གསུམ་དུ་བཟླས་པས་དབང་ཕྱུག་ལ་སོགས་པ་འགུགས་པར་འགྱུར་རོ།།༼འདི་ཡང་དབང་གིས་འགུགས་པའོ། ༈ དེ་ནས་ཞེས་བྱ་བ་ལ་སོགས་པ་ལ། དམ་ཚིག་ནི་རྡོ་རྗེ་འཆང་བའི་
4-2-321a


བཀའོ། །དེའི་རྣམ་པར་འཕྲུལ་པ་ནི་རབ་ཏུ་འཇུག་པའོ། །དེ་ཉིད་མི་ཕྱེད་པས་ན་རྡོ་རྗེ་སྟེ། དེ་སྐད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་པའོ། །རྡོ་རྗེ་འཛིན་ཐམས་ཅད་ཀྱི་དམ་ཚིག་སྟེ། བཀའི་ངོ་བོ་གང་ཡིན་པ་དེ་ནི་རྡོ་རྗེ་འཛིན་པ་
ཐམས་ཅད་ཀྱི་དམ་ཚིག་གོ། གདུག་པ་རྣམས་ངེས་པར་འདུལ་བས་ན་ཁྲོ་བོ་ཆེན་པོ་གནོད་མཛེས་ཏེ། ཁྲོ་བོ་དེ་སྔགས་ཀྱི་བདག་ཉིད་དུ་གྱུར་པ་འདི་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ཨོཾ་ཞེས་བྱ་བ་ལ་སོགས་པ་ནི་སྔགས་ཏེ། འདིའི་མིང་ནི་མཐའ་མེད་པ་ཞེས་བྱ་
སྟེ། དེ་ཡང་། གང་ལ་ཨོཾ་ཡོད་སྭཱ་ཧཱ་མེད། །དེ་ནི་མཐའ་མེད་ཅེས་བརྗོད་དོ། །ཞེས་རྡོ་རྗེ་གཙུག་ཏོར་ལས་གསུངས་སོ། །དེའི་དོན་ནི་འདི་ཡིན་ཏེ། སུམྦྷ་ཞེས་པ་ནི་ངེས་པར་འདུལ་བ་སྟེ། འདི་ནི་བོད་པའོ། །ནི་སུམྦྷ་ཞེས་པ་ནི་མ་ལུས་པར་ངེས་པར་འདུལ་བའོ། །
ཧཱུཾ་ནི་འདུལ་བ་དེ་གསལ་བར་བྱེད་པའོ། །གྲིཧྣ་ཟུངས་གྲིཧྣ་ཟུངས་ཞེས་པ་ནི་གནོད་པར་བྱེད་པ་འབྲོས་པ་ལ་ཟུངས་ཤིག་པའོ། །གྲིཧྣ་པ་ཡ་འཛིན་དུ་ཆུག་ཅིག་གྲིཧྣ་པ་ཡ་འཛིན་དུ་ཆུག་ཅིག་ཞེས་པ་ནི་འཁོར་རྣམས་ཀྱང་འཛིན་དུ་ཆུག་ཅིག་པའོ། །ཧཱུཾ་ནི་བསྐུལ་བའོ། །
ཨཱ་ན་ཡ་ཁུག་ཅིག་ཧོ་ཀྱེ་བྷ་ག་ཝན་ཞེས་པ་ནི་ཀྱེ་བཅོམ་ལྡན་འདས་ཁུག་ཅིག་པ་སྟེ། རྡོ་རྗེ་ཞགས་པས་བཅིངས་ལ་རྡོ་རྗེ་ལྕགས་ཀྱུས་སྙིང་ཕུག་སྟེ་ཁུག་ཅིག་པའོ། །བིདྱཱ་རཱ་ཛ་རྒྱལ་པོ་ཞེས་པ་ནི་རིག་པའི་རྒྱལ་པོ་ཞེས་པ་སྟེ། གནོད་མཛེས་
ལ་དབུགས་འབྱིན་པའོ། །ཧཱུཾ་ཕཊ་ཅེས་པ་ནི་གསོད་པའི་ཕྱིར་བསྐུལ་བའོ། །༼ཁྲོ་བོ་དགུའི་འཕྲེང་སྔགས་ཞིབ་ཏུ་བསྒྱུར་བ་འགྱུར་རྙིང་དང་ཆག་འགྱུར་ལས་འབྱུང་ལ། པ་ཚབ་ཀྱི་འགྱུར་ལ་དེ་ལྟར་མི་སྣང་བ་ནི་རྒྱ་དཔེ་ལ་མི་མཐུན་པ་གཉིས་ཡོད་པར་གསལ་ཡང་སྔ་མ་ལེགས་སོ། །༽
4-2-321b


དེ་ནས་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །རྡོ་རྗེ་སེམས་དཔའ་ནི་མི་བསྐྱོད་པ་སྟེ། དེའི་རང་གི་ཡེ་ཤེས་སེམས་དཔའི་ཐུགས་ཀའི་ས་བོན་ནོ་འོ། །དེའི་ཞབས་ཀྱིས་ནི་ས་བོན་གྱི་འོད་ཟེར་ཏེ། དེས་མནན་པ་ནི་བསྐོར་བའོ། །བསྐོར་བའི་ཚུལ་ནི་དེ་བཞིན་
གཤེགས་པ་ཀུན་གྱི་བདག་པོའི་ནི། བསྒྲུབ་པར་བྱ་བའོ། །དེའི་ཡེ་ཤེས་སེམས་དཔའ་ནི་དེ་དག་གི་སྙིང་པོ་སྟེ། སྙིང་དེ་རྡོ་རྗེའི་ལྕགས་ཀྱུས་ཕུག་ཅིང་མགྲིན་པ་དང་ཞགས་པས་བཅིངས་པའོ། །དེ་ལྟར་བྱས་ནས། བུ་མོ་དགུག་པར་
བྱའོ། །བུ་མོ་ཞེས་བྱ་བ་ནི་ཉེ་བར་མཚོན་པ་ཙམ་སྟེ། སྐྱེས་པ་ལ་སོགས་པ་ཡང་འགུགས་སོ་མོ།། ༈ དེ་ལྟར་སྔགས་ལ་གཞོལ་བའི་ལས་སྒྲུབ་པ་སྟོན་པར་མ་ཟད་ད་ནི་ནང་ལ་མཆོག་ཏུ་གཞོལ་བ་རྣམས་ཀྱི་ཡང་དགུག་པ་ལ་སོགས་པའི་རིམ་པ་༼
འདི་མི་བསྐྱོད་པའི་སྒོ་ནས་ཏིང་ངེ་འཛིན་གཞན་གཉིས་སྔོན་དུ་བྱས་ལ། ལས་སྦྱོར་གྱི་དུས་སུ་སྔར་ལྟར་དགུག་པའི་དམིགས་པ་བྱས་ཏེ། གནོད་མཛེས་ལ་བཀའ་བསྒོ་བའི་ཚུལ་གྱིས། ཕྲེང་སྔགས་སྤེལ་ཚིག་དང་བཅས་པ་ཐུན་གསུམ་དུ་བཟླས་པས་ཁུག་པར་འགྱུར་རོ། །འདི་ནི་དྲག་པོའི་དགུག་པར་མངོན་ནོ། །
༽བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། བཅོམ་ལྡན་འདས་ནི་རྡོ་རྗེ་འཆང་ཆེན་པོའོ། །དམ་ཚིག་ཆེན་པོ་ནི་སྒྲུབ་པ་པོ་རྣམས་སོ། །དེ་དག་གི་དེ་ཁོ་ན་ཉིད་ནི། དགུག་པ་ལ་སོགས་པས་སེམས་ཅན་རྣམས་ཀྱི་དོན་བྱེད་
པའོ། །དེའི་འབྱུང་བ་ནི་སྟོན་པའོ། །དེ་མི་ཕྱེད་པས་ན་རྡོ་རྗེ་སྟེ། ཏིང་ངེ་འཛིན་གང་ལ་མིང་དེ་སྐད་ཅེས་བྱ་བ་དེ་ལ་དམིགས་པའོ། །དམ་ཚིག་ཆེན་པོ་ནི་སློབ་བཞིན་པ་རྣམས་ཏེ། དེ་རྣམས་ཀྱི་རྡོ་རྗེ་གསུམ་ནི་སྐུ་དང་གསུང་དང་ཐུགས་ཀྱི་ཏིང་ངེ་འཛིན་གསུམ་གྱི་སྒོ་ནས་
4-2-322a


ལས་སྒྲུབ་པའོ་སོ། །དེའི་གསང་བ་ནི་སྣོད་མིན་ལ་བསྟན་པར་བྱ་བ་མ་ཡིན་པས་སོ། །གསུང་གི་དམ་ཚིག་ནི་ཚིག་ཏུ་བརྗོད་པའོ། །དེའི་དེ་ཁོ་ན་ཉིད་ནི་ཇི་ལྟར་གསུངས་པ་ལས་གཞན་དུ་མི་འགྱུར་བ་ཉིད་དོ། །གསུངས་པ་ལྟར་འགྲུབ་
པ་དེའི་གནས་ནི་གཞིར་གྱུར་པ་སྟེ། དགུག་པ་ལ་སོགས་པའི་ལས་དེ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ༌། །སངས་རྒྱས་རྡོ་རྗེ་ནི་དགུག་པའི་ལས་བསྒྲུབ་པར་དཀའ་བའོ། །དེ་རྣམས་ཀྱི་སྐུ་གསུམ་ལ་སྟེ་སྐུ་དང་གསུང་དང་ཐུགས་རྣམས་
ལ་རྡོ་རྗེ་སེམས་དཔའ་སྟེ། སྒྲུབ་པ་པོ་རིམ་པ་དང་པོ་ལ་སེམས་ཤིན་ཏུ་བརྟན་པོ་དེས་རྣམ་པར་བསྒོམ་པ་སྟེ། འཆད་པའི་བསམ་གཏན་གྱི་ཁྱད་པར་དགུག་པ་བྱ་བའོ། །༼ཞགས་པ་རྡོ་རྗེ་ཀྱོ་འཛིན་པས་ཟེར། ༽ཞགས་པ་རྡོ་རྗེ་ཀྱོ་བ་འཛིན། །
ཞེས་བྱ་བ་ནི། གང་འགུགས་པ་བསྒྲུབ་པར་བྱ་བའི་ལུས་ལ་སོགས་པ་ལ། གོ་རིམ་ཇི་ལྟ་བ་བཞིན་དུ་ཞགས་པ་༼ཞེས་པ་ནི་གོང་གི་ལུས་ལ་སོགས་པ་གསུམ་དང་། འོག་གི་ཞགས་པ་སོགས་རིམ་པ་བཞིན་སྦྱོར་ན་མི་འགྲིག་པས། བསྒྲུབ་བྱའི་ལུས་རླུང་དཀྱིལ་ལ་བསྐྱོན་པ་
དང༌། འོད་ཟེར་ཞགས་པ་ལྟ་བུས་ངག་གི་གནས་མགྲིན་པ་འཆིང་བ་དང༌། རྡོ་རྗེ་ལྕགས་ཀྱུའི་རྣམ་པ་ཅན་གྱི་འོད་ཟེར་གྱིས་སེམས་ཀྱི་གནས་སྙིང་གར་འདེབས་པ་རྣམས་རིམ་གྱིས་བྱེད་པའི་དོན་ནོ། །༽ལ་སོགས་པའི་འོད་ཀྱི་ཚོགས་རྣམས་ཀྱིས་གཞུག་པར་ཏེ་དགུག་པར་རྣམ་པར་བསྒོམ་
མོ། དེ་ནི་སངས་རྒྱས་དགུག་པ་སྟེ། །སྐུ་དགུག་པའི་དམ་པ་སྟེ་གཙོ་བོའོ། །༼སངས་རྒྱས་ནི་གསོལ་བ་འདེབས་པ་པོའོ། །ཞེས་འབྱུང་ཡང་། དེའི་གསུང་ཞེས་པ་སངས་རྒྱས་ཀྱི་གསུང་ལ་བྱ་དགོས་པས་འགྱུར་རྙིང་ལྟར་ལེགས་སོ། །༽སངས་རྒྱས་ནི་སྟོན་པ་པོའོ། ༼འགྱུར་རྙིང་གི་
4-2-322b


རྒྱུད་ལས། སངས་རྒྱས་སྐུ་གསུམ་སྦྱོར་བ་ཡི། །འཁོར་ལོ་ཆེན་པོའི་སྦྱོར་བ་ཡིས། །ཞེས་འབྱུང་ལ། གཞན་ལས། སངས་རྒྱས་གསུང་ཚོགས་སྦྱོར་བ་ཡིས། །འཁོར་ལོ་ཆེ་ལྡན་སྦྱོར་བ་ལས། །ཞེས་དང་། དེའི་གསུང་ཚོགས་ནི་ཚིག་གི་ཚོགས་ཏེ་དེས་སོ། །འཁོར་ལོ་ཆེ་སྟེ་ཡུལ་གང་ལ་ཡོད་པ་དེ་ནི་འཁོར་ལོ་ཆེ་ལྡན་
ཏེ། ཡུལ་གྱི་བདག་པོའོ། །དེའི་སེམས་དགུག་པར་བྱ་བའི་ཕྱིར། ཞེས་འབྱུང་ངོ༌། །༽དེའི་སྐུ་གསུང་ནི་གསུང་གི་ཚོགས་སོ། །དེ་དང་ལྷན་ཅིག་ཏུ་འཁོར་ལོ་སྟེ། དཀྱིལ་འཁོར་མངའ་བ་དེ་ནི་འཁོར་ལོ་ཆེན་པོ་སྟེ་དཀྱིལ་འཁོར་གྱི་བདག་པོའོ། །དེའི་ཐུགས་དགུག་པར་བྱ་བའི་
ཕྱིར། བསྒྲུབ་པར་བྱ་བའི་སེམས་ལ་སྟེ་སྙིང་གར་༼སངས་རྒྱས་དེའི་སྐུ་གསུང་ནི་གསུང་སྐུ་ཞེས་བསྒྱུར་བ་ལྟར་ཏེ། གསུང་གི་ལུས་ཞེས་པའོ། །སྐབས་འདི་པཎྜི་ཏ་འགུགས་པ་ལ་སྔ་མ་རྣམས་སྦྱོར་བར་སྣང་བ་ལྟར་ཡིན་ལ། དེ་ལ་ནི་འགྱུར་རྙིང་དང་ཆག་འགྱུར་བཞིན་བྱས་ན་མི་འགྲིག་པས། པ་ཚབ་
ལྟར་བྱ་དགོས་སོ། །དེས་ན་སངས་རྒྱས་ཀྱི་གསུང་རབ་ཀྱི་འཁོར་ལོ་ཆེན་པོ་ཡུལ་ལམ་རྟེན་གང་ལ་ཡོད་པའི་ཡུལ་གྱི་སྟེ་འཁོར་གྱི་ཚོགས་མང་པོའི་བདག་པོ་མཁས་པའོ། །༽རྡོ་རྗེ་ཀྱོ་བའི་འོད་ཟེར་གྱིས་སྦྱོར་བ་གཏོང་བས། རྡོ་རྗེ་སེམས་དཔའ་རྒྱལ་པོ་ཆེ། སྟེ་ཐུགས་རྡོ་རྗེ་དེ་རྟག་ཏུ་སྟེ་
འཕྲལ་དུ་ངེས་པར་གཅིག་ཏུ་ཁུག་པར་འགྱུར་རོ། །མི་ཕྱེད་རྡོ་རྗེ་གསུམ་བསྒོམས་པ། །ཞེས་བྱ་བ་ནི། རྣམ་པར་སྣང་མཛད་ལ་སོགས་པའི་རྣལ་འབྱོར་པ་གསུམ་པོ་རྣམས་ཀྱིས་སོ། འཁོར་ལོ་པདྨ་རྡོ་རྗེ་ཆེ། །ཞེས་བྱ་བ་ནི། གཏི་མུག་དང་འདོད་ཆགས་
དང་ཞེ་སྡང་ལ་སྤྱོད་པ་རྣམས་ཀྱིས་སོ། །རྡོ་རྗེ་ཀྱོ་བ་ནི་རྡོ་རྗེ་ལ་སོགས་པའི་ལྕགས་ཀྱུས་ཏེ། དེའི་ཁྱད་པར་གྱིས་ཞེས་པ། རིམ་པ་བཞིན་འཁོར་༼དེ་ཡང་ཅི་འདྲ་སྙམ་ན། རྣལ་འབྱོར་པ་གཏི་མུག་ལ་སྤྱོད་པ་སྟེ། དེ་ཤས་ཆེ་བ་ཡིན་ན། རྣམ་སྣང་གི་སྒོ་ནས་དགུག་སྟེ་གཞན་གཉིས་ལ་ཡང་
4-2-323a


དེས་འགྲེའོ། །༽ལོ་དང་། པདྨ་དང་། རྡོ་རྗེ་མཚན་པའི་ལྕགས་ཀྱུའོ་སྟེ། ངེས་པར་བསྒྲུབ་པར་བྱ་བའི་སྙིང་འགུགས་པས། སྔགས་རྣམས་ཐམས་ཅད་དགུག་པའི་མཆོག་སྟེ། བསྒྲུབ་པར་བྱ་བ་ཐམས་ཅད་དགུག་པའི་མཆོག་ནི་
འདི་ཡིན་ཏེ་ནོ། །༼ལམ་ཕྱིན་ཅི་མ་ལོག་པའི་གནད་རྣམས་ཇི་ལྟ་བ་བཞིན་དུ་འདོམས་པར་བྱེད་པའི་ཕྱིར་རོ། །འདིར་ཉོན་མོངས་གང་ཤས་ཆེ་བའི་དབྱེ་བས་རྣམ་སྣང་ངམ་སྣང་མཐའ་འམ་མི་བསྐྱོད་པ་གང་ཡིན་པའི་ཏིང་ངེ་འཛིན་གཞན་གཉིས་སྔོན་དུ་བཏང་ལ། ལས་རྒྱལ་མཆོག་གི་དུས་སུ་
གཡས་ཀྱི་ཕྱག་མཚན་དང་པོ་ལས་འོད་ཟེར་འཕྲོས་པས། པ་ཏའི་ལུས་རླུང་དཀྱིལ་ལ་བསྐྱོན། མགྲིན་པ་འོད་ཟེར་གྱི་ཞགས་པས་བཅིངས་ཐུགས་ཀར་ལྕགས་ཀྱུ་སོ་སོས་བཏབ་ནས་བདག་གི་གམ་དུ་འོང་བར་ཡང་ཡང་བསམས་ན་ཁུག་པར་འགྱུར་ལ། དེའི་ཚེ་བཅུ་གཉིས་པ་ནས་གསུངས་
པ་བཞིན་དུ་རྒྱས་བཏབ་ན་རང་གི་འདོད་པའི་དོན་སྒྲུབ་པར་འགྱུར་རོ། །འདི་དབང་གི་དགུག་པ་འདྲ་སྟེ་དཔྱད་དོ།། ༈ རང་གི་མཚན་མས་ཀྱང་དགུག་སྟེ། རྡོ་རྗེ་སེམས་དཔའ་སྟེ་རྡོ་རྗེ་འཆང་ཆེན་པོའི་རྣལ་འབྱོར་པས། ༼དེའི་སྒོ་ནས་ཏིང་ངེ་འཛིན་གཞན་
གཉིས་སྔོན་དུ་བྱས་ལ། ལས་སྦྱོར་གྱི་དུས་སུ་དགུག་པར་བྱ་བའི་མདུན་དུ་དང་པོར་རྡོ་རྗེ་འཆང་བསྒོམ། དེ་ནས་དེ་ཡོངས་སུ་གྱུར་པ་ལས་སྣ་ཚོགས་རྡོ་རྗེ་གྱུར་པའི་སྟེང་དུ་བསྒྲུབ་བྱ་བཞག། སྣ་ཚོགས་རྡོ་རྗེའི་འོག་ཏུ་ཡཾ་ལས་རླུང་གི་དཀྱིལ་འཁོར་བསམ། དེ་ནས་རླུང་གིས་ཆེས་ཆེར་བསྐྱོད་པ་དང་
ལྕགས་ཀྱུས་དྲངས་པའི་དམིགས་པ་བྱེད་དེ། དགུག་པ་ལྷག་མ་གསུམ་ལའང་ལྷ་སོ་སོའི་ཏིང་ངེ་འཛིན་གསུམ་ལ་སོགས་པའི་རིག་པ་སྦྱར། ཞགས་པས་བཅིངས་པའང་ཀུན་ལ་བྱའོ། །༽ཐམས་ཅད་རྡོ་རྗེའི་དངོས་ཏེ་སྣ་ཚོགས་རྡོ་རྗེའི་རང་བཞིན་ཞི་བ་སྟེ་མཛེས་པ་
4-2-323b


བསྒོམ་པའོ། །རང་སྔགས་སྐྱེས་བུ་བསྒོམས་ནས་ནི། །ཞེས་བྱ་བ་ནི་སྒྲུབ་པ་པོ་རང་གི་མེ་ཏོག་ཕོག་པའི་ལྷར་བསྒོམ་པའོ། །མི་ཡི་བུ་མོ་མཆོག་རྣམས་ཀྱི། །ཞེས་བྱ་བ་ནི། བསྒྲུབ་པར་བྱ་བ་མིའི་བུ་མོ་སྣ་ཚོགས་རྡོ་རྗེ་དེ་ལ་གནས་པར་བྱས་ལ། དེའི་
སྙིང་གར་རྡོ་རྗེ་ཀྱོ་བ་སྦྱར། ཞེས་བྱ་བ་སྟེ། སྙིང་ལྕགས་ཀྱུས་ཕུག་ནས་དྲངས་པར་གྱུར་པའོ། །རླུང་གི་དཀྱིལ་འཁོར་༼འདིས་རྡོ་རྗེ་འཆང་དང་འདི་གཉིས་གང་བྱས་ཀྱང་འདྲ་བར་བསྟན་ནོ། །༽སྦྱོར་བ་ཡིས། །ཞེས་བྱ་བ་ནི། རླུང་གིས་དྲངས་པར་གྱུར་པར་
བསམས་ན། ངེས་པར་རྟག་ཏུ་འགུགས་པར་འགྱུར་རོ།། ༈ དེ་བཞིན་དུ་རྣམ་པར་སྣང་མཛད་ཀྱི་རྣལ་འབྱོར་པས། ཤ་ཙིའི་མདུན་དུ་རྣམ་པར་སྣང་མཛད་ཀྱི་གཟུགས་ཆེན་པོ་གཅིག་བསམ། དེ་ནས་རྣམ་སྣང་དེ་ཟླ་བའི་དཀྱིལ་འཁོར་གྱི་རྣམ་པར་
ཡོངས་སུ་གྱུར་པར་བསྒོམས་ལ། བརྒྱ་བྱིན་གྱི་ཁང་པ་ལས་༼ཞེས་པ་རླུང་ལ་གཞག་པ་དང་། ལྕགས་ཀྱུས་འདྲེན་པ་འདྲ་བར་སྟོན་པའོ། ༽ཤ་ཙི་སྟེ། བརྒྱ་བྱིན་གྱི་ཆུང་མ་བདེ་སོགས་མ་བླངས་ལ་དེར་གནས་པར་བསམས་ཏེ། རྡོ་རྗེ་མི་འཆིབའི་སྦྱོར་༼
བརྒྱ་བྱིན་གྱི་གནས་ནས་ཤ་ཙི་སྟེ་བརྒྱ་བྱིན་གྱི་ཆུང་མ་བདུད་རྩི་འཁྱིལ་པས་ཕྲོགས་ཏེ། ཟླ་བ་དེ་ལ་བསྐྱོན་ནས་བཀུག་པར་བསམ་སྟེ་ཞེས་འབྱུང་བ་ལྟར་བྱའོ། །༽བ་ལྕགས་ཀྱུ་ཡིས། འགུགས་པར་གྱུར་པར་བསམས་ལ། བདུད་རྩི་འཁྱིལ་བའི་སྔགས་ལན་གྲངས་ལྔ་བཅུ་
བརྗོད་ནས་དགུག་པར་བྱའོ། །རྡོ་རྗེ་དཀྱིལ་འཁོར་ནི་འདོད་པའི་རྒྱལ་པོ་སྟེ། དེ་རྡོ་རྗེ་ལྕགས་ཀྱུར་བསྒོམས་ལ། དེ་ལ་ལྷའི་བུ་མོ་བསྐྱོན་ཏེ་དེ་ཉིད་ཀྱིས་སྙིང་ག་ནས་འགུགས་པར་གྱུར་ཅིང༌། རླུང་གིས་བསྐྱོད་པས་དགུག་པར་བྱའོ།། ༈ ཁྲོ་བོ་རྡོ་རྗེ་ནི་མི་
4-2-324a


བསྐྱོད་པ་སྟེ། དེའི་དམ་ཚིག་ནི་བཀའ་གང་ཡིན་པ་སྟེ། དེ་ནི་ཁྲོ་བོ་རྡོ་རྗེ་དམ་ཚིག་གོ། རྡོ་རྗེ་ས་འོག་གནས་པ་ནི་གནོད་མཛེས་རྒྱལ་པོ་སྟེ་དེ་བསྐུལ་བ་ནི་གནོད་མཛེས་མདུན་དུ་བཀུག་ལ་བསྒྲུབ་བྱའི་བུ་མོ་ཁུག་ཅིག་ཅེས་བཀའ་བསྒོ་བའི་ཚུལ་གྱིས་ཧཱུཾ་
བཞི་པ་བཟླ་བའོ། །ཤཱུ་ལ་རྡོ་རྗེ་ཀྱོ་བའི་གནས་། །ཞེས་བྱ་བ་ནི། །གནོད་མཛེས་ཀྱི་རྩ་ཕྱག་གཉིས་ཀྱི་ཕྱག་མཚན་༼འདིར་མི་བསྐྱོད་པ་ཡོངས་སུ་གྱུར་པ་ལས་རྡོ་རྗེ་བསྐྱེད་པ་ལ་བུ་མོ་གཞག་པར་བྱའོ། །༽མདུང་དང་ལྕགས་ཀྱུ་བསམས་ཏེ། མདུང་གིས་སྙིང་ཕུག་ལ་རྡོ་རྗེ་
ལྕགས་ཀྱུས་དྲངས་ཏེ་ཞགས་པས་བཅིངས་ནས་འགུགས་ཤིང་རླུང་གི་འཁོར་ལོ་ལ་བསྐྱོན་པར་བསམས་ནས། ལྷ་མ་ཡིན་གྱི་བུ་མོ་དགུག་པར་བྱའོ།། ༈ རང་གི་ལྷག་པའི་ལྷའི་ཏིང་ངེ་འཛིན་གཉིས་ཀྱིས། ལས་སྦྱོར་གྱི་དུས་སུ་བཙག་དག་གམ་ཞེས་བྱ་བ་ལ་
སོགས་པ་ལ། བཙག་དང་ལ་སོགས་པས་རྡོ་རྒྱུས་ཀྱི་འི་ཚོན་ལ་རྡོ་རྗེ་ཀྱོ་བའི་སྦྱོར་བ་ཡིས། རྡོ་རྗེ་ལྕགས་ཀྱུ་ལྟ་བུས་ཟླ་བ་གཟས་ནི་ཟིན་པའི་ཚེ་རྡོ་རྗེ་ལྕགས་ཀྱུ་ལྟ་བུའི་གཟུགས་བྱས་ལ་སྟེ། །ཁར་ཞེས་པ་ཡབ་ཀྱི་རྡོ་རྗེའི་བུ་གའམ་ཡུམ་
གྱི་ཆོས་འབྱུང་བར་བཅུག་ལ། ཇི་སྲིད་གཟས་ཟིན་པ་བཏང་གི་བར་དུ་བསྒྲུབ་པར་བྱ་ཞིང་སྟེ་སྙོམས་པར་འཇུག་པར་བྱའོ། །ཟླ་བ་གཟས་ཟིན་པ་བཏང་བ་དེ་ནས་ལྕགས་ཀྱུའི་གཟུགས་དེ་བཏོན་ལ་ཡི་གེ་གསུམ་མམ་སྲུང་འཁོར་གྱིས་ཡང་དག་པར་བསྲུངས་
ཏེ། ཚངས་པ་ལ་སོགས་པའི་ལྷ་གང་ཡང་རུང་བ་འགུགས་འདོད་པའི་མིང་རྣམས་སྔར་གྱི་རྫས་དེས་པང་ལེབ་ལ་སྔགས་དང་སྤེལ་བ་བྲིས་ནས་སྔགས་སྤེལ་ཚིག་དང་བཅས་པ་བཟླས་ན་ནི། རྡོ་རྗེ་གསུང་གི་བཀའ་ཐོགས་པ་མེད་པ་ཇི་ལྟ་བ་བཞིན་དུ་
4-2-324b


ངེས་པར་འོང་བར་འགྱུར་རོ།། ༈ རྣམ་པའི་མཆོག་རྣམས་ཞེས་བྱ་བ་ལ་སོགས་པ་ལ། བདག་ཉིད་རྣམ་པ་ཐམས་ཅད་ཀྱི་མཆོག་དང་ལྡན་པ་སྟེ། མཚན་ཐམས་ཅད་དང་ལྡན་པའི་རྡོ་རྗེ་འཇམ་དཔལ་དུ་རྣམ་པར་བསྒོམས་པའི་ཏིང་ངེ་འཛིན་གཉིས་བྱས་
ལ། ལས་སྦྱོར་གྱི་དུས་སུ་གནོད་སྦྱིན་མོའི་མདུན་དུ་གཤིན་རྗེ་གཤེད་སྤྲོས་ཏེ་དེ་ཡོངས་སུ་གྱུར་པ་ལས། རྡོ་རྗེ་ལྕགས་ཀྱུར་རྣམ་པར་བསམས་ལ། དེ་ནས་བསྐལ་པའི་བསྲེགས་པའི་འཁོར་ལོ་ཆེ། ཞེས་པ། མེའི་དཀྱིལ་འཁོར་འབར་བ་འཁྲུགས་པ་བསམས་
ལ། ལྕགས་ཀྱུ་དེར་མངོན་པར་འདོད་པའི་གནོད་སྦྱིན་མོ་རང་གི་ཐུགས་ཀའི་འོད་ཟེར་གྱི་ལྕགས་ཀྱུས་དྲངས་པ་༼ དེ་ལས། བསྐལ་པའི་སྲེགས་པ་འཁོར་ལོ་ཆེ། །མེའི་དཀྱིལ་འཁོར་མེ་སྟག་འབར་བ་བསམ་ནས་ཞེས་སོ། །༽བཞག་སྟེ། ལྕགས་ཀྱུས་འདྲེན་པ་དང༌། 
ལྕགས་ཀྱུའི་འོག་གི་རླུང་གིས་བཏེག་པར་གྱུར་ནས་བདག་གི་གན་དུ་བཀུག་ལ་ཉེ་བར་སྤྱད་པར་བྱའོ།། ༈ ཕྱག་རྒྱའི་ཁྱད་པར་དང་ཞེས་བྱ་བ་ནི་སྔགས་ཀྱི་སྐུ་དང་ཡེ་ཤེས་ཀྱི་སྐུའི་ཕྱག་རྒྱ་ཆེན་པོ་གཉིས་ཀྱི་དབྱེ་བས་སོ། །སྔགས་ཀྱི་ཁྱད་
པར་ནི་ལྷ་ཐམས་ཅད་ཀྱི་སྔགས་སུ་འདོན་པས་ན་སྔགས་ཏེ་བཟླས་པའོ། །༼ཀུན་གྱི་ནི་ལྷ་རྣམས་ཀྱིའོ་ཟེར། ། དབྱེ་བ་ཡིས་ཟེར།༼སྐུ་གཉིས་ཀྱི་སྒོ་ནས་སྔགས་བཟླས་པའི་དབྱེ་བ་ཡང་ངག་གི་བཟླས་བརྗོད་དང༌། རྡོ་རྗེའི་བཟླས་བརྗོད་
རྣམ་པ་གཉིས་ཀྱི་ཁྱད་པར་གྱིས། ཐམས་ཅད་དུ་ཞེས་པ་ནི་བཟླས་པ་དེ་གཉིས་ཀྱི་སྒོ་ནས་མ་ལུས་པར་དགུག་པའི་རབ་༼འགྱུར་རྙིང་གི་རྒྱུད་ལས། དགུག་པ་དག་ནི་ཐབས་སུ་གསུངས། །ཞེས་པ་མི་ལེགས་པས། འགྲེལ་པར། དགུག་པའི་རབ་ཏུ་སྦྱོར་བ་
4-2-325a


གསུངས། །ཞེས་པ་ལྟར་བྱའོ། །ཀུན་གྱི་ཕྱག་རྒྱ་ཞེས་པ་ནས། གསུངས་སོ་ཞེས་བྱ་བའི་བར་ནི་སྔར་བཤད་པ་རྣམས་ཀྱི་མཇུག་ཉེ་བར་སྡུད་པའོ། །༽ཏུ་སྦྱོར་བ་རྒྱུད་འདིར་གསུངས་ཤིང་བཤད་པ་ཡིན་ནོ། །གསུངས་ཞེས་བྱ་བ་ནི་ཉེ་བར་སྡུད་པའོ། །
གལ་ཏེ་ཁྱད་པར་རྣམ་པ་གཉིས་ཀྱིས་མ་བསྒྲུབས་ན། དེ་འཇིག་པར་འགྱུར་བ་སྟེ། འཇིག་པ་ནི་མི་འགྲུབ་པར་འགྱུར་བའོ། །རྡོ་རྗེ་ཞེས་བྱ་བ་ལ་སོགས་པ་ལ། རྡོ་རྗེ་སེམས་དཔའ་ནི་དྲུག་པ་སྟེ། དེ་ཉིད་རྒྱལ་པོ་ཆེན་པོ་སྟེ། ལྔ་པོ་རྣམས་ཀྱི་རྟེན་དུ་གྱུར་པའི་
ཕྱིར་རོ། །ཡང་དང་ཡང་དུ་སྟེ། ༼ཞེས་པ་ནི། སྤྱིར་སྔགས་དང་ཡེ་ཤེས་ཀྱི་སྐུ་རེ་རེའི་སྐུ་སྒོམ་པ་དང་། སྔགས་ཟློ་བ་གཉིས་གཉིས་ལ་བཤད་དུ་ཡོད་ཀྱང་སྔ་མ་ལ་དོགས་པ་ཆེ་སྟེ། སྔགས་ལ་གཞོལ་བས་ལས་སྒྲུབ་པ་ལ་བཟླས་པ་མང་དུ་སོང་ན་ལྷའི་ཏིང་ངེ་འཛིན་བརྟན་པོ་མི་དགོས་སམ་སྙམ་
པ་ལ། དེ་འདྲས་མི་ཆོག་གཉིས་ཀ་དགོས་ཞེས་སྟོན་པའོ། །༽ཡང་ནས་ཡང་དུ་བསྐུལ་བར་བྱ་ཞིང་དམིགས་པར་བྱའོ། །ཅིའི་ཕྱིར་ཞེ་ན། དེ་ཉིད་སྔགས་རྣམས་ཐམས་ཅད་དེ། །དེ་བཞིན་གཤེགས་པ་ཐམས་ཅད་ཀྱི་རྒྱལ་པོ་སྟེ། གསལ་བར་བྱེད་
པར་ངེས་ཤིང་མཆོག་ཏུ་རྟག་པའོ། །དེ་བས་ན་ལས་ཐམས་ཅད་དང་། གནས་སྐབས་ཐམས་ཅད་དུ་དམིགས་པར་བྱའོ།། ༈ དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་ནི་རྡོ་རྗེ་འཆང་ཆེན་པོའོ། །ནམ་མཁའ་ནི་རྟག་པ་༼
ཐམས་ཅད་དུ་རྡོ་རྗེ་འཆང་སྒོམ་དགོས་པར་གསུངས་པ་འདི། ལྷག་མོས་ཀྱི་རྡོ་རྗེ་འཆང་སྒོམ་པ་ལ་སྦྱོར་བ་དང་། སྙིང་པོ་བསྐུལ་བའི་སྐབས་ཡིན་ཞེས་པ་དང་། དབང་དུ་བྱ་བ་ཁུགས་པ་ན་རྒྱས་འདེབས་ཀྱི་སྐབས་ཡིན་ཞེས་པ་མང་དུ་བྱུང་ཡང་དོན་མ་ཡིན་ནོ། །འདིའི་དོན་ནི་ཀླུ་བྱང་དང་ཟླ་བས། 
4-2-325b


མཉམ་སྦྱོར་ལས། རྣལ་འབྱོར་ཐམས་ཅད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །ཁམས་གསུམ་པ་ནི་མ་ལུས་ཀུན། །དེ་ཡི་ཉེ་བར་ལོངས་སྤྱོད་ཉིད། །ཅེས་ཡང་ཡང་དྲངས་ནས་ལྷ་ཐམས་ཅད་རྡོ་རྗེ་འཆང་གི་ངོ་བོ་ཉིད་དུ་བལྟ་བར་གསུངས་པས། ཕྱི་དཀྱིལ་དང་ལུས་དཀྱིལ་སྒོམ་པ་
དང༌། བསྙེན་པ་དང་སྒྲུབ་པའི་སྐབས་ཐམས་ཅད་དུ་ལྷ་ཐམས་ཅད་ལ་རྡོ་རྗེ་འཆང་གི་ངོ་བོར་བལྟ་བའི་རྒྱས་འདེབས་པ་ཡིན་ལ། འདི་ཤིན་ཏུ་གལ་ཆེའོ། །༽སྟེ། ནམ་མཁའ་ལྟར་ཐོག་མ་དང་ཐ་མ་མེད་པའོ། །ཀུན་ཏུ་ནི་ཐམས་ཅད་དོ། །རྣམ་པར་འཕྲུལ་ཞིང་རབ་ཏུ་འཕྲོ་བའི་
གཟུགས་ཅན་སྣ་ཚོགས་རྡོ་རྗེ་གང་ལ་ཡོད་པ་ཡིན་པ་དེ་ནི། ཀུན་ཏུ་རྣམ་པར་འཕྲུལ་བའི་ཡེ་ཤེས་རྡོ་རྗེ་ནི། དོན་ཡོད་པར་གྲུབ་པ་སྟེ། དེ་སྐྱེད་པའི་ཏིང་ངེ་འཛིན་ཀྱང་དེ་དང་དབྱེར་མེད་པས་དེ་སྐད་ཅེས་བྱ་སྟེ། མིང་དེ་སྐད་ཅེས་བྱ་བའི་ཏིང་ངེ་འཛིན་གྱི་གནས་སྐབས་
ཀྱི་ཁྱད་པར་ལ། སྙོམས་པར་ཞུགས་ཤིང་ཀུན་ནས་དམིགས་ཏེ། རྡོ་རྗེའི་རང་བཞིན་གྱི་ཐོར་ཚུགས་གཅིག་མ་སྟེ། གང་ལ་རལ་པའི་ལན་བུ་གཅིག་ཡོད་པ་དེ་ནི་ཐོར་ཚུགས་གཅིག་མ་སྟེ། དེ་ཡང་སྔགས་ཀྱི་བདག་ཉིད་ཅན་ནོ། །དམ་ཚིག་ཆེན་པོ་གཞན་
གྱིས་མི་ཐུབ་པའི་གསུང་ནི་དོན་ཡོད་པར་གྲུབ་པ་སྟེ། དེའི་རྡོ་རྗེ་ནི་དོན་གྲུབ་དེའི་དཀྱིལ་འཁོར་པ་རྣམས་སོ། །དེ་རྣམས་ཀྱི་མཆོག་ནི་གཙོ་བོ་སྟེ། འོག་ནས་བཤད་པའི་མཚན་ཉིད་དང་ལྡན་པ་དེ་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ཨོཾ་ཞེས་བྱ་བ་
ལ་སོགས་པ་ནི་སྔགས་སོ། །ཤཱུ་ལི་ནི་ཞེས་བྱ་བ་ནི་ཤཱུ་ལ་མདུང་སྟེ་ན་རྐྱེན་དུ་བྱས་པ་ལ་ཨི་མོ་རྟགས་སྦྱར་བས་མདུང་ཅན་མ་སྟེ། མདུང་ཅན་མ་ཞེས་བོད་པའོ། །འདི་ནི་ཞེས་བྱ་བ་ལ་སོགས་པ་ལ། རིག་པ་འདི་གསུངས་པ་ཙམ་གྱིས་ཏེ། བཅོམ་ལྡན་འདས་
4-2-326a


ཀྱི་ཞལ་གྱི་པདྨ་ལས་ངེས་པར་ཕྱུང་བས། ཀླུ་ཡི་བུ་མོ་མཐུ་ཆེན་རྣམས། འདོད་པའི་མེས་ཚིག་པར་གྱུར་ཅིང༌། །གོས་དང་བྲལ་བས་གཞན་གྱི་དབང་དུ་གྱུར་ནས་སངས་རྒྱས་བྱང་ཆུབ་སྟེ། དོན་ཡོད་པར་གྲུབ་པ་རྗེས་སུ་དྲན་
ཞིང་སྒོམ་པ་སྟེ། སྔགས་ཀྱི་རིག་པ་འདི་དང་ཆོ་ག་སྦྱར་བས་ཀླུ་ཐབས་ཅད་འོང་བར་འགྱུར་རོ། །དེ་ལ་འདིར་ཆོ་ག་ནི་འདི་ཡིན་ཏེ། སྔགས་འདིའི་བཟླས་པའི་གྲངས་དང༌། དེའི་བཅུ་ཆའི་སྦྱིན་སྲེག་སོགས་སྔོན་དུ་སོང་བས། དོན་གྲུབ་ཀྱི་ཏིང་ངེ་འཛིན་གཉིས་བྱ། །རལ་གཅིག་མ་ནི་སྐུ་
མདོག་སོགས་སྒྲོལ་མ་དང་འདྲ་ལ། དེ་རང་གི་ཡུམ་དུ་བྱའོ། །དེ་ནས་ལས་སྦྱོར་གྱི་དུས་སུ་སྐྱེས་པའི་ཐོད་པ་ལ་བཙག་གིས་རླུང་གི་དཀྱིལ་འཁོར་སྔར་བཤད་པའི་རིམ་པས་བྲིས་ལ། དེའི་ནང་དུ་ནོར་རྒྱས་ལ་སོགས་པ་ཀླུ་གང་ཡང་རུང་བའི་གཟུགས་བརྙན་བྲིའོ། །
དེའི་སྙིང་གར་སྔགས་མིང་སྤེལ་དང་བཅས་པ་བྲིས་ལ་གཞུག། དེ་ལ་ཀླུའི་རྣམ་ཤེས་བཀུག་སྟེ་བཅུག་ལ་དོན་དུ་ཞེན་པར་བྱས་ནས་དེའི་མིང་ནས་སྨོས་ཏེ་རྡོ་རྗེ་ལྕགས་ཀྱུས་བྱིན་གྱིས་བརླབས་པའི་རྐང་པ་གཡོན་པས་མནན་ལ། ཨོཾ་ཤཱུ་ལི་ནི་ཆེ་གེ་མོ་ཨ་ཀརྵ་ཡ་
ཧྲིཿསྭཱ་ཧཱ་ཞེས་མིང་དང་སྤེལ་བ་དང་བཅས་པས་སྔགས་བཟླས་བརྗོད་བྱས་ན་ཀླུ་རྣམས་ཁུག་པར་འགྱུར་རོ། །ཆོ་ག་༼སྤེལ་ནས་ཞེས་ཟེར། ༽འདི་ཉིད་ཀྱིས་བུད་མེད་ཀྱི་ཐོད་པའི་ནང་དུ་ཀླུའི་བུ་མོ་བྲིས་ན་ཁུག་པར་འགྱུར་རོ། །དེ་བས་ན། ཀླུ་ཡི་
བུ་མོ་མིག་བཟང་དག། བཀུག་ནས་ཉེ་བར་སྤྱད་པར་བྱ། །ཞེས་གསུངས་སོ། །འདི་ནི་དབང་གི་དགུག་པའོ། ༈ ༼དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་ནི་རྡོ་རྗེ་འཆང་ཆེན་པོའོ། ནམ་མཁའི་དམ་ཚིག་ནི་འོད་དཔག་ཏུ་
4-2-326b


མེད་པ་སྟེ། དེ་གང་དུ་འབྱུང་བ་དེ་ནི་ནམ་མཁའི་དམ་ཚིག་འབྱུང་བ་སྟེ། དེ་སྐད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཤིང་མངོན་སུམ་དུ་མཛད་ནས་སོ། །ཆོས་ཆེན་པོ་ནི་འོད་དཔག་ཏུ་མེད་པའོ། །དེའི་དམ་ཚིག་ནི་དེའི་རིགས་དང་ལྡན་པ་རྣམས་སོ། །དེའི་
ནང་ན་རྡོ་རྗེ་ཁྲོ་གཉེར་མ་སྟེ། མི་ཕྱེད་པའི་སྨིན་མ་བསྐྱོད་པ་དང་ལྡན་པ་འོག་ནས་སྔགས་ཀྱི་བདག་ཉིད་དུ་བཤད་པ་འདི་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ཨོཾ་ཞེས་བྱ་བ་ལ་སོགས་པ་ནི་སྔགས་སོ། །སརྦ་བྷ་ཡ་ནི་འཇིགས་པ་ཐམས་ཅད་དོ། །ནཱ་ཤ་ཡ་
ནི་འཇིག་པ་སྟེ་རྐུན་མ་ལ་སོགས་པས་བྱས་པའི་འཇིགས་པ་ཐམས་ཅད་འཇིག་པའོ། །དགྲ་རྣམས་རྣམ་པར་འཇིགས་པ་སྟེ་སྐྲག་པར་མཛད་པས་ན་ཏྲཱ་ས་ནིའོ། །ཏྲཱ་ས་ཞེས་པ་ནི་སྐྲག་པ་སྟེ། འཇིགས་པའི་གཟུགས་ཅན་ནོ། །ཏྲཱ་ས་ཡ་ཞེས་པ་ནི་བཀའ་བསྒོ་བའོ། །
བེ་ར་ཊི་བྷྲི་ཀུ་ཊི་ཞེས་པ་ནི་ཁྲོ་གཉེར་ཅན་ཏེ་གློག་ལྟར་གཡོ་བའི་གཟུགས་ཅན་ཡིན་པའི་ཕྱིར་རོ། །ཏ་ཊཱི་ནི་འབྲུག་ལྟར་སྒྲ་སྒྲོག་པའོ། །བཻ་ར་ཊི་ནི་དྲི་མ་ངན་པ་མ་ལུས་པ་དང་བྲལ་བའོ། །ཤྭེ་ཏེ་ནི་དཀར་པོ་སྟེ། འདོད་ཆགས་དག་པས་རྣམ་པར་དག་པའོ། །
༼བཻ་ར་ཊི་ནི་ཏི་ཊིའི་འོག་ཏུ་འབྱུང་ངོ༌། ༸། གློག་ལྟར་གཡོ་བའི་གཟུགས་ཅན་ཡིན་པའི་ཕྱིར། བྷྲི་ཀུ་ཊི་ཏ་ཊིའོ། །འབྲུག་ལྟར་སྒྲ་སྒྲོགས་པའི་ཕྱིར་བཱཻ་ར་ཊིའོ། །སྡིག་པའི་དྲི་མ་མཐའ་དག་དང་བྲལ་བའི་ཕྱིར་ཤྭེ་ཏེའོ། །འདོད་ཆགས་རྣམ་པར་དག་པས་རྣམ་པར་དག་པ་ཤྭེ་ཏ་ནིའོ། །ཞེས་འབྱུང་སྟེ་བཻ་ར་ཊི་གཉིས་མེད་དོ། །
༽ཤྭེ་ཏ་ནི་འོད་དཔག་ཏུ་མེད་པའོ། །ཛ་ཊི་ནི་རལ་པ་སྟེ། གང་གི་མགོ་ལ་འོད་དཔག་ཏུ་མེད་པ་ཡོད་པ་དེ་ནི་ཤྭེ་ཏ་ཛ་ཊི་ནི་ཞེས་བྱའོ། །༼སྔགས་སྤེལ་ཚུལ་ནི། སྭཱཧཱའི་སྔོན་དུ་ཆེ་གེ་མོ་ཨ་ཀརྵ་ཡ་ཧྲིཿཞེས་སྦྱར་བའོ། །༽བྷ་ཡ་ནཱ་ཤ་ནི་ཞེས་བྱ་བ་ལ་སོགས་
4-2-327a


པ་ཀུན་ཀྱང་བོད་པའི་ཚིག་ཡིན་ནོ། །དེ་ནས་ཞེས་བྱ་བ་ལ་སོགས་པ་ལ། རིག་པ་འདི་བརྗོད་པ་ཙམ་གྱིས། རིག་པ་འཛིན་པའི་བུ་མོ་ཀུན་ཞེས་བྱ་བ་ནི། རིག་པ་འཛིན་པའི་བུ་མོ་ཐམས་ཅད་དོ། །འདར་བར་གྱུར་པ་ནི་འདོད་ཆགས་
ཀྱིས་བསྐྱོད་པའོ། །ཡེ་ཤེས་རྡོ་རྗེ་ནི་འོད་དཔག་ཏུ་མེད་པའོ། །རྗེས་སུ་དྲན་པ་ནི་བསྒོམ་པར་གྱུར་པའོ། །རིག་པ་འཛིན་པའི་བུ་མོ་མཆོག། ཅེས་བྱ་བ་ནི། གཟུགས་ལ་སོགས་པའི་ཡོན་ཏན་དང་ལྡན་པའོ། །གསེར་གྱི་རྣ་ཆ་གཡོ་བ་རྣམས། །ཞེས་བྱ་བ་ནི། 
རྣ་རྒྱན་འཕྱང་ཞིང་གཡོ་བར་གྱུར་པའོ། །སྔགས་ཀྱི་རིག་པ་འདི་དང་ནི། །ཞེས་བྱ་བ་ནི་བཤད་མ་ཐག་པའོ། །དམ་ཚིག་ལ་སོགས་པ་ཡིས་ཞེས་བྱ་བ་ནི། ཆོ་གའི་ཁྱད་པར་གཟུགས་བྲི་བ་སོགས་གྱིས་སོ། །དགུག་པ་ནི་འགུགས་པས་སོ། །དེ་ལ་འདིར་ཆོ་ག་ནི་
འདི་ཡིན་ཏེ། འོད་དཔག་མེད་ཀྱི་ཏིང་ངེ་འཛིན་གཉིས་བྱ་སྟེ། ཁྲོ་གཉེར་ཅན་ནི་དཀར་ལ་དམར་བའི་མདངས་ཆགས་པ་མ་གཏོགས་པ་གོས་དཀར་མོ་དང་འདྲ་བ་ཡུམ་དུ་བྱའོ། །ལས་སྦྱོར་གྱི་དུས་སུ་བུད་མེད་ཀྱི་ཐོད་པ་ལ་རླུང་གི་དཀྱིལ་འཁོར་བྲིས་ཏེ། དེའི་དབུས་སུ་རིག་པ་འཛིན་པའི་བུ་
མོ་བྲིས་ལ། དེའི་སྙིང་གར་སྔགས་མིང་སྤེལ་དང་བཅས་པ་གཞུག། དེ་ནས་དེའི་རྣམ་ཤེས་བཀུག་པ་དེ་ལ་གཞུག་ཅིང་དོན་དུ་ཞེན་ནས་རྡོ་རྗེ་ལྕགས་ཀྱུས་བྱིན་གྱིས་བརླབས་པའི་གཡོན་བརྐྱང་པས་མནན་ནས་སྔགས་སྤེལ་ཚིག་དང་བཅས་པ་བཟླས་ན་ཁུག་པར་འགྱུར་རོ། ། 
༈ འགོག་པའི་རྡོ་རྗེ་ཞེས་བྱ་བ་ལ་སོགས་པ་ལ། སྦྲུལ་ལ་སོགས་པའི་སྔགས་རིགས་བཞི་པོ་ཐམས་ཅད་བུད་མེད་དང་སྐྱེས་པ་དང༌། མ་ནིང་གི་དབྱེ་༼འདིར་སྒྲ་ཇི་བཞིན་པའོ། །ཞེས་འབྱུང་བ་ལེགས་ཤིང་། དེ་ཡང་ལེའུ་འདིའི་འགོ་ནས་འདིའི་བར་ཐམས་ཅད་དོ། །འདི་
4-2-327b


ཡང་དབང་གི་དགུག་པའོ། ༼བས། ཡི་གེ་གསུམ་པོ་གང་དུ་མང་པོ་རྣམས་འགོག་ཅིང་སྡུད་པས་ཡང་དག་པར་བཟུང་བས་ན་འགོག་པའོ། །རྡོ་རྗེ་རྒྱལ་པོ་ནི་ཡི་གེ་གསུམ་གྱི་སྔགས་སོ། །དེ་ཡང་འགོག་པ་ཡང་ཡིན་ལ་རྡོ་རྗེ་རྒྱལ་པོ་ཡང་ཡིན་པས་ན། འགོག་པ་
རྡོ་རྗེ་རྒྱལ་པོ་སྟེ། །ཡི་གེ་གསུམ་པོ་༼གང་དུ་འགོག་ཅིང་སྡུད་པས་ན་འགོག་པའོ་ཟེར། ༽དེ་ཡོངས་སུ་རྫོགས་པ་སྟེ་ས་འཇུག་པ་དང་ལ་སོགས་པས་གནས་པ་དང་ལྡང་བའི་ཚུལ་གྱིས་རྒྱུན་མི་འཆད་པར་རྒྱུ་བར་གྱུར་པས་མཛེས་པའི་མཆོག་སྟེ།
འདོད་པའི་དོན་ཞི་རྒྱས་སོགས་ཀྱི་དངོས་གྲུབ་སྒྲུབ་པས་མཛེས་པའི་ཕྱིར་རོ། །རྡོ་རྗེ་ཡེ་ཤེས་གསུམ་ནི་མི་བསྐྱོད་པ་ལ་སོགས་པ་རིགས་གསུམ་མོ་འོ། །༼སོ། །དེས་ནི་ཡེ་གེ་གསུམ་རླུང་གསུམ་དང་སྦྱར་བས་ནི་ཡེ་གེ་གསུམ་གྱི་བཟླས་པ་རྫོགས་པར་བསྟན་ནོ། །
༽དེ་རྣམས་ལས་བྱུང་བ་ནི་བཤད་མ་ཐག་པའི་སྤྱན་དང༌། གཤིན་རྗེ་གཤེད་ལ་སོགས་པའི་འཕྲེང་སྔགས་བཅུ་གསུམ་དང༌། སྔགས་གཞན་གཉིས་རྣམས་སོ། །ཀུན་ནས་ཞེས་བྱ་བ་ནི་སྔར་བཤད་པའི་སྔགས་ཐམས་ཅད་ཀྱི་དངོས་གྲུབ་
བསྒྲུབ་པ་ལ་བཟླས་པས་གྲོགས་བྱས་ན་དོ། །དེ་མ་ཐག་ཏུ་ཞེས་པ་རིང་པོ་མི་ཐོགས་པར་འགུགས་ཤིང་སྟེ་ཁུག་པར་འགྱུར་ལ། ཉེ་བར་འགྲུབ་པར་འགྱུར་བ་སྟེ་དགོངས་པས་བཤད་པའོ།། ༈ སྔགས་ལ་མཆོག་ཏུ་གཞོལ་བ་༼
འདིའི་དོན་ནི་མཁས་པ་ཁ་ཅིག་སྔགས་བཅོ་ལྔ་པོས་ལས་གང་འགྲུབ་པ་དེ་འབྲུ་གསུམ་ངག་ཏུ་བཟླས་པ་ཁོ་ནས་འགྲུབ་པར་སྟོན་པ་ཡིན་ཟེར་བ་ནི་དོན་མ་ཡིན་ནོ། །རང་གི་ལུགས་ནི་འདི་འབྲུ་གསུམ་ངག་ཏུ་བཟླས་པ་མིན་གྱི་རླུང་སྔགས་དབྱེར་མེད་ཀྱི་རྡོ་རྗེ་བཟླས་པ་བྱས་པས་འདོད་དོན་སྒྲུབ་པ་ཡིན་ལ། བསྐྱེད་
4-2-328a


རིམ་པས་ཀྱང་ངག་ཏུ་བཟླས་པའི་སྔགས་ཀྱིས་ལས་སྒྲུབ་པ་རྣམས་ལ་རྡོར་བཟླས་ཀྱི་གྲོགས་བྱས་ན། མྱུར་དུ་འགྲུབ་པར་སྟོན་པ་ཡིན་ནོ། །༽རྣམས་ཀྱི་ཁྱད་པར་གྱི་ཆོ་ག་བསྟན་པར་བྱ་བའི་ཕྱིར། ཡང་ན་ཞེས་བྱ་བ་ལ་སོགས་པ་གསུངས་ཏེ། 
ཁྲོ་བོ་ཐམས་ཅད་ནི་གཤིན་རྗེ་གཤེད་ལ་སོགས་པ་སྟེ། དེ་རྣམས་ཀྱི་སྔགས་དབེན་པའི་གནས་ནི་ཆེན་པོ་རུ་སྟེ། རི་བོ་དབེན་པའི་གནས་དག་ཏུའོ། །སྔགས་པས་ཞེས་པ་སྟེ་སྒྲུབ་པ་པོས་འབུམ་དུ་བཟླས་པ་བྱས་ན་ལས་རྣམས་ཐམས་ཅད་བྱེད་པ་སྟེ། 
དོན་ཐམས་ཅད་སྒྲུབ་པར་བྱེད་པར་བཤད་དོ།། ༈ མངོན་སྤྱོད་བྱ་བའི་ཡུལ་བསྟན་པར་བྱ་བའི་ཕྱིར། རྡོ་རྗེ་སློབ་དཔོན་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་སློབ་དཔོན་སྨོད་པ་ནི། །ཐེག་པ་ཐུན་མོང་བའི་བླ་མ་ལ་མཆོག་ཏུ་སྨོད་༼
འདིར་ཁྲོ་བོ་བཅུ་ལ་གསུངས་པ་ནི་མཚོན་པ་ཙམ་སྟེ། ལྷ་གཞན་ལའང་འདྲའོ། །འབུམ་དུ་བཟླས་ན་ལས་འགྲུབ་པར་གསུངས་པ་ནི་སྡིག་དང་བྲལ་བའི་སྔགས་པ་ལ་དགོངས་པར་རྣམ་སྣང་མངོན་༼ གཞན་ལས། སློབ་དཔོན་སྨོད་དང་གཞན་རྣམས་དང༌། །ཞེས་དང༌། སློབ་དཔོན་སྨོད་དང་གཞན་རྣམས་དང་ནི། བླ་མ་
ལ་སྨོད་པར་བྱེད་པ་རྣམས་དང༌། རྡོ་རྗེ་སློབ་དཔོན་ལ་སྨོད་པར་བྱེད་པ་རྣམས་སོ། །ཞེས་སོ། །༽བྱང་ལས་གསུངས་ལ། སྔགས་གྲངས་འདི་འདྲ་རྣམས་ལ་རྩོད་དུས་སུ་བཞི་འགྱུར་དུ་བགྲང་དགོས་པར་སྡོམ་འབྱུང་ལས་བཤད་དོ། །སངས་རྒྱས་ཐོད་པར་བསོད་ནམས་ཆུང་བས་བྱེ་བ་བགྲང་བར་ཡང་
བཤད་དོ། །༽དང༌། ཐུན་མོང་མ་ཡིན་པའི་རྡོ་རྗེ་སློབ་དཔོན་ལ་སྨོད་པའོ། །ཐེག་པ་ཆེན་པོ་སྨོད་པ་དག། ཅེས་བྱ་བ་ནི་རྡོ་རྗེའི་ཐེག་པ་སྤོང་བ་སྟེ། དེ་དག་དང་སྡིག་པ་བྱེད་པ་གཞན་དག། ནན་ཏན་དུ་ནི་གསད་པར་བྱ། །ཞེས་བྱ་བ་ནི་ལྷོད་པ་མེད་
4-2-328b


པའི་བརྩོན་འགྲུས་ཀྱིས་སོ། །ཡང་ན་གནས་ནས་སྤོ་བར་བྱ། །ཞེས་བྱ་བ་ནི་བསྐྲད་པར་བྱའོ། །དེ་ལྟར་བྱས་པའི་ལས་འདི་ཡིས་ནི་བྱང་ཆུབ་མཆོག་སྟེ། མི་གནས་པའི་མཚན་ཉིད་ཅན་གྱི་སྔགས་ཀྱི་དངོས་གྲུབ་ཐོབ་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་
འཆང་ཆེན་པོས་གསུངས་སོ་ཞེས་བྱ་བ་ནི། སྡུད་པ་པོའི་ཚིག་གོ། ༈ གསད་པར་བྱ་བ་དེ་རྣམས་ཀྱི་ཁ་སྦྱར་དབྱེ་བའི་ཆོ་ག་བསྟན་པར་བྱ་བའི་ཕྱིར། ཕྱོགས་བཅུའི་ཞེས་བྱ་བ་ལ་སོགས་པ་གསུངས་ཏེ། ཕྱོགས་བཅུའི་འཇིག་རྟེན་གྱི་ཁམས་སུ་
གཏོགས་པའི་སེམས་ཅན་ཀྱི་ཚོགས་ཐམས་ཅད་ཀྱི། ལུས་དང་ངག་དང་སེམས་བསད་ཅིང་གཞིག་པར་སྒྲུབ་པ་པོས་བསྒོམ་པར་བྱ་ཞིང་བསམ་པར་བྱའོ། །གང་ལ་ཞེ་ན། གདུག་སེམས་ལྡན་པའི་དགྲ་རྣམས་ལ། །ཞེས་བྱ་བ་སྟེ། གདུག་པའི་སེམས་
དང་ལྡན་པའི་སློབ་དཔོན་སྨོད་པ་ལ་སོགས་པ་རྣམས་ལ། བསྒོམ་པར་བྱའོ་ཞེས་བྱ་བ་འདི་དང་སྦྱར་རོ། །གསོད་པའི་སྦྱོར་བ་བསྟན་པར་བྱ་བའི་ཕྱིར་ཁྲག་དང་ཞེས་བྱ་བ་ལ་སོགས་པ་གསུངས་ཏེ། མི་བསྐྱོད་པའི་ཏིང་ངེ་འཛིན་གཉིས་སྔོན་དུ་བྱ། ལས་སྦྱོར་གྱི་
དུས་སུ་ཁྲག་དང་ཆུ་དྲོན་དང་བཤང་བ་དང་གཅི་བ་གཅིག་ཏུ་བྱས་པར་གོས་༼གང་གསད་པར་བྱ་བ་དེ་རྡོ་རྗེ་གནོན་སྦྱིན་སྲིན་པོར་བསྒྱུར་ལ། དེས་སེམས་ཅན་ཐམས་ཅད་གསད་པར་བསྒོམ་མོ། །འདི་ཁ་སྦྱར་དབྱེ་བ་དངོས་མིན་གྱི། དེའི་སྔོན་དུ་བྱ་རྒྱུ་ཡིན་པས། ཁ་སྦྱར་དབྱེ་བའི་ཆོ་ག་ཞེས་
གསུངས་སོ། །༽སྦངས་ནས་དེས་ལུས་དཀྲིས་པར་གྱུར་པས་སོ། །ལིང་ག་རྐང་པས་མནན་ཞེས་བྱ་བ་ནི། མངོན་སྤྱོད་ཀྱི་རྫས་སྐེ་ཚེ་ལ་སོགས་པ་ལས་བསྒྲུབ་པར་བྱ་བའི་གཟུགས་བརྙན་བྱས་ལ། སྙིང་གར་སྔགས་དང་སྤེལ་བའི་མིང་བཅུག་
4-2-329a


ལ། དེ་ལ་དགྲའི་རྣམ་ཤེས་བཀུག་པ་བཅུག་སྟེ། དོན་དུ་ཞེན་ནས། སྣ་ཚོགས་རྡོ་རྗེས་མཚན་པའི་རྐང་པ་གཡས་པས་གཟུགས་བརྙན་མནན་ལ། མི་བསྐྱོད་པའི་ང་རྒྱལ་གྱི་སྦྱོར་བ་དང་ལྡན་པས་ཁྲོ་བོའི་རྒྱལ་པོ་སྟེ། གཤིན་རྗེ་གཤེད་
ལ་སོགས་པ་གང་ཡང་རུང་བའི་ཁྲོ་བོའི་སྔགས་བརྒྱ་རྩ་བརྒྱད་ཡོངས་སུ་བཟླས་ན་སངས་རྒྱས་ཏེ། ལས་ཀྱི་ཚོགས་ལ་མཁས་པ་རྣམས་ཀྱང་ངེས་པར་འཇིག་ཅིང་འཆི་བར་འགྱུར་རོ། །ཆུ་ཡིས་གོས་ནི་ཞེས་བྱ་བ་ལ་སོགས་པ་ལ། གོས་ཆུ་དྲོན་གཅིག་
པུས་གཤེར་བར་བྱས་ལ། སྔར་བཤད་པའི་ཆོ་ག་སྤྱད་པར་བྱའོ། །བཤང་བ་དང་གཅི་བས་གཤེར་བར་བྱས་པའི་སྦྱོར་བས་བརྩམ་པར་བྱ་བ་ཡང་དེ་དང་འདྲའོ། །ཐལ་བའི་སྐྱོ་མས་ཀྱང་གོས་གཤེར་བར་བྱས་ལ། གསད་པ་བརྩམ་ན། རྡོ་རྗེ་༼
ཆུ་ཡིས་གོས་ནི་ཞེས་པའི་ཚིགས་བཅད་ཀྱི་རྐང་པ་གསུམ་པ་ལ། འགྱུར་རྙིང་ལས། ལྷ་ཆེན་རྐང་གཡོན་གྱིས་མནན་ན། །ཞེས་པ་ནི་མ་དག་པས། གཞན་ལས་ལིང་ག་རྐང་པས་མནན་ནས་ནི། །ཞེས་འབྱུང་བ་ལྟར་བྱའོ། ༽སེམས་དཔའང་འཇིག་པར་འགྱུར་ཞེས་གསུངས་པའི་དོན་ནི་གསད་ལས་ཤིན་ཏུ་
བསྒྲུབ་པར་དཀའ་བའི་ཡུལ་ཡང་འཆི་བར་འགྱུར་རོ། །གཅེར་བུར་ཞེས་བྱ་བ་ལ་སོགས་པ་ལ། གཤིན་རྗེ་གཤེད་ལ་སོགས་པའི་ཁྲོ་བོའི་ང་རྒྱལ་དམིགས་ཏེ། ལུས་ཤིན་ཏུ་ཆེ་བ་དང་ལྡན་པས་འཇིགས་པའི་ཚུལ་ཅན་ནོ། །མཆེ་བ་གཙིགས་
པས་ན་གཙིགས་ཤིང་ངོ༌། །༼ཞེས་པའི་དོན་ནོ། དེ་ལྟར་ལས་སྦྱོར་ལྔ་པོ་ནི་ཆས་གོས་ཀྱིས་ཕྱེ་བ་ཙམ་དུ་ཟད་དོ། ༽འཇིགས་པ་ལ་བརྩོན་པས་ན་འགྱུར་བ་སྟེ་སྒྲུབ་པ་པོའོ། །ཁྲོ་བོ་བཅུ་གང་རུང་གི་ཏིང་ངེ་འཛིན་གཉིས་བྱ། ལས་སྦྱོར་གྱི་དུས་སུ་ལིང་ག་ནི་སྔ་མ་བཞིན་
4-2-329b


དུ་བྱས་པའི་གཟུགས་བརྙན་ནོ། །རྐང་པས་མནན་པ་སྟེ། སྣ་ཚོགས་རྡོ་རྗེས་མཚན་པའི་གཡས་པའི་རྐང་མཐིལ་གྱིས་མནན་ནས་རང་རང་གི་སྔགས་སྤེལ་ཚིག་དང་བཅས་པ་ཐུན་གསུམ་དུ་བཟླས་ན་ནི། ནམ་མཁའི་དབྱིངས་ཞེས་བྱ་བ་གཟུགས་ཅན་མ་ཡིན་པའི་
ནམ་མཁའ་ཡང་འཇིག་པར་འགྱུར་ན། གཟུགས་ཅན་ལྟ་སྨོས་ཀྱང་ཅི་དགོས་ཞེས་བྱ་བ་སྟེ། འདི་ཉིད་ཕུལ་དུ་བྱུང་བ་ཡིན་པར་གསུངས་པ་ཡིན་ཏེ། འདིས་ནི་བསམ་གཏན་གྱི་ཆེ་བ་ཉིད་གསལ་བར་བྱས་པ་ཡིན་ནོ།། ༈ མ་མོའི་གནས་ཞེས་བྱ་བ་ལ་
སོགས་པས་ནི། བྱ་བར་བརྩམས་པའི་དྲག་པོའི་ལས་སྒྲུབ་པའི་ཀྱི་གནས་གསུངས་པ་ཡིན་ཏེ། ཚངས་པ་མོ་ཚངས་པའི་ཆུང་མ་དང་ཁྱབ་འཇུག་མོ་ཁྱབ་འཇུག་གི་ཆུང་མ་དང་དྲག་མོ་དྲག་པོ་དབང་ཕྱུག་གི་ཆུང་མ་དང་དབང་མོ་བརྒྱ་བྱིན་གྱི་ཆུང་མ་
དང༌། གཞོན་ནུ་མ་གཞོན་ནུ་གདོང་དྲུག་གི་ཆུང་མ་དང་ཕག་མོ་དང་རྒན་བྱེད་མ་སྟེ་འཇིག་རྟེན་གྱི་མ་མོ་བདུན་པོ་སྟེ། དེ་རྣམས་ཀྱི་གནས་སམ་༽ནི་དེ་དག་གི་ལྷ་ཁང་ངོ༌། །༼དུར་ཁྲོད་དང་ཁང་སྟོང་དང༌། ལམ་བཞིའི་མདོ་ལམ་རྒྱ་གྲམ་དང་༼
ལུས་ངན་མོ་ཟེར་ཏེ། དེ་ལྟར་ན་ལུས་ངན་གྱི་ཆུང་མའོ། །༸ནི་ཁ་ཅིག་གཤིན་རྗེའི་ཆུང་མར་འདོད་དོ། །༸ཙ་མུན་ཏྲེ་ཟེར། འདི་དབང་ཕྱུག་གི་ཆུང་མར་སྨྲ་ཡང་སྔར་དྲག་མོ་བཤད་ཟིན་པས་མི་འགྲིག་གམ་སྙམ་མོ། ༼མཚན་མ་གཅིག་པ་དབང་ཕྱུག་གི་ལིང་ག་གནས་པ་དང་ཤིང་གཅིག་ཏུའོ། །
༈ མི་རུས་ཞེས་བྱ་བ་ལ་སོགས་པ་ལ། ཁྲོ་བོ་བཅུ་དང་། ཞེ་སྡང་རྡོ་རྗེ་ཤིན་ཏུ་དྲག་པོ་གང་རུང་གི་ཏིང་ངེ་འཛིན་གཞན་གཉིས་སྔོན་དུ་བྱ། ལས་སྦྱོར་གྱི་དུས་སུ། མིའི་རྗེ་ངར་གྱི་ཕྱོགས་ཀྱི་རུས་པ་ལས་སོར་བརྒྱད་པའི་ཚད་ཙམ་བླངས་ལ། དུར་ཁྲོད་ཀྱི་རས་ལ་
4-2-330a


མངོན་སྤྱོད་ཀྱི་རྫས་ཀྱིས་སྣ་ཚོགས་རྡོ་རྗེ་བྲིས་ཏེ། དེའི་ལྟེ་བ་ལ་བསྒྲུབ་པར་བྱ་བའི་མིང་དང་སྔགས་སྤེལ་བ་བྲིས་ནས། འཁོར་ལོ་དེ་རུས་པ་ཁོང་སྟོང་གི་ནང་དུ་བཅུག་ལ་བསྒྲུབ་པར་བྱ་བའི་རྐང་རྗེས་ཀྱི་སས་རུས་པའི་སྟོང་པ་
རྣམས་བཀབ་པ་སྟེ། བཀང་ནས། ཁྲོ་བོ་གང་ཡིན་པའི་སྔགས་ཐུན་གསུམ་མམ་བཞིར་བརྒྱ་རྩ་བརྒྱད་བཟླས་ལ་དགྲའི་སྒོ་ཁར་སྦ་བར་བྱའོ། །ལས་སྦྱོར་དེས་ནི་སངས་རྒྱས་ཏེ་སེམས་ཅན་ཐོས་བསམ་གྱི་ཤེས་རབ་དང་ལྡན་པ་དང༌། སྐུ་
གསུམ་སྟེ་མཆོག་དང་བར་མ་དང་དམན་པའི་སེམས་ཅན་གྱི་ཚོགས་རྣམས་ཏེ། དེ་རྣམས་ལ་འདོད་པའི་དོན་སྟེར་བས་ན་མཆོག་སྦྱིན་པའོ། །ལས་འདི་བྱ་བའི་ཡུལ་ནི་ཤེས་པ་ནི་དྲིན་ལ་ལན་ལྡོན་པའི་སེམས་དང་ལྡན་པའོ། །མི་ཤེས་པ་ནི་
གཞན་གྱིས་ཕན་བཏགས་པ་ལ་ལྟོས་པ་མེད་པར་ཕན་འདོགས་པ་སྟེ། གཉིས་པོ་དེ་དག་རྣམ་པར་སྤངས་པ་དགོས་སམ་སྙམ་༼འདི་ནི་སྒྲུབ་པ་པོ་དེ་རྣམས་ལ་མཆོག་སྟེར་བའོ། ༽ན་འོ། །དེ་ལྟ་བུར་གྱུར་པ་སྟེ་དེ་གཉིས་ཡིན་ཡང་སློབ་
དཔོན་ལ་སྨོད་པ་ཡིན་ན་རྒྱུ་མཚན་དེ་ཉིད་ཀྱིས་སྨད་པར་བྱ་བ་སྟེ་གསད་པར་བྱ་བ་ཡིན་ནོ། །ཟླ་བ་ཕྱེད་ནི་ཚུན་ཆད་ཀྱིས། །ཞེས་བྱ་བ་ནི། ཟླ་བ་ཕྱེད་ཀྱི་ནང་དུའམ། ཟླ་བ་ཕྱེད་རྫོགས་པས་གནས་ལས་ཉམས་པ་སྟེ་སྐྲོད་པར་འགྱུར་བ
འམ། འཆི་བར་འགྱུར་རོ། ༼ འགྱུར་རྙིང་ལས། སྐམས་སམ་ཡང་ན་འཆི་བར་འགྱུར། །ཞེས་འབྱུང་ཡང༌། གཞན་ལས། ཉམས་པའམ་ཡང་ན་འཆི་བར་འགྱུར། །ཞེས་འབྱུང་བ་འགྲེལ་པའི་བཤད་པ་དང་མཐུན་ནོ། ༽། ཏིང་ངེ་འཛིན་གཞན་གཉིས་སྔ་མ་དང་འདྲ་བ་ལ། 
4-2-330b


ལས་རྒྱལ་མཆོག་གི་དུས་སུ་ཁྱད་པར་དུ་ཐོད་པ་གང་བ་ནི་ཐོད་པ་ལ་རྨ་མེད་པ་སྟེ། དེ་བཙལ་ལ་མཁས་པས་ཏེ། ཕོ་མོ་གང་འགུགས་པ་ལ་དེ་གཉིས་ཀྱི་ཐོད་པའི་བྱེ་བྲག་ཤེས་པས་ཐོད་པ་དེར་ནི་སྔགས་ཀྱི་ཚིག་སྟེ། ཇི་ལྟར་མངོན་པར་འདོད་པའི་ཁྲོ་བོའི་སྔགས་བསྒྲུབ་པར་
བྱ་བའི་མིང་དང་བཅས་པ་བྲིས་ཏེ། རྡོ་རྗེའི་ཚིག་གིས་བཟླས་པ་བྱ། །ཞེས་པ། རྡོ་རྗེའི་ཚིག་ནི། རང་ངམ་གཞན་གྱིས་ཐོས་པར་ཟློ་བའི་ཁྲོ་བོའི་ཚིག་སྟེ། དེས་བཟླས་པ་ནི་ངག་གི་བཟླས་པ་ཐུན་བཞིའམ་གསུམ་དུ་བྱས་ལ། ཐོད་པ་དེ་དགྲ་ཡི་སྒོའམ་གྲོང་དག་ཏུ་སྦས་
ཏེ་བཞག་ན་ངེས་པར་སྐྲོད་པར་འགྱུར་རོ། །ཡང་ཏིང་ངེ་འཛིན་གཞན་གཉིས་སྔར་དང་འདྲ་བ་ལ། ལས་སྦྱོར་གྱི་དུས་སུ་ཏ་ལའི་ལོ་མའམ་རས་གཞན་གང་ལའང་སྟེ་གང་ཡང་རུང་བ་ལ་མངོན་སྤྱོད་ཀྱི་རྫས་རྣམས་ཀྱིས་ཁྲོ་བོའི་སྔགས་མིང་དང་བཅས་པར་ཀུན་ཏུ་དྲིས་ལ། བསྒྲུབ་བྱའི་རྣམ་
ཤེས་བཀུག་སྟེ། མིང་ལ་བཅུག་ནས་དོན་དེར་ཞེན་པས་དགྲ་ཡི་གྲོང་ངམ་སྒོ་དང་ཉེ་བ་དག་ཏུ་བརྐོས་ལ་སྦས་ནས། སྔགས་དེ་ཉིད་ཐུན་བཞིར་ཁྲོ་བོའི་ཚིག་གིས་བཟླའོ། །དེ་ལྟར་བྱས་པས་རིམ་གྱིས་དང་པོ་སྐམས་པར་འགྱུར་ལ་ཕྱིས་འཆི་བར་འགྱུར་རོ། །དམ་ཚིག་ཆེན་པོ་ནི་
གསད་པ་ལ་སོགས་པའི་ལས་བསྒྲུབ་པའོ། དེའི་རྒྱུ་ནི་འི་རྡོ་རྗེ་ནི་རྡོ་རྗེ་འཛིན་པ་ཆེན་པོའོ། །དེ་སྐད་ཅེས་བཀའ་སྩལ་ཏོ་ཞེས་བྱ་བ་ནི་སྡུད་པར་བྱེད་པའི་ཚིག་གོ། ༈ དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་ནི་རྡོ་རྗེ་འཛིན་པ་ཆེན་
པོའོ། །བསྒྲུབ་བྱ་འདི་ཇི་ལྟ་ཇི་ལྟར་དྲག་པོའི་ལས་བྱ་བའི་ཡུལ་གྱི་གདུག་པའི་དངོས་པོར་གྱུར་ཅིང་སོང་བ། དེ་ལྟ་དེ་ལྟར་དེ་དང་འཚམས་པའི་དྲག་ལས་ཀྱིས་ངེས་པར་དགག་པར་བྱ་བ་ཡིན་པས་ན་དེ་བཞིན་གཤེགས་པ་སྟེ་བསྒྲུབ་པར་བྱ་བའོ། །༼ཞེས་པ་ནི་དེ་
4-2-331a


བཞིན་གཤེགས་པའི་དོན་ཡུལ་ཇི་ལྟ་བ་ཡིན་པ་དེ་ལྟར་གཤེགས་ཞེས་པའི་ཚིག་དོན་དང་སྦྱར་བའོ། །༼དེ་རྣམས་ཀྱི་ལུས་དང་ངག་དང་ཡིད་ངེས་པར་འཆིང་བ་ནི་ལུས་ངག་ཡིད་མི་གཡོ་བར་བྱས་པའོ། །རྡོ་རྗེ་ནི་མི་ཕྱེད་པའི་ངོ་བོར་གྱུར་པ་གང་
ཡིན་པ་སྟེ། དེ་སྐད་ཅེས་བྱ་བའི་ཏིང་ངེ་འཛིན་དེ་ལ་སྙོམས་པར་ཞུགས་ཤིང་མངོན་སུམ་དུ་མཛད་པའོ། །ཁམས་༼རྡོ་རྗེ་སྟེ་མི་ཕྱེད་པའི་ཞེས་པ་ལྟར་ན། འགྱུར་རྙིང་གི་རྒྱུད་ལས། ཐུགས་གནོན་པ་ཞེས་པ་མི་འབྱོར་པས། གཞན་ལས་ཐུགས་རྡོ་རྗེ་འདེབས་པ་ནི་སྔགས་ཞེས་པ་ལྟར་བྱ་
དགོས་སོ། །༽གསུམ་ནི་མཆོག་དང་འབྲིང་དང་ཐ་མ་སྟེ། བསྒྲུབ་པར་བྱ་བ་རྣམ་པ་གསུམ་མོ། །དེ་རྣམས་ཀྱི་ལུས་ལ་སོགས་པ་གཟིར་བར་བྱ་བའི་ཕྱིར་རྡོ་རྗེ་སྟེ་མི་ཕྱེད་པའི་ཕུར་བུའི་སྔགས་འདི་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ཨོཾ་ཞེས་བྱ་བ་
ལ་སོགས་པ་ནི་སྔགས་དངོས་ཏེ། སྔགས་ཀྱི་མིང་མཐའ་མེད་ཅེས་བྱ་བའོ། །གྷ་གྷ་ཞེས་པ་ནི་གྷ་ཏ་ཀ་སྟེ། གསོད་བྱེད་ཅེས་བོད་པའོ། །གྷཱ་ཏ་ཡ་སརྦ་དུཥྚཱན་ཞེས་པ་ནི་མ་རུངས་པ་ཐམས་ཅད་ཆོམས་ཤིག་ཅེས་རྦོད་པའོ། །ཕཊ་ཕཊ་ཅེས་པ་ནི་དེ་
གསལ་བར་བྱེད་པའི་ས་བོན་ནོ། །ཀཱི་ལ་ཡ་ཀཱི་ལ་ཡ་ཞེས་པ་ནི། ཕུར་བུས་བཏབ་པ་ལ་མི་འགུལ་བར་གྱིས་ཤིག་པའོ། །སརྦ་པཱ་པཾ་ཞེས་པ་ནི་སྡིག་པ་དང་སྡིག་པའི་བསམ་པ་ཅན་ཐམས་ཅད་དོ། །ཕཊ་ཅེས་པ་ནི་དགས་པའོ། །ཧཱུྃ་ཧཱུྃ་ཧཱུྃ་
ཞེས་པ་གསུམ་ནི་སྐུ་གསུང་ཐུགས་ཀྱི་དེ་ཁོ་ན་ཉིད་སྐུལ་བའོ། །བཛྲ་ཀཱི་ལ་ཡ་ཞེས་བྱ་བ་ནི་བྱ་བ་སྟེ་བྱ་བའི་སྒོ་ནས་རྡོ་རྗེ་ཕུར་བུ་ལ་བོད་པའོ། །བཛྲ་དྷ་ར་ཨཱཛྙཱ་པ་༼ལ་འཇུག་པ་གཉིས་ལས་འདིར་ཕྱི་མའོ། །༽ཡ་ཏི་ཞེས་པ་ནི། རྡོ་རྗེ་འཆང་གི་
4-2-331b


བཀའ་ཉོན་ཅིག་པ་སྟེ། བདག་ཉིད་རྡོ་རྗེ་འཆང་ཉིད་དུ་བྱིན་གྱིས་བརླབས་པ་སྟེ་ང་རྒྱལ་བྱས་ལ་བསྒོ་བའོ། །ཀཱ་ཡ་བཱཀ་ཙིཏྟ་བཛྲ་ཞེས་པ་ནི་ལུས་ངག་ཡིད་རྡོ་རྗེ་སྟེ། འདིར་ནི་གདུག་པ་རྣམས་ལ་བྱ་བར་དགོངས་སོ། །ཧཱུྃ་ཧཱུྃ་ཕཊ་ཕཊ་ཅེས་པ་ནི་གཞན་ཡང་སྐུལ་བའོ། །
དེ་ནས་ཞེས་བྱ་བ་ལ་སོགས་པ་ལ། ཕུར་བུའི་སྔགས་འདི་གསུངས་ཤིང་ངེས་པར་ཕྱུང་མ་ཐག་ཏུའོ། །ལས་འདི་སྒྲུབ་པར་དཀའ་བས་ན་སངས་རྒྱས་སོ། །མཐུ་ཆེན་པོ་དང་ལྡན་པས་ན། རྫུ་འཕྲུལ་ཆེན་པོ་སྟེ། བརྒྱ་བྱིན་ལ་སོགས་པ་ཐམས་༼སླར་ཡང་ཟེར། 
༽ཅད་དོ། །སྔགས་ཀྱི་སྒྲས་རྣ་བའི་ཡུལ་དུ་རེག་པ་སྟེ་ཐོས་པས་དང་པོ་བརྒྱལ་བར་གྱུར་ལ། དེའི་འོག་ཏུ་དྲན་པ་རྙེད་ནས་སྐྲག་པར་༼རྡོ་རྗེའོ་ཟེར། ༽གྱུར་པས་ན་འཇིགས་པར་གྱུར་པའོ། །ནམ་མཁའ་རྡོ་རྗེའི་ཐུགས་ནི་རྡོ་རྗེ་འཆང་ཆེན་པོ་སྟེ། དེ་དྲན་
པར་གྱུར་པ་ནི་དེ་ལ་སྐྱབས་སུ་སོང་བའོ།། ༈ མི་རུས་ཞེས་བྱ་བ་ལ་སོགས་པས་ནི་འདིར་རྫས་ཀྱི་ཕུར་བུའི་ཆོ་ག་གསུངས་པ་སྟེ། མངོན་སྤྱོད་ཀྱི་རྫས་རྣམས་ལས་བསྒྲུབ་པར་བྱ་བའི་གཟུགས་བརྙན་བྱས་ནས། དུར་ཁྲོད་ཀྱི་རས་ལ་དུག་ལ་སོགས་པས་
མིང་དང་སྤེལ་བའི་སྔགས་བྲིས་ལ། ༼འདིས་ལས་སྦྱོར་འདི་ལ་དང་པོ་རྡོ་རྗེ་འཆང་དུ་བསྐྱེད་པར་བསྟན་ནོ། །༽གཟུགས་བརྙན་གྱི་སྙིང་གར་བཅུག་ནས་དེ་ལ་བསྒྲུབ་བྱའི་རྣམ་ཤེས་བཀུག་པ་དེ་བསྟིམས་ལ་དོན་དེར་ཞེན་ནས་མི་རུས་སམ། སེང་ལྡེང་གི་སྙིང་པོ་ལ་སོགས་པ་
གང་ཡང་རུང་བའི་ཕུར་བུ་སྟེ། ཁྲོ་བོའི་གཟུགས་ཅན་ལ་འོག་མདུང་རྩེ་གཅིག་པར་བྱས་ལ། གསང་སྔགས་སྤེལ་ཚིག་དང་བཅས་པ་ཐུན་དུ་བཅད་ནས་འདོན་ཅིང་སྤྱི་བོ་ནས་བརྩམས་ཏེ། རྐང་པའི་མཐིལ་གྱི་བར་དུ་རྡོ་རྗེ་ཐོ་བས་བརྡུངས་ན། འདིས་ནི་གདུག་པ་རྣམས་
4-2-332a


ཀྱི་ལུས་དང་ངག་དང་ཡིད་རྣམ་པར་འཇིག་པར་འགྱུར་རོ།། ༈ རྫས་ཀྱི་ཕུར་གདབ་བསྟན་ནས། བསམ་གཏན་གྱིས་ཏེ་བསྒོམ་པས་བསྐྱེད་པའི་ཕུར་བུ་གདབ་པའི་ཆོ་ག་བསྟན་པར་བྱ་བའི་ཕྱིར། འོད་འཕྲོ་ཞེས་བྱ་བ་ལ་
སོགས་པ་གསུངས་ཏེ། སྒྲུབ་པའི་ཐབས་མདོར་བྱས་དང་མདོ་བསྲེ་ལས་འབྱུང་བའི་ཚུལ་གྱིས་དང་པོར་བྱང་ཆུབ་ཀྱི་སེམས་རྡོ་རྗེ་འཆང་གི་འི་སྦྱོར་བ་སྟེ་རྣལ་འབྱོར་དང་ལྡན་པས། ཡུམ་དང་སྙོམས་པར་ཞུགས་པས་བྱང་ཆུབ་ཀྱི་སེམས་ལས་བསྐྱེད་པའི་
མི་བསྐྱོད་པ་ཕྱིར་དབྱུང་ཞིང་དེ་ནས་རང་ལ་རྗེས་སུ་ཞུགས་པས། འོད་འཕྲོ་འཁྲུག་ཅིང་མདངས་བཟང་བའི། །རྡོ་རྗེ་སེམས་དཔར་མཉམ་བཞག་ལ། ཞེས་བྱ་བ་སྟེ། ཞེ་སྡང་རྡོ་རྗེ་ཞལ་ཅུང་ཟད་མཆེ་བ་གཙིགས་པ་འོད་ཀྱི་དཀྱིལ་འཁོར་དམར་པོ་མེ་འོད་འབར་བའི་
དབུས་སུ་ཆུད་པར་བདག་ཉིད་བསྒོམས་ལ། མངལ་དུ་བསྐྱེད་པའི་ཁྲོ་བོ་བཅུ་ཕྱུང་སྟེ། ཕྱོགས་དང་མཚམས་རྣམས་སུ་བཞག་ནས། རྡོ་རྗེ་སྐུ་ནི་གསུམ་གྱི་མཐར་ཞེས་བྱ་བ་སྐུ་གསུམ་གྱི་བདག་ཉིད་ཅན་གྱི་གཟུགས་བརྙན་གནོད་མཛེས་ཀྱི་གཟུགས་སུ་བསྒོམས་
ལ། རྡོ་རྗེ་གསུམ་སྐུའི་མཐར་ཐུག་པ། །༼འདིར་འཕགས་པ་ཡབ་སྲས་ཀྱི་འཁོར་ལོ་སེར་པོ་རྩིབས་བཅུ་པ་བསྒོམ་པ་གསལ་བར་མ་བཤད། ཨ་བྷ་ཡས་འཁོར་ལོ་དེ་བསྒོམ་པར་མདོར་བྱས་ཀྱི་འགྲེལ་པར་བཤད་པ་ནི་ཤིན་ཏུ་ལེགས་ཏེ། རྒྱུད་ཕྱི་མ་ལས། ལོངས་སྤྱོད་བཞི་དང་ཡང་དག་ལྡན། །རིག་
པའི་སྐྱེས་བུ་རྡོ་རྗེ་ཅན། །སྐུ་གསུང་ཐུགས་ཀྱི་དབྱེ་བ་ཡིས། །གྲུ་གསུམ་དུ་ནི་རྣམ་པར་བསྒོམ། །ཀུན་ནས་སེར་བའི་འཁོར་ལོ་ནི། །རྩིབས་བཅུ་དེ་དབུས་རྣམ་པར་བསྒོམ། །རྩིབས་ཀུན་ལ་ནི་ཁྲོ་བོ་བཅུ། །ཡེ་ཤེས་བདག་ཉིད་བཅུ་ལས་བྱུང༌། །འགོག་པའི་རྡོ་རྗེ་བསྒོམ་བྱ་ཞིང༌། །མཆོག་ཏུ་མཛེས་པར་བསྒྲུབ་པར་བྱ། །
4-2-332b


རྡོ་རྗེ་འབར་བའི་སྤྲིན་སྤྲོས་པས། །མི་གཡོ་བ་དང་མཚུངས་པར་འཁོར། །ཞེས་གསུངས་པའི་ཕྱིར་རོ། །དེའི་རྐང་པ་གཉིས་པས་ནི་སྲུང་འཁོར་གྱི་དབུས་སུ་རྡོ་རྗེ་འཆང་བསྒོམ་པ་བསྟན། རྐང་པ་དང་པོས་རྡོ་རྗེ་གསུམ་དང་ཡེ་ཤེས་སེམས་དཔའ་བསྟན་པར་འགྲེལ་པར་བཤད་དེ། དེ་བཞི་རྡོ་རྗེ་འཆང་ལ་དགོད་
དོ། །རྐང་པ་གསུམ་པ་དང་བཞི་པས་ཆོས་འབྱུང་གྲུ་གསུམ་བསྒོམ་པ་བསྟན། ཀུན་ནས་ཞེས་པ་གཉིས་ཀྱིས་འཁོར་ལོ་དེའི་དབུས་སུ་རྡོ་རྗེ་འཆང་བསྒོམ་པར་བསྟན། འདིར་འགྲེལ་པས་ཆོས་འབྱུང་གི་ཕྱི་རོལ་ཏུ་འཁོར་ལོ་བསྒོམ་པར་བཤད་པ་ནི། འཁོར་ལོའི་ལྟེ་བའི་ཁྲོ་བོ་རྡོ་རྗེ་སེམས་དཔར་གྱུར་པ་ལས། 
ཆོས་འབྱུང་བསྐྱེད་པའི་ཕྱོགས་ལ་དེ་རུང་ཡང་འདིར་ནི་མི་རུང་ངོ༌། །ཡེ་ཤེས་བཅུ་ནི་བདེན་པ་བཞི་ཤེས་པ་ལ་སོགས་པའི་ཤེས་པ་བཅུའོ། །འགོག་པའི་རྡོ་རྗེ་ནི་ཡིད་ཕྱིར་གཡེང་བ་བཀག་ནས་བསྒོམ་པའོ། །རྐང་པ་ཐ་མའི་དོན་ནི། ཁྲོ་བོ་རྣམས་མི་གཡོ་བ་དང་འཁོར་ལོ་འཁོར་བ་གཉིས་མཚུངས་པ་སྟེ་མཉམ་པོར་
བྱ་བའོ། །༽གཟུགས་བསམ་ནས་ནི་སྦྱར་བར་བྱ། །ཞེས་འབྱུང་ངོ༌། དེའི་དོན་ནི། རྡོ་རྗེ་གསུམ་གྱི་སྐུ་ནི་སེམས་དཔའ་གསུམ་བརྩེགས་ཅན་གྱི་གཙོ་བོ་ཞེ་སྡང་རྡོ་རྗེའོ། །དེའི་མཐར་ཐུག་པ་ནི། འོག་གི་མཐར་གནས་པའོ། །གཟུགས་བསམ་པ་ནི། གནོད་མཛེས་ཀྱི་ཡིན་ཏེ། འོག་གི་
གནོད་མཛེས་ཀྱིས་སྤྲུལ་པའི་གནོད་མཛེས་གཉིས་པ་དེ་རང་གི་མདུན་ན་འདུག་པ་ལས་བཀའ་བསྒོ་བས་བགེགས་རྣམས་བཀུག་པ་ལ་བཤད་མ་ཐག་པའི་ཕུར་བུའི་ཆོ་ག་བསམ་གཏན་གྱིས་སྦྱར་བར་བྱའོ། །མི་བསྐྱོད་པའི་གཟུགས་འབའ་ཞིག་ཏུ་མ་ཟད་པའི་ཕྱིར། །རྣམ་པར་སྣང་
མཛད་ཅེས་བྱ་བ་ལ་སོགས་པ་གསུངས་ཏེ། རྒྱུད་ལས། རྣམ་པར་སྣང་མཛད་རྒྱ་ཆེན་ནམ། །ཡང་ན་འདོད་ཆགས་རྡོ་རྗེ་ཅན། །གཤིན་རྗེ་གཤེད་ཀྱི་རྒྱ་ཆེན་དག། བསམ་ན་རྡོ་རྗེ་གསུམ་ཡང་གནོན། །ཞེས་གསུངས་པ་ལྟར་། རྣམ་པར་སྣང་མཛད་ལ་སོགས་པར་བསྒོམས་
4-2-333a


པས་ཀྱང་ཕུར་བུའི་ཆོ་ག་འདི་བྱའོ། །ཞེས་བྱ་བ་ནི་མདོ་སྟེ་རྩ་རྒྱུད་ཀྱི་འི་དོན་ཏོ།། ༈ རྡོ་རྗེ་བདུད་རྩི་ཞེས་བྱ་བ་ལ་སོགས་པ་ལ། བསམ་གཏན་གྱིས་བསམ་གཏན་གྱི་ཆོ་གའི་ཕུར་བུས་གདབ་པ་སྟོན་ཏེ། རྡོ་རྗེ་བདུད་རྩི་
འཁྱིལ་པ་ཡིས། །ཞེས་བྱ་བ་ནི། བྱང་རྩིབས་ཀྱི་བདུད་རྩི་འཁྱིལ་པས་སྤྲུལ་པའི་བདུད་རྩི་འཁྱིལ་༼རྡོ་རྗེ་གསུམ་གནོན་པ་ནི་བགེགས་ཀྱི་ལུས་ངག་ཡིད་གསུམ་ལ་ཕུར་བུས་འདེབས་པའོ། །༽པ་ཕུར་བུབཅུའི་གཟུགས་སུ་གྱུར་པས། གདུག་ཅིང་ཁྲོ་
བ་ཚར་བཅད་ལ། །ཞེས་བྱ་བ་སྟེ། གདུག་པ་རྣམས་ཀྱི་ཁྲོ་བ་ཚར་གཅོད་པ་སྟེ། བརྩེ་བ་མེད་པར་གཞོམ་པར་བྱའོ། །རྡོ་རྗེའི་སྦྱོར་བས་བྱ་བ་ཡིན། །ཞེས་བྱ་བ་ནི། མི་བསྐྱོད་པའི་སྦྱོར་བས་སོ། །སངས་རྒྱས་ཀྱིའང་སྟེ་རྣམ་པར་སྣང་མཛད་དང༌། འོད་དཔག་ཏུ་མེད་
པའི་རྣལ་འབྱོར་པའི་ཡང་ཆོ་ག་འདི་ཉིད་དོ། །བདག་ཉིད་ཆེན་པོ་སྟེ། གཤིན་རྗེ་གཤེད་ཀྱི་ཡང་ཆོ་ག་འདི་ཉིད་དོ། །ཕུར་བུའི་དབྱིབས་གནས་བསྟན་པར་བྱ་བའི་ཕྱིར། སྙིང་ག་ནས་ནི་ཞེས་བྱ་བ་ལ་སོགས་པ་གསུངས་ཏེ། ཕུར་བུའི་རྣམ་པ་ཅན་གྱི་བདུད་རྩི་
ཐབ་སྦྱོར་ནི་ལྟེ་བ་ནས་གོང་བུ་ཞེས་བཤད་པས་སྙིང་ག་ནས་ཟེར་ཡང་སྙིང་ག་སྟེ་ལྟེ་བ་ནས་བཟུང་༼རང་ལྷ་དེ་གསུམ་དུ་བསྒོམ་ནས་བདུད་རྩི་འཁྱིལ་པའི་ཕུར་བུས་འདེབས་ཚུལ་མི་བསྐྱོད་པ་དང་འདྲ་བར་བསྟན་ནོ། །༽སྟེ། རྐང་མཐིལ་གྱི་བར་དུ་ཕུར་བུའི་གཟུགས་སུ་
བསམས་ལ། ཕུར་བུ་དེ་ཉིད་ལྟེ་བ་ནས་གོང་དུའང་དམ་ཚིག་སྟེ། བདུད་རྩི་ཐབ་སྦྱོར་གྱི་གཟུགས་སུ་བསམ་པར་བྱའོ། །འདི་ནི་ཕུར་བུའི་རྣམ་འཕྲུལ་ཡིན། །ཞེས་བྱ་བ་ལ། ཕུར་བུའི་དབྱིབས་ངེས་པར་བརྟག་པ་སྔར་བཤད་མ་ཐག་པ་འདི་དང༌། བསམ་གཏན་
4-2-333b


གྱི་རྡོ་རྗེའི་སྦྱོར་བ་ཡིས། སངས་རྒྱས་དག་ཀྱང་སྟེ། ༼ཕུར་བུའི་ཆོ་ག་ཤེས་པའི་སྒྲུབ་པ་པོ་ཡང་ཟེར་བ་ལྟར་ཡིན་ནོ། ༽ཕུར་བུའི་ཆོ་ག་ཤེས་པའི་སྒྲུབ་པ་པོས། ངེས་པར་ཕུར་བུས་འདེབས་ཤིང་མི་འགྱུར་བསྟེ་མི་གཡོ་བར་བྱེད་དོ། །རྡོ་རྗེ་སེམས་དཔའ་རྒྱལ་པོ་ཆེ། །
ཕུར་བུས་བཏབ་ན་མྱུར་དུ་འཆི། །ཞེས་བྱ་བ་ནི་སྒྲུབ་པ་པོ་སྟེ། བརྩོན་འགྲུས་བརྟན་པས་ན་རྡོ་རྗེ་སེམས་དཔའོ། །ཁམས་གསུམ་གྱི་ཆོས་ཀྱི་རྒྱལ་པོའི་དབང་བསྐུར་བས་ན་རྒྱལ་པོ་ཆེན་པོ་སྟེ། དེས་གལ་ཏེ་འདི་ལྟ་བུའི་ཆོ་གས་ཕུར་བུས་འདེབས་ན། དེའི་ཚེ་བསྒྲུབ་༼
སྒྲུབ་པ་པོ་གལ་ཏེ་ཆོ་ག་དེ་ལྟ་བུས་ཕུར་བུས་འདེབས་ན། དེའི་ཚེ་བསྒྲུབ་བྱ་བརྩོན་འགྲུས་བརྟན་པའི་ཕྱིར་རྡོ་རྗེ་སེམས་དཔའ་ཡིན་ཞིང༌། ཁམས་གསུམ་གྱི་ཆོས་ཀྱི་རྒྱལ་པོར་དབང་བསྐུར་བས་ན། རྒྱལ་པོ་ཆེན་པོ་ཡང་མྱུར་དུ་སྟེ་རིངས་པར་འཆི་བར་འགྱུར་རོ། །ཞེས་འབྱུང་བ་ལྟར་བྱའོ། ༽པར་བྱ་བ་མྱུར་
ཞིང་རིངས་པར་འཆི་བར་འགྱུར་རོ།། ༈ རྡོ་རྗེ་དང་པདྨ་མཉམ་པར་སྦྱོར་བས་ཀྱང་ཕུར་བུའི་ཆོ་ག་བརྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། བཅོམ་ལྡན་འདས་ནི་རྡོ་རྗེ་འཆང་ཆེན་པོའོ། །རྣམ་པར་སྣང་མཛད་ཆེན་པོའི་ངོ་བོ་ཉིད་དོ། །
སྐུ་ནི་རྣམ་པར་སྣང་མཛད་ཆེན་པོའི་སྐུ་སྟེ། བསྒྲུབ་པར་བྱ་བའི་ལུས་སོ། །འདིར་རྣམ་པར་འཕྲུལ་ཞིང་ཕུར་བུའི་གནས་སུ། རྣམ་པར་རོལ་པའི་ཏིང་ངེ་འཛིན་གང་ཡིན་པ་དེ་ལ་སྙོམས་པར་ཞུགས་པའོ། །སྐུའི་དམ་ཚིག་ནི་སྐུའི་སྟོབས་སོ། །ལུས་དེའི་ཚམ་རྔམ་
གྱིས་གནོན་པ་ནི་ཚར་གཅོད་པ་སྟེ། རྡོ་རྗེ་ཕུར་བུའི་སྔགས་འདི་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ཨོཾ་ཞེས་བྱ་བ་ལ་སོགས་པ་ནི་སྔགས་ཏེ། མིང་མཐའ་མེད་ཅེས་བྱའོ། །ཚིནྡ་ཚིནྡ་ཞེས་བྱ་བ་ནི། བསྒྲུབ་པར་བྱ་བའི་ལུས་ཆོད་ཅིག་པའོ། །ཧ་ན་ཧ་ན་ཞེས་བྱ་
4-2-334a


བ་ནི་དེའི་ལུས་ཀྱི་སྟོབས་ཆོམས་ཤིག་པའོ། །ད་ཧ་ད་ཧ་ཞེས་པ་ནི་ལུས་སྲེགས་ཤིག་པའོ། །དཱིཔ་ཏ་འབར་བ་བཛྲ་ཙཀྲ་འཁོར་ལོ་ཞེས་བྱ་བ་ནི་རྡོ་རྗེ་དང་འཁོར་ལོ་འབར་བ་ཅན་གང་ཡིན་པ་ལ། འབར་བའི་རྡོ་རྗེ་འཁོར་ལོ་ཅན་ཞེས་
མི་བསྐྱོད་པ་ལ་བོད་པའོ། །ཧཱུྃ་ཕཊ་ཅེས་པ་ནི་བསྐུལ་བའོ། །ཕན་ཚུན་ཞེས་བྱ་བ་ལ་སོགས་པས་ནི། ཕུར་བུ་གདབ་པའི་སྦྱོར་བ་གསུངས་པ་ཡིན་ཏེ། མི་བསྐྱོད་པའི་སྦྱོར་བ་དང་ལྡན་པའི་སྒོ་ནས་ཏིང་ངེ་འཛིན་གཞན་གཉིས་སྔོན་དུ་བྱ་ལ། ལས་རྒྱལ་མཆོག་གི་དུས་སུ་རང་
གི་ཕྱག་རྒྱ་མཱ་མ་ཀཱིར་བསྐྱེད་པ་མདུན་དུ་བཞག་སྟེ། ཕན་ཚུན་དཀྲི་བའི་ཚུལ་དུ་བྱ་ཞེས་པ་ཡབ་ཡུམ་ཕན་ཚུན་དུ་གྱིས་འཁྱུད་པ་ལ་སོགས་པ་དེ་དང་དེ་དག་བྱས་ལ། མཐེ་བོ་གཞི་ནི་རབ་ཏུ་བསྡམ། །ཞེས་བྱ་བ་ལ། མཐེ་བོ་ནི་རང་གི་རྡོ་རྗེའོ། །གཞི་ནི་ཕྱག་
རྒྱའི་གསང་བའི་པདྨ་སྟེ། དེ་ལ་གཞི་ཟེར་བ་ནི་དགའ་བསྐྱེ་བའི་གནས་ཡིན་པའི་ཕྱིར་རོ། །བསྡམ་པ་ནི་གཉིས་འདུས་ནས་གཅིག་ཏུ་བྱས་པའོ། །ཇི་ལྟར་ཞེ་ན། རྣམ་པར་སྣང་མཛད་ཚུལ་གནས་ཏེ། ཞེས་བྱ་བ་སྟེ། རྣམ་པར་སྣང་མཛད་ཀྱི་ཚུལ་གྱི་
གནས་ནི་བསྒྲུབ་པར་བྱ་བའི་ལུས་སོ། །ལུས་དེ་གང་གིས་མནན་ཅིང་ཕུར་བུས་བཏབ་པ་དེ་ནི། རྣམ་པར་སྣང་མཛད་ཀྱི་ཚུལ་གྱི་གནས་ལུས་གནོན་པ་སྟེ། འདི་ནི་མཐེ་བོ་གཉིས་ཀྱི་བར་དུ་བསྡམ་པའི་ཁྱད་པར་ཏེ། འདིའི་སྔགས་ཀྱི་༼
རང་གི་ཐུགས་ཀའི་ས་བོན་གྱི་འོད་ཟེར་གྱིས། བསྒྲུབ་བྱ་ཡུམ་གྱི་པདྨའི་ནང་དུ་བཀུག་པ་ལ། རང་གི་ལིང་ག་རྡོ་རྗེ་རྩེ་ལྔ་པ་བསྐྱེད་པའི་ཕུར་བུས་ལུས་ཀྱི་སྤྱི་བོ་ནས་རྐང་པའི་བར་དུ་ཕུག་པར་བསམ་པའོ། །༽མཐར་ཆེ་གེ་མོ་མཱ་ར་ཡ་ཧཱུཾ་ཕཊ་ཅེས་སྤེལ་བའི་སྔགས་འདི་བཟླས་བརྗོད་བྱེད་
4-2-334b


ཅིང་སྙོམས་འཇུག་བྱའོ། །བཏབ་མ་ཐག་ཏུ་ཞེས་བྱ་བ་ནི། བསྒྲུབ་པར་བྱ་བའི་ལུས་ལ་རྡོ་རྗེས་བསྣུན་པ་ཙམ་གྱིས་སོ། །སེམས་དཔའ་ཆེ་ནི་སྟོབས་ཆེན་པོ་དང་ལྡན་པར་གྱུར་པ་ཡང་ངོ༌། །རྡོ་རྗེ་སྐུ་གསུམ་ལས་བྱུང་བ། །ཞེས་བྱ་བ་ནི། བསྒྲུབ་བྱ་རབ་འབྲིང་ཐ་མ་གསུམ་གྱི་
བདག་ཉིད་དོ། །དམ་ཚིག་མཆོག་གིས་ཏེ་དྲག་ལས་དེས་ལྡང་བར་འགྱུར། ཞེས་བྱ་བ་ནི། གནས་ལས་སྐྲོད་པར་འགྱུར་བའམ། ཡང་ན་འཆི་བའི་གནས་སུ་འགྱུར་རོ།། ༈ དེ་ནས་ཞེས་བྱ་བ་ལ་སོགས་པ་ལ། འཇིག་རྟེན་དབང་ཕྱུག་གི་ངོ་བོ་ཉིད་
ཀྱི་གསུང་ནི། འཇིག་རྟེན་དབང་ཕྱུག་གསུང་སྟེ། བསྒྲུབ་པར་བྱ་བའི་ཚིག་གོ། ཚིག་དེའི་གནས་ལ་ཕུར་བུས་གདབ་པའི་རྣམ་པར་འཕྲུལ་པའི་ཏིང་ངེ་འཛིན་གང་ཡིན་པ་དེ་ལ་སྙོམས་པར་ཞུགས་པའོ། །གསུང་ནི་བསྒྲུབ་པར་བྱ་བའི་ཚིག་གོ། དེའི་དམ་ཚིག་ནི་
སྟོབས་སོ། །དེ་གནོན་པ་ནི། ངག་རེངས་པར་བྱ་བའོ། །རྡོ་རྗེ་ནི་མི་ཕྱེད་པ་སྟེ་ཕུར་བུ་གདབ་པའི་སྔགས་ཕྱུང་བའོ། །ཨོཾ་ཞེས་བྱ་བ་ལ་སོགས་པ་ནི་སྔགས་ཏེ། མིང་མཐའ་མེད་ཅེས་བྱའོ། །ཧྲཱི་ཞེས་བྱ་བ་ནི་བསྒྲུབ་པར་བྱ་བའི་ངག་འགུགས་པའི་ས་བོན་ནོ། །
བྷུར་བྷུ་བཿཞེས་བྱ་བ་ནི་འཇིག་རྟེན་གསུམ་གྱི་བདག་པོ་ཞེས་བོད་པའོ། །ཡེ་ཤེས་པདྨོ་ཁ་བྱེ་བ། །ཞེས་བྱ་བ་ནི། ཡེ་ཤེས་གསུམ་འབྱུང་བའི་པདྨ་ནི་ཡེ་ཤེས་པདྨོ་སྟེ། ཡེ་ཤེས་པདྨ་དེ་ཁ་བྱེ་བའི་ལྷ་མོའི་བྷ་གའོ། །རྡོ་རྗེ་སོར་མོ་ངེས་པར་བཞག། ཅེས་བྱ་བ་ལ། 
རང་གི་རྡོ་རྗེ་ཉིད་སོར་མོ་ཡིན་པས་ན་རྡོ་རྗེ་སོར་མོའོ། །དེ་ངེས་པར་བཞག་པ་ནི་རྡོ་རྗེ་དེའི་པདྨར་རབ་ཏུ་འཇུག་པའོ། །འདོད་ཆགས་རྡོ་རྗེའི་ཚུལ་གནས་ཏེ། །ཞེས་བྱ་བ་ལ། འདོད་ཆགས་རྡོ་རྗེ་ནི་བསྒྲུབ་པར་བྱ་བའི་ཚིག་གི་རྒྱུན་ནོ། །ཚིག་དེའི་གནས་ནི་ལྕེ་
4-2-335a


ཡིན་ཏེ་དེ་ལ་རང་གི་ལིང་ག་རྡོ་རྗེ་རྩེ་ལྔ་པར་བསྐྱེད་པའི་རྩེ་མོས་ཇི་ལྟ་བ་བཞིན་དུ་མནན་པ་སྟེ་བཏབ་པར་གྱུར་པ་དེ་ལྟ་བུར་རྡོ་རྗེའི་ཕུར་བུ་འདི་ངེས་པར་འདེབས་པའོ། །བཏབ་མ་ཐག་ཏུ་ཞེས་བྱ་བ་ནི། ཆོས་འབྱུང་བའི་ནང་དུ་ཆུད་པར་
བསྒོམས་པའི་བསྒྲུབ་པར་བྱ་བའི་ལྕེའི་རྩེ་མོ་ལ་རེག་པར་ཙམ་གྱིས་སོ། །རྡོ་རྗེ་ཆེ་ཞེས་བྱ་བ་ནི་འོད་དཔག་མེད་ཀྱི་རང་བཞིན་གྱི་བསྒྲུབ་པར་བྱ་བའི་ངག་གི་སྤྲོས་པའོ། །སྐུ་གསུམ་དྲི་མེད་ལས་བྱུང་༼འདིའི་དུས་སུ། ཨོཾ་ཧྲཱིཿབྷུར་བྷུ་བཿམཱ་ར་ཡ་ཕཊ་ཅེས་པ་བཟླས་སོ། །
༽བ། །ཞེས་བྱ་བའི་སྐུ་གསུམ་དྲི་མེད་ནི། ནམ་མཁའ་༼བསྒྲུབ་བྱ་ཡུམ་གྱི་ཆོས་འབྱུང་གི་ནང་དུ་སྒོམ་པ་ལུས་གནོན་པ་ལ་ཡང་བྱའོ། །༽ལྟ་བུའི་འོད་གསལ་ལོ། དེ་ལས་བྱུང་བ་ནི་ངག་རང་བཞིན་གྱིས་དག་པའོ། །བཏབ་པ་ཙམ་གྱིས་ཞེས་བྱ་བ་ནི་བཤད་མ་ཐག་པའི་སྦྱོར་
བའི་ཁྱད་པར་གྱིས་སོ། །ལྡང་བར་འགྱུར་ཞེས་བྱ་བ་ནི་བསྒྲུབ་པར་བྱ་བའི་ལྕེ་ལ་སོགས་པ་གནོན་པ་སྟེ་རེངས་པར་འགྱུར་བའམ། ཡང་ན་བསྒྲུབ་པར་བྱ་བ་འཆི་བར་འགྱུར་རོ།། ༈ དེ་ནས་ཞེས་བྱ་བ་ལ་སོགས་པས་ནི། ཐུགས་ཀྱི་ཕུར་
བུས་གདབ་པའི་ཆོ་ག་གསུངས་པ་ཡིན་ཏེ། བསྒྲུབ་པར་བྱ་བའི་སེམས་ལ་ཕུར་བུའི་རྣམ་པར་འཕྲུལ་པ་གང་ཡིན་པའི་ཏིང་ངེ་འཛིན་དེ་ལ་སྙོམས་པར་ཞུགས་པའོ། །ཐུགས་ཀྱི་དམ་ཚིག་ནི་སེམས་ཀྱི་སྤྲོ་བའོ། །དེའི་ཚམ་རྔམ་ནི་སེམས་ཀྱི་སྤྲོ་བ་གཞོམ་
པར་བྱ་བའི་ཕྱིར། ཕུར་བུ་གདབ་པའི་སྔགས་གསུངས་པར་གྱུར་པའོ། །ཨོཾ་བཛྲ་རཱ་ཛཱ་ཞེས་བྱ་བ་ནི་ཀྱེ་རྡོ་རྗེ་རྒྱལ་པོ་ཞེས་བྱ་བ་བོད་པའི་དོན་ཏོ། །ཧཱུཾ་ཞེས་བྱ་བ་ནི་བསྒྲུབ་པར་བྱ་བའི་སྙིང་གནོན་པ་ལ་བཞུད་ཅིག་ཅེས་བྱ་བ་སྟེ། དེ་ནི་སྔགས་ཀྱི་
4-2-335b


དོན་ཏོ། །རྩེ་མོ་ལྔ་པར་ཞེས་བྱ་བ་ལ་སོགས་པ་ལ། རྩེ་མོ་ལྔ་པའི་རང་བཞིན་ཅན་གྱི་མེའི་འོད་འཕྲོ་བས་འཁྲིགས་པའི་རང་གི་རྡོ་རྗེ་བསྒོམ་པར་བྱ་བའོ། །ཇི་ལྟ་ཞེ་ན། རྡོ་རྗེ་ཐུགས་ཀྱི་ཞེས་བྱ་བ་སྟེ། སེམས་སོ། །དེའི་གནས་ནི་སྙིང་གའི་པདྨ་ཞེས་བྱ་བ་འདི་ཇི་
ལྟར་གནོན་པར་འགྱུར་བ་དེ་ལྟར་བྱ་བ་ནི་ལིང་གའི་ཕུར་བུས་༼རང་གི་ལིང་གའི་བསྐྱེད་ཚུལ་འདི་ནི་སྔ་མ་གཉིས་ཀ་ལའང་སྦྱར་རོ། །མཁས་པ་དག་རང་གི་ལིང་གའི་སྟོད་རྡོ་རྗེ་རྩེ་ལྔ་པ་ལ་སྨད་རྩེ་གཅིག་པའི་རྣམ་པ་ཅན་ཞེས་གསུངས་པ་ནི་འདི་ཕུར་བུར་བཤད་པ་དང་མཐུན་ནོ། །༽སྙིང་གར་
འདེབས་པའོ་སྟེ། འདི་ནི་རྡོ་རྗེ་ཕུར་བུ་ངེས་པར་གདབ་པའོ། །བཏབ་པ་ཙམ་གྱིས་ཞེས་བྱ་བ་ལ་སོགས་པ་ལ། རང་གི་ཕྱག་རྒྱའི་ཆོས་འབྱུང་བའི་ནང་དུ་ཆུད་པའི་མེའི་དཀྱིལ་འཁོར་ལ་གནས་པའི་བསྒྲུབ་པར་བྱ་བའི་སྙིང་གི་པདྨ་ལ་འབར་༼
འདིའི་དུས་སུ་ཡང་ཨོཾ་བ་རཱ་ཛཱ་ཧཱུཾ་མཱ་ར་ཡ་ཕཊ་ཅེས་བཟླས་ཤིང་སྙོམས་འཇུག་བྱའོ། །༼བར་གྱུར་པའི་རང་གི་རྡོ་རྗེས་བཏབ་ཅིང༌། བརྡུངས་པ་ཙམ་གྱིས་རྡོ་རྗེ་ཆེན་པོ་སྟེ། བསྒྲུབ་པར་བྱ་༽མེའི་དཀྱིལ་འཁོར་ལ་གནས་པ་འདི་གོང་མ་གཉིས་ལའང་སྦྱར་རོ། 
༽བའི་སེམས་རྡོ་རྗེ་དྲི་མེད་དེ་འོད་གསལ་བ་དེའི་ངོ་བོ་ཉིད་ཀྱི་སེམས་སོ། །བཏབ་མ་ཐག་ཏུ་ཞེས་བྱ་བ་ནི་སྦྱོར་བའི་ཁྱད་པར་གྱིས་སོ། །ལྡང་བར་འགྱུར་བ་ནི་སྙིང་ལས་ངེས་པར་འབྱུང་བ་ནི་སེམས་རྣལ་དུ་གནས་པ་ལས་འདས་ནས་དྲན་པ་༽
རྡོ་རྗེ་དྲི་མེད་གསུམ་ལས་འབྱུང་། །ཞེས་པའི་རྡོ་རྗེ་གསུམ་དྲི་མ་མེད་པ་ཞེས་སྦྱར་ལ། དེ་ལས་བྱུང་བ་ནི་སྔར་དང་འདྲའོ། །༽ཉམས་པའོ་སྟེ། གལ་ཏེ་བསྒྲུབ་པར་བྱ་བ་འཆི་བདེ་ལྟ་བུར་མི་འགྱུར་བ་དེའི་ཚེ་ལྡང་བར་འགྱུར་རོ། །བཅོམ་ལྡན་འདས་
4-2-336a


རྡོ་རྗེ་ཕུར་བུ་ཆེན་པོས་ཏེ་རྡོ་རྗེ་འཆང་གིས་དེ་སྐད་བཀའ་སྩལ་ཏོ་ཞེས་བྱ་བ་ནི། སྡུད་པར་བྱེད་པའི་ཚིག་གོ། ༈ དེ་ནས་ཞེས་བྱ་བ་ལ་སོགས་པ་ལ། སངས་རྒྱས་ནི་རྫོགས་པའི་རིམ་པ་ལ་གནས་པའི་བྱང་ཆུབ་སེམས་
དཔའ་སེམས་དཔའ་ཆེན་པོ་རྣམས་སོ། །དེ་རྣམས་ཇི་ལྟ་བུ་ཞེ་ན། སྐུ་གསུམ་མཆོག་སྟེ། སངས་རྒྱས་ཀྱི་ཐེག་པ་བ་ཐེག་པ་གསར་པ་བླ་མེད་ཀྱི་ཐེག་པ་ལ་གནས་པའི་ལས་དང་པོ་པ་བསྐྱེད་རིམ་པ་རྣམས་ནི་རྡོ་རྗེ་གསུམ་དབྱེར་མི་ཕྱེད་པའི་ང་རྒྱལ་ཅན་
ཡིན་པས་སྐུ་གསུམ་པ་སྟེ། དེ་རྣམས་ཀྱི་མཆོག་གོ། སེམས་ཅན་ཁམས་ལ་ཕན་མཛད་པ། །ཞེས་བྱ་བ་ནི། སེམས་ཅན་གྱི་དོན་བྱེད་པར་ནུས་པའོ། །དེ་རྣམས་མཉེས་ཤིང་ཞེས་བྱ་བ་ནི་དེ་ལས་ཚོགས་རྣམས་དང་པོར་ཐོས་པ་ཙམ་གྱིས་སོ། །
རབ་ཏུ་དགྱེས་པར་གྱུར་ནས་ནི། དེའི་འོག་ཏུ་རྟོགས་པས་ཤིན་ཏུ་མགུ་བ་ཐོབ་པར་གྱུར་ནས་སོ། །གསུང་ནི་འདི་སྐད་བཀའ་སྩལ་ཏོ། །ཞེས་བྱ་བ་ནི། རང་གི་རྗེས་སུ་མྱོང་བའི་གསུང་འོག་ནས་བཤད་པའི་མཚན་ཉིད་ཅན་གྱི་ཚིག་འདི་སྐད་དུ་བཀའ་སྩལ་ཅིང་སྨྲས་
པར་གྱུར་པའོ། །ཨེ་མའོ་ཞེས་བྱ་བ་ནི་ངོ་མཚར་དུ་གྱུར་པའོ། །ངོ་མཚར་བའི་ཡུལ་ནི་གསང་བའི་གནས་ཞེས་བྱ་བ་སྔགས་ཀྱི་གནས་ཏེ། དེ་མཆོག་ཏུ་གྱུར་པའོ། །སྙིང་པོ་ཀུན་བཏུས་པ་ཞེས་བྱ་བ་ནི་སྔགས་རྣམས་ཀྱིས་ལས་སོ་སོ་ལ་རབ་ཏུ་སྦྱོར་བའི་བྱེ་
བྲག་སྟེ་དབྱེ་བ་དུ་མ་གསུངས་པའོ་གོ། ཆོས་ཀྱི་གནས་ཞི་བ་ཞེས་བྱ་བ་ནི། ལས་ལ་རབ་ཏུ་སྦྱོར་བ་དེ་ཉིད། ནང་ལ་གཞོལ་བས་བསམ་༼འདི་ནི་སྔགས་ལ་གཞོལ་བས་ལས་སྒྲུབ་པ་ལ་མཚར་བའོ། །༽གཏན་གྱིས་རྫོགས་པར་བྱས་པའོ། །རྡོ་རྗེ་
4-2-336b


རྣམ་པར་འཇོམས་ཞེས་བྱ་བ་ནི་གདུག་པ་རྣམས་ཚར་གཅོད་པའི་ལས་སོ་འོ། །༼སངས་རྒྱས་ཀུན་ལ་སྟེ། ལས་ཀྱི་ཚོགས་ལ་ནུས་པ་དང་ལྡན་པ་རྣམས་ལ་ཕུར་བུས་འདེབས་པ་དེ་ཡང་ངོ་མཚར་ཆེའོ་ཞེས་པ་ལྟར་བྱའོ། ༽ཕུར་འདེབས་སངས་རྒྱས་ཐམས་ཅད་དང་སྟེ། ལས་
ཀྱི་ཚོགས་ལ་ནུས་པ་དང་ལྡན་པའི་ཕུར་བུས་འདེབས་པ་དེ་ཡང་ངོ་མཚར་ཆེ་བའོ། །བྱང་ཆུབ་སེམས་དཔའ་ནི་སྐྱེ་བོ་ཐ་མལ་པ་རྣམས་སོ། །གྲགས་ཆེན་དེ་ནི་ཕྱོགས་སྐྱོང་བ་རྣམས་ཏེ། དེ་རྣམས་ཀྱི་ཕུར་བུས་གནོན་པ་དེ་ཡང་ངོ་མཚར་ཆེའོ། །རྡོ་རྗེ་དང་པདྨ་སྦྱར་བས་བསྒྲུབ་བྱའི་
སྐུ་ལ་སོགས་པའི་ཕུར་བུས་གནོན་པ་བསམ་གཏན་གྱིས་སོ་སོར་གསུངས་པ་དེ་ཡང༌། ངོ་མཚར་ཆེ་བའོ་ཞེས་རིན་པོ་ཆེ་ལྟ་བུའི་གང་ཟག་གིར་བཤད་པ་ཡིན་ནོ། །གང་བཤད་མ་ཐག་པ་འདི་ནི་སྔགས་རྣམས་ཐམས་ཅད་ཀྱི་སྟེ། སྒྲུབ་པ་པོ་རྣམ་པ་གཉིས་ལ་དང་
ཉེ་བར་འཚམས་༼མཁོ་བའོ་ཟེར། ༽པའོ། །༼ཞེས་པ་འདི་དང་སྒྲུབ་པ་པོ་རྣམ་པ་གཉིས་ཞེས་གསུངས་པ་འདིས་ནི། རྡོ་རྗེ་དང་པདྨ་སྦྱར་བའི་ཕུར་གདབ་འདི་ལ་རིམ་པ་གཉིས་ཀའི་ཕུར་གདབ་ཡོད་པར་བཤད་ལ། བསམ་གཏན་གྱིས་སོ་སོར་གསུངས་པ་ཞེས་པས་ནི། རྫོགས་རིམ་པའི་ཕུར་གདབ་
སྔགས་ཀྱི་བཟླས་པ་གསུམ་མི་བྱེད་པར་བསྟན་ནོ། །༼ཕུར་གདབ་ནི་ཕུར་བུས་བཏབ་པ་སྟེ། མི་གཡོ་བར་བྱས་དེ་ཉིད་ལས་བྱུང་བ་ནི་རྡོ་རྗེ་འཆང་ཆེན་པོས་རབ་ཏུ་བསྟན་པའོ། །སྐུ་གསུང་ཐུགས་ནི་སྒྲུབ་པ་པོ་རྣམས་ཏེ། དེ་རྣམས་ལ་ཀྱི་མཆོག་སྦྱིན་པ་
ནི་འདོད་པའི་དོན་སྟེར་བའོ། །སྔགས་ཀྱི་དེ་ཉིད་དོན་བསྡུས་པ། །ཞེས་བྱ་བ་ལ། སྔགས་ནི་སྦྲུལ་ཞེས་བྱ་བ་ལ་སོགས་པའོ། །དེ་རྣམས་ཀྱི་དེ་ཁོ་ན་ཉིད་ནི་སྔགས་ཀྱི་དོན་དང་ལ་སོགས་པས་སྔགས་སྤེལ་བ་དང་བཟླས་ཚུལ་སོགས་ཡོངས་སུ་ཤེས་པའོ། །
4-2-337a


བསྡུས་པ་ནི་བཏུས་ནས་བསྟན་པའོ། །གསུངས་སོ་ཞེས་བྱ་བ་ནི་སྡུད་པར་བྱེད་པའི་ཚིག་སྟེ། སྒྲ་ཇི་བཞིན་པའོ།། ༈ དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཉིད་རྨད་དུ་བྱུང་བ་སྟེ། དེའི་རྒྱུ་མཚན་ནི་སེམས་
ཅན་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དེ་ཁོ་ན་ཉིད་གཅིག་ཏུ་གྱུར་པ་ཡིན་ས་ཀྱང་སྒྲུབ་པ་པོ་རང་དང་བསྒྲུབ་བྱ་གཞན་གྱི་ཆ་དུ་མ་ལ་དམིགས་ནས་མི་མཐུན་ཕྱོགས་ཚར་གཅོད་པར་བྱེད་ཅིང་འདོད་པའི་དོན་ཐམས་ཅད་སྒྲུབ་པ་པོས་ལས་དེ་
ལྟར་སྒྲུབ་པའི་སྔགས་ཀྱིས་ཏེ། ཨཱ་ལི་བཅུ་དྲུག་དང་ཀཱ་ལི་སོ་གསུམ་ལས་འབྱུང་བའི་སྔགས་རིགས་བཞི་པོ་ཐམས་ཅད་ཀྱང་ཕོ་མོ་མ་ནིང་གི་མཚན་མ་སྟེ་རྟགས་གསུམ་གྱི་ངོ་བོ་ཉིད་ཀྱི་ཡི་གེ་གསུམ་ལ། རབ་ཏུ་འཇུག་པས་ན་སྔགས་དེ་ཐམས་
ཅད་འགུགས་པའོ་ཤིང༌། དེས་སམ་དེའི་རྣམ་པར་སྤྲུལ་པའམ་རྣམ་པར་འཕྲུལ་པ་ནི་ལ་ཡི་གེ་གསུམ་པོ་དེའི་ཡོངས་སུ་རོལ་པས། ཞི་བ་ལ་སོགས་པའི་ལས་ཀྱི་ཚོགས་རབ་འབྱམས་རྣམས་བསྒྲུབ་པ་ཡིན་ལ་རྒྱུ་མཚན་དེ་ཉིད་༼
འདིས་ནི་ཞི་སོགས་ཀྱི་ལས་ཚོགས་སྒྲུབ་པ་ལ་སྔར་འགོག་པ་རྡོ་རྗེ་རྒྱལ་པོ་ནི་ཞེས་པའི་སྐབས་སུ་བཤད་པ་ལྟར། རླུང་སྔགས་དབྱེར་མེད་ཀྱི་ཡི་གེ་གསུམ་གྱི་རྡོར་བཟླས་བྱེད་པ། བཟླས་པ་ཐམས་ཅད་ཀྱི་ནུས་པ་འབྱིན་པ་ལ་བསྔགས་པར་བསྟན་ནོ། །༽ཀྱིས་རྒྱལ་པོར་གྱུར་ཅིང་སྟེ། 
རཱ་ཛཱ་ཏེ་དཱི་བྱ་ཏཿཞེས་པས་འབར་བསྟེ་གསལ་བར་བྱེད་པར་གྱུར་ཅེས་བྱ་བའི་དོན་གྱིས་ན། སྐུ་དང་གསུང་དང་ཐུགས་རྨད་དུ་བྱུང་བའི་སྔགས་ཀྱིས། འགུགས་པའི་རྣམ་པར་སྤྲུལ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་ཏེ། དེ་སྟོན་པའི་སྒྲའི་ཚོགས་ལ་ཡང་དེ་
4-2-337b


སྐད་ཅེས་བྱ་སྟེ། དགོངས་པས་བཤད་པའོ།། ༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བཅུ་བཞི་པ་མཐའ་དྲུག་གིས་བཤད་པའོ། །། །སྔར་བཤད་ཟིན་པ་དང་མ་
བཤད་པ་བཤད་མ་ཟིན་པ་འཆད་པར་འགྱུར་བའི་ཞི་བ་ལ་སོགས་པའི་ལས་རྣམས་ཀྱི་དངོས་གྲུབ་རྣམས་ནི། འོག་ནས་འཆད་པའི་སྤྱི་དོན་གྱི་སྒྱུ་མ་ལྟ་བུ་དང༌། སྦས་པ་དང་མཐར་ཐུག་གི་སྒྱུ་མ་ལྟ་བུའི་ཏིང་ངེ་འཛིན་ཡོངས་སུ་ཤེས་ནས་སྒོམ་པ་དང་བྲལ་བས་འགྲུབ་པར་མི་
འགྱུར་རོ། ཞེས་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་ལེའུ་བཅོ་ལྔ་པ་གསུངས་ཏེ།། ༈ རྒྱལ་པོ་རྡོ་རྗེ་འཛིན་ཅེས་བྱ་བ་ནི། རྡོ་རྗེ་འཛིན་པ་ཆེན་པོའོ། །ཐམས་ཅད་ནམ་མཁའ་ནི་སྟོང་པ་ཉིད་བཞིའི་བདག་ཉིད་ཅན་ནོ། །མི་འགྱུར་ཆེ་ནི་རྣམ་པར་
མི་འཇིག་པའོ། །ཐམས་ཅད་དབང་བསྐུར་ནི་དབང་བསྐུར་བའི་ཡང་གཞན་ཐམས་ཅད་ལ་ཀྱིས་ཀྱང་དབང་བསྐུར་བ་པོ་ཡིན་༼ཞེས་པ་ནི་སྟོང་པ་སྔ་མ་གསུམ་སྔ་མ་ཕྱི་མ་ལ་ཐིམ་པའི་སྟོང་པ་བཞི་པའི་བདག་ཉིད་ཅན་དུ་སྟོན་གྱི། སངས་རྒྱས་ཀྱི་ས་ན་སྟོང་པ་བཞི་ཡོད་པར་སྟོན་པ་མིན་ནོ། །
༸ཐམས་ཅད་ལ་དབང་བསྐུར་བའི་ཡང་དབང་བསྐུར་བ་ཡིན་པའི་ཕྱིར་རོ། །ཟེར། ༽པས་སོ་འོ། །ཀུན་མཁྱེན་ནི་རིགས་ཐམས་ཅད་ཀྱི་བདག་ཉིད་ཅན་དུ་གྱུར་པས་སོ། །རྡོ་རྗེ་གསུང་ནི་མི་ཕྱེད་པའི་གསུང་ངོ༌། །བཀའ་སྩལ་པ་ནི་གསུངས་པར་གྱུར་པ་སྟེ། དགོངས་པ་མ་
ཡིན་པས་བཤད་པའོ།། ༈ སྤྱོད་པ་གསུམ་གྱི་ནང་ནས་སྤྲོས་པ་མེད་པའི་སྤྱོད་པ་བསྟན་པར་བྱ་བའི་ཕྱིར། སྨེ་ཤ་ཅན་གྱི་ཞེས་བྱ་བ་ལ་སོགས་པ་གསུངས་ཏེ། སྨེ་ཤ་ཅན་གྱི་བུ་མོ་ནི་རིགས་ངན་གྱི་བུ་མོའོ། །བུ་མོ་དེ་དད་པ་དང་ལ་སོགས་པས་བརྩོན་
4-2-338a


དང་ཏིང་ངེ་འཛིན་དང་ཤེས་རབ་ཀྱི་འི་ཡོན་ཏན་དང་ལྡན་པས་ན་བདག་ཉིད་ཆེའོ། །བུ་མོ་ལོ་གྲངས་བཅུ་གཉིས་པ་ནི་ལོ་བཅུ་གཉིས་ལོན་པའི་ན་ཚོད་དོ། །དབེན་པའི་གནས་སུ་ཁྱད་པར་དུ། །ཞེས་བྱ་བ་ནི། སྐྱེ་བོ་འདུས་པའི་འདུ་འཛི་
དང་ཤིན་ཏུ་བྲལ་བས་དབེན་པའི་གནས་དག་ཏུ་བསླབ་པར་བྱའོ། །སྒྲུབ་པ་པོས་ནི་ཞེས་བྱ་བ་ནི་སྒྲུབ་པ་པོས་སྒྱུ་རྩལ་རེ་བཞི་སྟོན་པའི་རྒྱུད་དང་སྔགས་ཏེ་ལྷ་བསྒོམ་པ་དང་བཟླས་པ་སོགས་ལེགས་པར་སློབ་ཏུ་གཞུག་པའོ། །རྟག་ཏུ་ཞེས་བྱ་བ་ནི། སྔར་བཤད་པ་རྣམས་
དུས་ཐམས་ཅད་དུ་ལེགས་པར་བསླབས་༼ཁྱད་པར་དུ་ཞེས་པའི་དོན་ནི་ཤིན་ཏུ་དབེན་པ་ཞེས་པའོ། །༸དེས་ནི་རྒྱུད་གཞན་ནས་བཤད་པའི་སྐྱབས་སུ་འགྲོ་བ་དང༌། སེམས་བསྐྱེད་པ་དང་། མི་དགེ་བ་བཅུ་པོ་སྤོང་བ་སོགས་ཀྱིས་རྒྱུད་སྦྱོང་བ་ཡང་མཚོན་ལ། དབང་མ་བསྐུར་བ་དང་དམ་ཚིག་མི་འཛིན་པ་
ལ་ལམ་འདི་སྟོན་པ་བཀག་པས་དེ་དག་ཀྱང་གཟུང་ངོ༌། །༽པ་སྟེ། ལན་གཅིག་ངེས་ཀྱང་བརྗེད་ངས་པའི་འཇིགས་པ་ཡོད་པའི་ཕྱིར་རོ། །བསྒྲུབ་ཅེས་བྱ་བ་ནི། སྔགས་དང་རྒྱུད་ལ་ལེགས་པར་བྱང་བར་བསླབས་པའོ།། ༈ ཕྱག་རྒྱ་དེ་དང་གང་དུ་འདུ་བའི་
གནས་ཡོངས་སུ་སྦྱང་བ་བསྟན་པར་བྱ་བའི་ཕྱིར། བཤང་གཅི་ཞེས་བྱ་བ་ལ་སོགས་པ་གསུངས་ཏེ། བཤང་བ་ནི་བ་སེར་སྐྱའི་ལྕི་བའོ། །གཅི་བ་ཞེས་བྱ་བ་ནི་བདེའི་གཅིན་ཏེ་དེས་བ་བྱུང་གཞན་འོ་ཞོ་མར་དང་བཅས་པའི་བ་ལས་བྱུང་བ་ལྔ་བཟུང་ངོ་ནོ། །བ་བྱུང་དེ་
ཉིད་བསྒྲུབ་པའི་ཡན་ལག་ཉིད་དུ་ཡང་དག་པར་གྱུར་པ་སྟེ་འགྲོ་བས་ན། དམ་ཚིག་སྟེ་༼ས་མ་ཡའི་སྒྲ་ལས་ཡང་དག་པར་འགྲོ་བའོ། །༽དེ་ལ་སོགས་པ་གང་ཡིན་པ་ནི། བཤང་གཅི་དམ་ཚིག་ལ་སོགས་པ། །ཞེས་བྱ་སྟེ། སོགས་པའི་སྒྲས་ནི་ཙན་དན་
4-2-338b


ལ་སོགས་པ་ཡང་ཡོངས་སུ་གཟུང་ངོ༌། །དེ་རུ་ཆོ་ག་བཞིན་དུ་ནི། །ཞེས་བྱ་བ་ནི། འདིར་ཀླུ་བྱང་གི་དཀྱིལ་འཁོར་གྱི་ཆོ་ག་བཞིན་དུ་སྟེ། དེའི་ཆོ་གས་བྱའོ་སོ། །དཀྱིལ་འཁོར་གྲུ་བཞི་ལྷམ་པར་བྱ་ཞེས་བྱ་བ་ནི། གྲུ་བཞི་ཞེས་བྱ་བའི་ཉེ་བར་མཚོན་པས། སྒོ་བཞི་
ལ་སོགས་པ་དེའི་མཚན་ཉིད་ཐམས་ཅད་དང་ཡང་དག་པར་ལྡན་པ་ཡིན་པར་གཟུང་བར་བྱའོ།། ༈ དཀྱིལ་འཁོར་ཐིག་ཚོན་གྱིས་བྲིས་པའི་འོག་ཏུ་ཇི་ལྟར་བྱ་ཞེ་ན། རྡོ་རྗེ་དཀྱིལ་འཁོར་སྒོམ་པ་ཡིས། །ཞེས་བྱ་བ་སྟེ། རྡོ་རྗེའི་དཀྱིལ་འཁོར་ནི་མི་བསྐྱོད་པའི་དཀྱིལ་
འཁོར་རོ། །དེ་སྒོམ་ཞིང་གསལ་བར་བྱེད་པས་ན། རྡོ་རྗེའི་དཀྱིལ་འཁོར་སྒོམ་པ་ཡིས་ཏེ། མི་བསྐྱོད་པའི་དཀྱིལ་འཁོར་པའི་ལྷ་རྣམས་ཀྱི་གཟུགས་དེ་རྣམས་ཀྱིས་དཀྱིལ་འཁོར་བརྒྱན་པར་བྱའོ། །ཞེས་བྱ་བར་དགོངས་སོ།། ༈ མཚན་ཉིད་ཐམས་ཅད་ནི་
ཞབས་ལ་སོགས་པ་ནས། དབུ་སྐྲའི་བར་གྱི་མཚན་མ་བཟང་པོ་གང་ཡིན་༼འདིར་མི་བསྐྱོད་པའི་དཀྱིལ་འཁོར་གྱི་ལྷ་ཚང་བར་བསྒོམ་པར་བསྟན་པ་འདིས། ཚོགས་ཀྱི་དཀྱིལ་འཁོར་ལ་མང་ཉུང་ཡོད་ཀྱང༌། ཏིང་ངེ་འཛིན་གྱི་དཀྱིལ་འཁོར་ལ་མང་ཉུང་མེད་པར་ལྷ་སོ་གཉིས་སུ་བྱེད་པ་ཡིན་ཞེས་
སྔོན་གྱི་མཁས་པ་དག་གསུང་བ་ནི་ལེགས་པར་སྣང་ངོ༌། །༽པ་དེ། དེས་ཡོངས་སུ་དག་ཅིང་ཉེ་བར་འབར་བའོ། །རབ་ཏུ་བཟང་བ་ནི་སྐྱེས་པ་གཞན་རྣམས་ལ་མ་ཆགས་པའོ། །བཞིན་ཡང་ངམ་རབ་མཛེས་ཞེས་བྱ་བ་ནི་སྒྲུབ་པ་པོ་ལ་ཉེ་བར་ལྟ་ཞིང་དེ་ལ་
གཅིག་ཏུ་ཕྱོགས་པའོ། །རྒྱན་རྣམས་ཐམས་ཅད་ཅེས་པའི་རྒྱན་གྱི་དོན་ནི་དགའ་བ་བསྐྱེད་པ་ཡིན་པས་དགའ་བ་སྐྱེད་པའི་ཐབས་འཁྲིག་ཐབས་ཐམས་ཅད་ལ་མཁས་པའོ་སྟེ་༼མཁས་པའོ། །ཡོངས་སུ་རྫོགས་པ་ནི་དེ་རྣམས་མ་ཚང་བ་མེད་པ་སྟེ་ཞེས་པ་ལྟར་བྱའོ། །
4-2-339a


༽དེ་ཡོངས་སུ་རྫོགས་པ་ནི་མ་ཚང་བ་མེད་པ་སྟེ། འདི་ལྟ་བུའི་སྨེ་ཤ་ཅན་ཏེ་རིགས་ངན་གྱི་བུ་མོ་ལེགས་པར་བསླབས་པ། པང་པར་ཏེ་བདག་དང་ལྷན་ཅིག་ཏུ། དཀྱིལ་འཁོར་གྱི་དབུས་སུ་བཞག་ནས་རྣམ་པ་བསྒོམ་པ་ནི་
ལས་རྒྱལ་མཆོག་གི་སྐབས་གཙོ་ཆེ་ཡང༌། དཀྱིལ་༼ཞེས་པ་ནི་རྗེ་འགོས་བཞེད་པ་ལྟར་སྤྱོད་པའི་སྐབས་ཀྱི་དཀྱིལ་འཁོར་ཆུ་ཚོན་གྱིས་བྲིས་པ་ཡིན་ན། སྒྲས་ཟིན་ལྟར་ཡིན་ལ། རྡུལ་ཚོན་གྱིས་བྲིས་པ་ཡིན་ན། དངོས་སུ་དཀྱིལ་འཁོར་དང་ཉེ་བར་ཡིན་ལ། ཡིད་ཀྱིས་ནི་དཀྱིལ་འཁོར་གྱི་དབུས་སུ་བསྒོམ་མོ། །
༽འཁོར་རྒྱལ་མཆོག་གི་ལྷ་བསྐྱེད་པའི་སྔོན་དུ་ཡང་ཤེས་པར་བྱ་སྟེ། འོག་མ་རྣམས་ལ་ཡང་ངོ་སྟེ། མངོན་པར་འདོད་པའི་དོན་སྤྱོད་པ་བྱེད་པའི་སྐབས་དོན་བདེ་སྟོང་གི་ཏིང་ངེ་འཛིན་རྫོགས་པར་བྱའོ།། ༈ དཀྱིལ་འཁོར་ལྔ་ཡི་ཞེས་བྱ་བ་ནི་རིགས་ལྔ་ཡི་
དཀྱིལ་འཁོར་ཏེ་དེ་ལྔ་རེ་རེས་གཙོ་བོ་བྱས་པའོ། །འཁོར་ལོ་ཡིས་ཞེས་བྱ་བ་ནི་གཙོ་བོ་རིགས་ལྔ་པོ་དེ་རྣམས་ཀྱི་འཁོར་རྣམས་ཀྱིས་ཡོངས་སུ་བསྐོར་བའི་དཀྱིལ་འཁོར་ལྔའོ་སོ། །སངས་རྒྱས་གཟུགས་སུ་ཞེས་བྱ་བ་ནི། རིགས་སོ་སོའི་སྒྲུབ་པ་
པོའི་ལུས་ཏེ། དེ་རྣམ་པར་སྒོམ་པ་ནི་གཙོ་བོ་རིགས་ལྔ་པོ་དེར་བསྐྱེད་པའོ། །རང་དེ་ལྟར་བསྐྱེད་པའི་གཙོ་བོ་ཕྱག་རྒྱ་མ་དང་སྙོམས་པར་ཞུགས་པའི་གསང་མཆོད་བྱ་བ་སྟོན་པ་ནི། སྔགས་ཏེ་ལྷའི་ཀྱི་འཁོར་ལོའི་ང་རྒྱལ་ཅན་གྱི་ཞེས་བྱ་བ་ནི། སྒྲུབ་པ་
པོ་རྣམས་ཀྱི་གསང་བའི་མཆོད་པའི་གནས་ནི་ཉམས་དགའ་ཞིང༌། བླ་ན་མེད་པའི་མཆོད་པའི་བྱ་བ་འདི་དག་བསྒོམ་པར་བྱའོ།། ༈ ༼ཞེས་རིགས་ལྔའི་སྒྲུབ་པ་པོས་དཀྱིལ་འཁོར་ལྔའི་དབུས་སུ་གསང་མཆོད་བྱ་བར་སྤྱིར་བསྟན་པས། ཁ་ཅིག་མི་བསྐྱོད་པ་ཁོ་ན་དང༌།
4-2-339b


 ཁ་ཅིག་རྣམ་སྣང་ཁོ་ན་ལ་འཆད་པ་དོན་མིན་ནོ། །༽རིགས་ལྔའི་རྣལ་འབྱོར་པས་བྱ་བ་སྤྱིར་བསྟན་ནས། རིགས་སོ་སོར་ཕྱེ་སྟེ་སྟོན་པ་ནི་བཤད་མ་ཐག་པ། དེ་ལྟར་སྒྲུབ་པ་པོས་སྐུ་གསུང་ཐུགས་ནི་རྡོ་རྗེ་ཅན་གྱི། བདག་ཉིད་རྣམ་པར་སྣང་མཛད་ཆེན་པོའི་སྐུར་བདག་ཉིད་
དཀྱིལ་འཁོར་གྱི་དབུས་སུ་གནས་པར་བསམ་མོ། །རྣམ་སྣང་དེའི་དཀྱིལ་འཁོར་ཇི་ལྟར་བྱ་ཞེ་ན། བསམ་གཏན་སྔགས་ཀྱི་སྟེ་ཞེས་པས་སྔགས་ཏེ་ལྷའི་བསམ་གཏན་ཞེས་པ་མི་བསྐྱོད་པ་ལ་སོགས་པ་བསྒོམ་པའོ། །ལྷ་དེ་རྣམས་ཀྱི་སྦྱོར་བ་ནི་མི་བསྐྱོད་པ་ཤར་དུ་བཞག་པ་སོགས་རང་རང་གི་
གནས་ཇི་ལྟ་བ་བཞིན་དུ་བཞག་པའོ། །དེས་ནི་སངས་རྒྱས་ཀྱི་ནི་འོད་དང་འདྲ་བར་འགྱུར་བ་སྟེ། རྣམ་པར་སྣང་མཛད་དུ་གྱུར་པར་བསྒྲུབ་པར་བྱའོ། །བུ་མོ་ཨུཏྤལ་མཐིང་ཁའི་མདོག། ཅེས་བྱ་བ་འདི་མཚན་ཉིད་ཐམས་ཅད་ཡོངས་སུ་དག། བཞིན་རས་མཛེས་ལ་ཞེས་བྱ་བ་འདི་དང༌། འོག་
ནས་འབྱུང་བའི་མི་བསྐྱོད་པར་སྦྱར་ལ། བཙོ་བླག་མཁན་ཞེས་བྱ་བ་ལ་སོགས་པ་ལྷག་མ་བཙོ་བླག་མཁན་ནི་བདག་ཉིད་ཆེ། །ཞེས་དང༌། རྟག་ཏུ་སྒྲུབ་ཅེས་པ་རྣམས་ནི། བཤད་མ་ཐག་པའི་༼འདི་དང་སྦྱར་བའི་མི་བསྐྱོད་པའི་འོ། །ཞེས་པ་ལྟར་བྱ་ལ། འོག་ནས་འབྱུང་བ་ཞེས་པ་འགྱུར་གསར་གཉིས་ཀ་ལ་
མེད་པ་དག་གོ། ༽རྣམ་པར་སྣང་མཛད་ཀྱི་ཏིང་ངེ་འཛིན་དང་སྦྱར་བར་བྱ་སྟེ། །བཙོ་བླག་མཁན་གྱི་བུ་མོ་མདོག་དཀར་བ། སྔར་བཤད་པ་ལྟར་གྱི་བདག་ཉིད་ཆེ་བ་ལ་བསྒྲུབ་ཅིང་སྟེ་སྔགས་དང་རྒྱུད་ལེགས་པར་བསླབ་པར་བྱའོ། །རྡོ་རྗེ་སེམས་དཔའི་སྦྱོར་བ་ཡིས། །ཞེས་བྱ་བ་ནི། 
རྡོ་རྗེ་སེམས་དཔའ་སྟེ་མི་བསྐྱོད་པའི་ང་རྒྱལ་གྱི་ཏིང་ངེ་འཛིན་གྱིས་བུ་མོ་བསྒྲུབ་ཅེས་སྦྱར་རོ་སོ། །སྦྱོར་བའི་ཆོ་ག་འདི་ཉིད་ནི། །ཞེས་བྱ་བ་ནི། རྡོ་རྗེ་སེམས་དཔའི་སྦྱོར་བ་དེ་ཉིད་ནི་སྙོམས་པར་འཇུག་པའི་ཆོ་ག་སྟེ། སྦྱོར་བ་དེ་ཉིད་ཀྱིས་སྤྱོད་པ་བྱས་ནས། ཞི་སོགས་ཀྱི་ལས་
4-2-340a


རྣམས་བརྩམ་པར་བྱ་ཞེས་བྱ་བ་སྟེ། ཕྱག་རྒྱ་དེ་དང་ལྷན་ཅིག་ཏུ་འཁོད་ནས་ཇི་ལྟར་འདོད་པའི་ཞི་སོགས་ཀྱི་ལས་རྣམས་བྱ་བའོ། ༈ འདི་ནི་ཞེས་བྱ་བ་ལ་སོགས་པ་ལ། སྔགས་རྣམས་ཐམས་ཅད་ཀྱི་ཞེས་བྱ་བ་ནི། རིན་
ཆེན་འབྱུང་ལྡན་དང་འོད་དཔག་ཏུ་མེད་པ་དང་དོན་ཡོད་པར་གྲུབ་པ་ཡིའོ། །དམ་ཚིག་ནི་བསྒྲུབ་པའི་ཆོ་གའོ། །ཤིན་ཏུ་འདའ་དཀའ་༼འདིར་མི་བསྐྱོད་པའི་བསྐྱེད་རིམ་པས་སྔོན་དུ་སྤྱོད་པ་བྱས་ནས། དེའི་འོག་ཏུ་ལས་རྣམས་བསྒྲུབ་པར་བསྟན་ཏེ། རིགས་ལྷག་མ་བཞི་ལའང་འདྲའོ།། 
༼རིན་འབྱུང་གི་རྣལ་འབྱོར་པས་ནི་ཕྲེང་རྒྱུད་མ་དང་དོན་གྲུབ་ཀྱི་རྣལ་འབྱོར་པས་བཟོ་བྱད་མའི་བུ་མོ་ཕྱག་རྒྱར་བྱའོ། །༽བའོ་ཞེས་བྱ་བ་ནི། སྒྲུབ་པ་པོ་དེས་འདའ་བར་བྱ་བ་མ་ཡིན་པ་ནི་ལས་ཚོགས་ཁྱད་པར་ཅན་རྣམས་སྒྲུབ་པ་ལ་མངོན་དུ་སྤྱོད་པ་བྱ་བ་ལས་མི་འདའ་བར་བྱ་བའི་དོན་ནོ་འོ། །
དེ་ནི་དེ་མ་ཐག་ཏུ་ཡང༌། །ཞེས་བྱ་བ་ནི། བསྒོམས་མ་ཐག་ཉིད་དུའོ། །རྡོ་རྗེ་སེམས་དཔའི་འོད་འདྲར་འགྱུར། །ཞེས་བྱ་བ་ནི། རིན་ཆེན་དབལ་དང་འདྲ་བར་འགྱུར་བ་སྟེ་དེའི་རྣལ་འབྱོར་དང་ལྡན་པའོ། །རྒྱལ་པོ་ཆོས་རྣམས་ཀུན་དང་མཚུངས། །ཞེས་བྱ་བ་ནི། སྦྱོར་བ་དེ་དང་ལྡན་
པས་ཆོས་ཐམས་ཅད་འཛིན་པའི་རྒྱལ་པོ་འོད་དཔག་ཏུ་མེད་པ་དང་མཚུངས་པར་འགྱུར་བའོ། །འདོད་དང་ཐར་པ་རབ་སྒྲུབ་པ། །ཞེས་བྱ་བ་ནི། ལས་ཀྱི་རིགས་ཀྱི་རྣལ་འབྱོར་པ་སྦྱོར་བ་དེ་དང་ལྡན་པས། འདོད་པ་སྟེ་མངོན་མཐོ་དང་ཐར་པ་རབ་ཏུ་སྒྲུབ་པར་བྱེད་པ་དོན་
ཡོད་པར་གྲུབ་པ་དང་འདྲ་བར་འགྱུར་བའོ།། ༈ རྡོ་རྗེ་ཆོས་ནི་ཞེས་བྱ་བ་ལ་སོགས་པས་ནི། འོད་དཔག་ཏུ་མེད་པའི་རྣལ་འབྱོར་པས་ཁྱད་པར་གྱི་ཆོ་ག་སྟོན་པ་ཡིན་ཏེ། རྡོ་རྗེ་ཆོས་ནི་རྣམ་བསྒོམས་པས། །ཞེས་བྱ་བ་ནི། འོད་དཔག་ཏུ་མེད་པའི་སྦྱོར་བས་
4-2-340b


སོ། །རབ་མཛེས་ཤིང་ཞེས་བྱ་བ་ནི་དམར་སྐྱའོ། །བཞིན་བཟང་ནི་སྒྲུབ་པ་པོ་ལ་དགའ་བས་ལྟ་བའོ། །མིག་ནི་དཀྱུས་རིང་བ་ཞེས་བྱ་བ་ནི་ཤེས་རབ་དང་ལྡན་པའོ། །སྒྲུབ་པ་པོས་ནི་རྟག་ཏུ་བསྒྲུབ་ཅེས་བྱ་བ་ནི་རྟག་ཏུ་སྔར་ལྟར་བསླབ་པའོ། །དེ་ནི་ཞེས་བྱ་བ་ནི་དེ་ལྟར་ཞུགས་པའི་སྒྲུབ་
པ་པོའོ། །རྡོ་རྗེ་ཆོས་ཀྱི་བདག་ཉིད་ཅན་ནི་འོད་དཔག་ཏུ་མེད་པའི་ངོ་བོ་ཉིད་དེ། རབ་དགའ་སོགས་ས་བཅུ་ལ་གནས་པར་འགྱུར་བའོ། །རྒྱལ་པོ་གསུང་གི་དམ་ཚིག་འཛིན། །ཅེས་བྱ་བ་ནི། ངག་གི་དབང་ཕྱུག་སྟེ་དེ་འཛིན་པའོ། །མངའ་བདག་དམ་པ་ཀུན་གྱི་མཆོག། ཅེས་བྱ་བ་ནི། 
དབང་ཕྱུག་དམ་པ་དང་ལྡན་པའི་སེམས་ཅན་ཐམས་ཅད་ལས་ཁྱད་པར་དུ་གྱུར་པའི་འཁོར་ལོས་སྒྱུར་བའི་རྒྱལ་པོར་འགྱུར་བ་སྟེ། རྟོག་པའི་རྣལ་འབྱོར་ཡིན་པའི་ཕྱིར་རོ།། ༈ དེ་ལྟར་རྟོག་པའི་རྣལ་འབྱོར་པ་རྣམས་ཀྱི་རིགས་སོ་སོའི་ཕྱག་རྒྱའི་དབྱེ་བ་རབ་ཏུ་བསྟན་
ནས། རྫོགས་པའི་རིམ་པ་ལ་གནས་པ་རྣམས་ཀྱི་བུད་མེད་ཀྱི་རིགས་མ་ངེས་པའི་ཕྱག་རྒྱ་བསྟན་པར་བྱ་བའི་ཕྱིར། བྲམ་ཟེ་ཞེས་བྱ་བ་ལ་སོགས་པ་གསུངས་༼ཞེས་པ་ནི་བསྐྱེད་རིམ་རྐྱང་པའི་དབང་དུ་བྱས་པའོ།།༼ཏེ། རིགས་བཞི་པོ་རྣམས་ལས་གང་ཡང་རུང་བའི་བུ་
མོ་བླངས་ནས་རྡོ་རྗེ་ཆོས་བདག་སྟེ། རྡོ་རྗེ་དང་འདྲ་བར་མི་ཕྱེད་པའི་ཆོས་རྣམས་ནི། རྫོགས་པའི་རིམ་པའི་རྣལ་འབྱོར་ཏེ། དེའི་བདག་ཉིད་ནི་དེ་རྟོགས་པ་དང་ལྡན་པའི་སྒྲུབ་པ་པོའོ། །འདི་ནི་གསང་བ་ཐོབ་བྱེད་པའོ། །ཞེས་བྱ་བ་ལ། གསང་བ་ནི་རྡོ་རྗེ་འཆང་ཆེན་པོ་༼ཞེས་
མོ་འདིས་རྫོགས་རིམ་པའི་ཕྱག་རྒྱ་ལ་རིགས་ངེས་པ་མི་དགོས་པར་བསྟན་ནོ། །༽པོ་སྟེ། དེ་འཐོབ་པར་བྱེད་པ་ནི་དེ་སྐྱེད་པར་བྱེད་པ་བསྒྲུབ་པར་བྱའོ།། ༼འདི་སྔ་མ་ཁ་ཅིག་ཟུང་འཇུག་ཐོབ་པས་མཆོག་སྒྲུབ་པ་ཉིད་ལ་སྦྱོར་བ་ནི་དོན་མིན་ཏེ། ཕྱི་ནང་གི་མངོན་པར་བྱང་ཆུབ་པ་གཉིས་བསྟན་ནས།
4-2-341a


འོད་གསལ་མངོན་དུ་བྱེད་པ་ནི། རིམ་ལྔ་དང་སྤྱོད་བསྡུས་གཉིས་ཀ་ལས་རིམ་པ་བཞི་པའི་འོད་གསལ་གྱི་སྐབས་སུ་གསུངས་པའི་ཕྱིར་དང༌། འདིར་ཡང་ཕྱི་ནང་གི་བྱང་ཆུབ་པ་གཉིས་ཀྱི་སྒོ་ནས་འོད་གསལ་མངོན་དུ་བྱེད་པར་གསུངས་པའི་ཕྱིར་རོ། །འོན་ཀྱང་འོད་གསལ་གྱི་
རྗེས་སུ་ཕྱག་རྒྱ་ཆེན་པོ་འགྲུབ་པ་ལ་སྟོབས་བཅུ་དང་མི་འཇིགས་པ་ལ་སོགས་པའི་ཡོན་ཏན་ལྡན་པར་བཤད་པས། རིམ་པ་བཞི་པའི་དོན་གྱི་འོད་གསལ་འགྲུབ་པ་དང་སློབ་པའི་ཟུང་འཇུག་ཐོབ་པས། མཆོག་འགྲུབ་ཏུ་ཉེ་བ་ན་ཇི་ལྟར་སྒྲུབ་པ་གཉིས་ཀའི་དབང་དུ་བྱས་པ་སྟེ། དེ་གཉིས་སྒྲུབ་ཚུལ་འདྲ་བའི་ཕྱིར་རོ། །
༈ རྡོ་རྗེ་འཆང་དེ་ཡང་མངོན་པར་རྫོགས་པར་བྱང་ཆུབ་པ་འོད་གསལ་གྱི་འི་རིམ་པས་རྫོགས་པར་བྱ་སྟེ། དོན་གྱི་འོད་གསལ་དེ་མངོན་དུ་བྱེད་པའི་ཐབས་བསྟན་པར་བྱ་བའི་ཕྱིར། རྡོ་རྗེ་ཉི་མ་ཞེས་བྱ་བ་ལ་སོགས་པ་གསུངས་ཏེ། འདི་ལ་
ཕྱི་ནང་གི་མངོན་བྱང་གཉིས་ལས། དང་པོ་ལྟར་བཤད་ན། རྡོ་རྗེ་ཉི་མ་ནི་ཡོངས་སུ་གྲགས་པའི་ཉི་མ་ཉིད་དོ། །ནུབ་ནས་ནི་ཞེས་བྱ་བ་ནི་དམར་ཐག་ཆད་ཅིང་འདས་པར་གྱུར་ཏེ། མེད་པ་ན་ཡོ་བྱད་ཅི་རྙེད་པས་བླ་མ་མཉེས་པར་བྱའོ། །དེ་ནས་བླ་མའི་དྲིན་གྱིས་
མཚན་ཕྱེད་ན་དབང་བསྐུར་བ་ཐོབ་ནས། སྐྱ་རེངས་འཆར་བའི་དུས་སུ་ནི་སྟེ། ཉེར་ཐོབ་དང་སྣང་བ་མཚོན་པའི་མཚན་མོའི་ཆ་འདས་ནས་ཉི་མ་མ་ཤར་བའི་དུས་སུ་བསྒོམ་པའི་མཆོག་སྟེ། མངོན་པར་བྱང་ཆུབ་པའི་རིམ་པ་ལུང་ཕོག་པས་ཀྱང་འགྲུབ་པར་འགྱུར་ཞིང་
རྣམ་པར་དག་པར་འགྱུར་ཏེ། དོན་གྱི་འོད་གསལ་མངོན་དུ་གྱུར་པ་འདི་ནི་ཕྱིའི་ཐོ་རེངས་ཀྱི་དུས་ཁྱད་པར་བ་ལ་ལྟོས་པས་ན་ཕྱིའི་མངོན་པར་བྱང་ཆུབ་བའི་རིམ་པའོ།། ༈ ཡང་དེ་ཉིད་ནང་གི་སྟོང་པ་བཞིའི་རིམ་པས་མངོན་དུ་བྱེད་པའི་ཕྱིར། ནང་གི་མངོན་པར་བྱང་ཆུབ་
4-2-341b


པར་བཞག་པ་བསྟན་པར་བྱ་བའི་ཕྱིར། རྡོ་རྗེ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་ཉི་མ་སྟེ་ཐབས་ཀྱི་ཡེ་ཤེས་སྙོམས་པར་འཇུག་པའི་མཚན་ཉིད་སྣང་བ་མཆེད་པ་བྱུང་བར་གྱུར་ནས། ནུབ་པ་སྟེ་ཤེས་རབ་ཀྱི་ངོ་བོ་ཉིད་དུ་གྱུར་པ་སྟེ་སྣང་བ་དེ་ངེས་པར་འགགས་
ནས་སྒྲུབ་པ་སྟེ། འོད་གསལ་བའི་སྔོན་དུ་འགྲོ་བས། འོད་གསལ་བ་སྒྲུབ་པར་བྱེད་པའི་ཀུན་ཏུ་སྣང་བ་ཉེ་བར་ཐོབ་པ་ཀུན་ཏུ་བརྩམ་པ་སྟེ། འབྱུང་བར་འགྱུར་རོ། །སྐྱ་རེངས་འཆར་བ་ནི་མ་རིག་པ་སྟེ། དེ་འདས་ཤིང་སོང་བར་གྱུར་པའི་དུས་སུ་སྒྲུབ་པ་པོས། བསྒོམ་པའི་མཆོག་
གིས་ཏེ་སྟོང་པ་ཉིད་དང་ཤིན་ཏུ་སྟོང་པ་ཉིད་དང་ཆེན་པོ་སྟོང་པ་ཉིད་ཀྱི་རྒྱུ་ཡེ་ཤེས་དང་དེའི་བཞོན་པའི་རླུང་གི་རྐྱེན་གྱིས། འགྲུབ་པར་འགྱུར་ཞིང་སྟེ་དོན་གྱི་འོད་གསལ་བ་མངོན་སུམ་དུ་བྱེད་པས། དེའི་རླུང་སེམས་ཙམ་ལས་ཟུང་འཇུག་ཕྱག་རྒྱ་ཆེན་པོ་འགྲུབ་པར་འགྱུར་རོ།། 
༼དེ་མངོན་དུ་གྱུར་པ་ལ་ཉེ་བའི་སྐབས་སུ་ཕྱིའི་ཕྱག་རྒྱ་ལ་བརྟེན་པ་ནི། རྡོ་རྗེ་ཉི་མ་ཞེས་པའི་དོན་ནོ། །བསྟེན་ཚུལ་ནི་མཚན་ཕྱེད་ན་བླ་མས་ལས་རྒྱ་ལ་བརྟེན་པའི་དབང་བསྐུར་ཏེ། འོད་གསལ་མཚོན་པར་བྱེད་པའོ། །དེ་ནས་ཐོ་རེངས་འོད་གསལ་སྒོམ་ཚུལ་དང༌། དེའི་འོག་ཏུ་ཟུང་འཇུག་འགྲུབ་ལུགས་ཀྱི་གདམས་ངག་ཕོག་པས་དོན་གྱི་འོད་གསལ་
འཐོབ་ཅིང༌། དེའི་འོག་ཏུ་ཟུང་འཇུག་འགྲུབ་པའོ།། ༈ སྐུ་དེ་ཡོན་ཏན་ཇི་ལྟ་བུ་དང་ལྡན་ཞེ་ན། རྒྱན་རྣམས་ཞེས་བྱ་བ་ལ་སོགས་པ་གསུངས་ཏེ། རྒྱན་རྣམས་ཐམས་ཅད་ཡོངས་སུ་རྫོགས། །ཞེས་བྱ་བ་ནི། མཚན་ཐམས་ཅད་ཀྱིས་བརྒྱན་པའོ། །སྤོས་
དང་མེ་ཏོག་རྣམས་ཀྱིས་བརྒྱན། །ཅེས་བྱ་བ་ནི། སྟོབས་བཅུ་དང་མི་འཇིགས་པ་ལ་སོགས་པ་དང་ཉེ་བར་ལྡན་པའོ། །རྡོ་རྗེ་སེམས་དཔའ་ནི་སྒྲུབ་པ་པོ་༼འདི་ཟུང་འཇུག་གཉིས་ཀའི་ཡོན་ཏན་ཐུན་མོང་བའོ། །སྟོབས་བཅུ་དང་མི་འཇིགས་པ་ནི་མི་སློབ་པའི་ཟུང་འཇུག་གི་ཡོན་ཏན་ནོ། །
4-2-342a


༼རྣམས་ཏེ། ཟུང་འཇུག་ཐོབ་པ་དེ་རྣམས་ཀྱིས་མཆོག་སྟེ་ཟུང་འཇུག་བསྒོམས་ནའོ། །གྲུབ་པ་ནི་ཕྱག་རྒྱ་ཆེན་པོ་རྫོགས་པ་མི་སློབ་པའི་ཟུང་འཇུག་མྱུར་དུ་སྟེ། རིང་པོར་མི་ཐོགས་པར་འཐོབ་པར་འགྱུར་རོ། །དེ་ལྟར་ཟུང་འཇུག་གྲུབ་པར་གྱུར་
པ་འདི་ནི་སྐུ་གསུམ་མཆོག་སྦྱིན་པ་སྟེ། །ཁམས་གསུམ་གྱི་མངོན་པར་འདོད་པའི་དོན་གྱི་འབྲས་བུ་རབ་ཏུ་སྟེར་བའོ། །སངས་རྒྱས་མཚན་གྱིས་ཞེས་པ་ནི་མདོ་སྡེ་རྣམས་སུ་རབ་ཏུ་གྲགས་པའི་མཚན་རྣམས་ཀྱིས་སོ། །དེ་རྣམས་ཀྱིས་མཚན་པར་གྱུར་པ་ནི་དེ་རྣམས་
དང་ཉེ་བར་ལྡན་པའོ། །དཔག་ཚད་༼འཇིག་རྟེན་གསུམ་ཟེར། ༽བརྒྱ་ཡི་ཁྱོན་ཙམ་དུ། །ཞེས་བྱ་བའི་ཉེ་བར་མཚོན་པའི་དོན་གྱིས་ན། སྟོང་གསུམ་ལ་སོགས་པའི་འཇིག་རྟེན་གྱི་ཁམས་རྣམས་སུ། དེ་ཡི་འོད་ཀྱང་སྣང་བར་བྱེད་པར་འགྱུར་རོ། །དབང་པོ་༼
སྔར་མཚན་ཐམས་ཅད་ཀྱིས་བརྒྱན་པར་བཤད་པ་དང༌། མི་ཟློས་ཏེ། སྔར་མཚན་ཐམས་ཅད་ཅེས་མི་གསལ་བར་བཤད་པ་དེ། འདིར་ཡོངས་སུ་གྲགས་པའི་མཚན་བཟང་པོ་ལ་གསལ་བར་བཤད་པའི་ཕྱིར་རོ། །༽གཉིས་ནི་སྦྱོར་བ་ཡིས། །ཞེས་བྱ་བ་ནི། བདེན་པ་གཉིས་གཉིས་སུ་མེད་
པར་བྱས་པས། རྡོ་རྗེ་འཆང་ཆེན་པོ་སྐྱེད་པ་སྟེ། དེས་སྦྱོར་བ་ཐམས་ཅད་ཅེས་བྱ་བ་ཞི་བ་ལ་སོགས་པ་རྣམས་བརྩམ་པར་བྱ་སྟེ། བཤད་མ་ཐག་པའི་ཏིང་ངེ་འཛིན་འདི་ནི། དངོས་གྲུབ་ཐམས་ཅད་ཀྱི་ཞེས་བྱ་བ་འཇིག་རྟེན་དང༌། འཇིག་རྟེན་ལས་འདས་པ་རྣམས་ཀྱི་
དམ་ཚིག་སྟེ། རྫོགས་པར་བྱེད་པ་དང་༼རྫོགས་པར་བྱེད་པ་འདའ་བར་དཀའ་བ་ཟེར་ཏེ་ཟུང་འཇུག་པས་སྤྱིར་ལས་རྣམས་འགྲུབ་པ་ལས་མི་འདའ་བའི་དོན་ནོ། ༽ཤིན་ཏུ་འདའ་བར་དཀའ་ཞིང་འདར་མི་རུང་བའོ།། ༈ རྡོ་རྗེ་ཅན་གྱི་གྲུབ་འདོད་ན། །ཞེས་བྱ་བ་ནི་
4-2-342b


སྒྲུབ་པ་པོའོ། །དངོས་གྲུབ་ནི་ཕྱག་རྒྱ་ཆེན་པོའི་དངོས་གྲུབ་སྟེ། དེ་གལ་ཏེ་འདོད་ན་བཤང་གཅིའི་དམ་ཚིག་བཟའ་བར་བྱ། །ཞེས་བྱ་བ་སྟེ། བཤང་བ་ནི་གཟུགས་ལ་སོགས་པའི་ཡུལ་རྣམས་སོ། །གཅི་བ་ནི་མིག་ལ་སོགས་པའི་དབང་པོ་རྣམས་ཏེ། དེ་དག་གི་དམ་ཚིག་
ནི་ཡུལ་དང་ཡུལ་ཅན་དུ་གྱུར་པས་འདུས་པ་སྟེ། འདུས་ནས་དབང་པོས་ཡུལ་ལོངས་སྤྱོད་པའོ། །དེ་བཟའ་བ་ནི་སོ་སོར་སྡུད་པ་དང་ལ་སོགས་པའི་བསམ་གཏན་གྱི་ཡན་ལག་གཉིས་ཀྱི་འི་རིམ་པས་ཡུལ་ཐམས་ཅད་བདེ་སྟོང་དབྱེར་མེད་ཀྱི་ངོ་བོར་རྒྱས་བཏབ་ནས་བསྒོམས་པས། 
ཡུལ་སྣང་ཀུན་བདེ་བ་འབར་བའི་གྲོགས་སུ་སོང་ནས་བདེ་ཆེན་ཉམས་སུ་མྱོང་བ་འདི་ཉིད་ནི། །དངོས་གྲུབ་ཐམས་ཅད་འགྲུབ་པའི་དམ་ཚིག་ཡིན་ནོ---ཀྱི་དམ་ཚིག་ཤིན་ཏུ་འདའ་བར་དཀའ་བ་སྟེ། འདའ་བར་དཀའ་བའི་ལམ་ཡིན་ནོ། །བཤང་གཅིའི་དམ་ཚིག་ཅེས་བྱ་བ་ལ་སོགས་
པ་ལ་སྒྲུབ་པ་པོས་བཤད་མ་ཐག་པའི་ཡུལ་དང་དབང་པོ། འདུས་ནས་ཡུལ་ལ་ལོངས་སྤྱོད་པ་སྔར་བཤད་པ་དེ་སྔོན་དུ་འགྲོ་བས། དབང་པོ་གཉིས་ཀྱི་སྦྱོར་བ་སྟེ་བདེན་པ་གཉིས་གཉིས་སུ་མེད་༼ཐབས་དེས་དངོས་གྲུབ་འགྲུབ་པ་ལས་མི་འདའ་བའི་དོན་ནོ། །༽པར་
བྱས་བའི་སྦྱོར་བས། སངས་རྒྱས་བྱང་ཆུབ་ཀྱི་གནས་ཏེ་མི་གནས་པའི་མྱ་ངན་ལས་འདས་པ་དགེ་ཞིང་ཞི་བ། དེ་ཁོ་ན་ཉིད་དེ་མི་བསླུ་བ་བླ་ན་མེད་པ་སྟེ། དངོས་གྲུབ་ཐམས་ཅད་ལས་ཕུལ་དུ་བྱུང་བ་འགྲུབ་པར་འགྱུར་ཞིང་འཐོབ་པར་འགྱུར་རོ། །བཅོམ་ལྡན་
འདས་ཞེས་བྱ་བ་ལ་སོགས་པ་ནི། སྡུད་པར་བྱེད་པའི་ཚིག་ཡིན་ཏེ་འདོད་པ་ནི་འཁོར་བའི་མངོན་མཐོའོ། །ཐར་པ་ནི་མྱ་ངན་ལས་འདས་པའོ། །དེ་དག་མཉམ་ཞིང་གཅིག་ཏུ་བྱས་པ་མཁྱེན་པས་ན། འདོད་པ་དང་ཐར་པའི་དམ་ཚིག་རྡོ་རྗེ་ནི་རྡོ་རྗེ་འཆང་ཆེན་
4-2-343a


པོ་སྟེ། དགོངས་པས་བཤད་པའོ།། ༈ དེ་ལྟར་རྡོ་རྗེ་འཆང་ཆེན་པོ་སྒྲུབ་པ་བཤད་ནས། ཡང་འཇིག་རྟེན་པའི་དངོས་གྲུབ་བསྒྲུབ་པ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། བཅོམ་ལྡན་འདས་ནི་རྡོ་རྗེ་
འཆང་ཆེན་པོའོ། །དམ་ཚིག་ཆེན་པོ་ཞེས་བྱ་བའི་རྡོ་རྗེ་ཁྲོ་བོའི་ཏིང་ངེ་འཛིན་གང་དུ་སྟོན་པ་དེ་ལ་དེ་སྐད་ཅེས་བྱ་སྟེ། ཏིང་ངེ་འཛིན་དེ་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་སྟེ། བསྒྲུབ་པར་བྱ་བ་ཐམས་ཅད་དོ། །དེ་རྣམས་ཀྱི་སྐུ་དང་
གསུང་དང་ཐུགས་རྡོ་རྗེ་ཀུན་ཏུ་སྐྲག་པར་བྱེད་པ་ནི། ཁྲོ་བོ་སྔགས་ཀྱི་བདག་ཉིད་ཅན་ཏེ་འདི་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ཨོཾ་ཞེས་བྱ་བ་ལ་སོགས་པ་ནི་སྔགས་ཏེ། མིང་སྦྲུལ་ཞེས་བྱའོ། །དེ་ཡང་ཨོཾ་ཞེས་བྱ་བ་ནི་སྔགས་ཀྱི་ལྷ་རྣམས་ཀྱི་སྐུ་ཕྱག་རྒྱ་ཆེན་པོ་
རབ་ཏུ་བསྟན་པ་སྟེ་མཚོན་པ་ཡིན་ཏེ། ཨོཾ་ཡིག་སྐུ་རྡོ་རྗེའི་ས་བོན་ཡིན་པའི་ཕྱིར་རོ་འོ། ཧྲཱིཿཞེས་བྱ་བ་ནི་ཧྲིཉ་འཕྲོག་པ་ལའོ་ཞེས་བྱིངས་ལས་འདོན་པས་ཕ་རོལ་གྱི་ཇོ་བོ་སེལ་ཞིང་མེད་པར་བྱེད་པས་གཤིན་རྗེ་མཐར་བྱེད་ཅེས་བོད་པའོ། ཥྚྲཱ་ཞེས་བྱ་བ་ནི། ཥྚཱི་ནི་དཾཥྚ་ན་
མཆེ་བ་སྟེ་མཆེ་བ་གཙིགས་པས་རྣམ་པར་འགྱུར་བས་གདུག་པ་རྣམས་འདུལ་བ་ཡིན་ལ། དེ་ལ་རྦོད་པ་ཡང་ཡིན་པས་རྣམ་པར་འགྱུར་བ་ལྟ་བུར་རང་གི་ངོ་བོ་ཉིད་སྟོན་པའོ། །བི་ཀྲི་ཏ་ཨཱ་ན་ན་ཞེས་བྱ་བ་ནི་ཞལ་འཇིགས་སུ་རུང་བའོ། །སརྦ་ཤ་ཏྲུན་ཞེས་བྱ་བ་ནི་ཕྱིར་རྒོལ་
བ་ཐམས་ཅད་དོ། །ནཱ་ཤ་ཡ་བརླག་པར་གྱིས་ཤིག་སྟམྦྷ་ཡ་རེངས་པར་གྱིས་ཤིག་པའོ། །ཞེས་བྱ་བ་ནི། བྲོས་པ་རྣམས་ཀྱང་ཁུག་ལ་བརླག་༼ཞེས་མཁས་པ་དག་གསུང་ངོ་། །༽པར་གྱིས་ཤིག་པའོ། །ཧཱུྃ་ཧཱུྃ་ཞེས་བྱ་བ་ནི་དོན་འདི་གསལ་
4-2-343b


བར་བྱེད་པའི་ས་བོན་ནོ། །༼འགྱུར་རྙིང་གི་རྒྱུད་དང་ཆག་འགྱུར་ལས་ཕཊ་གཉིས་འབྱུང༌། གཞན་ལ་ཕཊ་གཅིག་ལས་མེད་དོ། །༽ཕཊ་ཅེས་བྱ་བ་ནི་གསོད་པ་གསལ་བར་བྱེད་པའི་ས་བོན་ནོ། །སྭཱཧཱ་ཞེས་བྱ་བ་ནི་སྔགས་ཀྱི་ལྷ་རྣམས་དབུགས་དབྱུང་བའོ། །འདིའི་སྤེལ་བ་ནི་སྔ་མ་
བཞིན་ནི་སྭཱ་ཧཱའི་སྔོན་དུ་མིང་སྤེལ་བའོ་ནོ།། ༈ དུག་ནི་ཞེས་བྱ་བ་ལ་སོགས་པ་སྟེ། བསྲེག་རྫས་ནི་སྡོང་བུ་དང་ལོ་མ་ལ་སོགས་པའི་དུག་གམ་མར་དང་སྦྲང་རྩི་མཉམ་པར་སྦྱར་བ་སོགས་སྦྱར་བའི་དུག་དང་ཁྲག་སྟེ་ཅི་རིགས་པར་རྙེད་པ་དང་ལན་
ཚྭ་དང་ཡུངས་མར་དང་སྐེ་ཚེ་སྟེ། དངོས་སུ་གྲགས་པ་དེ་དག་ཐམས་ཅད་གཅིག་ཏུ་བྱས་ལ། ཏིལ་མར་ལ་སོགས་པས་བསྒོས་ནས་ཚེར་མའི་མེ་སྟེ། པོ་སོ་འཆའ་ལ་སོགས་པ་ཚེར་མ་ཅན་གྱི་ཤིང་གི་མེ་རབ་ཏུ་འབར་བ་ལ། སྦྱིན་བསྲེག་བྱ་ཞེས་སྦྱར་རོ། །ཁྲོས་ཤིང་
གཤིན་རྗེ་གཤེད་ལ་སོགས་པ་ཁྲོ་བོ་བཅུ་གཅིག་གང་ཡང་རུང་བའི་སྦྱོར་བ་སྟེ་རྣལ་འབྱོར་དང་ལྡན་པས། ཏིང་ངེ་འཛིན་གཉིས་བྱས་ལ། ལས་སྦྱོར་གྱི་དུས་སུ་བུ་མོའི་མིང་དང་ཚིག་ཏུ་བཅས། །ཞེས་བྱ་བ་སྟེ། མངོན་པར་འདོད་པའི་མིང་གི་ཡི་གེ་དང་སྔགས་སུ་སྤེལ་ཏེ་༼སྤེལ་
ལུགས་ནི། འོག་ནས་ཕཊ་ཀྱི་འོག་ཏུ་སྤེལ་བ་གཅིག་དང༌། ཨ་ན་ནའི་འོག་ཏུ་སྤེལ་བ་གཉིས་བཤད་པས། བུ་མོ་དགུག་པ་ལ་སརྦ་ཤ་ཏྲུཾ་དང་ན་ཤ་ཡ་ཞེས་པ་གཉིས་སྤངས་ལ། ཀ་ཆེ་གེ་མོ་སྟཱམྦྷ་ཡ་ཧཱུཾ་ཧཱུཾ་ཕཊ་ཕཊ་སྭཱཧཱ་ཞེས་པའམ་ཕཊ་ཀ་ཆེ་གེ་མོ་སྟམྦྷ་ཡ་སྭཱཧཱ། ཞེས་སྤེལ་ལོ། །༽འདོན་ཞིང་འོག་
ནས་བཤད་པའི་རིམ་གྱིས་སྦྱིན་བསྲེག་བྱ་སྟེ། ཉི་མ་གུང་ངམ་ནམ་ཕྱེད་ན་གནོན་པའི་ལས་འདི་ནི་བུ་མོ་གནོན་པར་མ་ཟད་དཔུང་ལ་སོགས་པ་གནོན་པ་ལ་ཡང་ཤིས་ཤིང་བསྔགས་པ་ཡིན་ནོ། །གྲུ་གསུམ་དུ་ཞེས་བྱ་བ་ནི་ཐབ་ཁུང་ཟུར་གསུམ་པར། དམ་ཚིག་ཆེན་
4-2-344a


པོའི་རྡོ་རྗེ་ཁྲོ་བོ་རྡོ་རྗེ་ཞལ་གདངས་པ་མཆེ་བ་གཙིགས་ཤིང་ལྗགས་བསྐྱོད་པར་རྣམ་པར་བསྒོམས་ལ། སྟོང་རྩ་བརྒྱད་ནི་ཚུལ་བཞིན་དུ་བསྲེག་ཅེས་པ་སྟེ། དཔུང་གནོན་པ་དང་ལ་སོགས་པས་ལུས་དང་ངག་གནོན་པ་སོགས་ལ་སྔར་བཤད་
པའི་རང་རང་གི་ཆོ་གས་སྦྱར་ཏེ། ཆོ་ག་འདི་ཉི་མ་གསུམ་གྱི་བར་དུ་སྦྱར་ན། བུ་མོ་དག་དང་འབྲེལ་བའི་ལོངས་སྤྱོད་ཆེན་པོ་འཐོབ་པའི་རྒྱུར་བུ་མོ་གནོན་པ་སྟེ། སྒྲུབ་པ་པོ་གཞན་ལས་༼དཔུང་གནོན་པར་འདོད་ན་་་ཆེ་གེ་མོ་སྟམྦྷཡ་ཧཱུཾ་ཧཱུཾ་ཕཊ་ཕཊ་ཅེས་སྤེལ་ལོ། །༽ལེན་པ་ནི་
སྦྱོར་བ་དེས་འགྲུབ་པར་འགྱུར་རོ། །དུས་ཇི་སྲིད་ཅིག་ན་ཞེ་ན། བསྐལ་པ་གྲངས་མེད་པ་གསུམ་སྟེ། བྱིས་པ་དང་ལང་ཚོ་དང་བར་མ་དེ་དག་འདས་ཀྱི་བར་དུ་༼སྒྲུབ་པ་པོ་ལས་གཞན་ལ་བུ་མོ་མི་སྟེར་བ་ནི་སྦྱོར་བ་དེས་འགྱུར་རོ་ཞེས་པ་ལྟར་རོ། །༽སྟེ། ཇི་སྲིད་གྲངས་མེད་པ་
ཞེས་བྱ་བ་བགྲང་དུ་མེད་པ་ཉིད་དེ། རྒས་འཁོགས་པ་དེ་སྲིད་དུ་གནས་པར་འགྱུར་རོ། །རྟག་ཏུ་ཞེས་བྱ་བ་ནི་བར་དུ་ཡང་ངོ༌།། ༈ སྐྱེས་པའི་སྦྱོར་བའི་བྱེ་བྲག་བསྟན་པར་བྱ་བའི་ཕྱིར། སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་
ནི་རྣམ་པར་སྣང་མཛད་ཀྱི་རྣལ་འབྱོར་པའོ། །ཆོས་འཛིན་པ་ནི་འོད་དཔག་ཏུ་མེད་༼རྟག་ཏུ་ཞེས་པ་ནི་བར་དུ་ཡང་སྐྱེས་པ་གཞན་དང་སྦྱོར་བ་མེད་པར་བསྟན་ཏེ་ཞེས་པ་ལྟར་རོ། །༽པའི་རྣལ་འབྱོར་པའོ། །རྡོ་རྗེ་སེམས་དཔའ་ནི་མི་བསྐྱོད་པའི་རྣལ་འབྱོར་པའོ། །གཞན་
ཡང་རིན་པོ་ཆེའི་རྣལ་འབྱོར་པ་དང༌། ལས་ཀྱི་རྣལ་འབྱོར་པའམ། ཁྲོ་བོའི་རྣལ་འབྱོར་པ་གང་ཡང་རུང་བ་གཅིག་གིའོ། །གལ་ཏེ་རྨོངས་པས་འདས་ན་ནི། །ཞེས་བྱ་བ་ནི། གནོན་པའི་ལས་འདི་གཅོད་པ་སྟེ་བཟློག་པར་འདོད་ན་སྒྲུབ་པ་པོ་དེའི་ཚེ་ནི་དེར་ཟད་
4-2-344b


འགྱུར། ཞེས་བྱ་བ་སྟེ། ལས་དེ་བརྩམས་པ་ནས་བཟུང་ནས་ཟད་ཅིང་མཐར་ཐུག་པར་འགྱུར་གྱི་ལས་དེ་མི་འགྲུབ་བོ་རོ།། ༈ ཧྲཱིཥྚྲཱིཿའི་སྔགས་འདི་ཉིད་ཀྱི་ལས་ཀྱི་སྦྱོར་བ་གཞན་བསྟན་པར་བྱ་བའི་ཕྱིར། ཁྲོ་བོ་བཅུ་གཅིག་གང་རུང་གི་ཏིང་ངེ་
འཛིན་གཉིས་སྔོན་དུ་བྱ། ལས་སྦྱོར་གྱི་དུས་སུ་བཅུ་བཞིའམ་ཞེས་བྱ་བ་ལ་སོགས་པ་གསུངས་ཏེ། ཟླ་བ་མར་གྱི་ངོའི་བཅུ་བཞིའམ་ཡང་ན་མར་ངོའི་ཚེས་བརྒྱད་དག་ལ། མཚོན་གྱིས་བསད་པའི་སྐྱེས་བུའི་རོ་བསྲེགས་པའི་སོལ་བ་བླངས་ནས། ཐོད་པ་ཁ་སྦྱར་གྱི་ནང་
དུ་བཞག་སྟེ་སྟོང་རྩ་བརྒྱད་བཟླས་བརྗོད་བྱས་ལ། དུར་ཁྲོད་ཀྱི་རས་རིན་ལ་མ་གཙེག་པར་ཉོས་པ་ལ། ཐོད་པའི་ནང་གི་སོལ་བ་དེས་དམ་ཚིག་ཆེན་པོའི་རྡོ་རྗེ་ཁྲོ་བོའི་གཟུགས་གཤིན་རྗེ་གཤེད་ལྟ་བུར་བྲིས་ལ། སྤྱན་དྲངས་ཏེ་དགུག་གཞུག་བཅིང་མཉེས་དང་དབང་བསྐུར་ལ་དེའི་
སྙིང་གར་སྒྲུབ་པ་པོའི་ལག་པ་གཡོན་པས་བྲབ་ཏེ། བཤད་མ་ཐག་པའི་སྔགས་བཏབ་ནས། ཕཊ་ཀྱི་འོག་ཏུ་ཆེ་གེ་མོ་ཨི་དམ་འདི་དཱ་པ་ཡ་ཧྲི་སྦྱིན་དུ་ཆུག་ཅིག་སྭཱཧཱ། ཞེས་བྱ་བའི་སྔགས་མཚན་ཕྱེད་དམ། ཉི་མའི་གུང་ལ་སྟོང་རྩ་བརྒྱད་
བཟླས་ན། སྒྲུབ་པ་པོ་དེ་སེམས་ཅན་རྣམས་ཀྱི་མངོན་པར་འདོད་པའི་འབྲས་བུ་རྟག་ཏུ་སྟེར་བར་འགྱུར་རོ།། ༈ སྔགས་འདི་ཉིད་ཀྱི་སྦྱོར་བ་གཞན་བསྟན་པར་བྱ་བའི་ཕྱིར། སྔགས་ཤེས་པ་ཡིས་ཞེས་བྱ་བ་ལ་སོགས་པ་གསུངས་ཏེ། སྔ་མ་བཞིན་དུ་བཟླས་
པའི་སོལ་བས་དུར་ཁྲོད་ཀྱི་རས་ལ། དགྲ་གང་ཡང་རུང་བའི་གཟུགས་བརྙན་བྲིས་ལ། སྙིང་གར་སྔགས་དང་སྤེལ་བས་མིང་བྲིས་ལ། ཟླ་བ་མར་གྱི་ངོའི་ཉི་མ་ལ་མངོན་སྤྱོད་ཀྱི་དུས་ཉིན་གུང་ངམ། མཚན་ཕྱེད་ན་སུ། གང་ལ་དགའ་བའི་ཁྲོ་བོའི་ཏིང་ངེ་འཛིན་གསུམ་དང་
4-2-345a


ལྡན་པའི་རྣལ་འབྱོར་པས། ཨོཾ་ཧྲཱིཿཥྚྲཱིཿ བི་ཀྲི་ཏ་ཨཱ་ན་ན་ཆེ་གེ་མོའི་ཧྲི་ད་ཡཾ་སྙིང་པཱ་ཊ་ཡ་ཁོས་ཤིག་སཱ་དཱ་ཡ་ཤོག་ཅིག་ཞེས་བརྗོད་ལ། ལྷག་མ་ཧཱུཾ་མན་ཆད་རྣམས་ཀྱང་བཟླས་ཏེ་སོལ་བ་དེ་མཚོན་ཆ་ལྟ་བུར་
བསམས་ལ། དགྲའི་གཟུགས་ཀྱི་སྤྱི་བོ་ནས་བརྩམས་ནས་གཉིས་སུ་བྱ་བའི་བསམ་པས་དབུས་སུ་རི་མོ་བྱས་ན། བྲིས་པ་ཙམ་གྱི་མོད་ལ་སྙིང་གས་ནས་འཆི་བར་འགྱུར་རོ།། ༈ ཐོ་བ་ཞེས་བྱ་བ་ལ་སོགས་པ་ལ། གཤིན་རྗེ་གཤེད་ཀྱི་སྦྱོར་བ་གཉིས་
དང་ལྡན་པས། ལས་རྒྱལ་མཆོག་གི་དུས་སུ་ཆུ་ངོགས་གཉིས་ཀྱི་ས་བསྒྲུབ་པར་བྱ་བའི་རྐང་རྗེས་ཀྱི་ས་དང་བཅས་པ་ལ། དགྲ་བོའི་གཟུགས་བརྙན་བྱས་ལ་རྣམ་པར་ཤེས་པ་བཀུག་སྟེ། དེའི་ནང་དུ་བཅུག་ནས་དོན་དུ་ཞེན་ཏེ་ཁྲོས་པས་ཕཊ་ཅེས་བརྗོད་ཅིང་རྡོ་རྗེ་ཐོ་
བས་སྤྱི་བོར་བསྣུན་ཏེ། དེ་ལྟར་བྱས་ན་ངེས་པར་ལྟུང་ཞེས་བྱ་བ་སྟེ། བསྒྲུབ་པར་བྱ་བའི་མགོ་ལ་ཐོ་བ་མངོན་དུ་འབབ་པར་འགྱུར་རོ། །ཡང་ན་བསམ་གཏན་གྱིས་ཀྱང་འདི་དག་ཐམས་ཅད་རྫོགས་པར་བྱའོ། །ཧཱུཾ་ནི་ཞེས་བྱ་བ་ལ་སོགས་པ་ལ། གནོད་མཛེས་ཀྱི་
སྦྱོར་བ་གཉིས་དང་ལྡན་པས། ལས་སྦྱོར་གྱི་དུས་སུ་བཤད་མ་ཐག་པའི་སྦྱོར་བས་ས་གཉིས་ལ་བསྒྲུབ་པར་བྱ་བདགྲའི་གཟུགས་བརྙན་བྱ་བ་སོགས་བྱས་ལ། རང་གི་ལག་ན་གནས་པའི་རྡོ་རྗེའི་ཁ་རྣམ་པར་དགྱེས་ཤིང༌། འབར་བ་དང་
བཅས་པའི་ཡི་གེ་ཧཱུཾ་གི་ཡེ་ཤེས་དང་ལྡན་པ། ཧཱུྃ་ལས་བྱུང་བའི་འོད་ཟེར་འབར་བ་ནག་པོས་ཀུན་ནས་ཁྱབ་པར་བསམས་ལ། བསྒྲུབ་པར་བྱ་བའི་མགོ་ལ་བསྒོམས་ཏེ་ཞེས་པ་ལྟུང་བར་༼ཧཱུཾ་ཡིག་འབར་བ་དང་ལྡན་པ་སྟེ། ཧཱུཾ་རིང་པོ་ལས་བྱུང་བའི། ཟེར། ༽
4-2-345b


གྱུར་པར་བསྒོམ་མོ། །སྒྲུབ་པ་པོས་དེ་ལྟར་བྱས་ན་གདུག་པ་ཐམས་ཅད་འཇིག་པར་བྱེད་ཅིང་ལྟུང་བར་བྱེད་པར་འགྱུར་རོ།། ༈ སྦྱོར་བ་སྟེ་ལྷའི་རྣལ་འབྱོར་གང་ལ་གནས་ནས་སྦྱོར་བ་འདི་བྱ་ཞེ་ན། ཕྱག་ན་རྡོ་རྗེའི་རིགས་དྲན་ཏེ། །ཞེས་བྱ་བ་གསུངས་ཏེ། 
ཕྱག་ན་རྡོ་རྗེའི་རིགས་ནི་རྡོ་རྗེའི་རིགས་ཏེ། རིགས་དེའི་ཁྲོ་བོ་ནི་གནོད་མཛེས་རྒྱལ་པོ་ཡིན་པས་ན། གནོད་མཛེས་ཀྱི་སྦྱོར་བ་གསུམ་དང་ལྡན་པས་ལས་འདི་ལ། ཕྱག་ན་རྡོ་རྗེ་དྲན་ཞིང་རྗེས་སུ་གནང་བའོ་ཞེས་བྱ་བའི་བར་དུ་སྟེ། དེ་དག་ཐམས་ཅད་ནི་ནང་ལ་
མཆོག་ཏུ་གཞོལ་བ་རྣམས་ཀྱིས་བསམ་གཏན་ཉིད་ཀྱིས་ཐམས་ཅད་རྫོགས་པར་བྱའོ།། ༈ རྡོ་རྒྱུས་ནི་ཐོད་ལེ་ཀོར་རོ། །ཞེས་བྱ་བ་ལ་སོགས་པ་ལ། ཚོན་རྩི་གང་ཡང་རུང་བས་སྐྱེས་པའམ་བུད་མེད་ཀྱི་གཟུགས་དུར་ཁྲོད་ཀྱི་རས་ལ་བྲིས་ལ། གཤིན་
རྗེ་གཤེད་ཀྱི་ཏིང་ངེ་འཛིན་གཉིས་ལ་གནས་པས་རང་གི་ལག་པར་ཡི་གེ་ཧཱུྃ་རིང་པོ་ཡོངས་སུ་གྱུར་པ་ལས་བྱུང་བའི་སྟ་རེ་བསམས་ནས། ཕཊ་ཅེས་བརྗོད་ལ་དེས་མིད་པ་བཅད་པར་རྣམ་པར་བསྒོམས་ན། སངས་རྒྱས་ཏེ་ལས་འདི་བསྒྲུབ་བྱ་ཚར་གཅོད་པའི་
ལས་ཚོགས་ཤེས་པ་དང༌། བསྒྲུབ་པར་བྱ་བ་ཉིད་དུ་ཤེས་པ་དང༌། སྐུ་གསུམ་རིན་ཆེན་མཆོག་སྟེ་ཁྱད་པར་ཅན་གྱི་ལུས་དང་ངག་དང་ཡིད་ཀྱི་བདག་ཉིད་ཅན་དང༌། སེམས་ཅན་ཐམས་ཅད་དེ། མཆོག་དང་འབྲིང་དང་ཐ་མ་སྟེ། །དེ་རྣམས་མ་ལུས་པའི་ཡང་
ཕན་པ་ཡང་དག་པར་བསྐྱེད་པས་ན་སེམས་ཅན་ཀུན་ལ་ཕན་འདོད་པ་སྟེ། དད་ཅིང་༼རྒྱལ་པོ་ལ་སོགས་པ་བག་མེད་པར་གནས་པའོ་ཞེས་པ་ལྟར་རོ། །༽མཛེས་པར་གནས་པའོ། །བསྒྲུབ་བྱ་དེ་རྣམས་ལའང་ལས་ཀྱི་སྦྱོར་བ་འདི་ཡིས་སྣད་པར་འགྱུར་བའམ། །
4-2-346a


ཞེས་པ་ནི། སྦྱོར་བ་འདི་ཡིས་བསྣུན་ན་ལུས་རབ་ཏུ་སྣད་པར་འགྱུར་བའམ་། ཡང་ན་འཆི་བ་ཉིད་དུ་འགྱུར་བར་འདི་ལ་གདོན་མི་ཟའོ།། ༈ ལས་ཀྱི་རྡོ་རྗེ་ཞེས་བྱ་བ་ལ་སོགས་པ་ལ། བདུད་རྩི་ཐབ་སྦྱོར་གྱི་ཏིང་ངེ་འཛིན་གཉིས་ལ་གནས་
པས། ལས་སྦྱོར་ནི་སྣ་ཚོགས་རྡོ་རྗེ་སེར་པོ་རབ་ཏུ་འབར་བ་ཆེན་པོ། ཆར་ཧ་ཅང་ཆེ་བ་གཅོད་པར་མངོན་པར་འདོད་པའི་ནམ་མཁའི་ཕྱོགས་ན་གནས་པར་གྱུར་པར་བསམས་ལ། དེའི་དབུས་སུ་ཡང་མེ་སྟག་མང་པོ་འཁྲིགས་པས་བསྐལ་པའི་མེ་ལྟ་བུར་རྣམ་པར་གྱེས་
པའི་དབུས་སུ་ཁ་རྣམ་པར་གྱེས་པའི་རྡོ་རྗེ་རྩེ་མོ་གྱེན་དུ་བལྟས་པ་བསྒོམས་ནས། དེའི་འོད་ཟེར་གྱི་ཚོགས་རྣམས་ཀྱིས། ཆར་གྱི་རྒྱུན་གྱི་ཚོགས་ཐམས་ཅད་རེངས་པར་སྟེ་འོག་ཏུ་ལྟུང་མི་ནུས་པར་བསམས་པ་ནི་ཆུ་གནོན་པ་སྟེ། ཆར་གནོན་པ་ལ་མཆོག་ཏུ་ཁྱད་
པར་དུ་འཕགས་པའོ།། ༈ དཀྱིལ་འཁོར་ཞེས་བྱ་བ་ལ་སོགས་པ་ལ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་ལ་སོགས་པ་སློབ་དཔོན་རྣམས་འདྲི་བར་བྱེད་པ་ན། རླུང་ལ་སོགས་པ་སྟེ་རླུང་ནི་རླུང་གི་ཚོགས་སོ། །སོགས་པའི་སྒྲས་ནི་ཐོག་
འབབ་པ་དང་རྡོ་ཆར་འབབ་པ་དང༌། དཀྱིལ་འཁོར་གྱི་འོག་ཏུ་ཆུ་དང་སྦྲུལ་བྱུང་བ་ལ་སོགས་པ་ཡང་བཟུང་ངོ༌། །དེ་ལྟར་རླུང་ལ་སོགས་པའི་བགེགས་རྣམས་རང་གཞན་གྱི་སྡེ་པའི་རྣལ་འབྱོར་པ་གཞན་གྱིས་རབ་ཏུ་སྦྱར་བའམ། དེ་ལྟར་མ་བྱས་ཀྱང་གནོད་
པ་བྱེད་པ་དུས་ཀྱི་ཤུགས་ཀྱིས་བྱུང་བ་དང་གལ་ཏེ་བག་༼བབ་ཅོལ་དུ་བྱུང་ན་ཟེར། ༽མེད་པས་བྱུང་བར་གྱུར་ན། དེའི་ཚེ་མཆེ་བའི་ཕྱག་རྒྱ་ཞེས་བྱ་བ་སྟེ། མཆེ་བ་ནི་ནོར་རྒྱས་ལ་སོགས་པའི་ཀླུ་རྣམས་སོ། །དེ་ཚར་གཅོད་པར་བྱ་
4-2-346b


བསྟེ་བྱེད་པའི་ཕྱག་རྒྱ་རྟ་མགྲིན་གྱི་ཕྱག་རྒྱ་བསྒོམས་པ་ནི་མཆེ་བའི་ཕྱག་རྒྱ་སྟེ་རྟ་མགྲིན་གྱི་ཕྱག་རྒྱ་དེ་བཅིངས་ཤིང་སྟེ་བདག་གིར་བྱས་ནས་སོ། །གདུག་པ་ནི་བགེགས་རྣམས་ཏེ། དེ་རྣམས་ཀྱི་དགྲ་ནི་རྟ་མགྲིན་ཡིན་ལ། དེ་རྗེས་སུ་དྲན་པར་བྱ་བ་ནི་ཡིད་
ཀྱིས་བསྒོམས་པ་སྟེ། རྟ་མགྲིན་གྱི་ཏིང་ངེ་འཛིན་གསུམ་དང་ལྡན་པས་རང་གི་ལག་ན་གནས་པའི་མཚོན་གྱིས་བགེགས་རྣམས་བཟློག་པར་བྱའོ། །སངས་རྒྱས་ནི་རང་གི་སྡེ་པའི་སྔགས་པ་རྣམས་སོ། །བྱང་ཆུབ་སེམས་དཔའ་ནི་གཞན་གྱི་སྡེ་པ་རྣམས་ཏེ། དེ་དག་
གིས་ཀྱང་གང་ཞིག་སྤྲུལ་པར་གྱུར་ཅིང་སྦྱོར་བའི་བགེགས་ཀྱི་རིགས་གལ་ཏེ་བྱུང་བར་གྱུར་ན་མཐོང་བ་ཙམ་གྱིས་ཏེ། ཕྱག་རྒྱ་མཐོང་བ་ཙམ་གྱིས་འགག་པར་འགྱུར་ཞིང་མི་སྣང་བར་འགྱུར་རོ། །གཞན་དུ་བྱས་ན་ཞེས་བྱ་བ་ལ། རང་བཞིན་ཏེ་སྔར་བཤད་པ་ལྟར་གྱི་ཟློག་
ཐབས་དེ་ལྟར་མི་བྱེད་ན་འཇིག་པར་འགྱུར་ཞིང་བརྩམས་པའི་ལས་འགྲུབ་པར་མི་འགྱུར་ཏེ་བར་ཆད་དེ་མི་བསལ་ན་ཞེས་པའོ་རོ། །སངས་རྒྱས་ཞེས་བྱ་བ་ལ་སོགས་པ་ལ། གང་བདག་དང་གཞན་གྱི་སྡེ་པའི་སྔགས་པ་རྣམས་དང༌། སྐྱེ་བོ་གདུག་པ་གཞན་
དག་ཀྱང་སྟེ། སེམས་ཅན་ཐ་མལ་པ་རྣམས། སྔགས་ཀྱི་རྣམ་པར་འཕྲུལ་པ་འདིས་སྐྲག་པར་བྱས་ཤིང༌། སྡིགས་མཛུབ་བྱས་ན་འཆི་བར་འགྱུར་བར་གདོན་མི་ཟའོ།། ༈ དེ་ལ་ཞེས་པ་དྲག་པོའི་ལས་རྣམས་ལ་འོག་ནས་བཤད་པའི་ཕཊ་ཀྱི་
སྔགས་འདི་ནི། སྔགས་ཐམས་ཅད་ཅེས་བྱ་བ་ནི་དེ་བཞིན་གཤེགས་པ་ཐམས་ཅད་དེ་དེ་རྣམས་ཀྱི་གསང་བའོ། །སྙིང་པོ་ནི་གདུག་པ་སྟེ་དྲག་པོའི་སྔགས་ཀྱི་སྲོག་གོཾ་༼ཆེ་གེ་མོ་ཞེས་པ་དང་འཕྲོག་པའོ་ཞེས་པ་འགྱུར་གསར་གཉིས་ལ་མེད་དོ། །༽ཏེ་ཆེ་གེ་མོའི་སྲོག་
4-2-347a


འཕྲོག་པའོ། །དེ་གང་ཡིན་ཞེ་ན། ཕཊ་ཅེས་བྱ་བ་སྟེ་ཕཊ་ནི་གསོད་པའོ།། ༈ ད་ནི་གསང་བ་སྟེ། ཕྱག་རྒྱ་མ་ལྔའི་སྒོ་ནས་བདེ་སྟོང་དབྱེར་མེད་དུ་སྦྱོར་བའི་དེ་ཁོ་ན་ཉིད་ཆེན་པོའི་ངོ་བོ་ཉིད་ཀྱི་སྤྱོད་པ་བསྟན་པར་བྱ་བའི་
ཕྱིར། ཡེ་ཤེས་སེམས་དཔའ་ཞེས་བྱ་བ་༼ཐོ་བ་དང་སྟ་རེའི་སྦྱོར་བ་ལ་ཕཊ་བཟླ་བར་བཤད། གཞན་གཉིས་ལ་མི་གསལ་ཡང་རྟ་མགྲིན་གྱི་སྦྱོར་བ་ལ་སྔ་མ་གཉིས་དང་འདྲ། བདུད་རྩི་འཁྱིལ་པ་ལ་ཡང་སྔ་མ་རྣམས་ཕཊ་བཟླ་བར་བཞེད་ཀྱང་མི་ཐོབ་པ་འདྲའོ།།༼ལ་སོགས་པ་གསུངས་ཏེ། 
ཡེ་ཤེས་གསུམ་ཀྱི་རིམ་པས་བསྐྱེད་པའི་སེམས་དཔའ་ནི། ཡེ་ཤེས་སེམས་དཔའ་སྟེ། དེའི་སྦྱོར་བ་ནི་ཡེ་ཤེས་ཀྱི་སྐུ་དེར་སྐད་ཅིག་གིས་དམིགས་པ་སྟེ། དེའི་ཐབས་དེས་དབུས་སུ་སྟེ། སྣ་ཚོགས་པདྨ་རས་ཀྱིས་གཡོགས་པའི་གདན་རྣམ་པ་བཞིའི་དབུས་༼
འདིར་སྤྲོས་མེད་ཀྱི་སྤྱོད་པ་འབྲིང་པོ་གཅིག་བཤད་ཅིང༌། དེ་ལ་ཡང་རིམ་པ་གཉིས་ཡོད་པ་ལ་སྔ་མ་རྣམས་འདི་ཟུང་འཇུག་པའི་སྤྱོད་པར་འདོད་དོ། །སྤྱིར་རྫོགས་རིམ་པའི་སྤྱོད་པ་རྣམས་སྤྱིའི་མཚན་ཉིད་མཚུངས་ཀྱང༌། སྐབས་སོ་སོའི་རྟེན་སོ་སོས་སྒྲུབ་པ་མི་འདྲ་བས་སྐབས་དབྱེ་དགོས་ལ། འདིར་སྤྲོས་མེད་ཀྱི་སྤྱོད་པ་
འབྲིང་དང་བསྡུས་པ་གཉིས་གསུངས་པ་ནི་འབྲིང་གི་སྐབས་སུ་ཡན་ལག་གི་རླུང་གི་བཟླས་པ་དང༌། སྙིང་གའི་པདྨ་ཁ་འབྱེད་པར་གསུངས་པ་དང༌། བསྡུས་པའི་སྐབས་སུ་ཕྱག་རྒྱ་རིགས་མ་ངེས་པར་གསུངས་པས་རྫོགས་རིམ་པའི་སྤྱོད་པ་ཡིན་ནོ། །དེ་ལ་སྐབས་གསུམ་ཡོད་པ་ལས། འདི་ནི་སྒྱུ་ལུས་པས་ཟུང་
འཇུག་གི་དོན་དུ་སྤྱོད་པ་བྱེད་པ་ཡིན་ཏེ། དངོས་ཀྱི་ཕན་ཡོན་གྱི་སྐབས་སུ་ཐ་མལ་པའི་ལུས་སྤངས་པ་བཤད་ཅིང༌། ཟུང་འཇུག་ཐོབ་མ་ཐག་རིགས་འདྲ་མི་འཆད་པའི་རྡོ་རྗེའི་སྐུ་འཐོབ་དགོས་པའི་ཕྱིར་རོ། །༽སུ་གྱུར་པའི་སྟན་ལ་གཟུགས་ཏེ་རང་ཉིད་རྡོ་རྗེ་འཆང་ཆེན་པོའི་སྐུར་
4-2-347b


རབ་ཏུ་བསྒོམ་པར་བྱའོ། །སྔགས་ཤེས་པ་ཡིས་ཞེས་པ་ནི་ལྷའི་དེ་ཁོ་ན་ཉིད་ཤེས་པས་སོ། །གནས་བཞི་རུ་ཞེས་བྱ་བ་ནི་སྤྱན་ལ་སོགས་པའི་གནས་གྲྭ་བཞི་རྣམས་སུ། བུད་མེད་དེ་སྔགས་དང་ཕྱག་རྒྱ་ལེགས་པར་བསླབས་པའི་བུད་མེད་བཞི། སྤྱན་ལ་སོགས་པའི་
དངོས་པོར་ཡོངས་སུ་བརྟགས་ལ། རྟག་ཏུ་སྟེ་ཉིན་མཚན་དུ་གཞག་པར་བྱའོ། །བུད་མེད་དེ་རྣམས་ཇི་ལྟ་བུར་གྱུར་པར་བཞག་ཅེ་ཞེ་ན། རྒྱན་རྣམས་ཐམས་ཅད་ཡོངས་སུ་རྫོགས། །མཚན་རྣམས་ཐམས་ཅད་ཀྱིས་མཚན་ཞིང༌། །ཞེས་བྱ་བ་སྟེ། ཇི་སྐད་དུ་བཤད་
པའི་བུད་མེད་ཀྱི་མཚན་ཉིད་༼སྤྱོད་བསྡུས་ལས། བུད་མེད་བཞི་གཟུགས་རྡོ་རྗེ་མ་སོགས་བཞིའི་རྣམ་པས་མཚམས་བཞི་དང༌། བུད་མེད་གཅིག་རེག་རྡོ་རྗེ་མའི་རྣམ་པས་རང་གིས་པང་ན་གནས་པར་གསུངས་ཏེ། བུད་མེད་ལྔ་ལས་མེད་ན་སྤྱན་སོགས་སུ་སྒོམ་པ་དང༌། གཟུགས་རྡོ་རྗེ་མ་སོགས་སུ་སྒོམ་པ་གཉིས་
གདམ་ང་ཅན་ནོ། །༽དང་ལྡན་པ་དང༌། རྒྱན་དང་ཆས་གོས་དང༌། འབག་ལ་སོགས་པ་ཕུན་སུམ་ཚོགས་པ་དང༌ལྡན་པའོ། །དེ་ནས་པདྨོ་རབ་ཏུ་རྒྱས་བྱས་ནས། །ཞེས་བྱ་བ་ནི། རང་གི་སྙིང་གའི་པདྨ་དང་སྒོའི་པདྨ་རྒྱས་ཤིང་བྱེ་བར་བྱས་ནས་སྟོང་པ་བཞི་བསྐྱེད་པའི་
མཐར་ལངས་པའི་རྗེས་ཐོབ་ཀྱི་སྐབས་སུ། ཡན་ལག་གི་རླུང་ལྔ་འཁོར་ལོ་༼འདིར་པདྨོ་རབ་ཏུ་རྒྱས་བྱས་ནས། ཞེས་པ་ལ། སྙིང་གའི་པདྨ་ཁ་བྱེ་བ་དང་། སྒོའི་པདྨ་ཁ་བྱེ་བ་གཉིས་བཤད་དོ། །ཕྱི་མ་ལ་བཞིན་གྱི་པདྨ་དང༌། ཁའི་པདྨ་ཞེས་འབྱུང་བ་ནི། མུ་ཁེ་ཞེས་པ་གདོང་དང་ཁ་དང་སྒོ་ལ་འཇུག་པའི་དང་པོ་
གཉིས་ཀྱི་དབང་དུ་བྱས་པ་ཡིན་ཀྱང༌། འདིར་སྒོ་ལ་བསྒྱུར་རྒྱུ་ཡིན་ནོ། །དེ་ལྟར་ན་སྒོའི་པདྨ་ཁ་བྱེ་བ་རྒྱས་པ་ནི་ལེའུ་བཅུ་བདུན་པའི་འགྲེལ་པར་བཤད་པ་ལྟར། རིག་མའི་རྩ་འཚོལ་བའི་སྦྱོར་བས་དྷུ་ཏཱིའི་མར་སྣ་ཁ་འབྱེད་པ་ཡིན་ཏེ། རྒྱུད་རྡོར་འཕྲེང་ལས། དཔའ་བོ་རྣལ་འབྱོར་མ་སྦྱོར་བ། །གང་ཚེ་གསང་བའི་རྩ་
4-2-348a


གཉིས་ནི། །ཡང་དག་སྦྱོར་བས་རེག་གྱུར་པ། །དེ་ཚེ་ནམ་མཁའ་རྣམ་རྒྱས་ཉིད། །ཅེས་གསུངས་པ་བཞིན་ནོ། །དེའི་ཕྱིར་དེའི་ཚེ་གསང་བའི་རྡོ་རྗེའི་མར་སྣའི་དབུ་མ་ཁ་བྱེ་བ་ཡང་ཤེས་པར་བྱ་སྟེ། རྟོགས་པར་ཤིན་ཏུ་དཀའོ། །དེའི་ཚེ་སྙིང་གའི་པདྨ་ཁ་བྱེ་ཚུལ་ནི། སྔ་མ་ལས་ཀྱང་ཆེས་
རྟོགས་དཀའ་ཞིང༌། འདིའི་ལུགས་ལ་གནད་ཤིན་ཏུ་ཆེ་སྟེ། སྤྱོད་བསྡུས་ལ་བརྟེན་ནས་གཞན་དུ་ལེགས་པར་བཤད་ཡོད་དོ། །༽བསྐོར་བ་བཞིན་དུ་ཉིན་མཚན་ཀུན་ཏུ་ཕྱི་ནང་དུ་རྒྱུ་བའི་སྔགས་ཧཱུྃ་ཞེས་བྱ་བ་རླུང་འོད་ཟེར་ལྔ་པོ་ཕྱིར་ལྡང་བའི་བདག་ཉིད་ཅན་འདི་རྣམ་པར་བསྒོམ་
པར་བྱ་ཞིང་ཤེས་པར་བྱ་སྟེ། སེམས་ནི་ཡེ་ཤེས་གསུམ་མོ་ཙམ་གྱི་སྒྲས་ནི་ཀུན་རྟོག་གཅོད་དོ། །རླུང་ཕྱིར་རྒྱུ་བའི་ཚེ་ཡུལ་རྣམས་ཡེ་ཤེས་དེའི་ངོ་བོ་ཡིན་པར་ཤེས་པ་སྟེ་བལྟ་བ་ལ་འབད་པར་བྱའོ་ཞེས་བྱ་བའི་བར་དུའོ། །འོད་ཟེར་ལྔ་ནི་ཞེས་བྱ་བ་ལ་སོགས་པ་
ལ། རྡོ་རྗེ་ཅན་གྱི་སྦྱོར་བ་ཞེས་བྱ་བ་ནི་ཡུལ་ལྟ་བུར་གནས་པའི་རྡོ་རྗེ་འཆང་ཆེན་པོའོ། །འོད་ཟེར་ལྔ་ནི་མིག་ལ་སོགས་པའི་སྒོ་ལྔ་ནས་རྒྱུ་བའི་རླུང་འོད་ཟེར་ལྔ་པའོ་སྟེ། དེ་རྣམས་ཀྱི་འོད་ནི་༼འདིས་མཉམ་བཞག་ཏུ་བསྐྱང་བའི་བདེ་སྟོང་གི་ཡུལ་ལ་རྒྱས་འདེབས་པ་བསྟན་ནོ། །
༽ཡུལ་རྣམ་པ་གསུམ་འཛིན་པའོ། །དེ་རབ་ཏུ་འབར་བ་ནི་རབ་ཏུ་༼འདི་ནི་ཡུལ་རྣམས་རྡོ་རྗེ་འཆང་ཆེན་པོའི་ངོ་བོར་བལྟ་བར་བསྟན་ནོ། ༽གསལ་བར་བསྒོམ་ཞིང་བསླབ་པར་བྱ་༼འོད་ཟེར་ལྔའི་འོད་ཟེར། ༽བ་ནི་རླུང་ཕྱིར་རྒྱུ་བའི་ཚེ་ཡུལ་རྣམས་སྔར་ལྟར་ལྟ་བ
འོ། །དེ་ལྟར་བསླབས་ནས་རང་གི་ལུས་ཏེ་སྤྱི་བོ་དང་ལ་སོགས་པས་ངག་སྟེ། མགྲིན་པ་དང་སེམས་ཏེ་སྙིང་ག་རྣམས་ལ། ལུས་དབང་གི་ཡུལ་གྱི་ངོ་བོ་རྡོ་རྗེ་ཅན་བྱང་སེམས་རིམ་པ་བཞིན་དུ་སྤྱི་བོ་ནས་ཕབ་ཅིང་བསྲེས་ན་ཞེས་པ་ནི་རྒྱུད་རྡོར་འཕྲེང་ལས། དེ་ནས་བྱང་
4-2-348b


ཆུབ་སེམས་ཀྱང་ནི། །གནས་ཀུན་ནས་ནི་ཞི་གྱུར་ནས། །ངོ་བོ་གཅིག་ཏུ་གྱུར་པ་དང༌། །རྩ་ནི་གཅིག་གི་འབྲས་བུ་ནི། །རོ་གཅིག་ཏུ་ནི་གྱུར་པ་ལ། །འདུས་པ་ཞེས་ནི་དེ་ལ་གསུངས། །ཞེས་གསུངས་པ་ལྟར། སྟོང་ཕྲག་དོན་གཉིས་ཀྱི་རྩ་ནས་བྱང་སེམས་ཞུ་བ་རྣམས་རྩ་དབུ་མ་གཅིག་པུའི་ལམ་དུ་བསྲེས་པའམ་འདྲེས་པར་གྱུར་ན། 
བྱང་ཆུབ་སྟེ། མཆོག་ཏུ་དགའ་བ་ལྷན་ཅིག་སྐྱེས་པའི་བདེ་བ་ཐོབ་པར་འགྱུར་ཞིང་རྟོགས་པར་འགྱུར་རོ། །༼དེ་རྣམས་ཀྱི་དོན་བསྡུ་ན། རང་དང་རིག་མའི་གསང་རྩ་གཉིས་ཀྱི་སྒོ་བྱེ་བའི་སྙོམས་འཇུག་བྱས་པས། སྙིང་གའི་དབུས་ཀྱི་དྷུཏཱི་ཁ་བྱེ་བར་རླུང་འདུས་པ་དང༌། སྤྱི་བོ་ནས་
བྱང་སེམས་ཞུ་བ་གཅིག་ཏུ་འདྲིལ་བ་ལ་བརྟེན་ནས་དགའ་བཞིའམ་སྟོང་པ་བཞི་བསྐྱེད་པ་མཉམ་བཞག་ཏུ་བསྐྱངས་པའི་མཐར་རྗེས་ཐོབ་ཀྱི་དུས་སུ། མཉམ་བཞག་གི་བདེ་སྟོང་དྲན་ནས་ཡུལ་རྣམས་ལ་དེའི་ངོ་བོར་བལྟ་བ་དང༌། རྡོ་རྗེ་འཆང་དུ་བལྟ་བས་རྒྱས་བཏབ་ན་མྱུར་དུ་འཚང་རྒྱ་ཞེས་པའོ།། 
༈ དེ་ལྟར་སྤྱོད་པའི་རྣལ་འབྱོར་པ་དེ་ནི་དེ་མ་ཐག་ཏུ་སྟེ། རིང་པོར་མི་ཐོགས་པར་རྣམ་པར་སྣང་མཛད་འོད་འདྲ་ཞིང༌། ཞེས་བྱ་བ་སྟེ། སྐུ་རྡོ་རྗེ་དང་འདྲ་བར་འགྱུར་བའོ། །རྡོ་རྗེ་སེམས་དཔའ་ནི་མི་བསྐྱོད་པའོ། །རྒྱལ་པོ་ཆེ་ནི་རིན་ཆེན་འབྱུང་ལྡན་ནོ། །
སངས་རྒྱས་ནི་འོད་དཔག་ཏུ་མེད་པའོ། །སྐུ་གསུམ་རྡོ་རྗེ་འཛིན་ནི་དོན་ཡོད་པར་གྲུབ་པ་སྟེ། དེ་དག་དང་ཡང་མཉམ་པར་འགྱུར་རོ། །སེམས་དཔའ་ཐམས་ཅད་ནི་རྣམ་པར་སྣང་མཛད་ལ་སོགས་པའོ། །སྐྱེད་པ་ནི་འབྱུང་བར་བྱེད་པ་སྟེ། རྡོ་རྗེའི་ཡེ་ཤེས་ཞེས་བྱ་བའི་ཏིང་
ངེ་འཛིན་གང་ཡིན་པ་དེ་ལ། སེམས་དཔའ་ཐམས་ཅད་སྐྱེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཞེས་བྱའོ།། ༈ ད་ནི་ཕྱག་རྒྱ་མ་ལྔ་མ་རྙེད་ན་ཕྱག་རྒྱ་གཅིག་དང་ཡང་ལྷན་ཅིག་ཏུ་སྤྲོས་མེད་བསྡུས་པའི་སྤྱོད་པ་བྱེད་པ་བསྟན་པར་བྱ་བའི་
4-2-349a


ཕྱིར། བཞིན་བཟང་ཞེས་བྱ་བ་ལ་སོགས་པ་གསུངས་ཏེ། བཞིན་བཟང་ཞེས་བྱ་བ་ནི་བཞིན་རབ་ཏུ་དང་བའོ། །ཕན་པར་འདོད་པ་ཡི་ཞེས་བྱ་བ་ནི། སྒྲུབ་པ་པོ་ལ་ཕན་པར་འདོད་པའོ། །གང་ཞིག་ཅེ་ན། བུད་མེད་དེ་བྲམ་ཟེ་ལ་སོགས་པའི་རིགས་
གང་ཡང་རུང་བའི་བུ་མོ་རྙེད་པ་ནི་ཐོབ་པའོ། །ཆོ་ག་བཞིན་ཞེས་བྱ་བ་ནི་འདུས་པ་འདི་ལས་གསུངས་པའི་ཆོ་གས་སོ། །དབེན་པར་ནི་སྐྱེ་བོ་མེད་ཅིང་ཡིད་དུ་འོང་བའོ། །མཆོད་པ་ནི་སྙོམས་པར་འཇུག་པ་སྟེ་དེ་བརྩམ་པར་༼པདྨ་རྒྱས་པར་བྱ་བ་སོགས་ནི་སྤྲོས་མེད་འབྲིང་པོ་དང་འདྲའོ། །
༽བྱའོ། །གསང་བ་ནི་ཆགས་པ་ལ་སོགས་པ་ཡེ་ཤེས་གསུམ་མོ། །བླངས་ནས་ནི་བློས་ངེས་པར་བྱས་པའོ། །བཟའ་བར་བྱ་བ་ནི་འོད་གསལ་བས་རྣམ་པར་སྦྱང་བསྟེ་དེ་རྣམས་རིམ་གྱིས་འོད་གསལ་དུ་གཞུག་པའོ། །དེ་ལྟར་སྦྱངས་པའི་རྣལ་འབྱོར་པ་དེ་ནི། 
དེ་མ་ཐག་ཏུ་ཡང་སྟེ་རིང་པོར་མི་ཐོགས་པ་ཉིད་དུ། འཇམ་དཔལ་དང་ནི་སྟེ་རྡོ་རྗེ་འཆང་ཆེན་པོ་དང་གཟི་བརྗིད་མཉམ་པ་སྟེ། དེ་དང་མཉམ་པའི་མཐུ་དང་ལྡན་པར་འགྱུར་ཞིང་མི་སྣང་བ་སྟེ། ཐ་མལ་པའི་བདག་གི་རང་བཞིན་གྱི་ལུས་ཡོངས་སུ་སྤངས་ནས། དེའི་
འོག་ཏུ་བདག་པོ་སྟེ་རང་ཉིད་གཙོ་བོ་ཟུང་འཇུག་རྡོ་རྗེ་འཛིན་པར་འགྱུར་ཞིང༌། རང་ཁོ་ནར་མ་ཟད་ཕྱག་རྒྱ་རིག་མ་དང་བཅས་པར་དངོས་གྲུབ་ཐོབ་པས་༼པ་ཙམ་ནི་སྒྱུ་ལུས་ནས་ཡོད་མོད་ཀྱང༌། འདིར་ནི་རིགས་འདྲ་མི་ཆད་པའི་རྡོ་རྗེའི་སྐུ་ཐོབ་པས་སྤངས་པའོ། །
༽ན་དཔལ་དང་ལྡན་པའོ། །ཛམྦུ་གསེར་གྱི་མདངས་འདྲར་འགྱུར། །ཞེས་བྱ་བ་ནི། རིན་ཆེན་ཏོག་དང་མཉམ་པར་འགྱུར་ཞིང་ནམ་མཁའ་མཛོད་ཀྱི་ཏིང་ངེ་འཛིན་གྱིས་སེམས་ཅན་གྱི་དོན་རྫོགས་པར་བྱེད་དོ།། ༈ ད་ནི་སྒྲུབ་པ་པོའི་ཟས་
4-2-349b


ཀྱི་བྱ་བ་བསྟན་པར་བྱ་བའི་ཕྱིར། བཤང་བའམ་ཞེས་བྱ་བ་ལ་སོགས་པ་གསུངས་ཏེ། བཤང་བ་ནི་བ་ལང་གི་ལྕི་བ་ལ་སོགས་པའོ། །ཡང་ན་བཟའ་བའམ་ཞེས་པ་ནི། འཇིག་རྟེན་པ་དང་ཐུན་མོང་དུ་གྱུར་པ་ཟན་དང་འབྲས་ཆན་ལ་སོགས་པའོ། །ཤ་ནི་ཅི་རིགས་
པར་རྙེད་པ་དང༌། གཞན་དག་གང་ཅི་ཡང་རུང་བ་ཆོ་ག་བཞིན་དུ་སྟེ། ཆོ་ག་ཤེས་པའི་མཁས་པས་ཆོ་ག་ལྟར་བསྔགས་ནས་ནི་ཞེས་པ་སྟེ། སྦྱང་བ་ལ་སོགས་པའི་རིམ་པས་མངོན་པར་འདུས་བྱས་ནས། སྙིང་ག་དང་ལྐོག་མ་ཡང་སྦྱངས་ནས་ཁར་གཞུག་པར་བྱས་
ཤིང་ཟོས་ན། སངས་རྒྱས་ཏེ་མཁས་པ་རྣམས་སམ། སྐལ་བ་ངན་པ་གཞན་དག་གིས་ཀྱང་ཤེས་ཤིང་མཐོང་བར་མི་འགྱུར་རོ། །བཅོམ་ལྡན་འདས་རྡོ་རྗེ་འཆང་ཆེན་པོས། དེ་སྐད་ཅེས་བཀའ་སྩལ་ཏོ་ཞེས་བྱ་བ་ནི་འོག་ནས་བཤད་པ་ལ་ལྟོས་པ་ཡིན། ཞེས་པ་ནི་
འཆད་འགྱུར་དང་སྦྲེལ་ལོ་ནོ།། ༈ བཤང་བ་ནི་ཉིན་ཞག་དེ་ལ་སྐྱེས་པའི་བདག་ཉིད་ཅན་གྱི་བུ་ཆུང་གི་བཤང་བའོ། །ཆོ་ག་བཞིན་ཞེས་བྱ་བ་ནི་ས་ལ་མ་རེག་པར་བླངས་ནས། ཁམ་ཕོར་ཏེ་ཐོད་པ་ཁ་སྦྱར་གྱི་ནང་དུ་བཞག་ལ། དེ་ནས་བརྒྱ་
རྩ་བརྒྱད་ཀྱི་བར་དུ་ཡི་གེ་༼རི་ལུ་བཅུའི་བསྒྲུབ་པ་ལ། ནང་ལ་གཞོལ་བས་རང་གི་ལྷའི་ཏིང་ངེ་འཛིན་གཉིས་སྔོན་དུ་བྱ། དེ་ནས་ལས་རྒྱལ་མཆོག་གི་དུས་སུ། རི་ལུའི་རྒྱུ་བཅུ་གང་རུང་ལ་རི་ལུ་སྲན་མ་ཙམ་བྱས་ཏེ། གསེར་དངུལ་དང་ཟངས་ཀྱི་ལྗང་པ་གསུམ་གྱིས་དཀྲིས་ཏེ། ཟླ་བ་གཟས་ཟིན་པའི་དུས་
སུ་ཡུམ་གྱི་པདྨར་གཞུག་ལ་གཟའ་ལས་མ་གྲོལ་གྱི་བར་དུ་སྙོམས་འཇུག་བྱ་ཞིང་གྲོལ་བ་ན་བཏོན་ཏེ་བལྟས་པས་དུ་བ་ལ་སོགས་པ་བྱུང་ན། གྲུབ་པར་ཤེས་པར་བྱ་སྟེ་ཁར་བཅུག་ན་མི་སྣང་བར་འགྱུར་རོ། །༽གསུམ་བཟླས་ཤིང་ཡང་དག་པར་བསྐུལ་ནས། རི་ལུ་བྱས་ལ་ལྕགས་
4-2-350a


གསུམ་གྱིས་དཀྲིས་ཏེ། ཁར་བཅུག་ན། སངས་རྒྱས་ཉི་མས་ཏེ་སྒྲུབ་པ་པོའི་རིག་པ་འཛིན་པ་རྣམས་ཀྱིས་ཀྱང༌། མི་མཐོང་ངོ་ཞེས་པ་སྟེ་སྦྱོར་བའི་ཕན་ཡོན་ནོ། །ཁྱིའི་ཤ་དང་ཞེས་བྱ་བ་ལ་སོགས་པ་ལ། ཁྱི་དང་རྟ་ཤ་དང་མི་ཤི་བའི་
ཤ་ཆེན་དག་ནི་ཆོ་ག་བཞིན་ཏེ། བཤད་མ་ཐག་པའི་ཆོ་གས་བླངས་ནས་ཐོད་པ་ཁ་སྦྱར་གྱི་ནང་དུ་བཞག་སྟེ། དེ་བཞིན་དུ་བཟླས་བརྗོད་བྱས་ནས་རི་ལུ་སྦྱར་ཏེ་ཟོས་ཤིང་ཁར་བཅུག་ན། དེ་ཡིས་གྲུབ་པ་ལ་སོགས་པ་རྣམས་ཀྱིས་མི་མཐོང་ངོ༌། །བཤང་༼
ས་ལ་མ་རེག་པར་བླངས་པ་དང༌། ཐོད་པ་ཁ་སྦྱར་གྱི་ནང་དུ་བཞག་པ་དང༌། སྔགས་བཟླས་པའི་འོག་ཏུ་རི་ལུ་བྱེད་པ་ནི་ཀུན་ལ་འདྲ་བར་མངོན་ནོ། །ལྕགས་གསུམ་ནི་གསེར་མ་ཤ་གསུམ་དང་ར་ཏི་བདུན། དངུལ་མ་ཤ་བཞི་དང་ར་ཏི་གསུམ། ཟངས་མ་ཤ་བཞི་དང་ར་ཏི་ལྔ། མ་ཤ་རེ་ལ་ར་ཏི་བཅུ་བཅུ་སྟེ་བསྡོམས་
ན་ར་ཏི་བརྒྱ་ཉི་ཤུ་རྩ་ལྔའོ། །དཀྲི་ལུགས་ནི་དང་པོར་གསེར། དེའི་སྟེང་ནས་དངུལ། དེའི་སྟེང་ནས་ཟངས་ཀྱིས་དཀྲི་ཟེར་རོ། །དང་པོ་དང་གཉིས་པ་ལ་ཡུམ་གྱི་ཆོས་འབྱུང་དུ་འཇུག་པ་མ་བཤད་ཀྱང༌། སྔ་མ་རྣམས་འོག་མ་རྣམས་དང་འདྲ་བར་བཞེད་དོ། །༽དང་ཞེས་བྱ་བ་ལ་སོགས་པ་ལ། 
བཤང་བ་དང་ལྷན་ཅིག་བདུད་རྩི་བཞི་པོ་སྦྱར་ནས་རི་ལུ་བྱས་ལ། ལྕགས་གསུམ་གྱིས་དཀྲིས་པ་སྟེ། གསེར་ལ་སོགས་པས་ལེགས་པར་དཀྲིས་པའོ། །དབང་པོ་གཉིས་ཀྱི་སྦྱོར་བ་ཡིས། །ཞེས་བྱ་བ་ནི། ཟླ་བ་གཟས་ཟིན་པའི་དུས་སུ་དང་པོར་འཛིན་པ་ནས་
བཟུང་སྟེ། ཆོས་འབྱུང་བའི་ནང་དུ་བཅུག་ལ། ཇི་སྲིད་བཏང་གི་བར་དུ་སྙོམས་པར་འཇུག་པར་བྱའོ། །དེ་ནས་བཏོན་ལ་མཚན་མ་བལྟས་ཏེ། གལ་ཏེ་དུ་བ་ལ་སོགས་པ་བྱུང་ན་གྲུབ་པ་ཡིན་པར་ཤེས་པར་བྱས་ཏེ་ཁར་བཅུག་ན། དེའི་ཚེ་སངས་རྒྱས་ཐམས་
4-2-350b


ཅད་ཀྱིས་ཀྱང་མི་མཐོང་ངོ༌། །དེ་བཞིན་དུ་ཁྱིའི་ཤ་བདུད་རྩི་ལྔ་དང་བཅས་པ་ལས་རི་ལུ་བྱས་ལ། ལྕགས་གསུམ་གྱིས་དཀྲིས་ཏེ་སྔར་བཤད་མ་ཐག་པའི་དབང་པོ་གཉིས་ཀྱི་སྦྱོར་བས་བསྒྲུབ་པར་བྱས་ནས་ཁར་བཅུག་ན། སངས་རྒྱས་ཐམས་ཅད་ཀྱིས་ཀྱང་མི་མཐོང་ངོ༌། །
ཤ་ཆེན་དང་བ་ལང་ཤ་ལ་སོགས་པ་ཡང༌། སྔར་བཤད་མ་ཐག་པའི་མན་ངག་གིས་སྦྱར་བར་བྱའོ། །བཤང་བ་ལས་བྱུང་བའི་སྲོག་ཆགས་ཞེས་བྱ་བ་བཤང་བ་དང་ལྷན་ཅིག་ཕྱིར་བྱུང་བའི་སེམས་ཅན་དང༌། བདུད་རྩི་ལྔ་དང་བཅས་པ་ལས་བརྟུལ་ཞུགས་ཅན་ཏེ་
བརྟུལ་ཞུགས་སྤྱོད་པས་རི་ལུ་བྱས་ལ། དབང་པོ་གཉིས་ཀྱི་སྦྱོར་བས་སྔ་མ་བཞིན་དུ་བསྒྲུབ་པར་བྱའོ། །ག་བུར་ཙན་དན་ཞེས་པ་ཙན་དན་དམར་པོ་དང་ལྷན་ཅིག་བདུད་རྩི་ལྔ་དང་རི་ལུ་བྱས་ལ་སྔ་མ་བཞིན་དུ་བསྒྲུབ་པར་བྱའོ། །གི་ཧཾ་དང་ཨ་ཀ་རུ་ནག་པོ་གཉིས་བདུད་
རྩི་ལྔ་དང་བཅས་པ་ལས། རི་ལུ་བྱས་ལ་སྔ་མ་བཞིན་དུ་བསྒྲུབས་ནས་ཁར་བཅུག་སྟེ་འཆག་ན། སྟོབས་པོ་ཆེ་སྟེ་ཐོགས་པ་མེད་པའི་བརྩོན་འགྲུས་དང་ལྡན་པར་འགྱུར་རོ། །ག་བུར་དང་གུར་གུམ་དུ་སྦྱར་བའི་བདུད་རྩི་ལྔས་ཀྱང༌། དེ་བཞིན་དུ་བསྒྲུབ་པར་བྱའོ་
ཞེས་གསུངས་སོ།། ༈ ད་ནི་འཇིག་རྟེན་ལས་འདས་པ་ཟུང་འཇུག་པའི་དངོས་གྲུབ་རབ་ཏུ་བསྟན་པར་བྱ་བའི་ཕྱིར། རྡོ་རྗེ་འཛིན་པ་ཞེས་བྱ་བ་ལ་སོགས་པ་གསུངས་ཏེ། ཟུང་འཇུག་རྡོ་རྗེ་འཛིན་པ་རང་ཉིད་ཟུང་འཇུག་པའི་དཀྱིལ་འཁོར་པའི་ལྷ་རྣམས་ཀྱི་
དབུས་སུ། གཤིན་རྗེ་གཤེད་ལ་སོགས་པའི་ཁྲོ་བོ་བཅུ་གང་ཡང་རུང་བའི་སྐུ་ཕྱག་རྒྱ་ཆེན་པོ་དྲག་པོའམ། རྣམ་སྣང་ལ་སོགས་པའི་སྐུ་ཞི་བར་བྱིན་གྱིས་བརླབས་ཤིང་སྟེ་བསྐྱེད་ནས། གདུལ་བྱའི་སྐྱེ་བོ་རྣམས་སྨིན་པར་བྱ་བའི་ཕྱིར། རྡོར་
4-2-351a


བཟླས་ཀྱིས་ཞི་བ་ལ་སོགས་པའི་ལས་བསྒྲུབས་ན་ཞི་སོགས་གང་འདོད་དེ་ལྟ་བུར་འགྲུབ་པར་འགྱུར་ཏེ།། ༈ དེར་ཡང་མ་ཟད་ཀྱི་རྣལ་འབྱོར་པ་དེ་རྡོ་རྗེ་འཆང་ཆེན་པོ་ཅི་འདྲ་བ་དེ་དང་འདྲ་བར་འབྱུང་བར་འགྱུར་རོ། །
ཡོན་ཏན་གྱི་དབང་ཕྱུག་བརྒྱད་དང་ལྡན་པས་ན། དེ་ནི་དཔལ་དང་ལྡན་པའོ། །༼ཡོན་ཏན་གྱི་དབང་ཕྱུག་བརྒྱད་ནི། འབྲས་བུའི་སྐབས་ཡིན་ལ། སློབ་པའི་ཟུང་འཇུག་གི་སྐབས་སུ་དབང་ཕྱུག་གི་ཡོན་ཏན་བརྒྱད་འབྱུང་བར་གསུངས་པས། དབང་ཕྱུག་གི་ཡོན་ཏན་བརྒྱད་ལ་བྱས་ན་ལེགས་
པར་སེམས་སོ། །སྤྱོད་བསྡུས་ཆག་འགྱུར་ལས། གཟུགས་ཕྲ་བ་དང་རེག་པ་ཡང༌། །ཁྱབ་པ་ཡང་དག་ཐོབ་པ་ཉིད། །རབ་ཏུ་གསལ་བ་ཉིད་བརྟན་པ། །དབང་ཕྱུག་ཉིད་དང་འདོད་དགུར་འགྱུར། །ཞེས་འབྱུང་བ་བརྒྱད་ནི་དབང་ཕྱུག་གི་ཡོན་ཏན་བརྒྱད་ཅེས་བྱ་འི། དབང་ཕྱུག་བརྒྱད་ནི་མིན་ནོ། །དེའི་དོན་ནི། 
སྔ་མ་རྣམས་ཀྱིས་བཤད་པ་ནི། དབང་ཕྱུག་གི་ཡོན་ཏན་བརྒྱད་ཀྱི་བཤད་པ་མ་མཐོང་བར་སྣང་བས། སྤྱན་རས་གཟིགས་བརྟུལ་ཞུགས་ཀྱིས་དབང་ཕྱུག་གི་ཡོན་ཏན་བརྒྱད་བཤད་པ་དང་སྦྱར་བར་བྱའོ། །དེ་ལ་དབང་ཕྱུག་གིས་སེམས་ཅན་གྱི་འཇིག་རྟེན་སྐྱེ་འཇིག་བྱེད་པ་ཕྲ་བ་དང༌། སྣོད་ཀྱི་འཇིག་རྟེན་
སྐྱེད་པ་ཡང་བ་དང༌། །དེ་གཉིས་ཀ་སྐྱེ་འཇིགས་བྱེད་པ་བདག་པོར་གྱུར་པ་ཡིན་ལ། འདིར་ནི་རྣལ་འབྱོར་པས་དེ་རྣམས་སྤྲུལ་པ་དང་སྡུད་པ་བྱེད་ནུས་པའོ། །ཕྱི་མ་ནི་ཡང་དག་ཐོབ་པས་བསྟན་ནོ། །ཡིད་ལུས་ཀྱིས་གང་བསམ་པར་ཕྱིན་པ་ནི་གར་ཡང་ཁྱབ་པས་བསྟན་ནོ། །འབྱུང་པོ་ཀུན་གྱིས་མཆོད་པར་བྱ་
བ་ནི་འོད་དང་གཟི་བརྗིད་ཀྱིས་གཞན་རྣམས་ཟིལ་གྱིས་གནོན་པའི་རབ་ཏུ་གསལ་བའམ་སྣང་བས་བསྟན་ནོ། །སེམས་ཅན་རྣམས་ལ་ཚར་བཅད་དང་རྗེས་འཛིན་གྱི་དབང་ཡོད་པ་ནི་དབང་དུ་གྱུར་པའོ། །ཡོན་ཏན་ལ་འདོད་དགུར་དབང་བསྒྱུར་བ་ནི་འདོད་དགུར་ལྡན་པའོ། །གང་ཐོབ་པར་འདོད་པའི་དོན་དེ་ལྟར་
4-2-351b


ཐོབ་ནུས་པ་ནི་དགའ་མགུར་གནས་པ་སྟེ་བརྟན་པས་བསྟན་ནོ། །༽ཁམས་གསུམ་འདུལ་བས་ན་སྟོབས་ཆེན་ཕ་རོལ་གནོན་པར་འགྱུར། ཞེས་བྱའོ། །གཞན་ཡང་སྐད་ཅིག་མ་གཅིག་གིས། དཔག་ཚད་བྱེ་བ་རྫོགས་པ་ཡི། །ཚད་ཙམ་གྱི་སའི་སྟེང་དུ་འགྲོ་བར་འགྱུར་རོ། །
སའི་འོག་ཏུ་ཡང་དེ་ཉིད་ཀྱི་ཚད་ཙམ་གྱི་རྡོ་རྗེ་གདན་ལྟ་བུར་འགྲོ་བ་དང༌། དེ་བཞིན་དུ་ཤར་ལ་སོགས་པའི་ཕྱོགས་དང་མཚམས་རྣམས་དང༌། སྐད་ཅིག་གིས་སྟོང་གསུམ་གྱི་འཇིག་རྟེན་གྱི་ཁམས་ཐོགས་པ་མེད་པར་བགྲོད་པར་འགྱུར་ལ། ཕྱག་རྒྱའི་ཚོགས་༼
དེ་ཉིད་ཀྱི་ཚད་ཙམ་གྱི་སའི་འོག་ཏུ་ཡང་གནམ་ལྕགས་ཀྱི་རྡོ་རྗེ་ལྟར་ཞེས་པ་ལེགས་སོ། །༽དཔག་ཏུ་མེད་པ་དང་ལྡན་པས་ན་དཔལ་དང་ལྡན་པའོ། །སྟོབས་བཅུ་དང་མི་འཇིགས་པ་ལ་སོགས་པའི་ཡོན་ཏན་དང་ལྡན་པས་སངས་རྒྱས་ཏེ་འདི་ཡང་དེ་དང་འདྲ་བར་འགྱུར་བ་
སྟེ། དེ་དང་མཚུངས་སོ་ཞེས་བྱ་བར་དགོངས་སོ། །དེ་ལྟར་ཐོགས་པ་མེད་པར་འགྲོ་བས་ཇི་ལྟར་དགའ་བར་འགྲོ་བའི་ཕྱིར། འདོད་ཁམས་ཞེས་བྱ་བ་ལ་སོགས་པ་གསུངས་ཏེ། རྒྱལ་ཆེན་རིགས་བཞི་དང་སུམ་ཅུ་རྩ་གསུམ་དང་འཐབ་བྲལ་དང༌། དགའ་
ལྡན་དང་འཕྲུལ་དགའ་དང༌། གཞན་འཕྲུལ་དབང་བྱེད་དེ། རྣམ་པ་དྲུག་ནི་འདོད་པའི་ཁམས་ཏེ། དེ་ན་གནས་པའི་ལྷའི་བུ་མོ་རྣམས་དང༌། ལྷའི་ལོངས་སྤྱོད་ཅེས་བྱ་བ་ལྷ་རྣམས་ཀྱི་ལོངས་སྤྱོད་དང་འདྲ་བ་གང་ཡིན་པ་དེ་ནི། ལྷའི་ལོངས་སྤྱོད་དེ་འཁོར་
ལོས་སྒྱུར་བ་ལ་སོགས་པའི་བུ་མོར་གྲགས་པ་བཀུག་པ་དང༌། རིགས་ཞེས་པ་ལྷ་དང་ལྷ་མ་ཡིན་ལ་སོགས་པའི་རིགས་སོ། །དེ་རྣམས་ཀྱི་བརྟུལ་ཞུགས་ནི་དེ་དང་འབྲེལ་བའི་བུ་མོ་རྣམས་སོ། །འདོད་པའི་ཁམས་ན་གནས་པ་འབའ་ཞིག་ལ་འདོད་པ་སྤྱོད་
4-2-352a


པར་མ་ཟད་ཀྱི། གལ་ཏེ་གཟུགས་ཀྱི་ཁམས་ན་བུད་མེད་ཡོད་ན་དེ་ལ་ཡང་སྤྱོད་པར་བྱེད་དོ། །ཞེས་ནུས་པ་ཕུལ་དུ་བྱུང་བའི་ཁྱད་པར་བཤད་པ་གསུངས་པ་ཡིན་ནོ། །སློབ་པའི་ཟུང་འཇུག་ལ་འདི་འདྲ་བའི་ཡོན་ཏན་ཡོད་པ། འདི་
ལེགས་པར་ཤེས་ན་མན་ངག་གི་བཤད་པ་ལྟར་སྣང་རྣམས་ཀྱིས་ཡིད་ཚིམ་པར་མི་འགྱུར་རོ། །༽དམ་ཚིག་སེམས་དཔའ་ཞེས་བྱ་བའི་དམ་ཚིག་ནི་ཐ་མལ་པའི་ལུས་དེ། རྡོ་རྗེ་ཆེན་པོ་ཞེས་བྱ་བའི་སེམས་དཔའ་མི་སྣང་བར་བྱས་པ། སྟེ་སྤངས་པ་གང་
ཡིན་པ་དེ་ནི། དམ་ཚིག་མི་སྣང་བའི་རྡོ་རྗེ་ཆེན་པོ་སྟེ་རྡོ་རྗེ་འཆང་ཆེན་པོའོ། །དེ་སྐད་ཅེས་བཀའ་སྩལ་ཏོ་ཞེས་བྱ་བ་ནི་སྡུད་པར་བྱེད་པའི་ཚིག་གོ། ༈ དེ་ནས་ཞེས་བྱ་བ་ལ་སོགས་པ་ལ། སངས་རྒྱས་ནི་རིན་པོ་ཆེ་ལྟ་བུའི་གང་ཟག་གོ། དང་
པོར་ཐོས་པ་ཙམ་གྱིས་ནི་སེམས་འཁྲུལ་བ་སྟེ། རང་དབང་མེད་པར་སེམས་བསྐྱོད་པ་ནི། སེམས་འཁྲུལ་བ་དང་འདྲ་བས་དེ་སྐད་ཅེས་བྱའོ། །སེམས་བསྐྱོད་ལུགས་ནི། གསུངས་པའི་དོན་ལ་ཤིན་ཏུ་ཡང་ངོ་མཚར་དུ་གྱུར་པའི་ཕྱིར་རོ། །ཕྱི་ནས་བསམས་པ་
དང་བསྒོམས་པའི་ངོ་བོ་ཉིད་ཀྱིས་རྟོགས་པར་གྱུར་པའི་ཕྱིར། ཡིད་ལ་དབང་བ་སྟེ་ཡེ་ཤེས་ཤར་བ་ནི་དོན་དེ་རྣམས་ཅི་རིགས་རྒྱུད་ལ་སྐྱེས་པའོ། །༼སྔོན་བྱུང་ལ་དེ་ལྟར་བསྟན་པ་ནི་རྗེས་འཇུག་ལ་ཆོས་ཟབ་མོ་ཐོས་པ་ན་འདི་འདྲ་བའི་བསམ་པ་སྐྱེད་དགོས་པར་སྟོན་པ་འདི་གོ་དགོས་སོ། །
དེའི་འོག་ཏུ་ནི་རབ་ཏུ་དགྱེས་པ་བདག་ཉིད་སྟེ་སྟོན་པ་པོ་ལ་དད་པས་སོ། །དེ་ཉིད་ཀྱིས་ངོ་མཚར་དུ་གྱུར་ཅིང་སྤྱན་གདངས་ནས་རབ་ཏུ་མཉེས་པར་སྟོན་པའི་གསུང་གི་ཚིག་འོག་ནས་བཤད་པ། འདི་སྐད་བཀའ་སྩལ་ཅིང་གསུངས་པར་གྱུར་པ་ནི། ཨེ་མའོ་
4-2-352b


ཞེས་བྱ་བ་ལ་སོགས་པ་སྟེ། ཨེ་མའོ་ཞེས་བྱ་བ་ནི་ངོ་མཚར་སྐྱེས་པར་གྱུར་པ་ཡིན་ཏེ། ངོ་མཚར་བའི་ཡུལ་ནི་སྤྱན་མ་དང་གཤིན་རྗེ་གཤེད་ཀྱི་སྔགས་གཅིག་ཉིད་ཀྱིས་ལས་མང་པོ་འགྲུབ་པ་དང༌། རྡོ་རྗེ་བཟླས་པའི་སྔགས་གཅིག་པུ་ཉིད་ཀྱིས་ལས་རབ་འབྱམས་དཔག་ཏུ་མེད་པ། རབ་ཏུ་སྒྲུབ་
པ་གང་ཡིན་པ་དེ་ནི་འདི་རབ་ཏུ་ངོ་མཚར་ཆེ་སྟེ། ཤིན་ཏུ་ཡང་རྨད་དུ་བྱུང་བར་གྱུར་པ་དང༌། བུད་མེད་དང་ལྷན་ཅིག་རོལ་པའི་ཆགས་པ་ལམ་དུ་བྱས་པས་ཀྱང་འཇིག་རྟེན་དང༌། འཇིག་རྟེན་ལས་འདས་པའི་དངོས་གྲུབ་བསྒྲུབ་པར་བྱའོ་ཞེས་བྱ་བའི་ཤིན་ཏུ་གསང་བའི་གནས་
ཇི་སྐད་བཤད་པ་ལས་གཞན་དུ་མི་འགྱུར་བ་གང་ཡིན་པ་དེ་ཡང་ངོ་མཚར་ཆེ་བ་དང༌། གང་བདུད་རྩི་ལྔ་དང་ཤ་ལ་སོགས་པའི་རི་ལུ་རྣམས་ཀྱིས་ཀྱང༌། གང་གི་ཕྱིར་དངོས་གྲུབ་ཕུན་སུམ་ཚོགས་པ་བསྒྲུབ་པ་དེ་ནི། ངོ་མཚར་ཆེ་བ་དང༌ཆོས་རྣམས་ཀྱི་ངོ་བོ་ཉིད་ཀྱིས་དག་པ་
སྟེ་འདི་ཡང་ངོ་མཚར་ཆེ་བ་དང༌། ཟུང་འཇུག་པས་ལྷ་ཞི་ཁྲོ་གང་ཡང་རུང་བའི་ཕྱག་རྒྱ་ཆེན་པོ་ལ་དམིགས་ནས་ལས་རབ་འབྱམས་བསྒྲུབས་ནས། རྡོ་རྗེ་འཆང་ཆེན་པོའི་གོ་འཕང་གང་ཡིན་པ་ཐོབ་པར་འགྱུར་བ་དེ་ལ། གོས་པ་མེད་ཅིང་ཤིན་ཏུ་དྲི་མ་མེད་པའི་ཆོས་དེ་ཡང་
ངོ་མཚར་ཆེ་སྟེ། ༼དེ་འདྲ་བའི་ངོ་མཚར་བ་རྣམས་ཀྱང་ཟབ་མོ་སྟོང་པ་ཉིད་རྟོགས་པའི་མཐུ་ཡིན་པས་དེ་ལ་ངོ་མཚར་བ་ནི། ཨེ་མའོ་ངོ་བོ་ཉིད་ཀྱིས་དག། ཨེ་མའོ་ཤིན་ཏུ་དྲི་མེད་ཆོས། །ཞེས་པས་སྟོན་ཏེ། ཆོས་རྣམས་རང་གི་མཚན་ཉིད་ཀྱིས་གྲུབ་པའི་ངོ་བོ་ཉིད་ཀྱིས་གདོད་མ་ནས་དག་པར་རྟོགས་པ་ནི་ཤིན་ཏུ་ཡང་དྲི་མ་
མེད་པ་སྟེ་དྲི་མ་ཟད་པར་བྱེད་པའི་ཆོས་སོ་ཞེས་པའོ། །༽དགོངས་པས་བཤད་པའོ།། ༈ ད་ནི་རིགས་ཀྱི་དབྱེ་བས་རང་གི་ལྷའི་དབང་བསྐུར་བ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། སྟོན་པ་རྡོ་རྗེ་འཛིན་ཅེས་བྱ་བ་ནི། 
4-2-353a


གདུག་པ་ཐམས་ཅད་འདུལ་བར་མཛད་པས་ན་སྟོན་པའོ། །རྣམ་པར་སྣང་མཛད་ལ་སོགས་པ་འབྱིན་པས་ན་སྐྱེད་པའོ། །འཇིག་རྟེན་པ་ལ་སོགས་པའི་དངོས་གྲུབ་སྐྱེད་པར་མཛད་པས་ན་བྱེད་པའོ། །གཞན་ཡང་དྲུག་པའི་ངོ་བོ་ཉིད་དུ་གྱུར་པས་ནི་
འགྱུར་ཆེའོ། །སངས་རྒྱས་ནི་རྣམ་ ༼ཤསྟ་ཨི་ཏི་ཤནྟིཾ་ཀ་ཅར་ན་ཟེར། ༽པར་སྣང་མཛད་དོ། །རྡོ་རྗེ་ནི་མི་བསྐྱོད་པའོ། །ཆོས་ཆེན་པོ་ནི་འོད་དཔག་ཏུ་མེད་པ་སྟེ། རྡོ་རྗེ་གསུམ་གྱི་བདག་ཉིད་ཅན་གྱི་རྡོ་རྗེའི་གསུང་དུ་བཀའ་སྩལ་ཅིང་གསུངས་པའོ།། ༈ སེམས་དཔའ་རྡོ་
རྗེ་ནི་མི་བསྐྱོད་པའོ། །མི་བསྐྱོད་པ་དེའི་སྦྱོར་བ་ནི་སྤྱི་བོར་འཇོག་པའོ། །བཞག་པ་དེས་རྡོ་རྗེ་འཛིན་རྣམས་ཏེ་མི་བསྐྱོད་པའི་རིགས་དང་ལྡན་པ་རྣམས་སོ། །མཉེས་པར་བྱ་བ་ནི་རིགས་བདག་གིས་དབང་བསྐུར་བའོ།། ༈ སངས་རྒྱས་བྱང་ཆུབ་ནི་རྣམ་པར་སྣང་
མཛད་དོ། །དེའི་རབ་ཏུ་དབྱེ་བ་ནི་རྣམ་སྣང་རང་གི་རིགས་དང་ལྡན་པ་རྣམས་ཀྱིས་༼འདི་ལ་སྟེང་འོག་གི་ཁྲོ་བོ་གཉིས་དང་རིགས་གཉིས་འཛིན་པའི་མཱ་མ་ཀཱི་དང་རེག་རྡོ་རྗེ་གཉིས་ཏེ་དེ་རྣམས་ལ་མི་བསྐྱོད་པས་རྒྱས་འདེབས་པ་ཡོད་དོ། །༽སྤྱི་བོར་སོ་སོར་བཞུགས་པས། སངས་རྒྱས་
རྡོ་རྗེ་ཅན་ཏེ་རྣམ་པར་སྣང་མཛད་ཀྱི་རིགས་དང་ལྡན་པ་རྣམས། མཉེས་པར་འགྱུར་ཞིང་གང་གི་རིགས་ཡིན་པ་གསལ་བར་འགྱུར་རོ།། ༈ རྡོ་རྗེ་སྤྱན་ཞེས་བྱ་བ་ནི་རྡོ་རྗེ་སྤྱན་ལ་སོགས་པ་ཞེས་བྱ་བར་གཟུང་སྟེ། སོགས་ཀྱི་སྒྲས་ནི་རིགས་བཞི་དང་འབྲེལ་བའི་ལྷ་
རྣམས་གཟུང་ངོ༌། །གཟུགས་ལ་སོགས་པ་ཞེས་བྱ་བ་ནི། རྣམ་པར་སྣང་མཛད་དང་ལ་སོགས་པས་རིན་འབྱུང་སྣང་མཐའ་དོན་གྲུབ་ཀྱི་འི་གཟུགས་ཀྱིས། རང་རང་གི་རིགས་ཅན་རྣམས་ལ་གཙུག་ཏོར་འཇོག་པར་བྱེད་པར་བཤད། ཅེས་བྱ་བ་སྟེ། དབུ་རྒྱན་དུ་བྱ་
4-2-353b


བ་ཡིན་པར་ཤེས་པར་བྱའོ། །ཁྲོ་བོའི་ནང་ན་དེ་མཆོག་སྟེ། ཤིན་ཏུ་དགའ་བར་གྱུར་པ་རྣམས་ཀྱི་ཡང་རྣམ་སྣང་ལ་སོགས་པའི་རིགས་དེ་དང་འབྲེལ་བའི་ཁྲོ་བོ་རྣམས་ལ་སངས་རྒྱས་རྡོ་རྗེ་སྟེ། རྣམ་པར་སྣང་མཛད་ལ་སོགས་པ་དེས་དབུ་རྒྱན་དུ་བྱས་པར། རབ་ཏུ་
བསྒོམ་པར་བྱ་ཞིང་དེས་ཉེ་བར་གསལ་བར་བྱ་སྟེ་སྤྱན་མ། གཟུགས་རྡོ་རྗེ་མ། བྱམས་པ། ས་སྙིང༌། གཤིན་རྗེ་གཤེད། མི་གཡོ་བ་རྣམས་ལ་རྣམ་སྣང་གི་དབུ་རྒྱན་ནོ་འོ། །རིག་པ་ནི་མཱ་མ་ཀཱི་སྟེ་དེའི་རྒྱལ་པོ་ནི་འདིར་རིན་༼ཞེས་པ་ནི་འདི་རྡོ་རྗེའི་རིགས་འཛིན་པ་ཡང་ཡིན་པས་དེ་ལས་
དགར་བའོ། །༽ཆེན་འབྱུང་ལྡན་ནོ། །༼དེ་ལྟར་རང་རང་གི་དབུ་རྒྱན་བྱེད་པ་དེ་མཆོག་ཅེས་བྱ་སྟེ། གོང་དུ་ཤིན་ཏུ་དགའ་བར་གྱུར་པ་རྣམས་ཀྱི་ཡང༌། ཞེས་པ་འདིར་སྦྱར་ཏེ་ཤིན་ཏུ་ཡིད་དུ་འོང་བའོ། །༼དེ་ནི་ཆོས་མཆོག་རྣམས་ཏེ་གཙོ་བོར་གྱུར་པ་གང་ཡིན་པ་དེ་ནི་རིག་པའི་རྒྱལ་པོ་ཆོས་མཆོག་སྟེ། རིན་
པོ་ཆེའི་རིགས་དེ་རྣམས་ཀྱི་ནི། དཀོན་མཆོག་དབལ་ནི་རྣམ་པར་བསྒོམ་ཞེས་བྱ་བ་སྟེ། དབུ་རྒྱན་དུ་དཀོན་མཆོག་དབལ་གྱིས་དབང་༽དེ་ཆོས་མཆོག་སྟེ་མངའ་བདག་ཏུ་གང་ལ་ཡོད་པ་དེ་དག་ནི་རིགས་པའི་རྒྱལ་པོ་ཆོས་མཆོག་ཅན་རྣམས་ཏེ་རིན་པོ་ཆེའི་རིགས་ཅན་དེ་རྣམས་ལ་ཞེས་ཟེར། 
༽བསྐུར་བར་བྱབ་ནི། མཱ་མ་ཀཱི། སྒྲ་རྡོ་རྗེ་མ། ཕྱག་རྡོར། ནམ་སྙིང༌། གཞན་གྱིས་མི་ཐུབ་པ། འདོད་རྒྱལ་རྣམས་ལའོ། །རིག་པའི་རྒྱལ་མོ་ནི་གོས་དཀར་མོ་སྟེ། དེའི་སྦྱོར་བ་ལ་ཞེས་བྱ་བ་ནི་འབྲེལ་བས་འབྲེལ་བ་གང་ཡིན་པ་དེ་ནི། རིག་པའི་རྒྱལ་མོ་སྦྱོར་བ་
སྟེ། པདྨའི་རིགས་དེ་རྣམས་ཀྱི་སྤྱི་བོར་ནི། ༼རྒྱུད་རྡོར་འཕྲེང་ལས། དྲི་རྡོ་རྗེ་མ་རིན་པོ་ཆེའི་རིགས་སུ་བཤད་ལ། ཕྱག་རྡོར་རིགས་གཉིས་པར་བཤད་པས་དེ་གཉིས་ནི་རིགས་གཉིས་པའོ། །༸དེའི་སྦྱོར་བ་ནི་འཚོགས་ཤིང་འབྲེལ་བ་གང་ཡིན་པ་དེ་ནི་ཞེས་ཟེར་ཏེ། གོས་དཀར་མོ་དང་ཡབ་ཡུམ་དུ་འཚོགས་
4-2-354a


ཤིང་འབྲེལ་བ་སྣང་མཐའོ། །༽ཚེ་དཔག་མེད་པ་རབ་ཏུ་བསྒོམ་ཞེས་བྱ་བ་སྟེ། དབུ་རྒྱན་དུ་ཚེ་དཔག་མེད་གཞག་པར་བྱབ་ནི་གོས་དཀར་མོ། །དྲི་རྡོ་རྗེ་མ། འཇིག་རྟེན་དབང་ཕྱུག། འཇམ་དབྱངས། རྟ་མགྲིན། དབྱུག་སྔོན་རྣམས་ལའོ། །ཐམས་ཅད་ལས་
བྱེད་སྔགས་རྣམས་ལ། །ཞེས་བྱ་བ་ནི། ལས་ཀྱི་རིགས་རྣམས་ཏེ་སྒྲོལ་མ། རོ་རྡོ་རྗེ་མ། སྒྲིབ་སེལ། ཀུན་བཟང༌། བགེགས་མཐར་བྱེད། སྟོབས་པོ་ཆེ་སྟེ། དེ་རྣམས་ཀྱི་སྤྱི་བོར་ནི། གདོན་༼རྒྱུད་རྡོར་འཕྲེང་ལས། འཇམ་དཔལ་རྡོ་རྗེའི་རིགས་སུ་བཤད་པས་རིགས་གཉིས་པའོ། །༽
མི་ཟ་བའི་ཡེ་ཤེས་བསྒོམ། །ཞེས་བྱ་བ་སྟེ་དབུ་རྒྱན་ལའོ།། ༈ སྔགས་རྣམས་ཐམས་ཅད་ཉིད་ལ་ནི། །ཞེས་པ། རྣམ་པར་སྣང་མཛད་ལ་སོགས་པ་བདག་པོ་ལྔ་ལ་ནི། རྡོ་རྗེ་སེམས་དཔའ་རྣམ་པར་བསྒོམ། །ཞེས་བྱ་སྟེ་དབུ་རྒྱན་
ལ་མི་བསྐྱོད་པ་རྣམ་པར་བསྒོམ་པར་བྱའོ། །༼རྒྱུད་རྡོར་འཕྲེང་ལས། རེག་བྱ་རྡོ་རྗེ་མ་ཡང་དོན་གྲུབ་ཀྱི་རིགས་སུ་བཤད་དེ་རིགས་གཉིས་པའོ།། ༈ གནོད་སྦྱིན་མོ་ནི་རྡོ་རྗེ་མཁའ་འགྲོ་མ་ལ་སོགས་པ་སྟེ། དེ་རྣམས་ཀྱི་སྔགས་ནི་སྐྱེད་པའི་༼
ཁྲོ་བོ་བཅུའི་ཁྲོ་བོ་གཉིས་གཉིས་རྣམ་སྣང་ནས་མི་བསྐྱོད་པའི་བར་ལྔའི་རིགས་སུ་རྒྱུད་རྡོར་འཕྲེང་ལས་གསུངས་སོ།།  ༽ས་བོན་དང་ལ་སོགས་པས་བཟླས་པའི་སྔགས་སོ་འོ། །དེའི་༼རྡོ་རྗེ་རོ་ལངས་མ་ཟེར། ༽རྒྱུད་ནི་སྒྲུབ་པའི་ཕྱག་རྒྱའི་གཟུགས་གང་
ཡིན་པ་སྟེ། གནོད་སྦྱིན་མོའི་དེ་རྣམས་ཀྱི་སྔགས་དང་རྒྱུད་ཀྱི་དབང་བསྐུར་བའི་གནས་སུ་ནི། གཤིན་རྗེ་གཤེད་ཉིད་བརྟག་པར་བྱ་ཞིང་སྟེ་དབུ་རྒྱན་དུ་གཞག་༼དེས་ཕྱག་རྒྱའི་གཟུགས་གང་དུ་བརྒྱུད་པར་བྱ་ཞིང་། བསྒྲུབ་པར་བྱ་བ་ཟེར། ༽པར་བྱའོ། ། 
4-2-354b


༈ སྔགས་རྣམས་ཞེས་བྱ་བ་ལ་སོགས་པ་ལ་བཤད་མ་ཐག་པའི་དབང་བསྐུར་བ་ཐམས་ཅད་ལ་སྦྱོར་བས་ན་སྦྱོར་བ་སྟེ། དེ་རྣམས་ཀྱི་སྦྱོར་བའི་སྔགས་ཏེ་ལྷ་རྣམས་ལ་ནི། སྤྱི་བོར་གནས་པའི་བསྐུལ་བ་སྟེ། རྣམ་སྣང་ལ་སོགས་པའི་རིགས་
བདག་ལྔ་རང་རང་གི་ཕྱག་རྒྱ་སྤྱན་མ་སོགས་དང་བཅས་པར་སྙོམས་པར་ཞུགས་པས་རྒྱས་གདབ་བྱའི་ལྷ་རྣམས་ཀྱིས་བདེ་བ་ཆེན་པོ་༼སྦྱོར་སྔགས་སྤྱི་བོ་པ་དག་རྣམས། །ཐམས་ཅད་ལ་ནི་བསྐུལ་བ་ཤིས། །ཞེས་པའི་སྦྱོར་སྔགས་ཞེས་པ་འགྲེལ་པའི་བཤད་པ་དང་མཐུན་ནོ། །
༽རྗེས་སུ་མྱོང་བ་ཤིས་ཏེ་ཚིམ་པར་བྱེད་པ་ཡིན་ནོ་ཞེས། བཅོམ་ལྡན་འདས་དམ་ཚིག་ཆེན་པོ་སྟེ་རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ།། ༈ བསམ་གཏན་ཞེས་བྱ་བ་ལ་སོགས་པ་ལ། དབང་བསྐུར་བའི་བསམ་གཏན་རྒྱས་པར་བཤད་
མ་ཐག་པའི་རིགས་བདག་གིས་དབང་བསྐུར་བ་འདི་ཡིས་སོ། །སྔགས་ནི་ལྷ་རྣམས་ཏེ་དེ་རྣམས་ཀྱི་མཉེས་པ་དང༌། དཀྱིལ་འཁོར་ནི་མཉེས་པར་བྱེད་པའི་སྔགས་ཏེ་སྙིང་པོའོ། །དེ་འཁོར་ཏེ་ལེན་ཅིང་འཛིན་པར་བྱེད་པས་ན་དཀྱིལ་འཁོར་རོ། །དམ་ཚིག་ཆེན་
པོ་སྒྲུབ་བྱེད་པ། །ཞེས་བྱ་བ་ལ། དམ་ཚིག་ཆེན་པོ་ནི་ཕྱག་རྒྱ་ཆེན་པོ་སྟེ། དེ་སྒྲུབ་ཅིང་སྟེ་སྐྱེད་པར་བྱེད་པའོ། །༼དེ་རྣམས་མཉེས་པའི་དཀྱིལ་འཁོར་ནི་མཉེས་པར་བྱ་བ་ལ། དཀྱིལ་ཏེ་སྙིང་པོའོ་ཟེར་༽སྒྲུབ་པ་པོ་རྣམས་ནི་སློབ་པར་བྱེད་བཞིན་པ་རྣམས་
སོ། །དེ་ལ་ཕན་པ་ནི་ཕན་པ་སྐྱེད་པར་བྱེད་པ་སྟེ་དེ་གསུངས་པའོ།། ༈ ད་ནི་ཁྱེའུ་དང་བུ་མོ་མཚན་ཉིད་དང་ལྡན་པའི་སྣོད་ལ་ཡེ་ཤེས་དབབ་པའི་ཆོ་ག་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། བགེགས་ཐམས་
4-2-355a


ཅད་ཉེ་བར་ཞི་བར་མཛད་པས་ན་སྟོན་པའོ། །ཁམས་གསུམ་གྱི་བདག་པོར་གྱུར་པས་ན་གཙོ་བོའོ། །ཆོས་རྣམས་ཀུན་ནི་གཟུགས་ཀྱི་ཕུང་པོ་ལ་སོགས་པའི་ངོ་བོ་དཀྱིལ་འཁོར་པའི་ལྷ་སྟེ། དེ་རྣམས་ཀྱི་གཙོ་བོ་ཡིན་པས་ན་ཆོས་རྣམས་
ཀུན་གྱི་དབང་ཕྱུག་གོ། རྡོ་རྗེ་གསུམ་༼ཨུ་པ་ས་མ་ཀ་ར་ཏཏ་ཤསྟ་༽མི་ཕྱེད་པའི་ངོ་བོ་ཉིད་ཀྱི་བདག་ཉིད་ཅན་ཡིན་པས་ན། སྐུ་དང་གསུང་དང་ཐུགས་ཡོངས་སུ་དག་པས་སོ། །ཡེ་ཤེས་རྡོ་རྗེ་ནི་ཡེ་ཤེས་ཕབ་པ་ལ་བརྟེན་ནས་འདས་པ་ལ་སོགས་པ་ཡོངས་སུ་
མཁྱེན་པའི་ཆོ་ག་མི་ཕྱེད་པ་སྟེ། དེ་གསུངས་པ་ནི་བཀའ་སྩལ་པའོ།། ༈ རི་རྩེ་ཞེས་བྱ་བ་ལ་སོགས་པ་ལ། རི་བོ་དང་མཐོ་བར་འདྲ་བས་ན་རི་སྟེ་ཁང་པ་རྩེག་མ་ཆེན་པོའོ། །དེའི་རྩེ་མོ་སྟེ་སྟེང་གི་ས་ཕྱོགས་དང༌། ཉམས་ནི་དགའ་བ་དང་ཞེས་བྱ་སྟེ་
གནས་དག་དང༌། ནགས་ཚལ་ཏེ་སྐྱེད་མོས་ཚལ་ལ་སོགས་པ་རྣམས་དང༌། དབེན་པར་ནི་ཞེས་བྱ་བ་ནི་སྐྱེ་བོའི་འདུ་འཛི་དང་བྲལ་བ་རྣམས་ཏེ་དེ་དག་དང༌། ཡིད་དང་རྗེས་སུ་མཐུན་པའི་གནས་གཞན་གང་ཡང་རུང་བར། སྒྲུབ་པ་པོས་མངོན་སུམ་དུ་བྱ་བའི་ཕྱིར། 
བསམ་གཏན་རྡོ་རྗེ་སྟེ་སྔགས་དང་ཡེ་ཤེས་ཀྱི་སྐུའི་ཕྱག་རྒྱ་ཆེན་པོ་རྣམ་པ་གཉིས་ལ་རིམ་གཉིས་ཀྱི་རྣལ་འབྱོར་པས་སོ་སོར་དམིགས་པར་བྱའོ། །༼འདི་ལ་མཉམ་པར་གཞག་པར་བྱ་བའི་ཕྱིར་དང་། ནུས་པ་བསྒྲུབ་པར་བྱ་བའི་ཕྱིར། ཞེས་པ་གསུམ་བྱུང་ཡང་ཕྱི་མ་ལྟར་རོ། །
༽སྔགས་དང་བཟླས་པའི་སྦྱོར་བས་སོ། །ཞེས་བྱ་བ་ལ། སྔགས་ནི་ངག་གི་བཟླས་བརྗོད་དོ། །བཟླས་པ་ནི་རྡོ་རྗེའི་བཟླས་པའོ། །དེ་གཉི་གའི་སྦྱོར་བ་ནི་ཉམས་སུ་བླང་བའོ། །དགོས་པ་ཅིའི་ཕྱིར་སྐུ་གཉིས་ལ་དམིགས་ནས་བཟླས་པ་གཉིས་པོ་འདི་ལྟར་བྱ་ཞེ་ན།
4-2-355b


རྡོ་རྗེ་སེམས་དཔའ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་སེམས་དཔའ་ལ་སོགས་ཀུན། །ཞེས་བྱ་བ་ནི། མི་བསྐྱོད་པ་ལ་སོགས་པའོ། །སྔགས་ཀྱི་བསམ་གཏན་གྱིས་བསྐུལ་བས་ཞེས་བྱ་བ་ནི། རྣལ་འབྱོར་པ་རང་རང་གི་སྔགས་དང༌། རང་རང་གི་ལྷའི་སྐུའི་
ཕྱག་རྒྱ་ལ་དམིགས་པས་རབ་ཏུ་བསྐུལ་ཞིང་རྦོད་པས་སོ། །གསུང་གི་ལས་ཀྱི་བཀའ་བཞིན་དུ། །ཞེས་བྱ་བ་ནི། གསུང་གི་ལས་ཀྱི་བྱ་བ་གང་དང་འབྲེལ་བ་དེ་ནི་གསུང་གི་ལས་ཏེ། འོད་དཔག་ཏུ་མེད་པ་སྟེ་དེའི་བཀའ་ཇི་བཞིན་དུའོ། །ལས་རྣམས་སྣ་ཚོགས་བྱེད་པར་
འགྱུར། །ཞེས་བྱ་བ་ནི། ལས་ཀྱི་ལམ་རྣམ་པ་སྣ་ཚོགས་བྱེད་ཅིང་སྒྲུབ་པར་འགྱུར་བའོ།། ༈ དེ་ལྟར་སྔོན་དུ་བྱས་པ་ལ་སྤྱོད་པའི་སྒྲུབ་པ་པོས། བདག་ཉིད་མི་བསྐྱོད་པའི་སྦྱོར་བ་དང་ལྡན་པས་ཡེ་ཤེས་དབབ་པའི་ཡུལ་དེ་བཞིན་ཉིད་དང༌། ཟླ་བ་
དང་ས་བོན་དང་ཕྱག་མཚན་གྱི་མཚན་མའི་༼འདིར་སྔོན་དུ་རང་གི་ལྷའི་སྔགས་ལ་ཡི་གེ་བཞི་པོ་གདགས་ལ་འབུམ་བཟླ་ཞིང་དེའི་བཅུ་ཆའི་སྦྱིན་བསྲེག་བྱ། ལས་ཚོགས་གཞན་ལ་བཤད་པ་ལྟར་གྱི་བསྐྱེད་རིམ་བརྟན་པ་དང༌། སྤྱོད་པ་བྱ་བ་ཡང་སྔོན་དུ་འགྲོ་དགོས་ཏེ། ཡེ་ཤེས་པ་བཤད་ཚོད་
བཞིན་ཕེབས་པ་ལ་དེ་རྣམས་དགོས་སོ། །༼རིམ་གྱིས་རྡོ་རྗེ་ཆོས་ཀྱི་གཟུགས་ཆེན་པོ། །པདྨ་རཱ་གའི་འོད་དང་འདྲ་བར་བསམས་ལ། མགོ་ལ་ཧཱཿདང་ལྐོག་མ་ལ་ཨཱཿདང་སྙིང་གལ་ཧཱུྃ་འི་ཕྱོགས་རྣམས་སུ་ཡི་གེ་གསུམ་བཀོད་ནས། 
དེར་སྐུ་གསུང་ཐུགས་ཀྱི་རྡོ་རྗེ་ཆེ། །ཞེས་བྱ་བའི་དགོད་པ་སྟེ་ཚོགས་གསུམ་ཡི་གེ་གསུམ་གྱི་ནང་དུ་ཐིམ་པར་བསམས་ཏེ། འདི་ནི་གནས་གསུམ་དུ་ནི་རིགས་བརྟག་གོ། ཞེས་བྱ་བ་ཡིན་ནོ།། ༈ དེ་ལྟར་སྣོད་ཡོངས་སུ་སྦྱང་བའི་བསྐྱེད་ཆོག་
4-2-356a


བྱས་ནས། དབབ་པའི་ཆོ་ག་འོག་ནས་བཤད་པ་ཐམས་ཅད་ནི་བྱས་ཤིང་བསྒྲུབས་ན། གདོན་མི་ཟ་བར་གཅིག་ཏུ་འགྲུབ་པར་འགྱུར་ཞིང་རབ་ཏུ་འགྲུབ་པར་ཉེ་བར་འགྲོའོ། །བསྐུལ་དང་ཞེས་བྱ་བ་ལ། བསྐུལ་བ་ནི་འགུལ་བ་
དང་གཡོ་བ་བསྐྱེད་པའོ། །རེངས་པ་ཞེས་བྱ་བ་ནི་ལྷའི་བཀས་དང་པོ་སྣོད་ཀྱི་ཐ་མལ་པའི་ང་རྒྱལ་བསལ་ནས། ཤིང་ལྟར་མི་གཡོ་བར་བྱས་༼གཡོ་དང་རེངས་ཞེས་བྱ་བ་ལ་སོགས་པ་ལ། གཡོ་བ་ནི་འཕར་བ་དང་འདར་བ་དང་འཁོར་བའོ་ཟེར། །༼པའི་གནས་༽
རེངས་པ་ནི་ལྷ་ཕབ་པའི་སྔོན་རོལ་ཏུ་སྣོད་ཐ་མལ་བའི་ངར་འཛིན་བསལ་ནས། ཤིང་ལྟར་མི་གཡོ་བའི་ངོ་བོར་གནས་པའི་གནས་སྐབས་སོ། །ཞེས་པ་ལྟར་ཏེ། སྣོད་མངོན་བྱང་ལྔས་སྣང་མཐར་བསྐྱེད་དེ། ཐ་མལ་གྱི་རྟོག་པས་མི་གཡོ་བར་བྱས་པའོ། །༽སྐབས་སོ། །ལྷ་ཆེན་པོ་
ནི་རྡོ་རྗེ་སེམས་དཔའ་ལ་སོགས་པ་འཇིག་རྟེན་ལས་འདས་པའི་ལྷ་རྣམས་རབ་ཏུ་ཞུགས་ནས་བབས་པའི་སྐད་ཅིག་ལ་ལུས་ལ་ལྷ་བཞུགས་པའོ། །ལྷ་ཆེན་པོ་དེས་འདས་པ་ལ་སོགས་པའི་དོན་ཇི་ལྟ་བ་བཞིན་དུ་སྟོན་པ་ནི། འཕགས་པའི་ལམ་
དེ་དབབ་པ་བཞི་པོ་དེ་དག་ནི། གང་ཞིག་རྡོ་རྗེ་གྲུབ་པའི་ངོ་བོ་ཉིད་གང་ཡིན་པའི་རྡོ་རྗེ་གྲུབ་པ་དེས། བརྟུལ་ཞུགས་ཀྱི་སྤྱོད་པ་བྱང་བར་གྱུར་པས་དེ་ལྟར་བྱས་ན་རྟག་པར་འགྲུབ་པར་འགྱུར་ཞིང༌། རབ་ཏུ་འགྲུབ་པར་ཉེ་བར་འགྲོ་བར་འགྱུར་རོ། ། 
༈ སྣོད་ཀྱི་མཚན་ཉིད་བསྟན་པར་བྱ་བའི་ཕྱིར། བུ་མོ་ཞེས་བྱ་བ་ལ་སོགས་པ་གསུངས་ཏེ། བུ་མོ་ལོ་གྲངས་བཅུ་གཉིས་ཀྱི་ཚད་ལ་གཞོན་ནུ་མའི་ཚུལ་མ་ཉམས་ཤིང་གཙང་བའམ། ཁྱེའུ་ལོ་དེའི་ཚད་ཙམ་ལ་བུད་མེད་ཀྱི་ཡུལ་དང་མ་འཕྲད་
4-2-356b


པ་མཚན་ཉིད་ཐམས་ཅད་ཡོངས་སུ་རྫོགས་པ་སྟེ། ཡན་ལག་དང་ཉིང་ལག་མ་ཚང་བ་མེད་པ་བཟུང་ནས། སྔར་བཤད་པའི་རིམ་གྱིས་མངོན་པར་སྦྱངས་ལ། དབབ་པ་བཞི་པོ་རབ་ཏུ་བརྟག་པར་བྱའོ། །ཆོ་ག་ཐམས་ཅད་བྱས་ནས་ནི། །ཞེས་བྱ་བ་ནི། སྣོད་
མངོན་པར་སྦྱང་བ་ལ་སོགས་པ་དང་པོ་བྱས་ཤིང་རྫོགས་ནས་སོ། །ལས་རྣམས་རབ་ཏུ་བསྒྲུབ་པར་བྱ། །ཞེས་བྱ་བ་ནི། དེའི་འོག་ཏུ་དབབ་པའི་ལས་རབ་ཏུ་བསྒྲུབ་པར་བྱ་བའོ།། ༈ རྣམ་པ་གཞན་དུ་བྱས་ན་ནི། །ཁམས་གསུམ་སྐྱེ་བོས་
དཔྱས་པར་འགྱུར། །ཞེས་བྱ་བ་སྟེ། ཡེ་ཤེས་འབེབས་ཚུལ་སྔར་བཤད་པ་དེ་ལྟར་མ་བྱས་ན་མཆོག་དང་འབྲིང་དང༌། ཐ་མའི་ཁམས་གསུམ་པའི་སྐྱེ་བོས་དཔྱས་ཤིང་སྨད་པར་འགྱུར་རོ།། ༈ དབབ་པའི་ཆོ་ག་དེ་ལ་ནི་སྙིང་པོའི་སྔགས་ཀྱི་ཚིག་འདི་
དག་ཡིན་ཏེ་ཞེས་བྱ་བ་ནི། ཐུགས་ལས་བྱུང་བའི་ཕྱིར་སྙིང་པོའོ། །སྣོད་མིན་ལ་གསང་བ་ཡིན་པས་ན་སྔགས་སོ། །ཡི་གེ་ནི་ཧཱུྃ་ལ་སོགས་པ་བཞིའོ། །དེ་རྣམས་ཉིད་ཚིག་སྟེ་དབབ་པའི་གཞིར་གྱུར་པས་སོ། །སྒྲུབ་པ་པོས་རིམ་པ་འདིས་དབབ་པར་བྱའོ། །
དེ་ལྟར་བྱས་པས་ཕབ་པའི་སྣོད་ནི་ནམ་མཁའི་ཁམས་ནི་ཞེས་བྱ་བ་ལ་སོགས་པ་ལ། ཡུལ་ལ་ཕྱིར་འཕྱར་བའི་རྣམ་པར་ཤེས་པ་དང་བྲལ་བས་ནམ་མཁའི་ཁམས་༼ཚིག་གིས་སྐད་དོད་བཱ་ད་ནི་ཚིག་ལ་འགྲོ་ཡང་འདིར་གནས་ལ་བསྒྱུར་དགོས་སོ། །༽ལྟར་སྟོང་
པར་གྱུར་ལ། སེམས་མེད་ཅིང་སྟེ་ཤི་བའི་ལུས་ལྟ་བུར་རེ་ཞིག་མི་གཡོ་ལ། དེ་ནས་འཕར་བ་སོགས་འབྱུང་ངོ་འོ། །རྟོག་པ་ཐམས་ཅད་རྣམ་སྤངས་དང༌། །ཞེས་པ་ནི། རྟོག་པ་དང་བྲལ་བའོ། །རྡོ་རྗེ་སེམས་དཔའ་བདག་ཉིད་ཀྱང༌། །ཞེས་པ་ནི།
4-2-357a


རྡོ་རྗེ་སེམས་དཔའ་འང་མངོན་སུམ་དུ་བབས་པར་འགྱུར་རོ། །ཞེས་སྒོམ་པའི་ཆེ་བའི་བདག་ཉིད་གསལ་བར་བྱས་པ་ཡིན་ནོ། །ཆོ་ག་བཞིན་དུས་བྱས་ན་འབབ། །ཅེས་བྱ་བ་ནི་དབབ་པའི་ཆོ་གས་འབབ་པའོ། །ཡི་གེ་བཞི་འགོད་
པའི་དགོས་པ་བསྟན་པར་བྱ་བའི་ཕྱིར། ཧཱུཾ་ནི་ཞེས་བྱ་བ་ལ་སོགས་པ་གསུངས་ཏེ། ཧཱུཾ་ལ་ནི་རྡོ་རྗེ་སེམས་དཔའི་བདག་ཉིད་དེ། ཐུགས་རྡོ་རྗེ་བཞུགས་ལ། ཧཱ་ལ་ནི་སྐུ་རྡོ་རྗེ་བཞུགས་ལ། ཨཱཿལ་ནི་ཆོས་འཛིན་པའི་རྒྱལ་པོ་སྟེ་འོད་དཔག་ཏུ་མེད་པ་བཞུགས་ཏེ། 
འདི་ནི་གསང་ཚིག་བསྟན་པའོ། །ཞེས་བྱ་བ་ལ། ཡི་གེ་གསུམ་གྱི་གསང་ཚིག་བསྟན་པ་འདི་གང་ཡིན་སྙམ་ན། གསང་ཚིག་བསྟན་པ་ནི་ཡེ་ཤེས་དབབ་པའི་ཡུལ་ལ་བསྟན་པའོ་ལོ། །ཛྷཱཻཿནི་སྐུལ་བར་བྱེད་པར་བཤད། །ཅེས་བྱ་བ་སྟེ། སྐུལ་བ་སྟེ་
འཕགས་པ་སྐྱེད་ཅེས་བྱ་བར་བཤད་དོ། །འགུལ་བ་ནི་འཁོར་ལོ་བཞིན་དུ་འཁོར་བའོ། །གཡོ་བ་ནི་བསྐྱོད་པ་སྟེ། དེ་དག་ལ་ཡང་ཛྷཱཻཿཞེས་པ་ཉིད་བསྐུལ་བ་ཡིན་པར་བཤད་དེ། ཛྷཱཻཿཞེས་བྱ་བ་འདི་ཉིད་ཀྱིས་སྐུལ་བ་ཐམས་ཅད་ནི་སྟེ། སྐུལ་བ་ལ་
སོགས་པ་གསུམ་ལ་ཡང་གསང་བ་སྟེ། སྙིང་པོར་གྱུར་པ་ཡིན་པར་བཤད་དོ། །དེ་ལྟར་བཤད་པའི་ཆོ་གས་བབས་པར་གྱུར་ནས། ས་གཞི་ལས་ཁྲུ་གང་ཙམ་མམ་དེ་ལས་ལྷག་པར་ནམ་མཁའ་ལ་འཕགས་༼རེངས་པ་ལ་སོགས་པ་གསུམ་ལ་ཡང་ཟེར། 
༽པར་འགྱུར་རོ། །རྡོ་རྗེ་སེམས་དཔའ་སྟེ་མི་བསྐྱོད་པའི་ཏིང་ངེ་འཛིན་དང༌། ཡི་གེ་ཧཱུྃ་གིས་རབ་ཏུ་བསྐུལ་ཞིང་གསལ་བར་བྱས་པས། ལྷ་རྣམས་རྡོ་རྗེ་སེམས་དཔའི་བཀའ་ལས་འདས་པས། འཇིགས་ཤིང་སྐྲག་ལ་འཁྲུལ་བས་འཕར་བར་འགྱུར་
4-2-357b


རོ། །སྔ་མ་བཞིན་དུ་ཞེས་བྱ་བ་ལ་སོགས་པ་ལ། ས་བོན་ཐ་མ་ཛྷཱཻཿའདིའི་ཇི་ལྟར་རྣམ་པ་གང་གིས་གསང་བ་ཐོབ་པ་སྟེ། འབེབས་པར་བྱེད་པ་དེ་བཞིན་དུ། ས་བོན་ལྷག་མ་གསུམ་ཡང་ཇི་ལྟར་ཐ་མ་ཨཱཿནས་བརྩམས་ཏེ། ས་བོན་དང་པོ་ཧཱུཾ་གྱི་
འི་བར་དུ་དེ་དང་འདྲ་བར་འབེབས་པར་བྱེད་པའོ།། ༈ འདིར་མདོར་བསྡུས་པ་ནི་འདི་དག་ཡིན་ཏེ། དེ་ལ་དང་པོར་སྒྲུབ་པ་པོས་རི་བོ་ལ་སོགས་པ་ཡིད་དུ་འོང་བའི་གནས་སུ། སྔོན་དུ་བྱ་བའི་སྤྱོད་པ་བྱས་ཤིང༌། ལྷའི་རྣལ་འབྱོར་ལ་སེམས་
བརྟན་པས་སྣོད་ལ་དབབ་པར་འདོད་པས། རང་མི་བསྐྱོད་པའི་ཏིང་ངེ་འཛིན་ཇི་ལྟ་བ་བཞིན་དུ་དམིགས་ཏེ། མཚན་ཉིད་དང་ལྡན་པའི་སྣོད་ལྷག་པར་གནས་པའི་ཆོ་ག་བྱས་ནས། འོད་དཔག་ཏུ་མེད་པ་ཇི་ལྟ་བ་བཞིན་དུ་བསྐྱེད་པར་བྱས་ཏེ། སྤྱི་བོ་
དང་ལྐོག་མ་དང་སྙིང་ག་རྣམས་སུ་ཡི་གེ་གསུམ་བཀོད་ནས། ཡི་གེ་གསུམ་པོ་དེར་དགོད་པ་རྡོ་རྗེ་གསུམ་ནང་དུ་བསྟིམས་ཏེ། སྣོད་༼ལྷག་པར་རྙེད་པར་བྱས་ཏེ་ཟེར། ༽ཀྱི་རྐང་པའི་མཐིལ་ནས་ཁོང་སྟོང་ལྟ་བུར་བསམས་ལ། འོག་ཏུ་རླུང་
དང་མེའི་དཀྱིལ་འཁོར་གྱི་སྟེང་ན། རྐང་མཐིལ་དུ་གནས་པའི་ཡི་གེ་ཛྷཱཻཿདམར་པོ་ལས་བྱུང་བའི་འོད་ཟེར་ཁ་གྱེན་དུ་བལྟས་པའི་ཚོགས་༼དེ་ནས་རེངས་པར་འགྱུར་རོ་ཟེར། ༽རྣམས། རྐང་པའི་མཐིལ་གྱི་དབུས་སུ་ཞུགས་ནས། སྤྱི་བོའི་གཙུག་
ཏུ་ཕྱིན་པས་ལུས་ཤེལ་སྒོང་ལྟར་ཡང་དག་པར་སྦྱངས་ནས། ཡེ་ཤེས་ཀྱི་ངོ་བོར་གྱུར་པའི་སེམས་དཔའ་སྣང་མཐའ་འོད་གསལ་བར་གཞུག་པར་བྱའོ། །དེ་ནས་ནི་འགུལ་བར་འགྱུར་ཏེ། ༼ཡང་ལྡང་བའི་སྣོད་ཟེར། ༽ཡང༌འོད་གསལ་དུ་བཅུག་
4-2-358a


པ་དེ་ལྡང་བར་བྱ་བསྟེ། དེ་ལས་ལངས་པའི་སྣོད་སྣང་མཐར་བསྒོམ་པའི་ཕྱིར་སྣོད་ཀྱི་སྙིང་གའི་པདྨའི་སྟེང་དུ་ཡི་གེ་ཧཱུཾ་བསམས་ལ། དེ་ཡོངས་སུ་གྱུར་པ་ལས་བྱུང་བའི་རྡོ་རྗེ་སེམས་དཔའ་སྟེ་མི་བསྐྱོད་པ་བསྒོམ་པར་བྱའོ། །
དེ་བཞིན་དུ་མགོ་ལ་ཧཿཡོངས་སུ་གྱུར་པ་ལས་བྱུང་བའི་སྐུ་རྡོ་རྗེའོ། །ཡང་ལྐོག་མར་ཨཱཿལས་བྱུང་བའི་འོད་དཔག་ཏུ་མེད་པ་དེ་རྡོ་རྗེ་གསུམ་ཡུམ་དང་བཅས་པ་བསྒོམས་ལ། ཡང་ཛྷཱཻཿའི་འོད་ཀྱིས་རྡོ་རྗེ་གསུམ་ཡབ་ཡུམ་ཡང་དག་པར་བསྐུལ་ལ། 
དེ་གསུམ་སྙོམས་པར་ཞུགས་པ་ལས་ཐབས་ཀྱི་ཡེ་ཤེས་བྱང་སེམས་ཀུནྡ་ལྟ་བུ་འབྱུང་བར་བྱས་ནས། དེའི་རྒྱུན་བབས་པས་ལུས་གང་བར་བསམས་ན། ལྷ་ཆེན་པོའི་གནས་སྐབས་ཐོབ་པར་འགྱུར་རོ། །སྣོད་ལ་བབས་པར་ཤེས་ནས་བསྐུལ་བ་སྟེ་གཡོ་
བ་ལ་སོགས་པ་བྱ་བའི་ཕྱིར། ཧཱུཾ་ལ་སོགས་པའི་ས་བོན་བཞི་དྲིལ་བུ་དཀྲོལ་བ་དང་བཅས་པས་བརྗོད་པར་བྱས་ལ་བརྩལ་ལོ། །དེ་ནས་འགུལ་བ་ལ་སོགས་པས་སྣོད་ལ་བབས་པ་བརྟན་པོར་གྱུར་པར་རྟོགས་ནས། འཕགས་པའི་ལམ་གྱི་གནས་
སྐབས་ལྐོག་ཏུ་གྱུར་པའི་དོན་ཤེས་པ་འཐོབ་པར་བྱ་བའི་ཕྱིར། ལྐོག་མའི་ཕྱོགས་ན་གནས་པའི་གསུང་༼ཞིང་འབད་རྩོལ་བྱའོ། །༽གི་རྡོ་རྗེ་ལ། སྙིང་གའི་ཕྱོགས་ཀྱི་ཐུགས་རྡོ་རྗེ་ལས་བྱུང་བའི་འོད་ཀྱི་ཚོགས་སྟེང་དུ་འགྲོ་བས་ཡང་དག་པར་
བསྐུལ་བར་གྱུར་པར་བསམས་ལ། བྲཱུ་ཧི་བཛྲ་རྡོ་རྗེ་སྨྲོས་ཤིག་ཞེས་བརྗོད་ན་དྲིས་པའི་དོན་བདེན་པར་གང་ཡིན་པ་དེ་སྟོན་པར་འགྱུར་རོ། །དེ་ལྟར་བྱས་ནས་དཀྱིལ་འཁོར་དུ་འཇུག་པའི་སྐབས་ཡིན་ན་མེ་ཏོག་དོར་བ་དང་ལ་སོགས་པས་དེ་
4-2-358b


མིན་ཀྱང་བྱ་བ་གཞན་བྱེད་པའི་དགོས་པ་བསྒྲུབས་ཏེ། ཧཱུཾ་ཧཿཨཱཿམུཿཞེས་བརྗོད་དེ་ལྷ་གཤེགས་སུ་གསོལ་ལ་སྣོད་རང་གི་གནས་སུ་བཞག་སྟེ། དེའི་གནས་གསུམ་དུ་ཡི་གེ་གསུམ་གྱི་གོ་ཆ་དང་ལ་སོགས་པ་མཱ་མ་ཀཱིའི་སྔགས་བཟླས་པས་བསྲུང་
བར་བྱའོ།། ༈ དེ་ལྟར་སྣོད་ལ་དབབ་པས་རང་གི་བྱ་བ་དང༌། གཞན་གྱི་བྱ་བ་གང་བྱ་རྒྱུ་ཡིན་པ་ངེས་པར་བྱས་ནས། གདུག་པ་འདུལ་བ་ལ་ཞུགས་པའི་སྒྲུབ་པ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་བཞིན་
གཤེགས་པ་ཀུན་ནི་སྤྱན་ལ་སོགས་པ་སྟེ། དེ་རྣམས་ཀྱི་བདག་པོའོ། །སྐུ་གསུམ་ནི་སྐུ་དང་གསུང་དང་ཐུགས་སོ། །དེའི་གནས་ནི་འོད་གསལ་བ་སྟེ་དེས་ཡོངས་སུ་དག་པས། གསུང་ནི་འདི་སྐད་བཀའ་སྩལ་པའོ།། ༈ རྩེ་གཅིག་མ་གྱུར་པ་ཡིས་ཀྱང༌། །
ཞེས་བྱ་བ་ནི། ཞིང་དང་ཚོང་དང་བསྙེན་བཀུར་ལ་སོགས་པ་ལ་ཞུགས་པ་རྣམས་ཀྱིས་ཀྱང་བརྟུལ་ཞུགས་བརྟན་པས་ཏེ་དགྲ་བོ་ཚར་གཅོད་པ་ལ་བརྩོན་པས་འདི་དག་བྱའོ། །སྦྱོར་བ་གཞན་མིན་པས་བྱ་བ། །ཞེས་པ་ནི། རྣམ་པར་སྣང་མཛད་ལ་སོགས་པ་
ནས། གནོད་མཛེས་ལ་ཐུག་པའི་བར་དེ་རྣམས་ཀྱི་སྦྱོར་བ་ནི་སྦྱོར་བ་གཞན་ཡིན་ཏེ། དེ་བས་ན་མི་བསྐྱོད་པའི་སྦྱོར་བས་གདུག་པ་རྣམ་པར་གཞིག་པ་འདི་བྱའོ་ཞེས་བྱ་བའི་བར་དུའོ། །མི་བསྐྱོད་པའི་རྣལ་འབྱོར་གྱིས་ཞེས་པ་ནི་དཀྱིལ་འཁོར་གྱི་གཙོ་བོ་ལ་དགོངས་ལ། 
དེ་ཡང་འདི་གཙོ་ཆེ་བར་སྟོན་གྱི་ངེས་པ་ནི་མ་ཡིན་ནོ།། ༈ འདིར་མི་བསྐྱོད་པ་ཤིན་ཏུ་དྲག་པོའི་ཏིང་ངེ་འཛིན་གཞན་གཉིས་སྔོན་དུ་བྱ། ལས་སྦྱོར་གྱི་དུས་སུ་དུར་ཁྲོད་ཅེས་བྱ་བ་ལ་སོགས་པ་ལ། དགྲ་བོའི་གཟུགས་བརྙན་དུར་ཁྲོད་ཀྱི་སོལ་བ་དང༌། དུག་དང་ད་ཏུ་
4-2-359a


ར་ཀ་དང་སྐེ་ཚེ་དང་ལན་ཚྭ་དང༌། ཡུངས་མར་དང་ལ་སོགས་པས་ཁྲག་ལས་བྱས་ནས་བཞག་སྟེ། མངོན་སྤྱོད་ཀྱི་རྫས་ཉིད་ཀྱིས་དུར་ཁྲོད་ཀྱི་རས་ལ་བསྒྲུབ་པར་བྱ་བའི་མིང་སྔགས་དང་སྤེལ་བ་བྲིས་ཏེ། ༼
སྔོན་པོ་འདབ་མ་གསུམ་པ་གཅིག་ཡིན་ཟེར། ༽བསྒྲུབ་པར་བྱའི་སྙིང་གར་བཅུག་ལ། རྫས་ལིང་ག་ལ་དེའི་རྣམ་ཤེས་དགུག་པ་དང་དོན་དུ་ཞེན་པ་སྔོན་དུ་འགྲོ་བས། ལྷོ་ཕྱོགས་སུ་ཁ་བལྟས་ལ་སྐྲ་བཤིག་ཅིང་གཅེར་བུར་བྱུང་
ནས། གཤིན་རྗེ་གཤེད་ལ་སོགས་པ་ཁྲོ་བོ་གང་ཡང་རུང་བའི་སྔགས་གསང་བའི་སྤེལ་ཚིག་དང་བཅས་པ་ཐུན་བཞིའམ་གསུམ་དུ་བཏོན་ན། ཁམས་གསུམ་དག་ཀྱང་འཇིག་པར་བྱེད་དོ། །ཞེས་བྱ་བ་ནི། ཤིན་ཏུ་ཁྱད་པར་དུ་འཕགས་པར་
གསུངས་པའོ། །དུར་ཁྲོད་རོ་བསྲེགས་ཞེས་བྱ་བ་ལ་སོགས་པ་ལ། རོ་བསྲེགས་པའི་ཐལ་བ་ཡུངས་མར་དང་སྦྲུས་པ་ལས་དགྲའི་གཟུགས་བརྙན་བྱས་ནས། དེའི་རྣམ་པར་ཤེས་པ་ནང་དུ་བཅུག་ལ། དེ་བཞིན་དུ་མི་བསྐྱོད་པའི་ཏིང་ངེ་
འཛིན་ལ་གནས་པའི་རྣལ་འབྱོར་པས། ཁྲོ་བོའི་སྔགས་སྟོང་ངམ་བརྒྱ་རྩ་བརྒྱད་དུ་བཟླས་པས་ཀྱང་ངེས་པར་འཆི་བར་འགྱུར་རོ།། ༈ དཀྱིལ་འཁོར་གྲུ་གསུམ་ཞེས་བྱ་བ་ལ་སོགས་པ་ལ། རོ་བསྲེགས་པའི་ཐལ་བ་ལས་
མེའི་དཀྱིལ་འཁོར་གྲུ་གསུམ་དུར་ཁྲོད་དུ་བྲིས་ལ། དེར་ཤིང་ཚེར་མ་ཅན་གྱིས་མེ་སྦར་ལ་བ་ལང་གི་ཤ་ལ་སོགས་པ་ལས། དགྲ་བོའི་གཟུགས་བརྙན་ཇི་ལྟ་བ་བཞིན་དུ་བྱས་ཏེ། དགུག་པ་ལ་སོགས་པ་སྔོན་དུ་འགྲོ་བས་སྔ་མ་
4-2-359b


བཞིན་དུ་སྔགས་བཟླས་ལ། གཏུབ་ཅིང་གཏུབ་ཅིང་མེ་ལ་སྦྱིན་སྲེག་བྱའོ། །གཞིག་པར་དཀའ་བའི་རྡོ་རྗེའང་གདོན་མི་ཟ་བར་འཇིག། ཅེས་བྱ་བ་ནི། ལས་ཀྱི་ཆེ་བའི་བདག་ཉིད་བསྟན་པའོ། །ཤ་ཆེན་ཞེས་བྱ་བ་ལ་སོགས་པ་ལ། སྲོག་འཇིག་པའི་ལས་གང་ཡིན་པ་ལ་
ཤ་ཆེན་པོ་ལས་སྔ་མ་བཞིན་དུ་བྱ་སྟེ། ཤ་ལས་བྱས་པའི་སྦྱོར་བ་ཐམས་ཅད་ཀྱི་ནང་ན། རྡོ་རྗེ་ལས་བྱུང་བ་ཤ་ཆེན་ལས་བྱས་པ་ནི། ཤིན་ཏུ་མི་བཟད་པ་ཡིན་པར་བཤད་དོ། །དེ་ཉིད་ཀྱི་ཕྱིར་འདི་ནི་དགྲ་རྣམས་ཐམས་ཅད་ཀྱི། འཇིག་པ་ཤིན་ཏུ་མི་བཟད་ཡིན། །
ཞེས་བྱ་བ་གསུངས་སོ། །དགྲའི་ཞེས་བྱ་བ་ལ་སོགས་པ་ལ། ཆོས་མཆོག་ཅན་ཏེ་སྨེ་ཤ་ཅན་ལ་སོགས་པའི་བཤང་བ་དང༌། གཅི་བ་ལས་དགྲའི་གཟུགས་བརྙན་བྱས་ལ། དགུག་པ་སྔོན་དུ་འགྲོ་བས་སྔགས་བཟླས་ཏེ། ཐབ་ཁུང་གྲུ་གསུམ་པའི་ནང་དུ་ཚེར་མའི་མེ་ལ་
གཏུབས་ཤིང་གཏུབས་ཤིང་བསྲེགས་ན། སངས་རྒྱས་དག་ཀྱང་ངེས་པར་འཇིག་པར་འགྱུར་རོ་ཞེས་གསུངས་སོ། །དགྲའི་གཟུགས་བརྙན་ཞེས་བྱ་བ་ལ་སོགས་པ་ལ། ཆུ་བོ་འབབ་པའི་འགྲམ་གཉིས་ཞེས་བྱ་བ་ནི། ནུབ་ཕྱོགས་ཀྱི་རྒྱ་མཚོ་འབབ་པའི་ཆུ་བོ་སྟེ། 
དེའི་འགྲམ་གཉིས་ཀྱི་ས་བླངས་ལ་དགྲའི་གཟུགས་བརྙན་བྱས་ཏེ། ཤྲིང་གི་ལ་སོགས་པའི་དུག་དང༌། པོ་སོ་འཆའི་ཚེར་མ་དང༌། སང་གོ་ཙ་སྦལ་པ་དཀར་པོ་ལ་སོགས་པའི་དུག་གམ། སརྦཱཾ་སྦྲུལ་ཀན་ཊ་ཀའི་དུག་ཏིལ་གྱི་འབྲས་བུ་ཙམ་གྱིས་གཟུགས་
བརྙན་གྱི་ལུས་བཀང་ལ། སྦས་ནས་ཆེ་གེ་མོ་མཱ་ར་ཡ་༼ཤྲིང་གི་ནི་དུག་དམར་པོ་སྟེ། བའི་རྭ་ལ་བསྐུས་ན་འོ་མ་དམར་པོར་འོང་བའི་དུག་གོ། ༽ཕཊ་ཅེས་བྱ་བས་བསྐུལ་ན། སངས་རྒྱས་ཀྱང་ངེས་པར་འཇིག་༼ཚེར་མ་ཅན་ཏེ་སྦྲུལ་རུས་པའི་མཆེ་བ་ཅན་ཡིན་ཟེར།
4-2-360a


༽པར་འགྱུར་རོ། །ཞེས་གསུངས་སོ། །སྐེ་ཚེ་ཞེས་བྱབ་ལ་སོགས་པ་ལ། སྐེ་ཚེ་ལ་སོགས་པའི་རྫས་རྣམས་ལས་དགྲའི་གཟུགས་བརྙན་བྱས་ལ། དེ་བཞིན་དུ་ཚེར་མ་ཅན་གྱི་མེ་ལ་སྦྱིན་བསྲེག་བྱ་སྟེ། འདི་ནི་སངས་རྒྱས་ཐམས་
ཅད་དེ། བསྒྲུབ་པར་བྱ་བ་ཉིད་དུ་མངོན་པར་འདོད་པ་རྣམས་ཀྱི་གསད་པར་བྱ་བ་ལ། འདི་དག་ཉིད་གཙོ་བོ་ཡིན་པར་བཤད་དོ། །གསོད་པའི་ལས་འདི་དག་ཐམས་ཅད་ཀྱང༌། དཀོན་མཆོག་གསུམ་ལ་གནོད་པ་བྱེད་པ་རྣམས་བཟློག་པར་བྱ་བའི་ཕྱིར། བསྐྱེད་པའི་རིམ་པ་
མཐར་ཕྱིན་པ་དང་ལྡན་པ་རྣམས་ཀྱིས་བྱ་བར་གསུངས་པ་ཡིན་ནོ།། ༈ རྫོགས་པའི་རིམ་པ་ལ་གནས་པའི་གསོད་པའི་ལས་ཀྱི་ངེས་དོན་ཀྱང་ལེའུ་དགུ་པ་ལས་གསུངས་པའི་ཚུལ་དུ་བྱ་བར་ཤེས་པར་བྱའོ།། ༈ སོལ་ཁུས་ཞེས་བྱ་བ་
ལ་སོགས་པ་ལ། དུར་ཁྲོད་ཀྱི་སོལ་བའི་ཁུ་བས་གཤེར་བར་བྱས་པའི་གོས་གྱོན་ལ། ལིང་ག་སྟེ་སེམས་ཁྲོས་པས། སྐེ་ཚེ་ལ་སོགས་པ་ལས་བྱས་པའི་དགྲ་བོའི་གཟུགས་བརྙན། མི་བསྐྱོད་པའི་སྦྱོར་བ་དང་ལྡན་པའི་རྐང་པས་མནན་ནས། ཆེ་གེ་མོ་
རཀྵ་སཻཿགྲིཧྣ་པ་ཡ་སྲིན་པོ་རྣམས་ཀྱིས་ཁྱེར་དུ་ཆུག་ཅེས་བྱ་བའི་བསྐུལ་བའི་ཚིག་དང་ལྡན་པར་གནོད་མཛེས་ཀྱི་སྔགས་བཟླས་ན་སྲིན་པོས་འཁྱེར་བར་འགྱུར་རོ། །རུས་ཕྱེ་ཞེས་བྱ་བ་ལ་སོགས་པ་ལ། མི་རུས་ཀྱི་ཕྱེ་མ་དང་ཁྲག་དང་དུག་རྣམས་ལས་
དགྲའི་གཟུགས་བརྙན་བྱས་ལ། བཤད་མ་ཐག་པའི་ཆོ་ག་བཞིན་དུ་མནན་ནས་བཟླས་བརྗོད་བྱའོ། །དེ་ལྟར་བྱས་པའི་སྦྱོར་བའི་ཆེ་བའི་མཐུ་བསྟན་པར་བྱ་བའི་ཕྱིར། རྡོ་རྗེ་སེམས་དཔའང་སྲིན་པོས་འཁྱེར་བར་འགྱུར་རོ། ཞེས་གསུངས་པ་ཡིན་ནོ། །སྐེ་ཚེ་
4-2-360b


ཞེས་བྱ་བ་ལ་སོགས་པ་ལ། སྐེ་ཚེ་དང་བཤང་གཅི་ལ་སོགས་པ་ལས་དགྲ་བོའི་གཟུགས་བརྙན་བྱས་ནས། དེ་བཞིན་དུ་རྐང་པས་ཡོངས་སུ་མནན་ལ། ཆེ་གེ་མོ་མ་ཧཱ་དཱ་ཧེ་ན་གྲིཧྣ་པ་ཡ་རབ་ཏུ་ཚ་བས་ཁྱེར་དུ་ཆུག་ཅིག་ཅེས་པ་དང༌། བདུད་རྩི་ཐབ་སྦྱོར་གྱི་སྔགས་
བརྗོད་ལ། བསྒྲུབ་པར་བྱ་བའི་ལུས་ལ་རིམས་དང་ཚ་བ་བསྐྱེད་པར་བྱའོ།། ༈ དེ་ལ་ཞེས་བྱ་བ་ལ་སོགས་པ་ལ། གང་བཤད་མ་ཐག་པའི་དྲག་པོའི་ལས་དེ་དག་ཐམས་ཅད་ལ། འོག་ནས་འཆད་པའི་དེ་བཞིན་གཤེགས་པ་ཐམས་ཅད་ཀྱི་དམ་
ཚིག་ཆེན་པོའི་རྡོ་རྗེ་ཁྲོ་བོ་ཞེས་བྱ་བ་བདུད་རྩི་ཐབས་སྦྱོར་ཏེ། དེའི་སྙིང་པོ་ནི་གསོད་པའི་ཡུལ་ལ་ཕྲེང་བའི་སྔགས་ཤིན་ཏུ་དམ་པར་གྱུར་པ་ཡིན་ཏེ། ན་མཿཞེས་བྱ་བ་ལ་སོགས་པ་སྔར་བཤད་པ་རྣམས་སོ། །སྦྱིན་སྲེག་ཅེས་བྱ་བ་ལ་སོགས་པ་ལ། སྦྱིན་སྲེག་གི་རྣམ་པ་ནི་
བཤད་ཟིན་ཏོ། །བསམ་གཏན་ནི་འོག་ནས་བཤད་པའི་མཚན་ཉིད་ཅན་ཏེ། སྦྱིན་སྲེག་དེའམ་བསམ་གཏན་དེ་ནི་ལུས་དང་ངག་སེམས་༼སྔགས་དམིགས་བསལ་མེད་པ་ཐམས་ཅད་ལ་བདུད་རྩི་འཁྱིལ་པའི་སྔགས་བཟླའོ། །དེ་ཡང་སརྦ་བིགྷྣཱན་ཞེས་པ་སྤངས་ལ། དེའི་ཚབ་མར་བསྒྲུབ་བྱའི་མིང་སྤེལ་ཚིག་དང་བཅས་པ་
གཞུག་གོ། ༽འཇིག་པ་སྟེ། དགྲ་བོའི་ལུས་ལ་སོགས་པ་འཇིག་པའོ། །མ་ཡེངས་པ་ཡི་སེམས་ཀྱིས་བྱ། །ཞེས་བྱ་བ་ནི། རྩེ་གཅིག་པའི་ཡིད་ཀྱིས་གསོད་པའི་ལས་ཀྱི་མཆོག་འདི་བྱའོ།། ༈ རྡོ་རྗེ་སེམས་དཔའ་ཞེས་བྱ་བ་ལ་སོགས་པ་ལ། གསད་
ལས་གང་བྱེད་ཀྱང་ལས་རྒྱལ་མཆོག་གི་དུས་སུ། རང་གི་ཕྱག་གཡས་ཀྱི་རྡོ་རྗེ་ལས་འོད་ཟེར་འཕྲོས་པས་སེམས་ཅན་ཐམས་ཅད་ཀྱི་རྒྱུད་ལ་ཡོད་པའི་ཞེ་སྡང་ཐམས་ཅད་འོད་ཟེར་ནག་པོའི་རྣམ་པར་གཅིག་ཏུ་བྱས་ཏེ་དྲངས་པ་ཡོངས་སུ་གྱུར་པ་ལས། འབྱུང་པོ་ནག་པོའི་གཟུགས་སུ་བསམས་ནས། དེ་བསྒྲུབ་
4-2-361a


བྱ་དགྲ་བོ་ལ་བསྟིམས་པས་དགྲ་བོ་དེ་རྡོ་རྗེ་སེམས་དཔའ་སྟེ། །རྡོ་རྗེ་གནོད་སྦྱིན་སྲིན་པོའི་གཟུགས་ཅན་སྟོབས་ཆེ་ཞིང་ཕ་རོལ་གནོན་པ་ལ། རྣམ་པར་བགྲད་པ་འཇིགས་འཇིགས་ལྟ་བུ་སྟེ། སྨིན་མ་བསྐྱོད་པ་ལ་སོགས་པ་དང་ལྡན་
ཞིང༌། རྣམ་པར་འཚེ་བ་ལ་བརྩོན་པ་སྟ་རེ་དང་ཐོ་བ་ཕྱག་སྟེ་ལག་པ་ན་བསྣམས་པར་བསྒྲུབ་པར་བྱ་བ་འདི་ལྟ་བུར་དང་པོར་བསམས་ནས་མཁའ་དབྱིངས་ཞེས་སོགས་འོག་ནས་བཤད་པའི་བསམ་གཏན་འདི་རབ་ཏུ་བརྟག་པར་བྱའོ། །དེ་ལ་ནི་གསོད་
པའི་ལས་ལའོ། །འདི་ནི་དྲག་པོ་ཆེན་པོའི་ཁྲོ་བོ་ནི་མི་བསྐྱོད་པའོ། །དེའི་དམ་ཚིག་ནི་འདའ་བར་མི་བྱ་བའི་གསུང་ངོ༌། །ནམ་མཁའི་དབྱིངས་ནི་ནམ་མཁའི་གཏོས་ཏེ། ཉན་ཐོས་དང་རང་སངས་རྒྱས་དང་ཡང་དག་པར་རྫོགས་པའི་སངས་རྒྱས་རྣམས་ཀྱིས། 
ཡོངས་སུ་གང་བར་རབ་ཏུ་བསྒོམས་ལ། གདུག་པ་སྟེ་བསྒྲུབ་པར་བྱ་བ་དེ་ཡིས་ཐོ་བས་བསྣུན་ཅིང༌། སྟ་རེས་བཅད་ནས་གསད་ཅིང་བཅོམ་པར་བསམས་ལ། འདས་པ་བཤད་ཟིན་པ་དང་མ་འོངས་པ་འཆད་འགྱུར་གྱི་གསད་པའི་ལས་རྣམས་བྱ་
སྟེ། དེ་ལྟར་བྱས་ན་དེ་མ་ཐག་ཏུ་འཆི་བར་འགྱུར་རོ། །སངས་རྒྱས་ནི་བསྟན་པ་ལ་གནས་ཤིང༌། ཚུལ་ཁྲིམས་ལ་སོགས་པའི་ཡོན་ཏན་དང་ལྡན་པའི་དགེ་སློང་སོགས་རབ་ཏུ་བྱུང་བ་རྣམས་སོ། །བྱང་ཆུབ་སེམས་དཔའ་ནི་དེ་དང་རྗེས་སུ་འབྲེལ་བ་
བསླབ་པ་ལྔ་ལ་སོགས་པ་དང་ལྡན་པའི་ཁྱིམ་པ་སྡོམ་ལྡན་སྟེ། དེས་ཡོངས་སུ་གང་བའི་མིའི་འཇིག་རྟེན་བསྒོམས་ནས། གདུག་པ་དེས་བསད་པར་བསམས་ནས་ལས་རྣམས་བྱའོ། །རྡོ་རྗེ་འཛིན་པ་རང་ཉིད་ཀྱང་འཆིའོ་ཞེས་བྱ་བ་ནི་ཤིན་ཏུ་སྟེ་ཕུལ་
4-2-361b


དུ་བྱུང་བའི་ཁྱད་པར་གསུངས་པའོ། །སངས་རྒྱས་གནོད་བྱེད་ཅེས་བྱ་བ་ལ་སོགས་པ་ལ། དགྲ་བོ་དེས་བཤད་མ་ཐག་པའི་རྣམ་པས་སྡིག་པའི་དྲི་མ་བསགས་པར་གྱུར་ལ། ཁོ་རང་འགྱོད་པས་སྐྲག་ཅིང་དེ་ཉིད་ཀྱིས་ན་འཇིགས་པས་དཀྲུགས་ལ་སྐྱབས་
མེད་པར་བསམས་ནས། ལས་བྱས་ན་འཆི་བར་འགྱུར་བར་འདི་ལ་གདོན་མི་ཟའོ།། ༈ ལས་བྱེད་ཚུལ་ནི་བསམ་གཏན་གྱིས་གསོད་པ་བསྟན་པར་བྱ་བའི་ཕྱིར། སྲིན་པོ་ཞེས་བྱ་བ་ལ་སོགས་པ་གསུངས་ཏེ། གནོད་མཛེས་ལ་བཀའ་བསྒོས་
པས། དེས་དགྲ་བོ་བཀུག་སྟེ་མདུན་ན་འདུག་པ་ལ། ལེའུ་བཅུ་གསུམ་པ་ནས་བཤད་པའི་ཚིག་གིས་བཀའ་བསྒོ་བས། ཕྱི་རོལ་གྱི་དུར་ཁྲོད་དུ་ཁྱེར་ནས་འདས་པ་དང༌། འཇིག་རྟེན་པའི་འཁོར་སྲིན་པོ་དང༌། འུག་པ་ལ་སོགས་པ་ཁྲོ་ཞིང་འཚེ་བའི་བདག་ཉིད་ཅན། ཤ་དང་ཁྲག་དང་
ཚིལ་དང་ཞག་ཟ་བ་རྣམ་པ་སྣ་ཚོགས་པ། གཏུམ་ཞིང་ཤིན་ཏུ་འཇིགས་སུ་རུང་བ་དང༌། ཁྲོ་བ་མི་བཟད་དེ་ཁྲོ་བའི་མེ་དང་དུ་བས་བལྟ་བར་དཀའ་བ་རྣམས་ཀྱིས། བསྒྲུབ་པར་བྱ་བ་སྐྲག་པར་བྱས་པ་སྟེ་མཚོན་ཆ་སྣ་ཚོགས་ཀྱིས་བཅད་ཅིང་གཏུབས་ཏེ། བསད་ནས་
ཤ་ལ་སོགས་པ་ཟོས་པར་བསམས་ན། བསམ་གཏན་དེས་ནི་འཆི་བར་འགྱུར་རོ། །རྡོ་རྗེ་འཛིན་པ་ཉིད་ཀྱང་འཆི། །ཞེས་བྱ་བ་ནི་ཁྱད་པར་གསུངས་པའོ། །འུག་པ་ཞེས་བྱ་བ་ལ་སོགས་པ་ནི་གོ་སླའོ།། ༈ ནང་ལ་གཞོལ་བའི་བསྙེན་པ་མཐར་ཕྱིན་པས་
ལས་སྦྱོར་གྱི་དུས་སུ་སྦྲུལ་གནག་ཅེས་བྱ་བ་ལ་སོགས་པ་ལ། དུག་དང་ངེས་པར་ལྡན་པས་མདོག་གནག་པ་ནི་སྦྲུལ་གནག་གོ། རབ་ཏུ་ཁྲོ་བ་ནི་༼མཆུ་རིང་བ་ནི་བྱ་ཀང་ཀའོ། །ཝ་དང་ཅེ་སྤྱང་སྐད་དོད་ཐུན་མོང་བ་ཡིན་པས་འདིར་ཝ་ལ་བསྒྱུར་ཡང་ཅེ་སྤྱང་ལ་བྱའོ། །
4-2-362a


ཤིན་ཏུ་འཇིགས་སུ་རུང་བའོ། །འཇིགས་པ་དག་ཀྱང་འཇིགས་པར་བྱེད། །པའི་གདེངས་ཀ་ལྔ་དང༌། ལྕེ་གཉིས་ཡོད་ཅིང་མཆེ་བ་གཙིགས་པ་ཚོན་རྩི་གང་ཡང་རུང་བས་བྲིས་ལ། དེའི་དཔྲལ་བར་ཁཾ་དགོད་ཅིང་བསམས་ལ་དུག་གི་
མཆོག་གི་དམ་ཚིག་འདི། སྟེ་རྒྱུ་བ་སེམས་ཅན་དང་མི་རྒྱུ་བ་ཤིང་ལ་སོགས་པའི་དུག་རྣམས། སྒྲུབ་པ་པོའི་ཐུགས་ཀའི་ཡི་གེ་ཧྲཱིཿའི་འོད་ཟེར་གྱིས་ནག་པོར་དྲངས་ལ། དཔྲལ་བར་ཁཾ་དང་ལྡན་པའི་སྦྲུལ་གྱི་ཁར་ཞུགས་པར་བསམ་མོ། །
དེ་ནས་ཧྲཱིཿའི་འོད་ཟེར་གྱིས་ཀླུ་བརྒྱད་གང་རུང་གི་རྣམ་ཤེས་བཀུག་ནས། དེ་ལ་བསྟིམས་པས་སྦྲུལ་གྱི་གཟུགས་འདི་ཁྱད་པར་དུ་འགྱུར་ཞིང་འགྲོ་བར་འགྱུར་རོ། །དེ་ནས་དེ་ལ་ཆེ་གེ་མོ་ཟོ་ཞིག་ཅེས་བསྐུལ་ན་དེ་ཟ་བར་འགྱུར་ཏེ། དེ་ཡང་ངེས་པར་འཆི་བར་
འགྱུར་རོ། །སྡིག་པ་དང་ལ་སོགས་པ་སྦལ་པ་ལ་སོགས་པའི་གཟུགས་ལ་དུག་བསྡུས་ནས་བསྐུལ་བ་ལ་ཡང་ཆོ་ག་འདི་ཉིད་དོ།། ༈ ཕྱོགས་བཅུའི་ཞེས་བྱ་བ་ལ་སོགས་པ་ལ། ཕྱོགས་བཅུའི་འཇིག་རྟེན་གྱི་ཁམས་ན་གནས་པའི་སེམས་
ཅན་ཐམས་ཅད་དང་འབྲེལ་བའི་འཚེ་བ་སྟེ། སྦྲུལ་དང་གཅན་གཟན་གདུག་པ་ལ་སོགས་པས་བྱས་པ་སྟེ་བསྐྱེད་པའི་འཇིགས་པ་ཐམས་ཅད་དང་ཁམས་མི་མཉམ་པར་འཁྲུགས་པས་བསྐྱེད་པའི་རྣམ་པར་འགྱུར་བའི་ནད་ཐམས་ཅད་
སེམས་ཅན་དེ་རྣམས་ལས་འོད་ཟེར་གྱིས་དྲངས་ནས། དེ་གྱུར་པ་ལས་འབྱུང་པོ་ནག་པོའི་གཟུགས་སུ་བསམས་ནས་གཟུགས་དེ་དགྲ་རྣམས་ཏེ། དགྲ་བོའི་རྒྱུད་ལ་ངེས་པར་དབབ་ཅིང་སྟེ་གཞག་པའམ་བཞུགས་པར་བྱ་སྟེ། འདི་ནི་
4-2-362b


བསྐུལ་བ་ཞེས་བྱ་བ་བསྒོམ་པའོ། །མཆོག་ཡིན་ནོ་ཞེས་པ་ནི་གདུག་པ་འདུལ་བ་ལ་ཤིན་ཏུ་སྟོབས་དང་ལྡན་པ་སྟེ། མཆོག་ཅེས་པ་ནི་བསྐུལ་བའི་ལས་གཞན་ལ་ལྟོས་པས་སོ། །དེ་ལྟ་བུའི་སྡིག་པའི་དྲི་མ་བསགས་པའི་བསྒྲུབ་པར་བྱ་བ་མདུན་དུ་བསམས་ལ། ༼
འདི་ནི་བསྐུལ་བ་སྟེ། བསྒོམ་པ་མཆོག་སྟེ། གདུག་པ་འདུལ་བ་ལ་ཆེས་སྟོབས་དང་ལྡན་པ་དང༌། བསྐུལ་བའི་ལས་གཞན་ལ་ལྟོས་ནས་དམ་པའོ་ཟེར། ༽གཤིན་རྗེ་གཤེད་ཀྱི་སྦྱོར་བས་ཐོ་བས་བསྒྲུབ་པར་བྱ་བའི་སྙིང་གར་བརྡེགས་ཏེ། དེ་ལྟར་བྱས་ན་རྡོ་རྗེ་འཛིན་པ་ཆེན་པོའི་
བཀའ་བཞིན་དུ་དགྲའི་སྲོག་མེད་པར་བྱེད་པར་འགྱུར་རོ། །རྡོ་རྗེ་ཅན་ཏེ་སྒྲུབ་པ་པོས་བསྒྲུབ་པར་བྱ་བ་དེ་ཉིད་ལ། ཐག་མདུང་ལ་སོགས་པ་བཤད་པས་གཤེག་པ་དང༌། སྟ་རེ་ལ་སོགས་པས་གཤེག་ཅིང་གཏུབ་པར་བསམ་མོ། །དེ་ལྟར་བྱས་པས་སྐུ་གསུམ་གྱི་ནི་
མཆོག་སྦྱིན་པ། ཞེས་བྱ་བ་སྟེ། སེམས་ཅན་དབང་པོ་རབ་འབྲིང་ཐ་མ་རྣམ་པ་གསུམ་ལ་ཡིད་དུ་འོང་བའི་འབྲས་བུ་སྟེར་བ་དང༌། རྡོ་རྗེ་སེམས་དཔའ་སྟེ་བརྩོན་འགྲུས་བརྟན་པ་དང༌། དྲག་པོ་སྟེ་བླ་མ་ལ་སྨོད་པ་ལ་སོགས་པའི་སྡིག་པའི་དྲི་མ་ཉེ་བར་བསགས་
པའི་བསྒྲུབ་པར་བྱ་བ་འཆི་བར་འགྱུར་རོ།། ༈ བསྲུང་བ་ཞེས་བྱ་བ་ལ་སོགས་པ་ལ། བསྒྲུབ་པར་བྱ་བའི་ནད་མེད་པ་རྒྱས་པར་བཟླས་བརྗོད་དང༌། སྦྱིན་སྲེག་ལ་སོགས་པ་དེ་ལ་ཕན་པར་འདོད་པས་བྱེད་བཞིན་པ་དང༌། བསྲུང་བ་བྱས་པ་དེ་ལ་
སོགས་པའི་སྲུང་བར་བྱེད་པའི་སྔགས་རྣམས་ཏེ། བསྒྲུབ་པར་བྱ་བ་ཟློས་པར་གྱུར་པའི་འཕྲེང་བའི་སྔགས་ལ་སོགས་པ་རྣམས་དང༌། ལྷ་རྣམས་ཀྱང་སྟེ་བསྒྲུབ་པར་བྱ་བས་མཉེས་པར་བྱས་པའང་ཕུར་བུས་གདབ་བྱས་པ་སྟེ། ཕུར་བུས་འདེབས་པར་
4-2-363a


བྱེད་དོ། །༼སྔར་བཤད་པ་ལྟར། སངས་རྒྱས་བྱང་སེམས་ལ། དགྲ་བོའི་ཉེས་པ་བསྒྲག་པའི་བར་དུ་བྱས་ནས། བསྒྲུབ་བྱ་དེའི་སྲུང་བའི་ལྷ་དང་སྔགས་ཐམས་ཅད་རང་གིས་བཀའ་བསྒོས་པའི་གནོད་མཛེས་ཀྱིས་བཀུག་སྟེ། གཡོན་ལོགས་སུ་བཞག་པ་
ལ། བདུད་རྩི་ཐབ་སྦྱོར་གྱིས་སྤྲུལ་པའི་ཕུར་བུས་གདབ་ཅིང༌། སྔགས་ཀྱི་ཀཱ་ཡ་ཝཱཀ་ཙིཏྟ་བཏོན་ལ། དེའི་གནས་སུ་ཆེ་གེ་མོའི་རཀྵཾ་སམྦྷུ་ཊ་དིཾ་རཀྵ་མནྷྲ་དེ་བ་ཏཤྩ་ཞེས་པ་བཅུག་ལ་ཕུར་བུའི་སྔགས་བརྗོད་ཅིང་བཏབ་པར་བསམ་མོ། །༽འདི་ནི་གཞན་གྱི་རིག་པ་གཅོད་པར་བྱེད་པ་དང༌། 
གསོད་པར་བྱེད་པའི་ཆོ་ག་སྟེ། རིམ་པ་འདི་ནི་གསོད་པར་བྱེད་པའི་ཡུལ་ལ་མཆོག་ཏུ་གྱུར་ཅིང་ཁྱད་པར་དུ་འཕགས་པ་དང༌། དམ་ཚིག་ཤིན་ཏུ་འདའ་བར་དཀའ་བ་སྟེ། འདའ་བར་མི་བྱ་བའི་དམ་ཚིག་ཏུ་རྡོ་རྗེ་འཆང་ཆེན་པོས་གསུངས་པའོ། ། 
༈ གསོད་པའི་ཡུལ་འདི་ལ་སེམས་ཅན་རྣམས་འོད་གསལ་དུ་རྣམ་པར་དག་པ་བསྟན་པར་བྱ་བའི་ཕྱིར། རྡོ་རྗེ་ཕུང་པོ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་སྟེ་དེ་བཞིན་གཤེགས་པ་ལྔའི་ངོ་བོར་བཤད་པའི་ཕུང་པོས་ཞེས་བྱ་བ་ཕུང་པོ་ལྔའི་བདག་ཉིད་ཀྱིས་
འཇིག་རྟེན་གསུམ་པོ་འདི་དག་གིས་ནང་གི་བཅུད་ཀྱི་དཀྱིལ་འཁོར་དུ། སེམས་ཅན་སྒོ་ང་ལས་སྐྱེས་པ་ལ་སོགས་པ་སྐྱེ་གནས་བཞིས་བསྡུས་པ་ཅི་ཙམ་གནས་པ་དེ་དག་ཐམས་ཅད་འོད་གསལ་དུ་བསད་ཅིང་གཞོམ་པས་བདག་ཏུ་གཏོགས་པ་ཞེས་པ་སྟེ། 
རང་གི་བདག་ཉིད་དུ་གཏོགས་ཤིང་སྟེ་བསམས་པའི་རྡོ་རྗེ་སེམས་དཔའི་ངོ་བོ་འ་ཉིད་དུ་གྱུར་པར་བསམས་ཤིང་ཤེས་ན་མཉེས་པར་འགྱུར་ཏེ་ཞེས་བྱ་བ་སྟེ། གསད་པར་གྱུར་པའི་སེམས་ཅན་དེ་རྣམས་སྔགས་པས་རྣམ་པ་འདི་ལྟ་བུས་གསད་པའི་ལས་
4-2-363b


བསྒྲུབ་ན་དགའ་བར་འགྱུར་ཞིང་མི་བསྐྱོད་པའི་འཇིག་རྟེན་གྱི་ཁམས་སུ་རོལ་པར་འགྱུར་གྱི། གཞན་དུ་མཚོན་ཆ་ལ་སོགས་པས་ཉེ་བར་བཅོམ་ནས་བསད་པ་ནི་འདི་ལྟ་བུར་མི་འགྱུར་རོ། །རྣམ་པར་དག་པ་དེ་ཉིད་གསལ་བར་བསྟན་པར་བྱ་བའི་ཕྱིར། སྟོན་པ་སངས་རྒྱས་
ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ནི་སྐུ་རྡོ་རྗེའོ། །རྡོ་རྗེ་འཛིན་པ་ནི་ཐུགས་རྡོ་རྗེའོ། །རྡོ་རྗེ་ཆོས་ནི་གསུང་རྡོ་རྗེའོ། །རྡོ་རྗེ་ཅན་ནི་སྐུ་རྡོ་རྗེ་ལ་སོགས་༼དེ་ནི་རྫོགས་རིམ་པས་གསད་ཆོག་དེ་ལྟར་བྱས་ན་བསྒྲུབ་བྱ་སངས་རྒྱས་ཀྱི་ཞིང་དུ་སྐྱེ་བ་ཡིན་ནོ། །༽པ་གསུམ་པོ་
དབྱེར་མེད་པ་སྟེ་དེ་དག་རིལ་པོར་འཛིན་པ་དང༌། ཕྲ་རབ་ཏུ་སོ་སོར་གཞིག་པའི་བསམ་གཏན་གྱི་སྦྱོར་བ་གཉིས་ཀྱིས་དེ་བཞིན་ཉིད་དུ་དམིགས་པ་སྟེ་འོད་གསལ་དུ་བསྡུས་པས་འཆི་བར་འགྱུར་རོ་བ་རྫོགས་རིམ་པས་གསད་ལས་བསྒྲུབ་པ་ན་ཇི་ལྟར་གང་ཟག་གཞན་
གྱི་རྒྱུད་དུ་གནས་པའི་ཕུང་སོགས་འཇིག་པར་༼རྗེས་སུ་གཞིག་པ་དག་གིས་ཟེར། ༽སྣང་བ་སྟེ་འཆི་རིམ་བཞིན་དུ་འོད་གསལ་དུ་སྡུད་པ་དེ་བཞིན་དུ། སྒྲུབ་པ་པོ་བདག་གི་རྒྱུད་ལ་གནས་པའི་རྡོ་རྗེ་གསུམ་ཡ་འང་གསད་པར་བསྟན་པས་ནི་དོན་དམ་པ་ལ་དམིགས་
པའི་རིམ་པ་ཉིད་ནི་འཆི་རིམ་བཞིན་དུ་བྱེད་པ་བསྟན་པ་ཡིན་ཏེ། གསད་པའི་ཆོ་ག་འདི་ནི་རྫོགས་པའི་རིམ་པ་ལ་གནས་པ་རྣམས་ཀྱི་ཡིན་ཏེ། འདི་ནི་རྡོ་རྗེ་འཆང་ཆེན་པོའི་བཀའོ། །ཁྲོ་བོ་ཆེན་པོའི་དམ་ཚིག་ནི་རྡོ་རྗེ་འཆང་ཆེན་པོའོ། །རྡོ་རྗེ་འཆང་དེ་ལས་བྱུང་ནས་རྡོ་རྗེ་འཆང་
དེ་དང་གཅིག་ཏུ་གྱུར་པ་ཞེ་སྡང་རྡོ་རྗེ་ཁྲོ་བོའོ། །༼འཕགས་པ་ཡབ་སྲས་ཀྱི་བཞེད་པས་འོད་གསལ་གཉིས་པོ་གང་དུ་འཇུག་ཀྱང་འཆི་རིམ་བཞིན་དུ་འཇུག་པ་འདི་ནི་སྒྱུ་མའི་སྐུ་སྒྲུབ་པ་བར་དོ་བཞིན་དུ་སྒྲུབ་པའི་ཆེད་ཡིན་པས་གནད་ཤིན་ཏུ་ཆེ་བ་ཤེས་དགོས་ཀྱི། འོད་གསལ་དུ་འཇུག་པ་ན་ཕུང་སོགས་ཀྱི་
4-2-364a


སྤྲོས་པ་སྡུད་པ་ཙམ་འཆི་བ་དང་མཐུན་པའི་དོན་དུ་མི་བཟུང་ངོ༌།། ༼དེ་སྐད་ཅེས་བཀའ་སྩལ་ཏོ་ཞེས་བྱ་བ་ནི་སྡུད་པར་བྱེད་པའི་ཚིག་གོ། ༈ དེ་ནས་ཞེས་བྱ་བ་ལ་སོགས་པ་ལ། རྒྱལ་པོ་ནི་འབར་བར་གྱུར་པའོ། །རྡོ་རྗེ་འཛིན་ནི་ཞེ་སྡང་རྡོ་རྗེའོ། །
ཐམས་ཅད་ནམ་མཁའ་ནི་ཐམས་ཅད་སྟོང་པའི་བདག་ཉིད་དེ། དེ་ཉིད་ཀྱིས་ན་ཐུབ་པ་ཆེན་པོའོ། །ཐམས་ཅད་ཀྱི་དབང་བསྐུར་ནི་ཟད་ཅིང་འགྱུར་བ་དང་འཇིག་པའོ། །རྫོགས་སངས་རྒྱས་ནི་དེ་ཤེས་པའོ། །ཡེ་ཤེས་རྡོ་རྗེ་ནི་
ཡིད་བཞིན་གྱི་ནོར་བུ་རིན་པོ་ཆེ་དང་འདྲ་བར་འདོད་པའི་འབྲས་བུ་རབ་ཏུ་༼ཐམས་ཅད་དབང་བསྐུར་ནི་སྡིག་པ་ཐམས་ཅད་འཁྲུ་བའོ། །ཞེས་འབྱུང་ངོ༌། །དེ་ལ་དབང་བསྐུར་གྱི་སྐད་དོད་ཨ་བྷི་ཥེ་ཀ་ལ། བྱིངས་ཥེ་ཙ་འགྱུར་བ་ལ་འགྲོ་སྟེ། དེའི་དོན་ནི་ཟད་ཅིང་ཉམས་པ་ཡིན་པས། 
དྲི་མ་ཐམས་ཅད་བཀྲུས་པས་ཟད་པའོ། །༽སྟེར་བའི་མི་འཇིགས་པའི་ངོ་བོ་ཉིད། འོག་ནས་བཤད་པའི་ཆེད་དུ་བརྗོད་པའི་ཚིགས་སུ་བཅད་པས་བཀའ་སྩལ་ཅིང་གསལ་བར་མཛད་པའོ།། ༈ ཨེ་མའོ་ཞེས་བྱ་བ་ནི་ངོ་མཚར་དུ་གྱུར་པའོ། །
ངོ་བོ་ཉིད་ཀྱིས་དག་པ་ནི་རྣམ་པར་རྟོག་པ་ཐམས་ཅད་དང་བྲལ་བའི་ཕྱིར་རོ། །རྡོ་རྗེ་ཐེག་པ་བླ་ན་མེད་པ་ནི་ངོ་བོ་ཉིད་དང་༼ངོ་བོ་ཉིད་དང་རང་བཞིན་ནི་རྣམ་གྲངས་ཏེ། དེ་གཉིས་དང་བྲལ་ཚུལ་ནི་མིང་དུ་བཏགས་པ་ཙམ་མིན་པའི་ངོ་བོ་ཉིད་ཀྱིས་སྟོང་པའོ། །དེའི་ཕྱིར་བདེན་འཛིན་གྱི་
ངོ་བོ་ཉིད་ཀྱིས་དག་པ་ནི་རང་བཞིན་དང་བྲལ་བ་སྟེ། རྣམ་པར་རྟོག་པ་ཐམས་ཅད་དང་བྲལ་བའི་ཕྱིར་རོ་ཟེར། ༼རྟོག་པའི་དམིགས་གཏད་ཐམས་ཅད་དང་བྲལ་ལོ། །༽བྲལ་བའི་འོད་གསལ་བ་བླ་ན་མེད་པ་སྟེ། གང་ཞིག་སྟེ་དོན་དེ་དང་ལྷའི་རྣལ་འབྱོར་སོགས་བསྒོམས་
4-2-364b


པས་མ་སྐྱེས་པའི་ཆོས་རྣམས་ལ་སྟེ། རང་བཞིན་གྱིས་སྐྱེ་བའི་རྒྱུ་དང་བྲལ་བའི་ཕྱིར་རང་བཞིན་གྱིས་སྐྱེ་བ་མེད་པའི་ཆོས་རྣམས་ཟིན་པ་སེམས་ཀྱི་རྟེན་དུ་གྱུར་པ་དང་མ་ཟིན་པ་སེམས་ཀྱི་གནས་སུ་མ་ར་གྱུར་པ་རྣམས་ལ། དུས་གསུམ་དུ་འབྱུང་བའི་
རྒྱལ་བ་རྣམས་ཀྱིས་ཞི་བ་ལ་སོགས་པའི་ལས་ཀྱི་ཚོགས་རྣམས་ཀྱི་སྐྱེ་བ་འབྱུང་བ་བསྟན་ཅིང་གསུངས་སོ།། ༈ དེ་ལ་ཞེས་བྱ་བ་ལ་སོགས་པ་ལ། མི་བསྐྱོད་པའི་ཏིང་ངེ་འཛིན་གཉིས་སྔོན་དུ་བྱ་ཆོས་བདག་མེད་པ་རྟོགས་པ་ལ་གནས་
པ་ལ་འོག་ནས་བཤད་པ་འདི་ནི་ཕྲན་ཚེགས་ཏེ། རྡོ་རྒྱུས་སོགས་ཀྱི་༼དེ་ལ་ངོ་མཚར་བ་ནི། རང་བཞིན་གྱིས་མ་གྲུབ་པའི་མིང་ཙམ་ལ་ཞི་སོགས་ཀྱི་བྱ་བྱེད་བཞག་པས་ཆོག་པ་ཡིན་ལ། དེ་ཙམ་དུ། མ་ཟད་ཀྱི་དེ་ཁོ་ན་ཉིད་དེ་ལྟར་རྟོགས་པ་དེ་བསྒོམས་པས་དངོས་གྲུབ་འགྲུབ་པ་ཡང་ངོ་མཚར་
བར་སྟོན་པས། དངོས་གྲུབ་གཉིས་སྒྲུབ་པ་ལ་ལྟ་བ་དེ་ཤིན་ཏུ་གལ་ཆེ་བར་སྟོན་ནོ། །༽ཡོ་བྱད་ཉུང་ཟད་ཙམ་གྱིས་བསྒྲུབ་པར་བྱ་བ་ཡིན་པས་ན་ལས་ཕྲན་ཚེགས་སོ། །ཕྲན་ཚེགས་ཡིན་པ་འོན་ཀྱང་སྙིང་པོ་སྟེ་དྲག་ལས་གཅེས་པར་གྱུར་པས་ན་རྡོ་རྗེའོ། །དེ་ཉིད་ཀྱིས་
ན་སྦ་བར་བྱ་བ་ཡིན་པས་ན་གསང་བའོ། །ལས་རྒྱལ་མཆོག་གི་དུས་སུ་སྦྲུལ་ནི་ཞེས་བྱ་བ་ལ་སོགས་པ་ལ། སྦྲུལ་གདེངས་ཀ་གཅིག་པའམ། གདེངས་ཀ་གསུམ་ལ་སོགས་པ་དང་ལྡན་པ་མི་སྡུག་ཅིང་གཟུགས་ངན་པ་དང༌། འཇིགས་པར་བྱེད་ཅིང་
རྣམ་པར་འགྱུར་བ། འོད་ནག་པོ་འབར་བ་འཁྲུག་ཅིང་ཁྲོ་ལ། ལྕེ་གཉིས་ཀུན་ཏུ་བསྐྱོད་པ་ཁ་རེ་རེ་ཞིང་མཆེ་བའི་འཕྲེང་བས་གཏམས་པ། རྡོ་རྒྱུས་དང་སོལ་བའམ། གང་ཡང་རུང་བའི་ཚོན་གྱིས་བྲི་ཞིང་སྦྲུལ་དེ་དངོས་སུ་བསམས་ལ་དེ་ལ་སྟེ།
4-2-365a


དེར་འདི་ནི་སྟེང་འོག་ནས་བཤད་པའི་ཀླུ་ཁྲོ་བོ་བསྐུལ་བའི་སྙིང་པོ་སྟེ། ས་བོན་བསམ་པར་བྱའོ། །ཁཾ་ཀླུའི་ཁའི་ནང་དུ་ཁཾ་ནག་པོ་བཀོད་ལ། དེ་ཡོངས་སུ་གྱུར་པ་ལས་བྱུང་བའི་དུག་ཧ་ལ་ཧ་ལ་དང་འདྲ་བར་གནག་པ། མེ་ལྟར་སྲེག་
པ་བཟོད་པར་དཀའ་བ་བསྒོམས་ལ། ནོར་རྒྱས་ལ་སོགས་པ་གང་ཡང་རུང་བའི་རྣམ་པར་ཤེས་པ། སྒྲུབ་པ་པོའི་ཐུགས་ཀའི་ཧྲཱིཿལས་བྱུང་བའི་ལྕགས་ཀྱུས་དྲངས་ལ་སྦྲུལ་གྱི་གཟུགས་ལ་བཅུག་པས། སྦྲུལ་རྣམ་པར་གཡོ་བར་བསྒོམས་ན་
འགུལ་བར་འགྱུར་བར་གདོན་མི་ཟའོ། །དེ་ལ་སྟེ་སྦྲུལ་དེ་ལ་རྒྱུ་བ་དང་མི་རྒྱུ་བ་རྣམས་ལས། དུག་ཐམས་ཅད་འབྱིན་པའི་སྙིང་པོ་སྟེ། དེ་གང་ཞེ་ན། ཡི་གེ་ཧྲཱིཿཞེས་བྱ་བའོ། །རྣམ་པ་སྣ་ཚོགས་ལས་བྱུང་དུག། ཅེས་བྱ་བ་ནི། རྒྱུ་བ་དང་མི་རྒྱུ་
བ་ལས་བྱུང་བའི་བདག་ཉིད་ཅན་ནོ། །ཁམས་གསུམ་ན་ནི་གནས་པ་ཀུན། །ཞེས་པ་ནི། མཆོག་དང་འབྲིང་དང་ཐ་མའི་སྣོད་ན་གནས་པ་མ་ལུས་པ་ཀུན། ཧྲཱིཿདེ་ཡིས་ཁྱེར་ཞིང་དྲངས་པར་བསྒོམས་ལ། དེ་ནས་སྦྲུལ་གྱི་ལུས་ལ་འབབ་
པར་གྱུར་ཅིང༌། རབ་ཏུ་ཞུགས་པར་བསམས་ན་སྦྲུལ་དེ་དེ་མ་ཐག་ཏུ་སྟེ། བསམས་པ་ཙམ་གྱིས་དུག་གི་རྒྱ་མཚོ་ལྟར་ཤིན་ཏུ་མི་བཟད་པར་འགྱུར་རོ། །རེག་མ་ཐག་ཏུ་ཞེས་པ་ནི། ཁཾ་ཧྲཱིཿཨ་མུ་ཀ་བྷཀྵ་ཡ་ཞེས་པའི་སྔགས་འདིས་
བསྐུལ་བས་ཟིན་པ་སྟེ་མཐོང་བ་ཙམ་གྱིས་སམ། རེག་པ་ཙམ་གྱིས་འགྲོ་བ་ཐམས་ཅད་དུག་གིས་ཕོག་པས། འཆི་བར་འགྱུར་བར་གདོན་མི་ཟའོ། །སྡིག་པ་ཞེས་བྱ་བ་ལ་སོགས་པ་ལ། སྦྲུལ་ལ་བཤད་མ་ཐག་པའི་ཆོ་ག་
4-2-365b


ཉིད་ཀྱིས། སྡིག་པ་དང་རུས་སྦལ་ལ་སོགས་པའི་སེམས་ཅན་གྱི་བྱེ་བྲག་རྣམས་ལའང་བྱའོ། །གང་གིས་ཤེ་ན། སྦྱོར་བ་འབྱུང་བའི་མཚན་ཉིད་ཀྱིས། །ཞེས་བྱ་བ་སྟེ། སྦྱོར་བ་ནི་དུག་གོ། དེའི་འབྱུང་བ་ནི་སྡིག་པ་ལ་སོགས་པའི་གཟུགས་བྲི་བ་སྟེ། གཟུགས་བྲི་བ་སོགས་
དེའི་མཚན་ཉིད་ལ་མཁས་པས་བྲིའོ་སོ།། ༈ དེ་ལ་ཞེས་བྱ་བ་ལ་སོགས་པས་ནི། དུག་གིས་ཟིན་པའི་གནས་གཞན་ལྷ་སྦྱིན་ནས་གཞན་མཆོད་སྦྱིན་དུ་འཕོ་བ་སྟེ་སྤོ་བ་གསུངས་པ་ཡིན་ཏེ། ལྟ་བ་རྡོ་རྗེ་ཞེས་བྱ་བ་ལ་སོགས་པ་ལ། མི་
བསྐྱོད་པའི་སྒོ་ནས་ཏིང་ངེ་འཛིན་གཉིས་སྔོན་དུ་བཏང་ལ། ལས་སྦྱོར་གྱི་དུས་སུ་མཐོང་བའི་དུག་ཅན་གྱི་ལྟ་བའི་དུག་དང་མཆེ་བས་བཟུང་བའི་འཆི་བའི་མཆེ་བའི་དུག་ལ་སོགས་པའི་དུག་དང༌། སེམས་ཅན་གཞན་ཡང་མི་བཟད་པ་ཡི་དུག་དང་ལྡན་པ་དེ་རྣམས་ཀྱི་དུག་གིས་ཟིན་པའི་
སྣོད་ཀྱི་ལུས་ལྷ་སྦྱིན་ལ། གནས་པ་དེ། ལྷ་སྦྱིན་དེའི་སྟེང་སྤྱི་བོ་དང་འོག་ན་གནས་པའི་ཨོཾ་དཀར་པོ་འོད་གཏོང་བར་བྱེད་པས། སྤྱི་བོ་ནས་བདས་པ་རྣམས་རྐང་པའི་འོག་སྟེ་མཐིལ་ན་ཨོཾ་ཁ་དོག་གནག་ཅིང་རྣམ་པར་འཕྲོ་བའི་གཟུགས་སུ་གནས་པར་བསམས་
ལ། ནམ་མཁའ་རྡོ་རྗེའི་དཀྱིལ་འཁོར་ཏེ། །སྣོད་ཀྱི་སྟེ་མཆོད་སྦྱིན་གྱི་སྙིང་གར་གནས་པའི་ཡི་གེ་ཁྃ་གི་སྟེང་དུ། ཡེ་ཤེས་རྡོ་རྗེ་སྟེ་སྒྲུབ་པ་པོའི་སྙིང་གའི་ཡི་གེ་ཧྲཱིཿའི་འོད་ཟེར་གྱི་ལྕགས་ཀྱུས་རྐང་མཐིལ་ནས་དྲངས་ནས་སྔགས་པས་འཛུད་པར་བྱེད་དོ། །
བཅོམ་ལྡན་འདས་དུག་གི་དམ་ཚིག་ཆེན་པོ་རྡོ་རྗེས། དེ་སྐད་ཅེས་བཀའ་སྩལ་ཏོ་ཞེས་བྱ་བ་ནི་རྡོ་རྗེ་འཆང་ཆེན་པོའོ།། ༈ དེ་ལ་ཞེས་བྱ་བ་ལ་སོགས་པས་ནི། དུག་བསལ་བའི་ཆོ་ག་རྩོམ་པ་ཡིན་ཏེ། རྣམ་སྣང་གི་སྒོ་ནས་ཏིང་ངེ་འཛིན་གཉིས་སྔོན་དུ་བྱ། ལས་
4-2-366a


སྦྱོར་གྱི་དུས་སུ་དུག་གསོ་བའི་སྙིང་པོ་གང་ཡིན་ཞེ་ན། ཡི་གེ་ཧཱུྃ་ཞེས་བྱ་བ་སྟེ་ཧཱུྃ་འདི་རྡོ་རྗེ་ཆེན་པོའི་སྙིང་པོ་འདི་སྟེ། རྐང་པའི་འོག་ཏུ་རྡོ་རྗེ་ཆེན་པོའི་འོད་ཀྱི་ཚོགས་ཀྱི་བདག་ཉིད་ཅན། ཟླ་བའི་འོད་ཟེར་བཞིན་དུ་བསིལ། ཞིང་གསལ་བར་༼
ཧཱུྃ། སྙིང་གར་རྡོ་རྗེ་ཆེན་པོ་མདོག། དཀར་པོ་འདི་ནི་རྣམ་བསྒོམས་ཏེ། །ཞེས་དང༌། སྙིང་པོ་དེ་ཡང་གང་ཞེ་ན་ཧཱུྃ་མོ། །སྙིང་གར་ཏེ་རྐང་པའི་མཐིལ་གྱི་དབུས་སུ་ཡི་གེ་ཧཱུྃ་མདོག་དཀར་པོ་རྡོ་རྗེ་ཆེན་པོའི་འོད་ཟེར་གྱི་ཚོགས་ཀྱི་བདག་ཉིད་ཅན་ཟླ་བའི་འོད་ཟེར་ལྟར་བསིལ་བ་རྣམ་པར་བསྒོམ་མོ་ཞེས་འབྱུང་ངོ༌། །༽རྣམ་
པར་བསམ་མོ། །གནས་བཞི་དག་ཏུ་སྦྱོར་བ་ཡིས་ཞེས་བྱ་བ་ནི། རྐང་པའི་མཐིལ་ནས་ཁོང་སྟོང་ལས་གྱེན་དུ་འབྱུང་བ་སྟེ། ནད་པའི་དུག་རྣམས་ཧཱུྃ་རང་གི་འོད་ཀྱི་ཚོགས་ཀྱིས་གྱེན་དུ་འཕུལ་བས་འདོམས་ཀྱི་པདྨར་ཕྱིན་པ་དང༌། དེ་ལས་ཀྱང་བཅད་ཅིང་བཏོན་
པས་དེ་ལས་བྱུང་སྟེ། དེ་བཞིན་དུ་ལྟེ་བའི་པདྨར་ཕྱིན་པར་བསམས་ལ། དེ་ལས་ཀྱང་སྙིང་གའི་པདྨར་ཕྱིན་པར་རྣམ་པར་བསམས་ཏེ། དེ་ལས་ཀྱང་ལྐོག་མའི་པདྨར་ཕྱིན་པར་བསྒོམས་ཏེ། ༼དེར་གནས་ཞེས་དེ་ལས་འཐོན་ཏེ་དེ་བཞིན་དུ་ལྟེ་བའི་པདྨར་ཟེར། ༽དེ་
ལྟར་སྡུད་པའི་ཚུལ་གྱིས་ལངས་ནས་དུག་སྟེང་དུ་འགྲོའོ། །དེ་བཞིན་དུ་ལན་གཉིས་སམ་གསུམ་དུ་བསམས་ནས་ནད་པ་ནག་པོའི་གཟུགས་ཅན་གྱི་དུག་སྐྱུགས་པར་བསམས་ན་བདེ་བར་གནས་པར་འགྱུར་རོ། །ཧཱུཾ་གྱི་འོད་ཟེར་གྱིས་དུག་འདེད་པའི་རིམ་པ་འདི་ཉིད་ཀྱིས་
སྤྱི་བོ་ནས་བརྩམས་ཏེ། རྐང་པའི་མཐར་ཐུག་གི་བར་དུ་དེད་ནས་བུ་ག་དེ་ལས་ངེས་པར་འབྱུང་བར་བསམ་པར་བྱའོ། །ཞེས་ལ་ལ་དག་འདོད་དོ། །ནམ་མཁའི་ཁམས་ནི་ནམ་མཁའི་གཏོས་ཏེ། དུག་གིས་བཀང་བར་གྱུར་པ་ཡང་སྦྱོར་བ་འདིས།
4-2-366b


དེ་མ་ཐག་ཏུ་དུག་མེད་པར་འགྱུར་རོ་ཞེས་དེ་སྐད་བཀའ་སྩལ་ཏོ།། ༈ དེ་ལ་འདི་ནི་ཞེས་བྱ་བ་ལ་སོགས་པ་ལ། འོག་ནས་བཤད་པ་ལ་ལྟོས་ནས་དུག་བསལ་བ་དེ་ལ་ཉེ་བའི་དུག་སྟེ། ད་ཏུ་ར་དང་ལམ་ག་ལིཾ་ལ་སོགས་པ་དང་སྦྱར་བའི་དུག་རྣམས་ཏེ། 
དུག་དེ་དག་ཐམས་ཅད་ཀྱི་གསོ་བའི་སྙིང་པོའོ། །དེ་གང་ཞེ་ན། ཨཱཿཞེས་བྱ་བའོ། །ཉེ་བའི་དུག་འབའ་ཞིག་གི་གཉེན་པོར་གྱུར་པར་མ་ཟད་ཀྱི། འབྲས་དང་ཕོལ་མིག་ཅེས་བྱ་བ་ལ་སོགས་པ་གསུངས་ཏེ། འབྲས་༼ནི་ཤོག་ཤིང་ངོ༌། །༽ནི་བྱ་ལ་དང་གརྡྷ་བྷ་ལ་
སོགས་པའོ། །ཕོལ་མིག་ནི་འབྲུམ་ཕྲན་ལ་སོགས་པའོ། །འབྲུམ་བུ་ནི་ཨེ་ཎཱི་པ་་ཞེས་བྱ་བ་ལ་སོགས་པ་སྟེ། དེ་རྣམས་ཀྱི་ནུས་པ་གང་ཡིན་པ་དང༌། གང་གཞན་ནད་དུ་བཤད་པ་རྣམས་ཏེ། རིམས་དང་འགོ་བའི་ནད་ལ་༼ནི་འབྲས་ཀྱི་ཕྲེང་བའོ། །༸ནི་བོང་བུའི་གདོང་
པ་ལྟ་བུའི་འབྲས་སོ། །༽སོགས་པ་དག་ཀྱང༌། ཕྱག་ན་རྡོ་རྗེའི་བཀའ་བསྟན་༼ནི་རི་དྭགས་ཀྱི་རྐང་རྗེས་ལྟ་བུའོ། །༽པ་ཇི་ལྟ་བ་བཞིན་དུ། བསམས་པ་ཙམ་གྱིས་ཏེ་འོག་ནས་བཤད་པའི་བསམ་གཏན་གྱིས་མེད་པར་འགྱུར་ཏེ། ནད་པའི་ལུས་ལས་རིང་དུ་འགྱུར་རོ། །
པདྨོ་ཞེས་བྱ་བ་ལ་སྩོགས་པ་ལ། སྣང་མཐའི་སྒོ་ནས་ཏིང་ངེ་འཛིན་གཞན་གཉིས་སྔོན་དུ་བྱ། ལས་སྦྱོར་གྱི་དུས་སུ་པདྨ་ཆེན་པོ་འདབ་མ་བརྒྱད་པ་དཀར་པོ་སྒྲུབ་པ་པོའི་ལག་པ་གཡོན་པའི་མཐིལ་དུ་བསམས་ནས། པདྨ་དེའི་ལྟེ་བ་ལ་ཡི་གེ་ཨཱཿའོད་ཟེར་
ལྔ་རབ་ཏུ་རྫོགས་པ་བསམ་ཞིང་འདབ་མ་རྣམས་སུ་ཧྲཱིཿབསྒོམས་ནས། ཡི་གེ་ཧྲཱིཿའདོན་ཅིང་ལག་པ་གཡོན་པས་བྱབས་ལ་ཧྲཱིཿའི་འོད་ཟེར་གྱིས་དུག་དང་ལ་སོགས་པས་འབྲས་ལ་སོགས་པ་དྲངས་ཏེ། དབུས་ཀྱི་ཡི་གེ་ཨཱཿལ་བཅུག་པས་
4-2-367a


ཨཱཿདེ་ནག་པོར་སོང་བར་བསམས་ནས་ཁུ་ཚུར་སྡུད་པའི་ཚུལ་གྱིས་ས་ལ་སོང་བར་བསམས་པའི་འོག་ཏུ་ཨཱཿདེ་དཀར་པོར་བསམ་པར་བྱའོ། །ཨཱཿའི་ས་བོན་དེ་ཉིད་བསམ་གཏན་གྱི་ཁྱད་པར་གྱིས་ཁྱད་པར་དུ་གྱུར་པར་བསྟན་པར་
བྱ་བའི་ཕྱིར། སྡུད་པ་ཞེས་བྱ་བ་ལ་སོགས་པ་གསུངས་ཏེ། སྡུད་པ་ན་དཀར་པོའི་མདོག་ལྟ་བུ་ཞེས་བྱ་བར་སྦྱར་ཏེ། དུག་བསལ་བ་ལ་ནི་ཨཱཿདེ་དཀར་པོར་བསམ་པར་བྱའོ། །བསྐུལ་བ་དེ་དུག་བསླང་བ་ལ་ནི་ཨཱཿདེ་ཁ་དོག་ནག་པོར་བསམ་པར་
བྱའོ། །འདི་ནི་ཞེས་བྱ་བ་ལ་སོགས་པ་ལ། སྔར་བཤད་པའི་བསམ་གཏན་གྱི་གནས་ས་བོན་གྱི་རྣམ་པ་འདི་ནི། ཡེ་ཤེས་དྲི་མ་མེད་པ་སྟེ་འོད་གསལ་བས་ཡོངས་སུ་སྦྱངས་པའི་ཕྱིར་དང༌། གསང་བ་སྟེ་སྐལ་བ་ངན་པ་རྣམས་ལ་སྦ་བར་བྱ་བའོ། །དེ་བས་ན་གསང་
ཆེན་སྟེ་སངས་རྒྱས་རྣམས་ཀྱི་གསང་བའོ།། ༈ དང་པོར་གནས་སྐབས་ཀྱི་འབྲེལ་བས་ཉེ་བའི་དུག་གསོ་བ་བཤད་ནས། ཁྱད་པར་དུ་ནད་གསོ་བ་བསྟན་པར་བྱ་བའི་ཕྱིར། དེ་ལ་འདི་ནི་ཞེས་བྱ་བ་ལ་སོགས་པ་གསུངས་ཏེ། དེ་ལ་ནད་ཁྱད་པར་
དུ་གསོ་བའི་གྱི་ཆོ་ག་ལ་མཚོན་ཆ་ལ་༼གོང་དུ་ཉེ་བའི་དུག་གི་ཞར་ལ་གསུངས་ནས་ཁྱད་པར་དུ་ནད་གསོ་བ་ཞེས་ཏེ། ཉེ་བའི་དུག་གསོ་བའི་ཞར་ལ་འབྲས་ཀྱི་ནད་གསོ་བ་གསུངས་པའོ། །༽སོགས་པ་གློ་བུར་བའི་རྒྱུ་ལས་བྱུང་བ་དང༌། མངོན་སྤྱོད་ཀྱི་རྒྱུ་ལས་བྱུང་བ་
ནི་ཕྱིའི་འོ། །ནད་གཞི་ནི་རླུང་མཁྲིས། བད་ཀན། ལྡན་པ་དང་འདུས་པ་རྣམས་སོ་དང་ཁམས་ཏེ་ལུས་ཟུངས་ནི་རླུང་མཁྲིས་བད་ཀན་རོ་ཁྲག་ཤ་ཚིལ་རུས་པ་རྐང་ཁུ་བ་གཅིན་བཤང་བ་རྔུལ། སྙིང་པོ་ནུ་མ་ཅན་ཕྲ་མོ་སྟེ་བཅུ་དྲུག་གོ་དང་དྲི་མ་དང་༼ནི་དྲི་མ་བསྡུས་
4-2-367b


པ་ལས་བྱུང་བའི་སྐྲན་སོགས་སོ། །༽ཁ་ཟས་ཀྱི་མི་མཐུན་པའི་རྒྱུ་ལས་བྱུང་བ་ནི་ནང་གི་སྟེ། ཕྱི་དང་ནང་གི་ནད་དེ་རྣམས་ཀྱི་གསོ་བ་ནི་གཉེན་པོར་གྱུར་པའོ། །དེའི་དོན་རྡོ་རྗེ་ལྟར་མི་ཕྱེད་ཅིང་སྙིང་པོར་གྱུར་པའི་སྔགས་ཀྱི་ཡི་གེའི་ཚིག་རྣམས་ཏེ། ཛི་ན་ཛཱིཀ་ཅེས་བྱ་
བ་ལ་སོགས་པ་གསུམ་གྱིས་སོ། །ནད་ཀྱི་ཞེས་བྱ་བ་ལ་སོགས་པ་ལ། ནད་ཀྱི་རྡོ་རྗེ་ནི་གསོ་བར་དཀའ་བའི་ནད་དེ། དེ་བསྐུལ་བ་ཡིས་ཞེས་བྱ་བ་ནི་དེ་དབྱུང་བའི་བསམ་པས་སོ། །ཡི་གེའི་ཚིག་ནི་གང་འདོད་པ། །ཞེས་པ་ནི། འདི་རྣམས་ལས་སྔགས་ཀྱི་ཚིག་
གང་འདོད་ཅིང་མངོན་པར་དགའ་བས་དད་པས་ཏེ། མོས་པས་བསྟེན་ན་དེས་ཡོན་ཏན་འཐོབ་པར་འགྱུར་བ་སྟེ། འབྲས་བུ་འཐོབ་པར་འགྱུར་བ་དེ་དང་འདྲ་བའི་སྟེ། སྔགས་དེ་དང་རྗེས་སུ་མཐུན་པའི་གཟུགས་ནི་ལྷའི་སྐུ་བསྒོམ་ཞིང་བསམ་པར་བྱའོ། །རྡོ་རྗེ་གསུམ་
གང་རུང་གི་ཏིང་ངེ་འཛིན་གཉིས་སྔོན་དུ་བྱ་ལ། ལས་སྦྱོར་གྱི་དུས་སུ་ཇི་ལྟར་བྱ་ཞེ་ན། རང་གི་ཐུགས་ཀའི་ཏིང་ངེ་འཛིན་སེམས་དཔའི་མཐའ་དང༌། བསྒྲུབ་བྱའི་ལྟེ་བར་སྔགས་གསུམ་གང་རུང་འོད་ཟེར་འབར་བ་དང་བཅས་པ་བསམས་ལ། དམ་ཚིག་སྤྲེའུ་དང་འདྲ་བ་ཞེས་བྱ་བ་སྟེ། ནད་སྤྲེའུ་དང་འདྲ་བའམ།
འམ། ཡང་ན་ཁྱི་ལས་བྱུང་བའང་རུང་།  ཞེས་བྱ་བ་སྟེ། ཁྱི་དང་འདྲ་བའོ། །དེ་ལྟ་བུའི་གཟུགས་ཅན་གྱི་ནད་དེ། ནད་པ་རང་གི་ལུས་དང་ངག་སེམས་ལ་གནས་ལས་ཞེས་པ་སྟེ། ལུས་༼དམ་ཚིག་གི་སྐད་དོད་ས་མ་ཡའི་སྒྲ་ལ་ངེས་ཚིག་གིས་བཤད་ན་བདེ་འདས་ཏེ་ནད་དོ། །༽
རང་ངག་དང་སེམས་ལ་ཀུན་ཏུ་བརྟེན་ནས་གནས་པ་དེ་སྙིང་གར་ཡི་གེ་ཀཾ་ནག་པོའི་རྣམ་པར་བསྡུས་པར་བསམ་མོ། །དེ་ནས་ལྟེ་བའི་སྔགས་ཀྱི་འོད་ཟེར་གྱིས་གྱེན་དུ་བདས་པས་སྔགས་སྙིང་གར་ཕྱིན་པ་ན། ཚོགས་གཉིས་རྫོགས་པའི་ཡེ་ཤེས་ཀྱི་མེའི་རང་བཞིན་ཤིན་ཏུ་དཀར་བར་གྱུར་ཏེ། དེའི་ཚེ་ཡི་གེ་ཀཾ་
4-2-368a


ཡང་སྣའི་རྩེ་མོར་བྱུང་སྟེ་སྡིག་པའི་ངོ་བོ་ཀཾ་དེ་གནག་ཅིང་མི་སྡུག་པའི་སྤྲེའུ་འམ། ཁྱི་དང་འདྲ་བའམ། གནག་ཅིང་མི་སྡུག་པའི་ཡི་དྭགས་ཀྱི་གཟུགས་སུ་གྱུར་ནས་སྟེ། བྱུང་བ་དག་ཏུ་རྣམ་པར་བསམ་ཞེས་བྱ་བ་ནི། བསྒྲུབ་པར་བྱ་བའི་ལུས་ལས་བྱུང་བར་རྣམ་
པར་བརྟག་ཅིང་བསྒོམ་པར་བྱའོ། །དེ་ནས་ཤིན་ཏུ་སྐྲག་ཅིང་རིད་པའི་གཟུགས་སུ་མདུན་ན་གནས་པ་ལ་སྔགས་གསུམ་པོ་གང་རུང་ལ། སྡིག་པ་ཐམས་ཅད་ཆོམས་ཤིག་ཧཱུྃ། ཞེས་པའི་སྤེལ་ཚིག་དང་བཅས་པ་བརྗོད་ཅིང་འཁོར་ལོའམ་རྡོ་རྗེ་ཁ་གྱེས་པ་རྡོ་རྗེའི་གོ་འཕང་སྟེ། ལག་པ་གཡས་
པར་གནས་པར་བསྒོམས་ལ། དེ་འཕངས་པས་ལུས་དང་ངག་སེམས་དམ་ཚིག་རྣམས་ཏེ། ལུས་ལ་སོགས་པ་ལ་གནོད་པར་བྱེད་པའི་ནད་ཕྱེ་མར་བརླག་ཅིང་ཐལ་བར་གྱུར་པར་བསྒོམ་པར་བྱའོ། །དེ་ནས་བརྩམས་ཏེ་ཞེས་པ་དུས་དེ་ནས་བཟུང་སྟེ། རྫོགས་པའི་
སངས་རྒྱས་ཞེས་བྱ་བ་མི་བསྐྱོད་པ་ལ་སོགས་པ་དང་བྱང་ཆུབ་སེམས་དཔའ་ཞེས་བྱ་བ་བྱམས་པ་ལ་སོགས་པ་དང་། གྲགས་ཆེན་རྣམས་ཞེས་བྱ་བ་སྒྲུབ་པ་པོ་རང་གི་ལུས་ལ་གནས་པ་རྣམས་ནད་པ་དེ་ལ། བྱིན་བརླབས་གོ་འཕང་དམ་པ་དག། ཅེས་
བྱ་བ། ནད་ལས་ངེས་པར་རྒྱལ་བ་རབ་ཏུ་གནས་པ་དགྱེས་པའི་སྤྱན་གྱིས་ཏེ། སྤྱན་གདངས་ནས་རབ་ཏུ་སྩོལ་ཅིང་སྟེར་བར་འགྱུར་རོ། །འདི་སྐད་ཅེས་ཀྱང་བཀའ་སྩལ་ཏོ་ཞེས་བྱ་བ་ནི། སྡུད་པར་བྱེད་པས་འོག་ནས་བཤད་པ་ལ་ལྟོས་པའོ། །ནད་ལས་རྒྱལ་བ་སྟེར་
ལུགས་ཇི་ལྟར་ཞེ་ན། རང་ལུས་ངག་སེམས་རྡོ་རྗེ་ལ། །ཞེས་བྱ་བ་སྟེ། ནད་པའི་སྒོ་གསུམ་ལ་སངས་རྒྱས་ཀྱི་སྤྲིན་ནི་སྤྱན་དང་སྙོམས་པར་ཞུགས་པའི་རྣམ་པར་སྣང་མཛད་ཀྱི་ཚོགས་རྣམས་དང༌། དེ་བཞིན་དུ་རྡོ་རྗེ་རྒྱལ་པོ་སྤྲིན་ཆེན་པོ་སྟེ། ཇི་ལྟ་བ་
4-2-368b


བཞིན་བྱུང་བའི་མི་བསྐྱོད་པའི་སྤྲིན་རྣམས་དང༌། འོད་དཔག་ཏུ་མེད་པའི་སྤྲིན་རྣམས་བཞག་སྟེ། དེ་ལྟར་བྱས་པས་ནད་ལས་ཐར་བར་འགྱུར་རོ།། ༈ རྫོགས་པའི་རིམ་པ་ལ་གནས་པ་རྣམས་ཀྱི་ནད་ཚར་གཅད་པ་བསྟན་པར་བྱ་བའི་ཕྱིར། ཕྱོགས་བཅུའི་
ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ཐམས་ཅད་ཅེས་བྱ་བ་ནད་པའི་གཟུགས་ཀྱི་ཕུང་པོ་ལ་སོགས་པའི་ངོ་བོ་ཉིད་དོ། །༼དེ་དག་གི་དོན་ནི། ལྷ་གསུམ་ཡུམ་དང་སྙོམས་པར་ཞུགས་པའི་བྱང་ཆུབ་ཀྱི་སེམས་ཀྱི་རྒྱུན་ནད་པ་ལ་ཕབ་པའི་མཐར། དེའི་གནས་གསུམ་དུ་དགོད་དོ། །
༼བློ་ལྡན་ནི་མིག་སོགས་རང་རང་གི་རྣམ་པར་ཤེས་པ་དང་ལྡན་པ་རྣམས་སོ། །བྱང་ཆུབ་སེམས་དཔའ་དག་ནི་མིག་ལ་སོགས་པ་རྣམས་སོ། །དེ་ལ་ནི་ནད་པ་ལའོ། །ཁྲོས་པ་ནི་ལྡང་བས་བསྐྱོད་པས་ཏེ། ནད་པ་དེ་དག་གི་འཆི་བར་བྱེད་པ་དམ་པ་ཡིན། ཞེས་
བྱ་བ་ནི། འོད་གསལ་བར་འཇུག་པའི་མཚན་ཉིད་ཅན་དུ་བྱ་བའོ། །བསམ་གཏན་སྦྱོར་བ་འདི་དག་གིས། །ཞེས་བྱ་བ་ནི། འོད་གསལ་༼ཉེས་པས་བསྐྱོད་པ་འཁྲུགས་པའོ་ཟེར་ཏེ། ཕྱི་ནང་གི་ཉེས་པའི་རྐྱེན་གྱིས་བསྐྱོད་པས་ཁམས་རྣམས་མི་མཉམ་པར་འཁྲུགས་ཤིང་ན་བའོ། །
༽བ་ལ་དམིགས་པ་འདིས་ནི། ནད་ཀྱི་རིགས་གང་ཡིན་པ་༼ནད་ཞི་བའི་བསམ་པས་ནད་པ་འོད་གསལ་དུ་འཇུག་པར་སྒོམ་པའོ། ༽ལས་ལས་སྐྱེས་པའམ་སྟེ། ལས་ལས་བྱུང་བར་གང་གྲགས་ཤིང་ཤེས་པ་དེ་ཉི་མ་བདུན་གྱིས་འཇིག་པར་འགྱུར་རོ། །
ཡང་ཟློས་པ་སྟེ་རྡོ་རྗེ་བཟླས་པས་རྗེས་སུ་དྲན་པས་ཀྱང་རྣམ་པར་འཇིག་པར་འགྱུར་རོ། །དེ་བཤད་པ་ནི་བརྒྱ་རྩ་བརྒྱད་ཀྱི་ཞེས་བྱ་བ་ནི། བརྒྱ་དང་བཅས་པའི་བརྒྱད་བརྒྱ་སྟེ། ས་ཆུ་མེ་རླུང་གི་དཀྱིལ་འཁོར་བཞི་པོ་རེ་རེར་བརྒྱ་ཕྲག་དགུ་ཟློས་པ་ནི་༼ཡང་ན་
4-2-369a


བརྒྱ་བརྒྱད་ཟེར། ༽བརྒྱ་རྩ་བརྒྱད་དུ་བཟླས་པ་སྟེ། དེའི་སྦྱོར་བས་ཀྱང་ནད་རྣམས་འཇིག་པར་འགྱུར་རོ། །ཡང་ན་བདག་གི་སྔགས་དེ་ལྷའི་ང་རྒྱལ་གྱིས་ཞེས་བྱ་བ་སྟེ། བདག་ལ་བྱིན་གྱིས་བརླབ་པའི་སྒྱུ་མའི་ལུས་ཀྱི་སྦྱོར་བས་རྡོ་རྗེ་
བསམ་གཏན་ཏེ། ནད་རྣམ་པར་འཇིག་པའི་བསམ་གཏན་ནོ། །ཆོ་གས་བསམ་ཞེས་བྱ་བ་ནི། དེའི་ཆོ་ག་དྲན་པར་བྱ་བའོ། །འདི་ནི་ཞེས་བྱ་བ་ནི། བཤད་མ་ཐག་པའི་རྫོགས་རིམ་པའི་ཆོ་ག་གསུམ་པོ་ཐམས་ཅད་དོ། །ནད་རྣམས་ཐམས་ཅད་ཀྱི་ཞེས་བྱ་བ་ནི་ཕྱི་དང་ནང་
གིའོ། །དམ་ཚིག་ནི་རྡོ་རྗེ་སེམས་དཔས་གསུངས་པའོ། །ཤིན་ཏུ་འདའ་བར་དཀའ་བ་༼ཞེས་པ་ནི་བསྒྲུབ་བྱའི་ནད་ཞི་བར་བྱ་བའི་བསམ་པས་བསྒྲུབ་བྱ་དེ་སྒྱུ་མའི་སྐུར་སྒོམ་པར་བྱེད་པའོ། །༽ནི་བཟླ་བར་མི་བྱ་བའོ།། ༈ དེ་ལྟར་ལས་ཀྱི ཚོགས་རབ་འབྱམས་རྣམས་
བཤད་ནས། །ད་ནི་སྒྱུ་མ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས། ཕྱག་རྒྱ་ཆེན་པོ་སྒྲུབ་པ་ལ་ཞུགས་པ་རྣམས་ཀྱི། འདོད་པའི་རྨི་ལམ་བསྟན་པར་བྱ་བའི་ཕྱིར། དེ་ནས་རྒྱལ་པོ་ཞེས་བྱ་བ་ལ་སོགས་པ་གསུངས་ཏེ། ཡེ་ཤེས་ཀྱོ་བ་ནི་རྣམ་
པར་སྣང་མཛད་ལ་སོགས་པའོ། །དེ་རྣམས་ཀྱི་ནང་ན་འོད་པོ་ཆེ་ནི་གཙོ་བོའོ། །འདོད་པའི་ཡོན་ཏན་ལ་བརྟེན་ནས་ཐར་པ་རབ་ཏུ་༼ཞེས་པ་ནི་གཙོ་ཆེ་བ་དེ་ལྟར་ཡིན་གྱི་བསྐྱེད་རིམ་པའི་ཡང་རྨི་ལྟས་དང་མི་འདོད་པའི་རྨི་ལྟས་ཀྱང་སྟོན་ནོ། །༽སྩོལ་བསན། ༼
༼འདོད་པས་ཐར་པའོ་ཟེར། ༽འདོད་དང་ཐར་པའོ། །རྡོ་རྗེ་ཆོས་ཞེས་བྱ་བ་ནི་རྡོ་རྗེ་འཆང་ཆེན་པོ་སྟེ། དེས་གསུང་འདི་སྐད་བཀའ་སྩལ་པའོ།། ༈ ཆོས་རྣམས་རྨི་ལམ་ལྟ་བུ་སྟེ། །ཞེས་བྱ་བ་ནི། ཕྱི་ནང་གི་དངོས་པོའི་ཆོས་རྣམས་ནི་
4-2-369b


རྨི་ལམ་དང་འདྲ་བར་རྫུན་པ་དེ་རྣམས་ལའོ། །ངོ་བོ་ཉིད་ཀྱིས་མ་སྐྱེས་ཤིང་། ༼སྟེ་སྐྱེ་བ་མེད་དོ། །སྐྱེ་བ་མེད་ཚུལ་ནི་ལང་ཀར་གཤེགས་པ་ལས། རང་བཞིན་གྱིས་མ་སྐྱེས་པ་ལ་དགོངས་ནས་ངས་ཆོས་ཐམས་ཅད་སྐྱེ་བ་མེད་པའོ་ཞེས་གསུངས་སོ། །ཞེས་གསུངས་པ་དང་ངོ་བོ་ཉིད་ཀྱིས་མ་སྐྱེས་
ཞེས་འདིར་གསུངས་པ་གཉིས་དོན་གཅིག་པས། ངོ་བོ་ཉིད་ཀྱིས་སམ་རང་བཞིན་གྱིས་མ་སྐྱེས་ཞེས་བྱ་ཡི་སྐྱེ་བ་ཙམ་འགོག་པའི་ཆད་ལྟ་བསྐྱེད་པར་མི་བྱའོ། །༽ཞེས་བྱ་བ་ནི། རང་བཞིན་གྱིས་སྐྱེ་བ་མེད་པའི་རྒྱུ་མཚན་དུ་སྐྱེ་བའི་རྒྱུ་མེད་པའི་ཕྱིར་རོ། །རང་བཞིན་དག་པའི་དེ་ཉིད་ལ། །ཞེས་
བྱ་བ་ལ། རང་བཞིན་ནི་འོད་གསལ་བའོ། །དེས་དག་པ་ནི་རྙོག་པ་རྣམས་དང་བྲལ་བའོ། །དེ་ཉིད་ཅེས་པའི་དེ་༼ཞེས་གསུངས་པས་ནི་སྐྱེ་བ་ཙམ་རྒྱུ་ལ་ལྟོས་ཀྱང༌། རང་བཞིན་གྱིས་སྐྱེ་བ་ནི་སུ་ལའང་མི་ལྟོས་པས་དེ་ལ་སྐྱེ་བའི་རྒྱུ་གཞག་ཏུ་མེད་པའི་ཕྱིར་རོ། །༼ཁོ་ན་ཉིད་ནི་འོད་༽
ཞེས་པ་ནི་ངོ་བོ་ཉིད་དམ། རང་གི་མཚན་ཉིད་ཀྱིས་གྲུབ་པས་སྟོང་པ་ནི་རང་བཞིན་འོད་གསལ་ཡིན་ལ། དེ་ལྟར་རྟོགས་པ་དེས་རྙོག་པའི་དྲི་མ་ཐམས་ཅད་དང་བྲལ་བར་བྱེད་པ་ནི་རང་བཞིན་རྣམ་དག་གི་དོན་རྟོགས་པའོ། །༼གསལ་གྱི་ཡེ་ཤེས་དང་དབྱེར་མེད་དུ་བསྐྱེད་རྒྱུའི་ལྷའི་སྐུ་གང་ཡིན་པ་སྟེ་དེ་ནི་ངོ་བོ་ཉིད་
ཀྱིས་དག་པའི་དེ་ཁོ་ན་ཡིན་ནོ། །དེ་ལྟར་རྟོགས་པ་དེ་གང་ལ་ཡོད་པ་རྣམས་ལ་སྟོན་པས་འཁྲུལ་པའི་རྡོ་རྗེ་རབ་ཏུ་གསུངས་པ། ཞེས་བྱ་བ་ལ། འཁྲུལ་པ་ནི་སེམས་རྟག་ཆད་དུ་ལྟ་བའི་སྒོ་ནས་འཁོར་བར་རྣམ་པར་འཁོར་བའོ། །དེའི་རྡོ་རྗེ་ནི་རྡོ་རྗེ་དང་འདྲ་བར་རྟག་ཆད་དུ་ལྟ་བ་དེ་
འཇོམས་པས། དེ་གཉིས་ཉེ་བར་ཞི་བའོ་སྟེ། རྨི་ལམ་རྫུན་པའི་གྱི་དཔེས་འདུས་བྱས་མ་བྱས་ཀྱི་ཆོས་ཐམས་ཅད་ཀྱང་རང་རང་གི་རྒྱུ་རྐྱེན་ལ་བརྟེན་ནས་འབྱུང་བ་ལ་བསྙོན་པར་མི་ནུས་པ་དང༌། གང་དུ་སྣང་བ་དེའི་རང་གི་ངོ་བོ་ཉིད་ཀྱིས་གྲུབ་པས་ཀུན་ཏུ་སྟོང་པ་རྨི་ལམ་དང་
4-2-370a


མཚུངས་པར་ཤེས་ནས། རང་བཞིན་གྱིས་གྲུབ་པའི་རྟག་པ་དང་བྱ་བྱེད་ཐམས་ཅད་མི་འཐད་པའི་ཆད་པའི་མཐར་འཛིན་པའི་འཁྲུལ་པ་ཤེས་ནས་ལྟ་བ་ལོག་པ་ཐམས་ཅད་རབ་ཏུ་སྤོང་ངོ་སོ་ཞེས་བྱ་བར་དགོངས་སོ། ། 
༈ བསམ་གཏན་ཞེས་བྱ་བ་ལ་སོགས་པ་ལ། བསམ་གཏན་དང་བཟླས་པ་ལ་རྟག་ཏུ་བརྩོན་པའི་སྒྲུབ་པ་པོ་རྣམ་པ་གཉིས་ཀྱིས། རྟག་ཏུ་སྟེ་༼འཁྲུལ་པ་རབ་ཏུ་གསུངས་པ་ནི་རབ་ཏུ་སྤོང་ངོ་ཞེས་དགོངས་སོ་ཟེར། ༼རྒྱུན་དུ་བསླབས་ན་མཐོང་བའོ། །༽
རྒྱུད་ལས། སྒྲུབ་པོ་རྟག་ཏུ་བསམ་གཏན་དང༌། །བཟླས་བརྗོད་དག་ནི་ལྷུར་ལེན་པ། །སངས་རྒྱས་བྱང་ཆུབ་སེམས་རྣམས་ཀྱིས། །མཐོང་བའི་དབྱེ་བ་རྣམ་གཉིས་གཟིགས། །ཞེས་འབྱུང་ངོ༌། །༽སངས་རྒྱས་ནི་ནང་གི་བདག་ཉིད་ལ་མཆོག་ཏུ་གཞོལ་བའོ། །བྱང་ཆུབ་སེམས་དཔའ་
རྣམས་ནི་སྔགས་ལ་མཆོག་ཏུ་གཞོལ་བའོ། །དབྱེ་བ་རྣམ་པ་གཉིས་སུ་མཐོང༌། །ཞེས་བྱ་བ་ནི། མཚན་མ་དང་བཅས་པ་བསྐྱེད་རིམ་པ་དང་མཚན་མ་མེད་པ་རྫོགས་རིམ་པའི་དབྱེ་བ་རྣམ་པ་གཉིས་ཀྱིས་རྨི་ལམ་སྣང་ཞིང་མཐོང་བར་འགྱུར་རོ། །
སྔགས་དང་ནང་ལ་གཞོལ་བ་འདི་སྐབས་གཞན་དུ་བསྐྱེད་རིམ་ཉིད་ལ་བཤད་པ་མང་ཡང་འདི་ནི་རིམ་གཉིས་ཀྱི་རྣལ་འབྱོར་པ་ལ་བྱའོ། ༈ དེ་ལ་རིམ་གཉིས་ཀྱི་སྒྲུབ་པ་པོ་རྣམ་པ་གཉིས་ལ་འོག་ནས་བཤད་༼རྨི་ལམ་འདི་རྣམས་སྤྱོད་བསྡུས་ལས་སྤྱོད་པ་བྱས་པ་
ལ་འབྱུང་བར་གསུངས་སོ། །༽པ་འདི་ནི། འབྲས་བུ་ཆེན་པོ་སྟོན་པའི་རྨི་ལམ་ཡིན་པས་རྨི་ལམ་ཆེན་པོ་སྟེ། དེ་ཉིད་མི་སླུ་བ་ཡིན་པའི་ཕྱིར་དམ་ཚིག་སྟེ་མི་འདའ་བའི་གི་གནས་སོ། །༼འདི་ཡང་ལམ་གྱི་དུས་གང་དུ་འབྱུང་བར་གསུངས་པའི་དུས་དེར་བྱུང་ན་
4-2-370b


མི་སླུ་བ་ཡིན་གྱི། དེའི་ཕྱོགས་སུ་མ་སླེབ་པར་བྱུང་བ་མང་སྟེ་དེ་ནི་མི་སླུ་བ་མིན་ནོ། །༽བྱང་ཆུབ་ཡེ་ཤེས་མཆོག་ནི་འོད་གསལ་བ་སྟེ། དེར་ཞུགས་པར་བདག་ཉིད་མཐོང་བ་དང༌། རྫོགས་པའི་སངས་རྒྱས་འོད་ནི་བཟང་པོར་ཏེ། ཡེ་ཤེས་ཀྱི་སྐུར་མཐོང་བ་དང༌། བརྒྱ་ལམ་ན་
སངས་རྒྱས་ཀྱི་རྫོགས་ལོངས་སྤྱོད་པའི་སྐུ་ཐོབ་པར་རྣལ་འབྱོར་པ་དེ། བདག་ཉིད་མྱུར་དུ་མཐོང་ན་རིང་པོར་མི་ཐོགས་པར་ཇི་ལྟར་མཐོང་བ་ལྟར་མངོན་སུམ་དུ་བྱེད་པར་འགྱུར་རོ། །སེམས་ཅན་ཆེན་པོ་ཁམས་གསུམ་པས། །ཞེས་བྱ་བ་སྟེ། ཚངས་པ་དང་བརྒྱ་བྱིན་ལ་
སོགས་པ་མཐུ་ཆེན་པོ་དང་ལྡན་པ་རྣམས་ཀྱིས། མཆོད་པ་བྱེད་པར་སྒྲུབ་པ་པོ་དེ་བདག་ཉིད་མཐོང་བ་དང༌། ཡེ་ཤེས་ཆེན་པོ་སྟེ་རྡོ་རྗེ་འཆང་ཆེན་པོ་དང་མདངས་མཚུངས་པར་འགྱུར་བ་དང༌། གཟུགས་ཏེ་རང་གི་ལུས་མཐོང་ཞིང་དེ་ལ་སངས་རྒྱས་དང་བྱང་ཆུབ་སེམས་
དཔའ་ཁྱད་པར་ཅན་གྱི་གཟུགས་ལ་སོགས་པའི་ཡུལ་རྣམས་ཀྱིས། རྟག་ཏུ་ངེས་པར་མཆོད་པ་བྱེད་བཞིན་པར་མཐོང་ན། རིང་པོར་མི་ཐོགས་པར་སྒྲུབ་པ་པོ་ཕྱག་རྒྱ་ཆེན་པོའི་དངོས་གྲུབ་མངོན་སུམ་དུ་བྱེད་པར་འགྱུར་རོ་ཞེས་བྱ་བའི་བར་དུའོ། །རྡོ་རྗེ་སེམས་དཔའི་
ཞེས་བྱ་བ་ལ་སོགས་པ་ལ། རྡོ་རྗེ་སེམས་དཔའ་ནི་མི་བསྐྱོད་པའི་སྐུའོ། །གཟུགས་ཆེན་དང་ནི་རྣམ་པར་སྣང་མཛད་ཀྱི་སྐུའོ། །གྲགས་པ་ཆེན་པོ་སྟེ་རིན་ཆེན་འབྱུང་ལྡན་དུའམ། རྡོ་རྗེ་ཆོས་ཏེ་འོད་དཔག་ཏུ་མེད་པར་རམ། རྡོ་རྗེ་གསང་བ་སྟེ་དོན་ཡོད་པར་གྲུབ་པའི་སྐུར་
རང་གི་གཟུགས་ཏེ་བདག་གི་ལུས་སྒྲུབ་པ་པོ་དེས་མཐོང་བ་དང༌། བྱང་ཆུབ་སེམས་དཔའ་ནི་ཡེ་ཤེས་མཉམ་པའི་ངོ་བོ་ཉིད་དོ། །རྡོ་རྗེ་ཅན་ནི་སློབ་བཞིན་པའི་རྣལ་འབྱོར་པའོ། །སངས་རྒྱས་ཆེན་པོ་ནི་ཉན་ཐོས་དང་རང་སངས་རྒྱས་རྣམས་ཕྱག་འཚལ་ན་ཡང་དེ་
4-2-371a


བཞིན་དུ་སྒྲུབ་པ་པོས། འདི་ལྟ་བུའི་རྡོ་རྗེ་སེམས་དཔའ་ལ་སོགས་པའི་གཟུགས་ཀྱིས་གདུལ་བྱ་གཞན་རྣམས་ལ། སྐུ་དང་གསུང་དང་ཐུགས་ཀྱི་དངོས་གྲུབ་སྩོལ་བར་མཛད་ཅིང༌། ཕྱག་རྒྱ་ཆེན་པོའི་དངོས་གྲུབ་སྟེར་བ་རིང་པོར་མི་ཐོགས་པར་མཐོང་
བར་འགྱུར་རོ་ཞེས་བྱ་བ་ནི་རྨི་ལམ་གྱི་འབྲས་བུའོ།། ༈ བསྐྱེད་རིམ་པའི་རྨི་ལྟས་ནི་རྒྱན་རྣམས་ཐམས་ཅད་ཡོངས་སུ་རྫོགས་པའི། ལྷ་ཡི་བུ་མོ་ཡིད་དུ་འོང་བ་སྟེ། བརླ་དབང་ལ་སོགས་པ་ལྷའི་བུ་མོ་རྣམས་མཐོང་བ་དང་། ཡང་ན་མིའི་
བུ་མོའམ་ཁྱེའུ་མཚན་ཐམས་ཅད་དང་ལྡན་པའི་ཁྱེའུ་དང༌། བུ་མོ་གང་གིས་མཐོང་བ་དེ་ནི་འཇིག་རྟེན་པའི་དངོས་གྲུབ་རྣམས་འཐོབ་ཅིང་རེག་པར་འགྱུར་རོ།། ༈ ཕྱོགས་བཅུ་ན་བཞུགས་༼མ་ནི་བརྒྱ་བྱིན་གྱི་ཆུང་མའོ། །༽པའི་དེ་བཞིན་གཤེགས་པ་རྣམས་
རང་གི་སངས་རྒྱས་ཀྱི་ཞིང་ན་བཞུགས་པ་རྣམས་སྒྲུབ་པ་པོ་གང་གིས་ངེས་པར་མཐོང་ན། གང་ལ་ཇི་ལྟ་བ་བཞིན་དུ་དེ་བཞིན་གཤེགས་པ་རྣམས་ཐུགས་དགྱེས་པར་གྱུར་ནས། ཆོས་ཀྱི་མཛོད་དེ་དམ་པའི་ཆོས་ཀྱི་རྒྱལ་པོ་གླེགས་བམ་དུ་ཆུད་པ་ཡིད་དུ་འོང་ཞིང་
དགའ་བར་བྱེད་པ་སྩོལ་བར་འགྱུར་རོ། །གང་ཆོས་ཀྱི་༼མཐོང་བ་དང་ཟེར། ༽འཁོར་ལོ་སྒྱུར་བའི་སྟེ་ཆོས་ཀྱི་སྟན་སེང་གེའི་ཁྲི་ལ་བཞུགས་པར་ལུས་ཏེ་བདག་གི་ལུས་སངས་རྒྱས་ཀུན་དང༌། བྱང་ཆུབ་སེམས་དཔའ་རྣམས་ཀྱིས་ཡོངས་སུ་བསྐོར་
བའོ། །བསམ་གཏན་རྡོ་རྗེ་ལ་གནས་པའི། །ཞེས་པ་ནི། རྫོགས་པའི་རིམ་པ་ལ་གནས་པའི་དམ་ཚིག་སྦྱོར་བས་ཏེ་སྒྲུབ་པ་པོས་མཐོང་བར་གྱུར་ན་དེ་ནི་འཇིག་རྟེན་ལས་འདས་པའི་དངོས་གྲུབ། འགྲུབ་པར་འགྱུར་རོ་ཞེས་བྱ་བ་ནི་རྨི་ལམ་མཐོང་བའི་འབྲས་བུ་
4-2-371b


ཡིན་ནོ།། ༈ ཀུན་དགའ་རྭ་བ་ནི་དཀའ་ཐུབ་ཀྱི་གནས་སོ། །སྐྱེད་མོས་ཚལ་ནི་རྒྱལ་པོའི་རྩེད་མོ་བྱེད་པའི་ཚལ་ཏེ། དེ་དག་ལ་སོགས་པ་ཡིད་ཉམས་དགའ་བའི་ས་ཕྱོགས་རྣམ་པ་སྣ་ཚོགས་པ་ལ། ལྷ་དང་མི་ལ་སོགས་པའི་བུ་མོས་བརྒྱན་པར་བསམ་གཏན་
གྱི་དམ་ཚིག་ཅན་ཏེ། ཡོངས་སུ་རྟོག་པའི་རྣལ་འབྱོར་ལ་གནས་པ་གང་གིས་མཐོང་བ་དེ་ནི། སངས་རྒྱས་ཀུན་གྱིས་བྱིན་གྱིས་བརླབས་པ་སྟེ། དེ་བཞིན་གཤེགས་པ་ཐམས་ཅད་ཀྱི་ཡིད་དུ་འོང་བའི་དངོས་གྲུབ་འཐོབ་པར་འགྱུར་ཏེ། དེ་ཉིད་ལས་འཇིག་རྟེན་པའི་བདེ་བ་
ཡིད་ལ་འདོད་པ་ཡང་འཐོབ་པར་འགྱུར་བ་ནི་རྨི་ལམ་གྱི་རྣམ་པར་སྨིན་པའོ། །བདག་ཉིད་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་དབང་བསྐུར་བར་གྱུར་པ་གང་གི་རྨི་ལམ་དུ་མཐོང་བ་དེ་ནི། རིག་འཛིན་རྒྱལ་པོ་ཆེན་པོ་ཡིས་ཏེ། རིག་པ་འཛིན་པའི་གཙོ་བོ་
རྣམས་ཀྱིས་བདག་ཉིད་ལ་མཆོད་པ་བྱས་པར་མཐོང་ན་རྨི་ལམ་གྱི་འབྲས་བུ་ཐོབ་པར་འགྱུར་རོ་ཞེས་ཀྱང་གསུངས་སོ།། ༈ མངོན་པར་འདོད་པའི་རྨི་ལམ་ཉེ་བར་བསྡུ་བར་བྱ་བའི་ཕྱིར། རྡོ་རྗེ་ལས་བྱུང་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་ལས་
བྱུང་བ་ནི་དེ་བཞིན་གཤེགས་པས་བསྟན་པའོ། །སྣ་ཚོགས་པ་ནི་དེ་ལྟར་གསུངས་པ་རྣམས་དང༌། མ་གསུངས་པའི་རྨི་ལམ་དྲི་མ་མེད་པ་སྟེ། རྨི་ལམ་བཟང་པོ་གང་གིས་མཐོང་བ་དེས་ནི་སྐུ་དང་གསུང་དང་ཐུགས་ཀྱི་རྡོ་རྗེ་ལས་སྐྱེས་པ་སྟེ། ཐ་མལ་པའི་ལུས་
དང་ངག་དང་ཡིད་ལས་བྱུང་བ་བླ་ན་མེད་པའི་དེ་ཁོ་ན་ཉིད། རྫོགས་པར་གྱུར་པའི་ཡོངས་སུ་དག་པའི་ལྷའི་སྐུ་འགྲུབ་ཅིང་འཐོབ་པར་འགྱུར་རོ།། ༈ གདོལ་པ་ཞེས་བྱ་བ་ལ་སོགས་པ་ནི། དམ་ཚིག་ཉམས་པས་རྨི་ལམ་ངན་པ་མཐོང་བ་ནི།
4-2-372a


གདོལ་པ་དང་ཁྱི་ལ་སོགས་པ་ཞེས་བྱ་བར་སྦྱར་ཏེ། སོགས་པའི་སྒྲས་ནི་སྤྲེའུ་དང་ཡི་དྭགས་ལ་སོགས་པ་གཟུགས་ངན་པ་རྣམས་ཀྱང་གཟུང་ངོ༌། །རྡོ་རྗེ་བློས་ཞེས་བྱ་བ་ནི་སྒྲུབ་པ་པོས་ཏེ། གལ་ཏེ་གདོལ་པ་སོགས་དང་སྦྱོར་བ་འདི་ལྟ་བུ་
མཐོང་ན་ནི་བློ་དང་ལྡན་པ་བདེན་པ་མཐོང་ཞིང༌། རྡོ་རྗེ་སེམས་དཔའ་སྟེ། བརྩོན་འགྲུས་བརྟན་པ་ཡིན་ཡང་སེམས་ཀྱི་གནས་ཏེ། ངན་འགྲོའི་ལུས་འགྲུབ་པར་འགྱུར་བ་སྟེ་སྡིག་པར་སྟེ་ངན་འགྲོར་ཉེ་བར་འགྲོ་བར་འགྱུར་ཏེ། རྩ་བའི་དམ་ཚིག་ལས་འདས་པར་བྱས་
ཤིང་དམ་ཚིག་ཡོངས་སུ་སྤངས་པས།༼ཞེས་པ་ནི་བདེན་པ་མངོན་སུམ་དུ་རྟོགས་པ་ལ་བྱར་མི་རུང་བས། བདེན་བཞི་རྟོགས་པའི་ཤེས་རབ་དང་ལྡན་པ་ལ་བྱའོ། །༽འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ལ་རབ་ཏུ་ཞུགས་པར་གྱུར་ཀྱང༌། ཡ་ང་བ་མ་
སྤངས་པས་དུས་བྱེད་པར་འགྱུར་རོ་ཞེས་བྱ་བའི་བར་དུའོ།། ༈ དེ་ལ་ཞེས་བྱ་བ་ལ་སོགས་པ་ལ། སྒྲུབ་པ་པོ་དེ་ལ་ཆོས་རྣམས་དང་རྨི་ལམ་དཔེ་དོན་དུ་སྦྱར་ཏེ་དེ་ཁོ་ན་ཉིད་སྒྲུབ་པ་འོག་ནས་བཤད་པ་འདི་ནི། རྨི་ལམ་རྣམ་པར་དཔྱད་༼
སྙིམ་པའི་མེ་ཏོག་ལས། གདོལ་པ་མོའམ། ཁྱི་མོའམ། རྒོད་མ་ལ་སོགས་པ་རྣམས་དང༌། བདག་ཉིད་སྦྱོར་བར། རྡོ་རྗེ་སློབ་དཔོན་ཏེ་བསྟན་པའི་བློས་མཐོང་བར་གྱུར་པ་དེའི་ཚེ། བློ་ལྡན་རྡོ་རྗེ་སེམས་དཔའ་སྟེ། མི་བསྐྱོད་པའི་སེམས་ཀྱི་གནས་ཏེ། ཐུགས་ཀྱི་གསང་བ་འགྲུབ་པར་
འགྱུར་རོ། །ཞེས་རྨི་ལམ་བཟང་བའི་རྟགས་སུ་བཤད་དོ། །༽པའི་དམ་ཚིག་སྟེ། རྨི་ལམ་དེ་ལ་བརྟེན་ནས་དེ་ཁོ་ན་ཉིད་ལ་རྣམ་པར་དཔྱོད་པའི་དུས་དེའི་ཚེ་སྙིང་པོར་གྱུར་པ་ཡིན་ཅིང་། དེ་ཁོ་ན་ཉིད་ལ་ཐེ་ཚོམ་གཅོད་པར་བྱེད་པའི་སྙིང་པོའི་ཚིག་གོ། རང་
4-2-372b


སེམས། རྣམས་ནི་དམིགས་པ་ནི་སེམས་ལ་དམིགས་ནས་སོ་སོར་རྟོགས་པའི་ཤེས་རབ་ཀྱིས་དེ་ཁོ་ན་ཉིད་དུ་གྲུབ་མ་གྲུབ་དཔྱད་པ་སྟེ། དེ་ལྟར་དཔྱད་པས་སེམས་རང་བཞིན་གྱིས་གྲུབ་པས་སྟོང་པའི་ཀྱི་ངོ་བོ་ཉིད་ཡོངས་སུ་ཤེས་པ་དེ་ལྟར་ཤེས་པ་ལའོ། །
དེ་བཞིན་དུ་སད་དུས་ཀྱི་སྣོད་བཅུད་ཀྱི་ཆོས་རྣམས་ཐམས་ཅད་ཀྱང་རང་གི་སེམས་ཀྱིས་བཏགས་པ་ཙམ་སྟེ། བཏགས་པ་ཙམ་ལས་གཞན་དུ་གྱུར་པ་ཅི་ཡང་མེད་པ་དེ་ལྟར་རབ་ཏུ་གནས་སོ། །རྨི་ལམ་མཐོང་བའི་དུས་སུ་སྣོད་བཅུད་དུ་སྣང་བ་རྣམས་སེམས་ལས་ཕྱི་རོལ་ན་མི་གནས་
ཏེ། མིག་ཡོར་ཏེ་སྣང་བརྙན་ཙམ་དུ་སྣང་བ་གང་ཡིན་པ་དེ་ཐམས་ཅད་ནི་རང་གི་སེམས་ཀྱི་ངོ་བོ་ཉིད་ཏེ། རང་གི་སེམས་ཉིད་ལས་ངོ་བོ་ཐ་དད་པ་གཞན་ན་ཅི་ཡང་མེད་དོ། །གལ་ཏེ་སྣོད་བཅུད་ཀུན་སེམས་ཀྱིས་བཏགས་པ་ཙམ་ཡིན་ན་སེམས་དེ་ཉིད་ཀྱང་གང་ན་
གནས་ཤེ་ན། ནམ་མཁའ་རྡོ་རྗེ་གནས་སེམས་འདི། །ཞེས་བྱ་བ་སྟེ། ནམ་མཁའ་རྡོ་རྗེ་ནི་འོད་གསལ་བའོ། །དེ་ལ་གནས་པའི་སེམས་ནི་ནམ་མཁའ་རྡོ་རྗེའི་སེམས་ཏེ། སེམས་སུ་མ་ཟད་དངོས་པོ་འདི་དག་ཐམས་ཅད་ཀྱང་གཉིད་ཀྱིས་ལོག་པ་རྨི་ལམ་མམ་
འམ། མ་ལོག་པ་སད་པའི་གནས་སྐབས་ན་འོད་གསལ་དེ་ལ་གནས་སོ། །༼འདིར་འོད་གསལ་ནི་རང་བཞིན་གྱིས་གྲུབ་པས་སྟོང་པ་སྟེ། སེམས་དེ་ལ་གནས་པར་བསྟན་པ་ན། སེམས་ཀྱང་རང་བཞིན་གྱིས་གྲུབ་པས་སྟོང་པར་གོའོ། །༽སེམས་ལས་དངོས་པོ་ཐ་དད་པར་
གནས་པ་ཡོད་དམ་ཞེ་ན། ༼ཞེས་འདྲི་བ་འདི་ཕྱི་རོལ་གྱི་དོན་འགོག་འདོད་ནས་འདྲི་བ་མིན་ཏེ། ལུགས་འདིའི་དབུ་མ་ལ་དོན་སེམས་གཉིས་བདེན་གཉིས་གང་དུའང་ཡོད་ན་ཡོད་མཉམ་དང༌། མེད་ན་མེད་མཉམ་དུ་ཁས་བླང་དགོས་ཤིང༌། དེ་བཞིན་དུའང་གསུངས་པས་སོ། །དེས་ན་སེམས་ཀྱིས་བཏགས་
4-2-373a


པ་ཙམ་ལས་དངོས་པོ་ཏེ་ངོ་བོ་ཐ་དད་པར་ཡོད་དམ་ཞེས་འདྲི་བའོ། །དེ་ཕྱིར་ངོ་བོ་ཉིད་མེད་པའོ། །ཞེས་རང་གི་ངོ་བོས་གྲུབ་པ་མེད་པའི་ལན་ཡང་ལེགས་པར་འབྲེལ་ལོ། །༽ཆོས་མེད་ཅེས་བྱ་བ་གསུངས་ཏེ་དངོས་པོ་རྣམས་ཀྱི་ངོ་བོ་ཉིད་མེད་པའོ། །གལ་ཏེ་
ཆོས་ཅན་མི་བདེན་ཀྱང་ཆོས་རྣམས་བདེན་པས་སྟོང་པའི་ཆོས་ཉིད་འགའ་ཞིག་བདེན་པར་ཡོད་དམ་ཞེ་ན། ཆོས་ཉིད་མེད་པའོ་ཞེས་བྱ་བ་གསུངས་སོ། །༼ཏེ་རྩ་ཤེ་ལས། མི་སྟོང་ཅུང་ཟད་ཡོད་མིན་ན། །སྟོང་པ་ཡོད་པར་ག་ལ་འགྱུར། །ཞེས་དང༌། འདུས་བྱས་རབ་ཏུ་མ་གྲུབ་པས། །འདུས་
མ་བྱས་ནི་ཇི་ལྟར་འགྲུབ། །ཅེས་གསུངས་པ་ལྟར། ཆོས་ཅན་བདེན་གྲུབ་འགོག་པའི་རིགས་པ་དེས་ཆོས་ཉིད་བདེན་གྲུབ་ལེགས་པར་དགག་ནུས་པའི་ཕྱིར་དང༌། བདེན་གྲུབ་ལ་རྟེན་བརྟེན་པའི་འབྲེལ་བ་འགོག་ནུས་པའི་ཕྱིར་དང་། རྟེན་དང་བརྟེན་པའི་འབྲེལ་བ་མེད་ན་ཆོས་ཅན་དང་ཆོས་ཉིད་དུ་མི་རུང་བའི་ཕྱིར་ཏེ་རྒྱས་པར་
གཞན་དུ་བཤད་ཟིན་ཏོ། །༽འདིར་གསུངས་པ་རྒྱུད་རྡོར་འཕྲེང་ལས་གསུངས་པ་ལྟར་ཕུང་པོ་དང་པོ་བཞི་དང་ས་སོགས་ཁམས་བཞི་དང་ཡུལ་གྱི་སྐྱེ་མཆེད་བཞི་དང་མིག་སོགས་དབང་པོ་བཞི་དང་སོགས་ཀྱིས་དེ་དག་གི་ལྷག་མ་རྣམས་སོ། །དེ་ལྟར་འདུས་པ་ལས་
སྣང་བ་དང་མཆེད་པ་སྐྱེ་བ་ནི་ཤེས་པ་གཉིས་༼ཞེས་པ་ནི་གཉིད་ལོག་སད་ཀྱི་སྣང་བ་ལ་བདེན་རྫུན་གྱི་ཁྱད་པར་མེད་པར་སྤྱོད་བསྡུས་ལས་གསུངས་པ་ཁུངས་སུ་འདྲེན་པའོ། །༽པོའོ། །དེ་རྣམས་ལུས་འདིར་ལེགས་པར་འདུས་པ་ནི་ཤེས་པ་ཡུལ་ལ་འཇུག་པ་རང་དབང་མེད་པར་རིམ་
གྱིས་འདུས་པའོ། ནས། དེ་གཉིས་ཀྱང་སྔ་མ་ཕྱི་མ་ལ་འདུས་ནས་ཉེར་ཐོབ་ཏུ་ཐིམ་པ་ནི་སྟོང་པ་ཆེན་པོར་གྱུར་པས་གང་ཞིག་གཉིད་འཐུག་ལོག་པ། འོ། གཉིད་ཀྱིས་སྟོང་པར་ཞུགས་པ་ལས་རླུང་གིས་བསྐྱོད་པ་ལ་བརྟེན་པས་ཏེ་ནས་ངེས་པར་རྨི་ལམ་མཐོང༌།
4-2-373b


བ་སྟེ་འཆར་རོ། །རྨི་ལམ་བཟང་པོ་ལས་འབྲས་བུ་བཟང་པོ་ཐོབ་པར་འདོད་པས་བདེན་པར་ཀུན་ཏུ་བརྟགས་པའི། གཉིད་ལོག་པའི་སྣང་བ་དང་སད་པའི་སྣང་བལ་བདེན་རྫུན་གྱི་དབྱེ་བ་ཡོད་པ་མ་ཡིན་ནོ། །ཆོས་རྣམས་དེ་ཀུན་རྨི་ལམ་ལྟ་བུ་སྟེ། རྫུན་དང་
བདེན་པའི་ཁྱད་པར་དག་ཀྱང་ཡོད་པ་མ་ཡིན་ནོ། ཞེས་སྤྱོད་བསྡུས་ལས་གསུངས་པའོ།། ༈ དེ་ནས་ཞེས་བྱ་བ་ལ་སོགས་པ་ལ། དེ་བཞིན་གཤེགས་པ་ཐམས་ཅད་ནི་མི་བསྐྱོད་པ་ལ་སོགས་པའོ། །ངོ་མཚར་དུ་གྱུར་པ་ནི་རྨི་ལམ་བསྟན་པ་ལའོ། །རྨད་དུ་
གྱུར་པ་ནི་རྨི་ལམ་གྱི་འབྲས་བུ་ཐོབ་པས་སོ། །དེ་བཞིན་གཤེགས་པ་ཐམས་ཅད་ཀྱི་༼སྤྱོད་བསྡུས་ཀྱི་གཞུང་འདི་དག་ལ་བརྟེན་ནས། གཉིད་དང་རྨི་ལམ་དང་བསྲེ་བ་དང་སྒྱུ་མ་ལོངས་སྐུ་དང་སྤྲུལ་སྐུའི་བསྲེ་བ་ཁྱད་པར་ཅན་རྣམས་རྟོགས་དགོས་པ་ནི་རྒྱས་པར་རིམ་ལྔ་གསལ་སྒྲོན་དུ་བཤད་ཟིན་ཏོ། །
༽དམ་ཚིག་ནི། རྡོ་རྗེ་སེམས་དཔའི་ཏིང་ངེ་འཛིན་ཏེ། དེའི་ཐེ་ཚོམ་གཅོད་པ་རྡོ་རྗེ་སེམས་དཔའ་ལ་ཞུས་པའོ། །འདི་ཅི་ཞིག་ལགས་ཞེས་བྱ་བ་ནི་ཞུས་པ་སྟེ། འདི་དག་ནི་ཤིན་ཏུ་དཀའོ་ཞེས་བྱ་བར་དགོངས་སོ། །དཀའ་བ་དེ་གང་ཡིན་སྙམ་ན་ཆོས་རྣམས་ངོ་བོ་ཡེད་པ་
ལ། ཞེས་པ་ནི། དངོས་པོ་ཏེ་ངོ་བོས་གྲུབ་པ་མེད་པའི་ཆོས་རྣམས་ཀྱི་འབྲས་བུ་སྟོན་པ་ལ་ཆོས་ཀྱི་དེ་ཉིད་དེ་འབྲས་བུ་ཐོབ་པ་ཡོད་པའི་དེ་ཁོ་ན་ཉིད་དེ་རྒྱུ་འབྲས་མི་སླུ་བར་ཀུན་ཏུ་བཤད་དོ། །དེ་བས་ན་རྒྱུ་ལ་བརྟེན་ནས་འབྲས་བུ་འབྱུང་ཞེས་རྒྱུ་རྟེན་དང་འབྲས་བུ་བརྟེན་པ་པོར་བྱེད་
པ། ནམ་མཁའ་ལ་ནི་སྟེ་གཞིར་གྱུར་པ་ལ་བརྟེན་ནས་ནམ་མཁའ་སྒོམ་པ་སྟེ། ནམ་མཁའ་བརྟེན་པ་པོར་བྱས་ནས་སྐྱེ་བ་པ་ནི་ཇི་སྲིད་དུ་སྟེ་དེ་ཇི་ལྟ་བ་དེ་ལྟར་དུ་གྱུར་པ་ངོ་མཚར་ལས་བྱུང་བ་ནི་ངོ་མཚར་བསྟན་པའོ། །༼འདི་ནི་ཤིན་ཏུ་དཀའ་སྟེ་བརྟེན་ནས་འབྱུང་བའི་
4-2-374a


རྟེན་འབྲེལ་ཡོད་ན་རང་གི་ངོ་བོ་ཉིད་ཀྱིས་ཡོད་པར་འགྱུར་ཞིང༌། རང་གི་ངོ་བོ་ཉིད་ཀྱིས་ཡོད་པ་བཀག་ན་རྒྱུ་འབྲས་ཀྱི་བྱ་བྱེད་ཐམས་ཅད་མེད་པར་སོང་ནས་ཡང་དག་པའི་ལྟ་བ་མི་རྙེད་པའི་ཕྱིར་རོ། །དེས་ན་དེ་གཉིས་ལ་འགལ་འདུ་མེད་པར་རྟོགས་པ་ནི་ཤིན་ཏུ་ངོ་མཚར་བའོ་ཞེས་སྟོན་པ་
ཡིན་པས། ལྟ་བ་འཚོལ་བ་ལ་གནད་ཤིན་ཏུ་ཆེ་བར་ཟུངས་ཤིག། ༈ སྔར་བཤད་པའི་འགལ་བ་ལྟར་སྣང་བ་གཉིས་ནི་གཏན་མ་འགལ་བར་འདུ་བ་ནི་དེ་བཞིན་གཤེགས་པའི་དགོངས་པ་ཉིད་ཡིན་པར་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་
གསུངས་ཏེ། རྡོ་རྗེ་འཆང་ཆེན་པོས་དེ་བཞིན་གཤེགས་༼དེ་བཞིན་གཤེགས་པ་རྣམས་ཀྱི་བསམ་པ་ཉིད་གསལ་བར་བྱ་བའི་ཕྱིར། ཞེས་ཟེར་བ་ལ་ཡང་ཅུང་ཟད་ཅིག་བཤད་དུ་ཡོད་ཀྱང་དེ་བཞིན་གཤེགས་པའི་དགོངས་པ་ཉིད་ཡིན་པར་བསྟན་པ་ནི་ཞེས་ཟེར་བ་ནི་ལེགས་པར་སྣང་སྟེ་འགྱུར་རྙིང་དང་
ཡང་མཐུན་ནོ། །༽པ་རྣམས་ལ་འདི་སྐད་ཅེས་གསུངས་ཏེ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཅེས་བྱ་བ་ནི་འཁོར་གྱི་དེ་བཞིན་གཤེགས་པ་རྣམས་ལ་བོད་པའོ། །འདུས་མ་བྱས་པའི་ནམ་མཁའ་ནི་ཆོས་གང་དང་ཡང་སྟེ། བུམ་པ་དང་
སྣམ་བུ་ལ་སོགས་པ་གང་དང་ཡང་མི་ལྡན་ཏེ། ༼པ་སྟེ། ལྡན་པ་མ་ཡིན་ཞེས་པ་ཡིན་ལ། དེའི་དོན་ནི་དེ་གཉིས་དབྱེར་མེད་པ་མ་ཡིན་པའོ། །ཐ་དད་པར་ཡང་མི་སྣང་བའི་ཕྱིར་རོ། །མི་ལྡན་པ་ཡང་མ་ཡིན་ཏེ། བུམ་སྣམ་ལ་སོགས་པའི་གཟུགས་ཅན་གྱི་དངོས་པོ་༼
ཞེས་པའི་རྒྱུ་མཚན་འདི་ཆག་འགྱུར་ལས་ཀྱང་འདི་བཞིན་འབྱུང་ཡང༌། པ་ཚབ་ཀྱིས་ཐ་དད་པ་ཉིད་དུ་མཐོང་བའི་ཕྱིར་རོ། །ཞེས་བསྒྱུར་བ་ལེགས་ལ། དོན་ནི། ནམ་མཁའ་ནི་ཐོགས་པའི་རེག་བྱ་བཀག་ཙམ་ལ་འཇོག་ལ། བུམ་སྣམ་སོགས་ནི་དེ་ལ་མི་འཇོག་པས་དེ་གཉིས་ཐ་དད་དུ་གཞག་དགོས་པའི་ཕྱིར་ཞེས་པའོ། །
4-2-374b


འོ་ན་དེ་གཉིས་བུམ་སྣམ་བཞིན་དུ་སོ་སོར་གནས་པ་ཞིག་ཡིན་ནམ་སྙམ་ན། མི་ལྡན་པ་ཞེས་པ་ནི་འོག་ནས་ལྡན་པ་དང་བྲལ་བ་དག་ཀྱང་ཞེས་གསུངས་པས་སོ་སོར་བྲལ་བའི་ངོ་བོ་ཐ་དད་པ་མིན་ཞེས་པའོ། །༽ཐམས་ཅད་ནམ་མཁའ་དེའི་བདག་ཉིད་དེ་ངོ་བོ་ཉིད་ཡིན་པའི་ཕྱིར་རོ། །ནམ་མཁའ་དེ་
ཐམས་ཅད་དུ་གཏོགས་པ་ནི་ཡོད་པའི་ཆོས་བུམ་པ་ལ་༼དཔེར་བརྗོད་ན། བུམ་པ་སྟོང་པའི་ནང་དེར་ཆུ་ལ་སོགས་པའི་ཐོགས་བཅས་གཞན་བཀག་པ་ཙམ་ཞིག་ཡོད་པ་དེ་ནམ་མཁའ་ཡིན་ལ། བུམ་པ་དང་དེའི་ནང་དུ་ཐོགས་བཅས་གཞན་བཀག་པ་གཉིས་ངོ་བོ་ཐ་དད་ན། བུམ་པ་དེ་ནང་གི་ཐོགས་བཅས་གཞན་
བཀག་པ་མིན་པར་འགྱུར་བས་ངོ་བོ་གཅིག་པའོ། །དེས་གཞན་ལའང་ཤེས་པར་བྱའོ། །༽སོགས་པ་རྣམས་ལ་ཡང་ཁྱབ་པ་ཉིད་ཡིན་ལ་བུམ་སོགས་དེ་རྣམས་ཀྱི་ངོ་བོ་ཉིད་ནམ་མཁའ་ལ་གནས་པའང༌གཟུགས་ཅན་བཞིན་དུ་རྗེས་སུ་བལྟར་མེད་པ་སྟེ། གཉིས་པོ་དེ་དག་
བདག་ལ་ཡོད་དོ་ཞེས་བྱ་བའི་མངོན་པའི་ང་རྒྱལ་ཡང༌ནམ་མཁའ་འདི་ལ་མེད་པས་ན་ནམ་མཁའ་དེ་ང་ནི་ཆོས་ཐམས་ཅད་དུ་གཏོགས་ལ། ཐམས་ཅད་ཀྱི་རྗེས་སུ་སོང་བར་བལྟར་མེད་པའོ་སྙམ་དུ་ཡང་མི་སེམས་སོ་ཞེས་བྱ་བ་གསུངས་སོ། །དེ་ལྟར་དཔེ་
གསུངས་ནས། དཔེ་དེ་དང་དོན་ཡང་དག་པར་སྦྱར་བ་བསྟན་པར་བྱ་བའི་ཕྱིར། དེ་བཞིན་དུ་ཞེས་བྱ་བ་ལ་སོགས་པ་གསུངས་ཏེ། ཇི་ལྟར་ནམ་མཁའ་ཆོས་གང་དང་ཡང་མི་ལྡན་པས་ཏེ། མི་ལྡན་པ་ཡང་མ་ཡིན་པ་དེ་བཞིན་དུ་རྨི་ལམ་དང༌། རྨི་ལམ་གྱི་འབྲས་
བུ་དག་གི་ལྡན་པ་མེད་པ་དང་མི་ལྡན་པ་བྲལ་བ་དག་ཀྱང་བལྟ་བར་བྱའོ། །༼སྟེ། འདི་ནི་དཔེ་དོན་སྦྱོར་ཚུལ་དང་པོའོ། །འདི་ལ་སྣམ་བུ་སོགས་ནི་རྨི་ལམ་དང༌། རྨི་ལམ་གྱི་འབྲས་བུ་གཉིས་ཀྱི་དཔེའོ། །ནམ་མཁའ་ནི་དེ་གཉིས་ཀྱི་དེ་ཁོ་ན་ཉིད་ཀྱི་དཔེའོ། །དེས་ན་རྨི་ལམ་དང་དེའི་འབྲས་བུ་གཉིས་ནི་
4-2-375a


རང་གི་མཚན་ཉིད་ཀྱིས་གྲུབ་པས་སྟོང་པ་དང་དབྱེར་མེད་པའི་གཅིག་མ་ཡིན་ཏེ། གཅིག་ཀུན་རྫོབ་བདེན་པ་དང་གཅིག་ཤོས་དོན་དམ་བདེན་པ་ཡིན་པའི་ཕྱིར་རོ། །ངོ་བོ་ཐ་དད་པའི་མི་ལྡན་པ་ཡང་མ་ཡིན་ཏེ། དེ་གཉིས་རང་གི་ངོ་བོ་ཉིད་ཀྱིས་གྲུབ་པས་སྟོང་། དེའི་བདག་ཉིད་ཡིན་
པའི་ཕྱིར་རོ། ཞེས་སྦྱར་ཏེ། ཆོས་ཅན་དང་ཆོས་ཉིད་གཉིས་དབྱེར་མེད་ཀྱི་གཅིག་ཡིན་པ་དང༌། ངོ་བོ་ཐ་དད་པ་བཀག་ནས་ངོ་བོ་གཅིག་ལ་ལྡོག་པ་ཐ་དད་པར་བསྟན་ནོ། །༽དཔེ་དོན་སྦྱོར་ཚུལ་གཉིས་པ་སྟོན་པ་ནི་ཇི་ལྟར་ནམ་མཁའ་ཆོས་ཐམས་ཅད་དུ་གཏོགས་པ་དང༌། ཐམས་ཅད་ཀྱི་
རྗེས་སུ་བལྟའོ་སྙམ་དུ་མི་སེམས་པ་དེ་བཞིན་དུ། རྨི་ལམ་དང་དེའི་འབྲས་བུ་ཡང་དེ་དང་འདྲའོ་ཞེས་བསྟན་པར་བྱ་བའི་ཕྱིར། ལྟ་བུ་ནི་རྣམ་པར་ཡང་བསྒྱུར་བས་ཆོག་པས་རྨི་ལམ་ལྟ་བུ་སྟེ་རྣམ་པ་དང་རྨི་ལམ་གྱི་དམ་ཚིག་ལས་བྱུང་བ་ནི་རྨི་ལམ་གྱི་འབྲས་བུར་
རྗེས་སུ་སྟེ་འདྲ་བར་རྟོགས་པར་བྱའོ། །ཞེས་བྱ་བ་གསུངས་སོ།། ༈ རྨི་ལམ་སོགས་དེ་ཉིད་ཀྱི་རྣམ་པར་དག་པ་རང་བཞིན་མེད་པས་ཆོས་གཞན་ཀུན་ལ་ཡང་ཁྱབ་པར་བསྟན་པར་བྱ་བའི་ཕྱིར། བཅོམ་ལྡན་འདས་ཞེས་བྱ་བ་ལ་སོགས་པ་
གསུངས་ཏེ། ཇི་ལྟར་ནམ་མཁའ་བརྟག་ཏུ་མེད་ཅིང་བལྟར་མི་༼འདི་ལ་དཔེ་དོན་སྦྱོར་ཚུལ་གཉིས་ལས། གཅིག་ནི་ཇི་ལྟར་ནམ་མཁའ་གཟུགས་ཅན་ཀུན་ལ་སོང་བ་དང༌། དེ་བལྟར་མི་མངོན་པ་བཞིན་དུ་རང་གི་ངོ་བོ་ཉིད་ཀྱིས་གྲུབ་པས་སྟོང་པ་རྨི་ལམ་དང༌། དེའི་འབྲས་བུའི་ཆོས་
ཀུན་ལ་ཁྱབ་པ་དང༌། ཁྱབ་ཀྱང་དེ་བལྟར་མི་མངོན་པར་ཤེས་པར་བྱའོ། །གཅིག་ནི་ནམ་མཁའ་དེ་ཆོས་གཉིས་པོ་དེ་ཡིན་ཀྱང་དེ་གཉིས་ཡིན་ནོ་སྙམ་དུ་མི་ལྟ་བ་དེ་བཞིན་དུ། ཆོས་རྣམས་རང་གི་ངོ་བོ་ཉིད་ཀྱིས་གྲུབ་པས་སྟོང་པའི་དོན་དམ་མངོན་སུམ་ཏུ་རྟོགས་པའི་ཚེ། རྟོག་པ་གང་ཡང་མེད་པ་དང༌།
4-2-375b


གཉིས་ཀྱི་སྣང་བ་རྣམས་ཉེ་བར་ཞི་བར་ཤེས་པར་བྱའོ། །༽སྣང་བ་དེ་བཞིན་དུ་རྨི་ལམ་གྱི་ངོ་བོ་ཉིད་ཀྱང་དེ་དང་འདྲ་སྟེ། བརྟག་ཏུ་མེད་པ་ནི་མིག་ལ་སོགས་པའི་དབང་པོས་གང་ཡུལ་དུ་བྱར་མེད་པའོ། །ཐོགས་པ་མེད་པ་ནི་རྩིག་པ་ལ་སོགས་པ་ལ་རྡུགས་པ་མེད་དོ། །
དེ་བཞིན་དུ་ཕུང་པོ་ལ་སོགས་པའི་ཆོས་ཐམས་ཅད་ཀྱང་ཡོངས་སུ་ཤེས་པར་བྱ་ན། རྨི་ལམ་དང་རྨི་ལམ་གྱི་འབྲས་བུ་ལྟ་སྨོས་ཀྱང་ཅི་དགོས། ཆོས་ཐམས་ཅད་ནམ་མཁའ་དང་མཚུངས་པར་གཏན་ལ་འབེབས་པ་འདི། སྔར་བསྟན་པ་དེ་ཙམ་དུ་མ་ཟད་སླར་ཡང་བསྟན་པར་བྱ་བའི་ཕྱིར། བཅོམ་
ལྡན་འདས་ཞེས་བྱ་བ་ལ་སོགས་པ་གསུངས་ཏེ། ལུས་དང་ངག་དང་སེམས་ནི་༼ཡོངས་སུ་ཤེས་པར་བྱ་ཚུལ་ནི། སྔར་རྨི་ལམ་དང་དེའི་འབྲས་བུ་གཉིས་ལ་ནམ་མཁའ་དཔེར་བླངས་ཏེ་བཤད་པ་ཇི་ལྟ་བ་བཞིན་དུ་ཤེས་པར་བྱའོ། །༽སེམས་ཅན་གྱི་འཇིག་རྟེན་ནོ། །ཆོས་ཐམས་ཅད་ནི་སྣོད་
ཀྱི་འཇིག་རྟེན་ནོ། །བརྗོད་བྱའི་ཡུལ་ལ་རྡོ་རྗེ་ལྟར་མི་བཟློག་པར་འཇུག་པ་ལ་བརྗོད་བྱ་དང་རྗོད་བྱེད་དུ་གནས་པདེའི་དམ་ཚིག་ནི་དེ་ལས་འདར་མེད་པ་ནི་ངག་གི་རང་བཞིན་མ་ལུས་པ་སྟེ་དེས་ཇི་སྙེད་ཅིག་བརྗོད་དོ་ཅོག་ཐམས་ཅད་དོ་འོ། །ཐམས་ཅད་ཀྱི་རྗེས་སུ་སོང་བ་ནི། 
འཇིག་རྟེན་གྱི་ཁམས་མཐའ་ཡས་མུ་མེད་པ་ཐམས་ཅད་དུ་ཁྱབ་པའོ། །ཆོས་དེ་རྣམས་ངོ་བོ་ཉིད་གཅིག་པ་ནི་རང་བཞིན་གྱིས་གྲུབ་པས་སྟོང་པའི་མཚན་ཉིད་དེ་རང་བཞིན་གཅིག་པ་སྟེ་མཚུངས་པར་ཤེས་པར་བྱའོ། །འདི་ལྟ་སྟེ་ཞེས་བྱ་བ་ནི་རང་བཞིན་དེ་ཇི་ལྟ་
བུ་ཡིན་པ་མཚན་གཞི་གཅིག་ལ་སྟོན་པའོ། །སེམས་ཀྱི་ངོ་བོ་ཉིད་ནི་སེམས་ཀྱི་རང་བཞིན་ནོ། །༼ཞེས་པ་ནི་སྔར་སེམས་རང་བཞིན་མེད་པར་གཏན་ལ་ཕབ་པའོ། །༽ལུས་དང་ངག་དང་སེམས་ཀྱི་ཁམས་གང་ཡིན་ཞེས་བྱ་བ་ནི་ཆོས་ཐམས་ཅད་དེ། དེ་དང་ནམ་མཁའི་
4-2-376a


ཁམས་ཏེ། གཉིས་པོ་དེ་དག་ནི་དོན་ཡིན་ལུགས་ལ་གཉིས་སུ་མེད་ཅིང་བློས་ཀྱང་དེ་ལྟར་གཉིས་སུ་བྱར་མེད་པས། ཐ་དད་པ་མེད་པའི་མཚན་ཉིད་ཅན་ནོ། །བཅོམ་ལྡན་འདས་ཞེས་བྱ་བ་ལ་སོགས་པ་ནི། སྔར་བཤད་པའི་དོན་འདི་ཉིད་རྣམ་
པར་འགྲེལ་ཏེ། སེམས་ཅན་ཐམས་ཅད་ཅེས་བྱ་བ་ནི་སྒོ་ང་ལས་སྐྱེས་༼འདིར་སྔར་བསྟན་པ་ལས་ཁྱད་པར་ལྷག་པོ་ཅི་ཞིག་བསྟན་ཞེ་ན། དཔེར་ན་ནམ་མཁའ་ནི་རང་གི་དགག་བྱ་ཐོགས་པའི་རེག་བྱ་བཀག་ཙམ་ལ་འཇོག་པ་བཞིན་དུ། ཆོས་ཅན་སོ་སོ་བ་མཐའ་ཡས་ཀྱང༌། དེ་རྣམས་ཀྱི་དེ་ཁོ་ན་ཉིད་ནི་བདེན་
པ་རྣམ་པར་བཀག་ཙམ་ལ་འཇོག་པ་འདི་ཉིད་ལ་ངེས་པ་བསྐྱེད་པ་ཡིན་ལ། ནམ་མཁའ་དང་འདྲ་བར་འཆད་ལུགས་ཁྱད་པར་བ་ཡོད་དོ། །༽པ་ལ་སོགས་པའོ། །དེ་ནི་ནམ་མཁའ་འི་ཁམས་ལ་གནས་ཏེ་འདུས་མ་བྱས་པའི་ནམ་མཁའི་ཁམས་དེ་ནི། འདོད་པའི་ཁམས་
ལ་སོགས་པ་ལ་རྟེན་དང་བརྟེན་པའི་རང་གི་མཚན་ཉིད་ཀྱིས་གནས་པ་མ་ཡིན་ནོ། །དེ་བས་ན་ཆོས་གང་དེ་ལྟར་ཁམས་༼ཞེས་པ་ནི་སྡུད་པ་ལས། མཁའ་ལ་རླུང་བརྟེན་དེ་ལ་ཆུ་ཡི་ཕུང་པོ་བརྟེན། །དེ་ལ་ས་ཆེན་འདི་བརྟེན་དེ་ལ་འགྲོ་བ་བརྟེན། །ཞེས་གསུངས་པ་ལྟར་རོ། །
༽གསུམ་ན་མི་གནས་པ་དེ་ནི་རང་བཞིན་གྱིས་སྐྱེ་བ་མེད་དོ། །ཆོས་གང་ལ་རང་བཞིན་གྱིས་སྐྱེ་བ་མེད་པའི་ཆོས་འདི་ནི་ཆོས་གང་གིས་ཀྱང་སྟེ། ངོ་བོ་ཉིད་ཀྱིས་གྲུབ་པའི་ངོ་བོ་ཉིད་གང་དང་གང་གིས་ཀྱང་བརྟག་པར་མི་ནུས་ཤིང་འཇོག་པར་མི་ནུས་ཏེ། ཆོས་
ཐམས་ཅད་ནི་ངོ་བོ་ཉིད་མེད་པའི་ཕྱིར་ཤིན་ཏུ་དབྱེར་མེད་པའོ། །དེ་བས་ན་སྟེ་སེམས་ཅན་རྣམས་ནམ་མཁའ་ལ་གནས་པ་དང༌། ནམ་མཁའ་ལ་ཡང་རང་གི་མཚན་ཉིད་ཀྱིས་གྲུབ་པའི་ངོ་བོ་ཉིད་ཅུང་ཟད་ཀྱང་མེད་པའི་ཚུལ་དེ་ལྟར་ཆོས་ཐམས་ཅད་ཀྱང་བདེན་པས་སྟོང་པའི་སྟོང་པ་ལ་
4-2-376b


གནས་པ་དང་། བདེན་སྟོང་ལ་ཡང་རང་གི་མཚན་ཉིད་ཀྱིས་གྲུབ་པ་མེད་པར་བྱས་ན་ཆོས་ཐམས་ཅད་ནི་ངོ་བོ་ཉིད་མེད་པ་སྟེ། འོད་གསལ་བའི་ངོ་བོ་ཉིད་དོ། །༼འདིས་ནི་ཆོས་ཐམས་ཅད་ནི་རྩ་བ་ཡོངས་སུ་ཆད་པ་སྟེ། ཞེས་གསུངས་པ་བཞིན་དུ། གང་ལ་གནས་པའི་རྩ་བ་མཐར་གཏུགས་པ་བདེན་པར་གྲུབ་
པ་མེད་པར་བསྟན་ནོ། །དེ་ལྟར་ན། རང་སེམས་རྣམས་ནི་དམིགས་པ་ལ། ཞེས་པ་ནས། ཆོས་ཐམས་ཅད་ངོ་བོ་ཉིད་མེད་པའོ་ཞེས་པའི་བར་གྱིས་དེ་ཁོ་ན་ཉིད་ཀྱི་ལྟ་བ་གཏན་ལ་ཕབ་བོ། །འདུས་པར་སྟོང་ཉིད་གཏན་ལ་ཕབ་པ་འདིར་འབྱུང་བ་བཞིན་དུ་ལེའུ་གཞན་གང་ལས་ཀྱང་མི་འབྱུང་ཞིང༌། དངོས་གྲུབ་རླབས་
ཆེ་བ་གཉིས་གང་སྒྲུབ་ཀྱང་སྒྱུ་མ་ལྟ་བུར་རྟོགས་པ་མེད་ན་མི་འགྲུབ་པར་ལེའུ་འདིའི་མཚམས་སྦྱོར་གྱི་སྐབས་སུ་གསུངས་པས་ཚིག་དོན་རྣམས་འཕགས་པ་ཡབ་སྲས་ཀྱི་བཞེད་པ་བཞིན་དུ་ཟུར་ཕྱིན་པར་བཀོད་དོ། །རྒྱུད་ཀྱི་རྒྱལ་པོ་ལས། འདི་ལྟར་གསུངས་པ་ཤེས་པར་བྱས་ནས་ཟབ་མོ་དབུ་མའི་ལྟ་བ་ཕུ་
ཐག་གཅོད་པ་ལ་འབད་པར་བྱའོ།། ༈ ཀྱེ་བཅོམ་ལྡན་འདས་ཞེས་བྱ་བ་ལ་སོགས་པ་ལ། དེ་བཞིན་གཤེགས་པ་ཐམས་ཅད་ནི་དུས་གསུམ་དུ་གཤེགས་པའོ། །དེ་རྣམས་ཀྱི་ཡེ་ཤེས་ནི་ཡེ་ཤེས་ཀྱི་རང་བཞིན་གྱི་སྐུའོ། །དེའི་འབྱུང་བར་བྱེད་པ་རྡོ་རྗེའི་
གནས་ལྟ་བུ་ནི། རྡོ་རྗེའི་གནས་ལྟ་བུའི་རང་བཞིན་ཏེ། བྱང་ཆུབ་ཀྱི་སེམས་ཉིད་དོ། །༼འདིས་ནི་སྔར་བཤད་པའི་ལྟ་བ་གཏན་ལ་ཕབ་ནས། དེ་ཁོ་ན་ཉིད་ཀྱི་དོན་བསྒོམ་པའི་བྱང་ཆུབ་ཀྱི་སེམས་ཉིད་ཀྱིས་ཤིན་ཏུ་ངོ་མཚར་བའི་སྒྱུ་མའི་སྐུ་བསྒྲུབ་པར་བསྟན་ཏེ། སྔར་བཤད་པ་ལྟར་གྱི་ལྟ་
བ་ལ་རྣལ་འབྱོར་བླ་མེད་པ་དང༌། ཕར་ཕྱིན་གྱི་དབུ་མ་པ་དང༌། རྒྱུད་སྡེ་འོག་མ་གསུམ་ལ་ཞུགས་པ་དང༌། ཁྱད་པར་མེད་ཀྱང་དེ་ཁོ་ན་ཉིད་རྟོགས་ཟིན་གྱི་དོན་བསྒོམ་པ་ནི། ཐམས་ཅད་སྟོང་པའམ་ལྷན་ཅིག་སྐྱེས་པའི་བདེ་བ་ཆེན་པོས་བསྒོམས་པ་ན། ལམ་ཐུན་མོང་མ་ཡིན་པར་འགྱུར་བའི་ཚུལ་ལེགས་
4-2-377a


པར་ཤེས་དགོས་པ་ནི། རིམ་ལྔ་གསལ་སྒྲོན་དུ་རྒྱས་པར་བཤད་ཟིན་ཏོ། །༽བྱང་ཆུབ་ཀྱི་སེམས་དེ་ཡང་ལུས་ལ་མི་གནས་ཏེ། འདོད་པའི་ཁམས་ན་མི་གནས་སོ། །ངག་ལ་མི་གནས་ཏེ། གཟུགས་ཀྱི་ཁམས་ལ་མི་གནས་སོ། །སེམས་
ལ་མི་གནས་པ་སྟེ་གཟུགས་མེད་པའི་ཁམས་ན་ཡང་མི་གནས་སོ། །དེ་ལྟར་ཆོས་གང་ཁམས་གསུམ་ན་མི་གནས་པ་དེ་ནི། རང་བཞིན་གྱིས་སྐྱེ་བ་མེད་པའོ་དོ། །གང་ཁམས་གསུམ་ན་ངོ་བོ་ཉིད་ཀྱིས་མི་གནས་པའི་མཚན་ཉིད་ཅན་ཡོངས་སུ་
ཤེས་པ་དེ་ནི། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་སྐུ་འབྱུང་བར་བྱེད་པའི་རྡོ་རྗེའི་༼ནི་བྱང་ཆུབ་ཀྱི་སེམས་གནས་པ་པོ་དང༌། ཁམས་གསུམ་གནས་སུ་རང་གི་ངོ་བོ་ཉིད་ཀྱིས་གྲུབ་པའི་ཚུལ་གྱིས་མི་གནས་པའོ། །༽ཞེས་པ་ནི་གནས་ཏེ། མི་
ཕྱེད་ཅིང་མི་སླུ་བའི་འབྱུང་གནས་སུ་སྟོན་ནོ་སོ།། ༈ དེ་ལྟར་རྨི་ལམ་ལ་ངོ་བོ་ཉིད་མེད་པའི་དཔེས་དངོས་པོ་གཞན་རྣམས་ཀྱི་ངོ་བོ་ཉིད་མེད་པར་ངེས་པར་བརྟགས་ནས། གཞན་ཡང་རྨི་ལམ་དང་སྒྱུ་མ་ཙམ་ལ་དམིགས་
པ་དེ་ཉིད་བསྟན་པར་བྱ་བའི་ཕྱིར། ༼ཞེས་པ་ནི་སྔར་བཤད་པ་ལྟར་ལྟ་བ་གཏན་ལ་ཕབ་པའོ། །དེ་འདྲ་བའི་སྟོང་ཉིད་རྟོགས་པ་དང༌། སྒྱུ་མ་ལྟ་བུར་རྟོགས་པ་ནི། ཐེག་པ་གཞན་དང་རྒྱུད་སྡེ་འོག་མ་དང༌། རིམ་པ་དང་པོ་དང་ཐུན་མོང་བ་ཡིན་པས་སྤྱི་དོན་གྱི་སྟོང་ཉིད་རྟོགས་པ་དང་། སྤྱི་དོན་གྱི་སྒྱུ་མའི་
ཏིང་ངེ་འཛིན་ཡིན་པས། དེ་དང་སྦས་པ་དང༌། མཐར་ཐུག་གི་འོད་གསལ་དང༌། སྒྱུ་མའི་སྐུ་རྣམས་གཏན་མི་འདྲ་བས་ལེགས་པར་ཕྱེད་པར་བྱའོ། །༽ཀྱེ་བཅོམ་ལྡན་འདས་ཞེས་བྱ་བ་ལ་སོགས་པ་གསུངས་ཏེ། བདག་གི་ཁམས་གསུམ་དུ་ཞེས་པ་སྟེ། སེམས་ཅན་རབ་
4-2-377b


འབྲིང་ཐ་མ་རྣམ་པ་གསུམ་ལ་རྨི་ལམ་མཐོང་བར་བྱའོ་ཞེས་པ་སྟེ། རྨི་ལམ་གྱི་འབྲས་བུ་བརྟག་པར་བྱའོ། །སྙམ་པ་རྨི་ལམ་གྱིས་ཀུན་ཏུ་རྟོག་པར་མི་འགྱུར་རོ། །མི་སྟེ་རྨི་ལམ་རྨི་མཁན་ཡང་བདག་གིས་རྨི་ལམ་མཐོང་བར་བྱའོ་ངོ་སྙམ་དུ་གསོལ་བ་འདེབས་
པར་མི་འགྱུར་རོ། །ཞེས་པ་ནི་རྨི་ལམ་གང་རྨིས་ཐམས་ཅད་རྨི་བ་པོའི་འདུན་པའི་དབང་གིས་མ་ཡིན་ཞེས་པའི་དོན་ནོ། །དེ་ལྟར་བློ་སྔོན་དུ་གཏོང་བའི་བྱེད་པ་པོ་མེད་པར་འབྱུང་བའི་རྟེན་འབྲེལ་ཙམ་ཡིན་པ་དེ་བས་ན་ཁམས་གསུམ་གྱི་བྱ་བ་སྟེ་སེམས་ཅན་གྱི་ཚོགས། རབ་འབྲིང་ཐ་མ་རྣམ་
པ་གསུམ་གྱི་གཉིད་མ་ལོག་པའི་གནས་སྐབས་ཀྱི་དགེ་བ་དང་མི་དགེ་བའི་བྱ་བ་རྣམས་ཀྱང་རྨི་ལམ་ལྟ་བུ་སྟེ། རྨི་ལམ་དང་མཚུངས་པར་མི་བདེན་པ་དང༌། རྨི་ལམ་དང་འདྲ་བ་སྟེ་དེ་ནི་རྨི་ལམ་ལྟར་མི་བདེན་ཀྱང་རྒྱུ་སྣ་ཚོགས་པ་ལས་འབྲས་བུ་སྣ་ཚོགས་འབྱུང་བ་
དང༌། རྨི་ལམ་ལས་བྱུང་བ་སྟེ་རྨི་ལམ་གྱི་སྟེ་རྫུན་པའི་ངོ་བོ་ཉིད་དུ་སྟོན་ཏོ། །ཁམས་གསུམ་པའི་བྱ་བ་རྣམས་རྨི་ལམ་དང་འདྲ་བའི་དཔེ་དེ་བཞིན་དུ་རྣམ་པའམ་ཚུལ་འདིས་ཕྱོགས་བཅུའི་འཇིག་རྟེན་གྱི་ཁམས་ཀྱི་སངས་རྒྱས་ཏེ། རྫོགས་པ་རྣམས་དང་
བྱང་ཆུབ་སེམས་དཔའ་སྟེ་རབ་ཏུ་དགའ་བ་ལ་སོགས་པའི་ས་ཐོབ་པ་རྣམས་དང༌། སེམས་ཅན་ཇི་སྙེད་པ་ཐམས་ཅད་ཀྱང་སྟེ། སྒོ་ང་ལས་སྐྱེས་པ་དང་མངལ་ནས་སྐྱེས་པ་དང༌། དྲོད་གཤེར་ལས་སྐྱེས་པ་དང་བརྫུས་ཏེ་སྐྱེས་པ་རྣམས་ཏེ། དེ་དག་ཀྱང་
རྨི་ལམ་དུ་ཤར་བའི་གང་ཟག་ལ་ངར་འཛིན་པའི་བདག་གི་མེད་པ་དང་འི་གནས་སུ་རྗེས་སུ་སྟེ་འདྲ་བར་རྟོགས་པར་བྱ་སྟེ། རྨི་ལམ་དང་འདྲ་བར་སྒྱུ་མ་ལྟ་བུའི་ཏིང་ངེ་འཛིན་ལ་གནས་པར་ཁོང་དུ་ཆུད་པར་བྱའོ།།༼འོ་ན་སྔར་
4-2-378a


ཁམས་གསུམ་པའི་བྱ་བ་ཐམས་ཅད་རྨི་ལམ་བཞིན་དུ་བཤད་ཟིན་མ་ཐག་ཏུ། སླར་ཡང་སེམས་ཅན་ཐམས་ཅད་རྨི་ལམ་དང་འདྲ་བར་བཤད་པ་འདི་མི་དགོས་སོ་སྙམ་ན། སྔར་མ་དང་འདི་གཉིས་རྨི་ལམ་དཔེར་ལེན་པར་འདྲ་ཡང་ལེན་ཚུལ་མི་འདྲ་སྟེ། སྔ་མས་ནི་ཆོས་གཞན་རྣམས་དང་རྨི་ལམ་གཉིས་མི་བདེན་
པར་འདྲ་བར་སྟོན་ལ། འདིར་དག་མ་དག་གི་གང་ཟག་ཏུ་འདོགས་པའི་གཞི་ཐམས་ཅད་མཐར་གཏུགས་ན། རླུང་སེམས་ཙམ་གྱི་ལུས་སུ་ཟད་པ་རྨི་ལམ་དུ་ཤར་བའི་གང་ཟག་དང་འདྲའོ་ཞེས་སྟོན་པས་སྔ་མ་དང་ཁྱད་པར་ཤིན་ཏུ་ཆེའོ། །འདི་ཡང་རགས་པ་གནས་སྐབས་པའི་ལུས་དང༌། ཕྲ་བ་གཉུག་མའི་
ལུས་གཉིས་ལུང་དང་རིགས་པས་སོ་སོར་ཕྱེད་པ་ལ་རག་ལས་ཏེ། གསལ་སྒྲོན་དུ་རྒྱས་པར་བཤད་ཟིན་ཏོ། །དེ་ལྟར་ཤེས་ན་སྒྱུ་མའི་སྐུ་དེ་གང་ལས་སྒྲུབ་པའི་བསྒྲུབ་གཞིའི་སྒྱུ་ལུས་དང༌། དེ་ལས་བསྒྲུབས་པའི་སྒྱུ་ལུས་ལེགས་པར་ཤེས་པར་འགྱུར་བས། གཞུང་འདི་རྣམས་སྤྱོད་བསྡུས་ལས་ཀྱང༌། སྒྱུ་ལུས་
སྟོན་པ་ལ་དྲངས་སོ། །དེའི་ཕྱིར་སྒྱུ་མ་ལྟ་བུའི་ཏིང་ངེ་འཛིན་ལ་གནས་པ་ཤེས་པར་བྱ་ཞེས་དང༌། གནས་པར་ཁོང་དུ་ཆུད་པར་བྱ། ཞེས་པ་ནི་ཡིད་ཀྱི་རང་བཞིན་གྱི་ལྷའི་སྐུས་ཁྱད་པར་བསྟན་ཞེས་པ་དང་འགྲིགས་ལ། གནས་པས་ཤེས་པར་བྱ། ཞེས་པ་ནི་རིམ་ལྔ་ལས། སྒྱུ་མ་ལྟ་བུའི་ཏིང་འཛིན་གནས། །
ཐམས་ཅད་དེ་དང་འདྲ་བར་མཐོང༌། །ཞེས་གསུངས་པ་དང་མཐུན་ཏེ། ཚུལ་གཉིས་ཀ་ཁས་ལེན་པས་མི་འགལ་ལོ། ། ༈ དེ་ལྟར་ཡིད་ཀྱི་རང་བཞིན་གྱི་ལྷའི་སྐུས་ཁྱབ་པར་རབ་ཏུ་བསྟན་ནས། སྒྱུ་མའི་སྐུ་དེའི་ངོ་བོ་ཉིད་རྡོ་རྗེ་འཆང་བསྟན་པར་བྱ་བའི་ཕྱིར། 
བཅོམ་ལྡན་འདས་ཞེས་བྱ་བ་ལ་སོགས་པ་གསུངས་ཏེ། ཡིད་བཞིན་གྱི་ནོར་བུ་རིན་པོ་ཆེ་ནི། འཇིག་རྟེན་པའི་རིན་པོ་ཆེ་ཐམས་ཅད་ཀྱི་ནང་ན་ཤིན་ཏུ་ཁྱད་པར་དུ་འཕགས་པ་སྟེ། མངོན་པར་འདོད་པ་སྟེར་བའི་ཕྱིར་ལྷ་དང་མི་དང་མི་མ་ཡིན་པའི་ཡོན་ཏན་
4-2-378b


ཐམས་ཅད་དང་ལྡན་ཞིང༌། སེམས་ཅན་ཐམས་ཅད་ཀྱིས་གསོལ་བ་བཏབ་ན། གསེར་ལ་སོགས་པ་དེ་བསམས་པ་ཙམ་གྱིས་ཏེ། མངོན་པར་འདོད་པ་ཙམ་གྱིས་གང་འབྱོར་བར་བྱེད་དེ། རིན་པོ་ཆེ་ལ་སོགས་པ་དེ་དག་འབྱུང་བ་ནི། དེ་ཁོ་ན་ཉིད་ལ་དཔྱོད་པའི་རིགས་པས་
དཔྱད་ན་གསོལ་བ་འདེབས་པའི་སེམས་ཅན་རྣམས་ཀྱི་སེམས་ལས་ཀྱང་མ་བྱུང༌། ཡིད་བཞིན་གྱི་ནོར་བུ་རིན་པོ་ཆེ་ལས་ཀྱང་མ་འོངས་སོ། །དཔེ་དེ་བཞིན་དུ་ཆོས་ཐམས་ཅད་དེ་སྒྱུ་མའི་མཚན་ཉིད་ཅན་དང་སངས་རྒྱས་ཏེ་རྫོགས་པ་དང༌། མ་རྫོགས་པའི་སེམས་ཅན་
གྱི་ཚོགས་སོ། །དེ་རྣམས་ཀྱི་ཡིད་བཞིན་གྱི་ནོར་བུ་ལྟ་བུའི་ཆོས་ནི་ལྷའི་འཁོར་ལོ་རྣམས་ཀྱི་རྒྱུར་གྱུར་པ་དྲུག་པ་སྟེ། དེ་ལས་དངོས་གྲུབ་ཐམས་ཅད་འབྱུང་བ་ཡང་རྗེས་སུ་༼དུ་རྟོགས་པར་བྱ་ཞེས་སྦྱར་རོ།། ༈ ༽སྟེ་དེ་དང་འདྲ་བར་སྒྱུ་མ་ལྟ་བུ་རྟོགས་པར་
བྱ་ཞིང་ཁོང་དུ་ཆུད་པར་བྱའོ། །དེ་ནས་ཞེས་བྱ་བ་ལ་སོགས་པ་ལ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ནི་མི་བསྐྱོད་པ་ལ་སོགས་པའོ། །རབ་ཏུ་དགྱེས་པའི་སྤྱན་གདངས་ནས་ཞེས་པ་ནི། དགའ་བ་རྒྱ་ཆེན་པོ་དང་
ལྡན་པས་སྤྱན་རྒྱས་པར་གྱུར་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་ནི། རྡོ་རྗེ་འཆང་ཆེན་༼དཔེ་ཁ་ཅིག་ལས། དགའ་བ་ལྔ་དང་ལྡན་པས་སྤྱན་རྒྱས་པར་གྱུར་པའོ། །ཞེས་པ་ལྟར་ན་དབང་པོ་ལྔ་དགའ་ཞིང་བདེ་བའོ། །༽པོ་སྟེ་དེ་
ལ་འདི་སྐད་ཅེས་གསོལ་བའོ། །བཅོམ་ལྡན་འདས་གང་ཞེས་པ་ནི་གང་ངོ་མཚར་དུ་གྱུར་པའོ། །ནམ་མཁའི་རྗེས་སུ་འབྲང་བའི་ཆོས་རྣམས་ཐམས་ཅད་ལ་ཞེས་པ་ནི། ནམ་མཁའི་ཁམས་ཀྱི་རྗེས་སུ་འབྲང་བ་སྟེ་དེ་དང་མཚུངས་པར་ས་སྟོང་པ་ཉིད་དུ་རོ་གཅིག་
4-2-379a


པས་ཁྱབ་པ་དང་འི་གང་ཆོས་རང་གི་ངོ་བོས་མི་གནས་པ་ཐམས་ཅད་ལའོ། །སངས་རྒྱས་ཀྱི་ཆོས་རྣམས་ནི་ཡེ་ཤེས་ཀྱི་སྐུ་སྟེ་སྒྱུ་མའི་ལུས་སྒྱུ་མའི་ལུས་དེ་རྣམས་བསྡུ་བསྟེ་གང་ཟག་ཏུ་འདོགས་པའི་གཞི་ཐམས་
ཅད་མཐར་གཏུགས་ན་རླུང་སེམས་ཙམ་གྱི་ལུས་སུ་འདུ་བ་སྟེ། འོད་གསལ་དང་སྒྱུ་ལུས་སྒྲུབ་ཚུལ་ལ་ངོ་མཚར་སྐྱེས་པའོ། །དེའི་རྗེས་སུ་འབྲང་བ་ནིར་འགྱུར་ཞིང་འགྲོ་བར་འགྱུར་རོ། །ངོ་མཚར་དུ་གྱུར་པ་ནི་རྨད་དུ་བྱུང་བའོ། །དེ་ལྟར་སྤྲོ་བ་བསྐྱེད་ནས་དེའི་འོག་ཏུ་ཅི་
ཞིག་བྱས་པར་འགྱུར་ཞེ་ན། དེ་ནས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་དང་བྱང་ཆུབ་སེམས་དཔའ་དེ་དག་ཐམས་ཅད་ཀྱི། བཅོམ་ལྡན་འདས་ཕྱག་ན་རྡོ་རྗེ་སྟེ། རྡོ་རྗེ་འཆང༌ཆེན་པོའི་ཞབས་གཉིས་ལ་བཏུད་ཅིང་ཕྱག་འཚལ་ནས་འདི་སྐད་
ཅེས་གསོལ་ཏོ། །བཅོམ་ལྡན་འདས་ཁྱེད་ཀྱིས་སྔགས་ཐམས་ཅད་ཀྱི་རྡོ་རྗེའི་དངོས་གྲུབ་མདོར་བསྡུས་ཏེ་གསུངས་པ་ཞེས་བྱ་བ་སྟེ། སྔགས་ནི་འཕྲེང་བའི་སྔགས་ལ་སོགས་པའོ། །རྡོ་རྗེ་ནི་བསམ་གཏན་ཏེ་དེས་བྱས་པའི་དངོས་གྲུབ་རྣམས་ནི་འཇིག་རྟེན་
པ་དང་འཇིག་རྟེན་ལས་འདས་པའོ། །དེ་རྣམས་ཀྱི་མདོ་བསྡུས་པ་སྟེ། ཚོགས་གང་གསུངས་ཤིང་བཤད་པའི་སྔགས་ཐམས་ཅད་ཀྱི་རྡོ་རྗེའི་མདོ་བསྡུས་པའི་དངོས་གྲུབ་དེ་དག་གང་ལ་གནས་ཞེས་བྱ་བ་ནི་ཞུས་པའོ།། ༈ དེ་ནས་ཞེས་བྱ་བ་
ལ་སོགས་པ་ནི་ལན་ཏེ། ཕྱག་ན་རྡོ་རྗེ་ཞེས་པ་ནི་རྡོ་རྗེ་འཆང་ཆེན་པོ་སྟེ། དེས་དེ་དག་ལ་ལེགས་སོ་ཞེས་བྱ་བ་བྱིན་ནས། དེ་ལ་འདི་སྐད་ཅེས་གསུངས་ཏེ། བཅོམ་ལྡན་འདས་གང་༼གང་ན་ཡང་མི་གནས་སོ་ཞེས་པ་འགྱུར་གསར་གཉིས་ལ་མེད་དོ། །
4-2-379b


༼ན་ཡང་མི་གནས་སོ། ཞེས་བྱ་བ་ལ་སོགས་པའོ། །སྔགས་ཐམས་ཅད་ཀྱི་རྡོ་རྗེའི་མདོ་བཏུས་པའི་དངོས་གྲུབ་ཅེས་བྱ་བ་ལ། སྔགས་ཐམས་ཅད་ནི་སྒྲུབ་པ་པོ་རྣམས་ཏེ། དེ་རྣམས་ཀྱི་ལུས་དང་ངག་དང་སེམས་ལ་ཡང་རེ་ཞིག་གནས་པར་མི་འགྱུར་རོ། །དེ་བས་
ན་གང་ན་ཡང་མི་གནས་སོ། །དེ་ཅིའི་ཕྱིར་ཞེ་ན། ཞེས་པ་ནི། རྒྱུ་གང་གི་ཕྱིར་ཞེས་པ་སྟེ། དོན་དམ་པར་བདག་གི་ལུས་ལ་སོགས་པ་དང༌། སྔགས་ལ་སོགས་པའི་དངོས་གྲུབ་དོན་དམ་པར་ངོ་བོ་ཉིད་མེད་པར་རང་གྲུབ་པའོ། །གསང་བ་ནི་རྣམ་པ་༼
རྒྱུ་གང་གི་ཕྱིར་ཞེ་ན། དོན་དམ་པ་ལས་ཏེ་རང་གི་ལུས་ལ་སོགས་པ་དང༌། སྔགས་ལ་སོགས་པའི་དངོས་གྲུབ་རྣམས་དོན་དམ་པར་ན་གདོད་མ་ནས་ངོ་བོ་ཉིད་མེད་པའི་ཕྱིར་རོ། །ཞེས་པའི་ལྷག་མ་སྒྲུབ་པ་སྦས་པའོ། ཞེས་པ་ལྟར་བྱ་དགོས་སོ། །དོན་ནི་རྒྱུད་དུ། དེ་ཅིའི་ཕྱིར་ཞེ་ན། ཞེས་སྒྲུབ་བྱེད་དྲིས་ནས་
འགྲེལ་པ་ལྟར་ལྷག་མ་སྒྲུབ་བྱེད་མ་གསུངས་པ་ནི་སྦས་པའམ་གསང་བའོ། །འདི་ཡང་ཤུགས་ཀྱིས་ཤེས་ནུས་པས་མ་བསྟན་པའམ་སྦས་པའམ་གསང་བ་ཞེས་པའོ། །༽ཐམས་ཅད་དུ་མེད་པར་གསུངས་པའོ།། ༈ འོན་ཀྱང་ཞེས་བྱ་བ་ལ་སོགས་པ་ལ། 
ཀུན་རྫོབ་ཀྱི་བདེན་པར་༼ཞེས་པ་ནི་ཀུན་རྫོབ་ཏུ་ཡོད་པ་ཐམས་ཅད་ཀུན་རྫོབ་ཀྱི་བདེན་༼དེ་ལྟར་ན་དངོས་གྲུབ་ཐམས་ཅད་སྒྲུབ་པ་ནི་རྣམ་པ་ཐམས་ཅད་དུ་མེད་དོ་ཞེ་ན། གསུངས་པ། འོན་ཀྱང་ཞེས་པ་ལ་སོགས་པ་སྟེ། ཞེས་འབྱུང་སྟེ་དོན་ནི་དོན་དམ་པར་མེད་ན་མེད་པར་བསམས་པ་སྟེ། ཡོད་ན་
རང་གི་མཚན་ཉིད་ཀྱིས་གྲུབ་པར་འཛིན་པའི་ལོག་རྟོག་གོ། ༽པར་སྟོན་པ་མིན་གྱི། ཐ་སྙད་པའི་ཚད་མའི་ངོར་ཡོད་པའོ། །དངོས་གྲུབ་ཐམས་ཅད་དང༌། སངས་རྒྱས་ཀྱི་ཆོས་ཐམས་ཅད་དེ། སྟོབས་བཅུ་དང་མི་འཇིགས་པ་བཞི་ལ་སོགས་པ་བདག་གི་ལུས་དང་
4-2-380a


ངག་དང༌། སེམས་རྡོ་རྗེ་ལ་ནི་གནས་པ་སྟེ་དེ་ལ་བརྟེན་ནས་འབྱུང་ངོ་ཏེ། དངོས་གྲུབ་ཀྱི་རྟེན་རང་གི་ལུས་དང་ངག་དང་སེམས་རྡོ་རྗེའི་ངོ་བོ་ཉིད་ནི་ཡོད་དོ།། ༈ དེ་ལྟར་ལུས་ལ་སོགས་པ་ཡོད་པར་བསྟན་པ་ན། ཡོད་པ་དེ་
རང་བཞིན་གྱིས་ཡོད་པར་བཟུང་ནས་དེ་ལྟར་ན་ནི་ལུས་ལ་སོགས་པ་ཡོད་པ་ཉིད་༼ཞེས་པས་དོན་དམ་པར་མེད་པ་དང༌། རང་གི་ངོ་བོ་ཉིད་ཡོད་པ་གཉིས་མི་འགལ་བར་སྟོན་ལ། གསུམ་པོ་དེ་དག་གི་ངོ་བོ་ཉིད་འགོག་པ་ལ་དོན་དམ་པར་ཞེས་པའི་ཁྱད་པར་ཡང་སྦྱར་དགོས་པར་སྟོན་ནོ། །
༽པས་དེ་ལ་བརྟེན་ནས་འབྱུང་བཔའི་དངོས་གྲུབ་རྣམས་ཀྱང་རང་བཞིན་གྱིས་ཡོད་པའི་ཚུལ་གྱིས་དམིགས་སུ་ཡོད་དོ་ཞེ་ན། དེ་བཟློག་པར་བྱ་བའི་ཕྱིར། དེ་ཡང་ཞེས་བྱ་བ་ལ་སོགས་པ་གསུངས་ཏེ། ལུས་ལ་སོགས་པ་དེ་དག་ཀྱང་འདོད་པའི་ཁམས་
ལ་སོགས་པ་ལ་རང་གི་ངོ་བོ་ཉིད་ཀྱིས་གྲུབ་པའི་ཚུལ་གྱིས་མི་གནས་སོ། །ཁམས་གསུམ་ན་མི་གནས་པ་ཉིད་དུ་བསྟན་ནས། ཕན་ཚུན་བརྟེན་པར་གྱུར་པ་དག་ཀྱང་དགག་པར་བྱ་བའི་ཕྱིར། སེམས་ཀྱང་ལུས་ལ་མི་གནས་ཞེས་བྱ་བ་ལ་སོགས་པ་
གསུངས་ཏེ། དེ་ཡང་སེམས་ཀྱང་ལུས་ལ་མི་གནས་ཏེ། ལུས་ཀྱང་སེམས་ལ་མི་གནས་ཞེས་པ་ནི། གཉི་ག་ཡང་རྟེན་དང་བརྟེན་པ་དགག་པའོ། །དེ་བཞིན་དུ་ངག་ཀྱང་སེམས་ལ་མི་གནས་ལ། །སེམས་ཀྱང་ངག་ལ་མི་གནས་སོ། །དེ་བཞིན་དུ་ངག་ཀྱང་
ལུས་ལ་མི་གནས་ལ། ལུས་ཀྱང་ངག་ལ་མི་གནས་སོ་ཞེས་བལྟ་བར་བྱའོ། །དེ་ཅིའི་ཕྱིར་ཞེ་ན། གསུམ་པོ་དེ་དག་ནམ་མཁའ་ལྟར་དོན་དམ་པར་ངོ་བོ་ཉིད་དག་པའི་ཕྱིར། གསུམ་པོ་དེ་དག་ཀྱང་ཕན་ཚུན་རྟེན་དང་བརྟེན་པ་ཉིད་དུ་མེད་པའི་ཕྱིར་
4-2-380b


རོ།། ༈ དེ་ནས་ཞེས་བྱ་བ་ལ་སོགས་པ་ལ། རྡོ་རྗེ་འཛིན་པ་དེ་ལ་འདི་སྐད་ཅེས་གསོལ་བའོ། །དེ་བཞིན་གཤེགས་ཐམས་ཅད་ནི་མི་བསྐྱོད་པ་ལ་སོགས་པའོ། །དེ་འཛིན་༼ཆོས་ཀྱི་སྐད་དོད་དྷརྨ་ལ། དྷ་ར་ནི་འཛིན་པའོ། །༽པར་བྱེད་པས་ན། དེ་༼
ཚུལ་དེ་ལྟར་ཡོད་པ་དང་རང་བཞིན་གྱིས་མེད་པའི་ཚུལ་མང་དུ་གསུངས་པ་ནི། རང་གི་ངོ་བོ་ཉིད་ཀྱིས་མ་གྲུབ་ཕྱིན་ཆད་ངོ་བོ་ཡེ་མེད་པ་དང༌། ཡོད་ཕྱིན་ཆད་རང་གི་ངོ་བོ་ཉིད་ཀྱིས་གྲུབ་པར་འཛིན་པས་ཡང་དག་པའི་ལྟ་བ་མི་རྙེད་པས་དེ་གཉིས་མི་འགལ་བ་ལ་ནན་ཏན་ཆེར་མཛད་པའོ། །༽བཞིན་
གཤེགས་པ་ཐམས་ཅད་ཀྱི་ཆོས་ཏེ་དྲུག་པའོ། །དེ་གང་ན་གནས་གང་ནས་བྱུང་ཞེས་བྱ་བ་ནི་ཞུས་པའོ། །རང་གི་ལུས་དང་ངག་དང་སེམས་ལས་བྱུང་ངོ་ཞེས་བྱ་བ་ནི། རྡོ་རྗེ་འཆང་ཆེན་པོས་གསུངས་པ་སྟེ། རང་གི་ལུས་དང་ངག་དང་སེམས་ལས་བྱུང་བའོ། །དེ་
བཞིན་གཤེགས་པ་ཐམས་ཅད་ཀྱིས། སེམས་གང་ན་གནས་ཞེས་གསོལ་བ་ནི་ཞུས་པ་སྟེ། ཐུགས་རྡོ་རྗེ་གང་ན་གནས་ཞེས་པའོ། །ནམ་མཁའ་ལ་གནས་སོ་ཞེས་པ་ནི། རྡོ་རྗེ་འཆང་བས་ལན་གསུངས་པ་སྟེ། འོད་༼དེའི་ཕྱིར་འབྲས་བུའི་ས་ན་གནས་སོ། །
གསལ་བ་ལ་གནས་པའོ། །ནམ་མཁའ་སྟེ་འོད་གསལ་བ་གང་ན་༼འབྲས་བུ་དེ་གང་ལས་འབྱུང་བའི་ལུས་ངག་གཉིས་ནི་སེམས་ཀྱི་གཞན་དབང་ཅན་ཡིན་པས་དེ་གཉིས་ལ་མ་དྲིས་པར་སེམས་གང་ན་གནས་ཞེས་པ་ནི། སེམས་ལ་མཐར་གཏུགས་པའི་རྟེན་རང་བཞིན་གྱིས་གྲུབ་པ་ཡོད་
དམ་ཞེས་འདྲི་བའོ། །ཞེས་པ་ནི་རང་བཞིན་གྱིས་གྲུབ་པས་སྟོང་པ་ལ་གནས་པར་སྟོན་པའོ། །༽གནས་ཞེས་བྱ་བ་ནི་དེ་༼དེ་ལ་ཡང་རྟེན་རང་བཞིན་གྱིས་གྲུབ་པ་ཡོད་དམ་ཞེས་པའོ། །༽བཞིན་གཤེགས་པ་རྣམས་ཀྱིས་གསོལ་བའོ། །གང་ན་ཡང་མི་གནས་སོ་ཞེས་
4-2-381a


བྱ་བ་ནི། བཅོམ་ལྡན་འདས་ཀྱིས་བཀའ་སྩལ་པ་སྟེ། འོད་གསལ་བ་དེ་ནི་གང་ན་ཡང་མི་གནས་ཏེ། བདག་ཉིད་ལ་གནས་སོ་ཞེས་བྱ་བའི་བར་དུའོ།། ༈ དེ་ནས་ཞེས་བྱ་བ་ལ་སོགས་པ་ནི་སྡུད་པར་བྱེད་པའི་ཚིག་སྟེ་
སངས་རྒྱས་དང་བྱང་ཆུབ་སེམས་དཔའ་དེ་དག་ངོ་མཚར་དུ་གྱུར་པ་ནི་རྒྱུ་ལའོ། །རྨད་དུ་༼ཞེས་པ་ནི་རྟེན་དེ་ལྟ་བུ་ལ་གང་ན་ཡང་སྟེ་འགར་ཡང་མི་གནས་ཀྱི། རང་གི་བདག་ཉིད་རང་བཞིན་གྱིས་གྲུབ་པས་སྟོང་པ་ཁོ་ན་ལ་གནས་སོ་ཞེས་པའོ། །༽གྱུར་པ་ནི་འབྲས་བུ་ལའོ། །
རང་གི་སེམས་ཀྱི་ཆོས་ཉིད་ལ་གནས་པ་ནི་རང་གི་སེམས་ཀྱི་རོལ་པལ་གནས་པའོ། །སེམས་ཤིང་ཞེས་པ་ནི་གསུངས་པའི་དོན་ལ་དམིགས་པས་འོ། །ཐེ་ཚོམ་ཆོད་པའི་ཕྱིར་རོ། །ཅང་མི་སྨྲ་བར་འཁོད་པ་ནི་ཅང་མི་སྨྲ་བར་གྱུར་པའོ། །གྱུར་
ཏོ་ཞེས་བྱ་བ་ནི་བྱུང་བའོ།། ༈ རྒྱུ་བ་བཅུད་དང་མི་རྒྱུ་བ་སྣོད་ཀྱི་འི་བདག་ཉིད་ཅན་ནི་སྟོང་པ་དེའི་ངོ་བོ་ཅན་གྱི་སེམས་ནི་སེམས་ཐམས་ཅད་དོ། སེམས་ཀྱི་སྟོང་པ་དེའི་བདག་ཉིད་ཅན་གྱི་འདའ་བར་མི་བྱ་བའི་དམ་ཚིག་ནི། སེམས་
ཅན་ཐམས་ཅད་ཀྱི་དམ་ཚིག་སྟེ། རྡོ་རྗེ་འཆང་ཆེན་པོའོ། །རྡོ་རྗེ་འཆང་དེའི་སྙིང་པོ་སྟེ་ཅེས་༼ནི་དེ་གཉིས་ཀྱི་དེ་ཁོ་ན་ཉིད་སྟོང་པ་ཉིད་དོ། །༽པ་ནི་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་སྟེ། གཉིས་པོ་དེ་འདི་ལྟར་སྒོམ་པ་པོ་དེ་༼
ཅན་ཡོད་མེད་གཉིས་བྱུང་ཡང་མེད་པ་དག་གོ། ༽རྣམས་ཀྱི་རྒྱུད་ལ་རྡོ་རྗེ་སྟེ་རྒྱུན་ཆགས་པར་འབྱུང་བ་ནི་བསྟན་པ་སྟེ། དེ་སྟོན་པའི་གཞུང་གི་ཚོགས་གང་ཡིན་པ་དེ་ལ་དེ་སྐད་ཅེས་བྱ་སྟེ། དགོངས་པས་བཤད་པའོ།། ༈ སྒྲོན་མ་གསལ་
4-2-381b


བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བཅོ་ལྔ་པ་མཐའ་དྲུག་གིས་བཤད་པའོ། །། །སྔར་བཤད་པའི་མཚན་ཉིད་ཅན་གྱི་དངོས་གྲུབ་གཉིས་པོ་ཐམས་ཅད་ནི། དཀྱིལ་འཁོར་དུ་དབང་བསྐུར་
བ་ཉིད་ལ་འགྲུབ་པར་འགྱུར་རོ། །ཞེས་བསྟན་པའི་ཕྱིར། སློབ་མ་སྣོད་དུ་རུང་བར་བྱ་བའི་དོན་དུ། དབང་གི་དཀྱིལ་འཁོར་གྱི་སྒྲུབ་པའི་ཐབས་བསྟན་པར་བྱ་བའི་ཕྱིར། དེ་ནས་བཅོམ་ལྡན་འདས་ཞེས་བྱ་བ་ལ་སོགས་པ་ལེའུ་བཅུ་དྲུག་པ་གསུངས་ཏེ།།
༈ ཡང་འདུས་པར་གྱུར་ནས་ཞེས་བྱ་བ་ནི། ལུས་ཀྱི་མིན་གྱི། དཀྱིལ་འཁོར་གྱི་བཤད་པ་ཞུ་བ་ལ་ཡང་དགོངས་པ་གཅིག་ཏུ་གྱུར་ནས་བཅོམ་ལྡན་འདས་རྡོ་རྗེ་འཆང་ཆེན་པོ་ལ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེའི་
ཚིག་གིས་ཞེས་པ་སྟེ། འཇིག་རྟེན་གྱི་ཁམས་དཔག་ཏུ་མེད་པ་ན་བཞུགས་པའི་དེ་བཞིན་གཤེགས་པའི་སྐུ་དང་གསུང་དང་ཐུགས་རྡོ་རྗེ་ལ་གནས་པའི་བསྟོད་པ། ལེའུ་བཞི་པར་གསུངས་པའི་དེ་བཞིན་གཤེགས་པ་ཀུན་ཞི་བ། །ཞེས་བྱ་བ་ལ་སོགས་པའི་རྣམ་
པས་གསོལ་བ་བཏབ་ཅིང་སྟོན་པ་རང་ལ་མངོན་སུམ་དུ་སྟེ་མངོན་དུ་ཕྱོགས་པར་བྱས་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་རིན་ཆེན་གྱི་མཆོད་པའི་ཚོགས་ཏེ། ལྷའི་ཡུལ་དུ་གྱུར་པའི་སྤྲིན་གྱིས་མཆོད་པ་བྱས་སོ། །ཞེས་པ་སྟེ་དཀྱིལ་འཁོར་
གྱི་ཆོ་ག་ཉན་པའི་བསམ་པས་སོ། ཞེས་བྱ་བ་ནི་ལྷག་མར་ཡོད་པས་དེ་གདོན་ནོ་འོ། ༈ རྡོ་རྗེ་ཐམས་ཅད་ནི་དེ་བཞིན་གཤེགས་པ་རྣམས་སོ། །༼ལྷ་རྫས་ཀྱི་ཡུལ་གྱི་སྤྲིན་གྱིས་ཟེར། ༽དེ་རྣམས་ཀྱི་དཀྱིལ་འཁོར་ནི་སྐུའི་སྟེ་རྣམ་སྣང་གི་
4-2-382a


དཀྱིལ་འཁོར་རོ། །སྐུ་དཀྱིལ་དེ་ཉིད་ཉོན་མོངས་པའི་རི་དྭགས་རྣམ་པར་འཇིག་པར་མཛད་པས་ན། སེང་གེའི་དམ་ཚིག་གི་རྒྱལ་པོ་སྟེ། སྐུའི་དཀྱིལ་འཁོར་དེ་སྟོན་པ་ལ་ཁྱད་པར་དུ་འབད་པ་བྱས་ཤིང་འབད་པ་དེས་
བསྐྱེད་པའི་བཀོད་པ་སྐུའི་དཀྱིལ་འཁོར་ལྟ་བུ་སྟེ་དེ་དང་འདྲ་བའི་ཏིང་ངེ་འཛིན་གང་ཡིན་པ་དེ་ལ་སྙོམས་པར་ཞུགས་པའོ། །རྡོ་རྗེའི་སྐུ་ནི་རྣམ་པར་སྣང་མཛད་དོ། །དེའི་དཀྱིལ་འཁོར་ནི་རྣམ་སྣང་དེ་དཀྱིལ་འཁོར་གྱི་བདག་པོར་གྱུར་པ་འདི་ཉིད་
དོ། །སངས་རྒྱས་ཐམས་ཅད་ཀྱི་སྟེ། སྒྲུབ་པ་པོ་ཐམས་ཅད་ཀྱི་དགོས་པ་བསྒྲུབ་པ་ནི་ཉིད་ཀྱི་སྐུ་ལ་སོགས་པ་ལས་ཕྱུང་བའོ། །དེ་ནས་ཞེས་བྱ་བ་ནི་ཚིག་གི་ཁ་བསྐང་བའི་ཕྲད་དོ་འོ། །སྐུའི་དཀྱིལ་འཁོར་ནི་རྣམ་པར་སྣང་མཛད་ཀྱི་དཀྱིལ་
འཁོར་རོ། །མཆོག་ནི་དངོས་གྲུབ་ཐམས་ཅད་སྩོལ་བའོ། །དེ་ཇི་ལྟ་བུ་ཞེ་ན། ཐུགས་ཀྱི་ཞེས་བྱ་བ་ལ་སོགས་པ་གསུངས་ཏེ། ཐུགས་ཀྱི་དཀྱིལ་འཁོར་རབ་འདྲ་བ། །ཞེས་བྱ་བ་ནི། ལེའུ་བཞི་པར་བཤད་པའི་མི་བསྐྱོད་པའི་དཀྱིལ་འཁོར་དང་འདྲ་
བའོ། །དཀྱིལ་འཁོར་རྣམས་ནི་ཀུན་གྱིས་མཆོག། ཅེས་བྱ་བ་ནི། ཟུར་བཞི་ལ་སོགས་པའི་ཡོན་ཏན་གྱིས། གང་བྱ་རྒྱུད་ལ་སོགས་པའི་དཀྱིལ་འཁོར་ཐམས་ཅད་ལས་དེ་མཆོག་ཏུ་གྱུར་པ་སྟེ། དེ་ལེགས་པར་རབ་ཏུ་བཤད་པར་བྱའོ་ཞེས་བྱ་
བའི་དོན་ཏོ།། ༈ ཁྲུ་ནི་བཅུ་དྲུག་ཚད་དུ་བྱ། །ཞེས་བྱ་བ་ནི། ཟུར་སྟེ་ལོགས་བཞི་ཀ་བསྡོམས་པ་ལ་ལྟོས་པ་སྟེ། ངོས་རེ་རེ་ཞིང་ཁྲུ་བཞི་བཞིར་བྱ་བར་ཤེས་པར་བྱའོ། །ཕྱིའི་དཀྱིལ་འཁོར་དེ་ནི་གྲུ་བཞི་ལྷམ་པ་སྟེ་ཟླུམ་
4-2-382b


པོ་ནི་མ་ཡིན་ནོ། །གྲུ་བཞི་ཞེས་བྱ་བའི་ཉེ་བར་མཚོན་པས་ནི་སྒོ་བཞི་ལ་སོགས་པ་ཡང་གཟུང་ངོ༌། །རབ་ཏུ་མཛེས་པ་ནི་དྲི་མ་མེད་པའི་ཚོན་གྱིས་སོ། །ཇི་ལྟ་བུ་ཞེ་ན། སངས་རྒྱས་ཀུན་གྱི་དཀྱིལ་འཁོར་ཏེ། །ཞེས་བྱ་བ་སྟེ། དེ་བཞིན་གཤེགས་པ་ཐམས་
ཅད་ཀྱིས་རབ་ཏུ་བསྔགས་པའོ། །སྐུ་ཡི་རྡོ་རྗེ་རབ་ཏུ་གནས། །ཞེས་བྱ་བ་ལ། སྐུའི་རྡོ་རྗེ་ནི་རྣམ་པར་སྣང་མཛད་དེ། དེར་རབ་ཏུ་གནས་ཤིང་བདག་པོ་ཉིད་ཀྱིས་མཛེས་པར་བྱས་པའོ། །དེའི་ཞེས་བྱ་བ་ནི། དཀྱིལ་འཁོར་གྲུ་བཞི་པའི་ནང་དུ་འཁོར་ལོ་ནི་
སྟེ། ཟླུམ་པོ་ལ་འཁོར་ལོའི་འཕྲེང་བས་བརྒྱན་པའི་དཀྱིལ་འཁོར་ནང་མ་བྱའོ། །དེ་ཇི་ལྟ་ཞེ་ན། རྡོ་རྗེའི་ཆོ་གས་བྲི་བར་བྱ། །ཞེས་བྱ་བ་གསུངས་ཏེ། ཆོ་ག་ནི་དེ་ཁོ་ན་ཉིད་བསྡུས་པ་ལས་གསུངས་པའི་དཀྱིལ་འཁོར་གྱི་ཐིག་གདབ་པའི་ཆོ་གའོ། །
དེ་ཉིད་རྡོ་རྗེ་སྟེ་རྡོ་རྗེ་ལྟར་ཤིན་ཏུ་བརྟན་པོ་ངེས་པ་གང་གིས་ཤེས་པ་དེས་བྲི་བར་བྱའོ།། ༈ དེ་ལྟར་དཀྱིལ་འཁོར་བྲིས་ནས་སྔགས་རྣམས་ཀྱི་སྟེ། སྣོད་མིན་ལ་མི་བསྟན་པའི་གསང་བ་མཆོག་སྟེ་ལྷའི་སྐུའོ། །དེ་རྣམས་ཀྱི་
དབུས་སུ་རྣམ་པར་སྣང་མཛད་གནས། ཞེས་པ་ལ། ཕྱག་རྒྱ་ནི་སྤྱན་ནོ། །དེ་ཉིད་ནི་བདེ་སྟོང་དབྱེར་མི་ཕྱེད་པའི་རྡོ་རྗེ་བསྐྱེད་པའི་གནས་༼སྔགས་རྣམས་དབུས་སུ་གསང་བ་མཆོག། ཕྱག་རྒྱ་རྡོ་རྗེའི་གནས་གྱུར་པ། །རྣམ་པར་སྣང་མཛད་གནས་བྱ་འོ། །ཞེས་
འབྱུང་ངོ་། ༽སུ་གྱུར་པ་བྱ་ཞེས་པ་སྟེ། རང་གི་ཕྱག་རྒྱ་སྤྱན་མ་དང་ལྡན་པའི་རྣམ་སྣང་གི་ལྷའི་གཟུགས་སུ་བྱས་པའོ། །རྣམ་སྣང་གི་གཙོ་བོ་བྱེད་པ་ན་མི་བསྐྱོད་པ་ལ་སོགས་པའང་ཤར་ལ་སོགས་པའི་ཕྱོགས་སུ་
4-2-383a


བཞུགས་པར་བྲི་སྟེ། དེ་ཡང་ཡུམ་མེད་པར་གཅིག་པུ་བྲིའོ། །སྐུ་དང་གསུང་ཐུགས་རྡོ་རྗེ་མཆོག། ཅེས་བྱ་བ་ནི་སྤྱན་ལ་སོགས་པའོ། །གྲྭ་རྣམས་ཀུན་ཏུ་དགོད་པར་བྱ། །ཞེས་བྱ་བ་ནི། ཤར་ལྷོ་ལ་སོགས་པའི་མཚམས་
རྣམས་སུ་ཅི་རིགས་པར་ཞེས་པ་ནི། སྤྱན་མ་དབུས་སུ་སོང་བས་དེའི་གནས་སུ་རེག་རྡོ་རྗེ་མ་བྲི་བར་བྱའོ། །ཁྲོ་བོ་རྣམས་ནི་གཤིན་རྗེ་གཤེད་ལ་སོགས་པ་གང་ཡིན་པ་སྟེ། གཞན་གྱིས་མི་ཐུབ་པ་དང་རྟ་མགྲིན་དང༌། བདུད་རྩི་ཐབ་སྦྱོར་སྟེ། 
དེ་དག་ནི་སྒོ་བཞིར་དགོད་པར་བྱའོ། །སྟོབས་ཆེན་ཕ་རོལ་གནོན་པ་ཞེས་བྱ་བ་མི་གཡོ་བ་ལ་སོགས་༼ཁྲོ་བོ་སོགས་དང་སྟོབས་ཆེན་པོ། །ཕ་རོལ་གནོན་རྣམས་སྒོར་བྲིའོ། །ཞེས་པ་འགྲེལ་པ་དང་མཐུན་ནོ། །༽པ་མཚམས་རྣམས་སུ་བྲི་བར་
བྱའོ། །གཟུགས་རྡོ་རྗེ་དང་བྱམས་པ་ལ་སོགས་པའང་རང་རང་གི་གནས་ཇི་ལྟ་བ་བཞིན་དུ་དགོད་པར་བྱའོ།། ༈ སྔགས་ཤེས་པ་ནི་སློབ་དཔོན་ཏེ། དེས་རྡོ་རྗེ་གསང་བ་རབ་བསྒོམས་པས། །ཞེས་བྱ་བ་སྟེ། རྡོ་རྗེ་དང་པདྨ་ཡང་
དག་པར་འདུས་པར་བྱས་པའི་མཆོད་པ་དངོས་སུ་དཀྱིལ་འཁོར་དང་ཉེ་བར་བྱ་ལ། བློས་དཀྱིལ་འཁོར་གྱི་དབུས་སུ་རང་གི་ཕྱག་རྒྱ་དང་བཅས་པས་བྱ་བ་འདི་ནི་ཆོ་གའོ། །སྔགས་རྣམས་ཐམས་ཅད་ཀྱི་ཞེས་པ་ནི། སྒྲུབ་པ་པོ་རྣམས་ཀྱིའོ། །
དམ་ཚིག་ནི་རྣལ་འབྱོར་བླ་མེད་གྱི་རྒྱུད་ལ་གནས་པའི་འོ། །ཤིན་ཏུ་འདའ་བར་དཀའ་བ་ནི་གསང་མཆོད་དེ་བྱེད་པ་ལས་འདའ་བར་མི་བྱ་བའོ། །བཤང་དང་གཅི་བ་ལ་སོགས་པ། །ཞེས་བྱ་བ་ནི་བདུད་རྩི་ལྔ་སྟེ། བྱེ་བྲག་ཏུ་ནི་ཞེས་པ་
4-2-383b


སྐུའི་དཀྱིལ་འཁོར་འདིར་ངེས་པར་གཅིག་ཏུ་ལྷ་ལ་དབུལ་བར་བྱ་ཞིང་རང་ཉིད་ཀྱིས་ཀྱང་བཟའ་བར་བྱའོ། །དེ་ལྟར་བདུད་རྩི་ལྔ་བཟའ་བ་འདི་ནི་སྐུའི་རྡོ་རྗེ་ཅན་ཏེ། སྐུའི་དཀྱིལ་འཁོར་དང་ལྡན་པའི་སྔགས་རྣམས་ཐམས་ཅད་ཀྱི་སྟེ། སྒྲུབ་པ་
པོ་ཐམས་ཅད་ཀྱི་དམ་ཚིག་སྟེ་འདའ་བར་མི་བྱ་བའོ། །འདི་ནི་དེ་བཞིན་གཤེགས་པ་ཐམས་ཅད་མངོན་པར་དགྱེས་པའི་སྐུའི་དཀྱིལ་འཁོར་རོ།། ༈ དེ་ནས་ཞེས་བྱ་བ་ལ་སོགས་པས་ནི། རྡོ་རྗེ་འཆང་ཆེན་པོས་གསུང་གི་དཀྱིལ་འཁོར་གྱི་ཆོ་ག་
གསུངས་པ་ཡིན་ཏེ། གསུང་རྡོ་རྗེ་ཐམས་༼ལུས་སྐུའི་རྡོ་རྗེ་ཡིན་ལ། དེ་བཟའ་བས་རྒྱས་པར་བྱེད་པ་ལ་བདུད་རྩི་ལྔ་བསྔགས་པས། རིགས་འདི་ལ་དམ་ཚིག་འདི་ལས་མི་འདའ་བར་གསུངས་སོ། །༽ཅད་ཀྱི་དམ་ཚིག་ནི། འོད་དཔག་ཏུ་མེད་པའི་དཀྱིལ་འཁོར་པ་རྣམས་སོ། །
དེ་རྣམས་ཀྱི་སྤྲིན་ནི་ཚོགས་སོ། །དེའི་བཀོད་པ་ནི་གནས་ཇི་ལྟ་བ་བཞིན་དུ་ཡང་དག་པར་བཞག་པ་སྟེ། ཏིང་ངེ་འཛིན་གང་ལ་མིང་དེ་སྐད་ཅེས་བྱ་བ་ལ་སྙོམས་པར་ཞུགས་ཏེ། གསུང་རྡོ་རྗེའི་དཀྱིལ་འཁོར་འདི་ཞེས་པ་དེའི་དོན་གྱི་ཚིག་གི་ཚོགས། ཉིད་ཀྱི་སྐུ་ལ་
སོགས་པ་ལས་ཕྱུང་ངོ༌། །ཞེས་ཕན་དེ་སྟོན་པའོ། །དེ་ནས་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ།། ༈ ཁྲུ་ནི་ཉི་ཤུའི་ཚད་དུ་བྱ། །ཞེས་བྱ་བ་ནི་ངོས་རེ་ཞིང་ཁྲུ་ལྔ་པར་ཐིག་གདབ་པའོ། །རྡོ་རྗེ་བསྒོམས་པས་ཞེས་བྱ་བ་ལ་རྡོ་རྗེ་ནི། དེ་
བཞིན་གཤེགས་པ་ལྔའོ། །དེ་ལྔའི་ཁ་དོག་ཅན་གྱི་སྲད་བུ་རྣམས་དེ་བཞིན་གཤེགས་པ་ལྔར་སྒོམ་པས་ཐིག་གདབ་བོ་སོ། །དེའི་དབུས་ཞེས་པ་དཀྱིལ་འཁོར་གྲུ་བཞི་པ་དེའི་དབུས་སུ་འཁོར་ལོ་ཆེན་པོ་ནི་སྟེ། རྟེན་གྱི་དཀྱིལ་འཁོར་ཕྱི་མ་ལས་
4-2-384a


གཙོ་བོར་གྱུར་པ་ཕོ་བྲང་ནང་མའོ། །ཟླུམ་པོར་ཀུན་ཏུ་བྲི་བར་བྱ། །ཞེས་བྱ་བ་ནི། ཟླུམ་པོ་ལ་པདྨའི་འཕྲེང་བས་བརྒྱན་པ་བྲིས་ལ།། ༈ གསུང་གི་དཀྱིལ་འཁོར་དེར་ཕྱག་རྒྱ་སྟེ་ལྷ་ཐམས་ཅད་ཡོངས་སུ་རྫོགས་
པར་བྲིའོ། །ཆོ་ག་བཞིན་དུ་ཞེས་པ་ནི་ཆོ་ག་ལ་མཁས་པའོ། །ཇི་ལྟར་ཞེ་ན། ཚེ་དཔག་མེད་ཀྱི་ཕྱག་རྒྱ་ཆེ། །ཞེས་བྱ་བ་སྟེ། རང་གི་ཕྱག་རྒྱ་གོས་དཀར་མོ་དང་ཡང་དག་པར་ལྡན་པར་དེ་ཡི་དབུས་སུ་གཞག་པར་བྱའོ། །རྡོ་རྗེའི་གནས་དེ་ཞེས་བྱ་བ་ལ་སོགས་
པ་ལ། རྡོ་རྗེའི་གནས་ནི་སྐུ་དང་ཐུགས་ཀྱི་དཀྱིལ་འཁོར་དག་ཏུ། དེ་བཞིན་གཤེགས་པའི་བཀོད་པ་གང་ཡིན་པ་ཐམས་ཅད་ཀྱང༌། གསུང་དཀྱིལ་དུ་ཡོངས་སུ་བརྟག་པར་བྱ་ཞིང་དགོད་པར་བྱའོ།། ༈ ཆོ་ག་བཞིན་ཞེས་བྱ་བ་ནི་རྒྱུད་ལས་
བཤད་པའི་ཆོ་གལ་མཁས་པས་དཀྱིལ་འཁོར་ཡོངས་སུ་གསལ་བར་ཡང་དག་པར་བྱས་ཤིང་བསྒྲུབས་ཏེ་ལ། མཆོད་པའི་སྐབས་སུ་གསང་བའི་མཆོད་པ་སྟེ། ༼འདིར་སྣང་མཐའི་གནས་སུ་མི་བསྐྱོད་པ་དང༌། གོས་དཀར་མོའི་གནས་སུ་རེག་རྡོ་རྗེ་མ་
དགོད་དོ།།  ༽དབང་པོ་གཉིས་མཉམ་པར་སྦྱོར་བའི་མཚན་ཉིད་ཅན་གྱི། དེ་བཞིན་གཤེགས་པའི་མཆོད་པ་བྱས་ན་རྡོ་རྗེ་ཅན་ཏེ། ཕྱོགས་བཅུའི་འཇིག་རྟེན་གྱི་ཁམས་ན་གནས་པའི་སངས་རྒྱས་རྣམས། དེ་ལྟར་བྱས་པས་མཉེས་པར་འགྱུར་ཞིང་སྒྲུབ་
པ་པོ་ལ་དགྱེས་པར་འགྱུར་རོ། །བཤང་གཅི་ཁུ་བའི་དམ་ཚིག་གིས། །ཞེས་བྱ་བ་ནི། བདུད་རྩི་ལྔ་སྟེ་དེས་མཆོད་ན་ཞེས་པ་བདག་དང་སློབ་མ་ལ་མཆོད་ན་དངོས་གྲུབ་ཐོབ་པར་འགྱུར་བ་སྟེ་མངོན་པར་འདོད་པའི་དངོས་གྲུབ་འཐོབ་པར་འགྱུར་རོ། །འདི་ནི་
4-2-384b


ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །དེ་བཞིན་གཤེགས་པ་ཐམས་ཅད་ཀྱིས་བསྔགས་པའི་འོད་དཔག་མེད་ཀྱི་དཀྱིལ་འཁོར་རོ།། ༈ དེ་ལྟར་བཤད་མ་ཐག་པར་སྐུ་དང་གསུང་དང་ལེའུ་བཞི་པར་ཐུགས་ཀྱི་དཀྱིལ་འཁོར་གསུམ་
བཤད་ནས། དེ་བཞིན་གཤེགས་པ་ལྷག་མ་རིན་འབྱུང་དང་དོན་གྲུབ་གཉིས་དང་དཀྱིལ་འཁོར་པ་སྟེ་འཁོར་གྱི་ལྷ་དེ་བཞིན་གཤེགས་པ་ལས་གཞན་གྱི་ཡང༌། དབུས་སུ་དཀྱིལ་འཁོར་གྱི་གཙོ་བོ་གང་ཞིག་བྱ་བ་དེའི་ཚུལ་བསྟན་པར་བྱ་བའི་ཕྱིར། 
དེ་ནས་ཞེས་བྱ་བ་ལ་སོགས་པ་གསུངས་ཏེ། ཀུན་ནས་ཏེ་སྒོ་སྣ་ཚོགས་པ་ལས་ཏེ་ནས་སྤྲིན་ལྟར། དོན་ཐམས་ཅད་ཆར་དུ་འབེབས་པར་བྱེད་པས་ན། ཀུན་ནས་སྤྲིན་ཏེ་དེ་བཞིན་གཤེགས་པ་རྣམས་སོ། །དེ་རྣམས་ཀྱི་ཚོགས་ནི་ཕུང་པོའོ། །
དེའི་རྡོ་རྗེ་ནི་ལྷ་སོ་སོའི་དཀྱིལ་འཁོར་ཏེ། དེའི་ཏིང་ངེ་འཛིན་གང་དུ་ངེས་པར་སྟོན་པ་དེ་ནི། ཀུན་ནས་སྤྲིན་གྱི་ཚོགས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་ཐུགས་རྩེ་གཅིག་པ་མངོན་སུམ་དུ་མཛད་ནས། སྣོད་མིན་ལ་རབ་ཏུ་གསང་ཞིང་ཤིན་ཏུ་སྦ་
བར་བྱ་བའི་དཀྱིལ་འཁོར་གསང་ཆེན་ཏེ། མང་པོ་ལ་མངོན་དུ་མི་བྱ་བ་སྟེ་མི་བསྒྲག་པ་བློ་ལ་བཞག་པ་འདི་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌།། ༈ རྡོ་རྗེ་འཛིན་པ་ཞེས་བྱ་བ་ལ་སོགས་པ་ལ། རྡོ་རྗེ་འཛིན་མཆོག་ཅེས་བྱ་བ་རྡོ་རྗེ་འཛིན་པ་
དང་ལ་སོགས་པས་ལྷ་ལྷག་མ་དཀྱིལ་འཁོར་པའི་ལྷ་རྣམས་གང་ཡིན་པའི་གཟུགས་ཏེ་སྐུ་དཀྱིལ་འཁོར་གྱི་དབུས་སུ་བྲིས་༼མཆོག་དང་སོགས་ཀྱི་སྐད་དོད་ཐུན་མོང་བ་ཡོད་ཀྱང༌། འདིར་རྡོ་རྗེ་འཛིན་སོགས་ཞེས་བསྒྱུར་བ་ལྟར་བྱ་དགོས་སོ། །
4-2-385a


ཤིང་བཞག་པར་གྱུར་པའི་དཀྱིལ་འཁོར་དེ་ནི། ལྷའི་ཁྱད་པར་དེ་ཡི་དཀྱིལ་འཁོར་གྱི་འཁོར་ལོར་འགྱུར་ཏེ་རིན་འབྱུང་གི་དཀྱིལ་འཁོར་ནས་གནོད་མཛེས་ཀྱི་དཀྱིལ་འཁོར་ཞེས་པའི་བར་རོ། །སྐུ་གསུང་ཐུགས་ཀྱི་གསང་བ་ལས་
བྱུང་བ་ནི་གསང་བ་གསུམ་གྱི་བདག་ཉིད་ཅན་ནོ། །རིན་པོ་ཆེ་དང་ལས་ཀྱི་རིགས་ཀྱི་དཀྱིལ་འཁོར་པ་དག་ཀྱང་སྐུ་གསུང་ཐུགས་ཀྱི་རྡོ་རྗེ་གསུམ་པོ་དེའི་ནང་དུ་འདུས་པ་ཡིན་ནོ། །དེ་བཞིན་གཤེགས་པ་ཐམས་ཅད་ནི་མི་བསྐྱོད་པ་ལ་སོགས་པ་སྟེ། དེ་རྣམས་
ཀྱི་སྐུ་དང་གསུང་དང་ཐུགས་༼རིན་པོ་ཆེ་དང་ལས་ཀྱི་རིགས་དག་ཀྱང་དེའི་ནང་དུ་འདུས་པ་ཡིན་ནོ། །ཞེས་པ་ལེགས་སོ། །༸འདུས་ཚུལ་ནི་སྤྱོད་བསྡུས་ལས། རིན་འབྱུང་སྐུ་དང༌། དོན་གྲུབ་གསུང་རྡོ་རྗེར་བསྡུས་པ་བཞིན་ནོ། །༽རྡོ་རྗེའི་གནས་ནི་སྐུ་ལ་སོགས་པའི་རྟེན་གྱི་
དཀྱིལ་འཁོར་རོ། །དེ་ལ་ཡེ་ཤེས་ནི་དཀྱིལ་འཁོར་དེའི་ཐིག་གདབ་པ་ལ་སོགས་པའི་ཆོ་གའོ། །དེའི་གསང་བ་ནི་ཆོ་ག་དེའི་དཀྱིལ་འཁོར་དུ་ཡོངས་སུ་གྱུར་པ་སྟེ་བསྒྲུབ་པའི་མཚན་ཉིད་ཅན་ནོ། །རབ་ཏུ་གསང་བ་ནི་མན་ངག་གི་མཆོག་གང་ཡིན་པ་དེ་
ལ་དེ་སྐད་ཅེས་བྱའོ།། ༼ཤེས་པ་ནི་ཟེར། ༈ དེ་ནས་ཞེས་བྱ་བ་ལ་སོགས་པ་ལ། དཀྱིལ་འཁོར་ཐམས་ཅད་ཀྱི་འཁོར་ལོ་ནི། མི་བསྐྱོད་པ་ལ་སོགས་པའི་གཞིར་གྱུར་པའི་རྟེན་གྱི་དཀྱིལ་འཁོར་ཏེ། དེ་འབྱུང་བར་བྱེད་པའི་ཏིང་ངེ་
འཛིན་གང་ཡིན་པ་དེ་ལ་དེ་སྐད་བྱ་སྟེ། ཏིང་ངེ་འཛིན་དེ་ལ་ཐུགས་རྩེ་གཅིག་པར་སྙོམས་པར་ཞུགས་ནས། དཀྱིལ་འཁོར་དེ་དག་ཐམས་ཅད་ཉིད་ཀྱི་སྐུ་དང་གསུང་དང་ཐུགས་རྡོ་རྗེའི་ངོ་བོ་ཉིད་ཀྱི་གསང་བ་འདི། ཉིད་ཀྱི་སྐུ་རྡོ་རྗེ་ལ་སོགས་པ་ལས་ཕྱུང་ཞིང་
4-2-385b


གསུངས་སོ། །དེ་ལ་ཞེས་བྱ་བ་ལ་སོགས་པ་ལ། དེ་ལ་སྐུ་རྡོ་རྗེ་ལ་སོགས་པའི་གསང་བ་ལ། འོག་ནས་འཆད་པའི་འབྲུ་གསུམ་པོ་འདི་ནི་རྡོ་རྗེའི་དཀྱིལ་འཁོར་གྱི་སྟེ། དེ་བཞིན་གཤེགས་པའི་འཁོར་ལོའོ། །དེ་རྣམས་ཀྱི་སྔགས་ནི་ཡིད་སྐྱོབ་པར་བྱེད་ཅིང་སེམས་
དགའ་བར་བྱེད་པའི་རང་བཞིན་ནོ། །དེ་ཉིད་ལྷ་ཡིན་པས་སྙིང་པོའོ། །དཀྱིལ་འཁོར་གྱི་ཐིག་འདེབས་པ་ལ་ཉེ་བར་འཚམས་པས་ཏེ་མཁོ་བས་ན་ཐིག་གདབ་པའོ། །མི་འཇིག་པ་སྟེ་མི་འགྱུར་བ།༼སྔགས་ཀྱི་སྐད་དོད་མཱན་ཏྲ་ལ་མཱ་ན་ཡིད། ཏྲ་ཡ་སྐྱོང་བའམ་སྐྱོབ་པའོ། །
༽ཉིད་པས་ན་ཡི་གེའོ། །སྔགས་ཐམས་ཅད་ཀྱི་གནས་སུ་གྱུར་པས་ན་གནས་རྣམས་སོ། །གང་ཡིན་ཞེ་ན། ཨོཾ་ཨཱཿཧཱུཾ་ཞེས་བྱ་བའོ། །རྡོ་རྗེ་ཞེས་བྱ་བ་ལ་སོགས་པ་ལ་རྡོ་རྗེ་ནི་མི་བསྐྱོད་པ་ལ་སོགས་པ་སྟེ། དེའི་ཁ་དོག་ཏུ་བཙོས་པའི་༼
ཡི་གེའི་སྐད་དོད་ཨཀྵ་རའི་ཀྵ་ར་འགྱུར་བ་དང་། དེ་ཨས་བཀག་པས་སོ། ། ༽། ཐིག་སྐུད་ལྔ་པ་ལྔའི། ཐིག་ནི་རྡོ་རྗེའི་ཐིག་གོ། དེ་ལ་རྡོ་རྗེ་དེའི་ཐིག་སྐུད་དེས་གདབ་པ་ནི་དཀྱིལ་འཁོར་གྱི་ཐིག་གདབ་པ་དང་འོ། ཚོན་རྩི་རྣམས་ཀྱང་ཚོན་སྣ་ལྔས་དགྱེ་བ་ནི་རྣམ་
པར་དགྲམ་པ་སྟེ། ཨོཾ་ཞེས་བྱ་བ་ལ་སོགས་པ་འབྲུ་གསུམ་པའི་སྔགས་ཀྱིས་དགྱེ་བར་བྱའོ་ཞེས་བྱ་བ་༼དེའི་ཟེར། ༽ནི་དགྱེ་བ་དག་ཅེས་པའི་ཚིག་གི་ལྷག་མའོ།། ༈ སྔགས་ཀྱི་སེམས་པས་ནི་སྔགས་ལ་མཆོག་ཏུ་གཞོལ་
བ་སྟེ། དེས་ནི་བཤད་པའི་རྣམ་པས་དཀྱིལ་འཁོར་བྲི་བར་མི་བྱ་སྟེ། ༼འདིར་ཁ་ཅིག། སྔགས་ཀྱི་སེམས་པས་མི་བྱ་བའི་དོན། སྒྱུ་ལུས་སམ་ཟུང་འཇུག་ལ་གནས་པས། ཟུང་འཇུག་སྔགས་ཡིན་པས་སྔགས་དེས་དཀྱིལ་འཁོར་བྲི། སྔར་བཤད་པའི་ཨོཾ་ཨཱཿཧཱུཾ་སོགས་བརྗོད་
4-2-386a


པའི་སྔགས་ཀྱིས་མི་བྲི་ཞེས་པ་ནི་ཤིན་ཏུ་མི་རིགས་ཏེ། འདིར་དཀྱིལ་འཁོར་བྲི་བ་བཀག་པ་ནི། དེ་ཉིད་བསྡུས་པ་ལ་སོགས་པ་ལྟར་མི་བྱ་བའི་དོན་དུ་གསུངས་ཤིང་། དེ་ཡང་སྒྲུབ་གྲོགས་ཕྱག་རྒྱ་མ་དང་བྲལ་བས་མི་བྱ་བ་ཡིན་པར། དེ་བས་དམ་ཚིག་ཚུལ་ཤེས་
པས། ཞེས་སོགས་ཀྱི་བཤད་པ་ལས་ཤིན་ཏུ་གསལ་བའི་ཕྱིར་དང༌། ཕྱག་རྒྱ་མ་དང་བཅས་པར་བསྐྱེད་རིམ་པས་བྲི་བར་གསལ་བར་གསུངས་པའི་ཕྱིར་རོ། །བཤད་པའི་རྣམ་པས་ཞེས་པ་ཡང་འགྱུར་མ་དག་པས། པ་ཚབ་ཀྱིས། དཀྱིལ་འཁོར་བཤད་ཟིན་པའི་རྣམ་པ་ཅན་བྲི་བར་མི་
བྱ་སྟེ། ཞེས་བསྒྱུར་ཞིང༌། ཆག་ཀྱང་དེ་དང་མཐུན་ནོ། །ཆག་འགྱུར་ལས། སྔགས་ཀྱི་སེམས་པ་ནི་སྔགས་ལ་མཆོག་ཏུ་གཞོལ་བ་ཡིན་ཏེ། གཉིས་མེད་ཡེ་ཤེས་མངོན་ལྡན་པས། །ཡེ་ཤེས་སྔགས་སུ་ངེས་པར་བརྗོད། །ཅེས་པའི་རིགས་པས། བཤད་པའི་རྣམ་པའི་དཀྱིལ་འཁོར་བྲི་
བར་མི་བྱ་སྟེ། ཞེས་འབྱུང་ངོ༌། །དེ་དག་གི་དོན་ནི། སྔགས་ཀྱི་དོན་ནི་ཡིད་སྐྱོབ་པ་ཡིན་ལ། དེའི་གཙོ་བོ་ཡང་བདེ་བ་ཆེན་པོ་དང་སྟོང་པ་གཉིས་སུ་མེད་པའི་ཡེ་ཤེས་ཡིན་པ་ལ། དེ་མ་རྟོགས་པས་དེ་ལས་ཕྱི་རོལ་ཏུ་གྱུར་པའི་སྔགས་ལ་གཙོ་བོར་བྱེད་པ། རྒྱུད་སྡེ་འོག་མའི་གདུལ་
བྱའོ། །དེའི་དབང་དུ་མཛད་ནས་གསུངས་པའི་སྒྲུབ་གྲོགས་ཕྱག་རྒྱ་མ་དང་བྲལ་ནས། དཀྱིལ་འཁོར་བྲི་སྒྲུབ་སོགས་བྱེད་པའི་ཆོ་གས་མི་བྱ་བའི་དོན་ནོ། །༼གལ་ཏེ་བྱས་ན་དེས་བྱང་ཆུབ་སྟེ་རྡོ་རྗེ་འཆང་ཆེན་པོ་ཉིད་རྙེད་པར་དཀའ་ཞིང་རིང་བར་འགྱུར་རོ། །གལ་ཏེ་
དེ་ཁོ་ན་ཉིད་བསྡུས་པ་ལ་སོགས་པ་ལས་བཤད་པའི་ཕྱག་རྒྱ་མ་དང་བྲལ་བའི་ཆོ་གས་བྱེད་ནའོ། ཞེས་བྱ་བར་དགོངས་སོ། །འདིས་ནི་རྒྱུད་དེ་དག་གི་ལམ་གྱིས་ཚེ་འདིར་མཆོག་མི་རྙེད་པར་བསྟན་ནོ།། ༈ ཕྱག་རྒྱ་མ་དང་བྲལ་བའི་
4-2-386b


ལམ་ལ་བྱང་ཆུབ་རིང་བ་དེ་བས་ན་ཞེས་བྱ་བ་ལ་སོགས་པ་ལ། དེས་ན་རྫོགས་པའི་རིམ་པ་ལ་གནས་པ་ལས་གཞན་བསྐྱེད་པའི་རིམ་པ་ལ་གནས་པ། རིག་པའི་བརྟུལ་ཞུགས་ཡང་དག་པར་སྤྱད་པས། གལ་ཏེ་དཀྱིལ་འཁོར་འདྲི་བར་བྱེད་ན་དེའི་ཆོ་ག་ནི་དམ་
ཚིག་སྟེ། མི་བསྐྱོད་པ་ལ་སོགས་པ་རིགས་སོ་སོའི་རྣལ་འབྱོར་པ་འདི་ལ། རིགས་ངན་གྱི་བུ་མོ་ལ་སོགས་པ་འདིའོ། །ཞེས་རིགས་ཀྱི་དབྱེ་བས་བཤད་པའི་ཕྱག་རྒྱམའོ། །དེའི་ཚུལ་ནི་འདུས་པ་ལས་གསུངས་པའི་ཚུལ་གྱིས་བསྐྱེད་པ་སྟེ་རིག་མ་འདུ་བྱས་པའོ། །ཤེས་པ་
ནི་སྔགས་པའོ། །སྔགས་ནི་སྒྲུབ་པ་པོའོ། །དེའི་ལྷ་ནི་སྒྲུབ་པ་པོ་ལ་མཆོག་སྟེར་བས་རང་གི་ཕྱག་རྒྱ་མ་སྟེ་དེ་ཕབ་ལ་མདུན་དུ་སྟེ་དྲུང་དུ་བཞག་ནས་སྒྲུབ་གྲོགས་སུ་བྱས་པའོ། །བྱིན་གྱིས་བརླབ་པ་ནི་རིག་མའི་ལུས་ལ་རིགས་ལྔར་གཏོགས་པའི་ལྷ་རྣམས་
དགོད་པར་བྱབའོ། །རིགས་ལྔ་དགོད་པ་དེའི་གནས་ནི་དེའི་གཞི་ཕྱག་རྒྱ་མ་སྟེ་དེ་བསྒོམ་ཞིང་བསྐྱོད་ལ། དཀྱིལ་འཁོར་རྣམས་ཏེ་སྐུ་ལ་སོགས་པའི་དཀྱིལ་འཁོར་རྣམས་ཀྱི་ཐིག་གདབ་པ་དང་ལ་སོགས་པས་ཚོན་དགྱེ་བ་དང་དཀྱིལ་འཁོར་བསྒྲུབ་པ་
དང་མཆོད་པའི་རིམ་གྱིས་རྣམ་པར་བརྟག་ཅིང་སྟེ་བསྒྲུབ་པར་བྱའོ།། ༈ དེ་ལྟར་རིགས་རྣམས་ཀྱི་ཐུན་མོང་གི་ཆོ་ག་བསྟན་ནས། །རིགས་ཀྱི་དབྱེ་བསྟེ་ཕྱེ་བས་བྱ་བའི་ཆོ་ག་བསྟན་པར་བྱ་བའི་ཕྱིར། རྒྱལ་ཆེན་ཞེས་བྱ་བ་ལ་སོགས་པ་གསུངས་
ཏེ། དེ་ལ་སྐུའི་དཀྱིལ་འཁོར་འདྲི་བར་འདོད་པའི་སྔགས་པས། བདག་ཉིད་རྣམ་པར་སྣང་མཛད་ཀྱི་སྦྱོར་བ་དང་ལྡན་པས། རང་གི་ཕྱག་རྒྱ་མ་བཙོ་བླག་མཁན་གྱི་བུ་མོ་ཡང་ན་༼ཞེས་པ་ནི་རིགས་གཞན་ལ་ལྟོས་པའོ། །༽སྤྱན་ནི་ཞེས་པ་སྤྱན་མངོན་སུམ་པ་
4-2-387a


བཞིན་དུ་བསྐྱེད་ལ། དེ་དང་ལྷན་ཅིག་དཀྱིལ་འཁོར་གྱི་ཐིག་གདབ་པ་ལ་སོགས་པ་བྱའོ། །བྱ་བ་འདིའི་ཕན་ཡོན་བསྟན་པར་བྱ་བའི་ཕྱིར། སྐུའི་དཀྱིལ་འཁོར་ཞེས་བྱ་བ་ལ་སོགས་པ་གསུངས་ཏེ། སྐུ་ནི་རྣམ་པར་སྣང་མཛད་དོ། །
དེའི་དཀྱིལ་འཁོར་གྱི་གནས་ནི་དེའི་དབང་དུ་བྱས་པའི་འཁོར་ལོའོ། །ཡིད་དུ་འོང་བ་ནི་འདོད་པའི་འབྲས་བུ་རབ་ཏུ་སྟེར་བས་ཡིད་འཕྲོག་པའོ། །རྡོ་རྗེའི་སྐུ་ཡི་ནི་སྐུ་རྡོ་རྗེའོ། །དེའི་ཡོན་ཏན་ནི་འཇིག་རྟེན་གྱི་ཁམས་མཐའ་ཡས་མུ་མེད་པར། སེམས་ཅན་རྣམས་
ལ་སྣ་ཚོགས་པའི་གཟུགས་ཀྱིས། ཆོས་སྟོན་པ་ལ་རབ་ཏུ་འཇུག་པ་སྟེ་སྒྲུབ་པ་པོས་དེ་ཐོབ་པར་འགྱུར་བའོ། །རྡོ་རྗེ་ཆོས་ནི་ཞེས་བྱ་བ་ལ་སོགས་པ་ལ། སྔགས་པ་ཆོས་ཀྱི་རྒྱལ་པོ་ཆེན་པོ་སྣང་མཐར་བདག་ཉིད་བསྒོམས་ལ། །རང་གི་ཆོས་མས་ཏེ་
རང་གི་རིག་པ་གར་མཁན་གྱི་བུ་མོ་གོས་དཀར་མོར་བསྒོམས་ལ། དེ་ལ་རང་དང་འདྲ་བའི་ཡེ་ཤེས་པ་དབབ་པར་བྱས་པ་སྟེ་བཅུག་ནས་གསུང་གི་དཀྱིལ་འཁོར་བྲི་བར་བྱ་སྟེ། རིམ་པ་འདི་ནི་སྔགས་རྣམས་ཐམས་ཅད་ཀྱི་སྟེ། པདྨའི་རིགས་དང་ལྡན་པ་
ཐམས་ཅད་ཀྱིས་གསང་ཞིང་སྦ་བར་བྱ་བ་དང༌། རྟག་པ་སྟེ་ཐོག་མ་མེད་པའི་དུས་ཅན་གྱི་དེ་བཞིན་གཤེགས་པ་རྣམས་ཀྱི་མན་ངག་ཡིན་ནོ། །རྡོ་རྗེ་སེམས་དཔའ་ཞེས་བྱ་བ་ལ་སོགས་པ་ལ། བདག་ཉིད་མི་བསྐྱོད་པའི་སྐུར་བསམས་ལ། རང་གི་ཕྱག་རྒྱ་
རིགས་ངན་གྱི་བུ་མོ་མཱ་མ་ཀཱིར་བྱིན་གྱིས་བརླབས་ལ། དེ་ལ་རང་དང་འདྲ་བའི་ཡེ་ཤེས་པ་དབབ་པར་བྱས་པ་སྟེ་བཅུག་ནས་ཐུགས་ཀྱི་དཀྱིལ་འཁོར་བྲི་བར་བྱའོ། །འདི་ནི་སྔགས་རྣམས་ཐམས་ཅད་ཀྱི་ཞེས་བྱ་བ་ནི། རྡོ་རྗེའི་རིགས་དང་ལྡན་པའི་སྒྲུབ་
4-2-387b


པ་པོ་རྣམས་ཀྱིའོ། །གསང་བ་རྨད་དུ་བྱུང་བའོ། །ཞེས་པ་ནི་རང་གི་བླ་མ་ནས་རྡོ་རྗེ་འཆང་གི་བར་དུ་གོང་ནས་གོང་དུ་བརྒྱུད་པའི་གསང་བའོ།། ༈ དེ་ལྟར་ཞེས་བྱ་བ་ལ་སོགས་པ་ལ། རིག་མ་དང་ལྷན་ཅིག་ཏུ་དེ་ལྟར་བྱས་པའི་དཀྱིལ་འཁོར་གྱི་ཆོ་
གས་ཡིད་ལ་དབང་ཐོབ་པའི་སངས་རྒྱས་དང༌། བྱང་ཆུབ་སེམས་དཔའ་རྣམས་ཤིན་ཏུ་དང་བས། གནས་དེར་གཤེགས་ཤིང་དགོངས་པར་མཛད་ནས་རབ་ཏུ་དགྱེས་པར་གྱུར་ཅིང༌། ཤིན་ཏུ་ཐུགས་རངས་ནས་ཤིན་ཏུ་ཡང་གསང་བའི་མཆོག་ཏུ་
གྱུར་པའི་དཀྱིལ་འཁོར། འབྲི་ཞིང་རྫོགས་པར་མཛད་པ་སྟེ་སྒྲུབ་པ་པོ་ཕྱག་རྒྱ་དང་བཅས་པའི་ལུས་དང་ངག་དང་ཡིད། བྱིན་གྱིས་རློབ་པར་མཛད་ཅིང་དེ་གཉིས་ཀྱིས་དཀྱིལ་འཁོར་རྫོགས་པར་བྱེད་དོ། །ཞེས་བྱ་བའི་བར་དུའོ།། ༈ འདི་སྐད་ཀྱང་
གསུངས་སོ་ཞེས་བྱ་བ་ནི་སྡུད་པར་བྱེད་པའི་ཚིག་གོ། སྔགས་ཀྱི་སེམས་པས་ཞེས་བྱ་བ་ལ་སོགས་པ་ལ། སེམས་པས་ཞེས་པ་ནི། སྔར་བཤད་མ་ཐག་པའི་ཆོ་གས་དཀྱིལ་འཁོར་རྫོགས་པར་བྱས་པ་སྟེ་བསྒྲུབ་པའི་སྔགས་པས། རྡོ་རྗེ་
གསང་བ་སྟེ་དེ་བཞིན་གཤེགས་པའི་གསང་བ་རྨད་དུ་བྱུང་བ་ཆེན་པོ་སྟེ། མཆོག་ཏུ་རྨད་དུ་བྱུང་བ་དང་ལྡན་པ་བྱའོ། །རྨད་དུ་བྱུང་བ་དེ་གང་ཡིན་ཞེ་ན། ཁྲོ་བོའི་ཞེས་བྱ་བ་ལ་སོགས་པ་གསུངས་ཏེ། གནོད་མཛེས་བཀུག་ནས་མདུན་དུ་བཀའ་ནོད་པ་ལ། རྒྱལ་བ་
རྣམས་སློབ་མ་ལ་དབང་བསྐུར་བའི་དོན་དུ་འབྱོན་པར་སྐུལ་ཅིག་ཅེས་བསྒོས་པས། ཁྲོ་བོའི་རྒྱལ་པོས་ཞེས་པ་ངེས་པར་གནོད་མཛེས་ཀྱིས། སངས་རྒྱས་ཐམས་ཅད་ཅེས་པ་ཡེ་ཤེས་པ་རྫོགས་པ། སྟེ་གྲུབ་ཟིན་པར་གྱུར་པ་ལྷ་སོ་གཉིས་སུ་འདུས་
4-2-388a


ནས། ནམ་མཁའི་དཀྱིལ་འཁོར་ལ་སྟེ་ནམ་མཁའི་དབྱིངས་ཀྱི་སངས་རྒྱས་ཀྱི་ཞིང་རྣམས་ན་བཞུགས་པ་རྣམས་བཀུག་ནས། རང་རང་གི་གནས་ཇི་ལྟ་བ་བཞིན་ན་བཞུགས་པའི་དམ་ཚིག་པ་རྣམས་ལ་བསྟིམས་ལ་མཆོད་
པར་བྱའོ།། ༈ ཇི་ལྟ་ཞེ་ན། རྡོ་རྗེ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་དྲི་མེད་གསུམ་དག་གི། ཞེས་པ་དཀྱིལ་འཁོར་པ་རྣམས་ལ། དམ་ཚིག་ཅེས་པ་གཟུགས་རྡོ་རྗེ་ལ་སོགས་པ་སྟེ། དེ་རྣམས་ཀྱིས་བྱས་པའི་མཆོད་པ་ནི་
དམ་ཚིག་གི་མཆོད་པའོ། །དེས་དུས་གསུམ་པ་སྟེ་དུས་ཚིགས་གསུམ་དུའམ་༼རྡོ་རྗེ་གསུམ་དང་གནས་དག་ལ་ནི་རྡོ་རྗེ་ཅན་དང་དཀྱིལ་འཁོར་པ་རྣམས་ལ་ཟེར། ༽ཐུན་གསུམ་དུ་མཆོད་པར་བྱའོ། །ཇི་ལྟར་བྱ་ཞེ་ན། རྡོ་རྗེ་གསུམ་གྱི་སྦྱོར་བས་བྱ། །
ཞེས་བྱ་བ་སྟེ། རྡོ་རྗེ་གསུམ་ནི་དུས་གསུམ་དུ་བཞུགས་པའི་སངས་རྒྱས་རྣམས་ཏེ། དེའི་སྦྱོར་བས་ཞེས་པ་ནི། དུས་གསུམ་དུ་བཞུགས་པའི་དེ་བཞིན་གཤེགས་པ་རྣམས་དང་ལྷ་སོ་གཉིས་གཅིག་ཏུ་བྱས་པ་ལའམ་གཅིག་ཏུ་བྱ་བའི་ཚུལ་གྱིས་
མཆོད་དོ། ཞེས་བྱ་བའི་བར་དུའོ། །དེ་འདྲ་བའི་ཆོ་ག་འདི་དག་བྱས་པས་ཅི་ཞིག་བྱེད་ཅེ་ན། སྔགས་ཀྱི་དངོས་གྲུབ་ཐོབ་པར་བྱེད། །ཅེས་བྱ་བ་གསུངས་ཏེ། སྔགས་ནི་དེ་བཞིན་གཤེགས་པ་རྣམས་སོ། །དེ་རྣམས་ཀྱི་དངོས་གྲུབ་ནི་འཇིག་རྟེན་དང་
འཇིག་རྟེན་ལས་འདས་པའི་མཚན་ཉིད་ཀྱི་དངོས་གྲུབ་བོ། །དེ་ཐོབ་པར་བྱེད་པ་ནི་རྫོགས་པར་བྱེད་པའོ།། ༈ འདི་སྐད་ཀྱང་གསུངས་སོ། །སྔགས་རྣམས་ཐམས་ཅད་ཅེས་བྱ་བ་ལ་སོགས་པ་ལ། གནས་དེར་ཡང་དག་༼ཡང་དག་
4-2-388b


པར་འདས་པའི་སྔགས་པ་རྣམས་ཉིད་ལ་རྨད་བྱུང་ཆེན་པོའི་སྟེ་ཤིན་ཏུ་རྒྱ་ཆེ་བའི་རང་བཞིན་ནང་གི་བདག་ཉིད་ཀྱི་གཏོར་མ་སྟེ་ཚིམ་པར་བྱེད་པ་དབུལ་ཞིང་བསྟབ་པར་བྱའོ། །ཟེར། ༽པར་འདུས་པའི་སྔགས་པ་རྣམས་ལ་རྨད་དུ་བྱུང་ཞིང་ཆེན་པོའི་སྟེ། ཤིན་ཏུ་རྒྱ་ཆེ་བའི་
རང་བཞིན་ནང་གི་བདག་ཉིད་ཀྱི་གཏོར་མ་སྟེ་ཚིམ་པར་བྱེད་པ་བྱ་བའི་ཕྱིར་དབུལ་བར་བྱའོ། །ནང་གི་གཏོར་མ་གང་དུ་བཤད་པ་འདི་ཉིད་བསྟན་པར་བྱ་བའི་ཕྱིར། བཤང་གཅི་ཞེས་བྱ་བ་ལ་སོགས་པ་གསུངས་ཏེ། བཤང་བ་དང་ལ་སོགས་
པས་གཅི་བ་དང་ཤ་དང་འབྲུ་མར་དང་སེམས་ལས་བྱུང་བའི་ཙན་དན་ཏེ་དེ་ལྔ་ནི་ཡུལ་རྣམ་པ་ལྔ་༼འདིས་ནི་དེར་འདུས་པའི་རྣལ་འབྱོར་པ་རྣམས་ལ་ཚོགས་ཀྱི་མཆོད་པ་བྱ་བར་བསྟན་ནོ། །༼སྔགས་རྣམས་ཐམས་ཅད་ཉིད་ལ་འང༌། །རྨད་བྱུང་ཆེ་བའི་གཏོར་མ་དབུལ། བཤང་
གཅི་ཤ་དང་འབྲུ་མར་དང༌། །སེམས་ལས་བྱུང་བ་ལྔ་པ་འོ། །ཁུ་བ་ཡིས་ནི་སྔགས་རྣམས་ཀུན། །ཚིམ་པར་གྱུར་པར་ཀུན་ཏུ་བཤད། །ཅེས་འབྱུང་ངོ༌། །༽སྤྱི་དང་ཁྱད་པར་དུ་ཕྱག་རྒྱའི་འདོད་ཡོན་ལྔ་ཡིན་ལ། དེས་ཚིམ་པར་བྱེད་པ་ནི་ནང་གི་གཏོར་མ་འབུལ་བའོ། །བཤང་བ་སོགས་
ལྔ་ཡུལ་ལྔ་ལ་བྱེད་པ་ནི་འཇིག་རྟེན་པ་དང་བསྟན་བཅོས་གཞན་ལ་མེད་པ་དེ་བཞིན་གཤེགས་པའི་བརྡར་གྱུར་པ་སྟེ་སྒྲ་ཇི་བཞིན་པ་མ་ཡིན་པར་འདོད་དོ། །གང་གི་ཚེ་ཡུལ་ལྔའི་སྒོ་ནས་ཚོགས་ཀྱི་མཆོད་པ་མ་འབྱོར་ན་ཇི་ལྟར་བྱ་ཞེ་ན། ཁུ་བ་དག་གིས་ཞེས་
བྱ་བ་ལ་སོགས་པ་གསུངས་ཏེ། ཤུ་ཙ་ནི་མྱ་ངན་ཏེ་འདིར་སྡུག་བསྔལ་ལོ། །མྱ་ངན་དེ་དེ་ཀྲ་ཀ་ཙ་སོག་ལེ་སྟེ་༼སྔར་གཏོར་མ་དབུལ་བར་བཤད་པ་དེ་ཉིད་གཞུང་ཕྱི་མས་སྟོན་པར་གསུངས་པས། འདིར་གཏོར་མ་ཞེས་པ་ལྷ་དང་ཕྱོགས་སྐྱོང་གི་གཏོར་མར་
4-2-389a


འཆད་པ་དོན་མིན་ནོ། །༽སྡུག་བསྔལ་སོག་ལེ་ལྟར་གཅོད་ཅིང་འཇིག་པར་བྱེད་པས་ན་ཤུ་ཀྲ་སྟེ་ཁུ་བ་ནི་ཆང་ལ་བྱའོ་ངོ༌། དེས་སྔགས་རྣམས་ཀུན་ཏེ་སྒྲུབ་པ་པོ་རྣམས་ཚིམ་པར་འགྱུར་ཞིང་ལུས་བརྟས་པར་འགྱུར་
བར་བཤད་དོ། །ཆོ་ག་འདི་ནི་འདའ་བར་མི་བྱ་བའི་དམ་ཚིག་སྟེ། གཙོ་བོར་གྱུར་པས་མཆོག་ཡིན་ནོ། །སངས་རྒྱས་ཞེས་པ་ནི་སྔགས་པ་རྣམས་ཏེ། དེ་རྣམས་ཀྱི་བྱང་ཆུབ་ཅེས་པ་སེམས་དེ་རྫོགས་པར་བྱེད་ཅིང༌། ཚིམ་པར་བྱེད་པ་སྟེ་སྔགས་པ་ཚིམ་
པར་བྱེད་པ་དེ་བཞིན་དུ་སྟེ་དེ་ཁོ་ན། དེ་བཞིན་གཤེགས་པ་རྣམས་ཡང་དག་པར་ཚིམ་པར་བྱེད་པའོ། ཞེས་བྱ་བར་དགོངས་སོ།། ༈ དེ་ལྟར་ལེགས་པར་བསླབས་པའི་ཕྱག་རྒྱ་དང་ལྷན་ཅིག་དཀྱིལ་འཁོར་བྲི་བའི་ཆོ་ག་བཤད་ནས། 
དེ་དང་བྲལ་བའི་ཆོ་ག་བསྟན་པར་བྱ་བའི་ཕྱིར།༼མ་ད་ནཱ་བརྟེན་པས་སྒྲུབ་པ་པོའི་བྱང་ཆུབ་ཀྱི་སེམས་རྫོགས་པར་བྱེད་པའི་བྱང་སེམས་ནི་ཀུནྡ་ལྟ་བུ་ཡིན་ཏེ། ཀྱཻ་རྡོར་ལས། དེ་ལ་ག་བུར་རྒྱུ་ཡི་ཕྱིར། །ཤ་ནི་བཟའ་བ་ཉིད་དུ་བྱ། །ཁྱད་པར་དུ་ཡང་ཆང་ཉིད་དོ། །ཞེས་གསུངས་ཏེ། ག་བུར་
ནི་ཤུ་ཀྲའོ། །དེ་འཕེལ་ན་ཞུ་བདེ་འཕེལ་ལ། དེས་སྟོང་ཉིད་བསྒོམས་ན་ལམ་བགྲོད་པ་མྱུར་བའི་ཕྱིར་གཙོ་བོའམ་མཆོག་ཅེས་གསུངས་སོ། །༽ཐིག་གདབ་པ་ཡི་ཞེས་བྱ་བ་ལ་སོགས་པ་གསུངས་ཏེ། དཀྱིལ་འཁོར་གྱི་ཐིག་གདབ་པ་ཡི་ཆོ་ག་འདི་ཤེས་རབ་མ་
མེད་པར་བདག་ཉིད་གཅིག་པུ་གང་གི་ཚེ་སྤྱོད་པར་གྱུར་པ་དེའི་ཚེ། སྐུའི་དཀྱིལ་འཁོར་ལ་སློབ་དཔོན་བདག་ཉིད་རྣམ་པར་སྣང་མཛད་དུ་རབ་ཏུ་བསྒོམས་ནས། སློབ་མ་རྡོ་རྗེ་སེམས་དཔའ་སྟེ་མི་བསྐྱོད་པར་རབ་ཏུ་བསྒོམ་མོ། །ཡང་ན་སློབ་མ་རྡོ་རྗེ་འོད་པོ་ཆེ་
4-2-389b


སྟེ་བདུད་རྩི་ཐབ་སྦྱོར་དུ་བསྒོམ་ཞིང་བརྟག་པར་བྱ་སྟེ། བཤད་མ་ཐག་པའི་ལས་ཐམས་ཅད་ཀྱི་གོ་འཕང་སྟེ་གནས་དཀྱིལ་་འཁོར་གྱི་ཐིག་གི་བྱ་བ་ལ་ནི། བདུད་རྩི་འཁྱིལ་པ་སངས་རྒྱས་ཐམས་ཅད་ཀྱིས་ངེས་པར་བསྟེན་ཅིང་བསྔགས་པའོ། །དེ་
བཞིན་དུ་ཐུགས་ཀྱི་དཀྱིལ་འཁོར་དུ་བདག་ཉིད་མི་བསྐྱོད་པར་བསྒོམས་ལ། སློབ་མ་རྣམ་པར་སྣང་མཛད་དམ། བདུད་རྩི་ཐབ་སྦྱོར་དུ་རབ་ཏུ་བརྟག་པར་བྱའོ། །དེ་བཞིན་དུ་གསུང་གི་དཀྱིལ་འཁོར་ལ་རང་ཉིད་སྣང་མཐའ་དང་ཡང་ཅི་རིགས་པར་ཤེས་པར་བྱའོ།། 
༈ སངས་རྒྱས་རྒྱལ་ཆེན་ལྔ་རྣམས་ནི། །མི་བསྐྱོད་པ་ལ་སོགས་པའོ། །རྡོ་རྗེའི་ཐིག་སྐུད་དག་ལ་དགོད། །ཅེས་བྱ་བ་ནི། ལག་པར་གནས་པའི་ཐིག་སྐུད་ནག་༼གི་སྒྲས་སློབ་མ་མི་བསྐྱོད་པའམ་ཐབས་སྦྱོར་དུ་བསྒོམ་མོ། །༧ ནི་དེ་བཞིན་དུ་ཞེས་པ་ཐུགས་
དཀྱིལ་བཞིན་བྱེད་ཀྱང་དེ་ཇི་བཞིན་དུ་མི་བྱེད་པའོ། །༽པོ་ལ་སོགས་པ་ལྔ་ལ་སངས་རྒྱས་ལྔ་དགོད་ཅེས་པའི་དོན་སྟེ་ནམ་མཁར་བཞུགས་པའི་སྟ་གོན་གྱི་ལྷའི་ཐུགས་ཀ་ནས་བཏང་བ་རིགས་ལྔ་རང་རང་གི་མདོག་ཅན་ཡི་གེ་ཧཱུཾ་དང་ལ་སོགས་པས་ཨོཾ་སྭཱ་ཨཱཿ
ཧཱའི་རྣམ་པ་ཅན་གྱི་ཐིག་སྐུད་ཀྱི་འི་གཟུགས་ཀྱིས་ཞུགས་ཤིང་དགོད་པར་བསམས་ཏེའོ། །ཐིག་གདབ་པའི་ཆོ་ག་འདི་ནི་སངས་རྒྱས་ཐམས་ཅད་ཀྱི་གསང་བ་ཁྱད་པར་མཆོག་ཏུ་རྨད་དུ་བྱུང་བའོ། །རྣམ་པ་ཉི་ཤུ་རྩ་ལྔར་ནི། །ཞེས་བྱ་བ་ལ་སོགས་པ་ལ། 
ཚོན་རེ་རེ་ཞིང་ཡང་དེ་བཞིན་གཤེགས་པ་རྣམ་པ་ལྔའི་བདག་ཉིད་ཅན་ཡིན་༼འདིར་ཧཱུཾ་ལ་སོགས་པ་ལས་ཐིག་སྐུད་རིགས་ལྔར་བསྐྱེད་པ་ནི་ཡི་གེའི་དོན་ལ་མ་ཞུགས་སོ། །༽པའི་ཕྱིར། ཉི་ཤུ་རྩ་ལྔ་སྟེ་རྣམ་པ་ཉི་ཤུ་རྩ་ལྔའི་བྱེ་བྲག་གིས་ཕྱེ་བའི་ཚོན་རྩིའི་ཕུང་
4-2-390a


པོ་སྟེ་ཚོགས་ལྔ་རྣམ་པར་དགྱེ་བར་བྱའོ། །རྣམ་པ་ཉི་ཤུ་རྩ་ལྔ་ནི། །ཚོན་རྩི་དག་ཀྱང་རྣམ་པར་བསྒོམ། །ཞེས་པ་འདིས་ནི་ཚོན་རྩི་རེ་རེ་ལ་ཡང་གཙོ་བོར་བྱས་ཤིང་བསྔགས་པའི་ཚུལ་གྱིས་དེ་བཞིན་གཤེགས་པ་ལྔ་པར་བསྒོམ་
པར་བྱའོ་ཞེས་སྟོན་ཏོ། །འདི་ནི་སངས་རྒྱས་ཐམས་ཅད་ཀྱི་ཞེས་པ་ནི། ༼འདིས་ནི་ཚོན་རྩི་རེ་རེ་ལ་གཙོ་བོ་དང་ཕལ་པའི་ཚུལ་གྱིས། དེ་བཞིན་གཤེགས་པ་ལྔ་པར་བསྒོམ་པར་བྱའོ། །ཞེས་བསྟན་ཏོ་ཟེར། དེས་ན་ཚོན་རེ་རེ་ཞིང་ཡང་རྣམ་པ་ལྔ་ཞེས་པས་ཚོན་རྩི་ཁ་དོག་རེ་རེ་ལ་
ཚོན་གཞན་བཞི་བཞི་བསྲེ་བར་སྟོན་པ་མིན་གྱི། དཀར་པོ་ལྟ་བུ་གཅིག་ཀྱང་གཙོ་བོར་རྣམ་སྣང་གི་ངོ་བོ་ཡིན་ཀྱང༌། ཕལ་པའི་ཚུལ་གྱིས་རིགས་གཞན་བཞིའི་ཡང་ངོ་བོར་སྒོམ་པའི་དོན་ནོ། །རྡུལ་ཚོན་ཕན་ཚུན་འདྲེས་ན་རིགས་རྒྱུད་འཆད་པར་གསུངས་པས་དེ་རྣམས་བསྲེ་བར་མི་བྱའོ། །
༽དེ་བཞིན་གཤེགས་པ་ཐམས་ཅད་ཀྱིའོ། །གསང་བ་ནི་མཆོག་ཏུ་གྱུར་པའོ། །བྱང་ཆུབ་ནི་ཡང་དག་པར་བགྲོད་པ་དམ་པའོ།། ༈ དཀྱིལ་འཁོར་འདྲི་བའི་དུས་སུ། བགེགས་རྣམས་ཉེ་བར་ཞི་བར་བྱ་བའི་ཆོ་ག་བསྟན་པར་བྱ་བའི་
ཕྱིར། སྔགས་རྣམས་ཞེས་བྱ་བ་ལ་སོགས་པ་གསུངས་ཏེ། སྔགས་རྣམས་ཐམས་ཅད་ནི་དཀྱིལ་འཁོར་པ་རྣམས་ཏེ། དེ་རྣམས་ཕྱི་རོལ་གྱི་ཉེ་བར་འཚེ་བ་རྣམས་ལས་བསྲུང་བར་བྱ་བའི་ཕྱིར། རྡོ་རྗེ་ཧཱུཾ་ནི་སྐབས་འདིར་གཤིན་རྗེ་གཤེད་
ཏེ་དེ་བསྒོམ་པར་བྱའོ། །ཇི་ལྟར་ཞེ་ན། སྐུ་དང་ཞེས་བྱ་བ་ལ་སོགས་པ་གསུངས་ཏེ། ཕུལ་དུ་བྱུང་ཞིང་ཐུན་མོང་མ་ཡིན་པའི་སྐུ་དང་གསུང་དང་ཐུགས་ཀྱི་དམ་ཚིག་སྟེ། སྐུ་དང་གསུང་དང་ཐུགས་ཀྱི་རྣམ་པར་འཕྲུལ་པས་ས་ལ་སོགས་པ་ལས་
4-2-390b


བྱུང་བའི་གནོད་པ་འབྱུང་བ་རྣམས་ལ་གཤིན་རྗེ་གཤེད་ཀྱི་སྦྱོར་བ་དང་ལྡན་པ་བསྒོམ་པར་སྟོན་ཏོ། །དེ་ལ་གཡས་བརྐྱངས་པ་ལ་སོགས་པས་བགེགས་ཕྱེ་མར་རློག་པ་ནི་སྐུའི་རྣམ་པར་འཕྲུལ་པའོ། །འཇིག་པའི་བསྐལ་པའི་དུས་ཀྱི་འབྲུག་སྒྲ་སྒྲོགས་པ་ལྟ་
བུར། སྔགས་འདོན་པ་ནི་གསུང་གི་རྣམ་པར་འཕྲུལ་པའོ། །བགེགས་ཐམས་ཅད་སྟོང་པ་ཉིད་དུ་དམིགས་པ་ནི། ཐུགས་ཀྱི་རྣམ་པར་འཕྲུལ་པའོ། །དེ་ལ་ཤིང་དང་བོང་བ་ལ་སོགས་པས་སྐྲག་པ་སྐྱེད་པ་ནི་སའི་གནོད་པའོ། །ཆུ་རླབས་གཡོ་བ་དང་ཆར་
འབབ་པ་ལ་སོགས་པ་ལས་བྱུང་བ་ནི་ཆུ་ལས་བྱུང་བའི་གནོད་པའོ། །ཐ་མལ་པའི་མེ་ལས་བྱུང་བ་ནི་མེའི་འོ། །རླུང་ལས་བྱུང་བ་ནི་རླུང་གིའོ། །རྒྱུ་འདི་ལས་བྱུང་དབང་པོ་ལས་འདས་པ་སྟེ་མངོན་དུ་མ་གྱུར་པས་ནམ་མཁའི་༼ཆུ་འབུར་ཟེར། ༽ཉེ་བར་
འཚེ་བ་སྟེ། གནས་ལྔ་པོ་དེ་དག་ཏུ་རྡོ་རྗེ་ཧཱུཾ་མཛད་དེ་གཤིན་རྗེ་༼ཐོག་དང་མེས་བྱས་པ་ནི་མེའི་འོ་ཟེར། ༽གཤེད་བསྒོམ་པར་བྱའོ། །དེ་ལྟར་བྱས་པས་ནི་རྡོ་རྗེ་མི་ཕྱེད་གསུམ་ཞེས་པ་ནི་རྡོ་རྗེ་འཆང་ཆེན་པོའི་སྟེ། གལ་ཏེ་དེ་ལས་བྱུང་ཞིང་སྐྱེས་པ་
ཡིན་ནའང་འཇིགས་ཤིང་སྐྲག་སྟེ། རང་ཉིད་འཇིག་པའི་འཇིགས་པས་སྐྲག་ནས་རྡོ་རྗེ་སེམས་དཔའ་བློ་ལྡན་པ་སྟེ། ཡེ་ཤེས་དང་ལྡན་པའི་སྒྲུབ་པ་པོའི་དཀྱིལ་འཁོར་དུ་ཉེ་བར་འགྲོ་བར་མི་འགྱུར་ཏེ་བགེགས་བྱེད་པར་མི་ནུས་སོ།། ༈ རྡོ་རྗེ་
བུམ་པ་བཞག་པ་ནི། །ཞེས་བྱ་བ་ནི། གསང་གཏོར་བྱ་བ་ལས་ཐམས་ཅད་པའི་བུམ་པ་དང་རྣམ་པར་རྒྱལ་བ་གཙོ་བོའི་བུམ་པ་དང་ལ་སོགས་པས་ལྷ་གཞན་རྣམས་ཀྱི་བུམ་པ་རྣམས་འི་དགོད་པའོ། །ཇི་ལྟར་བྱ་ཞེ་ན། ༼ཁྱད་པར་
4-2-391a


ཇི་ལྟ་བུ་ཞེ་ན་ཞེས་པ་ལེགས་ཏེ། བུམ་པ་ཁྱད་པར་གྱི་ཆོས་ཇི་ལྟ་བུ་དང་ལྡན་པ་ཞེ་ན་ཞེས་པའོ། །༽སྔགས་རྒྱུད་བདག་པོས་ཤེས་བྱ་སྟེ། །ཞེས་བྱ་བ་སྟེ། སྔགས་ཀྱི་རྣམ་གཞག་རྣམས་བརྗོད་བྱར་བསྡུས་པའི་རྒྱུད་ནི་སྔགས་རྒྱུད་དོ། །
རྒྱུད་དེར་ལྷག་པར་བསླབས་ཤིང་རྒྱུད་དེ་ནས་ཇི་སྐད་དུ་གསུངས་པའི་དཀྱིལ་འཁོར་གྱི་ཆོ་གས་རྒྱུད་གཞན་ཆོ་ག་དེ་མ་ཚང་བ་རྣམས་ལྷག་པར་སྐྱོང་བསྟེ་ཁ་བསྐོང་བར་བྱེད་པས་ན་སྔགས་རྒྱུད་བདག་པོ་སྟེ། དེ་ཁོ་ན་ཉིད་བསྡུས་པ་ལ་སོགས་པ་
དཀྱིལ་འཁོར་གྱི་ཆོ་ག་རྒྱས་པར་བཤད་པ་རྣམས་ལ་མངོན་པར་བརྩོན་པའོ། །མངོན་པར་བརྩོན་པ་དེས་ཤེས་པར་བྱ་བ་ནི་བུམ་པ་འགོད་པའི་གནས་དང་བུམ་པ་ལ་འཇུག་པའི་བུམ་སྨན་དང་ས་བོན་ཏེ་འབྲུ་རྣམས་དང་རིན་པོ་ཆེ་རྣམས་དང་བུམ་པ་ལ་བྲི་
བའི་མཚན་མ་དང་ལ་སོགས་པས་མགུལ་ཆིངས་དང༌། གདན་དང་ཁ་རྒྱན་སོགས་༼དེས་ན་སྔགས་རྒྱུད་ནི་དེ་ཉིད་བསྡུས་པ་སོགས་ཡིན་ལ། དེའི་བདག་པོ་ནི་དེ་དག་ལ་མཁས་པའོ། །༽དགོད་པས་བརྟགས་ཤིང་སྤྲས་པར་བྱས་པའི་བུམ་པ་ཆས་སུ་བཅུག་
པའོ། །རྡོ་རྗེ་སེམས་དཔའི་ཏིང་འཛིན་གནས། །ཞེས་པ་ནི་དཀྱིལ་འཁོར་གྱི་སློབ་དཔོན་ནོ། །བརྟན་པའི་བློས་ནི་ཞེས་པ་ནི་དྲན་པ་མི་གཡེང་བས་སོ། །བརྟག་པར་བྱ་ཞེས་པ་ནི་རང་རང་གི་གནས་ཇི་ལྟ་བ་བཞིན་དུ་གཞག་པར་བྱ་སྟེ། ༼
དེ་རྣམས་དེ་ཉིད་བསྡུས་པ་ནས་ཚང་བར་མ་བྱུང་ཡང༌། ལ་སོགས་པ་ཞེས་གསུངས་པས་སོགས་ཀྱིས་བསྡུས་པའི་སྔགས་རྒྱུད་དང་བཅས་པ་ལས་བྱུང་ན་དེས་ཆོག་གོ། ༽སྒྲ་ཇི་བཞིན་པའོ།། ༈ དེ་ལྟར་དཀྱིལ་འཁོར་བྲི་བ་དང་སྒྲུབ་པ་དང་མཆོད་པ་དང་བུམ་པ་
4-2-391b


དགོད་པ་སོགས་ཡོངས་སུ་རྫོགས་པར་བྱས་ནས། དེའི་འོག་ཏུ་སྦྱིན་སྲེག་བྱའོ་ཞེས་བསྟན་པར་བྱ་བའི་ཕྱིར། དངོས་གྲུབ་ཅེས་བྱ་བ་ལ་སོགས་པ་གསུངས་ཏེ། དངོས་གྲུབ་ཀུན་གྱི་འབྲས་འདོད་པའི། །ཞེས་བྱ་བ་ནི། འཇིག་རྟེན་པ་དང་འཇིག་རྟེན་ལས་འདས་པའི་
དངོས་གྲུབ་འདོད་པའོ། །སྔགས་ཤེས་པས་ནི་ཞེས་པ་ནི་སྔགས་པའོ། །དངོས་གྲུབ་གཉིས་གང་འདོད་ཀྱང་སྦྱིན་བསྲེག་བྱ་ཞེས་པ་ནི་སྦྱིན་༼ལྷས་བྱིན་གྱིས་མ་བརླབས་པར་དངོས་གྲུབ་མི་འགྲུབ་ལ། དེ་ཡང་ལྷ་དབང་དུ་མ་བྱས་པར་མི་འབྱུང་ཞིང་ལྷ་དབང་དུ་བྱེད་པ་ཡང་ཐོག་མར་
སྦྱིན་སྲེག་གིས་བྱེད་དགོས་པ་ལ་དགོངས་སོ། །༽སྲེག་གི་མཆོད་སྦྱིན་དབུལ་བ་སྟེ། གཉིས་ཀའི་རྒྱུད་ལས་འབྱུང་བའི་ཆོ་གས་བྱའོ་ཞེས་བྱ་བ་ནི་དངོས་སུ་མ་ཟིན་པར་ཁོང་ན་གནས་པའི་ལྷག་མ་བཏོན་པའོ། །༼གཉིས་ཀའི་རྒྱུད་ནི། ཁ་ཅིག་རྣམ་སྣང་མངོན་
བྱང་གི་རྒྱུད་ཕྱི་མ་ནས་སྦྱིན་སྲེག་རྒྱས་པར་གསུངས་པས་དེའོ་ཞེས་ཟེར་རོ། །སྤྱིར་སྤྱོད་རྒྱུད་ལ་གཉིས་ཀའི་རྒྱུད་དུ་བཤད་པ་ཡོད་ཀྱང༌། འདིར་ནི་སྤྱོད་རྒྱུད་ལ་མི་བྱ་སྟེ། ཡེ་ཤེས་རྡོ་རྗེ་ཀུན་ལས་བཏུས་ལས་གཉིས་ཀའི་རྒྱུད་རྣལ་འབྱོར་རྒྱུད་ལ་གསུངས་ལ། རྣམ་གཞག་གི་རིམ་པར་ཡང་དེ་ཁོ་ན་ཉིད་
བསྡུས་པ་ལ་སོགས་པ་གཉིས་ཀའི་རྒྱུད་ལས་ནི། ཞེས་གསུངས་ཤིང༌། ལེའུ་བདུན་པའི་འགྲེལ་པར་ཡང༌། སྔགས་ཀྱི་སྤྱོད་པ་ནི་བྱ་བ་དང་སྤྱོད་པ་དང་གཉིས་ཀའི་རྒྱུད་ལས་བཤད་པའི་སྤྱོད་པའོ། །དེ་དག་གི་མཆོག་ནི་རྣལ་འབྱོར་གྱི་སྤྱོད་པ་སྟེ། ཞེས་སྤྱོད་རྒྱུད་གཉིས་ཀའི་རྒྱུད་ལས་ལོགས་སུ་གསུངས་
པས། རྣལ་འབྱོར་གྱི་རྒྱུད་ནས་གསུངས་པའི་ཆོ་གས་བྱེད་པ་ཡིན་ནོ། །༽བཤང་གཅི་ཞེས་བྱ་བ་ལ་སོགས་པས་ནི་ནང་གི་སྦྱིན་སྲེག་གསུངས་པ་ཡིན་ཏེ། དེ་ལ་བཤང་བ་ནི་ཟས་སོ། །༼རྩམ་པ་ཟེར། ༽གཅི་བ་ནི་ཚོད་མའོ། །འབྲུ་མར་ནི་ཆང་ངོ༌། །
4-2-392a


ཤ་ནི་བཟའ་བ་སྟེ། དེ་ལ་སོགས་པའི་བཟའ་བ་དང་བཏུང་བ་ཚོགས་ཀྱི་ཡོ་བྱད་དུ་བྱིན་གྱིས་བརླབས་པས་ཟོས་པ་དང་འཐུངས་པས་ལུས་ཀྱི་དཀྱིལ་འཁོར་ལ་གནས་པའི་ལྷ་རྣམས་ལ། སྦྱིན་སྲེག་ཏུ་དབུལ་ཞིང་བསྟབ་པར་བྱའོ། །
རྡོ་རྗེ་མི་ཕྱེད་ཅེས་བྱ་བ་ལ་སོགས་པ་ལ། རྡོ་རྗེ་མི་ཕྱེད་པའི་གསུམ་གྱི་འཁོར་ལོ་ཅན་ཏེ་ཚོགས་ཀྱི་དཀྱིལ་འཁོར་དུ་འདུས་པའི་རྣལ་འབྱོར་པ་རྣམས་ཀྱིས་ཟོས་པ་དང་འཐུངས་པའི་ལྷག་མ་རྣམས་གཅིག་ཏུ་བྱས་པ་སྟེ་བསྲེས་པས། ཞི་རྒྱས་
ལ་སོགས་པའི་ལས་ཀྱི་དབྱེ་བས་ཅི་སྙེད་པའི་ཐབ་ཁུང་དང༌། བུད་ཤིང་གི་མེ་ལ་རྡོ་རྗེ་གང་བའི་སྦྱིན་སྲེག་དབུལ་ལོ། །སྦྱིན་སྲེག་བྱེད་ལུགས་ཇི་ལྟ་བུར་བྱ་ཞེ་ན། དབུས་སུ་སྟེ་ཐབ་ཀྱི་དབུས་སུ་རང་གི་ལྷའི་གཟུགས་ཞེས་བྱ་བ། ཞི་བ་ལ་སོགས་༼
ཐབ་ཁུང་དང་བུད་ཤིང་དང་མེ་ཅི་རིགས་པ་ལ་དགང་བླུགས་རྡོ་རྗེའི་སྦྱིན་སྲེག་དབུལ་ལོ་ཟེར། འདི་ནི་དང་པོར་ཚོགས་འཁོར་གྱི་ཆོ་གས་ཚོགས་འཁོར་བྱས་ནས། དེའི་འོག་ཏུ་ཐབ་ཁུང་གི་ལྷ་ལ་ཁ་ཟས་ཀྱི་ལྷག་མས་སྦྱིན་སྲེག་བྱེད་པར་དེ་ལྟར་ཚོགས་ཀྱི་ཞེས་སོགས་ཀྱིས་ཤེས་ལ། དེ་ལ་ཡང་དཀྱིལ་
འཁོར་དང་འབྲེལ་མ་འབྲེལ་གཉིས་ཀ་ཡོད་དོ། །འགྱུར་རྙིང་གི་རྒྱུད་ལས། རྡོ་རྗེ་གསང་བ་ཞེས་ཟེར་ལ། འགྲེལ་པའི་དཔེ་ཁ་ཅིག་ལས་གང་བ་དང་། ཁ་ཅིག་ལས་གསང་བ་འབྱུང་ཡང་གང་བ་ལ་བྱ་སྟེ། དགང་བླུགས་རྡོ་རྗེའི་སྦྱིན་སྲེག་དབུལ། །ཞེས་པ་དང་མཐུན་ནོ། །༽པའི་ཁ་དོག་དང་
དབྱིབས་ཀྱི་རྣམ་པས་ཕྱེ་བའི་རང་རང་གི་ལྷའི་གཟུགས་བསམས་ལ། ཞལ་ཏེ་དེའི་ཁའི་སྒོར་དགང་བླུགས་དང་བསྲེག་བླུགས་དབུལ་བར་བྱའོ།། ༈ དེ་ལྟར་ཚོགས་ཀྱི་དཀྱིལ་འཁོར་ལ་གནས་པའི་སྦྱིན་སྲེག་རྫོགས་པ་སྟེ་བཤད་
4-2-392b


ཟིན་ནས། ཡང་དབང་པོ་གཉིས་ཀྱི་རབ་ཏུ་སྦྱོར་བའི་ལྷའི་ཏིང་ངེ་འཛིན་ལ་གནས་པས་ཀྱང་ཁ་ཟས་ཀྱི་ལྷག་མ་ལས། ཞི་སོགས་ཀྱི་ལས་ཀྱི་དབྱེ་བས་སྦྱིན་སྲེག་བརྒྱ་རྩ་བརྒྱད་དབུལ་བར་བྱ་ཞིང་སྦྱིན་བསྲེག་བྱའོ། །༼འདི་དང་སྔ་མ་གཉིས་ཚོགས་འཁོར་སྔོན་
དུ་བྱེད་པ་དང༌། དེའི་བཟའ་བཏུང་གི་ལྷག་མས་སྦྱིན་སྲེག་དབུལ་བར་འདྲ་ཡང༌། སྔ་མའི་དུས་སུ་སྦྱིན་བསྲེག་བྱེད་པ་པོ་ལ་དབང་པོ་གཉིས་སྦྱོར་གྱི་ནང་གི་སྦྱིན་སྲེག་མེད་ལ། འདི་ལ་ནི་དེ་ཡོད་པས་ཕྱི་ནང་གི་སྦྱིན་སྲེག་གཉིས་སྤེལ་ནས་བྱེད་པ་ཡིན་གྱི། སྙོམས་འཇུག་བྱེད་པ་ཐབ་ཀྱི་ལྷ་ལ་སྦྱོར་བ་ལུགས་
གཞན་ནས་འཆད་པ་ལྟར་མི་བྱའོ། །དེས་ན་ཡང་ཞེས་པ་དང༌། འགྱུར་གསར་གཉིས་ལས་སྙོམས་འཇུག་ལ་གནས་པས་ཀྱང་ཞེས་པའི་ཡང་དང་ཀྱང་གི་སྒྲས་ནི་སྙོམས་འཇུག་མེད་པའི་སྦྱིན་སྲེག་ཏུ་མ་ཟད། དེ་ཡོད་པའི་སྦྱིན་སྲེག་ཀྱང་བྱ་ཞེས་པའོ། །སྙོམས་འཇུག་བྱེད་པ་ནང་གི་སྦྱིན་སྲེག་
ཏུ་ནི་རྒྱུད་མང་པོ་ལས་གསུངས་སོ། །ཕྱི་ནང་གཉིས་ཀའི་སྦྱིན་སྲེག་རྒྱུན་གཅིག་ལ་བྱེད་པ་འདི་ནི་སངས་རྒྱས་ཏེ་སྒྲུབ་པ་པོ་ཐམས་ཅད་ཀྱི་དམ་ཚིག་ཤིན་ཏུ་འདའ་དཀའ་བ་སྟེ་འདར་མི་རུང་བར་གསུངས་པས། གཞན་ལ་མ་གྲགས་པའི་སྦྱིན་སྲེག་གི་བྱེད་ཚུལ་འདི་ཤེས་པར་བྱའོ། །
༽འདི་ནི་ཞེས་བྱ་བ་ལ་སོགས་པ་ནི་གོ་སླ་སྟེ། སྒྲ་ཇི་བཞིན་པ་མ་ཡིན་པར་བཤད་པའོ།། ༈ རྣམ་པར་སྣང་མཛད་ཅེས་བྱ་བ་ལ་སོགས་པས་ནི། དབབ་པ་སྔོན་དུ་འགྲོ་བས་སློབ་མ་གཞུག་པའི་ཆོ་ག་སྟོན་ཏེ། རྣམ་པ་སྣ་
ཚོགས་པའི་ཚུལ་གྱིས་འབར་བར་གྱུར་པས་ན། ༼འོ་ན་ཡི་གེ་ལྔས་དཀྱིལ་འཁོར་དུ་བཅུག་ཟིན་པའི་འོག་ཏུ་ཡེ་ཤེས་འབེབས་པ་མ་ཡིན་ནམ་སྙམ་ན། ཡི་གེ་ལྔས་དཀྱིལ་འཁོར་དུ་འཇུག་པ་ལ་སྐབས་གཉིས་ལས། ཡེ་ཤེས་ཕབ་པའི་འོག་ཏུ་འཇུག་པ་ནི་མེ་ཏོག་འདོར་
4-2-393a


བའི་དུས་ཡིན་ཏེ། ཀླུ་བྱང་གི་དཀྱིལ་ཆོག་ལས། མེ་ཏོག་འདོར་བའི་སྔགས་ལ། ཨོཾ་ཨཱཿཁཾ་བཱི་ར་ཧཱུཾ་ཞེས་གསུངས་པ་བཞིན་ནོ། །༽རྣམ་པར་སྣང་མཛད་དེ་རྡོ་རྗེ་འཆང་ཆེན་པོའོ། །དེའི་སྦྱོར་བ་ནི་རྡོ་རྗེ་འཆང་དེ་ཡོངས་སུ་གྱུར་
པ་ལས་ཞེ་སྡང་རྡོ་རྗེར་བྱ་བསྟེ་བྱེད་པའོ། །༼སྔ་མ་འགའ་ཞིག་རྡོ་རྗེ་འཆང་ཞེ་སྡང་རྡོ་རྗེར་བསྐྱེད་པ་ནི་སློབ་དཔོན་གྱི་སྐྱེད་ཆོག་ཏུ་བྱེད་དེ། ཞེ་སྡང་རྡོ་རྗེར་བྱ་བའོ། །དེས་ཞེས་གསུངས་པས་ཞེ་སྡང་རྡོ་རྗེར་བྱས་པ་དེས་སློབ་མ་ཡི་གེ་གསུམ་ལས་བྱུང་བར་བྱས་པར་བཤད་པའི་ཕྱིར་རོ། །
སྙམ་པའོ། །དེ་ནི་མི་རིགས་ཏེ་རྡོ་རྗེ་འཆང་ཞེ་སྡང་རྡོ་རྗེར་བསྒྱུར་བའི་རྡོ་རྗེ་འཆང་གི་སྐྱེད་ཆོག་དེས་སློབ་མ་འབྲུ་གསུམ་ལས་བྱུང་བའི་ལྷར་བྱ། ཞེས་པའི་དོན་ཡིན་པའི་ཕྱིར་དང༌། ཀླུ་བྱང་གི་དཀྱིལ་ཆོག་ལས། ལེའུ་བཅོ་ལྔ་པའི་འགྲེལ་པར་བཤད་པ་བཞིན་གྱི་ཡེ་ཤེས་འབེབས་པ་བྱས་
ཀྱང་མ་ཕེབས་པའི་སྤོགས་ཆོག་ལ། དེ་ལྟ་ནའང་གལ་ཏེ་མ་ཕེབས་ན། གསང་སྔགས་བརྟན་པོ་འདི་བརྗོད་ཅིང༌། །དེ་ནས་ཡི་གེ་ཨཱཿཟེར་གྱིས། །ཡེ་ཤེས་ཆེན་པོ་བསྐུལ་བར་བྱ། །ཞེས་འདིར་བཤད་པའི་ཨཱཿདམར་པོ་འོད་ཟེར་དང་བཅས་པ་ཡན་ལག་ཐམས་ཅད་ལ་བསམ་པར་
བཤད་པ་སྤོགས་ཆོག་ཏུ་གསུངས་པའི་ཕྱིར་དང༌། སློབ་མ་རྡོ་རྗེ་འཆང་དུ་བསྐྱེད་པ་སོགས་སྤོགས་ཆོག་ཡིན་པའི་ཕྱིར་རོ། །དེ་ལྟར་དུ་བོད་ཀྱི་མཁས་པ་དག་བཞེད་པ་ཤིན་ཏུ་ལེགས་པར་སྣང་ངོ༌། །༽ཚུལ་དེས་རྡོ་རྗེ་གསུམ་སྟེ་ཨོཾ་ལ་སོགས་པ་གསུམ་མོ། །༽
ཞེ་སྡང་རྡོ་རྗེར་བྱ་རྒྱུ་དེ་གང་ཡིན་སྙམ་ན། རྡོ་རྗེ་གསུམ་ལས་བྱུང་བ་དེར་སློབ་མ་བྱ། ཞེས་པ་ནི་དང་པོར་སློབ་མ་ཡི་གེ་གསུམ་ལས་བྱུང་བའི་རྡོ་རྗེ་འཆང་དུ་བྱ། དེ་ནས་ཞེ་སྡང་རྡོ་རྗེར་བསྒྱུར་བར་སྟོན་ཏེ། ཡི་གེ་གསུམ་གྱིས་ནི་མངོན་བྱང་ལྷག་མ་ཡང་མཚོན་པས། མངོན་བྱང་ལྔ་ལས་རྡོ་རྗེ་
4-2-393b


འཆང་དུ་བསྐྱེད་དོ། །༼དེ་ལས་བྱུང་བ་གང་ཡིན་པ་དེ་ནི་རྡོ་རྗེ་གསུམ་ལས་བྱུང་བ་སྟེ། དེར་སློབ་མ་བྱས་ལ་ཡི་གེ་ཨཱཿཁ་དོག་དམར་པོ་འོད་ཟེར་དང་བཅས་པ། ལུས་དང་ངག་དང་སེམས་ཞེས་པ་ཡན་ལག་ཐམས་ཅད་ལ་བསམས་ནས། དབབ་པའི་ཆོ་ག་བཞིན་དུ་
བྱས་ན་རྡོ་རྗེས་ཏེ། དབབ་པའི་རྡོ་རྗེས་གཟུང་བར་བྱ་ཞིང་སྟེ་བྱིན་གྱིས་རློབ་པའི་སྒོ་ནས་བདག་གིར་བྱེད་པར་འགྱུར་རོ། །བདག་གིར་བྱེད་པ་དེ་གང་སྙམ་ན་རྒྱལ་ཆེན་ཞེས་བྱ་བ་ལ་སོགས་པ་གསུངས་ཏེ། རྒྱལ་ཆེན་ནི་འོད་དཔག་ཏུ་མེད་པའོ། །རྡོ་རྗེ་སེམས་དཔའ་༼
ཞེས་པ་ནི། ཨཱཿབཀོད་པའི་འོད་ཟེར་གྱིས་ཞེ་སྡང་རྡོ་རྗེའི་གནས་གསུམ་དུ་བཀོད་པའི་རྡོ་རྗེ་གསུམ་གྱིས་ཡེ་ཤེས་ཆེན་པོ་བསྐུལ་བས། རྡོ་རྗེ་གསུམ་སྙོམས་པར་ཞུགས་པའི་ཐབས་ཀྱིས་ཡེ་ཤེས་ཀྱི་ལུས་གང༌། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཨཱཿདམར་པོ་འོད་ཟེར་ཆར་ལྟར་
འབབ་པར་བསམས་ལ། ཨ་བཻ་ཤ་ཡ་ཞེས་སོགས་དྲག་ཏུ་བརྗོད་པའོ། །༽ནི་མི་བསྐྱོད་པའོ། །གྲགས་ཆེན་རྣམ་པར་སྣང་མཛད་ནི་རྣམ་པར་སྣང་མཛད་དོ། །སྐུ་གསུང་ཐུགས་ཀྱི་དམ་ཚིག་ཏུ་ནི་ལུས་ལ་སོགས་པའི་ཡུལ་ཏེ་གནས་གསུམ་ལའོ། །བྱིན་གྱིས་
བརླབས་པ་རབ་ཏུ་གསོལ་བ་ནི། གསུམ་པོ་དེར་འཇུག་པར་མཛད་པའོ།། ༈ འོག་གི་ཡི་གེ་ལྔ་པོ་འདི་ནི་ཡེ་ཤེས་འབེབས་པ་དེའི་ཡན་ལག་སྟེ་སྔོན་དུ་ཏུ་འགྲོ་བའི་རྒྱུར་གྱུར་པ་སྟེ། སྔར་དབབ་པ་སྔོན་དུ་འགྲོ་བས་སློབ་མ་
གཞུག་པའི་ཆོ་ག་སྟོན་ཏེ། ཞེས་ཀྱང་གསུངས་པས་འབྲུ་ལྔ་པོ་འདིས་ཀྱང༌། ཡོལ་བའི་ནང་འཇུག་གི་སྐབས་སུ་དཀྱིལ་འཁོར་ཆེན་པོའི་ནང་དུ་ར་འཇུག་པར་བྱ་བའི་ཕྱིར་རྡོ་རྗེའི་ཚིག་ཡིན་ནོ། །དེ་གང་ཞེ་ན་ཨཱཿཁཾ་བཱི་ར་ཧཱུཾ་ཞེས་བྱ་བ་སྟེ། ཡི་གེ་ལྔ་པོ་འདི་ནི་དམ་ཚིག་
4-2-394a


ཐམས་ཅད་ཀྱི་སྟེ། དེ་བཞིན་གཤེགས་པ་རིགས་ལྔ་པོ་ཐམས་ཅད་ཀྱིའོ། །དེ་བཞིན་གཤེགས་པ་དེ་རྣམས་ཀྱི་ལུས་ཏེ་སྐུ་དང་ངག་སྟེ་གསུང་དང་སེམས་ཏེ་ཐུགས་ཀྱི་བདག་ཉིད་ཅན་གྱི་སྙིང་པོ་ཡིན་པས་ན། ལུས་ངག་སེམས་
ཀྱི་སྙིང་པོ་སྟེ། དེ་སྟོན་པ་སྟེ་༼སྙིང་པོ་ཡིན་ཏེ། ཨཱཿནི་སྣང་མཐའ་དང༌། ཁཾ་ནི་དོན་གྲུབ་ཀྱི་ས་བོན་དང༌། བི་ནི་རྣམ་པ་སྟེ་དེ་དང་ར་གཉིས་ནི་རྣམ་སྣང་དང་རིན་འབྱུང་གི་མིང་ཡིག་དང་པོ་དང༌ཧཱུཾ་ནི་མི་བསྐྱོད་པའི་ས་བོན་ནོ།།༼མཚོན་པར་བྱེད་པའི་སྔགས་ཀྱི་རྡོ་རྗེ་ནི་འདི་ཡིན་ནོ། །
རིན་འབྱུང་དང་དོན་གྲུབ་གཉིས་སྐུ་དང་གསུང་གཉིས་སུ་བསྡུས་པའོ།། ༈ དེ་ལ་ཞེས་བྱ་བ་ལ་སོགས་པ་ལ། དེ་ལ་ནི་དཀྱིལ་འཁོར་གྱི་ཆོ་ག་ལའོ། །རྡོ་རྗེ་ཆེན་པོ་ནི་དབང་བསྐུར་བའི་དོན་གྱི་སློབ་མའོ། །དེའི་དབང་བསྐུར་བ་ནི་རྡོ་རྗེ་ཆེན་པོའི་དབང་བསྐུར་
བའི་གསང་བ་ནི་བུམ་པའི་དབང་ལ་སོགས་པའོ། དེ་ཉིད་སྦ་བར་བྱ་བ་ཡིན་པས་ན་ཡེ་ཤེས་གསང་བའོ། །སངས་རྒྱས་ཀུན་གྱིས་ཞེས་པ་ནི་རྣམ་པར་སྣང་མཛད་ལ་སོགས་པ་སྟེ། དེས་ནམ་མཁའི་ཁམས་ཞེས་པ་ནམ་མཁའི་གཏོས་ཡོངས་སུ་གང་བར་བསམ་
ཞིང་བསྒོམ་པར་བྱའོ། །རྡོ་རྗེའི་རིགས་ནི་ཞེས་བྱ་བ་ལ་སོགས་པ་ལ། རྡོ་རྗེའི་རིགས་ནི་སློབ་དཔོན་ཏེ། དེས་སིལ་སྙན་ཏེ་སྒྲ་ལ་སོགས་པ་འདོད་པའི་ཡོན་ཏན་ལྔས། ནམ་མཁའ་དེ་ལ་གནས་པ་ལ་མཆོད་ཅིང་བསྒོམས་ལ། བདག་ཉིད་ཀྱིས་བྲིས་པའི་
རྡུལ་ཚོན་གྱི་དཀྱིལ་འཁོར་གྱི་ལྷ་དམ་ཚིག་པ་རྣམས་གསལ་བར་བསྒོམ་པར་བྱ་ཞིང༌། གཙོ་བོ་ནས་གནོད་མཛེས་ཀྱི་བར་གྱི་རིམ་པ་ཇི་ལྟ་བ་བཞིན་དུ་དམ་ཚིག་པ་ལ་ཡེ་ཤེས་པ་རྣམས་བསྟིམ་པར་བྱའོ།། ༈ འདི་སྐད་ཀྱང་གསུངས་སོ། །རྡོ་རྗེ་སྐུ་
4-2-394b


གསུམ་ཞེས་བྱ་བ་ལ་སོགས་པ་ལ། རྡོ་རྗེ་སྐུ་གསུམ་སྔགས་ཀྱིས་ནི། །ཞེས་པ་ནི། བདག་ཉིད་གཙོ་བོར་བྱས་པ་དང་རང་གི་ཕྱག་རྒྱའི་ལུས་དང་ངག་དང་ཡིད་གཅིག་ཏུ་སྟེ་སྙོམས་པར་འཇུག་པའི་བྱ་བ་ལ་མཚུངས་པར་བྱས་ཏེ་སྙོམས་པར་ཞུགས་པ་ལས་༼
འདི་དཀྱིལ་འཁོར་སྒྲུབ་པའི་སྐབས་དང་འབྲེལ་ལ་དེ་ཡང་སློབ་མ་ལ་དབང་བསྐུར་བའི་དོན་དུ་ཡིན་པས། དབང་བསྐུར་བའི་གསང་བར་གསུངས་སོ། །༽བྱུང་བའི་ཡུངས་ཀར་ཏེ། བྱང་ཆུབ་ཀྱི་སེམས་ཀྱི་ཐིག་ལེ་འོད་ཟེར་གྱི་རྣམ་པ་ཅན་རྣམས་ཀྱིས་བརྟུལ་ཞུགས་ཅན་ཏེ་སློབ་དཔོན་
གྱིས་དེ་བཞིན་གཤེགས་པ་རྣམས་བསྒོམས་ལ། སློབ་མ་ལ་དབང་བསྐུར་བར་བྱ་བའི་ཕྱིར་བརྡེག་པར་བྱ་ཞིང་སྟེ་བསྐུལ་བར་བྱའོ། །ཞེས་སྦྱར་རོ། །༼འདིས་ནང་དབང་བསྐུར་བ་བསྟན་ཟེར་ཡང༌། ལྷ་སྤྱན་འདྲེན་པར་སྣང་གི་ནང་དབང་བསྐུར་བ་འདིས་སྟོན་པ་༼
བསྒོམས་ཞེས་པ་འགྱུར་གསར་གཉིས་ལ་མེད་དོ། །༽མི་འགྲིག་གོ། ནང་དབང་ནི་ལེའུ་བཅུ་བདུན་པ་ལས་སྟོན་པར་འགྱུར་རོ། །དེ་ཡི་ཚེ་སྟེ། དུས་དེའི་ཚེ་དེ་བཞིན་གཤེགས་པ་རྣམས་བསྐུལ་ན། བདག་ཉིད་ཉེ་བར་བྱོན་ནས་སློབ་མ་དེ་ལ་དབང་བསྐུར་
ཞིང་བྱིན་གྱིས་རློབ་པ་སྩོལ་བར་འགྱུར་རོ། །རྡོ་རྗེ་སེམས་དཔའ་སྟེ་མི་བསྐྱོད་པའི་ང་རྒྱལ་གྱི་ཏིང་ངེ་འཛིན་གྱིས། །ཡང་ན་སངས་རྒྱས་ཏེ་རྣམ་པར་༼དེ་བཞིན་གཤེགས་པ་བསྐུལ་བར་གྱུར་པ་རྣམས་ཟེར། ༽སྣང་མཛད་ལ་སོགས་པའི་དབང་གི་
ལྷ་རྣམས་སྤྱན་དྲངས་པར་བསྒོམ་པར་བྱའོ། །༼འདིས་སྔ་མ་ནི་གཙོ་བོའི་ང་རྒྱལ་གྱིས་དབང་ལྷ་སྤྱན་འདྲེན་པར་བསྟན་ཏེ།༼ཡང་ན་རྡོ་རྗེ་སེམས་དཔའི་ཏིང་ངེ་འཛིན་གྱིས་སངས་རྒྱས་ཏེ་རྣམ་པར་སྣང་མཛད་ལ་སོགས་པ་བསྒོམས། ༼དེ་གཉིས་གདམ་ང་ཅན་ནི་ཆུ་
4-2-395a


དབང་ལས་ཏེ། མི་བསྐྱོད་པ་ལས་གཞན་པའི་ལྷས་གཙོ་བོ་མཛད་པ་རྣམས་ལ་དགོངས་སོ།། ༈ དེ་ལྟར་བསྒོམས་ནས་བུམ་པ་དེ་རྣམས་སྤྱན་ལ་སོགས་པས་བཟུང་ཟེར། ༽དེ་ལྟར་བསྒོམས་ནས་དེ་བུམ་པའི་ནང་དུ་ཆུད་པ་ནི། ཞེས་པ་ནི་སྔར་ནང་དུ་
རྣམ་སྣང་སོགས་བསྐྱེད་པའི་བུམ་པ་རྣམས་དམ་ཚིག་མཆོག་རྣམས་ཀྱིས་ཏེ་སྤྱན་ལ་སོགས་པས་བཟུང་བར་མཁས་པ་སྟེ་སློབ་དཔོན་གྱིས་བསྒོམ་པར་བྱའོ།། ༈ དེས་དེ་ལྟར་བསྒོམས་པ་དེ་ནས་ཅི་ཞིག་བྱ་ཞེ་ན། ཅིར་འགྱུར་ཞེ་ན། ཏེ་བསམ་པར་བྱའོ་ཟེར། །སློབ་
མ་བློ་བརྟན་ཏེ་མ་ཡེངས་པར་སེམས་རྩེ་གཅིག་ཏུ་གྱུར་པས། རྡོ་རྗེ་རྣམ་པར་སྣང་མཛད་དུ་གྱུར་པར་བསམ་མོ། །རྡོ་རྗེ་རྣམ་སྣང་དུ་བསྐྱེད་པ་དེའི་འོག་ཏུ་ལུས་དང་ངག་སེམས་རྡོ་རྗེ་ཅན། ཞེས་པ་ནི། སློབ་མའི་ལུས་ཀྱི་དཀྱིལ་འཁོར་ལ་སྔགས་ཤེས་
པས་ཞེས་པ། ལུས་དཀྱིལ་གྱི་ལྷ་བསྐྱེད་པའི་ས་བོན་ཤེས་པས་སྒྲུབ་ཐབས་ཇི་ལྟ་བ་བཞིན་དུ་དགོད་པར་བྱའོ།། ༈ དེ་ལྟར་དགོད་པ་བྱས་ནས་འོག་ནས་བཤད་པ་སངས་རྒྱས་རྣམས་ནི་ཐམས་ཅད་ཀྱི་ཞེས་པ་ལ་སོགས་པ་འདིས་སྐུ་༼
མཁས་པ་ཁ་ཅིག་གཞུང་དེ་དག་གིས་ཟུང་འཇུག་གསལ་བ་ནས་བཤད་པ་ལྟར་རྣམ་སྣང་གི་ཆུ་དབང་བསྐུར་བར་བསྟན་ཞེས་གསུངས་སོ། །ཀླུ་བྱང་གི་དཀྱིལ་ཆོག་ལས་ཆུ་དབང་བསྐུར་བ་ལ་སློབ་མ་ལྷ་གང་དུ་བསྐྱེད་པ་མི་གསལ་ལོ། །ཡན་ལག་མེད་པའི་རྡོ་རྗེས་ཀྱང་རྣམ་སྣང་གི་ཆུ་དབང་བཤད་པས། 
སྤྱིར་རྣམ་སྣང་གི་ཆུ་དབང་མི་འཐད་པ་མིན་ཀྱང་། བཤད་རྒྱུད་རྡོ་རྗེ་འཕྲེང་བ་ལས་མི་བསྐྱོད་པའི་ཆུ་དབང་གསུངས་པ་ལྟར། ནཱ་རོ་པ་དང་ནག་པོ་དམ་ཚིག་རྡོ་རྗེས་ཀྱང་དེ་ལྟར་བཤད་པ་ལྟར་བྱའོ། །སློབ་དཔོན་ལ་ལྟོས་པར་བྱ་བའི་ཕྱིར་དུ། རྒྱུད་ལས་སྐབས་འདི་དག་ཏུ་ཡང་དཀྱིལ་འཁོར་སྒྲུབ་པ་
4-2-395b


དང༌། བྱང་ཆུབ་རྡོ་རྗེས་གསོལ་བ་བཏབ་པའི་འོག་ཏུ་ལྷ་ངོ་སྟོན་པ་སོགས་གོ་རིམ་འཁྲུགས་པར་མང་བས། འདིར་རྣམ་སྣང་དུ་བསྒོམས་ནས་ལུས་དཀྱིལ་སྒོམ་པ་ནི་མེ་ཏོག་འདོར་བའི་སྔ་རོལ་དུ་ལུས་དཀྱིལ་སྒོམ་པ་དང་སྦྱར་རྒྱུ་ཡིན་ནོ། །༽ལ་སོགས་པའི་དཀྱིལ་འཁོར་ཐམས་
ཅད་དུ་དབང་བསྐུར་བ་ནི་དབང་བསྐུར་བ་ཐམས་ཅད་ཏེ། དེར་གསང་བ་ནི་སྦ་བར་བྱ་བའོ། །སློབ་དཔོན་ཐམས་ཅད་ཀྱི་ཞེས་བྱ་བ་ནི། ཐུགས་ཀྱི་དཀྱིལ་འཁོར་ལ་སོགས་པར་དབང་བསྐུར་བ་སྩོལ་བ་སྟེ། དེ་རྣམས་ཀྱིས་སློབ་མའི་དོན་དུ་དབང་བསྐུར་བའི་
རྡོ་རྗེའི་ཚིག་ཏུ་སྨྲ་བར་བྱ་བ་ནི་རྡོ་རྗེའི་ཚིག་བརྗོད་པའོ། །དེ་གང་ཡིན་ཞེ་ན། སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་རྣམས་ནི་ཐམས་ཅད་ཀྱི། །ཞེས་པ། དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་རོ། །རྡོ་རྗེ་གསང་བ་གསུམ་
ལས་བྱུང་ཞེས་བྱ་བ་ལ། རྡོ་རྗེ་གསང་བ་གསུམ་ནི་རྡོ་རྗེ་འཆང་ཆེན་པོའོ། །དེ་ལས་བྱུང་བ་ནི་དེའི་རིགས་ལས་སྐྱེས་པའོ། །རྡོ་རྗེ་ཆེན་པོ་ནི་མི་ཕྱེད་པ་ཆེན་པོ་སྟེ་དོར་དུ་མེད་པའོ། །དབང་བསྐུར་བ་ཆེན་པོ་ནི་ཁམས་གསུམ་གྱི་རྒྱལ་པོར་རབ་ཏུ་བཞག་པ་སྟེ། དེ་
ངས་དེང་སྦྱིན་པར་བྱའོ། །ཁྱེད་ཀྱིས་ཀྱང་འདི་ལ་ནན་ཏན་དུ་བསྒྲུབ་པར་བྱའོ། །ཞེས་པ་ནི་སློབ་མ་ལ་དབུགས་དབྱུང་བའོ། །དེ་ལ་རྡོ་རྗེ་སློབ་དཔོན་གྱིས་དེ་སྐད་དུ་སྨྲས་པ་དང༌། འོག་ནས་བཤད་པའི་སློབ་མ་འདི་དག་ཐམས་ཅད་དེ་རྡོ་རྗེའི་རིགས་ལ་སོགས་པའི་
རིགས་ཀྱི་དབྱེ་བས། གནས་པ་དེ་རྣམས་ཀྱིས་རྡོ་རྗེ་ཆེན་པོ་སྟེ། རྡོ་རྗེ་སློབ་དཔོན་དེ་ལ་གསོལ་བ་བྱ་བ་ནི་གསོལ་བ་༼དེ་ལ་དེ་སྐད་གསུང་བ་ཅན་གྱི་རྡོ་རྗེ་བླ་མ་ལ་འཆད་བཞིན་པ་འདི་ནི། སློབ་མ་ཐམས་ཅད་དེ་རིགས་ཀྱི་དབྱེ་བས་ཞེས་སོ། །༽འདེབས་པའོ། །
4-2-396a


དེ་ནས་ཅི་ཞེ་ན་ཟེར་༽དེའི་ཆོ་ག་ནི་བྱ་བའི་ཆོ་གའོ། །དེ་ཉིད་ནི་གསང་བར་འགྱུར་བའོ། །དེ་གང་ཡིན་ཞེ་ན། བྱང་ཆུབ་རྡོ་རྗེ་ཞེས་བྱ་བ་ལ་སོགས་པ་སྟེ། བྱང་ཆུབ་རྡོ་རྗེ་ནི་རྡོ་རྗེ་འཆང་ཆེན་པོའོ། །སངས་རྒྱས་ལ་ཞེས་པ་ནི་མི་བསྐྱོད་པ་ལ་སོགས་པ་ལའོ། །མཆོད་ཆེན་ནི་དབང་བསྐུར་
བ་ཆེན་པོའོ། །ཇི་ལྟར་རྣམ་པ་གང་གིས་སྩལ་པ་དེ་བཞིན་དུ་བདག་ཀྱང་རབ་ཏུ་བསྒྲལ་བའི་ཕྱིར། ཞེས་པ་སྟེ། བདག་འཁོར་བ་མ་ལུས་པའི་རྒྱ་མཚོ་ལས་བསྒྲལ་བར་བྱ་བའི་ཕྱིར་ནམ་མཁའི་རྡོ་རྗེ་སྟེ། རྡོ་རྗེ་འཆང་ཆེན་པོ་དང་མཉམ་པ་ཞེས་བོས་ནས་དེང་སྟེ་ད་ལྟར་བདག་ཁྱེད་
ལ་སྐྱབས་སུ་མཆིས་པ་ལ་སྩོལ་ཅིང་གནང་བར་གསོལ་ཞེས་གསོལ་བ་འདེབས་པའོ། །དེའི་ཚེ་སྟེ་དེའི་དུས་སུ་རབ་ཏུ་དགྱེས་པས་ཏེ། གསོལ་བ་བཏབ་པས་ཡིད་རངས་པར་གྱུར་པའི་བླ་མས་དབང་བསྐུར་བ་སྦྱིན་པར་བྱའོ། །ལྷའི་གཟུགས་ནི་ཕྱིའི་དཀྱིལ་འཁོར་རོ། །
དེའི་སྦྱོར་བ་ཡིས་ཞེས་པ་ནི། སློབ་མ་རྣམ་སྣང་དུ་བསྐྱེད་པའི་ལུས་ཀྱི་དཀྱིལ་འཁོར་ལ་ཕྱི་དཀྱིལ་ལ་ལྷ་སོ་གཉིས་ཚང་བ་ཇི་ལྟ་བ་བཞིན་དུ་བཀོད་པའོ། །ལྷ་ཚང་བར་ལུས་ལ་འགོད་པའི་རྒྱུ་མཚན་དེས་ན་སྙིང་གར་ཞེས་པ་སློབ་མ་དེ་ཉིད་ཀྱི་སྙིང་གའི་པདྨ་ལ། 
བདག་པོ་སྟེ་གཙོ་བོ་གཞག་པར་བྱ་ཞིང་དགོད་པར་བྱའོ།། ༈ དེ་ལྟར་དཀྱིལ་འཁོར་གྱི་བདག་ཉིད་དུ་བྱས་པའི་རྡོ་རྗེའི་སློབ་མ་བློ་ལྡན་ལ། ཞེས་པ་ཤེས་རབ་དང་ལྡན་པ་ལ། དཀྱིལ་འཁོར་དག་ནི་བསྟན་པར་བྱ། །ཞེས་བྱ་བ་སྟེ། ཕྱི་ནང་གི་དཀྱིལ་འཁོར་
གཉིས་ཀྱི་རིམ་པ་ཇི་ལྟ་བ་བཞིན་དུ་དེ་གཉིས་༼རྒྱུད་ལས། སྔགས་ཀྱི་ཡི་གེའི་ཚིག་བྱིན་ལ། །ཞེས་པ་ནི། ཀླུ་བྱང་གིས། བརྟུལ་ཞུགས་བཟང་པོས་སྔགས་འདི་ཡིས། །གདོང་གཡོག་རབ་ཏུ་དགྲོལ་བར་བྱ། །ཞེས་ཨོཾ་རྡོ་རྗེ་སེམས་དཔའ་དེང་ཁྱོད་ཀྱི། །ཞེས་པ་བཞིན་གདོང་གཡོགས་དགྲོལ་བ་ལ་བཤད་དེ།
4-2-396b


འདི་དེ་ཉིད་བསྡུས་པ་ན་སྔགས་སུ་ཡོད་དོ། །༼ཀྱི་དེ་ཁོ་ན་ཉིད་ཀླུ་བྱང་གི་དཀྱིལ་ཆོག་བཞིན་བསྟན་པར་བྱའོ། །སངས་རྒྱས་ཞེས་བྱ་བ་ལ་སོགས་པ་ལ། སངས་རྒྱས་ཐམས་ཅད་དེ་རྫོགས་པའི་དེ་བཞིན་གཤེགས་པ་རྣམས་ཀྱིས། གསུངས་ཤིང་བསྟན་པ་ཡི་དམ་ཚིག་
ཅེས་བྱ་བ་འདའ་བར་མི་བྱ་བས། བསྒྲུབ་པར་བྱ་བ་བསྒྲག་པར་བྱ་ཞིང་རྡོ་རྗེ་སློབ་མ་ལ་བསྟན་པར་བྱ་སྟེ། ཁྱོད་ཀྱིས་སྲོག་ཆགས་གསད་པར་བྱ། །ཞེས་བྱ་བ་ལ་སོགས་པའི་དམ་ཚིག་བཞི་ནི། ལེའུ་ལྔ་པ་ལས་གསུངས་པའི་དགོངས་པས་བཤད་པ་བཞིན་དུ་ཤེས་པར་
བྱའོ། །དེ་ལྟར་བཤད་མ་ཐག་པའི་རྡོ་རྗེའི་ལམ་གྱི་མི་ཕྱེད་པའི་ཏིང་ངེ་འཛིན་འདི་དག་གིས་ནི། སེམས་ཅན་ཐམས་ཅད་དེ་རྡོ་རྗེ་སློབ་མ་རྣམས་དོན་དེ་དག་ཉམས་སུ་ལེན་པ་ལ་རྗེས་སུ་བསྐུལ་བར་བྱ་སྟེ། ལམ་འདི་ནི་སངས་རྒྱས་ཐམས་ཅད་ཀྱི། འདའ་བར་དཀའ་བའི་
དམ་ཚིག་དང་སྡོམ་པའོ། །ཇི་ལྟ་བུ་ཞེ་ན། མཆོག་ཏུ་རྟག་པ་སྟེ་ཐོག་མ་དང་ཐ་མ་མེད་པའོ་ཞེས་ཀྱང་གསུངས་སོ།། ༈ སྔགས་ཀྱི་ཞེས་བྱ་བ་ལ་སོགས་པ་ལ། དམ་ཚིག་དང་སྡོམ་པ་འཛིན་པ་ལ་བླ་མས་ཁྱོད་དངོས་གྲུབ་གང་འདོད་ཅེས་དྲི་བར་བྱའོ། །
དེ་གལ་ཏེ་བདག་ནི་འདི་འཚལ་ལོ་ཞེས་སྨྲ་ན། དེའི་ཚེ་དེ་ལ་བྱ་བ་དེ་སྒྲུབ་པའི་སྔགས་སྦྱིན་པར་བྱའོ། །ཇི་ལྟར་༼ཞེས་པ་ནི་དམ་ཚིག་འདི་ཐོག་མ་མེད་པ་ནས་བཟུང་སྟེ། ཐ་མ་ཡང་མེད་པར་ཡོད་པ་ཡིན་པས་མ་འདའ་ཞིག་ཅེས་པའོ། །༽སྦྱིན་པར་བྱ་ཞེ་ན། སྔགས་ཀྱི་བསྐུལ་བ་
སྨྲས་པ་ཡིས། ཞེས་བྱ་བ་སྟེ། སྔགས་ཀྱི་དོན་དུ་བསྐུལ་བ་དེར་སྨྲས་པ་ཡིས་ཞེས་པ་སྟེ། སྨྲས་པ་དེ་ལ་སྔགས་ཀྱི་བསྐུལ་བ་སྨྲ་བའི་སློབ་མའི་ཚིག་དེས། སློབ་དཔོན་གྱིས་དེའི་ཚིག་ལས་བསམ་པ་ཤེས་པར་བྱས་ལ་སྦྱིན་པར་བྱའོ། །ཞེས་བྱ་བར་སྦྱར་
4-2-397a


རོ། །དེ་ནས་སྔགས་ཀྱི་རྒྱལ་པོའི་ཏིང་ངེ་འཛིན། །ཅེས་པ་དེ་དང་རྗེས་སུ་མཐུན་པའི་ལྷའི་རྣལ་འབྱོར་དང་བཟླས་པ་བྱེད་ཚུལ་བྱིན་ལ། ༈ གསང་བ་ཞེས་པ་གསང་བའི་དབང་བསྐུར་བ་འོག་ནས་བཤད་པ་གྲུབ་པར་བྱ་བའི་ཕྱིར་
བརྩམ་པར་བྱའོ། །དེ་ཉིད་བསྟན་པར་བྱ་བའི་ཕྱིར། ཁུ་བ་༼འདིར། སྔགས་ཀྱི་རྒྱལ་པོའི་ཏིང་ངེ་འཛིན། །བྱིན་ནས་གསང་བ་བརྩམ་པར་བྱ། །ཞེས་སོ། །༸གསང་བའི་དབང་བསྐུར་བ་སྐབས་སུ་བབ་པ། དངོས་གྲུབ་ཀྱི་དོན་དུ་ཡང་དག་པར་བརྩམ་ཞིང་བྱའོ། །ཟེར། 
༽ཞེས་བྱ་བ་ལ་སོགས་པ་གསུངས་ཏེ། འམ་ཞེས་བྱ་བའི་སྒྲས་ནི་བདུད་རྩི་ལྷག་མ་གསུམ་བཟུང་སྟེ། བདུད་རྩི་ལྔ་པོ་འདི་དག་ལ་ཆོ་ག་བཞིན་དུ་ཡི་གེ་གསུམ་གྱིས། མངོན་པར་བསྔགས་ནས་ཧཱུཾ་ཡིག་གིས་སྦྱང་བ་དང་ལ་སོགས་པས་ཨཱཿ
ཡིག་གིས་བདུད་རྩིའི་ངོ་བོར་རྟོགས་པར་བྱ་བ་དང་། ཨོཾ་ཡིག་གིས་མང་པོར་སྦར་བའམ་སྤེལ་བའི་ཆོ་གས། བདུད་རྩིར་བྱས་ལ་རྡོ་རྗེའི་བློས་ཞེས་པ་རྡོ་རྗེ་སློབ་དཔོན་གྱིས། རྡོ་རྗེ་སློབ་མ་ཟར་གཞུག་ཅིང་སྦྱིན་པར་བྱབ་ནི་ལེའུ་བརྒྱད་པར་བཤད་པ་བཞིན་བྱའོ། །འོན་ཏང་
མངོན་པར་འདོད་པའི་དངོས་གྲུབ་རྙེད་པར་མི་དཀའོ།། ༈ དེ་ལྟར་ཕྱི་བུམ་དབང་དང་གསང་བའི་དབང་གིས་དབང་བསྐུར་བའི་སློབ་མ་ལ་གསང་བ་སྟེ་ཤེས་རབ་ཡེ་ཤེས་ཀྱི་དབང་བསྐུར་བ་བསྟན་པར་བྱ་བའི་༼ཞེས་པ་ནི་དེ་ལྟ་ན་ཞེས་པའོ། །
༽ཕྱིར་རྣམ་པ་འདི་བཞི་ཞེས་བྱ་བ་ལ་སོགས་པ་གསུངས་ཏེ། གང་ས་ལ་སྩོགས་པ་བཞིའི་ངོ་བོར་གྱུར་པ་དེ་ཉིད་སྤྱན་མ་སོགས་བཞིའི་རིགས་པདྨ་ཅན་ལ་སོགས་པ་བཞི་དང༌། ཕྱག་རྒྱ་མ་སྤྱན་སོགས་སུ་བསྒོམ་པ་དང་མཉམ་པར་སྦྱར་བའི་དབང་གསུམ་པ་ནི་
4-2-397b


གསང་ཆེན་རྣམ་པ་བཞི་སྟེ་མཆོག་ཏུ་གསང་བའོ། །རྡོ་རྗེ་ཅན་ནི་ཀུན་གྱི་གསང༌། །ཞེས་པ་ནི། རྡོ་རྗེ་ཅན་ཏེ་ཐེག་པ་གསར་ལ་གནས་པའི་སྔགས་པ་ཐམས་ཅད་ཀྱི་ལ། གསང་བ་སྟེ་སྣོད་མིན་ལ་བསྟན་པར་མི་བྱ་བའོ། །སྔགས་ཀྱི་འཁོར་ལོ་བུད་མེད་
གཟུགས། །ཞེས་བྱ་བ་ནི། སྔགས་ཀྱི་འཁོར་ལོ་སྟེ་རྣམ་སྣང་ལ་སོགས་པའི་དེ་བཞིན་གཤེགས་པ་རྣམས་སྤྱན་མ་ལ་སོགས་པའི་བུད་མེད་ཀྱི་གཟུགས་ཡོངས་སུ་བཟུང་༼ཐམས་ཅད་ཀྱི་གསང་བ་སྟེ་ཞེས་པ་རྩ་བ་དང་མཐུན་ནོ། །༽ནས་བཞུགས་པའོ། །དེ་ལྟར་མཛད་
པ་དེ་དགོས་པ་གང་གི་ཕྱིར་ཡིན་ཞེ་ན། སེམས་ཅན་དོན་སྤྱོད་ཕྱིར་གནས་པའོ། །ཞེས་བྱ་བ་གསུངས་ཏེ། སེམས་ཅན་རྣམས་ཀྱི་ཞི་བ་ལ་སོགས་པའི་དོན་སྤྱོད་པའི་ཕྱིར། རྣམ་པར་སྣང་མཛད་ལ་སོགས་པའི་སྐུ་ཉིད་ས་ལ་སོགས་པ་སྟེ། ཡང་སྐྱེས་བུའི་
གཟུགས་མི་སྣང་བར་མཛད་ནས། སྤྱན་ལ་སོགས་པར་ཡོངས་སུ་གྱུར་ཏོ། །ཞེས་བྱ་བའི་བར་དུའོ།། ༈ དེ་ལ་ཞེས་བྱ་བ་ནི་དམ་ཚིག་སྦྱིན་པའི་དུས་སུའོ། །རྡོ་རྗེ་དཀྱིལ་འཁོར་ནི་སྟེ། ཐུགས་ཀྱི་དཀྱིལ་འཁོར་རོ། །༼ས་ལ་སྩོགས་པ་ཡང་ཟེར། ༽
༼སྤྱན་མ་ལ་སོགས་པར་ཡོངས་སུ་གྱུར་ཏོ། །ཞེས་བྱ་བའི་ཐ་ཚིག་གོ། ཞེས་བསྒྱུར་བས་བར་གྱི་སྒྲས་བསྡུ་རྒྱུ་མེད་པ་རྣམས་ཐ་ཚིག་གོ་ཞེས་པའི་དོན་དུ་གཟུང་བར་བྱའོ། །༽དེར་སྔགས་ནི་ལྷ་རྣམས་ཏེ། དེ་ཐམས་ཅད་མཉེས་པར་བྱ་བ་ནི་དབང་དུ་བྱ་བ་སྟེ་དེར་དབང་དུ་བྱ་བ་ནི་
སྣོད་མིན་ལ་གསང་བའོ། །གང་ཡིན་ཞེ་ན། གླང་པོའི་ཤ་དང་ཞེས་བྱ་བ་ལ་སོགས་པ་སྟེ། ཆོ་ག་འདི་དག་ནི་བདག་ཉིད་ཀྱིས་བརླབ་ཅིང༌། སྔགས་རྣམས་ཞེས་བྱ་བ་ལྷ་རྣམས་ལ་ཕྱི་ནང་གི་སྦྱིན་སྲེག་དང༌། གཏོར་མའི་ཚུལ་གྱིས་དབུལ་བར་བྱའོ། །དེ་ལྟར་
4-2-398a


བྱས་ན་མགོན་པོ་མཉེས། །ཞེས་བྱ་བ་ནི། མངོན་པར་འདོད་པའི་འབྲས་བུ་སྩོལ་ཞིང་མཉེས་པར་འགྱུར་རོ། །ཉིན་རེ་ཞེས་བྱ་བ་ལ་སོགས་པ་ལ། རྡོ་རྗེ་སློབ་མ་སྟེ་དབང་བསྐུར་བ་ཐོབ་པ་ལ། མཁས་པས་ཞེས་པ་རྡོ་རྗེ་སློབ་དཔོན་གྱིས། 
དཀྱིལ་འཁོར་ཞེས་པ་ཚོགས་ཀྱི་འཁོར་ལོའི་ཆོ་ག་ཉིན་རེའམ་ཟླ་རེའམ། ལོ་རེ་བྱ་བའི་ཚུལ་བསྟན་ཅིང་ལུང་དབོག་པར་བྱའོ། །ཇི་ལྟར་ཞེ་ན། བཤང་གཅི་ཤ་ཡི་བྱ་བ་དང༌། །ཞེས་བྱ་བ་སྟེ། དེ་ལ་བཤང་གཅི་སྨོས་པས་ནི་བདུད་རྩི་ལྔ་ཅར་ཡོངས་སུ་གཟུང་
ངོ༌། །ཤ་སྨོས་པས་ནི་ཤ་རྣམ་པ་ལྔ་ཡོངས་སུ་གཟུང་ངོ༌། །བྱ་བ་དང་ཞེས་བྱ་བ་སྨོས་པས་ནི། འཇིག་རྟེན་ན་བཟའ་བར་བྱ་བ་མ་ཡིན་པ་དང་བཏུང་བར་བྱ་བ་མ་ཡིན་པ་རྣམས་བཟུང་སྟེ། གཤང་བ་ལ་སོགས་པ་འདི་དག་དང༌། རྡོ་རྗེ་དང་པདྨའི་
གསང་བའི་ཚིག་དག་གིས། །ཏེ་གནས་ཀྱིས་ཞེས་བྱ་བ་དབང་པོ་གཉིས་མཉམ་པར་སྦྱོར་བ་དང་། གར་དང་གླུ་ལ་སོགས་པ་དག་གིས་སྡུག་པ་སྟེ་ཡིད་དུ་འོང་བ་ཐམས་ཅད་རྣལ་འབྱོར་ཕོ་མོ་རྣམས་ལ་དབུལ་བར་བྱའོ། །ཞེས་བྱ་བར་དགོངས་སོ། །
བདུད་རྩི་ལྔ་ལ་སོགས་པ་བཟའ་བ་ལ་ཉེ་བར་ལོངས་སྤྱོད་པའི་དུས་སུ། ཡིད་ཆེས་པ་བསྟན་པར་བྱ་བའི་ཕྱིར། ༼གདུག་པ་ཐམས་ཅད་འདུལ་བར་བྱའོ། །ཞེས་དང༌། སྡུག་པ་ཐམས་ཅད་བསྟན་པར་བྱའོ། །ཞེས་ཟེར་ཡང༌། དཀྱུས་ལྟར་ལེགས་སོ། །༽སྔགས་
རྣམས་ཞེས་བྱ་བ་ལ་སོགས་པ་གསུངས་ཏེ། སྔགས་ཐམས་ཅད་ཀྱི་དང་༼ཆེད་དུ་བྱ་བ་བསྟན་པ་ནི་ཟེར། ༽པོར་གྱུར་པ་ཡི་གེ་ཨོཾ་བཟའ་བ་དང་པོ་ལྔར་ཧཱུཾ་ཡིག་གིས་དྲི་མ་རྣམས་སྦྱང་བ་དང༌། དེ་ནས་ཨཱ་ཡིག་གིས་བདུད་རྩིར་རྟོགས་པར་བྱས་
4-2-398b


ལ་བསྒོམས་ན། དེ་མ་ཐག་ཏུ་མངོན་སུམ་དུ་འབར་བསྟེ་འཕེལ་བར་འགྱུར་རོ་ཞེས། བཅོམ་ལྡན་འདས་རིག་པའི་སྐྱེས་བུ་ཆེན་པོ་སྟེ། རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ།། ༈ ཐོག་མར་དབང་ལེགས་པར་བསྐུར་ནས་དམ་ཚིག་དང་སྡོམ་པ་
འཛིན་པ་འདི་ལ་འཇིག་རྟེན་དང་འཇིག་རྟེན་ལས་འདས་པའི་བསྒྲུབ་པར་བྱ་བ་སྟེ་དངོས་གྲུབ་དག་ཀྱང་སྟེ་ཐམས་ཅད་ཀྱང་ཡོད་དོ་ཞེས་བསྟན་པར་བྱ་བའི་ཕྱིར། དངོས་གྲུབ་ཐམས་ཅད་ཅེས་བྱ་བ་ལ་སོགས་པ་གསུངས་ཏེ། དངོས་གྲུབ་ཐམས་ཅད་ཅེས་བྱ་བ་ནི། ཞི་
བ་ལ་སོགས་པའི་དངོས་གྲུབ་ཕྲན་ཚེགས་ཏེ་ཆུང་ངུ་བསྒྲུབ་པ་ནི་བཤད་མ་ཐག་པའི་ལམ་འདིས་འགྲུབ་པར་འགྱུར་རོ། །དམ་ཚིག་ཆེན་པོ་བསྒྲུབ་པ་དང་ཞེས་བྱ་བ་ནི། དངོས་གྲུབ་འབྲིང་པོ་རི་ལུ་ལ་སོགས་པའི་དངོས་གྲུབ་ཆེན་པོ་རྣམ་པ་བརྒྱད་
བསྒྲུབ་པ་ཡང་དབང་བསྐུར་བ་སོགས་ལ་རབ་ཏུ་འབད་པ་འདི་ཉིད་ཀྱིས་འགྲུབ་བོ། །སངས་རྒྱས་བྱང་ཆུབ་ཉིད་དག་ཀྱང༌། །ཞེས་པ་ནི། དངོས་གྲུབ་མཆོག་ཕྱག་རྒྱ་ཆེན་པོ་གྲུབ་པའི་མཚན་ཉིད་ཅན་སངས་རྒྱས་ཉིད་ཀྱང༌། བདག་ཉིད་ཀྱིས་དབང་ལེགས་པར་
ཐོབ་ནས་དམ་ཚིག་དང་སྡོམ་པ་བསྲུང་བ་དང་བསྒོམ་པའི་ཐབས་འདི་ལྟ་བུས་བསྒྲུབ་པར་བྱ་ཡི། དེ་དང་མི་མཐུན་པའི་ཐབས་གཞན་གྱིས་ནི་མ་ཡིན་ནོ་ཞེས་བྱ་བའི་བར་དུའོ། །ནན་ཏན་དུ་ནི་བསྒྲུབ་པར་བྱ། །ཞེས་བྱ་བ་ནི། བརྩོན་འགྲུས་ཀྱི་ཕ་རོལ་ཏུ་ཕྱིན་པའི་
ཚུལ་གྱིས་ནི་རབ་ཏུ་འབད་པས་བསྒྲུབ་པར་བྱའོ། །དབང་བསྐུར་བ་སོགས་ཀྱིས་འགྲུབ་པའི་དོན་འདི་ཉིད་བསྟན་པར་བྱ་བའི་ཕྱིར། མི་སྣང་ཞེས་བྱ་བ་ལ་སོགས་པ་གསུངས་ཏེ། མི་སྣང་སྟོབས་དང་བརྩོན་འགྲུས་དང༌། ༼རྡོ་རྗེ་དགུག་པའི་མཆོག་དག་ཀྱང༌། །
4-2-399a


རྡོ་རྗེ་སྐུ་ཡི་བཀའ་བཞིན་དུ། །དཀྱིལ་འཁོར་དག་གིས་ཐམས་ཅད་འགྲུབ། །ཅེས་གསུངས་ཏེ། སྟོབས་ནི་རིག་འཛིན་གྱི་བདག་པོའོ། །བརྩོན་འགྲུས་ནི་མངོན་ཤེས་ལྔའི་མཐུའོ། །རྡོ་རྗེ་དགུག་པ་ནི་དགུག་དཀའ་བ་རྣམས་འགུགས་པའོ། །དཀྱིལ་འཁོར་དག་གིས་ནི་དཀྱིལ་
འཁོར་དུ་དབང་བསྐུར་དམ་སྡོམ་སྲུང་ཞིང་ལམ་སྒོམ་པའོ། །བསྒྲུབ་པའི་དཀྱིལ་འཁོར་བྲིས་ནས་སྒྲུབ་པ་ཡང་ཤེས་པར་བྱའོ། །༽ཞེས་བྱ་བ་ལ་སོགས་པ་ནི་གོ་སླའོ།། ༈ བཤང་གཅི་ཞེས་བྱ་བ་ལ་སོགས་པ་ལ། བཤང་གཅི་ནི་བདུད་རྩི་ལྔའོ། །ཤ་ཆེན་ཞེས་
བྱ་བ་ནི་མར་མེ་རྣམ་པ་ལྔ་སྟེ། ཤ་ལྔའོ། །དེ་ལྔ་ནི་དངོས་གྲུབ་གསལ་བར་བྱེད་པས་མར་མེའམ་སྒྲོན་མེ་ལྔ་ཞེས་བྱ་ལ། དངོས་གྲུབ་འགུགས་པས་ལྕགས་ཀྱུ་ལྔ་ཞེས་ཀྱང་གསུངས་སོ། །གཉིས་པོ་དེ་དག་ཆ་མཉམ་པར་བྱས་ནས་ཟླ་བ་མར་ངོའི་ཚེས་བརྒྱད་དམ། བཅུ་བཞི་ལ་
རི་ལུ་བྱས་ལ་གྲིབ་མ་ལ་བསྐམས་ནས། ཁམ་ཕོར་སྦྱར་མར་ཞེས་བྱ་བ་པདྨའི་སྣོད་དེ་ཐོད་པ་ཁ་སྦྱར་བའི་ནང་དུ་བཞག་ལ་གཏོར་མ་བྱིན་བརླབས་ལྟར་བྱིན་གྱིས་བརླབ་ཅིང༌། རང་གི་ལྷའི་རྣལ་འབྱོར་ལ་གནས་པས་འབྲུ་གསུམ་ཐུན་བཞིར་བཟླས་ལ། རྟགས་གསུམ་བྱུང་
བ་དང་ཉིན་རེ་ཞིང་རེ་རེ་ཟའོ། །དེས་ཅིར་འགྱུར་ཞེ་ན། སངས་རྒྱས་ཀུན་དང་ལྷན་ཅིག་འཁོད། །ཅེས་བྱ་སྟེ། སངས་རྒྱས་ནི་གྲུབ་པ་པོ་སྟེ། གྲུབ་པ་ཐོབ་པ་རྣམས་སོ། །དེ་དང་ལྷན་ཅིག་འཁོད་པ་ནི་གྲུབ་ཐོབ་དེ་དང་འདྲ་བར་དུས་ཟད་པ་སྟེ་འདས་པར་
འགྱུར་རོ། །༼ཞེས་པ་ཚེ་དེ་དག་དང་མཉམ་པའོ། །༽ཞེས་བྱ་བའི་བར་དུའོ།། ༈ འདི་སྐད་ཅེས་ཀྱང་གསུངས་ཏེ། དེ་ལ་འདི་ནི་ཞེས་བྱ་བ་ལ་སོགས་པ་ལ། དེ་ལ་ཞེས་པ་ནི་དངོས་གྲུབ་སྒྲུབ་པའི་ཀྱི་གནས་སྐབས་ལའོ་སོ། །
4-2-399b


འདི་ནི་ཞེས་པ་ནི། འོག་ནས་བཤད་པའོ། །གསང་བ་ཐམས་ཅད་ཀྱི་རྡོ་རྗེ་ནི་གནོད་སྦྱིན་ཐམས་ཅད་ཀྱི་གཙོ་བོ་རྣམས་སོ། །དེ་ཉིད་ནི་སྒྲུབ་པ་པོའི་བཀའ་ནོད་པར་བྱེད་པས་ན་མངག་གཞུག་པའོ། །དེ་རྣམས་ཀྱི་སྒྲུབ་པའི་ཚིག་ནི་སྒྲུབ་པའི་ཐབས་འདི་ཉིད་དོ། །འདི་ལ་རང་གི་
ལྷའི་ཏིང་ངེ་འཛིན་གཉིས་སྔོན་དུ་བཏང་ནས། ལས་རྒྱལ་མཆོག་གི་དུས་སུ་ཧྲཱིཿནི་ཁ་དོག་དམར་པོ་འབར་བའི་འོད་བཟང་པོ་ནི། འོད་ཟེར་ལྔས་ཀུན་ནས་འཁྲིགས་པའོ། །ཡི་གེ་དེ་ནམ་མཁའ་རྡོ་རྗེ་དབུས་སུ་ནི། ནམ་མཁའི་དཀྱིལ་དུ་ཆུད་པའོ། །བསམ་པ་ནི་བསྒོམ་པར་
བྱ་བའོ། །མདུན་གྱི་ནམ་མཁའ་ལ་ཧྲཱིཿཡིག་བསྒོམ་པ་དེ་ལྟར་བྱས་ནས་སངས་རྒྱས་ཀུན་གྱིས་ཞེས་བྱ་བ། མི་བསྐྱོད་པ་ནས་ཁྲོ་བོའི་མཐར་ཐུག་པའི་ཕྱོགས་བཅུའི་སངས་རྒྱས་རྣམས་ཀྱིས། ནམ་མཁའི་ཁམས་ཏེ་ནམ་མཁའི་གཏོས་ཡོངས་སུ་གང་ཞིང་ཁྱབ་
པར་རྣམ་པར་བསྒོམས་ལ། སངས་རྒྱས་དེ་རྣམས་ཀྱི་སྐུ་གསུང་ཐུགས་ཀྱི་གནས་ཞེས་བྱ་བ། སྐུ་ལ་སོགས་པའི་ས་བོན་ཨཱཿསྐུ་ཁྃ་གསུང་དྷཱི་ཐུགས་ཞེས་བྱ་བ་གསུམ་ལ་རིགས་གསུམ་པོ་ཐམས་ཅད་རིམ་པ་བཞིན་དུ་ཞུགས་པར་བསམ་མོ། །དེ་ནས་ཡི་གེ་
འདི་གསུམ་དེར་ནི་སྔགས་ཀྱིས་ཞེས་བྱ་བ་གསང་སྔགས་ཡི་གེ་ཧྲཱིཿདེར་ནི་ལ་དབབ་པར་བྱའོ། དེ་ལ་འདི་ནི་ཞེས་བྱ་བ་ལ་སོགས་པ་ལ། མངག་གཞུག་བསྐྱེད་པ་དེ་ལ་སྐུ་དང་གསུང་དང་ཐུགས་ཀྱི་སྔགས་རྡོ་རྗེའི་གསང་བར་གྱུར་པ་བྱིན་གྱིས་རློབ་༼
གསང་སྔགས་དེ་རུ་དབབ་པར་བྱ། །ཟེར། ༽པའི་གནས་ཏེ་བསྐྱེད་པའི་གཞིའོ། །དེ་གང་ཡིན་ཞེ་ན། ཨཱཿཁྃ་དྷཱི་ཞེས་བྱ་བ་སྟེ། ༼དེ་ལས་མངག་གཞུག་པར་བསྐྱེད་དོ། །ཡི་གེ་གསུམ་ཧྲི་ལ་ཐིམ་པའི། ཧྲཱིཿལས་བསྐྱེད་པར་ཤནྟི་པ་དང་སྐལ་ལྡན་གྲགས་པ་འདོད་དོ། །
4-2-400a


ཐིམ་པའི་ཧྲཱིཿཡི་གེ་གསུམ་དུ་གྱུར་པ་ལས་སྐྱེད་པར། ཙི་ལུ་པ་དང་། རྒྱལ་བས་བྱིན་འདོད་པའི་ཕྱི་མ་འདི་དང་འགྲིག་གོ། བོད་ཀྱི་མཁས་པ་ཁ་ཅིག་ཡི་གེ་གསུམ་ཕྲལ་བ་ལས་རིགས་གསུམ་གྱི་ཁྲོ་བོ་རེ་བསྐྱེད་པར་འདོད་པ་ལེགས་སམ་སྙམ་སྟེ་སྐུ་གསུང་ཐུགས་ཀྱི་ས་
བོན་སོ་སོ་བ་ཡིན་པའི་ཕྱིར་རོ། །༽དེ་ལྟར་ཨཱཿཁྃ་དྷི་ཡིས་ཡི་གེ་གསུམ་གྱི་བདག་ཉིད་ཅན་གྱི་མངག་གཞུག་པ་གསུམ་བསྒྲུབས་ནས། ཇི་ལྟར་མངོན་པར་འདོད་པའི་ལས་ལ་སྦྱར་བར་བྱའོ། །༈ མངག་གཞུག་པའི་སྒྲུབ་པ་ཐུན་མོང་དུ་བསྟན་
པ་ལས། གཞན་ཡང་མངག་གཞུག་པའི་ཁྱད་པར་ཏེ་རིགས་སོ་སོའི་སྒྲུབ་པ་བསྟན་པར་བྱ་བའི་ཕྱིར། ཕྱག་ན་རྡོ་རྗེ་ཞེས་བྱ་བ་གསུངས་ཏེ། མི་བསྐྱོད་པའི་རིགས་ཀྱི་རྣལ་འབྱོར་པ་ཡིན་ན་ཕྱག་ན་རྡོ་རྗེ་ནི་མི་བསྐྱོད་པ་སྟེ། དེ་དང་འདྲ་ཞིང་མཚུངས་པའི་གཟུགས་
ཆེན་པོ་དྲག་པོའི་ལུས་ཅན་གང་ཡིན་པ་དེ་ནི། ཕྱག་ན་རྡོ་རྗེའི་གཟུགས་ཆེན་དང༌། །ཞེས་བྱ་སྟེ། གནོད་མཛེས་རྒྱལ་པོ་བསམ་པའོ། །སྣང་མཐའི་རིགས་ཀྱི་རྣལ་འབྱོར་པ་ཡིན་ན་དེ་བཞིན་དུ་ཕྱག་ན་པདྨོ་འོད་ཆེན་དང༌། ཞེས་བྱ་བ་ནི་འོད་དཔག་ཏུ་མེད་པ་སྟེ། 
དེ་དང་འདྲ་བའི་འོད་ཟེར་ཆེན་པོ་དང་ལྡན་པའི་རྟ་མགྲིན་ཡང་གནོད་མཛེས་དེ་བཞིན་དུ་དྲག་པོར་བསམ་པའོ། །རྣམ་སྣང་གི་རིགས་ཀྱི་རྣལ་འབྱོར་པ་ཡིན་ན་གཞན་གྱིས་མི་ཐུབ་གཟུགས་ཆེན་དག། ཅེས་བྱ་བ་ནི། འོད་ཀྱི་ཚོགས་ཀྱིས་མི་མཉམ་ཞིང་
གཞན་གྱིས་མི་ཕམ་པས་ན། གཞན་གྱིས་མི་ཐུབ་པ་སྟེ་རྣམ་པར་སྣང་མཛད་ཡིན་ལ། དེ་ལས་བྱུང་བའི་གཟུགས་ཆེན་པོ་ནི། མཐུ་ཆེན་པོ་དང་ལྡན་པའི་གཤིན་རྗེ་གཤེད་ཅེས་བྱ་བ་སྟེ། དེ་དག་གི་རིགས་ཀྱི་དབྱེ་བས་བསྒོམས་ནས། དེ་རྣམས་
4-2-400b


ཀྱི་གསང་བའི་གནས་དག་སྟེ། གསང་བའི་མཆོག་བཀའ་བསྒོ་བ་ལ་གཞག་ཅིང་དགོད་པར་བྱའོ།། ༈ དེ་ལ་ཞེས་པ་ནི་དེ་རྣམས་ལ་འོག་ནས་བཤད་པ། འདི་ནི་རྡོ་རྗེའི་གསང་བའི་ཞེས་བྱ་བ་ནི་ཁྲོ་བོ་རྣམས་ཏེ། དེ་རྣམས་ཀྱི་གནས་སོ་ཞེས་པ་ནི་བཀའ་
བསྒོ་བ་ལ་ངེས་པར་གཟུད་པའོ། །དེ་ཡང་གང་ཡིན་ཞེ་ན། ཉི་མའི་དཀྱིལ་འཁོར་ཞེས་བྱ་བ་ལ་སོགས་པ་སྟེ། བགེགས་ཀྱིས་མི་གཡོ་བསྟེ་མི་བསྐྱོད་པའི་ཕྱིར་དང་རྡོ་རྗེ་འཆང་བའི་སྤྲུལ་པ་ཡིན་པས་ན་མི་བསྐྱོད་པ་སྟེ། གནོད་མཛེས་རྒྱལ་པོ་དེ་ཉི་མའི་དཀྱིལ་
འཁོར་ལ་གནས་པར་བྱ་སྟེ། རྡོ་རྗེ་གསང་བའི་གནས་ཞེས་བྱ་བའི་བཀའ་བསྒོ་བས་རབ་ཏུ་བརྟག་པར་བྱའོ། །ཚེ་དཔག་མེད་པའི་འཁོར་ལོ་ཆེ། །ཞེས་བྱ་བ་ནི། རྟ་མགྲིན་ཏེ་དེ་བཞིན་དུ་པདྨ་དང༌། ཉི་མའི་དཀྱིལ་འཁོར་ལ་གནས་བའི་མངག་གཞུག་པར་བྱས་ལ། 
གསང་བའི་གནས་༼ཁྲོ་བོ་གཞན་གཉིས་ལ་གདན་གཉིས་གཉིས་བྱུང་བས། འདིར་ཉི་དཀྱིལ་ཉིས་བརྩེགས་བྱེད་ཟེར་མོད་ཀྱང༌། གསུམ་ཀ་ལ་ཉི་གདན་ཐུན་མོང་དུ་སྣང་ཞིང༌། གཞན་གཉིས་ལ་རང་གི་རིགས་ཀྱི་མཚན་མའི་གདན་རེ་སྣང་བས་གནོད་མཛེས་ལ་རྡོ་རྗེ་ལ་གནས་པའི་ཉི་གདན་བྱའོ། །
༽བཀའ་བསྒོ་བ་དེ་ལ་སྦྱར་བར་བྱའོ། །རྡོ་རྗེ་སྣང་མཛད་དེ་བཞིན་ཏེ། །ཞེས་བྱ་བ་ནི། དེ་བཞིན་དུ་རྣམ་པར་སྣང་མཛད་ཀྱི་མངག་གཞུག་པ་གཤིན་རྗེ་གཤེད་དེ། ཟླ་བ་དང་ཉི་མའི་དཀྱིལ་འཁོར་ལ་གནས་པར་བྱ་སྟེ་བཀའ་བསྒོ་བར་བྱའོ། །འོད་
ཆེན་ཞེས་པ་ནི་རྡོ་རྗེ་མངག་གཞུག་པ་དེ་དག་ཐམས་ཅད་ཀྱང་འོད་ཆེན་ཏེ། འོད་ཟེར་ཆེན་པོ་དང་ལྡན་པའོ། །སྡུག་བསྔལ་ཆེན་པོ་ཡིས་ཞེས་བྱ་བ་ནི། འགྲོ་བ་འདོན་པའི་སྡུག་བསྔལ་གྱིས་སྡུག་བསྔལ་བར་གྱུར་པས། སྡུག་བསྔལ་ཆེན་པོ་
4-2-401a


དང་ལྡན་པ་སྟེ་མི་བསྐྱོད་པ་ལ་སོགས་པའོ། །མངག་གཞུག་པ་དེ་ལ་སྡུག་བསྔལ་ཆེན་པོ་དེ་རྣམས་ཀྱིས་བསྐུལ་བ་ནི། སྒྲུབ་པ་པོ་ལ་དངོས་གྲུབ་སྩོལ་བར་བྱ་བའི་ཕྱིར་ཡང་དག་པར་བསྐུལ་བར་བྱའོ། །༼དེ་དག་གི་དོན་ནི། རང་རྡོ་རྗེ་
གསུམ་གྱི་ང་རྒྱལ་གྱིས་མངག་གཞུག་པ་བསྐུལ་ན། རྡོ་རྗེ་གསུམ་དངོས་ཀྱིས་ཀྱང་འགྲོ་བའི་སྡུག་བསྔལ་མ་བཟོད་ནས་ཁྲོ་བོ་རྣམས་བསྐུལ་བར་འགྱུར་བའོ། །༽དེ་ལ་ཞེས་བྱ་བ་ནི། ཡང་དག་པར་བསྐུལ་བ་ལ་ས་བོན་འདི་ཡིན་ཏེ། ༼རྡོ་རྗེ་སྙིང་པོ་ཐམས་ཅད་བསྐུལ་བའོ་
ཞེས་པ་མ་དག་གོ། ༽དེས་རྡོ་རྗེ་ཐམས་ཅད་ཅེས་བྱ་བ་རྣམ་པར་སྣང་མཛད་ལ་སོགས་པའོ། །དེ་རྣམས་ཀྱི་སྙིང་པོ་ནི་ཐུགས་ཏེ། བསྐུལ་བ་ནི་ཁྲོ་བོ་ལ་བཀའ་བསྒོ་བར་བྱ་བའི་ཕྱིར་སྦོད་པའོ། །ཨཱཿཞེས་བྱ་བ་ནི་ཁྲོ་བོ་བསྐུལ་བར་བྱ་བའི་ཕྱིར་བཀའ་
བསྒོ་བའི་ཚིག་གོ། ༼འགྱུར་རྙིང་གི་རྒྱུད་ལས། ཨ་དང་འགྲེལ་པར་ཨཱཿཞེས་འབྱུང་ཡང༌། ཨཱྃ་ཞེས་པ་དག་པར་བཞེད་དོ། །རང་དང་མངག་གཞུག་པའི་ཐུགས་ཀར་ཨཱྃ་བསྒོམས་ལ། དེ་ལས་བྱུང་བའི་འོད་ཟེར་གྱི་ལྕགས་ཀྱུས་མངག་གཞུག་པའི་ཡེ་ཤེས་པའི་སྙིང་གར་བཏབ་པས། དེའི་
ཐུགས་བསྐུལ་བར་བསམ་ཞིང༌། ཨཱཿ་ཁཾ་དྷཱི་ཨཱྃ་ཞེས་བཟླ་བར་བྱའོ།། ༈ དེ་ལྟར་རིགས་ཀྱི་ཁྲོ་བོ་གསུམ་རྣམས་ཀྱི་རིགས་གསུམ་གྱི་བདག་པོ་ཡང་དག་པར་བསྐུལ་བ་བསྟན་ནས། གསུམ་པོ་དེའི་འཁོར་རྣམས་ལ་ཡང་མངག་
གཞུག་པ་དེ་ཉིད་བྱ་བར་བཀའ་བསྒོ་བར་འདོད་པའི་ཕྱིར། ༼དེ་ལྟར་བདག་པོ་རྣམས་ཀྱི་ཁྲོ་བོ་ཟེར། ༽མདུང་རྩེ་ཆེ་དང་ཞེས་བྱ་བ་ལ་སོགས་པ་གསུངས་ཏེ། མདུང་རྩེ་ཆེ་ཞེས་བྱ་བ་ནི་མདུང་རྩེ་འཛིན་པ་ལ་བསྐུལ་བའོ། །༼དེ་བཞིན་དུ་གཞན་ལ་ཡང་ངོ༌། །
4-2-401b


༼རྡོ་རྗེ་ཆེ་ཞེས་བྱ་བ་ནི་རྡོ་རྗེ་འཛིན་པ་ལའོ། །ལྕགས་ཀྱུ་ཞེས་བྱ་བ་ནི་ལྕགས་ཀྱུ་འཛིན་པ་ལའོ། །སྣ་ཚོགས་ཞེས་བྱ་བ་ནི་མཚོན་ཆ་གཞན་དང་གཞན་ཐོགས་པ་རྣམས་ལའོ། །མཆོག་རྣམས་ཀྱིས་ཞེས་བྱ་བ་ནི་མི་ཕྱེད་པའི་འཁོར་གྱི་ཚོགས་རྣམས་༼
མངག་གཞུག་པ་བསྐུལ་བར་བྱ་ཞེས་པ་ཙམ་དང༌། བསྐུལ་བའི་ས་བོན་ཨཱཾ་ཞེས་པ་ཙམ་མ་གཏོགས་པ་བསྐུལ་ལུགས་མ་བཤད་པས། སྔར་བཤད་པའི་རིམ་པས་ཞེས་པ་མི་དག་པས་དཀྱུས་ན་ཡོད་པ་བཞིན། ཆག་འགྱུར་ལས་ཀྱང་འབྱུང་བ་དག་གོ། ༼ལའོ། །རྡོ་རྗེ་ཆོ་ག་
བཞིན་དུ་བསྐུལ་ན་ཞེས་བྱ་བ་ནི་བཤད་པའི་རིམ་པས་བསྐུལ་བའོ། །དེ་ལྟར་བྱས་པས་ཅིར་འགྱུར་ཞེ་ན། སངས་རྒྱས་བྱང་ཆུབ་རབ་ཏུ་འགྲུབ། །ཅེས་བྱ་བ་སྟེ། སངས་རྒྱས་ནི་སྒྲུབ་པ་པོ་སྟེ་༼འོག་ནས་མངག་གཞུག་པ་འཇིག་རྟེན་པ་དང་འཇིག་རྟེན་ལས་
འདས་པ་གཉིས་བཤད་པའི་གཉིས་པ་ནི། གཤིན་རྗེ་གཤེད་ལ་སོགས་པ་དང༌། དང་པོ་ནི་འདི་དག་གི་འཁོར་འཇིག་རྟེན་པ་ཡིན་པས་རྩེ་གསུམ་འཛིན་པ་སོགས་སྟོབས་པོ་ཆེ་ལ་སོགས་པ་ལ་འཆད་པ་ནི་འདིར་མི་འགྲིག་གོ། མི་ཕྱེད་པའི་འཁོར་ནི་རྩེ་གསུམ་འཛིན་པ་ལ་སོགས་ཀྱི་འཁོར་ཉིད་ཀྱི་
ཁྱད་པར་རོ། །༽དེ་ཡི་བྱང་ཆུབ་ནི། མངོན་པར་འདོད་པའི་དོན་འགྲུབ་པར་འགྱུར་ཞིང་མཐར་ཐུག་པར་འགྱུར་བའོ།། ༈ འདི་སྐད་ཅེས་ཀྱང་གསུངས་སོ་ཞེས་བྱ་བ་ནི། རྡོ་རྗེ་འཆང་ཆེན་པོས་དེ་སྐད་ཅེས་ཀྱང་གསུངས་སོ་ཞེས་པའོ། །
ཉམས་དགའ་བ་ཞེས་བྱ་བ་ལ་སོགས་པའི་༼ཆུ་གླིང་ནི་མཐའ་ཆུས་བསྐོར་བའི་སྐམ་སའོ། །རྣམ་པ་སྣ་ཚོགས་ཞེས་པ་སྐྱེད་མོས་ཚལ་དང་ལྷ་ཁང་ལ་སོགས་སོ། ༼དོན་ནི་བཤད་ཟིན་ནོ། །སངས་རྒྱས་༽ཟླ་བ་ཕྱེད་ནི་ཚུན་ཆད་ཀྱིས། །སངས་རྒྱས་ཐོབ་པར་གདོན་མི་
4-2-402a


ཟ། །ཞེས་བྱ་བའི་སངས་རྒྱས་ནི་འདིར་བསྒྲུབ་པར་བརྩམ་པའི་མངག་གཞུག་གྲུབ་པ་ཉིད་དོ། །༽ཐོབ་པ་ཞེས་བྱ་བ་ནི་འདིར་སྒྲུབ་པར་བརྩམ་པ་ཉིད་དོ།། ༈ རི་རབ་སུམ་ཅུ་ཞེས་བྱ་བ་ལ་སོགས་པས་ནི་སྒྲུབ་པའི་འབྲས་བུ་
གསུངས་པ་ཡིན་ཏེ། རིའི་རྒྱལ་པོ་རི་རབ་སུམ་ཅུ་རྩ་དྲུག་གི་རྡུལ་ཕྲན་གྱི་རྡུལ་གྱི་ཆ་ཤས་ཇི་སྙེད་ཡོད་པ། དེ་སྙེད་ཀྱི་ཚད་ཀྱི་བྲན་ཕོ་ལ་སོགས་པའི་དབྱེ་བས་ཕྱེ་བའི་རྡོ་རྗེ་སེམས་དཔའ་ལ་སོགས་པ་དེའི་སྟེ། རྡོ་རྗེ་སེམས་དཔའ་ལ་སོགས་པའི་མངག་གཞུག་
པར་གང་གྱུར་པ་དེ་དག་ཐམས་ཅད། བྱང་ཆུབ་རྡོ་རྗེ་ཅན་ཞེས་བྱ་བ་སྒྲུབ་པ་པོའི་འཁོར་དུ་འགྲུབ་པར་འགྱུར་ཞིང༌། འཁོར་གྱི་ཚུལ་གྱིས་བཀའ་ནོད་ཅིང་གནས་པར་འགྱུར་རོ། །སུམ་ཅུ་རྩ་དྲུག་སྨོས་པ་ནི་འདི་ལས་ཉུང་བར་མི་འགྱུར་རོ་ཞེས་བསྟན་པའི་ཕྱིར་
གསུངས་པ་ཡིན་ནོ།།  འགྱུར་རྙིང་ལས། དེ་ཡི་འཁོར་ཚོགས་ལྷན་ཅིག་ཏུ། །འཁོར་ལོ་ཅན་གྱི་བྱང་ཆུབ་འགྲུབ། །ཅེས་པ་མི་དག་པས། བྱང་ཆུབ་རྡོ་རྗེ་ཅན་དེ་ཡི། །འཁོར་གྱི་ཚོགས་ནི་འགྲུབ་པར་འགྱུར། །ཞེས་པ་ལེགས་སོ། ། ༈ ཕན་ཡོན་གཞན་ཡང་བསྟན་པར
བྱ་བའི་ཕྱིར། ཕྱོགས་བཅུའི་ཞེས་བྱ་བ་ལ་སོགས་པ་གསུངས་ཏེ། ཤར་ལ་སོགས་པ་ཕྱོགས་བཅུ་ན་སངས་རྒྱས་ཐམས་ཅད་ཀྱི་ཞེས་པ། གང་གཱའི་ཀླུང་གི་བྱེ་མ་སྙེད་ཀྱི་སངས་རྒྱས་ཀྱི་ཞིང་ཇི་སྙེད་ཡོད་པ། དེ་དག་ཐམས་ཅད་དུ་འགྲོ་བར་འགྱུར་ཞིང་
ཕྱིན་པར་འགྱུར་བ་ནི་མངག་གཞུག་པ་དེས་སངས་རྒྱས་བཞུགས་པའི་སྤྱན་སྔར་འཁྲིད་པའོ་རོ། །དེར་སོང་ནས་ཀྱང་ཟབ་མོའི་ཆོས་རྡོ་རྗེ་འཆང་ཆེན་པོ་ཐོབ་པའི་རྒྱུར་གྱུར་པའི་སྔགས་ཀྱི་ལམ་ཁྱད་པར་ཅན་དེ་བཞིན་གཤེགས་པ་རྣམས་ལས་ཐོས་པར་འགྱུར་རོ། །
4-2-402b


དེ་ནས་ཅིར་འགྱུར་ཞེ་ན། སངས་རྒྱས་ས་ཡང་འཐོབ་པར་འགྱུར། །ཞེས་བྱ་བའོ། །འདི་སྐད་སྟོན་པར་འགྱུར་ཏེ་བསྐྱེད་པའི་རིམ་པའི་ཏིང་ངེ་འཛིན་ལ་གནས་ནས། བཤད་མ་ཐག་པའི་ཚུལ་གྱིས་མངག་གཞུག་པའི་དངོས་གྲུབ་ཐོབ་ནས། དེ་བཞིན་གཤེགས་
པ་རྣམས་མཉེས་པར་བྱས་པས། རྫོགས་པའི་རིམ་པའི་ཏིང་ངེ་འཛིན་མངོན་དུ་བྱས་ཏེ། རྡོ་རྗེ་འཆང་ཆེན་པོའི་གོ་འཕང་ཐོབ་པར་འགྱུར་བའོ། །བཅོམ་ལྡན་འདས་དམ་ཚིག་རྡོ་རྗེ་བཞད་པས་དེ་སྐད་ཅེས་བཀའ་སྩལ་ཏོ། །ཞེས་བྱ་བ་ནི་རྡོ་རྗེ་འཆང་ཆེན་
པོའོ།། ༈ དེ་ལ་འདི་ནི་ཞེས་བྱ་བ་ལ་སོགས་པ་ལ། མངག་གཞུག་པ་ཐམས་ཅད་ནི་འཇིག་རྟེན་པའི་གནོད་སྦྱིན་ལ་སོགས་པ་དང་འཇིག་རྟེན་ལས་འདས་པ་གནོད་མཛེས་ལ་སོགས་པ་རྣམས་སོ། །དེ་ཉིད་སྦ་བར་བྱ་བ་ཡིན་པས་ན་
གསང་བའོ། །མངག་གཞུག་པ་དེ་རྣམས་བསྒྲུབ་པར་བྱ་བའི་ཕྱིར་རྡོ་རྗེ་གསང་བ་ཞེས་བྱ་བ་སྟེ། རྡོ་རྗེ་སེམས་དཔས་ཡང་དག་པར་བསྟེན་པར་གྱུར་པའི་གསང་བའི་ལས་རྩོམ་པའོ། །རྡོ་རྗེ་སེམས་དཔའ་ཞེས་བྱ་བ་ལ་སོགས་པ་ལ། རྡོ་རྗེ་སེམས་དཔའ་
ནི་མི་བསྐྱོད་པའོ། །དེའི་ཡེ་ཤེས་ཆེན་པོ་ནི་སེམས་ཀྱི་ངོ་བོ་ཉིད་ཡི་གེ་ཧཱུཾ་མོ། །གསུང་གི་རྡོ་རྗེ་ནི་འོད་དཔག་ཏུ་མེད་པའོ། །དེ་འཛིན་ཅིང་སྐྱེད་པར་བྱེད་པས་ན་གསུང་གི་རྡོ་རྗེ་འཛིན་པ་སྟེ་ཡི་གེ་ཨཱཿའོ། །རྡོ་རྗེའི་སྐུ་ནི་རྣམ་པར་སྣང་མཛད་དོ། །དེའི་
དགོད་པ་ཆེན་པོ་ནི་སྐྱེད་པར་བྱེད་པའི་ཡི་གེ་ཨོཾ་ཡིན་ཏེ། ཡི་གེ་གསུམ་པོ་དེ་དག་གིས་རྟག་ཏུ་བསྐུལ་བར་བྱ་ཞེས་སྦྱར་རོ། །རྟག་ཏུའི་དོན་ནི་མངག་གཞུག་པ་རྣམས་བསྐྱེད་པ་ནས་བརྩམས་ཏེ། དུས་ཐམས་ཅད་དུའོ། །རྟག་ཏུ་དེ་ལྟར་འབྲུ་གསུམ་
4-2-403a


བཟླས་པས་བསྐུལ་བར་བྱ་ཞིང་སྟེ་བསྐུལ་བས་རང་ཉིད་ནུས་པ་དང་ལྡན་པར་བྱིན་གྱིས་བརླབ་པར་བྱའོ།། ༈ དེ་ལ་ཞེས་བྱ་བ་ནི་མངག་གཞུག་པ་བསྒྲུབ་པར་བྱ་བའི་ཡུལ་ལ་སྟེ། འོག་ནས་བཤད་པ་དམ་ཚིག་
བསྐུལ་བ་སོགས་འདི་ནི་རྡོ་རྗེ་ཡེ་ཤེས་ཞེས་པ། དེ་བཞིན་གཤེགས་པ་རྣམས་ཏེ་དེ་རྣམས་ཀྱི་འཁོར་ལོ་ནི་ཚོགས་སོ། །དེ་རྣམས་ཀྱིས་བྱས་པའི་སྔགས་ཀྱི་ཚིག་ནི་མངག་གཞུག་པ་སྒྲུབ་པའི་ཚིག་གོ། དེ་རྣམས་ཀྱི་དམ་ཚིག་གི་གནས་ཞེས་པ་ནི། 
འདའ་བར་མི་བྱ་བའི་གནས་སྐབས་སོ། །དེ་ཡང༌། དམ་ཚིག་བསྐུལ་བ་ལ་སོགས་པའི་དབྱེ་བས་རྣམ་པ་བཞིའོ། །དམ་ཚིག་བསྐུལ་བ་དང་ཞེས་བྱ་བ་ལ། དམ་ཚིག་ནི་རྡོ་རྗེ་འཆང་ཆེན་པོའི་བཀའ་ཡི་གེ་གསུམ་མོ་འོ། །གསུམ་པོ་དེ་
བཟླས་པས་ཐུགས་བསྐུལ་བ་ནི་རང་ནུས་ལྡན་དུ་བསྒྲུབ་པའི་དོན་དུ་གསོལ་བ་བཏབ་པ་སྟེ་འདེབས་པའོ། །དམ་ཚིག་གཏོང་བ་ཞེས་བྱ་བ་ནི། དམ་ཚིག་གི་དེ་ཉིད་ནི་མི་འདའ་བའི་རིམ་པའོ་ཀྱི་དེས་བྱ་བ་རྣམས་ལ་
སྦྱར་བ་ནི་རང་གི་ཐུགས་ཀ་ནས་འོད་ཟེར་ཕྱོགས་བཅུར་འཕྲོས་པས་མངག་གཞུག་པའི་ཡེ་ཤེས་པ་རྣམས་སྤྱན་འདྲེན་༼རྒྱུད་ཕྱི་མ་ལས། སྐུ་གསུང་ཐུགས་ཀྱི་དེ་ཉིད་ནི། །སད་པར་བྱ་བ་བསྐུལ་བར་བཤད། །ཅེས་སོ། །༽པ་དང༌། དྲངས་པ་རྣམས་དམ་ཚིག་
པ་ལ་འཇུག་པའི་ལས་རྣམས་ལ་སྦྱར་ནས་དམ་ཚིག་གི་དོན་བསྒྲུབ་བྱ་སྒྲུབ་པ་སྟེ་འོ། །ཕྱོགས་བཅུའི་འཇིག་རྟེན་ཁམས་རྣམས་སུ། །འོད་ཟེར་འགྱེད་པ་གཏོང་བ་ཡིན་ཞེས་སོ་དམ་ཚིག་བོད་པ་ནི་དམ་ཚིག་གི་ལྷ་དེ་ལས་༼ས་འདི་
4-2-403b


འགྱུར་གསར་གཉིས་ལ་མེད་དོ། །༽བོད་ཅིང་སྟེ་ལྷ་དེའི་མིང་དང་སྤེལ་ཚིག་སྦྱར་ནས་དམ་ཚིག་ཏུ་བྱེད་པ་སྟེ་བཀའ་བསྒོ་བ་ལས་མི་འདའ་བར་བྱེད་པ་སྟེ། རྡོ་རྗེ་ཅན་ཀུན་སྤྱན་འདྲེན་པས། །རྡོ་རྗེ་ཅན་ཀུན་སྤྱན་དྲང་བའོ་ཞེས་སྤྱན་འདྲེན་པ་དང་དྲང་བ་གཉིས་བོད་པའི་དོན་ནོ་
འོ། །དམ་ཚིག་འཆིང་བའོ་ཞེས་བྱ་བ་ནི། རང་རིགས་གསུམ་གྱི་རྡོ་རྗེ་ཅན་དུ་བསྒོམ་པའི་སྙིང་གའི་གནས་ཀྱི་ས་བོན་གྱི་འོད་ཟེར་གྱི་མཚོན་ཆ་སྤྲོས་པས། ཡེ་ཤེས་པའི་རྡོ་རྗེ་ཀུན་གྱི་ཐུགས་ཀར་བཏབ་ནས། འོད་ཟེར་གྱི་གོང་བུ་གཅིག་ཏུ་བྱས་པ་དམ་ཚིག་པ་དེ་ལ་འཆིང་
བ་སྟེ་གཞུག་ཅིང་དེའི་འོག་ཏུ་ཞིང་དྲག་པོ་སྟེ་འོད་ཟེར་གྱི་མཚོན་ཆས་མངག་གཞུག་པའི་སྙིང་གར་ངེས་པར་སྦྱོར་བསྟེ་འདེབས་པའོ།། ༈ དེ་ལྟར་མངག་གཞུག་པ་སྒྲུབ་པས་གྲུབ་པ་དེས་ཅི་ཞིག་བྱེད་ཅེ་ན། མཁའ་དབྱིངས་
རྒྱ་ཆེན་ཞེས་བྱ་བ་ལ་སོགས་པ་གསུངས་ཏེ། ནམ་མཁའི་༼རྒྱུད་ཕྱི་མ་ལས། རྡོ་རྗེ་ཅན་གྱི་གནས་དེ་ཡི། །འོད་ཟེར་གྱིས་ནི་རྡོ་རྗེ་ཀུན། །བསྡུས་ནས་གོང་བུའི་ཚུལ་གྱིས་སུ། །བཅིངས་པས་བཅིང་བ་ཡིན་པར་བཤད། །ཅེས་སོ། དེ་ལྟར་ན་འཇིག་རྟེན་པའི་མངག་གཞུག་པ་རྣམས་ཀྱང་
བསྐྱེད་ཆོག་སྔར་ལྟར་བྱས་ནས། དམ་ཚིག་བསྐུལ་བ་སོགས་བཞི་བྱའོ། །དབྱིངས་རྒྱ་ཆེ་ཞིང་མཐའ་མེད་ལ་དག་ཅིང་སྒྲིབ་པ་མེད་པ་དང༌། ཆོས་རྣམས་ཐམས་ཅད་རྣམ་པར་སྤངས། །ཞེས་བྱ་བ་སྟེ། མཐོང་བ་ལས་འདས་པ་འདི་ལྟ་བུའི་ནམ་མཁའང་
གོང་བུའི་ཚུལ་གྱིས་ཞེས་པ། གཟུགས་ཅན་གྱི་རང་གི་ངོ་བོས་རྡོ་རྗེ་ལྟར་སྲ་བའི་གཟུགས་སུའང༌། སྒྲུབ་པ་པོས་བསྐུལ་ན་མངག་གཞུག་པ་རྣམས་ཀྱིས་བྱེད་པར་འགྱུར་ན། གཞན་དག་སྒྲུབ་པར་བྱེད་པ་ལྟ་སྨོས་ཀྱང་ཅི་དགོས། ཞེས་
4-2-404a


ཕུལ་དུ་བྱུང་བའི་ཁྱད་པར་དུ་གསུངས་པའོ།། ༈ བཅོམ་ལྡན་འདས་སངས་རྒྱས་ཐམས་ཅད་ཀྱི་བུ་གཅིག་པ་ཞེས་བྱ་བ་ནི། གང་གི་བུ་གཅིག་པ་སངས་རྒྱས་ཐམས་ཅད་ཡིན་པ་དེ་ནི། རྡོ་རྗེ་སེམས་
དཔའ་ཆེན་པོ་སྟེ་དེས་དེ་སྐད་ཅེས་བཀའ་སྩལ་པའོ།། ༈ ད་ནི་༼ཀྱི་ཞེས་རྒྱུད་དང་འགྲེལ་པ་གཉིས་ཀ་ལས་འབྱུང་བ་མ་དག་པས། གཞན་ལས་དེ་མེད་པ་ལྟར་བྱའོ། །༸སངས་རྒྱས་ཐམས་ཅད་བུ་གཅིག་པ་གང་ལ་མངའ་བ་རྡོ་རྗེ་འཛིན་པ་དེས་ཟེར། ༽རྒྱལ་
པོ་ལ་སོགས་པ་དབང་དུ་བྱ་བ་བསྟན་པར་བྱ་བའི་ཕྱིར། སངས་རྒྱས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ནི་རྟོགས་པ་ལ་འཇུག་པས་ཤེས་རབ་ཆེན་པོ་དང་ལྡན་ཞིང་བསྟན་བཅོས་ཀྱི་རིགས་ཅན་ཏེ་དེ་ལ་མཁས་པའོ་
ནོ། །རྡོ་རྗེ་སེམས་དཔའ་ནི་རྒྱལ་བློན་ལ་སོགས་པ་བསོད་ནམས་ཆེ་ཞིང་བློ་བརྟན་པོ་སྟེ་དེ་དག་ཀྱང་གལ་ཏེ་དབང་དུ་བྱ་བར་འདོད་ཅིང༌། རང་གི་མངོན་པར་འདོད་པ་གང་ཡོད་པ་ལ་འཇོག་པར་འདོད་ན། རྡོ་རྗེ་མཆོག་གསུམ་འཛིན་པ་ཆེ། །
ཞེས་བྱ་བ། སྐུ་རྡོ་རྗེ་ལ་སོགས་པ་གསུམ་གྱི་འི་ངོ་བོ་ཉིད་འཇམ་དཔལ་ཆེན་པོའི་སྐུ་གསང་བ་ཆེན་པོ་སྟེ། སྦས་པར་གྱུར་པ་འོག་ནས་བཤད་པ་འདི་བསམ་ཞིང་བསྒོམ་པར་བྱའོ། །ཇི་ལྟར་བསྒོམ་ཞེ་ན། རྡོ་རྗེ་འཇམ་པ་ཞེས་
བྱ་བ་ལ་སོགས་པ་གསུངས་ཏེ། སྐད་ཅིག་གིས་བདག་ཉིད་རྡོ་རྗེ་འཇམ་དཔལ་སྟོབས་ཆེ་ཞིང༌། བསྒྲུབ་པ་སྟེ་དབང་དུ་བྱ་བར་དཀའ་བ་ཡང་སྒྲུབ་པ་སྟེ་དབང་དུ་བྱེད་པ་ནམ་མཁའ་རྡོ་རྗེའི་དབུས་སུ་ཞེས་པ། འོད་གསལ་བ་ལས་བྱུང་
4-2-404b


བ་བསམ་ཞིང་བསྒོམ་པར་བྱའོ། །མདའ་ལྔའི་སྦྱོར་བ་དག་གིས་ནི། །ཞེས་བྱ་བ་ལ། གཞན་འཕྲུལ་དབང་བྱེད་ཀྱི་བདག་པོ་ལ་ཡོད་པའི་མདའ་ལྔ་ནི་འདོད་ཆགས་རྒྱས་ཤིང་མྱོས་པར་བྱེད་པས་དྲེགས་པར་བྱེད་པ་དང་འདོད་པའི་དགའ་བས་མྱོས་ནས་རྨོངས་པར་༼
བླ་མ་ཁ་ཅིག་འདི་བསྐྱེད་རིམ་པ་ལ་སྦྱོར། ཁ་ཅིག་ཟུང་འཇུག་པ་ལ་བྱ་དགོས་ཏེ། སྐད་ཅིག་གིས་ཞེས་པ་དང༌། འོད་གསལ་ལས་བྱུང་ཞེས་བཤད་པའི་ཕྱིར་རོ། །ཟེར་རོ། །རྟགས་དེ་ནི་ཤིན་ཏུ་ཡང་མ་ངེས་ཏེ། འགྲེལ་པ་འདིར་ནམ་མཁའི་དབྱིངས་ཀྱི་དབུས་གནས་ཞེས་པ་རྣམས་བསྐྱེད་རིམ་
གྱི་སྐབས་སུ་འོད་གསལ་ལ་བཤད་པ་དུ་མ་ཞིག་སྣང་ཞིང༌། བསྐྱེད་རིམ་ལ་ཡང་ལྷག་མོས་ཀྱི་དཀྱིལ་འཁོར་ལྟ་བུ་སྐད་ཅིག་གིས་བསྐྱེད་པ་དུ་མ་ཞིག་ཡོད་པའི་ཕྱིར་དང༌། བསྐྱེད་རིམ་ལ་བརྟན་ཅིང་སྤྱོད་པ་བྱས་པའི་དབང་རྣོན་གྱིས་འདི་འདྲའི་དངོས་གྲུབ་རྣམས་ཞག་བདུན་གྱིས་འགྲུབ་
པར་གསུངས་པ་ལ། ཟུང་འཇུག་པས་འདི་ལ་ཟླ་ཕྱེད་སྒྲུབ་མི་དགོས་པའི་ཕྱིར་རོ། །དེས་ན་བསྐྱེད་རིམ་པ་ནང་ལ་མཆོག་ཏུ་གཞོལ་བའི་བསྙེན་པ་ལས་སུ་རུང་བས་བྱེད་པ་ཡིན་ནོ། །དེ་ཡང་སྟོང་པའི་ངང་ལས་འཇམ་དཔལ་དམར་པོ་ན་བཟའ་དང་རྒྱན་ཐམས་ཅད་དམར་པོ་ཕྱག་གཡས་ཀྱི་
སོར་མོ་ལྔའི་ནང་ན་རཾ་ལས་བྱུང་བའི་མདའ་ཨུཏྤལ་དམར་པོ་ཁ་མ་བྱེ་བའི་མདེའུ་ཅན་ལྔ་འདྲེན་ཞིང་གཡོན་ན་བཾ་མ་མ་ཎཾ་ལས་བྱུང་བའི་གཞུ། ཨཾ་ལས་བྱུང་བའི་གཞུ་རྒྱུད་ཅན་དུ་བསྒོམ་མོ། །༽བྱེད་པ་རྨོངས་པར་བྱེད་པ་དང༌། ཆགས་པའི་དབང་གིས་དྲན་པ་མེད་པར་
བྱེད་པ་ཀུན་ཏུ་རྨོངས་པར་བྱེད་པ་དང༌། ཡུལ་དབང་རྣམ་ཤེས་ཉམས་པས་ཤིང་བཞིན་ས་ལ་ལྷུང་བར་བྱེད་པ་བརྒྱལ་བར་བྱེད་པ་དང༌། མི་གཡོ་བས་རོ་བཞིན་དུ་བྱེད་པ་སེམས་མེད་པར་བྱེད་པ་སྟེ་མདའ་ལྔའོ། །དེ་རྣམས་ཀྱི་སྦྱོར་བ་ནི་མདའ་ལྔ་
4-2-405a


ལས་ས་བོན་ལྔ་གཏོང་བ་སྟེ། དབུ་རྒྱན་གྱི་རྩེ་མོར་ཞེས་པ། བསྒྲུབ་པར་བྱ་བའི་མཆོག་ལ་ཡང་དག་སྤྲོ་ཞེས་བྱ་བ་སྟེ་འཕང་བར་བྱའོ། །མདའ་ལྔ་ཇི་ལྟར་འཕང་ཞེ་ན། གནས་ལྔ་དག་ཏུ་སྔགས་ཤེས་
པས། །ཞེས་བྱ་བ་སྟེ། ཧཱུཾ་སྙིང་གར་དང་ཨོཾ་སྤྱི་བོ་དང་ལྟེ་བར་སྭཱ་དང་གསང་བར་ཨཱཿདང་རྐང་པར་ཧཱ་སྟེ། གནས་ལྔ་རྣམས་སུ་སྔགས་ཤེས་པ་ཞེས་པ། ས་བོན་རྣམས་དགོད་པ་དང་གཏོང་ཤེས་པའི་སྔགས་པས་རྡོ་རྗེ་ཁྲོ་
བོ་སྟེ་ལྷག་པའི་བསམ་པ་བརྟན་པས་བསྒྲུབ་བྱ་ལ་དབབ་པར་བྱ་ཞིང་མདའ་ལྔ་བསྒོམ་པར་བྱའོ། །བྱིས་པའི་བློ་ནི་གྲགས་ཆེན་གྱིས། །ཞེས་བྱ་བ་ལ། བྱིས་པ་ནི་ཤིན་ཏུ་གཞོན་ཤ་ཅན་དུ་གྱུར་པས་བྱིས་པ་དང་འདྲ་བ་འཇམ་པའི་དབྱངས་
ཏེ་དེ་ལ་བློ་སེམས་པ་གང་ཡིན་པ་དེ་ནི། བྱིས་པའི་བློ་སྟེ་སྒྲུབ་པ་པོ་གྲགས་ཆེན་གྱིས་༼ཕྱག་གི་མདའ་ལྔ་ལས་ཡི་གེ་ལྔ་རིམ་པ་བཞིན་དུ་དྲེགས་བྱེད་ལ་སོགས་པའི་མདའ་ལྔའི་ངོ་བོར་བསམས་ནས། བསྒྲུབ་བྱའི་གནས་ལྔ་རུ་བསྣུན་པར་བསམ་མོ། །
༽ཞེས་པ་ནི་ནུས་པ་ཆེན་པོ་དང་ལྡན་པ་དྲེགས་པར་བྱེད་པ་ལ་སོགས་པའི་མདས་བསྣུན་པས་བསྒྲུབ་པར་བྱ་བ་སྔངས་ཤིང་སྐྱབས་མེད་ལ་བརྒྱལ་ཞིང༌། རྨོངས་པར་བསྒོམ་ཞིང་བསམ་པར་བྱ་སྟེ། དབང་དུ་བྱ་བའི་བསམ་
གཏན་འདི་ནི་གསང་བའི་བསྐུལ་བ་ཞེས་བྱ་བ། ནང་གི་བདག་ཉིད་ལ་མཆོག་ཏུ་གཞོལ་བས་ཟླ་བ་ཕྱེད་དེ་ཉིན་ཞག་བཅོ་ལྔའི་བར་དུ་བསྒོམ་པར་བྱ་བ་ནི། སྔགས་རྣམས་ཀུན་གྱི་ཞེས་པ། དེ་བཞིན་གཤེགས་པ་ཐམས་ཅད་ཀྱི་རབ་ཏུ་
4-2-405b


གསང་བ་ཡིན་པར། རྡོ་རྗེའི་དོན་གྱི་བློ་ཡིས་ཞེས་པ་རྡོ་རྗེ་འཆང་ཆེན་པོས་གསུངས་ཤིང་བཤད་པ་ཡིན་ནོ།། ༈ བསྟན་པ་ལ་མ་མོས་པ་གདུག་པ་ཅན་གདུལ་བའི་དོན་གྱི་སྦྱོར་བ་བསྟན་པར་བྱ་བའི་ཕྱིར། སངས་རྒྱས་དཀྱིལ་འཁོར་ཞེས་བྱ་བ་
ལ་སོགས་པ་གསུངས་ཏེ། རང་གི་ལྷའི་ཏིང་ངེ་འཛིན་གཉིས་སྔོན་དུ་བྱ། ལས་སྦྱོར་གྱི་དུས་སུ་ནམ་མཁའི་དབྱིངས་ཀྱི་དབུས་སུ་གནས་པའི་ཧཱུཾ་བསམས་ལ། དེ་ཡོངས་སུ་གྱུར་པ་ལས་སངས་རྒྱས་ཀྱི་དཀྱིལ་འཁོར་ཞེས་བྱ་བ། དེ་བཞིན་གཤེགས་པ་
ཐམས་ཅད་ཀྱི་བཀོད་པའི་མཆོག་ལྷ་སོ་གཉིས་རྟེན་དང་བཅས་པ་བསམ་པར་བྱའོ། །སྔགས་ཀྱི་རྡོ་རྗེ་ནི་ཡི་གེ་ཧཱུཾ་སྟེ་དེ་ལ་སོགས་པ་རིགས་ལྔའི་ས་བོན་རྣམ་པ་ལྔ་རྣམས་ཀྱིས། རྡོ་རྗེ་གསུམ་ལ་སོགས་པར་ཞེས་པ་བསྒྲུབ་པར་བྱ་བར་གྱུར་པའི་
གདུག་པ་རྣམས་རབ་ཏུ་བསྒོམ་པར་བྱ་སྟེ་འོ། དེ་ཡང་ཞེ་སྡང་དང་གཏི་མུག་དང་ང་རྒྱལ་དང་ཆགས་པ་དང་ཕྲག་དོག་ཤས་ཆེ་ན་རིམ་པ་བཞིན་དུ་ཧཱུཾ་ཨོཾ་སྭ་ཨཱཿཧཱ་ལས་རིམ་པ་བཞིན་དུ་མི་བསྐྱོད་པ་ནས་དོན་གྲུབ་ཀྱི་བར་དུ་བསྐྱེད་དོ། །དེ་རྣམས་ཀྱི་མིག་གི་དབུས་སུ་ཞེས་པ་
མིག་གི་སྦུབས་སུ། ཡི་གེ་ཨོཾ་དཀར་པོ་འོད་རབ་ཏུ་འཕྲོ་བ་བསམས་ནས། ནམ་མཁའི་ཁོངས་ན་བཞུགས་པའི་དཀྱིལ་འཁོར་འདི་བསྒྲུབ་བྱ་འདི་དག་གིས་མཐོང་བར་ཤོག་ཅིག། ཅེས་བྱིན་གྱིས་བརླབ་པའི་ཆོ་གས་གདུལ་བྱ་དེ་ལ་དཀྱིལ་འཁོར་དེ་
བསྟན་པར་བྱའོ། །དེ་ལྟར་བྱས་ན་སྔགས་རྣམས་ཀུན་གྱི་ཞེས་བྱ་བ། དེ་བཞིན་གཤེགས་པ་ཐམས་ཅད་ཀྱི་གཟུགས་དག་ནི་ཞེས་བྱ་བ། ཕྱག་རྒྱ་ཆེན་པོའི་གཟུགས་སྐུ་གསུམ་རྡོ་རྗེ་ཅན་དུ་མཐོང་། ཞེས་པ་སྟེ་སྒྲུབ་པ་པོས་༼བསྒྲུབ་བྱས་
4-2-406a


ཞེས་པ་དང༌། བསྒྲུབ་པས་ཞེས་ཟེར་བ་ལྟར་བསྒྲུབ་བྱ་ཡིན་གྱི་སྒྲུབ་པ་པོ་མིན་ནོ། །༽མཐོང་བར་འགྱུར་རོ།། ༈ བཀྲེས་སྐམ་ལ་སོགས་ཞེས་བྱ་བ་ལ་སོགས་པ་ལ། བཀྲེས་པ་དང་སྐོམ་པས་གདུངས་པ་ལ་སོགས་
པས་ཟིལ་གྱིས་ནོན་པའི་སྒྲུབ་པ་པོས། སྦྱོར་བ་འདི་རྣམ་པར་བསམ་ན་རྡོ་རྗེ་ཐུགས་ཀྱི་བཀའ་བཞིན་དུ། ཞེས་པ་རྡོ་རྗེ་འཆང་ཆེན་པོས་གསུངས་པ་བཞིན་དུ། སྡུག་བསྔལ་ཐམས་ཅད་བྱང་བར་འགྱུར། །ཞེས་བྱ་བ་སྟེ། ལུས་དང་ངག་དང་ཡིད་
ཀྱི་སྡུག་བསྔལ་ཐམས་ཅད་རྣམ་པར་འཇིག་པར་འགྱུར་རོ། །དེ་ཉིད་བསྟན་པར་བྱ་བའི་ཕྱིར། རྣམ་པར་སྣང་མཛད་ཅེས་བྱ་བ་ལ་སོགས་པ་གསུངས་ཏེ། རང་ཉིད་རྣམ་པར་སྣང་མཛད་ཀྱི་དཀྱིལ་འཁོར་གྱི་འཁོར་ལོའམ་དཔའ་བོ་གཅིག་པའི་གཟུགས་
སུ་དོན་ཐམས་ཅད་འབྱོར་བ་སྟེ་སྩོལ་བར་བསམས་ལ། ཡི་གེ་བྃ་ཟླ་བའི་དཀྱིལ་འཁོར་རྫོགས་པ་ལྟ་བུ་ལ་བདུད་རྩིའི་ཐིགས་པ་འབབ་པ་ཁའི་ནང་དུ་སྟེ། རྐན་གྱི་དབུས་སུ་ཆུད་པར་བསྒོམས་ལ། ལྕེ་ལ་གནས་པའི་ཡི་གེ་ཨོཾ་ཁ་དོག་
དཀར་པོ་བདུད་རྩིའི་ཐིགས་པ་འབབ་པའི་ནང་དུ་ཞུགས་པར་བསམས་ཏེ། བསམ་གཏན་དེ་ནི་བཟའ་བར་བྱ་བ་ཀུན་༼ཡི་གེ་ཨོཾ་ལྕེ་ལ་འདུག་པ་ཁ་དོག་དཀར་པོ་ཡི་གེ་བྃ་ལས་བདུད་རྩིའི་ཐིགས་པ་འབབ་པ་ནང་དུ་འཇུག་པར་བསམས་ཏེ་ཟེར། ༽ཞེས་
བྱ་བ་ཁ་ཟས་འཕྲོད་པ་དང༌། མི་འཕྲོད་པ་ཐམས་ཅད་ཀྱི་གནས་ཤེས་པ་སྟེ་ནད་མེད་པའི་གཞིའོ། །ཡིད་བཞིན་ནོར་བུས་བརྒྱན་པ་སྟེ། །ཞེས་བྱ་བ་ནི། ལང་ཚོ་དང་ནད་མེད་པ་དང་བདེ་བ་དམ་པ་རབ་ཏུ་སྟེར་བས། ཡིད་བཞིན་གྱི་ནོར་
4-2-406b


བུ་ལྟར་མཆོད་པར་བྱ་བའོ། །ཞི་བ་ནི་ཉོན་མོངས་པ་ཐམས་ཅད་ཞི་བར་བྱེད་པ་དང༌། སྡུག་བསྔལ་ཐམས་ཅད་སེལ་བ་ཞེས་བྱ་བ་སྟེ། དུག་དང་སྦྱར་བའི་དུག་དང་འབྱུང་པོ་ལ་སོགས་པའི་ཉེ་བར་འཚེ་བ་ཐམས་ཅད་ཟློག་པའོ། །ཡེ་ཤེས་རྡོ་
རྗེ་ལས་བྱུང་བའོ། །ཞེས་བྱ་བ་ནི། རྡོ་རྗེ་འཆང་ཆེན་པོ་ཉིད་དུ་སྐྱེད་པར་བསྒོམ་པའོ། །༼འདིས་ནི་དང་པོར་རྡོ་རྗེ་འཆང་དུ་བསྐྱེད་པ་སྟོན་ཏེ། དེ་ནས་རྣམ་སྣང་དུ་བསྒྱུར་བར་བྱའོ། །འདི་ནི་ལྕེ་ཆུང་བའི་བདུད་རྩི་འཐུང་བའི་སྐབས་སུ་ཤེས་པར་བྱའོ། །༽བཅོམ་ལྡན་
འདས་ཡིད་བཞིན་གྱི་ནོར་བུས་དེ་སྐད་ཅེས་བཀའ་སྩལ་ཏོ། །ཞེས་བྱ་བ་ནི། དཀོན་མཆོག་དབལ་གྱི་ངོ་བོ་ཉིད་དེ་དེ་རྡོ་རྗེ་འཆང་ཆེན་པོའོ།། ༈ དེ་ནས་ཞེས་བྱ་བ་ལ་སོགས་པ་ལ། དཔའ་བོ་ཆེན་པོ་རྡོ་རྗེ་ནི་རྡོ་རྗེ་འཆང་
ཆེན་པོའོ། །དེ་བཞིན་གཤེགས་པ་ནི་ཏིང་ངེ་འཛིན་འགའ་ཞིག་གི་སྟེ་དཔའ་བོ་རྡོ་རྗེའི་ཏིང་ངེ་འཛིན་གྱི་ཁྱད་པར་རོ། །རྡོ་རྗེ་བསྒོམ་པ་ནི་དཔའ་བོ་རྡོ་རྗེ་དེ་རྫོགས་པར་བྱེད་པའི་སེམས་རྩེ་གཅིག་པའོ། །དེས་བསྐྱེད་པའི་ཚིག་གི་མཆོག་ནི་ས་
བོན་གྱི་ཁྱད་པར་ཏེ། དེ་རྡོ་རྗེའི་གསུང་ལས་ཕྱུང་ངོ༌། །བཱིཿཞེས་བྱ་བ་ནི་ས་བོན་ནོ། །སངས་རྒྱས་དཀྱིལ་འཁོར་འོད་བཟང་པོས་བརྒྱན་པས་བསྐོར་བའི། ནམ་མཁའ་རྡོ་རྗེ་འོད་གསལ་ལས་བྱུང་བའི་དབུས་སུ་བསམ་མོ། ཞེས་བྱ་བ་སྟེ། མི་
བསྐྱོད་པ་ལ་སོགས་པའི་སངས་རྒྱས་༼བཱིཿར་བ་ཞེས་པའི་མིང་ཡིག་དང་པོའོ། །གཞན་ལས་དྷི་ཞེས་འབྱུང་ཡང་དཀྱུས་དང་ཆག་འགྱུར་ལྟར་དག་གོ། ༽ཀྱི་འཁོར་ལོས་ཡོངས་སུ་བསྐོར་བའོ། །རྡོ་རྗེ་སྐུ་གསུམ་སྦྱོར་བ་ཡིས། །ཞེས་བྱ་བ། 
4-2-407a


དཔའ་བོ་རྡོ་རྗེའི་སྐུ་དང་གསུང་ས་བོན་དང་ཐུགས་ཕྱག་མཚན་རྣམས་གཅིག་ཏུ་སྟེ་ངོ་བོ་དབྱེར་མེད་དུ་བྱས་པས་དཔའ་བོ་རྡོ་རྗེ་བསྐྱེད་དེ། བསྐྱེད་པ་འདི་རྣམ་པར་བསམ་པ་སྟེ་བསྒོམ་པར་བྱའོ། །སྐུ་དེ་ཇི་ལྟ་བུ་ཞེ་ན། 
རྒྱན་རྣམས་ཐམས་ཅད་ཡོངས་རྫོགས་པ། །ཞེས་བྱ་བ་ནི། སྐྱེས་བུ་ཆེན་པོའི་མཚན་དང་ལྡན་པའི་ཕྱིར་རོ། །ཅུང་ཟད་སེར་བ་ནི་རིན་ཆེན་འབྱུང་ལྡན་གྱི་ཞལ་ཕྱག་གི་གྲངས་དང་ཕྱག་མཚན་དང་བཞུགས་ཚུལ་ཇི་བཞིན་པའོ་ནོ། །རྡོ་རྗེ་འགྱིང་བ་
ནི་རིན་འབྱུང་དེ་ཉིད་ཀྱི་རྣམ་པར་རོལ་ཞིང་འགྱིང་བ་གང་ཡིན་པ་དེ་ལ་དེ་སྐད་ཅེས་བྱའོ། །སྐུ་ཞི་བའི་ཉམས་ཅན་དང་རལ་པའི་ཐོར་ཚུགས་དང་རིན་པོ་ཆེའི་པྲོག་ཞུའི་དབུ་རྒྱན་ཅན། བསམས་ནས་ཐམས་ཅད་བརྩམ་པར་བྱ། །ཞེས་བྱ་བ་
ནི། འདི་ལྟར་བསམས་པའི་ཏིང་ངེ་འཛིན་གཉིས་བྱས་ནས་ལས་སྦྱོར་གྱི་དུས་སུ་ཞི་བ་ལ་སོགས་པ་ཐམས་ཅད་བརྩམ་པར་བྱའོ། །རྡོ་རྗེ་དཔའ་བོ་ནི་རྡོ་རྗེ་འཆང་ཆེན་པོའོ། །དེའི་རླབས་ཀྱི་འཕྲེང་བ་ནི་འདི་གསུང་བ་ལ་ཐུགས་སྤྲོ་བའི་དབའ་
རླབས་ཀྱི་འཕྲེང་བ་སྟེ། དེ་ལྟ་བུའི་ཏིང་ངེ་འཛིན་གང་ལ་དམིགས་པ་དེ་ལ་དེ་སྐད་ཅེས་བྱའོ། ༈ དེ་༼དཔའ་བོ་རྡོ་རྗེ་དབུས་སུ་སོང་བ་ན་དེ་ལ་རིན་འབྱུང་བསྟིམས། རིན་འབྱུང་གི་གནས་སུ་མི་བསྐྱོད་པ་དང༌། མཱ་མ་ཀཱིའི་གནས་སུ་རེག་རྡོ་རྗེ་བཞག་གོ། 
༼ནས་ཞེས་བྱ་བ་ལ་སོགས་པ་ལ། ཀུན་ནས་དབྱངས་རྡོ་རྗེ་ཞེས་པ་ལ་ཀུན་ནས་ཏེ་སངས་རྒྱས་ཐམས་ཅད་ཀྱིས་དབྱངས་ཀྱི་རྣམ་པར་བསྒྲགས་ཤིང་བསྟོད་པ། སྐུལ་བྱེད་མའི་གཟུགས་ཀྱི་ཏིང་ངེ་འཛིན་གང་ཡིན་པ་དེ་ལ་དེ་སྐད་
4-2-407b


ཅེས་བྱ་སྟེ། རྡོ་རྗེ་སྟེ་མི་ཕྱེད་པའི་ཏིང་ངེ་འཛིན་དེ་ལ་ཐུགས་རྩེ་གཅིག་ཏུ་མངོན་པར་འདུ་མཛད་ཅིང་བྱིན་གྱིས་བརླབས་ནས། རྡོ་རྗེ་འཆང་ཆེན་པོ་བསྒོམ་ཞིང་བསྐྱེད་པས་ན་རྡོ་རྗེ་ཆེན་པོ་བསྒོམ་པ་སྟེ་སྐུལ་བྱེད་མའོ། །དེའི་ཚིག་ནི་སྐྱེད་པར་བྱེད་པའི་ས་བོན་ཏེ། 
ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ༌། །དེ་གང་ཡིན་ཞེ་ན། ཙུཾ་ནི་ཙུན་དའི་མིང་ཡིག་དང་པོའོ། །༼རྡོ་རྗེ་ཆེན་པོ་ལས་བསྒོམ་པར་བྱ་ཞིང་བསྐྱེད་པར་བྱ་བས་ན། རྡོ་རྗེ་ཆེན་པོ་བསྒོམ་པ་སྟེ་ཞེས་པ་ལེགས་ཏེ། ས་བོན་ལས་ཕྱག་མཚན་གྱི་རྡོ་རྗེ་དེ་ལས་འདིའི་
སྐུ་སྐྱེད་པའོ། །༽ནམ་མཁའ་རྡོ་རྗེ་ལ་ཉི་མའི་དཀྱིལ་འཁོར་རྣམ་པར་བསམས་ནས། དེའི་སྟེང་དུ་བཤད་མ་ཐག་༼རྒྱུད་ལས། ཉི་མའི་དཀྱིལ་འཁོར་དམ་པ་ནི། །ནམ་མཁའ་རྡོ་རྗེའི་དབུས་སུ་བསམ། །ཞེས་པའི་ནམ་མཁའ་རྡོ་རྗེའི་དོན་ནི། མི་བསྐྱོད་པའི་དཀྱིལ་འཁོར་རྒྱལ་མཆོག་རྫོགས་པའི་མཐར།
ལས་རྒྱལ་མཆོག་གི་དུས་སུ་སྔར་བསྒོམ་པའི་མི་བསྐྱོད་པའི་ཡུམ་སྟོང་པར་སྦྱོང་བའོ། །དབུས་སུ་ཞེས་པ་ནི་སྟོང་པའི་ངང་ལས་བྱུང་བའི་ས་བོན་ནོ། །ཉི་མའི་དཀྱིལ་འཁོར་ནི་རྡོ་རྗེ་སེམས་དཔའ་རྒྱལ་པོ་ཆེ་བསམས་ལ། ཞེས་གསུངས་ཤིང༌། རྡོ་རྗེ་ནི་མི་བསྐྱོད་པའོ་ཞེས་གསུངས་པས། འདི་ལ་མི་
བསྐྱོད་པ་དབུས་སུ་བསྒོམ་དགོས་ལ། ལས་རྒྱལ་མཆོག་གི་དུས་སུ་སྐུལ་བྱེད་མ་ཡང་དབུས་སུ་བསྒོམ་པ་ཡིན་པས། ཡབ་ཡུམ་གཉིས་ཀའི་ཐུན་མོང་གི་གདན་ཉི་དཀྱིལ་ལོ། །ཉི་དཀྱིལ་གྱི་སྟེང་དུ་སྐབས་འདིར་བཤད་པ་ལྟར་ས་བོན་ཙུཾ་དང་། སྔར་རྡོ་རྗེ་ལས་བསྐྱེད་པར་གསུངས་པས་ཆོ་ག་གསུམ་
གྱིས་སྐུལ་བྱེད་མ་བསྐྱེད་དེ། རྡོ་རྗེ་གསུམ་གྱི་ཞེས་པའི་སྐབས་སུ་གསུངས་པ་ལྟར་རྡོ་རྗེ་གསུམ་གནས་གསུམ་དུ་བཀོད་པས། བྱིན་གྱིས་བརླབས་ནས་མི་བསྐྱོད་པའི་ཡུམ་དུ་བྱའོ། །གྲགས་ཆེན་ནི་ཞེས་པ་ནས། དཀར་མོ་རབ་ཏུ་བསྒོམ་ཞེས་པའི་བར་དང་སྔགས་ཀྱི་ཚིག་དགོད་དོ་ཞེས་པ་
4-2-408a


ཡང་སྐུལ་བྱེད་མ་བསྐྱེད་པའི་སྐབས་འདིར་བླངས་ཏེ་འཁྲུགས་བསྡེབ་བོ། །༽པའི་ས་བོན་རྣམ་པར་བཀོད་དེ། སྐུལ་བྱེད་མ་བསྐྱེད་དོ་སངས་རྒྱས་ཀྱི་སྤྲིན་ཞེས་བྱ་བ་མི་བསྐྱོད་པའི་དཀྱིལ་འཁོར་རྒྱལ་མཆོག་གི་ལྷ་རྣམས་ཇི་ལྟར་སྐྱེད་
ཅེ་ན། བདག་ཉིད་མི་བསྐྱོད་པ་རང་གི་དཀྱིལ་འཁོར་པ་རྣམས་ཀྱི་དབུས་སུ་གནས་པར་བསམས་ནས་ཆོ་ག་ཡིས། ཞེས་བྱ་བ་མི་བསྐྱོད་པ་ཡབ་ཡུམ་སྙོམས་པར་ཞུགས་པ་ལ་བརྟེན་ནས་དེ་བཞིན་གཤེགས་པ་སོ་གཉིས་ཡུམ་གྱི་པདྨར་བསྐྱེད་པ་ཕྱིར་
ལ་སྤྲོ་བ་དང་ཚུར་ལ་རང་གི་གནས་སུ། བསྡུ་བ་བྱས་པས་བྱའོ། །རྡོ་རྗེ་སེམས་དཔའ་རྒྱལ་པོ་ཆེ། །བསམས་ལ་ཞེས་པ་འདིར་བླངས་ཏེ་འཁྲུགས་བསྡེབ་པར་བྱའོ་སོ། །རྡོ་རྗེ་གསུམ་གྱི་ཞེས་པ་ནི་སྐུ་རྡོ་རྗེ་ལ་སོགས་པ་གནས་གསུམ་དུ་བཀོད་པས་
བྱིན་གྱིས་བརླབས་པའོ། །གྲགས་ཆེན་ནི་ཞེས་བྱ་བ་ནི། སྡུག་བསྔལ་ཐམས་ཅད་ངེས་པར་སེལ་བས་གྲགས་པ་ཆེན་པོ་ཐོབ་པའོ། །སྐུ་དང་གསུང་དང་ཐུགས་ཀྱི་དབབ་པ་ཞེས་བྱ་བ་ནི། གདུག་པ་རྣམས་སྐུལ་བྱེད་མའི་སྐུ་དང་གསུང་
དང་ཐུགས་ཀྱི་རྡོ་རྗེས་འཇོམས་པར་བྱེད་པར་སྐུལ་བྱེད་རྡོ་རྗེ་མ་བསྒོམ་པར་བྱའོ། །ཇི་ལྟར་བསྒོམ་ཞེ་ན། རྒྱན་རྣམས་ཐམས་ཅད་ཡོངས་རྫོགས་པ། །ཁ་དོག་དཀར་མོར་རབ་ཏུ་བསྒོམ། །༼ལུས་དང་ངག་སེམས་ལས་འབེབས་པ་ཟེར། 
༽ཞེས་བྱ་བའོ། །དཀྱིལ་འཁོར་གྱི་དབུས་སུ་རྡོ་རྗེ་སེམས་དཔའ་རྒྱལ་པོ་ཆེ། སྟེ་མི་བསྐྱོད་པ་བསམས་ལ་སྔགས་ཀྱི་ཚིག་དགོད་དོ། །ཞེས་བྱ་བ་ལ། སྔགས་ནི་དེ་བཞིན་གཤེགས་པ་ལྔ་རྣམས་སོ། །འདི་རྣམས་ཀྱི་
4-2-408b


ཚིག་སྟེ་གནས་ནི་མཚན་མ་སྟེ་ཕྱག་མཚན་རྡོ་རྗེ་ལ་སོགས་པ་དྲུག་གོ། དེ་རྣམས་ཡུམ་གྱི་ཕྱག་ཏུ་དགོད་པར་བྱའོ་ཞིང༌། རྡོ་རྗེ་སེམས་དཔའི་མཚན་མའང་དགོད་པར་བྱའོ་ཞེས་བྱ་བའི་བར་དུ་སྟེ་ཐ་ཚིག་གོ། རྡོ་རྗེ་ནི་མི་བསྐྱོད་པའོ། །དམ་ཚིག་༼
རྡོ་རྗེ་སེམས་དཔའ་དང་དེའི་མཚན་མ་དགོད་པར་བྱའོ་ཞེས་པ་ལ། རྡོ་རྗེ་སེམས་དཔའ་དགོད་པ་བཤད་ཟིན་པ་དང༌། མཚན་མའང་ཞེས་པ་མི་ལེགས་པས། གནས་ནི་མཚན་མ་སྟེ་རྡོ་རྗེ་སེམས་དཔའ་བཞིན་དགོད་དོ་ཞེས་པ་ལེགས་སོ། །༽ནི་ས་མ་ཏ་ཞེས་པའི་ངེས་ཚིག་ལས་མཉམ་པ་ཉིད་ཡིན་ལ་དེ་ཡང་
འདིར་ཡབ༌དེ་དང་ཡུམ་གཉིས་སྙོམས་པར་ཞུགས་པའོ། །འགྱུར་རྙིང་གི་དཔེ་ཁ་ཅིག་ལས། དེ་དང་སྙོམས་པར་ཞུགས་པ་ནི་མཚན་མས་མཉེས་པར་བྱེད་པའོ། །ཞེས་པ་དག་ལ་དེའི་དོན་ནི་ལས་རྒྱལ་མཆོག་གི་དུས་སུ། ཡབ་ཀྱི་རྡོ་རྗེའི་མཚན་མས་སྐུལ་བྱེད་མ་མཉེས་པར་བྱས་པ་ལ་
བརྟེན་ནས། སྐུལ་བྱེད་མ་དབང་དུ་གྱུར་ཏེ་བདག་གི་འདོད་པ་ཐམས་ཅད་བསྒྲུབ་པའོ། །༽ར་མཚན་མས་རྗེས་སུ་བྱེད་པའོ། །༼ནམ་མཁའ་ཞེས་པ་འགྱུར་གསར་གཉིས་ལ་མེད་ཅིང་མི་དགོས་སོ། །༽ནམ་མཁའ་རྡོ་རྗེའི་དམ་ཚིག་ནི་སྐུལ་བྱེད་མའི་གཟུགས་སོ། །སྐུ་དེ་
ལས་ཡེ་ཤེས་ཀྱི་འོད་ཟེར་ནི་ཡེ་ཤེས་ཀྱི་སྣང་བ་འཕྲོ་བ་སྟེ། ཏིང་ངེ་འཛིན་གང་དེ་ལ་དམིགས་པ་དེ་ལ་དེ་སྐད་ཅེས་བྱའོ། །༼ཁ་ཅིག་གླན་གྱིས་མི་བསྐྱོད་པའི་ཏིང་ངེ་འཛིན་གཉིས་སྔོན་དུ་བྱས་ནས། ལས་སྦྱོར་གྱི་དུས་སུ་རང་མི་བསྐྱོད་པའི་མདུན་དུ་སྐུལ་བྱེད་མ་
བསྐྱེད་པར་བཤད་པ་བཀག་ནས། སྲུང་བའི་འཁོར་ལོ་ནས་དེ་བཞིན་ཉིད་ལས་བྱང་ཆུབ་པའི་བར་སྔོན་དུ་སོང་ནས། ཉི་མ་ལས་བྱང་ཆུབ་པ་སོགས་ལས་སྐུལ་བྱེད་མ་བསྐྱེད་དེ། སྐུ་གསུང་ཐུགས་བྱིན་རླབས་བྱས་པའི་འོག་ཏུ་དཀྱིལ་འཁོར་རྒྱལ་མཆོག་སྤྲུལ་བར་འདོད་པ་ནི་ཤིན་ཏུ་མི་འཐད་དེ།
4-2-409a


དཀྱིལ་འཁོར་རྒྱལ་མཆོག་གི་དུས་སུ་སྐུལ་བྱེད་མ་སོར་བཞག་བྱེད་ན། དེས་དཀྱིལ་འཁོར་རྒྱལ་མཆོག་སྤྲུལ་བ་མི་འཐད་ཅིང་ལྷ་སོ་གསུམ་དུ་འགྱུར་རོ། །སྐུལ་བྱེད་མ་དཀྱིལ་འཁོར་ལ་མི་འོང་ན་གཞན་དུ་འོང་བའང་མ་བཤད་པས། དེའི་སྒོ་ནས་ལས་སྒྲུབ་པ་མི་འཐད་དོ། །
དེས་ན་སྐབས་འདི་རྣམས་དངོས་གྲུབ་བསྒྲུབ་པའི་སྐབས་ཡིན་ཞིང༌། འདི་ལ་སྙོམས་པར་འཇུག་པའི་ཆོ་ག་མ་གཏོགས་པ་ལས་སྒྲུབ་པ་གཞན་མ་བྱུང་བས། སྔར་བཤད་པ་ལྟར་ལས་བསྒྲུབ་པར་གླན་གྱིས་བཤད་པ་ལྟར་ལེགས་པ་ཡིན་ནོ།། ༈ དེ་ནས་ཞེས་བྱ་
བ་ལ་སོགས་པ་ལ། ནོར་དང་འབྲུ་ཐམས་ཅད་ལ་སེམས་པ་ནི་བསམ་པ་ཐམས་ཅད་དེ། ཐམས་ཅད་ལ་བསམ་པ་སྟེ་སེམས་ཤིང་རེ་བའོ། །གང་ཟག་དེ་རྡོ་རྗེ་དང་འདྲ་བར་ཐོགས་པ་མེད་པར་ལོངས་སྤྱོད་ཅིང་དམིགས་པར་ཏེ་སྐྱོང་བར་བྱེད་པས་ན། 
རྡོ་རྗེ་ལོངས་སྤྱོད་པ་སྟེ་དེ་སྐད་ཅེས་བྱ་བ་ལ་སྙོམས་པར་ཞུགས་ནས། ཏིང་ངེ་འཛིན་གྱི་འཁོར་ལོའི་ཚུལ་ཞེས་བྱ་བ། གནོད་གནས་ཀྱི་ཏིང་ངེ་འཛིན་གྱི་ཁྱད་པར་ས་བོན་གང་གིས་བསྐྱེད་པ་འདི། ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །
ཛྃ་སངས་རྒྱས་ཞེས་བྱ་བ་ལ་སོགས་པ་ལ། ནམ་མཁའི་དབྱིངས་ཀྱི་དབུས་སུ་གནས་པར་ནི་སྟོང་པར་བསྒོམ་པའོ། །དེའི་ངང་ནས་སངས་རྒྱས་ནི་ཏེ་གནོད་གནས་སོ། །གནོད་གནས་དེ་ཉིད་འདིར་སྙིང་པོར་གྱུར་པས་ན་དཀྱིལ་ལོ། །༼
ནི་ཛམྦྷ་ལ་ཞེས་པའི་མིང་ཡིག་དང་པོ་ཛ་ལ་མ་ཡིག་ཀླད་ཀོར་དུ་བྱིན་པའོ། །དེ་ལ་ཛམྦྷ་ནི་རྨུགས་པ་དང༌། ལ་ནི་ལེན་པའམ་འཛིན་པ་ཡིན་པ་ལ་བསམས་ནས་རྨུགས་འཛིན་དུ་བསྒྱུར། ཡང་ཛམྦྷ་ལ་ལ་ངེས་ཚིག་གིས་སྟམྦྷ་གནོན་པ་དང༌། ཨ་ལཱ་ཡ་ཞེས་པ་གནས་ཡིན་པ་ལ་བསམས་
4-2-409b


ནས་གནོན་གནས་སུ་བསྒྱུར། ཁ་ཅིག་གིས་རྨུགས་པའི་སྒོ་ནས་གནོད་པ་བྱེད་པ་ལ་བསམས་ནས་གནོད་གནས་སུ་བསྒྱུར་རོ། །༽མཎྜལ་ལའི་ལ་ནི་སྙིང་པོ་དེ་ལེན་ཅིང་སྐྱེད་པས་ན་སངས་རྒྱས་དཀྱིལ་འཁོར་ཏེ་ས་བོན་ཛྃ་ཡིག་པད་ཟླའི་སྟེང་དུ་བསམ་མོ་ནོ། །དེ་ལ་སངས་
རྒྱས་ཀུན་ཞེས་བྱ་བ་ནི་གསེར་ལ་སོགས་པའི་རིན་པོ་ཆེའི་རིགས་དང་ལྡན་པ་སྟེ་དེར་གཏོགས་པ་ཐམས་ཅད་འོ། །ཆོ་ག་ཡིས་ཞེས་བྱ་བ་ས་བོན་ཛཾ་ཡིག་ལས་འོད་ཟེར་སྤྲོས་༼སངས་རྒྱས་ཀུན་གྱི་ཆོ་ག་ཡིས། །ཞེས་པ་ལས། ཆོ་ག་ཡིས་ནི་སངས་རྒྱས་ཀུན། ཞེས་
པ་བདེའོ། །༽པས་བ་དང་བསྡུ་བའི་སྦྱོར་བས་རྡོ་རྗེ་སྟེ་གནོད་གནས་སྒོམ་པ་པོས་ས་བོན་ལ་དབབ་པར་བྱ་ཞིང་ནང་དུ་བསྟིམ་པར་བྱའོ་སྟེ། ས་བོན་དེ་ཡོངས་སུ་གྱུར་པ་ལས། བཱི་ཛ་པུ་ར་ཛཾ་གྱིས་མཚན་པ། དེ་ལས་གནོད་སྦྱིན་ཆེན་པོ་གནོད་གནས་
གསེར་གྱི་མདོག་ཅན་གསུས་པ་ཆེ་བ་མིའུ་ཐུང་གི་གཟུགས་ཅན་ཞལ་གསུམ་པ། ཕྱག་དྲུག་པ་ལག་པ་གཡས་རྣམས་ཀྱིས་བཱི་ཛ་པུ་ར་དང་ལྕགས་ཀྱུ་དང་མདའ་ཐོགས་པ། གཡོན་རྣམས་ལས་གཅིག་གིས་ཏེ་དང་པོས་རང་གི་རིག་མ་རང་དང་འདྲ་བ་
ལ་འཁྱུད་པ་ལ་བརྩོན་པ་གཡོན་གྱི་གཞན་འོག་མ་གཉིས་ཀྱིས་ཞགས་པ་བཟང་པོ་དང་བཅས་པའི་ནེའུ་ལེ་དང་གཞུ་འཛིན་པ། ཐོར་ཚུགས་དང་དབུ་རྒྱན་དུ་རྡོ་རྗེ་ཅན་ཏེ་རྡོ་རྗེ་འཆང་ཡོད་པ་འདི་ལྟ་བུའི་ཚུལ་དུ། བདག་ཉིད་གནོད་གནས་སུ་
རྫས་སྒྲུབ་པ་ལ་བསྒོམ་པར་བྱ་ཞིང༌། སངས་རྒྱས་ལྔ་ཞེས་བྱ་བ་རྣམ་པར་སྣང་མཛད་ལ་སོགས་པ། ཆོ་ག་ཡིས་ཞེས་བྱ་བ་རིམ་གྱིས་མགོ་བོ་དང་ལྐོག་མ་དང་སྙིང་ག་དང་ལྟེ་བ་དང་བྱིན་པ་རྣམས་སུ། ཨོཾ་ལ་སོགས་པའི་ས་བོན་ལས་བྱུང་བ་བསྒོམ་
4-2-410a


པར་བྱའོ། །དེ་ནས་རང་གི་མདུན་དུ་རིན་པོ་ཆེ་ལ་སོགས་པའི་སྣོད་དུ་རང་གི་སྙིང་ག་ལས་རང་དང་འདྲ་བའི་གནོད་གནས་ཕྱུང་ལ། བསྟིམ། སྔ་མ་བདག་བསྐྱེད་བཞིན་དུ་སྟོང་པར་སྦྱང་བ་སོགས་ཐམས་ཅད་བྱས་ནས་མདུན་
གྱི་དེའི་ཅོད་པན་དུ། བདེ་བ་ཆེན་པོ་རྡོ་རྗེ་འཆང་རང་གི་ཕྱག་རྒྱ་དང་བཅས་པའི་བྱང་ཆུབ་ཀྱི་སེམས་ཞེས་པ་དང་ཡི་གེ་ཛྃ་ལས་བྱང་ཆུབ་ཀྱི་སེམས་ཞེས་སོ་སོར་བཤད་དགོས་པའི་དང་པོའི་དོན་ནི། རིགས་བདག་རྡོ་རྗེ་འཆང་ཡབ་ཡུམ་སྙོམས་པར་ཞུགས་པའི་སྦྱོར་
མཚམས་ནས་བབས་པའི་བྱང་ཆུབ་ཀྱི་སེམས་ཀྱི་རྒྱུན་གྱིས་དབང་བསྐུར་བར་བསམས་ལ། ཞེས་པའོ། །གཉིས་པའི་དོན་ནི་གནོད་གནས་དེའི་མགོར་ཆུའི་སྐད་དོད་ཛཱ་ལ་ཞེས་པའི་མིང་ཡིག་དང་པོ་ལ་ཐིག་ལེ་བྱིན་པའི་ཡི་གེ་ལས་ཆུ་བྱང་ཆུབ་ཀྱི་སེམས་ཀྱི་རྡོ་རྗེ་བདུད་
རྩིའི་ཆུར་བསྐྱེད་པ་ཨོཾ་ཛཾ་བྷ་ལ་ཛཱ་ལེན་དྲཱ་ཡེ་སྭཱ་ཧཱ། ཞེས་བྱ་བའི་སྔགས་འདོན་པ་སྔོན་དུ་འགྲོ་བས་བསྒོམས་ལ་སྦྱིན་པར་བྱའོ། །དེ་ལྟར་སྦྱིན་པ་ནི། རྡོ་རྗེ་སེམས་དཔའི་ཆོ་ག་ཡིས། །དབུ་རྒྱན་དེ་ལ་རྣམ་པར་བསམ། །ཞེས་བྱ་བའོ། །དེ་ལྟར་
བྱས་པས་ནི་དེ་མཉེས་ཤིང་སྒྲུབ་༼ཛཱ་ལ་ནི་ཆུའོ། །ཨི་ནི་དབང་པོའོ། །༽པ་པོའི་བསམ་པ་ཡོངས་སུ་རྫོགས་པར་བྱེད་དོ། །རྡོ་རྗེའི་ཕྱག་རྒྱ་ནི་མི་ཕྱེད་པའི་གནོད་གནས་ཀྱི་ཕྱག་རྒྱའོ། །དེ་ཉིད་འདའ་བར་མི་བྱ་བས་ན་དམ་ཚིག་གོ། དེས་རྫས་སྒྲུབ་
པ་ནི་རྫས་སྐྱེད་པའོ། །དེ་ཉིད་ནི་ཏོག་དང་ལྡན་པར་མཐོ་ཞིང་དབལ་ཏེ་ནུས་པ་དང་ལྡན་པའི་ཏིང་ངེ་འཛིན་གང་ཡིན་པ་དེ་ལ་ཡང་དེ་སྐད་ཅེས་བྱའོ།། ༈ དེ་ནས་ཞེས་བྱ་བ་ལ་སོགས་པས་ནི། གནོད་སྦྱིན་མོ་སྒྲུབ་པ་གསུངས་པ་ཡིན་
4-2-410b


ཏེ། རྡོ་རྗེ་ནི་མཁའ་འགྲོ་མ་རྣམས་སོ། །འདོད་པ་ནི་དེ་དག་གི་གཟུགས་ལ་སོགས་པའི་ཡུལ་རྣམས་སོ། །དེ་རྣམས་ལ་ཉེ་བར་ལོངས་སྤྱོད་པའི་དཔལ་ནི་རྣམ་པར་རོལ་པ་སྟེ། ཏིང་ངེ་འཛིན་གང་ལ་མིང་དེ་སྐད་ཅེས་བྱ་བ་ལ་སྙོམས་པར་ཞུགས་ནས། གནོད་
སྦྱིན་མོ་ཐམས་ཅད་ཀྱི་དམ་ཚིག་རྫོགས་པར་བྱེད་པ་རྡོ་རྗེའི་ཚིག་སྟེ། ས་བོན་གྱི་ཡི་གེ་འོག་ནས་བཤད་པ་འདི། ཉིད་ཀྱི་སྐུ་ལ་སོགས་པ་ལས་ངེས་པར་ཕྱུང་བ་ནི་ཞེས་བྱ་བའོ། །མཁའ་དབྱིངས་རྡོ་རྗེ་ཞེས་བྱ་བ་ལ་སོགས་པ་ལ། འཇམ་པའི་དབྱངས་ཀྱི་དང་
པོ་སྦྱོར་བ་དང༌། དཀྱིལ་འཁོར་རྒྱལ་མཆོག་གཉིས་སྔོན་དུ་བྱ་ནམ་མཁའི་དབྱིངས་ཀྱི་རྡོ་རྗེའི་དབུས་གནས་པར་ཞེས་པ་ནི་རྡོ་རྗེའི་སའི་སྔོན་དུ་ཡེ་ཤེས་ཀྱི་ས་སྒོམ་པའོ། །༼ཀྵི་ནི་གནོད་སྦྱིན་མོའི་སྐད་དོད་ཡཀྵི་ཞེས་པའི་མིང་ཡིག་ཐ་མ་ལ། ཐིག་ལེ་ཀླད་ཀོར་དུ་བྱིན་པའོ། །མིང་ཡིག་རེ་རེ་བ་
ས་བོན་དུ་བྱེད་པ་གཞན་རྣམས་ལ། མིང་ཡིག་གི་དང་པོ་ལ་ཐིག་ལེ་སྟེར་བ་དང༌། འདི་མི་འདྲ་བ་ནི། ཡཀྵ་ཞེས་པ་གནོད་སྦྱིན་ཡིན་པ་ལ། ཀྵི་ཞེས་པས་མོར་མཚོན་པས། ཡ་ཐུན་མོང་བ་དང༌། ཐུན་མོང་མིན་པར་སོང་བས་ཡིན་པ་འདྲའོ། །༽རྡོ་རྗེ་སའི་སྟེང་དུ་ལ་ཡི་གེ་ཀྵི་
ལས་བྱུང་བའི་ཁང་པ་བརྩེགས་མ། གྲུ་བཞི་ལྷམ་པ་རབ་ཏུ་བཟང་ཞེས་དང་ལ་སོགས་པས་ཐམས་ཅད་རིན་ཆེན་གཞི་ལས་བྱས། ཞེས་པའི་ཡོན་ཏན་དང་ལྡན་པ་བསམ་པའོ། །མེ་ཏོག་སྤོས་ཀྱིས་ཀུན་ཏུ་འཁྲིགས་ཞེས་བྱ་བ་ནི། གནོད་སྦྱིན་མོ་
རྣམས་ལ་མེ་ཏོག་ལ་སོགས་པ་ཕྱི་དང་ནང་གི་བདུད་རྩིའི་མཆོད་པ་རྣམས་ཀྱིས་ལེགས་པར་མཆོད་ལ། ལས་རྒྱལ་མཆོག་གི་དུས་སུ་རང་གི་ཏིང་ངེ་འཛིན་སེམས་དཔའི་འོད་ཟེར་གྱིས་གནོད་སྦྱིན་མོ་ཞེས་བྱ་བ་གནོད་སྦྱིན་མོ་བཀུག་པའི་ཚོགས་
4-2-411a


ཀྱིས། ནམ་མཁའི་དབྱིངས་ཞེས་བྱ་བ་ནམ་མཁའི་ཁམས་ཏེ། དེ་ཡོངས་སུ་གང་བར་བསམ་པར་བྱའོ། །རང་གི་རྡོ་རྗེ་གསུམ་གྱི་སྦྱོར་བསྟེ་སེམས་དཔའ་གསུམ་གྱི་འོད་ཟེར་གྱིས་དབབ་ཅེས་བྱ་བ་ནི་གཞལ་ཡས་ཁང་གི་ནང་དུ་གཞུག་པའོ། །གཟུགས་ཀྱི་སྤྲིན་
དག་རྣམ་བསམས་ལ། །ཞེས་བྱ་བ་ནི། དེའི་འོག་ཏུ་གནོད་སྦྱིན་མོའི་གཟུགས་ཀྱི་ཚོགས་མ་ལུས་པ་གནོད་སྦྱིན་མོ་གཅིག་གི་གཟུགས་སུ་བསམ་པའོ། །སྐུ་གསུམ་ཞེས་བྱ་བ་ལ་སོགས་པ་ལ། རྡོ་རྗེ་གསུམ་སྟེ་འབྲུ་གསུམ་གནས་གསུམ་དུ་བཀོད་པ་ལས་བྱེ་བྲག་གིས་
ཞེས་བྱ་བ་ནི། རྡོ་རྗེ་གསུམ་གྱི་ལྷ་གསུམ་སྤྱན་དྲངས་པས་སྐུ་ལ་སོགས་པ་སོ་སོར་བྱིན་གྱིས་བརླབས་པས་གནོད་སྦྱིན་མོ་དེའི་གཟུགས་ཀྱི་སྤྱི་བོ་ལ་༼ལུས་གསུམ་རྡོ་རྗེའི་བྱེ་བྲག་གིས། །ཞེས་པ་ལས། རྡོ་རྗེ་གསུམ་ལས་ཁྱད་པར་གྱིས་ཞེས་པ་འགྲེལ་པ་དང་མཐུན་ནོ། །༽སོགས་པའི་
གནས་ལྔར་བསམ་གཏན་ཏེ་ས་བོན་ལས་རིགས་ལྔར་བྱ་བ་བསམ་པར་བྱའོ། །སྒྲུབ་པ་པོས་རྡོ་རྗེ་འཇམ་དཔལ་དམར་པོ་ཞལ་གསུམ་ཕྱག་དྲུག་པའི་ཏིང་ངེ་འཛིན་ལ་གནས། ནས་བྱའོ། ཞེས་པ་ནི་སྒྲུབ་པ་པོ་སྟེ། སྒྲུབ་པ་པོ་དེས་དབུ་རྒྱན་ཞེས་བྱ་བ་གནོད་སྦྱིན་
མོའི་སྤྱི་བོར་ཁྲོ་བོ་སྟེ་གཤིན་རྗེ་གཤེད་ལ་སོགས་པ་གང་ཡང་རུང་བ་གནོད་སྦྱིན་མོ་དེ་གནོན་པའི་དོན་དུ་བསྒོམ་པར་བྱའོ། །སྙིང་གར་ཞེས་བྱ་བ་གནོད་སྦྱིན་མོའི་སྙིང་གའི་པདྨའི་ལྟེ་བ་ལ། སྔགས་ཀྱི་ཚིག་ཅེས་པ་ཡི་གེ་ཀྵིཾ་བསྒོམས་ལ། རྡོ་རྗེ་དང་པདྨའི་སྦྱོར་
བ་སྟེ་རང་དང་སྙོམས་པར་ཞུགས་པ་བརྩམ་པར་བྱའོ། །གནོད་སྦྱིན་མོ་ཐམས་ཅད་དང་མཉམ་པ་ཉིད་ནི་གཅིག་ཏུ་བྱས་པའོ། །དེ་ཉིད་གནས་པ་སྟེ་དེ་ལ་རོལ་བའོ། །དེའི་སྒོམ་པ་ནི་ཡང་དང་ཡང་དུ་སློབ་པར་བྱེད་པའོ། །དེ་ཉིད་རྡོ་རྗེ་ལྟར་མི་ཕྱེད་པའི་ཏིང་ངེ་འཛིན་
4-2-411b


གང་ཡིན་པ་དེ་ལ་དེ་སྐད་ཅེས་བྱའོ།། ༈ དངོས་གྲུབ་ཕྲ་མོ་སྟེ་དམན་པ་རྣམས་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། རྡོ་རྗེའི་སྔགས་ནི་དེ་བཞིན་གཤེགས་པ་རྣམས་སོ། །དངོས་གྲུབ་ནི་ལྷ་མོ་རྣམས་སོ། །དེ་རྣམས་
ཀྱི་རྣམ་པར་འཕྲུལ་པ་ནི་སྙོམས་པར་འཇུག་པའི་བྱ་བ་སྟེ། དེ་གང་དུ་སྟོན་པའི་ཏིང་ངེ་འཛིན་དེ་ལ་སྙོམས་པར་ཞུགས་ནས། ཕྲ་མོ་སྟེ་འཇིག་རྟེན་པའི་མཁའ་འགྲོ་མ་༼རྡོ་རྗེའི་སྔགས་ཐམས་ཅད་དང་ཟེར། ༽དེ་རྣམས་ཀྱི་སྒོ་ནས་དངོས་གྲུབ་ཐོབ་པའི་ཐབས། ཉིད་
ཀྱི་སྐུ་དང་གསུང་དང་ཐུགས་རྡོ་རྗེ་ལས། མཁའ་འགྲོ་མ་དེ་དག་ཉིད་ཀྱི་ལུས་དང་ངག་དང་ཡིད་ཀྱི་རྫུ་འཕྲུལ་རབ་ཏུ་སྟོན་པས་ཕྱུང་ཞིང་གསུངས་སོ། །དེ་རྣམས་ཀྱི་རྫུ་འཕྲུལ་ཇི་ལྟར་གསུངས་ཞེ་ན། སྐུ་དང་གསུང་ཐུགས་ཞེས་བྱ་བ་ལ་སོགས་པ་སྟེ། གཟུགས་སྣ་
ཚོགས་ལེན་པས་སྐུ་ཡང་དག་པར་གྲུབ་པ་དང༌། སྒྲ་སྣ་ཚོགས་ཀྱིས་སྟོན་པས་གསུང་གྲུབ་པ་དང༌། རང་གིས་ཇི་ལྟར་མངོན་པར་འདོད་པའི་དོན་འཐོབ་པར་ནུས་པས་ཐུགས་ཡང་དག་པར་གྲུབ་པའོ་ས་རྡོ་རྗེ་མཁའ་འགྲོ་མར་བཤད་དེ། དེ་རྣམས་
ཀྱི་གཟུགས་འཛིན་པ་ནི་དེ་དང་འདྲ་བའོ། །ཤིན་ཏུ་གསལ་བས་ན་འོད་བཟང་པོ་སྟེ་སྣང་བའོ། །འཛམ་བུ་ཆུ་བོའི་གསེར་འོད་འདྲ། །ཞེས་བྱ་བ་ནི་༼སེམས་ཡང་དག་པར་གྲུབ་པར་གསུངས་སོ་ཟེར། ༸སངས་རྒྱས་ཏེ་རྡོ་རྗེ་མཁའ་འགྲོ་མའོ། །དེ་རྣམས་ཀྱི་གཟུགས་ཟེར། 
༽མཁའ་འགྲོ་མ་དེ་དག་གི་ཁ་དོག་གི་ཕྱོགས་གཅིག་ཉེ་བར་མཚོན་པའི་མཚན་ཉིད་ཀྱིས་ན་གསེར་དང་ལ་སོགས་པས་པདྨ་རཱ་ག་ལ་སོགས་པའི་མདོག་ཅན་ནོ། །དངོས་གྲུབ་ཕྲ་མོའམ་དམན་པ་ནི་རང་གི་ངོ་བོ་ཡོངས་སུ་སྒྱུར་བ་ལ་སོགས་པའི་མཚན་ཉིད་ཅན་གྱི་
4-2-412a


ཐབས་ཀྱི་དངོས་གྲུབ་དམན་པ་སྟེར་བ་སྟེ་དེ་ལ་གནས་པའོ། །༼དེ་དག་གིས་ནི་འཇིག་རྟེན་པའི་མཁའ་འགྲོ་མ་རྣམས་ཀྱི་ལུས་ངག་ཡིད་གསུམ་གྱི་རྫུ་འཕྲུལ་དང༌། རྡོ་རྗེ་མཁའ་འགྲོ་མའི་གཟུགས་འདྲ་བ་འཛིན་ནུས་པར་བཤད་པས་དེས་མཚོན་ནས་རྡོ་རྗེ་མཁའ་འགྲོ་མ་རྣམས་
ཀྱི་སྐུ་གསུང་ཐུགས་ཀྱི་རྫུ་འཕྲུལ་མཆོག་ཏུ་གྱུར་པ་ཡང་ཤེས་པར་བྱའོ། །༽དེ་ནི་རྡོ་རྗེ་མཁའ་འགྲོ་དང་འཇིག་རྟེན་པའི་མཁའ་འགྲོ་མ དང་སྒྲུབ་པ་པོ་གཉིས་འི་སྙོམས་པར་འཇུག་པའི་འབྲས་བུའི་དབྱེ་བ་བསྟན་པར་བྱ་བའི་ཕྱིར། མི་སྣང་ལ་སོགས་ཞེས་བྱ་བ་ལ་
སོགས་པ་གསུངས་ཏེ། རྡོ་རྗེ་མཁའ་འགྲོ་མ་ཇི་ལྟ་བུ་ཞེ་ན་མི་སྣང་བ་ནི་དེ་དང་སྙོམས་པར་ཞུགས་པས་རླུང་དྷཱུ་ཏཱིར་ཐིམ་ནས་སྟོང་པ་བཞིའི་རིམ་གྱིས་དངོས་པོ་མེད་པར་བྱས་པ་སྟེ་འོད་གསལ་དུ་འཇུག་པའོ། །དེ་ལ་སོགས་པ་ནི་འོད་གསལ་དེ་ལས་ཚུར་ལ་སྒྱུ་མའི་སྐུར་
ལྡང་བ་དང་ལ་སོགས་པས་མན་ངག་ཁྱད་པར་ཅན་སྟེར་བ་དང་རྒྱུད་བྱིན་གྱིས་རློབ་པ་སོགས་གང་ཡིན་པ་དེ་ནི། མི་སྣང་བ་ལ་སོགས་པ་དེ་འདྲ་བ་བྱེད་ནུས་པ་ཅན་གྱི་རྡོ་རྗེ་མཁའ་འགྲོ་མའོ་སྟེ། རྡོ་རྗེ་མཁའ་འགྲོ་མ་རྣམས་སོ། །དེ་རྣམས་ཀྱི་གྲུབ་
པ་སྟེ་དེ་རྣམས་དང་སྒྲུབ་པ་པོ་སྙོམས་པར་འཇུག་པས་ནི་སྒྲུབ་པ་པོ་ཚེ་འདི་ཉིད་ལ་གཙོ་བོ་རྡོ་རྗེ་སེམས་༼མི་སྣང་སོགས་ཅན་དང་གྲུབ་ན་ཞེས་པ་ལྟར་དེ་འདྲ་བའི་ནུས་པ་ཅན་ཞེས་བྱའོ། །༽དཔར་འགྱུར་རོ། །གནོད་སྦྱིན་རྒྱལ་པོ་ནི་འཇིག་རྟེན་པའི་མཁའ་
འགྲོ་མ་རྣམས་ཏེ། དེ་རྣམས་༼འཇམ་པའི་འོད་དང་འདྲ་བར་འགྱུར། །ཞེས་པ་ལས། མངའ་བདག་རྡོ་རྗེ་འཛིན་པར་འགྱུར་ཞེས་པ་འགྲེལ་པ་དང་མཐུན་ནོ། །འདི་ནི་ཕོ་ཉ་ལྷན་སྐྱེས་ལ་བརྟེན་ནས། ལམ་བགྲོད་པ་སྟེ་ཕོ་ཉ་མོ་མཐར་ཐུག་གོ། ༸གནོད་སྦྱིན་རྒྱལ་མོ་དང་གྲུབ་ཚེ་ཟེར།
4-2-412b


༽དང་སྒྲུབ་པ་པོ་སྟེ་གྲུབ་པ་སྙོམས་པར་འཇུག་པས་ནི་རི་ལུ་ལ་སོགས་པའི་གྲུབ་པའི་རྫས་བྱིན་པས་སྔགས་ལ་མཆོག་ཏུ་གཞོལ་བའི་རིག་པ་འཛིན་པ་དག་གིས་དབང་པོར་འགྱུར་རོ། །ཞེས་བྱ་བ་སྟེ། མཁའ་འགྲོ་མ་གཉིས་བསྟེན་པའི་འབྲས་བུ་མཆོག་དམན་གྱི་ཁྱད་པར་
རོ། །༼ཕྱི་མ་འདི་ནི་ཕོ་ཉ་མོ་ཞིང་སྐྱེས་དངོས་སམ། དེ་དང་འདྲ་བའི་ནུས་པ་ཅན་རྣམས་ཡིན་ལ། དེ་ལ་རིགས་མཐུན་པའི་འགྲོ་བའི་ཕོ་ཉ་མོ་སྔགས་སྐྱེས་ཁྱད་པར་ཅན་དང༌། སྒྲུབ་པ་པོ་ཁྱད་པར་ཅན་གཉིས་ཚོགས་པས་སྔར་བཤད་པ་ལྟར་གྱི་མི་སྣང་བ་དང་ལྡང་བ་འགྲུབ་པ་ནི། ཕོ་ཉའི་ལམ་གྱིས་རོ་རྐྱང་
གི་རླུང་དབུ་མར་འཇུག་པའི་སྲོག་རྩོལ་གྱི་གནད་དཔལ་རྡོ་རྗེ་འཕྲེང་བ་སོགས་ཀྱི་དགོངས་པ་ལེགས་པར་ཤེས་པ་ལ་རག་ལས་ཏེ་ཤིན་ཏུ་རྟོགས་པར་དཀའོ། །༽དེ་ལ་ཞེས་བྱ་བ་ལ་སོགས་པས་ནི། མཁའ་འགྲོ་མ་གཉིས་པོ་འདི་དག་གི་སྒྲུབ་པ་སྟོན་ཏེ། རྡོ་རྗེའི་དངོས་གྲུབ་ནི་ལྷ་མོ་
རྣམས་ཏེ། ཐམས་ཅད་དོ། །དེ་རྣམས་ཀྱི་གཟུགས་གསང་བ་ནི་གཞན་ལ་སྦེད་པའི་རང་གི་གཉུག་མའི་གཟུགས་ཕུན་སུམ་ཚོགས་པའོ། །དེ་ལ་སྟེ་དེ་དགུག་པའི་སྔགས་ཀྱི་དངོས་གྲུབ་ནི་ཀླགས་པས་མཁའ་འགྲོ་མ་གཉིས་འགྲུབ་པའི་སྔགས་ཀྱི་ཚིག་རྣམས་
སོ། །མཁའ་འགྲོ་མའི་རང་གཟུགས་ཇི་ལྟ་བུ་ཞེ་ན། མཛེས་པའི་གཟུགས་ཞེས་བྱ་བ་ལ་སོགས་པ་གསུངས་ཏེ། མཛེས་པའི་གཟུགས་ནི་འོད་ཟེར་ཤིན་ཏུ་འབར་བས་ལྷམ་མེར་བྱས་པའི་འོད་གསལ་བ་སྟེ། དེ་འདྲ་བའི་གཟུགས་རྣམས་ཏེ་ཁ་དོག་མི་འདྲ་བ་ཐམས་ཅད་
ཀྱིས་འཇིག་རྟེན་གྱི་ཁམས་ནི་ཐམས་ཅད་དུ་རྒྱུ་བ་དེ་མཐོང་བ་ཉིད་ཀྱིས་ཚིམ་ཞིང་ཀུན་ཏུ་དགའ་བར་འགྱུར་བ་སྔགས་ཀྱི་དངོས་གྲུབ་ཐོབ་པའི་སྒྲུབ་པ་པོ་དེས་མཐོང་བར་འགྱུར་རོ། །གཙུག་ཏོར་ཞེས་བྱ་བ་ལ་སོགས་པ་ལ། གཙུག་ཏོར་ནི་གཙུག་ཏོར་འཁོར་ལོས་སྒྱུར་
4-2-413a


བའི་སྔགས་པའོ། །ཐམས་ཅད་གྲུབ་པ་ནི་ཞེས་བྱ་བ་ནི་གཙུག་ཏོར་དང་དེའི་སྔགས་ཀྱི་སྒྲུབ་པ་ནི་འཇིག་རྟེན་པའི་ལྷ་མོ་སྟེ་མཁའ་འགྲོ་མ་ཐམས་ཅད་ཀྱི་གྲུབ་པ་སྟེ་སྒྲུབ་པ་པོ་ལའོ། །ཡིད་བཞིན་ནོར་བུའི་བདག་པོར་འགྱུར། །ཞེས་བྱ་བ་
ནི། མྱུར་བར་འགྲུབ་པར་༼སྔགས་སོ་ཟེར། ༽བྱེད་པས་ཡིད་བཞིན་གྱི་ནོར་བུ་དང་འདྲ་བར་འདོད་པའི་དོན་ཕོ་ཉ་མོའ་བྱ་བ་སྒྲུབ་པར་འགྱུར་རོ། །ཅི་ཐབས་དེས་འཇིག་རྟེན་པའི་མཁའ་འགྲོ་མ་འདི་དག་ཁོ་ན་སྒྲུབ་པར་བྱེད་དམ་ཞེ་ན། སངས་རྒྱས་
བྱང་ཆུབ་ཅེས་བྱ་བ་ལ་སོགས་པ་གསུངས་ཏེ། ༼གཙུག་ཏོར་འཁོར་སྒྱུར་གྱི་ཏིང་ངེ་འཛིན་གཉིས་སྔོན་དུ་བཏང་ནས། ལས་རྒྱལ་མཆོག་གི་དུས་སུ་མཁའ་འགྲོ་མ་གཉིས་སྒྲུབ་པར་འདོད་ན། གུར་ནས་གསུངས་པའི་གཙུག་ཏོར་འཁོར་སྒྱུར་གྱི་ཕྲེང་སྔགས་སྤེལ་ཚིག་དང་བཅས་པ་བཟླའོ། །
ཕྱི་མ་ལ་ནི་གནོད་སྦྱིན་མོ་བཞིན་དུ་སྙོམས་འཇུག་བྱ་བས་སྒྲུབ་དགོས་པ་འདྲའོ། །༽སངས་རྒྱས་ཀྱི་བྱང་ཆུབ་ནི་རྡོ་རྗེའི་མཁའ་འགྲོ་མ་རྣམས་ཏེ་དེ་ཡང་སྒྲུབ་པར་བྱེད་པའོ། །འདི་དག་འབའ་ཞིག་བྱེད་པར་མ་ཟད་ཀྱི་གཞན་ཡང་སངས་རྒྱས་རྡོ་རྗེ་རབ་བསྒོམ་པའོ། །
ཞེས་བྱ་བ་སྟེ། སངས་རྒྱས་ཉིད་དང་རྡོ་རྗེ་འཆང་བ་ཉིད་སྒྲུབ་པའོ། །ཞེས་བཅོམ་ལྡན་འདས་བསམ་པ་ཐམས་ཅད་ཡོངས་སུ་རྫོགས་པར་བྱེད་པའི་རྡོ་རྗེ་ནི་རྡོ་རྗེ་འཆང་སྟེ། དེས་དེ་སྐད་ཅེས་བཀའ་སྩལ་ཏོ།། ༈ དེ་ལྟར་རིམ་པ་གཉིས་ཀྱི་
བྱ་བ་བྱས་པའི་རྣལ་འབྱོར་པས། གནོད་སྦྱིན་མོ་ལ་སོགས་༼ཅེས་པ་ནི་མིང་གི་རྣམ་གྲངས་སམ། ཡང་ན་སློབ་པ་དང་མི་སློབ་པའི་ཟུང་འཇུག་གོ། ༽པའི་ཕྱག་རྒྱ་འཐོབ་པའི་ཐབས་བསྟན་ནས། ཐབས་དེས་ཕྱག་རྒྱ་མོ་རྙེད་ན་དེ་དང་ལྷན་ཅིག་ཏུ་སྤྱད་པའི་རིམ་པ་བསྟན་
4-2-413b


པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཐམས་ཅད་ནི་སྐུ་རྡོ་རྗེ་ལ་སོགས་པའོ། །དེ་རྣམས་ཀྱི་སྐུ་ལ་སོགས་པའི་རིག་པའི་བརྟུལ་ཞུགས་ནི་ཆ་ལུགས་ཀྱི་ཁྱད་པར་རོ། །དེ་ཡང་དག་པར་ལེན་པའི་སྤྱོད་པ་སྟེ་
དེ་ལ་སློབ་པའོ། །དེ་དག་ཉིད་ཀྱི་སྐུ་རྡོ་རྗེ་ལ་སོགས་པའི་རང་གི་ངོ་བོ་སྟོན་པས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་བ་ནི་གསུངས་པའོ། །སྐུ་ཞེས་བྱ་བ་ལ་སོགས་པ་ལ། རྣམ་པར་སྣང་མཛད་ལ་སོགས་པའི་རྣལ་འབྱོར་པ་གསུམ་༼
དེ་དག་ཁོ་ན་ཉིད་སྐུ་ལ་སོགས་པའི་རང་གི་ངོ་བོ་ཟེར། ༽པོ་རྣམས་ཀྱིས། ལུས་སྐུ་རྡོ་རྗེ་དང་ངག་གསུང་རྡོ་རྗེ་དང་སེམས་ཐུགས་རྡོ་རྗེར་སྒོམ་པ་ནི་རང་ཚུལ་ལམ་རང་གཟུགས་ཉིད་ཀྱིས་ཞེས་བྱ་བ་རང་དང་ཕྱག་རྒྱ་མ་གཉིས་ཀ་འབག་དང་རྒྱན་དང་གོས་ལ་སོགས་
པས་ལྷའི་ཆ་ལུགས་སུ་བསྒྱུར་བ་ཉིད་ཀྱིས་བསྒོམ་པར་བྱའི། ཆ་ལུགས་བསྒྱུར་བ་མེད་པར་སེམས་ཀྱིས་བསྒོམ་པ་ཙམ་གྱིས་ནི་མ་ཡིན་ཏེ། དེ་ལྟ་བུས་ནི་དེའི་སྐུ་ཉིད་ཅེས་བྱ་བ་འདི་ལྟར་ཕྱག་རྒྱ་ཆེན་པོའི་དངོས་གྲུབ་འཐོབ་པར་འགྱུར་རོ།། ༈ དེ་
ལ་ཞེས་བྱ་བ་ལ་སོགས་པས་ནི། རིགས་གསུམ་གྱི་སྡོམ་པ་སྟོན་ཏེ། ཐོར་ཚུགས་དབུ་རྒྱན་ཞེས་བྱ་བ་ལ་སོགས་པ་ལ། གཟུགས་༼དེའི་སྐུ་ཉིད་ཅེས་བྱ་བ་ནི་འགྱུར་གསར་གཉིས་དང་རྩ་བ་ལ་མེད་དོ། །༽ནི་རྣམ་སྣང་གི་ལྷའི་སྐུ་སྟེ་གཟུགས་དེ་ཐོར་
ཚུགས་དང་དབུ་རྒྱན་གྱིས་བརྒྱན་པ་ཆེན་པོ་སྟེ། མཐོང་ན་ཡིད་དགའ་བ་ཁ་དོག་དཀར་པོ་ལྟ་བུར་སྟེ་དེའི་རྣམ་པ་ཅན་དུ་བྱ་བའོ། །སྔགས་ཀྱི་ཞེས་བྱ་བ་ནི་སྐུ་རྡོ་རྗེ་སྟེ། དེའི་སྡོམ་པ་ནི་འོག་ནས་བཤད་པའི་ཕྱག་རྒྱ་མའོ། །ཕྱག་རྒྱ་དེས་ཀུན་ཏུ་བསྡམས་
4-2-414a


པ་ནི་དེ་དང་ལྡན་པ་སྟེ། རྣམ་སྣང་དེ་ཤིང་ལ་སོགས་པ་ལས་ཆོ་ག་བཞིན་དུ་བྱའོ། །ལོ་གྲངས་བཅུ་དྲུག་ལོན་པ་ནི། རྒྱན་རྣམས་ཀུན་གྱིས་རྣམ་པར་ཀླུབས། །བཞིན་སྡུག་མིག་གི་དཀྱུས་རིང་བ། །རྙེད་ནས་རིག་པའི་བརྟུལ་ཞུགས་སྤྱད། །ཅེས་གསུངས་པ་
ལྟ་བུའི་ཕྱག་རྒྱ་དང་ལྷན་ཅིག། རྣམ་པར་སྣང་མཛད་ཀྱི་རྣལ་འབྱོར་པས་སྤྱོད་པ་སྤྱད་པར་བྱའོ། །ཕྱག་རྒྱ་མ་དེའི་ཆ་ལུགས་བསྒྱུར་བ་བསྟན་པ་ནི། སྤྱན་གྱི་གོ་འཕང་ལོངས་སྤྱོད་ཅིང༌། །ཞེས་བྱ་བ་སྟེ། སྤྱན་དང་འདྲ་བའི་གདོང་དང་མདོག་དང་ཕྱག་མཚན་དང་
ལྡན་པར་བྱའོ། །རྡོ་རྗེའི་མཚན་མས་བསྒོམ་པར་བྱ། །ཞེས་བྱ་བ་ལ། རྡོ་རྗེ་ནི་མི་བསྐྱོད་པ་སྟེ་མི་བསྐྱོད་པ་དེའི་མཚན་མས་ཞེས་པ་དེའི་ཞལ་དང་སྐུ་མདོག་དང༌། ཕྱག་མཚན་དང་ལྡན་པའི་ཆས་སུ་ཞུགས་པ་དང་ལྡན་པར་མི་བསྐྱོད་པའི་རྣལ་འབྱོར་པས་
བརྟུལ་ཞུགས་སྤྱད་པར་བྱའོ། །ཕྱག་རྒྱ་ནི་མཱ་མ་ཀཱི་གཟུགས་འཛིན་པའི་རིག་པའམ་མའོ། །སྔགས་ནི་རྣལ་འབྱོར་པའོ། །དེའི་ཆོ་ག་ཤེས་པ་ནི་བརྡ་ཤེས་པའོ། །སྔགས་ཀྱི་རྒྱུད་ནི་ལེགས་པར་བསླབས་ཞེས་བྱ་བ་ནི། སྒྱུ་རྩལ་རེ་བཞིའི་ལས་ཀྱི་བྱ་བ་རབ་
འབྱམས་ལ་མཁས་པ་སྟེ་དེ་ལྟ་བུ་རྙེད་ནས་བརྟུལ་ཞུགས་སྤྱད་པར་བྱའོ། །བྱ་བ་ཞེས་བྱ་བ་ལ་༼དེའི་ཆོ་ག་ཤེས་པས་ཏེ་མགོ་སྨོས་པས་ཤེས་པ་ཟེར། རྣལ་འབྱོར་པ་དེ་ཡིས་བསྟན་པའི་ཆོ་ག་ཤེས་པ་ནི་མགོ་སྨོས་པས་གོ་བའི་དབང་རྣོན་ནོ། །༽སོགས་པའི་
གཞུང་འདིས་ནི། འོད་དཔག་མེད་ཀྱི་རྣལ་འབྱོར་པས་ཆོས་༼དེ་བཞིན་ཞེས་བྱ་བ་ལ་སོགས་པས་ནི། འོད་དཔག་མེད་ཀྱི་རྣལ་འབྱོར་པའི་ཆོས་སྤྱོད་མ་སྟོན་ཏེ་ཟེར། ༽ལ་སྤྱོད་པ་སྟོན་ཏེ། དེ་བཞིན་གཤེགས་པ་ཞེས་བྱ་བ་ནི། འདིར་འོད་དཔག་ཏུ་མེད་པ་ལ་བྱ་
4-2-414b


བར་འདོད་དེ། དེའི་བཙུན་མོ་ནི་སངས་རྒྱས་བྱང་ཆུབ་ཅེས་བྱ་བ་སྟེ། གོས་དཀར་མོའོ་ཕྱག་རྒྱ་མོ་བཤད་པས་དེ་དང་ལྷན་ཅིག་སྤྱོད་པ་ཡང་སྟོན་པ་སྟེ་བསྟན་པར་འགྱུར་རོ། །དེ་ལྟར་རིགས་གསུམ་གྱི་དམ་ཚིག་སྟེ་མི་འདའ་བའི་གི་སྡོམ་པ་སྟེ་ཕྱག་རྒྱས་
བསྡམས་པ་ནི། རིག་པའི་བརྟུལ་ཞུགས་ཆེན་པོ་སྟེ། དེ་དང་ལྷན་ཅིག་ཐོ་རངས་དང་སྔ་དྲོ་དང་ཕྱི་དྲོ་དང་སྲོད་ཀྱི་དུས་བཞིར་གསང་བའི་མཆོད་པ་སྟེ་སྙོམས་པར་འཇུག་པར་བྱ་བའོ།། ༈ སྡོང་བུ་ཞེས་བྱ་བ་ལ་སོགས་པས་ནི་སྒྲུབ་པ་པོའི་ཁ་ཟས་ཀྱི་ཆོ་
ག་བསྟན་པ་ཡིན་ཏེ། སྡོང་བུ་སོགས་ལ་ལོངས་སྤྱོད་པས་ལུས་བརྟན་པ་སྟེ་གནས་པར་བྱས་ལ། བརྟུལ་ཞུགས་ཀྱི་སྤྱོད་པ་སྤྱད་པར་བྱ་བ་སྟེ། ཟས་གོས་སོགས་སྦྱིན་བདག་ལ་ལྟོས་༼སྡོང་བུ་རྩ་བ་འབྲས་བུ་ཡི། །བཟའ་དང་བཅའ་བ་སྤྱད་པར་བྱ། །ཞེས་སོ། །༽
པ་དང་བཅས་པ་ལ་ཞུགས་པ་སྤངས་ནས་སྤྱོད་པའོ། །འོན་ཏང་མྱུར་དུ་སངས་རྒྱས་འགྱུར་ཞེས་བྱ་བ་ལ་༼སྤྱོད་པ་སྤྱད་པར་བྱ་སྟེ། དམན་པའི་འཚོ་བ་སྤོང་བའོ་ཞེས་དང་། སྤྱད་པར་བྱའོ་ཞེས་ཕོངས་པར་གནས་པ་ཡོངས་སུ་སྤོང་བའོ་ཞེས་འབྱུང་ཡང་དཀྱུས་བཞིན་ལེགས་སོ། །
༈ འདི་ལྟར་བྱེད་པ་ནི་སྤྲོས་བཅས་ལའང་ཡོད་པས་ཤིན་ཏུ་སྤྲོས་མེད་པ་ཁོ་ན་ལ་མི་སྦྱར་རོ། །༼སོགས་པས་ནི་ཕན་ཡོན་སྟོན་ཏོ།། ༈ རྟག་ཏུ་གཞན་གྱི་ནོར་རྐུ་ཞིང༌། །ཞེས་བྱ་བ་ལ་སོགས་པའི་སྡོམ་པ་ནི། ལེའུ་དགུ་པ་ལས་དགོངས་༼
སངས་རྒྱས་ནི་རིགས་ཐམས་ཅད་ཀྱི་བདག་པོ་ཡེ་ཤེས་ཀྱི་རྒྱ་མཚོ་ཆེན་པོ་སྟེ་འབྲས་བུ་དེ་དག་ཀུན་ཟླ་བ་དྲུག་ཏུ་སྤྱོད་པ་སྤྱད་པས། གདོན་མི་ཟ་བར་འཐོབ་པར་འགྱུར་རོ། །འདི་ལྟར་གསུངས་པས་གཙོ་ཆེར་རྫོགས་རིམ་པའི་སྤྱོད་པ་ལ་བྱའོ། །༽པས་བཤད་པས་རྣམ་པར་ཕྱེ་བ་དེ་བཞིན་དུ་
4-2-415a


འདིར་ཡང་བལྟ་བར་བྱའོ། ༈ འདོད་ཆགས་རྡོ་རྗེ་ལྕགས་ཀྱུ་མོ། །ཞེས་བྱ་བ་ལ་སོགས་པས་ནི་ཡོན་ཏན་ལུག་རྒྱུད་མཱ་མ་ཀཱི་མཱ་མ་ཀཱིའི་ཁྱད་པར་སྟོན་ཏེ། ༼དེ་ལ་འདོད་ཆགས་རྡོ་རྗེ་ཞེས་པ་ནི་དེ་ལ་འདོད་པ་སྤྱད་པ་ལས་མཚན་མར་
འཛིན་པས་མི་ཕྱེད་པའི་ཡེ་ཤེས་ཀྱི་རྡོ་རྗེ་བསྐྱེད་པའོ། །ཡང་ཕྱག་རྒྱ་མ་དེ་ཉིད་ཀྱིས་དངོས་གྲུབ་འགུགས་པས་ན་ལྕགས་ཀྱུ་མའོ། །ཡོན་ཏན་སྐ་རགས་སུ་བྱས་པ་ནི་ལེའུ་བཞི་པར་བཤད་པ་བཞིན་ནོ། །༼སྐ་རགས་ཟེར། ༽དེའི་གསུང་དང་གི་རྡོ་རྗེ་སྟེ་སྐུ་དང་ཐུགས་མཆོག་ལ། ཞེས་བྱ་བ། འོད་
དཔག་ཏུ་མེད་པ་དང་རྣམ་པར་སྣང་མཛད་དང༌། མི་བསྐྱོད་པའི་སྦྱོར་བསྟེ་རྣལ་འབྱོར་པས་ཀྱང་རྣམ་པར་དབྱེ་ཞིང་བསྟེན་པར་བྱ་སྟེ། རིགས་གསུམ་ཀས་ཀྱང་མཱ་མ་ཀཱི་རིག་མར་བྱེད་པའི་ཆོ་ག་འདི་ནི་རྣམ་པ་ཀུན་ཏུ་སྟེ་ཐམས་ཅད་དུ་རིགས་ཞེས་པ་བསྔགས་པ་
ཡིན་ནོ།། ༈ བསམ་གཏན་ཞེས་བྱ་བ་ལ་སོགས་པ་ནི། ཡེ་ཤེས་ཀྱི་ཕྱག་རྒྱ་དང་ལྷན་ཅིག་སྤྱོད་པའི་ཤིན་ཏུ་སྤྲོས་མེད་ཀྱི་སྤྱོད་པ་བསྟན་པ་ཡིན་ཏེ། བསམ་གཏན་པ། ཨོཾ་ཡིག་ལ་སོགས་པའི་ཡིག་གེ་གསུམ་གྱི་རྡོ་རྗེ་ཅན་
གྱི། ཞེས་བྱ་བ་ནི་རྣམ་པར་སྣང་མཛད་ལ་སོགས་པའི་རྣལ་འབྱོར་པ་ཕྱི་རོལ་གྱི་བུད་མེད་ལ་ལྟོས་པ་མེད་པ་ལ་སྦྱིན་ནོ། །གང་སྦྱིན་ན་རང་གི་ཕྱག་རྒྱ་ནི་སྙིང་ལ་གནས་པའི་རྡོ་རྗེ་དབྱིངས་ཀྱི་དབང༌ཕྱུག་མའོ། །༼རང་གི་ཕྱག་རྒྱ་སེམས་ཀྱིས་བསམ། །
ཡིག་གསུམ་རྡོ་རྗེ་ཅན་ལ་དབུལ་ཟེར། ལྟོས་པ་མེད་པར་དབུལ་བར་བྱའོ། །ཞེས་པ་མི་དག་པས། དཀྱུས་ན་ཡོད་པ་ལྟར། ཆག་འགྱུར་ནའང་ཡོད་པ་དག་གོ། དེའི་དོན་ནི་ཁ་ཅིག། དགེ་སློང་ཚངས་སྤྱོད་པ་དང་རབ་བྱུང་གི་དབང་དུ་བྱས་ཟེར་བ་ནི་གནད་མ་རྟོགས་པ་ཡིན་ཏེ། འདི་གཙོ་བོར་རྫོགས་
4-2-415b


རིམ་པའི་སྤྱོད་པའི་དབང་དུ་བྱས་ལ། དེའི་སྤྱོད་པ་བྱ་རན་པ་ན་ལས་རྒྱ་ལ་བརྟེན་ནས་ཉེས་མེད་དུ་འགྲོ་བའི་ཕྱིར་དང༌། རབ་བྱུང་གི་རྟེན་ལ་སྤྲོས་བཅས་དང་སྤྲོས་མེད་ཀྱི་སྤྱོད་པ་གཉིས་ཀ་ཡོད་པའི་ཕྱིར་རོ། །དེས་ན་འདི་ནི་ཕྱི་རོལ་གྱི་བུད་མེད་ཀྱི་དོད་ཡེ་རྒྱས་ནུས་ཤིང་རྣམ་གཡེང་ཆུང་བ་ལྷུར་ལེན་པའི་དབང་དུ་མཛད་པའོ། །
༽དེ་ཉིད་ཀྱི་ཕྱིར་དེ་ལྟར་བྱས་ན་སངས་རྒྱས་མཉེས་པར་འགྱུར་རོ། ཞེས་བྱ་བ་ལ་སོགས་པ་གསུངས་སོ། །སྒྲུབ་པ་པོ་ནི་ཞེས་བྱ་བ་ལ་སོགས་པ་ལ། སྒྲུབ་པ་པོ་བློ་བརྟན་ཅིང་བརྩོན་འགྲུས་དྲག་པོ་དང་ལྡན་པས། ནགས་ཚལ་ཏེ་དགོན་པ་ཆེན་པོར་བསོད་
སྙོམས་ཚོལ་ཞིང་སྤྱོད་པས་ན། ཁ་ཟས་བཟང་པོ་ལྷའི་ཞལ་ཟས་མི་དང་ཐུན་མོང་མ་ཡིན་པ། གནས་དེ་ན་གནས་པའི་ལྷ་དེ་དག་སྐྲག་ནས་ལྷ་རྣམས་ཀྱིས་བསྟར་ཞིང་སྦྱར་བའི་སྣ་ཚོགས་པའི་ཟས་རྫོགས་རིམ་པའི་ཤིན་ཏུ་སྤྲོས་མེད་ཀྱི་སྤྱོད་པ་བྱེད་པ་ལ་
སྟེར་བར་འགྱུར་ཏེ། སྒྲ་ཇི་བཞིན་པའོ།། ༈ རྡོ་རྗེ་ཞེས་༼འདིར་རྡོ་རྗེ་གསུམ་བདག་ཅན་འདས་འགྱུར། །འཇིག་པ་རྡོ་རྗེ་མི་འགྱུར་འགྱུར། །ཞེས་དང༌། རྡོ་རྗེ་གསུམ་གྱི་བདག་ཉིད་ཅན་རྣལ་འབྱོར་པ་འདས་པར་འགྱུར་ཏེ། མིའི་དངོས་པོ་ཟིལ་གྱིས་གནོན་པར་འགྱུར་རོ། །
གཞིག་པར་བྱ་བས་ན་འཇིག་པ་སྟེ་ཐ་མལ་པའི་ལུས་སོ། །དེ་གཞན་དུ་གྱུར་ནས་རྡོ་རྗེ་ལྟར་མི་ཕྱེད་ཅིང་མི་འགྱུར་བ་རྣམ་པར་མི་འཇིག་པར་འགྱུར་ཏེ། ཞེས་པ་ལེགས་སོ། །འདི་ནི་སྒྲུབ་པ་པོ་མིར་གྱུར་པ་རྡོ་རྗེ་གསུམ་གྱི་རྣལ་འབྱོར་པ་གཅིག་གིས་སྤྱོད་པ་ཟླ་བ་དྲུག་སྤྱད་པས་ཕན་ཡོན་འབྱུང་ཚུལ་སྟོན་པ་
ཡིན་ལ། མིའི་ཐ་མལ་པའི་ལུས་འཇིག་པའི་དོན་ཟིལ་གྱིས་གནོན་པ་དང༌། དེ་གཞན་དུ་གྱུར་ནས་ཞེས་པ་ནི་ལུས་ཐ་མལ་པ་ཟད་པ་དང༌། དེ་གནས་གྱུར་པ་མིན་གྱི་ལུས་ཐ་མལ་པ་དང༌། དེ་རླུང་སེམས་ཙམ་ལས་གྲུབ་པའི་རྡོ་རྗེའི་སྐུ་གཉིས་བརྗེས་པའོ། །བརྗེས་པའི་སྐུ་དེ་ཡང་རྟག་ཏུ་རིགས་
4-2-416a


འདྲ་མི་འཆད་པ་ཡིན་པས་མི་འཇིག་པར་གསུངས་ཏེ། དེ་ལ་ཨཀྵ་ར་ཡི་གེ་ལ་བསྒྱུར་བ། འདི་དང་ཆག་གིས་བྱས་པ་ནི་འགྱུར་འཆུགས་པའོ། །སྐུ་དེ་ཡང་སློབ་པའི་ཟུང་འཇུག་ཐོག་མར་ཐོབ་པ་ནས་འབྱུང་བས། འདིའི་རྫོགས་རིམ་པའི་སྤྱོད་པ་ཡང་སྒྱུ་ལུས་ཐོབ་ནས་སྐུ་
འདིའི་དོན་དུ་སྤྱོད་པ་བྱས་པར་གསལ་ཏེ། འཕགས་སྐོར་གྱི་ཐུན་མོང་མ་ཡིན་པའི་ཆོས་སྐད་ཆེན་པོ་སྒྱུ་མའི་སྐུ་སྒྲུབ་པ་ཤེས་པ་ལ་རགས་ལས་སོ། །༽བྱ་བ་ལ་སོགས་པས་ནི། སྤྱོད་པའི་འབྲས་བུ་གསུངས་པ་ཡིན་ཏེ། རྡོ་རྗེའི་བདག་ཉིད་གསུམ་གྱི་རྣལ་འབྱོར་པས། 
འདས་པར་གྱུར་ཅིང་མིའི་དངོས་པོ་སྤངས་ཏེ། འཇིག་ཅིང་མ་རུངས་པར་འགྱུར་བ་སྟེ་ཐ་མལ་པའི་ལུས་རྣམ་པར་ཞིག་ནས། དེ་ཡོངས་སུ་གྱུར་པ་རྡོ་རྗེ་ལྟར་མི་ཕྱེད་པའི་ཡི་གེ་སྟེ། རྣམ་པར་མི་འཇིག་པར་འགྱུར་རོ་ཞེས་བྱ་བ་སྟེ། དགོངས་པས་བཤད་པའོ།།
༈ ལྷ་མོ་ཞེས་བྱ་བ་ལ་སོགས་པ་ལྷ་མོ་ཀླུ་མོ་གནོད་སྦྱིན་མོ། །ལྷ་མ་ཡིན་ནམ་མི་མོའང་རུང༌། །རྙེད་ནས་རིག་པའི་བརྟུལ་ཞུགས་བྱ། །ཞེས་པ་ནི་གོ་སླའོ། །རྡོ་རྗེ་གསུམ་གྱི་ཡེ་ཤེས་ཞེས་བྱ་བ་ནི་རྡོ་རྗེ་གསུམ་གྱི་རྣལ་འབྱོར་པ་གསུམ་པོ་རྣམས་ཏེ། དེས་
བསྟེན་པ་ནི་རིག་པའི་བརྟུལ་ཞུགས་སྤྱད་པ་སྟེ། ལྷ་མོ་ཞེས་སོགས་འདི་ནི་རིགས་གསུམ་གྱི་ཐུན་མོང་གི་ཆོ་གའོ།། ༈ འདི་ནི་ཞེས་བྱ་བ་ནི་བཤད་མ་ཐག་པའི་བརྟུལ་ཞུགས་སྤྱོད་པ་སྟེ་སྔགས་རྣམས་ཐམས་ཅད་ཀྱི་ཞེས་བྱ་བ་སྒྲུབ་པ་པོ་
ཐམས་ཅད་ནི་གཙོ་བོར་རྫོགས་རིམ་པའི་སྤྱོད་པར་སྣང་ཡང་བསྐྱེད་རིམ་པའི་སྤྲོས་མེད་ཕྱག་རྒྱ་གཅིག་པ་དང༌། ཤིན་ཏུ་སྤྲོས་མེད་ཀྱང་རྫོགས་རིམ་པའི་སྤྱོད་པ་དེ་དག་དང་སྤྱིའི་མཚན་ཉིད་མཚུངས་པས་རིམ་གཉིས་ཀྱི་སྒྲུབ་པ་པོ་ཐམས་ཅད་ཀྱི། དེ་ཉིད་གསང་བའི་སྟེ་ཤིན་ཏུ་གསང་བ་
4-2-416b


ཡིན་ཞིང༌། ཚུལ་ཆེན་ཡིན་ཞེས་བྱ་བ་དོན་ཆེན་པོ་འཐོབ་པར་བྱེད་པ་ཡིན་ལ། རྡོ་རྗེ་གསུམ་གྱི་ཡེ་ཤེས་འབྱུང༌། །ཞེས་བྱ་བ་སྟེ། སྐུ་རྡོ་རྗེ་ལ་སོགས་པས་སྐུ་རྡོ་རྗེ་ལ་སོགས་པར་སྐྱེད་པར་བྱེད་པའོ། །སངས་རྒྱས་བྱང་ཆུབ་ནི་དོན་དམ་པའི་བདེན་པའོ། །དེར་རབ་
ཏུ་འཇུག་པ་ནི་ཐོབ་པ་སྟེ་འོད་གསལ་བས་རིམ་པ་གསུམ་པའི་སྒྱུ་མའི་སྐུ་རྣམ་པར་དག་པར་བྱས་པའི་ཡེ་ཤེས་ཀྱི་སྐུ་འཐོབ་པར་༼སྐུ་རྡོ་རྗེ་ལ་སོགས་པས་རྡོ་རྗེའི་སྐུ་སྐྱེད་པར་བྱེད་པའོ་ཟེར། ༽བྱེད་པའོ། །ཞེས་བྱ་བའི་བར་དུ་སྟེ་ཐ་ཚིག་གོ་འོ། །
༈ བཅོམ་ལྡན་འདས་ཞེས་བྱ་བ་ལ་སོགས་པ་ནི། སྡུད་པར་བྱེད་པས་ལེའུ་ཉེ་བར་སྡུད་པར་བྱེད་པའོ།། ༈ དངོས་གྲུབ་ཐམས་ཅད་ཀྱི་དཀྱིལ་འཁོར་༼འདིས་ཀྱང་སྐབས་འདིའི་རྫོགས་རིམ་པའི་སྤྱོད་པ་འདི་སྒྱུ་ལུས་ལ་གནས་པས་བྱེད་པར་སྟོན་ནོ།།  
༽ནི་གཙོ་བོ་འཕོ་བའི་ཚུལ་གྱིས་ལྷ་སུམ་ཅུ་སོ་གཉིས་ཀྱི་དཀྱིལ་འཁོར་གྱི་ཚོགས་སོ། །དེའི་དེར་རྡོ་རྗེ་གསུམ་ནི་དཀྱིལ་འཁོར་དེ་རྣམས་སུ་ཞུགས་ནས་སྒྲུབ་པའི་སྒྲུབ་པ་པོ་རྣམས་ཀྱི་མངོན་པར་བྱང་ཆུབ་པའི་ཡེ་ཤེས་བསྐྱེད་པའོ། །དེའི་དོན་གྱི་རིམ་པ་
སྟོན་པའི་གཞུང་གི་ཚོགས་ནི་རིམ་པར་ཕྱེ་བ་བཅུ་དྲུག་པ་སྟེ། སྒྲ་ཇི་བཞིན་པའོ།། ༼དེར་རྡོ་རྗེ་ཟེར། ༽༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བཅུ་དྲུག་པ་མཐའ་དྲུག་གིས་བཤད་པའོ། །
ལེའུ་དང་པོ་ནས་བཅུ་དྲུག་པའི་བར་གྱིས་དབང་བསྐུར་ནས་རིམ་པ་གཉིས་ཁོང་དུ་ཆུད་པར་བྱས་པས་ཀྱང་འཇིག་རྟེན་དང་། འཇིག་རྟེན་ལས་འདས་པ་གཉིས་ཀྱི་རང་རང་གི་བསླབ་པའི་གནས་ལས་མི་འདའ་བའི་དམ་ཚིག་དང་རང་
4-2-417a


རང་གི་སྐབས་ཀྱི་བྱ་བ་མ་ཡིན་པ་བྱེད་པ་འགོག་པའི་སྡོམ་པ་ཉམས་སུ་མ་བླངས་ན་དངོས་གྲུབ་རིང་བར་འགྱུར་རོ་ཞེས། དམ་ཚིག་དང་སྡོམ་པ་དེ་བསྟན་པར་བྱ་བའི་ཕྱིར་ལེའུ་བཅུ་བདུན་པ་ཉེ་བར་སྟོན་ཏེ། ༈ དེ་བཞིན་གཤེགས་
པ་ཐམས་ཅད་གསོལ་བ་འདེབས་པ་བསྟན་པར་བྱ་བའི་ཕྱིར། སྡུད་པར་བྱེད་པས་དེ་ནས་ཞེས་བྱ་བ་ལ་སོགས་པ་སྨྲས་ཏེ། དེ་ནས་ཞེས་བྱ་བ་ལ་སོགས་པའི་དོན་ནི་བཤད་ཟིན་ཏོ། །མི་བསྐྱོད་རྡོ་རྗེ་ཞེས་བྱ་བ་ལ་སོགས་པ་ལ། ཉོན་མོངས་པའི་༼
འདིར་དེ་བཞིན་གཤེགས་པ་ལ་གསོལ་བ་བཏབ། ཅེས་པ་དང༌། དེ་བཞིན་གཤེགས་པ་ཐམས་ཅད་འདུས་ནས་གསོལ་བ་བཏབ་པ་གཉིས་ཀ་གསུངས་ཀྱང༌། དེ་བཞིན་གཤེགས་པ་ཐམས་ཅད་ཅེས་པ་ནི་གསོལ་བ་འདེབས་མཁན་ལ་བྱ་དགོས་པས། དཔེ་ཁ་ཅིག་དང་གཞན་ལས། ཐམས་ཅད་ལ་ཞེས། 
ཟེར་ཡང༌། འགོས་འགྱུར་གྱི་དཔེ་གཞན་དང་ཆག་འགྱུར་ལ་མེད་པ་ལྟར་བྱའོ། །༽ཚོགས་ཐམས་ཅད་ཀྱིས་མི་གཡོ་བས་ན། མི་བསྐྱོད་པའོ་རྡོ་རྗེ་སྟེ་ཐུགས་ཀྱི་རིགས་གང་ཡིན་པའོ། །སྟོང་པ་ཉིད་བཞི་སྔ་མ་གསུམ་འོད་གསལ་དུ་ཐིམ་པའི་ཐམས་ཅད་སྟོང་པའི་
བདག་ཉིད་ཅན་ཡིན་པས་ན་ཡེ་ཤེས་ཆེའོ། །རྡོ་རྗེ་ནི་མི་བསྐྱོད་པ་ལ་སོགས་པ་སྟེ། དེ་འཛིན་པར་བྱེད་པས་ན་རྡོ་རྗེ་དབྱིངས་སོ། །བདེན་པ་གཉིས་ཀྱི་རྣམ་པར་དབྱེ་བ་ཡོངས་སུ་མཁྱེན་པས་ན་མཁས་པ་ཆེའོ། །སྐུ་རྡོ་རྗེ་ལ་སོགས་པའི་ནང་ན་གཙོ་བོར་གྱུར་པས་ན་
རྡོ་རྗེ་གསུམ་གྱི་མཆོག་གོ། དཀྱིལ་འཁོར་གསུམ་པོ་འདི་ལམ་གྱི་བསྐྱེད་རྫོགས་གཉིས་དང༌། འབྲས་བུའི་སྐབས་གསུམ་ལས་༼ཏེ་དབྱིངས་ཀྱི་སྐད་དོད་དྷཱ་ཏུའི་སྒྲ་ལས་དྷཱ་ར་ནི་འཛིན་པའོ། །༽འདིར་ཕྱི་མ་སྟེ། དེར་ནི་བཅོམ་ལྡན་འདས་དོན་དམ་པའི་དཀྱིལ་འཁོར་འོད་གསལ་
4-2-417b


དང་སྐུའི་དཀྱིལ་འཁོར་དང་། ཕྱུང་བསྟེ་འབྱིན་པའི་དཀྱིལ་འཁོར་གསུམ་ཀའི་གྱི་ངོ་བོ་ཉིད་ཡིན་པས་ན་དཀྱིལ་འཁོར་གསུམ་སྟེ། གསང་བའི་དམ་ཚིག་གི་དེ་ཁོ་ན་ཉིད་འདིའི་དབྱངས་བཤད་དུ་གསོལ་ཞེས་མི་བསྐྱོད་པའི་སྒོ་ནས་བསྟོད་པའོ། །འོད་
གསལ་བའི་མེས་འབར་བར་གྱུར་པས་ན་རྣམ་པར་སྣང་མཛད་དོ། །དེ་ཉིད་ཀྱི་ཕྱིར་དག་པ་ཆེའོ། །༼གསང་བ་གསུམ་ནི་དམ་ཚིག་གི་དེ་ཁོ་ན་ཉིད་ཁོ་བོ་ཅག་ལ་བཤད་དུ་གསོལ་ཞེས་འབྱུང་སྟེ། གསང་བའི་དབྱངས་ཞེས་པའི་དབྱངས་གསུངས་སུ་བསྒྱུར་བའོ། །༽རྡོ་རྗེ་ནི་དེ་བཞིན
གཤེགས་པ་ལྔ་རྣམས་སོ། །རིགས་ལྔ་པོ་དེ་རྣམས་དྲི་མ་ཐམས་ཅད་ཀྱིས་རྣམ་པར་དག་པའི་ངོ་བོ་ཉིད་ཀྱིས་དྲུག་པར་གྱུར་པས་དྲི་མ་ཞི་བའོ། །མཆོག་ཏུ་དགའ་བ་ལྷན་སྐྱེས་ཀྱི་དགའ་བའི་བདག་ཉིད་ཅན་ཡིན་པས་ན་དགའ་བ་ཆེའོ། །རང་བཞིན་གྱིས་
འོད་གསལ་བ་ནི་ངོ་བོ་ཉིད་ཀྱིས་དག་པའོ། །ཆོས་སྟོན་པ་ནི་ཆོས་རྣམས་བཤད་པར་མཛོད་ཅིག་པ་སྟེ། རྡོ་རྗེ་ཞེས་པ་ནི་བོད་པའོ། །རིན་ཆེན་ནི་རིན་པོ་ཆེའི་༼རྡོ་རྗེ་རང་བཞིན་གྱིས་འོད་གསལ། །ཆོས་སྟོན་ཁྱོད་ལ་ཕྱག་འཚལ་ལོ། །ཞེས་འབྱུང་བ་འགྲེལ་པའི་བཤད་པ་དང་མཐུན་ནོ། །
༽རིགས་དང་ལྡན་པ་རྣམས་སོ། །རིགས་ཅན་དེ་རྣམས་དགའ་ཞིང་གསལ་བར་མཛད་པས་ན་རིན་ཆེན་རྒྱལ་པོའོ། །མཉམ་པ་ཉིད་ཀྱི་ཡེ་ཤེས་ཀྱི་བདག་ཉིད་ཡིན་པས་ན་རབ་ཏུ་ཟབ་བོ། །དེ་ཉིད་ཀྱིས་ན་རྡོ་རྗེ་ནམ་མཁའ་དྲི་མ་མེད་པའོ། །གཟོད་མ་
ཉིད་ནས་དག་པས་ན་རང་བཞིན་དག་པའོ། །གློ་བུར་གྱི་དྲི་མའི་ཆོས་ཐམས་ཅད་ཀྱིས་མ་གོས་པས་གོས་པ་མེད་པའི་གསང་བ་གསུངས་ཤིག་པའོ། །༼རྡོ་རྗེ་མི་འཆི་རྒྱལ་པོ་ཆེ། །ཞེས་པ་ནི་ཨ་མི་ཏ་དང་ཨ་མྲྀ་ཏ་གཉིས་ནོར་བ་སྟེ། འདིར་དཔག་མེད་ལ་བསྒྱུར་དགོས་སོ། །༽རྡོ་རྗེ་
4-2-418a


དཔག་མེད་ནི་པདྨའི་རིགས་དང་ལྡན་པ་རྣམས་སོ། །དེ་རྣམས་ཀྱི་བདག་པོར་གྱུར་པས་ན་རྒྱལ་པོ་ཆེའོ། །སོ་སོར་རྟོག་པའི་ཡེ་ཤེས་ཀྱི་བདག་ཉིད་ཅན་ཡིན་པས་ན་མི་རྟོག་པའོ། །དེ་ཉིད་ཀྱིས་ན་ནམ་མཁའི་འ་རྡོ་རྗེ་འོད་གསལ་བའི་ཡེ་
ཤེས་རང་གི་ངོ་བོར་འཛིན་པའོ་ནོ། །འདོད་ཆགས་ནི་འཁོར་བ་ལ་ཞེན་པའི་མཚན་ཉིད་ཅན་ནོ། །དེའི་ཕ་རོལ་ནི་མཐའ་སྟེ་དེར་ཕྱིན་པ་ནི་སོན་པ་སྟེ་ཤེས་རབ་བོ། །དེ་བརྙེས་པས་ན་འདོད་ཆགས་ཕ་རོལ་ཕྱིན་པ་བརྙེས་སོ། །གདུལ་བྱ་རྣམས་ལ་དོན་ཡོད་པའི་
ཡེ་ཤེས་རབ་ཏུ་སྩོལ་བས་ན། དོན་ཡོད་རྡོ་རྗེ་སྟེ་ཞེས་པ་ནི་དོན་ཡོད་པར་གྲུབ་པའི་རིགས་ཅན་རྣམས་སོ། །རིགས་ཅན་དེ་རྣམས་ཀྱིས་རྫོགས་པའི་སངས་རྒྱས་སུ་མདུན་དུ་བདར་ཞིང་༼གསང་བ་གསུང་ཁྱོད་ལ་ཕྱག་འཚལ། །ཞེས་པ་འགྲེལ་པའི་བཤད་པ་དང་མཐུན་ནོ། །
༽མཆོད་པ་བྱས་པས་ན་དོན་ཡོད་རྡོ་རྗེ་རྫོགས་སངས་རྒྱས་སོ། །ཞི་བ་ལ་སོགས་པའི་ལས་རྣམས་ཀྱིས་སྒྲུབ་པ་པོའི་འགྲོ་བ་རྣམས་ཀྱི། མངོན་པར་འདོད་པ་ཐམས་ཅད་རྫོགས་པར་མཛད་པས་ན་བསམ་པ་ཐམས་ཅད་རྫོགས་མཛད་པའོ། །དག་པའི་
ངོ་བོ་ཉིད་ནི་འོད་གསལ་བའོ། །དེ་ལས་བྱུང་བས་ན་དག་པའི་ངོ་བོ་ཉིད་ལས་བྱུང་བ་སྟེ། དེ་ལྟ་བུའི་རྡོ་རྗེ་སེམས་དཔའ་ཁྱེད་ལ་ཀྱེ་ཕྱག་འཚལ་ལོ་ཞེས་བསྟོད་པ་རྣམས་ཀྱི་མཇུག་ཏུ་འབྱུང་བ་རྣམས་ཕྱོགས་གཅིག་ཏུ་ཉེ་བར་བསྡུས་བ་སྟེ། དགོངས་པ་མ་
ཡིན་པས་བཤད་པའོ། །སངས་རྒྱས་ཀུན་གྱིས་བསྐུལ་བ་ཡི། །ཞེས་བྱ་བ་ནི། དུས་གསུམ་དུ་བཞུགས་པའི་དེ་བཞིན་གཤེགས་༼རིགས་ལྔའི་སྒོ་ནས་རྡོ་རྗེ་འཆང་ལ་བསྟོད་པ་འདི་ནི་བསྟོད་པ་ཙམ་མིན་གྱི། བསྟོད་པ་སྔོན་དུ་འགྲོ་བས་ཆོས་སྟོན་པར་གསོལ་བ་འདེབས་པའོ། །
4-2-418b


༽པ་རྣམས་ཀྱིས་གསུངས་པའོ། །བསྟོད་ཚིག་ཞི་བ་འདི་རྣམས་ཀྱིས། །ཞེས་བྱ་བ་ནི། དེ་བཞིན་གཤེགས་པ་ལྔའི་ངོ་བོ་ཉིད་སྟོན་པའི་བསྟོད་པའི་ཚིག། རང་བཞིན་གྱིས་ཡོངས་སུ་དག་ཅིང་ཞི་བ་བཤད་མ་ཐག་པ་འདི་རྣམས་ཀྱིས། རྡོ་རྗེ་ལོངས་སྤྱོད་ཅེས་བྱ་བ་རྡོ་རྗེ་འཆང་
ཆེན་པོ་གང་གིས་བསྟོད་ཅིང་མཆོད་ན། དེ་ཡང་སྟེ་མཆོད་པ་དེ་ཡང་སངས་རྒྱས་དང་འདྲ་བ་ཞེས་བྱ་བ། རྡོ་རྗེ་འཆང་ཆེན་པོ་དང་མཚུངས་པར་སྒྲུབ་པ་པོ་དེ་འགྱུར་རོ། །ཞེས་པ་ནི་བསྟོད་པའི་ཕན་ཡོན་ཏེ། སྒྲ་ཇི་བཞིན་པའོ།། ༈ དེ་ནས་ཞེས་
བྱ་བ་ལ་སོགས་པས་ནི། དེ་ལྟར་བསྟོད་པས་རྡོ་རྗེ་འཆང་ཆེན་པོ་དགྱེས་ནས་ཞུས་པའི་དོན་གསུང་བ་ལ་ཐུགས་མངོན་དུ་ཕྱོགས་པ་སྟོན་ཏེ། གདུལ་བྱའི་ཉོན་མོངས་པ་དང་ཉེ་བའི་ཉོན་མོངས་པ་ཐམས་ཅད་ཉེ་བར་ཞི་བར་མཛད་པས་ན་སྟོན་པའོ། །
སངས་རྒྱས་ཀུན་ལ་ཞེས་པ་ནི། ཕུང་པོ་ལྔའི་བདག་ཉིད་ཅན་གྱི་སེམས་ཅན་ཐམས་ཅད་དོ། །དེ་རྣམས་ལ་ཅི་རིགས་པར་མཐོ་རིས་དང་ཐར་པ་ཐོབ་པར་མཛད་པས་ན་༼སྟོན་པའི་སྐད་དོད་ཤཱསྟ་ལ་ངེས་ཚིག་གིས་ཤཱནྟི་ཀ་ར་ཞི་བ་ལ་འཇུག་པས་དེ་ལྟར་བཤད་དོ། །
༽རྗེས་བརྩེ་བའོ། །རྡོ་རྗེ་གསང་བ་ནི་སྲོག་གཅོད་པ་སོགས་ཀྱི་དམ་ཚིག་བཞིའོ། །དམ་ཚིག་དེའི་གསུང་སྟེ་གནས་ནི་དེ་རྣམས་སྟོན་པའི་གཞིར་གྱུར་པའི་གསུང་ངོ་འོ། །དག་པ་ནི་རྙོག་པ་མེད་པ་སྟེ། དེ་ལྟ་བུའི་རྡོ་རྗེའི་གསུང་བཀའ་
སྩལ་པའོ། །ཨེ་མའོ་ཞེས་བྱ་བ་ལ་སོགས་པ་ལ། སངས་རྒྱས་ཐམས་༼དེའི་གནས་ནི་གཞིར་གྱུར་པའོ་ཟེར། ༽ཅད་ཀྱི་སྟེ་མི་བསྐྱོད་པ་ལ་སོགས་པའི་སྒོ་ནས་བསྟོད་པའི་ཆོས་ཀྱི་དབྱིངས་ཀྱི་ངོ་བོ་ཉིད་ཀྱི། དོན་ལ་བརྩམས་ནས་
4-2-419a


བསྟོད་པའི་ཡི་གེ་ཆེན་པོའི་ཚིག་གི་རྒྱུན་ནི་ཨེ་མའོ་ངོ་མཚར་ཆེའོ། །ངོ་མཚར་བའི་རྒྱུ་མཚན་ཅིའི་ཕྱིར་ཞེ་ན། རང་བཞིན་སྒྱུ་མ་དང་འོད་གསལ་དང་ཡོངས་སུ་དག། པ་ཟུང་འཇུག་གི་དོན་ནམ་མཁའི་དབྱིངས་བཞིན་དུ་
དྲི་མ་མེད། པ་སྟོན་པའི་བསྟོད་པ་ཡིན་པའི་ཕྱིར་རོ། །ཅེས་བྱ་བ་སྟེ། དགོངས་པ་མ་༼ཞེས་འཁོར་གྱི་དེ་བཞིན་གཤེགས་པས་བསྟོད་པ་ལ་ངོ་མཚར་བའོ། །༽ཡིན་པས་བཤད་པའོ།། ༈ དེ་ལྟར་འཁོར་གྱི་དེ་བཞིན་གཤེགས་པ་
རྣམས་ཀྱིས་བསྟོད་པ་དང༌། ཕན་ཡོན་ཏེ་དགོས་པ་ནི་ཆོས་གསུང་བ་ཡིན་ལ་དེ་བདག་གིར་མཛད་པ་སྟེ་ཞལ་གྱིས་བཞེས་ནས། དམ་ཚིག་ཇི་ལྟ་བ་བཞིན་དུ་སྟོན་པར་མཛད་པ་དེ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་༼
བསྟོད་པའི་ཕན་ཡོན་ཞལ་གྱིས་བཞེས་ནས་ཟེར། ༽གསུངས་ཏེ། སངས་རྒྱས་ཞེས་བྱ་བ་ནི་རྣམ་པར་སྣང་མཛད་ལ་སོགས་པའི་རྣལ་འབྱོར་པ་རྣམས་ཀྱིས་སོ། །དམ་ཚིག་བཞི་ནི་ཞེས་བྱ་བ་ནི་སྲོག་གཅོད་པ་ལ་སོགས་པའོ། །སྐུ་གསུང་༼
འདིར་རྒྱུད་ལས། སངས་རྒྱས་ཐམས་ཅད་ཀྱི་སྐུ་དང་གསུང་རྡོ་རྗེ་གཉིས་དང་རྡོ་རྗེ་འཛིན་ཐམས་ཅད་ཅེས་པ། ཐུགས་རྡོ་རྗེའི་དམ་ཚིག་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང༌། ཞེས་པ་དང༌། སངས་རྒྱས་ཡེ་ཤེས་རྒྱ་མཚོ་ཡིས། །ཞེས་དང༌། གསུང་གི་རྡོ་རྗེ་ཡི་གེ་ཆེས། །ཞེས་དང༌། རྡོ་རྗེ་སེམས་དཔའ་རྫུ་
འཕྲུལ་ཆེས། །ཞེས་པ་གསུམ་གྱིས་རིམ་པ་བཞིན་དུ་རྡོ་རྗེ་གསུམ་གྱི་རྣལ་འབྱོར་པ་བསྟན། སྲོག་གཅོད་སོགས་ཀྱི་དམ་ཚིག་བཞི་པོ་བསྲུང་བ་ནི་གསུམ་ཀ་ལ་གསུངས་ཤིང་བཟའ་བའི་དམ་ཚིག་ཐུན་མོང་མ་ཡིན་པ་ལ། རིམ་པ་བཞིན་དུ་ཤ་ཆེན་ཟ་བ་དང༌། བཤང་གཅི་ཟ་བ་དང༌། ཁྲག་
4-2-419b


དང་ཁུ་བ་སྦྱར་བ་བཟའ་བར་གསུངས་སོ། །༽ཐུགས་ཀྱི་རྡོ་རྗེ་ཡི། །ཞེས་བྱ་བ་ནི། རྣམ་པར་སྣང་མཛད་ལ་སོགས་པའི་རྣལ་འབྱོར་པ་གསུམ་པོ་རྣམས་ཀྱིའོ། །དམ་ཚིག་འདི་ནི་རྨད་པོ་ཆེ། །ཞེས་བྱ་བ་ནི། བཟའ་བསྲུང་གི་དམ་ཚིག་གང་རྨད་དུ་གྱུར་
པ་འདི་ནི་སངས་རྒྱས་ཀུན་གྱི་ཞེས་བྱ་བ་སྟེ། རྣལ་འབྱོར་པ་ཐམས་ཅད་ཀྱི་བརྟག་པ་ཞེས་བྱ་བ་དུས་ཐམས་ཅད་པ། རྡོ་རྗེ་འཛིན་གྱིས་བསྲུང་བར་བྱ། །ཞེས་པ། རྡོ་རྗེ་འཆང་ཆེན་པོ་འཐོབ་པར་བྱ་བའི་ཕྱིར་ཡོངས་སུ་བསྐྱང་བར་བྱ་བའོ། །དམ་ཚིག་
འདི་ནི་རྣམ་པར་སྣང་མཛད་ཀྱི་རྣལ་འབྱོར་པ་འབའ་ཞིག་གི་ཡིན་པར་མ་ཟད་ཀྱི། གཞན་ཡང་རྡོ་རྗེ་འཆང་ཆེན་པོའི་རྣལ་༼རྡོ་རྗེ་འཛིན་ཕྱིར་ཟེར། ༽འབྱོར་པ་རྣམས་ཀྱི་ཡང་འདི་ཉིད་ཡིན་ནོ་ཞེས་བསྟན་པར་བྱ་བའི་ཕྱིར། གང་ཞིག་ཅེས་བྱ་བ་ལ་སོགས་
པ་གསུངས་ཏེ། འདི་ནི་གོ་སླའོ།། ༈ དེ་ལྟར་ཡང་དག་པར་རྫོགས་༼གང་ཞིག་སྔར་བཤད་པའི་དམ་ཚིག་འདི་བསྲུང་བའི། རྡོ་རྗེ་སེམས་དཔའ་འོད་པོ་ཆེ་སྟེ། དེའི་རྣལ་འབྱོར་པ་ནི། སྐད་ཅིག་དེ་ལ་སངས་རྒྱས་ནི། །དེ་ཡི་སྐུ་གསུང་ཐུགས་གནས་འགྱུར། །ཞེས་འབྱུང་བ་ལྟར་རོ། །
༽པའི་སངས་རྒྱས་ཀྱི་ཐེག་པ་བླ་ན་མེད་པའི་དམ་ཚིག་བསྟན་ནས། རང་སངས་རྒྱས་ཀྱི་བྱང་ཆུབ་ལ་ལྷག་པར་མོས་པའི་གདུལ་བྱ་རྣམས་ཀྱི་དམ་ཚིག་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། གདུལ་བྱ་དཀོན་མཆོག་
གསུམ་ལ་དད་པ་བསྐྱེད་པས་དེ་ནས་འགྲོ་བའི་དོན་བྱེད་པ་ནི་སྟོན་པ་ཞེས་བྱ་ལ་དེ་ཡང་གཙོ་བོར་ནི་ལུས་དང་ངག་གིས་བྱེད་དོ། །དེ་ཡང་༼དེ་ཡང་གཙོ་བོར་༽འདིར་རང་སངས་རྒྱས་ཀྱི་དོན་གྱི་དམ་ཚིག་ཅེས་པའི་དོན་གྱི་ཞེས་པ་གཞན་ལ་མེད་དོ། །ལུས་ཀྱིས་ཆོས་
4-2-420a


སྟོན་གྱི་ངག་གིས་ནི་མ་ཡིན་ནོ། །དེ་ཡང་རང་སངས་རྒྱས་རྣམས་ལ་ནི་གཞན་ལ་སྟོན་པ་དང་བྲལ་བའི་ཕྱིར་མེད་མོད་ཀྱི། འོན་ཀྱང་གང་གི་ཕྱིར་ཆོ་འཕྲུལ་ཞེས་པ་ལེགས་སོ། །དེ་ལ་གཙོ་བོར་ཞེས་པས་ངག་གིས་སྟོན་པ་ཡང་ཅུང་ཟད་ཡོད་པར་སྟོན་ནོ། །༽རང་སངས་རྒྱས་
རྣམས་ལ་ནི་གཞན་གྱི་ལུང་ལ་བརྟེན་པ་མེད་པས། དེ་མེད་ཀྱི་གཞན་དུ་ན་ཆོ་འཕྲུལ་ཡ་མ་ཟུང་ལ་སོགས་པ་རྨད་དུ་བྱུང་བ་སྟོན་པས། ལུས་ཀྱིས་ཆོས་སྟོན་པ་དེས་འདུལ་བ་སྟེ་གདུལ་བྱ་རྣམས་ཀྱི་དོན་གྱི་བྱ་བ་སྟེ་གདུལ་བྱ་ལ་གང་བསྟན་པར་འདོད་པ་དེ་གོ་བར་
བྱེད་པས་དེ་དག་ནི་ལུས་ཀྱིས་སྟོན་ཏོ། །དེ་བས་ན་རྡོ་རྗེ་སྐུ་ལ་རབ་ཏུ་གནས། །ཞེས་བྱ་བ་༼ནི་མི་མཐུན་པ་གཉིས་སྟོན་པ་སྟེ། དཔེར་ན་སྟོད་ནས་མེ་འབར་བ་དང་སྨད་ནས་ཆུ་འབབ་པ་སྟོན་པ་ལྟ་བུའོ། །༽གསུངས་ཏེ། ངག་གིས་སྟོན་པ་མེད་པས་སོ་སེམས་
ཅན་རྣམས་ལམ་ལ་འཇུག་པར་འགྱུར་བའི་རྒྱུར་གྱུར་པའི། རང་རྒྱལ་གྱི་ལུས་ཀྱི་སྡོམ་པ་སྟེ་སྡུད་པ་གང་ཡིན་པ་དེ་ཡང་ངག་གིས་སྟོན་པ་དང་འདྲ་ཞིང་རབ་ཏུ་རྟག་པ་སྟེ་ཐོག་མ་མེད་པའི་དུས་ཅན་ནོ། །དམ་ཚིག་ནི་རང་སངས་རྒྱས་ཀྱི་རིགས་ཅན་
རྣམས་ཀྱི་བློ་དང་འཚམས་པའི་སྡོམ་པའོ། །༈ ཉན་ཐོས་ཀྱི་དམ་ཚིག་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། གཞི་གང་ཟག་ལ་བདག་སྟེ་རང་བཞིན་གྱིས་གྲུབ་པ་མེད་པར་རྟོགས་པའི་ལམ་གྱིས་༼
ཞེས་པ་ནི་ལུས་ཀྱིས་ཆོས་སྟོན་པས་མཚོན་ནས། རང་རྒྱལ་གྱི་ལམ་བགྲོད་ཚུལ་ཡན་ལག་དང་བཅས་པ་གཟུང་བར་བྱའོ། །༼ ཉན་ཐོས་དགྲ་བཅོམ་པའི་འབྲས་བུ་ཐོབ་པ་དང་འཐོབ་པར་བྱེད་པའི་གང་ཟག་གང་ཡིན་པ་དེ་ནི་ཉན་ཐོས་སོ་ཏེ། ༼འོ་ན་འཇུག་འགྲེལ་
4-2-420b


ལས། དངོས་པོ་རང་བཞིན་མེད་པར་རྟོགས་པ་དང་བྲལ་ན་ཕྱི་རོལ་པ་བཞིན་དུ་ཁམས་གསུམ་གྱི་ཉོན་མོངས་ཐམས་ཅད་སྤངས་པར་མི་འགྱུར་བར་བཤད་པ་དང་འགལ་ཏེ། ཆོས་རྣམས་རང་བཞིན་མེད་པར་མ་རྟོགས་ཀྱང་གང་ཟག་གི་བདག་མེད་རྟོགས་པར་ནུས་ལ། དེ་གོམས་པས་དགྲ་བཅོམ་པ་ཐོབ་པར་ཡང་བཤད་པའི་ཕྱིར་རོ། 
སྙམ་ན་སྐྱོན་མེད་དེ། གང་ཟག་རང་རྐྱ་ཐུབ་པའི་རྫས་ཡོད་མེད་པར་རྟོགས་པ་གང་ཟག་གི་བདག་མེད་ཀྱི་ལྟ་བ་མཚན་ཉིད་རྫོགས་པར་འདོད་པ་ལྟར་གྱི་གང་ཟག་གི་བདག་མེད་རྟོགས་པ་ལ་ཇི་ཙམ་འབད་ཀྱང་ཉོན་མོངས་པ་ཐམས་ཅད་ཟད་པར་མི་ནུས་པ་དང༌། གང་ཟག་རང་གི་མཚན་ཉིད་ཀྱིས་གྲུབ་པས་སྟོང་པར་རྟོགས་
པའི་གང་ཟག་གི་བདག་མེད་ཀྱི་ལྟ་བ་ལ་གོམས་པར་བྱས་པས་དགྲ་བཅོམ་པ་ཐོབ་ནུས་པར་ཟླ་བའི་ཞབས་བཞེད་པའི་ཕྱིར་རོ། །དེས་ན་དེ་འདྲ་བའི་གང་ཟག་གི་བདག་མེད་རྟོགས་པ་ལ་ནི་ཆོས་ཀྱི་བདག་མེད་རྟོགས་པ་ངེས་པར་འོང་བས། གང་ཟག་གི་བདག་མེད་ལ་ཕྲ་རགས་མི་འདྲ་བ་ཆེན་པོ་གཉིས་ཡོད་པ་ཕྱེད་དགོས་ཏེ། 
རྟོགས་དཀའ་བ་འདི་གཞན་དུ་བཤད་ཟིན་ཏོ། །༽ཉན་ཐོས་ཀྱི་དགྲ་བཅོམ་པ་ཉིད་འཐོབ་པར་བྱ་བའི་ཕྱིར་མངོན་པར་སྦྱོར་བ་ནི་བསླབ་པའོ། །དེ་ཉིད་ནི་དམ་ཚིག་སྟེ་ཉན་ཐོས་ལ་ལྷག་པར་མོས་པའི་རྣལ་འབྱོར་པ་རྣམས་ཀྱི་ཕྱིར་དུ། དེ་རྣམས་ལ་ལུང་སྟེ་ཉེ་བར་སྟོན་
པ་ཉིད་ཀྱིས་རྡོ་རྗེ་འཆང་ཉིད་ཀྱི་སྐུ་ལ་སོགས་པ་ལས་ཕྱུང་བ་ནི། དགེ་བ་བཅུའི་ལས་ཀྱི་ལམ་རྣམས་ཞེས་བྱ་བ་ལ་སོགས་པ་སྟེ། སྲོག་གཅོད་པ་ལ་སོགས་པ་སྤོང་བའི་མཚན་ཉིད་ཅན་ནི། དགེ་བ་བཅུའི་ལས་ཀྱི་ལམ་ལ་རྟག་ཏུ་གནས་པར་བྱེད་པ་དང་མོ། །
ཡེ་ཤེས་སྤངས་པ་རྣམས་ཞེས་བྱ་བ་ནི། མི་གནས་པའི་༼ཞེས་པ་འདིས་མི་གནས་པའི་མྱང་འདས་ལ་ཐོབ་འདོད་མེད་པ་མི་སྟོན་ཏེ། དེ་ན་དམན་པར་མོས་ཞེས་པས་བསྟན་པའི་ཕྱིར་རོ། །དེས་ན་མི་གནས་པའི་མྱང་འདས་ལ་རྒྱབ་ཀྱིས་ཕྱོགས་པ་ནི། ཆགས་ཅན་ཡེ་ཤེས་འདོད་པ་ཡིས། །
4-2-421a


རྟག་ཏུ་འདོད་པའི་ཡོན་ཏན་བསྟེན། །ཞེས་གསུངས་པ་ལྟར། ཟུང་འཇུག་གི་ཡེ་ཤེས་ཐོབ་པའི་ཐབས་སུ་འདོད་ཡོན་ལ་ཆགས་པ་ལམ་དུ་བྱེད་པ་ལ་རྒྱབ་ཀྱིས་ཕྱོགས་པའོ། །༽མྱ་ངན་ལས་འདས་པ་ལ་རྒྱབ་ཀྱིས་ཕྱོགས་
པའོ། །དམན་པར་མོས་པ་ཐམས་ཅད་ཀྱི། །ཞེས་བྱ་བ་ནི། བདག་གཅིག་པུ་མྱ་ངན་ལས་འདས་པ་ལ་མཆོག་ཏུ་གཞོལ་བ་རྣམས་ཏེ། བདག་མེད་རྟོགས་པའི་ལྟ་བ་དང་ཀུན་སྤྱོད་དགེ་བ་བཅུ་ལ་གནས་པ་སོགས་དེ་རྣམས་ཀྱི་དམ་ཚིག་འདི་ནི་རྨད་དུ་བྱུང་
བ་ཆེན་པོའོ། ༈ ཚངས་པའི་ས་ལ་མོས་པ་རྣམས་ལ་ཚངས་པའི་དམ་ཚིག་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ཚངས་པ་ཐོབ་པར་གྱུར་པས་གྲོལ་བར་སེམས་པ་ནི་གཏི་མུག་སྟེ། གང་ཟག་༼
སྟེ་ཁ་ཅིག་ནི་ལམ་འདིར་གནས་པས་ཀྱང་བསྐྱེད་དགོས་ལ། ཁ་ཅིག་ནི་དེའི་རིགས་ཅན་འཁྲིད་པའི་ཕྱིར་དུ་དགོས་པའོ། །འདོད་རྟེན་ལ་སྲིད་པ་ཐ་མ་བའི་དུས་སུ་སློབ་དཔོན་གཞན་གྱི་ངག་གིས་ཆོས་བསྟན་པ་ལ་ལྟོས་མི་ལྟོས་དང༌། དེས་འབྲས་བུ་གྲུབ་པའི་ཚེ་གཞན་ལ་ལུས་ཀྱིས་ཆོས་སྟོན་མི་སྟོན་མ་གཏོགས་པར་
རང་རྒྱལ་ཡང་ཉན་ཐོས་དང་ལམ་མཚུངས་སོ། །༼དེའི་རབ་ཏུ་སྤྱོད་པ་ནི་ལམ་མོ། །གཏི་མུག་ཅན་གྱི་ལམ་དེས་ལས་གང་སྨྱུང་བ་ཟས་གཅོད་པ་དང་ལ་སོགས་པའི་མེ་ལྔ་བསྟེན་པ་ལ་སོགས་པའི་མཚན་ཉིད་ཅན་རྣམས་བྱེད་པ་ནི། འཇིགས་ཤིང་མི་སྡུག་པ་སྟེ་
བདེ་བ་འདོད་པ་རྣམས་ཀྱི་ཡིད་ལ་ཡང་དག་པར་འཇིགས་པ་སྟེ་མི་འདོད་པ་ཆེན་པོ་སྐྱེད་པའོ། །སངས་རྒྱས་ནི་ཚངས་པའི་ལམ་ལ་ལྷག་པར་མོས་པ་རྣམས་སོ། །བྱང་ཆུབ་ནི་དེ་རྣམས་ཀྱིས་འཐོབ་པར་བྱ་བའི་ཡེ་ཤེས་སོ། །སྟོན་པ་ནི་དེ་འཐོབ་པར་
4-2-421b


བྱེད་པའི་འོ། །དམ་ཚིག་དོན་མེད་པར་ནི་བདག་ཉིད་ངལ་ཞིང་དུབ་བར་བྱེད་པའི་དཀའ་སྤྱད་ཀྱི་མཚན་ཉིད་ཅན་ནོ། །དེ་ནི་དེ་ལ་ལྷག་པར་མོས་པ་རྣམས་ལ་སྟོན་ཏེ། དེ་བས་ན་སྐུ་ཡི་རྡོ་རྗེ་ཚངས་པ་ཉིད་དུ་འགྱུར། ཞེས་བྱ་བ་གསུངས་སོ། །
དབང་ཕྱུག་ཆེན་པོའི་གཟུགས་ཀྱིས་འདུལ་བ་རྣམས་ལ་དེའི་དམ་ཚིག་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ཁམས་གསུམ་སྟེ་མཆོག་འབྲིང་དམན་གསུམ་དག་ན་གནས་པ་ཡི་བུད་མེད་རྡོ་རྗེ་སྟེ་དགུག་དཀའ་བ་ལས་བྱུང་བ་རྣམས་དགའ་ཞིང་མགུ་
བའི་ཐབས་སྣ་ཚོགས་པའི་དངོས་པོས་ལོངས་སྤྱོད་པ་ནི་དབང་ཕྱུག་གི་དམ་ཚིག་མཆོག་ཏུ་རྨད་དུ་བྱུང་བའོ། །འདི་ནི་གོ་སླའོ། །ཁྱབ་འཇུག་གི་དམ་ཚིག་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། སེམས་ཅན་ལས་བྱུང་བ་སྟེ། སྒོ་ང་ལས་སྐྱེས་
པ་ལ་སོགས་པ་ཇི་སྙེད་པ་དེ་ཐམས་ཅད་སྟོང་པ་ཉིད་ཀྱི་བསམ་གཏན་གྱི་རྡོ་རྗེས་སྟོང་པར་བྱས་པ་ནི་གསད་པར་བྱ་བའོ། །རྡོ་རྗེ་ནམ་མཁའ་ནི་ནམ་མཁའི་ཁམས་ཏེ། སྣོད་ཀྱི་འཇིག་རྟེན་དང་བདག་ཉིད་ཀྱི་སྐུ་གསུམ་ཏེ། ལུས་ངག་ཡིད་
དེ་དག་ཀྱང་སྟོང་པ་ཉིད་དུ་དབྱེར་མེད་པར་བྱས་པ་ནི་ཁྱབ་འཇུག་གི་དམ་ཚིག་གོ། དེ་ལྟར་ཚངས་པ་ལ་སོགས་པ་ལ་ལྷག་པར་མོས་པ་རྣམས་ལ། དེ་རྣམས་ཀྱི་དམ་ཚིག་བསྟན་ནས་སྐུ་རྡོ་རྗེ་དང་ལ་སོགས་པས་གསུང་རྡོ་རྗེ་དང་ཐུགས་
རྡོ་རྗེ་གསུམ་གྱི་འི་ནང་དུ་རིམ་པ་བཞིན་ཚངས་པ་དང་དབང་ཕྱུག་དང་ཁྱབ་འཇུག་གསུམ་འདུས་པར་བསྟན་པས། ཚངས་པ་སོགས་ཀྱི་དམ་ཚིག་ལ་བརྟེན་ན་ལོག་པར་ཞུགས་པའོ་སྙམ་པའི་འཁྲུལ་པ་བསལ་བར་བྱ་བའི་ཕྱིར། དེ་ནས་ཞེས་བྱ་བ་
4-2-422a


ལ་སོགས་པ་གསུངས་ཏེ། རྡོ་རྗེ་གསུམ་གྱི་དམ་ཚིག་ནི་སྐུ་རྡོ་རྗེ་ལ་སོགས་པའི་ངོ་བོ་ཉིད་དོ། །སྐུ་ཡི་རྡོ་རྗེ་ནི་ཞེས་བྱ་བ་ལ་སོགས་པ་ནི་གོ་སླའོ།། ༈ དེ་ལྟར་ལྷ་གཙོ་བོ་རྣམས་ཀྱི་དམ་ཚིག་བསྟན་
ནས། ༼རང་གི་དམ་ཚིག་རྡོ་རྗེ་འདི་ཞེས་འབྱུང་ཡང༌། གཞན་ལས། རྡོ་རྗེ་གསུམ་གྱི་དམ་ཚིག་འདི། །ཞེས་པ་འགྲེལ་པ་དང་མཐུན་ནོ། །༸སྐུ་ཡི་རྡོ་རྗེ་ཚངས་པར་འགྱུར། །གསུང་གི་རྡོ་རྗེ་དབང་ཕྱུག་ཆེ། །ཐུགས་ཀྱི་རྒྱལ་པོ་རྡོ་རྗེ་འཛིན། །དེ་ཉིད་ཁྱབ་འཇུག་རྫུ་འཕྲུལ་ཆེ། །ཞེས་གསུངས་པས་རྣམ་
སྣང་ལ་སོགས་པའི་རྡོ་རྗེ་གསུམ་གྱི་ལྷ་ལ་ཚངས་པ་ལ་སོགས་པའི་མིང་གིས་བཏགས་ནས། དེ་གསུམ་ལ་མོས་པ་རྣམས་འདུལ་བར་བྱེད་པའོ། །༽གནོད་སྦྱིན་མོ་ལ་སོགས་པ་རྫུ་འཕྲུལ་ཆུང་བ་རྣམས་ཀྱི་དམ་ཚིག་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་
སོགས་པ་གསུངས་ཏེ། ཤ་དང་ཁྲག་དང་ཆང་ལ་སོགས་པ་ཟ་བའི་གནོད་སྦྱིན་མོ། འཁྲིག་པ་ལ་མཆོག་ཏུ་གཞོལ་བ་དེ་ནི་རྡོ་རྗེ་ཆེན་པོ་སྟེ། གདུག་པའི་རང་བཞིན་ཅན་ལ་ཤ་ལ་སོགས་པ་འདི་དག། སྦྱིན་པ་དང་རང་ཡང་ཟ་བའི་
མཚན་ཉིད་ཅན་གྱི་དམ་ཚིག་འདའ་དཀའ་བ་འདི་རྣམས་ཀྱིས་མཉེས་པར་༼རྟག་ཏུ་གཞན་གྱི་བུད་མེད་སྤྱོད། །ཅེས་པ་ལས་བུད་མེད་རྟག་ཏུ་འདོད་ལྷུར་ལེན། །ཞེས་པ་དག་པས་བུད་མེད་ནི་གནོད་སྦྱིན་མོའོ། །༽བྱའོ། །ཀླུའི་བུ་མོའི་དམ་ཚིག་བསྟན་
པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ཀླུའི་རྒྱལ་པོ་ནི་ནོར་རྒྱས་ལ་སོགས་པའོ། །༼ཀླུའི་དབང་པོའི་རྒྱལ་མོ་ཐམས་ཅད་ཀྱི་ཟེར། ༽དེ་རྣམས་ཀྱི་རྒྱལ་མོ་ནི་ཆུང་མ་རྣམས་སོ། །དེའི་དམ་ཚིག་ནི་ཀླུ་མོ་རྣམས་
4-2-422b


ཀྱི་མངོན་པར་འདོད་པའི་དོན་ནོ། །འོ་མ་འཐུང་བ་དང་ཕྲ་མ་ནི་ལྕེ་གཉིས་དང་ལྡན་པས་རྣམ་པར་འབྱེད་པར་བྱེད་པའི་ཚིག་ཅན་ནོ་སྟེ། འདོད་པ་བསྟེན་པ་དང་སྤོས་ཀྱི་དྲི་ལྷུར་ལེན་པའི་ཀླུ་མོ་དེ་རྣམས་ཕྲ་མ་ལ་སོགས་པའི་དམ་ཚིག་འདི་རྣམས་ཉམས་སུ་བླངས་པས། 
བསྒྲུབ་པར་བྱ་ཞིང་སྔགས་པས་དབང་དུ་བྱ་སྟེ། དེ་ལྟར་བྱེད་པ་ལས་གཞན་དུ་མ་བྱས་ན་ངེས་པར་ཉོན་མོངས་པར་འགྱུར་ཞིང༌རང་དབང་དུ་མི་འགྱུར་རོ་ཞེས་བྱ་བའི་བར་དུ་སྟེ་ཐ་ཚིག་གོ་འོ། །གང་ལྷ་མ་ཡིན་རྣམས་ཀྱི་བུ་མོ་དང༌། ལྷན་ཅིག་སྤྱོད་པར་འདོད་ན།
དེ་བསྒྲུབ་པར་བྱ་བའི་ཐབས་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་གསུངས་ཏེ། ༼མ་རུངས་ང་རྒྱལ་ཁུར་གྱིས་ནོན། །ཟེར། ༽ཁྲོ་ཞིང་རྣམ་པར་འཚེ་བའི་བདག་ཉིད་ཅན་ང་རྒྱལ་གྱིས། ཁུར་བཞིན་དུ་མངོན་པར་ནོན་ཅིང་། སྤོས་ལ་སོགས་པ་
ཉེ་བར་སྤྱོད་པ་ལ་ཀུན་ཏུ་ཆགས་པ་འདི་ནི། དེ་རྣམས་ཀྱི་དམ་ཚིག་གི་ཕྱོགས་གཅིག་གོ། དེ་རྣམས་ཀྱི་དམ་ཚིག་རྒྱས་པ་ནི་གདུལ་དཀའ་བ་སྟེ། ཉམས་སུ་བླང་བར་དཀའ་བའོ། །དེ་ཉིད་ཀྱིས་ན་རྡོ་རྗེ་འཇིགས་བྱེད་དང༌། རྡོ་རྗེ་ས་འོག་གི་རྒྱུད་ལས་གསུངས་
པས་དེར་ཤེས་པར་བྱའོ་སོ། །སྲིན་མོའི་དམ་ཚིག་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ཐོད་པའི་རུས་པའི་ཕྱེ་མ་དང་འབྲུ་མར་ཏེ་མིའི་རྐང་མར་དག་དང་གླང་པོ་དང་རྟའི་ཤ་ལ་སོགས་པ་བཙོས་པའི་ཞག་ལ་སོགས་པའི་
གདུག་པ་དེ་རྣམས་ལ་སྦྱིན་པར་བྱ་སྟེ། འདི་ནི་དེ་རྣམས་ཀྱི་དགའ་བར་འགྱུར་བའོ། །འབྱུང་པོ་ཀུན་གྱི་ཞེས་བྱ་བ་ཤ་ཟ་ལ་སོགས་པ་རྣམས་ཀྱི་ཡང་དམ་ཚིག་འདི་ཉིད་ཡིན་ནོ། །དག་བྱེད་ཅེས་བྱ་བ་ནི་བགེགས་འཇིག་པར་བྱེད་པའོ། །དོན་ཆེན་བྱེད་ཅེས་བྱ་བ་
4-2-423a


ལ། དོན་ནི་སྒྲུབ་པ་པོ་རྣམས་ཏེ་དེ་རྣམས་ཀྱི་དོན་ཆེན་པོ་བྱེད་པ་ནི། བརྩམས་པའི་དོན་སྒྲུབ་པའི་ཕྱིར་རོ། །རྡོ་རྗེ་མཁའ་འགྲོ་མ་མཉེས་པར་བྱ་བའི་ཕྱིར། དེའི་དམ་ཚིག་གསུངས་པ་ནི། དེ་ནས་ཞེས་བྱ་བ་ལ་སོགས་པ་གསུངས་ཏེ། 
རྡོ་རྗེ་མཁའ་འགྲོ་མ་ཐམས་ཅད་ནི་དཀར་མོ་ལ་སོགས་པ་སྟེ། དེ་རྣམས་ཀྱི་དམ་ཚིག་ཉིད་ཀྱི་སྐུ་ལ་སོགས་པ་ལས་ཕྱུང་བའོ། །བཤང་བ་ལ་སོགས་པའི་བདུད་རྩི་ལྔ་དང་ཤ་ལྔ་སྔགས་ཀྱིས་སྦྱངས་ནས་བཟའ་བ་དང་ཆང་སྟེ་སྦྱར་བའི་ཆང་དང་ལ་༼
རྡོ་རྗེ་མཁའ་འགྲོ་མ་ཞེས་པ་འདི། སྔར་བཤད་པའི་འཇིག་རྟེན་ལས་འདས་པའི་མཁའ་འགྲོ་མ་མིན་གྱི་འཇིག་རྟེན་པ་ཡིན་ཏེ། གནོད་སྦྱིན་མོ་ལ་སོགས་པ་རྫུ་འཕྲུལ་ཆུང་བ་རྣམས་ཀྱི་དམ་ཚིག་ཅེས་སྔར་གསུངས་པས་སོ། །དེས་ན་འདི་ཀྱཻ་རྡོར་གྱི་དཀར་མོ་སོགས་མིན་གྱི། དབང་ཕྱུག་གི་ཆུང་མ་གཽ་རི་ཞེས་དང༌། 
དཀར་མོ་ཞེས་གྲགས་པའི་ཨུ་མའོ། །སོགས་ཀྱི་སྒྲས་ཀྱང་དེ་དང་འདྲ་བ་རྣམས་བསྡུས་སོ། །༽སོགས་པས་རྒུན་ཆང་དང་འབྲུའི་ཆང་རྣམས་རང་གིས་བཏུང་ཞིང་དེ་རྣམས་ལ་བྱིན་ན། རྡོ་རྗེ་མཁའ་འགྲོའི་སྦྱོར་བ་ཡིས། །ཞེས་བྱ་བ་གཽ་རི་དཀར་མོ་ལ་སོགས་པའི་
སྦྱོར་བས། གནས་ཀྱི་མཚན་ཉིད་ཀྱིས་ཞེས་པ་གདུག་པ་རྣམས་རྒྱས་བཏབ་ལ། ཁྲག་དྲང་བ་ལ་སོགས་པའི་སྦྱོར་བས། གསད་པར་བྱ་བ་འདི་ནི་རྡོ་རྗེ་མཁའ་འགྲོ་མའི་དམ་ཚིག་གོ། ༈ དེ་ལྟར་ཚངས་པ་ལ་སོགས་པ་ནས་རྡོ་རྗེ་མཁའ་འགྲོ་
མའི་མཐར་ཐུག་པའི་དམ་ཚིག་བསྟན་ནས། དམ་ཚིག་དེ་བརྒྱད་བཤད་པའི་༼དང་སོགས་ཀྱི་སྒྲས་བསྡུས་པ་ནི་འོག་ནས་འཆད་པ་ལྟར་བྱའོ། །༽དགོངས་པ་མཚམས་སྦྱོར་བ་བསྟན་པར་བྱ་བའི་ཕྱིར། ངོ་བོ་ཉིད་ཀྱིས་ཞེས་བྱ་བ་ལ་སོགས་
4-2-423b


པ་གསུངས་ཏེ། ཚངས་པ་ལ་སོགས་པ་འདི་དག་ནི་རང་གི་ངོ་བོ་ཉིད་ཀྱིས་ཏེ། རང་དབང་གིས་ཐོག་མ་མེད་པའི་དུས་ཅན་ཏེ། སྣོད་ཀྱི་འཇིག་རྟེན་དང་ལྷན་ཅིག་ཏུ་བཞིན་དུ། ཀུན་ཏུ་འབྱུང་བ་རྫུ་འཕྲུལ་ཆེན་པོ་དང་ལྡན་པ། ཁམས་གསུམ་དུ་སེམས་ཅན་
རྣམས་ལ་ཕན་འདོགས་པ་དང༌། ཚར་གཅོད་པར་བྱེད་ཅིང་ཆ་ལུགས་སྣ་ཚོགས་པའི་གཟུགས་དང་རྒྱན་རྣམས་ཀྱིས་རྣམ་པར་སྤྱོད་པའོ། །དེ་བས་ན་དེ་རྣམས་ཀྱི་དམ་ཚིག་མ་ལུས་པ་དངོས་གྲུབ་ཀུན་འགྲུབ་པ་ལ་ཕན་ཞིང་དངོས་གྲུབ་འཐོབ་པར་བྱེད་པ་ལ་
གསང་བ་འདུས་པ་པ་རྣམས་ཀྱིས་སྤྱད་པར་བྱའོ།། ༈ སེམས་ཅན་ཀུན་ལ་ཞེས་བྱ་བ་ལ་སོགས་པས་ནི། རབ་ཏུ་བྱེད་པ་ཉེ་བར་སྡུད་པར་བྱེད་དོ། །ཁམས་གསུམ་དུ་འབྱུང་བས་ཁམས་གསུམ་པ་སྟེ། ཁམས་གསུམ་པ་ཐམས་ཅད་ནི་
ཚངས་པ་ལ་སོགས་པའི་སེམས་ཅན་རྣམས་སོ། །དེ་རྣམས་༼ཁམས་གསུམ་ཞེས་བྱ་བ་ལ་སོགས་པ་ལ་ནི། ཟེར། ༽ཀྱི་རྡོ་རྗེའི་དམ་ཚིག་ནི་མི་འདའ་བར་ཉམས་སུ་བླང་བའི་རྡོ་རྗེ་འཆང་གི་བཀའོ། །དེའི་རྗེས་སུ་འབྲང་བ་ནི་འཇུག་པ་སྟེ། དེ་སྟོན་
པའི་ཏིང་ངེ་འཛིན་གང་ཡིན་པ་དེ་ལ་ཡང་དེ་སྐད་ཅེས་བྱའོ། །ཚངས་པ་སོགས་ཀྱི་དམ་ཚིག་ལ་གནས་དགོས་པ་ནི། འདིར་ཡང་། གསུངས་པ་ཕ་རོལ་རྒོལ་བ་གང་ཡང་རུང༌། །མཚན་མའི་དབྱེ་བས་གནས་པ་རྣམས། །ཕ་རོལ་སྨྲ་བ་ངེས་བྱའི་ཕྱིར། །འགའ་ཞིག་
རྟགས་བྱེད་རྣམ་གནས་པ། །ཟེར། ཆོས་འདི་ལས་ཕ་རོལ་ཏུ་གྱུར་པའི་གྲུབ་མཐའ་སྨྲ་བ་རྣམས་རང་གི་ལམ་ལ་ངེས་པར་སྦྱར་བར་བྱ་བའི་ཕྱིར། ཚངས་པ་ལ་སོགས་པ་འགའ་ཞིག་རྟགས་དང་ཆ་ལུགས་ཀྱི་བྱེད་པ་མི་འདྲ་བ་དུ་མས་རྣམ་པར་གནས་པ་དེ་རྣམས་རྡོ་རྗེ་ཐེག་པ་འདིར་མཐའ་
4-2-424a


གཅིག་ཏུ་བརྙས་པར་མི་བྱ་སྟེ། དེ་ལྟར་བྱེད་པ་ལ་རྡོ་རྗེ་སེམས་དཔའི་རྣམ་འཕྲུལ་ཡིན། །པ་དུ་མ་ཡོད་པའི་ཕྱིར་རོ། ཞེས་གསུངས་པས་སོ།། ༈ ད་ནི་རྫོགས་རིམ་པས་མི་དགེ་བ་བཅུའི་ལས་ཀྱི་ལམ་འོད་གསལ་
གྱི་རྣམ་པར་དག་པ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ལུས་ཀྱི་དངོས་གྲུབ་ནི་ལུས་ཀྱི་བྱ་བ་རྣམས་སོ། །དེ་ཉིད་ནི་དེ་ཁོ་ནར་མཉམ་ཞིང་མི་བྱེད་པས་ན་དམ་ཚིག་རྡོ་རྗེ་སྟེ་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །
ལུས་ཀྱི་རྣམ་གསུམ་ཞེས་བྱ་བ་ནི། སྲོག་གཅོད་པ་དང༌། མ་བྱིན་པར་ལེན་པ་དང༌། གཞན་གྱི་ཆུང་མའི་ཐད་དུ་འགྲོ་བའོ། །རྡོ་རྗེ་ལས་བྱུང་ནི་འོད་གསལ་བའོ། །ཐམས་ཅད་རབ་ཏུ་བྱ་བ་ནི་བདེ་འགྲོར་སྐྱེ་བའི་རྒྱུ་ཆོས་དང་ངན་འགྲོར་སྐྱེ་བའི་རྒྱུ་ཆོས་
མ་ཡིན་པ་བླང་དོར་དུ་བྱེད་པ་ལ་ལྟོས་པ་མེད་པར་མཉམ་པ་ཉིད་དུ་སྐྱོང་བས་ཉམས་སུ་ལེན་པའོ། །དེ་ལྟར་བྱས་པའི་འབྲས་བུ་ནི་སེམས་ཅན་གྱི་ཁམས་ནི་ཁམས་གསུམ་པ་རྣམས་ནི་སྒྲུབ་པ་པོའི་ལུས་ངག་ཡིད་གསུམ་མོ་སོ། །སངས་རྒྱས་སྐུ་བྱེད་
པ་ཞེས་བྱ་བ་ནི་མི་འཇིག་པའི་རྡོ་རྗེའི་སྐུ་བྱེད་ཅིང་སྐྱེད་པ་སྟེ། བདེ་འགྲོ་དང་ངན་འགྲོར་འགྲོ་བའི་རྒྱུ་མེད་པའི་ཕྱིར་རོ། །དེ་བཞིན་དུ་ངག་གི་དངོས་གྲུབ་ནི་ངག་གི་བྱ་བ་རྣམས་སོ། །ཚིག་གི་ལས་ལམ་ཞེས་པ་ནི་བརྫུན་དུ་སྨྲ་བ་དང་ཕྲ་མ་དང་ཚིག་རྩུབ་པོ་དང་
ངག་བཀྱལ་པར་སྨྲ་བའི་མཚན་ཉིད་ཅན་ནོ། །མ་ལུས་པར་ཞེས་བྱ་བ་ནི་རྣམ་པ་བཞིའོ། །ཁམས་གསུམ་དྲི་མེད་ཅེས་བྱ་བ་ནི་རྡོ་རྗེ་འཆང་ཆེན་པོའོ། །དེའི་དཀྱིལ་འཁོར་ཏེ་ཞེས་བྱ་བ་ནི་གནས་སོ། །དེ་གང་ཡིན་ཞེ་ན། འོད་གསལ་བ་སྟེ་ཁམས་གསུམ་དྲི་མ་
4-2-424b


མེད་པའི་དཀྱིལ་འཁོར་ནི། འོད་གསལ་བས་རྣམ་པར་དག་པའི་ཚིག་གི་ལམ་གང་ཡིན་པ་དེ་ཉམས་སུ་བླང་བར་བྱའོ། །དེས་ཅིར་འགྱུར་ཞེ་ན། ཚིག་གི་དངོས་གྲུབ་ཅེས་བྱ་བ་ལ་སོགས་པ་གསུངས་ཏེ། ཚིག་གི་དངོས་གྲུབ་ཀྱི་གནས་ནི་ངག་གི་དབང་ཕྱུག་གོ། 
དེས་ཉམས་དགའ་བ་ནི་ཤིན་ཏུ་ཡིད་འཕྲོག་པ་སྟེ། འདི་ནི་དམ་ཚིག་ཤིན་ཏུ་འདའ་བར་དཀའ་བའོ། །དེ་བཞིན་དུ་སེམས་རྣམ་པར་དག་པ་ནི་སེམས་ཀྱི་བྱ་བ་རྣམས་སོ། །ཡིད་ཀྱི་རྡོ་རྗེའི་རང་བཞིན་ཀུན། །ཞེས་བྱ་བ་ནི། བརྣབ་སེམས་དང་གནོད་སེམས་དང་
ལོག་པར་ལྟ་བའི་མཚན་ཉིད་ཅན་གྱི་ལས་རྣམ་པ་གསུམ་སྟེ། དེ་ལ་གནོད་སེམས་ནི་སེམས་ཅན་ལ་རྣམ་པར་སྡང་བའོ། །བརྣབ་སེམས་ནི་གཞན་གྱི་ནོར་ལ་བདག་གིས་ཐོབ་ན་སྙམ་དུ་མངོན་པར་འདོད་པའོ། །ལོག་པར་ལྟ་བ་ནི་སྦྱིན་པ་མེད་དོ་ཞེས་བྱ་བ་ལ་
སོགས་པ་སྟེ། གསུམ་པོ་འདི་དག་ནི་ཡིད་ཀྱི་ལས་རྣམས་སོ། །རྡོ་རྗེ་བརྟན་པ་འཛིན་པས་ཞེས་བྱ་བ་ནི་འོད་གསལ་བ་ལ་གཞོལ་བའི་བློ་གྲོས་སོ། །སྒོམ་པ་ནི་དགེ་མི་དགེའི་བྱ་བའི་དེ་ཁོ་ན་ཉིད་ལ་སོ་སོར་བརྟག་བཞིན་པས་རབ་ཏུ་འཇུག་པའོ། །རྡོ་རྗེ་མི་ཕྱེད་
ཅེས་བྱ་བ་ལ་སོགས་པས་ནི་རབ་ཏུ་བྱེད་པ་ཉེ་བར་སྡུད་པར་བྱེད་དེ། རྡོ་རྗེ་མི་ཕྱེད་གསུམ་ལྡན་གྱི། །ཞེས་བྱ་བ་ནི། རྫོགས་པའི་རིམ་པའི་ཏིང་ངེ་འཛིན་ལ་གནས་པ་རྣམས་ཀྱི་དམ་ཚིག་འདི་ཡིན་གྱི་གཞན་གྱི་ནི་མ་ཡིན་ཏེ། མི་འདའ་བར་ནན་ཏན་དུ་བྱ་བའི་
དམ་ཚིག་གསུམ་པོ་བཤད་མ་ཐག་པ་འདི་ཡིན་ཞེས། བཅོམ་ལྡན་འདས་ཀུན་ཏུ་མཛེས་དགའ་རྡོ་རྗེ་སེམས་དཔས་དེ་སྐད་ཅེས་བཀའ་སྩལ་ཏོ།། ༈ ད་ནི་བསྐྱེད་རིམ་གྱི་སྒྲུབ་པ་རྩོམ་པར་བྱེད་པའི་སྔགས་པ་རྣམས་ཀྱིས་ཕྱག་འཚལ་
4-2-425a


མི་འཚལ་ལ་ནན་ཏན་དུ་བྱ་བ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། སྔགས་ཐམས་ཅད་ཀྱི་རྡོ་རྗེ་ཞེས་བྱ་བ་ནི་སྔགས་ལ་མཆོག་ཏུ་གཞོལ་བ་རྣམས་ཏེ། དེ་རྣམས་ཀྱི་དམ་ཚིག་ཉིད་ཀྱི་སྐུ་ལ་སོགས་
པ་ལས་ཕྱུང་ངོ༌། །སངས་རྒྱས་ཞེས་བྱ་བ་ལ་སོགས་པ་ལ་ཕྱག་གི་ཡུལ་སངས་རྒྱས་དང་བྱང་ཆུབ་སེམས་དཔའ་དང༌། དེ་བཞིན་དུ་རང་རྒྱལ་དང་ཉན་ཐོས་རྣམས་ལ་སྐུ་གསུང་ཐུགས་སུ་སྦྱོར་བ་ན། །ཞེས་བྱ་བ་ནི། ལྷའི་སྐུ་ལ་སོགས་པ་གསུམ་དང་། རང་གི་སྒོ་གསུམ་
གཅིག་ཏུ་གྱུར་པ་སྟེ་གཅིག་ཏུ་བྱེད་པའི་སྔགས་པས་ཕྱག་མི་བྱའོ་སྟེ། དགོས་པའི་དབང་གིས་ལུས་རྐྱང་པའམ་སམ་ངག་རྐྱང་པའམ་གམ་ལུས་དང་ངག་གཉིས་ཚོགས་པ་ཀྱིས་ཕྱག་བྱ་བ་ལ་ནི་ཉེས་པ་མེད་ཀྱི། ཡིད་དང་བཅས་པའི་
ལུས་སམ། ཡིད་དང་བཅས་པའི་ངག་གིས་ཕྱག་བྱས་ན་མངོན་པར་འདོད་པའི་དངོས་གྲུབ་ཉམས་པར་འགྱུར་རོ། །བསྐྱེད་པའི་རིམ་པ་ལ་གནས་པ་རྣམས་ཀྱི་གཞན་ལ་ཕྱག་བྱ་བ་དང་མི་བྱ་བའི་ཚུལ་བསྟན་ནས། རྫོགས་པའི་རིམ་པ་རྟོགས་པ་རྣམས་
ཀྱིས་ཕྱག་བྱ་མི་བྱ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་བཞིན་༼འདིར་ཡིད་ཀྱི་ཕྱག་བྱེད་པ་ནི་ཡིད་ཀྱིས་རང་དམན་པ་དང༌། ལྷ་བཟང་བའི་ཕྱིར་ན་དབྱེར་མེད་དུ་བྱེད་པ་མི་རུང་ངོ་སྙམ་ནས་ཕྱག་འཚལ་བའོ། །༽གཤེགས་པ་ཐམས་
ཅད་ནི་སེམས་ཅན་ཐམས་ཅད་དོ། །དེ་རྣམས་ཀྱི་སྐུ་རྡོ་རྗེ་ལ་སོགས་པལ་འི་བསམ་གཏན་གྱི་དམ་ཚིག་ནི། སྒྱུ་མའི་སྐུར་དམིགས་པའི་རྣམ་པ་སྟེ་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ཀུན་ཏུ་རྡོ་རྗེ་ཞེས་བྱ་བ་ལ་སོགས་པ་ལ། ཀུན་ཏུ་སྟེ་
4-2-425b


ཐམས་ཅད་དུ་སེམས་ཅན་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དཀྱིལ་འཁོར་ཞེས་པ་ལུས་ལ་སོགས་པའི་ཚོགས་ལ། རྡོ་རྗེ་སེམས་དཔའ་ཞེས་བྱ་བ་ལ་སོགས་པ་སྟེ། གང་ཡིན་པའི། བསམ་གཏན་རྡོ་རྗེ་གསུམ་སྦྱོར་བ། །ཞེས་བྱ་བ་ནི། རྡོ་རྗེ་འཆང་གི་རྡོ་རྗེ་
གསུམ་མི་ཕྱེད་པའི་རང་བཞིན་དུ་དམིགས་པས། སྔགས་བཟློས་པས་ཞེས་པ་རྡོ་རྗེ་ཟློས་པ་ལ་དགའ་བའི་ནང་གི་བདག་ཉིད་ལ་མཆོག་༼ཀུན་ཏུ་རྡོ་རྗེ་ཞེས་བྱ་བ་ལ་སོགས་པ་ལ། ཞེས་བཤད་ཟིན་པས་འདིར་སོགས་མེད་པ་ཆག་འགྱུར་ལྟར་བྱ། རྡོ་རྗེ་སེམས་དཔའ་ཞེས་པ་དང་པོའི་མགོན་པོ་སྟེ་དེའི་རྡོ་རྗེ་
གསུམ་ཟེར་བ་ལྟར་རོ། །༽ཏུ་གཞོལ་བས། བསམ་གཏན་བྱ་ཞིང་བསམ་གཏན་དམིགས་པ་ལ་སྤྱད་པར་བྱའོ། །དེ་ལྟ་བུའི་གང་ཟག་གི་ཕྱག་བྱ་བ་གང་ཡིན་ཞེ་ན། དེ་ནས་ཞེས་བྱ་བ་ལ་སོགས་པ་གསུངས་ཏེ། སྔགས་ཐམས་ཅད་ཀྱི་སྒྲུབ་པ་ནི་ཟུང་དུ་འཇུག་
པའི་རིམ་པ་ལ་གནས་པ་སྟེ། དེ་རྣམས་ཀྱི་དམ་ཚིག་དང་སྡོམ་པ་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །མདོར་ན་ཞེས་བྱ་བ་ནི་གཅིག་ཏུ་གྱུར་པས་ཏེ་གྱུར་པར་བྱའོ་སོ། །སེམས་ཅན་ཁམས་རྣམས་ནི་རྫོགས་པ་དང་མ་རྫོགས་པའི་སེམས་ཅན་གྱི་ཚོགས་
རྣམས་སོ། །གཅིག་ཏུ་བྱེད་ཚུལ་ནི་བསམ་གཏན་རྡོ་རྗེས་ཞེས་བྱ་བ་ནི་བཤད་མ་ཐག་པའི་རྡོ་རྗེ་གསུམ་དབྱེར་མི་ཕྱེད་པའི་གྱི་བསམ་གཏན་གྱིས་རྡོ་རྗེ་འཆང་གི་སྐུ་གཅིག་ཏུ་བྱའོ་སོ། །བསྐུལ་བར་བྱ་ཞེས་བྱ་བ་ནི་བསླབ་པར་བྱའོ། །རྡོ་རྗེ་གསུམ་གྱི་
ཕྱག་འཚལ་བ་ཞེས་བྱ་བ་ནི། སེམས་ཅན་ཐམས་ཅད་རྡོ་རྗེ་གསུམ་མི་ཕྱེད་པའི་ངོ་བོར་བལྟས་ནས་དེ་བཞིན་གཤེགས་པ་ལ་སོགས་པའི་སྐུ་གཟུགས་ལ་སོགས་པ་ལ་ཕྱག་བྱ་བའོ། །དེ་ལྟར་བྱེད་པ་དེའི་ཕྱག་འཚལ་བའི་མཆོག་ནི་ཤིན་ཏུ་ཁྱད་པར་དུ་
4-2-426a


འཕགས་པའོ། །རྡོ་རྗེ་ནི་རྫོགས་པ་ཟུང་འཇུག་གི་འི་རྣལ་འབྱོར་རོ་པའོ། །རྣལ་འབྱོར་འདི་ལས་བྱུང་བས་ན་འབྱུང་བ་སྟེ། དག་མ་དག་གི་རླུང་སེམས་ཙམ་ལས་རྡོ་རྗེ་འཆང་ཆེན་པོ་ཉིད་དུ་སྐྱེད་པའི་སྤྱོད་པ་ཞེས་བྱ་བའི་བར་
དུའོ།། ༈ བསྙེན་པ་ལ་སོགས་པ་རྣལ་འབྱོར་བཞི་ལ་ཞུགས་པ་རྣམས་ཀྱི། བསྒྲུབ་པ་སྟེ་འདོད་ཡོན་ལ་ལོངས་སྤྱོད་པའི་དུས་སུ་ཡུལ་དབང་རྣམས་ཐབས་ཤེས་སུ་སྡུད་པའི་སྡོམ་པ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་
སྨོས་ཏེ། བསྙེན་པ་ཞེས་བྱ་བ་དང་ལ་སོགས་པས་ཉེར་སྒྲུབ་དང་བསྒྲུབ་པ་དང་སྒྲུབ་ཆེན་གྱི་འི་དོན་ནི་ལེའུ་བཅུ་གཉིས་པའི་འགྲེལ་པར་བཤད་ཟིན་ཏོ། །རྡོ་རྗེ་བཤང་གཅིས་ཞེས་བྱ་བའི་བཤང་གཅི་ནི་ཡུལ་དང་དབང་པོའོ། །རྡོ་རྗེ་ནི་དེ་རྣམས་ལྷའི་ངོ་བོ་
མི་ཕྱེད་པར་བྱས་པ་རྣམས་ཀྱིས་སོ། །ནམ་མཁའི་དབྱིངས་ནི་ནམ་མཁའི་ཁམས་མཐའ་ཡས་པའོ། །ཡོངས་སུ་གང་བར་ཞེས་བྱ་བ་ནི་ཡང་དག་པར་ཁྱབ་པར་རྣམ་པར་བསམ་ལ། དེ་ནས་དུས་གསུམ་རྡོ་རྗེ་དག་ལ་ཞེས་བྱ་བ། སྐུ་གསུམ་མི་ཕྱེད་པའི་
ང་རྒྱལ་འཆང་བ་རྣམས་ལ་དབུལ་ཞིང་སྟེ་རྣམ་པར་བསྟེན་པར་བྱའོ། །དུས་ཏེ་ཐུན་གསུམ་དུ་ཡང་ཁམས་གསུམ་གྱི་ནང་ན་གནས་པའི་ཡུལ་དང་དབང་པོའི་ངོ་བོ་ཉིད་ཐམས་ཅད་ཀྱི་དབང་པོ་རྣམས་ཐབས་ཏེེ་ལྷ་ཕོ་དང་ཡུལ་རྣམས་ཤེས་
རབ་ལྷ་མོའི་ངོ་བོར་སྒོམ་པ་ཉིད་ཀྱིས་ནམ་མཁའི་དབྱིངས་ཁྱབ་པར་བསྒོམ་པ་ལ་འདོད་པ་ལ་ལོངས་སྤྱོད་པ་ན་ཐབས་ཤེས་རོལ་པའི་ཚུལ་གྱིས་བྱའོ་མོ་ཞེས་བྱ་བའི་བར་དུའོ། །དམ་ཚིག་རབ་ཏུ་རྟག་པའོ། །ཞེས་བྱ་བ་ནི་ཐོག་མ་མེད་པའི་དུས་ནས་སངས་རྒྱས་
4-2-426b


རྣམས་ལས་རིམ་པར་བརྒྱུད་པ་ཅན་ནོ།། ༈ དེ་ལྟར་འདོད་ཡོན་ལ་སྤྱད་པས་དེ་ཁོ་ན་ཉིད་རྟོགས་པས་འི་ཐ་མལ་པའི་ལུས་སྤངས་ནས་ཏེ་ལུས་ལས་ལོགས་སུ་བྱེ་ནས་རྣམ་པར་མི་འཇིག་པ་སྟེ་རིགས་འདྲ་རྒྱུན་མི་འཆད་པའི་རྡོ་རྗེའི་སྐུ་
འཛིན་པར་བྱེད་པའི་ཐབས་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་མི་སྣང་བ་ཐམས་ཅད་ཀྱི་དམ་ཚིག་ཅེས་བྱ་བ་ལ། རྡོ་རྗེ་ཐམས་ཅད་ནི་ཐུན་མོང་གི་སྐུ་དང་གསུང་དང་ཐུགས་ཏེ། དེའི་མི་སྣང་བ་ནི་འོད་གསལ་བར་
འཇུག་པའོ། །འོད་གསལ་འདི་ལས་རྡོ་རྗེ་སྐུ་དང་མཉམ་པས་ན་དམ་ཚིག་སྟེ། རྡོ་རྗེ་ཐམས་ཅད་དབྱིངས་མི་སྣང་བ་འོད་གསལ་དང་དམ་ཚིག་ཟུང་འཇུག་སྟེ་༼ཐ་མལ་གྱི་ཟེར། ༽གཉིས་པོ་འདི་དག་སྟོན་པ་ཉིད་ཀྱི་སྐུ་ལ་སོགས་པ་
ལས་ཕྱུང་ངོ༌། །དུས་བཞིར་ཞེས་བྱ་༼རྡོ་རྗེའི་སྐུ་ཡང་དག་པར་འབྱུང་བས་ན་དམ་ཚིག་སྟེ། ཟེར། ༽བ་ལ་སོགས་པ་ལ། དུས་བཞི་ཞེས་བྱ་བ་སྟོང་པ་ཉིད་བཞིའོ། །མཆོག་ཅེས་པ་སྟོང་ཉིད་སྒོམ་པའི་ལམ་བླ་ན་སྟེ་གོང་ན་མེད་པའོ། །ཉིན་རེ་༼
འདིར། རྡོ་རྗེ་ཅན་གྱིས་ཉིན་རེ་ཞིང༌། །ཐུན་བཞི་མཆོག་ནི་སྤྱད་པར་བྱ། །སླར་ཡང་རྫས་ཀྱང་རྟག་ཏུ་དབྲོག། ཅེས་འབྱུང་བ་ལེགས་སོ། །༼ཞེས་བྱ་བ་རྟག་ཏུའོ། །སྤྱད་པར་བྱ་ཞེས་པ་ནི་བསྒོམ་པར་བྱ་བའོ། །སླར་ཡང་ན་རྫས་ཞེས་བྱ་བ་ལུས་ཀྱང་དབྲོག་པར་བྱ་ཞེས་བྱ་བ་བླང་བར་བྱབ་ནི་ཟུང་འཇུག་གི་སྐུ་མ་བྱིན་པར་ལེན་
པའོ། །རྟག་ཏུ་ཞེས་པ་ནི་ལུས་འཕྲོག་པའི་ཐབས་རྟག་ཏུ་བྱེད་པ་ཡིན་ལ། དེ་ལ་ནི་དུས་ཐཾད་དུ་སྟེ་རྒྱུན་དུ་འོད་གསལ་དུ་འཇུག་པར་བྱ་བ་དང་སྟེ། ཞུགས་པའི་མཐར་ཟུང་འཇུག་གི་སྐུ་སྒྲུབ་པའི་དགོས་པའི་དབང་གིས་ཏེ་ཕྱིར་དུ་སྒྱུ་མའི་སྐུར་ལྡང་བར་༼ཡང་གི་སྒྲས་
4-2-427a


ནི་རྒྱུན་དུ་འོད་གསལ་དུ་འཇུག་པར་མ་ཟད་སྒྱུ་མའི་སྐུར་ལྡང་བ་ཡང་རྒྱུན་དུ་བྱེད་པ་ཡིན་ཏེ་རྟག་ཏུ་ཞེས་པ་དེ་གཉིས་ཀ་ལ་སྦྱར་དགོས་པས་སོ། །༽ཡང་བྱའོ་ཞེས་བྱ་བར་དགོངས་སོ། དམ་ཚིག་རྡོ་རྗེ་རྫོགས་བྱེད་པའོ། །ཞེས་བྱ་བ་ནི། དེ་བཞིན་གཤེགས་
པ་མཉེས་པར་བྱེད་པའི་དམ་ཚིག་གོ། ༈ དེ་ཁོ་ན་ཉིད་རྟོགས་པ་རྣམས་ཀྱི་འགྲོ་བའི་དོན་དུ་ཡུན་རིང་དུ་གནས་པར་བྱ་བའི་ཕྱིར། ཕྱི་རོལ་གྱི་བཅུད་ཀྱི་ལེན་གང་ཡིན་པ་དེ་ལ་ལྟོས་པ་མེད་པར་རང་གི་ལུས་གནས་པའི་ཆོ་ག་བསྟན་པར་བྱ་བའི་
ཕྱིར། དེ་ནས་ཞེས་བྱ་བ་ལ་སྩོགས་པ་གསུངས་ཏེ། ནམ་མཁའི་རིག་པ་ནི་དེ་བཞིན་ཉིད་དོ། །དེ་འཛིན་པར་བྱེད་ཅིང་དམིགས་པར་བྱེད་པས་ན་ནམ་མཁའི་རིག་འཛིན་ཏེ་རྣལ་འབྱོར་པའོ། །དེའི་མཉམ་པ་འདིས་བྱེད་ཅིང་ལུས་རྒྱས་པར་བྱེད་པས་
ན་དམ་ཚིག་སྟེ། བརྟ་བར་བྱ་བའི་ཆོ་ག་འདི་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །སྐུ་གསུང་ཐུགས་ཀྱི་ཞེས་བྱ་བ་ལ་སོགས་པས་སྒྲུབ་པ་པོ་བདག་ཉིད་ཀྱི་༼འདི་ལས་དེའི་ལུས་རྟས་པར་ཡང་དག་པར་འགྲོ་བས་ན་དམ་ཚིག་སྟེ་རྒྱས་པར་བྱེད་པའི་ཆོ་གའོ་ཟེར། ༽སྐུ་དང་གསུང་
དང་ཐུགས་ཀྱི་རྡོ་རྗེ་བདེ་བར་གནས་པར་བྱ་བའི་ཕྱིར། དབུ་རྒྱན་དག་ལ་སྟེ་ཀླད་རྒྱས་ལ་བསམ་གཏན་ཏེ་བདུད་རྩི་ཀུནྡ་ལྟ་བུ་ཞེས་བྱ་བ་བསམ་པར་བྱའོ། །དེའི་ཕན་ཡོན་ནི་རྡོ་རྗེ་གསུམ་གྱི་ཞེས་བྱ་བ་ལ་སོགས་པ་སྟེ་རྡོ་རྗེ་གསུམ་ནི་ལུས་སོ། །དེ་སྐྱེས་
པ་ནས་བརྩམས་ཏེ་མཉམ་པར་༼ཀླད་རྒྱས་ནས་འཛག་པའི་བྱང་སེམས་ལྕེ་ཆུང་གི་ལམ་ནས་ལྕེའི་གཞུང་དུ་འབབ་པར་བཤད་པས། གནས་དེ་ནས་བརྒྱུད་དེ་བདུད་རྩི་ལྕེ་ཆུང་དུ་འབབ་པར་སེམས་པའོ། །ཁ་ཅིག་སྤྱི་བོར་དབྱངས་བཅུ་དྲུག་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་བདུད་རྩི་འཛག་པ་བསམ་ཞེས་ཟེར་རོ། །༽
4-2-427b


འགྲོ་ཞིང་རྗེས་སུ་འགྲོ་བས་ན། རྡོ་རྗེ་གསུམ་གྱི་དམ་ཚིག་སྟེ་རླུང་ལ་སོགས་པ་ནད་གཞི་རྣམས་སོ། །དེ་དག་ཐམས་ཅད་ཀྱི་ཁྲོས་ཤིང་རབ་ཏུ་འཁྲུགས་པ་རྣམས་ཀྱིས་བརྒྱལ་ཞིང་ཟིལ་གྱིས་གནོན་པར་ལུས་འདི་མི་ནུས་སོ། །ཇི་སྐད་དུ་བཅོམ་ལྡན་འདས་ཀྱིས་ཤེས་
རབ་ཀྱི་མདོ་སྟེ་རྣལ་འབྱོར་མའི་རྒྱུད་ལས། གང་ཞིག་བདུད་རྩི་ཀུནྡ་ལྟ་བུའི་རང་བཞིན་དུ། །སྤྱི་བོ་ནས་ར་རྟག་ཏུ་ངེས་པར་འབབ་པའི་བདུད་རྩི་དེ། །རྣལ་འབྱོར་དབང་པོས་དེ་འཐུངས་ན། །རྒ་དང་འཆི་བ་རྣམ་པར་འཇིག། པར་བྱེད་དོ། །ཇི་ལྟར་
པདྨའི་སྡོང་བུའི་ཁོང་སྟོང་ལས། །མི་ཡིས་ཆུ་ནི་འདྲེན་པར་བྱས་སྟེ་བྱེད། །འཐུང་བ་༼སྤྱི་བོ་ནས་རྟག་ངེས་འབབ་པ་ཟེར། ༽དེ་བཞིན་དུ་ཆུ་ལྟ་བུའི་ཀླད་རྒྱས་ཀྱི་བདུད་རྩི་སྡོང་བུ་ལྟ་བུའི་ལྕེ་ཆུང་གི་ལམ་ནས་དྲངས་ཏེ་ཉེ་བར་འཐུངས་པ་ཡིས། །རྣལ་འབྱོར་པ་
ནི་སྟོབས་ཤིན་ཏུ་ཆེ་བ་དང་ཡུན་རིང་དུ་ན་འཚོའོ། །ཞེས་གསུངས་པ་དང༌། རྩ་བའི་རྒྱུད་དེ་ཉིད་བསྡུས་པ་ལས་ཀྱང༌། །ལྕེ་ནི་རྐན་ལ་སྦྱར་བྱ་ཞིང༌། །སྣ་ཡི་རྩེ་མོར་བསམ་པར་བྱ། །རྡོ་རྗེ་ཕྲ་མོ་བདེར་རེག་པས། །སེམས་ནི་མཉམ་པར་བཞག་པར་
གྱུར། །ཅེས་གསུངས་པའི་ཕྱིར་རོ། །༼དེ་ཉིད་བསྡུས་པའི་ལུང་འདིའི་དངོས་ཟིན་གྱི་དོན་ཆོས་བརྒྱ་སྒོམ་པ་པོས་ལྕེ་རྐན་ལ་སྦྱར་ནས་གདོང་གི་སྣ་རྩེར་རྡོ་རྗེ་ཕྲ་མོ་བསྒོམ་པ་ཡིན་མོད་ཀྱང༌། འདིར་དྲངས་པ་ལྟར་ན་ལྕེ་རྐན་ལ་སྦྱོར་བས་ལྕེ་ཆུང་བའི་སྣའི་རྩེ་མོར་རྡོ་རྗེ་སྟེ་ལྕེས་རེག་པར་བྱས་ནས་བདུད་
རྩི་འཐུང་བའོ། །དེ་ནི་ལུང་དེ་གང་ལ་དགོངས་ནས་གསུངས་པའི་དགོངས་གཞིའི་སྒོ་ནས་གསུང་བར་བྱ་སྟེ། དཔེར་ན་བཀའ་འགའ་ཞིག་གི་དངོས་ཟིན་དྲང་དོན་ཡིན་ཀྱང་དགོངས་གཞི་ངེས་དོན་དུ་འགྱུར་བ་མི་འགལ་བ་བཞིན་ནོ།། ༈ དེ་ལྟར་ནང་གི་བདག་ཉིད་ལ་མཆོག་ཏུ་གཞོལ་བ་
4-2-428a


རྣམས་ཀྱི་ཚིམ་པར་བྱ་བའི་ཆོ་ག་བསྟན་ནས། སྔགས་ལ་མཆོག་ཏུ་གཞོལ་བ་རྣམས་ཀྱི་ཚིམ་པའི་ཆོ་ག་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། སྔགས་འཆང་ལས་དང་པོ་བ་ཐམས་ཅད་ནི་
རྣམ་པར་སྣང་མཛད་ལ་སོགས་པ་རིགས་ལྔའི་ཟློས་པ་པོ་སྟེ། དེ་རྣམས་ཀྱི་དམ་ཚིག་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །སྐུའི་ཞེས་བྱ་བ་ལ་སོགས་པ་ལ། བཟའ་བ་ལ་སོགས་པ་ལ་ལོངས་སྤྱོད་པའི་དུས་སུ་ནི་རང་ཉིད་སྐུ་རྡོ་རྗེ་འཛིན་པ་རྣམ་
སྣང་དུ་ར་བྱིན་གྱིས་བརླབ་པར་བྱའོ། །ཕྱི་རོལ་རྡོ་རྗེ་འཛིན་པ་དང༌། ཞེས་བྱ་བ་ནི། ཟས་སྟེ་བཟའ་བཏུང་ལ་སྤྱོད་པ་ལས་གཞན་པའི་ཡུལ་གཟུགས་ལྟ་བ་དང་སྒྲ་ཉན་པ་དང་དྲི་སྣོམ་པ་དང་རེག་བྱ་ལ་རེག་པ་རྣམས་ལ་ལོངས་སྤྱོད་པའི་དུས་སུ་ནི་རང་ཉིད་
རྡོ་རྗེ་འཛིན་པ་མི་བསྐྱོད་པར་བྱིན་གྱིས་བརླབ་པར་བྱའོ། །རྟག་པར་རྡོ་རྗེ་ཆོས་སུ་བྱ། །ཞེས་བྱ་བ་ནི། རྡོ་རྗེ་ཆོས་ཏེ་གསུང་རྡོ་རྗེར་རང་ཉིད་རྟག་ཏུ་བྱིན་གྱིས་བརླབ་པར་བྱའོ། །གང་ལ་ཞེ་ན། མདོ་གདོན་ཆོ་གའི་བྱ་བ་ལ། །ཞེས་བྱ་བ་སྟེ། མདོ་ནི་གསུང་
རབ་ལ་སོགས་པའོ། །དེ་གདོན་པ་ནི་ཀློག་པའོ། །ཆོ་གའི་བྱ་བ་ལ་ཞེས་བྱ་བ་ནི་ཚུར་སྤྱོན་དང་གཤེགས་སུ་གསོལ་བ་ཞེས་བྱ་བ་ལ་སོགས་པའི་དབང་དུ་བྱ་བའི་ཆོ་གའི་བྱ་བ་སྟེ། ཆོས་ཐམས་ཅད་ཚིག་ཏུ་འདོན་པ་དང༌། དབྱངས་ལེན་པ་ལ་སོགས་པ་ལ་
འོད་དཔག་ཏུ་མེད་པར་བྱིན་གྱིས་བརླབ་པར་བྱའོ། །ཞེས་བཅོམ་ལྡན་འདས་ངོ་བོ་ཉིད་དག་པ་རྡོ་རྗེས་དེ་སྐད་ཅེས་བཀའ་སྩལ་པའོ། །དེ་ལྟར་རིགས་གསུམ་གྱི་ང་རྒྱལ་གྱིས་བྱེད་པ་དང༌། རང་གི་ལྷའི་ང་རྒྱལ་གྱིས་བྱེད་པ་གཉིས་གདམ་ང་ཅན་དུ་མངོན་ནོ། །
4-2-428b


 ༈ གང་སྔར་བཤད་པ་དང་འོག་ནས་བཤད་པའི་ལས་ཀྱི་ཚོགས་ལ་སོགས་པ་བྱེད་པ་ན། རྣམ་པར་དག་པ་འོད་གསལ་ལ་སེམས་སྦྱར་ནས་བྱེད་པ་བ་དེ་བཤད་པའི་དོན་དུ་སྟོན་པས་འོད་གསལ་གྱི་ཏིང་ངེ་འཛིན་མངོན་
སུམ་དུ་མཛད་པར་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་འཛིན་པ་ཐམས་ཅད་ནི་སྤངས་རྟོགས་ཡོངས་སུ་རྫོགས་པའི་དེ་བཞིན་གཤེགས་པ་རྣམས་སོ། །སྐུ་དང་གསུང་དང་ཐུགས་ཀྱི་རྡོ་རྗེ་ནི་མ་རྫོགས་པའི་སེམས་
ཅན་རྣམས་ཏེ། དེ་རྣམས་ཀྱི་མཉམ་པ་ཉིད་ནི་སེམས་རང་བཞིན་གྱིས་འོད་གསལ་བ་ལ་གཅིག་ཏུ་གཞོལ་བའོ། །རྣམ་པར་དགོངས་པ་ནི་བསྒོམས་ནས་ཅང་མི་གསུང་བར་གྱུར་ཏོ།། ༈ དེ་ནས་ཞེས་བྱ་བ་ནས་བཀའ་སྩལ་ཏོ་ཞེས་བྱ་བའི་བར་ལ་
སོགས་པ་ནི་གོ་སླའོ།། ༈ བཅོམ་ལྡན་འདས་ཞེས་བྱ་བ་ལ་སོགས་པ་ལ། སྐུ་དང་གསུང་དང་ཐུགས་ཀྱི་རྡོ་རྗེ་རྣམས་ཀྱི་གང་དམིགས་སུ་མེད་པ་ནི་འོད་གསལ་བའོ་ཡིན་པའི་ཕྱིར་རོ། །ངོ་བོ་ཉིད་ཀྱི་ཡི་གེའི་ཚིག་ཅེས་བྱ་བ་ནི། ངོ་བོ་
ཉིད་ཀྱིས་དེ་ཁོ་ན་ཉིད་ལས་མི་འགྱུར་བའི་གནས་ཏེ། རིགས་ཀྱི་བུ་རྡོ་རྗེ་འཆང་ཆེན་པོ་འདི་ནི་ངོ་བོ་ཉིད་མེད་པའི་ཚིག་སྟེ་གནས་ཞེ་ཅེས་བྱ་བ་ནི། བརྗོད་དུ་མེད་ཅིང་རྣམ་པར་མི་འཇིག་པའི་༼རང་བཞིན་གྱིས་མི་འགྱུར་བའི་གནས་ཟེར། ༽གནས་ལ་རྣམ་པར་
དཔྱོད་ཅིང་དགོངས་པར་མཛད་དེ། ཐུགས་སུ་ཆུད་ནས་བདག་ཅག་རྣམས་ལ་ངོ་བོ་ཉིད་མེད་པའི་གནས་དེ་སྟོན་པར་མཛད་པའི་ཕྱིར། ཅང་མི་གསུང་བར་བཞུགས་སོ་ཞེས་པ་སྟེ། འོད་གསལ་བ་ལ་ཞུགས་པར་གྱུར་ཏེ་ཞེས་བྱ་བའི་དོན་ཏོ། །རིགས་ཀྱི་བུ་ཞེས་བྱ་
4-2-429a


བ་ལ་སོགས་པས་ནི་རིགས་ཀྱི་བུ་དེ་བཞིན་གཤེགས་པ་ཐམས་ཅད་ཀྱི་བདག་པོ་འདི་སེམས་པ་ནི་འདི་སྙམ་དུ་གྱུར་ཏོ་ཞེས་པ་ནི་སྔར་འོད་གསལ་དུ་ཞུགས་པའི་དོན་འདི་ཉིད་རྣམ་པར་འགྲེལ་ཏེ། སྐུ་མི་འགྱུར་བ་ཞེས་བྱ་བ་ལ་སོགས་པ་ལ། 
སྐུ་ཉིད་སྐུ་མི་འགྱུར་བ་སྟེ། རང་བཞིན་གྱིས་མ་སྐྱེས་པའོ། །དེ་མ་སྐྱེས་པ་ནི་རང་བཞིན་གྱིས་སྐྱེ་བའི་རྒྱུ་དང་རྐྱེན་མེད་པའི་ཕྱིར་རོ། །མཚན་མ་མེད་ཅེས་པ་ལ་འདིས་མཚོན་པས་ན་མཚན་༼ཏོ་ཞེས་ཡར་ལ་གཅོད་དོ། །༽ཉིད་དེ་ཁ་དོག་དང་དབྱིབས་ཀྱི་བདག་
ཉིད་ཅན་ནོ། །དེ་གང་ལ་མེད་པ་དེ་ནི་མཚན་མ་མེད་པ་སྟེ་སྐུ་དང་ལ་སོགས་པས་གསུང་དང་ཐུགས་གསུམ་པོ་འདི་དག་མཚན་མ་མེད་པའོ་གོ། ནམ་མཁའི་རྡོ་རྗེར་རྟོག་པ་སྟེ་བརྟག་པར་བྱ་བ་ནི་དེ་བཞིན་ཉིད་དོ། །དེ་ལས་ཏེ་དེར་བྱུང་
བ་ནི་དེ་ཐོབ་པ་སྟེ་ནམ་མཁའ་རྡོ་རྗེར་རྟོག་ལས་བྱུང༌། །ཞེས་བྱ་བ་སྟེ། དེ་ནི་ཁམས་གསུམ་པའི་ཆོས་ཐམས་ཅད་དོ་འོ། །ཆོས་ཐམས་ཅད་རང་བཞིན་གྱིས་སྟོང་པའི་དེ་ཁོ་ན་ཉིད་དུ་ཟད་ན། དེ་ལས་ལྷའི་འཁོར་ལོ་འབྱུང་བར་ཇི་ལྟར་འགྱུར་
ཞེ་ན། ༼དེའི་དོན་ནི་རྣམ་པར་དཔྱད་ན་དེ་བཞིན་ཉིད་དེའི་ངོ་བོར་གནས་པའོ། །༽ལོག་པར་བཟུང་བས་ཟིན་པ་ཡིན། །ཞེས་བྱ་བ་གསུངས་ཏེ། ལོག་པ་ནི་སྒྱུ་མའོ། །དེ་ཡང་དག་པར་བཟུང་ཞིང་ཉེ་བར་བླངས་པས་ན་ལོག་པར་བཟུང་བ་སྟེ། སྒྱུ་མ་ལྟ་བུའི་
རྡོ་རྗེ་འཆང་གི་སྐུའོ། །རྡོ་རྗེ་འཆང་དེས་དཀྱིལ་འཁོར་པ་ཐམས་ཅད་ཡོངས་སུ་བཟུང་བས་ན་ཟིན་པ་སྟེ་དེ་སྐད་དུ། རྣལ་འབྱོར་ཐམས་ཅད་བཅོམ་ལྡན་འདས། །རྡོ་རྗེ་སེམས་དཔའ་དེ་བཞིན་གཤེགས། །དེ་ཡི་ཉེ་བར་ལོངས་སྤྱོད་ནི། །ཁམས་
4-2-429b


གསུམ་མ་ལུས་འདི་དག་གོ་ཞེས་གསུངས་པའི་ཕྱིར་རོ།། ༈ ལོག་པར་བཟུང་བ་ཞེས་བྱ་བའི་རྡོ་རྗེའི་ཚིག་འདིའི་དགོངས་པ་ཤེས་ཀྱང་མི་ཤེས་པ་བཞིན་དུ། བཅོས་ནས་འཇམ་དཔལ་ལ་སོགས་པའི་བྱང་ཆུབ་སེམས་དཔའ་རྣམས་ཀྱིས་
དོན་དེ་གསལ་བར་བྱ་བའི་བསམ་པས། དེ་བཞིན་གཤེགས་པ་རྣམས་ལ་སྐུལ་བར་བྱེད་པ་བསྟན་པར་བྱ་བའི་ཕྱིར། དེ་ནས་འཇམ་དཔལ་ཞེས་བྱ་བ་ལ་སོགས་པ་གསུངས་ཏེ། གསུང་རྡོ་རྗེའི་ཚིག་ཅེས་བྱ་བ་ནི་རྡོ་རྗེ་འཆང་གི་ཆོས་སྟོན་པལའོ། །
ཕྱིན་ཅི་ལོག་ནི་རྫུན་པའི་ཚིག་གོ་འོ། །ཚིག་དེ་མི་ཤེས་པ་འདི་ལས་ཀུན་ཏུ་འབྱུང་བས་ན་ཕྱིན་ཅི་ལོག་ཀུན་འབྱུང་བ་སྟེ། རྒྱུའོ་ནི་མི་ཤེས་པ་རྒྱུར་གྱུར་པར་མ་བཟུང་ཞིག་པ་སྟེ། འཛིན་པར་མི་འགྱུར་བར་མཛད་དུ་གསོལ་ཞེས་པའོ། །
དེ་དག་ཀྱང་ཇི་ལྟ་བུ་ཞེ་ན། དེ་ཅིའི་སླད་དུ་ཞེ་ན་ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཐམས་ཅད་ནི་འདས་པ་༼འདིའི་དོན་ནི་ལོག་པར་བཟུང་བས་ཟིན་པ་ཡིན། ཞེས་པའི་དོན་ཆོས་ཕྱིན་ཅི་ལོག་ཏུ་སྟོན་པའི་རྒྱུས་ཟིན་པའོ་སྙམ་དུ་འཁོར་རྣམས་ཀྱིས་མི་
འཛིན་པར་མཛད་དུ་གསོལ། ཞེས་ཞུས་པའོ། །༽རྣམས་སོ། །དེ་རྣམས་ཀྱི་རྡོ་རྗེའི་དབྱིངས་ནི་མྱ་ངན་ལས་འདས་པའི་དབྱིངས་སོ། །ངོ་བོ་ཉིད་ནི་རང་བཞིན་ནོ། །སྤྱོད་པ་ནི་མྱང་འདས་དེ་ལ་སྤྱད་པར་གྱུར་པ་སྟེ་ཐོབ་པའོ། །གཤེགས་པ་དང་བྱོན་པ་ནི་འོད་
གསལ་བར་འཇུག་པ་དང་ཟུང་འཇུག་ཏུ་བཞེངས་པ་གང་ཡིན་པ་སྟེ། དེ་དག་ལ་ནི་དེ་བཞིན་གཤེགས་པ་ཐམས་ཅད་ཀྱི། རྡོ་རྗེ་དབྱིངས་ཀྱི་ངོ་བོ་ཉིད་སྤྱོད་པར་འགྱུར་བ་གཤེགས་པ་དང་བྱོན་པ་ནི། དེ་བཞིན་གཤེགས་པ་ཐམས་ཅད་ཀྱི་བདག་པོ་འདི་
4-2-430a


ཡིན་ཏེ། མྱ་ངན་ལས་འདས་པ་མཐར་ཐུག་པ་ཐོབ་པ་དེ་བས་ན་གསུང་རྡོ་རྗེའི་ཚིག་ལ་ཕྱིན་ཅི་ལོག་ཏུ་མ་རྟོག་ཅིག་ཅེས་བྱ་བར་སྦྱར་རོ།། ༈ གང་བཤད་མ་ཐག་པའི་རྣམ་པས་ཟབ་པ་འོད་གསལ་དུ་འཇུག་པ་
དང་རྒྱ་ཆེ་བཟུང་འཇུག་ཏུ་བཞེངས་པར་བསྟན་པ། དེ་ལ་དེའི་དགོས་པ་ཅི་ཞིག་ཡོད་ཅེས་རྟོག་པར་འགྱུར་བས་དེ་ཅིའི་སླད་དུ་ཞེ་ན། ཞེས་བྱ་བ་གསུངས་ཏེ། ཚངས་པ་ལ་སོགས་པ་ཞེས་བྱ་བ་ནི། སྐྱེ་དགུའི་བདག་པོ་ལ་སོགས་པའོ། །བྱང་ཆུབ་
ཆེན་པོ་ནི་ཤེས་བྱའི་སྒྲིབ་པའི་མཚན་ཉིད་ཅན་གྱི། ཉོན་མོངས་པ་ཅན་མ་ཡིན་པའི་མ་རིག་པའོ། །༼སློབ་དཔོན་འདིའི་ལུགས་ཀྱིས་བདེན་འཛིན་ཉོན་མོངས་ཅན་གྱི་མ་རིག་པར་བཞེད་ལ། ཉོན་མོངས་ཀྱི་བག་ཆགས་ཤེས་སྒྲིབ་ཏུ་བཞེད་པ་ལྟར་བྱ་ཡི། བདེན་འཛིན་ཤེས་སྒྲིབ་ལ་
འཆད་པ་དགོངས་པ་མིན་ཏེ། གཞན་དུ་རྒྱས་པར་བཤད་ཟིན་ཏོ། །༽དེའི་སེམས་པ་སྟེ་སེམས་གང་ལ་ཡོད་པ་དེ་ནི་བྱང་ཆུབ་སེམས་དཔའ་ཆེན་པོའོ། །མངོན་པར་ཤེས་པ་ཆེན་པོ་ནི་ཕྲ་བ་དང་ཡང་བ་ཉིད་ལ་སོགས་པ་འཇིག་རྟེན་པའི་དབང་ཕྱུག་གི་ཡོན་ཏན་བརྒྱད་
དོ་འོ། །ཡེ་ཤེས་ནི་འཇིག་རྟེན་པའི་ཐམས་ཅད་མཁྱེན་པ་སྟེ། དེ་དག་ཐོབ་པའོ། །༼ཚངས་པ་ལ་སོགས་པ་བྱང་ཆུབ་ཆེན་པོ་སེམས་པ་ཞེས་འབྱུང་བ་དག་གོ། ༽དེ་ལྟར་ཡིན་དུ་ཟིན་ཀྱང་ཆོས་ཐམས་ཅད་ཀྱི་མཚན་ཉིད་ཀྱི་ངོ་བོ་ཉིད་མི་ཤེས་ནས་ཞེས་བྱ་བ་
ལ། ཆོས་ཐམས་ཅད་ནི་གཟུགས་ལ་སོགས་པའོ། །དེ་རྣམས་ཀྱི་མཚན་ཉིད་ནི་སྒྱུ་མ་དང་མཚུངས་པའི་ཀུན་རྫོབ་ཀྱི་བདེན་པའོ། །ངོ་བོ་ཉིད་ནི་འོད་གསལ་བ་སྟེ་གཉིས་པོ་དེ་དག་གི་རྣམ་པར་དབྱེ་བ་མི་ཤེས་ནས། འདི་སྙམ་དུ་རྣམ་པར་རྟོག་གོ། ཅི་ཞེས་
4-2-430b


པ་ནི་སོམ་ཉིར་གྱུར་པའོ། །རྡོ་རྗེའི་བདག་ཉིད་འདི་ཞེས་བྱ་བ་ནི་སྟོན་པ་པོའོ། །ཆོས་ཐམས་ཅད་ནི་རྒྱུ་བ་དང་མི་རྒྱུ་བ་རྣམས་སོ། །གང་དེ་རྣམས་ཀྱི་ཆོས་ཀྱི་རྡོ་རྗེ་དེ་ཁོ་ན་ཉིད་མཐར་ཐུག་པའི་ངོ་བོ་ཉིད་དེ་མངོན་པར་མ་ཤེས་ཤིང་མ་རྟོགས་ཀྱང༌། གསང་བའི་ཡི་གེ་སེམས་ཅན་
ཐམས་ཅད་དང་ཐུན་མོང་མ་ཡིན་པའི་གསང་བ་འཆད་དམ། ཡང་ན་ཤེས་ནས་སྟོན་ཅེས་སོམ་ཉིར་གྱུར་ཏེ། ཚངས་པ་ལ་སོགས་པ་དེ་རྣམས་ཀྱི་སོམ་ཉི་བཟློག་པར་བྱ་བའི་ཕྱིར་དང༌། བཅོམ་ལྡན་འདས་བདག་ཉིད་ཀྱིས་བདེན་པ་གཉིས་ཐུགས་སུ་ཆུད་པར་བསྟན་པར་
བྱ་བའི་ཕྱིར། འོད་གསལ་བར་ཞུགས་པ་དང་བཞེངས་པ་སྟོན་པ་ཡིན་ནོ་ཞེས་བྱ་བར་སྦྱར་རོ།། ༈ དེ་ནས་ཞེས་བྱ་བ་ལ་སོགས་པ་ལ། དེ་བཞིན་གཤེགས་པ་ཐམས་ཅད་ཅེས་པ་མི་བསྐྱོད་པ་ལ་སོགས་པ་དེ་རྣམས་ཀྱིས། འཇམ་དཔལ་ལ་སོགས་
པ་བྱང་ཆུབ་སེམས་དཔའ་དེ་དག་ལ་འདི་སྐད་ཅེས་བཀའ་སྩལ་ཏོ། །བྱང་ཆུབ་སེམས་༼འཇམ་དཔལ་ལ་སོགས་པ་ལ་ཐེ་ཚོམ་མེད་ཀྱང་ཡོད་པ་ལྟར་བཅོས་ནས་ཞུས་པ་ནི། ཚངས་པ་ལ་སོགས་པ་ལ་ཐེ་ཚོམ་ཡོད་པས་དེ་རྣམས་བསལ་བའི་ཕྱིར་དུ་ཞུས་པའོ། །༽དཔའ་ཆེན་པོ་ཁྱེད་
རྣམས་ལྟ་ཅི་སྨོས་ཏེ། ཞེས་བྱ་བ་ལ་སོགས་པས་ནི་ཚངས་པ་ལ་༼རེ་ཞིག་བྱང་ཆུབ་ཆེན་པོ་སེམས་པ་ཁྱེད་རྣམས་ལྟ་ཅི་སྨོས་ཟེར། ༽སོགས་པ་ཡིན་པར་སྟོན་ཏོ། །སྐུ་དང་གསུང་དང་ཐུགས་གསང་བའི་ཡི་གེ་ཞེས་བྱ་བ་ནི། སྐུ་དང་གསུང་དང་ཐུགས་ཀྱི་
གསང་བ་སྟོན་པར་བྱེད་པའི་ཡི་གེ་རྡོ་རྗེའི་ཚིག་འདུས་པའི་རྒྱུད་༼གསང་བ་མི་འགྱུར་བ་རྙེད་ནས་ཀྱང་ཟེར། ༽རྙེད་ཅིང་སྟེ་རྡོ་རྗེ་འཆང་ཆེན་པོ་ལས་མངོན་སུམ་དུ་ཐོས་ཀྱང་ངོ༌། །སྐུ་དང་གསུང་དང་ཐུགས་ཀྱི་བྱང་ཆུབ་ཅེས་བྱ་བ་ལ། སྐུ་དང་གསུང་དང་ཐུགས་
4-2-431a


ནི་རྡོ་རྗེ་འཆང་ཆེན་པོ་སྟེ། དེའི་བྱང་ཆུབ་ནི་འབྲས་བུ་མངོན་པར་རྟོགས་པ་སྟེ། དེ་ནི་ངེད་ཀྱིས་ཀྱང་མངོན་སུམ་དུ་མ་བྱས་ན། ཚངས་པ་ལ་སོགས་པས་ལྟ་སྨོས་ཀྱང་ཅི་དགོས་ཞེས་མི་བསྐྱོད་པ་ལ་སོགས་པས་གསུངས་སོ། །དེ་ཅིའི་ཕྱིར་ཞེ་ན། 
ཞེས་བྱ་བ་ལ་སོགས་པས་ནི། རང་གིས་མ་རྟོགས་པའི་རྒྱུ་མཚན་སྟོན་ཏེ། སྐྱེ་བ་མེད་པའི་རྡོ་རྗེ་ནི་རྡོ་རྗེ་འཆང་ཆེན་པོའོ། །དེའི་མངོན་པར་བྱང་ཆུབ་པ་ནི་རྒྱུ་འོད་གསལ་དང་འབྲས་བུ་ཟུང་འཇུག་གཉིས་སུ་དོན་དམ་པར་མེད་པའོ། །རྟོགས་པ་ཐམས་ཅད་
ཀྱི་གཟུང་བྱའི་ངོ་བོ་ཉིད་དང་དོན་དམ་པར་ངེས་པར་བྲལ་བས་ན་ངོ་བོ་ཉིད་མེད་པའོ། །རྒྱུ་མཚན་གཉིས་པོ་དེ་ཉིད་ཀྱིས་ན་མི་འགྱུར་བ་སྟེ་དོན་དམ་པའི་བདེན་པའོ། །དེ་ལྟར་རྟོགས་པའི་འོད་གསལ་དེ་ལས་བྱུང་བ་ནི་རབ་ཏུ་སྐྱེས་པའི་ཟུང་འཇུག་པའོ། ། 
༈ དེ་ལྟར་དོན་དམ་པ་ལ་བསམས་ནས་རྡོ་རྗེ་འཆང་བའི་མངོན་པར་བྱང་ཆུབ་པ་མི་བསྐྱོད་པ་ལ་སོགས་པས་རྙེད་པར་དཀའ་བར་བསྟན་ནས། ཡང་སེམས་ཅན་ཐམས་ཅད་དང་རང་བཞིན་རྣམ་དག་ཐུན་མོང་བ་ཉིད་ཀྱིས་རྙེད་པར་སླ་བར་བསྟན་
པར་བྱ་བའི་ཕྱིར། རིགས་ཀྱི་བུ་ཞེས་བྱ་བ་ལ་སོགས་པ་གསུངས་ཏེ། རིགས་ཀྱི་བུ་ཞེས་བྱ་བ་ནི་བྱང་ཆུབ་སེམས་དཔའ་རྣམས་ལ་བོད་པའོ། །སེམས་ཅན་ཆེན་པོའི་ཁོངས་སུ་གཏོགས་པ་ཞེས་བྱ་བ་ནི། སྒོ་ང་ལས་སྐྱེས་པ་ལ་སོགས་པའི་སེམས་ཅན་
ཇི་སྙེད་ཡོད་པ་དེ་དག་ཐམས་ཅད་བྱང་ཆུབ་ལ་གནས་པ་ཞེས་པ་སྟེ། བྱང་ཆུབ་ནི་སེམས་ཅན་དེ་དག་གི་རང་བཞིན་དེ་ཁོ་ན་ཉིད་དུ་ཁོང་དུ་ཆུད་པར་བྱ་བའོ། །བྱང་ཆུབ་ཀྱི་རང་བཞིན་དེ་ལ་གནས་པ་ནི་དེ་ཉིད་ལ་ཐོས་པ་དང་བསམ་པ་དང་སྒོམ་
4-2-431b


པའི་རིམ་གྱིས་ཞུགས་པར་གྱུར་ནའོ། །སངས་རྒྱས་རྡོ་རྗེ་སྟེ་དེ་བཞིན་གཤེགས་པ་ཉིད་ཡིན་ནོ། །དེ་ཅིའི་ཕྱིར་ཞེ་ན། ཞེས་བྱ་བ་ལ་སོགས་པས་ནི་འདིར་རྒྱུ་གསུངས་པའོ། །ཀྱེ་མ་ནི་ངེས་པའོ། །སེམས་ཅན་དེ་དག་ནི་ཞེས་པ་ནི་ཁམས་གསུམ་པར་གཏོགས་པའོ། །
སྐུ་གསུམ་རྡོ་རྗེ་ནི་ཆོས་ཀྱི་སྐུ་ལ་སོགས་པ་གསུམ་མོ། །དེ་འཛིན་པར་མཛད་པས་ན་སྐུ་གསུམ་རྡོ་རྗེ་འཛིན་པ་སྟེ་དྲུག་པའོ། །རྡོ་རྗེ་འཆང་དེའི་རང་བཞིན་རྣམ་དག་གི་ངོ་བོ་ཉིད་ཡིན་པས་ན་སྐུ་གསུམ་རྡོ་རྗེ་འཛིན་པ་ཉིད་དོ། །རང་བཞིན་རྣམ་དག་གིས་ཁྱབ་པ་དེ་ཉེ་༼
སྐུ་གསུམ་རྡོ་རྗེ་འཛིན་པ་ཉིད་ཉེ་བར་བཟུང་ནས་སོ། །ཞེས་རྒྱུད་ལས་འབྱུང་བ་འགྲེལ་པ་དང་མཐུན་ནོ། །༽བར་བླངས་པ་སྟེ་བཟུང་ཞི་ཤིང་རྒྱུ་མཚན་དུར་བྱས་ནས་སེམས་ཅན་ཐམས་ཅད་ནི་སངས་རྒྱས་རྡོ་རྗེའོ་ཞེས་བྱ་བ་གསུངས་པར་སྦྱར་རོ། །སྐུ་དང་གསུང་དང་
ཐུགས་རྡོ་རྗེ་ནི་རྡོ་རྗེ་འཆང་ཆེན་པོའོ། །དེའི་ཡེ་ཤེས་ནི་གཉིས་སུ་མེད་པའི་ཡེ་ཤེས་སོ། །དེ་ཐོབ་པ་ནི་ཐོས་པ་དང་སྒོམ་པ་ལ་གནས་པ་ཐོབ་པར་གྱུར་པ་དང་འདྲ་བར་ཉེ་བར་གདགས་པར་མཛད་པ་ཡིན་ནོ།། ༈ དེ་ལྟར་བྱང་ཆུབ་སེམས་དཔའ་དང་
དེ་བཞིན་གཤེགས་པ་རྣམས་དྲིས་ལན་རྣམ་པར་སྨྲ་བས། རྒྱུད་ཀྱི་སྟོན་པ་བཅོམ་༼དེ་ཐོབ་པ་འཐོབ་པ་པོའི་ངོ་བོས་གནས་པ་སྟེ་ཐོབ་པ་བཞིན་ཉེ་བར་གདགས་པས་སོ། །ཟེར། ༽ལྡན་འདས་རབ་ཏུ་མཉེས་ནས། དོན་དེ་ཉིད་རང་གི་གསུང་གིས་སྟོན་པར་མཛད་པ་
བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། རང་བཞིན་དག་ཅིང་ཞེས་བྱ་བ་ནི། ཆ་བ་དང་མི་རྒྱུ་བའི་དངོས་པོ་རྣམས་སོ། །དེ་རྣམས་ཀྱི་བདག་མེད་པ་ནི་འོད་གསལ་བ་ཉིད་དོ། །ཆོས་ཀྱི་དབྱིངས་ནི་བྱང་ཆུབ་ཀྱི་སེམས་རྡོ་རྗེའོ། །༼ཆོས་
4-2-432a


དབྱིངས་མ་ལུས་གནས་གྱུར་པ། །ཟེར། ༼དེ་ནི་ངེས་པར་དགའ་ཞིང་ལྷའི་འཁོར་ལོ་མ་ལུས་པའི་སྐྱེ་བའི་གནས་སུ་གྱུར་པས་སྐུ་དང་གསུང་དང་ཐུགས་རྡོ་རྗེ་ལས་བྱུང་བའོ། །རྟོག་པ་ནི་བློའི་རྣམ་པར་འཕྲུལ་པ་ལ་སོགས་པའི་བྱ་
བའོ། །སྨྲ་བ་ནི་འཇའ་ཚོན་ལྟར་སྣང་བར་གྱུར་ནས་ཆོས་སྟོན་པའི་ཕྱིར་རོ། །སྨྲ་མ་ཡིན་ཞེས་པ་ནི་དེ་ཁོ་ན་ལ་རྣམ་པར་དཔྱོད་པའི་རིགས་པས་རྣམ་༼རྡོ་རྗེ་ཡང་དག་འབྱུང་སྟེ་སྐུ་གསུང་ཐུགས་ཀྱི་རྡོ་རྗེ་ཡང་དག་བྱུང་བའོ་ཟེར། ༸རྟོག་པ་ནི་སངས་རྒྱས་ཀྱི་རྣམ་པར་འཕྲུལ་པ་ཟེར། 
༼པར་བརྟགས་ན་མི་རྙེད་པའི་ཕྱིར་རོ།། ༈ དེ་ལྟར་རྡོ་རྗེ་འཆང་ཆེན་པོའི་ཏིང་ངེ་འཛིན་ངེས་པར་བྱས་ནས། སློབ་བཞིན་པའི་རྣལ་འབྱོར་པའི་སངས་རྒྱས་ཉིད་དུ་འགྲུབ་པའི་རྒྱུ་ཞུས་པ་དང༌། ལན་བསྟན་པའི་སྒོ་ནས་བཤད་པའི་ཕྱིར། 
དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཐམས་ཅད་ནི་སངས་རྒྱས་ཐམས་ཅད་དེ། དེ་རྣམས་ཀྱི་སྐུ་ལ་སོགས་པའི་དངོས་གྲུབ་རྣམས་གང་ལས་ཡང་དག་པར་འབྱུང་ཞིང་སྐྱེ་བར་འགྱུར། གང་ན་གནས་པ་སྟེ་གང་དུ་
ཐིམ་པར་འགྱུར་ཞེས་བྱ་བ་ནི། འཁོར་གྱི་དེ་བཞིན་གཤེགས་པ་རྣམས་ཀྱིས་ཞུས་པའོ།། ༈ རྡོ་རྗེ་འཆང་ཆེན་པོས་ལན་གསུངས་པ་ནི། བཅོམ་ལྡན་འདས་ཞེས་བྱ་བ་ལ་སོགས་པ་གསུངས་ཏེ། རང་གི་སྐུ་དང་གསུང་དང་ཐུགས་
ཀྱི་རྒྱུན་ནམ་རྒྱུད་ནི་སྐད་ཅིག་མ་གཅིག་ནས་གཅིག་ཏུ་༼བཅོམ་ལྡན་འདས་དེ་བཞིན་གཤེགས་པ་ཐམས་ཅད་དངོས་གྲུབ་ཐམས་ཅད་དང་ཡོན་ཏན་ཐམས་ཅད་ནས་ཁམས་གསུམ་གྱི་བར་ནི། རང་གི་སྐུ་དང་གསུང་དང་ཐུགས་རྡོ་རྗེའི་རྒྱུན་ལ་གནས་སོ། །ཞེས་པ་འགྲེལ་པའི་
4-2-432b


བཤད་པ་དང་མཐུན་ནོ། །༽འབྱུང་བ་སྟེ། དེ་ཉིད་མི་ཕྱེད་པས་རྡོ་རྗེ་སྟེ་སྒོ་གསུམ་འོད་གསལ་བར་ཞུགས་པའི་ཡེ་ཤེས་སོ་འོ། །གནས་སོ་ཞེས་བྱ་བ་ནི་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཐམས་ཅད། འོད་གསལ་གྱི་ཡེ་ཤེས་དེ་
ལ་བརྟེན་ཅིང་དེ་ཉིད་ལས་སྐྱེའོ་ཞེས་བྱ་བར་བཟུང་སྟེ། དངོས་གྲུབ་ཐམས་ཅད་འབྱུང་བ་དང༌གནས་པ་སྟེ་ཐིམ་པའི་རྒྱུ་སྐུ་གསུམ་མོ་ཞེས་བྱ་བའི་བར་དུའོ། །དེ་བཞིན་གཤེགས་པ་ཐམས་ཅད་ཀྱིས་ཞེས་བྱ་བ་ལ་སོགས་པ་ལ། འཇིག་རྟེན་པའི་དངོས་
གྲུབ་འབའ་ཞིག་སྐུ་གསུམ་ལས་འབྱུང་བར་མ་ཟད་ཀྱི། སྟོབས་བཅུ་དང་མི་འཇིགས་༼གནས་པ་དང་འཇུག་པའི་རྒྱུ་ནི་རང་གི་སྐུ་ལ་སོགས་པ་གསུམ་མོ་ཟེར། ༽པ་བཞི་ལ་སོགས་པ་ཡོན་ཏན་ཐམས་ཅད་དང༌། ཁམས་གསུམ་ཡང་སྐུ་དང་གསུང་དང་ཐུགས་
ལས་བྱུང་ཞིང་༼སྐུ་ལ་སོགས་པ་གསུམ་ལས་འབྱུང་བར་ཟེར། ༽སྐུ་དང་གསུང་དང་ཐུགས་ཉིད་ལ་གནས་སོ། །ཞེས་ལན་གསུངས་པའོ།། ༈ དེ་བཞིན་གཤེགས་པ་ཐམས་ཅད་ཅེས་བྱ་བ་ལ་སོགས་པ་ལ། དེ་བཞིན་གཤེགས་པ་ཐམས་
ཅད་ཀྱི་སྐུ་དང་གསུང་དང་ཐུགས་ཀྱི་དངོས་གྲུབ་དང་ཞེས་བྱ་བ་ནི། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཀྱི་༼ཁམས་གསུམ་ཐམས་ཅད་སྒྲུབ་པ་པོ་རང་གི་ལུས་ངག་ཡིད་གསུམ་ལས་འབྱུང་བ་དང་། དེ་ལ་གནས་པ་ནི་མཐར་གཏུགས་པའི་རྩ་བ་འོད་གསལ་ཡིན་
པ་དང་། གནས་པའི་ཚེ་ཡང་རང་བཞིན་དེ་ལས་མི་འདའ་བའི་དོན་ནོ། །༽མཚན་མ་སྟེ། སྐུ་དང་གསུང་དང་ཐུགས་༼དངོས་གྲུབ་ཀུན་གྱི་རྒྱུ་མཚན་སྐུ་དང་ཟེར། ༽དང་ཁམས་གསུམ་སྟེ། ས་ལ་སོགས་པ་གང་ན་གནས་ཞེས་བྱ་བ་ནི། དེ་བཞིན་གཤེགས་པ་རྣམས་
4-2-433a


ཀྱིས་ཞུས་པའོ།། ༈ ནམ་མཁའི་དབྱིངས་ནི་ཡང་དག་པའི་མཐའ་སྟེ། དེ་ལ་གནས་སོ་ཞེས་བྱ་བ་ནི་ལན་ནོ། །ནམ་མཁའ་གང་ན་གནས་ཞེས་བྱ་བ་ནི། ཡང་དག་པའི་མཐའ་ཅི་ལ་གནས་ཞེས་ཡང་ཞུས་པའོ། །རྡོ་རྗེ་
འཛིན་གྱིས་གསུངས་པ། གང་ན་ཡང་མ་ཡིན་ནོ་ཞེས་གསུངས་པ་ནི་ལན་ནོ།། ༈ དེ་བཞིན་གཤེགས་པ་ཐམས་ཅད་ཀྱིས་ངོ་མཚར་དུ་༼འདིས་ནི་ཆོས་རྣམས་ཀྱི་མཐར་གཏུགས་པའི་དེ་ཁོ་ན་ཉིད་རྟོགས་དགོས་པར་སྟོན་ནོ། །༽གྱུར་པ་བསྟན་པར་བྱ་བའི་
ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ངོ་མཚར་དུ་གྱུར་༼འདིས་ནི་ཆོས་རྣམས་ཀྱི་ཡང་དག་པའི་མཐའ་ལས་གཞན་དུ་གྱུར་པའི་དེ་ཁོ་ན་ཉིད་གཉིས་པ་རྟོགས་རྒྱུ་མེད་པར་སྟོན་ནོ། །༽བཞི་རྣམ་པར་དག་པ་འདོ་གསལ་བ་ལའོ། །རྨད་དུ་གྱུར་པ་ནི་
འོད་གསལ་ལས་ཟུང་འཇུག་གི་སྐུར་ལྡང་བ་ལའོ། །ཨེ་མའོ་རྡོ་རྗེ་ཨེ་རྡོ་རྗེ། །ཞེས་བྱ་བ་ནི་དོན་དེ་གཉིས་ལ་ཐུགས་ཤིན་ཏུ་རབ་ཏུ་དྭང་བར་གྱུར་པས་བཟླས་པ་ཏེ་གསུངས་པའོ། །ཨེ་མའོ་རྡོ་རྗེ་ཡི་བཤད་པ། །ཞེས་བྱ་བ་ནི། དེ་འདྲ་བའི་བཤད་པ་རྙེད་
པར་དཀའ་བ་ཉིད་ཀྱིས་ངོ་མཚར་དུ་གྱུར་པ་སྟེ། རྡོ་རྗེའི་ཞེས་པ་ཀུན་རྫོབ་དང་དོན་དམ་པའི་བདེན་པའོ། །གང་དུ་ཞེ་ན། དོན་དམ་པའི་བདེན་པ་མངོན་སུམ་དུ་རྟོགས་པ་གང་ཡིན་པ་དེའི་ངོ་བོར་ནི་ལུས་དང་ངག་དང་སེམས་མེད་པ་དེ་རུ་སྟེ། དེ་ལས་རྣམ་
པ་ཐམས་ཅད་ཀྱི་མཆོག་དང་ལྡན་པའི་བདག་༼ཀུན་རྫོབ་དང་དོན་དམ་པ་བསྟན་པ་ནི། གང་དུ་དེ་དོན་དམ་པའི་བདེན་པ་གང་ལ་ཟེར། ༽ཉིད་ཅན་གྱི། ལྷའི་སྐུར་རྣམ་པར་བསྒོམ་ཞིང་སྐྱེད་པར་བྱེད་པ་ནི་ངོ་མཚར་གྱི་རྒྱུའོ།། ༈ ༼འདི་ལེགས་པར་རྟོགས་ན་ངོ་མཚར་ཞིང་ཡིད་
4-2-433b


འཕྲོག་པ་འབྱུང་གི། དེ་ལྟ་མ་ཡིན་ན་ཚིག་ཙམ་མོ།། ༈ དེ་ལྟར་མཚན་མ་མེད་པའི་ཏིང་ངེ་འཛིན་ངེས་པར་བྱས་ནས། དེ་འགྲུབ་པའི་ཐབས་བསྐྱེད་རིམ་པའི་ལྷའི་སྐུ་ཇི་ལྟར་བསྐྱེད་པར་བྱ་བ་དེ་བསྟན་པའི་ཕྱིར། དེ་ནས་ཞེས་བྱ་བ་ལ་སོགས་པ་
གསུངས་ཏེ། རྡོ་རྗེ་གསུམ་ནི་སེམས་ཅན་ཐམས་ཅད་དོ། །དེ་རྣམས་ཀྱི་མཆོག་ནི་ལྷ་ཆེན་པོ་དང་ཁྱབ་འཇུག་དང་ཚངས་པའོ། །དེ་རྣམས་ཀྱི་མཆོག་ནི་ཉན་ཐོས་དང་རང་སངས་རྒྱས་རྣམས་སོ། །དེ་རྣམས་ཀྱི་མཆོག་ནི་རྡོ་རྗེ་འཆང་ཆེན་པོའོ། །རྡོ་རྗེ་གསུམ་གྱི་
དབང་ཕྱུག་མཆོག། ནི་ཞེས་བྱ་བ་ལ། རྡོ་རྗེ་གསུམ་སྟེ་སྐུ་དང་གསུང་དང་ཐུགས་རྡོ་རྗེ་རྣམས་ལ་མཆོག་ཅེས་པ། ཁྱད་པར་དུ་དབང་བསྐུར་བས་ན་རྡོ་རྗེ་གསུམ་གྱི་དབང་ཕྱུག་གོ། དེ་ཡང༌། སྐུ་ཡི་དབང་ཕྱུག་ནི་སྐུ་ཡི་སྤྲུལ་པ་དཔག་ཏུ་མེད་པ་གཅིག་ཆར་
སྟོན་པའོ། །གསུང་གི་དབང་ཕྱུག་ནི་མཐའ་ཡས་པའི་སེམས་ཅན་རང་རང་གི་སྐད་ཀྱིས་གཅིག་ཆར་དུ་ཆོས་སྟོན་པའོ་དང༌། །དེ་བཞིན་དུ་ནི་ཐུགས་ཀྱི་དབང་ཕྱུག་ནི་རྟོགས་པ་མེད་བཞིན་དུ་ཤེས་བྱ་ཐམས་ཅད་མཁྱེན་པའོ་དང༌། །རྫུ་འཕྲུལ་གྱི་དབང་ཕྱུག་ནི་ཐུགས་བསྐྱེད་
པ་ཙམ་གྱིས་མཐའ་ཡས་པའི་རྫུ་འཕྲུལ་སྟོན་པའོ། །ཀུན་འགྲོའི་དབང་ཕྱུག་ནི་ཡུལ་དུས་གནས་སྐབས་ཐམས་ཅད་དུ་ཁྱབ་པའོ། །གནས་ཀྱི་དབང་ཕྱུག་དང༌། །ཅི་འདོད་ཀྱི་དབང་ཕྱུག་ནི་འདོད་པ་ཙམ་གྱིས་འདོད་པ་རྫོགས་པར་བྱེད་ནུས་པའོ། །སྐྱེད་པར་བྱེད་པའི་དབང་ཕྱུག་ནི་འདོད་
པ་ཙམ་གྱིས་བརྟན་གཡོ་སྣ་ཚོགས་པའི་གཟུགས་སུ་བསྐྱེད་པའོ། །དང་ཡོན་ཏན་གྱི་དབང་ཕྱུག་ནི་སྟོབས་བཅུ་ལ་སོགས་པའི་ཡོན་ཏན་དང་ལྡན་པའོ་བརྒྱད་པའོ། །ཞེས་གསུངས་པས་སོ། །༼འདི་རྡོ་རྗེ་དཔལ་མཆོག་ཆེན་པོ་ལས་གསུངས་པར་རྒྱུད་ཕྱི་མའི་འགྲེལ་པར་
4-2-434a


བཤད་དོ། །དབང་ཕྱུག་བརྒྱད་འདྲེན་ལུགས་འདི་ནི་ཐུགས་རྗེ་དཔལ་ཞབས་དང༌། སྐལ་ལྡན་གྲགས་པ་དང༌། འགྱུར་གསར་རྙིང་ལྟར་ཡིན་ལ། རྒྱུད་ཕྱི་མའི་འགྲེལ་པར་དབང་ཕྱུག་དང་པོ་ལྔ་འདྲ་ཞིང༌། ལྷག་མ་གསུམ་ལ་འདོད་པ་དང་། གནས་ཀྱི་དང་འཁོར་
གྱི་དབང་ཕྱུག་ཟེར་ཏེ། རྒྱ་དཔེ་དང་བོད་དཔེ་གང་རུང་གཅིག་མ་དག་པ་འདྲའོ། །༽དངོས་གྲུབ་ཀུན་ཞེས་བྱ་བ་ནི། འཇིག་རྟེན་དང་འཇིག་རྟེན་ལས་འདས་པའི་སྒྲུབ་པར་གྱུར་པའོ། །རིག་པའི་རང་བཞིན་གྱི་སྐྱེས་བུ་ནི་རིག་པའི་སྐྱེས་བུ་སྟེ། དེའི་སྒོམ་པ་ནི་བསྐྱེད་
པའི་རིམ་པའོ། །དེ་བཤད་པར་མཛད་པ་ནི་༼དངོས་གྲུབ་ཀྱི་སྟེ་འཇིག་རྟེན་དང་འཇིག་རྟེན་ལས་འདས་པའི་སྒྲུབ་བྱེད་དུ་གྱུར་པའི་རིག་པའི་རང་བཞིན་ཟེར། ༽གསུང་བའོ། །མཁའ་དབྱིངས་རྡོ་རྗེ་ཞེས་བྱ་བ་ལ་སོགས་པ་ལ། སངས་རྒྱས་ཀྱི་དཀྱིལ་འཁོར་ནི་
སྤངས་རྟོགས་རྫོགས་པ་དང་མ་རྫོགས་པའི་སེམས་ཅན་གྱི་ཁམས་ཏེ། དེ་ཐམས་ཅད་མཁའ་དབྱིངས་རྡོ་རྗེའི་དབུས་གནས་པར། །ཞེས་བྱ་བ། འོད་གསལ་བའི་ནང་དུ་ཆུད་པར་བསྒོམ་ཞིང་བསམ་པར་བྱབ་ནི་དེ་བཞིན་ཉིད་ལས་བྱང་ཆུབ་པའོ། །
དེ་ནས་སེམས་ཅན་གྱི་ཚོགས་ཐམས་ཅད་འོད་གསལ་དུ་ཞུགས་པའི་ངང་ལས་སྐུ་རྡོ་རྗེའི་རྒྱུར་གྱུར་པ་ཟླ་བའི་གཟུགས་སུ་བསྒོམ་མོ། །སྤྱི་བོར་རྡོ་རྗེ་རབ་ཏུ་བསྒོམ། །ཞེས་བྱ་བ་ལ། སྤྱི་བོར་ཏེ་ཟླ་བའི་དཀྱིལ་འཁོར་གྱི་སྟེང་དུ་རྡོ་རྗེ་རྩེ་ལྔ་པ་བསྒོམས་
ནས། དེ་ཡོངས་སུ་གྱུར་པ་ལས་མི་བསྐྱོད་པ་ཞལ་གསུམ་པ་སྐུ་གསུམ་ལས་བྱུང་བ་ཞེས་པ་སྐུ་གསུམ་གྱི་བདག་ཉིད་ཅན་རྣམ་པར་འཕྲོ་བ་སྟེ། འོད་ཟེར་ལྔ་སྤྲོ་བ་དང་བསྡུ་བ་དང་ལྡན་པ་བསམ་པར་བྱའོ། །རྡོ་རྗེ་འཁོར་ལོ་ནི་མི་བསྐྱོད་པའི་ལྷ་རྣམས་
4-2-434b


ཀྱི་ཚོགས་ཏེ། དེའི་བདག་ཉིད་ཅན་གྱི་འཁོར་གྱི་གཟུགས་འཛིན་ཅིང་སྤྲོ་བར་བྱེད་པས་ན་འཁོར་ལོ་རྡོ་རྗེ་འཛིན་པ་སྟེ། དེ་ལྟ་བུའི་ལྷའི་སྐུ་བསམས་ན་རྣལ་འབྱོར་པས་བྱང་ཆུབ་སྟེ་མི་བསྐྱོད་པ་ཉིད་མྱུར་དུ་འཐོབ་པར་འགྱུར་རོ། །རིམ་པ་འདི་ཉིད་དང་། རྣམ་
པར་སྣང་མཛད་ལ་སོགས་པའི་རྣལ་འབྱོར་པས་འཁོར་ལོ་ལ་སོགས་པ་ཡོངས་སུ་གྱུར་པ་ལས། ཐམས་ཅད་ཅེས་བྱ་བ་རྣམ་པར་སྣང་མཛད་ལ་སོགས་པའི་གསང་བ་འདི། རིགས་ཀྱི་བྱེ་བྲག་གིས་ལྷའི་གཟུགས་འཛིན་པའི་གསང་བ་རྣམ་པར་བསམ་
པར་བྱ་སྟེ། གཞན་དུ་ཞེས་པ་བྱང་ཆུབ་པའི་རིམ་པ་ལྔར་བཤད་པ་ལས་རྣམ་པ་གཞན་གྱིས་བསྒོམས་ན། རྣམ་པར་སྣང་མཛད་ལ་སོགས་པ་དེ་དག་གི་དངོས་གྲུབ་མཆོག་སྟེ། དངོས་གྲུབ་ཀྱི་རྒྱུར་མི་འགྱུར་རོ་ཞེས་བཅོམ་ལྡན་འདས་ཀྱིས་གསུངས་སོ། །
༈ དེ་ལྟར་བདག་ཉིད་བསྐྱེད་ནས་དེའི་འོག་ཏུ་ཅི་ཞིག་བྱ་ཞེ་ན། ཁམས་གསུམ་ལས་བྱུང་ཞེས་བྱ་བ་ལ་སོགས་པ་སྟེ། ཁམས་གསུམ་ནི་ལུས་སོ། །དེ་ལས་བྱུང་བ་ནི་ལུས་དེའི་སྙིང་གར་གནས་པའོ། །རྒྱལ་མོ་ཆེན་མོ་ནི་ལྷ་མོ་སྟེ་
རྡོ་རྗེ་དབྱིངས་ཀྱི་དབང་ཕྱུག་མ་སྙིང་ག་ནས་ཕྱུང་ནས་རང་༼ཞེས་པ་དེའི་འོག་ཏུ་ཞེས་པ་འདི་བསྐྱེད་རིམ་གྱི་སྐབས་སུ་རིག་མ་འདུ་བྱ་བ་ལ་སྦྱར་ན། འོག་ནས་འབྱུང་བ་དང་མི་འགྲིག་པས་བསྐྱེད་རིམ་ལ་སྔོན་དུ་བསླབས་པའི་རྫོགས་རིམ་པའི་སྤྱོད་པ་སྟོན་པའི་འབྲེལ་སྟོན་པ་ལ་བྱའོ། །
༽གི་རིག་མར་བྱེད་པའོ། །མཉེས་པར་བྱེད་མ་ནི་དབང་༼ཚིམ་པར་བྱེད་ཅིང་ཟེར། ༽བསྐུར་བར་བྱེད་ཅིང༌། ཀུན་ཏུ་དགའ་བ་སྐྱེད་པར་རྣམ་པར་བསམ་ཞིང་བལྟ་བར་བྱའོ། །དེ་ལྟར་བྱས་པས་ཇི་ལྟར་འགྱུར་ཞེ་ན། རྡོ་རྗེ་སྐུ་གསུམ་གྱིས་
4-2-435a


མཚན་པ། །ཞེས་བྱ་བ་སྟེ། རྡོ་རྗེའི་སྐུ་སྟེ་སྐྱེས་པ་དང་བུད་མེད་ཀྱི་དབང་པོ་གཉིས་ཀྱིས་མཚན་པའི་ཉམས་སུ་མྱོང་བ་གསུམ་སྟེ། ཆགས་པ་དང་ཆགས་པ་དང་བྲལ་བ་དང་ཆགས་པ་བར་མ་སྟེ། དེ་ལ་ནི་རྡོ་རྗེ་སྐུ་གསུམ་
གྱིས་མཚན་པ་ཞེས་བྱའོ། །ཁྱུ་མཆོག་ནི་རྡོ་རྗེ་ལྟ་བུའི་ཏིང་ངེ་འཛིན་ཟུང་འཇུག་ལ་༼ཞེས་པ་ནི། འདི་ཡེ་རྒྱ་ལ་བརྟེན་པ་ཡིན་ཞིང༌། ལས་རྒྱ་ལ་བརྟེན་པ་འོག་ནས་སྟོན་པས་བསྒོམས་པའི་དབང་པོ་གཉིས་ལ་བྱའོ། །༽གནས་པའི་རྣལ་འབྱོར་པ་སྟེ་འདི་ནི་ཡེ་ཤེས་
ཀྱི་ཕྱག་རྒྱ་ལ་སྙོམས་པར་འཇུག་༼འདིར་སྟོང་པ་གསུམ་མིན་པ་བཞི་པ་མ་སྨོས་པ་ནི་འདི་འོད་གསལ་མངོན་དུ་བྱེད་པའི་ཆེད་ཡིན་པས་ཤུགས་ཀྱིས་རྟོགས་ནུས་པ་ལ་དགོངས་སོ། །༽པ་པོའོ། །ཕན་ཡོན་བསྟན་པར་བྱ་བའི་ཕྱིར། གང་ཞིག་འདི་དག་ཅེས་བྱ་བ་གསུངས་
ཏེ། གང་ཞིག་འདི་དག་སྒོམ་པ་ཡི། །ཞེས་བྱ་བ་ནི་བདེན་པ་མཐོང་བའོ། །བྱང་ཆུབ་ནི་ཡེ་ཤེས་ཀྱི་ཕྱག་རྒྱའོ། །དེ་སེམས་པའི་སེམས་གང་ལ་ཡོད་པ་དེ་ནི་བྱང་ཆུབ་སེམས་དཔའ་སྟེ། བསྐྱེད་པའི་རིམ་པ་དང་རྗེས་སུ་མཐུན་པར་གནས་པ་
སྔོན་དུ་བཏང་ནས། རྫོགས་པའི་རིམ་པ་ལ་གནས་པས་གྲགས་ཆེན་ཏེ་མཐུ་ཆེན་ཐོབ་པ་རྣམས་སོ། །གཟི་ཆེ་བའམ་འོད་ཆེན་པོ་ནི་བརྩོན་འགྲུས་ཀྱི་བརྟུན་པ་ཅན་ནོ། །ཞག་བདུན་གྱིས་ཞེས་པ་ནི། ཡེ་ཤེས་ཀྱི་ཕྱག་རྒྱ་དང་སྙོམས་པར་ཞུགས་
པས་ཡུན་རིང་པོ་མི་ཐོགས་པར་འཐོབ་པའི་དོན་ཡིན་གྱི་ཞག་བདུན་ལས་མི་འདའ་བའི་དོན་མིན་ནོ་འོ། །སྐུ་གསུམ་ནི་རྡོ་རྗེ་འཆང་ཆེན་པོ་སྟེ་དེའི་དངོས་གྲུབ་འཐོབ་པར་འགྱུར་བའོ།། ༈ སེམས་བརྟན་༼ཡེ་ཤེས་ཀྱི་ཕྱག་རྒྱ་དང་སྙོམས་པར་
4-2-435b


ཞུགས་པ་ལ་སེམས་བརྟན་པ་མེད་པ་རྣམས་ཀྱིས། ཕྱི་རོལ་གྱི་ཟེར། ཁ་ཅིག་ཆག་འགྱུར་གྱི་དེ་མི་འཐད་དེ། རྒྱ་དཔེ་ལ་དགག་སྒྲ་གསལ་བར་མེད་ཅིང༌། འགྲེལ་པར་སེམས་བརྟན་པ་ཞེས་བཤད་པ་དང་འགལ་བས་སོ། །ཞེས་པ་དེ་ནི་མི་འཐད་དེ། འགྲེལ་པར་སེམས་བརྟན་པ་ཞེས་པའི་འགྱུར་བཅོས་པ་ཡིན་པས་
གནོད་བྱེད་དུ་མི་རུང་བའི་ཕྱིར་དང༌། ལེའུ་བཅུ་དྲུག་པའི་འགྲེལ་པ་ལས་ཀྱང་ཕྱི་རོལ་གྱི་ཕྱག་རྒྱ་ལ་ལྟོས་པ་མེད་པ་རྣམས་ལ་ཡེ་ཤེས་ཀྱི་ཕྱག་རྒྱ་སྦྱིན་པར་བཤད་པས། སེམས་བརྟན་པའི་དོན་ནི་ཁམས་མི་འཛག་པ་མིན་པའི་ཕྱིར་རོ། །དེས་ན་འགྱུར་གསར་གཉིས་ཀ་མཐུན་པར་འབྱུང་བ་ལྟར་བྱའོ། །ཡེ་རྒྱ་དང་སྙོམས་
པར་འཇུག་པ་ལ་སེམས་བརྟན་པ་ནི་ཡེ་རྒྱ་ལ་བརྟེན་ན། ཕྱི་རོལ་གྱི་ཕྱག་རྒྱ་ལ་མི་ལྟོས་པར་དེའི་དགོས་པ་སྒྲུབ་ནུས་པའི་རིགས་ཅན་གཅིག་ཡོད་པས། དེས་ཤིན་ཏུ་སྤྲོས་མེད་ཀྱི་སྤྱོད་པ་བྱེད་པ་ཡིན་ནོ། །༽པ་ཐོབ་པས་ཕྱི་རོལ་གྱི་ཕྱག་རྒྱ་དང་སྙོམས་པར་ཞུགས་ནས། མཆོག་ཏུ་བདེ་བ་
ཉམས་སུ་མྱོང་བར་བྱའོ་ཞེས་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། སྐུ་གསུང་ཐུགས་རྡོ་རྗེའི་ངོ་བོར་བྱས་པའི་ཡབ་ཡུམ་གྱི་འདོད་ཆགས་ཀྱི་མེས་ཞུ་བར་གྱུར་པ་རྣམས། གང་དུ་ཐིག་ལེའི་གཟུགས་ཀྱིས་གཅིག་ཏུ་གྱུར་པ་དེ་ནི་སྐུ་
དང་གསུང་དང་ཐུགས་རྡོ་རྗེ་བསྡུས་པའོ། །བསྡུས་པ་དེ་གང་ན་གནས་པ་ཡིན་ཞེ་ན། གསང་བ་སྟེ་ཡུམ་གྱི་ཆོས་འབྱུང་བའི་ནང་དུ་གནས་པའོ། །དེའི་སྒྲུབ་པའི་ཡན་ལག་ཉིད་ཀྱིས་སྒྲུབ་པའི་ཆོ་ག་ནི་གསང་བ་ཆེན་པོ་སྟེ། དེ་ཉིད་ཀྱི་སྐུ་ལ་སོགས་
པ་ལས་ཕྱུང་ངོ༌། །སྐུ་དང་ཞེས་བྱ་བ་ལ་སོགས་པ་ལ། སྐུ་གསུང་ཐུགས་ཀྱི་དམ་ཚིག་ནི། །ཞེས་བྱ་བ་ནི། ས་མ་ཡཱ་ཏི་མཉམ་པར་འགྲོ་ཞིང༌། ཨ་ནུ་ཡཱ་ཏི་རྗེས་སུ་འགྲོ་བར་བྱེད་དོ་ཞེས་པས་རྡོ་རྗེ་འཆང་གི་སྐུ་གསུང་ཐུགས་དང་༼གསང་བའི་གསང་བ་ཟེར། ༽མཉམ་ཞིང་རྗེས་སུ་
4-2-436a


སྟེ་ཆ་འདྲ་བར་འགྲོ་བར་བྱེད་པས་ན་སྐུ་གསུང་ཐུགས་ཀྱི་དམ་ཚིག་ནི་ཕྱག་རྒྱ་ཆེན་པོ་ཞེས་བྱབ་སྒྲུབ་པ་པོས་བསྒོམས་པའི་ཕྱག་ཆེན་ནོ་འོ། །དོན་ནི་སྒྲུབ་པ་པོའི་མངོན་པར་འདོད་པའི་དོན་ཏེ་ཀུན་ཏུ་དགའ་བ་ལྷན་སྐྱེས་ཀྱི་བདེ་
བའོ། །དེ་འཁྱུད་པ་ལ་སོགས་པས་བརྟགས་ཤིང་རྫོགས་པར་བྱེད་པས་ན། ཕྱག་རྒྱ་ཆེན་པོའི་དོན་བརྟགས་པ་སྟེ། ལུས་དང་ངག་དང་སེམས་དམ་ཚིག་གི་ཕྱག་རྒྱ་ཆེན་པོའི་དོན་བརྟགས་པ་དེས་ལྷན་ཅིག་ཆོས་སྤྱོད་པ་དང༌། སྐུ་གསུང་ཐུགས་ཀྱི་
དམ་ཚིག་ཀྱང་ཡིན་ལ་ཕྱག་རྒྱ་ཆེན་པོའི་དོན་རྟོགས་པ་ཡང་ཡིན་པའི་ལྷན་ཅིག་ཆོས་སྤྱོད་མ་དེ་དང༌། ཟེར་ཏེ་ཆོས་སྤྱོད་མ་ལས་རྒྱ་དེ་དང་ལྷན་ཅིག་ཏུ་འདོད་ཆགས་དང་འདོད་ཆགས་དང་བྲལ་བ་དང༌། ཆགས་པ་བར་མ་ཐམས་ཅད་ཀྱི་མཚན་ཉིད་ཡོངས་སུ་ཤེས་པའི་རྒྱུར། 
ཆོ་ག་བཞིན་དུ་ཕྱག་རྒྱ་འདུས་བྱས་པའི་ཆོ་ག་སྔོན་དུ་འགྲོ་བས། སྒྲུབ་པ་པོ་གང་གིས་གཉིས་ཀ་ལྷར་བསྒོམས་ཤིང་ཉེ་བར་སྤྱད་ན་དེ་སངས་རྒྱས་ཉིད་འཐོབ་པར་འགྱུར་རོ།། ༈ དེ་ནས་ཞེས་བྱ་བ་ལ་སོགས་པས་ནི། རྫོགས་རིམ་ལ་
མཉམ་པར་འཇོག་པའི་རྣལ་འབྱོར་པ་རྣམས་ཀྱི་སྤྱོད་པའི་རྣམ་པ་སྟོན་པ་ཡིན་ཏེ། སྒྲུབ་པ་པོ་ཐམས་ཅད་ཅེས་བྱ་བ་ནི། རྟོག་པའི་རྣལ་འབྱོར་པ་རྣམས་སོ། །དེ་རྣམས་ཀྱི་ལུས་དང་ངག་དང་སེམས་ཀྱི་ཡུལ་མ་ཡིན་པས་གསང་བ་སྟེ་ཚིག་དེ། 
ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །གལ་ཏེ་བྱང་ཆུབ་ཅེས་བྱ་བ་ལ་སོགས་པ་ལ། བྱང་ཆུབ་ཀྱི་མཆོག་རྡོ་རྗེ་འཆང་ཆེན་པོ་དེའི་བདག་ཉིད་ཀྱི་ངོ་བོ་ཉིད་དུ་གྱུར་པར་འདོད་ཅིང༌། བསྒོམས་ན་ལག་པའི་༼ལག་པའི་སྐད་དོད་ཧསྟ་ལ་ངེས་ཚིག་གིས།
4-2-436b


བཧྱཾ་ནི་ཕྱི་རོལ། དེ་བ་ཏཱ་ལྷ་སྟེ་ཕྱི་རོལ་གྱི་ལྷ་ལ་མངོན་ཞེན་བྱེད་པ་ལ་ལག་པའི་ཕྱག་རྒྱར་བྱེད་པས། སྒྲ་ཇི་བཞིན་པ་མ་ཡིན་པར་སྨྲ་མོད་ཀྱང༌། གཞུང་གི་དགོངས་པ་སོར་བཞག་ཡིན་ནོ། །༽ཕྱག་རྒྱ་ཕྱི་རོལ་གྱི་ལྷ་ལ་མངོན་པར་ཞེན་པར་བྱེད་པ་ཡིན་ལ། དེ་མི་བཅིང་སྟེ། བདག་
ཉིད་རྡོ་རྗེ་སེམས་དཔའ་ནི། །བདེ་སྟོང་གཉིས་སུ་མེད་པའི་བདག་ཉིད་མངོན་སུམ་སྟེ་དངོས་ཡིན་ན་དེ་བཞག་ནས་ངེས་དོན་གྱི་རྡོ་རྗེ་སེམས་དཔའ་གཞན་ནས་ཅི་ཞིག་ཚོལ། །ཏེ་ཚོལ་མི་དགོས་ཞེས་གསུངས་པས་སོ། །སྔགས་རྣམས་ཀུན་གྱི་ཞེས་བྱ་བ་ལ་སོགས་པ་ལ། 
དོན་ཐམས་ཅད་སྒྲུབ་པའོ་གསང་བའི་སྔགས་རྣམས་ནི་སྔགས་རྣམས་ཐམས་ཅད་དེ། དེ་ལྟ་བུའི་གསང་བ་འདུས་པའི་རྣལ་འབྱོར་པ་རྣམས་ཀྱི། དམ་ཚིག་འདི་ནི་རྒྱལ་བ་རྣམས་ཀྱང་སྟེ་དེ་བཞིན་གཤེགས་པ་རྣམས་ཀྱིས་ཀྱང༌། གསང་བ་འདུས་པ་ལ་མངོན་པར་
བརྩོན་པས་ལག་པའི་ཕྱག་རྒྱ་མི་བཅིང་ངོ༌། །ཞེས་བྱ་བའི་དམ་ཚིག་འདི་ལས་དེ་འདའ་བར་མི་མཛད་དོ།། ༈ གསང་བ་འདུས་པར་རྟོག་པའི་རྣལ་འབྱོར་པ་རྣམས་ཀྱི་དམ་ཚིག་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། 
སངས་རྒྱས་ཐམས་ཅད་ནི་སྐུ་རྡོ་རྗེ་ནི་ལུས་སོ། དེའི་རིགས་དང་ལྡན་པ་ནི་ལུས་ལས་བྱུང་བའི་བཤང་གཅི་ལ་སོགས་པ་རྣམས་སོ། དེ་རྣམས་ཀྱི་དམ་ཚིག་ནི་བཟའ་བའི་སྒོ་ནས་ཉམས་སུ་བླང་བར་བྱ་བ་སྟེ། དེ་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །
བཤང་གཅི་ཞེས་བྱ་བ་ལ་སོགས་པ་ལ། བཤང་བ་ལ་སོགས་པ་ལ་སྨད་ཅིང་བཤུང་བ་སྟེ་ཐ་ཆད་ཉིད་དུ་སྔགས་པས་མི་བྱའོ། །མི་སྨད་པ་དེ་བས་ན་ཆོ་ག་བཞིན་དུ་སྟེ་འཁྱུད་པ་དང་ལ་སོགས་པས་ལས་ལ་གནས་པའི་སྦྱོར་བསྟེ་ཐབས་
4-2-437a


ཀྱིས། ཁུ་བ་ལ་སོགས་པའི་བདུད་རྩི་གང་ཡང་དག་པར་བསྐྱེད་པ་དེ་རྟག་ཏུ་བཟའ་བར་བྱ་ཞིང་ཉེ་བར་སྤྱད་པར་བྱའོ། །ཅིའི་ཕྱིར་ཞེ་ན། བདུད་རྩི་བསྟེན་པའི་གསང་བ་འདི་རྡོ་རྗེ་གསུམ་བྱུང་ཡིན། ཞེས་བྱ་བ་སྟེ། ལུས་དང་ངག་དང་
ཡིད་བདེ་བར་གནས་པར་བྱེད་པའི་བཅུད་ཀྱི་ལེན་ཏོ་ཞེས་བྱ་བའི་བར་དུའོ།། ༈ དོན་བདུད་རྩི་ཟ་བ་དེ་ཉིད་ལས་བརྩམས་ཏེ་གསུང་གི་རྡོ་རྗེ་ནི་རང་གི་ལྕེའོ། །དེའི་དམ་ཚིག་ནི་དེས་བསྐྱོད་པ་ལས་བྱུང་བའི་ཁུ་བ་སོགས་ཟ་བ་བསྟན་པར་བྱ་བའི་ཕྱིར། ༼
སྙོམས་འཇུག་གིས་བསྐྱེད་པའི་ཁུ་བ་སོགས་ཟོས་ན་རང་གི་ཁམས་འཕེལ་ནས་བདེ་བ་འདྲེན་པའོ། །འོ་ན་སྔར་བཤང་གཅི་ཟ་བ་གསུང་དང༌། ཁུ་ཁྲག་ཟ་བ་ཐུགས་ཀྱི་བཟའ་བའི་དམ་ཚིག་ཏུ་བཤད་པ་དང༌། འདིར་དེ་བཞི་ག་ཟ་བ་སྐུའི་དམ་ཚིག་ཏུ་བཤད་པ་དང་འགལ་ཞེ་ན་མི་འགལ་ཏེ། རྫས་འདི་དག་གི་ངོ་བོ་འདྲ་
ཡང་། ངོ་བོ་དང་གང་ཟག་དང༌། རིགས་དང༌། བྱེད་ལས་ཀྱི་སྒོ་ནས་རིགས་སོ་སོའི་དམ་ཚིག་ཏུ་འཇོག་པ་དུ་མ་ཡོད་པའི་ཕྱིར་དང༌། སྲོག་གཅོད་སོགས་བཞིའི་དམ་ཚིག་རིགས་གསུམ་ཀའི་དམ་ཚིག་ཏུ་བཤད་པས། དམ་ཚིག་གསུམ་མི་འགལ་བའི་ཕྱིར་རོ། །༽ཁམས་གསུམ་དག་གི་ཞེས་བྱ་
བ་ལ་སོགས་པ་གསུངས་ཏེ། མཆོག་དང་འབྲིང་དང་ཐ་མའི་བུད་མེད་ཇི་སྙེད་ཡོད་པ་དེ་རྣམས་ཀྱི་ཁམས་གསུམ་གྱི་ལམ་ནི་ཉམས་དགའ་བ་སྟེ། ཁམས་གསུམ་ནི་སེམས་ཅན་རྣམས་སོ། །དེ་རྣམས་ཀྱི་ལམ་ནི་བགྲོད་པར་བྱ་བ་ཡིན་པས་ན། ཁམས་
གསུམ་གྱི་ལམ་ནི་སྙོམས་པར་འཇུག་པའི་ལམ་སྟེ་པདྨའོ། །དེར་ཉམས་དགའ་བ་ནི་འགྲོ་བ་ཐམས་ཅད་ཚིམ་པར་བྱེད་པའོ། །ཐམས་ཅད་ནི་འདོད་པའི་གདུགས་སྟེ་རྩ་དབུ་མ་དང་ཟླ་བ་གང་བ་སྟེ་རྐྱང་མ་དང༌། རུས་སྦལ་གྱི་རྒྱབ་ལྟ་བུ་སྟེ་རོ་མ་
4-2-437b


ཞེས་བྱ་བ་ལ་སོགས་པའི་རྩ་སྦུབས་ཐམས་ཅད་ཆོ་ག་བཞིན་ཏེ། ཤེས་རབ་མ་རྗེས་སུ་མཉེས་པར་བྱེད་པ་ལ་སོགས་པའི་ཆོ་ག་འཁྲིག་ཐབས་ཀྱི་བྱེད་པ་སོར་མོས་བསྐུལ་བ་དང་བཅས་པ་སྔོན་དུ་བཏང་ནས། ངག་གི་རྡོ་རྗེ་སྟེ་རོ་འཛིན་གྱི་སྟེ་ལྕེའི་ཐུར་མའི་བྱ་བས་
རྩ་གསུམ་བསྐྱོད་ལ་ཀུན་ཏུ་ལོངས་སྤྱོད་ཅིང་༼རོ་འཛིན་གྱི་བྱ་བ་དག་གིས་མ་ཕྱིན་གྱི་བར་དུ་བསྐྱོད་པར་བྱ་ཞིང་ཟེར་ཏེ། མ་ཕྱིན་གྱི་བར་དུ་ཞེས་པ་ནི་ཡུམ་གྱི་རྡོ་རྗེ་དབྱིངས་ཕྱུག་མ་དྷཱུ་ཏཱིའི་རྩའི་མར་སྣ་བྱེ་ནས་བདུད་རྩི་འཛག་པ་མ་བྱུང་གི་བར་དུ་ཡིན་ཏེ། རྩ་དེ་ཁ་བྱེ་བའི་རྟགས་ཤེས་པར་བྱའོ། །
༽དགའ་བར་བྱའོ། །རྩ་དེ་ལས་ཕྱུང་བའི་བདུད་རྩི་རྣམས་སྨད་པར་མི་བྱ་ཞིང༌། སོར་མོ་དང་ལྕེས་བརྩལ་བ་ལས་བྱུང་བ་དེ་ཡོངས་སུ་སྤང་བར་མི་བྱ་སྟེ། ལྕེས་བླངས་ལ་མྱང་བར་བྱའོ་ཞེས་བྱ་བའི་བར་དུའོ།། ༈ དེ་ནས་ཞེས་བྱ་བ་ལ་
སོགས་པས་ནི། ཐུགས་རྡོ་རྗེ་ནི་བུད་མེད་ཀྱི་སེམས་སོ། །དེའི་དམ་ཚིག་གསུངས་པ་ཡིན་ཏེ། རྡོ་རྗེ་སྐུ་གསུང་ལ་གནས་པ། །ཞེས་བྱ་བ་ནི། རྣམ་པར་སྣང་མཛད་ལ་སོགས་པའི་རྡོ་རྗེ་གསུམ་གྱི་ངོ་བོ་ཉིད་དོ། །དམ་ཚིག་ཇི་སྙེད་ཡོད་པ་ཀུན། །
ཞེས་བྱ་བ་ནི། པདྨ་ཅན་༼ནི་སེམས་དེ་དགའ་བར་བྱེད་ཅིང་མི་དགའ་བར་མི་བྱེད་པའོ། །༸རྡོ་རྗེ་སྐུ་གསུམ་ལ་གནས་པ། ཟེར། ༽ཞེས་བྱ་བ་ལ་སོགས་པའི་བུད་མེད་རྣམས་སོ། །བུད་མེད་དེ་རྣམས་རྡོ་རྗེ་གསུམ་གྱི་དམ་ཚིག་གིས། ཞེས་བྱ་བ་སྟེ། 
བདག་ཉིད་ཀྱི་ལུས་དང་ངག་དང་ཡིད་ཀྱི་བྱ་བ་རྣམས་ཀྱིས་མགུ་ཞིང༌། དགའ་བར་བྱའོ། །ཐུགས་ཀྱི་རྡོ་རྗེ་མི་སྨད་དོ། །ཞེས་བྱ་བ་ནི། བུད་མེད་དེ་རྣམས་ཀྱི་ཐུགས་ཏེ་སེམས་འབྱུང་བར་སྟེ་སྨོད་ཚིག་གིས་སུན་དབྱུང་བར་མི་བྱ་བ་སྟེ། སེམས་༼ལུས་ཀྱི་རྩ་
4-2-438a


བ་སེམས་ཡིན་པའི་ཕྱིར་དང༌། བྱང་ཆུབ་ཀྱི་སེམས་ཀྱི་རྩ་བ་ལུས་ཡིན་པའི་ཕྱིར་རོ་ཞེས་ཟེར་ཏེ། པ་ཚབ་དང་ཡང་མཐུན་ཞིང་ལེགས་སོ། །དེའི་དོན་ནི་སྒྲུབ་པ་པོའི་བྱང་ཆུབ་ཀྱི་སེམས་ཀུནྡ་ལྟ་བུ་འཕེལ་བའི་རྩ་བ་ནི་པདྨ་ཅན་ལ་སོགས་པའི་ལུས་ཡིན་ལ། དེའི་ལུས་ཀྱི་རྩ་བ་
ཡང་ཕྱག་རྒྱ་མ་དེའི་སེམས་ཡིན་པས་སྨོད་ཚིག་གིས་དེའི་སེམས་སུན་མི་དབྱུང་ཞེས་པའོ། །ཁ་ཅིག་སུན་དབྱུང་བར་མི་བྱ་བའི་སྐད་དོད་ལ་འདོད་ཆགས་དང་བྲལ་བར་མི་བྱ་ཞེས་པར་ཡོད་པས། ཐིག་ལེ་ཉམས་པས་འདོད་ཆགས་དང་བྲལ་བར་མི་བྱ་བ་ལ་འཆད་པ་ནི་སྐབས་དོན་མ་རྟོགས་པར་སྣང་སྟེ།
ཐུགས་ཀྱི་རྡོ་རྗེ་མི་སྨད་པ་ནི་སྨོད་ཚིག་གིས་བུད་མེད་ཀྱི་སེམས་མི་དགའ་བར་མི་བྱ་བའི་དོན་ཡིན་གྱི། སྒྲུབ་པ་པོ་རང་གི་སེམས་ལ་བྱེད་པ་མིན་པའི་ཕྱིར་རོ། །དེས་ན་སྐད་དོད་ལ་སྤྱིར་ཆགས་བྲལ་ལ་བསྒྱུར་དུ་བཏུབ་ཀྱང༌། སྐབས་འདིར་ནི་ཡིད་དབྱུང་བར་རམ། སུན་དབྱུང་བར་མི་བྱ་བའི་དོན་ལ་
བསྒྱུར་དགོས་སོ། །འདི་ལ་དགོངས་ནས། ཤེས་རབ་རང་བཞིན་བུད་མེད་ལ། །སྨོད་པར་བྱེད་པ་བཅུ་བཞི་པ། །ཞེས་པའི་བཅས་པ་ཡང་མཛད་དོ། །༽ཀྱི་རྩ་བར་གྱུར་པ་ནི་ལུས་ཡིན་ལ། ལུས་ཀྱི་རྩ་བར་གྱུར་པ་བྱང་ཆུབ་ཀྱི་སེམས་ཡིན་ནོ་ཞེས་བྱ་བར་དགོངས་སོ། །
རྡོ་རྗེ་དམ་ཚིག་གསུམ་ནི་སྐུ་དང་གསུང་དང་ཐུགས་ཀྱི་དམ་ཚིག་གོ། ཐུན་མོང་མ་ཡིན་པས་ན་ཆེན་པོ་སྟེ་དེ་སྟོན་པར་མཛད་པས་རྡོ་རྗེ་འཆང་ཆེན་པོ་དེས་དེ་སྐད་ཅེས་བཀའ་སྩལ་ཏོ། །ཞེས་བྱ་བ་སྟེ་སྡུད་པར་བྱེད་པའི་ཚིག་གོ། ༈ སྤྱོད་པ་
གསུམ་ལ་གནས་པའི་རྣལ་འབྱོར་པ་རྣམས་ཀྱིས། ཕྱི་རོལ་གྱི་སངས་རྒྱས་དང་བྱང་ཆུབ་སེམས་དཔར་མངོན་པར་ཞེན་པ་བསལ་བར་བྱ་བའི་ཕྱིར་དང༌། བདག་ཉིད་ལྷག་པའི་ལྷར་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་
4-2-438b


ཏེ། དེ་བཞིན་གཤེགས་པ་ཐམས་ཅད་ནི་དུས་གསུམ་གྱི་རྒྱལ་བ་རྣམས་ཏེ་དེས་བསྟན་པའོ། །དམན་པ་ལ་མོས་པ་རྣམས་ལ་སྦ་བར་བྱ་བ་ཡིན་པས་ན། གསང་བའི་རྡོ་རྗེ་སྟེ་དེ་སྟོན་པར་མཛད་པའོ། །མདོར་ན་ཞེས་བྱ་བ་ནི། མདོར་བསྡུས་ན་ཞེས་པ་ཡིན་ལ། 
དེ་གང་མདོར་བསྡུས་པ་ཡིན་སྙམ་ན། ཕུང་པོ་ལྔ་དང༌། དབང་པོ་ལྔ་དང༌། ཡུལ་ལྔ་དང༌། ཁམས་ལྔ་སྟེ་ཉི་ཤུ་པོ་རེ་རེ་ལ་རིགས་ལྔ་ལྔར་ཕྱེ་བའི་རིགས་བརྒྱ་མདོར་བསྡུས་ན་རྣམ་པར་སྣང་མཛད་ལ་སོགས་པ་སངས་རྒྱས་ལྔར་ནི་རབ་ཏུ་གྲགས་པ། དེ་ནི་ཕུང་པོ་ལྔ་སྟེ། རང་གི་
གཟུགས་ཀྱི་ཕུང་པོ་ལ་སོགས་པ་ལས་གཞན་མ་ཡིན་ནོ། །དེ་ལས་མ་གཏོགས་པའི་ཕྱི་རོལ་ན་གཟུང་བར་བྱ་བ་སའི་སྙིང་པོ་ལ་སོགས་པ་བྱང་ཆུབ་སེམས་དཔའ་རྣམས་ཡོད་དོ་ཞེས་རྟོག་པར་བྱེད་པ་དེ་བཟློག་པར་བྱ་བའི་ཕྱིར། རྡོ་རྗེ་ཞེས་བྱ་བ་ལ་སོགས་
པ་གསུངས་ཏེ། རྣམ་ཤེས་ཀྱིས་ཡུལ་འཛིན་པར་༼དེ་ལས་མ་གཏོགས་པའི་ཞེས་པ་འགྱུར་གསར་གཉིས་ཀ་ལ་མེད་པ་ལྟར་བྱའོ། །༽བྱེད་པ་ལ་གཙོ་བོ་སྟེ་དབང་བྱེད་པར་གྱུར་པས་ན། རྡོ་རྗེ་སྟེ་དབང་པོ་རྣམས་སོ། །དེའི་སྐྱེ་མཆེད་ནི་རྣམ་ཤེས་ཀྱི་གནས་
ཏེ་མིག་ལ་སོགས་པ་གང་ཡིན་པ་དེ་ནི། བྱང་ཆུབ་སེམས་དཔའི་དཀྱིལ་འཁོར་རོ། ཞེས་བྱ་བ་སྟེ། སའི་སྙིང་པོ་ལ་སོགས་པ་རྒྱལ་བའི་སྲས་རྣམས་ཀྱི་འཁོར་ལོ་གང་ཡིན་པ་དེ་དག་ཀྱང༌། དབང་པོ་ཉིད་ལས་གཞན་ན་བྱང་ཆུབ་སེམས་དཔའི་དཀྱིལ་
འཁོར་ཡོད་པ་མ་ཡིན་ནོ། །གང་ཕྱི་རོལ་གྱི་སྤྱན་ལ་སོགས་པའི་རིག་པ་རྣམས་རང་གི་ལྷར་མངོན་པར་ཞེན་པ་དེ་རྫོགས་པ་སྟེ་བསལ་བའི་ཐབས་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ཁམས་གསུམ་ནི་སེམས་
4-2-439a


ཅན་གྱི་འཇིག་རྟེན་དང་སྣོད་ཀྱི་འཇིག་རྟེན་དུ་གྲགས་པ་སྲིད་པ་གསུམ་མོ། །སྣོད་བཅུད་དེ་གང་གིས་ཀུན་ཏུ་བསགས་ཤིང་ངེས་པར་སྐྱེད་པར་བྱེད་པ་དེ་ནི། ཁམས་གསུམ་བསགས་པ་སྟེ་ས་ལ་སོགས་པའོ། །དེ་ཀུན་ཏུ་འོད་གསལ་
བར་འཇུག་པ་དང་གནས་པས་ན་རྡོ་རྗེ་སྟེ་དེ་ཕྱུང་བར་གྱུར་པའོ། །ས་ལ་སོགས་པ་གང་ཡིན་པ་རྣམས་སྤྱན་ལ་སོགས་པར་ཡོངས་སུ་བརྟགས་པ་ནི། ཟིན་པ་དང་མ་ཟིན་པའི་སའི་ཁམས་ལ་སོགས་པ་ལས་སྤྱན་ལ་སོགས་པ་གུད་ན་མེད་པའོ། །མཁའ་༼
དེས་ན་ཁམས་གསུམ་གྱི་འཁོར་ལོ་འདི་ཞེས་པ་འགྲེལ་པ་དང་མི་མཐུན་པས། ཁམས་གསུམ་སྡུད་པ་རྡོ་རྗེ་ཉིད་ཀྱི་ཞེས་པ་དག་གོ། ༼འདིར་སྒྲུབ་པ་པོ་ལས་རྒྱུད་ཐ་དད་པའི་སངས་རྒྱས་དང་བྱང་སེམས་ཡོད་མོད་ཀྱང༌། སྒྲུབ་པ་པོའི་ཕུང་སོགས་ལས་གཞན་ན་དེ་རྣམས་མེད་དོ་ཞེས་པ་ནི། རང་ཉིད་
ཀྱི་ཕུང་སོགས་ལྷར་བསྒོམས་ནས་མཆོད་པ་སོགས་ཀྱིས་བྱང་ཆུབ་མྱུར་དུ་སྟེར་གྱི། ཕྱི་རོལ་གྱི་ལྷ་བསྒོམས་ནས་མཆོད་པ་སོགས་ལ་ཞེན་ན་དེ་ལྟར་མི་འགྲུབ་པས་དེ་སྐད་དུ་གསུངས་སོ། །༽དབྱིངས་ཞེས་བྱ་བ་ལ་སོགས་པ་ལ། མཁའ་དབྱིངས་རྡོ་རྗེ་ནི་ཁམས་ལྔ་པ་
ནམ་མཁའི་ཁམས་སོ། །རྒྱུ་བ་དང་མི་རྒྱུ་བ་ཐམས་ཅད་ལ་མཉམ་པར་ཁྱབ་ཅིང་རྗེས་སུ་འགྲོ་བས་ན། དམ་ཚིག་སྟེ་ནམ་མཁའི་ཁམས་དེ་ཉིད་རྡོ་རྗེ་འཛིན་པའི་ངོ་བོ་ཡིན་ནོ། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་
ནི་ཕུང་པོ་ལྔའི་ངོ་བོ་ཉིད་རྣམ་པར་སྣང་མཛད་ལ་སོགས་པའོ། །གནས་ནི་སྤྱན་ལ་སོགས་པའི་ངོ་བོ་ས་ལ་སོགས་པའི་ཁམས་ལྔ་སྟེ། དེ་རྣམས་ཀྱི་དབང་ཕྱུག། རྡོ་རྗེ་འཆང་ཆེན་པོས་དེ་སྐད་ཅེས་བཀའ་སྩལ་ཏོ།། ༈ དེ་ལྟར་རྣམ་པར་
4-2-439b


སྣང་མཛད་ལ་སོགས་པ་ཕུང་པོ་ལྔའི་ངོ་བོ་ཉིད་དུ་བསྟན་ནས། འཁོར་རྣམས་ལ་ཞུ་བའི་སྐབས་དབྱེ་བའི་དོན་དུ་ཅང་མི་གསུང་བར་བཞུགས་པ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཐམས་ཅད་
ཀྱི་སྐུ་དང་གསུང་དང་ཐུགས་ནི་རྡོ་རྗེ་འཆང་ཆེན་པོའོ། །དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་དུ་གནས་པ་ཞེས་བྱ་བ་ལ། དེ་བཞིན་གཤེགས་པ་ཐམས་ཅད་ནི་རྣམ་པར་སྣང་མཛད་ལ་སོགས་པ་དང༌། སའི་སྙིང་པོ་ལ་སོགས་པ་དང་སྤྱན་ལ་
སོགས་པའོ། །དེ་རྣམས་ཀྱི་མཉམ་པ་ཉིད་ནི་ཕུང་པོ་ལྔ་ལ་སོགས་པ་དང་གཉིས་སུ་མེད་པ་ཉིད་དོ། །དེ་ལ་བཞུགས་པ་ནི་སྟོན་པ་སྟེ། མིང་དེ་སྐད་ཅེས་བྱ་བའི་ཏིང་ངེ་འཛིན་ལ་ཐུགས་རྩེ་གཅིག་ཏུ་སྙོམས་པར་ཞུགས་པར་མཛད་པའོ། །སྙོམས་པར་
ཞུགས་ནས་ཀྱང་དེ་ལྟར་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་གྱི་བཀོད་པ་ཐམས་ཅད་བསྡུས་ཏེ། སྟོན་པ་རང་གི་ཕུང་པོ་ལྔ་ལ་སོགས་པའི་ངོ་བོ་ཉིད་རྣམ་པར་སྣང་མཛད་ལ་སོགས་པ། སྐུ་དཀྱིལ་གྱི་གནས་ཇི་ལྟ་བ་
བཞིན་དུ་གནས་པ་ལ་གཟིགས་ནས་ཅང་མི་གསུང་བར་གྱུར་པ་སྟེ། ཞུ་བའི་སྐབས་ཕྱེ་བར་མཛད་ནས་དོན་དམ་པའི་བདེན་པ་ལ་ཞུགས་པར་གྱུར་ཏོ་ཞེས་བྱ་བའི་བར་དུའོ།། ༈ བཅོམ་ལྡན་འདས་རྣམ་པར་སྣང་མཛད་ཆེན་པོ་
རྡོ་རྗེ་འཆང་གི་གསུང་གིས་རྣམ་པར་སྣང་མཛད་ལ་སོགས་པའི་ངོ་བོ་ཉིད། ཕུང་པོ་ལ་སོགས་པའི་ངོ་བོ་ཉིད་དུ་ཡོངས་སུ་མཁྱེན་ནས། རྒྱུད་ཀྱི་སྟོན་པ་པོའི་ཡུལ་ལ་ཇི་ལྟར་བལྟ་བར་བྱ་བའི་ངོ་བོ་ཉིད་ཤེས་པར་བྱ་བ་ལ་སོམ་ཉི་སྐྱེས་ནས།
4-2-440a


བཅོམ་ལྡན་འདས་མི་སྣང་བར་གྱུར་པས་ཞུར་མེད་པ་དང༌། འཁོར་གྱི་དེ་བཞིན་གཤེགས་པ་རྣམས་ལ་བྱང་ཆུབ་སེམས་དཔའ་རྣམས་ཇི་ལྟར་འདྲི་བ་དེ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་
ཏེ། བཅོམ་ལྡན་འདས་ཞེས་པ་ནི་བོད་པའོ། །དེ་བཞིན་གཤེགས་པ་ཐམས་ཅད་ནི་རྫོགས་པ་དང་མ་རྫོགས་པ་རྣམས་སོ། །དེ་རྣམས་ཀྱི་སྐུ་དང་གསུང་དང་ཐུགས་རྡོ་རྗེའི་གསང་བ་ནི། དེ་ཁོ་ན་ཉིད་དེ་དེ་སྟོན་པའི་གཞུང་བསྡུས་པ་ནི་འདུས་པ་
སྟེ། དེར་དབང་བསྐུར་བ་ནི་དེ་བཞིན་གཤེགས་པ་ཐམས་ཅད་ཀྱིས་རྗེས་སུ་གནང་ཞིང་བདག་པོར་མཛད་པའོ། །འཇིག་རྟེན་དང་འཇིག་རྟེན་ལས་འདས་པའི་སྤྱོད་པ་སྟོན་པས་ན་སློབ་དཔོན་ཏེ། སློབ་དཔོན་གྱི་སྐད་དོད་ཨཱ་ཙཱརྱཱ་ལ་ངེས་ཚིག་གིས་ཨཱ་ཙཱ་རཱཾ་སྤྱོད་
པ་དརྵ་ཡ་ཏི་སྟོན་པ་སྟེ་བདག་པོ་དེ་བཞིན་གཤེགས་པ་ཐམས་ཅད་ཅེས་པ་ཁྱེད་རྣམས་དང༌། བྱང་ཆུབ་སེམས་དཔའ་ཐམས་ཅད་ཀྱིས་ཞེས་པ་བདག་ཅག་རྣམས་ཀྱིས། ཇི་ལྟར་རྣམ་པ་གང་གིས་བལྟ་བར་བྱ་ཞིང་ཤེས་པར་བགྱི་ཞེས་བྱམས་
པས་བསྐུལ་བ་དང༌།། ༈ དེ་བཞིན་གཤེགས་པ་རྣམས་ཀྱིས་གསུངས་པ་ནི། རིགས་ཀྱི་བུ་ཞེས་བྱ་བ་ལ་སོགས་པ་སྟེ། སྟོན་པ་པོ་དེ་ནི་བྱང་ཆུབ་ཀྱི་སེམས་རྡོ་རྗེ་བཞིན་དུ་བལྟ་ཞེས་པ་སྟེ། རྡོ་རྗེ་འཆང་ཆེན་པོ་དང་འདྲ་བར་བལྟ་
བར་བྱ་ཞིང་ཤེས་པར་བྱའོ། །དེ་ཅིའི་ཕྱིར་ཞེ་ན། བྱང་ཆུབ་ཀྱི་སེམས་དང་སྟེ་རྡོ་རྗེ་འཆང་ཆེན་པོ་དང༌། སློབ་དཔོན་ནི་མི་བསྐྱོད་པ་སྟེ་གཉིས་པོ་འདི་དག་ནི་རྣམ་པ་གཉིས་སུ་དབྱེར་མེད་དེ། རྒྱུ་རྡོ་རྗེ་འཆང་དང་འབྲས་བུ་མི་བསྐྱོད་པ་གཉིས་ཐ་
4-2-440b


མི་དད་ཅིང་རྒྱུ་དང་འབྲས་བུའི་ངོ་བོ་ཉིད་ཀྱིས་དབྱེར་མེད་པ་ཉིད་ཡིན་པའི་ཕྱིར་རོ། །རིགས་ཀྱི་བུ་ཞེས་བྱ་བ་ལ་སོགས་པ་ལ། རིགས་ཀྱི་བུ་ཞེས་བྱ་བ་ནི་བྱམས་པ་ལ་བོད་པའོ། །མདོར་བསྟན་ན་ཞེས་བྱ་བ་ནི། ཤིན་ཏུ་མདོར་བསྡུས་ན་ཞེས་བྱ་བའི་དོན་ཏོ། །ཕྱོགས་བཅུའི་
འཇིག་རྟེན་གྱི་ཁམས་ན་ཞེས་བྱ་བ་ནི། ཤར་ལ་སོགས་པའི་ཕྱོགས་ན་གནས་པའི་འཇིག་རྟེན་གྱི་ཁམས་གྲངས་མེད་པ་ན། དེ་བཞིན་དུ་སངས་རྒྱས་དང་བྱང་ཆུབ་སེམས་དཔའ་གྲངས་མེད་པ་ཇི་སྙེད་འཁོད་ཅིང་བཞུགས་པ་རྣམས། ཆོས་ཀྱི་སྐུ་ལས་དུས་ནམ་
ཡང་མི་གཡོ་བས་ན་འཁོད་པ་སྟེ་བཞུགས་པ་དང་། ལོངས་སྤྱོད་པའི་སྐུས་འཚོ་བ་སྟེ་འོག་མིན་གྱི་གནས་ན་རྒྱུན་མི་འཆད་པར་ཆོས་སྟོན་པར་མཛད་པའི་ཕྱིར་རོ། །སྐྱོང་བ་ནི་སྤྲུལ་པའི་སྐུས་སེམས་ཅན་རྣམས་མཐོ་རིས་དང་ཐར་པ་ཐོབ་པར་མཛད་པ་སྟེ།
དེ་རྣམས་དུས་གསུམ་དུ་ཞེས་པ་ཐུན་མཚམས་གསུམ་དུ་བྱོན་ནས་གསང་བ་འདུས་པ་རང་ལ་སྟོན་པ་དང་སྤྱིར་ཡང་འདུས་པ་སྟོན་པའི་སློབ་དཔོན་དེ་ལ། དེ་བཞིན་གཤེགས་པ་ཐམས་ཅད་ཀྱི་མཆོད་པས་ཞེས་བྱ་བ། སྐུ་དང་གསུང་དང་ཐུགས་ཀྱི་ལུས་ངག་
ཡིད་གསུམ་གྱི་མཆོད་པས་ཡང་དག་པར་མཆོད་ནས། རང་གི་སངས་རྒྱས་ཀྱི་ཞིང་དེར་ཡང་འགྲོ་ཞིང་འདི་སྐད་དུ། བདག་ཅག་གི་ཕའོ་ཞེས་བྱ་བ་ལ་སོགས་པའི་ཚིག་གི་ཚོགས་འབྱིན་ཅིང་སྨྲའོ། །འདི་ལྟ་སྟེ་དཔེར་ན། སངས་རྒྱས་ཕྱོགས་བཅུ་ན་བཞུགས་པ་རྣམས་
ལ་མཆོད་པ་དང༌། དེ་རྣམས་ཀྱི་སྐུ་གསུང་ཐུགས་རྡོ་རྗེ་མཉེས་པར་བྱས་པ་ལས་བྱུང་བའི་བསོད་ནམས་ལས་ཀྱང༌། སློབ་དཔོན་གྱི་བ་སྤུའི་ཁུང་བུ་གཅིག་མཆོད་པའི་བསོད་ནམས་ཁྱད་པར་དུ་འཕགས་པར་གསུངས་པའི་རྒྱུ་མཚན་དུ་བྱང་ཆུབ་ཀྱི་སེམས་རྡོ་རྗེ་དང་འདྲ་བའི་བླ་མ་ནི། སངས་རྒྱས་ཀྱི་
4-2-441a


ཡེ་ཤེས་ཀྱི་སྙིང་པོ་སྟེ་དབྱིངས་སུ་གྱུར་པ་དང༌ཞེས་བྱ་བ་ལ་སོགས་པ་ནི་གོ་སླའོ། །འཇིགས་ཤིང་སྐྲག་པའི་རྒྱུ་ནི་སློབ་དཔོན་ལ་དེ་བཞིན་གཤེགས་པ་ཐམས་ཅད་ཀྱིས་ཇི་ལྟར་བལྟ་བར་བྱ་ཞེས་པའི་དོན། སངས་རྒྱས་དང་འདྲ་
བར་བལྟ་དགོས་སམ་མི་དགོས་ཞེས་ཐེ་ཚོམ་གྱི་ཚིག་ཏུ་གྱུར་ནས་མཆོད་པའི་གནས་བླ་མ་ལ། སོམ་ཉི་སྐྱེ་བ་ཉེས་པ་ཆེན་པོ་ཡོད་པ་དེའི་ཕྱིར་བྱམས་པ་ཅང་མི་སྨྲ་བར་གྱུར་ཏོ།  ༈ དེ་ལྟར་བྱམས་པ་ཅང་མི་སྨྲ་བར་གྱུར་པས། དེ་
བཞིན་གཤེགས་པ་རྣམས་ལས་ལན་མ་ཐོབ་པ་དང༌། ཡང་བླ་མ་ལ་སངས་རྒྱས་སུ་བལྟ་བའི་དོན་དེ་ཉིད་བསྐུལ་བསྟེ་རྟོགས་པར་བྱ་བའི་ཕྱིར། བྱམས་པ་དེ་ལས་གཞན་པའི་བྱང་ཆུབ་སེམས་དཔའ་རྣམས་ལ་བོས་ནས། སླར་ཡང་བླ་མ་ལ་
རྡོ་རྗེ་འཆང་ཆེན་པོའི་རང་གི་ངོ་བོ་ཉིད་ཇི་ལྟ་བ་བཞིན་དུ་བལྟ་བར་བཤད་པ་གང་ཡིན་པ་དེ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་འཛིན་ཐམས་ཅད་ཀྱི་དངོས་གྲུབ་ཀྱི་དམ་ཚིག་ལ་དམིགས་པ་ཞེས་བྱ་བ་ལ། 
རྡོ་རྗེ་འཛིན་ནི་གང་ཟག་མ་དག་པ་ལ་བསྟན་དུ་མེད་པའི་དེ་ཁོ་ན་ཉིད་དེ་དྲུག་པ་ལོངས་སྐུའོ། །དེ་ཉིད་སྤྲུལ་པའི་སྐུ་ཕར་ལ་འབྱིན་པ་དང༌། ཚུར་ལ་འཇུག་པའི་ཚུལ་གྱིས་འཛིན་པར་མཛད་པས་ན། རྡོ་རྗེ་འཆང་བ་སྟེ་དཀྱིལ་འཁོར་གྱི་བདག་པོའོ། །
དེའི་དངོས་གྲུབ་ཀྱི་དམ་ཚིག་ནི་སྤྲུལ་པའི་སྐུའོ། །དངོས་གྲུབ་ཀྱི་དམ་ཚིག་ཀྱང་ཡིན་ལ་ཐམས་ཅད་ཀྱང་ཡིན་པས་དངོས་གྲུབ་ཀྱི་དམ་ཚིག་ཐམས་ཅད་དོ། །དེ་རྣམས་ལ་དམིགས་པ་ནི་མངོན་སུམ་དུ་བྱས་པའོ། །མི་ཕྱེད་པས་ན་རྡོ་རྗེ་སྟེ་དེ་སྐད་ཅེས་
4-2-441b


བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བྱང་ཆུབ་སེམས་དཔའ་དེ་རྣམས་ལ་མི་བསྐྱོད་པ་ལ་སོགས་པས། བྱང་ཆུབ་སེམས་དཔའ་ཁྱེད་ཅེས་བྱ་བ་ལ་སོགས་པས་བཀའ་སྩལ་ཏོ། ། ༈ དེ་བཞིན་གཤེགས་པའི་གསུང་༼
ཞེས་པའི་སྐབས་སུ་གང་ཡང་ཞེས་པ་ནས་བདག་པོ་ཡིན་པའི་ཕྱིར་རོ། །ཞེས་པའི་དུས་གསུམ་གྱི་རྡོ་རྗེའི་ཡེ་ཤེས་ཞེས་པ་ནི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ་གསུམ་རོ་གཅིག་པའི་ཡེ་ཤེས་སོ། །དེ་ལས་བྱུང་བ་ནི་རྡོ་རྗེ་འཛིན་པར་གྱུར་པའོ། །དེ་རྣམས་ཀྱང་འདུས་པའི་སློབ་དཔོན་དང་ཕྲད་ན་
མཆོད་པ་བྱེད་ཅིང་ཕྱག་འཚལ་ལོ། །ཞེས་པ་ནི་བླ་མ་ལྔ་བཅུ་པ་ལས། དབང་བསྐུར་མཆོག་ཐོབ་རྡོ་རྗེ་ཡི། །སློབ་དཔོན་ལ་ནི་དེ་བཞིན་གཤེགས། །ཕྱོགས་བཅུའི་འཇིག་རྟེན་ཁམས་བཞུགས་པས། །དུས་གསུམ་དུ་ནི་མངོན་ཕྱག་འཚལ། །ཞེས་གསུངས་པ་ལྟ་བུར་མ་ཟད་སྤྱིར་ཡང་འདུས་པའི་སློབ་དཔོན་དམ་པ་ལ་དེ་ལྟར་
མཛད་པ་ཡང་ཤེས་པར་བྱའོ། །དེའི་རྒྱུ་མཚན་གྱི་དོན་ནི་སློབ་དཔོན་དེ་ཉིད་གདུལ་བྱ་ལ་ལམ་ཕྱིན་ཅི་མ་ལོག་པར་སྟོན་པ་ཡིན་ལ། དེ་ནི་རྡོ་རྗེ་འཛིན་པ་ཆེན་པོའི་དོད་ཀྱང་ཡིན་པ་དང༌། སངས་རྒྱས་ཐམས་ཅད་ཀྱི་ཡེ་ཤེས་གདུལ་བྱའི་རྒྱུད་ལ་འབྱུང་བའི་བདག་པོའི་རྐྱེན་དམ་པ་ཡང་ཡིན་པའི་ཕྱིར་རོ། །འདི་མདོ་
སྡུད་པ་ལས། མ་ཞིག་ན་བར་གྱུར་ལ་བུ་ནི་མང་ཡོད་པ། །དེ་ཀུན་ཡིད་མི་བདེ་ཞིང་དེ་ལ་རིམ་གྲོ་བྱེད། །དེ་བཞིན་ཕྱོགས་བཅུའི་འཇིག་རྟེན་ཁམས་ཀྱི་སངས་རྒྱས་ཀྱང༌། །ཡུམ་གྱུར་ཤེས་རབ་དམ་པ་འདི་ལ་དགོངས་པར་མཛད། །གང་དག་འདས་དང་ཕྱོགས་བཅུའི་འཇིག་རྟེན་མགོན་གང་དང༌། །མ་འོངས་དུས་ན་
འབྱུང་འགྱུར་དེ་དག་འདི་ལས་འབྱུང༌། །འཇིག་རྟེན་སྟོན་པ་རྒྱལ་བ་རྣམས་ཀྱི་སྐྱེད་བྱེད་ཡུམ། །ཞེས་གསུངས་པ་དང་ཚུལ་མཐུན་པར་སྣང་ངོ༌།།༼ཐོས་ནས་ཡང་བྱང་ཆུབ་སེམས་དཔའ་རྣམས་ཀྱིས་གང་ཞུས་པ་དེ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་
4-2-442a


གསུངས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དངོས་གྲུབ་རྣམས་ཞེས་བྱ་བ་ནི། དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཅན་གྱི་སྤྲུལ་པའི་སྐུ། གང་ན་བཞུགས་ཞེས་བྱང་ཆུབ་སེམས་
དཔའ་རྣམས་ཀྱིས་ཞུས་པའོ།། ༈ སྐུ་གསུམ་གསང་བའི་སྐུ་དང་གསུང་དང་ཐུགས་ནི། རྡོ་རྗེ་སློབ་དཔོན་ཀྱི་ལུས་དང་ངག་དང་ཡིད་ལ་གནས་སོ་ཞེས་བྱ་བ་ནི། མི་བསྐྱོད་པའི་སྐུ་དང་གསུང་དང་ཐུགས་ལ་གནས་སོ། །ཞེས་ལན་གསུངས་པའོ།། ༈ 
མི་བསྐྱོད་པའི་ལུས་དང་ངག་དང་སེམས་རྡོ་རྗེ་གང་ལ་གནས་ཞེས་བྱ་བ་ནི་ཞུས་པའོ། །གང་ལ་ཡང་མི་གནས་སོ་ཞེས་བྱ་བ་ནི་ལན་ཏེ། བྱང་ཆུབ་ཀྱི་སེམས་རྡོ་རྗེ་སྟེ་རྡོ་རྗེ་འཆང་ལ་གནས་སོ་ཞེས་བྱ་བ་དང༌། རྡོ་རྗེ་འཆང་གི་ལུས་དང་
ངག་དང་སེམས་རྡོ་རྗེ་ལ་གནས་སོ་ཞེས་བྱ་བ་དེ་ནི། བཤད་པར་བྱ་བ་ཡིན་པ་ལས་དེ་མ་གསུངས་པར་གང་ལ་ཡང་མི་གནས་སོ། །ཞེས་བྱ་བའི་ཚིག་གིས་ནི་དེ་ནི་འདི་ཡིན་ནོ་ཞེས་བསྟན་པར་མི་ནུས་ཏེ། བླ་མའི་མན་ངག་ལས་ཤེས་པར་
བྱ་བའི་ཕྱིར་རོ།། ༈ དེ་ལྟར་བྱང་ཆུབ་སེམས་དཔའ་རྣམས་ཇི་ལྟར་ཐེ་ཚོམ་དང་བྲལ་བ་དེ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ངོ་མཚར་དུ་གྱུར་པ་ནི་སྟོན་པ་པོ་ལའོ། །རྨད་དུ་གྱུར་པ་༼
དེས་ནི་དོན་དེ་ཁོ་ནར་མ་ཟད། བཤད་པའི་དོན་རྣམས་བླ་མའི་མན་ངག་ལས་རྒྱུད་ལ་བསྐྱེད་ནས་ཤེས་པར་བྱ་བར་བསྟན་ནོ། །༽ནི་སྟོན་པ་དེ་ཐོབ་པའི་རྒྱུ་ལའོ།། ༈ དེ་ནས་བྱང་ཆུབ་སེམས་དཔའ་བྱམས་པ་ཞེས་བྱ་བ་ནས་བརྩམས་
4-2-442b


ཏེ། གང་ན་ཡང་མི་གནས་སོ་ཞེས་བྱ་བའི་བར་གྱི་གཞུང་གི་ཚོགས་ཀྱིས། ཇི་ལྟར་རྫོགས་པར་གྱུར་པའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས། དཀྱིལ་འཁོར་གྱི་བདག་པོ་མི་བསྐྱོད་པ་རང་ལ་གསང་བ་འདུས་པའི་ལམ་སྟོན་
པ་པོར་གྱུར་པས། མཆོད་པར་བྱ་བ་དང་བླ་མར་བྱ་བ་ཡིན་པས་བདག་ཅག་རྣམས་ཀྱི་ཕའོ་ཞེས་བྱ་བ་སོགས་པ་ཚིག་སྙན་པས་མངོན་པར་བསྟོད་དེ། ཕྱི་དང་ནང་གི་མཆོད་པ་རྣམས་ཀྱིས་ཇི་ལྟ་བ་བཞིན་དུ་ཡང་དག་པར་མཆོད་པ། དེ་བཞིན་དུ་
རིམ་པ་གཉིས་ལ་ཡང་དག་པར་བརྟེན་ཏེ། རྒྱན་རྣམ་པ་བདུན་དང་བཤད་པའི་ཚུལ་རྣམས་ཀྱིས། གང་གསང་བ་འདུས་པ་རྣམ་པར་དབྱེ་བ་སྟེ་འཆད་པ་དེ་ཡང་མ་འོངས་པའི་ལག་ན་རྡོ་རྗེ་སྟེ་ཉན་པ་པོ་རྣམས་ཀྱིས། རྡོ་རྗེ་འཆང་ཆེན་པོ་མངོན་
སུམ་པ་བཞིན་དུ་གུས་པ་བསྐྱེད་ནས། ༼རྒྱན་རྣམ་པ་བདུན་བཤད་པའི་ཚུལ་ཟེར། ༽མཆོད་པར་བྱའོ་ཞེས་འདིའི་དོན་སྟོན་པ་ཡིན་ནོ། །དོན་འདི་ཉིད་གསལ་བར་བྱ་བའི་ཕྱིར། དཔལ་སྒྱུ་འཕྲུལ་དྲ་བ་ཞེས་བྱ་བའི་རྒྱུད་ཆེན་པོ་ལས། སློབ་དཔོན་ཇི་
འདྲར་བལྟ་ཞེ་ན། །བླ་མ་ནི་སངས་རྒྱས་ཀུན་ཏེ་རིགས་ཀུན་གྱི་བདག་པོ་རྡོ་རྗེ་འཆང་དང་མཉམ། །པར་བལྟའོ། །བླ་མ་དེ་ཉིད་རྟག་ཏུ་རྡོ་རྗེ་འཆང༌། །སྟེ་མི་བསྐྱོད་པའོ། །དེ་ཉིད་དེ་བཞིན་གཤེགས་པ་སྟེ་རྣམ་སྣང་ངོ༌། །རིན་ཆེན་ཏོག། རིན་འབྱུང་ངོ༌། །
བླ་མ་དེ་ནི་ཡེ་ཤེས་རྒྱ་མཚོ་ཆེ། །སྟེ་འོད་དཔག་མེད་དོ། །ཡིད་བཞིན་གྱི་ནོར་བུ་རིན་པོ་ཆེན་སྦྱིན། །པར་མཛད་པས་དོན་ཡོད་གྲུབ་པའོ། །སློབ་དཔོན་གྱི་ནི་ཡོན་ཏན་རྣམས་གཟུང༌། །སྐྱོན་རྣམས་ནམ་ཡང་བཟུང་བར་བྱ་བ་མ་ཡིན་ནོ། །
4-2-443a


ཡོན་ཏན་གྱིས་ནི་སྟེ་དེ་བཟུང་བས་དངོས་གྲུབ་ཐོབ་ཅིང༌། །སྐྱོན་རྣམས་ཀྱིས་ནི་སྟེ་བཟུང་བས་དངོས་གྲུབ་ཉམས། །པར་འགྱུར་རོ། །དེ་ཕྱིར་ཀུན་ནས་རབ་བསྒྲིམས་ཏེ། །བསམ་ཡས་འབྲས་བུ་སྨིན་པའམ་སྦྱིན་པར་བྱེད་པ། །
བླ་མ་ལ་སངས་རྒྱས་འབྲས་བུ་འདོད་པ་ཡིས། །སེམས་ཅན་དད་པས་དེ་མཆོད་ཅིག། ཅེས་གསུངས་པ་དང༌། དེ་བཞིན་དུ་རིན་ཆེན་རྒྱལ་པོ་ཞེས་བྱ་བའི་ཐེག་པ་ཆེན་པོའི་མདོ་ལས། བཅོམ་ལྡན་འདས་ཕྱག་ན་རྡོ་རྗེ་ཨུ་རྒྱན་གྱི་རི་ལ་བཞུགས་ནས། 
རྡོ་རྗེ་ཐེག་པ་ལ་སློབ་པར་བྱེད་པ་ཐམས་ཅད་ལ་བཀའ་སྩལ་པ། རྡོ་རྗེ་ཐེག་པ་མ་ལུས་པ་ལ་སློབ་པར་བྱེད་པ་རྣམས་ཉོན་ཅིག། དེ་བཞིན་གཤེགས་པ་སྟོན་པ་ཡོངས་སུ་མྱ་ངན་ལས་འདས་ཏེ་མི་མཐོང་ན་ཡང༌། རྡོ་རྗེ་སློབ་དཔོན་རྡོ་རྗེ་བླ་མ་དེ་འདིར་
སྟོན་པར་འགྱུར་རོ་ཞེས་གསུངས་པ་དང༌། དེ་བཞིན་དུ་སྟོང་ཕྲག་བརྒྱ་པ་ལས་ཀྱང༌། སངས་རྒྱས་ཀྱི་བྱང་ཆུབ་ནི་དགེ་བའི་བཤེས་གཉེན་ལ་ཉེ་བར་བརྟེན་པས་སོ། །ཞེས་གསུངས་པའི་ཕྱིར་རོ།། ༈ དེ་ནས་ཞེས་བྱ་བ་ལ་སོགས་
པས་ནི། བྱང་ཆུབ་སེམས་དཔའ་རྣམས་ཀྱིས་འཁོར་གྱི་དེ་བཞིན་གཤེགས་པ་རྣམས་ལ་ཞུ་བའི་དུས་སུ་སྟོན་པ་འོད་གསལ་བའི་བདག་ཉིད་ཅན་དུ་ཞུགས་པར་གྱུར་ཏོ། །དེའི་འོག་ཏུ་ཕྱག་ན་རྡོ་རྗེ་དེ་བཞིན་གཤེགས་པ་ནི་སྟོན་པ་མི་
བསྐྱོད་པའོ། །གསང་བའི་རྡོ་རྗེ་ནི་དེ་བཞིན་གཤེགས་པ་རྣམས་ཏེ། རྣམ་སྣང་ལ་སོགས་པ་དེ་རྣམས་ཏིང་ངེ་འཛིན་གང་དུ་གནས་ཤིང་ཐིམ་པར་གྱུར་པ་དེ་ནི། གསང་བའི་རྡོ་རྗེའི་ཏིང་ངེ་འཛིན་ཏེ་ཡང་དག་པའི་མཐའ་འོད་གསལ་ལོ་འོ། །
4-2-443b


དེ་ལས་བཞེངས་ནས་ཡང་སྔ་མ་བཞིན་དུ་ཞེ་སྡང་རྡོ་རྗེར་གྱུར་ནས། དེ་བཞིན་གཤེགས་པ་ལ་སོགས་པ་རྣམས་ལ་ཉོན་ཅིག་ཅེས་བོས་ཏེ། ཏིང་ངེ་འཛིན་གྱི་དཀྱིལ་འཁོར་སྟོན་པར་མཛད་དོ། །དེ་བཞིན་གཤེགས་པ་ཐམས་ཅད་ནི་རྫོགས་པའི་རིམ་པ་
ཟུང་འཇུག་ལ་གནས་པའི་རྣལ་འབྱོར་པ་ཆེན་པོ་རྣམས་སོ། །༼ཞེས་པ་ནི་གཞན་ལས། བྱང་ཆུབ་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་གྱི་དཀྱིལ་འཁོར་ཞེས་འབྱུང་བའི་རྡོ་རྗེའི་བཤད་པའོ། །༽དེའི་ཟུང་འཇུག་གི་བྱང་ཆུབ་ཀྱི་སེམས་དཀྱིལ་འཁོར་གང་ལས་
འབྱུང་ཞིང་སྐྱེ་བར་བྱེད་པའི་དཀྱིལ་འཁོར། གང་ཡིན་པ་དེ་ལ་དེ་སྐད་ཅེས་བྱ་སྟེ་རྣམ་པར་མི་འཇིག་པའི་ཏིང་ངེ་འཛིན་གྱི་དཀྱིལ་འཁོར་ཏེ། ཡིད་ཀྱི་དཀྱིལ་འཁོར་ཉོན་ཅིག་ཅེས་བོས་པར་གྱུར་པ་དང༌། ༈ སངས་རྒྱས་དང་བྱང་ཆུབ་༼
སྔ་མ་རྣམས་བསམ་གཏན་གྱི་དཀྱིལ་འཁོར་འདི་ཟུང་འཇུག་པས་བསྒོམ་པའི་དཀྱིལ་འཁོར་དུ་འདོད་མོད་ཀྱང༌། དཀྱིལ་འཁོར་འདི་རྫོགས་རིམ་པ་ཆེན་པོའི་བྱང་ཆུབ་ཀྱི་སེམས་སྐྱེ་བའི་དཀྱིལ་འཁོར་དུ་གསུངས་ཀྱི། དེའི་བྱང་ཆུབ་ཀྱི་སེམས་ཀྱི་ངོ་བོར་གྱུར་པའི་དཀྱིལ་འཁོར་དུ་མ་བཤད་པས་མི་ལེགས་
སོ། །དེས་ན་འདིས་དཀྱིལ་འཁོར་གྱི་འཁོར་ལོ་ལ་སེམས་ཤིན་ཏུ་བརྟན་པའི་སློབ་དཔོན་གྱིས། སློབ་མ་མཚན་ཉིད་ཚང་བ་ལ་བསམ་གཏན་གྱི་དཀྱིལ་འཁོར་དུ་དབང་བསྐུར་བ་སྟོན་པ་ཡིན་ནོ། །སྙིམ་ཏོག་ལས་ཀྱང་སློབ་དཔོན་སྤྲུལ་པའི་དཀྱིལ་འཁོར་བསྒོམས་པ་གསལ་བར་མཐོང་བའི་སེམས་
བརྟན་པ་དང༌། དཀྱིལ་འཁོར་གྱི་བྱ་བ་ཐམས་ཅད་བྱེད་ཀྱང༌། དཀྱིལ་འཁོར་གསལ་བ་སྔར་བཞིན་དུ་མཐོང་བའི་སེམས་མི་འགྱུར་བས་སློབ་མ་བྲིས་པའི་དཀྱིལ་འཁོར་ལས་བསམ་གཏན་གྱི་དཀྱིལ་འཁོར་ཁྱད་པར་དུ་འཕགས་པའམ་དམན་པ་མ་ཡིན་ནོ་སྙམ་པའི་མོས་པ་སྟོབས་ལྡན་གྱི་
4-2-444a


སེམས་བརྟན་པ་དང༌། བདག་གི་བླ་མ་འདིས་དུས་གསུམ་དུ་དབང་བསྐུར་བར་གྱུར་པ་དང༌། འགྱུར་བ་དང་དབང་བསྐུར་རོ་སྙམ་དུ་ཡིད་གཞན་གྱིས་བསྒྱུར་མི་ནུས་པའི་མི་འགྱུར་བ་ལ་བསམ་གཏན་གྱི་དཀྱིལ་འཁོར་དུ་དབང་བསྐུར་བ་དང༌། དམ་ཚིག་ཉམས་པ་ལས་བསླང་
བ་ལ་སོགས་པའི་དོན་དུ་ཡང་དཀྱིལ་འཁོར་འདིར་དབང་བསྐུར་བ་ནི་མན་ངག་ཡིན་ནོ་ཞེས་བཤད་དོ། །༽སེམས་དཔའ་དེ་རྣམས། བཅོམ་ལྡན་འདས་ཀྱི་གསུང་གིས་ཡང་དག་པར་དགའ་བར་གྱུར་ནས། བཅོམ་ལྡན་འདས་ཀྱི་གསུང་ཇི་ལྟ་བ་བཞིན་དུ་གསོལ་བ་
འདེབས་པར་གྱུར་པ་དེ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ༈ བཤད་དུ་གསོལ་ཞེས་གསོལ་བ་བཏབ་པ་དེ་གསན་ནས་རྡོ་རྗེ་འཆང་ཆེན་པོས། ནམ་མཁའི་དབྱིངས་ཞེས་བྱ་བ་ལ་སོགས་པ་གསུངས་
ཏེ། ནམ་མཁའི་དབྱིངས་ནི་ནམ་མཁའི་ཁམས་ཏེ། དེའི་དབུས་སུ་གནས་པའི་དཀྱིལ་འཁོར་བསམ་པའོ། །གྲུ་བཞི་ལྷམ་པ་ཞེས་བྱ་བ་ལ། ཟུར་སྟེ་ངོས་བཞི་ནི་ས་ལ་སོགས་པའི་ངོ་བོ་ཉིད་སྤྱན་ལ་སོགས་པའི་ལྷ་མོ་བཞིའི་ངོ་བོ་ཉིད་༼
ནམ་མཁའི་དབྱིངས་ཞེས་པ་ནས། གཞག་པར་བྱའོ་ཞེས་པའི་བར་ནི། ལེའུ་བརྒྱད་པའི་འགྲེལ་པ་ལས། གསང་དབང་བསྐུར་བ་ལ་བསམ་གཏན་ནམ་བྲིས་པའི་དཀྱིལ་འཁོར་གཉིས་སྒྲུབ་པའི་སྔོན་དུ་རྣལ་འབྱོར་དང་པོ་གསུམ་དང་ཕྱག་རྒྱ་འདུ་བྱས་ནས་སྙོམས་པར་ཞུགས་ཏེ། དཀྱིལ་འཁོར་རྒྱལ་
མཆོག་སྐྱེད་པ་བྱ་བར་གསུངས་པས། འདི་ནི་བསམ་གཏན་གྱི་དཀྱིལ་འཁོར་སྒྲུབ་པའི་སྔོན་དུ་བདག་བསྐྱེད་བྱ་ཚུ་ལ་སྟོན་པའོ། །དེས་ན་ནམ་མཁའི་དབྱིངས་ཀྱི་དབུས་སུ་གནས་པའི་དཀྱིལ་འཁོར་བསམ་པ་ནི། ཡེ་ཤེས་ཀྱི་ས་བསྐྱེད་པའི་འོག་ཏུ་རྡོ་རྗེའི་སའི་སྟེང་དུ་རྟེན་གྱི་དཀྱིལ་འཁོར་བསྐྱེད་པའོ། །
4-2-444b


༽གང་ཡིན་པ་དེ་ནི་གྲུ་བཞིའོ། །རབ་ཏུ་མཛེས་ཞེས་པ་ནི། སྐུ་སྟེ་ལུས་ཀྱི་འི་དཀྱིལ་འཁོར་ཐ་མལ་པ་མ་ཡིན་པར་དག་པའི་དཀྱིལ་འཁོར་དུ་སྣང་བར་བསམ་པའོ། །༼འདི་ནི་དང་པོར་བྷྲུཾ་ལས་བསྐྱེད་པའི་དཀྱིལ་འཁོར་དེ་ཉིད་ཕྱིས་ལུས་དཀྱིལ་གྱི་རྟེན་གྱི་དཀྱིལ་འཁོར་དུ་
བསྐྱེད་པའོ། །༽སངས་རྒྱས་དཀྱིལ་འཁོར་སྦྱོར་བ་ཡིས། །ཞེས་བྱ་བ་ལ། སངས་རྒྱས་ཀྱི་དཀྱིལ་འཁོར་ཞེས་པའི་དཀྱིལ་འཁོར་ནི་འབྱུང་བ་བཞི་དང་རྣམ་ཤེས་ཏེ་གསང་བ་ལྔའི་དེ་ཁོ་ན་ཉིད་ཀྱི་བདག་ཉིད་ཅན་གྱི་སྒྲུབ་པ་པོའི་ལུས་དེ་ཉིད་དོ་དེ།༼
སངས་རྒྱས་དཀྱིལ་འཁོར་སྦྱོར་བས་བསམས་ཟེར། ༽སངས་རྒྱས་ནི་ལྷ་སོ་གཉིས་སོ། །དེ་གཉིས་སྦྱོར་བ་ནི་ལུས་དེའི་བདག་ཉིད་ཅན་གྱི་སྟེང་དུ་སྦྱོར་བའི་ཏིང་ངེ་འཛིན་ཏེ་གཟུགས་ཕུང་རྣམ་སྣང་དུ་སྦྱོར་བ་སོགས་དེས་བསམ་པར་བྱའོ་ཏོ། །དེས་བསམ་གཏན་རྡོ་རྗེ་ཞེས་བྱ་བ་
རྣལ་འབྱོར་པ་རྣམས་ཀྱིས། བསམ་ཞིང་བསྒོམ་པར་བྱ་བ་ཡིན་པས་ན་བསམ་གཏན་ཏེ་མི་བསྐྱོད་པའོ། །རྡོ་རྗེ་ནི་མི་ཕྱེད་པའི་དོན་ཡིན་ལ། དེ་ཡང་དྲུག་པ་རྡོ་རྗེ་འཆང་དང་མི་ཕྱེད་པར་སྦྱོར་བར་གྱུར་པས་རྡོ་རྗེའོ། །དེ་རབ་བསྐུལ་བྱ་ཞེས་བྱ་བ་ནི། མི་བསྐྱོད་
པ་ཕར་ལ་སྤྲོ་བ་དང་། ཚུར་ལ་བསྡུ་བས་རྡོ་རྗེ་འཆང་བདག་ཉིད་དང་ཆུ་དང་འོ་མ་འདྲེས་པ་ལྟར་གཅིག་ཏུ་བྱའོ་ཞེས་བྱ་བའི་བར་དུའོ། །རྡོ་རྗེའི་དཀྱིལ་འཁོར་ནི་མི་བསྐྱོད་པའི་དཀྱིལ་འཁོར་རྒྱལ་མཆོག་ལ་བྱ་ཡི། མི་བསྐྱོད་པའི་ལུས་དཀྱིལ་ལ་སྦྱོར་བ་མིན་ཏེ། 
ལུས་དཀྱིལ་ནི་རྡོ་རྗེ་འཆང་གི་ལུས་དཀྱིལ་དུ་གསལ་བའི་ཕྱིར་རོ། །མི་བསྐྱོད་པའི་རྟེན་གྱི་དཀྱིལ་འཁོར་དེར་ལྷ་རྣམས་དགོད་པའི་རིམ་པ་ནི་བསམ་གཏན་ནོ་ཏེ། དེས་རྡོ་རྗེ་༼རྡོ་རྗེའི་དཀྱིལ་འཁོར་བསྒོམ་པ་དེས་ཟེར།༽སྟེ་མི་བསྐྱོད་པའི་དཀྱིལ་འཁོར་ཡུམ་
4-2-445a


གྱི་པདྨར་བསྒོམ་པས་འཁོར་ལོ་ཅན་ཀུན་ཞེས་བྱ་བ་ནི། དཀྱིལ་འཁོར་གྱི་ལྷ་རྣམས་ཕྱིར་སྤྲོས་མཛད་པ་མཛད་གཅིག་ཏུ་འདུས། ཡེ་ཤེས་པ་དང་འདྲེས་ནས་ཚུར་བྱོན་ཏེ། དཀྱིལ་འཁོར་ལ་བཞུགས་པར་བྱ་ཞེས་བྱ་བ་སྟེ། གཞག་པར་
བྱ་སྟེ་སྔར་བཤད་པའི་མི་བསྐྱོད་པའི་སྤྲོ་བསྡུ་ཡང་སྐབས་འདིར་བྱའོ། །སྔར་དེ་ལྟར་བཤད་པའི་ལུས་དཀྱིལ་དེ་རྡོ་རྗེ་འཆང་གི་སྐུ་དཀྱིལ་ཡིན་ལ། དེ་ཡང་རིགས་ཀུན་གྱི་ཡིན་པས་ཐུན་མོང་གི་སྐུའི་དཀྱིལ་འཁོར་དང༌། དཀྱིལ་འཁོར་རྒྱལ་མཆོག་བསྒོམས་
ནས་དེའི་འོག་ཏུ་ཅི་ཞིག་བྱ་བ་བསྟན་པར་བྱ་བའི་ཕྱིར། མཆོད་པའི་ཆོ་ག་ཞེས་བྱ་བ་ལ་སོགས་པ་གསུངས་ཏེ། ཆོ་ག་དེ་ཉིད་ཀྱིས་ཞེས་བྱ་བ་ལེའུ་བཞི་པར་ཐུགས་ཀྱི་དཀྱིལ་འཁོར་གྱི་སྐབས་སུ་བཤད་པའི་ཆོ་ག་དེ་ཉིད་ཀྱིས། 
བློ་དང་ལྡན་པ་སྟེ་རང་གི་ཕྱག་རྒྱ་དང་ལྷན་ཅིག་ཏུ་མཆོད་པ་ཞེས་བྱ་བ། སྙོམས་པར་འཇུག་པའི་མཚན་ཉིད་ཅན་བརྟག་པར་བྱ་ཞིང་ཉམས་སུ་བླང་བར་བྱའོ།། ༈ སྙོམས་འཇུག་གི་མཆོད་པ་བརྩམས་པ་ཉིད་ཀྱིས་བསམ་
གཏན་གྱི་དཀྱིལ་འཁོར་ལ་བརྟེན་ནས་སློབ་མ་ལ་དབང་བསྐུར་བར་༼འདི་མཆོད་པ་ཁོ་ན་ལ་མི་བྱ་ཡི། དཀྱིལ་འཁོར་སྒྲུབ་པ་ལ་ཡང་རང་ཉིད་མདུན་གྱི་དཀྱིལ་འཁོར་གྱི་གཙོ་བོ་དང་ཐ་མི་དད་དུ་བྱས་ནས། ཡབ་ཡུམ་སྙོམས་པར་ཞུགས་པ་ལས་ཡུམ་གྱི་པདྨར་བསྐྱེད་པའི་དཀྱིལ་
འཁོར་པའི་ལྷ་རྣམས་སྤྲོས་ལ། སྤྱན་དྲངས་ནས་དམ་ཚིག་པ་རྣམས་ལ་གཞུག་པ་སོགས་བྱ་བ་ལ་ཡང་སྦྱར་རོ། །༽བྱའོ་ཞེས་བྱ་བ་བསྟན་པར་བྱ་བའི་ཕྱིར། སློབ་དཔོན་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་འཆང་རང་གི་སྤྱོད་པ་སྤྱད་པས་
4-2-445b


རྡོ་རྗེ་འཆང་རང་གི་གནས་ཏེ་གོ་འཕང་འཐོབ་ཅིང་རེག་པར་འགྱུར་བས་ན་སློབ་དཔོན་ཏེ་རྡོ་རྗེ་འཆང་ཆེན་པོ་དང་གཉིས་སུ་མེད་པའོ། །དཀྱིལ་འཁོར་གྱི་གཙོ་བོ་དང་ཐ་མི་དད་པའི་སློབ་དཔོན་དེའི་སྙིང་གར་ཞེས་བྱ་བ་སྙིང་གའི་པདྨ་དང་ཟླ་གདན་ལ་ཡེ་ཤེས་སེམས་
དཔའ་དང༌། དེའི་ཐུགས་ཀར་ཏིང་ངེ་འཛིན་སེམས་དཔའ་སྒྲུབ་ཐབས་གཉིས་ཇི་ལྟ་བ་བཞིན་དུ། བསྒོམས་ནས་ཏིང་ངེ་འཛིན་སེམས་དཔའི་འོད་ཟེར་གྱིས་སློབ་མ་བཀུག་སྟེ་རང་གི་ཞལ་དུ་ཞུགས་པ་ལ་ཡིད་ཀྱིས་ནང་གི་དབང་བསྐུར་བ་བརྩམ་ཞིང་སྤྱད་པར་བྱའོ། །
ནང་དབང་བསྐུར་ཚུལ་ཇི་ལྟ་བུ་ཞེ་ན། སངས་རྒྱས་ཀུན་གྱིས་ཞེས་བྱ་བ་ལ་སོགས་པ་ལ། སངས་རྒྱས་ཐམས་ཅད་ཀྱིས་ཞེས་བྱ་བ་དེ་ནས་དབང་གི་དོན་དུ་སྤྱན་དྲངས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཐུགས་ཀྱི་དཀྱིལ་འཁོར་གྱི་ལྷ་སོ་གཉིས་
དང་འདྲ་བར་ཏེ་དེའི་རྣམ་པ་ཅན་ཏིང་ངེ་འཛིན་སེམས་དཔའི་འོད་ཟེར་གྱིས་བཀུག་སྟེ། རང་གི་ཞལ་ནས་ཡང་དག་པར་ཞུགས་པས་ནམ་མཁའི་དབྱིངས་ཞེས་བྱ་བ། ཆོས་འབྱུང་བ་ཆོས་འབྱུང་གི་ནང་དུ་ཡོངས་སུ་གང་བར་རྣམ་པར་བསམ་པར་བྱའོ་ཞིང་
དེའི་དབུས་སུ་སློབ་མ་དབང་བསྐུར་བར་འགྱུར་བཞིན་གྱུར་པ་མི་བསྐྱོད་པ་ལ་སོགས་པ་སྐབས་གང་ཡིན་པའི་ལྷར་བསམ་ཞིང་བསྒོམ་པར་བྱའོ། །དེའི་བྱེད་ཚུལ་ནི་སློབ་མ་ཡུམ་གྱི་པདྨར་ལྷར་བསྐྱེད་པ་དེའི་འོག་ཏུ་རང་གི་ཞལ་ནས་ཞུགས་པའི་རྣམ་པར་སྣང་
མཛད་ལ་སོགས་པའི་སངས་རྒྱས་དང་བྱང་ཆུབ་སེམས་དཔའ་བྱང་ཆུབ་ཀྱི་སེམས་སུ་ཞུ་བར་གྱུར་པ་རྣམས། དབང་བསྐུར་བའི་གནས་ཏེ་ཚིག་གསུམ་གྱིས་ཞེས་བྱ་བ། ཨོཾ་ཞེས་བྱ་བ་ལ་སོགས་པའི་ཡི་གེ་གསུམ་འཇུག་གནས་ལྡང་གསུམ་གྱི་ངོ་བོར་སྲོག་
4-2-446a


དང་རྩོལ་བ་སྟེ་རླུང་ལ་དབྱེར་མེད་དུ་གནས་པས་ཆོ་ག་བཞིན་དུ་སྟེ་སྙོམས་འཇུག་གི་སྒོ་ནས་དབབ་པར་བྱ་ཞེས་པ་སྟེ། པདྨར་གནས་པའི་སློབ་མའི་མགོ་ལ་བྱང་ཆུབ་ཀྱི་སེམས་སུ་ཞུ་བ་རྡོ་རྗེ་སྟེ་དེ་བཞིན་གཤེགས་པའི་ངོ་
བོར་གྱུར་པ་དམིགས་པས་དབབ་ཅིང་ཕབ་པ་ལྟར་བབས་ནས་ལུས་ཐམས་ཅད་ཐིག་ལེ་དེས་གང་བ་པར་བསམ་མོ།། ༈ དབང་བསྐུར་བའི་ཕན་ཡོན་བསྟན་པར་བྱ་བའི་ཕྱིར། སེམས་ཅན་ཞེས་བྱ་བ་ལ་སོགས་པ་གསུངས་ཏེ། དབང་
བསྐུར་བའི་མཆོག་འདིས་སློབ་མ་ལ་དབང་བསྐུར་ན་སེམས་ཅན་ཐམས་ཅད་རྗེས་༼འདི་དབང་པོ་དམན་པའི་གསང་དབང་ལ་སྦྱོར་བ་དོན་མ་རྟོགས་པ་ཡིན་པས། མཁས་པ་ཨ་ཀ་ར་བཞེད་པ་ལྟར་རིག་པའི་དབང་ལྔ་དང༌། རྡོ་རྗེ་སློབ་དཔོན་གྱིས་དབང་གི་ནང་དབང་དྲུག་ལ་སྦྱར་ཏེ། བྲིས་པ་དང་བསམ་
གཏན་གྱི་དཀྱིལ་འཁོར་གཉིས་ཀའི་ཐུན་མོང་བའོ། །༽སུ་འཛིན་པར་འོས་པའི་བྱང་ཆུབ་མི་གནས་པའི་མྱ་ངན་ལས་འདས་པ་འཐོབ་པར་འགྱུར་ཏེ། གཞན་གྱི་དོན་ཕུན་སུམ་ཚོགས་པའོ། །ཆོས་མཐོང་བ་འདི་ཉིད་ཀྱི་ངོ་མཚར་ཆེན་པོའི་དངོས་གྲུབ་ཀུན། 
ཞེས་བྱ་བ་ལ། དངོས་གྲུབ་ཐམས་ཅད་ནི་སྟོབས་བཅུ་ལ་སོགས་པའི་སངས་རྒྱས་ཀྱི་ཡོན་ཏན་རྣམས་སོ། །དེས་ངོ་མཚར་ཆེ་ཞིང་ཁྱད་པར་འཐོབ་པའི་སྐུ་དང་གསུང་དང་ཐུགས་༼མཐོང་བའི་ཆོས་འདི་ཉིད་ལ་ཟེར་ཏེ། ཚེ་འདི་ཉིད་ལའོ། །༽ཀྱི་དངོས་
གྲུབ་འགྲུབ་ཅིང་འཐོབ་བོ་ཞེས་བྱ་བ་སྟེ། བདག་གི་དོན་ཕུན་སུམ་ཚོགས་པའོ།། ༈ སངས་རྒྱས་དང་བྱང་ཆུབ་སེམས་དཔའ་ཐམས་ཅད་ནི། རྣམ་པར་སྣང་མཛད་ལ་སོགས་པ་དང་སའི་སྙིང་པོ་ལ་སོགས་པའོ། །དེ་རྣམས་ཀྱི་དམ་
4-2-446b


ཚིག་གི་ཞལ་དུ་བཅུག་པ་རྣམས་ཞུ་བའི་ཚེ་ལྷ་གཅིག་ཇི་ལྟ་བ་བཞིན་དུ་ཐམས་ཅད་མཉམ་ཞིང་བྱང་ཆུབ་ཀྱི་སེམས་གཅིག་ཏུ་གྱུར་པའོ་ར། བཤད་མ་ཐག་པའི་བསམ་གཏན་གང་གིས་གང་རྫོགས་པར་འགྱུར་བ་ཞིང༌། རབ་ཏུ་སྦྱངས་པའི་
འགྲོ་བ་སྟེ་སློབ་མ་དབང་བསྐུར་བར་བྱེད་པ་དེ་ནི། མི་ཕྱེད་པའི་བསམ་གཏན་གྱི་དཀྱིལ་འཁོར་ཞེས་བྱའོ། །༼འདི་ཡན་ཆད་ཀྱིས་ལེའུ་བཅུ་བདུན་པ་རྫོགས་པ་དང༌། འདི་མན་ཆད་རྒྱུད་ཕྱི་མ་དང་བཅས་པ་ལེའུ་བཅོ་བརྒྱད་པར་བྱེད་ཅིང༌། དེ་བཞིན་གཤེགས་པ་ཐམས་
ཅད་ཀྱི་ཐུགས་མཉམ་པ་ཉིད་ལ་དམིགས་ནས་ཅང་མི་གསུང་བར་གྱུར་ཏོ། །དེ་སྐད་ཅེས་བཀའ་སྩལ་ཏོ། །ཞེས་པའི་བར་ལེའུ་བཅོ་བརྒྱད་པའི་ཕྱེད་ཀྱིས་རྩ་བའི་རྒྱུད་རྫོགས་པར་རབ་ཞི་བཤེས་གཉེན་གྱི་འགྲེལ་པར་བཤད་ལ། བི་ཤྭ་མི་ཏྲ་ཡང་དེ་བཞིན་དུ་འདོད་དེ། དེ་དག་གི་ལྟར་ན་རྩ་རྒྱུད་ལ་
ལེའུ་ཕྱེད་དང་བཅོ་བརྒྱད་དུ་བྱེད་དོ། །འདི་ནི་འཕགས་ལུགས་དང༌། གསང་འདུས་ལུགས་གཞན་གྱི་ཆེན་པོ་གཞན་སུ་དང་ཡང་མི་མཐུན་པས་ལེགས་པར་བཤད་པ་མ་ཡིན་ནོ།། ༈ གཞན་ཡང་གདུག་པ་རྣམས་ཚར་གཅད་པའི་ཐབས་ཀྱི་རྣམ་པ་བསྟན་པར་
བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ཡང་ཞེས་བྱ་བ་ནི་ལེའུ་བཅུ་གསུམ་པ་དང༌། ལེའུ་བཅུ་བཞི་པ་ལས་གསུངས་པའི་དྲག་པོའི་ལས་ལ་མངོན་པར་དགའ་བ་རྣམས་ཀྱི་འབྲེལ་བ་སྟོན་པ་ཡིན་སྟེ་ལེའུ་སྔ་མ་གཉིས་སུ་བསྟན་
པར་མ་ཟད་པའོ་ནོ། །ཕྱག་ན་རྡོ་རྗེ་ཞེས་བྱ་བ་ནི་སྟོན་པའོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་སྦྱོར་བ་ཞེས་བྱ་བ་ལ། ཐམས་ཅད་ནི་སྐྱེ་བོ་༼སྐྱེ་བོ་དམ་པ་མ་ཡིན་པ་ཐམས་ཅད་ཟེར། ༽དམ་པ་རྣམས་སོ། །དེ་རྣམས་དེ་བཞིན་
4-2-447a


ཉིད་དུ་འཆི་བར་སྟེ་འཆི་བའི་འོད་གསལ་དུ་གང་འགྲོ་བ་དེ་ནི་དེ་བཞིན་གཤེགས་པ་ཐམས་ཅད་དེ། གདུག་པའི་སེམས་དང་ལྡན་པ་རྣམས་སོ། །དེ་རྣམས་ཀྱི་རྡོ་རྗེ་སྦྱོར་བ་ནི་ཚར་གཅད་པའི་ཐབས་ཏེ། དེ་གང་དུ་སྟོན་པ་དེ་ནི་སྐུ་དང་གསུང་
དང་ཐུགས་གསང་བ་ཞེས་པ་སྐུ་ལ་སོགས་པ་སྐྱེད་པའི་ཡི་གེ་གསུམ་སྟེ། རང་གི་སྐུ་ལ་སོགས་པ་ལས་ཕྱུང་ངོ༌། །ཧཱུཾ་ཐུགས་ཧྲཱི་གསུང་ཁྃ་སྐུ་ཤ་རུས་ལ་སོགས་པ་ཞེས་བྱ་བ་ལ་སོགས་པ་ལ། དེ་ལ་ཇི་སྲིད་སྒྲུབ་པ་པོས་རང་གི་ལུས་ཤ་དང་རུས་
པ་དང་རྩ་རྒྱུས་ཀྱི་རང་བཞིན་དུ་བལྟས་ལ། ནམ་མཁའི་ཁམས་ཀྱི་དབུས་སུ་གནས་པ་སྟེ། འོད་གསལ་བར་ཞུགས་པར་བསམ་པར་བྱའོ། །དེ་ནས་སྐུ་གསུང་ཐུགས་ཀྱི་སྙིང་པོ་གསུམ་ཞེས་བྱ་བ། ༼རེ་ཞིག་ཟེར། ༽བཤད་མ་ཐག་པའི་སྐུ་དང་གསུང་དང་
ཐུགས་གསུམ་གྱིས། ས་བོན་གྱི་ཡི་གེ་རྣམ་པ་གསུམ་ནི། ཁ་དོག་ནག་པོ་ལས་རྩེ་གསུམ། དེ་གསུམ་གྱིས་མཚན་པ་དེ་ཡོངས་སུ་གྱུར་པ་ལས་རྡོ་རྗེ་སེམས་དཔའ་ཞེས་བྱ་བ་སྟོབས་ཆེ་ཞིང་ཕ་རོལ་གནོན་པའི་རྡོ་རྗེ་མཁའ་འགྲོ་བསྐྱེད་པར་བྱ་བའི་ཕྱིར་བསྒོམ་པར་བྱའོ། །
དེ་ནས་དྲག་པོ་ཞེས་པ་གདུག་པ་རྣམས་ཀྱི་ཤ་ཁྲག་ཟ་བར་བརྩོན་པ། མི་སྡུག་ཅིང་ཁྲོས་པ་ཨུཏྤལ་སྔོན་པོ་དང་མདོག་འདྲ་བ། ཕྱག་བཞི་པར་ནི་ཆོ་ག་ཡིས། །ཞེས་བྱ་བ། འོག་ནས་བཤད་པའི་རྩེ་གསུམ་ལ་སོགས་པ་ལ་མཚོན་ཆའི་ཚོགས་ཏེ་ཕྱག་
མཚན་དང་ལྡན་པར་བསྒོམ་པར་བྱའོ། །དེ་ལྟར་སྔགས་པ་རྡོ་རྗེ་མཁའ་འགྲོ་མའི་གཟུགས་སུ་རྣམ་པར་བསྒོམས་ནས། དེའི་འོག་ཏུ་ཅི་ཞིག་བྱ་ཞེ་ན། འོད་ཟེར་ཞེས་བྱ་བ་ལ་སོགས་པ་གསུངས་ཏེ། འོད་ཟེར་ལྔ་ནི་ཡ་ར་ལ་ཝ་ཧཱ་ཞེས་བྱ་བ་རླུང་དང་མེ་ལ་
4-2-447b


སོགས་པ་འབྱུང་བ་ལྔའི་ས་བོན་ནོ། །དེ་རྣམས་ཀྱི་འོད་ཟེར་ནི་ནག་པོ་དང་ལ་སོགས་པས་དམར་པོ་དང་སེར་པོ་དང༌། དཀར་པོ་དང་སྔོན་པོ་སྟེ། ཁ་དོག་སྣ་ལྔ་པའི་ས་བོན་ལྔ་པོ་དེས་སྣང་ཞིང་འབར་བར་གྱུར་པ་རང་གི་ལྕེ་རྡོ་རྗེ་རྩེ་ལྔ་པར་བསྐྱེད་པ་ལ་བཀོད་པ་བརྟུལ་
ཞུགས་ཅན་གྱིས་བསྒོམ་པར་བྱའོ། །བསམ་གཏན་རྡོ་རྗེ་སྦྱོར་བ་ཡིས། །ཞེས་བྱ་བ་ནི། བཤད་མ་ཐག་པའི་རིམ་པས་བསྒོམས་པའི་ལྕེའི་རྡོ་རྗེ་དེ་ནི་བསམ་གཏན་རྡོ་རྗེའོ། །དེའི་སྦྱོར་བ་ནི་ས་བོན་ལྔ་བརྗོད་ནས་ཞེས་པ་ནི་ཧཱུྃ་ཧྲཱིཿཁཾ་བཛྲ་ཌཱ་ཀི་ནི་ཡ་ར་ལ་ཝ་ཧཱ་ཆེ་གེ་
མོའི་རཀྵ་ཨ་ཀརྵ་ཡ་ཧཱུཾ་ཤ་ཡ་ཧཱུཾ་ཕཊ། ཅེས་བཟླས་ཤིང་ཡི་གེ་ཧཱུཾ་ལས་བསྒྲུབ་བྱའི་ལུས་ནང་ཁྲག་གིས་གང་བའི་རྐྱལ་པ་ལྟ་བུར་བསྐྱེད་ལ། དེའི་སྙིང་ག་ལ་སོགས་པའི་གནས་ལྔར་ཕྱག་གི་མདུང་དང་ཕུར་པས་བསྣུན་ནས། ལྕེ་རྡོ་རྗེ་རྩེ་ལྔ་པའི་འོད་ཟེར་ལྔ་བསྒྲུབ་པར་བྱ་བའི་སྙིང་གར་བཅུག་ལ། 
སྲིན་བུ་པདྨ་ལྟར་ཡན་ལག་ཐམས་ཅད་ན་གནས་པའི་ཁྲག་དྲངས་ལ། དེ་རུས་པ་དང་པགས་པ་ཙམ་ལྷག་མ་ལུས་པར་བསམས་ལ་འོད་ཟེར་ཉེ་བར་བསྡུས་ཏེ། རང་གི་ལུས་ལ་རབ་ཏུ་བཅུག་ནས་བདག་ཉིད་ལ་བསླན་པར་བསམ་པ་ནི། ཁྲག་དྲང་བ་ནི་
མཆོག་ཡིན་ནོ། །རྡོ་རྗེ་མཁའ་འགྲོའི་སྦྱོར་བ་འདི་ཉིད་ཀྱིས་ལག་པ་ན་གནས་པའི་མཚོན་ཆ་བཤད་པའི་སྒོ་ནས་གསད་པའི་སྦྱོར་བ་གཞན་དག་བསྟན་པར་བྱ་བའི་ཕྱིར། རྩེ་གསུམ་ཞེས་བྱ་བ་ལ་སོགས་པ་༼བླུགས་པར་ཟེར། ༽གསུངས་ཏེ། 
གཡས་ཀྱི་དང་པོ་ལ་མདུང་རྩེ་གསུམ་པ། གཉིས་པ་ལ་རྡོ་རྗེ། ༼ཕྱག་གཡོན་པའི་གཉིས་པ་ལ་དྲག་པོ་མཆོག་དག་ནི། རྣམ་པར་འཇོམས་པའི་ཕུར་བུ་སྟེ། རྡོ་རྗེ་རྩེ་གཅིག་པ་དང་པོ་ལ་ཐོད་པ་སྟེ་ཟེར། ༽གསུམ་པ་ལ་དྲག་པོ་མཆོག་དག་ཅེས་བྱ་བ་ཤིན་ཏུ་ཡང་དྲག་པོའི་
4-2-448a


ཕུར་བུ་སྟེ་རྡོ་རྗེ་རྩེ་གཅིག་པ་དང་། དང་པོ་ལ་ནི་ཐོད་པ་སྟེ། སྔར་ཕྱག་ན་ཐོད་པ་བསྣམས་པར་བསྒོམ། ཞེས་བཤད་པ་ཉིད་དོ། །གཞན་སྔར་དང་འདྲ་བ་ལ་བསྒྲུབ་བྱ་མདུན་དུ་གནས་པར་བལྟས་ནས། ཕྱག་གིས་མཚོན་ཆ་རྣམས་ཀྱིས་དུམ་བུར་
གཏུབས་པར་བསམས་ན། རྡོ་རྗེའི་སྦྱོར་བས་ཞེས་བྱ་བ་སྒྲུབ་པ་པོས། རྡོ་རྗེ་མཁའ་འགྲོའི་སྦྱོར་བ་ཉིད་ཀྱིས་སངས་རྒྱས་ཉིད་ཀྱི་སྐུ་དག་སྟེ། དེ་བཞིན་གཤེགས་པའི་སྐུ་དག་ཀྱང་མཚོན་ཆ་འདིས་བཏབ་ཅིང་བསྣུན་ན། ཐ་མལ་པའི་ལུས་རྣམས་ལྟ་
སྨོས་ཀྱང་ཅི་དགོས་ཞེས། སྦྱོར་བའི་ཕུལ་ཏུ་བྱུང་བའི་ཁྱད་པར་བསྟན་པའོ།། ༈ དེ་ནས་ཞེས་བྱ་བ་ལ་སོགས་པ་ལ། ཡང་ཞེས་བྱ་བ་ནི་སྔར་བཤད་པའི་བཟའ་བའི་དམ་ཚིག་སྔ་མ་དྲན་པར་བྱེད་པ་བྱ་བའོ། །རྡོ་རྗེ་ནི་སྒྲུབ་པ་པོ་
སྟེ་དེའི་ཁ་ཟས་ཀྱི་དམ་ཚིག་ནི་ཟས་ཀྱི་དུས་ཏེ། དེར་བྱ་ཞིང་ཉམས་སུ་བླང་བ་གང་ཡིན་པ་དེ་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །བཟའ་བ་ནི་འབྲས་ཆན་དང་ཟན་དྲོན་ལ་སོགས་པའོ། །བཏུང་བ་ནི་འོ་མ་ལ་སོགས་པའོ། །བརྟུལ་ཞུགས་ཅན་
ནི་སྒྲུབ་པ་པོ་དབང་པོ་རབ་འབྲིང་ཐ་མ་རྣམ་པ་གསུམ་གྱིས་བཟའ་བའམ་འཐུང་བ་ན། དེ་ཐམས་ཅད་བཤང་གཅིས་མཚོན་པའི་བདུད་རྩི་ལྔ་དང་ཤ་ལྔའི་སྦྱོར་བསྟེ་དེར་བསྐྱེད་པའི་རྣལ་འབྱོར་གྱིས་ཆོ་ག་བཞིན་དུ་བཟའ་བ་སྟེ། སྙིང་ག་
དང་ལྐོག་མ་ཡོངས་སུ་སྦྱང་བ་སྒྲུབ་ཐབས་ལྟར་བྱེད་པ་སྔོན་དུ་འགྲོ་བས། བཟའ་བ་དང་བཏུང་བ་ཅི་འབྱོར་༼ཉེ་བར་སྤྱད་ཟིན་པ་རྣམས་ལྟེ་བར་སླེབ་པ་ན་དྭངས་མའི་བཅུད་ཟེར། ༽ཆོ་ག་བཞིན་དུ་སྟེ་ཁ་ཟས་དང་སྙིང་ག་དང་ལྐོག་མ་སྦྱོང་བ་ཟེར།
4-2-448b


བ་ཤ་དང་ཁུ་བ་ལ་སོགས་པར་ཡོངས་སུ་གྱུར་པར་བསམས་ལ། དེའི་ལྷག་མ་སྟེ་སྙིགས་མ་རྣམས་བཤང་བ་དང་གཅི་བའི་དངོས་པོར་ཡོངས་སུ་བརྟག་པར་བྱ་སྟེ། འདི་ནི་ནང་གི་སྦྱིན་སྲེག་གོ། ༈ དེ་ནས་ཞེས་བྱ་བ་ལ་༼
བཅུད་ཤ་ལ་སོགས་པའི་ངོ་བོར་ཡོངས་སུ་གྱུར་པར་བསམས་ལ་ཟེར། ༼སོགས་པ་ལ། དེ་བཞིན་གཤེགས་པ་ཐམས་ཅད་ནི་རྣམ་པར་སྣང་མཛད་ལ་སོགས་པའི་ངོ་བོ་ཉིད་ཀྱི་སེམས་ཅན་ཐམས་ཅད་ཏེ། ༼ནང་གི་སྦྱིན་སྲེག་གི་ཚུལ་གྱིས་ཟོས་ན་སྦྱིན་བདག་
གིས་བྱིན་པའི་བཟའ་བཏུང་རྣམས་བུ་ལོན་དུ་མི་འགྱུར་ཏེ། གདན་བཞི་ལས། གང་ཞིག་ཅུང་ཟད་བཟའ་བཏུང་རྣམས། །བསྔོ་བ་བྱས་ནས་བཟའ་བར་བྱ། །འདི་ལྟར་སྤྱོད་པའི་རྣལ་འབྱོར་པ། །བུ་ལོན་དུ་ཡང་མི་འགྱུར་རོ། །ཞེས་གསུངས་ཏེ་ཤིན་ཏུ་གལ་ཆེའོ། །བསྔོ་བ་བྱས་ནས་ཞེས་པ་ནི། ནང་དུ་ལྷ་ལ་
བསྔོས་པ་ནང་གི་སྦྱིན་སྲེག་གོ། ༼ཀུན་སྤྱོད་ལས་འགྲོ་བ་འདི་ཀུན་སངས་རྒྱས་ལྔའི་བདག་ཉིད། །ཅེས་གསུངས་པའི་ཕྱིར་རོ། །དེ་རྣམས་ཀྱི་སྐུ་དང་གསུང་དང་ཐུགས་ཀྱི་མཆོད་པའི་མཆོག་ནི། མཆོད་པའི་ཁྱད་པར་ཏེ་དེ་ཉིད་ཀྱི་སྐུ་ལ་སོགས་པ་ལས་ཕྱུང་
ངོ༌། །མཆོད་པའི་ཡོ་བྱད་ལྔ་ནི་ཡུལ་རྣམ་པ་ལྔའོ། །དེ་རྣམས་ཀྱི་མཆོད་པའི་མཆོག་ནི་ཡིད་དུ་འོང་བའི་ཡུལ་རྣམས་ཏེ། དེས་བདག་དང་གཞན་རྣམས་ལྷར་བསྐྱེད་པ་ལ་མཆོད་པར་བྱ་བའི་ཆོ་ག་འདི་ནི། རྡོ་རྗེ་ཐམས་ཅད་ཀྱིས་ཞེས་བྱ་བ་རྣལ་
འབྱོར་པ་ཐམས་ཅད་ཀྱིས་སོ། །དམ་ཚིག་ཤིན་ཏུ་འདའ་དཀའ་བའོ། །ཞེས་བྱ་བ་ནི་འདའ་བར་མི་བྱ་བའི་དམ་ཚིག་གོ། ༈ དེ་ལྟར་ཐུན་མོང་གི་མཆོད་པ་བསྟན་ནས། ཁྱད་པར་གྱི་མཆོད་པ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་
4-2-449a


པ་གསུངས་ཏེ། དེ་བཞིན་གཤེགས་པ་ཐམས་ཅད་ཅེས་བྱ་བ་ནི་བཤད་མ་ཐག་པ་སྟེ། འདི་རྣམས་ཀྱི་ལུས་དང་ངག་དང་སེམས་ཀྱི་མཆོད་པ་གསང་ཞིང་སྦས་པ་ཕྱུང་བའོ། །དབང་པོ་གཉིས་ཀྱི་སྦྱོར་བ་ཡིས། །ཞེས་
བྱ་བ། ནི་ཡབ་ཡུམ་གཉིས་ལྷར་གསལ་བའི་ངང་ནས་རྡོ་རྗེ་དང་པདྨར་ཡང་དག་པར་སྦྱོར་བས་སོ། །བདག་གི་ཁུ་བ་ལ་སོགས་པ། །སྨོས་པས་ནི། རང་གི་ཁུ་བ་དང་རིག་མའི་རཀྟ་ཡི་རྡུལ་ཆེན་པོ་གཉིས་ཡོངས་སུ་གྱུར་པའི་མེར་མེར་པོ་ལ་
སོགས་པ་མངལ་གྱི་གནས་སྐབས་ལྔ་རིགས་ལྔར་གྱུར་པར་ལེགས་པར་བསམ་ལ། བུ་དང་ཚ་བོ་ལ་སོགས་པ་མངལ་ན་གནས་པའི་དུས་དང༌། ཕྱི་རོལ་ཏུ་བཙས་པའི་ཚེ། ཆོ་ག་བཞིན་དུ་ཞེས་པ་རྒྱུད་གཞན་ནས་བཤད་པ་བཞིན་དུ་བསྲུང་བ་དང་
གསོ་བ་ལ་སོགས་པའི་ཆོ་ག་རྣམས་ཀྱིས་མཆོད་ཅིང་ཡང་དག་པར་བླང་བར་བྱ་སྟེ། དེ་ལྟར་བྱས་ན་བསྲུང་བ་ལ་སོགས་པ་བྱས་པའི་གང་ཟག་དེས་སངས་རྒྱས་ཀྱི་བྱང་ཆུབ་ཐོབ་པར་འགྱུར་རོ་ཞེས་པའོ།། ༈ དེ་ལྟར་བདག་དང་
གཞན་ལ་མཆོད་པ་བསྟན་ནས། སེམས་ཅན་གྱི་ཁམས་མ་ལུས་པ་རྣམས་ལ་མཆོད་པ་བསྟན་པའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཞེས་བྱ་བ་ནི། ཇི་ལྟར་དང་པོར་སྐྱེ་བའི་ཚེ་འོངས་
པའི་རིམ་པ་རྣམ་པར་འཇིག་པ་སྟེ་འཆི་བ་ན་རིམ་པ་དེ་བཞིན་དུ་འགྲོ་བས་ན། དེ་བཞིན་གཤེགས་པ་སྟེ་སེམས་ཅན་ཐམས་ཅད་དོ། །ལུས་དང་ངག་དང་སེམས་ཀྱི་སྡོམ་པ་ཞེས་བྱ་བ་ནི། ༼དེ་རྣམས་ཀྱི་རྣལ་འབྱོར་པ་རྣམས་ཀྱི་
4-2-449b


སྡོམ་པ་ཟེར། ༽རྣལ་འབྱོར་པ་རྣམས་ཀྱི་སེམས་ཅན་དེ་རྣམས་ཀྱི་དོན་སྒྲུབ་པ་སྡོམ་པ་སྟེ་སྡུད་པ་ནི་སེམས་ཅན་དེ་རྣམས་རྗེས་སུ་གཟུང་བ་སྟེ། འཛིན་པར་བྱེད་པའོ། །གདུལ་བྱར་སྡུད་པ་དེ་བཅོམ་ལྡན་འདས་ཉིད་ཀྱི་སྐུ་ལ་སོགས་པ་ལས་
ཕྱུང་ངོ༌། །སེམས་ཅན་ཁམས་རྣམས་མཐའ་ཡས་ཀྱི། །ཞེས་བྱ་བ་ནི། སྒོ་ང་ལས་སྐྱེས་པ་ལ་སོགས་པའི་སེམས་ཅན་གྱི་ཚོགས་རྣམས་སོ། །མ་རྣམས་ལ་ཞེས་བྱ་བ་ནི་སྤྱན་ཏེ་དེ་གང་ཡིན་ཞེ་ན་སའོ། །ཇི་ལྟ་བུ་ཞེ་ན་དམ་ཚིག་འཛིན་པའི་
ཞེས་བྱ་བ་གསུངས་ཏེ། སེམས་ཅན་རྣམས་སྐྱེ་བ་དང་གནས་པ་དང་འཇིག་པའི་མཚན་ཉིད་ཅན་གསུམ་གྱི་སྐབས་ནི། དམ་ཚིག་སྟེ་དེ་འཛིན་པར་བྱེད་པས་ན་དམ་ཚིག་འཛིན་པའོ། །དམ་ཚིག་འཛིན་པ་དེ་ནི་སེམས་ཅན་གྱི་ཁམས་མ་ལུས་པ་དང་
བཅས་པའི་ས་སྤྱད་པར་བྱའོ། །ཇི་ལྟར་སྤྱད་ན། དམ་ཚིག་གསུམ་གྱི་རྡོ་རྗེས་སྤྱད། །ཅེས་བྱ་བ་ནི། བདག་ཉིད་ཀྱི་ལུས་དང་ངག་དང་ཡིད་ཀྱི་བྱ་བ་དགེ་བ་སེམས་ཅན་ལ་ཕུགས་སུ་ཕན་ཞིང་འཕྲལ་དུ་བདེ་བ་དང་ཉེ་བར་ལྡན་པས་དེ་ལ་སྤྱད་པར་
བྱ་ཞིང་སེམས་ཅན་རྣམས་དགའ་བར་བྱ་བ་ལ་རྗེས་སུ་གཟུང་བར་བྱའོ། །བསམ་སྦྱོར་གཉིས་ཀས་སེམས་ཅན་གྱི་དོན་དུ་འཇུག་པའི་དམ་ཚིག་འདི་ནི་གསང་བ་འདུས་པ་པ་རྣམས་ཀྱི་རྨད་ཆེན་པོ་སྟེ། སེམས་ཅན་གྱི་ཚོགས་ཆེན་པོ་ཡོངས་སུ་འཛིན་པ་ཡིན་
པའི་ཕྱིར་ཕུལ་ཏུ་བྱུང་བའོ།། ༈ དེ་ལྟར་མཆོད་པའི་རྣམ་པ་བསྟན་ནས། དེ་བྱེད་པ་ན་མཚན་འཛིན་གྱི་དྲི་མ་རྣམ་པར་དག་པར་བྱེད་པ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། བཤད་མ་ཐག་པའི་
4-2-450a


མཆོད་པའི་ཆོ་ག་ཐམས་ཅད་དང་ཐུན་མོང་དུ་གྱུར་པས། རྒྱུད་ལས། སྒྲུབ་པ་པོ་ཐམས་ཅད་ཀྱི་ཞེས་པ་ལ། ཐམས་ཅད་སྒྲུབ་པ་ཞེས་པ་དག་གོ། ཐམས་ཅད་ནི་སྒྲུབ་པ་སྟེ་བླ་མེད་བྱང་ཆུབ་ཀྱི་ཚོགས་སུ་འགྱུར་བས་ནའོ། །མཆོད་པ་དེ་
རྣམས་ཡང་དག་པར་བཟུང་བ་ནི་སྡོམ་པ་སྟེ་སྡུད་པའོ། །ཚོགས་དེའི་སྙིང་པོ་ནི་སྟོང་ཉིད་རྟོགས་པའི་རྡོ་རྗེ་སྟེ་དེ་ཕྱུང་བའོ། །ལུས་དང་ངག་སེམས་ལོངས་སྤྱོད་ནི། །ཞེས་བྱ་བ་ནི། མཆོད་པའི་ཆོ་ག་རྣམས་བསྒྲུབ་པ་ལ་གང་ལུས་ལ་སོགས་
པའི་སྒོ་གསུམ་གྱི་བྱ་བ་སྟེ། དེ་རྣམས་བྱེད་པ་ནི་གསང་བ་གསུམ་གྱི་གནས་སམ་རྟེན་དུ་གྱུར་པའི་རྡོ་རྗེ་སྐྱེས། ཞེས་བྱ་བའི་རྡོ་རྗེ་ནི་རང་བཞིན་གྱིས་སྟོང་པའི་འོད་གསལ་བའོ། །སྐྱེས་པ་ནི་རང་བཞིན་མེད་པ་དེའི་ངང་ལས་ཡང་དག་པར་བྱུང་བར་
ལྷག་པར་མོས་པར་བྱའོ་ཞེས་བྱ་བ་ནི་ཚིག་གི་ལྷག་མའོ། །དེ་ལྟར་ལྷག་པར་མོས་ནས་ཅི་ཞིག་བྱ་ཞེ་ན། བཟང་པོ་བདག་གིས་བསྒྲུབ་པར་བྱ། །ཞེས་བྱ་བ་སྟེ། བཟང་པོ་ནི་རྡོ་རྗེ་འཛིན་པ་ཉིད་དེ་དམ་སངས་རྒྱས་ཉིད་དོ། །བདག་གིས་བསྒྲུབ་པར་
བྱ་བ་ནི་འཐོབ་པར་བྱ་བའོ་ཞེས་བྱང་ཆུབ་ལ་སེམས་བརྟན་པ་བསྐྱེད་པར་བྱའོ། །གལ་ཏེ་མཆོད་པ་སོགས་རང་བཞིན་མེད་རྟོགས་ཀྱི་ཤེས་རབ་ཀྱིས་ཟིན་པ་དེ་ལྟར་མ་བྱས་ན་དེའི་ཚེ་ཅིར་འགྱུར་ཞེ་ན། འདིར་ནི་ཡོང་ཡེ་སྟེ་རྣམ་པ་འཇིག་པར་འགྱུར། །ཞེས་
བྱ་བ་སྟེ། བྱང་ཆུབ་ཀྱི་ཚོགས་ལ་འབད་པ་ཐམས་ཅད་དུ་འདོད་པའི་འབྲས་བུ་མེད་པར་བྱེད་དེ། བདེན་འཛིན་གྱི་དམིགས་པ་དང་བཅས་པའི་ཕྱིར་རོ། །༼དེ་ལྟར་ན་དམ་ཚིག་འདི་ནི་རྨད་ཆེན་པོ། ཞེས་པས་ཅི་བྱེད་སེམས་ཅན་གྱི་དོན་དུ་བྱེད་པ་གཅིག་བསྟན་ལ།
4-2-450b


འདིར་ནི་ཡོང་ཡེ་ཞེས་པས་སྟོང་ཉིད་རྟོགས་པའི་ཤེས་རབ་བསྒོམ་པ་མེད་ན། ངལ་བ་འབྲས་བུ་མེད་པར་གསུངས་པས། ཐུན་མོང་བའི་བྱང་ཆུབ་ཀྱི་སེམས་དང༌། ཡིན་ལུགས་ཀྱི་ལྟ་བ་ཕུ་ཐག་ཆོད་པ་གཅིག་གསང་སྔགས་ལའང་མེད་མི་རུང་དུ་ཤེས་པར་གྱིས་ཤིག། ༈ དེ་ལྟར་རྣལ་འབྱོར་པས་སེམས་
ཅན་རྣམས་ཀྱི་ཡུལ་ལ་རབ་ཏུ་འཇུག་པ་བསྟན་ནས། ཡང་བདག་ཉིད་ཀྱི་ལུས་བརྟ་བར་བྱ་བའི་ཆོ་ག་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ཉིད་ལ་སོགས་པ་འདིས་སྒྲུབ་པར་བྱེད་པས་ན། སྒྲུབ་པ་པོ་ཐམས་
ཅད་དེ་རང་གི་ལུས་སོ། །ལུས་དེའི་རྡོ་རྗེ་སེམས་དཔའི་སྡོམ་པ་ནི། རྡོ་རྗེ་སེམས་དཔའི་སྡོམ་པ་སྟེ་སྔགས་ཀྱི་སྡོམ་པ་དང་ལྡན་པ་གང་གིས་རྡོ་རྗེ་སེམས་དཔའ་སྐྱེད་པར་བྱེད་པ་སྟེ་དེ་ཕྱུང་བའོ། །མཐོ་གང་ཙམ་གྱིས་ཞེས་བྱ་བ་ལ་སོགས་པ་ལ། རང་གི་
མགོ་བོ་སྟེ་སྤྱི་གཙུག་ནས་མཐོ་གང་ཙམ་གྱི་འི་སྟེང་གི་ནམ་མཁའ་ལ་ཡི་གེ་བ་ཡོངས་སུ་གྱུར་པ་ལས། ཡང་དག་པར་བྱུང་བའི་ཟླ་བའི་དཀྱིལ་འཁོར་རྫོགས་པ་བརྟག་པར་བྱ་ཞིང་དང་པོར་བསམ་པར་བྱའོ། །དེའི་འོག་ཏུ་ཡི་གེ་ཨོཾ་རླུང་ནང་དུ་འཇུག་
པའི་བདག་ཉིད་ཅན་ཟླ་བའི་དཀྱིལ་འཁོར་གྱི་འོག་གི་དབུས་སུ་གནས་པར་བསམས་ལ། དེ་ལས་བདུད་རྩི་ལྔ་པོ་འོད་ཟེར་ཁ་དོག་སྣ་ལྔ་པ་དབབ་པར་བྱ། སྟེ་འཆི་བར་མི་འགྱུར་བས་ན་བདུད་རྩི་སྟེ། དེ་འདྲ་བའི་བདུད་རྩི་ལྔ་ནི་དེ་བཞིན་གཤེགས་པ་
ལྔ་རྣམས་ཀྱི་ངོ་བོར་བསམ་མོ་སོ། །དེ་རྣམས་དབབ་པར་བྱ་བ་ནི་འོད་ཟེར་ལྔའི་ངོ་བོ་ཉིད་ཀྱིས་སྤྱི་བོའི་གཙུག་ནས་རྐང་པའི་མཐིལ་གྱི་མཐར་ཐུག་པའི་བར་དུ་དབང་བསྐུར་བར་བྱའོ། །རྡོ་རྗེ་སྦྱོར་བ་འདི་ཡིས་ནི་ཞེས་བྱ་བ་ནི། བཤད་མ་ཐག་
4-2-451a


པའི་མཚན་ཉིད་ཅན་གྱི་རྡོ་རྗེའི་སྦྱོར་བ་དེ་བཞིན་གཤེགས་པ་ལ་དམིགས་པ་འདིས། སྐད་ཅིག་གིས་ནི་ཞེས་བྱ་བ་རིང་པོར་མི་ཐོགས་པར་གཟི་ཅན་འགྱུར་ཞེས་པ་སྟེ་ལུས་གཟི་མདངས་དང་ལྡན་ཞིང༌། ལུས་དང་ངག་དང་སེམས་བདེ་
བར་གནས་པ་འཐོབ་པར་འགྱུར་རོ་ཞེས་བྱ་བ་ནི་ཕན་ཡོན་ནོ།། ༈ སྤྱོད་པ་རན་པའི་རྫོགས་པའི་རིམ་པ་རྟོགས་པ་སྟེ་ཐོབ་པར་གྱུར་ཅིང༌། ཕྱག་རྒྱ་ཆེན་པོའི་དངོས་གྲུབ་སྒྲུབ་པ་ལ་ཞུགས་པ་རྣམས་ཀྱི་ལུས་དང་ངག་གི་འཇུག་པ་བསྟན་པར་
བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། སྔགས་ཐམས་ཅད་ཀྱི་གསང་བ་གང་ཡིན་པ་དེ་ནི་སྔགས་ཐམས་ཅད་དེ་གསང་བ་འདུས་པའོ། །དེ་འཛིན་པར་བྱེད་པས་ན་སྔགས་འཛིན་པ་ཐམས་ཅད་དེ། གསང་བ་འདུས་པའི་རྫོགས་རིམ་གྱི་
རྣལ་འབྱོར་པ་ཆེན་པོའོ། །དེའི་ལུས་དང་ངག་དང་སེམས་ཀྱི་གསང་བ་ནི། ལུས་ལ་སོགས་པའི་འཇུག་པ་གསང་བ་སྟེ་དེ་ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །མཆོད་རྟེན་དག་གི་ཞེས་བྱ་བ་ལ་སོགས་པ་ལ། མཆོད་རྟེན་གྱི་ལས་ནི་ས་དང་བྱེ་མ་ལ་སོགས་
པ་ལས་མཆོད་རྟེན་བྱེད་པ་དང་བྱས་པ་ལ་གྱི་མཆོད་པའི་ལས་མི་བྱ་སྟེ། བདག་ཉིད་དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཅན་གྱི་རྫོགས་རིམ་པས་མཆོད་རྟེན་གྱི་མཆོད་པ་ལ་མངོན་པར་ཞེན་པ་མི་རིགས་པའི་ཕྱིར་རོ། །གླེགས་བམ་ཀློག་
པའང་མི་བྱ་ཞིང་ཞེས་པ་ནི། འབད་པ་ལ་མི་ལྟོས་པར་ལྷུན་གྱིས་གྲུབ་པ་ཉིད་ཀྱིས་རྡོ་རྗེ་བཟླས་པ་ལ་རྟག་ཏུ་རབ་ཏུ་འཇུག་གི། དེ་ལས་གཞན་དུ་ངག་གིས་ཀློག་པ་ལ་འཇུག་པ་ལ་སོགས་པ་མི་རིགས་པའི་ཕྱིར་རོ། །དེ་བཞིན་དུ་དཀྱིལ་འཁོར་དག་ཀྱང་ཡོངས་
4-2-451b


མི་བྱ། །ཞེས་བྱ་བ་ནི། ཕྱིའི་དཀྱིལ་འཁོར་མི་བྱ་བ་སྟེ། རང་གི་ལུས་དཀྱིལ་འཁོར་དུ་བཤད་པའི་དོན་ལ་རྟོགས་པ་ཤིན་ཏུ་བརྟན་པས་ཕྱིའི་དཀྱིལ་འཁོར་བྲི་བ་སོགས་དེ་ཁོ་ན་ཉིད་དེ་ངེས་པའི་དོན་དུ་མེད་པའི་ཕྱིར་རོ། །རྡོ་རྗེ་མཆོག་གསུམ་ཕྱག་མི་བྱའོ་ཞེས་
བྱ་བ་ལ། རྡོ་རྗེ་མཆོག་གསུམ་ནི་ཉན་ཐོས་དང་རང་སངས་རྒྱས་དངོས་དང༌། དེ་དག་གི་སྐུ་གཟུགས་དང༌། ཡང་དག་པར་རྫོགས་པའི་སངས་རྒྱས་ཀྱི་སྐུ་གཟུགས་ཏེ། དེ་རྣམས་ལ་ལུས་ལ་སོགས་པའི་རབ་ཏུ་འདུད་པའི་ཕྱག་མི་བྱ་སྟེ། བདག་ཉིད་དེ་
བཞིན་གཤེགས་པ་ཐམས་ཅད་ཀྱི་བདག་ཉིད་ཀྱི་ངོ་བོ་བདེ་སྟོང་གི་རྟོགས་པ་བརྟན་པ་ལ་གནས་པར་དུ་གྱུར་པ་དང་དེ་དག་བྱེད་པ་འགལ་བའི་ཕྱིར་རོ། །མཆོད་རྟེན་བྱེད་པ་སོགས་དེ་དག་ཐམས་ཅད་གཏན་མི་བྱའམ་ཞེ་ན། དེ་དག་ཐམས་ཅད་ནི་འཇིག་རྟེན་གྱིས་བཏགས་པ་
སྟེ་ཐ་སྙད་ལ་བརྟེན་ནས་བདེན་འཛིན་གྱི་མངོན་པར་ཞེན་པ་མེད་པས་ནང་མཚན་མེད་བསྒོམ་པ་ལས་མི་གཡེང་ན་དགོས་པའི་དབང་གིས་བྱ་བ་ལ་ནི་འགལ་བ་མེད་དོ།། ༈ ལེའུ་བཅོ་ལྔ་པ་ལས་གསུངས་པའི་ལས་ཕྲ་མོའི་ལྷག་མ་བསྟན་པར་
བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དུག་ཐམས་ཅད་ནི་སེམས་མེད་པ་ཤིང་ལ་སོགས་པ་ལས་བྱུང་བ་དང་སེམས་ཡོད་པ་སྦྲུལ་ལ་སོགས་པ་ལས་བྱུང་བའི་དུག་རྣམ་པ་མང་པོས་ཟིན་པ་དེའི་དུག་ཕྱིར་ལ་
འབྱིན་པ་དང་ལ་སོགས་པས་དུག་གནོན་པ་དང༌། གཞི་གཞན་དུ་འདྲེན་པ་སྟེ་སྤོ་བ་རྣམས་སྐུ་ལ་སོགས་པ་ལས་ཕྱུང་ངོ༌། །དུག་འབྱིན་པ་སོགས་དེའི་བྱེད་ཚུལ་ནི་འདི་ལྟ་སྟེ། ཞེས་པ་ནང་ལ་མཆོག་ཏུ་གཞོལ་བས་རྣམ་སྣང་གི་སྒོ་ནས་ཏིང་ངེ་འཛིན་གཞན་གཉིས་
4-2-452a


སྔོན་དུ་བྱ། ལས་རྒྱལ་མཆོག་གི་དུས་སུ་འོད་ཟེར་དཀར་པོ་ཞེས་བྱ་བ་ལ་སོགས་པ་ལ། ཨོཾ་དཀར་པོ་ལས་བྱུང་བའི་འཁོར་ལོ་དཀར་པོ་རྩིབས་བརྒྱད་པའི་ལྟེ་བར་ཨོཾ་དཀར་པོས་མཚན་པ་ལ། དུག་གིས་ཕོག་པའི་ནད་པ་འཁོར་
ལོའི་དབུས་སུ་གཞག་ལ། མདོག་འོད་ཟེར་སེར་པོ་ཀུན་ནས་འཁྲིགས་པའི་དུག་གི་གཟི་བརྗིད་སེར་པོ་རྣམས་ཀྱིས་ནད་པའི་ལུས་མ་ལུས་པར་ཁྱབ་པར་བསམས་ལ་ཨོཾ་དཀར་པོ་ལས་བྱུང་བའི་འཁོར་ལོ་དཀར་པོ་ལྟེ་བ་ལ་ཨོཾ་དཀར་པོས་མཚན་
པ་ཉིད་ཀྱིས་མགོ་ནས་མནན་ཏེ། འཁོར་ལོ་དང་ཡི་གེ་དེའི་འོད་ཟེར་དཀར་པོའི་གྱི་ཚོགས་ཀྱིས་ཐུར་དུ་རིམ་གྱིས་རིམ་གྱིས་དུག་གི་ངོ་བོའི་འོད་ཟེར་སེར་པོ་བསལ་བར་བྱ་བསྟེ་དེད་པར་བསམས་ལ་འོག་གི་འཁོར་ལོའི་ལྟེ་བའི་ཨོཾ་ལ་བཅུག་
པས་དུག་མེད་པར་བྱ་སྟེ། འདི་ནི་དུག་བསལ་བའི་ཆོ་གའོ། །སེར་པོ་ལྟ་བུར་བསྒོམ་པར་བྱ། །ཞེས་བྱ་བ་ནི། འཁོར་ལོ་དང་ཡི་གེ་དང་འོད་ཟེར་འདི་དག་ཐམས་ཅད་དུག་གནོན་པའམ་རེངས་པར་བྱེད་པའི་བསམ་པས་བྱེད་ན་ཁ་དོག་སེར་པོར་
བསམ་པར་བྱ་སྟེ། འདི་ནི་དུག་གནོན་པའི་ཆོ་གའོ། །དུག་གང་ཟག་གཞན་ལ་སྤོ་བར་བྱེད་ན་འཁོར་ལོ་དང་ཡི་གེ་དང་འོད་ཟེར། འདི་དག་ཐམས་ཅད་དུ་བའི་མདོག་ཅན་དུ་བསམས་ལ་གང་དུ་སྤོ་བར་འདོད་པ་དེར་སྤོ་བར་བྱ་སྟེ། འདི་ནི་དུག་འདྲེན་པའི་ཆོ་ག་བཤད་
པར་གྱུར་པ་ཡིན་ནོ། །རྡོར་གསུམ་༼དུག་གནོན་པ་ནི་ཁ་དོག་གི་ཁྱད་པར་མ་གཏོགས་པ་སྔར་དང་འདྲ་བ་ལ། དུག་དེད་ནས་ས་འོག་ཏུ་སོང་བར་བསམ་པའོ། །༽འོད་ཟེར་དམ་ཚིག་གིས། ཞེས་བྱ་བའི་རྡོ་རྗེ་གསུམ་གྱི་འོད་ཟེར་ནི། དཀར་པོ་དང་སེར་པོ་དང་དུད་ཀའི་
4-2-452b


འོད་ཟེར། རོ། །དམ་ཚིག་ནི་འོད་ཟེར་གྱི་སྦྱོར་བས་དུག་སེལ་བའོ་སོ། །ས་བོན་གསང་གསུམ་ལས་བྱུང་བའོ། །ཞེས་བྱ་བ་ནི། གསང་བ་གསུམ་དབྱེར་མི་ཕྱེད་པ་རྡོ་རྗེ་འཆང་གིས་བཤད་པ་ལས་བྱུང་བའི་ས་བོན་གྱི་ཡི་གེ་ཨོཾ་འདི་ནི། དུག་འབྱིན་
པ་ལ་སོགས་པའི་དེ་ཁོ་ན་ཉིད་དེ་མི་སླུ་བ་ལ་གནས་པ་ཡིན་པར་ཤེས་པར་བྱའོ།། ༈ དེ་ལྟར་དུག་བསལ་བ་ལ་སོགས་པ་དང་ལྡན་པའི་སྔགས་པ་བསྲུང་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ལུས་དང་ངག་
དང་སེམས་བསྲུང་བའི་ཕྱིར་འཁོར་ལོ་སྟེ། འཁོར་ལོ་དེའི་སྔགས་རྡོ་རྗེ་དང་ལྡན་པའམ་རྡོ་རྗེ་ནི་སྔགས་༼དེ་ལྟར་དུག་བསལ་བ་ལ་སོགས་པ་ལ་བརྩོན་པའི་སྔགས་པས་བསྲུང་བའི་ཕྱིར་ཟེར། ༽ཀྱི་སྙིང་པོ་སྟེ་སྔགས་དེ་སྐུ་ལ་སོགས་པ་ལས་ཕྱུང་
ངོ་། །དང་པོ་ཨོཾ་དང་ལྡན་ཞིང་ཐ་མར་ཕཊ་ཡོད་པའི་སྔགས་འདི་ནི་མིང་མཐའ་མེད་ཅེས་བྱ་སྟེ། རྣམ་སྣང་ངམ་བདུད་རྩི་འཁྱིལ་བའི་ཏིང་ངེ་འཛིན་གཞན་གཉིས་སྔོན་དུ་བྱ། ལས་སྦྱོར་གྱི་དུས་སུ་སྔགས་འདི་གྲོ་ག་དང་ལ་སོགས་པས་དར་དང་ཤོག་བུ་སེར་པོ་
ལ་འཁོར་ལོ་རྩིབས་བརྒྱད་པ། ལས་ཀྱི་རྡོ་རྗེ་ལ་གནས་པར། །ཞེས་བྱ་བ། སྣ་ཚོགས་རྡོ་རྗེའི་ལྟེ་བ་ལ་གནས་པར་བྲི་བའོ། །ཧྃ་ནི་དབུས་སུ་བཞག་ནས་སུ། །ཞེས་བྱ་བ་ནི། འཁོར་ལོའི་དབུས་སུ་སྟེ་ལྟེ་བར་གནས་པར་ཡི་གེ་ཧྃ་གྲུ་གསུམ་པ་མགོ་བོ་
ཆེ་བ་ཟླ་ཕྱེད་དང་ཐིག་ལེ་དང་ནཱ་ད་དང་ལྡན་པ་བྲི་བའོ། །མིང་ནི་དབུས་སུ་བྲི་བར་བྱ། །ཞེས་བྱ་བ་ནི། ཧྃ་དེའི་མགོ་བོའི་ནང་དུ་བསྲུང་བར་བྱ་བའི་མིང་སྔགས་དང་བཅས་པ་བྲི་བསྟེ་དཔེར་ན། ཨོཾ་ཛི་ན་ཆེ་གེ་མོའི་རཀྵཾ་ཀུ་རུ་ཛིཀ་ཅེས་པའོ། །སྔགས་ཀྱི་ཡི་གེའི་
4-2-453a


ཚིག་རྣམས་ཀྱིས། །ཞེས་བྱ་བ་ནི། ཨོཾ་ཞེས་བྱ་བ་ལ་སོགས་པས་སོ། །བརྒྱན་ཏེ་རྟག་ཏུ་གཞག་པར་བྱ། །ཞེས་བྱ་བ་ནི། རིམ་པ་བཞིན་དུ་འཁོར་ལོའི་རྩིབས་རྣམས་ལ་བརྒྱན་ནས་དེ་ནས་རང་གི་སྙིང་གར་རྣམ་སྣང་ལ་སོགས་པའི་ལྷའི་འཁོར་
ལོ་བསྐྱེད། བྲིས་པའི་འཁོར་ལོ་ལ་བཀོད་པའི་ཡི་གེ་རེ་རེའང་བདུད་རྩི་ཐབ་སྦྱོར་དུ་བསྐྱེད་ལ། རྣམ་སྣང་གི་ཐུགས་ཀའི་ཟླ་བ་ལ་གནས་པའི་བསྒྲུབ་བྱའི་མིང་ཡིག་དང་པོ་ལས། བསྒྲུབ་བྱའི་རྡོ་རྗེའི་ལུས་དང་ལྡན་པ་ལ། ཧྃ་ལས་བྱུང་བའི་རྡོ་རྗེའི་གོ་བསྐོན་པར་བསམ། ཡེ་ཤེས་པ་བཅུག། དབང་བསྐུར་
རྒྱས་གདབ་སྟེ་མཆོད་པས་མཆོད་ལ་རྟག་ཏུ་སྟེ། དུས་ཐམས་ཅད་དུ་ཟ་མ་ཏོག་ལ་སོགས་པར་ལེགས་པར་བཞག་ནས་མཆོད་པར་བྱ་སྟེ། རྩིབས་དང་པོ་ལ་ཨོཾ། གཉིས་པ་ལ་ཧུ་ལུ་ཧུ་ལུ། གསུམ་པ་ལ་ཏིཥྛ་ཏིཥྛ། བཞི་པ་ལ་བན་དྷ་བན་དྷ། ལྔ་པ་
ལ་ཧ་ན་ཧ་ན། དྲུག་པ་ལ་ད་ཧ་ད་ཧ། བདུན་པ་ལ་ཨ་མྲྀ་ཏེ། རྩིབས་བརྒྱད་པ་ལ་ཧཱུཾ་ཕཊ་ཅེས་བྲི་བ་སྟེ། འདི་ནི་སྔགས་ཀྱི་ཡི་གེ་དགོད་པའོ། །སྔགས་ཀྱི་ཡི་གེ་དགོད་པ་འདི་ནི་སྔགས་རྣམས་ཐམས་ཅད་ཀྱི་ཞེས་བྱ་བ། སྒྲུབ་པ་པོ་རྣམས་ཀྱི་གསང་
བ་གསུམ་གྱི་ཞེས་བྱ་བ། སྐུ་དང་གསུང་དང་ཐུགས་ཏེ་སྒོ་གསུམ་པོ་དེའི་བསྲུང་བའི་གནས་ནི་བསྲུང་བ་བསྡུས་ཤིང་བཏུས་པའོ།། ༈ ད་ནི་རྒྱུད་འདིར་ལས་རབ་འབྱམས་བཤད་པའི་ཀྱི་མཐར་རྡོ་རྗེ་ཨཉྫ་ནའི་སྦྱོར་བ་བསྟན་
པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དབང་དུ་བྱ་བ་ལ་སོགས་པའི་ལས་རྣམས་ལ་མི་སླུ་བས་ན་རྡོ་རྗེ་ཨཉྩ་ན་ཞེས་པའི་ན་སླུ་བ། ཨས་བཀག་པས་མི་སླུ་བའོ། །དེ་ཉིད་ཕུན་སུམ་༼མིག་སྨན༽ཚོགས་པ་
4-2-453b


ཐམས་ཅད་ཀྱི་གཞིར་གྱུར་པས་ན། གནས་ཞེས་པ་ནི་རྟེན་ཏེ་དེ་ཕྱུང་ངོ༌། །ལམ་གྱི་ཞེས་བྱ་བ་ལ་སོགས་པ་ནི། སྒྲུབ་པ་པོའི་གནས་ཏེ་ལམ་གྱི་བཞི་མདོ་༼ལམ་གྱི་བཞི་མདོ་དང་ཤིང་གཅིག་ནི་བཤད་ཟིན་ལ། མ་མོའི་གནས་ནི་སྔར་བཤད་པའི་མ་མོ་བདུན་གྱི་གནས་སོ། །ཞི་བ་
ནི་རྟག་ཞི་བ་ཞེས་པ་དབང་ཕྱུག་ཡིན་ལ། དེའི་གནས་ནི་དབང་ཕྱུག་གི་ལིང་གའི་མཚན་མ་ཡོད་པའི་གནས་སོ། །གནས་དེ་རུ་རྡོ་རྗེ་ཨཉྩ་ན་མིག་སྨན་ཐོད་པར་རྟག་ཏུ་དབབ་པར་བྱའོ། །༽ལ་སོགས་པ་ནི་གྲགས་པར་ཟད་དོ། །རྡོ་རྗེ་ཨཉྩ་ན་ཞེས་བྱ་བ་ལ་སོགས་པ་ལ། མན་ངག་ནི་འདི་
ཡིན་ཏེ། བསྙེན་པ་ལས་སུ་རུང་བས་རང་གི་ལྷའི་ཏིང་ངེ་འཛིན་གཉིས་སྔོན་དུ་བྱ། ལས་རྒྱལ་མཆོག་གི་དུས་སུ་ཚིལ་ཆེན་པོ་དང་ཁྲག་དང་བཤང་བ་གསུམ་དང་ཁུ་བ་དང་དྲི་ཆུ་སྟེ་བདུད་རྩི་ལྔ་ལ་སྦངས་པའི་པདྨའི་སྐུད་པ་དང་ཨརྒའི་སྐུད་པ་ལས་སྡོང་བུ་བྱས་ལ། ཐོད་པ་གསུམ་
གྱི་འི་སྒྱེད་པུའི་དབུས་ན་གནས་པ་ཚིལ་ཆེན་བཞུས་པའི་ཞག་གིས་བཀང་བའི་ཐོད་པའི་ནང་དུ་བཞག་པ་སྟེ་བཙུགས་ལ། མེ་སྦར་ཏེ་དེའི་སྟེང་དུ་ཆང་གིས་བཀང་བའི་ཐོད་པ་བཞག་ལ་མར་མེའི་དུད་པ་འཆགས་པར་བྱའོ། །བཤད་མ་ཐག་པའི་འཁོར་
ལོའི་སྔགས་ཨོཾ་ཧུ་ལུ་ལ་སོགས་པ་བརྒྱ་རྩ་བརྒྱད་བཟླས་ནས། འབྱུང་པོའི་ཉིན་ཞག་གི། ཉི་ཤུ་དགུའི་ནམ་ཕྱེད་ན་ཐོད་པའི་སྟན་ལ་གནས་པའི་སྒྲུབ་པ་པོས། སྒྲུབ་ཐབས་སུ་བཤད་པའི་སྲུང་འཁོར་གྱི་བཀའི་འཁོར་ལོ་སྤྱད་པའི་ཆོ་གས་བསྲུང་བ་བྱས་ལ་
དུད་པ་དབབ་པར་བྱ་སྟེ། རྡོ་རྗེ་ཨཉྩ་ནའི་ཆོ་གའོ། །དེ་ནས་དུ་བ་བླངས་ལ་ཟ་མ་ཏོག་ཏུ་ལེགས་པར་བཞག་སྟེ། དེ་ཉིད་ལ་སྔགས་བརྒྱ་རྩ་བརྒྱད་ཀྱིས་བཏབ་ཅིང་བཟླས་ནས་མིག་ལ་བྱུགས་ན། མཆོག་དང་འབྲིང་དང་ཐ་མ་སྟེ་དངོས་གྲུབ་རྣམ་པ་གསུམ་
4-2-454a


འགྲུབ་པར་འགྱུར་ཏེ། དེ་ལ་མི་སྣང་བ་ནི་མཆོག་གོ། ས་འོག་ན་གནས་པའི་གཏེར་མཐོང་བ་ནི་འབྲིང་ངོ༌། །བལྟས་པས་མཐོང་བའི་འགྲོ་བ་དབང་དུ་བྱེད་པ་ཐ་མའོ་ཞེས་བཅོམ་ལྡན་འདས་ཀུན་ཏུ་བཟང་པོས་གསུངས་སོ།། ༈ དེ་
ནས་སྡུད་པར་བྱེད་པས་རྒྱུད་ཀྱི་ཆེ་བ་ཉིད་གསལ་བར་བྱ་བའི་ཕྱིར་རྒྱུད་ཀྱི་བསྟོད་པ་སྨྲས་པ་ནི། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས། ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ་འདི་སྐད་ཅེས་གསོལ་
ཏོ། །བཅོམ་ལྡན་འདས་གསང་བའི་ཡི་གེ་དུ་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དེ་བཞིན་གཤེགས་པ་ཐམས་ཅད་ཀྱི་གསང་བའི་དམ་ཚིག་ཐོས་ནས། འདུས་པ་འདི་ལ་དད་ཅིང་དེའི་ལམ་སྒོམ་པར་༼
གསང་བའི་ཡི་གེ་དུ་རྟོགས་པ་དང་ལྡན་ན་ཟེར། ༽འགྱུར། ཞེས་བཅོམ་ལྡན་འདས་ལ་ཞུས་པར་གྱུར་པའོ། །དེ་ནས་ཕྱག་ན་རྡོ་རྗེས་དེ་བཞིན་གཤེགས་པ་དེ་དག་ཐམས་ཅད་ལ་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་
ཐམས་ཅད་གསང་བའི་ཡི་གེ་གསུམ་དང་ལྡན་ན། བྱང་ཆུབ་སེམས་དཔའ་དེ་དག་དེ་བཞིན་གཤེགས་པ་ཐམས་ཅད་ཀྱི་བླ་ན་མེད་པའི་བྱང་ཆུབ་ཀྱི་ཕྱིར་དུ་སྤྱོད་པའི་རྡོ་རྗེ་འདུས་པ་གང་ཡིན་པ་དེ་ལ་དད་ཅིང་དེའི་ལམ་སྒོམ་པར་
འགྱུར་རོ། །ཞེས་བྱ་བ་ནི་༼རྟོགས་པ་དང་ལྡན་ན་ཟེར། ༽ལན་ནོ། །དེ་བཞིན་གཤེགས་པ་ཐམས་ཅད་ཀྱིས་གསོལ་བ། གསུམ་པོ་གང་ཞིག་ལགས། ཞེས་བྱ་བ་ནི་ཡང་ཞུས་པའོ། །རྡོ་རྗེ་འཛིན་པས་བཀའ་སྩལ་པ། དེ་བཞིན་
4-2-454b


གཤེགས་པ་ཐམས་ཅད་ཀྱི་སྐུ་རྡོ་རྗེ་དང༌། དེ་བཞིན་གཤེགས་པ་ཐམས་ཅད་ཀྱི་གསུང་རྡོ་རྗེ་དང༌། དེ་བཞིན་གཤེགས་པ་ཐམས་ཅད་ཀྱི་ཐུགས་རྡོ་རྗེ་སྟེ་དེ་གསུམ་མོ། །ཞེས་བྱ་བ་ནི་ལན་ནོ། །༼རྒྱུད་ཀྱི་མཆོག་འདི་ལ་རྡོ་རྗེ་གསུམ་གྱི་གསང་བ་རྟོགས་པ་དང་ལྡན་ན་
འདི་ལ་མོས་པ་ཆེན་པོ་འཐོབ་ཅིང༌། འདིའི་དོན་སྒོམ་པར་འགྱུར། ཞེས་གསུངས་པའི་དོན་ནི། རྒྱུད་ཕྱི་མ་ལས། སྐུ་གསུང་ཐུགས་ནི་རྣམ་པ་གསུམ། །གསང་བ་ཞེས་ནི་བསྟན་པ་ཡིན། །སངས་རྒྱས་ཐམས་ཅད་ཅེས་བྱ་བ། །ཚོགས་པ་འདུས་པ་ཡིན་པར་བཤད། །ཅེས་གསུངས་པས་རྡོ་རྗེ་གསུམ་གྱི་
གསང་བ་ནི། འདུས་པའི་འདུ་རྒྱུ་ཡིན་ལ། དེའི་ཤུགས་ཀྱིས་འདུས་པ་ཡང་འཛིན་པས། གསང་བ་འདུས་པའི་མཚན་གྱི་དོན་རྟོགས་དགོས་པར་སྟོན་པའོ། །དེས་ན་ལེའུ་དང་པོའི་འགྲེལ་པར་གསང་བ་དང་འདུས་པ་གཉིས་པོ་རེ་རེ་ལ་ཚུལ་བཞི་བཞིར་བཤད་པ་ལྟར་དུ་གོ་ན་དད་ཅིང་སྒོམ་པར་འགྱུར་བའོ། །
༽དེ་ནས་དེ་བཞིན་གཤེགས་པ་ཐམས་ཅད་ཀྱིས། བཅོམ་ལྡན་འདས་ཕྱག་ན་རྡོ་རྗེ་ལ་ཕྱག་འཚལ་ནས་ཅང་མི་གསུང་བར་གྱུར་ཏོ། །ཞེས་བྱ་བ་ནི་དེ་ལྟར་དེ་བཞིན་གཤེགས་པ་རྣམས་ཐེ་ཚོམ་དང་བྲལ་བར་གྱུར་པའོ།། ༈ གཞན་
ཡང་རྒྱུད་རྙེད་པར་དཀའ་བ་ཉིད་བསྟན་པས་རྒྱུད་ལ་དད་པ་རྣམ་པར་འཕེལ་བར་བྱ་བའི་ཕྱིར། དེ་བཞིན་གཤེགས་པ་རྣམས་ལ་བོས་པ་དེ་བསྟན་པར་བྱ་བའི་ཕྱིར། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས། དེ་
བཞིན་གཤེགས་པ་ཐམས་ཅད་དང༌། བྱང་ཆུབ་སེམས་དཔའ་དེ་དག་ལ་བཀའ་སྩལ་པ། བཅོམ་ལྡན་འདས་དེ་བཞིན་གཤེགས་པ་ཐམས་ཅད། སྔོན་བྱུང་བ་ན་བརྗོད་ཀྱིས་མི་ལང་བའི་ཡང་བརྗོད་ཀྱིས་མི་ལང་བའི། སངས་རྒྱས་ཀྱི་ཞིང་གི་
4-2-455a


རྡུལ་རབ་ཏུ་ཕྲ་བ་དང་མཉམ་པའི་བསྐལ་པ་ཡང་འདས་ནས། གང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་འདས་པ་ནས། ཐུབ་པ་ཆེན་པོ་འོད་སྲུང་མངོན་
པར་སངས་རྒྱས་པའི་བར་གྱིས་ཀྱང་མ་གསུངས་སོ། །དེ་ཅིའི་ཕྱིར་ཞེ་ན། བཅོམ་ལྡན་འདས་གསང་བ་ཆེན་པོའི་གནས་ཀྱི་དོན་བཤད་པ་དེ། ༼མར་མེ་མཛད་ནི་བསྐལ་ཆེན་གྲངས་མེད་གཅིག་དང༌། དགུ་བཅུ་རྩ་གཅིག་གི་གོང་རོལ་དུ་བྱུང་བ་སྟེ། དེས་ཐེག་པ་འདི་གསུངས་སོ། །
༽དེའི་ཚེ་དེའི་དུས་ན་སེམས་ཅན་རྣམས་ལ་སྐལ་བ་མེད་པའི་ཕྱིར་རོ། །ཞེས་བྱ་བ་ལ། བཅོམ་ལྡན་འདས་ཞེས་བྱ་བ་ལ་སོགས་པས་ནི། འདས་པའི་ཚུལ་གྱི་གཏམ་བསྡུས་པ་ཡིན་ཏེ། དེ་བཞིན་གཤེགས་པ་འོད་སྲུང་ཡོངས་སུ་
མྱ་ངན་ལས་འདས་པའི་བར་དུ་མ་བྱུང་བར་བསྟན་པ་ཡིན་ནོ། །དེ་ཅིའི་ཕྱིར་ཞེ་ན། ཞེས་བྱ་བ་ལ་སོགས་པས་ནི། ཅིའི་ཕྱིར་མ་གསུངས་པའི་རྒྱུ་མཚན་འདིར་གསུངས་པ་ཡིན་ཏེ། དུས་དེ་སྲིད་ཀྱི་བར་དུ་ནི་སེམས་ཅན་ཐེག་པ་ཆེན་པོ་པ་རྣམས་
ཀྱང་དམན་པ་སྟེ་རྒྱུའི་ཐེག་པ་ལ་ལྷག་པར་མོས་ཤིང༌། སྦྱིན་པ་དང་ཚུལ་ཁྲིམས་ལ་སོགས་པའི་ཕྱིན་དྲུག་གི་ལམ་འདོད་ཡོན་ལ་ཆགས་པ་ལམ་དུ་བྱེད་པ་དང་བྲལ་བའི་ཆོས་ཀྱིས་འདུལ་བ། ཆགས་པ་ལམ་དུ་བྱེད་པའི་ཆོས་ཟབ་མོ་
བསྟན་པས་སྐྲག་པ་སྟེ་སེམས་མི་དགའ་བའི་ཡིད་དང་ལྡན་པ་ཡིན་ཏེ། དེ་བས་ན་ཐེག་པ་འདི་ལ་སྐལ་བ་མེད་པས་དེའི་ཚེ་གསང་བ་ཆེན་པོ་འདོད་ཆགས་ཀྱི་ཆོས་ཀྱིས་འཚང་རྒྱ་བའི་དོན་བཤད་པ་མ་གསུངས་སོ། །ཚེ་ལོ་བརྒྱ་པའི་དུས་འདིར་ནི་
4-2-455b


སེམས་ཅན་རྣམས་འདོད་ཆགས་ལ་ལྷག་པར་སྤྱོད་ཅིང་ཚེ་དང་ལྟ་བ་དང་སེམས་ཅན་དང་དུས་དང་ཉོན་མོངས་པའི་སྙིགས་མ་ལྔ་བདོ་བསྟེ་རྒྱས་པའི་འགྲོ་བ་རྣམས་ཀྱི་ཐེག་པ་འདི་ལ་མོས་པར་འགྱུར་བ་མཁྱེན་ནས་བྱོན་ཏེ། དེ་བཞིན་གཤེགས་
པ་ཤཱཀྱའི་རྒྱལ་པོ་འབའ་ཞིག་གིས་གསུངས་པ་ཡིན་ནོ།། ༈ རྒྱུད་རྙེད་དཀའ་བ་འོན་ཀྱང་སངས་རྒྱས་ཉིད་ལམ་འདིས་འཐོབ་པར་འགྱུར་རམ་མི་འགྱུར་ཞེས་འགའ་ཞིག་རྟོག་པར་འགྱུར་བས་དེ་བསལ་བར་བྱ་བའི་ཕྱིར། ༼
འདིས་ནི་དབང་པོ་ཤིན་ཏུ་རྣོ་བ་འདོད་ཡོན་ལ་ཆགས་པ་ལམ་དུ་བྱེད་པ་ལ་མོས་ཤིང༌། དེ་ལས་བཟློག་པ་ལ་མི་མོས་པའི་གདུལ་བྱ་ལ་ལམ་འདི་གསུངས་པར་སྟོན་ནོ། །སྔགས་བླ་མེད་གསུངས་པ་དང་མ་གསུང་པའི་ཚུལ་འདི་ལྟར་བཤད་པ་ནི། གཙོ་བོར་མིའི་གདུལ་བྱའི་ཁྱད་པར་མང་པོ་ཞིག་ལ་
དགོངས་ནས་ཡིན་ནོ། །༽འོན་ཀྱང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གསང་བ་འདུས་པ་འདི་ལ། སྐད་ཅིག་ཐང་ཅིག་ཡུད་ཙམ་གྱིས་སངས་རྒྱས་ཀྱི་བྱང་ཆུབ་རྫོགས་པར་བྱེད་དོ། །གང་གཱའི་ཀླུང་ནི་ཆུ་བོ་
ཆེན་པོའོ། །དེའི་གི་བྱེ་མ་ནི་ཆུའི་རྡུལ་ལོ། །དུ་མ་ནི་རྡུལ་རེ་རེའི་གྲངས་ཇི་སྙེད་པ་དེ་སྙེད་ཀྱི་བསྐལ་པར་བྱང་ཆུབ་སེམས་དཔའ་རྣམས་ཀྱིས། བསམ་པས་འབད་ཅིང་སྦྱོར་བས་བཙལ་ཀྱང་བྱང་ཆུབ་འཐོབ་པར་མི་འགྱུར་བ་གང་ཡིན་པ་དེ། གསང་
བ་འདུས་པ་ལ་མངོན་པར་དགའ་བའི་བྱང་ཆུབ་སེམས་དཔའ་རིན་པོ་ཆེ་ལྟ་བུས་སྙིགས་དུས་ཀྱི་ཚེ་གཅིག་པོ་འདི་ཉིད་ལ་དེ་གཤེགས་པ་ཐམས་ཅད་ཀྱི་སངས་རྒྱས་ཞེས་བྱ་བའི་གྲངས་སུ་འགྲོ་ཞིང༌། ༼ཞེས་པས་ནི། ཐེག་པ་འདིར་བཤད་པའི་ཚེ་
4-2-456a


གཅིག་གིས་རྫོགས་པའི་སངས་རྒྱས་འཐོབ་པ་ནི་སྤངས་རྟོགས་མཐར་ཐུག་པའི་སངས་རྒྱས་མ་ཡིན་གྱི། ས་དང་པོ་སོགས་ཡིན་པར་འདོད་པ་རྣམས་བཀག་པ་ཡིན་ནོ། །༽སངས་རྒྱས་ཀྱི་བྱང་ཆུབ་སྐད་ཅིག་ཐང་ཅིག་ཡུད་ཙམ་ཉིད་ཀྱིས་རྫོགས་པར་བྱེད་དོ། །
ཞེས་བྱ་བའི་དོན་ནི་འདི་ཡིན་ཏེ། རིན་པོ་ཆེ་ལྟ་བུའི་གང་ཟག་གིས་བསྐྱེད་རིམ་ནས་བརྩམས་ཏེ། སློབ་པའི་ཟུང་འཇུག་གི་བར་བསྐྱེད་ནས། དེའི་འོག་ཏུ་སྤྱོད་པ་བྱས་པའི་མཐར་ནང་གི་མངོན་པར་བྱང་ཆུབ་པའི་རིམ་གྱིས་ལྷན་སྐྱེས་ཀྱི་བདེ་བ་
ཆེན་པོས་དོན་དམ་པའི་བདེན་པ་འོད་གསལ་ལ་ཞུགས་ནས། རྙོག་པའི་དྲི་མ་ཕྲ་མོ་ཐམས་ཅད་ཀྱང་བཀྲུས་ཏེ་སྐད་ཅིག་སྟེ་སེ་གོལ་གཏོགས་པ་ཙམ་དང༌། ཐང་ཅིག་ཡུངས་ཀར་བསྐོར་བ་ཙམ་དང༌ཡུད་ཙམ་དབུགས་འབྱུང་རྔུབ་ཙམ་དང༌། མིག་འཛུམས་པའི་ཡུན་ཙམ་གྱིས་བདག་
ལ་བྱིན་གྱིས་བརླབས་པའི་རིམ་པ་ནི་དག་པའི་སྒྱུ་མའི་སྐུའོ། །དེས་ལངས་ནས། ཐམས་ཅད་མཁྱེན་པའི་ཕུན་སུམ་ཚོགས་པ་དང་ལྡན་པར་འགྱུར་རོ།། ༈ གསང་བ་འདུས་པ་འདི་ལ་དེ་ཁོ་ན་ཉིད་རྟོགས་པ་རྣམས་མཐོང་བའི་ཆོས་ཉིད་ལ། ༼
ཞེས་པ་ནི་འོད་གསལ་ལས་བཞེངས་པ་མ་ཡིན་ཏེ། འདི་འཚང་རྒྱ་ཁ་མའི་སྐབས་ཡིན་པའི་ཕྱིར་རོ། །དེས་ན་སློབ་ལམ་གྱི་ཐ་མའི་ཐུགས་འོད་གསལ་གྱི་ཡེ་ཤེས་དེ་ཉིད་ཀྱིས། ཀུན་མཁྱེན་ཡེ་ཤེས་ཀྱི་སྐད་ཅིག་དང་པོ་སྐྱེད་པ་དེ་བཞིན་དུ་སློབ་ལམ་གྱི་ཐ་མའི་རྡོ་རྗེའི་སྐུ་དེ་ཉིད་ཀྱིས་རྫོགས་པའི་སངས་རྒྱས་ཀྱི་
ལོངས་སྐུའི་སྐད་ཅིག་མ་དང་པོ་བསྐྱེད་པ་ལ་ལངས་ཞེས་བརྗོད་པའོ། །༽ཚེ་འདི་ཉིད་དུ་སངས་རྒྱས་ཉིད་འཐོབ་པ་ཐོས་ཤིང༌། རྒྱུད་ཀྱི་གཞུང་མ་ལུས་པར་ཐོས་ཀྱང་མཐའ་དྲུག་གི་ཚིག་གི་དབྱེ་བས། རྒྱུད་ཀྱི་དོན་ལ་རྨོངས་པ་དང་མ་བྲལ་བ་ཙན་དན་ལྟ་བུའི་གང་
4-2-456b


ཟག་ལ་སོགས་པའི། ཉན་པ་པོ་རྣམས་སེམས་ཇི་ལྟ་བ་བཞིན་དུ་རངས་པ་མ་ཐོབ་པར་གྱུར་པ་དེ་བསྟན་པར་བྱ་བའི་ཕྱིར། དེ་ནས་བྱང་ཆུབ་སེམས་དཔའ་དེ་དག་གིས་གསུང་རྡོ་རྗེའི་ཚིག་འདི་ཐོས་ནས་རབ་ཏུ་ངུས་སོ། །ཞེས་བྱ་བ་གསུངས་སོ།། ༈ དེ་ལྟར་
སྡུག་བསྔལ་བའི་ཡིད་ཀྱིས་དབང་པོ་དམན་པ་རྣམས་རབ་ཏུ་ངུ་བར་གཟིགས་ནས། སྔོན་བྱུང་ལ་དེ་བཞིན་གཤེགས་པ་རྣམས་ཀྱིས་བྱང་ཆུབ་སེམས་དཔའ་རྣམས་དབུགས་འབྱིན་པ་ལྟར་མཛད་པ་ནི། རྗེས་འཇུག་ལ་རིན་པོ་ཆེ་ལྟ་བུའི་གང་ཟག་རིམ་པ་གཉིས་ཀྱི་ཕྱོགས་
གཉི་ག་ལ་འཇིགས་པ་མེད་པས་ཇི་ལྟར་དབུགས་འབྱིན་པར་བྱེད་པ་དེ་བསྟན་པར་བྱ་བའི་ཕྱིར། དེ་ནས་དེ་བཞིན་གཤེགས་པ་དེ་དག་ཐམས་ཅད་ཀྱིས། བྱང་ཆུབ་སེམས་དཔའ་དེ་རྣམས་ལ་འདི་སྐད་ཅེས་བཀའ་སྩལ་ཏོ། །བྱང་ཆུབ་སེམས་དཔའ་ཁྱེད་
རྣམས་མ་ངུ་ཞིག་སྡུག་བསྔལ་གསུམ་ལ་མ་བསྒོམ་ཞིག་ཅེས་བྱ་བ་གསུངས་ཏེ། དེ་ལྟར་རྗེས་འཇུག་ལ་རིན་པོ་ཆེ་ལྟ་བུའི་གང་ཟག་གིས་ཙན་དན་ལྟ་བུའི་གང་ཟག་ལ་དབུགས་ཕྱུང་ནས། དེ་ནས་ཙན་དན་ལྟ་བུ་ལ་སོགས་པས་བདག་ཉིད་ཀྱི་སྡུག་
བསྔལ་གྱི་རྒྱུར་གྱུར་པ་ཇི་ལྟ་བ་བཞིན་དུ་གསོལ་བ་དེ་བསྟན་པར་བྱ་བའི་ཕྱིར། དེ་ནས་དེ་བཞིན་གཤེགས་པ་དེ་དག་ཐམས་ཅད་ལ། བྱང་ཆུབ་སེམས་དཔའ་དེ་རྣམས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་
ཅད་ཇི་ལྟར་མི་ངུ་བར་བགྱི། ཇི་ལྟར་སྡུག་བསྔལ་གསུམ་མི་བསྒོམ་པར་བགྱི། དེ་ཅིའི་ཕྱིར་ཞེ་ན། བཅོམ་ལྡན་འདས་སྔར་རྒྱུད་མ་ལུས་པར་ཐོས་པར་བསྟན་པས་གསང་བའི་ཡི་གེའི་མིང་ཙམ་ཐོས་པའི་སྐལ་བ་ཡང་མ་མཆིས་སོ། །༼ཞེས་པ་ནི་
4-2-457a


འདུས་པའི་མིང་ཚིག་གི་དོན་ཐོས་བསམ་གྱིས་ལེགས་པར་མ་རྟོགས་པ་ཡིན་ལ། ཙམ་གྱི་སྒྲས་ནི་རྫོགས་རིམ་གྱི་ལམ་སྐྱེ་བ་གཅོད་དོ། །༽ཞེས་བྱ་བ་གསོལ་ཏེ། སྡུག་བསྔལ་གསུམ་ཞེས་བྱ་བ་ནི། སྡུག་བསྔལ་གྱི་སྡུག་བསྔལ་དང༌། འགྱུར་
བའི་སྡུག་བསྔལ་དང༌། འདུ་བྱེད་ཀྱི་སྡུག་བསྔལ་ལམ། ལུས་དང་ངག་དང་ཡིད་ཀྱི་སྡུག་བསྔལ་ནི་སྡུག་བསྔལ་གསུམ་མོ། །གསང་བའི་ཡི་གེ་ཞེས་བྱ་བ་ལ། སྐུ་དང་གསུང་དང་ཐུགས་ནི་གསང་བ་གསུམ་སྟེ་ཡི་གེའི་དོན་ནོ། །ཡི་གེ་གསུམ་ནི་གསང་
བ་གསུམ་སྟེ་སྤྱིའི་དོན་ནོ། །འཇུག་པ་དང་གནས་པ་དང་ལྡང་བ་གསུམ་ནི་གསང་བ་གསུམ་སྟེ་སྦས་པ་གསུམ་གྱི་སྣང་བ་སེམས་ཀྱི་སྦས་པར་བསྡུའོ། །ཤེས་རབ་དང༌ཐབས་དང་ཉེ་བར་ཐོབ་པ་གསུམ་ནི་གསང་བ་གསུམ་སྟེ། རིམ་པ་བཞི་པའི་འོད་གསལ་
གྱི་སྔ་ལོགས་ཀྱི་སྟོང་པ་གསུམ་འོད་གསལ་གྱི་མཐར་ཐུག་ཏུ་བསྡུས་པའོ། །གསང་བའི་ཡི་གེ་གསུམ་པོ་དེ་དག་འདི་ལྟར་དོན་དམ་པར་རྣམ་པར་དག་པ་བསྟན་པར་བྱ་བའི་ཕྱིར། དེ་བཞིན་གཤེགས་པ་རྣམས་ཀྱིས་བཀའ་སྩལ་པ། རིགས་ཀྱི་
བུ་དེ་སྐད་མ་ཟེར་ཅིག། ཡི་གེ་ནི་ཐུན་མོང་སྟེ། ཐུན་མོང་བ་ཡིན་ཚུལ་ནི་རིགས་ཀྱི་བུ་ཁྱེད་རྣམས་ཀྱིས་ཇི་ལྟར་མི་ཤེས་པ་སྟེ་དོན་མངོན་དུ་མ་གྱུར་པ་དང་མ་ཐོས་པ་སྟེ་ཐོས་བསམ་གྱིས་མ་ཤེས་པ་དེ་བཞིན་དུ། ངེད་དེ་བཞིན་གཤེགས་པ་ཐམས་
ཅད་དང་བྱང་ཆུབ་སེམས་དཔའ་ཐམས་ཅད་ཀྱིས་ཀྱང༌། རིགས་ཀྱི་བུ་གསང་བའི་ཡི་གེ་འདི་དག་མ་ཐོས་ཤིང་མངོན་པར་སངས་མ་རྒྱས་སོ། །དེ་ཅིའི་ཕྱིར་ཞེ་ན། གསང་བའི་ཡི་གེ་རྣམ་པར་དག་པའི་ཕྱིར་རོ། །ཞེས་པ་ནི་དོན་དམ་ལ་དགོངས་སོ། །
4-2-457b


དེ་ནས་བྱང་ཆུབ་སེམས་དཔའ་དེ་དག་ཅང་མི་སྨྲ་བར་གྱུར་ཏོ། །ཞེས་བྱ་བ་གསུངས་ཏེ། ཁྱེད་རྣམས་ཀྱིས་ཇི་ལྟར་མི་ཤེས་མ་ཐོས་པ་གང་ཡིན་པ་དེ། དེ་བཞིན་གཤེགས་པ་ཐམས་ཅད་དང༌། བྱང་ཆུབ་སེམས་དཔའ་རྣམས་ཀྱི་ཡང་འདི་ནི་ཐུན་མོང་ངོ༌། །
ཅིའི་ཕྱིར་གསང་བའི་ཡི་གེ་དེ་མ་ཐོབ་ཅེ་ན། དོན་དམ་པར་གཟུང་བར་བྱ་བ་མེད་པས་མ་ཐོབ་ཅིང་དོན་དམ་པར་འཛིན་པ་པོ་མེད་པས་མངོན་པར་སངས་མ་རྒྱས་པ་སྟེ་མངོན་སུམ་དུ་མ་གྱུར་ཏོ་སོ། །དེ་ཅིའི་ཕྱིར་ཞེ་ན། གསང་བའི་ཡི་གེ་རྣམ་པར་དག་པའི་
ཕྱིར་རོ་ཞེས་བྱ་བ་ལ། གསང་བའི་ཡི་གེ་རྣམས་ནི་རང་བཞིན་གྱིས་གྲུབ་པས་སྟོང་པའི་འོད་གསལ་བ་སྟེ། སྟོང་པ་དེས་རྣམ་པར་དག་པའི་ཕྱིར་རོ། །ཞེས་དེ་བཞིན་གཤེགས་པ་རྣམས་ཀྱིས་དེ་ཁོ་ན་ཉིད་གསལ་བར་མཛད་པ་ཡིན་ནོ།། ༈ དེ་
ལྟར་མགོ་སྨོས་པས་གོ་བ་རིན་པོ་ཆེ་ལྟ་བུའི་གང་ཟག་གིས། ཙན་དན་ལྟ་བུ་ལ་སོགས་པའི་གང་ཟག་རྣམས་ཀྱི་ཤེས་རབ་ཀྱི་རབ་རིབ་ཀྱི་སོམ་ཉི་རྣམ་པར་བསལ་ནས། དེ་ཁོ་ན་ཉིད་མངོན་པར་རྟོགས་ཤིང་ཤིན་ཏུ་སྦྱངས་པས། འབྲས་བུའི་གནས་སྐབས་
གང་འཐོབ་པར་འགྱུར་བ་དེ་བསྟན་པར་བྱ་བའི་ཕྱིར། དེ་ནས་བྱང་ཆུབ་སེམས་དཔའ་དེ་དག་ཐེ་ཚོམ་ཆོད་ནས་ཅང་མི་སྨྲ་བར་གྱུར་ཏོ། །ཞེས་བྱ་བ་གསུངས་ཏེ་དགོངས་པ་མ་ཡིན་པས་བཤད་པའོ།། ༈ དེ་ལྟར་དེ་བཞིན་གཤེགས་པའི་གསུང་
གིས་ཐེ་ཚོམ་དང་བྲལ་བར་གྱུར་པའི། བྱང་ཆུབ་སེམས་དཔའ་དེ་རྣམས་ཀྱིས་ཉམས་སུ་བླངས་པ་དེའི་འབྲས་བུ་༼འདིས་ནི་ཙན་དན་ལྟ་བུ་ལ་སོགས་པའི་གང་ཟག་ཡིན་ཀྱང་འདུས་པ་ལ་ཤིན་ཏུ་སྦྱངས་པས་རྒྱུད་དོན་ལེགས་པར་རྟོགས་པ་འབྱུང་བར་བསྟན་ནོ། །
4-2-458a


༽བསྟན་པར་བྱ་བའི་ཕྱིར། རྣམ་སྣང་ལ་སོགས་པའི་དེ་བཞིན་གཤེགས་པ་རིགས་ལྔ་པོ་འདུས་པའི་དྲུག་པ་རྡོ་རྗེ་འཆང་རང་གི་འི་བདག་ཉིད་དུ་འོད་གསལ་བར་ཇི་ལྟར་ཞུགས་པར་གྱུར་པ་དེ་བསྟན་པར་བྱ་བའི་
ཕྱིར། དེ་ནས་བཅོམ་ལྡན་འདས་དེ་བཞིན་གཤེགས་པ་རིགས་ལྔ་པོ་ཐམས་ཅད། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེ་རྡོ་རྗེ་འཆང་གི་བཙུན་མོ་འོད་གསལ་དེ་ཉིད་སངས་རྒྱས་ཀྱི་ཆོས་སྐྱེ་བའི་སྐྱེ་གནས་སུ་གྱུར་པས་
འི་བྷ་ག་ལ་བཞུགས་སོ། །ཞེས་བྱ་བ་གསུངས་ཏེ། འདིའི་དོན་ནི་ལེའུ་དང་པོའི་འགྲེལ་པར་བཤད་ཟིན་ཏོ།། ༈ དེ་ལྟར་འོད་གསལ་བའི་བདག་ཉིད་ཅན་དུ་གྱུར་པ་རྡོ་རྗེ་འཆང་ཆེན་པོ་ལ། བཙུན་མོ་བཞི་རྡོ་རྗེ་འཆང་དེ་དང་༼
ཞེས་པ་འོད་གསལ་དུ་ཞུགས་པའོ། །༸དེས་ནི་ལམ་བསྒོམས་པ་ལས་འབྲས་བུ་བཅོམ་ལྡན་འདས་རྡོ་རྗེ་འཆང་དང་མཉེས་པའི་འོད་གསལ་གྱི་རྟོགས་པ་འཐོབ་པར་བསྟན་ནོ། །༽བྲལ་བས་གདུང་བའི་ཡིད་ཀྱིས་བལྟ་བར་འདོད་པའི་ཕྱིར། སྙིང་རྗེ་དང་བཅས་
པས་སྟེ་རང་ཉིད་སྙིང་རྗེ་རྗེ་ལྟར་བྱས་ནས་ཇི་ལྟར་སྨྲེ་བའི་སྨྲེ་སྔགས་དེ་བསྟན་པར་བྱ་བའི་ཕྱིར། དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བཙུན་མོས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་
པོ་རྡོ་རྗེ་འཛིན་པ་ཆེན་པོ་ལ་དགའ་བས་བསྟོད་པ། ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཐམས་ཅད་ནི་རྣམ་པར་སྣང་མཛད་དེ། དེའི་སྐུ་དང་གསུང་དང་ཐུགས་མཉེས་པར་བྱེད་པའི་ཀྱི་བཙུན་མོ་ནི་སྤྱན་ཏེ།
4-2-458b


དགའ་བས་ཏེ་རྡོ་རྗེ་འཆང་དང་སྙོམས་པར་འཇུག་པར་འདོད་པས་བསྟོད་པ་བྱེད་པ་སྟེ་དྲུག་ལྡན་ལ་སོགས་པས་ནི་ཀ་མོ་དང་སོ་རིང་དང་ས་འཛིན་པ་སོགས་སྒེག་ཅིང་སྟེ་དབྱངས་འཇམ་པ་དང་སྙན་པའི་སྣ་གླུའི་དབྱངས་ཀྱིས། བསྟོད་པ་སྔོན་དུ་འགྲོ་བས་སྐུལ་
བར་བྱེད་པའོ། །སེམས་ཅན་ཁམས་ཞེས་བྱ་བ་ལ་སོགས་པ་ལ། སེམས་ཅན་༼ནི་གཅིག་ཏུ་བསྔགས་པ་རྗོད་པར་བྱེད་པ་དང༌། ལུས་ཀྱི་བྱ་བཞིན་པ་རྣམས་དང༌། བསྔགས་པ་སྣ་ཚོགས་པ་སྟེ་གསུམ་དང༌། དབུས་སུ་དང་བར་སྐབས་སུ་དང༌། ཐ་མར་ཡང་འཕྲལ་དུ་བསྔགས་པས་
རྨོངས་པར་བྱེད་པ་གསུམ་དང༌། དྲུག་གོ་ཞེས་ཐུགས་རྗེ་དཔལ་ཞབས་ཀྱིས་བཤད་དོ། །༽གྱི་ཁམས་ཏེ་དབྱིངས་ན་ཞེས་བྱ་བ་ནི། སེམས་ཅན་ཐམས་ཅད་ཀྱི་རང་བཞིན་རྣམ་དག་གི་བདག་ཉིད་དུ་གྱུར་པས་སོ། །གནས་ཀྱི་དབང་ཕྱུག་ཅེས་བྱ་བ་ནི། ཁམས་
གསུམ་གྱི་ཆོས་ཀྱི་རྒྱལ་སྲིད་བརྙེས་པའི་ཕྱིར་རོ། །ཁྱོད་ནི་ཞེས་བྱ་བ་ནི་མདུན་ན་༼ཁམས་ནི་ཟེར། ༽གནས་པ་བཞིན་དུ་བལྟས་ཏེ་སྨྲེ་བའོ། །རྡོ་རྗེ་ཐུགས་ཞེས་བྱ་བ་ནི། ཐུགས་ལ་དབང་དུ་གྱུར་༼སའི་དབང་ཕྱུག་ཟེར༽པ་བརྙེས་
པའོ། །དགའ་བ་ནི་སྙོམས་འཇུག་གིས་རོལ་པའོ། །རོལ་པ་དེའི་ཡིད་དུ་འོང་བས་ཚིམ་པ་སྐྱེད་པས་ན་དགའ་བ་ཡིད་འོང་ངོ༌། །དོན་ཆེན་ནི་མཆོག་ཏུ་དགའ་བཞེས་པ་སྟོང་པ་བཞི་པ་ལྷན་སྐྱེས་ཀྱི་བདེ་བའོ། །དེ་འདོད་ཅིང་སྟེ་སྐྱེད་པས་ན་དོན་ཆེན་
འདོད་པ་སྟེ། དེ་ལྟ་བུའི་དགའ་བ་ཡིད་དུ་འོང་བའི་དོན་ཆེན་འདོད་པས་འཁྱུད་པ་ལ་སོགས་པས། བདག་ལ་བསྐྱབ་ཏུ་གསོལ་ཞིང་སྟེ་རོལ་བར་མཛོད་ཅིག་པའོ། །མགོན་པོ་ཞེས་བྱ་བ་ནི་བདག་པོ་སྟེ། གལ་ཏེ་དེ་རིང་སྤྱན་མ་བདག་
4-2-459a


གསོན་ཞིང་འཚོ་བར་མཆིས་པར་བཞེད་ན། སེམས་ཅན་ཐམས་ཅད་སྐྱེད་པའི་རྒྱུར་གྱུར་པས་ཡབ་ཡིན་ཞིང༌། སེམས་ཅན་རྣམས་ཀྱི་ཕན་པ་དང་བདེ་བ་བྱེད་པས་སེམས་ཅན་གྱི་གཉེན་གྱི་མཆོག་ཆེན་པོས། ༼
སེམས་ཅན་ཐམས་ཅད་ནི་འོད་གསལ་གྱི་ངང་ནས་སྐྱེ་བ་ཡིན་ལ། འོད་གསལ་དེ་མཐར་ཐུག་པ་ནི་རྡོ་རྗེ་འཆང་གི་ངོ་བོ་ཉིད་ཡིན་པས་རྒྱུར་གྱུར་པས་ཞེས་ཐ་སྙད་མཛད་དོ། །༽བདག་ལ་དགྱེས་པར་མཛད་པར་གསོལ་ཞིང་རོལ་བར་མཛད་དུ་གསོལ་ཞེས་པའོ། །སྤྱན་མས་བསྐུལ་
བར་མ་ཟད་ཡང་མཱ་མ་ཀཱིས་བསྐུལ་བ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཐམས་ཅད་ཀྱི་ཐུགས་ནི་མི་བསྐྱོད་པའོ། །དེའི་བཙུན་མོ་ནི་འཕགས་མ་མཱ་མ་ཀཱིའོ། །རྡོ་རྗེ་འདོད་པའི་དགའ་
བའི་མཆོད་པའི་མཆོག་ནི། ཐ་མལ་པ་མ་ཡིན་པའི་ཁྱད་པར་གྱི་ཤིན་ཏུ་དགའ་བ་ལ་ཞུགས་པ་སྟེ། དེ་སྟོན་པའི་ཡི་གེའི་ཚིག་གིས་བསྟོད་པར་གྱུར་པའོ། །རྡོ་རྗེའི་སྐུ་ཁྱོད་ཅེས་བྱ་བ་ནི་འཁོར་བ་ཇི་སྲིད་ཀྱི་བར་དུ་སྐུའི་རིགས་འདྲ་མི་འཇིག་
པ་སྟེ་མི་འཛད་པའི་སྐུ་དང་ལྡན་པའི་ཕྱིར་རོ། །བཀའ་ཡི་འཁོར་ལོ་སེམས་ཅན་ཀུན་ལ་ཕན་ཞེས་བྱ་བ་ལ། ཁྱོད་ནི་སེམས་ཅན་ལ་རྗེས་སུ་ཕན་པ་མཛད་པའི་བཀའི་འཁོར་ལོ་སྐོར་བར་མཛད་པས་ན་དེ་སྐད་ཅེས་བྱའོ། །སངས་རྒྱས་དོན་
དུ་༼དོན་དང་ཟེར། ༽བྱང་ཆུབ་དོན་དམ་རྗེས་སུ་ཕན་སྟོན་པ། །ཞེས་བྱ་བ་ལ། སངས་རྒྱས་ནི་ཕུང་པོ་ལྔ་རྣམས་སོ། །ཕུང་པོ་ལྔ་པོ་དེ་རྣམས་ཀྱི་ཤིན་ཏུ་ཕྲ་བའི་དོན་ནི་རླུང་སེམས་ཙམ་ལས་བསྒྲུབས་པའི་ཀུན་རྫོབ་ཀྱི་བདེན་པ་སྒྱུ་མའི་
4-2-459b


སྐུའོ། །བྱང་ཆུབ་ནི་དོན་དམ་པ་འོད་གསལ་ལོ་འོ། །དེའི་དོན་དམ་ནི་ཀུན་རྫོབ་དང་དོན་དམ་དེ་གཉིས་ཡང་དག་པར་འདུས་པ་ལས་བྱུང་བའི་བདེ་བ་ཆེན་པོ་ཟུང་དུ་འཇུག་པའི་སྐུ་སྟེ། དེ་སེམས་ཅན་རྣམས་ལ་ཕན་པའི་དགོངས་པས་རབ་
ཏུ་སྟོན་པར་མཛད་པས་ན་ཕན་པ་རྗེས་སྟོན་པའོ། །འདོད་ཆགས་ཞེས་བྱ་བ་ནི། འདོད་ཆགས་ཀྱིས་འདོད་ཆགས་རྣམ་པར་སྦྱོང་བའི་རྣམ་པས་ཕྱིར་རོ། །དམ་ཚིག་ཆགས་པ་ནི་འདོད་ཆགས་ལ་སྤྱོད་པའི་ངོ་བོ་ཉིད་དེ། བདག་ལ་དགྱེས་
པར་མཛད་དུ་གསོལ་ཞེས་པའོ། །དེ་ནས་ཞེས་བྱ་བ་ལ་སོགས་པ་ལ། །འཇིག་༼འདོད་ཆགས་ཀྱིས་ནི་འདོད་ཆགས་རྣམ་པར་སྦྱོང་བའི་རྣམ་པས་སོ། །འདོད་ཆགས་དམ་ཚིག་མ་ནི་སྟེ་འདོད་ཆགས་ལ་སྤྱོད་པའི་རང་བཞིན་ཅན་བདག་ལ་ཟེར། ༽རྟེན་གྱི་དབང་ཕྱུག་ནི་འོད་དཔག་ཏུ་མེད་
པའོ། །སྣང་མཐའ་དེའི་སྐུ་དང་གསུང་དང་ཐུགས་རྡོ་རྗེའི་སྤྱན་ནི་གོས་དཀར་མོ་སྟེ། དེས་རྡོ་རྗེའི་འཛིན་པ་ཆེན་པོ་ལ་བསྐུལ་བའོ། །ཁྱོད་ནི་རྡོ་རྗེའི་གསུང་སྟེ་ཞེས་བྱ་བ་ནི། ངག་གི་དབང་ཕྱུག་བརྙེས་པས་སོ། །སེམས་ཅན་གྱི་ཁམས་མ་ལུས་པ་ཀུན་༼
སྤྱན་གྱི་སྐད་དོད་འདྲེན་པར་བསྒྱུར་དུ་རུང་བས། རྡོ་རྗེ་འདྲེན་པ་ཟེར་ཏེ་སྣང་མཐའ་བདག་གི་གམ་དུ་འདྲེན་པའོ། །༽ལ་ཕན་ཞིང་ཐུགས་བརྩེ་བ་སྟེ། མཆོག་ཏུ་ཐུགས་རྗེ་ཆེ་བའི་བདག་ཉིད་དོ། །དེ་བས་ན་ཚངས་པའི་གནས་པ་ཚད་མེད་བཞིས་འཇིག་རྟེན་དག་གི་
སྟེ། སེམས་ཅན་མ་ལུས་པའི་དགོས་པའི་དོན་མཛད་པ་ལ་རྟག་ཏུ་སྟེ། དུས་ཐམས་ཅད་དུ་བརྩོན་ཞིང་འཇུག་པར་མཛད་པའོ། །སེམས་ཅན་གྱི་ཁམས་རྣམས་ཀུན་ནས་བཟང་ཞིང་དགེ་བ་ཐོབ་པར་མཛད་པས་ན་ཀུན་ཏུ་བཟང་པོ་སྟེ། བདག་ལ་
4-2-460a


དགྱེས་ཤིང་རོལ་པར་མཛོད་ཅིག་པ་སྟེ། གཞན་དག་དགྱེས་པ་སྟེ། དགའ་བའི་རོལ་པས་ཚིམ་པ་དང༌། དོན་ཆེན་སྐྱེད་པས་འཁྱུད་པ་སོགས་མཛོད་ཅེས་པ་རྣམས་ནི་འདིར་ཡང་འདྲ་སྟེ་སྤྱན་མའི་སྐབས་སུ་བཤད་ཟིན་ཏོ། །དེ་བཞིན་གཤེགས་
པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དམ་ཚིག་རྡོ་རྗེ་ནི་དོན་ཡོད་པར་གྲུབ་པའོ། །དེའི་བཙུན་མོ་ནི་འཕགས་མ་སྒྲོལ་མ་སྟེ། རྡོ་རྗེ་འཆང་ཆེན་པོ་རང་བཞིན་བརྒྱ་དྲུག་ཅུའི་རྣམ་པའི་སྤྱོད་པ་སྟེ་རྒྱུ་བ་འགགས་ཤིང༌། ཡེ་ཤེས་ཀྱི་གཉིད་
ཀྱིས་ཐམས་ཅད་སྟོང་པར་བཞུགས་པ་ལ་བལྟས་ཏེ་སྐུལ་བར་བྱེད་པའོ། །ཁྱོད་ནི་རྡོ་རྗེ་འདོད་པ་ཞེས་བྱ་བ་ནི། དོན་ཡོད་པར་གྲུབ་པའི་སྒོ་ནས་བོད་པ་སྟེ། རྡོ་རྗེ་དང་པདྨ་མཉམ་པར་སྦྱོར་བ་ལས་བྱུང་བའི་དཀྱིལ་འཁོར་གྱི་ལྷ་རྣམས་ཀྱིས། ཞེ་
སྡང་ལ་སྤྱོད་པ་ལ་སོགས་པའི་སེམས་ཅན་གྱི་ཁམས་རྣམ་པར་སྦྱོང་བས་ན་རྡོ་རྗེ་འདོད་པའོ། །ལས་ཀྱི་རིགས་ཀྱི་བདག་པོར་གྱུར་པས་ན་དམ་ཚིག་མཆོག་གོ། འདོད་ཆགས་ལ་སྤྱོད་པའི་སེམས་ཅན་རྣམས་ཀྱི། འདོད་ཆགས་ལམ་དུ་བྱས་
པའི་རྣམ་པར་དག་པའི་ཐབས་འོད་གསལ་གྱི་ཡེ་ཤེས་ཀྱིས་བྱང་ཆུབ་རབ་ཏུ་སྩོལ་བས་ན་ཕན་དོན་ཆེའོ། །ཤཱཀྱའི་རིགས་ལས་བྱུང་བ་རྣམས་ཀྱི་མཆོག་ཏུ་གྱུར་པས་ན། རྫོགས་སངས་རྒྱས་ཀྱི་གདུང་སྟེ་རིགས་མཆོག་གོ། ཡང་ན་སོ་སོར་
རྟོག་པའི་ཡེ་ཤེས་ཀྱི་ངོ་བོ་ཉིད་ཀྱིས་འགྲོ་བ་མ་ལུས་པའི་དོན་༼ཡང་ན་སོ་སོར་རྟོག་པའི་ཡེ་ཤེས་ཞེས་པ། པ་ཚབ་ཀྱི་འགྱུར་ལས་ཀྱང་འབྱུང་ཡང༌། ཆག་གིས་ཡང་ན་བྱ་བ་བསྒྲུབ་པའི་ཡེ་ཤེས་ཀྱི་ངོ་བོ་ཉིད་ཀྱིས་ཞེས་པ་ལེགས་པས་སོ། །༽མཛད་པས་
4-2-460b


ན། རྫོགས་སངས་རྒྱས་ཀྱི་གདུང་མཆོག་གོ། རང་དང་གཞན་དུ་རྣམ་པར་དབྱེ་བའི་མངོན་པར་ཞེན་པའི་དམིགས་པ་དང་བྲལ་བ་ཉིད་ཡིན་ཡང༌། སེམས་ཅན་རྣམས་ལ་རྗེས་སུ་ཐུགས་བརྩེ་བས་ཀུན་ནས་ཉེ་རིང་མེད་པར་མཉམ་པ་ཉིད་རྗེས་
བརྩེ་བའོ། །དེ་ལྟ་བུའི་ཁྱད་པར་ཅན་གྱི་ཡོན་ཏན་དང་ལྡན་པའི་ཡོན་ཏན་གྱི་རིན་པོ་ཆེ་མང་པོའི་གཏེར་དུ་གྱུར་པས། བདག་ལ་དགྱེས་ཤིང་སྟེ་སྟེན་པར་མཛོད་ཅིག་པ་སྟེ། གང་གི་ཕྱིར་འདོད་ཆགས་མཆེད་པ་དང་འདོད་ཆགས་དང་བྲལ་༼
ཡོན་ཏན་དེ་ལྟ་བུས་ཁྱད་པར་དུ་འཕགས་པས་ཡོན་ཏན་གྱི་གཏེར་རིན་པོ་ཆེ་མང་པོ་འབྱུང་བ་བདག་ལ་ཞེས་འབྱུང་བ་ལེགས་ཏེ། དེ་ལྟ་བུའི་ཡོན་ཏན་ཞེས་པ་རྡོ་རྗེ་འཆང་ལ་སྦྱར་དགོས་ཤིང༌། ཡོན་ཏན་མང་པོའི་གཏེར་དུ་གྱུར་པ་ནི། སྒྲོལ་མ་རང་ཉིད་ལ་བསྟོད་པ་བྱེད་པར་བཤད་པས། 
སྒྲོལ་
མ་ལ་སྦྱར་དགོས་པའི་ཕྱིར་རོ། །༽བ་སྣང་བ་དང་འདོད་ཆགས་བར་མ་ཉེར་ཐོབ་དང༌། འོད་གསལ་བའི་ཡེ་ཤེས་འདི་སྐྱེད་པར་བྱེད་པ་ཡིན་པས་ཡོན་ཏན་རིན་ཆེན་མང་པོའི་གཏེར་གྱུར་བདག་ལའོ་ཞེས་བདག་ཉིད་བསྟོད་པར་བྱེད་པའོ། །མགོན་པོ་
གལ་ཏེ་དེ་རིང་བདག་ནི་གསོན་པར་མཆིས་བཞེད་ན། །ཞེས་བྱ་བའི་རྐང་པ་བཞིའི་དོན་ནི་འདོད་ཆགས་དང་ཞེ་སྡང་དང་གཏི་མུག་སྟེ་སྣང་བ་གསུམ་རྣམ་པར་དག་པའི་ཐབས་འོད་གསལ་གྱི་ཡེ་ཤེས་ཀྱིས། རྡོ་རྗེ་སེམས་དཔའི་ཚེ་དང་༼ལང་འཚོ་
ཟེར། ༽སྲོག་སྟེ་འཆི་མེད་ཀྱི་དངོས་གྲུབ་སྩོལ་བས་གསོན་པར་མཛོད་ཅིག་ཅེས་བྱ་བར་དགོངས་སོ། །༼དེས་ན་ཐུགས་རྗེ་ཞབས་ཀྱིས་གསོན་ཞིང་འཚོ་བའི་དོན་ཟག་བཅས་དང་ཟག་མེད་ཀྱི་བདེ་བ་མྱོང་བ་ནི། རིམ་པ་བཞིན་དུ་ཐ་མལ་པ་དང༌། ཐ་མལ་པ་མིན་པའི་བུད་
4-2-461a


མེད་ཀྱི་འཚོ་བའོ་ཞེས་པ་ནི་དོན་མིན་ནོ། །དེ་ལྟར་གླུས་བསྐུལ་བ་འདི་རྣམས་ཀྱིས་ནི་འབྲས་བུའི་སྐབས་སུ་སྟོན་པ་ཞི་བ་ཕྱོགས་གཅིག་ལ་མི་བཞུགས་པར་གཞན་དོན་མཛད་པ་དང༌། རྗེས་འཇུག་ལ་པདྨ་ཅན་སོགས་ལས་ཀྱི་ཕྱག་རྒྱ་བཞི་དང༌། ཡེ་ཤེས་ཀྱི་ཕྱག་རྒྱ་ལ་
བརྟེན་ནས་སྟོང་པ་བཞིའི་ཡེ་ཤེས་བསྐྱེད་དེ། རྡོ་རྗེ་སེམས་དཔའི་ཚེ་སྒྲུབ་པར་བསྟན་ནོ།། ༈ དེ་ལྟར་ཚངས་པའི་གནས་པ་ཚད་མེད་བཞིའི་རང་བཞིན་གྱི་ལྷ་མོ་བཞི་རྣམས་ཀྱིས་འགྲོ་བའི་དོན་དང་འདོད་ཡོན་ལ་རོལ་པ་ལ་
ཡང་དག་པར་བསྐུལ་བར་གྱུར་པ་དང༌། སྔོན་གྱི་སྨོན་ལམ་གྱི་རྒྱུན་གྱི་ཤུགས་ཀྱིས་སྟོང་པ་ཉིད་ཀྱི་རྣལ་འབྱོར་འོད་གསལ་ལས་གཞན་སྣང་དུ་བཞེངས་པར་བསྟན་ནས། རྗེས་འཇུག་ལ་གཉིས་སུ་མེད་པའི་ཡེ་ཤེས་ཀྱི་དཔལ་ཡབ་ཡུམ་
སྙོམས་པར་ཞུགས་པའི་ཤིན་ཏུ་དགའ་བའི་བདེ་བས་འདོད་ཆགས་ལ་སྤྱོད་དགོས་པར་བསྟན་པར་བྱ་བའི་ཕྱིར། འཁྱུད་པ་ལ་སོགས་པའི་ཚུལ་རྣམས་སྟོན་པར་མཛད་དོ། །འཁྱུད་པ་དང་འོ་བྱེད་པ་དང༌། མ་མཆུ་དང་མིའི་སྣ་རྩེ་འཇིབ་པ་དང་ཐལ་མོ་
བརྡབ་པ་དང༌། གནས་རྣམས་སུ་སོ་འདེབས་པ་དང་སེན་མོས་འདེབས་པ་དང༌། ནུ་མ་དང་སྨད་ཉེད་པ་དང་ཁྱུང་ལྡིང་ནི་ཁ་ཅིག་གིས་དཔྱང་ཐག་དང་ཁ་ཅིག་གིས་ཁྱོགས་སུ་བསྒྱུར་ཏེ། དོན་ནི་སྐྱེས་པ་འོག་དང་བུད་མེད་སྟེང་དུ་བྱས་ནས་སྤྱོད་པའོ་དང༌། རབ་ཏུ་བརྐྱང་
བ་ནི་རྐང་པ་བརྐྱངས་ནས་སྦྱར་བའོ་དང༌། ༼གྲོང་ལ་སོགས་པའི་བྱེད་པ་ལ་བྱང་བ་ཉིད་ཀྱིས་ཟེར། གྲོང་གི་བྱ་བས་མུ་༼རྒྱབ་ནས་སྤྱོད་པའོ། །རྒྱས་པར་ནི་རྡོ་རྗེ་མཁའ་འགྲོའི་འགྲེལ་པར། དེ་ཡང་འཁྱུད་པ་དང༌། འོ་བྱེད་པ་དང༌། སེན་མོ་འདེབས་པ་དང༌། སོ་འདེབས་པ་དང༌། 
4-2-461b


ཡང་དག་པར་བསྐྱོད་པ་དང༌། སིད་ཀྱི་སྒྲ་སྒྲོག་པ་དང༌། སྐྱེས་པའི་བྱ་བ་བྱེད་པ་དང༌། སྟེང་ན་འདུག་པ་དང་བརྒྱད་ནི་རྣམ་པར་རྟོག་པའི་ཁྱད་པར་གྱིས་བརྒྱད་བརྒྱད་དྲུག་ཅུ་རྩ་བཞིར་འགྱུར་རོ། །ཞེས་གསུངས་སོ། །ཞེས་པ་ལྟར་སྒྱུ་རྩལ་དྲུག་ཅུ་རྩ་བཞིར་བཤད་པ་ལས་ཤེས་པར་བྱའོ། །༽ཏིག་གི་
འཕྲེང་བ་སྟེ་དོ་ཤལ་དང༌། གདུ་བུ་དང༌། འཁོར་གདུབ་དང༌། རྐང་གདུབ་རྣམས་བསྐྱོད་པའི་ཀྱི་སྒྲ་དང་ཡུལ་དང་དབང་པོ་སྙོམས་པར་ཞུགས་པ་ནི། ཐབས་ཀྱི་དབང་པོ་ལྔས་ཤེས་རབ་ཀྱི་ཡུལ་ལྔ་སྤྱོད་པའོ་སྟེ། རྡོ་རྗེ་དང་པདྨ་མཉམ་པར་སྦྱོར་
ཞིང༌། སྟེ་སྦྱོར་བ་ལས་ཤེས་རབ་༼གདུ་བུ་རྒྱན་ཅན་ཟེར། ༽དང་ཐབས་ཀྱི་སྙོམས་པར་ཞུགས་པ་ནི་རྡོ་རྗེ་འཕྲེང་བ་ལས། དཔའ་བོ་རྣལ་འབྱོར་མ་སྦྱོར་བ། །གང་ཚེ་གསང་བའི་རྩ་གཉིས་ནི། །ཡང་དག་སྦྱོར་བས་རེག་གྱུར་པ། །ཞེས་གསུངས་པ་ལྟར་གསང་གནས་གཉིས་
ཀྱི་དྷཱུ་ཏིའི་མར་སྣ་གཉིས་ཕྲད་ནས་སྙོམས་པར་ཞུགས་པ་ཡིན་ཏེ། ལས་རྒྱ་ལ་བརྟེན་ནས་ལྷན་སྐྱེས་འདྲེན་པའི་གནད་མཆོག་གོ། དེ་ལྟར་ཞུགས་པས། ཨཱ་ལི་ཀཱ་ལི་སྟེ་༼སྤྱོད་བསྡུས་ཆག་འགྱུར་ལས། རྩ་སྟོང་ཕྲག་བདུན་ཅུ་རྩ་གཉིས་ལས། དྲི་མ་མེད་པའི་ཆུ་རྒྱུན་ལྟ་བུས་
ཨཱ་ལི་ཀཱ་ལི་ཞུ་བར་གྱུར་ནས་ཞེས་གསུངས་པ་དང་དོན་གཅིག་སྟེ། རྩ་རྣམས་ཀྱི་ནང་ནས་ཨཱ་ལི་བྱང་སེམས་དཀར་པོ་དང༌། ཀཱ་ལི་བྱང་སེམས་དམར་པོ་འབབ་པའོ། །༽འདོད་པའི་གདུགས་དང་རུས་སྦལ་དང་ཟླ་བ་གང་བ་སྟེ། རྩ་སྦུབས་གསུམ་སོར་མོ་གསུམ་གྱིས་
བསྐྱོད་ཅིང༌། རབ་ཏུ་བསྐུལ་བ་ནི་སྙོམས་པར་འཇུག་པའི་སྔོན་དུ་བྱའོ་འི་དགའ་བའི་སྒྲས་ཞེས་པ་དང་སྒྱུ་མའི་སྒྲས་ཞེས་པ་ནི་རྡོ་རྗེ་དང་པདྨ་གཉིས་སྲུབ་པའི་སྒྲའོ། །དེས་མཆོག་༼རུས་སྦལ་གྱི་མགུལ་བ་ལ་ཡང་ཟེར། ༽ཏུ་དགའ་བའི་བདེ་བ་ཉམས་སུ་
4-2-462a


མྱོང་བ་ནི་འོད་གསལ་ལྷན་ཅིག་སྐྱེས་པའི་ཡེ་ཤེས་ཉམས་སུ་མྱོང་བས། ཕུང་པོ་དང་ཁམས་དང་སྐྱེ་མཆེད་ཀྱི་ངོ་བོ་ཉིད་སྤྱི་བོ་ནས་བརྩམས་ཏེ། དྲི་མ་མེད་པའི་ཆར་གྱི་རྒྱུན་བཞིན་དུ་བཞུས་ལ་བྱང་ཆུབ་ཀྱི་སེམས་ཀྱི་ངོ་བོ་ཉིད་དུ་འཛག་
པས། ཡུམ་གྱི་ཆོས་འབྱུང་བའི་ནང་དུ་ཡང་དག་པར་བཞག་སྟེ། ཐིག་ལེ་དེས་འདོད་ཆགས་ལ་སོགས་པ་ལ་སྤྱོད་པའི་སེམས་ཅན་རྣམས་རྣམ་པར་སྦྱངས་ནས། དཀྱིལ་འཁོར་གྱི་འཁོར་ལོར་གྱུར་པ་ཕྱིར་ཕྱུང་སྟེ། སྤྲོས་པས་མཛད་པ་མཛད་བསྡུས་
ཏེ་དཀྱིལ་འཁོར་དུ་འཁོད་པའི་རྗེས་སུ་སླར་ཡང་གཙོ་བོ་འོད་གསལ་བར་ཞུགས་ནས་རྣམ་པར་རྟོག་པ་མེད་པ་ཉིད་དུ་གྱུར་ཏོ། །བཤད་མ་ཐག་པའི་དོན་འདི་ཉིད་བསྟན་པར་བྱ་བའི་ཕྱིར། དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ། འདོད་
ཆགས་ཐམས་ཅད་ཉེ་བར་ལོངས་སྤྱོད་པའི་དབལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་བཙུན་མོ་དེ་དག་ལ་དམ་ཚིག་གི་འཁོར་ལོས། འདོད་པ་སྤྱོད་ཅིང་ཅང་མི་གསུང་བར་གྱུར་ཏོ། །ཞེས་བྱ་བ་གསུངས་
ཏེ། འདོད་པ་ཆགས་ཐམས་ཅད་ནི་རིག་མའི་གཟུགས་ལ་སོགས་པའི་ཡུལ་རྣམས་སོ། །དེ་རྣམས་ལ་ལོངས་སྤྱོད་པ་ནི་དེ་རྣམས་ཀྱི་རང་གི་ངོ་བོ་ཉིད་ཡིན་ལུགས་ཡོངས་སུ་ཤེས་པས་མིག་ལ་སོགས་པ་དང་མཉམ་པར་སྦྱོར་༼
ཆགས་ཞེས་པ་འགྱུར་གསར་གཉིས་ལ་མེད་དོ། །༽བསྟེ་ཡུལ་ལ་འགྲོ་བ་མི་འགོག་པར་ལོངས་སྤྱོད་པའོ། །དེའི་དཔལ་ནི་བདེ་སྟོང་མཉམ་པ་ཉིད་ཏེ། ཀུན་ཏུ་དགའ་བའི་བདེ་བའི་གནས་སྐབས་སོ། །ཏིང་ངེ་འཛིན་གང་ལ་དེ་སྐད་ཅེས་བྱ་བ་དེ་ལ་
4-2-462b


སྙོམས་པར་ཞུགས་པ་ནི་བརྙེས་པའོ། །དེ་བཞིན་གཤེགས་པ་ནི་བདག་པོ་སྟེ། དེ་བཞིན་གཤེགས་པ་དེ་དག་ཐམས་ཅད་ཀྱི་བཙུན་མོ་དེ་དག་ནི་སྤྱན་ལ་སོགས་པབཞིའོ། །དམ་ཚིག་གི་འཁོར་ལོ་ཞེས་བྱ་བ་ནི། རྣམ་པར་སྣང་མཛད་ལ་སོགས་
པ་རིགས་བཞིའི་ངོ་བོ་ཉིད་ཀྱིས། སྤྱན་སོགས་ལ་འདོད་པ་སྤྱོད་ཅིང་རོལ་བར་མཛད་ནས་མི་གསུང་བར་གྱུར་པ་སྟེ། ཆོས་སྟོན་པ་ལ་སོགས་པའི་བྱ་བ་དང་བྲལ་ཞིང་ཡེ་ཤེས་ཀྱི་ཕྱག་རྒྱ་དང༌། ལྷན་ཅིག་སྙོམས་པར་ཞུགས་ནས་བཞུགས་
སོ་ཞེས་བྱ་བའི་བར་དུ་སྟེ་ཐ་ཚིག་གོ་འོ།། ༈ དེ་ནས་ཞེས་བྱ་བ་ནི་བཅོམ་ལྡན་འདས་ཡེ་ཤེས་ཀྱི་ཕྱག་རྒྱ་ལ་སྙོམས་པར་ཞུགས་པའི་འོག་ཏུའོ། །ནམ་མཁའི་དབྱིངས་འདི་དག་ཐམས་ཅད་ལ་དེ་བཞིན་གཤེགས་པ་༼
འབྲས་བུའི་སྐབས་ཀྱི་ཡུམ་སྤྱན་མ་ལ་སོགས་པ་ཡང་ཡེ་ཤེས་ཀྱི་ཕྱག་རྒྱར་བཤད་པས། ཡེ་ཤེས་ཀྱི་ཕྱག་རྒྱ་ལ་ཡེ་ཤེས་ཀྱི་སྐུར་གྱུར་པའི་ལྷ་མོ་གཅིག་དང༌། རྟོག་པས་ལྷ་མོར་བསྐྱེད་པ་གཉིས་ཤེས་པར་བྱའོ། །༽ཐམས་ཅད་ཀྱི། སྐུ་དང་གསུང་དང་ཐུགས་ཀྱི་རྡོ་རྗེའི་
དམ་ཚིག་གི་ཁུ་བས་ཡོངས་སུ་གང་སྟེ། བུམ་པ་རྡོ་རྗེ་ཆུས་གང་བ་ལྟར་གནས་པར་གྱུར་ཏོ། །ཞེས་བྱ་བ་ནི་ནམ་མཁའི་གཏོས་འདི་དེ་བཞིན་གཤེགས་པ་ཐམས་ཅད་ཀྱི་སྟེ། རྡོ་རྗེ་འཆང་ཆེན་པོའི་ངོ་བོ་ཉིད་དུ་གྱུར་པའི་སྐུ་རྡོ་རྗེ་༼
འཁོར་ལོས་ཟེར། ༽སོགས་རྡོ་རྗེ་གསུམ་དང་ཡང་དག་པར་ལྡན་པ། དམ་ཚིག་སྟེ་རྣམ་པར་སྣང་མཛད་ལ་སོགས་པ་དེ་བཞིན་གཤེགས་པའི་འཁོར་ལོ་སྟེ་ཚོགས་ཀྱིས། ཡོངས་སུ་གང་ཞིང་ཏིལ་གྱི་གང་བུ་བཞིན་དུ་བར་
4-2-463a


མཚམས་མེད་པར་གྱུར་ལ། བུམ་པ་རྡོ་རྗེ་ཆུས་གང་བ་ལྟར་ཞེས་པ། མཆོག་ཏུ་དགའ་བསྟེ་འདོད་པ་ཐམས་ཅད་རྫོགས་པར་བྱེད་པའི་བུམ་པ་བཟང་པོ་རྡོ་རྗེའི་ཆུས་གང་བ་བཞིན་དུ་བར་མཚམས་མེད་པར་གནས་
ཤིང་མི་གཡོ་བར་གྱུར་ཏོ་ཞེས་བྱ་བའི་དོན་ཏོ།། ༈ སྔར་བཤད་པ་དེ་ལྟར་བཅོམ་ལྡན་འདས་ཀྱིས་ཡེ་ཤེས་ཀྱི་ཕྱག་རྒྱ་དང་སྙོམས་པར་ཞུགས་པས་འགྲོ་བའི་དོན་མཛད་པ་བསྟན་པར་བྱ་བའི་ཕྱིར། དེ་ནས་རྡོ་རྗེ་ནམ་མཁའི་
དབྱིངས་འདི་ན་གང་སེམས་ཅན་སྐུ་གསུམ་གྱི་དམ་ཚིག་ལས། ཡང་དག་པར་བྱུང་བ་དེ་རྣམས་རྡོ་རྗེ་དབལ་གྱིས་རེག་ནས། ཐམས་ཅད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། རྡོ་རྗེ་གསུམ་གྱི་ཡེ་ཤེས་
ཅན་དུ་གྱུར་ཏོ་ཞེས་བྱ་བ་གསུངས་སོ། །འདིའི་དོན་ནི་འདི་ཡིན་ཏེ། རྡོ་རྗེ་ནམ་མཁའི་དབྱིངས་ནི་ཁམས་གསུམ་གྱི་གནས་ན་སྟེ་དེ་ན་གནས་པའི་གང་སེམས་ཅན་རྣམས་སོ། །སྐུ་གསུམ་གྱི་དམ་ཚིག་ལས་ཡང་དག་
པར་བྱུང་བ་ནི་རྡོ་རྗེ་གསུམ་གྱི་ངོ་བོ་ཉིད་དོ། །རྡོ་རྗེ་དབལ་གྱིས་ཞེས་བྱ་བ་ནི། རྡོ་རྗེ་འཆང་ཆེན་པོའི་དབལ་གྱིས་ཏེ། བདེ་བས་རེག་ཅིང་ཡུལ་དུ་བྱས་པས་སེམས་ཅན་ཐམས་ཅད་ཀྱིས་དེ་བཞིན་གཤེགས་པ་ཉིད་ཐོབ་པའོ། །རྡོ་རྗེ་གསུམ་
ནི་རྡོ་རྗེ་འཛིན་པ་ཆེན་པོའོ། །དེའི་ཡེ་ཤེས་༼རྡོ་རྗེ་འཆང་ཆེན་པོའི་བདེ་བས་རེག་ཅིང་ཟེར་ཏེ། ཡབ་ཡུམ་སྙོམས་པར་ཞུགས་པའི་བྱང་ཆུབ་ཀྱི་སེམས་ཀྱི་འོད་ཟེར་གྱིས་རེག་པའོ། །༽ནི་སྟོབས་བཅུ་དང་མི་འཇིགས་པ་བཞི་ལ་སོགས་པ་སྟེ། དེ་མྱོང་བར་གྱུར་
4-2-463b


པའོ། །དེ་ནས་བརྩམས་ཏེ་ཞེས་བྱ་བ་ནི། རྡོ་རྗེའི་འོད་ཟེར་གྱིས་དབང་བསྐུར་བརྩམས་ནས་ཏེ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱིས་དབང་བསྐུར་བར་གྱུར་ནས། ཀུན་ཏུ་བཟང་པོ་ཀུན་ཏུ་བཟང་པོ་ཞེས་སྔོན་མ་བྱུང་བའི་དོན་
གྱི་མིང་ཅན་དུ་གྱུར་ཏོ།། ༈ དེ་ལྟར་སེམས་ཅན་ཐམས་ཅད་བྱང་ཆུབ་ཀྱི་སེམས་ཀྱི་ཡེ་ཤེས་ཀྱི་འོད་ཟེར་གྱིས་དབང་བསྐུར་བས་དབང་བསྐུར་ནས། གདུལ་བྱའི་སེམས་ཅན་རྣམས་ཀུན་ཏུ་བཟང་པོར་མཉམ་པ་ཉིད་དུ་བསྟན་༼
མཛད་པ་འདིས་འཁོར་བ་སྟོངས་པར་སྟོན་པ་མིན་གྱི། སེམས་ཅན་མཐའ་ཡས་པ་ཞིག་གོ་འཕང་དེ་ལ་བཀོད་པའོ། །༽པས་འཁོར་རྣམས་ཀྱིས་ཇི་ལྟར་སྨྲ་བར་གྱུར་པ་དེ་བསྟན་པར་བྱ་བའི་ཕྱིར། དེ་ནས་ཕྱག་ན་རྡོ་རྗེ་དེ་བཞིན་གཤེགས་
པས། དེ་བཞིན་གཤེགས་པ་དེ་དག་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཅེས་བོས་ནས་སེམས་ཅན་ཐམས་ཅད་དང་ཆོས་ཐམས་ཅད་བདེ་བ་ཆེན་པོའི་ངོ་བོ་ཉིད་དུ་རོ་གཅིག་པའི་ཀྱི་མཉམ་པ་ཉིད་མཐོང་ངམ། 
དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས། ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཡེ་ཤེས་ཀྱི་སྤྱོད་པ་
མཐོང་ལགས་སོ། །བདེ་བར་གཤེགས་པ་མཐོང་ལགས་སོ། །ཞེས་བྱ་བ་གསུངས་ཏེ། འདིར་དེ་བཞིན་གཤེགས་པ་ཐམས་ཅད་ནི་རྡོ་རྗེ་འཛིན་པ་ཆེན་པོའོ། །དེའི་རྡོ་རྗེ་ཡེ་ཤེས་ཀྱི་སྤྱོད་པ་ནི་རྡོ་རྗེ་འཆང་རང་གི་ཡེ་ཤེས་ཀྱི་ཕྱག་རྒྱ་དང་སྙོམས་
4-2-464a


པར་འཇུག་པའི་བདེ་བ་ཉམས་སུ་མྱོང་བ་ཉིད་ཀྱིས། སེམས་ཅན་ཐམས་ཅད་ཀྱིས་ཀྱང་སྙོམས་པར་འཇུག་པའི་བདེ་བ་དེ་བདག་གིར་མཛད་པ་སྟེ་ཉམས་སུ་མྱོང་བར་མཛད་པའོ།། ༈ དེ་ལྟར་འཁོར་
གྱི་བཅོམ་ལྡན་འདས་རྣམས་ཀྱིས་རྡོ་རྗེ་ཡེ་ཤེས་ཀྱི་སྤྱོད་པ་ཉམས་སུ་མྱོང་བས་འོད་གསལ་དུ་ཞུགས་པར་མཛད་ནས། སླར་ཡང་སྙོམས་པར་འཇུག་པ་འོད་གསལ་དེ་ལས་བཞེངས་ནས། ཇི་ལྟར་ཐུགས་རབ་ཏུ་དགྱེས་པར་༼
བཅོམ་ལྡན་འདས་རྣམས་ཀྱིས་ཟེར། ༽གྱུར་པས་བཅོམ་ལྡན་འདས་ལ་མངོན་པར་གསོལ་བ། དེ་བསྟན་པར་བྱ་བའི་ཕྱིར། དེ་ནས་འཁོར་གྱི་བཅོམ་ལྡན་འདས་རྣམས་ཀྱིས་དེ་བཞིན་གཤེགས་པ་ཐམས་ཅད་ཀྱི་བཙུན་མོའི་བྷ་ག་འོད་
གསལ་དུ་ཞུགས་པ་ལས་མངོན་པར་བྱུང་ནས། བཅོམ་ལྡན་འདས་ཕྱག་ན་རྡོ་རྗེ་ཆེན་པོ་ལ་འདི་སྐད་ཅེས་གསོལ་ཏོ། །གང་འདོད་ཆགས་ཀྱི་ཡི་གེའི་ཚིག་གིས་སངས་རྒྱས་ཀྱི་བྱང་ཆུབ། རྗེས་སུ་རྟོགས་པར་བྱ་བ་དེ་ནི། བཅོམ་ལྡན་འདས་ངོ་མཚར་ཏོ། །
བདེ་བར་གཤེགས་པ་ངོ་མཚར་ཏོ། །ཞེས་བྱ་བ་གསུངས་ཏེ། གང་ཞེས་བྱ་བ་ནི་རྒྱུ་མཚན་གང་གི་ཕྱིར་རོ། །འདོད་ཆགས་ཀྱི་ཡི་གེའི་ཚིག་ཅེས་བྱ་བ་ནི། འདོད་ཆགས་ཀྱི་ཡི་གེའི་ཚིག་གིས་བསྟན་པའི་འདོད་ཆགས་ཀྱི་སྤྱོད་པ་ལ་སྤྱོད་པ་ཐམས་
ཅད་ཀྱིས་སངས་རྒྱས་ཀྱི་བྱང་ཆུབ་སྟེ། རྡོ་རྗེ་འཆང་ཆེན་པོ་ཉིད་དུ་རྗེས་སུ་ཆུད་ཅིང་ཐོབ་པ་གང་ཡིན་པ་དེ་ངོ་མཚར་རབ་ཏུ་ཆེ་བའོ།། ༈ དེ་བཞིན་གཤེགས་པ་རྣམས་ཀྱི་ངོ་མཚར་གྱི་ཚིག་སྟོན་པས་ཐོས་པ་སྟེ་གསན་ནས།
4-2-464b


དེ་རྣམས་ཀྱི་འདོད་ཆགས་ལ་སོགས་པ་རང་བཞིན་རྣམ་པར་དག་པ་བསྟན་པས། འདོད་ཆགས་ཀྱི་ཆོས་ཀྱིས་བྱང་ཆུབ་འཐོབ་བམ་མི་འཐོབ་ཅེས་ཇི་ལྟར་སོམ་ཉི་མེད་པར་མཛད་པ་དེ་བསྟན་པར་བྱ་བའི་ཕྱིར། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་༼
འདོད་ཆགས་ལ་སོགས་པ་དེ་རྣམས་ཀྱིས་ཟེར། ༽ཅད་ཀྱི་བདག་པོས། དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་དེ་སྐད་མ་ཟེར་ཅིག། དེ་ཅིའི་ཕྱིར་ཞེ་ན། ཆོས་ཐམས་ཅད་ནི་ནམ་
མཁའི་རྡོ་རྗེའི་དམ་ཚིག་དང་མཚུངས་པའི་ཕྱིར། ཆགས་སོགས་ཀྱི་ཆོས་ཐམས་ཅད་ཀྱི་དེ་ཁོ་ན་ཉིད་ལ་དཔྱད་ན་དེ་རྣམས་ནི་གཟུགས་ཀྱི་ཕུང་པོ་མ་ཡིན། ཚོར་བའི་ཕུང་པོ་མ་ཡིན། ཁམས་བཅོ་བརྒྱད་པོ་གང་ཡང་མ་ཡིན། སྐྱེ་མཆེད་བཅུ་གཉིས་པོ་གང་ཡང་
མ་ཡིན། འདོད་ཆགས་མ་ཡིན། ཞེ་སྡང་མ་ཡིན། གཏི་མུག་མ་ཡིན། ཆོས་དགེ་བ་མ་ཡིན། ཆོས་མ་ཡིན་པ་མི་དགེ་བ་མ་ཡིན་ཏེ་དེ་རྣམས་གང་༼འདི་དང་པ་ཚབ་ཀྱི་འགྱུར་ལ་ཕུང་པོ་ཕྱི་མ་གསུམ་མེད་ཀྱང༌། ཆག་འགྱུར་ལ་ཡོད་དོ། ། 
༽དུ་ཡང་མི་རྙེད་པའི་ཕྱིར་རོ་ནོ། །ཞེས་བྱ་བ་གསུངས་ཏེ། ནམ་མཁའི་རྡོ་རྗེའི་དམ་ཚིག། ནི་དེ་བཞིན་གཤེགས་པ་དྲུག་པ་སྟེ། ཇི་ལྟར་རྡོ་རྗེ་འཆང་ཆེན་པོས་ཆགས་སོགས་ཀྱི་ཆོས་ཐམས་ཅད་ཀྱི་དེ་ཁོ་ན་ཉིད་འོད་གསལ་དུ་ཐུགས་སུ་ཆུད་པ་དེ་བཞིན་དུ་ཆོས་ཐམས་ཅད་ཀྱི་
ཡིན་ལུགས་ཀྱང་རྡོ་རྗེ་འཆང་གི་རྟོགས་པ་དེ་དང་མཉམ་པ་སྟེ་འདྲ་བའི་ཕྱིར་ན་འདོད་ཆགས་ཀྱི་ཆོས་ཀྱིས་བྱང་ཆུབ་འཐོབ་པ་མི་སྲིད་པ་ལྟར་མཐོང་ནས། འདོད་ཆགས་ཀྱི་ཡི་གེའི་ཚིག་གིས་བྱང་ཆུབ་འཐོབ་པ་ཤིན་ཏུ་ངོ་མཚར་རོ་ཞེས་པ་དེ་སྐད་ཅེས་མ་ཟེར་ཅིག་ཅེས་ཐེ་ཚོམ་མེད་པར་
4-2-465a


མཛད་པ་ཡིན་ཏེ། འདོད་ཆགས་དང༌། དེའི་འོད་གསལ་བ་གཉིས་ངོ་བོ་དབྱེར་མེད་པའི་ཕྱིར་རོ་སྙམ་དུ་དགོངས་པའོ། །གཟུགས་ཀྱི་ཕུང་པོ་མ་ཡིན་ཞེས་བྱ་བ་ལ་སོགས་པས་ནི། རྡོ་རྗེ་འཆང་དང་མཚུངས་པའི་དོན་འདི་ཉིད་སྤྲོས་ནས་སྟེ་རྒྱས་པར་
སྟོན་པ་ཡིན་ནོ། །དེ་ནས་དེ་བཞིན་གཤེགས་པ་དེ་དག་ཐམས་ཅད་ཅང་མི་གསུང་བར་གྱུར་ཏོ་ཞེས་བྱ་བ་ནི། དེ་བཞིན་གཤེགས་པས་ཆོས་ཐམས་ཅད་འོད་གསལ་བ་ཉིད་དུ་གསུངས་པའི་ཚིག་གི་རྗེས་ཐོགས་ཉིད་ལ་འོད་གསལ་མངོན་སུམ་དུ་བྱས་
ནས་བརྗོད་དུ་མེད་པའི་ཆོས་ཉིད་དེ་ཉིད་ལ། སྒོམ་ཞིང་བཞུགས་པར་གྱུར་པའོ་ཞེས་བྱ་བ་ནི་རྡོ་རྗེའི་ཚིག་གི་དོན་ཡིན་ནོ།། ༈ དེ་ལྟར་གསང་བ་འདུས་པའི་དོན་བསྟན་པ་ཡོངས་སུ་རྫོགས་ནས། འདུས་པ་དེས་འདུལ་བའི་སེམས་
ཅན་རྣམས་དེ་བཞིན་གཤེགས་པ་རྣམས་ལ་ཇི་ལྟར་ཡོངས་སུ་གཏད་པར་མཛད་པ་དེ་བསྟན་པར་བྱ་བའི་ཕྱིར། དེ་ནས་བཅོམ་ལྡན་འདས་དེ་བཞིན་གཤེགས་པ་ཕྱག་ན་རྡོ་རྗེས། དེ་བཞིན་གཤེགས་པ་ཐམས་ཅད་དང་བྱང་ཆུབ་སེམས་དཔའ་དེ་རྣམས་
ལ་བཀའ་སྩལ་པ། ཁྱེད་རྣམས་ཀྱིས་འཇིག་རྟེན་གྱི་ཁམས་ཐམས་ཅད་དུ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་འདི་བསྒོ་བར་གྱིས་ཤིག། པ་ནི་འཛིན་དུ་ཆུག་ཅིག་པའོ། །དེ་ཅིའི་ཕྱིར་ཞེ་ན། ཕྱོགས་བཅུ་ན་གནས་
པའི་བྱང་ཆུབ་སེམས་དཔའ་དེ་དག་ཆོས་ཀྱི་རྣམ་གྲངས་འདི་ལ་སྐལ་བ་ཡོད་པའི་ཕྱིར་རོ། །ཞེས་བྱ་བ་གསུངས་ཏེ། སྐུ་དང་གསུང་དང་ཐུགས་རྡོ་རྗེ་འདི་བསྒོ་བར་གྱིས་ཤིག་ཅེས་བྱ་བ་ནི། རྡོ་རྗེ་འཛིན་པ་ཆེན་པོའི་ཏིང་ངེ་འཛིན་རྣམ་པ་གཉིས་དང༌། 
4-2-465b


དེ་སྟོན་པར་བྱེད་པའི་རྒྱུད་ཀྱི་རྒྱལ་པོའོ། །དེ་ནི་ཆོས་ཀྱི་རྣམ་གྲངས་འདི་ལ་སྐལ་བ་དང་ལྡན་པའི་སེམས་ཅན། འདོད་ཆགས་ལས་བྱུང་བའི་བྱང་ཆུབ་ཀྱི་གནས་ཐོབ་པ་ལ་སྣོད་དུ་གྱུར་པའི་ཕྱིར། དེ་ལྟར་སྐལ་བ་ཡོད་པ་ཉིད་ཡིན་ནོ།། ༈ དེ་ལྟར་ཡུལ་
ལ་ཆགས་པའི་སེམས་ཅན་རྣམས་རྒྱུད་འདིའི་སྣོད་དུ་གྱུར་པར་བསྟན་ནས། མ་འོངས་པའི་སེམས་ཅན་ལ་ཡང་དག་པར་སྟོན་པར་འགྱུར་བའི་ཕྱིར། རྡོ་རྗེ་ཆོས་ནི་རྡོ་རྗེ་ཐེག་པ་སྟེ་དེ་ལ་དབང་བས་ན། ཕྱག་ན་རྡོ་རྗེ་ནི་རྡོ་རྗེ་ཆོས་སོ། །དེ་ལ་རྒྱུད་གཏད་པ་
བསྟན་པར་བྱ་བའི་ཕྱིར། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་རྡོ་རྗེ་ཆོས་ལ་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་དེ་ཁོ་ན་ཉིད་འདི་ཟུངས་ཤིག། ཁྱོད་ཀྱང་དེ་བཞིན་གཤེགས་
པ་ཐམས་ཅད་ཀྱིས་ཆོས་ཀྱི་དབང་ཕྱུག་རྡོ་རྗེ་ཞེས་བྱ་བར་དབང་བསྐུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་ཆོས་ཀྱིས་དེ་བཞིན་དུ་བགྱིའོ་ཞེས་གསོལ་ནས། ཅང་མི་སྨྲ་བར་གྱུར་ཏོ། །ཞེས་བྱ་བ་གསུངས་སོ། །འདིའི་
དོན་ནི་འདི་ཡིན་ཏེ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་དེ་ཁོ་ན་ཉིད་དེ། དེ་བཞིན་གཤེགས་པ་ཐམས་ཅད་ལས་གཅིག་ནས་གཅིག་ཏུ་བརྒྱུད་དེ་འོངས་པ། འདའ་བར་མི་བྱ་བའི་དམ་ཚིག་གི་དེ་ཁོ་ན་ཉིད་སྐུ་དང་གསུང་དང་
ཐུགས་ཀྱི་གསང་ཆེན། གསང་བ་འདུས་པའི་ཚུལ་འདི་ད་ལྟར་ངས་བཤད་པ་ཁྱོད་ཀྱིས་ཡིད་ལ་ཞོག་ལ་ཟུངས་ཤིག། གང་གི་ཕྱིར་ན་རྣམ་པར་སྣང་མཛད་ལ་སོགས་པས། དེ་བཞིན་གཤེགས་པ་ཐམས་ཅད་ཀྱིས་ཏེ། གཞུང་
4-2-466a


དུ་བྱས་པའི་བསྟན་པའི་ཆོས་ཐམས་ཅད་དེ། གསང་སྔགས་ཀྱི་ཆོས་དེ་རྣམས་ལ་སྤོབས་པ་དཔག་ཏུ་མེད་པ་དང་ལྡན་པས་ན་དབང་ཕྱུག་སྟེ་གཙོ་བོར་དབང་བསྐུར་ཞིང་རྗེས་སུ་གནང་བ་སྟེ། རྡོ་རྗེ་ཐེག་པའི་བསྟན་པ་འདི་དག་
ལ་ནི་གསུང་གི་གསང་བ་རྣམས་ལ་ཕྱག་ན་རྡོ་རྗེ་རྡོ་རྗེ་སྟེ་གསང་སྔགས་ཀྱི་གཙོ་བོ་སྟེ་བདག་པོ་ཡིན་པའི་ཕྱིར་རོ། །སེམས་དཔའ་ཆེན་པོ་ཅང་མི་སྨྲ་བར་གྱུར་པ་ནི། དེ་བཞིན་གཤེགས་པའི་༼མཛད་ཚུལ་ནི། ལག་ན་རྡོ་རྗེ་དབང་བསྐུར་བའི་
རྒྱུད་ལས། རྡོ་རྗེའི་དཀྱིལ་འཁོར་ཆེན་པོ་བྲིས་ནས། ལག་ན་རྡོ་རྗེ་དབང་ཆེན་པོ་བསྐུར་བས། བྱང་ཆུབ་སེམས་དཔའ་ཀུན་ཏུ་བཟང་པོ་དབང་བསྐུར་བ་ནས་དེ་ཉིད་ལ་བསྟན་པ་གཏད་དོ། །ཞེས་གསུངས་པ་ལྟར་རོ། །ཤཱནྟི་པ་དང་སྐལ་ལྡན་གྲགས་པས་ཀྱང་ཕྱག་རྡོར་ལ་རྒྱུད་གཏད་པར་བཤད་དོ། །རྒྱ་
གར་བའི་སློབ་དཔོན་ཁ་ཅིག་རྡོ་རྗེ་ཆོས་ནི་འཇིག་རྟེན་དབང་ཕྱུག་ལ་བཞེད་དོ། །༽གསུང་ཇི་ལྟ་བ་བཞིན་དུ་ཁས་བླངས་པའི་ཕྱིར་རོ།། ༈ རྒྱུད་གཏད་པའི་འོག་ཏུ་ཉན་པ་པོའི་འཁོར་བརྗོད་དུ་མེད་པའི་སངས་རྒྱས་ཀྱི་ཞིང་གི་རྡུལ་ཕྲ་རབ་
དང་མཉམ་པའི་དེ་བཞིན་གཤེགས་པ་རྣམས་ཀྱིས་ཅི་ཞིག་མཛད་ཅེ་ན། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་རྡོ་རྗེ་སེམས་དཔའི་ཡི་གེ་རྡོ་རྗེ་གསུམ་ལ་རང་གི་སྐུ་དང་གསུང་དང་ཐུགས་ཞུགས་པར་གྱུར་ཏོ། །
ཞེས་བྱ་བ་གསུངས་སོ། །འདི་སྐད་སྟོན་པར་འགྱུར་ཏེ། རིགས་ལྔ་དང་ལྡན་པའི་སྤྲུལ་པའི་སྐུ་དཔག་ཏུ་མེད་ཅིང་མཐའ་ཡས་པའི། སངས་རྒྱས་དང་བྱང་ཆུབ་སེམས་དཔའ་རྣམས་དང༌། ཁྲོ་བོའི་རྒྱལ་པོ་དང་ལ་སོགས་པས་གཤེགས་པ་
4-2-466b


དང་སེམས་མ་དང་ཁྲོ་མོ་ཐམས་ཅད་ཀྱི་རང་གི་སྐུ་གསུང་ཐུགས་ཐམས་ཅད་རྡོ་རྗེ་སེམས་དཔའི་ཡི་གེ་གསུམ་ལ་ཞུགས་པ་སྟེ། རྣམ་པར་སྣང་མཛད་དང༌། འོད་དཔག་ཏུ་མེད་པ་དང་མི་བསྐྱོད་པ་ཉིད་ཐོབ་པར་གྱུར་ཏོ་ཞེས་བྱ་བའི་བར་དུའོ། །དེ་ལ་དེ་བཞིན་གཤེགས་པ་
རྣམ་པར་སྣང་མཛད་ནི་ཁམས་གསུམ་ཐམས་ཅད་ཀྱི། སྐུ་རྡོ་རྗེའི་ངོ་བོ་ཉིད་དུ་ཇི་ལྟར་གྱུར་པ་དེ་བསྟན་པར་བྱ་བའི་ཕྱིར། དེ་ནས་བཅོམ་ལྡན་འདས་དེ་བཞིན་གཤེགས་པ་སྐུ་རྡོ་རྗེ་རྣམ་པར་སྣང་མཛད། ཅེས་བྱ་བ་ལ་སོགས་པ་གསུངས་ཏེ། 
སྲིད་པ་གསུམ་གྱི་གནས་འདི་ན་སྒོ་ང་ལས་སྐྱེས་པ་ལ་སོགས་པ་སྐྱེ་གནས་བཞིས་བསྡུས་པའི་སེམས་ཅན། མཆོག་དང་འབྲིང་དང་ཐ་མ་པའི་ཚོགས་རྣམས་ཀྱི་ལུས་གང་ཡིན་པ་དེ་ནི་རྣམ་པར་སྣང་མཛད་དོ། །ཞེས་བྱ་བ་འདིའི་དོན་ནི་ཁམས་གསུམ་
ཐམས་ཅད་ཀྱི་ལུས་རྡོ་རྗེ་ལ་གནས་ཤིང་ཞེས་བྱ་བ་འདིས་སྟོན་ཏོ། །སེམས་ཅན་རྣམས་ཀྱི་ལུས་དང་རྣམ་པར་སྣང་མཛད་ནི་རྟེན་ཏེ་རྒྱུ་དང་བརྟེན་པ་སྟེ་འབྲས་བུ་ཉིད་དུ་སྟེ་དེ་ཁོ་ནར་མེད་ཅིང༌། དེ་བཞིན་དུ་སྤངས་རྟོགས་རྫོགས་པའི་ལུས་དང་མ་རྫོགས་པའི་
ལུས་དག་ནི་དེ་ཁོ་ན་ཉིད་དུ་དབྱེར་མེད་པར་བསྟན་པར་བྱ་བའི་ཕྱིར། དེ་བཞིན་གཤེགས་པ་ཐམས་ཅད་ཀྱི་སྐུ་གཉིས་མཉམ་པ་ཉིད་དེ་རང་བཞིན་གྱིས་གྲུབ་པས་སྟོང་ཡང་དེར་སྣང་བའི་སྒྱུ་མ་ལྟ་བུའི་མཉམ་པ་ཉིད་ལ་
དམིགས་ནས་ཅང་མི་གསུང་བར་གྱུར་ཏོ། །དེ་བཞིན་དུ་༼ཞེས་པ་ནི་ཁམས་གསུམ་པའི་བཤད་པ་དང༌། དེ་དག་གི་ངག་དང་སྣང་མཐའ་གཉིས་རྟེན་དང་བརྟེན་པར་མེད་པ་དང༌། རྫོགས་པ་དང་མ་རྫོགས་པའི་ངག་དབྱེར་མེད་པ་དང༌། གསུང་མཉམ་པ་ཉིད་ཀྱི་བཤད་པ་རྣམས་རྣམ་
4-2-467a


སྣང་ལ་བཤད་པ་བཞིན་དུ་ཤེས་པར་བྱ་ལ། མི་བསྐྱོད་པ་ལ་ཡང་མི་འདྲ་བར་བཤད་པ་དངོས་སུ་བྱུང་བ་མ་གཏོགས་པ་དེ་དང་འདྲའོ། །༽ཁམས་གསུམ་པའི་སེམས་ཅན་ཐམས་ཅད་ཀྱི། ངག་གང་ཡིན་པ་དེ་ནི་འོད་དཔག་ཏུ་མེད་པའོ། །
ཞེས་བྱ་བའི་དོན་ནི་ངག་རྡོ་རྗེ་ལ་གནས་ཞེས་པ་འདི་ཡིན་ཏེ། དེ་ནས་གསུང་རྡོ་རྗེ་དེ་བཞིན་གཤེགས་པ། ཁམས་གསུམ་ཐམས་ཅད་ཀྱི་ངག་རྡོ་རྗེ་ལ་གནས་ཤིང༌། ཞེས་བྱ་བས་བསྟན་ཏོ། །དེ་བཞིན་དུ་སེམས་ཅན་ཐམས་ཅད་ཀྱི་སེམས་གང་ཡིན་
པ་དེ་མི་བསྐྱོད་པའོ། །ཞེས་བྱ་བའི་དོན་ནི་སེམས་རྡོ་རྗེ་ལ་གནས་ཤིང་ཞེས་པ་འདི་ཡིན་ཏེ། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཁམས་གསུམ་ཐམས་ཅད་ཀྱི་སེམས་རྡོ་རྗེ་ལ་གནས་ཤིང༌། ཞེས་བྱ་བའི་རྡོ་རྗེའི་ཚིག་གིས་སྟོན་ཏོ། །དེ་བཞིན་
གཤེགས་པ་ཐམས་ཅད་ཀྱི་ཐུགས་གང་ཡིན་པ་དང༌། སེམས་ཅན་ཐམས་ཅད་ཀྱི་སེམས་གང་ཡིན་པ་གཅིག་པ་ཉིད་དུ་བསྟན་པར་བྱ་བའི་ཕྱིར། དེ་བཞིན་གཤེགས་པ་ཐམས་ཅད་ཀྱི་ཐུགས་མཉམ་པ་ཉིད་དུ་གྱུར་པས། བདེན་པ་གཉིས་
གཉིས་སུ་མེད་ཅིང་གཅིག་པ་ཉིད་ཟུང་འཇུག་ལ་དམིགས་པར་མཛད་ནས་ཅང་མི་གསུང་བར་གྱུར་ཏོ། །ཞེས་མཐར་ཐུག་པ་སྟེ་མཐར་ཕྱིན་པ་གསུངས་པ་ཡིན་ནོ། །༼སྐབས་འདིར་རྩ་བའི་རྒྱུད་ཀྱི་མཐར་སྨྲས་པ་ཞེས་པ་ཞིག་ཡོད།། ༈ འདིར་ཟླ་བའི་
སློབ་མས་ཞུ་བ་བྱེད་པའི་ཚུལ་ཡིན་པས་སློབ་དཔོན་༼སྐལ་ལྡན་གྲགས་པས། སློབ་དཔོན་ནི་ཀླུ་སྒྲུབ་དང༌། དྲིན་གྱིས་ནི་དེས་རྗེས་སུ་བཟུང་བས། ཟླ་བ་གྲགས་པ་རྒྱུད་དོན་ལ་ཐེ་ཚོམ་དང་བྲལ་བར་འཆད་པ་ནི་ཤིན་ཏུ་མི་རིགས་ཏེ། དེ་ལྟར་ཡིན་ན་ཐེ་ཚོམ་གཞན་ཡོད་པ་གཅོད་པར་ཞུ་བ་
4-2-467b


པོ་ཡང༌། ཟླ་གྲགས་ལ་བྱ་དགོས་པར་འགྱུར་བས་ཤིན་ཏུ་མ་འབྲེལ་བར་འགྱུར་བའི་ཕྱིར་དང༌། སྤྱོད་བསྡུས་ལས་ཀྱང༌། བསྟན་བཅོས་མཛད་པ་པོ་ལ་སློབ་མས་དྲི་བའི་ཚུལ་དུ་མཛད་པའི་དྲི་བ་འདི་འདྲའི་རིགས་མང་དུ་འབྱུང་བ་དང་འདྲ་བས། འགྲེལ་པ་མཛད་པ་པོའི་བཀའ་དྲིན་གྱིས་རྒྱུད་དོན་ལ་ཐེ་ཚོམ་ཆོད་ཀྱང༌།
ཐེ་ཚོམ་གཞན་ཞིག་ཡོད་པ་ཞུ་ཞེས་ཟླ་བའི་སློབ་མས་འདྲི་བའི་ཚུལ་ཡིན་པའི་ཕྱིར་རོ། །༽ཟླ་བའི་གྱི་ཞལ་སྔ་ནས་ཀྱིས། རྒྱུད་དོན་རྒྱ་ཆེར་འགྲེལ་གྱིས་བཤད་པའི་བཀའ་དྲིན་གྱིས་རྩ་རྒྱུད་ཀྱི་བརྗོད་བྱའི་དོན་རིམ་གཉིས་དང་རྒྱུད་འཆད་པའི་ཚུལ་
མཐའ་དྲུག་དང་ཚུལ་བཞི་དང་འཆད་ཚུལ་དེས་བཤད་པའི་དོན་གྱི་གཙོ་བོ་ཆོས་ཉིད་དེ་ཁོ་ན་ཉིད་ཟུང་འཇུག་ལ་སོམ་ཉི་སྟེ་ཐེ་ཚོམ་དང་བྲལ་མོད་ཀྱི། སྟེ་ཀྱང༌། ད་དུང་སོམ་ཉི་གཞན་འགའ་ཞིག་བདག་ལ་ཡོད་དེ། དེ་ཁྱེད་ལ་ཞུ་ཞེས་པའོ། །ཞུ་བ་དེ་ནི་རྩ་རྒྱུད་
མཐའ་དྲུག་གི་སྒོ་ནས་བཤད་དགོས་པ་ལ་རྒྱབ་ཀྱིས་ཕྱོགས་པ་སྟེ་དེ་ལྟར་ལེགས་པར་འཆད་མི་ཤེས་པའི་སྔགས་པ་རྣམས། སྒྲ་ཇི་བཞིན་དུ་གསུངས་པའི་ཚིག་ལ་སྟེ་རྩ་རྒྱུད་ཀྱི་སྒྲས་ཟིན་གྱི་དོན་བཤད་པ་ཙམ་ལ་བརྟེན་ཏེ། རང་རང་གི་
སློབ་དཔོན་གྱི་མན་ངག་གིས་ཟླ་བ་དང་ཉི་མ་སོགས་ཀྱི་མངོན་པར་བྱང་ཆུབ་པ་རྣམ་པ་ལྔའི་རིམ་པས་ཡོངས་སུ་ནས་སློབ་པ་དང་ཞེས་སྦྱར་རོ་དང༌། དེ་བཞིན་དུ་སྦྱར་ཏེ་ཟླ་བ་དང་ས་བོན་དང་རྡོ་རྗེའི་རིམ་པའམ། ༼པ་ཚབ་ཀྱིས་ཟླ་བ་དང་རྡོ་རྗེའི་རིམ་པས་
སྲིད་པ་འབྱུང་བ། ཞེས་བསྒྱུར་ཡང༌། འགྱུར་རྙིང་དང་ཆག་གིའམ་ཞེས་བསྒྱུར་བ་དག་སྟེ། རྡོར་སེམས་ཀྱི་སྒྲུབ་ཐབས་ལས། རྡོ་རྗེ་སློབ་དཔོན་ཁ་ཅིག་ཟླ་བ་དང་རྡོ་རྗེའི་རིམ་པས་རྡོ་རྗེ་སེམས་དཔའ་རྫོགས་པར་རྟོག་གོ། ཁ་ཅིག་ནི་སྲིད་པ་སྐྱེ་བའི་རིམ་པས་སོ། །ཞེས་དེ་གཉིས་ལུགས་སོ་སོར་བཤད་
4-2-468a


པའི་ཕྱིར་རོ། ༽འཆི་སྲིད་དང་བར་སྲིད་དང་སྐྱེ་བའི་སྲིད་པ་གསུམ་འབྱུང་བ་དང་མཐུན་པར་སྐྱེད་པའི་རིམ་གྱིས་ཡོངས་སུ་བརྟགས་པའི་ལྷའི་རྣལ་འབྱོར་ལ་སློབ་པ་དང༌། ༼འདིར་སློབ་པ་དང་ཞེས་པ་དང༌། སློབ་པ་སྟེ་ཞེས་འབྱུང་ཡང༌། 
ལྷའི་རྣལ་འབྱོར་ལ་གོམས་པར་བྱེད་མོད་ཀྱི་ཞེས་འབྱུང་བ་ལེགས་ཏེ། དེ་ལྟར་བྱེད་མོད་ཀྱང་མཐའ་དྲུག་གི་སྒོ་ནས་མ་བཤད་པའི་གནད་ཀྱིས་ཟུང་འཇུག་གི་གནད་མི་རྙེད་ཅེས་པའི་དོན་ཡིན་པའི་ཕྱིར་རོ།། ༈ ཡོངས་སུ་དག་པའི་ལྷའི་རྣལ་འབྱོར་ཟུང་དུ་འཇུག་པ་ཡང་
བདེན་པར་འཛིན་པའི་རྟོག་པ་ཐམས་ཅད་ལས་འདས་པ་སྟེ་ཟད་པར་སྤངས་པ་ལམ་འདིའི་རྣལ་འབྱོར་པ་ཟུང་འཇུག་ཐོབ་པ་སོ་སོ་རང་གིས་མངོན་སུམ་དུ་རིག་པ། དེའི་རང་གི་ངོ་བོ་དང་སྒྲུབ་ཚུལ་མཐའ་དག་པ་ནི་སངས་རྒྱས་རྣམས་ཀྱི་སྤྱོད་ཡུལ་དུ་གྱུར་པ་ནོར་བུ་རིན་
པོ་ཆེ་སྣོད་གང་གི་ནང་དུ་འཇོག་པའི་སྣོད་ལ་རིན་པོ་ཆེའི་ཟ་མ་ཏོག་ཅེས་ཟེར་བས་སྒྲུབ་པ་པོའི་ཕུང་པོ་རིན་པོ་ཆེའི་ཟ་མ་ཏོག་དང་འདྲ་བའི་གི་ནང་ན་ཡེ་ཤེས་སེམས་དཔའི་ཚུལ་གྱིས་གནས་པ། ཡོད་པ་སྲིད་པའི་མཐའ་དང་མེད་པ་ཞི་རྐྱང་གི་མཐའི་ཕྱོགས་གཉིས་
དང་བྲལ་བ། རྒྱུད་ཀྱི་ཡི་གེ་སྟེ་ཚིག་ཟིན་ཙམ་གྱི་དོན་བཤད་པའི་རྗེས་སུ་འབྲང་བ་རྣམས་དང༌། རྒྱུད་མཐའ་དྲུག་གིས་འཆད་པའི་མན་༼སྟེ་ཀླུ་བྱང་གིས་ཀྱང་ཡང་དག་མགོན་པོས་དེ་ཉིད་ནི། །འབད་པས་སྦས་ནས་ཕུང་པོ་ཡི། །རིན་ཆེན་ཟ་མ་ཏོག་ཏུ་བཞག། ཅེས་གསུངས་སོ། །
༽ངག་མེད་པ་རྟོག་གེ་བ་རྣམས་ཀྱིས་ཇི་ཙམ་བརྟགས་ཤིང་དཔྱད་པའི་ཡུལ་མ་ཡིན་པ། རྩ་རྒྱུད་མཐའ་དྲུག་དང་ཚུལ་བཞིས་བཤད་རྒྱུད་ལ་བརྟེན་ནས་ལེགས་པར་འཆད་པའི་བླ་མའི་མན་ངག་འབའ་ཞིག་ལས་ཤེས་པར་བྱ་བ་སྟེ།། ༈ སྔར་བཤད་པའི་ཁྱད་པར་
4-2-468b


བདུན་དང་ལྡན་པ་འདི་ལྟ་བུའི་ལྷའི་དེ་ཁོ་ན་ཉིད་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ཤིང༌། ཕྱག་ན་རྡོ་རྗེ་ལ་སོགས་པ་སྡུད་པ་པོ་རྣམས་ཀྱང༌། འཇིག་རྟེན་འདིར་གདུལ་བྱའི་སྣང་ངོར་མེད་པར་གྱུར་པའི་ཕྱི་མའི་དུས་ན། སངས་རྒྱས་ཀྱིས་
ཡང་དག་པར་བཤད་པ་འདི་རྒྱུན་མི་འཆད་པར་སུ་ཞིག་གིས་སྟོན་པར་འགྱུར། ༼ཞེས་ཞུས་སོ། །རྩ་རྒྱུད་ལ་དོན་ཟབ་མོ་དུ་མ་ཞིག་ཡོད་ཀྱང་སྒྲས་ཟིན་ཙམ་གྱི་བཤད་པ་ལ་བརྟེན་ན། དག་པའི་སྒྱུ་མ་ཟུང་འཇུག་མི་རྙེད་པ་དང་། དེ་ཉིད་མ་འོངས་པ་ན་སུས་སྟོན་འདྲི་བ་ནི། རླུང་
སེམས་གཉིས་ཙམ་ལས་བསྒྲུབས་པའི་སྒྱུ་མའི་སྐུ་འོད་གསལ་དུ་ཞུགས་པའི་འོད་གསལ་གྱི་རླུང་སེམས་གཉིས་ཙམ་ལས་དག་པའི་སྒྱུ་མའི་སྐུར་འཁྲུངས་པའི་སྒྱུ་ལུས་དང༌། ལྷན་སྐྱེས་ཀྱི་བདེ་བ་ཆེན་པོས་དེ་ཁོ་ན་ཉིད་མངོན་སུམ་དུ་རྟོགས་པའི་འོད་གསལ་གཉིས་ངོ་བོ་གཅིག་ཏུ་སྦྱོར་བའི་ཟུང་
འཇུག་ནི་རྟོགས་དཀའ་བའི་མཐར་ཐུག་པ་ཡིན་པས་དེ་ཉིད་སུས་སྟོན་ཞུས་པ་ཡིན་ཏེ། འདིའི་མཐའ་གཅོད་པ་གཞན་དུ་བཤད་པ་ལས་ཤེས་པར་བྱའོ། །༽གདུལ་བྱའི་སེམས་ཅན་རྣམས་ཀྱི་རྒྱུད་ལ་རྒྱུན་མི་འཆད་པར་ཇི་ལྟར་འཇུག་པར་འགྱུར། །
༈ དྲི་བ་དེའི་ལན་སྨྲས་པ་མ་འོངས་པའི་དོན་འདི་ནི། ལང་ཀར་གཤེགས་པའི་མདོ་ལས། དེ་བཞིན་གཤེགས་པ་ལ་མཚན་གཞན་བྱང་ཆུབ་སེམས་དཔའ་བློ་གྲོས་ཆེན་པོ་དོན་བྱང་ཆུབ་སེམས་དཔའ་འཇམ་དཔལ་གྱིས་ཞུས་པ་དེ་
འདིར་བསྟན་པར་བྱ་སྟེ། མན་ངག་དམ་པ་མེད་པའི་རྟོག་གེ་རྣམས་ཀྱི་ཡུལ་མིན་པ། །འཕགས་པ་སོ་སོ་རང་གིས་རིག་པའི་ཡེ་ཤེས་ནི། །ཕྱི་མའི་དུས་སུ་གྱུར་པ་ན། །མགོན་པོ་ཞེས་བོས་ནས་གང་ཟག་སུ་ཞིག་གིས་
4-2-469a


འཛིན་པ་དང་སྟོན་པར་འགྱུར་བ་གསུངས། །བདེ་གཤེགས་མྱ་ངན་འདས་པའི་འོག། ཏུ། ལོ་བཞི་བརྒྱའི་དུས་དག་འདས་ནས་འབྱུང་བ་ནི། །གང་ཞིག་རྒྱལ་བའི་བསྟན་པའི་སྙིང་པོ་འཛིན་པར་འགྱུར་བ་དེ་
ནི་ཏེ། །བདག་གིས་བཤད་ཀྱི་བློ་གྲོས་ཆེན་པོ་ཁྱོད་ཀྱིས་ཤེས་༼ཤིག་ཅེས་ཞུས་ཏེ་ཚིག་རྐང་གོང་མ་གཉིས་ཀྱིས་འདྲི་བ་ན། དེ་ཁོ་ན་ཉིད་ཀྱི་དོན་མཐར་ཐུག་པའི་ལྟ་བ་དང༌། སྔར་བཤད་པའི་ཟུང་འཇུག་གཉིས་ཀ་ལ་བསམས་ནས་དྲིས་སོ། །༽པར་བྱོས། །
ཤིག། རྒྱ་གར་གྱི་ལྷོ་ཕྱོགས་བཱཻ་དར་བ་ཞེས་པ་འཇག་མ་སྐྱེ་བའི་ཡུལ་དུ་ནི། །རྟེན་དགེ་སློང་དཔལ་ལྡན་ཞེས་བྱ་བ། །དེའི་མིང་འཇིག་རྟེན་ན་ཀླུ་ཞེས་བོད་པ་སྟེ། །གང་དུ་བཟུང་ན་ཕུང་བར་འགྱུར་བའི་ཡོད་པ་དང་མེད་པའི་ཕྱོགས་ཏེ་
མཐའ་གཉིས་འཇིག་པ། །སྟེ་སྤངས་པའི། ང་ཡི་བསྟན་པ་འཇིག་རྟེན་འདིར། །བླ་སྟེ་གོང་ན་མེད་པའི་ཐེག་ཆེན་གྱི་ལམ་མཐར་ཐུག་པ་འཇིག་རྟེན་༼ཞེས་པའམ་དེའི་མིང་ཡང་ན་ཀླུ་སྒྲུབ་སྟེ་ཞེས་པ་ལྟར་རོ། །༽འདིར་རབ་ཏུ་སྟེ་གསལ་
བར་བཤད་ནས། །རབ་ཏུ་དགའ་བའི་ས་བསྒྲུབས་ཏེ། །བདེ་བཅན་དུ་དེ་འགྲོའོ།། ༈ ཞེས་ལུང་བསྟན་པའི་རིམ་པ་འདིས་ན། དེ་བཞིན་གཤེགས་པ་ཡོངས་སུ་མྱ་ངན་ལས་འདས་ཤིང་སྡུད་པ་པོ་རྣམས་མི་བཞུགས་ཀྱང༌། ༼
ཅེས་པ་ནི་མདོ་སྡེ་དང་རྒྱུད་སྡེའི་ཕྱོགས་གཉིས་ཀ་ལ་དགོངས་ནས་གསུངས་པའོ། །༽ཇི་སྲིད་དུ་འཇིག་རྟེན་དུ་དམ་པའི་ཆོས་གནས་པ་དེ་སྲིད་ཀྱི་བར་དུ། བླ་མེད་ཀྱི་རྡོ་རྗེ་ཐེག་པ་ལ་རྣལ་འབྱོར་ཆེན་པོའི་རྒྱུད་འདུས་པའི་ཀྱི་
4-2-469b


ལུང་ལ་བརྟེན་ནས་བསྐྱེད་པའི་རིམ་པའི་གོ་རིམ་གྱིས་རྫོགས་པའི་རིམ་པ་རྟོགས་པར་བྱ་བའི་ཚུལ་ནི། འདི་དྲི་བ་དང་པོའི་ལན་ནོ། །སློབ་དཔོན་ཆེན་པོ་ཀླུ་སྒྲུབ་ཀྱི་ཞལ་སྔ་ནས་བརྩམས་པ་སྟེ་ཉེ་བར་བཟུང་ནས་ཕས་བསགས་པའི་ཏེ་གཏེར་ལ་བུ་
བརྒྱུད་ཀྱིས་ལོངས་སྤྱོད་པ་དང་འདྲ་བར། སློབ་དཔོན་རྣམས་གཅིག་ནས་གཅིག་ཏུ་བརྒྱུད་པའི་རིམ་གྱིས་རང་རང་གི་བླ་མའི་ཞལ་ནས། གསང་བ་འདུས་པ་པ་རྣམས་ཀྱིས་ཚེ་འདི་ཉིད་ལ་སངས་རྒྱས་ཉིད་དུ་འགྱུར་བའི་གང་ཟག་གི་རྒྱུད་ལ་
འཇུག་ཅིང་འཕོའོ།། ༈ དེ་ལྟར་ལུང་བསྟན་པའི་སློབ་དཔོན་ཆེན་པོ་དཔལ་ཀླུ་སྒྲུབ་ཀྱི་ཞལ་སྔ་ནས་ཀྱིས་ཉིད་ཀྱི་བཞེད་པའི་དོན་མཐར་ཐུག་པ་རྗེས་སུ་བརྙེས་ནས། གཞན་གྱི་དོན་རྗེས་སུ་སྒྲུབ་པའི་ཕྱིར་དུ་འཕགས་པ་མཆོག་གི་སོ་
སོར་རང་གི་རིག་པའི་ཡེ་ཤེས་ཀྱི་ཡུལ་དུ་གྱུར་པ་རྡོ་རྗེ་འཛིན་པ་རྡོ་རྗེ་འཆང་ཆེན་པོ་སྒྲུབ་པའི་ཐབས་སུ་གྱུར་པའི་ཏིང་ངེ་འཛིན་གཏན་ལ་འབེབས་པའི་གཞུང་རིམ་ལྔ་དང་མདོར་བྱས་སོགས་མིའི་འཇིག་རྟེན་དུ་བསྟན་ནས། ལྷ་དང་མིའི་
བདེ་བ་ལས་འདས་ཤིང༌། མུ་སྟེགས་དང་ཉན་ཐོས་དང་རང་སངས་རྒྱས་ཀྱི་བསམ་གཏན་དང༌། སྙོམས་པར་འཇུག་པའི་བདེ་བ་ཐམས་ཅད་ལས་འདས་ནས། སྲིད་པར་སྐྱེ་བ་དང་འགག་པ་སྟེ་འཆི་བ་དང་བྲལ་བའི་དེ་བཞིན་
གཤེགས་པའི་སྐུ། མཚན་དཔེའི་རྣམ་པ་ཐམས་ཅད་ཀྱི་མཆོག་དང་ལྡན་པ། སྐུ་བལྟ་བས་ཆོག་མི་ཤེས་པ་སྟོབས་བཅུ་དང་མི་འཇིགས་པ་ལ་སོགས་པ། སངས་རྒྱས་ཀྱི་ཡོན་ཏན་རྣམས་ཀྱིས་བརྒྱན་པ་བརྙེས་ནས། བདེ་བ་ཅན་དུ་
4-2-470a


གཤེགས་ཏེ། སྐུ་ཡི་དབང་ཕྱུག་ལ་སོགས་པའི་ཡོན་ཏན་གྱི་དབང་ཕྱུག་བརྒྱད་དང་ལྡན་པས་བཞུགས་སོ། །༼འོ་ན་ལང་གཤེགས་ལས། ས་དང་པོ་བསྒྲུབས་ཏེ་བདེ་བ་ཅན་དུ་གཤེགས། ཞེས་པ་དང༌། འདིར་མངོན་པར་རྫོགས་
པར་སངས་རྒྱས་ནས་བདེ་བ་ཅན་དུ་གཤེགས་པར་བཤད་པ་གཉིས་འགལ་ལོ་སྙམ་ན། མི་འགལ་སྟེ། ཀུན་དགའ་བོ་མདོ་སྡེའི་ཕྱོགས་སུ་རྒྱུན་ཞུགས་སུ་བཤད་ལ། ཐམས་ཅད་གསང་བའི་རྒྱུད་ལས། ཀུན་ཏུ་བཟང་པོར་བཤད་པ་བཞིན་དུ་གདུལ་བྱའི་དགོས་པའི་དབང་དང༌། ཐེག་པ་ཕྱོགས་རེ་བའི་
དབང་དུ་བྱས་ནས་གསུངས་པའི་ཕྱིར་རོ། །སྤྲིན་ཆེན་ལས། མཐར་རབ་ཏུ་དང་བའི་འོད་ཅེས་བྱ་བའི་ཞིང་དུ་མཐར་འཚང་རྒྱ་བར་གསུངས་པ་དང་ཡང་མི་འགལ་ཏེ། ཤཱཀྱའི་རྒྱལ་པོ་ཚེ་ལོ་བརྒྱ་པའི་དུས་སུ་སངས་རྒྱས་པར་གསུངས་པ་དང༌། སྔོན་བསྐལ་པ་དུ་མའི་སྔོན་དུ་སངས་རྒྱས་པར་
གསུངས་པ་གཉིས་མི་འགལ་བ་དང་འདྲ་བའི་ཕྱིར་རོ།། ༈ དེ་ལྟར་ལུང་བསྟན་པ་དང་ལུང་མ་བསྟན་པ་གང་ཡིན་ནམ་སྙམ་པའི་ཐེ་ཚོམ་གྱི་རྣམ་པར་རྟོག་པ་བསལ་ལ། བཤད་པ་ཡང་དག་པ་དང་ལྟར་སྣང་བའི་ངོ་བོ་ཉིད་ལེགས་
པར་ཤེས་པས་མཐའ་དྲུག་གི་སྒོ་ནས་བཤད་པའི་ཕྱོགས་འདི་དང་སྒྲས་ཟིན་གྱི་དོན་ཙམ་གྱི་ཕ་རོལ་གྱི་གྲུབ་པའི་མཐའ་སྟེ་ལུགས་གཉིས་ཀྱི་ཁྱད་པར་གཉིས་ལེགས་པར་ངེས་པར་བྱའོ།། ༈ ་ནི་རྒྱུད་ཀྱི་གཞུང་ཉེ་བར་སྡུད་
པར་བྱེད་དེ། འདི་སྐད་བདག་གིས་ཐོས་པ་ཞེས་བྱ་བ་ལ་སོགས་པ། རྒྱུད་མ་ལུས་པར་རྒྱན་རྣམ་པ་བདུན་དང༌། ༼བདུན་བཤད་པའི་ཟེར། ༽བཤད་པའི་ཚུལ་གྱིས་སྟོན་པ་ལ་ཐོས་ནས། ༼རྩ་རྒྱུད་ལས། རྒྱན་བདུན་གྱི་བཤད་པ་
4-2-470b


དངོས་སུ་མེད་ཀྱང་སྡུད་པ་པོས་རྒྱན་བདུན་གྱི་བཤད་པ་འཇུག་པར་མཁྱེན་པའོ། །༽དོན་དང་ཚུལ་དང་ཆོས་ཉིད་ཁོང་དུ་ཆུད་དེ། རིམ་པ་གཉིས་ཀྱི་མན་ངག་སྦྱིན་པ་སྔོན་དུ་འགྲོ་བས། རྒྱུད་སྡུད་པའི་དུས་ཀྱི་ཉན་པ་པོ་རྣམས་ལ་ཡང་དག་པར་བཤད་དེ། 
སྡུད་པར་བརྩམས་པའི་དོན་ཡོངས་སུ་རྫོགས་ནས། བདག་ཉིད་ཀྱིས་སྡུད་པར་དམ་བཅས་པའི་བསམ་པ་ཡོངས་སུ་རྫོགས་པར་སྟོན་པ་ནི། སྡུད་པར་བྱེད་པས་དེ་སྐད་ཅེས་བཀའ་སྩལ་ཏོ། །ཞེས་བྱ་བ་སྨྲས་ཏེ། གསང་བ་འདུས་པའི་རྒྱུད་
འདི་དེ་སྐད་ཅེས་བཀའ་སྩལ་པ་སྟེ། རྡོ་རྗེ་འཆང་ཆེན་པོ་བདེ་བ་ཆེན་པོས་རབ་ཏུ་བསྟན་པའོ།། ༈ དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་རྡོ་རྗེ་གསུམ་གཙོ་བོར་བྱས་ནས་གཅིག་ཏུ་ཞུགས་པ་
སྟེ། དེ་ཡང་རྒྱུད་གང་དུ་གསང་བ་གསུམ་པོ་རྣམས་ཀྱི་འདུས་པ་ནི་དེ་གསུམ་ཚོགས་པ་སྟེ། གསང་བ་འདུས་པའི་རྒྱུད་ཀྱི་རྒྱལ་པོ་དེར་དེ་བཞིན་གཤེགས་པ་ཐམས་ཅད་ཀྱི་དམ་ཚིག་དང༌། སྡོམ་པ་རྡོ་རྗེ་བྱིན་གྱིས་བརླབས་ཀྱི་རྒྱལ་པོ་
ཞེས་བྱ་བའི་ལེའུ་ཞེས་བྱ་བ་ལ། དེ་བཞིན་གཤེགས་པ་ཐམས་ཅད་ནི་རྣམ་པར་སྣང་མཛད་ལ་སོགས་པའི་རིགས་ལྔའོ། །རིགས་ལྔ་པོ་དེ་རྣམས་ཀྱི་དམ་ཚིག་ནི་ཉམས་སུ་བླང་བར་བྱ་བའི་དོན་བསྲུང་བ་དང་ལ་སོགས་པས་བཟའ་བ་
དང་བསྟེན་པའི་དམ་ཚིག་རིགས་ལྔས་བསྡུས་པའི་དམ་ཚིག་ལྔའོ། །སྡོམ་པ་ནི་ཉམས་སུ་བླང་བྱའི་དོན་དེ་ལ་ནན་ཏན་དུ་སྒྲུབ་པ་སྟེ། དེ་བཞིན་གཤེགས་པའི་རིགས་ལ་སོགས་པ་ལྔས་བསྡུས་པའི་སྡོམ་པ་ལྔའོ། །༼གཉིས་པོ་དེ་ནི་ཟེར། ༽དེ་ནི་དམ་
4-2-471a


ཚིག་དང་སྡོམ་པ་གཉིས་པོ་སུ་མེད་ཅིང་འདའ་བར་བྱ་བ་མ་ཡིན་པས་ན་རྡོ་རྗེ་སྟེ་མི་ཕྱེད་པར་བྱ་བའོ། །དམ་ཚིག་དང་སྡོམ་པ་དེའི་བྱིན་གྱིས་བརླབས་ཀྱི་རྒྱལ་པོ་རྡོ་རྗེ་ནི་རྡོ་རྗེ་འཆང་ཆེན་པོའོ། །དེའི་མཚན་གྱི་རྣམ་གྲངས་ནི་རྡོ་རྗེའི་
རིགས་ལ་སོགས་པའི་རིགས་ཐམས་ཅད་ཀྱི་བདག་ཉིད་ཅན། ཐོག་མ་དང་ཐ་མའི་མཚམས་གཟུང་དུ་མེད་པ་དང་པོའི་སངས་རྒྱས། རིག་པ་ཆེན་པོའི་སྐྱེས་བུའི་གཟུགས། །༼རྡོ་རྗེ་ཞེས་པ་འདི་རྒྱུད་ལ་མེད་དོ། །༽ཡེ་ཤེས་ཀྱི་སྐུ། རང་བཞིན་གྱིས་
འོད་གསལ་བའི་བདག་ཉིད་ཅན། ས་གསུམ་གྱི་འཇིག་རྟེན་གསུམ་གྱི་བདག་ཉིད་ཅན། སྐུ་གསུམ་གྱི་བདག་ཉིད་ཅན། ཐེག་པ་གསུམ་གྱི་བདག་ཉིད་ཅན། འདས་པ་ལ་སོགས་པའི་དུས་གསུམ་གྱི་བདག་ཉིད་ཅན། རྡོ་རྗེ་གསུམ་གྱི་བདག་ཉིད་ཅན། 
བདེན་པ་གཉིས་ཀྱི་བདག་ཉིད་ཅན། ཞེས་བྱ་བ་ལ་སོགས་པ་དེ་བཞིན་གཤེགས་པ་དྲུག་པའི་མཚན་གྱི་རྣམ་གྲངས་མཐའ་ཡས་ཏེ། དམ་ཚིག་དང་སྡོམ་པ་དང་དེ་བྱིན་གྱིས་བརླབ་པ་དེ་སྟོན་པའི་གཞུང་བསྡུས་པ་མ་ལུས་པ་ནི། སྔ་མ་ལེའུ་དང་པོར་
བཤད་པ་བཞིན་དུ་གོས་དང་འདྲ་བའི་ཕྱིར་ན་ལེའུ་ཞེས་བྱའོ།། ༈ བདེ་བར་གཤེགས་པ་རྡོ་རྗེ་འཆང་གི་གསུང་དོན་ཤིན་ཏུ་ཕྲ་བ་སྟེ་རྟོགས་པར་དཀའ་བའི་རྣལ་འབྱོར་གྱི་རྒྱུད། དཔལ་འདུས་པའི་དོན་རྣམས་མཐའ་དྲུག་
གི་བཤད་པ་དང་བྲལ་བར་བཤད་ཀྱང་ངེས་པར་རྟོགས་པར་ནུས་སོ་ཞེས་གང་སྨྲ་བ། དེས་ནི་འདུས་པའི་དོན་ཟབ་མོ་རྣམས་ཀྱི་དེ་ཉིད་བློས་མཐོང་བ་སྟེ་རྟོགས་པ་མིན་གྱི་རྒྱུད་ཀྱི་ཡི་གེ་སྟེ་ཚིག་ཟིན་ཙམ་གྱི་དོན་བལྟ་
4-2-471b


བ་སྟེ། རྟོགས་པ་ལ་བདག་གིས་འདུས་པའི་དོན་ཀུན་ཤེས་སོ་སྙམ་དུ་འཛིན་པ་ཙམ་ཡིན་ཏེ། དཔེར་ན་བྱིས་པ་ཆུང་ངུ་ལ་རྒན་པོས་ཟླ་བ་ལྟ་བ་སྟེ་བསྟན་པར་འདོད་ནས་སོར་མོ་མིག་སྔར་བཞག་སྟེ་རིམ་གྱིས་གྱེན་དུ་བཏེག་པ་ན་ཟླ་བ་ལ་མི་བལྟ་བར་སོར་མོ་ཁོ་ནའི་རྩེ་ལ་ལྟ་བ་ན་
སོར་མོས་མཚོན་པར་བྱ་རྒྱུའི་ཟླ་བ་ལ་མི་བལྟ་བར་མཚོན་བྱེད་ཀྱི་སོར་མོ་ལ་བལྟ་བ་དང་མཚུངས་སོ། །༼ཇི་ལྟར་མཚུངས་ན་རྩ་རྒྱུད་ཀྱི་དངོས་ཟིན་གྱི་དོན་ནི་སོར་མོ་དང་འདྲ་བར་མཚོན་བྱེད་དོ། །ཚིག་ཟིན་གྱི་དོན་དེས་མཚོན་པར་བྱ་བའི་ངེས་དོན་ནི་ཟླ་བ་དང་འདྲའོ། །རྡོ་རྗེ་འཆང་གི་ངེས་དོན་དེ་ལྟར་བསྟན་པར་
འདོད་ནས་ཚིག་ཟིན་གྱི་དོན་བསྟན་པ་ནི་རྒན་པོས་ཟླ་བ་བསྟན་པར་འདོད་ནས་སོར་མོས་མིག་ཁྲིད་པ་དང་འདྲ་བས། རྡོ་རྗེ་འཆང་གིས་གདུལ་བྱ་མཆོག་ལ་བསྟན་པར་བཞེད་པའི་སྐབས་དོན་གྱི་གཙོ་བོ་མི་རྙེད་པས་ངལ་བ་འབྲས་མེད་དུ་འགྲོའོ།། ༈ གཞན་ཡང་རྒྱལ་བ་སྐྱེས་
མཆོག་རྣམས་ཀྱིས་ཡེ་ཤེས་རྡོ་རྗེ་ཀུན་ལས་བཏུས་པ་སོགས་ལས་རྣམ་པར་བཤད་པའི་མཐའ་དྲུག་གི་བཤད་སྲོལ་གྱི་ལམ་གང་ཡིན་པ། །གང་ཞིག་གིས་འདུས་པའི་རྩ་རྒྱུད་འདི་དང་འདི་དང་འདྲ་བའི་རྒྱུད་ཀྱི་ཚུལ་གཞན་མ་ལུས་
པ་རྣམ་པར་འབྱེད་པར་བྱེད་པས་རྒྱུད་ཀྱི་མཐར་ཐུག་འདུས་པ་བཤད་པར་བྱས་པས། །ཟླ་བའི་ཞབས་བདག་གིས་དགེ་བ་གང་ཐོབ་པ་དེས་ནི་སྒྲོན་མ་འབར་བའམ། གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་
འདིའི་བཤད་པ་འཇིག་རྟེན་ན་རིང་དུ་གནས་ཤིང༌། །ཟག་པ་མེད་པའི་བདེ་བ་དམ་པའི་གནས་ཏེ་གོ་འཕང་མཆོག་གི་ཟླ་བའི་དཀྱིལ་འཁོར་རྫོགས་ལ་གསལ་བ་ལྟ་བུའི་བློ་དང་འགྲོ་བ་རྣམས་ནི་ལྡན་པར་ཤོག་ཅིག་
4-2-472a


པའོ།། ༈ སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས། ལེའུ་བཅུ་བདུན་པ་མཐའ་དྲུག་གིས་བཤད་པའོ།། ༈ དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་
ཀྱི་གསང་བ་འདུས་པའི་༼འགྲེལ་པ་བརྩམས་པའི་དགེ་བ་སྒྲོན་གསལ་གྱི་བཤད་པ་རིང་དུ་གནས་པའི་དོན་དུ་བསྔོ་བ་མཛད་པས་ན། གསང་བ་འདུས་པ་འཕགས་པ་ཡབ་སྲས་ཀྱི་ལུགས་སུ་རྒྱུད་འཆད་པ་རྣམས་ཀྱིས། འགྲེལ་པའི་མཆོག་འདི་ཉིད་ཀྱི་སྟེང་ནས། འཇིག་རྟེན་གསུམ་
གྱི་རིན་པོ་ཆེ་གཅིག་པུ་དཔལ་གསང་བ་འདུས་པའི་དོན་རྣམས་ཕྱོགས་དུས་ཀུན་ཏུ་རྒྱས་པར་བྱའོ། །༽རྒྱ་ཆེར་བཤད་པ། སྒྲོན་མ་གསལ་བར་བྱེད་པ་ཞེས་བྱ་བ་སློབ་དཔོན་ཆེན་པོ་ནཱ་གཱ་རྫུ་ནའི་མན་ངག་ལ་བརྟེན་ཏེ། སློབ་དཔོན་ཟླ་བ་གྲགས་པས་མཛད་
པ་རྫོགས་སོ། །། །།། ༈ རྒྱ་གར་གྱི་མཁན་པོ་ཤྲཱ་དྷཱ་ཀ་ར་ཝརྨ་དད་བྱེད་གོ་ཆ་དང༌། ཞུ་ཆེན་གྱི་ལོ་ཙྪ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ། རྒྱ་གར་གྱི་མཁན་པོ་ཤྲཱི་
དཔལ་ཛྙཱ་ནཱ་ཡེ་ཤེས་ཀ་ར་བྱེད་པ་པས་བཤད་ནས། བོད་ཀྱི་ཞུ་ཆེན་གྱི་ལོ་ཙྪ་བ་འགོས་ལྷས་བཙས་ཀྱིས་ཞུ་གཏུགས་གཡར་ཁྲལ་འཚལ་བའོ། །ཡང་སླད་ཀྱིས་རྒྱ་གར་གྱི་པཎྜི་ཏ་ཆེན་པོ་ནག་པོའི་ཞལ་སྔ་ནས་ཀྱིས་བཤད་༼
ཤྲཱི་ཛྙཱ་ན་ཀ་ར་པཱ་ལས་བཤད་ནས་ཟེར་བ་ལྟར་ན། དཔལ་ཡེ་ཤེས་སྐྱོང་བར་བྱེད་པའོ། །༽ནས། བོད་ཀྱི་ལོ་ཙྪ་བ་འགོས་ལྷས་བཙས་ཀྱིས་ཡུལ་དབུས་ཀྱི་དཔེ་དང་གཏུགས་ཏེ་བཅོས་པའོ། །རྗེ་རིན་པོ་ཆེ་འགོས་ཀྱིས་དང་
4-2-472b


པོར་ལོ་ཆེན་གྱིས་བསྒྱུར་བའི་སྒྲོན་གསལ་ལ་བཤད་པ་མང་དུ་མཛད། དེའི་རྗེས་སུ་ཁོང་རང་གིས་ཛྙཱ་ནཱ་ཀ་ར་ལ་བརྟེན་ནས་འགྱུར་བཅོས་མཛད་པ་ལ་བཤད་པ་མང་དུ་མཛད། དེའི་རྗེས་སུ་ཁོང་རང་གིས་ནག་པོ་དམ་ཚིག་རྡོ་རྗེ་ལ་བརྟེན་ནས་འགྱུར་བཅོས་
མཛད་པའི་སྒྲོན་གསལ་ལ་བཤད་པ་མང་དུ་མཛད་པའི་གནད་ཀྱིས། འགོས་འགྱུར་རང་ལའང་དཔེ་མི་མཐུན་པ་མང་དུ་ཡོད་ནའང་། འགྱུར་རིམ་པ་གསུམ་པ་དག་པར་བླ་མ་གོང་མ་རྣམས་མཛད་པར་འདུག་པས། འགྱུར་གསུམ་པ་ལ་གཞི་བྱས་ནས་
འགོས་འགྱུར་གྱི་སྒྲོན་གསལ་མང་དུ་བསགས་ཏེ། དོན་ལ་ཞིབ་ཏུ་དཔྱད་ཅིང་འགོས་འགྱུར་གྱི་ཆ་འགའ་ཞིག་མི་བཅོས་སུ་མི་རུང་བ་རྣམས་ལ། འགྱུར་གསར་པས་སྐྱེད་ཐོན་པ་རྣམས་འགྱུར་མཆན་དུ་བཀོད་པའི་ཞུས་དག་ཡིད་ཆེས་པའི་གནས་སུ་
རུང་བར། དཔལ་གསང་བ་འདུས་པའི་རྣལ་འབྱོར་པ་ཤར་ཙོང་ཁ་པ་བློ་བཟང་གྲགས་པའི་དཔལ་གྱིས། འབྲོག་རི་བོ་ཆེ་དགེ་ལྡན་རྣམ་པར་རྒྱལ་བའི་གླིང་དུ་དག་ཏེར་བྱས་པའོ། །། །སརྦ་མངྒ་ལཾ།། 
༈ དོན་མང་གཞུང་ཉུང་ཤིན་ཏུ་གཏིང་དཔག་དཀའ། །རྣམ་མང་བཤད་པའི་རླབས་ཀྱི་འཕྲེང་བས་དཀྲིགས། །དངོས་གྲུབ་གཉིས་ཀྱི་རིན་ཆེན་གཏེར་གྱུར་པ། །དཔལ་ལྡན་འདུས་པ་བདུད་རྩིའི་རྒྱ་མཚོ་ཆེ། །སྦས་དོན་གསལ་བའི་ཀླུ་སྒྲུབ་མན་ངག་གིས། །རྒྱུད་རྒྱལ་གདམས་པར་
ཤར་བའི་ཉམས་ལེན་དང༌། །རིགས་ལམ་ཕྲ་མོ་ཕྱེད་པའི་རྣལ་དཔྱོད་གྱི། །སྲུབ་ཐག་བཟང་པོས་དཀྲིས་པའི་བཤད་རྒྱུད་ཀྱི། །སྲུབ་ཤིང་མཆོག་གིས་ཡང་ཡང་བསྲུབས་པ་ལས། །ཚིག་གི་ཟུར་ཕྱིན་དོན་གྱི་གནད་གསལ་བ། །སྔོན་ཆད་ཕྱོགས་འདིར་མངོན་དུ་མ་གྱུར་པའི། །ཚིག་དོན་བདུད་རྩིས་
4-2-473a


གང་བའི་བུམ་པ་རྙེད། །དེ་ལས་འོངས་པའི་རྣམ་དག་བདུད་རྩིའི་ཆུ། །སྒྲོན་མ་གསལ་བའི་གླེགས་བམ་ངོས་རྣམས་ལ། །ཡི་གེའི་གཟུགས་ཀྱིས་ཆགས་པའི་མཆན་བུ་འདི། །རྣམ་དཔྱོད་ཡངས་པའི་མིག་གི་བདུད་རྩི་འོ། །རབ་འབྱམས་གཞུང་དང་ཁྱད་པར་དུ། །
ཕྱོགས་འདིར་འགྱུར་བའི་འཕགས་སྐོར་དང༌། །ཚུལ་འདིར་སྦྱངས་པ་ཆེ་བ་ཡི། །གངས་ཅན་མཁས་པའི་གཞུང་རྣམས་ལ། །རིང་དུ་ལེགས་པར་སྦྱངས་པའི་མཐར། །བཀོད་པ་ཡིན་མོད་འོན་ཀྱང་ནི། །ཚུར་མཐོང་བློ་མིག་ཞན་པའི་མཐུས། །ཇི་བཞིན་མིན་བཤད་སྙིང་ནས་འཆགས། །
དེར་འབད་པ་ལས་འོངས་པ་ཡི། །ཚོགས་གཉིས་ཤིན་ཏུ་དཀར་བ་རྣམས། །ལམ་བཟང་འདི་དང་མི་འབྲལ་ཞིང༌། །འགྲོ་ཀུན་ལམ་འདིས་བགྲོད་ཕྱིར་བསྔོ། །ཞེས་དཔལ་གསང་བ་འདུས་པ་སྒྲོན་མ་གསལ་བས་བཤད་པའི་མཐའ་གཅོད་ཀྱི་སྤྱི་དོན་ནི་ལོགས་སུ་བཤད་པ་བྱེད་པར་ཡོད་ལ། 
རྩ་འགྲེལ་གྱི་ཚིག་དོན་ཟུར་ཕྱིན་པར་མཆན་གྱིས་གསལ་བར་བཤད་པ་འདི་ནི་མང་དུ་ཐོས་པའི་དགེ་སློང་གསང་བ་འདུས་པའི་རྣལ་འབྱོར་པ་ཤར་ཙོང་ཁ་པ་བློ་བཟང་གྲགས་པའི་དཔལ་གྱིས་འབྲོག་རི་བོ་ཆེ་དགེ་ལྡན་རྣམ་པར་རྒྱལ་བའི་གླིང་དུ་སྦྱར་བའོ། །འདིས་ཀྱང་བསྟན་པ་རིན་པོ་
ཆེ་ཕྱོགས་དུས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པར་བྱེད་ནུས་པར་གྱུར་ཅིག། དུང་ཕྱུར་གཉིས་ལྷག་རྒྱུད་སྡེའི་ཟ་མ་ཏོག། དཔལ་ལྡན་འདུས་པའི་རྒྱུད་རྒྱལ་རིམ་གཉིས་དོན། །མཐའ་དྲུག་ཚུལ་བཞིའི་
རྒྱ་འགྲོལ་བཤད་རྒྱུད་ཀྱི། །མན་ངག་མངོན་གྱུར་བདེ་བའི་མགོན་པོ་དང༌། །ས་ར་ཧ་དང་དཔལ་མགོན་ཀླུ་ཡི་ཞབས། །དངོས་གྲུབ་རིན་ཆེན་གཏེར་གྱུར་ལེགས་བཤད་ཚོགས། །གཅིག་གྱུར་སྒྲོན་མ་གསལ་བའི་དཀའ་བའི་གནས། །
4-2-473b


ལོགས་སུ་འགྲེལ་ཞིང་ཚིག་དོན་མཆན་གྱིས་ནི། །གསལ་བར་བྱེད་པ་འཛིན་མའི་ཁྱོན་ཡངས་པོར། །འཇམ་མགོན་བློ་བཟང་གྲགས་པ་ལས་གཞན་སུ། །དེ་ཕྱིར་བསྟན་པའི་སྙིང་པོ་འདུས་པ་དང༌། །བློ་བཟང་རྒྱལ་བསྟན་སྲིད་མཐར་ཡུན་འཕེལ་ཞིང༌། །
མི་ཟད་ཆོས་སྦྱིན་རྒྱ་ཆེར་སྤེལ་བའི་སྒོ། །འབྱེད་ཕྱིར་ལྷག་པའི་བསམ་པས་འདིར་འབད་དོ། །དེ་ལྟར་ཡིད་རབ་དང་བས་ལུས་ངག་གིས། །ཚུལ་འདིར་བརྩོན་པའི་ལུས་ཅན་མཐའ་དག་ཀྱང༌། །གནས་སྐབས་དུས་ཀྱི་ཆད་པ་ཉེར་ཞི་ནས། །མཐར་
ཐུག་ཟུང་འཇུག་དཔལ་ལ་མྱུར་སྤྱོད་ཤོག། ཁྱད་པར་གནམ་བསྐོས་དགའ་ལྡན་ཕོ་བྲང་གི། ཆོས་དང་སྲིད་ཀྱི་ལེགས་མཛད་སྙན་པའི་གཏམ། །སྲིད་རྩེའི་ཡུལ་སར་བསྒྲེང་པའི་དགའ་སྟོན་ལ། །མཐའ་དག་སྐྱེ་བོས་རྟག་ཏུ་སྤྱོད་པར་ཤོག། 
དེ་ཡི་མཐུ་ལས་རྒྱ་མཚོའི་གོས་ཅན་ཁྱོན། །ཁྱབ་པའི་སྐྱེ་རྒུ་ཕན་ཚུན་བྱམས་སེམས་ལྡན། །ནད་མུག་འཁྲུག་རྩོད་མི་འདོད་གདུང་བ་ཀུན། །ཉེར་ཞི་རྫོགས་ལྡན་དཔལ་ལ་སྤྱོད་པར་ཤོག། ཅེས་རྒྱུད་ཐམས་ཅད་ཀྱི་རྒྱལ་པོ་དཔལ་གསང་བ་འདུས་
པ་ཞེས་ས་གསུམ་གྱི་སྒྲོན་མེ་གཅིག་པུ་པ་དེའི་རྒྱས་འགྲེལ་སྒྲོན་མ་གསལ་བའི་ཚིག་དོན་དཔྱིས་ཕྱིན་པར་མཆན་འགྲེལ་གྱིས་གཏན་ལ་འབེབས་པར་མཛད་པ་འདི་ཉིད། སྔ་སོར་པར་དུ་བརྐོ་འདུན་བགྱིས་པ་དག་གི་ཡང་ཇི་བཞིན་ཐོག་ཏུ་ཁེལ་དཀའ་བ་བྱུང་འདུག་པ་དང༌། ཁྱད་
པར་དུ་འཇམ་མགོན་ཙོང་ཁ་པ་ཆེན་པོས་གསུང་རབ་རྣམས་ཀྱི་ཡང་གཙོ་བོར་གྱུར་པ་དང༌། གོང་མ་ལྔ་པ་ཆེན་པོས་རྗེའི་བཀའ་འབུམ་ཡོངས་རྫོགས་པར་དུ་གནང་རྩིས་ཀྱི་ཐུགས་དགོངས་རྫོགས་ཤིང༌། ཆོས་འདི་དོན་གཉེར་ཅན་མང་པོར་ཕན་ནམ་སྙམ་པས་ཀྱང་ཀུན་ནས་བསླངས་པ་དང༌། ཉེ་ལམ་
4-2-474a


བྱང་རྩེ་ཆོས་རྗེ་དགེ་འདུན་ཕུན་ཚོགས་པའི་ཞལ་སྔ་ནས་ཀྱི་གླེགས་བམ་འདིའི་པར་ཡིག་གི་ཕྱི་མོར་ཞུས་དག་དང༌། པར་པའི་ཡོན་ཐོབ་རྩིས་གཞི་ལྟར་དངུལ་རྐྱང་ཕུལ་ཏེ། སྤྱིར་རྗེ་རིན་པོ་ཆེའི་གསུང་འབུམ་འཕྲོས་རྣམས་དང༌། ཁྱད་པར་སྒྲོན་གསལ་མཆན་བཅས་
གང་མྱུར་དགོས་ཚུལ་ནན་ཆེན་བྱུང་བས་ཀྱང་མཚམས་སྦྱར་ཏེ་པར་དུ་བསྐྲུན་པར་བྱས་ཡོད་པ། སྤྱིར་ན་པར་དུ་མ་འཁོད་པའི་འགྲོ་དོན་ཆེ་བའི་རིགས་ལ་བྲིས་ནོར་རྒྱུན་འབྱམས་དང༌། སོ་སོའི་དཔེ་ཡིན་པར་བསམ་པས་བསམ་ཚོད་སྣ་ཚོགས་བྲིས་པ་ལས་མཆེད་པ་མང་ཞིག་ཡོང་གི་ན་འདུག་
པ་ལྟར་འགྲེལ་མཆན་འདིར་ཡང་སྦྲུལ་ཤད་དང༌། ཀ་རྟགས། མཆན་འཇུག་སོགས་ལ་མི་འདྲ་བ་མང་ཞིག་འདུག་པ་གཞུང་དང་རྒྱལ་མཚན་མཐོན་པོ་གཉིས་ཀྱི་ཕྱག་དཔེ་དང༌། འཆད་ཉན་པ་དག་གི་དཔེ་ཁུངས་བཙུན་གྱིས་མཚོན་འགྲེལ་པ་དང་ཟིན་བྲིས་ཉི་ཤུ་སྐོར་བསགས་ཏེ་ཞུས་དག་ལེགས་
པར་གྲུབ་པ་ལས། མཆན་དངོས་གཞི་དང༌། རྒྱ་སྐད་ཀྱི་རིགས་རྣམས་མཐུན་མིན་བྱུང་བ་རྣམས། འཕགས་འོད་ཡོན་ཏན་རྒྱ་མཚོ། རྗེ་ཤེས་རབ་སེང་གེའི་དངོས་སློབ་བཅས་འགྲེལ་བཤད་རྣམ་ངེས་སོར་བཞག་དུ་བྱས། དཀྱུས་མཆན་རྣམས་དང༌། རྩ་འགྲེལ་གྱི་ཁ་བསྐང་ཕལ་ཆེ་བ་
དཀྱུས་སུ་བཀོད། ཟུར་མཆན་གྱི་རིགས་ཡིག་འཕྲེང་དངོས་གཞིའི་སྟེང་འོག་སོགས་ཅི་རིགས་པ་ནས་བཅུག་ཅིང༌། དེ་ཡང་སྤྱིར་ན་དཀྱུས་མཆན་རྣམས་དཀྱུས་མའི་དོན་དང༌། ཟུར་མཆན་རྣམས་འཕྲོས་དོན་ལས་དཀྱུས་མའི་དོན་མིན་པར་བརྟེན། དཀྱུས་ཟུར་གྱི་མཆན་འཇུག་ཚུལ་ཡང་ཡི་གེའི་
སྲུབས་ལ་བཅུག་པ་དང༌། ཡི་གེ་དང་ཚེག་གི་སྟེང་འོག་ཏུ་འཇུག་པའི་དབྱེ་བ་རྗེ་རིན་པོ་ཆེ་ཉིད་ཀྱིས་གནང་བའི་དོན་བཞིན་དཀྱུས་མཆན་དངོས་གཞི་དཀྱུས་མའི་དོན་དུ་མ་ཟད་ཚིག་གོང་འོག་གཉིས་ཀར་འགྲིག་པ་དགོས་ཤིང༌། ཟུར་མཆན་ལ་ངེས་པ་མེད་རུང༌། རེ་གཉིས་ལ་དོན་དཀྱུས་མཆན་དུ་ཐོབ་པ་འདྲ་
4-2-474b


ཞིག་བྱུང་ཡང༌། དཀྱུས་མཆན་དུ་བྱས་ན་འགྲེལ་པའི་འཇུག་ཡུལ་གོང་འོག་གང་རུང་རེ་མ་འབྲེལ་བ་ཆེན་པོར་གྱུར་པ་དག་ཟུར་མཆན་དུ་བཀོད། ས་བཅད་མཚམས་སྦྲུལ་ཤད་ཡང་འགྲེལ་ཚིག་ལ་འཐེན་ཕྱོགས་ཡོད་པར་བརྟེན། རྣམ་ངེས་དང་བསྡུས་དོན་གྱི་དཔེའི་རིགས་ལ་མི་མཐུན་པ་ཁ་ཤས་འདུག་པ་
དགའ་ལྡན་གྱི་བསྡུས་དོན་པར་རྙིང་སོར་བཞག་ཏུ་བྱས་ཏེ། ཡིད་ཆེས་ཀྱི་གནས་སུ་ལེགས་པར་གྲུབ་ཡོད་པས། ཐོག་མར་པར་གྲུབ་མཚམས་རང་ནས་རྩ་བ་རྣམས་སེར་འབྱེད་དང༌། ཀ་རྟགས་དང༌། འགྱུར་མཆན་དང་སྦྲུལ་ཤད་རྣམས་མཚལ་གྱིས་ཕྱེ་ན་ཤིན་ཏུ་ལེགས་པས་དེ་ལྟར་ཅི་འགྲུབ་བྱ། 
སེར་འབྱེད་ཅིས་ཀྱང་མ་གྲུབ་ནའང་ཀ་རྟགས་དང༌། འགྱུར་མཆན་སྦྲུལ་ཤད་རྣམས་མཚལ་གྱིས་ཕྱེ་བ་ཞིག་བྱུང་ན་གོ་བདེ་ཞིང༌། དང་བ་འདྲེན་པ་སོགས་ལ་ཁྱད་ཆེ་ངེས་སུ་ཡོད་པས་དེ་ལྟར་ཅི་ནས་ཀྱང་མཛད་པ་ཞུ། འདིས་ཀྱང་བསྟན་པའི་སྙིང་པོ་འཇམ་མགོན་བླ་མ་ཙོང་ཁ་པ་ཆེན་པོའི་བསྟན་པ་
ཕྱོགས་དུས་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག། །།སྭ་སྟི། ཟག་མེད་དྲི་བཞོན་འདོ་ཟེར་ལྡ་པའི་གཞུར། །རྣམ་ཀུན་མཆོག་ལྡན་སྟོང་ཉིད་མདའ་སྦྱར་ཏེ། །སྣང་ཞེན་ཕས་རྒོལ་སྙིང་འབུགས་ཨ་རྫུན། །རྒྱུད་སྟོན་བདེ་ཆེན་མགོན་
དེའི་ལེགས་གསུངས་ཕུལ། །མདོ་དོན་སྙིང་པོར་འཁྱིལ་པའི་ཟ་མ་ཏོག། །ཆོས་གཞན་གོང་ན་མེད་པའི་རྒྱུད་ཀུན་རྕེ། །འཇིག་རྟེན་གསུམ་གྱི་རིན་ཆེན་གཅིག་པུ་འདིར། །མཐའ་དྲུག་ཚུལ་བཞིས་བཅིངས་པའི་བཤད་པའི་རྒྱ། །བཤད་རྒྱུད་དྲུག་གི་ཐུར་མས་དབྱེ་
བའི་ཚུལ། །ཀླུ་སྒྲུབ་ཡབ་སྲས་མན་ངག་རྫོགས་པའི་གནད། །གསལ་བྱེད་སྒྲོན་གསལ་མིག་གི་བདུད་རྩིར་གྲུབ། །བསྡུས་དོན་དཀའ་པའི་གནད་ལ་མཐའ་བཅོད་པ། །ཟུར་དུ་སྤེ་ལ་ཞ་ངི་ཚིག་གདོན་བཀའ་མཚན་གྱིས། །ལེགས་བཀལ་སྣང་གཏེར་སྐལ་བཟང་ཡིད་ཀྱི་
4-2-475a


མཁར། །ལུང་རིགས་འགྱོགས་འགྲོས་ཉེར་དྲངས་ཙོང་ཁ་པའི། །ལེགས་པ་བཤད་གྲུ་ཕྱོགས་བསྒྱུར་པའི་བོད་ཆེན་གྲངས། །འཛད་མེད་པར་གྱི་འཁྲུལ་འདེགས་མཆོད་སྦྱིན་སྒོ། །དད་གཏོང་སྙིང་སྟོབས་འཁུར་གྱིས་རྟག་ངལ་
པའི། །དགའ་ལྡན་སྐུ་བཅར་དར་ཧན་འབོད་དེས་ཕྱེ། །དེ་ལས་འོངས་པའི་རྣམ་དཀར་ཟླ་ཟེར་རྡུལ། །མདོ་སྔགས་བསྟན་སྙིང་ཀུནྔས་འཐུང་པའི་རོས། །སྐལ་བཟང་ར་ཡིག་གཉིས་ཚོགས་རྟག་མྱོས་པས། །བཤད་སྒྲུབ་གླུ་དབྱངས་ཕྱོགས་ཀུན་སྙན་
པར་ཤོག། །ཕྱག་ན་པདྨ་ཡབ་སྲས་ཀྱིས་མཚོན་པའི། །བསྟན་འཇིན་དམ་པའི་སྐུ་ཚེ་རྟག་བརྟན་ཅིང་། །རླབས་ཆེན་མཛད་འཕྲིན་འཛིན་མའི་མཐར་གདལ་པས། །དུས་མཐར་ཕན་བདེའི་གཞི་རྩ་ཚུགས་པར་ཤོག། སྨན་ལྗོངས་འདིས་མཚན་འཇིག་རྟེན་
ཁམས་ཀུན་ཏུ། །དཀར་མིན་རྒྱུ་དང་དེ་འབྲས་དུཿ ཁའི་དྲི། །དགེ་ལེགས་མཁའ་གླང་གཡོ་པའི་ལྡིང་ཁང་ནས། །བབས་པའི་ཕན་བདེའི་ཆར་གྱིས་དག་པར་ཤོག། །རྒྱུ་སྦྱོར་འབྲེལ་ཐོབ་ཀུན་ཀྱང་གནས་སྐགས་སུ། །ཆོས་མཐུན་རེ་འབྲས་ཡིད་སྨོན་
ལྟར་འགྲུབ་ཅིང༌། །མཐར་ཐུག་སྐུ་བཞིའི་མཁོ་ལག་མྱུར་རྫོགས་ནས། །འགྲོ་ཀུན་གྲོལ་བའི་གཉེན་དུ་གྱུར་ཅིག་གུ། །དེ་ལྟར་དད་གཏོང་སྟོབས་ཀྱིས་ཕྱུག་པའི་དགའ་ལྡན་༧ སྐུ་བཅར་མཁན་པོ་དགེ་སློང་བློ་བཟང་དཔལ་ལྡན་དོན་གྲུབ་ཀྱིས་བར་བྱུང་
བཅུ་བཞི་པའི་ཤིང་གླང་ལོ་ནས་བཟུང་རཱེ་བླ་མ་ཡབ་སྲས་རྣམ་གསུམ་གྱི་བཀའ་འབུམ་གསུང་པར་གསར་བསྐྲུན་སྐབས། །འགྲེལ་ཆེན་སྒྲོན་གསལ་གྱི་དཀའ་གནད་མཆན་བུས་བཀྲལ་པའི་ཡང་འགྲེལ་འདི་ཉིད་དབུས་གཙང་གསུང་འབུམ་བྲི་བར་གྱི་ཁྲོད་དུ་བཞུགས་པ་རྣམས་ལ་བཅད་མཚམས་
4-2-475b


སྤྲུལ་ཤད་དང་། མཆན་བུའི་ཆིག་སྣ་རིང་ཐུང་། དཀྱུས་ཟུར་གྱི་མཆན་བུའི་འདུག་མཚམས་ཀྱང་མཐུན་མིན་ཅི་རིགས་ལ་བརྟེན་བས་མ་ཕྱིའི་ཡིད་རྟོན་དཀའ་བར་བརྟེན། ༧ རྒྱལ་མཆོག་བདུན་པ་ཆེན་པོའི་སྐབས་དབུས་རྒྱུད་སྟོད་སྨད་གཉིས་ཀྱི་འཆད་ཉན་ལ་དམིགས་ཕུགས་པའི་རྩ་རྒྱུད་འགྲེལ་པ་
བཞི་སྦགས་དང་བཅས་པའི་གསུང་པར་གསར་བརྐོས་སྐབས་ཀྱི་བར་བྱང་དུ་གསལ་བ་སྟར། །དཔེ་ཚན་མང་པོ་ཁུ་བསྡུས་ཀྱིས་དཔྱད་ཞིབ་ཕུལ་དུ་ཕྱིན་པ་མཛད་སྣང་ཡང་། བྲིས་བརྐོས་ཀྱི་བཟོ་བའི་ལག་སྨྱོན་ལས་ཡིག་སྡེ་པ་ནོར་བ་དང་། རྟགས་དང་མཆན་བུའི་འཇུག་ཡུལ། མཆན་བུ་དཀྱུས་དང་
དཀྱུས་ཡིག་མཆན་བུར་ཤོར་བའི་བྲིས་སྐྱོན་འགའ་ཟུང་མཆིས་པ་ནི་གཟུར་གནས་ཉམས་མྱོང་ཅན་གྱིས་མཁྱེན་གསལ་དུ་མ་ཟད་། འགྲེལ་པར་དཔེ་རིང་འདི་རང་ལ་བརྟེན་བའི་འགྲེལ་བའི་དག་ཡིག་ཟེར་བ་ཧ་ལ་རྒྱུགས་མཁན་ཕ་ལ་ཆེར་གྱིས་རྟག་དཔྱོད་མེད་པར། འགྲེ་དཔེ་ལས་ཀྱང་དེ་ཉིད་གཅིགས་སུ་
འཛིན་པ་ཞིག་འདུག་ཀྱང་། དེ་ཉིད་ཀྱང་པར་དུ་མ་འཁོད་པའི་སྟགས་ཀྱིས་བྲིས་ནོར་རྒྱུན་འབྱམས་དང་། རེ་ཟུང་ནི་དོན་སྐྱོན་མན་ནམ་སྙམ་པའི་དཔྱོད་གཞི་ཅན་ཞིག་ལས་མཐའ་གཅིག་ཏུ་ཡིད་རྟོན་དཀའ་བ་དང་། །གཞན་ཡང་དེང་དུས་ཀྱི་འཆད་ཉན་སྐབས་སྟེང་མཆན་དང་འོག་མཆན་གྱི་ཐ་སྙད་ཞིག་སྨྲ་ཡང་། མཆན་
དེ་གཉིས་ཟུར་མཚན་ལས་གཞན་མིན་པ་ནི་གོང་དེ་མ་ཐག་༧ རྒྱལ་མཆོག་འདུན་པ་ཚན་པས་རྩལ་བའི་བར་བྱང་དུ་གསལ་བ་བཞིན། མ་ཕྱི་དང་ཡིག་གསར་བྲིས་གཉིས་ཤག་ཚད་ཆེ་ཆུང་ག་དབང་གིས་ཟུར་དང་ཕལ་ཆེར་འོག་ཏུ་བྲི་དགོས་པ་མང་དུ་བྱུང་སོང་བས། །དེ་ལ་ནི་ཐུགས་དོགས་དབོས་མིན་
མིང་འདོགས་རང་ལ་བསམ་བློ་བཏང་ན་གུ་དོག་གི་རྒྱ་ལས་གྲོལ་བར་འབྱུར་ཞིང་། །པར་ཡིག་གསར་བྲིས་སྐབས་གོ་དཀའི་དཀའ་གནད་རིགས་འགའ་ཞིག་དང༌། །དགས་གནས་ཅན་འགའ་ཟུང་ནི་འཆད་ཉན་འཁུར་འཁྲི་གདན་ཟུང་སོགས་ལ་དྲི་རྟོག་ཐོག། །ར་བློས་གང་སྦོབས་ཀྱིས་དཔྱོད་ནས་བྲི་བརྐོའི་
4-2-476a


བྱ་བར་གཞུག་སྟེ་ཞུས་དག་པར་བགྱིད་པའི་ཁུལ་དུ་མཆིས་ཀྱང་། རང་གི་བློ་གྲོས་ཀྱིས་མ་འཆུན་པའི་ཆིག་དོན་གྱི་ཆ་ལ་ནོར་འཁྲུལ་ཤོར་བ་ཡོད་པ་གར་མ་ཆག་པས། །རྣམ་དཔྱོད་ཅན་རྣམས་ཀྱིས་ཞིབ་ཏུ་
དཔྱད་དེ་གད་བརྡང་གྱི་ཚུལ་དུ་ལྷང་ཞུགས་སེལ་བར་རིགས་ཤིང་། རྒྱུ་མཚན་མེད་པར་ཕྱོགས་ལྷུང་གིས་སྨྲ་པའི་བ་ནི་ཡང་དག་པར་རྫོགས་པའི་སངས་རྒྱས་ཀྱིས་ཀྱང་མ་ཁེབས་པས། ཅི་དགའ་བར་སྨྲས་ཀྱང་འགལ་བ་ཡོད་པར་
མ་མངོན་ནོ་ཞེས་འདི་ཉིད་ཀྱི་ཞུས་དག་བྱེད་པོ་རྒྱུད་སྟོད་ཤར་རྩེའི་གོ་མིང་འཇིན་པ་གྱི་ན་པ་སུ་མ་ཏི་མོ་ཀྵས་སྙན་བསྐུལ་གྱི་ཚུལ་དུ་གསོལ་བ་འདེབས་པའོ།།            ཤུ་བྷཾ།། 
4-2-476b


empty page